کتب خانہGranth 20 (Shahmukhi)

پہلی چیت شہنشاہی سمت ۳ کُلونت سِنگھ بستی پٹھانا

سمت کہے جن بھگتاں دے مان، مِہربان مِہر نظر اُٹھائیا۔ تیرے نام دا آئے اِک گیان، اگیان اندھیرا دے چُکائیا۔ تیرے دھرم دا ویکھن نِشان، نِشانے جگت جان بُھلائیا۔ تیرا گیِت ڈھولا بھگت اِکو گان، پریِت تیرے وِچ سمائیا۔ تُوں داتا دانی آد جُگادی مِہربان، مِہر نظر نال پار کرائیا۔ جوتی جوت سروُپ ہرِ، آپ اپنی کِرپا کر، لیکھا اگلا دینا مُکائیا۔ اگلا لیکھا مُکاوے بھگت، بھگوان ہو سہائیا۔ جھگڑا رہے نہ کوُڑے جگت، جاگرت جوت کر رُشنائیا۔ تیرا نِواس اُتے عرش، فرش تیری اوٹ تکائیا۔ مِہربان کر ترس، رحمت وِچ رحم دے کمائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ہرِ، در ٹھانڈے منگ منگائیا۔

پہلی چیت شہنشاہی سمت ۳ گُربنس کؤر پِنڈ چبّا ضِلع امرتسر

در ٹھانڈا تیرا دربارا، درگاہ ساچی سوبھا پائیا۔ جِتھے وسے اِک اِکلّا ایکنکارا، دوُجا نظر کوئے نہ آئیا۔ نِرگُن جوت ہووے اُجیارا، دیِا باتی نہ کوئے رُشنائیا۔ تخت نِواسی شاہ سِکدارا، شہنشاہ ہو کے ڈیرہ لائیا۔ تیرا حُکم چلے سدا جُگ چارا، چؤکڑی میٹے نہ کوئے میٹ مِٹائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ہرِ، تُدھ بِن دوُجا نظر کوئے نہ آئیا۔

پہلی چیت شہنشاہی سمت ۳ جُگِندر کؤر لوٹے کلونی ضِلع انبالہ

تُدھ بِن دوُجا دِسے نہ اوَر، روُپ انوُپ نہ کوئے پرگٹائیا۔ تُوں مالک گہر گوَر، گمبھیِر تیری سرنائیا۔ جن بھگت کر کے بَیٹھے صبر، سنتوکھ تیرا نام پرگٹائیا۔ تُوں سوُربیِر بہادر شیر ببّر، بھبک نام دے لگائیا۔ جوتی جوت سروُپ ہرِ، آپ اپنی کِرپا کر، لیکھا مُکاؤنا کایا ماٹی قبر، کعبہ اِکو دینا سُہائیا۔

پہلی چیت شہنشاہی سمت ۳ بال سِنگھ پِنڈ بھگوَاں ضِلع امرتسر

تیرا کعبہ حق محراب، محبوُب بےپرواہیِا۔ جِتھے نظر نہ آئے کوئی آفتاب، سوُریہ چند نہ کوئے رُشنائیا۔ نہ کوئی مِتر دِسے احباب، سجّن سنگ نہ کوئے نِبھائیا۔ نہ کوئی تند سِتار وجےّ رباب، سُر تال نہ کوئے جنائیا۔ نہ کوئی بھُنّ کھائے کباب، اگنی اگّ نہ کوئے تپائیا۔ جوتی جوت سروُپ ہرِ، آپ اپنی کِرپا کر، جن بھگتاں ساچے نام دا دینا اِک سواد، انرس اپنا آپ چکھائیا۔

پہلی چیت شہنشاہی سمت ۳ اُتم چند پِنڈ تلواڑا ضِلع ہوشیار پُر

انرس تیرا سدا انڈِٹھ، جگ نیتر نظر کِسے نہ آئیندا۔ جن بھگتاں دیوے کر کے ہِت، پریم پیار وِچ بُلائیندا۔ من ٹھگؤری کرے نہ چِت، چیتن سُرتی آپ اُٹھائیندا۔ درشن دے کے نِت نوِت، اپنا میل مِلائیندا۔ جوتی جوت سروُپ ہرِ، آپ اپنی کِرپا کر، جن بھگتاں دینا سب کِچھ، دُھر دی ساچی منگ منگائیندا۔

پہلی چیت شہنشاہی سمت ۳ مُنشی رام پِنڈ میانی ضِلع ہوشیار پُر

دُھر درگاہ دی ساچی منگ، مانگت ہو کے جھولی ڈاہیِا۔ تیرے نام دا ملِے انند، انند انند وِچوں پرگٹائیا۔ خوشی ہووے بند بند، بندگی دینی سمجھائیا۔ پڑدا رہے نہ ہنگ برہم، پاربرہم تیرا نوُر نظری آئیا۔ جوتی جوت سروُپ ہرِ، آپ اپنی کِرپا کر، لیکھا مُکاؤنا خوشی غم، چِنتا دینی باہر کڈھائیا۔

پہلی چیت شہنشاہی سمت ۳ بیِبی پرکاشو پِنڈ سالووال ضِلع گُرداسپُر

چِنتا غم نہ رہے ہرکھ، سوگ وِچ نہ کوئے سمائیا۔ نِرگُن دھار دینا درس، جوتی جوت ڈگمگائیا۔ بھگتاں اُپر کرنا ترس، مِہربان ہونا سہائیا۔ بینتی منظوُر کرنی عرض، آرزوُ تیرے اَگے ٹِکائیا۔ جوتی جوت سروُپ ہرِ، آپ اپنی کِرپا کر، نِرگُن دھار آؤنا پرت، پتپرمیشور بےپرواہیِا۔

پہلی چیت شہنشاہی سمت ۳ بیِبی پنی سالووال ضِلع گُرداسپُر

پتپرمیشور دیِن دَیال، دیانِدھ تیری سرنائیا۔ تُوں ٹھاکر ہؤں کنگال، سیوک اپنا لَینا بنائیا۔ نام بھنڈارا دینا سچّا دھن مال، مالک، خالی جھولی اَگے ڈاہیِا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در تیرے آس رکھائیا۔

پہلی چیت شہنشاہی سمت ۳ منجیِت سِنگھ دیِدارے والا فِروزپُر

در تیرے رکھی آس، آسا پوُر دینی کرائیا۔ ممتا من نہ رہے پیاس، پریم پیالہ جام دینا پیائیا۔ منوُآ من نہ رہے گُستاخ، کوُڑی کِریا ڈیرہ ڈھائیا۔ جوتی جوت سروُپ ہرِ، آپ اپنی کِرپا کر، درس دینا ساکھیات، نِرگُن نوُر جوت کر رُشنائیا۔

پہلی چیت شہنشاہی سمت ۳ جرنیل سِنگھ پِنڈ سلاں والی تلونڈی ضِلع ہوشیار پُر

نرگُن جوت تیرا نوُر، نوُر نوُرانے سوبھا پائیا۔ آسا منسا بھگتاں پوُر، پوُرن برہم دینا سمجھائیا۔ ناد اُپجا ساچی تُور، تُریا توں پرے کر پڑھائیا۔ سوُلی چڑھنا نہ پئے وانگ منصوُر، منسا وِچ انس لَینا بنائیا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ رکھائیا۔

پہلی چیت شہنشاہی سمت ۳ گُرچرن سِنگھ جموں

سر ہتّھ رکھنا سوامی، سدا سدا دھیان لگائیا۔ تیرا لیکھا کوئی نہ جانے پار گرامی، پرا پسنتی مدھم بَیکھری سمجھ کوئے نہ آئیا۔ تُوں مالک دُھر امامی، سچ دوارے سوبھا پائیا۔ جن بھگتاں کٹ سرب غُلامی، چاکر اپنے لَینا پرگٹائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در تیرا نظری آئیا۔

پہلی چیت شہنشاہی سمت ۳ اجیِت سِنگھ جموں

در تیرا دِسے سُہنجنا، سوبھاوَنت سَتوادی سَت۔ کِرپا کر آد نِرنجنا، جن بھگتاں دے برہم مت۔ تُوں داتا دانی درد دُکھ بھےَ بھنجنا، وست امولک دے سچ۔ تیرے نام دا نیتر پئے انجنا، کوُڑی کِریا دُرمت مَیل کٹ۔ جوتی جوت سروُپ ہرِ، آپ اپنی کِرپا کر، مِہربان پُرکھ سمرتھ۔

پہلی چیت شہنشاہی سمت ۳ سنت رام پِنڈ گوکلے چک جموں

سمرتھ سوامی انتر بِدھ جان، تیرے ہتّھ وڈیائیا۔ بھگت سُہیلے مات پچھان، بےپچھان دَیا کمائیا۔ اپنے نام دی پا آن، سِر سکے نہ کوئے اُٹھائیا۔ تُوں میرا مَیں تیرا سوہنگ ڈھولا سارے گان، گا گا خوشی پرگٹائیا۔ جوتی جوت سروُپ ہرِ، آپ اپنی کِرپا کر، آدی نادی ہونا مِہربان، مِہر نظر نال تکائیا۔

پہلی چیت شہنشاہی سمت ۳ ہردیِپ کؤر فتح ننگل گُرداسپُر

مہر نظر تکّ محبوُب، مُحبّت وِچ سرنائیا۔ تیرا اِکو عرش عروُج، عالیشان سوبھا پائیا۔ جِتھے بھگت رہن محفوُظ، دُکھ درد نہ لاگے رائیا۔ جوتی جوت سروُپ ہرِ، آپ اپنی کِرپا کر، جگت واسنا میٹ حدوُد، حد اپنی دے سمجھائیا۔

پہلی چیت شہنشاہی سمت ۳ گُردِت سِنگھ پِنڈ رام دوالی ضِلع امرتسر

ساچی حد دسّ حدوُد، جِتھے ونڈ نہ کوئے ونڈائیا۔ جھگڑا رہے نہ کوئے تن کلبوُت، جِسم اِسم نہ کوئے بدلائیا۔ اِکو رنگ دِسے چارے کوُٹ، دہ دِشا وجےّ ودھائیا۔ جوتی جوت سروُپ ہرِ، آپ اپنی کِرپا کر، لیکھا چُکاؤنا کایا پنج بھوُت، بُھلیکھا اندروں باہر کڈھائیا۔

پہلی چیت شہنشاہی سمت ۳ بیِبی مہِندر کؤر پِنڈ سوُسانا ضِلع ہوشیار پُر

بُھلیکھا رہے نہ کایا اندر، انتشکرن دینا بدلائیا۔ کوُڑی کِریا توڑ کے جِندر، جیِون وِچوں جیِون دینا سمجھائیا۔ منوُآ من نہ رہے بندر، شبد ڈوری دینا بندھائیا۔ بھاگ لگاؤنا کایا کندر، نِرگُن جوت کر رُشنائیا۔ جن بھگت سُہیلے در تیرا آئے منگن، در ٹھانڈے سیِس نِوائیا۔ کِرپال ہو کے چاڑھ رنگن، جوتی جوت سروُپ ہرِ، آپ اپنی کِرپا کر، نِہکلنک نرائن نر، مہاراج شیر سِنگھ وِشنوُں بھگوان، سب دی منظوُر کر بندن، بندگی وِچ بندنا بندی چھوڑ اپنے لیکھے پائیا۔

۲ چیت شہنشاہی سمت ۳ بیِبی گُرنام کؤر پِنڈ سوُسانا ضِلع ہوشیار پُر

کلجُگ آیوُ لکّھ چار ہزار بتّی، شاستراں والے دین گواہیِا۔ جِنہاں اکھّراں نے پُرکھ اکال ویکھیا نہیں کملاپاتی، نِرگُن نوُر نہ درس پائیا۔ سندیشیاں والی سمجھاؤندے جگت پاتی، پترکا دُھر دی اِک اُپجائیا۔ ایہہ کھیل صاحب سمرتھی، ہرِ کرتا اپنے ہتّھ رکھائیا۔ جوتی جوت سروُپ ہرِ، آپ اپنی کِرپا کر، ساچی کرنی آپ کمائیا۔ کلجُگ آیوُ اکھّراں ونڈ، شاستر شرع وِچ سمجھائیا۔ بھیو جانے نہ کوئے سوُرا سربنگ، پڑدا سکے نہ کوئے اُٹھائیا۔ جِس دے حُکمے اندر جُگ چؤکڑی رہے لنگھ، سَتجُگ تریتا دواپر کلجُگ اپنا پندھ مُکائیا۔ جوتی جوت سروُپ ہرِ، آپ اپنی کِرپا کر، سچ دیونہار وڈیائیا۔

۲ چیت شہنشاہی سمت ۳ جسونت سِنگھ پِنڈ بھام ضِلع ہوشیار پُر

کلجُگ آیوُ دسّ رہے بےانت، صِفتاں نال وڈیائیا۔ جِس دا لہنا دینا آد انت، جُگ چؤکڑی حُکم ورتائیا۔ جو بھگت اُدھارے ساچے سنت، سَتگُر اپنی دَیا کمائیا۔ جو لیکھا جانے جیِو جنت، جاگرت جوت کرے رُشنائیا۔ جو آد جُگادا بودھ اگادھا پنڈت، دُھر دی سِکھیا دئے سمجھائیا۔ سو لیکھا جانے بےانت، بےپرواہ بےپرواہیِا۔ جِس ویلے ارجن لِکھن لگّا گُروُ گرنتھ، جگت نیتر بند کرائیا۔ میلا مِلیا نال کنت، پتپرمیشور جوڑ جُڑائیا۔ اودھروں مِلی اِکو سنتھ، سِکھیا اِک سُنائیا۔ کوُڑی کِریا لہنا چُکے چار لکّھ )بتّی( سہنس، بھیو ابھیوَ وِچوں پرگٹائیا۔ جِس ویلے گوبِند واریا اپنا بنس، سربنس دئے لُٹائیا۔ ور دیوے چار ورناں پنتھ، برن اٹھاراں پندھ مُکائیا۔ جوتی جوت سروُپ ہرِ، آپ اپنی کِرپا کر، ساچی کرنی آپ کمائیا۔

۲ چیت شہنشاہی سمت ۳ بیِبی پریِتم کؤر بُڈھے کوٹ گُرداسپُر

ساچی کرنی کرے کرتار، کلجُگ آیوُ دئے سمجھائیا۔ شبد سندیشہ دُھر دربار، نر ہرِ ساچا آپ سُنائیا۔ گوبِند سوُرا کر تیار، ڈنکا اِکو اِک وجائیا۔ کلجُگ ہو کے خبردار، اپنے بل لئے انگڑائیا۔ پُرکھ اکال ویکھنہار، نِرگُن داتا بےپرواہیِا۔ جِس دی جُگ چؤکڑی وکھّری کار، شاستر سِمرت سمجھ کوئے نہ پائیا۔ گُر اوتار کرن نِمسکار، پَیغمبر سیِس جھُکائیا۔ سو لیکھا جانے دُھر دربار، درگاہ ساچی سوبھا پائیا۔ جوتی جوت سروُپ ہرِ، آپ اپنی کِرپا کر، دُھر سندیشہ اِک سُنائیا۔

۲ چیت شہنشاہی سمت ۳ پرتاپ سِنگھ پِنڈ سنیاں والا

دُھر سندیشہ کہے جِس ویلے گوبِند کسیا کمرکسا، قاصد شبدی نظری آئیا۔ جِس دیِاں ویکھن والیِاں نہیں اکّھاں، مُکھ دند نہ صِفت صلاحیِا۔ فرمانا دیوے دُھر دا سچّا، سُنیہڑا اِک جنائیا۔ سُن میرے لاڈلے بچّہ، بچّیا لیکھا تیری جھولی پائیا۔ کلجُگ کوُڑی کِریا بھانڈا کچّا،

تیرے چرناں ہیٹھ دبائیا۔ گوبِند کھِڑ کھِڑا کے ہسّا، تلی تلی نال ٹھکرائیا۔ پُرکھ اکال آیا نسّا، نِرگُن نِروَیر نوُر جوت کر رُشنائیا۔ اُٹھ ویکھ مدیِنہ مکّہ، کعبےپڑدا لاہیِا۔ محمد سُخن کہے سچّا، کوُک کوُک سُنائیا۔ پروردِگار سولاں سہنس جو لیکھا تیرا ڈھکا، گوبِند چِلے نال اُٹھائیا۔ شبدی مَینوُں لِکھ دے پٹا، فرمانبرداری سیو کمائیا۔ چؤداں سد تیرا لاہا کھٹّا، کھٹکا میٹ کوُڑ لوکائیا۔ جوتی جوت سروُپ ہرِ، آپ اپنی کِرپا کر، سَت دینا آپ سمجھائیا۔

۲ چیت شہنشاہی سمت ۳ سردارا سِنگھ پِنڈ روڈے فِروزپُر

کلجُگ کہے میری آیوُ ہزار بتّی لکّھ چار، چارے وید دین گواہیِا۔ چارے کُنٹ کرے پُکار، اُتّر پوُرب پچھّم دکھّن کوُک سُنائیا۔ چارے ورن ہاہاکار، دھیِرج دھیِر نہ کوئے رکھائیا۔ چارے کھانی رووے زارو زار، نیتر نیَناں نیِر وہائیا۔ چارے بانی کرے پُکار، پرا پسنتی مدھم بَیکھری دئے دُہائیا۔ میرا لہنا دینا پوُرا کرنا وِچ سنسار، سنساری بھنڈاری نال مِلائیا۔ جوتی جوت سروُپ ہرِ، آپ اپنی کِرپا کر، اپنا لہنا دینا پوُر دئے کرائیا۔

۲ چیت شہنشاہی سمت ۳ شام سِنگھ پِنڈ ننگل ضِلع فِروزپُر

کلجُگ کہے میری آیوُ تیرے حُکم والی لمبی سچّی، کرم دھار دے سمجھائیا۔ جو تَینوُں بھاوے اچھی، چنگی طرح دِرڑائیا۔ کُچھ لیکھا جان جِس ویلے متسی روُپ وٹایا مچّھی، دھڑ مانَو نظری آئیا۔ کُچھ لیکھا ویکھ جِس ویلے موُسے پئی غشی، کوہ طوُر وڈیائیا۔ کُچھ پڑدا کھول جِس ویلے محمد بوَنجا سال داہڑی کیِتی رتّی، اگلا رنگ رنگائیا۔ کُچھ سندیشہ بول جِس ویلے نانک پاندھے پڑھائی پٹّی، بِن اکھّراں اکھّر وڈیائیا۔ کُچھ پوُرا تول تول جِس ویلے ارجن گُر قلم کاغذ اُتے رکھی، در ساچے سیِس نِوائیا۔ کُچھ پڑدا پھول جِس ویلے گوبِند منگ منگی، جھولی اپنی اَگے ڈاہیِا۔ جِس کارن کھیل ہونا بہُرنگی، بھیو کوئے نہ پائیا۔ پُرکھ اکال کہے کلجُگ تیرا لیکھ حُکمے اندر مُکاواں لکّھ چار ہزار پنجی، نِرگُن ہو کے اپنے وِچ چُھپائیا۔ کراں کھیل سوُرا سربنگی، پرگٹ ہو کے دُھردرگاہیِا۔ کلجُگ تیری دھار میٹاں دو رنگی، کُڑنگی رہن کوئے نہ پائیا۔ جوتی جوت سروُپ ہرِ، آپ اپنی کِرپا کر، ساچا حُکم اِک سُنائیا۔

۲ چیت شہنشاہی سمت ۳ تیج کؤر پِنڈ ولوُر، ضِلع فِروزپُر

کلجُگ کہے سُن میرے دُھر دے یار، در تیرے سیِس نِوائیا۔ مَیتھوں بھوگے نہیں جانے لکّھ چار، بتّی ہزار نہ سیو کمائیا۔ مَیں سوُربیِر بناں سِکدار، در ٹھانڈے منگ منگائیا۔ جھگڑا رکھاں نال گُروُ اوتار، پَیغمبراں دیاں ہِلائیا۔ شاستراں دی شرع کراں خوار، ایہہ دینی مان وڈیائیا۔ پڑھن سُنن والے کرن وِبھچار، سانتک سَت دھیِرج دھیِر نہ کوئے رکھائیا۔ سادھاں سنتاں اندر واڑ دیاں کام کرودھ لوبھ موہ ہنکار، سِنگھاسناں اُتے آسن دیواں ڈُلائیا۔ درِشٹی سرب کراں وِبھچار، کُکرم نال کُڑمائیا۔ سُہاوے کوئی نہ سچّا تال، دھرم سال نہ کوئے وڈیائیا۔ پوُری ہووے نہ کِسے گھال، کوٹن کوٹ بھجّن واہو داہیِا۔ ترےَگُن پا کے سرب جنجال، جگ جیِون داتا دیاں بُھلائیا۔ پربھوُ تیری سیوا کراں کمال، بہُتا سماں تھوڑے وِچ بُھگتائیا۔ تُوں منّ بینتی میرا سوال، در ٹھانڈے دِتا سُنائیا۔ جوتی جوت سروُپ ہرِ، آپ اپنی کِرپا کر، سِر میرے ہتّھ ٹِکائیا۔

۲ چیت شہنشاہی سمت ۳ بیِبی گُرمیز کؤر پِنڈ مکھّن وِنڈی ضِلع امرتسر

کلجُگ کہے مَیں ویکھاں تیری دُھر دی پُری، مِہربان دَیا کمائیا۔ اپنے نام دی دے دے اِک پُڑی، اندر میرے دے ٹِکائیا۔ ہتّھ پھڑا دے دوَیت والی چُھری، سرِشٹ ذِبح دیاں کرائیا۔ ابناشی کرتے مَیں دُنیا کرنی نِگُری، شاستراں دی چلن نہ دیواں کوئے چتُرائیا۔ مندر مسجد شِودوالے مٹھاں اندر دھی بھَین کوئی نہ جانے کُڑی، نیتر اکّھ نہ کوئے شرمائیا۔ اوس ویلے میری بیڑی جاوے رُڑھی، بہُتا پندھ نہ کوئے نہ وکھائیا۔ کوٹاں وِچوں تیرے بھگت دی سُرتی ہووے جُڑی، جوڑی دُھر بنائیا۔ جوتی جوت سروُپ ہرِ، آپ اپنی کِرپا کر، سِر میرے ہتّھ رکھائیا۔

۲ چیت شہنشاہی سمت ۳ سُرِندر کؤر ایچ ایم ٹی پنچوُآ ڈِسپینسری پِنڈ چھینا والی ضِلع امرتسر

کلجُگ کہے پربھوُ مَیں بننا منگتا، میری جھولی دینی بھرائیا۔ مَیں دیِن دُنی گڑھ بناواں ہنگتا، ہنگ برہم سرب بُھلائیا۔ میرا جھگڑا تن وجوُد کایا ماٹی ہووے جنگ دا، جودھے اندروں لَواں پرگٹائیا۔ کِسے دے اندر رس رہن نہ دیواں انند دا، سُکھ وِچ نہ کوئے سمائیا۔ نِشانہ اندروں مِٹاواں سوُریہ چند دا، تارا منڈل نہ کوئے رُشنائیا۔ پڑدا پا کے دوَیتی کندھ دا، بھرماں وِچ دیاں بُھلائیا۔ پُرکھ اکال دیِن دَیال کوُڑی کِریا وِچ چار لکّھ مَیتھوں نہ لنگھدا، ہزار بتّی نہ سیو کمائیا۔ مَینوُں رستہ دسّ میرے پندھ دا، چھیتی دیاں وکھائیا۔ تُوں سدا ٹُٹیاں گنڈھدا، وڈ داتا بےپرواہیِا۔ تیرا لیکھا کوٹ برہمنڈ دا، پُری لوء کھوج کھوجائیا۔ جوتی جوت سروُپ ہرِ، آپ اپنی کِرپا کر، دُھر سندیشہ اِک سُنائیا۔

۲ چیت شہنشاہی سمت ۳ مِلکھا سِنگھ ۳۶ جے ۰ بی ۰ پِنڈ گنگا نگر

پُرکھ اکال کِہا سُن کلجُگ میرے ننھے بال، حُکم دیاں سُنائیا۔ جگت چلنی اَولّڑی چال، نِرالی اِک درسائیا۔ درِشٹی کرنی بےحال، سرِشٹی سُدھ رہے نہ رائیا۔ جھگڑا پاؤنا نال گُروُ اوتار، پَیغمبراں دینا ہِلائیا۔ گرنتھاں سکے نہ کوئے وِچار، وِدیا جگت کر ہلکائیا۔ شاستراں رہے نہ کوئے پیار، آستک ناستک روُپ وٹائیا۔ ممتا وِچ کرنے گرِفتار، موہ وِچ پھسائیا۔ سنیاسی رہے نہ کوئے آچار، سُرت شبد نہ کوئے جُڑائیا۔ چار کُنٹ سَت دھرم دا تھوڑا اختیار، مُختار مَینوُں دِتا بنائیا۔ مُحبّت رہے نہ کِسے یار، نار کنت پَوے لڑائیا۔ مات پِت پِتا پوُت کوئے نہ دیوے دھار، دھرم دوارا نہ کوئے سُہائیا۔ جوتی جوت سروُپ ہرِ، آپ اپنی کِرپا کر، دُھر دا حُکم اِک سُنائیا۔ سُن کے بچن لکّھ چار پیا رو، ہزار بتّی دئے دُہائیا۔ کلجُگ اَگے گیا ہو، ہوکا دے سُنائیا۔ پُرکھ اکال کِہا تُساں دوہاں ہونا نِرموہ، مُحبّت جگت نہ کوئے بنائیا۔ مَیں ساچا ڈھوآ دیواں ڈھوء، ویلے وقت نال دیواں وڈیائیا۔ سَت دھرم اِیمان اِشٹ درِشٹی وِچوں سب دا لَواں کھوہ، خالی کراں لوکائیا۔ گُروُ چیلا اِک دوُجے نال کرے دھروہ، دروہی دروہی خُدائیا۔ جوتی جوت سروُپ ہرِ، آپ اپنی کِرپا کر، سچ سندیشہ اِک سُنائیا۔

۲ چیت شہنشاہی سمت ۳ وچِنت کؤر پِنڈ رُڑکا ضِلع جالندھر

سچ سندیشہ سُناوے اِک اِکلّا، اِکو وار دِرڑائیا۔ جِس نوُں منّدے دُھر دا االلہ، عالمیِن اکھوائیا۔ سچ سندیشہ تِس نے گھلّا، محمد دِتا جنائیا۔ صدی چؤدھویں پھڑ لےَ پلّا، گنڈھ نِرگُن دھار پوائیا۔ پھیر ہونا اچھل اچھلّا، ول چھل اپنی کار کمائیا۔ جوتی جوت سروُپ ہرِ، آپ اپنی کِرپا کر، ساچا حُکم اِک سُنائیا۔

۲ چیت شہنشاہی سمت ۳ اجیِت کؤر پِنڈ کڑالا ضِلع کپوُرتھلا

چار لکّھ بتّی ہزار رو کے مارے دھاہ، ہائے اُف سُنائیا۔ شاستر سِمرت ساڈا بھیو جانے کوئی نہ، پڑدا اندروں نہ کوئے اُٹھائیا۔ باہروں لِکھتی بنے گواہ، نِرگُن دھار لہنا دینا نہ کوئے بُھگتائیا۔ بہُڑی پربھ نے اپنا حُکم دینا ورتا، ساڈی چلے نہ کوئے چتُرائیا۔ لیکھا جانے نوُری خُدا، خود مالک دُھردرگاہیِا۔ جِتنی آیوُ چاہے اُتنی لئے بُھگتا، حُکمے اندر حُکم بدلائیا۔ جِویں پاپیِاں توں بھگت لئے بنا، مِہر نظر اُٹھائیا۔ ایسے طرح کلجُگ دی دُرمت مَیل چھیتی دئے دھوا، جو چل آیا سرنائیا۔ جِس نے چار لکّھ ہزار بتّی دِتے لِکھا، اوسے نے اَگے سب دا لیکھا دینا مُکائیا۔ محمد بنایا گواہ، نانک نِرگُن نال رلا، گوبِند شہادت اِک بنائیا۔ جِس نوُں سمجھے کوئی نہ را، جوتی جوت سروُپ ہرِ، آپ اپنی کِرپا کر، دُھر دا کھیل آپ کرائیا۔

۲ چیت شہنشاہی سمت ۳ ہزارا سِنگھ پِنڈ پنڈوری ضِلع امرتسر

شاستراں اُتے جو لِکھیا، اوہ لیکھ اَگے نہ کُچھ بتائیا۔ اوسے نوُں پڑھ پڑھ آپ لَیندے سِکھیا، ساکھیات پربھ دا درس کوئے نہ پائیا۔ جِس نے جگت جہان دسّیا مِتھیا، جِس ویلے چاہے جُگ دئے بدلائیا۔ اپنا کھیل آپے نجِٹھیا، جُگ چؤکڑی کار کمائیا۔ جوتی جوت سروُپ ہرِ، آپ اپنی کِرپا کر، دُھر فرمانا آپ سُنائیا۔

۲ چیت شہنشاہی سمت ۳ بیِبی چرنو پِنڈ بُھسے ضِلع امرتسر

جے پُچھو پربھ کِیوں کرے جلدی، چھیتی وقت مُکائیا۔ حُکمے اندر چار کُنٹ اگّ بلدی، شاستر سکے نہ کوئے سمجھائیا۔ کِسے خبر نہیں اگلے پل دی، پڑدا سکے نہ کوئے اُٹھائیا۔ ایہہ دھار نِہچل دھام اٹل دی، درگاہ ساچی سچ دِرڑائیا۔ جوتی جوت سروُپ ہرِ، آپ اپنی کِرپا کر، ساچا حُکم اِک دِرڑائیا۔

۲ چیت شہنشاہی سمت ۳ ہربنس سِنگھ چؤنک مونی کروڑی گلی بوُٹا سِنگھ والی ضِلع امرتسر

ساچا حُکم کہے مَیں آ گیا، آیا دُھردرگاہ۔ کلجُگ سِکھیا جو سِکھا گیا، نِرگُن سرگُن بن ملاح۔ گُر اوتاراں جو لڑا گیا، پَیغمبراں جھگڑا پا۔ شاستراں دے پِچھوں انجیل بائیبل جو لِکھا گیا، صِفتاں نال صلاح۔ گُروُ گرنتھ گنڈھ پوا گیا، اگلا رنگ چڑھا۔ جو گوبِند ویس وٹا گیا، ورناں برناں ڈیرہ ڈھاہ۔ جِس طرح کھتری براہمن شوُدر وَیش سب دے اُتے چوٹی آپ رکھا گیا، مُچھ داہڑی کیس سُہا۔ ایسے طرح کلجُگ وِچوں سَتجُگ آپ بدلا رہیا، جِس نوُں سمجھے کوئی نہ۔ اوسے دا حُکم جو حُکمے اندر سب کُچھ لِکھا رہیا، لیکھا اگلا میٹے کوئی نہ۔ مِہربان محبوُب مُحبّت وِچ سب کُچھ بنا رہیا، آپے سب دے پڑدے دئے اُٹھا۔ کِیوں ہر گھٹ دے اندر ڈیرہ لا لیا، برہم روُپ رُشنا۔ دُھر دا شبد اِک آواز سُنا رہیا، لکّھ چؤراسی نال اپنا اِک اُپا۔ جوتی جوت سروُپ ہرِ، آپ اپنی کِرپا کر، ساچی کرنی کار کما۔

۲ چیت شہنشاہی سمت ۳ مہِندر سِنگھ پِنڈ بُگے ضِلع امرتسر

جے پُچھو کلجُگ دی کی نِشانی، انت دیاں سمجھائیا۔ سب دی جوُہ ہوئی بیگانی، گھر دا مالک نظر کوئے نہ آئیا۔ اپنا بھیو سمجھے نہ کوئے پرانی، شاستر پُران پڑھ کے نِرگُن نوُر نہ کوئے رُشنائیا۔ جیہڑی منزل پربھ نے رکھی آسانی، تِس پِچھے دیوانی ہوئے لوکائیا۔ ایہہ کھیل نِرمل نِروَیر روُحانی، روُح بُت مِل کے وجےّ ودھائیا۔ شاستر روُپ جِویں تت وجوُد جِسمانی، جو ہوون والا فانی، جو وِدیا دا وِدوانی، برہم گیانی دی پرے دھار نہ کوئے دِرڑائیا۔ جوتی جوت سروُپ ہرِ، آپ اپنی کِرپا کر، ساچی کرنی کار کمائیا۔

۲ چیت شہنشاہی سمت ۳ بھجن سِنگھ پِنڈ دھنگالی ضِلع جموں

کلجُگ دے انتم کی ہووے وِہار، سارے مستک ہتّھ رکھ کے سوچاں وِچ سوچ رہے ٹِکائیا۔ اندر وڑ کے مندر چڑھ کے سچ دوارے پاوے کوئی نہ سار، مہاسارتھی کی کی اپنی بنت بنائیا۔ جِس دا کھیل سدا جُگ چار، سَتجُگ تریتا دواپر کلجُگ کوٹن کوٹ اُترےَ پار، لیکھا سب دا دئے مُکائیا۔ کرم کُکرم دھرم ادھرم ویکھے ویکھنہار، ابُھل بُھل کدے نہ جائیا۔ جوتی جوت سروُپ ہرِ، آپ اپنی کِرپا کر، دُھر دا حُکم اِک اُپجائیا۔

۲ چیت شہنشاہی سمت ۳ بیِبی سوَرنو پِنڈ کِرتو وال ڈھائے وال ضِلع امرتسر

کلجُگ انت اَخیِری کِیوں آیا آخر، اکھّر دین دُہائیا۔ جِس ویلے گوبِند پہلے دِن نیِلے اُتے پائی پاکھر، آسن اِک سُہائیا۔ اوس ویلے پُرکھ اکال بن کے کاتب، بِن اکھّراں جوڑ دِتا جُڑائیا۔ نِرگُن دھار بن کے واقف، بھیو ابھیدا دِتا کُھلائیا۔ کوُڑی کِریا ودھاؤنی طاقت، زور بَل نال اُپجائیا۔ جِس نے چھیتی چھیتی وِدواناں دی بدل دینی لیاقت، عقل دی چلے نہ کوئے چتُرائیا۔ دیِن دُنیا کرنی ساقط، نِندک دُشٹ دُراچار بدلائیا۔ سچّا رہے کوئی نہ عاشق، معشوُق مشورہ نہ کوئے سمجھائیا۔ کُچھ ہور لیکھا جِس ویلے وِشنوُں چرن دھریا اُتے باشک، شیش دِتی دُہائیا۔ جوتی جوت سروُپ ہرِ، آپ اپنی کِرپا کر، ساچا حُکم آپ ورتائیا۔

۲ چیت شہنشاہی سمت ۳ تارا سِنگھ پِنڈ گُنمٹی ضِلع بٹھِنڈا

کلجُگ کہے باشک مار رہیا پھوُک، سانگوں پانگ رہیا ہِلائیا۔ کلجُگ تھلّے رہیا کوُک، کوُک کوُک سُنائیا۔ ویکھو کھیل پنج بھوُت، تت وجوُد ہووے لڑائیا۔ جھگڑا دِسے چارے کوُٹ، سانتک سَت نہ کوئے کرائیا۔ شاستر سِمرت جِس دا دیندے گئے ثبوُت، صِفتاں وِچ صلاحیِا۔ اوہ مالک محبوُب، مِہربان اکھوائیا۔ کلجُگ کوُڑی کِریا میٹے ہو مؤجوُد، نِرگُن اپنا ویس وٹائیا۔ انت کرکے نیست و نابوُد، جڑ دئے

اُکھڑائیا۔ سَتجُگ اُٹھاوے اپنا پوُت، سپوُتا اِک جگائیا۔ نال دے کے شبد دوُت، دو جہاناں دئے پِھرائیا۔ پِچھلا لیکھا کر مؤقوُف، قُفل اندروں تالے دئے کُھلائیا۔ بھاگ لگا کے کایا کوُٹ، کُٹیا ساچی کرے رُشنائیا۔ جھگڑا مُکا کے جوُٹھ جھوُٹھ، سَت سچ وِچ سمائیا۔ مِہربان آپے تُٹھ، دَیاوان دَیا کمائیا۔ بھاگ لگا کے کایا ماٹی بُت، نِرگُن نوُر جوت کرے رُشنائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔

۲ چیت شہنشاہی سمت ۳ کِشن جیِت سِنگھ پِنڈ لُہارا ضِلع جالندھر

پُرکھ اکال کہے میرا کھیل انوکھا، انبھوَ وِچ رکھائیا۔ صِفتاں والا شاستر سِمرت وید پُران دُھر دا پوتھا، گرنتھاں نال وڈیائیا۔ میرے نام دا دیونہارا ہوکا، جو سندیشہ دیاں سُنائیا۔ اَگے دا جانے کوئی نہ مؤقع، کی کرتا کل ورتائیا۔ جوتی جوت سروُپ ہرِ، آپ اپنی کِرپا کر، سرِشٹی درِشٹی دئے بدلائیا۔

۲ چیت شہنشاہی سمت ۳ موہن سِنگھ پِنڈ کادیِاں ضِلع گُرداسپُر

جُگ بدلنا دُھر دی ریِت، ریِتیوان جنائیا۔ راتی سُتّیاں دِنے اُٹھدیاں سب دی بدل دیوے نیِت، بدلی وِچ دیر نہ کوئی لگائیا۔ سوامی ہو کے وسے چیِت، چیتن کر کے لئے جگائیا۔ تُوں میرا مَیں تیرا دسّ کے گیِت، سوہنگ دھار وِچ سمائیا۔ نِرگُن نِروَیر نِراکار اتیِت، ٹھانڈے سیِت دئے کرائیا۔ من واسنا گُرمُکھ جاونا جیِت، جگت جوگ جُگت دئے بدلائیا۔ جوتی جوت سروُپ ہرِ، آپ اپنی کِرپا کر، ساچا حُکم اِک سُنائیا۔

۲ چیت شہنشاہی سمت ۳ گیان چند پوُنہ شہر

چار لکّھ ہزار بتّی حُکمے اندر مکُے پندھ، سال بسال روُپ نہ کوئے وٹائیا۔ ایہہ کھیل سوُرے سربنگ، آد جُگاد اپنے ہتّھ رکھائیا۔ سَتجُگ ساچا دئے انند، انند آتما وِچ پرگٹائیا۔ تُوں میرا مَیں تیرا سب دا ہووے چھند، نؤ کھنڈ دئے سمجھائیا۔ کوُڑی کِریا میٹے پندھ، سَت سچ جگت پرگٹائیا۔ جوتی جوت سروُپ ہرِ، آپ اپنی کِرپا کر، ہرجن ساچے لئے پرگٹائیا۔

۲ چیت شہنشاہی سمت ۳ نرِندر جیِت کؤر پِنڈ کھتیار پُر ضِلع شاہ جہان پُر یوُ ۰ پی ۰

ستجُگ ساچا مات لوک جاوے لگّ، لاگت نظر کوئے نہ آئیا۔ جن بھگتاں اندر پریم ستار جائے وجّ، انحد نادی ناد سُنائیا۔ بِن مکّے کعبیوں کایا کعبےہووے حج، حضرت ملِے دُھردرگاہیِا۔ امرت جام نِجھر دھار پیائے رجّ، کوُڑی ترِشنا بُھکھ مِٹائیا۔ آتم پرماتم پرماتم آتم ایکا روُپ رنگ، رنگت اپنی دئے چڑھائیا۔ سیج سُہنجنی ویکھ پلنگ، سچ سِنگھاسن سوبھا پائیا۔ شبد اناد وجا مردنگ، مرد مردانہ کرے شنوائیا۔ جوتی جوت سروُپ ہرِ، آپ اپنی کِرپا کر، نام سندیشہ اِک سُنائیا۔

۲ چیت شہنشاہی سمت ۳ سرجیِت کؤر پِنڈ ویگے پُر ضِلع امرتسر

نام سندیشہ دیوے ہر گھٹ بھیِتر، گرِہ گرِہ آپ جنائیا۔ کنچن سونا کرے پیِتل، پیِت پیتمبر آپ سُہائیا۔ دُھردرگاہی ٹھاکر میِتل، مِتر پیارا دَیا کمائیا۔ ساچے نام دا دسّ کیرتن، کِرتیاں کِرت اِک سمجھائیا۔ حُکمے اندر لکّھ چار ہزار بتّی بیِتن، بَیتُل دھار اِک وکھائیا۔ جوتی جوت سروُپ ہرِ، آپ اپنی کِرپا کر، گھر سوہنا اِک اُپجائیا۔

۲ چیت شہنشاہی سمت ۳ گُرداس مل پِنڈ کلّا ضِلع امرتسر

گھر سوہنا سُہنجنا، ٹھانڈا دُھر دربار۔ جِس گرِہ پرکاش ہووے آد نِرنجنا، نِرگُن نوُر نوُر اُجیار۔ ٹھاکر سوامی وسے درد دُکھ بھےَ بھنجنا، پتپرمیشور پروردِگار۔ اوسے دے حُکمے اندر کلجُگ مات لنگھنا، سِر سکے نہ کوئے اُٹھال۔ سَتجُگ ساچا دِیپک جگنا، اندھ اندھیرا مِٹے غُبار۔ ڈنکا وجےّ وِچ برہمنڈنا، وربھنڈ کرے خبردار۔ لیکھا دُھر سوُرے سربنگنا، کھیل کرے نِرگُن نِروَیر نِراکار۔ سچ پرکاش دیوے چندنا، کایا ماٹی ہو اُجیار۔ سرِشٹ سبائی دسےّ بندنا، بندی خانہ توڑ گڑھ ہنکار۔ نام بھنڈارا ساچا ونڈنا، دیِن دُنی بنائے یار۔ پِچھلی کِریا مکُے بندنا، اگلا سَت دھرم ہوئے اُجیار۔ جوتی جوت سروُپ ہرِ، آپ اپنی کِرپا کر، کرے کھیل آپ کرتار۔

۲ چیت شہنشاہی سمت ۳ روشن لال پِنڈ کلّا ضِلع امرتسر

کرتار کہے مَیں کرنی دا کرتا، قُدرت میری دھار نظری آئیا۔ جُگ چؤکڑی میرا بردا، در ٹھانڈے سیِس نِوائیا۔ حُکمے اندر گھلدا، حُکمے اندر سدّ وکھائیا۔ جِویں ماتا کُکھوں بال جمدا، آیوُ وڈّی چھوٹی کر وکھائیا۔ جِویں بھرواسا نہیں کِسے ماٹی چمّ تن دا، آیوُ مانَو سؤ سال توڑ نہ کوئے نِبھائیا۔ ایسے طرح کلجُگ کوُڑی کِریا حُکمے اندر بھنّدا، حُکمران دُھردرگاہیِا۔ جو پُرکھ اکال کچّا نہیں کنّ دا، اپنی کرنی کار کمائیا۔ جِس نوُں گُر اوتار پَیغمبر منّدا، نام نِدھان ڈھولا گائیا۔ اوہ کھیل کرے اپنا کمّ دا، داتا بےپرواہیِا۔ جوتی جوت سروُپ ہرِ، آپ اپنی کِرپا کر، ساچی کھیل آپ کھِلائیا۔

۲ چیت شہنشاہی سمت ۳ مایا رام پِنڈ کلّا ضِلع امرتسر

ستجُگ ساچا جو کرے آپ پرچلت، چلِتر میٹے کوُڑ لوکائیا۔ سو لیکھا جانے ہلت پلت، انتر باہر ویکھ وکھائیا۔ سرِشٹی نوُں گیان دیوے فُرنے توں پہلوں پلک، پلک وِچوں خلق دئے سمجھائیا۔ جو کرے پرکاش اُتے فلک، دھرنی دھرت دھوَل سُہائیا۔ بھگتاں نال کر کے سانجھا تعلق، ناتا بِدھاتا لئے جُڑائیا۔ جوتی نوُر دی دے کے ڈلھک، اگیان اندھیر مِٹائیا۔ مِہر کر نِرگُن نِگاہ وان آؤن نہیں دیندا اگلی بھلک، چھِن وِچ اپنا بھید چُکائیا۔ جِس ویلے سَتجُگ ساچے سچ دھرم دا دِتا تِلک، ٹِکاّ دینا لگائیا۔ بھگت سُہیلا کوئی نہ جاوے کھِسک، شبد ڈوری نال جُڑائیا۔ جو سندیشہ دے کے گیا رام وشِشٹ، بھید ابھید کُھلائیا۔ سرِشٹی دی کھولے درِشٹ، پڑدا آپ چُکائیا۔ بھاویں کوئی سادھوُ سنیاسی وَیراگی تیاگی بَیراگی جٹا جوُٹ دھاری بھاویں کوئی بھوگن والا گرِہست، سمجھ سہجے دئے سمجھائیا۔ جے مِہربان مِہر کرے پار کرے موُرکھ موُڑھے نِندک، پتت پاپیِاں پار کرائیا۔ جوتی جوت سروُپ ہرِ، آپ اپنی کِرپا کر، ساچے حُکم نال سمجھائیا۔

۲ چیت شہنشاہی سمت ۳ سُرنِدر پال پِنڈ کلّا ضِلع امرتسر

ساچا حُکم دُھر دا فُرنا، پُھرتی نال سرب اُٹھائیا۔ سَتگُر شبد نوُں کدے پئے نہ تُرنا، لکّھ چؤراسی اندر وڑ کے سُتّیاں لئے اُٹھائیا۔ جِس دوار جائے اوس گھروں خالی کدے پئے نہ مُڑنا، پریم پریِتی لےَ کے آئیا۔ ساچے سنتاں بھگتاں سَت نال سدا پئے جُڑنا، جو سَت وِچ سمائے پربھ دا درشن پائے، تِنہاں دے کلجُگ نیڑ نہ آئے، سَتجُگ روُپ نہ کوئے بدلائے، اِکو رنگ وکھائیا۔ موُرکھ مُگدھ سمجھائے، پتت پاپی ترائے دُشٹ دُراچاری اُٹھائے، گُرمُکھ کرمچاری کرم کانڈ توں باہر لیکھے لائیا۔ سَتجُگ ساچی رُت سُہائے، ابناشی اچُت ویکھ وکھائے، جوتی جوت سروُپ ہرِ، آپ اپنی کِرپا کر، ساچا مارگ اِک سمجھائیا۔

۲ چیت شہنشاہی سمت ۳ جُگِندر کؤر پِنڈ بھولے ضِلع جالندھر

ستجُگ ساچا مارگ دسےّ دھرم، دوارا اِکو دئے دِرڑائے۔ مانَو ذاتی تیرا نوُر نِرالا برہم، پاربرہم رُشنائے۔ ساچی پریِتی تیرا کرم، دوُجی ونڈ نہ کوئے ونڈائے۔ کوُڑا گڑھ رہے نہ بھرم، پڑدا آپ چُکائے۔ سَتجُگ ساچے دے کے جنم، آپ بنے جنیندی مائی۔ لیکھا میٹ کے ورن برن، ساچا رنگ اِک رنگائے۔ ہرِ کرتا کرنی کرن، قُدرت ویکھ وکھائے۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دوارا اِک کُھلائے۔

۲ چیت شہنشاہی سمت ۳ گُرتخت سِنگھ پِنڈ لؤڈووال ضِلع لُدھیانہ

سچ دوارا کھولنا، ہرِ کرتے ہو دَیال۔ نام جَیکارا اِک بولنا، نال رلا کے بھگت سُہیلے لال۔ ساچے کنڈے ترازوُ تولنا، سنت سُہیلا سجّن اُٹھال۔ کوئی رہے نہ پڑدا اوہلنا، جھگڑا مُکنا شاہ کنگال۔ جوتی جوت سروُپ ہرِ، آپ اپنی کِرپا کر، سچ دھرم آپ وِرولنا، متھ سرب سنسار۔ کلجُگ آیوُ کوُڑی کِریا نال رہی لُک، جگت اپرادھاں دِتا کھپائیا۔ جِس دا لیکھا اوسے دا سُکھ، ساگر گہر گمبھیِر پرگٹائیا۔ کلجُگ

بدلن وِچ سَتجُگ پرگٹاؤن وِچ کرے نہ کوئی دُکھ، کلیش وِچ کلپنا نہ کوئے ودھائیا۔ ایہہ لیکھا اوہدا جِس نے لکّھ چؤراسی جیِو جنت بنائے نال مانَس منُکھ، تت وجوُد ماٹی خاک دِتی وڈیائیا۔ سو دھرم دوارا ایک ایکنکارا وکھائے سچ سُچ، سَت سَت نال وڈیائیا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، مہاراج شیر سِنگھ وِشنوُں بھگوان، آد جُگاد جُگ چؤکڑی نِت نوِت نِرگُن نِروَیر نِراکار پروردِگار سانجھا یار دُھر دربار دھرم نِشانیوں کدے نہ جاوے اُک، انیالا تیِر چلائیا۔

۳ چیت شہنشاہی سمت ۳ سادھوُ سِنگھ پِنڈ جھامکے ضِلع امرتسر

مہر کرے پربھ اِکو داتا، دوُجا نظر کوئے نہ آئیا۔ آد جُگاد جُگ چؤکڑی لکّھ چؤراسی جیِو جنت گیاتا، پاربرہم پتپرمیشور دُھردرگاہیِا۔ جِس دی شاستر سِمرت وید پُران انجیل قُرآن کھانی بانی گاؤندی گاتھا، اکھّر سوہلے ڈھولے راگاں ناداں وِچ کرن شنوائیا۔ تِس دا حُکم سندیشہ نِرگُن سرگُن دو جہاناں ہووے ساچا، سَت سَتوادی برہم برہمادی شبد انادی حُکم سُنائیا۔ گُرمُکھ ساچے سنت جناں انتر آتم مِٹے اندھیری راتا، دُئی دوَیتی پڑدا لاہیِا۔ جنم جنم دا کرم کرم دا پوُرب لیکھے وِچوں پوُرا کرے گھاٹا، مِہر نظر نِگاہبان آپ اُٹھائیا۔ آون جاون لکّھ چؤراسی پتت پاون میٹے واٹا، مات گربھ اگنی تت نہ کوئے تپائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ سندیشہ نر نریشا اِک اِکلّا ایکنکار دُھر دربار آپ دِرڑائیا۔ مِہر نظر کرے بھگوان، ہرِ کرتا وڈ وڈیائیا۔ سنت سُہیلے مات پچھان، گُرمُکھ اپنے رنگ رنگائیا۔ گُرسِکھاں دے کے دُھر دا دان، نام بھنڈارا جھولی پائیا۔ دُھن آتمک راگ دیوے دُھنکان، انحد نادی ناد وجائیا۔ امرت رس بخشے پیِن کھان، ترِشنا بُھکھ رہے نہ رائیا۔ گھر سوامی ٹھاکر ملِے آن، گرِہ مندر وجےّ ودھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، مِہربان محبوُب مُحبّت اپنی اِک دِرڑائیا۔ مِہربان مِہر کرے سرب سوامی، نر نرائن نظری آئیا۔ جو لکّھ چؤراسی کایا مندر اندر گھر بھیِتر انترجامی، گرِہ لیکھا ویکھ وکھائیا۔ سو سچ سُہیلا اِک اَکیلا اگمّ اتھاہ سُنائے اپنی بانی، بان انیالا تیِر چلائیا۔ دھرم دوار ایکنکار وکھائے سچ نِشانی، جگت نِشانہ کوُڑا دئے مِٹائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، مِہربان مِہر مِہر نظر اُٹھائیا۔ کرے مِہر

دُھر دا سجّن، ہرِ کرتا دُھردرگاہیِا۔ سچ پریِتی بخشے دُھر دا مجن، کوُڑی دُرمت مَیل دھوائیا۔ جُگ چؤکڑی نِت نوِت جن بھگتاں پڑدے آوے کجّن، لوکمات ویس انیکا روُپ وٹائیا۔ تُوں میرا مَیں تیرا ساچا مارگ آوے دسّن، سَت سَتوادی سَت کرے پڑھائیا۔ گرِہ مندر اندر نِج آتم پرماتم دیوے سچ انندن، رس اِکو اِک وکھائیا۔ آون جاون پتت پاون توڑے بندھن، جم کی پھاسی رہن کوئے نہ پائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، مِہربان مِہر نظر اِک اُٹھائیا۔ مِہربان مِہر کرے ہرِ کرتار، قُدرت دا مالک نظری آئیا۔ جِس دوارے وِشن برہما شِو کھڑے بِھکھار، دیوت سُر سیِس نِوائیا۔ گُر اوتار پَیغمبر کرن دیِدار، کاغذ قلم شاہی لِکھنہار، کاتب اپنی سیو کمائیا۔ سَتجُگ تریتا دواپر کلجُگ پنہار، جُگ چؤکڑی سیو کمائیا۔ ترےَگُن مایا پنج تت دیونہار آدھار، سچ سوامی اپنی دَیا کمائیا۔ وست امولک کایا گولک دیوے ڈار، نام نِدھانا سِری بھگوانا اِکو اِک ورتائیا۔ جھگڑا رہن نہ دیوے ٹھگ چور یار، کام کرودھ لوبھ موہ اندروں باہر کڈھائیا۔ نؤ دوارے پیَنڈا مکُے بھار، سُکھمن ٹیڈھی بنک جھگڑا دئے مُکائیا۔ ایِڑا پِنگل ہووے شرمسار، اگیان اندھیر نظر کوئے نہ آئیا۔ امرت رس دے کے ٹھنڈا ٹھار، بوُند سوانتی کملاپاتا اِک چوائیا۔ شبد ناد دے سچّی دُھنکار، انبولت راگ الائیا۔ جوتی نوُر کر اُجیار، سچ ظہوُر دئے وکھائیا۔ مِہر وِچ سب کُچھ بخشنہار، بخشش رحمت آپ کمائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچکھنڈ نِواسی آد نِرنجن نوُر کرے رُشنائیا۔ مِہر پربھ دی جو رہیا لوڑ، انتر انتر دھیان لگائیا۔ تِس سَتگُر شبد جوڑے جوڑ، سُرتی اکال موُرت نال مِلائیا۔ لگّی پریِت نِبھاوے توڑ، کوُڑی کِریا کر صفائیا۔ جھگڑا رہے نہ مور تور، برہم پاربرہم وِچ مِلائیا۔ کرے پرکاش اندھیرے گھور، نوُری چند چمکائیا ۔ جوتی جوت سروُپ ہرِ، آپ اپنی کِرپا کر، ساچا گرِہ اِک وکھائیا۔ مِہر اندر کرے مِہربانی، مِہر نظر اُٹھائیا۔ سچ دوار وکھائے سچّی دھرم نِشانی، نِشانہ تیرا اِک چلائیا۔ بخشنہار پد نِربانی، ترےَگُن اتیِتا دُھردرگاہیِا۔ جِس دا کھیل جگت مہانی، مہما اکتھ نہ کوئے گائیا۔ جوتی جوت سروُپ ہرِ، آپ اپنی کِرپا کر، خالق پرِتپالک اِک اکھوائیا۔ مِہر کرے ہرِ مِہر دا داتا، دَیاوان وڈیائیا۔ درس وکھا کے اِک اِکانتا، گھر ساجن بےپرواہیِا۔ من واسنا کوُڑی کِریا توڑے ناتا، سَت سچ اِک سمجھائیا۔ جن بھگتاں پوُریاں کرے آسا، نِراسا رہن کوئی نہ پائیا۔ ایہہ کھیل پُرکھ ابناشا، ابناشی اپنی کار کمائیا۔ گُرمُکھاں دیوے دُھر دا ساتھا، گُرسِکھ اپنا رنگ رنگائیا۔ جو سَتگُر شبد منّے آکھا، نِیوں نِیوں

سیِس نِوائیا۔ تِس دا اندروں کھولے تاکا، بجر کپاٹی دئے تُڑائیا۔ درس وکھائے ساکھیاتا، ہرِ سجّن شہنشاہیِا۔ پوُرا کرے اگلا پندھ پِچھلیاں واٹاں، ادھواٹے رہن کوئی نہ پائیا۔ مِہر اندر مِہربان ہرِ کرتا جن ساچے دیوے ساتھا، سگلا سنگ نِبھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیر سِنگھ وِشنوُں بھگوان، لیکھا جانے ہرِ مِہربان ورن برن جاتا پاتا، آتم پرماتم پاربرہم برہم اپنے وِچ سمائیا۔

۳ چیت شہنشاہی سمت ۳ ہربھجن کؤر دے گرِہ پِنڈ بھگوان پُرا ضِلع امرتسر

چیت کرے موہے چاؤ گھنیرا، اندر مندر وجےّ حق ودھائیا۔ پُرکھ اکال دیِن دَیال پروردِگار بنھن والا بیڑا، پاربرہم پتپرمیشور اپنی دَیا کمائیا۔ نؤ کھنڈ پرِتھمی ستّ دیِپ ویکھن والا اپنا کھیڑا، پُریِاں لوآں آکاش پاتال گگن گگننتر پھول پھولائیا۔ وقت اَخیِری بےنظیِری لاشریِک کرے نیرن نیرا، دوُر دُراڈا پندھ مُکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ سندیشہ اِک سُنائیا۔ پہلی چیت کہے مَیں جاواں بلہار، پربھ دیونہار وڈیائیا۔ نِرگُن نوُر جوت کر اُجیار، آتم پرماتم پڑدا دئے اُٹھائیا۔ بھگت سُہیلا بن کے میِت مُرار، گُر چیلا اپنے رنگ رنگائیا۔ شبد سندیشہ نر نریشا دیوے ایکنکار، اِک اِکلّا آپ دِرڑائیا۔ سرب جیِاں دا سانجھا یار، وسنہارا ٹھانڈے دربار، پروردِگار نوُر خُدائیا۔ لہنا دینا ویکھ گُروُ اوتار، پَیغمبراں بھیو ابھیدا رہیا کُھلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچکھنڈ نِواسی پُرکھ ابناشی اپنی کار کمائیا۔ چیت کہے میرے انتر انتر آوے خوشی، نِرنتر ملِے بےپرواہیِا۔ دیِن دَیال ٹھاکر سوامی دیِن دُنی دی بدل دینی رُچی، رچنا اپنی دینی سمجھائیا۔ من وِکاری کوُڑی سرِشٹی بُدھ بِبیک کرنی سُچی، سَت دھرم نِہکرمی ہو کے اپنا کرم دینا سمجھائیا۔ سُرتی رہے کوئے نہ سُتّی، شبدی ڈنک راؤ رنک کرے شنوائیا۔ اگلی رمز رہے نہ گُجھی، جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دوارا ایکنکارا اِکو اِک وکھائیا۔ پہلی چیت کہے مَیں ویکھیا پروردِگار، بےپرواہ نوُر خُدائیا۔ جو وسے سچکھنڈ سچّے دربار، درگاہ ساچی سوبھا پائیا۔ جُگ چؤکڑی نِت نوِت آد جُگاد لیکھا جانے سرب سنسار، مہاسارتھی اپنی کھیل کھِلائیا۔

نِرگُن نِروَیر نِراکار جوتی جاتا ہو اُجیار، پُرکھ بِدھاتا اپنا حُکم ورتائیا۔ سنت سُہیلے گُرمُکھ گُرسِکھ جن بھگت لئے بھال، صوُفی فقیِر آپ اُٹھائیا۔ ساچا مارگ دسّ سُکھال، ناتا توڑ کلجُگ کوُڑی کِریا شاہ کنگال، دلال اِکو دُھر دا نام دئے سمجھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دوارا دُھر دربارا اِکو اِک سُہائیا۔ چیت کہے مَیں خوشیاں وِچ تکاّں راہ، بِن اکّھاں اکّھ اُٹھائیا۔ صاحب سَتگُر شبد گوبِند ملِے ملاح، بیڑا نئیا نؤکا جگت ساگر وِچوں پار کرائیا۔ تُوں میرا مَیں تیرا آتم پرماتم دسےّ سچ صلاح، پاربرہم برہم میلا لئے مِلائیا۔ جنم کرم دے کٹے پتت پاپیِاں گُناہ، پُنیِت بِن مندر مسیِت لئے بنائیا۔ ساچا مارگ دئے وکھا، جِتھے وسے بےپرواہ، منزل حقیِقی اِک سمجھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، صاحب سَتگُر لیکھا بنا اگلا، دُھر پوُرب لہنا دئے چُکائیا۔ چیت کہے مَیں ویکھ ہوواں خوشحال، پُرکھ اکال اگمّی کھیل کھِلائیا۔ کلجُگ کوُڑی کِریا توڑے مات جنجال، ترےَگُن اتیِتا ٹھانڈا سیِتا اپنا حُکم ورتائیا۔ چار ورن اٹھاراں برن کایا مندر وکھائے سچّی دھرم سال، دُھر دا کعبہ اِک جنائیا۔ جِس گرِہ دِیپک جوت جگے بےمثال، مِسل وِچ مسلہ سکے نہ کوئے سمجھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سَت سَتوادی دُھن آتمک راگ الائیا۔ چیت کہے میرے انتر آئے اگمّ وِچار، شاستر سِمرت وید پُران کہن کوئے نہ پائیا۔ جو گوبِند کیِتا قؤل اِقرار، بِن قلم شاہی کاغذ لیکھ لِکھائیا۔ سو جانے سَت پُرکھ نِرنجن اپنی دھار، ابناشی کرتا بےپرواہیِا۔ نِرگُن نِروَیر ہووے اُجیار، اجوُنی رہت ویس وٹائیا۔ نوَ نؤ چار پاوے سار، ساجن بن کے دُھردرگاہیِا۔ بھگت سُہیلے لئے اُٹھال، لکّھ چؤراسی وِچوں کھوج کھوجائیا۔ آپے ویکھے مُریِداں حال، مُرشد بنے دُھردرگاہیِا۔ جھگڑا مُکا کے کال مہاکال، سوال اپنا حل کرائیا۔ چیت کہے مَیں دینا سرب احوال، دُھر درباروں منگ منگائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیر سِنگھ وِشنوُں بھگوان، آد جُگاد جُگ چؤکڑی نِت نوِت نِرگُن سرگُن سرگُن نِرگُن کھیل کرے کمال، کرنی دا کرتا قُدرت دا مالک اپنا بھیو اپنے وِچ رکھائیا۔