۱۲ پوہ شہنشاہی سمت ۴ لچھمن سِنگھ دے گرِہ کَیمپ سئ کلاں جموں
صدی چؤدھویں کہے پَیغمبرو کر لؤ پُھرتی، فُرنا دُھر دا دیؤ سمجھائیا۔ پروردِگارا چھیڑ چھیڑن لگّا وِچ تُرکی، تُرکستان نال مِلائیا۔ محمد دوُر دُراڈا بَیٹھا ویکھے نال گھُرکی، اکھّاں لال کڈھ دِکھائیا۔ سانجھی رہنی کِسے نہیں بُرکی، سگلا سنگ نہ کوئے نِبھائیا۔ ثابت دِسے کوئی نہ سُرتی، صوُرت حق نہ کوئے جنائیا۔ مِٹن لگّی چالاکی چُستی، چوراں یاراں ٹھگّاں ڈیرہ ڈھاہیِا۔ وِدھان اندر کرن لگّا درُستی، پُرکھ اکال بےپرواہیِا۔ جھگڑا کرے نہ کوئے مُلّا مُفتی، لیکھا سب دا رہیا مُکائیا۔ گُر اوتار پَیغمبراں قائم رہے نہ کُرسی، دُھر فرمانا اِک سمجھائیا۔ انتم مِٹے اندھیر بُرچھی، بُتخانیاں کرے صفائیا۔ اگنی تت رہے نہ تُرشی، تُرت اپنا حُکم ورتائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ہرِ کرتا دُھردرگاہیِا۔ صدی چؤدھویں کہے پَیغمبرو کر لَوو چارا، چاروں کُنٹ میری دُہائیا۔ میرا آیا انت کنارہ، نئیا ڈولے تھاؤں تھائنیا۔ میَنوُں دِسے نہ کوئے سہارا، سِر ہتّھ نہ کوئے ٹِکائیا۔ میَں پِھر پِھر تھکی جنگل پہاڑاں، اُچے ٹِلّے واہو داہیِا۔ محمد دے کے گیا لارا، اِشاریاں نال سمجھائیا۔ انتم آوے پروردِگارا، جلوہ گر نوُر الاہیِا۔ ویکھے کھیل سرب سنسارا، برہمنڈاں کھنڈاں پھول پُھلائیا۔ جوتی نوُر کرے چمتکارا، تن وجوُد نہ کوئے وکھائیا۔ حُکم سندیسہ دیوے اگمّ اپارا، کلمہ کائنات پڑھائیا۔ گُر اوتار پَیغمبر بنائے برخوردارا، بالے ننےّ نال مِلائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، دُھر دی کرنی کار کمائیا۔ صدی چؤدھویں کہے پَیغمبرو سُنو حُکم سچّے سَتگُر کا، کلمیاں والیو دیاں دِرڑائیا۔ میرا مُرشد میرا لاہُن والا
بُرقع، نیتر نیَن اکھّ اُٹھائیا۔ لہنا دینا دیون آیا نِرگُن دھار دُھر کا، دُھردرگاہی بےپرواہیِا۔ لیکھا پوُرا کرے گوبِند انندپُر کا، پُریاں لوآں توں باہر ویکھ وکھائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، بے پرواہ بے پرواہی وِچ سمائیا۔ صدی چؤدھویں کہے پَیغمبرو میَں دسّاں حق حقیِقی، حُکم اِک جنائیا۔ پِچھلی چھڈ دیؤ سارے ریِتی، حُکم سُنو دُھردرگاہیِا۔ میری انتم صدی بیِتی، ویلا اوَر رہیا نہ رائیا۔ اپنی جھولی پاؤ اپنی کیِتی، دوُسر سنگ نہ کوئے مِلائیا۔ اَگے کھیل ویکھو انڈیٹِھی، جیہڑی اجے تک تُہانوُں خُدا نہ کوئے سمجھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ہرِ کرتا نوُر الاہیِا۔ صدی چؤدھویں کہے سُنو پَیغمبر کُدزیلا زاول زؤ، زیِنہ جگت نہ کوئے وڈیائیا۔ تُہاڈا نعرہ رسنا والا االلہہوُ، ہوُ االلہ کائنات دِرڑائیا۔ انت ویکھو بیگانی سب دی جوُہ، جگت حد نہ کوئے رکھائیا۔ کِدھر گئے تُہاڈے مُریِداں دے روُح، مُرشد بن کے دیؤ سمجھائیا۔ نوُر دسّو ظہوُر دسّو اِکوہوُبہوُ، جِس دی ریکھ نہ کوئے بدلائیا۔ کِس بِدھ تُہاڈا انت تے سَتجُگ ہونا شُروُع، شُروُع دا قاعدہ دیؤ دِرڑائیا۔ کوَن مُرشد کوَن مُریِد کوَن سِکھ انت کوَن ہووے گُروُ، گُردیو کوَن اکھوائیا۔ کوَن صاحِب کوَن سُلطان کوَن جیِوت کوَن مروُ، کوَن مڑھی گور اپنا آسن لائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کمائیا۔ صدی چؤدھویں کہے پَیغمبرو کوَن تُہاڈا قاعدہ، کائنات دِرڑائیا۔ کِس بِدھ ہوئے علیاحدہ، وکھرا گھر وسائیا۔ اپنے آپ دا لےَ کے دسّو جائزہ، کی گُنونت وڈیائیا۔ کی اَخیِری ہویا مُعاہدہ، اوہ وی دینا سمجھائیا۔ کِتے وقت اَیویں نہ جائے شایدا، شہادت سب دی دینی بُھگتائیا۔ جن بھگتاں دیِناں مذہباں وِچ کی مِلیا فائدہ، مانَو مانَو نال لڑائیا۔ چاروں کُنٹ نعرہ ویکھو ہائے ہائے دا، ہِردے ہرِ نہ کوئے وسائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ ساچی کار کمائیا۔ صدی چؤدھویں کہے پَیغمبرو اپنا لیکھا دسّو حِساب، انکڑے نال مِلائیا۔ دُھر دی ویکھو اوہ کِتاب، جِتھے لیکھ ملِے نہ قلم شاہیِا۔ کوَن پُنّ کوَن صواب، کوَن رنگ رنگائیا۔ کوَن سجدہ کوَن آداب، کوَن دُعا سلام دینا سمجھائیا۔ میرے انت اَخیِر تُہاڈا کیہو جِہا مزاج، میرے انتر وجےّ ودھائیا۔ جو اُمت گئے ساج، ناتا جگت وِچ بنائیا۔ کی اوس دا انت رِواج، رہبر ہو کے دیؤ دِرڑائیا۔ کوَن دوارے دیندے حیاتے آب، دُھر دا جام اِک پیائیا۔ سارے اُٹھ کے کرو خِطاب، مُخاطب ہو کے دُھردرگاہیِا۔ انتم سب نوُں مِلن لگّا جواب، جواب طلبی وِچ دُہائیا۔ جِس اِمام دا لیَندے رہے خواب، اوہ آیا خَیر خواہیِا۔ جِس
دا کردے آئے واعظ، وحدت نال جنائیا۔ جِس دی پڑھدے رہے نماز، سجدیاں سیِس جھُکائیا۔ اوہ کھولنہار راز، پڑدا دئے اُٹھائیا۔ اوسے نوُں کہندے آد جُگاد شہنشاہ جِس دے سیِس دو جہاناں تاج، تخت نِواسی اِک اکھوائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، نِرگُن دھار سب دا احباب، دوست اِکو نظری آئیا۔
۱۳ پوہ شہنشاہی سمت ۴ بچن سِنگھ دے گرِہ کَیمپ سئ کلاں جموں
صدی چؤدھویں کہے دیِن دُنی دِسدی مِتھیا، گُر اوتار پَیغمبر رہن کوئے نہ پائیا۔ جُگ جُگ تیری اکھّراں والی سِکھیا، اکھّراں والی مات پڑھائیا۔ کِرپا کر اپنا گرِہ وکھا انڈِٹھیا، جِتھے نِرگُن نوُر جوت رُشنائیا۔ تیری مُحبّت ملِے ہِتیا، دوُسر اوَر نہ کوئے جنائیا۔ آتم پرماتم ہووے متیا، نِرگُن نِرگُن ساچا جوڑ جُڑائیا۔ میری انت اَخیِری اِچھیا، آسا منسا پوُر وکھائیا۔ پِچھلا پِچھے رہیا پِچھیا، بھیوَ اگلا دے وکھائیا۔ جھگڑا رہے نہ وڈّا نِکیا، ایکا رنگ رنگائیا۔ پُرکھ اکال بن دُھر دا پِتیا، پت پرمیشور دَیا کمائیا۔ مانَس جنم سب دا جاوے جِتّیا، جو تیری اوٹ تکائیا۔ امرت جام دے چِھٹیا، میگھ اگمّ ورتائیا۔ ہرِجن کدے نہ جاوے بِھٹیا، دوُشن نیڑ کوئے نہ آئیا۔ تیرا لیکھ کدے نہ مِٹیا، میٹنہار نہ کوئے اکھوائیا۔ میرے انت اَخیِر دیِن دُنی دا کڈھ سِٹیا، سِٹےبازی ویکھ جگت لوکائیا۔ بھوِکھتاں وِچ گُر اوتار پَیغمبر لِکھ کے گئے چِٹھیا، سندیسیاں وِچ جگت سُنائیا۔ مندر مسجد شِودوالے مٹھ بنا کے گئے پتّھر اِٹیا، جگت محل وڈیائیا۔ تیرا نوُر کِتے نہ دِسیا، چاروں کُنٹ اندھیرا چھائیا۔ دیِناں مذہباں ویکھے حِصّیا، ذات پات نظری آئیا۔ تیرا تند کِسے نہ کھِچیا، سچ سِتار نہ کوئے وجائیا۔ کِرپا کر صاحِب سمرتھیا، صاحِب تیری سرنائیا۔ کلجُگ کوُڑ ہووے بھٹّھیا، بھوَ ساگر دے رُڑھائیا۔ پِچھلا لیکھا جاوے ٹھپّیا، سَتجُگ ساچا راہ چلائیا۔ پوُرا سب دا ہووے پٹیا، پٹنے والا رہیا سُنائیا۔ لوک مات وِچوں نام جائے کٹیا، لیکھ اوَر رہے نہ رائیا۔ اِکو تیرے نام دا ہووے ٹپّیا، دو جہاناں کر شنوائیا۔ سب دا چیِتھڑ پُرانا پھٹّیا، اوڈھن نظر کوئے نہ آئیا۔ دیِن دُنی کھیل چوُنکہ چُنانچہ البتیا، پردہ اوہلا نہ کوئے اُٹھائیا۔ چاروں کُنٹ شور مچیا، دہ دِشا پئی دُہائیا۔ منوُآ قلندر بن کے نچّیا، دہ دِشا اُٹھ
اُٹھ دھائیا۔ سَت رہیا کوئی نہ سچّیا، مایا ممتا موہ ہلکائیا۔ دُہائی پِھری مدیِنہ مکّیا، کعبہ حق نہ کوئے وڈیائیا۔ بھَین بھائی نہ رہیا سکّیا، پِتا پوُت نہ جوڑ جُڑائیا۔ نؤ کھنڈ پرِتھمی مانَو مانَس تھکیا، بلہیِن رہیا کُرلائیا۔ تُدھ بِن سب نوُں کرے نہ کوئی اِکٹّھیا، ایکا رنگ نہ کوئے رنگائیا۔ گُر اوتار پَیغمبر انت تیری سرن ڈھٹّھیا، چرن دھوُڑی خاک رمائیا۔ تُوں آئیوں پنجاں تتاں دے وٹیا، نِرگُن نوُر جوت رُشنائیا۔ تیرا سہارا سب نے رکھیا، بَیٹھے دھیان لگائیا۔ حُکم سندیسہ دے پکّیا، پت پرمیشور اپنی کار کمائیا۔ سنت سُہیلا تیرا جاوے رتّیا، گُرمُکھ اپنا رنگ رنگائیا۔ دو جہاناں وسّیا، ہر گھٹ بَیٹھا سوبھا پائیا۔ جُگ چؤکڑی لہنا دینا تیرے اندر دبّیا، تُدھ بِن باہر نہ کوئے سمجھائیا۔ دُھر دے نوُر الاہی ربّیا، یامبیِن تیری وڈیائیا۔ کلجُگ کوُڑا وہن ویکھ ندیا، لہر لہر نال ٹکرائیا۔ میری پوُری ہون لگّی صدیا، چؤدھویں اپنا پندھ مُکائیا۔ تُدھ بِن رہے کوئی نہ گدّیِا، گداگر دینے بنائیا۔ تیرا ناؤں نِرنکارا آد جُگادی ودھیا، واہ واہ وجدی رہے ودھائیا۔ کلجُگ کوُڑی کِریا میٹ بدیِا، بندھن ممتا دے تُڑائیا۔ میَں سرن سرنائی تیری لگّیا، اِکو اوٹ رکھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، کلجُگ انتم میٹ حدیا، حدوُد اپنی دے وکھائیا۔
۱۳ پوہ شہنشاہی سمت ۴ کھیم کؤر دے گرِہ کَیمپ سئ کلاں جموں
صدی چؤدھویں کہے دُنیا سُتی ویکھی گھوُک، نیتر اکھّ نہ کوئے کُھلائیا۔ اپنے نِشانیوں گئی چوُک، رہبر راہ نہ کوئے دِرڑائیا۔ تن ہنکاری وجّی پھوُک، مایا ممتا رہی جلائیا۔ جھگڑا تکاّں چارے کوُٹ، دہ دِشا دِسے دُہائیا۔ گھر گھر ودھیا جوُٹھ جھوُٹھ، ہؤمے ہنگتا نال لڑائیا۔ دھرم دا رہیا نہ کوئی پوُت، سَت سچ نہ کوئے سمجھائیا۔ منوُآ من بن کے کلجُگ دوُت، چاروں کُنٹ بھجےّ واہو داہیِا۔ سَت دھرم کر گیا کوُچ، کوُچا گلی کر صفائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، نِہکلنک نرائن نر، مہاراج شیرسِنگھ وِشنوُں بھگوان، ویکھنہارا تانا پیٹا سوُت، سوُتردھاری اپنی کھیل کھِلائیا۔
۱۳ پوہ شہنشاہی سمت ۴ کُلونت سِنگھ دے گرِہ کَیمپ سئ کلاں جموں
صدی چؤدھویں کہے میَنوُں کلجُگ سوُئی چُبھی، چوبھ دِتی لگائیا۔ میَنوُں یاد آئی پِچھلی چؤہ جُگی، پوُرب اکھّ اُٹھائیا۔ جِس وِچ میَں کدے نہ ہوئی بُڈھی، اپنا روُپ بدلائیا۔ دھار رہن نہ دِتی دوُجی، دُتیا بھؤ بدلائیا۔ ہُن میری اؤدھ پُگی، وقت رہیا نہ رائیا۔ کلجُگ جیِواں موُرکھ ہوئی بُدھی، بِبیک نہ کوئے کرائیا۔ رس رہیا کِسے نہ دُدھی، ماتا سیِر نہ کوئے وڈیائیا۔ رمز لائے کوئی نہ گُجھی، انتر پردہ نہ کوئے اُٹھائیا۔ چاروں کُنٹ پَیندی لُٹی، مایا ممتا ناچ نچائیا۔ وسدی دِسے کوئی نہ جھُگی، ساڈھے تِنّ ہتّھ سوبھا پائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، نِہکلنک نرائن نر، مہاراج شیرسِنگھ وِشنوُں بھگوان، تُدھ بِن واٹ کِسے نہ مُکی، پاندھی پندھ نہ کوئے مُکائیا۔
۱۳ پوہ شہنشاہی سمت ۴ اِندرو دیوی دے گرِہ کَیمپ سیئی کلاں جموں
صدی چؤدھویں کہے پربھ تُوں بن اِک سِکدار، سِک سب دی ویکھ وکھائیا۔ جگت مُتعصّب مذہب بنے نہ کوئے غدار، انتر اکھّ نہ کوئے کُھلائیا۔ تیرے دھرم دا سجیا رہے دربار، ہرِجن ساچے سوبھا پائیا۔ تیرا نوُری چمکدا رہے چمتکار، اندھ اندھیر گوائیا۔ کِرپا کر میرے نِرنکار، نِرگُن تیرے ہتّھ وڈیائیا۔ ساچیِاں سکھیِاں گاون منگلاچار، گیِت تیرا گوبِند الائیا۔ میَں ویکھنی چاہُندی عجب بہار، سوہنا روُپ پرگٹائیا۔ چھّبی پوہ تیری اگمّی یادگار، یاد یاد وِچوں آئیا۔ گُرمُکھ سوہنے جن بھگت تیرے برخوردار، سنت سجّن ملِے وڈیائیا۔ میَں پریِت وِچ کراں پُکار، مُحبّت وِچ سُنائیا۔ پنجاں بیِبیِاں دے گل وِچ ہووے اِک اِک ہار، لال گُلالا رنگ چڑھائیا۔ ہتّھ کِھچی ہووے کٹار، تِکھی دھار وکھائیا۔ رنگ چڑھیا ہووے لال، مُکھی سَوا گِٹھ رنگائیا۔ رسنا بول کہن پُکار، تیری بےپرواہیِا۔ جیہڑے سُنبھ نِسُنبھ دے سردار، دُرگا نال ونڈ ونڈائیا۔ اوہناں لہنا دینا دینا لہنا اُتار، قرضہ مقروُض نہ کوئے رکھائیا۔ صدی چؤدھویں
کہے میَں بناں خِدمتگار، خادم ہو کے سیو کمائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، نِہکلنک نرائن نر، مہاراج شیرسِنگھ وِشنوُں بھگوان، تیرا لیکھا سچّی سرکار، دوُسر ہتّھ نہ کوئے پھڑائیا۔
۱۳ پوہ شہنشاہی سمت ۴ شاہنی دیوی دے گرِہ پِنڈ ماجرا جموں
صدی چؤدھویں کہے میَں ویکھے تیرے نگر کھیڑ، پِنڈ گراں پھول پُھلائیا۔ جِدھر جاواں میَنوُں رہے چھیڑ، چھیکڑ دِتی دُہائیا۔ پُرکھ اکال لہنا دینا کُل نبیڑ، کوُڑ کُڑیاراں ڈیرہ ڈھاہیِا۔ گل پا چؤراسی گیڑ، جو تَینوُں رہے بُھلائیا۔ جن بھگتاں اُتے کر مِہر، جو تیرا نام دِھیائیا۔ تُوں شبدی سَتگُر ببّر شیر، شرع کوُڑی دے کھپائیا۔ چار کُنٹ لےَ گھیر، حُکم اپنا اِک سُنائیا۔ سب دا لیکھا دے نبیڑ، بچیا رہن کوئے نہ پائیا۔ میرے مالک میَں تہمت بدھّی تیڑ، اپنا ویس آئی بدلائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در تیرے منگ منگائیا۔ صدی چؤدھویں کہے میَں جِدھر جاواں میَنوُں وجّن ہُجاں، ٹھوکراں نال ہِلائیا۔ اوتار پَیغمبرو کُچھ بھید دسّو گُجھا، پڑدا دیؤ اُٹھائیا۔ اوتار پَیغمبر کہن تُوں پربھ دے نال رہی جُگ جُگا، چؤکڑی اپنی کھیل کھِلائیا۔ انتم انت دروہی پائی دُبدھا، صاف اِنصاف دے جنائیا۔ ساڈا لیکھا ہویا موُدھا، پھڑ باہوں نہ کوئے اُلٹائیا۔ پربھ کرے کھیل اجوُبہ، عجب اپنی کار کمائیا۔ دیِن مذہب میٹن لگّا حدوُدا، جھگڑا مذہب رہیا گوائیا۔ صدی چؤدھویں تُوں آد جُگاد اوس دی بنی رہی محبوُبہ، مُحبّت کر کے خوشی منائیا۔ وسدی رہی اُچ عرش عروُجا، در عالیشان سوبھا پائیا۔ ویکھدی رہی گلی کوُچا، گلی یار دی بھجیّ واہو داہیِا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، نِہکلنک نرائن نر، مہاراج شیرسِنگھ وِشنوُں بھگوان، تُدھ بِن اوَر نہ کوئے دوُجا، ایکنکار تیری وڈ وڈیائیا۔
۱۳ پوہ شہنشاہی سمت ۴ کِرپال سِنگھ دے گرِہ کَیمپ سیئی کلاں جموں
صدی چؤدھویں کہے چؤداں طبقو موُل نہ مارو آوازاں، میَں گلّ سُنن کوئے نہ پائیا۔ میَں تکّیا اِکو شاہو بھوُپ راجن راجا، پُرکھ اکالا دیِن دَیالا دُھردرگاہیِا۔ جِس نوُں صِفتاں نال گاؤندے آئے نال راگاں ناداں، کلمیاں وِچ کائنات دِرڑائیا۔ گُر اوتار پَیغمبر جِس دی رکھدے آئے آساں، دوُر دُراڈے دھیان لگائیا۔ اوہ صاحِب سوامی میریِاں پوُریِاں کرن آیا خواہشاں، خالق اپنا روُپ بدلائیا۔ پندھ مُکا کے پرِتھمی آکاشا، گگن گگننتر ڈیرہ ڈھاہیِا۔ جھگڑا مُکا کے ذاتاں پاتاں، مانَو ویکھ وکھائیا۔ اَگے سُن دے ساں بھوِکھتاں وِچ اوس دیِاں باتاں، ہُن درشن کر کے خوشی منائیا۔ میریاں پوُریِاں ہوئیاں واٹاں، رستے پندھ نہ کوئے بُھلائیا۔ میَں منگنیاں اوس کولوں اگمّی داتاں، جو دیونہار اکھوائیا۔ تُہاڈے نالوں توڑنا ناتا، ناتا گُرمُکھاں نال جُڑائیا۔ جِنہاں دا مالک جوتی جاتا، ہرِ کرتا اِک اکھوائیا۔ تُوں میرا میَں تیرا دسّ کے گاتھا، آتم پرماتم میلا میلے سہج سُبھائیا۔ گُر اوتار پَیغمبر جِس دیِاں نِکیاں نِکیاں شاخاں، پتّ ٹہنی روُپ وٹائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، مِہربان اِک اکھوائیا۔ صدی چؤدھویں کہے چؤداں طبقو کیوں میَنوُں کرو اِشارے، سیَنتاں نال سمجھائیا۔ میَں چھڈ دِتے تُہاڈے کنارے، بندھن آئی تُڑائیا۔ درشن کر ایکنکارے، اپنی کلا لئی بدلائیا۔ ڈھیَہہ کے چرن دوارے، دھوُڑی ٹِکاّ خاک رمائیا۔ میَنوُں بُھل گئے یار پُرانے، چار یاری دِتی تجائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، میری آشا ویکھ وکھائیا۔ صدی چؤدھویں کہے چؤداں طبقو میرا انت اَخیِری سلام، سلام علیکم کہہ کے در جنائیا۔ میَں سچ دسّاں پَیغام، پَیغمبراں توں پرے پڑھائیا۔ جِس نوُں محمد کِہا مہدی اِمام، اوہ مالک میرا میَنوُں نظری آئیا۔ جِس میٹنی کوُڑی کِریا شام، ساچا نوُری چند چمکائیا۔ میَں حداں وِچ نہیں رہی غُلام، بندھن پِچھلے آئی تُڑائیا۔ اَگے میرے پُرکھ اکال دا ویکھنا اِنتظام، جو بندوبست کرے تھاؤں تھائنیا۔ اوتار گُروُ پَیغمبر جِتھے رہے انت ناکام، بلہیِن دین دُہائیا۔ سو کھیل کرے سِری بھگوان، ہرِ کرتا دُھردرگاہیِا۔ سَت دھرم جھُلائے نِشان، دو جہاناں آپ جھُلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، میری منزل کیِتی آسان، مُشکل پِچھلی رہیا گوائیا۔
۱۳ پوہ شہنشاہی سمت ۴ فرنگی رام دے گرِہ پِنڈ تریوا جموں
صدی چؤدھویں کہے گُر اوتار پَیغمبر دے دیؤ استعفا، کلجُگ ویلا انتم دئے گواہیِا۔ سَتجُگ تریتا دواپرکلجُگ جو نام کلمہ دسّ کے آئے لطیفہ، صِفتاں والا ڈھولا مات دِرڑائیا۔ اوس دا انتم خالی ہویا خیِسا، دھنّ دؤلت نظر کوئے نہ آئیا۔ رسنا جِہوا پڑھ پڑھ تھکی جِہوا، ہِردے ہرِ نہ کوئے وسائیا۔ انت اَخیِر سچکھنڈ دوارے سارے لؤ وظیفہ، لوک مات بھےَ نہ کوئے وکھائیا۔ پُرکھ اکال دیِن دَیال ساچی دسےّ نام حدیِثا، حضرتاں توں پرے کرے پڑھائیا۔ لہنا دینا لیکھا مُکائے بیِسا، بیِس بیِسا ویکھ وکھائیا۔ ویلا وقت سُہنجنا کرے عیسیٰ، موُسیٰ مُشکل دئے مِٹائیا۔ محمد لیکھے لاوے پیِسن پیِسا، صدی چؤدھویں نال رلائیا۔ نانک گوبِند کھیل دسےّ جگ جیِتا، پاربرہم پت پرمیشور بےپرواہیِا۔ سارے چھڈ دیؤ پِچھلی چار جُگ دی ریِتا، دیِن مذہب ونڈ نہ کوئے ونڈائیا۔ آتم دھار پربھ دا نوُر سدا جیِتا، جنم مرن وِچ نہ آئیا۔ لکھّ چؤراسی پرکھنہارا نیِتا، گھٹ گھٹ انتر ویکھ وکھائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، ور داتا بےپرواہیِا۔ صدی چؤدھویں کہے گُر اوتار پَیغمبر لوک مات لؤ چُھٹی، چُھٹکارا اپنا لؤ کرائیا۔ سچ مُحبّت سرِشٹی نالوں تُٹی، درِشٹی بھیوَ نہ کوئے کُھلائیا۔ اَگے منزل رہے نہ ترےَکُٹی، دسم دواری حِصّہ نہ کوئے سمجھائیا۔ کلمیاں والی کرے کوئی نہ بُتی، بُتخانے پئی دُہائیا۔ پُرکھ اکالا دیِن دَیالا آتم دھار لگائے اپنی رُچی، پرماتم ہو کے ویکھ وکھائیا۔ سُرتی شبد کرے سُچی، دُرمت مَیل دھوائیا۔ کایا سُہنجنی کرے رُتی، رُتڑی اپنے نام مہکائیا۔ دُھر پریِتی جوڑے ٹُٹی، گنڈھنہار آپ اکھوائیا۔ صدی چؤدھویں کہے، جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در تیرے آس رکھائیا۔ صدی چؤدھویں کہے گُر اوتار پَیغمبر دیِن دُنی دا چھڈو کھہڑا، لوک مات نہ اکھّ اُٹھائیا۔ دھرنی دھرت دھوَل کُھلا ہون دیؤ ویہڑا، مانَو مانَو ونڈ نہ کوئے ونڈائیا۔ دیِن مذہب چلایا جیہڑا جیہڑا، انتم کمّ کِسے نہ آئیا۔ سب دا اُجڑن لگّا کھیڑا، رُت بسنت نہ کوئے سُہائیا۔ کرے کھیل پربھ پُرکھ ابناشی دُھر دا شیرا، شاہ پاتشاہ اپنی کار کمائیا۔ کلجُگ انتم مِٹے اندھیرا، نِرگُن نوُر جوت کرے رُشنائیا۔ اِکو رنگ رنگائے سنجھ سویرا، چار ورن بخشے اِک سرنائیا۔ نام جپائے تُوں میرا میَں تیرا، آتم پرماتم سوہنگ راگ الائیا۔ جن بھگتاں اندر ہووے چاؤ گھنیرا، کوُڑی کِریا ڈیرہ ڈھاہیِا۔ انت اَخیِر بنّھے بیڑا، ہرِجوُ اپنے کندھ اُٹھائیا۔ لکھّ چؤراسی دیوے گیڑا، چارے کھانی آپ بھوائیا۔ صدی چؤدھویں
کہے میرا وقت انتم نیرا، دوُر دُراڈا پندھ مُکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ہرِ ساجن اِک اکھوائیا۔ صدی چؤدھویں کہے گُر اوتار پَیغمبرو دیِن دُنی دا چھڈو ناتا، ویلا انتم گیا آئیا۔ اپنے اپنے کرم دا ویکھو کھاتا، دیِناں مذہباں پھول پُھلائیا۔ کِسے ملِے نہ نام ساچا، سچ سُچ نہ کوئے وڈیائیا۔ بھاگ لگّے نہ کایا پِنڈ کاچا، کنچن گڑھ نہ کوئے سُہائیا۔ نؤ کھنڈ پرِتھمی نؤ دوارے منوُآ ناچا، دہ دِشا اُٹھ اُٹھ دھائیا۔ پُرکھ اکال دیِن دَیال پروردِگار سانجھا یار دُھر دا حُکم کِسے نہ واچا، واچک دیِن دُنی بنی لوکائیا۔ انت اَخیِر میٹے نہ کوئے اندھیری راتا، دھوُاں دھار نہ کوئے گوائیا۔ پُرکھ اکال دیِن دَیال آد جُگادی سب دا پِتا ماتا، پت پرمیشور اِک اکھوائیا۔ گُر اوتار پَیغمبر چار جُگ دا چاچا، جوتی جوت سروُپ ہرِ، آپ اپنی کِرپا کر، دیونہارا دُھر دا ور، دُھر دا لیکھا آپ وکھائیا۔ صدی چؤدھویں کہے گُر اوتار پَیغمبرو جگت ناتا چھڈو موہ، مُحبّت اوَر رہے نہ رائیا۔ ایکا کھیل ویکھو سو، ہنگ برہم رہیا دِرڑائیا۔ چار کُنٹ کر لو، لوآں پُریاں ڈگمگائیا۔ پُرکھ بِدھاتا آپے ہو، ہوکا دیوے تھاؤں تھائیا۔ سب دی طاقت آپے کھوہ، حُکم اپنا اِک جنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، سب دا لہنا دینا لیکھا پوُرا کرے چھّبی پوہ، پوس اپنا حُکم ورتائیا۔
۱۳ پوہ شہنشاہی سمت ۴ سائیں داس دے گرِہ پِنڈ تریوا جموں
صدی چؤدھویں کہے گُر اوتار پَیغمبرو سب نوُں بھرنا پئے خراج، جزیہ سب دے اُپر لائیا۔ اپنی طبیعت ٹھیِک رکھِیو مزاج، مزاہمت کرن دی لوڑ رہے نہ رائیا۔ انت بدلن لگّا سب دا راج، ناتا رعیت نالوں تُڑائیا۔ پُرکھ اکالا اپنے ہتّھ پکڑے واگ، واگاں سب دیِاں آپ ہِلائیا۔ اِکو نوُر چمکن لگّا چراغ، چراگاہاں کرے رُشنائیا۔ چار جُگ دا میٹ سماج، سمگری اپنی اِک ورتائیا۔ کُچھ آسا رکھ کے گیا بھاردواج، سپت رِکھی کر صالاحیِا۔ اتری پُچھیا اوس دا جواب، بِن اکھّراں دے سمجھائیا۔ دُھر دی دھار کیِتا خطاب، مُخاطب ہو دِرڑائیا۔ جِس ویلے بندنا دے تھاں ہویا آداب، سجدیاں وِچ سیِس جھُکائیا۔ شہنشاہ دی جگہ بنے نواب، نؤبت نام حق وجائیا۔ پَیغمبر اوتاراں دی جگہ جاون جاگ، جاگرت جوت کر رُشنائیا۔ سب دا لیکھا رکھ اگمّے ہاتھ، اگمّڑی کار کمائیا۔ جُگ
چؤکڑی چلا راتھ، دیِن دُنی ویکھ وکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا مالک اِک اکھوائیا۔ صدی چؤدھویں کہے گُر اوتار پَیغبرو انتم دینا پئے سب نوُں ٹیَکس، حُکم حکوُمت والا چلائیا۔ اپنے نوُر دا ویکھو عکس، چاروں کُنٹ دھیان لگائیا۔ دیِن مذہب دے چھوٹے چھوٹے رَیکس، بندھناں وِچ بندھائیا۔ جھگڑا پایا شخصیّت وِچ شخص، شکّ وِچ کُرلائیا۔ کُچھ آشا رکھ کے گیا دسواں اوتار متس، مچّھ جل وِچ دُہائیا۔ کلجُگ انت جِس ویلے مانَس وِکاری ہوئے رکش، راکش بُدھی نظری آئیا۔ اوس ویلے کھیل کرے پُرکھ اکال دیِن دَیال اپنے وقت، بےوقت کل نہ کوئے ورتائیا۔ پرگٹ ہو کے آوے اُپر جگت، دھرنی دھرت سوبھا پائیا۔ دُھر فرمانا دیوے سخت، نہ کوئی میٹے میٹ مِٹائیا۔ اپنے نام دا چاڑھ کے کٹک، چاروں کُنٹ بھے وکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، صدی چؤدھویں دا جگت سُہنجنا ویکھ برس، برسی اپنی نال مِلائیا۔
۱۳ پوہ شہنشاہی سمت ۴ پریمی دیوی دے گرِہ تریوا جموں
صدی چؤدھوی کہے گُر اوتار پَیغمبرو چھڈو کھیل پُرانی، پُنہ پُنہ سیِس نِوائیا۔ ناتا توڑو وید پُرانی، اِنجیِل قرآنی ڈیرہ ڈھاہیِا۔ جلوہ تکّو اِک اسمانی، نوُر نوُرانہ نظری آئیا۔ جِس دا کھیل جگت اسمانی، پنج تت نوُر جوت کرے رُشنائیا۔ ساچی منزل دئے روُحانی، روُح بُت وجےّ ودھائیا۔ دُھر دا نام دے نِشانی، نِشانہ اپنا اِک لگائیا۔ تن وجوُدوں کڈھے بے اِیمانی، ممتا موہ وِکار گوائیا۔ جنم جنم دا کرم کرم دا جھگڑا رہن نہ دیوے دیِوانی، لکھّ چؤراسی گیڑ مُکائیا۔ ساچی منزل دسّ آسانی، اصل اپنے رنگ رنگائیا۔ سچ سندیسہ دے فرمانی، فرماں بردار لئے بنائیا۔ کوئی جوُہ نہ رہے بیگانی، چاروں کُنٹ اپنا حُکم ورتائیا۔ سب دے اُپر کرے مِہربانی، محبوُب اپنی نِگاہ اُٹھائیا۔ لیکھا جانے چارے کھانی، چارے بانی راگ الاہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ہرِ ساچا اِک اکھوائیا۔ صدی چؤدھویں کہے گُر اوتار پَیغمبرو ساچی سِکھ لؤ تابعداری، طبیعت اپنی لؤ بدلائیا۔ لوک مات جناؤ اپنی سچّی یاری، دیِن مذہب حد نہ کوئے رکھائیا۔ انت اَخیِر بنے نہ کوئے غداری، در گھر ساچا سوبھا پائیا۔ اِکو ویکھو نوُر
نِرنکاری، جوتی جاتا ڈگمگائیا۔ جِس دے جُگ جُگ صِفتاں والے نام بنے پُجاری، پوُجا کر کے اپنا جھٹ لنگھائیا۔ اوہ کھیلے کھیل وڈ سنساری، سنساری بھنڈاری سنگھاری بَیٹھے سیِس نِوائیا۔ سب دا لہنا دینا پوُرا کرے اُدھاری، لیکھے پِچھلے دئے چُکائیا۔ صدی چؤدھویں انت اَخیِر بے نظیِر جاننہارا برخورداری، عزیزاں تمیِز ویکھ وکھائیا۔ پڑدا لاہوے نر ناری، نر نرائن اپنا بھیوَ چُکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، دُھر دی بخش سچّی سرداری، درگاہ ساچی سب نوُں دیوے مان وڈیائیا۔
۱۳ پوہ شہنشاہی سمت ۴ دیوا سِنگھ دے گرِہ سیئی کلاں جموں
صدی چؤدھویں کہے میَں رام کرِشن نوُں پُچھیا مُچھ داہڑی چنگی کہ کھودے، میَنوُں دیؤ سمجھائیا۔ عیسیٰ موُسیٰ محمد نانک گوبِند پُچھیا سیِس کیس چنگے کہ بودے، پردہ دیؤ چُکائیا۔ سارے نیتر نیویں کر کے کہن اسیں اوسے جوگے، ساڈی چلے نہ کوئے چتُرائیا۔ جُگ چؤکڑی تن وجوُد سانوُں پوائے چوغے، تتو تت نال وڈیائیا۔ حُکم سندیسے جنائے نال مؤقعے، دُھر فرمانے اگمّ الائیا۔ ساڈی سمجھ کُچھ نہ سوچے، وِچار وِچ وِچر نہ کوئے سُنائیا۔ اسیں سارے چار جُگ بے دوشے، حُکمے اندر کار کمائیا۔ ساڈے سریِر اوسے جوگے، جو جُگتی نال سمجھائیا۔ جوتی جوت سروُپ ہرِ، آپ اپنی کِرپا کر، سد اپنا رنگ رنگائیا۔ صدی چؤدھویں کہے میَں پُچھیا کرِشن رام، میرا رام دیؤ مِلائیا۔ ساچا کرو انتظام، بندوبست وِچ وڈیائیا۔ دُھر دا گھر دسّو مکان، گرِہ اِکو اِک وکھائیا۔ جِتھے تتاں دا کوئی نہیں نِشان، ماٹی ونڈ نہ کوئے ونڈائیا۔ نِرگُن نوُر سِری بھگوان، جوتی جاتا ڈگمگائیا۔ جِس نوُں جھُکدے زِمیں اسمان، دو جہان سیِس نِوائیا۔ میَں اوس کراں پرنام، جو پرمیشور دُھردرگاہیِا۔ اوہ ہووے مِہربان، مِہر نظر اُٹھائیا۔ چرن دھوُڑ کرائے اِشنان، دُرمت مَیل رہے نہ رائیا۔ ساچی منزل دئے مہان، گھر اپنے آپ ٹِکائیا۔ جِتھے پُج نہ سکے کوئے اِنسان، بُدھی چلے نہ کوئے چتُرائیا۔ جوتی جوت سروُپ ہرِ، آپ اپنی کِرپا کر، مِہربان ہوئے سہائیا۔ صدی چؤدھویں کہے میَں پُچھیا پَیغمبر پیِرو، پرم پُرکھ دیؤ مِلائیا۔ جیہڑا سب دا آد جُگادی ہیِرو، ہری ہرِ اپنی کھیل کھِلائیا۔ جِس دی کِھچّ سکے نہ کوئے تصویِرو، مُصوّر تصّور نہ کوئے جنائیا۔ جو شرع پائے
زنجِیرو، کائنات ونڈ نہ کوئے ونڈائیا۔ جو منزل وسے اَخیِرو، آخر اپنا ڈیرہ لائیا۔ جوتی جوت سروُپ ہرِ، آپ اپنی کِرپا کر، سد اپنا کھیل وکھائیا۔ صدی چؤدھویں کہے میَنوُں پَیغمبراں آکھیا ویکھ اوس دی شمع، شمس تبریز نال دُہائیا۔ جِس دے دوارے گُر اوتار پَیغمبر جمع، سارے بَیٹھے سیِس نِوائیا۔ دیِناں مذہباں دی رکھ کے طمع، اپنا اپنا بَل سمجھائیا۔ پُرکھ اکال حُکم دیوے نَواں، دُھر سندیسہ اِک سُنائیا۔ جھگڑا چھڈ دیؤ ماٹی چما، چمّ درِشٹی ڈیرہ ڈھاہیِا۔ سَتجُگ ساچا ہووے سماں، سُہنجنی رُت مہکائیا۔ ہرکھ سوگ رہے نہ غما، چِنتا چِکھا نہ کوئے جلائیا۔ دیِن مذہب رہے نہ بنّا، جگت حد نہ کوئے رکھائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، ہرِ کرتا اِک اکھوائیا۔ صدی چؤدھویں کہے میَں پُچھیا گُروُ دسّ، دسّو حال خُدائیا۔ کِس بِدھ انتم ہووے بس، بستے سب دے دئے بنّھائیا۔ سانجھا ہووے جس، صِفتاں نال صالاحیِا۔ ہنکاری بُرج جاوے ڈھٹّھ، ہؤمے گڑھ تُڑائیا۔ بھاگ لگّے تت اٹّھ، اپ تیج وائے پرِتھمی آکاش من مت بُدھ وجےّ ودھائیا۔ دھیِرج ملِے سنتوکھ سَت، اگنی تت گوائیا۔ بھیوَ کُھلائے برہم مت، پاربرہم ویکھ وکھائیا۔ تیِر انیالا مارے کس، چمّ درِشٹی ڈیرہ ڈھاہیِا۔ نِج نیتر کھول کے اکھّ، لوچن اپنے کرے رُشنائیا۔ ساکھیات ہو پرگٹ، جن بھگتاں ویکھ وکھائیا۔ نام بھنڈارا کھول کے ہٹّ، چار ورناں دئے ورتائیا۔ ساچا گرِہ دسّ کے تٹ، کنارہ اِکو اِک سُہائیا۔ امرت آتم نِجھر جھٹّ، امرت بوُند سوانت پیائیا۔ دُئی دوَیت میٹ کے پھٹّ، نام پٹّی دئے بندھائیا۔ جو وسنہارا گھٹ گھٹ، گھٹنا ویکھے کوُڑ لوکائیا۔ گُروُ دس کہن صدی چؤدھویں سب کُچھ اُس دے ہتّھ، سمرتھ بےپرواہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، سب دا لیکھا لہنا دینا پوُرا کرے حق، حقیِقت دا مالک دَیا کمائیا۔
۱۴ پوہ شہنشاہی سمت ۴ راجو دیوی دے گرِہ سیئی کلاں جموں
صدی چؤدھویں کہے میَں کھیل تکّیا چؤہ جُگیں، جُگ جُگ بھجیّ واہو داہیِا۔ دیِن مذہب دھرم دوار دی بنی ویکھی چُنگی، گُر اوتار پَیغمبر محصوُل ٹیَکس رہے لگائیا۔ دیِن دُنی دی پُرکھ اکال دِتی نہیں کِسے نوُں کُنجی، اِشاریاں نال سب نوُں دِتا پرچائیا۔ رسنا
رس چکھاؤندا رہیا چُنجھیں، امرت بھنڈارا اپنے وِچ چُھپائیا۔ ایسے کارن سرِشٹی انتم ہوئی سنجی، وَیرانی گھر گھر ڈیرہ لائیا۔ جگت سنیاسیِاں چوٹی گئی مُنّی، ابھیاسی منزل چڑھن کوئے نہ پائیا۔ داتا دِسے کوئے نہ گُنی، وست نام نہ کوئے ورتائیا۔ اوڈھن سیِس دِسے کِسے نہ چُنّی، کُھلی مینڈھی جگت دُہائیا۔ سچ پُکار نہ جائے سُنی، کوُڑی کِریا رؤلا پائیا۔ ثابت رہیا نہ مُسلم سُنّی، اِیمان حق نہ کوئے رکھائیا۔ خالی ہوئی انتم کُنّی، وسَت سچ نہ کوئے ٹِکائیا۔ شرع شریِعت بنی خوُنی، کل روُپ قصائیا۔ ثابت رہی نہ کِسے دھوُنی، سادھوُ سادھنا وِچ نہ کوئے جنائیا۔ پوِتر رہی نہ کِسے کوُنی، رسنا کوُڑ نال ہلکائیا۔ پوِتر رہی کوئی نہ جوُنی، لکھّ چؤراسی مارے دھاہیِا۔ مایا ممتا ودھ گئی دوُنی، گُر اوتار پَیغمبر موہ نہ کوئے تُڑائیا۔ سَت دھرم دا رہیا نہ کوئے قانوُنی، جگت دھار لئی بدلائیا۔ پُرکھ اکال نوُں سمجھن اِک معموُلی، گُر اوتار پَیغمبراں دی شاستر سِمرت وید پُران اِنجیِل قرآناں نال کرن وڈیائیا۔ جِدھر تکاّں ہوئی بےاصوُلی، اصل وصل یار نہ کوئے وکھائیا۔ چاروں کُنٹ دِسے سوُلی، دُکھاں بھری لوکائیا۔ ساچی ملِے کِسے نہ دھوُلی، مستک خاک نہ کوئے رمائیا۔ منسا کرے کوئی نہ پوُری، پُریاں لوآں پندھ نہ کوئے مُکائیا۔ سب دی زِندگی ہوئی ادھوُری، جیِون لیکھے کوئے نہ لائیا۔ سرِشٹ سبائی دِسی کوُڑی، ساچا سنگ نہ کوئے نِبھائیا۔ رنگت چڑھے کوئے نہ گوُڑھی، دُرمت مَیل نہ کوئے دھوائیا۔ پُرکھ اکال دیِن دَیال پروردِگار سانجھے یار چاروں کُنٹ بنی مجبوُری، مُشکل حل نہ کوئے کرائیا۔ میَں تیری چرن سرن پاربرہم پت پرمیشور اِک مشکوُری، مِہربان محبوُب مِہر نظر نال تکائیا۔ پندھ مُکا نیڑے دوُری، حاضر حضوُری سوبھا پائیا۔ تیرا کھیل ویکھنا ضروری، ضرورت سب دی رہی جنائیا۔ صدی چؤدھویں کہے تُوں پُرکھ اکالا دیِن دَیالا جوتی دھار اِک نوُری، نوُر نوُرانہ نوُر الاہیِا۔ چار کُنٹ دہ دِشا تیرے نام دی ہووے اِک مشہوُری، مشالاں دین دی لوڑ رہے نہ رائیا۔ کوُڑی کِریا کر کافوُری، سَت دھرم سَت سمائیا۔ ہر گھٹ اندر تیرا جلوہ ہووے کوہ طوُری، کایا کعبے وجےّ ودھائیا۔ جن بھگتاں جھولی پا مزدوُری، جُگ جُگ تیری سیو کمائیا۔ انتر رہے نہ گڑھ غروُری، غُربت دینی مِٹائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، تیرا جلوہ اِکو نوُری، نوُرے چشم کر رُشنائیا۔
۱۴ پوہ شہنشاہی سمت ۴ پوُرن سِنگھ راجا سِنگھ دے گرِہ سیئی کلاں جموں
صدی چؤدھویں کہے پربھ پِچھلی شرع کر مُردی، گُرمُکھ مُردے مُریِد لےَ بنائیا۔ بھیٹا رہے کِسے نہ دُرگی، کالی کل نہ کوئے ورتائیا۔ ذِبح کرے کوئی نہ مُرگی، سیِس تن نہ ونڈ ونڈائیا۔ اِکو دھار چلے پُرکھ اکال صاحِب سچّے سَتگُر دی، پاربرہم سب تیری سیو کمائیا۔ آتم پرماتم پرماتم آتم ساتھ کرے اِک دوُجے دے لوڑ دی، دوُجا سنگ نہ کوئے بنائیا۔ طاقت رہے نہ کِسے دے زور دی، بلہیِن دینے کرائیا۔ ویکھ کھیل کلجُگ انتم گھور دی، چاروں کُنٹ اندھیرا چھائیا۔ وڈیائی ودھی ٹھگ چور دی، ہرِجن بَیٹھے مُکھ چُھپائیا۔ جن بھگتاں آشا تیرے لوڑ دی، لوڑیندے سجّن لیَنا مِلائیا۔ جوتی جوت سروُپ ہرِ، آپ اپنی کِرپا کر، دُھر دا حُکم اِک منائیا۔ صدی چؤدھویں کہے سب دی بند کر دے بھیٹا، تُدھ بِن دوُجا نظر کوئے نہ آئیا۔ چؤراسی وِچوں مارے کوئی نہ کِسے دا بیٹا، منُش مانَو دینا سمجھائیا۔ آتم برہم کرا چیتا، چیتن سُرتی آپ جنائیا۔ نر نرائن تیرا ہووے ہیتا، سچ پریِتی وِچ سمائیا۔ جنم کرم دا پوُرا کر لیکھا، بھیوَ ابھید کُھلائیا۔ سچکھنڈ دوار وکھا اپنا دیسا، جِتھے نِرگُن نوُر جوت رُشنائیا۔ دُھر فرمان اگمّی دے سندیسہ، دُھر دا حُکم اِک جنائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، سچ دوارے وجدی رہے ودھائیا۔ صدی چؤدھویں کہے نہ کوئی کرے کِسے قتل، قتل گاہ نہ کوئے وکھائیا۔ مانَو ذاتی تکّے تیرا پتن، در دوارا ویکھ وکھائیا۔ تیرے مِلن دا سب نوُں ہووے یتن، یتھارتھ دینا دِرڑائیا۔ ہرِجن بھگت اُٹھاؤنے امولک رتن، ہیِرے گُرمُکھ نال مِلائیا۔ سچ دوارا وکھاؤنا وطن، درگاہ ساچی پڑدا لاہیِا۔ جِتھے گُر اوتار پَیغمبر وسن، نِرگُن نِرگُن وِچ سمائیا۔ سو کھیل کرنا پُرکھ سمرتھن، ہرِ کرتے تیری وڈ وڈیائیا۔ صدی چؤدھویں سب دی پَیج آئیوں رکھن، مِہربان مِہربان مِہربان مِہر نظر اُٹھائیا۔ لکھّ چؤراسی وِچوں ہرِجن آئیوں کڈھن، جوُنی جوُن نہ کوئے بھوائیا۔ سَتگُر دھار شبد آئیوں سدّن، سدّا دیویں تھاؤں تھائنیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در تیرے اِکو منگ منگائیا۔ صدی چؤدھویں کہے کیوں بھیٹا چڑھدا رہیا مَینسا، دیوی کلا دھار وڈیائیا۔ میرا دوُر کر دے سنسا، پڑدا دے چُکائیا۔ کیوں لیکھا بندا رہیا نال دَیتاں، بُدھی کوُڑ وِچ وڈیائیا۔ جوتی جوت سروُپ ہرِ، آپ اپنی کِرپا کر، سد اپنا بھیوَ کُھلائیا۔ صدی چؤدھویں کہے کیوں دُرگا منگدی رہی خوُن، اپنی خوشی بنائیا۔ کی گوبِند نے لِکھیا ایہدا مضموُن، وار چنڈی دئے گواہیِا۔ کی
حُکم تیرا قانوُں، سندیسہ دینا دِرڑائیا۔ کی جلوہ ہوئے جنوُن، ظاہر کریں رُشنائیا۔ کی بردا ہوئے ممنوُن، نِیوں نِیوں سیِس نِوائیا۔ جوتی جوت سروُپ ہرِ، آپ اپنی کِرپا کر، سد اپنا حُکم ورتائیا۔ صدی چؤدھویں، دیوی ماتا خوُن دی بنی رہی پیاسا، ماں کر کے سارے اُس نوُں گائیا۔ ایہو پربھ دا عجب تماشا، جُگ جُگ اپنا کھیل کھِلائیا۔ جگت دی ماں بچّیاں دے خوُن نال بھر کے اپنا کاسہ، سِنگھ سوار ہو کے اپنا بَل جنائیا۔ تُوں خوشیاں نال کر ہاسا، پربھ کلا کی ورتائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سد اپنا حُکم ورتائیا۔ صدی چؤدھویں، اوہ ماتا نہیں جو بچیاں خوُن پیاسی، بھیٹا لےَ کے خوشی بنائیا۔ ایہہ کھیل پُرکھ ابناشی، سَتجُگ وِچ کلجُگ کوُڑی کِریا دِتی سمجھائیا۔ تیرے وِچ ویکھ کِتنی ہوئی بدمعاشی، بدی گھر گھر ڈیرہ لائیا۔ چار کُنٹ اندھیری راتی، نِرگُن نوُر نہ کوئے رُشنائیا۔ پِتا پوُت بنے اِک دوُجے دے گھاتی، ماں بچّیاں نوُں چھڈ کے دوُجے گھر اُٹھ جائیا۔ کِسے دا کوئی نہیں سچّا ساتھی، ایہہ دُرگا رہی سمجھائیا۔ اِک کتھا کہانی اوس نے آکھی، اوم نمو آدیس گُروُ جی کا مروُ دیوا جِس دی سمجھے کوئے نہ باتی، باطن پڑدا نہ کوئے کُھلائیا۔ اسمال جوگی کی سورئی کتھا کہانی آکھی، بُھجاں اٹّھاں تائیں ہِلائیا۔ سَتجُگ تریتا دواپرکلجُگ انت تک شرع چُھری چلدی رہنی کاتی، قتل گاہ بنی رہے لوکائیا۔ جِس ویلے انت میرا آیا کملاپاتی، پت پرمیشور بےپرواہیِا۔ دیوا کہے اوہ دُھر دا بن جائے ساتھی، میرا سگلا سنگ وکھائیا۔ چار جُگ میری کواری دی بیِت جاوے حیاتی، انگیکار نہ کوئے کرائیا۔ میری مہما صِفت رہے کاغذاتی، پتّھراں وِچ وڈیائیا۔ انت درشن کراں پُرکھ ابناشی، جو پاربرہم دُھر دا ماہیِا۔ پھیر اگلی دسّاں ساکھی، سُخن سچ سُنائیا۔ صدی چؤدھویں ایہہ سب دا لہنا دینا پوُرا ہونا چھّبی پوہ دی راتی جِس ویلے جن بھگت بنے براتی، سوہنا سنگ نظری آئیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، سب دی پوُری کرے جُگ جُگ کیِتی آکھی، آخر اپنے نال مِلائیا۔
۱۴ پوہ شہنشاہی سمت ۴ اِندر رام دے گرِہ سیئی کلاں جموں
صدی چؤدھویں کہے پربھ تیرا راہ تکّن دیوَ دانوَ یکھ، پوَن ہوا دھیان لگائیا۔ وِرولیاں وِچ رہے نَٹھ، ولولیاں وِچ بھجّن چائیں چائنیا۔ اؤجھڑ راہ رہے ڈھٹّھ، اپنا آپ مِٹائیا۔ اِک دوُجے نوُں رہے دسّ، دوُر دُراڈے آپ جنائیا۔ ویکھو کھیل پُرکھ سمرتھ، ہرِ کرتا اپنی کھیل رچائیا۔ چھّبی پوہ کر اِکٹّھ، چار جُگ دا لیکھا ویکھ وکھائیا۔ کیوں سانوُں پِچھے رہیا چھڈ، شبدی آواز نہ کوئے لگائیا۔ اسیں رہنا نہیں اڈّ، اُچی کوُکو کرو حال دُہائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، ہرِ کرتا اپنی کھیل بنائیا۔ دیوت سُر دیوَ دَیت ساتھ رکھاؤ یکھ یکھنی، گوبِند نال وڈیائیا۔ کلا رہے کوئی نہ سکھّنی، حِصّہ سب دا ویکھ وکھائیا۔ ڈیرے چھڈو اپنے پتنیں، مندر دیؤ تجائیا۔ لالسا کرو نہ ہیِرے رتنی، مانک موتی نہ کوئے چتُرائیا۔ لالچ رہے نہ کوُڑے وطنی، گھر بار دینا تجائیا۔ ساچی دھار اِکو تکّنی، نِرگُن نوُر جوت رُشنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ہرِ داتا دَیا کمائیا۔ یکھ یکھنی دیوَ دانوَ سُر، سُرتی اندر لؤ انگڑائیا۔ مالک خالق پرِتپالک ویکھو دُھر، دھرنی دھرت دھوَل رہیا سُہائیا۔ جو آد جُگادی دو جہاناں گُر، سَتگُر سچّا صاحِب سُلطان وڈّی وڈیائیا۔ اپنی کرنی توں کدے جاوے نہ مُڑ، جُگ جُگ اپنا حُکم ورتائیا۔ لگّی پریِت نِبھائے توڑ، اَدھ وِچکار نہ کوئے اٹکائیا۔ چار جُگ دے وِچھڑے رہیا جوڑ، نِرگُن سرگُن میل مِلائیا۔ تُسیں وی سارے پاوو شور، اُچی کوُک کوُک سُنائیا۔ پربھوُ تیرے ہتّھ ساڈی ڈور، دوُجا رہن کوئے نہ پائیا۔ کر سہائتا کلجُگ اندھ گھور، گھوری ہو کے ویکھ وکھائیا۔ اسیں تیرے دوارے دے چور، چوری مکھّن کھا کے جھٹ لنگھائیا۔ بہُڑی انتم جاویں بہُڑ، نیتر نیَناں نیِر وہائیا۔ سانوُں پِچھے نہ جاویں چھوڑ، بندی چھوڑ تیری سرنائیا۔ صدی چؤدھویں پےَ گئی ساچی لوڑ، جوتی جوت سروُپ ہرِ، آپ اپنی کِرپا کر، ایکا دینا دُھر دا ور، سچ دوارا اِکو دینا سُہائیا۔ دیوت سُر دانوَ کہن یکھ یکھنی کریئے حق صلاح، متا اِکو اِک پکائیا۔ اپنی نِگاہ مارو وِچ گرِہ، اندر انتر پھول پُھلائیا۔ کی کردے رہے گُناہ، حُکم منّیا نہ دُھردرگاہیِا۔ جگت دیندے رہے پناہ، اپنا بَل وکھائیا۔ انتم مِٹن لگّا ناں، نِشانہ کوُڑا دئے گوائیا۔ بِن پُرکھ اکال سِر دیوے کوئی نہ ٹھنڈی چھاں، اگنی تت نہ کوئے بُجھائیا۔ صدی چؤدھویں کرے نہ کوئے نیاں، عدل اِنصاف نہ کوئے کمائیا۔ ساڈے سب دے ہُندیاں کِسے نے سوُر کھادھا کِسے نے کھادھی گاں، ثابت
نظر کوئے نہ آئیا۔ کی کرے بیچاری دھرتی ماں، جمّن والی رو رو مارے دھاہیِا۔ سانوُں ملِے کِتے نہ تھاں، گُر در مندر مسجد شِودوالے مٹھ پئی دُہائیا۔ کِس دوارے جا کے لئیے ناں، گنگا گوداوری جمنا سُرستی تیِرتھ تٹ کنارے نیتر نیَناں نیِر وہائیا۔ ساچا دِسے کوئی نہ راہ، دیِن مذہب گھر گھر کرن لڑائیا۔ گُر اوتار پکڑے کوئی نہ بانہہ، سارے پلّوُ گئے چُھڈائیا۔ نِتھاویاں دیوے نہ کوئی تھاں، سِر ہتّھ نہ کوئے ٹِکائیا۔ صدی چؤدھویں کہے اِک منّو میری رضا، رمز نال سمجھائیا۔ پُرکھ ابناشی مِلو آ، صاحِب سوامی دَیا کمائیا۔ جِس نے دو جہاناں ساہ لیا سُدھا، تِھت وار ونڈ ونڈائیا۔ چھّبی پوہ نوُں سب دے بخش دیوے گُناہ، پوُرب لیکھا دئے مُکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، ایتھے اوتھے دو جہاناں کرن آیا حق نیاں، نیانکار اِکو اِک اکھوائیا۔
۱۴ پوہ شہنشاہی سمت ۴ بیلا سِنگھ دے گرِہ سیئی کلاں جموں
صدی چؤدھویں کہے میرے رام کیہڑا تیرا عِلم، دُھر عالم دینا سمجھائیا۔ جِس وِچ تُوں لیکھ لِکھیا ہووے پیِنا چِلم، دُرگندھ تمباکوُ والی بھرائیا۔ جِس رسنا نال تیرا کرنا ہووے سِمرن، تیری مہما گائیا۔ اوہ کیوں نہ آوے تَینوُں مِلن، جِس دے انتر تیرا نوُر جوت رُشنائیا۔ کیوں جگت کوُڑی کِریا پھسایا وِچ جِلھن، باہر سکیا نہ کوئے کڈھائیا۔ دیِناں مذہباں وِچوں سکے نہ کوئے ہِلن، گُر اوتار پَیغمبر بندھن نہ کوئے تُڑائیا۔ چؤراسی والا دُکھڑا جھلن، مر جمّن جمّن تے مر جائیا۔ تیرے بھےَ وِچ موُل نہ کمبن، ڈر سِر نہ کوئے رکھائیا۔ کوُڑی کِریا چاڑھیا عمل، سَت سروُر نہ کوئے وکھائیا۔ ایسے کارن دُنیا خالی ہوئی وانگ سِنمل، پھل پُھل نہ کوئے وڈیائیا۔ تیرا روُپ دِسے کِسے نہ بِمل، ظہوُر وِچ نہ کوئے سمائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، کی اپنا رنگ رنگائیا۔ صدی چؤدھویں کہے کیوں رسنا جِہوا جگت لگایا تمباکوُ، پربھوُ کی تیری وڈیائیا۔ کی ایہہ کیہڑی اُتم سریشٹ تیری دھاتُو، جیہڑی دھرنی وِچوں پرگٹائیا۔ تُوں آد جُگاد دُھر دا سب دا باپوُ، پِتا پُرکھ اکال اکھوائیا۔ لکھ چؤراسی انتم دِسے ناسوُ، تِھر رہن کوئے نہ پائیا۔ گُر اوتار پَیغمبراں دے پُنجھا کے آنسوُ، تھوڑا تھوڑا اِشارہ دِتا کرائیا۔ بنا کے سیوک دُھر دے داَسوُ، داستان دِتی سمجھائیا۔ کلجُگ انتم
بانہہ کڈھکے کوئے نہ آکھوُ، میَں دیِن دُنی نوُں اِکو راہ دِتا وکھائیا۔ مذہباں دے نِکے نِکے ٹاپوُ، نام اکھّر ٹپّیاں وِچ بدلائیا۔ وکھرے وکھرے بنا کے پاٹھوُ، جگت ریِتی وِچ دُہائیا۔ پانی دے سُہا کے اٹھساٹھوُ، اٹّھاں تتاں دِتا نُہائیا۔ سچ دسّ تُدھ بِن دُرمت مَیل کوَن کاٹوُ، پاپاں کرے صفائیا۔ لکھ چؤراسی گھُنمدی وانگ لاٹوُ، گردش وِچ دِسے لوکائیا۔ کِسے دا پوُرا حق نہ بنیا اُتے چاچوُ، بِنا پِتا توں پوُت دی جھولی نہ کوئے بھرائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، میرے صاحِب تیری وڈیائیا۔ صدی چؤدھویں کہے کیوں رسنا لایا کوُڑ، کوُڑ کُٹمب بنائیا۔ چتُر سُگھڑ بنا کے موُڑھ، موُرکھاں نال وڈیائیا۔ اپنا چُھپا کے نوُر، اندھیرے وِچ بھوائیا۔ من منسا دے بنا مزدوُر، ساچی سیو نہ کوئے سمجھائیا۔ جگت خُماری دے سروُر، سُرتی دِتی بدلائیا۔ آپ چُھپ کے حاضر حضوُر، کیوں پردہ رہیا پائیا۔ میری بیننتی کر منظور، صدی چؤدھویں سیِس نِوائیا۔ جِس فقیِری نوُں کہندے اُچی نالوں کھجوُر، اوہ گُرمُکھاں دے چرناں ہیٹھاں دے دبائیا۔ تُوں سرب کلا بھرپوُر، بےانت تیری وڈیائیا۔ جگت ناتا توڑ دے غروُر، ہؤمے گڑھ رہن نہ پائیا۔ ساچے نام دی بخش تُور، گھر گھر تیرا راگ کرے شنوائیا۔ جوتی جوت سروُپ ہرِ، آپ اپنی کِرپا کر، نِہکلنک نرائن نر، مہاراج شیرسِنگھ وِشنوُں بھگوان، صدی چؤدھویں کہے میَں انت ہوئی مجبوُر، مجبوُری وِچ حالت سب دی رہی سمجھائیا۔
۱۴ پوہ شہنشاہی سمت ۴ سوبھا سِنگھ دے گرِہ سیئی کلاں جموں
صدی چؤدھویں کہے میَں تکّیا پُرکھ اکال اگمّ سوامی، سمیں دا مالک اِک اکھوائیا۔ جو آد جُگاد جُگ چؤکڑی لکھّ چؤراسی انتریامی، گھٹ گھٹ انتر ویکھے چائیں چائنیا۔ اوتار پَیغمبراں گُروُآں بندا بانی، لوک مات تن وجوُد دئے وڈیائیا۔ سَت دھرم دی دات بخشے نِشانی، وست امولک آپ ورتائیا۔ نام سندیسہ دیوے کلامی، کائنات کرے پڑھائیا۔ کھیلے کھیل دو جہانی، برہمنڈ کھنڈ اپنا حُکم ورتائیا۔ اکھّراں والی سُنا کے بانی، بان انیالا تیِر چلائیا۔ نِجھر امرت دسّ کے دُھر دا پانی، رس اِکو اِک وکھائیا۔ کھیل کھِلاوے چارے کھانی، انڈج جیرج اُتبُھج سیتج ونڈ ونڈائیا۔ آتم پرماتم پرماتم آتم ساچا میلا دسےّ ہانی، دوُجا سنگ نہ کوئے نِبھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ہرِ داتا اِک اکھوائیا۔ صدی چؤدھویں کہے میَں تکّی جوت اکالن، اکل کلا
اکھوائیا۔ سندیسہ دیوے تُوں بھگتاں دی بن مالن، پُھل سُگندھی نال لیائیا۔ محمد دی رہیں نہ اَگے دلالن، وِچولن نظر کوئے نہ آئیا۔ پربھ بھگتاں لگّا سنبھالن، نِرگُن اپنی گود اُٹھائیا۔ کلجُگ بدلن والا چالن، سَتجُگ ساچا راہ پرگٹائیا۔ گُر اوتاراں پوُرا کرے سوالن، بھوِکھتاں ویکھ وکھائیا۔ لکھّ چؤراسی بن کے جانی جانن، چارے کوُٹاں کھوج کھوجائیا۔ کوُڑی کِریا میٹے کامن، مایا ممتا موہ گوائیا۔ نِرگُن نوُر بخشے چانن، جوتی جوت کرے رُشنائیا۔ ساچے بھگتاں پھڑ کے دامن، پلّوُ دُھر دا گنڈھ پوائیا۔ پندھ مُکا زِمیں اسمانن، درگاہ ساچی اِک وکھائیا۔ جِتھے نِرگُن جوت جگے بھگوانن، تن وجوُد نہ کوئے وڈیائیا۔ بِن چھپّر چھنّ سوہے مکانن، سوُریہ چند نہ کوئے رُشنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا مالک اِک ہو آئیا۔ صدی چؤدھویں کہے میَں تکّیا شاہو بھوُپ، ہرِ کرتا دُھردرگاہیِا۔ جو وسے چارے کوُٹ، دہ دِشا رہیا سمائیا۔ کلجُگ میٹے جوُٹھ جھوُٹھ، کوُڑی کِریا ڈیرہ ڈھاہیِا۔ بھاگ لگائے کایا ماٹی پنج بھوُت، تتو تت کرے رُشنائیا۔ آسا ترِسنا کرائے کوُچ، من کا منکا دئے بھوائیا۔ ہِردے اندر بخشے سوُچ، سنجم اِکو اِک درسائیا۔ سب دی بدل دیوے بوُجھ، بُدھ بِبیک لئے بنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ہرِ اپنا رنگ وکھائیا۔ صدی چؤدھویں کہے میَں تکّیا نوُر نوُرانہ، پروردِگار نوُر الاہیِا۔ جِس دا اوتار پَیغمبر گُر غُلاما، جگت سیوا مات کمائیا۔ جِس دا شبد نام دمامہ، دو جہاناں کرے رُشنائیا۔ جِس دی اگمّی ناد دُھن کلاما، اکھّراں نال صِفت صالاحیِا۔ سو پہر اپنا بانا، نِرگُن نوُر ڈگمگائیا۔ جِس نے بدل دینا زمانہ، زِمیں اسماناں حُکم ورتائیا۔ جو سب دا بنے کاہنا، لکھّ چؤراسی گوپی ویکھ وکھائیا۔ جو آد انت دا راما، سیِتا سُرتی سرب پرنائیا۔ جو نوُری جوت اِماما، درگاہ ساچی ڈیرہ لائیا۔ جو سَت سروُپ نؤجوانا، جنم مرن وِچ کدے نہ آئیا۔ سو کھیلے کھیل وِچ جہانا، جہالت ویکھے کوُڑ لوکائیا۔ دیِن دُنی ہوئی بے اِیمانا، سَت دھرم نہ کوئے رکھائیا۔ جگت شرع چُھری ہوئی کِرپانا، دھرم دی دھار نہ کوئے بندھائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، ہرِ کرتا اپنی کل ورتائیا۔ صدی چؤدھویں کہے میَں ویکھیا شہنشاہ دُھر دا مالک، نہ معلوُم دَیا کمائیا۔ جِس نوُں کہندے سارے خالق، جلوہ گر نوُر الاہیِا۔ اوہ بنن لگّا انتم ثالث، نوَ نؤ چار ڈیرہ ڈھاہیِا۔ کلجُگ کوُڑی نِندرا میٹے آلس، سوادھان کرے لوکائیا۔ ہرِجن بھگت اُپجائے خالص، چار ورناں ایکا رنگ رنگائیا۔ من کلپنا میٹے نالِش، کوُڑی کِریا کرے صفائیا۔
ترےَگُن مایا نہ لائے آتش، اگنی اگّ دئے بُجھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، جو آد جُگادی صحیح سلامت، دُکھ روگ نظر کوئے نہ آئیا۔ صدی چؤدھویں کہے میَنوُں پُرکھ اکالا گیا مِل، پروردِگار دِتی وڈیائیا۔ میرے دھیِرج دِتی دِل، حوصلہ دِتا ودھائیا۔ جِس بستر پہنے نیِل، نیِلی دھاروں پرے کرے رُشنائیا۔ اوہ گُر اوتار پَیغمبراں سُن اپیِل، مات لوک اپنا پھیرا پائیا۔ دیِن دُنی دی بدل دیوے دلیِل، دِلبر ہو کے دَیا کمائیا۔ جودھا بن کے سوُربیِر چھبیِل، چَھیل اپنا ناؤں کرائیا۔ جوتی جوت سروُپ ہرِ، آپ اپنی کِرپا کر، دُھر سندیسہ رہیا سُنائیا۔ صدی چؤدھویں کہے میَنوُں سندیسہ دِتا اِک، سہج نال سُنائیا۔ جا کے ویکھ بھگت بھگوان دے سِکھ، جو اِکو اوٹ تکائیا۔ جِنہاں انتر پربھوُ مِلن دی سِک، دُھر پریِتم راہ تکائیا۔ اوہ تَینوُں آون دِس، دہ دِشا وِچوں کرن رُشنائیا۔ جِنہاں دے سوامی وسیا وِچ، ہرِ کرتا انتر آتم ڈیرہ لائیا۔ اوہ مانَس جنم رہے جِت، چؤراسی پھاسی گلوں تُڑائیا۔ امرت نام دُھر دا رس لیَن مِٹھ، کلجُگ کوُڑی کِریا باہر کڈھائیا۔ دھام تکّ صاحِب انڈِٹھ، گرِہ مندر ویکھن چائیں چائنیا۔ ابناشی کرتا وسیا چِت، من چِت ٹھگؤری رہے نہ رائیا۔ پُرکھ اکالا بنے مِت، پت پرمیشور دُھردرگاہیِا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، دُھر فرمانا اِک سُنائیا۔ صدی چؤدھویں کہے میَنوُں آکھیا شبد سندیسے دھار، رسنا نہ کوئے ہِلائیا۔ اُٹھ ویکھ گُر اوتار پَیغمبراں دا سنسار، سنساری بھنڈاری سنگھاری بَیٹھے سیِس نِوائیا۔ کِسے دا رہیا نہ کوئے اِختیار، جگت مان نہ کوئے چتُرائیا۔ ویہویں چؤدھویں صدی دے سارے مختیار، مختیارنامے سب دے پوُر کرائیا۔ اَگے حُکم چلے سچّی سرکار، ہرِ کرتا آپ جنائیا۔ دیِن مذہب دا جھگڑا میٹے وِچ سنسار، کھتری براہمن شوُدر وَیش ونڈ نہ کوئے ونڈائیا۔ اِکو رسنا جِہوا بولے نام جَیکار، اِکو اِشٹ دیوَ سرِشٹ منائیا۔ اِکو مندر مسجد شِودوالا مٹھ ہووے گُردوار، اِکو گرِہ پُرکھ اکالا نظری آئیا۔ اِکو نام نِدھانا جیو جہانا دسےّ آپ کرتار، آتم پرماتم پرماتم آتم راگ الائیا۔ صدی چؤدھویں کلجُگ انتم میٹے دھوُاں دھار، رَین اندھیری رہن نہ پائیا۔ سَتجُگ ساچا سَت کرے اُجیار، اُجالا اپنا نوُر دئے چمکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، آد جُگاد جُگ چؤکڑی نِت نوِت ایتھے اوتھے دو جہان پاوے سار، مہاسارتھی اپنی کل ورتائیا۔
۱۴ پوہ شہنشاہی سمت ۴ تھوڑوُ رام دے گرِہ سیئی جموں
صدی چؤدھویں کہے پُرکھ اکال ایکا بن جا اِشٹی، اِشٹ آتم پرماتم دے سمجھائیا۔ دیِن دُنی دی بدل دے درِشٹی، نِرگُن دھار اپنا رنگ رنگائیا۔ جگت کلپنا وِچوں کڈھ سرِشٹی، سریشٹ اپنا راہ سمجھائیا۔ جھگڑا مُکا دے دوزخ بہِشتی، سوَرگ سار کِسے نہ آئیا۔ چار جُگ دے ویکھے گرِہستی، گُر اوتار پَیغمبر پھیریاں گئے پائیا۔ اوہناں تیرا نام صالاحیا لِکھتی، اکھّراں جوڑ جُڑائیا۔ بھیوَ پایا نہ ٹانک جِستی، اِک دو ونڈ ونڈائیا۔ انت اَخیِر دُنیا فانی دِسدی، چاروں کُنٹ اندھیرا چھائیا۔ حقیِقی منزل لبھے کِسے نہ اِک دی، جو ایکنکار تیری جوت وِچ سمائیا۔ دیِن دُنی دی آشا پِھرے پِٹدی، خواہش رو رو دئے دُہائیا۔ میرے صاحِب سُلطان کلیش میٹ دے نِت دی، نر نرائن اپنا پڑدا لاہیِا۔ تیری دُنیا سِکھیا لےَ لئے ساچے سِکھ دی، ہِندوُ مُسلم سِکھ عیِسائی نظر کوئے نہ آئیا۔ چرن دھوُڑی منگن اِکو پِت دی، پت پرمیشور تیری اوٹ تکائیا۔ میَں آسا کردی کِت دی، جُگ چؤکڑی گئے وِہائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در تیرے منگ منگائیا۔ صدی چؤدھویں کہے سب دا اِکو بن دُھر دا ساک، ہرِ سَتگُر نظری آئیا۔ گُر اوتار پَیغمبراں پوُرا کر بھوِکھت واک، پیشیِن گوئیاں اپنے نال مِلائیا۔ جھگڑا میٹ دیِن دُنی ذات پات، مذہب قؤم نہ کوئے لڑائیا۔ آتم پرماتم پرماتم آتم دے دُھر دا ساتھ، سگلا سنگ آپ ہو جائیا۔ تُوں میرا میَں تیرا پاربرہم برہم ہووے تیری گاتھ، نام سندیسہ دینا سُنائیا۔ شبد سوامی انترجامی سچ چڑھاؤنا اپنے راتھ، دو جہاناں پار کرائیا۔ کلجُگ کوُڑ کلپنا سرِشٹی دی درِشٹی وِچوں کر ناس، ناستک رہن کوئے نہ پائیا۔ تیرا ناؤں اُپجے ہر گھٹ انتر سواس سواس، ساہ ساہ تیرا نام دِھیائیا۔ تیرا نوُر چار ورن ہووے پرکاش، کھتری براہمن شوُدر وَیش اِکو گھر درسائیا۔ روُح بُت ابناشی اچُت پاربرہم کر پوِت پاک، دُرمت مَیل رہے نہ رائیا۔ تُوں سدا سدا سد آد جُگاد، جُگ چؤکڑی تیرا کھیل نظری آئیا۔ گُر اوتار پَیغمبر تیرا لیکھا لِکھ کے گئے نال قلم دوات، کاغذ شاہی ونڈ ونڈائیا۔ پاربرہم پت پرمیشور کلجُگ انت سِری بھگوَنت دیِن دُنی دا بدل دیوے سماج، چار ورن اٹھاراں برن اِکو گھر وسائیا۔ سو کِرپا کر دو جہاناں مالک آپ، اپنا پڑدا دے چُکائیا۔ جوتی جوت سروُپ ہرِ، آپ اپنی کِرپا کر، ایکا دے دُھر دا ور، در تیرے دُھر دی آس رکھائیا۔ صدی چؤدھویں کہے کوُڑی کِریا میٹ کلیش، کرم کانڈ دا ڈیرہ ڈھاہیِا۔ تُوں مالک اِک نریش، نر نرائن تیری سرنائیا۔ فرمانا
دے کے گیا دس دسمیش، دہ دِشا کر پڑھائیا۔ انت کنت بھگوَنت پربھ داتا آوے ایک، ایکنکار اپنی کل دھرائیا۔ سرِشٹ سبائی بخشے ٹیک، مستک دھوُڑی خاک رمائیا۔ جن بھگتاں کرے بُدھ بِبیک، دُرمت مَیل رہے نہ رائیا۔ ترےَگُن مایا نہ لائے سیک، اگنی تت دئے بُجھائیا۔ آتم پرماتم کرے ہیت، نِج نیتر نیَن کر رُشنائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، نِہکلنک نرائن نر، مہاراج شیرسِنگھ وِشنوُں بھگوان، تیرا آد جُگادی سچکھنڈ سچ دوارا دُھر دا دیس، جِتھے پردیسی نظر کوئے نہ آئیا۔