کتب خانہGranth 20 (Shahmukhi)

۵ پوہ شہنشاہی سمت ۲ جوگِندر دے گرِہ تلواڑا

بیاس کہے پربھ سب دی پوُری کر بھاونا، بھاوی بھےَ بھؤ نہ کوئے جنائیا۔ نِرگُن ہو کے آتم پکڑ دامنا، دامنگیِر ہو کے اپنا میل مِلائیا۔ من ہنکاری دُشٹ رہے نہ راونا، رام رمئیا ہو کے دے وڈیائیا۔ اِکو نام نِدھانا تیرا سب نے گاونا، گہر گمبھیِر بےنظیِر دینا سمجھائیا۔ پتپرمیشور

اِکو راونا، رنگت دُھر دی دینی چڑھائیا۔ کلجُگ کوُڑی کِریا جگت وِکار پندھ مُکاوَنا، لوکمات دھرنی دھرت دھوَل رہن نہ پائیا۔ کایا ماٹی ساچا مندر دُھر مقام اِک سُہاونا، سوبھاوَنت دِیپک جوت کرے رُشنائیا۔ امرت رس جن بھگتاں جام پیاونا، نام خُماری دینا چڑھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، دیونہار تیری سرنائیا۔ بیاس کہے پربھ بخش دے اپنا نوُر، نوُر نوُرانے ہرجن ساچے دے بنائیا۔ اپنے نام دی دے دے تُور، تُریا توں پرے میلا لےَ مِلائیا۔ جھگڑا رہے نہ کِریا کوُڑ، موہ وِکار دینا گوائیا۔ ساچے چرناں بخش کے دھوُڑ، دُرمت مَیل دینی دھوائیا۔ اپنا درس دینا ضرور، سوَچّھ سروُپ بدلائیا۔ چار کُنٹ دہ دِشا دِسے حاضر حضوُر، پڑدا اوہلا دینا اُٹھائیا۔ جوتی جوت سروُپ ہرِ، آپ اپنی کِرپا کر، اِکو دینا ساچا ور، ہرجن ساچے ویکھ وکھائیا۔ بیاس کہے جُگ گئے بیِت، تیرا دھیان لگائیا۔ گا گا تھکا گیِت، ڈھولے ڈنک وجائیا۔ سؤں سؤں تھکا نیِند، غفلت وِچ اپنا آپ مِٹائیا۔ سَتجُگ تریتا دواپر کلجُگ بدلدی ویکھی ریِت، ریِتیوان تیری وڈیائیا۔ نظارہ ویکھیا مندر مسیِت، شِودوالے مٹھ کھوج کھوجائیا۔ جلوہ تکّیا اوُچ نیِچ، ہست کیِٹ پڑدا لاہیِا۔ کلمہ نام سُنیا حدیِث، حضرت گئے سُنائیا۔ کِرپا کر انت جگدیِش، جگدیِشر تیری اوٹ تکائیا۔ بھگت سُہیلے بنا اپنے میِت، مِتر پیارا ہو کے دے وڈیائیا۔ تیرے اُتے اِک اُمیِد، آمد وِچ پریِتم ہو کے اپنا رنگ چڑھائیا۔ رحمت وِچ کر بخشیِش، جوتی جوت سروُپ ہرِ، آپ اپنی کِرپا کر، ایکا دینا ساچا ور، سَت سَتوادی اپنی دَیا کمائیا۔ دَیاکما دے سوامی میرے، بےآس رہن کوئے نہ پائیا۔ جن بھگتاں انتر ہوون چاؤ گھنیرے، بھگوَن ہو کے مِلنا چائیں چائنیا۔ بھاگ لگاؤنا کایا ماٹی ساڈھے تِنّ ہتّھ کھیڑے، گرِہ مندر اندر خوشی دینی وکھائیا۔ تیرے تٹ کنارے لا لئے ڈیرے، میرا تٹ کنارہ گئے تجائیا۔ پُرکھ اکال جے پُچھیں کیہڑے کیہڑے، کوٹاں وِچوں بہُہ تھوڑے نظری آئیا۔ جِنہاں ڈھولے گائے تیرے میرے، تیرا میرا راگ رہے الائیا۔ انت حقیِقت وِچوں حق کر نبیڑے، سمرتھ اپنی مِہر نظر اُٹھائیا۔ شبد اگمّی چاڑھ بیڑے، نئیا نؤکا جگت نہ کوئے ڈُبائیا۔ جوتی جوت سروُپ ہرِ، آپ اپنی کِرپا کر، بینتی تیرے اَگے سُنائیا۔ بیاس کہے میری انتم اِکو لوڑ، لوڑیِندے سجّن پوُر کرائیا۔ ہرجن وِچھڑے اپنے نال جوڑ، پوُرب وِچھوڑا دے کٹائیا۔ گُرمُکھ رہے نہ کوئی اندھیرے گھور، جگت واسنا نہ کوئے ہلکائیا۔ سچکھنڈ نِواسی آپے بہُڑ، پُرکھ ابناشی ہو کے دَیا کمائیا۔ جن بھگتاں ساچے سنتاں سدا تیری لوڑ، آسا وِچ بَیٹھے دھیان لگائیا۔ ہِردے اندر نِرنتر ہو کے وس کول،

بسنتر اگنی دے بُجھائیا۔ سُرتی شبدی جا مؤل، مؤلا ہو کے اپنا بھیو کُھلائیا۔ پِچھلا یاد کر قؤل، رام راما گیا دِرڑائیا۔ لیکھا لہنا دینا مُکا دھرنی دھرت دھؤل، واسطہ رہی پائیا۔ جوتی جوت سروُپ ہرِ، آپ اپنی کِرپا کر، جن بھگتاں کر اڈول، ڈولدی دِسے سرب لوکائیا۔ بیاس کہے ویکھ قؤل اِقرار، کرنی کرتے پڑدا آپ اُٹھائیا۔ جِس دے وِچ بھگتاں نال پیار، بھگوَن ہو کے خوشی بنائیا۔ سنت سُہیلے لےَ اُبھار، سِر اپنا ہتّھ ٹِکائیا۔ سَت سَتوادی بننا یار، یارڑا ہو کے رنگ رنگائیا۔ تیرا کردے رہے اِنتظار، بِن اکّھاں اکّھ کُھلائیا۔ تُوں کیِتا آن بےدار، سُتّیاں لیا اُٹھائیا۔ مانَس جنم پَیج سوار، سُرتی شبد مِلائیا۔ ہرجن رہے نہ کوئے گوار، موُرکھ موُڑھاں دے وڈیائیا۔ تیرا ناؤں سچّا نِرنکار، نِروَیر تیری سرنائیا۔ میرا لہنا دینا قرضہ دے اُتار، جوتی جوت سروُپ ہرِ، آپ اپنی کِرپا کر، سِر اپنا ہتّھ رکھائیا۔ بیاس کہے اپنا لیکھا ویکھ اوس اگمّی پتّھر، جِس دا روُپ نظر کِسے نہ آئیا۔ جِس دے کارن گوبِند سُتّا ستھر، تیری سیج سُہائیا۔ جن بھگتاں نالوں رہیں کدے نہ وکھّر، دوُجے در نہ ڈیرہ لائیا۔ اوہناں تیری چوٹی چڑھنا سِخر، منزل تیری بےپرواہیِا۔ پُرکھ اکال دیِن دَیال اوہناں دا کر فِکر، جو تیرے نام دا فِقرہ گائیا۔ اوہناں دی آتم دھاروں نِکل، باہر کھوجن کوئے نہ جائیا۔ کلجُگ جیِو چار کُنٹ دہ دِشا پِٹن، نیتر روون مارن دھائنیا۔ بِن تیرے بھگتاں لیکھا کوئی نہ آوے نجِٹھن، جُگ چؤکڑی رہی سمجھائیا۔ سب دی پوُری کر دے منسا آسا اِچھن، اِچھیا وِچ بِھچھِیا دے پائیا۔ تیرا بودھ اگادھا بودھ کِسے لیکھ وِچ نہ آوے لِکھن، قلم شاہی چلے نہ کوئے چتُرائیا۔ لکّھ چؤراسی وِچوں جگت نِرالے تیرے بھگت دِسن، دِشا وِچوں اپنا حِصّہ رہے ونڈائیا۔ جو سِدھے تیرے دھرم دوارے آ کے وِکن، قیِمت اُنحاں لیَنی پائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، پُرکھ بِدھاتے دات اپنی دینی ورتائیا۔ بیاس کہے جن بھگتاں اندروں کڈھدے وِکھ، امرت رس دے چوائیا۔ مالک ہو کے پؤ دِس، دیِد اندر کر رُشنائیا۔ بِن قلم شاہی لیکھا دے لِکھ، نِراکھّر دھار میل مِلائیا۔ اَگے جُگ بیِتڑے کِت، گِنتی گنت نہ کوئے گِنائیا۔ تیرا کھیل ہووے نِت نوِت، جُگ چؤکڑی تیری بےپرواہیِا۔ کلجُگ انت جن بھگتاں کر ہِت، ہِتکاری ہو کے میل مِلائیا۔ جِنہاں تیری سِکھیا لئی سِکھ، سچّا ڈھولا تیرا نام گائیا۔ اوہناں دا مالک بن پِت، پوُت اپنی گود اُٹھائیا۔ بھیو ابھیدا کھول انڈِٹھ، جگت نیتراں توں پرے کر رُشنائیا۔ سد رہن تیری چھایا ہیٹھ، کلجُگ اگنی تت نہ کوئے تپائیا۔ بیاس کہے میرا انت اَخیِری لیکھا مُکاؤنا مہیِنہ جیٹھ، سمت تِنّ شہنشاہی نال وڈیائیا۔

جوتی جوت سروُپ ہرِ، آپ اپنی کِرپا کر، نِہکلنک نرائن نر، مہاراج شیر سِنگھ بھگوان، جن بھگت وسا اپنے دیس، پردیسی گُرمُکھ رہن کوئے نہ پائیا۔

۲۱ پوہ شہنشاہی سمت ۲ دلیِپ سِنگھ دے گرِہ پِنڈ جیٹھوُوال ضِلع امرتسر

اِکّی پوہ کہے مَیں چڑھیا اچّھا، چار جُگ دی اِچھیا پوُر کرائیا۔ حُکم سندیشہ دیواں سچّا، زِمیں اسماناں آپ سُنائیا۔ پُرکھ اکال دیِن دَیال دا اِکو بچّہ، شبدی سُت دُلارا کھیل کھِلائیا۔ جِس دا حُکم آد جُگاد کدے نہ ہووے کچّا، دُھر دا پکاّ رنگ دینا چڑھائیا۔ گُر اوتار پَیغمبراں اِکو حُکم دسّا، دِشا توں باہر دِتا جنائیا۔ سچ پریم پیار دا تیار کر لؤ بھتّا، سُگھڑ سُچجیّ سوانی روُپ بنائیا۔ جِس دا رس جُگ چؤکڑی کدے نہ چکّھا، رسنا جِہوا نہ کدے لگائیا۔ ہانڈی وِچ کدے نہ پکاّ، اگنی تاء نہ کوئے تپائیا۔ نیتر نیَن جگت نہ لبھا، سرِشٹ درِشٹ وِچ دھیان نہ کوئے رکھائیا۔ جِس نوُں کھاوَنہارا آد جُگادی اِکو ابّا، پِتا پُرکھ اکال بےپرواہیِا۔ جِس دی کدے نہ بدلے طبع، طبیعت سب دی دئے بدلائیا۔ بھےَ وِچ رکھے دبّا، سِر سکے نہ کوئے اُٹھائیا۔ سو لہنا دینا موُل چُکائے ہبھا، ہرِ سجّن شہنشاہیِا۔ جوتی جوت سروُپ ہرِ، آپ اپنی کِرپا کر، ساچا حُکم اِک ورتائیا۔ اِکّی پوہ کہے میری کوئی نہ جانِیو ودی سُدی، سُدھ بُدھ دے جنائیا۔ مان وڈیائی کرے نہ کوئی جگت بُدھی، بُدھی واناں دیاں سمجھائیا۔ اپنی رمز رکھے کوئے نہ گُجھی، گھوریاں دیاں اُٹھائیا۔ پربھ دی دھار رہے نہ لُکی، لوک پرلوک وجےّ ودھائیا۔ گُر اوتار پَیغمبراں دھار اُٹھاوے سُتّی، ایکنکارا اِکو دئے انگڑائیا۔ جوتی جوت سروُپ ہرِ، آپ اپنی کِرپا کر، اپنا لیکھا رہیا وکھائیا۔ اپنا لیکھا دسےّ ہرِ نِرنکار، ہرِ کرتا وڈ وڈیائیا۔ جُگ چؤکڑی وینہدا رہیا سنسار، سنساریاں توں پرے ڈیرہ لائیا۔ حُکمے اندر کردا رہیا وِہار، وِوہاریاں دا مالک نوُر خُدائیا۔ سندیشے دیندا رہیا وارو وار، شبدی دھار اکھّراں وِچ پرگٹائیا۔ صِفتاں وِچ صلاہاں دا کردا رہیا اِظہار، ملاحاں دا روُپ گُر اوتار پَیغمبر جگت اکھوائیا۔ دیندا رہیا بھنڈار، بھورا بھورا جھولی پائیا۔ کردا رہیا اُجیار، نوُر جوت رُشنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیر سِنگھ وِشنوُں بھگوان، اپنی کرنی حُکمے اندر ہرِ کرتا آپ ورتائیا۔

۲۱ پوہ شہنشاہی سمت ۲ سنتوکھ سِنگھ دے گرِہ پِنڈ جیٹھوُوال ضِلع امرتسر

گُر اوتار پَیغمبر کرن تیاری، نِرگُن دھار سچکھنڈ دوار خوشی بنائیا۔ جوتی نوُر پرم پُرکھ دی بن ناری، اگمّ اگمّڑے دھام اپنا ہار شِنگار بنائیا۔ سیوا کرن الکھ اگوچر اگمّ اپاری، پتپرمیشور بےپرواہ اگمّ اتھاہ ویکھنا چائیں چائنیا۔ جُگ چؤکڑی جِس دی بنی رہی پنہاری، سَتجُگ تریتا دواپر کلجُگ چاکر ہو کے سیو کمائیا۔ شاستر سِمرت وید پُران گیان گیِتا انجیل قُرآن کھانی بانی جِس دا صِفتاں والا منگدی رہی بھنڈاری، در درویش ہو کے سیِس نِوائیا۔ وِشن برہما شِو دیوت سُر نِرگُن سرگُن دھار جِس نوُں کردے رہے نِمسکاری، برہمنڈ کھنڈ پُری لوء آکاش پاتال گگن گگننتر سیِس نِوائیا۔ سو صاحب سُلطانا نؤجوانا مرد مردانہ نِرگُن جوت کرے اُجیاری، واحد لاشریِک حق محبوُب بےپرواہیِا۔ حُکمے اندر حُکم سندیشہ شبدی سَتگُر دیوے ایکو واری، اِک اِکلّا سچ دوارا درگاہ ساچی دھام نیارا سچ دوارے آپ سُنائیا۔ جوتی جوت سروُپ ہرِ، آپ اپنی جوت دھر، کرے کھیل ساچا ہرِ، سچکھنڈ نِواسی پُرکھ ابناشی گھٹ نِواسی اپنا حُکم ورتائیا۔ گُر اوتار پَیغمبر سچکھنڈ دوارے لیَن انگڑائی، جوتی دھار وِچوں جوت پرگٹائیا۔ کلجُگ انت صدی چؤدھویں رُت سُہنجنی لوک مات آئی، دھرنی دھرت دھؤل ویکھن اکّھ اُٹھائیا۔ نوَ نؤ چار جِس دی یاد وِچ اپنی آسا منسا جگت لنگھائی، برہمنڈاں توں پرے جِس دا دھیان لگائیا۔ سو صاحب سوامی انترجامی نِرگُن داتا پُرکھ بِدھاتا اپنی کھیل رہیا رچائی، شاہ پاتشاہ شہنشاہ اپنا حُکم ورتائیا۔ حُکم سندیشہ نر نریشا دیونہارا تھاؤں تھائیں، تھان تھننتر گگن گگننتر اپنا بھیو کُھلائیا۔ تیئی اوتار کہن ساڈی واری آئی، وارتا پِچھلی یاد کرائیا۔ عیسیٰ موُسیٰ محمد کہے میرا حضرت بےپرواہ نوُر الاہی، لاشریِک شرع توں باہر اپنا حُکم جنائیا۔ نانک گوبِند کہے چرن کوَل ملِے سرنائی، صاحب سُلطان سِری بھگوان سِر اپنا ہتّھ ٹِکائیا۔ سچ سندیشے اندر رہیا بُلائی، مِہربان محبوُب اپنی کار کمائیا۔ رل مِل سارے گاؤنا چائیں چائیں، تُوں میرا مَیں تیرا ڈھولا اگمّ اتھاہیِا۔ پِچھلا لہنا دینا دینا مُکائی، چار جُگ دا لیکھا پربھ دی جھولی پائیا۔ اَگے چلنا ایکا حُکم رضائی، سِر سکے نہ کوئے اُٹھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، صاحب سَتگُر پُرکھ اکال دیِن دَیال دُھر دا مالک پرِتپالک خالق اِکو نظری آئیا۔ گُر اوتار پَیغمبر کہن بننا سچ سوانی، سُہنجنی دُھر دی نظری آئیا۔ سمرتھ سوامی لبھنا اِکو ہانی، جو دُھر دا بانی بےپرواہیِا۔ جِس دے حُکمے

اندر وِشن برہما شِو سیو کمانی، دیوت سُر بَیٹھے سیِس نِوائیا۔ کھیل رچیا چارے کھانی انڈج جیرج اُتبُھج سیتج ونڈ ونڈائیا۔ صِفتاں وِچ بول کے بانی، پرا پسنتی مدھم بَیکھری دِتی گائیا۔ لکّھ چؤراسی جیِو جنت نِشانی، ترےَگُن مایا پنج تت کُڑمائیا۔ جوتی شبدی کھیل مہانی، مہما اکتھ کتھ سُنائیا۔ سَتجُگ تریتا دواپر کلجُگ جِس دے چرن کوَل کردے آئے دھیانی، نِج نیتر نیَن اکّھ کُھلائیا۔ سو حُکمران شہنشاہ شاہ سُلطانی، دو جہاناں والی اِک اکھوائیا۔ حُکم سندیشے اندر دے کے قُربانی، فرمانبردار سارے رہیا اُٹھائیا۔ بِن اکّھاں لوکمات مار دھیانی، چار کُنٹ دہ دِشا جیِو جنت سرب کُرلائیا۔ جگت وستوُ رسنا جِہوا بتّی دند پیٹ اَدھار کھاندے رہے مہمانی، شُکر مِہربان کرائیا۔ کلجُگ انت سِری بھگوَنت لہنا دینا چُکاوے دو جہانی، نِرگُن سرگُن سرگُن نِرگُن اپنی کھیل کرائیا۔ سیوا لائے آد شکت دُھر دی دھرم بھوانی، دُرگا اِشٹ روُپ نظر کوئے نہ آئیا۔ گُر اوتار پَیغمبرو تُہاڈا ناتا تُٹا پنج تت تن وجوُد نظر نہ آوے کوئے آلمے جاویدانی، شرع شریعت دیِن مذہب ذات پات ونڈ نہ کوئے ونڈائیا۔ اِکو حُکم دیوے پُرکھ اکالا دیِن دَیالا جِس نوُں سمجھ نہ سکے کوئی بانی، شاستر سِمرت وید پُران گرنتھ انت کہن کوئے نہ پائیا۔ بُجھ نہ سکے کوئے وِدوانی، چؤداں لوک چؤداں وِدیا رہی کُرلائیا۔ جِس دے پِچھے دے کے آئے قُربانی، کربلیاں وِچ اپنا آپ مِٹائیا۔ سو سمرتھ سوامی ساچا مارگ دسےّ آسانی، احسان سِر نہ کوئے چڑھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دوارا ایکنکارا اِک اِکلّا سچ محلا سَت سَتوادی آپ سُہائیا۔ گُر اوتار پَیغمبر سچکھنڈ اِک دوُجے نوُں کرن اِشارے، بِن اکّھاں اکّھ اُٹھائیا۔ اُٹھو ویکھو لوکمات جگت نظارے، بےنظیِر سب دی نظر رہیا بدلائیا۔ صدی چؤدھویں جگت دیِن دُنی پہنچی اوس کنارے، جِس دا گھاٹ پتن نظر کوئے نہ آئیا۔ گُر اوتار پَیغمبر کہن جِس دی یاد اندر اسیں لِکھدے آئے بھوِکھت سارے، کاغذ قلم شاہی جوڑ جُڑائیا۔ سو لیکھا مُکن لگّا دُھر دربارے، درگاہ ساچی اپنا حُکم ورتائیا۔ کرنا کھیل وِچ سنسارے، سرِشٹی درِشٹی توں باہر اپنا بھیو کُھلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ سندیشہ نر نریشا نِرگُن نِروَیر نِراکار اپنا اِک سُنائیا۔ گُر اوتار پَیغمبر اِک دوُجے نوُں رہے دسّ، بِن رسنا جِہوا ڈھولا گائیا۔ اِک دے ہوئیے وس، دوُجا نظر کوئے نہ آئیا۔ سب کُچھ اِکو دے ہتّھ، دیونہارا بےپرواہیِا۔ سَتجُگ تریتا دواپر کلجُگ جو چلایا رتھ، بن رتھواہی سیو کمائیا۔ جِس دا نعرہ ڈھولا گاؤندے رہے الکّھ، الکھ نِرنجن صِفتاں نال وڈیائیا۔ سو پُرکھ اکالا دیِن

دَیالا کھول اگمّا ہٹّ، ونجارے سب نوُں رہیا بنائیا۔ جھگڑا مُکا کے چار ورن اٹھاراں برن دیِن دُنی نالوں کر کے وکّھ، وکھّرا حُکم رہیا سُنائیا۔ ساچی رچنا رہیا رچ، کلجُگ کوُڑی کِریا ڈیرا ڈھاہیِا۔ لیکھا مُکا کے مندر مسجد شِودوالے مٹھ، گُروُدوارے توں باہر اپنا گھر بنائیا۔ جِتھے نِرگُن نوُر جوت ہووے پرکاش، حق محبوُب جگت نہ کوئے وکھائیا۔ بھگت سُہیلے اِک اَکیلے لکّھ چؤراسی وِچوں کر کے داسی داس، سیوا وِچ سیوک دُھر دی سیو لگائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیر سِنگھ وِشنوُں بھگوان، گُر اوتار پَیغمبراں کر کے سوادھان، سچکھنڈ دوار نِرگُن جوت بِن ورن گوت آلس وِچ رہن کوئے نہ پائیا۔

۲۱ پوہ شہنشاہی سمت ۲ بیِبی پیارو دے گرِہ پِنڈ جیٹھوُوال ضِلع امرتسر

گُر اوتار پَیغمبر کہن سِری بھگوانا، پاربرہم پتپرمیشور اگمّا حُکم دے جنائیا۔ تیرے حُکمے اندر کھیل ویکھدے رہے دو جہاناں، جُگ چؤکڑی تیرا دھیان لگائیا۔ کلجُگ انت سِری بھگوَنت سُنیا دُھر فرمانا، اگمّ اگمّڑے دِتا جنائیا۔ سمت شہنشاہی لوکمات پردھانا، اِک نالوں دو وجےّ ودھائیا۔ اساں کرنا تیار تیرا پکوانا، کچّا پکاّ روُپ نہ کوئے وٹائیا۔ کِس وست دا ہووے کھانا، سرگُن روُپ نہ کوئے سمجھائیا۔ اسیں کھوج کھوج تھکے دو جہاناں، برہمنڈ کھنڈ پُری لوء آکاش پاتال گگن گگننتر کھوج کھوجائیا۔ ساچا لبھیا نہ کوئے نِشانہ، نِشانے جگت گئے بُھلائیا۔ جوتی جوت سروُپ ہرِ، آپ اپنی کِرپا کر، ساڈی بینتی کر پروانا، پروردِگار سانجھے یار حق خُدا واحد تیری اوٹ رکھائیا۔ گُر اوتار پَیغمبر کرن دھیان، بِن اکّھاں اکّھ کُھلائیا۔ کِرپا کر سِری بھگوان، تیری بےپرواہیِا۔ کِس وست دا پکّے سچکھنڈ دوارے پکوان، جِس نوُں رسنا جِہوا بتّی دند سواد نہ کوئے بنائیا۔ سدا سدا سد نِت نوِت تَیتھوں لےَ کے دان، لوکمات مار جھات پنج تت تن خاک جگت وجوُد ہنڈھائیا۔ ساڈی اِچھیا تیری بِھچھِیا بِن تیری کِرپا کرے نہ کوئے پروان، نِگاہبان دوُجا نظر کوئے نہ آئیا۔ چار کُنٹ دہ دِشا تیِرتھ تٹ شریعت وِچ پِھرے شیَطان، شام اندھیرا ورن برن نظری آئیا۔ حُجرے حق حق محبوُب تیرا پڑھے نہ کوئے کلام، کائنات قُدرت دے مالک تیرا درس کوئے نہ پائیا۔ لِکھتاں وِچ بھوِکھتاں وِچ دسّ کے آئے دُھر امام، امام دا امام نوُر خُدائیا۔ جِس نے دیِن دُنی دا بدل دینا نِظام، ہِندوُ مُسلم سِکھ عیِسائی کھتری

براہمن شوُدر وَیش رہن کوئے نہ پائیا۔ نؤ کھنڈ پرِتھمی ستّ دیِپ مانَو ذاتی مانُش مانُکھ دسّنا ایکو نام، ایکنکارا گرِہ مندر اندر کایا ماٹی اِکو دئے سمجھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ سُنیہڑا اِک سمجھائیا۔ سَتگُر شبد کہے گُر اوتار پَیغمبر کرو سُرتی، سُر دُھر دی دیاں جنائیا۔ درشن کرو اکال موُرتی، جو اکل کل دھاری بےپرواہیِا۔ جِس دی کھیل سدا حاضر حضوُر دی، نِرگُن سرگُن اپنا حُکم ورتائیا۔ جِس دی آواز شبد اگمّی تُور دی، تُریا توں پرے اپنا حُکم دئے جنائیا۔ جِس دے کول وست امولک چرن دھوُڑ دی، جُگ چؤکڑی گُر اوتار پَیغمبراں ٹِکّے مستک دھوُڑی خاک رمائیا۔ دات بخش کے جوت اگمّی نوُر دی، نوُر نوُرانہ کرے رُشنائیا۔ سو کلجُگ انت سِری بھگوَنت کھیل میٹے کِریا کوُڑ دی، کوُڑ کُٹمب دئے گوائیا۔ دھار چلا ئے اپنے دستوُر دی، دست بردار سارے دئے کرائیا۔ جوتی جوت سروُپ ہرِ، آپ اپنی کِرپا کر، دُھر فرمانا اِک سُنائیا۔ گُر اوتار پَیغمبر جاؤ جاگ، بِن اکّھاں اکّھ اُٹھائیا۔ پُرکھ ابناشی اِکو تکّو کنت سُہاگ، دیِن مذہب دا لیکھا دیؤ تُڑائیا۔ دُنیا دا چھڈو رِواج، شاستر سِمرت وید پُران انجیل قُرآن کھانی بانی توں باہر کرے پڑھائیا۔ تُہاڈی سرِشٹی سدا مُحتاج، تُہاڈے اُتے پُرکھ اکال دا راج، رِعیت ہو کے سیِس دینا جھُکائیا۔ انت اَخیِر بےنظیِر لاشریِک واحد ماری اِک آواز، ازاں بانگ نہ کوئے سُنائیا۔ چرن کوَل اُپر دھوَل سارے ہو مُمتاج، نوازش وِچ سیِس دینا جھُکائیا۔ پڑدا اوہلا کھولے تُہاڈا راز، رحمت رحیِم رحمان آپ کمائیا۔ چھّبی پوہ جِس نے گُر اوتار پَیغمبراں بدل دینا سماج، سمگری تُہاڈی تُہاڈے کولوں اپنی جھولی پائیا۔ حُکمے اندر شبد اندر چار جُگ دا پوُرب پِچھلا پُچھے جواب، اگلا حُکم آپ سُنائیا۔ جِس دھار وِچوں اکھّراں والی بنائی کِتاب، سو نِراکھّر تُہاڈے دیِن دُنی تُہاڈی کرے لاجواب، سِر سکے نہ کوئے اُٹھائیا۔ اِکو حُجرہ اِکو وکھائے محراب، گُروُدوارا اِکو سوبھا پائیا۔ جِس گرِہ مندر اندر محل اُچ اٹل منار شاہ پاتشاہ شہنشاہ وسے حق نواب، پاربرہم پتپرمیشور بَیٹھا سوبھا پائیا۔ اوتھے لوڑ نہیں اپ تیج وائے پرِتھمی آکاش، رجو طمعو سَتو گُن کمّ کِسے نہ آئیا۔ سو سوامی صاحب سَتگُر پُرکھ اکالا دیِن دَیالا اپنا ورتے سوانگ، سوانگی ہو کے اپنا کھیل وکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سَت سَتوادی دھار پرگٹائیا۔ گُر اوتار پَیغمبر کہن، دُھر فرمانے سیِس نِوائیا۔ جُگ چؤکڑی چُکے ساڈا لہن، دینا دیوے بےپرواہیِا۔ سمرتھ سوامی اساں درشن تکّنا عین، حاضر حضوُر نظری آئیا۔ جِس نوُں لبھ نہ سکے شاستر سِمرت وید

پُران بالمیک والی رمائن، رَوداس چمارا جِس دی دئے گواہیِا۔ جُگ چؤکڑی جِس دا نام اِک رسائن، رسئیے گُرمُکھ بھگت لئے پرگٹائیا۔ کلجُگ کوُڑی کِریا جِس وہایا وہن، اُتّر پوُرب پچھّم دکھّن چار کُنٹ دھار بند نہ کوئے کرائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، دُھر فرمانا اِک دِرڑائیا۔ گُر اوتار پَیغمبر کہن ساڈے انتر آئی حَیرانی، نِرنتر حُکم رہیا جنائیا۔ کلجُگ شرع دِسی شیَطانی، ساچے مارگ چلے نہ کوئے لوکائیا۔ جگت جگیاسوُآں اندر آئی بےاِیمانی، سنت بھگوَنت مِل کے خوشی نہ کوئے منائیا۔ ساچا نام نِشانہ تیِر مارے کوئی نہ کانی، دُئی دوَیتی پڑدا پار نہ کوئے کرائیا۔ امرت رس نِجھر جھِرنا دیوے کوئے نہ پانی، بوُند سوانتی جام نہ کوئے پیائیا۔ انحد نادی دُھن آتمک راگ سُنائے کوئی نہ بانی، دُھر سندیشہ نہ کوئے دِرڑائیا۔ نِرگُن جوت جگے نہ کوئے نوُرانی، دیِا باتی نہ کوئے رُشنائیا۔ رسنا جِہوا پرم پُرکھ پرماتم تیری پڑھدے سارے کہانی، ڈھولے راگاں ناداں وِچ سُنائیا۔ منزل حق چڑھے نہ کوئی تیرا درس کرے نوُرانی، اِنسانی جوانی کمّ کِسے نہ آئیا۔ مندر مسجد شِودوالے مٹھ ہوئی بدنامی، تیِرتھ تٹ رہے کُرلائیا۔ دھرنی دھرت دھوَل آئی ہانی، ہار وِچ دِسے لوکائیا۔ کِرپا کر پُرکھ سمرتھ کلجُگ جھگڑا چار جُگ دا انت میٹ دیوانی، گُر اوتار پَیغمبر شہادت سارے رہے بُھگتائیا۔ صدی چؤدھویں انت اَخیِر بےنظیِر تیری لاشریِک نظری آئے اوہ نِشانی، جِس نوُں عیسیٰ موُسیٰ محمد نانک گوبِند حُکمے اندر گئے دِرڑائیا۔ جوتی جوت سروُپ ہرِ، آپ اپنی کِرپا کر، ایکا دے ساچا ور، سچ دوار ایکنکار اپنا کھیل پرگٹائیا۔ سَتگُر شبد کہے گُر اوتار پَیغمبر کرو یاد، پوُرب لہنا دینا جنائیا۔ جِس کارن تُہاڈا پنج تت کھیڑا کیِتا آباد، تت تتّاں نال مِلائیا۔ شبد اگمّی اندر دے کے آواز، سُرتی اپنے رنگ رنگائیا۔ دیِن مذہب دا کر کے کاج، کرنی دا کرتا گیا سمجھائیا۔ کلجُگ انت سِری بھگوَنت پُرکھ اکالا دیِن دَیالا سمرتھ سوامی کھیل کرے بدل دیوے سماج، سماں سماپت اپنے ہتّھ رکھائیا۔ تُسیں لیکھا لِکھ کے آئے نال قلم دوات، شاہی شہادت رہیا بُھگتائیا۔ اُس دا سب دے کولوں منگنا جواب، جواب طلبی لئے کرائیا۔ کِس بِدھ کٹّھے ہو کے سارے کرو آداب، سجدہ سیِس جھُکائیا۔ لیکھا دسّو اپنا آپ، صلاحگیِر دوُجا نظر کوئے نہ آئیا۔ کوَن جیِو میٹ کے روگ سنتاپ، سنسے گیا گوائیا۔ کوَن اِشٹ دیو سوامی کر کے اپنا جاپ، جگ جیِون داتے مِل کے تُہاڈی کرے وڈیائیا۔ کوَن روُح بُت کر کے پاِکی پاک، پتت پُنیِت اپنا آپ دئے وکھائیا۔ کوَن بِسمِل ہو کے ہویا وِسماد، ہم بِستر سوبھا پائیا۔ کوَن انرس دیوے سواد، رس اِکو اِک چکھائیا۔ ہُن

لیکھا نہیں بِدر دا کھانا ساگ، سوانگ ہور دِتا بدلائیا۔ اَگے بھگت سُہیلے تُہاڈی رکھدے تانگھ، جُگ چؤکڑی دھیان لگائیا۔ ہُن تُہاڈے کولوں پُرکھ اکال نے کھانا کھاج، جِس دی خواہش سمجھ سکے نہ کوئے رائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سَت سَتوادی برہم برہمادی شبد انادی اپنا حُکم دئے فرمائیا۔

۲۱ پوہ شہنشاہی سمت ۲ سادھوُ سِنگھ دے گرِہ جیٹھوُوال

دُھر شبد کہے سُنو گُروُ اوتار، پَیغمبراں دیاں دِرڑائیا۔ چھّبی پوہ دا دِوس لَینا وِچار، جِس دا لیکھ نہ کوئے سمجھائیا۔ پوُرب جنم دی بھوِکھتاں والی اپنی ویکھو وِچار، اکھّراں توں باہر جِس دی پڑھائیا۔ جِس اِچھیا نال منگاں منگدے گئے کل پرگٹ ہووے کلکی اوتار، نِہکلنک کلنک سب دے دئے گوائیا۔ اماماں دا امام ہوئے سِرجنہار، جھگڑے تمام دئے چُکائیا۔ نِرگُن نوُر جوت دا کرے اُجیار، جِس نوُں جنمے کوئی نہ پِتا مائیا۔ جگت دوارا رکھے نہ کوئے آدھار، گرنتھاں اوٹ نہ کوئے تکائیا۔ مندراں کرے نہ کوئے پیار، اِٹّاں پتّھراں نہ کوئے وڈیائیا۔ اِکو اپنا نام شبد کرے جَیکار، جِس شبد نال گُر اوتار پَیغمبر لئے بنائیا۔ حُکمے اندر حُکم کر لیکھا جانے سرب سنسار، سنساری بھنڈاری دیبان والے اپنا حُکم منائیا۔ کھیل کرے آپ کرتار، کرنی دا کرتا ویس وٹائیا۔ جِس نوُں کھوجدے گئے لبھدے گئے سدا جُگ چار، چؤکڑی اوٹ تکائیا۔ جِس دا گرِہ مندر ٹِکانا سچکھنڈ دوار، درگاہ ساچی بَیٹھا سوبھا پائیا۔ بِن دیِوے باتی کملاپاتی ہو اُجیار، نِرگُن نوُر ظہوُر کرے رُشنائیا۔ بےخبراں کر کے خبردار، جگت سُتّیا لئے اُٹھائیا۔ تِس سوامی دا سماں بدلن دا سوہنا جِہا تِوہار، بِوہار دینا دِرڑائیا۔ کُچھ لیکھا دِتا عیسیٰ نوُں اَیتوار، عنایت وِچ بخشش جھولی پائیا۔ سوم دا سماں منگدے گئے جُگ چار، وست ہتّھ نہ کِسے پھڑائیا۔ وقت سُہیلا رکھیا اپنے ہتّھ نِرنکار، نِرگُن اپنے وِچ چُھپائیا۔ انت سندیشہ دے کے ایکا وار، ایکنکار رہیا دِرڑائیا۔ ساریاں مِل کے آؤنا سچ دربار، در دربار اِک جنائیا۔ تُہاڈے نال بھگتاں دا کرے پیار، وِچولا بن کے اپنی خوشی بنائیا۔ مِلنی دا وقت ہونا چار، سوُریہ چڑھدے توں لہندے مُکھ بھوائیا۔ چار جُگ توں وکھّرا ہونا وِہار، جِس نوُں بُدھی نہ کوئے سمجھائیا۔ تُساں بن کے آؤنا ہونہار، نؤجوان روُپ وٹائیا۔ جے کنت تکّنا ہووے بن کے آؤنا نار مُٹیار،

جوبن بنتی روُپ سُہائیا۔ بِن دیِوے باتی نِرگُن جوت دا ویکھنا اُجیار، اندھ اندھیرا دئے گوائیا۔ کھیل کرے آپ کرتار، کاریا کرم اپنے ہتّھ رکھائیا۔ جوتی جوت سروُپ ہرِ، آپ اپنی کِرپا کر، کھیل انوکھا اِک وکھائیا۔ گُر اوتار کہن کی رچنا آپ رچاوینگا، ہرِ شبد کہے کلجُگ ویکھ جھوُٹھا وہن، کی نِرگُن جوت پرگٹاوینگا۔ پُرکھ اکال کہے مَیں تُہاڈا چُکاواں لہن دین، اگلا لیکھا سب نوُں آپ سمجھاوانگا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، دُھر دا بھیو آپ کُھلاوانگا۔ دُھر دا بھیو آپ کُھلاوانگا۔ پڑدا اوہلا حق چُکاوانگا۔ گُر اوتار پَیغمبراں آپ سمجھاوانگا۔ سچ سوّمبر اِک رچاوانگا۔ کلجُگ کوُڑی کِریا میٹ اڈّمبر، دھرم دوارا اِک پرگٹاوانگا۔ سوہنا سُہا کے دُھر دا مندر، سچکھنڈ دوار وڈیاوانگا۔ بِن بھگتاں جِس دے لنگھے کوئی نہ اندر، لکّھ چؤراسی جوُنیاں وِچ پِھراوانگا۔ کر پرکاش اندھیری کندر، جوتی نوُر ڈگمگاوانگا۔ گُرمُکھاں توڑ کے بجر کپاٹی جندر، چِنتا غم سرب گواوانگا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، دہ دِشا اِکو حُکم مناوانگا۔ دہ دِشا دَیاکمائیگا۔ پُرکھ ابناشی کھیل رچائیگا۔ جیِو جنت سمجھ کوئے نہ پائیگا۔ سادھ سنت سرب تڑپھائیگا۔ جل میِن وِچھوڑا آئیگا۔ ساچی تلقیِن اِک کرائیگا۔ بِن بھگتاں یقیِن کِسے رہن نہ پائیگا۔ گُر چیلا رہے نہ کوئے اَدھیِن، فرار سب نوُں آپ کرائیگا۔ جھگڑا پئے نر مدیِن، کنت سُہاگ نہ کوئے ہنڈھائیگا۔ پُرکھ اکال دیِن دَیال اپنی دھار چلے مہیِن، مہیِنہ پوہ خوشی منائیگا۔ گُرمُکھاں دے کے ساچی تعلیِم، سِکھیا سنتھا سبق اِکو اِک پڑھائیگا۔ جوتی جوت سروُپ ہرِ، آپ اپنی کِرپا کر، نِہکلنک نرائن نر، مہاراج شیر سِنگھ وِشنوُں بھگوان، گھر مندر دسّ اِک عظیِم، عالی توں اعلاشاناں دی شان بےپہچان مِہربان اِکو دَیاکمائیگا۔

۲۱ پوہ شہنشاہی سمت ۲ مِلکھا سِنگھ دے گرِہ جیٹھوُوال

ستگُر شبد کہے گُر اوتار پَیغمبر ویکھو اِک نِشان، نِشانہ دُھر دا دیاں جنائیا۔ جِتھے میلا بھگت بھگوان، گُر چیلا اِکو روُپ نظری آئیا۔ تُوں میرا مَیں تیرا ڈھولا گان، وجےّ سچ ودھائیا۔ پرماتم آتم کرے پروان، پروانہ دُھر دا دئے پھڑائیا۔ پاربرہم برہم دے کے اِک گیان، برہم وِدیا اِک سمجھائیا۔ اِکو مندر دسّ مکان، مقبریاں توں کھہڑے دِتے چُھڈائیا۔ دُھر دا مالک نظری آئے امام، حُکمران شہنشاہیِا۔ جِس نوُں سارے

کردے آئے سلام، سجدیاں وِچ سیِس جھُکائیا۔ سُن کے دُھر پَیغام، کلمے مات لوک سُنائیا۔ سو مالک دو جہان، نِرگُن نِروَیر اپنا کھیل کھلائیا۔ جن بھگتاں دیوے نام نِدھان، گُنونتا جھولی پائیا۔ اُٹھ کے ویکھو رام کاہن، سب نوُں دیاں جنائیا۔ ابناشی کرتا کھیلے کھیل مہان، خالق خلق ویکھ وکھائیا۔ جوتی جوت سروُپ ہرِ، آپ اپنی کِرپا کر، سچ دوار دئے وڈیائیا۔ ہرِ شبد کہے بھگت بھگوان دا ویکھو سگلا رنگ، رنگت اِکو رہیا چڑھائیا۔ آتم سیجا بَیٹھ پلنگ، سچ سِنگھاسن دئے وڈیائیا۔ نام نِدھان وجا مردنگ، کوُڑی اِچھیا باہر کڈھائیا۔ آتم پرماتم ہو کے سنگ، سگلا سنگ نِبھائیا۔ جنم جنم دی ٹُٹی گنڈھ، گنڈھنہار گوپال سوامی اپنا میل مِلائیا۔ ناتا توڑ کے بندی خانہ بند، بندگی اِکو رہیا سمجھائیا۔ تُوں میرا مَیں تیرا سوہنگ ڈھولا گاؤنا چھند، دوُجی لوڑ رہے نہ رائیا۔ برہمنڈاں کھنڈاں پُریِاں لوآں جانا لنگھ، سچکھنڈ دوار وڑنا چائیں چائنیا۔ جگت کٹار کرنا پئے نہ کوئے جنگ، شبد سوُربیِر دئے بنائیا۔ انتر انتر نِرنتر دے کے اِک انند، پرمانند وِچ سمائیا۔ جوتی جوت سروُپ ہرِ، آپ اپنی کِرپا کر، بخشنہار اِک سرنائیا۔ ہرِ شبد کہے بھگت بھگوان دا ہُندا ویکھو مِلاپ، مِل مِل خوشی منائیا۔ مِلیاں رہے کوئی نہ پاپ، دُرمت مَیل دھوائیا۔ آتم پرماتم بنے ساک، سرِشٹ سبائی سگلا سنگ تجائیا۔ جو بھوِکھتاں وِچ آئے آکھ، آخر اوہو کار کمائیا۔ دُنیا نوُں پڑدا پا کے صاف، اوہلا لیا رکھائیا۔ جن بھگتاں کر مُعاف، جنم جنم دی دُرمت مَیل دھوائیا۔ ساچا سوہلا دُھر دا ڈھولا سوہنگ دسّ کے جاپ، آتم پرماتم ناتا دِتا جُڑائیا۔ ساچی دھیِرج دے وِشواس، وِشوَ اپنا رنگ رنگائیا۔ نِرگُن جوت کر پرکاش، اندھ اندھیرا دِتا مِٹائیا۔ مانَس جنم کر کے راس، رستہ اگلا دِتا وکھائیا۔ گُرمُکھ چڑھن اپنے گھاٹ، دوُجے پتن کوئے نہ جائیا۔ آون جاون لکّھ چؤراسی جم کی پھاسی مِٹے واٹ، گرِہ مندر ساچے دئے پُچائیا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، مہاراج شیر سِنگھ وِشنوُں بھگوان، جن بھگتاں پوُری کر کے آس، آسرا اِکو دِتا وکھائیا۔

۲۱ پوہ شہنشاہی سمت ۲ روُپ سِنگھ دے گرِہ جیٹھوُوال

ستگُر شبد کہے جن بھگتاں ہوئے سدا کِرپال، کِرپانِدھ اپنی دَیا کمائیا۔ سچ دوار وکھا اِک دھرم سال، دُھر دے دھام دئے وڈیائیا۔ جِتھے سوہن شاہ کنگال، راؤ رنک ونڈ نہ کوئے ونڈائیا۔ پُرکھ اکالا وسے نال، دیِن دَیال دَیا کمائیا۔ مانَس جنم لیکھے لائے گھالی گھال، گھائل کر کے

کوُڑ کُڑیارا دئے مِٹائیا۔ آپے ویکھنہارا مُریِداں حال، مُرشد ہو کے پُچھے چائیں چائنیا۔ جِنہاں دے اندر سچ پریِتی دا وجےّ تال، پریِتم ہو کے دئے وڈیائیا۔ ناتا توڑ کے جگت جنجال، جاگرت جوت دئے سمجھائیا۔ انت پوہ نہ سکے کال، جم کا بھےَ نہ کوئے ڈرائیا۔ سب دا پوُرا کرے سوال، لیکھا رہن کوئے نہ پائیا۔ جِس دا گُر اوتار پَیغمبر دے کے گئے احوال، سو داتا دَیا کمائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دوارا اِک سُہائیا۔ سَتگُر شبد کہے پُرکھ اکال مِہربان، سد مِہر نظر اُٹھائیا۔ جُگ جُگ دیندا آیا دان، سنت سُہیلا نام ورتائیا۔ بندا آیا کاہن، گُرمُکھ گوپی جگت ہنڈھائیا۔ جھُلاؤندا آیا نِشان، کوُڑ نِشانے جگت بدلائیا۔ گاؤندا آیا گان، سَتجُگ تریتا دواپر کلجُگ نام شنوائیا۔ کردا آیا حَیران، حَیرانی وِچ کرے لوکائیا۔ کلجُگ انت پوُرا کرے جو دیندا آیا پروان، پروانے پِچھلے ویکھ وکھائیا۔ جودھا سوُربیِر بن بلوان، بلدھاری پھیرا پائیا۔ سو لہنا دینا چُکائے آن، انک کل دھاری ویس وٹائیا۔ جن بھگتاں کر کلیان، قلم شاہی توں پرے لیکھا دئے بنائیا۔ جوتی جوت سروُپ ہرِ، آپ اپنی کِرپا کر، چڑھاوَنہارا سچ بِبان، مِہربان ہو کے محبوُب اپنی سیو کمائیا۔

۲۱ پوہ شہنشاہی سمت ۲ بچن سِنگھ دے گرِہ جیٹھوُوال

ستگُر شبد کہے جُگ جُگ جن بھگت سُہیلا چنگا، چنگی پربھ دے نال وڈیائیا۔ جِنہاں دے چرن چُمّے گنگا، گوداوری خوشی منائیا۔ جگت ڈھولا گائے چھندا، ساچا راگ سُنائیا۔ لیکھے لگّا جنم دا کیِتا دھندا، بندگی بندنا والی دِرڑائیا۔ پار کنارہ نظری آوے کنڈھا، اَدھ وِچکار نہ کوئے اٹکائیا۔ پُرکھ اکال دیوے اِک انندا، نِج آتم خوشی بنائیا۔ امرت میگھ برسے ٹھنڈا، کوُڑی تپت بُجھائیا۔ ٹُٹیاں پاوے گنڈھاں، وِچھڑیاں لئے جُڑائیا۔ لیکھے لائے مندا، سِر اپنا ہتّھ ٹِکائیا۔ اَگے جم دا توڑ کے پھندا، پھاسی دئے گوائیا۔ بھیو کُھلا کے ہنگ برہما، پاربرہم اپنے وِچ مِلائیا۔ لیکھے لگّے جنما، جوتی جوت سروُپ ہرِ، آپ اپنی کِرپا کر، نِہکلنک نرائن نر، مہاراج شیر سِنگھ وِشنوُں بھگوان، مِہربان پروان کرے کایا ماٹی چما، چرم دا جرم کُکرم دا کرم اپنے لیکھے پائیا۔

۲۱ پوہ شہنشاہی سمت ۲ چرن سِنگھ دے گرِہ جیٹھوُوال

ستگُر شبد کہے گُر اوتار پَیغمبر کرنی تیار رسوئی، رسوُآ جِس دا نظر کوئے نہ آئیا۔ جِس دا رس جانے نہ کوئی، کوٹن کوٹ بَیٹھے دھیان لگائیا۔ جیہڑی وست کِسے نہیں بوئی، اُتبُھج روُپ نہ کوئے وٹائیا۔ پانی دھار کِسے نہیں چوئی، رسیِا رس نہ کوئے بنائیا۔ کُچھ آسا منگ منگی لوئی، کبیِر جُلاہا دئے گواہیِا۔ کُچھ محمد کیِتی دروہی، خود خُدائے دھیان لگائیا۔ انت گوبِند کیِتی عرضوئی، بینتی گیا سُنائیا۔ تُدھ بِن ملِے کوئے نہ ڈھوئی، ڈھوآ ہتّھ نہ کوئے پھڑائیا۔ چار جُگ جِس سرِشٹی درِشٹی اندروں ٹوہی، گھٹ گھٹ ویکھ وکھائیا۔ اپنی جوت اِک بلوئی، لوئن دتے کُھلائیا۔ جوتی جوت سروُپ ہرِ، آپ اپنی کِرپا کر، ساچا حُکم اِک سُنائیا۔ سَتگُر شبد کہے کی وست کرو تیار، واستک دینا سمجھائیا۔ کِس بِدھ بھوگ لگاؤ نِرنکار، نِراکار ہو کے دینا دِرڑائیا۔ کی اوڈھن دیوو اُتے آہار، پڑدا کوَن رکھائیا۔ کی عرض دیؤ گُزار، بینتی سچ سُنائیا۔ کِس بِدھ کرو نمسکار، بِن سیِس سیِس جگدیِس جھُکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ سمگری کی وکھائیا۔ سَتگُر شبد کہے کی وست جو سب توں ہووے اچّھی، اچّھی طرح دینا سمجھائیا۔ کِس دوارے ہووے رکھی، کوَن گھر وڈیائیا۔ کیہڑی لےَ کے آوے سخی، سُخن پِچھلا پوُر کرائیا۔ کوَن ویکھے اکھّیں، بِن نیتر نیَن کُھلائیا۔ ساچے مارگ آوے نَٹھی، بن کے پاندھی راہیا۔ کیہڑی صِفتاں والی پڑھو پٹّی، کی پٹنے والا گیا سمجھائیا۔ جوتی جوت سروُپ ہرِ، آپ اپنی کِرپا کر، سچ دوارا کوَن وکھائیا۔ سَتگُر شبد کہے گُر اوتار پَیغمبر کوَن بنے رسویا، رسم اگلی دئے سمجھائیا۔ کوَن روُپ ایکا ایکنکار ہویا، ہوکا دے کے دیؤ دِرڑائیا۔ کوَن سچ پرکاش کرے لویا، لوک پرلوک پڑدا دئے اُٹھائیا۔ کوَن ساچی نیِند بِن غفلت سویا، آلس باہر کڈھائیا۔ کوَن کِس بِدھ لےَ کے آئے ڈھویا، ڈھولا گاوے بےپرواہیِا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیر سِنگھ وِشنوُں بھگوان، پِچھے توں اَگے ہویا، اَگے توں پِچھا سب نوُں یاد کرائیا۔

۲۱ پوہ شہنشاہی سمت ۲ سُبھاگوَنتی دے گرِہ جیٹھوُوال

گُر اوتار پَیغمبر کہن پربھ دا بھوجن اگمّا رس، رسنا رس نہ کوئے چکھائیا۔ جِس نوُں آسا نہیں کوئی روَ سس، سوُرج چند دا تیج نہ کوئے وڈیائیا۔ جگت جہان نہ آوے ہتّھ، سرِشٹی ونڈ نہ کوئے ونڈائیا۔ اپنے انتر رکھے پُرکھ سمرتھ، دوُسر ملِے نہ کوئے وڈیائیا۔ سَتجُگ تریتا دواپر کلجُگ لبھ لبھ گئے تھک، کھوجیا واہو داہیِا۔ حقیِقت وِچوں مِلیا کوئی نہ حق، لاشریِک اپنے وِچ سمائیا۔ تھکے ماندے سارے گئے اکّ، عقل بُدھی دی چلی نہ کوئے چتُرائیا۔ انت کنت بھگوَنت چرناں اُتے سیِس دِتا رکھ، جگدیِس تیری بےپرواہیِا۔ نِرگُن دھاروں سانوُں کر کے وکّھ، لوکمات سرگُن تت دِتا ہنڈھائیا۔ صِفتاں والا گواؤندا رِہوں جس، شاستر سِمرت وید پُران گیِتا گیان انجیل قُرآن کھانی بانی راہ چلائیا۔ اپنا ناؤں دسّ الکھ، ڈھولے گھر گھر دتے سُنائیا۔ اسیں دسّ کے آئے پُرکھ اکال ہووے پرگٹ، نِرگُن نِروَیر نِراکار نِرنکار جوتی جوت کرے رُشنائیا۔ سچ دھرم دا کھولے ہٹّ، دوارا اِکو اِک سُہائیا۔ جِتھے راؤ رنک جان وسّ، اوُچ نیِچ ذات پات جھگڑا رہے نہ رائیا۔ اِکو نام بھنڈارا دسےّ سچ، کھتری براہمن شوُدر وَیش آپ ورتائیا۔ اپنا کھیل کرے پرتکھ، پاربرہم برہم دا مالک ہو گوسائنیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ سندیشہ نر نریشا اِک دِرڑائیا۔ گُر اوتار پَیغمبر کہن کی دسّیئے اوس دی روزی، رازق رحیِم رحمان اکھوائیندا۔ پربھ مالک دُھر دا چوجی، جُگ چؤکڑی کھیل کھِلائیندا۔ گُر اوتار پَیغمبر بنا کے کھوجی، آپ اپنا آپ چُھپائیندا۔ حُکم سندیشہ دے کے لوک پرلوکی، برہمنڈ کھنڈ ڈنک وجائیندا۔ تُوں میرا مَیں تیرا دسّ کے اِک سلوکی، وِشن برہما شِو دھار پرگٹائیندا۔ پنج تت بنا کے کوٹن کوٹی، کوٹ گڑھ بنک دوارا آپ سُہائیندا۔ انتم سب دی چڑھ کے چوٹی، چوٹ شبد نام لگائیندا۔ آتم پرماتم بن کے گوتی، پاربرہم برہم اپنا روُپ سمجھائیندا۔ جن بھگتاں منزل دسّ کے سؤکھی، اگلا پیَنڈا پندھ مُکائیندا۔ ساچا میل مِلا کے نِرگُن نوُر جوتی، جوتی جاتا دَیاکمائیندا۔ جوتی جوت سروُپ ہرِ، آپ اپنی کِرپا کر، نِہکلنک نرائن نر، مہاراج شیر سِنگھ وِشنوُں بھگوان، اپنی آپے دسےّ روزی، وست اپنی آپ دِرڑائیندا۔

۲۱ پوہ شہنشاہی سمت ۲ وریام سِنگھ دے گرِہ جیٹھوُوال

ستگُر شبد کہے مَیں ویکھی دھرنی بھوُمی، بھوُمکا سوہنی نظری آئیا۔ جِس نوُں سمجھے نہ کوئے نجوُمی، وِدیا وِچ ونڈ نہ کوئے ونڈائیا۔ بھگت دوار کوئی کھیل نہیں معموُلی، نہ معلوُم اپنی کار کمائیا۔ چرن دھوُڑ جِنہاں مستک دیوے دھوُلی، دھرم دوار اِک وکھائیا۔ اِنصاق وِچ کدی نہ کرے بےاصوُلی، اصل دی نسل دئے پرگٹائیا۔ جوتی جوت سروُپ ہرِ، آپ اپنی کِرپا کر، ساچا حُکم اِک ورتائیا۔ دھرنی کہے مَیں ہوئی وڈّی، وڈ وڈے دِتی وڈیائیا۔ مَیں سرِشٹ سبائی چھڈی، چھڈی جگت لوکائیا۔ وست امولک جن بھگتاں پریم دھار لبھی، جگ نیتر نظر کِسے نہ آئیا۔ جِس دے وہن وِچ وہِندی نؤ سؤ نِڑھنوے ندی، ندیاں توں پار سمجھ کِسے نہ آئیا۔ اوسے دے حُکم اندر بدھّی، بندنا وِچ بَیٹھی سیِس نِوائیا۔ سچ پریِت پریِتم والی لگّی، پیا پرِیا کر کے رہی بُلائیا۔ اوسے دی بھگتاں دی بھگتی والی ویکھی دھار سجی، سجّن مِلیا دُھر درگاہیِا۔ میرے اُتے پوَن ٹھنڈی وگی، سانتک سَت رہی کرائیا۔ چار جُگ دی بُجھی اگّی، کوُڑی تپت نہ کوئے تپائیا۔ جوتی جوت سروُپ ہرِ، آپ اپنی کِرپا کر، مِہر نظر رہیا اُٹھائیا۔ دھرنی کہے مَیں ویکھیا سچّا دھرم، دوارا دُھر دا نظری آئیا۔ میرا اُچا ہویا کرم، نِہکرمی ہویا سہائیا۔ سنسا گیا بھرم، بھانڈا دِتا بھنائیا۔ وڈیائی دِتی تیرے اُتے بھگتاں لیا جرم، جنم پربھ دے لیکھے لائیا۔ اِکو ڈھولا پڑھن، ساچا راگ الائیا۔ اِکو دی رکھن سرن، دوُجی اوٹ نہ کوئے تکائیا۔ سو تیرے اُتے چرن آیا دھرن، دھوَل رنگ رنگائیا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، مہاراج شیر سِنگھ وِشنوُں بھگوان، جن بھگت سُہیلے آیا پھڑن، پاندھی ہو کے پھاندی ہو کے نام ڈوری تند بندھائیا۔

۲۱ پوہ شہنشاہی سمت ۲ گُرمیِت سِنگھ دے گرِہ جیٹھوُوال

گُر اوتار پَیغمبر کہن بھگت سُہیلے پربھ دے تکّے بال، بالی بُدھ مِلی وڈیائیا۔ جِنہاں دے انتر بدل گئی چال، چال نِرالی دِتی وکھائیا۔ اِکو منّدے پُرکھ اکال، دوُجا اِشٹ نہ کوئے منائیا۔ اٹّھے پہر خوشیاں وِچ وجاؤندے تال، طلب اوَر نہ کوئے رکھائیا۔ بینتی اندر اپنا دسّدے حال،

احوال پِچھلا نال مِلائیا۔ پوُرب جنم دی پوُری کر کے گھال، کرماں دا لیکھا رہے مُکائیا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ ٹِکائیا۔ گُر اوتار پَیغمبراں وِچوں بولے دوارکا واسی، فرمان اِک سُنائیا۔ جن بھگت دی سیوا خاصی، خالص رنگ رنگائیا۔ جِس دا اِشٹ اِک ابناشی، جنم مرن وِچ نہ آئیا۔ سو اُترےَ پار گھاٹی، منزل مکُے جگت جُدائیا۔ جِس پوُرب منّی آکھی، دواپر دئے گواہیِا۔ اِکلوتا بیٹا جِس نوُں جنمیا بِدر دی چاچی، لہنا اوسے دا ویکھ وکھائیا۔ اوہ وِدیا پڑھ کے کاشی، کشمیر بَیٹھا ڈیرہ لائیا۔ نِرگُن درشن ہویا راتیں، نوُر نوُر جوت رُشنائیا۔ اُس منگی اِک داتی، پربھ اَگے جھولی ڈاہیِا۔ جِویں سُداما تیرا ساتھی، اندرلا سنگ بنائیا۔ جے میری کریں راکھی، سِر اپنا ہتّھ ٹِکائیا۔ مَیں گاواں تیری ساکھی، سُخن بچن رسنا نال الائیا۔ تُوں دُھر دا کملاپاتی، پتپرمیشور نظری آئیا۔ سِری بھگوان کِہا مَیں منّاں آکھی، کلجُگ انت اَخیِر اپنے رنگ رنگائیا۔ تیری بدل کے جیِون والی حیاتی، حضرتاں دے پِچھوں تیرا لیکھا دئے مُکائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ مِہر نظر کرے نِرنکار، نِروَیر دَیا کمائیا۔ سُدامے دا چچازاد پیار، پوُرب لیکھ پرگٹائیا۔ بھگوَن دے آدھار، عدل آپ کمائیا۔ جُگ وِچوں جُگ دی بدلی کر سنسار، سمُند ساگر کھیل وکھائیا۔ بھگت سُہیلا بن مُرار، مُراری ہو کے ویکھ وکھائیا۔ پِچھلا کیِتا قؤل اِقرار، اپنا توڑ نِبھائیا۔ کرماں دا جنم سُدھار، دیوے مان وڈیائیا۔ کل کلکی لےَ اوتار، کل کلیش گوائیا۔ بالا نڈھا ننھا نِکّی دسّ گُفتار، گُپت اپنا رنگ چڑھائیا۔ جوتی جوت سروُپ ہرِ، آپ اپنی کِرپا کر، نِہکلنک نرائن نر، مہاراج شیر سِنگھ وِشنوُں بھگوان، لہنا چُکاوے بھگت بھگوان کرِشن سُدامے یار، یار دا اُدھار، چچازاد وِچار، وِچار دا پسار، ہری کا دوار، تن دا شِنگار، گُرمیِت نظری آئیا۔

۲۱ پوہ شہنشاہی سمت ۲ بیِبی چرنی دے گرِہ جیٹھوُوال

ستگُر شبد کہے بھگتو تکّو موُل، مُل قیِمت کوئے نہ پائیا۔ پِچھلی کرنی جاؤ بھوُل، کرم کانڈ دا ڈیرہ ڈھاہیِا۔ ہرِ مارگ اِک اصوُل، اپناؤ تھاؤں تھائنیا۔ جِس دا حُکم اِک معقوُل، نہ کوئی میٹے میٹ مِٹائیا۔ شنکر مستک لا کے دھوُل، خوشی رہیا بنائیا۔ ہتّھوں سُٹ ترِسوُل،

ترےَ بھَون دھنی درشن پائیا۔ جِس دا پنگھوُڑا ہرِ بھگت رہے جھوُل، ہُلارا دو جہاناں باہر وکھائیا۔ بن کے کنت کنتوُہل، سیج سُہنجنی رہیا سُہائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ سَتگُر شبد کہے ہرِ بھگتی ویکھو رنگ، رنگت اگمّی دیاں دِرڑائیا۔ آتم پرماتم مانَو انند، انند انند وِچوں وکھائیا۔ ساچا ڈھولا گاوو بِن رسنا جِہوا دند، تُوں میرا مَیں تیرا راگ الائیا۔ جنم جنم دا میٹے پندھ، آون جاون دئے چُکائیا۔ خوشیاں دا اِکو دسےّ چھند، نام وِچولا بن آپ سمجھائیا۔ نِرگُن سرگُن وسے سنگ، سگلا سنگ بنائیا۔ جن بھگت دوارا جائے لنگھ، اَگے ہو نہ کوئے اٹکائیا۔ پریم رنگیِلا ویکھ پلنگ، بِن پاوا چوُل دئے سُہائیا۔ سچ ناد وجا مردنگ، راگ اپنا دئے اُپجائیا۔ بھیو کُھلا کے برہم ہنگ، ناتا جگت نالوں تُڑائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، بھگتن میِتا ٹھانڈا سیِتا سدا اتیِتا سد بھاونا سب دی ویکھ وکھائیا۔ سَتگُر شبد کہے تکّو کلجُگ انتم ریِتی، ریِتیواناں دیاں دِرڑائیا۔ گُر اوتار پَیغمبرو دھیان مارو مندر مسجد مسیِتی، گُروُدوارے ویکھ وکھائیا۔ کایا دِسے نہ کوئے ٹھانڈی سیِتی، اگنی تت سب نوُں رہی جلائیا۔ من واسنا ہنکاری ہوئی نیِتی، وِکاراں وِچ لڑائیا۔ آتم دِسے نہ کوئے ٹھانڈی سیِتی، امرت میگھ نہ کوئے برسائیا۔ پُرکھ اکال دیِن دَیال سمرتھ سوامی اپنی دَیاکیتی، جن بھگتاں ہویا سہائیا۔ لکّھ چؤراسی وِچوں تھوڑی لا باغیِچی، باغبان ہو کے ٹہنی رہیا مہکائیا۔ گُرمُکھ دھار کر اتیِتی، ترےَگُن لیکھا رہیا چُکائیا۔ ہرجن آتما سدا جیِتی، جِتّ ہار ونڈ نہ کوئے ونڈائیا۔ جوتی جوت سروُپ ہرِ، آپ اپنی کِرپا کر، نِہکلنک نرائن نر، مہاراج شیر سِنگھ وِشنوُں بھگوان، جِنہاں انتر نِرنتر ساچے نام منتر دی دیوے پریِتی، پریِتم ہو کے توڑ نِبھائیا۔

۲۱ پوہ شہنشاہی سمت ۲ پال سِنگھ دے گرِہ جیٹھوُوال

ستگُر شبد کہے کھیل ویکھو کرنی دا کرتا، کی کی اپنا رنگ وکھائیا۔ مالک بن کے دُھر دا بھرتا، داتا دَیاوان ہو جائیا۔ مان وڈیائی دیوے ساچے بھگتاں، بھاگ اپنا اپنے وِچوں وکھائیا۔ ایکا رنگ رنگائے ساچی سنگتا، سنگل شرع زنجِیر کٹائیا۔ جھگڑا رہے نہ دوَیت بھاوَ من دا، منسا کوُڑی رہیا گوائیا۔ لہنا دے کے ساڈھے تِنّ ہتّھ تن دا، سریِر اَخیِر اپنے رنگ رنگائیا۔ گرِہ سُہا کے گُرمُکھ جن کا، جن اپنے گھر

وسائیا۔ بھےَ رہیا نہ کوئی ڈنّ کا، رائے دھرم نہ دئے سزائیا۔ میل مِلایا پاربرہم برہم کا، ناتا نِرگُن نِرگُن نال رکھائیا۔ جوتی جوت سروُپ ہرِ، آپ اپنی کِرپا کر، نِہکلنک نرائن نر، مہاراج شیر سِنگھ وِشنوُں بھگوان، ساچا رنگ وکھائے چھپّر چھنّ کا، انڈِٹھڑا آپ چڑھائیا۔

۲۱ پوہ شہنشاہی سمت ۲ بیِبی مایؤ دے گرِہ جیٹھوُوال

ستگُر شبد کہے ہرِ صاحب گُن نِدھان، آد جُگاد وڈّی وڈ وڈیائیا۔ مِہربان ہو کے دیوے اگمّا دان، وست امولک نام بھنڈارا آپ ورتائیا۔ پریم پریِتی اندر بھگت سُہیلے کر پروان، سِر اپنا ہتّھ رکھائیا۔ دھرم دوارے دا اِک وکھا سچّا نِشانہ، نِشانے کوُڑے دئے بدلائیا۔ تُوں میرا مَیں تیرا انتر آتم دسّ کے سچ گیان، نِرنتر روُپ انوُپ درسائیا۔ سو سنت سُہیلے گُرمُکھ سوہنگ ڈھولا گان، جِنہاں آتم پرماتم مِل کے وجےّ ودھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، صاحب سَتگُر دَیا کمائیا۔ صاحب سَتگُر پُرکھ اتھاہ، اکل کل دھاری ہرِ اکھوائیندا۔ جُگ چؤکڑی چلا ئے راہ، سَتجُگ تریتا دواپر کلجُگ آپ ہنڈھائیندا۔ گُر اوتار پَیغمبر بنائے ملاح، نئیا نؤکا نام ہتّھ پھڑائیندا۔ صِفت صلاح بےپرواہ اپنی آپ جنا، شاستر سِمرت وید پُران لوکمات وڈیائیندا۔ انتم سب دی خاکی ماٹی کر سواہ، نِرگُن نِرگُن رنگ چڑھائیندا۔ سو سوہلا ڈھولا رہے گا، تُوں ہی تُوں ہی راگ الائیندا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ ساچی کار کمائیندا۔ گُر اوتار پَیغمبر ڈھولا گاون سوہنگ سو، دوُجی کرن نہ کوئے پڑھائیا۔ جِس دھار وِچوں نِکلے انتم اوسے وِچ گئے سؤں، آلس نِندرا نہ کوئے بنائیا۔ سَت سروُپ گئے ہو، ہوکا دے کے جگت لوکائیا۔ دیِناں مذہباں نالوں توڑ کے موہ، مُحبّت پربھ دے نال رکھائیا۔ نِرگُن دھار ہو کے نِرگُن گئے چھوہ، شہنشاہ وِچ اپنا آپ سمائیا۔ جو بھگتاں اندر جُگا جُگنتر کرے لو، لوئن انترلا دئے کُھلائیا۔ دوُجا اوَر نہ جانے کو، ہرِ کا بھیو کوئے نہ پائیا۔ سو پُرکھ اکالا دیِن دَیالا لےَ کے آیا ڈھوآ ڈھو، نام نِدھانا رہیا ورتائیا۔ امرت رس نِجھر جھِرنا بوُند سوانتی دیوے چو، چار جُگ دے وِچھڑے لئے مِلائیا۔ مہاراج شیر سِنگھ وِشنوُں بھگوان، جوت سروُپ وڈ بھوُپ آپے ہو، گُرمُکھ گُرسِکھ ہرجن ہرِ بھگت سنت سُہیلے پار کرائیا۔

۲۱ پوہ شہنشاہی سمت ۲ ہرجیِت سِنگھ دے گرِہ پِنڈ جیٹھوُوال ضِلع امرتسر

گُر اوتار پَیغمبر کہن کلجُگ انت اندھیر ہویا اندھ، ساچا نام ہرِ کا چند نہ کوئے چمکائیا ۔ کوُڑی کِریا جگت واسنا من وِکاری دِسے گند، آتم پرماتم پربھ دا ڈھولا کوئے نہ گائیا۔ ساچا سوہلا ناد انادی بِن رسنا جِہوا سُنے کوئی نہ چھند، پاربرہم برہم بھیو نہ کوئے کُھلائیا۔ پُرکھ ابناشی گھٹ نِواسی سب نوُں سُتّا دے کر کنڈ، کایا ماٹی ساڈھے تِنّ ہتّھ سریِر اپنی کروٹ نہ کوئے بدلائیا۔ نیتر روندی ویکھی جمنا سُرستی گوداوری گنگ، اٹھسٹھ تیِرتھ دین دُہائیا۔ مندر مسجد شِودوالے مٹھ وجےّ نہ کوئی حق مردنگ، نام نگارہ ایکنکارا نہ کوئے سُنائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، گُر اوتار پَیغمبر سچکھنڈ دوار در ٹھانڈے بَیٹھے سیِس نِوائیا۔ گُر اوتار پَیغمبر کہن کلجُگ ویکھی اندھیری رات، بِھنڑی رَین نہ کوئے سُہائیا۔ کِسے دا لیکھے لگّا دِسے نہ پوُجا پاٹھ، سِمرن جوگ ابھیاس وِچ تڑپ رہی لوکائیا۔ سچ سروور امرت آتم مارے کوئی نہ ٹھاٹھ، نِجھر رس دُھر دا جھِرنا نہ کوئے جھِرائیا۔ سچ دوار ایکنکار صدی چؤدھویں ملِے نہ کِسے ہاٹ، گُر در مندر مسجد شِودوالے مٹھ سارے روون مارن دھاہیِا۔ سَت سنتوکھ دھیِرج سرِشٹ سبائی تُٹا یت، سانتک سَت نہ کوئے ورتائیا۔ کھتری براہمن شوُدر وَیش ورن برن دیِن مذہب ذات پات جھگڑا پایا منمت، گُرمت گہر گمبھیِر بےنظیِر سارے گئے بُھلائیا۔ تیرے مِلن دی پُرکھ اکال کُھلی کِسے نہ اکّھ، جگت نیتر ہُندیاں تیرا درس کوئے نہ پائیا۔ تُوں صاحب سوامی انترجامی گھٹ نِواسی پُرکھ سمرتھ، کلجُگ انت کوُڑی ریکھ جگت بھیکھ دے گوائیا۔ جُگ بدلنا تیرے ہتّھ، سَتجُگ ساچا لےَ پرگٹائیا۔ سرِشٹی درِشٹی اندر اِکو نام اپنا دسّ، دوُجی کرے نہ کوئے پڑھائیا۔ اِکو تیرا دوارا سب نوُں سُجھے حق، لاشریِک جلوہ نوُر کر رُشنائیا۔ بھوِکھتاں اندر سَتجُگ تریتا دواپر کلجُگ تیرا آؤنا آئے دسّ، نِہکلنک کل کلکی اپنا ناؤں پرگٹائیا۔ موہ وِکار جگت ہنکار کھیڑا کر بھٹھ، سَت سچ دھرم اِک پرگٹائیا۔ ہر ہِردا تیرا نام لئے جپ، کوٹ جنم دا پپ دینا گوائیا۔ جوتی جوت سروُپ ہرِ، آپ اپنی کِرپا کر، ایکا نعرہ دسّ الکّھ، الکھ اگوچر اگمّ اتھاہ بےپرواہ اپنا پڑدا دینا اُٹھائیا۔ گُر اوتار پَیغمبر کہن پربھ دیِن دُنی ویکھی سڑدی، چار کُنٹ دھیان لگائیا۔ تیری منزل کوئے نہ چڑھدی، روُح بُت دوویں رہے کُرلائیا۔ انتم بازی دِسے ہردی، ہِردے ہرِ نہ کوئے وسائیا۔ ایہہ کھیل کلجُگ کل دی، جِس گیانی دھیانی وِدوانی دتے بُھلائیا۔ کوئی سمجھے نہ دھار نرائن نر دی،

وِشیاں والے گُروُ سارے رہے منائیا۔ سمجھ آئی نہ تیرے گھر دی، شاستر سِمرت وید پُران انجیل قُرآن بانی پڑھ کے جھٹ لنگھائیا۔ جو آتم پرماتم تیرا درشن کردی، جوتی جوت جوت وِچ رُشنائیا۔ اوہ من واسنا کدے نہ لڑدی، جھگڑا کرے نہ جگت لوکائیا۔ سچکھنڈ دوارے اِکو چڑھدی، جِس دی منزل بےپرواہیِا۔ بِن سیِس سیِس چرناں اُتے دھردی، دھرنی دھرت دھوَل دا لیکھ مُکائیا۔ وسنیِک بنے اوس گھر دی، جِس گھرانے وِچوں گُر اوتار پَیغمبر لوکمات پھیرا پائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، صاحب سَتگُر تیری اوٹ رکھائیا۔ گُر اوتار پَیغمبر کہن ساری سرِشٹی ویکھی، بِن اکّھاں اکّھ کُھلائیا۔ کوٹن کوٹ بنے بھیکھی، ویس گُروُآں والا وٹائیا۔ قلم شاہی نال بنے لیکھی، لیکھ تیرا رہے جنائیا۔ جنگلاں وِچ بن پردیسی، بھجّن واہو داہیِا۔ ماٹی کھیہہ نال کھیڈ رہے کھیڈی، دھوُنی خاک رمائیا۔ تیرا دِسے کوئے نہ بھیتی، بھوَجل وِچ دِسے لوکائیا۔ پُرکھ اکال دیِن دَیال تیری جانے کوئی نہ نیکی، جِس لکّھ چؤراسی وِچوں مانَس جنم دِتا بنائیا۔ نِرگُن آتما اپنی بنا کے بیٹا بیٹی، گھر ساچے دِتی وسائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در ٹھانڈے سیِس نِوائیا۔ گُر اوتار پَیغمبر کہن پربھوُ امام، عملاں توں رہت ویکھ وکھائیا۔ دیِن دُنی دا بدلیا ویکھیا نِظام، نؤبت حق نہ کوئے وجائیا۔ من واسنا کوُڑی کِریا سارے ہوئے غُلام، غُربت اندروں باہر نہ کوئے کڈھائیا۔ ساچا سجدہ کرے نہ کوئے سلام، حق محبوُب نہ کوئے منائیا۔ جِدھر تکّیئے ویکھیئے گھر گھر دِسے حرام، ہرِ کے پؤڑے چڑھ کے تیرا درس کوئے نہ پائیا۔ گُر اوتار پَیغمبر کہن پربھوُ سانوُں سب نے کیِتا بدنام، بدی نیکی سب تیری جھولی پائیا۔ صدی چؤدھویں اسیں بن گئے عامَ، عوام وِچ نہ کوئے وڈیائیا۔ انتم دیِن دُنی دا کھہڑا چھڈ کے تمام، تیری چرنی بَیٹھے سیِس نِوائیا۔ کلجُگ میٹنا سَتجُگ لاؤنا پُرکھ ابناشی تیرا کام، ساڈی چلے نہ کوئے چتُرائیا۔ جوتی جوت سروُپ ہرِ، آپ اپنی کِرپا کر، نِہکلنک نرائن نر، مہاراج شیر سِنگھ وِشنوُں بھگوان، آد جُگادی مِہربان، سِری بھگوان مِہر نظر اُٹھائیا۔