۷ ساوَن شہنشاہی سمت ۳ سُلکھّن سِنگھ دے گرِہ رُکنا موُنگلا ضِلع فِروزپُر
سَت کہے مَیں بھگتاں کراں ہیت، پربھوُ پریِتم نال مِلائیا۔ درس کراواں نیتن نیت، نِج نیتر نیَن اکّھ کُھلائیا۔ اندر وڑ کے دیواں بھیت، کایا کعبہ پڑدا آپ چُکائیا۔ من واسنا کوُڑی کِریا کراں کھیت، رنبھوُمی نام کھنڈا چمکائیا ۔ ترےَگُن مایا لا نہ سکے سیک، اگنی تت نہ کوئے تپائیا۔ سچکھنڈ دوار دساواں اِکو دیس، جِس گھر وسے بےپرواہیِا۔ نام نِدھانا دئے سندیش، اکھّر وکھّر کرے پڑھائیا۔ تُوں میرا مَیں تیرا لِکھ کے لیکھ، آتم پرماتم پرماتم آتم بندھن آپے پائیا۔ سَت دھرم دی ساچی دسّ کھیڈ، سَتجُگ ساچا راہ چلائیا۔ چار ورن اٹھاراں برن ایکا نام دسّ کے رسنا جِہو، کلمہ کائنات اِک پڑھائیا۔ پاربرہم پتپرمیشور دسّ کے دُھر دا دیوی دیو، دیوت سُر جِس نوُں سیِس جھُکائیا۔ مالک خالق پرِتپالک مِلاواں سچکھنڈ نِواسی نِہکیو، نِہچل آسن سچ سِنگھاسن سوبھا پائیا۔ جوتی جوت سروُپ ہرِ، آپ اپنی کِرپا کر، دُھر دا رنگ اِک رنگائیا۔ سَت کہے مَیں بھگتاں دسّاں سَت، سَت سَتوادی پربھوُ مِلائیا۔ انتر نِرنتر دے کے برہم مت، پڑدا دُئی دوَیت اُٹھائیا۔ دھیِرج سنتوکھ دے کے سَت، سُتّیاں دیواں اُٹھائیا۔ ساچا مارگ اِکو دسّ، دہ دِشا دیِن دُنی سمجھائیا۔ جن بھگتاں کھول کے اندروں اکّھ، نِج نیَن نوُر دیاں چمکائیا ۔ تُوں میرا مَیں تیرا سارے گاون جس، ڈھولا دُھر دا صِفت صلاحیِا۔ حقیِقت وِچوں سب دی جھولی پاواں حق، حُکم دُھر دا اِک منائیا۔ سَتجُگ تریتا دواپر کلجُگ سرِشٹی گئی تھک، درِشٹی اندر بھار نہ کوئے اُٹھائیا۔ صدی چؤدھویں لیکھا دسّ، پُرکھ سمرتھ پاربرہم
پتپرمیشور بھیو دیاں کُھلائیا۔ جِس دا سچ دوار اِکو اِک ہٹّ، گُر اوتار پَیغمبراں ونج رہیا کرائیا۔ سو سجّن سُہیلا اِک اَکیلا ایکنکار ہو پرگٹ، پتپرمیشور اپنا روُپ بدلائیا۔ نام اگمّی شبد نِدھانا مارے سٹّ، ٹھوکر ٹھاکر آپ لگائیا۔ کلجُگ کوُڑی کِریا ہؤمے ہنگتا بُرج جاوے ڈھٹّھ، سچ سُچ ملِے مان وڈیائیا۔ جھگڑا رہے نہ تیِرتھ اٹھسٹھ، پاوے سار مندر مسجد شِودوالے مٹھ، گُروُدوار گُر گُر پڑدا لاہیِا۔ نِرگُن دھار نِروَیر نِرنکار کھیل کرے بازی گر نٹ، سوانگی بہُرنگا اپنا کھیل وکھائیا۔ جِس دی مہما صِفت کلمہ کائنات کوئی گا نہ سکے بھٹّ، بھٹکنا سب دی دئے چُکائیا۔ سنت سُہیلے گُرمُکھ گُر گُر کر اِکٹّھ، اِکٹّھا لہنا دینا جھولی پائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیر سِنگھ وِشنوُں بھگوان، سرب کلا سمرتھ مہما اکتھ، بودھ اگادھ بُدھی توں پرے کرے پڑھائیا۔
۷ ساوَن شہنشاہی سمت ۳ رام سِنگھ دے گرِہ فِروزپُر چھاؤنی
ستجُگ کہے مِہربان محبوُب تیرے حُکمے اندر اُٹھاں، پاربرہم پتپرمیشور نِرگُن نِروَیر تیری سیو کمائیا۔ بھگت سُہیلا اِک اَکیلا نؤجوان مرد مردان ہو کے تُٹھاں، نوَ نؤ چار اندر باہر گُپت ظاہر پڑدا دیاں اُٹھائیا۔ جام حقیِقی امرت رس جن بھگتاں دیواں بِن گھُٹاں، گہر گمبھیِر بےنظیِر کایا مندر اندر آپ ٹِکائیا۔ جوتی شبدی دھار دو جہان سِری بھگوان ویکھاں چار کُنٹ دھرنی دھرت دھوَل گُٹھاں، آکاش پرکاش برہمنڈ کھنڈ پُری لوء پھول پھولائیا۔ گُرمُکھ گُرسِکھ ہرجن سنت سُہیلے سجّن جا جا پُچھاں، دِوس رَین اپنا پندھ مُکائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، صاحب سوامی انترجامی گھٹ نِواسی پُرکھ ابناشی اپنی دَیا کمائیا۔ سَتجُگ کہے پربھ تیرے حُکم اندر جاواں نسّ، نِرگُن دھار نِروَیر لےَ انگڑائیا۔ گُرمُکھ ساچے سنت جناں پوُری کراں آس، آسا ترِشنا مایا ممتا موہ اندروں باہر کڈھائیا۔ آتم پرماتم ساچے منڈل وکھاواں تیری راس، گوپی کاہن اِکو گرِہ سوبھا پائیا۔ نِرگُن جوت بِن ورن گوت کراں پرکاش، آتم برہم پاربرہم دیاں دِرڑائیا۔ تُوں میرا مَیں تیرا ساچی دسّ کے گاتھ، سوہلا ڈھولا بن وِچولا اِکو اِک سُنائیا۔ سچ دوار ایکنکار پروردِگار سانجھے یار تیرا کھولاں ہاٹ، در دروازہ غریِب نوازا اِکو اِک کُھلائیا۔ شاہو بھوُپ سَت سروُپ سچکھنڈ دوار دسّاں تیرا راج، درگاہ ساچی مقامے حق حقیِقت وِچ وڈیائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، کلجُگ کوُڑی کِریا بدل دینا سماج، سچ سمگری جوت اِکگری اِکو اِک پرگٹائیا۔
سَتجُگ کہے میرے پرم پُرکھ پاربرہم دیِن دَیالا، دیانِدھ تیری اِک سرنائیا۔ سچکھنڈ نِواسی ہونا میرا اِک رکھوالا، رکھک ہو کے رچھّیا کرنی تھاؤں تھائنیا۔ چار کُنٹ دہ دِشا تیرے حُکمے اندر ترےَگُن مایا توڑاں جگت جنجالا، جاگرت جوت کراں رُشنائیا۔ سَت دھرم دا ساچا مارگ دسّاں رہبراں راہ سُکھالا، من وِکارا راہ زن رہن کوئے نہ پائیا۔ دُھردرگاہی بےپرواہی تیری نظر آوے اِکو دھرم سالا، دھرم دوار ایکنکار وِچ سنسار دینا سمجھائیا۔ جِس دھاروں نِکلے آد شکت جوتی جلوہ نوُر جوالا، اشٹبُھج سِنگھ سوار روُپ بدلائیا۔ گُر اوتار پَیغمبر جِس دا دیندے گئے احوالا، انراگی ہو کے اپنا راگ الائیا۔ سو صاحب سَتگُر لیکھا جانے دو جہاناں، سِری بھگوانا اپنی کار کمائیا۔ میرے اُپر ہونا مِہربانا، سَتجُگ ساچا نِیوں نِیوں لاگے پائیا۔ کلجُگ کوُڑی کِریا جوُٹھ جھوُٹھ ہووے روانہ، دھرنی دھرت دھوَل دھؤل رہن کوئے نہ پائیا۔ دھوُاں دھار رہے نہ زِمیں اسمانا، ایکا جلوہ نوُر چند کرے رُشنائیا۔ تُوں میرا مَیں تیرا پاربرہم برہم گائے ساچا گانا، گاوت گاوت اپنا رنگ رنگائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ سندیشہ نر نریشا نِرگُن سرگُن سرگُن نِرگُن اپنا آپ سُنائیا۔ سَتجُگ ساچا کہے مَیں تیرا فرمانبردار، سیوک دُھر دا نظری آئیا۔ سَتجُگ تریتا دواپر کلجُگ بیِتیا وِچ سنسار، سنساری بھنڈاری نیتر روون مارن دھاہیِا۔ گُر اوتار پَیغمبر بن بِھکھار، در تیرے ٹھانڈے بَیٹھے سیِس جھُکائیا۔ شاستر سِمرت وید پُران انجیل قُرآن کھانی بانی پائے کوئے نہ سار، سمجھ وِچ رمز نہ کوئے لگائیا۔ اٹھسٹھ تیِرتھ تٹ کِنار رہیا نہ کوئے پیار، گنگا گوداوری جمنا سُرستی نیتر نیَن اکّھ شرمائیا۔ بیِس بیِسے ہرِ جگدیِسے تُدھ بِن پائے کوئے نہ سار، کلجُگ کایا کپڑ دُرمت مَیل نہ کوئے دھوائیا۔ دیِا باتی کملاپاتی گرِہ مندر اندر کرے نہ کوئے اُجیار، جگت اندھیرا اندھ اگیان نہ کوئے مِٹائیا۔ مَیں ننھا بچّہ تیرا سیوادار، سَتجُگ ساچا نِیوں نِیوں سیِس جھُکائیا۔ نِرگُن سرگُن سرگُن نِرگُن تیرا اِختیار، حُکمے اندر حُکم دے بدلائیا۔ شاہ پاتشاہ شہنشاہ سچّی سرکار، سچ سندیشہ نر نریشا اِکو دینا پرگٹائیا۔ جِس نوُں سجدیاں وِچ سارے کرن نِمسکار، نمو نمو سیِس جگدیِش جھُکائیا۔ تیرے حُکم دا ہووے اِک جَیکار، جےَ جَیکار کرے لوکائیا۔ تیرے چرن کوَل بلہار، بل بل اپنا آپ وکھائیا۔ منزل منزل مُشکل رہے نہ کوئی وِچ سنسار، ساگر سِندھ دُھر دی پار کرائیا۔ کلجُگ کوُڑی کِریا میٹ مایا ممتا موہ ہٹّ بازار، جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دوار ایکنکار در ٹھانڈے منگ منگائیا۔ سَتجُگ کہے مَیں تیرا بچّہ بال نادانا، بال اوستھا سیِس
نِوائیا۔ کِرپا کر سِری بھگوانا، تیری اوٹ تکائیا۔ سَت دھرم دا جھُلے اِک نِشانہ، نِشانے نشیاں والے بدلائیا۔ لکّھ چؤراسی نظری آ اِکو کاہنا، شبد بنسری دُھن کر شنوائیا۔ پَیغمبراں دا پَیغمبر دے پَیغاما، دُھر کلاما اِک دِرڑائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دوارے دُھر دربارے در ٹھانڈے الکھ جگائیا۔ سَتجُگ ساچا کہے پُرکھ اکال دیِن دَیال پا دے بھکھیا، در درویش در کُرلائیا۔ ساچے نام دی دے دے سِکھیا، سِکھ سَتگُر نال مِلائیا۔ جیہڑا لیکھا گوبِند بِن اکھّراں ماچھوُواڑے لِکھیا، کاغذ قلم ونڈ نہ کوئے ونڈائیا۔ اوہ نِرگُن دھار وکھا دے اگمّی چِٹیا، جِس دا مضموُن قانوُن وِچ نہ کوئے پرگٹائیا۔ بِن تیری کِرپا چار جُگ کِسے نہ دِسیا ، شاستر سِمرت وید پُران انجیل قُرآن سکے نہ کوئے سمجھائیا۔ سو انت اَخیِر بےنظیِر جن بھگتاں دے ہسیا، ہستی وِچ مستی اپنا نام رکھائیا۔ کروٹ لےَ بدل لےَ پِٹھیا، سنمُکھ ہو کے جلوہ نوُر کر رُشنائیا۔ بِن تیری کِرپا کلجُگ انت اَخیِر نہ جائے نجِٹھیا، لہنا دینا دینا لَینا سکے نہ کوئے مُکائیا۔ تُوں پُرکھ اکال سمرتھ سوامی پاربرہم پتپرمیشور سب دا پِتیا، پتت اُدھارن اِکو نظری آئیا۔ جگت بازار ہٹّ کدے نہ وِکیا، کرتے تیری قیِمت کوئے نہ پائیا۔ تیرا کھیل سدا انڈِٹھیا، جگ نیتر سکے نہ کوئے درسائیا۔ دُھردرگاہی بن مِتیا، مِتر پیارے سانجھے یارے ہری دوارے اپنا رنگ رنگائیا۔ جن بھگتاں ساچے سنتاں سَت دھرم دی پا بِھچھِیا، وست امولک نام نِدھانا آپ ورتائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیر سِنگھ وِشنوُں بھگوان، لہنا دینا مُکاؤنا وڈّیاں نِکّیاں، لیکھے وِچوں لیکھا اپنا دینا سمجھائیا۔
۸ ساوَن شہنشاہی سمت ۳ گُردیو سِنگھ دے گرِہ فِروزپُر چھاؤنی
ستجُگ کہے ساچی دے دھرم دی دات، دو جہاناں ملِے مان وڈیائیا۔ کلجُگ میٹاں اندھیری رات، کوُڑی کِریا اندر کر رُشنائیا۔ دُھر دا نام پرگٹاواں ساچ، ناؤں نِرنکارا اِک دِرڑائیا۔ بھاگ لگّے کایا ماٹی کاچ، کنچن گڑھ ساڈھے تِنّ ہتّھ سوبھا پائیا۔ آتم پرماتم اِکو نظری آئے نات، جگت ورن برن نہ کوئے لڑائیا۔ سچ پریِتی دُھردرگاہ جُڑے نات، پتپرمیشور ملِے بےپرواہیِا۔ جو گُر اوتار پَیغمبر جُگ چؤکڑی گئے آکھ، اکھّراں وِچ تیری صِفت صلاحیِا۔ سو کھیل وکھاواں ساکھیات، صاحب سَتگُر تیرا نوُر ہووے رُشنائیا۔ جن بھگتاں ملِے آبِ حیات، صوُفی
سنت فقیِراں فِقرہ اِکو اِک سُنائیا۔ پُرکھ اکال دیِن دَیال پوُری کر آس، آہستہ آہستہ در ٹھانڈے منگ منگائیا۔ ہووے پرکاش پرِتھمی آکاش، تریَلوک سلوک اِک سُنائیا۔ ساچے منڈل سُہنجنی ہووے راس، گوپی کاہن سُرتی شبدی وجےّ ناد، ہؤں بالک ہؤں ہاں تیرا داس، یاچک ہو کے دھرم دی سیو کمائیا۔ ساچی منزل ویکھاں چڑھ کے گھاٹ، تٹ کنارہ اِکو نظری آئیا۔ تُوں میرا مَیں تیرا ناؤں نِرنکارا اُپجے ساچی گاتھ، گہر گمبھیِر بےنظیِر اِکو حُکم دینا سُنائیا۔ جوتی جوت سروُپ ہرِ، آپ اپنی کِرپا کر، سد تیری آس رکھائیا۔ سَتجُگ کہے پربھ پرم پُرکھ چاڑھ رنگ، رنگت اگلی دے وکھائیا۔ بھیو کُھلا برہم ہنگ، ہنگتا اندروں گڑھ تُڑائیا۔ نِرگُن دھار نِرگُن ہووے سنگ، دو جہاناں سنگ بنائیا۔ نام نِدھان وجےّ مردنگ، دُھنی ناد کرے شنوائیا۔ دُئی دوَیت بھرماں ڈھاہ کندھ، کنچن گڑھ بنک دے وڈیائیا۔ تُوں میرا مَیں تیرا سرِشٹ سبائی جنا چھند، سنسا روگ رہے نہ رائیا۔ بِن رسنا جِہوا بتّی دند دے انند، انتر آتم اپنا رس چکھائیا۔ کروٹ لےَ بدل کے کنڈ، سنمُکھ ہو کے سَت سروُپ کر شنوائیا۔ مِہربان محبوُب مُحبّت وِچ پا ٹھنڈ، کلجُگ وِچ اگنی تت نہ کوئے تپائیا۔ سَت دھرم کہے اِکو تیرے نام دی ہووے سُگندھ، چار کُنٹ دہ دِشا اِک مہکائیا۔ نِج آتم دے اپنا انند، انند اِکو اِک وکھائیا۔ نِرمل جوت چمکے چند، کلجُگ اندھ اندھیر دینا مِٹائیا۔ تیرا کھیل ویکھاں وِچ وربھنڈ، برہمنڈ وجےّ ودھائیا۔ سچ دوار ایکنکار اپنا لنگھ، نؤ دوار خاکی ماٹی ڈیرہ ڈھاہیِا۔ سُرت سوانی ہون نہ دیویں رنڈ، کنت سُہاگی اپنی دَیا کمائیا۔ دیِن دَیال صاحب بن بخشند، رحمت میری جھولی پائیا۔ سَتجُگ کہے سَت دوار بِھکھاری ہو کے رہیا منگ، مانگت ہو کے اپنی جھولی ڈاہیِا۔ جوتی جوت سروُپ ہرِ، آپ اپنی کِرپا کر، نِہکلنک نرائن نر، مہاراج شیر سِنگھ وِشنوُں بھگوان، سوُرے سربنگ صاحب سُلطان جگت جہان تیری اوٹ تکائیا۔
۲۹ ساوَن شہنشاہی سمت ۳ دِلّی دربار وِکھے
گُر اوتار پَیغمبر کہن اسیں سیوک اُس دے، جِس دی اُستت جُگ چؤکڑی نِرگُن سرگُن دھار پرگٹائیا۔ روُپ دھردے رہے جوتی دھار شبدی سُت دے، دُھر فرمانا دو جہاناں شبد نِشانہ اِک سمجھائیا۔ ایتھے اوتھے رہے پُچھدے، نر نِرنکار اَگے نِرگُن دھار سیِس نِوائیا۔ کِس بِدھ نوَ نؤ چار پیَنڈے مُکدے، سَتجُگ تریتا دواپر کلجُگ اپنا پندھ مُکائیا۔ پڑدے اوہلے رہن کوئے نہ لُک دے، بھیو ابھیدا اچھل اچھیدا
دے کُھلائیا۔ کایا ماٹی بھانڈے ویکھ سچ دے، سچ سنجم اِک سمجھائیا۔ مایا ممتا موہ وِکارا جیِو جہان رہے کُٹھدے، اگنی تت تت وجوُد وِچ جلائیا۔ من ہو کے لکّھ چؤراسی وِچوں تیرے نال رہے رُسدے، آتم پرماتم ناتا نہ کوئے جُڑائیا۔ اپنی کرنی اپنے وِچوں لُٹدے، من ہنکاری وِکاری اپنے نال مِلائیا۔ جھگڑے میٹے نہ کوئے تیرے وِچھوڑے دُکھ دے، دردیِاں درد نہ کوئے گوائیا۔ کِیوں جامے بدلدے رہے منُکھ دے، دیوت مانَو روُپ وٹائیا۔ جوتی جوت سروُپ ہرِ، آپ اپنی جوت دھر، اِکو دینا ساچا ور، درگاہ ساچی منگ منگائیا۔ گُر اوتار پَیغمبر کہن اسیں نوُر اوس الاہ دے، جو االلہ عالمیِن اکھوائیا۔ اسیں ونجارے آد جُگاد صِفت صلاح دے، ڈھولے مہما راگاں ناداں وِچ گائیا۔ ونجارے بنے رہے نِرگُن دھار جگت ملاح دے، جو نئیا نؤکا اپنا نام چلائیا۔ خادم سیوک ہو کے اپنے بےپرواہ دے، جو پاربرہم برہم اپنی سیوا رہیا لگائیا۔ مالک بن دے رہے دیِناں مذہباں والے راہ دے، رہبر ہو کے رستیاں ونڈ ونڈائیا۔ بِھکھاری بنے رہے دُھردراگاہی اگمّی شاہ دے، جو شہنشاہ دیونہار اِک اکھوائیا۔ راگ سُناؤندے رہے اوس دے راہ دے، جو ناؤں نِرنکارا آپ پرگٹائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در ساچے آس رکھائیا۔ گُر اوتار پَیغمبر کہن اسیں اوسے دی دھار، جو دُھر دا مالک اِک اکھوائیندا۔ جِس دا کھیل سدا جُگ چار، جُگ چؤکڑی ویس وٹائیندا۔ نِرگُن سرگُن لئے اوتار، ترےَگُن اتیِتا بھیو مِٹائیندا۔ جِس دی مہما کاغذ قلم نہ لِکھنہار، گُر اوتار پَیغمبر سیِس نِوائیندا۔ سو سوامی انترجامی آتم پرماتم ساچا یار، ناتا اِکو اِک وکھائیندا۔ جُگ چؤکڑی کردے آئے اِظہار، صِفتاں نال صِفتی صِفت صلاحِندا۔ جگت دھار کرا کے آئے اَدھار، وِوہار وِچ اپنی کار کمائیندا۔ جوتی جوت سروُپ ہرِ، آپ اپنی کِرپا کر، کلجُگ انتم لئے اوتار، نِراکار اپنا روُپ وٹائیندا۔ اپنے ہتّھ لئے اختیار، اختر بختر دُختر نظر کوئے نہ آئیندا۔ جننی جن نہ سکے وِچ سنسار، سنساری بھنڈاری در سیِس نِوائیندا۔ لیکھا لیکھ کرے اپنے سچ دربار، دُھر دربارا ایکنکارا اِکو اِک پرگٹائیندا۔ جِس دی جگت وِدیا کوئے نہ پاوے سار، مہاسارتھی اپنا کھیل کھِلائیندا۔ بھگت وچھل بن گِردھار، گہر گمبھیِر بےنظیِر اپنا رنگ رنگائیندا۔ اُتّر پوُرب پچھّم دکھّن چار کُنٹ دہ دِشا پاوے سار، انڈج جیرج اُتبُھج سیتج پھول پھولائیندا۔ گُر اوتار پَیغمبر کہن ساڈی انت کنت بھگوَنت چرن کوَل نِمسکار، نمستے وِچ رستے سب دے آپ بدلائیندا۔ ایکا حُکم دسےّ دُھر دربار، درگاہ ساچی کرنی کار اپنے ہتّھ رکھائیندا۔ جوتی جاتا پُرکھ بِدھاتا ہو اُجیار، اُجرت لیکھا سب دا
جھولی پائیندا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیر سِنگھ وِشنوُں بھگوان، سب دا لیکھا کر کے آر پار، حُکمے اندر اِک سِکدار، شاہو شاہ آپ پرگٹائیندا۔