۱۷ پوہ شہنشاہ سمت ۴ پیارے لال دے گرِہ کلوئے جموں
صدی چؤدھویں کہے گوبِند ویکھیا اوہ نُقطہ، جِس دا نِشان نہ کوئے جنائیا۔ جِتھے جُگ جُگ پَینڈا مُکدا، اَگے پندھ نہ کوئے سمجھائیا۔ چار جُگ دا تیئی اوتار حضرت عیسیٰ موُسیٰ محمد دس گُروُ پُجدا، چھتّی جُگ دا گیڑ چُکائیا۔ اَگے پھیر کُچھ نہیں سُجھدا، نوُر نوُر وِچ سمائیا۔ پُرکھ اکال آ کے پُچھدا، گُر اوتار پَیغمبراں آپ اُٹھائیا۔ ناتا ویکھو اگمّا پِتا پُت دا، جنن والی دِسے کوئے نہ مائیا۔ کی کھیل تُہاڈی رُت دا، مؤسم میَنوُں دیؤ سمجھائیا۔ کِس بِدھ جیو جہان ڈنڈاوت بندنا سجدیاں وِچ میَنوُں جھُکدا، نام کلاماں وِچ ڈھولے رہیا گائیا۔ کی حال وِچھوڑے والے دُکھ دا، بھیوَ ابھیدا دیؤ کُھلائیا۔ کِس بِدھ جاپ ہُندا میری آتم پرماتم تُک دا، سوہنگ سَت پڑھائیا۔ کِس بِدھ مان ہُندا مانَس مانُکھ دا، لکھّ چؤراسی وِچوں سوبھا پائیا۔ کِس بِدھ شبد اگمّا اندروں اُٹھدا، ناد انادی دُھن سُنائیا۔ کِس بِدھ پُرکھ اکال ہر گھٹ اندر لُکدا ، نِرگُن ہو کے ڈیرہ لائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ہرِ کرتا نوُر الاہیِا۔ صدی چؤدھویں کہے گوبِند ویکھیا اوہ کنّا، جِس دا اَگا پِچھا نظر کِسے نہ آئیا۔ اُس توں اَگے جان توں گُر اوتار پَیغمبر کیتے منع، منزل اَگے نہ کوئے سمجھائیا۔ جِتھے بہہ کے پُرکھ اکال جوت شبدی دھار دیندا وِچ تناں، لوک مات وجوُد
دئے وڈیائیا۔ راگ سُناوے اپنا بِنا کنّاں، دُھر دی دھار آپ پرگٹائیا۔ کرے پرکاش نِرگُن جوت چنّا، چند چاندنی ڈگمگائیا۔ لیکھ مُکاوے ہرکھ سوگ غما، چِنتا چِکھا نہ کوئے جلائیا۔ مایا ممتا میٹ کے طمع، ترِسنا کوُڑی دئے بُجھائیا۔ جد دیوے تد اپنا نام نَواں، جُگ جُگ اپنا کھیل وکھائیا۔ جد بدلے دیِن دُنی دا سماں، سہج سُکھدھاری اپنی کل ورتائیا۔ جاں بنائے دیِن دُنی دا بنّا، دیِناں مذہباں ونڈ ونڈائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ہرِ کرتا ہرِجن میل مِلائیا۔ صدی چؤدھویں کہے گوبِند اوہ تکّیا مکُتا، جِتھے مُکمل نوُر الاہیِا۔ کھیل اگمّی دھار سُچ دا، سنجم نظر کوئے نہ آئیا۔ گھرانہ سوہے سدا چُپ دا، شورو غُل نہ کوئے مچائیا۔ بھاوَ دِسے نہ کِسے منُکھ دا، تت وجوُد نہ کوئے وڈیائیا۔ شبد سُنو تے اِکو تُک دا، تُوں میرا میَں تیرا ڈھولا الاہیِا۔ گُر اوتار پَیغمبر جوتی دھار ویکھو جھُکدا، بِن سیِس سیِس نِوائیا۔ اوتھے جھگڑا نہیں کِسے دُکھ دا، چِنتا روگ نہ کوئے ستائیا۔ جد ویکھو ناتا جوتی شبدی دھار اگمّے سُت دا، اپرادھی نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، ساچی دھاروں آپے اُٹھدا، جن بھگتاں اُپر تُٹھدا، مِہربان مِہربان مِہربان مِہر نظر اپنی اِک اُٹھائیا۔
۱۷ پوہ شہنشاہی سمت ۴ سیوا رام دے گرِہ کلوئے جموں
صدی چؤدھویں کہے پربھ دی کرو پہچان، جو بے پہچان روُپ وٹائیا۔ شبد سندیسہ سُنو نال کان، دُھر دا حُکم اِک جنائیا۔ نیتر کھول کرو دھیان، انڈِٹھڑی کھیل وکھائیا۔ نِرگُن جوت سِری بھگوان، اپنی کل ورتائیا۔ گُر اوتار پَیغمبراں بول ویکھ زبان، اکھّر اکھّر کھوج کھوجائیا۔ سچ دوارے کر پروان، پروانگی وِچ اپنا حُکم ورتائیا۔ دیِن دُنی دا بدل دیوے وِدھان، واحد اپنا حُکم چلائیا۔ پُرکھ اکالا کدے نہ ہووے بے زبان، زبانی کلامی کار نہ کوئے بُھگتائیا۔ دُھر سندیسہ دیوے بن کے حُکمران، جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دوارا اِک وکھائیا۔ صدی چؤدھویں کہے جن بھگتو ہتّھ مارو اُتے چھاتی، بَل اپنے انتر پرگٹائیا۔ پربھ مِلنا کملاپاتی، پت پرمیشور دُھردرگاہیِا۔ سنت سُہیلے مِلنے ساتھی، گُرمُکھ گُر گُر جوڑ جُڑائیا۔ کتھا کہانی سُننی
ساچی، سچ مارگ لیَنا اپنائیا۔ لیکھے لاؤنی زِندگی والی راتی، جیِون جیِون وِچوں پرگٹائیا۔ کھیل ویکھنا آد انت دا آدی، کی اپنی کار کمائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دوارے دئے وڈیائیا۔ صدی چؤدھویں کہے جن بھگتو کی میرا منّوگے آکھا، اکھّراں وِچ دیاں سُنائیا۔ کی نِرنتر تُہاڈے بھاکھا، بھاکھیا دیؤ سمجھائیا۔ جن بھگت کہن سانوُں پربھوُ تے بھرواسا، دوُجا بھرم نہ کوئے بُھلائیا۔ اوہ مالک دُھر دا ساچا، صاحِب سُلطان اکھوائیا۔ اسیں اوس دے داسی داسا، سیوک ہو کے سیو کمائیا۔ صدی چؤدھویں آپے دے تھاں کر لےَ ساڈا ساتھا، مِل کے چلیئے چائیں چائنیا۔ اَگے تیرا سی محمد نال ناتا، چار یاری ویکھ وکھائیا۔ ہُن وکھائیے تَینوُں اوہ پُرکھ اکال بِدھاتا، جو پاربرہم اکھوائیا۔ اسیں سارے اوسے دیِاں شاخاں، تُوں وی اوسے دا نوُر نظری آئیا۔ اوس پربھوُ دا کھول کے دسّ خلاصہ، پردہ پردیاں وِچوں چُکائیا۔ صدی چؤدھویں کہے جن بھگتو اوہ دُھر دا اِکو داتا، دیونہار گوسائنیا۔ جُگ چؤکڑی سب دا راکھا، رچّھیا کرے تھاؤں تھائنیا۔ جو اوس دی چرن دھوُڑی سچ سروور نہاتا، دُرمت مَیل رہے نہ رائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دوارے سوبھا پائیا۔ صدی چؤدھویں کہے جن بھگتو میَنوُں دیؤ چُھٹی، خوشیاں نال وِدا کرائیا۔ میَں مستی وِچ قدم جاواں پُٹی، چلاں چائیں چائنیا۔ تُسیں ہتّھ مِلاؤنے اپنے گُٹیں، زور نال دبائیا۔ مُکھوں کہنا جگت نالوں تُٹی، ناتا پربھ دے نال جُڑائیا۔ تُہاڈی دھار کدے نہ جاوے لُٹی، لُٹیرے اندروں دینے کڈھائیا۔ تُہاڈے نال دس دِن بڑی سوہنی سُہائی رُتی، دسم دواری دا درشن دیاں کرائیا۔ تُساں چل چل گھسائی جُتی، رَوداس چمارے توں گنڈھ دیاں پوائیا۔ جیہڑا بستراں دا بھار کندھیاں اُتے پِھرے چُکی، اوس بدلے تُہانوُں چُک کے سچکھنڈ پُچائیا۔ انت سمیں کِسے نوُں ہون نہ دیواں دُکھی، پرگٹ ہو کے اپنا درس کرائیا۔ اُجل کر کے مات کُکھی، لیکھے لاواں جمّن والی مائیا۔ صدی چؤدھویں کہے میَں تُہاڈے پیار دی بُھکھی، تُساں بُھکھ ترِسنا دِتی گوائیا۔ جِس ویلے تُساں گُندی میری گُتی، مینڈھی مینڈھی نال جُڑائیا۔ پِھر بھاگ لگاواں سب دے کایا بُتیں، رنڈیپا دو جہان دیاں کٹائیا۔ ایہہ کھیل رہنی نہیں چُھپی، چھپّر چھنّاں توں باہر کراں رُشنائیا۔ سب دے بھاگ لگاواں پُتیں، اؤنترا رہن کوئے نہ پائیا۔ تُساں میرے نال کٹی بُتی، بھجےّ چائیں چائنیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سد ساچی کار کمائیا۔ صدی چؤدھویں کہے جن بھگتو بے شک تُسیں گئے تھک، تُہاڈی تھکاوٹ ویکھ وکھائیا۔
ضرور اِس محنت دا دیواں حق، سب دی جھولی پائیا۔ سچ دوارے لَواں رکھ، رکھیا کراں تھاؤں تھائنیا۔ مارگ دُھر دا دسّ، دہ دِشا توں پلّوُ دیاں چُھڈائیا۔ انیالا تیِر ماراں کس، تِکھی مُکھی دھار بنائیا۔ تُہاڈا لہنا ہتّھ پُرکھ سمرتھ، دوُجا اوَر نہ کوئے سہائیا۔ اِک وار ایکنکار چرنی جاؤ ڈھٹّھ، نِیوں نِیوں سیِس جھُکائیا۔ سدا تُہاڈا سانجھا بنیا رہے اِکٹّھ، بھگتاں نہ ہوئے جُدائیا۔ نام بھگتی دا کُھلا رہے ہٹّ، بھنڈارا دیوے دُھردرگاہیِا۔ امرت دھار بخش کے رس، اگنی تت دئے بُجھائیا۔ تُساں گھر جانا ہسّ ہسّ، خوشیاں وِچ ودھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، سدا تُہاڈا راہ رہیا تک، رستے رستے دُھر دا پندھ مُکائیا۔
۱۷ پوہ شہنشاہی سمت ۴ وکیِل سِنگھ دے گرِہ پِنڈ ہنسا جموں
صدی چؤدھویں کہے تُہاڈے صاف دِسن ہِردے، ہِردے ہرِ وڈیائیا۔ جیہڑے اِک سرنائی گِردے، گرِہ ونڈ نہ کوئے ونڈائیا۔ پیارے اِک پِر دے، پریِتم اِک منائیا۔ وِچھڑے جُگاں چِر دے، سہجے لیا جُڑائیا۔ اَگے کھیل ویکھنے نِروَیر نِر دے، نِرنکار دئے جنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سد اپنے گھر وسائیا۔ صدی چؤدھویں کہے جن بھگتو تُہاڈے انتر ویکھیا نوُر نوُرانہ، جلوہ اِک الاہیِا۔ سُنیا اگمّ ترانہ، تُونہی تُونہی آواز سُنائیا۔ تکّیا سچ یارانہ، یاری پربھ دے نال لگائیا۔ چھڈیا کوُڑ جہانا، ناتا لیا تُڑائیا۔ گُرمُکھ دِسے نہ کوئے بیگانہ، ہرِجن میلا سہج سُبھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، بھاگ حِصّہ سب دی جھولی پائیا۔
۱۸ پوہ شہنشاہی سمت ۴ ہرِ بھگت دوار چؤتھی منزل جیٹھوُوال
صدی چؤدھویں کہے میَں چھڈے مینارے مندر، حُجرے دِتے تجائیا۔ چڑھ کے پربھوُ دے اُپر اَمبر، امن ویکھیا چائیں چائنیا۔ میرا چؤتھی منزل توں اُتے ہون لگّا سویمبر، میل مِلنا دُھردرگاہیِا۔ جن بھگتاں گُلشن کھِڑن لگّا چمن، بغیچہ لوک مات وڈیائیا۔ لہنا مُکن لگّا دُشٹ دمن، جو جلدھارا منگ منگائیا۔ دو جہان لگّا کمبن، عرش فرش دئے دُہائیا۔ پُرکھ اکالا ساچا مارگ لگّا بنھن، ہرِ کرتا دُھردرگاہیِا۔ جوتی جوت سروُپ ہرِ، آپ اپنی کِرپا کر، ساچی کرنی کار کمائیا۔ صدی چؤدھویں کہے دُشٹ دمن دا مضموُن، ہیمکُنٹ لِکھن کوئے نہ پائیا۔ گوبِند شبدی دھار دسّ کے گیا قانوُن، قاعدہ باقاعدہ اِک دِرڑائیا۔ میرا لیکھے لگّے انتم خوُن، پُرکھ اکال رنگ رنگائیا۔ جِتھے بچّے دبےّ بال معصوُم، نیِہاں ہیٹھ سُہائیا۔ اوتھے بنھنا سچ اصوُل، چار جُگ دی ونڈ ونڈائیا۔ دُھر فرمانا مِلنا معقوُل، نہ کوئی میٹے میٹ مِٹائیا۔ سچ دھرم دا دسّنا روُل، کرے کھیل نوُر الاہیِا۔ گُر اوتار پَیغمبراں مکُے محصوُل، چُنگی خانہ دیِن مذہب رہن کوئے نہ پائیا۔ جوتی جوت سروُپ ہرِ، آپ اپنی کِرپا کر، سد اپنا کھیل وکھائیا۔ صدی چؤدھویں کہے دُشٹ دمن نے ویکھی دھارا، دھرنی توں اُپر نظری آئیا۔ جِتھے پُجے نہ کوئے گُر اوتارا، پَیغمبر نظر کوئے نہ آئیا۔ شبد نام نہ کوئے جَیکارا، کلمہ نبی نہ کوئے سُنائیا۔ اِکو پُرکھ اکال ایکنکارا، اِک اِکلّا سوبھا پائیا۔ نوَ نؤ چار دا لاہے اُدھارا، جُگ چؤکڑی پھول پُھلائیا۔ میلا میل کے گوبِند سُت دُلارا، نِرگُن نوُر کرے رُشنائیا۔ کل کلکی لےَ اوتارا، سچ دوارا اِک وکھائیا۔ جِتھے جھُکن گُروُ اوتارا، پیِر پَیغمبر سیِس نِوائیا۔ صدی چؤدھویں کہے میَں تکّیا اوہ مینارا، جِس دی منزل نظر کِسے نہ آئیا۔ بھگتاں نال ہویا وِوہارا، درگاہ ساچی وجّی ودھائیا۔ جوتی جوت سروُپ ہرِ، آپ اپنی کِرپا کر، دُھر دا لیکھا دئے وکھائیا۔ صدی چؤدھویں کہے دُشٹ دمن کر کے گیا آس، آسا اِک ودھائیا۔ گوبِند منگدا گیا ساتھ، انت اَخیِر دھیان لگائیا۔ کرے کھیل پُرکھ ابناش، ہرِ کرتا دُھردرگاہیِا۔ جِس کلجُگ انتم کرنا ناس، سَتجُگ ساچا رنگ رنگائیا۔ بھگت سُہیلے رکھنے پاس، پاسا دیِن دُنی اُلٹائیا۔ گُر اوتار پَیغمبراں پوُری کرنی خواہش، ترِسنا میٹے تھاؤں تھائنیا۔ صدی چؤدھویں کہے میرا کارج ہونا راس، رستہ دیوے نوُر الاہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ہرِ ساجن بےپرواہیِا۔ صدی چؤدھویں کہے کیوں دساں اُنگلیاں لایا نِشان، کی کھیل بےپرواہیِا۔ ایہہ آسا رکھ کے گیا رام،
کرِشن بھگوان، تریتا دواپرجگت وڈیائیا۔ موُسیٰ کوُک سُنائے پَیغام، دُھر دی دھار جنائیا۔ عیسیٰ جِس ویلے تختے چڑھیا پڑھی اگمّی کلام، نغمہ انتر انتر گائیا۔ محمد کِہا میرا اِمام، آوے بےپرواہیِا۔ جِس دی جگت مناریاں توں باہر شان، مندر مسجد شِودوالے مٹھ گُروُدوارے بند نہ کوئے کرائیا۔ دُھر دا سانجھا دیوے فرمان، فُرنے پِچھلے ویکھ وکھائیا۔ اِکو مندر حق دسےّ مقام، مقامے حق دئے جنائیا۔ جِتھے جِسم اِسم ونڈ ہووے نہ کوئے اِنسان، تتو اپنا رنگ رنگائیا۔ صدی چؤدھویں کہے سو مالک خالق پرِتپالک میرا صاحِب ہویا مِہربان، محبوُب اپنی دَیا کمائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، دیِن دُنی دا لیکھا منگے بلیدان، بلدھاری جگ رہن کوئے نہ پائیا۔
۱۸ پوہ شہنشاہی سمت ۴ ہرِ بھگت دوار جیٹھوُوال
صدی چؤدھویں کہے صوُفیاں حق نماز، اِعزاز وِچ خود خُدا جھولی پائیا۔ حقیِقی کلمے نال کھول راز، اندر نوُر ظہوُر کیِتا رُشنائیا۔ بھیوَ ابھیدا کھول آغاز، پردہ دِتا چُکائیا۔ رہیا نہ کوئے راز، پوشیدہ بھیوَ نہ کوئے چُھپائیا۔ سدا لئی اِکو وار دسّ کے سچ آداب، ادب دِتا دِرڑائیا۔ ساچا مالک حق جناب، سچ دوارے نظری آئیا۔ جو پنج وقت دی پوُری کرے خواہش، ترِسنا اپنے وِچ مِلائیا۔ سدا پرکاش بخشے کایا ماٹی لاش، شمع نوُر ڈگمگائیا۔ جوتی جوت سروُپ ہرِ، آپ اپنی کِرپا کر، سدا اپنا رنگ رنگائیا۔ سچ نماز حق حقیِقی، حقیِقت اِک جنائیا۔ ناتا ملِے نال لاشریِکی، جو واحد دُھر دا ماہیِا۔ جِس دے ہتّھ سچ تؤفیِقی، تحفہ کلمہ جھولی پائیا۔ برخورداری دسےّ عزیزی، نِمرتا اِک دِرڑائیا۔ سچ جنائے تمیِزی، بھرماں دوُر کرائیا۔ اگمّ دسّ حدیِثی، حضرت دئے سمجھائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، درگاہ ساچی اِک سُہائیا۔ صدی چؤدھویں کہے جِس ہِردے اندر محبوُب، مُحبّت وِچ سمائیا۔ دِوس رَین مؤجوُد، وِچھڑ کدے نہ جائیا۔ سُہائے اُچ عروُج، عالیشان دئے وڈیائیا۔ منزل حق مقصوُد، سہجے دئے پُچائیا۔ جِتھے کھیل ہزارا دروُد، بصری اِسم رمز شنوائیا۔ صوُفیاں رکھے محفوُظ، نظرے کرم دِرڑائیا۔ پاک کر تن وجوُد، روُح بُت
کرے صفائیا۔ کوُڑی کِریا کر نیست و نابوُد، سَت سچ وِچ ٹِکائیا۔ جوتی جوت سروُپ ہرِ، آپ اپنی کِرپا کر، ساچے رنگ دئے رنگائیا۔ سچ نماز سدا سچ کلام، کلمہ کائنات دئے وڈیائیا۔ جو ویکھ وکھانے عالم عالمیِن عُلمان، اُلفت وِچ پھول پُھلائیا۔ چار کُنٹ دہ دِشا ویکھے سب ہِندوُ مُسلمان، مُصمّم اپنا کھیل کرائیا۔ سَت سچ نال سدا قائم اِیمان، خُدی تکّبر ڈیرہ ڈھاہیِا۔ جِس دے اندر وسیا حضرتاں دا حضرت اِمام، عملاں توں رہت دئے کرائیا۔ میٹ اندھیری شام، شمع نوُر جوت کرے رُشنائیا۔ بِن رسنا توں دے پَیغام، اگمّ آواز سُنائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ پروردِگار نوُر الاہیِا۔ سچ نماز پڑھو بشیر، بشرطے اِکو رنگ وکھائیا۔ اندر نظارہ تکّو بے نظیِر، جو نظریہ دئے بدلائیا۔ جِس دی صِفتاں وِچ سارے تقریر نال کر کے گئے تحریر، لیکھا لِکھت نال وڈیائیا۔ اوہ شہنشاہ شاہ پاتشاہ ویکھنہار حقیِر، پیِراں دا پیِر نظری آئیا۔ صوُفیاں ہون نہ دیوے کدے دِلگیِر، دِلدار دِلبر اپنا میل مِلائیا۔ تن وجوُد ماٹی خاک بدل دئے تاثیر، تہذیب اِک دِرڑائیا۔ جِس دی مہما صِفت کرے قرآن مجیِد، دُھر دا بھیوَ کُھلائیا۔ سو آسا منسا پوُری کرے اُمیِد، ترِسنا اوَر رہے نہ رائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، مِہربان اِک اکھوائیا۔ سدا کرے خُداوَند مِہربانی، محبوُب دُھردرگاہیِا۔ جِس دا آد جُگاد نہ کوئے ثانی، لاشریِک نوُر الاہیِا۔ شاہو بھوُپ دُھر سُلطانی، درگاہ ساچی سوبھا پائیا۔ جِس دا فرمان پَیغمبر دیندے گئے پَیغامی، سُنیہڑا حق سُنائیا۔ اوسے دی صِفت اوسے دی مہما اوسے دی سلامی، سلام علیکم کہہ کے اپنا رنگ رنگائیا۔ چار کُنٹ دہ دِشا دیِن دُنی جگت نادانی، عالم عِلم نہ کوئے وڈیائیا۔ جِناں چِر حق خُدا خود مالک کرے نہ آپ مِہربانی، محبوُب مِلن کوئے نہ پائیا۔ مِہر اندر مُحبّت اندر اندروں کڈھ دیوے بے اِیمانی، شرع شیَطانی نہ کوئے جنائیا۔ مالک ملِے اوہ اسمانی، جو جِسمانی پڑدا دئے اُٹھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دوار ایکنکار پروردِگار سانجھا یار جلوہ گر واحد لاشریِک نِرگُن دھار نِراکار نِروَیر اِک اکھوائیا۔
۲۰ پوہ شہنشاہی سمت ۴ ہرِ بھگت دوار جیٹھوُوال
صدی چؤدھویں کہے سَت دھرم ہون لگّا طلوُح، آفتاب اِک رُشنائیا۔ سب دا پرگٹ ہون لگّا شبد گُروُ، گُردیو بےپرواہیِا۔ جِس نے آد کیِتا شُروُع، انت اپنے ہتّھ رکھائیا۔ اپنی کرنی کرنے توں کدے نہ مُڑوُ، نہ کوئی روکے روک رُکائیا۔ اپنے حُکمے اندر آپے تُروُ، تُرت اپنی کار کمائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، بھیوَ ابھیدا آپ کُھلائیا۔ صدی چؤدھویں کہے میَں ویکھیا کھیل اپار، اپرمپر سوامی رہیا وکھائیا۔ جِس دی میَں خِدمتگار، اوہ خِدمت سب دی رہیا کمائیا۔ کِرپا کر سچّی سرکار، ساچا میلا رہیا مِلائیا۔ میَں نِو نِو کراں نِمسکار، نِیوں نِیوں لاگاں پائنیا۔ تیرا کھیل اپر اپار، اگمّ تیری وڈیائیا۔ کِرپا کر سچّی سرکار، ہرِ کرتے دُھردرگاہیِا۔ جوتی جوت سروُپ ہرِ، آپ اپنی کِرپا کر، سد اپنا رنگ رنگائیا۔ صدی چؤدھویں کہے میَں سچ کراں اِظہار، اِشتہاری دیاں جنائیا۔ لوآں پُریاں کر کے خبردار، برہمنڈاں دیاں اُٹھائیا۔ میری آئی خوشی بہار، رُتڑی سچ مہکائیا۔ حُکم دسّاں دُھر سرکار، کی کرتا رہیا جنائیا۔ چھّبی پوہ وقت وِچار، باراں وجے نال مِلائیا۔ دس گُرمُکھ سوہنے لِیان ہار، انتر چاؤ بنائیا۔ دس بیِبیِاں نال ہون تیار، ہتّھاں وِچ اُٹھائیا۔ جو صدی چؤدھویں دی گولی ہووے سیوادار، سیوکن روُپ بنائیا۔ اِک اِک پھڑ کے گل وِچ دئے ڈال، دس دس بیِس سوبھا پائیا۔ گُرمُکھ کھڑکاؤن تلوار نال تلوار، سوہنی آواز بنائیا۔ اِک وار بول جَیکار، جےَ جَیکار دین کرائیا۔ جوتی جوت سروُپ ہرِ، آپ اپنی کِرپا کر، سد ساچی کار کمائیا۔ صدی چؤدھویں کہے چؤداں ہون پہریدار، خبرداری نال جنائیا۔ ایہہ حُکم سچّی سرکار، دُھر دی دھار وِچوں پرگٹائیا۔ سب نوُں کردے رہن خبردار، آلس نِندرا وِچ کوئے نہ آئیا۔ خوشیاں نال پِھرن اندر باہر، اَگے ہو نہ کوئے اٹکائیا۔ چؤداں فُٹ ساہمنے کوئی نہ بہے پَیر پسار، خالی جگہ نظری آئیا۔ جِتھے میَں نچّاں ٹپّاں خوشیاں کراں اِظہار، سوہنا ویس بدلائیا۔ جوتی جوت سروُپ ہرِ، آپ اپنی کِرپا کر، دُھر دا حُکم اِک سمجھائیا۔ صدی چؤدھویں کہے میرا مالک ہونا عدلی، میرا سنگ بنائیا۔ چؤداں پہریداراں دی تِنّ وار ہووے بدلی، پوہ چھّبی سوبھا پائیا۔ گُرمُکھ کھڑا ہووے کوئی نہ نقلی، جو اندر وِکار بنائیا۔ ہرِسنگت وِچ بھگت رہنا جو اصلی، اصل دا اصل دینا سمجھائیا۔ یار ملِے محبوُب وصلی، ناتا اپنے نال رکھائیا۔ بھگوَن مِلن دی دھار بڑی پتلی، باریِک نیتر نظر کِسے نہ آئیا۔ جِنہاں اندر رمز لگّ گئی،
اِشارے نال جنائیا۔ اوہ کدے نہ جاون جنگلیں، جوُہاں وِچ نہ پھیرا پائیا۔ چڑھ حقیِقی منزلی، پربھ دے وِچ سمائیا۔ سیج سُہنجنی ویکھن رنگلی، ہرِ کرتا آپ رنگائیا۔ اوتھے وست پئے کوئے نہ منگنی، ترِسنا بُھکھ نہ کوئے رکھائیا۔ اِکو نوُر جوت اگمّی جگنی، جاگرت جوت کرے رُشنائیا۔ جوتی جوت سروُپ ہرِ، آپ اپنی کِرپا کر، سد اپنے رنگ رنگائیا۔ صدی چؤدھویں کہے میَں دسّاں رمز ڈوُنگھی، خالق وِچوں پھول پُھلائیا۔ اِک دھوُنی تاؤنی دھوُں دی، اِکّی پاتھیاں نال رکھائیا۔ اُتے پوٹلی ساڑنی سَوا پا روُں دی، جو محمد سنگ رکھائیا۔ اِک بیڑی اُتے رکھنی نوُح دی، محمد قبر دئے گواہیِا۔ اِک بیری ٹہنی رکھنی جوُہ دی، جوئےباز ویکھ وکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کمائیا۔ صدی چؤدھویں کہے پُشپا لےَ کے آئے پُشپ، پوشاک پھوُلن سوبھا پائیا۔ پنج میوے لِیانے خُشک، پنج چُھہارے نال سُہائیا۔ پنج بادام رکھنے درُست، پنچم میلا سہج سُبھائیا۔ جوتی جوت سروُپ ہرِ، آپ اپنی کِرپا کر، سد اپنا کھیل وکھائیا۔ صدی چؤدھویں کہے تِنّ بار کرنی پُشپ برکھا، پنج پیارے سیو کمائیا۔ تِنّ وار بیِبیِاں اُچا کرن برچھا، جو تکھے مُکھ رکھائیا۔ پھیر سب نے اپنی جیب وِچوں کڈھنا چِٹا پرچہ، پرچی ہتّھ وِچ اُٹھائیا۔ ہر اِک نے ہِردے اندر بھگت دوارے بھرتی ہون دی کرنی چرچا، چِری وِچُھنے لئے مِلائیا۔ پُرکھ اکال دیِن دَیال نام بھنڈارا دین لگّا اَگے کرے کوئی نہ صرفہ، مِہر نظر نال ترائیا۔ دُھر دا دیوے اگمّی خرچہ، راہ وِچ نہ کوئے اٹکائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سد تیری آس رکھائیا۔ صدی چؤدھویں کہے پنج گُرمُکھ میرے پَیراں ہیٹھاں ہتّھ دھرن، قدم واری واری ٹِکائیا۔ مُکھوں کہن اسیں دھرم دا چاہُندے مرن، جیِون سَتگُر جھولی پائیا۔ پھیر کنّی گھُٹ کے پھڑن، نیتر نیَناں نیِر وہائیا۔ پھیر سوہنگ ڈھولا پڑھن، ساڈی کٹ جُدائیا۔ جوتی جوت سروُپ ہرِ، آپ اپنی کِرپا کر، سد اپنا رنگ رنگائیا۔ صدی چؤدھویں کہے جو میری ہووے باندی، بندنا کر کے سیِس نِوائیا۔ سِر کالے رنگ دی ہووے پراندی، سَوا ہتّھ لمی سوبھا پائیا۔ بھری ہووے چاء دی، چِنتا غم چُکائیا۔ جوتی جوت سروُپ ہرِ، آپ اپنی کِرپا کر، سد دیوے مان وڈیائیا۔ صدی چؤدھویں کہے گُرمُکھ سُن لےَ اِک بات، رَوداس دیاں جنائیا۔ تِنّاں رنگاں دی تیرے کول ہووے دوات، سیاہی وکھّ وکھّ ونڈائیا۔ نؤ کورے رکھنے کاغذات، اپنے کول چُھپائیا۔ اِک جلکازوُ لِکھ کے رکھنا پاس، جیب وِچ چُھپائیا۔ اگلا کھیل پُرکھ ابناش، ہرِ کرتا دئے دِرڑائیا۔ جیہڑی سیوا باقی کرنی
خاص، اوہ بھیوَ دئے کُھلائیا۔ جوتی جوت سروُپ ہرِ، آپ اپنی کِرپا کر، سد اپنا رنگ رنگائیا۔ صدی چؤدھویں کہے میَں کرنی اِک نِمسکاری، نِیوں نِیوں سیِس نِوائیا۔ پربھوُ نوُں کہنا گُرمُکھ دے نال چار ہور ہون لِکھاری، جو لیکھا لیکھے نال بنائیا۔ سَتگُر شبد ساچی ویکھن دھاری، دھرنی دھرت دھوَل نہ کوئے وڈیائیا۔ رَوداس وانگن پکّی لاون یاری، ناتا مات پِت تُڑائیا۔ بھَین بھرا دا دُکھ نہ لگّے بھاری، نار کنت کرے جُدائیا۔ منظور کرے صاحِب دی برخورداری، عاجز ہو کے سیِس نِوائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ سچ نال مِلائیا۔ صدی چؤدھویں کہے دُھر فرمانا رہیا بھیج، ہرِ کرتا آپ جنائیا۔ میری پُھلاں دی ہووے سیج، سِنگھاسن سوہنا لَینا سجائیا۔ اُتے خالی رکھی ہووے اِک کتیب، کاغذ چِٹے نظری آئیا۔ گُرمُکھ سَتگُر نال کدے نہ کرے فریب، دھوکھا جھوُٹھ نہ کوئے وڈیائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سَت سچ دئے دِرڑائیا۔ صدی چؤدھویں کہے چھّبی پوہ ساڈھے نؤں، رَین خوشیاں والی آئیا۔ ہربھگت کوئی نہ جائے سؤں، سُتیاں لہنا اُٹھائیا۔ تِنّ وار پُرکھ اکال دیِن دَیال ہرِ سنگت گِرد لئے بھؤں، چکّر چاکراں والا لائیا۔ ہرِجن اُٹھائے پھڑ کے باہوں، سہجے لئے مِلائیا۔ آپ بھگتاں دے لاگے پاؤں، نِیوں کے سیِس نِوائیا۔ مُکھوں کہے جن بھگتو تُساں میَنوُں نتھاویں نوُں دِتا تھاؤں، بھگت دوارا مات بنائیا۔ بے شک میَں تُہاڈا پِتا ماؤں، تُسیں سوہنے بچّے جو بچّے ہو کے سیو کمائیا۔ جِس دھار وِچ گوبِند کِہا واہو واہو، واہ واہِگُروُ تیری وڈیائیا۔ اُس دا لیکھا چُکاواں چاؤ چاؤ، چاؤ گھنیرا اِک بنائیا۔ جوتی جوت سروُپ ہرِ، آپ اپنی کِرپا کر، سد اپنا رنگ رنگائیا۔ صدی چؤدھویں کہے پُشپا تِنّ سال تریٹھ دِن رُکمنی دی رہی داسی، چوری چُھپے سیو کمائیا۔ خوشیاں نال کردی ہاسی، ہسّ کے دِتا جنائیا۔ سکھی تیرا کاہن ساڈا پُرکھ ابناشی، کِس دی وڈّی وڈیائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سِر اپنا ہتّھ رکھائیا۔ رُکمنی تکّیا آ گیا کاہن، گھنئیا بنسری ہتّھ اُٹھائیا۔ ہسّ کے لگّا سُنان، کی باتاں رہیِاں پائیا۔ رُکمنی نکّ چڑھا کے کِہا داسی کہے نی تیرا کاہن تے میرا بھگوان، کِس وِچ وڈیائیا۔ کرِشن ہتّھ اُتے ہتّھ مار کے کِہا میرا تتاں والا نِشان، انت رہن کوئے نہ پائیا۔ رُکمنی سریِر دا نہیں مان، انت سنگ نہ کوئے نِبھائیا۔ داسی دا بھگوان سدا نؤجوان، جمّن مرن وِچ کدے نہ آئیا۔ جِس ویلے پھیر آواں وِچ جہان، نِرگُن نوُر جوت کر رُشنائیا۔ اوس ویلے میلا میلاں ہو کے دَیاوان، اپنی دَیا کمائیا۔ جوتی جوت سروُپ ہرِ، آپ اپنی کِرپا کر،
سد اپنے گھر وسائیا۔ صدی چؤدھویں کہے ایہہ کھیل اپار، اپرمپر دیاں جنائیا۔ اوس دِن داسی لےَ کے آئی سی ہار، رُکمنی گل نہ کوئے چُھہائیا۔ اُس لیا کے کرِشن اَگے بانہہ دِتی پسار، خوشیاں نال ودھائیا۔ کرِشن کِہا نہیں رُکمنی جِس ویلے بن کے آواں بھگتاں دا بھگوان، بھگوَن ہو کے پھیرا پائیا۔ پھیر کراں پروان، پروانہ دُھر دا نام جنائیا۔ صدی چؤدھویں کہے سو وقت پہنچیا آن، لیکھا لیکھے وِچ لگائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، پوُرب لہنا گُرمُکھاں رہیا چُکائیا۔
۲۲ پوہ شہنشاہی سمت ۴ ہرِ بھگت دوار جیٹھوُوال
سَت پُرکھ نِرنجن دی دھار پوُرن، پوُرن پوُرن پوُرن روُپ وٹائیا۔ ہرِ پُرکھ نِرنجن دی دھار پوُرن، پوُرن پوُرن پوُرن وِچ سمائیا۔ آد نِرنجن دی دھار پوُرن، پوُرن پوُرن پوُرن جوت جوت رُشنائیا۔ ایکنکار دی دھار پوُرن، پوُرن پوُرن پوُرن پوُر رہیا سرب تھائنیا۔ ابناشی کرتے دی دھار پوُرن، پوُرن پوُرن پوُرن رہیا پرگٹائیا۔ سِری بھگوان دی دھار پوُرن، پوُرن پوُرن پوُرن کھیل وکھائیا۔ پاربرہم دی دھار پوُرن، پوُرن پوُرن پوُرن پرم پُرکھ وڈیائیا۔ شبد سُت دی دھار پوُرن، پوُرن پوُرن پوُرن سَتگُر اِک اکھوائیا۔ وِشن برہما شِو سرکار پوُرن، پوُرن پوُرن پوُرن حُکم اِک ورتائیا۔ ترےَگُن مایا پنج تت دا ادھار پوُرن، پوُرن پوُرن پوُرن کھیل کھِلائیا۔ چار کھانی چار بانی دا وِہار پوُرن، پوُرن پوُرن پوُرن کل ورتائیا۔ لکھّ چؤراسی دا اُجیار پوُرن، پوُرن پوُرن پوُرن ہر گھٹ نوُر جوت رُشنائیا۔ سَتجُگ تریتا دواپرکلجُگ دی دھار پوُرن، پوُرن پوُرن پوُرن ساچی ونڈ ونڈائیا۔ اوتار پَیغمبر گُروُ پیار پوُرن، پوُرن پوُرن پوُرن سب دا پِتا مائیا۔ نِرگُن سرگُن اگمّ اتھاہ پوُرن، پوُرن پوُرن پوُرن نِروَیر نِراکار نِرنکار اکھوائیا۔ آد جُگاد جُگ چؤکڑی دھار پوُرن، پوُرن پوُرن پوُرن دھرم دی دھار میِت مُرار بےپرواہیِا۔ وید پُران شاستر سِمرت گیِتا گیان اِنجیِل قرآن پوُرن، کھانی بانی دو جہانی کھیل اپار دِرڑائیا۔ آد انت کنت بھگوَنت پوُرن، پوُرن پوُرن پوُرن آتم پرماتم رنگ رنگائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، ور داتا اِک ہو جائیا۔ سو پُرکھ نِرنجن سَت دھار پوُرن، ہرِ پُرکھ نِرنجن پوُرن آپ
اکھوائیا۔ آد نِرنجن نوُر اُجیار پوُرن، پوُرن ایکنکار اکل کل وڈیائیا۔ ابناشی کرتا نِراکار پوُرن، ۔ سِری بھگوان پوُرن، جگ نیتر نظر کِسے نہ آئیا۔ پاربرہم سرب پسار پوُرن، لائے دیبان پوُرن حُکم ورتائیا۔ نِمسکار گُردیو سوامی پوُرن، سیِس جگدیِش پوُرن سرب جھُکائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، ہرِ وڈّا وڈ وڈیائیا۔ روَ سس نوُر پرکاش پوُرن، پُری لوء برہمنڈ کھنڈ پوُرن سیِس نِوائیا۔ دیوت سُر گن گندھرب پوُرن، کِنر یشپ پوُرن ناچ نچائیا۔ دیوَ موّکل دھار پوُرن، دَیت دانوَ پوُرن ونڈ ونڈائیا۔ کچّھ مچّھ جل ہوڑے ساگر سنسار پوُرن، جل تھل مہیئل بالوُ ٹِلے پوُرن رنگ رنگائیا۔ جوتی جوت سروُپ ہرِ، آپ اپنی کِرپا کر، دُھر دا حُکم اِک ورتائیا۔ دُھر دا حُکم کہے پربھ پوُرن پوُرا، پرم پُرکھ وڈیائیا۔ پرگٹ ہووے جودھا سوُرا، مہابلی اکھوائیا۔ سب دا قؤل کرے پوُرا، پُریاں لوآں ویکھ وکھائیا۔ جوتی جوت چمکا کے نوُرا، اندھ اندھیرا دئے مِٹائیا۔ کلجُگ کوُڑی کِریا ہوُنجھ کے کوُڑا، سَت سچ لئے اُپجائیا۔ لہنا دینا پوُرا کرائے جو سوُلی چڑھیا منصوُرا، مُشکل حل کرائیا۔ بھگت وچھل بن حاضر حضوُرا، ہر ہِردا ویکھ وکھائیا۔ جوتی جوت سروُپ ہرِ، آپ اپنی کِرپا کر، ساچا میلا لئے مِلائیا۔ ہائے، صدی چؤدھویں کہے میَنوُں وجّی ہُجھ، حُجرے والے دِتی لگائیا۔ کملیئے کملاپتِ بُجھ، کوَل نیَن ویکھ وکھائیا۔ جِس نے تیرے پِچھے بدلنا جُگ، جُگاں پندھ مُکائیا۔ تُوں وی کر لےَ کُجھ، اپنا بَل دھرائیا۔ صدی چؤدھویں چھیتی گئی جھُک، نِیوں کے سیِس نِوائیا۔ میرا پِچھلا یارانہ گیا مُک، اَگے تیرا راہ تکائیا۔ میَنوُں خوشی ہوئی سُن کے تیری تُک، دو اکھّر دِتی وڈیائیا۔ جُگ جنم دیاں وِچھڑیاں لیا چُک، گودی وِچ ٹِکائیا۔ میَں بولنوں ہو گئی چُپ، رسنا نہ کوئے ہِلائیا۔ پِتا ویکھے اپنے پُت، سپوُتے گود ٹِکائیا۔ میَں چلنوں گئی رُک، اَگے قدم نہ کوئے اُٹھائیا۔ پھیر ہتّھ ماریا اپنی کُکھ، اُمت وِچوں نظر کوئے نہ آئیا۔ میَنوُں ایہو وڈّا دُکھ، دُکھڑے نال سُنائیا۔ پربھوُ ویکھ میری کُھلی گُت، مینڈھی سیِس نہ کوئے گُندائیا۔ آہ پئی ہُک، کی حُکم تیرا بےپرواہیِا۔ ہائے ایتھے کُجھ گیا ٹُھک، دھؤل دِتی لگائیا۔ میَنوُں مار کے دِتا سُٹ، تیری بےپرواہیِا۔ میَنوُں روندی نوُں کؤن کراوے چُپ، محمد سنگ نہ کوئے نِبھائیا۔ سارے گئے رُٹھ، سنگ نہ کوئے بنائیا۔ کھان نوُں دیندا نہیں کوئی ٹُک، ٹُکڑے منگدی تیرے در تے آئیا۔ سچ پُچھیں دُنیا نوُں سردی تے میَنوُں لگّے دُھپ، اگّ وِچھوڑے والی جلائیا۔ چؤداں طبقاں بھار کیِتا رُخ، پاسا آئی بدلائیا۔ دھنّ بھاگ جے تُوں کوجھی کملی نوُں لیا پُچھ، پِچھا نہ پھول پُھلائیا۔ جوتی
جوت سروُپ ہرِ، آپ اپنی کِرپا کر، ایکا دینا دُھر دا ور، در تیرے منگ منگائیا۔ صدی چؤدھویں کہے پربھوُ تُوں بخشی ستّ رنگ دی ٹوپی، سوہنی سیِس سُہائیا۔ میَں رام کرِشن دی بنی نہیں اَگے گوپی، سکھیِاں وِچ مِل نہ منگل گائیا۔ تیڑ بدھّی نہیں کوئی دھوتی، انگی ساڑھی انگ نہ کوئے چُھہائیا۔ گُر پَیغمبراں پیار نال دتی نہیں بھوُپی، بھوُپاں دے بھوُپ دِتے تجائیا۔ میَں ساریاں نال رہی کروپی، اکھّ نہ کوئے مِلائیا۔ جیہڑے تیرے نام دی پڑھدے پوتھی، نِت اُٹھ کے سیِس نِوائیا۔ جگدے تیری دھار جوتی، تن وجوُد رُشنائیا۔ نام مالا لبھدے مانک موتی، بھجّن واہو داہیِا۔ میَں چار جُگ پئی رہی سوچی، متا اپنے اندر پکائیا۔ جیہڑے پربھ توں بِھچھیا منگدے روٹی، خالی جھولیاں اَگے ڈاہیِا۔ اِنہاں دی اپنی پوُری نہیں ہُندی روزی، کی اَگے دین ورتائیا۔ میَں کِہا جد مِلنا تے مِلنا پریِتم چوجی، جو چار جُگ دا وکھرا ہووے ماہیِا۔ اوس دی بہواں گودی، جو گوداوری والے نوُں گود بہائیا۔ پھیر چھڈ جائے بیدی سوڈھی، سُدھاسر نہ کوئے نہائیا۔ جے کوئی جنم کرم دا دوارے آ جائے روگی، کرماں دا گیڑ مُکائیا۔ میَں ہوواں اوسے جوگی، جگت جُگیِشراں نالوں پلّوُ لَواں چُھڈائیا۔ جوتی جوت سروُپ ہرِ، آپ اپنی کِرپا کر، سد اپنے گھر وسائیا۔ صدی چؤدھویں کہے سَت دی چلنی دھار، دھرنی دھوَل وڈیائیا۔ پوُرن نے پوُرا کرنا وِہار، پوُرن اپنا حُکم ورتائیا۔ بن کے خود مختیار، فَیصلے دُھر دے دئے جنائیا۔ دھرم دی بنا کے سرکار، ویکھے تھاؤں تھائنیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ سچ وِچوں پرگٹائیا۔ صدی چؤدھویں کہے میَں ہوکا دے کے کہنا پوُرن سَتگُر پوُرا، پرم پُرکھ وڈیائیا۔ جِس لیکھے لاؤنا چار کھانی دا طوطا گھُگی کتُورا، مور کؤآ نال مِلائیا۔ جن بھگتاں دے کے مستک دھوُڑا، ٹِکّے خاک رمائیا۔ اپنی ہتھّیں پہن کے رنگلا چوُڑا، گُرمُکھ سُہاگی دئے بنائیا۔ سب دا لیکھا سب دا کرم سب دا جنم جان نہ دیوے ادھوُرا، بُھلیکھے وِچوں باہر کڈھائیا۔ جوتی جوت سروُپ ہرِ، آپ اپنی کِرپا کر، سد اپنا کھیل وکھائیا۔ ٹوپی کہے ہِلنے شُروُع ہو گئے ٹوپ، شاہ سُلطان دینے ہِلائیا۔ کھیل کرے دُھر دا پوپ، اپنا حُکم ورتائیا۔ پُرکھ اکال نے سب کُچھ پوُرن نوُں دِتا سؤنپ، باقی اوَر نہ کوئے رکھائیا۔ نام دی دات بخش کے اوہ اگمّی توپ، جو توپ تُخم تاشریِا دُنی دی دئے بدلائیا۔ چھّبی پوہ رات دے ڈیڈھ وجے گُرمُکھ سِہاں چھیتی نال گل وِچ پوا دیویں ہاف کوٹ، کوٹاں والیاں ویکھ وکھائیا۔ جِس ویلے صدی چؤدھویں دی گولی دے سِر وِچ لگّی چوٹ، چار کُنٹ ہِلائیا۔ پنجاں گُرسِکھاں نے
کھوٹے رُپئیے کڈھ کے اُتوں دی سُٹنی سوٹ، مُکھوں کہنا کھوٹیاں کھرے دے بنائیا۔ پھیر سَتگُر کہے بھگتو تُہاڈے نالوں نہیں ہونی چھوٹ، چُھٹے جگت لوکائیا۔ تُسیں تھوڑے پربھ نوُں دو جہان نالوں بہُت، جو مَیدان وِچ سماج گئے تجائیا۔ تُہاڈا اِشٹ اِک نِرمل جوت، دوُجے سِر نہ کدے نِوائیا۔ جیہڑا مالک تُہاڈا کدے نہ ہووے فؤت، مر کے اپنا آپ گوائیا۔ سَتگُر پوُرن درشن منگو روز، بِنا روزے نماز توں گھر گھر درشن دئے وکھائیا۔ جوتی جوت سروُپ ہرِ، آپ اپنی کِرپا کر، سد اپنا کھیل وکھائیا۔ صدی چؤدھویں کہے ہُن پوُرن بندیاں ورگا نہیں رہنا بندہ، بندگی والیو دیاں جنائیا۔ ایہدا منُشاں والا نہیں رہنا دھندا، ویس جانا بدلائیا۔ کِسے نہیں سمجھنا چنگا کہ مندا، چنگا مندا اپنے وِچ چُھپائیا۔ یاد رکھِیو چھّبی پوہ نوُں گُرسِکھ سیِس اُتے واری واری جھلاؤندے رہن ستّ رنگ دا جھنڈا، اُپر اُپر گھُمائیا۔ سیوادار اندر یاد کردا رہے بِنا دنداں، رسنا جِہوا نہ کوئے ہِلائیا۔ اِک گلّ یاد رکھِیو پلنگ دے اُتے ضرور اِک نَواں رکھنا کنگھا، خوشی نال سُہائیا۔ جوتی جوت سروُپ ہرِ، آپ اپنی کِرپا کر، اپنا کھیل وکھائیا۔ صدی چؤدھویں کہے جن بھگتو میَں بن جانا مُشٹنڈی، شرارتن روُپ وٹائیا۔ پِھرنا وِنگی ٹیڈھی ڈنڈی، بھجّاں چائیں چائنیا۔ تُہاڈے بَیٹھیاں وِچ پاواں بھنڈی، سارے دیاں ہِلائیا۔ جِنہاں دے کول چھاپی ہووے جنڈی، اوہ کھلو کے اَگے دین وکھائیا۔ مُکھوں کہن کملیئے تُوں سُہاگن کہ رنڈی، سانوُں دے دِرڑائیا۔ صدی چؤدھویں کہے میَں کہاں جن بھگتو پربھ دے مِلن توں بِنا ہو گئی اندھی، راہ کھہڑا نظر نہ آئیا۔ تُسیں کہیو اسیں تیرے سنگی، چل سہجے دئیے مِلائیا۔ اوتھے کوئی نہیں پابندی، اَگے ہو نہ کوئے اٹکائیا۔ جوتی جوت سروُپ ہرِ، آپ اپنی کِرپا کر، سد اپنا کھیل وکھائیا۔ صدی چؤدھویں کہے محمد ہؤلی ہؤلی دیوے اِشارے، چارے کنّیاں رہیا ہِلائیا۔ نئیا پہنچی اوس کنارے، جِس دی آسا گئی تکائیا۔ میرے پوُرے ہوئے دِہاڑے، خِدمت لئی کمائیا۔ ہُن پربھ دے اَگے ہاڑے، مِنّتاں وِچ سیِس نِوائیا۔ جِس نوُں چاہے اوسے نوُں بیڑے چاڑھے، ساڈے ہتّھ نہ کوئے وڈیائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، کرے کرائے اپنی کارے، کرنی کر کر ویکھ وکھائیا۔
۲۴ پوہ شہنشاہی سمت ۴ ہرِ بھگت دوار جیٹھوُوال
صدی چؤدھویں کہے میَں اجّ نہیں سؤنا، سُتیاں لَواں جگائیا۔ دو جہاناں دُھر دا راگ سُناؤنا، شبد اگمّ اتھاہیِا۔ گُر اوتار پَیغمبر ہِلاؤنا، سوادھان دینا کرائیا۔ اگمّ اِشارے نال دِرڑاؤنا، سہج سہج جنائیا۔ اُٹھو پُرکھ اکال جِس درشن پاؤنا، سچکھنڈ نِواسی دیاں مِلائیا۔ جِس نے سب دا لیکھ مُکاؤنا، بچیا کوئے رہن نہ پائیا۔ سب دا بستہ پھول وکھاؤنا، ورقہ ورقہ لئے اُلٹائیا۔ دُھر دا حُکم اِک جناؤنا، مہیِنہ جنوری دئے گواہیِا۔ یسوُ تیرا لیکھ وکھاؤنا، جو انت وار آس رکھائیا۔ جوتی جوت سروُپ ہرِ، آپ اپنی کِرپا کر، دُھر کرتا ویس وٹائیا۔ صدی چؤدھویں کہے میَں چھڈی آلس نِندرا، غفلت دِتی گوائیا۔ جگت دھار مار کے جِندرا، بند کِواڑ کرائیا۔ خبر دینی جا کے اِندرا، سُرپت لیَنا ہِلائیا۔ ڈنک وجاؤنا کِنگرا کِنگرا، مردنگ نام سُنائیا۔ پِھر کہنا کاہنا ویکھ اپنی بِندرا، متھرا اکھّ کُھلائیا۔ جوتی جوت سروُپ ہرِ، آپ اپنی کِرپا کر، اپنا حُکم ورتائیا۔ صدی چؤدھویں کہے میَں چھڈ دینا جگت دلِدر آلس، اصل دیاں جنائیا۔ جن بھگتاں مارگ دسّنا خالص، جو خالص گوبِند وِچ پرگٹائیا۔ جِس دی سارے کر کے گئے لالس، لالن راہ تکائیا۔ اوہ سب دی انتم لاہوے کالکھ، ٹِکّے مذہباں دوُر کرائیا۔ جن بھگتاں بنا اپنے بالک، ہرِجن گود ٹِکائیا۔ مِہربان ہو وڈ خالق، مخلوُق کھوج کھوجائیا۔ دیِن دُنی دی ویکھے حالت، گھٹ اندر پھول پُھلائیا۔ دھرم دوار دی کرے عدالت، اِنصاف اِکو اِک سمجھائیا۔ من کلپنا کوُڑ میٹ جہالت، سَت دھرم اِک سمجھائیا۔ پربھ دا نام اگمّ نیامت، باہروں ہتّھ کِسے نہ آئیا۔ مالک اوہ جو رہے صحیح سلامت، جنم مرن وِچ نہ آئیا۔ جِس دی یاد وِچ محمد منگی قیامت، قیامگاہ ولّ دھیان لگائیا۔ جوتی جوت سروُپ ہرِ، آپ اپنی کِرپا کر، سد اپنا حُکم ورتائیا۔ صدی چؤدھویں کہے اِک فاطمہ لایا نعرہ، زائے زائے زائے کر سُنائیا۔ اندر خِزاں ہوئی بہارا، بسنت رُت بدلائیا۔ جوُہ دِسی اُجاڑا، بالوُ ریت تپائیا۔ لگّی اگّ ناڑا، اگنی رہی جلائیا۔ پھیر کڈّھیا ہاڑا، رو کے دِتا سُنائیا۔ تیرا کھیل اپارا، تیری بےپرواہیِا۔ تیرا نوُر محمدی دُلارا، چار یاراں نال وڈیائیا۔ تیرا ویکھیا اگمّ چمتکارا، جلوہ ڈگمگائیا۔ جوتی جوت سروُپ ہرِ، آپ اپنی کِرپا کر، اپنی کھیل وکھائیا۔ صدی چؤدھویں کہے فاطمہ نیتر وگیا نیِر، نیَن نیَن چھلکائیا۔ ہتّھ نال کِھچدی گئی لکیِر، زمیِن اُتوں اسمان ولّ اُٹھائیا۔ متھے کول اُنگل لیا کے کہے بدل دے تقدیِر، تدبیِر تیرے ہتّھ نظری آئیا۔ اَگوں حُکم مِلیا اَخیِر، آخر دِتا سُنائیا۔ جد
آواں تاں شرع دی توڑاں زنجِیر، شریِعت ڈیرہ ڈھاہیِا۔ فاطمہ میرا فاتحہ پڑھن والا نہ ہووے سریِر، مُردا گوَر نہ کوئے دبائیا۔ جوتی جوت سروُپ ہرِ، آپ اپنی کِرپا کر، بھیوَ ابھیدا دئے جنائیا۔ صدی چؤدھویں کہے فاطمہ ہتّھ رکھیا اُتے متھے، سہج نال دبائیا۔ پروردِگار کیہڑی دھار وسیں، سچ دے جنائیا۔ کوَن گرِہ ہسّیں، ہستی اِک پرگٹائیا۔ کوَن کوُٹے نسّیں، بھجےّ چائیں چائنیا۔ کوَن رنگ رتّیں، اپنا رنگ رنگائیا۔ کیہڑے وطن وتّیں، اپنا پھیرا پائیا۔ پروردِگار کِہا جِتھے کھانے پَین نہ بھتّے، نیازاں لوڑ رہے نہ رائیا۔ اوہ گرِہ میرے اچھےّ، جِتھے اپنا ڈیرہ لائیا۔ جا اُٹھ وکھاواں تیرے اکھے، اکھّ اِک کُھلائیا۔ جاں تکّیا ویکھیا کھیل سمرتھے، ہرِ کرتا کار کمائیا۔ گُر اوتار پَیغمبر سارے کہن جِؤں بھاوے تِؤں رکھے، ساڈی چلے نہ کوئے چتُرائیا۔ بِن تیری کِرپا موُل نہ ہوئیے سچّے، سچ نظر کوئے نہ آئیا۔ اسیں گُر اوتار پَیغمبر ماٹی دے بھانڈے کچّے، تن وجوُد آئے تجائیا۔ ہُن تیرے دوارے وسے، درگاہ بہہ کے سیو کمائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار دِرڑائیا۔ صدی چؤدھویں کہے فاطمہ کھیل اگمّی دِکھی، دیِد ہوئی رُشنائیا۔ اندر پئی کِھچی، دھیان لیا لگائیا۔ حُکم مِلیا پروردِگار دی ویکھ سِکھی، پُرکھ اکال آپ بنائیا۔ جِس دی دھار سب توں تِکھی، کھنڈا کھڑگ نہ کوئے وڈیائیا۔ فاطمہ تیرے نالوں وڈیائی مِلنی اوہناں بیِبیِاں اِکّی، جو اِکّی اِکو نال پائیا۔ اوہناں دے کول تُوں میرا میَں تیرا سوہنگ دھار دی لِکھی ہووے چِٹھی، چِٹھی رسیَن حق نہ کوئے وکھائیا۔ پہلوں رَویداس چمارے ہووے ڈِٹھی، دوُجا نیتر نہ کوئے تکائیا۔ ہاہے اُتے ٹِپی، اُتے ہور لگاؤنی ٹِپی، دوہری دھار بنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دیونہار سرنائیا۔ صدی چؤدھویں کہے اِکیاں اِکو منّنا پُرکھ اکال، دوُجا اِشٹ نہ کوئے منائیا۔ بھاویں تجنا پئے گھر بار گودی دا لال، جگت مان وڈیائیا۔ بھاویں رہنا پَوے غریِبی وِچ کنگال، بُھکھیاں جھٹ لنگھائیا۔ بھاویں سَتگُر پِچھے ہونا پئے بےحال، لوک لجّیا جگت مِٹائیا۔ فاطمہ ہسّ کے کیِتا سوال، سہج نال سُنائیا۔ کی ایہو جیہی گھالن لیَن گھال، اپنا بَل پرگٹائیا۔ شبد اگمّی کِہا تَینوُں سہج دیاں وکھال، ایہہ میری وڈیائیا۔ فاطمہ کِہا کِس بِدھ لَواں بھال، بھیوَ دینا کُھلائیا۔ سَتگُر شبد کِہا جِس ویلے صدی چؤدھویں سب دا ہون لگّا زوال، زاویہ مذہب رہن نہ پائیا۔ دیِن دُنی پربھ کرن آوے بحال، بندھن شرع والے تُڑائیا۔ اوس ویلے کِرپا کرے دیِن دَیال، دَیانِدھ دَیا کمائیا۔ جن بھگت سُہیلے لئے اُٹھال، لکھّ چؤراسی وِچوں کھوج کھوجائیا۔ اوہ دُھر دے ہوون لال،
گُرمُکھ گُر گُر دئے وڈیائیا۔ جوتی جوت سروُپ ہرِ، آپ اپنی کِرپا کر، سہجے تَینوُں دئے وکھال، انڈِٹھ ہو کے اپنی کھیل کھِلائیا۔ محمد نے کِہا پربھوُ خُدا تیرا کِتھے قیام، قیامگاہ دے جنائیا۔ خُدا نے کِہا فرزند کِتھے تیرا اِسلام، اِسم دے سمجھائیا۔ محمد نے کِہا میَں تیرا غُلام، فرماں بردار اکھوائیا۔ خُدا نے کِہا جِس ویلے اوتار پَیغمبراں دا لیکھا مُکاواں تمام، طمع تمنّا مذہباں والی مِٹائیا۔ جگت دی میٹاں اندھیری شام، اپنا ساچا چند چڑھائیا۔ اِنساناں نال لڑا کے اِنسان، حیَواناں نال حیَوان دیاں بنائیا۔ کِسے دا رہے نہ جگت نِشان، گُر اوتار پَیغمبر مِٹ جائے آن، سجدہ کرے نہ کوئے سلام، ڈنڈاوت بندنا نہ کوئی نام، اِکو حُکم چلے سِری بھگوان، اوس نوُں محمدا قیامت کہندا جہان، جو پِچھلی نوُں اگلی تے اگلی توں پِچھلی دئے بدلائیا۔ جوتی جوت سروُپ ہرِ، آپ اپنی کِرپا کر، سد اپنا حُکم سُنائیا۔ شبدی کلمے کِہا محمدے قیامت، قیامتے کُل زو ضابطے وِچ رکھائیا۔ جِس ویلے گُر اوتار پَیغمبراں دی آوے شامت، شامیانے مذہباں والے اُکھڑائیا۔ اِک دوُجے دی دیوے نہ کوئے ضمانت، ساتھی سنگ جان تجائیا۔ نام رہے نہ نام نیامت، رس رسنا نہ کوئے چکھائیا۔ کلمہ نام دی کرے مزاہمت، تے نام کلمے نال ٹکرائیا۔ کِسے دی چلے نہ کوئے سیانپ، بُدھی کرے لڑائیا۔ من دی منسا کائنات ہووے غُلامت، غُلامی وِچ اپنا آپ پوائیا۔ محمدا اوس نوُں کہندے خُدا دی قیامت، جو سب دی خُدی دئے مِٹائیا۔ گُر اوتار پَیغمبر لکھّ چؤراسی جیِو جنت ساری سرِشٹی دھرتی اسمان میری عارضی اِک دوُجے کول اَمانت، تے زمیِن آسمان ساتھی کِسے دا نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، دُھر دا حُکم اِک سُنائیا۔ محمد کِہا قیامت وِچ ہووے کی حشر، حاشم دے جنائیا۔ پروردِگار نے پَیغمبراں اپنی دھار وِچ اِک نُقطہ لا کے کِہا کسر، کسر اعشاریئے نال سارے دِتے اُڈائیا۔ جیہڑے تُسیں میرے سہارے مات لوک وِچ تت جیِون کر کے آئے بسر، بِستریاں اُتے آسن لائیا۔ رنگ رلیِاں مان کے کردے آئے جشن، تے مات لوک گُر اوتار پَیغمبر اکھوائیا۔ مانَو میرے تے تُسیں چلایا اپنا مِشن، مِشنری میرا نام بنائیا۔ سچ پُچھو گُر اوتار پَیغمبرو میَں اپنے نام وِچوں مذہباں دا تھوڑا جِہا تُہانوُں دِتا کمیشن، اصل ہتّھ نہ کِسے پھڑائیا۔ میَں اِک تے پوُجا ہووے برہم شِو وِشن، جیہڑے چرناں تھلّے رگڑ رگڑ کے رگڑیاں وِچ رکھائیا۔ گُر اوتار پَیغمبرو تُہانوُں میَں منُشاں نوُں اِک دوُجے ولّوں گھلیا کِھچن، ساتھی اپنے اپنے بنائیا۔ جِتنے میرے نام تے اُتنی بازی تِلکن، پَیر سمبھل نہ کوئے ٹِکائیا۔ ویکھو جِنّے مُریِد تے جِنّے سِکھ سارے ترسن، پربھ دا درشن کوئے نہ پائیا۔ جِنہاں نوُں اِشٹ
اپنا دیواں اوہناں دی میٹاں بھٹکن، ایہہ جُگ جُگ دی ریِتی چلی آئیا۔ بھگت بھگوان وِچ کوئی پا نہیں سکدا اٹکن، کِسے دی چلے نہ کوئے چتُرائیا۔ گُر اوتار پَیغمبرو جدوں ویکھو میَں تُساں دی پَیج آواں رکھن، نِرگُن توں سرگُن اپنا روُپ بدلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سد دیونہار وڈیائیا۔ گُر اوتار پَیغمبرو میرے بھگتاں دی تُساں گائی بانی، صِفتاں وِچ صالاحیِا۔ کِسے اوتار پَیغمبر گُروُ دا سِکھ بنیا نہیں اوہناں دا ثانی، بھگتاں نال مِل کے میرا درس کوئے نہ پائیا۔ کِسے نے رام کِسے نے کرِشن کِسے نے عیسیٰ موُسیٰ محمد کِسے نے نانک دی پڑھ لئی بانی، رسنا جِہوا گا کے اپنا جھٹ لنگھائیا۔ گُر اوتار پَیغمبرو بھگتاں نوُں دیواں پد نِربانی، در ٹھانڈا اِک وکھائیا۔ جِتھے جوت نوُر نوُرانی، تتاں والا نظر کوئے نہ آئیا۔ جے تُسیں آپ وڑ گئے گور تے مسانی، تن وجوُد تجائیا۔ کی کرنگے تُہاڈے پرانی، جِنہاں دا پرانپت نظر کِسے نہ آئیا۔ تُہاتھوں میَں نِکیِاں نِکیِاں باتاں تے چھوٹی چھوٹی کہانی، کہاوت گرنتھاں والی بنائیا۔ کِسے نوُں پَیسا کِسے نوُں ٹکا کِسے نوُں دے کے دَوانی، مات لوک دِتا پرچائیا۔ کدی اندر تے کدی باہر دے کے جھلک نوُرانی، خلق وِچ دِتا وڈیائیا۔ پِھر حُکم دی لےَ قُربانی، کربلیاں وِچ بھوائیا۔ گُر اوتار پَیغمبرو سچ دسّو میرا کیہڑا روُپ تے کیہڑی جوانی، کِس سِنگھاسن سوبھا پائیا۔ تُہاڈے واسطے میرا سچکھنڈ وڈّا مہانی، میرے واسطے میرے چرناں دی دھوُڑ چھار نظری آئیا۔ تُہاڈے واسطے میرا نام میرا کلمہ وڈّی اُچی منزل روُحانی، میرے واسطے میرا چھوٹا جِہا شبد سُت تُہانوُں گلّاں رہیا سُنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، قیامت دا صِرف دسّیا نام قیامت، قیامت دی سمجھ کِسے نہ آئیا۔
۲۶ پوہ شہنشاہی سمت ۴ ہرِ بھگت دوار جیٹھوُوال
صدی چؤدھویں کہے مِلیا دُھر دا اِمام، میری منسا پوُر کرائیا۔ چؤداں طبق سانبھ اِنتظام، حضرت محمد دِتا جنائیا۔ تیری سیوا پوُری ہووے کام، کامنا اوَر رہے نہ رائیا۔ تارا چند ویکھ نِشان، نِشانہ زِمیں اسمان سمجھائیا۔ میَں نِیوں نِیوں کراں سلام،
سجدیاں وِچ سیِس جھُکائیا۔ میَں رہنا بن کے غُلام، شرع زنجِیر دینا کٹائیا۔ کِسے دا جھلنا نہیں اِحسان، اِحسان مند نہ کوئے بنائیا۔ میرا مالک خالق پروردِگار اِک بھگوان، پاربرہم بےپرواہیِا۔ جِس دا سَت دھرم نِشان، سچکھنڈ ساچے رہیا جھُلائیا۔ انت اَخیِر بے نظیِر میری کیِتی آپ پہچان، بے پہچان لیا مِلائیا۔ میَں ویکھ کے ہوئی حَیران، حَیرانی میرے اندر چھائیا۔ چار جُگ دے وِچھڑے سنت سُہیلے جن بھگت صوُفی فقیِر اِکٹّھے کیتے آن، بچیا رہن کوئے نہ پائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ہرِ کرتا دُھردرگاہیِا۔ صدی چؤدھویں کہے میَں ویکھی بھگتاں دھار، دھرنی دھرت دھوَل وجّی ودھائیا۔ جِنہاں دے اندر اِک پربھوُ دا پیار، دوُجا اِشٹ نہ کوئے منائیا۔ جِس دی صِفت کردے گئے گُروُ اوتار، پَیغمبر ڈھولے گائیا۔ اوہ صاحِب سچّی سرکار، ہرِ کرتا دُھردرگاہیِا۔ جِس نوُں کُل کہندے کلکی اوتار، اِمام اِماماں ویس وٹائیا۔ سو کھیل کرے اپار، جگ نیتر نظر کِسے نہ آئیا۔ جن بھگتو تُہاتھوں جاواں بلہار، صدقے واری گھول گھُمائیا۔ تُسیں پندھ آئے مار، چل کے چائیں چائنیا۔ میَں تُہاڈی خِدمتگار، خُدی تکّبر ڈیرہ ڈھاہیِا۔ چؤراسی وِچوں تھوڑیاں اُتے آیا اِعتبار، جو پروردِگار سیِس نِوائیا۔ مندر مسجد شِودوالے مٹھ چھڈے گُروُدوار، گرنتھ شاستر رنگ نہ کوئے رنگائیا۔ ایکا منّ سچّی سرکار، سیِس جگدیِش رہے نِوائیا۔ میَں ویکھ کے کھِڑی گُلزار، ساچی مہک مہکائیا۔ جوتی جوت سروُپ ہرِ، آپ اپنی کِرپا کر، ----------۔ صدی چؤدھویں کہے میرے من آئی خوشحالی، خوشیاں وِچ جنائیا۔ جن بھگتو تُہاڈا رہے نہ کوئے دلالی، وِچولا نظر کوئے نہ آئیا۔ تُہاڈا میل ہویا نال اوس جلوہ گر نوُر نوُرانی، جو نِروَیر نِراکار اکھوائیا۔ اجّ سارے بنیوں اِک دے سوالی، اپنی جھولی اَگے ڈاہیِا۔ پِچھے چؤراسی بھوگ لئی باہلی، چارے کھانی پھیرا پائیا۔ کلجُگ تیری منزل لیَنی اِک روُحانی، دوُجا راہ نہ کوئے تکائیا۔ جے پربھ منّیؤ تے میلا کرنا اُپر زِمیں اسمانی، گگن گگننتر ڈیرہ ڈھاہیِا۔ تیرا بھگت دیوے نہ کوئے قُربانی، سیِس تن نہ کوئے کٹائیا۔ جِس نے تیرا رسنا جِہوا جپیا نام زبانی، زیر زبر دِتی مِٹائیا۔ اوہدی منزل کریں آسانی، ایہہ دُھر دی منگ منگائیا۔ تُوں دِلبر میرا جانی، شہنشاہ تیرے ہتّھ وڈیائیا۔ ایہہ دُنیا دِسدی فانی، انت رہن کوئے نہ پائیا۔ ہرِ سنگت ویکھی مستانی، انت کل اپنی کار کمائیا۔ راہ تکدے دو جہانی، چؤداں طبق نیَن شرمائیا۔ جن بھگتو اجّ تُسیں میرے پیار دی کھائیو مہمانی، دوُجی حرص نہ کوئے ودھائیا۔ اَگے توں سب دا ہونا اِکو بانی، مالک شہنشاہیِا۔ ایہہ حُکم ہویا اِعلانی، دعوے نال سُنائیا۔ جھگڑا
مُکاؤنا چارے کھانی، چارے بانی پندھ مُکائیا۔ جوتی جوت سروُپ ہرِ، آپ اپنی کِرپا کر، سد اپنا رنگ رنگائیا۔ صدی چؤدھویں کہے میَں آ گئی بھگتو تُہاڈے در، اپنا درد دینا سُنائیا۔ چؤداں صدیاں دا چھڈیا جھیڑا گھر، بیگانہ کر کے آئی تجائیا۔ پَیغمبراں دا لاہ کے ڈر، پاسا لیا بدلائیا۔ اِکو مِلنا دُھر دے ہرِ، جو ہرِ مندر سوبھا پائیا۔ جیہڑا نہ جنمے نہ جائے مر، مڑھی گور نہ کوئے دبائیا۔ جو چاہے سو کرنی دا کرتا لئے کر، اَگے ہو نہ کوئے اٹکائیا۔ سب توں سوہنا سُہاوَنا دیواں در، پریم نال سمجھائیا۔ جن بھگتو اجّ دی رات ذرا اُنیندری لِؤ جر، ذرا ذرا سب دا دُکھڑا دیاں گوائیا۔ سب دے اندر جاواں وڑ، آؤندا جاندا نظر کِسے نہ آئیا۔ اِکو وار تے اِکو وقت سب نوُں نہاؤنا دُھر دے سر، جگت سروور دی لوڑ رہے نہ رائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ سچ نال مِلائیا۔ صدی چؤدھویں کہے میرے انتر چاؤ گھنیرا، خوشیاں وِچ جنائیا۔ سب دا بنّھنا بیڑا، بنی نوُح دا بیڑا ڈُبائیا۔ وسنا اِکو کھیڑا، جو پُرکھ اکال سُہائیا۔ جُگ چؤکڑی تُسیں کردے رہے جیرا، حوصلہ ہِمّت نال بنائیا۔ کوَن ویلے پربھ کرے مِہرا، مِہر نظر نال ترائیا۔ سو آ گیا نؤ سؤ چُرانوے چؤکڑی جُگ پِچھوں ویلا، وقت اپنا نال مِلائیا۔ اِکو رنگ رنگنا گُروُ چیلا، چیلا گُر بھیوَ رہے نہ رائیا۔ جن بھگتو ایہہ تُہاڈا نہیں دو جہان دا میلا، لکھّ چؤراسی نال رلائیا۔ جوتی جوت سروُپ ہرِ، آپ اپنی کِرپا کر، سد اپنا رنگ رنگائیا۔ صدی چؤدھویں کہے جن بھگتو چھیتی کھائیو پُھلکے، پُھل پُھل خوشی منائیا۔ میَں چؤداں طبقاں آئی رُل کے، بھجیّ واہو داہیِا۔ دو جہاناں آئی سُن کے، انڈِٹھڑی آواز سُنائیا۔ جو بھگت سُہیلے پوُرے تول تُل گئے، جگت ترازو تکّڑ ڈیرہ ڈھاہیِا۔ اوہ پیارے ہو گئے اوس پربھوُ دی کُل دے، جو کُل مالک دُھردرگاہیِا۔ تُہاڈے لہنے دینے صُلح کُل دے، صاحِب سُلطان جھولی پائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ ساچی کار کمائیا۔