۱۹ ماگھ شہنشاہی سمت ۴ جوگِندر کؤر دے گرِہ فِروزپُر چھاؤنی
نانک نِرگُن کہے ویکھو گُر اوتار پَیغمبرو کھیل حالا، حالت بدلی جگت لوکائیا۔ ساچی منزل چڑھے نہ کوئے پوُجا پاٹھ کر کے پھیر کے مالا، منکیاں نال من کا منکا نہ کوئے بھوائیا۔ پنج تت ترےَگُن توڑے نہ کوئی جنجالا، مایا ممتا موہ وِکار نہ کوئے مِٹائیا۔ سچ دوار دِسے نہ کوئی کِسے دھرمسالہ، کایا کعبہ نوُر ظہوُر نہ کوئے رُشنائیا۔ پھل تن وجوُد دِسے کِسے نہ ڈالا، پتّ ٹاہنی نہ کوئے لہرائیا۔ جِس دا سارے دے کے گئے احوالا، بھوِکھتاں وِچ سُنائیا۔ سو کھیل کرے پُرکھ اکالا، اکل کل دھاری نوُر الاہیِا۔ جِس دے اَگے کردے رہے
سوالا، مانگت ہو کے منگ منگائیا۔ سو نِرگُن نوُر جوت کرے اُجالا، چاروں کُنٹ ڈگمگائیا۔ کلجُگ کوُڑی کِریا کرے بےحالا، سَتجُگ سَت سَت ورتائیا۔ شبدی گُروُ بن دلالا، چار ورناں ویکھ وکھائیا۔ لیکھا جانے کال مہاکالا، پردہ دیِن دُنی اُٹھائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ نانک کہے گُر اوتار پَیغمبرو بھیوَ ابھید چُکاؤ دوُجا، نُقطہ رہن کوئے نہ پائیا۔ صدی چؤدھویں کِسے کمّ نہ آؤندی دِسے پوُجا، پاٹھ جوگ ابھیاس نہ کوئے وڈیائیا۔ انتر نِرنتر بھیوَ کُھلے کِسے نہ گوُجھا، بجر کپاٹی پڑدا نہ کوئے اُٹھائیا۔ پِھری دروہی اُپر بسُدھا، چار کُنٹ رہیا کُرلائیا۔ سب دا انتم ویلا پُجا، وقت دئے گواہیِا۔ پُرکھ اکالا دیِن دَیالا انت اَخیِر رہے نہ لُکا، نِروَیر نوُر کرے رُشنائیا۔ چار ورناں دا مارگ کر کے سُچا، سنجم اِکو دئے دِرڑائیا۔ جن بھگت سُہیلے اُٹھائے اپنے سُتا، دُلارے گود ٹِکائیا۔ سچ پریم سُہا کے رُتا، رُتڑی اپنی آپ مہکائیا۔ گُر اوتار پَیغمبرو سب دا پَینڈا مُکا، مُکمل دیاں جنائیا۔ سَتجُگ اندر مدرا ماس رسنا کوئی نہ لاوے حُقہ، تُخم تاشرِا سب دی دئے بدلائیا۔ آتم پرماتم پرماتم آتم نِرگُن سرگُن سرگُن نِرگُن سمجھائے مُدّعا، مُدّت دے وِچھڑے اپنے نال مِلائیا۔ کایا مندر سچ دوار سُہا کے جھُگا، گرِہ مندر ڈیرہ لائیا۔ جوتی جوت سروُپ ہرِ، آپ اپنی کِرپا کر، سد میلا لئے مِلائیا۔ نِرگُن نانک کہے گُر اوتار پَیغمبر دیِن دُنی دا ویکھو نہاؤنا دھؤنا، اِشنان وِچ نہ کوئے وڈیائیا۔ چار کُنٹ دہ دِشا سب نوُں پیا رونا، بِن نیَناں نیِر سرب وہائیا۔ صدی چؤدھویں سَت دھرم دا بیِج کِسے نہ بونا، آتم برہم پردہ نہ کوئے اُٹھائیا۔ ساچے مندر اُچ مینار دُھر دے منبر چڑھ نہ کِسے کھلونا، آواز حق نہ کوئے سُنائیا۔ دُرمت داغ چار ورن اٹھاراں برن کِسے نہ دھونا، ہِندوُ مُسلم سِکھ عیِسائی جھگڑا نہ کوئے چُکائیا۔ جگت وِکار ہنکار کایا تت وِچوں نہ کِسے بِلونا، نام مدھانا ہتّھ نہ کوئے اُٹھائیا۔ کلجُگ انت اَخیِر جگت جہان پراہُنا، ویلا وقت دئے گواہیِا۔ سچ سندیس نر نریش دو جہان سُناؤنا، نِرگُن نِروَیر نِرنکار اپنا حُکم منائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، دھرم دوارا ویکھ وکھائیا۔ نانک نِرگُن کہے گُر اوتار پَیغمبرو ویکھو صُبح شام، وقت بوقت دھیان لگائیا۔ ہِردے وسے کِسے نہ رام، رمئیا مِلن کوئے نہ پائیا۔ میِت بنے کوئی نہ شام، گھنئیا کاہن نہ کوئے چتُرائیا۔ پَیغمبر دئے کوئی نہ دان، اِسم اعظم نہ کوئے سمجھائیا۔ گُروُ گُردیو کرے نہ کوئے پہچان، پردہ اوہلا نہ کوئے اُٹھائیا۔ آتم برہم نہ کوئے گیان، اکھّراں والی جگت پڑھائیا۔ شاستر سِمرت وید پُران اِنجیِل قرآن ہوئے حَیران، کھانی بانی چار کُنٹ ویکھے نیَن اُٹھائیا۔ دہ دِشا پِھرے
شیَطان، شرع اپنی نال ورتائیا۔ ثابت رہیا نہ کِسے اِیمان، ہِندوُ مُسلم سِکھ عیِسائی دین دُہائیا۔ کِسے کمّ نہ آوے بغل رکھی کران، کایا کعبے نہ وجےّ ودھائیا۔ رسنا جِہوا صِفت صالاحی سارے ڈھولے گان، نِرگُن نِروَیر نِراکار درس کوئے نہ پائیا۔ شبد سندیسہ دُھر فرمان، ہرِ کرتا آپ دِرڑائیا۔ سب دا سانجھا ہووے اِک اِمام، عملاں توں رہت نوُر خُدائیا۔ جو لیکھا مُکائے جگت جہان، جاگرت جوت کر رُشنائیا۔ سب دا سجدہ اِکو ہوئے سلام، ڈنڈاوت بندنا اِک درسائیا۔ اِکو نام کلمہ دسےّ کلام، کائنات اِک پڑھائیا۔ اِک سِنگھاسن آسن سچ دسےّ بِسرام، جِتھے وِشن برہما شِو سیِس نِوائیا۔ جِس نوُں جھُکدے زِمیں اسمان، منڈل منڈپ لاگن پائنیا۔ سو کھیل کرے سِری بھگوان، ہرِ کرتا دُھردرگاہیِا۔ سب نے منّنی اوس دی آن، سِر سکے نہ کوئے اُٹھائیا۔ جِس نے دیِن دُنی دا بدل دینا وِدھان، حُکم حُکم وِچوں پرگٹائیا۔ شرع دا رہن نہیں دینا کوئی غُلام، بندھن مذہباں والے تُڑائیا۔ آتم پرماتم پرماتم آتم کر پہچان بے پہچان کرے رُشنائیا۔ سرِشٹی درِشٹی اندر کرے نہ کوئے حرام، جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ سندیسہ اِک سُنائیا۔ نانک نِرگُن کہے گُر اوتار پَیغمبرو سِمرن پاٹھ ویکھو نماز، روزیاں وِچ دھیان لگائیا۔ کِسے دا کُھلے نہ اندروں راز، پردہ پردے وِچوں نہ کوئے چُکائیا۔ بھیوَ کھولے نہ کوئی آغاز، سندیسہ دُھر نہ کوئے سُنائیا۔ سَت دا ہوئے نہ کوئے مُحتاج، پاربرہم مِلن کوئے نہ آئیا۔ دیِن مذہب دا گُر اوتار پَیغمبرو تُساں دسّیا اِعتراض، شرع وِچ شرع دِتی لڑائیا۔ ایہہ کھیل پربھوُ تماش، جُگ چؤکڑی دِتا کرائیا۔ انتم سب نوُں کرے فاش، لوک مات رہن نہ پائیا۔ تُہاڈی پوُری کرے آس، جو بھوِکھتاں وِچ ڈھولے گائیا۔ نِرگُن نوُر جوت کرے پرکاش، جوتی جاتا بِدھاتا پُرکھ اکالا دیِن دَیالا پروردِگار بن کے سانجھا یار دیوے ساتھ، سگلا سنگ نِبھائیا۔ دیِن دُنی تن وجوُد ماٹی خاک انتر نِرنتر ویکھو مار جھاک، جھاکی تن خاکی اِک لگائیا۔ سب دا بدل رہیا حالات، حالانکہ گُر اوتار پَیغمبرو تُہاڈے شاستر سِمرت وید پُران اِنجیِل قرآن کھانی بانی ڈھولے رہی سُنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ میلا لئے مِلائیا۔ نانک نِرگُن کہے میَنوُں سرگُن یاد آئی تلونڈی، پوُرب بھیوَ جنائیا۔ جِتھے تولے دی بیٹی نوُں ونڈ سی ونڈی، آیوُ ستّ سال سمجھائیا۔ میرا پیارا سی ماتُو سنگی، بِردھ اوستھا نظری آئیا۔ اوس ویلے کول بَیٹھا سی ہتّھ رکھ کے اپنی کندھی، موڈھیاں رہیا دبائیا۔ مُکھوں ہسّ کے کِہا نانک وست دِتی تُوں چنگی، چِٹھی اکھّراں والی بنائیا۔ میَنوُں ایَں جاپدا ایہہ دو جہاناں سندھی، سند سوبھا پائیا۔ نانک کِہا ایس
منگ اگمّی منگی، مانگت ہو کے جھولی ڈاہیِا۔ جِس ویلے صدی چؤدھویں لنگھی، اپنا پندھ مُکائیا۔ پرگٹ ہووے پُرکھ اکال سوُرا سربنگی، ہرِ کرتا شہنشاہیِا۔ اِنہاں دی آتما تت سریِر وِچ پھیر جائے گنڈھی، ناتا دھرم دھار بنائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در تیری اِک سرنائیا۔ ماتُو کر کے نِمسکار، سیِس دِتا نِوائیا۔ جے دوویں دِتے تار، سِر میرے ہتّھ رکھائیا۔ میرا تیرے نال پیار، چرن کوَل سرنائیا۔ نانک کِہا میرے چرناں دی مستک لا چھار، دھوُڑی خاک رمائیا۔ پھیر اگلا جنم دیاں سوار، جنم وِچوں مانَس جنم وِچ بدلائیا۔ ماتُو نے اُٹھ کے ماری چھال، خوشی وِچ وڈیائیا۔ تُوں شاہ تے میَں کنگال، تیری بےپرواہیِا۔ اونے چِر نوُں اِک مالن لےَ کے آ گئی ہار، پُھلاں نال سُہائیا۔ ماتُو کول سی پَیسے چار، چارے کڈھ کے ہتّھ دِتے پھڑائیا۔ منگے نال پیار، میَنوُں دے دے جگت دی مائیا۔ جوتی جوت سروُپ ہرِ، آپ اپنی کِرپا کر، ایکا دے دُھر دا ور، دُھر مستک ویکھ وکھائیا۔ ماتُو لےَ کے تِنّ ہار، ہِردے وِچ وڈیائیا۔ نانک دے گل وِچ دیواں ڈار، ناتا تِنّاں دا تِنّاں لوکاں وِچوں باہر سمجھائیا۔ اپنیِاں باہاں لئے اُٹھال، ہتّھاں وِچ لٹکائیا۔ ننھی بچّی اَگے آئی بال، ہسّ کے رہی سُنائیا۔ میَں پاؤنے نال پیار، کیوں میرا بابا میَنوُں گود اُٹھائیا۔ نانک کِہا تُسیں دوویں رکھو سنبھال، اپنے کول ٹِکائیا۔ جِس ویلے کلجُگ کوُڑی کِریا ودھے وِکار، چار کُنٹ اندھیرا چھائیا۔ تُہاڈا جنم ہونا وِچ سنسار، وکھری وکھری پِتا مائیا۔ انت لہنا دینا دئے اُتار، مقروُض قرضہ آپ چُکائیا۔ کل کلکی لئے اوتار، نِرگُن نوُر جوت کرے رُشنائیا۔ ماتُو تیرا پِچھلا ہور وِہار، نانک دئے سمجھائیا۔ تیرا لیکھا بدھک دھار، جِس کمان دِتی بنائیا۔ گھر باڈھیاں تیرا جنم اپار، پوُرب لیکھا دئے گواہیِا۔ سو لہنا دینا پوُرا کرے آپ کرتار، قُدرت دا مالک ویکھ وکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ہرِ کرتا وڈ وڈیائیا۔ ہار کہن سانوُں چھڈیا رکھ، جگت وِچ لوکائیا۔ اسیں وینہدے رہے نال اکھّ، سال بسالا کھوج کھوجائیا۔ کوَن ویلا ساڈا ملِے حق، حقیِقت پِچھلی جھولی پائیا۔ پرگٹ ہووے پُرکھ سمرتھ، ہرِ کرتا دُھردرگاہیِا۔ اوہ منگے اپنی وتھ، سندیسے وِچ سُنائیا۔ سانوُں پھڑن دوویں وارو واری ہتّھ، ہتّھاں نال چُھہائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، مِہر نظر نال ترائیا۔ ہار کہے ماتُو بنیا جگت جُگِندر، ناتا بدھک نال جُڑائیا۔ چھوٹی بچّی دھار جُگِندر، کؤر کرم کانڈ وڈیائیا۔ سندیسے والا یاد رہیا پتر، بِن پترکا دِتا دِرڑائیا۔ جِس دی لِکھی نہیں کوئی سطر، اکھّراں ونڈ نہ
کوئے ونڈائیا۔ اوہ شبد سندیسہ دِتا اپنی دھار کر کے یتن، یتھارتھ دِتا سمجھائیا۔ پُرکھ اکال دیِن دَیال جُگ چؤکڑی لہنا مُکائے ہتّھو ہتّھن، لیکھا اوَر نہ کوئے رکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، جن بھگتاں درگاہ ساچی اپنا گھر وکھائے اگمّا وطن، جِس وطن وِچ بےوطناں لئے مِلائیا۔
۱۹ ماگھ شہنشاہی سمت ۴ سوبھا سِنگھ دے گرِہ پِنڈ ولوُر ضِلع فِروزپُر
اوتار کہن کلجُگ انتم ہونی جگت خواری، دھیِرج دھیِر دھرت دھوَل دھؤل نہ کوئے رکھائیا۔ پَیغمبر کہن نیتر رو کے دیِن دُنی کرنی گِریہ زاری، پروردِگار سانجھے یار سِر ہتّھ نہ کوئے ٹِکائیا۔ گُر دس کہن کلجُگ جیِواں انتم اپنی بازی ہاری، جیِون جُگت ملِے نہ کِسے وڈیائیا۔ پُرکھ اکال کہے میَں سب نوُں ویکھاں وارو واری، نِرگُن ہو کے سرگُن کھوج کھوجائیا۔ جو شاستر وید پُران اِنجیِل قرآن کھانی بانی بنے پُجاری، رسنا جِہوا بتّی دند سوہلے ڈھولے راگ الائیا۔ مندر مسجد شِودوالے مٹھ ویکھاں گُروُدواری، ساڈھے تِنّ ہتّھ کایا ماٹی پھول پُھلائیا۔ گنگا گوداوری جمنا سُرستی تکاّں تیِرتھ تٹ کِناری، سر سروور جگت ویکھ وکھائیا۔ لکھّ چؤراسی جیِو جنت سادھ سنت انتر درِشٹی پاواں ساری، چار ورن اٹھاراں برن ویکھاں چاؤ چائنیا۔ سَتجُگ تریتا دواپرکلجُگ انت سب دا لہنا دینا دیواں بن وڈ سنساری، وِشن برہما شِو دیوت سُر نال رلائیا۔ مایا ممتا ہؤمے ہنگتا کوُڑی کِریا گڑھ توڑاں ہنکاری، آتم پرماتم پرماتم آتم اِک سمجھائیا۔ چار کُنٹ دہ دِشا کھتری براہمن شوُدر وَیش دسّاں نام جَیکاری، تُوں میرا میَں تیرا ڈھولا اِک سمجھائیا۔ دیِن مذہب دی چار کُنٹ دہ دِشا ویکھاں غداری، منمُکھ جیو لبھن تھاؤں تھائنیا۔ صدی چؤدھویں سب نوُں رہی ونگاری، اُچی کوُک کوُک سُنائیا۔ قُدرت دا قادر کرنی دا کرتا کرے کھیل نیاری، نیاں کار اپنا حُکم ورتائیا۔ سچ دوار سچ دھرم دی دسےّ یاری، یرانے کوُڑے توڑ تُڑائیا۔ درگاہ ساچی سچکھنڈ بہہ کے دُھر دا بنے سِکداری، نام سندیسہ اِک سُنائیا۔ انتم سب دی لوک مات آئی واری، وارث رہن کوئے نہ پائیا۔ جھگڑا مکُے جیو گواری، تن وجوُد محبوُب کرے صفائیا۔ جیہڑی گُروُآں اُتے ہوئی بے اِعتباری، جوتی جوت سروُپ ہرِ،
آپ اپنی کِرپا کر، کرے کھیل ساچا ہرِ، سچ لیکھا ویکھ وکھائیا۔ تیئی اوتار کہن ساڈی مات لوک وِچوں ہوئی ترِپت، ترِسنا اَگے نہ کوئے وکھائیا۔ حضرت عیسیٰ موُسیٰ محمد ساڈا پوُرا ہویا بھوِکھت، اَگے راہ نہ کوئے جنائیا۔ نانک گوبِند کہے لیکھا مُکن لگّا جگت لِکھت، پُرکھ اکالا لہنا دینا جانے تھاؤں تھائنیا۔ پروردِگار کہے میَں سب دا سانجھا کرنا اِشٹ، دیِن مذہب ذات پات جھگڑا دینا مُکائیا۔ مانَو ذاتی اندروں کھول کے درِشٹ، دِشا اپنی دینی سمجھائیا۔ ممتا کر کے نِشٹ، دُر دُراچار ڈیرہ ڈھاہیِا۔ لیکھا اجے نہ کوئے بالشت، نام ناپ دینا سمجھائیا۔ تن وجوُد مِٹے عِشق، آتم پرماتم میلا گیا مِلائیا۔ کوُڑ کُڑیارا رہے کوئے نہ نِندک، ہرِجن ساچے لینےَ اُپجائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ساچے رنگ آپ رنگائیا۔ تیئی اوتار کہن لیکھا مُکن لگّا لوک مات، ہرِ کرتا آپ مُکائیا۔ پَیغمبر کہن ساڈا لہنا دینا پوُرا ہون لگّا جگت ساتھ، اَگے لیکھا اوَر نہ کوئے ودھائیا۔ گُروُ گُردیو کہن ساڈا پوُرا ہوئے بھوِکھت واک، واقِفکار دئے گواہیِا۔ جِس نے جگت ناتا توڑنا نات، پِتا بھَین بھائی سجّن ساک، ساکا اپنا دئے دِرڑائیا۔ چار ورن اٹھاراں برن دسّنا اِتفاق، اِتفاقیا اپنی کھیل کھِلائیا۔ نام سندیسے دسّنے بات، رسنا جِہوا نہ کوئے پڑھائیا۔ جھگڑا میٹ دینا کاغذات، کلمہ کلمہ نہ کوئے دِرڑائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ہرِ سجّن نوُر الاہیِا۔ تیئی اوتار کہن اسیں کریئے نمسکار، ڈنڈاوت وِچ سیِس نِوائیا۔ پَیغمبر کہن کی کرے ساڈا سانجھا یار، جلوہ گر نوُر الاہیِا۔ کلجُگ انت دیِن دُنی ہوئی غدار، غدر پیا تھاؤں تھائنیا۔ آتم جوتی ہوئے نہ کِسے اُجیار، نِرگُن نوُر نہ کوئے چمکائیا۔ دیِن دُنی کرے وِبھچار، کُکرماں وِچ وڈیائیا۔ ساچے نام دا بولے نہ کوئے جَیکار، تُوں ہی تُوں ہی راگ نہ کوئی الائیا۔ چار ورناں دھوُاں دھار، ساچا چند نہ کوئے چمکائیا۔ صدی چؤدھویں انت سب نے ہونا خوار، خواری گھر گھر ویکھ وکھائیا۔ کِرپا کرے آپ نِرنکار، نر نِرنکارا ویکھ وکھائیا۔ جو ایتھے اوتھے دو جہاناں پائے سار، چؤداں لوک چؤداں طبق کھوج کھوجائیا۔ جن بھگتاں بیڑا ڈُبن نہ دیوے وِچ سنسار، نئیا نؤکا نام اپنا اِک پرگٹائیا۔ سنت سُہیلا بن کے خِدمتگار، خادم ہو کے سیو کمائیا۔ صِفتاں والا دسّ اِظہار، مہما اگادھ بودھ جنائیا۔ سب نوُں منّنا پَوے اِک نِرنکار، اِکو ڈھولا راگ ناد دئے سُنائیا۔ جگت چھڈنا پئے سنسار، صاحِب سوامی ہوئے سہائیا۔ جوتی جوت سروُپ ہرِ، آپ اپنی کِرپا کر، کرے
کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، سب دا لہنا دینا پوُرب جنم دا قرض لاہے اُدھار، اُتّر پوُرب پچھّم دکھّن چار کُنٹ دہ دِشا ویکھ وکھائیا۔
۱۹ ماگھ شہنشاہی سمت ۴ کُلونت کؤر دے گرِہ بستی خلیل ضِلع فِروزپُر
تیئی اوتار کہن پربھ دی دھار تکّیا پوُرن، پربھ پوُرن نظری آئیا۔ پَیغمبر کہن پربھوُ دا پیار تکّیا پوُرن، پروردِگار پوُرن نوُر الاہیِا۔ گُر دس کہن پربھ دا شِنگار تکّیا پوُرن، شبدی دھار شبد وڈیائیا۔ بھگت کہن پربھوُ دا وِہار تکّیا پوُرن، اُجالا پوُرن نظری آئیا۔ صوُفی کہن جلوہ نوُر اُجیار تکّیا پوُرن، الاہی نوُر پوُرن نظری آئیا۔ وِشن برہما شِو کہن سانجھا یار تکّیا پوُرن، دیوت سُر پوُرن سیِس نِوائیا۔ چار جُگ کہن سب دا مالک اختیار تکّیا پوُرن، مختیار پوُرن سوبھا پائیا۔ دو جہان برہمنڈ کھنڈ کہن نِمسکار اِکو پربھوُ پربھ پوُرن، ڈنڈاوت بندنا سجدہ پوُرن سوبھا پائیا۔ چار جُگ دے شاستر کہن صِفت دی دھار پوُرن، چار بانی دی مہما پربھ پوُرن نظری آئیا۔ محل اٹل مینار کہن سچکھنڈ کرتار پوُرن، کرنی دا کرتا پربھ پوُرن اِک اکھوائیا۔ جوتی جوت سروُپ ہرِ، آپ اپنی کِرپا کر، سد اپنا کھیل وکھائیا۔ سو پُرکھ نِرنجن کہے میرا وِوہار پوُرن، ہرِ پُرکھ نِرنجن پوُرن رنگ رنگائیا۔ ایکنکار کہے سب دا ادھار پوُرن، آد نِرنجن پوُرن جوت رُشنائیا۔ ابناشی کرتا کہے شاہ سوار پوُرن، سِری بھگوان پوُرن روُپ نظری آئیا۔ پاربرہم کہے میرا آکار پوُرن، نِراکار پوُرن اِک اکھوائیا۔ سَتگُر شبد کہے میرا ستکار پوُرن، بِن پوُرن پوُرن پوُرن سَتگُر نہ کوئے اکھوائیا۔ دو جہاناں مددگار پوُرن، بِن پوُرن پرم پُرکھ نہ کوئے مِلائیا۔ سچکھنڈ دا سچّا حقدار پوُرن، پُریاں لوآں برہمنڈاں کھنڈاں پوُرن حُکم ورتائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، ہرِ کرتا نوُر الاہیِا۔ سچکھنڈ کہے میرا پریِتم پوُرن، پوُرن پوُرن پوُرب جنائیا۔ درگاہ ساچی بہے میرا خبردار پوُرن، پوُرن پوُرن پوُرن برہم رہیا جگائیا۔ سچ سِنگھاسن کہے میرا طرف دار پوُرن، بِنا پوُرن پوُرن سوبھا کوئے نہ پائیا۔ تخت کہے میرا تخت نِواسی نِراکار پوُرن، ساکار پوُرن پوُرن وڈ وڈیائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، دُھر دا حُکم اِک ورتائیا۔ دُھر دا حُکم کہے پربھ پوُرن پوُرا، دوُجا نظر کوئے نہ آئیا۔ جو آد جُگادی حاضر
حضوُرا، حضرتاں دئے وڈیائیا۔ جِس نے سوُلی چاڑھے منصوُرا، اَناالحق دُہائیا۔ سو لیکھا سب دا جانے ضرورا، ضرورت ویکھے تھاؤں تھائنیا۔ ڈھولا حُکم کرے منظوُرا، منظوُری وِچ منزل راہ جنائیا۔ دھرم دی دھار بن بھرپوُرا، دو جہاناں کھیل کھِلائیا۔ سب دے بخشنہار قصوُرا، کرم کانڈ دا ڈیرہ ڈھاہیِا۔ جِنہاں نوُں بخشے چرن دھوُڑا، دُرمت مَیل دئے گوائیا۔ چتُر سُگھڑ بنائے موُرکھ موُڑھا، اگمّا رنگ رنگائیا۔ سچ دوار بنا مزدوُرا، سب دی سیوا اپنے ہتّھ وِچ رکھائیا۔ آد جُگاد جُگ چؤکڑی سد بھرپوُرا، مانگت ہو نہ جھولی ڈاہیِا۔ کلجُگ انت جن بھگتاں میٹے سرب قصوُرا، وِچھڑیاں لئے مِلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، چار کُنٹ دہ دِشا حاضر حضوُرا، ہرِ ہِردے انتر نِرنتر ہو کے اپنا ڈیرہ لائیا۔
۲۰ ماگھ شہنشاہی سمت ۴ مہِندر سِنگھ دے گرِہ بستی خلیل ضِلع فِروزپُر
گُر اوتار پَیغمبر کہن گہر گمبھیِر ساگر سِندھوُ، صاحِب سوامی تیری اِک سرنائیا۔ وِشن برہما شِو بَیٹھے دیوت سُر راجا اِندوُ، اِندراسن سِنگھاسن نہ کوئے وڈیائیا۔ لکھّ چؤراسی جیِو جنت سادھ سنت فقیِر تیرا بِندوُ، بِن آتم تن وجوُد نہ کوئے وڈیائیا۔ ساڈھے تِنّ ہتّھ پنج تت کایا تیرا پِنڈوُ، جیو جی تیرا نظری آئیا۔ سَتجُگ ساچے پربھوُ تَینوُں مات کوئے نہ نِندوُ، نِندک رہن کوئے نہ پائیا۔ جن بھگتاں کرم کانڈ دا میٹنا چِندوُ، چِنتا دُکھ نہ کوئے رکھائیا۔ تیرا سانجھا پیار ہووے سِکھ عیِسائی مُسلم ہِندوُ، ہر ہِردا تیرا نام دِھیائیا۔ پریم پیار مُحبّت وِچ تُوں پریِتم ہووے جِندوُ، زِندگانی جیِون جُگت تیرے ہتّھ رکھائیا۔ تیرا گُرمُکھ دوارا تیرا ہووے چِھندوُ، مِہربان محبوُب مُحبّت وِچ اپنی گود ٹِکائیا۔ کلجُگ کوُڑی کِریا جگت واسنا مایا ممتا گُرمُکھاں اندروں کڈھ جِؤں نِچوڑیا نِبوُ، نِمرتا حلیِمی سُچجتا نوُں دے وڈیائیا۔ تُوں صاحِب سُلطان نؤجوان مرد مردان وڈ مرگِندوُ، اکل کل دھاری تیری بےپرواہیِا۔ تیرا ڈنکا وجےّ دو جہان مردنگ کِنگرے کِنگرے کِنگوُ، ناد انادی دینا سُنائیا۔ اسیں گُر اوتار پَیغمبر چار جُگ دے نِکے نِکے ٹِنڈوُ، شاخاں ٹہنیِاں نظری آئیا۔ چار جُگ دے پِچھلے مارگ راہ میٹ دے ڈِنگوُ، مذہباں والی دھار نہ کوئے جنائیا۔ پوُجا رہے نہ کِسے سرگُن دھار پاہن
پتّھر لِنگوُ، پتّھر اِٹّ نہ کوئے وڈیائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، ساچی سِکھیا دئے سمجھائیا۔ گُر اوتار پَیغمبر کہن اساں بہُہ تیری کیِتی صِفت، صِفتاں وِچ صالاحیِا۔ اکھّراں نال بنائی لِکھت، شبداں وِچ وڈیائیا۔ پریم دا دسّیا عِشق، مُحبّت نال جُڑائیا۔ راہ دسّ کے سارے آئے خِسک، لوک مات پندھ مُکائیا۔ مُڑ کے ویکھن گیا کوئے نہ لگّا تِلک، جنجوُ بودی نہ کھوج کھوجائیا۔ سیِس پٹّی نہ تکّی کیہڑی رکھی لِشک، اپنی چمک چمکائیا۔ پردہ کھولیا نہ ٹانک جِست، نِرگُن سرگُن نہ جوڑ جُڑائیا۔ ایسے کر کے پربھوُ سب نوُں لیَنی پئی رِسک، جھولیاں تیرے اَگے ڈاہیِا۔ لارا دیندے آئے سوَرگ بہِشت، تھپکیِاں نال تھپکائیا۔ جگت واسنا بھوگ کے آئے گرِہست، پُتر دھیِاں نال وڈیائیا۔ چار جُگ دی ساڈی ویکھ لِسٹ، فہرِست اپنی پھول پُھلائیا۔ صدی چؤدھویں اسیں کھول نہ سکیئے کِسے دی درِشٹ، درِشٹانت گرنتھ دین گواہیِا۔ تیرا ایکا نوُر نظر نہ آیا اِشٹ، اِیشور تیری سمجھ کِسے نہ آئیا۔ سب دی بُدھی ہوئی بھرِسٹ، بھانڈا بھرم نہ کوئے بھنّائیا۔ سادھوُ دِسے نہ کوئے نِراِچھت، اِچھیا وِچ سرب ہلکائیا۔ ساچا نظر نہ آئے کوئی بِھکھک، بِھکھیا نام نہ کوئے ورتائیا۔ صاحِب سَتگُر، ثابت رہیا نہ کِسے صِدق، صبوُری وِچ نہ کوئے سمائیا۔ تُوں گھر گھر دیونہارا رِزق، جُگ چؤکڑی ویکھ وکھائیا۔ کلجُگ جیو جگت تماشا ویکھن میوُزِک، مزہ رسنا رس چکھائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، تُدھ بِن دوُجا اوَر نہ کوئے سہائیا۔ گُر اوتار پَیغمبر کہن ساڈی جگت ویکھ گنڈھ، گنڈھنہار گوپال سوامی دَیا کمائیا۔ پِچھلی دوَیت دی ڈھاہ دے کندھ، دیِن مذہب نہ ونڈ ونڈائیا۔ سارے تیرا ڈھولا گائیے چھند، سوہنگ راگ الاہیِا۔ سچکھنڈ نِواسی تیرا مانیئے آنند، انند انند وِچوں وکھائیا۔ گائیے صِفت بِن بتّی دند، رسنا جِہوا نہ کوئے ہِلائیا۔ تیرا پرکاش تکّیئے بِن سوُریہ چند، دِوس رَین نہ ونڈ ونڈائیا۔ تیرا حُکم منّیئے وِچ برہمنڈ، وربھنڈ سیِس نِوائیا۔ کلجُگ کوُڑی کِریا میٹ پاکھنڈ، دھرنی دھرت دھوَل دھؤل سُکھ سُکھائیا۔ لہنا دینا ویکھ جیرج انڈ، اُتبُھج سیتج کھوج کھوجائیا۔ ساڈا وقت ویلا رہیا لنگھ، گھڑی پل دئے گواہیِا۔ تیرا نوُر ظہوُر تکّیئے سیجا اِک پلنگ، سِنگھاسن سوہنا سوبھا پائیا۔ تیرے نام دا وجےّ مردنگ، دوُجا راگ نہ کوئے الائیا۔ آتم دھار اُپجے سنجء، پرماتم وڈ وڈیائیا۔ جن بھگتاں ننگی ہون نہ دیویں کنڈ، کنڈھی بَیٹھے دھیان لگائیا۔ جگت سرِشٹی حَیران ہووے دنگ، دنگے فساد وِچ دُہائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، لیکھا رہے نہ جمنا سُرستی گوداوری
گنگ، گنگوتری دھار نہ کوئے وڈیائیا۔ گُر اوتار پَیغمبر کہن دیِن دُنی دِسے نِگُری، سَتگُر عِشق گئے بُھلائیا۔ جگت قصائی بنی شرع چُھری، شریِعت وِچ رگڑائیا۔ سب دی نیِتی ہو گئی بُری، بھَیناں نوُں تکّن بھائیا۔ مان رہیا نہ کِسے دھی کُڑی، نار کنت نہ کوئے سُہائیا۔ تیرے نال پربھوُ پریِتی کِسے نہ جُڑی، سارے سانوُں منّ کے جھٹ لنگھائیا۔ تیرے پیار دی مِلی کِسے نہ پُڑی، ہؤمے روگ نہ کوئے مُکائیا۔ دیِن دُنی جائے رُڑھی، کھیوٹ کھیٹا نہ کوئے سہائیا۔ جھوُٹھے مارگ جاندی ٹُری، تُریا پد نہ کوئے وکھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در تیرے آس رکھائیا۔ گُر اوتار پَیغمبر کہن اسیں چھڈیئے جگت قبیِلہ، کامل مُرشد تیری سرنائیا۔ دیِن مذہب دا بنے نہ کوئے وسیِلہ، اِکو وصل تیرا یار نوُر الاہیِا۔ سچ دھار تُوں نِرنکار تکّیا آمیِنا، عملاں توں رہت نظری آئیا۔ جگت جہان ہویا کمیِنہ، ہوچھی مت بنائیا۔ تیرا نوُر نظر نہ آوے کِسے وِچ سیِنہ، چھاتی کملاپاتی سوبھا کوئے نہ پائیا۔ من کلپنا جگت بُدھی ہوئی ادھیِنا، سِر سکے نہ کوئے اُٹھائیا۔ کوٹاں وِچوں تیرا بھگت ویکھیا اِک نگیِنہ، جِس دی قیِمت نہ کوئے پائیا۔ گُر اوتار پَیغمبر کہن نؤ سؤ چُرانوے چؤکڑی جُگ پِچھوں سانوُں مِلیا ایہو ماگھ مہیِنہ، جِس دی مہیِن دھار سمجھ کِسے نہ پائیا۔ اگلا حُکم سُن کے سانوُں بِنا تتاں توں آوے پسیِنہ، انتر گرمی رہی ستائیا۔ دیِن دُنی دی حالت وِگڑے کی کھیل کرنا روُسا چیِنا، چَین عین لیَن کوئے نہ پائیا۔ کی جھگڑا پَینا مکّہ مدیِنہ، کعبیاں وِچ دُہائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، تیرا پیار کوئی شہادت نہیں جل میِنا، مین جل پیار کمّ کِسے نہ آئیا۔
۲۰ ماگھ شہنشاہی سمت ۴ سُلکھّن سِنگھ دے گرِہ پِنڈ فِروزشاہ ضِلع فِروزپُر
اوتار پَیغمبر گُر سچکھنڈ ساچی کرن ڈنڈاوت، بِن سیِس سیِس جگدیِش جھُکائیا۔ پاربرہم پت پرمیشور پروردِگار اگمّی کر سخاوت، مِہربان محبوُب اپنی دَیا کمائیا۔ چار ورن کوُڑی کِریا کڈھ علامت، ہر ہِردے اندر نِرنتر ہوئے صفائیا۔ مایا ممتا موہ وِکار ہنکار رہے نہ کوئی بناوٹ، جوُٹھ جھوُٹھ لہنا دینا لیکھا دینا مُکائیا۔ چار کُنٹ دہ دِشا تیرے نام دی ہووے سجاوٹ، کھتری براہمن
شوُدر وَیش اِکو رنگ رنگائیا۔ انت اَخیِر بے نظیِر شاہ پاتشاہ شہنشاہ سب نوُں ہوئی تھکاوٹ، تھکی ماندی دیِن دُنی نظری آئیا۔ ساچا عِلم عالم دسےّ نہ کوئی عارف، تُعارف وِچ سفارش وِچ تیرا پردہ نہ کوئے اُٹھائیا۔ بھیوَ کھولے نہ کوئی معرفت، نِرگُن تیرا نوُر نوُر نہ کوئے رُشنائیا۔ شاہ پاتشاہ ہر ہِردے اندروں کوُڑی کڈھ علامت، جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در ٹھانڈے منگ منگائیا۔ اوتار پَیغمبر کہن پربھوُ ساچے سچ تیری سرنا، جُگ جُگ تیری سرنائیا۔ مِہربان محبوُب مُحبّت وِچ ساچی منزل دسّ چڑھنا، اؤجھڑ راہ نہ کوئے بھوائیا۔ تُوں میرا میَں تیرا آتم پرماتم جگت ڈھولا دسّ پڑھنا، نِراکھّر دھار اکھّر وِچ سمجھائیا۔ انت تیرے چرناں کول سچ دوارے ہووے مرنا، مر جیِوت روُپ وٹائیا۔ بھاگ لگا دے دھرنی دھرت دھوَل اُپر دھرنا، دھرناپتِ تیری اِک سرنائیا۔ سچ دوارے چار کُنٹ دہ دِشا نر نِرنکار ایکنکار اِکو تُوں کھڑنا، دوُجا نوُر ظہوُر جگت نیتر نظر کوئے نہ آئیا۔ جھگڑا میٹ دیِن مذہب ذات پات ورناں برناں، مذہباں رہے نہ کوئے وڈیائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، دھرم دوار ایکنکار درگاہ ساچی حق مقام تیرا سوبھا پائیا۔ گُر اوتار پَیغمبر کہن در ٹھانڈے تیرے سجدہ، نِیوں نِیوں لاگاں پائنیا۔ ہؤں بالک تیرے بردا، جُگ جُگ سیو کمائیا۔ لوک مات کھیل ویکھ اپنے گھر دا، گرِہ مندر پردہ دے گوائیا۔ تیرا روُپ نرائن نر دا، نر ہرِ تیری اِک سرنائیا۔ جو شبد سندیسے رہیا گھلدا، نِت نوِت گئے پڑھائیا۔ لہنا دینا ویکھ اپنے جل تھل دا، مہیئل اپنا پردہ دے اُٹھائیا۔ تُوں مالک خالق پرِتپالک محل اٹل دا، درگاہ ساچی سچ سِنگھاسن ڈیرہ لائیا۔ صدی چؤدھویں انت اَخیِر کِسے نوُں پتہ نہیں کل دا، کلکاتی چاروں کُنٹ کوُڑ بنیا قصائیا۔ تیری دھار آتم پرماتم نہیں کوئی رلدا، جاگرت جوت نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، درگاہ ساچی سچ دوار ایکنکار اکل کل دھاری تیری بےپرواہیِا۔ پُرکھ اکال کہے گُر اوتار پَیغمبرو سُنو سندیسہ اگمّ فرمان، فُرنیاں توں باہر دیاں جنائیا۔ نِگاہ مارو اپنی دیِن دُنی وِچ جہان، چاروں کُنٹ اکھّ اُٹھائیا۔ ساچا رہیا نہ کوئی کایا مندر مکان، حقیِقی کعبے سوبھا کوئے نہ پائیا۔ دُھر دا نام آتمک دُھن سُنے کوئی نہ کان، انادی ناد نہ کوئے شنوائیا۔ امرت رس نِجھر جھِرنا بوُند سوانتی ملِے نہ پیِن کھان، جگت ترِسنا اگّ نہ کوئے بُجھائیا۔ چار ورن اٹھاراں برن چار کُنٹ دہ دِشا کوُڑ کلپنا ہوئی پردھان، مایا ممتا بھجےّ چائیں چائنیا۔ سارے تکّو اپنا اپنا اِسلام، اِسم اعظم نہ اِک اکھوائیا۔ لیکھا تکّو اِنجیِل قرآن، تیِس بتیِسے پھول
پُھلائیا۔ کی کھیل کرے عوام، امن وِچ نہ کوئے اٹکائیا۔ سارے کوُڑ دے ہوئے غُلام، غُربت اندروں نہ کوئے کڈھائیا۔ نظر آئے نہ کِسے اِمام، عملاں توں رہت نہ کوئے کرائیا۔ صدی چؤدھویں سب دا بدلیا انتظام، حُکم حق نہ کوئے سُنائیا۔ انت اَخیِر بے نظیِر لکھّ چؤراسی کرے آپ پہچان، پردہ اوہلا آپ اُٹھائیا۔ اوتار پَیغمبر کہن ساڈے مالک، ہرِ تیری بےپرواہیِا۔ تُوں صاحِب سوامی انترجامی گھٹ نِواسی پُرکھ ابناشی خلق خالق، قُدرت دے قادر تیری اِک سرنائیا۔ اسیں چاہُندے سب دے اندروں بدل دے عادت، عدل اِنصاف اپنا اِک کمائیا۔ آتم پرماتم پرماتم آتم سب دی ہوئے عبادت، تیرا جس تیرا ڈھولا تیری صِفت صالاح تیرا راگ ناد گائیا۔ کلجُگ کوُڑ کلپنا رہے نہ کوئے مِلاوٹ، جگت مُلّما کنچن پارس روُپ وکھائیا۔ مِہربان محبوُب ہر ہِردے وِچوں کڈھ عداوت، دُئی دوَیتی ڈیرہ ڈھاہیِا۔ سچ پیار مُحبّت ایکنکار ایکا کر سخاوت، سجّن سُہیلے اِک اَکیلے سب تیرا راہ تکائیا۔ جوتی جوت سروُپ ہرِ، آپ اپنی کِرپا کر، ایکا دیوے دُھر دا ور، اتوٹ اتُٹ آپ ورتائیا۔ گُر اوتار پَیغمبر کہن پُرکھ اکالے دیِن دَیالے دھرم دھار دی بھر دے جھولی، در ٹھانڈے منگ منگائیا۔ گُر اوتار پَیغمبراں دی سانجھی کر دے بولی، انبولت اپنا راگ سُنائیا۔ شبد ناد سَتگُر اُٹھا اپنا ڈھولی، دو جہاناں کرے شنوائیا۔ تیری سرِشٹی درِشٹی وِچوں ہووے تیری گولی، نِیوں نِیوں سیِس جھُکائیا۔ من کلپنا کوُڑ کِریا کوئے نہ پاوے رؤلی، ہاہاکار نہ کوئے جنائیا۔ کِرپا کر سِری دھر اُپر دھؤلی، دھرنی دھرت دھؤل وجےّ ودھائیا۔ تیری دھار پیار وِچ پرم پُرکھ آتم پرماتم جاوے مؤلی، مؤلا تیرا نوُر اِکو نظری آئیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، سچکھنڈ نِواسی پروردِگار سانجھے یار، در ٹھانڈے تیرے اِکو الکھ جگائیا۔ گُر اوتار پَیغمبر کہن ساڈا چرن کوَل پرنام، پرا پسنتی مدھم بَیکھری توں پرے تیری شنوائیا۔ تُوں مالک خالق آد جُگادی اِک اِمام، تیری آمد وِچ خوشامد وِچ بَیٹھے راہ تکائیا۔ ہؤں بالک ننےّ تیرے سدا نادی سُت نؤجوان، پوُت سپوُتے گود اُٹھائیا۔ صدی چؤدھویں انت کنت نِرگُن دھار ہو پردھان، پاربرہم پت پرمیشور اپنا کھیل کھِلائیا۔ کھتری براہمن شوُدر وَیش ہِندوُ مُسلم سِکھ عیِسائی پا اِکو آن، آناً فاناً اپنا جھگڑا دے چُکائیا۔ تیرا اِشٹ سانجھا ہووے اِک اِمام، اِسم جِسم وِچوں دینا سمجھائیا۔ سندیسہ دُھر دا دے پَیغام، پَیغمبراں توں پرے تیری پڑھائیا۔ کلجُگ کوُڑی کِریا شرع میٹ شیَطان، سَتجُگ ساچا راہ چلائیا۔ نِرگُن دھار ہو مِہربان، سرگُن اپنی اکھّ کُھلائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در گھر
اِکو دینا وکھائیا۔ پُرکھ اکال کہے گُر اوتار پَیغمبرو لوک مات ہووو سوادھان، اپنے دیِن مذہب ویکھو چائیں چائنیا۔ سچ سَت دی کرو پہچان، پڑدا پڑدیاں وِچوں کُھلائیا۔ کِس دا ثابت دِسے اِیمان، دھرم دی دھار کوَن سمجھائیا۔ حُکم چلائے سچ نِشان، کوَن نعرہ سچ الائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ہرِ کرتا نوُر الاہیِا۔ گُر اوتار پَیغمبر کہن سچّی سرکار، ہرِ کرتے تیری وڈیائیا۔ ہؤں تیرے خِدمتگار، خادم ہو کے سیو کمائیا۔ دیِن مذہب دے گُلشن بغیچے لائے ویکھ لئی بہار، پُھل ٹہنی رہی مہکائیا۔ ایہہ کھیل تیرا اپار، اپرمپر سوامی تیری بےپرواہیِا۔ چار کُنٹ دہ دِشا کہن اسیں کی پاؤنی سار، پاربرہم برہم تیرے ہتّھ پھڑائیا۔ نِرگُن نوُر جوت کر اُجیار، نِروَیر پُرکھ اپنی کھیل کھِلائیا۔ صدی چؤدھویں پَیغمبراں دِسے ہار، حؤصلے رہے ڈھاہیِا۔ کر کھیل اپنی دھار، نِرگُن تیری اوٹ تکائیا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، مہاراج شیرسِنگھ وِشنوُں بھگوان، آد جُگاد جُگ چؤکڑی نِت نوِت تیرے اختیار، نِرگُن سرگُن سرگُن نِرگُن نِراکار نِرنکار اپنا حُکم ورتائیا۔
۲۱ ماگھ شہنشاہی سمت ۴ سمپوُرن سِنگھ دے گرِہ پِنڈ فِروزشاہ ضِلع فِروزپُر
پَیغمبر کہن پروردِگار تیرے خادم، خِدمت کر کے سیو کمائیا۔ ساڈا لیکھا پوُرا کر دے جو حُکم دیویں عادل، عدل اِنصاف اپنا اِک کمائیا۔ نؤ لکھّ جنتُو دِسے دواپر سماں کُل یادو، چار کُنٹ دہ دِشا نظری آئیا۔ جگت اندھیرا میٹ دے بادل، نِرگُن نوُر سوُریہ اِک چمکائیا۔ دیِن مذہب دا رہے نہ کوئے قاتل، قتل گاہ نظر کوئے نہ آئیا۔ سچ دوارا ایکنکارا تیرا اِکو پاتن، پترکا پِچھلی اِک رکھائیا۔ صدی چؤدھویں اسیں لگّے واچن، بِن اکھّراں بول سُنائیا۔ ساڈا ناتا تُٹا ساکن، سجّن رہن کوئے نہ پائیا۔ کوُڑی کِریا میٹ اندھیری راتن، رُتڑی اِک مہکائیا۔ بھگتاں صوُفیاں بھیوَ رہے نہ باطن، پردہ اوہلا آپ چُکائیا۔ اسیں سارے آئے آکھن، کہہ کہہ اِک سُنائیا۔ چار ورن اٹھاراں برن سُٹ ڈوُنگھے کھاتن، خطرہ جگت رہے نہ رائیا۔ سب دی سانجھی ہوئے پربھاتن، اِکو پربھوُ لیَنا نام دِھیائیا۔ ایکا رنگ رنگا دے سندھیا آتھن، شام شمع اِک جگائیا۔ سرگُن دھار نِرگُن تیرے ولّ جھاکن، دوُجا اِشٹ نہ کوئے منائیا۔ مانَو اندر رہے نہ کوئے شاکن،
سنسا شنکا دینا گوائیا۔ اِکو انت روُپ دِسے پرِتھمی آکاشن، زِمیں اسماناں رنگ رنگائیا۔ تُوں صاحِب سُلطان پُرکھ ابناشن، پاربرہم تیری بےپرواہیِا۔ ساڈا اِکو رنگ رنگا دے چار جُگ دا وکھرا وکھرا بھاشن، جو بھاشا جگت آئے بنائیا۔ دیِن مذہب دا لیکھے لا لا وکھرا وکھرا راشن، گاں سوُر کھا کے تَینوُں سرب بُھلائیا۔ جیِو جنت دا کرے نہ کوئے گھاتن، چُھری پھڑے نہ کوئے قصائیا۔ جھگڑا مکُے تت آٹھن، تتو تت نہ کوئے لڑائیا۔ تُوں میرا میَں تیرا ہووے پاٹھن، سوہنگ ڈھولا سرِشٹی درِشٹی اندر گائیا۔ یودھے سوُربیِر راٹھن، بلدھاری لیَنی انگڑائیا۔ کام کرودھ لوبھ موہ ہنکار تیرے بھےَ اندر ناچن، کوُڑی ترِسنا دئے دُہائیا۔ سچ دوار ایکنکار کھول ہاٹن، نام امولک وست ورتائیا۔ نِجھر رس امرت تیرا سارے چاٹن، چیٹک اوَر نہ کوئے رکھائیا۔ سچ دوار دسّ دے گھاٹن، تٹ اِکو سوبھا پائیا۔ آتم سیجا سُہا کھاٹن، کھٹیا کوُڑی دے مُکائیا۔ مِہربان محبوُب کھیل ویکھ نٹوُآ ناٹن، سوَانگی اپنا سوَانگ ورتائیا۔ لکھّ چؤراسی وِچوں بھگتاں کر خلاصن، بندھن بندگی والا تُڑائیا۔ آون جاون پتت پاوَن مات گربھ نہ اگن تپائیا۔ نِرگُن نوُر جوت جگا للاٹن، اندھ اندھیر دینا گوائیا۔ ساچا نام بخش سوغاتن، اگمّ دات ورتائیا۔ منوُآ رہے نہ کوئے بدماشن، بدی دا ڈیرہ دے ڈھاہیِا۔ تیرے مِلن دی سب نوُں ہوئے خواہشن، خواہش اِکو دے سمجھائیا۔ جگت جگیاَسوُ دیِن دُنی سمجھن وِناسن، تِھر رہن کوئے نہ پائیا۔ شبد اگمّی گھوڑے چاڑھ پربھوُ راکن، دو جہاناں ویکھ وکھائیا۔ ساچا نام زیِن پاکھر پا کاٹھن، تنگ تنگدست لےَ کسائیا۔ تیرے بھگت سُہیلے تیرے پیار وِچ چار کُنٹ پٹاکن، اُچی کوُک کوُک سُنائیا۔ سچ دوارے تیرے خوشیاں وِچ براجن، پریم پریِتی نیِند سوائیا۔ تُوں شاہو بھوُپ وڈ راجن، شاہ پاتشاہ اِک اکھوائیا۔ آد جُگادی تیرے ساجن، وِشن برہما شِو سیو کمائیا۔ صدی چؤدھویں ساڈا پوُرا کر دے کاجن، قرضا مقروُض دے چُکائیا۔ نؤ کھنڈ پرِتھمی وِچوں تھوڑے جیو جاگن، جو تیرے نام دھیان لگائیا۔ جِنہاں انتر دِتا وَیراگن، پریم پریِتی وِچ سمائیا۔ پنج تت کایا ہوئی وڈبھاگن، پربھ وڈبھاگی ویکھ وکھائیا۔ تّدھ بِن چار کُنٹ مات ہوئے نہ سُہاگن، نار کنت بھگوَنت روُپ نہ کوئے جنائیا۔ نِرگُن دیوا جگا چراغن، چراگاہاں وِچ ہوئے رُشنائیا۔ کلجُگ جیو بُدھی بنا ہنس کاگن، کاگوں ہنس بنائیا۔ دُرمت مَیل دھو داغن، پتت پُنیِت دے کرائیا۔ پوِتر کر ماس ناڑی ہاڈن، مِہر نِگاہ اِک اُٹھائیا۔ پیِر پَیغمبر کہن پُرکھ اکال دیِن دَیال پروردِگار سانجھے یار ساڈی پوُری ہوئی نمازن، حاضر ہو کے سیِس نِوائیا۔ جوتی جوت سروُپ ہرِ، آپ اپنی جوت دھر،
کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، کِسے دا لیکھا آد جُگاد جُگ چؤکڑی کدے نہ دیوے گواچن، سچ دوارے دُھر دے کھاتے وِچوں جُگ جُگ ویکھ وکھائیا۔
۲۱ ماگھ شہنشاہی سمت ۴ سیِتل سِنگھ دے گرِہ پِنڈ ڈگروُ ضِلع فِروزپُر
اوتار کہن پربھوُ آتم پرماتم ہووے تیری گاتھا، گہر گمبھیِر بے نظیِر پردہ اپنا سرب اُٹھائیا۔ دو جہان نؤجوان مرد مردان سِری بھگوان کھول ہاٹا، برہمنڈ کھنڈ پُری لوء آکاش پاتال گگن گگننتر زِمیں اسمان اِکو گھر وسائیا۔ امرت رس نِجھر دھار سچ سوامی دے اگمّی باٹا، جگت رس وِشن برہما شِو دیوت سُر رہن نہ پائیا۔ پاربرہم برہم تیرا ایتھے اوتھے دو جہاناں جُڑے ناتا، دُئی دوَیتی شرع شریِعت پندھ دینا مُکائیا۔ کھیل اپارا نر نِرنکارا آد جُگاد جُگ چؤکڑی ساچا، سَتجُگ تریتا دواپر کلجُگ دیونہار گواہیِا۔ تُوں مالک خالق پرِتپالک ایکنکار اِکو آقا، اکل کل دھاری تیری وڈ وڈیائیا۔ چار ورن اٹھاراں برن صدی چؤدھویں سب دا بدل دے ساکا، ساکھیات ہو کے نِرگُن نوُر جوت کر رُشنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سَت ستوادی اپنا حُکم ورتائیا۔ اوتار کہن پُرکھ اکال دُھر دے سوامی، سماں کلجُگ انتم ویکھ وکھائیا۔ نِرگُن نِروَیر نِراکار لیکھا ویکھ چارے کھانی، انڈج جیرج اُتبُھج سیتج پھول پُھلائیا۔ بھیوَ ابھیدا اچھل اچھیدا سب نوُں چارے بانی، پرا پسنتی مدھم بَیکھری ۔ آتم برہم پاربرہم تت وجوُد کایا ماٹی اندر پہچانی، بے پہچانی اندر پڑدا اوہلا آپ اُٹھائیا۔ رسنا جِہوا بتّی دند جیو جہان پڑھدے بانی، سادھ سنت ہِردے ہرِ نہ کوئے وسائیا۔ تیرا نوُر ظہوُر دِسے نہ کِسے پرانی، پاربرہم پت پرمیشور تیرا درس کِسے نہ پائیا۔ چار کُنٹ دہ دِشا سب دی کوُڑ دِسے ، گھر مندر اندر سوبھا کوئے نہ پائیا۔ منزل چڑھے نہ کوئے روُحانی، روُحےرواں نہ کوئے وڈیائیا۔ کِرپا کر پاربرہم، جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، دھرم دوارے ایک اِکو اِک اِک سمجھائیا۔ پَیغمبر اوتار کہن پرم پُرکھ ساڈا پرنام، نمستے کہہ کے سیِس نِوائیا۔ دُھر دی دھار دے دے نام، ناؤں نِرنکارا اِک الاہیِا۔ چار ورن اٹھاراں برن رسنا جِہوا بتّی دند گاون گان، ہِردے اندر دینا وسائیا۔ کوُڑی کِریا میٹ شرع شیَطان، مایا ممتا موہ مِٹائیا۔ نوَ نؤ چار جھُلے اِک دھرم نِشان،
جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، ویکھ کھیل بھگت دھرم اِیمان، عمل کھوج تھاؤں تھائنیا۔
۲۱ ماگھ شہنشاہی سمت ۴ دھنّا سِنگھ دے گرِہ پِنڈ ڈگروُ
اوتار کہن اسیں توڑ نہ سکے ممتا، سچ سچ سُنائیا۔ اسیں ہوڑ نہ سکے ہنگتا، ہنگ برہم جنائیا۔ بودھ دے نہ سکے پنڈتا، پاربرہم مِلائیا۔ کاگ بنا نہ سکے ہنسا، ہستی اِک درسائیا۔ منوُآ قائل نہ کیِتا کنسا، شستر نام چلائیا۔ چار ورن بنا نہ سکے بنسا، اِکو رنگ رنگائیا۔ تیرے اَگے پربھوُ سارے کردے مِنّتا، نِیوں نِیوں سیِس جھُکائیا۔ ساڈی رہی کوئی نہ ہِمّتا، حؤصلے رہے ڈھاہیِا۔ سانوُں پوُجن والے حُقیاں نال بنّھی بَیٹھے چِمٹا، جگت دو دھارا روُپ بدلائیا۔ ساچی مِلی نہ کِسے نِمرتا، نِرمانتا وِچ نہ کوئے سمائیا۔ تیرا نام کوئی نہ سِمردا، پوُجا پاٹھن وِچ دُہائیا۔ بِن تیرے کلجُگ انتم لہنا دینا موُل نہ نِبڑدا، صاحِب سُہیلے ہو سہائیا۔ کلجُگ کوُڑ کُڑیارا شیر روُپ بنیا گِدڑ دا، تیرے کلمے نہ کوئے چتُرائیا۔ مایا ممتا نال سادھ سنت لِبڑدا، انتر کرے نہ کوئے صفائیا۔ تُوں لیکھا مُکا اوتار پَیغمبر مِتر دا، مِتر پیارے تیرے ہتّھ وڈیائیا۔ کھیل ویکھ کوُڑی کِریا سِخردا، تیری چوٹی چڑھ کے دئے دُہائیا۔ ہُن وقت نہیں پوُجا پاٹھ نماز ذِکر دا، جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در تیرے آس رکھائیا۔ اوتار کہن سانوُں چارے کُنٹ خطرہ، در صاف نہ کوئے کرائیا۔ کِسے انتر نام رہیا نہ قطرہ، کُتب خانے صِفتاں والے بھرے سوبھا پائیا۔ پڑھدے اُنگلاں رکھ کے اُپر سطراں، سطح سچ نہ کوئے سمجھائیا۔ تیرا کھیل سب توں وکھرا، بِن تیری کِرپا بھیوَ کِسے نہ آئیا۔ پُرکھ اکال دیِن دَیال اسیں چار جُگ تیرا وینہدے رہے نخرہ، کی اپنی کل ورتائیا۔ انتم ساڈے دیِناں مذہباں دا کڈھ لےَ خسرہ، نمبر نمبریِاں والے دے جنائیا۔ جوتی جوت سروُپ ہرِ، آپ اپنی کِرپا کر، کی سب دا ہووے حشرہ، بااصلیّت اصلیّت سب دی دینی سمجھائیا۔
۲۱ ماگھ شہنشاہی سمت ۴ میلا سِنگھ دے گرِہ پِنڈ ڈگروُ
اوتار کہن پربھوُ دُنیا ہو گئی بےعِلاجی، اوتار پَیغمبر گُر طبیب نہ کوئے وڈیائیا۔ ساچا اِسم نظر نہ آئے کوئی آدابی، ادب کرے نہ کوئے لوکائیا۔ بھیوَ سمجھے نہ کوئے حقیِقی مجازی، وِپریتی رہے جنائیا۔ مُلّا پنڈت ہو گئے شرابی، شرع وِچ دُہائیا۔ گرنتھی ہو گئے کبابی، سَت دھرم نہ کوئے رکھائیا۔ اسیں رہنا نہیں کِسے دا اِمدادی، اَگے ہو نہ کوئے بچائیا۔ چار جُگ دے پِچھلے گاڈی، گارڈیئن تیرے بنائے سوبھا پائیا۔ اَگے چھڈیئے اپنی آبادی، گِنتی تیرے ہتّھ پھڑائیا۔ ساڈے کولوں سارے کردے خرابی، خرابہ تَینوُں رہے وکھائیا۔ تیرے نام دی وجےّ نہ کوئے ربابی، ربّی نوُر نہ کوئے وکھائیا۔ جِدھر ویکھیئے تن وجوُد دِسن داغی، دُرمت مَیل نہ کوئے دھوائیا۔ دیِپک جوت نہ کوئے چراغی، نوُر ظہوُر نہ کوئے رُشنائیا۔ ساڈھے تِنّ ہتّھ لگّی آگی، امرت میگھ نہ کوئے برسائیا۔ ہنس بُدھی ہوئی کاگی، مانک موتی چوگ نہ کوئے چُگائیا۔ انت اَخیِر شاہ پاتشاہ شہنشاہ اسیں رہے نہ کِسے دے واگی، واگاں تیرے ہتّھ پھڑائیا۔ جھگڑا میٹ دے پنج تت باڈی، وجوُد رہے نہ کوئے لڑائیا۔ کِسے نوُں لوڑ رہے نہ ساڈی، اِکو تیرا ڈھولا گائیا۔ تیری کھیل ورتے ڈاڈھی، ڈنڈاوت سب نوُں دے سمجھائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، نِہکلنک نرائن نر، مہاراج شیرسِنگھ وِشنوُں بھگوان، نِرگُن دھار نِراکار جن بھگتاں آتم پرماتم تیرے نال ہووے شادی، شادیانے دھرم دوار اِکو وار وجائیا۔
۲۱ ماگھ شہنشاہی سمت ۴ جاگیِر داس دے گرِہ پِنڈ ڈگروُ
جاگیِر داس بخشے اگمّی جاگیِر، جگہ دُھر دی دِتی سمجھائیا۔ جِتھے پُجے نہ کوئے غریِب امیِر، بِن بھگتاں تھاں کوئے نہ پائیا۔ جنم کرم دی پِچھلی میٹ لکیِر، رستہ صاف دِتا بنائیا۔ تتاں وِچوں آتما دی کر کے تعمیِر، تقدیِر دِتی وٹائیا۔ گھر وکھا کے اپنا اَخیِر، گرِہ دِتا سُہائیا۔ تن چولا جِؤں بستر چیِر، چیِرے والا ویکھ وکھائیا۔ جِس دا میلا نال ہووے کبیِر، درگاہ ساچی وجےّ ودھائیا۔ کبیِر دے نال الفی والا پِچھے وی ایہہ ہُندا سی فقیِر، مالا گل لٹکائیا۔ کول لوٹا رکھدا سی بھریا نیِر، سدا اپنے سنگ جنائیا۔ تِنّ دفعہ دِن وِچ پیِندا سی سیِر، سیِرا کھا کے نؤ سال جھٹ لنگھائیا۔ انت مرن توں پہلوں ہوئی پیِڑ، تت گیا تجائیا۔ بڑی لگّی سی بھیڑ، اِکٹّھے ہو کے
ویکھن سارے چائیں چائنیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، دُھر دا بھیوَ آپ کُھلائیا۔ جاگیِر داس کبیِر دا ساتھی، فقیِر فقّر نظری آئیا۔ انت بیننتی اِک آکھی، اندرے اندر دھیان لگائیا۔ میرے پروردِگار میری کرنی مُعاف گُستاخی، غُصّہ گِلہ نہ کوئے جنائیا۔ بڑی تپّسیا والی ہُندی سی ایہدی اِک چاچی، ناں تالو نظری آئیا۔ اوس پھڑ کے پانی دی باٹی، ایہدے مُکھ وِچ دِتی پائیا۔ فقیِرا تیری مُشکل تے اؤکھی گھاٹی، بِنا پروردِگار تیرا نہ کوئے سہائیا۔ میَنوُں ایَں دِسدا ساڈا اِمام پھیر آسی، آسا وِچ راہ تکائیا۔ اوسے نوُں سب نے کہنا پُرکھ ابناشی، پت پرمیشور روُپ ویس وٹائیا۔ تیری جنم وِچ پھیر ہووے حیاتی، جیِون زِندگی رنگ رنگائیا۔ اوہ تیرا لہنا دینا چُکاوے باقی، لیکھا پِچھلا ویکھ وکھائیا۔ دے کے مان پنج تت خاکی، خاک وِچوں لئے اُٹھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، امرت جام دیوے آبے حیاتی، سوغاتی دُھر دی نال رلائیا۔
۲۱ ماگھ شہنشاہی سمت ۴ گُربچن سِنگھ دے گرِہ پِنڈ سداسِنگھ والا ضِلع فِروزپُر
گُر اوتار پَیغمبر کہن پربھ اگمّی شبد دا مار چھاپا، چھاپیخانے والے اکھّر دے بدلائیا۔ دیِن دُنی جگت جہان دی ویکھ بھاکھا، پاربرہم ہر ہِردا پھول پُھلائیا۔ چار کُنٹ دہ دِشا سب نوُں آیا گھاٹا، پوُرا تول ترازو نہ کوئے تُلائیا۔ تیرا نام رس ملِے کِسے نہ باٹا، نِجھر جھِرنا بوُند سوانت نہ کوئے ٹپکائیا۔ پروردِگار سانجھے یار صدی چؤدھویں ہوئی اندھیری راتا، چؤدس نوُری چنّ نہ کوئے چمکائیا۔ دیوت سُر ساتھ نہ دیوے کوئی ماتا، گن گندھرو نہ کوئے بچائیا۔ کلجُگ کوُڑی کِریا کھیل بازی گر ناٹا، نٹوُآ اپنا سوانگ ورتائیا۔ سیج سُہنجنی سوئے کوئی نہ کھاٹا، آتم پرماتم میل نہ کوئے مِلائیا۔ تُوں صاحِب سُلطانا آتم پرماتم جاتا، جوتی جاتے پُرکھ بِدھاتے اپنا نوُر کر رُشنائیا۔ اسیں سارے منّیئے تیرا آکھا، آخر تیری اوٹ تکائیا۔ تن وجوُد پردہ کھول بجر کپاِٹا، نوَ نؤ چار ڈیرہ ڈھاہیِا۔ ساڈی پوُری کر منسا آسا، آہستہ آہستہ سارے رہے سُنائیا۔ اسیں بَیٹھے اُپر آکاشا، دھرتی اُتے دیِن دُنی دے کے آئے تیرا بھرواسا، کلجُگ انتم پرگٹ ہووے پُرکھ ابناشا، کل کلکی ویس وٹائیا۔ تُوں سرب گُناں گُنداتا، آتم پرماتم جوڑ دے ناتا، برہم دھار بن پچھاتا، بھیوَ ابھیدا رہے
نہ رائیا۔ جوتی جوت سروُپ ہرِ، آپ اپنی کِرپا کر، ایکا ایک دے دے دُھر دا ور، در ٹھانڈے آس رکھائیا۔ گُر اوتار پَیغمبر کہن پربھ دے دے حُکم اپرمپر، بھیوَ ابھیدا دے کُھلائیا۔ تُوں سرب کلا بھرتمبر، سوامی نوُر الاہیِا۔ کلجُگ سَتجُگ رچ سویمبر، گُر اوتار پَیغمبر ویکھن چائیں چائنیا۔ جوُٹھ جھوُٹھ کوُڑی کِریا میٹ اڈمّبر، سچ سچ مارگ دے لگائیا۔ کر پرکاش اندھیری کَندر، دھوُاں دھار مِٹے لوکائیا۔ سچ دوار دا کھول جِندر، زِندگی جیِون وِچ بدلائیا۔ محل اٹل سُہا اِکو اندر، سچکھنڈ دوارا ایکنکارا دے وکھائیا۔ تیرے در تے درویش ہو کے آئے منگن، مانگت ہو کے جھولیاں ڈاہیِا۔ لکھّ چؤراسی جیِو جنت سادھ سنت اپنے نام دی چاڑھ رنگن، نِرگُن دھار سرگُن اُتر کدے نہ جائیا۔ کِرپا کر سوُرے سربنگن، شاہ پاتشاہ تیری سرنائیا۔ مِہربان محبوُب دَیا کر وِچ وربھنڈن، برہمنڈ تیری وجےّ ودھائیا۔ آتم پرماتم پرماتم آتم دے انندن، انند انند وِچوں پرگٹائیا۔ گُرمُکھ گُرسِکھ ہرِجن ہربھگت تیرا نوُر الاہی چنّن، چند چاننی دے چمکائیا۔ ایتھے اوتھے دو جہاناں تیرے نال ہنڈھن، وِچھوڑا اوَر رہے نہ رائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، ہرِجن ساچے لینےَ مِلائیا۔ گُر اوتار پَیغمبر کہن بخش دے صِدق صبوُری، بھروسہ اِک دِرڑائیا۔ در منگیئے تیری حضوُری، حضرت ہو کے سیِس نِوائیا۔ ساڈی لیکھے لا مزدوُری، چؤداں صدیاں سیو کمائیا۔ آسا کِسے نہ رہے ادھوُری، حد حدوُد دِتی گوائیا۔ شرع دی رہے نہ کوئے مغروُری، غُربت اندروں دینی کڈھائیا۔ ساڈی بیننتی کر منظوری، مِہر نظر اِک اُٹھائیا۔ تُوں سرب کلا بھرپوُری، بھرپوُر رہیا سرب تھائنیا۔ ساڈی انت ویکھ مجبوُری، مُجرم سارے نظری آئیا۔ تُوں خالق خلق دستُوری، دست تیرے ہتّھ لوکائیا۔ من کلپنا پئی فتُوری، فتویٰ لا تھاؤں تھائنیا۔ اِکو نام دی کر مشہوُری، مشورے گُر اوتار پَیغمبر تیرے نال رلائیا۔ کلجُگ کِریا مات وِچوں کڈھ کوُڑی، کوُڑ کُٹمب دینا کٹائیا۔ اِکو بخش چرن پریِتی سَت دھار دی دھوُڑی، دھوُل مستک نام لگائیا۔ کی ہو گیا جے تیری سرِشٹی درِشٹی وِچوں موُرکھ موُڑھی، موُڑھ سُگھڑ سُچجے لےَ بنائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، نِہکلنک نرائن نر، مہاراج شیرسِنگھ وِشنوُں بھگوان، تُوں آد جُگاد جُگ چؤکڑی ایکنکارا ساچا نوُری، نوُر نوُرانے دَیا کمائیا۔
۲۲ ماگھ شہنشاہ سمت ۴ گُردَیال سِنگھ دے گھر پِنڈ سدّا سِنگھ والا ضِلع فِروزپُر
گُر اوتار پَیغمبر کہن پربھ ویکھ شرکن غربن، شریِعت والے شرع جگت کھوج کھوجائیا۔ دوُر نیڑا تک خاکہ اپنا عربن سُعربن، پروردِگار سانجھے یار اپنا دھیان لگائیا۔ جودھے سوُربیِر بلی بلکار اپنی دھار کر مردن، مرد مردانے تیرے ہتّھ وڈیائیا۔ چار جُگ دا پوُرب لیکھا لیَنا مُکا قرضن، مقروُض ہو کے ویکھ وکھائیا۔ صدی چؤدھویں ساڈی سب دی پُٹھی دِسے نردن، نر نرائن تیرا در نظر کِسے نہ آئیا۔ کی سندیسہ دے کے گیا تتی لوح اُتے ارجن، عرض بیننتی تیرے اَگے رکھائیا۔ کلجُگ انت سِری بھگوَنت جن بھگتاں ہون نہ دیویں ہرِجن، ہرِجن ساچے اپنے رنگ رنگائیا۔ کی یاد کیِتا تیغ بہادر جِس ویلے کٹار لگّی اُپر گردن، گداگر ہونی کوُڑ لوکائیا۔ چار کُنٹ دہ دِشا دیِن دُنی لگّے دھڑکن، دھیِرج دھیِر نہ کوئے رکھائیا۔ مایا ممتا وِچ سارے لگّے بھٹکن، بھانڈا بھرم نہ کوئے بھنّائیا۔ پربھوُ تیرے مِلن دی کایا اندر سب دے پئے اڑچن، نِرگُن نوُری تیرا درس کوئے نہ پائیا۔ دیِن مذہب ہنکار وِچ اِک دوُجے نال کھڑکن، کھنڈا کھڑگ جوُٹھ جھوُٹھ ہتّھ رکھائیا۔ بِن تیری کِرپا ساچا مارگ ملِے کوئی نہ سڑکن، سنسا روگ نہ کوئے چُکائیا۔ ممتا مِٹے کِسے نہ تڑپن، موہ سکے نہ کوئے تُڑائیا۔ وقت یاد آیا جِس ویلے گوبِند بچّے نیہاں ہیٹھاں لگّے رکھن، رکھک دَیا کمائیا۔ اوہناں دی نِگاہ پئی وِچ کوُٹ دکھّن، اکھّ اکھّ بِنا کُھلائیا۔ دیِن دُنی دی چولی دِسی سی سکھّن، نام وست نہ کوئے ٹِکائیا۔ کُچھ لیکھا لِکھیا گھر گوالیاں جو کرِشن کھادھا مکھّن، شہادت شبد دھار بُھگتائیا۔ سچ پریِتی وِچ کلجُگ جیو موُل نہ وسن، واسطہ پربھ دے نال نہ کوئے رکھائیا۔ کوُڑ وِکارے اندر سارے ٹپنّ، من منسا بھجےّ چائیں چائنیا۔ آتم پرماتم پرماتم آتم نام موُل نہ جپن، جگ جیِون داتے تیرا درس کوئے نہ پائیا۔ ترےَگُن مایا اندر سارے دگن، جگت ترِسنا ترِکھا نہ کوئے بُجھائیا۔ سچ دوار ایکنکار لبھے کوئی نہ پتن، چار جُگ دے شاستر پترکا پڑھ کے جھٹ لنگھائیا۔ بےوطناں وکھائے کوئی نہ تیرا سچکھنڈ وطن، درگاہ ساچی مِلن کوئے نہ پائیا۔ جِدھر تکاّں چار کُنٹ دِسے رٹّن، رٹّا پیا کوُڑ لوکائیا۔ نیتر رووے مندر مسجد شِودوالا مٹھن، گُروُدوارا دھرم دی دھار نہ کوئے وکھائیا۔ پاربرہم پت پرمیشور تُدھ بِن اُلٹی گیڑے کوئی نہ لٹّھن، دھرم دی دھار نہ کوئے چلائیا۔ سادھاں سنتاں رہے کوئی نہ ہٹّھن، دھیِرج سنتوکھ نظر کوئے نہ آئیا۔ شرع شریِعت جگت زنجِیری آئے کوئی نہ کٹن، دُئی دوَیت نہ ڈیرہ ڈھاہیِا۔ قؤل اِقرار کر کے پوُرا کرے کوئی نہ بچن، وعدے خِلاف ہوئی لوکائیا۔
سچ سرنائی چرن تیرے نہ وسن، واسطہ تیرے نال نہ کوئے رکھائیا۔ پُرکھ اکالے دیِن دَیالے نِج نیتر تیرا درشن ملِے کوئی نہ اکھّن، لوچن بند نہ کوئے کُھلائیا۔ کوٹاں وِچوں گُرمُکھ وِرلا ہیِرا بنے تیرا رتن، جِس دی قیِمت جگت نہ کوئے چُکائیا۔ آتم پرماتم پرماتم آتم جوڑے نتن، ناتا بِدھاتا اِک رکھائیا۔ مِہربان محبوُب مُحبّت وِچ سِر رکھنا بھگتاں ہتّھن، ہتّھ سِر اُپر ٹِکائیا۔ انت اَخیِر سب دا بےارتھ ہونا یتن، یتھارتھ تیرا میل نہ کوئے مِلائیا۔ بِن تیرے کوئی نہ جانے دیِن دُنی دا لّچھن، لکھّ چؤراسی کھوج نہ کوئے کُھجائیا۔ تیرا کھیل سدا جُگ چار نِت نوِتن، نر نِرنکار تیری بےپرواہیِا۔ پتہ نہیں تُوں کھیل کرنا کیِکن، کِس بِدھ اپنی کھیل رچائیا۔ جِدھر تکّیئے سادھ سنت سارے ویکھن، سَت سنتوکھ نظر کوئے نہ آئیا۔ گُر اوتار کہن پربھوُ سانوُں تیرے دواریوں سچ دھرم دی انتم ہونی پَینشن، چار جُگ دی سیوا تیری جھولی پائیا۔ جو اُپجیا سو انت بِنسن، تِھر نظر کوئے نہ آئیا۔ تت رہیا نہ راما کرِشن، عیسیٰ موُسیٰ محمد نظر کوئے نہ آئیا۔ دس گُروُ ماٹی کھلّ نہ کوئے چمکن، بُتخانے وجےّ نہ کوئے ودھائیا۔ ایہہ سارے صاحِب سُلطان تیرے کمسن، کِرپا نِدھان تیری کھیل کھِلائیا۔ انت اَخیِر سب دی پوُری کردے حرصن، حِرص ہوَس نہ کوئے ودھائیا۔ سچکھنڈ دوارے بَیٹھے سارے ترسن، بِن دیِد اکھّ کُھلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، سب دی ترِکھا میٹ دے حِرصن، حِفظ اِکو اپنا نام کرائیا۔