کتب خانہGranth 20 (Shahmukhi)

۳۱ بھادروں شہنشاہی سمت ۳ ناظر سِنگھ دے گرِہ پِنڈ پکھّووال ضِلع لُدھیانہ

گُر اوتار پَیغمبرو پربھ کھیل ویکھیو اگمّ، اگمّڑی کار کمائیا۔ کِس بِدھ میٹے ترِسنا تم، تامس سانتک روُپ بدلائیا۔ بھاگ لگاوے کایا ماٹی چمّ، چمّ درِشٹی ڈیرہ ڈھاہیِا۔ چِنتا سوگ مُکا کے غم، خوشی اپنا رنگ چڑھائیا۔ نِہکرمی ہو کے کرے اپنا کمّ، کرم کانڈ دا لیکھا دئے مُکائیا۔ میل کرائے آتم برہم، پاربرہم وڈ وڈیائیا۔ چار ورن سانجھا دسّ کے دھرم، دھرم دوارا اِک پرگٹائیا۔ جِتھے پرکھ نہ ہووے کایا ماٹی چرم، آتم وجےّ ودھائیا۔ جن بھگتاں لیکھے لگّے مانَس جرم، جنم اپنی جھولی پائیا۔ سو اپنا کرے کھیل پِتا پُرکھ پرم، پاربرہم دُھردرگاہیِا۔ جوتی جوت

سروُپ ہرِ آپ اپنی کِرپا کر، دُھر دا حُکم اِک ورتائیا۔ گُر اوتار پَیغمبرو ویکھیو حُکم اٹل، اٹل پدوی اِک وکھائیا۔ سندیشہ دیواں جل تھل، مہیئل آپ دِرڑائیا۔ پڑدے لاہواں جنگل جوُہ اُجاڑ پہاڑ ٹِلے پربت جھلّ، جھلک اپنی اِک وکھائیا۔ کلجُگ کوُڑی کِریا میٹاں کل، کالکھ ٹِکاّ دُرمت مَیل دھوائیا۔ دُئی دوَیت کا میٹ کے سلّ، سلل اپنا رنگ چڑھائیا۔ جودھا سوُربیِر دھار کے بل، بل باوَن لیکھا دئے مُکائیا۔ جوتی جوت سروُپ ہرِ آپ اپنی کِرپا کر، ساچا حُکم اِک ورتائیا۔ گُر اوتار پَیغمبرو ویکھیو دُھر دی اِک عدالت، عدلی عدل اِنصاف کمائیا۔ کلجُگ کوُڑی کِریا کڈھے علامت، کوُڑ عملاں توں رہت کرے لوکائیا۔ ساچی دسےّ اِک عبادت، نام ڈنکا دُھر شنوائیا۔ جن بھگتاں دے کے شبد ضمانت، جگت جہانوں لئے چُھڈائیا۔ دھرم دوار دی بنا اَمانت، گھر ساچے لئے ٹِکائیا۔ کرے کھیل ان پچھانت، جگ نیتر نظر کِسے نہ آئیا۔ جِس نوُں آد جُگاد جُگ چؤکڑی تُسی کہِندے رہے صحیح سلامت، سو صاحب سوامی اپنی کل ورتائیا۔ من واسنا رہن نہ دیوے بغاوت، بغلگیِر سب نوُں دئے بنائیا۔ سَت دھرم دی سچ بنا بناوٹ، باوَن اکھّری بھیو چُکائیا۔ تُہاڈی پوُری کر تھکاوٹ، اپنے وِچ سمائیا۔ ساچا ڈھولا گیِت دسےّ آپ گاوت، گا گا دئے سمجھائیا۔ مِہربان ہو کے کرے سخاوت، سُخن اپنا سب دی جھولی پائیا۔ جوتی جوت سروُپ ہرِ آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیر سِنگھ وِشنوُں بھگوان، جن بھگتاں سچ دوارے دیوے مِہر مُحبّت دی اِک دعوت، دعوے نال اپنا نام چکھائیا۔

۳۱ بھادروں شہنشاہی سمت ۳ پِنڈ مُنڈیاں

گُر اوتار پَیغمبرو اگلا کھیل ویکھنا بھگوَنت، سِری بھگوان آپ کرائیا۔ جِس دا لہنا آد انت، جُگا جُگنت حُکم ورتائیا۔ سو سنت سُہیلے آپ اُٹھاوے دُھر دا کنت، پاربرہم برہم میلا لئے مِلائیا۔ دیوے وڈیائی وِچ جیِو جنت، جاگرت جوت بِن ورن گوت کرے رُشنائیا۔ گڑھ توڑ کے ہؤمے ہنگت، ہنگ برہم پڑدا دئے اُٹھائیا۔ کھتری براہمن شوُدر وَیش چار ورن بنا کے دھرم دی سنگت، دیِناں مذہباں ڈیرہ ڈھائیا۔ نِرگُن دھار بودھ اگادھا بن کے پنڈت، ساچی سِکھیا اِک سمجھائیا۔ کلجُگ کوُڑی کِریا کر کے انت، سَتجُگ ساچا راہ وکھائیا۔ دھرم دوار بنا بنت، جوتی جوت سروُپ ہرِ آپ اپنی کِرپا کر، ساچا کھیل آپ ورتائیا۔ گُر اوتار پَیغمبرو ویکھو کھیل ہرِ کرتار، ہرِ کرتا آپ

ورتائیا۔ جِس دی مہما کردے آئے جُگ چار، سَتجُگ تریتا دواپر کلجُگ صِفتاں وِچ صلاحیِا۔ شبد سندیشے لِکھدے آئے وارو وار، شاستر سِمرت وید پُران انجیل قُرآن ڈھولے گیِت سُنائیا۔ نِرگُن سرگُن بن دے آئے خِدمتگار، سیوک ہو کے دُھر دی سیو کمائیا۔ نام سندیشے دیندے آئے وارو وار، جگت اکھّراں وِچ وڈیائیا۔ سو سوامی انترجامی نِرگُن جوت کرے اُجیار، جوتی جاتا پُرکھ بِدھاتا وڈ وڈیائیا۔ سرِشٹی درِشٹی اندر ساچی سِکھیا دئے سِکھال، مِہربان محبوُب مُحبّت وِچ پڑدا آپ اُٹھائیا۔ تُوں میرا مَیں تیرا آتم پرماتم ناتا جوڑ کے کایا دھرم سچّی دھرم سال، بند کِواڑی پڑدا اوہلا دئے چُکائیا۔ ترےَگُن اتیِتا ٹھانڈا سیِتا توڑنہارا کوُڑ جنجال، جاگرت جوت کرے رُشنائیا۔ سَتجُگ ساچا مارگ دسّ سُکھال، ساہ ساہ اپنا نام سمائیا۔ جِس دی اکھّراں وِچ کردے رہے بھال، صِفتاں وِچ ڈھولے گیِت سُنائیا۔ سو صاحب سُلطان نؤجوان کھیل کرے کمال، کال مہاکال حُکمے اندر سرب بھوائیا۔ جن بھگت سُہیلے ویکھ کے اپنے لال، لکّھ چؤراسی وِچوں اپنے رنگ رنگائیا۔ جوتی جوت سروُپ ہرِ آپ اپنی کِرپا کر، دیونہارا ساچا ور، سچ دوارا ایکنکارا اِکو گھر وکھائیا۔ گُر اوتار پَیغمبر سُننا حُکم ایکنکار، اِک اِکلّا آپ دِرڑائیا۔ نؤ کھنڈ پرِتھمی کرے دھرم جَیکار، کوُڑ ملیچھی بُدھ مُکائیا۔ سچ نِشانہ دو جہاناں دیوے چاڑھ، چار کُنٹ ڈنکا نام وجائیا۔ جن بھگت سُہیلے گُروُ گُر چیلے کرے پرکاش بہتر ناڑ، ناڑی ناڑی دِیپک جوت کرے رُشنائیا۔ بھاگ لگائے مندر اندر کایا ڈوُنگھی غار، گہر گمبھیِر بےنظیِر اپنا ویس وٹائیا۔ نؤ کھنڈ پرِتھمی ستّ دیِپ سانجھا دسّ کے اِک پیار، اوُچ نیِچ راؤ رنک لیکھا دئے مُکائیا۔ آتم پرماتم پرماتم آتم سانجھا ہوئے جَیکار، سوہنگ ڈھولا شبد وِچولا مؤلا اپنا حُکم سُنائیا۔ جوتی جوت سروُپ ہرِ آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیر سِنگھ وِشنوُں بھگوان، سَتجُگ سَت سَتوادی سَت دھرم دا لہنا دینا دیوے وِچ سنسار، سنساری بھنڈاری سنگھاری نِیوں نِیوں سیِس نِوائیا۔

۳۱ بھادروں شہنشاہی سمت ۳ گُردیو سِنگھ دے گرِہ پِنڈ گھڑوُآں

گُر اوتار پَیغمبر ایکا ایک کرو جَیکار، جےَ جَیکار وِچ سمائیا۔ سچکھنڈ دوار ایکنکار کرو نِمسکار، سیِس جگدیِس آپ جھُکائیا۔ سچ دوارے بن کے خِدمتگار، سیوادار دُھر دی سیو کمائیا۔ دُھر دا شبد وڈ بلکار، گوبِند جودھا روُپ بدلائیا۔ حُکم دیوے اگمّ اپار، پروردِگار

دُھردرگاہیِا۔ جِس نوُں میٹے نہ کوئی وِچ سنسار، برہمنڈ کھنڈ اپنا ڈنک دئے وجائیا۔ دھرنی دھرت دھوَل دھؤل دئے اَدھار، مِہربان مِہر نظر اُٹھائیا۔ جُگ چؤکڑی لہنا دینا پوُرب قرضہ دئے اُتار، خالی جھولی سرب بھرائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ سندیشہ اِک اُپجائیا۔ گُر اوتار پَیغمبرو گاؤ اگمّی گیِت، ہرِ کرتا آپ دِرڑائیا۔ سچ دوارے وسو سدا اتیِت، ترےَ بھَون دھنی رہیا سمجھائیا۔ جھگڑا چھڈو مندر مسیِت، مست خُماری نام رکھائیا۔ پِچھلا لیکھا پِچھے گیا بیِت، اَگے وجےّ سچ ودھائیا۔ کرے کھیل صاحب انڈیِٹھ، انڈِٹھڑی کار کمائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دوار ایکنکار اِک اِکلّا اپنا حُکم ورتائیا۔ گُر اوتار پَیغمبر نام گاؤ آد نِرنجن، آدی انادی برہم برہمادی دئے سمجھائیا۔ کھیلے کھیل دیِنا ناتھ درد دُکھ بھےَ بھنجن، بھوَ ساگر ویکھے جگت لوکائیا۔ غریِب نِمانیاں کوجھیاں کملیاں سچ دوارے دیوے آدر، آدرش اپنا اِک وکھائیا۔ کرنی دا کرتا قُدرت دا قادر، مُحبّت دا محبوُب فلک خلق کرے رُشنائیا۔ جِس دا حُکم حُکماں وِچوں ہونا صادر، صِدق صبوُری اِک دِرڑائیا۔ شبدی گوبِند پرگٹ کر کے جودھا سوُربیِر بہادر، نام کھنڈا تیج پرچنڈا وِچ برہمنڈاں وربھنڈاں آپ چمکائیا ۔ دیِن دُنی دا نِرمل کرم کرے اُجاگر، دُرمت مَیل جو اٹھسٹھ رہی پھَیل تیِرتھ تٹاں کایا ہٹّاں کرے صفائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ساچا مارگ اِک پرگٹائیا۔ گُر اوتار پَیغمبر گاوو نام پربھ بھگوَنت، ہرِ کرتا آپ دِرڑائیا۔ جِس دا آد جُگاد ایکا منت، منتوَ سب دے حل کرائیا۔ لیکھا جانے لکّھ چؤراسی جیِو جنت، جاگرت جوت کر رُشنائیا۔ جُگ چؤکڑی بھگت اُدھارے اپنے سنت، صوُفی سفراں وِچوں باہر کڈھائیا۔میہما دسّ کے بودھ اگادھ اِک اگنت، پڑدا اوہلا اندروں دئے چُکائیا۔ آتم پرماتم پرماتم آتم میل مِلا کے نار کنت، سیج سُہنجنی آد نِرنجنی اِکو اِک سُہائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچکھنڈ نِواسی پُرکھ ابناشی گھٹ نِواسی سچ دوار ایکو ایک وڈیائیا۔ گُر اوتار پَیغمبر نام گاؤ سِری بھگوان، بھگوَن رہیا دِرڑائیا۔ جِس دا جھُلدا آد جُگاد نِشان، جُگ چؤکڑی رہیا وکھائیا۔ گُر اوتارو منّنی پئے سب نوُں آن، آناً فاناً سب دے لیکھے دئے مُکائیا۔ شبدی حُکم دیوے سَتگُر اگمّ فرمان، فُرنے سب دے بند کرائیا۔ ساچا دسّ کے دھرم اِیمان، اِشٹ دیو اِکو اِک دِرڑائیا۔ دُھر دا حُکم دیوے حُکمران، نہ کوئی میٹے میٹ مِٹائیا۔ کلجُگ انت سِری بھگوَنت دُھر دا کنت نِرگُن دھار جوت نِرنکار پرگٹ ہو وِچ جہان،

پوُرب لہنا لیکھا سب دا پوُرا کرے آن، جیِو جنت جگت جُگت بچیا رہن کوئے نہ پائیا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، مہاراج شیر سِنگھ وِشنوُں بھگوان، کرے کھیل سرِشٹی درِشٹی اندر آپ مہان، مہما اکتھ پُرکھ سمرتھ بودھ اگادھ اگمّ اتھاہ بےپرواہ اپنی اِک جنائیا۔

پہلی اَسوُ شہنشاہی سمت ۳ سُرجیِت سِنگھ دے گرِہ پِنڈ گھڑوُآں

اَسوُ کہے مَیں آد جُگاد آساوند، خواہش اپنے وِچ رکھائیا۔ شبدی حُکم ہو پابند، بندگی وِچ اپنا سیِس جھُکائیا۔ جُک چؤکڑی گئے لنگھ، کال بِتائے اگمّ اتھاہیا۔ سدا سدا سد منگدا رہیا منگ، نِو نِو سیِس جھُکائیا۔ کِرپا کر سوُرے سربنگ، شاہ پاتشاہ سچّے شہنشاہیِا۔ تیرا کھیل اگمّا ویکھاں وِچ وربھنڈ، برہمنڈ وجےّ ودھائیا۔ نِرگُن سرگُن سرگُن نِرگُن بنیا رہے سنگ، ناتا دُھر دا اِک جُڑائیا۔ جوتی جوت سروُپ ہرِ، آپ اپنی کِرپا کر، میری آسا پوُر کرائیا۔ اَسوُ کہے مَیں آساوَنت، اصل وصل ویکھاں یار خُدائیا۔ میلا ہووے دُھر بھگوَنت، جِس بھگوَن نوُں بھگوت رہی گائیا۔ نیتر لوچن راہ تکاؤندے سنت، سجّن کھوجن تھاؤں تھائنیا۔ سو اپنا کھیل کرے اگنت، مہما اکتھ کتھ دِرڑائیا۔ دھرم دوار دا دے کے ایکا منت، منتر فُرنے اپنے وِچ سمائیا۔ بودھ اگادھا بن کے پنڈت، دھرم دھار دُھر دی کرے پڑھائیا۔ سچ پریِتی بخشے جیِو جنت، جاگرت جوت کر رُشنائیا۔ کلجُگ کوُڑی کِریا کرے انت، انتشکرن سب دی کرے صفائیا۔ جوتی جوت سروُپ ہرِ، آپ اپنی کِرپا کر، دُھر فرمانا اِک دِرڑائیا۔ اَسوُ کہے مَیں ویکھاں عجب نظارہ، دیِن دُنی توں باہر تکائیا۔ کرے کھیل اگمّ اپارا، الکھ اگوچر اپنی کار کمائیا۔ پڑدا لاہ کے سچکھنڈ سچےّ دربارا، درگاہ ساچی حُکم ورتائیا۔ بِنا سیِس جگدیِس جھُکدے گُر اوتارا، پَیغمبر سجدیاں وِچ سر چرن کوَل ٹِکائیا۔ تُوں میرا مَیں تیرا لاون اِکو نعرہ، حق حقیِقت وِچ سمائیا۔ ٹھانڈے در کرن پُکارا، اُچی کوُک کوُک سُنائیا۔ تیرا کھیل پروردِگارا، جُگ چؤکڑی سمجھ کوئے نہ آئیا۔ جُگ چؤکڑی بیِتے وِچ سنسارا، صاحب سُلطان سِری بھگوان تیری تکّی اِک سرنائیا۔ صدی چؤدھویں چار کُنٹ دہ دِشا ہویا دھوُاں دھارا، اگنی اگّ نہ کوئے بُجھائیا۔ نیتر روون جگت جیِو بُدھی وان گوارا، گہر گمبھیِر بےنظیِر اپنا پڑدا دے اُٹھائیا۔ بِن تیری

کِرپا دھرم دوار ملِے نہ کِسے اَدھارا، اُدر ہوئے نہ کوئے سہائیا۔ کاغذ قلم لِکھ لِکھ شاہی تھکی تیرا وِستھارا، وِشیاں وِچ دِرڑائیا۔ تیرا جلوہ نوُری کرے نہ کوئے اُجیارا، عظیِم عالیشان حق مقام در دوار نہ کوئے وکھائیا۔ مِہربان محبوُب مُحبّت وِچ ہو مِہربان، نِگاہ نِگاہ وِچوں بدلائیا۔ سنت سُہیلے کر پروان، سَت سَتوادی اپنا رنگ رنگائیا۔ تیرا دھرم جھُلے نِشان، کوُڑ کُکرم دے مِٹائیا۔ آتم پرماتم بن کاہن، نام بنسری اِک سُنائیا۔ میری آسا منسا راہ تیرا تکّے والی دو جہان، نِرگُن سرگُن اپنا کھیل دینا وکھائیا۔ اَسوُ کہے تیرا لیکھا جُگ چؤکڑی پِچھوں مَیں سُناؤنا جیِو جہان، شبد سندیشے وِچ پرگٹائیا۔ بھوِکھتاں والا لِکھتاں والا اِشٹاں والا درِشٹاں والا سرِشٹی اُتے سرِیشٹ وقت پہنچیا آن، وار تِھت بِن گھڑی پل سمجھائیا۔ جوتی جوت سروُپ ہرِ، آپ اپنی کِرپا کر، اِک وکھاؤنا دُھر دا گھر، گرِہ مندر اندر سَت سوامی انترجامی تیرا نام نِدھان نؤجوان مرد مردان ایکا ڈنکا راؤ رنکا جیِو جنت سادھ سنت دیِن دُنی جگت سُنائیا۔

پہلی اَسوُ شہنشاہی سمت ۳ ہرِ بھگت دوار جیٹھوُوال

ری گُرمُکھ سخِیو پربھ آیا ویکھو جگ، جاگرت جوت کرے رُشنائیا۔ سئیؤ پیَنڈا مُکاؤ بھجّ بھجّ، بھجن بندگی دا لیکھا رہیا چُکائیا۔ سچ دوارے بہو سج، سجّن ملِے دُھردرگاہیِا۔ گھر محبوُب کرائے حج، حُجرہ اِکو اِک سُہائیا۔ نام نِدھان وجا کے ند، نغمہ دُھر دا دئے پرگٹائیا۔ کوُڑی کِریا اندروں کڈھ، ممتا موہ دئے مُکائیا۔ دُھر سندیشہ سُنا کے چھد، آتم پرماتم جوڑ جُڑائیا۔ جگت وِکارا کر کے بدھّ، بندگی اِکو اِک رکھائیا۔ دیِن دُنی نالوں کر الگّ، دھام سُہنجنا آد نِرنجنا کرے اِک رُشنائیا۔ جِس دا ڈنکا راؤ رنکاں اندر جانا وجّ، وجہ سمجھ کِسے نہ پائیا۔ جوتی جوت سروُپ ہرِ، آپ اپنی کِرپا کر، دُھر فرمانا اِک سُنائیا۔ ری گُرمُکھ سخی اُٹھ ویکھ اگمّی کاہن، ہرِ کرتا دُھردرگاہیِا۔ جِس دا جھُلے دھرم نِشان، دو جہاناں آپ پرگٹائیا۔ بِنا اکھّراں توں دے کے گیان، اگیان اندھیرا دئے چُکائیا۔ منزل اگمّ دیوے مہان، مہما اکتھ کتھ سمجھائیا۔ سچ سندیشہ دیوے ایکا آن، ایکنکار وڈّی وڈیائیا۔ جِس دی گُر اوتار پَیغمبر کردے گئے کلیان، صِفتاں وِچ صلاحیِا۔ سو پرگٹ ہو کے وِچ جہان، جہالت رہیا گوائیا۔ نام اگمّا دے کے دان، داتا ہو کے دَیا کمائیا۔ اُٹھ سندیشہ سُن اِک فرمان، سُتّی لےَ انگڑائیا۔ مالک

ویکھ نؤجوان، مرد مردانہ پھیری پائیا۔ ایتھے اوتھے ہانی ہان، بِردھ بال نہ روُپ وکھائیا۔ سچکھنڈ دوار تَینوُں کرے پردھان، گھر ٹھانڈے دئے ٹِکائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، دُھر سندیشہ اِک سُنائیا۔ ری گُرمُکھ سخی ویکھ پربھوُ پربھ ٹھاکر، ہرِ کرتا وڈ وڈیائیا۔ جو بنیا جودھا سوُربیِر بہادر، بلدھاری نوُر خُدائیا۔ جِس نوُں کہِندے کریِم قادر، قُدرت دا مالک اِک اکھوائیا۔ سو بیڑا پار کرے سمُند ساگر، شؤہ دریا نہ کوئے رُڑھائیا۔ بھگت سہیلے بنا کے عاجز، عزیِز اپنی گود اُٹھائیا۔ منوُآ کرے کوئی نہ سازش، شرع دا لیکھا رہیا تُڑائیا۔ جوتی جوت سروُپ ہرِ، آپ اپنی کِرپا کر، ساچے رنگ دئے رنگائیا۔ ری سخی اُٹھ ویکھ سوامی دُھر دا، دُھر لیکھا دئے سمجھائیا۔ جِس دا ساتھی واسی انند پُر دا، پُریِاں دا پڑدا رہیا چُکائیا۔ جِس دا روُپ سچّے سَتگُر دا، نوُر نِرگُن جوت رُشنائیا۔ اپنی کرنی کرنوں کدے نہ مُڑدا، جُگ چؤکڑی حُکم سُنائیا۔ جِس دا سَتجُگ تریتا دواپر کلجُگ منتر آیا پُھردا، حُکم سندیشے دُھر سُنائیا۔ اوہ کھیل کرے اپنی لوڑ دا، حُکمے اندر حُکم بدلائیا۔ کملیئے کوجھیئے جُگ جنم دے وِچھڑیاں نوُں جوڑدا، جوڑی اپنے نال بنائیا۔ ساتھ دیوے اگلا توڑ دا، ٹُٹی گنڈھ وکھائیا۔ جِس دا کھیل جُگ جُگ ہور دا، نَواں نِکور روُپ بدلائیا۔ جوتی جوت سروُپ ہرِ، آپ اپنی کِرپا کر، اپنی کل آپ وکھائیا۔ ری سخی گُرمُکھ اُٹھ ویکھ ساجن میِت، مِتر پیارا نظری آئیا۔ سُگھڑ سُچجیّ بن کے گا گیِت، اپنی خوشی پرگٹائیا۔ تیرا جھگڑا چُھڈا دئے مندر مسیِت، کایا کعبہ اِک وڈیائیا۔ تیری ذات رہے نہ نیِچ، اوُچو اوُچ آپ وکھائیا۔ دُھر دی بخش چرن پریِت، پریِتم ہو کے ملِے چائیں چائنیا۔ پِچھلا لیکھا سب دا گیا بیِت، اَگے باطن کرے آپ رُشنائیا۔ جِس دی گُر اوتار پَیغمبر کر کے گئے اُڈیِک، سو مالک خالق پرِتپالک ویس وٹائیا۔ جِس نے بدل دینی سرب تواریخ، ریکھا اپنی اِک وکھائیا، سو انت کنت بھگوَنت سب دی کرن آیا تصدیِق، نِرگُن ہو کے پندھ مُکائیا۔ کملیئے بِرہوں وِچھوڑے وِچ مار لےَ چیِک، چکڑ گارے وِچوں باہر کڈھائیا۔ جوتی جوت سروُپ ہرِ، آپ اپنی کِرپا کر، ایکو گھر دئے وکھائیا۔ ری سخی گُرمُکھ اپنا لاہ پڑدا، پروردِگار آپ جنائیا۔ کھیل ویکھ اپنے گھر دا، گھر گھر وِچ وجےّ ودھائیا۔ راہ دسےّ تیرے در دا، در دروازہ آپ کُھلائیا۔ جِتھے دِیپک جوت جگدا، نوُرو نوُر نوُر رُشنائیا۔ اوتھے بھامبڑ نہیں کوئی اگّ دا، اگنی تیج پرچنڈ نہ کوئے چمکائیا ۔ وسیرا رہے کدے نہ اڈّ دا، دوُجا مندر نہ کوئے سُہائیا۔ دُھر دا مالک ہرِ بھگت سوانی کدے نہ چھڈدا، ناتا جگت نہ کوئے تُڑائیا۔ انگیکار ہو کے جِس

دے نال لگدا، آتم پرماتم وِچ سمائیا۔ پوُرب لہنا دینا دیوے حقیِقت حق دا، حُکم سُنائے دُھردرگاہیِا۔ بِن اکّھاں توں سدا رہے تکدا، جُگ چؤکڑی کھوج کھوجائیا۔ گوارنے کدی بُھلیں نہ ایس ویس کیِتا جٹّ دا، جٹا جوُٹ سارے دِتے بُھلائیا۔ ایہہ مالک اگمّے ہٹّ دا، جِتھے گُر اوتار پَیغمبر جھولیاں ڈاہیِا۔ لےَ بھنڈارا دُھر دے سَت دا، سَت سَتوادی آپ ورتائیا۔ ناتا توڑ دے کوُڑی رتّ دا، رتن امولک آپ بنائیا۔ مارگ اِکو اِک دسّدا، دردی ہو کے درد ونڈائیا۔ آد جُگاد بُھکھا سچ پریم جس دا، وید پُران دین دُہائیا۔ جو اِشارہ سمجھے اوس دی اکّھ دا، آخر اپنے گھر ٹِکائیا۔ جِتھے اکھّراں والا نام کوئی نہیں رٹدا، دُھر دی دھار دھار پرگٹائیا۔ دسےّ کھیل پُرکھ سمرتھ دا، سمرتھ سوامی اپنی کار ورتائیا۔ جن بھگتاں کولوں کدے نہ نسّدا، کروٹ لےَ نہ مُکھ بدلائیا۔ سد ناتا جوڑے یک دا، پرم پُرکھ دُھردرگاہیِا۔ جوتی جوت سروُپ ہرِ، آپ اپنی کِرپا کر، سد دیوے مان وڈیائیا ،۔ ری سخی گُرمُکھ ویکھ مہیِنہ آیا اَسوُ، اصل وصل یار کرائیا۔ اَگے ایہدے بِنا مارگ کوئی نہ دسّوُ، دردیِاں درد نہ کوئے ونڈائیا۔ کلجُگ کھیل ویکھ لےَ نٹوُ، نٹوُآ سانگ ورتائیا۔ بِنا پُرکھ اکال دُرمت مَیل کوئے نہ کٹوُ، کٹّے وچھّے کھان والے سارے لیَن سزائیا۔ کوُڑی کِریا نِرگُن دھار ایکنکار جگت جہان جڑ پٹوُّ، پٹنے والا نال مِل کے اپنا رنگ وکھائیا۔ گُرمُکھ گود اُٹھائے آپ بنا کے بچّوُ، بچپن اپنے نال رکھائیا۔ اپنی کرنی کرنوں کدے نہ ہٹوُ، ہرِ کرتا وڈ وڈیائیا۔ گُرمُکھو پِچھا دے کدے نہ نَٹھوُ، سدا سر سِر اپنا ہتّھ ٹِکائیا۔ جوتی جوت سروُپ ہرِ، آپ اپنی کِرپا کر، پڑدا اوہلا دئے چُکائیا۔ ری سخی گُرمُکھ ویکھ آیا اَسوُ مہانہ، مہما اکتھ کتھ وڈیائیا۔ جن بھگتاں کایا چولی چاڑھے رنگ بھیِنا، بِھنڑی رَین نال مِلائیا۔ گُرمُکھاں ٹھانڈا کرے سیِنہ، انتر انتشکرن دئے بدلائیا۔ جِنہاں نے شبد اگمّی اِکو چینا، چِنتا غماں توں باہر رکھائیا۔ سچ دوارے کر ادھیِنا، ادنے اعلے رہیا ترائیا۔ جِس دا راہ تکّدے آئے قدیِما، قُدرت دا مالک پھیرا پائیا۔ جِس نوُں کہِندے یا مُبیِنا، نعرہ حق حق سُنائیا۔ اُس دے اُتے رکھو یقیِنا، یکے بعد دیِگرے سب دی کرے صفائیا۔ جِس دا جھگڑا نہیں نر مدیِنا، آتم پرماتم دُھر دا جوڑ جُڑائیا۔ بخشش وِچ ہووے نہ کدے کمیِنہ، رحمت وِچ رحیِم دئے مِلائیا۔ عرش دا مالک کھیل کرے فرش اُتے زمینا، ضامنی اپنی نال رکھائیا۔ جن بھگت بنا کے دُھر نگینہ، نغمیاں دا کھہڑا دئے مُکائیا۔ جگت سماج دی کرن آیا ترمیِما، دُھر دی دھار آپ پرگٹائیا۔ جگت جہان دِسے غمگیِنا، خوشیاں رنگ نہ کوئے رنگائیا۔ جوتی جوت سروُپ ہرِ، آپ اپنی کِرپا کر، اپنی کار آپ کمائیا۔ ری سخی

گُرمُکھ اُٹھ نیتر کھول اکّھ، اکھّراں توں پرے دیاں دِرڑائیا۔ دُھر دا مالک محبوُب پرتکھ، پتِ برتا ہو کے سیو کمائیا۔ چرن چرنودک اِک امرت رس چکھ، بِن رسنا جِہوا سواد دئے سمجھائیا۔ خوشیاں اندر خوشخبری سُن کے ہسّ، ہسّتی ویکھ دُھردرگاہیِا۔ جِس دے قدماں اُتے اِک وار جائیے ڈھٹّھ، مُڑ کے ڈھہن دی لوڑ رہے نہ رائیا۔ سارے پار کرا دئے تیِرتھ تٹ، نئیا نؤکا نام چڑھائیا۔ مِہربان ہو کے کِرپا کرے جھٹ، جھٹکے حلالی والا نظر کوئے نہ آئیا۔ اوس کولوں لاہا لئیے کھٹّ، جو کھٹکے رہیا گوائیا۔ جِدھر ویکھو وسے گھٹ گھٹ، گرِہ گرِہ نِرگُن نوُر جوت کرے رُشنائیا۔ جِس مارگ دھرم لگاؤنا سچ، سچ سُچ اِک سمجھائیا۔ جوتی جوت سروُپ ہرِ، آپ اپنی کِرپا کر، سد بخشنہار سرنائیا۔ ری سخی گُرمُکھ دُھر دی دھار سہیلی، انک سُہیلڑیئے دیاں جنائیا۔ ویکھ صاحب سوامی البیلڑا بیلی، بالک بِردھاں رہیا ترائیا۔ جِس دی گُر اوتار پَیغمبر بن گئے چیلی، چِلّے تیِر کماناں کندھیاں اُتے دِتے ٹِکائیا۔ اُس نے دھار اگمّی اچرج لوکمات کر کھیلی، خالق خلق اپنا حُکم ورتائیا۔ جن بھگتاں رہیا میلی، چِری وِچھُنّے جوڑ جُڑائیا۔ جوتی جوت سروُپ ہرِ، آپ اپنی کِرپا کر، گھر اِکو دئے وڈیائیا۔ ری سخی گُرمُکھ نہ بن کوجھی کملی، کملاپت دئے سرنائیا۔ جِس کارن تیری دھار جمّ لئی، جمّن مرن وِچوں باہر کڈھائیا۔ جے جیِنا تے اوسے دے دم لئی، دوُجی آس نہ کوئے تکائیا۔ جے مِلنا پریم دے کمّ لئی، دوُجی ونڈ نہ کوئے ونڈائیا۔ جوتی جوت سروُپ ہرِ، آپ اپنی کِرپا کر، اپنا پڑدا رہیا چُکائیا۔ ری سخی گُرمُکھ تُوں ویکھ اگمّی مالک، داتا دُھردرگاہیِا۔ جِس نے لاہُنا نِندرا آلس، جھگڑا دینا مُکائیا۔ آتم پرماتم مارگ دسّ کے خالص، دُھر دا رنگ رنگائیا۔ ممتا موہ رہے نہ لالس، لال گُلالا رنگ رنگائیا۔ کوُڑی کِریا مستک صاف کرے کالکھ، کلغی والا دئے وڈیائیا۔ پُرکھ اکال بن پرِتپالک، پالن ہار گود اُٹھائیا۔ جوتی جوت سروُپ ہرِ، آپ اپنی کِرپا کر، گھر اِکو اِک سُہائیا۔ ری سخی گُرمُکھ اَسوُ ویکھ اسوَ اسوَار، شاہ شہانہ نظری آئیا۔ جو جُگ جُگ بھگتاں پَیج رہیا سوُار، مِہر نظر اِک اُٹھائیا۔ سو نِرگُن جوت کرے اُجیار، اُجرت موُل نہ لاوے رائیا۔ جو پریم نال اِک وار کر جائے نمسکار، نِیوں نِیوں سیِس نِوائیا۔ اُس دا بیڑا کر دئے پار، پاربرہم برہم اپنے وِچ مِلائیا۔ در آیاں کدے در نہ دیوے دُرکار، دُرمت مَیل دئے دھوائیا۔ اُٹھ کے ویکھ سچّی سرکار، ہرِ کرتا نوُر اِلاہیِا۔ ٹھانڈے در بن خِدمتگار، خادم ہو کے سیو کمائیا۔ چرن کوَل جا بلہار، بلہاری اپنا سَتگُروُ اِک منائیا۔ جنم لَینا پئے نہ دوُجی وار، تتّاں نال نہ کوئے کُڑمائیا۔ محل اٹل ویکھ اُچ منار،

درگاہ ساچی سوبھا پائیا۔ جِس نوُں کہِندے سچکھنڈ دوار، مقامے حق وڈیائیا۔ ایکا نوُر جوت ہووے اُجیار، دوُجا نظر کوئے نہ آئیا۔ پُرکھ اکالا دیِن دَیالا گُرمُکھ سخی تیرا سدا کرے انتظار، در گھر بَیٹھا راہ تکائیا۔ کلجُگ انت کرے پیار، پریِتم ہو کے میل مِلائیا۔ تُوں میرا مَیں تیرا دسّ کے سچ جَیکار، ناتا لیا جُڑائیا۔ ایہہ کھیل اگمّ اپار، اَگے سمجھے کوئے نہ رائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیر سِنگھ وِشنوُں بھگوان، ساچے چِنھ دسےّ آثار، اصل دا اصل اصل اپنا آپ پرگٹائیا۔

۲ اَسوُ شہنشاہی سمت ۳ ہرِ بھگت دوار جیٹھوُوال

پُرکھ اکال آد جُگادی ایکا کاہن، گھنیّا دا مالک نظری آئیا۔ جِس دا اتھاہ اگمّ استھان، بھوُمکا سمجھ کوئے نہ پائیا۔ شاہو بھوُپ بن سُلطان، شہنشاہ اپنا حُکم ورتائیا۔ نِرگُن ہو کے سرگُن دیندا رہے دان، داتا دانی دَیا کمائیا۔ حُکمے اندر شبد سندیشہ دیوے آن، انک کل دھاری اپنا پھیرا پائیا۔ ساچا مارگ پندھ کر پردھان، راہ اِکو اِک وکھائیا۔ آتم برہم دے گیان، آتم پرماتم جوڑی لئے جُڑائیا۔ دھرم جھُلائے اِک نِشان، نِشانہ اپنا نام وکھائیا۔ جِس نوُں جھُکدے زِمیں اسمان، اِسم اعظم اِک پرگٹائیا۔ لہنا دیوے جیِو جہان، جوبنونتا دُھردرگاہیِا۔ جوتی جوت سروُپ ہرِ، آپ اپنی کِرپا کر، ساچا رنگ اپنا اِک چڑھائیا۔ سو صاحب سوامی دُھر دا رام، رمتا رمتا کھیل کھِلائیا۔ سچکھنڈ نِواسی بن کے بِن تتّاں والا شام، شمع جیِو جگت جگائیا۔ سندیشیاں وِچ دے کے اِک پَیغام، نر نریش حُکم ورتائیا۔ جن بھگتاں بخش حقیِقی جام، ضامن ہو کے لئے ترائیا۔ ساچی منزل دسّ آسان، راہ اِکو اِک وکھائیا۔ جِتھے مسلہ انجیل قُرآن، کایا کعبہ پڑدا دئے چُکائیا۔ بولنا پئے نہ نال زبان، اُچی کوُک نہ کوئے دِرڑائیا۔ سچ پریِتی دے کے دان، دانشمند لئے بنائیا۔ انتر آتم پوُرا کر کے کام، کام ترِشنا دئے گوائیا۔ سچ دوار بنا غُلام گہر گمبھیِر ہوئے سہائیا۔ تُوں میرا مَیں تیرا دوہاں اِک پہچان، بےپہچان رہن کوئے نہ پائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ساچا کھیل آپ وکھائیا۔ ہرِ پُرکھ نِرنجن آد جُگادی سجّن، ساجنا جگت ویکھ وکھائیا۔ چرن دھوُڑ کرائے مجن، دُرمت مَیل دھوائیا۔ باہروں صاف کرے بدن، انتر من وِکار رہے نہ رائیا۔ جن بھگت کرے کوئی نہ یتن، مِہر نِگاہ نال اپنا رنگ چڑھائیا۔ دیس لےَ کے جائے اپنے

وطن، جِس نوُں بےوطن کہے لوکائیا۔ جو آئے سَتگُر دوارے پتن، پتت پُنیِت لئے کرائیا۔ گُر اوتار پَیغمبراں پوُرا کرن آیا بچن، بچّے نڈھے سارے ویکھ وکھائیا۔ کلجُگ کوُڑی کِریا جڑ آیا پٹّن، پاٹل حُکمے اندر حُکم منائیا۔ گُرمُکھاں تیِر نِرالے آیا پھٹّن، انیالا آپ چلائیا۔ سنت سُہیلے جگت سماج چھڈن، گھر اِکو وجےّ ودھائیا۔ دھرم دوارا دُھر دا منگن، جِس گرِہ بہہ کے سوبھا پائیا۔ انتر باہر چڑھے رنگن، رنگت اِکو اِک وکھائیا۔ جوتی جوت سروُپ ہرِ، آپ اپنی کِرپا کر، دیونہار سچّی سرنائیا۔ پُرکھ اکالا دیِن دَیالا دُھر گھر دا انترجامی، انتر نِرنتر دئے وڈیائیا۔ بودھ اگادھ دسّ کے اگمّی بانی، باوَن دی دھار پوُر کرائیا۔ جن بھگت اُپجا کے مات نِشانی، نِشانے اپنے لئے پرگٹائیا۔ سب دا ہو کے جان جانی، جانکاری اپنی دئے کرائیا۔ جِس نوُں سمجھ نہ سکے چار کھانی، خالص گُرمُکھ رنگ رنگائیا۔ ایکا دے کے پد نِربانی، نِربان پد اِک سمجھائیا۔ جِتھے جگے جوت نوُرانی، نوُر نوُرانہ نظری آئیا۔ جن بھگتاں میلا ہووے نال آسانی، اِحسان سِر نہ کوئے چڑھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، پوُرب لیکھا دئے مُکائیا۔ ایکنکار دُھر دا پریِتم پیارا، پیِا اِکو نظری آئیا۔ جِس دا دو جہان سہارا، سِر سب دے ہتّھ ٹِکائیا۔ جُگ چؤکڑی پار کردا آیا کنارہ، نئیا نؤکا اپنی اِک پرگٹائیا۔ سچ دھرم دا بولدا آیا جَیکارا، جےَ جےَ کار سُنائیا۔ کلجُگ انت سِری بھگوَنت نِرگُن لےَ آپ اوتارا، اپنا ویس وٹائیا۔ جِس نوُں جھُک جھُک گُر اوتار پَیغمبر کرن نِمسکارا، سجدیاں وِچ حدیِث ڈھولا گائیا۔ سو صاحب بھگت وچھل جن بھگتاں دئے اَدھارا، آتم پرماتم جوڑ جُڑائیا۔ جوتی جوت سروُپ ہرِ، آپ اپنی کِرپا کر، پڑدا اوہلا دئے اُٹھائیا۔ آد نِرنجن آدی پُرکھ، پُرکھوتم نظری آئیا۔ جِس دا نام سندیشہ چلے تُرت، تُریا توں پرے کرے پڑھائیا۔ نوُر اُپجا کے اکال موُرت، پڑدا اوہلا اِک رکھائیا۔ جِس دی جگت سمجھ سکیا کوئی نہ صوُرت، صوُرت وند نوُر اِلاہیِا۔ دے کے نام اگمّی تُورت، راگاں دا لیکھا دئے مُکائیا۔ کایا چولی چاڑھ کے رنگ گوُڑھت، دُرمت مَیل دھوائیا۔ چتُر سُگھڑ بنا کے موُرکھ موُڑھت، مُفت اپنا نام جھولی پائیا۔ گُرمُکھاں بخش کے چرن دھوُڑت، ٹِکے دُھر دے خاک رمائیا۔ سب دی آسا منسا پوُرت، غریِب نِمانیاں ہوئے سہائیا۔ پندھ مُکا کے نیڑا دوُرت، دوُر دُراڈا ویکھ وکھائیا۔ میل مِلائے حاضر حضوُرت، ہر ہِردے کر رُشنائیا۔ اندروں کڈھ کوُڑ کدوُرت، بنک دوار کرے صفائیا۔ جگت جہان دی بدل

جمہوُریت، حُکم اپنا اِک سُنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیر سِنگھ وِشنوُں بھگوان، کوُڑی کِریا توڑے گڑھ غروُرت، غُربت رہن کوئے نہ پائیا۔