کتب خانہGranth 21 (Shahmukhi)

۲۸ پوہ شہنشاہی سمت ۴ ہرِ بھگت دوار جیٹھوُوال

سَتجُگ دھار سچ دی ریِت، ریِتیوان دَیا کمائیا۔ چار ورن اِک پریِت، ہِندوُ مُسلم سِکھ عیِسائی ونڈ نہ کوئے ونڈائیا۔ جھگڑا رہے نہ مندر مسیِت، شِودوالا مٹھ گُردوارا نہ کوئے لڑائیا۔ سب دی اندروں صاف ہووے نیِت، نیِت پُنیِت کرائیا۔ دیِن دُنی پُرکھ اکال دے گاوے گیِت، دوُجا اِشٹ نہ کوئے منائیا۔ جو کایا ماٹی کرے ٹھانڈی سیِت، اگنی تت بُجھائیا۔ جوتی جوت سروُپ ہرِ، آپ اپنی کِرپا کر، دُھر دے رنگ رنگائیا۔ سَتجُگ کہے میرا دُھر دا راہ، رہبر اِک اکھوائیا۔ دیِن مذہب توں جو مانَو ہوئے جُدا، سب نوُں میلاں سہج سُبھائیا۔ االلہ واہِگُروُ رام سب دا اِک خُدا، دوُجا نظر کوئے نہ آئیا۔ ورناں برناں مارگ دسّ کے سِدھا، جگت سماجاں توں لَواں چُھڈائیا۔ جوتی جوت سروُپ ہرِ، آپ اپنی کِرپا کر، سد اپنا کھیل وکھائیا۔ سَتجُگ کہے میَں دسّاں رستہ چنگا، سرِشٹ رہیا سمجھائیا۔ جِس نے کرنا ہووے کارج انندا، انند آتم پرماتم ویکھ وکھائیا۔ بِنا بندگی توں بنے اوہ بندہ، جو بندھن جائے تُڑائیا۔ ساجن مِتر پیارا میِت اِک سُہندا، صاحِب سُلطان وڈیائیا۔ من کُکرم کڈھے گندہ، جوُٹھ جھوُٹھ ڈیرہ ڈھاہیِا۔ تُوں میرا میَں تیرا گا دے چھندا، ایہو سَت سچ کُڑمائیا۔ جن بھگتاں لبھنا پئے کوئی نہ پنڈا، مُلّا بغل قرآن نہ کوئے ٹِکائیا۔ گرنتھی گائے کوئی نہ چھندا، راگاں ناداں وِچ سُنائیا۔ دُھر دا کھیل سوُرا سربنگا، ہرِ کرتا آپ دِرڑائیا۔ جوتی جوت سروُپ ہرِ، آپ اپنی کِرپا کر، سد اپنا رنگ رنگائیا۔ سَتجُگ کہے ویکھو سسّے اُتے ہوڑا، نِرگُن سرگُن دھار جنائیا۔ گُرمُکھ سدا چڑھے شبد دے گھوڑا، جگت گھوڑیاں والی ریِتی کمّ کِسے نہ آئیا۔ اِستری پُرش بنے دھرم دا جوڑا، جِنہاں دے انتر آتم پرماتم وجےّ ودھائیا۔ اوہناں آون جاون لکھّ چؤراسی مِٹے جھورا، جوُنی جوُن نہ کوئے بھوائیا۔ اِک دوُجے دی سانجھی ہووے لوڑا، ناتا پریم مُحبّت والا رکھائیا۔ کوئی بھرم نہ جانے کالا گورا، گُرسِکھ ویکھ خوشی بنائیا۔ جوتی جوت سروُپ ہرِ، آپ اپنی کِرپا کر، سد اپنا کھیل کھِلائیا۔ سَتجُگ کِہا میرا مارگ اِک عجیِب، عجب نِرالا دیاں وکھائیا۔ میرے اندر فرق رہے نہ امیِر غریِب، وڈّا چھوٹا ونڈ نہ کوئے کرائیا۔ دیِن مذہب ذات پات رہے نہ کوئے ترتیب، اوُچ نیِچ نہ کوئے لڑائیا۔ پِچھلی کرنی اُتے مار لیک، رستہ دُھر دا دینا وکھائیا۔ گوبِند شبد کرے تصدیِق، نانک نال گواہیِا۔ جِس دی گُر اوتار پَیغمبر کر کے گئے اُڈیِک، جُگ چؤکڑی دھیان لگائیا۔ سو کھیل کرے لاشریِک، واحد مالک نوُر الاہیِا۔ جِس دے وِچ

حق تؤفیِق، بے پرواہ بےپرواہیِا۔ اوہ سب دی آسا منسا پوُری کرے اُمیِد، ترِسنا ترِکھا گوائیا۔ ایکو رنگ رنگا کے اوُچ نیِچ، کھتری براہمن شوُدر وَیش اِک گھر بہائیا۔ گُرسِکھ گُرمُکھ ہرِجن ہربھگت رسنا جِہوا بتّی دند کوئی نہ لائے ماس کباب میِٹ، ممتا موہ جگت تُڑائیا۔ ساچا کلمہ ایکو پڑھے حدیِث، سوہنگ ڈھولا نام الاہیِا۔ گُر اوتار پَیغمبراں ایہو گایا گیِت، دوُجا راگ نہ کوئے سُنائیا۔ سنت سُہیلا ہووے ٹھانڈا سیِت، اگنی تت نہ کوئے تپائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ہرِ ساجن اِک اکھوائیا۔ سَتجُگ کہے میرا سچ دا ہونا مارگ، عؤرت مرد ملِے وڈیائیا۔ دھرم دھار دا ہووے کارج، کرماں دا ڈیرہ ڈھاہیِا۔ پِچھلا لیکھا کرنا خارج، ریِتی جگت والی تجائیا۔ پُرکھ اکال نے لیَنا چارج، حُکمران اِک ہو آئیا۔ جوتی جوت سروُپ ہرِ، آپ اپنی کِرپا کر، سد دیونہار سرنائیا۔ سَتجُگ کہے میرا مالک اِک، پُرکھ اکال وڈیائیا۔ ورن برن ذات پات دیِن مذہب اوسے دے سارے سِکھ، کھتری براہمن شوُدر وَیش درگاہ ساچی ونڈ نہ کوئے ونڈائیا۔ پاربرہم پت پرمیشور دُھر دا لیکھا اَگے دیوے لِکھ، جِس نوُں سکے نہ کوئے مِٹائیا۔ اَگے پوُجا ہونی نہیں کِسے مندر مسجد شِودوالے مٹھ پتّھر اِٹّ، دیوی دیوت سیِس نہ کوئے نِوائیا۔ پُرکھ اکالا دیِن دَیالا پروردِگار سانجھا یار سب دا سانجھا ہونا اِشٹ، اِشٹ دیوَ آتما پرماتما ویکھ وکھائیا۔ جن بھگتاں مانَس جنم جانا جِتّ، لوک مات جگت ہاردی دِسے لوکائیا۔ جن بھگتو تُہاڈے اندر تُہاڈا مالک اِک، تن وجوُد جگت ونڈ ونڈائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، سب دی لیکھے لائے گوبِند والی چِٹ، چِٹے اُتے چِٹا نام دُھر دا لئے لِکھائیا۔

صدی چؤدھویں کہے میَں تھکی ٹُٹی، تھکاوٹ وِچ دُہائیا۔ چؤداں طبق گئی نہ لُٹی، لیڈر ہتّھ کِسے نہ آئیا۔ سُکھ دی نیند کدے نہ سُتی، سوہنی سیج نہ کوئے سُہائیا۔ میری وَیراگن دی ٹُٹ گئی جُتی، بھجیّ چائیں چائنیا۔ دُنیا بھاگ لگدا پُتیں، پُت پوترے نال وڈیائیا۔ میَنوُں اِکو پربھ دے مِلن دی خوشی، خوشیاں وِچ راہ تکائیا۔ میَں منزل بامنزل آئی پُچھی، محمد آ کے دِتا سُنائیا۔ ویکھ کھیل اِک ادُتی، کی کرتا کار کمائیا۔ جِس گُند کے اپنی گُتی، روُپ لیا وٹائیا۔ سرِشٹ اُٹھا دے سُتی، نیتر اکھّ اُٹھائیا۔ تیری پوُری کرے

بُتی، بُتخانے پھول پُھلائیا۔ جوتی جوت سروُپ ہرِ، آپ اپنی کِرپا کر، سد اپنا رنگ رنگائیا۔ صدی چؤدھویں کہے میرے وِچ آئی تھکاوٹ، ناڑی ناڑی دئے دُہائیا۔ جگت جہان ویکھی بناوٹ، کوُڑی کِریا بندھن پائیا۔ ساچا کلمہ کرے نہ کوئے سخاوت، وست امولک نہ کوئے ورتائیا۔ میَں جن بھگتاں دی کھا کے دعوت، دعوے نال دیاں سُنائیا۔ ویکھیو پربھ دے ساہمنے بُدھی دی دسِّؤ کوئی نہ لیاقت ، عقل دی عقل نہ کوئے دِرڑائیا۔ سدا رہنا حُکم مُطابق، مُطلع کر کے دیاں دِرڑائیا۔ جے پِچھے جھوُٹھ بولن دی عادت، اَگے لؤ بدلائیا۔ کلجُگ کوُڑا ویکھیو راکش، سب نوُں رہیا کھائیا۔ منوُآ نال کرے سازش، شرع شرع نال ٹکرائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ صدی چؤدھویں کہے میَں بڑی ہوئی شرمِندی، شرم نال اکھّ نہ اُپر اُٹھائیا۔ میرے پِچھے میرے پروردِگار نے لائی بِندی، بِندی بِندرابن دی پوُر کرائیا۔ شنکر دی منگوائی پِنڈی، لِنگ بھگ دی پوُج ہٹائیا۔ جگت سِتار وجا کِنگی، کِنگاں کرے صفائیا۔ پھوُل منگا کولوں بھیٹا بیٹی سِندھی، سِندھ ساگر پار کرائیا۔ اپنی آپ کرا کے نِندی، نِندک دیِن دُنی وکھائیا۔ جن بھگتاں دھار کر کے زِندی، زِندگی جیِون دِتا بدلائیا۔ جوتی جوت سروُپ ہرِ، آپ اپنی کِرپا کر، سد اپنا کھیل کھِلائیا۔ صدی چؤدھویں کہے میَں پربھ دیِاں دیندے ویکھے مثالاں، مِصرے اپنے نال مِلائیا۔ گُر اوتار پَیغمبراں ویکھیِاں پالاں، قطاراں وِچ بَیٹھے نظری آئیا۔ ساچا نوُر چمکے نوُرانہ، نوُر نوُرانہ نوُرو نوُر ڈگمگائیا۔ لیکھا مکُے جگت اِنجیِل قرآنا، مُخاطب ہو کے آپ سُنائیا۔ جوتی جوت سروُپ ہرِ، آپ اپنی کِرپا کر، سد میلا لئے مِلائیا۔ صدی چؤدھویں کہے میَں ویکھیا اگمّی راز، رازق رِزق رحیِم جنائیا۔ جِس سیِس پہنیا تاج، تخت نِواسی نظری آئیا۔ میرا سوہنا کر کے کاج، اوڈھن سیِس اِک ٹِکائیا۔ کِرپا کر پُرکھ ابناش، تیری بےپرواہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کمائیا۔ صدی چؤدھویں کہے میَں پِھردی رہی اُپر تھلّے، نِرگُن دھار رنگ وکھائیا۔ صِفتاں وِچ نہ کرایا بلّے بلّے، گُر اوتار پَیغمبراں حُکم ورتائیا۔ جو وسے نِہچل دھام اٹلے، سچکھنڈ ساچے سوبھا پائیا۔ ہُن ہو گیا بھگتاں ولےّ، ولولے سارے دینے چُکائیا۔ جوتی جوت سروُپ ہرِ، آپ اپنی کِرپا کر، نِہکلنک نرائن نر، مہاراج شیرسِنگھ وِشنوُں بھگوان، اسماناں اُپروں آیا تھلّے، جل تھل مہیئل سارے ویکھ وکھائیا۔

نغمہ نازو قدم کنزویؤل زلما ملشوینییے کُشا میری تیرے اَگے دُعا، تُوں خود مالک تے میَں مات لوک وِچ خُدی گواوَن والا خُدا، تُوں جوت نوُر میَں شبد سَتگُروُ ناد رہیا وجا، اے میرے محبوُب میرے دِل رُبا، تُوں میری ہستی دسّ اِک دوُجے توں کؤن ہوئے فِدا۔ پُرکھ اکال دیِن دَیال اِکے وار اندر جوت دی جھلک دِتی وکھا، ہلوُنا دِتا لگا، بِن کنّاں دِتا سُنا، گوبِند باز دے اُڈا، بازاں والیا تیری بازی دیواں بدلہ، کیوں پِھر تَینوُں آپ اپنی اُنگلی توں دُھر دا شبد گُروُ باز بنا کے دیاں اُڈا، بِنا کھنبھاں توں دو جہاناں پرے چکّر لیَنا لگا، کھان پیِن دی رہن نہ دیواں کوئے ادا، روگ سوگ دی رہے نہ کوئے وبا، چِنتا غم نہ کوئے ستائیا۔ تیرے باز توں بچّوُ چِڑی لَواں تُڑا، اپنے باز توں گُروُآں اوتاراں پَیغمبراں دیِاں دھؤناں لَواں نِوا، ایہہ میرے ہتّھ وڈیائیا۔ گوبِند کِہا واہ واہ واہ، واہِگُروُ تیری بےپرواہیِا۔ پُرکھ اکال نے بِنا چرناں توں اپنے چرن اُپر لئے اُٹھا، گوبِند بِنا سیِس توں چرناں ہیٹھاں سیِس دِتا ٹِکا، جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کمائیا۔

۲۹ پوہ شہنشاہی سمت ۴ ہرِ بھگت دوار جیٹھوُوال

صدی چؤدھویں کہے میری خوشیاں والی لوہڑی، انک سہیلڑیو دیاں جنائیا۔ ویکھو میری پربھ دے نال بن گئی جوڑی، جوڑا دُھر دا لیا بنائیا۔ نہ میَں کالی نہ میَں گوری، روُپ رنگ ریکھ نظر نہ کوئے پائیا۔ میرے مالک میرے اُتے کِرپا کیِتی بھوری، بھانڈا بھرم دِتا بھنّائیا۔ دیِن دُنی توں کر کے چوری، چرناں وِچ لیا رکھائیا۔ میرا مان تان نہ زوری، نِیوں نِیوں لاگاں پائنیا۔ میَں آد جُگاد دی بانکی چھوہری، چَھیل چھبیِلی نظری آئیا۔ میری آسا نوَیں نکوری، نِروَیر دِتی وکھائیا۔ جوتی جوت سروُپ ہرِ، آپ اپنی کِرپا کر، مِہر نظر نال ترائیا۔ صدی چؤدھویں کہے میرا صاحِب سوامی سجّن، سوہنا نظری آئیا۔ میَں پریم پریِتی کراں مجن، دُھر دا رنگ رنگائیا۔ سچ سندشے آئی سدّن، ہوکا اِک الائیا۔ مِہربان محبوُب سچ مُحبّت وِچ رہے تیری لگن، دوُسر اوَر نہ کوئے منائیا۔ ممتا موہ رہے نہ بندھن، کوُڑی کِریا دینی کڈھائیا۔ جوتی جوت سروُپ ہرِ، آپ اپنی کِرپا کر، سد اپنا رنگ وکھائیا۔ صدی چؤدھویں کہے میَں لوہڑی ونڈاں، ونڈی دُھر دی پائیا۔ میَں پربھ دے کولوں پریِتی لےَ کے آئی پنڈاں، انڈِٹھڑا بھار اُٹھائیا۔ میَں کِسے وڑی نہیں مندر

مسیِت گُردوار شِودوالے مٹھ پتّھر اِٹّاں والی کندھاں، محراباں وِچ نہ ڈیرہ لائیا۔ میَں تکّدی اِک چندا، جو چند نوُر کرے رُشنائیا۔ جو کھیل وکھائے سوُرا سربنگا، سو سچ دیاں سمجھائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، مِہربان دَیا کمائیا۔ صدی چؤدھویں کہے میری لوہڑی دا لوہڑے پَینیِاں نہ کیِتا چاؤ، چاروں کُنٹ اندھیرا چھائیا۔ میَں ہلوُنیا پھڑ کے باہوں، اکھّ دِتی کُھلائیا۔ ویکھو ہنس ہوئے کاؤں، کاگ ہنس روُپ بدلائیا۔ ساچا دھرم نہ کوئے نیاؤں، عدل اِنصاف نہ کوئے کمائیا۔ جوتی جوت سروُپ ہرِ، آپ اپنی کِرپا کر، سد اپنا حُکم ورتائیا۔ صدی چؤدھویں کہے لوہڑی دے تھاں پربھ دا ملِے پیار، پریم پریم وِچوں پرگٹائیا۔ تُسیں اوہدے اوہ تُہاڈا یار، یارانہ دُھر دا لیا لگائیا۔ بھروسے وِچ رکھو اِعتبار، بھانڈا بھرم بھؤ بھنّائیا۔ مِہربان کرے سچ شِنگار، کوُڑی کِریا ڈیرہ ڈھاہیِا۔ جوتی جوت سروُپ ہرِ، آپ اپنی کِرپا کر، سد اپنا حُکم ورتائیا۔ صدی چؤدھویں کہے چاؤ اندر گاؤ منگل، منگلاچار وڈیائیا۔ شرع کٹو سنگل، زنجِیری نظر کوئے نہ آئیا۔ سچ پریِتی چڑھے اگمّی رنگن، رنگت اِک رنگائیا۔ تُہاڈا پوِتر ہووے بدن، انتر آتما نوُر رُشنائیا۔ سچ دوارا مِلیا پتن، درگاہ وِچ وڈیائیا۔ دیِن دَیالا آیا رکھن، سِر اپنا ہتّھ ٹِکائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، دھرم دوارا اِک وکھائیا۔ صدی چؤدھویں کہے میرے صاحِب دا ویکھو آغاز، عقل بُدھی چلے نہ کوئے چتُرائیا۔ دُھر دے نام دی سُنو آواز، جو اجل توں دئے بچائیا۔ جِس اپنی ساجن ساج، سگلا سنگ گُرمُکھ رہیا ترائیا۔ سَت دھرم دا بدل کے آپ رِواج، رِعیت اپنے ہتّھ رکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، بھگوَن اپنی کھیل کھِلائیا۔

سنسار وِچ نِکلے سِٹّا، سِٹیبازی جگت لوکائیا۔ جن بھگتاں دا لیکھ کر کے چِٹا، چِٹی دھار وِچ سمائیا۔ جِتھے مندر نہیں کوئی پتّھر اِٹّاں ، چھپّر چھنّ نہ کوئے چُھہائیا۔ روُپ نہیں کوئی وڈّا نِکاّ، بال بِردھ نہ ویکھ وکھائیا۔ سونا چاندی رُپا نہیں کوئی سِکہ، دھاتُو ونڈ نہ کوئے ونڈائیا۔ جگت اکھّر لیکھ نہیں کوئی لِکھا، قلم شاہی نہ جوڑ جُڑائیا۔ اوتھے لےَ کے جائے دُھر دا پِتا، پت پرمیشور بےپرواہیِا۔ جِتھے بھگتاں دا قِطعہ، دوُجا نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ اپنا

کھیل وکھائیا۔ صدی چؤدھویں دا سِٹا بڑا لما، قد نظر کوئے نہ آئیا۔ جِس دھار نوُں کہندے منبع، دھار سب نوُں دئے دِرڑائیا۔ جن بھگتاں تھان تھننتر دیوے چنگا، چنگی بخشے مان وڈیائیا۔ جوتی جوت سروُپ ہرِ، آپ اپنی کِرپا کر، جگت جہان وکھا کے کوُڑا دھندا، ہرِجن دھرم دھار وِچ رکھائیا۔

پہلی ماگھ شہنشاہی سمت ۴ ہرِ بھگت دوار جیٹھوُوال

صدی چؤدھویں کہے حاضر ہوئے اوتار پَیغمبر گُر پیِر، پیِرن پیِر دَیا کمائیا۔ سنت سُہیلے گُرمُکھ کٹّھے ہوئے صوُفی فقیِر، جو فِقرہ ڈھولا اِکو نام دِھیائیا۔ وِچوں اُٹھ کے کہے کبیِر، شبد اگمّی آواز جنائیا۔ ساڈا کِسے دا نہیں تت سریِر، وجوُد نظر کوئے نہ آئیا۔ ہتّھ پھڑے نہ کوئے شمشیِر، خنجر کٹار نہ کوئے چلائیا۔ شرع دا دِسے نہ کوئے زنجِیر، سنگل ہتّھ نہ کوئے اُٹھائیا۔ آبِ حیات لبھے کوئے نہ نیِر، امرت رس نہ کوئے چکھائیا۔ کھیل ویکھے آپ اَخیِر، آخر دُھر دا پردہ لاہیِا۔ کِس بِدھ دیِن دُنی دی بدلے تقدیِر، تدبیِر اپنی نال رلائیا۔ جوتی جوت سروُپ ہرِ، آپ اپنی کِرپا کر، دُھر دا میلا لئے مِلائیا۔ صدی چؤدھویں کہے گُر اوتار پَیغمبر ہوئے کٹّھے، در ٹھانڈے ڈیرہ لائیا۔ ہتّھاں وِچ پھڑے سب نے اپنے پٹے، پٹیداری رہے وکھائیا۔ گُر اوتار پَیغمبر چاروں کُنٹ پِھرن نَٹھے، بھجّن واہو داہیِا۔ دہ دِشا ہوون ٹّھٹھے، ستکار وِچ نہ کوئے جنائیا۔ جِدھر ویکھن اودھر رٹےّ، رٹّا سکے نہ کوئے گوائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دیوے مان وڈیائیا۔ گُر اوتار پَیغمبر کہن اسیں اِکو کرنی نِمسکار، سچ سجدہ سیِس جھُکائیا۔ کِرپا کر سچّی سرکار، مِہربان مِہر نظر ٹِکائیا۔ سَت سچ دا رہے پیار، دھرم دھرم دی دھار پرگٹائیا۔ اِکو تیرا ہووے اِختیار، دوُجا نظر کوئے نہ آئیا۔ پِچھلے تیرے سیوادار، جُگ جُگ ساچی سیو کمائیا۔ جوتی جوت سروُپ ہرِ، آپ اپنی کِرپا کر، سد اپنا کھیل وکھائیا۔ صدی چؤدھویں کہے گُر اوتار پَیغمبر پُجے، پوُجنیِک ڈیرہ لائیا۔ اپنے بھیوَ دسّن گُجھے، کِس بِدھ رو کے جھٹ لنگھائیا۔ کوَن ساتھ دیوے اِک دوُجے، سگلا سنگ نِبھائیا۔ کوَن بھانڈے کر کے مودھے، پِٹھاں رہیا بدلائیا۔ کوَن بھیوَ چُکائے بُت روُح دے، آتم پرماتم

ویکھ وکھائیا۔ ایہہ کھیل کلجُگ ہوُبہوُ دے، دوُجا نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ہرِ سچ سچّی سرنائیا۔ گُر اوتار پَیغمبر کہن ساڈی دھار ویکھو سادی، جِسم تن نہ کوئے رکھائیا۔ جِس دا نوُر آد آدی، انت اوہو ویکھ وکھائیا۔ جو صاحِب برہم برہمادی، پاربرہم نظری آئیا۔ ساچی منزل چڑھے گھاٹی، گھاٹا رہن کوئے نہ پائیا۔ جوتی جوت سروُپ ہرِ، آپ اپنی کِرپا کر، سد دیونہار سرنائیا۔ گُر اوتار پَیغمبر کہن اسیں ویکھیا حقیِقی حقی، حُکم دُھردرگاہیِا۔ انتر رہیا کوئی نہ شکّی، سنسا دِتا مِٹائیا۔ میَں کر کے جانا پکّی، سہج نال سمجھائیا۔ سنت سُہیلے ویکھو اکھّیں، گُرمُکھ اپنے رنگ رنگائیا۔ جو نِرگُن دھار جگا بتّی، سرگُن تت کرے رُشنائیا۔ جوت سروُپی بن کے پتی، پت پرمیشور ہو کے ویکھ وکھائیا۔ سب دا لہنا دینا لیکھا پوُرا کرنا ہتھّیں، ہتّھو ہتّھی نہ کوئے پھڑائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ سچ سچ گُر اوتار پَیغمبراں دئے وڈیائیا۔ گُر اوتار پَیغمبر کہن قدیِم دا پیا جھگڑا، جھگڑے وِچ لوکائیا۔ کلجُگ جیو ہویا بگ بپڑا، کاگ کاگ وانگ کُرلائیا۔ کوئی بھیوَ نہ کھولے اگلا، پردہ دیوے کوئے نہ لاہیِا۔ جن بھگتاں ناتا جُڑیا سگلا، دُھر دا سنگ بنائیا۔ اِکو دسّ بندنا، بندگی بےپرواہیِا۔ اِکو دئے انندنا، انند انند وِچوں چمکائیا۔ دوُسر در پئے نہ منگنا، بِھکھک گُرمُکھ نظر کوئے نہ آئیا۔ سب نوُں اپنے لائے انگنا، انگیکار اِک اکھوائیا۔ جوتی جوت سروُپ ہرِ، آپ اپنی کِرپا کر، سد اپنا کھیل وکھائیا۔ گُر اوتار پَیغمبر کہن اساں حُکم لیَنا دستی، دستخط اپنے دے کے جھٹ لنگھائیا۔ اِکو تکنی پرم پُرکھ دی ہستی، دوُسر سنگ نہ کوئے نِبھائیا۔ جو مالک دُھر دا عرشی، فرشاں اُتے ڈیرہ لائیا۔ جن بھگتاں ہووے غرضی، غرض کوُڑی میٹ مِٹائیا۔ سب دی منظور کر کے عرضی، ہرِ بھگت دوارے لئے بہائیا۔ ایہہ کھیل اگمّے نرائن نر دی، جِس نوُں جنمے کوئے نہ مائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، ہرِ داتا دُھردرگاہیِا۔ گُر اوتار پَیغمبر کہن جن بھگتو سُنو دلیِل، دِلوں دئیے جنائیا۔ تُہاڈا مذہباں والا رہیا نہ کوئے وکیِل، ذِمےداری اساں نہ کوئے اُٹھائیا۔ تُہاڈی سدا منظور اپیِل، اپرمپر سوامی ویکھ وکھائیا۔ جِس بستر پہنے نیِل، ایہہ گوبِند دُھر دا ماہیِا۔ جوتی جوت سروُپ ہرِ، آپ اپنی کِرپا کر، سد اپنا رنگ رنگائیا۔ گُر اوتار پَیغمبر کہن بھگتو ویکھو پربھوُ دی ماگھی، مجن بھگتاں رہیا کرائیا۔ تُسیں ہوئے وڈ وڈ بھاگی، بھاگاں والیو دیواں سُنائیا۔ تُہاڈی دھار تُہاڈے وِچوں جاگی، جاگرت جوت کرے رُشنائیا۔ بھگت اُدھارنا جِس دی

وادی، اوہ وعدے سب دے ویکھ وکھائیا۔ تُساں کِسے نے کرنی نہیں برخلافی، خِلافت نظر کوئے نہ آئیا۔ سب نے بننا اِک دوُجے دے اِتحادی، ناتا پریم والا جُڑائیا۔ ایتھے اوتھے ہووے نہ کوئے بربادی، جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ سچ نال مِلائیا۔ گُر اوتار پَیغمبر کہن اسیں آئے بھجےّ دؤڑے، چھیتی پندھ مُکائیا۔ اَگے پِچھے سانوُں کُچھ نہ بہُڑے، بہُڑی بہُڑی سرب دُہائیا۔ جن بھگت چڑھدے ویکھے اگمّے پؤڑے، جو پؤڑی ڈنڈے نال سُہائیا۔ جِس صاحِب دی سدا لوڑے، اوہ مالک نوُر الاہیِا۔ جِس اَگے نہیں کوئے زورے، زیر زبر نہ کوئے جنائیا۔ اوس دا میل ہووے بطؤرے، ساچا رنگ رنگائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ہرِ سجّن اِک اکھوائیا۔ گُر اوتار پَیغمبر کہن، ویکھو پربھ نے ماریا حمبلہ، ہبلے دِتے تجائیا۔ بھگت دوار سُہا کے دُھر دا بنگلا، سچکھنڈ دئے وڈیائیا۔ نیتر رہے کوئی نہ اندھلا، دوئے لوئن لوئن رُشنائیا۔ ہرِجن دِسے کوئی نہ کنگلا، نام خزینہ جھولی بھرائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ہرِ سَتگُر دَیا کمائیا۔ صدی چؤدھویں کہے گُر اوتار پَیغمبرو ویکھو مقام، مقامے حق نظری آئیا۔ جِتھے اِکو ڈھولا اِک زبان، دوُجا راگ نہ کوئے الائیا۔ اِک دِسے پیِن کھان، کھتری براہمن شوُدر وَیش ونڈ نہ کوئے ونڈائیا۔ اِکو مناوَنہارا آن، سِر سکے نہ کوئے اُٹھائیا۔ ایہہ کھیل پربھوُ مہان، ہرِ کرتا رہیا دِرڑائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، آد جُگادی دیونہارا جیِا دان، جیِون جُگت جاگرت جوت بِن ورن گوت نِرگُن دھار کرے رُشنائیا۔

۹ ماگھ شہنشاہی سمت ۴ کیہر سِنگھ دے گرِہ رجی والا

صدی چؤدھویں کہے کِرپا کیِتی بے پرواہ، بے پرواہ دَیا کمائیا۔ میری قبوُل کر دُعا، دو جہاناں ہویا سہائیا۔ مالک خالق پرِتپالک اِک خُدا، جلوہ گر نوُر الاہیِا۔ جِس دی محمد اگمّ صدا، سندیسہ دیوے دُھردرگاہیِا۔ سجدہ کر اِک الاہ، رحمت دُھر دی منگ منگائیا۔ جِس درگاہ اِک نوا، نوَ نؤ چار دینا جنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ہرِ وڈّا وڈ وڈیائیا۔ صدی چؤدھویں کہے میری بیننتی ہوئی منظور، منزل منزل پندھ مُکائیا۔ کِرپا کیِتی حاضر حضوُر، شہنشاہ

دُھردرگاہیِا۔ میرا پِچھلا بخش قصوُر، کسر اعشاریئے نال اُڈائیا۔ اگلا حُکم دسّ دستُور، رہبر ہو کے رہیا سمجھائیا۔ نام خُماری کر مخموُر، خُدی تکّبر ڈیرہ ڈھاہیِا۔ چتُر سُگھڑ بنا موُرکھ موُڑھ، امرت رس اِک چکھائیا۔ تن وِکار نہ رہے غروُر، غُربت اندروں باہر کڈھائیا۔ سَت سچ دے سروُر، صاحِب سُلطان ویکھ وکھائیا۔ جوتی جوت سروُپ ہرِ، آپ اپنی کِرپا کر، ایکا دیوے دُھر دا ور، وڈ داتا اِک اکھوائیا۔ صدی چؤدھویں کہے میری پُنی آسا، میل مِلایا دُھردرگاہیِا۔ محمد دے کے گیا بھرواسا، بھرم بُھلیکھا رہیا نہ رائیا۔ میَں چھڈ پرِتھمی آکاشا، گگن گگننتر ڈیرہ ڈھاہیِا۔ چؤداں طبق تجیا ساتھا، جگت سنگ نہ کوئے نِبھائیا۔ ناتا رہیا نہ کوئے بھراتا، دیِن دُنی نہ کوئے وڈیائیا۔ کوَن دھار جوڑ کے ناتا، نِروَیر پُرکھ لیا منائیا۔ جو اِمام دُھر دا ساچا، سچ سچ دئے وڈیائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ سوامی انترجامی گھٹ نِواسی پُرکھ ابناشی اپنی کھیل کھِلائیا۔ صدی چؤدھویں کہے کِرپا کیِتی صاحِب سُلطان، مِہر نظر اِک اُٹھائیا۔ محبوُب مُحبّت وِچ ہو مِہربان، بے نظیِر نظر دِتی بدلائیا۔ میری منزل کر آسان، در گھر ساچا اِک جنائیا۔ جگت ترِسنا خواہش نہ رہی جہان، جہالت وِچ نہ کوئے وڈیائیا۔ منزل حق دسّ مکان، درگاہ ساچی اِک سُہائیا۔ جِتھے نِرگُن نوُر جوت مہان، جلوہ گر اِک رُشنائیا۔ نہ کوئی زِمیں نہ اسمان، منڈل منڈپ نہ کوئے درسائیا۔ نہ کوئی گوپی نہ کوئی کاہن، تن وجوُد سوبھا کوئے نہ پائیا۔ نہ کوئی روَ سس سوُریہ چند بھان، دِوس رَین ونڈ نہ کوئے ونڈائیا۔ نہ کوئی رسنا جِہوا بتّی دند پیِن کھان، ناد دُھن شبد نہ کوئی شنوائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، بے پرواہ اپنا پردہ آپ اُٹھائیا۔ صدی چؤدھویں کہے کِرپا کیِتی آپ سمرتھ، صاحِب دِتی سرنائیا۔ میَں بِنا سیِس توں ٹیک کے متھ، نمو سجدہ اِک جنائیا۔ شبد کہانی سُن اکتھ، مہما دُھردرگاہیِا۔ خوشیاں وِچ پئی ہسّ، ہستی تکّی نوُر الاہیِا۔ چرن کوَلاں اُپر ڈھٹّھ، مستک دھوُڑی خاک رمائیا۔ تُوں وسنہارا گھٹ گھٹ، لکھ چؤراسی رہیا سمائیا۔ تیرا جوتی نوُر لٹ لٹ، دو جہان کرے رُشنائیا۔ کِرپا کر صاحِب سمرتھ، در ٹھانڈے منگ منگائیا۔ انت اَخیِر بے نظیِر صدی چؤدھویں بُرج رہیا ڈھٹّھ، تُدھ بِن ہووے نہ کوئے سہائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در ٹھانڈے الکھ جگائیا۔ صدی چؤدھویں کہے میَں ویکھیا غریِب نواز، پاربرہم بے پرواہ نظری آئیا۔ جِس دا آد جُگاد جُگ چؤکڑی نِت نوِت دو جہاناں راج، رعیت گُر اوتار پَیغمبر بَیٹھے سیِس نِوائیا۔ جِس دا نِرگُن سرگُن

سرگُن نِرگُن سماج، شبد سمگری اِک ورتائیا۔ امرت رس اگمّا اگمّ سواد، رسنا رس نہ کوئے چکھائیا۔ جُگ چؤکڑی بِن آلس نِندرا رہیا جاگ، غفلت وِچ کدے نہ آئیا۔ حُکم سندیسہ دیوے برہم برہماد، پاربرہم پت پرمیشور اپنی کھیل کھِلائیا۔ دُھن آتمک سُنا ناد، انحد نادی ناد جنائیا۔ آتم پرماتم پرماتم آتم کرے کاج، پاربرہم برہم میلا سہج سُبھائیا۔ لکھّ چؤراسی جیِو جنت چارے کھانی ساجن ساج، پرا پسنتی مدھم بَیکھری چارے بانی راگ الائیا۔ سو صاحِب سوامی انترجامی گھٹ نِواسی پُرکھ ابناشی دُھر دے کلمے مارے آواز، راز اپنا رہیا کُھلائیا۔ صدی چؤدھویں چار کُنٹ دہ دِشا نؤ کھنڈ پرِتھمی ستّ دیِپ دُرمت مَیل دھواواں داغ، پتت پُنیِت آپ کرائیا۔ آتم پرماتم پرماتم آتم نِرگُن ہو کے پکڑاں واگ، شاہ پاتشاہ شہنشاہ دُھر فرمانا ایکا حُکم سُنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، دُھر دا مالک بھیوَ ابھیدا آپ جنائیا۔ صدی چؤدھویں کہے میَں ویکھیا درگاہ ساچی سچکھنڈ نظارہ، جِس نظریہ دِتا بدلائیا۔ نِرگُن نوُر میرا پروردِگارا، پت پرمیشور نظری آئیا۔ بِن تن وجوُد ماٹی خاک جوتی دھار گُروُ اوتارا، پَیغمبر بِن سیِس سیِس جگدیِش جھُکائیا۔ اِکو نام اِکو کلمہ اِکو ہوئے جَیکارا، دوُجا راگ نہ کوئے الائیا۔ اِکو سجدہ اِک ڈنڈاوت اِک نِمسکارا، دوُجا اِشٹ نہ کوئے منائیا۔ اِک محل اٹل اِکو کعبہ اِکو مندر گُروُدوارا، شِودوالا مٹھ ونڈ نہ کوئے ونڈائیا۔ اِکو پیِر دستگیِر اِکو لیکھا شاہ حقیِر اِکو لہنا بے نظیِر، دوُجا روُپ نہ کوئے درسائیا۔ در درویش سنت بھگت ویکھے فقیِر، فِکرے وِچ تُونہی تُونہی راگ الائیا۔ شرع سنگل دِسیا نہ کوئے زنجِیر، دیِن مذہب نہ ونڈ ونڈائیا۔ منزل چوٹی چڑھ ویکھی اَخیِر، سچ دوارے سوبھا پائیا۔ جِتھے چلے نہ کوئے دلیِل، کلپنا وِچ نہ کوئے کُرلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، درگاہ ساچی اِک سُہائیا۔ درگاہ ساچی دوارا سچکھنڈ، کھنڈا کھڑگ نہ کوئے کھڑکائیا۔ نہ کوئی ذات پاتی ونڈ، دیِن مذہب نہ کوئے وکھائیا۔ نہ کوئی ڈھولا نہ کوئی چھند، گیِت سنگیِت نہ کوئے سُنائیا۔ نہ کوئی بندگی اندر ہوئے پابند، نہ کوئی حُکمے حُکم منائیا۔ نہ کوئی سوُریہ نہ کوئی چند، منڈل منڈپ نہ کوئے رُشنائیا۔ نہ کوئی شاستر سِمرت وید پُران اِنجیِل قرآن کھانی بانی نہ کوئی ڈھولا حقیِقی چھند، رسنا جِہوا نہ کوئے ہِلائیا۔ جِدھر تکاّں نِرگُن نوُر جوت پرکاشن پُرکھ اکال سوُرا سربنگ، شاہ پاتشاہ شہنشاہ اِکو نظری آئیا۔ جو آد جُگاد جُگ چؤکڑی مِہربان محبوُب بخشند، رحمت حق حق کمائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، ور داتا بےپرواہیِا۔ صدی

چؤدھویں کہے میَں جا کے کِہا سلام، نِمرتا وِچ سیِس نِوائیا۔ اَگوں حُکم دیوے اِمام، ہرِ کرتا بےپرواہیِا۔ کملیئے اگلی سُن کلام، جو کلمیاں توں باہر کرے پڑھائیا۔ کلجُگ انتم بدل جانا اِنتظام، دُھر فرمانا اِک سُنائیا۔ حُکم دیوے سِری بھگوان، نہ کوئی میٹے میٹ مِٹائیا۔ گُر اوتار پَیغمبر منّن آن، سِر سکے نہ کوئے اُٹھائیا۔ سرِشٹی درِشٹی اندر جھُلنا اِک نِشان، نوَ نؤ چار دئے گواہیِا۔ آتم پرماتم سب نے گاؤنا گان، گاوت گا گا خوشی منائیا۔ شرع چُھری نہ رہے شیَطان، دیِن مذہب نہ کوئے لڑائیا۔ سب دا اِکو ہووے رام، اِمام اِکو سوبھا پائیا۔ بندھن وِچ رہے نہ کوئے غُلام، زنجِیر کوُڑ دینا تُڑائیا۔ کایا کعبہ دسّنا اِک مقام، حقیِقت لاشریِکت اِک جنائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، مِہر نظر اِک اُٹھائیا۔ صدی چؤدھویں سُن حدیِث، حضرتاں توں پرے دئے دِرڑائیا۔ سب دا مالک اِک جگدیِش، جگدیِشر نوُر الاہیِا۔ جِس نوُں سب دا جھُکدا سیِس، چرن کوَل سرنائیا۔ آتم پرماتم پاربرہم برہم دسےّ اِک پریِت، پرم پُرکھ پرماتم پردہ اِک چُکائیا۔ دیِن دُنی دی بدل دیوے نیِت، نیِتیوان ہوئے سہائیا۔ جھگڑا رہے نہ ہست کیِٹ، اوُچ نیِچ نہ کوئے وڈیائیا۔ مانَو من منسا جائے جیِت، تن وجوُد ہوئے صفائیا۔ لیکھا رہے نہ اوُچ نیِچ، کھتری براہمن شوُدر وَیش اِکو رنگ رنگائیا۔ جوتی جوت سروُپ ہرِ، آپ اپنی کِرپا کر، بھیوَ ابھیدا دئے کُھلائیا۔ صدی چؤدھویں کہے پربھوُ تیرا تکاّں سچکھنڈ دوارا، درگاہ ساچی ویکھ وکھائیا۔ جِتھے اِکو نوُر اُجیارا، جوتی جوت جوت رُشنائیا۔ گُر اوتار پَیغمبر ننےّ بچّے تیرے سیوادارا، بالک بالے سوبھا پائیا۔ تُوں سب دا شاہ سِکدارا، شہنشاہ تیری اِک سرنائیا۔ بھوِکھتاں وِچ لِکھتاں وِچ اِشٹاں وِچ تیرا کرکے گئے اِظہارا، صِفتاں وِچ صالاحیِا۔ تُوں آد جُگاد جُگ چؤکڑی نِرگُن سرگُن سرگُن نِرگُن اِک اوتارا، اوتر اپنی کھیل کھِلائیا۔ صدی چؤدھویں کوُڑی کِریا کر پار کنارہ، نئیا نؤکا مایا ممتا رہن کوئے نہ پائیا۔ تیرا نام تیرا کلمہ ہووے اِک جَیکارا، چار ورن اٹھاراں برن آتم پرماتم تیرا ڈھولا گائیا۔ نؤ کھنڈ پرِتھمی ستّ دیِپ تیرا ہوئے سہارا، دوُجا اِشٹ نہ کوئے منائیا۔ جاگرت جوت بِن ورن گوت ہو اُجیارا، ہرکھ سوگ چِنتا غم کوُڑ کلپنا ڈیرہ دینا ڈھاہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ہرِ کرتا اپنی کل ورتائیا۔ صدی چؤدھویں کہے کِرپا کر میرے سوامی، صاحِب سُلطان تیری سرنائیا۔ تُوں ہر گھٹ انترجامی، لکھّ چؤراسی ویکھ وکھائیا۔ سَت دھرم دی دِسے نہ کوئے نِشانی، چاروں کُنٹ اندھیرا چھائیا۔ جگت وِدیا ہوئے گیانی، برہمویتا نظر کوئے نہ آئیا۔ جھگڑا پیا چارے کھانی، انڈج

جیرج اُتبُھج سیتج پردہ سکے نہ کوئے اُٹھائیا۔ تیرا اِشارہ سمجھے نہ کوئے چارے بانی، پرا پسنتی مدھم بَیکھری سارے رہے گائیا۔ تیرا نوُر نظر نہ آئے جلوہ گر نوُرانی، ناد دُھن نہ کوئے شنوائیا۔ چار کُنٹ دہ دِشا من کلپنا ودھی بے اِیمانی، بیوہ روُپ ہوئی ہلکائیا۔ منزل چڑھے نہ کوئے روُحانی، اِسم اعظم لاشریِک تیرا ویکھن کوئے نہ پائیا۔ من کلپنا کرے نہ کوئے قُربانی، کایا کعبے وجےّ نہ کوئے ودھائیا۔ کلجُگ جیو جھگڑا پیا جِسمانی، اسمانی تیرا میل نہ کوئے مِلائیا۔ چار کُنٹ دہ دِشا کوُڑ کِریا چڑھی طُغیانی، اَگے ہو نہ کوئے اٹکائیا۔ تیری جوت دِسے بیگانی، منزل بامنزل چڑھ کے تیرا درس کوئے نہ پائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در ٹھانڈے منگ منگائیا۔ صدی چؤدھویں کہے میَں چھڈنا چاہُندی لوک مات، دھرنی دھرت دھؤل دھوَل رہن کوئے نہ پائیا۔ دھرم دی رہی نہ کوئے جماعت، سَت دھرم نہ کوئے رکھائیا۔ جو لِکھ کے لیکھا گُروُ اوتار پَیغمبر آئے قلم دوات، کائنات پئی دُہائیا۔ پُرکھ اکالے دیِن دَیالے اِک واری مار جھات، پردہ نشیں پردہ آپ اُٹھائیا۔ دیِن دُنی دے ویکھ حالات، حالت سب دی دیاں جنائیا۔ دُھر دا دیوے کوئی نہ ساتھ، ساچا سنگ نہ کوئے نِبھائیا۔ من کلپنا جگت سُرتی کرے ناچ، سُرت شبد میل نہ کوئے مِلائیا۔ چار کُنٹ دہ دِشا جگت اندھیری رات، تیرا نام نوُری چند نہ کوئے چمکائیا۔ بیننتی کر کے رہی آکھ، سیِس جگدیِش تیرے قدم ٹِکائیا۔ تیرے اُتوں پربھوُ سب دا گیا وِشواس، وِشیاں وِچ کوُڑ لوکائیا۔ پُت پِیو دا کرے گھات، پوُت پِتا کرے لڑائیا۔ جو اوتار پَیغمبر گُر گئے آکھ، آخر ویلا دئے دُہائیا۔ پرگٹ ہو ساکھیات، سمرتھ تیری سرنائیا۔ میَں نِمانی اناتھاں اناتھ، دینن تیرے اَگے دیواں دُہائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، پُرکھ اکال تیری وڈیائیا۔ صدی چؤدھویں کہے میرے پرم پُرکھ پروردِگار، بے پرواہ تیری وڈیائیا۔ ساچا رہیا نہ کوئی خِدمتگار، خادم ہو کے سیو نہ کوئے کمائیا۔ تیرے نام دا چار کُنٹ چلے تکرار، جھگڑے وِچ دُہائیا۔ میرا انت اَخیِری پوُرا کر قؤل اِقرار، اِقرارنامے پِچھلے ویکھ وکھائیا۔ تیرا سچکھنڈ سچّا دربار، درگاہ ساچی نظری آئیا۔ حُکم کر اپنی دھار، جوتی جاتے اپنی دَیا کمائیا۔ شبدی حُکم تیرا سرکار، نہ کوئی میٹے میٹ مِٹائیا۔ بردے کھڑے گُروُ اوتار، پَیغمبر سیِس نِوائیا۔ سب کُچھ تیرے اِختیار، مختیارنامے سب دے ویکھ وکھائیا۔ میَں رو رو کراں گِریہ زار، بِن نیتر نیَناں نیِر وہائیا۔ صدی چؤدھویں کہے میَں کردی رہی اِنتظار ، سماں سمیں نال مِلائیا۔ سو وقت پہنچیا آن، مِہربان ویکھ وکھائیا۔ جوتی جوت سروُپ ہرِ، آپ اپنی کِرپا کر، ایکا دینا

دُھر دا ور، در تیرے منگ منگائیا۔ صدی چؤدھویں اُٹھ ویکھ مار کے جھاکی، پردہ دیاں اُٹھائیا۔ میرا کھیل ہونا اِتفاقی، جگت سمجھے نہ کوئے لوکائیا۔ گُر اوتار پَیغمبراں لہنا دینا دیواں باقی، لیکھا سب دے ہتّھ پھڑائیا۔ جھگڑا رہے نہ ماٹی خاکی، تن وجوُد نہ ونڈ ونڈائیا۔ آتم پرماتم بنا کے ساتھی، سگلا سنگ دیاں نِبھائیا۔ تُوں منّی میری آکھی، چلنا حُکم رضائیا۔ میَں چؤداں طبق کھول کے تاکی، پردہ اگلا دیاں اُٹھائیا۔ تیرے انت اَخیِر رہے کوئے نہ پاپی، پتتاں کراں صفائیا۔ جن بھگتاں دیواں پُشت پناہ تھاپی، ساچے سنتاں آپ جگائیا۔ شبد اگمّے گھوڑے چڑھ کے راکی، دو جہاناں ویکھ وکھائیا۔ کلجُگ مِٹے اندھیری راتی، سَتجُگ ساچا چند چمکائیا۔ چار ورن اٹھاراں برن بنن اِک جماعتی، پُرکھ اکال کرے پڑھائیا۔ جھگڑا مِٹے پرِتھمی آکاشی، گگن گگننتر ڈیرہ ڈھاہیِا۔ ساچے منڈل پاوے راسی، سُرتی شبدی گوپی کاہن نچائیا۔ سوامی ہو کے پُچھاں واتی، واتاوَرن بدلے سرب لوکائیا۔ کھیلے کھیل بہُہ بِدھ بھاتی، پاربرہم پربھ اپنی کل ورتائیا۔ دیِن دُنی کر کے داس داسی، دُھر فرمانا اِک سُنائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، دھرم دوارا اِک پرگٹائیا۔ صدی چؤدھویں پربھ دیوے دُھر فرمانا، حُکم سندیسہ اِک سُنائیا۔ نؤ کھنڈ پرِتھمی آتم پرماتم جناوے اِکو گانا، گہر گمبھیِر آپ دِرڑائیا۔ امرت رس نِجھر دھار دیوے پیِنا کھانا، جگت ترِسنا بُھکھ مِٹائیا۔ ساچا مندر وکھا مکانا، بِن دیِا باتی کملاپاتی نِرگُن جوت کرے رُشنائیا۔ ساچا شبد سُنا اگمّی دُھنکانا، انحد نادی ناد دئے وجائیا۔ انت اَخیِر بے نظیِر شاہ حقیِر لاشریِک بدل دئے زمانہ، زِمیں اسماناں کھوج کھوجائیا۔ تُوں میرا میَں تیرا آتم پرماتم چار ورن ہوئے ترانہ، تُریا پد توں اگلا پردہ دئے اُٹھائیا۔ سچ سروور دسےّ اِکو نہانا، اٹھسٹھ لوڑ رہے نہ رائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، در ٹھانڈا اِک وکھائیا۔ صدی چؤدھویں کہے میَں دسّاں اگمّا پریم، پریِتی اِک دِرڑائیا۔ سرِشٹی درِشٹی اِکو نیم، نِیم اِک سمجھائیا۔ جو اِشارہ کیِتا گوبِند کُنٹ ہیم، دُشٹ دمن سمجھائیا۔ سو لیکھا پوُرا ہونا عین، اَگے ہو نہ کوئے اٹکائیا۔ کلجُگ کوُڑی کِریا مِٹے اندھیری رَین، سَتجُگ ساچا چند چمکائیا۔ گُر اوتار پَیغمبراں لیکھا پوُرا کرے لہن دین، مقروُض سب دا لیکھا ہتّھ پھڑائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سَت ستوادی ویکھ وکھائیا۔ صدی چؤدھویں اُٹھ بلدھار، بلدھاری دئے وڈیائیا۔ انت اَخیِری ویکھ اپنی گُلزار، گُلشن جو مہکائیا۔ ناتا تُٹن لگّا محمدی یار، چار یاری سنگ نہ کوئے نِبھائیا۔ خِزاں آؤن والی بہار، بسنت اپنی رُت

بدلائیا۔ پوُرا ہون لگّا اِقرار، اِقبال دے کے محمد گیا جنائیا۔ کِسے دا چلے نہ کوئے تکرار، جھگڑے وِچ نہ کوئے خُدائیا۔ بھروسہ کرنا پئے اِعتبار، بے اِعتباری دینی گوائیا۔ پروردِگار دے سب کُچھ اِختیار، بےاِختیاری کرے لوکائیا۔ انت اَخیِری آئی ہار، ہِردے ہرِ نہ کوئے وسائیا۔ پُرکھ اکال دیِن دَیال حُکمے اندر سب نوُں کرنا گرِفتار، بچیا رہن کوئے نہ پائیا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، مہاراج شیرسِنگھ وِشنوُں بھگوان، کرے کھیل وِچ سنسار، سنساری بھنڈاری سنگھاری سارے بَیٹھے سیِس نِوائیا۔

۱۰ ماگھ شہنشاہی سمت ۴ مل سِنگھ دے گرِہ رجی والا ضِلع فِروزپُر

صدی بیِسویں کہے تُوں مَیتھوں نِکی، صدی چؤدھویں تَینوُں دیاں جنائیا۔ کِس دواریوں تُوں سِکھیا سِکھی، پردہ دینا کُھلائیا۔ میَں ویکھدی رہی اپنی مِتی، کوَن ویلا مِتر پیارا دئے وڈیائیا۔ بھرواسا اِکو اُتے سِٹی، سِٹیبازی تکاّں جگت لوکائیا۔ دیِن دُنی پُجارن ویکھاں پتّھر اِٹیں، جلدھارا سیِس نِوائیا۔ کوئی دھار نظر نہ آئی چِٹی، چاروں کُنٹ اندھیرا چھائیا۔ میَں دوہتّھڑ مار کے پِٹّی، بہُڑی بہُڑی کر کُرلائیا۔ میرا پروردِگار میَنوُں وکھاؤن لگّا پُرانی چِٹھی، سچ دواریوں آپ اُٹھائیا۔ جِس نوُں سمجھے کوئی نہ مُنی رِکھی، سنت فقیِر نہ کوئے دِرڑائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ہرِ وڈّا وڈ وڈیائیا۔ صدی چؤدھویں کہے سُن میری وڈّی بھَین، بھرم دیاں گوائیا۔ میَں تَینوُں آئی کہن، سچ سندیسہ اِک سُنائیا۔ کی حُکم دیوے نرائن، نر نِرنکارا بےپرواہیِا۔ جِس نے سارے چُھڈائے ساک سیَن، سجّن آئی تجائیا۔ ناتا توڑ کے بھائی بھَین، میِت مُرار نہ سنگ رکھائیا۔ جگت واسنا چھڈ کے وہن، بھجیّ واہو داہیِا۔ اِشارہ کر بالمیک رمائن، جو رام دئے گواہیِا۔ سو وقت پہنچیا عین، اَناالحق نال رلائیا۔ میَنوُں صبر نہ آیا چَین، بے صبری وِچ کُرلائیا۔ محمد کہہ کے گیا کھیل ہونا وِچ ہِندوائن، واحد خُدا اپنا ڈنک وجائیا۔ اوس نوُں تکاّں اپنے نیَن، پرتکھ روُپ گوسائنیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دئے سرنائیا۔ صدی بیِسویں کہے تُوں اجے بال اَنجانی چھوٹی، کیوں چُھٹکارا رہی پائیا۔ چڑھ کے ویکھ اگمّی چوٹی، چوٹی مُنیاں کھوج کھوجائیا۔ سب دی آسا دِسے کھوٹی،

جو عیسیٰ موُسیٰ دھیان لگائیا۔ جھگڑا پیا جگت روٹی، رٹےّ وِچ کُرلائیا۔ جِس نوُں لبھدے کوٹن کوٹی، انِگنت کھوج کھوجائیا۔ جِس کھیل کھِلایا جنجوُ بودی، موُنڈ مُنڈایا ونڈ ونڈائیا۔ جِس بھاگ لگایا ویدی سوڈھی، بنس سربنس سُہائیا۔ جو جگت نوُں دیوے روزی، رازق رِزق رحیِم نوُر الاہیِا۔ اوہ مالک دُھر دا چوجی، پریِتم بن کے کھوج کھوجائیا۔ جو آد جُگادی جوگی، جوگیِشراں دئے وڈیائیا۔ جو آتم پرماتم بھوگی، رس رسیِا نوُر خُدائیا۔ جو نِرگُن دھار سنجوگی، جنم مرن وِچ نہ آئیا۔ جِس دی دو جہاناں اوٹی، گُر اوتار پَیغمبر سیِس نِوائیا۔ جو سب نوُں دیوے سوجھی، پردیاں اندر پردہ کُھلائیا۔ جو لیکھا جانے چؤداں لوکی، چؤداں طبق کرے رُشنائیا۔ جو دیوے ساچا نام سلوکی، دُھر دا کلمہ اِک پڑھائیا۔ جوتی جوت سروُپ ہرِ، آپ اپنی کِرپا کر، سو کرنی کار کمائیا۔ صدی چؤدھویں کہے تُوں ویکھ اپنا بیِسویں صدی حال، سال بسالا نال رلائیا۔ میَنوُں گوبِند بچّے گئے سِکھال، جو چھوٹے نیہاں ہیٹھ دبائیا۔ میَنوُں سُتی نوُں گئے اُٹھال، آلس نِندرا دِتا گوائیا۔ جِن پُچھنا مُریِداں حال، اوہ مُرشد بےپرواہیِا۔ اوس دے اَگے کر سوال، نِمانی ہو کے سیِس جھُکائیا۔ تیرا لہنا دینا لیکھا لئے سنبھال، سمبل اپنا ڈیرہ لائیا۔ کلجُگ کوُڑی کِریا کرے زوال، جوروُ زر نہ کوئے وڈیائیا۔ سب دے سِر تے کوُکے کال، ڈنک نگارہ رہیا وجائیا۔ پروردِگار دیِن دُنی دی بدل دے چال، چال نِرالی اپنے ہتّھ وکھائیا۔ جھگڑا مِٹے کایا ماٹی کھال، تت وجوُد نہ کوئے لڑائیا۔ سو سوامی لیَنا بھال، جو مالک اِک اکھوائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، مِہر نظر اِک اُٹھائیا۔ صدی بیِسویں کہے تُوں مَیتھوں بالی اَنجانی، ننھی میَنوُں نظری آئیا۔ صدی چؤدھویں کہے میَنوُں گوبِند کیِتا سُگھڑ سیانی، سِر میرے ہتّھ ٹِکائیا۔ میَں پروردِگار سانجھا یار خلق دا خالق تکّیا ہانی، نِروَیر نِراکار نوُر الاہیِا۔ جو آبِ حیات امرت رس دیوے ٹھنڈا پانی، سر سروور اِک نُہائیا۔ جِتھے جھگڑا نہیں چارے کھانی، چارے بانی نہ ونڈ ونڈائیا۔ جِتھے لیکھا نہیں جیو پرانی، ساہ ساہ نہ کوئے سمائیا۔ جو آد جُگاد جوت نوُرانی، نوُرو نوُر نوُر رُشنائیا۔ جِس دا پد اِک نِربانی، سچکھنڈ ساچے سوبھا پائیا۔ جِس دی شاستر سِمرت اِنجیِل قرآن کھانی بانی کتھا کہانی، گُر اوتار پیِر پَیغمبر سوہلے ڈھولے نغمے کلمیاں وِچ سُنائیا۔ سو کرنی کرتا پرم پُرکھ بن کے جان جانی، جاننہار ویکھ وکھائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، دھرم دوارے دئے وڈیائیا۔ صدی چؤدھویں کہے میَں اِکو منگی منگ، در ٹھانڈے سیِس نِوائیا۔ میَں

بالی نَڈھی چاڑھ اپنا رنگ، رنگت اِک وکھائیا۔ تُوں پُرکھ اکالا دیِن دَیالا پروردِگار سانجھا یار سدا سوامی رہ سنگ، سگلا سنگ نِبھائیا۔ تُوں میرا میَں تیرا آتم پرماتم وجا مردنگ، مرد مردانے لےَ اُٹھائیا۔ میَنوُں چھوٹیاں بالیاں دسّیا ڈھنگ، طریقہ اِکو اِک سُنائیا۔ اوہ صاحِب سوُرا سربنگ، شاہ پاتشاہ سچّا شہنشاہیِا۔ جو شاہاں کرے تنگ، راج راجانا خاک مِلائیا۔ سو بخشنہار انند، انند انند وِچوں پرگٹائیا۔ جِس نے محمد نِشان بخشیا تارا چند، چند تارا اپنا رنگ رنگائیا۔ اوہ کھیل کرے وِچ وربھنڈ، برہمنڈ کھیل کھِلائیا۔ تیرا میٹے انتم پندھ، سفراں وِچ نہ کوئے بھوائیا۔ سدا سوامی بن کے سنگ، ساتھی اِکو نظری آئیا۔ تیرا رنڈیپا کٹے رنڈ، جگت سُہاگن لئے وکھائیا۔ بھگت سُہیلے چاڑھ کے جنّج، دُھر دے سنگی لئے بنائیا۔ ویکھیں نیتر نیِر نہ وہاویں ہنجھ، اتھروُآں وہن نہ کوئے وہائیا۔ جِس نے شرع شریِعتی ڈھاؤنی کندھ، بھانڈا بھرم بھؤ بھنّائیا۔ دیِن دُنی نوُں دے کے کنڈ، کروٹ اپنی لئے بدلائیا۔ گُر اوتار پَیغمبر اِک حُکم دے کر پابند، دیِن مذہب دا جھگڑا دئے چُکائیا۔ تُوں میرا میَں تیرا آتم پرماتم سرِشٹی درِشٹی اندر گاؤنا چھند، سوہنگ ڈھولا صِفت صالاحیِا۔ جھگڑا مُکاؤنا جمنا گوداوری سُرستی گنگ، گنگوتری دھار نہ کوئے بنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، آد جُگاد جُگ چؤکڑی نِت نوِت صاحِب سُلطان سوُرا سربنگ، سرب سوامی انترجامی گھٹ نِواسی پُرکھ ابناشی تیرا میرا میرا تیرا لیکھا لہنا میٹے تھاؤں تھائنیا۔