۱۸ پھگّن شہنشاہی سمت ۲ سَتونت کؤر دے گرِہ کان پُر
پُرکھ اکال کہے گُر اوتار پَیغمبرو جن بھگتاں دیواں اگمّی دان، داتا ہو کے آپ ورتائیا۔ بِنا اکھّراں توں دے کے شبد گیان، اگیان اندھیرا دیاں مِٹائیا۔ بِنا جگت نیتراں توں بخشاں نوُر مہان، جوتی جوت ڈگمگائیا۔ بِن رسنا توں امرت رس دیواں پیِن کھان، نِجھر جھِرنا اِک جھِرائیا۔ بِن نِشانیوں دھرم نِشانہ وکھاواں جھُلدا دِسے دو جہان، سرِشٹی توں پرے درِشٹی توں باہر نظری آئیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ساچی کرنی کار کمائیا۔ پُرکھ اکال کہے جن بھگت سُہیلے کراں ٹھنڈے ٹھار، اگنی تت بُجھائیا۔ لہنا دینا چُکا کے پوُربلے جُگ چار، نِہکرمی ہو کے اپنا کرم کمائیا۔ لکّھ چؤراسی وِچوں بھال، دیِن دُنی وِچوں کھوج کھوجائیا۔ جھگڑا مُکا کے شاہ کنگال، شہنشاہ اپنے رنگ رنگائیا۔ مُرشد ہو کے مُریِداں پُچھے حال، احوال پِچھلا دئے گواہیِا۔ صدی چؤدھویں چار کُنٹ دہ دِشا سب دے سِر تے کوُکے کال، کوُڑ نگارہ رہیا وجائیا۔ گُر اوتار پَیغمبر سچکھنڈ دوارے کرن سرب سوال، سوالی ہو کے اپنا حال سُنائیا۔ لیکھا جانے سچکھنڈ نِواسی پُرکھ اکال، اکل کل دھاری اپنا حُکم ورتائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ساچا مارگ اپنے ہتّھ رکھائیا۔ جن بھگت کہن پربھ ساڈی آد انادی منگ، برہماد کھوج کھوجائیا۔ تُوں داتا دانی دیونہار سوُرا سربنگ، شہنشاہ اِک اکھوائیا۔ صدی چؤدھویں انت اَخیِر بےنظیِر کلجُگ کوُڑی کِریا کر بھنگ، بھگوَن ہو کے اپنی اکّھ اُٹھائیا۔ تیرا نام شبد اگمّ اتھاہ بےپرواہ ویکھیئے ترنگ، تُریا توں پرے تُرت اپنا حُکم دے سُنائیا۔ دو جہان شبد دمامہ وجےّ مردنگ، برہمنڈاں کھنڈاں آلس نِندرا رہے نہ رائیا۔ جوتی جوت سروُپ ہرِ، آپ اپنی کِرپا کر، جن بھگت سُہیلے ویکھ اپنے چند، چار کُنٹ دہ دِشا پھول پھولائیا۔ پُرکھ اکال کہے مَیں بھگت سُہیلے ویکھاں لوکمات جگ، جاگرت جوت بِن ورن گوت کر رُشنائیا۔ سنت سُہیلے ہنس بناواں کگ، مانک موتی سوہنگ ہنسا چوگ چُگائیا۔ جگت واسنا کوُڑی کِریا پار کر کے حد، محبوُب ہو کے مُحبّت وِچ مِلائیا۔ نام نِدھان نؤجوان مرد مردان ہو کے وجاواں ند، انحد نادی ناد سُنائیا۔ سچ دوار ایکنکار نِرگُن دھار ہو کے گُرمُکھ گُر گُر چیلے لَواں سدّ، دُھر سندیشہ نر نریشا اِکو اِک جنائیا۔ بھگت سُہیلا اِک اَکیلا جیِو جگت رہے نہ کوئے الپگ، کوُڑی کِریا کُکرم کرم چرم وِچوں باہر کڈھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سَت
سَتوادی اپنا کھیل وکھائیا۔ جن بھگت کہن تیرا کھیل انوکھا پُرکھ اکال لَینا تکّ، تقدیِر دینی بدلائیا۔ چار جُگ دا گُر اوتار پَیغمبراں لہنا دینا جھولی پاؤنا حق، حقیِقت وِچوں لاشریِک اپنا پڑدا دینا اُٹھائیا۔ سَتجُگ تریتا دواپر کلجُگ منزل منزل سارے گئے تھک، پاندھی ہو کے اپنا پندھ مُکائیا۔ کِرپا کر مِہربان سِری بھگوان پُرکھ سمرتھ، مہما اکتھ اِک سمجھائیا۔ چار ورن اٹھاراں برن سرِشٹی درِشٹی اندر تیرے نام دا اِکو ہووے جس، صِفتاں وِچ تیرا ڈھولا گائیا۔ تیرا مانَو تَیتھوں رہے کوئی نہ وکّھ، وکھّرا گھر نہ کوئے بنائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا رس، رسیِا ہو کے امیوں اپنا دینا برکھائیا۔ پُرکھ اکال کہے مَیں دیواں نام اگمّ اتھاہ، کاتب لِکھن کوئے نہ پائیا۔ جِس نال دیِن دُنی دا بدل جائے راہ، رہبر ہو کے ویکھ وکھائیا۔ صدی چؤدھویں انت اَخیِر دیِن دُنی دا بناں ملاح، کھیوٹ کھیٹا ہو کے بیڑا اپنے کندھ اُٹھائیا۔ سَتجُگ ساچا مارگ لا کے نَواں، نوَ ستّ کراں رُشنائیا۔ جن بھگتاں دی آتم سیجے نِرگُن دھار ہو کے سواں، سار شبد اپنا حُکم ورتائیا۔ پوَن سواس جن بھگتاں لیکھے لاواں دماں، دامن ہو کے ضامن ہو کے اپنی گنڈھ پوائیا۔ تُوں میرا مَیں تیرا دو جہاناں ڈھولا کہواں، لکّھ چؤراسی دیاں سمجھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیر سِنگھ وِشنوُں بھگوان، جن بھگتاں دیوے ایکا مان، ابِھمان کوُڑا اندروں باہر کڈھائیا۔
۱۹ پھگّن شہنشاہی سمت ۲ گُربخش سِنگھ دے گرِہ مہوُ ضِلع لکھنؤ
دھرنی دھرت دھوَل دھؤل کہے میرے وڈ وڈ بھاگ، وڈبھاگی پایا بےپرواہیِا۔ گُر اوتار پَیغمبر سچکھنڈ دواریوں آو بھاج، نِرگُن نوُر نِروَیر ہو کے اپنا پندھ مُکائیا۔ وِشن برہما شِو دیوت سُر چھڈ کے آو سماج، دو جہاناں اپنا پندھ مُکائیا۔ شاستر سِمرت وید پُران انجیل قُرآن کھانی بانی پُرکھ اکال دا ویکھو سماج، ساچی دھار اِک دِرڑائیا۔ سَتجُگ تریتا دواپر کلجُگ سُنو اگمّی آ کے ناد، پاربرہم پتپرمیشور ایکنکارا اِک وجائیا۔ زِمیں اسمان برہمنڈ کھنڈ پُری لوء آکاش پاتال کھولو جاگ، جاگرت جوت بِن ورن گوت اِک اِکلّا رہیا وکھائیا۔ پنج تت ترےَگُن اپنی بُجھا کے آؤنا آگ، امرت میگھ بےپرواہ اپنی دھار رہیا وکھائیا۔ بھگت سنت صوُفی فقیِر ویکھو آ کے دُھر دا کنت سُہاگ، شاہ پاتشاہ شہنشاہ پروردِگار سانجھا یار جلوہ گر نوُر خُدائیا۔ جِس نے کھیل کھیلیا اگمّ اتھاہ بےپرواہ آد، جُگ چؤکڑی برہم برہماد اپنی دھار چلائیا۔
شبد اگمّی بودھ اگادھ سُناوَنہارا انراگی راگ، بِن رسنا جِہوا بتّی دند سوہلے ڈھولے دُھر دے آپ سُنائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ سندیشہ اِک سُنائیا۔ دھرنی دھرت دھوَل دھؤل کہے میری پُرکھ اکال کھولی اکّھ، بِن نیتر نیَن دِتا کُھلائیا۔ مَیں انتر دھارا بولاں سچ، سُنیہڑا دیواں دُھردرگاہیِا۔ جِس نوُں جُگ چؤکڑی نِرگُن سرگُن دھار گُر اوتار پَیغمبر گئے سدّ، نام سندیشہ دے کے دو جہاناں دھیان لگائیا۔ سو مالک خالق پرِتپالک کرے کھیل سوُرا سربگ، شاہ سُلطانا نِگاہبانا اپنا بھیو کُھلائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ساچا حُکم اِک ورتائیا۔ دھرنی کہے گُر اوتار پَیغمبرو کِیوں سوہی میری دھرت، دھرم دوارا نظری آئیا۔ کُچھ رام وشِشٹ پائی شرط، شرع سمجھ کِسے نہ آئیا۔ سپت رِکھی کر کے ایتھے درس، اپنی ترِشنا بُھکھ مِٹائیا۔ برہما نوَ دِن رہیا بھٹک، شنکر چھ دِن اکّھ نہ کوئے اُٹھائیا۔ وِشنوُں وِشوَ دھار امرت برکھ، وِشیش اپنا گُن دِرڑائیا۔ جوتی جوت سروُپ ہرِ، آپ اپنی کِرپا کر، لیکھا دُھر دا رہیا سمجھائیا۔ دھرنی کہے میرے انتر ویکھو چاؤ گھنیرا، گھنیّا دُھر دا دئے وڈیائیا۔ مَیں سَتجُگ تریتا دواپر کلجُگ بَیٹھی رہی کر کے جیرا، چار جُگ اِک دھیان لگائیا۔ گُر اوتار پیِر پَیغمبر مَینوُں دے کے گئے سُنیہڑا، شاستر سِمرت وید پُراناں توں باہر کر پڑھائیا۔ جِس ویلے صدی چؤدھویں کلجُگ انت اَخیِر ہویا اندھیرا، چار ورن اٹھاراں برن نِج نیتر لوچن نیَن اکّھ نہ کوئے کُھلائیا۔ پرم پُرکھ پرماتم پاربرہم پتپرمیشور جوتی جاتا پُرکھ بِدھاتا مارے اپنا پھیرا، اکل کل دھاری اپنا ویس وٹائیا۔ چار کُنٹ دہ دِشا نؤ کھنڈ پرِتھمی ستّ دیِپ میرا دھرم دوار کُھلا کرے ویہڑا، کوُڑ کُڑیار جگت وِبھچار ہنکار رہن کوئے نہ پائیا۔ سو وقت سُہنجنا آد پُرکھ ابناشی کرتا دسےّ نیرن نیرا، دوُر دُراڈا پندھ مُکائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، صاحب سوامی انترجامی گھٹ نِواسی پُرکھ ابناشی اپنا پڑدا آپ اُٹھائیا۔ دھرنی دھرت دھوَل کہے میرا انتر ہویا خوشحال، خوشی دو جہان نظری آئیا۔ کِرپا کری دیِن دَیال، دیانِدھ ویکھ وکھائیا۔ جِس دی یاد وِچ جُگ چؤکڑی بیِتے کال، پاندھی ہو کے اپنا پندھ مُکائیا۔ گُر اوتار پَیغمبر جِس دے اَگے کردے گئے سوال، بِھکھک ہو کے دُھر دی منگ منگائیا۔ سو لیکھا جانے سچ سوامی آد جُگادی میرے دوارے سچّی دھرم سال، بھیو ابھیدا آپ کُھلائیا۔ جوتی جوت سروُپ ہرِ، آپ اپنی کِرپا کر، لیکھا دُھر دا دئے سمجھائیا۔ دھرنی کہے مَینوُں آئی یاد، چار جُگ دا لیکھ سمجھائیا۔ رام وشِشٹ کیِتی فریاد، انتر انتر اِک سُنائیا۔ جِس
کھیڑے نوُں کر سکیا نہ کوئی آباد، آبادی جگت نہ کوئے ودھائیا۔ گا سکیا کوئی نہ راگ، چھتّی راگ رہے کُرلائیا۔ سُن سکیا نہ کوئی ناد، جگت تال نہ کوئے وڈیائیا۔ سمجھا سکیا نہ کوئی سماج، پڑدا اوہلا نہ کوئے اُٹھائیا۔ سو کھیل ویکھیا تماش، پُرکھ اکال رہیا وکھائیا۔ جِس دا لیکھا بودھ اگادھ، جوتی جوت سروُپ ہرِ، آپ اپنی کِرپا کر، دیونہارا ساچا ور، ہرِ کرتا دُھردرگاہیِا۔ وشِشٹ کِہا سُن دسرتھ بیٹے رام، سچ سندیشہ دیاں دِرڑائیا۔ تیرا روُپ ہونا گھنیّا شام، ساول سُندر کھیل کھِلائیا۔ ویس وٹاؤنا پَیغمبراں دینا پَیغام، عیسیٰ موُسیٰ رنگ چڑھائیا۔ محمد دینا جام، کلمہ حق سمجھائیا۔ نانک نِرگُن دینا اِکو نام، ناؤں نِرنکارا آپ سُنائیا۔ اِک دس دا کھیل مہان، دہ دِشا وجےّ ودھائیا۔ گوبِند سوُرا نؤجوان، سُت دُلارا اِک پرگٹائیا۔ جِس دا لہنا دینا ہونا وِچ جہان، دیِن دُنی وکھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ہرِ کرتا آپ وڈیائیا۔ وشِشٹ کِہا سُن رام دُلارے، اگلا لیکھا دیاں دِرڑائیا۔ جِس ویلے لوکمات بیِتے جُگ چارے، سَتجُگ تریتا دواپر کلجُگ اپنا ویس وٹائیا۔ چار ورن اٹھاراں برن ہونے دُکھیارے، دھیِرج دھیِر نہ کوئے دھرائیا۔ مایا ممتا گڑھ بننا ہنکارے، ہنگ برہم نہ کوئے سمجھائیا۔ جوُٹھ جھوُٹھ سادھ سنت ہونے ونجارے، حقیِقت حق نہ کوئے وکھائیا۔ کاغذ قلم لیکھا لِکھ سکے نہ کوئے نِرنکارے، بھیو ابھید سکے نہ کوئے کُھلائیا۔ شاستر سِمرت وید پُران انجیل قُرآن کھانی بانی انت دیوے نہ کوئے سہارے، پُشت پناہ ہتّھ نہ کوئے ٹِکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، دُھر سندیشہ اِک سُنائیا۔ رام کِہا دسّ وشِشٹ، وِشیاں توں باہر سمجھائیا۔ کی لیکھا ہونا سرِشٹ، دیِن دُنی پڑدا دینا لاہیِا۔ کی پُرکھ اکال دا ہونا اِشٹ، دیوَ آتما دینا سمجھائیا۔ کیہڑا لیکھا بھوِکھت، بھوِکھت دا بِن اکھّراں دینا لِکھت، جوتی جوت سروُپ ہرِ، آپ اپنی کِرپا کر، ایکا دینا دُھر دا ور، پڑدا اوہلا دینا چُکائیا۔ وشِشٹ کِہا میرا اِک سندیش، سندھیا توں باہر دیاں جنائیا۔ سَتجُگ تریتا دواپر جِس دھار بدلیا بھیس، ویس انیک وٹائیا۔ اوسے دا انت اَخیِر جامہ ہونا دس دسمیش، دہ دِشا کرے شنوائیا۔ چار ورناں دینی ٹیک، کھتری براہمن شوُدر وَیش ونڈ نہ کوئے ونڈائیا۔ بن کے کھیوٹ کھیٹ، بیڑا جگت جہان چلائیا۔ پُرکھ اکال دا بننا بیٹ، پِتا اِکو اِک منائیا۔ نِرگُن دھار کرنا ہیت، تتّاں والی جگت جُدائیا۔ کھیلنا کھیل اگمّے دیس، سچکھنڈ ساچے سوبھا پائیا۔ جِتھے اکّھاں والا لئے کوئی نہ ویکھ، جوتی جوت جوت رُشنائیا۔ سو دیوے سچ سندیش، نام نِدھانا اِک دِرڑائیا۔ جوتی جوت سروُپ ہرِ،
آپ اپنی کِرپا کر، دیونہارا دُھر دا ور، دھرم دوارا اِک وکھائیا۔ دھرنی کہے جِس ویلے رام وشِشٹ کیِتی بات، بھوُمکا ایہو نظری آئیا۔ نہ دِوس نہ رات، گھڑی پل سمجھ کوئے نہ پائیا۔ نہ کوئی قلم شاہی کاغذ لِکھے گاتھ، اکھّراں ونڈ نہ کوئے ونڈائیا۔ نہ کوئی تیِجا دِسے ساتھ، سگلا سنگ نہ کوئے بنائیا۔ ایہہ کھیل اگمّ اتھاہ پُرکھ ابناش، ہرِ کرتا آپ سمجھائیا۔ جوتی جوت سروُپ ہرِ، آپ اپنی کِرپا کر، بھیو ابھیدا آپ کُھلائیا۔ دھرنی کہے مَیں سُن کے بات لیا پُچھ، رام وشِشٹ دینا جنائیا۔ تُساں دوہاں نے جانا اُٹھ، تن وجوُد پندھ مُکائیا۔ مَینوُں اگلا بھیو دسّو کُچھ، ہو نِمانی سیِس نِوائیا۔ دوہاں نے مِل کے سانجھی پڑھی تُک، سوہنگ ڈھولا دِتا گائیا۔ دھرنی تیرا پُرکھ اکال میٹے دُکھ، کلجُگ ویلا انتم نظری آئیا۔ جِس نے گوبِند سوُرا بناؤنا اپنا سُت، سُت دُلارا اِکو لئے پرگٹائیا۔ ایہہ کھیل ابناشی اچُت، ہرِ کرتا آپ کرائیا۔ سمت شہنشاہی سُہائے تیری رُت، وار تِھت سمجھ کِسے نہ آئیا۔ رام وشِشٹ کِہا دھرنی ہُن کر جا چُپ، اَگے بچن نہ کوئے بنائیا۔ تیرا لیکھا ساڈے نالوں جاوے ٹُٹ، ٹُٹی گنڈھ پُرکھ اکال نال پوائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ دھرنی کہے مَینوُں ہور دیؤ دِلاسا، دھیِرج دھیِر اِک بنّھائیا۔ مَیں ویکھاں کھیل تماشا، نِرگُن سرگُن وجےّ ودھائیا۔ میری پوُری ہووے آسا، منسا منسا وِچ سمائیا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ ٹِکائیا۔ رام وشِشٹ کِہا سُن دئیے دھیِر، دھرم دوار وکھائیا۔ کلجُگ انت ویکھ اَخیِر، بِن اکّھاں اکّھ کُھلائیا۔ جِس ویلے رہیا نہ کوئی پَیغمبر پیِر، پرا پسنتی مدھم بَیکھری چلے نہ کوئے چتُرائیا۔ شرع توڑے نہ کوئے زنجِیر، چار کُنٹ ہلکائیا۔ تیرا لہنا دینا لیکھا دیوے بےنظیِر، مِہر نظر اپنی اِک اُٹھائیا۔ بدل دیوے تقدیِر، تدبیِراِک سمجھائیا۔ تیرا کُچھ لیکھا لِکھ کے جانا کبیِر، جُلاہا پھیری پائیا۔ جوتی جوت سروُپ ہرِ، آپ اپنی کِرپا کر، دُھر دا حُکم اِک سُنائیا۔ دھرنی کہے مَینوُں دسّو اِک کہانی، کہاوت جگت رہے نہ رائیا۔ کی کھیلے کھیل شاہ سُلطانی، پتپرمیشور بےپرواہیِا۔ وشِشٹ کِہا گوبِند دا گُرمُکھ تیری اِک نِشانی، نِشانہ اگلا اِک سمجھائیا۔ جِس دے اندر بِرہوں کانی، تیِر انیالا آپ چلائیا۔ اوہناں دا مالک خالق پرِتپالک بنے آپ بانی، سہارا کنارہ تیرا لیکھے لائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، دُھر دا حُکم اِک دِرڑائیا۔ رام کِہا مَیں ہور کُچھ لیا تکّ، لیکھا اگلا دیاں سمجھائیا۔ دھرنی کھیل کرنا پُرکھ سمرتھ، نہ کوئی میٹے میٹ مِٹائیا۔ گوبِند دھار کر پرگٹ، جوتی جاتا جلوہ نوُر کرے رُشنائیا۔ وست امولک دے کے وتھ، نام بھنڈارا اِک
بھرائیا۔ بھیو ابھیدا کھول کے سچ، ساچا مارگ اِک وکھائیا۔ بھاگ لگا کے کایا ماٹی کچّ، کنچن گڑھ دئے وڈیائیا۔ جوتی جوت سروُپ ہرِ، آپ اپنی کِرپا کر، جَیکارا بول کے اِک الکّھ، الکھ اگوچر آپ سمجھائیا۔ دیِن دُنی توں کھیل کرنا وکّھ، پنچم میلا سہج سُبھائیا۔ پُری انند دے اندر جانا وس، واسطہ پُرکھ اکال نال جُڑائیا۔ انتم سب کُچھ جانا چھڈ، خالی ہتّھ وکھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ سندیشہ نر نریشا اِکو اِک اُپجائیا۔ دھرنی کہے کُچھ ہور اگلا دسّ بھیو، پڑدا رہے نہ رائیا۔ تُوں وڈّا دیوی دیو، دیوت سُر تیری سرنائیا۔ مَیں ویکھاں دھام نِہچل نِہکیو، اٹل محل ملِے وڈیائیا۔ جِس نوُں گا نہ سکے کوئی رسنا جِہو، قلم شاہی بند نہ کوئے کرائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، دُھر فرمان سِری بھگوان اِک اِکلّا ایکنکارا اگمّ اپارا الکھ اگوچر اپنا آپ جنائیا۔ رام کہے سُن دھرتی اگلا دسّاں حال، لِکھن پڑھن وِچ کدے نہ آئیا۔ جِس ویلے کلجُگ کوُڑی کِریا ہوئی کال، کام کرودھ لوبھ موہ ہنکار جگت ہلکائیا۔ سچ دوارے رہیا کِسے نہ نام، نام نِرنکارا نظر کِسے نہ آئیا۔ پَیغمبراں سُنے نہ کوئی پَیغام، صُلح کُل میل نہ کوئے مِلائیا۔ چار ورن اٹھاراں برن ہوئے حرام، ہِردے ہرِ نہ کوئے وسائیا۔ کوُڑی کِریا کرنا قتلِ عام، قاتل مقتوُل سکے نہ کوئے بچائیا۔ جوتی جوت سروُپ ہرِ، آپ اپنی کِرپا کر، اپنا ویس لئے پرگٹائیا۔ دھرنی کہے کِویں ویلا ہوئے سُہنجنا، مَینوُں دیؤ دِرڑائیا۔ کِس بِدھ ملِے درد دُکھ بھےَ بھنجنا، وڈ داتا بےپرواہیِا۔ میرے نیتر پاوے اگمّی نام انجنا، اگیان اندھیر مِٹائیا۔ گھر سوامی ٹھاکر ویکھاں سجّنا، مِتر پیارا دُھردرگاہیِا۔ تریتا دواپر جِس دے حُکمے اندر لنگھنا، کلجُگ وجےّ ودھائیا۔ جوتی جوت سروُپ ہرِ، آپ اپنی کِرپا کر، کِس بِدھ اپنا کھیل کرائیا۔ رام کِہا مَینوُں ایؤں رہیا جاپ، سچ دیاں سُنائیا۔ پُرکھ اکال کرنا پرکاش، گوبِند جلوہ نوُر رُشنائیا۔ بھیو کھولنا کایا ماٹی خاک، پنج تت وجےّ ودھائیا۔ نظری آؤنا ساکھیات، سوَچّھ سروُپی روُپ وٹائیا۔ روُح بُت کرنے پاک، پتت پُنیِت بنائیا۔ جن بھگتاں ہونا داس، گُرمُکھاں سیو کمائیا۔ جوتی جوت سروُپ ہرِ، آپ اپنی کِرپا کر، ساچا رنگ دئے رنگائیا۔ دھرنی کہے مَینوُں آیا نہیں یقیِن، دھیِرج میری دے دھرائیا۔ مَینوُں دسّ اوہ تعلیِم، جِس نوُں سِکھ کے خوشی منائیا۔ رام کِہا تُوں اِکو کر تسلیِم، دوُجے نظر کِسے نہ آئیا۔ کدے نہ ہووے غمگیِن، ہرکھ سوگ ونڈ نہ کوئے ونڈائیا۔ نہ نر نہ مدیِن، جوتی جلوہ نوُر رُشنائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، حُکم سندیشہ اِک سُنائیا۔
دھرنی اَگوں پھیر کِہا بول، اُچی کوُک کوُک سُنائیا۔ میرا انت اَخیِری پڑدا کھول، بھیو رہے نہ رائیا۔ کِس بِدھ پُرکھ اکال آوے اُپر دھؤل، نِرگُن ہو کے نوُر جوت کرے رُشنائیا۔ جِس نوُں سمجھے کوئی نہ پنڈت پاندھا رؤل، جگت وِدیا نہ کوئے وڈیائیا۔ جِس دا گُر اوتر پَیغمبراں وجاؤنا ڈھول، سندیشے نِرگُن سرگُن آپ سمجھائیا۔ جوتی جوت سروُپ ہرِ، آپ اپنی کِرپا کر، ایکا دیوے ساچا ور، ساچی کرنی کار کمائیا۔ رام کِہا دھرنی ذرا کر دھیان، اگلا لیکھ دیاں سمجھائیا۔ کی کھیل کرے سِری بھگوان، گوبِند سوُرا بھیجے نؤجوان، مرد مردانہ سِر اپنا ہتّھ ٹِکائیا۔ پُری انند قِلعہ بنائے مہان، مہما کتھ کتھ سمجھائیا۔ گُرمُکھ سوُرے نؤجوان، سنت سُہیلے گود ٹِکائیا۔ انت سندیشہ دیوے آپ مِہربان، دُھر دی دھار جنائیا۔ دیِن دُنی دا کوُڑ چھڈ نِشان، نِشانے پُرکھ اکال بنائیا۔ ممتا موہ وِکار رہے نہ نال، ہنکار گڑھ دئے تُڑائیا۔ اِکو اوٹ رکھ اکال، دوُجا اِشٹ نہ کوئے منائیا۔ جوتی جوت سروُپ ہرِ، آپ اپنی کِرپا کر، بھانڈا بھرم بھؤ بھنائیا۔ رام کِہا دھرنی سُن ہور بچن امول، امُل دیاں جنائیا۔ جِس دا تولے کوئی نہ تول، اتول اتُل اپنے ہتّھ رکھائیا۔ گوبِند وجاؤنا اگمّی ڈھول، ڈنکا وجےّ دُھردرگاہیِا۔ سب دے پڑدے دینے کھول، سویا کوئی نہ رہن نہ پائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، حُکمے اندر حُکم بدلائیا۔ رام کہے اِک ہور آئی وِچار، وِچرن دی لوڑ رہی نہ رائیا۔ دھرنی رو کے کری نِمسکار، نِیوں نِیوں سیِس نِوائیا۔ کُچھ کِرپا کر میرے گِرور گِردھار، گہر گمبھیِر پڑدا دے چُکائیا۔ کی کھیل کرے گوبِند پربھ دا سُت دُلار، دوُلحا دُھر دا نظری آئیا۔ رام کِہا ایہہ حُکم اگمّ اپار، جِس نوُں سمجھے کوئے نہ رائیا۔ جِس نے چھڈ دینا سنسار، ناتا کوُڑ دینا تُڑائیا۔ جوتی جوت سروُپ ہرِ، آپ اپنی کِرپا کر، اپنا رنگ اِک رنگائیا۔ دھرنی کِہا بچن اِک دسّ اَخیِر، آخر منگ منگائیا۔ کِس بِدھ آئے مَینوُں دیوے دھیِر، سِر میرے ہتّھ ٹِکائیا۔ دھرنی کہے اوہ مالک گہر گمبھیِر، بےنظیِر بےپرواہیِا۔ جُگ چؤکڑی بدل سرب تقدیِر، تدبیِراپنے ہتّھ رکھائیا۔ جِس نے کھنڈا ہتّھ پھڑاؤنا گوبِند اِک شمشیِر، شرع زنجِیر کٹائیا۔ ایکنکار اِکو پا لکیِر، شاہ حقیِر ویکھ وکھائیا۔ جوتی جوت سروُپ ہرِ، آپ اپنی کِرپا کر، تیرا لہنا دینا تیری جھولی پائیا۔ دھرنی کہے مَینوُں اجےّ نہیں آیا سنتوکھ، سَت دے سمجھائیا۔ کِس بِدھ میٹے میرا ہرکھ سوگ، چِنتا غم گوائیا۔ رام کِہا ایہہ پربھ دا سب توں وکھّرا چوج، چوجی پریِتم ہو کے دَیا کمائیا۔ جِس دا کھیل لوک پرلوک، برہمنڈ کھنڈ وجےّ ودھائیا۔ تُوں رکھنی اوس دی اوٹ، انتم اوڑک اوہو لیکھے لائیا۔ جِس دا ہونا اِک سلوک،
سوہنگ ڈھولا شہنشاہیِا۔ تیری کرنی دا کرتا جانے جوگ، جو جوگیِشراں تیرے در بہائیا۔ مِہربان ہو کے جاوے پہنچ، پاربرہم اپنا پھیرا پائیا۔ جِس دا بھانا حُکم کوئی نہ سکے روک، گُر اوتار پَیغمبر سیو کمائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سَت سَتوادی ویکھ وکھائیا۔ رام کہے آہ ویکھ لِکھیا لیکھ، بِن اکھّراں دیاں سمجھائیا۔ نِرگُن دھار آوے تیرے دیس، دِشا دسنتر پھول پھولائیا۔ لیکھا بناوے گوبِند دس دسمیش، آپ اپنا پڑدا لاہیِا۔ جِس نے سُت دُلارے کرنے بھیٹ، بنس سربنس لیکھے پائیا۔ نظری آؤنا نیتن نیت، دوُر دُراڈا پندھ مُکائیا۔ جوتی جوت سروُپ ہرِ، آپ اپنی کِرپا کر، ساچا بھیو آپ سمجھائیا۔ دھرنی کہے مَینوُں اگلا دے بھروسہ، بھرم رہے نہ رائیا۔ رام کِہا پُرکھ اکال دے ہتّھ وِچ مؤقع، مُکمل اپنی کار کمائیا۔ جِس دا لہنا دینا لوک پرلوکا، زِمیں اسماناں ہوئے سہائیا۔ منزل چڑھ کے ویکھے اگمّی کوٹھا، چوٹی اپنی دھار پرگٹائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ رام کِہا گوبِند سوُرا کھیل کھِلاویگا۔ پُرکھ اکالا دیِن دَیالا اِشٹ مناویگا۔ پُری انند سوُرا سربگ اِک وساویگا۔ چاڑھ کے جوتی چند، اندھ اندھیر مِٹاویگا۔ انتر آتم پرماتم گا کے چھند، سوہنگ ناد وجاویگا۔ جن بھگتاں چاڑھ اگمّی رنگ، دُرمت مَیل آپ دھواویگا۔ انت اَخیِری چھڈ کے سنگ، ماتا گُجری بچن الاویگا۔ جِنہاں دے نال میری گئی ہنڈھ، اوہناں دا لیکھا پُرکھ اکال بناویگا۔ کوئی نہ پاوے بندی بند، بندنا اِکو اِک سمجھاویگا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھاویگا۔ مِہر نظر ہرِ اُٹھائیگا۔ دیِن دَیال دَیاکمائیگا۔ پُری انند وقت سُہائیگا۔ گوبِند سوُرا کھیل رچائیگا۔ ماتا گُجری بچن سُنائیگا۔ داس داسیِاں ونڈ ونڈائیگا۔ منڈل راسیِاں کھوج کھوجائیگا۔ جوتی جوت سروُپ ہرِ، آپ اپنی کِرپا کر، ساچا حُکم اِک ورتائیگا۔ دھرنی کہے رام اوہ کیہڑی ہووے داسی، گوبِند دی مَینوُں دے سمجھائیا۔ کیہڑی چڑھے گھاٹی، منزل ویکھے بےپرواہیِا۔ کِس بِدھ منّی آکھی، ساچی سیو کمائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ رام کِہا گوبِند دا سی اِک پریوار، ستّ اٹّھ دا نظری آئیا۔ چار گُجری دے سیوادار، تن چار گوبِند سیو کمائیا۔ اوہناں دی سُن پُکار، دیوے مان وڈیائیا۔ جِنہاں نوُں ویکھن آؤنا گُروُ اوتار، پَیغمبر پھیرا پائیا۔ جِس ویلے انندپُری توں ہونے باہر، سب نے تن جانے تجائیا۔ گوبِند نے کھنڈے نال مستک دھوُڑی لاؤنی چھار، مستک ٹِکاّ اپنا نام بنائیا۔ اودوں دھرتی تُوں کریں پُکار، کُھلڑی مینڈھی کیس وکھائیا۔ کُچھ لہنا
دینا دُرگا دا اُدھار، اشٹبُھج راہ تکائیا۔ ایہہ کھیل دسّاں اپار، اپرمپر ہو کے آپ جنائیا۔ منگی منگ چرن دوار، نِمانی ہو کے سیِس نِوائیا۔ جوتی جوت سروُپ ہرِ، آپ اپنی کِرپا کر، دُھر دا حُکم آپ سُنائیا۔ دھرنی کہے اوہ کیہو جِہا ہووے ویلا، رام مَینوُں دے سمجھائیا۔ وشِشٹ کِہا جِس ویلے ناتا ٹُٹن لگّا گُروُ چیلا، چیلا گُروُ بَیٹھن مُکھ بھوائیا۔ پُرکھ اکال دیِن دَیال اِکو ہووے سجّن سُہیلا، دوُجا سنگ نہ کوئے رکھائیا۔ ابناشی کرتا کھیلے کھیل ہو نَویلا، نِرگُن اپنی کار کمائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ رام کہے اوہ ویلا آؤنا جلدی، جُگ بیِتدیاں وقت نہ لگّے رائیا۔ چار کُنٹ اگّ ہونی بلدی، امرت میگھ نہ کوئے برسائیا۔ کھیل ویکھنی کلجُگ کل دی، کلکاتی راجے ہون قصائیا۔ ایہہ دھار نِہچل دھام اٹل دی، پُرکھ اکال جنائیا۔ جوتی جوت سروُپ ہرِ، آپ اپنی کِرپا کر، دیونہار سچّی سرنائیا۔ دھرنی کہے کی منگاں منگ، موہے دے جنائیا۔ رام کِہا جِس ویلے انندپُری توں باہر ہووے جنگ، کھنڈا کھڑگ سار ٹکرائیا۔ گُجری نے رو کے پاؤنی ڈنڈ، کوُک کوُک سُنائیا۔ ستّاں اٹّھاں داس داسیاں دا ہونا سنگ، چلن واہو داہیِا۔ دروازیوں نؤ قدم تے سب دا پوُرا ہونا دم، سواس ساہ رہن کوئے نہ پائیا۔ ناتا تُٹے ماٹی چمّ، تن وجوُد سنگ نہ کوئے نِبھائیا۔ دھرنی تُوں رو کے چھمّ چھمّ، گوبِند چرناں سیِس دینا جھُکائیا۔ میری میٹ دے ترِشنا غم، چِنتا دینی چُکائیا۔ مَینوُں دسّ کے گیا وشِشٹ رام، سندیشہ اِک سُنائیا۔ تیرا لہنا دینا چُکائے سِری بھگوان، کلجُگ انتم ویکھ وکھائیا۔ در تیرے منگن آئی دان، وست امولک دے ورتائیا۔ گوبِند کِہا نؤجوان، سوُربیِر سمجھائیا۔ مَیں ہویا مِہربان، محبوُب نال مِل کے وست دیاں ورتائیا۔ میرے گُرمُکھ میرے در ہوئے پروان، پروانے دُھر دے ہتّھ پھڑائیا۔ پھیر مانَس جنم دیاں تتّاں والا اِنسان، ہِنسا ونڈ نہ کوئے ونڈائیا۔ دھرنی تیرے دوارے چل کے آون جھُلاوَن سچ نِشان، دھرم دوارا اِک پرگٹائیا۔ وڈّے چھوٹے بال اَنجان، اِکو رنگ رنگائیا۔ جِنہاں مُحبّت وِچ دِتا بلیدان، بل دے پِچھلے وِچھڑے باوَن دھار نظری آئیا۔ کُچھ لہنا دینا نال کرِشن کاہن، سُدامے دے سجّن رہے اکھوائیا۔ سو گُرمُکھ ہونے پروان، بےپرواہ دئے وڈیائیا۔ جوتی جوت سروُپ ہرِ، آپ اپنی کِرپا کر، مِہربان ہوئے سہائیا۔ دھرنی وہا کے اکّھوں نیر، حال بےحال سُنائیا۔ گوبِند کِہا کلجُگ ویکھ وقت اَخیِر، آخر دیاں دِرڑائیا۔ شانت رہے نہ کوئے ضمیِر، سانتک سَت نہ کوئے کرائیا۔ چار ورناں نہ دِسے دھیِر، لوبھ موہ ہنکار ہوئے ہلکائیا۔ سب دے پاٹے باہر دِسن چیِر، اوڈھن سیِس نہ کوئے ٹِکائیا۔ گُر اوتار
پَیغمبر جگت ویکھن وہیِر، بھجّن واہو داہیِا۔ جوتی جوت سروُپ ہرِ، آپ اپنی کِرپا کر، سب دا لیکھا پوُر کرائیا۔ گُروُ گوبِند کِہا آہ لےَ جا میری پریِت، پریِتم ہو کے دیاں جنائیا۔ جِس ویلے کلجُگ وِچوں سَتجُگ بدلی ریِت، پُرکھ اکال نال مِل کے وجّی ودھائیا۔ تُوں میرا مَیں تیرا سوہنگ ڈھولا ہونا گیِت، دوُجا ناد نہ کوئے شنوائیا۔ ساچے سیوک تَینوُں کراں بخشیِش، بخشش رحمت آپ کمائیا۔ تُوں اُنحاں دی رکھیں اُڈیِک، نیتر لوچن اکّھ کُھلائیا۔ جِس ویلے کلجُگ اندھیرا ہویا تاریِک، ساچا چند نہ کوئے چمکائیا ۔ پِتا پُت بنے شریک، نار کنت کرے لڑائیا۔ تِس ویلے گُر اوتار پَیغمبر سارے کرن آؤن تصدیِق، شہادت لوکمات بُھگتائیا۔ سو دھرنی تیری جھولی پاواں بھیِکھ، گُرمُکھ گُر گُر اپنی گود اُٹھائیا۔ جِنہاں دا انتر کرناں ٹھانڈا سیِت، اگنی تت بُجھائیا۔ بِرہوں وِچھوڑے اندر نِکلنی چیِک، رو رو خوشی بنائیا۔ سب دی آسا منسا پوُری کرنی اُمیِد، لیکھا اوَر رہے نہ رائیا۔ جوتی جوت سروُپ ہرِ، آپ اپنی کِرپا کر، ساچا حُکم آپ سُنائیا۔ دھرنی کہے مَیں ہوئی خوش، خوشیاں ڈھولا گائیا۔ پُرکھ اکال سُہاؤنی رُت، رُتڑی اپنے نال مہکائیا۔ گُرمُکھ بھیجنے اپنے سُت، جِنہاں گوبِند نال کُڑمائیا۔ جوتی دھاروں پَینے اُٹھ، لکّھ چؤراسی نہ کوئے بھوائیا۔ پُرکھ اکال جانا تُٹھ، دیِن دَیال ہوئے سہائیا۔ امرت آتم نِجھر جھِرنا دے کے گھُٹ، بوُند سوانتی آپ ٹپکائیا۔ اُنحاں بدل کے اپنا رُخ، میرے گرِہ جانا آئیا۔ مَیں گودی لَواں چُک، خوشیاں نال اُٹھائیا۔ پِھر گوبِند کولوں لَواں پُچھ، بھیو دسّ دُھر دے ماہیِا۔ کِیوں ساتھوں گِیوں رُٹھ، دوُر دُراڈا ڈیرہ لائیا۔ جوتی جوت سروُپ ہرِ، آپ اپنی کِرپا کر، مِہربان مِہر نظر اُٹھائیا۔ گوبِند کِہا نال پیار، سِر اپنا ہتّھ ٹِکائیا۔ جاہ ویکھ اپنا گھر بار، گھرانہ تیرا دیاں بنائیا۔ گُرمُکھ میرا سدا تیار، سوُربیِر نظری آئیا۔ مَینوُں اِکو جِہا پُرکھ نار، ناری پُرکھ ونڈ نہ کوئے ونڈائیا۔ ایہو ستّاں اٹّھاں دا پروار، سیوادار دُھر دا نظری آئیا۔ ایہہ گُلشن دی بہار، پُھلواڑی مہکے دُھردرگاہیِا۔ دھرنی تیرا قرض دینا اُتار، پوُرب لہنا جھولی پائیا۔ وشِشٹ رام ویکھے اکّھ اُگھاڑ، گھڑی سُلکّھّنی سوبھا پائیا۔ جِس دی آئی انتم وار، وارتا سب دی رہیا سمجھائیا۔ جوتی جوت سروُپ ہرِ، آپ اپنی کِرپا کر، گھر اپنا دئے وکھائیا۔ دھرنی کہے مَیں ویکھیا اپنا پروارا، پرم پُرکھ دِتا وکھائیا۔ جِس دا گوبِند نال اُدھارا، سوہنا جھولی پائیا۔ وڈّیاں نِکّیاں اِکو جِہا سہارا، بھیو ابھیدا وِچ نہ کوئے رکھائیا۔ بچّیاں دا رونا انند پُری دا اَخیِر نظارہ، نظر وِچوں نظر دِتی بدلائیا۔ خوشیاں دا دِہاڑا، گُرمُکھاں دا اَکھاڑا، گُر اوتار پَیغمبراں دا وِہارا، دھرم دوارا دھرتی دِتا سُہائیا۔ نام
دا ونجارا، پریم دا سہارا، جوت دا اُجیارا، شبد دا نگارہ رہیا وجائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ سندیشہ نر نریشا اِکو اِک سُنائیا۔ دھرنی دھرت دھوَل کہے میرا پوُرا ہویا قؤل، اِقرار پِچھلا رہیا نہ رائیا۔ میری پُھلواڑی گئی مؤل، مؤلا ہو کے ویکھ وکھائیا۔ پڑدا رہیا کوئی نہ اوہل، اندھ اندھیرا دِتا گوائیا۔ دوُر دُراڈا چل کے آیا کول، نِرگُن اپنا پندھ مُکائیا۔ امرت رس نِجھر دھارا اگمّی دے کے جائے پاہُل، بوُند سوانتی گوبِند آپ چوائیا۔ جوتی جوت سروُپ ہرِ، آپ اپنی کِرپا کر، نام نِدھان نؤجوان کایا مندر اندر وجا کے جائے اگمّی ڈھول، سوئی سُرتی آپ اُٹھائیا۔ دھرنی کہے کِیوں وڈّیاں چھوٹیاں نِکلی چیِک، بِہبل ہو کے کُرلائیا۔ گوبِند دی دھار گوبِند آمد دی اُمیِد، عملاں توں باہر دئے وکھائیا۔ بِن نیتراں توں نِج نیَن دی دیِد، درشن اِکو دُھردرگاہیِا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ رکھائیا۔ دھرنی کہے مَیں ویکھیا کھیل اپار، اپرمپر سوامی دِتا وکھائیا۔ جِس دا راہ تکّدی رہی جُگ چار، چؤکڑی اپنی اکّھ کُھلائیا۔ جِس دے منگتے گُر اوتار، پَیغمبر سیو کمائیا۔ وِشن برہما شِو بِھکھار، در بَیٹھے الکھ جگائیا۔ سو قُدرت دا قادر ویکھیا وِچ سنسار، نِرگُن داتا جوتی جاتا ڈگمگائیا۔ بھگتاں دا لہنا دینا دیون آیا اُدھار، گوبِند وِچولا شبدی سوبھا پائیا۔ گُربخش سِنگھ ایہہ تیرا نہیں پُرکھ اکال دا پریوار، پتپرمیشور انتر انتر آتم ہوئے سہائیا۔ دِوس رَین جاگت سووت اپنا درس دئے دِکھال، فرش اُتے حرص دئے مِٹائیا۔ دھرنی اُتے دھرم دوارا سچکھنڈ دی سچّی بنی رہے دھرم سال، دُھر دا لیکھا اپنے لیکھے پائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیر سِنگھ وِشنوُں بھگوان، جن بھگت سُہیلے ویکھے اپنے لال، دیِن دَیال ہو کے اپنی گود اُٹھائیا۔
۱۹ پھگّن شہنشاہی سمت ۲ محل سِنگھ دے گرِہ شاستری نگر کان پُر
سو پُرکھ نِرنجن دیوے مان، ہرِ کرتا وڈ وڈیائیا۔ ہرِ پُرکھ نِرنجن ہوئے مِہربان، نِرگُن داتا دُھردرگاہیِا۔ ایکنکارا بخشے دان، داتا دانی دَیا کمائیا۔ آد نِرنجن ہو مِہربان، جوتی جاتا جوت نوُر کرے رُشنائیا۔ سِری بھگوان مرد مردان، دُھر دا جودھا اِک اکھوائیا۔ ابناشی کرتا بن کے کاہن، لیکھا جانے تھاؤں تھائنیا۔ پاربرہم ہو پردھان، حُکمے اندر حُکم ورتائیا۔ لیکھا جانے جیِو جہان، جاگرت جوت کرے رُشنائیا۔ حُکم سندیشہ دے کے اِک فرمان، فرمانبردار لئے اُٹھائیا۔ گُر اوتار پَیغمبر کر کے سوادھان، سچ سندیشہ اِک سُنائیا۔ وِشن برہما شِو ویکھو آن،
دُھر دا مالک آپ سُنائیا۔ سَتجُگ تریتا دواپر کلجُگ بِن اکّھاں کرو پہچان، نِج نیتر اکّھ کُھلائیا۔ شاستر سِمرت وید پُران انجیل قُرآن ویکھو گیان، بھیو ابھید آپ کُھلائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ سُنیہڑا اِک سُنائیا۔ سو پُرکھ نِرنجن ٹھانڈا سیِتا، ہرِ کرتا آپ جنائیا۔ گُر اوتار پَیغمبر ویکھو اپنی ریِتا، سَتجُگ تریتا دواپر کلجُگ کھوج کھوجائیا۔ لکّھ چؤراسی جیِو جنت سادھ سنت پرکھو نیِتا، کھتری براہمن شوُدر وَیش ویکھ وکھائیا۔ جھگڑا پیا ہست کیِٹا، آتم برہم بھیو کوئے نہ پائیا۔ ترےَگُن مایا پنج تت تپے انگیِٹھا، امرت میگھ نہ کوئے برسائیا۔ سَت دھرم دی دِسے کوئی نہ ریِتا، کلجُگ کوُڑ وجےّ ودھائیا۔ تن وجوُد کرے نہ کوئی پتت پُنیِتا، پتت پاون میل نہ کوئی مِلائیا۔ رسنا جِہوا گا گا تھکے رام سیِتا، سُرتی شبد نہ کوئے جُڑائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ساچا حُکم اِک سُنائیا۔ ہرِ پُرکھ نِرنجن کہے ویکھو دیِن دُنی دا حال، گُر اوتار پَیغمبراں اکّھ کُھلائیا۔ ساچی دِسے نہ کوئے دھرم سال، دھرم دوارا دھرم نہ کوئے پرگٹائیا۔ کلجُگ کوُڑی کِریا چلی اَولّڑی چال، ساچا مارگ نظر کِسے نہ آئیا۔ سب دے سِر تے کوُکے کال، کوُڑ نگارہ رہیا وجائیا۔ جیِو جنت ہوئے بےحال، سادھ سنت رہے کُرلائیا۔ پھل دِسے نہ کِسے ڈال، لکّھ چؤراسی سِمل روُپ لہرائیا۔ جوتی جوت سروُپ ہرِ، آپ اپنی کِرپا کر، دُھر دا حُکم اِک سُنائیا۔ ایکنکار کہے گُر اوتار پَیغمبر سُنو سندیشہ ایک، ایکنکارا ہو کے دیاں دِرڑائیا۔ ساچی دِسے کِسے نہ ٹیک، دھوُڑی ٹِکّے مستک نہ کوئی لائیا۔ بُدھی دِسے نہ کِسے بِبیک، پتت پُنیِت نہ کوئے کرائیا۔ چار کُنٹ دہ دِشا من واسنا ودھیا بھیکھ، پڑدا اوہلا سکے نہ کوئے اُٹھائیا۔ سچ سوامی کِسے نہ دِسے نیتن نیت، نِج لوچن نیَن اکّھ نہ کوئے کُھلائیا۔ آتم پرماتم کرے کوئی نہ ہیت، پاربرہم برہم میل نہ کوئے مِلائیا۔ مایا ممتا موہ وِکار کھیڈن کھیڈ، ہؤمے ہنگتا گڑھ بنائیا۔ جِس کارن تُہانوُں دِتا بھیج، سرِشٹی دی درِشٹی کِیوں لوکمات وِچ بھرم بُھلائیا۔ ساچی مانے کوئی نہ سیج، پتپرمیشور انگ نہ کوئے لگائیا۔ جوتی جلوہ ملِے نہ تیج، اندھ اندھیرے دِسے لوکائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، دُھر فرمانا اِک دِرڑائیا۔ آد نِرنجن کہے گُر اوتار بِن نیتر لوچن نیَن لؤ تکّ، ہرِ کرتا آپ دِرڑائیا۔ سَتجُگ تریتا دواپر کلجُگ پاندھی بن بن گئے تھک، انت اَخیِر رہے کُرلائیا۔ حقیِقت ملِے کِسے نہ حق، لاشریِک جوڑ نہ کوئے جُڑائیا۔ ساچا ونج کرائے کوئی نہ ہٹّ، کوُڑی کِریا چاروں کُنٹ نظری آئیا۔ نیتر روون مندر مسجد شِودوالے مٹھ، گُردوار دین دُہائیا۔ دروہی تیرے نام کِرپا
کر پُرکھ سمرتھ، واحد تیری اوٹ تکائیا۔ جھگڑا پیا دیِن دُنی جگ، جاگرت جوت نہ کوئے رُشنائیا۔ من واسنا لگّی اگّ، ترےَگُن تت نہ کوئے بُجھائیا۔ بِن کعبیوں کایا مندر اندر کرائے کوئے نہ حج، حق محبوُب مِلن کوئے نہ پائیا۔ دُھن آتمک سُنے کوئی نہ ند، جگت سُرنگے سارے رہے گائیا۔ لیکھا جانے پُرکھ سمرتھ، وڈ داتا دُھردرگاہیِا۔ جِس دی مہما سدا اکتھ، انت کہن کوئے نہ پائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ سندیشہ اِکو اِک سُنائیا۔ ابناشی کرتا کہے سُنو حُکم فرمان، فرمانبرداراں دیاں جنائیا۔ سرِشٹی درِشٹی کولوں گیا گیان، سِکھیا سچ نظر نہ آئیا۔ کوُڑی کِریا ودھی شیَطان، شرع کرم کرے لڑائیا۔ دیِا باتی نوُری جوت جگائے کوئی نہ آن، اندھ اندھیر نہ کوئے مِٹائیا۔ ساچا چھند سُنے نہ کوئی دُھنکان، دُھن آتمک انتر نہ کوئے اُپجائیا۔ امرت رس کِسے نہ ملِے پیِن کھان، ورن گوت دہ دِشا پِھرے ہلکائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ سوامی انترجامی گھٹ نِواسی پُرکھ ابناشی پروردِگارا سانجھے یارا کھیل اِکو اِک درسائیا۔ ابناشی کرتا کہے سُنو سچ سندیش، سچکھنڈ دواریوں دیاں جنائیا۔ تُسیں چار جُگ دے لوکمات بنے نریش، سَتجُگ تریتا دواپر کلجُگ اپنا حُکم ورتائیا۔ دیِناں مذہباں وِچ کردے رہے ہیت، آتم پرماتم کھوج کھوجائیا۔ پُرکھ اکال دسّدے رہے نیتن نیت، ہر گھٹ بَیٹھا ڈیرہ لائیا۔ اندر وڑ کے منزل چڑھ کے کایا کعبےدسّدے رہے بھیت، ساڈھے تِنّ ہتّھ بنک دوارا اِک سُہائیا۔ شاستر سِمرت وید پُران قلم شاہی کاغذ اکھّراں نال لِکھدے گئے لیکھ، کاتب ہو کے میری سیو کمائیا۔ کِیوں کلجُگ کوُڑی کِریا چار کُنٹ دہ دِشا ودھیا بھیکھ، مایا ممتا موہ ہویا ہلکائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ساچی کرنی آپ جنائیا۔ پاربرہم کہے سُنو حُکم حُکمران، دُھردرگاہی آپ جنائیا۔ لوک پرلوک ویکھو مار دھیان، زِمیں اسماناں کھوج کھوجائیا۔ جو کلمہ دے کے آئے کلام، کائنات وِچ سُنائیا۔ جو دسّ کے آئے شرع اِسلام، اِسم ساچا اِک سمجھائیا۔ جو جپا کے آئے نام، رسنا جِہوا من کا منکا بھوائیا۔ جو دے کے آئے پَیغام، سندیشہ دُھردرگاہیِا۔ جو کرکے آئے انتظام، حُکمے اندر حُکم جنائیا۔ کِیوں صدی چؤدھویں سارے ہوئے بدنام، بدی گھر گھر ڈیرہ لائیا۔ حُکم سندیشہ دیوے سِری بھگوان، دُھر فرمانا اِک سُنائیا۔ اُٹھو ویکھو جیِو جہان، کایا ماٹی پھول پھولائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سِر اپنا ہتّھ ٹِکائیا۔ گُر اوتار پَیغمبر کہن سُنیا حُکم اگمّ، اگمّڑے دِتا دِرڑائیا۔ کلجُگ انت اَخیِر سمجھنا اپنا کم، نِہکرمی دِتا
سمجھائیا۔ اسیں منگدے نہیں کایا ماٹی چمّ، پنج تت تت نہ کوئی وڈیائیا۔ لہنا دینا نہیں پوَن سواسی دم، تن وجوُد نہ ویس وٹائیا۔ کِرپا کرنی سِری بھگوَن، مِہر نظر اِک اُٹھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در ٹھانڈے منگ منگائیا۔ گُر اوتار پَیغمبر کہن کِرپا کر جگدیِش، جگدیِشر تیرے ہتّھ وڈیائیا۔ دُھر دے کرتے کر بخشیِش، رحمت مِہر نظر دُھر دی جھولی پائیا۔ دو جہاناں برہمنڈ کھنڈ پُری لوء آکاش پاتال ویکھیئے ٹھیِک، ٹھاکر تیری ساچی سیو کمائیا۔ دیِن دُنی انتر نِرنتر تکّیئے اتیِت، ترےَگُن انتر پڑدا پھول پھولائیا۔ کوَن سنت سُہیلا جن بھگت تیرا گاوے گیِت، آتم پرماتم راگ الائیا۔ گرِہ گرِہ ویکھے مندر مسیِت، مُلّا مسائک پنڈت پاندھے کھوج کھوجائیا۔ کوَن تیری منّے حدیِث، حضرت سیِس نِوائیا۔ انتر آتم رکھ کے بَیٹھا اُڈیِک، منسا منسا وِچ چُھپائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در تیرے منگ منگائیا۔ گُر اوتار پَیغمبر کہن اسیں ویکھیئے اپنا جگ، چار کُنٹ دہ دِشا دھیان لگائیا۔ نِرگُن دھار جوت سروُپی جائیے بھجّ، بِن قدماں اپنا پندھ مُکائیا۔ لکّھ چؤراسی وِچوں جن بھگت سُہیلے لئیے لبھ، صوُفی سنت فقیِر پھول پھولائیا۔ جو جگت واسنا کوُڑی کِریا پار کر کے بَیٹھے حد، در ٹھانڈے الکھ جگائیا۔ تیرا نوُر ظہوُر تکّیا اُپر شاہ رگ، جگت دوارے ڈیرہ ڈھاہیِا۔ نام خُماری پی کے مد، مدُھر دُھن سُن کے خوشی منائیا۔ من واسنا کر الگّ، سمرتھ تیرے در تے بہہ کے تیرا ڈھولا گائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، تیرا لہنا تیری جھولی پائیا۔ گُر اوتار پَیغمبر کہن ویکھیئے کلجُگ لوکمات، صدی چؤدھویں انت اَخیِر کھوج کھوجائیا۔ کِیوں چار کُنٹ دہ دِشا ہوئی اندھیری رات، ساچا نوُری چند نہ کوئے چمکائیا ۔ کِیوں جھگڑا پیا دیِن مذہب ذات پات، کلمہ کائنات حق نہ کوئے سمجھائیا۔ کِیوں آتم سیجا سوئے کوئی نہ کھاٹ، سچ سِنگھاسن نظر کِسے نہ آئیا۔ کِیوں آون جاون لکّھ چؤراسی میٹے کوئی نہ واٹ، تیرے دھرم دوارے چڑھ کے تیرا درشن پائیا۔ کِیوں رسنا جِہوا بتّی دند ہِندوُ مُسلم سِکھ عیِسائی پڑھ پڑھ تھکے گاتھ، آتم انتر نِجانند پرمانند وِچ نہ کوئے سمائیا۔ کِیوں کوُڑ کُڑیارا چار کُنٹ دہ دِشا کُھلیا ہاٹ، ممتا موہ وِکار گھر گھر ڈیرہ لائیا۔ کِیوں کھیل ہویا سوانگی بازی گر نٹوُآ ناٹ، ساچا راہ نظر نہ آئیا۔ پُرکھ اکال دیِن دَیال اسیں ویکھیئے کھیل تماش، طبع کوُڑی پھول پھولائیا۔ پتپرمیشور پروردِگار ساڈی پوُری کرنی آس، آہستہ آہستہ سِر اپنا ہتّھ ٹِکائیا۔ لکّھ چؤراسی وِچوں تیرے بھگت کریئے تلاش، کایا مندر پھول پھولائیا۔ جِنہاں دے انتر
نِرنتر تیرے مِلن دی آس، پیاس پریم والی ودھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، مِہر نظر اِک اُٹھائیا۔ پُرکھ اکال کہے گُر اوتار پَیغمبرو ویکھو لوکمات دی دھار، دھرنی دھرت دھوَل دیاں سمجھائیا۔ ساچا رہیا نہ کِسے پیار، مُحبّت کوُڑی دِسے لوکائیا۔ ناتا تُٹیا کنت بھتار، سجّن یار سنگ نہ توڑ نِبھائیا۔ چاروں کُنٹ ہاہاکار، مایا ممتا موہ ہلکائیا۔ جو سندیشہ دے کے آئے وارو وار، بھوِکھتاں وِچ سُنائیا۔ سو لہنا دینا لیکھا جانے آپ نِرنکار، قُدرت دا مالک دُھردرگاہیِا۔ صدی چؤدھویں انت اَخیِر سب دے خالی دِسن مزار، مقبرے دین دُہائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ساچی سِکھیا اِک سمجھائیا۔ پُرکھ اکال کہے جا کے ویکھو دیِن دُنی دی اندرو اندر حالت، احوال پہلاں دیاں جنائیا۔ من کامنا کوُڑی لگّی علامت، عالم عِلم سکے نہ کوئے مِٹائیا۔ من ہنکاری کرے بغاوت، گرِہ گرِہ کرے لڑائیا۔ ساچا دِسے نہ کوئی صحیح سلامت، جو صاحب مِل کے خوشی منائیا۔ جا کے ویکھو دیِن مذہب سب دی ضبط ہوئی ضمانت، اکھّری نام سنگ نہ کوئے بنائیا۔ انت اَخیِر آؤن والی قیامت، جوتی جوت سروُپ ہرِ، آپ اپنی کِرپا کر، دیونہارا ساچا ور، ساچی کرنی آپ کمائیا۔ گُر اوتار پَیغمبر کہن تیرا حُکم پربھوُ آد جُگادی سچ، نہ کوئی میٹے میٹ مِٹائیا۔ اسیں لکّھ چؤراسی ویکھیئے کایا ماٹی بھانڈے کچّ، چارے کھانی پھول پھولائیا۔ جو مارگ دیِن دُنی آئے دسّ، کِیوں مانَو ذاتی گئی بُھلائیا۔ نِج نیتر کُھلے کِسے نہ اکّھ، لوچن ہوئے نہ کوئے رُشنائیا۔ آتم پرماتم کر کے وکّھ، کوُڑ گھرانہ رہے وسائیا۔ بِن تیری کِرپا پُرکھ سمرتھ، سچ دوارے ملِے نہ کوئے وڈیائیا۔ کلجُگ انت اَخیِر بُرج ہنکاری جانا ڈھٹّھ، چار کُنٹ نِشانہ نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، دُھر دے مالک تیری بےپرواہیِا۔ پُرکھ اکال کہے میرا حُکم اگمّ اتھاہ، آد جُگاد دیاں سمجھائیا۔ گُر اوتار پَیغمبر بنائے ملاح، سَتجُگ تریتا دواپر کلجُگ حُکم ورتائیا۔ شاستر سِمرت وید پُران انجیل قُرآن کھانی بانی لِکھا، سندیش نریش دُھر فرمانے آپ سُنائیا۔ کِیوں سرِشٹی درِشٹی بُھلی راہ، رہبر ہو کے کِیوں بَیٹھے مُکھ چُھپائیا۔ اپنے اپنے دیِن مذہب انت اَخیِری لؤ بچا، بچپن اپنے رنگ رنگائیا۔ اِکو ڈھیّا باقی دِسے حُکم دینا بےپرواہ، نہ کوئی میٹے میٹ مِٹائیا۔ سب دی صفا دینی اُٹھا، لوکمات رہن کوئے نہ پائیا۔ اگلا جُگ چلنا نَواں، سَتجُگ ساچے ملِے وڈیائیا۔ دُھر فرمانا اِکو کہواں، سندیشہ دُھردرگاہیِا۔ انت اَخیِر بےنظیِر پُرکھ اکال دیِن دَیال اِکو رہواں، دوُجا اِشٹ نہ کوئے منائیا۔ سب دی آتم سیجے سواں، جوتی جاتا ہو کے ڈیرہ
لائیا۔ جوتی جوت سروُپ ہرِ، آپ اپنی کِرپا کر، سچ سندیشہ نر نریشا اِکو اِک سُنائیا۔ گُر اوتار پَیغمبر کہن اسیں ویکھیئے بندے خاکی ، خالص تیرا حُکم سمجھائیا۔ کی کھیل ہونا اِتفاقی، بےپرواہ دِتا دِرڑائیا۔ اؤکھی منزل دِسے گھاٹی، اگلا پندھ نہ کوئے چُکائیا۔ تیری یاد کردے رہے پُرکھ ابناشی، جُگ چؤکڑی دھیان لگائیا۔ تُوں نوُر نوُرانہ ہر گھٹ نِواسی، گرِہ گرِہ سوبھا پائیا۔ کُچھ لیکھا ساڈے کول تیرا گوبِند والی پاتی، پترکا دُھر دی نظری آئیا۔ جوتی جوت سروُپ ہرِ، آپ اپنی کِرپا کر، بھیو ابھیدا دینا کُھلائیا۔ گوبِند پاتی دسےّ کی، کاغذ قلم لِکھن کوئے نہ پائیا۔ کلجُگ انت سِری بھگوَنت کوُڑی کِریا جڑ اُکھیڑی )نیِہہ(، لوکمات رہن نہ پائیا۔ ساچے دھرم دا دھرم دوارے بیِجنا بی، اُتپت اپنا نام کرائیا۔ جھگڑا مُکا کے ساڈھے تِنّ ہتّھ سیں، محل اٹل کرے رُشنائیا۔ دھرنی دھرت دھؤل گھرانہ کر وسیع، نؤجوانا ویکھ وکھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، دُھر دے ٹھاکر تیری اوٹ تکائیا۔ چِٹھی کہے میرا لیکھ پتّر، پتّریاں توں باہر جنائیا۔ پُرکھ اکالا دیِن دَیالا جوتی جاتا پُرکھ بِدھاتا نِرگُن دھاروں آوے اُتر، جِس نوُں جنمے کوئے نہ مائیا۔ جِس نے شبد دُلارا اِکو بناؤنا پُتر، پوُت سپوُتا ناؤں دھرائیا۔ دُھردرگاہی چُکے کُچھڑ، مِہر نظر اُٹھائیا۔ جوتی جوت سروُپ ہرِ، آپ اپنی کِرپا کر، اپنی کرنی آپ کمائیا۔ اپنی کرنی کرے کرتار، ہرِ کرتا بےپرواہیِا۔ شبد سُت اِک اُٹھال، حُکمے اندر حُکم منائیا۔ کلجُگ کوُڑی کِریا لیکھا ویکھ شاہ کنگال، بچیا رہن کوئے نہ پائیا۔ بھگتاں دسّ سچ سچّی دھرم سال، دُھر دربارا اِک وکھائیا۔ جِس گرِہ دِیپک جگے بےمثال، مِسل وِچ نہ کوئے سمجھائیا۔ دے سکے نہ کوئے احوال، بھیو ابھید نہ کوئے کُھلائیا۔ جوتی جوت سروُپ ہرِ، آپ اپنی کِرپا کر، مِہربان محبوُب مُحبّت وِچ آپ دِرڑائیا۔ گُر اوتار پَیغمبر کہن چِٹھی دا انوکھا لیکھ، جگت لِکھت نہ کوئے وڈیائیا۔ جِس وِچ اگمّڑا بھیت، انُبھوَ درِشٹی آپ دِرڑائیا۔ دیِن دَیال بھگتاں کرنا ہیت، جوتی جاتا ویس وٹائیا۔ سچ سوامی سُہاوَنی سیج، سِنگھاسن آسن اِک رکھائیا۔ جوتی جلوہ دے کے تیج، اپ تیج وائے پرِتھمی آکاش لیکھا دینا مُکائیا۔ جوتی جوت سروُپ ہرِ، آپ اپنی کِرپا کر، دُھر دی کھیل آپ ورتائیا۔ دُھر دی کھیل کہے میرا سمجھے کوئی نہ سماں، سماپت ہُندی ویکھے لوکائیا۔ مَیں جُگ بدلدی آئی نِت نَواں، سَتجُگ تریتا دواپر کلجُگ رہن کوئے نہ پائیا۔ مَیں شبد دھار بدلدی آئی اکھّراں وِچ دماں، دامنگیِر ہو کے پندھ مُکائیا۔ مَیں صدی چؤدھویں پِھراں نال چَواں، چاؤ گھنیرا اِکو نظری آئیا۔ کرنی کہے مَیں ویکھیا کرتا، قُدرت دا مالک بےپرواہیِا۔ جو آد
جُگادی کھیل کردا، نِت نوِت ویس وٹائیا۔ شبد اگمّی ڈھولا پڑھدا، انراگی راگ سُنائیا۔ سَتجُگ تریتا دواپر کلجُگ مات دھردا، تِھر رہن کوئے نہ پائیا۔ جو سانجھا یار قدیِم چِر دا، جِس دا انت کوئے نہ پائیا۔ اوہ بھیو کُھلاوے گھر تِھر دا، سنت سُہیلے آپ اُٹھائیا۔ لیکھا جانے دُھر دے پِر دا، پریِتم ہو کے میل مِلائیا۔ جن بھگتاں دسّ کے ساچا ہِردا، ہر گھٹ وسیا نظری آئیا۔ جِتھے امرت جھِرنا جھِردا، بوُند سوانتی اِک ٹپکائیا۔ اندھ اندھیر لیکھا نِبڑدا، نِرگُن جوت ہووے رُشنائیا۔ لہنا دینا مُکا دے گوبِند والے ٹبّر دا، داس داسی سوبھا پائیا۔ ایہہ کھیل اگمّی شیر ببّر دا، جِس دی بھبک جھلّے نہ کوئے لوکائیا۔ کلجُگ انتم سماں ویکھے عدل دا، اِنصاف اپنے ہتّھ جنائیا۔ کلجُگ اندر سَتجُگ جن بھگتاں ویکھنا بدلدا، بدی دا لیکھا دئے مُکائیا۔ پربھ دا بھیو پاؤنا کوئی مان نہیں وڈیائی والی عقل دا، بُدھی چلے نہ کوئے چتُرائیا۔ پربھ دا روُپ رنگ نہیں کِسے شکل دا، شک وِچ رکھے سرب لوکائیا۔ جِنہاں دا ناتا جوڑے آتما پرماتما تعلق دا، ناتا اپنے نال بنائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، مِہر نظر اِک اُٹھائیا۔ مِہر نظر کہے مَیں کھولنی اپنی اکّھ، اکھّراں توں باہر کراں پڑھائیا۔ ویکھنا پُرکھ سمرتھ، پتپرمیشور دُھردرگاہیِا۔ جِس دی مہما آد جُگاد اکتھ، کتھنی کتھ نہ سکے رائیا۔ جُگ چؤکڑی چلاوے رتھ، بن رتھواہی سیو کمائیا۔ کلجُگ انتم ہو پرگٹ، جوتی نوُر کرے رُشنائیا۔ سچ دوارا کھول کے ہٹّ، نام بھنڈارا اِک ورتائیا۔ سنت سُہیلے میل کے سچ، سجّن دُھر دے لئے بنائیا۔ بھاگ لگا کے کایا ماٹی کچّ، کنچن گڑھ دئے سُہائیا۔ لیکھے لا کے پنج تت رتّ، رتن امولک ہیِرے دئے بنائیا۔ گُرمُکھاں آپے جانے مِت گت، گرِہ مندر سوبھا پائیا۔ دیونہارا برہم مت، وِدیا اِکو اِک جنائیا۔ چرن پریِتی جوڑ کے نت، کوُڑی سرِشٹی وِچوں باہر کڈھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ہرجن اپنے رنگ رنگائیا۔ رنگ کہے مَیں بھگتاں جوگا، جوگی جتیاں سَتیاں نظر کوئے نہ آئیا۔ پربھ دی کِرپا نال سد رنگدا رہیا چوغہ، روُپ رنگ سکے نہ کوئے بدلائیا۔ کلجُگ انت لکّھ چؤراسی وِچوں تھوڑیاں دِتا مؤقع، جِنہاں مِل کے اپنا بھیو کُھلائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ہرجن ساچے اپنے رنگ رنگائیا۔ رنگ کہے مَیں چڑھاں چلوُل، چار ورناں سمجھ کِسے نہ آئیا۔ میرا مالک خالق پرِتپالک ایکا کنت کنتوُہل، کرنی دا کرتا نظری آئیا۔ جو آد جُگاد جُگ چؤکڑی نِت نوِت کدے نہ جاوے بھوُل، بُھلیاں مارگ لائیا۔ جُگ چؤکڑی بدلنا جِس دا سچ اصوُل، اصلیّت وِچ اپنا حُکم ورتائیا۔ کوجھیاں کملیاں غریِب
نِمانیاں کرے قبوُل، جو جن چل آئے سرنائیا۔ مستک ٹِکاّ دھوُڑی دیوے دھوُل، دھرم دوارا ایکنکار اِکو اِک وکھائیا۔ سب دا آد انت جُگا جُگنت جانے موُل، مُردے مُریِد اپنے رنگ رنگائیا۔ گُرمُکھ ساچے سنت جن سچ دواریوں اپنی کرنی کرن وصوُل، دیونہار دُھردرگاہیِا۔ جِس دا شبد نام حُکم معقوُل، نہ کوئی میٹے میٹ مِٹائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ساچی کرنی کار کمائیا۔ کرنی کہے مَیں ویکھیا آد جُگادی ایک، ایکنکارا نظری آئیا۔ جِس دی گُر اوتار پَیغمبر رکھدے گئے ٹیک، ٹِکّے مستک دھوُڑی خاک رمائیا۔ جن بھگتاں کرے بُدھ بِبیک، بُدھی اپنا بھیو کُھلائیا۔ ترےَگُن مایا لائے نہ سیک، اگنی تت نہ کوئے بُجھائیا۔ جنم کرم دی بدل دیوے ریکھ، مِہر نظر اِک اُٹھائیا۔ سدا وسے سچکھنڈ اپنے دیس، درگاہ ساچی سوبھا پائیا۔ جِس کلجُگ انت جوتی دھار جا کے دِتی بھیج، گوبِند رنگ رنگائیا۔ ماچھوُواڑا دسّ کے سُہنجنی سیج، یارڑا دئے سُہائیا۔ کُچھ پُری انند دا لیکھ، انت انت دئے گواہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ساچا حُکم اِک سُنائیا۔ پُری انند کہے مَینوُں یاد آئی دِسیا وقت سُہیلا، کریا کھیل بےپرواہیِا۔ رنگ چڑھیا گُروُ گُر چیلا، چار کُنٹ پئی دُہائیا۔ سجّن سنگ نہ کوئے البیلا، لیکھا جانے شہنشاہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ہرِ کرتا دُھردرگاہیِا۔ پُری انند کہے مَیں ویکھاں اوہ وقت، سُہنجنا نظری آئیا۔ جِس ویلے گوبِند لیکھا دِتا داس داسیِاں فقط، چار تن چار وجّی ودھائیا۔ اوہ بنس سربنسا سوہنا لگّے جگت، جگ جیِون داتا ویکھ وکھائیا۔ جِس نوُں آد کہِندا بھگت، جُگاد دئے وڈیائیا۔ لیکھے لگّے بوُند رَکت، تن وجوُد صفائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ پُری انند کہے جِس ویلے داسی داس وِچھڑن لگّا پریوار، بنس سوہنا نظری آئیا۔ قِلعے توں باہر بول جَیکار، نعرہ اِکو دِتا سُنائیا۔ اُنی سال دا نؤجوان، بچّی بچّہ نہ کوئے وڈیائیا۔ اُس دے انتر آئی وِچار، دھیان اندرے اندر ٹِکائیا۔ گوبِند دا سوہنا دِسے شِنگار، کلغی توڑا سوبھا پائیا۔ تن شستراں والے ہتھیار، بستر تن چمکائیا ۔ کِس ویلے گل اِس دے پاواں اِک ہار، اپنی خوشی بنائیا۔ چرناں اُتے کراں نِمسکار، دھوُڑی خاک رمائیا۔ اَگوں گوبِند شبدی کر پیار، سہجے دِتا دِرڑائیا۔ بچّیو تُہاڈا میرا رہیا اُدھار، لہنا پُرکھ اکال ہتّھ پھڑائیا۔ جِس ویلے آواں دوُجی وار، نِرگُن نوُری جوت کر رُشنائیا۔ رام وشِشٹ دا لیکھا پوُرا کرنا وِچ سنسار، جو دھرنی دھرت گیا سمجھائیا۔ سب دا لہنا دینا دیواں وارو وار، وارتا پِچھلی آپ
دُہرائیا۔ تُہاڈا اِکٹّھا کراں پریوار، پِچھلے ساتھی میل مِلائیا۔ اوہناں وِچوں محل سِنگھ رہ گیا باہر، جِس کارن ہار ہتّھ نہ آئیا۔ ایہہ کھیل اپر اپار، پربھ اپنے وِچ چُھپائیا۔ سب نوُں منزل پؤڑے اِکو چاڑھ، در ٹھانڈے دئے وڈیائیا۔ اگلا لیکھا ہور کرتار، گوبِند دا ساتھی شاہ اسوَار، جو سگلا سنگ بنائیا۔ اُس دا تھوڑا جِہا اِظہار، لیکھے وِچ کرنا ظاہر، اگلا لیکھا لِکھے کوئے نہ قلم شاہیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ شاہ اسوَار سوُرا گوبِند دا سِکھ دُلارا، نام گُپت وِچ رکھائیا۔ اوس دے اندروں آیا اِک اِشارہ، فُرنے وِچ منگ منگائیا۔ جے داس داسیِاں کیِتا پار کنارہ، میرا لیکھا دے مُکائیا۔ جے تُوں آؤنا نِرگُن دھار دوُجی وارا، میرا ناتا جوڑ جُڑائیا۔ میل میلنا اگمّ اپارا، الکھ اگوچر کھیل کھِلائیا۔ دینا سیِس جگدیِس پیارا، مِہر نظر اِک اُٹھائیا۔ پُرکھ ابناشی ویکھے وِگسے ویکھنہارا، ابُھل بُھل کدے نہ جائیا۔ سب دا پوُرا کرے شبدی دِتا لارا، لیکھا لیکھے وِچ رکھائیا۔ سُرستی دا نوُر کر پیارا، بستی بھگتاں وِچ بنائیا۔ اوسے ہار دا ہار شِنگارہ، شِنگار اپنا حُکم جنائیا۔ ایسے کارن کِھچّ کے لیائے وِچ دوارا، دوُجے سمجھ کِسے نہ پائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیر سِنگھ وِشنوُں بھگوان، آد جُگاد جُگ چؤکڑی نِت نوِت ایتھے اوتھے دو جہاناں پاوے سارا، مہاسارتھی دُھر دی سیوا اپنی آپ کمائیا۔
۲۰ پھگّن شہنشاہی سمت ۲ اوم پرکاش کالرے دے گرِہ جنگ پُرا نَویِں دِلّی
جن بھگتاں بخشے چرن دھوُڑی، نام ٹِکّے مستک لائیا۔ ناتا تُٹے ممتا موہ وِکار آسا کوُڑی، جوُٹھ جھوُٹھ رہن نہ پائیا۔ سچ پریِتی رنگ چڑھا دے تن ماٹی خاک گوُڑھی، دُرمت مَیل اندروں باہر کڈھائیا۔ نام نِدھان سِری بھگوان امرت رس سچ دیوے سروُری، بِن دیِن مذہب اپنے رنگ رنگائیا۔ سوَچّھ سروُپ شاہو بھوُپ ایکنکار دِسے حاضر حضوُری، نِرگُن نِرنکار نِراکار سنمُکھ ہو کے سوبھا پائیا۔ کلجُگ انت سِری بھگوَنت دُھر دا کنت بھگت سُہیلے تارے ضروری، ضرورت جگت جنم جُگ چؤکڑی پوُرب ویکھ وکھائیا۔ گُرمُکھاں کرے بُدھ بِبیک من مت بُدھ موُرکھ رہے نہ کوئے موُڑھی، سُچّجے دُھر دے دئے بنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، بھیو ابھیدا آپ کُھلائیا۔
۲۰ پھگّن شہنشاہی سمت ۲ کرتار سِنگھ دے گھر شکوُر بستی نَویِں دِلّی
جن بھگتاں بخشے نام نِدھان سَت، سَت سَت دَیا کمائیا۔ بِن شاستر سِمرت وید پُران انجیل قُرآن کھانی بانی دے کے برہم مت، پاربرہم پتپرمیشور اپنا بھیو دئے کُھلائیا۔ بھاگ لگا کے تن وجوُد کایا ماٹی ساڈھے تِنّ ہتّھ کچّ، کنچن گڑھ محل اٹل چڑھ، سچ دوارے کھڑ، گھر اِکو دئے سمجھائیا۔ منوُآ جگت واسنا دہ دِشا چار کُنٹ نہ جائے نچّ، شبدی ڈوری اِکو نام بندھائیا۔ اِکو نام جَیکارا سچ دوارا اِکو دسّ الکّھ، الکھ اگوچر اگمّ اتھاہ اپنی دَیا کمائیا۔ بھیو کُھلائے گرِہ مندر ہر گھٹ، پڑدا اوہلا بن وِچولا دُھر دا سوہلا راگ سُنائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ہرجن میلے سہج سُبھائیا۔