کتب خانہGranth 19 (Shahmukhi)

۱۷ جیٹھ شہنشاہی سمت ۲ سیوا رام دے گرِہ پِنڈ چکّ پنڈت کیَمپ منوال جموں

جن بھگت کہے سِری بھگوان کٹ دُکھڑا، چِنتا غم سوگ نہ کوئے ستائیا۔ تیری کِرپا اُجل ہووے لوک مات مُکھڑا، مُکھ انتر اپنا نام دے سمجھائیا۔ مات گربھ آؤنا پئے نہ اُلٹا رُکھڑا، چؤراسی والی پھاسی دے کٹائیا۔ تیرے پریم پیار اندر سدا بُھکھڑا، دے درس بُھکھیاں بُھکھ دے گوائیا۔ ساچے نام دا بخش اگمّی ٹُکڑا، جِس نوُں کھادھیاں توٹ رہے نہ رائیا۔ مانَس جنم جائے سُدھرا، سُدھ بُدھ بِبیک بنائیا۔ جوتی جوت سروُپ ہرِ، آپ اپنی کِرپا کر، سچ بھنڈارا دے ورتائیا۔ جن بھگت کہے پربھ جنم جنم دی کٹ تنگی، جگت کلیش رہن نہ پائیا۔ آتم پرماتم بن سنگی، دُھر دا سنگ بنائیا۔ نام وست ساچی دات دے منگی، انڈِٹھڑی جھولی پائیا۔ دُئی دوَیت اندروں ڈھاہ کندھی، اندھ اگیان دے چُکائیا۔ جھگڑا رہے نہ خانہ بندی، چؤراسی پھاسی نظر کوئے نہ آئیا۔ ساچا نام ڈھولا گائیے چھندی، چھند انند تیرا نظری آئیا۔ جنم جنم دی کرم کرم دی وِچھڑی آتم تیرے نال جائے گنڈھی، پاربرہم برہم مِل کے خوشی منائیا۔ تیرے ساچے رس دی آوے اِک سُگندھی، دُرگندھی در رہے نہ رائیا۔ ایتھے اوتھے دو جہاناں جن بھگتاں پِٹھ ہوئے نہ ننگی، پُشت پناہ اپنا ہتّھ ٹِکائیا۔ لوک مات وربھنڈی وِچ ہوئے موُل نہ بھنڈی، بھانڈا بھرم دینا بھنائیا۔ ساچے نام دی سَت سَتواد سُناؤنی اِک سُرنگی، سُر تال دی لوڑ رہے نہ رائیا۔ جن بھگت آسا تیرا چرن بھرواسا پُرکھ ابناشا سدا سدا سد رہی منگی، مانگت ہو کے جھولی ڈاہیِا۔ جوتی جوت سروُپ ہرِ، آپ اپنی کِرپا کر، ساچا دے اِک ور، ہرِ سنت سُہیلے گُر چیلے لا اپنے انگی، انگیکار ایکنکار نِراکار آپ اکھوائیا۔

۱۷ جیٹھ شہنشاہی سمت ۲ دھرمو دیوی دے گرِہ پِنڈ خَیرووال منوال کیَمپ جموں

جن بھگت کہے پربھ تیرا میرا سانجھا ہووے رِشتہ، رِشتہ دُنی نہ کوئے وڈیائیا۔ نیڑ آئے نہ کوئے فرِشتہ، جم دنڈ نہ کوئے لگائیا۔ لہنا دینا پِچھلا مُک جائے آہستہ آہستہ، ویلا وقت گیا آئیا۔ تیرے کول آد جُگادی سَت فہرِشتا، ہرجن اپنے لےَ جگائیا۔ جِنہاں دے اندر وڑ کے ساچا دیویں نِسچا، نِہچل دھام دینا وکھائیا۔ اِکو پُرکھ اکال ہو کے اِشٹا، درِشٹی دا دیِرگھ روگ دینا مُکائیا۔ مِہروان ہو کے جن بھگتاں رہیں دِسدا، لوچن نیَن اکّھ بند نہ کوئے کرائیا۔ لہنا دینا دینا جِس جِس دا، در گھر جا کے جھولی پائیا۔ حِساب رکھے پُرکھ اکال اِک اِک دا، ابُھل بُھل وِچ کدے نہ آئیا۔ جوتی جوت سروُپ ہرِ، آپ اپنی کِرپا کر، نِہکلنک نرائن نر، مہاراج شیر سِنگھ وِشنوُں بھگوان، اُہناں دا لیکھا آپ لِکھدا، جِنہاں دی لِکھت اَگے سکے نہ کوئے مِٹائیا۔

۱۷ جیٹھ شہنشاہی سمت ۲ دیوا سِنگھ دے گرِہ پِنڈ دھنگالی کیَمپ مانَسر جموں

جن بھگت کہے پربھ کِرپا کر چھیتی، شہنشاہ اپنی دَیا کمائیا۔ بھگت سُہیلے بنا انتر آتم دے بھیتی، پڑدا اوہلا دے چُکائیا۔ اَگے کوٹن کوٹ تَینوُں کہہ کے گئے نیتی نیتی، رسنا جِہوا ڈھولا صِفت صلاحیِا۔ تُوں آد جُگاد جُگ چؤکڑی بنیا رِہوں پردیسی، کھوجیاں ہتّھ کِسے نہ آئیا۔ کلجُگ انت سِری بھگوَنت جن بھگتاں نال کر اپنی نیکی، نِکّیاں توں وڈّے لےَ بنائیا۔ تیری یاد کرے نہ کوئی ویکھا ویکھی، سِدھا اپنا رنگ رنگائیا۔ نام سندیشہ شبد سُنیہڑا دُھر دا بھیجیں، بھجن بندگی اِک سمجھائیا۔ جلوہ نوُر دینا تیجی، تپدے ہِردے شانت کرائیا۔ پریِتی بنی رہے سچّے نیہوں دی، نیہوں اندر اِک جنائیا۔ دھار برسے امرت مینہ دی، اگنی اگّ نہ لاگے رائیا۔ جوتی جوت سروُپ ہرِ، آپ اپنی کِرپا کر، دُھر دی بخشنی اِک سرنائیا۔ جن بھگت کہے پربھ جھگڑا مُک جائے مورا تورا، تُرت پڑدا دے اُٹھائیا۔ شبد اگمّی بھیج گھوڑا، آسن پلانے لوڑ رہے نہ رائیا۔ ناد سُنا دے دُھر دا دوہرا، سچ سچ جنائیا۔ جن بھگت بنا لےَ اپنا بانکا چھوہرا، اِستری پُرش ونڈ نہ کوئے ونڈائیا۔ آتم پرماتم بنیا رہے جوڑا، جُگ چؤکڑی ہووے نہ کدے جُدائیا۔ سوہنا لگدا رہے

تیرا سسّے اُپر ہوڑا، ہاہے ٹِپی ہرِ ہرِ روُپ بدلائیا۔ جوتی جوت سروُپ ہرِ، آپ اپنی کِرپا کر، جن بھگتاں سدا آسا پوُری کر لوڑا، مہاراج شیر سِنگھ وِشنوُں بھگوان، ڈوری تیرے ہتّھ نظری آئیا۔

۱۷ جیٹھ شہنشاہی سمت ۲ لال چند دے گرِہ پِنڈ موئل کیَمپ مانَسر جموں

جن بھگت کہے پربھوُ تُوں اپنی کر دے رحمت، مِہروان مِہر نظر اُٹھائیا۔ کوُڑی کِریا اندروں کڈھ دے زحمت، جماں دا روگ چلے نہ رائیا۔ نام بھنڈارا دے دے نیامت، نِمکھ نِمکھ تیرا دھیان لگائیا۔ گُرمْکھ کوئی نہ رہے احمق، موُڑھاں ڈیرہ ڈھائیا۔ اپنے شبد اِشارے دی دسّ اگمّی سیَنت، جگت نیتر اکّھ نہ کوئے کُھلائیا۔ جوتی جوت سروُپ ہرِ، آپ اپنی کِرپا کر، ساچی سرن دینا جنائیا۔ جن بھگت کہے سِری بھگوَنت بن دُھر دا ساتھی، ساتھ اپنا دے نِبھائیا۔ تیری بھیٹا کرنا نہیں کوئی ایراپت، ہاتھی، اسوَ بھیٹ نہ کوئے چڑھائیا۔ سِمرن جوگ نہ پوُجا پاٹھی، مالا منکا نہ کوئے پِھرائیا۔ جاگیا نہیں جاندا راتی، جلدھار سیِس نہ کوئے گِرائیا۔ تیِرتھاں اُتے ماری نہیں جاندی واٹی، ورقہ ورقہ نہ کوئے اُلٹائیا۔ اِکو سمجھیئے تُوں میرا مَیں تیرا دوہاں دی اِکو ذاتی، دوُجا نظر کوئے نہ آئیا۔ تیری سندھیا کھیل پربھاتی، تیرا نوُر نوُر رُشنائیا۔ درشن منگیئے اِک اِکانتی، جوتی جوت سروُپ ہرِ، آپ اپنی کِرپا کر، ساچے در دینی وڈیائیا۔ جن بھگت کہے پربھ کھول خلاصہ، خوشیاں دے وکھائیا۔ تیرا نوُر ہووے پرکاشا، اندھ اندھیر دے مِٹائیا۔ ساچے گرِہ ساچے مندر نِرگُن سرگُن ویکھے کھیل تماشا، شمع دِیپک اِکو جوت ہووے رُشنائیا۔ جن بھگتاں پوُری کر آسا، اصل اپنا آپ سمجھائیا۔ جنم جنم دا پوُرا کر دے گھاٹا، گھاٹ اپنے پار لنگھائیا۔ نیَن اُٹھا کے ساتھوں تکّیاں نہیں جاندیاں واٹاں، راتیں سُتّیاں دِنے جاگدیاں سنمُکھ ہو کے درس دِکھائیا۔ جوتی جوت سروُپ ہرِ، آپ اپنی کِرپا کر، مہاراج شیر سِنگھ وِشنوُں بھگوان، جن بھگت سُہیلے تیریاں سچّیاں شاخاں، شناخت تیری رِہیاں کرائیا۔

۱۷ جیٹھ شہنشاہی سمت ۲ سیوا سِنگھ دے گرِہ پِنڈ دھنگالی کیَمپ مانَسر جموں

جن بھگت کہے پربھ شبدی دھار گوبِند تیرا پرگٹ، پرگنے اپنے ڈیرہ لائیا۔ جِتھے کدے نہ ہووے مرگھٹ، شمشان بھوُمی روُپ نہ کوئے بنائیا۔ اِکو اِک ساچا ملِے امرت رس، رستہ رہبر ہو کے دے سمجھائیا۔ آتم پرماتم کر کے وس، ناتا کوُڑا دے چُھڈائیا۔ نِج نیتر کھول کے دُھر دی اکّھ، بِن اکھّراں کر پڑھائیا۔ دُھر دوارا دسّ کے اِکو سچ، گھر ٹھاکر سوامی سجّن لےَ مِلائیا۔ سدا سُہیلا رکھنہارا پت، پت پرمیشور مِہر نظر اِک اُٹھائیا۔ جن بھگتاں رہن نہ دیویں کدے وکّھ، وکھّرے گھر نہ کوئے ٹِکائیا۔ مانَس جنم پنج تت کایا چولا سب نے جانا چھڈ، ہڈّ ماس ناڑی پِنجر کمّ کِسے نہ آئیا۔ سچ دوارے ہرجن ساچے جانا وس، بھگت بھگوان مِل کے اِکو رنگ سمائیا۔ جوتی جوت سروُپ ہرِ، آپ اپنی کِرپا کر، نِہکلنک نرائن نر، مہاراج شیر سِنگھ وِشنوُں بھگوان، سرب کلا سمرتھ، جن بھگتاں دیوے اگمّی وتھ، امرت آتم رس لَینا چکھ، چسکا کوُڑ رہے نہ رائیا۔

۱۸ جیٹھ شہنشاہی سمت ۲ مہِنگا رام دے گرِہ پِنڈ دھنگالی کیَمپ مانَسر جموں

جن بھگت کہے پربھ کِرپا کریں آپ، ساڈے وِچ نہ کوئے وڈیائیا۔ جنم کرم دا دھوویں پاپ، کایا ماٹی کر صفائیا۔ نام بھنڈارا بخش دات، سَت سَتوادی جھولی پائیا۔ اندر رہے نہ اندھیری رات، کوُڑ بھرم دینا کڈھائیا۔ سدا سدا سد رہے تیری یاد، وِچھوڑے وِچ وِچھڑ کدے نہ جائیا۔ بِن تیری کِرپا ہوئے نہ کوئی آباد، گھر ساچا دے وکھائیا۔ جوتی جوت سروُپ ہرِ، آپ اپنی کِرپا کر، مِہر نظر نال ترائیا۔ جن بھگت کہے اپنی آپ کر کِرپا، مَینوُں دسّن دی لوڑ رہے نہ رائیا۔ مِہروان ہو کے کٹ بِپتا، دُکھیاں دُکھ دے گوائیا۔ تُوں آد جُگاد سب دا لیکھا لِکھدا، بِدھنا لیکھا دے مِٹائیا۔ پیار کر ساچے ہِت دا، پِتا پوُت گود اُٹھائیا۔ روُپ دے دے ساچے سِکھ دا، سِکھیا دُھر دی اِک سمجھائیا۔ اندر جھگڑا رہے نہ کوئی کوُڑی وِکھ دا، امرت بوُند سوانتی مُکھ چوائیا۔ جِدھر ویکھاں اودھر سدا رہیں دِسدا، چاروں کُنٹ نظری آئیا۔ جوتی جوت سروُپ ہرِ، آپ اپنی کِرپا کر، سِر میرے ہتّھ ٹِکائیا۔ جن بھگت کہے پربھ ویکھ

میری حالت، آپ اپنا دھیان لگائیا۔ بِن تیری کِرپا ہووے نہ سچ عبادت، ڈھولا گیِت نہ کوئے گائیا۔ کِرپا کر کے بدل لےَ اپنی عادت، بھگتاں ہو سچ سہائیا۔ مایا ممتا میٹ جہالت، جہاں تہاں دے وڈیائیا۔ تیرا نام پدارتھ ملِے نیامت، رس کھا کھا خوشی منائیا۔ وِکار رہے نہ کوئی علامت، ہنکار اندروں دینا کڈھائیا۔ لوک مات شبدی دھار دے ضمانت، جوتی جوت سروُپ ہرِ، آپ اپنی کِرپا کر، در گھر ساچا دے وکھائیا۔ جن بھگت کہے پربھ آ کے ویکھ ساڈا حال، حال حال کر دُہائیا۔ جگت دُکھی ہویا وال وال، ولولے اندروں نہ کوئے کڈھائیا۔ پِتا گود اُٹھائے نہ کوئے بال، بچپن لیکھے کوئے نہ پائیا۔ اندر باہر گُپت ظاہر چلے نہ کوئے نال، سگلا سنگ نہ کوئے بنائیا۔ پریم پیار دا وجےّ نہ کوئے تال، دُکھیاں دُکھ رہے ڈرائیا۔ کوُڑی کِریا وِچوں کر بحال، اگلا لہنا دے جنائیا۔ جوتی جوت سروُپ ہرِ، آپ اپنی کِرپا کر، اِکو دینا ساچا ور، جن بھگت منگے تیری سرنائیا۔ جن بھگت کہے مَیں کراں کی، سمجھ سمجھ وِچ نہ آئیا۔ جگت واسنا ناتا جُڑیا پُتر دھی، ساک سبندھ کُٹمب گنڈھ پوائیا۔ نِرمل ہوئے نہ انتر جی، پتت پتت پُنیِت نہ کوئے کرائیا۔ جھگڑا رکھے نہ ساڈھے تِنّ ہتّھ سیں، سَتگُر سرن دیوے نہ کوئے وڈیائیا۔ بِن تیری کِرپا امرت برکھے کوئے نہ مینہہ، اگنی تت نہ کوئے بُجھائیا۔ جوتی جوت سروُپ ہرِ، آپ اپنی کِرپا کر، نِہکلنک نرائن نر، مہاراج شیر سِنگھ وِشنوُں بھگوان، سد چرن بلہارے جن بھگتاں مَیں جاواں تھیں، تھان تھننتر اِکو دے وکھائیا۔

۱۸ جیٹھ شہنشاہی سمت ۲ سنتو دیوی دے گرِہ پِنڈ دھنگالی کیَمپ مانَسر جموں

جن بھگت کہے پربھ آ کے ویکھ ساڈا رُکھا سُکھا ٹُکر، ٹُکڑیاں والی ونڈ نہ کوئے ونڈائیا۔ جِس نوُں کھا کے کریئے تیرا شُکر، دھنّ دھنّ دھنّ تیری بےپرواہیِا۔ مِہروان نِرگُن دھاروں آ اُتر، اُتّر پوُرب پچھّم دکھّن ویکھ وکھائیا۔ کیِتا قؤل اِقرار نہ جاویں مُکر، ویلا وقت دئے گوائیا۔ جوتی جوت سروُپ ہرِ، آپ اپنی کِرپا کر، مِہروان مِہر نظر اُٹھائیا۔ جن بھگت کہے پربھ آپ آ کے ویکھ ساڈا دلِدر، دلیِل سکے نہ کوئے جنائیا۔ بھرمے پِھردے اِدھر اُدھر، ساچا گھر نہ کوئے بنائیا۔ دے وڈیائی وانگ بِدر، کوجھے کملے گلے لگائیا۔ نِرگُن

نِروَیر ہو جا پِتر، پاربرہم بےپرواہیِا۔ غریِب نِمانیاں بنا مِتر، ممتا اپنے نال رکھائیا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ ٹِکائیا۔ جن بھگت کہے پربھ دسّ کریئے کی پُکار، نِیوں نِیوں سیِس نِوائیا۔ تُوں سب کُچھ ویکھنہار، ابُھل تیری بےپرواہیِا۔ جگت وِچ ہوئے خوار، گھر گھر پئی دُہائیا۔ سرِشٹی طعنے رہی مار، انیالے تیِر چلائیا۔ چھڈ گئے بھَین بھائی ساک سجّن یار، ناتے کوُڑے گئے تُڑائیا۔ کر کِرپا ساچا دے ادھار، مِہر نظر اِک اُٹھائیا۔ کوٹاں وِچوں تھوڑے تیرے نام دا کرن جَیکار، نعرہ دُھر دا اِک لائیا۔ کوُڑی کِریا کلجُگ وِچوں کڈھ باہر، بَیروُنی لیکھا دے مُکائیا۔ سَتجُگ تریتا دواپر کلجُگ تیری کردے رہے اِنتظار، اُڈیِک وِچ دھیان لگائیا۔ انتم کِرپا کر کے مِلیوں آن، آپ اپنا پھیرا پائیا۔ ناؤں رکھ کے مہاراج شیر سِنگھ وِشنوُں بھگوان، بھاگ ساڈا دے بدلائیا۔ دُکھ رہے نہ وِچ جہان، دلِدر اندروں دے تجائیا۔ جوتی جوت سروُپ ہرِ، آپ اپنی کِرپا کر، تیرے دواریوں جن بھگت سُہیلے منگدے سچّا دان، دانشمندی اپنی پریِتی پریِتم دے ورتائیا۔

۱۸ جیٹھ شہنشاہی سمت ۲ پرکاشو دیوی پِنڈ نگیال کیَمپ مانَسر جموں

جن بھگت کہے پربھ نیڑے آ اَگے، گھر آ کے ویکھ وکھائیا۔ ساڈے پاٹے چیِتھڑ جھگّے، اوڈھن سیِس نہ کوئے ٹِکائیا۔ دُدھ دہی دے خالی مّگھے، امرت رس نہ کوئے چکھائیا۔ دِیپک سچ کوئی نہ جگے، اندھ اندھیرا رہیا ڈرائیا۔ بُھکھے ننگے پِھردے بھجےّ، نَٹھیئے واہو داہیِا۔ ساچی وست کوئی نہ لبھے، دِوس رَین کُرلائیا۔ اِکو تیری سرن لگّے، باقی چھڈی سرب لوکائیا۔ پڑھنے چھڈے ککّے کھکھےّ گگّے گھگھّے، سوہنگ ڈھولا رہے گائیا۔ دُکھ دُنیاوی سانوُں دسّ وجھے، کِیوں مات رہیا تڑپھائیا۔ اسیں چھوٹے ننھے تیرے بچّے، پِتا پُرکھ اکال ہو سہائیا۔ اسیں بچن کردے سچّے، دُکھ اپنے رہے جنائیا۔ بِن تیری کِرپا کدے نہ ہوئیے پکّے، کچّے کرے جگت لوکائیا۔ اِکو آسا منسا درشن کریئے اپنی اکّھے، آخر مِل کے خوشی منائیا۔ سُکھاں والے کھائیے بھتےّ، بھٹکنا اوَر رہے نہ رائیا۔ کرم ماڑے جان کٹے، سُکھ ملِے سبنی تھائنیا۔ جگت مخؤل کرے نہ ٹّھٹھے، ٹھوکر سب نوُں دے لگائیا۔ وَیر رہے نہ گھڑے وٹےّ، ٹھیِکر کوُڑا بھنّ دے

سزائیا۔ جو تیرا نام رہے جپے، جامہ اُہناں دا ویکھ وکھائیا۔ سرن سرنائی تیری ڈھٹّھے، سیِس جگدیِش ہتّھ ٹِکائیا۔ جن بھگت کہن پربھوُ سانوُں چرناں وِچ کر لےَ اِکٹّھے، چار کُنٹ وِچھوڑے وِچ جھلّی نہ جائے جُدائیا۔ جوتی جوت سروُپ ہرِ، آپ اپنی کِرپا کر، مہاراج شیر سِنگھ وِشنوُں بھگوان، تیرے در دوار ہرِ بھگت سُہیلے سدا سدا سد آون نَٹھے، اَگے ہو کے نہ کوئے اٹکائیا۔

۱۸ جیٹھ شہنشاہی سمت ۲ گُردت سِنگھ دے گرِہ پِنڈ چھمب کھوُن کیَمپ جموں

جن بھگت کہے کِیوں بھگت سُہیلا مات آؤندا، سچکھنڈ نِواسی اپنا پھیرا پائیا۔ کِیوں نِرگُن سرگُن ویس وٹاؤندا، جوتی شبدی دھار بےپرواہیِا۔ کِیوں وِشن برہما شِو سیو لگاؤندا، حُکمے اندر حُکم لگائیا۔ کِیوں ترےَگُن مایا پنج تت کھیل کھِلاؤندا، مِہر نظر اِک اُٹھائیا۔ کِیوں لکّھ چؤراسی ونڈ ونڈاؤندا، حُکمے اندر حُکم ورتائیا۔ کِیوں چارے کھانی روُپ دھراؤندا، انڈج جیرج اُتبُھج سیتج اپنا بھیو جنائیا۔ کِیوں چارے بانی شبد الاؤندا، پرا پسنتی مدھم بَیکھری گائیا۔ کِیوں چارے وید جناؤندا، برہم ویتا کر پڑھائیا۔ کِیوں چارے کُنٹ سُہاؤندا، اُتّر پوُرب پچھّم دکھّن کر رُشنائیا۔ کِیوں چارے ورن بناؤندا، کھتری براہمن شوُدر وَیش ونڈ ونڈائیا۔ کِیوں برہمنڈ کھنڈ پُری لوء آکاش پاتال رچاؤندا، کِیوں دھرنی دھرت دھوَل جل وِچ سمائیا۔ کِیوں سمُند ساگر کھیل کھلاؤندا، ندیاں نالے ونڈ ونڈائیا۔ کِیوں ٹِلّے پربت جنگل جوُہ اُجاڑ پہاڑ اُپجاؤندا، پتّ ٹہنی کِیوں لہرائیا۔ کِیوں جیِون مرن بناؤندا، گھڑیا بھنّ وکھائیا۔ کِیوں نِرگُن ہو کے سرگُن حُکم ورتاؤندا، شبدی شبد کریں شنوائیا۔ کِیوں گُر اوتار پیِر پَیغمبر ویس وٹاؤندا، نوَ ستّ پھیرا پائیا۔ کِیوں بھگت بھگوان راگ الاؤندا، انحد نادی ناد وجائیا۔ کِیوں سنت سُہیلے مات پرگٹاؤندا، سادھنا دُھر دی دئیں سمجھائیا۔ کِیوں گُرمْکھ گُر گُر ہو کے گود اُٹھاؤندا، گہر گمبھیِر بےپرواہیِا۔ کِیوں گُرسِکھ اپنے رنگ رنگاؤندا، رنگ رتڑا شہنشاہیِا۔ کِیوں اٹھسٹھ تیِرتھ ونڈ ونڈاؤندا، حُکمے اندر حُکم بھوائیا۔ کِیوں کھانی بانی رچن رچاؤندا، نِراکھّر اکھّراں وِچوں پرگٹائیا۔ کِیوں پنج تت مندر آپ سُہاؤندا، گرِہ بہہ کے سوبھا پائیا۔ کِیوں کام کرودھ لوبھ موہ ہنکار دھار چلاؤندا، سرِشٹی درِشٹی نال مِلائیا۔ کِیوں من مت بُدھ

وِچار وکھاؤندا، سوچ سمجھ دا گیڑا دِتا بھوائیا۔ کِیوں بھوُت بھوِکھ اپنی کار کماؤندا، شاہ پاتشاہ سچّا شہنشاہیِا۔ کِیوں دیِن دُنی مِٹاؤندا، تت رہن نہ کوئے پائیا۔ کِیوں وِدیا وِدَیالیاں وِچ پڑھاؤندا، دُھر سندیشہ حُکم سُنائیا۔ جن بھگت کہے پربھ کِیوں نہیں سرگُن آپ ویس وٹاؤندا، موہے بھیو دے کُھلائیا۔ دوئے جوڑ بینتی سیِس چرن نِواؤندا، نِیوں نِیوں لاگاں پائیا۔ جوتی جوت سروُپ ہرِ، آپ اپنی کِرپا کر، دُھر فرمانا اِک دِرڑائیا۔ جن بھگت کہے پربھوُ کِیوں بنیوں اگمّ اتھاہ، کی تیری بےپرواہیِا۔ کوٹن کوٹ برہمنڈ کھنڈ دِتے رچا، روَ سس کرن رُشنائیا۔ منڈل منڈپ دِتے سُہا، حُکمے اندر حُکم منائیا۔ ویس انیِاں لئے وٹا، روُپ رنگ نہ کِسے جنائیا۔ کھیلیں کھیل ہرِ گھٹ تھاں، نوُر نوُرانہ کر رُشنائیا۔ تیرا لیکھا جانے کوئے نہ، بےانت ہو کے بےانت وِچ ڈیرہ لائیا۔ کِیوں سب دا بنیا پِتا ماں، کِیوں گود رہیا اُٹھائیا۔ کِیوں ہنس بنائے کاں، کِیوں کاگوں ہنس اُڈائیا۔ کِیوں دیویں ٹھنڈی چھاں، کِیوں سِر اپنا ہتّھ ٹِکائیا۔ کِیوں آون جاون کھیل دِتا رچا، رائے دھرم ونڈ ونڈائیا۔ کِیوں لیکھا لِکھائیں تھاؤں تھاں، چِتر گُپت بَیٹھا سیو کمائیا۔ کِیوں لاڑی مؤت لئی اُپجا، جو گھڑیا بھنّ وکھائیا۔ جن بھگت کہے پربھ میرا پڑدا دے لاہ، بھیوَ ابھیدا رہے نہ رائیا۔ تُوں مالک محبوُب میرا خُدا، خود اِکو نظری آئیا۔ تیرا ڈھولا گیِت رہیا گا، گہر گمبھیِر تیری سرنائیا۔ جوتی جوت سروُپ ہرِ، آپ اپنی کِرپا کر، نِہکلنک نرائن نر، مہاراج شیر سِنگھ وِشنوُں بھگوان، شبدی حُکم اندر دے سمجھا، بُدھی دی لوڑ رہے نہ رائیا۔

۱۹ جیٹھ شہنشاہی سمت ۲ سنسار سِنگھ دے گرِہ پِنڈ چھمب کیَمپ کھوُن جموں

جن بھگت کہے پربھوُ کِیوں آویں جگت، سَت سچ دے دِرڑائیا۔ کِیوں پرگٹ کریں اپنی شکت، شکتی اپنے وِچوں اُپائیا۔ کِیوں اُدھاریں ساچے بھگت، بھگوَن ہو کے ویکھ وکھائیا۔ کِیوں اِکو ڈھولا دسّیں فقط، فِقرہ سچ پڑھائیا۔ کِیوں سُہاویں سچ وقت، جُگ چؤکڑی پھیرا پائیا۔ کِیوں جودھا سوُربیِر مردان بنیا مرد، نِرگُن ہو کے بھجّیں واہو داہیِا۔ کِیوں غریِب نِمانیاں ونڈیں درد، دُکھیاں دُکھ اپنی جھولی پائیا۔ کِیوں شرع چُھری چلائی کرد، قاتل مقتوُل اپنا کھیل وکھائیا۔ کِیوں بینتی سُنیں عرض، کِیوں چرناں اُتے مستک رہیا رگڑائیا۔ جن بھگت کہے پربھوُ پڑدا کھول کر ناپڑد، اوہلا کایا چولا رہن کوئے نہ پائیا۔ جن بھگت کہے پربھوُ کِیوں آویں

مات، مِتر پیارے مَینوُں دے سمجھائیا۔ کِیوں بنائے دِوس رات، گھڑی پل ونڈ ونڈائیا۔ کِیوں کھیلیں کھیل تماش، برہمنڈ کھنڈ اپنی راس رچائیا۔ کِیوں سُرتی شبدی کریں ناچ، نٹوُآ ہو کے سانگ کرائیا۔ کِیوں شبد سُنیہڑے دیویں ساچ، کِیوں جوُٹھ جھوُٹھ اُپجائیا۔ کِیوں سیجا سوویں جگت کھاٹ، کِیوں انتر آتم بہہ کے خوشی منائیا۔ کِیوں جُگ چؤکڑی کٹیں واٹ، نِرگُن سرگُن بن کے پاندھی راہیِا۔ کِیوں بھگتاں دیویں ساتھ، سچ دینا سمجھائیا۔ کِیوں بنیں ترلوکی ناتھ، کِیوں سلوکی ڈھولا گائیا۔ کِیوں کہیں بھوِکھت واک، حُکم نال حُکم بدلائیا۔ کِیوں سیوک کریں چاک، چاکر روُپ دھرائیا۔ جن بھگت کہے میری پوُری کر دے آس، ترِشنا ترِکھا دے گوائیا۔ کِیوں لوک مات نِرگُن جوت کریں پرکاش، نوُر نوُر کر رُشنائیا۔ جوتی جوت سروُپ ہرِ، آپ اپنی کِرپا کر، نِہکلنک نرائن نر، مہاراج شیر سِنگھ وِشنوُں بھگوان، اپنا کھیل دسّ خاص، خصوُصیّت خصم ہو کے دے جنائیا۔

۱۹ جیٹھ شہنشاہی سمت ۲ کھیمو دیوی دے گرِہ پِنڈ دھنگالی کیَمپ کھوُن جموں

جن بھگت کہے پربھ کِیوں دِتا خاکی تن، ناتا تتّاں نال جُڑائیا۔ کِیوں بخشیا بُدھی من، مِہر نظر اُٹھائیا۔ کِیوں جنائے سرون کنّ، ساچی ونڈ ونڈائیا۔ کِیوں بخشیا مال دھن، خزینہ بےپرواہیِا۔ کِیوں بنایا اپنا جن، جنم کرم دے دِرڑائیا۔ کِیوں پڑدا رکھایا وِچ برہم، پاربرہم لیکھا دے چُکائیا۔ کِیوں خوشی رکھی غم، چِنتا نال مِلائیا۔ کِیوں پوَن سواس دِتا دم، رسنا جِہوا نال وڈیائیا۔ کِیوں ہڈّ نال جوڑیا چمّ، رَکت بوُند ونڈ ونڈائیا۔ کِیوں پرکاش کیِتا ساچا نوُر جوت چنّ، سیِتل دھار کِیوں پرگٹائیا۔ کِیوں بنایا مات کرم، کانڈ کِیوں جھولی پائیا۔ کِیوں ونڈ ونڈائی ذات پات دھرم، مذہب حِصّیاں وِچ رکھائیا۔ کِیوں لیکھا رکھّیا بھرم، پڑدے اوہلے وِچ چُھپائیا۔ کِیوں بدلدا روھیں جنم، لکّھ چؤراسی وِچ بھوائیا۔ کِیوں رکھّیا حیا شرم، نیتر نیَن شرمائیا۔ کِیوں دوَیتی لایا ورم، آر پار دِتا کرائیا۔ کِیوں نیتر کھولیا ہرن پھرن، نِج لوچن کر رُشنائیا۔ کِیوں بھےَ وِچ سارے ڈرن، بھؤ کوَن رہیا وکھائیا۔ کِیوں منزل چوٹی تیری چڑھن، کِیوں کرن پڑھائیا۔ کِیوں بِرہوں وَیراگ اندر مرن، وِچھوڑا رہیا ستائیا۔ کِیوں بخشی سچّی سرن، صاحب سوامی دے سمجھائیا۔ کِیوں آد جُگاد جُگ چؤکڑی کریں پرن، بھوِکھتاں وِچ گنڈھ پوائیا۔ کِیوں لکّھ چؤراسی نال آویں لڑن، ہنکاری وِکاری کھیل کھِلائیا۔

کِیوں اگنی آویں سڑن، پنج تت کایا چولا دئیں تجائیا۔ کِیوں گوَر آویں وڑن، مقبریاں وِچ بہہ کے سوبھا پائیا۔ کِیوں بھگت بھگوان آویں پھڑن، بھجّیں واہو داہیِا۔ جن بھگت کہے پربھ کِیوں تیرا بھانا گُرمْکھ جرن، ذرا ذرا آپ کٹائیا۔ جوتی جوت سروُپ ہرِ، آپ اپنی کِرپا کر، نِہکلنک نرائن نر، مہاراج شیر سِنگھ وِشنوُں بھگوان، جن بھگت کِیوں لڑ تیرا پھڑن، بھیوَ ابھیدا دے کُھلائیا۔

۱۹ جیٹھ شہنشاہی سمت ۲ شنکر داس دے گرِہ پِنڈ ملک کھوُن کیَمپ جموں

جن بھگت کہے پربھ کِیوں بنائے زِمیں اسمان، جگت زمانہ کھیل کھِلائیا۔ کِیوں پرگٹائے روَ سس سوُریہ چند بھان، کِرن کِرن تیج جوت رُشنائیا۔ کِیوں بنائے برہمنڈ کھنڈ دو جہان، بےانت انت اپنے وِچ چُھپائیا۔ کِیوں گُر اوتار پَیغمبر دِتا دان، شبد نِدھانا نظری آئیا۔ کِیوں کھیل کھِلائیں گوپی کاہن، کِیوں سیِتا رام وجّی ودھائیا۔ کِیونموُسیٰ عیسیٰ محمد دِتا فرمان، کلمہ دُھر دا اِک دِرڑائیا۔ کِیوں نانک دسّیا سَتنام، سَت سَت وِچوں سمجھائیا۔ کِیوں گوبِند فتح ڈنک وجایا آن، حُکمے اندر حُکم ورتائیا۔ کِیوں ناد دُھن سُنائے گان، کِیوں نام کری شنوائیا۔ کِیوں جنگل بیلے بنائے بیابان، بن کھنڈ کِیوں ونڈ ونڈائیا۔ کِیوں کھیلیں کھیل ہر گھٹ وِچ درمیان، اُپر تھلّے سمجھ کوئے نہ پائیا۔ کِیوں دُئی دوَیتی شرع بنایا شیَطان، چار کُنٹ کرے لڑائیا۔ کِیوں پنکھی پنچھی بنائے حیوَان، کِیوں اِنساناں ونڈ ونڈائیا۔ کِیوں شستر چِلّہ بنائے تیِر کمان، کِیوں بھتّھے کندھ اُٹھائیا۔ کِیوں مان موہ ہنکار وِکار بنایا گُمان، بھیکھ پاکھنڈ کِیوں رچن رچائیا۔ کِیوں بنایا پیِون کھان، کِیوں ترِشنا جگت ہلکائیا۔ کِیوں کرایا مدھ پان، کِیوں نشیاں وِچ رُلائیا۔ کِیوں بھوُمکا بنائی شمشان، کِیوں مقبریاں کھیل کھِلائیا۔ کِیوں بنیا رہیا نادان، جگ ویکھن کوئے نہ پائیا۔ کِیوں حُکم حاکم بنائے وِدھان، کِیوں حکوُمت رہیا چلائیا۔ جن بھگت کہے پربھوُ اپنا کھول کے دے بیان، بےایمانی وِچ نہ کوئے رکھائیا۔ کِیوں ہوئیوں جانی جان، ہر گھٹ ویکھے تھاؤں تھائنیا۔ کِیوں کلجُگ انت بنیوں ترکھان، تِکھی دھار آپ پرگٹائیا۔ کِیوں بدلیا روُپ مہان، ویس جٹّاں والا وکھائیا۔ کِیوں مارن آئیوں افغان، فَیصلہ حق حق سُنائیا۔ کِیوں خالی کرن آئیوں مَیدان، مدد اوَر نہ کوئے منگائیا۔ کِیوں سرِشٹی کیِتی حَیران،

ہِردے ہرِ نہ کوئے دِھیائیا۔ کِیوں شبدی سُت لیایا نال جوان، جوبنونتا نظری آئیا۔ کِیوں اپنے ہتّھ پھڑی کمان، کامل مُرشد پھیرا پائیا۔ کِیوں دو جہان بنیوں پردھان، پردھانگی اپنی رہیا وکھائیا۔ جن بھگت کہے پربھوُ جُگ جُگ کِیوں نہیں بَیٹھدا نال آرام، جھنجٹاں، وِچ جھنجٹ پا کے جھگڑا ویکھیں جگت لوکائیا۔ ابناشی کرتا کہے جُگ چؤکڑی چھیڑ چھیڑنی میرا کام، سب دی کرنی کرنی ناکام، من مت بُدھ میٹنی تمام، کوُڑا رہن نہ دینا حرام، شرع شریعت میٹ شیَطان، اِکو روُپ نظری آئے سب نوُں بھگوان، بھگوَنت ہو کے اپنی کھیل کھِلائیا۔

۱۹ جیٹھ شہنشاہی سمت ۲ پوُرن چند پِنڈ ملک کھوُن کیَمپ جموں

جن بھگت کہے پربھوُ کِیوں بنائے لوک پرلوک، کِیوں پرلو اپنے حُکم وِچ رکھائیا۔ کِیوں ہر گھٹ تھاں پرکاش کیِتی جوت، اپنے نوُر نال چمکائیا۔ کِیوں شبد اگمّی لاویں چوٹ، سوئے سرب اُٹھائیا۔ کِیوں سُہاویں قِلعہ کوٹ، بنک دوارے دئیں وڈیائیا۔ کِیوں جناویں سچ سلوک، اپنا نام کریں پڑھائیا۔ کِیوں بخشیں مکُتی موکھ، کِیوں مُفت اپنے وِچ سمائیا۔ کِیوں نِرگُن ہو کے سرگُن کریں کھوج، ویکھیں تھاؤں تھائنیا۔ کِیوں پریِتم ہو کے پیار دا کریں چوج، چولے اندر وجےّ ودھائیا۔ کِیوں بِرہوں وِچھوڑا لایا روگ، یاد رہی ستائیا۔ کِیوں بَیراگی بخشیا جوگ، جوگیِشر دِتے بھٹکائیا۔ کِیوں امرت رس دی دے کے چوگ، سانتک سَت دئیں کرائیا۔ کِیوں بخشیں درس اموگھ، چِنتا غم مِٹائیا۔ کِیوں بھوگیں ساچا بھوگ، آتم سیجا ڈیرہ لائیا۔ کِیوں مِلائیں سچ سنجوگ، میلا سہج سُبھائیا۔ کِیوں کریں وِیوگ، دو جہاناں سدا جُدائیا۔ کِیوں لکّھ چؤراسی اندر دیویں جھوک، جوُنیاں وِچ بھوائیا۔ کِیوں دُکھ دین دا تَینوُں شؤق، جن بھگت کہے مَینوُں دے سمجھائیا۔ تَینوُں کوئی نہ سکے روک، کِیوں تیری بےپرواہیِا۔ جن بھگت کہے پربھوُ تیرا کھیل ویکھیا بہُت، گِنتی وِچ نہ کوئے گِنائیا۔ کِیوں خُماری اندر کریں مدہوش، سُرتی سُرت بُھلائیا۔ کِیوں بَیٹھا رہیں خاموش، سُنّ سمادھ ڈیرہ لائیا۔ کِیوں بھاگ لگاویں کایا ماٹی پوش، پُشت پناہ اپنا ہتّھ ٹِکائیا۔ جوتی جوت سروُپ ہرِ، آپ اپنی کِرپا کر، نِہکلنک نرائن نر، مہاراج شیر سِنگھ وِشنوُں بھگوان، سد درشن دیوے روز، رضا اپنی وِچ منائیا۔

۱۹ جیٹھ شہنشاہی سمت ۲ انگریز سِنگھ پِنڈ دھنگالی کیَمپ کھوُن جموں

جن بھگوَنت کہے پربھوُ کِیوں کیِتا اپنا آپ پرکاش، کِیوں نوُر نوُر رُشنائیا۔ کِیوں سچ سوامی ہو کے پاویں راس، گوپی کاہن روُپ وٹائیا۔ کِیوں وسیں اپنے پاس، آپ آپا دے سمجھائیا۔ کِیوں پرگٹ ہوئیوں خاص، خصم ہو کے حُکم ورتائیا۔ کِیوں سیوک بنیوں داس، سیوک سیوا سچ کمائیا۔ کِیوں ترِشنا رکھی آس، کِیوں ممتا موہ جنائیا۔ کِیوں بُھکھ بنائی پیاس، سہجے دے سمجھائیا۔ کِیوں بنیوں سرب گُنتاس، گُنونتا نظری آئیا۔ گُر اوتار پَیغمبر بنائے اپنی شاخ، شرع دِتی پرگٹائیا۔ کِیوں کر کے مات لوک اُداس، انتم ناتے لئے تُڑائیا۔ کِیوں بھگتاں پُچھیں بات، نِت نوِت پھیرا پائیا۔ کِیوں سوہنا ویلا بنایا پربھات، کِیوں سندھیا ڈھولے گائیا۔ کِیوں لیکھا لِکھیا پٹّی نال قلم دوات، کِیوں اکھّراں جوڑ جُڑائیا۔ کِیوں سنتاں دئیں شاباس، سِر اپنا ہتّھ ٹِکائیا۔ کِیوں پتن بنایا گھاٹ، کِیوں گُرمْکھاں پار لنگھائیا۔ کِیوں نیرن نیرے رکھی واٹ، گُرسِکھاں دئیں سمجھائیا۔ کِیوں جھگڑا پایا ذات پات، دیِن مذہب رہیا ٹکرائیا۔ کِیوں جیِون رکھیا وفات، کِیوں مُردا مُریِد وِچ سمائیا۔ کِیوں اندرے اندر دُھن آتمک جنائیں اپنی بات، باطن ہو کے کریں شنوائیا۔ کِیوں بھگتاں سچ سُنیہڑا جائیں آکھ، آخر اپنا حُکم منائیا۔ کِیوں جھگڑا پاون والا اِس وِساکھ، وساہ کے سب نوُں رہیا ہِلائیا۔ کِیوں کھِڑکی کھولیں تاک، کِیوں کُنڈے رہیا کھڑکائیا۔ کِیوں ہو کے پُرکھ ابناش، بھگتاں رہیا تڑپائیا۔ کِیوں دیندا نہیں اپنی دات، داتار ہو کے جھولی پائیا۔ جن بھگت تَینوُں کہہ بَیٹھے اِکو باپ، پِتا پُرکھ اکال نظری آئیا۔ پوُرا کر گوبِند والا واک، بخت پئے تے جگت وِچوں باہر کڈھائیا۔ سب دے ویکھ حالات، حالانکہ بدلی نہیں بدلن دا ویلا رہی تکائیا۔ کلجُگ کوُڑی رہنی نہیں جماعت، جماں نے گھیرا لَینا پائیا۔ جن بھگت کہے پربھوُ تُوں اُہناں پُچھنی بات، جیہڑے تیرا اِکو نام دِھیائیا۔ کِیوں کلجُگ انتم مُکنی واٹ، وٹّا رہن کوئے نہ پائیا۔ کِیوں سوُربیِر جودھا بنیں راٹھ، حُکمے اندر حُکم بھوائیا۔ کِیوں شؤہ دریائے لہر مارے ٹھاٹھ، امرت دھارا اِک وہائیا۔ کِیوں بنے ساچا گھاٹ، پتن بہہ کے خوشی منائیا۔ کِیوں بھگتاں ہوویں داس، دسّ کے دینا سمجھائیا۔ جوتی جوت سروُپ ہرِ، آپ اپنی کِرپا کر، نِہکلنک نرائن نر، مہاراج شیر سِنگھ وِشنوُں بھگوان، تُدھ بِن کوئے نہ پُچھے بات، وطن بےوطناں ہوئے نہ کوئے سہائیا۔

۱۸ جیٹھ شہنشاہی سمت ۲ لچھمن سِنگھ دے گرِہ پِنڈ دھنگالی کھوُن کیَمپ جموں

جن بھگت کہے کِیوں رچن رچائی، رچنہارے دے سمجھائیا۔ کِیوں ترےَگُن مایا اُپجائی، اپنا حُکم ورتائیا۔ کِیوں پنج تت کری کُڑمائی، ناتا جوڑیا سہج سُبھائیا۔ کِیوں پرکِرتی وِچ ٹِکائی، دِتی مان وڈیائیا۔ کِیوں سُرتی شبد بُھلائی، پڑدا دِتا رکھائیا۔ کِیوں موُرت اکال چُھپائی، نظر کِسے نہ آئیا۔ کِیوں سُر تال وجائی، نادی ناد شنوائیا۔ کِیوں گھر مندر بنت بنائی، گرِہ اپنا رنگ چڑھائیا۔ کِیوں جوت نِرنجن ڈگمگائی، آد نِرنجن ونڈ ونڈائیا۔ کِیوں ٹیڈھی بنک سُہائی، بھَور گُپھا کِیوں چتُرائیا۔ کِیوں سہنس کَول رہیا بھوائی، دِل اپنا نال مِلائیا۔ کِیوں اِیڑا پِنگل کری کُڑمائی، حُکم اِک ورتائیا۔ کِیوں ماروُ ڈنڈ وِچ کیتے شؤدائی، بُدھی چلی نہ کوئے چتُرائیا۔ کِیوں سُوا گِٹھ ونڈ ونڈائی، حِصّہ اپنا آپے پائیا۔ کِیوں نیَناں پِچھے نیَن کیِتا رُشنائی، تِیجی اکّھ کُھلائیا۔ کِیوں بن کے برہم گوسائی، پاربرہم اکھوائیا۔ کِیوں آتم نوُر رُشنائی، روُح بُت وجےّ ودھائیا۔ جوتی جوت سروُپ ہرِ، آپ اپنی کِرپا کر، جن بھگتاں دے اِک ور، وارتا اپنی دے دِرڑائیا۔ جن بھگت کہے کِیوں بنایا تت وجوُد، ہرِ ساچے دے سمجھائیا۔ کِیوں بنایا کایا ماٹی کچّ کلبوُت، کنچن گڑھ سُہائیا۔ کِیوں سُہایا عروُج، سچ دوارے ڈیرہ لائیا۔ کِیوں بنیوں نِرمل محبوُب، مُحبّت اپنا رنگ رنگائیا۔ کِیوں نہ دیویں اپنا سچ ثبوُت، صبر صبوُری وِچ سمجھائیا۔ کِیوں بھجّا پِھریں چارے کوُٹ، دہِ دِشا واہو داہیِا۔ کِیوں اُپجایا جوُٹھ جھوُٹھ، مایا ممتا موہ ہلکائیا۔ کِیوں اندروں گیوں روُٹھ، اپنا مُکھ بھوائیا۔ جوتی جوت سروُپ ہرِ، آپ اپنی کِرپا کر، جن بھگتاں سدا نظر آ مؤجوُد، گھر ساچے سوبھا پائیا۔ جن بھگت کہن کِیوں رچن لیا رچ، رچ رچ ویکھ وکھائیا۔ کِیوں بھانڈا بنایا کایا ماٹی کچّ، تن ماٹی سوبھا پائیا۔ کِیوں آتم رکھی سچ، وجےّ سچ ودھائیا۔ کِیوں لوُں لوُں اندر رہیا رچ، اپنا آپ چُھپائیا۔ کِیوں لُکایا برہم مت، پاربرہم دے دِرڑائیا۔ کِیوں اُپجایا دھیِرج جت، سَت سنتوکھ نال مِلائیا۔ کِیوں اُبلے بہتّر ناڑی رت، تِنّ سؤ سٹّھ ہاڈی رہی کُرلائیا۔ جن بھگت کہے پربھوُ کِیوں کھیل کھِلایا جگت، جگ جیِون داتے دے سمجھائیا۔ جوتی جوت سروُپ ہرِ، آپ اپنی کِرپا کر، نِہکلنک نرائن نر، مہاراج شیر سِنگھ وِشنوُں بھگوان، کِیوں سرِشٹی لائی اگّ، ترِکھا ترِشنا وِچ تپائیا۔

۱۹ جیٹھ شہنشاہی سمت ۲ وزیِرو دیوی دے گرِہ پِنڈ دھنگالی کھوُن کیَمپ جموں

جن بھگت کہے کِیوں مالک بنیوں دُھر، درگاہ ساچی سوبھا پائیا۔ کِیوں پرگٹ کیتے پَیغمبر اوتار گُر، حُکم سندیشے نال سُنائیا۔ کِیوں کھیل کھِلایا دیوت سُر، کروڑ تیتیِسا وجےّ ودھائیا۔ کِیوں نِرگُن سرگُن ہو کے رِہوں جُڑ، میلا میلیں تھاؤں تھائنیا۔ کِیوں لوک مات آویں مُڑ، نِت نوِت پھیرا پائیا۔ کِیوں چار کُنٹ دہِ دِشا رِہوں تُر، نوَ نؤ بھجّیں چائیں چائنیا۔ کِیوں فُرنا ہو کے رِہوں پُھر، فُرنے اندر سرب لوکائیا۔ جوتی جوت سروُپ ہرِ، آپ اپنی کِرپا کر، اپنا پڑدا دے اُٹھائیا۔ جن بھگت کہے کِیوں اُپجائے رِکھی مُنی، مُنیِشر کِیوں وڈیائیا۔ کِیوں بنایا دیِن دُنی، دوہری دھار چلائیا۔ کِیوں وِدیاوان کیتے گُنی، گہر گمبھیِر دے سمجھائیا۔ کِیوں بھاگ لگاویں کایا کُنی، کعبہ گرِہ گرِہ دئیں پرگٹائیا۔ کِیوں وست امولک دئیں انمُلی، انمنگی دؤلت جھولی پائیا۔ کِیوں سرِشٹی تَینوُں بُھلی، پربھ سہجے دے سمجھائیا۔ کِیوں جگت اندھیری جھُلی، چاروں کُنٹ دھکاّ رہی لگائیا۔ کِیوں درِشٹ اِشٹ کِسے نہ کُھلی، نیتر نیَن نہ کوئے رُشنائیا۔ کِیوں امرت دھار سب دی ڈُلھی، نِجھر رس نہ کوئے پیائیا۔ جن بھگت کہن پربھوُ تیری پُھلواڑی کِس بِدھ مات پُھلی، سچ سچ دے سمجھائیا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، مہاراج شیر سِنگھ وِشنوُں بھگوان، جن بھگتاں لیکھے لائے سچ پریِتی گھول گھُلی، گھال سب دی جھولی پائیا۔

۱۹ جیٹھ شہنشاہی سمت ۲ چرن جیِت سِنگھ دے گرِہ پِنڈ دھنگالی کھوُن کیَمپ جموں

جن بھگت کہے کر کِرپا پربھ گہر گمبھیِر، گوَر صبر اپنا دے بندھائیا۔ انتر آتم ساچا امرت بخش سیِر، سیِر خوار بچّے سارے منگ منگائیا۔ تن من رہے نہ ہؤمے پیڑ، دُکھیاں درد دے گوائیا۔ تیرے مِلن دی اِکو رہے ریِجھ، دوُجا دھیان نہ کوئے لگائیا۔ تن ماٹی ٹھانڈی ہووے سیِجھ، اگنی اگّ نہ لاگے رائیا۔ جُگ چؤکڑی گئے بیِت، جھّل جھّل تھکے تیری جُدائیا۔ لبھدے رہے ٹھاکر مندر وِچوں مسیِت، مسلہ حل نہ کوئے کرائیا۔ رسنا جِہوا گاؤندے رہے گیِت، دِوس رَین کوُک کوُک سُنائیا۔ مانَس جنم کِسے نہ لیا جیِت، ناتا چُھٹیا نہ جگت لوکائیا۔ پُرکھ اکال تیری کردے رہے اُڈیِک، راہ تکّدے تھاؤں تھائنیا۔ ساڈی پوُری کر اُمید، آسا ترِشنا دے گوائیا۔ نام بھنڈارا جھولی پا بھیِکھ، بِھکھیا اپنی اِک ورتائیا۔ سِر ہتّھ رکھ جگدیِش جگدیِشر تیری بےپرواہیِا۔ کلجُگ مایا ممتا رہی پیِس، مِہر نظر نال پار کرائیا۔ جوتی جوت سروُپ ہرِ، آپ اپنی کِرپا کر، گھر اپنے لَینا ٹِکائیا۔ جن بھگت کہے پربھ چُکا دے جھیڑے، جھنجٹ رہن کوئے نہ پائیا۔ اُجڑے وسا دے کھیڑے، گھر ساچے ملِے وڈیائیا۔ اسیں بالک بچّے ننھے تیرے، دوُجا پِتا نہ کوئے بنائیا۔ چؤراسی کٹ دے اگلے گیڑے، جنم جنم نہ کوئے بھوائیا۔ چار جُگ دھکّے کھادھے بتھیرے، بھجےّ واہو داہیِا۔ بِن پُرکھ اکال تیرے کوئی نہ آیا نیڑے، سنگی ساتھی سارے گئے تجائیا۔ چرن کوَلاں لوَا ڈیرے، ڈیرہ اپنا اِک بنائیا۔ شبدی حُکم کر گھیرے، گھِرنا اندر رہے نہ رائیا۔ سدا بہا اپنے کُھلے ویہڑے، جِتھے دُکھ درد نہ لاگے رائیا۔ جمدوُت نہ آوے نیڑے، پھاسی گل نہ کوئے لٹکائیا۔ سچ چڑھا اپنے بیڑے، باہوں پھڑ جگت اُٹھائیا۔ تُوں سَتگُر ہؤں بالک تیرے چیرے، تُوں ہی راگ الائیا۔ کِیوں مِہروان ہو کے نِکھیڑے، بِکھرے اپنے نال جُڑائیا۔ کوُڑی کِریا جگت رہن نہ جھیڑے، منوُآ کرے نہ کوئے لڑائیا۔ جگت واسنا چِکڑ نال لبیڑے، دُرمت مَیل دے دھوائیا۔ دوُر دُراڈے وس آ کے نیڑے، اپنا پندھ مُکائیا۔ کوٹاں وِچوں تھوڑے بھگت جیہڑے بَیٹھے رکھ کے وڈّے جیرے، جیرج انڈج اُتبُھج سیتج وِچوں دینا باہر کڈھائیا۔ جوتی جوت سروُپ ہرِ، آپ اپنی کِرپا کر، مہاراج شیر سِنگھ وِشنوُں بھگوان، مِہروان مِہر نظر کر مِہرے، میرا تیرا تیرا میرا رہن کوئے نہ پائیا۔

۱۹ جیٹھ شہنشاہی سمت ۲ دیوا سِنگھ دے گرِہ پِنڈ دھنگالی کھوُن کیَمپ جموں

جن بھگت کہے مَیں سار نہ جاناں تیری، تیرا بھیو کوئے نہ آئیا۔ بن سیوک گھر دی چیری، گولی ہو سیو کمائیا۔ شؤہ دریا ڈُبن نہ دیویں بیڑی، پار کنارے آپ لگائیا۔ کلجُگ انت کریں نہ ہیرا پھیری، بےپرواہ بےپرواہی وِچ سمائیا۔ سانوُں نظر آؤندی گُرمْکھ کہے رام ویلے ایتھے ہُندی سی اِک بیری، بیر کچّے پکے دوویں رنگ وٹائیا۔ اِک ایالی لائی ڈھیری، توڑ توڑ کے خوشی منائیا۔ اندر آسا کیِتی ودھیری، بہُہ ممتا لئی پرگٹائیا۔ ساچا رام مارے پھیری، بن کے پاندھی راہیا۔ جوتی جوت سروُپ ہرِ، آپ اپنی کِرپا کر، ساچی کھیل رہیا ورتائیا۔ جن بھگت کہے پربھ پھیرا پا، کِیوں بَیٹھا مُکھ چُھپائیا۔ ایالی داسی جیؤنا ناں، ماپے خوشیاں نال سُنائیا۔ انتر بَیٹھا دھیان لگا، بِن اکّھاں اکّھ اُٹھائیا۔ جِناں چِر میرا رام نہ جاوے آ، مَینوُں سُرت رہے نہ رائیا۔ مار کے اُچی دھاہ، کوُک کوُک دِتا سُنائیا۔ بھیِلنی دی تے میری ماں دی اِکو ماں، بھنیواں اوسے دا نظری آئیا۔ جِناں چِر نہ درش دیویں آ، جھلّی نہ جائے جُدائیا۔ رام شبدی روُپ وٹا، بھجّیا واہو داہیِا۔ سہجے پہنچیا آ، پھڑ باہوں دِتا ہِلائیا۔ نیَن لیا کُھلا، خوشی وِچ تالی دِتی لگائیا۔ واہ میرے بےپرواہ، تیرے ہتّھ وڈیائیا۔ رام نے وِچوں پنج بیر لئے کھا، اَدھا حِصّہ اُس دے مُنہ وِچ پائیا۔ پِھر سہجے سہجے دِتا سمجھا، اِشارے نال دِرڑائیا۔ جِس ویلے تریتا دواپر گیا وِہا، کلجُگ اندھ اندھیرا چھائیا۔ رام دا رام تیرا اگلا لیکھا دئے چُکا، باقی تیرے ہتّھ پھڑائیا۔ نِرگُن ہو کے دیوے درس دِکھا، جوتی جاتا شہنشاہیِا۔ مِہر نظر لئے اُٹھا، مِہروان ہو کے ویکھ وکھائیا۔ ایالی نِیوں کے سیِس دِتا جھُکا، دوئے جوڑ واسطہ پائیا۔ کی اوہ اکلّا آوے تیرے وانگ اپنا آپ لُکا، پڑدا جگت رکھائیا۔ رام کِہا نہیں اوہ سنت سُہیلے نال مِلا، گُرمْکھ ساچے سنگ لیائیا۔ تیرے دوارے دیوے بھاگ لگا، بھگوان ہو کے ہوئے سہائیا۔ بچّے کِہا کی مَینوُں لوَے پہچان، نِرگُن پڑدا دئے اُٹھائیا۔ رام کِہا ہاں اوہ کرے دھیان، داتا بےپرواہیِا۔ پریم پیار دا کھاوے پکوان، کچّیاں توں پکّے دئے بنائیا۔ پوُرب لیکھا چُکیا آن، پُرکھ اکال دِتی وڈیائیا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، مہاراج شیر سِنگھ وِشنوُں بھگوان، پِچھلا لہنا دیوا سِنگھ دا دینا دے کے خوشی منائیا۔

۱۹ جیٹھ شہنشاہی سمت ۲ کُلونت سِنگھ پِنڈ دھنگالی کھوُن کیَمپ جموں

جن بھگت کہن پربھوُ سہارے تکّے سچ سَتگُر دے، سَت سَتوادی ہو کے ویکھ وکھائیا۔ مِہروان ہو کے جگت اُدھار غریِب غُربے، دردی ہو کے دردیِاں درد ونڈائیا۔ بِن تیرے پریم سارے ہوئے مُردے، مُدّتاں دے وِچھڑے بَیٹھے دھیان لگائیا۔ بِن تیرے گرِہ دوُجے گھر موُل نہ تُردے، چار کُنٹ نہ اکّھ بدلائیا۔ راگ دسّ دے اپنی سُر دے، سُتّیاں لےَ جگائیا۔ وِچھوڑے میٹدے پِچھلے انندپُر دے، پُریِاں لوآں وِچوں لیکھا باہر کڈھائیا۔ اسیں موُرکھ ہو کے سارے رہے بُھلدے، ابُھل تیرے ہتّھ وڈیائیا۔ بِن تیرے در توں رُلدے، کوجھیاں کملیاں گلے نہ کوئے لگائیا۔ تُوں ٹُکڑے کھا کے چُلھ چُلھ دے، راجے بل دا لیکھا دے مُکائیا۔ اسیں بھگت اوس کُل دے، جِتھوں بھگوان نظری آئیا۔ ساڈی سیوا دا سانوُں مُل دے، قیِمت نام والی جھولی پائیا۔ بِن تیری کِرپا تیرے تول کوئی نہ تُلدے، جگت ترازوُ کمّ کِسے نہ آئیا۔ سانوُں مان دے اوس کمل پُھل دے، جو کوَل نیَن اپنے وِچ چُھپائیا۔ ٹِکے لائیے تیری سچّی دھوُل دے، دھوُڑ مستک خاک رمائیا۔ راہ تکّیئے تیرے سچ اصوُل دے، اصل وِچ وصل دے وکھائیا۔ جھگڑے مُک جان گُر اوتار پَیغمبر رسوُل دے، رستہ اِکو دے دِرڑائیا۔ جِتھے بھگت بھگوان اِک دوُجے نوُں قبوُل دے، مِل کے وجّدی رہے ودھائیا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ رکھائیا۔ جن بھگت کہے پربھ کریں رچّھا، رَچھک ہو کے ویکھ وکھائیا۔ بل باوَن والی اِچھا، سب دی لیکھے دینی لگائیا۔ اِس بن کھنڈ اندر تیراں سؤ سَتاسی رِشی رہندا سی اِکٹّھا، اِک من ہو کے اِکو دھیان لگائیا۔ جِنہاں نوُں بل نے بھیجیِاں گٹّھاں، گنڈھاں نال بُلائیا۔ سب نے آؤنا نَٹھا، بھجّنا واہو داہیِا۔ اسمیدھ یگ اِک رچا، رچنا کیِتی بےپرواہیِا۔ سنت سادھ سدّنا سچّا، سچ ملِے وڈیائیا۔ اوسے ویلے سب نے کر کے متا پکاّ، اِرادہ لیا بنائیا۔ جِس ویلے دِن آیا اچّھا، بھجےّ واہو داہیِا۔ بل دوارے کھا کھا سب رجّا، خوشی خوشی ڈھولے گائیا۔ باوَن بُڈھا اُٹھ کے کول آیا پاسے سجّا، ڈنگوَرا سہج دِتا ہِلائیا۔ رِشیؤ مَینوُں دسو کیہڑی وجہ، جِس نال پربھ نوُں مِل کے شُکر منائیا۔ سب نے کھبّا ہتّھ مار کے اُپر ڈِھڈاں، ہوکا دے کے دِتا جنائیا۔ ساڈا منگتیاں دا سڑ گیا پِنڈا، پربھ نوُں کھوجیا تھاؤں تھائنیا۔ اجے درس نہیں کِسے نوُں دیندا، نظر کوئے نہ پائیا۔ باوَن کِہا آہ مَیں تُہانوُں دیواں نیندا، سَتجُگ دا تریتا ترنتِے دا دواپر دواپر دا کلجُگ کلجُگ دا انت کھیل بھگوَنت سہجے دیاں سمجھائیا۔ مَیں

اوس ویلے نِرگُن دھار ہو کے پِھر ہونا جیؤندا، جاگرت جوت روُپ وکھائیا۔ لہنا دینا چُکاواں ساچے نیہوں دا، نِہکرمی ہو کے دیاں دِرڑائیا۔ تُہاڈے نال پھیر ناتا جوڑاں پِتا پِیو دا، پُرکھ اکال ویس وٹائیا۔ جِس کنیا میرے لئی تھال پروسیا کھنڈ گھِیو دا، چار بھَیناں پنجواں رل کے چھوٹا وڈّا بھائیا۔ مَیں اوس دا کیِتا دھنّ دھنیاں، خوشی وِچ خوشی دِتی بدلائیا۔ جِس ویلے لوک مات نِرگُن چڑھیا چنیا، جوت نوُر ہووے رُشنائیا۔ اوس ویلے اِک شبد سندیشہ تُہاڈے پاواں کنیا، کنّاں وِچ جنائیا۔ جوتی جوت سروُپ ہرِ، آپ اپنی کِرپا کر، ساچا کھیل رہیا سمجھائیا۔ سارے رِکھی کر کے نِمسکار، اِک دوُجے ولّ بَیٹھے دھیان لگائیا۔ باوَن کِہا تُہاڈے نہیں کُچھ اختیار، کرن کراونہار اِکو نظری آئیا۔ جِس دا کھیل سدا جُگ چار، وِچھڑیاں لئے مِلائیا۔ تُسیں راجے بل دا کھا کے اہار، من شانت نہ کوئے کرائیا۔ کِیوں تُہانوُں مِلیا نہیں نِرنکار، من وجّی نہ سچ ودھائیا۔ اوہ میرے آہ میرے نام دا لوَو پیار، تُہاڈے ہتّھ دیواں پھڑائیا۔ کلجُگ انت تُہاڈے وِچوں لَواں نِکال، ایہہ میرے ہتّھ وڈیائیا۔ مَیں لیکھے لاؤنا اوس کنیا دا تھال، جِس دے پِچھے گھر گھر جا کے گُرمْکھاں دے بھوگ لگائیا۔ سب دا پوُرا کراں سوال، لیکھا سب دا دیاں چُکائیا۔ اوس دا کاج رچنا وِچ جہان، جہان جہان جُگ اوس نوُں سکے نہ کوئے پرنائیا۔ کُچھ تھوڑا لیکھا رکھنا گوبِند نال، پڑدا پڑدیاں وِچوں ٹِکائیا۔ اگوں رِشی چرناں ولّ کر دھیان، سارے نیِر وہائیا۔ سانوُں سچ دسّ مِہروان، کِس بِدھ ایتھے اِکٹّھے لئیں کرائیا۔ باوَن کِہا ایہہ میرا کھیل کمال، جُگ جُگ میرا بھیو کوئے نہ پائیا۔ دوُر دُراڈے میلاں آن، ڈیرہ جنگلاں وِچ لگائیا۔ پھیر اپنے نِیوندے دا تُہانوُں سنیہا دیواں آن، رِشیاں دا رِشی چیلا سِنگھ نال مِلائیا۔ تُہانوُں کھواواں اوہ پکوان، جِس دے نال ملِے بھگوان، سیوا کرے جگت مہان، بچّے بنا کے گود اُٹھائیا۔ گھر آؤندیاں نوُں مُڑ کے دے کے جیِون زِندگی دا دان، تُہاڈا اگلا لیکھا کر پروان، پروانے گھر گھر دیاں پُچائیا۔ جن بھگتو تُسیں خوشیاں نال کھایؤ آن، تیراں سؤ سَتاسیاں وِچوں جِنہاں نوُں مِلیا مان، جوتی جوت سروُپ ہرِ، آپ اپنی جوت دھر، نِہکلنک نرائن نر، مہاراج شیر سِنگھ وِشنوُں بھگوان، پوُرب لیکھے کارن سب نوُں آیا اُٹھان، اِکٹّھیاں کر کے اِکٹّھا حُکم جنائیا۔

۱۹ جیٹھ شہنشاہی سمت ۲ بچن سِنگھ دے گرِہ پِنڈ دھنگالی کھوُن کیَمپ جموں

رِشی کہن کِس بِدھ آوانگے۔ کی ہووے تیرا ناؤں، کِس بِدھ درشن پاواں گے۔ باوَن کِہا نِرگُن ہو کے پکڑاں باہوں، در در گھر گھر ساچا درس دکھاواں گے۔ پوُرب میٹ کے حرص، ہسدیاں ہسدیاں خوشی مناواگے۔ وِچھوڑے والی رہے نہ تڑپ، تڑپدیاں شانت کراواں گے۔ اَگے کوئی نہ رہے اٹک، مارگ اِکو اِک سُہاواں گے۔ تُہاڈا میرا رہے کوئی نہ فرق، اِکو گھر بہہ کے خوشی مناواں گے۔ تُہاڈے نال پکّی ہوئی شرط، شرع دا لیکھا سرب چُکاواں گے۔ جِس ویلے نِرگُن ہو کے آیا پرت، بھگت بھگوان ہو کے رنگ وکھاواں گے۔ بھاگ لگّے ایس دھرت، اُجڑی ہوئی پھیر وساواں گے۔ ہُن تُساں بل دا کیِتا خرچ، پھیر تُہاڈا خرچ اپنے خزانے وِچوں ونڈ ونڈاواں گے۔ تُہاڈے نالوں بہُتی مَینوُں غرض، ہُن دے وِچھڑے پھیر اِکٹّھے ہو کے سوبھا پاواں گے۔ جن بھگتو مَیں اپنا پوُرا کراں فرض، مِل کے دوویں دِھراں کاج رچاواں گے۔ تُساں پربھوُ دی منّنی اِک عرض، بینتی اِکٹّھی اِک پرگٹاواں گے۔ بھاویں جگت وِہار دا ہو جائے حرج، اِس وِوہار نوُں سِرے چڑھاواں گے۔ تُسیں میرے مَیں تُہاڈا ونڈنا درد، دُکھ وِچوں سُکھ پرگٹاواں گے۔ ایہہ کھیل ہونا اسچرج، ویلا وقت ویکھ خوشی مناواں گے۔ جوتی جوت سروُپ ہرِ، آپ اپنی کِرپا کر، نِہکلنک نرائن نر، مہاراج شیر سِنگھ وِشنوُں بھگوان، لیکھے وِچوں کڈھے سب دی فرد، فَیصلہ اپنے ہتّھ رکھاواں گے۔

۱۹ جیٹھ شہنشاہی سمت ۲ سردار سِنگھ پِنڈ سرداری کھوُن کیَمپ جموں

رشی کہن ساڈی بھوُمکا سوہے استھان، بِردھ باوَن دھیان لگائیا۔ چؤداں چؤداں جوجن ساڈا نِشان، چارے کُنٹ نظری آئیا۔ جِتھے ملِے پیِن کھان، موُلکند کھا کے شُکر منائیا۔ دِوس رَین یاد کریئے بھگوان، اندر آشا اِک ودھائیا۔ تیراں سؤ سَتاسیاں وِچوں چھیواں حِصّہ کُچھ اَنجان، جو بچّیاں وانگ بچّے رہے اکھوائیا۔ جے پیٹ بھر کے نہ ملِے پکوان، رو رو دین دُہائیا۔ رِشی بننا نہیں آسان، گھر کُٹمب تجائیا۔ اِنہاں نوُں دے کُچھ دان، مِہر نظر اُٹھائیا۔ باوَن کِہا ہُن چھڈنا پئے جہان، لوک مات رہن نہ پائیا۔ پِھر

میلا ہووے سچ استھان، بھوُمکا ملِے وڈیائیا۔ سبناں بھگتاں نوُں اِکو جِہا دیواں گیان، وڈّا چھوٹا رہن کوئے نہ پائیا۔ تُوں میرا مَیں تیرا بھگت بھگوان اِک دوُجے نوُں کرن پروان، وِچھوڑا وِچوں دیاں کٹائیا۔ سانجھا رکھاں اِک پکوان، دوُجی ونڈ نہ کوئے ونڈائیا۔ بِن اکّھاں مار دھیان، ویکھاں چائیں چائنیا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ ٹِکائیا۔ رِکھی کہن چؤداں جوجن ساڈی بھوُم، دھرنی سوہنی سوبھا پائیا۔ اسیں بالے نڈھے تیرے معصوُم، بچّے نظری آئیا۔ سانوُں ساچا دسّ قانوُن، رستہ دے درسائیا۔ اِکو دسّ مضموُن، اِکو دے پڑھائیا۔ تیرے پیار توں ہوئیے نہ محروُم، خالی ہتّھ نہ کوئے بدلائیا۔ تیرا لہنا نہ معلوُم، سمجھ وِچ نہ کوئے سمجھائیا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ ٹِکائیا۔ رِکھی کہن باوَن ساڈی ویکھ آبادی، آبادکار دینا بنائیا۔ اسیں گھراں دی کر بربادی، اِس گھر وِچ بَیٹھے آئیا۔ جگت جنجال توں دے آزادی، پھاسی گل رہے نہ رائیا۔ باوَن کِہا جِس ویلے کنیا دی ہووے شادی، شادیانے گھر گھر دیاں وجائیا۔ تُہاڈا نَواں ساجن لَواں ساجی، ساجن ہو کے ویکھ وکھائیا۔ پِچھلا لیکھا یاد رکھاں ماضی، پوُرب بُھل کدے نہ جائیا۔ تُہاڈے لیکھے لاواں اوہ اراضی، جِس نوُں قانوُن سکے نہ کوئے بدلائیا۔ جوتی جوت سروُپ ہرِ، آپ اپنی کِرپا کر، لہنا اگلا دئے چُکائیا۔ رِشی کہن پربھوُ ویکھ ساڈی حد، باوَن بُڈھے دھیان لگائیا۔ باوَن کِہا مَیں ہوواں گد گد، کلجُگ انت چرن لَواں ٹِکائیا۔ سارے اِکٹّھے لَواں سدّ، چؤداں جوجن اندر دیاں وسائیا۔ اِکو سُنا کے چھند، ڈھولا دیاں دِرڑائیا۔ رسنا جِہوا گائے بتّی دند، آتم پرماتم وجےّ ودھائیا۔ بھگت سُہیلے ہو کے چمکو چند، نوُر جوت رُشنائیا۔ تُہاڈا مُکاواں پھیر پندھ، سفر رہے نہ رائیا۔ پڑدا لاہ کے برہم ہنگ، پاربرہم اپنا رنگ رنگائیا۔ تُساں مانَس جنم وِچ پَینا جمّ، لوک مات تن ہنڈھائیا۔ تُہاڈا کارج پوُرا کرنا کمّ، ایہہ میری بےپرواہیِا۔ میٹنا خوشی غم، چِنتا دینی کڈھائیا۔ تُہاڈا لیکھے لاؤنا پوَن سواس دم، جِس نال پربھ نوُں رہے دِھیائیا۔ اوس ویلے نِرگُن دھار بِردھ براہمن نہ ہووے ہووے پاربرہم، پت پرمیشور بےپرواہیِا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، مہاراج شیر سِنگھ وِشنوُں بھگوان، رِشیاں رِکھیاں مُنیاں مُنیِشراں منسا سب دی ویکھ وکھائیا۔

۱۹ جیٹھ شہنشاہی سمت ۲ رام لال دے گرِہ پِنڈ سرداری کیَمپ کھوُن جموں

رِشی کہن دسّ مِہروان، مِہر نظر اُٹھائیا۔ کِس بِدھ ملِے بھگوان، ساکھیات درس کرائیا۔ اُپجے سچ گیان، اگیان دئے مِٹائیا۔ وِچھوڑا کٹے آن، میلا سہج سُبھائیا۔ پتّھر اِٹے کرے پروان، اُجاڑ پہاڑ ہوئے سہائیا۔ سُنائے دُھر دا گان، اگمّی آواز الائیا۔ دیوے ساچا دان، بھنڈارا اِک ورتائیا۔ لیکھا چُکائے دو جہان، انت انتشکرن نہ کوئے بھوائیا۔ ساچا گھر وکھائے آن، نِج اپنی اکّھ کُھلائیا۔ بھاگ لگا کے بیابان، سچ استھان دئے وڈیائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ باوَن کِہا دَیاکماویگا۔ رِکھی مُنی ویکھ وکھاویگا۔ دواپر تریتا کلجُگ پندھ مُکاویگا۔ پُرکھ ابناشی ویس وٹاویگا۔ نِرگُن نوُر جوت رُشناویگا۔ شبدی دھار حُکم سُناویگا۔ برہمنڈ کھنڈ کھیل کھِلاویگا۔ لوآں پُریِاں ویس وٹاویگا۔ جوت سروُپ آپے ہو، ہوکا حق نام سُناویگا۔ کِسے نال نہ کرے دھروہ، کیِتا قؤل توڑ نِبھاویگا۔ تُہاڈا پِچھلا یاد کر کے موہ، مُحبّت اپنے نال بناویگا۔ انتر آتم جائے چھوہ، باہروں نظر کِسے نہ آویگا۔ سچ پرکاش دی کر کے لو، اگیان اندھیر مِٹاویگا۔ تُہاڈے جوگا جاوے ہو، ہرجن ساچے آپ پرناویگا۔ تُہاڈا لیکھے لاوے جنم جنم اگلے نال مِل کے ہون دو، دوہری اپنی کار کماویگا۔ سرِشٹی مایا نالوں کر نِرموہ، دھرتی ایسے آپ ٹِکاویگا۔ جِس دا بھیوَ نہ جانے کو، مانَو بُدھ نہ کوئے سمجھاویگا۔ جوتی جاتا جاوے ہو، پڑدا اوہلا آپ اُٹھاویگا۔ کوُڑی وست سب کُچھ کھوہ، کھیڑا سچّا آپ وکھاویگا۔ رِشیؤ تُہاڈا اِکٹّھا کر کے اِک گروہ، سنگ سوہنا آپ بناویگا۔ لےَ کے آوے ڈھوآ ڈھوء، نِیوندا نام ہتّھ پھڑاویگا۔ تُسیں لبھن نہ جائیو کو، کوٹاں وِچوں تُہانوُں آپ جگاویگا۔ تُہاڈے ورگا آپے ہو، اندر تُہاڈے سوبھا پاویگا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، مہاراج شیر سِنگھ وِشنوُں بھگوان، آتم پرماتم جاوے چھوہ، شہنشاہ اپنی کار کماویگا۔

۱۹ جیٹھ شہنشاہی سمت ۲ پریمو دیوی پِنڈ خَیرووال کیَمپ کھوُن جموں

باوَن کہے چنگی بھوُمی، بھرم بھؤ نہ کوئے رکھائیا۔ جِس نوُں سمجھے نہ کوئے نِجُومی، حِساب کِتاب نہ کوئے دِرڑائیا۔ جِتھے کھیل کرے پربھ وڈ قانوُنی، قاعدہ اپنا اِک سمجھائیا۔ جگت وِدھا ناں سمجھے کھیل معموُلی، نہ معلوُم اپنا حُکم ورتائیا۔ سدا سدا سد کدے نہ

کرے بےاصوُلی، اصل حُکم اِک ورتائیا۔ دیِن دُنی جائے بھوُلی، بُھلیاں راہ نہ کوئے وکھائیا۔ رِشیؤ تُہاڈی محنت دیوے دوُنی، دُگنے دے چؤگنے دئے بنائیا۔ تُہاڈی اندروں بدل دیوے کوُنی، سوہنگ ڈھولا اِک پڑھائیا۔ ایسے ڈوُنگھی دھار نوُں کہِندے کھوُہنی، جیہڑا حِصّہ کرِشن کاہن جھولی پائیا۔ تُہاڈی آتما رہے نہ اوُنی، اُنتی کرے وِچ لوکائیا۔ سچ پریِتی کرے گوُڑھی، رنگ اپنا دئے رنگائیا۔ چتُر سُگھڑ بنائے موُڑھ موُڑھی، پُرکھ اکال ویکھ وکھائیا۔ چرن ٹِکاّ لاوے دھوُڑی، دُھر دا پڑدا دئے اُٹھائیا۔ تُہاڈی آسا منسا کرے پوُری، پوُریاں دے تھاں پوُرن سَتگُر دئے مِلائیا۔ جِس دی بِرتھا نہ جائے مزدوُری، سیوکاں دی گھال لیکھے پائیا۔ درشن دے کے حاضر حضوُری، اپنے ساجن لئے بنائیا۔ رِشیؤ اوس ویلے سمجھیؤ نہ کوئی مجبوُری، دُکھ دے بُھکھ توں لئے چُھڈائیا۔ بھگت اُدھارنا پربھ دا کمّ ضروری، جُگ چؤکڑی وِچوں اپنے حِصّے رکھائیا۔ تُہاڈی منزل کر کے پوُری، مزہ اپنا دئے چکھائیا۔ جوتی درشن دے کے نوُری، اندھ اندھیرا دئے مِٹائیا۔ دُنیا دی پریِتی دسےّ کوُڑی، سچّا میلا مالک دُھردرگاہیِا۔ جوتی جوت سروُپ ہرِ، آپ اپنی کِرپا کر، نِہکلنک نرائن نر، مہاراج شیر سِنگھ وِشنوُں بھگوان، سب دے مستک لاوے مستی والی دھوُڑی، مستی وِچوں ہستی، ہستی وِچوں ملِے عرشی، عرشی پریِتم فرش اُتے دئے وڈیائیا۔

۱۹ جیٹھ شہنشاہی سمت ۲ شِوو دیوی پِنڈ بالے وال کیَمپ کھوُن جموں

رشی کہن ساڈی گِنتی تیراں سؤ ستاسی، سیَنکڑے رہے جنائیا۔ کِس بِدھ مِٹے اُداسی، سچ دینا سمجھائیا۔ رہے نہ جم کی پھاسی، فَیصلہ انت کرائیا۔ ہوئیے نہ مدھرا ماسی، رسنا جِہوا نہ کوئے ہلکائیا۔ چڑھیئے منزل گھاٹی، اپنا پندھ مُکائیا۔ کلجُگ دوُر دُراڈی دِسے واٹی، لمبا پندھ نہ کوئے پِھرائیا۔ باوَن کِہا تُسیں میری منّو آکھی، پریم نال سمجھائیا۔ تُہاڈا لہنا دینا باقی، پُرکھ اکال ہتّھ پھڑائیا۔ تُسیں جوت مِلیو ساچی، سچ وِچ سمائیا۔ پِھر ملِے دیہہ ماٹی کاچی، کنچن گڑھ بنائیا۔ تُہاڈی بھگتاں دی ہووے ذاتی، دیِن مذہب نہ کوئے وکھائیا۔ پُرکھ اکال ہووے ساتھی، سگلا سنگ بنائیا۔ دُرمت مَیل جائے کاٹی، پڑدے دئے کُھلائیا۔ پندھ مُکاوے مُکی واٹی، دُھر دا حُکم جنائیا۔ تُہاڈا بنے دُھر دا ساتھی، سگلا سنگ نِبھائیا۔ میرا سنیہڑا لےَ لؤ بِن اکھّراں والی پاتی، پترکا دیاں

پھڑائیا۔ تُہانوُں ویکھن نہیں دینی کوئی کاشی، گنگا جل نہ کوئے نُہائیا۔ پُرکھ اکال مِہروان مِہر کر کے بناؤنا داسن داسی، سیوک سیو آپ کرائیا۔ جھگڑا چُکا پرِتھمی آکاشی، عقل اندروں دینی بدلائیا۔ مِلنا میل سچکھنڈ نِواسی، نِمانیاں اپنے رنگ رنگائیا۔ کلجُگ لہنا دیوے باقی، باقی اوَر نہ کوئے رکھائیا۔ نِرگُن ہو کے کھیل کرے پُرکھ ابناشی، دُھر فرمانا آپ دِرڑائیا۔ جوتی جوت سروُپ ہرِ، آپ اپنی کِرپا کر، نِہکلنک نرائن نر، مہاراج شیر سِنگھ وِشنوُں بھگوان، تُہاڈے کارن مارے واٹی، وٹّیاں پتّھراں وِچ پھیرا پائیا۔