کتب خانہGranth 20 (Shahmukhi)

۲۷ پوہ شہنشاہی سمت ۲ ہرِ بھگت دوار جیٹھوُوال

گُرمُکھو تُسیں کھٹّن آئے، نیڑے ہو کے بولے بُلھا۔ مُرشد دی مَیں سار نہ پایا، اپنے اندر بُھلا۔ کوُڑا جگت ویس وٹایا، ویس وٹایا چُلھا۔ ہتّھو ہتّھ نہ کِسے کُچھ پھڑایا، ممتا وِچ رُلا۔ ویکھ حَیران ہویا، شبد نوُں مِلیا سُہلا۔۔ گُرمُکھ سوہنے نچّے ٹپّے کُدے، خوشیاں وِچ کوئی نہ تھکے۔ پِچھلا لہنا موُل چُکایا، کوئی نہ جائے مدیِنے مکّے۔ چرن دھوُڑ اِشنان کرایا، کھہڑا چُھڈایا تیِرتھ اٹھسٹھے۔ کایا مندر شبد اُپایا، جھگڑا مُکیا مندر مٹھے۔ چار جُگ دے وِچھڑے، کر کِرپا کیتےِ اِکٹّھے۔ وقت اَخیِر تے، پربھ کدے نہ تُہاتھوں نَٹھے۔۔ جن بھگتو خوشیاں نال نچّو، نچّ نچّ خوشی بناواں۔ لکّھ چؤراسی گیڑ چوں بچو، قدماں نال پار لنگھاواں۔ اَگے پِچھے نَٹھو، دو جہاناں پندھ چُکاواں۔ جے سوہنگ ڈھولا رٹو، سچکھنڈ سدا بہاواں۔ اِکو اِکو نام جپو، اِکو اِکو جاپ جپو، دوُجا جاپ نہ کدے سُناواں۔۔ بھنگڑا ویکھ آیا شنکر، تن رما بھبوُتی۔ چار جُگ دے چھڈ کے مندر، چھڈی دھوُنیاں والی آہوُتی۔ نام جپ کے سوُریہ چندر، لُک کے ویکھن چارے کوُٹی۔ دُھر دے سِلسلے دی سار نہ آئی، بھولا ناتھ کہے مَیں کِتھوں بوُٹی پیتی۔۔ آ شنکر تَینوُں سچ وکھاواں، کی پیتا اِنھاں پیالہ۔ تُہاڈے ہتّھاں وِچ نہ کدے پھڑاواں، نہ کدے رکھاں کِسے دھرم سالا۔ دُھردرگاہوں جِنہاں دا لگّا ناواں، اوہناں دا بن کے دیِن دَیالا۔ چار جُگ دے لیکھے مُکاواں، اِکو دسّیا سوہنگ نام سُکھالہ۔۔ جن بھگتو کھٹّن آئے کھٹّ کے جانا، سنمُکھ سوہنا درس۔ جنم جنم دا لیکھ چُکائے، میٹے اگلی پِچھلی حرص۔ غریِب نِمانے رنگ رنگائے، دیوے وڈیائی اُپر دھرت۔ گُر اوتار پَیغمبراں لیکھا پوُر کرائے، پوُری کرے شرط۔ بِنا پُرکھ اکال توں، کوئی نہ آوے پرت۔۔ گُرمُکھ کہن تُوں کی دینا، سانوُں دے دسّ۔ اسیں تکّدے اپنیاں نیَناں، وِچوں بُہتے گئے نسّ۔ اؤکھا ہو گیا منّنا تیرا کہنا، جِناں چِر اندر نہ جاویں وس۔ مُشکل ہو جائے بھانا سہنا، دھیِرج رہے نہ کِسے ہٹّھ۔ کِرپا کر کے جے بخشن آئیوں، وست بھنڈارا اِکو گھت۔ پُرکھ اکال کہے، نؤ سؤ چُرانوے چؤکڑی پھیر نہیں آؤنا پرت۔۔ گُرمُکھ کہن اسیں ویکھن نہیں آئے ڈھول ڈھمکاّ، جگت ڈگّا نہ کوئے وڈیائیا۔ ساڈا ناتا جوڑ لےَ پکاّ، اَگے ہوئے نہ کوئے جُدائیا۔ درس کرا دے بِنا اکّھاں، راتیں سُتّیاں لےَ مِلائیا۔ جے پُرکھ اکال سچّا، در آیاں پار کرائیا۔ جیہڑا تیرے چرنوں نَٹھا، اوہدا ہو سہائیا۔ سانوُں دُنیا کرے ٹّھٹھا، چرنی لگّیاں دی توڑ نِبھائیا۔ پُرکھ اکال کہے مَیں بھگت سُہیلا کیِتا اِکٹّھا، اَگے ہووے نہ کدے جُدائیا۔ بھنگڑا

پاؤندے ہو جاؤ باہر، خالی مَیدان دیؤ کرائیا۔ اَگے دا کُچھ ہور وِہار، منّی سِنگھ دی منسا پوُر کرائیا۔ لہنا دینا سدا جُگ چار، دُھر دی دھار چلی آئیا۔ کرے کھیل آپ نِرنکار، دوُجے سمجھ نہ کوئے سمجھائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔

مہر نظر کہے سُنو سچ فرمان، دُھر دا دھرم دیاں جنائیا۔ چؤراسی بیِبیاں مرداں دی جگہ اَگے آؤن وِچ مَیدان، بتّی سال توں چھوٹی اَگے قدم نہ کوئے اُٹھائیا۔ سُنن حُکم سِری بھگوان، نہ کوئی میٹے میٹ مِٹائیا۔ گُر اوتار پَیغمبر کہن اسیں آئے پِھردے تُردے، جُگ چؤکڑی اپنا بَیٹھے پندھ مُکائیا۔ حُکم دتے مالک دُھر دے، سچ سندیشہ اِک دِرڑائیا۔ کلجُگ کھیل ویکھنے کل دے، کُل مالک آپ سمجھائیا۔ جیہڑے گوبِند بچن کیتےِ مُل دے، قیِمت کرتا دئے چُکائیا۔ جو جُگ چؤکڑی آئے رُلدے، تھوڑی بھگتی سیو کمائیا۔ سنساری دھار اندر آئے بُھلدے، اگلا پندھ نہ کوئے چُکائیا۔ اوہ کھیل ویکھن نِرگُن دے، نِروَیر دئے سمجھائیا۔ ایہہ لیکھے سارے انندپُر دے، جِس نوُں سمجھ سکے کوئے نہ رائیا۔ جِس ویلے گوبِند وہیِر تُردے، قِلعہ کوٹ تجائیا۔ اوس ویلے ماتا گُجری دے اندر فُرنے پُھردے، وِچے وِچ دبائیا۔ کُچھ بچن کیتےِ لوڑ دے، سُت دُلارے آپ دِرڑائیا۔ اگلا بھیو کھول دے، مَینوُں دے جنائیا۔ گوبِند کِہا ایہہ کھیل اگمّ اتول دے، جِس دا تول نہ کوئے تُلائیا۔ جوتی جوت سروُپ ہرِ، آپ اپنی کِرپا کر، دُھر دا حُکم اِک ورتائیا۔ گُر اوتار پَیغمبر کہن اسیں ویکھن آئے نظارہ، جُگاں دا لہنا مُکائیا۔ پوُربلا لیَن آئے اُدھارا، اِقرار پربھ نال کرائیا۔ اجّ کھا بھگتاں دا بھنڈارا، لہنا رہے سمجھائیا۔ اِکو گوبِند سُت دُلارا، پُرکھ اکال دا گیا جنائیا۔ جِس ویلے کلجُگ انتم ہووے اندھ اندھیارا، جگ نوُر نظر نہ آئیا۔ ہاہاکار کرے سنسارا، سرِشٹی درِشٹی اندر کُرلائیا۔ دھرم رہے نہ کِسے دوارا، دھیِرج دھیِر نہ کوئے دھرائیا۔ پِتا پوُت نہ کرے پیارا، نار کنت نہ سوبھا پائیا۔ سادھ سنت کرن وِبھچارا، مُلّا شیخ کوُڑ کُڑمائیا۔ پنڈت پاندھے پربھ دے نام دا منگن بھاڑا، قیِمت ٹکیاں والی پائیا۔ کلجُگ کوُڑی کِریا دا گھر گھر لگّے اَکھاڑا، سرِشٹی درِشٹی دئے نچائیا۔ گُر اوتار پَیغمبراں چلے کوئی نہ چارا، چاروں کُنٹ رہی کُرلائیا۔ کھیل کرے اگمّ اپارا، الکھ اگوچر بےپرواہیِا۔ جِس دا سارے منگدے گئے سہارا، نِیوں نِیوں سیِس جھُکائیا۔ بھوِکھتاں وِچ لیکھ چؤویِاں اوتارا، جِس نوُں جنمے کوئی نہ مائیا۔ کاغذ قلم نہ لِکھنہارا، اکھّراں ونڈ نہ کوئے ونڈائیا۔ کرے کھیل گُپت

ظاہرا، چوری ٹھگّی وِچ لوکائیا۔ وکھّرا ہو کے سب توں نیارا، نِرگُن اپنی کل ورتائیا۔ اِک بنائے بھگت دوارا، دُھر دربارا دئے دِرڑائیا۔ جوتی جوت سروُپ ہرِ، آپ اپنی کِرپا کر، کرے کھیل بےپرواہیِا۔ گُر اوتار پَیغمبر کہن اسیں آئے دُھر دے نَٹھے، بھجےّ واہو داہیِا۔ ساڈے پِٹھے چُکے تھک گئے گردن والے پٹھے، ناڑی ناڑی دئے گواہیِا۔ جن بھگت سُہیلے ویکھے لوکمات سچّے، پریِتی صاحب سَتگُر نال رکھائیا۔ آ گئے اوسے دے کول نسّے، جِس دی منزل اَگے نہ کوئے وکھائیا۔ اِک مُحبّت وِچ پھسے، دوُجی کرن نہ کوئے پڑھائیا۔ وِک گئے اِکو ہٹّے، قیِمت جگت والی رہے گوائیا۔ تُل گئے اِکو وٹےّ، دوُجا ترازوُ نہ کوئے اُٹھائیا۔ کریا کھیل پُرکھ سمرتھے، چھّبی پوہ وجّی ودھائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ گُر اوتار پَیغمبر کہن کی ماتا گُجری آئی وِچار، گُزریا حال دینا سُنائیا۔ جِس نوُں سمجھ نہ سکے وید چار، پُران اٹھاراں نہ پڑدا لاہیِا۔ گیِتا گیان نہ اکّھ سکی اُگھاڑ، شاستر چھ نہ کوئے وڈیائیا۔ انجیل قُرآن نہ سکیا کوئی اُٹھال، باہوں پھڑ نہ کوئے اُٹھائیا۔ گرنتھاں وِچوں نہ آئی بھال، پنتھاں والے دین دُہائیا۔ جِس دا جگت کھیل کمال، کامل مُرشد بےپرواہیِا۔ اوہ جانے مُریِداں حال، دُھر دا مالک نظری آئیا۔ حُکم دِتا دُھر کرتار، قُدرت دا مالک آپ جنائیا۔ گوبِند ہو کے آپ تیار، قدم اپنا لیا اُٹھائیا۔ ساچا فتح بول جَیکار، جَیکارا اِکو دِتا لگائیا۔ گُجری اُٹھ کے دین لگّی پیار، پُتر کہہ کے ہتّھ اُٹھائیا۔ گوبِند کِہا میرے اندر پُرکھ اکال، تُوں ہُن نہیں میری جمّن والی مائیا۔ مَیں چھڈ جانا گھر بار، جھگڑے دینے مِٹائیا۔ مَیں بن جانا کنگال، گُرمُکھاں دے اندر وڑ کے جھٹ لنگھائیا۔ مَیں اِکو دا بننا لال، جِس دا جمال نہ کوئے مِٹائیا۔ میرے کدی نہیں مُکنے سال، میری آیوُ نہ کوئے گوائیا۔ مَیں وسنا اوس دھرم سال، جِتھے ورن برن ونڈ نہ کوئے ونڈائیا۔ گُجری پھیر کِہا آ میرے لاڈلے لال، گل وکڑی لَواں پائیا۔ گوبِند کِہا مَینوُں پُرکھ اکال گودی لیا بٹھال، سُکھ بہُتا رہیا وکھائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ گُجری کہے سُن میرے بانکے نؤجوان، بچن نِکاّ دیاں سُنائیا۔ ایہہ سوہنے دِسن مکان، جو سِکھاں لئے بنائیا۔ ایہہ وڈے وڈے پہلوان، جو بُھکھے مر کے جھٹ لنگھائیا۔ اوہ وڈے وڈے پردھان، ماجھے والے گئے مُکھ بھوائیا۔ اوہ سُنن والے فرمان، نیِویاں رہے پائیا۔ باہر ہُندی قتل عام، چاروں کُنٹ پئے دُہائیا۔ پُرکھ اکال کھیل کرے کمال، اپنی کل ورتائیا۔ گوبِند کِہا دھن بھاگ جے چُھٹن لگّا جنجال، ناتا جگت نالوں تُڑائیا۔ پھل لگّن لگّا میرے ڈال، چار کُنٹ محک دئے مہکائیا۔ میرا انت اِک سوال، سُن لَینا میری جگت والی مائیا۔

مَینوُں اجّ توں نہیں کہنا میرا لال، پُتر آکھ نہ کدے بُلائیا۔ جوتی جوت سروُپ ہرِ، آپ اپنی کِرپا کر، دُھر دی کرنی کار کمائیا۔ گُجری کِہا گوبِند اؤہ ویکھ ہاتھی گھوڑے، بدھےّ نظری آئیا۔ گوبِند کِہا مَیں ہتّھوں لاہ دِتے کنگناں دے جوڑے، خاک وِچ رلائیا۔ مَیں سُنے اوہ دوہرے، جو دوہرا رنگ چڑھائیا۔ کِیوں تیغ بہادر پیا رہیا وِچ بھورے، بھورا کھا کے جھٹ لنگھائیا۔ کِیوں گُروُ گرنتھ وِچ کاغذ رکھے کورے، بِن ارجن سمجھ کِسے نہ آئیا۔ اِک پُرکھ اکال دی لوڑے، دوُجا سنگ نہ کوئے بنائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ گُجری کہے ہُن چلنا کیہڑے راہ، رستہ نظر کوئے نہ آئیا۔ کی بندھن لَواں بندھا، بھار سِر اُٹھائیا۔ گوبِند کِہا مَیں سب کُچھ جانا لُٹا، جگت وست دی لوڑ رہے نہ رائیا۔ سب نوُں خالی ہتّھ دینے وکھا، آپ گُرمُکھاں دے اندر وڑ کے جھٹ لنگھائیا۔ جے کوئی پیار نال اپنی مُحبّت دیوے کھوا، اوہنوُں کھا کے جھٹ لنگھائیا۔ تُوں اجّ توں میری نہیں نوُری ماں، تتّاں والی دیاں سمجھائیا۔ میری اوس نے پکڑی بانہہ، جِس نالوں نہ ہووے جُدائیا۔ ہؤکے وِچ گُجری دی نِکل گئی دھاہ، ہتّھ چھاتی اُتے رکھائیا۔ کِیوں پُری انند دِتا چُھڈا، دوہتّھڑ مار کے دِتی دُہائیا۔ جیہڑا خوشیاں نال دِتا وسا، اوہ آپے دِتا ڈھاہیِا۔ اَگے سرسا وگے دریا، پوَن ٹھنڈی نال رلائیا۔ گوبِند کِہا سب کُچھ دے بُھلا، ہوَس نہ کوئے ودھائیا۔ بیڑے پار کراؤن والا مَیں اِکو بڑا ملاح، جو آد جُگاد پتن تے بَیٹھا نظری آئیا۔ میرے بِنا کدی کمّ نہ آوے کِسے دے خُدا، پرماتما مِلن کِسے نہ آئیا۔ مَیں شبد گوبِند ہو کے پہلوں سب دا صاف کراں راہ، رستہ دیاں بنائیا۔ پِھر اوہناں لَواں اُٹھا، جِنہاں اپنا رنگ چڑھائیا۔ سچ دوارے لَواں مِلا، مِلنی ہرِ جگدیِش کرائیا۔ تَینوُں اگلا لیکھا دیاں سُنا، بِنا لِکھ کے قلم شاہیِا۔ جوتی جوت سروُپ ہرِ، آپ اپنی کِرپا کر، مِہر نظر نال اِک اُٹھائیا۔ گُجری کہے مَیں ویکھاں چار چؤپھیر، انت اَخیِری دھیان لگائیا۔ چھڈن لگّیاں نہیں لگّی دیر، دُھر دا حُکم دِتا سمجھائیا۔ گوبِند کِہا ایہہ مَیں چھیڑی نِکّی جِہی چھیڑ، چھیکڑ سب نوُں دیاں کھپائیا۔ میرا سمجھے کوئی نہ گیڑ، لکّھ چؤراسی رہیا بھوائیا۔ پُرکھ اکال میرے اُتے رکھنی مِہر، محبوُب اِکو نظری آئیا۔ مَیں کِسے دی چلن دینی نہیں زبر زیر، جوروُ زر دینا مُکائیا۔ مَیں ببّر ہونا شیر کیہر، گھیرے وِچ رکھاں لوکائیا۔ لہنے دینے دیواں نبیڑ، جھگڑا دیاں چُکائیا۔ ایہہ میری نِکّی جِہی کھیڈ، پُری انند توں شُروُع کرائیا۔ جوتی جوت سروُپ ہرِ، آپ اپنی کِرپا کر، ساچا حُکم رہیا ورتائیا۔ گُجری دے اندر آیا اِک اُتشاہ، اُتّر پوُرب پچھّم دکھّن ویکھ وکھائیا۔ نیتر

ہنجھوُ دِتا وکھا، مُکھ نال ہؤکا اِک سُنائیا۔ اوسے ویلے گوبِند رومال چِٹا ہتّھ وِچ دِتا پھڑا، جل دھار صاف کرائیا۔ جے تَینوُں ماں بنن دا چا، دوُجی واراں پھیر بھی نال مِلائیا۔ مَیں لبھنا کِسے نہیں تھاں، ایَویں کرنی نہیں جھوُٹھی ہاں، اِشارے نال دِرڑائیا۔ مَیں مندر اگمّی رہاں، جِتھے جوبن مِلدا نَواں، بُڑھاپا روُپ نہ کوئے بدلائیا۔ پُرکھ اکال دسےّ جے سماں، جے حُکم کرے تے بھگتاں سب کُچھ دیواں، دیندیاں توٹ رہے نہ رائیا۔ جوتی جوت سروُپ ہرِ، آپ اپنی کِرپا کر، ساچی کرنی کار کمائیا۔ گُجری کِہا مَینوُں اندر بُھل گئی اِک زنجِیری، جیہڑی سوہنی نظری آئیا۔ گوبِند کِہا اوہدی کڑی ویکھ اَخیِری، جو نظر کِسے نہ آئیا۔ جِس ویلے میرا پُرکھ اکال میرے نال آ گیا تقدیِری، تقدیِر بھگتاں دئے بدلائیا۔ کِسے دی رہن نہیں دینی میری پیِری، لیکھے سب دے دینے مُکائیا۔ بھگتاں نوُں وکھاؤنی نہیں کوئی گلی بھیِڑی، کُھلے راہ پار لنگھائیا۔ کی ہو گیا جے ول کر کے پرہلاد نوُں تارن دا بہانہ بنایا کیِڑی، اوسے کیڑی نے ماچھوُواڑے وِچ آ کے میرا کھیل ویکھنا اَخیِری، اَخیِر وِچ اوسے نوُں گُرمُکھ لَینا بنائیا۔ جوتی جوت سروُپ ہرِ، آپ اپنی کِرپا کر، سچ اپنی کار کمائیا۔ گُجری کِہا میرا اندر رہ گیا اِک دُپّٹا، جو تیرے پِتا دِتا بنائیا۔ گوبِند کِہا مَیں اوس دے کارن مُڑ کے آواں نَٹھا، اچرج کھیل بنائیا۔ بھیکھ دھاراں جگت والا جٹّا، جٹاں جوُٹاں سمجھ کِسے نہ آئیا۔ گُرمُکھاں دے ہِردے پھٹّاں، تیِر نِرالا اِک چلائیا۔ وست امولک اندر گھتاں، انمُلڑی آپ ورتائیا۔ لکّھ چؤراسی کولوں بچاں، پڑدے اوہلے پڑدا آپے پائیا۔ جوتی جوت سروُپ ہرِ، آپ اپنی کِرپا کر، ساچا حُکم اِک سُنائیا۔ گُجری کِہا میرے انتر اِک پیاسا، سچ دیاں سمجھائیا۔ گوبِند ہُن تُوں کِیوں نہیں لنگھیا بیاسا، چار جُگ دا لیکھا دے دِرڑائیا۔ گوبِند کِہا اِک قدم چُکن نال پربھوُ دے بھگتاں نوُں پَوے گھاٹا، ایسے کر کے قدم نہ اَگے ٹِکائیا۔ جِس ویلے کلجُگ دی مُکاؤنی واٹا، جھگڑا مُکاؤنا لوکائیا۔ اگمّی امرت دا لِیاؤنا باِٹا، گُروُآں پَیغمبراں سِر اُٹھائیا۔ رَوداس دا ویکھ کے چیِتھڑ پاِٹا، پاربرہم دا میلا لَینا مِلائیا۔ نَواں بنا کے ساکہ، ساکھیات کراں رُشنائیا۔ تُوں ہُن میرا منّ لےَ آکھا، اَگے اکھّراں والا، گوبِند پھٹّیاں اُتے سؤن والا، کھا پی کے نہاؤن والا، رسنا نال گاؤن والا، فارسی پڑھاؤن والا، کاشی وِچ گُرسِکھ پُچاؤن والا، ہتّھاں وِچ کِتاباں پھڑاؤن والا، سطراں اُتے اُنگلاں چلاؤن والا، ورقے اُلٹاؤن والا، ارداسے سُدھاؤن والا، پِھر کدے نہ آئیا۔ جے آواں تے سب دا لیکھا مُکاؤن والا، اِکو پُرکھ اکال دا ڈھولا گاؤن والا، دوُجا جاپ نہ کوئے جپائیا۔ غریِب نِمانیاں کوجھیاں کملیاں پھڑ کے باہوں سچکھنڈ دوار

پُچاؤن والا، جوُہاں جنگلاں دا گیڑ مُکائیا۔ پُری لوء آکاش پاتال برہمنڈ کھنڈ ہِلاؤن والا، ہلوُنا شبد اِک دِرڑائیا۔ رُسیاں نوُں مناؤن والا، پُٹھیاں ٹنگیاں نوُں بچاؤن والا، لنگڑے اندھیِاں نوُں راہے چلاؤن والا، جگت وِکارا گندے مندیاں نوُں گودی بہاؤن والا، بِنا بندگی توں بندیاں نوُں بندے بناؤن والا، بِنا ڈنڈیِاں توں گُرمُکھ پریم دی منزل ٹپاؤن والا، پاربرہم اپنا رنگ وکھائیا۔ گُجری کِہا او گوبِند کِہو جِہا ویلا گُزرا، میرا اندر دئے دُہائیا۔ گوبِند کِہا ایہہ میریاں بھگتاں دا ویکھیں پھیر مُجرا ، مُجھ مِل کے مِلنی بھگوان نال کرائیا۔ اِنھاں دا سوہوے حُجرہ، جِنہاں نوُں حُجت کرے لوکائیا۔ جوتی جوت سروُپ ہرِ، آپ اپنی کِرپا کر، ساچی کرنی کار کمائیا۔ گُجری کِہا میرے اندر پیَندا ہؤل، ہؤلی ہؤلی دیاں جنائیا۔ گوبِند کِہا میرا پُرکھ اکال نال قؤل، دُشٹ دمن دیاں دِرڑائیا۔ تُوں نہ بن انبھول، اگلی اکّھ کُھلائیا۔ میرا وِگڑیا نہیں کُجھ رتی چؤل، کوٹاں گُن بہُتا نظری آئیا۔ میرا پرکاش ہونا اُپر دھؤل، دھرنی دھرت سوبھا پائیا۔ ہُن مَیں صِرف پنجاں نوُں دے کے جانی پاہُل، امرت روُپ درسائیا۔ جِس ویلے سِری بھگوان نال مِل کے آواں بھگتاں کول، نیڑے ہو کے درس دِکھائیا۔ اوتھے کی کوئی ڈھولی وجاوے ڈھول، ڈّگیاں نال ڈنکا نہ کوئے کھڑکائیا۔ مَیں ہر گھٹ جاواں مؤل، ایہہ میری بےپرواہیِا۔ بِن کنڈیوں تول کے تول، اپنے تکّڑ دیاں چڑھائیا۔ سب دا کر کے بھار ہؤل، آپ بھجّاں واہو داہیِا۔ جوتی جوت سروُپ ہرِ، آپ اپنی کِرپا کر، گھر ساچے سوبھا پائیا۔ گُجری کِہا مَینوُں کُچھ ہو گیا سنسا، سہج نال جنائیا۔ گوبِند مَینوُں ایَں جاپیا میرا وِچھڑ جانا بنسا، سربنس سنگ نہ کوئے نِبھائیا۔ گوبِند کِہا ایہہ میرے صاحب دی بنتا، جِس دی سمجھ کوئے نہ پائیا۔ کوٹن کوٹ وار مَیں آیا وِچ جنتا، جگت جیِو ویکھ وکھائیا۔ میرا لیکھا نہیں کوئی گنتا، اگنت دین دُہائیا۔ مَیں اِک نہیں گُرمُکھ چار جُگ دے اِکٹّھے تارنے بنا کے پربھوُ دی سنگتا، دوُجا اِشٹ نہ کوئے منائیا۔ او گُجری تیرا پُت نہیں ہووے کِسے دا منگتا، منگن دوارے کِسے نہ جائیا۔ ہُن تھوڑا جِہا کھیل ویکھنا اِشارے والے جنگ دا، جنگجوُ گُرمُکھ لئے بنائیا۔ جِس ویلے گُر اوتار پَیغمبراں اُتے ویلا آیا تنگ دا، تنگی سکے نہ کوئے کٹائیا۔ دُنیا وِچ جھگڑا پیا بُھکھ ننگ دا، بُھکھیا نہ کوئے رجائیا۔ سَتگُروُ پاتشاہ ہو کے غریِباں دے گھر پُرکھ اکال پِھرے منگدا، گھر گھر جھولی ڈاہیِا۔ ایہہ کھیل اوہو پُری انند دا، جِس دا انند ہتّھ کِسے نہ آئیا۔ جو تُٹیاں گنڈھدا، گنڈھنہار گوپال سوامی سب نوُں دئے سُنائیا۔ اوہ جِس نے کھیل کرنا برہمنڈ کھنڈ دا، نوَ کھنڈ اپنا ڈنک وجائیا۔ ایہہ لیکھا نہیں کِسے کچّے تند دا، تندی تند

ستار نہ کوئے دِرڑائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ہِردے اندر اپنا رنگ رنگائیا۔ گُر اوتار پَیغمبر کہن گوبِند اسیں سُنیا اِک سلوک، جو صُلح کُل دِتا سمجھائیا۔ گوبِند کِہا ویکھیو ہوئیو کوئی نہ ڈرپوک، دیِناں مذہباں والیو اپنا پیَنڈا لَینا مُکائیا۔ سارے گُروُ اوتار پَیغمبر بِنا گوبِند توں متھے اُتے ہتّھ رکھ کے کرن لگّے سوچ، سوچی سوچ سمجھ کِسے نہ آئیا۔ گوبِند کھول کے اپنا نیتر لوچن لوچ، لوچا سب دی رہیا درسائیا۔ او جے تُسیں بھگت دوارے گئے پہنچ، پوچا پا کے کرے نہ کوئے صفائیا۔ ایتھے کوئی ماریا نہیں جاندا نِردوش، دوشیِاں در آیاں پار کرائیا۔ ویکھیو کوئی سنگ وِچ رِہو نہ خاموش، اپنا حال دینا دِرڑائیا۔ گُر اوتار پَیغمبر کہن اساں جھگڑا پایا چمڑی والا پوش، دسّ کے چؤداں لوک، چؤداں طبق پِھردے رہے مار کے لنگوٹ، االلہ واہِگُروُ رام گا گا ساڈے تھک گئے ہونٹ، انت مِل کے نِرمل جوت، جِتھے ورن نہ کوئے گوت، بِنا پُرکھ اکال دے کوئی نہ اوٹ، جِس نوُں گوبِند پِتا لیا بنائیا۔ گُرسِکھو ایس توں پرے ہور نہیں کوئی جوگ، بِنا سَتگُر شبد توں کِسے نال نہ کریا سنجوگ، بِنا پاربرہم برہم نال بھوگے کوئی نہ بھوگ، دُھر دا رس اندر وس نہ کوئے چکھائیا۔ گُجری کہے گوبِند میرے آ نیڑے، تَینوُں دیاں درسائیا۔ پُری انند نوُں پئے گھیرے، زور دُشمن رہے جنائیا۔ گُرسِکھ ویکھ تیرے کیہڑے کیہڑے، بَیٹھے بل ودھائیا۔ گوبِند کِہا میرے دو چار بتھیرے، جِنہاں دے میرے نال نبیڑے، اِنھاں نوُں مار مُکاوے حُکم کیہڑے، حُکم دا مالک پُرکھ اکال نظری آئیا۔ جیہڑے چڑھ گئے میرے بیڑے، اوہ وسدے سدا صاحب دے نیڑے، گھیرے وِچ کدے نہ آئیا۔ تھوڑا سماں رکھ لےَ جیرے، پرکاش ہونا وِچ اندھیرے، کلجُگ رَین اندھیری نظری آئیا۔ جوتی جوت سروُپ ہرِ، آپ اپنی کِرپا کر، ساچا کھیل رہیا وکھائیا۔ گُجری کہے گوبِند اِنھاں دا کدوں ہونا اؤنتریاں دا سیاپا، صفحہ دئیں مِٹائیا۔ گوبِند کِہا مَینوُں نال لےَ آؤن دے اپنا باپا، جِس دی آپا بھیٹ کرائیا۔ اجے مَیں اوس دا نِکاّ جِہا کاکا، کایا کنچن اندر ڈیرہ لائیا۔ جِس ویلے میرے پُرکھ اکال دا دیِن دَیال دا ہونا وڈ پرتاپا، پرتاپی رہن کوئے نہ پائیا۔ تُوں میرا مَیں تیرا سانجھا دسّنا جاپا، جگ جیِون داتا ہو کے ویکھ وکھائیا۔ اوس ویلے پھیر ویکھیں کھیل تماشا، کُھلی اکھّیں دیاں وکھائیا۔ ساری دُنیا دا اُلٹا کے پاسا، پُشت پناہ بھگتاں ہتّھ ٹِکائیا۔ نالے دیواں آپ شاباسا، چاروں کُنٹ ویکھاں چائیں چائنیا۔ بن کے داسی داسا، سب دی سیوا لَواں کمائیا۔ میرا نوُر دا اِکو ہونا پرکاشا، جوتی جوت ڈگمگائیا۔ ساتھ ہووے پُرکھ ابناشا، سوہنا جوڑ جُڑائیا۔ سب دا پوُرا کراں گھاٹا، خالی

جھولیاں دیواں بھرائیا۔ جیہڑا امرت چکھایا وِچ باِٹا، اوہدا لہنا کلجُگ دیاں مُکائیا۔ اگلا دے کے ساتھا، سگلا سنگ بنائیا۔ جو رکھی اندر آسا، اوہ وی پوُر کرائیا۔ جوتی جوت سروُپ ہرِ، آپ اپنی کِرپا کر، سد دیوے مان وڈیائیا۔ گوبِند کِہا چھڈ دے دیِن دُنیا، دُنی ولّ دھیان نہ کوئے لگائیا۔ میرا مالک اِک وڈ گُن گُنیا، جو داتا بےپرواہیِا۔ جِس نے پُکار میری سُنیا، پھڑ باہوں لیا اُٹھائیا۔ لکّھ چؤراسی رہیا پُنیا، ویکھنہارا تھاؤں تھائنیا۔ جوتی جوت سروُپ ہرِ، جھگڑا مُکائے رِکھیاں مُنیاں، مُریِداں نالوں مُرشد مُرشداں نالوں مُریِد سارے دئے سمجھائیا۔ گُجری کِہا دسّ کِس طرح بُھلنا، بُھل وِچ ہوئے لوکائیا۔ گوبِند کِہا بِن گُرمُکھاں توں ساچے کنڈے کِسے نہیں تُلنا، کنڈے ہتّھ نہ کوئے رکھائیا۔ بِنا سَتگُر شبد کِسے دا پَینا نہیں مُلنا، دیِن دُنی دئے دُہائیا۔ اِک جگت وِکاری اندھیر جھُلنا، چاروں کُنٹ دئے ہِلائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ گُجری کِہا ہائے کِس طرح پار کراں دروازہ، پِچھے مُڑ مُڑ دھیان لگائیا۔ گوبِند کِہا اَگے ویکھ تیرا غریِب نوازا، سچکھنڈ نِواسی بَیٹھا ڈیرہ لائیا۔ جیہڑا تیرے پُت نالوں پوِتریاں نوُں پہلوں مارے واجاں، شبدی حُکم اِک دِرڑائیا۔ جِس نے رچنا نَواں کاجا، سوارتھ پرمارتھ اپنے رنگ رنگائیا۔ جِس دا سُنیہڑا دے کے آیا نانک وِچ بغدادا، بدی والے سرب سمجھائیا۔ اُس دا کھیل ویکھنا تماشا، تماشبیِن ہو کے اپنی کار کمائیا۔ جوتی جوت سروُپ ہرِ، آپ اپنی کِرپا کر، دُھر دا حُکم اِک وکھائیا۔ گُجری کہے کِڈا سوہنا پُر انند، سوہنیاں دِتا بنائیا۔ اجّ کر دروازے بند، کیِتی سرب جُدائیا۔ گوبِند کِہا او جگت ماتا گائیے اوس دا چھند، تُوں میرا مَیں تیرا دوُجا نظر کوئے نہ آئیا۔ جِس نے دِتا ایہہ جیؤ پِنڈ، پنج تت کری کُڑمائیا۔ دے کے دھارا امرت سِندھ، ساگر وہن دِتا وہائیا۔ اوہ گُجریئے ہُن نہیں تیری بِند، پُرکھ اکال میرا پِتا مائیا۔ ایہہ تتّاں والی تیرے پِچھے بھیج دینی اپنی جِند، زِندگی گُرمُکھاں لیکھے آئیا۔ پھیر پرگٹ ہو کے آؤنا وِچ ہِند، ہِندوُ تُرک دا لیکھا دینا مُکائیا۔ جیہڑی رباب سَتگُر نانک وجائی کِنگ، کِنگرے کِنگرے دینی کھڑکائیا۔ جگت ماتا اِک گلّ پہلوں میری ساریاں کرنی نِند، نِندک بنے لوکائیا۔ جِس ویلے میرا مالک پُرکھ اکال حُکم دیوے مرگِند، فرمان دُھر وڈیائیا۔ پھیر نہ مَینوُں نہ میرے بھگتاں نوُں کِسے نوُں رہے کوئی چِند، چِنتا دینی گوائیا۔ چرناں ہیٹھ بہہ کے کوٹن کوٹ سُرپت راجا اِند، وِشن برہما شِو اُنگلی دے اِشارے نال بھوائیا۔ پر بھگتاں گُرسِکھاں ساچے سنتاں دا بن بخشند، بخشش اپنے ہتّھ رکھائیا۔ دیِن دُنی چار کُنٹ دہ دِشا نوَ کھنڈ ستّ دیِپ اِک لگائے حُکم دی نِکّی

جِہی چِنگ، ساری سرِشٹی دینی جلائیا۔ جوتی جوت سروُپ ہرِ، آپ اپنی کِرپا کر، اپنا حُکم رہیا ورتائیا۔ گُر اوتار پَیغمبر کہن اسیں آ گئے بھجےّ، بھجن بندگی چھڈی سرب لوکائیا۔ اوہ پُرکھ اکال پروردِگار سانجھا یار ساڈے پڑدے کجے، اوڈھن اپنا سیِس ٹِکائیا۔ پِھر اسیں اوسے دے حُکم دے بدھےّ، چلیئے سچ رضائیا۔ اوسے دے حُکم نال آ گئے سدّے، بَیٹھے پندھ مُکائیا۔ گُر اوتار پَیغمبر سارے کہن اسیں اجّ کھا کھا بڑے رجےّ، اُٹھن دی واہ نہ رائیا۔ ساڈے پیٹ بھر بھر تھپے، چرناں بھار نہ کوئے اُٹھائیا۔ گوبِند کِہا ذرا تکّو سارے اَگے، پنج تت بَیٹھا رگھُپت نظری آئیا۔ بھجّو نَٹھو دؤڑو جیہڑے مارگ تُہانوُں دسےّ، جا کے ویکھو تھاؤں بائینا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، وارتا عبارتاں والی نہ کوئے لِکھائیا۔ گُر اوتار پَیغمبرو کوئی ہُن پڑھنی نہیں الف یے، قلم شاہی نہ رنگ رنگائیا۔ سِدھا لاؤنا پروردِگار نال نیَنہ، دوُجے سنگ انگ نہ کوئے جُڑائیا۔ تن ماٹی اوہ کِتھے گئی جیہڑی کیِتی کھیہہ، خالص روُپ نِرگُن جوت بِن ورن گوت بِن کایا قِلعے کوٹ سچکھنڈ دوار ایکنکار پروردِگار سانجھے یار اپنے وِچ مِلائیا۔ دسّو تُہاڈے کِدھر گئے یار، جیہڑے بنائے ہونہار، جگت دے سِکدار، تتّاں دے دِلدار، سچّے دربار نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، دُھر دا حُکم اِک ورتائیا۔ گُر اوتار پَیغمبر کہن اسیں دسّیئے کیہنوُں، ہور کوئی سُنن والا نظر کوئے نہ آئیا۔ پُرکھ اکال کہے او کی لبھن چلے مَینوُں، تے ممتا جگت کھوج کھوجائیا۔ گوبِند کِہا نہیں مَیں سب دیاں حداں بھنوُں، ونڈ رہے نہ کوئے لوکائیا۔ جو اڑیا اوسے نوُں شبد دے حُکم نال ڈنوُں، ڈنکا وجےّ بےپرواہیِا۔ جوتی جوت سروُپ ہرِ، آپ اپنی کِرپا کر، ساچا حُکم اِک ورتائیا۔ گُجری کہے ذرا آجا نیڑے جھُک، کنّ نال مُکھ لگائیا۔ کی ساڈا دانہ پانی ایتھوں گیا مُک، مَینوُں دے سمجھائیا۔ گوبِند کِہا نہیں نہیں ایہہ کھیل اوسے دا جِس دا مَیں بنیا پُت، پِتا پُرکھ اکال نظری آئیا۔ تُوں پڑھ لےَ اوسے دی تُک، کنّ وِچ گوبِند سوہنگ ڈھولا دِتا سُنائیا۔ گُجری سُن کے ہو گئی چُپ، انند وِچ، پرمانند وِچ، سَت دے چند وِچ، دیِن دَیال بخشند وِچ، بِن دھیان گئی سمائیا۔ باہر سُنے نہ کوئی ڈنڈ، سوُرمے اِک دوُجے دی وڈھن کنڈ، نالے گاون ڈھولے چھند، گوبِند اُچی چڑھ کے ویکھے جنگ، جگت نظر کِسے نہ آئیا۔ ایہہ سوہنا پُر انند، جِس نے بھگتاں دی منگی منگ، جِنہاں کارن آوے سوُرا سربنگ، سُتّیاں لئے جگائیا۔ گُجری کِہا اوہ کیہڑا ڈھنگ، طریقہ دے درسائیا۔ گوبِند کِہا جِدھر ویکھ ویکھ ویکھ جگت ماتا تِن وار بچن کہہ کے دِتا دسّ، خالی نظر کوئے نہ آئیا۔ کی ہویا جے

تُوں مَینوُں شکم وِچوں تتّاں والا گوبِند جمیا بھار اُٹھایا پیٹ، کھیوٹ کھیٹ پُرکھ اکال اِکو دُھر دا ماہیِا۔ جِس نوُں مَیں اندر رہیا چیت، اوس نال میرا ہیت، مَیں اوس دے رن وِچ ہونا کھیت، کھتیاں دا لیکھا دینا مُکائیا۔ گُجری کِہا اجّ چلیوں کیہڑے پردیس، کر فقیِری ویس اپنا پندھ مُکائیا۔ گوبِند کِہا مَیں وسن چلیا بھگتاں دے دیس، جِتھے رہواں سدا ہمیش، نہ کوئی کل نہ کلیش، جُگ چؤکڑی سارے یاد رکھے دسمیش، دہ دِشا دا مالک ہو کے نظری آئیا۔ میرا شبد سروُپی پیچ، پیچاداری جگت دیاں گوائیا۔ جوتی جوت سروُپ ہرِ، آپ اپنی کِرپا کر، ویلا رنگ رہیا رنگائیا۔ گُجری کہے دسّ کیہڑے چلیئے راہ، رستہ دے سمجھائیا۔ گوبِند پِچھا لیا بھوا، ہاں ہوُں نہ کوئے سُنائیا۔ جِدھر کھڑے بےپرواہ، اودھر جانا چائیں چائنیا۔ مَیں اجّ توں اوسے دی بھیٹا دِتا کرا، اپنا سنگ نہ کوئے بنائیا۔ ناتا لیا تُڑا، کیِتی جگت جُدائیا۔ اگلا کھیل کرے جِس نوُں جانے کوئی نہ، لیکھا لِکھت نہ کوئے دِرڑائیا۔ حُکمے اندر دیاں سُنا، شبد نوُر خُدائیا۔ دوہاں نوُں نیہاں ہیٹھ دینا دبا، تیری جھولی پائیا۔ دوہاں نوُں مَیدان وِچ سوُربیِر دیاں بنا، سُر نر جھُکن تھائیں تھائنیا۔ آپ اپنا اپنے دے لیکھے لا، لایق پُتر ہو کے سیو کمائیا۔ گُرمُکھ سجّن سارے دینے تجا، لشکر گھوڑا نظر کوئے نہ آئیا۔ ننگی پَیریں بھجّنا واہو داہ، چیِتھڑ پُرانے رہیا وکھائیا۔ سوُلاں سیج ستھر لَینا ہنڈھا، یارڑا سیج اِک بنائیا۔ اِک سُنیہڑا دینا سُنا، انسُنت آپ سمجھائیا۔ تیری کھیل میرے شہنشاہ، خوشیاں نال پوُر کرائیا۔ جے سُنیں تے چڑھے چا، چاؤ گھنیرا نظری آئیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ گُجری کِہا ایہہ کی دسّیا حال، واج پُچھ پُچھ دِتی لگائیا۔ ویکھیں مَینوُں اکّھاں نال نہ دینئی وکھال، مَیتھوں جھلّی نہ جائے جُدائیا۔ گوبِند کِہا چھڈ دے کوُڑا جنجال، ممتا موہ نہ کوئے ودھائیا۔ دُھر دا حُکم لَینا پال، پال سِنگھ دا لیکھا پھیر بنائیا۔ تتّاں والا اوسے دا بال، بن بہادر تیغ چلائیا۔ پھیر پھل لگّے ساچے ڈال، ڈالی ڈالی رنگ چڑھائیا۔ جِس ویلے کلجُگ سب دے سِر تے کوُکے کال، حُکم سارے جان بُھلائیا۔ دھرم رہے نہ کِسے دھرم سال، گُردوار دوار نہ کوئے وڈیائیا۔ کِسے کمّ نہ آوے ڈھال تلوار، دغیدار دِسے لوکائیا۔ گوبِند کِہا میرا بچن کوئی نہ سکے پال، سچ روُپ نہ کوئے سمائیا۔ سرِشٹی دی درِشٹی ہوئے بےحال، چاروں کُنٹ کوُک کُرلائیا۔ جیہڑا سَتگُر شبد دلال، اوہ میرا روُپ نظری آئیا۔ بھگت سُہیلے لئے بھال، چؤراسی وِچوں لئے اُٹھال، سب دا پوُرا کرے سوال، جو سوالی در تے آئیا۔ گُر اوتار پَیغمبراں رہے نہ کوئی مجال، سِر سکے نہ کوئے اُٹھائیا۔

جِتھے تُوں میرا مَیں تیرا سانجھا وجےّ تال، تلواڑا اِکو دئے وکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ساچی کرنی کار کمائیا۔ گوبِند کِہا میرے سوُربیِر بہادر، جودھے گُرمُکھ نظری آئیا۔ جِنہاں نوُں جنگ بہادر دیوے آدر، سب توں پہلوں شہیدی پا کے اُمیِداں وِچ آس رکھائیا۔ اوس دے اُتے چِٹی چادر، اوس دا مالک کریِم قادر، قُدرت دا کرتا نظری آئیا۔ جوتی جوت سروُپ ہرِ، آپ اپنی کِرپا کر، سچ دیوے مان وڈیائیا۔ انند پُری وِچوں گوبِند تُرن لگّا، لگّے بدھےّ نال مِلائیا۔ پُرکھ اکال نے دِتا سدّا، دُھر فرمان دِرڑائیا۔ گلوں چولا لاہ دے جھگّا، انت اَخیِری تیرا ویکھ وکھائیا۔ اپنا آپ کر دے ننگا، سوہنا رنگ چڑھائیا۔ میرے پریم دا لےَ مزہ، رس ویکھ نوُر خُدائیا۔ تیرے کول نہیں آؤنی قضا، دو جہان تیرے چرناں ہیٹھ دبائیا۔ گوبِند تُوں میرا اِکو نوُر دِیپک جوت جگا، دو جہان کرے رُشنائیا۔ ویکھیں میریاں بھگتاں نال کدے نہ کریں دغا، دغےبازی دیِن دُنیا وِچوں دینی کڈھائیا۔ جوتی جوت سروُپ ہرِ، آپ اپنی کِرپا کر، دیونہار مان وڈیائیا۔ گوبِند کِہا پربھوُ مَیں تیرا پُتر بال جوان، سوہنا بانکا نظری آئیا۔ جدوں ویکھیں نؤجوان، جوبنونتا سوبھا پائیا۔ سرِشٹ سبائی بناواں اِک مَیدان، مدھ وِچ دوُجا سنگ نہ کوئے رلائیا۔ حُکم تیرا میرا ہوئے فرمان، فُرنا سب دا بند کرائیا۔ تُوں میرا رہنا نِگاہبان، نیتر اکّھ کُھلائیا۔ مَیں کِسے دی منّنی نہیں آن، گُر اوتار پَیغمبر اُنگلاں نال بھوائیا۔ ایہہ کوئی کتھا نہیں آیا سُنان، جو ورتے ورتمان، سو لیکھا دئے وکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، شبد دے ڈنکے نال سرِشٹ سبائی لئے اُٹھائیا۔ گوبِند کہے گُجری نہ کر انتر کلیش، جھگڑا دے مُکائیا۔ گوبِند تیرا رہے ہمیش، جنم مرن وِچ نہ آئیا۔ مَیں ہو گیا اوس دے پیش، جو پُشت پناہ میری ہتّھ ٹِکائیا۔ مَیں ہُن وسنا اوس دے دیس، جِس نوُں سچکھنڈ کہہ کے سارے رہے گائیا۔ مَیں آد جُگاد جد ویکھو اِک دا ایک، جو بھگتاں دیواں ٹیک، گُرمُکھاں بُدھ کراں بِبیک، ترےَگُن مایا نہ لاوے سیک، اندر وڑ کے دیواں بھیت، او جگت ماتا گُجری کِیوں ارجن سِر وِچ پائی ریت، کُھلڑے کیس دتے وکھائیا۔ ویکھ ساڈے اوس نے لِکھے لیکھ، جِس دا نہ کوئی روُپ تے نہ کوئی ریکھ، تتّاں والا تت نہ کوئے سمجھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ایڈا رنگ رہیا رنگائیا۔ گوبِند کِہا مَینوُں نیَن لیَن دے نپّ، گُجری دیاں جنائیا۔ دو جہان لیَن دے گھت، پنڈ کوُڑ لوکائیا۔ ناتا جوڑ لیَن دے پکّ، کدے نہ ہووے جُدائیا۔ پرکاش کر لیَن دے سچ، نِرگُن نوُر جوت رُشنائیا۔

مَیں مُڑ کے نہیں آؤنا تتّاں والا سریِر کچّ، کنچن گڑھ بھنّ کے خوشی منائیا۔ اوس دا لَینا رس، جو رستے رہیا بھوائیا۔ اوس دے نال مِل کے جن بھگت دوارے جانا وس، واسطہ اِکو نال جُڑائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ گُجری کِہا گوبِند مَینوُں تیرا بڑا آوے موہ، مُحبّت نظری آئیا۔ تَیتھوں سب کُچھ لیا کھوہ، انند پُری خالی دئے وکھائیا۔ گوبِند کِہا جگت ماتا تُوں ویکھیں میرے شہنشاہ دا شہنشاہی سمت دو، دو جہاناں توں پرے نظری آئیا۔ جِس دی وار تِھت ودیاں سُدیاں والی نہیں دھارنا والی چھّبی پوہ، پوہ دا مہیِنہ تیرا ٹھر نہ جائے سیِنہ، تیرا گوبِند اِک نگیِنہ، جِس دی قیِمت کوئے نہ پائیا۔ جوتی جوت سروُپ ہرِ، آپ اپنی کِرپا کر، ساچے رنگ رہیا رنگائیا۔ گُجری کہے میری دُدھیں آ گیا سیِر، ہسّ کے حال سُنائیا۔ گوبِند کِہا میری بدل گئی تقدیِر، تدبیِرپربھ جنائیا۔ مَیں چڑھ گیا چوٹی اَخیِر، جِتھے منزل اِکو نظری آئیا۔ اوتھے گُر اوتار پَیغمبراں دی لگّی کوئی نہیں بھیِڑ، تھلّے بَیٹھے سیِس نِوائیا۔ اوتھے میرے سِر تے نہیں کوئی چیِر، سیِس دستار نہ کوئے سُہائیا۔ نہ کوئی کمان نظری آوے تیِر، کھنڈا کٹار نہ کوئے لٹکائیا۔ نہ کوئی مذہباں والی زنجِیر، جگت حد نہ کوئے ونڈائیا۔ نہ کوئی دُکھ درد نہ بھیڑ، چِنتا روگ نہ کوئے ستائیا۔ نہ کوئی شاستراں گرنتھاں دی بنھنی پئے بیِڑ، نہ گرنتھاں کرے پڑھائیا۔ مَیں اوس دا پیِتا سیِر، جِس نوُں سِری بھگوان کہہ کے سارے سیِس نِوائیا۔ پھیر کڈھ کے گاترےَ وِچوں شمشیِر، شبد روُپ جنائیا۔ مَیں پہننے بستر نیِل، نیِلے والا روُپ وٹائیا۔ پھیر پُرکھ اکال دے اَگے کرنی اِک اپیِل، دِتی سچ سُنائیا۔ میرے نال سانجھی کرے دلیِل، اَگے نوُں پُچھن گچھن دی لوڑ رہے نہ رائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ساچا لیکھا آپ ورتائیا۔ گُر اوتار پَیغمبر کہن جِس ویلے اسیں پُری انند پُجے، ویلا وقت ویکھ وکھائیا۔ ساڈے اندر بھیو نہ رہے دوُجے، دُتیا روُپ نہ کوئے جنائیا۔ سانوُں اِکو دوارا سُجھے، جِتھے وسے دُھر دا ماہیِا۔ جِس بھیو کُھلائے گُجھے، فرمانا اِک دِرڑائیا۔ اسیں اوہلے رہے لُکے، مَیدان وِچ کوئے نہ آئیا۔ ساریاں دے بُل سُکے، کربلے والے رہے کُرلائیا۔ بناں والیاں دے بناں والے مان تُٹے، تیِر کمان کندھیِاں اُتے اُٹھائیا۔ رتھواہیاں دے رتھ کِسے نہ جُتے، اسوَ راس ہتّھ نہ کوئے پھڑائیا۔ گلوں پھاسی والے رسےّ کِسے نہ ٹُٹے، لٹکدے اوسے طرح نظری آئیا۔ محمد ورگے ویکھے جُسے، طوبیٰ طوبیٰ دین دُہائیا۔ پُرکھ اکال اُتوں ویکھے نال غُصّے، کِیوں بَیٹھے اکّھ شرمائیا۔ گُر اوتار پَیغمبرو تاء دیؤ مُچھ، مُشکل سب دی ویکھ وکھائیا۔ ہُن کِسے دے رہن نہیں دینے نہیرنے

اُسترے وِچ کچّھ، لباں سکے نہ کوئے کٹائیا۔ وقت ویلا اَخیِری ڈُھکے، بھیو ابھید آپ کُھلائیا۔ گُر اوتار پَیغمبرو تُسیں اجے تک اِک دوُجے نال )رُسے(، دیِن مذہباں وِچ وڑ کے جھگڑے وِچ لوکائیا۔ جِس ویلے گوبِند دا شبدی نوُر پُھٹے، ہووے اِک رُشنائیا۔ اوس ویلے بھگت بننے سچّے، سچ سنجم اِک رکھائیا۔ گُرسِکھ رہن نہیں دینے لُکے، لُکیاں لئے جگائیا۔ سنت سُہیلے گُرمُکھ سجّن پار کرنے سُکے، اپنے کندھ اُٹھائیا۔ آپ وڑ کے دوُجے دے جُسے، جِسم دا اِسم اِسم دی قِسم بِن چشم دینی بدلائیا۔ لیکھے لاؤنے انڈِٹھے، جیہڑے لیکھ کِسے نہیں ڈِٹھے، جوتی جوت سروُپ ہرِ، آپ اپنی کِرپا کر، دُھر دا حُکم اِک دِرڑائیا۔ گُر اوتار پَیغمبر کہن اسیں ہو گئے اوہلے، چوری چُپکے ویکھ وکھائیا۔ گوبِند کِس طرح اپنے بھگت جُڑاؤندا پُتے، بچّے چھوٹیاں حُکم شبد کرائیا۔ کِس طرح ٹُکڑ کھاوے رُکھے، بُھکھے رہ کے جھٹ لنگھائیا۔ جاں تکّیا گوبِند سوُرا اِکو بُکے، بُکل وِچ سارے لئے چُھپائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، دُھر دا لیکھا رہیا دِرڑائیا۔ گُجری کہے گوبِند مَیں اِک نؤ دِن دی سُکا کے رکھی موُلی، تُرن لگّیاں مُکھ سگن دیواں لگائیا۔ گوبِند کِہا ویکھیں جگت ماتا بھولی، بھرم وِچ نہ پائیا۔ ایہہ تیری موُلی نہیں میرے گُرمُکھاں دی کٹی جائے سوُلی، جم کی پھاسی رہن کوئے نہ پائیا۔ بےشک ایہہ بڑی سی کوُلی، تُوں چیِر پھاڑ کے ٹوٹے کرکے دُھپے دھر کے اندروں باہروں دِتی سُکائیا۔ مَیں منزل ویکھاں چڑھ کے جِتھوں میرے بھگت سُہیلے آؤنے پڑھ کے، اِکو دُھر دا نام دِھیائیا۔ ہُن تُساں ساریاں نے بھانے جانے جر کے، پُری انند نوُں چھڈ کے، مَینوُں کہہ مَیں واری گھولی صدقے، سیوک سیوادار خوشی منائیا۔ جوتی جوت سروُپ ہرِ، آپ اپنی کِرپا کر، اپنے رنگ وِچ اپنا رنگ وکھائیا۔ گُر اوتار پَیغمبر کہن اسیں ویکھیا اوہ سماں، سوہنا نظری آئیا۔ گوبِند نوُں کہِندی کی اماں، جو امڑی جگت اکھوائیا۔ جِس نے جنم دِتا ماٹی چما، تن وجوُد وکھائیا۔ ساہ والا ویکھدی دما، نیَناں نال تکائیا۔ چِنتا وِچ کرے غما، غمگیِن ہو کے اپنا اندر اپنے وِچ وکھائیا۔ گوبِند کِہا گُجری کوئی نہ کریں طمع، تمنّا جگت نہ کوئے رکھائیا۔ میرا پُرکھ اکال دیِن دَیال مَینوُں کردا منع، دُھر فرمانا اِک سُنائیا۔ او اُٹھ میرے لاڈلے چنّا، میرا نوُر تیری رُشنائیا۔ تیرے کول بھنڈارا میرے نام دا دھنا، دھناڈ دُھر دا دِتا بنائیا۔ جِس دے وِچ رہے کوئی نہ بنّا، لیکھا سب دا دینا مُکائیا۔ جوتی جوت سروُپ ہرِ، آپ اپنی کِرپا کر، ایکا چلے حُکم رضائیا۔ گُر اوتار پَیغمبر کہن اسیں ویکھ کے کیِتی صلاح، اِکٹّھے ہو کے متا پکائیا۔ کی حُکم دیوے بےپرواہ، دُھر دا مالک شہنشاہیِا۔ گوبِند

کِہا جاؤ اپنا پکڑو راہ، پربھ چرن دوارے بہہ کے جھٹ لنگھائیا۔ مَیں کدی نہیں ہون والا فنا، پھل سب نوُں دیاں کھوائیا۔ حُکمے اندر کدے کراں نہ نانہہ، جودھا ہو کے خوشی منائیا۔ مَینوُں پُرکھ اکال نے دسّیا اوہ داء، گُر اوتار پَیغمبرو چار جُگ نہ کِسے سمجھائیا۔ مَیں کوئی ہتّھ وِچ مالا نہیں لیَنی پھڑا، منکا منکا نہ کوئے بھوائیا۔ تٹاں اُتے نہیں دینے بہا، وہناں وِچ نُہائیا۔ جنگلاں وِچ نہیں دینے بھجا، ٹِلیاں اُتے چڑھائیا۔ گُپھا دے اندر نہیں دینے دھکا، اندھیرے گھُپ چُھپائیا۔ سِر وِچ پاؤنی نہیں سواہ، اگنی نہ کوئے تپائیا۔ مِہر نظر نال سب دے اِکے وار بخش گُناہ، تِنّاں گُناں دا ڈیرہ دینا ڈھاہیِا۔ اندر وڑ کے سب دے رہواں، رہعائش نظر کِسے نہ آئیا۔ سدا پربھ دا حُکم لےَ کے آواں نَواں، پِچھلی کراں نہ کوئے پڑھائیا۔ لکّھ چؤراسی وِچوں جن بھگتاں دے وِچ بہواں، دوُجا سنگ نہ کوئے رکھائیا۔ جِس ویلے پَیغمبراں دا انت بدلیا سماں، سمجھ توں باہر رمز دیاں لگائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ گوبِند کِہا گُر اوتار پَیغمبرو جاؤ چلے، ایہہ چلِتر بےپرواہیِا۔ وسو اپنے جا محلے، محفل لؤ لگائیا۔ تُسیں سدا آئے سُن لؤ کلّے کلّے، کلمیاں وِچ پربھ نوُں گئے گائیا۔ میرا دوارا ایکنکارا پروردِگارا ہرِ نِرنکارا سانجھا یارا سانجھا یار ہو کے ملےّ، اِک توں دو دو توں اِک، دوہاں دی پوُری سِک، جِس دا لیکھا سکے نہ کوئے لِکھ، لِکھتاں وِچ بند نہ کوئے کرائیا۔ تُہانوُں دے کے اکھّراں والی نِکّی جِہی چِٹ، سمجھا کے اِک دوُجے نوُں دیؤ بِھٹ، پِٹّ پِٹّ مردی رہے لوکائیا۔ گُر اوتار پَیغمبر پرمانند گوبِند ولےّ تکّن بِٹ بِٹ، اکّھاں اکّھاں پِچھے چُھپائیا۔ گوبِند آؤن لگّیاں انند پُری دی پُٹ کے اِک اِٹّ، اپنے چولے اندر لئی چُھپائیا۔ سرسے وِچوں آ کے اوہدے اُتے پائی اِک چھِٹ، تُبکا اُنگلی نال چوائیا۔ اوہ رو کے پئی پٹّ، دِتی انت دُہائیا۔ میرا لیکھا اگلا دے لِکھ، تیرے ہتّھ وڈیائیا۔ مَینوُں دِسدا تَیتھوں وِچھڑ جانے سارے سِکھ، اگلا ساتھ نہ کوئے دسائیا۔ گوبِند کِہا نہیں میری میرے گُرمُکھاں نال نہیں کوئی وِتھ، حِصّہ ونڈ نہ کوئے ونڈائیا۔ گوبِند نے کمرکسا لیا کِھچّ، سجّا چرن تِنّ وار ٹُھکرائیا۔ تَینوُں اوتھے دیواں سُٹ، جِتھے چار ورن سیِس نِوائیا۔ دیِن مذہب دی رہے نہ کوئی بِھٹ، بھگت دوارا کہہ کے سارے ڈھولا گائیا۔ پِھر آواں اوہدے وِچ، نال پُرکھ اکال مِلائیا۔ گُرمُکھ رہن نہ دیواں کوئی زِچ، چؤراسی دا گیڑ نہ کوئے بھوائیا۔ سب دے اندر بِنا مندر اندھیری کندر توڑ کے جِندر، اپنے نام دی لکیِر دیواں کِھچّ، لائن عین غَین شاستر سِمرت وید پُران رمائن انجیل قُرآن وکھا نہ سکے تِس، گرنتھاں وِچوں گرِہ نہ کوئے سمجھائیا۔ کڈھ کے وِچوں کوُڑے

وہن، ساچی سنگت وِچ دسّاں بہن، اوُچ نیِچ رہے نہ کوئے طرفَین، سارے بنا کے بھائی بھَین، اپنے رنگ دیاں رنگائیا۔ جوتی جوت سروُپ ہرِ، آپ اپنی کِرپا کر، بھیو ابھیدا دئے کُھلائیا۔ گوبِند کہے گُر اوتار پَیغمبرو جاؤ اوس دے پاس، جو پاربرہم اکھوائیا۔ ایہہ میرا اِکلّے دا کمّ خاص، کمرکسا دِتا کھِچائیا۔ مَینوُں کِسے دی لوڑ نہیں سب نوُں دِتا جواب، پہنچو دُھردرگاہیِا۔ مَیں اِکو نوُں کرنا آداب، اِکو نوُں سیِس نِوائیا۔ اِکو رکھے لاج، اِکو بےپرواہیِا۔ اوسے نے رچیا کاج، اوہو ویکھ وکھائیا۔ جِس دا آد جُگاد شبد اِک سماج، دوُجا سچ نہ کوئے جنائیا۔ مَیں اوسے دا مُحتاج، دوُجا سنگ نہ کوئے رکھائیا۔ مَینوُں خوشی ہوئی آج، سب نوُں دیاں دِرڑائیا۔ او گوبِند کِہا گُر اوتار پَیغمبرو مَیں کوئی لوُلھا لنگڑا نہیں اپہاج، سوُربیِر سوہنا بانکا نظری آئیا۔ بِنا میرے پُرکھ اکال دا، کوٹ سچکھنڈ دا، برہمنڈ دا، جیرج انڈ دا، اُتبھج سیتج دا، آتما پرماتما دا، نِرگُن سرگُن دا، تت سریِر دا، بےنظیِر دا، شاہ حقیِر دا، پنج پیِر دا، کدے نہ چلے راج، حکوُمت کرن والا سَتگُر شبد بِنا نظر کوئے نہ آئیا۔ ایہہ کوئی لیکھا نہیں چالاک دا، کوئی حِساب نہیں قلم دوات دا، ایہہ کوئی جھگڑا نہیں شِودوالے مندر مسجد مٹھ محراب دا، ایہہ کوئی حُکم نہیں دوزخ بہِشت پُنّ صواب دا، ایہہ کھیل اوس حقیِقی جناب دا، جو لاشریِک آد جُگاد نظری آئیا۔ گُر اوتار پَیغمبر کہن ساڈی انتم فتح، گوبِند چلے پِٹھ بھوائیا۔ گوبِند کِہا پربھ دا سُت دُلارا اِکو گجے، گجاں دی لوڑ رہے نہ رائیا۔ جِس دا نوُر دو جہان جگے، میرے اندر کرے رُشنائیا۔ مَیں کوئی گوبِند سَتگُر بن کے سؤن نہیں آیا اُتے کِسے منجے، ستھر یارڑا سیج ہنڈھائیا۔ جِس نے میرے پڑدے کجے، قایم مقام بَیٹھا درگاہ ساچی سوبھا پائیا۔ سارے اوسے دے حُکم اندر تُسیں آئے بدھےّ، بندنا کر کے اپنا جھٹ لنگھائیا۔ جِس نے گوبِند کِہا پُری انند چھڈن توں پہلوں میرے گلوں لُہائے جھگّے، پڑدا اپنا اُتے پائیا۔ اوس دے حُکم اندر پھیر آئے سدّے، بستر پہن ویکھ نیَن اپنی اکّھ کُھلائیا۔ جوتی جوت سروُپ ہرِ، آپ اپنی کِرپا کر، دُھر دا حُکم اِک سُنائیا۔ گوبِند کِہا ماتا گُجری جگت والی اُٹھ، چلیئے چائیں چائنیا۔ مَینوُں گانا بنّھ سجےّ گُٹ، پھڑ باہوں خوشی منائیا۔ مَیں اِنھاں دی جڑ دیواں پُٹ، جیہڑے دُکھیاں رہے دُکھائیا۔ مَیں بھگتاں گُرمُکھاں سب کُچھ، پہلے اپنا گھرانہ دیاں لُٹائیا۔ جے پُرکھ اکال مَینوُں لئے پُچھ، تے اپنا آپ اوسے دے اَگے ٹِکائیا۔ ماتا جگت اِک ویراں پھیر سُن لا انند پُر چھڈن لگّیاں تُوں پڑھ لےَ اِک تُک، تُوں میرا مَیں تیرا دوُجا نظر کوئے نہ آئیا۔ ماتا گُجری جگت والی کھول دے اپنی گُت، دھیان پُرکھ اکال ولّ لگائیا۔

گوبِند تاء دے کے سجیّ مُچھ، مُشکل بھگتاں پار کرائیا۔ کلجُگ انت جِس ویلے کوَیلے دا ویلا گیا ڈُھک، بھرمے بُھلے لوکائیا۔ پیار رہے نہ مات پُت، پِتا پوُت ہوئے جُدائیا۔ من واسنا لگّے دُکھ، ترِشنا نہ کوئے بُجھائیا۔ بِن پربھ دی کِرپا جننی بھگت جنے نہ اپنی کُکھ، ساچا نوُر نہ کوئے پرگٹائیا۔ سادھ سنت سَت وِچ مِلن والے سارے جانے لُک، کتھا کرن والے پڑھ پڑھ اپنا جھٹ لنگھائیا۔ مَیں اوس دھاروں پھیر آؤنا اُٹھ، جِتھے گُر اوتار پَیغمبر بَیٹھے لُک، اپنا آپ چُھپائیا۔ نِرگُن دھار بن کے سُت، سُہاؤنی ساچی رُت، ابناشی اچُت اپنے نال مِلائیا۔ بھگت سُہیلے گودی لَینے چُک، جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، اگلا لیکھا اپنے ہتّھ رکھائیا۔ گُجری کِہا مَینوُں اِک ویراں نیَناں وِچو وع لیَن دے نیِر، اکّھاں ہؤلیاں لَواں کرائیا۔ مَینوُں دُکھ لگّے جِس ویلے گُرمُکھ گھتی جان وہیِر، اندروں باہر چائیں چائنیا۔ گوبِند کِہا کھنڈا کھچّ کے مَیں پھیر دِتی لکیِر، ایتھے دا لیکھا ایتھے دِتا مُکائیا۔ اَگے بدل دیواں تقدیِر، حُکم سُناواں دُھردرگاہیِا۔ جوتی جوت سروُپ ہرِ، آپ اپنی کِرپا کر، ساچا حُکم اِک ورتائیا۔ جگت ماتا سچ دِرڑاوانگا۔ حُکم دُھر دا اِک سُناوانگا۔ اگلا لیکھا ویکھ وکھاوانگا۔ شبدی دھار گوبِند اکھواوانگا۔ پُرکھ اکال نال رلاوانگا۔ ساچا دیس اِک سُہاوانگا۔ نر نریش ہو کے پھیرا پاوانگا۔ پِچھلا میٹ کے لیکھ، نوُری راہ اِک دھراوانگا۔ بھاگ لگا کے سمبل دیس، ڈنک وجاوانگا۔ پھیر کر اگمّی کھیڈ، سمت شہنشاہی ورتاوانگا۔ جیہڑے انند پُری وِچوں دِتے بھیج، پھیر اپنے نال رلاوانگا۔ خوشیاں نال دے کے اِک سندیش، سوہنا سوانگ آپ پرگٹاوانگا۔ سارے کر کے ایک دے ایک، اِکو ڈھولا راگ سُناوانگا۔ چرن پریِتی بخش کے ٹیک، ٹَکے دھوُڑی مستک سب دے خاک رماوانگا۔ مَیں چھڈ کے سچکھنڈ دیس، پردیسی ہو کے مات لوک بھگت سُہیلے رنگ رنگاوانگا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ساچی کرنی کار کماوانگا۔ جگت ماتا تَینوُں کہِندے سارے گُجری، دُدھ پیاؤن والی بننا مائیا۔ تیری انند پُری باہروں اُجڑی، اندروں وسدی نظری آئیا۔ جے میری رمز کِسے بُجھ لئی، بُجھارت جُگ اَگے رکھائیا۔ ایتھے کھیل میری نہیں مُک گئی، اگلا لیکھا رہیا سمجھائیا۔ پھیر مَیں پرت کے آؤنا اِک پُرکھ اکال دے نام دی تُک لئی، دوُجا ڈھولا کوئے نہ گائیا۔ اِس دیہہ اندر بےنظیِر اندر باہروں آ کے بھگت دوارے وِچ سُکھ لئیں، جِتھے بھگت سُہیلے ہو کے خوشی منائیا۔ گُر اوتار پَیغمبر ایہہ بھجےّ آؤنے اوتھے بھگتاں دے ٹُک لئی، پہلوں ٹوکرے سِراں اُتے بھار اُٹھائیا۔ گُجری اوسے ویلے خوش ہوئی،

خوشی وِچ تالی دِتی لگائیا۔ پریم پریِتی دے نشے وِچ گُٹ ہوئی، دُکھڑا لیا گوائیا۔ گوبِند نے اندر وکھایا ویکھ دیِن دُنی دی لُٹ ہوئی، تیرا پُت لُٹّی کدے نہ جائیا۔ جے آواں تے گُرمُکھاں دے سُکھ لئی، اپنی لوڑ نہ کوئے رکھائیا۔ جوتی جوت سروُپ ہرِ، آپ اپنی کِرپا کر، ساچی کرنی کار کمائیا۔ گُر اوتار پَیغمبر کہن گوبِند دا اوہ وقت ویکھیا سُہاونا، سوہنی خوشی بنائیا۔ بھگتاں دا پکڑیاں دامنا، دامنگیِر نظری آئیا۔ پوُر کرائی کامنا، بھاونا ویکھ وکھائیا۔ چھّبی پوہ رنگ رنگاوَنا، رنگت چڑھے نوُر خُدائیا۔ سَتائی پوہ سب نے کھادھا کھاونا، کھا کھا مِلی وڈیائیا۔ خوشیاں وِچ گُر اوتار پَیغمبراں بھگتاں دے اندر وڑ کے کِہا تُساں پریم دا بھنگڑا پاونا، دُھر دے ڈھولے گائیا۔ جِس کارن گوبِند ویس وٹاوَنا، پڑدا دئے چُکائیا۔ ساڈی انت اَخیِری اِکو کامنا، اُچی کوُک دئیے دِرڑائیا۔ جوتی جوت سروُپ ہرِ، آپ اپنی کِرپا کر، سِر سب دے ہتّھ رکھائیا۔ گُر اوتار پَیغمبر کہن اسیں بینتی لگّے سُنان، سُن بےپرواہیِا۔ ویکھیا کھیل مہان، خوشی دُھردرگاہیِا۔ کلجُگ کوُڑ لگّا پچھتان، رووے مارے دھاہیِا۔ کوُڑ راجا کوُڑی پرجا کوُڑا دِسے جہان، کوُڑی سرب لوکائیا۔ گُر اوتار پَیغمبر کہن گوبِند جے سب دی اِکو وار لاہویں مکان، گھر گھر رون دی لوڑ رہے نہ رائیا۔ سیاپے کرن جِؤں ماپیاں دے پُت مرے جوان، بہُڑی بہُڑی جگت وِچ دُہائیا۔ اسیں ویکھیئے خوشیاں نال کِس بِدھ وجےّ دوہتّھڑاں والا تال، تلواڑا تیرا نام بنائیا۔ ماجھے والیاں دا جے بےدعویٰ دِتا پاڑ، اینہاں دا سُن ہاڑ، ہاڑے کر کے رہے سُنائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ گوبِند کہے کلجُگ کوُڑی کِریا کرو سیاپا، ماجھا پہلی ونڈ ونڈائیا۔ دوُجا حُکم ملِے دوآبہ، دوہرا تال وجائیا۔ تیِجا مالوے پوُرا ہووے خوابا، جو ڈلےّ گوبِند گیا سمجھائیا۔ چؤتھے جموں اُچی کوُک مارے چانگاں، بہُڑی بہُڑی کر سُنائیا۔ گُر اوتار پَیغمبر کہن ساڈیاں پوُرن ہوون تانگھاں، آسا منسا پوُر کرائیا۔ گوبِند شبد کہے میرے پُرکھ اکال دا ایہہ سوانگا، دوُجا سمجھے کوئے نہ رائیا۔ جن بھگتاں بھنگڑا پایا پھڑ کے سوٹے ڈاگاں، کھنڈا کھڑگ نال چمکائیا ۔ بیِبیاں پِٹن نال زوراں مار کے چانگاں، سوہنا سنگ وکھائیا۔ ایہہ گوبِند دے پریم دیِاں تانگھاں، امرت رس اِک وہائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیر سِنگھ وِشنوُں بھگوان، بھگوَن اپنا کھیل وکھائیا۔