۲۲ جیٹھ شہنشاہی سمت ۴ ٹوپن رام دے گرِہ اِٹارسی مدھ پردیش
پُرکھ اکال کہے سُن دسرتھ بیٹے رام، رمتے دیاں جنائیا۔ لہنا لیکھا ویکھ کام، کرنی دا کرتا آپ سمجھائیا۔ دھرنی دھوَل ویکھ گرام، بِن اکھّاں اکھّ اُٹھائیا۔ اپنے مِتر پیارے پہچان، پڑدا دے چُکائیا۔ جوتی جوت سروُپ ہرِ، آپ اپنی کِرپا کر، دُھر دا لیکھا دے جنائیا۔ پُرکھ اکال کہے ویکھ بنباسی پنچبٹی، رام رامے دیاں جنائیا۔ دھرنی دھوَل کہے جِتھے اُداسی دی ہُندی سی ہٹّی، وَیراگی تیاگی نال مِلائیا۔ دھرم دی کردے کھٹّی، کھٹکا اندروں باہر کڈھائیا۔ ایہہ کھیل اگمّی اچھی، اچھی طرح پربھوُ دِرڑائیا۔ جوتی جوت سروُپ ہرِ، آپ اپنی کِرپا کر، دُھر دا لیکھا ویکھ وکھائیا۔ پُرکھ اکال کِہا رام ویکھ اپنا ٹِکانا، رمنیک دیاں جنائیا۔ جِس نوُں کہندے بیِابانا، بیِج نظر کوئے نہ آئیا۔ ہُندا سی سُنجّ مسانا، آسن سچ نہ کوئے سُہائیا۔ کھیل اگمّ مہانا، لیکھ لِکھت نہ کوئے وڈیائیا۔ دسےّ نہ کوئے نِشانہ، پڑدا سکے نہ کوئے اُٹھائیا۔ ایہہ کھیل سِری بھگوانا، پرم پُرکھ آپ جنائیا۔ جوتی جوت سروُپ ہرِ، آپ اپنی کِرپا کر، سد اپنا حُکم ورتائیا۔ پُرکھ اکال کہے سُن رام آرس، عرشی ہو کے دیاں جنائیا۔ دھرنی دھرت دھوَل کرے سفارش، شہادت وِچ گواہیِا۔ شبدی لیکھ دسےّ عبارت، حُکمی حُکم اِک دِرڑائیا۔ تِنّاں کول ہُندا سی اِک پارس، وَیراگی تیاگی مِل کے وجےّ ودھائیا۔ اِک دِن آندھی آئی نال بارش، ہوا زور نال چلائیا۔ مہا کھیل ہویا بھیانک، پربھوُ اپنا حُکم ورتائیا۔ اوہناں دی رسیَن گُنمی اچانک، لبھیاں ہتّھ کِسے
نہ آئیا۔ جِس نوُں رکھدے ہتّھ اَمانت، پلّوُ گئی چُھڈائیا۔ جوتی جوت سروُپ ہرِ، آپ اپنی کِرپا کر، پوُرب لیکھا ویکھ وکھائیا۔ پُرکھ اکال کہے رام ویکھ پِچھلی لیِلا، بِن لالچ دیاں جنائیا۔ تُوں چھڈ جگت قبیِلہ، بھجّیا واہو داہیِا۔ پَینڈا پندھ مُکا کے میِلاں، کوساں یوجناں ڈیرہ ڈھاہیِا۔ چھڈ ضِلعے تحصیلاں، آیا واہو داہیِا۔ ایتھے بِسرام کیِتا اِک مہیِنہ، سیِیا لکشمن نال وڈیائیا۔ سوہنا بنایا جیِنا، جیِون جگت سُہائیا۔ جوتی جوت سروُپ ہرِ، آپ اپنی کِرپا کر، سد اپنا کھیل وکھائیا۔ اودھر پارس گیا گُنم، آندھی چھپّر چھنّ ہِلائیا۔ سادھوُ تِنّے رہے گھُنم، ممتا من للچائیا۔ لےَ گیا کوَن، سمجھ کوئے نہ پائیا۔ اُڈیا کیہڑی پوَن، اپنا روُپ بدلائیا۔ کِس نے کیِتا دمن، اپنے وِچ چُھپائیا۔ کھلوتے وِچ چمن، بغیچہ اِک سُہائیا۔ اندر نہ آوے امن، کلپنا وِچ کُرلائیا۔ پربھ دے کولوں سارے منگن، انتر انتر دھیان رکھائیا۔ بِنا پارس توں سارے ہو گئے نگن، وست کول رہی نہ رائیا۔ جاں ویکھیا نِرگُن جوتی لگّی جگن، نوُر ہویا رُشنائیا۔ تِنّے ہو گئے مگن، مستی وِچ وڈیائیا۔ رام دا کیِتا بھجن، بھجن وِچ رام نظری آئیا۔ جِس نے انتر نِرنتر پارس دا وکھایا وزن، لگ ماتر نہ کوئے رکھائیا۔ کمبن لگّا بدن، نیتر نیَن دُہائیا۔ کیہڑا کریئے یتن، پارس لبھیئے کیہڑی تھائنیا۔ اودھروں رام آ گیا، نیڑے آ کے لگّا ہسّن، تالی دِتی وجائیا۔ اپنی کایا دا کھول کے ویکھو کفّن، پارس کِس دے اندر نظر آئیا۔ جاں تِنّاں تکّیا اِک دوُجے دے انتر نِرنتر ویکھن، اپنا نظر کِسے نہ آئیا۔ غُصّے وِچ رام دے چرناں اُتے لگّے لیٹن، رو رو دِتی دُہائیا۔ رام نے کِہا اِک دوُجے دے کڈھو وِچوں پیٹن، سہج نال سمجھائیا۔ میَں آیا پردیسی پردیسن، اپنا ویس وٹائیا۔ جوتی جوت سروُپ ہرِ، آپ اپنی کِرپا کر، ساچا رنگ رہیا رنگائیا۔ اِک نے تکّیا پارس دوُجے دے اندر، سوہنا نظری آئیا۔ دوُجے نے تکّیا تیِجے لُکایا اپنی کَندر، بَیٹھا تن وِچ چُھپائیا۔ تیِجے نے ویکھیا سانوُں موُرکھ بنا کے ڈنگر، اپنے پیٹ رہیا ٹِکائیا۔ اِک پارس ہُن اسیں تِنّے لگّے ونڈن، لبھیاں ہتّھ کِسے نہ آئیا۔ اِک دوُجے نوُں لگّے پھنڈن، کیِتی مار کُٹائیا۔ رام پرے ہو کے کھلو گیا بوُٹے کول چندن، پاسا گیا بدلائیا۔ جِس ویلے لڑ لڑ کے لگّے کمبن، اپنا بل گوائیا۔ کُٹ کُٹ کے لگّے ہمبن، باہواں لئیاں تھکائیا۔ دندیاں لگّے چبّن، دند دنداں اُتے گھسائیا۔ نِشان پےَ گئے اُتے بدن، کھلّ لہوُ نال بھرائیا۔ غُصّے وِچ لگّے اگن، اگنی تت جلائیا۔ اِک دوُجے نوُں لگّے وڈّھن، سادھوُ مت دِتی گوائیا۔ اِک دوُجے دے پِچھے لگّے بھجّن، نَٹھن واہو داہیِا۔ ایہہ ویکھ کے سیِتا لگّی ہسّن، اِشارہ رام ول کرائیا۔ جوتی جوت سروُپ ہرِ، آپ اپنی کِرپا کر، کھیل اپنے
ہتّھ رکھائیا۔ رام کِہا سیِتا کر دھیان، تَینوُں دیاں جنائیا۔ ایہہ بھگتی والے جوان، گھر بار چھڈکے بَیٹھے آسن لائیا۔ تُوں ویکھ ہو حَیران، کی کی کار ورتائیا۔ اِنہاں اندر ممتا دا شیَطان، سب نوُں رہیا لڑائیا۔ کایا مایا دی بنا دُکان، پارس اندر بَیٹھے چُھپائیا۔ کر سکے نہ کوئے پہچان، نیتر نظر کِسے نہ آئیا۔ جوتی جوت سروُپ ہرِ، آپ اپنی کِرپا کر، دُھر دا کھیل رہیا وکھائیا۔ سیِتا ویکھ سنسار جگت، جگت دیاں جنائیا۔ سیِتا کِہا پربھوُ جو تیرا نام جپدے پھیر وی تیرے بھگت، کیوں بھرماں وِچ بُھلائیا۔ جِنہاں تیرا تیرے کول آ کے کیِتا درس، کیوں اگنی اگّ لگائیا۔ کیوں نہیں کردا ترس، مِہربان اپنی دَیا کمائیا۔ جِس کارن رہے بھٹک، اوہ سنسا دے چُکائیا۔ رام نے تکّیا اُپر عرش، نِگاہ لئی اُٹھائیا۔ پھیر نِیوں کے اُپر فرش، سیِس دِتا جھُکائیا۔ سیِتا ایہہ میرا نہیں دِسدا فرض، اِنہاں دی اندروں کراں صفائیا۔ تیری منظور کر کے عرض، رام دے رام کول دیاں پُچائیا۔ جِس ویلے کلجُگ انت آپ آوے اُتے دھرت، دھؤل اُتے ڈیرہ لائیا۔ اِنہاں دا لہنا دیواں لیکھا پوُرا کراں قرض، مِہربان سِر اپنے ہتّھ ٹِکائیا۔ سیِتا کِہا رام کی کھیل دسّیا اچرج، اسچرج دے جنائیا۔ پربھ نوُں پَینی غرض، کِس کارن پھیرا پائیا۔ رام کِہا اُس دے کول جُگ جُگ بھگتاں دی فرد، کلجُگ انت سب دا لیکھا دئے مُکائیا۔ سیِتا پھیر کیِتی عرض، مستک چرناں اُتے ٹِکائیا۔ کِس بِدھ ایتھے آوے پرت، پت پرمیشور بےپرواہیِا۔ رام کِہا لہنا دینا پوُرا کرنا ایہہ اُس دی اپنی غرض، غرض سب دی ویکھ وکھائیا۔ کِسے دا ہون نہ دیوے حرج، جوتی جوت سروُپ ہرِ، آپ اپنی کِرپا کر، بھیوَ ابھیدا دئے کُھلائیا۔ سیِتا کہے رام ایہہ تیرا نام پڑھدے، نالے رام رام دُہائیا۔ تیرے ساہمنے کیوں لڑدے، کیوں پڑدا بَیٹھا پائیا۔ کیوں جھگڑے پوائے اِنہاں دے گھر دے، کایا مندر اندر پارس اِک دوُجے دے اندر دِتا وکھائیا۔ رام کِہا ایہہ لہنا دیوے کلجُگ کل دے، پُرکھ اکال رہیا دِرڑائیا۔ کُجھ لیکھے دِسدے باوَن دوارے بل دے، بھیوَ ابھیدا اپنے وِچ چُھپائیا۔ جوتی جوت سروُپ ہرِ، آپ اپنی کِرپا کر، اپنا لیکھا دے جنائیا۔ سیِتا کہے رام اِنہاں نوُں دے مت، اگنی تت بُجھائیا۔ رام کِہا تُوں ویکھ مار جھات، پڑدا پڑدے وِچوں چُکائیا۔ جاں تکّیا کلجُگ دِسدی اندھیری رات، سَتجُگ ساچا چند نہ کوئے چمکائیا۔ رام دا دِسے کوئی نہ داس، رمیا رام نظر کوئے نہ آئیا۔ سادھ سنت دِسے بدمعاش، بدی سارے رہے کمائیا۔ پھیر سیِتا نے تکّیا اُپر آکاش، نِگاہ نِگاہ وِچوں بدلائیا۔ دُھر حُکم دِتا پُرکھ ابناش، سچ سندیسہ اِک جنائیا۔ سیِتا اِنہاں تِنّاں دا سریِر ہونا ہُن ناش ، رام سواس سواس میرے وِچ ٹِکائیا۔ پھیر
جنم ہونا لوک مات، کلجُگ انتم ویکھ وکھائیا۔ اوس ویلے لہنا دینا لیکھا میٹاں سرب حِساب، گِنتی گنت سمجھ کوئے نہ پائیا۔ بِن اکھّراں توں میرے چرن رہے کِتاب، کُتب خانیاں وِچ نہ کوئے ٹِکائیا۔ جوتی جوت سروُپ ہرِ، آپ اپنی کِرپا کر، دُھر دا کھیل رہیا بنائیا۔ سیِتا کہے کِس بِدھ پربھ دیویں سوغات، نام اپنا دَیا کمائیا۔ پُرکھ اکال کِہا ایہہ سب کُچھ میرے ہاتھ، اندر باہر ویکھ وکھائیا۔ پھیر ویکھاں ایہہ پربھاس، جنگل جوُہاں ڈیرہ لائیا۔ کلجُگ ہووے اندھیری رات، نِرگُن نوُر کراں رُشنائیا۔ جوتی جوت سروُپ ہرِ، آپ اپنی کِرپا کر، پوُرب لیکھا دئے چُکائیا۔ سیِتا کِہا رام سُنی اکتھ کہانی، کہن کِچھ نہ پائیا۔ آئی اگمّی بانی، بان نِرالا دِتا لگائیا۔ جِتھے ترنتے سُنجّ مسانی، مانَو نظر کوئے نہ آئیا۔ کلجُگ انتم پربھ کھیل کرے مہانی، پاربرہم پربھ دَیا کمائیا۔ اِنہاں تِنّاں دی ترےَگُن نال پرگٹاوے نِشانی، مایا موہ وِچ وڈیائیا۔ ایہہ پارس اپنی کرے شیَطانی، تن وجوُد ویکھ وکھائیا۔ انتر نِرنتر سب دی جنائے بے اِیمانی، ثابت سمجھ کوئے نہ پائیا۔ پھیر کار کرے پاربرہم پت پرمیشور محبوُب ہو کے مِہربانی، محو اپنا رنگ رنگائیا۔ جو آد جُگاد جُگ چؤکڑی لکھّ چؤراسی جان جانی، گھٹ گھٹ ویکھے تھاؤں تھائنیا۔ اوہدا لہنا دینا لیکھا باہر قلم کانی، شاہی ونڈ نہ کوئے ونڈائیا۔ جوتی جوت سروُپ ہرِ، آپ اپنی کِرپا کر، دُھر دا حُکم اِک دِرڑائیا۔ رام کِہا سیِتا ویکھ اگمّی چِنھ، چرناں وِچ دھیان لگائیا۔ سُبھاگ دِہاڑا بائی جیٹھ دا دِن، رام سیِتا دِتا سمجھائیا۔ پُرکھ اکال جِس کھیل کرنا بھنّ بھنّ، بِھنڑی رَین وڈیائیا۔ تریتا دواپرکلجُگ تیِجے جُگ جھگڑا رکھنا تِنّ دِن، دِوس رَین ویکھ وکھائیا۔ پوُربلا لیکھا جنم دا کرم گِن، لہنا دیوے تھاؤں تھائنیا۔ نام پَیمانہ ساچا نام لئے مِن، مِنتی اپنے ہتّھ رکھائیا۔ جوتی جوت سروُپ ہرِ، آپ اپنی کِرپا کر، سد اپنے رنگ رنگائیا۔ رام کِہا سیِتا ہُن رام دا بنباس، بستی نظر کوئے نہ آئیا۔ پھیر کھیل پُرکھ ابناش، نِرگُن نوُر جوت رُشنائیا۔ ہُن پارس دا خواب، پھیر مایا وِچ لڑائیا۔ دوہاں دا حِساب، اپنے ہتّھ رکھائیا۔ بھگتاں دا سادھوُآں توں بدل کے رِواج، رَوادار ایکا لئے کرائیا۔ انتر کھول کے جاگ، آلس باہروں دئے مِٹائیا۔ اوسے دا حِصّہ اوسے دا بھاگ، اوسے دے ہتّھ پھڑائیا۔ جو لہنا دینا لیکھا انت سب دا کرے بے باق، باقی نظر کوئے نہ آئیا۔ تن وجوُد ماٹی لیکھے لائے خاص، خالص اپنے رنگ رنگائیا۔ سیِتا ہُن تیرے وینہدیاں ایہہ سادھوُ چھڈ گئے سواس، پھیر جیِؤندیاں بخش کے اِتفاق، مارگ اپنا اِک چلائیا۔ رام کِہا میرا رام میرا کرے بھوِکھت والا پوُرا واک، بھگوان نال ناتا جوڑ کے اپنا بھگتی ساک، سجّن ہو کے دَیا کمائیا۔ جوتی
جوت سروُپ ہرِ، آپ اپنی کِرپا کر، سب دا لہنا دینا لیکھا پوُرا کر حِساب، جگت جُگ دے ویکھ کھاتے تے روکڑ، پہلے دِن صاف کرائیا۔
۲۳ جیٹھ شہنشاہی سمت ۴ سنت سِنگھ دے گرِہ اِٹارسی مدھ پردیش
کرم کہے پربھ ملِے ایک نِہکرمی، کرم کانڈ دا لیکھا دئے مُکائیا۔ سچ دوار دی بخشے سرنی، چرن دھوُل وڈیائیا۔ دُھر دے نام دی پٹّی دسےّ پڑھنی، سِکھیا اگمّ سُنائیا۔ منزل نِرگُن دسےّ چڑھنی، جگت پندھ مُکائیا۔ نیتر کھولے ہرنی پھرنی، فُرنے من بند کرائیا۔ جوتی جوت سروُپ ہرِ، آپ اپنی کِرپا کر، لیکھا اپنے ہتّھ رکھائیا۔ کرم کہے پربھ ملِے ایک نِہکامی، نِہکرمن رہن کوئے نہ پائیا۔ نام نِدھان دیوے اگمّی بانی، بان نِرالا تیِر چلائیا۔ امرت رس دے کے ٹھنڈا پانی، اگنی اگّ دئے بُجھائیا۔ سَت دھرم دی دے نِشانی، نِشانہ اگلا دئے جنائیا۔ جِتھے جگے جوت نوُرانی، نوُر نوُرانہ ڈگمگائیا۔ منزل حق دِسے آسانی، پڑدا محبوُب دئے اُٹھائیا۔ جھگڑا رہے نہ کوئے جِسمانی، جِسم ضمیِر دئے بدلائیا۔ بودھ اگادھ دسّ اکتھ کہانی، دُھن راگ اِک اُپجائیا۔ جھگڑا مُکا کے چارے کھانی، خالص اپنا رنگ رنگائیا۔ ہر گھٹ انتر ہو کے جان جانی، ہرِجن اپنے میل مِلائیا۔ ایکا دیوے دُھر دا پد نِربانی، نِروَیر ہوئے سہائیا۔ جوتی جوت سروُپ ہرِ، آپ اپنی کِرپا کر، گھر میلا لئے مِلائیا۔ کرم کہے پربھ ملِے پرم پُرکھ جگ میِتا، جیِون جُگت دئے بدلائیا۔ نام نِدھان دئے انڈیٹِھا، سندیسہ اِکو اِک جنائیا۔ اندروں بدل من دی ریِتا، رستہ رہبر دئے وکھائیا۔ جگت واسنا من جائے جیِتا، چنچل چِت ٹھگؤری رہن کوئے نہ پائیا۔ ساچا نام دسّ حدیِثا، حضرت ہرِجوُ کرے پڑھائیا۔ رنگت چاڑھ رنگ مجیِٹھا، سِر اپنا ہتّھ ٹِکائیا۔ ساڈھے تِنّ ہتّھ تپن نہ دیوے انگیِٹھا، امرت میگھ اِک برسائیا۔ سَت دھرم دی دسّ کے ریِتا، رستہ اِکو دئے وکھائیا۔ جِتھے نہ کوئی مندر نہ مسیِتا، مصلا پڑھ نہ کوئے سُنائیا۔ جوتی جوت سروُپ ہرِ، آپ اپنی کِرپا کر، سچ دوارے دئے وڈیائیا۔ کرم کہے پربھ ملِے نر نریشا، نر نرائن وڈّی وڈیائیا۔ جو آد جُگاد رہے ہمیشہ، نِت نوِت اپنی کار کمائیا۔ جن بھگتاں دیوے نام سندیسہ، دُھر فرمانا اِک دِرڑائیا۔ جنم جنم دا میٹ کے لیکھا، کرم کرم دا گیڑ کٹائیا۔ سچ دوار دا بن کے نیِتا، نیتر اندروں دئے کُھلائیا۔ سچ دوار وکھائے اپنا دیسا، جِتھے
اِکو نوُر جوت رُشنائیا۔ جوتی جوت سروُپ ہرِ، آپ اپنی کِرپا کر، سد پڑدا آپ اُٹھائیا۔ کرم کہے جے مِل جائے پاربرہم پربھ داتا، دَیاوان دَیا کمائیا۔ چرن کوَل بندھائے ناتا، سگلا سنگ رکھائیا۔ پوُری کرے آسا، جن بھگتاں دئے وڈیائیا۔ رہے نہ کوئے نِراسا، نِہچل دھام سُہائیا۔ کر جوت پرکاشا، اندھ اندھیر مِٹائیا۔ میَں سَت سچ کر کے آکھاں، کرم کہے، بِن پُرکھ اکال کرم دا کرم نہ کوئے مِٹائیا۔ شاستر سِمرت وید پُران اِنجیِل قرآن کھانی بانی اوسے دی گاوے گاتھا، صِفتاں وِچ دِوس رَین ڈھولے گائیا۔ سو صاحِب سوامی پُرکھ سمراتھا، انترجامی وڈ وڈیائیا۔ سدا سہائی ناتھ اناتھا، غریِب نِمانیاں گود اُٹھائیا۔ جاگرت سووت کرے باتا، شبدی شبد حُکم ورتائیا۔ سو کلجُگ انت میٹے اندھیری راتا، رُتڑی اپنے نال مہکائیا۔ جِنہاں گُرمُکھاں پریم پریِتی اندر منّیا آکھا، کرم کُکرم دا لیکھا دئے مُکائیا۔ چرن کوَل دے بھرواسا، بھانڈا بھرم بھؤ بھنّائیا۔ انتر آتم دے شاباشا، سِر اپنا ہتّھ رکھائیا۔ کرم کہے میَں وی نِیوں نِیوں ٹیکاں ماتھا، مستک چرن کوَل چُھہائیا۔ جِنہاں صاحِب سَتگُر پُرکھ اکال مِلیا چَھیل چھبیِل بانکا، پاربرہم پت پرمیشور دُھردرگاہیِا۔ تِنہاں کوئی توڑ نہ سکے ناتا، ناتواں ہو کے نر نرائن وِچ سمائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، جن بھگتاں پِچھے لوک مات مارن آیا واٹا، وٹاندرے وِچ گُر اوتار پَیغبراں لیکھا دئے مُکائیا۔
۲۳ جیٹھ شہنشاہی سمت ۴ کرتار سِنگھ دے گرِہ اِٹارسی مدھ پردیش
انت بیننتی سُنے ارداس، لیکھا اردھ اُردھ مُکائیا۔ کِرپا کر سرب گُنتاس، گہر گمبھیِر دَیا کمائیا۔ گوبِند بوُٹے دی شاخ، نِکی جِہی نظری آئیا۔ جِس نے پُر انند دِتا ساتھ، انت ماجھے والیاں نال گیا مُکھ بھوائیا۔ اَخیِری گیا آکھ، انتر انتر اندر اِک جنائیا۔ گوبِند جوڑ کے دوویں ہاتھ، دوُروں سیِس دِتا نِوائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ گوبِند کِہا میرا تتاں والا وِچھوڑا، وِچھڑ وِچھڑ اپنا پندھ مُکائیا۔ جِس ویلے پُرکھ اکال دا میرے نال بنیا جوڑا، جوتی شبدی کھیل کھِلائیا۔ اوس ویلے بُھلیاں نوُں پھیر موڑاں، اپنے رنگ رنگائیا۔ تُسیں چھڈ کے چلے کلغی توڑا، بازاں والا باز نظر نہ آئیا۔ جِس ویلے کھیل کیِتا دوہرا،
نِرگُن ہو کے نِرگُن ویکھ وکھائیا۔ جوتی جوت سروُپ ہرِ، آپ اپنی کِرپا کر، سد اپنا کھیل وکھائیا۔ سِکھ کِہا تیرے نال جھلیا دُکھ، دُکھاں وِچ دُہائیا۔ جھلی نہ جائے بُھکھ، بُھکھیاں نہ کوئے رجائیا۔ موڑ کے تَیتھوں مُکھ، بھجےّ واہو داہیِا۔ اوٹ رکھ ابناشی اچُت، آسا ہور ودھائیا۔ گوبِند ہسّ کے کِہا تُسیں آتم دے میرے پُت، پرمیشور دا میلا سہج سُبھائیا۔ تُہاڈا لہنا دینا نال رکھاواں ابناشی اچُت، چیتن ہو کے دیاں جنائیا۔ تُہانوُں آؤنا پئے پھیر ماتا کُکھ، رَکت بوُند ونڈ ونڈائیا۔ گوبِند تُہاتھوں رہے لُک، جگ نیتر نظر کوئے نہ پائیا۔ ابناشی کرتا انت اَخیِر اپنی گودی لئے چُک، چمّ درِشٹی دا ڈیرہ دیوے ڈھاہیِا۔ اپرادھی رہن نہ دیوے کوئے سُت، سُتیاں آپ اُٹھائیا۔ اُجل کر کے مُکھ، دُرمت مَیل دھوائیا۔ جوتی جوت سروُپ ہرِ، آپ اپنی کِرپا کر، سد اپنا حُکم سُنائیا۔ گوبِند کِہا تُسیں دے کے چلے پِچھا، پِچھا یاد کِسے نہ آئیا۔ کُچھ لیکھا ویکھو سُگریو نال تُہاڈی اِچھا، راما لیکھ جنائیا۔ اگلا بھیوَ کِسے نہ دِسا، پلّوُ رہے چُھڈائیا۔ گوبِند کھیل نہیں کوئی نِکا، بچّیاں والی ونڈ نہ کوئے ونڈائیا۔ تُہاڈا میرے نال پےَ گیا حِصّہ، گُرسِکھ ہو کے کنڈ بدلائیا۔ جِس ویلے میرے نال آوے پُرکھ اکال دُھر دا پِتا، پت پرمیشور شہنشاہیِا۔ جوتی جوت سروُپ ہرِ، آپ اپنی کِرپا کر، سد اپنا حُکم ورتائیا۔ گوبِند کِہا گُرسِکھ رہے نہ کوئے بُھلیکھا، بُھلیاں دیواں جنائیا۔ پُرکھ اکال جانے دُھر دا لیکھا، دوُسر سمجھ کِسے نہ آئیا۔ ماجھے والیو جِس ویلے پرگٹ ہویا ماجھے دیسا، نِرگُن نوُر کر رُشنائیا۔ پھیر ویکھے دیس پردیسا، چاروں کُنٹ کھوج کھوجائیا۔ پوُرب رکھے چیتا، ابُھل بُھل کدے نہ جائیا۔ انت اَخیِری کر کے ہیتا، ہِتکاری اپنے رنگ رنگائیا۔ شبدی دھار بن کے کھیوٹ کھیٹا، جگت ساگر پار کرائیا۔ جو گوبِند دا گُرسِکھ بن کے بنیا بیٹا، ناتا پِتا پوُت جنائیا۔ اوس دا انتم لا کے لیکھا، لیکھے وِچ ٹِکائیا۔ لاج رکھکے مُچھ داہڑی کیسا، قِسمت قِسمت وِچوں بدلائیا۔ آتم دھار وکھا کے سچکھنڈ ساچا دیسا، گھر اِکو اِک سُہائیا۔ جِتھے گوبِند رہے ہمیشہ، نہ مرے نہ جائیا۔ کرتار سِنگھ کھتری پُت پِچھلا وڈّے گھر دا سیٹھا، بھےَ وِچ پلّوُ آیا چُھڈائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، ایکو بن کے دُھر دا نیِتا، نِت دے وِچھڑے میل مِلائیا۔
۲۳ جیٹھ شہنشاہی سمت ۴ تِواری لال دے گرِہ اِٹارسی مدھ پردیش
گوبِند کہے میری دھرم دی دھار شرط، شریِعت نظر کوئے نہ آئیا۔ نوِت آواں پرت، پت پرمیشور میل مِلائیا۔ بھاگ لگاواں دھرنی دھرت، دھوَل دھار دِرڑائیا۔ کھیل کراں اسچرج، اپنی کار کمائیا۔ سوُربیِر مردانہ بناں مرد، مدد اوَر نہ کوئے رکھائیا۔ پِچھلے جنم دی کڈھکے فرد، فَیصلہ دُھر دا دیاں جنائیا۔ جوتی جوت سروُپ ہرِ، آپ اپنی کِرپا کر، دُھر فرمانا اِک سُنائیا۔ سو کہے میرا لیکھا سدا انادی، اند بنودی آپ کرائیا۔ میری دھار ہووے سادی، سدھ سادھک ویکھ وکھائیا۔ میرا نام ہووے راگی، انراگی راگ سُنائیا۔ میری مُحبّت ہووے شادی، آتم پرماتم جوڑ جُڑائیا۔ میرا جَیکارا ہووے ڈھاڈی، دُھر دا تال وجائیا۔ میرا رکھوالا ہووے گاڈی، جِس نوُں گاڈ کہے لوکائیا۔ جھگڑا مُکاواں ماضی، پوُرب ویکھ وکھائیا۔ لیکھا جاناں قاضی، کُتباں ڈیرہ ڈھاہیِا۔ دھرنی ویکھاں اراضی، زِمیں خاک پھول پُھلائیا۔ جُگ جُگ ویکھاں بازی، بازاں والا ویس وٹائیا۔ اَسو سوہے تاجی، تاجاں والے دئے کھپائیا۔ منوُآ رہے کوئے نہ غازی، غضب ویکھے جگت لوکائیا۔ سچ دوارے دا بن کے حاجی، حضرت ہو کے پھول پُھلائیا۔ مانَس دھار بن نمازی، سیِس جگدیِش اِک جھُکائیا۔ سجدہ دسّ آدابی، ادب نال وڈیائیا۔ تار سِتار ربابی، احباب اِک جنائیا۔ لہنا دینا توڑ عِشق حقیِقی مجازی، مزہ اِکو نام چکھائیا۔ گُرمُکھ رہن دیواں نہ کوئی داغی، دُرمت مَیل کراں صفائیا۔ میرا کھیل پربھ دے نال آدی، انت اپنی کار کمائیا۔ جوتی جوت سروُپ ہرِ، آپ اپنی کِرپا کر، در ٹھانڈا ویکھ وکھائیا۔ گوبِند کہے ایہہ دھرتی بھوُمی، بھوُمکا اِک سرنائیا۔ ایتھے رہندا سی اِک نِجوُمی، شاستر گیاتا آپ اکھوائیا۔ رام نام دا بن قانوُنی، قاعدہ جگت وِچ وڈیائیا۔ صِفت لِکھدا سی مضموُنی، مجموُاں اکھّراں والا بنائیا۔ اوہنوُں جھلک مِلی معموُلی، بے پرواہ دِتی وکھائیا۔ ویکھ کھیل اصوُلی، اصل رنگ رنگائیا۔ جِس دا حُکم نہ کدے ادوُلی، نِیوں نِیوں سیِس نِوائیا۔ جوتی جوت سروُپ ہرِ، آپ اپنی کِرپا کر، سد اپنا کھیل کھِلائیا۔ نِجوُمی سی اِک براہمن بُڈھا، نام شیگھا نظری آئیا۔ دوہاں پَیراں توں سی ڈُڈا، اوُندھا ہو کے جھٹ لنگھائیا۔ چھوٹا جِہا سی جھُگا، نؤ ستّ ہتّھ ونڈ ونڈائیا۔ اوہدے وِچ سی موُرت بُدھا، بُدھے سیِس نِوائیا۔ راہ لبھے گُجھا، انتر دھیان لگائیا۔ اچانک گوبِند آ گیا بُھکھا، کھان پین نہ مُکھ لگائیا۔ نیڑے آ کے ویکھیا دُکھا، درد وِچ کُرلائیا۔ نِجومی کِہا کُچھ مَیتھوں پُچھ لےَ پُچھا، تَینوُں دیاں سمجھائیا۔ کیوں رکھی داہڑی
مُچھا، کیساں نال وڈیائیا۔ تیرا سوہنا سُشیل جُسا، سڈؤل سوبھا پائیا۔ کِس کارن ایتھے پُجا، بھجّیا واہو داہیِا۔ مَیتھوں بھیوَ لےَ لےَ گُجھا، پردہ دیاں اُٹھائیا۔ جے تُوں سَتگُر ہوویں اُگھا، اُگن آتھن تیری سرنائیا۔ میَنوُں ٹُکر دے دے سُکا، کیوں بُھکھیا بُھکھیاں رہیا ستائیا۔ جاں میَنوُں ہسّ کے کہہ دے تُوں بُڈھا نہیں میرا پُتا، بچّیاں وانگ گود ٹِکائیا۔ ویکھیں میرے بچن دا کریں کدے نہ غُصّہ، غُصّے والی نہ اکھّ اُٹھائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در تیرے منگ منگائیا۔ گوبِند کہے کی کہِندی تیری پتّری، پاتر دے بتائیا۔ میَنوُں دسّ میَں براہمن کہ کھتری، کہ شوُدر وَیش نظری آئیا۔ میَں کیہڑی چلاواں ہٹّڑی، کوَن وست ٹِکائیا۔ کوَن اُٹھاواں گٹّھڑی، بوجھل سیِس ٹِکائیا۔ کوَن تولاں تکّڑی، ترازو دینا سمجھائیا۔ نِجوُمی کِہا میَں سمجھ گیا تیرے بچنیں، جو امولک رہیا سُنائیا۔ آہ لےَ میری رکھڑی، تیرے ہتّھ تند بندھائیا۔ تُوں جانا دیس دکھّنی، اپنا پندھ مُکائیا۔ ویکھیں ایہہ بھوُمی نہ رہ جائے سکھّنی، چرن دھوُڑ دینی شاہیِا۔ نِجوُمی لکیِر کِھچّ کے کِہا قؤل دے کے پھیر ٹپنّی، اَگے قدم نہ کوئے اُٹھائیا۔ گوبِند کِہا میَں ضرور تیری پَیج رکھنی، سِر اپنا ہتّھ ٹِکائیا۔ تیرے پِچھے ایہہ نگری اِک وسنی، اپنا رنگ بدلائیا۔ جوتی جوت سروُپ ہرِ، آپ اپنی کِرپا کر، دُھر دا حُکم آپ ورتائیا۔ گوبِند کِہا ایہہ نگر وسے کھیڑا، کھِڑکی تیری دیاں کُھلائیا۔ جِس تھاں تے تیرا ڈیرہ، پھیر آواں چائیں چائنیا۔ اِک ڈھئیے دا وِچ گیڑا، لیکھا دیِن دُنی بنائیا۔ پھیر کراں حق نبیڑا، پوُرب لیکھا جھولی پائیا۔ نال پُرکھ اکال ہووے میرا، محبوُب دُھردرگاہیِا۔ کلجُگ کوُڑ ہووے اندھیرا، ساچا چند نہ کوئے چمکائیا۔ جوتی جوت سروُپ ہرِ، آپ اپنی کِرپا کر، دُھر دا حُکم اِک سُنائیا۔ نِجوُمی کِہا میَں سُنی کتھا کہانی، رسنا سوہنی جِہوا گائیا۔ میَنوُں دِسے اگمّی کہانی، دُھر دا راز جنائیا۔ میَں بُڈھا بِردھ جگت جیو پرانی، پران چھڈ کے ناتا تتاں ہووے جُدائیا۔ کوئی منزل دسّ آسانی، سہج نال سمجھائیا۔ جِس ویلے میرا لیکھا مکُے جِسم جِسمانی، کِس بِدھ اسمانی ملِے نوُر الاہیِا۔ میَں چاہُندا جے پھیر ملِے تے میری بِردھ توں ہووے جوانی، جوبن ونتا نظری آئیا۔ گوبِند کِہا مستک دھوُڑ دی لا نِشانی، نِشان اپنا اِک وکھائیا۔ جوتی جوت سروُپ ہرِ، آپ اپنی کِرپا کر، لیکھا اپنے ہتّھ رکھائیا۔ گوبِند کِہا سُن اِک اَخیِری باتی، باطن دیاں جنائیا۔ ایہہ کھیل پُرکھ ابناشی، جو مَیتھوں رہیا کرائیا۔ جِس ویلے ہووے اندھیری راتی، کلجُگ اپنا رنگ رنگائیا۔ تیرا جنم ہووے پھیر لوک ماتی، دھرنی دھرت دھوَل وڈیائیا۔ تیرا لہنا دینا میرے نال میٹے پُرکھ ابناشی،
ابناشی کرتا جھولی پائیا۔ ایسے دھرتی نوُں لگّے بھاگ، بھگت بھگوان نظری آئیا۔ جِتھے جگدا نہیں کوئی چراغ، چراگاہاں وِچ ہوئے رُشنائیا۔ اُس دا لہنا دینا پوُرب دینا آج، عاجزاں ویکھے تھاؤں تھائنیا۔ نِجوُمی بِردھ دا تتاں والا بدل کے سماج، سِکھیا اپنی اِک سمجھائیا۔ تُوں میرا میَں تیرا اِکو لیَنا ارادھ، دوُجی لوڑ رہے نہ رائیا۔ تیری سادھناں لَواں سادھ، سَت سَت وِچ سمائیا۔ پِچھلے جنم دی داد، پوُرب رہیا ورتائیا۔ نِجوُمی دا نات، تِواری دا ساک، شبد دی گاتھ، کرم دی آس، دھرم دی راس، گوبِند دی شاخ، لیکھے لا سرب گُنتاس، گُنونتا دیوے مان وڈیائیا۔
۲۳ جیٹھ شہنشاہی سمت ۴ جُگِندر سِنگھ دے گرِہ اِٹارسی مدھ پردیش
ملے وڈیائی صاحِب ہرِ سنگت، پُرکھ اکال دیِن دَیال دَیا کمائیا۔ نام اگمّی چاڑھے دُھر دی رنگت، پاربرہم پت پرمیشور دُھر دا رنگ رنگائیا۔ جگت واسنا کٹ کے بُھکھ ننگت، نام نِدھان وست امولک جھولی آپ بھرائیا۔ کوُڑی کِریا گڑھ توڑ کے ہؤمے ہنگت، پاربرہم برہم میلا لئے مِلائیا۔ جن بھگت سُہیلے اُپجا کے دُھر دے سنت، گُرمُکھاں گُر گُر گود ٹِکائیا۔ دھرم مِلاواں نار کنت، آتم سیج سُہنجنی سوبھا پائیا۔ جِتھے تُوں میرا میَں تیرا اِکو چھنت، سوہنگ راگ اناد سُنائیا۔ سَت دھرم بنائے بنت، کوُڑی کِریا پندھ چُکائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ کرنی کار کمائیا۔ کرنی کار کرے کرتار، ہرِ کرتا وڈ وڈیائیا۔ جِس دا کھیل سدا جُگ چار، چؤکڑی اپنا حُکم چلائیا۔ نِرگُن سرگُن لےَ اوتار، تن وجوُد وجےّ ودھائیا۔ سنت سُہیلا کر کے خبردر، بےخبراں اپنی خبر جنائیا۔ پوُرب جنم دا دے اُدھار، لیکھا آپ مُکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سد اپنا رنگ رنگائیا۔ ہرِ سنگت ہوئے وڈ وڈ بھاگ، وڈ بھاگی پُرکھ نِرنجن پائیا۔ مات دیِپک بُجھا جگائے چراغ، نِرگُن نِروَیر نوُر کر رُشنائیا۔ جن بھگت میٹ کے کوُڑا پاپ، پتت پاپی گود اُٹھائیا۔ ساچے منڈل دسّ کے راس، سُرتی شبدی گوپی کاہن نچائیا۔ گُر اوتار پَیغمبراں پوُرا کر کے بھوِکھت واک، لہنا دینا دُھر دا کھوج کھوجائیا۔ کرے کھیل پُرکھ ابناش، ہرِ کرتا وڈ
وڈیائیا۔ کلجُگ کوُڑی کِریا کرے گھات، نام کھنڈا اِک چمکائیا۔ جن بھگت پوُری کرے آس، ترِسنا کوُڑی میٹ مِٹائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، لیکھا جانے لکھّ چؤراسی پوَن سواس، گراس گراس گِنتی دُھر دی وِچ جنائیا۔
۲۴ جیٹھ شہنشاہی سمت ۴ کِرپال سِنگھ دے گرِہ آگرہ
ہتّھ جوڑ کری نمستے، نمو نمو سرنائیا۔ پُرکھ اکال پا اگمّے رستے، مارگ اِکو دینا درسائیا۔ جِتھے گُر اوتار پَیغمبر وسدے، نِرگُن نوُر جوت رُشنائیا۔ اِکو تیرا نام جپدے، دوُجا راگ نہ کوئے سُنائیا۔ اِشارے نہیں کوئی اوتھے اکھّ دے، دُھن دُھن وِچوں پرگٹائیا۔ جوتی جوت سروُپ ہرِ، آپ اپنی کِرپا کر، گھر سچ دینا وکھائیا۔ ہتّھ جوڑ انتر کیِتا دھیان، دھیان دھیان وِچ لگائیا۔ کِرپا کر سِری بھگوان، پاربرہم تیری سرنائیا۔ شبد ناد دے دُھنکان، انراگی راگ سُنائیا۔ بھاگ لگّے کایا سچ مکان، کعبہ اِکو دینا سُہائیا۔ تیرا نوُر ملِے مہان، جوتی جوت ڈگمگائیا۔ جوتی جوت سروُپ ہرِ، آپ اپنی کِرپا کر، ساچا رنگ دینا چڑھائیا۔ ہتّھ جوڑ کیِتی بندنا، ڈنڈاوت بےپرواہیِا۔ پُرکھ اکال دے انندنا، آتم پرماتم وِچ سمائیا۔ نوُری جوت چمکے چندنا، اندھ اندھیر رہے نہ رائیا۔ سَت دوارا ملِے لنگھنا، اَگے ہو نہ کوئے اٹکائیا۔ جوتی جوت سروُپ ہرِ، آپ اپنی کِرپا کر، پڑدا اوہلا دینا اُٹھائیا۔ ہتّھ کہن اساں کیِتی ڈنڈاوت، سیِس جگدیِش جھُکائیا۔ من رہے نہ بغاوت، کلپنا کوُڑ رہے نہ رائیا۔ صاحِب سوامی ساچا نام کر سخاوت، وست امولک اِک ورتائیا۔ تت وِکار رہے نہ عداوت، جھگڑا کوُڑ دینا چُکائیا۔ آتم تیری اَمانت، پنجاں تتاں وِچ رکھائیا۔ کِرپا کر صحیح سلامت، تیری اوٹ تکائیا۔ کوُڑی رہے نہ کوئے علامت، جوتی جوت سروُپ ہرِ، آپ اپنی کِرپا کر، سچ بخش اِک سرنائیا۔ ہتّھ جوڑ کہن اسیں کیِتا سجدہ، پروردِگار نوُر خُدائیا۔ جِس دا دو جہان بردا، بندگی وِچ بندے رہیا بنائیا۔ سو لیکھا جانے کایا ماٹی گھر دا، گرِہ گرِہ کھوج کھوجائیا۔ سُکھ دے کے امرت سروور ساچے سر دا، دُرمت مَیل دئے دھوائیا۔ مایا ممتا موہ وِکار چُکے پڑدا، ہؤمے ہنگتا گڑھ
تُڑائیا۔ جوتی جوت سروُپ ہرِ، آپ اپنی کِرپا کر، گھر ساچا اِک سُہائیا۔ ہتّھ کہے اسیں جُڑیا ویکھیا گھر سُہنجنا، وجّی حقیِقت حق ودھائیا۔ لیکھا جانے آد نِرنجنا، پاربرہم پت پرمیشور اپنے ہتّھ رکھے وڈیائیا۔ گھٹ نِواسی پُرکھ ابناشی دیِناں ناتھاں درد دُکھ بھےَ بھنجنا، بھوَ ساگر پار کرائیا۔ ایتھے اوتھے دو جہاناں نِرگُن دھار بنے سجّنا، سچ سوامی ویکھ وکھائیا۔ چرن دھوُڑ امرت رس دیوے بِن رسنا چکھّنا، جِہوا گُن نہ کوئے جنائیا۔ اوہناں دی لیکھے لگّے بندنا، جِنہاں نے اِکو دوارا منگنا، پاربرہم پت پرمیشور سیِس جگدیِش جھُکائیا۔ ہتّھ کہن اسیں جُڑ کے کیِتی صلاح، مشورہ اِک پکائیا۔ ویکھو کھیل بے پرواہ، کی کرتا کار کمائیا۔ کِرپال وِچ بنا گواہ، جو شہادت دئے بُھگتائیا۔ کِرپا کرے آپ مِہرواں، محبوُب نوُر الاہیِا۔ جو در تے گئے آ، عاجز بن کے سوبھا پائیا۔ تِنہاں قبوُل ہووے دُعا، رحم وِچ وڈیائیا۔ سُتیاں جگت جاگدیاں سب نوُں درس دئے دِکھا، جو نیتر لوچن درشن پائیا۔ ہتّھ کہن ساڈا مستک نال ناتا لیا بنا، اگلا سنگ جنائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ ہتّھ کہن ساڈی انتر اِکو آس، آہستہ آہستہ دئیے سُنائیا۔ جو در تے آئے سب دا دُکھڑا کرنا ناس، روگی رہن کوئے نہ پائیا۔ اِک لکھّ اسّی ہزار بھوُت پریت تیرے داس، چؤراسی وِچوں ونڈ ونڈائیا۔ سب دا لیکھے لاؤنا سواس سواس، پؤن پوَناں نال جُڑائیا۔ ہتّھ کہن سُہنجنی دِسے اجّ دی رات، رُتڑی پربھ دے نال مہکائیا۔ جِس آتم پرماتم بنائی اپنی ذات، دوُجا نظر کوئے نہ آئیا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، مہاراج شیرسِنگھ وِشنوُں بھگوان، آد جُگادی برہم برہمادی شبد انادی پُرکھ ابناشی آسا منسا سب دی پوُر کرائیا۔
۲۵ جیٹھ شہنشاہی سمت ۴ ہرِ بھگت دوار دِلّی
سَتجُگ کہے پربھ دسّ اگمّ سلوک، سوہلا سوہلیاں وِچوں وڈیائیا۔ میَں سُناواں لوک پرلوک، پرم پُرکھ تیری وڈیائیا۔ جھگڑا مُک جائے چرچ پوپ، پیچیدہ پوشیدہ راز دینا کُھلائیا۔ کیوں بنیا رِہوں روُپوش، جُگ چؤکڑی ہتّھ کِسے نہ آئیا۔ ساچی نام خُماری دے مدہوش، مدُھر تیری کار کمائیا۔ کوُڑی سمجھ رہے نہ سوچ، بُدھ وِشیش دینی وڈیائیا۔ جو تیرا درشن رہے لوچ، لوچن نیَناں نال مِلائیا۔ پیار مُحبّت دے کے مؤج، مؤجوُدہ ہو کے میل مِلائیا۔ ہؤمے ہنگتا رہے کوئی نہ روگ، دُکھیاں درد دینا ونڈائیا۔ بِن تیری چرن دھوُڑی اوَر رہے کوئے نہ جوگ، جُگتی دو جہان جنائیا۔ نِرگُن دھار بخش کے اوٹ، اوڑک سارے لےَ مِلائیا۔ چار کُنٹ دہ دِشا تیرے نام دی لگّے چوٹ، چوٹی چڑھ کے لےَ اُٹھائیا۔ کوُڑی کِریا کڈھ کھوٹ، کھرے اپنے رنگ رنگائیا۔ جوتی جوت سروُپ ہرِ، آپ اپنی کِرپا کر، بھیوَ ابھیدا دینا کُھلائیا۔ سَتجُگ کہے پربھ کھول دے اپنا جِندر، دِلبر بھنڈارا دے ورتائیا۔ پڑدا لاہ دے اندر، انتشکرن دے بدلائیا۔ ساچا تن سُہا کے مندر، من مندر ڈیرہ لائیا۔ تیرا پرکاش ہووے اندھیری کَندر، نِرگُن نوُر کر رُشنائیا۔ جن بھگتاں جانا پئے نہ وِچ جنگل، جوُہ کھوج نہ کوئے کُھجائیا۔ جوتی جوت سروُپ ہرِ، آپ اپنی کِرپا کر، ساچے در دے وڈیائیا۔ سَتجُگ کہے پربھ تیرا ہووے اِکو گیِت، گیِتا گیان لوڑ رہے نہ رائیا۔ جھُکنا پئے نہ کِسے مسیِت، مسلا حق دینا سُنائیا۔ تیرے چرن لگّے پریِت، پریِتم ہو کے دینی وڈیائیا۔ سب دی بدل دے نیِت، نیِتیوان اِک ہو جائیا۔ جھگڑا مُکا دے ہست کیِٹ، کٹاکش اپنا نام رکھائیا۔ دیِن دُنی ہووے بھےَ بھیت، بھےَ بھؤ چاروں کُنٹ نظری آئیا۔ پِچھلی کوُڑ دی میٹ دے لیِک، لائن اپنی دے وکھائیا۔ گُر اوتار پَیغمبراں بدل دے تواریِخ، تریِک اپنی اِک سمجھائیا۔ تیرے در تے منگدا بھیِکھ، مانگت ہو کے جھولی ڈاہیِا۔ میری آسا منسا پوُری کر اُمیِد، آمد وِچ عمل دے دِرڑائیا۔ تُوں وسنہار سدا نزدیِک، دوُر دُراڈا پندھ مُکائیا۔ تیرا نام کلمہ ہووے اِکو لاشریِک، شِرکت جگت دینی مِٹائیا۔ تیرے انتر سچ تؤفیِق، دعویدار اِک اکھوائیا۔ ساچا درس دے دیِد، نیتر لوچن اکھّ کُھلائیا۔ تیرے پیار دی رہے عیِد، عیِداُلفِطر نہ کوئے وڈیائیا۔ جن بھگت سُہیلے بنا عزیِز، پیارے پریِتم میل مِلائیا۔ ساچی سِکھیا دے تمیِز، طمع کوُڑ دینی گوائیا۔ ایکا چھتر جھُلے تیرے سیِس، صاحِب سُلطان تیری سرنائیا۔ تُوں پروردِگار ٹھاکر سوامی جگدیِش، جگدیِشر اِک اکھوائیا۔
جوتی جوت سروُپ ہرِ، آپ اپنی کِرپا کر، ایکا دینا دُھر دا ور، نِہکلنک نرائن نر، مہاراج شیرسِنگھ وِشنوُں بھگوان، پڑدا لاہ کھیل جگت انڈیٹِھ، انڈِٹھ اپنا حُکم اِک ورتائیا۔
۲۶ جیٹھ شہنشاہی سمت ۴ گُرمیج سِنگھ دے گرِہ کرنال
سَتجُگ کہے پربھ کِرپا کر صاحِب سَتگُر ساگر، گہر گمبھیِر بے نظیِر تیری سرنائیا۔ نِرگُن دھار جودھے سوُربیِر بہادر، شاہ پاتشاہ شہنشاہ تیری اوٹ تکائیا۔ مِہربان محبوُب دیِن دُنی دے قادر، کرتے کریِم تیری سرنائیا۔ جن بھگت سُہیلے بال اَنجانے دُھر دے عاجز، عزیز تمیِز دینی جنائیا۔ دُھر سندیسہ حُکم دے واجب، واحد اپنا رنگ رنگائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ سَتجُگ کہے سُن صاحِب پُرکھ سمرتھ، کتھا اکتھ دیاں جنائیا۔ جِتھے بل ٹیک کے اپنا متھ، مستک لیا رگڑائیا۔ جِتھے سپت رِکھی چرن گئے جھس، بھاردواج نال وڈیائیا۔ جِتھے یُدھشٹر چرن گیا ڈھٹّھ، دھوُڑی مستک خاک رمائیا۔ جِتھے پیار مُحبّت دا ہُندا سی ہٹّ، جگت جہان وجےّ ودھائیا۔ سو کھیل اگمّا رہیا دسّ، دہ دِشا سمجھ کوئے نہ پائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ سندیسہ اِک سُنائیا۔ سَتجُگ کہے ایتھے رہندا سی ونجارا، ونج سَت سَت کمائیا۔ مندر بناؤندا سی اِٹّاں گارا، ٹھاکر اپنے ہتّھ ٹِکائیا۔ سدا کردا سی نِمسکارا، نِیوں نِیوں سیِس نِوائیا۔ بستر بھوُشن پہنائے اپارا، تن وجوُد سُہائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در تیرے منگ منگائیا۔ سَتجُگ کہے پربھ ایہہ دھرنی کی کہِندی، کہہ کہہ رہی سُنائیا۔ ذرا ویکھ دِشا لہِندی، بِن لوچن نیَن اکھّ اُٹھائیا۔ جِس نوُں کہندے اِمام مہدی، اِمام اِماما ویس وٹائیا۔ سب دی کلا کرے ڈھہِندی، صدی چؤدھویں رہی کُرلائیا۔ جوتی جوت سروُپ ہرِ، آپ اپنی کِرپا کر، بھیوَ ابھیدا رہیا کُھلائیا۔ دھرنی کہے ایتھے ہُندا سی اِک عارف، بِن الف یے پڑھائیا۔ نوُری نوُر کرے تُعارف، تسبیح مالا نہ کوئے رکھائیا۔ بِن کلمیوں کرے زیارت، ظاہر ظہوُر رُشنائیا۔ سندیسہ پڑھے سُنے بِنا عبارت، اکھّراں ونڈ نہ کوئے ونڈائیا۔ اپنی ویکھ کے تن وجوُد عمارت، اصل وصل کھوج کھوجائیا۔ جوتی جوت سروُپ ہرِ، آپ اپنی کِرپا کر، سد اپنے رنگ رنگائیا۔ دھرنی کہے ایتھے نؤ دِن کٹے فریِد، فاقہ فِکر وِچ
رکھائیا۔ بِن لوچن کر کے دید، درس دیِدار رُشنائیا۔ انتشکرن کر اُمیِد، آمد وِچ وڈیائیا۔ کلمہ صِفت تمہیِد، رحمت نوُر الاہیِا۔ جو کدے نہ پڑھے قرآن مجیِد، نغمہ دُھر دا اِک سُنائیا۔ اُس دا کھیل اِک اصلیّت، اصل نوُر الاہیِا۔ جِس نے سب دی بدل دینی طبیعت، طبیب ہو کے ویکھ وکھائیا۔ جوتی جوت سروُپ ہرِ، آپ اپنی کِرپا کر، دُھر دا حُکم اِک دِرڑائیا۔ دھرنی کہے جِس ویلے یُدِھشٹر اُتریا اُتوں رتھ، اکھّ کرِشن نال مِلائیا۔ کرِشن مار کے دوویں ہتّھ، مِٹی خاک دِتی مِلائیا۔ سہج سُبھاؤ پیا ہسّ، ہستی اپنی دِتی سمجھائیا۔ دھرم سُت کھول کے ویکھ اکھّ، آخر دیاں جنائیا۔ کلجُگ انتم کھیل ویکھ پرتکھ، پرماتم پڑدا لاہیِا۔ جو نِرگُن دھار ہوئے پرگٹ، جوتی جاتا ویس وٹائیا۔ جِس شنبھوُ دا ایتھے ہٹّ، جھؤپڑی ککھّاں والی سُہائیا۔ اوہ جامہ پھیر آوے پلٹ، مانَس مانَس روُپ دھرائیا۔ کِرپا کرے پُرکھ سمرتھ، پاربرہم پربھ اپنا پڑدا لاہیِا۔ تُوں میرا میَں تیرا دُھر دا نام دسّ، سچ سندیسہ نام سُنائیا۔ بھاگ لگا کایا ماٹی کچّ، کنچن گڑھ دئے وڈیائیا۔ جگت دوارا آئے چھڈ، مِٹے ناتا کوُڑ لوکائیا۔ جوتی جوت سروُپ ہرِ، آپ اپنی کِرپا کر، پوُرب لیکھا ویکھ وکھائیا۔ دھرنی کہے جِس دی نِکّی جِہی دُکان، وستُو جگ نہ کوئے وِکائیا۔ کِرپا کرے کاہن، کاہن بھگوان دُھردرگاہیِا۔ دُھر دا لا نِشان، نِشانہ گیا سُہائیا۔ بول کے نال زبان، زمانہ گیا بدلائیا۔ جِس ویلے کل انت آوے سِری بھگوان، بھگوَن اپنا ویس وٹائیا۔ ایہہ دھرنی ویکھے آن، دھوَل کھوج کھوجائیا۔ تیرا لہنا دینا چُکاوے وِچ جہان، جہاں تہاں ہوئے سہائیا۔ ساچے در کر پروان، پروانا دُھر دا ہتّھ پھڑائیا۔ بھاگ لگا کے وِچ بیِابان، جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ دھرنی کہے میرا پوُرا ہویا ور، وارتا دِتی دُہرائیا۔ نِرگُن دھار پایا گھر، گرِہ مندر وجّی ودھائیا۔ نہا کے ساچے سر، دُرمت مَیل لئی دھوائیا۔ نِراکھّر دھار لیا پڑھ، تُوں میرا میَں تیرا ڈھولا گائیا۔ منزل حقیِقی گئی چڑھ، سچ مینارے سوبھا پائیا۔ جِتھے بھگت بھگوان رہے کھڑ، دوُجی ونڈ نہ کوئے ونڈائیا۔ جوتی جوت سروُپ ہرِ، آپ اپنی کِرپا کر، بھیوَ ابھیدا رہیا کُھلائیا۔ دھرنی کہے میرا جاگیا بھاگ، بھگوان دِتی وڈیائیا۔ جِتھے گُرمُکھ اُپجے چراغ، چراگاہاں کرے رُشنائیا۔ ہرِ سنگت بنے سماج، ورن برن دا ڈیرہ ڈھاہیِا۔ دُرمت رہے نہ کوئے داغ، پاپاں کرے صفائیا۔ مایا ڈسے نہ ڈسنی ناگ، ممتا موہ دئے چُکائیا۔ ہنس بنائے پھڑ کے کاگ، سوہنگ مانک موتی چوگ چُگائیا۔ شبد اگمّی مار کے آواز، سوئی سُرت لئی اُٹھائیا۔ کھول کے اپنا راز، رازق رحیِم رہیا جنائیا۔ جِس تھاں فریِد نے پڑھی
نماز، سجدیاں وِچ سیِس جھُکائیا۔ اُس دا لہنا دینا دِتا آج، عدد تشّدد نظر کوئے نہ آئیا۔ جن بھگتاں بخش پریم وَیراگ، وَیری اندروں دئے کڈھائیا۔ آتم پرماتم میل مِلا کے کنت سُہاگ، درگاہ ساچی جوڑ جُڑائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ دھرنی کہے میرے انتر چاؤ گھنیرا، خوشیاں وِچ جنائیا۔ پرم پُرکھ ٹھاکر مِلیا میرا، ممتا موہ رہیا مِٹائیا۔ جِس کلجُگ انت دینا گیڑا، لکھّ چؤراسی ویکھ وکھائیا۔ جن بھگتاں اُتے کر کے مِہرا، محبوُب مُحبّت وِچ دینا دِرڑائیا۔ نِج گھر نِج گرِہ نِج آتم دِسنا نیرن نیرا، دوُر دُراڈا پندھ مُکائیا۔ جِس تھاں تے ہٹّی والے دا وسیرا، کرِشن لیکھے وِچ وڈیائیا۔ اوسے دا بنھن آیا بیڑا، جو جنم وِچوں جنم گیا بدلائیا۔ گُرمیز سِنگھ تیرا بناوے ڈیرہ، ڈیرہ اپنے وِچ رکھائیا۔ قؤل اِقرار پِچھلا کیِتا جیہڑا، پوُرب جنم رہیا چُکائیا۔ ویہہ سؤ پندراں بِکرمی تھانیسر دا لیکھا لِکھیا بتھیرا، جگہ بھوُمکا اجّ مِلی وڈیائیا۔ جوتی جوت سروُپ ہرِ، آپ اپنی کِرپا کر، نِہکلنک نرائن نر، مہاراج شیرسِنگھ وِشنوُں بھگوان، آد جُگاد جُگ چؤکڑی نِت نوِت نِرگُن سرگُن جن بھگتاں ایتھے اوتھے دو جہاناں بنّھے بیڑا، کھیوٹ کھیٹا ہو کے بھار اپنے کندھ اُٹھائیا۔
۲۷ جیٹھ شہنشاہی سمت ۴ ارجن سِنگھ دے گرِہ بلوچ پُرا
سَتجُگ کہے کِرپا کر میرے جگدیِش، جگدیِشر تیری اوٹ تکائیا۔ نِرگُن سرگُن تیرا کھیل بیِس اِکیِس، پاربرہم پت پرمیشور تیری بےپرواہیِا۔ جُگ چؤکڑی نِرگُن سرگُن دھار گئے بیِت، سَتجُگ تریتا دواپرکلجُگ اپنا پندھ مُکائیا۔ بِن تیری کِرپا صاحِب سُلطان نؤجوان بدلے کوئے نہ ریِت، مندر مسیِت پندھ نہ کوئے چُکائیا۔ ایکا رنگ رنگے نہ کوئے ہست کیِٹ، اوُچ نیِچ ڈیرہ کوئے نہ ڈھاہیِا۔ صدی چؤدھویں پروردِگار رہی بیِت، باطن بھیوَ نہ کوئے کُھلائیا۔ ناؤں نِرنکار تیرا کلمہ حق حدیِث، حضرتاں حضوُر دینا جنائیا۔ تیرا پرکاش ہووے اگمّ دیِپ، دیِپک نوُر کر رُشنائیا۔ جوتی جوت سروُپ ہرِ، آپ اپنی کِرپا کر، میرا لیکھا دینا چُکائیا۔ سَتجُگ کہے پربھ میَں در درویش منگتا، نِردھن ہو کے آس رکھائیا۔ کلجُگ کوُڑی کِریا گڑھ توڑ ہؤمے ہنگتا، ہنگ برہم دے جنائیا۔ جھگڑا رہے نہ کوئی
ممتا من دا، منسا موہ میٹ مِٹائیا۔ بھیوَ کُھلاواں کایا ماٹی تن دا، تند ستار اندر اِک وجائیا۔ روُپ جناواں بھگت جن جن دا، جاگرت جوت ڈگمگائیا۔ پندھ مُکاواں چِنتا ہرکھ سوگ غم دا، جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در ٹھانڈے الکھ جگائیا۔ سَتجُگ کہے پربھ میری تیرے اَگے ارداس، بیننتی اِک جنائیا۔ کِرپا کر پُرکھ ابناش، صاحِب سُلطان تیری سرنائیا۔ کلجُگ کوُڑی کِریا ہووے ناس، ناستک رہن کوئے نہ پائیا۔ ہر گھٹ اندر تیری پَوے راس، سُرتی شبدی گوپی کاہن ناچ نچائیا۔ روُح بُت دوویں ہوون پاک، پتت پُنیِت تیری سرنائیا۔ سچ دوار کُھلا کے ہاٹ، وست امولک اِک ورتائیا۔ دھرم دوار جنا کے گھاٹ، پتن کوُڑ کُکرم دیاں گوائیا۔ نوَ نؤ چار نہ رہے اندھیری رات، اِکو تیرا نوُر جوت ہووے رُشنائیا۔ جن بھگتاں پوُری کر کے آس، جنم جنم دی ترِسنا پیاس مِٹائیا۔ آتم پرماتم پرماتم آتم اِکو اِک جنا کے باپ، چاچے گُر اوتار پَیغمبر توں کھہڑا دیاں چُھڈائیا۔ جِدھر تکّن نظری آوے پُرکھ ابناش، ابناشی کرتا نوُر خُدائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، درگاہ ساچی سیِس نِوائیا۔ سَتجُگ کہے پربھ میری پِٹھ تے دیدے تھپکی، سِر اپنا ہتّھ ٹِکائیا۔ میَں انتر نِرنتر سُرت بدلاواں سب دی، نِرگُن ہو کے نِرگُن ویکھ وکھائیا۔ گھٹ گھٹ انتر تیری جوت ہووے جگدی، نِرگُن نوُر نوُر رُشنائیا۔ ترےَگُن اگنی میٹاں اگّ دی، پنج تت نہ کوئے جلائیا۔ رسنا جِہوا اِکو نام تیرا ہووے جپدی، جگ جیِون داتے تیری اوٹ رکھائیا۔ کلپنا رہن نہ دیواں من مت دی، گُرمت اِکو اِک سمجھائیا۔ نظر کُھلا کے نِج نیتر لوچن نیَن اکھّ دی، آخر اِکو گھر وکھائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در تیرے منگ منگائیا۔ سَتجُگ کہے پربھ میری آسا اِک اگمّی، لِکھن وِچ کدے نہ آئیا۔ پُرکھ اکال دیِن دَیال ہو کے منّیں، مِہربان محبوُب تیری سرنائیا۔ میَں تیرا ناؤں سُناؤنا چاہُندا نہیں کِسے کنّیں، نِرنتر انتر ہِردے وِچ دیاں ٹِکائیا۔ تُوں صاحِب سُلطان نؤجوان مرد مردان دُھر دا دھنی، دھرم دی دات دے ورتائیا۔ سرِشٹی درِشٹی وِچ رہے نہ انّھی، نِج لوچن نیَن کر رُشنائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در وجدی رہے ودھائیا۔ سَتجُگ کہے پربھ تیرے نام دا دسّاں ڈھولا، ڈھول ماہی دیاں سمجھائیا۔ وِچھڑیا رہے کوئی نہ گولا، کایا گولک پھول پُھلائیا۔ تیرا بھیوَ کُھلا کے مؤلا، ہر گھٹ مؤلیا دیاں سمجھائیا۔ دیِن مذہب دا رہن نہ دیاں رؤلا، رہبر اِکو دیاں وکھائیا۔ گُر اوتار پَیغمبر پوُرا کر اِقرار قؤلا، کول نیَن تیری اوٹ
تکائیا۔ لکھّ چؤراسی جیِو جنت سادھ سنت سُتا انبھولا، بِن تیری کِرپا لئے نہ کوئے انگڑائیا۔ تن وجوُد ماٹی خاک بھاگ لگّے کِسے نہ چولا، چوجی پریِتم تیرا درس کِسے نہ پائیا۔ تیری کِرپا سب دے اندروں چُکاواں پردہ اوہلا، بھانڈا بھرم بھؤ بھنّائیا۔ بھگت سُہیلا گُروُ گُر چیلا، تیرے دوار بناواں گولا، گہر گمبھیِر بے نظیِر میل مِلا کے سہج سُبھائیا۔ تُوں کلجُگ انت سِری بھگوَنت نِرگُن دھار بنا تولا، تولنہار اِک اکھوائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، واہ واہ تیری بےپرواہیِا۔ سَتجُگ کہے میرے مالک دُھر دے عرشی، صاحِب سُلطان تیری وڈیائیا۔ نِگاہ مار اُپر فرشی، فرِشتے چارے دین دُہائیا۔ گُر اوتار پَیغمبراں منظور کر عرضی، عاجز ہو کے سیِس نِوائیا۔ غریِب نِمانیاں بن دردی، دردوند ہو کے درد ونڈائیا۔ ویکھیں کلجُگ انت موُل نہ بنیں الغرضی، بے پرواہی وِچ سمائیا۔ ایہہ کھیل تیرے انوکھے گھر دی، جِس دی خبر نہ کوئے سُنائیا۔ سَتجُگ کہے میَں چاہُندا سب رسنا تیرا اِکو ناؤں ہووے پڑھدی، پڑدا اندر رہے نہ رائیا۔ سُرتی منزل ہووے چڑھدی، شبدی ڈھولا نام گائیا۔ نِرگُن جوت ہووے جگدی، گھر وِچ گھر کرے رُشنائیا۔ تیری آسا ہووے سد دی، منسا وِچ مِلائیا۔ منزل مُک جائے جگت حدوُد حد دی، راہ اِکو وجےّ ودھائیا۔ سُنے آواز اگمّی ند دی، انحد ناد جنائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سَت ساچی منگ منگائیا۔ سَتجُگ کہے میرے انتر آوے خوشی، خوشخبری دیاں جنائیا۔ سرِشٹی دی تیرے نال لگاواں رُچی، رچنا تیری دیاں سمجھائیا۔ سب دی بُدھی کراں سُچی، سچّ سنجم اِک پرگٹائیا۔ کوُڑی کِریا جڑ جائے پُٹی، پٹنے والا کرے صفائیا۔ جن بھگتاں من رہے نہ کوئے ترِکُٹی، اِیڑا پِنگل سُکھمن ونڈ نہ کوئے ونڈائیا۔ سہِنس دل دی کرے نہ کوئی بُتی، منسا موہ نہ کوئے جنائیا۔ اِکو تیری منزل دسّاں اُچی، گھر گھر وِچ ہووے رُشنائیا۔ جن بھگت وِچھوڑے وِچ رہے کوئے نہ دُکھی، آتم پرماتم پرماتم آتم وِچ سمائیا۔ آؤنا پَوے نہ کِسے مات کُکھی، گربھ جوُن نہ کوئے بھوائیا۔ سچ سُہنجنی کر کے رُتی، رُتڑی تیرا نام مہکائیا۔ سَتجُگ کہے پربھ میری انت بات پُچھیں، پُشت پناہ اپنا ہتّھ ٹِکائیا۔ جھگڑا رہن نہ دیواں کایا بُتیں، بُتخانے دیاں گوائیا۔ تیری جوت رہے نہ لُکی، لوک پرلوک وجےّ ودھائیا۔ نِرگُن دھار ہو کے اُٹھیں، نِروَیر دَیا کمائیا۔ صاحِب سَتگُر ہو کے تُٹھیں، مِہر نظر نال پار کرائیا۔ کلجُگ کوُڑی کِریا جائے کُٹھی، کوُڑ کُٹمب دینا مِٹائیا۔ جن بھگت اُجل کریں مُکھی، مانُکھ اپنے رنگ رنگائیا۔ جوتی جوت سروُپ ہرِ، آپ اپنی کِرپا کر،
نِہکلنک نرائن نر، مہاراج شیرسِنگھ وِشنوُں بھگوان، کِرپا کر نؤجوان، تیرا کھیل مرد مردان، ہرِجن آتم رہے کوئے نہ سُتی، سُتح پرکاش اپنا دینا وکھائیا۔
۲۸ جیٹھ شہنشاہی سمت ۴ سِری رام دے گرِہ پِنڈ مقصوُدڑا
سَتجُگ کہے پربھ تیرے چرن جاواں جھُک، نِیوں نِیوں نِروَیر سیِس نِوائیا۔ کلجُگ کوُڑی کِریا میٹ دُکھ، دیِناں اناتھاں دَیا کمائیا۔ چار ورن اٹھاراں برن دے سُکھ، آتم پرماتم میل مِلائیا۔ ترِسنا کوُڑ رہے نہ بُھکھ، ممتا موہ دینا چُکائیا۔ انتر اوہلا رہے نہ لُک، پڑدا پریم دینا اُٹھائیا۔ اُجل کر مات مُکھ، دُرمت مَیل دھوائیا۔ بھگت سُہیلا بنا سُت، اپرادھی رہن کوئے نہ پائیا۔ تُوں مالک ابناشی اچُت، چیتن سُرتی آپ بنائیا۔ جوتی جوت سروُپ ہرِ، آپ اپنی کِرپا کر، ساچا رنگ دینا رنگائیا۔ سَتجُگ کہے پربھ ویکھ انتر نِرنتر، نِروَیر دَیا کمائیا۔ دُھر دا دسّ اگمّی منتر، منتوَ سب دا حل کرائیا۔ سَت دھرم بنا بنتر، کوُڑی کِریا ڈیرہ ڈھاہیِا۔ تیرا کھیل جُگا جُگنتر، سَتجُگ تریتا دواپرکلجُگ بَیٹھے سیِس نِوائیا۔ جوتی جوت سروُپ ہرِ، آپ اپنی کِرپا کر، ساچا میلا لیَنا مِلائیا۔ سَتجُگ کہے میرے صاحِب سوامی پُرکھ اکال، اکل کل دھاری تیری وڈیائیا۔ دیِناں بندھپ دیِن دَیال، دَیانِدھ تیری سرنائیا۔ جن بھگتاں لیکھے لا گھال، جو نِت نوِت تیرا نام دِھیائیا۔ کر پرکاش کایا ماٹی ساچی دھرمسال، نِرگُن نوُر جوت رُشنائیا۔ ترےَگُن مایا توڑ جنجال، پنچ وِکار رہن نہ پائیا۔ شبد انادی دُھن آتمک وجا تال، اگمّی راگ سُنائیا۔ دیِپک جوت جگے بے مثال، جِس دی مِسل نہ کوئے سمجھائیا۔ جھگڑا رہے نہ کال مہاکال، بھےَ بھؤ نہ کوئے جنائیا۔ جوتی جوت سروُپ ہرِ، آپ اپنی کِرپا کر، لیکھا دُھر دا ویکھ وکھائیا۔ سَتجُگ کہے پربھ میرے بھگوَنت، پرماتم تیری اوٹ تکائیا۔ سرِشٹ سبائی بن اگمّی کنت، آتم پرماتم جوڑ جُڑائیا۔ کایا چولی چاڑھ رنگ بسنت، نِروَیر اُتر کدے نہ جائیا۔ گڑھ توڑ ہؤمے ہنگت، ہنگ برہم دے سمجھائیا۔ کھتری براہمن شوُدر وَیش بن پنڈت، نِراکھّر اکھّر وِچوں سمجھائیا۔ جوتی جوت سروُپ ہرِ، آپ اپنی کِرپا کر، سچ دوار اِک پرگٹائیا۔ سَتجُگ کہے میرے صاحِب پُرکھ سمرتھ، ہرِ کرتے تیری وڈ وڈیائیا۔ جُگ چؤکڑی تُوں چلاوَنہارا رتھ، بن رتھواہی ویس وٹائیا۔ تیری بودھ اگادھ مہما نام اکتھ،
رسنا جِہوا کہن کوئے نہ پائیا۔ کلجُگ کوُڑی کِریا نام مدھانے دے متھ، ممتا موہ دے گوائیا۔ جن بھگتاں اپنے مِلن دی کھول اکھّ، نِج نیتر جوڑ جُڑائیا۔ وست امولک دے کے سچ، سنجم اِکو دینا سمجھائیا۔ بھاگ لگا دے کایا ماٹی کچّ، کنچن گڑھ ملِے وڈیائیا۔ منوُآ من نہ سکے نچّ، دہ دِشا نہ اُٹھ اُٹھ دھائیا۔ سِر سب دے رکھنا ہتّھ، پُشت پناہ تیری سرنائیا۔ جوتی جوت سروُپ ہرِ، آپ اپنی کِرپا کر، سَت دھرم دھرم دے وتھ، کوُڑی کِریا باہر کڈھائیا۔ سَتجُگ کہے میرے بھگت وچھل گِردھار، گہر گمبھیِر تیری بےپرواہیِا۔ چرن جھُکن تیئی اوتار، پَیغمبر بَیٹھے سیِس نِوائیا۔ نِمسکار کرے گُروُ گُر دھار، نیتر اکھّ نہ کوئے اُٹھائیا۔ تیرا حُکم سچّی سرکار، شاہ پاتشاہ نہ کوئی میٹے میٹ مِٹائیا۔ نوَ نؤ چار بیِتے سنسار، جُگ چؤکڑی اپنا پندھ مُکائیا۔ کلجُگ انت ویکھ دھوُاں دھار، چاروں کُنٹ اندھیرا چھائیا۔ سَت رہیا نہ کوئے اُجیار، کوُڑ کُڑیار نہ کوئے مِٹائیا۔ سرِشٹی دِشٹی اندر ہاہاکار، اِشٹی بَیٹھے مُکھ بھوائیا۔ کھیل ویکھ اگمّ اپار، الکھ اگوچر دَیا کمائیا۔ چار ورن ہاہاکار، دھیِرج دھیِر نہ کوئے دھرائیا۔ ساچے بھگتاں دے دیِدار، نوُر ظہوُر کر رُشنائیا۔ میَں منگتا تیرے دربار، در ٹھانڈے سیِس نِوائیا۔ سَتجُگ اُچی کوُک کرے پُکار، پُنہ پُنہ سیِس نِوائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، نِہکلنک نرائن نر، مہاراج شیرسِنگھ وِشنوُں بھگوان، تیرا جھُلدا ویکھاں اِک نِشان، جِس نوُں ڈنڈاوت کرے دو جہان، سجدیاں وِچ سِر سر نہ کوئے اُٹھائیا۔
۲۹ جیٹھ شہنشاہی سمت ۴ جسونت سِنگھ دے گرِہ کرتار پُر ضِلع جالندھر
سَتجُگ کہے پربھ کوُڑی کِریا بدل دے سِکہ، سَت ستواد برہم برہماد اپنا نام پرگٹائیا۔ پُرکھ اکال دیِن دَیال نظر آ سب نوُں پِتا، پت پرمیشور بے پرواہ اپنا پڑدا دے اُٹھائیا۔ ایکا رنگ رنگا وڈّا نِکاّ، اوُچ نیِچ راؤ رنک جھگڑا دینا مُکائیا۔ آتم پیار برہم دھار کر حِتا، سچ سوامی اپنا رنگ رنگائیا۔ جُگ چؤکڑی نِت نوِت تیرا لیکھ لِکھا، مہما وِچ صِفت صالاحیِا۔ چار جُگ دے شاستر تیرا صِفت صالاحی چِٹھا، جُگ چؤکڑی دین گواہیِا۔ گُر اوتار پَیغمبر تیرا بھانا منّیا مِٹھا، سیِس جگدیِش سکیا نہ کوئے اُٹھائیا۔ تیرا حُکم سدا نِت
نوِتا، نر نِرنکار وجدی رہے ودھائیا۔ کلجُگ انتم ویکھ رس سب دا ہویا پھکا، پھل پُھل دین دُہائیا۔ جگت وِکار ودھیا وِشا، وِشن برہما شِو ہوئے نہ کوئے سہائیا۔ میَں تکّیا چار کُنٹ دہ دِشا، اُتّر پوُرب پچھّم دکھّن دھیان لگائیا۔ آتم سیج سِنگھاسن کوئی نہ وِچھا، وِشیاں بھری دِسی لوکائیا۔ میری اندروں بدل گئی اِچھا، سَتجُگ کہے نِراِچھت ہو کے دیاں دُہائیا۔ تیرا لیکھ اگمّی کِسے نہ لِکھا، شاہی قلم نہ کوئے وڈیائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، تیرے نام دی وجدی رہے ودھائیا۔ سَتجُگ کہے پربھ سب دا انتر کر دے شُدھ، سُدی ودی دی لوڑ رہے نہ رائیا۔ بِن جل پانی پوِتر کر دے بُدھ، بِبیک ایک اپنی دھار سمجھائیا۔ سچ دوار ایکنکار تیرا جاوے سُجھ، دوُجا گرِہ مندر نظر کوئے نہ آئیا۔ پڑدا اوہلا رہے کوئی نہ لُک، آتم پرماتم مِل کے وجےّ ودھائیا۔ گُر اوتار پَیغمبر تَینوُں رہے جھُک، چار جُگ ڈنڈاوت بندنا سجدیاں وِچ سیِس نِوائیا۔ جن بھگت سُہیلے تیرے سُت، سَت دھرم دا مارگ دینا سمجھائیا۔ نِرگُن دھاروں نِروَیر نِراکار نِرنکار ہو کے اُٹھ، سَت پُرکھ نِرنجن اپنی لےَ انگڑائیا۔ کلجُگ کوُڑی کِریا جڑ دے پُٹ، پٹنےوالا سب دی کرے صفائیا۔ دیِن دُنی اندر رہن نہ دیوے کوئی پُھٹ، امرت رس چار ورن انرس رس وِچ چکھائیا۔ جنم مرن دا رہے کوئی نہ دُکھ، دیِناں اناتھاں درد لئے ونڈائیا۔ سپھل کرائے مات لوک جننی کُکھ، صاحِب سمرتھ سِر اپنا ہتّھ ٹِکائیا۔ جوتی جوت سروُپ ہرِ، آپ اپنی کِرپا کر، سَت دوارے وجےّ ودھائیا۔ سَتجُگ کہے پربھ کھول دے اپنی کھِڑکی، کھٹکا اوَر رہے نہ رائیا۔ جن بھگت انتر ویکھ بِرتی، بِرہوں وَیراگ وِچ کُرلائیا۔ دھار بخش دے سُرتی نِرتی، نِج لوچن لوئن کر رُشنائیا۔ کھیل دسّ اگمّی سَتگُر دی، جو سَت ستوادی ہو کے اپنی کار کمائیا۔ جوتی جوت سروُپ ہرِ، آپ اپنی کِرپا کر، ساچا میلا لیَنا مِلائیا۔ سَتجُگ کہے پربھ میَنوُں لا دے اُتے دھرتی، دھرنی دھوَل دھؤل دیاں وڈیائیا۔ جھگڑا مُکا کے گرمی سردی، سازش کوُڑی اندروں دیاں کڈھائیا۔ رمز لا کے اپنے گھر دی، سچ گھرانہ دیاں وکھائیا۔ جِتھے آتم کدے نہ مردی، نِرگُن جوت جوت وِچ سمائیا۔ تُوں میرا میَں تیرا آد جُگاد جُگ چؤکڑی ڈھولا پڑھدی، صِفتاں وِچ صِفت وڈیائیا۔ کلجُگ کوُڑی کِریا میٹ کل دی، کلمے والے دینے گوائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، نِہکلنک نرائن نر، مہاراج شیرسِنگھ وِشنوُں بھگوان، تیری کھیل سدا اچھل اچھلّ دی، ول چھل اندر جھگڑا کایا مندر دینا مُکائیا۔