کتب خانہGranth 21 (Shahmukhi)

۱۲ چیت شہنشاہی سمت ۴ نِرنجن سِنگھ دے گرِہ ہرِ سنگت لُدھیانہ

چِٹّا پوَنا کہے میَں سب دا پڑدا ڈھکدا، اوڈھن جگت جگدیِش جنائیا۔ لہنا دینا آد جُگاد سُناواں حق دا، حقیِقت وِچوں نِرگُن سرگُن پھول پُھلائیا۔ سَتجُگ تریتا دواپرکلجُگ جُگ چؤکڑی آیا تکدا، بِن اکھّاں نیتر لوچن نیَن اکھّ کُھلائیا۔ پرم پُرکھ پرماتم چار کُنٹ دہ دِشا آیا لبھدا، اُتّر پوُرب پچھّم دکھّن دھیان لگائیا۔ نام سندیسہ دو جہاناں مرد مردانہ دیندا آیا سچ دا، سَت ستوادی شبد انادی برہم برہمادی اِک دِرڑائیا۔ نِت نوِت بن کے پاندھی آیا نچدا، آپ اپنا پندھ مُکائیا۔ کلجُگ انت سِری بھگوَنت کھیل وکھاوے پُرکھ سمرتھ دا، صاحِب سوامی انترجامی گھٹ نِواسی پُرکھ ابناشی اپنی کل ورتائیا۔ جھگڑا مکُے کوُڑ کُڑیارے رتھ دا، اگنی تت اگنی اگّ جلائیا۔ اِکو ڈھولا گیِت سنگیِت دو جہان سرِشٹ سبائی انتر آتم ہووے جپدا، جگ جیِون داتا دِھیائیا۔ سچکھنڈ دوارا بھگت سُہیلا سد رہے وسدا، دوُجی اوٹ نہ کوئے رکھائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ پونا کہے میَں سب دا ڈھکنا پڑدا، لِکھن پڑھن دی لوڑ رہے نہ رائیا۔ میَں سچ دوارے منزل اِکو چڑھدا، جِس دی پؤڑی ڈنڈا نظر کِسے نہ آئیا۔ بِن نیتر لوچن نیَن میَں درس اِکو دا کردا، جو نِراکار ساکار اپنی کھیل کھِلائیا۔ سَت دوارے سیِس جگدیِش چرن کوَل دھردا، دھرنی دھرت دھوَل دھرم دوارا ویکھ وکھائیا۔ نہ جمدا نہ کدے مردا، جیِون مرن وِچ کدے نہ آئیا۔ انتم کھیل ویکھاں کلجُگ کل دا، کوُڑی کِریا پھول پُھلائیا۔ جگت سنسار مایا ممتا اگنی وِچ جلدا، تتو تت سانتک سَت نہ کوئے کرائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ سندیسہ نر نریشا اِکو اِک دِرڑائیا۔ پونا کہے میری پرنام، نمو نمو سیِس جھُکائیا۔ سچکھنڈ نِواسی سِری بھگوان، بھگوَن تیرا راہ تکائیا۔ تِھر گھر نِواسی وڈ بلوان، شبدی داتے لےَ انگڑائیا۔ سو پُرکھ نِرنجن ہو پردھان، ہرِ پُرکھ نِرنجن پھیرا پائیا۔ ایکنکارے دُھر دے کاہن، آد نِرنجن کر رُشنائیا۔ ابناشی کرتے کھیل مہان، سِری بھگوان پڑدا اوہلا دے اُٹھائیا۔ پاربرہم برہم لیکھا ویکھ جہان، لکھّ چؤراسی پھول پُھلائیا۔ دُھر دا حُکم سندیسہ دے آن، آناً فاناً اپنی کار کمائیا۔ چار جُگ دا جھگڑا مکُے تمام، طمع تمنّا کوُڑی دے گوائیا۔ ساچا مارگ دسّ آسان، اِحسان سِر نہ کوئے رکھائیا۔ لکھّ چؤراسی جیِو جنت سادھ سنت تیرا نام گان، اِکو ڈھولا بن وِچولا دے سمجھائیا۔ تُوں آتم پرماتم دُھر دا کاہن، سیِتا سُرتی آپ پرنائیا۔ منوُآ من نہ رہے شیَطان، شرع دا لیکھا دینا

مُکائیا۔ کایا مندر بھاگ لگاؤنا مکان، کعبہ اِکو اِک وکھائیا۔ جِتھے دیِا باتی جگے مہان، نِرگُن جوت جوت رُشنائیا۔ امرت آتم پرماتم رس دے پیِن کھان، جگت ترِسنا لیکھ رہے نہ رائیا۔ درگاہ ساچی ٹھانڈے در کر پروان، پرم پُرکھ پرتکھ تیری اوٹ تکائیا۔ تُوں میرا میَں تیرا آتم پرماتم نِرگُن سرگُن سرگُن نِرگُن ہووے گان، دوُجی وِدیا اوَر نہ کوئے پڑھائیا۔ گُر اوتار پَیغمبر سجدیاں وِچ سارے سیِس جھُکان، نمو نمو نمستے ڈنڈاوت وِچ اپنا آپ مِٹائیا۔ جوتی جوت سروُپ ہرِ، آپ اپنی کِرپا کر، سچ سندیسہ نر نریشا اِکو اِک سُنائیا۔ پونا کہے میَں پرم پُرکھ دی ذات، اذاتی روُپ نہ کوئے وٹائیا۔ میَں سچ سندیسہ دیواں آکھ، آخر اِکو حُکم سُنائیا۔ کلجُگ کوُڑی کِریا میٹنی اندھیری رات، سَتجُگ ساچا چند جلوہ نوُر کر رُشنائیا۔ پرم پُرکھ پرماتم اپنا کھیلے کھیل تماش، خالق خلق فلک عرش قُرص سارے کھوج کھوجائیا۔ چار کُنٹ دہ دِشا ویکھنہارا گوپی کاہن راس، منڈل منڈپ پڑدا دئے اُٹھائیا۔ سر سروور انتر آتم نِرنتر ہو کے ویکھے تیِرتھ تاٹ، گھاٹ کنارہ اِکو سوبھا پائیا۔ جن بھگتاں جُگ چؤکڑی جنم کرم دے وِچھڑیاں پوُری کرے آس، آسا منسا اپنے رنگ رنگائیا۔ تُوں میرا میَں تیرا سچ دوارے سدا وسے پاس، جگت وِچھوڑا رہن نہ پائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ سندیسہ سَت ستوادی اِک سُنائیا۔ سَوا گز کہے میَنوُں کہن سوایا، سد سد ڈھولا گائیا۔ اِک اِک میرا کھیل وکھایا، بھیوَ ابھیدا آپ جنائیا۔ اِک دا سَوا نِرگُن سرگُن ونڈ ونڈایا، دوُجی دھار نہ کوئے بنائیا۔ جِس وِچ گُر اوتار پَیغمبر آپ ٹِکایا، وِشن برہما شِو دیوت سُر ایسے وِچ سمائیا۔ جِس لکھّ چؤراسی ونڈ ونڈایا، ترےَگُن مایا پنج تت اگمّی گھاڑت لئے گھڑائیا۔ جو جوتی جاتا پُرکھ بِدھاتا آپ اکھوایا، پاربرہم برہم اپنا رنگ رنگائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ساچا پڑدا آپ چُکائیا۔ سَوا گز کہے میَں اگمّ دُپٹّا، تانا پیٹا نظر کوئے نہ آئیا۔ کِسے ہتّھ نہ آواں چؤداں طبقاں چؤداں لوکاں ہٹّاں، چار کُنٹ دہ دِشا پھول پُھلائیا۔ میَں اوس دوارے وساں، جِتھے وصل ملِے نوُر الاہیِا۔ سب کُچھ نظر آوے بِنا اکھّاں، چاروں کُنٹ کھوج کھوجائیا۔ ویکھاں کھیل پُرکھ سمرتھا، جو کرنی دا کرتا آپ کرائیا۔ کِس بِدھ کلجُگ انتم جن بھگتاں لہنا دینا دیوے ہتّھو ہتّھا، پوُرب پوُرب کھوج کھوجائیا۔ جِنہاں دا بھاگ بدلے مستک متھا، دھوُڑی خاک رین چرن کوَل چُھہائیا۔ نِج آتم پرماتم دیوے اپنا رسا، رسیِا ہو کے آپ چکھائیا۔ بھگتاں دے اندر پریم پریِتی اندر وسا، گھٹ گھٹ بَیٹھا سوبھا پائیا۔ نِرگُن دھار نِروَیر ہو کے صدی چؤدھویں

پِھرے نَٹھا، بھجےّ واہو داہیِا۔ جوتی جوت سروُپ ہرِ، آپ اپنی کِرپا کر، ساچا رنگ دئے رنگائیا۔ سَوا گز کہے میری وکھری دھار، دھرنی دھوَل سمجھ کوئے نہ پائیا۔ میری آسا رکھکے گئے تیئی اوتار، ترےَگُن اتیِتا ٹھانڈا سیِتا اپنی کار کمائیا۔ جگ نیتر نظر نہ آوے وِچ سنسار، سنساری بھنڈاری سنگھاری سارے بَیٹھے سیِس نِوائیا۔ سو کھیل کرے آپ کرتار، قُدرت دا کرتا کار کمائیا۔ جِس نوُں لبھدے رہے سدا جُگ چار، سَتجُگ تریتا دواپرکلجُگ نیتر اکھّ کُھلائیا۔ سو جوتی جاتا پُرکھ بِدھاتا سَت سوامی انترجامی ہو اُجیار، پاربرہم پت پرمیشور اپنی کار کمائیا۔ اندر باہر گُپت ظاہر نِرگُن سرگُن پاوے سار، مہاسارتھی اپنی سیو کمائیا۔ جِس دا لیکھا لِکھیا نہ جائے جگت عبارتی، اُتاری جائے نہ کِسے توں آرتی، کھیل کرے نہ پُرکھ نار دی، تتاں والی ونڈ نہ کوئے ونڈائیا۔ ایہہ رمز سچّی سرکار دی، جو جُگ چؤکڑی لکھّ چؤراسی جنم کرم وِچاردی، بھرماں دا بھرم دئے مِٹائیا۔ اوہ واٹ تکّے خوشیاں والے ستاراں ہاڑ دی، ہر ہِردا ویکھ وکھائیا۔ جن بھگتاں مُحبّت دیوے اگمّے یار دی، جِس دا یارانہ نہ کوئے تُڑائیا۔ جگت سرِشٹی ویکھنی ہاردی، لہنا دینا انت مُکائیا۔ ٹھوکر ویکھنی اگمّے ٹھٹھیار دی، جو ساڈھے تِنّ ہتّھ کایا ماٹی بھانڈے لئے ٹُھکرائیا۔ جوتی جوت سروُپ ہرِ، آپ اپنی کِرپا کر، دُھر دا حُکم اِک ورتائیا۔ سَوا گز کہے میری پِچھلی ویکھو مِنّتی، مِنّتاں وِچ جنائیا۔ میرا وقت لنگھیا کر کر گِنتی، صدی چؤدھویں پھیرا پائیا۔ میَں جھگڑا چھڈاں سِمتی، سمیں نوُں سیِس نِوائیا۔ گُر اوتار پَیغمبر رہیا کوئی نہ ہِمّتی، بلہیِن جگت لوکائیا۔ ساچے دھرم دی کرے کوئی نہ مِنّتی، پَیمانہ ہتّھ نہ کوئے رکھائیا۔ شرع وِچ سب دا من ہویا عِلّتی، عِلم عِلم نال کرے لڑائیا۔ رمز سمجھے نہ کوئی صوُفیاں والے دِل دی، دِلبر دِلدار نہ کوئے مِلائیا۔ ہُن پربھ نے کھیل نہیں رہن دینی ڈِھل دی، دُھر دی کرنی کار بُھگتائیا۔ ویکھنی کھیل اَمبر نیِل دی، نِیلے والا اپنا حُکم ورتائیا۔ گُنجائش رہن نہیں دینی کِسے اپیِل دی، اپرمپر سوامی اپنا حُکم ورتائیا۔ خواہش بدلے نہ کوئے دلیِل دی، بُدھی چلے نہ کوئے چتُرائیا۔ دُنیا اُتے گھڑی آؤنی ذلیل دی، ذِلّت وِچ لوکائیا۔ ایہہ کھیل اوہو ارجن بھیِل دی، ملِے مان وڈیائیا۔ دھار پرگٹنی چَھیل چھبیِل دی، بانکا اِکو نظری آئیا۔ کُچھ آسا کہے کبیِر دی، قبراں توں باہر دئے دُہائیا۔ صدی چؤدھویں منزل رہی نہ کِسے فقیِر دی، فِقرہ سچ نہ کوئے سُنائیا۔ پُرکھ اکال نوُں لوڑ پئی سَتجُگ والی تعمیِر دی، کلجُگ کوُڑی جڑ اُکھڑائیا۔ جوتی جوت سروُپ ہرِ، آپ اپنی کِرپا کر، پڑدا اوہلا دئے اُٹھائیا۔ سَوا گز کہے میَں لما چؤڑا، جُگ چؤکڑی کھیل

وکھائیا۔ میرا سمجھے کوئی نہ پؤڑا، ڈنڈا ہتّھ کِسے نہ آئیا۔ جگت واسنا دو جہان پِھرے دؤڑا، بھجےّ واہو داہیِا۔ کایا امرت رس سب دا ہویا کؤڑا، مِٹھا رس نہ کوئے چکھائیا۔ گرِہ مندر ہویا اندھ گھورا، نوُری چند نہ کوئے چمکائیا۔ جھگڑا پایا پنجاں چوراں، چوری چوری لُکن تھاؤں تھائنیا۔ مایا ممتا پایا لوہڑا، بہُڑی بہُڑی کرے خلق خُدائیا۔ کِسے سمجھ نہ آئی کیوں سسّے اُپر لگّا ہوڑا، نِرگُن اپنی کار کمائیا۔ کیوں ہنگ برہم بھیوَ چُکائے تورا مورا، تُرت دئے دِرڑائیا۔ کوُڑ کُڑیارا جواب دے کے کورا، کایا کُرہ دئے بدلائیا۔ سَتجُگ سچ سُنا کے دوہرا، دوویں روُپ دئے وٹائیا۔ جوتی جوت سروُپ ہرِ، آپ اپنی کِرپا کر، ساچی کرنی کار کمائیا۔ سَوا گز کہے میرا نظر نہ آیا کِسے رنگ، رنگت سچ نہ کوئے جنائیا۔ میری وِشنوُں منگی منگ، پربھ اَگے جھولی ڈاہیِا۔ میرا برہمے منگیا سنگ، سگلا سنگ بنائیا۔ میرے نال شنکر ڈھکیا ننگ، اوڈھن تن ٹِکائیا۔ تیئی اوتاراں ونڈی ونڈ، دُھر دی آس رکھائیا۔ میَنوُں موُسے چُکیا کندھ، اپنا بھار بنائیا۔ میرے اُتوں دی عیسیٰ گیا لنگھ، قدم قدم نال بدلائیا۔ میَنوُں محمد نے بنھیا گھوڑے دی تنگ، راساں نال چُھہائیا۔ میری نانک دِتی گنڈھ، بغداد دئے گواہیِا۔ میَنوُں ارجن پائی ٹھنڈ، راوی کنڈھے ڈیرہ لائیا۔ میَنوُں تیغ بہادر کیِتا بند، گٹھڑی کرماں والی ٹِکائیا۔ میرا گوبِند ڈھکیا ننگ، آسن پلانے اُتے چُھہائیا۔ اُتے بَیٹھا سوُرا سربنگ، کھنڈا کھڑگ اِک کھڑکائیا۔ پُرکھ اکال دی منگی منگ، وڈ تیری بےپرواہیِا۔جس ویلے صدی سدیوی گئی لنگھ، کلجُگ انتم ویلا آئیا۔ دیِن دُنی ہوئی ننگ، سِر ہتّھ نہ کوئے ٹِکائیا۔ نام جھگڑا پئے وِچ وربھنڈ، وربھنڈی کوُڑ لوکائیا۔ من کلپنا ودھے گند، رسنا جِہوا ہلکائیا۔ ساچا گاوے کوئی نہ چھند، سنسا کوُڑ نہ کوئے مِٹائیا۔ آتم ملِے نہ پرمانند، نِجانند نہ کوئے سمائیا۔ نِرگُن جوت چڑھے نہ چند، گھر وِچ گھر نہ کوئے رُشنائیا۔ جھگڑا مِٹے نہ جگت کھنڈ، نوَ نؤ چار نہ ڈیرہ ڈھاہیِا۔ پَینڈا مکُے نہ جیرج انڈ، اُتبُھج سیتج لیکھا نہ کوئے مُکائیا۔ نیتر رووے گوداوری گنگ، جمنا سُرستی دئے دُہائیا۔ مندر مسجد شِودوالے مٹھ ہوون رنڈ، گُروُدُآر ہاہاکار سُنائیا۔ سچ دوار جائے کوئی نہ لنگھ، منزل حق نہ کوئے وکھائیا۔ گوبِند کِہا پُرکھ اکال دیِن دَیال اوس ویلے میَں منگاں ایہو منگ، مانگت ہو کے جھولی ڈاہیِا۔ سَوا گز دی تیری دھار جن بھگتاں دی آتم سیج وِچھا پلنگ، جگت سِنگھاسن دی لوڑ رہے نہ رائیا۔ اوہ سدا گاون تُوں میرا میَں تیرا چھند، خوشی ہووے بند بند، بندگی اِکو اِک دِرڑائیا۔ تیرے نال جاواں ہنڈھ، جھگڑا چھڈ کھنڈ برہمنڈ، سچکھنڈ دوار جاواں لنگھ، جِتھے تیرا نوُر نوُر

رُشنائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در ٹھانڈے آس رکھائیا۔ سَوا گز کہے میَں بھگتاں بناں اگمّی سیج، سُہنجنا وقت سُہائیا۔ سچکھنڈ نِواسی حُکمے اندر میَنوُں دِتا بھیج، بھجن بندگی اِک دِرڑائیا۔ سنت سُہیلے جا کے ویکھ، گُرمُکھ دھیان لگائیا۔ جِنہاں دے اندروں بدلدی ریکھ، باہروں کرنی نہ پئے پڑھائیا۔ کایا مندر چُکاواں بھیت، پڑدا آپ اُٹھائیا۔ نظری آواں نیتن نیت، نِج نیَن کراں رُشنائیا۔ ساچا کراں ہیت، مِل مِل وجےّ ودھائیا۔ سوامی رہاں ہمیش، وِچھڑ کدے نہ جائیا۔ وکھاواں اپنا دیس، سچکھنڈ دوارا سوبھا پائیا۔ جِتھے بَیٹھا اِک نریش، نر نرائن نظری آئیا۔ نہ مُچھ داہڑی نہ کوئی کیس، نہ کوئی موُنڈ مُنڈائیا۔ جو کھیل کرے ہمیش، جُگ جُگ حُکم ورتائیا۔ جوتی جوت سروُپ ہرِ، آپ اپنی کِرپا کر، جن بھگتاں ویکھ وکھائیا۔ سَوا گز بھگتاں انتر وِچھاؤنا، وِشیاں توں باہر رکھائیا۔ نِرگُن اپنا رنگ رنگاؤنا، اگمّ اتھاہ وڈیائیا۔ ساچی سیو لگاؤنا، لگ ماتر نہ کوئے سمجھائیا۔ گھر سُہنجنا اِک سُہاؤنا، گھر گھر وِچ سوبھا پائیا۔ دُھر دا دیِپک اِک جگاؤنا، نِرگُن نوُر کر رُشنائیا۔ بھگت سُہیلا اُپر بہاؤنا، پھڑ باہوں آپ ٹِکائیا۔ سَتجُگ ساچا دھرم چلاؤنا، کلجُگ کوُڑا چلِتر گوُائیا۔ آتم پرماتم اِکو نظری آؤنا، دوُجا رنگ نہ کوئے وکھائیا۔ تُوں میرا میَں تیرا سب نے گاؤنا، گاون گا گا خوشی بنائیا۔ دھرم دوارا اِک وساؤنا، واہ واہ وجدی رہے ودھائیا۔ جِتھے لیکھا مکُے اُننجا پؤنا، بِن پوَناں چور جھُلائیا۔ دُھر دے گُرمُکھاں رنگ رنگاؤنا، بھگتاں سوبھا پائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، جن بھگتاں دیوے دُھر دا دان، آتم پرماتم کر پروان، سچ سِنگھاسن سُہائے سِری بھگوان، ابناشی کرتا کرنی دا مالک، خلق دا خالق، ہرِجن ساچے جیِؤ پِنڈ تن کاچے، لہنے دینے چُکائے مستک ماتھے، مست خُماری نام اِک رکھائیا۔

۱۳ چیت شہنشاہی سمت ۴ پِنڈ سُدھار ضِلع لُدھیانہ مِلکھا سِنگھ دے گرِہ

تیراں چیت کہے سب نے کرنا سُدھار، سُدھار نِواسیِاں سِدھ سُنائیا۔ ایکا سَتگُر شبد کرنا پیار، جو آد جُگاد جُگ چؤکڑی سیو کمائیا۔ جِس دا کھیل پَیغمبر گُر اوتار، نِرگُن سرگُن سرگُن نِرگُن ویس وٹائیا۔ سو سچ سندیسہ دیواں اپنی دھار، دُھر فرمانا

اِک سُنائیا۔ چار کُنٹ دہ دِشا برہمنڈ کھنڈ پُری لوء آکاش پاتال کرے خبردار، گگن گگننتر آپ جگائیا۔ پُرکھ اکالا دیِن دَیالا پروردِگار سانجھا یار، دوُجا نظر کوئے نہ آئیا۔ دیِن مذہب ذات پات راؤ رنک جھگڑا جگت خوار، ساچا رنگ دئے رنگائیا۔ کایا مندر اندر کایا ماٹی کھول کے ویکھو کواڑ، بجر کپاٹی کُنڈا لاہیِا۔ گوبِند امرت رس نِجھر جھِرنا پیِؤ ٹھنڈا ٹھار، اگنی تت رہن نہ پائیا۔ انحد نادی شبد سُنو دُھنکار، آتمک راگ سُنائیا۔ گھر دیِا باتی جوت ویکھو نِرنکار، گرِہ مندر کرے رُشنائیا۔ در دوارا ایکنکارا اِکو دئے وکھال، جِس گھر بَیٹھا سوبھا پائیا۔ جوتی جوت سروُپ ہرِ، آپ اپنی کِرپا کر، جُگ جُگ اپنا کھیل وکھائیا۔ سَتگُر شبد کہے میَں آد جُگادی ایک، جُگ چؤکڑی کھیل کھِلائیا۔ گُر اوتار پَیغمبر دے کے ٹیک، ٹِکّے مستک دھوُڑی آپ لگائیا۔ دُھر فرمانا دیندا رہے ہمیش، سَت ستوادی ہو کے اِک دِرڑائیا۔ شاستر سِمرت وید پُران اِنجیِل قرآن کھانی بانی گیِتا گیان لِکھاؤندا رہیا لیکھ، اکھّر اکھّراں نال جُڑائیا۔ نِرگُن سرگُن سرگُن نِرگُن وکھاؤندا رہواں بھیکھ، روُپ رنگ ریکھ اپنے وِچ سمائیا۔ چار کُنٹ دہ دِشا بِن اکھّاں لَواں ویکھ، نوُرو نوُر نوُر کر رُشنائیا۔ جِس کارن کھیل ہونا جگت والے چیت، چیتن سُرتی سب دی دیاں کرائیا۔ جو گُر اوتار پَیغمبر بھوِکھتاں وِچ دسّ کے گئے بھیت، پڑدا اوہلا آپ چُکائیا۔ من کلپنا بُدھی کرو بِبیک، سوَچّھ سروُپ پرگٹائیا۔ جوتی جوت سروُپ ہرِ، آپ اپنی کِرپا کر، ساچا رنگ اِک رنگائیا۔ ساچا رنگ چاڑھو تن وجوُد، ماٹی خاک ملِے وڈیائیا۔ سَتگُر شبد دیوے اپنا حق ثبوُت، جوتی جاتا بھیوَ کُھلائیا۔ جِدھر تکّو سدا مؤجوُد، ہر گھٹ رہیا سمائیا۔ کوُڑی کِریا اندروں کڈھے دوُج، دوَیت رہن کوئے نہ پائیا۔ ایکنکار اِکو سب نوُں جائے سوُجھ، آتم پرماتم جوڑ جُڑائیا۔ جوتی جوت سروُپ ہرِ، آپ اپنی کِرپا کر، ساچا رنگ دئے رنگائیا۔ سَتگُر شبد کہے میَں ویکھاں کلجُگ راج، صدی چؤدھویں کھوج کھوجائیا۔ چاروں کُنٹ جگت اپاہج، دُھر دا بھیوَ نہ کوئے کُھلائیا۔ بھرمے بُھلا ترےَگُن مایا سادھ، پنج تت لڑائیا۔ نِرگُن دھار سمجھے نہ آد، نِرنتر انتر پڑدا نہ کوئے لاہیِا۔ گُر اوتار پَیغمبر جو بنا کے گئے سماج، ریِتی نیِتی مات رکھائیا۔ اوہ اگمّی سمجھے نہ کوئی بات، باطن بھیوَ نہ کوئے چُکائیا۔ امرت رس لئے نہ کوئے سواد، جِہوا جگت ہلکائیا۔ دُھن آتمک سُنے کوئی نہ ناد، ساز باہروں رہے کھڑکائیا۔ گوبِند دھار ہوئے نہ کوئے وِسماد، بِسمِل اپنا آپ کرائیا۔ من کلپنا سب دی پکڑی واگ، دہ دِشا رہی بھوائیا۔ بِن سَتگُر شبد نِرمل جوت جگائے نہ کوئے چراغ، اندھ اندھیر نہ کوئے مِٹائیا۔ ہنس بُدھی ہوئی کاگ،

مانک موتی چوگ نام نہ کوئے چُگائیا۔ مایا کارن کرن وَیراگ، ہِردے ہرِ نہ کوئے وسائیا دُرمت مَیل دھووے نہ کوئی داغ، پتت پُنیِت نہ کوئے جنائیا۔ کلجُگ مانَو جانا جاگ، آلس نِندرا دینا گوائیا۔ تیرا آد جُگادی آتم پرماتم ساتھ، سگلا سنگ لیَنا بنائیا۔ جوتی جوت سروُپ ہرِ، آپ اپنی کِرپا کر، گرِہ مندر اِک وکھائیا۔ سَتگُر شبد کہے میَں آد جُگادی میِت، مِتر پیارا اِک اکھوائیا۔ سَتجُگ تریتا دواپربدلدا آیا ریِت، کلجُگ انتم لیکھا دیاں چُکائیا۔ کھیل اگمّا دسّاں انڈیٹِھ، جِس نوُں شاستر سِمرت وید کہن کوئے نہ پائیا۔ پڑدا لاہواں بِن مندر مسیِت، کایا کعبہ اِک جنائیا۔ جِتھے جھگڑا رہے نہ ہست کیِٹ، اوُچ نیِچ نہ کوئے وکھائیا۔ دیِن مذہب دی نہیں کوئی لیِک، ذات پات نہ ونڈ ونڈائیا۔ اوتھے نانک گوبِند کرے تصدیِق، شہادت اِک بُھگتائیا۔ پروردِگارا لاشریِک، نوُر نوُرانہ نظری آئیا۔ جِس دے وِچ حق تؤفیِق، دیونہار دُھردرگاہیِا۔ سب دی آسا منسا کرے پوُری اُمیِد، نِت نوِت ویکھ وکھائیا۔ جوتی جوت سروُپ ہرِ، آپ اپنی کِرپا کر، ساچا رنگ دئے چڑھائیا۔ سَتگُر شبد کہے سُنیو دُھر فرمانا، برہمنڈاں کھنڈاں باہر جنائیا۔ کرے کھیل سِری بھگوانا، ہرِ کرتا بےپرواہیِا۔ جِس دا اِکو سُت دُلارا شبدی گوبِند نؤجوانا، بِردھ بال نہ روُپ وٹائیا۔ لیکھا جانے جیو جہانا، لکھّ چؤراسی کھوج کھوجائیا۔ سچکھنڈ دوارے ہو پردھانا، درگاہ ساچی ڈنک وجائیا۔ سندیسہ دیوے تیئی اوتار نِگاہ مارو جگت جہانا، ویہویں صدی اکھّ کُھلائیا۔ عیسیٰ موُسیٰ محمد ہووے نِگاہبانا، نیَن نیَن نال مِلائیا۔ نانک گوبِند جو دے کے آیا پروانہ، پرم پُرکھ نال مِلائیا۔ سو ناتا تُٹیا کوُڑ جہانا، جاگرت جوت نہ کوئے رُشنائیا۔ مان رہیا نہ شاستر سِمرت وید پُرانا، کھانی بانی سیِس نہ کوئے نِوائیا۔ من منوُآ بن کے سب دا رانا، حُکم اپنا اِک منائیا۔ تُوں میرا میَں تیرا آتم پرماتم سمجھے کوئی نہ گانا، نِرگُن نِرگُن میل نہ کوئے کرائیا۔ جوتی جوت سروُپ ہرِ، آپ اپنی کِرپا کر، بھیوَ ابھیدا اِک کُھلائیا۔ بھیوَ ابھیدا کھولے آپ، ہرِ کرتا وڈ وڈیائیا۔ سرِشٹی دی درِشٹی وِچوں بُھلا جاپ، گُر اوتار پَیغمبراں سِکھیا گئے بُھلائیا۔ روُح بُت رہیا کوئی نہ پاک، پتت پُنیِت نہ کوئے بنائیا۔ جھگڑا پیا تن ماٹی خاک، ہِندوُ مُسلم سِکھ عیِسائی پارسی بودھی جَینی کرے لڑائیا۔ آتم پرماتم کھول کے ویکھے کوئی نہ تاک، جلوہ نوُر نہ کوئے رُشنائیا۔ پُرکھ اکالا دیِن دَیالا سب دا دیوے ساتھ، سگلا سنگ نِبھائیا۔ جو بھوِکھتاں وِچ لِکھتاں وِچ اِشٹاں وِچ درِشٹاں وِچ گُر اوتار پَیغمبر گئے آکھ، سندیسہ دُھر دِرڑائیا۔ سو پوُرا پربھ کرنا واک، واقع ویکھے خلق خُدائیا۔ جوتی جوت سروُپ ہرِ، آپ اپنی کِرپا کر، برہمنڈ کھنڈ

ویکھ وکھائیا۔ سَتگُر شبد کہے میَں دیواں دُھر دا حُکم، ہرِ کرتا آپ جنائیا۔ کلجُگ رہی دھرم نہ سُچم، سنجم سنگ نہ کوئے نِبھائیا۔ نِرمل آتم دِسے کوئی نہ اُتم، بُدھ بِبیک نہ کوئے بنائیا۔ جیِو جنت سادھ سنت اِک دوُجے نوُں لُٹن، گھر گھر پئی لڑائیا۔ صدی چؤدھویں محمد دا ویلا آیا مُکن، اَگے اوَر نہ کوئے ودھائیا۔ موُسیٰ عیسیٰ دُھردرگاہے جھُکن، نِیوں نِیوں سیِس نِوائیا۔ تیئی اوتار اپنی انگڑائی لےَ کے اُٹھن، وید ویاسا دئے گواہیِا۔ نانک گوبِند دھار شبدی روُپ سب نوُں آئے پُچھن، گھٹ گھٹ اندر ویکھ وکھائیا۔ کِس بِدھ جگیاَسوُ پربھ توں رُسن، پاربرہم برہم میل نہ کوئے کرائیا۔ من کلپنا دیِن دُنی وِچ جُٹن، جھگڑا کوُڑ خلق خُدائیا۔ جوتی جوت سروُپ ہرِ، آپ اپنی کِرپا کر، بھیوَ ابھیدا دئے کُھلائیا۔ سَتگُر شبد کہے جگت ویکھاں تھکا ماندا، چار کُنٹ دہ دِشا نظری آئیا۔ کوُڑی کِریا اندر باندھا، بندگی سچ نہ کوئے کمائیا۔ من وِکاری تیِرتھ نہاندا، دُرمت مَیل نہ کوئے دُھوائیا۔ بے شک گُردر مندر مسجد شِودوالے مٹھ جاندا، کایا کعبہ درس کوئے نہ پائیا۔ ساچا در پربھ چرن ملِے کِسے نہ ٹھانڈا، اگنی اگّ نہ کوئے بُجھائیا۔ پُرکھ اکالا دیِن دَیالا لکھّ چؤراسی ویکھنہارا بھانڈا، کایا ماٹی کھوج کھوجائیا۔ جو آد جُگاد جُگ چؤکڑی نِت نوِت آؤندا جاندا، آوت جاوت اپنی کھیل کھِلائیا۔ جِس دا لیکھا سمجھے کوئی نہ پنڈت پاندھا، مُلّا شیخ بھیوَ نہ آئے رائیا۔ سو لہنا دینا لیکھا جانے سچکھنڈ دوار دُھراں دا، درگاہ ساچی پڑدا لاہیِا۔ جوتی جوت سروُپ ہرِ، آپ اپنی کِرپا کر، اگلا لیکھا رہیا وکھائیا۔ سَتگُر شبد کہے سُنو جگت جگ سجّن، ہر ہِردے دیاں سُنائیا۔ کلجُگ ٹھیِکر ویلا ہویا بھجّن، انت رہن کوئے نہ پائیا۔ پربھ پریِتی وِچ ہووو مگن، سُرتی شبد جُڑائیا۔ ترےَگُن مایا بُجھے اگن، تتو تت نہ کوئے جلائیا۔ سچ دوارا ملِے اِکو لنگھن، پاندھی پندھ گوائیا۔ جِتھے نِرگُن جوت دیِپک جگن، دِوس رَین ہوئے رُشنائیا۔ ناد انادی تال وجّن، ڈھولک چَھینا نہ کوئے کھڑکائیا۔ درشن ہوئے سوُرے سربنگن، شاہ پاتشاہ سچّا شہنشاہیِا۔ جِتھے گُر اوتار پَیغمبر وِشن برہما شِو در ٹھانڈے منگن، وست امولک اِک ورتائیا۔ جوتی جوت سروُپ ہرِ، آپ اپنی کِرپا کر، دُھر دا لیکھا دئے جنائیا۔ دُھر دا شبد کہے تیئی اوتار ویکھو منگدے، مانگت ہو کے جھولی ڈاہیِا۔ سچ دوار بہہ بہہ موُل نہ سنگدے، نیتر نیَن چرن کوَل دھیان لگائیا۔ جِنہاں دے کھیل اندر سَتجُگ تریتا دواپرکلجُگ گئے لنگھ کے، اپنا پندھ مُکائیا۔ اوسے نے اپنی دھار وِچوں عیسیٰ موُسیٰ محمد گھلے ونڈ کے، دُھر دا کلمہ جھولی پائیا۔ اوسے دے نوُر وِچوں نانک نِرگُن سرگُن دُھر فرمانا آیا منّ کے، منسا سب دی پوُر کرائیا۔

اوسے دی جوت دھار گوبِند تن وجوُد آیا چل کے، کایا ماٹی سوبھا پائیا۔ انت اَخیِر بے نظیِر اوسے وِچ رل کے، جوتی شبدی روُپ سمائیا۔ کلجُگ انتم لیکھا جانے جل تھل کے، مہیئل کھوج کھوجائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سَت ستوادی دَیا کمائیا۔ سَتگُر شبد کہے میَں دسّاں ایکو مالک، ہرِ کرتا وڈ وڈیائیا۔ جو سرِشٹی درِشٹی دا خالق، خلق وِچ سمائیا۔ صدی چؤدھویں جِس نے بننا ثالث، صاحِب سُلطانا نظری آئیا۔ چار ورن اٹھاراں برن جِس نے خالصہ بناؤنا خالص، دُرمت مَیل اندروں دئے دُھوائیا۔ من کلپنا رہن نہ دیوے نالش، شبد کھنڈا اِک چمکائیا۔ سنت سُہیلے بنائے عاجز، گُرمُکھ گُر گُر بوُجھ بُجھائیا۔ جوتی نوُر اگنی لا کے آتش، کوُڑی کِریا دئے جلائیا۔ گُرسِکھ بنا کے دُھر دے یاچک، گوبِند شبدی جوڑ جُڑائیا۔ سب دے اندر آپے ہوئے واچک، وِچرن دی لوڑ رہے نہ رائیا۔ لیکھا جانے نِندک ساقط، ساکھیات بھیوَ دئے کُھلائیا۔ صدی چؤدھویں کلجُگ کوُڑی کِریا ظُلم نہ کرے برداشت، درگاہ ساچی ویکھ وکھائیا۔ جِس نے لکھّ چؤراسی کیِتی کاشت، انتم آپے کٹ وکھائیا۔ شبد گُروُ کہے پربھ میَنوُں دین والا اِجازت، دُھر دی دھار حُکم سُنائیا۔ پھیر چار کُنٹ دہ دِشا نؤ کھنڈ پرِتھمی ستّ دیِپ دُھر دے حُکم دی ہووے آفت، آفتاب نہ کوئے رُشنائیا۔ منوُآ منسا وِچ کرے بغاوت، بغلگیِر رہن کوئے نہ پائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ سندیسہ اِک اُپجائیا۔ سَتگُر شبد کہے میَں جھُک کے پربھوُ دے قدماں، قدیِم دا لیکھا دیاں جنائیا۔ گُر اوتار پَیغمبر جِس دیاں گاؤندے گئے نظماں، ڈھولے راگاں ناداں شبداں وِچ شنوائیا۔ اوس دا تن وجوُد ماٹی خاکی نہیں بدنا، ممتا موہ نہ کوئے جنائیا۔ آتم پرماتم بن کے سجّنا، نِرگُن نِرگُن میلا میلے سہج سُبھائیا۔ جِس دا دیِپ پرکاش جوت اگمّی اِکو جگنا، جاگرت جوت کرے رُشنائیا جِس نے سنت سُہیلے گُرمُکھ ہربھگت دوارے سدّنا، در ٹھانڈا اِک وکھائیا۔ جِس دا فتح ڈنکا نام نگارہ نوَ نؤ چار وجّنا، اَگے ہو نہ کوئے اٹکائیا۔ سو کھیل کرے سوُرا سربگنا، لیکھا جانے وِچ عدنا، عدل اِنصاف اپنے ہتّھ رکھائیا۔ کلجُگ کوُڑی کِریا بھانڈا بھجّنا، سَتجُگ ساچا مات لگّنا، جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، قُدرت دا قادر بےپرواہیِا۔ سَتگُر شبد کہے کلجُگ کوُڑی کِریا ہٹاؤنا ہٹّ، کوُڑ ونجارا رہن کوئے نہ پائیا۔ سَت دھرم دا ساچا مارگ دسّ، چار ورناں کرنی اِک پڑھائیا۔ نِج نیتر کھول کے انتر اکھّ، نِرنتر پڑدا دینا اُٹھائیا۔ تُوں میرا میَں تیرا آتم پرماتم ناتا سچ، تتاں والی نہ کوئے لڑائیا۔ بھاگ لگاؤنا کایا

ماٹی کچّ، نِرگُن جوت کر رُشنائیا۔ جگت وِکار وِبھچار ہنکار پار کرا کے حد، حدوُد دُھر دی دینی وکھائیا۔ جِتھے وجےّ اگمّی ندّ، انحد نادی ناد شنوائیا۔ جھگڑا دِسے نہ مایا جگ، جاگرت جوت ڈگمگائیا۔ بھگت سُہیلے گُرمُکھ سجّن سدّ، صدمے دینے مِٹائیا۔ جوتی جوت سروُپ ہرِ، آپ اپنی کِرپا کر، سرِشٹی درِشٹی ویکھ وکھائیا۔ سَتگُر شبد کہے میَں ویکھاں سرِشٹی، سِرجنہار دئے وڈیائیا۔ چار جُگ دے گُر اوتار پَیغمبر ویکھاں اِشٹی، اِشٹ دیوَ جو آتم نال کرن کُڑمائیا۔ دھرم دوار بن گرِہستی، سیج سُہنجنی رہے ہنڈھائیا۔ اوہناں دی دُھردرگاہے اِک فہرِستی، بِن اکھّراں لیکھ بنائیا۔ جگ نیتر کِسے نہ دِسدی، بُدھیِوان پڑھن کوئے نہ پائیا۔ اوتھے جھگڑا نہیں سوَرگ بہِشتی، جنّت لوڑ رہے نہ رائیا۔ ساچی کھیل نر نِرنکار اِک دی، جو ایکنکار اپنی کل ورتائیا۔ اُس نے پِٹھ ٹھکوری کلجُگ سِکھ دی، سِکھیا سچ سمجھائیا۔ بِن تیرے من کلپنا کِسے نہ جِتدی، کوُڑا ڈنک نہ کوئے سُنائیا۔ ٹکّر لوا دے پتّھر اِٹّ دی، مندر مسیِتاں ونڈ ونڈائیا۔ کِسے نوُں سمجھ نہ آوے اگمّی دھار اوس چِٹ دی، جو گوبِند ماچھوُواڑے پُرکھ اکال نال اپنی گنڈھ پوائیا۔ صدی چؤدھویں دیِن دُنی ساری پِٹدی، پٹنے والا نظر کِسے نہ آئیا۔ قلم شاہی لیکھ لِکھدی، لِکھیا لیکھ نہ کوئے بدلائیا۔ جِس نے کھیل مُکاؤنی کوُڑی کِریا نِت دی، سَت سَت کرے رُشنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دوارا اِک سُہائیا۔ سَتگُر شبد کہے میَں دسّاں گوبِند داتا، جو گہر گمبھیِر اکھوائیا۔ جِس نے میٹنی کلجُگ انتم اندھیری راتا، کوُڑی کِریا رہن نہ پائیا۔ اُس نوُں جنمے کوئی نہ ماتا، بِنا پِتا پُرکھ اکال گود نہ کوئے سُہائیا۔ اوہ گُرمُکھاں دے انتر آتم رکھے ناتا، برہم میلا سہج سُبھائیا۔ دُھر دی سُنائے انوکھی گاتھا، جِس نوُں پڑھن کوئے نہ پائیا۔ لکھّ چؤراسی میٹ کے واٹا، پَینڈا اگلا دئے مُکائیا۔ میل مِلاوے نال پُرکھ سمراتھا، اَدھ وِچکار نہ کوئے اٹکائیا۔ اِکو نوُر اِکو جوتی اِکو جاتا، جوتی جوت جوت سمائیا۔ صدی چؤدھویں سب دا ویکھے کھاتا، چؤداں لوک چؤداں طبق چؤداں وِدیا کھوج کھوجائیا۔ ساچا دِسے کوئی نہ آقا، عقل بُدھی کرے لڑائیا۔ انت اَخیِری چیِتھڑ دِسے پاٹا، اوڈھن سیِس نہ کوئے ٹِکائیا۔ جِس نے چار ورن اٹھاراں برن امرت دھار پیایا اپنے باٹا، باطن ویکھے چائیں چائنیا۔ اوس نے کلجُگ کرنا کھیل تماشا، منڈل راس کھوج کھوجائیا۔ جوتی شبدی دھار پرکاشا، نوُر نوُرانہ ڈگمگائیا۔ بِن سَتگُر شبد کھولے نہ کوئی خلاصہ، پڑدا اَگے نہ کوئے اُٹھائیا۔ جوتی جوت سروُپ ہرِ، آپ اپنی کِرپا کر، سَتگُر شبد دئے وڈیائیا۔ سَتگُر شبد داتا سوُر، سوُربیِر

اکھوائیندا۔ جو سچکھنڈ وسے سدا حضوُر، ہرِ چرنی سیِس نِوائیندا۔ تِھر گھر دوارے ہو مشکوُر، دھوُڑی ٹِکّے خاک رمائیندا۔ جُگ چؤکڑی پار کراوے پوُر، نئیا نؤکا نام پرگٹائیندا۔ سو کلجُگ انتم کِریا میٹے کوُڑ، کوُڑ کُٹمب رہن نہ پائیندا۔ سَتجُگ سچ دھرم کرے ضرور، ساچی کرنی کار کمائیندا۔ چتُر سُگھڑ بنائے موُرکھ موُڑھ، مُکھ انتر نِرنتر بھیوَ کُھلائیندا۔ ہؤمے ہنگتا گڑھ توڑے غروُر، غُربت میٹ مِٹائیندا۔ منوُآ من نہ پاوے فتُور، فتویٰ دیِن مذہب سمجھائیندا۔ اِکو پُرکھ اکالا اپنا نام کرے مشہوُر، مشورے گُر اوتار پَیغمبراں نال سُنائیندا۔ سو سوامی سرب کلا بھرپوُر، سمرتھ اپنی کھیل کھِلائیندا۔ نہ نیڑے نہ دِسے دوُر، گھٹ گھٹ انتر سوبھا پائیندا۔ جوتی جوت سروُپ ہرِ، آپ اپنی کِرپا کر، لیکھا اپنے ہتّھ رکھائیندا۔ سَتگُر شبد کہے میرا لہنا جگت جہان، جگ جیِون داتا رہیا جنائیا۔ میَں ویکھنا سرب اِنسان، کایا ماٹی پھول پُھلائیا۔ کِس دے اندر مِلیا رس پیِن کھان، وست امولک سوبھا پائیا۔ کِس دا نوُر جوت ہووے نوُران، کؤن نِج نیتر لوچن نیَن اکھّ کُھلائیا۔ کوَن ساچی سیجا سُتا بن جوان، جگت وِکارا ڈیرہ ڈھاہیِا۔ کِس نوُں گوبِند کرے پروان، آپ اپنی گود ٹِکائیا۔ کِس دا لیکھا ویکھے سِری بھگوان، ہرِ کرتا بےپرواہیِا۔ کِس دے اندر پِھرے شیَطان، شرع کرے لڑائیا۔ کوَن منزل چڑھے مہان، محبوُب مِل کے وجےّ ودھائیا۔ جوتی جوت سروُپ ہرِ، آپ اپنی کِرپا کر، دُھر دا لیکھا ویکھ وکھائیا۔ دُھر دا لیکھا کہے میری اگمّی لِکھت، اکھّراں وِچ ونڈ نہ کوئے ونڈائیا۔ جِس دے حُکم نال گُر اوتار پَیغمبراں دسّیا بھوِکھت، بھوِش دئے جنائیا۔ جِس دا اَگے اِکو سانجھا ہونا اِشٹ، دوُجا نظر کوئے نہ آئیا۔ ایہہ سندیسہ دِتا ترنتے رام وشِشٹ، وِشیاں والا گُروُ کلجُگ انتم رہن کوئے نہ پائیا۔ جوتی جوت سروُپ ہرِ، آپ اپنی کِرپا کر، ساچی کرنی کار کمائیا۔ گُر شبد دُھر سوامی، سویمبر لکھّ چؤراسی ویکھ وکھائیا۔ ہر گھٹ نِواسی انترجامی، انتر آتم پڑدا لاہیِا۔ بودھ اگادھ اگمّی بول بانی، بان انیالا تیِر چلائیا۔ امرت رس دے کے ٹھانڈا پانی، نِجھر آپ جھِرائیا۔ وِشن برہما شِو جِس سیوا لائے چارے کھانی، انڈج جیرج اُتبُھج سیتج ونڈ ونڈائیا۔ جِس دا تن وجوُد کھیل جگت دوار اندر روُحانی، رحمانی اسمانی اپنی کل ورتائیا۔ سو پُرکھ نِرنجن سَتجُگ اندر کلجُگ میٹے کوُڑ نِشانی، کایا کُٹیا صاف کرائیا۔ چار جُگ دا جھگڑا میٹ دیِوانی، دُھر دا حُکم اِک اُپجائیا۔ اِکو اِشٹ جیو جہانی، صاحِب سُلطان سوبھا پائیا۔ جوتی جوت سروُپ ہرِ، آپ اپنی کِرپا کر، ویکھنہارا دُھر دا گھر، دھرم دوارا اِک جنائیا۔ سَتگُر شبد کہے میَں کھولاں بھیوَ گُجھا، رمز اپنا

نام لگائیا۔ دوُجا رہے کوئی نہ اُگھا، اُگن آتھن ویکھ وکھائیا۔ جو دھیان کر کے گیا بُدھا، بُدھی توں پرے پڑدا لاہیِا۔ جو عیسیٰ موُسیٰ محمد کھیل وکھایا لُکا، نوُرے نظر نظر رُشنائیا۔ شبدی جوتی دھار ہرِ رسنا کہنا نانک جُسا، جِسم اِسم اِک پرگٹائیا۔ جو دسویں دھار اُٹھا، گوبِند گُر وڈ وڈیائیا۔ اوہ گُرمُکھاں اُپر تُٹھا، مِہر نظر اُٹھائیا۔ جِس نے چار ورن اٹھاراں برن بناؤنے اِکو مُٹھا، اَگے ونڈ رہے نہ رائیا۔ اگمّا امرت جام دیوے نِجھر رس گھُٹا، سوانت سوانتی بوُند ٹپکائیا۔ سب نوُں کہے آو میرے پُتا، پت پرمیشور نال جُڑائیا۔ جِس دا نِشانہ تیِر کدے نہ اُکا، دو جہاناں ویکھ وکھائیا۔ اوس دا کھیل ہونا جگت جہان جِس دیاں شاستر سِمرت وید پُران اِنجیِل قرآن دیندے آئے پُچھاں، سندیسیاں وِچ سُنائیا۔ جو سچ پریم پیار بھگتی دا بُھکھا، پاربرہم پت پرمیشور بےپرواہیِا۔ اُس نے کلجُگ کوُڑی کِریا رہن نہیں دینی لُٹا، کوُڑ لُٹیرے دینے مِٹائیا۔ جیہڑا آتم پرماتم نالوں تُٹا، تُٹی گنڈھ دینی پوائیا۔ جوتی جوت سروُپ ہرِ، آپ اپنی کِرپا کر، نِہکرمی ہو کے اپنی کار کمائیا۔ سَتگُر شبد کہے میَں دُھر دا دھرم غُلام، سیوا سچ کمائیا۔ ویکھاں زِمیں اسمان، گگن گگننتر پھول پُھلائیا۔ پَیغمبراں دیواں پَیغام، سُنیہڑا سچ سُنائیا۔ جِس نوُں کہندے اِمام، عملاں توں رہت نوُر خُدائیا۔ صدی چؤدھویں اوسے نے کرنا انتظام، نوَ نؤ چار ویکھ وکھائیا۔ جِنہاں پرم پُرکھ پرماتم دا نام کیِتا بدنام، بدیاں دا ڈیرہ ڈھاہیِا۔ اَگے سب نوُں سانجھا دسّنا اِسلام، اِسم اعظم اِک درسائیا۔ جِتھے جھُک جھُک سجدیاں وِچ اپنا میٹنا نِشان، نِشانہ کلمہ نام سُنائیا۔ جوتی جوت سروُپ ہرِ، آپ اپنی کِرپا کر، سو لیکھا دئے وکھائیا۔ سَتگُر شبد کہے سندیسہ دینا عیسیٰ موُسیٰ محمد یار، مُسلسل دیاں جنائیا۔ اپنا اگلا پِچھلا سُنو اِظہار، کلمیاں والی کھوج کھوجائیا۔ گُفت شُنید جانو گُفتار، بِن رسنا جِہوا راگ الائیا۔ جِس نے تُہانوُں بنایا مختیار، لوک مات دِتی وڈیائیا۔ سو لہنا دینا لیکھا منگے وِچ سنسار، سنساری بھنڈاری سنگھاری بچیا رہن کوئے نہ پائیا۔ اپنی اُمت ویکھو وارو وار، اندر وڑ کے مندر چڑھ کے کایا کعبہ پھول پُھلائیا۔ کوَن مِلیا پروردِگار، کٹ کے منزل جگت دُشوار، جگت شریِعت ہو کے صوُفی صفا کوُڑ اُٹھائیا۔ مُحبّت وِچ بن کے خِدمتگار، سیوا کرنی اپر اپار، درشن پایا اِک کرتار، قُدرت دا قادر جو اکھوائیا۔ اپنا لیکھا لؤ وِچار، صدی چؤدھویں مُکنی دھار، اَگے چلنا اگمّ وِہار، جِس دی پاوے کوئی نہ سار، اکھّراں وِچ بنیا نہ کوئی لِکھار، کاتب ہو کے قلم نہ کوئے چلائیا۔ جِس دا حُکم سدا جُگ چار، اوہ کھیل کرے نِرنکار، شبدی سُرت اُٹھائے اِک دوار، جو

کوُڑی کِریا دئے نِوار، سَت دھرم کرے اُجیار، سنت سُہیلے لئے اُٹھائیا۔ گُر چیلے ویکھے آن، سُرتی شبدی کرائے دھیان، اکال موُرتی کرے پروان، نام تُورتی اِک نِدھان، سرِشٹی کوُڑی کِریا میٹے منوُآ من نہ رہے شیَطان، شرع دی شریِعت دئے بدلائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، لکھّ چؤراسی انتر انتر نِرنتر ہو کے ویکھ وکھائیا۔ سَتگُر شبد کہے میَں دسّاں اگمّی ہستی، جو ہست کوَلاں وِچ ہتّھ کِسے نہ آئیا۔ جِس نوُں کہندے مالک عرشی، نوُر نوُرانہ نوُر رُشنائیا۔ سو سچکھنڈ دوارے چار جُگ دی پِچھلی ویکھے عرضی، جو گُر اوتار پَیغمبر آئے سُنائیا۔ غریِب نِمانیاں بنے انتم دردی، دردیِاں درد ونڈائیا۔ کلجُگ کوُڑی کِریا میٹے اندھیرگردی، چاروں کُنٹ رُشنائیا۔ جِس دی کھیل سدا اچرج دی، اسچرج لیِلا آپ ورتائیا۔ اوسے دی دھار اگمّے مرد دی، مرد مردانہ اِک وکھائیا۔ جوتی جوت سروُپ ہرِ، آپ اپنی کِرپا کر، دیونہارا سرِشٹی ور، درِشٹی اِشٹی اِک وکھائیا۔ سَتگُر شبد کہے سارے ہو جاؤ شُدھ، سُدھ سِدھ سُدھار جنائیا۔ نرم کر لؤ بُدھ، بِبیک روُپ وٹائیا۔ گوبِند شبد لؤ بُجھ، جو آد جُگاد کھیل کھِلائیا۔ اوسے دی یاد وِچ جاؤ رُجھ، دوُجی اوَر نہ کوئے پڑھائیا۔ جِس دے کول سب کُجھ، وست امولک جھولی پائیا۔ آون جاون پَینڈا جائے مُک، لکھّ چؤراسی رہے نہ رائیا۔ جِس دی اِکو نام دی دھار تُک، تُخم تاثیر دئے بدلائیا۔ جن بھگتاں اُجل کر کے مُکھ، مُکھیئے دو جہان وکھائیا۔ امرت جام دیوے گھُٹ، رس نِجھر اِک جھِرائیا۔ شبدی دھار پئے پُھٹ، اپنی آپ لئے انگڑائیا۔ کرے پرکاش اندھیرے گھُپ، نِرگُن نوُر کر رُشنائیا۔ بِنا رسنا جِہوا بولیاں رہے چُپ، چُپ چُپیِتا سوبھا پائیا۔ ساڈھے تِنّ ہتّھ مندر رہے لُک، باہروں نظر کوئے نہ آئیا۔ جو دیِن دُنی دا میٹے دُکھ، چِنتا غم چُکائیا۔ جوتی جوت سروُپ ہرِ، آپ اپنی کِرپا کر، در مندر اِک سُہائیا۔ سَتگُر شبد کہے سُنو سُدھار واسی، گوبِند گوبِند گوبِند سرنائیا۔ صاحِب سَتگُر دی منّو آکھی، جو اکھّراں توں باہر کرے پڑھائیا۔ جو نام پیالہ دیوے بن کے ساقی، رس اگمّی اِک چکھائیا۔ منوُآ من رہن نہ دیوے عاقی، گڑھ ہنکار تُڑائیا۔ منزل چڑھ اگمّی گھاٹی، گھر ساچا اِک وکھائیا۔ جِتھے نہ کوئی دِوس نہ کوئی راتی، گھڑی پل نہ ونڈ ونڈائیا۔ نہ سندھیا نہ پربھاتی، ویلا وقت نہ کوئے وکھائیا۔ اِکو نوُر جوت پرکاشی، کملاپاتی پت پرمیشور بےپرواہیِا۔ جِس دا گوبِند سدا ساتھی، وِچھوڑا نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، پڑدا اوہلا دئے چُکائیا۔ تیراں چیت کہے سُنو سچ سندیس، ہرِجن ساچے رہیا سُنائیا۔ پُرکھ اکال کرو

آدیس، جو سب دا پِتا مائیا۔ جو بدل دیوے ریکھ، جنم مرن دا ڈیرہ ڈھاہیِا۔ انتر کھولے بھیت، پڑدا آپ چُکائیا۔ آتم پرماتم کرے ہیت، ساچا سنگ وکھائیا۔ جوتی جوت سروُپ ہرِ، آپ اپنی کِرپا کر، گھر مندر اِک وکھائیا۔ تیراں چیت کہے ویکھو گھر سُہنجنا، کایا ماٹی نظری آئیا۔ جِتھے جگے جوت آد نِرنجنا، اٹّھے پہر ہووے رُشنائیا۔ ملِے داتا دانی درد دُکھ بھےَ بھنجنا، بھوَ ساگر پار کرائیا۔ نِج نیتر پاوے نام انجنا، اندھ اگیان مِٹائیا۔ سچ ڈنڈاوت دسےّ بندنا، نمو نمو نمستے سجدہ سیِس جھُکائیا۔ جِس نے کلجُگ کوُڑی کِریا بھانڈا بھنّنا، ٹھوکر اپنا نام لگائیا۔ جِس دا نوُر نوُرانہ گوبِند چند عرشا ں فرشاں اُتے سب نے منّنا، آخر رہن کوئے نہ پائیا۔ اوہ کھیل کرے برہمنڈنا، وربھنڈن کھوج کھوجائیا۔ جِس دا نام تیج چنڈ پرچنڈنا، چنڈکا رہن کوئے نہ پائیا۔ جوتی جوت سروُپ ہرِ، آپ اپنی کِرپا کر، لیکھا جانے دُھر دے در، دُھر دی دھار اِک درسائیا۔ سَتگُر شبد کہے سُنو نگر نِواسی، نِواس استھان اِک وکھائیا۔ جِتھے پرم پُرکھ جوت پرکاشی، پرکاشوان سوبھا پائیا۔ جِس دی دھار نہ کدے وِناسی، جنم مرن نہ ونڈ ونڈائیا۔ جِس دی گُر اوتار پَیغمبر منّن آکھی، حُکمے اندر بھجّن واہو داہیِا۔ سو بھگت سُہیلا سب دا ساتھی، سگلا سنگ نِبھائیا۔ کایا دے اندر دا بنے پاٹھی، سِمرن اِکو اِک دِرڑائیا۔ جِس دی بِن اکھّراں توں پوتھی جائے واچی، لِکھن پڑھن دی لوڑ رہے نہ رائیا۔ اوہ کلجُگ انتم میٹے اندھیری راتی، سَتجُگ ساچا چند کرے رُشنائیا۔ چار ورن سانجھی بنا کے جماعتی، جمُلہ اکھّر اِکو اِک دِرڑائیا۔ گُر اوتار پَیغمبر ویکھن مار کے واٹی، اگلا پندھ مُکائیا۔ ایہہ کھیل پُرکھ ابناشی، ہرِ کرتا آپ کرائیا۔ جِس دا منڈل اوسے دی راسی، بِن گوپی کاہن ناچ نچائیا۔ جِس دی سرِشٹ اوسے دی پربھاسی، بِن سیِتا رام لکھّ چؤراسی سُرتی شبد نال وڈیائیا۔ جِس دا جیِون اوسے دی پھاسی، عیسیٰ دے کے گیا دُہائیا۔ جِس دا نوُر اوسے دی ذاتی، موُسیٰ مُنہ دے بھار سُٹائیا۔ جِس دا کلمہ اوسے دی کائناتی، محمدہوُہوُ نعرہ لائیا۔ جِس دی کھیل اگمّی ساچی، سو ساجن سَتگُر نانک گیا دِرڑائیا۔ جِس دی سب توں اؤکھی گھاٹی، سو گوبِند پوُری کر وکھائیا۔ بنس سربنس بچّیاں دی پربھ چرن جوڑ کے ناتی، ناتا جگت نالوں تُڑائیا۔ گُرسکھاں انت سندیسہ گیا آکھی، سچ سُنیہڑا اِک سمجھائیا۔ میرا اوس دے اندر وسیرا میَں اوسے گھر دا واسی، جِتھے جنم مرن رہے نہ رائیا۔ لیکھا ویکھاں پھیر کلجُگ اندھیری راتی، ڈھئیا ڈھؤنکا اِک لگائیا۔ جِس دی سمجھ نہ سکے کوئی واٹی، پَینڈا پندھ نہ کوئے دِرڑائیا۔ اوہ کھیل کرے آپ ابناشی، کرنی دا کرتا مِل کے دُھر دی وجےّ

ودھائیا۔ جوتی جوت سروُپ ہرِ، آپ اپنی کِرپا کر، جُگ چؤکڑی دیوے ور، سَتجُگ تریتا دواپرکلجُگ جائے ہر، سنت سُہیلے گُرمُکھ سجّن لکھّ چؤراسی وِچوں لئے پھڑ، چرن دھوُڑ کرا کے مجن، کایا مندر اندر نِج سِنگھاسن بہے وڑ، دوُجا دھام دُھر دا رام اگمّی کاہن حقیِقی پَیغام شبدی طران وِچ جہان نؤجوان سِری بھگوان صاحِب سوامی انترجامی گھٹ نِواسی ایکنکار اِک اِکلّا سچ محلا سچ سندیس سَت سَت دِرڑائیا۔

۱۳ چیت شہنشاہی سمت ۴ نِرنجن سِنگھ دے گرِہ لُدھیانہ

لال سوُہا کنچن رنگ تِنّ رنگ دی مِٹّی، خاکی خاک خاک بدلائیا۔ جِس دی کھیل جُگ چؤکڑی سدا نِکی، جگ نیتر نظر کوئے نہ آئیا۔ جِس ویلے گُر اوتار پَیغمبراں پربھ نام سندیسہ دیندا رہیا چِٹھی، دُھر فرمانا اِک سُنائیا۔ اوس ویلے ترےَگُن مایا پربھ دوارے دُہتّھڑ مار کے پِٹی، لوچن نیَناں نیِر وہائیا۔ جگ نیتر دو جہان کِسے نہ دسی، روُپ انوُپ نظر کوئے نہ آئیا۔ جِس دی دھار کِسے نہ لِکھی، شاستر دیوے نہ کوئے گواہیِا۔ جُگ چؤکڑی سمجھے کوئی نہ مِتی، وار تِھت نہ کوئے دِرڑائیا۔ جوتی جوت سروُپ ہرِ، آپ اپنی کِرپا کر، بھیوَ ابھیدا رہیا کُھلائیا۔ سوُہا لال کنچن پربھ دی اگمّی دھار، دھرنی دھرت دھوَل سُہائیا۔ جِس ویلے حُکم دیندا رہیا نِرنکار، نِرگُن نِروَیر اپنی کار کمائیا۔ سچکھنڈ دوارے ماردا رہیا لکار، ترےَبھوَن دھنی تریَلوکی توں پار دئے سمجھائیا۔ اپنا کھیل دسّدا رہیا اپار، اپرمپر سوامی پڑدا لاہیِا۔ لال رنگ کہے میَں ویکھاں اوہ یار، جو یارانہ دُھر لگائیا۔ کنچن کہے میَں تکیا اوہ گھر بار، جِتھے نظر نوُر الاہیِا۔ سوُہا کہے میَں سُہاواں سچ دربار، جِتھے در دربان نظر کوئے نہ آئیا۔ وِشن برہما شِو تِنّے بنے بِھکھار، در ٹھانڈے سیِس نِوائیا۔ جِس ویلے ترےَگُن مایا پُرکھ ابناشی اپنی دھاروں کڈھی باہر، جنم والی نہ کوئے مائیا۔ اوہناں دے مستک تِلک لگایا اِک اِکلّے ایکا وار، دوُجا سمجھ کوئے نہ پائیا۔ تِنّے رنگ کہن اسیں جگت دا شِنگار، جوتی جوت سروُپ ہرِ، آپ اپنی کِرپا کر، بھیوَ ابھیدا دئے کُھلائیا۔ تِنّے رنگ کہن ساڈا اولّا ویس، سچ دئیے جنائیا۔ سچ دوارے ہوئے پیش، در ٹھانڈے سیِس نِوائیا۔ پُرکھ اکال دِتا سندیس، دُھر فرمانا اِک سُنائیا۔ تُسیں تِنّے ڈھولا بولو ایک، اِک آواز لگائیا۔ دوُجا رہے نہ کوئی بھیکھ، بِھکسوُ سارے دینے بدلائیا۔ وِشن برہما

شِو تکّے نیت، نیت نیت جنائیا۔ جِس کارن تُہاڈے نال کیِتا ہیت، ہِتکاری دئے سمجھائیا۔ جوتی جوت سروُپ ہرِ، آپ اپنی کِرپا کر، ساچا رنگ آپ رنگائیا۔ مِٹی کہے میرے ترےَ رنگ، رنگت بےپرواہیِا۔ جِس ویلے وِشن برہما شِو پوُری ہوئی منگ، مانگت بَیٹھے سیِس جھُکائیا۔ سُنیا پھیر اگمّی مردنگ، ڈھولا دُھردرگاہیِا۔ سُنیا دُھر دا چھند، وجّی سچ ودھائیا۔ آیا اِک انند، انند وِچ سمائیا۔ تکیا نوُری چند، چند وِچ رُشنائیا۔ ترےَ ترےَ ویکھ کے پئی ٹھنڈ، سانتک سَت سمائیا۔ اودھروں حُکم دِتا سوُرے سربنگ، دُھر فرمانا اِک جنائیا۔ اپنا اپنا انگن وکھاؤ انگ، کی انگیکار کرائیا۔ جوتی جوت سروُپ ہرِ، آپ اپنی کِرپا کر، پڑدا اوہلا رہیا چُکائیا۔ مِٹی کہے میرا رنگ وکھّرا، وکھّرا نظری آئیا۔ میرا لہنا نہیں اکھّرا، اکھّراں نہ کوئے پڑھائیا۔ میرا لیکھا نہیں سطرا، لائیناں وِچ نہ کوئے صالاحیِا۔ میری وڈیائی نہیں نال پتّھرا، سِل پوُجس صِفت نہ کوئے صالاحیِا۔ میَں ویکھنا نہیں کوئی پتّرا، ناتا قلم شاہیِا۔ میَنوُں نہیں کوئی خطرہ، بےخطر دیاں سُنائیا۔ میرے وِچ اوہ پریم پیار دا نخرہ، جِس دا پڑدا نہ کوئے اُٹھائیا۔ جوتی جوت سروُپ ہرِ، آپ اپنی کِرپا کر، دُھر دا بھیوَ آپ کُھلائیا۔ مِٹی کہے میَں دسّاں سچ پُکار، کوُک کوُک سُنائیا۔ پُرکھ اکال کیِتا وِہار، بِوہاری کار کمائیا۔ وِشن برہما شِو ٹِکّے لائے اپنی دھار، بِنا اُنگل اُنگل ٹِکائیا۔ سُرستی لکشمی پاربتی اُدھار، تِنّاں رنگت دِتی چڑھائیا۔ آون خوشیاں نال بول جَیکار، ڈھولا دِتا سُنائیا۔ تُوں میرا میَں تیرا آدھار، دوہاں وِچولا بےپرواہیِا۔ جوتی جوت سروُپ ہرِ، آپ اپنی کِرپا کر، دُھر دا کھیل رہیا سمجھائیا۔ تِنّے رنگ کہن جِس ویلے ترےَ ترےَ لگّے متھے، مستک نال وڈیائیا۔ پُرکھ اکال ویکھ اپنی اکھےّ، نیتر لوچن نیَن اُٹھائیا۔ اسیں تِنّے کھِڑ کھِڑ ہسّے، خوشیاں وجّی ودھائیا۔ پِھر رو کے حال دسےّ، نیَناں نیِر وہائیا۔ پربھوُ جِس طرح وِشن برہما شِو پھبےّ، سوہنا رنگ رنگائیا۔ ساڈی بیننتی تیرے اَگے، در ٹھانڈے دیئیے سُنائیا۔ جِس ویلے تیری جوت نِرگُن سرگُن دھار جگے، جاگرت جوت کرے رُشنائیا۔ سنت سُہیلے بھگت لبھے، کھوجے تھاؤں تھائنیا۔ سچ پریم اندر بدھےّ، بندنا اِک دِرڑائیا۔ امرت نام دے دے کے مزے، مذاق کوُڑا دئے مِٹائیا۔ سچ دوارے سدّے، ہوکا حق سُنائیا۔ ساڈی سیوا اوس ویلے لگّے، خوشیاں نال اپنا رنگ چڑھائیا۔ دُھر فرمان دِتا سوُرے سربگے، سندیسہ اِک سُنائیا۔ جوتی جوت سروُپ ہرِ، آپ اپنی کِرپا کر، پڑدا اوہلا دئے اُٹھائیا۔ پُرکھ اکال کِہا سُنو رنگ تیِن، تریَلوک توں باہر دیاں جنائیا۔ تُسیں سارے کہو آمیِن، نِیوں نِیوں سیِس جھُکائیا۔ ساچی

سِکھو اِک تعلیِم، حُکم دُھردرگاہیِا۔ کھیل ویکھو نر مدیِن، لکھّ چؤراسی ونڈ ونڈائیا۔ دھام سُہنجنا رہے قدیِم، قُدرت دا مالک دَیا کمائیا۔ جُگ چؤکڑی کھیل ویکھو نویِن، سَتجُگ تریتا دواپرکلجُگ ویس وٹائیا۔ تُسیں کدے نہیں ہونا غم گین، چِنتا نیڑ کوئے نہ آئیا۔ تِنّے میرے اُتے کرو یقیِن، بھروسا اِک سمجھائیا۔ اپنا آپ نہ منّو حُسیِن، گڑھ ہنکار نہ کوئے بنائیا۔ سدا رہنا حُکم ادھیِن، سِر سکے نہ کوئے اُٹھائیا۔ جوتی جوت سروُپ ہرِ، آپ اپنی کِرپا کر، دُھر سندیسہ اِک سُنائیا۔ تِنّ رنگ سُنو اگمّی بات، ہرِ باطن دئے جنائیا۔ تُہاڈی میرے وِچوں اُپجی ذات، نوُر نوُر وِچوں پرگٹائیا۔ تُہاڈا لیکھا نہیں کاغذات، قلم شاہی نہ جوڑ جُڑائیا۔ تُہاڈا جھگڑا نہیں کِسے سماج، سچ سمگری اِک ورتائیا۔ سَت ستوادی ہو کے دیواں دات، پریم پریِتی جھولی پائیا۔ تِنّاں مِل کے گاؤنی دُھر دی گاتھ، سوہنگ سچ پڑھائیا۔ گُر اوتار پَیغمبراں مستک لاؤنا ماتھ، ٹِکّے نام چُھہائیا۔ جِس ویلے بولن بھوِکھت واک، اُنگلاں اُتے اُنگلاں نال گھسائیا۔ جوتی جوت سروُپ ہرِ، آپ اپنی کِرپا کر، دُھر دا لیکھا اِک سُنائیا۔ تِنّ رنگ تُساں رہنا سوادھان، ہرِ کرتا آپ جنائیا۔ وِشن برہما شِو خوشی منان، وجدی رہے ودھائیا۔ جُگ چؤکڑی ویکھنا کھیل مہان، سَتجُگ تریتا دواپرکلجُگ مات ہنڈھائیا۔ گُر اوتار پَیغمبر دین گیان، سرِشٹی درِشٹی حُکم ورتائیا۔ کلمیاں وِچ کرن کلیان، کعبیاں سیِس نِوائیا۔ بھیوَ دسّن سِری بھگوان، پردہ اوہلا جگت چُکائیا۔ سچکھنڈ دواریوں آپ رہن اَنجان، پربھ دا بھیوَ کوئے نہ پائیا۔ سجدے جھُک جھُک کرن سلام، نمو نمو سیِس نِوائیا۔ بردے بن غُلام، بھجّن واہو داہیِا۔ منگتے ہو کے منگن دان، اپنی جھولی اَگے ڈاہیِا۔ کِرپا کر دُھر اِمام، عملاں توں رہت کرے خُدائیا۔ جوتی جوت سروُپ ہرِ، آپ اپنی کِرپا کر، ساچی کھیل رہیا کھِلائیا۔ تِنّ رنگ کہن پربھ ہوئی حَیرانی، حَیرت وِچ دِرڑائیا۔ گُر اوتار پَیغمبر تیری نِشانی، نِرگُن سرگُن سوبھا پائیا۔ باقی سرِشٹی دِسے فانی، تت رہن کوئے نہ پائیا۔ دھن دؤلت دِسے بیگانی، حقدار نہ کوئے اکھوائیا۔ کی جھگڑا پاویں جِسمانی، تتاں ونڈ ونڈائیا۔ کی منزل دیویں روُحانی، روُح بُت جوڑ جُڑائیا۔ کی کھیل کریں درمیانی، پڑدا سکے نہ کوئے اُٹھائیا۔ کی بُدھ کریں نادانی، دوَیتی روُپ نہ کوئے وٹائیا۔ کی تیری ہووے اَلھڑ جوانی، جوبن ونتا سوبھا پائیا۔ کی بھگتاں دیویں مہمانی، وست امولک کایا گولک دیویں ٹِکائیا۔ کی جھگڑا مُکاویں چارے کھانی، چارے بانی راگ الائیا۔ کی لیکھا جانے پؤن پانی، بسنتر پھول پُھلائیا۔ تِنّ رنگ کہن اِک تیرے چرن دھیانی، دھرم دوارے سیِس نِوائیا۔ تیرا حُکم شاہ سُلطانی،

شہنشاہ تیری سرنائیا۔ جوتی جوت سروُپ ہرِ، آپ اپنی کِرپا کر، دُھر دا کھیل دینا وکھائیا۔ تِنّ رنگ کہن اسیں لگدے رہے للاٹ، لاٹاں والی دھیان لگائیا۔ وِکدے رہے تیرے ہاٹ، قیِمت اوَر نہ کوئے چُکائیا۔ ساڈی پُچھے کوئی نہ وات، نَواں روُپ نہ کوئے بدلائیا۔ اسیں منگیئے منگ خاص، خالی جھولی اَگے ڈاہیِا۔ جیہڑا تیرا پریمی تَینوُں گاوے سواس سواس، ساہ ساہ وڈیائیا۔ اوس دی پوُری کرنی آس، آسا آسا وِچوں لیَنی بدلائیا۔ جگت جہان کر تلاش، کھوجنا تھاؤں تھائنیا۔ پُرکھ اکال کِہا سُنو اگمّی بات، سچ دیاں جنائیا۔ جِس ویلے کلجُگ آوے اندھیری رات، سَتجُگ تریتا دواپررہن کوئے نہ پائیا۔ اوس ویلے ویکھاں کھیل تماش، نِرگُن سرگُن سرگُن نِرگُن اپنا حُکم ورتائیا۔ پرگٹ ہو پُرکھ ابناش، ابناشی کرتا ہو کے راہ تکائیا۔ ساچے منڈل پا کے راس، بن گوپی کاہن ناچ نچائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ تِنّ رنگ کہن اسیں نہیں کوئی مِٹی گھٹّا، گھٹیِا روُپ نہ کوئے وکھائیا۔ سانوُں شنکر سُٹیا وِچ اپنیاں جٹاں، جِس ویلے گنگا دھار دِتی وہائیا۔ سانوُں چُھہایا اشٹبُھج سِنگھ سوار جِس ودھائیاں لِٹاں، سیِس جگدیِش گُندائیا۔ جوتی جوت سروُپ ہرِ، آپ اپنی کِرپا کر، سچ سیوا اِک سمجھائیا۔ تِنّ رنگ کہن کی دسّیئے اپنا حال، پربھ تیرے ہتّھ وڈیائیا۔ جِس ویلے پیار کیِتا کال، مہاکال دئے وڈیائیا۔ تِنّے رنگ اوس نوُں دِتے وکھال، بِن اکھّاں اکھّ کُھلائیا۔ جوتی جوت سروُپ ہرِ، آپ اپنی کِرپا کر، پڑدا اوہلا رہیا چُکائیا۔ تِنّ رنگ کہن اسیں مِٹّی نہیں خاک، خاکی خاک روُپ وٹائیا۔ جِس ویلے پَیغمبر گُر اوتاراں ملِے دات، داتا دانی جھولی پائیا۔ اوس ویلے سانوُں رکھے ساتھ، سگلا سنگ نِبھائیا۔ ہؤلی جِہی دیوے آکھ، سُنیہڑے وِچ سمجھائیا۔ ویکھیو وِکیو کِسے نہ ہاٹ، گُر اوتار پَیغمبر قیِمت نہ کوئے چُکائیا۔ اِکو پرم پُرکھ دی رکھیو آس، دوُجا سنگ نہ کوئے نِبھائیا۔ جُگ چؤکڑی رکھکے پوُرا وِشواس، بَیٹھے دھیان لگائیا۔ جوتی جوت سروُپ ہرِ، آپ اپنی کِرپا کر، بھیوَ ابھیدا دئے کُھلائیا۔ تِنّ رنگ کہن اسیں سوہنے چنگے، سُتھرے نظری آئیا۔ ایہہ لہنا دینا گوداوری گنگے، جمنا سُرستی سیِس نِوائیا۔ جِس ویلے پربھ نے اُتبُھج سیتج کھیل کھلاؤنا جیرج انڈے، ترےَگُن ناتا پنج تت جُڑائیا۔ لکھّ چؤراسی وِچوں مانَس ذات بنائی بندے، بندگی وِچ سمجھائیا۔ سَت دھرم دے لا کے دھندے، دھرم دوارا اِک پرگٹائیا۔ سچکھنڈ دوارے رنگ کہن اسیں پربھ چرناں وِچ ٹنگے، جِتھے اپنا حُکم ورتائیا۔ جوتی جوت سروُپ ہرِ، آپ اپنی کِرپا کر، دُھر دا بھیوَ رہیا کُھلائیا۔ تِنّ رنگ کہن اسیں کیِتی ارداس، در ٹھانڈے دِتی

سُنائیا۔ پربھ تیرا کھیل تماش، جُگ چؤکڑی ویکھ وکھائیا۔ کد ساڈی پوُری کریں آس، آہستہ آہستہ پندھ مُکائیا۔ اسیں چاہُندے تیرا جگت وِچ دئیے ساتھ، لوک مات وڈیائیا۔ چرن پریِتی بجھّے نات، نہ کوئی توڑے توڑ تُڑائیا۔ چار ورن بنائیے اِک ذات، دُتیا بھاؤ رہے نہ رائیا۔ جِدھر تکّیئے تیرا واس، خالی رہن کوئے نہ پائیا۔ پُرکھ اکالا دیِن دَیالا پِٹھ ٹھوک کے کہے شاباش، واہ واہ وڈّی وڈیائیا۔ جِس ویلے کلجُگ ہوئی اندھیری رات، نِرگُن نوُر کراں رُشنائیا۔ گُر اوتار پَیغمبراں بُھلے بات، گاتھ سچ نہ کوئے دِرڑائیا۔ اوس ویلے جن بھگتاں کھولاں راز، پڑدا آپ چُکائیا۔ اوس ویلے تُوں میرا میَں تیرا مار آواز، سوئے جگت اُٹھائیا۔ تِنّے رنگ کہن اوس ویلے کی کریئے اسیں کاج، کرنی دے دِرڑائیا۔ پُرکھ اکال کِہا ایہہ لیکھا وِچ مات، دھرنی دھرت دھوَل وڈیائیا۔ جِس ویلے سَتجُگ چلے رِواج، دھرم دی دھار بدلائیا۔ پُرکھ اکالا دیِن دَیالا بدل دیوے سماج، سمگری دُھر دی ونڈ ونڈائیا۔ اِک اِکلّا سیِس سُہائے تاج، تاجاں والے خاک مِلائیا۔ تُساں تِنّاں آؤنا بھاج، بھجّنا واہو داہیِا۔ اپنا وڈّا سمجھنا بھاگ، حِصّہ لہنا جھولی ڈاہیِا۔ کلجُگ کوُڑی کِریا ویکھنی آگ، اگنی تت تپائیا۔ دُرمت مَیل دھووے کوئی نہ داغ، پتت پُنیِت نہ کوئے کرائیا۔ آتم جوت نہ جگے چراغ، اندھ اندھیار نہ کوئے مِٹائیا۔ کنت ملِے نہ کِسے سُہاگ، جگت رنڈیپا نہ کوئے کٹائیا۔ اوس ویلے پربھ کِرپا کرے آپ، اپنی دَیا کمائیا۔ جن بھگتاں دسّ کے سوہنگ جاپ، ترےَگُن ناتا دئے تُڑائیا۔ روُح بُت کرے پاک، پتت پُنیِت بنائیا۔ تُسیں تِنّے رنگ سُن لؤ ساچ، سچ دیاں سمجھائیا۔ چؤتھے جُگ دا چؤتھا سمت جِس ویلے مہیِنہ چڑھیا وِساکھ، واہ واہ خوشی منائیا۔ تُہاڈا لہنا دینا کراں بےباق، پِچھلا رہن کوئے نہ پائیا۔ جن بھگتاں دیواں دات، انمُلڑی دات ورتائیا۔ سوبھاوَنت بنا کے رات، مستک ٹِکّے دیاں چُھہائیا۔ اوس ویلے حاضر ہون گُر اوتار پَیغمبر تریَلوکی ناتھ، ناتھ اناتھاں دئے وڈیائیا۔ جوتی جوت سروُپ ہرِ، آپ اپنی کِرپا کر، رنگت اِکو دئے رنگائیا۔ تِنّ رنگ کہن سانوُں ہوئی خوشی، خوش قِسمت نظری آئیا۔ ساڈی اؤدھ رہی مُکی، پربھ دیوے مان وڈیائیا۔ اساں مِٹی نہیں رہنا سُکی، سچ دئیے سمجھائیا۔ جِتھوں امرت دھار پُھٹی، اُتھوں امرت رس دینا چکھائیا۔ ساڈی پریِت اجے نہ ٹُٹی، نؤ سؤ چُرانوے چؤکڑی جُگ دھیان لگائیا۔ پربھوُ تیرے گُر اوتار پَیغمبر کٹ کے گئے بُتی، بُتخانے وِچ سمائیا۔ دھنّ بھاگ میری تیرے نال مؤلی رُتی، رُت رُتڑی ویکھ وکھائیا۔ سچ تِیوہار ساتھوں پُچھیں، پُشت پناہ ہتّھ رکھائیا۔ اساں ہُن بند نہیں رہنا وِچ گُٹھیں، باہر نِکل کے رنگ دینا چڑھائیا۔ بھگتاں دی انتر مَیل

کرنی سُچی، سنجم اِک سمجھائیا۔ ساچی وست جائے نہ لُٹی، گھروں لُٹیرے دینے کڈھائیا۔ بھاگ لگا کے کایا کُٹی، کوٹ جنم دا پَینڈا دینا مُکائیا۔ جن بھگتو لکھّ چؤراسی وِچوں تُہانوُں چُھٹی، چُھٹکارا دُھر دا دینا وکھائیا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، مہاراج شیرسِنگھ وِشنوُں بھگوان، آد دی انت تک دھار رہن نہ دیوے گُجھی، گُجھا بھید ابھید ابھیوَ سارا دئے کُھلائیا۔