کتب خانہGranth 20 (Shahmukhi)

۱۴ جیٹھ شہنشاہی سمت ۳ دھرم ارتھ روڈ سِری نگر

پچھلا سماں بیِتیا وِچ سنسار، صدی سدیوی دئے گواہیِا۔ لہنا دینا پوُرا ہو رہیا گُروُ اوتار، پَیغمبراں سنگ نِبھائیا۔ حُکم چلے اِک نِرنکار، پروردِگار کرے شنوائیا۔ کلمہ حق ہووے جَیکار، حقیِقت کائنات دِرڑائیا۔ گدّی رہے نہ کوئے وِچ سنسار، گداگر ہوئے لوکائیا۔ حُکم ملِے دُھر دربار، مقامے حق صِفت صلاحیِا۔ االلہ نوُر اِک اُجیار، اُجالا کرے خلق خُدائیا۔ رحمت وِچ کرے پیار، پتپرمیشور بےپرواہیِا۔ کرنی دا کرتا قُدرت دا مالک سرِشٹ دا خالق پاوے سار، عدالت اپنی اِک وکھائیا۔ جِس نوُں سجدے کردے گئے پَیغمبر گُر اوتار، نِمسکار

سیِس جگدیِس جھُکائیا۔ سو سوامی انترجامی نِرگُن نوُر کر اُجیار، اُجالا اِکو اِک وکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ساچی کرنی کار کمائیا۔ ساچا لیکھا چلے کائنات، دیِن دُنی ویکھ وکھائیا۔ چار ورناں کر اِتفاق، مارگ راہ رہبر دُھر دا دئے سمجھائیا۔ پِچھلا لیکھا سب دا کر بےباق، لہنا دینا جھولی پائیا۔ اِکو دسّ کے نوُری ذات، نوُر نوُر کرے رُشنائیا۔ ساچے کلمے دی کر وضاحت، وُضوُ اپنا دئے دِرڑائیا۔ جھگڑا رہے نہ کوئے نِفاق، نِسبت حِصّہ ونڈ نہ کوئے ونڈائیا۔ سب دے حُکمے اندر کرے طلاق، طالب اپنے لئے بنائیا۔ پوُرا کر بھوِکھت واک، وقت اگلا دئے سمجھائیا۔ اِکو منزل رہے گھاٹ، پؤڑی ڈنڈا نہ کوئے چتُرائیا۔ اِکو پوُجا سِمرن دسّ کے پاٹھ، کلمہ لاشریِک اِک سُنائیا۔ کلجُگ کوُڑی کِریا میٹ کے واٹ، پندھ پِچھلا دئے مُکائیا۔ جوتی جوت سروُپ ہرِ، آپ اپنی کِرپا کر، حُکم دیوے دُھردرگاہیِا۔ جگت ویکھے دیِن دُنی دی دھار، پڑدا دیِن مذہب اُٹھائیا۔ مندر مسجد شِودوالے مٹھ پاوے سار، کعبہ حق محرابا بھیو کُھلائیا۔ اِکو جلوہ نوُر دسےّ دیِدار، دیِد عیِد چند آپ چمکائیا ۔ لیکھا جان دُھر دربار، پروردِگار بےپرواہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، در گھر ساچے دیوے مان وڈیائیا۔ گدّی دار رہے کوئی نہ ٹھاکر، مارگ اِکو دئے وکھائیا۔ سَت دھرم دا نِرمل کرم کر اُجاگر، دُرمت مَیل دئے دھوائیا۔ ایکا ونج کرائے دیِن دُنی سؤداگر، وست امولک آپ ورتائیا۔ بھاگ لگائے کایا ماٹی ساڈھے تِنّ ہتّھ گاگر، گہر گمبھیِر بےنظیِر کرے رُشنائیا۔ جن بھگتاں سنت صوُفی فقیِراں دسےّ آپ اپنا سادھن، مارگ سِدھا اِک سمجھائیا۔ جو کایا مندر اندر وجوُد کعبےاندر محبوُب اپنا ارادھن، باہر کھوجن دی لوڑ رہے نہ رائیا۔ کرے کھیل شاہو بھوُپ شہنشاہ نوابن، نؤبت اِکو حق نام وجائیا۔ صدی چؤدھویں دُنیا ہوئی بےآبن، آبِ حیات مُکھ نہ کوئے چوائیا۔ جوتی جوت سروُپ ہرِ، آپ اپنی کِرپا کر، ساچا راہ اِک وکھائیا۔ ساچی گدّی کدی نہ ہووے ناس، ناستک سکے نہ کوئے مِٹائیا۔ جِس دا پرم پُرکھ کرے پرکاش، جگت لوچن نیَن دئے وکھائیا۔ ہرجن کدے نہ ہووے اُداس، بھرم وِچ نہ کوئے بھرمائیا۔ سِمرن کرے سواس سواس، صاحب سَتگُر راہ تکائیا۔ سو سوامی کھولنہارا جاگ، انتر نِرنتر پڑدا دئے اُٹھائیا۔ سچ مُحبّت دا دے وَیراگ، وَیری اندروں دئے کڈھائیا۔ ترےَگُن بُجھا کے آگ، امرت میگھ اِک برسائیا۔ گھر میل کے کنت سُہاگ، در ٹھانڈے جوڑ جُڑائیا۔ شبد دُھن سُنائے آواز، سُتّیاں آپ اُٹھائیا۔ مندر چڑھ کے کھولے راز، رحمت حق کمائیا۔ ساچا دوارا کر آباد، گھر اگلا

دئے وکھائیا۔ گُلشن وکھاوے اگمّی باغ، جِتھے خِزاں روُپ نہ کوئے وٹائیا۔ جوتی جوت سروُپ ہرِ، آپ اپنی کِرپا کر، ساچی گدّی دھرم دھرم حق حق سدا چلائیا۔ ساچی گدّی کدے نہ جاوے تُٹ، سد تُٹیاں جوڑ جُڑائیا۔ دھرم دا بھاگ کدے نہ جاوے نِکُھٹ، ورتے بےپرواہیِا۔ پربھ پیار دا پیَنڈا کدے نہ جاوے مُک، منزل دِسے دُھردرگاہیِا۔ جِناں چِر پربھوُ رہیا خوش، اپنا حُکم دِتا ورتائیا۔ اَگے بدل کے دھرم دا رُخ، کوُڑ کُڑیارے دِتے نَٹھائیا۔ تُسیں اپنی منگو سُکھ، آتم پرماتم نال جُڑائیا۔ اندر اوہلا رہے نہ لُک، مُکھ نوُر ہووے رُشنائیا۔ سچ دھار دی اُپجے سُچ، کوُڑ کپٹ دینا مِٹائیا۔ جِس بوُٹا لایا اوسے دِتا پُٹ، گدّی دا مالک نظر کوئے نہ آئیا۔ کیتے لوکمات گئے اُٹھ، گُر اوتار پَیغمبر پیِر پیِراں پھیریاں پائیا۔ سنسار ساگر بھریا دُکھ، دُکھاں وِچ لوکائیا۔ جوتی جوت سروُپ ہرِ، آپ اپنی کِرپا کر، ساچا حُکم اِک سُنائیا۔ ساچا ورتے حُکم سدا سنسار )جگ(، جُگ چؤکڑی دُنی دار نال مِلائیا۔ کلجُگ اگنی لگّی اگّ، مانَو مانُکھ رہی جلائیا۔ جگت وِکاری گدّی کوئی نہ بہے سج، بھگت بھگوان دئے وڈیائیا۔ دھرم دا پوُت رہیا کوئی نہ اجّ، اجّ دا دِوس دئے گواہیِا۔ اَگے کایا کعبےسب توں پہلا حضوُری حج، مکّہ مدیِنہ سوبھا پائیا۔ جِتھے نوُری چراغ بِن تیل باتی رہیا جگ، شمع نوُر کرے رُشنائیا۔ گدّی دار گدّی گئے چھڈ، ناتا تُٹا جگت لوکائیا۔ پرمارتھ سوارتھ دوویں ہو گئے اڈّ، وکھّری کار کمائیا۔ منزل پوُری ہو گئی حد، اَگے نہ کوئے ودھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، حُکمے اندر حُکمی کار کمائیا۔ سَتگُر کِرپا ہوون ٹھیِک، دوا داروُ دی لوڑ رہے نہ رائیا۔ انتر اُپجے اِک پریِت، پرا پسنتی مدھم بَیکھری اپنی دُھن سُنائیا۔ ساچا ڈھولا گاؤنا گیِت، سوہنگ اکھّر نِراکھّر دھار اُپجائیا۔ سَت دھرم دی ساچی چلے ریِت، ریِتیوان سمجھائیا۔ جوتی جوت سروُپ ہرِ، آپ اپنی کِرپا کر، دُکھ درد دئے گوائیا۔ دُکھ درد جائے لتھ، کایا ماٹی تن وجوُد ہوئے صفائیا۔ لہنا دینا ہتّھو ہتّھ، آسا بینتی وِچ پوُر کرائیا۔ ساچا مارگ اِکو دسّ، دہ دِشا دئے بدلائیا۔ وست دے کے دُھر دے ہٹّ، امولک اِکو اِک ورتائیا۔ نام نِدھان مار کے سٹّ، دُکھ اندروں دئے کڈھائیا۔ جوتی جوت سروُپ ہرِ، آپ اپنی کِرپا کر، لہنا دینا دے کے ہتّھو ہتّھ، اندر باہر گُپت ظاہر کرے صفائیا۔ سَت دھرم کہے میرے راجن راج، شاہو بھوُپ تیری اِک سرنائیا۔ تیرے ہتّھ تیرا پرتاپ، وڈ پرتاپی دُھردرگاہیِا۔ سچ دوارے پرگٹ کر اپنا جاپ، جگ جیِون داتے دے سمجھائیا۔ سرِشٹی اندر میٹ تینوں تاپ، ترےَگُن مایا اگنی تت تپائیا۔ ممتا موہ وِکار رہے نہ پاپ، پتت پُنیِت

دئے کرائیا۔ دیِن دُنی دا بدل حالات، حال ماضی لیکھا دئے چُکائیا۔ لہنا لِکھ بِن قلم دوات، کاغذ قلم شاہی نیتر رووے مارے دھائنیا۔ مانَو ذاتی ہووے اِک سماج، سمگری اِکو اِک ورتائیا۔ اپنی مُحبّت دے کر مُحتاج، کائنات پڑدا دے اُٹھائیا۔ دوُجا کرے نہ کوئی سوال جواب، مُخاطب اپنے نال کرائیا۔ تیری منزل حق حقیِقی محراب، محبوُب اپنا نوُر دینا چمکائیا ۔ ساچا سجدہ اِک آداب، نمستے کہہ کے نمسکار وِچ سرنائیا۔ تند ستار وجا رباب، ربیؤل امام تیری سرنائیا۔ تیرا پیار بِن احباب، سجّن میِت نظری آئیا۔ لیکھا ویکھ نانک نال بغداد، بغلگیِر پڑدا دینا اُٹھائیا۔ دستگیِر ہونا دستیاب، آفتاب نوُر راہ تکائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچکھنڈ نِواسی پُرکھ ابناشی ایکنکار سانجھے یار پروردِگار درگاہ ساچی حقیِقت حق صلاحیِا۔ سَت کہے سَت دھرم دا بخش سلوُک، ثالث اپنا نام رکھائیا۔ نوُر کر کایا کلبوُت، کعبہ اِکو اِک وکھائیا۔ تیرا حُکم اِک مجضوُط، چؤداں طبق نہ کوئے تُڑائیا۔ پِچھلا لیکھا کر مؤقوُف، معروُف اپنے نال کرائیا۔ خطرہ رہے نہ کوئی خؤف، بھےَ ڈر نہ کوئے جنائیا۔ تُوں مالک خالق پرِتپالک پتپرمیشور سب دا کھؤنت، خاوَند اِکو دُھردرگاہیِا۔ سچ دوارا جانا پہنچ، بےپہچان اپنا پھیرا پائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دوار تیری آس رکھائیا۔ سچ دوار کہے میرے مالک صُلح کُل، کُل عالم تیرا راہ تکائیا۔ صدی چؤدھویں سب دا لیکھا دے وِچ قیِمت مُل، مُلّا شیخ مسائک نیتر نیَن اکّھ کُھلائیا۔ صاحب سوامی پُرکھ اکال اِک انبُھل، بھرم وِچ بُھلی سرب لوکائیا۔ آبِ حیات امرت رس نِجھر دھاروں سب دی گیا ڈُلھ، بوُند سوانتی مُکھ نہ کوئے چوائیا۔ بِن کِرپا چار کُنٹ رہی رُل، دھیِرج دھیِر نہ کوئے رکھائیا۔ مانَو بوُٹا دھرم دا گیا ہُل، پھل نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچکھنڈ نِواسی پُرکھ ابناشی گرِہ مندر اپنا پڑدا دے اُٹھائیا۔ سچ کہے میرے محبوُب، مُحبّت وِچ محِو تیرا راہ تکائیا۔ منزل دسّ اُچ عروُج، عرش فرش تیری سرنائیا۔ کوُڑی کِریا کر نیست و نابوُد، جڑ ممتا دینی اُکھڑائیا۔ سانجھی کر سرب حدوُد، شِرکت اندروں دینی مِٹائیا۔ جہاں کہاں دِسے مؤجوُد، حاضر ناظر نوُر اِلاہیِا۔ تیری منزل اِک مقصوُد، مقصد سب دا حل کرائیا۔ تیرا نوُر بِن وجوُد، بِن تتّاں کرے رُشنائیا۔ پَیغمبر دین ثبوُت، نبیِاں نال گواہیِا۔ لیکھا ویکھ جگت مخلوُق، خالق خالق پڑدا لاہیِا۔ دیِن دُنی تیری مطلوُب، مُطلع کر دے سمجھائیا۔ کُچھ لیکھا لہنا دینا جھگڑا پَینا مغرب وِچ جنوُب، جنابِ عالی اعلیٰ اِک حُکم سُنائیا۔ حضرتے حضرتانے

اِک خطوُت، بِن الف یے لِکھائیا۔ جِس نوُں سمجھے نہ کوئی کلبوُت، کلمہ ونڈ نہ کوئے ونڈائیا۔ تبّسمے تلازینے زویؤل زلائے زانے زوُت، ذِبعے زانے بےپرواہیِا۔ آسینے نشے کوُت، کُشتانے، پُشتے، چوُ، چاشے، ززی، جویزور، زیزا، زیارے ظاہرے ظہوُرے نوُرے نوُران نظری آئیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ویکھنہارا درے در دربار دیرانے اِک درسائیا۔

۱۵ جیٹھ شہنشاہی سمت ۳ درگاہ حضرت بل، آثار شریِف، مؤلوی ابدُل کبیِر دے ساتھ سِری نگر

شُکریئے اندر مِہر محبوُب شُکرانہ، شِکوا رہے نہ رائیا۔ پروردِگار خُدا واحد کِسے نہ سمجھے بیگانہ، شِرکت اندروں باہر کڈھائیا۔ رحمت وِچ رحم قدماں دا کرے طِلسمانہ، نوُر نوُر نوُر رُشنائیا۔ خالق دا خلق مخلوُق دا مالک صاحب صاحب اِک سُلطانا، دوُجا جُز ونڈ نہ کوئی ونڈائیا۔ امرت دا امرت اِک نِشانہ، آبِ حیات حیاتی دئے بدلائیا۔ جوتی جوت سروُپ ہرِ، آپ اپنی کِرپا کر، شُکریئے اندر شُکریہ دئے سمجھائیا۔ شُکریئے اندر کرو شُکر گُزار، گُزارش وِچ وڈیائیا۔ حضرت محمد صاحب کر کے گئے اِظہار، حُکم سندیشہ اِک سُنائیا۔ صدی چؤدھویں اماماں دا امام مہِندی ہووے اوتار، سِکدار سب دا نظری آئیا۔ ہِندوُ مُسلم سِکھ عیِسائی سانجھا کرے پیار، دوَیت رہن کوئے نہ پائیا۔ واحد کلمہ پڑھے کائنات، واحد نوُر اِک رُشنائیا۔ سب دی اِکٹّھی ہووے جماعت، وکھّرا رہن کوئے نہ پائیا۔ مُقدّس دھام مِلن دا ہویا اِتفاق، نفاق اندروں دینا کڈھائیا۔ خُداوَند کریِم رحمت وِچ بخشے اِتفاق، موُاے مُبارک سب نوُں دئے صلاحیِا۔ ویلا وقت سُہنجنا آج، صوُفیاں نال صوُفی مِل کے ڈھولا گاون بےپرواہیِا۔ شُکریئے وِچ پروردِگار دا اِک آداب، سیِس اِکو اِک نِوائیا۔ جوتی جوت سروُپ ہرِ، آپ اپنی کِرپا کر، ویکھ کے درگاہ ساچی دُھردرگاہی دا درے دربار خوشی منائیا۔ سچ شُکرانے دا ایہہ ثبوُت، صبر صبوُری اِکو نظری آئیا۔ نوُر اُپجے اِکو کایا کعبےکلبوُت، کلمہ اِکو اِک شنوائیا۔ حق خُدا سب دا محبوُب، مالک بےپرواہیِا۔ جِدھر ویکھو اودھر مؤجوُد، اِنسان اِنساناں نال مِلائیا۔ جو کدے نہ ہووے نیست و نابوُد، آبروُ سب دی لئے بچائیا۔ تھوڑے سمے تک دیِن مذہب دی میٹ دیوے حدوُد، رنگ اِکو اِک وکھائیا۔ جوتی جوت سروُپ ہرِ، آپ اپنی کِرپا کر، ساچی کھیل رہیا وکھائیا۔

مذہب سِکھاتا ہےَ خُدا کے آگے کرو دُعا، رحمت منگو دُھردرگاہیِا۔ مِہربان محبوُب کدے نہ کرے جُدا، وکھّری ونڈ نہ کوئے ونڈائیا۔ سب دا سانجھا پیارا اِک خُدا، خُدی اندروں دئے کڈھائیا۔ قدماں اُتوں ہووو فِدا، فَیصلہ حق دئے سُنائیا۔ اوس دے کلام دی اِک صدا، کلمہ حق حق جنائیا۔ واحد مالک سب دا ابّا، نوُر نوُر وِچوں وکھائیا۔ جوتی جوت سروُپ ہرِ، آپ اپنی کِرپا کر، ایکا دے کے سچ مُحبّت دا مزہ، رس انرس دئے وکھائیا۔

پوِتر نام آپ دا ابدُل کبیِر، قِبل از دینا جنائیا۔ کوَن وقت کائنات شرع ٹُٹے زنجِیر، واحد کلمہ لیَن گائیا۔ ساری دُنیا دا سانجھا ہووے اِکو پیِر، پَیغمبر نوُر خُدائیا۔ دسےّ اِک تدبیِر، طریقہ دُھردرگاہیِا۔ جھگڑا رہے نہ شاہ حقیِر، اِکو رنگ رنگائیا۔ ساچا کلمہ پڑھے تکبیر، طبع اندروں دئے بدلائیا۔ ذِبح کرے نہ کوئے شمشیِر، شمع نوُر کرے رُشنائیا۔ کی کھیل ہونا صدی چؤدھویں اَخیِر، حضرت محمد صاحب گیا دِرڑائیا۔ جوتی جوت سروُپ ہرِ، آپ اپنی کِرپا کر، بھیو ابھیدا رہیا کُھلائیا۔

مؤلوی ابدُل کبیِر نے اُتر دِتا

جناب پوُرن سِنگھ جی مہاراج سے آج درگاہ شریِف میں مُلاقات ہوئی اؤر ہم نہایت خوش ہوُئے اؤر اُن کے ساتھ جو رُکن تھے وہ بھی قابلِ ذِکر اؤر قابلِ مُلاقات تھے۔ مَیں آج کے دِن کو خوش نصیب سمجھتا ہوُں کہ مُجھے اپنے مُحترم مہاراج پوُرن سِنگھ جی سے مُلاقات ہوئی اؤر وہدتؤلوجد کا مسلہ نہائت اچھے طریقے سے ادا فرما کر تمام کائنات کے اِتہاد کا درس دیِاہےَ۔ خُدا سب اِنسانوں کو اِتہاد کی تؤفیِق بخشے اؤر سردار حضرتوں کو مُسلمانَوں کے ساتھ نہات وابستگی ہے کِیوں کہ بابا فریِد میاں میر اُن کے مُکمل تعلُقات گُروُ گرنتھ صاحب میں مؤجوُد ہیَں اؤر مُفصّل مزکوُر ہیَں۔ آخر مَیں مہاراج پوُرن سِنگھ اؤر اُن کی جماعت کا شُکریہ ادا کرتا ہوُں کہ اُنہوں نے مُجھے مُلاقات کا شرف بخشا ہےَ۔

مہاراج جی ولّوں سوال

کیا آپ نے دیکھا ہےَ جلوہ گر کا اوہ دربار، جِتھے نوُر نوُر رُشنائیا۔ واحد کرے صوُفیاں دا انتظار، حضرتاں راہ تکائیا۔ بِنا گُلشن توں رہے بہار، محبوُب اپنا وجد دئے وکھائیا۔ االلہ ہوُ دا اِک جَیکار، نعرہ دُھردرگاہیِا۔ ملِے میل قدیِمی یار، جو قُدرت دا مالک نظری آئیا۔ ایکا کلمے دا کرے اِظہار، لیکھا مُکائے بِن قلم شاہیا۔ اوس دربار دا کرو کُچھ اِظہار، جو ویکھیا نوُر اِلاہیِا۔ ساچی درگاہ جے لےَ کے گئے تشریِف، جلوہ جلوے وِچ سمائیا۔ اوس دی کرو تعریِف، صِفتاں نال صلاحیِا۔ کِس پیار مُحبّت وِچ لگّی پریِت، کوَن طریقہ لیا اپنائیا۔ ساچا کعبہ تکّ کے حضرت حضوُر والی مسیِت، مسلہ اِکو سُنیا جِس دا مسائل جگت نہ کوئے سمجھائیا۔ سِلسلے وار دسّو ترتیب، عجیب کی کھیل نوُر الاہیِا۔ جِس دی پیِر پَیغمبر حضرت حضرات سارے سجدیاں وِچ پڑھدے عیِد، عیِدگاہ عقیدت والی نظری آئیا۔ ذرا اوس دی کرو تائید، جے دربار ویکھیا دُھردرگاہیِا۔ جے خُدا دے بنے عزیِز، عالیشان دیؤ سمجھائیا۔ سب نوُں آ جاوے تمیِز، حُکم اِکو دیاں سُنائیا۔ جوتی جوت سروُپ ہرِ، آپ اپنی کِرپا کر، کُچھ اگلا لیکھا ویکھ وکھائیا۔ ساچی درگاہ دا جے کیِتا دیِدار، دیدہ دانِستہ ویکھ وکھائیا۔ کی گُلشن دِسے گُلزار، کی مہک مہک مہکائیا۔ کی کھیل کرے محمد یار، حضرت چؤہ یاراں ونڈ ونڈائیا۔ االلہ ہوُ اکبر اِک آواز، نماز وِچ نوازش دئے وکھائیا۔ ذرا کھول کے دسو آغاز، کی مرتبہ بےپرواہیِا۔ کی ہووے اوتھے آداب، کوَن سجدہ سر سِر جھُکائیا۔ محبان بیِدو بی خیَر یا االلہ اِلاہی نوُر نظری آئیا۔ جو سدا سدا صُلح کُلا، سلّل آپ اکھوائیا۔ جوتی جوت سروُپ ہرِ، آپ اپنی کِرپا کر، درگاہ ساچی دا لیکھا ویکھ وکھائیا۔

پِھر پِھر آمیِن، آمد وِچ راہ تکائیا۔ دِل وِچ دِل دا یقیِن، یک اِکو نظری آئیا۔ خُدا دی حق تعلیِم، نبی طُلبیاں کرے پڑھائیا۔ مالک دُھر قدیِم، قُدرت دا نظری آئیا۔ حضرت دا دوارا عظیِم، عالیشان سوبھا پائیا۔ بن کے اِک دسےّ مسکیِن، مشورہ لَینا پکائیا۔ جِس دی ہُندی سدا تلقیِن، حُکم دیوے دُھردرگاہیِا۔ اوہ سدا سدا پِھر پِھر لیکھا اِک دا دو تے دو دا اِک آمیِن، عامل کامل تُعارف وِچ مُریِد مُرشد جوڑ جُڑائیا۔ مُریِد مُرشد ہووے تعلقات، نوُرے چشم نوُر رُشنائیا۔ سانجھا کرے جذبات، جُز ونڈ نہ کوئے ونڈائیا۔ جِس دا لیکھا صِفتاں وِچ لِکھیا جائے قلم

دوات، شاہی الف یے ونڈ ونڈائیا۔ سو مالک سب دے ساتھ، اِکو نظری آئیا۔ اجّ دی یاد رکھنی جماعت، شبےروز اگمّی رات، کائنات سوبھا پائیا۔ جوتی جوت سروُپ ہرِ، آپ اپنی کِرپا کر، لیکھا جانے سرب واقعیات، واقف کار دیِن دُنی نظری آئیا۔

ہم دُعا کرتے ہیَں دُآئے عزیر، اعظم عظیِم بےپرواہیِا۔ جو کائنات کرے تعمیر، خالق خلق مخلوُق دُھردرگاہیِا۔ وہ صُلح کرے کشمیر، کشمکش دئے گوائیا۔ مِہر کرے مِہربان محبوُب بےنظیِر، نظریہ اندروں دئے بدلائیا۔ سب دی بدل دیوے تقدیِر، ہِندوُ مُسلم سِکھ عیِسائی سب بنن بھائی بھائیا۔ سب دا مالک اِکو واحد خُداوَند کریِم، جِس نوُں االلہ رام واہِگُروُ کہہ کے سارے رہے گائیا۔ سارے اوسے دے عزیِز، اندر بخشے اِک تمیِز، طمع کوُڑی دئے مِٹائیا۔ جوتی جوت سروُپ ہرِ، آپ اپنی کِرپا کر، رحمت منگے رحم کرے مالک دُھردرگاہیِا۔

درگاہ شریِف وِچ اِک مُسلمان نے دُدھ دِتا اُس پرتھائے

بغَیر چینی سے مِٹھا آیا سواد، مِٹھت مِلی بےپرواہیِا۔ پیار مُحبّت دا گرِہ رہے آباد، خوشیاں رنگ رنگائیا۔ حقیِقی ملِے داد، لاشریِکی راہ وکھائیا۔ خُداوَند کریِم تُہاڈی کردا رہے اِمداد، مِہر نظر نظرے نیاز دیوے جھولی پائیا۔ آپ کے گھر کا دوُدھ ہےَ گوکا، سفیَد سوہنا نظری آئیا۔ اُچی کوُک دیؤ ہوکا، حضرت اِکو منّو نوُر خُدائیا۔ جِس دا وقت آ گیا مؤقع، مُکمل اپنا حُکم ورتائیا۔ غفلت وِچ رہے کوئی نہ سوتا، نِندرا لیَنی کُھلائیا۔ سندیشہ دیوے چؤداں لوکا، چؤداں طبقاں وجےّ ودھائیا۔ اَگے ہووے نہ روُپوشا، پڑدا نقاب سب دے اندروں دئے اُٹھائیا۔ صدی چؤدھویں پروردِگار مِلن دا سب نوُں مؤقع، مُکمل حُکم سُنائیا۔ جوتی جوت سروُپ ہرِ، آپ اپنی کِرپا کر، ساچی کھیل خلق وِچ پرگٹائیا۔

۱۵ جیٹھ شہنشاہی سمت ۳ مُسلمان درویش نال مندر کھیر بھوانی سِری نگر

کھیل نِرالا ویکھو عجب عجیب، عجب طرح سمجھائیا۔ ہِردے اندر دے تہذیب، طریقہ دِتا دِرڑائیا۔ باہروں مُفلِس دِسے غریِب، اندر مُحبّت نوُر الاہیِا۔ پِچھلا لہنا دِسے قدیِم، پوُرب لیکھا نظری آئیا۔ بھگتاں دا بھگتی وِچ یقیِن، یکے بعد دیِگرے ہوئے سہائیا۔ جنم جنم دی ہُندی رہے تقسیِم، ونڈ تتّاں والی وکھائیا۔ دُھر دی دھار سدا مہیِن، جگ نیتر نظر کِسے نہ آئیا۔ محبوُب لیکھا پِھر آمین، پاربرہم پتپرمیشور بےپرواہیِا۔ آد شکت کھیل نویِن، جوتی جوت ڈگمگائیا۔ جوتی جوت سروُپ ہرِ، آپ اپنی کِرپا کر، لیکھا سب دا ویکھ وکھائیا۔ نوُر انتر نِرنتر نوُر پرکاش، جوتی جوت ڈگمگائیا۔ ساچے منڈل اگمّی راس، گوپی کاہن خوشی منائیا۔ نِراکار جوت پرکاش، ویکھے تھاؤں تھائنیا۔ پڑدا کھولے پُرکھ ابناش، دُھر دا مالک اِک اکھوائیا۔ پنڈت جی کُچھ ساچی دسّو گاتھ، ارتھاں وِچ سمجھائیا۔ جوتی جوت سروُپ ہرِ، آپ اپنی کِرپا کر، پِچھلا لیکھا ویکھ وکھائیا۔ کی دھار آد شکت بھوانی، دُرگا اِشٹ دیو اکھوائیا۔ کی چتربُھج نوُر نوُرانی، شستردھاری سوبھا پائیا۔ سِنگھ اسوَار سدا جوانی، جوبن ونتی وڈ وڈیائیا۔ کی بھیٹا منگے قُربانی، سیوا کوَن روُپ سمجھائیا۔ کی لیکھا رکھے چارے کھانی، انڈج جیرج اُتبُھج سیتج اپنا بندھن پائیا۔ کی منزل دیوے روُحانی، آتم برہم پڑدا لاہیِا۔ کی لیکھا لِکھے قلم نِشانی، شاستر سِمرت دین گواہیِا۔ کی ویداں ویکھے پربھوُ دی مِہربانی، پڑدا اِک اُٹھائیا۔ مارگ ویکھو اِک آسانی، اصل اِک سمجھائیا۔ بودھ وِدیا دِسے دِسو وِدوانی، لیکھا اگلا دینا چُکائیا۔ جوتی جوت سروُپ ہرِ، آپ اپنی کِرپا کر، کھیل کھیلے دُھردرگاہیِا۔ ساچی بھوُمکا ویکھو استھان، دھرنی دھرت دھوَل سوبھا پائیا۔ کِیوں ہوئی پروان، مِلی مان وڈیائیا۔ پرگٹ کی نِشان، نِشانے دیؤ سمجھائیا۔ کِس بِدھ اِشٹ ہویا پردھان، مِلی مان وڈیائیا۔ سرِشٹ دا کی گیان، بِن اکھّراں اکھّر سمجھائیا۔ وشِشٹ رام دی کی پہچان، تن سریِر توں باہر کرے رُشنائیا۔ ساچا مندر سوہے مکان، شِوالا مٹھ وجےّ ودھائیا۔ کِس بِدھ بھگتی ملِے دان، بھگوَن جھولی پائیا۔ مُحبّت وِچ پیار دا دسّو گیان، نِرنتر انتر درِشٹی پڑدا رہے نہ رائیا۔

۱۶ جیٹھ شہنشاہی سمت ۳ تیج بھان دے گرِہ پِنڈ شیخ سر بخشی نگر مارکیِٹ ضِلع جموں

ستجُگ کہے میرے شہنشاہ شاہ سوار، شاہی دُھر دی دینی وکھائیا۔ ایکنکار چرن کوَل کراں نِمسکار، نمستے سیِس جگدیِس جھُکائیا۔ کرنی دے کرتے پُرکھ کرتار، پروردِگار تیری وڈیائیا۔ در ٹھانڈا ویکھ دربار، درگاہ ساچی سیِس جھُکائیا۔ بینتی عرض رہیا گُزار، گُزارش وِچ شنوائیا۔ نِرگُن جوت کر اُجیار، اُجالا ہووے جگت لوکائیا۔ مَیں بناں خِدمتگار، خادم ہو کے سیو کمائیا۔ اپنا رنگ رنگ کرتار، قُدرت تیری نوُر خُدائیا۔ تیرے پریم دا ہووے جَیکار، آتم برہم سمجھائیا۔ کوُڑی کِریا کر گرِفتار، حُکم دُھر دا اِک سمجھائیا۔ مَیں ممتا دینی مار، مرد جن اِک وڈیائیا۔ تُحفہ دے پروردِگار، وست امولک جھولی پائیا۔ سَت دھرم دا ہوئے وِہار، وِوہاری کار کمائیا۔ جوتی جوت سروُپ ہرِ، آپ اپنی کِرپا کر،- - - - - ستجُگ کہے پُرکھ اکال بخش در ٹھنڈا، سیِتل دھار اِک پرگٹائیا۔ آتم پرماتم پرم پُرکھ دے انندا، انند انند وِچوں وکھائیا۔ سچ پرکاش نوُری جوت وکھا چندا، برہمنڈ کھنڈ ہوئے رُشنائیا۔ بھیو کُھلا ہنگ برہما، برہم ہنگ دینا سمجھائیا۔ تُوں میرا مَیں تیرا سانجھا ہووے چھندا، سنسا کوُڑا دینا گوائیا۔ ٹُٹی دھار پا گنڈھا، گہر گمبھیِر اپنا جوڑ جُڑائیا۔ من واسنا میٹ دنگا، وِبھچار رہے نہ کوئے لڑائیا۔ تیرا نام اگمّی کھنڈا، کھڑگ اِکو نظری آئیا۔ جِس نوُں سمجھے کوئی نہ بندہ، بِنا بندگی بھیو نہ کوئے کُھلائیا۔ ہرجن رہے کوئی نہ گندہ، دُرمت مَیل دینی دھوائیا۔ جوتی جوت سروُپ ہرِ، آپ اپنی کِرپا کر، دھرم دوارا اِک پرگٹائیا۔

۱۶ جیٹھ شہنشاہی سمت ۳ رام پیاری دے گرِہ پِنڈ بدی پُر ضِلع جموں

ستجُگ کہے مَیں منگاں دھرم دوار، اوٹ تیری اِک رکھائیا۔ چار ورن ہووے پیار، دوَیت اندروں دینی کڈھائیا۔ شرع چُھری نہ کوئی کٹار، شک رہے نہ کوئی لوکائیا۔ تیرا نوُر ہووے چمتکار، احمق موُڑھ دینے مِٹائیا۔ گُلشن کھِلے سو بہار، گُل بھگت لَینا پرگٹائیا۔ در تیرے ہووے نِمسکار، نِیوں نِیوں سیِس جھُکائیا۔ تیری مُحبّت دا طلب گار، راہ تیرا اِک تکائیا۔ کِرپا کر سچّی سرکار، سَت سَتوادی ہو سہائیا۔ سَتجُگ کہے مَیں ڈھیَہہ پیا دوار، در ٹھانڈے سیِس نِوائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در اِکو دینا

سُہائیا۔ سَتجُگ کہے میرے پرم پُرکھ ابناشی، ابناشی تیرے ہتّھ وڈیائیا۔ کلجُگ کوُڑی کِریا کر بند خلاصی، بندنا اپنی دے سمجھائیا۔ ساچے منڈل پا راسی، آتم پرماتم گوپی کاہن روُپ بدلائیا۔ ہؤں سیوک تیرا داس داسی، سچ دوارے سیو کمائیا۔ منسا پوُری کر آسی، اصل اپنا آپ وکھائیا۔ منزل پؤڑی چڑھیا گھاٹی، گھاٹا رہن کوئے نہ پائیا۔ کلجُگ انتم مکُے )واٹی(، پیَنڈا پندھ دینا مُکائیا۔ سَتجُگ سچ چلاؤنی گاتھی، گہر گمبھیِر آپ سُنائیا۔ مَیں منّاں تیری آکھی، آخر نِیوں نِیوں لاگاں پائیا۔ اُتم سرِیشٹ بھگتاں ہووے ذاتی، ذات اپنی نال مِلائیا۔ دِوس رَین رکھیں پربھاتی، سندھیا روُپ نہ کوئے بدلائیا۔ تُوں مالک خالق پرِتپالک پاربرہم پتپرمیشور کملاپاتی، سچکھنڈ نِواسی نظری آئیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیر سِنگھ وِشنوُں بھگوان، تیرا نام کلمہ اِک ہووے صفاتی، جذبہ جذباتی اپنا دینا پرگٹائیا۔

۱۷ جیٹھ شہنشاہی سمت ۳ شِو سِنگھ بخشی نگر مارکیِٹ پِنڈ شیخ سر والا جموں

ستجُگ کہے پربھ نِرگُن دھار بن ساقی، سگلا سنگ بنائیا۔ مَیں منّاں تیری آکھی، نِردھن ہو کے سیو کمائیا۔ پڑدا کھول تاکی، اوہلا دے چُکائیا۔ میلا مِلا مانَس تت خاکی ، خالص اپنی دَیا کمائیا۔ کلجُگ انتر بدل دے حیاتی، آبِ حیات جام پیائیا۔ چرن پریِتی بخش ناتی، ناتا تُٹے کوُڑ لوکائیا۔ لیکھا حِساب رہے نہ باقی، پوُرب دینا چُکائیا۔ آتم برہم تیری ذاتی، پاربرہم سرنائیا۔ ہؤں سیوک داسن داسی، در دوارے سیو کمائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در گھر ساچا سوبھا پائیا۔

۱۷ جیٹھ شہنشاہی سمت ۳ رام چند دے گرِہ بخشی نگر مارکیِٹ جموں

ستجُگ کہے اپنے نام دی دے مستی، مسّرت اندر دے وکھائیا۔ تُوں مالک فرشی عرشی، اعلیٰ ادنیٰ لئے اُٹھائیا۔ مَیں منّاں رضا تیری مرضی، مرض کوُڑی دینی مُکائیا۔ بِرہوں وَیراگی بننا دردی، دردوند تیری سرنائیا۔ میری منظوُر کر عرضی، آرزوُ خواہش دِتی وکھائیا۔ سَت دھرم دی کلا ہووے چڑھدی، چار کُنٹ وجےّ ودھائیا۔ تُوں میرا مَیں تیرا سرِشٹ سبائی ڈھولا ہووے پڑھدی، پتت پاون تیرا اِکو نام

دِھیائیا۔ سار پاویں گھر گھر دی، گرِہ گرِہ کھوج کھوجائیا۔ تیری کھیل نرائن نر دی، اَوتر اپنا پڑدا لاہیِا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، دُھر دربارا اِک سُہائیا۔

۱۷ جیٹھ شہنشاہی سمت ۳ گُردِت سِنگھ دے گھر چھمب والا ضِلع جموں

ستجُگ کہے کِرپا کر پربھ گُنونتے، گہر گمبھیِر بےپرواہیِا۔ اسیں تیرے در دے منگتے، مانگت ہو کے جھولی ڈاہیِا۔ گڑھ توڑ ہؤمے ہنگتے، ہرِ دوارا اِک وکھائیا۔ جِس دوارے بھگت سُہیلے لنگھدے، سنت ساجن مِل کے وجےّ ودھائیا۔ جھگڑے رہن نہ بُدھی من دے، ممتا موہ دینا مِٹائیا۔ پرکاش دے اگمّی چنّ دے، نوُری چند ہووے رُشنائیا۔ سروتے رہن نہ جگت من دے، انحد انادی دُھن دینی اُپجائیا۔ سَتجُگ ساچا بیڑا بنّھدے، بنھنہار تیری وڈیائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در دوارے آس رکھائیا۔ سَتجُگ کہے پربھ دے دے نام دلاسا، دِلدار دِلبر اپنی دَیا کمائیا۔ پرم پُرکھ میری پوُری کر آسا، ترِشنا دینی گوائیا۔ لہنا دینا چُکا مستک ماتھا، لیکھا اگلا جھولی پائیا۔ چار ورن اٹھاراں برن گاون تیری گاتھا، اکھّر اِکو دینا پڑھائیا۔ منزل منزل مکُے واٹا، پاندھی پندھ نہ کوئے پِھرائیا۔ کلجُگ میٹ اندھیری راتا، سَت دھرم سچ کر رُشنائیا۔ ہؤں بالک اناتھ اناتھا، دیِنن ہو کے دیِن دَیال آس تکائیا۔ جوتی جوت سروُپ ہرِ، آپ اپنی کِرپا کر، نِہکلنک نرائن نر، مہاراج شیر سِنگھ وِشنوُں بھگوان، سب دی کر بند خلاصا، دُھر دی بندگی وِچ جگت مچھندگی دے گوائیا۔

۱۷ جیٹھ شہنشاہی سمت ۳ خزان سِنگھ دے گرِہ رنبیر سِنگھ پُرا ضِلع جموں

ستجُگ کہے کِرپا کر دُھر دے رام، رحمت وِچ کلجُگ دے بدلائیا۔ نِگاہبان ہو دُھر دے شام، شام اندھیرا دیِن دُنی دے مِٹائیا۔ نام سندیشہ دے اگمّی پَیغام، پَیغمبراں دے مالک حُکم سُنائیا۔ تیرا نام نِدھانا ملِے حقیِقی جام، من واسنا مایا ممتا موہ دے مِٹائیا۔ بھاگ لگا کایا

ماٹی چام، مانَو ذاتی ملِے وڈیائیا۔ شاستر سِمرت وید پُران انجیل قُرآن کھانی بانی ساچی کرے نہ کوئے پہچان، پڑدا انتر نہ کوئے اُٹھائیا۔ جوُٹھ جھوُٹھ کوُڑی کِریا سارے ہوئے غُلام، غُربت اندروں باہر نہ کوئے کڈھائیا۔ گرِہ گرِہ دِسے چار ورن حرام، اٹھاراں برن دین دُہائیا۔ ساچا سجدہ کرے نہ کوئی سلام، ڈنڈاوت بندنا سیِس جگدیِس نہ کوئے جھُکائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچکھنڈ نِواسی پُرکھ ابناشی در تیرے منگ منگائیا۔ سَتجُگ کہے پربھ بخشش کر دُھر دے میِت، مِتر پیارے تیری اوٹ تکائیا۔ چار کُنٹ دہ دِشا ایکا تیرا نام ڈھولا ہووے گیِت، ہر ہِردے اندر اپنا ناؤں دینا چمکائیا ۔ جگت واسنا جھگڑا مُکا مندر مسیِت، کایا کعبہ ایکنکار اِکو دینا وکھائیا۔ سَت دھرم دی چلے ساچی ریِت، تُوں میرا مَیں تیرا ڈھولا جیِو جنت سادھ سنت اِکو اِک گائیا۔ سچ دوار ایکنکار بخش اپنی حق پریِت، پاربرہم پتپرمیشور پروردِگار سانجھے یار پڑدا اندروں دینا اُٹھائیا۔ جھگڑا رہے نہ ذات پات اوُچ نیِچ، راؤ رنک دیِن مذہب کھتری براہمن شوُدر وَیش ونڈ نہ کوئی ونڈائیا۔ ساچا کلمہ اِکو دسّ حدیِث، حضرتاں دے حضرت حاضر حضوُر بھیو دینا چُکائیا۔ ڈنڈؤت بندنا اِکو ہوئے جگت جگدیِس، دوُسر سِر نہ کوئے نِوائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ سوامی انترجامی مِہربان محبوُب مُحبّت وِچ تیرا نام ڈھولا گیِت کلمہ اِکو گائیا۔ سَتجُگ کہے پربھ مِہربان ہو نِگاہبان، چار کُنٹ دھیان لگائیا۔ کلجُگ کوُڑی کِریا میٹ شیَطان، شرع وِچوں دیِن دُنی باہر کڈھائیا۔ ساچی منزل دسّ آسان، رحمت وِچ اپنا راہ وکھائیا۔ نام نِدھانا سِری بھگوان سُنا بِنا کان، دُھن آتمک اپنا ناد کر شنوائیا۔ دِیپک جوت جگے گھٹ سوامی تیرا اِک مہان، تیل باتی کملاپاتی لوڑ رہے نہ رائیا۔ بُدھ بِبیک ہووے جیِو جگت جہان، ملیچھ رہن کوئے نہ پائیا۔ شبدی سُرت سُرت شبد میلا ہووے گوپی کاہن، گھنئیا نئیا اپنی دے چلائیا۔ کلجُگ کوُڑی کِریا انت میٹ نِشان، نِشانے کوُڑے دے چُکائیا۔ ساچا مارگ کر پروان، پروانہ اپنا نام در در دے سُنائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سَتجُگ ساچا تیری آس رکھائیا۔ سَتجُگ کہے پربھ ویکھ دیِن دُنی اندھ، سَت دھرم نظر کوئے نہ آئیا۔ نوُری چمکے کوئے نہ چند، سوُریہ چنّ سیِس نِوائیا۔ ساچا ڈھولا دسّ اِکو چھند، شہنشاہ کر پڑھائیا۔ خوشی ہووے بند بند، بندگی اِکو دینی سمجھائیا۔ ہؤمے ہنگتا ہنکار وِکار دوَیتی ڈھاہ کندھ، ممتا موہ دے چُکائیا۔ پڑدا رہے نہ ہنگ برہم، پاربرہم اپنا روُپ دینا درسائیا۔ چِنتا مِٹا ہرکھ سوگ غم، گہر

گمبھیِر بےنظیِر اپنا رنگ رنگائیا۔ بھاگ لگا کایا ماٹی ساڈھے تِنّ ہتّھ وجوُد تن، شرع زنجِیر دے کٹائیا۔ نام بھنڈارا وست امولک بخش اِکو دھن، دھرم دوار دے وکھائیا۔ صدی چؤدھویں انت اَخیِر پاربرہم پتپرمیشور سَت دھرم دا بیڑا بنّھ، کلجُگ کوُڑی کِریا اپنے وہن دینی وہائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، آسا منسا دُھر دی پوُر کرائیا۔ سَتجُگ کہے پربھ پوُری کر آسا منسا، من ممتا رہے نہ رائیا۔ جن بھگت دھار بنا سوہنگ ہنسا، سَت سَتوادی اپنا پڑدا دے اُٹھائیا۔ جگت وِکار رہے نہ ہنگتا، ہر ہِردے کر صفائیا۔ بودھ اگادھ بن کے پنڈتا، نِراکھّر اپنا دینا جنائیا۔ در درویش ہو کے منگتا، جھولی رہیا ڈاہیِا۔ سچ پیار دے انند دا، انند اپنے وِچوں پرگٹائیا۔ لہنا دینا مُکا کلجُگ کوُڑی کِریا گند دا، جوُٹھ جھوُٹھ ڈیرہ ڈھاہیِا۔ برہمنڈ کھنڈ پُری لوء آکاش پاتال گگن گگننتر تیرا حُکم ہووے منّدا، سیِس جگدیِس سکے نہ کوئے اُٹھائیا۔ جھگڑا رہے نہ کایا ماٹی پنج تت تن دا، چار ورن اٹھاراں برن کھتری براہمن شوُدر وَیش اِکو رنگ رنگائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دوار ایکنکار الکھ اگوچر اگمّ اتھاہ بےپرواہ، در تیرے الکھ جگائیا۔ سَتجُگ کہے کِرپا کر میرے صاحب سَتگُر، پُرکھ ابناشی تیری اوٹ تکائیا۔ لہنا دینا پوُرا کر دُھر، دُھر مستک لیکھا دے بنائیا۔ قؤل اِقرار یاد کر جو گوبِند نال کیتےِ انند پُر، پُر انند وِچوں پڑدا دے چُکائیا۔ تیرا راہ تکّن دیوت سُر، وِشن برہما شِو بَیٹھے اکّھ کُھلائیا۔ سَت سَتوادی برہم برہمادی شبد انادی نِرگُن دھار وِچوں آپے تُر، تُرت اپنا میل مِلائیا۔ تیرا منتر نوَ نؤ چار فُرنا جائے پُھر، من واسنا چلے نہ کوئے چتُرائیا۔ کلجُگ انتم تیری لوڑ، لوچن نیتر لوئن اکّھ دِب اندروں دینا کُھلائیا۔ آتم پرماتم پرماتم آتم وِچھڑیاں لَینا جوڑ، پاربرہم برہم میلا لےَ مِلائیا۔ لہنا دینا مکُے کلجُگ اندھیرا گھور، گرِہ مندر کایا اندر کر رُشنائیا۔ جھگڑا رہے نہ پنج چور، کام کرودھ لوبھ موہ ہنکار لیکھا دینا مُکائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیر سِنگھ وِشنوُں بھگوان، صاحب سُلطان نؤجوان مرد مردان نِرگُن نِروَیر ہو کے بہُڑ، نِراکار نِرنکار سَتجُگ ساچا غریِب نوازا در ٹھانڈے منگ منگائیا۔

۱۷ جیٹھ شہنشاہی سمت ۳ رنیاں رام دے گھر پِنڈ کلوئے ضِلع جموں

ستجُگ کہے میری نِرگُن دھار لا جڑ، بوُٹا دھرم دوار لہرائیا۔ نِراکھّر دھار تیری وِدیا لَواں پڑھ، اکھّراں وِچ ڈھولا صِفت صلاحیِا۔ ساچے مندر جاواں وڑ، تت سریِر سوبھا پائیا۔ بھگت سُہیلے لَواں پھڑ، ہرجن اپنا میل مِلائیا۔ الکھ جگاواں تیرے در، درویش ہو کے رہیا جنائیا۔ کِرپا کر نرائن نر، کل کلکی ہو سہائیا۔ سچ نہاواں دُھر دے سر، سروور اِکو دینا پرگٹائیا۔ جوتی جوت سروُپ ہرِ، آپ اپنی کِرپا کر، ساچا رنگ دینا وکھائیا۔ سَتجُگ کہے میرا دھرم دا لگّے بوُٹا، جھکھڑ اندھیر پوہ سکے نہ رائیا۔ تیرے پریم دا ملِے ہوُٹا، ہُلارا اِکو نام رکھائیا۔ ڈنکا وجےّ چارے کوُٹا، کُٹمب گُرمُکھ دینے بنائیا۔ مَیں تیرا پوُت سپوُتا، سُت دُلارا اِک اکھوائیا۔ سرِشٹ سبائی ویکھنا گلی کوُچا، گھر گھر پھیرا پائیا۔ بھاگ لگاواں کایا ماٹی پنج تت بھوُتا، بھاشا اپنی دینی سمجھائیا۔ خالی رہے کوئی نہ ٹھوُٹھا، سچ سچ سدا دیاں ورتائیا۔ ناتا توڑ کے جوُٹھا جھوُٹھا، دُھر دا دھرم دیاں سمجھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، تُدھ بِن دوُجا نظر کوئے نہ آئیا۔ سَت دھرم کہے مَیں مات ہوواں اُتپت، پتپرمیشور تیرا نام جنائیا۔ سَت سنتوکھ دھیِرج دینا سَت، سَت سَتوادی اپنی دَیا کمائیا۔ دھرم پریِتی جوڑ نہ نت، ساک سجّن اِک اکھوائیا۔ تُوں میرا مَیں تیرا گاواں گتھ، گہر گمبھیِر دیاں سُنائیا۔ کلجُگ کوُڑی کِریا کرکے ستھ، ستھر یارڑا اِک ہنڈھائیا۔ بھگت سُہیلے کراں وکّھ، لکّھ چؤراسی وِچوں اُٹھائیا۔ تیرے مِلن دی کُھلے اکّھ، آخر منزل ملِے بےپرواہیِا۔ ہِردے اِک وساؤنا نام سچ، سچ دینا آپ پرگٹائیا۔ جھگڑا رہے نہ کایا ماٹی کچّ، کنچن گڑھ دینا سُہائیا۔ لوُں لوُں اندر جانا رچ، رچنا اپنی دینی وکھائیا۔ تیرا ہُلارا ویکھاں کملاپت، پتپرمیشور تیرا روُپ سچ سروُپ سچ دوارے سوبھا پائیا۔ جوتی جوت سروُپ ہرِ، آپ اپنی کِرپا کر، نِہکلنک نرائن نر، )مہاراج شیر سِنگھ وِشنوُں بھگوان(، سرب کلا سمرتھ، تیرے نام دی مہما اکتھ، کتھ کتھ جس وید پُراناں گائیا۔

۱۷ جیٹھ شہنشاہی سمت ۳ سیوا رام دے گرِہ پِنڈ کلوئے ضِلع جموں

ستجُگ کہے میرا مؤلے پتّ ٹہنی، مہک تیرا نام نظری آئیا۔ بھگت بھگوان میلا ہووے سُرت شبد ہانی، احوال اپنا دینا سمجھائیا۔ نام چلے چارے کھانی، چارے بانی سیِس جھُکائیا۔ امرت جل بخشے اگمّا پانی، پؤن پانی سوبھا پائیا۔ میری ہووے ترل جوانی، جوبن تیرا اِک ہنڈھائیا۔ ساچا دھرم دِسے نِشانی، نِشانہ اپنا دینا وکھائیا۔ کلجُگ کوُڑی کِریا کٹ غُلامی، زنجِیر شرع رہے نہ رائیا۔ تیری مہما گاواں عوامی، عوام اِکو دیاں سمجھائیا۔ منسا رہے نہ کوئے شیَطانی، شرع دیاں بدلائیا۔ جوُہ دِسے نہ کوئے بیگانی، گھر گھر تیری وجےّ ودھائیا۔ جن بھگتاں منزل ملِے روُحانی، روُح بُت خوشی بنائیا۔ تیرا نوُر چشم اسمانی، رحمت میگھ برسائیا۔ جیِواں جنتاں کٹ پریشانی، حُکم دُھر دا اِک سُنائیا۔ تیرا گرِہ ویکھاں آلمے جاویدانی، مندر دُھر دا نظری آئیا۔ جوتی جوت سروُپ ہرِ، آپ اپنی کِرپا کر، اپنا رنگ دینا چمکائیا ۔ سَتجُگ کہے دھرم دا لاؤنا پُھل، پُھل پرپُھلت دینا کرائیا۔ اپنے دوارے پا کے مُل، قیِمت نام والی چُکائیا۔ بھگت بھگوان اُپجے ساچی کُل، کُل مالک ہونا سہائیا۔ تیرا تَینوُں کوئی نہ جائے بُھل، بُھلیاں راہ وکھائیا۔ سچ دوارا جائے کُھل، گھر اِکو نظری آئیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیر سِنگھ وِشنوُں بھگوان، تیرے چرن کوَلاں ملِے دھوُل، دھوُل دی دھار دینی بدلائیا۔

۱۷ جیٹھ شہنشاہی سمت ۳ پریِتم سِنگھ دے گرِہ پِنڈ کلؤئے ضِلع جموں

ستجُگ کہے سچ سُگندھی دے خوشبوُ، دُرگندھی باہر کڈھائیا۔ پوِتر ہووے بُت روُح، رحمت تیری نظری آئیا۔ بھگت بھگوان پرگٹ کر ہوُبہوُ، ہرِجوُ اپنا پڑدا لاہیِا۔ جِدھر تکاّں نظری آویں تُوں، تُوں ہی تُوں ہی سارے ڈھولا گائیا۔ صِفت گیِت مہما گاوے مانَس مُنہ، مُکھ اُجل دینا کرائیا۔ خالی رہے کوئی نہ جوُہ، چاروں کُنٹ وجےّ ودھائیا۔ ہووے پرکاش لوُں لوُں، ساڈھے تِنّ کروڑ رُشنائیا۔ مالک اِکو نظری آوے سَتگُروُ، گُردیو سوامی بےپرواہیِا۔ بِن تیری کِرپا سَتجُگ مارگ کدے نہ تُروُ، تار سِتار نہ کوئے ہِلائیا۔ نام فُرنا بِن تیرے کِسے نہ پُھروُ، فرمانبردار نظر کوئے نہ آئیا۔ کلجُگ کوُڑی دھاروں خالق خلق کدے نہ مُڑوُ، جِناں چِر اپنا پڑدا نہ دئیں اُٹھائیا۔ جوتی جوت

سروُپ ہرِ، آپ اپنی کِرپا کر، ایکا دینا دُھر دا ور، در تیرے نظری آئیا۔ سَتجُگ کہے میرے اندر بھر دے رس، رستہ اِکو دے وکھائیا۔ پِچھلا مارگ ہووے بس، بستے سب دے بنّھ وکھائیا۔ جن بھگتاں اَگے کھول اکّھ، اکھّراں توں باہر کر پڑھائیا۔ تیرا ڈھولا گاون جس، صِفتاں نال صلاحیِا۔ چرن دوارے آون نسّ، بِن قدماں پندھ مُکائیا۔ سچ جَیکارا بول الکّھ، الکھ اگوچر تیری منگن اِک سرنائیا۔ دھیِرج سنتوکھ دینا تپ، )جپ( اِکو دینا جنائیا۔ جو سرنائی جائے ڈھٹّھ، تِس دا لیکھا دینا مُکائیا۔ تُوں صاحب پُرکھ سمرتھ، شہنشاہ نوُر خُدائیا۔ تیرا تیرے کولوں ہووے کدے نہ وکّھ، وکھّرے اپنے نال جُڑائیا۔ سَتجُگ دوویں جوڑ کے ہتّھ، سیِس جگدیِس قدماں اُتے ٹِکائیا۔ جوتی جوت سروُپ ہرِ، آپ اپنی کِرپا کر، نِہکلنک نرائن نر، مہاراج شیر سِنگھ وِشنوُں بھگوان، میرا دھرم دا کھول ہٹّ، وست امولک اپنی دینی ٹِکائیا۔

۱۷ جیٹھ شہنشاہی سمت ۳ وکیِل سِنگھ دے گرِہ پِنڈ ہنسا ضِلع جموں

ستجُگ کہے پربھ کلجُگ کوُڑ کُڑیاریاں میٹ حداں، ہِردا سب دا صاف کرائیا۔ دھرم ریِتی وِچ سنسار ودھاں، چار ورناں پندھ مُکائیا۔ نِرگُن نِروَیر نِراکار نِرنکار تَینوُں اِکو سدّاں، انت اَخیِر دھیان لگائیا۔ تیرے حُکم اندر برہمنڈ کھنڈ پُری لوء آکاش پاتال دو جہان بدھّا، گُر اوتار پَیغمبر سیِس نِوائیا۔ صدی چؤدھویں چار کُنٹ سرِشٹ سبائی درِشٹی اندر کرے دغا، ٹھگ چور یار روُپ وٹائیا۔ سچ سوامی انترجامی تیرے نام دا لئے کوئی نہ مزہ، مذاق وِچ بَیٹھے اپنی پت گوائیا۔ سچ دوار پروردِگار دُھر دے کعبےکرے کوئی نہ حجا، حضرت حضوُر جلوہ نوُر درس کوئے نہ پائیا۔ پاربرہم پتپرمیشور برہم دھار تیرا نوُر کِسے نہ لبھا، من مت بُدھ رہی کُرلائیا۔ مایا ممتا موہ وِکار جگت ہنکار اندھیر وگا، جوُٹھ جھوُٹھ اپنی لہر وکھائیا۔ صاحب سُلطان سِری بھگوان تیری چلے کوئی نہ رضا، رازق رِزق رحیِم تیرا بھےَ نہ کوئے وکھائیا۔ نام نِدھان نؤجوان مرد مردان سچ وجا اپنا ندا، انحد نادی ناد سُنائیا۔ کر پرکاش نؤ کھنڈ پرِتھمی ستّ دیِپ جگہ جگہ، جاگرت جوت ڈگمگائیا۔ جن بھگت درشن دے اُپر شاہ رگا، شہنشاہ بجر کپاٹی پڑدا دینا اُٹھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچکھنڈ نِواسی تیری اوٹ تکائیا۔ سَتجُگ کہے پربھ کوُڑی کِریا کلجُگ انتم میٹ، مِٹّی خاک چھانے جگت لوکائیا۔ مایا ممتا نال بھریا کِسے نہ

پیٹ، دھیِرج دھیِر سَت سنتوکھ نظر کِسے نہ آئیا۔ آد نِرنجن کرنی دے کرتے دھرنی دھرت دھوَل اُپر بن کھیوٹ کھیٹ، جگت ملاح بیڑا اپنے کندھ اُٹھائیا۔ سَت دھرم جیِو جنت سادھ سنت جگت واسنا وِچ بَیٹھے ویچ، کایا ماٹی خالی بھانڈے دین دُہائیا۔ دیِن مذہب ذات پات ورن برن مندر مسجد شِودوالے مٹھ گُروُدوار تیِرتھ تٹ آن کے ویکھ، ناری پُرش نیِتیوان نظر کوئے نہ آئیا۔ جگت وِکاری ہنکاری بنیا بھیکھ، سَت دھرم دا راہ نہ کوئے پرگٹائیا۔ سَت سوامی کلجُگ انت کوُڑی کِریا بدل دے ریکھ، رِکھی مُنی اپنی دھار دین دُہائیا۔ تیرا سوہنا لگّے سَت سَتوادی اِکو سمبل دیس، جِس گرِہ مندر اندر نِرگُن جوت کرے رُشنائیا۔ اپنی بینتی دُھر دی آرزوُ گُزارش وِچ کیِتی پیش، پیشتر پیشیِنگوئی گُر اوتار پَیغمبر گئے جنائیا۔ تُوں صاحب سُلطان سدا مِہربان آد جُگاد جُگ چؤکڑی رہیں ہمیش، سَتجُگ تریتا دواپر کلجُگ حُکم اندر تیری سیو کمائیا۔ چرن کوَل اُپر دھوَل ڈنڈاوت بندنا اِک آدیس، سجدیاں وِچ اپنا سِر سر جھُکائیا۔ تیرا راہ تکّے وِشن شِو شنکر مہیش، شہنشاہ شاہ پاتشاہ اپنا پڑدا دینا اُٹھائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر سندیش، ساچا نام اِک سمجھائیا۔ سَتجُگ کہے سُن بینتی اِک پُکار، پُنہ پُنہ سیِس نِوائیا۔ کلجُگ انتم لہنا دینا پوُرب قرض اُتار، لیکھا پِچھلا جھولی پائیا۔ سَتجُگ دا ساچا نام تیرا ہووے جَیکار، ہر ہِردے اندر اپنا نوُر دینا پرگٹائیا۔ ساچا مندر ساڈھے تِنّ ہتّھ کایا کعبےکر اُجیار، دیِا باتی کملاپتی اپنا آپ اِک پرگٹائیا۔ امرت رس نِجھر جھِرنا بوُند سوانتی بخش ٹھنڈی ٹھار، ٹھاکر سوامی جنم جنم دی ترِسنا بُھکھ مِٹائیا۔ جن بھگت سُہیلے دیِن دُنی دے وِچوں کڈھ باہر، ذات پات ورن برن کھتری براہمن شوُدر وَیش ونڈ نہ کوئے ونڈائیا۔ نِرگُن نوُر نوُر کر اُجیار، جوتی جوت سروُپ ہرِ، آپ اپنی کِرپا کر، سَتجُگ ساچا ڈھیَہہ پیا سرنائیا۔ سَتجُگ کہے پربھ کِرپا کر میرے انتر، باہر منگ نہ کوئے منگائیا۔ تیرا روُپ ویکھاں نِرنتر، نِگاہبان ہونا سہائیا۔ وجےّ ڈنکا گگن گگننتر، گہر گمبھیِر بےنظیِر پڑدا دینا اُٹھائیا۔ تُوں میرا مَیں تیرا اِکو آتم پرماتم ہووے نِرنتر، من منسا اپنے وِچ چُھپائیا۔ سَت دھرم دی سچ صلاح بناؤنی بنتر، ساچا حُکم دینا سمجھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیر سِنگھ وِشنوُں بھگوان، کلجُگ کوُڑی کِریا کایا کپڑ بدل دے بستر، نیل بسن بنواری باون دھاری نر نِرنکاری نِرگُن سرگُن اپنا رنگ رنگائیا۔

۱۷ جیٹھ شہنشاہی سمت ۳ لچھمن سِنگھ دے گرِہ پِنڈ سئ کلاں ضِلع جموں

ستجُگ کہے تیرا گاواں اِک سلوک، سوہلا سچ نام دِرڑائیا۔ ڈنکا وجا کے چؤداں لوک، پرلوک دیاں سمجھائیا۔ پُرکھ اکال دی اِکو اوٹ، اوڑک سب دا پِتا مائیا۔ جِس دا پرکاش نِرمل جوت، نوُر ظہوُر کرے رُشنائیا۔ دسےّ من بُدھی دی سوچ، عقل چلے نہ کوئے چتُرائیا۔ مِہربان ہو کے دسےّ اپنی کھوج، محبوُب ہو کے پڑدا دئے اُٹھائیا۔ جِس دا بھانا سکے کوئی نہ روک، حُکمے اندر سارے سیِس نِوائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سَتجُگ ساچا اکّھ کُھلائیا۔ سَتجُگ کہے بےپرواہ دھرم دے داتے، دَیاوان دَیااپنی دینی کمائیا۔ بخش اگمّی اپنی گاتھے، گہر گمبھیِر ہووے پڑھائیا۔ کلجُگ مِٹے اندھیری راتے، سَتجُگ ساچا چند چمکائیا ۔ سب دا نظری آوے اِکو پِت ماتے، پتپرمیشور بےپرواہیِا۔ دھرم دوارے جوڑ ناتے، نرائن اپنا رنگ رنگائیا۔ تیرا شبد بِن تیری کِرپا کوئی نہ واچے، ہِردے ہرِ نہ کوئے وسائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیر سِنگھ وِشنوُں بھگوان، لہنا دینا چُکا مستک دُھر دے ماتھے، مدُھر دُھن اپنی اِک سمجھائیا۔

۱۸ جیٹھ شہنشاہی سمت ۳ کلُونت سِنگھ دے گرِہ پِنڈ سئ کیَمپ ضِلع جموں

ستجُگ کہے مَیں پِچھلی وکھاواں چِٹ، چِٹھی اپنے اندروں پرگٹائیا۔ جِس ویلے اِس بھوُمکا اُتے آئے سّپت رِکھ، مُنی اپنا پھیرا پائیا۔ اتری نوُں اپنا ویلا گیا دِس، بھاردواج دھیان لگائیا۔ نظری آیا پُرکھ اکال اِک، ایکنکار دُھردرگاہیِا۔ جِس دی سمجھے کوئی نہ تِھت، وار ونڈ نہ کوئے ونڈائیا۔ پاربرہم سب دا پِت، پتپرمیشور دئے گواہیِا۔ جِس دا کھیل نوِت نِت، نِرگُن سرگُن حُکم منائیا۔ سو کروٹ لےَ بدلے پِٹھ، نوُری مُکھڑا اِک چمکائیا ۔ کرے کھیل جگت انڈِٹھ، انڈِٹھڑی کار کمائیا۔ جن بھگتاں پاوے بِھچھّ، وست امولک نام ورتائیا۔ منسا پوُری کرے اِچھّ، نِراِچھت اپنا پڑدا لاہیِا۔ جوتی جوت سروُپ ہرِ، آپ اپنی کِرپا کر، ساچا رنگ آپ رنگائیا۔ سَتجُگ کہے سپت رِکھی لایا آسن، سَت وِچ سمائیا۔ دھیان دھر کے پُرکھ ابناشن، اپنی اکّھ کُھلائیا۔ جُگ چؤکڑی کھیل تماشن، نِرگُن سرگُن وجدی رہے ودھائیا۔ بھید کُھلایا باطن،

پڑدا رہیا نہ رائیا۔ ویس وٹا کے پرم پُرکھ پرماتم، جوتی جاتا دُھردرگاہیِا۔ جِس نوُں سمجھے کوئی نہ دھرم سناتن، مذہب ونڈ نہ کوئے وڈائیا۔ ناتا جوڑے دُھر دا آتم، انتم اپنا رنگ چڑھائیا۔ دُھر دا بنے سجّن ساکن، سرگُن سربندھ اپنے نال رکھائیا۔ روُح بُت کرے پاکن، پتت پُنیِت دئے وکھائیا۔ جوتی جوت سروُپ ہرِ، آپ اپنی کِرپا کر، ساچا نوُر کرے پرکاشن، پرکاشت ہو کے ویکھ وکھائیا۔

۱۸ جیٹھ شہنشاہی سمت ۳ بچن سِنگھ دے گرِہ سئ کیَمپ ضِلع جموں

ستجُگ کہے سپت رِکھی بَیٹھے آ، عالم سمجھ کوئے نہ پائیا۔ تُوں میرا مَیں تیرا ڈھولا گئے گا، گا گا خوشی منائیا۔ کِرپا کیِتی بےپرواہ، پاربرہم پڑدا دِتا اُٹھائیا۔ کلجُگ انتم دِتا وکھا، ساکھیات ویس وٹائیا۔ جوتی جاتا نوُری خُدا، خود اپنی دَیا کمائیا۔ گُر اوتار پَیغمبر لہنا دئے مُکا، مُکمل اپنا حُکم ورتائیا۔ چار کُنٹ ایکا ڈنک وجا، ورن چار کرے پڑھائیا۔ ساچا مارگ اِک سمجھا، سمجھ بُدھی دئے بدلائیا۔ لیکھا مُکا کے آدم حوّا، رواں اپنا آپ کرائیا۔ جن بھگت سُہیلے لئے اُٹھا، چؤراسی آسی وِچوں کھوج کھوجائیا۔ دھرنی دھرت دھوَل دئے سُہا، سوبھاوَنت چرن ٹِکائیا۔ سب دا لہنا دینا لیکھا دئے مُکا، جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ہرِ ساچا حُکم اِک سُنائیا۔

۱۸ جیٹھ شہنشاہی سمت ۳ کھیمو دیوی دے گرِہ سئ کیَمپ جموں

ستجُگ کہے سپت رِکھی بَیٹھ کے کرن صلاح، مشورہ اپنے نال کرائیا۔ ویکھو دُھر دا اِک ملاح، بیڑا اپنے کندھ اُٹھائیا۔ جِس نوُں جُگ چؤکڑی رہے گا، گُر اوتار سیِس نِوائیا۔ سو سب دا پِتا ماں، پُرکھ اکال سوبھا پائیا۔ کلجُگ انتم ویکھو دیوے سچّا ناں، ناؤں نِرنکارا آپ سمجھائیا۔ جن بھگتاں ہوئے سہائی تھاؤں تھاں، تھاننتر پڑدا دئے اُٹھائیا۔ جُگ جنم دے وِچھڑیاں پکڑے بانہہ، پھڑ باہوں گود اُٹھائیا۔ ہنس بنائے پھڑ پھڑ کاں، سوہنگ ہنسا جاپ جپائیا۔ ساچا دیوے اِک مکاں، مقامے حق حقیِقت وِچ رکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ساچے رنگ آپ رنگائیا۔

۱۸ جیٹھ شہنشاہی سمت ۳ پریمی دیوی دے گرِہ سئ کیَمپ جموں

ستجُگ کہے سپت رِکھی کرن بات، باہمی ناتا جوڑ جُڑائیا۔ کلجُگ ویکھنی اندھیری رات، پُرکھ اکال دِتی وکھائیا۔ جھگڑا دِسے ذات پات، دیِن دُنی رہی کُرلائیا۔ دُھندُوکار ہویا آکاش، پاتال پڑدا نہ کوئے اُٹھائیا۔ راہ پَوے نہ کوئی راس، رستہ بُھلے کوُڑ لوکائیا۔ دھرم رہے نہ کوئے وِشواش، وِشے وِکار بھری لوکائیا۔ سچ وست نہ ہووے پاس، پاسا دیِن دُنی اُلٹائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ساچے رنگ رنگت اِک پرگٹائیا۔ سَتجُگ کہے سپت رِکھی کرن دھیان، دھیانی دھیان لگائیا۔ ایکا نام شبد سُنن سچّا گیان، اگیان اندھیرا سرب مِٹائیا۔ شبد وجّی سچّی دُھنکان، انادی ناد سُنائیا۔ کلجُگ انتم کھیل ہونا مہان، مہما اکتھ اکتھ دِرڑائیا۔ پرگٹ ہووے سِری بھگوان، شاہ پاتشاہ سچّا شہنشاہیِا۔ جِس نوُں سمجھے نہ کوئے جیِو جہان، وِدوان رمز نہ کوئے لگائیا۔ سو ویلا وقت پہنچیا آن، پاربرہم اپنی دھار چلائیا۔ بھگت سُہیلے کرے پہچان، سچ دوارے اپنا جوڑ جُڑائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیر سِنگھ وِشنوُں بھگوان، آتم پرماتم دیونہارا دان، دانی داتا اِکو اِک ایکنکار نظری آئیا۔

۱۸ جیٹھ شہنشاہی سمت ۳ بیلا سِنگھ دے گرِہ سئ کیَمپ جموں

سپت سُرِکھ کہن چنگی دِسی بھوُمی، سَتجُگ دھار سوبھا پائیا۔ جِس نوُں سمجھے نہ کوئے نجّومی، تِھت وار نہ ونڈ ونڈائیا۔ پربھ کھیل کرے نہ معلوُمی، پڑدا اپنا آپ اُٹھائیا۔ لہنا دینا چُکائے بھگت معصوُمی، گُرمُکھ بالے رنگ رنگائیا۔ سار پاوے نہ کوئے رِکھی مُنی، مؤن دھاری دین دُہائیا۔ سرِشٹ سبائی چوٹی جائے منّی، مینڈھی سیِس نہ کوئے گُندائیا۔ کوٹاں وِچوں تھوڑے دِسن پربھ بھگتی وِچ گُنی، گہر گمبھیِر گود اُٹھائیا۔ جِنہاں دے انتر ساچے نام دی دیوے دُھنی، دُھر دا راگ اِک سُنائیا۔ امرت رس لائے اگمّا بُلیں، جگت ترِشنا پیاس بُجھائیا۔ پُھلواڑی اِکو جائے پُھلی، مؤلے رُت ہرِ رگھُرائیا۔ بھاگ لگّے ساچی کُلیّ، قلم شاہی نال لِکھائیا۔ جگت اندھیری چاروں کُنٹ جھُلی، جھلک کرے نہ کوئے

رُشنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیر سِنگھ وِشنوُں بھگوان، گُرمُکھاں دیوے وست نام انمُلی، کرنی دا کرتا اپنے ہتّھ رکھائیا۔

۱۸ جیٹھ شہنشاہی سمت ۳ بنتی دیوی دے گرِہ سئ کیَمپ جموں

اتری کہے مَینوُں ساچی مِلی اِطلاع، حُکمے اندر حُکم سُنائیا۔ شبدی مشورے دِتی صلاح، حُکم صاحب دِتا فرمائیا۔ کلجُگ انتم دِتا وکھا، بِن اکّھاں اکّھ کُھلائیا۔ سرِشٹی بھری دِسے گُناہ، عیباں وِچ لوکائیا۔ جھگڑا پیا پُتر ماں، پِتا پوُت کرے لڑائیا۔ نار کنت نہ رہی ہنڈھا، بےوفا روُپ وٹائیا۔ سادھ سنت من وِکارا رہے ودھا، ہنکار گڑھ بنائیا۔ نظری آئے نہ کِسے خُدا، خادم روُپ نہ کوئے وکھائیا۔ آتم سب دی دِسے جُدا، پرماتم جوڑ نہ کوئے جُڑائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیر سِنگھ وِشنوُں بھگوان، ساچا کھیل کر اِکا، سَوتنتر سُتنتر کرے لوکائیا۔

۱۸ جیٹھ شہنشاہی سمت ۳ پرتاپ سِنگھ دے گرِہ سئ کیَمپ جموں

بھاردواج کہے مَیں پیَنڈا ویکھیا مُکدا، کلجُگ اپنا پندھ مُکائیا۔ جگت جہان ویکھیا )دُھکھدا(، دھوُاں دھار لوکائیا۔ کوٹاں وِچوں بھگتاں پیار ملِے سُکھ دا، سُخن سُنن دُھردرگاہیِا۔ نام لےَ کے ایکا تُک دا، تُریا توں اَگے ڈیرہ لائیا۔ جِتھے پیَنڈا نہیں یوجن کوس دا، حد ونڈ نہ کوئے ونڈائیا۔ پرکاش ہووے نِرمل جوت دا، جوتی جوت جوت رُشنائیا۔ ناتا جُڑے ابناشی اوس دا، جِس دی اُستت شاستر سِمرت وید پُران رہے گائیا۔ جو دو جہاناں ہر گھٹ تھاں نِرگُن سرگُن ہو کے پہُنچدا، پاندھی ہو کے اپنا پندھ مُکائیا۔ پریم پریِتی سدا بھگتاں لوچدا، لوچن نیَن اندروں اکّھ کُھلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیر سِنگھ وِشنوُں بھگوان، رس دیوے اپنی مؤج دا، امرت میگھ اِک برسائیا۔

۱۸ جیٹھ شہنشاہی سمت ۳ دیوا سِنگھ دے گرِہ پِنڈ سئ کیَمپ ضِلع جموں

بھاردواج کہے میرا بھیو کُھلایا گوُجھا، رمز اندر دِتی لگائیا۔ بھؤ رہیا کوئی نہ دوُجا، دُتیا دھار نہ کوئے بنائیا۔ پِچھلا لیکھا کر کے موُندھا، نیَن موُند دِتی وڈیائیا۔ بھیو کُھلا کے بُت روُح دا، روُح توں پرے دِتا سمجھائیا۔ جِتھے وسیرا نِرگُن دھار ہوُبہوُ دا، جوتی جاتا ڈگمگائیا۔ اوتھے حِساب کِتاب نہیں کِسے گُروُ دا، اکھّراں والی ونڈ نہ کوئے ونڈائیا۔ شبد سندیشے وِچ کِہا تَینوُں کھیل وکھاواں کلجُگ انت سَتجُگ شُروُع دا، شاید وِچ نہ کوئے رکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیر سِنگھ وِشنوُں بھگوان، دُھر دی کرنی آپ کمائیا۔

۱۸ جیٹھ شہنشاہی سمت ۳ پوُرن سِنگھ دے گرِہ سئ کیَمپ ضِلع جموں

اتری کہے اگمّی دھار آئی اُتر، اُتّر پوُرب پچھّم دکھّن میرا بھیو کُھلائیا۔ ہسّ کے کِہا آ لاڈلے پُتر، پِتا پوُت گود اُٹھائیا۔ اُٹھ ویکھ کلجُگ پیَنڈا لگّا مُکن، مکُے وست جگت پرائیا۔ گُر اوتار پَیغمبراں پربھ جوُ لگّا پُچھن، حُکمے اندر حُکم سُنائیا۔ کلجُگ کوُڑ کُڑیارا لگّا )اُٹھن(، بھجےّ واہو داہیِا۔ مایا ممتا بوُٹا لگّا سُکن، پتّ ٹہنی نہ کوئے لہرائیا۔ سَتگُر شبد اِکو لگّا بُکن، بھبک شیر نام لگائیا۔ سوہنگ ڈھولا دسّ کے اگمّی تُکن، دُھر دا حُکم رہیا سُنائیا۔ سنت سُہیلے آوے گودی چُکن، پھڑ باہوں گود اُٹھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیر سِنگھ وِشنوُں بھگوان، دُھر فرمانا اِک سُنائیا۔

۱۸ جیٹھ شہنشاہی سمت ۳ ہنس راج دے گرِہ پِنڈ سئ کیَمپ ضِلع جموں

اتری کہے میرے اندر آئی جھلک، جھلّا دِتا بنائیا۔ مَیں تکّیا اُپر فلک، بِنا اکّھاں اکّھ کُھلائیا۔ میرے مستک لگّا تِلک، تِل اپنا دِتا وکھائیا۔ جگت خواری دِسی ذِلّت، کلجُگ انتم پئی دُہائیا۔ ساچی کِسے نہ ملِے خِلعت، کپڑ کوُڑ جگت ہنڈھائیا۔ پریم پیار رہیا نہ مِلّت،

مُحبّت وِچ مُحبّت نہ کوئے بنائیا۔ من وِکار کرے عِلّت، شرع وِچ لڑائیا۔ نظری آئی اِکو سِمت، سچ سوامی دِتی سمجھائیا۔ بِن بھگتاں ہووے نہ کِسے ہِمّت، ہِردے ہرِ نہ کوئے وسائیا۔ مَیں نِیوں کے کیِتی مِنّت، سیِس دِتا جھُکائیا۔ انت رہی کوئی نہ چنت، چِنتا چِکھا وِچ جلائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیر سِنگھ وِشنوُں بھگوان، اپنا حُکم آپ ورتائیا۔