۲۲ مگھّر شہنشاہی سمت ۴ دھرمجیِت دے گرِہ مؤجوُ مُجارا
صدی چؤدھویں کہے سَت دِسے نہ کوئے نِشانہ، کوُڑ کُڑیارا چاروں طرف نظری آئیا۔ شرع پَیغمبر ہویا بیگانہ، بغلگیِر نہ کوئے اکھوائیا۔ حقیِقی جام دیوے نہ کوئے پَیمانہ، آبِ حیات نہ کوئے چکھائیا۔ وِدیا رہی نہ کِسے عُلمانا، عِلم عالم دئے دُہائیا۔ نوُری جوت کایا جگے نہ کوئے شمعدانا، اندھ اندھیرا گیا چھائیا۔ دُھندھوُکار ہویا زِمیں اسمانا، چؤداں طبقاں پڑدا نہ کوئے اُٹھائیا۔ مسلہ حل نہ کرے کوئی قُرآنا، تیِس بتیِسا بھیوَ نہ کوئے کُھلائیا۔ ساچا سُنائے نہ کوئے نام ترانہ، نعرہ حق نہ کوئے جنائیا۔ محمد ہویا پریشانا، حَیرانی ہِردے اندر آئیا۔ کی کھیل کرے رحمانا، رازق رِزق رحیِم دُھردرگاہیِا۔ جِس دی یاد کرے نہ کوئے کلاما، دُھر دا کلمہ نہ کوئے جنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سَت ستوادی پڑدا لاہیِا۔ صدی چؤدھویں کہے مُحبّت دِسے نہ مُریِد مُرشد، جگت ممتا رہی کُرلائیا۔ نِرگُن دھار کرے کوئی نہ اُلفت، پنجاں تتاں جگت وڈیائیا۔ کلپنا وِچوں ملِے کِسے نہ فُرصت، آتم پرماتم رنگ نہ کوئے رنگائیا۔ چار کُنٹ دہ دِشا سب تے آئی مُشکل، مُشکل حل نہ کوئے کرائیا۔ مُلّا شیخ مسائک دِسے کوئی نہ خوش دِل، غمی گھر گھر ڈیرہ لائیا۔ نیتر نظر نہ آئے کِسے علی دا دُلدُل، دعویدار نہ کوئے اکھوائیا۔ اُمت پُھلواڑی وِچ چہکے نہ کوئے بُلبُل، نام سُریلی آواز سُنائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، جلوہ گر نوُر اِلاہیِا۔ صدی چؤدھویں کہے میَں ویکھاں چار کُنٹ فریب، دیِن دُنی دغے وِچ ہلکائیا۔ مایا ممتا بھری کِسے نہ جیب، ہِردے ہوَس نہ کوئے مِٹائیا۔ پڑھ پڑھ تھکے شاستر سِمرت وید پُران اِنجیِل قرآن کتیب، کعبیاں ولّ سیِس نِوائیا۔ پروردِگار سانجھا یار کوئی نہ سکیا ویکھ، نِج نیتر لوچن نیَن اکھّ کُھلائیا۔ جِدھر تکاّں اودھر کوُڑا بھیکھ، کوُڑ پکھنڈ ڈنڈ رہیا پائیا۔ بھرمے بُھلے مُلّا شیخ، مسائکاں مسلہ حل نہ کوئے کرائیا۔ لوک مات سمجھے نہ کوئے پردیش، ساچا گھر نظر کِسے نہ آئیا۔ جِتھے پرماتما رہے ہمیش، آتم میلا میلے سہج سُبھائیا۔ صدی چؤدھویں کہے سچ سندیسہ دے کے گیا گُر دسمیش، بازاں والا آواز لگائیا۔ اِک پرگٹ ہووے جودھا نر نریش، نر نرائن دُھردرگاہیِا۔ جو آد جُگاد رہے ہمیش، جُگ چؤکڑی گُر اوتار پَیغمبراں سیوا مات لگائیا۔ انت کنت بھگوَنت سرِشٹی درِشٹی لئے ویکھ، لکھّ چؤراسی پھول پُھلائیا۔ جگ نیتر نظر نہ آئے بِن روُپ رنگ ریکھ، رِکھیاں مُنیاں دا پڑدا دئے کُھلائیا۔ جِس دی مہما شاستراں توں باہر وِشیش، وِشیاں وِچ وِچار نہ
کوئے پرگٹائیا۔ درگاہ ساچی سچکھنڈ دوارے وسے ایک، ایکنکارا اپنا ڈیرہ لائیا۔ سو سوامی بخشنہارا ٹیک، ٹِکّے مستک دھوُڑی دئے لگائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، سد اپنے رنگ رنگائیا۔ صدی چؤدھویں کہے میَں دُنیا ویکھی کرم کانڈ دی روگی، ممتا دُکھ نہ کوئے مِٹائیا۔ آتم پرماتم بنے نہ کوئے سنجوگی، دُھر دا میل نہ کوئے مِلائیا۔ میَں چاہُندی پنجاں بھگتاں دے سِر تے ہووے بودی، لمی سوہنی سوبھا پائیا۔ کالا نِشان ہووے اُتے گوڈیں، دوُر دُراڈا نظری آئیا۔ نیِلی بِندی ہووے اُپر ٹھوڈی، اپنا رنگ چمکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سد اپنا رنگ وکھائیا۔ صدی چؤدھویں کہے میَں ویکھے دستگیِر، پیِر پیِراں کھوج کھوجائیا۔ سب نوُں شرع دا بجھّا زنجِیر، کڑی کڑی نال بندھائیا۔ اکھّراں والی پڑھن تکبیر، تحریر تقریر وِچ جنائیا۔ جیہڑی آسا رکھی کبیِر، کعبیاں توں پرے گیا سمجھائیا۔ اوہ منزل اِک اَخیِر، جِتھے وسے دُھردرگاہیِا۔ جِس نوُں سمجھے بُدھی نہ کوئے ضمیِر، انبھوَ اپنی کھیل کھِلائیا۔ سو داتا دانی گہر گمبھیِر، گُنونتا وڈ وڈیائیا۔ کلجُگ انتم کھیل کرے بے نظیِر، نظریہ سب دا دئے بدلائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، نِہکلنک نرائن نر، مہاراج شیرسِنگھ وِشنوُں بھگوان، تیرا امرت رس ملِے سیِر، جگت ترِسنا کوُڑی دینی گوائیا۔
تیرا جنم نانک دھار، تلونڈی نظری آئیا۔ تیرا پِچھا ہُندا سی گھُمیار، کچّے بھانڈے آویاں وِچ تپائیا۔ اِک دِن نانک لنگھیا اوس بازار، گیاراں سال دی عمُر سوبھا پائیا۔ تُوں چھوٹا بچّہ سیَ ڈھائی سال، ماتا پِتا گود سُہائیا۔ بھجّ کے ماری چھال، اپنی لئی انگڑائیا۔ اِک نِکا جِہا پیالہ لیاندا اُٹھال، نانک ہتّھ پھڑائیا۔ اوس ہسّ کے کِہا، واہ ننےّ بال، تیرا پُرکھ اکال ہووے سہائیا۔ کولوں کڈھکے اِک رومال، مُکھ تیرے دِتا چُھہائیا۔ درشن دِتا کمال، اندر ہوئی رُشنائیا۔ تُوں کیِتا حال حال، رؤلا دِتا پائیا۔ تیری بھَین آئی بھجیّ میَں ویِر نوُں لَواں سنبھال، کی دُکھڑا لگّا انیائیا۔ نانک نے کِہا ایدھر دھرو دھیان، بِن اکھّاں اکھّ اُٹھائیا۔ تُہاڈا میل کراواں انت نال اوس سِری بھگوان، جِس نالوں وِچھوڑا اَگے ہووے نہ رائیا۔ اوسے کارن تُہانوُں جنم مِلیا پھیر اِنسان، ناتا بھَین بھائی دِتا بنائیا۔ اَگے دی
چُک گئی کان، رائے دھرم نہ دئے سزائیا۔ جد وسو چرن کوَل سِری بھگوان، دوُجا در نہ کوئے وڈیائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، آد جُگاد جُگ چؤکڑی نِت نوِت سب دی آسا منسا پوُر کرائیا۔
۲۲ مگھّر شہنشاہی سمت ۴ ہربھجن سِنگھ دے گرِہ ڈانڈیِاں ضِلع ہوشیارپُر
صدی چؤدھویں کہے سرِشٹی دی درِشٹی ہوئی موُڑھ، موُرکھ مُگدھ چار ورن نظری آئیا۔ انتر سب دا ناتا جُڑیا کوُڑ، سچ دھرم دی چلے نہ کوئے چتُرائیا۔ مایا ممتا موہ رنگ چڑھیا گوُڑھ، ہؤمے ہنگتا گڑھ نہ کوئے تُڑائیا۔ پُرکھ اکال چرن لاوے کوئی نہ دھوُڑ، مستک ٹِکّے خاک نہ کوئے رمائیا۔ شاہ پاتشاہ شہنشاہ بُھل گئے حضوُر، جو گُر اوتار پَیغمبر گئے سمجھائیا۔ نِرگُن جوتی دِسے کِسے نہ نوُر، مندر مسجد شِودوالے مٹھ سارے دین دُہائیا۔ نام بھنڈارا کرے نہ کوئے بھرپوُر، خالی کاسے گھر گھر نظری آئیا۔ من واسنا دُنیا ہوئی مزدوُر، دِوس رَین بھجےّ تھاؤں تھائنیا۔ جیِون زِندگی دا سمجھے نہ کوئے قصوُر، دُرمت مَیل نہ کوئے دھوائیا۔ چاروں کُنٹ پیا فتُور، فَیصلہ حق نہ کوئے سُنائیا۔ امرت نام دیوے نہ کوئے سروُر، مد پیالے کمّ کِسے نہ آئیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، کلجُگ انتم ویکھ وکھائیا۔ صدی چؤدھویں کہے چاروں کُنٹ دیِن دُنی بُھلی، بھرم وِچ لوکائیا۔ بھاگ لگّا دِسے نہ کِسے کایا کُلیّ، ساڈھے تِنّ ہتّھ مندر نہ کوئے سُہائیا۔ دُنیا پربھ دا نام جپدی بُلیں، ہِردے ہرِ نہ کوئے وسائیا۔ سچ ترازو تول کوئی نہ تُلی، کنڈا نام نِرنکار نظر کِسے نہ آئیا۔ امرت نِجھر دھار کِسے نہ ڈُلھی، سروور پیالے کمّ کِسے نہ آئیا۔ سَت دھرم پُھلواڑی کوئی نہ پُھلی، کرم کانڈ پتّ ٹہنی نہ کوئے مہکائیا۔ پربھ چرن پریِتی گُرمُکھ سوانی کوئے نہ گھول گھُلی، نِچھاوَر اپنا آپ نہ کوئے کرائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ہرِ داتا دُھردرگاہیِا۔ صدی چؤدھویں کہے سرِشٹی ویکھی کردی ہاہاکار، تٹ کنارے رہے کُرلائیا۔ رسنا جِہوا پڑھ پڑھ تھکا سنسار، سُرتی شبد نہ کوئے مِلائیا۔ شاستر سِمرت وید پُران اِنجیِل قرآنا رہے اُچار، گرنتھاں رہے سُنائیا۔ نِرمل جوت کِسے انتر نہ دِسے اُجیار، دیِا باتی کملاپاتی نوُر کرے نہ کوئے رُشنائیا۔ امرت آتم رس کِسے مِلیا نہ ٹھنڈا ٹھار، نِجھر جھِرنا بوُند سوانت نہ کوئے چوائیا۔ چاروں کُنٹ دِسے دھوُاں دھار، انبھوَ درِشٹی انتر نِرنتر نہ کوئے جنائیا۔ کی کھیل کرے ہرِ کرتار، قُدرت دا
مالک اپنی کار کمائیا۔ بھےَ رہیا نہ کِسے تیئی اوتار، عیسیٰ موُسیٰ محمد ڈر نہ کوئے رکھائیا۔ نانک گوبِند ہِردیوں دِتا وِسار، صِدق صبوُری والا سِکھ نظر کوئے نہ آئیا۔ گُر در مندر مسجد شِودوالے مٹھ گئے ہار، تیِرتھ تٹ نیتر رو کے مارن دھائینا۔ کِرپا کر سچّی سرکار، مِہربان محبوُب اپنی دَیا کمائیا۔ دیِن دُنی سوئی سُرتی کر خبردار، بےخبراں آپ اُٹھائیا۔ تیرا سچ رہیا نہ کوئے پیار، چرن کوَل منگے نہ کوئے سرنائیا۔ دیِناں مذہباں سب نوُں کیِتا خوار، ذات پات گھر گھر کرے لڑائیا۔ پرماتم آتم آتم پرماتم اِک وکھا سچّا گھر بار، گرِہ ایکنکارا آپ دِرڑائیا۔ تُوں پتِ پتونتا شاہ پاتشاہ شہنشاہ گُرمُکھ سُلکھنی ہووے تیری نار، نار کنت مِل کے آتم سیجا وجےّ ودھائیا۔ کلجُگ کوُڑی کِریا لوک مات وِچوں کڈھ باہر، ہر ہِردے کر صفائیا۔ سَتجُگ ساچا دھر کھتری براہمن شوُدر وَیش اِک وکھا دھرم دوار، آتم برہم پڑدا آپ اُٹھائیا۔ کِرپا نِدھان جگت پرکِرتی نوِرتی کر آپ پروردِگار، سچکھنڈ نِواسی اپنا رنگ رنگائیا۔ صدی چؤدھویں کہے میَں چار کُنٹ اُتّر پوُرب پچھّم دکھّن ویکھیا وارو وار، چؤداں لوک چؤداں طبق ساچا سبق نہ کوئے سمجھائیا۔ سنت سُہیلا بھگت گُرمُکھ گُرسِکھ صوُفی فقیِر تیرا دِسے کوئی نہ برخوردار، عاجز ہو کے نوازش وِچ تَینوُں سیِس جھُکائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، دُھر دے حُکم اندر اندرِشٹ وِکار درِشٹی سب دی کر گرِفتار، دُھر فرمانا بندھن ایکو پائیا۔
۲۲ مگھّر شہنشاہی سمت ۴ پریِتم سِنگھ دے گرِہ گوبِند پُرا پھگواڑا
صدی چؤدھویں کہے میَں دسّاں نال اِیمان، عمل دیِن دُنی ویکھ وکھائیا۔ سَت دھرم دا رہیا نہ کوئے گیان، بُدھ بِبیک نہ کوئے کرائیا۔ سچ سُچ دِسے نہ کوئے نِشان، کوُڑ نِشانہ جگت لوکائیا۔ گُر در مندر مسجد شِودوالے مٹھ دِسے حرام، تیِرتھ تٹاں کام کرودھ لوبھ موہ ہنکار ہلکائیا۔ نؤ کھنڈ پرِتھمی ستّ دیِپ دِسے اندھیری شام، سَتجُگ ساچا نوُر چند نہ کوئے چمکائیا۔ بھاگ لگّا دِسے نہ کِسے کایا ماٹی گرام، بنک دوارا سوبھا کوئے نہ پائیا۔ دُھر سندیسہ جنائے نہ کوئے پَیغام، جنم کرم دا مسلہ حل نہ کوئے کرائیا۔ چار کُنٹ وِگڑیا انتظام، دیِن دُنی پئی دُہائیا۔ صدی چؤدھویں کہے میَں رو رو کراں پرنام، نمستیاں وِچ سیِس جھُکائیا۔ کِرپا کر میرے مِہربان، محبوُب تیری
سرنائیا۔ پرگٹ ہو اِماما اِمام، محمد دیوے جگت دُہائیا۔ سَت دھرم دا پوُرا کر کام، جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در تیرے الکھ جگائیا۔ صدی چؤدھویں کہے میَں دیِن دُنی دا ویکھیا اندر، نِگاہ تن وجوُد ٹِکائیا۔ ساچا سوہے کوئی نہ مندر، ساڈھے تِنّ ہتّھ نہ کوئے رُشنائیا۔ بجر کپاٹی توڑے کوئی نہ جِندر، پڑدا دُنی نہ کوئے اُٹھائیا۔ منوُآ چاروں کُنٹ بھجےّ بندر، سُرتی شبد نہ کوئے بندھائیا۔ پرکاش ہوئے نہ اندھیری کَندر، نوُری چند نہ کوئے چمکائیا۔ میَں سچ وست آئی منگن، در ٹھانڈے سیِس جھُکائیا۔ پُرکھ اکال چاڑھ دے رنگن، نِروَیر اپنا رنگ رنگائیا۔ دیِن مذہب دا توڑ دے بندھن، بندگی اِکو دے سمجھائیا۔ چرن دھوُڑی کرا مجن، سر سروور اِک نُہائیا۔ میَنوُں جھگڑا دِسدا وِچ عدن، عدالت حق نہ کوئے کمائیا۔ میَں ویکھیا اُپر گگن، محمد نیَناں راہ تکائیا۔ تُوں بَیٹھا اِک اِکلّا مگن، سچکھنڈ دوارے سوبھا پائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در تیرے آس رکھائیا۔ صدی چؤدھویں کہے میَں ویکھیا کھیل خاص، خصوُصیّت وِچ دیاں دِرڑائیا۔ پُرکھ اکالا بدلن لگا لِباس، دیِن دُنی دھار بدلائیا۔ جھگڑا مُکاؤن لگّا گوپی کاہناں والی راس، تٹ کنارے کھوج کھوجائیا۔ گُر اوتار پَیغمبر رہن نہ دیوے شاخ، شناخت اپنی اِک کرائیا۔ نِرگُن نوُر کر پرکاش، کلجُگ کوُڑ اندھیرا دئے گوائیا۔ منوُآ من نہ رہے بدمعاش، من کا منکا دئے بھوائیا۔ موہ وِکار کر کے ناس، ناستک آستک دئے جنائیا۔ ساچے منڈل سُہا کے راس، رستہ اپنا اِک وکھائیا۔ جِتھے نِرمل نوُر جوت پرکاش، جوتی جاتا ڈگمگائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، ہرِ داتا دُھردرگاہیِا۔ صدی چؤدھویں کہے چاروں کُنٹ ہُندے چرچے، چرچاں وِچ پئے دُہائیا۔ اِکّی بیِبیِاں ہتّھ وِچ پھڑنے برچھے، بُرچھا گردی دینی مِٹائیا۔ جیہڑا کھیل ویکھیا گُرمُکھاں اُپر سرسے، سو صاحِب دئے سمجھائیا۔ ایہہ کلجُگ دے انت اَخیِری پرچے، پراچین دا لیکھا دئے مُکائیا۔ کرنے کھیل اگمّے نر دے، نر نرائن دُھردرگاہیِا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، ہرِ داتا بےپرواہیِا۔ صدی چؤدھویں کہے میَں ویکھاں جگت بِوہارا، بِوہاری ہو کے کھوج کھوجائیا۔ چھّبی پوہ نوُں اِک ہونا وِچ سُنیارا، جِس دی ذات ملِے وڈیائیا۔ مستک نِشان لایا ہووے نال گارا، گہر گمبھیِر پھول پُھلائیا۔ جِس دا جنم ہویا دوبارہ، گوبِند حِصّہ گیا ونڈائیا۔ اُس دا بھیوَ کھولنا سارا، کیوں سرسیوں کیِتی جُدائیا۔ کرے کھیل اگمّ اپارا، الکھ اگوچر دُھردرگاہیِا۔ جوتی جوت سروُپ ہرِ، آپ اپنی کِرپا کر، دیونہارا ساچا ور،
مِہربان اِک اکھوائیا۔ صدی چؤدھویں کہے میَں دیِن دُنی دا تکّنا تت وجوُد، کایا ماٹی ویکھ وکھائیا۔ کِس دے اندر وسے محبوُب، مُحبّت وِچ میل مِلائیا۔ کوَن چڑھیا منزلے مقصوُد، سچ دوارے ڈیرہ لائیا۔ کوَن پیار وِچ گیا جھوُج، ایکا دوُآ دوُج مِٹائیا۔ کِس نوُں دُھر دی آئی سوُجھ، سمجھ لئی بدلائیا۔ تکّ کے عرش عروُج، عالم پَینڈا دِتا مُکائیا۔ جنم کرم دا لیکھا کر منسوُخ، دُکھ درد دا ڈیرہ ڈھاہیِا۔ آون جاون گیڑ مُکا کے اُلٹا رُخ، چؤراسی پھاسی لئے کٹائیا۔ دھرم دوارے بن کے سُت، بھگت بھگوان وِچ سمائیا۔ میل مِل کے نال ابناشی اچُت، چیتن سُرتی لئی کرائیا۔ صدی چؤدھویں کہے میَں چار کُنٹ دہ دِشا جن بھگتاں ویکھنا کی کایا انتر دُکھ، دُکھاں دا داروُ دُھر دا نام دینا دِرڑائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، نِہکلنک نرائن نر، مہاراج شیرسِنگھ وِشنوُں بھگوان، لہنا دینا انت مُکاؤنا مانَو مانُکھ، مانَس اپنا رنگ رنگائیا۔
۲۳ مگھّر شہنشاہی سمت ۴ محل سِنگھ دے گرِہ پھگواڑا
صدی چؤدھویں کہے میَں دسّاں حقیِقت حقے، حق حق دیاں دِرڑائیا۔ جو ویکھیا بِن نیتر لوچن نیَن اکھےّ، آخر منزل چڑھ کے دھیان لگائیا۔ جِس ویلے نانک نِرگُن سرگُن دھار گیا مکّے، مقبریاں توں پرے اپنا کھیل کھِلائیا۔ جیِون جیِوت روُپ مارے دھکّے، ہتّھاں پَیراں تائیں ہِلائیا۔ نانک اسماناں توں اُپر پرے تکّے، تقویٰ اِکو اِک رکھائیا۔ دُھر فرمانا آیا تیری پتِ آپے رکھے، پت پرمیشور بےپرواہیِا۔ جِس نے اوتار پَیغمبر گُروُ بھیجے دیگرے بعد یکے، یک مالک اِک اکھوائیا۔ چار کُنٹ دہ دِشا، جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، دُھر فرمانا اِک دِرڑائیا۔ صدی چؤدھویں کہے نانک کِہا نال پیار، پریم پریِتی وِچ جنائیا۔ ذرا نِگاہ اگمّی مار، بِن اکھّاں اکھّ کُھلائیا۔ جِدھر نہیں محبوُب دا دربار، اودھر پاسا دے بدلائیا۔ جِتھے مکّے کعبے دا نہیں منار، حُجرہ نظر کوئے نہ آئیا۔ جِتھے منبراں اُتے نہیں آواز، گیِت ناد نغمہ نام نہ کوئے سُنائیا۔ جِتھے پڑھیدی نہیں نماز، سجدہ سیِس نہ کوئے جھُکائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، ہرِ وڈّا بےپرواہیِا۔ جیِون اندر ماری جھاکی، بِن اکھّاں اکھّ اُٹھائیا۔ نانک کھول کے پڑدا تاکی، دُئی دوَیت دِتی مِٹائیا۔ آبِ حیات دِتا بن کے ساقی، امرت رس چکھائیا۔ جیِون وِچوں زِندگی بدل حیاتی،
ہِردے اندر کری صفائیا۔ جِدھر ویکھے اودھر نوُر الاہی کملاپاتی، پت پرمیشور نظری آئیا۔ چاروں کُنٹ دھرتی خاکی، دھوَل رو کے دئے دُہائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، محبوُب مُحبّت وِچ بھیوَ کُھلائیا۔ نانک کِرپا کیِتی انتر، جیِون وجّی ودھائیا۔ کُھلیا بھیوَ نِرنتر، پڑدا رہیا نہ رائیا۔ وڑیا اوس اندر، جِتھے تارا چند نہ کوئے رُشنائیا۔ تکّیا اوہ گگننتر، چؤداں طبقاں پرے رُشنائیا۔ جِتھے اِکو سَت دا منتر، پیِر پَیغمبر بِن رسنا جِہوا نعرہ لائیا۔ جوتی جوت سروُپ ہرِ، آپ اپنی کِرپا کر، بھیوَ ابھیدا دئے کُھلائیا۔ نانک کِہا سُن مُبین مُحبّت قاضی، قضا توں پرے دیاں سمجھائیا۔ جِتھے پروردِگار اگمّ اتھاہ راضی، رازق رِزق رحیِم سوبھا پائیا۔ جِس دی منزل چڑھے نہ کوئے نمازی، سفری پندھ نہ کوئے مُکائیا۔ جِتھے محراب حُجریاں والی نہیں محرابی، منبر مینارا نظر کوئے نہ آئیا۔ دُلدُل دِسے کوئے نہ تازی، مقبرا سار نہ کوئے سمجھائیا۔ اوتھے شاہ پاتشاہ شہنشاہ اِکو جِس نوُں گُر اوتار پَیغمبر کرن آدابی، سجدیاں وِچ سیِس جھُکائیا۔ میرا کھیل اوس دا جو آد جُگاد جُگ چؤکڑی اپنی رضا وِچ راضی، دوُسر کھیل نہ کوئے وکھائیا۔ کی ہویا تُوں وسیں وِچ بغدادی، بغلگیِر محمد دھیان لگائیا۔ میرا پُرکھ اکالا دیِن دَیالا اِک اِمدادی، نِت نوِت ساچا سنگ نِبھائیا۔ ہوچھی مت رہن نہ دیوے پاجی، پاربرہم پربھ اپنا بھیوَ کُھلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کمائیا۔ نانک کِہا ویکھ اگمّ مصلّا، حق دیاں دِرڑائیا۔ جِتھے وسے اِک رسوُل االلہ، عالمیِن ڈیرہ لائیا۔ صوُفیاں پکڑن والا پلّا، واحد جلوہ گر نوُر رُشنائیا۔ لیکھا جانے جلا تھلا، گھٹ بھیِتر کھوج کھوجائیا۔ سو سوامی میرے انتر نِرگُن نوُر ہو کے رلا، جوتی جاتا ڈگمگائیا۔ خالی دِسے نہ کوئے محلا، محبوُب مِہر نظر اپنی نال درسائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سد اپنا بھیوَ کُھلائیا۔ قاضی اندروں ہویا نزدیِک، نِمرتا وِچ دھیان لگائیا۔ میَں سفری تیرا عزیز، ڈھیَہہ ڈھیَہہ لاگے پائنیا۔ ہتّھاں نال نہ لیا گھسیِٹ، ٹنگاں چُک نہ کوئے بدلائیا۔ نانک کِرپا کر کے کایا کعبہ حق وکھائی مسیِت، مسلہ اگلا حل کرائیا۔ بِرہوں وِچ نِکل گئی چیِک، جیِون رووے مارے دھاہیِا۔ اِس دے وِچ حق تؤفیِق، تعریِف وِچ نوُر الاہیِا۔ جِس دی کلمہ کرے تصدیِق، قرآن دئے گواہیِا۔ میری منسا آسا پوُری کرے اُمیِد، ترِسنا ترِکھا بُجھائیا۔ دُھر دا کلمہ دسےّ حدیِث، حضرتاں کرے پڑھائیا۔ پتتاں کرے پُنیِت، دُرمت مَیل گوائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سد اپنا حُکم ورتائیا۔ صدی چؤدھویں کہے میَں
ویکھیا نانک روُپ انؤکھا، سیلی ٹوپی سیِس سُہائیا۔ کِسے نال نہ کردا دھوکھا، دھوکھے والیاں لئے ترائیا۔ بغل مار قرآن دا پوتھا، تیِس بتیِسا صِفت صالاحیِا۔ کھیل دسےّ اُپر چؤداں طبقاں چؤداں لوکا، پڑدا اوہلا آپ اُٹھائیا۔ خُدا مِلن دا واحد اِکو مؤقع، مانَس جنم رہیا سمجھائیا۔ االلہہوُ سَت نام دا سَت دھرم دا ہوکا، حُکم اِکو بےپرواہیِا۔ من بُدھی دی کرو کوئی نہ سوچا، انبھوَ ویکھو نوُر الاہیِا۔ جِتھے رکھنا پئے کوئے نہ روزہ، رمضان ونڈ نہ کوئے ونڈائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ سندیسہ اِکو اِک سُنائیا۔ نانک کِہا سُنو محمدی میِت، مِتر پیاریو دیاں جنائیا۔ اوس محبوُب دا ویکھو کعبہ حق مسیِت، جِتھے حقو حق نظری آئیا۔ انتر وڑدیاں بدل جاوے نیِت، من ممتا ڈیرہ ڈھاہیِا۔ تُوں میرا میرا تیرا انتر اُپجے گیِت، دوُجی اوَر نہ کوئے پڑھائیا۔ تن ماٹی خاک ہووے ٹھنڈی سیت، اگنی تت دئے گوائیا۔ جِدھر تکّو اودھر دوُر دُراڈا نیرن نیرا سدا نزدیِک، نِرگُن سرگُن اپنی کھیل کھِلائیا۔ آتم پرماتم بخشے سچ پریِت، االلہہوُ اَناہوُہوُہوُ اپنا بھیوَ چُکائیا۔ سب دی خوش کرے طبیعت، تابعداری اِک دِرڑائیا۔ سُنو میری سچ نصیِحت، حُکم سندیسے وِچ سمجھائیا۔ ہِندوُ مُسلم اِکو جِہی اہمیِت، دوُجی ونڈ نہ کوئے ونڈائیا۔ کِسے دی بدلے نہ کدے بدنیئت، نیِتیوان بننا تھاؤں تھائنیا۔ سچ خُدا سچ مُرشد حق مُریِد سب دے اندر نِرگُن نوُر جوت اصلیّت، تت وجوُد ماٹی خاک کمّ کِسے نہ آئیا۔ پڑدا کھولے ویکھو جو محمد کر کے گیا وصیّت، وصل یار اِکو اِک سمجھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سد اپنا رنگ رنگائیا۔ نانک جیِون وکھایا اوہ حُجرہ، جِتھے ہُجت نہ کوئے کرائیا۔ جلوہ گر دا اِکو مُجرا ، نوُر نوُرانہ ناچ نچائیا۔ سرِشٹی اُتے جِس دا نقشہ نہیں کوئی شجرہ، نیَن اکھّ نہ کوئے سمجھائیا۔ اوہ کھیل کرے کریِم قادر قدرا، قُدرت دا مالک نوُر اِلاہیِا۔ جو سب دیاں پوُریاں کرے سدھراں، انتر انتر ویکھ وکھائیا۔ دیِناں مذہباں وِچ روُپ دھرے کوئی نہ وکھرا، اِکو جوت نوُر الاہیِا۔ ذرا ویکھو نؤواں کھول قرآن دا پترا، جِس وِچ بھیوَ دِتا جنائیا۔ بِنا حق نام حقیِقی کلمے توں مُلّا شیخ مسائک قاضی سب سکھّنا، تن وجوُد سچ رباب نہ کوئے وجائیا۔ اِکو مُرشد اِکو دی سرنی ڈھٹھنا، اِکو گرِہ اِکو مندر اِکو گھر اِکو دوارا دئے وکھائیا۔ اِکو مالک خالق پرِتپالک اِکو دا نام جپنا، اِکو داتا صِفت صالاحیِا۔ جِس نے ایتھے اوتھے دو جہاناں نِرگُن سرگُن دھار رکھنا، رچّھیا کرے تھائیں تھائنیا۔ جیِون نیون نیِواں ہو کے چرن دھوُڑی خاک لاوے متھنا، ٹِکاّ ٹِک ٹِکی نال رمائیا۔ نانک سچ تیرے دوار وسنا، جِتھے دُئی دوَیت
رہے کوئی نہ رائیا۔ نانک ہسّ کے کِہا تیرا مالک اوہ پربھوُ سُلکھّنا، جِس دیاں سُکھاں سُکھ کے نیازاں رہے چڑھائیا۔ انت اَخیِری اوس نے لہنا دینا میرا پوُرا کرنا پھیر جنم لےَ وِچ پٹنا، پٹیداری سب دی ویکھ وکھائیا۔ پھیر تن وجوُد دی کر کے گھٹنا، ناتا تتاں والا مِٹائیا۔ جوتی جوت سروُپ ہو کے شبد نگارے جِس دا ڈنکا وجّنا، چؤداں طبق دئے اُٹھائیا۔ جیِون اوس ویلے پُرکھ اکال دیِن دَیال پروردِگار سانجھا یار دو جہاناں نؤ کھنڈ پرِتھمی ستّ دیِپ برہمنڈ کھنڈ پُری لوء آکاش پاتال گگن گگننتر زِمیں اسماناں اِکو نسّنا، نر نرائن نِراکار نِروَیر اپنی کار کمائیا۔ تیرا لہنا دینا مُکاوے ہتّھو ہتّھنا، پوُرب کرما ویکھے چائیں چائنیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ اپنا کھیل وکھائیا۔ صدی چؤدھویں کہے جو سُن سُنا کے سُن کے آئے دوارے، در مانگت سیِس نِوائیا۔ تِس اُپر کِرپا کرے آپ نِرنکارے، نِرگُن نِروَیر ویکھ وکھائیا۔ پنج تت کایا ماٹی پَیج سوارے، دُرمت اندروں مَیل دھوائیا۔ امرت بخشے سچ بھنڈارے، نِجھر جھِرنا آپ چوائیا۔ شبد اناد دئے سچّی دُھنکارارے، انحد راگی راگ سُنائیا۔ جوتی جوت کرے اُجیارے، آتم برہم برہم رُشنائیا۔ منزل چاڑھے حق دوارے، جِتھے سوُریہ چنّ نظر نہ آئیا۔ وِشن برہما شِو دِسن پنہارے، در بَیٹھے سیِس جھُکائیا۔ گُر اوتار پَیغمبر نِیوں نِیوں کڈھن ہاڑے، خالی جھولیاں رہے وکھائیا۔ اوہ دوارا ایکنکارا سچکھنڈ سچّی سرکارے، شاہ پاتشاہ شہنشاہ اِکو سوبھا پائیا۔ دیندا آیا جُگ چؤکڑی وارو وارے، سَتجُگ تریتا دواپرکلجُگ اپنا حُکم ورتائیا۔ بھگتاں نال کرے حق پیارے، بھاوَ بھگتی اِک سمجھائیا۔ جوتی جوت سروُپ ہرِ، آپ اپنی کِرپا کر، سد بخشنہار اِک سرنائیا۔ جو منگن آیا بن کے منگتا، انتر آتم دھیان لگائیا۔ تِس دا گڑھ توڑے ہؤمے ہنگتا، ہنگ برہم دئے سمجھائیا۔ بھیوَ کُھلائے بن کے بودھ اگادھا پنڈتا، انبھوَ اپنی دھار جنائیا۔ جھگڑا مُکا کے جیرج انڈتا، اُتبُھج سیتج لیکھا دئے گوائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، کایا مندر اندر کرے رُشنائیا۔ سُن سُنا کے جو آئے نَٹھے، بن بن پاندھی راہیِا۔ کِرپا کرے پُرکھ سمرتھے، ہرِ وڈّا وڈ وڈیائیا۔ نام پریِتی کایا چولی رتے، رنگ مجیِٹھ چڑھائیا۔ آتم پرماتم ناتا جوڑے سکے، ساجن اِکو اِک اکھوائیا۔ لکھّ چؤراسی وِچوں کڈھے، جنم مرن دا گیڑ مُکائیا۔ سچکھنڈ دوارے اپنے چھڈے، جِتھے رائے دھرم نہ دئے سزائیا۔ نام نِدھانا نؤبت وجےّ، جلوہ جوت نوُر رُشنائیا۔ گُر اوتار پَیغمبر سنت بھگت صوُفی فقیِر بَیٹھے اِکٹّھے، آسن سِنگھاسن سوبھا پائیا۔ اوتھے دیِن مذہب دے نہیں رٹےّ، ذات پات نہ کوئے
لڑائیا۔ اِکو پُرکھ اکالا دیِن دَیالا نِرگُن دھار سچّی سرکار شاہ پاتشاہ شہنشاہ سچ پریِتی اپنی دھار رتےّ، رتن امولک گُرمُکھ ہیِرے لئے بنائیا۔ جو بھگت دوارے آئے بن بِھکھاری، بِھکھک بِھچھیا دیوے چائیں چائنیا۔ ناتا جوڑ نال جوت نِرنکاری، نِراکار ساکار میلا میلے سہج سُبھائیا۔ کلجُگ کوُڑی کِریا گڑھ توڑ ہنکاری، من منسا ممتا دئے گوائیا۔ ناد شبد دے دُھنکاری، آتم پرماتم اپنا راگ جنائیا۔ تُوں میرا میَں تیرا آتم پرماتم آد دی سچّی یاری، چؤراسی وِچ نہ کوئے بھوائیا۔ گُر اوتار پَیغمبر حُکمے اندر جُگ جُگ سیواداری، چاکر اپنی کار کمائیا۔ جن بھگتاں کارن بھگوَن نِرگُن سرگُن روُپ دھرے اوتاری، اوتر اپنا ویس وٹائیا۔ دھنّ بھاگ جو سَتگُر نام بنے وپاری، ونج اِکو ہٹّ جنائیا۔ جِتھے جنم کرم دی اُترے بیماری، کرماں دا روگ رہے نہ رائیا۔ دیونہارا درس نیَن مُندھاری، نِج نیتر اکھّ کُھلائیا۔ گھر وِچ گھر وکھا سچّا گھر باری، دسم دواری اپنا پڑدا لاہیِا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، در آیاں دئے وڈیائیا۔ صدی چؤدھویں کہے میَں ویکھیا وجدا واجا، سُر تال نال وڈیائیا۔ گیِت گایا غریِب نوازا، صِفتاں نال صالاحیِا۔ ناؤں سُنیا گوبِند جِس دے سیِس اُتے تاجا، کلغی والا سوبھا پائیا۔ دو جہان راج مہاراجا، محبوُب نوُر الاہیِا۔ جو لہنا دینا جانے سنت سادھا، صِدق صبوُری سب دی ویکھ وکھائیا۔ جِس کلجُگ انتم رچیا اپنا کاجا، کرنی دا کرتا ہو کے ویکھ وکھائیا۔ نِرگُن نوُر جوت پرکاش کرے دیس ماجھا، مجلس بھگتاں نال بنائیا۔ دُھر پریم دا بخش انراگا، اپنا راگ سُنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دیوے مان وڈیائیا۔ صدی چؤدھویں کہے میَں سُنیا نال طبلہ، آواز اپنی رہیا سُنائیا۔ کلجُگ جیو نار رِہو کوئی نہ ابلا، مالک اِکو لیَنا پرنائیا۔ جِس نوُں کہندے پرمیشور پتِ کملا، کول نیَن دُھردرگاہیِا۔ جو سدا رہت بِن عملاں، کرم کانڈ وِچ کدے نہ آئیا۔ جِس نے روُپ بنایا تریَلوکی ناتھ اُپر جمنا، تٹاں اُتے کھیل کھِلائیا۔ جِس نے عیسیٰ موُسیٰ محمد کھِلایا چمنا، گُلشن اُمت دِتا مہکائیا۔ جِس نے نانک بھیجیا واسطے امنا، صِدق صبوُری جھولی پائیا۔ جِس نے گوبِند حُکم سُنایا دوُتاں دُشٹاں دنڈنا، کھنڈا کھڑگ اِک چمکائیا۔ کھتری براہمن شوُدر وَیش سب نوُں دسّنی اِکو بندنا، بندگی اِکو اِک سمجھائیا۔ آتم برہم دینا انندنا، رسنا رس نہ کوئے وڈیائیا۔ ساچا نوُر چمکاؤنا چندنا، جوتی جوت جوت رُشنائیا۔ ساچے گُرمُکھاں لاؤنا انگنا، گودی دُھر دی لیَنا بہائیا۔ ساچا نام کِسے دواریوں پئے نہ منگنا، گھر بھنڈارا دینا بھرائیا۔ تیرا ناؤں سوُرا سربنگنا، سِر تیرے ہتّھ ٹِکائیا۔
گوبِند دی مہما کی کرے لال نندنا، نند لال جی تھوڑی گیا سُنائیا۔ فارسی دے دو چار اکھّر جِس نوُں دِتے گنڈھنا، اوہ گنڈھ گیا پوائیا۔ جوتی جوت سروُپ ہرِ، آپ اپنی کِرپا کر، سد اپنا بھیوَ چُکائیا۔ جوڑی واجا کہے اساں دوہاں گایا پربھ دا راگ، نانک نام وڈیائیا۔ ساڈی اُنگلاں ہتّھاں نال کُھل گئی جاگ، سوئی سُرتی لئی انگڑائیا۔ ساڈے انتر آیا وَیراگ، وَیری دُشمن باہر کڈھائیا۔ ساڈی ہنس بُدھی ہوئی کاگ، جِس ویلے ناد سُنیا دُھردرگاہیِا۔ ساڈا کھیڑا ہویا آباد، کایا وجّی ودھائیا۔ اوسے ویلے سچ سرنائی گئے لاگ، نِون سو اکھّر سِکھیا اپنے وِچ سمائیا۔ کر کے وڈ وڈ بھاگ، بھاگاں والا اپنا آپ بنائیا۔ جِس دا مُحبّت والا شبدی دھار اُڈدا باز، بازاں والا ہوئے سہائیا۔ واجا جوڑی کہے سُلکھّنی گھڑی ہوئی آج، عاجز ہو کے سیِس نِوائیا۔ جیہڑے پریم پریِتی اندر پتت پُنیِتی آئے بھاج، بھجن بندگی دِتا سُنائیا۔ اینہاں گوبِند نال تِنّ دِن پِچھلے جنم وِچ کیِتا سی ساتھ، اپنا سنگ بنائیا۔ ایہہ نقلیئے ہُندے سی بھاٹ، سوبھا سَتگُر گھر سمجھائیا۔ اوہناں دا لیکھا پوُرب جنم چُکایا ہتّھو ہاتھ، باقی اوَر نہ کوئے رکھائیا۔ رسنا گائی سَتگُر مہما دی گاتھ، لیکھے پربھ ساچا لئے لگائیا۔ آسا منسا من کلپنا توں پرے پوُری کرے آس، پریم مُحبّت پیار وِچ سَتگُر درس دی ترِسنا ترِکھا دئے بُجھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، آتم برہم ہر گھٹ دیونہارا پرکاش، اندھ اگیان وِچوں اپنا نام کرے رُشنائیا۔
۲۳ مگھّر شہنشاہی سمت ۴ سادھوُ سِنگھ دے گرِہ پھگواڑا
صدی چؤدھویں کہے میَنوُں دسےّ فلک والا ستارا، سطح بُلندی اُتے دھیان لگائیا۔ دوُر دُراڈا چند کرے اِشارہ، چندرما دی دھار بےپرواہیِا۔ دوہاں دا کی لیکھا وِچ سنسارا، سنسار ساگر بھیوَ دینا کُھلائیا۔ جِس کارن نِرگُن دھار آیا دوبارہ، نِروَیر اپنا پھیرا پائیا۔ کی کرے کھیل سچ نِرنکارا، نِراکار حُکم ورتائیا۔ لکھّ چؤراسی ویکھے جیو گوارا، گداگر ہو کے پھول پُھلائیا۔ جیہڑے کردے چرن کوَل نِمسکارا، نِیوں نِیوں سیِس نِوائیا۔ اوہناں میلا میلے سچ دربارا، درگاہ ساچی اِک سُہائیا۔ جِتھے گُر اوتار پَیغمبر ویکھن اِک
اُجیارا، نوُر نوُرانہ ڈگمگائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، ہرِ داتا بےپرواہیِا۔ چند سِتارا کہے کی کھیل کرے بھگوان، ہرِ کرتا بےپرواہیِا۔ کیوں ساڈا اُٹھائے نِشان، نِشانے وِچ سمجھائیا۔ اسیں سُن کے ہوئے حَیران، حَیرانی ساڈے انتر آئیا۔ ساڈی چُکن لگّی کان، ویلا وقت دئے گواہیِا۔ محمد سُنے نہ کوئے فرمان، فرماں بردار نظر کوئے نہ آئیا۔ سارے ہوئے حَیران، حَیرانی اندر ڈھیریاں ڈھاہیِا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در تیرا ویکھ وکھائیا۔ چند سِتار کہے ساڈا کلمے والا نِشان، کائنات اُڈائیا۔ ساڈا جوبن نؤجوان، نوُر نوُرانہ سوبھا پائیا۔ ساڈا مندر سچ مکان، سچ دوارا اِک وکھائیا۔ ساڈا سَتگُر مِہربان، محبوُب دُھردرگاہیِا۔ ساڈا مالک والی دو جہان، جُگ چؤکڑی ویکھ وکھائیا۔ ساڈا داتا دیوے دان، دَیاوان جھولی آپ بھرائیا۔ ساڈا صاحِب دیوے گیان، بِن اکھّراں کر پڑھائیا۔ اسیں ویکھ ہوئے حَیران، حَیرانی ساڈے اندر چھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، نِرگُن دھار سب دی کرے پہچان، بے پہچان رہن کوئے نہ پائیا۔
۲۳ مگھّر شہنشاہی سمت ۴ گُرمیِت سِنگھ دے گرِہ پھرالا ضِلع جالندھر
صدی چؤدھویں کہے میَں گئی محمد والی اُتے قبر، مقبرہ ویکھیا چائیں چائنیا۔ دھاہیں مار کے کِہا کِتھے تیرا اُمت والا ٹبّر، ساک سنبندھ مُکھ چُھپائیا۔ اگمّی آواز آئی نِگاہ مار ولّ شیر ببّر، جو بھےَ بھیانک اپنی کھیل کھِلائیا۔ تھوڑا سماں کر ہور صبر، بے صبری چاروں کُنٹ دیاں وکھائیا۔ میری بدل رہی نظر، ندری ندر نِہال نہ کوئے کرائیا۔ کِسے دا رہنا نہیں کوئی قدر، قُدرت دا مالک حُکم ورتائیا۔ چاروں کُنٹ پَینا غدر، گداگر ہووے لوکائیا۔ دیِناں مذہباں کرنا پدّھر، حد بنّا وِچ نہ کوئے اٹکائیا۔ سب دی پوُری آسا کراں سدّھر، صدمے سب دے ویکھ وکھائیا۔ نی میَں کی کرن آیا عدل، اِنصاف دُھر دا اِک جنائیا۔ دیِن دُنی دا خاکہ دینا بدل، بدلہ چُکاواں چائیں چائنیا۔ سچ دوارا اِکو دسّاں لنگھن، جِتھے میلا ملِے شہنشاہیِا۔ دھرم دھار وکھاواں پلنگن، جِس دی باڈھی بنت نہ کوئے بنائیا۔ نام نِدھان وجےّ مردنگن، تنبوُرا تند سِتار نہ کوئے ہِلائیا۔ کرے کھیل سوُرا سربنگن، ہرِ کرتا بےپرواہیِا۔ صدی چؤدھویں سب
نوُں دسّاں اِکو بندن، ڈنڈاوت سجدہ اِک دِرڑائیا۔ بھیوَ چُکاواں کھنڈ برہمنڈن، وربھنڈن پڑدا لاہیِا۔ جھگڑا رہے نہ کایا ماٹی بدن، آتم برہم میلا سہج سُبھائیا۔ چرن دھوُڑی کراواں اِکو مجن، دُرمت مَیل دھوائیا۔ سرِشٹ سبائی بن کے سجّن، سگلا سنگی آپ اکھوائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ہرِ دیونہار سرنائیا۔ صدی چؤدھویں کہے میَں محمد دی قبر دے اندر ماری جھاکی، اپنی اکھّ چُرائیا۔ اوتھے دِسیا کوئی نہ ساتھی، میری رام دُہائیا۔ پُچھے کوئی کِسے نہ واتی، سِر ہتّھ نہ کوئے ٹِکائیا۔ میَں سُنائی اگمّی باتی، فرمانا دُھردرگاہیِا۔ کِتھے گئے محمدا ساتھی، سگلا سنگ تجائیا۔ میَں تیری منّدی رہی آکھی، آخر توڑ نِبھائیا۔ ہُن مِل گئی میَنوُں پرم پُرکھ دی پاتی، سُنیہڑا دِتا سُنائیا۔ ناتا توڑ کے تائی چاچی، ماسی پُھپی دینی تجائیا۔ منزل چڑھ کے ویکھ گھاٹی، چؤداں طبقاں پندھ مُکائیا۔ جِتھے وسے پُرکھ ابناشی، ہرِ کرتا دُھردرگاہیِا۔ اوتھے تیری دھار دھار بنائے ساچی، سچ سچ وڈیائیا۔ میَں کوئی تن وجوُد نہیں تن ماٹی خاکی، رجو طمو ستو نال وڈیائیا۔ میَں نِرگُن نوُر جوت پرکاشی، پرکاشت کیِتا بےپرواہیِا۔ جوتی جوت سروُپ ہرِ، آپ اپنی کِرپا کر، سچ سندیسہ اِک سُنائیا۔ صدی چؤدھویں کہے قبرستان وِچ دِسیا اِک رُقہ، بِن اکھّراں نظری آئیا۔ اِک موُدھا اُلٹیا حُقہ، حُکم دُھر دا راہ تکائیا۔ جِس دے وِچ نہیں کوئی تُکا، تُخم تاثیر رہیا بدلائیا۔ اِک روُپ دِسیا چار جُگ دا بُھکھا، جِس دی ترِسنا نہ کوئے بُجھائیا۔ اِک بِن چھپّر چھنّ توں دِسیا جھُگا، جو پروردِگار آپ سُہائیا۔ حضرت محمد ہویا بُڈھا، ہتّھ کمر اُتے ٹِکائیا۔ ہتّھ وِچ پھڑیا موٹا گُدا، ہؤلی ہؤلی چلے اپنا پندھ مُکائیا۔ پتہ نہیں کی حال ہونا اُتے بسُدھا، دھرنی کی کی کھیل وکھائیا۔ پُرکھ اکالا بدلن والا جُگا، جُگ چؤکڑی اپنا حُکم ورتائیا۔ جِس دا سمجھیا کِسے نہ مُدّعا، مُدّتاں توں بَیٹھے راہ تکائیا۔ اوہ انت اَخیِر آپے پُجا، پوُجنیِک شہنشاہیِا۔ جِس دا کھیل رہے نہ لُکا، لُقمان بَیٹھا سیِس نِوائیا۔ جوتی جوت سروُپ ہرِ، آپ اپنی کِرپا کر، ایکا دیوے دُھر دا ور، ہرِ وڈّا وڈ وڈیائیا۔ صدی چؤدھویں کہے میَں قبر دے اندر ویکھیا پڑدا، پردہ نشیں دَیا کمائیا۔ جگت جہان تکّیا سڑدا، اگنی تت نہ کوئے بُجھائیا۔ کوُڑے وہن ویکھیا ہڑھدا، اَگے ہو نہ کوئے اٹکائیا۔ پردہ کُھلیا کِسے نہ سچّے در دا، منزل حق نہ کوئے چڑھائیا۔ مُریِد مُرشد ساتھ جاوے چھڈدا، سنگی سنگ نہ کوئے بنائیا۔ ناتا مُکدا جاوے ماس ناڑی ہڈّ دا، تن وجوُد نہ کوئے وڈیائیا۔ مارگ ملِے نہ ساچے پد دا، منزل محبوُب نہ کوئے چڑھائیا۔ نظارہ تکّیا کلجُگ بد دا، بدی گھر گھر رہیا وکھائیا۔ کھیل
ویکھیا دیِن مذہب دی حد دا، ونڈاں وِچ ونڈیِاں آپ جنائیا۔ نظارہ ویکھیا اوس پُرکھ سمرتھ دا، جو سرب کلا اکھوائیا۔ جو جُگ جُگ پَیج رکھدا، نِت نِت ہوئے سہائیا۔ گُر اوتار پَیغمبراں مارگ دسّدا، شبد سندیسے وِچ سُنائیا۔ انتم کھیل کرے حقیِقی حق دا، دُھر دا حُکم اِک ورتائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ سندیسا اِک سُنائیا۔ محمد دی قبر کہے سُن صدی چؤدھویں بُڈھڑی مائی، سچ دیاں سُنائیا۔ میری پردیاں وِچ دُہائی، بہُڑی بہُڑی رہی کُرلائیا۔ محمد دی شرع بنی قصائی، چُھریاں ہتّھاں وِچ اُٹھائیا۔ اُمت ہون لگّی جُدائی، ساچا سنگ نہ کوئے نِبھائیا۔ جیہڑا گوبِند بوُٹا پُٹیا کاہی، اوہ جڑ رہیا اُکھڑائیا۔ جیہڑے بچّے نیہاں ہیٹھ دبائی، اوہ میَنوُں رہے ہِلائیا۔ میرا انتر خالی وِچ وست کوئے ناہیں، جوتی جوت سروُپ ہرِ، آپ اپنی کِرپا کر، ایکا دیوے دُھر دا ور، دُھر دا دھرم آپ اُپجائیا۔ قبر کہے میرے اندر نہ کوئی مِٹّی نہ کوئی خاک، ہڈّ ماس ناڑی نظر کوئے نہ آئیا۔ میَں مُریِداں مُردا ہون دی دسّاں جاچ، جیِوت اپنا روُپ لَوو بدلائیا۔ دُھر دے مُرشد دا رکھو سدا ساتھ، سگلا سنگ بنائیا۔ صدی چؤدھویں آئی اندھیری رات، نوُری چند نہ کوئے چمکائیا۔ محمد دی محرم والی خواہش، خالص اپنا رنگ وکھائیا۔ جِس دی سارے کرن تلاش، کھوجن تھاؤں تھائنیا۔ اوہ کرنی دا کرتا کرے جوت پرکاش، نِرگُن نوُر نوُر الاہیِا۔ پَیغمبراں کرے داسی داس، سیوک سیوا روُپ پرگٹائیا۔ میرے اندروں سب کُچھ رہیا بھاکھ، بھاکھیا دُھر دی دیواں سُنائیا۔ محمد دا پوُرا ہون لگّا بھوِکھت واک، پیشیِنگوئی ویکھ وکھائیا۔ میرے اندر کِسے نبی دی چُھپی نہیں کوئی ذات، جلوہ نوُر نہ کوئے چمکائیا۔ میَں تے دھرتی وِچ پُٹی کھاڈ، بَیٹھی اپنا آسن لائیا۔ عیسیٰ میرے وِچ وڑن لگّیاں تِنّ واری مُکھوں کِہا گاڈ، بِنا روُح توں کلمہ گائیا۔ محمد اندر وڑ کے کِہا میَنوُں واحد، میرا مالک نوُر خُدائیا۔ میَنوُں اِکو گلّ محمد دی رہی یاد، سو سب نوُں دیاں سُنائیا۔ صدی چؤدھویں انت اَخیِر سب نے ہونا برباد، بدی کرن والا رہن کوئے نہ پائیا۔ جیہڑا خوشیاں نال لگایا باغ، گُلشن مات مہکائیا۔ ایہدا بُجھنا انت چراغ، دیِا باتی نہ کوئے رُشنائیا۔ قبر کہے ایہہ میری دھیمی جیہی آواز، ہؤلی ہؤلی سُنائیا۔ سارا چھّبی پوہ نوُں دسّوُں راز، کی محمد اپنی حمد وِچ آسا گیا رکھائیا۔ کی نانک نے نؤ فِقرے بولے وِچ بغداد، جِس نوُں اجّ تک نہ کوئے سمجھائیا۔ کی نغمہ کِہا جِس ویلے گوبِند نے اُنگل اُتوں اُڈایا باز، بازاں والے اپنا دھیان لگائیا۔ قبر کہے میَں سب دی سُن دی رہی آواز، سُن سُن اپنا جھٹ لنگھائیا۔ اِک دِن ساریاں کٹّھیاں کِہا
ساڈے مالک دے سِر تے ہونا تاج، دوُجا نظر کوئے نہ آئیا۔ اُس دے اَگے نہ کوئی سوال نہ کوئی جواب، بول بالا اَگے نہ کوئے سُنائیا۔ ساریاں جھُک جھُک کرنا آداب، نمستیاں وِچ سیِس نِوائیا۔ قبر کہے محمد نے ہور دسّیا اوس دے کول اگمّی کِتاب، کُتب خانے وِچ نہ کوئے ٹِکائیا۔ جِس دا لیکھا نہیں حِساب، گِنتی وِچ گنت نہ کوئے گنائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ کرنی کار کمائیا۔ قبر کہے محمد نے تِنّ وار کِہا االلہ میرے احباب، تیری بےپرواہیِا۔ میرے پِچھوں نانک آوے لےَ کے تیری رباب، تُوں ہی تُوں ہی راگ الائیا۔ نہ اوہ سنت ہووے نہ اوہ جگت والا سادھ، پَیغمبراں والا روُپ نہ کوئے دھرائیا۔ نہ اوہ حقیِقی ہووے نہ ہووے عِشق مجاز، دوہاں توں پرے تیرا کھیل بےپرواہیِا۔ اوہنوُں بخشنا اوہ خطاب، جو خطا سب دی معاف کرائیا۔ اوہ پِھر تَینوُں کرے یاد، تیرا دھیان لگائیا۔ انتر انتر مار آواز، پروردِگار دئے سُنائیا۔ جِس ویلے سرِشٹی دی درِشٹی ہون لگّے برباد، سادھنا سچ نہ کوئے کرائیا۔ دیِن دُنی دا وِگڑن لگّے سماج، گُر اوتار پَیغمبر نہ کوئے سہائیا۔ تُوں کھیل کھِلاؤنا آپ، اپنی دَیا کمائیا۔ میَں پروردِگار تَینوُں منّیا باپ، شاہ پاتشاہ تیری سرنائیا۔ نانک نے گاؤنا تیرا سوہنگ جاپ، آسا محمد اِک جنائیا۔ صدی چؤدھویں چاروں کُنٹ ودھنا پاپ، پتت پُنیِت نہ کوئے کرائیا۔ منوُآ من ہونا گُستاخ، من مت کرے لڑائیا۔ اوس ویلے تُوں پرگٹ ہوویں ساکھیات، نِرگُن نِروَیر نِراکار اپنی دَیا کمائیا۔ جھگڑا مُکا دیئیں دیِن مذہب کاغذات، حِصّہ ونڈ نہ کوئے وکھائیا۔ سانوُں سب نوُں دیئیں شاباش، سِر اپنا ہتّھ رکھائیا۔ اسیں تکّیئے تیرا نوُر جوت پرکاش، چاروں کُنٹ ڈگمگائیا۔ قبراں وِچوں پَیغمبراں نوُں کریں خلاص، مقبریاں وِچ نہ کوئے وڈیائیا۔ سنت سُہیلے کریں تلاش، کایا کعبہ پھول پُھلائیا۔ کوُڑ کلپنا کریں فاش، ناتا دیِن دُنی تُڑائیا۔ میری اِکو آسا منسا اِکو انت اَخیِری ساس، ساہ ساہ جنائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، ور داتے تیری وڈیائیا۔ محمد قبر کہے تُوں سارے کرنے قابوُ، بچیا رہن کوئے نہ پائیا۔ دیِن دُنی دا جھگڑا میٹنا وادھوُ، وادھل روُپ نہ کوئے درسائیا۔ دیِن مذہب اِک دوُجے نال مِلاوَن بازو، بازی گر اپنا ڈنک دینا وجائیا۔ تیرے بھگت دُھر دے ہون سادھوُ، سادھنا سچ دینی سمجھائیا۔ جو جن سرن سرنائی تیری لاگوُ، لگ ماتر دا ڈیرہ دینا ڈھاہیِا۔ تیرے دھرم دوارے سَتجُگ وِچ کوئے نہ پیئے تمباکوُ، محمد رو کے رہیا سُنائیا۔ جوتی جوت سروُپ ہرِ، آپ اپنی کِرپا کر، مِہر نِگاہ اِک اُٹھائیا۔ محمد قبر کہے پربھ میٹ دینا تُوں دھبّا، دھوبی ہو کے کریں صفائیا۔
سچ پَیغمبراں دا بن کے ابّا، امی اپنی گود اُٹھائیا۔ تیرا نوُر ظہوُر جلوہ گر کھیل ہووے بگّا، بغلگیِر کریں لوکائیا۔ گُر اوتار پَیغمبراں دا لیکھے لا کے اَگا، اَگے اپنا حُکم ورتائیا۔ سَتجُگ ساچے نہ کوئی بکّری گاں کھائے ڈھگّا، چُھری چلے نہ جگت قصائیا۔ سارے منّن تیری رضا، سِر سکے نہ کوئے اُٹھائیا۔ امرت رس دا دینا مزہ، آبِ حیات پیائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، نِہکلنک نرائن نر، مہاراج شیرسِنگھ وِشنوُں بھگوان، صدی چؤدھویں کہے نؤ گُرمُکھ چڑھے ہون اُپر گڈّا، گائیڈ گاڈ ویکھ وکھائیا۔
۲۴ مگھّر شہنشاہی سمت ۴ منسا سِنگھ دے گرِہ پھرالا ضِلع جالندھر
صدی چؤدھویں کہے محمد قبر چؤداں ہتّھ ڈوُنگھی، چؤدس چند چمکائیا۔ جِس دے نال رکھی اِک کھوُنڈی، قدماں نال چُھہائیا۔ اِک ریت دی بھر کے چوُنڈی، دوہاں چرناں وِچ رکھائیا۔ ڈھائی فُٹ دی کول ٹِکائی تُونبی، لہِندی دِشا سوبھا پائیا۔ اِک پوٹلی رکھی سَوا پا روُں دی، چِٹی سفَید دِتی ٹِکائیا۔ اِک بیڑی رکھی نبی نوُح دی، چھوٹی جیہی بنائیا۔ اِک لجّ ٹِکائی نال کھوُہ دی، موٹی پتلی نہ کوئے سمجھائیا۔ اِک بیری ٹاہنی لیاندی جوُہ دی، جنگل وِچ سُہائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ ساچی کھیل کھِلائیا۔ صدی چؤدھویں کہے جِس ویلے محمد نوُں کیِتا دفن، دفعہ دفتر وِچ لگائیا۔ چار کنّیِاں والا اُتے پایا کفن، چاروں طرف رنگ رنگائیا۔ اُپر کیوڑا لگّا برسن، گُل روُپ مہکائیا۔ مُریِداں کیِتا درشن، پردہ ٹھوڈی توں اُپر اُٹھائیا۔ سب دا دِل لگّا بھٹکن، ہؤکیاں وِچ ہِلائیا۔ اوس ویلے بدّل لگّا سی گرجن، گھنگھور گھٹا چھائیا۔ صوُفی فقیِراں دا ٹولا سی اِک درجن، باراں مست نظری آئیا۔ اوہ کرن لگّے عرضن، خود خُدا تیری بےپرواہیِا۔ ایہہ کھیل تیرا اسچرجن، بھیوَ ابھید نہ کوئے کُھلائیا۔ جوتی جوت سروُپ ہرِ، آپ اپنی کِرپا کر، دُھر کرنی کار کمائیا۔ صدی چؤدھویں کہے میَں کراں کی تعریِف، صِفتاں وِچ صالاحیِا۔ قبر دے کول آیا اِک ضعیف، ضعیف العُمر نظری آئیا۔ اُس دے ہتّھ وِچ پھڑی نِکی جِہی مسیِت، حُجرہ ہتّھاں نال بنائیا۔ اِک ولزازو لِکھیا اکھّر اُتے تویِت، تازہ لیا بنائیا۔ مُکھوں کہے محمدا تُوں تے راضی کردا سیَں مریض، کیوں مُردا ہو کے گور سمائیا۔ نال سپارے پڑھ
قرآن مجیِد، مُکھوں رہیا الائیا۔ جِس خُدا دی کر کے گِیوں تائید، اوہدا پڑدا کوَن اُٹھائیا۔ حُکمے اندر کیِتی تاکید، فرمانیاں وِچ جنائیا۔ آپ اوس دا بن کے عزیز، سیوا اعظم والی کمائیا۔ اکھّراں دا بن حفیظ، حرف حِفظ گیا کرائیا۔ کیہڑا لُطف تے کیہڑا لطیفَ، لطیفہ اگلا کوَن سمجھائیا۔ کیوں تتاں تُٹی پریِت، روُح کیِتی جُدائیا۔ تن ہویا کیوں پلیِت، خاک وِچ دبائیا۔ کِدھر گئی تیری بخشیِش، رحمت نوُر الاہیِا۔ جِس دے چرناں قدماں جھُکدا سیِس، کیوں چلیا خاک لُکائیا۔ وڑ بَیٹھوں کایا ماٹی رکھکے قبراں بیِچ، مقبریاں وِچ صالاحیِا۔ پھیر کریئے کدوں اُڈیِک، سچ دینا سمجھائیا۔ محمد آشا کہے میَں ناچیِز، جگت نِمانی سیو کمائیا۔ میرے اِمام دی رکھو اُمیِد، جو عملاں توں باہر نوُر خُدائیا۔ صدی چؤدھویں جان دیؤ بیِت، منزل منزل پندھ مُکائیا۔ پِھر آپے آوے صاحِب پروردِگار جو لہنا دینا مُکائے ابلیس، چار یاری ویکھ وکھائیا۔ جوتی جوت سروُپ ہرِ، آپ اپنی کِرپا کر، گھر ٹھانڈا اِک سُہائیا۔ صدی چؤدھویں کہے قبر وِچ دو کبوُتر دے رکھے کھمب، سجےّ کھبےّ ٹِکائیا۔ نؤ پتّے رکھے امب، دوُر دُراڈے لئے منگائیا۔ اِک ٹوٹا رکھیا نال چمّ، سَوا ہتّھ سوبھا پائیا۔ اِک لِکھ کے رکھیا خوشی غم، دوویں رنگ رنگائیا۔ جوتی جوت سروُپ ہرِ، آپ اپنی کِرپا کر، سد اپنا کھیل وکھائیا۔ صدی چؤدھویں کہے قبر وِچ سَوا پا رکھی نیاز، ستّاں رنگاں سوبھا پائیا۔ اِک تامبے دا رکھیا اعزاز، محمد احمد نام لِکھائیا۔ اِک یسوُ سُہایا کراس، سجےّ ہتّھ نال چُھہائیا۔ اِک پانی دا بھر گلاس، سیِس نال ٹِکائیا۔ اِک ٹُکڑا رکھ کے چاک، اپنی خوشی بنائیا۔ اِک پھٹّی رکھ کے تاک، کھِڑکی دِتی سُہائیا۔ اِک کوری رکھ کِتاب، کانی قلم نال ٹِکائیا۔ اِک چار مُریِداں سِر توں پُٹ کے جھاٹ، وال پنج پنج ٹِکائیا۔ اِک ٹُٹی رسّی کڈھکے وِچوں کھاٹ، اندر دِتی رکھائیا۔ اِک نیِلا روُپ بنا آکاش، گتّے اُتے رنگ چڑھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ لیکھا ویکھ وکھائیا۔ صدی چؤدھویں کہے قبر اندر رکھیا رنگ نیِلا، نیلم وِچوں ونڈ ونڈائیا۔ سَوا گِٹھ دا رکھیا تیِلا، ماشے نؤ وزن سمجھائیا۔ اِک دوپٹّا دھریا گیِلا، ڈھائی گز ونڈ ونڈائیا۔ اِک اکھّراں دا بنا قبیِلہ، اُمت نبی نال مِلائیا۔ اِک بستر رنگ کے پیِلا، تھلّے دِتا وِچھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، چاڑھنہارا رنگ بھیِنا، مِہربان مِہربان مِہربان مِہر نظر اُٹھائیا۔
۲۴ مگھّر شہنشاہی سمت ۴ چرن کؤر دے گرِہ پھرالا ضِلع جالندھر
صدی چؤدھویں کہے محمد نوُں انت ویلے ہوئی درد، درد درد وِچوں اُپجائیا۔ اوسے ویلے اوہنوُں نظری آئی چؤداں طبق دی فرد، لیکھا ویکھیا تھاؤں تھائنیا۔ نال چمکدی دِسی کرد، جو شرع قصائی روُپ وٹائیا۔ انت اُڈدی دِسی گرد، اندھ اندھیر لوکائیا۔ پرگٹ ویکھیا سوُربیِر مردانہ مرد، اکل کل دھاری نوُر الاہیِا۔ آپا ہویا زرد، لالی رہی نہ رائیا۔ نِگاہ ماری اُمت کول نہیں کوئی خرچ، کلمہ حق نظر کوئے نہ آئیا۔ خالی ویکھے چرچ، چراگاہاں وِچ دُہائیا۔ تکّیا اُپر فرش، فلک پرے رُشنائیا۔ جھاتی ماری خلق، چاروں کُنٹ دُہائیا۔ پُٹھی ہوئی نرد، سارپاشا رہیا سمجھائیا۔ آواز سُنی گرج، فرمانا دُھردرگاہیِا۔ کُچھ انت کر لا عرض، آرزو دے دِرڑائیا۔ اگلا کھیل ویکھ اسچرج، کی کرتا کار کمائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ہرِ کرتا دُھردرگاہیِا۔ صدی چؤدھویں کہے محمد تکّیا عجب نظارہ، امیِر غریِب ویکھ وکھائیا۔ صدی دا صدمے والا کنارہ، اعلیٰ ادنیٰ رہیا کُرلائیا۔ کرے کھیل پروردِگارا، پاربرہم بےپرواہیِا۔ جو نِرگُن دھار لئے اوتارا، نوُر نوُرانہ نوُر الاہیِا۔ کھیل ویکھے وِچ سنسارا، شرع شریِعت پھول پُھلائیا۔ ویس وٹا کے آپ دوبارہ، دو جہاناں پڑدا لاہیِا۔ لہنا چُکا تیئی اوتارا، موُسیٰ عیسیٰ محمد لیکھا جھولی پائیا۔ اَگے ویکھیا دساں گُروُآں دا پسارا، نانک گوبِند وجےّ ودھائیا۔ اِس توں پرے اِماماں دا اِمام بن سِکدارا، شاہو بھوُپ کھیل کھِلائیا۔ جِس نوُں کہندے کہنگے کلکی اوتارا، کل اپنی کار کمائیا۔ سرِشٹی دی درِشٹی کر گرِفتارا، فرِشتیاں دا اِشٹ دئے بدلائیا۔ چار جُگ دی بدل کے دھرم دھار دی دھارا، دفعہ اپنی اِک سمجھائیا۔ جِس دا لیکھ لِکھے اپنے حُکم نام نال اِشارہ، بُدھی وِچ نہ کوئے وڈیائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، صاحِب سُلطان دُھردرگاہیِا۔ صدی چؤدھویں کہے محمد دے انتر پئی چیِس، دُکھ دِتا ستائیا۔ وٹّ کے حق کسیِس، قسم کھا کے دِتا جنائیا۔ میرے صاحِب سوامی جگدیِش، تیری بےپرواہیِا۔ میَں بِنا خنجر توں ہون لگّا شہیِد، شہادت دیاں بُھگتائیا۔ میری منسا پوُری کرنی اُمیِد، آمد وِچ تیرا راہ تکائیا۔ ہُن سؤنا مُحبّت والی نیِند، غفلت غافل رہے نہ رائیا۔ میَں بردا تیرا ناچیِز، عزیز بن کے سیو کمائیا۔ میرے کلمے دی کریں تصدیِق، مِہر نظر اِک اُٹھائیا۔ چؤداں صدیاں دِسن نزدیِک، پَینڈا دوُر نہ کوئے رکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، دُھر دا حُکم اِک ورتائیا۔
صدی چؤدھویں کہے محمد دے اندر پئی ہُک، ہوُ االلہ االلہہوُ نعرہ دِتا لائیا۔ اوہنوُں نظری آیا اوس ویلے سُکا اِک ٹُک، ٹُکڑا بیہا روُپ وکھائیا۔ پِھر بِنا کنّاں توں سُنی تُک، سوہنگ راگ اگمّ اتھاہیِا۔ پِھر کِسے نے ہؤلی جِہی لیا پُچھ، محمدا کی آشا ہور ودھائیا۔ پھیر انڈِٹھا گیا چُھپ، نیتر نوُر نہ کوئے چمکائیا۔ پھیر ہؤلی جِہی چُک، ہلوُنا دِتا لگائیا۔ ویکھ تیرے پِچھوں میرا گوبِند آؤن والا پُت، سُت دُلارا دیاں وکھائیا۔ جِس نوُں دیواں سب کُچھ، کشمکش دا جھگڑا دیاں مُکائیا۔ جِس کٹاؤنی نہیں داہڑی مُچھ، کیس سیِس جگدیِش سوبھا پائیا۔ میرے پیار دی سوہنی سُہنجنی رُت، رُتڑی دُھر دے نال مہکائیا۔ جِس دا سجدہ بِنا قدماں توں میرے چرن جاوے جھُک، جھاکی اگلی پھیر دِرڑائیا۔ تت سریِر دا مِٹا کے دُکھ، درداں دا ڈیرہ ڈھاہیِا۔ بدلا کے روُپ مانَس منُکھ، شبدی دھار کراں اگوائیا۔ کر پرکاش نِرمل جوت، جوتی جاتا ہو کے ویکھ وکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، سب دی مانے آپ مؤج، مان نِمانیاں اپنا رنگ رنگائیا۔