کتب خانہGranth 20 (Shahmukhi)

۲۳ پھگّن شہنشاہی سمت ۲ دھرم جیِت سِنگھ دے گرِہ پِنڈ ٹھکّروال ضِلع جالندھر

بیاس کہے مَیں تکّ تکّ تھکا، تھکاوٹ میرے انتر آئیا۔ جُگ جُگ مَینوُں مِلدا رہیا دھکاّ، سگلا سنگ نہ کوئے بنائیا۔ گُر اوتار پَیغمبر پھیر گئے اکّھاں، دُھر دا جوڑ نہ کوئے جُڑائیا۔ مَیں کلجُگ انت واسطہ گھتاں، نِیوں نِیوں سیِس جھُکائیا۔ سچ وِتھیا اپنی دسّاں، دہ دِشا توں باہر دیاں سُنائیا۔ اِکو اوٹ تیری رکھاں، دوُجا اِشٹ نہ کوئے منائیا۔ کِرپا کر پُرکھ سمرتھا، صاحب سوامی دُھر دا آیا دُھردرگاہیِا۔ مَیں کوئی سیوا نہیں کر سکدا ہتّھاں، لّتاں نال پندھ نہ کوئے مُکائیا۔ مَیں کوئی ودھائیاں نہیں جٹاں، دھوُڑی خاک نہ کوئے رمائیا۔ مَیں کوئی لوائیاں نہیں اِٹّاں ، چھپّر چھنّ نہ کوئے چُھہائیا۔ میرے اندر تیرے پریم دیِاں کِھچاں، اٹّھے پہر راہ تکائیا۔ مَیں مُحبّت وِچ نِکاّ، پریم وِچ اپنا آپ وٹائیا۔ تُوں

پُرکھ اکال دُھر دا پِتا، پتپرمیشور شہنشاہیِا۔ میری پوُری کر کے اِچھا، جن بھگت لےَ ترائیا۔ چار کُنٹ بِن بھگتاں سچ کوئی نہ دِسا، جو اِشٹ تیرا لئے منائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در تیرے آس رکھائیا۔

۲۳ پھگّن شہنشاہی سمت ۲ بیِبی ٹھاکری دے گرِہ پِنڈ پھرالا ضِلع جالندھر

بیاس کہے مَیں آد آد دا آساوند، ترِسنا پوُر نہ کوئے کرائیا۔ میرے گا گا تھک گئے بِنا دنداں توں دند، بِنا جِہوا توں جِہوا رسن ہلکائیا۔ مَینوُں سمجھ نہ آیا تیرا اگمّی چھند، سَتجُگ تریتا دواپر کلجُگ تیرا ناؤں گئے بدلائیا۔ انت میٹ کے اپنا پندھ، سارے بَیٹھے مُکھ چُھپائیا۔ کِرپا کر بدل اپنی کنڈ، کروٹ اپنے وِچوں بدلائیا۔ سَتجُگ تریتا دواپر کلجُگ گیا لنگھ، وقت اَخیِری ہو سہائیا۔ جن بھگتاں بیڑا ڈُبےنہ کِسے دھار منجھ، مؤجوُدہ ہو کے لےَ ترائیا۔ نیترہیِن رہے کوئی نہ اندھ، اندھے اپنے لیکھے پائیا۔ کر پرکاش دُھر دے چند، چاندنا اپنا اِک چمکائیا ۔ جوتی جوت سروُپ ہرِ، آپ اپنی کِرپا کر، سِر سِر سب دے ہتّھ ٹِکائیا۔

۲۳ پھگّن شہنشاہی سمت ۲ رنجیِت سِنگھ دے گرِہ پِنڈ وڈالا ضِلع جالندھر

بیاس کہے مَیں ویکھنی بھگتاں دی نِکّی جِہی بستی، جِس دا واسدیو دھیان لگائیا۔ جِس دی آس رکھی سُکدیو مُنی وِچ اپنی ہستی، ہسّدیاں ہسّدیاں پربھ توں منگ منگائیا۔ وید ویاس پلک اُٹھائی اکّھ دی، پرتکھ پڑدا اِک چُکائیا۔ کلجُگ انت اَخیِر گھڑی ویکھی جس دی، صِفتاں نال ڈھولے گائیا۔ بیاس کہے اوہ کھیل سُہاوَنی ہووے اجّ دی، مِہربان مِہر نظر اُٹھائیا۔ کُچھ دھارا رام جانے وید رِگ دی، رگھُپت ہو کے آپ سمجھائیا۔ کُچھ لیکھنی دِسے بِدھنا دی بِدھ دی، بندگی وِچ سیِس نِوائیا۔ کُچھ آسا دُرگا دی ضِدّ دی، کھنڈے کھڑگ بھگؤتیاں وِچ سمائیا۔ کُچھ آسا گوبِند دی انتر وِچار گِدھ دی، جو نِیوں کے سیِس نِوائیا۔ کھیل ویکھنی انت اَخیِر پُرکھ اکال اِک دی، جو ایکنکار اپنا ناؤں پرگٹائیا۔ بیاس کہے میری منسا پُرانی سکّ دی، سِخر چوٹی چڑھ کے دیاں دُہائیا۔ جن بھگتاں میلا میلیں اپنے ہِت لئی،

ہتکاری ہو کے اپنے انگ لگائیا۔ جِنہاں لکّھ چؤراسی سرِشٹی درِشٹی وِچ جِتّ لئی، ہار تیرے چرناں وِچ ٹِکائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، دُھر دربارے منگ منگائیا۔

۲۳ پھگّن شہنشاہی سمت ۲ تلوِندر سِنگھ دے گرِہ، پِنڈ وڈالا ضِلع جالندھر

بیاس کہے جن بھگت رہے کوئی نہ بیوہ، آتم پرماتم لیَن پرنائیا۔ پِچھلے چار جُگ دی سیوا، کلجُگ انتم لیکھے پائیا۔ تُوں وسنہارا سچکھنڈ دھام نِہچل نِہکیوا، نر نرائن تیری بےپرواہیِا۔ امرت رس اپنی دھار وِچوں دے میوہ، مالک ہو کے اپنی دَیا کمائیا۔ گُر اوتار پَیغمبر تَینوُں منّدے گئے الکھ ابھیوا، کتھنی کتھ سکے کوئے نہ رائیا۔ جن بھگتاں صِفتاں وِچ گائے کوئی نہ جِہوا، بُدھی چلے نہ کوئے چتُرائیا۔ تُوں آد جُگاد دو جہاناں دیوی دیوا، دیوت سُر تیرا دھیان لگائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ صاحب تیری اِک سرنائیا۔

۲۳ پھگّن شہنشاہی سمت ۲ گُردیپ کؤر دے گرِہ پِنڈ پبما ضِلع جالندھر

بیاس کہے مَیں جُگ چؤکڑی رکھی اُڈیِک، بِن اکّھاں اکّھ کُھلائیا۔ میری آسا منسا پوُری کر اُمیِد، پوُرب لہنا جھولی پائیا۔ جِس کارن گوبِند دے انندپُر چھڈن لگّیاں سَوا پہر گلوں لاہی قمیض، تن خاکی نگن وکھائیا۔ کوئی کر نہ سکیا اوسدی تمہیِد، بیان وِچ بیان نہ کوئے سُنائیا۔ کی گُرمُکھاں کیِتی وصیّت، بِن اکھّراں دِتی لِکھائیا۔ اوہدا لیکھا جانے نہ کوئے اصلیّت، کاغذ قلم شاہی چلے نہ کوئے چتُرائیا۔ بیاس کہے تیری آد جُگاد بھگتاں نال میری ولدیِتّ، پِتا پُرکھ اکال اِکو نظری آئیا۔ ساچی سِکھیا نام نِدھانا دے نصیِحت، نا لایق لایق آپ بنائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، دھرم دوارا ویکھ وکھائیا۔

۲۳ پھگّن شہنشاہی سمت ۲ ہربنس سِنگھ دے گرِہ پِنڈ ڈھڈے ضِلع جالندھر

بیاس کہے مَیں کی دسّاں داستان، اپنا کھیل آپے ویکھ وکھائیا۔ جن بھگتاں تیرے اُتے مان، ابِھمان اندر نہ کوئے وکھائیا، تیرے نام دا گاؤندے گان، گا گا شُکر منائیا۔ اٹّھے پہر رکھن دھیان، سُرتی سُرت وِچوں بدلائیا۔ تَینوُں منّدے دُھر دا کاہن، گُرمُکھ گوپی ہو کے سیو کمائیا۔ تُوں شاہ پاتشاہ شہنشاہ سُلطان، داتا دانی دُھردرگاہیِا۔ کلجُگ انت کر پروان، پرم پُرکھ اپنی گود اُٹھائیا۔ اٹّھے پہر رہنا نِگہاوان، دِوس رَین ہو سہائیا۔ نیڑے آوے نہ کوئے شیَطان، شرع کرے نہ کوئے لڑائیا۔ جن بھگتاں ایکا اپنا راگ سُنا دُھر دی دُھنکان، دھرم دوارا اِکو اِک وکھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دوارے سیِس نِوائیا۔ بیاس کہے سب دی پوُری کر کے شرط، شرطیہ اپنا لیکھا دے مُکائیا۔ جیہڑی منگ منگی رام کولوں بھرت، بنباس جاندیاں سیِس نِوائیا۔ غریِب نِمانیاں ونڈنا درد، دُکھیاں دُکھ گوائیا۔ جن بھگتاں قبوُل کر عرض، در ٹھانڈے سیِس نِوائیا۔ وِچھوڑا رہے کوئی نہ مرض، مریض شفا دے وکھائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، تُدھ بِن دوُجا نظر کوئے نہ آئیا۔ بیاس کہے مَیں بہُہ کُچھ ویکھیا تکّ، پوُربلے جُگ دھیان لگائیا۔ کِسے پوُرا نہ کیِتا حق، حُکم وِچ سارے گئے تیری سیو کمائیا۔ کُچھ وید ویاسا پا کے گیا شکّ، سندیشہ ہؤلی جِہی اُپجائیا۔ لکیِر کڈھکے نال نک، دھرتی اُتے سَت نِشان بنائیا۔ جِس ویلے دھرم دا رہیا کوئی نہ جس، وید پُران نہ کوئے وڈیائیا۔ اُس ویلے آوے پُرکھ سمرتھ، نِرگُن نوُر نوُر رُشنائیا۔ جگ نیتر سکے کوئی نہ لبھ، کھوجت کھوجت سرِشٹ سبائیا۔ سو بھگتاں لئے سدّ، کِرپا کرکے میل مِلائیا۔ لہنا دینا موُل چُکاوے ہبھ، ہم وطن ہم ساجن لئے بنائیا۔ اَگے رہن نہ دیوے الگ، وکھّرا در نہ کوئے جنائیا۔ جوتی جوت سروُپ ہرِ، آپ اپنی کِرپا کر، ساچا رنگ اِک چڑھائیا۔ بیاس کہے اپنی بخشش کر بخشیِش، بخشش وِچ لہنا دے مُکائیا۔ کُچھ لیکھا یاد آیا محمد دسّی حدیِث، حضرت حق کری پڑھائیا۔ اُس نوُں نظر آیا خفیِف، کفیِف کفن توں باہر سوبھا پائیا۔ تُوں بناکے اپنا عزیِز، اِسم اعظم دِتا سمجھائیا۔ اُس ویلے محمد نے ڈھائی مِنٹ گلوں لاہی قمیض، سجدہ تیرے مستک سیِس نِوائیا۔ اندروں بِرہوں دی نِکلی چیِک، اُچی کوُک کوُک سُنائیا۔ اپنے حُکم دی کر تصدیِق، طوبیٰ طوبیٰ دئے دُہائیا۔ پُرکھ اکال کِہا پُٹھے سِدھے نک دی کڈھ لیِک، ستّ ستّ چؤداں انک بنائیا۔ جوتی جوت سروُپ ہرِ،

آپ اپنی کِرپا کر، دُھر دا حُکم اِک سُنائیا۔ بیاس کہے میرا لیکھ کُچھ تیرے وِچ کھیِسا، جیب جِس نوُں کہے لوکائیا۔ اوس دے اُتے بیان دِتا کُچھ عیسیٰ، اِشٹ تیرا اِک جنائیا۔ صدی بیِسویں سب نے پاؤنا اپنا کیِتا، کرنی دا کرتا دئے سزائیا۔ بِن بھگتاں کوئی نہ رہے جیِون وِچوں جیِتا، زِندگی والی دُنیا انت فنا نظری آئیا۔ تُوں سُنائی اِک کُنیِتا، کُن دِتا دِرڑائیا۔ کُچھ لہنا مسیح نالونموُسیٰ ہور ودھیکا، وادھا دیاں جنائیا۔ آس رکھ کے بَیٹھا اُمیِدا، آمد وِچ نیَن اُٹھائیا۔ راز کھول پوشیِدہ، پُشکر دا لیکھا نال مِلائیا۔ نوُر تکاّں تیرا دیِدہ، داستان اگلی دے دِرڑائیا۔ جوتی جوت سروُپ ہرِ، آپ اپنی کِرپا کر، ساچا دینا دُھر دا ور، در ٹھانڈے آس رکھائیا۔ بیاس کہے پربھ اپنی پھول کے ویکھ جیب، جائز لیکھا دے سمجھائیا۔ جِس نوُں سمجھے نہ کوئی کتیب، گرنتھ گرِہ نہ کوئے پرگٹائیا۔ جِس دے وِچ نہیں کوئے فریب، دغا روُپ نہ کوئے وٹائیا۔ کُچھ لیکھا یاد آیا سپت رِکھیاں کٹیا اِک سیب، سبھا اپنی اِک لگائیا۔ اوس وِچوں آواز آئی پربھ دا نام سمجھ سکے نہ کوئی چار وید، برہما کہن کوئی نہ پائیا۔ چاروں کُنٹ ہویا جوتی تیج، نوُر نوُر رُشنائیا۔ سوہنی دِسی سیج، سِنگھاسن بےپرواہیِا۔ جِس دھاروں گُر اوتار پَیغمبر دیویں بھیج، پڑدا دِتا اُٹھائیا۔ انت کر کے اپنا ہیت، اگمّ شبد دِتا سُنائیا۔ کُچھ لہنا دینا ویکھو لوکمات دیس، چارے دِشا پھول پھولائیا۔ جوتی جوت سروُپ ہرِ، آپ اپنی کِرپا کر، دُھر دا حُکم اِک سُنائیا۔ بیاس کہے مَینوُں یاد آئی پِچھلی تیری شبد کہانی، شمع دُھر دی ہوئے رُشنائیا۔ کُچھ آسا رکھی ہری چند دی سوانی، رانی تارہ دھیان لگائیا۔ کُچھ سُنی دھروُ نے تیری اگمّی بانی، بالی بُدھ مِلی وڈیائیا۔ کُچھ شنکر بخشیا نِجھر امرت پانی، اپنا رس دِتا وکھائیا۔ تیرا کھیل دو جہانی، جَینہ جَینہ ویکھاں سوبھا پائیا۔ کلجُگ انت جن بھگتاں رہے نہ کوئے پریشانی، پرشن سب دے ویکھ وکھائیا۔ تیری آتما نہیں بیگانی، در اپنے لَینا جُڑائیا۔ تیری سدّھراں بھری جوانی، جُگ چؤکڑی جوبن ونتی نظری آئیا۔ گُر اوتار پَیغمبر تیری نِشانی، نِشانے جگت گئے سمجھائیا۔ کلجُگ انت کر پروانی، محبوُب سِر اپنا ہتّھ ٹِکائیا۔ تیرے مِلن دی اَخیِر منزل اِک روُحانی، تیرے درشن وِچ وڈیائیا۔ تیرے دوارے دی تیرے گھر منظوُر ہوئے مہمانی، مہمان گُرمُکھ نظری آئیا۔ سب دا لیکھا ویکھ مستک وِچ پیشانی، پیشتر اپنا بھیو کُھلائیا۔ جگت جنم دی لیکھے لا قُربانی، کرماں دا ڈیرہ ڈھاہیِا۔ جوتی جوت سروُپ ہرِ، آپ اپنی

کِرپا کر، ایکا دینا ساچا ور، نِہکلنک نرائن نر، مہاراج شیر سِنگھ وِشنوُں بھگوان، سچ دوار بنا دُھر دے انامی، اِنعام وِچ پَیغام اپنا آپ سُنائیا۔

۲۳ پھگّن شہنشاہی سمت ۲ کرتار کؤر دے گرِہ پِنڈ جنڈیالا ضِلع جالندھر

بیاس کہے جن بھگتاں پِچھے ماری واٹا، پاندھی بن کے پندھ مُکائیا۔ جنم کرم دا پوُرا کر دے گھاٹا، دیندیاں توٹ کوئے نہ آئیا۔ جن بھگتاں کِرپا کر دے دیِن دَیال پُرکھ ابناشا، اپنی دَیا کمائیا۔ وست امولک پا دے کایا باِٹا، بھنڈاری ہو کے ویکھ وکھائیا۔ جن بھگت رہے نہ کوئی نِراسا، آسا سب دی پوُر کرائیا۔ تیرا بنیا رہے بھرواسا، بھرم گڑھ دینا تُڑائیا۔ برہمنڈ کھنڈ تیرا منّدے آکھا، سِر سکے نہ کوئے اُٹھائیا۔ تُوں سب دیاں پُچھنہارا واتا، واقف کار دیِن دُنی دُھردرگاہیِا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سرن وِچ ساچا سیِس نِوائیا۔ بیاس کہے تیرے کول بھنڈارا امُل، انمُل دے ورتائیا۔ بھاگ لگا بھگتاں کُل، کُل تیری وجےّ ودھائیا۔ جنم جنم دی بخش بُھل، ابُھل ہو سہائیا۔ سنت سُہیلا کوئی نہ جاوے رُل، رُلدیاں لےَ اُٹھائیا۔ سچ ترازوُ تول دے تول، وزن محسوُس نہ کوئے وکھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیر سِنگھ وِشنوُں بھگوان، بھگت پُھلواڑی تیرے ٹہکدے پُھل، بِنا بھگتاں تیری کُل نہ اَگے چلائیا۔

۲۳ پھگّن شہنشاہی سمت ۲ مکھّن سِنگھ، تیج اِندر سِنگھ دے گرِہ پِنڈ وڈالا ضِلع جالندھر

جن بھگتاں کِرپا کرے دیِن دَیال، سو سوامی انترجامی ویکھ وکھائیا۔ لکّھ چؤراسی وِچوں بھال، مانَس مانُکھ اپنے رنگ رنگائیا۔ کایا مندر اندر وکھا سچّی دھرم سال، سچ دوارا ایکنکارا اِکو اِک سمجھائیا۔ مُحبّت وِچ اُپجا گُرمُکھ اپنے لال، نام نِدھانا رنگ چڑھائیا۔ کوُڑی کِریا مایا ممتا موہ میٹ جنجال، جاگرت جوت کر رُشنائیا۔ نِرگُن سرگُن وسے سدا نال، سدا سُہیلا اِک اَکیلا اپنا سنگ نِبھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ہرجن لہنا دینا لیکھے لائیا۔ جن بھگت ایکا رنگ رنگے سدا سدا سد، مجیِٹھی آپ چڑھائیا۔

دُھن راگ سُنا انحد، جگت شاستراں توں باہر کرے پڑھائیا۔ امرت جام پیائے نِجھر جھِرنا گھٹ، بوُند سوانتی آپ ٹپکائیا۔ دِب نیتر گیان کھولے اکّھ، نِرگُن نوُر جوت کرے رُشنائیا۔ گھر صاحب سوامی پُرکھ اکال دیِن دَیال ملِے سچ، جن بھگتاں پڑدا اوہلا انتر دئے اُٹھائیا۔ ملِے وڈیائی تت وجوُد کایا ماٹی کچّ، کنچن گڑھ سُہنجنا آد نِرنجنا دئے کرائیا۔ سدا سُہیلا اِک اَکیلا جن بھگتاں سِر تے رکھے ہتّھ، بال بِردھ جوان بھے رہن کوئے نہ پائیا۔ نام بھنڈارا دے کے ساچی وتھ، دھن خزینہ اِک پرگٹائیا۔ حُکمے اندر سدا رکھ، تُوں میرا مَیں تیرا آتم پرماتم جاپ جپائیا۔ لکّھ چؤراسی جم دی پھاسی کٹ، رائے دھرم ڈیرہ ڈھاہیِا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیر سِنگھ وِشنوُں بھگوان، کلجُگ انت ہرجن ویکھے سجّن سنت، سِری بھگوَنت پڑدا اوہلا آپ اُٹھائیا۔

۲۳ پھگّن شہنشاہی سمت ۲ بیِبی سما کؤر دے گرِہ پِنڈ سُنڑ ضِلع جالندھر

بیاس کہے مَیں جُگ چؤکڑی تکدا رہیا سادھ، جو سادھنا وِچ نِرگُن سرگُن تیرا دھیان لگائیا۔ انتر نِرنتر تیرا منتر کردے رہے یاد، رسنا جِہوا دند نہ کوئے ہِلائیا۔ آسا تکّدے رہے شبد وجےّ اگمّی ناد، دُھن آتمک راگ سُنائیا۔ پُرکھ اکال بھیو کُھلا بودھ اگادھ، بُدھی توں پرے کرے پڑھائیا۔ کوُڑی کِریا من واسنا اندروں نِکلے وِواد، جگت ہنکارا گڑھ دے تُڑائیا۔ ساچے مندر ڈوُنگھی کندر کھول دیوے راز، رازق رحیِم مِہر نظر اِک اُٹھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچکھنڈ نِواسی پُرکھ ابناشی پتپرمیشور تیرا دھیان لگائیا۔

۲۳ پھگّن شہنشاہی سمت ۲ بیِبی بچن کؤر دے گرِہ پِنڈ بوپارائے ضِلع جالندھر

بیاس کہے مَیں جُگ چؤکڑی تکدا رہیا سنت، صاحب سَتگُر ساجن جو تیرا دھیان لگائیا۔ جل دھار وڑ وڑ کھوجدے گئے کنت، کھوجیاں ہتّھ کِسے نہ آئیا۔ پڑھ پڑھ تھکے تیرا اکھّراں والا منت، منتوَ حل نہ کوئے کرائیا۔ گڑھ تُٹا نہ ہؤمے ہنگت، ہنگ برہم بھیو کوئے نہ پائیا۔ ساچے نام دی مِلی کِسے نہ سند، ساچا رنگ نہ کوئی رنگائیا۔ جھگڑا پیا رہیا بہِشت جنّت، سوَرگاں ڈیرہ کوئے نہ ڈھاہیِا۔ گُر اوتار پَیغمبر تیرے اَگے کردے گئے مِنّت، نِیوں نِیوں سجدیاں وِچ سیِس جھُکائیا۔ چار جُگ دی کھانی بانی تیری صِفتاں والی لِکھت، سندیشیاں وِچ سدّا ہوکا نام سُنائیا۔ تیرا لبھ سکیا کوئی نہ اِشٹ، اِشٹ آتما پرماتما جوڑ نہ کوئے جُڑائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، صاحب سوامی پُرکھ ابناشی گھٹ نِواسی ہرجن ساچے لیکھے لَینے لائیا۔ بیاس کہے مَیں جُگ جُگ تیرے تکدا رہیا سنت فقیِر، فِقرہ تیرا ڈھولا گائیا۔ گھتدے رہے وہیِر، چار کُنٹ بھجّن واہو داہیِا۔ بدلدے رہے ضمیِر، من مت بُدھی توں پرے اکّھ کُھلائیا۔ لبھدے رہے تدبیِر، تیرا طریقہ نام دُھردرگاہیِا۔ جھگڑا تکّدے رہے شاہ حقیِر، شرع وِچ نہ کوئے لڑائیا۔ کِس بِدھ تیری نظر آوے تصویِر، بِن روُپ رنگ ریکھ سوبھا پائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دوار ایکنکار اکل کل دھاری جوت نِرنکاری جوتی جاتے پُرکھ بِدھاتے تیری اوٹ تکائیا۔

۲۳ پھگّن شہنشاہی سمت ۲ بیِبی بھجن کؤر دے گرِہ جمشیر ضِلع جالندھر

بیاس کہے پربھ کلجُگ انت اَخیِر توڑ دے بندھن، بندگی اپنی دے سمجھائیا۔ دھوُڑی ٹِکاّ مستک نام لا اگمّا چندن، پڑدا اوہلا کایا مندر اندر دے چُکائیا۔ لکّھ چؤراسی آون جاون پتت پاون رہے کوئی نہ پھندن، پھاسی جم گل نہ کوئے لٹکائیا۔ تُوں صاحب سمرتھ دیِن دَیال سدا بخشندن، بخشش رحمت اپنی دے کمائیا۔ صدی چؤدھویں انت در ٹھانڈے تیرے وست امولک منگن، نام نِدھان سِری بھگوان اپنا دینا ورتائیا۔ درگاہ ساچی دھام نیارا در دروازہ تیرا لنگھن، برہمنڈ کھنڈ پُری لوء آکاش پاتال گگن گگننتر زِمیں اسمان چرناں ہیٹھاں دبّن، جوتی جوت سروُپ ہرِ، آپ اپنی کِرپا کر، ایکا دینا ساچا ور، در ٹھانڈا دینا سُہائیا۔

۲۳ پھگّن شہنشاہی سمت ۲ ہربنس کؤر دے گھر پِنڈ کالا سنگھا ضِلع جالندھر

بیاس کہے جن بھگت لےَ جا اپنے دوار، دوارکا واسی جِتھے بَیٹھے سیِس نِوائیا۔ بندنا ڈنڈاوت سجدے کردے گُروُ اوتار، پَیغمبر سِر نہ کوئے اُٹھائیا۔ وِشن برہما شِو بن بِھکھار، در تیرے الکھ جگائیا۔ نِرگُن جوت کملاپاتی تیری ہوئے اُجیار، نوُر ظہوُر کرے رُشنائیا۔ جِس گھر کاغذ قلم کوئی نہ لِکھنہار، کاتب روُپ نہ کوئے دھرائیا۔ سو محل اٹل اُچ اگمّ اتھاہ دئے وکھال، مِہربان مِہر نظر اِک اُٹھائیا۔ جِتھے جھگڑا رہے نہ شاہ کنگال، اوُچ نیِچ ذات پات بھرم نہ کوئے بُھلائیا۔ دھرم دوارا اِکو دِسے دُھر دی دھرم سال، چار ورناں اٹھاراں برناں جِس دھار وِچ مِل کے تیرا روُپ سمائیا۔ آ کے ویکھ مُریِداں حال، مُرشد ہو کے اپنا پھیرا پائیا۔ کلجُگ اندر سَتجُگ بدل دے چال، چال نِرالی جوت اکالی اپنی کل دے پرگٹائیا۔ جیِو جنت مُردے سارے دے جِوال، نام رس امرت امیوں جام پیائیا۔ جن بھگتاں پوُرب جنم دی لیکھے لا گھال، لہنا دینا دُھر دا جھولی پائیا۔ جُگ چؤکڑی گُر اوتار پَیغمبراں جو بھوِکھتاں وِچ دِتا احوال، حال سب دا کھوج کھوجائیا۔ پاربرہم پتپرمیشور دینا بندھپ دیِن دَیال، رکھک ہو کے آپ ہونا سہائیا۔ جوتی جوت سروُپ ہرِ، آپ اپنی کِرپا کر، نِہکلنک نرائن نر، مہاراج شیر سِنگھ وِشنوُں بھگوان، تیرا نام دا ڈنکا اِکو وجےّ تال، تار ستار نِرگُن نِرنکار نِراکار سُرتی شبدی شبد سُرت دینا ہِلائیا۔

شہنشاہی سمت ۲ )۲۰۲۳ بِکرمی( دی لِکھت ختم

سوہنگ مہاراج شیر سِنگھ وِشنوُں بھگوان دی جےَ
سوہنگ مہاراج شیر سِنگھ وِشنوُں بھگوان دی جےَ
سوہنگ مہاراج شیر سِنگھ وِشنوُں بھگوان دی جےَ
سوہنگ مہاراج شیر سِنگھ وِشنوُں بھگوان دی جےَ
سوہنگ مہاراج شیر سِنگھ وِشنوُں بھگوان دی جےَ