کتب خانہGranth 20 (Shahmukhi)

۲۸ پوہ شہنشاہی سمت ۲ ہرِ بھگت دوار جیٹھوُوال

گُر اوتار پَیغمبر کہن حُکم آیا جوابی، سوال کرن دا وقت رہیا نہ رائیا۔ شرع توں باہر دسّو جِتھے عِشق حقیِقی ہووے نہ مجازی، دوہاں توں اگلی دھار سمجھائیا۔ چار کُنٹ دہ دِشا ویکھو بن کے پاندھی، بِن قدماں قدم اُٹھائیا۔ کِیوں بِنا پُرکھ اکال سب دی پت جاندی، سِر ہتّھ نہ کوئے رکھائیا۔ وڈیائی دسّو نوکھنڈ پرِتھمی سچّے تھاں دی، تھننتر دیؤ دِرڑائیا۔ جوتی جوت سروُپ ہرِ، آپ اپنی کِرپا کر، دُھر دا حُکم اِک سُنائیا۔ گُر اوتار پَیغمبر کہن حُکم آ رہیا شتابی، کھتری براہمن شوُدر وَیش سمجھ سکے نہ رائیا۔ چار کُنٹ دہ دِشا کِیوں ہون دِتی خرابی، کھوٹے کھرے ونڈ نہ کوئے ونڈائیا۔ کِیوں جھگڑا پےَ گیا ہِندی اُردوُ انگریزی فارسی پنجابی، پنجاں توں باہر سمجھ نہ کوئے سمجھائیا۔ کِیوں جگت اندھیر جھُلیا آندھی، اندھی ہوئی جگت لوکائیا۔ کِیوں لالچ ودھیا سوَرن چاندی، کِیوں سوُریہ چند سیِس نِوائیا۔ کِیوں شاستر سِمرت وید پُراناں سُرتی باندھی، کِیوں اِشٹاں وِچوں اِشٹ بدلائیا۔ جوتی جوت سروُپ ہرِ، آپ اپنی کِرپا کر، دُھر دا حُکم اِک سُنائیا۔ گُر اوتار پَیغمبر کہن حُکم آؤندا چھیتی چھیتی، شاید دا وقت رہیا نہ رائیا۔ مَینوُں دسّو کیہڑے کیہڑے اندر دے بھیتی، مندراں توں پرے ڈیرہ لائیا۔ کیہڑی دِسے بدی نیکی، نِکّیاں وڈّیاں وِچ دیؤ سمجھائیا۔ کیہڑی کھیل اگمّی ویکھی، بِن اکّھاں اکّھ کُھلائیا۔ کِیوں کلجُگ کوُڑ کُڑیار ہویا بھیکھی، پکھنڈی وجےّ ودھائیا۔ کِیوں سچ دواریوں ہوئے پردیسی، پرا پسنتی مدھم بَیکھری گا کے خوشی منائیا۔ کِیوں سرِشٹی درِشٹی ہوئی وَحشی، اِنسان حَیوان روُپ بدلائیا۔ کِیوں سادھ سنت جگت مارن شیخی، من ہنکار نال چتُرائیا۔ جوتی جوت سروُپ ہرِ، آپ اپنی کِرپا کر، پُچھنہارا ساچا ہرِ، کِیوں ترِشنا ودھی من راجے دی بیٹی، گھر گھر رہی پرنائیا۔ جوتی جوت سروُپ ہرِ، آپ اپنی کِرپا کر، دُھر دا بھیو آپ کُھلائیا۔ گُر اوتار پَیغمبر کہن ساڈے اُتے آؤندی جاوے زردی، ذرا ذرا بھیو نہ آئیا۔ ساتھوں سانبھ ہوئی نہ اپنے گھر دی، دیِن مذہب نہ کوئے سمجھائیا۔ ساڈی اُمت نہ سِدھی چلدی، چلِتر اں وِچ لوکائیا۔ ایہہ کھیل کلجُگ کل دی، اِکلّے پُرکھ اکال ورتائیا۔ چار کُنٹ اگنی بلدی، چار ورن نہ کوئے بُجھائیا۔ ایہہ کھیل اچھل اچھلّ دی، جِس دے ہتّھ وڈّی وڈیائیا۔ جوتی جوت سروُپ ہرِ، آپ اپنی کِرپا کر، ساچا حُکم اِک سمجھائیا۔ گُر اوتار پَیغمبر کہن حُکم چھیتی رہیا بھیج، بھجن بندگی دی سُدھ رہی نہ رائیا۔ جوتی جلوہ دے کے تیج، اپ تیج وائے

پرِتھمی آکاش دا کھہڑا رہیا چُھڈائیا۔ اپنے ہتّھ رکھ دُھر دا لیکھ، لِکھت بھوِکھت وِچوں پرگٹائیا۔ دو جہاناں رہیا ویکھ، جگت نیتر نظر کِسے نہ آئیا۔ اِک ہور دے دِتا سندیش، دُھردرگاہی آپ جنائیا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ رکھائیا۔ گُر اوتار پَیغمبر کہن دُھر حُکم آوے ویکھو کھیل اندر جن کا، گُرمُکھ کیہڑا نظری آئیا۔ جِس دا پیار نہ ہووے تن کا، تتّاں والی نہ سیو کمائیا۔ انتر اِکو پُرکھ اکال ہووے منّدا، لوک لجیا پرے ہٹائیا۔ پُجاری رہے نہ سوُریہ چنّ دا، ڈھولا اوَر نہ کوئے گائیا۔ سروتا رہے نہ سرون کنّ دا، انتر انتر خوشی بنائیا۔ جُگ چؤکڑی انت اَخیِر جاوے لنگھ دا، کلجُگ کوُڑ کوُڑ مِٹائیا۔ رس لوَے کوَن اگمّی پلنگ دا، سیج سُہنجنی سوبھا پائیا۔ آتم انتر کوَن رنگدا، رنگ اگمّا اِک چڑھائیا۔ گُر اوتار پَیغمبرو پُرکھ اکالا دیِن دَیالا بُھکھا نہیں ماٹی چمّ دا، چمّ درِشٹی توں پرے اِشٹی اِکو اِک اکھوائیا۔ گُر اوتار پَیغمبر کہن اِک حُکم ہور دِتا سُکھالہ، جلدی جلدی دِتا دِرڑائیا۔ جُگ چؤکڑی پربھ دا کھیل نِرالا، نِراکار آپ سمجھائیا۔ انتم آ کے پُرکھ اکالا، اکل کل دھاری دئے سمجھائیا۔ جِس دا گُر اوتار پَیغمبر چار جُگ دے کے گئے حوالہ، احوال اپنا دئے سمجھائیا۔ سَتجُگ سچ بدل کے چالا، چال نِرالی دئے وکھائیا۔ اِکّی منِکیاں دی سب گُرمُکھاں دے ہتّھ وِچ ہووے مالا، منکے منکے اُتے سوہنگ دھار لِکھائیا۔ خالی رہے نہ کوئی بُڈھا بالا، رنگ اِکو اِک چڑھائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ گُر اوتار پَیغمبر کہن سانوُں دسےّ اگلا وقت، جھٹ پٹ جنائیا۔ کھیل ویکھنا وِچ جگت، ہرِ کرتا آپ وکھائیا۔ کِس بِدھ تُردے پِھردے بھگت، بھگوَن سیوا اِک کمائیا۔ ابناشی مِلن آوے اُتوں عرش، عرشی پریِتم پھیرا پائیا۔ مان رکھائے اُپر دھرت، دھوَل دئے وڈیائیا۔ گوبِند دی پوُری کرے شرط، شرع دا لیکھا دئے مُکائیا۔ دیِن مذہب دی رہے کوئی نہ تڑپ، کلمہ ونڈ نہ کوئے ونڈائیا۔ قصائی بنے کوئی نہ کرد، قاتل مقتوُل لیکھا دئے چُکائیا۔ نانک نِرگُن دھار دی منّ کے عرض، پوُرب لہنا جھولی پائیا۔ سب دا پوُرا کر کے فرض، فرض اپنا نال رکھائیا۔ گُرمُکھاں نال ونڈے درد، دردیِاں دُکھ گوائیا۔ جوتی جوت سروُپ ہرِ، آپ اپنی کِرپا کر، ساچی کرنی کار کمائیا۔ گُر اوتار پَیغمبر کہن سانوُں حُکم دیوے نال غُصّے، زور نال جنائیا۔ سارے پِھر پِھر ویکھو لکّھ چؤراسی جُسے، حِصّے بنّے ونڈاں وِچ پِھرائیا۔ کیہڑے ملِے تے کیہڑے رُسے، لیکھا دینا جنائیا۔ کیہڑے میرے پریم پیار مُحبّت وِچ جُٹے، آتم پرماتم جوڑی رہے بنائیا۔ کیہڑے گوُڑھی نیِند سُتے، سُتّیاں نہ کوئے اُٹھائیا۔ جوتی جوت سروُپ ہرِ، آپ اپنی کِرپا

کر، دُھر فرمانا اِک سُنائیا۔ گُر اوتار پَیغمبر کہن سانوُں حُکم آیا اِک اَخیِر، آخر دِتا جنائیا۔ اُٹھو بھجّو نَٹھو چلو گھت وہیِر، پِھرو واہو داہیِا۔ میرے مِلن دی جو دسّ کے آئے تدبیِر، طریقے لؤ ازمائیا۔ کِس بِدھ لیکھا مکُے شاہ حقیِر، اعلیٰ ادنیٰ بچیا رہن کوئے نہ پائیا۔ جوتی جوت سروُپ ہرِ، آپ اپنی کِرپا کر، دُھر فرمانا اِک سُنائیا۔ گُر اوتار پَیغمبر کہن ساڈے انتر لاوے چوٹ، چوٹی چڑھ کے آپ جگائیا۔ سولاں ہاڑ دینی رِپوٹ، زبانی کلام نہ کوئے بنائیا۔ اِس توں پہلاں سب کُچھ لَینا سوچ، پھیر گُنجائش رہے نہ رائیا۔ کھول کے ویکھنے اپنے چؤداں لوک، چؤداں طبقاں کُنڈا لاہیِا۔ جیہڑے لِکھ کے آئے سلوک، اوہ سوہلے پھول پھولائیا۔ سب نے جانا پہنچ، اپنا پندھ مُکائیا۔ جوتی جوت سروُپ ہرِ، آپ اپنی کِرپا کر، سچ فرمانا اِک سُنائیا۔ گُر اوتار پَیغمبر کہن اساں اجّو جانا نَٹھ، بھجّنا واہو داہیِا۔ ویکھنے مندر مسجد مٹھ، شِودوالے کھوج کھوجائیا۔ پھیرا پاؤنا تیِرتھ تٹ، چاروں کُنٹ پندھ مُکائیا۔ جگت وِدیا کھول کے ہٹّ، ہٹوانے اندروں کھوج کھوجائیا۔ جوتی جوت سروُپ ہرِ، آپ اپنی کِرپا کر، دُھر دی کرنی کار کمائیا۔ گُر اوتار پَیغمبر کہن اسیں جا کے ویکھنا پربت چوٹی، جنگل جوُہاں کھوج کھوجائیا۔ سب دے اندر تکّنی واسنا کھوٹی، کھوٹے کھرے پھول پھولائیا۔ کوَن بنیا پربھ دا گوتی، گؤتم کہے ایہہ سیوا میری بن آئیا۔ کِس دا میل ہویا نال جوتی، جوتاں والے جِس دے وِچ سمائیا۔ جوتی جوت سروُپ ہرِ، آپ اپنی کِرپا کر، ساچی کرنی کار کمائیا۔ گُر اوتار پَیغمبر کہن اسیں چڑھنا اُپر پہاڑ، بِن قدماں قدم اُٹھائیا۔ ویکھنی ڈوُنگھی غار، بھوَری بھوَری پھول پھولائیا۔ سانوُں کِسے اُتے رہیا نہیں اِعتبار، بےاِعتباری وِچ دُہائیا۔ سارے اِکٹّھے ہو کے کر دیئیے نِمسکار، نِیوں کے سیِس جھُکائیا۔ تُوں کریں کرائیں کرنیہار، کرتا پُرکھ تیرے ہتّھ وڈیائیا۔ جُگ چؤکڑی بیِتے وِچ سنسار، تیری سیو کمائیا۔ انتم گئے ہار، چلے نہ کوئے چتُرائیا۔ ایہو بینتی کرنی سولہ ہاڑ، دوُجی آس نہ کوئے بنائیا۔ کر کِرپا جے دیویں اِک اَدھار، سِر اپنا ہتّھ ٹِکائیا۔ تیرا ویکھیئے خوشی دا منگلاچار، سوہنا رنگ رنگائیا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ ٹِکائیا۔ گُر اوتار پَیغمبر کہن چار کُنٹ ویکھیئے پاپ، پتت ہوئی جگت لوکائیا۔ تن رہیا نہ کوئی پاک، نیتر نیَن نہ کوئے شرمائیا۔ سگلا بنے کوئی نہ ساتھ، اَدھ واٹے دِسے لوکائیا۔ اسیں ہنُے دئیے آکھ، آخر تیری اوٹ تکائیا۔ بِن تیری کِرپا سارے رہن گُستاخ، پریم پریِتی نہ کوئے بنائیا۔ کلجُگ ہوئی اندھیری رات، ساچا چند نہ کوئے چمکائیا ۔ بِن تیری مِہر جھگڑا پیا ذات پات، دیِن مذہب کرے لڑائیا۔ سانوُں اِکو

چاؤ تیرے بھگتاں دی ویکھیئے جماعت، جِتھے دوُجی پٹّی نہ کوئے پڑھائیا۔ اِنھاں دا درشن کریئے ساکھیات، جو تیرا نام دِھیائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ پُرکھ اکال کہے جے بھگت ویکھنے میرے، مَیں ممتا دیؤ گوائیا۔ دیِن مذہب دے رکھِیو کوئی نہ جھیڑے، جھگڑا نظر نہ آوے نوُر خُدائیا۔ پریم پیار دے چڑھ کے بیڑے، ساچا بیڑا دینا سُہائیا۔ ستاراں ہاڑ آؤندا نیڑے، بھجّ بھجّ اپنا پندھ مُکائیا۔ پرم پُرکھ دے بھگت سُہیلے گُرمُکھ گُرسِکھ اِکو رنگ رنگے ہوئے جیہڑے، چیلا گُر بھیو رہے نہ رائیا۔ اِکّی قدم تے گُرمُکھ اِک اِک منکا پھیرے، اِکیاں اِکیاں دا لیکھا دئے چُکائیا۔ جوتی جوت سروُپ ہرِ، آپ اپنی کِرپا کر، ساچا حُکم اِک سمجھائیا۔ پُرکھ اکال کہے جن بھگت پھیرن اپنا منکا، منکا من پربھ دئے بھوائیا۔ ایہہ لیکھا باہروں سریِر تن کا، اندروں جن جن کا کھیل وکھائیا۔ تھاں ہووے نہ چھپّر چھنّ کا، محل اٹل نہ کوئے وڈیائیا۔ کھیل ہووے پُرکھ اگمّ کا، اگمّڑی کار کمائیا۔ لیکھا لاوے سواس دم کا، دامن اپنا نام پھڑائیا۔ ناتا تُڑا کے کایا ماٹی چمّ کا، چمّ درِشٹی دئے بدلائیا۔ بھیو کُھلا اگمّی برہم کا، پاربرہم پربھ میل مِلائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ ستاراں ہاڑ کہے گُر اوتار پَیغمبرو ویکھیو آپ، پربھ اپنی خوشی وکھائیا۔ بھگتاں دے اندر ہووے اِکو جاپ، رسنا اوہو ڈھولا گائیا۔ ہتّھاں وِچ اِک اِک مالا ہووے صاف، کھبّےتوں سجےّ ہتّھ لٹکائیا۔ اِک اِک مُندری ہووے چھاپ، لوہا کنگن پائیا۔ پُرکھ اکال بنائے وڈ پرتاپ، پرتاپی بےپرواہیِا۔ مِہر نظر نال بنائے پارجات، ذاتی توں پرے ڈیرہ لائیا۔ جوتی جوت سروُپ ہرِ، آپ اپنی کِرپا کر، ساچی کرنی آپ کمائیا۔ ستاراں ہاڑ کہے گُر اوتار پَیغمبر ویکھیو سؤدا نقدی، اُدھار دا کھاتہ نہ کوئے رکھائیا۔ پُرکھ اکال بن کے دردی، دردیِاں درد ونڈائیا۔ جیہڑی رسنا سوہنگ ڈھولا آوے پڑھدی، اُس دا کرم دئے گوائیا۔ سدا منزل دیوے چڑھدی، اَگے ہو نہ کوئے اٹکائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ ستاراں ہاڑھ کہے پربھ دیاں بھگتاں مالا اِکو دِن پھڑنی، مُڑ کے پھڑن دی لوڑ رہے نہ رائیا۔ منزل اوہ اگمّی چڑھنی، جِتھے چڑھ چڑھ کوٹن کوٹ تھکے، اَگے راہ نہ کوئے وکھائیا۔ ماجھا مالوا دوآبہ جموں دِلّی اِٹارسی کان پُر وکّھو وکھّرے ہونے جتّھے، سوہنا روُپ وکھائیا۔ بستر ہونے چِٹے، چیٹک پربھ دا اندروں نظری آئیا۔ کُھلے داڑھے سب نے ہون چھڈے، گوبِند دئے گواہیِا۔ جے آؤنا تے گُرمُکھو گھروں ہو کے پکّے، نہیں تے آؤن دی لوڑ رہے نہ رائیا۔ پھیر کاہنوُں ایَویں خرچ کرنے ٹکے، ٹکیاں والی اپنی قیِمت پائیا۔ سو

گُرمُکھ سوُرا جو انتر انتر جپے، دُھر دا نام الائیا۔ جوتی جوت سروُپ ہرِ، آپ اپنی کِرپا کر، اگلا لیکھا پھیر دئے سمجھائیا۔ پُرکھ اکال کہے جِس ویلے بھگت سُہیلے آؤن گے، ہرِ بھگتی کر وکھائیا۔ تُوں میرا مَیں تیرا ڈھولا گاؤن گے، گاوت وجےّ ودھائیا۔ درس انوکھے روُپ وِچ پؤن گے، جِس دا ویس نہ کوئے سمجھائیا۔ ساڈھے پنج دا وقت سُہاؤن گے، سوہنا رنگ رنگائیا۔ جوتی جوت سروُپ ہرِ، آپ اپنی کِرپا کر، مِہر نظر نال پار کرائیا۔ گُر اوتار پَیغمبر کہن ایہہ کرنا کِیوں وِہارا، پربھ سانوُں دے سمجھائیا۔ پُرکھ اکال کہے چار جُگ توں وکھّرا ستاراں ہاڑا، بھگتاں پِچھے منائیا۔ جِس دا مان رہنا اَگے جُگ چارا، چار جُگ منّے سرب لوکائیا۔ سانجھا لگّنا سب توں نعرہ، نر نرائن دینا دِرڑائیا۔ جوتی جوت سروُپ ہرِ، آپ اپنی کِرپا کر، دُھر دا حُکم اِک ورتائیا۔ جن بھگتو سب نے آؤنا نال پریم، پریِتی اِک بنائیا۔ سَتجُگ دا ساچا نیم، تُہاڈے نال مِل کے دئے جنائیا۔ ایہہ اوہ مالا مالا جیہڑی گوبِند نے اِکیاں منِکیاں والی پھڑی اُتے کُنٹ ہیم، ہِماچل دے آنچل وِچ ڈیرہ لائیا۔ ویکھیا کول نیَن، بِن نیَن نیَن کُھلائیا۔ جوتی جوت سروُپ ہرِ، آپ اپنی کِرپا کر، پوُرب لیکھا رہیا وکھائیا۔ جن بھگتو بن کے آؤنا پریم پیار دے بُھینگی، خوشیاں وِچ ڈھولا گائیا۔ تُہاڈے نال مِل کے سدا کھیل کرنی بہُرنگی، جِس دا رنگ نہ کوئے سمجھائیا۔ کِسے دی رہن نہیں دینی کوئی بندی، بندیخانے دینے تُڑائیا۔ چار ورن اٹھاراں برن دی سِدھی کر کے ڈنڈی، ڈنڈاوت اِکو دینی سمجھائیا۔ کوئی گُرمُکھ سوانی ہرِ سنگت وِچ رہن نہیں دینی گندی، کوُڑ کُڑیار وِچ وڑن کوئے نہ پائیا۔ کوٹاں وِچوں بھگت دی پریم پیار دی دھار اِکو چنگی، جِس دا یار نوُر خُدائیا۔ مَیں اوس دا جو اندروں میرا سنگی، باہروں جپھیِاں پاؤن والیاں نوُں ہتّھ کدے نہ آئیا۔ میرے کول کِسے وست دی نہیں کوئی تنگی، ویلے نال سب نوُں دیاں ورتائیا۔ اجے پاؤن لگّا وِچ سنسار دے بھنڈی، بھنڈاں وانگ اپنا کھیل کرائیا۔ تُہانوُں تُٹیاں نوُں جاندا گنڈھی، گنڈھ اپنے ہتّھ رکھائیا۔ اِکو وست مُحبّت والی تُہاتھوں ونڈی، گُرمُکھاں دی گُرمُکھاں اندر ٹِکائیا۔ تُہانوُں نہیں پتہ سچکھنڈ پُرکھ اکال نال کیہڑی کیِتی سندھی، اوہ سند میرے اندر دِتی ٹِکائیا۔ حُکم دی لا کے پابندی، بِنا حُکم توں باہر نہ کدے کڈھائیا۔ جوتی جوت سروُپ ہرِ، آپ اپنی کِرپا کر، ساچا کھیل دئے وکھائیا۔ جن بھگتو جاگنا جاگن ویلا آیا، سُتّیاں وِچ سُتّا رہن کوئے نہ پائیا۔ جِس نے لکّھ چؤراسی جنم دوایا، وِشن برہما شِو سیو لگائیا۔ اوہ بھگتاں دا سدا پِتا مایا، سنت سُہیلے اپنی گود اُٹھائیا۔ دِوس رَین جِس دا دائی دایا، آد جُگاد جُگ چؤکڑی سیو

کمائیا۔ اوس اپنا ویس وٹایا، کلجُگ ویسوا دھار رہن کوئے نہ پائیا۔ سمت توں سمت بدلدا جائے بدلی وِچ عدلی اپنا حُکم سُنایا، جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیر سِنگھ وِشنوُں بھگوان، جن بھگتاں دے آد جُگاد جُگ چؤکڑی نِت نوِت کر کر ہِت سدا سدا سد کارج کردا آیا۔

۲۸ پوہ شہنشاہی سمت ۲ ہربنس کؤر چک معافی ضِلع لُدھیانہ

گُر اوتار پَیغمبر کہن پربھ لوکمات ویکھیئے کہ سوَرگ بہِشتی، چؤداں لوک دھیان لگائیا۔ پُرکھ اکال کہے جِتھوں تک میرے نام دی دیِناں مذہباں وِچ چلا کے آئے کِشتی، نؤکا جیِو جگت جنائیا۔ کلمے والی اپنی جا کے ویکھو سرِشٹی، چار کُنٹ دہ دِشا پھول پھولائیا۔ ساچی دھار ویکھو برہم گرِہست دی، پاربرہم مِل کے سیج سہنجنی کوَن سُہائیا۔ سچ وست امولک نام جِس جِس دی، تِنہاں دی جھولی دینی پائیا۔ نوَ کھنڈ پرِتھمی ستّ دیِپ خبر سُناواں پُرکھ اکال اِک دی، پروردِگار سانجھا یار جلوہ گر نوُر خُدائیا۔ جِس دی کتھا کہانی آد جُگاد جِتّ دی، ہار وِچ کدے نہ آئیا۔ جِس نوُں سَتجُگ تریتا دُآپر کلجُگ شاستر سِمرت وید پُران گیِتا گیان انجیل قُرآن بانی لِکھتاں وِچ آئی لِکھدی، قلم شاہی کاغذ سیو کمائیا۔ جوتی جوت سروُپ ہرِ، آپ اپنی کِرپا کر، دُھر دا حُکم اِک دِرڑائیا۔ گُر اوتار پَیغمبر کہن کی کُچھ ویکھیئے جا، پُرکھ اگمّے دے دِرڑائیا۔ پُرکھ اکال کہے مندر مسجد شِودوالے مٹھ گُروُدوارے تکّو اپنے اپنے تھاں، جو پاک پوِت آئے بنائیا۔ جِتھے اکھّراں والا میرا رکھ کے آئے ناں، سطراں وِچ سمجھائیا۔ تیِرتھ تٹاں جا کے ویکھو پِچھلا گراں، پوُرب لہنا دئے دِرڑائیا۔ لکّھ چؤراسی وِچوں کؤن پکڑے تُہاڈی بانہہ، سجّن ہو کے سنگ نِبھائیا۔ انت اَخیِر بےنظیِر تُہاڈے کولوں منگے اِک نیاں، انیائے دا لیکھا دئے مُکائیا۔ جوتی جوت سروُپ ہرِ، آپ اپنی کِرپا کر، حُکم دُھر دا اِک منائیا۔ گُر اوتار پَیغمبرو جا کے ویکھو اپنا دیِن، دیانِدھ دِرڑائیا۔ ساچی منّے کوئی نہ ایِن، حُکمے اندر سیِس نہ کوئے نِوائیا۔ تُہاڈا کلمہ کرے نہ کوئے تسلیِم، ساچی تسبیح بِن مُتعصّبی ہتّھ نہ کوئے اُٹھائیا۔ حقیِقت اُتے کِسے نہ رہیا یقیِن، یامبیِن رسنا ڈھولے گائیا۔ نیتر تکّو سب نوُں بُھلی سچ تعلیِم، جگت ادھیائے وڈیائیا۔ محل اٹل اگمّ اتھاہ ویکھے نہ کوئے عظیِم، درگاہ ساچی مقامے حق سچکھنڈ دوار جوتی دھار مِل کے اپنا میل نہ کوئے مِلائیا۔ جوتی جوت سروُپ ہرِ، آپ اپنی کِرپا کر، دُھر فرمانا اِک سمجھائیا۔

۲۸ پوہ شہنشاہی سمت ۲ چتُر کؤر پِنڈ سدّا ضِلع گُرداسپُر

گُر اوتار پَیغمبر کہن پربھوُ دسّ دے اگمّی رستہ، نِرگُن ہو کے جائیے چائیں چائنیا۔ ساڈا پُستکاں والا بنیا رہے بستہ، بِنا اکھّراں توں نِراکھّر دینا دِرڑائیا۔ دِوس رَین تیری خوشی اندر دھار دی دھار ہو کے جاوے نسّدا، بھجّ بھجّ اپنا پندھ مُکائیا۔ جو اِکو تیرا نام پُرکھ اکال جپدا، جگ جیِون داتے راہ تکائیا۔ سدا بھیو کُھلاؤنا اندرلی اکّھ دا، باہر لوچن چلے نہ کوئے وڈیائیا۔ تکّنا بھنڈارا اگمّی سچ دا، جو اندر دِتا ورتائیا۔ لہنا دینا ویکھنا حقیِقت حق دا، دُھر دے حاکم تیرے حُکمے اندر سیو کمائیا۔ گُر اوتار پَیغمبر کہن سَتجُگ تریتا دواپر کلجُگ تیرا انت اَخیِری راہ تکدا، صدی چؤدھویں دھیان لگائیا۔ لہنا دینا ویکھنا پُرکھ سمرتھ دا، پاربرہم کی اپنی رچن رچائیا۔ اِکو ڈھولا سوہلا سُننا سَتگُر شبد سچ دا، کلجُگ کوُڑی کِریا دئے مُکائیا۔ منوُآ من واسنا دہ دِشا ویکھنا نچّدا، نٹوُآ ہو کے اپنا سوانگ ورتائیا۔ جوتی جوت سروُپ ہرِ، آپ اپنی کِرپا کر، مِہر نظر اِک ٹِکائیا۔ گُر اوتار پَیغمبر کہن پربھوُ تکّیئے کی، سب کُچھ دے سمجھائیا۔ پُرکھ اکال کہے پہلوں ویکھو سب دی ساڈھے تِنّ ہتّھ سیں، جو مانَو مانُکھ ونڈ ونڈائیا۔ پھیر ویکھو جو اپنا بیِج کے آئے بی، نام کلمہ جگت سمجھائیا۔ کوَن بنیا شبدی دھار تُہاڈا پُتر دھی، ناتا تتّاں والا ماتا پِتا دی جھولی پائیا۔ ساچے مارگ چل کے ویکھی اِکو لیِہ، جِس دی لیِک نظر کِسے نہ آئیا۔ جِنہاں دے کارن لوکمات کھانا آندا پریِہ، پرا پسنتی مدھم بَیکھری توں پرے دھیان لگائیا۔ گُر اوتار پَیغمبر کہن تیرا کھیل ویکھیئے وسیع، جو وصیّت وِچ سب کُچھ تیری جھولی پائیا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ رکھائیا۔ پُرکھ اکال کہے مَیں تُہاڈی پِٹھ دیواں ٹھوک، پُشت پناہ ہتّھ رکھائیا۔ جا کے ویکھو مات لوک، کلجُگ کی کی کرنی کار کمائیا۔ سَت پریم دا گائے نہ کوئے سلوک، ہِردے ہرِ نہ کوئے وسائیا۔ بھاگ لگّے نہ کِسے کایا کوٹ، کنچن گڑھ نہ کوئے وڈیائیا۔ شبد ناد نہ وجےّ چوٹ، آتمک دُھن راگ نہ کوئے سُنائیا۔ من واسنا دوُر نہ ہووے کھوٹ، کھوٹے کھرے نہ کوئے اُپجائیا۔ ملِے پرکاش نہ نِرمل جوت، اندھ اندھیرا دِسے لوکائیا۔ جھگڑا پیا ورن گوت، دیِن مذہب کرے لڑائیا۔ پربھ مِلن دی کِسے نہ آوے سوچ، بےسمجھ ہو کے مانَس جنم رہے گوائیا۔ جاؤ گُر اوتار پَیغمبرو اپنے اپنے کُراہے جاندے لؤ روک، جے نہیں رُکدے تے مَینوُں دیؤ سُنائیا۔ جوتی جوت سروُپ ہرِ، آپ اپنی کِرپا کر، بھیو ابھیدا آپ کُھلائیا۔ گُر اوتار پَیغمبر کہن پُرکھ اکال ساڈی

نمستے، جگدیِس سیِس جھُکائیا۔ اسیں لوکمات جائیے ہسّدے، نِرگُن نوُر نوُر سمائیا۔ کھیل ویکھیئے سرِشٹی دُنیا کائنات جگ دے، چارے کھانی پھول پھولائیا۔ بھیو کُھلائیے اپنی ونڈی حد دے، پڑدا اوہلا آپ اُٹھائیا۔ تیرے حُکم اندر جُگ چؤکڑی کوٹن کوٹ لد گئے، اپنا وقت وِہائیا۔ کلجُگ انت اَخیِر بےنظیِر پُرکھ اکال دیِن دَیال اپنا سنگ دے، سگلا سنگ بنائیا۔ تیرے کھیل ہنگ برہم دے، پاربرہم تیرے ہتّھ وڈیائیا۔ اسیں ماٹی بھانڈے ویکھیئے چمّ دے، تتّاں اندر پھول پھولائیا۔ جوتی جوت سروُپ ہرِ، آپ اپنی کِرپا کر، سچ سُنیہڑا تیرا سُن خوشی منائیا۔ پُرکھ اکال کہے سارے جاوو اُٹھ، بنو پاندھی راہیِا۔ کلجُگ کوُڑی کِریا ویکھو لُٹ، چار کُنٹ ہوئی ہلکائیا۔ من واسنا سب نوُں لگّا دُکھ، جگت طبیب شفا نہ کوئے کرائیا۔ بھرمے بُھلا مانَو ذاتی منُکھ، پاربرہم برہم میل خوشی نہ کوئے بنائیا۔ پڑدا اوہلا اَگے رہے کوئی نہ لُک، لُکیا بھیو دینا جنائیا۔ کوَن اِکو پُرکھ اکال دے نام دی پڑھے تُک، سوہنگ ڈھولا دُھردرگاہیِا۔ جوتی جوت سروُپ ہرِ، آپ اپنی کِرپا کر، حُکم اِکو اِک سمجھائیا۔

۲۸ پوہ شہنشاہی سمت ۲ عدالت سِنگھ آنڈلوُ ضِلع لُدھیانہ

گُر اوتار پَیغمبر کہن اُٹھو سارے چلیئے، چلت پربھ دا ویکھ وکھائیا۔ سچ سُنیہڑا سب نوُں گھلّیئے، حُکم دیوے شہنشاہیِا۔ نوَ ستّ ڈیرہ ملّیئے، خالی نظر کوئے نہ آئیا۔ نِرگُن دھار ہو کے وِچ سنسار دے رلیئے، جگ نیتر نظر کِسے نہ آئیا۔ جوبن جوانی وِچ کدے نہ ڈھلیئے، اِکو رنگ پرگٹائیا۔ جوتی جوت سروُپ ہرِ، آپ اپنی کِرپا کر، اپنی رچنا آپ وکھائیا۔ گُر اوتار پَیغمبر کہن پربھ تیرے در مؤجوُد، مُفلِس ہو کے سیِس نِوائیا۔ پہلوں کیہڑی جائیے کوُٹ، اُتّر پوُرب پچھّم دکھّن راہ تکائیا۔ پُرکھ اکال کہے چارے کُنٹ بن کے جاوو دوُت، اپنا بَل رکھائیا۔ جا کے ویکھو پنج تت کایا کلبوُت، کعبےوالیو کایا حُجرہ پھول پھولائیا۔ ساچے نام دا دیؤ ثبوُت، صبر صبوُری کھوج کھوجائیا۔ حُکم نال دسّنا سب دا مالک اِک محبوُب، دوُجا نظر کوئے نہ آئیا۔ اوتاراں لنگھنی اپنی حدوُد، ورناں برناں والی ونڈ نہ کوئے ونڈائیا۔ کھوج کے ویکھنی حقیِقی منزلے مقصوُد، شِرکت وِچوں باہر رکھائیا۔ جوتی جوت سروُپ ہرِ، آپ اپنی کِرپا کر، گرِہ مندر دئے وڈیائیا۔ گُر اوتار پَیغمبر چار کُنٹ دا

ویکھو راہ، چؤتھا جُگ دئے دُہائیا۔ سرِشٹ سبائی من واسنا ہوئی تباہ، تابعداری سچ نہ کوئے کمائیا۔ رسنا نال االلہ واہِگُروُ رام سارے رہے گا، جِہوا نال ڈھولے گائیا۔ آتم پرماتم کر کے چڑھے کِسے نہ چا، چاؤ گھنیرا نہ کوئے جنائیا۔ جگت واسنا دُنیا دُنی مذاق رہی اُڈا، اِخلاق دِتا تجائیا۔ پُرکھ اکال نال دغا رہے کما، گُردر مندر مسجد شِودوالے مٹھ بہہ کے کوُڑی کرنی کار کمائیا۔ صدی چؤدھویں کلجُگ کوُڑ کُڑیاری پئی وبا، روگ سکے نہ کوئے گوائیا۔ انت اَخیِر حُکم دیوے خُدا، خُدغرضی وِچوں باہر کڈھائیا۔ جا کے ویکھو چار کُنٹ دہ دِشا کِس دوارے لگّی سبھا، جو سِدھا پربھ دا نام دِھیائیا۔ ناتا توڑ کوُڑ کُڑیار ہوا، پربھ ساجن ہو کے خوشی منائیا۔ جوتی جوت سروُپ ہرِ، آپ اپنی کِرپا کر، حُکم سندیشہ اِک سُنائیا۔

۲۹ پوہ شہنشاہی سمت ۲ جاگیِر سِنگھ دے گرِہ پِنڈ سبرا ضِلع امرتسر

گُر اوتار پَیغمبر کہن اسیں جائیے ضرور، ضرورت پربھوُ تیری ویکھ وکھائیا۔ جُگ چؤکڑی تیرے نام دے سیوا وِچ مزدوُر، چاکری کر کے تیری خوشی منائیا۔ پندھ مُکائیے نیڑے دوُر، دو جہان چرناں ہیٹھ دبائیا۔ تیری جوت دا کریئے نوُر، نوُر ظہوُر اِک رُشنائیا۔ موُسیٰ کہے مَیں ہُن نہیں جانا اُتے کوہ طوُر، بِن چشماں چشم دینی کُھلائیا۔ عیسیٰ کہے مَینوُں تیرا اِسم اِکو قبوُل، دوُجا نہ معلوُم کھیل نہ کوئے جنائیا۔ محمد کہے تیرا حُکم شبد کلمہ نبیِاں رسوُلاں دا قاتل مقتوُل، جنم کھڑگ کھنڈا کٹار دھار تیری نظری آئیا۔ پہلوں اپنیاں چرناں دی دے دھوُل، سچکھنڈ دوارے دَیا کمائیا۔ پھیر اگلا دسّ اپنا سچ اصوُل، اصلیّت دے دِرڑائیا۔ ساڈے جان آؤن دا وقت ایَویں نہ جائے فضوُل، قیِمت اپنے گھر رکھائیا۔ پُرکھ اکال کہے تُسیں بچّے ننھے معصوُم، بالے چار جُگ دے نظری آئیا۔ اِس کھیل نوُں سمجھے نہ کوئے علوُم، عِلم دے وِچ نہ کوئے دِرڑائیا۔ پُرکھ اکال دا سب توں وکھرا قانوُن، قاعدے والی دھار نہ کِسے جنائیا۔ جوتی جوت سروُپ ہرِ، آپ اپنی کِرپا کر، ساچا کھیل آپ وکھائیا۔

۲۹ پوہ شہنشاہی سمت ۲ سوَرن سِنگھ پِنڈ دبُرجی ضِلع امرتسر

گُر اوتار پَیغمبر کہن ساڈی پُشت پناہ دے دے تھاپی، تھپکی اِکو دے لگائیا۔ جے ساڈا لہنا دینا مُکاؤنا باقی، دیِن دَیال ویکھ وکھائیا۔ ہُن اسیں جانا نہیں پا کے تن خاکی ، تیرا نوُر جوت رُشنائیا۔ پڑھنی نہیں کوئی جا کے ساکھی، ڈھولا اکھّری نہ کوئے گائیا۔ دیِناں مذہباں اندر مار کے آؤنی جھاکی، اندر وڑ کے مندر چڑھ کے پھول پھولائیا۔ یاد کرا کے آؤنی گوبِند والی انت اَخیِری پاتی، جِس دا لیکھ سمجھ کوئے نہ پائیا۔ تکّ کے آؤنا جو پربھوُ تیرے در دا بنیا فسادی، فَیصلہ تیرے ہتّھ پھڑائیا۔ تُوں آد جُگاد جُگ چؤکڑی نِت نوِت جن بھگتاں بنیا رِہوں اِمدادی، مِہربان سِر اپنا ہتّھ ٹِکائیا۔ کلجُگ انت سِری بھگوَنت سانجھے کنت دیِن دُنی دی ویکھ کے آئیے بربادی، بدلے وِچ عدل تیرا منگ منگائیا۔ جوتی جوت سروُپ ہرِ، آپ اپنی کِرپا کر، سَت دوارے رہیا دِرڑائیا۔ گُر اوتار پَیغمبر کہن ساڈے اُتے رکھیں ہتّھ، نِگاہ مِہر اِک اُٹھائیا۔ پُرکھ اکال صاحب سمرتھ، تیرے ہتّھ وڈیائیا۔ سب کُچھ تَینوُں آن کے دئیے دسّ، دہ دِشا پھول پھولائیا۔ کوَن بُھلا کوَن گائے تیرا جس، کوَن تیری اوٹ رکھائیا۔ کوَن کھول کے اندروں اکّھ، نیتر لوچن نیَن جگت نالوں پِچھے ہٹائیا۔ کِس دوارے ملِے سَت، سچ نال وجےّ ودھائیا۔ کھوج کے آئیے پنج تت، چارے کُنٹ پھیرا پائیا۔ جوتی جوت سروُپ ہرِ، آپ اپنی کِرپا کر، اپنی کرنی کار کمائیا۔

۲۹ پوہ شہنشاہی سمت ۲ سُندر سِنگھ پِنڈ روسے ضِلع گُرداسپُر

گُر اوتار پَیغمبر کہن پُرکھ اکال تیرے چرناں ہؤں واری گھولی، گھول گھُما کے سیِس نِوائیا۔ اپنی دھار بنا نال وِچولی، وِچلا پڑدا دے اُٹھائیا۔ سب توں اُتم سرِیشٹ آتم پرماتم پرماتم آتم نوُں دسّ سچ بولی، انبولت اپنا راگ سُنائیا۔ نام کنڈا دے جِس نال سرِشٹ سبائی جائے تولی، اتول اتُل تیرے ہتّھ وڈیائیا۔ کِرپا کر کرنی دے کرتے اسیں ویکھے کھیل کُل، خالق تیری خلق پھول پھولائیا۔ تیرا آد جُگاد جُگ چؤکڑی نِت نوِت سَتجُگ تریتا دواپر کلجُگ شبد نام انمُل، دو جہاناں قیِمت کوئے نہ پائیا۔ جوتی جوت سروُپ ہرِ، آپ اپنی کِرپا کر، حُکمے اندر نام نِدھان اِک ورتائیا۔ گُر اوتار پَیغمبر کہن تیرے حُکم دی انت اُڈیِک، جُگ چؤکڑی راہ تکائیا۔ سو ویلا وقت ہویا ٹھیِک، ٹھاکر دُھر

دے تیری بےپرواہیِا۔ اَگے تیری دسّ کے آئے تعریِف، صِفتاں وِچ صلاحیِا۔ اکھّراں راہیں دسّدے آئے پریِت، پریِتم میل نہ کِسے مِلائیا۔ تُوں ہر گھٹ وسیں چیِت، چیتن سُرتی لئیں کرائیا۔ بدل دیویں ریِت، ریِتیوان تیری وڈیائیا۔ تَینوُں لبھدے مندر مسیِت، شِودوالے مٹھ کھوجن تھاؤں تھائنیا۔ تیرا کھیل انیالا انڈیِٹھ، انڈِٹھڑی کار کمائیا۔ جوتی جوت سروُپ ہرِ، آپ اپنی کِرپا کر، دُھر فرمانا اِک سُنائیا۔ پُرکھ اکال کہے مَینوُں آ کے دینا جواب، منگ اِکو وار منگائیا۔ جگت محل ویکھنا اُچ محراب، دوارا دراں والا پھول پھولائیا۔ سجّن میِت ویکھنا احباب، تن رباب کوَن وجائیا۔ سجدیاں وِچ کرے کوَن آداب، نمستے کہہ کے شُکر کوَن منائیا۔ سب نے آ کے دسّنا صاف، سچ سچ دِرڑائیا۔ جیہڑے تُہاڈا نام لَیندے ہوون سواس سواس، اوہ وی دینے جنائیا۔ مِہر نِگاہ نال کر دیواں معاف، معافی منگن دی لوڑ رہے نہ رائیا۔ گُر اوتار پَیغمبر کہن ہؤں بالک تیرے داس، جاچک ہو کے سیو کمائیا۔ شبد رضائی تیرا کھیل تماش، بُدھی توں پرے تیری وڈیائیا۔ تُوں رچنا رچی آد جُگ چؤکڑی جُگاد، جُگ دا مالک سوبھا پائیا۔ نوُری االلہ بن کے واحد، واہِگُروُ اپنا نام دھرائیا۔ کلجُگ انت اَخیِر اپنے آپ نوُں کر کے اِنتخاب، خواب سب دے پوُر کرائیا۔ برہمنڈاں کھنڈاں پُریِاں لوآں گگن پاتالاں بن کے مائی باپ، پِتا پُرکھ اکال روُپ وٹائیا۔ گُر اوتار پَیغمبر کہن سب کُچھ تیرے ہاتھ، سمرتھ تیری بےپرواہیِا۔ بھوِکھتاں وِچ جو آئے آکھ، آخر سب کُچھ تیری جھولی پائیا۔ انت لہنا دینا مُکا دے حِساب کِتاب، باقی نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، نِہکلنک نرائن نر، مہاراج شیر سِنگھ وِشنوُں بھگوان، تیرے دوارے اِک آداب، ڈنڈاوت بندنا گُروُ مہاراج، آتم برہم بنا سماج، جگت سمگری لیکھا دینا مُکائیا۔