۲۷ اَسوُ شہنشاہی سمت ۲ موہن سِنگھ دے گرِہ پِنڈ تارا چکّ ضِلع گُرداسپُر
سَت کہے پربھ بھگتاں سنگ جوڑ، جوڑا دھرم دوار بنائیا۔ شبد اگمّی بنّھ ڈور، بندھن دُھر دا ایکا پائیا۔ واسنا رہے نہ من دی کؤڑ، امرت وِکھ دے بنائیا۔ چار کُنٹ دی مکُے دؤڑ، سانتک سَت سَت کرائیا۔ منزل ملِے حقیِقی پؤڑ، اَگے ہو نہ کوئے اٹکائیا۔ تیرا درشن تکّیئے نال غؤر، گہر گمبھیِر نظری آئیا۔ تُدھ بِن نظر نہ آوے کوئی اؤر، اوَرا راہ نہ کوئے جنائیا۔ مانَس جنم جائے سؤر، سوارتھ پرمارتھ اِکو رنگ رنگائیا۔ جوتی جوت سروُپ ہرِ، آپ اپنی کِرپا کر، ساچا میلا دینا مِلائیا۔ سَت دھرم کہے پربھ جن بھگت بنا دُھر دے سنگی، لوکمات نال رلائیا۔ پریم پریِتی انتر آتم جائے رنگی، رنگ اِکو دے وکھائیا۔ پِٹھ پُشت نہ ہووے ننگی، سیِس جگدیِس ہتّھ ٹِکائیا۔ وست نام شبد سدا دے انمنگی، انڈِٹھی دؤلت جھولی پائیا۔ من واسنا رہے نہ اندر مندی، کوُڑی کِریا باہر کڈھائیا۔ تیری پریِتی سرِیشٹ سب توں لگّے چنگی، کوُڑ کُڑیاراں ڈیرہ ڈھائیا۔ نِجھر دھار بخش انندی، امرت رس مُکھ چوائیا۔ ساچا مارگ دسّ ڈنڈی، اؤجھڑ راہ نہ کوئے بھوائیا۔ جن بھگتاں آتم رہے نہ رنڈی، کنت سُہاگی میلا لَینا مِلائیا۔ جھگڑا مُکا کے آون جاون لکّھ چؤراسی خانہ بندی، بندگی اپنی دینی سمجھائیا۔ نیتر اکّھ رہے نہ اندھی، گیان لوچن اِک کُھلائیا۔ منوُآ پنجاں نال مِل کے کرے نہ جنگی، شبد کھنڈا دینا چمکائیا ۔ ساتھی رہے نہ کوئے پاکھنڈی، گُرمُکھ میلنا سہج سُبھائیا۔ اپنے نام دی لا کے پابندی، سب دا میلا لَینا مِلائیا۔ جوتی جوت سروُپ ہرِ، آپ اپنی کِرپا کر، دُھر دا سنگ دینا بنائیا۔ سَت دھرم کہے پربھ بھگتاں نال میل کے رکھ، رکھک ہو کے ویکھ وکھائیا۔ اپنے مِلن دی کُھلی رکھ اکّھ، جگت نیتر جھگڑا دے چُکائیا۔ آتم پرماتم کر جس، صِفتاں وِچ تیرا ڈھولا گائیا۔ ہِردے اندر ہرِ جوُ وس، واسطہ اپنے نال جُڑائیا۔ بِن تیری کِرپا مانَس جنم قیِمت پئے نہ کؤڈی ککّھ، ٹکیاں وِچ نہ کوئے وِکائیا۔ پُرکھ اکال دیِن دَیال سانجھا مارگ دے دسّ، داسن داسی ہو کے سیو کمائیا۔ جوتی جوت سروُپ ہرِ، آپ اپنی کِرپا کر، ساچا میلا لَینا مِلائیا۔ سَت کہے پربھ بھگتاں سنگ ہووے ساتھ، دُھر دا سنگ بنائیا۔ مِل کے گائیے تیری گاتھ، دوُجی اوَر نہ کوئے پڑھائیا۔ لہنا دینا چُکا مستک ماتھ، جنم کرم اگلا دے بدلائیا۔ سب کُچھ سوامی تیرے ہاتھ، کرنہار وڈّی وڈیائیا۔ کلجُگ سمُند ساگر نئیا کر پار گھاٹ، کنارہ نِرنکارا اپنا دے وکھائیا۔ جِتھے دِسے نہ کوئے اندھیری رات، نِرگُن جوت کرے رُشنائیا۔ جھگڑا چُکے دیِن مذہب ذات
پات، اوُچ نیِچ ونڈ نہ کوئے ونڈائیا۔ سچ پریِتی جوڑ چرن کوَل نات، رِشتے کوُڑے دے چُھڈائیا۔ اِکو نظری آوے کملاپات، پتپرمیشور تیرا درشن پائیا۔ سانجھی بنی رہے جماعت، وِچھوڑا روُپ نہ کوئے بدلائیا۔ اِکو وِکیئے تیرے ہاٹ، جوتی جوت سروُپ ہرِ، آپ اپنی کِرپا کر، ایکا دینا ساچا ور، ہرجن ساچے جوڑ جُڑائیا۔ سَت دھرم کہے پربھ بھگتاں نال پا گنڈھ، ٹُٹی گنڈھنہار تیری وڈیائیا۔ امرت میگھ برسا پا ٹھنڈ، اگنی تت نہ کوئے تپائیا۔ سیِتل دھار جوتی نوُر چاڑھ چند، روَ سس دا لیکھا دے مُکائیا۔ لکّھ چؤراسی آون جاون کٹ پھند، بندھن اگلا دے تُڑائیا۔ پاربرہم برہم اپنا ڈھولا دسّ چھند، شہنشاہ اِکو تیرا نام دِھیائیا۔ بِنا رسنا رس توں دے انند، نِج آتم رس چکھائیا۔ جگت دوارا کوُڑی کِریا تیری مُحبّت وِچ جائیے لنگھ، اَگے ہو نہ کوئے اٹکائیا۔ کوُڑی کِریا دُئی دوَیت شرع رہے نہ کوئے اندر کندھ، بھانڈا بھرم بھؤ بھنائیا۔ جوتی جوت سروُپ ہرِ، آپ اپنی کِرپا کر، مِہربان سوُرے سربنگ، در تیرے اوٹ تکائیا۔ سَت دھرم کہے پربھ بھگتاں نال جاواں رل، دیِن دُنی جگت تجائیا۔ سرِشٹی ویکھی کپٹ چھل، وِکار ہنکار وِچ لڑائیا۔ بِن تیری کِرپا گرِہ ملِے نہ نِہچل دھام اٹل، سچ دوارا نہ کوئے وکھائیا۔ جھگڑا مُکا دے جل تھل، جنگل جوُہ اُجاڑ پہاڑ اُچے ٹِلّے پربت اِکو تیرا نوُر نظری آئیا۔ اندر رہے نہ کوئے سلّ، کلجُگ کوُڑی کل دے گوائیا۔ جِس کارن جن بھگتاں لوکمات دِتا گھلّ، گھائل کر کے اپنے نال لےَ مِلائیا۔ تیرے دوار تیرا پرکاش دِیپک جوت ہو کے رہیا بل، گھر گھر کرے رُشنائیا۔ سچ سِنگھاسن پُرکھ ابناشن در ٹھانڈا تیرا لئیے ملّ، جگت دوارے ڈیرہ ڈھائیا۔ مانَس جنم لکّھ چؤراسی دا اِکو وار ملِے پھل، وست امولک جھولی دینی پائیا۔ جوتی جوت سروُپ ہرِ، آپ اپنی کِرپا کر، نِہکلنک نرائن نر، مہاراج شیر سِنگھ وِشنوُں بھگوان، پُرکھ اکال دیِن دَیال تیرا وِچھوڑا ہووے نہ کِسے پل، پلک دے اندر اپنا نوُر دینا چمکائیا ۔
۲۷ اَسوُ شہنشاہی سمت ۲ بنتا سِنگھ دے گرِہ پِنڈ پنج گرائیاں ضِلع گُرداسپُر
اَسوُ کہے پربھ نؤ سؤ چُرانوے چؤکڑی جُگ گئے لنگھ، جُگ جُگ تیرا دھیان لگائیا۔ سچکھنڈ دوار ایکنکار بَیٹھا رِہوں اپنی سیج پلنگ، سَت سَتوادی ہو کے اپنا حُکم سُنائیا۔ گُر اوتار پَیغمبر تیرے نام دا وجاؤندے رہے مردنگ، نِرگُن سرگُن ہو کے تیرا ڈھولا گائیا۔
سچ پریم دا بخش اگمّا انند، کایا ماٹی چمّاں بھاگ لگائیا۔ خوشی وکھاؤندا رِہوں بند بند، بندگی اندر مچھندگی اِک جنائیا۔ انت اَخیِر منگیئے ایہو منگ، مانگت ہو کے جھولی ڈاہیِا۔ سرِشٹی درِشٹی اندر ویکھ سوُرے سربنگ، نِرگُن نِروَیر نِراکار نِرنکار اپنا دھیان لگائیا۔ چار کُنٹ دہ دِشا ہوئی ننگ، ساچا تیرا نام اوڈھن سیِس نہ کوئے ٹِکائیا۔ پِھری دروہی وِچ وربھنڈ، نؤ کھنڈ رہی کُرلائیا۔ کلجُگ کوُڑی کِریا جوُٹھ جھوُٹھ ودھیا گند، سچ سُگندھ نظر کوئے نہ آئیا۔ من ہنکارا گھر گھر کرے جنگ، سانتک سَت نہ کوئے کرائیا۔ سَت دھرم کہے مَیں ویکھ ہویا دنگ، حَیرانی میرے اندر آئیا۔ کِرپا کر سوُرے سربنگ، شاہ پاتشاہ شہنشاہ تیرے ہتّھ وڈیائیا۔ ایکا نام وجا دو جہان مردنگ، اگمّی ناد کر شنوائیا۔ مانَو ذاتی بھیو کُھلا دے برہم ہنگ، آتم پرماتم دے دِرڑائیا۔ ترِشنا کوُڑی رہے نہ کوئے تم، تامس ترِکھا نہ کوئے ستائیا۔ چِنتا سوگ مِٹا دے غم، گہر گمبھیِر اپنا رنگ رنگائیا۔ پوَن سواسی لیکھے لا دے دم، جو جن تیرا نام دِھیائیا۔ بھگت اُدھارنا تیرا کمّ، سَتجُگ تریتا دواپر کلجُگ ریِتی چلی آئیا۔ پُرکھ اکال دیِن دَیال ہو کے بیڑا بنّھ، کھیوٹ کھیٹا ہو کے بیڑا بنّے دے لائیا۔ بھاگ لگا کایا ماٹی چمّ، چمّ درِشٹی دے بدلائیا۔ نام بھنڈارا وست امولک دے دھن، جگت خزانے دی لوڑ رہے نہ رائیا۔ اندھ اندھیر مِٹا اگیان انّھ، جلوہ نوُر کر رُشنائیا۔ دہ دِشا نہ اُٹھ اُٹھ دھاوے من، من دی منسا دے کھپائیا۔ بھگت سُہیلے سجّن تار )جن(، تن ماٹی خوشی وکھائیا۔ ہر گھٹ نِواسی ایکو رم، رام رحیِم تُونہی نظری آئیا۔ تیرے گرِہ شبدی دھار بھگت سُہیلے جان جمّ، جماں دا جھگڑا دے مُکائیا۔ کوُڑی کِریا دے ڈنّ، ساچی وِدیا اِک سمجھائیا۔ سچ دوارا ویکھ لنگھ، بھگتاں مندر اندر پڑدا لاہیِا۔ تیرا سدا رہے سنگ، وِچھوڑے وِچوں وِچھوڑا دے کٹائیا۔ جِس دا لیکھا پُری انند، انند اوسے دی جھولی پائیا۔ دوُجا دِسے کوئی نہ سنگ، پُرکھ اکال تیری مِل کے وجےّ ودھائیا۔ نِرگُن دھار پرگٹ ہو نِسنگ، نِراکھّر اپنا حُکم دے جنائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، سَت دھرم تیرے دوارے منگ رہیا منگائیا۔ سَت دھرم کہے نؤ سؤ چُرانوے چؤکڑی جُگ رِہوں اوہلے، سچکھنڈ دوارے سوبھا پائیا۔ گُر اوتار پَیغمبراں سُناؤندا رِہوں ڈھولے، شبد انادی ناد وجائیا۔ سچ دوارے دے بنا کے رکھے گولے، حُکم اندر حُکم چلائیا۔ بھاگ لگا کے کایا ماٹی پنج تت چولے، چوج اپنے دئیں سمجھائیا۔ تیرا نام فرمان دُھر دا رسنا جِہوا بولے، انراگی راگ سُنائیا۔ انتم گئے تیرے کولے، لوکمات ہوئی جُدائیا۔ کلجُگ انت سِری بھگوَنت نِرگُن دھار بھاگ لا اُپر
دھرنی دھرت دھؤلے، دھرم دوارا اِک وکھائیا۔ دیِن مذہب ذات پات اوُچ نیِچ راؤ رنک رہن نہ رؤلے، جھگڑا سب دا دے گوائیا۔ ہر گھٹ اندر تیرا نوُر مؤلے، جوتی جوت ڈگمگائیا۔ گُر اوتار پَیغمبراں پوُرا کر قؤلے، اِقرارنامہ سارے رہے وکھائیا۔ کل تیرا بھگت کوئی نہ ڈولے، اڈول اڈُل دینا جنائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سَتنام ساچی آس رکھائیا۔ سَت دھرم کہے پربھ نوَ نؤ چار گئے بیِت، بیِتی کہانی شاستر سِمرت وید پُران رہے جنائیا۔ تیری کلجُگ توں اَگے دسےّ کوئے نہ ریِت، انجیل قُرآن پڑدا نہ کوئے کُھلائیا۔ گُر اوتار پَیغمبر کرے نہ کوئے نصیِحت، حُکمے اندر حُکم نہ کوئے دِرڑائیا۔ تیرے حُکم دی سارے کرکے گئے وصیّت، اصلیّت وِچ تیرا راہ تکائیا۔ دیِن دُنی آد جُگاد جُگ چؤکڑی لکّھ چؤراسی تیری ملکیت، مالک اِکو نظری آئیا۔ دو جہان سِری بھگوان بِن ساچے بھگتاں اپنی سمجھ سکیا نہ کوئے ولدیّت، پِتا پُرکھ اکال نظر کِسے نہ آئیا۔ جوتی جوت سروُپ ہرِ، آپ اپنی کِرپا کر، ایکا دے ساچا ور، سَت سچ تیرے اَگے جھولی ڈاہیِا۔ سَت دھرم کہے جُگ چؤکڑی گئے نَٹھ، بن کے پاندھی پندھ مُکائیا۔ مَیں بَیٹھا رہیا کر کے ہٹھ، دھیِرج دھار نال رکھائیا۔ گُر اوتار پَیغمبر جُگ جُگ مارگ گئے دسّ، سَتجُگ تریتا دواپر کلجُگ تیرا حُکم سُنائیا۔ شاستر سِمرت وید پُران انجیل قُرآن کھانی بانی اکھّراں والا دے کے حق، صِفتاں والی کر وڈیائیا۔ راگاں ناداں وِچ گایا جس، ڈھولا بےپرواہیِا۔ انتم کر کے سارے بس، بَیٹھے نِیوں نِیوں سیِس جھُکائیا۔ کلجُگ انت چلے کِسے نہ وسّ، واسطہ سارے رہے پائیا۔ پرگٹ ہو پُرکھ سمرتھ، صاحب سوامی تُدھ بِن دوُجا نظر کوئے نہ آئیا۔ بھوِکھتاں دا پوُرا کر حق، لہنا دینا دے چُکائیا۔ نؤ سؤ چُرانوے جُگ تیرے اُتے سب نوُں رہیا شک، کلجُگ انتم سنسا روگ دے گوائیا۔ کوُڑی کِریا مات لوک وِچوں باہر دے دھکّ، دھکاّ حُکم والا لگائیا۔ سَت دھرم لوکمات دے رکھ، دھرم دوارا اِک کُھلائیا۔ سنت سُہیلا رہے کوئی نہ وکّھ، گُرمُکھ گُر گُر گُر جوڑ جُڑائیا۔ گُرسِکھاں کرنا پکّھ، جو تیری اوٹ تکائیا۔ تیرا نعرہ جَیکارا اِک ہووے الکّھ، اکھّراں توں باہر دینا سمجھائیا۔ مِہربان محبوُب پُرکھ سمرتھ، شاہ پاتشاہ شہنشاہ تیری اوٹ تکائیا۔ سنت سُہیلے گُرمُکھ ہرجن بھگت نِرگُن تیرا راہ رہے تکّ، بِن اکّھاں اکّھ کُھلائیا۔ جوتی جوت سروُپ ہرِ، آپ اپنی کِرپا کر، نِہکلنک نرائن نر، مہاراج شیر سِنگھ وِشنوُں بھگوان، آد جُگاد جُگ چؤکڑی تیری مہما سدا اکتھ، کتھنی کتھ نہ سکے رائیا۔
۲۷ اَسوُ شہنشاہی سمت ۲ کرتار کؤر دے گرِہ پِنڈ پنج گرائیں ضِلع گُرداسپُر
سَت دھرم کہے پربھ کلجُگ جیِو رہے کوئی نہ وِچ نِندرا، آلس الکھ اگوچر دینی گوائیا۔ من وِکاری ہنکاری توڑ کے جوُٹھ جھوُٹھ دا جِندرا، کُنجی نام دُھر دے رام دینی لگائیا۔ ساچی راس وکھاؤنی کایا ماٹی ساڈھے تِنّ ہتّھ بن بِندرا، سُرتی شبدی گوپی کاہن نچائیا۔ نیتر نیِر وہائن تیرا کھیل ویکھ کے سُرپت اِندرا، سِنگھاسن آسن سارے دین تجائیا۔ تُوں مالک خالق پرِتپالک اِک نرِندرا، نر نریش نظری آئیا۔ ساچے نام دا برہمنڈ کھنڈ پُری لوء آکاش پاتال مردنگ وجا کِنگرا کِنگرا، لکّھ چؤراسی اندر تیرا دُھن آتمک راگ وجےّ تھاؤں تھائنیا۔ مان وڈیائی بخش جگت جیِو جہان پِنگلا، کایا منزل ساچے پربت دے چڑھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سَت دھرم سَت دوارے آس رکھائیا۔ سَت دھرم کہے پرم پُرکھ پرماتم تیری اِکو آس، آسا ترِسنا کوُڑی کِریا دیِن دُنی دے گوائیا۔ چار ورن اٹھاراں برن نِرمل جوت کر پرکاش، اندھ اندھیر سنجھ سویر اِکو رنگ دینا رنگائیا۔ آتم پرماتم پرماتم آتم اپنے کر داس، پاربرہم برہم مِل کے وجےّ سچ ودھائیا۔ کلجُگ انت سِری بھگوَنت اندر وڑ کے مندر چڑھ کے میٹ اندھیری رات، سَت سروُپ شاہو بھوُپ اپنا نوُری چند کر رُشنائیا۔ تُوں میرا مَیں تیرا شبد انادی برہم برہمادی دسّ جاپ، گُر اوتار پَیغمبر مِل کے تیرا ڈھولا دُھر دا گائیا۔ من واسنا کوُڑی کِریا من وِکار ہنکار کر وِناس، ابناشی کرتے تیرے ہتّھ وڈیائیا۔ جھگڑا رہے نہ دیِن دُنی ذات پات، کملاپاتی پتپرمیشور بھیو ابھیدا دینا کُھلائیا۔ نِرگُن ہو کے سرگُن دینا چار کُنٹ ساتھ، دہ دِشا سگلا سنگ بنائیا۔ تیرا نام نِدھان سِری بھگوان سچ دوارے وجےّ اِکو ناد، نادی سُت گُرمُکھ لَینے پرگٹائیا۔ جوتی جوت سروُپ ہرِ، آپ اپنی کِرپا کر، سَتجُگ ساچا کھیڑا کر آباد، لوکمات جڑ دے لگائیا۔ سَت دھرم کہے پربھ کِرپا کر گُن نِدھان، بےانت تیری اوٹ رکھائیا۔ ساچا جھُلے دھرم اِک نِشان، نِشانے کوُڑے دے گوائیا۔ سنت سُہیلے گُر چیلے مِل کے تیرا درشن پان، دیِد عیِد چند کر رُشنائیا۔ صدی چؤدھویں شرع رہے نہ کوئے شیَطان، شریعت وِچوں اصلیّت دے پرگٹائیا۔ من واسنا کرے نہ کوئے حرام، دُشٹ دُراچار نظر کوئے نہ آئیا۔ ممتا رہے نہ کوئے غُلام، غُربت اندروں دینی کڈھائیا۔ اِکو سجدہ تیرے چرن کوَل ہووے سلام، نمستے کہہ کے سارے شُکر منائیا۔ سَت دھرم دا سَت سَتوادی سب نوُں دے دان، داتا ہو کے آپ ورتائیا۔ جوتی جوت سروُپ ہرِ، آپ اپنی کِرپا کر، ایکا دینا
ساچا ور، سچکھنڈ نِواسی سچ دوارا دینا جنائیا۔ سَت دھرم کہے پربھ آسا منسا کر دے پوُری، پاربرہم پربھ تیرے ہتّھ وڈّی وڈیائیا۔ ایکا جلوہ دسّ نوُری، نوُر نوُرانہ نوُر اِکو نظری آئیا۔ جگت واسنا رہے کوئے نہ کوُڑی، کوُڑ کُٹمب دینا مُکائیا۔ سب دے مستک ٹِکاّ لاؤنا دُھر دی دھوُڑی، دُرمت مَیل دینی دھوائیا۔ تن وجوُد رہے نہ کوئے غروُری، نِون سو اکھّر دینا جنائیا۔ جوتی جوت سروُپ ہرِ، آپ اپنی کِرپا کر، دیِن دَیال تُوں آد جُگاد سدا دستوُری، حُکمے اندر حُکم لَینا منائیا۔ سَت دھرم کہے مَیں منگنہارا ایک، ایکنکار تیرا دھیان لگائیا۔ سچ دوارے بخش اپنی ٹیک، دوُجے در نہ کوئے بھوائیا۔ گُر اوتار پَیغمبراں پوُرا کر لیکھ، لِکھیا لیکھ نہ کوئے مِٹائیا۔ تیرے چرن کوَل اِک آدیس، نِیوں نِیوں لاگاں پائنیا۔ تُوں مالک خالق پرِتپالک دو جہاناں اِک نریش، نر نرائن اِکو نظری آئیا۔ تیری دھار آد جُگاد سدا شبد گُروُ دس دسمیش، دہ دِشا وجےّ تیری ودھائیا۔ کلجُگ انت سِری بھگوَنت جوتی جامہ دُھر دے راما تیرا نظری آئے بھیس، بھیکھ اولّا نوُری االلہ سمجھ کوئے نہ پائیا۔ سنت سُہیلے جن بھگت صوُفی سنت فقیِر لےَ ویکھ، وکھّرا ہو کے اپنا پڑدا لاہیِا۔ جوتی جوت سروُپ ہرِ، آپ اپنی کِرپا کر، نِہکلنک نرائن نر، مہاراج شیر سِنگھ وِشنوُں بھگوان، سچکھنڈ دوارا تیرا دُھر دا دیس، درگاہ ساچی مقامے حق حق حقیِقت والی آد جُگاد اِکو اِک پڑھائیا۔
۲۷ اَسوُ شہنشاہی سمت ۲ کاشی رام دے گرِہ پِنڈ سنئیا ضِلع گُرداسپُر
سَت دھرم کہے پربھ سرِشٹ سبائی رہی رو، نیتر نیَن نیِر وہائیا۔ تیرا بھیو نہ دسےّ کو، پڑدا اوہلا نہ کوئے چُکائیا۔ مایا ممتا تیرے نالوں کیِتا نِرموہ، مُحبّت حق نہ کوئے کمائیا۔ من واسنا کوُڑی کِریا کرے دھروہ، دغے فریب نال لڑائیا۔ تیرے دوارے دی دیوے کوئی نہ ساچی سو، سندیشہ دُھر نہ کوئے سُنائیا۔ کایا مندر اندر ہووے کوئی نہ لو، جوتی نوُر نہ کوئے رُشنائیا۔ پنچ وِکار بنا کے گروہ، دھکاّ سب نوُں رہے لگائیا۔ آتم پرماتم نِرگُن دھار تیرے نال سکے کوئی نہ چھوہ، پاربرہم میلا میل نہ کوئے کرائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سَت دھرم ڈَھیہہ پیا سرنائیا۔ سَت دھرم کہے پربھ دیِن دُنی رہی کُرلا، کرم کُکرم نہ کوئے بدلائیا۔ ساچا ملِے نہ کوئے ملاح، کھیوٹ کھیٹا روُپ نہ کوئے بدلائیا۔ اِکو تیری اوٹ رہے تکا، دو جہان دھیان لگائیا۔ گُر اوتار پَیغمبر دین صلاح، دُھر سندیشہ اِک الائیا۔ کرنی دا کرتا
قُدرت دا مالک نِروَیر پُرکھ جاوے آ، ویس اَولّڑا روُپ دھرائیا۔ جِس دا لیکھا لِکھے کوئی نہ قلم شاہ، پڑدا اوہلا نہ کوئے چُکائیا۔ غریِب نِمانیاں کوجھیاں کملیاں پکڑے بانہہ، بھگت سُہیلے اپنے رنگ رنگائیا۔ کلجُگ انت سِری بھگوَنت سچ کرے نیاں، عدل اِنصاف اپنا دئے دِرڑائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سَت دھرم تیرا لیکھا ویکھ وکھائیا۔ سَت دھرم کہے پربھ سرِشٹی مارے تیرے نام دا نعرہ، اُچی کوُک کوُک سُنائیا۔ ساچا دِسے نہ کوئے منارا، محل اٹل نہ کوئے رُشنائیا۔ کِرپا کر نر نِرنکارا، شاہ سِکدارا اِکو تُونہی نظری آئیا۔ کلجُگ میٹ دھوُاں دھارا، ساچا چند دے چمکائیا ۔ تیرے چرن کوَل نمستے نِمسکارا، نِیوں نِیوں لاگاں پائیا۔ تیرا نام کھنڈا آد جُگاد سدا دو دھارا، گُرمُکھ منمُکھ دوویں ویکھ وکھائیا۔ جوتی جوت سروُپ ہرِ، آپ اپنی کِرپا کر، ساچا بخش حق پیارا، پریم پیار وِچوں اپنی مُحبّت دے جنائیا۔ سَت دھرم کہے پربھ کلجُگ کوُڑی کِریا دے دے طلاق، ساتھ رہن کوئے نہ پائیا۔ دُھر دی دھار بخش اِخلاق، ریِتی نیِتی نال کُڑمائیا۔ نِرگُن سرگُن بن سجّن ساک، دُھر دا سنگ نِبھائیا۔ جن بھگتاں انتر پریِتم ہو کے کھول تاک، پڑدیاں وِچوں پڑدا دے اُٹھائیا۔ تُوں میرا مَیں تیرا آتم پرماتم بخش اِتفاق، نِفاق نظر کوئے نہ آئیا۔ کلجُگ رَین مِٹے اندھیری رات، رُتڑی رُت تیرے نال مہکائیا۔ ابناشی کرتے دُھر دے مالک آن کے پُچھ وات، واقف کار ہو کے ویکھ وکھائیا۔ چار ورن اٹھاراں برن دھرم بنا اِک جماعت، رنگ اِکو دے رنگائیا۔ سَت دھرم کہے پربھ سِری بھگوان بِن تیری کِرپا جھگڑا چُکے نہ ذات پات، جگت حالات نہ کوئے بدلائیا۔ جوتی جوت سروُپ ہرِ، آپ اپنی کِرپا کر، نِہکلنک نرائن نر، مہاراج شیر سِنگھ وِشنوُں بھگوان، تیرے اُتے آد جُگاد جُگ چؤکڑی سب نوُں پوُرا وِشواس، وِشیاں وِچوں اپنا وِشا دے بدلائیا۔
۲۸ اَسوُ شہنشاہی سمت ۲ چرن سِنگھ دے گرِہ پِنڈ سنئیا ضِلع گُرداسپُر
سَت کہے پربھ بھگتاں دسّ اپنا دھرم، ادھرمی رہن کوئے نہ پائیا۔ اُتم سرِیشٹ کر کرم، نِہکرمی ہو کے ویکھ وکھائیا۔ سُفل کر مانَس جنم، چؤراسی گیڑ نہ کوئے بھوائیا۔ انتر سنسا رہے کوئی نہ بھرم، دوَیت دینا ڈیرہ ڈھاہیِا۔ نظری آئی اِکو پُرکھ پرم، پرماتم آتم جوڑ جُڑائیا۔ جھگڑا رہے نہ ذات پات ورن، برن ونڈ نہ کوئے ونڈائیا۔ سب نوُں اِکو دے سرن، سرنگت دے سمجھائیا۔ نِج نیتر درشن تیرا کرن، دوئے لوچن پیکھ
وجےّ ودھائیا۔ تیرے نام دی منزل چڑھن، کوُڑی کِریا پندھ مُکائیا۔ چرن کوَل پلّوُ دُھر دا پھڑن، سہارا اِکو دے سمجھائیا۔ جوتی جوت سروُپ ہرِ، آپ اپنی کِرپا کر، سد اپنا رنگ رنگائیا۔ سَت کہے پربھ جن بھگتاں اپنا نام دسّ سچ، جوُٹھ جھوُٹھ رہن کوئے نہ پائیا۔ بھاگ لگا کایا ماٹی کچّ، کنچن گڑھ دے بنائیا۔ اِک اُپجا برہم مت، وِدیا دُھر دی دے سمجھائیا۔ انتر کھول اکّھ، پرتکھ نظری آئیا۔ لکّھ چؤراسی وِچوں رکھ، رکھیا کر تھاؤں تھائنیا۔ سِر سمرتھ رکھ ہتّھ، مِہر نظر اِک اُٹھائیا۔ تیرے چرن کوَل جاون ڈھٹھ، دھوُڑی ٹِکاّ مستک لائیا۔ گھر سروور وکھا اٹھسٹھ، امرت اپنا نام جنائیا۔ دُرمت مَیل دے کٹ، پتت پُنیِت کر صفائیا۔ ساچے نام دا کھول کے ہٹّ، گرِہ ونجارے لےَ بنائیا۔ جن بھگتاں اُبلے کدے نہ رتّ، سانتک سانت سَت کر وکھائیا۔ بِن تیرے کوئی نہ جانے مِتگت، پڑدا اوہلا نہ کوئے چُکائیا۔ پُرکھ اکال دیِن دَیال کر ہِت، بھگت سُہیلے انگ لگائیا۔ دِوس رَین وس چِت، من دی ٹھگی دے گوائیا۔ سُہنجنی گھڑی کر وار تِھت، گھڑی پل اپنے نال وڈیائیا۔ جوتی جوت سروُپ ہرِ، آپ اپنی کِرپا کر، نِہکلنک نرائن نر، مہاراج شیر سِنگھ وِشنوُں بھگوان، سرب کلا سمرتھ، گھٹ مندر کر رُشنائیا۔
۲۸ اَسوُ شہنشاہی سمت ۲ اجیِت سِنگھ دے گرِہ پِنڈ سنئیا ضِلع گُرداسپُر
سَت کہے پربھ جن بھگتاں دے اپنے نام دی رتی، رتن امولک ہیِرے دے بنائیا۔ دھیِرج سنتوکھ دے سَت سَتی، سَتوادی اپنی گنڈھ پوائیا۔ نام بھنڈارا دے ساچا لاہا لیَن کھٹّی، کھٹکا لکّھ چؤراسی دے گوائیا۔ نِرگُن دھار پڑھا اپنی پٹّی، جگت مکتب دی لوڑ رہے نہ رائیا۔ نِرگُن دھار نِرگُن جوت جگا اگمّی بتّی، سَت سروُپ کر رُشنائیا۔ مالک بن دُھر دا پتی، پتپرمیشور مِہر نظر اُٹھائیا۔ من واسنا پِھرے نہ نسّی، چار کُنٹ دہ دِشا نہ اُٹھ اُٹھ دھائیا۔ جوتی جوت سروُپ ہرِ، آپ اپنی کِرپا کر، کلجُگ انتم پت رکھیں، جن بھگتاں ہو سہائیا۔ سَت کہے پربھ جن بھگتاں تھوڑی جِہی مِقدار، چؤراسی وِچوں نظری آئیا۔ جِنہاں دا حقیِقت وِچ حق وصل دا اِکو یار، اصل تیرا نوُر نوُر کر رُشنائیا۔ مُحبّت وِچ محبوُب دے دیِدار، نِرگُن جوت کر رُشنائیا۔ شرع کلمیاں توں رکھ باہر، عبادت اپنی دے سمجھائیا۔ واحد میلا ہووے پروردِگار،
شاہ محبوُب تیری سرنائیا۔ در ٹھانڈے کھول کِواڑ، پڑدا اوہلا دینا چُکائیا۔ بِن تیرے ساچا کرے نہ کوئے پیار، دُھر دا سنگ نہ کوئے بنائیا۔ بھگت سُہیلے تیرے خِدمتگار، جُگ جُگ سیو کمائیا۔ کلجُگ انت سِری بھگوَنت کر کِرپا آپ نِرنکار، نِرگُن ہو کے ویکھ وکھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیر سِنگھ وِشنوُں بھگوان، سچکھنڈ نِواسی دُھر دے سِکدار، سِکھیا اپنی دینی دِرڑائیا۔
۲۸ اَسوُ شہنشاہی سمت ۲ تارا سِنگھ دے گرِہ پِنڈ سُنئیا ضِلع گُرداسپُر
سَت کہے پربھ جن بھگتاں بن آقا، عقل دا مالک بےپرواہیِا۔ اپنے مندر دا کھول تاکا، قُفل رہن کوئے نہ پائیا۔ اپنے نام دا دسّ ساکا، شبد کہانی اِک دِرڑائیا۔ سچ دھام دا دسّ پاٹھا، پوُجا اِکو دے سمجھائیا۔ جھگڑا رہے نہ اٹھ ساٹھا، سروور دُھر دے دینا نُہائیا۔ منزل بمنزل چُکے واٹا، پاندھی پندھ نہ کوئے بھوائیا۔ تیرا درس ہووے ساکھیاتا، سِخر چوٹی چڑھ کے منزل پڑدا دینا اُٹھائیا۔ کلجُگ میٹ اندھیری راتا، نیَن اپنے کر رُشنائیا۔ تُوں صاحب سوامی ساچا، سَتگُر اِکو اِک اکھوائیا۔ جُگ چؤکڑی سَتجُگ تریتا دواپر کلجُگ تیری بدلدی رہی گاتھا، عدلی ہو کے اپنا عدل کمائیا۔ جوتی جوت سروُپ ہرِ، آپ اپنی کِرپا کر، نِہکلنک نرائن نر، مہاراج شیر سِنگھ وِشنوُں بھگوان، جن بھگتاں بن راکھا، رکھک ہو کے ویکھنا تھاؤں تھائنیا۔
۲۸ اَسوُ شہنشاہی سمت ۲ مکھّن سِنگھ دے گرِہ پِنڈ سُنئیا ضِلع گُرداسپُر
سَت کہے پربھ جن بھگتاں دے نام سہارا، سہائک اِکو نظری آئیا۔ جگت جہان کر پار کنارہ، نئیا نؤکا اپنا نام چلائیا۔ ساچا مندر دسّ دوارا، سچکھنڈ بہہ کے خوشی منائیا۔ دیِا باتی نِرگُن جوت کر اُجیارا، در ٹھانڈے ڈگمگائیا۔ امرت جام دے ٹھانڈا ٹھارا، رس نِجھر اِک جھِرائیا۔ شبد ناد دے سچّی دُھنکارا، انراگی راگ سُنائیا۔ کوُڑی کِریا میٹ اندھیارا، اگیان اندھ رہن نہ پائیا۔ تیرا دِسے حق دوارا، حقیِقت
وِچ تیرا نوُر نظری آئیا۔ شاہ پاتشاہ شہنشاہ سچّے سِکدارا، دُھر فرمانا دینا سُنائیا۔ آد جُگاد جُگ چؤکڑی تیرا انت نہ پاراوارا، بےانت اِکو تُونہی نظری آئیا۔ سو کلجُگ انت سِری بھگوَنت جن بھگتاں نام کر اُجیارا، مِہر نظر اِک اُٹھائیا۔ جوتی جوت سروُپ ہرِ، آپ اپنی کِرپا کر، نِہکلنک نرائن نر، مہاراج شیر سِنگھ وِشنوُں بھگوان، سچکھنڈ تیرا گھر سچّا دربارا، دوارا اِکو اِک دینا وکھائیا۔
۲۸ اَسوُ شہنشاہی سمت ۲ سنت سِنگھ دے گرِہ پِنڈ سنئیا ضِلع گُرداسپُر
سَت کہے پربھ جن بھگتاں اپنے نام دی دے مستی، خُماری دُھر دی دے چڑھائیا۔ اپنی دسّ اگمّی ہستی، ہست کیِٹ وِچوں نظری آئیا۔ کوُڑی کِریا جن بھگتاں اندروں نسّدی، بھجےّ واہو داہیِا۔ آواز نِکلے تُونہی تُوں تیرے جس دی، تیرا نام ڈھولا گائیا۔ نیِند کُھلے اندرلی اکّھ دی، پڑدا اوہلا دے چُکائیا۔ تیری کتھا کہانی لگّے سچ دی، سچ سچ دے سمجھائیا۔ سوبھاوَنتی دیہہ ہووے کایا ماٹی کچّ دی، کنچن گڑھ دے بنائیا۔ من واسنا نہ پِھرے نچدی، شبد ڈوری تند بندھائیا۔ دھار دسّ پربھوُ پرتکھ دی، سوَچّھ سروُپی اپنا درس کرائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سِر اپنا ہتّھ ٹِکائیا۔ سَت کہے پربھ بھگتاں اندروں کھول پڑدا، باہروں نظر کِسے نہ آئیا۔ تَینوُں اپنے مندر ویکھن چڑھدا، گھر سوامی ہو کے ویکھ وکھائیا۔ سچ دوار دا بن بردا، سیوک ہو کے سیو کمائیا۔ تُوں مالک گھر گھر دا، بِن تیرے گرِہ سوبھا کوئے نہ پائیا۔ تیرا کھیل جُگ چؤکڑی نرَین نر دا، نر ہرِ تیری اِک سرنائیا۔ سَت کہے مَیں نِیوں نِیوں چرن کوَل سیِس دھردا، جگدیِس سنگ بنائیا۔ بِن بھگتاں تیرا نام کوئی نہ جپدا، لوکمات ڈھولا نہ کوئے گائیا۔ کلجُگ کوُڑی کِریا جھگڑا میٹ دے پپ دا، پتت پُنیِت دے بنائیا۔ بِن تیرے پَیج کوئی نہ رکھدا، جُگ چؤکڑی دئے گواہیِا۔ جوتی جوت سروُپ ہرِ، آپ اپنی کِرپا کر، نِہکلنک نرائن نر، مہاراج شیر سِنگھ وِشنوُں بھگوان، بِن تیرے بھگتاں کایا کھیڑا کدے نہ وسدا، رُت بسنت نہ کوئے سُہائیا۔
۲۸ اَسوُ شہنشاہی سمت ۲ ہربھجن کؤر دے گرِہ پِنڈ سنئیا ضِلع گُرداسپُر
سَت دھرم کہے پربھ ساچے بھگت لیَن تیرا نام، بِن بھگتاں نِرنکار نہ کوئے وڈیائیا۔ تیرے پیار دا پیِون جام، حقیِقت ویکھ خوشی منائیا۔ تیرا سندیشہ دیون تمام، طمع وِچوں سرِشٹی باہر کڈھائیا۔ بِن پَیسے ٹکیوں بن غُلام، تیری چاکری سیو کمائیا۔ چرن کوَل رکھن دھیان، سِر سجدیاں وِچ نِوائیا۔ ثابت دھرم رکھ اِیمان، جگت دُکھ سُکھ تیری جھولی پائیا۔ جودھے سوُربیِر بن بلوان، جگت سماج نال لڑائیا۔ اِکو ڈھولا تیرا گان، گا گا خوشی منائیا۔ ناتا توڑ جگت جہان، مِہربان تیری اوٹ رکھائیا۔ چرن کوَل کر اِشنان، اٹھسٹھ پندھ مُکائیا۔ تَینوُں منّن اِکو کاہن، دوُجا کنت نہ کوئے ہنڈھائیا۔ تیرے دوارے کرن بِسرام، سچ سِنگھاسن سوبھا پائیا۔ بِن تیری مہما ہور کرن نہ کوئے کلام، کلمہ دُھر دا ڈھولا گائیا۔ قدم بوسی وِچ سلام، صحیح سلامت تیری سیو کمائیا۔ تیرے سِر نہ کوئے احسان، اُجرت منگ نہ کوئے منگائیا۔ کِرپا کر وڈ مِہربان، سَت دھرم تیری جھولی ڈاہیِا۔ ساچے بھگتاں دے دان، انمُل آپ ورتائیا۔ نِرگُن نوُر کر مہان، جوت جوت نال مِلائیا۔ اپنی دسّ پہچان، پڑدا دے اُٹھائیا۔ جنم جنم دے وِچھڑے کر پروان، پروانے دُھر دے لےَ بنائیا۔ جِسم دا اِسم بن ججمان، مالک ہو کے ہو سہائیا۔ بِن تیری کِرپا کایا بستی دِسے وَیران، وَیری گھر وِچ کرن لڑائیا۔ جوتی جوت سروُپ ہرِ، آپ اپنی کِرپا کر، نِہکلنک نرائن نر، مہاراج شیر سِنگھ وِشنوُں بھگوان، اپنی منزل دسّ آسان، گھر سوامی ٹھاکر ملِے سِری بھگوان، اَگے ہو اَدھ وِچکار نہ کوئے اٹکائیا۔
۲۸ اَسوُ شہنشاہی سمت ۲ سُرجیِت سِنگھ دے گرِہ پِنڈ فَیز پُرا ضِلع گُرداسپُر
جن بھگتو سَتجُگ دی رکھو آس، اصل روُپ سب نوُں نظری آئیا۔ کِرپا کرے پُرکھ ابناش، سِری بھگوان دَیا کمائیا۔ نِرگُن نوُر جوت کرے پرکاش، دو جہاناں ڈگمگائیا۔ کوُڑی کِریا کرے گھات، جوُٹھ جھوُٹھ دئے گوائیا۔ کلجُگ میٹے اندھیری رات، سَت سَتوادی ساچا چند چمکائیا ۔ آتم پرماتم دسےّ ساچی گاتھ، سوہنگ ڈھولا حق پڑھائیا۔ پاربرہم برہم جوڑ کے اپنا نات، رنگ اِکو دئے رنگائیا۔ جھگڑا رہے نہ دیِن مذہب ذات پات، اوُچ نیِچ نہ ونڈ ونڈائیا۔ نام بھنڈارا دیوے دُھر دی گاتھ، انمُلڑی دؤلت آپ ورتائیا۔ صاحب سوامی انترجامی رکھنا
یاد، یادداشت ساچی لیَنی بنائیا۔ سو سُنے آپ فریاد، مات لوک ویکھ وکھائیا۔ وست امولک دیوے داد، خالی جھولی سرب بھرائیا۔ سوئی سُرتی جائے جاگ، آلس نِندرا نہ کوئے رکھائیا۔ گُرمُکھ ہنس بُدھی رہن نہ دیوے کوئی کاگ، کاگوں ہنس دئے بنائیا۔ دُھر دے نام دی مارے اگمّی آواز، شبدی راز آپ کُھلائیا۔ کایا کھیڑا ہون نہ دیوے برباد، آباد اپنے نال کرائیا۔ بِن رسنا جِہوا امرت دیوے سواد، بوُند سوانتی آپ چوائیا۔ تن ماٹی خاکی رہن نہ دیوے کوئی وِواد، کوُڑی کِریا باہر کڈھائیا۔ حیاتی نوُں بدلن والا دیوے آب، جام دُھر دا اِک پیائیا۔ جھگڑا مُکا کے پُنّ صواب، ساچے در دئے وڈیائیا۔ دُھر دے حُجرے دسےّ کرنا آداب، ڈنڈاوت بندنا اپنی دئے سمجھائیا۔ اِکو ناؤں نِرنکارا دسےّ واحد، واہوا اپنا حُکم ورتائیا۔ سَت دھرم کرے عائد، قاعدہ قانوُن نہ کوئے بدلائیا۔ جن بھگتاں سمجھاوے سچ مُفائد، مُفت مُفلِساں آپ ورتائیا۔ دُھر دا حُکم کر رائج، راجن راج اپنا حُکم ورتائیا۔ کلجُگ کرم کانڈ دا کڈھ کے انت نتائج، نتیجہ گُر اوتار پَیغمبراں دئے سُنائیا۔ کوٹاں وِچوں جن بھگت سُہیلے تھوڑے ویکھ کے لایق، برخوردار اپنی گود بَیٹھائیا۔ شبدی سَتگُر ہو کے کرے حمایت، ہم ساجن ہو کے میل مِلائیا۔ سچ دوارا بخشے عنایت، رحمت اپنی جھولی پائیا۔ کلجُگ کوُڑی کِریا سُنے نہ کوئے شکائت، شکّ وِچ ویکھے سرب لوکائیا۔ چار جُگ دے ناماں دی گُر اوتار پَیغمبراں ویکھے نُمائش، حِصیاں وِچ حِصّے دئے دِرڑائیا۔ برہمنڈ کھنڈ پُری لوء آکاش پاتال کر پَیمائش، پَیدائش والیاں دا لیکھا دئے مُکائیا۔ ساچی منزل دسےّ حق رہائش، رہنا سہنا اِکو دئے سمجھائیا۔ جِتھے من واسنا کدے نہ آوے تَیش، غُصّہ غم نہ کوئے ستائیا۔ جن بھگتاں ہون نہ دیوے نا لایق، نالش اندروں باہر دیوے کڈھائیا۔ چار کُنٹ دہ دِشا سب دی کر کے ازمائش، اِشٹ دے مالک ویکھے تھاؤں تھائنیا۔ گُرمُکھاں اپنے گھر دی کر پَیدائش، در دوارے دیوے مان وڈیائیا۔ ساچی پٹّی پڑھا کے دسےّ اِک جماعت، اّول دوم سوم ونڈ نہ کوئے ونڈائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیر سِنگھ وِشنوُں بھگوان، سب نوُں ایکا حُکم کرے ہدایت، حُجریاں اندر مُجرا نہ کوئے لگائیا۔
۲۸ اَسوُ شہنشاہی سمت ۲ حُکم سِنگھ دے گرِہ پِنڈ فَیزپُر ضِلع گُرداسپُر
جن بھگت کہن پربھ امرت دے آبِ حیات، حیاتی جگت دے بدلائیا۔ سچ دواریوں بخش نجات، نچھاوَر اپنا آپ کرائیا۔ سدا سُہیلا ہو کے دے ساتھ، سنگی دُھر دا بن کے بےپرواہیِا۔ لہنا دینا ویکھ مستک ماتھ، پوُرب لیکھا دے چُکائیا۔ سرب گُناں سمراتھ، سرب سوامی تیری وڈ وڈیائیا۔ ساچی منزل پوُری کر دے گھاٹ، لیکھا اوَر نہ کوئے جنائیا۔ پاربرہم برہم تیری ذات، تیرا نوُر نوُر رُشنائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ مِہر نظر اُٹھا سِری بھگوان، بھاگ سب دا دے بنائیا۔ گُرمُکھ تیرے بچّے بال اَنجان، بُدھی والی نہ کوئے چتُرائیا۔ چرن پریِتی دے دُھر دا دان، دانشمنداں وِچوں دانا اپنے لےَ پرگٹائیا۔ سچ دوار بخش مان، ابِھمان اندروں دے کڈھائیا۔ تیرا نام اگمّی سُنن بِنا کان، راگ اپنا دے جنائیا۔ سچ دوارا وکھا اگمّی مکان، جِس مقام وِچ نِرگُن جوت کریں رُشنائیا۔ تیرا سچ سِنگھاسن شبدی دھار ویکھن آن، تتّاں دی لوڑ رہے نہ رائیا۔ منزل چڑھ کے ہون پروان، پرم پُرکھ اپنے وِچ لَینا مِلائیا۔ جوتی جوت سروُپ ہرِ، آپ اپنی کِرپا کر، اِکو دینا دُھر دا ور، سچ دوار ایکنکار بھگت سُہیلے دُھر دی منگ منگائیا۔ جن بھگت کہن پربھ دے دے نام وکھّرا انڈِٹھ، جگت وِدیا ہتّھ کِسے نہ آئیا۔ بِن اکھّراں اکھّر دے لِکھ، لیکھیاں توں پرے اپنا لیکھا دے سمجھائیا۔ جِدھر تکّیئے نِرگُن دھار آویں دِس، دہ دِشا تیرا نوُر ہووے رُشنائیا۔ تُوں مالک بن دُھر دا پِت، پِتا پوُت گود لَینے اُٹھائیا۔ جن بھگتاں کر اپنا ہِت، ہردم تیرا نام دِھیائیا۔ سِکھیا اندر بنا لےَ دُھر دے سِکھ، سختی نال اپنا حُکم منائیا۔ کروٹ لےَ بدل لا پِٹھ، سنمُکھ ہو کے درشن دے وکھائیا۔ تیرا ناؤں ابناشی کرتا کہِندے نِت، نوِت اپنی کار کمائیا۔ سرب سوامی وس چِت، چیتن سُرتی دے کرائیا۔ تُوں پار اُتاریں جِس، وید پُران اوسے دا ڈھولا گائیا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ رکھائیا۔ جن بھگت کہن پربھ آ جا کایا مندر گرِہ، گھر ٹھانڈے وجےّ ودھائیا۔ تیرے نام دی لگّی لےَ، لایق نا لایق لےَ بنائیا۔ ساڈے کول نہیں کوئی شےَ، شہنشاہ خالی ہتّھ دین دُہائیا۔ اِکو تیرا رکھدے بھے، بھؤ وِچ بَیٹھے سیِس جھُکائیا۔ پنچ وِکارا گڑھ ہنکارا نر نِرنکارا اندروں کر دے کھے، خَیرخواہ ہو کے اپنا سنگ نِبھائیا۔ تیرا نام نِدھانا اِکو اندر رہے، رہبر ہو کے رستہ دے وکھائیا۔ سچ سندیشہ دُھر دا کہےَ، حُکم حاکم آپ جنائیا۔ جھگڑا مُکا دے ترےَگُن ترےَ، ترےَگُن لیکھا رہے نہ رائیا۔ اپنی شکتی
دسّ دے شوَےَ، شنکر برہما شِو بَیٹھن سیِس نِوائیا۔ کوُڑی کِریا کردے لےَ، بھگتاں سنگ رہن نہ پائیا۔ اِکو یاد تیری رہےَ، یادداشت دینی بنائیا۔ جن بھگت سُہیلے رہے کہہ، کوُک کوُک سُنائیا۔ جوتی جوت سروُپ ہرِ، آپ اپنی کِرپا کر، نِہکلنک نرائن نر، مہاراج شیر سِنگھ وِشنوُں بھگوان، تُوں آد جُگاد جُگ چؤکڑی سب نوُں نام بھنڈارا وست دئیں، دے دے اپنی خوشی منائیا۔
۲۸ اَسوُ شہنشاہی سمت ۲ جسونت سِنگھ دے گرِہ پِنڈ فَیزپُرا ضِلع گُرداسپُر
جن بھگت کہن نہ ترسا، تڑپ وِچ نہ رکھ جُدائیا۔ دَیال ہو کے دَیاکما، دیِن اپنے نال مِلائیا۔ پِچھلی عادت دے بدلا، بدلہ سب دا دے چُکائیا۔ گُرمُکھ ساچے لےَ اُٹھا، گھر گھر اندر ویکھ وکھائیا۔ گُر اوتار پَیغمبر بنا گواہ، پوُرب دی شہادت دے بُھگتائیا۔ اَگے اپنے لیکھے لگا، سماں سماپت پِچھلی کھیل وکھائیا۔ تیرا نِشانہ ویکھیئے نَواں، نؤواں ستّاں وجےّ ودھائیا۔ کوُڑا لالچ رہے نہ راء، طمع حرص ہوَس نہ کوئے تڑپھائیا۔ بھاگ لگا کایا ماٹی چماں، چمن گُلشن اپنا دے مہکائیا۔ تیری سیج سُہنجنی سواں، ہرجن ساچا خوشی منائیا۔ سچکھنڈ دوار سدا رہواں، بِن تیرے دوُجا نظر کوئے نہ آئیا۔ چرن کوَل سرنائی ساچی بہواں، بھوُمکا اِکو سوبھا پائیا۔ نِت تیرا ڈھولا کہواں، گا گا شُکر منائیا۔ تیرے پرکاش نال جگا اپنی شمع، دِیپک دیِپ ڈگمگائیا۔ وست امولک تیرے در توں لَواں، خالی جھولی دینی بھرائیا۔ مِہربان ویکھیں کِتے کر نہ دیویں پراں، ناتا اپنے نالوں تُڑائیا۔ تیرے چرن کوَلاں بلہاری بلہار جاواں، جماں توں لَینا چُھڈائیا۔ تیرا نام نِدھانا گاواں نال چاواں، چاؤ گھنیرا دینا وکھائیا۔ گل وکڑی پاواں بِن ہتّھاں باہواں، انگیکار کر کے اپنے انگ لگائیا۔ وِچھوڑے وِچ نِکلن نہ دیویں ہاواں، ہم راہ ہو کے اپنا سنگ بنائیا۔ جن بھگتاں سدا تیرے مِلن دا دعوہ، دعویدار دینا بنائیا۔ اپنے نال تول تول کے ساواں، سانجھے گھر دینا وسائیا۔ جِتھے جنم کرم دا پُچھے کوئی نہ ناواں، لیکھا منگن والا نظر کوئے نہ آئیا۔ سدا منگن تیریاں چھاواں، سِر اپنا ہتّھ ٹِکائیا۔ پُرکھ اکال جن بھگت اُٹھاؤنے جِؤں پُتر گود ماواں، مُقابلہ اوَر نہ کوئے جنائیا۔ مالک اِکو تیری سیج راواں، دوُجا اوَر نہ کوئے ہنڈھائیا۔ سنگ دُھر دا تیرے سنگ نِبھاواں، سنگی ساتھی سرب تجائیا۔ پریم پریِتی اندر لےَ کے اگمّی لاواں، آتم پرماتم جوڑ جُڑائیا۔ سچکھنڈ دوارے جاواں چاواں چاواں، غمی نیڑ کوئے نہ آئیا۔
تیرا پریم پیار رحمت والا سروُپ اِک وکھاواں، تیرے اَگے پڑدا لاہیِا۔ جوتی جوت سروُپ ہرِ، آپ اپنی کِرپا کر، نِہکلنک نرائن نر، مہاراج شیر سِنگھ وِشنوُں بھگوان، جن بھگتاں رہن نہ دیویں دو جہان نِتھاواں، استھان چرن کوَل دینا وکھائیا۔
۲۸ اَسوُ شہنشاہی سمت ۲ دلیِپ سِنگھ دے گرِہ پِنڈ فَیزپُرا ضِلع گُرداسپُر
جن بھگت کہن پربھ ساڈی دوُر کر تھکاوٹ، تھکے ماندے منگ منگائیا۔ ساچے نام دی کر سخاوت، رحمت مِہر جھولی پائیا۔ من دی اندروں میٹ بغاوت، جھگڑا کرے نہ کوُڑ لڑائیا۔ اپنا نوُر کر صحیح سلامت، سمے دے وِچھڑے منگ منگائیا۔ پیار مُحبّت دے اگمّی نیامت، تُحفہ یکطرف ورتائیا۔ کلجُگ کوُڑی کِریا کر قیامت، کامل مُرشد تیری بےپرواہیِا۔ جوتی جوت سروُپ ہرِ، آپ اپنی کِرپا کر، دُھر دا حُکم اِک ورتائیا۔ جن بھگت کہن پربھ سارے گئے تھک، اَگے بل رہیا نہ رائیا۔ وِکاری نکوں نہ لتھی نتھ، کُٹمب کوُڑ نہ کوئے مُکائیا۔ کر کر تھکے بہُتا ہٹھ، ہٹھی ہو کے جوگ کمائیا۔ پاندھی بن کے رہے نَٹھ، بھجےّ واہو داہیِا۔ ساڈے رہیا کوئی نہ وس، چلی نہ کوئی چتُرائیا۔ بُدھی والی کر کے بّس، تیری اوٹ تکائیا۔ ہِردے اندر وس، ہرِ مالک بےپرواہیِا۔ تیرے چرن کوَل رہے ڈھٹّھ، ناتا چھڈیا خلق پرائیا۔ اپنے کھاتے گھت، آپ اپنے نال مِلائیا۔ جُگ جُگ تیرے نال آئیے وت، وطن بےوطن تیری اوٹ رکھائیا۔ تُوں صاحب سوامی کملاپت، پتپرمیشور شہنشاہیِا۔ لیکھے لا ساڈی رتّ، رتن امولک ہیِرے لےَ بنائیا۔ سچ دوارے دی دے مت، متیاں وِچ نہ کوئے رکھائیا۔ اِکو تیرا نام لئیے رٹ، بِنا رِٹن توں رائیٹ دینا بنائیا۔ جوتی جوت سروُپ ہرِ، آپ اپنی کِرپا کر، کر کھیل پُرکھ سمرتھ، آسا سب دی پوُر کرائیا۔ جن بھگت کہن پربھ تیرے دین دا آیا مؤقع، مکُے کوُڑی وست پرائیا۔ جن بھگتاں اندروں صاف کیِتا چؤنکا، پوِتر اپنا آپ تیرے نال بنائیا۔ امرت تیرا نام تراؤنکا، پوِتر جل دھار وہائیا۔ تُوں آؤنا نال شؤنکا، سوُربیِر ہو کے پھیرا پائیا۔ گوبِند دا پوُرا کر دے ڈھئیے والا ڈھؤنکا، لیکھا اگلا اپنے نال بنائیا۔ ساڈھے تِنّ
ہتّھ سُہا دے اپنے پیار والا پٹنا پاؤنٹا، جِتھے چھپّر چھنّ دوُجی اوَر نہ کوئے چُھہائیا۔ جوتی جوت سروُپ ہرِ، آپ اپنی کِرپا کر، نِہکلنک نرائن نر، مہاراج شیر سِنگھ وِشنوُں بھگوان، بِن تیری کِرپا جن بھگت سچ دوار کوئے نہ پہنچا، سچکھنڈ تیرا درس کوئے نہ پائیا۔
۲۸ اَسوُ شہنشاہی سمت ۲ سما دے گرِہ پِنڈ ڈیڑ ضِلع گُرداسپُر
آتما نِرگُن اگمّی نوُر، مَیٹیریئل نظر کوئے نہ آئیا۔ تتّاں نال کھیلنا جِس دا دستوُر، قُدرت دے قادر دِتا بنائیا۔ اوہ چتُر سُگھڑ نہ موُڑھ، اِکو روُپ رہی سمائیا۔ نہ کرنی دے پھل اندر ہووے مجبوُر، سزا کرم نہ کوئے بُھگتائیا۔ جِسدا مالک حضرت حضوُر، شہنشاہ بےپرواہیِا۔ اوس دا میلا اپنے نال رکھے ضرور، تن وجوُد جگت لوکمات کائنات کُڑمائیا۔ اپنی مُحبّت دا دے سروُر، سد خوشیاں وِچ رکھائیا۔ جوتی جوت سروُپ ہرِ، آپ اپنی جوت دھر، آتما ویس نہ کوئے بدلائیا۔ آتما نِرگُن روُپ نِراکار، پرکاش پرکاش وِچوں نظری آئیا۔ جِس دا مالک اِک سردار، سَت سَتوادی بےپرواہیِا۔ جو ویکھے وِگسے ویکھنہار، بِن اکّھاں اکّھ کُھلائیا۔ جنم کرم توں کر کے باہر، ناتا اپنے نال جُڑائیا۔ شاستر سِمرت وید پُران جِس دی کرن پُکار، صِفتاں والے ڈھولے گائیا۔ آتما دا کتھنی والا نہیں اِظہار، وِدیا وِچ نہ کوئے بنائیا۔ خلق دا خالق مخلوُق دا مالک جانے بھیو نیار، عرشے عظیِم تعلیِم اپنی اِک جنائیا۔ فرشے خاکی نہ کوئے وِچار، جوتی جوت سروُپ ہرِ، آپ اپنی کِرپا کر، آتم اپنا رنگ وکھائیا۔ آتم کدے نہ ہووے وِناس، مڑھی گور نہ کوئے دبائیا۔ نوُر نوُر دا سچ پرکاش، روُحے رواں نظری آئیا۔ کھیل ویکھ پرِتھمی آکاش، زِمیں اسمان بھیو چُکائیا۔ پروردِگار سدا ساتھ، سگلا سنگ بنائیا۔ سدا اِکو )نوُں کرے( آداب، نمستیاں وِچ سیِس جھُکائیا۔ تن ماٹی پہن کے خاک، وجوُد وِچ وصل کرے یار خُدائیا۔ مُحبّت وِچ سدا وجائے رباب، احباب ملِے چائیں چائنیا۔ جِتھے نہیں کوئی سوال، نہیں کوئی جواب، رسنا رس نہیں کوئی سواد، الف یے والا نہیں الفاظ، وِدیا والی نہیں کِتاب، ہِندسیاں والا نہیں حِساب، آتما دا اوہ خطاب، جِتھے رسنا جِہوا بتّی دند ہو جائے لاجواب، محراب محبوُب مِل کے اپنا جھٹ لنگھائیا۔ جگت وِدیا دا )نہیں( فساد، جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، آتم انتر نِرنتر نِرگُن نوُر دئے سمجھائیا۔ آتما نہ جمدی نہ مردی، جیِون مرن روُپ نہ کوئے وٹائیا۔ سدا بِھکھارن پروردِگار دے
در دی، درگاہ ساچی سیِس نِوائیا۔ بِن اکھّراں توں بھیجے اپنی عرضی، آرزوُ اپنی دئے سمجھائیا۔ حُکمے اندر پنج تت پہن کے وردی، فرض دُھر دا پوُر کرائیا۔ درویش بنے اوس گھر دی، جِتھے ہمیش جلوہ گر نوُر خُدائیا۔ واقف کار نہیں لِکھن پڑھن دی، عِلم توں پرے اپنا راگ سُنائیا۔ جِس دے کول منزل حق حقیِقت چڑھن دی، مقامے حق سجدہ کر کر سیِس نِوائیا۔ جوتی جوت سروُپ ہرِ، آپ اپنی کِرپا کر، ساچی کھیل نال کھِلائیا۔ تن ماٹی خاکی رہ جاوے جگت، دفن کفن نال کرائیا۔ ناتا جگت والا جائے تُٹ، خلق نالوں ہوئے جُدائیا۔ اپنی اوس نال مؤلے رُت، جو رُتڑی دا مالک بےپرواہیِا۔ جِس توں وِچھڑی اوسے نال مِل کے ہووے خوش، خوشیاں والا ڈھولا گائیا۔ سو مالک خالق پرِتپالک اپنی دھارا لئے چُک، نِرگُن نوُر اپنے نوُر وِچ مِلائیا۔ سب دا مالک صحیح سلامت ویکھے جھُک، دو جہاناں پڑدا دئے اُٹھائیا۔ جنم توں پہلاں مرن توں بعد آتما نرک سوَرگ دا جانے کوئے نہ سُکھ دُکھ، بُھکھ پیاس در دے مالک اوٹ رکھائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، پرم پُرکھ پرماتم آتم اپنے رنگ رنگائیا۔
صدی چؤدھویں دے کے گئے فرمان، حضرت ہو کے سرب جنائیا۔ نظریہ ویکھ زِمیں اسمان، پڑدا اوہلا بھیو چُکائیا۔ کرے کھیل دُھر امام، پروردِگار دُھردرگاہیِا۔ دیِن دُنی وِگڑے نِظام، نؤبت حق نہ کوئے وجائیا۔ ساچی منزل چلے نہ حق اِسلام، اِسم اعظم نوُرے نظر نہ کوئے ٹِکائیا۔ خُدی ہنکار تکّبر کر کے قتل عام، قاتل مقتوُل دوویں ہون شؤدائیا ۔ جلوہ دِسے نہ کِسے مِہربان، مُحبّت وِچ محبوُب مِلن کوئے نہ جائیا۔ مُلّا شیخ رسنا جِہوا بتّی دند پڑھن قُرآن، کایا کُرھے دا بھیو کوئے نہ پائیا۔ اکھّراں دی لا کے بَیٹھے میزان، روُحے رواں نہ کوئے شنوائیا۔ دُھر دا سُنے نہ کوئے پَیغام، اگمّی آواز جانے نہ کوئے الاہیِا۔ صِفتاں والی کرن کلام، کلمے حقیِقی دا بھیو نہ کوئے سمجھائیا۔ تن وجوُد دا غُسل خانیاں وِچ کرن حمام، انتر روُح پاک نہ کوئے وکھائیا۔ جگت واسنا کرن بِسرام، سُہنجنی سیج نہ کوئے وڈیائیا۔ ساچی درگاہ کرے نہ کوئے قیام، اپنی قیِمت نہ کوئے پوائیا۔ دیِناں مذہباں وِچ ہو بدنام، بدی خُدی اپنے نال رلائیا۔ کائنات دا وِگڑ جائے نِظام، ساچا سبق نہ کوئے سمجھائیا۔ دُھر دا حُکم نہ سمجھے عوام، شرع شرع کرے لڑائیا۔ اوس ویلے خود خُدا ہووے نِگاہبان، کریِم عظیِم اپنا حُکم ورتائیا۔ نوُرے ربّی نؤجوان، الاہی حُکم آپ
ورتائیا۔ طبی بن کے طبیعت ویکھے وِچ جہان، اِنساناں وِچوں اِنسان لئے اُٹھائیا۔ حق محبوُب دا دے گیان، غُربت وِچوں اُلفت لئے پرگٹائیا۔ حُکمے اندر ہو کے حُکمران، امر اپنا حُکم جنائیا۔ چار جُگ دے گُر اوتار پَیغمبر سارے ہون حَیران، حَیرانی وِچ دِسے لوکائیا۔ اِکو سوُربیِر آوے مرد مردان، مددگار اِکو نال رکھائیا۔ کائنات چار کُنٹ کرے اعلان، دُھر دا حُکم حق سُنائیا۔ ہِندوُ مُسلم سِکھ عیِسائی سُنائے اِک پَیغام، پَیغمبراں دا پَیغمبر آپ جنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، صدی چؤدھویں چؤدس چند رُشنائیا۔ صدی چؤدھویں دیوے ہوکا، کوُک کوُک سرب سُنائیا۔ دیِن دُنی سمجھو اپنا مؤقع، ویلا وقت دئے گواہیِا۔ ساچا کلمہ سُنو دُھر سلوکا، صُلح کُل رہیا سُنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، دُھر دا حُکم اِک سُنائیا۔ حضرت مِرزا صاحب دے مُتعلق ایہہ وِچار، جو بُدھی توں پرے کرن پڑھائیا۔ جو خود خُدا دا کرے اِظہار، ظاہر ظہوُر صِفتوں والی پڑھائیا۔ اُس دے نال اُس دی سانجھی گُفتار، جو گُفت شُنید حُکم سُنائیا۔ منزل بمنزل کردا رہے خبردار، غفلت نِندرا وِچوں باہر کڈھائیا۔ نوُر دا نوُر بنیا رہے مددگار، ولی االلہ عالمیِن عالم دا واحد اِک سمجھائیا۔ مُحبّت رکھدا رہے اگمّے یار، یارانہ اِکو نال نِبھائیا۔ جو زمانہ حال ماضی رہیا وِچار، مُستقبِل حُکم رہیا سمجھائیا۔ بِنا اکھّراں توں خطو کِتابت کردا رِہوں وارو وار، دِوس رَین گھڑی پل ونڈ نہ کوئے ونڈائیا۔ پَیغمبراں راہیں خُدا خود کردا رہیا سدا خبردار، بےخبراں خبر پُچائیا۔ جو صدیاں دا صدمہ رہیا نِوار، وِچھڑیاں جوڑ جُڑائیا۔ اوسے مُرشد دے چرناں جاؤ بلہار، جِس مُرشد نے مُدعا دِتا سمجھائیا۔ جو خود خُدا دا طلب گار، طالب عِلماں کرے پڑھائیا۔ اوس دا دیدا دانِستہ کرو دیِدار، قدم بوسی کر کے اپنی خوشی منائیا۔ اوس دا واسطہ اوس نال نِرنکار، جو نِراکار اکھوائیا۔ محل اٹل اُچ اگمّ اتھاہ درگاہ ساچی مقامے حق وسے سچکھنڈ دوار، سوبھاوَنت اپنی سوبھا پائیا۔ سہجے نال حضرت مِرزا مِلیا آن، جِس دی جگت اکّھاں نہ کرن پہچان، جلوہ سمجھ نہ سکے زِمیں اسمان، جِس دے اندر نوُہ ندی طوفان، کھیل اندر جگت جہان میل اندر بخشے ہوئے اِنسان، رحمت وِچ مُحبّت دیوے دان، قیامت وِچ آ کے کرے پہچان، صحیح سلامت اپنے وِچ مِلائیا۔
اوہ مِرزا محبوُب، حق حقیِقت رہیا دِرڑائیا۔ وسے عرش اُچ عروُج، عالیشان مندر رہیا سُہائیا۔ جِتھے سدا رہنا محفوُظ، قدماں وِچ بہہ کے خوشی منائیا۔ سب نے چھڈ جانا کلبوُت، خاکی تن سنگ نہ کوئے نِبھائیا۔ جِدھر ویکھو اوتھے مالک مؤجوُد، مؤجوُدہ ہو کے سب نوُں رہیا سمجھائیا۔ جِس دا وجوُد توں پرے وجوُد، وجوُد دی وجہ جگت نہ کوئے جنائیا۔ اوس دا تُہاڈے ہِردے اندر ثبوُت، ثابت اِیمان اِکو نظری آئیا۔ اوس دی دیِن مذہب والی نہیں کوئی حدوُد، شرع توں پرے شاید اوہو نظری آئیا۔ جِس دا کھیل شرکن گربن شمال جنوُب، چار کُنٹ وجےّ ودھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، حق منزل مقصوُد، مقاصد سب دا ویکھ وکھائیا۔ مِرزے دا سدا تکّدے رہو مِزار، بِن اکّھاں اکّھ اُٹھائیا۔ سُتّیاں جاگدیاں دیندا رہے دیِدار، درس وِچ دیِد کرے شنوائیا۔ واحد دا واحد یار، یار دا یارانہ صوُفیاں وِچوں نظری آئیا۔ مُحبّت دا پیار پیار دا سردار، سردار دا سِکدار سَت دا مالک سوبھنیِک سوبھا پائیا۔
۳ ۰ اَسوُ شہنشاہی سمت ۲ پریِتم سِنگھ دے گرِہ پِنڈ جیٹھوُوال ضِلع امرتسر
سَت دھرم کہے مَیں بھگتاں تکاّں در، گھر ٹھانڈا ویکھ وکھائیا۔ جِتھے ملِے پُرکھ اکال نرائن نر، دو جہاناں والی بےپرواہیِا۔ نام نِدھانا سِری بھگوانا دیندا رہے ور، دھرنی ماتا سِری بھگوان اپنا آپ جنائیا۔ کایا ماٹی ساچے مندر ویکھے چڑھ، محل اٹل نِرگُن نِروَیر نِراکار نِرنکار سُہائیا۔ پریم پیار مُحبّت پریِتی اندر لئے پھڑ، آتم پرماتم اپنا جوڑ جُڑائیا۔ سو سوامی انترجامی نِرگُن دھار اپنی کھیل رہیا کر، کرنی دا کرتا اپنے ہتّھ رکھے وڈیائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سَت دوارا اِک سُہائیا۔ سَت دھرم کہے مَیں جن بھگتاں ویکھاں گھرانہ، گہر گمبھیِر دِتا بنائیا۔ جِتھے دِیپک اِک نوُرانہ، نوُرو نوُر نوُر رُشنائیا۔ پریم پریِت اِک ترانہ، شبدی شبد ناد سُنائیا۔ آتم پرماتم ساچا گانا، گا گا خوشی منائیا۔ دِیپک جوت جگے مہانا، نِرگُن نوُر ڈگمگائیا۔ ساچا مندر سوہے مکانا، محبوُب دُھر دا نظری آئیا۔ جِس دا حُکم ہوئے مردانہ، چار کُنٹ دہ دِشا آپ جنائیا۔ سو کھیل کرے سِری بھگوانا، بھگوَن ہو کے ویس وٹائیا۔ جن بھگتاں دیوے ساچا دانا،
دؤلت دُھر دا نام ورتائیا۔ سچ دوارا دسّ کے اِک ٹِکانا، منزل پِچھلی دئے مُکائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سَت دوارا اِک سُہائیا۔ سَت دھرم کہے جن بھگتاں ہوئے دوار سُہاونا، کِرپا کرے آپ نِرنکار۔ جِنہاں آتم پرماتم اِکو ڈھولا گاونا، دوُجا رسن نہ کوئے جَیکار۔ ساچا اِشٹ اِک مناوَنا، ناتا توڑ دُنی سنسار۔ پُرکھ اکالا اِک دھیاوَنا، چرن کوَل سچ نِمسکار۔ ساچا مندر اِک سُہاونا، نِرگُن گرِہ ویکھ اپر اپار۔ دیِا باتی اِک جگاوَنا، کملاپاتی دیونہار۔ ساچی گاتھا اِکو گاونا، سمرتھ پُرکھ تُوں ہی نِرنکار۔ دوُجے در نہ سیِس جھُکاوَنا، جوتی جوت سروُپ ہرِ، آپ اپنی کِرپا کر، کرے کھیل اپر اپار۔ سَت دھرم کہے جن بھگتاں گرِہ سُہنجنا، ہرِ کرتا آپ سُہائیا۔ جِس دوارے ہرِ جوُ لنگھنا، گھر ٹھانڈے ڈیرہ لائیا۔ پریم پریِتی دیوے سچ انندنا، پرمانند اِک جنائیا۔ نِرگُن سرگُن بنے سجّنا، سگلا سنگ بنائیا۔ جوتی جوت سروُپ ہرِ، آپ اپنی کِرپا کر، مِہربان ہوئے سہائیا۔ سَت دھرم کہے مَیں ہو کے ویکھاں نیِواں، نِیوں نِیوں دھیان لگائیا۔ جن بھگتاں مان ملِے وِچوں جیِواں، جاگرت جوت ہووے رُشنائیا۔ لیکھا چُکے ساڈھے تِنّ ہتّھ سیواں، رَویداس چمارا دئے گواہیِا۔ نام نِدھانا سچ دوارے اوہناں مِل کے پیواں، جِنہاں مِلیا بےپرواہیِا۔ چرن کوَل سرنائی تھیِواں، مان موہ ابِھمان مِٹائیا۔ جوتی جوت سروُپ ہرِ، آپ اپنی کِرپا کر، اِکو دینا دُھر دا ور، میلنہار وڈّی وڈیائیا۔ سَت دھرم کہے مَیں بھگتاں ویکھ ہویا خوشحال، خوشی خوشی وِچوں پرگٹائیا۔ جِنہاں مِلیا دیِن دَیال، بندھن دیِن رہیا کٹائیا۔ کوُڑی کِریا توڑ جنجال، جاگرت جوت کرے رُشنائیا۔ آ کے ویکھے مُریِداں حال، مُرشد اپنا پھیرا پائیا۔ ساچا گرِہ سچّی دھرم سال، دھرم دوارا اِک پرگٹائیا۔ دیِا باتی کملاپاتی بال کے بےمثال، جگت مِسل نہ کوئے جنائیا۔ ساچا مارگ دے سُکھال، سِکھیا اِکو کرے پڑھائیا۔ جِنہاں پؤہ نہ سکے کال، رائے دھرم نہ دئے سزائیا۔ سَت دھرم کہے مَیں اوہناں ویکھاں حال، جو اپنی حالت گئے بدلائیا۔ پرم پُرکھ دے بن کے لال، گوبِند شبدی گود سُہائیا۔ جنم جنم دی لیکھے پائے گھال، پوُرب لہنا آپ چُکائیا۔ جوتی جوت سروُپ ہرِ، آپ اپنی کِرپا کر، ہرجن ساچے رنگ رنگائیا۔ سَت دھرم کہے مَیں ویکھیا بھگتاں مندر، گُرمُکھ سوہنا ڈیرہ لائیا۔ کوُڑا دِسے کوئی نہ جندر، کھِڑکی بند نہ کوئے کرائیا۔ منوُآ اُٹھے نہ دہ دِش بندر، واسنا جگت نہ کوئے ستائیا۔ پرکاش لبھے نہ سوُریہ چندر، نِرگُن نوُر جوت رُشنائیا۔ اندھیرا دِسے نہ ڈوُنگھا کھنڈر، نوُر نوُرانہ ڈگمگائیا۔ سچ دوارا اِکو منگن، سچکھنڈ ساچے سیِس نِوائیا۔ پُرکھ اکال چاڑھ رنگن، تن وجوُد تیری جھولی پائیا۔ ساچا
ڈھولا دسّ چھندن، راگ ناد وجےّ بےپرواہیِا۔ لکّھ چؤراسی آون جاون رہے کوئی نہ بندھن، بندگی اِکو دے سمجھائیا۔ تُوں میرا مَیں تیرا دُھر دا سجّن، ساجن ہو کے ہو سہائیا۔ کایا ماٹی بھانڈا بِن تیری کِرپا لوکمات کدے نہ بھجّن، بھجن بندگی اِکو اِک جنائیا۔ اپنے نام کنڈے تول کے وزن، قیِمت کرتے لےَ پائیا۔ دُھر فرمانے اندر فرمانا دے بدل، بدلی اپنے ہتّھ رکھائیا۔ تُوں بھگت سُہیلا اِک اَکیلا آد جُگادی کریں عدل، عدالت تیری نظری آئیا۔ سب دی پوُری کر سدھر، سدھنے توں پرے دے وڈیائیا۔ سَت دھرم کہے مَیں جن بھگتاں لاواں چندن، نام ٹکے نال وڈیائیا۔ جِنہاں دا لہنا دینا ہتّھ سوُرے سربنگن، صاحب سوامی ویکھ وکھائیا۔ جوتی جوت سروُپ ہرِ، آپ اپنی کِرپا کر، نِہکلنک نرائن نر، مہاراج شیر سِنگھ وِشنوُں بھگوان، تیرا نوُر سدا آد نِرنجن، جوت نِرنجن تیرا نوُر رُشنائیا۔