۱۲ پھگّن شہنشاہی سمت ۴ شنبھوُ ناتھ دے نال گُرداس پُر
کی پرم پُرکھ ابناشی اِک اِکانت، نِرگُن نوُر نوُر رُشنائیا۔ کی شبد دھار کھیل ابناش، روُپ رنگ ریکھ نظر کوئے نہ آئیا۔ کی وِشن برہما شِو لکھّ چؤراسی زیورات، گہنے برہمنڈ کھنڈ پُری لوء آکاش پاتال گگن گگننتر زِمیں اسمان دھرنی دھرت دھوَل دھؤل نظری آئیا۔ کی کرنی کرتب سرِشٹی درِشٹی اندر کائنات، ترےَگُن مایا پنج تت من منوُآ ونڈ ونڈائیا۔ کی بودھ اگادھ شبد اناد دُھن آتمک اگمّی راگ، بِن رسنا جِہوا ڈھولا دُھر سندیس سُنائیا۔ کی گُر اوتار پَیغمبر تن وجوُد پہن کے ماٹی خاک، دیِن دُنی وِچ پھیرا پائیا۔ کی ہِندوُ مُسلم سِکھ عیِسائی پارسی بودھی جَینی ذات پات، دیِن مذہب ناؤں دھرائیا۔ کی ایِش جیِو کھیل تماش، کی آتما پرماتما پرماتما آتما اپنا ویس وٹائیا۔ کی برہم کی پاربرہم پرکاش، کی اندھ اگیان اندھیرا سوبھا پائیا۔ کی سونا کی سوَرن، کی نیتر ہرن پھرن، کی جنم کی مرن، کی منزل کی پؤڑی چڑھن، کی سِمرن کی پوُجا پاٹھ کی سرنائی کی سرن، چرن کوَل گُردیو کوَن سمجھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سَت ستوادی شبد انادی برہم برہمادی آد جُگادی، جُگ چؤکڑی اپنا حُکم ورتائیا۔ کی سونا سچ نام، جِس نوُں االلہ واہِگُروُ رام اوم ہری اوم تت سَت کہہ کے گائیا۔ کی سونا شاستر سِمرت وید پُران، اِنجیِل قرآن گیِتا گیان کی گُروُ گرنتھ نال وڈیائیا۔ کی سونا سَت دھرم ایتھے اوتھے دو جہاناں جگت نِشان، چار ورناں اٹھاراں برناں کوَن بھیوَ کُھلائیا۔ کی سونا رسنا جِہوا بتّی دند صِفتاں والا گان، کی کاغذ قلم شاہی لیکھ دئے بنائیا۔ کی سونا آتما کی سونا پرماتما کی بُدھی توں پرھے گیان، کی بِنا ناد شبد وِشوَ دا بھید دئے جنائیا۔ کی سونا مِٹی وِچ مِل کے مِٹی تے وِکدا پِھرے ہٹّی وِچ دُکان، پَیسیِاں والی قیِمت پائیا۔ کی سونا سَت سروُپ دا دِسے سچ وِدھان، جِتھے وِدیا عقل بُدھی کمّ نہ آئیا۔ کی سونا الف یے اوڑا اَیڑا ایِڑی سسّا ہاہا، کی اے بی سی ڈی کرے کلیان، اکھّراں والی اکھّر ونڈ ونڈائیا۔ جِس دا سونے توں پرے نِشان، جِتھے نہ زِمیں نہ آسمان، نہ کوئی پُٹن کھودن والی کھان، نہ کوئی کرن والا پہچان، دھاتُو دھات نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ویکھنہارا اِک در، جِس گرِہ پرماتما پرماتما پرماتما اپنے وِچ سمائیا۔ کی سونے دی جگت شہادت، زیورات نال وڈیائیا۔ کی سونا دُھر دی عبادت، بندگی نام کلمہ روُپ دھرائیا۔ کی سونا لکھّ چؤراسی جیِو جنت دی عادت، من مت بُدھ نال ٹکرائیا۔ کی سونا سچ نام سخاوت، بخشش
رحمت نظری آئیا۔ کی سونا جگت جیو بناوے عداوت، دیِن مذہب ونڈ ونڈائیا۔ بِنا سونے توں بِنا سروُپ توں جو آد جُگاد صحیح سلامت، سو سوامی انترجامی دینا سمجھائیا۔ جِس دی کُٹھالی وِچ پا کے بنے نہ کدے بناوٹ، اگنی نال جلا کے سُنیارا پھوُک نہ کوئے لگائیا۔ جوتی جوت سروُپ ہرِ، آپ اپنی کِرپا کر، بخشنہارا اوہ ور، جِتھے نہ کوئی سونا نہ کوئی چاندی، نہ کوئی گُر اوتار پَیغمبر نہ کوئی تت وجوُد دِسے باندی، نہ ایِش جیِو جگدیِش نہ پاربرہم برہم، نہ شبد ناد دُھن، نہ شاستر سِمرت وید پُران اِنجیِل قرآن کھانی بانی، نہ سادھ سنت فقیِر، نہ وِدیا دے اکھّراں والی کوئی لکیِر، نہ کوئی رسنا جِہوا والی تقریر، نہ کوئی شہنشاہ، نہ کوئی پاتشاہ نہ کوئی فقیِر، نہ کوئی درویش نہ کوئی منگتا نہ کوئی ہؤمے نہ کوئی ہنگتا، موہ وِکار وِبھچار کُکرم بھرِشٹاچار، نہ کوئی جن شکتی نہ کوئی بھگتی سِمرن پوُجا پاٹھ دِسے پتر، نہ کوئی تیِرتھ تٹ نہ کوئی شِودوالا مٹھ دِسے کھیتر، نہ کوئی دِوس نہ کوئی ماس نہ کوئی رُت بسنت مؤلے چیتر، آد انت ایکر میکر چھیکڑ پریزینٹ پاسٹ فیوُچر فیوُچر توں لاسٹ کی اپنا کھیل کھِلائیا۔
۱۲ پھگّن شہنشاہی سمت ۴ چرن سِنگھ دے گرِہ پِنڈ ہیمراج پُر ضِلع گُرداس پُر
صدی چؤدھویں کہے راوی رو رو بِن نیَناں کہِندی، کہہ کہہ رہی سُنائیا۔ چار جُگ میَں وہناں دھار رہی وہِندی، جل تھلاں اُتے وہائیا۔ اُچے نیویں تھاں رہی ڈھہِندی، بھجیّ واہو داہیِا۔ سچ سِنگھاسن کدے نہ بہِندی، دِوس رَین اپنی سیو کمائیا۔ میری نِگاہ ہوئی اِک دِن دِشا لہِندی، کعبے رہے کُرلائیا۔ میَں کدے اُٹھدی کدے بہِندی، کی کھیل ورتنی خواجے خِضر دی، حُکم نوُر الاہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، کی حُکم حُکم ورتائیا۔ راوی کہے میَں ویکھیا دِشا لہِندی، بِن نیَناں نیَن اُٹھائیا۔ محمد آشا کی کُچھ کہِندی، کہہ کہہ رہی سُنائیا۔ اُف ہائے، اوہ آ گیا اِمام مہدی، مِہربان نوُر الاہیِا۔ جِس دا بھانا جُگ چؤکڑی رہی سہِندی، سِر سکیا نہ کوئے اُٹھائیا۔ جوتی جوت سروُپ ہرِ، آپ اپنی کِرپا کر، کی اپنی کار کمائیا۔ راوی کہے میَں روواں مار دُہتّھڑ پٹاں، پٹنے والا ویس وٹائیا۔ جِس نے اُمت حِساب وِچ لیکھا کرنا بٹا، ہِندسہ ہِندسے نال بدلائیا۔ چار جُگ دے گرنتھاں
دی مہما نالوں اَگے مان دواؤنا اِکو ٹپّا، آتم پرماتم رنگ رنگائیا۔ دو جہاناں مالک سمجھاؤنا جِس دی صِفتاں وِچوں صِفت کرے اکھّر پپا، پوُرن پاربرہم دِرڑائیا۔ سب دا لہنا دینا لیکھا پوُرا کرنا پکاّ، بچیا رہن کوئے نہ پائیا۔ گُر اوتار پَیغمبر لیکھے لاؤنا چچا، ابناشی کرتا پُرکھ اکال دینا وکھائیا۔ جِس دیِن دُنی دا ویکھنا چار کُنٹ دا حِصّہ، حصیداری پھول پھولائیا۔ جن بھگتاں پِچھلا وکھاؤنا پِچھا، پوُرب دا پردہ دینا اُٹھائیا۔ اَگے ساچی دے کے بِھچھا، خالی بھانڈے دینے بھرائیا۔ جوتی جوت سروُپ ہرِ، آپ اپنی کِرپا کر، سچ اپنی کار کمائیا۔ صدی چؤدھویں کہے راوی تکّے راہ، اوہ رہبر نوُر الاہیِا۔ پیِراں دا پیِر جائے آ، پَیغمبراں دا پَیغمبر پھیرا پائیا۔ نِیوں کے سیِس لَواں جھُکا، دھوُڑی خاک رمائیا۔ دوئے جوڑ منگاں دُعا، واسطہ اِکو اَگے رکھائیا۔ میرے محبوُب حق خُدا، خود تیری سرنائیا۔ کلجُگ کوُڑی میٹ وبا، دُھر طبیب لئے انگڑائیا۔ بھگت اُدھارنا تیری ادا، ادب دینا سمجھائیا۔ نام بھنڈارا دے غِذا، بُھکھیاں بُھکھ مِٹائیا۔ ساچا مارگ اِک سمجھا، سمجھ سمجھ وِچوں بدلائیا۔ نظری آ ہر گھٹ تھاں، تھان تھننتر سوبھا پائیا۔ سب دا بن پِتا ماں، پوُت سپوُتے گود اُٹھائیا۔ کیوں مانَو ہنس ہوئے کاں، کاگ وانگ رہے کُرلائیا۔ کیوں پَیغمبراں دوش لگایا کھا کے گاں، سوُراں جگت ونڈ ونڈائیا۔ جوتی جوت سروُپ ہرِ، آپ اپنی کِرپا کر، پردہ اوہلا دینا اُٹھائیا۔ راوی کہے میَں تکاّں دُھر دا رستہ، چؤراسی ویکھ وکھائیا۔ بنّھ کے بَیٹھی بستہ، اپنی گنڈھ گھُٹائیا۔ کِس ویلے حُکم ملِے اُتوں عرشا ں، عرشی پریِتم ویس وٹائے دھرنی اُتے فرشا، فَیصلہ حق سُنائیا۔ جودھا سوُربیِر مردانہ بنے مردا، مدد اوَر نہ کوئے رکھائیا۔ شرع دیِاں جھوُٹھیاں بھنےّ کرداں، موہ وِکار گوائیا۔ گُر اوتار پَیغمبراں پوُریِاں کرے شرطاں، شرع دی دھار دئے اُلٹائیا۔ ساڈیِاں آساں ویکھے عرضاں، بیننتیاں دھیان لگائیا۔ انت اَخیِر جِس دی غرضا، غرضیکہ اوہو ملِے چائیں چائنیا۔ کلجُگ پُٹھیاں سِدھیاں کرے نرداں، نر نرائن دَیا کمائیا۔ غریِب نِمانیاں ونڈے درداں، دردیِاں دُکھ گوائیا۔ میری تھوڑی جیہی شردھا، راوی کہہ سُنائیا۔ میَں بھگت سُہیلا ویکھنا بردا، جو بری اپنا آپ کرائیا۔ میَنوُں بچن یاد آ گیا چِر دا، چِری وِچھنیاں دیاں سُنائیا۔ گُر ارجن دا تِنّ وار اکھّاں وِچوں ہنجھوُ میرے وِچ سی گِردا، ترےَ لوک دا رس دِتا وکھائیا۔ میرا انتر ہِردا کھِڑدا، کھِڑکی دِتی کُھلائیا۔ میَں رو کے کِہا کِس ویلے درشن ہووے اوس پِر دا، جو پریِتم اِک اکھوائیا۔ ارجن کِہا جِس ویلے کل کلکی آوے پِھردا پِھردا، پِھرت پِھرت اپنا پندھ مُکائیا۔ تیرا لیکھا اوس دے کولوں نِبڑدا، لہنا دئے چُکائیا۔ اوس نے نِشانہ لاؤنا
پنجاں گُرمُکھاں نوُں تیرے چِکڑ دا، چکنا چوُر کرے لوکائیا۔ بِرکھ سُہاؤنا اِک کِکر دا، جِس دا پوُرب لہنا سوبھا پائیا۔ ایہہ کھیل ہونا اگمّی مِتر دا، جو مِتراں لئے منگائیا۔ بھیوَ کھولنا چوٹی سِخر دا، انت اَخیِر ویکھ وکھائیا۔ اوہ سماں ہونا اگمّا لیکھ لِکھن دا، لِکھت وِچ وڈیائیا۔ سماں سُہنجنا ہونا ساچی سِکھیا سِکھن دا، سِکھ سَتگُر دئے سمجھائیا۔ جوتی جوت سروُپ ہرِ، آپ اپنی کِرپا کر، سچ اپنا حُکم ورتائیا۔ راوی کہے میَں تکاّں راہ اَخیِری، آخر دھیان لگائیا۔ کِدھروں آ جاوے تقدیِری، تقدیِر میری دئے بدلائیا۔ دیِن دُنی دی کٹ زنجِیری، شرع دئے اُلٹائیا۔ جِس دے کول ہووے غریِبی امیِری، دوویں دھار وہائیا۔ چرن چُھہاوے میرے نیِری، نیَناں نیِر وہائیا۔ کُچھ آشا رکھی بھگت کبیِری، کعبیوں پرے دِتی دُہائیا۔ ایہہ کھیل بےنظیِری، نظریہ دئے بدلائیا۔ میرا داتا گہر گمبھیِری، گہر گوَر ویکھ وکھائیا۔ کُچھ لیکھ لِکھاؤنا کشمیِری، ہرِ گوبِند آس تکائیا۔ جِس نوُں بخشی میِری پیِری، اوہ پیِراں دا پیِر ویکھ وکھائیا۔ جِس دی سارے کہندے گلی بھیِڑی، راہ نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، جن بھگتاں چڑھائے اپنی سیِڑھی، ڈنڈا دُھر دا نام ہتّھ پھڑائیا۔ راوی کہے میَں بھجیّ نَٹھی ٹپّی، اپنا زور لگائیا۔ میَں چار جُگ دے شاستر ویکھے گپّی، گپؤڑیاں وِچ وڈیائیا۔ پڑھن والیاں ساچی منزل کِسے نہ ٹپّی، ٹپّیاں وِچ جھٹ لنگھائیا۔ رسنا نال سارے گُر اوتار پَیغمبر کر کے گئے پکّی، پاربرہم دی گنڈھ پوائیا۔ میَں جاں ویکھیا تے سارے ہو گئے شکّی، شِکوہ سارے گئے گوائیا۔ کِسے نے سیِتا سُرتی کِسے نے رادھا میَں کہِندی ایہہ ساریاں توں وکھری رامرکھی، رکھنے وِچ لُک کے اپنا جھٹ لنگھائیا۔ جو آیا سو چلا کے گیا چھوٹی نام دی ہٹّی، کٹی وچھّی ونڈ ونڈائیا۔ راوی کہے میَں وی وہِندی رہی دھار مٹّھی مٹّھی، ہؤلی ہؤلی چلی واہو داہیِا۔ جوتی جوت سروُپ ہرِ، آپ اپنی کِرپا کر، سب دا لیکھا ویکھ وکھائیا۔ راوی کہے میَں ویکھدی رہی گُر اوتار پَیغمبر لیَندے گپھے، جھولیاں اَگے ڈاہیِا۔ خوشیاں وِچ اودوں ہسّے، سَتجُگ تریتا دواپرکلجُگ خوشی منائیا۔ صدی چؤدھویں کلجُگ انتم سارے پھسے، بندھن سکے نہ کوئے چُھڈائیا۔ دیِناں مذہباں پا کے رٹےّ، جھگڑے رہے کرائیا۔ ونڈ ونڈ کے تت اٹّھے، اپنی کیِتی چتُرائیا۔ االلہ واہِگُروُ نام سَت رام کرِشن اسیں سب توں اچھےّ، اچھی کیِتی جنائیا۔ دھوتی بودھی جنجوُ ٹِکاّ سنت تیڑ بنّھا کے کچھّے، کچّھاں مار کے خوشی بنائیا۔ انت اَخیِر ویکھیا سارے پِھردے نسّے، پُرکھ اکال بھےَ رہیا جنائیا۔ نالے اِک دوُجے نوُں پُچھن کیہڑا نام تے کیہڑے چنگے ٹپّے، کلمے کِس وڈیائیا۔
کیہڑا گُروُ تے کیہڑا سوامی کیہڑا مُرشد کیہڑا لیَندا ٹکے، قیِمت کوَن رکھائیا۔ جاں ویکھن تے سب دے گھر گھر رٹےّ، رٹّا سکے نہ کوئے مُکائیا۔ جاں ویکھن دیِن مذہب دے پٹّے، لِکھت لِکھتاں وِچ لوکائیا۔ راوی کہے میری آسا خوشیاں وِچ ہسّے، ہستی تکّنی بےپرواہیِا۔ اوہ وقت سماں آیا مسے، مساں مساں اپنا پندھ مُکائیا۔ جیہڑے کاغذ گُر اوتار پَیغمبراں کولوں پربھ دی مہما کر کے اجے نہیں چھپے، اوہ چُھپیاں ہویاں دا پردہ دینا کُھلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، جو آتم پرماتم پرماتم آتم اپنی دھار تے آپے جپے، جپاوَنہارا آپ اکھوائیا۔
سَتگُر سو جو وِچھڑیاں جوڑے، وِچھوڑا دئے کٹائیا۔ سَتگُر سو جو ڈُبدیاں بہُڑے، جگت جہان لئے ترائیا۔ سَتگُر سو جو سِکھاں دے پِچھے دؤڑے، جگت وِکار نہ ونڈ ونڈائیا۔ سَتگُر سو جو گُرمُکھاں توں کھا کے پتّھر روڑے، اپنی خوشی بنائیا۔ سَتگُر سو جو من چنچل تائیں موڑے، مُڑ مُڑ اپنے چرن لگائیا۔ سَتگُر سو جو دِن تھوڑے کرے وِچھوڑے، مِہر نظر اُٹھائیا۔ جوتی جوت سروُپ ہرِ، آپ اپنی کِرپا کر، مِہر نظر نال ترائیا۔ سَتگُر سو جو چھڈے کدے نہ پِچھا، پاپاں ولّ نہ دھیان لگائیا۔ سَتگُر سو جو اپرادھیاں اُتے کرے رچّھا، دُکھیِاں دُکھ گوائیا۔ چرن سِنگھ تُوں اجّ دا نہیں تُوں گوبِند والا سِکھا، جامہ ملین درسائیا۔ تیرا کاغذ پِچھلے جنم مرن دا چِٹا، ایہہ شاہی لیکھ بنائیا۔ ایس زِندگی دا ویکھ لےَ سِٹّا، تیرے اَگے رہیا وکھائیا۔ ایہہ شیشہ کدے نہ بھجےّ نال اِٹّاں ، پتّھراں نال ٹُھکرائیا۔ تُوں جنم وِچ نِکا، کرم وِچ وڈیائیا۔ پُرکھ اکال جِس دا بن گیا پِتا، جُگ جنم دے وِچھڑیاں گود اُٹھائیا۔ جیہڑا پِچھلیاں ساتھیِاں نال سی حِصّہ، اوہ تَینوُں دِتا کھوائیا۔ اَگے لیکھ اگمّا لِکھا، جوتی جوت سروُپ ہرِ، آپ اپنی کِرپا کر، مِہر نظر نال ترائیا۔ ایہہ اکھّر کہن تیری بھریئے گواہی، شہادت روُپ روُپ بُھگتائیا۔ اَگے ہووے نہ کدے جُدائی، وِچھوڑا رہن کوئے نہ پائیا۔ ایہہ کھیل بے پرواہی، بے پرواہ ہویا سہائیا۔ تیری پِچھلی مِٹے لِکھی شاہی، شہنشاہ اگلا اپنا رنگ رنگائیا۔ اجّ سارے مِل کے تَینوُں دین آئے ودھائی، پِچھلا موُل چُکائیا۔ ایہہ گُر سنگت تیری بن گئی پھیر بھَین بھائی، میلا سانجھا لیا کرائیا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ رکھائیا۔ چرن سِنگھ ایہہ چِٹھی گئی پاٹ، پٹنے والا دَیا کمائیا۔ قلم شاہی دا لِکھیا کاٹ، تیرے
کرماں نوُں کٹاکش گیا لگائیا۔ جِس کارن رکھیا سانبھ، اپنے در ٹِکائیا۔ اُس دا ایہو مِلیا لابھ، ہرِ سنگت مِل کے خوشی بنائیا۔ اَگے سوال دا سی جواب، جو لِکھیا دِتا سمجھائیا۔ ہُن سجدے والا آداب، مُسلیا غُسلّ دُھر دا دیاں کرائیا۔ جیہڑا بھُنّ کے کھادھا کباب، دنداں ہیٹھ دبائیا۔ اوہدا اَگے ملِے نہ کوئے عذابِ، ازیّت توں دیاں چُھڈائیا۔ لیکھا منگے نہ کوئے حِساب، رائے دھرم نہ دئے سزائیا۔ جدوں تکّیں تے نظر آواں آپ، آپ اپنا درس وکھائیا۔ تُوں پُتر میَں تیرا باپ، آتم پرماتم کھیل کھِلائیا۔ جوتی جوت سروُپ ہرِ، آپ اپنی کِرپا کر، سوہنگ دے کے پھیر اپنا جاپ، جگ جیِون داتا اپنے گھر وسائیا۔
۱۳ پھگّن شہنشاہی سمت ۴ راج سِنگھ دے گھر پِنڈ ہیمراج پُرا
راوی کہے گُروُ تتاں والی موم بتّی، تھوڑا سماں جگ کے پھیر اپنا آپ بُجھائیا۔ صاحِب سَتگُروُ آد جُگاد دا کملاپتی، پت پرمیشور جُگ چؤکڑی کرے رُشنائیا۔ جو نام وست دین والا رتی رتی، تھوڑی تھوڑی آپ ورتائیا۔ جگت والا رکھ کے حِصّہ پتّی، نام دے پتّیاں اُتے ڈیرے دِتے لگائیا۔ تھوڑی تھوڑی کتھا کہانی دسّی، صِفتاں وِچ صالاحیِا۔ لیکھ لِکھا کے نال قلم مسّی، مسّ سیاہی نال دِرڑائیا۔ جِس سمیں جیہڑی گلّ لگّی اچھی، اوہو گُروُآں دِتی سمجھائیا۔ تن ماٹی پریِت رکھ کے کچّی، کچّے بھانڈے بھنّ وکھائیا۔ کی ہو گیا جے ارجن بہہ گیا لوح تتی، تتی توی تے بہہ کے اپنا جھٹ لنگھائیا۔ کتھا کہانی دسّ کے گیا سچّی، شبد شبد وِچ شنوائیا۔ کِسے کمّ نہیں آؤنی رسنا نال جپی، جپ جپ جاپ نہ کوئے بنائیا۔ جِناں چِر پُرکھ اکال نہ ملِے سَتگُر سمرتھی، جنم کرم دا لیکھ نہ کوئے مُکائیا۔ میَں وی نانک راہیں جگی ہوئی موم بتّی، انتم جوت بانی وِچ مِلائیا۔ جِتھے کدے بالوُ ریت سی تپی، ہُن پانی دے وہناں وِچ اپنا راہ وکھائیا۔ جِس نے سب دا لیکھا کرنا نفی، نفع نُقصان نہ کوئے سمجھائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ راوی کہے گُروُ بتّی موم، مومن کافر ونڈ ونڈائیا۔ لوک مات بنا کے نِکے نِکے ہوم، ہوم لیَنڈ گئے جنائیا۔ دیِن مذہب ونڈ ونڈا کے قؤم، کامن دا جھگڑا گئے گوائیا۔ میرے نام صِفتاں والے گاؤن، وکھرے وکھرے ڈھولے راگ سُنائیا۔ بندنا ڈنڈاوت سجدے کردے رہے نال دھؤن، پیشانی مستک والی نِوائیا۔ نالے دسّ کے گئے گُروُ پانی پؤن، ماتا دھرت مہتُ وڈیائیا۔ جیِواں جنتاں
نوُں میرا نام کلمہ لےَ کے آئے پرچاؤن، آپ پرچ کے دوُجیاں گئے پرچائیا۔ میری مہما صِفت آئے لِکھاؤن، حُکمے اندر سیو کمائیا۔ میرا امرت میگھ آئے برساؤن، سیوک ہو سیو کمائیا۔ میرا گھر آئے سمجھاؤن، سِکھیا وِچ دِرڑائیا۔ دیِن دُنی دی ونڈاں آئے پاؤن، حِصّیاں وِچ حِصّہ بنائیا۔ بِنا سَتگُروُ توں سہائی ہووے کؤن، گُروُ گُر سارے سَتگُر دی آس رکھائیا۔ جو آیا چار دِن دا پراہُن، جیِون اپنا گیا لنگھائیا۔ میرے نام توں میرا نام لےَ کے اگلے رستے توں آیا تِلکؤن، تِلکن بازی وِچ اپنی کھیل کھِلائیا۔ ڈنڈے نال کھنڈا آیا کھڑکاؤن، ونڈاں وِچ دُہائیا۔ جگت واسنا آیا تڑپھاؤن، سانتک سَت نہ کِسے کرائیا۔ جوتی جوت سروُپ ہرِ، آپ اپنی کِرپا کر، سد اپنا کھیل وکھائیا۔ راوی کہے گُروُ ارجن کِہا گُروُ تتاں والی بُرجی، بُرج منارا رہن کوئے نہ پائیا۔ تھوڑی تھوڑی خبر دے کے دُھر دی، سندیسیاں وِچ سُنائیا۔ مات لوک وِچ آون تے پھیر جاون پَیریں مُڑدی، ایتھے اپنا گھر نہ کوئے بنائیا۔ اِکو اوٹ رکھن ساچے سَتگُر دی، جو سچ دا مالک سچ وِچ سمائیا۔ جِس دی دھار کدے نہ رُڑھدی، وہناں وِچ نہ کوئے وہائیا۔ راوی کہے میرے کنڈھے لِیانی اِک ڈھیلی گُڑ دی، اگلا سگن منائیا۔ جوتی جوت سروُپ ہرِ، آپ اپنی کِرپا کر، سچ کرنی کار کمائیا۔ راوی کہے گُروُ منّن والے بھانا، بھانا بھانے وِچ سمائیا۔ سَتگُر سب دا اِکو رانا، جو آد انت اکھوائیا۔ گُروُ گاؤندے سَتگُروُ دا گانا، گا کے اپنا جھٹ لنگھائیا۔ جے سَتگُروُ نہ ہووے تے گُروُ ہووے بےپرانا، جیِون دی آس نہ کوئے بنائیا۔ بِنا سَتگُروُ توں گُروُ مات لوک نِتھاواں، جِناں چِر سَتگُروُ شبد نہ دیوے گُروُ کرے کی پڑھائیا۔ کیوں گُروُ دیاں دُنیا ورگیاں لتّاں باہواں، نؤ دوارے سرِشٹی روُپ درسائیا۔ سَتگُروُ دی کِرپا گُروُ دے اندر آوے اوہ ناواں، جو نؤواں دواریاں دا لیکھا دئے چُھڈائیا۔ سَتگُر اپنے تول تول کے گُروُ نوُں کرے سانواں، مِہر نظر نظر اُٹھائیا۔ راوی کہے اُس سَتگُروُ توں بل بل جاواں، جِس سَتگُر نے گُر ارجن عرض دِتی جنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، ویکھنہارا لکھّ چؤراسی گراواں، گرِہ گرِہ بھیِتر ویکھ وکھائیا۔
۱۳ پھگّن شہنشاہی سمت ۴ مہِندر کؤر دے گرِہ کالا ننگل
گُر اوتار پَیغمبرو نام کلمے دیِاں کھولو گنڈھاں، سچکھنڈ نِواسی پُرکھ ابناشی حُکم جنائیا۔ جِس نال سَتجُگ تریتا دواپر کلجُگ پائیاں ونڈاں، دیِناں مذہباں حِصّیاں وِچ رکھائیا۔ جگت واسنا رکھیِاں کندھاں، دُئی دوَیت جنائیا۔ بندگی وِچ پھسا کے بندہ، بندھن اپنا لیا پوائیا۔ کیہڑی منزل کیہڑا ڈنڈا، پؤڑا کوَن وڈیائیا۔ کی کھیل وِچ وربھنڈا، برہمنڈاں کی وڈیائیا۔ کی آتم پرماتم دسّیا انندا، نِجانند کی شنوائیا۔ کی لیکھا لہنا مکُے سُوریا چندا، نِرگُن نوُر کرے رُشنائیا۔ کیوں جگت جہان ہویا نِج نیتر اندھا، لوچن اکھّ نہ کوئے کُھلائیا۔ کی بودھ اگادھی بن کے پنڈا، جیؤ پِنڈ آئے دِرڑائیا۔ کیوں من ہنکاری وِکاری ہویا گندہ، پتت پُنیِت نہ کوئے کرائیا۔ سارے کڈھ کے وکھاؤ اپنی سندا، سند پِچھلی نال مِلائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، ہرِ کرتا نوُر الاہیِا۔ گُر اوتار پَیغمبرو اپنی دیؤ شہادت، شہنشاہ دیؤ سمجھائیا۔ کیوں دیِن دُنی دی لیاقت ، بُدھی بِبیک نہ کوئے کرائیا۔ کی سندیسہ دِتا معرفت، صوُفیاں صفحہ آئے بدلائیا۔ نؤ کھنڈ پرِتھمی ستّ دیِپ دیِناں مذہباں کرے نہ کوئے حِفاظت، مِہربان سِر ہتّھ نہ کوئے ٹِکائیا۔ کیوں آتم پرماتم چُھٹی رفاقت، رفیِق فریِق روُپ وٹائیا۔ کِدھر نام گیا کلمہ دھرم دھار دی نیامت، نِہکرمی کرم دیؤ دِرڑائیا۔ انت اَخیِر بے نظیِر سب دا مچلکا لئے ضمانت، ضامن دامنگیِر ویکھ وکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، درگاہ ساچی سچکھنڈ نِواسی پُرکھ ابناشی اپنا حُکم ورتائیا۔ گُر اوتار پَیغمبرو کیوں دیِن دُنی ہویا صدمہ، دُکھڑے وِچ دُہائیا۔ جے تُسیں جھُکدے پربھوُ دے قدماں، قدیِم دی ریِتی چلی آئیا۔ کیوں جھگڑا پایا تن سریِر بدنا، ماٹی خاک ونڈ ونڈائیا۔ کیوں رہنا دسّیا الگنا، وکھرا در سُہائیا۔ چارے کُنٹ ویکھو تن ماٹی دِسے سکھنا، نام وست نہ کوئے رکھائیا۔ کی کھیل کرے ابناشی کرتا الکھ الکھّنا، اگوچر نوُر الاہیِا۔ صدی چؤدھویں کِسے دا چلے کوئی نہ یتنا، یتھارتھ چاروں کُنٹ پئی دُہائیا۔ کیوں گوبِند چھڈیا پٹنا، پؤنٹا پاٹل ویس وٹائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، در گھر ساچا اِک وڈیائیا۔ گُر اوتار پَیغمبر کہن پاربرہم پت پرمیشور بے نظیِر، پروردِگار تیری سرنائیا۔ آد جُگاد جُگ چؤکڑی نِت نوِت تیرے کول شرع زنجِیر، نام کلمے بندھن وِچ بندھائیا۔ تیرے حُکم دی کر کے آئے تقریر، تحریر وِچ وڈیائیا۔ تُوں پاتشاہ اسیں فقیِر، شاہ حقیِر تیری سرنائیا۔ حُجرے حق آواز لگائی اِک
کبیِر، کعبیاں پرے سُنائیا۔ پروردِگار دیِن دُنی دی بدل دے ضمیِر، ظاہر ظہوُر کر رُشنائیا۔ ہر گھٹ انتر نِرنتر تیری تاشیر، نِرگُن نوُر جوت آتم برہم رُشنائیا۔ ہؤمے ہنگتا کٹ دے پیِڑ، دُئی دوَیت ڈیرہ ڈھاہیِا۔ امرت بخش دے ٹھنڈا نیِر، سیِر اپنا جام پِلائیا۔ مِہربان محبوُب مُحبّت وِچ بدل تقدیِر، طوبیٰ طوبیٰ تیرا نام دُہائیا۔ جوتی جوت سروُپ ہرِ، آپ اپنی کِرپا کر، سد اپنا کھیل کھِلائیا۔ گُر اوتار پَیغمبر کہن تیرا کھیل نوُر الاہی پکاّ، پاکیزہ وڈ وڈیائیا۔ محمد کہے اِکو محبوُب دین لگّا دھکاّ، زوراوَر تیری سرنائیا۔ لیکھا مُکنا مدیِنہ مکّہ، کعبیاں پئے دُہائیا۔ جھگڑا پَینا بوُرا کّکا، کائنات ویکھ وکھائیا۔ تیرا لیکھ الکھّنا الکھا، کاتب چلے نہ کوئے چتُرائیا۔ میرا پوُرا ہون والا انت اَخیِری پٹا، پٹنے والے ملِے مان وڈیائیا۔ میرا چیِتھڑ ویکھ پُرانا پھٹا، تن لِباس نہ کوئے ہنڈھائیا۔ پروردِگار سانجھے یار نوُر الاہی بے پرواہی تیری سرنائی ڈھٹّھا، قدم بوسی وِچ مدہوشی رہیا جنائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، نِہکلنک نرائن نر، مہاراج شیرسِنگھ وِشنوُں بھگوان، تیرا حُکم آد جُگاد جُگ چؤکڑی نِت نوِت دُھردرگاہی سچّا، سَت سچ سچ تیری سرنائیا۔
۱۳ پھگّن شہنشاہی سمت ۴ کرم سِنگھ دے گرِہ نیاشالا
گُر اوتار پَیغمبر کہن پربھوُ تیرا چار جُگ دا نام کلمہ دسّیا بن کے کاتب، قلم شاہی کاغزاں اُتے جوڑ جُڑائیا۔ نِرگُن سرگُن سرگُن نِرگُن بھید دسدے رہے ہو مُخاطب، مُکھ رسنا جِہوا نال کری وڈیائیا۔ جُگ چؤکڑی بنے رہے عاجز، نِمرتا وِچ نِیوں نِیوں سیِس نِوائیا۔ سیوادار بن کے خادم، خالق خلق تیری اوٹ تکائیا۔ تُوں صاحِب سوامی انترجامی موہن مادھوَ، پاربرہم پت پرمیشور نوُر نوُرانہ نوُر الاہیِا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، بھیوَ ابھیدا دینا کُھلائیا۔ گُر اوتار پَیغمبر کہن تیرے نام دی کردے آئے صِفت، اکھّراں وِچ وڈیائیا۔ جگت اِشارہ دے کے سوَرگ بہِشت، شرع وِچ سمجھائیا۔ تیرا نوُر الاہی وکھرا وکھرا اِشٹ، دیِناں مذہباں وِچ ونڈ ونڈائیا۔ شاستر سِمرت وید پُران اِنجیِل قرآن کھانی بانی کیِتی لِکھت، حرفاں حروُفاں میل مِلائیا۔ بھگتی جوگ جُگتی دسّی کھولنی درِشٹ، دیِدہ دانِستہ نوُر ظہوُر نہ کوئے رُشنائیا۔ جوتی جوت سروُپ ہرِ، آپ اپنی کِرپا کر، ایکا دینا
دُھر دا ور، صاحِب سُلطان تیری وڈیائیا۔ گُر اوتار پَیغمبر کہن پربھ تیرے نام دی جُگ جُگ کیِتی بدلی، سَتجُگ تریتا دواپر ونڈ ونڈائیا۔ دو جہاناں بنیا کوئی نہ عدلی، حق اِنصاف نہ کوئے کرائیا۔ دیِناں مذہباں وِچ تیری دُنیا قتلی، قتلِ عام دِتی کرائیا۔ االلہ واہِگُروُ نام دے پِھردے رہے پتنیں، کنڈھیاں اُتے ڈیرہ لائیا۔ تیرا نام امولک آد جُگاد جُگ چؤکڑی اِکو رتنی، رتن امولک سوبھا پائیا۔ کِسے سمجھ نہ آئی یتھارتھ یتنی، یکے بعد دیگرے دیندے آئے دُہائیا۔ صِفت کردے آئے کاغذاں پتّریں، اکھّراں نال وڈیائیا۔ ونڈ ونڈائی شوُدر براہمن وَیش کھتری، خطرہ گھر گھر دِتا رکھائیا۔ تیرا نام مِلیا کِسے نہ اصلی، سچ دی دھار نہ کوئے جنائیا۔ تیری دیِن دُنیا کھیل کیِتی نکلی، مانَس مانَو ونڈ ونڈائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در تیرے آس رکھائیا۔ گُر اوتار پَیغمبر کہن دیِن دُنی وِچ پایا وَیر، نام کلمہ ونڈ ونڈائیا۔ دیِن مذہب بنا کے ورتایا قہر، سانتک سَت نہ کوئے کرائیا۔ مانَس مانَس کیتے غَیر، گہر گمبھیِر تیری بےپرواہیِا۔ نام کلمے ڈھولے گیِت سُنائے بن کے شاعر، شرع دی ونڈ آئے پائیا۔ تیرا نام پیالہ بنایا زہر، وِش گھر گھر رہیا چڑھائیا۔ جوتی جوت سروُپ ہرِ، آپ اپنی کِرپا کر، ایکا دے دُھر دا ور، سچ مارگ اِک سمجھائیا۔ گُر اوتار پَیغمبر کہن تیرا نام زہر پیالہ، دیِن دُنیا نظری آئیا۔ االلہ والا رام کہہ کے ہوئے نہ کوئے متوالہ، واہِگُروُ والا االلہ نہ کوئے دِھیائیا۔ ایہہ کی کھیل کرایا شالا، شہنشاہ تیری بےپرواہیِا۔ سانوُں دیِناں مذہباں دا پا جنجالا، حِصّیاں وِچ دِتا ونڈائیا۔ مانَس مانَساں کولوں کراؤندے رہے حلالہ، کھنڈا کھڑگ چمکائیا۔ توڑ سکیا نہ کوئی ترےَگُن جگت جنجالا، مایا ممتا نہ کوئے مِٹائیا۔ کِسے توں اَدھیِن ہویا نہ کال مہاکالا، اپنا تن سریِر نہ کوئے بچائیا۔ پُرکھ اکالے دیِن دَیالے صدی چؤدھویں ویکھ لےَ حالا، حالت وِگڑی کوُڑ لوکائیا۔ پھل رہیا نہ کِسے ڈالا، ہِندوُ مُسلم سِکھ عیِسائی سارے روون مارن دھاہیِا۔ سَتگُر شبد نظر نہ آئے کوئے دلالا، دھرم وِچولا سوبھا کوئے نہ پائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، اِکو تیرا نام وجےّ ودھائیا۔ گُر اوتار پَیغمبر کہن تیرا کلمہ دسّیا کائنات، کعبیاں وِچ وڈیائیا۔ امرت جنایا آبِ حیات، جیِون زِندگی دے بدلائیا۔ تیرا نوُر درسایا ساکھیات، سوَچّھ سروُپی تیری کیِتی وڈیائیا۔ آتم پرماتم جنایا نات، االلہہوُ اَناہوُ کہہ سُنائیا۔ گُر اوتار پَیغمبر کہن پربھوُ تیری کِرپا نال دُنیا وِچ جھگڑا پایا کاغذات، تیرے نام نوُں وکھریاں وکھریاں لیکھاں وِچ دِتا لِکھائیا۔ کِسے نے عیِسائی پارسی مُسلم بنائی جماعت، کوئی ہِندوُ سِکھ بنا کے اپنی کر کے آیا وڈیائیا۔
پربھوُ تیرا آد جُگاد جُگ چؤکڑی کِسے نہ سمجھیا کھیل تماش، خالق خلق کی تیری بےپرواہیِا۔ صدی چؤدھویں انت اَخیِر بے نظیِر اسیں سارے ہوئے اُداس، حَیرانی اندر ویکھ وکھائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، نِہکلنک نرائن نر، مہاراج شیرسِنگھ وِشنوُں بھگوان، آد انت جُگا جُگنت نِرگُن سرگُن دیوے ساتھ، سگلے سنگی بہُہ رنگی اپنا کھیل کھِلائیا۔
۱۳ پھگّن شہنشاہی سمت ۴ اجیِت سِنگھ دے گرِہ پِنڈ کتّووال
صدی چؤدھویں کہے میَں کڈھدی رہی ہاڑے، دروہی دروہی دروہی تیرا نام دِرڑائیا۔ کِرپا کر میرے اِمام سچّی سرکارے، شاہ سُلطان تیری سرنائیا۔ میَں بِن اکھّاں نیَن اُگھاڑے، چؤداں طبقاں باہر ویکھ وکھائیا۔ کوَن کوُٹے نِرگُن نوُر ہووے اُجیارے، جوتی جاتا کرے رُشنائیا۔ جِس دا راہ تکدے پَیغمبر گُر اوتارے، جُگ چؤکڑی اکھّ کُھلائیا۔ سو سوامی انترجامی نِہکلنک لئے اوتارے، کل کلکی ویس وٹائیا۔ دِس نہ آئے دوئے لوچن وِچ سنسارے، سنسا روگ نہ کوئے مِٹائیا۔ میَنوُں گُر ارجن دسّ کے گیا صدی چؤدھویں اُس دا میلا ہونا انتم راوی کنارے، رواداری سمجھ کِسے نہ آئیا۔ چار جُگ دے چھوٹے چھوٹے اِشارے، پیشیِن گوئیاں وِچ سمجھائیا۔ پربھ دا انت نہ کوئی پاراوارے، بےانت کہہ کے پلّوُ رہے چُھڈائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ہرِ وڈّا وڈ وڈیائیا۔ صدی چؤدھویں کہے میَں مِہر منگی تیری، میری رحمت وِچ دُہائیا۔ دھرم اِمام پاویں پھیری، بے پرواہ نوُر الاہیِا۔ میرا لہنا انت نبیڑیں، چؤداں طبقاں پندھ مُکائیا۔ جگت جہان تاریں بیڑی، کھیوٹ کھیٹا روُپ پرگٹائیا۔ اَگے رہے نہ کوئی جھیڑی، جھگڑا دینا مُکائیا۔ دیِناں مذہباں دی چھیڑ جو چھیڑی، تُدھ بِن کرے نہ کوئے صفائیا۔ چاروں کُنٹ ہونی رَین اندھیری، ساچا چند نہ کوئے چمکائیا۔ اُمت نبی رسوُلاں ودھنی بتھیری، مانَو مانَو رنگ رنگائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، دھرم دوارے منگ منگائیا۔ صدی چؤدھویں کہے میری آسا وڈّی لمی، شبدی دھار سمجھائیا۔ میَں تتی توی ویکھ کمبی، طوبیٰ طوبیٰ کر سُنائیا۔ نیتر رو پئی دھرنی امی، بِن نیَناں نیِر وہائیا۔ جِس دے چھالے پئے چمّی، چمّ درِشٹی بَیٹھا ڈیرہ ڈھاہیِا۔ نہ کوئی خوشی نہ کوئی غمی، پربھ بھانے وِچ سمائیا۔ اُچی کوُک پُکار کِہا پُرکھ اکال کھیل کرنی نوَیں، نوَ نؤ چار پندھ مُکائیا۔ جوتی جوت سروُپ ہرِ،
آپ اپنی کِرپا کر، سچ اپنا بھیوَ کُھلائیا۔ صدی چؤدھویں کہے ارجن دسّی اگمّ نِشانی، نِشانے نِچھاوَر دِتے کرائیا۔ اُمت نبیِاں ہونی بیگانی، بیوہ روُپ لوکائیا۔ جلوہ رہے نہ کوئے نوُرانی، نوُر ظہوُر نہ کوئے رُشنائیا۔ کوُڑی کِریا چڑھے طُغیانی، جگت وہناں وِچ وہائیا۔ کلمے والے کرن بے اِیمانی، سجدہ سیِس نہ کوئے جھُکائیا۔ اوس ویلے پروردِگار دُھر دے مِہر کرنی مِہربانی، مِہر نظر اُٹھائیا۔ نِرگُن نوُر جوت پرگٹے نوُرانی، اِمام اِماما ویس وٹائیا۔ جن بھگتاں منزل دسےّ روُحانی، روُح بُت کرے صفائیا۔ راوی دا نِرمل کرے پانی، چرن کوَل چُھہائیا۔ سرِشٹی درِشٹی ہوئے نادانی، وِدوانی سمجھ کوئے نہ پائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، سَتجُگ مارگ دسّ آسانی، اصل دراصل راہ سمجھائیا۔
صدی چؤدھویں کہے میَں دُھر دی دھار لکشمی، وِشنوُں انس سربنس سُہائیا۔ لیکھا جاناں اُتّر پوُرب دکھّن پچھّمی، چارے کُنٹاں ویکھ وکھائیا۔ جگت ماریادا ویکھاں رسمی، سماج راج کھوج کھوجائیا۔ بھیوَ ابھیدا تکاّں جِسمی، کایا ماٹی پھول پُھلائیا۔ اِشٹ ویکھاں دُھر دا اِسمی، اعظم کوَن نوُر رُشنائیا۔ مانَو ذاتی تکاّں قسمی، روُپ انوُپ ویکھ وکھائیا۔ بھجیّ پِھراں ساری سِمتی، نِرگُن ہو کے واہو داہیِا۔ انت اَخیِر سب دے وِچ ویکھاں بےہِمّتی، حوصلہ حق نہ کوئے ودھائیا۔ دیِن دُنی ہوئی حرام نِندکی، سجّن میِت نہ کوئے وڈیائیا۔ گُر چیلیاں دیاں کڈھن مِنّتی، دوُروں سیِس نِوائیا۔ درِشٹی ہوئی نِندکی، نِندیا وِچ کُرلائیا۔ وڈیائی رہی نہ کِسے بِند کی، رَکت بوُند نہ رنگ رنگائیا۔ پوُجا رہی نہ دیوت سُر اِند کی، وِشن برہما شِو نہ سیِس نِوائیا۔ دھار رہی نہ گُر اوتار پَیغمبر ساگر سِندھ کی، امرت بوُند جام نہ کوئے پیائیا۔ راگنی رہی نہ جیؤ پِنڈ کی، برہمنڈ کھنڈ نہ کوئے شنوائیا۔ کھیل مِٹی نہ ہؤمے چِند کی، چِنتا چِکھا نہ کوئے بُجھائیا۔ انت اَخیِر میری پربھ دے لیکھے زِندگی، جیِون اوسے دی جھولی پائیا۔ جوتی جوت سروُپ ہرِ، آپ اپنی کِرپا کر، سد میرا سنگ نِبھائیا۔ صدی چؤدھویں کہے میَں اوسے رام دی سیِتا، جو رمیا سرب لوکائیا۔ جو آد جُگادی دُھر دا میِتا، مِتر پیارا نوُر الاہیِا۔ جِس دا در اگمّا ٹھانڈا سیِتا، اگنی تت نہ کوئے جلائیا۔ نام نِدھانا گائے گیِتا، گہر گمبھیِر کرے شنوائیا۔ ساچا کلمہ دسےّ حدیِثا،
حضرتاں آپ پڑھائیا۔ لکھّ چؤراسی جانے نیِتا، نیِتیوان پھول پُھلائیا۔ بھید ویکھے ہست کیِٹاں، اوُچاں نیِچاں کھوج کھوجائیا۔ گُر اوتار پَیغمبراں دیوے سیِٹاں، جُگ جُگ اپنا حُکم سُنائیا۔ مندر مسجد شِودوالے مٹھ گُروُدوار بنائے نال اِٹّاں ، پتّھراں رنگ رنگائیا۔ صدی چؤدھویں سب دا کڈھے آپ سِٹہ، سِٹیبازی لا خلق خُدائیا۔ لیکھا صاف دِسے کِسے نہ چِٹا، دُرمت مَیل نہ کوئے دھوائیا۔ سرِشٹی درِشٹی اندر پُرکھ اکال منّیا کِسے نہ پِتا، گوبِند کوُک کوُک گیا سُنائیا۔ ایسے کر کے پوُرن ہوئے کِسے نہ اِچھا، آتم برہم نہ وجےّ ودھائیا۔ پِچھلا یاد نہ آوے پِچھا، اَگے پردہ نہ کوئے کُھلائیا۔ انت اَخیِر کرے کوئی نہ رچھا، سہائک ہوئے نہ کوئے سہائیا۔ جوتی جوت سروُپ ہرِ، آپ اپنی کِرپا کر، سد اپنا حُکم ورتائیا۔ صدی چؤدھویں کہے میَں دُھر دی رادھا، کاہن اِکو اِک مِلائیا۔ جیہڑا لیکھا جانے سنتاں سادھاں، صوُفیاں ویکھ وکھائیا۔ نام جنائے بودھ اگادھا، بُدھی توں پرے کرے پڑھائیا۔ دُھن ناد وجائے انحد نادا، انراگی راگ سُنائیا۔ سَتگُر سب دا ہووے سانجھا، دیِن مذہب ونڈ نہ کوئے ونڈائیا۔ کوُڑی کِریا میٹے واد وِوادہ، وِکھ امرت روُپ بنائیا۔ شاہو بھوُپ بنے سچ راجا، شاہ سُلطان اِک اکھوائیا۔ جُگ چؤکڑی رچ رچ کاجا، کرنی دا کرتا کار کمائیا۔ صدی چؤدھویں ویکھے کھیل تماشا، کلجُگ داتا بےپرواہیِا۔ سب دیِاں پوُریاں کرے خواہشاں، نِراسا رہن کوئے نہ پائیا۔ ساچے سمبل کرے واسا، سمبھل اپنا قدم ٹِکائیا۔ نِرگُن نوُر جوت پرکاشا، اندھ اندھیر نہ کوئے وکھائیا۔ جن بھگتاں سجّن ساکا، گُرمُکھاں رنگ رنگائیا۔ کایا ماٹی کھول کے تاکا، پڑدا دئے گوائیا۔ نظری آوے دُھر کا آقا، مالک نوُر الاہیِا۔ زِمیں اسماناں بدلے خاکہ، خانگاہاں ڈیرہ ڈھاہیِا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ صدی چؤدھویں کہے میرا مالک اِک الاہ، اِلاہُل عالمیِن اکھوائیا۔ جو دو جہاناں بن ملاح، کھیوٹ کھیٹا سوبھا پائیا۔ ساچا کلمہ دئے دِرڑا، کائنات پڑھائیا۔ حدیِثاں وِچ دسّ دُعا، نمازاں وِچ سیِس جھُکائیا۔ رہبر بن کے رہنُما، رستہ رہیا وکھائیا۔ پَیغمبراں دے کے اپنا ناں، نام نِدھانا اِک سمجھائیا۔ مُحبّت وِچ ہو مِہرواں، محبوُب دَیا کمائیا۔ دیِناں مذہباں ونڈ ونڈا، حِصّہ دیِن دُنی رکھائیا۔ برہمنڈ کھنڈ کھوج کُھجا، لوآں پُریاں پھول پُھلائیا۔ بندے بندگی وِچ بدلا، اپنے نام نال کرے جنائیا۔ اوہ مالک خالق پرِتپالک بے پرواہ، سچکھنڈ نِواسی نوُر الاہیِا۔ جوتی جوت سروُپ ہرِ، آپ اپنی کِرپا کر، سچ کرنی کار کمائیا۔ آتما کہے میَں اوسے دی سُرتی، جو شبد ناد شنوائیا۔ میَں اوسے دی موُرتی، جو پُرکھ اکال اکھوائیا۔ میَں اوسے دی تُورتی، جو تُریا توں پرے کرے
شنوائیا۔ جِس کھیل مُکائی نیڑے دوُر دی، گھر گھر وِچ ڈیرہ لائیا۔ میَں جوت پرکاش حاضر حضوُر دی، جو ہِردے رہیا سمائیا۔ جو آسا منسا سب دی پوُردی، اکل کل دھاری اپنی کل ورتائیا۔ جِس کلجُگ بُدھی رہن نہیں دینی موُڑھ دی، موُرکھ موُڑھ چتُر سُگھڑ سُجان بنائیا۔ اِک ماٹی خاک دے کے چرن دھوُڑ دی، ٹِکّے سب نوُں دینے لائیا۔ نوُر بخش کے نِرگُن نوُر دی، نوُری چند دینے چمکائیا۔ گڑھ توڑ ہؤمے غروُر دی، غُربت اندروں دینی کڈھائیا۔ لیکھے لاؤنی سیوا گُرمُکھ مزدوُر دی، جو چاکر ہو کے سیو کمائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کمائیا۔ صدی چؤدھویں کہے میری چار جُگ دی آسا، جگ نیتر نظر کِسے نہ آئیا۔ گُر اوتار پَیغمبراں ویکھدی رہی تماشا، سَتجُگ تریتا دواپر کلجُگ اپنا سنگ نِبھائیا۔ ہتّھ وِچ پھڑ کے پِھردی رہی خالی کاسہ، قسم کھا کے دِندی رہی دُہائیا۔ ویکھو بِنا پُرکھ اکال توں پوُرا کرِیو نہ کِسے تے بھرواسا، جو جمّیا سو انت مر جائیا۔ ایتھے اوتھے دیوے کوئی نہ ساتھا، سگلا سنگ نہ کوئے بنائیا۔ بِنا سَتگُر شبد توں کِسے کمّ نہیں آؤنا پوُجا پاٹھا، سِمرن جوگ ابھیاس نہ کوئے وڈیائیا۔ سوہے کوئی نہ تیِرتھ تاٹا، جِتھے پربھ چرن کوَل نہ آپ چُھہائیا۔ وست ملِے کِسے نہ ہاٹا، چؤداں طبق رہے کُرلائیا۔ نیتر رووے دیوی لاٹا، اشٹبُھج نیتر نیَناں نیِر وہائیا۔ بِن پُرکھ اکالے دیِن دَیالے صدی چؤدھویں مکّے موُل نہ واٹا، پَینڈا پندھ نہ کوئے چُکائیا۔ نالے روواں تے نالے میرا نِکلے ہاسا، صدی چؤدھویں رہی سُنائیا۔ کُچھ لہنا دینا دِسے باقا، بھیوَ ابھیدا دیاں کُھلائیا۔ جوتی جوت سروُپ ہرِ، آپ اپنی کِرپا کر، سد اپنا کھیل سمجھائیا۔ صدی چؤدھویں کہے میَنوُں یاد آیا پِچھا، گُر ارجن رہیا جنائیا۔ جِس نے راوی کنڈھے رکھی اِچھا، انت اَخیِر پربھ دے وِچ دھیان لگائیا۔ پُرکھ اکال دیِن دَیال بِن تیری کِرپا ساڈی سمجھے کوئی نہ سِکھا، سِکھیا چلے نہ کوئے چتُرائیا۔ تُوں سب دا مالک خالق پرِتپالک ایکنکار اِکا، اِک اِکلّے تیری سرنائیا۔ تیری چرن دھوُڑ مستک لا کے ٹِکاّ، ٹِک ٹِکی تیرے وِچ لگائیا۔ تیرا دو جہان برہمنڈ کھنڈ پُری لوء آکاش پاتال نِکا جیہا قِطعہ، بےانت تیری بےپرواہیِا۔ جِدھر ویکھاں تُوں سب دی مائی سب دا پِتا، آتم دا داتا نظری آئیا۔ جُگ چؤکڑی گُر اوتار پَیغمبر تیری صِفتاں والی کہانی مہما والا دسدے قِصہ، شاستر سِمرت وید پُران اِنجیِل قرآن کھانی بانی تیرا نام وڈیائیا۔ کُچھ مِہربان محبوُب میَنوُں اپنے پریم دی دے دے چِٹا، جِس دا لیکھا جگت نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، مِہر نظر اِک اُٹھائیا۔ صدی
چؤدھویں کہے پربھ ہویا مِہربان، مِہر نظر لئی اُٹھائیا۔ گُر ارجن کر دھیان، بِن اکھّاں اکھّ کُھلائیا۔ ساری سرِشٹی ویکھ پریشان، تیری اگنی جگت رہی تپائیا۔ پَیغمبر رہے کوئی نہ مان، کلمہ کائنات نہ کوئے چتُرائیا۔ چار کُنٹ پِھرے شیَطان، شرع وِچ دُہائیا۔ مُلّا شیخ مسائک ہوون بے اِیمان، بیوہ روُپ لوکائیا۔ اِکو نوُر ہووے پردھان، جوتی جاتا ڈگمگائیا۔ جو جھگڑا میٹے زِمیں اسمان، جیو جہان ویکھ وکھائیا۔ ساچے بھگتاں کر پہچان، چؤراسی وِچوں میل مِلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سد اپنا حُکم ورتائیا۔ گُر ارجن کِہا میرے پرم پُرکھ اکال، اکل کل دھاری دے جنائیا۔ کی سرِشٹی دا ہووے حال، حالت کوَن بدلائیا۔ چاروں کُنٹ کوُکے کال، کلا تیری بےپرواہیِا۔ تیرا حُکم بے مثال، جِس دی مِسل نہ کوئے بنائیا۔ تُوں داتا دیِن دَیال، دَیانِدھ تیری سرنائیا۔ پرم پُرکھ پرماتم ہو کے مِہربان، مُحبّت وِچ سمجھائیا۔ میرا شبد گُروُ آد جُگادی سوُربیِر نؤجوان، مرد مردانہ اِک اکھوائیا۔ صدی چؤدھویں تت کراں پردھان، پردھانگی اپنے ہتّھ وکھائیا۔ لیکھا مُکا کے سیِتا رام، گوپی کاہن اپنے وِچ سمائیا۔ عیسیٰ موُسیٰ محمد چُکا کے کان، کلمہ اگلا دیاں دِرڑائیا۔ جھگڑا میٹ دین اِسلام، اِسم اعظم اِک جنائیا۔ دُھر سندیسہ دیاں پَیغام، پَیغمبراں توں پرے پڑھائیا۔ سو ویلا وقت لیَنا پہچان، بے پہچان رہیا جنائیا۔ جِس ویلے راوی کنڈھے آوے نِگاہ مارے نِگاہبان، بِن نیتر نیَناں اکھّ کُھلائیا۔ ریِتی نیِتی بدلے جگت جہان، من مت پِچھلی دئے مِٹائیا۔ راوی کنڈھا ہونا پردھان، جِس دی بندہ سار کوئے نہ پائیا۔ اوس ویلے گُر ارجن تُوں میرا میَں تیرا گایا چھندا، سوہنگ سچ آواز لگائیا۔ تُوں میرا میَں تیرا نوُری چندا، میرے بِن تیری کرے نہ کوئے رُشنائیا۔ پُرکھ اکال جھٹ کِہا ارجن اوہ ویکھ گوبِند والا کھنڈا، سوُربیِر تیرا نوُر لَواں پرگٹائیا۔ جِس دا واسا رکھاں اُپر برہمنڈا، وربھنڈ دیاں وڈیائیا۔ اوہ کھتری براہمن شوُدر وَیش سب نوُں سمجھے چنگا، ہِندوُ مُسلم ونڈ نہ کوئے ونڈائیا۔ پُرکھ اکال دیِن دَیال بخش اِک انندا، پُر انند وجےّ ودھائیا۔ گُر ارجن کِہا میرے دیِن دَیال دیناں بندھوُ، تیری اِک سرنائیا۔ کی لہنا میرے نال رکھایا چندوُ، دُھر دے چند کر رُشنائیا۔ پُرکھ اکال کِہا ایہہ راوی تیری منگ منگوُ، انت پربھ دے اَگے واسطہ پائیا۔ جِس نے بھنگ پی کے بن کے آؤنا بھنگوُ، اوہدا لیکھا پِچھلا نال مِلائیا۔ پروردِگار آد جُگادی ڈھنگوُ، بھیوَ اپنے وِچ چُھپائیا۔ جیہڑا آر پار کنارہ تیرا لنگھوُ، لگ ماتر ڈیرہ ڈھاہیِا۔ گُر ارجن پیار وِچ دیِدار وِچ اِظہار وِچ اُدھار وِچ تِنّ وار وہائے ہنجھوُ، خوشیاں وہن وہائیا۔ پُرکھ اکال
کِہا جِس ویلے میَں لہنا دینا مُکایا دھوتی بودی جنجوُ، موُنڈ مُنڈایا سُنّت والا لیکھا پوُر کرائیا۔ پھیر دیِن دُنی دا داتا بن کے دیِنا بندھوُ، دیِن مذہب دے بندھن دیاں کٹائیا۔ جن بھگتاں رنگ انوکھا رنگوُ، جو ایتھے اوتھے دو جہاناں اُتر کدے نہ جائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سِر اپنا ہتّھ رکھائیا۔ راوی کہے میَں سُن کے انوکھی بات، اپنے انتر لئی انگڑائیا۔ کوَن ویلا ہووے اندھیری رات، کلجُگ اندھیرا چھائیا۔ پھیر آوے میرا پُرکھ ابناش، اپنا ویس وٹائیا۔ بھگتاں رکھے ساتھ، سگلا سنگ جنائیا۔ پوُری کرے گاتھ، وعدہ توڑ نِبھائیا۔ سُہائے کنارہ تاٹ، اپنا چرن چُھہائیا۔ کوُڑی میٹے واٹ، سچ لئے پرگٹائیا۔ آسن لائے بِنا کھاٹ، ککھّاں سیج سُہائیا۔ گیِت گوائے بن کے بھاٹ، گُرمُکھ راگ الائیا۔ جوتی جوت سروُپ ہرِ، آپ اپنی کِرپا کر، سد اپنا حُکم ورتائیا۔ راوی کہے میَں اجّ توں اُٹھی، اپنے گھر لئی انگڑائیا۔ میَں ہتّھ لایا اپنی دوہیں گُٹیں، بِن اُنگلاں رہی دبائیا۔ میرا نیتر کوئی ہور رہیا پُٹی، سہج نال اُٹھائیا۔ ویکھیں کِتے دھوکھے نال نہ جاویں لُٹی، کلجُگ کوُڑ اندھیرا چھائیا۔ راوی کِہا میَں گُر ارجن کولوں چوری چوری سی گلّ پُچھی، نِشانی دسّ جا اپنے ماہیِا۔ ارجن کِہا اوس دِن اوس نے پَیریں پاؤنی نہیں جُتی، جوڑا چرن نہ کوئے چُھہائیا۔ بھگتاں دی منزل کر کے اُچی، سیوا سچ دی لیَنی کمائیا۔ تیری پھیر سُہاؤنی رُتی، رُتڑی اپنے نال مہکائیا۔ راوی کہے میَں خوشیاں نال کوُک کوُک اُچی، نعرہ سچ دِتا لگائیا۔ میَں اوس ویلے دھار گائی دو تُکی، تُوں میرا میَں تیرا سوہنگ ڈھولا راگ سُنائیا۔ میَنوُں خوشی ہوئی سادھاں سنتاں توں مِلنی چُھٹی، جگت عاشق معشوُقاں سنگ نہ کوئے بنائیا۔ میری پُرانی دھار چِروکنی ٹُٹی، پُرکھ اکالا میل مِلائیا۔ میَں اوسے تے اپنی ڈوری سُٹی، جو سُتیاں لئے جگائیا۔ جن بھگتو میرے نال مِل کے تُساں سب مناؤنی خوشی، خوشحالی وِچ وڈیائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، نر ہرِ اپنی دَیا کمائیا۔
۱۴ پھگّن شہنشاہی سمت ۴ گُرچرن سِنگھ دے گرِہ پِنڈ کتّووال ضِلع گُرداس پُر
راوی کہے میَں تٹ کنارے رہی سوار، کنڈھی بہہ بہہ اپنی خوشی منائیا۔ راہ تکدی رہی سَتجُگ تریتا دواپرکلجُگ جُگ چار، چؤکڑی بِن اکھّاں اکھّ اُٹھائیا۔ خبراں پُچھدی رہی کولوں پَیغمبر گُر اوتار، تتاں والیو دیؤ جنائیا۔ کی کھیل کرے میرا نِرنکار، نِرگُن داتا دُھردرگاہیِا۔ کی حُکم سچّی سرکار، سچ سندیسہ دیؤ سُنائیا۔ سارے کہہ کے گئے کلجُگ انتم آوے کل کلکی اوتار، نِہکلنک روُپ وٹائیا۔ میَں خوشیاں وِچ کردی رہی اِنتظار ، آپ اپنی آس ودھائیا۔ کُچھ سندیسہ ارجن دِتا نال پیار، مُحبّت وِچ سُنائیا۔ تُوں رہنا خبردار، بے خبرے خبر دیاں پُچائیا۔ جِس نوُں کہندے پروردِگار، شاہ پاتشاہ نوُر الاہیِا۔ اوہ بن کے سانجھا یار، نِرگُن نوُر جوت کرے رُشنائیا۔ اِماماں دا سِکدار، پَیغمبراں دا دِلدار، مسیحاں دا مسلہ حل کرائیا۔ جلوہ نوُر کر اُجیار، کھیلے کھیل اگمّ اپار، الکھ اگوچر اپنی کار کمائیا۔ دیِن دُنی دا پِچھلا قرض اُتار، ویکھنہار سرب سنسار، سرِشٹی درِشٹی پھول پُھلائیا۔ ساچا مارگ دسّ اپنی دھار، دھرنی دھرت دھوَل دئے ادھار، دھرم دا راہ دئے وکھائیا۔ آتم پرماتم پرماتم آتم بول جَیکار، شاہ پاتشاہ شہنشاہ بن آپ کرتار، نِرگُن نِروَیر اپنا حُکم ورتائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، اپنا میلا میل مِلائیا۔ راوی کہے میَں تٹ کنارے کیتے صاف، صفحہ پیار دِتی وِچھائیا۔ کلپنا رہی نہ کوئے گُستاخ، کوُڑی کِریا باہر کڈھائیا۔ رکھ کے اِکو آس، آساں بھری دُہائیا۔ میرا آوے پُرکھ ابناش، ہرِ کرتا نوُر الاہیِا۔ جنم کرم دا کُکرم کرے معاف، دُرمت مَیل دھوائیا۔ صدی چؤدھویں ویکھے حق اِنصاف، عدل وِچ وڈیائیا۔ جن بھگتاں پَیج لئے راکھ، سِر اپنا ہتّھ ٹِکائیا۔ شبد اگمّی دسےّ بات، باطن پردہ لاہیِا۔ اندھیری میٹے رات، سَتجُگ ساچا چند چمکائیا۔ دیِن دُنی بنا کے اِک جماعت، دیِناں مذہباں ڈیرہ ڈھاہیِا۔ آتم پرماتم دیوے ساتھ، سگلا سنگ نِبھائیا۔ تُوں میرا میَں تیرا دسّ کے گاتھ، گہر گمبھیِر کرے پڑھائیا۔ در سُہا کے پُرکھ سمراتھ، ہرِ کرتا نوُر الاہیِا۔ لہنا دینا چُکائے میرا مات، دھرنی دھرت دھوَل رہن نہ پائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ راوی کہے میَں تٹ کنارے کیتےِ چنگے، سوہنے صاف کرائیا۔ ویکھن آئی جمنا سُرستی گوداوری گنگے، اپنا پندھ مُکائیا۔ گُر اوتار پَیغمبر آون پَیریِں ننگے، بِن تن وجوُد پندھ مُکائیا۔ وِشن برہما شِو رہے منگ منگے، دوُر دُراڈے دھیان لگائیا۔ دیوت سُر دیون انندے، رس دیوے دُھردرگاہیِا۔
اشٹبُھج شستراں چنڈے، سِنگھ اَسوار پئی دُہائیا۔ چار جُگ اپنا بھار چُک کے کندھے، بھجّن واہو داہیِا۔ ترےَگُن مایا میٹ کے پندھے، سچ دوارے ڈیرہ لائیا۔ پنج تت دے ویکھنے بندے، بندگی والے پھول پُھلائیا۔ صاحِب سوامی دیوے سنگے، سگلا سنگ بنائیا۔ جن بھگت سُہیلے لا کے انگے، انگیکار آپ اکھوائیا۔ جوتی جوت سروُپ ہرِ، آپ اپنی کِرپا کر، سد اپنا حُکم ورتائیا۔ راوی کہے میرا تٹ کنارہ سوہنا، سوبھاوَنت سُہائیا۔ جِتھے کلجُگ جیِواں کایا کپڑ دُرمت مَیل دھونا، پتت پُنیِت بنائیا۔ پُرکھ اکال دیِن دَیال نِرگُن دھار پرگٹ ہونا، ہوکا حق سُنائیا۔ جن بھگتاں کُھلائے اپنا لوئنا، لوچن اِک وڈیائیا۔ غفلت وِچ کِسے نہ سؤنا، سُتیاں لئے جگائیا۔ پرم پُرکھ دا کھیل ہونا منموہنا، موہنیاں بَیٹھن سیِس نِوائیا۔ جوتی جوت سروُپ ہرِ، آپ اپنی کِرپا کر، سد اپنا حُکم ورتائیا۔ راوی کہے میرے اندر چاؤ گھنیرا، گھڑی پل وِسر نہ جائیا۔ کد آوے صاحِب سوامی میرا، موہے وِچھڑی لئے مِلائیا۔ میرے کنڈھی لاوے ڈیرہ، تٹاں دئے وڈیائیا۔ بنّے لاوے بیڑا، جگت وہن نہ کوئے وہائیا۔ دھرم وساوے کھیڑا، وجےّ نام ودھائیا۔ نؤ ہتّھ دا نال ہووے جیڑا، نوَ نؤ چار دا پندھ مُکائیا۔ جِس کارن مارنا پھیرا، بھیوَ ابھیدا دینا کُھلائیا۔ موہے سجّن ملِے صاحِب پربھ مورا، مِل مِل وجےّ ودھائیا۔ میرے انتر نِرنتر خوشیاں دا بادل ہووے گھنگھورا، اپنا روُپ بدلائیا۔ جوتی جوت سروُپ ہرِ، آپ اپنی کِرپا کر، در ساچا اِک سُہائیا۔ راوی کہے میرے صاحِب تکّیں نہ بالوُ ریت، ریِتیوان تیری سرنائیا۔ میَں منگدی تیرا ہیت، پریِتم بےپرواہیِا۔ درس نیتن نیت، نِج لوچن نیَن رُشنائیا۔ گُر اوتار پَیغمبر ہو گئے کیت، جُگ چؤکڑی پھیرا پائیا۔ تیرا آیا کِسے نہ بھیت، بےانت کہہ کے سارے گئے گائیا۔ میرا لِکھیا کِسے نہ لیکھ، اوٹ تیری گئے سمجھائیا۔ میَں رکھ کے دُھر دی ٹیک، بَیٹھی راہ تکائیا۔ میرے صاحِب سُلطان آ کے ویکھ، آخر پندھ مُکائیا۔ میَں تیرے چرن جھاڑاں نال اپنے دھرم دھار دے کیس، سوہنا جوڑ کرائیا۔ بے شک میرے کنڈھے آیا نہیں دسمیش، پار بیاَسوں گیا سمجھائیا۔ جِس ویلے مِٹاؤنے مُلّا شیخ، پھیر آواں چائیں چائنیا۔ میرا پربھ آد میرا صاحِب ایک، جِس دے گُر اوتار پَیغمبر انیک، جُگ چؤکڑی کھیل کھِلائیا۔ جِس ویلے آوے ماجھے دیس، مجلس بھگتاں نال بنائیا۔ دُھر دا مالک بن نریش، نر نرائن دَیا کمائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، تیرے مستک لاوے میخ، دھوُڑی نام والی رمائیا۔
۱۴ پھگّن شہنشاہی سمت ۴ جوند سِنگھ دے گرِہ نَواں پِنڈ ضِلع گُرداس پُر
راوی کہے میرے تٹ کنارے رہے کُد، خوشی خوشی وِچوں اُپجائیا۔ کیوں سندیسہ دے کے گیا بُدھ، بُدھی توں پرے پرے سمجھائیا۔ جِس کارن سب کُچھ رہیا سُجھ، سوجھی سمجھ میرے وِچ آئیا۔ جِس کلجُگ کوُڑا میٹنا جُگ، جُگ چؤکڑی ویکھ وکھائیا۔ سو سوامی نِرگُن دھاروں آوے اُٹھ، جوتی جوت کر رُشنائیا۔ تیرے اُپر جائے تُٹھ، مِہر نظر اِک اُٹھائیا۔ لکھّ چؤراسی وِچوں جن بھگت سُہیلے تھوڑے لےَ کے مُٹھ، مُٹھی راکھ تیرے وِچ سُٹائیا۔ اِک کھوپرا لیاوے جُٹ، دوہاں دا میلا دئے مِلائیا۔ اِک کالا گانا بنّھ کے گُٹ، سگن رام والا بُھگتائیا۔ تیرا بھاگ نہ جائے نِکُھٹ، نِہکرمن روُپ نہ کوئے وکھائیا۔ صاف کرا کے تیرا انوکھا بُت، بُتخانے دی لوڑ رہے نہ رائیا۔ ویس وٹا کے ابناشی اچُت، پت پرمیشور اپنا پڑدا لاہیِا۔ تیرا بدل دیوے رُخ، جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، ہرِ کرتا بےپرواہیِا۔ راوی کہے میرے تٹ کنارے خوشیاں نال رہے نچّ، اَگا پِچھا نظر کِسے نہ آئیا۔ میَں اُٹھ کے ویکھیا جھٹ، چاروں کُنٹ دھیان لگائیا۔ روندے ویکھے اٹھسٹھ، چار کُنٹ رہی کُرلائیا۔ ہرِ کا نام رہیا کوئی نہ رٹ، رٹّا پیا جگت لوکائیا۔ نام الوُنی سِل لئے کوئی نہ چٹّ، چیٹک مایا ممتا موہ ودھائیا۔ ناڑی ناڑی اُبلے رتّ، لکھّ چؤراسی رہی کُرلائیا۔ وست امولک کِسے نہ آوے ہتّھ، خالی ہتّھ دین دُہائیا۔ پنچ وِکارے پائی نتھ، تتو تت نہ کوئے تُڑائیا۔ جو گُر اوتار پَیغمبر مارگ گئے دسّ، دیِن دُنی گئی بُھلائیا۔ من کلپنا وِچ رہے نسّ، ترِسنا کوُڑ ہوئی ہلکائیا۔ نِج نیتر کُھلی کِسے نہ اکھّ، دوئے لوچن درس کوئے نہ پائیا۔ سب دا کایا کھیڑا ہُندا دِسے بھٹّھ، کلجُگ بھٹھیالا اگنی رہیا ڈاہیِا۔ گُر اوتار پَیغمبر جِس دا کر کے گئے جس، وید پُراناں صِفت صالاحیِا۔ سو صاحِب میرا سمرتھ، ہرِ کرتا نظری آئیا۔ صدی چؤدھویں ہو پرگٹ، نوُر نوُرانہ ڈگمگائیا۔ میرے آؤن والا تٹ، کنارے دئے وڈیائیا۔ میَں لاہا لیَنا کھٹّ، نِیوں نِیوں سیِس جھُکائیا۔ میری اُجل ہونی مت، دُرمت رہے نہ رائیا۔ میرا ناتا ہووے پکّ، وعدہ پوُر کرائیا۔ اوہ مالک حقیِقت حق، لاشریِک نوُر الاہیِا۔ جِس دا حُکم ہونا یک، یکطرف کار کمائیا۔ سب دی جانے مِت گت، لکھّ چؤراسی کھوج کھوجائیا۔ جو کاہن گیا دسّ، سو بنسری دُھن سُنائیا۔ میَں جوڑ کے دوویں ہتّھ، بِن ہتّھاں سیِس نِوائیا۔ چرن کوَلاں ڈھٹّھ، دھوُڑی خاک رمائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، مِہر نظر نال ترائیا۔ راوی
کہے میرے تٹ کنارے ہوون سوبھاوَنت، سوبھاوَنت سُہائیا۔ میلا ملِے سِری بھگوَنت، جو نِرگُن اپنا رنگ رنگائیا۔ جو آد جُگادی کنت، نر نرائن نوُر الاہیِا۔ جِس دا کِسے نہ پایا انت، بےانت کہہ کے سارے گائیا۔ جِس نوُں کھوجدے سادھ سنت، چاروں کُنٹ دھیان لگائیا۔ جِس دی مہما سدا بےانت، پاربرہم دُھردرگاہیِا۔ جِس دا شاستر سِمرت وید پُران اِنجیِل قرآن کھانی بانی گاؤندی منت، ڈھولے صِفتاں والے صالاحیِا۔ اوہ سب دا توڑے گڑھ ہنگت، ہؤمے دئے گوائیا۔ بودھ اگادھا بن کے پنڈت، اگلی سِکھیا دئے سمجھائیا۔ بھگت سُہیلے تارے ساچی سنگت، سگلا سنگ نِبھائیا۔ میری منّ کے جُگ جُگ دی مِنّت، در ٹھانڈے چرن ٹِکائیا۔ غمی مِٹائے چِنت، ہرکھ سوگ گوائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، سُہائے میری اگمّی سِمت، جِس دِشا دی سار کوئے نہ پائیا۔