۲۹ وِساکھ شہنشاہی سمت ۴ دلیِپ سِنگھ دے گرِہ بابوُ پُر ضِلع گُرداس پُر
آد جُگاد پُرکھ اکال وڈ پرتاپی، تابعداری سب دی ویکھ وکھائیا۔ دُھر سندیسہ دیوے دُھر دی اگمّی راتی، جِس رَین دی چار جُگ ونڈ نہ کِسے ونڈائیا۔ جودھا سوُربیِر بہادر نِرگُن سرگُن دھار مار تھاپی، بلدھاری اپنا بل پرگٹائیا۔ گُر اوتار پَیغمبر نِراکھّر دھار ویکھو اپنی کاپی، جِس دی کاپی جگت وِدیا نہ کوئے سمجھائیا۔ جُگ چؤکڑی سَتجُگ تریتا دواپرکلجُگ کِن کِن کِتنے تارے پاپی، پتت پُنیِت بنائیا۔ کی سرِشٹی درِشٹی اندر رہندا باقی، لیکھا سب دا دیؤ دِرڑائیا۔ کی کھیل کرایا کایا ماٹی تن خاکی، وجوُد محبوُب ویکھ وکھائیا۔ کی جام پیایا بن کے دُھر دے ساقی، رس امرت اِک چوائیا۔ کی مندر اندر کھولیا بند کواڑا تاکی، بھیوَ ابھیدا دِتا کُھلائیا۔ سچ دسّو، کیوں منوُآ ہر گھٹ اندر ہویا عاقی، ممتا موہ وِچ ہلکائیا۔ کیوں جھگڑا پایا ذات پاتی، دیِن مذہب ونڈ ونڈائیا۔ کی کھیل کیِتا پرِتھمی آکاشی، گگن گگننتر دینا جنائیا۔ کی حُکم منّیا پُرکھ ابناشی، ہرِ جگدیِش جو جنائیا۔ کی منزل چڑھے گھاٹی، کؤن دوارے وجّی ودھائیا۔ کی پدارتھ نام دِتا داتی، دؤلت دُھر دی اِک ورتائیا۔ کی کتھا کہانی دسّی گاتھی، کلمہ کائنات دِرڑائیا۔ کی سُرتی سووت دھار جاگی، جاگرت اپنا رنگ رنگائیا۔ کیوں دیِن دُنی ہوئی باغی، وَیراگی نظر کوئے نہ آئیا۔ وِشن برہما شِو بنیا کؤن باڈی، گھاڑت کِس بِدھ رہیا گھڑائیا۔ کی رسنا جِہوا بتّی دند گائن سوہلے ڈھولے کیتے ڈھاڈی، جگت راگاں وِچ الائیا۔ کیوں جھگڑا پایا مانَو مانَو سماجی، سماں سمجھ نہ کوئے سمجھائیا۔ دُھر دا حُکم اِک جوابی، جواب منگے تھاؤں تھائنیا۔ کی سجدہ دسےّ آدابی، نمستے کؤن وڈیائیا۔ کی کھیل وکھایا محرابی، مندراں وجےّ ودھائیا۔ کی ناد سُنائے نادی، انحد نادی دُھن اُپجائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ فرمانا اِک دِرڑائیا۔ گُر اوتار پَیغمبر ویکھو آپو اپنا حِساب، انکڑے اپنے وِچوں پرگٹائیا۔ جِس دا اِکو وار جواب، دوُجا فِقرہ نہ کوئے الائیا۔ کوَن شاہ کوَن شہنشاہ کوَن پاتشاہ نواب، نؤبت نام حق کوَن وجائیا۔ کوَن نِرگُن سرگُن دیندا رہیا خطاب، خطو خطابت شاستر سِمرت وید پُران اِنجیِل قرآن کھانی بانی دِتی سمجھائیا۔ کوَن دیندا رہیا امرت رس امیوں سواد، بِن رسنا رس چکھائیا۔ کوَن دسّدا رہیا اپنا نام االلہ واہِگُروُ رام گاڈ، دُھر سندیسیاں وِچ جنائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، دُھر فرمانا اِک سُنائیا۔ گُر اوتار پَیغمبر ویکھو اپنا لیکھا، لِکھت سکے نہ کوئے سمجھائیا۔ کی سُن
دے رہے دُھر دا سندیسہ، جِس دی سند لوک مات ہتّھ کِسے نہ آئیا۔ کیہڑا ویکھدے رہے ویسا، کوَن دوارے وجدی رہی ودھائیا۔ کوَن بن دا رہیا کھیوٹ کھیٹا، نئیا سئیا اِک وکھائیا۔ کوَن بناؤندا رہیا پِتا پوُت اپنا بیٹا، نوُر نوُر وِچوں چمکائیا۔ چار جُگ دا پِچھلا سارے کر لؤ چیتا، چیتن اپنا حُکم اُپجائیا۔ کِس بِدھ سب دا پوُرا ہونا ٹھیکا، ٹھیِکیداری رہن کوئے نہ پائیا۔ کِس بِدھ تتاں والے سریِر دی لیَندے رہے بھیٹا، دُھر دا نام اکھّراں وِچ ونڈ ونڈائیا۔ جوتی جوت سروُپ ہرِ، آپ اپنی کِرپا کر، دُھر فرمانا اِک سمجھائیا۔ گُر اوتار پَیغمبرو ویکھو چُک کے اپنا پڑدا، اوہلا رہن کوئے نہ پائیا۔ تُہاڈا لہنا دینا کی چیتن جڑ دا، سہجے دینا سمجھائیا۔ کوَن دھار نِراکھّر رہیا پڑھدا، اکھّراں کی وڈیائیا۔ سچ دسّو گُر اوتار پَیغمبر ہو کے کیوں رہیا مردا، تتاں والا سریِر تجائیا۔ کیوں نہ بھیوَ پایا دُھر دے ہرِ دا، سد ہرِ ہرِ وِچ سمائیا۔ کیوں کھیل کردے رہے پہلے دوُجے تیِجے چؤتھے گھر دا، حِصّے بچّیاں والے ونڈائیا۔ کیوں مانَو مانَو گُر اوتار پَیغمبرو تُہاڈے ذریعے رہیا لڑدا، دیِناں مذہباں وِچ لڑائیا۔ جِس نے بھیوَ پایا میرے گھر دا، ناتا دیِن دُنی گیا تُڑائیا۔ شرع وِچ کدے نہ وڑدا، حق محبوُب مِل کے اپنی خوشی منائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ساچی کرنی کار کمائیا۔ گُر اوتار پَیغمبرو کیوں بنے کُتب فروش، کاتب قلماں والے اکھوائیا۔ کیوں ویکھی جگت والی سوچ، بُدھی نال وڈیائیا۔ کیوں جھگڑا پایا چؤداں لوک، چؤداں طبق دین دُہائیا۔ کیوں شاستر سِمرت وید پُران، اِنجیِل قرآناں والی دسّی کھوج، صِفتاں وِچ صِفتی نام لڑائیا۔ کیوں سَتگُر ہو کے اوتار ہو کے پَیغمبر ہو کے غُصّے وِچ چڑھدا رہیا جوش، کھنڈے کھڑگ تیِر کمان موڈھیاں اُتے رکھائیا۔ کیوں اِک دوُجے اُتے پاؤندے رہے بوجھ، بھار مذہباں والا بنائیا۔ میرے اندر وڑ کے میرا پُچھ لیَندو گوجھ، پڑدا اوہلا رہے نہ رائیا۔ پھیر میرے نام دا دیندا کوئی نہ دوش، نام دا نام کرے نہ کوئے لڑائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، بھیوَ ابھیدا آپ سُنائیا۔ گُر اوتار پَیغمبرو کیوں پاؤندے رہے ونڈاں، اپنا ڈنک وجائیا۔ کیوں کھڑکاؤندے رہے کھنڈا، کھڑگاں ہتّھ وِچ چمکائیا۔ کیوں مانَو مانَو لڑاؤندے رہے بندہ، بندگی وِچ بندے کیوں نہ بنائیا۔ کیوں حِصّے پائے تارا چندا، نوُر ظہوُر نہ کوئے رُشنائیا۔ کیوں کھیل کھیلیا کیس کنگھا، بودی جنجوُ نہ کوئے وڈیائیا۔ کیوں جودھے سوُربیِر اکھوا کے کیِتا دنگا، کیوں جنگلاں وِچ بناں وِچ اپنا آپ بھوائیا۔ کیوں دیِن دُنی ویکھیا دنگا، حَیرانی وِچ خلق خُدائیا۔ کیوں نہ میرا ویکھیا دُھردرگاہی
ڈنڈا، جِس نوُں ڈنڈاوت کر کے سارے سیِس نِوائیا۔ جِتھے دیِن دَیال پُرکھ اکال اِکو بخشندا، پاربرہم پت پرمیشور پروردِگار نظری آئیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ سُنیہڑا اِک سُنائیا۔ گُر اوتار پَیغمبرو ویکھو اپنی پُستک، جو پُشت در پُشت چلی آئیا۔ جِس دے وِچ اکھّراں وِچ صِفتاں والی پربھ دی اُستت، مہما وِچ وڈیائیا۔ کیوں نہیں اِکو نام تے اِکو منّیا مُرشد، کلمہ اِک سمجھائیا۔ کِیون دیِن دُنی ولوں کر کے بَیٹھے رُخصت، اپنا پلّوُ رہے چُھڈائیا۔ جَیکار کرو وِوہار کرو پِھر صدی چؤدھویں کِسے نہ ملِے فُرصت، ویلا نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ سندیسہ اِک سمجھائیا۔ گُر اوتار پَیغمبرو ویکھو اپنی کرنی، ہرِ کرتا آپ دِرڑائیا۔ کیوں جھگڑا ورنی برنی، کھتری براہمن شوُدر وَیش ایکا رنگ نہ کوئے رنگائیا۔ کیوں نہ پُرکھ اکال دی دسّی دُھر دی سرنی، جگت دُنی ونڈ ونڈائیا۔ کیوں نہ اِکو تُک دسّی پڑھنی، جُگ جُگ نام دِتے بدلائیا۔ کیوں نہ اِکو منزل دسّی چڑھنی، جِتھے ملِے دُھردرگاہیِا۔ جوتی جوت سروُپ ہرِ، آپ اپنی کِرپا کر، ساچی کرنی کار کمائیا۔ گُر اوتار پَیغمبر کہن دئیے کی جواب، طوبیٰ طوبیٰ سیِس نِوائیا۔ تیرا کھیل حق جناب، محبوُب تیری بےپرواہیِا۔ جُگ جُگ سجدے کردے آئے آداب، نمستے وِچ سیِس جھُکائیا۔ تیرے پریم دا لےَ کے خطاب، خود مالک تیری اوٹ تکائیا۔ کلجُگ دواپرتریتا سَتجُگ دسدے آئے آداب، سیِس جگدیِش اِک نِوائیا۔ انکڑیاں دا رکھیا نہیں کوئی حِساب، لیکھا ونڈ نہ کوئے ونڈائیا۔ اِکو تیری اوٹ رکھکے آد، انت تیرا راہ تکائیا۔ تیری کِرپا گئے جاگ، انت تیرے وِچ سمائیا۔ تیرا حُکم تیرا سماج، دیِن دُنی تیری وڈیائیا۔ تیرا فرمانا دُھر دا راج، رعیت ویکھی جگت لوکائیا۔ جوتی جوت سروُپ ہرِ، آپ اپنی کِرپا کر، بھیوَ ابھیدا دئے کُھلائیا۔ گُر اوتار پَیغمبر کہن سارے کریئے چیتا، پوُرب دھیان لگائیا۔ رام نے کِہا، وشِشٹ نے دسّیا میَنوُں میرا نیِتا، رام رام دا مالک نظری آئیا۔ جو آد جُگاد سب نال کرے ہیتا، ہِتکاری دُھردرگاہیِا۔ اُنّتی وِساکھ وشِشٹ سُتا سی وِچ کھیتاں، اوڈھن نظر کوئے نہ آئیا۔ چرناں وِچ سی لیٹا، دسرتھ بیٹا سوبھا پائیا۔ جوتی جوت سروُپ ہرِ، آپ اپنی کِرپا کر، سد اپنا رنگ چڑھائیا۔ وشِشٹ کِہا سُن رام رامے، رام دیاں جنائیا۔ اوتار پَیغمبر جِس دے کامے، گُروُ گُردیو سیو کمائیا۔ جُگ جُگ بدلدے رہن جامے، نِرگُن سرگُن سوبھا پائیا۔ ڈنکے شبد وجدے رہن دمامے، جگت جہان شنوائیا۔ ڈھولے گاؤندے رہن ہرِ نامے، صِفتاں وِچ صالاحیِا۔ کی تکّن دو جہانے، پُری
لوء آکاش ویکھ وکھائیا۔ انتم چلن دُھر دے بھانے، سِر سکے نہ کوئے اُٹھائیا۔ اُٹھ ویکھ گیہوُں دے دو چار دانے، جِس نوُں گندم کہے لوکائیا۔ کُچھ وڈّے کُچھ چھوٹے کُچھ بُڈھے کُچھ بال اَنجانے، کُچھ کچّے پکّے سوبھا پائیا۔ جوتی جوت سروُپ ہرِ، آپ اپنی کِرپا کر، اپنا کھیل دئے جنائیا۔ رام کِہا ایہہ دانہ کنک، وشِشٹ کِہا کنک کامنی دوویں دئے تجائیا۔ رام کِہا آہ میرا دھنُکھ، وشِشٹ کِہا دھنُش بان کمّ کِسے نہ آئیا۔ رام کِہا آہ میرے انتر انکھ، وشِشٹ کِہا ہنکار کمّ کِسے نہ آئیا۔ رام کِہا آہ میرے کول سنکھ، وشِشٹ کِہا جگت آواز نہ کوئے سُنائیا۔ رام کِہا آہ میرا لیکھا ویکھ ٹنک، چؤداں بھار سوبھا پائیا۔ وشِشٹ کِہا تیرا لہنا نال جنک، جانکی دیونہار وڈیائیا۔ رام کھول کے ویکھی پلک، نیتر نیَن اُٹھائیا۔ وشِشٹ کِہا وِشیاں توں پرے ویکھ لےَ جھلک، جو جھلے سب نوُں رہی بنائیا۔ نوُری نوُر جنا کے خلق، خالق مخلوُق دوویں پڑدا لاہیِا۔ مستک نظر نہ آیا تِلک، للاٹی جوت نوُر رُشنائیا۔ کلجُگ وکھایا جو نیتر رو کے رہیا وِلک، بہُڑی بہُڑی دئے دُہائیا۔ سَت دھرم وکھایا جو ہر ہِردیوں گیا کھِسک، تن مندر اندر نظر نہ آئیا۔ پریم وکھایا جو وہِندی دھار گیا تِلک، سچ دوارے سوبھا کوئے نہ پائیا۔ وشِشٹ کِہا رام اوہ ویکھ جاں تکّیا تے سرِشٹی دِسی نِندک، نِندیا وِچ دُہائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ وشِشٹ کِہا ایہہ رام کِس دی کھیتی، کوَن خاطر رہیا کرائیا۔ اسیں دوویں پردیسی، مالک نظر کوئے نہ آئیا۔ وشِشٹ کِہا ذرا نِگاہ مار کے ویکھیں، بِن اکھّاں اکھّ اُٹھائیا۔ جاں تکّیا اِک نظر آئی نؤ سال دی بیٹی، کنّیا روُپ بدلائیا۔ چار کُنٹ رہی ویکھی، دہ دِشا پھول پُھلائیا۔ نالے ہسّ کے کِہا رام وشِشٹ تیری کی شیخی، شرع وِچ دیؤ جنائیا۔ کی دُنیا دی ریکھی، رِکھیاں وِچ کی وڈیائیا۔ کی قلم کاتب والی لیکھی، لِکھت دئے بُھگتائیا۔ جے تُسیں دوویں پردیسی، دیس والا نظر کوئے نہ آئیا۔ ایس بُھل دی پربھ دے کول بُھگتو پیشی، پیشنگوئی دیاں جنائیا۔ جِس ویلے مالک آوے نر نریشی، نر نرائن دُھردرگاہیِا۔ جوتی جوت سروُپ ہرِ، آپ اپنی کِرپا کر، دُھر دا لیکھا آپ جنائیا۔ رام وشِشٹ دے کول آ گیا کِرسان، خوشیاں پندھ مُکائیا۔ ویکھیا نال دھیان، پلک اکھّ بدلائیا۔ انتر ہویا گیان، وجّی سچ ودھائیا۔ چرنی ڈِگا آن، سیِس سر نِوائیا۔ بول کے نال زبان، بیننتی اِک سُنائیا۔ تُسیں پردیسی میرے مہمان، بھوجن دیواں چکھائیا۔ رام نے پکڑ کے اوس دا کان، چاروں کُنٹ دِتا بھوائیا۔ چرن ماریا اوس دی اُتے ٹانگ، بدن دِتا ہِلائیا۔ اوس دی نِکل گئی چانگھ، رو کے دِتی دُہائیا۔ رام پریم دی اندر دِتی کانگ، امرت
میگھ برسائیا۔ اون ویکھیا اگمّی سوانگ، حَیرانی وِچ اپنا آپ بدلائیا۔ کی منگاں ایتھوں مانگ، اِچھیا اِک پرگٹائیا۔ پھیر پُٹ کے اِک پلانگھ، اَگے ہو کے سیِس جھُکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ہرِ کرتا وڈ وڈیائیا۔ کِرسان کہے میری ویکھو پِچھلی کِرس، سہج نال سمجھائیا۔ میَنوُں اِک مِلن دی حِرص، ہوَس دینی بُجھائیا۔ ویکھیو تُسیں پردیسی ہو کے نہ جائیوکھِسک، پلّوُ نہ جانا چُھڈائیا۔ تُسیں ٹانک تے نہیں دوویں جِست، رام وشِشٹ سوبھا پائیا۔ تُسیں سَتگُروُ جگت جگت والا بھوگو گرِہست، گرِہستیاں وِچ لوکائیا۔ میَنوُں اِک اوس دا عِشق، جو عاشق معشوُقاں توں پرے ڈیرہ لائیا۔ او رام او وشِشٹ تُہاڈے دوہاں توں پرے اِشٹ، اوس اِشٹ دی آشا میَں تکائیا۔ میَنوُں سچ دسّو کوَن ویلے آوے وِچ سرِشٹ، نِرگُن ہو کے پھیرا پائیا۔ بِن قلم شاہی لِکھ دیؤ لِکھت، لیکھا ہتّھ پھڑائیا۔ جوتی جوت سروُپ ہرِ، آپ اپنی کِرپا کر، سد اپنا رنگ رنگائیا۔ وشِشٹ کِہا سُن کِرسانا، کِرس نال جنائیا۔ کرے کھیل سِری بھگوانا، ہرِ کرتا بےپرواہیِا۔ جِس ویلے تریتا دواپرکلجُگ انتم ہووے جہانا، جہالت کوُڑ لوکائیا۔ ساچا پیار نہ رہے کِسے راما، رمئیا رام نہ کوئے منائیا۔ اوس ویلے پربھوُ پہرے اگمّی جامہ، نِرگُن نوُر جوت کرے رُشنائیا۔ کھیلے کھیل دو جہاناں، جہالت میٹے کوُڑ لوکائیا۔ پرگٹ ہووے وڈ اِماما، عملاں توں باہر سوبھا پائیا۔ جِس دا جھُلے اِک نِشانہ، برہمنڈ کھنڈ سیِس نِوائیا۔ گُر اوتار پَیغمبر کرن سلاماں، نمو نمو کہہ کے چرناں خاک رمائیا۔ اوس دا وجّنا اِک دمامہ، ڈنکا دُھر دا کرے شنوائیا۔ ہر گھٹ ہووے جانی جانا، لکھّ چؤراسی ویکھ وکھائیا۔ جوتی جوت سروُپ ہرِ، آپ اپنی کِرپا کر، ساچا رنگ اِک چڑھائیا۔ رام کہے سُن کِرسان ویکھ اپنی کھیتی باڑی، کھیترپال سیو کمائیا۔ جِس ویلے چؤتھے جُگ وِچ چؤتھے سمت دی آوے ہاڑی، ہاڑا تیرا ویکھ وکھائیا۔ پربھ کرے کھیل اپر اپاری، اپرمپر سوامی دُھردرگاہیِا۔ گُر اوتار پَیغمبراں سب دی چُکے واری، وارث رہن کوئے نہ پائیا۔ نِرگُن نوُر جوت کرے اُجیاری، نوُر نوُرانہ ڈگمگائیا۔ تیرا لہنا دینا مُکاوے وڈ سنساری، مہاسارتھی آپ ہو جائیا۔ دُھر دا حُکم بن لِکھاری، جوتی جوت سروُپ ہرِ، آپ اپنی کِرپا کر، ساچا میلا لئے مِلائیا۔ وشِشٹ کہے میَں دسّاں وِشال، دُھر دا حُکم سمجھائیا۔ کِرپا کرے دیِن دَیال، دَیانِدھ اِک سرنائیا۔ جِس ویلے گُر اوتار پَیغمبراں دا چُکے کال، سماں رہن کوئے نہ پائیا۔ سب دا لیکھا پِچھلا کر بحال، بِہبل اپنی دھار سمجھائیا۔ بھگت سُہیلے اُپجا لال، ہرِجن اپنی گود اُٹھائیا۔ ساچا مارگ دئے سُکھال، رستہ اِکو اِک
پرگٹائیا۔ جِتھے چلن شاہ کنگال، اوُچ نیِچ نہ ویکھ وکھائیا۔ اوس ویلے تیرا پوُرا ہووے سوال، بیننتی اپنے لیکھے پائیا۔ اسیں وی ویکھن آئیے سُہنجنا سماں اگمّی حال، جوتی جوت سروُپ ہرِ، آپ اپنی کِرپا کر، سد اپنا پڑدا لاہیِا۔ رام وشِشٹ دوہاں کیِتا اِقرار، قؤل نال سمجھائیا۔ رسنا والا نہیں تکرار، جِہوا والی نہ کوئے لڑائیا۔ ایہہ حُکم سچّی سرکار، دُھر فرمانا دئیے جنائیا۔ جِس ویلے آوے کلجُگ انتم وار، وارتا پِچھلی دئے مُکائیا۔ ساچا نام کر اُجیار، چاروں کُنٹ کرے رُشنائیا۔ سنت سُہیلے لئے اُٹھال، ہرِجن آپ جگائیا۔ سُرت لئے سنبھال، دُھر دا میل مِلائیا۔ وکھا اِک دھرمسال، دھرم دوار وجےّ ودھائیا۔ بدل کے اپنی چال، چال نِرالی اِک جنائیا۔ پُچھے مُریِداں حال، مُرشد ہو کے ویکھ وکھائیا۔ جوتی جوت سروُپ ہرِ، آپ اپنی کِرپا کر، سب دا لہنا پوُر کرائیا۔ کِرسان کِہا کی میرا ہووے کسب، سچ دیؤ سمجھائیا۔ کی ذاتی ہووے مذہب، پڑدا دینا اُٹھائیا۔ کِس نوُں کراں ادب، کِس نوُں سیِس نِوائیا۔ کِس دے چمُّاں قدم، دھوُڑی خاک رمائیا۔ وشِشٹ نے ہتّھ پھیریا اُتے بدن، بدی اندروں دِتی کڈھائیا۔ رام نے اپنے چرن دے وِچوں وکھایا پدم، پدماں جنماں دا لیکھا دِتا مُکائیا۔ اِک پریِتی وِچ کر کے مگن، سُرتی شبد جُڑائیا۔ سچ پریم دی لا کے لگن، لگ ماتر دِتی مِٹائیا۔ کلجُگ لگّی وکھائی اگن، چار کُنٹ دُہائیا۔ جِس ویلے گُر اوتار پَیغمبراں چلے کوئی نہ یتن، یتھارتھ حُکم نہ کوئے ورتائیا۔ ساچا رہے کوئی نہ پتن، پت پرمیشور مِلن کوئے نہ پائیا۔ اوس ویلے پُرکھ ابناشی گھٹ نِواسی اپنی دھاروں آوے نِکل بھگتاں پَیج رکھن، جوتی جاتا ویس وٹائیا۔ سنت سُہیلے آوے دسّن، گُرمُکھ گُر گُر جوڑ جُڑائیا۔ سب دی پوُری کرے آسن، اِچھیا پوُر کرائیا۔ جوتی جوت سروُپ ہرِ، آپ اپنی کِرپا کر، لیکھا سب دا پوُر کرائیا۔ رام کِہا سُن کِرسان کِرسانے، کِریا کرم دیاں دِرڑائیا۔ جِس ویلے مِتر سجّن دوست ساک ہوئے بیگانے، پریمی نظر کوئے نہ آئیا۔ دیِن دُنی دیوے طعنے، جھگڑے وِچ لوکائیا۔ اوس ویلے پربھ کرے کھیل مہانے، مِہربان ویس وٹائیا۔ پندھ مُکا زِمیں اسمانے، در گھر ساچے سوبھا پائیا۔ جِتھے ہرِجن بھگت کرے پروانے، پروانا اپنا نام پھڑائیا۔ وشِشٹ رام کِہا ساڈے کولوں بناوے بہانے، بچن مُکھ توں رہیا کڈھائیا۔ والی دو جہانے، جُگ جُگ کرتا اِک اکھوائیا۔ جوتی جوت سروُپ ہرِ، آپ اپنی کِرپا کر، سد اپنے وِچ سمائیا۔ وشِشٹ کِہا آہ ویکھ میری تھاپی، پُشت پناہ لگائیا۔ کلجُگ انتم آوے وڈ پرتاپی، ہرِ کرتا پھیرا پائیا۔ جِس مِہر نِگاہ نال تارنے پاپی، پتت پُنیِت کرائیا۔ جن بھگت بناؤنے دُھر دے جاپی، اِکو نام جپائیا۔
جے تُہاڈے کول نہیں اوس پربھوُ دے کول بھگتاں دی کاپی، جُگ جُگ لیکھا بُھل کدے نہ جائیا۔ ایہہ اوہو دِن اُنّتی وِساکھ دی راتی، راتی رُتی رُت اپنے نال مہکائیا۔ کِرسان پِچھلے کِرساناں دا ساتھی، سگلا سنگ نِبھائیا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، مہاراج شیرسِنگھ وِشنوُں بھگوان، سب دی پوُری کرے آکھی، آکھی دا آخر، سرب دا ٹھاکر، کِرساناں دا چاکر، شبداں دا پاتر، پریم دا ساتھن، ویکھنہارا کھیل تماشن، تماشا نہیں تعمیِل، کھیل نہیں سُنی اپیِل، اپیِل نہیں بھگت دی ویکھی دلیِل، دلیِل دا مالک، خلق دا خالق، دھرم دا ثالث، پِچھلا کِرسان ایہہ دلیِپ بالک، بالیاں دا بالم اِکو نظری آئیا۔
۳۰ وِساکھ شہنشاہی سمت ۴ جمعدار کِشن سِنگھ دے گرِہ اَلھڑ پِنڈی ضِلع گُرداس پُر
اکھّر کہن کیوں ساڈی پائی ونڈی، جُگ جُگ اپنا نام بدلائیا۔ شرع مذہب لا کے پابندی، حِصّیاں وِچ رکھائیا۔ گُر اوتار پَیغمبر بنا کے جنگی، مانَو دِتا لڑائیا۔ اپنی صِفت نوُں کر پکھنڈی، صِفت وِچ دُہائیا۔ کی ایہہ کھیل تیری چنگی، پڑدا دینا اُٹھائیا۔ اچھل چھلدھاری کیوں سرِشٹی کیِتی اندھی، نیَن موُند نیَن بند کرائیا۔ جوتی جوت سروُپ ہرِ، آپ اپنی کِرپا کر، کی اپنا حُکم ورتائیا۔ اکھّر کہن کیوں اکھّراں وِچ کردا رِہوں بدلی، جُگ جُگ اپنا نام رکھائیا۔ کی اِنصاف تیرا دُھر دے عدلی، شاہ سُلطان دینا سمجھائیا۔ کی کھیل کھِلایا ویکھ وکھائیں وِچ جنگلیں، جگہ جگہ تیری دُہائیا۔ کِسے نوُں سمجھ آؤن نہیں دِتی اگلی، پڑدا بھیوَ نہ کوئے چُکائیا۔ صِفتی نام دی دے کے بغلی، دھرنی دھرت دھوَل اُتے دِتا پِھرائیا۔ تیرے ہو کے تیری دھار نوُں کہندے گئے کملی، کامل مُرشد کی تیری چتُرائیا۔ جوتی جوت سروُپ ہرِ، آپ اپنی کِرپا کر، کی اپنا کھیل وکھائیا۔ اکھّر کہن کیوں بدلدا رہیا اصوُل، اصل دے جنائیا۔ کیوں اوتار پَیغمبر بنیوں رسوُل، روُپ انوُپ دھرائیا۔ کیوں نہ دسّیا دُھر دا حُکم معقوُل، ایکنکار اِکو وار جنائیا۔ کیوں نِت نوِت بدلدا رِہوں روُل، فرمانا رانا اِک سُنائیا۔ کیوں گُر اوتاراں پَیغمبراں تَینوُں کِہا کنتُوہل، کنت بھگوَنت اِک اکھوائیا۔ جوتی جوت سروُپ ہرِ، آپ اپنی کِرپا کر، پوُرب پڑدا دے اُٹھائیا۔ اکھّر کہن جُگ جُگ ساڈی ہُندی رہی بدنامی، تیرے نام پِچھے دُہائیا۔ دیِن دُنی ویکھ بےانتظامی، اِنتقام لیَن والا نظر کوئے نہ آئیا۔ تیری صِفتاں والی سلامی، صاحِب سِرتاج رہی بنائیا۔ اسیں گُر اوتار پَیغمبراں دی
کٹدے رہے غُلامی، زنجِیر شرع والے پوائیا۔ تُوں مالک اِک اسمانی، موُسیٰ عیسیٰ دئے دُہائیا۔ محمد کربلے والی قُربانی، کعبہ اندروں مارے دھاہیِا۔ اوتار جنگلاں والی نِشانی، پربتاں وِچ کُرلائیا۔ گُروُ دسّ تیری کہانی، بھیوَ ابھید جنائیا۔ کیوں نِرگُن دھار جھگڑا پایا جِسمانی، تت سریِر ونڈ ونڈائیا۔ کیوں نہ منزل اِکو رکھی روُحانی، رحمت آپ کمائیا۔ اکھّراں وِچ ساڈی پرگٹ ہُندی رہی بے اِیمانی، اِنصاف عدل نہ کوئے کمائیا۔ اسیں منزل منگدے نہیں کوئی درمیانی، در دربار اِکو وجےّ ودھائیا۔ کِرپا کر شاہ سُلطانی، شہنشاہ تیری سرنائیا۔ دُھر دا مارگ دسّ آسانی، جِس نوُں سکے نہ کوئے بدلائیا۔ جوتی جوت سروُپ ہرِ، آپ اپنی کِرپا کر، سد اپنا پڑدا لاہیِا۔ اکھّر کہن کیوں سانوُں بناؤندا رِہوں کلمہ نام، صِفتاں وِچ صالاحیِا۔ کِرپا کر دُھر اِمام، پڑدا دے اُٹھائیا۔ کیوں چرچاں مسجداں ہُندا سلام، مٹھ مندراں سیِس نِوائیا۔ کیوں تٹاں ہُندا اِشنان، پانی نال صفائیا۔ کیوں پتّھراں والے منّدے رام، ستھراں والے کرِشن تاج پہنائیا۔ کیوں اکھّراں دی دیِن دُنی دے لگام، رُخ منُکھ دِتا بدلائیا۔ تیرا بھیوَ سمجھیا نہ کِسے جانی جان، کیوں پڑدا رہیا رکھائیا۔ اکھّر پڑھ پڑھ سارے ہوئے حَیران، سڑ سڑ مری لوکائیا۔ جوتی جوت سروُپ ہرِ، آپ اپنی کِرپا کر، ساچا در دینا وکھائیا۔ اکھّر کہن پربھوُ اسیں تیرے مزدوُر، مزدوُری سد کمائیا۔ قلم شاہی لِکھنا جگت بنایا دستُور، حُکم اِک الاہیِا۔ اکھّر کہن ساڈے پِچھے پربھوُ تَینوُں بُھل گئے حضوُر، حضوُر سانوُں بَیٹھے بنائیا۔ اکھّر کہن اسیں جانیئے تیرا نہیں تیرے اوتار پَیغمبراں دا قصوُر، جِنہاں نوُں شرع وِچ دِتا بھوائیا۔ اوہناں تیرا بھانا منّیا کہ دُنی وِچ پایا فتُور، فتوے سب دے اُتے لگائیا۔ تیرے نام نوُں بدل کے ہُندے رہے مشہوُر، مشہوُری اپنی نال رکھائیا۔ جے سمجھدے اسیں سارے تیرا نوُر، پھیر االلہ واہِگُروُ اوم ونڈ نہ کوئے ونڈائیا۔ جوتی جوت سروُپ ہرِ، آپ اپنی کِرپا کر، ساچا میلا رہیا مِلائیا۔ اکھّر کہے کی پربھوُ تُوں وڑیا وِچ اکھّراں، اکھّراں توں پرے نہ کوئے وڈیائیا۔ کی لبھیں وِچوں پتّھراں، سِل پوُجس پاہن ملِے سرنائیا۔ کی وسیں وِچ لکّڑاں، دھوُنیاں جگت تپائیا۔ کی کھیل تیرا وکھّرا، سچ دینا سمجھائیا۔ جُگ چؤکڑی کردا رِہوں نخرہ، گھُنگٹ سکیا نہ کوئے اُٹھائیا۔ کی کھیل کھیلدا رِہوں متھرا، ایُدھیا کی چتُرائیا۔ کی لہنا بغداد بصرہ، بھیوَ دینا سمجھائیا۔ کیوں گُر اوتار پَیغمبر پسارا پسرا، ناتا جگت جُڑائیا۔ اکھّر کہن ابناشی کرتے اسیں تے تیریاں دا بناؤن والے شجرہ، شرع وِچ سارے دِتے لڑائیا۔ کِسے نوُں ہتّھ نہ آیا تیرا نمبر خسرہ، جِس نمبر وِچ کوٹن کوٹ اَمبراں دے سویمبر دِتے رچائیا۔ اوتھے پتہ نہیں
لگدا گُر اوتاراں پَیغمبراں، انِگنت تیرے وِچوں نِکل کے تیرے وِچ سمائیا۔ کوئی چڑھیا نہیں ویکھیا تیرے مینارے اُپر منبرا، آواز حق حق الائیا۔ اکھّر کہن اسیں جیہڑے ویکھیئے اوہ انت سُتے وِچ مڑھیاں قبراں، گوراں وِچ سمائیا۔ جوتی جوت سروُپ ہرِ، آپ اپنی کِرپا کر، ساچا لہنا رہیا وکھائیا۔ اکھّر کہن تیرے نام دی سانوُں مِلدی رہی شاباش، گُر اوتار پَیغمبر دین وڈیائیا۔ پربھوُ تیرا نام سمجھیا نہ کِسے خاص، ایسے کر کے تیرے اَگے دئیے دُہائیا۔ تیرے نام اُتے پَیغمبراں دا جاندا رہیا وِشواس، گُروُآں گُر دِتا بدلائیا۔ اسیں ہسدے رہے ایہہ سارے پربھ دی نِکی جِہی شاخ، شناخت کرن والا نظر کوئے نہ آئیا۔ صِفتاں والی دسّ کے بات، کتھا کہانی گئے سُنائیا۔ جے سمجھدے اسیں اوہو نوُر تے اوہو ذات، پھیر اکھّراں دی ونڈ نہ کوئے ونڈائیا۔ پُرکھ اکال دیِن دَیال تیری بِن اکھّراں توں تیرے دوارے کِتاب، کُتب خانیاں وِچ نہ کدے ٹِکائیا۔ جگت وِدیا وِچ اوہدا صِفتاں والا پرکاش، تیرا ناؤں بدلدے رہے گُر اوتار پَیغمبر پنجاں تتاں والی لاش، لاشریِک شریک تیرے نظری آئیا۔ جوتی جوت سروُپ ہرِ، آپ اپنی کِرپا کر، نِہکلنک نرائن نر، مہاراج شیرسِنگھ وِشنوُں بھگوان، تیرا روُپ اِکو آد جُگاد ساکھیات، کاغذات وِچ بند نہ کوئے کرائیا۔
۳۰ وِساکھ شہنشاہی سمت ۴ دلیِپ سِنگھ دے گرِہ پِنڈ بابوُپُر ضِلع گُرداس پُر
اکھّر کہن تیرے نام دی تیرا نام کرے تصدیِق، شہادت اِکو اِک بُھگتائیا۔ اکھّراں وِچوں اکھّراں دی بدلدا رِہوں تواریخ، تریک اپنی نہ کِسے سمجھائیا۔ اکھّراں وِچ اکھّراں دی دیندا رِہوں بھیکھ، بِھچھیا دُھردرگاہیِا۔ اکھّراں وِچ اکھّراں دی کراؤندا رِہوں ریِس، رستہ رستے وِچوں جنائیا۔ اکھّراں وِچوں اکھّراں دی جناؤندا رِہوں حدیِث، حضرتاں کر پڑھائیا۔ اکھّراں وِچ اپنی دسّدا رِہوں اُمیِد، آشا آپ ودھائیا۔ اکھّراں نال اکھّراں دی کردا رِہوں تائید، تابعداری سرب سمجھائیا۔ جوتی جوت سروُپ ہرِ، آپ اپنی کِرپا کر، دُھر دا رنگ اگمّ چڑھائیا۔ اکھّراں وِچ اکھّر دین شہادت، شاید والا لیکھا رہے نہ رائیا۔ اکھّراں نال اکھّراں دی بدل دِتی عبادت، بندگی بندیاں تائیں سمجھائیا۔ اکھّراں نال اکھّراں لائی علامت، جُگ چؤکڑی حُکم ورتائیا۔ اکھّراں نال سمجھایا صحیح سلامت، سَت
دوارے سوبھا پائیا۔ اکھّراں نال دسّی نام سچ نیامت، وست امولک اِک دِرڑائیا۔ اکھّراں وِچ گُر اوتار پَیغمبراں دِتی ضمانت، جوتی جوت سروُپ ہرِ، آپ اپنی کِرپا کر، ساچا حُکم اِک سمجھائیا۔ اکھّر کہن اسیں اکھّر بنے سکے، ناتا قلم شاہی تُڑائیا۔ تیرے حُکم دے دِتے پتے، پت پرمیشور تیری صِفت صالاحیِا۔ جُگ چؤکڑی سیوا کر کر تھکے، بھجےّ واہو داہیِا۔ گُر اوتار پَیغمبراں لیکھ لِکھائے ہتّھے، دِوس رَین سیو کمائیا۔ تیرے اکھواؤندے رہے بچّے، بچپن تیری جھولی پائیا۔ سانوُں اَیں جاپیا اِک گلّ توں رہ گئے کچّے، جو تیرا نام اکھّراں والا اکھّراں وِچ اُلٹائیا۔ اپنی کلام نوُں دسدے رہے سچّے، سچّا حُکم دِرڑائیا۔ کھیل ہُندا رہیا دیگرے بعد یکے، نِت نوِت ویکھ وکھائیا۔ کیوں پَیغمبراں مارے اوتاراں نوُں دھکّے، کیوں گُروُآں پَیغمبراں نال کری لڑائیا۔ اکھّراں نال اکھّر پھٹے، پھٹّ گھاؤ دِتا وکھائیا۔ پُرکھ اکال دیِن دَیال اپنے نام دے دسّ کے نِکے جِہے ٹپّے، ٹاپوُآں وِچ سارے بند کرائیا۔ اسیں حَیران ہوئے کیوں نہ سرِشٹی تیرا اِکو نام جپے، جُگ جُگ اِکو ڈھولا گائیا۔ مِہربان محبوُب اَگے واسطے اِقرار کر پکّے، پکّی ساڈے نال پکائیا۔ بِن تیرے ہِردے اوَر کوئی نہ وسے، دوُجا نظر کوئے نہ آئیا۔ جے گائیے تے اسیں تیرا دُھر دا جسّے، صِفت صالاح تیری سرنائیا۔ سیِس جھُکائیے دھوُڑی لائیے مستک متھے، خاکی خاک رمائیا۔ چار کُنٹ دہ دِشا ایکا حُکم اندر نَٹھے، بھجیّئے واہو داہیِا۔ پِچھلے رہن نہ دیویں کوئی حِصّیاں والے پٹے، پٹیداری دینی گوائیا۔ اکھّراں نوُں چڑھاوے کوئی نہ ٹکے، ٹکیاں والی قیِمت نہ کوئے رکھائیا۔ سچ بیننتی تیرے اَگے، بِرہوں دِتی سُنائیا۔ سچ سرنائی تیری لگّے، سرنگت اِکو نظری آئیا۔ تُوں میرا میَں تیرا آتما پرماتما تیرا نوُر تیرا نام جپے، دوُجی لوڑ رہے نہ رائیا۔ انت اَخیِر بے نظیِر جو اُپجیا سو تیرے وِچ کھپے، وکھرا نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، نِہکلنک نرائن نر، مہاراج شیرسِنگھ وِشنوُں بھگوان، تیرے نام دی ہووے اِکو سطے، سَت سَت وِچ رکھائیا۔
۳۰ وِساکھ شہنشاہی سمت ۴ دلیِپ سِنگھ دے گرِہ پِنڈ بابوُپُر ضِلع گُرداس پُر
اکھّر کہن جُگ جُگ تیرے نام دے دیندے رہے ہوکے، حُکم فرمانا اِک سُنائیا۔ تیرے صِفتی نام جنائے چوکھے، چار کُنٹ چار جُگ وجدی رہی ودھائیا۔ گُر اوتار پَیغمبر سانوُں ویکھدے رہے کایا ماٹی اندر جھروکھے، نِگاہ نِگاہ وِچوں بدلائیا۔ سدا سیوا کردے رہے تیری مُحبّت وِچ موہ دے، پیار نال پیار بنائیا۔ پرکاش دسدے رہے تیری لو دے، لوآں پُریاں گنت گِنائیا۔ سندیسے دیندے رہے تیری سو دے، صاحِب سوامی تیری وڈ وڈیائیا۔ پَینڈے مُکاؤندے رہے یوجن کوہ دے، پاندھی رستیاں وِچ بھوائیا۔ اِشارے دسدے رہے تیری چھوہ دے، شہنشاہ تیرا رنگ وکھائیا۔ جوتی جوت سروُپ ہرِ، آپ اپنی کِرپا کر، سد اپنا پڑدا لاہیِا۔ اکھّر کہن تیری گا گا تھکے بانی، جُگ جُگ مہما صِفت صالاحیِا۔ تیری دسدے رہے کہانی، راگاں ناداں ونڈ ونڈائیا۔ تیرا کھیل جناؤندے رہے دو جہانی، جیو جہان جگت دِرڑائیا۔ سیوک ہو کے بھردے رہے تیرا پانی، پنگھٹ تیرا چرن کوَل وکھائیا۔ تیرا میلا میلدے رہے نال چارے کھانی، چارے جُگ جُگت جگت سمجھائیا۔ گُر اوتار پَیغمبراں تُوں بنیا رہیا دانی، داتا اِک اکھوائیا۔ اکھّراں وِچوں اکھّراں والی مار کے کانی، کلمہ کائنات بدلائیا۔ انتم سارے دِسدے فانی، جگت وجوُد دِتے مِٹائیا۔ تیری منزل کی روُحانی، رحمت وِچ سمجھائیا۔ اکھّر کہن چار جُگ تیری اکھّراں والی رہی نِشانی، نِرگُن نوُر جوت نظر کِسے نہ آئیا۔ جُگ چؤکڑی جھگڑا چلیا رہیا دیِوانی، جوتی جوت سروُپ ہرِ، آپ اپنی کِرپا کر، ساچا سنگ دینا سمجھائیا۔ اکھّر کہن کیوں مِٹاؤندا رِہوں نام، وٹّا اپنا آپ لگائیا۔ کیوں بدلاؤندا رِہوں نِظام، حکوُمت دُھردرگاہیِا۔ کیوں نام دھراؤندا رِہوں رام، کرِشن کہہ کے گائیا۔ کیوں ہُندا رِہوں بدنام، بدی اپنے ہتّھ رکھائیا۔ جوتی جوت سروُپ ہرِ، آپ اپنی کِرپا کر، ساچا لیکھا دے جنائیا۔ کیوں دھریا نام موُسیٰ، مُشکل وِچ پائی لوکائیا۔ کیوں پہنیا کالا سوُسا، کوُڑی کِریا رنگ چڑھائیا۔ کیوں کھیل کھِلایا مسیح عیسیٰ، اصل اپنا آپ بدلائیا۔ کیوں محمد دِتی حدیِثا، حضرت کر پڑھائیا۔ جے سب نوُں اِکو اپنا صاف دسّ دیندوں شیشہ، شرع ونڈ نہ کوئے ونڈائیا۔ پَیغمبر بن کے کیوں اپنی بدلدا رِہوں ریِتا، ریِتیوان ہو کے اپنی ونڈ ونڈائیا۔ جوتی جوت سروُپ ہرِ، آپ اپنی کِرپا کر، دُھر دا لہنا دے سمجھائیا۔ کیوں بنیوں رام االلہ، اِلاہی دے جنائیا۔ اکھّراں والا بنا جگت محلا، کھیڑا دِتا جنائیا۔ کر کے ول چھلا، سب نوُں دِتا بُھلائیا۔ جے تُوں آد وِچ
اِکلّا، مدھ اِکلّا کیوں نہ اکھوائیا۔ کیوں االلہ توں نانک پھڑایا پلّا، نام سَت دِتا سُنائیا۔ جگت وِچ کر کے جھلّا، جھلک وِچ جھِلمل دِتا چمکائیا۔ امرت دسّ کے جلا، امیوں رس اِک چکھائیا۔ وکھا کے چرن کوَل تھلا، جلاں تھلاں پڑدا لاہیِا۔ جوتی جوت سروُپ ہرِ، آپ اپنی کِرپا کر، اپنا لیکھا دے سُنائیا۔ اکھّر کہن کیوں بدلایا اپنا تت، تتاں وِچ وڈیائیا۔ کیوں اُبلی جگت رتّ، رتن امولک ہیِرے دے بنائیا۔ کی وڈیائی وِچ نام سَت، کیوں االلہ دِتا دُرکائیا۔ کیوں نام سَت دِتا چھڈ، واہِگُروُ ڈھولا گائیا۔ کیوں بدلدا رِہوں ہڈّ، جوتی جوت جوت رُشنائیا۔ کیوں گوبِند نِشانہ دِتا گڈّ، گاڈ واہِگُروُ اپنا رنگ رنگائیا۔ اکھّر کہن کیوں گُر اوتار پَیغمبر بنّھ کے رکھے وِچ اپنی ڈبّ، ڈبّی نِکی جِہی وِچ ٹِکائیا۔ جیہڑے تیرے نام دی صِفت وِچ لوک مات گئے ٹپّ، ٹپّے تیرے نام سُنائیا۔ مانَس مانَس دوَیتی لا کے پھٹّ، پھٹّڑ کر کے گئے لوکائیا۔ نِکاّ نِکاّ جِہا کھول کے ہٹّ، ہٹوانے بن کے ہٹّ چلائیا۔ جاں کلجُگ انت ویکھیا سب دے خالی ہتّھ، دوواں ہتّھاں دین دُہائیا۔ اکھّر کہن بِنا پُرکھ اکال دے لیکھے لگّا کِسے نہ جس، وید پُران شاستر پڑھ پڑھ رسنا جِہوا جیو جگت ہوئے ہلکائیا۔ اسیں اِکو حُکم منّنا تیرا صاحِب سوامی یک، دوُجی لوڑ رہے نہ رائیا۔ تیرا گرِہ ویکھنا حق، حقیِقت وِچ سمائیا۔ تُوں پرماتما سرِشٹ آتما تیرے وس، گُر اوتار پَیغمبر چاکر بَیٹھے سیو کمائیا۔ سو صاحِب سوامی اِکو مارگ سب توں وکھرا دے دسّ، دہ دِشا کر پڑھائیا۔ اَگے بِنا تیرے اسیں کِسے دا کرنا نہیں جس، جِسم اِسم رہن کوئے نہ پائیا۔ تُوں مالک خالق پرِتپالک پُرکھ اکالا دیِن دَیالا سرب کلا سمرتھ، پاربرہم پت پرمیشور تیری وڈ وڈیائیا۔ جوتی جوت سروُپ ہرِ، آپ اپنی کِرپا کر، نِہکلنک نرائن نر، مہاراج شیرسِنگھ وِشنوُں بھگوان، آد انت سب کُچھ تیرے وس، واسطہ باواسطہ ہو کے تیرے نال جُڑائیا۔
۳۰ وِساکھ شہنشاہی سمت ۴ جاگیِر سِنگھ دے گرِہ پِنڈ سوہل ضِلع گُرداس پُر
چؤتھا جُگ کہے پربھ کِرپا کر کُجھ، کرنی دے کرتے تیری بےپرواہیِا۔ سرِشٹی دی درِشٹی اندر بخش اگمّی سُدھ، کوُڑی کِریا مایا ممتا موہ وِکار ہنکار مِٹائیا۔ نِرنتر انتر بھیوَ کُھلا گُجھ، گھٹ نِواسی پُرکھ ابناشی اپنا پڑدا دے اُٹھائیا۔ نِرمل نِروَیر نِراکار نِرنکار کر بُدھ، بِبیک ٹیک اِکو اِک سمجھائیا۔ گرمُکھ سنت سُہیلے اُتم سریشٹ کر سیِر دُدھ، جوتی جوت سروُپ ہرِ، آپ اپنی کِرپا کر، ایکا
دینا دُھر دا ور، در ٹھانڈے آس رکھائیا۔ در ٹھانڈا کہے تیرا دربار، درگاہ ساچی سوبھا پائیا۔ کِرپا کر آپ نِرنکار، نِروَیر تیری سرنائیا۔ جُگ چؤکڑی بیِتے وِچ سنسار، سنساری بھنڈاری سنگھاری راہ تکائیا۔ جھُکدے ویکھ گُروُ اوتار، پَیغمبر سجدیاں وِچ دھوُڑی خاک رمائیا۔ تُوں خالق مالک پرِتپالک تیرا لیکھا اگمّ اپار، اگوچر کہن کوئے نہ پائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در ٹھانڈے منگ منگائیا۔ در تیرا ٹھنڈا صاحِب سرب سُلطان، سَت ستوادی نظری آئیا۔ حُکم سندیسہ دے حُکمران، حکوُمت کلجُگ کوُڑی کِریا دے مِٹائیا۔ سَت دھرم تیرا جھُلے اِک نِشان، نؤجوان مرد مردان تیری وجےّ اِک ودھائیا۔ لکھّ چؤراسی جیِو جنت سادھ سنت نِرگُن ہو کے ویکھ آن، سرگُن پڑدا آپ اُٹھائیا۔ سچ بیننتی کر پروان، پرم پُرکھ پرماتم آتم لیکھا دے مُکائیا۔ جوتی جوت سروُپ ہرِ، آپ اپنی کِرپا کر، سد اپنا رنگ رنگائیا۔ سِری بھگوان کہے سَت ستوادی رکھ دھرواس، دھرم دی دھار دیاں جنائیا۔ نِرگُن نوُر جوت کر پرکاش، کلجُگ اندھ اندھیر دیاں گوائیا۔ پاربرہم پت پرمیشور ہو کے وساں پاس، پُشت پناہ ہتّھ ٹِکائیا۔ ویکھاں کھیل پرِتھمی آکاش، گگن گگننتر پھول پُھلائیا۔ ساچے منڈل ویکھاں راس، بِن گوپی کاہن اپنا حُکم ورتائیا۔ ساچا حُکم شبد اگمّی خاص، سُنیہڑا اِک دِرڑائیا۔ چؤتھے جُگ جن بھگت دواریوں نِرمل دُدھ دے منگ کے چار گلاس، چار جُگ دا جھگڑا دیاں مُکائیا۔ مانَس جنم جن بھگتاں کر کے راس، رستہ اِکو دیاں سمجھائیا۔ گُر اوتار پَیغمبراں آسا منسا سدھر پوُری کر درخواست، دیِناں اناتھاں دُکھیاں درد پھول پُھلائیا۔ جیہڑی وست امولک چار کُنٹ دہ دِشا نؤ کھنڈ پرِتھمی ستّ دیِپ کِسے نہ آئی ہاتھ، دست بدست نہ کوئے پھڑائیا۔ سو لیکھا لِکھا کے دُھر فرمانا نال قلم دوات، شاہی شہنشاہ دئے بدلائیا۔ کھتری براہمن شوُدر وَیش سچ دوار سوہے اِک جماعت، جمُلہ اکھّر اِکو اِک پڑھائیا۔ جھگڑا رہے نہ کوئی کاغذات، سرِشٹی درِشٹی اندر اِکو نام جنائیا۔ مایا ممتا موہ وِکار ہنکار میٹ اندھیری رات، سَتجُگ ساچا سَت ستوادی ساچا چند چمکائیا۔ سنت سُہیلے جاون جاگ، نِج نیتر لوچن نیَن اکھّ کُھلائیا۔ ہنس بُدھی بنائے کاگ، سوہنگ ہنسا مانک موتی چوگ چُگائیا۔ نِرمل نِروَیر نوُر جوت کر پرکاش، اندھ اندھیر گوائیا۔ درس دِکھائے ساکھیات، سوَچّھ سروُپی سوبھا پائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ سوامی دُھردررگاہیِا۔ دُھردرگاہی مالک ایک، ایکنکار وڈّی وڈیائیا۔ چارے ورن کر بِبیک، کھتری براہمن شوُدر وَیش اپنا رنگ چڑھائیا۔
چارے گلاس دسّن بھیت، چاروں کُنٹ ویکھ وکھائیا اِکو پُرکھ اکال ہووے ٹیک، ٹِکّے مستک دھوُڑی آپ رمائیا۔ سَت دوار جنا کے ساچے دیس، پردیسی پڑدا دئے اُٹھائیا۔ جو مالک خالق رہے ہمیش، ہمساجن ہو کے مِل کے وجےّ ودھائیا۔ نر نرائن اِک نریش، دُھر فرمانا اِک سُنائیا۔ جوتی جوت سروُپ ہرِ، آپ اپنی کِرپا کر، سچّا مارگ اِک دِرڑائیا۔ دُدھ کہے میرا روُپ چار چار، چارے کھانی دیاں جنائیا۔ پُرکھ ابناشی سب دا سانجھا یار، مِتر پیارا دُھردرگاہیِا۔ جِس دے حُکمے اندر گُر اوتار، پَیغمبر بھجّن واہو داہیِا۔ روَ سس ہوئے اُجیار، منڈل منڈپ سوبھا پائیا۔ وِشن برہما شِو سیوادار، نِت نوِت سیو کمائیا۔ سو کھیل کھیلے کھیلنہار، خالق خلق پھول پُھلائیا۔ سچ سندیسہ دیوے ایکا ایکنکار، اکل کل دھاری آپ پرگٹائیا۔ کلجُگ کوُڑی کِریا دیوے نِوار، مایا ممتا موہ مِٹائیا۔ سَتجُگ ساچا سَت دھرم کر اُجیار، جوتی جاتا ڈگمگائیا۔ بھگت سُہیلا پاوے سار، سنت سُہیلے آپ اُٹھائیا۔ گُرمُکھاں گُر سَتگُر چلے نال، نالش من رہن نہ پائیا۔ جھگڑا مُکا کے شاہ کنگال، ایکنکارا اِکو رنگ چڑھائیا۔ اندر باہر گُپت ظاہر نِرگُن دھار کرے پرِتپال، پرِتپالک خالق اپنی دَیا کمائیا۔ کایا کعبہ حق محبوُب مُحبّت وِچ وکھائے سچّی دھرمسال، دھرم دوارا ایکنکارا اِکو اِک جنائیا۔ ترےَگُن مایا توڑ جنجال، جاگرت جوت بے مثال، جِس دی مِسل نہ کوئے بنائیا۔ آپے ویکھنہارا مُریِداں حال، جوتی جوت سروُپ ہرِ، آپ اپنی کِرپا کر، گھر ساچے رنگ رنگائیا۔ چار گلاس کہن ساڈے اندر وست بھری اپار، رام وشِشٹ دئے گواہیِا۔ کاہنا کرِشنا گیا چِتار، سُداما مِل کے وجےّ ودھائیا۔ عیسیٰ یُنہا کر پیار، کلمہ سندیسے وِچ سُنائیا۔ محمد آکھ کے چار یار، پڑدا اوہلا اِک اُٹھائیا۔ نانک چار ورناں بنّھ دھار، کھتری براہمن شوُدر وَیش جوڑ جُڑائیا۔ گوبِند چارے سُت دُلارے وار، وارتا اوَر وکھائیا۔ جِس ویلے لوک مات بیِتے جُگ چار، چار کُنٹ وِہائیا۔ اوس ویلے کِرپا کرے آپ نِرنکار، نِروَیر دُھردرگاہیِا۔ سب دا لہنا دینا پوُرب قرض دئے اُتار، مقروُض اپنا حِساب بے باق کرائیا۔ امرت رس بھگتاں اندر بھر کے سچ پریم دی دھار، دوُدھ دا دوُدھ دئے وکھائیا۔ جوتی جوت سروُپ ہرِ، آپ اپنی کِرپا کر، سد اپنا رنگ رنگائیا۔ دوُدھ کہے کیوں چار گلاساں بھریا، سمجھ کِسے نہ آئیا۔ کیوں جاگیِر سِنگھ ہتّھ پھڑیا، پوُرب لہنا دینا دِرڑائیا۔ جِس کارن کرتے وریا، وارتا دینی جنائیا۔ کیوں جیِوت ہویا مریا، مر جیِوت سوبھا پائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سَت سچ سچ دِرڑائیا۔ پُرکھ اکال کہے سُن دوُدھ پیارے چِٹے، چِٹی
دھاروں دیاں جنائیا۔ گوبِند دی نِشانی گُرمُکھ دے سِٹے، سِٹے بازی جگت نہ کوئے جنائیا۔ جِس دے لیکھ کِسے نہیں لِکھے، قلم شاہی نہ کوئے چتُرائیا۔ اوہ پرم پُرکھ دے حِصّے، لیکھے دُھر دے ویکھ وکھائیا۔ جوتی جوت سروُپ ہرِ، آپ اپنی کِرپا کر، ساچا پڑدا رہیا اُٹھائیا۔ پُرکھ اکال کِہا؛ میَں پڑدا چُکاں آپ، اوہلا آپ اُٹھائیا۔ گوبِند دا سِکھ ذات ہیِنی سدا گوبِند نوُں کہندا سی باپ، دوُجی آواز نہ کوئے سُنائیا۔ اِک دِن گوبِند ہسّ کے اوہدی پِٹھ تے رکھیا ہاتھ، پڑدا اندروں دِتا کُھلائیا۔ پرکاش وِچ نظر آیا پُرکھ ابناش، نوُر نوُر وِچوں چمکائیا۔ جِتھے گُر اوتار پَیغمبر بَیٹھے سیوک داس، سِر سکے نہ کوئے اُٹھائیا۔ گوبِند پِھر ہؤلی جِہی پِٹھ تے دِتی داب، اُنگلاں نال دبائیا۔ جاں ویکھیا تے اپنا آپ، نوُر جوت رُشنائیا۔ درشن ویکھیا ساکھیات، جلوہ دُھردرگاہیِا۔ جوتی جوت سروُپ ہرِ، آپ اپنی کِرپا کر، اپنا لیکھا رہیا دِرڑائیا۔ پُرکھ اکال کِہا سُن دُدھ چِٹے پوِتر، پُنیِت دیاں بنائیا۔ اوہ ویکھ گوبِند دا مِتر، مِتر پیارے دیاں سمجھائیا۔ جیہڑا چوٹی چڑھیا سِخر، سِکھیا دُھر دی اِک دِرڑائیا۔ سو نِرگُن دھاروں آوے نِکل، جنمے کوئی نہ مائیا۔ جوتی جوت سروُپ ہرِ، آپ اپنی کِرپا کر، بھیوَ ابھیدا دئے کُھلائیا۔ گوبِند کِہا ایہہ نیِگھا سِکھ میرے پاس، پوُرب پوُرب نظری آئیا۔ اِک رکھ پریم دی آس، چرن کوَلاں سیِس نِوائیا۔ کِرپا رکھ میرے باپ، دوئے جوڑ بیننتی دِتی سُنائیا۔ میَں بھر کے لیاواں چار گلاس، دُدھا دھاریاں دیاں پیائیا۔ جِنہاں نوُں اجیِت جُجھار زوراوَر فتح سارے رہے آکھ، رسنا جِہوا نال سُنائیا۔ گوبِند کِہا اِنہاں دا لہنا دینا پُرکھ اکال ہاتھ، دوُسر ہتّھ نہ کوئے وڈیائیا۔ سانبھ کے رکھ اپنے گلاس، کلجُگ انتم لہنا دیاں چُکائیا۔ جِس ویلے جوتی دھار آوے پُرکھ ابناش، گوبِند شبد روُپ وٹائیا۔ تیرا لہنا دینا پوُرا کرائے آپ، آپ اپنا رنگ رنگائیا۔ اوس ویلے ستاراں سؤ چھپنجا بِکرمی ایہو تیہہ وِساکھ دی سی رات، رُتڑی اپنے رنگ رنگائیا۔ جاگیِر سِنگھ کٹ کے آ گیا واٹ، جوت جنم جنم جوت گُروُ وِچوں بدلائیا۔ پوُرب لہنا دینا لیکھا پوُرا کیِتا آج، سماج دا جھگڑا رہیا نہ رائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوَن، ویکھنہارا پرِتھمی آکاش، گگن گگننتر نِرگُن سرگُن سرگُن نِرگُن نِروَیر نِراکار نِرنکار اپنی کھیل کھِلائیا۔