۲۰ پھگّن شہنشاہی سمت ۲ سوَرن سِنگھ دے گرِہ پِنڈ کھیڑی ضِلع پٹیالہ
جن بھگتاں ہوئے کِرپال، کام کرودھ لوبھ موہ ہنکار رہن نہ پائیا۔ کایا مندر اندر ساڈھے تِنّ ہتّھ وکھائے سچّی دھرم سال، بنک دوارا ایکنکارا اِکو دئے وڈیائیا۔ چرن پریِتی ساچی ریِتی دسےّ جِتھے پوہ نہ سکے کال، مہاکال بَیٹھے سیِس نِوائیا۔ جُگ چؤکڑی نِت نوِت جو بدلدا آیا چال، چال نِرالی جوت اکالی اکل کل دھاری اپنی بنت جنائیا۔ مُرشد ہو کے مُریِداں ویکھے حال، مُدتاں دے وِچھڑے وِچھوڑے وِچوں اپنے نال مِلائیا۔ سب دی لیکھے لائے پوُرب جنم کرم دی کیِتی گھال، مِہربان ہرِ مِہر نظر بِن نیَن اکّھ اُٹھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ سوامی انترجامی ساچے رنگ آپ رنگائیا۔
۲۰ پھگّن شہنشاہی سمت ۲ سوَرن سِنگھ دے گرِہ ارجن نگر جالندھر
جن بھگتاں پربھ دیوے آد جُگادی ایکا جوگ، جُگ چؤکڑی بدلی ویکھے جگت لوکائیا۔ ساچے سنتاں کر کے دُھر سنجوگ، آتم پرماتم لیکھا سہج سُبھائیا۔ گُرمُکھاں کٹ کے آتم ہؤمے روگ، ہنگ برہم دئے سمجھائیا۔ گُرسِکھاں کر پرکاش نِرمل جوت، ورن گوت ڈیرہ ڈھائیا۔
مؤجیِاں دسّ کے اپنی مؤج، مجلس اپنے نال رکھائیا۔ نِرگُن نِراَدھار نِراکار شبدی دسّ کے اپنی گوہج ، جگت وِدیا توں باہر کرے پڑھائیا۔ جوتی جوت سروُپ ہرِ، آپ اپنی کِرپا کر، دسّنہارا اِک سلوک، سوہلا ڈھولا بن وِچولا اپنا آپ سُنائیا۔ جن بھگتاں دیوے نام انڈِٹھی وتھ، وستوُ باہر نظر کِسے نہ آئیا۔ جِس دی مہما گُر اوتار پَیغمبر گئے دسّ، دس اٹھ ونڈ ونڈائیا۔ سو بھگت سُہیلے بھگتی اندر میلے ہسّ ہسّ، ہستی وِچ مستی نام خُماری دئے چڑھائیا۔ کلجُگ کوُڑی کِریا مایا موہ وِکار کھیڑا کر کے بھٹّھ، اگنی تت دئے بُجھائیا۔ سچ کنارہ ایکنکارا اِکو دسےّ تٹ، نئیا نؤکا نام اِکو اِک سمجھائیا۔ در آیا دُرمت مَیل دیوے کٹ، نام نِدھانا سِری بھگوانا تیِر انیالا آپ چلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سو پُرکھ نِرنجن دیِناں ناتھ درد دُکھ بھےَ بھنجن، بھوَ ساگر کایا گاگر وِچوں پار کرائیا۔
۲۰ پھگّن شہنشاہی سمت ۲ گُرچرن سِنگھ دے گرِہ پِنڈ جٹوُآ ضِلع سنگروُر
جن بھگتاں اپنا دسےّ سچ گھرانہ، گہر گمبھیِر بےنظیِر پڑدا اوہلا دئے چُکائیا۔ جِس گرِہ دُھر دا جھُلدا سچ نِشانہ، نِشاوَر گُر اوتار پَیغمبر اپنا آپ کرائیا۔ اِکو نوُر جوت پرکاش سِری بھگوانا، بھاگ حِصّہ دوُجا ونڈ نہ کوئے ونڈائیا۔ لکّھ چؤراسی جیِو جنت سادھ سنت سروُپ دِسے کاہنا، نام بنسری اگمّ اتھاہ اِکو اِک سُنائیا۔ نِراکارا نر نِرنکارا نیارا دِسے راما، رمئیا رام سب نوُں رہیا سمجھائیا۔ سو لہنا دینا لیکھا جانے کلجُگ جیِو جگت جہانا، جاگرت جوت کر رُشنائیا۔ جن بھگت ویکھے لوکمات مار دھیانا، ساچے سنتاں پڑدا آپ اُٹھائیا۔ گُرمُکھاں دے کے آتم پرماتم دُھر دا گانا، ناد انادی ناد سُنائیا۔ گُرسِکھاں بن کے جانی جانا، اَنجانت اپنا بھیو کُھلائیا۔ کوُڑی کِریا مایا ممتا گڑھ توڑ ابِھمانا، ساچا مارگ اِک وکھائیا۔ شرع رہے نہ کوئے شیَطانا، شریعت اصلیّت وِچوں سمجھائیا۔ امرت رس دے کے پیِنا کھانا، کوُڑی کِریا اگن بُجھائیا۔ مِہربان مِہربان مِہربان محبوُب بھگت وچھل سِری بھگوانا، پُرکھ اکالا ہوئے سہائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیر سِنگھ وِشنوُں بھگوان، سرب جیِاں دا جانی جانا، جانت اَنجانت انڈِٹھ اپنی کھیل کرائیا۔
۲۰ پھگّن شہنشاہی سمت ۲ کرم سِنگھ دے گرِہ پِنڈ بھگوان پُرا ضِلع جالندھر
جن بھگتاں منزل دے کے اگمّی چوٹی، چیٹک اپنا آپ لگائیا۔ کر پرکاش نِرمل جوتی، جوت جوت رُشنائیا۔ انتر کڈھ کے واسنا کھوٹی، کھوٹے کھرے لَواں بنائیا۔ آتم پرماتم پرماتم آتم اِکو گرِہ بنا کے گوتی، ورن برن ڈیرہ ڈھاہیِا۔ گُرمُکھ آتم رہے کوئی نہ سوتی، شبد اِشارے نال اُٹھائیا۔ نام نِدھان سُنا کے دُھر سلوکی، صُلح کُل دیاں مِلائیا۔ گُرمُکھ گُرسِکھ ہرجن ہرِ بھگت صوُفی سنت فقیِر مانک موتی، انمُلڑا لال اپنی جھولی پائیا۔ جِس دی شہادت دِوس رَین دیوے رَوداس چمیارا موچی، مؤجوُدہ ہو کے اپنی کار کمائیا۔ صاحب سمرتھ اوہناں بنیا کھوجی، جِنہاں دا مالک اِکو چوجی، پریِتم مِل کے وجےّ ودھائیا۔ ہؤمے دا رہے کوئی نہ روگی، چِنتا غم رہے نہ سوگی، جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیر سِنگھ وِشنوُں بھگوان، میل مِلائے دُھر سنجوگی، وِیوگ جنم جنم دا گئے گوائیا۔
۲۱ پھگّن شہنشاہی سمت ۲ ہزارا سِنگھ دے گرِہ پِنڈ شریِف گڑھ ضِلع کرنال
جن بھگت کہن پربھ کوُڑی کِریا کلجُگ میٹ دے دُکھ، مایا ممتا موہ وِکار دے گوائیا۔ نؤ کھنڈ پرِتھمی ستّ دیِپ جگت واسنا پوُری کر بُھکھ، ترےَگُن اتیِتے ٹھانڈے سیِتے اپنی دَیا کمائیا۔ غریِب نِمانے کوجھے کملے نِرگُن نِروَیر اپنی گودی چُک، پرم پُرکھ پرماتم آتم اپنا رنگ رنگائیا۔ چار ورن اٹھاراں برن کھتری براہمن شوُدر وَیش اِکو ایکا ایہناں اپنے نام دی دسّ تُک، پاربرہم برہم میلا لےَ مِلائیا۔ جھگڑا رہے نہ چار کُنٹ دہ دِشا مانَو منُکھ، مانَس اپنا پڑدا دے اُٹھائیا۔ صدی چؤدھویں انت اَخیِر کلجُگ کوُڑی کِریا پیَنڈا جائے مُک، سَتجُگ ساچا دھرم در دوارے لےَ پرگٹائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سمرتھ سوامی انترجامی در تیرے آس رکھائیا۔ جن بھگت کہن پربھ اپنی سرِشٹی اندر آ کے ویکھ، کلجُگ کوُڑ رہیا کُرلائیا۔ جوُٹھ جھوُٹھ ودھیا بھیکھ، سَت دھرم نِشان نہ کوئی جھُلائیا۔ ممتا موہ وِکار ودھیا ہیت، گڑھ ہنکار نہ کوئے تُڑائیا۔ تیرا درس کوئی پائے نہ نیتن نیت، نِج نیتر لوچن نیَن اکّھ نہ کوئی کُھلائیا۔ جو گُر اوتار پَیغمبر
سَتجُگ تریتا دواپر کلجُگ دِتے بھیج، شاستر سِمرت وید پُران انجیل قُرآن کھانی بانی گئے لِکھائیا۔ تِنہاں مِل کے سچ سِنگھاسن پُرکھ ابناشن تیری مانے کوئی نہ اگمّی سیج، سچکھنڈ دوار ایکنکار نظر کِسے نہ آئیا۔ کِرپا نِدھان ہو کے ویکھ لوکمات اپنا دیس، دھرنی دھرت دھوَل نیتر رو رو رہی کُرلائیا۔ پِتا پوُت نہ رہیا ہیت، جوتی جوت سروُپ ہرِ، آپ اپنی کِرپا کر، ایکا دینا ساچا ور، در ٹھانڈے منگ منگائیا۔ جن بھگت کہن دیِن دُنی دی سُن پُکار، نِیوں نِیوں سیِس نِوائیا۔ سرِشٹی درِشٹی اندر ہوئے دُکھیار، وِبھچار کرے لڑائیا۔ مندر مسجد شِودوالے مٹھ کرن ہاہاکار، دُھر دا دھرم نہ کوئے پرگٹائیا۔ کاغذ قلم شاہی لیکھا لِکھ کے گئے نِرگُن سرگُن تیری دھار، بودھ اگادھ شبد ناد شنوائیا۔ سرگُن دا لہنا دینا سکے نہ کوئے وِچار، بُدھی بِبیک نہ کوئے کرائیا۔ من واسنا کوُڑی کِریا ہؤمے ہنگتا ودھیا ہنکار، بھگت پریم پاربرہم تیرا بھیو کوئے نہ پائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچکھنڈ نِواسی سچ دوار اِکو تیرا نظری آئیا۔ جن بھگت کہن پربھ صدی چؤدھویں ویکھ انت اَخیِر، آخر تیرا دھیان لگائیا۔ مانَو ذاتی اندروں بدل گئی ضمیِر، ظاہر ظہوُر تیرا درس کوئے نہ پائیا۔ شرع شریعت کٹے نہ کوئے زنجِیر، ہِندوُ مُسلم سِکھ عیِسائی جھگڑا پیا تھاؤں تھائنیا۔ امرت رس نِجھر جھِرنا جھِرے کوئے نہ نیِر، بوُند سوانتی مُکھ نہ کوئے چوائیا۔ ہؤمے ہنگتا سرِشٹی لگّی پیِڑ، دیِناں اناتھاں غریِب نِمانیاں درد نہ کوئے ونڈائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچکھنڈ دوارے دُھر دربارے در تیرے الکھ جگائیا۔
۲۱ پھگّن شہنشاہی سمت ۲ سنتا سِنگھ دے گرِہ پِنڈ شریِف گڑھ ضِلع کرنال
پُرکھ اکال کہے جن بھگت نہ کر گِریہ زار، گرِہ گرِہ ویکھ وکھائیا۔ انت اَخیِر بےنظیِر پاواں سار، سرب کلا سمرتھ مہما اکتھ دیاں دِرڑائیا۔ کوُڑی کِریا رہن نہ دیواں وِچ سنسار، مایا ممتا موہ وِکار دیاں مِٹائیا۔ لہنا دینا پوُرب لیکھا چُکاواں گُروُ اوتار پَیغمبراں کولوں پرا پسنتی مدھم بَیکھری چارے بانی پھول پھولائیا۔ کِیوں دیِن دُنی دیِناں مذہباں والی گئی ہار، ہِردے ہرِ نہ کوئے وسائیا۔ اِشٹ دیو اندر ملِے نہ میِت مُرار، منتر نِرنتر سچ نہ کوئے سمجھائیا۔ ساچا ڈھولا بن وِچولا شبدی دھار، جوتی جوت سروُپ ہرِ، آپ اپنی کِرپا کر، کرے کھیل ساچا
ہرِ، سچ سندیشہ نر نریشا اِکو اِک سُنائیا۔ پُرکھ اکال کہے جن بھگتو پربھ ویکھنہارا لوکمات، دو جہاناں کھوج کھوجائیا۔ انت کلجُگ کوُڑی کِریا میٹے اندھیری رات، سَتجُگ ساچا چند کرے رُشنائیا۔ تُوں میرا مَیں تیرا آتم پرماتم دسّ کے سوہنگ گاتھ، پرا پسنتی مدھم بَیکھری توں پرے کرے پڑھائیا۔ جھگڑا رہے نہ دیِن مذہب ذات پات، اوُچ نیِچ راؤ رنک اِکو رنگ رنگائیا۔ سرب جیِاں دا سانجھا دِسے ایکنکار اِک اِکلّا کملاپات، پروردِگار سانجھا یار دو جہاناں نظری آئیا۔ گُر اوتار پَیغمبر جِس دی رکھدے گئے آس، سو سوامی انترجامی لکّھ چؤراسی ویکھے تھاؤں تھائنیا۔ جن بھگتاں بُجھائے جنم کرم دی لگّی پیاس، ترِشنا ترِکھا ترِپت وِچ بدلائیا۔ نِرگُن نوُر جوتی جاتا کر پرکاش، کلجُگ اندھ اگیان دئے مِٹائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ہرجن ساچے لیکھے لاوے پوَن سواس، ساہ ساہ جو ہرِ ہرِ رہے دِھیائیا۔ پُرکھ اکال کہے جن بھگت ویلا وقت ویکھ انت، انتشکرن پربھ سب دا ویکھ وکھائیا۔ کرے کھیل سِری بھگوَنت، پاربرہم اپنا حُکم چلائیا۔ جھگڑا رہے نہ جیِو جنت، مانَو مانَو اپنا بھیو کُھلائیا۔ گڑھ توڑ کے ہؤمے ہنگت، ہنگ برہم اِک درسائیا۔ بودھ اگادھا بن کے پنڈت، چار ورن اٹھاراں برن دئے سمجھائیا۔ سچ سوامی انترجامی مِل کے دُھر دا کنت، سُرتی شبد میلا دئے کرائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، دیونہارا دُھر دا ور، بھیو ابھیدا اچھل اچھیدا چار ویداں توں باہر دئے سمجھائیا۔ پُرکھ اکال کہے گُر اوتار پَیغمبر جن بھگت تکّن راہ، رہبر دُھر دا اِکو نظری آئیا۔ سب دا لہنا دینا پوُرب لیکھا دینا چُکا، پوُربلا رہن کوئے نہ پائیا۔ کلجُگ اندر سَتجُگ ساچا مارگ دینا لا، دیِن دُنی دی ریِتی نیِتی وِچوں دینی بدلائیا۔ نام سندیشہ دُھر فرمان اِک سُنا، چار کُنٹ کرنی اِک پڑھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، دُھر دا دھرم آدی کرم برہمادی ورن دینا دِرڑائیا۔ پُرکھ اکال کہے جن بھگتو انت اَخیِر سب دی سُناں پُکار، لکّھ چؤراسی انتر نِرنتر ویکھ وکھائیا۔ جو سندیشہ دے کے گئے گُر اوتار، پَیغمبر سُنیہڑیاں وِچ سُنائیا۔ سو لہنا دینا پوُرب قرضہ دیاں اُتار، مقروُض ہو کے اپنا فرض نِبھائیا۔ کلجُگ بھیکھ کوُڑی کِریا میٹ وِچ سنسار، اوُچ نیِچ راؤ رنک اِکو کرے دھرم جَیکار، دُھر دربار اِک وکھائیا۔ نؤ کھنڈ ستّ دیِپ سُنا کے ہاہاکار، ہؤمے ہنگتا گڑھ دئے تُڑائیا۔ تُوں میرا مَیں تیرا پاربرہم برہم دسّ کے سَت جَیکار، اِشٹ دیو سوامی آتم پرماتم اپنا روُپ درسائیا۔ جِس دا لیکھا آد جُگاد جُگ چؤکڑی سَتجُگ تریتا دواپر کلجُگ گُر اوتار
پَیغمبر لیکھا لِکھنہار، بےانت بےانت کہہ کے سارے سیِس نِوائیا۔ سو پُرکھ اکالا دیِن دَیالا سانجھا یار کل کلکی لئے اوتار، نِہکلنک اپنا ناؤں ڈنک دئے وجائیا۔ سرِشٹی درِشٹی اندروں کرے خبردار، آلس نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، دُھر فرمانا سِری بھگوان اِکو اِک سُنائیا۔ پُرکھ اکال کہے جن بھگتو شبدی حُکم کرے خبردار، بےخبراں آپ سُنائیا۔ نِرگُن نوُر جوت کر اُجیار، اُجالا کرے سرب لوکائیا۔ بھگت وچھل بن خِدمتگار، خادم ہو کے اپنی سیو کمائیا۔ سنت سُہیلے گُروُ گُر چیلے لئے اُٹھال، گُر شبدی میلا دُھردرگاہیِا۔ کلجُگ اندر سَتجُگ دیوے اَولّڑی چال، جگت بُدھی سمجھ کوئے نہ پائیا۔ لیکھا مُکا کے شاہ کنگال، اوُچ نیِچ راؤ رنک اِکو گھر بہائیا۔ چار ورناں اٹھاراں برناں دھرم دوارا وکھا کے سچّی دھرم سال، مندر مسجد شِودوالے مٹھ لہنا دینا دئے مُکائیا۔ سو سوامی انترجامی گھٹ نِواسی پُرکھ ابناشی گرِہ بھیِتر کایا مندر توڑ کے جِندر نِج آتم پرماتم ہو کے ملِے آن، پوَن سواسی منڈل راسی کھیل پُرکھ ابناشی میٹے پِچھلی واٹی، گھاٹی اگلی منزل اپنی دئے وکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیر سِنگھ وِشنوُں بھگوان، جن بھگتاں اندر نِرمل جوت بِن ورن گوت جگا کے کملاپاتی، پتپرمیشور اپنی دَیا کمائیا۔
۲۱ پھگّن شہنشاہی سمت ۲ بنتا سِنگھ دے گرِہ پِنڈ مُغل ماجرہ
جن بھگت کہن پربھ میٹ کوُڑی شاہی، کلجُگ کِریا دے کھپائیا۔ گُر اوتار پَیغمبر کہن ویلا دے سُہائی، جُگ چؤکڑی سَتجُگ تریتا دواپر کلجُگ تیرا دھیان لگائیا۔ ساچے سنت کہن دیِن دَیال ہو سہائی، سمرتھ سوامی انترجامی تیری اوٹ تکائیا۔ گُرمُکھ کہن گُر شبد سَتگُر دے گواہی، صدی چؤدھویں انت اَخیِر بےنظیِر دَیا دے کمائیا۔ گُرسِکھ کہن گوبِند سوُرے تیری آس تکائی، چار ورن اٹھاراں برن ڈیرہ )دے( ڈھاہیِا۔ نِرگُن نِروَیر نِراکار دُھر دی جوت کر رُشنائی، اندھ اگیان دے مِٹائیا۔ ساچا نام شبد دُھن اُپجے شنوائی، انحد انادی اپنا راگ سُنائیا۔ شاستر سِمرت وید پُران انجیل قُرآن کھانی بانی چار کُنٹ دہ دِشا چار ورن اٹھاراں برن دئے دُہائی، سانتک سَت برہم مت پاربرہم پتپرمیشور کایا ماٹی اندر نظر کِسے نہ آئیا۔ نِرگُن سرگُن سرگُن نِرگُن جن بھگت سہہ نہ سکن جُدائی، نِج نیتر لوچن نیَن راہ تکائیا۔ جوتی
جوت سروُپ ہرِ، آپ اپنی کِرپا کر، ایکا دینا ساچا ور، سچکھنڈ نِواسی پُرکھ ابناشی دیِن دَیال مِہر نظر نیَن اُٹھائیا۔ جن بھگت کہن پربھ کلجُگ کوُڑی کِریا شؤہ دریا دے روڑھ، سَتجُگ ساچا مات دے اُپجائیا۔ سُرتی شبدی انتر نِرنتر کر جوڑ، من واسنا موہ وِکار ڈیرہ ڈھاہیِا۔ کر پرکاش اندھیرے گھور، دیِا باتی کملاپاتی اِکو دے ٹِکائیا۔ جھگڑا رہے نہ کام کرودھ لوبھ موہ ہنکار من واسنا چور، مایا ممتا ہؤمے ہنگتا کوُڑا گڑھ دے تُڑائیا۔ صاحب سَتگُر پُرکھ اکالے دیِن دَیالے تیری پریِتی لگّی نِبھے توڑ، منجھدھار اَدھ وِچکار وِچ سنسار نہ کوئے تُڑائیا۔ ایتھے اوتھے دو جہاناں تیرے ہتّھ وِچ ڈور، برہمنڈ کھنڈ پُری لوء آکاش پاتال گگن گگننتر پیَنڈا دے مُکائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، صاحب ساجن میِت مُرار، اِک اِکلّے ایکنکار، اکل کل دھاری تُدھ بِن دوُجا نظر کوئے نہ آئیا۔ جن بھگت کہن پربھ کلجُگ کوُڑا میٹ پسارا، اُتّر پوُرب پچھّم دکھّن دھیان لگائیا۔ تیرا ایکا نام نوُر ہووے اُجیارا، چار ورن اٹھاراں برن خوشی منائیا۔ چار کُنٹ دہ دِشا تیرے نام دا اِکو ہووے جَیکارا، ہِندوُ مُسلم سِکھ عیِسائی تیرا نام دِھیائیا۔ دیِن مذہب ذات پات جھگڑا رہے نہ جیِو گوارا، بُدھ بِبیک شبد ٹیک دے کرائیا۔ مانَس جنم مانُکھ ذاتی منُکھتا وِچ جائے سوارا، سوارتھ پرمارتھ اپنا نام دے دِرڑائیا۔ دیِن دُنی انتر نِرنتر کایا مندر اندر میٹ دُھندوُکارا، دِیپک دِیاکملاپاتی اِک اِکانتی دے جگائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، دُھر سُہیلے ساجن میِت ٹھانڈے سیِت در تیرے اِک عرضوئیا۔ جن بھگت کہن پربھ کلجُگ کوُڑی کِریا انت اَخیِری کر ختم، خطا سب دی معاف کرائیا۔ سچکھنڈ نِواسی پُرکھ ابناشی آ ویکھ اپنا پتن، پتپرمیشور گُر اوتار پَیغمبر سارے بَیٹھے دھیان لگائیا۔ انت اَخیِر بےنظیِر چارے کھانی چلے کوئی نہ یتن، یتھارتھ تیرا میل نہ کوئی مِلائیا۔ تیرا نوُر جوت پرکاش نیتر کلجُگ جیِو موُل نہ تکّن، پُستک پڑھ پڑھ تھکی جگت لوکائیا۔ کوٹاں وِچوں بھگت سُہیلے سچکھنڈ تیرے دوارے وسن، واسطہ وابستہ ہو کے تیرے نال جُڑائیا۔ پروردِگار سانجھے یار آد نِرنجن اُنحاں پت آیا رکھن، رکھک ہو کے ہو سہائیا۔ چرن دھوُڑ دُھر دا کرا مجن، ماٹی خاک بِن جوت للاٹی کر رُشنائیا۔ درگاہ ساچی دھام نیارے اِکو دسّیں دُھر دا سجّن، دوُجا میِت مُرارا نظر کوئے نہ آئیا۔ جن بھگت سُہیلے لوکمات آتم پرماتم رس چکّھن، ہوکا سچ سلوکا تیرا نام سُنائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، چار کُنٹ دہ دِشا مایا ممتا دے گوائیا۔ جن بھگت کہن پربھ کلجُگ چاروں کُنٹ پایا زور،
جوروُ زر کرے لڑائیا۔ من واسنا میٹ سکے کوئی نہ شور، شرع وِچ شریعت ہوئی ہلکائیا۔ پنج وِکارے کھیل کریا اندھ گھور، نِرگُن ساچا نوُر چند نہ کوئے چمکائیا ۔ بِن تیری کِرپا آتم پرماتم سکے کوئی نہ جوڑ، سُرت شبد نہ کوئے مِلائیا۔ گُر اوتار پَیغمبر تیرے ہتّھ پھڑا کے گئے ڈور، جُگ چؤکڑی لوکمات سیو کمائیا۔ تُوں کلجُگ انت سِری بھگوَنت نِگاہ بان ہو کے کر غؤر، گہر گمبھیِر بےنظیِر نؤ کھنڈ پرِتھمی ستّ دیِپ سرِشٹی درِشٹی ویکھ وکھائیا۔ ٹھانڈے در دُھر دربار تیری ساچی لوڑ، لوڑیِندے ساجن اپنا میلا لَینا مِلائیا۔ نِرگُن دھاروں نِرنکار نِروَیر ہو کے بہُڑ، بہُڑی بہُڑی کر کے گُرمُکھ سنت سُہیلے تیرا راہ تکائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیر سِنگھ وِشنوُں بھگوان، تیرا انتر دُھر دا فُرنا پُھرے پھور، من واسنا چار کُنٹ دہ دِشا نہ اُٹھ اُٹھ دھائیا۔
۲۱ پھگّن شہنشاہی سمت ۲ آسا سِنگھ دے گرِہ پِنڈ کلسانی ضِلع کرنال
ستگُر شبد نام پریِتی دیوے گپھّا، انمُلی دات وست امولک کایا جھولی اندر ٹِکائیا۔ بدلنا پئے نہ کوئی پڑھ کے ورقہ صفحہ، مِہربان محبوُب ہو کے ناد دُھن شبد کرے شنوائیا۔ پیار مُحبّت وِچ کر کے گُرمُکھ پکاّ، پاربرہم پتپرمیشور نِج نیتر لوچن نیَن اکّھ کُھلائیا۔ بھاگ لگاوے ساڈھے تِنّ ہتّھ کایا ماٹی بھانڈا کچّا، کنچن گڑھ اندر وڑ مندر چڑھ سچ دوار دئے سُہائیا۔ گُرمُکھاں نام بھنڈارا دے کے رتی نالوں رتن امولک رتا، رُت اگلی دئے اُپجائیا۔ اندر باہر گُپت ظاہر ساجن میِت بن کے سخا، صاحب سُہیلا اِک اَکیلا اپنا رنگ رنگائیا۔ بِنا صاحب سَتگُر جگت ونج وِچوں کِسے نہ ہووے نفع، کوٹن کوٹ وپاری خَواری وِچ بَیٹھے روون مارن دھائنیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، مِہر نظر اِک اُٹھائیا۔ سَتگُر شبد گپھّا دیوے دُھر دا ناد، انادی ناد سُنائیا۔ گُرمُکھ سُرتی جائے جاگ، جگ جیِون داتا آپ اُٹھائیا۔ بِرہوں وِچھوڑے دیوے اِک وَیراگ، وَیری اندروں باہر کڈھائیا۔ من منکا پھیر کے کایا مندر اندروں اپنا وکھائے اِک تیاگ، جنگل جوُہ اُجاڑ پہاڑ دا جھگڑا دئے مُکائیا۔ ہنس بنائے پھڑ پھڑ کاگ، کاگ ہنسا مانک موتی سوہنگ چوگ چُگائیا۔ ریِتی نیِتی اندروں دوُجا بدل دیوے سماج، سمگری جوت اکگری اپنی اِک وکھائیا۔ سَتگُر پوُرا اندر وڑ کے، نؤ دوارے پار کر کے، ایِڑا پِنگل سُکھمنا پَیراں ہیٹھ چھڑ کے،
شرع دا لیکھا دئے مُکائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ساچی کرنی آپ سمجھائیا۔ گپھّا کہے مَیں سُناں ناد اگمّا شبد، انراگی دئے سُنائیا۔ جھگڑا رہے نہ دیِن مذہب، ذات پات ونڈ نہ کوئے ونڈائیا۔ اِکو پُرکھ اکال دیِن دَیال آتم پرماتم کرنا سِکھے ادب، آداب وِچ سجدیاں سیِس جھُکائیا۔ صاحب سَتگُر سوُرا حاضر حضوُرا لیکھا جانے پوُرب عدم، عالمیِن عالم دُھردرگاہیِا۔ کِرپا نِدھان ہو کے انتر انتر کوُڑی دھار دیوے بدل، جوتی جوت سروُپ ہرِ، آپ اپنی کِرپا کر، دیونہارا ساچا ور، ساچا لیکھا آپ لِکھائیا۔
۲۱ پھگّن شہنشاہی سمت ۲ سرَین سِنگھ دے گھر پِنڈ کلسانی ضِلع کرنال
گپھّا کہے مَیں سَتگُر ہتّھ، دوُسر نظر کدے نہ آئیا۔ سدا دیوے بھگتاں وتھ، گُرمکھاں جھولی پائیا۔ جو بِن رسنا لیَن چکھ، رس دُھر دا دئے وکھائیا۔ حقیِقت وِچوں نظری آئے حق، نعرہ الکّھ اِک لگائیا۔ من واسنا کر کے وکّھ، بُدھ بِبیک دئے پرگٹائیا۔ دُھن آتمک راگ سُنا کے انحد، نادی ناد کرے شنوائیا۔ نِرمل جوت پئے جگ، نوُر نوُرانہ ڈگمگائیا۔ ترےَگُن مایا میٹے اگّ، اگنی تت نہ کوئے جلائیا۔ درس وکھا کے اُپر شاہ رگ، شہنشاہ اپنا بھیو کُھلائیا۔ جام پیا کے دُھر دی مد، نام خُماری اِک چڑھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ساچا راگ اِک الائیا۔
۲۲ پھگّن شہنشاہی سمت ۲ بچن سِنگھ دے گرِہ پِنڈ چِباہ کرنال
انحد شبد کہے میری آد جُگادی دُھر دی دُھنی، جگت حد توں باہر کراں شنوائیا۔ میری آواز راز اندر بِن بھگتاں کِسے نہ سُنی، سو وقت ویکھ جگت لوکائیا۔ رسنا نال گاؤندے گئے گاوت گاوت گُنی، صِفتاں وِچ ڈھولے گائیا۔ کوٹاں وِچوں گُرمُکھ سنت سُہیلے شبد سَتگُر لئے چُنی، لکّھ چؤراسی وِچوں ویکھ وکھائیا۔ جِس کھیل نوُں سمجھ سکے نہ کوئی رِکھی مُنی، پڑدا اوہلا نہ کوئی اُٹھائیا۔ اوہ سَتگُر دھار دی ساچی دُھنی، پیار پیار وِچوں پرگٹائیا۔ گائی جائے کدے نہ بُلیں، رسنا نال نہ کوئے چتُرائیا۔ سُنی جائے نہ سرون کنّیں، انبولت ناد وجائیا۔
کھیل ہووے کایا کُلیّ، ساڈھے تِنّ ہتّھ سوبھا پائیا۔ ایہہ وست سدا انمُلی، بِن سَتگُر پوُرے کایا جھولی نہ کوئے ٹِکائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، بھیو ابھیوَ آپ کُھلائیا۔ انحد شبد انادی دُھر دا، ہرِ کرتا آپ سُنائیا۔ گُرمُکھ مُریِد ہووے مُردا، مر جیِوت روُپ وٹائیا۔ راگ سُنے اگمّی سُر دا، سُرتی شبد نال جُڑائیا۔ ایہہ سندیشہ گوبِند دسّیا انندپُر دا، گُرمُکھاں پڑدا آپ چُکائیا۔ جو صاحب سَتگُر پریِتی اندر جُڑدا، ممتا موہ وِکار گوائیا۔ اُس دے انتر نِرنتر شبد انادی فُرنا پُھردا، منوُآ من نہ کوئے وڈیائیا۔ ایہہ لیکھا آد جُگاد سَتگُر دا، جن بھگتاں جھولی پائیا۔ جِنہاں دا لیکھا بنیا دُھر دا، دُھر مستک دئے پرگٹائیا۔ جوتی جوت سروُپ ہرِ، آپ اپنی کِرپا کر، شبد ناد اِک اُپجائیا۔ انحد شبد سدا وَیراگی، بِرہوں وِچوں نظری آئیا۔ جگت واسنا رہے تیاگی، ترےَگُن ڈیرہ ڈھائیا۔ سُنے اگمّی آوازی، رسنا جِہوا نہ کوئے ہِلائیا۔ جِس نوُں گائے کوئے نہ ڈھاڈھی، جگت تال نہ کوئے شنوائیا۔ ایہہ کھیل سَتگُر بازی، بازاں والا گُرمُکھ اندر سہجے گیا ٹِکائیا۔ جو گُرسِکھ سچےّ سَتگُر نوُں پیار نال کر لئے راضی، رمز نال سمجھ دئے بدلائیا۔ انحد شبد سُنے نال آزادی، بندھن رہن کوئے نہ پائیا۔ سو ہووے وڈ وڈبھاگی، بھاگ پوُرب لیکھا لہنا نظری آئیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیر سِنگھ وِشنوُں بھگوان، دُھن انحد نادی ناد در آد جُگادی، ربابی احباب بِن تند سِتار سُرتی شبد تال وجائیا۔
۲۲ پھگّن شہنشاہی سمت ۲ سوَرن سِنگھ دے گرِہ کلونی نمبر ۱ ہزاری باغ
جن بھگتاں لیکھا کرے پوُر، پوُرب سب دا لیکھے لائیا۔ سچ دوار کر منظوُر، گھر بار دئے وڈیائیا۔ ناتا رہے نہ کِریا کوُڑ، پرماتم آتم وجےّ ودھائیا۔ جنم جنم دا کٹ قصوُر، کُکرم کرم دا ڈیرہ ڈھائیا۔ چتُر سُگھڑ بنا کے موُرکھ موُڑھ، نام نِدھانا اِک سُنائیا۔ سوہنگ شبد سَت سروُر، سوئی سُرتی آپ اُٹھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، حاضر حضوُر مِہر نظر اِک تکائیا۔
۲۲ پھگّن شہنشاہی سمت ۲ سردارا سِنگھ دے گرِہ، پِنڈ راؤنی ضِلع لُدھیانہ
جن بھگتاں لہنا دینا پوُرب لیکھےلاوے، لاگت لگّے کوئے نہ رائیا۔ کلجُگ کوُڑی کِریا میٹے دعوے، دعوت گُرمُکھاں گھر کھائیا۔ راؤ رنک کر کے ساویں، گُرمُکھ رنگ چڑھائیا۔ ساچی چرن دھوُڑی جو سنت سُہیلا نہاوے، دُرمت مَیل دھوائیا۔ سچ دوار چرن پریِتی ملّ کے جاوے، سچکھنڈ ساچے سوبھا پائیا۔ تُوں میرا مَیں تیرا سوہنگ ڈھولا اِکو گاوے، گا گا خوشی منائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ساچے گھر آپ وسائیا۔ جن بھگتاں پربھ پوُرب دیوے لیکھا، لیکھ اپنے حُکم بنائیا۔ مِہر کرے بن کے دُھر دا نیتا، سِر اپنا ہتّھ ٹِکائیا۔ پیار دسےّ دُھر دا ہیتا، ساچا نام اِک سمجھائیا۔ جُگ چؤکڑی وِچھڑیاں کیِتا چیتا، چیتن کر کے اپنا بھیو کُھلائیا۔ بھاگ لگا کے کایا ماٹی ساچے دیسا، دِشا دُھر دی دئے سمجھائیا۔ نِرگُن نوُر جوت کر پرویشا، پرمیشور اپنے گھر وسائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ساچے گھر آپ وسائیا۔ جن بھگتاں پربھ اِکو دیوے مان، وڈّا چھوٹا رہن کوئے نہ پائیا۔ سب دا سانجھا بن سِری بھگوان، بھاگ حِصّہ دُھر دا آپ ورتائیا۔ جو ساچا ڈھولا دُھر دا گان، رسنا جِہوا رس چکھائیا۔ دھرنی دھرت دھرم جھُلائے سچ نِشان، نِشانہ اپنا اِک اُپجائیا۔ بِرہوں وَیرارا اندر دیوے گیان، اگیان اندھیر مِٹائیا۔ سنت سُہیلے کر پروان، پرم پُرکھ پربھ اپنا رنگ چڑھائیا۔ جوتی جوت سروُپ ہرِ، آپ اپنی کِرپا کر، دیونہار ساچا ور، سچ کرنی کار کمائیا۔
۲۲ پھگّن شہنشاہی سمت ۲ کاکا سِنگھ دے گرِہ پِنڈ لِبھڑا
جن بھگتاں دیوے پوُرب دھار، دھرنی دھرت دھؤل دھوَل وڈیائیا۔ لہنا دینا ویکھ سرب سنسار، سرِشٹی وِچوں گُرمُکھ رنگ رنگائیا۔ مانَس جنم نہ آوے ہار، ہِردے )ہرِ( وسائیا۔ نِرگُن سرگُن کر پیار، پریِتم ہو کے جوڑ جُڑائیا۔ جوتی جاتا کھول کِواڑ، پڑدا اندروں دئے اُٹھائیا۔ سدا سُہیلا ہو کے وسے نال، گھر ٹھانڈے میل مِلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ساچا رنگ آپ چڑھائیا۔
۲۲ پھگّن شہنشاہی سمت ۲ اِندر سِنگھ دے گرِہ ہربنس پُرا ضِلع پٹیالہ
ساچا رنگ چاڑھے اگمّی، الکھ اگوچر دَیا کمائیا۔ بھاگ لگّے کایا ماٹی چمّی، چار ورن وجےّ ودھائیا۔ لیکھا مُکاوے ہرکھ سوگ غمی، غم خوار ہو کے دَیا کمائیا۔ اگلی دھار دسےّ نَویِں، نوَ جوبن آپ سمجھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ساچے در دئے وڈیائیا۔
۲۲ پھگّن شہنشاہی سمت ۲ گُرمیز سِنگھ دے گرِہ پِنڈ ہربنس پُرا ضِلع پٹیالہ
ساچا در سُہنجنا، گُرمُکھاں دئے آدھار۔ پرم پُرکھ آد نِرنجنا، جوتی جاتا نوُر اُجیار۔ دیِناں اناتھاں درد دُکھ بھےَ بھنجنا، بھوَ ساگر کرے پار۔ چرن دھوُڑ دے کے مجنا، دُرمت مَیل دئے اُتار۔ جِس آد انت جُگا جُگنت پڑدا کجّنا، سو سوامی ویکھے وِگسے پاوے سار۔ جوتی جوت سروُپ ہرِ، آپ اپنی کِرپا کر، دیونہارا ساچا ور، گُرمُکھ ہرجن پَیج دئے سوار۔
۲۲ پھگّن شہنشاہی سمت ۲ گُردیو سِنگھ دے گرِہ پِنڈ ہربنس پُرا ضِلع پٹیالہ
پَیج سوارے آپ پربھ، پاربرہم وڈّی وڈیائیا۔ گُرمُکھ سُہیلے لوکمات وِچوں لبھ، کھوجت کھوجت اپنے رنگ رنگائیا۔ نام خُماری دے کے دُھر دی مد، مدُھر دُھن اِک سُنائیا۔ دیِن مذہب ذات پات اوُچ نیِچ راؤ رنک میٹ کے حد، گھر سانجھا دئے سمجھائیا۔ جِتھے بودھ اگادھ شبدی وجےّ ند، دوُجا راگ نہ کوئے سُنائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ہرِ ساجن دُھردرگاہیِا۔
۲۲ پھگّن شہنشاہی سمت ۲ نصیِب کؤر دے گرِہ پِنڈ ہربنس پُرا ضِلع پٹیالہ
ہرِ سجّن صاحب دُھر دا میِتا، مرن جیِون وِچ کدے نہ آئیا۔ جن بھگتاں لیکھا دیوے دُھر دا کیِتا، کرنی کرتا دَیا کمائیا۔ جھگڑا مُکا کے اوُچا نیِچا، راؤ رنکاں ہوئے سہائیا۔ دُھر دوارا دسّ کے انڈیِٹھا، اگنی تت بُجھائیا۔ بھیو کُھلا کے ترےَگُن اتیِتا، ترےَ بھَون دھنی پڑدا دئے اُٹھائیا۔ جن بھگتاں مارگ دسّ سرِشٹ سبائی اگمّی ریِتا، رہبر ہو کے اپنا راہ وکھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، دُھر دا مالک اِک اکھوائیا۔
۲۲ پھگّن شہنشاہی سمت ۲ بیِبی امرو دے گرِہ پِنڈ ہربنس پُرا ضِلع پٹیالہ
دُھر دا مالک کہے بھگت میرا نوُر، نوُری چند نظری آئیا۔ جِنہاں دا لیکھا مات ضرور، ذرّے ذرّے وِچوں سمجھائیا۔ کایا ماٹی کر بھرپوُر، بھرم بُھلیکھا باہر کڈھائیا۔ سَت سچ ماٹی کچّ امرت رس دیوے سروُر، سُرتی شبد نال مِلائیا۔ گڑھ رہے نہ ہنکار غروُر، گرِہ مندر اندر وجےّ ودھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیر سِنگھ وِشنوُں بھگوان، کلجُگ انت سِری بھگوَنت جن بھگتاں پار کرائے نام بیڑے چاڑھ کے اپنے پوُر، پُریِاں لوآں برہمنڈاں کھنڈاں لیکھا دئے مُکائیا۔
۲۲ پھگّن شہنشاہی سمت ۲ پیارا سِنگھ دے گرِہ پِنڈ روڑا ضِلع پٹیالہ
جن بھگت سدا جگ جیِوے، جس شبد نام ملِے وڈیائیا۔ نام نِدھان امیوں رس پیِوے، پیِوت جیِوت جگ ترِشنا بُھکھ مِٹائیا۔ ہرِ سرنائی ساچی تھیِوے، سرنگت ساچی نظری آئیا۔ جُگ چؤکڑی جن بھگت پربھوُ دے دیِوے، پرکاش کرے دیِن دُنی لوکائیا۔ ساچی مستی اندر رہن کھیِوے، کھیوٹ کھیٹا ہو کے ہوئے سہائیا۔ جوتی جوت سروُپ ہرِ، آپ اپنی کِرپا کر، سد اپنے رنگ رنگائیا۔ جن بھگت پربھوُ دا نِشانہ سچّا، سچ بھگتاں وِچ سمائیا۔ بھاگ لگاوے کایا ماٹی کچّا، کچےّ پکّے دئے بنائیا۔ نام بھنڈارا دے کے وتھا، وستوُ اپنی اِک ورتائیا۔ بھیو
کھول کے یوگ یتھا، یتھارتھ اپنے رنگ رنگائیا۔ تُوں میرا مَیں تیرا سوہنگ دسّ کے کتھا، کتھنی دا لیکھا دئے چُکائیا۔ میل مِلا کے پُرکھ سمرتھا، سچ دوار آپ سُہائیا۔ جن بھگت چار کُنٹ دہ دِشا من واسنا پِھرے نہ نَٹھا، کوُڑی کِریا پندھ مُکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیر سِنگھ وِشنوُں بھگوان، ہرجن بنائے اپنا بچّہ، پوُت سپوُتا اپنے گھر وسائیا۔
۲۲ پھگّن شہنشاہی سمت ۲ سوَرن سِنگھ دے گرِہ پِنڈ بَرکت پُرا ضِلع پٹیالہ
جن بھگتاں پربھ بدل دیوے جنم، مِہر نظر اِک اُٹھائیا۔ لیکھا رہے نہ کوئے کانڈ کرم، کوُڑی کِریا ڈیرہ ڈھائیا۔ پربھ پریِتی دسےّ ساچا دھرم، ورن برن ذات پات پندھ مُکائیا۔ ابناشی کرتا دُھر دی سرن، سِر اپنا ہتّھ رکھائیا۔ ساچی سِکھیا دُھر دا نام دیوے پڑھن، سوہلا ڈھولا اِکو اِک سُنائیا۔ سو گُرمُکھ سجّن سنت سُہیلے دُھر دی منزل چڑھن، اَدھ وِچکار نہ کوئے اٹکائیا۔ نِرگُن نِروَیر نِراکار پُرکھ اکال درشن کرن، جوتی جاتا ویکھ خوشی منائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، دیونہار در وڈیائیا۔ جن بھگت پربھ دا آد جُگاد سنگی، جُگ جُگ لوکمات ملِے وڈیائیا۔ منزل حقیِقی جائے لنگھی، کوُڑ دوارے ڈیرہ ڈھائیا۔ منوُآ جھگڑا کرے نہ کوئے فرنگی، سانتک سَت دئے کرائیا۔ نیتر اکّھ رہے نہ اندھی، دِب لوچن دئے کُھلائیا۔ رس دے کے پرمانندی، سُکھ آتم پرماتم پرگٹائیا۔ آون جاون لکّھ چؤراسی رہے نہ کوئے پابندی، رائے دھرم نہ دئے سزائیا۔ کایا ماٹی سدا رکھے ٹھنڈی، اگنی تت نہ کوئے تپائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ساچے سنبندھی اِکو نظری آئیا۔ جن بھگت سد پربھ دا رہے سیوادار، سِر سِر سیو کمائیا۔ بنیا رہے برخوردار، بالا نڈھا روُپ وٹائیا۔ امرت رس پیِندا رہے اپر اپار، نِجھر جھِرنا بوُند سوانتی اِک ٹپکائیا۔ گاؤندا رہے تُوں میرا مَیں تیرا جَیکار، وجدی رہے ودھائیا۔ ساچی منزل چڑھ کے ویکھے اگمّ اپار، الکھ اگوچر اِکو نظری آئیا۔ جِس دی صِفت کردے رہے گُروُ اوتار، پَیغمبر ڈھولیاں وِچ گائیا۔ شاستر سِمرت وید پُران انجیل قُرآن کھانی بانی جِس دا کردے رہے اِظہار، سو سوامی انترجامی جن بھگتاں کایا مندر دئے سُہائیا۔ نِرگُن نوُر جوت کر اُجیار، اندھ اگیان دئے گوائیا۔ سچ دوارے کر پیار، سچکھنڈ ایکنکارا اِکو دئے وکھائیا۔ شبد اگمّی انحد نادی دُھن
دیوے جَیکار، جگت راگ نہ کوئے سِکھائیا۔ جوتی جوت سروُپ ہرِ، آپ اپنی کِرپا کر، آد جُگاد جُگ چؤکڑی نِت نوِت جن بھگتاں اُپر ہوئے آپ دَیال، دیِنن اپنے رنگ رنگائیا۔ جن بھگتاں پربھ سدا سُہائے رُت، پتّ ٹہنی آپ مہکائیا۔ دھرم دوار بنا کے سُت، اپرادھاں وِچوں باہر کڈھائیا۔ اُلٹا ہون نہ دیوے گربھ رُکھ، نؤ دس اگن نہ کوئے تپائیا۔ لیکھے لائے جامہ مانَس منُکھ، لکّھ چؤراسی پندھ مُکائیا۔ جنم کرم دا رہن نہ دیوے دُکھ، دُکھیاں اپنا درد ونڈائیا۔ آتم پرماتم پرماتم آتم نِجھر دھارا ساچا دیوے سُکھ، سُکھ ساگر وِچ سمائیا۔ اُجل کرے تت وجوُد مات مُکھ، دُرمت مَیل دھوائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیر سِنگھ وِشنوُں بھگوان، کرے کھیل ابناشی اچُت، چار جُگ جن بھگت سُہیلے اپنی گودی چُک، سُکھ دُھر دا اِک وکھائیا۔
۲۲ پھگّن شہنشاہی سمت ۲ میوہ سِنگھ دے گرِہ پِنڈ کلاؤندی ضِلع انبالہ
آد جُگاد جُگ چؤکڑی جن بھگت مِلدے سِری بھگوان، دوُجا سنگ نہ کوئے بنائیا۔ تُوں میرا مَیں تیرا آتم پرماتم سِکھ کے سچ گیان، اگیان اندھیرا اندروں دین کڈھائیا۔ سَت دھرم دا سچکھنڈ دوارے جھُلدا ویکھن نِشان، کوُڑی کِریا مایا ممتا موہ وِکار ڈیرہ ڈھائیا۔ خوشیاں وِچ سدا گاؤندے رہن گان، پاربرہم پتپرمیشور تیری اِک سرنائیا۔ سوَچّھ سروُپ شاہو بھوُپ گھر سوامی درشن پان، جنگل جوُہ اُجاڑ پہاڑ ٹِلّے پربت کھوجن کوئے نہ جائیا۔ امرت رس کایا مندر اندر ملِے پیِن کھان، من واسنا موہ وِکار ہنکار ترِشنا دئے بُجھائیا۔ آون جاون لکّھ چؤراسی جھگڑا مکُے زِمیں اسمان، پاربرہم پتِ پرمیشور جوتی جوت جوت سمائیا۔ کلجُگ انت سِری بھگوَنت سنت سُہیلے گُرمُکھ سجّن ویکھے آن، جوتی جاتا پُرکھ بِدھاتا ہو کے پھیرا پائیا۔ جِس دا گُر اوتار پَیغمبر شبدی دے کے گئے بیان، دُھر فرمانا بھوِکھتاں وِچ دِرڑائیا۔ سو لہنا دینا لیکھا چُکاوے وِچ جگت جہان، جاگرت جوت کر رُشنائیا۔ درگاہ ساچی دھام نیارے سچکھنڈ دیوے مان، کوُڑ ابِھمان اندروں باہر کڈھائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، ہرجن اپنے گھر وسائیا۔ آد جُگاد جُگ چؤکڑی بھگت بھگوان وسدے رہن
اِکو گرِہ، سچ دوار سوبھا پائیا۔ دُھن ناد اگمّی آواز اِکو کہے، سوہنگ ڈھولا ساچا گائیا۔ کوُڑی کِریا ممتا موہ وِکار کر کے لےَ، سَت سچ دھرم اِک اُپجائیا۔ کرے پرکاش شکتی شوَےَ، نِرگُن نوُر نوُر رُشنائیا۔ جھگڑا میٹے دوَیتی دوےَ، ممتا موہ وِکار مِٹائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ہرجن اپنے در رکھائیا۔ بھگت بھگوان نِرگُن سرگُن دھار رہن وسدے، وصل اصل دیوے یار خُدائیا۔ نام بھنڈارے مِلن رس دے، رس دُھر دا اِک چوائیا۔ شبدی گیِت ڈھولے گاؤندے رہن جس دے، سوہنگ راگ اگمّ اتھاہیِا۔ کھیل ویکھدے رہن پرم پُرکھ سمرتھ دے، پتپرمیشور اپنا پڑدا دئے اُٹھائیا۔ سچ پریِتی اندر رہن ہسّدے، ہستی وِچوں ہستی لیَن بدلائیا۔ تکّ پرکاش نِج نیتر لوچن نیَن اکّھ دے، آخر منزل چڑھ کے پربھ دا درشن پائیا۔ ونجارے بنے رہن ساچے ہٹّ دے، جِس گرِہ اِکو نام خزانہ رہیا ورتائیا۔ جن بھگتاں مزے مُک جان تیِرتھ اٹھسٹھ دے، امرت آتم سچ سروور اِک اِشنان کرائیا۔ پیَنڈے رہن نہ مندر مسجد شِودوالے مٹھ دے، کایا کعبہ قُدرت دا مالک اِک سمجھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ہرجن اپنی گود اُٹھائیا۔ بھگت بھگوان کلجُگ انت اَخیِر راہ رہے تکّ، ویلا وقت دئے گواہیِا۔ صدی چؤدھویں گئی تھک، محمد رو کے مارے دھاہیِا۔ گُر اوتار پَیغمبر اُچی کوُک دسّن سچ، سچکھنڈ دوارے حال حال کر سُنائیا۔ کِرپا کر پُرکھ سمرتھ، مِہربان محبوُب سِر اپنا ہتّھ ٹِکائیا۔ لکّھ چؤراسی وِچوں جُگ جنم دے وِچھڑے جن بھگت سُہیلے رکھ، رکھیا کرے تھاؤں تھائنیا۔ جو تُوں میرا مَیں تیرا سوہنگ ڈھولا رہے جپ، تِنہاں جنم مرن اپنے لیکھے پائیا۔ جھگڑا رہے نہ دیِن مذہب ذات پات کوُڑی کِریا کرنی وکّھ، مایا ممتا موہ اندروں دینا کڈھائیا۔ سچ دوار ایکنکار نِرگُن دھار جوت سروُپ شاہو بھوُپ تیرے چرن کوَل جان ڈھٹّھ، باہوں پھڑ اندر وڑ منزل چڑھ سچ دوار دینا وکھائیا۔ جوتی جوت سروُپ ہرِ، آپ اپنی کِرپا کر، نِہکلنک نرائن نر، مہاراج شیر سِنگھ بھگوان، آد جُگاد جُگ چؤکڑی تیری مہما سدا اکتھ، شاستر سِمرت وید پُران انجیل قُرآن کھانی بانی بھیو ابھیدا کہن کوئے نہ پائیا۔
۲۲ پھگّن شہنشاہی سمت ۲ پنجاب کؤر دے گرِہ پِنڈ کلاؤندی ضِلع انبالہ
جن بھگت پُرکھ اکال دا اِکو جاپ، جو آد جُگاد جُگ چؤکڑی سکے نہ کوئے بدلائیا۔ انتر آتم دیوے سچّا ساتھ، سگلا سنگ کایا مندر اندر آپ نِبھائیا۔ امرت دھار بخشے نِجھر بوُند سوانت، کوُڑی کِریا پنچ وِکارا اگنی تت بُجھائیا۔ دُھن آتمک اُپجائے ساچا راگ، انحد نادی دُھن کرے شنوائیا۔ نِرمل نوُری جوت کرے پرکاش، اگیان اندھیرا اندروں دئے کڈھائیا۔ لیکھے لائے پوَن سواس سواس، ساہ ساہ اپنے وِچ سمائیا۔ وست دیوے دُھر دی دات، دیِن دَیال دَیاوان نِرگُن دھار جھولی پائیا۔ جھگڑا مُکا کے دیِن مذہب ذات پات، اوُچ نیِچ راؤ رنک راج راجاناں شاہ سُلطاناں اِکو گھر وکھائیا۔ سچ سندیشہ نر نریشا دُھر دی دیوے گاتھ، سوہنگ ڈھولا شبد وِچولا دو جہاناں نظری آئیا۔ آتم پرماتم پاربرہم برہم میلے کملاپات، پتپرمیشور پاربرہم اگمّ اتھاہ جوڑ جُڑائیا۔ کلجُگ کوُڑی کِریا رہن نہ دیوے اندھیری رات، سَت دھرم دا سچّا راہ شبدی سَتگُر بن ملاح اِکو دئے وکھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ساچی سِکھیا دُھر دی بِھچھِیا نام بھنڈارا انمول امُل جن بھگتاں جھولی پائیا۔ جن بھگت در ٹھانڈے دیوے مان وڈیائی، ہرِ وڈّا وڈ وڈیائیا۔ انتر آتم نِرنتر پرماتم کدے نہ ہووے جُدائی، دُھر سنجوگی میلا میلے سہج سُبھائیا۔ اِک اِکلّا ایکنکارا ہرِ نِرنکارا گھٹ بھیِتر کرے رُشنائی، روشن ضمیِر بےنظیِر اپنے در وکھائیا۔ نام دُھن شبد اناد وجدی رہے ودھائی، چِنتا غم ہرکھ سوگ نیڑ کوئے نہ آئیا۔ جن بھگت سُہیلے ہرِ جس گاؤندے چائیں چائیں، چاؤ گھنیرا کایا مندر اندر نظری آئیا۔ جِنہاں کارن پُرکھ اکال دیِن دَیال نِرگُن سرگُن ہو کے مارے پھیرا، پتپرمیشور بےپرواہ اپنا ویس وٹائیا۔ جوتی جوت سروُپ ہرِ، آپ اپنی کِرپا کر، جن بھگتاں کٹنہارا لکّھ چؤراسی گیڑا، آون جاون پتت پاون اپنے لیکھے پائیا۔ جن بھگتاں گیڑا رہن نہ دیوے جم دی پھاسی، فَیصلہ دُھر دا حق سُنائیا۔ چارے کھانی ناتا توڑ لکّھ چؤراسی، چار کُنٹ آپ ہوئے سہائیا۔ مِہربان محبوُب مُحبّت وِچ منزل دیوے ساچی، آتم پرماتم میل مِلائے سہج سُبھائیا۔ بھاگ لگائے کایا ماٹی، ساڈھے تِنّ ہتّھ دیوے مان وڈیائیا۔ کلجُگ کوُڑی کِریا رہن نہ دیوے اندھیری راتی، سَت پرکاش پُرکھ ابناش نِرگُن جوت نوُر کرے رُشنائیا۔ جن بھگت سُہیلے سچ دوار ایکنکار پروردِگار سانجھا یار بنا کے سیوک داسن داسی، داستان اگلی دئے سمجھائیا۔ پوُرب جنم لہنا دینا لیکھا دیوے باقی، مِہربان محبوُب سِر اپنا ہتّھ ٹِکائیا۔ جوتی جوت
سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیر سِنگھ وِشنوُں بھگوان، مات لوک مانَس جنم منزل چڑھائے ایکا گھاٹی، سچکھنڈ دوار ایکنکار اِکو دئے وکھائیا۔
۲۲ پھگّن شہنشاہی سمت ۲ چیَنچل سِنگھ دے گرِہ پِنڈ مہؤن ضِلع لُدھیانہ
ستگُر کِرپا پوُجا سِمرن سچّا ڈھنگ، چار ورن اٹھاراں برن اِکو روُپ درسائیا۔ مِہربان محبوُب مُحبّت وِچ انتر آتم چاڑھے رنگ، نِروَیر نِراکار نِرنکار اپنا بھیو کُھلائیا۔ شبد ناد دُھن انحد انادی وجائے مردنگ، بھیو ابھیدا اچھل اچھیدا کایا ماٹی ساڈھے تِنّ ہتّھ سریِر بےنظیِر اپنا نوُر کرے رُشنائیا۔ من کا منکا پھیر پڑدا لاہے ہنگ برہم، آتم پرماتم پرماتم آتم گھر ساچے نظری آئیا۔ پنج وِکارا گڑھ ہنکارا تن ماٹی خاکی وجوُد کرے کوئی نہ جنگ، ترِشنا ترِکھا اگنی جگت نہ کوئے ستائیا۔ آد جُگاد جُگ چؤکڑی نِت نوِت سَتجُگ تریتا دواپر کلجُگ بِن پُرکھ اکال دیِن دَیال کِسے نہ ڈھاہی اندھیری کندھ، مالا منکے سارے دین دُہائیا۔ کوٹن کوٹ سادھ سنت جیِو جنت رسنا جِہوا گا گا تھکے بتّی دند، شاستر سِمرت پوُجا پاٹھ جوگ ابھیاس تت سادھن وِچ لوکائیا۔ ایکا ایک دیوے ٹیک کرے بُدھ بِبیک امرت رس دیوے نِجھر دھار وگائے پرمانند، جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، مِہربان محبوُب سِر اپنا ہتّھ رکھائیا۔ سَتگُر شبد آد جُگادی ساچی پوُجا، سِمرن اِستری پُرش سمجھ کوئے نہ پائیا۔ جِس دے اندر بھاؤ رہے نہ کوئی دُتیا دوُجا، من واسنا دہ دِشا نہ اُٹھ اُٹھ دھائیا۔ گھر سوامی انترجامی نیتر لوچن نیَن کھولے تیِجا، ترےَگُن مایا پڑدا دئے اُٹھائیا۔ بِن سَتگُر شبد کوئی نہ بنے ساچا میِتا، سگلا سنگ نہ کوئے نِبھائیا۔ گا گا تھکے شاستر سِمرت وید پُران انجیل قُرآن کھانی بانی دھیائے اٹھاراں گیِتا، سوہلے ڈھولے راگاں ناداں جگت وِچ شنوائیا۔ مالا منکا سِمرن پوُجا جگت واسنا گُر اوتار پَیغمبراں جگت چلائی ریِتا، ریِتیوان سِری بھگوان انتر نِرنتر اپنا بھیو اپنے ہتّھ رکھائیا۔ جِس اُپر مِہربان ہووے جگت جگدیِشا، لیکھا مُکاوے ہست کیِٹا، دیوے نام سدا انڈیِٹھا، جِس نوُں اکھّر سارے رہے گائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ساچا نام سچ دواریوں آپ پرگٹائیا۔ نام سِمرن پوُجا پاٹھ پڑھ پڑھ تھکے، مانَو منُکھ مانَس چار کُنٹ دہ دِشا رہے کُرلائیا۔
سچ وست کِسے نہ ملِے حقیِقت حقے، اصل وِچوں وصل یار نہ کوئے کرائیا۔ نِج نیتر لوچن نیَن جلوہ گر نوُر کوئے نہ تکّے، سوَچّھ سروُپی نظر کِسے نہ آئیا۔ جگت اَدھار وِچ رسنا جِہوا لائے رٹےّ، گا گا اپنا راگ الائیا۔ ساچا سِمرن جِس نوُں رسنا جِہوا کوئی نہ جپے، مالا منکا ہتّھ نہ کوئے اُٹھائیا۔ جِس دی دھار وِچوں پُرکھ اکال دیِن دَیال سمرتھ سوامی انترجامی پروردِگار سانجھا یار کایا مندر اندر نِج گرِہ آپے لبھے، باہر کھوجن دی لوڑ رہے نہ رائیا۔ امرت رس نام نِدھان دیوے سچ وست جام پیالہ مدے، مدُھر دُھن انراگی اپنا راگ سُنائیا۔ کوٹاں وِچوں سنت بھگت گُرمُکھ گُرسِکھ سَتگُر شبد پوُرب جنم اپنے کارن آپ لبھے، کھوجت کھوجت ویکھے جگت لوکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ساچا سِمرن سِمرتیاں توں باہر دئے سمجھائیا۔ سِمرن پوُجا جگت مالا، ہتّھاں پوٹیاں نال سیو کمائیا۔ بِن صاحب سَتگُر کوئے توڑ نہ سکے جگت جنجالا، بِن گُروُ گُردیو انتر آتم پڑدا نہ کوئی لاہیِا۔ کلجُگ کوُڑی کِریا چار کُنٹ دہ دِشا جیِو جہان ہویا اندروں کالا، کالکھ ٹِکاّ دُرمت مَیل نہ کوئے دھوائیا۔ بن وَیراگی جگت تیاگی جِناں چِر جیِو نہ ہوئے بےحالا، کنت سُہاگی مِلن کِسے نہ آئیا۔ من وِکار کوُڑ وِچار چھڈ ہنکار کایا مندر اندر بناوے سچّی دھرم سالا، دھرم دوارا اِکو اِک سوبھا پائیا۔ سمرتھ سوامی انترجامی تُوں میرا مَیں تیرا آتم پرماتم دسےّ راہ سُکھالا، ساچا منتر نِرنتر جُگا جُگنتر اپنی دھار جنائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ساچا سِمرن اندرِشٹی درِشٹ وِچوں پرگٹائیا۔ سچ سِمرن پوُجا پاٹھ جِس کرن دا چاؤ، انتر انتر اِک دھیان لگائیا۔ صاحب سَتگُر پُرکھ اکالا دیِن دَیالا اِک مناؤ، دوُجا اِشٹ نظر کوئے نہ آئیا۔ گوبِند وِچولا شبد بھیِتر بھیِتر وِچ رکھاؤ، سُرتی سوئی لئے اُٹھائیا۔ من واسنا موہ وِکارا سَتگُر جھولی پاؤ، بُدھی چلے نہ کوئے چتُرائیا۔ بِن مالا منکے سِمرن اجپا جاپ ویکھ وکھاؤ، سماپت ہووے وِچ لوکائیا۔ پُتر دھی جگت واسنا وِچ نہ کدے بھرماؤ، باہروں درِشٹی اپنے وِچ سمائیا۔ کایا مندر ساچا کعبہ اِک سُہاؤ، مقامے حق وجےّ ودھائیا۔ چرن کوَل پریِتی آد جُگادی ریِتی دُھر دی نیِتی اِک اپناؤ، اپرمپر سوامی اپنا بھیو دئے کُھلائیا۔ جگت دوارے نؤ تجاؤ، سُکھمن ٹیڈھی بنک ایِڑا پِنگل مُنہ دے بھار سُٹائیا۔ سُرتی ڈوری شبد سَتگُر ہتّھ پھڑاؤ، امرت رس نِجھر دھارا چکھ، بوُند سوانتی کول نابھ ٹپکاؤ، انحد نادی دُھن بِن سرون کنّ گھر ساچے سُن کے خوشی مناؤ۔ نِرگُن جوتی کملاپاتی آتم پرکاش برہم نِواس منڈل راس گوپی کاہن کھیل کھِلاؤ۔ سچ سِنگھاسن آتم سیجا، پریم پریِتی بستر اِک وِچھاؤ۔ مان موہ
ابِھمان تج، پرم پُرکھ پرماتم چرن دھیان لگاؤ۔ تُوں ٹھاکر دیِن دُنی ویکھ گہر گمبھیِرا ڈوُنگھا ساگر، تُدھ بِن دیوے کوئی نہ آدر، واسنا اپنی اِک رکھاؤ۔ بِن مالا منکے مندر اپنے چڑھ کے، درس کرو سچکھنڈ دوارے کھڑ کے، جِتھے ملِے وڈیائیا۔ مانَس جنم لکّھ چؤراسی وِچوں مِلیا چارے کھانی جوُنیاں وِچ پِھر کے، سَتگُر شبد مِلاوا کرو واس ویکھو گھر تِھر کے، تِھر گھر واسی پُرکھ ابناشی ہرجن ساچے آپے میل مِلائیا۔
جن بھگتو جے من کا منکا لؤ پھیر، منسا موہ جگت مِٹائیا۔ صاحب تکّو نیرن نیر، دوُر دُراڈا پندھ مُکائیا۔ آون جاون جو کٹنہارا گیڑ، لکّھ چؤراسی ڈیرہ ڈھائیا۔ سو سَتگُر دیِن دَیالا گُرمُکھاں اُتے کردا سدا مِہر، جو اٹّھے پہر دِوس رَین اِکو دھیان لگائیا۔ کلجُگ کوُڑی کِریا چار کُنٹ میٹے اندھیر، سَت دھرم سَت سَت جوت کرے رُشنائیا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ ٹِکائیا۔ پوُجا سِمرن کہے اسیں آد جُگادی داس، جُگ جُگ پربھ دی سیو کمائیا۔ جِناں چِر کِرپا کرے نہ پُرکھ ابناش، ساڈی چلے نہ کوئے چتُرائیا۔ گُر اوتار پَیغمبر سَتجُگ تریتا دواپر کلجُگ نام نِدھانا شبد اگمّی گئے آکھ، اکھّراں وِچ صِفت صلاحی ڈھولے گائیا۔ جِس دی صِفت نال ساچے رنگ دا ہووے پرکاش، دھؤل آکاش پندھ مُکائیا۔ ساچے سنت گُرمُکھ گُرسِکھ انتر انتر پریم پیار دی رکھن اِک آس، ترِشنا مُحبّت وِچ بدلائیا۔ اُنحاں دا لیکھے لاوے صاحب جاپ، جگ جیِون داتا ویکھ وکھائیا۔ جھگڑا مُکا کے ترےَگُن تیِنوں تاپ، تپدے ہِردے شانت کرائیا۔ جنم کرم دا رہے کوئی نہ پاپ، دُرمت مَیل دھوائیا۔ درشن وکھائے ساکھیات، نِج نیتر لوچن نیَن اکّھ کُھلائیا۔ اوہناں مالا منِکیاں دا رہے نہ کوئے پشچاتاپ، چِنتا غم نہ کوئے ستائیا۔ جِنہاں صاحب سَتگُر اَگے بھیٹا کیِتا اپنا آپ، وست امولک اوسے دی جھولی پائیا۔ سو کِرپا کر کے اندر دیونہارا پرکاش، پرکاشت ہو کے ویکھے تھاؤں تھائنیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیر سِنگھ وِشنوُں بھگوان، روُح بُت پُنیِت کرے پوِت پاک، پتت اُدھاری دَیا کمائیا۔
۲۲ پھگّن شہنشاہی سمت ۲ بھاگ سِنگھ، پاکھر سِنگھ دے گرِہ پِنڈ پھرالا ضِلع جالندھر
جن بھگتو پربھ بخشے چرن کوَل اِک دھیانی، دھیان گیان جُگ چؤکڑی جِس دا راہ تکائیا۔ سچ پیار دُھر مُحبّت نام وست دیوے اِک نِشانی، ناؤں نِرنکارا پروردِگارا اِک اِکلّا آپ پرگٹائیا۔ جُگ چؤکڑی نِت نوِت جوبن ونت سدا چڑھدی رکھے جوانی، بِردھ بال روُپ نہ کوئے بدلائیا۔ شاستر سِمرت وید پُران انجیل قُرآن کھانی بانی جِس دی صِفت ہووے دو جہانی، سو سرگُن نِرگُن اپنی کھیل وکھائیا۔ امرت رس نِجھر جھِرنا بوُند سوانتی جن بھگتاں دیوے ٹھنڈا پانی، پاربرہم پتپرمیشور بےپرواہ اگمّ اتھاہ اپنی دَیا کمائیا۔ جھگڑا رہن نہ دیوے انڈج جیرج اُتبُھج سیتج چارے کھانی، خالص اپنا روُپ دئے سمجھائیا۔ بھیو ابھیدا اچھل اچھیدا پڑدا لاہے شاہ سُلطانی، شاہ پاتشاہ بھوُپ بِن رنگ روُپ انڈِٹھ اپنی کار کمائیا۔ گُرمُکھاں کایا مندر اندر گڑھ توڑے ابِھمانی، دُھر دی بانی ساچا راگ سُنائیا۔ مِہربان مِہر نِگاہ نال بخشے پد نِربانی، سچکھنڈ دوارا ایکنکارا اِکو اِک سُہائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ سندیشہ نر نریشا نِرگُن سرگُن سرگُن نِرگُن اپنا حُکم ورتائیا۔
۲۲ پھگّن شہنشاہی سمت ۲ مہِندر کؤر دے گرِہ پِنڈ کھیڑا ضِلع جالندھر
جن بھگتاں پربھ دیوے نام اتُٹ، دوُسر در منگن کوئے نہ جائیا۔ امرت جام پیائے اگمّا گھُٹ، من واسنا کوُڑی ترِشنا دئے مِٹائیا۔ آون جاون لکّھ چؤراسی ناتا جائے چُھٹ، لِو چُھٹکی پھیر لگائیا۔ امرت جام سِری بھگوان نِجھر دھاروں دیوے گھُٹ، بوُند سوانتی کملاپاتی آپ چوائیا۔ تُوں میرا مَیں تیرا آتم پرماتم دسّ کے ساچا سُکھ، سُخن سجّن اِکو دئے سمجھائیا۔ پڑدا اوہلا رہن نہ دیوے کوئی لُک، سوَچّھ سروُپی شاہو بھوُپی اپنا درس کرائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، بھگت دوارا ٹھانڈا دربارا دھام نیارا اِکو اِک سُہائیا۔ جن بھگتو پربھ دیوے نام خُماری شبد پریِتی مد، مند بھاگ دئے مِٹائیا۔ ساچا ڈھولا سُنا کے دُھن آتمک راگ چھد، چھند سد آپ سُنائیا۔ جگت واسنا کوُڑی میٹ کے حد، حدوُد محبوُب اُچ عروُج اپنی دئے وکھائیا۔ کر پرکاش نِرمل جوت اُپر شاہ رگ، سچ دوار نِرمل
جوت کرے رُشنائیا۔ بِن مکّے کعبیوں کرا کے دُھر دا حج، محبوُب مُحبّت وِچ ساچا حُجرہ دئے سُہائیا۔ جن بھگت رہن نہ دیوے کدے الّگ، آتم پرماتم پرماتم آتم اپنے گھر وسائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ساچا میلا لیکھا جان گُروُ گُر چیلا، چیلا گُروُ گوبِند دھار وکھائیا۔
۲۲ پھگّن شہنشاہی سمت ۲ سُرنِدر سِنگھ دے گرِہ پِنڈ جنڈیالا ضِلع جالندھر
جن بھگتاں پربھ دیوے اِکو وست بِن روُپ ریکھ رنگ، جگ نیتر نظر کِسے نہ آئیا۔ آتم سیجا سُہا دُھر پلنگ، پاربرہم پتپرمیشور اپنی دَیا کمائیا۔ بِن تال تلواڑیوں وجےّ دھرم مردنگ، سُر سمجھ کوئے نہ پائیا۔ بھیو کُھلا کے ہنگ برہم، پاربرہم پڑدا دئے اُٹھائیا۔ کوُڑی کِریا میٹ کے ترِشنا تم، تامس سانتک راجس رجو طمعو سَتو اپنا کھیل وکھائیا۔ گڑھ ہنکاری بھانڈا بھرم دیوے بھنّ، پرم پُرکھ پرماتم آتم اپنا گھر وسائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ سندیش دُھر دربار دیونہار اِک اکھوائیا۔
۲۲ پھگّن شہنشاہی سمت ۲ بلبیِر کؤر دے گرِہ پِنڈ جنڈیالا ضِلع جالندھر
جن بھگتاں نام بھنڈارا دے کے ہووے خوش، خوشحالی اندر لالی لالن اِکو اپنا نام چڑھائیا۔ کلجُگ انت اَخیِر بےنظیِر چار ورناں وِچوں جن بھگت سُہیلے لئے پُچھ، پُشت پناہ اپنا ہتّھ ٹِکائیا۔ پڑدا اوہلا رہن نہ دیوے لُک، لایق نا لایق ویکھے تھاؤں تھائنیا۔ سچ دوار ایکنکار جن بھگت سُہیلے بنا کے اپنے سُت، سوئی سُرتی آپ اُٹھائیا۔ اُجل کرے مات مُکھ، دُرمت مَیل پاپاں دئے دھوائیا۔ جِنہاں پریم پیار مُحبّت وِچ کلجُگ انت اَخیِر بےنظیِر مہاراج شیر سِنگھ وِشنوُں بھگوان پڑھی تُک، تُرت درگاہ ساچی دھام نیارے سچکھنڈ دئے وڈیائیا۔ جن بھگت منزل منزل راہ وِچ کدے نہ جائے رُک، رُکاوٹ وِچ بناوٹ، بناوٹ وِچ تھکاوٹ، تھکاوٹ وِچ روُپ نہ کوئے بدلائیا۔ درگاہ ساچی دھام
نیارے پُرکھ اکال بنا کے اپنے سُت، سووت جاگت جاگت سووت اپنے گھر وسائیا۔ جوتی جوت سروُپ ہرِ، آپ اپنی کِرپا کر، نِہکلنک نرائن نر، مہاراج شیر سِنگھ وِشنوُں بھگوان، جن بھگتاں نام بھنڈارا دے کے گھُٹ، اوٹ اپنی اِکو اِک سمجھائیا۔
۲۳ پھگّن شہنشاہی سمت ۲ گنیشا سِنگھ دے گرِہ پِنڈ کوٹ کلاں ضِلع جالندھر
بیاس کہے پربھ تیرے بل بل جاواں، بلہاری سیِس نِوائیا۔ ڈھولا گیِت خوشی دا گاواں، گا گا شُکر منائیا۔ جن بھگتاں ویکھاں نال چاواں، چاؤ گھنیرا دینا پرگٹائیا۔ سچ بینتی اِک سُناواں، پِچھلی یاد آئیا۔ گُرمُکھاں دا تول کر دے ساواں، آونا رہن کوئے نہ پائیا۔ تیرے اُپر سب دا دعوہ، جھگڑے کوُڑے دِتے تجائیا۔ کر پیار جِؤں پُتراں ماواں، ماں پُتر توں پرے تیری دھار نظری آئیا۔ جِتھے مِلدیاں ٹھنڈیاں چھاواں، سِر سمرتھ ہتّھ دینا ٹِکائیا۔ جُگ چؤکڑی تیرا کھیل ویکھن آواں، نِت نوِت دھیان لگائیا۔ گُرمُکھاں پکڑیں آپے باہواں، بَل اپنا آپ پرگٹائیا۔ کوئی رہ نہ جاوے نِتھاواں، جو در تیرے سیِس نِوائیا۔ دُنیدار نہ ویکھیں کاواں، گُرمُکھ ہنس لَینا ترائیا۔ بیاس کہے مَیں آس وِچ تیرا راہ تکاواں، بِن اکّھاں اکّھ کُھلائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در ٹھانڈا دُھر دا اِک سُہائیا۔