۲۳ ماگھ شہنشاہی سمت ۲ سُرجیِت سِنگھ دے گرِہ بنوالی
جن بھگت کہن پربھ ابناشی اُٹھ، سچکھنڈ نِواسی ہو سہائیا۔ کلجُگ انتم آ کے تُٹھ، مِہربان ہو کے مِہر نظر اُٹھائیا۔ سرِشٹی اندر رہیا کوئی نہ سُچ، جوُٹھ جھوُٹھ وجّی ودھائیا۔ سَت دھرم دا پیَنڈا گیا مُک، کلجُگ کوُڑی کِریا رہی کُرلائیا۔ بھرمے بُھلا مانَو منُکھ، پڑدا دُئی نہ کوئے چُکائیا۔ انتر آتم ملِے کِسے نہ سُکھ، جگت ترِشنا اگّ رہی تپائیا۔ شبد اگمّی لگّے کوئی نہ چوٹ، سوئی سُرت نہ کوئے اُٹھائیا۔ ملِے پرکاش نہ نِرمل جوت، اندھ اندھر نہ کوئے مِٹائیا۔ من واسنا سارے رہے سوچ، بُدھ بِبیک نہ کوئے کرائیا۔ جھگڑا پیا نؤ کھنڈ پرِتھمی ستّ دیِپ چؤداں لوک، چؤداں طبق رہے کُرلائیا۔ ساچی بخشے کوئی نہ اوٹ، سِر سمرتھ ہتّھ نہ کوئے ٹِکائیا۔ اندروں نِکلے کِسے نہ کھوٹ، پتت پُنیِت نہ کوئے کرائیا۔ جوتی جوت سروُپ ہرِ، آپ اپنی کِرپا کر، مِہربان ہو کے دَیا کمائیا۔ جن بھگت کہن پربھ کلجُگ کوُڑی کِریا میٹ پکھنڈ، دھرم دوارا دے کُھلائیا۔ سچ پریم دا بخش انند، دُکھ درد ڈیرہ ڈھاہیِا۔ تیرے نام دا گائیے چھند، دوُجی وِدیا نہ کوئے وڈیائیا۔ کھیل ویکھ اپنا وربھنڈ، برہمنڈ کھوج کھوجائیا۔ بِن تیری کِرپا ساچا چڑھے نہ کوئے نوُری چند، کلجُگ اندھ اندھیر نہ کوئے گوائیا۔ مِہربان ہو کے آتم پرماتم اپنے نام رنگ، دُرمت مَیل دے دھوائیا۔ گُپت ظاہر وس سنگ، سگلا سنگ بنائیا۔ بھیو کُھلا برہم ہنگ، نِرگُن نوُر کر رُشنائیا۔ ترِشنا میٹ بُھکھ ننگ، جوتی جوت سروُپ ہرِ، آپ اپنی کِرپا کر، ساچی بنت دے بنائیا۔ جن بھگت کہن پربھ دیِناں اُتے دَیاکر، دَیال ہو کے ویکھ وکھائیا۔ چار کُنٹ دہ دِشا آوے ڈر، کلجُگ ممتا موہ رہی ڈرائیا۔ وِکار اگنی وِچ رہے سڑ، امرت میگھ نہ کوئے برسائیا۔ دِوس رَین پُکار رہے کر، سچ بینتی اِک سُنائیا۔ سَتجُگ تریتا دواپر کلجُگ گُر اوتار پَیغمبر دتے گھلّ، نام سندیشہ اِک سُنائیا۔ صدی چؤدھویں کلجُگ سب دے نال کرے چھل، کپٹ وِکاری روُپ وٹائیا۔ جھگڑا پیا جل تھل، ٹِلّے پربت رہے کُرلائیا۔ کِسے نہ دِسے نِہچل دھام اٹل، ساچی منزل چڑھن
کوئے نہ پائیا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ ٹِکائیا۔ جن بھگت کہن پربھ نِرگُن ہو کے آ، سرگُن دَیا کمائیا۔ صدی چؤدھویں بن ملاح، بیڑا اپنے کندھ اُٹھائیا۔ سَت دھرم دی ساچی دے صلاح، دُھر فرمانا حُکم سُنائیا۔ کوُڑ کُڑیارا ڈیرہ ڈھاہ، جوُٹھ جھوُٹھ رہن نہ پائیا۔ ساچا منتر نام اِک دِرڑا، ہِندوُ مُسلم سِکھ عیِسائی مِل کے ڈھولا گائیا۔ ڈنکا دو جہان وجا، برہمنڈ کھنڈ پُری لوء آکاش پاتال کر شنوائیا۔ سرِشٹی درِشٹی اندر سمجھا، کائنات کلمہ اِک سُنائیا۔ بھیو ابھیدا پڑدا لاہ، بھانڈا بھرم دے بھنائیا۔ نِرگُن نوُر جوت کر رُشنا، اندھ اندھیرا دے گوائیا۔ تیرا لیکھا بےپرواہ، پاربرہم تیری سرنائیا۔ چار ورن اٹھاراں برن روون مارن دھاہ، ہاہاکار کر سُنائیا۔ ساچی منزل حقیِقی چڑھے کوئی نہ، نِرگُن تیرا نوُر نظر کِسے نہ آئیا۔ کِرپا کر محبوُب مِہرباں، مِہر نظر اِک اُٹھائیا۔ سنت سُہیلے گُروُ گُر چیلے گُنونتے تیرا ڈھولا رہے گا، گیِت گوبِند اِک الائیا۔ تُوں سب دا مالک پرِتپالک االلہ رام واہِگُروُ خُدا، خُدی دا ڈیرہ دے ڈھاہیِا۔ محل اٹل اِک سُہا، جن بھگتاں اندر سوبھا پائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، مِہر نظر اِک اُٹھائیا۔ جن بھگت کہن پربھ لوکمات آ کے ویکھ، کلجُگ انتم پھیرا پائیا۔ چاروں کُنٹ ودھیا بھیکھ، کوُڑ پکھنڈ کرے لڑائیا۔ مالک دِسے نہ کِسے نریش، نر نرائن نہ نظری آئیا۔ جیہڑی دھار بنّھ کے گیا گوبِند دس دسمیش، پنچم اِکو رنگ رنگائیا۔ تِس دا پاوے کوئی نہ بھیت، پڑدا سکے نہ کوئے اُٹھائیا۔ جِس کارن ارجن سَتگُر سِر وِچ پائی ریت، اگنی تت تپائیا۔ تِس دا سمجھے کوئی نہ کھیل، خالق خلق بھیو نہ کوئے چُکائیا۔ جوتی جوت سروُپ ہرِ، آپ اپنی کِرپا کر، ایکا دے سچ ور، بھگت سُہلے تیرا راہ تکائیا۔ جن بھگت کہن پربھ انتم ویکھ اندھیری رات، چاروں کُنٹ اندھیرا چھائیا۔ جھگڑا پیا دیِن مذہب ذات پات، پتپرمیشور تیرا میل نہ کوئے کرائیا۔ سچ دھرم دے چڑھے کوئی نہ راتھ، منزل حق نہ کوئے پُچائیا۔ آتم پرماتم جوڑے کوئے نہ نات، پاربرہم برہم مِل کے خوشی نہ کوئے منائیا۔ ساچی ملِے کِسے نہ دات، دُھر دی وست نہ کوئے ورتائیا۔ کلجُگ بھیکھ ویکھیا بہُبھانت، چار کُنٹ ہوئی ہلکائیا۔ تُوں میرا مَیں تیرا نِرگُن نِروَیر آ کے دسّ اپنی گاتھ، بودھ اگادھ کر پڑھائیا۔ تُوں صاحب سوامی انترجامی پُرکھ سمرتھ، جُگ چؤکڑی کھیل کھِلائیا۔ سَتجُگ ساچا دسّ، اگلا رنگ دے رنگائیا۔ من واسنا کر دے وس، بُدھی بِبیک آپ بنائیا۔ سچ دھرم دا کھول ہٹّ، نام ونجارا دے کرائیا۔ جوتی جوت سروُپ ہرِ، آپ اپنی کِرپا کر، ایکو دینا سچّا ور، بھگت سُہیلے در ٹھانڈے سیِس نِوائیا۔ جن
بھگت کہن پربھوُ کِرپا نِدھان، پتپرمیشور تیری آس رکھائیا۔ سچکھنڈ نِواسی ہو نِگاہبان، نِروَیر اپنی دَیا کمائیا۔ کلجُگ بُھلے جیِو بال اَنجان، مایا ممتا موہ ہلکائیا۔ گھر گھر شرع ہوئی شیَطان، شریعت کرے لڑائیا۔ آتم برہم بُھلیا گیان، وِدیا وِچ جگت جیِو ہلکائیا۔ دھرم دِسے نہ کِسے نِشان، نِشانہ تیرا گئے بُھلائیا۔ کایا کعبہ نظر نہ آئے حق مکان، مقامے حق چڑھ کے تیرا درس کوئے نہ پائیا۔ کِرپا کر جودھے سوُربیِر نؤجوان، مرد مردانے تیرے ہتّھ وڈیائیا۔ بھگت سُہیلے تیرا راہ تکان، بِن اکّھاں اکّھ اُٹھائیا۔ تُوں مالک خالق پرِتپالک دو جہانا دُھر دا کاہن، ابناشی کرتا نظری آئیا۔ انت اَخیِر بےنظیِر نام نِدھانا دے دان، وست امولک کایا گولک دے ٹِکائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در ٹھانڈے منگ منگائیا۔ جن بھگت کہن پربھوُ دے دے وست اپار، ناؤں نِرنکارا دے سمجھائیا۔ انتر نِرنتر کر پیار، مُحبّت اپنے نال جُڑائیا۔ ساچا مندر دے وکھال، جِس گھر بَیٹھا ڈیرہ لائیا۔ جھگڑا رہے نہ شاہ کنگال، راؤ رنک اِکو رنگ رنگائیا۔ کِرپا کر دیِناں بندھوُ دیِن دَیال، دَیانِدھ تیری آس رکھائیا۔ جُگ چؤکڑی بدلدا آئیوں چال، سَتجُگ تریتا دواپر کلجُگ اپنا حُکم ورتائیا۔ صدی چؤدھویں دیِن دُنی ہوئی بےحال، بِہبل ہو کے رہی کُرلائیا۔ بِن مُرشد مُریِداں کوئے نہ پُچھے حال، سِر ہتّھ نہ کوئے ٹِکائیا۔ بھگت سُہیلے ویکھ اپنے لال، گُرمُکھ گودڑی وِچوں اپنی گودی لےَ ٹِکائیا۔ تُوں آد جُگادی سدا پرِتپال، پرِتپالک تیری بےپرواہیِا۔ سچ بینتی منّ سوال، سارے جھُک کے سیِس نِوائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، ہرِ سنت سُہیلے جن بھگت تیرا بَیٹھے راہ تکائیا۔ جن بھگت کہن پربھ کِرپا کر ٹھاکر، سِر اپنا ہتّھ ٹِکائیا۔ جگت جہان ویکھ ڈوُنگھا ساگر، بِن تیرے پار نہ کوئے لنگھائیا۔ بھاگ لگّے نہ کایا گاگر، ساڈھے تِنّ ہتّھ وجےّ نہ کوئے ودھائیا۔ نام ونجارے کر سچےّ سؤداگر، وست امولک دے ورتائیا۔ کوجھے کملیاں نِرمل کرم کر اُجاگر، دُرمت مَیل دھوائیا۔ جوتی جوت سروُپ ہرِ، آپ اپنی کِرپا کر، ایکا دینا سچّا ور، جن بھگت سُہیلے در تیرے منگ منگائیا۔ جن بھگت کہن پربھ کِرپن ہو کِرپال، نِردھن سردھن دَیا کمائیا۔ تُوں آد جُگادی دیِن دَیال، ٹھاکر دُھر دا بےپرواہیِا۔ سچ پریِتی نِبھے تیرے نال، ایتھے اوتھے دو جہاناں سوبھا پائیا۔ تیرا شبد گُروُ ہووے دلال، نام وِچولا لےَ بنائیا۔ اندر باہر وس نال، کھوجن دی لوڑ رہے نہ رائیا۔ تیرے نام دا وجےّ تال، انحد نادی راگ دے سُنائیا۔ نِجھر جھِرنا امرت رس بوُند سوانتی دے پیال، نام خُماری اِک چڑھائیا۔ جلوہ جوت دا دے جمال، نوُرو نوُر کر رُشنائیا۔
جوتی جوت سروُپ ہرِ، آپ اپنی کِرپا کر، ایکا دینا سچّا ور، ہرِ ساجن تیرے ہتّھ وڈیائیا۔ جن بھگت کہن پربھ تیرا تکّیا اِک سہارا، دوُجا نظر کوئے نہ آئیا۔ کلجُگ کوُڑی کِریا کر پار کنارہ، بھوَ ساگر بیڑا دے ترائیا۔ تیری اوٹ رکھ کے گئے گُروُ اوتارا، پَیغمبر بھوِکھتاں وِچ گائیا۔ کلجُگ انت سِری بھگوَنت کل کلکی لےَ اوتارا، امام اماما پھیرا پائیا۔ کوُڑی کِریا میٹے دُھندُوکارا، ساچا نوُر کرے رُشنائیا۔ چار ورن اٹھاراں برن اِکو بخشے چرن پیارا، پریِتم ہو کے اپنا رنگ رنگائیا۔ اندر کھول کے بند کِواڑا، پڑدا اوہلا دئے چُکائیا۔ کر پرکاش بہتر ناڑا، بھیو ابھیدا آپ کُھلائیا۔ جوتی جوت سروُپ ہرِ، آپ اپنی کِرپا کر، ایکا دے ساچا ور، جن بھگت سُہیلے بِھکھک ہو کے اپنی جھولی ڈاہیِا۔ جن بھگت کہن پربھ آ کے ویکھ، نِروَیر دَیا کمائیا۔ مات لوک تکّ اپنا دیس، پردیسی گُرمُکھ تیرا راہ تکائیا۔ جوتی جامہ دھار بھیکھ، ویس اَولّڑا آپ وٹائیا۔ تیرا کوئی نہ جانے روُپ رنگ ریکھ، پڑدا سکے نہ کوئے اُٹھائیا۔ تُوں میرا مَیں تیرا آتم پرماتم دے سندیش، سوہلا سچ دے سمجھائیا۔ تَینوُں جھُکدے وِشن برہما شِو گنیش، سِر سکے نہ کوئے اُٹھائیا۔ تیرے چرن کوَل آدیس، مستک دھوُڑی ٹِکاّ خاک رمائیا۔ پُرکھ اکال دیِن دَیال جن بھگتاں نال کر ہیت، ہِتکاری ہو کے اپنا جوڑ جُڑائیا۔ تیرا درشن تکّیئے نیتن نیت، نِج نیتر کر رُشنائیا۔ نام نِدھانا دے سندیش، کلجُگ سُتّیاں لےَ اُٹھائیا۔ جوتی جوت سروُپ ہرِ، آپ اپنی کِرپا کر، اپنے گھر لےَ وسائیا۔ جن بھگت کہن اسیں ویکھ ویکھ تھکے، دوُر دُراڈے دھیان لگائیا۔ گُر اوتار پَیغمبراں قؤل اِقرار کر سچّے، نِرگُن ہو کے پھیرا پائیا۔ تُدھ بِن پت کوئے نہ رکھے، سِر ہتّھ نہ کوئے ٹِکائیا۔ سب دے چیِتھڑ پُرانے پھٹے، نوَ جوبن رنگ نہ کوئے رنگائیا۔ دُرمت مَیل نہ کوئی کٹے، پتت پُنیِت نہ کوئے وکھائیا۔ ساچا مارگ چار ورن اٹھاراں برن آتم پرماتم کوئی نہ دسےّ، دہ دِشا بھیو نہ کوئے کُھلائیا۔ کلجُگ رَین اندھیری ویکھ مسّے، ساچا چند نہ کوئے چمکائیا ۔ جن بھگت کہن اسیں تیرے چرن کوَل ڈھٹّھے، اِشٹ اِکو رہے منائیا۔ کِرپا کر پُرکھ سمرتھے، صاحب سَتگُر تَینوُں مِل کے وجےّ ودھائیا۔ جوتی جوت سروُپ ہرِ، آپ اپنی کِرپا کر، نِہکلنک نرائن نر، مہاراج شیر سِنگھ وِشنوُں بھگوان، تیرا آد جُگاد جُگ چؤکڑی نِت نوِت صِفتاں والا جسے، جس وید پُران انجیل قُرآن کھانی بانی تیرا رہی گائیا۔
۲۳ ماگھ شہنشاہی سمت ۲ ملکیّت سِنگھ دے گرِہ پِنڈ بنوالی
پُرکھ اکال کہے جن بھگتو گوبِند سوُرا رہیا جاگ، آلس نِندرا جگت نہ کوئے رکھائیندا۔ تُہاڈے انتر نِرنتر دُھر منتر اُپجاوے اِک وَیراگ، وَیری کوُڑے اندروں باہر کڈھائیندا۔ بِن رسنا جِہوا امرت رس دیوے سواد، من واسنا کوُڑی کِریا اگنی تت بُجھائیندا۔ مِہربان ہو کے مُحبّت دی دیوے داد، آد انت سِر اپنا ہتّھ ٹِکائیندا۔ نوَ نؤ چار دی رکھے یاد، ابُھل بُھل وِچ کدے نہ آئیندا۔ کلجُگ کوُڑی کِریا کرے برباد، سچ سُچ لوکمات پرگٹائیندا۔ تُہاڈے کایا مندر اندر وجائے رباب، بِن تند ستار آپ ہِلائیندا۔ ساچی بندنا سجدہ دسےّ اِک آداب، نمو نمستے دُھر دی آپ دِرڑائیندا۔ سچ سرنائی جاؤ لاگ، لاگت کرتا نہ کوئے لگائیندا۔ کلجُگ انت اَخیِر بےنظیِر گوبِند سب دی پکڑے واگ، چار ورن اٹھاراں برن اپنا حُکم سُنائیندا۔ پتت پاپیِاں دُرمت مَیل دھووے داغ، مِہر نظر اِک اُٹھائیندا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ سندیشہ نر نریشا اِکو اِک سُنائیندا۔ پُرکھ اکال کہے جن بھگتو گوبِند سَتگُر رکھو ٹیک، ٹِکّے مستک دھوُڑی دئے لگائیا۔ انتر باہر کرے بِبیک، پتت پُنیِت لئے بنائیا۔ ترےَگُن مایا نہ لائے سیک، پنچم پنچ نہ کوئے ہلکائیا۔ سچکھنڈ دوار وکھائے ایکو دیس، جِس گھر وِشن برہما شِو بَیٹھے سیِس جھُکائیا۔ پُرکھ اکالا دیِن دَیالا اِکو رہیا ویکھ، ویکھنہارا دَیا کمائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، پردہ اوہلا آپ اُٹھائیا۔ پُرکھ اکال کہے ساچے سنتو سچ دی ویکھو دھار، گوبِند اِکو نظری آئیا۔ جِس دا کھیل سدا جُگ چار، سَتجُگ تریتا دواپر کلجُگ رہیا ہنڈھائیا۔ نِرگُن سرگُن سرگُن نِرگُن پرگٹ ہووے وِچ سنسار، ترےَ پنج میلا سہج سُبھائیا۔ دیِا باتی کملاپاتی کرے آپ اُجیار، مندر اندر ایکا سوبھا پائیا۔ سو تُہاڈی لیکھے لائے جنم جنم دی کیِتی کار، پوُرب لہنا جھولی پائیا۔ مانَس جنم نہ جاوو ہار، ہار جِتّ وِچ بدلائیا۔ میل مِلائے نال ایکنکار، اِک اِکلّا دُھر ملاہیِا۔ کھیوٹ کھیٹا بن کے خبردار، بےخبراں لئے اُٹھائیا۔ ساچی منزل دیوے چاڑھ، گھر گھرانے وِچوں باہر کڈھائیا۔ ساچا دے کے درس دیِدار، دیِد عیِد کرے رُشنائیا۔ میلا مِلیا رہے اگمّ اپار، اتھاہ اپنے وِچ سمائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، صاحب سَتگُر میِتا سجّن اِکو اِک جنائیا۔ پُرکھ اکال کہے گُرمُکھو گوبِند کرو دھیان، سُرتی سُرت وِچوں بدلائیا۔ جو دیونہارا سچ گیان، اگیان اندھیرا دئے مِٹائیا۔ دھرم وکھاوے اِک نِشان، جو دو جہاناں رہیا
جھُلائیا۔ گوپی کاہن جِس نوُں سیِس جھُکان، سِر سکے نہ کوئے اُٹھائیا۔ سو جودھا سوُربیِر بلوان، اِک اِکلّا حُکم ورتائیا۔ کلجُگ انت کرے پہچان، لکّھ چؤراسی وِچوں کھوج کھوجائیا۔ سچ پریِتی دُھر دی نیِتی دیوے اگمّا دان، داتا ہو کے آپ ورتائیا۔ گُرمُکھ موُرکھ موُڑھ رہے نہ کوئے اَنجان، سُگھڑ سُچّجے دئے بنائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، صاحب سُہیلا اِک اَکیلا اکل کلدھاری اپنا رنگ رنگائیا۔ پُرکھ اکال کہے گُرسِکھو گوبِند سِکھیا جاؤ سِکھ، ساکھیات دئے وڈیائیا۔ اُس دا پوُرا ہونا بھوِکھ، نہ کوئی میٹے میٹ مِٹائیا۔ دو جہاناں ہووے جِتّ، فتح ڈنکا اِک وجائیا۔ جن بھگتاں کرے ہِت، گُرمُکھاں اپنے رنگ رنگائیا۔ دُھر دا مالک بن کے پِت، پوُت سپوُتے اپنے گھر وسائیا۔ پڑدا لاہ کے گھر نِج، نِج نیتر کرے رُشنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، دُھر دا مالک اپنی دَیا کمائیا۔ پُرکھ اکال کہے گوبِند تکّو بےنظیِر، جو نظریہ سب دا دئے بدلائیا۔ جو ہر گھٹ منزل چڑھ کے بَیٹھا اَخیِر، آخر اپنا رنگ رنگائیا۔ دیِن دُنی دی جِس بدل دینی تقدیِر، تکّبر میٹے خلق خُدائیا۔ جِس دے ہتّھ نام کھنڈا شمشیِر، کوُڑی شرع دا ڈیرہ دیوے ڈھاہیِا۔ جن بھگتاں پیا کے امرت رس سیِر، رسنا توں باہر اپنا رس چکھائیا۔ جھگڑا رہے نہ کوئے امیِر غریِب، سب دا بنے پِتا مائیا۔ جو گُرسِکھ ہویا عزیِز، عاجز اپنے گھر وسائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیر سِنگھ وِشنوُں بھگوان، گُر گوبِند شبدی دھار گُرمُکھاں کرے آپ تصدیِق، دوُجی شہادت دی لوڑ رہے نہ رائیا۔
۲۴ ماگھ شہنشاہی سمت ۲ بیِبی دانو دے گرِہ بنوالی
پُرکھ اکال کہے گوبِند شبد سوُرا سربنگا، سب دا مالک نظری آئیا۔ جِس دا وسدا رہے سدا پُر انندا، انند اپنی دھار پرگٹائیا۔ پرکاش ہُندا رہے بِن سوُریہ چندا، بِن منڈل منڈپ سوبھا پائیا۔ لگدا رہے دو جہانوں چنگا، ساچا نوُر کر رُشنائیا۔ میٹدا رہے بھیکھ پکھنڈا، کوُڑی کِریا ڈیرہ ڈھاہیِا۔ گُرمُکھاں نام اگمّی دیوے ڈنڈا، ساچے پؤڑے آپ چڑھائیا۔ دیِن دَیال بن بخشندا، بخشش رحمت سدا کمائیا۔ من واسنا میٹ کے دھندا، سُرتی شبد نال جُڑائیا۔ دُئی دوَیتی ڈھاہ کے کندھا، کنت کنتوُہل دئے مِلائیا۔ جوتی جوت سروُپ ہرِ، آپ اپنی کِرپا کر، ساچے رنگ وِچ سمائیا۔ پُرکھ اکال کہے گوبِند شبد اِکو پوُجا، سِل پوُجس کمّ کِسے نہ آئیا۔ بھاؤ رہے نہ دُتیا دوُجا، گھر اِکو وجےّ ودھائیا۔ سدا
سہارا اِکے سَتگُر دا، جو سَت سَت وِچ سمائیا۔ جِس دا منتر دو جہان پُھردا، فُرنے من دے دئے گوائیا۔ اوہ سُکھ وکھائے سچ انندپُر دا، جو پُریِاں لوآں توں باہر لیا بنائیا۔ جِس گرِہ گیا گُرمُکھ کدے نہ وِچھڑدا، وِچھڑیاں سوہنا جوڑ جُڑائیا۔ کرے پیار ساچے مِتر دا، مِتر پیارا جِس یارڑے سیج ہنڈھائیا۔ جوتی جوت سروُپ ہرِ، آپ اپنی کِرپا کر، سَتگُر ساچا اِک سمجھائیا۔ پُرکھ اکال کہے گوبِند شبد سب دا سِرتاج، سِر سِر رِزق سبائیا۔ غریِب نِمانیاں غریِب نواز، کوجھے کملیاں گلے لگائیا۔ نام وست امولک دیوے دات، داتا دانی ہو کے آپ ورتائیا۔ کلجُگ میٹے اندھیری رات، سَتجُگ ساچا چند چمکائیا ۔ دُھر دھرم دی دسےّ گاتھ، واہوا اِکو نام سمجھائیا۔ جِس دی مہما کردے کوٹن جاپ، صِفتاں وِچ صلاحیِا۔ سو شبد گُروُ گُر گوبِند آپ، دوُجا نظر کوئے نہ آئیا۔ سب دا بن کے مائی باپ، گودی دُھر دی لئے سُہائیا۔ گُرمُکھاں چرن پریِتی جوڑ کے نات، کوُڑ کُٹمب دئے تجائیا۔ جِدھر ویکھن اودھر وسے ساتھ، سگلا سنگ بنائیا۔ نِرگُن ہو کے وسے پاس، پُشت پناہ ہتّھ ٹِکائیا۔ گُرمُکھاں دی منّ سدا ارداس، ہِردے اندر ڈیرہ لائیا۔ شبد سُنا اگمّی انحد اناد، نادی دُھن اُپجائیا۔ امرت رس دے سواد، کوُڑی ترِشنا دئے چُکائیا۔ نِرمل جوت کر پرکاش، گھر مندر کرے رُشنائیا۔ روُح بُت دوویں کرے پاک، مِہر مِہر نظر اُٹھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دوارے سوبھا پائیا۔ پُرکھ اکال کہے گوبِند شبد سرب دا میِتا، مِتر پیارا نظری آئیا۔ جُگ چؤکڑی جو بدلدا آیا ریِتا، نِت نوِت اپنا حُکم ورتائیا۔ ایتھے اوتھے دو جہاناں ٹھانڈا سیِتا، اگنی تت نہ کوئے تپائیا۔ جِس دی صِفت کرے شاستر سِمرت وید پُران اٹھاراں دھیائے گیِتا، سو گوبِند دُھر دا سچّا ماہیِا۔ جو لکّھ چؤراسی جیِو جنت سادھ سنت پرکھنہارا نیِتا، نیِتیوان اپنی کھیل کھِلائیا۔ گُرمُکھاں نال سدا لگائے آتم دھار پریِتا، پریِتم ہو کے اپنا رنگ رنگائیا۔ سو کلجُگ انت جھگڑا مُکائے مندر مسیِتا، مسلہ اِکو دئے سمجھائیا۔ شرع رہے نہ دُئی شریکا، شِرکت کوُڑی دئے کڈھائیا۔ اِکو تاج ویکھے صاحب جگدیِشا، راج راجاناں شاہ سُلطاناں خاک مِلائیا۔ بھیو ابھیدا کھولے بیِس بیِسا، پڑدا اوہلا دئے اُٹھائیا۔ پندھ مُکا کے اوُچاں نیِچاں، مانَو اپنے رنگ رنگائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیر سِنگھ وِشنوُں بھگوان، سب دے وسنہار نزدیِکا، نِج گھر نِج آتم نِج گرِہ نِج مالک ہو کے سوبھا پائیا۔
۲۴ ماگھ شہنشاہی سمت ۲ بیِبی تیج کؤر دے گرِہ بنوالی
گوبِند شبد کہے مَیں جُگ جُگ لیکھا میٹاں جگ، جاگرت جوت کراں رُشنائیا۔ گُرمُکھاں درشن دیواں اُپر شاہ رگ، نؤ دوارے ڈیرہ ڈھاہیِا۔ پھڑ پھڑ ہنس بناواں کگّ، من واسنا کاگ نہ کوئے کُرلائیا۔ ممتا موہ میٹاں اگّ، ترِشنا ترِکھا نہ کوئے تپائیا۔ سچ دوارے لَواں سدّ، گھر ساچا اِک سمجھائیا۔ پریم پریِتی اندر دسّ کے اگمّا پد، پتپرمیشور دیاں مِلائیا۔ جوتی جوت سروُپ ہرِ، آپ اپنی کِرپا کر، ساچا مندر اِک سُہائیا۔ گوبِند شبد کہے مَیں گُرمُکھ سجّن دیواں تار، تارنہارا اِک اکھوائیا۔ جُگ چؤکڑی پاواں سار، سَتجُگ تریتا دواپر کلجُگ اپنا حُکم منائیا۔ بھگت سُہیلے سجّن لَواں اُٹھال، سنتن اپنا پڑدا لاہیِا۔ گُرمُکھ بنا کے دُھر دے لال، مِہر نظر اِک رکھائیا۔ گُرسِکھاں مایا توڑ جگت جنجال، جاگرت جوت کراں رُشنائیا۔ جھگڑا مُکا کے شاہ کنگال، راؤ رنکاں اِکو گھر وسائیا۔ ایتھے اوتھے دو جہاناں نِرگُن سرگُن بناں آپ دلال، شبد وِچولا اپنا ویس وٹائیا۔ سچکھنڈ دوار وکھاواں دُھر دی سچّی دھرم سال، جِتھے پُرکھ ابناشی بَیٹھا سوبھا پائیا۔ جوتی جوت سروُپ ہرِ، آپ اپنی کِرپا کر، ساچا مندر دئے سُہائیا۔ گوبِند شبد کہے مَیں بھگتاں چاڑھاں رنگ، گُرمُکھاں دیاں وڈیائیا۔ سُہاواں آتم سیج پلنگ، جِس دی باڈھی بنت نہ کوئے بنائیا۔ تُوں میرا مَیں تیرا گاواں چھند، نِرنتر انتر اپنا نام جپائیا۔ بِن سوُریہ چند چاڑھ کے چند، نِرگُن نوُر کراں رُشنائیا۔ خوشی کراواں بند بند، بندھن کوُڑا دیاں تُڑائیا۔ ننگی ہون نہ دیواں کنڈ، پُشت پناہ اپنا ہتّھ رکھائیا۔ جو گُرمُکھ گُرسِکھ میرا دوارا آوے لنگھ، شؤہ دریا نہ کوئے ڈُبائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ساچا گھر اِک سُہائیا۔ گوبِند شبد کہے مَیں گُرسِکھ پار اُتاراں پوُر، پوُرب لہنا سدا چُکائیا۔ سد وساں حاضر حضوُر، دوُر دُراڈا پندھ مُکائیا۔ ناتا توڑ کے کوُڑو کوُڑ، سچ سُچ وِچ سمائیا۔ پریم پریِتی بخش چرن دھوُڑ، دُرمت مَیل دیاں دھوائیا۔ رنگ چاڑھ اگمّا گوُڑھ، لالن لال لَواں اُپجائیا۔ جوتی جوت سروُپ ہرِ، آپ اپنی کِرپا کر، نام نِدھانا دے کے تُریا توں پرے تُور، تُرت اپنا گھر وکھائیا۔ گوبِند کہے مَیں گُرمُکھاں دا آد جُگادی سجّن، میِت پیارا دُھر دا نظری آئیا۔ چرن دھوُڑ کراواں مجن، پتت پُنیِت دیاں بنائیا۔ لوکمات لجیا آواں رکھن، کلجُگ ہوواں آپ سہائیا۔ بیڑا لاواں پتن، کھیوٹ کھیٹا ہو کے سیو کمائیا۔ گُرمُکھاں دے اندر آواں وسن، نِج آتم بہہ کے سوبھا پائیا۔ پُرکھ اکال دیِن دَیال دا میلا آواں دسّن، سگلا سنگ بنائیا۔
تیِر انیالا آواں کسن، چِلہ دُھر دا نام بنائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، صاحب سوامی انترجامی گھٹ نِواسی پُرکھ ابناشی مِہربان محبوُب مِہر نظر اِک اُٹھائیا۔ گوبِند کہے جن بھگت گُرمُکھ میرا میِت، آتم پرماتم جوڑ جُڑائیا۔ گھر وکھا کے ٹھانڈا سیِت، سچکھنڈ دوار دیاں جنائیا۔ جِتھے بَیٹھا رہواں اتیِت، ترےَگُن وِچ کدے نہ آئیا۔ جھگڑا رہے نہ اوُچ نیِچ، ذات پات نہ ونڈ ونڈائیا۔ اِکو پُرکھ اکال دا سوہنا سُہنجنا گیِت، گا گا شُکر منائیا۔ آتم پرماتم دسّ اگمّی پریِت، پتپرمیشور دیاں مِلائیا۔ جھگڑا رہے نہ مندر مسیِت، درگاہ ساچی وجےّ ودھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ہرِ سَتگُر اپنے ہتّھ رکھے وڈیائیا۔ گوبِند سَتگُر کہے گُرمُکھ آ وس میرے نیڑے، نیرن نیرا نظری آئیا۔ کلجُگ کوُڑی کِریا مُکاواں جھیڑے، جھگڑا اوَر رہے نہ رائیا۔ گرِہ وکھاواں ساچے کھیڑے، بند کِواڑی کُنڈا لاہیِا۔ پُرکھ اکال چڑھاواں بیڑے، نئیا نؤکا اِکو نام وکھائیا۔ کلجُگ کوُڑی رَین مِٹ جان سرب اندھیرے، اندھ اگیان دیاں گوائیا۔ گھر اِکو وسن گُروُ گُر چیرے، چیلا گُر اپنا کھیل وکھائیا۔ بھیو رہے نہ تیرے میرے، تُوں میرا مَیں تیرا اِکو رنگ دیاں رنگائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، سچ سندیشہ نر نریشا نِرگُن سرگُن آپ سمجھائیا۔ گوبِند کہے گُرسِکھ تیرا میرا اِکو روُپ، نوُر نوُر وِچوں پرگٹائیا۔ دُھر دا مالک سب دا بھوُپ، پتپرمیشور نظری آئیا۔ جِس دا کھیل چارے کوُٹ، دہ دِشا حُکم ورتائیا۔ کلجُگ کوُڑی کِریا میٹے جھوُٹھ، سَت دھرم دئے اُپجائیا۔ گُرمُکھ بنائے اپنے پوُت، دھرم سپوُتے گود اُٹھائیا۔ گرِہ وکھائے اوُچو اوُچ، محل اٹل ہووے رُشنائیا۔ جھگڑا رہے نہ دُتیا دوُج، دوُآ ایکا پڑدا دئے چُکائیا۔ گُرمکھاں دیوے ساچی سوُجھ، رمز سمجھ وِچ لگائیا۔ کر پرکاش کایا پنج بھوُت، پنچم شبد دُھن کرے شنوائیا۔ گھر سوامی کرے بِبیک بُدھ، ٹھاکر ہو کے اپنی دَیا کمائیا۔ وست امولک دیوے سب کُچھ، نام نِدھانا جھولی پائیا۔ جِس گوبِند نوُں یاد کردے رہے چارے جُگ، سَتجُگ تریتا دواپر کلجُگ انت اَخیِر دھیان لگائیا۔ سو صاحب سُہیلا اِک اَکیلا شبدی دھار نِراکار نِروَیر ہو کے بھگتاں جائے پُج، دوُر دُراڈا پندھ مُکائیا۔ اندر وڑ کے مندر چڑھ کے دیِن دُنی نالوں بدل دیوے رُخ، رہبر ہو کے رستہ اپنا آپ سمجھائیا۔ پریم پیار مُحبّت وِچ گودی لئے چُک، چار ورن اٹھاراں برن ڈیرہ ڈھاہیِا۔ سچ دوار بنا کے اپنا سُت، سوئی سُرتی لئے جگائیا۔ نال مِلا کے ابناشی اچُت، گُرمُکھ چاترک ترِکھا دئے بُجھائیا۔ گوبِند سَتگُر گُرمُکھاں سدا دیوے سُکھ، جگت دُکھاں ڈیرہ
ڈھاہیِا۔ دیِن دُنی وِچوں اُجل کرے مُکھ، جو گُرمُکھ گوبِند گائیا۔ سفل کرے جننی کُکھ، دھنّ دھنّ جنیندی مائیا۔ انت دے کے ساچی اوٹ، اوڑک اپنا رنگ چڑھائیا۔ کر پرکاش نِرمل جوت، جوتی جوت جوت رُشنائیا۔ آون جاون لکّھ چؤراسی جنم مرن گُرمُکھاں میٹے سوچ، آسا منسا پوُری کر کے لوچ، لوچن اپنے نال جُڑائیا۔ ایتھے اوتھے دو جہاناں سچکھنڈ دوارے دیوے دُھر دی مؤج، مجلس پربھ دے نال لگائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیر سِنگھ وِشنوُں بھگوان، کر پرکاش نِرمل جوت، جن بھگتاں گُرمُکھاں گُرسِکھاں ساچے سنتاں پار کرائے چؤداں لوک، پرلوک توں پرے نِرگُن ہرے نِروَیر نِراکار اپنے گھر لئے وسائیا۔
۲۴ ماگھ شہنشاہی سمت ۲ کرم سِنگھ دے گرِہ پِنڈ پِپلی ضِلع فِروزپُر
دُھر سندیشہ دیوے سِری بھگوان، سچکھنڈ نِواسی پُرکھ ابناشی اگمّی شبد الائیا۔ نِرگُن دھاروں گُر اوتار پَیغمبر ہووو سوادھان، پاربرہم پتپرمیشور بےپرواہ اپنا حُکم ورتائیا۔ بِن نیتر لوچن نیَن اکّھ مارو دھیان، برہمنڈ کھنڈ پُری لوء آکاش پاتال مات لوک دھیان لگائیا۔ نؤ کھنڈ پرتھمی ستّ دیِپ سرِشٹی دی درِشٹی اندر رہیا نہ سَت گیان، مایا ممتا موہ وِکار ہوئی ہلکائیا۔ چار ورن اٹھاراں برن صِدق صبوُری دِسے نہ کوئے اِیمان، نِرگُن نِروَیر نِراکار نِرنکار درس کوئے نہ پائیا۔ شاستر سِمرت وید پُران انجیل قُرآن کھانی بانی پڑھ پڑھ تھکا جیِو جنت جہان، جاگرت جوت بِن ورن گوت گرِہ مندر اندر ویکھن کوئے نہ پائیا۔ دیِن دُنی اوُچ نیِچ راؤ رنک ذات پات شرع ہوئی شیَطان، آتم برہم پاربرہم بھیو نہ کوئے کُھلائیا۔ سَتجُگ تریتا دواپر کلجُگ بھوِکھتاں وِچ جو دے کے آئے بیان، دُھر سندیشہ نام نِدھانا سِری بھگوانا اِک جنائیا۔ تِس کلمے دی کرے نہ کوئے پہچان، منزل حقیِقی چڑھ چوٹی جڑ بھیو نہ کوئے مِٹائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچکھنڈ نِواسی اپنا حُکم ورتائیا۔ گُر اوتار پَیغمبر لوکمات ویکھو مار جھات، جھاکی دُھر دی آپ جنائیا۔ مانَو مانَو دِسے نہ کوئے اِتفاق، پریم پریِتی سچ نہ کو نِبھائیا۔ چار کُنٹ دہ دِشا دِسے اندھیری رات، نِرگُن نوُری چند نہ کوئے چمکائیا ۔ جو لیکھا لِکھ کے آئے نال شاہی قلم دوات، دُھر فرمانا اِک دِرڑائیا۔ سچ پریم دی پا کے آئے راس، نِرگُن سرگُن گوپی کاہن نچائیا۔ سِمرن دسّ کے آئے پوُجا پاٹھ، جوگ ابھیاس
جگت جُگت جنائیا۔ سچ سروور دسّ کے آئے تیِرتھ تاٹ، امرت رس سوبھا پائیا۔ کلجُگ جیِو جنت انتر نِرنتر کرے نہ کوئی واس، ناتا سارے رہے تُڑائیا۔ جا کے ویکھو کھیل پرِتھمی آکاش، گگن گگننتر کھوج کھوجائیا۔ دھرنی دھرت دھوَل صدی چؤدھویں ہوئی اُداس، بِہبل ہو کے دئے دُہائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، دُھر دا حُکم اِک دِرڑائیا۔ گُر اوتار پَیغمبر جا کے ویکھو دیِن دُنی، نوَ ستّ کھوج کھوجائیا۔ سچ پُکار کِسے نہ جائے سُنی، شاہ کنگال روون مارن دھائنیا۔ منزل چڑھیا دِسے نہ کوئے رِشی مُنی، بھیو ابھیدا نہ کوئے کُھلائیا۔ کایا مندر اندر کِسے نہ اُپجے اگمّی دُھنی، آتمک راگ نہ کوئے سُنائیا۔ جگت وِدیا سرِشٹی بنی گُنی، پڑدا اوہلا انتر نہ کوئے اُٹھائیا۔ مایا ممتا موہ وِچ رُلی، دھیِرج دھیِر نظر کوئے نہ آئیا۔ بھاگ لگّا دِسے نہ کِسے کایا کُلیّ، محل اٹل سوبھا کوئے نہ پائیا۔ من واسنا درِشٹی بُھلی، سرِشٹی اِشٹ حق نہ کوئے منائیا۔ جیہڑی نام وست دے کے آئے انمُلی، بِن قیِمت مات ورتائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ سندیشہ نر نریشا نِروَیر نِراکار نِرنکار آپ سُنائیا۔ گُر اوتار پَیغمبر جا کے ویکھو اپنے دیِن مذہب، محبوُب مُحبّت وِچ سُنائیا۔ نوَ ستّ دِسے غضب، گہر گمبھیِر ویکھ وکھائیا۔ کلجُگ کوُڑی کِریا سب نوُں کیِتا تعجُب، حَیرانی وِچ لوکائیا۔ مندر مسجد مٹھ شِودوالے گُروُدوار رہیا کوئے نہ ادب، سیِس جگدیِس نہ کوئے نِوائیا۔ سچ دوارے چلے کِسے نہ قدم، قُدرت دا قادر مِل کے خوشی نہ کوئے منائیا۔ من واسنا سارے کرن تصادم، عدل اِنصاف ہتّھ کِسے نہ آئیا۔ دُھر دے نام دی نِراکھّر دھار پڑھے کوئی نہ غزل، نغمہ نام نہ کوئے سُنائیا۔ صدی چؤدھویں سب دے سِر اُتے کوُکے اجل، کال نگارہ رہیا وجائیا۔ جا کے دیِن دُنی دی عادت عبادت وِچ دیؤ بدل، کوُڑی کِریا میٹو کوُڑی شاہیا۔ لیکھا چُکے مقتوُل قاتل، قتل گاہ ڈیرہ ڈھاہیِا۔ درگاہ ساچی دھام نیارا سچکھنڈ وکھاؤ اِکو پتن، جِتھے کھیوٹ کھیٹا بَیٹھا بےپرواہیِا۔ جو آد جُگاد جُگ چؤکڑی نِت نوِت نِرگُن سرگُن جن بھگتاں آوے پَیج رکھن، ویس انیکا اپنا روُپ وٹائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، دُھر دا حُکم اِک سمجھائیا۔ گُر اوتار پَیغمبر نؤ کھنڈ پرِتھمی ویکھو دیِپ ستّ، سَت سَتوادی آپ جنائیا۔ کِسے ہِردے اندر رہی نہ برہم مت، برہم پاربرہم مِل کے وجےّ نہ کوئے ودھائیا۔ ناڑ بہتّر اُبلے رتّ، اگنی تت سرب جلائیا۔ نِج نیتر گیان کُھلے کِسے نہ اکّھ، پرتکھ ملِے نہ پربھ گوسائنیا۔ آتم پرماتم توں ہوئی وکّھ، پڑدا دُئی نہ کوئے چُکائیا۔ کلجُگ کوُڑ کُڑیار کھولیا ہٹّ، من ونجارا ترِشنا رہیا ورتائیا۔ دُئی
دوَیت شرع شرعیت میٹے کوئی نہ پھٹّ، پٹّی نام نہ کوئے بندھائیا۔ دُرمت مَیل چار ورن اٹھاراں برن سکے کوئی نہ کٹ، کٹاکش تیِر نہ کوئے چلائیا۔ دُھر فرمانا سچ سندیشہ ساچا دیؤ دسّ، دہ دِشا کر پڑھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، دُھر سندیشہ نر نریشا نِرگُن اِکو اِک سُنائیا۔ گُر اوتار پَیغمبر ویکھو جا کے مندر مسجد شِودوالے مٹھ گُروُدوار، دھرنی دھرت دھوَل اُپر کھوج کھوجائیا۔ پنڈت پاندھے مُلّا شیخ گرنتھی پنتھی پاوو سار، اندر وڑ کے مندر چڑھ کے کھوج کھوجائیا۔ سب دے انتر کام کرودھ لوبھ موہ ہنکار، سَت وِچ سَت نہ کوئے سمائیا۔ پڑھ پڑھ تھکے وید چار، پُران اٹھاراں ڈھولا گائیا۔ گیِتا گیان کر اُچار، اٹھاراں دھیائے ڈنک وجائیا۔ انجیل قُرآناں بول نعر، حقیِقت حق حق سُنائیا۔ بانی بان انیالا دسّن جگت ہٹھیار، من کا منکا نہ کوئے بھوائیا۔ سب دے انتر وِسریا کرتار، قُدرت دا مالک نظر کِسے نہ آئیا۔ چار کُنٹ دِسے وِبھچار، جھگڑا پیا پُرکھ نار، پِتا پوُت نہ کوئے وڈیائیا۔ آتم پرماتم مِل کے ہوئے نہ کوئے منگلاچار، جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، دُھر دی دھار اِک سمجھائیا۔ گُر اوتار پَیغمبر ویکھو کلجُگ جا کے کوُڑ پکھنڈ، چاروں کُنٹ نظری آئیا۔ آتم سب دی ہوئی رنڈ، ہرِ کنت نہ کوئے ہنڈھائیا۔ دُھر دا ملِے نہ پرمانند، نِجانند نہ کوئے رسائیا۔ جوتی نوُر نہ چمکے چند، اندھ اندھیر نہ کوئے مِٹائیا۔ تُوں میرا مَیں تیرا آتم پرماتم گائے کوئے نہ چھند، بھرمے بُھلی سرب لوکائیا۔ دُئی دوَیتی ڈھاہے کوئی نہ کندھ، پڑدا اندروں نہ کوئے اُٹھائیا۔ کایا چولی چڑھے کِسے نہ رنگ، دُرمت مَیل نہ کوئے دھوائیا۔ آون جاون لکّھ چؤراسی مکُے کِسے نہ پندھ، لیکھا اگلا نہ کوئے مُکائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ساچا کھیل آپ سمجھائیا۔ گُر اوتار پَیغمبر کلجُگ اندر سَتجُگ دسّو ساچی دھار، دھرم دوارا اِک وکھائیا۔ ساچا شبد بولو اِک جَیکار، نام نِدھانا دینا سُنائیا۔ ذات پات دیِن مذہب اوُچ نیِچ راؤ رنک راج راجان شاہ سُلطان جھگڑا رہے نہ وِچ سنسار، آتم برہم برہم ویتا جنائیا۔ مانَو مانَو ہووے اِک پیار، منُکھتا وِچ منُکھ کرے نہ کوئے لڑائیا۔ سب دا اِشٹ ہووے ایکا ایکنکار، اکل کل دھاری اِکو نظری آئیا۔ جِس دا نوُر ظہوُر تیئی اوتار، عیسیٰ موُسیٰ محمد نانک گوبِند جوت کرے رُشنائیا۔ بھگت اٹھاراں دے آدھار، صوُفی سنت میل مِلائیا۔ سو سوامی انترجامی گھٹ نِواسی پُرکھ ابناشی سرب جیِاں دا سانجھا یار، پروردِگار نوُر خُدائیا۔ سَتجُگ ساچا سچ دھرم کرے جَیکار، کلجُگ کوُڑ کُڑیارا ڈیرہ ڈھاہیِا۔ حُکم اندر حُکم ورتے اگمّ اپار، نہ کوئی میٹے میٹ مِٹائیا۔
جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیر سِنگھ وِشنوُں بھگوان، آد جُگاد جُگ چؤکڑی برہم برہماد دیونہار سچّا فرمان، حُکمران اِکو نظری آئیا۔
۲۴ ماگھ شہنشاہی سمت ۲ جرنیل سِنگھ دے گرِہ پِنڈ ڈوم والی
پُرکھ اکال کہے گُر اوتار پَیغمبرو کلجُگ کوُڑی کِریا ویکھو سماج، نؤ کھنڈ پرِتھمی ستّ دیِپ کھوج کھوجائیا۔ مایاَدھاری بھرمے بُھلے سنت سادھ، مُلّا شیخ پنڈت پاندھا حقیِقت وِچ نہ کوئے سمائیا۔ دُرمت مَیل اندروں دھووے کوئی نہ داغ، باہروں بگ بپڑا روُپ سرب وٹائیا۔ من واسنا چار کُنٹ دہ دِشا سرِشٹی دی درِشٹی کرے ناچ، سانتک سَت نہ کوئے ورتائیا۔ ہؤمے ہنگتا لگّی آنچ، تن وجوُد رہی جلائیا۔ دوارے وسے کِسے نہ ساچ، جوُٹھ جھوُٹھ گھر گھر ڈیرہ لائیا۔ سَتگُر شبد سکے کوئی نہ واچ، رسنا جِہوا بتّی دند پڑھ پڑھ تھکی سرب لوکائیا۔ کوُڑی کِریا میٹے نہ کوئی اندھیری رات، صدی چؤدھویں رہی کُرلائیا۔ سَتجُگ تریتا دواپر کلجُگ جو دسّ کے آئے گاتھ، سو سِمرن ہِردے ہرجن نہ کوئے وسائیا۔ پرم پُرکھ پرماتم آتم ملِے نہ کوئے پُرکھ ابناش، کرنی دا کرتا ناتا نہ کوئے جُڑائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، حُکمے اندر حُکم سمجھائیا۔ پُرکھ اکال کہے گُر اوتار پَیغمبرو جا کے ویکھو بِن اکّھاں اکّھ کھول، دُھردرگاہی آپ جنائیا۔ ساچے کنڈے تُلیا نہ کوئے تول، آپ اپنا بَیٹھے گوائیا۔ جو میرے نام دا مار کے آئے ڈھول، دیِن دُنی جگت سُنائیا۔ سو وست رہی نہ کِسے کول، کایا ماٹی بھانڈے خالی نظری آئیا۔ کلجُگ من واسنا ماریا رول، ممتا وِچ دُنی کیِتی ہلکائیا۔ اِس دا بھیو کوئی سمجھ نہ سکے پاندھا رؤل، مُلّا شیخاں رمز نہ کوئے لگائیا۔ تُسیں ہر گھٹ انتر جا کے ویکھو مؤل، دُھر دا مؤلا حُکم سُنائیا۔ جو بھوِکھتاں وِچ سَتجُگ تریتا دواپر کلجُگ تُہاڈے نال کیِتا قؤل، اِقرارنامہ رہیا وکھائیا۔ جھگڑا پیا اُپر دیِن دُنی دھؤل، دھرت دھوَل دھرم دا راہ تکائیا۔ کوئی کرے نہ بھار ہؤل، مِہر نظر نہ کوئے اُٹھائیا۔ جوتی جوت سروُپ ہرِ، آپ اپنی کِرپا کر، دُھر فرمانا اِک سُنائیا۔ گُر اوتار پَیغمبرو دھرتی دی سُنو کوُک، کوُک کوُک سُنائیا۔ جگت ترِشنا دِتا پھوُک، اگنی تت تپائیا۔ سانت رہیا نہ چار کوُٹ، کوُڑ کُٹمب وجّی ودھائیا۔ سَت دھرم کر گیا کوُچ، کوُچا گلی
دیوے گواہیِا۔ پریم رہیا نہ کِسے کایا پنج تت بھوُت، بھوِکھت اپنی شہادت رہیا بُھگتائیا۔ تُہاڈا پریم پیار سب دے اندروں گیا روُٹھ، کروٹ سکے نہ کوئے بدلائیا۔ چار ورن اٹھاراں برن ناتا جُڑیا جوُٹھ جھوُٹھ، پنچ وِکارا نال ہلکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سَت سَتوادی کھیل وکھائیا۔ گُر اوتار پَیغمبرو جا کے ویکھو مندر مسجد شِودوالے مٹھ، بچیا رہن کوئے نہ پائیا۔ جھگڑا ویکھو تیِرتھ اٹھسٹھ، گنگا گوداوری جمنا سُرستی دئے دُہائیا۔ سادھاں سنتاں ویکھو دھیِرج جت، سَت سَتوادی رہیا سمجھائیا۔ مانَو ذاتی ویکھو برہم مت، کوَن پربھ نوُں مِل کے اپنا رنگ بنائیا۔ من واسنا اگّ لگّی ویکھو اٹھ تت، تتو تت رہی جلائیا۔ حُکم دیوے پُرکھ سمرتھ، نہ کوئی میٹے میٹ مِٹائیا۔ آ کے مَینوُں دسّنا سچ، پڑدا اوہلا نہ کوئے جنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سَت سَتوادی حُکم ورتائیا۔ پُرکھ اکال کہے گُر اوتار پَیغمبرو اُٹھ کے جاؤ نَٹھ، ویلا وقت گیا آئیا۔ کلجُگ کوُڑی کِریا کھیڑا کرنا بھٹّھ، بھانڈا بھرم بھؤ بھنائیا۔ سَت دھرم دا نَواں کھولنا ہٹّ، سَتجُگ ساچا اِک اُپجائیا۔ چار ورناں اٹھاراں برناں اِکو نام دینا دسّ، بِنا پُرکھ اکال دوُجا اِشٹ نہ کوئے رکھائیا۔ جو گوبِند دے کے آیا مت، سو پڑدا دینا اُٹھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ سندیشہ نر نریشا نِرگُن سرگُن آپ سمجھائیا۔ گُر اوتار پَیغمبرو جاؤ بِنا قدم، تن وجوُد نظر کوئے نہ آئیا۔ تُہاڈا نہیں کوئی تتّاں والا بدن، جوتی شبدی دھار کھیل کھِلائیا۔ جا کے مات لوک ویکھو وطن، بےوطناں دیؤ سمجھائیا۔ کلجُگ کوُڑی کِریا لگّی اگن، انت اَخیِر نہ کوئے بُجھائیا۔ شاستر سِمرت وید پُران انجیل قُرآن کھانی بانی پڑھ پڑھ کرن بہُیتن، یتھارتھ دُھر دا رنگ نہ کوئے رنگائیا۔ بِن کِرپا انتر آتم لگّے کِسے نہ لگن، نِج نیتر لوچن نیَن اکّھ نہ کوئے رُشنائیا۔ کوُڑ نگارے ہر گھٹ اندر وجّن، سَت دھرم نہ کوئے شنوائیا۔ سچ پریم دی اِکو جا کے دسّو بندن، بندگی سجدہ میرا نام سمجھائیا۔ دیِن دَیال صاحب پُرکھ اکال سدا بخشندن، بخشنہار بخشش رحمت اپنی آپ کمائیا۔ جُگ چؤکڑی گُر اوتار پَیغمبر حُکمے اندر کرے نہ کوئے اُلنگھن، بھانے وِچ سارے بَیٹھن سیِس نِوائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیر سِنگھ وِشنوُں بھگوان، سَت دھرم دا جنائے اِکو بھجن، بھاؤ بھاوَ بھگتی اپنے وِچوں پرگٹائیا۔
۲۴ ماگھ شہنشاہی سمت ۲ جاگیِر کؤر دے گرِہ پِنڈ کھوپر
پُرکھ اکال کہے گُر اوتار پَیغمبرو کرو صلاح، مشورہ نِرگُن دھار جنائیا۔ سرِشٹ سبائی دسّو راہ، رہبر ہو کے پڑدا دینا چُکائیا۔ دیِن دُنی بنو ملاح، بیڑا اپنے کندھ اُٹھائیا۔ سچ جَیکارا دینا سُنا، انسُنت راگ الائیا۔ گھر گھر انتر ویکھنا جا، نِرنتر پندھ مُکائیا۔ چار جُگ دی بانی بنے گواہ، شہادت دُھر دی دئے بُھگتائیا۔ لیکھا ویکھنا تھاؤں تھاں، تھان تھننتر پھول پھولائیا۔ پُرکھ اکالا رہیا دِرڑا، دیِن دَیالا دَیا کمائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، بھیو ابھیدا آپ جنائیا۔ بھیو ابھیدا کھولے آپ، اپنے ہتّھ رکھے وڈیائیا۔ گُر اوتار پَیغمبراں حُکم دیوے ساکھیات، ظاہر ظہوُر کرے شنوائیا۔ لکّھ چؤراسی جیِو جنت ویکھو روُح بُت ماٹی خاک، تن وجوُد کھوج کھوجائیا۔ کوَن دوارے کُھلا تاک، کوَن گرِہ وجےّ سچ ودھائیا۔ کوَن کرے کوُڑ بلاس، کوَن ممتا وِچ ہلکائیا۔ کوَن رکھے اِکو آس، پیاس پریم وکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، پُرکھ اکالا دیِن دَیالا ٹھاکر سوامی دُھر دی دھارا اِک جنائیا۔ گُر اوتار پَیغمبر رہن دینا کوئی نہ پڑدا، اوہلا نظر کوئے نہ آئیا۔ حال ویکھنا گرِہ گرِہ گھر گھر دا، بند کِواڑی کُنڈا لاہیِا۔ کؤن ساچا منتر نام پڑھدا، ہِردے ہرِ وسائیا۔ کؤن بھے وِچ پِھرے ڈردا، سیِس جگدیِش جھُکائیا۔ کؤن اگنی تت ہووے سڑدا، کام کرودھ لوبھ موہ ہنکار ہلکائیا۔ کؤن جگت وِکارے ہووے لڑدا، خُدی تکّبر جوڑ جُڑائیا۔ کؤن میری منزل ہووے چڑھدا، ساچے پؤڑے اپنا قدم ٹِکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، دُھر دا کھیل اِک جنائیا۔ گُر اوتار پَیغمبر کِسے دی رہن نہ دینی خُدی، خادم ویکھنے چائیں چائنیا۔ پتت رہے کوئی نہ بُدھی، وِویکی بھیو دینا کُھلائیا۔ انتر پھول کے ویکھنی رُچی، پڑدا اوہلا آپ اُٹھائیا۔ کلجُگ دھار رہے نہ دوُجی، دُتیا بھاؤ دینا مِٹائیا۔ دُھر پیار وِچ رہے کوئی نہ دُکھی، دُکھ سُکھ وِچ بدلائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ساچا حُکم اِک جنائیا۔ گُر اوتار پَیغمبر جا کے ویکھو دُھر دی سِکھیا، سرِشٹ سبائی پھول پھولائیا۔ پوُرب ویکھو اپنا لِکھیا، بھوِکھت دئے گواہیِا۔ من واسنا جگ جیِو کوَن جِتیا، جاگرت جوت وِچ سمائیا۔ پُرکھ اکال منّ پِتیا، پتپرمیشور اوٹ تکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، دیونہارا ساچا ور، ہرِ ساجن دَیا کمائیا۔ گُر اوتار پَیغمبر اُٹھ کے جاؤ جلدی، جل تھل مہیئل ویکھ وکھائیا۔ دیِن
دُنی اگّ بلدی، بالوُ ریت رہی تپائیا۔ من واسنا سب نوُں چھلدی، اچھل چھل سمجھ کِسے نہ آئیا۔ دھار دسّو نِہچل دھام اٹل دی، مارگ اِکو اِک وکھائیا۔ اؤدھ مکُے انتم کلجُگ کوُڑے کل دی، اَگے اوَر نہ کوئے وڈیائیا۔ دھار پیاؤ امرت رس اگمّی جل دی، بوُند سوانتی اِک ٹپکائیا۔ کِسے خبر نہیں اجّ کلّ دی، بھرماں وِچوں بھرم نہ کوئے مِٹائیا۔ جو آتم پرماتم نال رلدی، تِس دا رستہ دینا دِرڑائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیر سِنگھ وِشنوُں بھگوان، کھیل جانے جل تھل دی، مہیئل اپنا حُکم ورتائیا۔
۲۵ ماگھ شہنشاہی سمت ۲ بلبیر سِنگھ سریس والا ضِلع فِروزپُر
کلجُگ کوُڑی کِریا ویکھو کرنی، اپنی کار کمائیا۔ پربھ دی پئے کوئے نہ سرنی، اوٹ اِک نہ کوئے تکائیا۔ جھگڑا پیا ورنی برنی، برہم مت نہ کوئے سمجھائیا۔ آتم پرماتم ملِے تُک نہ پڑھنی، شاستر سِمرت ڈھولے گائیا۔ منزل حقیِقی ملِے نہ چڑھنی، جگت واسنا پندھ نہ کوئے مُکائیا۔ ساچی تاری ترے نہ کوئی ترنی، جگت ساگر پار نہ کوئے کرائیا۔ جوتی جوت سروُپ ہرِ، آپ اپنی کِرپا کر، ساچا کھیل ویکھ وکھائیا۔ ساچا کھیل کلجُگ کوُڑی دھار، کوُٹ کوُٹ کُرلائیا۔ کوُڑ کوُڑ پسار، کُٹمب دئے دُہائیا۔ کِسے ملِے نہ میِت مُرار، ہرِ سجّن دُھر درگاہیِا۔ دیِن دُنی روندی زارو زار، گِریازار لوکائیا۔ چاروں کُنٹ دھوُاں دھار، بھرمیِاں بھرم بُھلائیا۔ مستک دھوُڑی کِسے نہ ملِے چھار، ٹِکاّ نام نہ کوئے لگائیا۔ سچ دوارے دیوے نہ کوئے آدھار، سِر ہتّھ نہ کوئے ٹِکائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ساچا کھیل آپ کھِلائیا۔ ساچا کھیل کھیلن جوگ، جُگتی اپنی آپ بنائیا۔ ہؤمے لا کے سرِشٹی روگ، ہنگتا وِچ پھسائیا۔ گھر گھر دے کے چِنتا سوگ، غمی وِچ تپائیا۔ ساچی ملِے نہ کِسے مؤج، ہرِ کا پریم نہ کوئے کمائیا۔ بُدھی ہوئے نہ کوئی بودھ، بھیو ابھید نہ کوئے کُھلائیا۔ من واسنا دُنیا چُگے چوگ، ترِشنا ترِپت نہ کوئے کرائیا۔ پُرکھ اکال ملِے کِسے نہ اوٹ، ساچی سرن نہ کوئے لگائیا۔ بِن ہرِ کِرپا انتر نِکلے کِسے نہ کھوٹ، کھوٹے کھرے نہ کوئے بنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیر سِنگھ وِشنوُں بھگوان، کھیل کھیلے نِرگُن جوت، جگت جُگ جگ جیِو سمجھ کِسے نہ آئیا۔
۲۵ ماگھ شہنشاہی سمت ۲ چرنجیِت کؤر دے گرِہ بہاؤندی ضِلع حِسار
گُر اوتار پَیغمبر پوُرب ویکھو بھوِکھت، پاربرہم پتپرمیشور پروردِگار آپ جنائیا۔ بھیو ابھیدا کھولو سبائی سرِشٹ، پڑدا اوہلا کایا ماٹی تن وجوُد رہے نہ رائیا۔ تُوں میرا مَیں تیرا آتم پرماتم سمجھاؤنا ایکا اِشٹ، اِشٹ دیو آتما پرماتم نال مِلائیا۔ من واسنا کوُڑی کِریا رہے نہ کوئے بھرِشٹ، بُدھ بِبیک دینی کرائیا۔ نِج نیتر نِج گھر اندر مندر وڑ کے لَینا ویکھ، پڑدا اوہلا کایا چولا دینا اُٹھائیا۔ بھرمے بُھلا رہے نہ کوئی پنڈت پاندھا مُلّا شیخ، جگت وِدیا واسنا وِچ نہ کوئے ہلکائیا۔ چار کُنٹ دہ دِشا لکّھ چؤراسی مندر وڑ کے ویکھو جا درویش، در در گھر گھر ایکا الکھ جگائیا۔ جن بھگتاں سنگ کرنا اگمّا ہیت، گُرمُکھ گُرسِکھ ہرجن صوُفی سنت فقیِر اپنے رنگ رنگائیا۔ جو سچ پریِتی اندر اپنا آپ کر کے بَیٹھا بھیٹ، بھجن بندگی سِمرن پوُجا اپنے انتر رہیا دسائیا۔ جِس نوُں جوتی جلوہ نِرگُن دھارا دینا تیج، اپ تیج وائے پرِتھمی آکاش پنجاں تتّاں کرنی رُشنائیا۔ آتم پرماتم سُہاؤنی ساچی سیج، شبد انادی دُھن آتمک راگ الائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، صاحب سوامی انترجامی پُرکھ اکالا دیِن دَیالا پروردِگار بےپرواہ اپنا حُکم ورتائیا۔ گُر اوتار پَیغمبر اپنا بھوِکھت لؤ وِچار، من مت بُدھی توں پرے دسائیا۔ جو لِکھ کے آئے سدا جُگ چار، چؤکڑی اپنا حُکم ورتائیا۔ سو ویلا وقت پہنچیا آن، دو جہان دین گواہیِا۔ حُکم سندیشہ سُنو سِری بھگوان، ہرِ کرتا آپ دِرڑائیا۔ چار کُنٹ دہ دِشا کوُڑی کِریا میٹو نِشان، سچ دھرم دا مارگ دیؤ لگائیا۔ تُوں میرا مَیں تیرا آتم پرماتم پاربرہم برہم درِشٹی اندر دے گیان، ایکا دوُجا بھؤ دینا چُکائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، صاحب سَتگُر ٹھانڈا سیِتا، دُھر دا میِتا اِک اِکلّا ایکنکار کرنی اپنی آپ جنائیا۔ گُر اوتار پیِر پَیغمبر کلجُگ دیِن دُنی بدل دیؤ ریِت، مندر مسیِت بھیو کُھلائیا۔ سچ سُنیہڑا دسّو گیِت، گوبِند گُر گُر اِک جنائیا۔ جھگڑا رہے نہ اوُچ نیِچ، دیِن مذہب نہ کوئے لڑائیا۔ ترےَگُن مایا وِچوں کرنا اتیِت، ترےَ بھَون دھنی حُکم سُنائیا۔ کایا ماٹی تن وجوُد کرنا ٹھانڈا سیِت، اگنی تت نہ کوئے تپائیا۔ من واسنا سب دی لیَنی جیِت، دہ دِشا نہ اُٹھ اُٹھ دھائیا۔ ایکا رنگ رنگاؤنا ہست کیِٹ، جوتی جوت سروُپ ہرِ، آپ اپنی کِرپا کر، دیونہارا ساچا ور، دیِن دَیالا پُرکھ اکالا پروردِگار سانجھا یار درگاہ ساچی مقامے حق اپنی ساچی کار کمائیا۔ گُر اوتار پَیغمبر جا کے کرو خیال، حُکم حُکم وِچ جنائیا۔ کوُڑی کِریا رہے
نہ کوئے دلال، شبد وِچولا اِک بنائیا۔ حقیِقت دسّنی حق حلال، بےمثال دُھر دا راہ سمجھائیا۔ کلجُگ اندر سَتجُگ بدل دینی چال، چال نِرالی اِک وڈیائیا۔ جو سنت سُہیلے سَتجُگ تریتا دواپر کلجُگ دُھر دے نام دی گھالنا آئے گھال، کیِتی گھال لیکھے لیَنی لگائیا۔ سچکھنڈ دوار وکھاؤنا اِکو دھرم سال، دوُجا در نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ سندیشہ نر نریشا نر ہرِ اپنا اِک سمجھائیا۔ گُر اوتار پَیغمبر جا کے لَینا کھوج، ہرِ کھوجی رہیا جنائیا۔ پریم پیار دا دسّنا چوج، چوجی پریِتم دئے وڈیائیا۔ نِج نیتر کھولنا لوچ، لوئن اِکو دینا وکھائیا۔ آتم پرماتم دینی مؤج، کوُڑی کِریا ڈیرہ ڈھاہیِا۔ تُوں میرا مَیں تیرا آتم پرماتم دسّنا اِک سلوک، سوہلا دُھر دا اِک دِرڑائیا۔ جھگڑا رہے نہ چؤداں لوک، چؤداں طبقاں پندھ مُکائیا۔ چؤداں وِدیا سکے کوئی نہ روک، الف یہ ونڈ نہ کوئے ونڈائیا۔ سچکھنڈ دوارا دسّنا اِکو دُھر دا کوٹ، بنک دوارا سچّا سوبھا پائیا۔ نام نِدھانا گھر گھر اندر لاؤنی چوٹ، سوئی سُرتی جگت اُٹھائیا۔ نِرمل پرکاش کرنا جوت، جوتی جاتا رہیا جنائیا۔ کلجُگ انت آلنیوں کلجُگ جیِو ڈِگے بوٹ، شبدی دھار کر پیار لَینے اُٹھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیر سِنگھ وِشنوُں بھگوان، لیکھا جانے لوک پرلوک، پرا پسنتی مدھم بَیکھری توں پرے اپنا حُکم سُنائیا۔
۲۵ ماگھ شہنشاہی سمت ۲ پُھلجیِت سِنگھ دے گرِہ چندھڑ کلاں
پُرکھ اکال کہے گُر اوتار پَیغمبرو جا کے ویکھو میرے داس، جو داستان میری رہے سُنائیا۔ جِنہاں دے اندر گُپت ظاہر وساں پاس، دِوس رَین گھڑی پل اپنا رنگ رنگائیا۔ نِرمل نوُر جوت کراں پرکاش، اندھ اندھیرا کوُڑ مِٹائیا۔ شبد اگمّی سُناواں ناد، انحد نادی دُھن اُپجائیا۔ بھیو کُھلا کے برہم برہماد، پاربرہم ہو کے نظری آئیا۔ بِن رسنا جِہوا کراواں یاد، صِفتاں وِچ صِفت وڈیائیا۔ کوُڑی کِریا کر برباد، سَت سچ جھولی پائیا۔ ترےَگُن بُجھاواں آگ، اگنی تت گوائیا۔ گھر میل مِلاواں سوامی کنت سُہاگ، پتپرمیشور دُھردرگاہیِا۔ ساچا کھیڑا ہووے آباد، رُت بسنت آپ بدلائیا۔ جوتی جوت سروُپ ہرِ، آپ اپنی کِرپا کر، دُھر سندیشہ اِک سمجھائیا۔ جن بھگت ویکھو میرا داس داسی، دہ دِشا
کھوج کھوجائیا۔ دیوے حُکم پُرکھ ابناشی، کرنی دا کرتا بےپرواہیِا۔ منڈل منڈپ ویکھو راسی، دو جہاناں کھوج کھوجائیا۔ ہر گھٹ اندر منزل چڑھو گھاٹی، نوَ دوارے پندھ مُکائیا۔ امرت بوُند ویکھو سوانتی، نِجھر جھِرنا جھِرے کِس کِس تھائنیا۔ میل مِلاواں کملاپاتی، پتِ پتونتا دُھردرگاہیِا۔ نام سندیشہ دیوو دُھر دی پاتی، نِراکھّر اکھّراں وِچ بدلائیا۔ جوتی جوت سروُپ ہرِ، آپ اپنی کِرپا کر، دُھر دا حُکم اِک جنائیا۔ داسی داس ویکھو میرا بھگت، لکّھ چؤراسی کھوج کھوجائیا۔ جِس دا سُہنجنا ہووے وقت، ویلا وقت دئے وڈیائیا۔ لیکھے لگّی ہووے بوُند رَکت، پنج تت ملِے وڈیائیا۔ انتر ہووے اِکو وست، نوُری نوُر نوُر رُشنائیا۔ بِن اکّھاں نِج نیتر دینا درس، ترِشنا کوُڑ جگت بُجھائیا۔ جوتی جوت سروُپ ہرِ، آپ اپنی کِرپا کر، مِہربان مِہر نظر اُٹھائیا۔ جو جن ہووے پربھ کا داس، آپ آپا بھیٹ کرائیا۔ چرن کوَل ملِے نِواس، جگت بھوُمکا رہے نہ رائیا۔ لیکھا مکُے پرِتھمی آکاش، گگن گگننتر ڈیرہ ڈھاہیِا۔ انتم لہنا دینا دیوے پُرکھ ابناش، ابناشی کرتا ہو سہائیا۔ نِرمل جوت کر پرکاش، پرکاش پرکاش وِچ سمائیا۔ جوتی جوت سروُپ ہرِ، آپ اپنی کِرپا کر، آتم پرماتم رنگ رنگائیا۔ گُرمُکھ داس صاحب سَتگُر دا چیلا، چیلا گُر اِکو رنگ سمائیا۔ سُہنجنا ہووے گرِہ مندر ویلا، واہوا وجےّ نام ودھائیا۔ دھام وکھائے اِک نَویلا، جِس گھر بَیٹھا سوبھا پائیا۔ آد نِرنجن چاڑھ کے تیلا، جوت نِرنجن دئے وڈیائیا۔ لیکھا جانے اِک اَکیلا، ایکنکارا نوُر خُدائیا۔ جو ایتھے اوتھے دو جہاناں نِرگُن سرگُن سدا سجّن سُہیلا، سنگی ساتھی اِک اکھوائیا۔ ہوئے سہائی جنگل جوُہ اُجاڑ پہاڑ اُچے ٹِلّے پربت بیلا، سمُند ساگر لئے ترائیا۔ جوتی جوت سروُپ ہرِ، آپ اپنی کِرپا کر، لیکھا جانے تھاؤں تھائنیا۔ جو سنت سُہیلا صاحب سَتگُر پُرکھ اکال دا بنے داس، دست بدست لہنا دئے چُکائیا۔ پوُرب جنم کرائے یاد، لیکھا دُھر دا آپ دِرڑائیا۔ دُنی وِچوں بدل دیوے سماج، آتم پرماتم بھیو کُھلائیا۔ نام نِدھان سُنا ناد، انحد انراگی راگ سُنائیا۔ ہنس بنائے پھڑ پھڑ کاگ، مانُکھ مانَو دَیا کمائیا۔ پڑدا لاہ کے برہم برہماد، پاربرہم برہم جوڑ جُڑائیا۔ جوتی جوت سروُپ ہرِ، آپ اپنی کِرپا کر، وکھاونہارا ساچا گھر، گرِہ مندر اِک اُپجائیا۔ داس بنن دا جِس انتر دیوے چا، چاؤ گھنیرا اِک سمجھائیا۔ صاحب سَتگُر بنے ملاح، کھیوٹ کھیٹا دُھردرگاہیِا۔ لکّھ چؤراسی وِچوں لئے ترا، رائے دھرم نہ دئے سزائیا۔ کوٹ جنم دے بخش گُناہ، پتت پُنیِت لئے اُٹھائیا۔ لہنا دینا دئے مُکا، نِرگُن نِروَیر نِراکار نِرنکار اپنے گھر وسائیا۔ جوتی جوت سروُپ ہرِ، آپ اپنی کِرپا کر، بھیو ابھیدا دئے کُھلائیا۔ داس بنے جو
سَتگُر میِتا، مِتر پیارا دئے وڈیائیا۔ تن ماٹی کرے ٹھانڈا سیِتا، اگنی تت نہ لاگے رائیا۔ دَیاکمائے ترےَگُن اتیِتا، ترےَ بھَون دھنی ہوئے سہائیا۔ کوُڑی کِریا اندر سَت بدل دئے ریِتا، ریِتیوان پڑدا آپ چُکائیا۔ لیکھے لائے پِچھلا پوُرب جنم بیِتا، اَگے چرن کوَل دئے سرنائیا۔ ساچا کلمہ نام دسّ دُھر حدیِثا، حضرت ہو کے کرے اِک پڑھائیا۔ لہنا دینا مُکا کے اوُچاں نیِچاں، ذات اذاتی اپنا بھیو کُھلائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سدا سُہیلا اِک اَکیلا ایکنکار اپنی کار کمائیا۔ داس بنن دا جِس انتر پیار، پریمکا روُپ لئے بدلائیا۔ تِس دا میلا ملِے نر نِرنکار، نِراکار اپنا جوڑ جُڑائیا۔ کایا کعبےکھول کِواڑ، قُدرت دا قادر بھیو چُکائیا۔ کر پرکاش بہتر ناڑ، اندھ اندھیر دئے مِٹائیا۔ منزل دوُر کرے دُشوار، گھر ٹھاکر سوامی مِل کے خوشی بنائیا۔ گُرمُکھ داس سنسار ساگر ہووے پار، نِرمل کرم اُجاگر کرے ہرِ رگھُرائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیر سِنگھ وِشنوُں بھگوان، آد جُگاد جُگ چؤکڑی نِرگُن سرگُن سرگُن نِرگُن کھیل کرے وِچ سنسار، مہاسارتھی سَتجُگ تریتا دواپر کلجُگ بن رتھواہی رتھ چلائیا۔