۶ چیت شہنشاہی سمت ۴ سُکھدیو سِنگھ دے گرِہ پِنڈ کلّا ضِلع امرتسر
چؤنکی کہے میرا اگمّی طوُل عرض، اِک ستّ ستاراں جوڑ جُڑائیا۔ کلجُگ کوُڑی کِریا ممتا موہ وِکارا لگّی مرض، نوَ نؤ چار چار کُنٹ کُرلائیا۔ دھرنی دھرت دھوَل کرے عرض، درگاہ ساچی سیِس نِوائیا۔ پُرکھ اکال دیِن دَیال بھگت اُدھارنا تیرا فرض، جُگ چؤکڑی ویکھ وکھائیا۔ صدی چؤدھویں سب دی پوُری کر غرض، نِروَیر نِراکار اپنی دَیا کمائیا۔ گُر اوتار پَیغمبراں ویکھ فرد، بھیوَ ابھیدا دے کُھلائیا۔ غریِب نِمانیاں کوجھیاں کملیاں جگت جگیاَسوُآں ونڈ درد، دردیِاں درد ونڈائیا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ رکھائیا۔ چؤنکی کہے میَں دسّاں پِچھلا لیکھا، پاربرہم بھیوَ رہیا جنائیا۔ جِس ویلے سب دا ہووے لیکھا، ایکنکار دَیا کمائیا۔ گُر اوتار پَیغمبراں کُھلے بھیتا، پڑدا سرب اُٹھائیا۔ سارے منّن اِکو نیِتا، نر نِرنکار دُھردرگاہیِا۔ بھاگ لگّے ساچے دیسا، سچکھنڈ ساچے وجےّ ودھائیا۔ لوک مات ملِے سندیسہ، ناؤں نِرنکارا اِک دِرڑائیا۔ نظری آوے نر نریشا، شاہ پاتشاہ سچّا شہنشاہیِا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ رکھائیا۔ چؤنکی کہے جِس ویلے لیکھا مکُے چار جُگ، چؤکڑی اپنا پندھ مُکائیا۔ دو جہان پڑھن اِکو تُک، تُوں میرا میَں تیرا ڈھولا گائیا۔ پُرکھ اکالا دیِن دَیالا نِرگُن دھاروں پئے اُٹھ، جوتی جاتا کر رُشنائیا۔
جن بھگت سُہیلے بنائے اپنے سُت، سَت ستوادی دَیا کمائیا۔ پڑدا رہے نہ اوہلا لُک، نوُر ظہوُر کرے رُشنائیا۔ جوتی جوت سروُپ ہرِ، آپ اپنی کِرپا کر، بھیوَ ابھیدا دئے کُھلائیا۔ چؤنکی کہے میرے انتر چڑھیا چاء، چاؤ گھنیرا اِک جنائیا۔ حُکم دیوے بے پرواہ، بے پرواہی وِچ سمائیا۔ جِس نوُں کہندے جلوہ گر خُدا، نوُر نوُرانہ ڈگمگائیا۔ جو لہنا دینا ویکھے تھاؤں تھاں، تھان تھننتر کھوج کھوجائیا۔ جِس ویلے محمد نوُں نوُری دھار پہلی وار پکڑیا بانہہ، بِن کلمیوں کلمہ دِرڑائیا۔ پہلوں چرن کوَل وکھایا تھاں، تھاننتر اِک سمجھائیا۔ پِھر رچنا اگمّ رچا، اِک ستّ دی ونڈ ونڈائیا۔ چار کُنٹ کر رُشنا، اندھ اندھیر گوائیا۔ سہجے نال اُپر ٹِکا، آسن دِتا سمجھائیا۔ دھوُڑی چرن مستک لا، خاکی خاک بھیوَ کُھلائیا۔ محمد نیتر رو کے مارے آہ، ہؤکیاں وِچ سُنائیا۔ تیرا کھیل بے پرواہ، پروردِگار تیری وڈیائیا۔ چؤداں طبق دسّیا راہ، رہبر نوُر خُدائیا۔ پُرکھ اکال مستک اُنگلی دِتی لا، بِن ہتّھاں ہتّھ اُٹھائیا۔ محمد اَگے کر دھیاں، پَینڈا پندھ سمجھائیا۔ صدی چؤدھویں ہُندا ویکھ نیاں، عدل اِنصاف اِک کمائیا۔ کرے کھیل شہنشاہ، شاہ پاتشاہ وڈی وڈیائیا۔ جِنہاں نے سوُر کھادھی گاں، دوہاں دئے سزائیا۔ ساچی کرے کوئی نہ ہاں، پَیغمبر ہووے نہ کوئے سہائیا۔ محمد چُک کے قدم بوسی کر کے کِہا تُونہی واحد االلہ خُدا، خُدی نظر کوئے نہ آئیا۔ تیرا لیکھا دو جہاں، نِرگُن سرگُن سرگُن نِرگُن بےپرواہیِا۔ جوتی جوت سروُپ ہرِ، آپ اپنی کِرپا کر، ساچی کرنی کار کمائیا۔ چؤنکی کہے میَں دیواں اِک شہادت، گواہی اِک بُھگتائیا۔ جِس ویلے خُدا نے محمد نوُں دسّی عبادت، میرے اُپر بہائیا۔ من بُدھی دی دوُر کر لیاقت ، دُھر دا کلمہ اِک سمجھائیا۔ نِرگُن نوُر تیری رفاقت، سواگت بےپرواہیِا۔ پھیر ویکھ اگمّی آفت، آفتاب نہ کوئے رُشنائیا۔ صدی سدیوی کرے بغاوت، بغلگیِر نہ کوئے اکھوائیا۔ کلمہ نام ہووے عداوت، جھگڑا کوُڑ لوکائیا۔ ساچا نام کرے نہ کوئے سخاوت، رحمت حق نہ کوئے کمائیا۔ کوُڑی کِریا دِسے بناوٹ، انتر نِرنتر بھیوَ نہ کوئے کُھلائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، اِک ستّ دی دھار ستاراں اِنچ بِن ہرِ کِرپا آبِ حیات امرت میگھ دیوے کوئی نہ سِنچ، اگنی تت تتَو سکے نہ کوئے بُجھائیا۔ چؤنکی کہے محمد نے چار کُنٹ لایا چکّر، اپنیاں قدماں قدم اُٹھائیا۔ ساچا دِسیا کوئی نہ فقّر، جو فِقرہ اِک سُنائیا۔ دیِن مذہب دی لگّی ویکھ ٹکّر، ٹُکڑے جگت لوکائیا۔ سَت دھرم ہویا پھٹّڑ، صوُفی رنگ نہ کوئے رنگائیا۔ کنڈا تول نہ تولے کوئی تکّڑ، ترازو مِہر نہ کوئے اُٹھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ،
دُھر دا لیکھا لہنے وِچوں لہنا دینے وِچوں دینا دیونہار ویکھ وکھائیا۔ دُھر دا شبد کہے میری دھار سچ پَیمانہ، پَیمائش دو جہان کرائیا۔ میرا کھیل جُگ چؤکڑی دو جہاناں، برہمنڈ کھنڈ ویکھ وکھائیا۔ میَنوُں سمجھے بُدھیِوان نہ کوئے اِنسانا، عقل عاقل نہ کوئے وڈیائیا۔ میرا لیکھا زِمیں اسماناں، لوک پرلوک کھوج کھوجائیا۔ جُگ چؤکڑی بدلدا رہیا زمانہ، سَتجُگ تریتا دواپرکلجُگ اپنا پندھ مُکائیا۔ جوتی جوت سروُپ ہرِ، آپ اپنی کِرپا کر، دُھر دا حُکم اِک ورتائیا۔ پَیمانہ کہے میرا ناپ نہیں کوئی فُٹ، لما چؤڑا سمجھ کِسے نہ آئیا۔ جِس ویلے کلجُگ کوُڑی کِریا پاوے لُٹ، لُٹی جائے جگت لوکائیا۔ انتر لِو سب دی جاوے چُھٹ، ہِردے ہرِ نہ کوئے وسائیا۔ آتم پرماتم ناتا جائے تُٹ، تُٹی گنڈھ نہ کوئے وکھائیا۔ سچ نام دی پڑھے کوئی نہ تُک، سوہلا ڈھولا راگ نہ کوئے الائیا۔ امرت دھار جائے مُک، نیِر سیِر نہ کوئے پیائیا۔ خالی بھانڈے ہوون ٹُھٹھ، وست امولک مُکھ چُھپائیا۔ ساچا رہے کوئی نہ سُت، اپرادھی روُپ وکھائیا۔ جھگڑا پئے کایا ماٹی بُت، برہم دھار نہ کوئے درسائیا۔ ساچے مارگ چلدیاں دیِن دُنی جائے رُک، پاندھی پندھ نہ کوئے مُکائیا۔ جوتی جوت سروُپ ہرِ، آپ اپنی کِرپا کر، ساچا حُکم آپ ورتائیا۔ پَیمانہ کہے میَں ویکھیا پروردِگار، پاربرہم پت پرمیشور بےپرواہیِا۔ جِس نوُں جھُکدے پَیغمبر گُر اوتار، ڈنڈاوت سجدہ سیِس جھُکائیا۔ حُکمے وِچ سندیسے دین سنسار، کلمے کائنات دِرڑائیا۔ مارگ دسّ اپنی دھار، دھرنی دھرت دھوَل سُہائیا۔ شبد سندیسہ بول اِک جَیکار، جےَ جَیکار جنائیا۔ لیکھا سمجھ دُھر دربار، درگاہ ساچی بھیوَ کُھلائیا۔ جِس نے رچنا رچی کھیلے کھیل جُگ چار، چؤکڑی اپنا حُکم ورتائیا۔ اُس دی پاوے کوئی نہ سار، انت کہن کوئے نہ آئیا۔ سو سرِشٹی درِشٹی ویکھنہار، اِشٹی اِشٹ دیوَ وڈیائیا۔ سَت سروُپی دو جہان، آتم پرماتم سیج ہنڈھائیا۔ نِرگُن نوُر جوت مہان، جاگرت جوت کرے رُشنائیا۔ اِک اَکیلا نؤجوان، مرد مردان آپ اکھوائیا۔ سوُربیِر وڈ بلوان، بلدھاری کرے رُشنائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ پَیمانہ کہے میرا لیکھا شبد گُروُ دے نال، ناپ اوسے ہتّھ پھڑائیا۔ جو تِھر گھر وسے سچّی دھرمسال، سچکھنڈ پربھ دا درشن پائیا۔ جُگ چؤکڑی گھالے گھال، نِت نوِت ویس وٹائیا۔ جو سرِشٹی دا حل کرے سوال، باقی رہن کوئے نہ پائیا۔ جِس دا حُکم اِک کمال، لائن سِدھی دئے لگائیا۔ دوُجا وجےّ نہ کوئی تال، طالب عِلم گُر اوتار پَیغمبر لئے بنائیا۔ ساچی سِکھیا اِک سِکھال، نِراکھّر وِچوں اکھّر دئے پڑھائیا۔ جوتی جوت سروُپ ہرِ، آپ اپنی کِرپا کر، دُھر دا حُکم اِک ورتائیا۔ پَیمانہ
کہے میَنوُں جانے اِک جگدیِش، جگدیِشر وڈ وڈیائیا۔ جِس دے چھتر جھُلے سیِس، سچکھنڈ ساچے سوبھا پائیا۔ جو نِت نوِت بدلے ریِت، ریِتیوان اِک اکھوائیا۔ جِس دا آد جُگادی گیِت، آتم پرماتم وجےّ ودھائیا۔ سو بَیٹھا اِک اتیِت، ترےَگُن وِچ کدے نہ آئیا۔ پَیمانہ کہے جُگاں دی ونڈ واسطے میرے نال ماردا لیک، دوُجی وست ہتّھ نہ کوئے اُٹھائیا۔ جِس دی شبد گُروُ کرے تصدیِق، تتاں والا نظر کوئے نہ آئیا۔ کلجُگ ویلا رہیا بیِت، صدی چؤدویں کھوج کھوجائیا۔ جِس دی سارے کرن اُڈیِک، نیتر نیَن راہ تکائیا۔ اوہ کرے کھیل لاشریِک، دُھر کرتا شہنشاہیِا۔ جِس دا مارگ سدا باریِک، بے پرواہ ویکھ وکھائیا۔ حق حق دی رکھ تؤفیِق، حُکم اِکو اِک سُنائیا۔ پَیمانہ کہے میری آسا منسا پوُری ہوئے اُمیِد، آمد وِچ اکھّ کُھلائیا۔ جِس نے جھگڑا مِٹاؤنا ہست کیِٹ، اوُچاں نیِچاں جوڑ جُڑائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، درگاہ ساچی دھام سُہنجنا کرے کھیل آد نِرنجنا، دَیا باتی کملاپاتی دوُجا اوَر نہ کوئے وکھائیا۔ بھگت دواریوں پُٹھے پَیر، قدم قدم بدلائیا۔ سرِشٹی درِشٹی ہووے قہر، قیامت وِچ دُہائیا۔ کوئی نہ لیکھا جانے گمبھیِر گہر، پڑدا سکے نہ کوئے اُٹھائیا۔ پُرکھ اکال دی اگمّی لہر، جوت شبد دھار چلائیا۔ کلجُگ کوُڑی کِریا میٹے وَیر، وَیری شتروُ ویکھ وکھائیا۔ سَت دوارے رہے کوئی نہ غَیر، دھرم دی دھار اِک اُپجائیا۔ جوتی جوت سروُپ ہرِ، آپ اپنی کِرپا کر، دُھر دا حُکم اِک ورتائیا۔ بھگت دواریوں پُٹھا تُردا، پُرکھ اکالا نظری آئیا۔ جو کلجُگ کوُڑ کُڑیارا کرے مُردا، مُرشد ہو کے مُریِداں ویکھ وکھائیا۔ بھیوَ کُھلاوے اِکو سَتگُر دا، جو سَتگُر سچ دوارے سوبھا پائیا۔ جُگ چؤکڑی اپنی کرنی کرن توں کدے نہ مُڑدا، نہ کوئی روکے روک رُکائیا۔ نام سندیسہ دیوے سدا دُھر دا، ناد انادا ناد وجائیا۔ جھگڑا مُکاوے ٹھگ چور دا، کوُڑی کِریا ڈیرہ ڈھاہیِا۔ جن بھگتاں سجّن مِلاوے لوڑ دا، لوڑیندا جوڑ جُڑائیا۔ اگلا سنگ نِبھاوے توڑ دا، اَدھوِچکار نہ کوئے اٹکائیا۔ جِتھے پرکاش اگمّی جوت دا، نوُرو نوُر نوُر رُشنائیا۔ اوتھے پُرکھ اکال دیِن دَیال اِکو بھگتاں لوچدا، دوُجی یاد نہ کوئے رکھائیا۔ جوتی جوت سروُپ ہرِ، آپ اپنی کِرپا کر، درساوَنہارا سچ در، در دروازہ اِک کُھلائیا۔ پُٹھی پَیریں چلیا پاندھی، اپنا پندھ مُکائیا۔ صدی چؤدھویں تھکی ماندی، محمد آسا دئے دُہائیا۔ وڈیائی رہی کِسے نہ تھاں دی، دھرنی دھرت دھوَل کُرلائیا۔ عدالت رہی نہ سچ نیاں دی، کوُڑ کُڑیار وجّی ودھائیا۔ شرع رہی نہ سوُر گاں دی، سَت دھرم نہ کوئے کمائیا۔ لجّیا کرے نہ کوئے پِتا ماں دی، پوُت سپوُت نہ کوئے وکھائیا۔ کلجُگ بُدھی ہوئی کاں
دی، کاگ وانگ کُرلائیا۔ وڈیائی رہی نہ کِسے ناں دی، ہِردے ہرِ نہ کوئے وسائیا۔ ٹھنڈھک رہی نہ کِسے چھاں دی، کلجُگ اگنی اگّ تپائیا۔ لاج رہی نہ پکڑی بانہہ دی، سجّن ساتھی ساتھ گئے چُھڈائیا۔ جوڑی جُڑی نہ آتما پرماتما والے سچ ویاہ دی، دُھر دا کنت نہ کوئے ہنڈائیا۔ صفا ویکھو کوُڑ گراں دی، چار کُنٹ رہے کُرلائیا۔ بُدھ بِبیک رہی نہ کِسے دانا دی، دانشمند نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، پُٹھی مت سرب کرائیا۔ پُٹھی کرے جگت مت، ہرِ وڈّا وڈّ وڈیائیا۔ انتر ملِے نہ کوئی برہم مت، برہم وِدیا نہ کوئے سمجھائیا۔ ناڑ بہتّر اُبلے رتّ، اگنی تت تپائیا۔ دھیِرج رہے کوئی نہ جتِ، سَت سروُپ نہ کوئے سمائیا۔ کلجُگ کوُڑ بدل جائے اکھّ، نیترہیِن لوکائیا۔ ملِے میل نہ پُرکھ سمرتھ، صاحِب سوامی درس کوئے نہ پائیا۔ سچ پریِتی کرے نہ کوئی ہٹّھ، کوُڑ کلپنا راگ الائیا۔ سچ سروور نُہائے کوئی نہ تٹ، گنگا گوداوری جمنا سُرستی سمجھ کوئے نہ آئیا۔ وست امولک ملِے نہ کِسے ہٹّ، ہٹوانے مُکھ بھوائیا۔ ساچا راگ سُنائے کوئی نہ بھٹّ، تال تلواڑا نہ کوئے وجائیا۔ گُر چیلا اِک دوُجے دا ساتھ جان چھڈ، سنگی سنگ نہ کوئے نِبھائیا۔ بِن ہرِ نامے سب دے خالی ہوون ہڈّ، چمّ درِشٹی نہ کوئے بدلائیا۔ ستیا رہے نہ ہوم یگ، ہوَن وِچ نہ کوئے وڈیائیا۔ پوُجا پاٹھ جو ڈھولے گاون چھند، چھنداں وِچ جنائیا۔ اوہ سارے بَیٹھے اَدھ، منزل پندھ نہ کوئے چُکائیا۔ جِس کارن پُٹھیں پَیریں پیا بھجّ، بھاجڑ پاوے جگت لوکائیا۔ بھگت سُہیلے لئے لبھ، گُر چیلے کھوج کھوجائیا۔ صدی چؤدھویں ویکھ کے حد، حدوُد اگلی دئے سمجھائیا۔ ویکھو کھیل پربھوُ دا جگ، جاگرت جوت کرے رُشنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، اپنی سمجھ نہ آؤن دیوے کِسے در، قدیِم دا قادر قُدرت دا مالک خلق دا خالق بھگت دا ثالث کلجُگ کوُڑی کِریا گھر گھر ویکھے آلس، نِندرا غفلت وِچوں گُرمُکھ گُر گُر سنت سُہیلے جن بھگت دُھر دے وقت نال جگائیا۔
۷ چیت شہنشاہی سمت ۴ گُربچن سِنگھ دے گرِہ پِنڈ اُسما ضِلع امرتسر
سَتگُر شبد دھار کہے دُھردرگاہی اِک سٹِک، لکڑی بناسپت روُپ وٹائیا۔ جو دُھر سندیسہ دیوے پُرکھ ابناشی کرتا ویکھو اِک، ایکنکار پروردگار دُھردرگاہیِا۔ جِس دا گُر اوتار پَیغمبر لہنا دینا آئے لِکھ، جُگ چؤکڑی سیوک چاکر ہو کے سیو کمائیا۔ صاحِب سوامی انترجامی گھٹ نِواسی پُرکھ ابناشی دو جہاناں لکھّ چؤراسی پِت، پاربرہم پت پرمیشور ایکا نوُر کرے رُشنائیا۔ نِرگُن نِروَیر نِراکار جو سَتجُگ تریتا دواپرکلجُگ دیونہارا سِکھیا سِکھ، سَت سندیسہ نر نریشا اِکو اِک جنائیا۔ پریم پریِتی دُھر دی نیِتی آتم پرماتم ایکا ہِت، دُتیا بھؤ رہن کوئے نہ پائیا۔ صدی چؤدھویں انت اَخیِر بے نظیِر چار کُنٹ دہ دِشا نیَن لوچن نیتر آوے کِسے نہ دِس، سَت سروُپ شاہو بھوُپ درس کوئے نہ پائیا۔ بیِس بیِسا ہرِ جگدیِشا سب دی ننگی ویکھے پِٹھ، پُشت پناہ دو جہان نِرگُن سرگُن سرگُن نِرگُن سنگ نہ کوئے رکھائیا۔ جوتی جوت سروُپ ہرِ، آپ اپنی کِرپا کر، دُھر سندیسہ اِک سُنائیا۔ سٹِک کہے میَنوُں پنجابی بولی کہندے سوٹی، سُتیاں دیاں اُٹھائیا۔ پربھ نوُں لبھدے کوٹن کوٹی، جنگل جوُہ اُجاڑ پہاڑ ٹِلّے پربت پھول پُھلائیا۔ ساچی منزل چڑھیا کوئی نہ چوٹی، اَدھواٹے روندی ویکھی لوکائیا۔ ساچا نام شبد سُنے نہ کوئے حق سلوکی، سوہلا ڈھولا انراگی راگ نہ کوئے جنائیا۔ نیتر روندے ابھیاسی وَیراگی تیاگی جوگی، جُگیِشر تپیِشر سار کوئے نہ پائیا۔ چار کُنٹ دہ دِشا من کلپنا سارے ویکھے روگی، ہؤمے ہنگتا گڑھ نہ کوئے تُڑائیا۔ ساچا میلا میل کرے نہ دُھر سنجوگی، سجّن سنگ نہ کوئے نِبھائیا۔ پرم پُرکھ دی بہے کوئی نہ گودی، گوداوری کنڈھے گوبِند دُھر فرمانا اِک سُنائیا۔ انتم لیکھا کوئی نہ جانے ویدی سوڈھی، جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، ہرِ کرتا بےپرواہیِا۔ سوٹی کہے میَنوُں کہندے ڈنڈا، دو جہاناں دیاں جنائیا۔ پُرکھ اکالا دیِن دَیالا ویکھنہارا پُریاں لوآں برہمنڈاں کھنڈاں، گگن گگننتر پھول پُھلائیا۔ تن وجوُد ماٹی خاک نہیں کوئی بندہ، مایا ممتا موہ وِکار نہ کوئے ہلکائیا۔ شاہ سُلطان دُھر دا مالک نیترہیِن کدے نہ اندھا، دو جہاناں نؤجوانا مرد مردانہ ویکھے چائیں چائنیا۔ کلجُگ کوُڑی کِریا حُکمے نال میٹے گندہ، سَت دھرم دا مارگ اِک وکھائیا۔ گُر اوتار پَیغمبر دھرم شہادت اِکو دِندا، جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، دُھر دی کرنی کار کمائیا۔ سوٹی کہے میرا ویکھو تن سریِر، ننا نظری آئیا۔ میری شہادت دیوے کبیِر، کامل مُرشد مِل کے خوشی منائیا۔
جِس دے ہتّھ جگت تقدیِر، تدبیِر اپنی دئے سمجھائیا۔ منزل چاڑھ اَخیِر، آخر پڑدا دئے اُٹھائیا۔ بھیوَ مِٹا کے شاہ حقیِر، اِکو رنگ دئے چڑھائیا۔ جلوہ دسّ کے بے نظیِر، نوُرے نظر کر رُشنائیا۔ سَتجُگ ساچی کر تعمیِر، کلجُگ کوُڑی جڑ اُکھڑائیا۔ جوتی جوت سروُپ ہرِ، آپ اپنی کِرپا کر، بھیوَ ابھیدا دئے کُھلائیا۔ سٹِک کہے میَں سُناواں دُھر سندیسہ، دیِن دُنی جنائیا۔ پرم پُرکھ پربھ اِک نریشا، نر نرائن نظری آئیا۔ جو جُگ چؤکڑی دھارے ویسا، نِرگُن سرگُن سوبھا پائیا۔ بھگت اُدھارنا جِس دا پیشہ، گُرمُکھ گُر گُر گود اُٹھائیا۔ جِس دی رکھدے سارے ٹیکا، ٹِک ٹِکی اِکو نال لگائیا۔ جِس دا شبد دُلارا بیٹا، جنمے جگت نہ کوئے مائیا۔ اوہ وسے تِھر گھر ساچے دیسا، سچکھنڈ پربھ دا درشن پائیا۔ آد جُگادی رکھدا چیتا، بھیوَ ابھیدا دئے کُھلائیا۔ اِکو مالک ہو کے آئے نیتا، نیاوں اپنے ہتّھ رکھائیا۔ چار جُگ دا سب نوُں کرائے چیتا، پوُرب پڑدا آپ اُٹھائیا۔ لہنا دین ویکھو ویکھا، جوتی جوت سروُپ ہرِ، آپ اپنی کِرپا کر، سچ کرنی کار کمائیا۔ سوٹی کہے میَں دسّاں سچ ثبوُت، صحبت نال دِرڑائیا۔ سب دا مالک اِک محبوُب، مُحبّت وِچ سمائیا۔ جِس دا کھیل عرش عروُج، فرش وجےّ ودھائیا۔ حد وِچ نہ ہوئے محدوُد، بندھن بند نہ کوئے کرائیا۔ جھگڑا مِٹے تن وجوُد، خاکی خاک کرے صفائیا۔ پڑدا لاہے چارے کوُٹ، دہ دِشا پھول پُھلائیا۔ جھگڑا مِٹے جوُٹھ جھوُٹھ، سَت دھرم وجےّ ودھائیا۔ جوتی جوت سروُپ ہرِ، آپ اپنی کِرپا کر، ساچا رنگ دئے رنگائیا۔ سوٹی کہے پربھ چاڑھے ساچا رنگ، رنگ رنگیِلا دُھردرگاہیِا۔ آتم سیج ویکھ پلنگ، سچ سِنگھاسن سوبھا پائیا۔ نام نِدھان وجا مردنگ، سوئی سُرت دئے اُٹھائیا۔ جگت دوارا کوُڑا لنگھ، بھگت دوارا ویکھ وکھائیا۔ جِتھے اِکو سچ انند، پُری انند مِل کے وجےّ ودھائیا۔ ہوئے پرکاش بِن سوُرج چند، منڈل منڈپ نہ کوئے وکھائیا۔ لوڑ رہے نہ دھارا گنگ، امرت لہر اِک وہائیا۔ ساچے حُکم دا کر پابند، گرِہ اِکو اِک سمجھائیا۔ جِتھے تُوں میرا میَں تیرا آتم پرماتم سانجھا چھند، ڈھولا اوَر نہ کوئے سُنائیا۔ جگت جنم دیاں وِچھڑیاں پَوے گنڈھ، ناتا تُٹے کوُڑ لوکائیا۔ جوتی جوت سروُپ ہرِ، آپ اپنی کِرپا کر، پڑدا اوہلا دئے چُکائیا۔ سوٹی کہے میَں سب نوُں ماردی سٹّاں، اپنا بل دھرائیا۔ لہنا دینا مُکاواں چؤداں لوک چؤداں طبق ہٹّاں، ہٹوانے ویکھاں تھاؤں تھائنیا۔ نِرگُن دھار ہو کے سیوادار بن کے نَٹھاں، بھجّاں واہو داہیِا۔ جن بھگتاں سچ سندیسہ دسّاں، خوشیاں نال دِرڑائیا۔ گُرمُکھو اپنیاں کھولو اکھّاں، گھر ملِے بےپرواہیِا۔ جِس دیاں نہ باہواں نہ لتّاں، پنج تت نہ کوئے جنائیا۔ سب دے اندر وڑ کے بدل
جاوے متاں، من مت دوُر کرائیا۔ پریم پیار مُحبّت وِچ نام بھوری دے جاوے رتا، رتن امولک گُرمُکھ لئے بنائیا۔ بھیوَ کُھلا کے اپنی چیتن ستّا، سَت ستواد دئے دِرڑائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ہرِ کرتا نوُر اِلاہیِا۔ سوٹی کہے میَں گُرمُکھ اُٹھاؤنے سچ، سچ دیاں سمجھائیا۔ بھاگ لگاؤنا کایا ماٹی کچّ، کنچن گڑھ وڈیائیا۔ بھگت بھگوان مِل کے پئیو ہسّ، ہستی ہستی وِچوں بدلائیا۔ جیہڑا باہروں لبھیا کِتوں نہیں رس، سو انتر دینا چکھائیا۔ سانجھا کر کے آتم پرماتم جس، وید پُراناں دا کھہڑا دینا چُھڈائیا۔ جن بھگت پوُجا پاٹھ دی منزل جان ٹپ، پُستک بغل نہ کوئے ٹِکائیا۔ اِکو کلمہ لیَن رٹ، جِس نال رٹّا مکُے کوُڑ لوکائیا۔ گھر سوامی ملِے پُرکھ سمرتھ، ہرِ کرتا دُھردرگاہیِا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ رکھائیا۔ سوٹی کہے میَں بھگتاں کرنا خبردار، غفلت وِچوں باہر کڈھائیا۔ جھگڑا مُکاؤنا نؤ دوار، سُکھمن ٹیڈھی بنک نہ کوئے بھوائیا۔ اِیڑا پِنگل مار کے مار، پَینڈا دینا مُکائیا۔ امرت رس ٹھنڈا پیال، اگنی تت بُجھائیا۔ شبد ناد دے سچّی دُھنکان، انراگی راگ سُنائیا۔ دیِا باتی کملاپاتی گھر سوامی دیوے بال، اندھ اندھیر رہن نہ پائیا۔ کایا کعبہ دو دوآبہ وکھاؤنی سچ سچّی دھرمسال، جِتھے ایکا نوُر ہووے رُشنائیا۔ ہرِ سنت سُہیلے بنا کے دُھر دے لال، لال گُلالا رنگ چڑھائیا۔ کلجُگ وِچ سَتجُگ بدل دینی چال، چال نِرالی اِک پرگٹائیا۔ جوتی جوت سروُپ ہرِ، آپ اپنی کِرپا کر، دُھر سندیسہ اِک سُنائیا۔ سوٹی کہے میَں وکھاواں کلجُگ انت اَخیِری کنڈھا، کنڈھی والا نال مِلائیا۔ جِس دا شبدی دھار اگمّی کھنڈا، دو جہاناں رہیا ڈرائیا۔ جے کوئی ہُن کہے اوہ تتاں والا گُجری دا چندا، تت نہیں اوہ جوت شبد رُشنائیا۔ کھان پیِن والا نہیں کوئی بندہ، پاربرہم پت پرمیشور اپنا روُپ بدلائیا۔ اُس نوُں سمجھے کوئی نہ پنڈا، شاستر سِمرت کُچھ کہہ نہ سکے رائیا۔ جِس نے کھیل کھِلایا پُری انندا، انند ساگر وِچ سمائیا۔ سو کلجُگ انت جن بھگتاں ٹُٹیاں پاوے گنڈھاں، گنڈھنہار اِک اکھوائیا۔ جِس دا پاٹھ کدے نہ ہویا نال دنداں، سد اجپا جاپ وِچ سمائیا۔ اوہ غریِب نِمانا کوجھا کملا گُرسِکھ بنائے سب توں چنگا، جو اوسے دا دھیان لگائیا۔ کلجُگ کوُڑی کِریا سرِشٹی میٹے دھندا، دُھندھوُکار دئے گوائیا۔ لہنا دینا مُکا کے جمنا سُرستی گوداوری گنگا، گہر گمبھیِر بے نظیِر پڑدا دئے اُٹھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ہرِ کرتا بےپرواہیِا۔ سوٹی کہے میَنوُں آئی اِک وِچار، وِچرکے دیاں جنائیا۔ جِس ویلے ایہہ ریِت چلی اوتار، آد پُرکھ پرگٹائیا۔ ساچے حُکم
نوُں کر کے خبردار، بلدھار آپ جنائیا۔ ویکھنا جگت سنسار، سنساری بھنڈاری نِیوں نِیوں سیِس نِوائیا۔ حُکم سدا چلے جُگ چار، نہ کوئی میٹے میٹ مِٹائیا۔ شبد ڈنڈا سرب سردار، جگت دا مالک اِک بنائیا۔ جِس دا کھیل اگمّ اپار، الکھ اگوچر آپ کرائیا۔ سو جاننہار سچّی سرکار، شاہ پاتشاہ سچّا شہنشاہیِا۔ جوتی جوت سروُپ ہرِ، آپ اپنی کِرپا کر، بھیوَ ابھیدا رہیا کُھلائیا۔ سٹِک کہے میَں ونڈاں درد، دیِن دُنی دھیان لگائیا۔ کراں بیننتی اَگے پربھ سوامی مردانے مرد، مدد اِکو منگ منگائیا۔ پُرکھ اکال دیِن دَیال چُھری شرع میٹ کرد، قاتل مقتُول قتل گاہ نہ کوئے وکھائیا۔ سچکھنڈ نِواسی پُرکھ ابناشی منظور کر عرض، آرزو دِتی سُنائیا۔ صدی چؤدھویں ساچے نام دی بدل طرز، ترازو اپنے ہتّھ رکھائیا۔ سرِشٹی کائنات خالق خلق تَینوُں غرض، بے غرض رہن نہ پائیا۔ من ممتا سب دی ورج، دہ دِشا نہ اُٹھ اُٹھ دھائیا۔ تیرا کھیل ویکھیئے اسچرج، اچرج لیِلا دینی جنائیا۔ جوتی جوت سروُپ ہرِ، آپ اپنی کِرپا کر، دُھر دا رنگ دے چڑھائیا۔ دُھر دا رنگ چاڑھ دے ایک، ایکنکار تیری سرنائیا۔ سب نوُں بخش اپنی ٹیک، ٹِکّے مستک دھوُڑی خاک رمائیا۔ چار ورن اٹھاراں برن بُدھ کر بِبیک، دُرمت مَیل دے دُھوائیا۔ ترےَگُن مایا نہ لائے سیک، اگنی تت نہ کوئے تپائیا۔ آتم پرماتم کر ہیت، نِرگُن نِروَیر دَیا کمائیا۔ سٹِک کہے میَں ویکھنی تیری کھیڈ، کھِلاڑی ہو کے دینی وکھائیا۔ جِس کارن بھگت سُہیلے دِتے مات بھیج، بھجن بندگی وِچ وڈیائیا۔ اوہناں بخش اپنا تیج، نوُری جوت کر رُشنائیا۔ سچ سُہنجنی کر سیج، سِنگھاسن اِک وکھائیا۔ پردیاں وِچوں کھول دے بھید، ابھید آپ سمجھائیا۔ جھگڑا رہے نہ چار وید، وِدیا دی وِدت اپنی جھولی پائیا۔ پڑھ پڑھ بھریا کِسے نہ پیٹ، پتت پُنیِت نہ کوئے بنائیا۔ تُوں سب دا بن کھیوٹ کھیٹ، جگت جہان پار کرائیا۔ کلجُگ کوُڑی کِریا بدل دے ریکھ، رِکھی مُنی نظر کوئے نہ آئیا۔ جھگڑا مُکا دے مُلّا شیخ، مسائک دین دُہائیا۔ آتم پرماتم کھول دے بھیت، بھانڈا بھرم بھؤ بھنّائیا۔ لیکھے لا لےَ پربھوُ گُروُ ارجن دے سیِس وِچ پئی ریِت، تتی لوح دئے دُہائیا۔ سنت سُہیلے لےَ جا اپنے دیس، گُر چیلے جوڑ جُڑائیا۔ تُوں آد جُگاد سدا رہیں ہمیش، مر جیِوت روُپ وٹائیا۔ تیرے قدماں اِک آدیس، نِیوں نِیوں سیِس جھُکائیا۔ جوتی جوت سروُپ ہرِ، آپ اپنی کِرپا کر، نِہکلنک نرائن نر، مہاراج شیرسِنگھ وِشنوُں بھگوان، شبد اگمّی دے دان، سرِشٹی درِشٹی کر کلیان کائنات کلمہ محبوُب مُحبّت والا اِک سمجھائیا۔
۸ چیت شہنشاہی سمت ۴ صوُبیدار رام سِنگھ دے گرِہ فِروزپُر چھاؤنی
کانا کہے میَں ساڈھے تِنّ ہتّھ، رَوداس چمارا دئے گواہیِا۔ جِس دا لیکھا نال پُرکھ سمرتھ، دیِن دُنی ونڈ نہ کوئے ونڈائیا۔ میَں بھیوَ ابھیدا دسّاں سچ، پڑدا انتر نِرنتر اِک اُٹھائیا۔ لیکھا ویکھ کے کایا ماٹی کچّ، تتو تت کھوج کھوجائیا۔ میری اندروں کُھلی اکھّ، تکیا دُھردرگاہیِا۔ جِس دی آد جُگاد حقیِقت حق، کلمہ حق نام سمجھائیا۔ جو سوامی انترجامی گھٹ نِواسی پُرکھ ابناشی دُھر سندیسہ گیا دسّ، بِن اکھّراں اِک سمجھائیا۔ جوتی جوت سروُپ ہرِ، آپ اپنی کِرپا کر، دُھر دا لیکھا آپ دِرڑائیا۔ کانا کہے میَں وساں جنگل وِچ پربھاس، ٹِلیاں سوبھا پائیا۔ میری جُگ چؤکڑی آس، ترِسنا اِک ودھائیا۔ میرا لہنا دینا دُھر دا خاص، خصوُصیت اپنی دیاں دِرڑائیا۔ میرے نال سارے دیندے رہے ساتھ، آد جُگاد سنگ نِبھائیا۔ جُگ چؤکڑی لِکھدے رہے گاتھ، قلم کالم ونڈ ونڈائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در تیرے الکھ جگائیا۔ کانا کہے میَں دسّاں کائنات، بھیوَ ابھیدا اِک کُھلائیا۔ سارے ویکھو مار کے جھات، نؤ سؤ چُرانوے چؤکڑی جُگ پِچھے دھیان لگائیا۔ جِس دا سمجھے نہ کوئے حالات، پڑدا سکے نہ کوئے اُٹھائیا۔ میَں اوس دی دسّاں بات، جو باطن بھیوَ کُھلائیا۔ جِس دی نظر نہ آوے ذات، اذاتی دُھردرگاہیِا۔ سچ سندیسہ اگمّی آکھ، آخر دیاں دِرڑائیا۔ جو میَنوُں رہیا بھاکھ، سو سندیسہ حق سُنائیا۔ میَنوُں اِک دے اُتے وِشواس، وِشیاں والا گُروُ نہ کوئے منائیا۔ میَں گوپی کاہن والی ویکھاں کدے نہ راس، نِرگُن نوُر نوُر رُشنائیا۔ میَں کلمے پڑھاں نہ کدی لِکھیا نال قلم دوات، اکھّراں وِچ گُن وکھائیا۔ میَں کھیل ویکھیا رَوداس نال پرم پُرکھ دی مِلی ذات، نِرگُن نوُر نوُر وِچ سمائیا۔ دوہاں دا اِکو پتن اِکو گھاٹ، اِکو در وجےّ ودھائیا۔ اِکو سیجا اِکو بستر اِکو سوہے کھاٹ، سِنگھاسن آسن اِک وڈیائیا۔ اِکو نام گیِت اِکو کلمہ حق اِکو اگمّی آواز، راز رہن کوئے نہ پائیا۔ اِکو سیِس اِکو جگدیِش اِکو سجدہ اِک آداب، اِکو نمستے اِکو اِک جنائیا۔ جاں تکیا نوُر نوُر وِچ واحد، واہ واہ وجدی ویکھی ودھائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در ٹھانڈے منگ منگائیا۔ کانا کہے میَں کی دسّاں بھیوَ انوکھا، پڑدا سچ اُٹھائیا۔ چار جُگ میرا ویلا لنگھ گیا وِچ سوچا، سوچدیاں سمجھ چلی نہ کوئی چتُرائیا۔ سَتجُگ تریتا دواپرکلجُگ میَں لِکھ لِکھ تھکیا سلوکا، راگاں ناداں سوہلیاں وِچ وڈیائیا۔ کاغذ پکڑ بنایا پوتھا، پُستک ونڈ ونڈائیا۔ بھیوَ کُھلایا چؤداں لوکا، چار کُنٹ
دہ دِشا اپنی کار کمائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در ٹھانڈے سیِس نِوائیا۔ کانا کہے ساڈھے تِنّ ہتّھ میرا ویکھو سریِر، جگ نیتر اکھّ اُٹھائیا۔ میرے اندر شرع زنجِیر، جو سکے نہ کوئے تُڑائیا۔ میَنوُں تِنّ وار ہتّھ پھڑیا کبیِر، قبراں اُتے پِھرائیا۔ انت مار کے اِک لکیِر، لائن دِتی لگائیا۔ جِس وِچوں میَنوُں نظر آئی اوہ تصویِر، جِس دا روُپ رنگ ریکھ نہ کوئے وکھائیا۔ اوہ جلوہ بے نظیِر، نوُرے نظر نوُر الاہیِا۔ جِتھے جھگڑا نہیں شرع زنجِیر، ذرّہ ذرّہ وِچ سمائیا۔ سَت سچ دسےّ تدبیِر، طریقہ اِکو اِک جنائیا۔ جِس نے منزل چوٹی چڑھنا اَخیِر، آخر پندھ مُکائیا۔ اوہ پرم پُرکھ پرماتم پروددِگار منّو دُھر دا پیِر، جو پَیغمبراں کرے پڑھائیا۔ جوتی جوت سروُپ ہرِ، آپ اپنی کِرپا کر، ساچا رنگ دئے رنگائیا۔ کانا کہے میَنوُں آیا اگمّ خیال، اِخلاق دیاں دِرڑائیا۔ میرا مالک اِک دَیال، دیناں ہوئے سہائیا۔ میَں رَوداس اَگے کیِتا اِک سوال، بیننتی سچ سُنائیا۔ تُوں کیوں ہویا جگت کنگال، بُھکھا رہ کے جھٹ لنگھائیا۔ تیرا مالک سدا پرِتپال، دُھر دا داتا نظری آئیا۔ کیوں نہ پُچھے مُریِداں حال، مُرشد ہو کے ویکھ وکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، دُھر دی دھار اِک سمجھائیا۔ کانا کہے میَنوُں رَوی نے دِتا جواب، پریم نال دِرڑائیا۔ میرے مُکھ چُھہا کے پانہے والا آب، آبروُ دِتی بنائیا۔ میَنوُں وکھا کے منزل اوہ محراب، محبوُب دِتا سمجھائیا۔ بِن اکھّراں توں دسّ کِتاب، نِراکھّر دِتا دِرڑائیا۔ کلجُگ اَخیِری جنا حِساب، انکڑے دِتے بدلائیا۔ جِس ویلے گُر اوتار پَیغمبر ہوئے لاجواب، سِر سکے نہ کوئے اُٹھائیا۔ اوس ویلے نِرگُن نِروَیر نِراکار نِرنکار آوے آپ، جوتی جاتا پھیرا پائیا۔ دو جہاناں بن کے دُھر دا باپ، بھگت سُہیلے سُت دُلارے گود اُٹھائیا۔ تُوں میرا میَں تیرا آتم پرماتم دسّ کے جاپ، جیِون جُگت اِک دِرڑائیا۔ سَتجُگ ساچی تھاپن دیوے تھاپ، کلجُگ کوُڑی کِریا کوُڑ مِٹائیا۔ روُح بُت دوویں کر کے پاک، پتت پُنیِت دئے بنائیا۔ لیکھے لا کے کایا ماٹی خاک، خالص گُرمُکھ رنگ رنگائیا۔ نِرگُن دھار درس دِکھاوے ساکھیات، بھیوَ ابھیدا آپ کُھلائیا۔ اوس ویلے تیری ویکھے ذات، پردہ پردیاں وِچوں چُکائیا۔ جوتی جوت سروُپ ہرِ، آپ اپنی کِرپا کر، بھیوَ ابھیدا آپ جنائیا۔ کانا کہے میَنوُں رَوداس نے لایا انگ، انگیکار اکھوائیا۔ میرا بنا کے سنگ، سگلا سنگ تُڑائیا۔ دے کے سچ انند، انند دِتا وکھائیا۔ کر کے اِک پابند، حُکم دِتا سمجھائیا۔ تیرا لہنا دینا نال گُجری چند، ناتا گوبِند نال رکھائیا۔ پِھر ساڈھے تِنّ ہتّھ اپنے سریِر دی ونڈ کے ونڈ، دُھر سندیسہ اِک اُپجائیا۔ جوتی جوت سروُپ ہرِ، آپ اپنی کِرپا کر،
دُھر دا پردہ آپ اُٹھائیا۔ کانا کہے میرا گوبِند نال پریم، سچ دیاں سمجھائیا۔ جِس ویلے دُشٹ دمن گیا سی اُتے ہیم، ہیم کُنڈ کُنڈ اپنی دھار چلائیا۔ اُس ویلے پربھ دے نال کیِتا نیم، قؤل اِقرار اِک بنائیا۔ پربھوُ جِناں چِر ساڈھے تِنّ ہتّھ وِچ نہ آویں میَنوُں کدی نہ آوے چَین، سانتک سَت نہ کوئے سمائیا۔ سرِشٹی درِشٹی ویکھیں نہ اِکو نیَن، ایکنکار اپنا ویس وٹائیا۔ چار ورن اٹھاراں برن بنائیں نہ بھائی بھَین، ساک سجّن اِک ہو جائیا۔ اپنا نام نہ دیویں اگمّ رسائن، رسیا ہو کے رس چکھائیا۔ جوتی جوت سروُپ ہرِ، آپ اپنی کِرپا کر، دُھر دا میلا میل مِلائیا۔ کانا کہے پُرکھ اکال نے کیِتا وعدہ، اِقرار اِک جنائیا۔ ساڈھے تِنّ ہتّھ ہویا مُعاہدہ، بھرم رہیا نہ رائیا۔ اِک سندیسہ دِتا پہلوں جن بھگتاں کراں فائدہ، مِہربان مِہر نظر اُٹھائیا۔ پِھر کلجُگ کوُڑی کِریا بدل کے قاعدہ ، قانوُں اگلا اِک دِرڑائیا۔ جوتی جوت سروُپ ہرِ، آپ اپنی کِرپا کر، پوُرب لیکھا دئے سمجھائیا۔ کانا کہے کی ہویا قؤل، دُشٹ دمن وڈیائیا۔ جِس ویلے جھگڑا ہووے اُپر دھؤل، دھرم دی دھار نہ کوئے سمجھائیا۔ لیکھا سمجھے نہ کوئی پنڈت رؤل، پُستک چلے نہ کوئے وڈیائیا۔ آتما جائے نہ کوئی مؤل، پرماتما وِچ سمائیا۔ اوس ویلے سب دے لیکھے لَواں پھول، جُگ چؤکڑی کھوج کھوجائیا۔ کِسے نال نہ ماراں رول، دُھر دی ساچی کار کمائیا۔ سچکھنڈ دوارے بَیٹھ اڈول، لکھّ چؤراسی دیاں ڈُلائیا۔ دیِن مذہب دا پا کے گھول، ذات پات دیاں لڑائیا۔ کلجُگ کوُڑی کِریا وجا کے ڈھول، ڈنکا جوُٹھ جھوُٹھ دئے شنوائیا۔ آپ رہواں نہ کِسے دے کول، اندر وڑیا نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، ایکا کھیل رہیا وکھائیا۔ کانا کہے میَں اوس ویلے پیا ہسّ، اپنی خوشی بنائیا۔ پُٹھی پَیریں پیا نسّ، بھجّیا واہو داہیِا۔ ساڈھے تِنّ قدم تے گیا ڈھٹھ، اپنی بُدھ بُھلائیا۔ میَنوُں سوجھی آئی جھٹ، انتر اکھّ کُھلائیا۔ میَں وی وست منگاں جے سودا ملِے دُھر دے ہٹّ، ہٹوانا بےپرواہیِا۔ جِس دے قدم دُشٹ دمن رہیا ڈھٹھ، نِیوں نِیوں لاگے پائنیا۔ اوہ میری جانے مِت گت، پڑدا دئے کُھلائیا۔ میَں نِیوں کے ٹیکیا متھ، سیِس دِتا جھُکائیا۔ پُرکھ اکال دیِن دَیال میری پِٹھ تے رکھ کے ہتّھ، ٹھوکر دِتی لائیا۔ جوتی جوت سروُپ ہرِ، آپ اپنی کِرپا کر، بھانڈا بھرم بھؤ دِتا بھنّائیا۔ کانا کہے ٹھوکر نال میَں پیا جاگ، پربھ سُرتی سُرت کُھلائیا۔ میرے انتر آیا اِک وَیراگ، بِرہوں وِچ دُہائیا۔ پربھ تیرے چرن گیا لاگ، تکّی اِک سرنائیا۔ میرا لہنا مُکا دے آج، اجل توں لےَ چُھڈائیا۔ تیری جوت دا ویکھاں چراغ، نِرگُن نوُر وِچ رُشنائیا۔ رسنا جام پیا دے آب، حیاتی حیاتی وِچوں بدلائیا۔
تیرے قدماں اِک آداب، سجدہ سیِس نِوائیا۔ دُھر دا بخش اِک خِطاب، خطا رہن کوئے نہ پائیا۔ ابناشی کرتے کِہا میَں رکھاں تَینوُں یاد، یادداشت اپنے وِچ چُھپائیا۔ جِس ویلے کلجُگ وِچ سَتجُگ کراں رائج، دُھر دا حُکم ورتائیا۔ جن بھگتاں دُرمت مَیل دھوواں داغ، پتت پُنیِت بنائیا۔ تیرا لیکھا ویکھاں وِچ سماج، سمگری پھول پھولائیا۔ جوتی جوت سروُپ ہرِ، آپ اپنی کِرپا کر، پڑدا اوہلا دئے چُکائیا۔ پُرکھ اکال کِہا سُن گنڈھاں والے کانے، کاہن دُھر دا دئے جنائیا۔ کلجُگ انتم کھیل مہانے، بھیوَ ابھید کِسے نہ آئیا۔ کرے کھیل سِری بھگوانے، ہرِ کرتا دُھردرگاہیِا۔ گُر اوتار پَیغمبر ہوون بیگانے، ساچا سنگ نہ کوئے نِبھائیا۔ کلجُگ کوُڑی کِریا ہونے یارانے، ناتا جوُٹھ جھوُٹھ وکھائیا۔ لوبھ وِکار ہووے پردھانے، مایا ممتا ناچ نچائیا۔ وِشے وِکاری بنن سُگھڑ سیانے، سادھ سنت نہ کوئے چتُرائیا۔ جھگڑا پئے راجے رانے، نؤ کھنڈ پرِتھمی کوُک سُنائیا۔ سچ نام دے بُھلنے گانے، کلمے حق نہ کوئے سُنائیا۔ مان رہے کِسے نہ تھانے، تھان تھننتر سمجھ کوئے نہ پائیا۔ سجّن میِت ہون بیگانے، پِتا پوُت نہ سوبھا پائیا۔ اوس ویلے کرے کھیل سِری بھگوانے، ہرِ کرتا بےپرواہیِا۔ لکھّ چؤراسی وِچوں دُھر دے بھگت پہچانے، کایا مندر پھول پُھلائیا۔ نِرگُن دھار جوت سروُپ پہر کے بانے، شبدی اپنا ڈنک وجائیا۔ لکھّ چؤراسی وِچ پِھرے چار کُنٹ کر بہانے، پڑدا تت وجوُد چُھپائیا۔ لیکھا جان زِمیں اسمانے، برہمنڈ کھنڈ کھوج کھوجائیا۔ تیرا لیکھا بھگتاں نال سدا کانے، قدماں دا گیڑ کٹائیا۔ ساڈھے تِنّ ہتّھ دے بدل دیوے زمانے، ضامن تَینوُں وِچ رکھائیا۔ آتم پرماتم دی اپنے ہتّھ لےَ کے کمانے، کامل مُرشد حُکم ورتائیا۔ جوتی جوت سروُپ ہرِ، آپ اپنی کِرپا کر، ساچی کرنی کار کمائیا۔ کانا کہے میَں ہو گیا خوش، اپنی خوشی پرگٹائیا۔ دھنّ بھاگ جے پربھ نے لیا پُچھ، جن بھگتاں میل مِلائیا۔ میرے پلّوُ نہیں کُچھ، وست ہتّھ نہ کوئے رکھائیا۔ میَنوُں اِکو سُنائی اگمّی تُک، ڈھولا دُھر دا اِک دِرڑائیا۔ میرا آون جاون لکھّ چؤراسی پَینڈا گیا مُک، مُکی خلق خُدائیا۔ میَں سوادھان ہو کے گیا اُٹھ، اپنا بل پرگٹائیا۔ جو بھگتاں اُپر رہیا تُٹھ، مِہربان مِہر نظر اِک اُٹھائیا۔ اوس دے قدماں جاواں جھُک، نِیوں نِیوں لاگاں پائیا۔ میرا رہے کوئی نہ دُکھ، دردیِاں درد گوائیا۔ گھر ٹھانڈے دیوے سُکھ، سَت سچ وِچ سمائیا۔ جوتی جوت سروُپ ہرِ، آپ اپنی کِرپا کر، دُھر فرمانا اِک سُنائیا۔ کانا کہے میَں دسّاں سُہاگی گیِت، جن بھگتو اِک دِرڑائیا۔ پربھ دی ویکھو اگمّی ریِت، ریِتیوان آپ سمجھائیا۔ تُہاڈا جھگڑا مُک گیا مندر مسیِت، کایا کعبہ سوبھا پائیا۔ جِتھے وسے ترےَگُن اتیِت،
ترےَبھوَن دھنی سوبھا پائیا۔ آد جُگادی دُھر دا میِت، مِتر پیارا اِک اکھوائیا۔ جھگڑا مُکا کے ہست کیِٹ، اوُچاں نیِچاں ڈیرہ ڈھاہیِا۔ سوامی ہو کے وسے چیِت، من ٹھگؤری رہے نہ رائیا۔ لہنا دینا چُکا کے بیِس اِکیِس، ہرِ جگدیِش کرے رُشنائیا۔ جِس دے چھتر جھُلنا سیِس، وجنی نام ودھائیا۔ اوسے دی صدی رہی بیِت، جو بیِتی کہانی رہیا دِرڑائیا۔ جوتی جوت سروُپ ہرِ، آپ اپنی کِرپا کر، ساچا بھیوَ آپ کُھلائیا۔ کانا کہے کلمہ پڑھنا ایک، ایکنکار جنائیا۔ سب نوُں دسّاں ٹیک، ٹِکّے مستک دھوُڑی لائیا۔ جن بھگتو نؤ سؤ چُرانوے چؤکڑی جُگ پِچھوں ایہہ مہیِنہ چیت، سمت چار نال وڈیائیا۔ سب دے اندر کھول دینا بھیت، پڑدا رہن کوئے نہ پائیا۔ پوُرب جنم دا بدل دینا لیکھ، ریکھ دینی مِٹائیا۔ سچ وکھاؤنا اگمّڑا دیس، جِتھے وسے شہنشاہیِا۔ تُہاڈا ناتا جُڑے ہمیش، ہم ساجن میل مِلائیا۔ جوتی جوت سروُپ ہرِ، آپ اپنی کِرپا کر، درگاہ ساچی دئے وڈیائیا۔ درگاہ ساچی دھام سُہنجنا، سوبھاوَنت سُہائیا۔ جِس دا بھانڈا اوسے در تے بھجّنا، بھیوَ ابھید دئے کُھلائیا۔ جِس نے حُکم سندیسے نال سدّنا، سُنیہڑا اِک جنائیا۔ چرن دھوُڑی کرا کے مجنا، دُرمت مَیل دُھوائیا۔ لیکھے لا کے ماٹی بدنا، بدلی اندروں کر وکھائیا۔ صدی چؤدھویں جِس نے کرنا عدلا، اِنصاف اِکو اِک دِرڑائیا۔ سو لیکھا جانے چار کُنٹ کوٹی منزلا، منزل اپنی اِک سمجھائیا۔ جن بھگتو پِھرنا پئے نہ تُہانوُں وِچ جنگلا، بن کھنڈ کھوجن نہ جائیا۔ اِکو در دوارا پئے لنگھنا، جِتھے وجےّ نام ودھائیا۔ دوُجا در کِسے نہ منگنا، بِھکھاری روُپ نہ کوئے وٹائیا۔ تُہاڈا مالک خالق پرِتپالک اِک سوُرا سربنگنا، شاہ پاتشاہ سچّا شہنشاہیِا۔ کانا کہے ساڈھے تِنّ ہتّھ کایا ماٹی سب دا بھنّنا، تِھر رہن کوئے نہ پائیا۔ سُنو سندیسہ اپنے کنّنا، سرون سچ دِرڑائیا۔ پُرکھ اکال دا حُکم سب نوُں پَینا منّنا، سِر سکے نہ کوئے اُٹھائیا۔ بِنا بھگتاں توں سب نوُں پَینا جمنا، لکھّ چؤراسی وِچ بھوائیا۔ جوتی جوت سروُپ ہرِ، آپ اپنی کِرپا کر، در ٹھانڈا اِک وکھائیا۔ کانا کہے میَں سندیسہ دیواں مُفت، قیِمت نہ کوئے لگائیا۔ پربھ نے کرنا کھیل درُست، دُتیا بھاؤ دینا مِٹائیا۔ بھیوَ چُکاؤنا اِک انگُشت، پڑدا رہے نہ رائیا۔ ہتّھ ٹِکاؤنا بھگتاں پُشت، پناہ اِکو اِک سمجھائیا۔ گُرمُکھو ہو جاؤ چُست، آلس نِندرا دوُر کرائیا۔ جوتی جوت سروُپ ہرِ، آپ اپنی کِرپا کر، دُھر دا سنگ آپ بنائیا۔ کانا کہے میَں کردا نہیں لِحاظ، تن ماٹی ونڈ ونڈائیا۔ میری واری آئی آج، اٹّھ چیت سنگ نِبھائیا۔ میَں سدا رہیا جاگ، نیتر نیَن اکھّ کُھلائیا۔ میَنوُں اِکو اِک وَیراگ، بِرہوں روگ ستائیا۔ جِناں چِر پربھ نہ دیوے ساتھ، سگلا سنگ نِبھائیا۔
جن بھگتو اوناں چِر کِسے کمّ نہیں آؤندا پوُجا پاٹھ، جوگ ابھیاس نہ کوئے صالاحیِا۔ جِنہاں دے انتر آتم پربھ ملِے آپ، اپنا میل مِلائیا۔ اوہناں نے پھیر کاہدا کرنا جاپ، کِس دی کرن پڑھائیا۔ جِنہاں دا سدا لئی کُھل گیا اندروں تاک، باہروں کُنڈے کاہدے لئی کھڑکائیا۔ اوہ آتم پرماتم روُپ ہو گئی ساچ، سچ سچ وِچ سمائیا۔ کانا کہے پُرکھ اکال اِکو منّو باپ، جو دُھر دا پِتا مائیا۔ گُر اوتار پَیغمبر چار جُگ دے پِچھلے چاچے اَگے تُٹ جائے ساتھ، ساتھی نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، دُھر دا میلا لئے مِلائیا۔ کانا کہے میَں دسّنا انت اَخیِری، بی خَیر االلہ اِک جنائیا۔ ساڈھے تِنّ ہتّھ شرع دی رہے نہ کوئے زنجِیری، کڑی کڑی دینی بدلائیا۔ صدی چؤدھویں توں بعد کِسے دی رہنی نہیں پیِری، پَیغمبر نظر کوئے نہ آئیا۔ ایسے سال وِچ پا دینی دِلگیِری، حُکم دُھر دا اِک سُنائیا۔ کِسے ہتّھ نہ آؤنی سچ فقیِری، فِقرہ حق نہ کوئے دِرڑائیا۔ ایہہ کھیل ہونا تقدیِری، اگمّ اگمّ جنائیا۔ گُر اوتار پَیغمبراں دی پربھ نے اپنے وِچ سماؤنی پیِڑھی، اَگے اِکو حُکم ورتائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، دو جہاناں نؤجوانا مرد مردانہ سِری بھگوانا شبدی دھار برہمنڈ کھنڈ کرے آپ سفیری، دوُجا نظر کوئے نہ آئیا۔ کانا کہے میری انت اِک ارداس، بیننتی سچ سمجھائیا۔ پرم پُرکھ تے رکھنا وِشواس، جگت وِچار نہ کوئے وڈیائیا۔ جِس دے حُکمے اندر گوپی کاہن پاؤندے راس، سیِتا رام جنگلاں کھیل کھِلائیا۔ پَیغمبر ڈھولے کلمے گاؤندے گاتھ، گُروُ گُردیو سوامی اِک منائیا۔ اُس دا ویکھنا کھیل تماش، کی کلجُگ کل ورتائیا۔ کانا کہے رَویداس تیرا ویکھنا اوہ باپ، جو بپڑے دئے بدلائیا۔ پوُرب رہے کوئی نہ پاپ، پتت پُنیِت کرائیا۔ لیکھا مُکاوے اِکے دِن اِکے رات، اِکے وار ہوئے سہائیا۔ چرن پریِتی جوڑ کے نات، ناتا اپنے نال رکھائیا۔ جن بھگتو دُھر دی یاد رکھنی بات، باطن رہیا سُنائیا۔ سب دا مالک کملاپات، پت پرمیشور دُھردرگاہیِا۔ درشن دیوے ساکھیات، سوَچّھ سروُپی نظری آئیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، دیِن دُنی ویکھنہار حالات، حالت وِچ عدالت اپنا نام جنائیا۔