۱۸ پھگّن شہنشاہی سمت ۴ چتر سِنگھ اتر سِنگھ دے گرِہ پِنڈ اوگرا ضِلع گُرداس پُر
نارد آیا، کہے میرے شہنشاہ تیرے دوُنے اِقبال، اِقبالی اپنے گُر اوتار پَیغمبر لےَ کرائیا۔ ایہہ نام دے کھلؤنیاں نال پرچن والے تیرے بال، االلہ رام واہِگُروُ ستنام کہہ کے اپنا جھٹ لنگھائیا۔ ساریاں دی سانجھی پرورش سب دی اِکٹّھی کر پرِتپال، پرِتپالک ہو کے ویکھ وکھائیا۔ میَں براہمن پندھ مار کے آیا گھالی تیری گھال، پُجا چائیں چائنیا۔ بہُڑی تُوں اِک نہ منّی بیننتی تے اِک نہ منّیا سوال، سوالی ہو کے تیرے اَگے جھولی ڈاہیِا۔ گنگا گوداوری جمنا سُرستی اِک وار تور دیندوں میرے نال، میَں وی تیرا پُرانا بھگت نظری آئیا۔ تُوں اِک ویراں ہاں کہہ دے تے میَں دو جہاناں اُتے ماراں پُٹھی چھال، اپنا پَیترا لَواں بدلائیا۔ میَں سدا لئی بنیا رَواں دلال، تیرے نام دے سؤدے گُر اوتار پَیغمبراں نال کرائیا۔ تُوں ویکھ میرا غریِب دا حال، ٹُٹی جُتی تے بدلی چال، بودی رو رو دسےّ حال، اپنی دئے دُہائیا۔ ہو جا مِہربان، دے دے میری آسا دا دان، بھرواسا اگلا دے بنائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ ایہہ بچن سُن کے گنگاں ماریِاں چیِکاں، کوُک کوُک سُنائیا۔ جمنا کہے میَں نکّ نال کڈھاں یِکاں، لائیناں دیاں لگائیا۔ سُرستی کہے میَں ہتّھ وِچ پھڑ کے گیِتا، قسم لَواں کھائیا۔ گوداوری کہے میَں گوبِند دی دھار ویکھ کے تپدا انگیِٹھا، کوُک کوُک جنائیا۔ ایہہ براہمن بڑا ڈھیِٹھا، جگت حیا نہ کوئے رکھائیا۔ اندروں کالا تے زبان دا میِٹھا، جھوُٹھیِاں بیننتیاں پربھ دے اَگے رہیا سُنائیا۔ نارد نے سُن لیا، سؤہریِو، میرے وِچ بڑیاں تؤفیِقاں، چار جُگ دی بھجن بندگی میرے وِچ سمائیا۔ تُسیں دسّو کیہڑے رام دی بننا سیِتا، سیِتا والا رام میرے حُکم پِچھے جنگلاں وِچ پھیرا پائیا۔ تُسیں رادھا بن کے کیہڑے کرِشن نوُں بناؤنا میِتا، بنسریاں والی دھُن سُنائیا۔ پِچھلا وقت پِچھے گیا اَگے ویکھو کھیل انڈیٹِھا، انڈِٹھا دیاں جنائیا۔ جوتی جوت سروُپ ہرِ، آپ اپنی کِرپا کر، سد اپنا حُکم ورتائیا۔ نارد کہے نی پربھ گیا بھگتاں ولّ، اپنا راہ بدلائیا۔ اسیں اوس توں چوری کُچھ پکّی کر لئیے گلّ، پِھر سکے نہ کوئے بدلائیا۔ تُسیں میرا دھیان دھرو تے میَں مُنہ دے نال وجاواں ٹلّ، ٹن ٹن کر کے تُہاڈا مندر دیاں سُہائیا۔ پھیر تُسیں میرے چرناں ولّ تکنا تُہاڈے اندر دیِپک جوتی جائے بل، نوُر ہووے رُشنائیا۔ پِھر میَں پیار نال تُہاڈا اندر کِھچنا تُسیں وِچھوڑا جھل نہ سکو پل، پلک نہ ہووے جُدائیا۔ گنگا گوداوری جمنا سُرستی تُسیں چار تے جے میَں پنجواں تُہاڈے وِچ جاواں رل، پربھوُ دی لوڑ رہے نہ رائیا۔ تُسیں
میری راسی تے میَں تُہاڈا پھل، ایہو میرا حِساب رہیا سمجھائیا۔ تُسیں ساریِاں اِکٹّھیاں ہو کے میرے سِر وِچ پاؤ اپنا اپنا جل، جلدی نال پربھ توں چوری چوری اپنا کمّ لئیے مُکائیا۔ کُڑتی لاہ کے کہے میری ویکھو کِڈی سوہنی کھلّ، جیہڑا خلق دا خالق اوہدا روُپ نظر کوئے نہ آئیا۔ اَیویں ایہہ سارے کہندے اوہ وسے کایا اندھیری ڈل، تُسیں دسّو پرماتما ہو کے کِویں اندر لُک کے جھٹ لنگھائیا۔ دھوکھے نال اجّ اوس نے تُہانوُں پِھرایا اُتے تھل، رنتے وِچ بھوائیا۔ راوی نال مِل کے کیِتا چھل، راوی بڑی چلاک جِس نے تُہانوُں لیا منگائیا۔ نی اجے وی جاؤ جاگ، ویلا ہتّھوں نِکلیا پھیر چلے نہ کوئے چتُرائیا۔ تُسیں امرت دیِاں دھاراں میَں وِدیا دا پنڈت تے دوویں مِل کے سانجھا بنائیے سماج، اِستری مرد دا اِکو جِہا ہووے راج، رعیت رہن کوئے نہ پائیا۔ میری بودی دا بنا لؤ تاج، ویکھیو ہُن میَں پاتشاہ میرے اَگے دیؤ نہ کوئی جواب، نِیوں کے سیِس لؤ جھُکائیا۔ میرا شہنشاہ والا خِطاب، ٹنگ اُتے ٹنگ چڑھا کے دندی پیچ کے رہیا سُنائیا۔ جھٹ بستے وِچوں کڈھ کے کِتاب، اِک دو تِنّ چار پنج چھ ستّ اٹّھ نؤ صفحے دِتے بدلائیا۔ نی گنگا گوداوری جمنا سُرستی آہ ویکھ ساریاں گُر اوتار پَیغمبراں لِکھیا اوس نے آؤنا وِچ پنجاب، پنجہ سب دے اُتے لائیا۔ تُسیں میَنوُں کیوں کہِندیِاں خراب، میَں خبرداری نال سب نوُں رہیا جگائیا۔ نی تُسیں میَنوُں منّ لؤ ہُن مہاراج، گُروُآں دا گُروُ تُہاڈے ساہمنے بَیٹھا سوبھا پائیا۔ ایہہ بچن سُن کے جے تُہانوُں خوشی آئی میرے چرن وِچ داغ، میَں اکھّیں میٹ کے اپنی خوشی منائیا۔ کھراٹے مار کے لَواں خواب، مستی وِچ سُتا تُہاڈا نوُر تک کے اپنا رنگ بدلائیا۔ جِس ویلے میَں آواں تُسیں سجّا کھبّا ہتّھ اُٹھا کے میَنوُں کِہو جناب جناب جناب، اِک ہتّھ والا سلام میَنوُں کدے نہ بھائیا۔ میَں کوئی سنت نہیں، میَں کوئی سادھ نہیں، میَں کِسے دی اؤلاد نہیں، میَں کِسے دی مستی والی مجاز نہیں، میَں کوئی شرع والا جلاد نہیں، میَں کِسے مُلک قؤم والا نواب نہیں، میَں نہ کدی وسیا تے نہ اُجڑیا تے کوئی بے اِیمان خراب نہیں، خرابی سب دی ویکھ وکھائیا۔ جوتی جوت سروُپ ہرِ، آپ اپنی کِرپا کر، سد اپنا حُکم ورتائیا۔ نارد کہے میَں راوی کنڈھے ویکھیا تُہاڈے روُپ دا اِجلاس، نک مُنہ کّن اکھّاں ناساں مِل کے بَیٹھے منڈلی لائیا۔ میَں اُبھا لیا سانس، ہؤکیاں وِچ اپنی آہ بھرائیا۔ کی کھیل کرے پُرکھ ابناش، ابناشی کرتا اپنی کار کمائیا۔ سانوُں کر کے اُداس، گنگا گوداوری جمنا سُرستی لئیاں راوی کنڈھے منگائیا۔ پِھر تکّیا اُتے آکاش، اسماناں اُتے اکھّ کُھلائیا۔ نِگاہ پرتی دھرتی دے اُتے تکّیا آکاش، نوُر نوُرانہ نظری آئیا۔ اوہدے چرنی گنگا
گوداوری جمنا سُرستی کہے جاہ ایتھوں بدمعاش، کیوں رؤلا رہیا پائیا۔ نارد کہے نی گنگا گُنگیئے نہ بولن والیئے گنگیئے، رَویداس نوُں کنگن دِتے میَنوُں کوئی دے دے چھاپ، میَں وی چھاپیاں اُتوں دی دھوُن آیا، تیرے ورگی نہ کدے پرنائیا۔ جمنا کہے تُوں بڑا پوِتر پاک، میَں سب کُچھ ویکھ وکھائیا۔ سُرستی کہے جے تَینوُں ڈر نہ ہووے کہ ساڈا پُرکھ اکال باپ، ناردا تُوں بھےَ نہ کوئے رکھائیا۔ گوداوری کہے جے نہیں جاندا میَنوُں اِک ویراں گوبِند نوُں لیَن دیؤ آکھ، بیننتی کر سُنائیا۔ جاں گوبِند دا نام لیا نارد کہے بھَین جی میَں کیہڑا گُستاخ، گلّاں باتاں دا غُصّہ کرنا موہے کدے نہ بھائیا۔ میَں وی ویکھن آیا تُہاڈی اجّ چاواں بھری رات، بِھنڑی اپنا رنگ رنگائیا۔ تُہاڈا مِتر تے میرا وَیری ایہہ روی لِکھی جاندا نال قلم دوات، شاہی کاغذ نال جُڑائیا۔ نی تُہانوُں سمجھ نہیں آئی راوی کِتھوں دی آفات، جیہڑی چڑھدے لہندے ول بھجےّ بن کے راہیِا۔ تُسیں کیوں اوس دی منّی بات، میَنوُں دیؤ سمجھائیا۔ جوتی جوت سروُپ ہرِ، آپ اپنی کِرپا کر، سد اپنی کھیل کھِلائیا۔ گنگا گوداوری جمنا سُرستی کہے نارد جی، جی نارد ہُن چلیا جا چُپ کیِتا، مُکھوں بچن نہ کوئے سُنائیا۔ نارد کہے میَں تے ضرور دسّوُن جو کُچھ میرے نال بیِتا، بیِتی کہانی دیاں جنائیا۔ میَں جُگ چؤکڑی ساریاں دے اندر لاؤن والا پلیِتا، لوُ جوتی والا لگائیا۔ پِھر ہتّھ مار کے وِچ کھیِسا، اِک کاغذ لیا کڈھائیا۔ آہ ویکھو جِس دے وِچ سب توں وکھری ریِتا، جُگ چؤکڑی سمجھ کِسے نہ آئیا۔ چارے کہن سانوُں وکھا، نارد کہے پہلے مُنہ دھووو پھیر ویکھو شیِشہ، کنگھی پٹّی کر کے میرے ساہمنے آئیا۔ پھیر میرے نال بچن کرو میِٹھا، سِری مُنی مہاراج کہہ کے میَنوُں لؤ بُلائیا۔ جے میَں گھوُک سُتا ہوواں میری چارے جنیِاں ٹھوکو پیِٹھا، ہتّھ پولا پولا لگائیا۔ جوتی جوت سروُپ ہرِ، آپ اپنی کِرپا کر، سد اپنا کھیل کھِلائیا۔ نارد کہے نی راوی کیوں پربھ دے مُکھ وِچ پائی نہیں بوُند، بوُند بوُند ٹپکائیا۔ تُوں بولی نہیں کی دند جُڑ گئے نال گوُند، گوَند وانگ موٹی تازی نظری آئیا۔ جے تُسیں نہیں کوُنا میَں غمی وِچ پَینا ہوُنگ، ہائے ہائے ہائے کر سُنائیا۔ کی سؤں گئی ایں، کی تَینوُں آئی اُونگھ، نیَن میِٹ کے جھٹ لنگھائیا۔ جھٹ پٹ لتّ دے وڈّھ لا کے چوُنڈھ، چُٹکی نال پھڑ کے پِھر اپنی بودی رہیا ہِلائیا۔ پِچھانہ نوُں مُکھ کر کے کہے راوی میَں پربھوُ نوُں رہیا ڈھوُنڈ، ہُن ایتھے سی پتہ نہیں ہُن کِتھے ڈیرہ لائیا۔ نی میَں وِچھوڑے وِچ گیا مر جے تَینوُں کوئی دُکھ تے کُرلا وانگ کوُنج، کوُک کوُک سُنائیا۔ جے پتّھرے تَینوُں رونا نہیں آؤندا تے میرے سجےّ موڈھے تے ہتّھ رکھ کے میرے اتھروُ دے پوُنجھ، تیری سیوا میَنوُں
چنگی نظری آئیا۔ تَینوُں نہیں پتہ اوسے دے وَیراگ وِچھوڑے وِچ اجیِت جُجھار گئے جوُجھ، گوبِند دُلارے اپنا آپ بھیٹ کرائیا۔ تَینوُں گُتوں پھڑ کے دسّاں ایہہ اوہو گوبِند مؤجوُد، تُوں اکھّیں میِٹ کے جھٹ لنگھائیا۔ میَں جِدھر جاواں میَنوُں کہندے شرارتی بھوُت، بھوُتنا کِدھروں گیا آئیا۔ تُسیں وی سُن لؤ گنگا گوداوری جمنا سُرستی میرے بِنا تُہاڈا کمّ نہیں آؤنا سوُت، سُتیِو تُہانوُں نہ کوئے جگائیا۔ اَگے تے رَوداس چمارا گنڈھدا سی جوُت، ہُن ٹُٹیاں رہیا مِلائیا۔ تُسیں میَنوُں بھاویں سارے کہو کپوُت، میَں بھاویں کُپتّا تے پربھ دا سچّا پتہ دیاں جنائیا۔ جے میَں وِگڑ گیا تُہانوُں ساریِاں نوُں کہوُں اچھوُت، کیوں تُہاڈے وِچ مُردیاں دیِاں ڈھیریِاں نظری آئیا۔ پھیر دسّو جاؤگیاں کیہڑی کوُٹ، کیہڑے پاسے اپنا پندھ مُکائیا۔ تُسیں ساڑھی دھوتی لاؤن والیِاں جے میرے ننگے پَیراں نوُں لیا دیؤ بوُٹ، بوُٹ پا کے تُہانوُں میَں ٹُھمک ٹُھمک چل کے اپنی چال دیاں وکھائیا۔ پھیر تُساں آپے کہنا ایہہ کوئی پربھ دا آ گیا دوُت، جیہڑا سُتیاں رہیا اُٹھائیا۔ میَں کوئی کلجُگ دیاں سادھاں سنتاں ورگا نہیں کپوُت، نام جپاؤں االلہ واہِگُروُ ستنام تے سَتگُروُ آپے آپ اکھوائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ساچی کھیل رہیا سمجھائیا۔ نارد کہے گُر اوتار پَیغمبر پِھردے چار چُپھیرے، چؤطرف دھیان لگائیا۔ ویکھن وِچ اندھیرے، اندھ کوُپ پھول پُھلائیا۔ چار ورن جھیڑے، جھگڑا نہ کوئے گوائیا۔ اُجڑدے دِسن کھیڑے، ساچا رنگ نہ کوئے رنگائیا۔ نام چڑھیا کوئی نہ بیڑے، ونجھ مُہانے کمّ کِسے نہ آئیا۔ جِدھر تکّیئے جھوُٹھے جھیڑے، جھگڑا سکے نہ کوئے گوائیا۔ سانوُں سُنن والے بتھیرے، مِلن والا نظر کوئے نہ آئیا۔ کِس دے اُتے کریئے مِہرے، کِس سیِس ہتّھ ٹِکائیا۔ سارے کردے ہیرے پھیرے، جوُٹھ جھوُٹھ چتُرائیا۔ کوٹاں وِچوں جن بھگت دِسدے پربھ چرنی لگّ گئے جیہڑے، جیہڑا جم کی پھاس کٹائیا۔ اوہناں ہونے انت نبیڑے، ناتا کوُڑ رہے نہ رائیا۔ اجّ دی رات سرِشٹی سؤنا گُر اوتار پَیغمبر کہن اسیں بچن کرنے بتھیرے، متا صاحِب نال پکائیا۔ دوُر دُراڈے آئے نیڑے، گھر وجےّ سچ ودھائیا۔ بھےَ جنائے سِنگھ شیرے، بھبک اِک لگائیا۔ سارے آ گئے وِچ گھیرے، پلّوُ نہ سکے چُھڈائیا۔ اَگے مارنے نہ پَین گیڑے، گیڑا مکُے لوکائیا۔ مِہربان کرے مِہرے، مِہر نظر اِک اُٹھائیا۔ جوتی جوت سروُپ ہرِ، آپ اپنی کِرپا کر، سد اپنا رنگ رنگائیا۔ گُر اوتار پَیغمبر کہن سَوا پا لِیاؤ کھنڈ گھیو، مِٹھا گھِرت وِچ مِلائیا۔ سب دا سانجھا اِکو پِیو، پُرکھ اکال پِتا منّنا چائی چائنیا۔ جِس نوُں کہندے خُدا دیؤ، دیونہار سرب سرنائیا۔ آتم نال لگائے نینہوں،
پرماتم پریِتی اِک بنائیا۔ داتا ہو کے الکھ ابھیؤ، دُکھ بھنجن ہووے سہائیا۔ جو آد جُگاد رِہو، اوڑک اِک اکھوائیا۔ سارے اوس دی سرن پئیو، پرا پسنتی مدھم بَیکھری توں پرے کرے پڑھائیا۔ امرت برکھے مینہو، نیہوں نیہوں رس آپ چکھائیا۔ جوتی جوت سروُپ ہرِ، آپ اپنی کِرپا کر، سد اپنا رنگ رنگائیا۔ گُر اوتار پَیغمبر کہن ایہہ وست کِسے نہ وِکے ہاٹ، لبھیاں ہتّھ کدے نہ آئیا۔ سانوُں وی دسّی راوی کنارے گھاٹ، بھیوَ ابھید کُھلائیا۔ پنج پنج گُرمُکھ اُٹھو اِک اِک اُنگل سب نے لیَنی چاٹ، رس رسنا والا بنائیا۔ سُتیاں جانا جاگ، نیتر اکھّ کُھلائیا۔ بھاگ لگّے کایا ماٹ، ملِے مان وڈیائیا۔ کراں ہاس بِلاس، خوشیاں ڈھولے گائیا۔ پربھ مِلن دی سِکھ لَوو جاچ، طریقہ رہیا دِرڑائیا۔ ایہہ سُہنجنی ہونی رات، گُرمُکھو ملِے وڈیائیا۔ جو جمیا سو ہو جاوے ناس، سدا رہن کوئے نہ پائیا۔ ایہو جِہا اَگے کِسے مِلیا نہیں کوئی باپ، جو بچّیاں سیو کمائیا۔ روُح بُت کرے پاک، اندروں کرے صفائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ دسے اُنگلاں چٹّو وارو واری، گوبِند در ملِے وڈیائیا۔ کِسے دی منسا نہ رہے دُکھیاری، دُکھاں درداں ڈیرہ ڈھاہیِا۔ نار کنت نہ چوُڑھی رہے نہ چمیاری، گوبِند رنگ رنگائیا۔ نہ ٹیلر رہے نہ سُنیاری، نہ چِٹی شاہی روُپ وٹائیا۔ نہ لالن رہے گھُمیاری، نہ ترکھانی ونڈ ونڈائیا۔ جوتی جوت سروُپ ہرِ، آپ اپنی کِرپا کر، مِہر نظر نال ترائیا۔ گُرمُکھو سب دا سانجھا ہو گیا ورن، برن اِکو اِک دِرڑائیا۔ اِکو سَتگُر اِکو چرن، اِکو سیوا لیَنی کمائیا۔ اِکو منزل ویکھنی چڑھن، دوُجا راہ نہ کوئے تکائیا۔ چؤراسی وِچوں آیا تُہانوُں پھڑن، کھوجے تھاؤں تھائنیا۔ جوتی جوت سروُپ ہرِ، آپ اپنی کِرپا کر، مِہر نظر اِک ٹِکائیا۔ مِٹھا کہے میرا لےَ لؤ رس، واسطہ پربھ دے اَگے پائیا۔ جیہڑے چٹدے جاندے اوہ اپنے اندر کرو جس، اکھّیں میٹ دھیان لگائیا۔ اکھّاں کھول نہ لیَنا تک، درِشٹی اِدھر اودھر نہ کوئے گھُمائیا۔ پِھر تُہاڈا ناتا جُڑے پکّ، اَگے سکے نہ کوئے چُھڈائیا۔ جیہڑا تُہاڈے کارن آیا وتّ، وطن تُہاڈا ویکھ وکھائیا۔ جیہڑے اِک دوُجے دے اُتے آئے ٹپّ، اپنا پندھ مُکائیا۔ پِھر گوبِند دا رس لَوو چکھ، سنسا روگ رہے نہ رائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ گھِرت کہے میرے وِچ نہیں کوئی گھِرنا، گھِرن سب دی دیاں کڈھائیا۔ جن بھگتو گوبِند دا رس ویکھ کے دوُجے دوارے کدے نہیں پِھرنا، وست منگن کوئے نہ جائیا۔ پربھ بِن اوَر منّنا کوئی پِھر نہ، کنت سُہاگ نظر کوئے نہ آئیا۔ منزل چڑھ کے سادھاں پِچھے کدی نہیں تِھڑنا، اپنا من ڈُلائیا۔ ویکھو اُلٹا گیڑا گِڑنا، چارے کُنٹ دُہائیا۔
حُکمے چھیڑ چِھڑنا، مجھّاں دا چھیڑوُ اوہ گُروُ نانک دئے دُہائیا۔ ایہہ سماں پھیر نہیں مِلنا، کوٹن جُگ راہ تکائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ گھیو کہے کوئی رہ نہ جاوے باقی، باقاعدہ دیاں جنائیا۔ پُرکھ اکال تُہاڈا ساتھی، سوہنا سنگ نِبھائیا۔ تُہاڈی پُچھے واتی، نِرگُن آیا چائیں چائنیا۔ راوی دی پڑھ کے پاتی، گنگا گوداوری جمنا سُرستی نارد کلجُگ دی ریِتی ویکھ کے ہتّھ ماردا اُتے چھاتی، زور زور نال دِرڑائیا۔ جن بھگتو پربھوُ دا امرت کدے نہ لبھیو باہر کِسے کٹورے وِچ باٹی، کِرپا نال سب دے اندروں دئے چکھائیا۔ تُساں تے صِرف حُکم دی منّنی آکھی، پار کرنا اوہدی وڈیائیا۔ جے تُسیں بھگت تے میَں تُہاڈا جماعتی، جیہڑی وِدیا تُسیں نہیں پڑھی اوہ مضموُن دِتا پڑھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، سب دا مِتر تے سب دی کرے راکھی، رکھک ہو کے ویکھے تھاؤں تھائنیا۔
۱۹ پھگّن شہنشاہی سمت ۴ ہردیِپ سِنگھ دے گرِہ پِنڈ اوگرا
راوی کہے راتیں گُر ارجن میَنوُں دِتا درس، ہسّ کے لیا بُلائیا۔ پِچھلے یاد نہ کریں بیِتے برس، دُکھاں دینا بُھلائیا۔ اَگے تیرے اُتے ترس، مِہر نظر اُٹھائیا۔ پوُری ہوئی شرط، قؤل توڑ نِبھائیا۔ کھیل ویکھیا فرش، وجّی سچ ودھائیا۔ خوشی ہوئی عرش، عرشی پریِتم دَیا کمائیا۔ تُوں اپنا پوُرا کیِتا فرض، جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کمائیا۔ گُر ارجن کِہا راوی میرے تکّ نیَن، نیَناں نال مِلائیا۔ تیرے وِچ چرن چُھہایا نرائن، نر نرائن دَیا کمائیا۔ تیرا پوِتر ہویا وہن، وہناں مِلی وڈیائیا۔ دوُسر رہیا نہ کوئے طرفَین، دُتیا بھاؤ رہیا چُکائیا۔ جھگڑا مُکایا پنچائن، پنچاں مِل کے گنگا گوداوری جمنا سُرستی خوشی منائیا۔ اَگے رہنا نہیں طرفَین، طرفداری نہ ونڈ ونڈائیا۔ لیکھا ویکھو وِچ بالمیکی رمائن، رِشی کی لِکھ کے گیا سمجھائیا۔ جِس ویلے نیتر رووے ہِندوائن، ہِندوُ دین دُہائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کمائیا۔ گُر ارجن کِہا راوی تکّ لےَ کونے گوشے، لہِندی دِشا دھیان لگائیا۔ جِس دی سمجھ کوئے نہ سوچے، اوہ سوچاں رہیا پائیا۔ جِس دا
درس کوئے نہ لوچے، اوہ درس رہیا وکھائیا۔ جِس دا بھانا کوئی نہ روکے، بھانے وِچ دُہائیا۔ اوہ سرِشٹی والے کیتے تھوتھے، دھرم دی دھار نہ کوئے پرگٹائیا۔ کلجُگ وہن کھاندے غوطے، پھڑ باہوں پار نہ کوئے کرائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کمائیا۔ راہ ویکھے گُر ارجن میری پُشت پناہ لاوے تھاپی، تھپکی دے کے خوشی منائیا۔ تیرا پربھوُ بڑا پرتاپی، پرتاپ والا سوبھا پائیا۔ جِس نے کوٹن تارنے پاپی، پتت پُنیِت بنائیا۔ جن بھگتاں کولوں اِکو منائے آکھی، پوُجا پاٹھ دے لیکھے دئے مُکائیا۔ یاد کر جِس ویلے عیسیٰ چڑھیا سی پھاسی، گل وِچ پھاسی تے آسی راوی ولّ تکائیا۔ چارے کوُٹاں گھُنم کے ویکھیا ایسے کنڈھے دِسیا پُرکھ ابناشی، جِتھے سُکے منڈے آیا کھوائیا۔ جیہڑی اوہ کول رکھدا سی چار چار اِنچ دی باٹی، اوہ پتّھراں تھلّے چھڈی دبائیا۔ اجے تکّ ہتّھ نہیں آئی لادھی، کھوجیاں مِلن کِسے نہ پائیا۔ اُس مُقدّسے جگہ توں چڑھدی دِشا نؤ گز دبّی ڈھائی فُٹ دی ڈوُنگھی کھاڈی، اوسے طرح آس تکائیا۔ گُر ارجن کِہا کی دشا ہوئی ساڈی، کلجُگ کی کار کمائیا۔ کیوں بھاوی ہوئی ڈاڈھی، تتیِاں لوحاں اُتے بہائیا۔ راوی کہے ہے سَتگُر، جے تتی لوح تے نہ بہِندو پھیر میری کؤن کردا اِمدادی، ایتھے آ کے چرن کؤن چُھہائیا۔ میَں تاں آد توں ساد مُرادی، سِدھی سادی اپنا روُپ رکھائیا۔ جُگ چؤکڑی کیِتی نہیں کدی شادی، سنساری کنت نہ کوئے ہنڈھائیا۔ چرن کوَل میَں جا کے کدے نہیں کِسے دے لاگی، نِیوں نِیوں سیِس نہ کوئے نِوائیا۔ میَنوُں اِکو پربھوُ دے مِلن دی وادی، میری عادت پِچھلی چلی آئیا۔ کوئی لائی نہیں سمادھی، اکھّاں میِٹ دھیان لگائیا۔ میَں ایہناں وِچ نہیں جاگی، مستی وِچ سؤں کے اپنا جھٹ لنگھائیا۔ میَں کدی نہاتی نہیں مہیِنہ ماگھی، پوِتر اپنا آپ کرائیا۔ میَنوُں ایہہ گلّ یاد تیرے پِچھوں میَنوُں اِک سنیہا دِتا سی گُجری جیہڑی گوبِند دے بچّیاں دی دادی، دعوے نال سمجھائیا۔ جِس نے کھیل کرائی ساڈی، بنس سربنسا اپنے لیکھے پائیا۔ نی راوی اوہ سار لئے تُہاڈی، انتم آوے چائیں چائنیا۔ نال بھگت سُہیلے ہون اُس دے لاگی، پریم پریِتی ونڈ ونڈائیا۔ جو ویکھے کھیل دُنیاوی بازی گر لا کے بازی، بازاں والا اپنے نال مِلائیا۔ تیرا تٹ کنارہ ہووے وڈبھاگی، بھاگاں بھریئے تَینوُں ملِے وڈیائیا۔ ایہہ سمجھ نہیں کوئی دِماغی، بُدھی وِچ نہ کوئے چتُرائیا۔ ایہہ کھیل نہیں کوئی سماجی، سماج واد نہ کوئے دِرڑائیا۔ ایہہ پربھ دی پُٹھی سِدھی اُلٹی ہونی
کلابازی، اکل کل دھاری اپنا کھیل وکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، لیکھا جانے آد جُگادی، جُگ چؤکڑی اپنا حُکم ورتائیا۔
۱۹ پھگّن شہنشاہی سمت ۴ گیان سِنگھ دے گھر پِنڈ اوگرا
راوی کہے میَں لما لایا ڈھؤنکا، سَتجُگ دی سُتی نے کلجُگ انت لئی انگڑائیا۔ جِس ویلے بل میرے گھاٹ پہنچا، مِل کے خوشی بنائیا۔ میَں دھیان دھریا نال شؤقا، روُپ انوُپ ویکھ وکھائیا۔ جِس ویلے چڑھیا اُپر نؤکا، نئیا اِک چلائیا۔ اوہنوُں نیند دا آیا اِک جھونکا، ہُلارا بےپرواہیِا۔ حُکم سُنیا کلجُگ انتم انتا، سچ ثبوُت نہ کوئے وکھائیا۔ جوتی جوت سروُپ ہرِ، آپ اپنی کِرپا کر، بھیوَ ابھیدا دئے کُھلائیا۔ راوی کہے بل نال سی چھیاسی پریمی پیارے، جوبن ونتے نظری آئیا۔ کُچھ ویاہے کُچھ کوارے، کُچھ بُڈھے بال سوبھا پائیا۔ جِس ویلے آئے تٹ کنارے، در ٹھانڈے اِک سُہائیا۔ میرے انتر آئی اِک وِچارے، وِچرکے دِتا جنائیا۔ بل کی ایہہ تیرے ورگے بھگت سارے، میَنوُں دے دِرڑائیا۔ بل کِہا ایہہ جنم جنم دے دُکھیارے، کرم کرم دا روگ نہ کوئے گوائیا۔ سارے جگت وِچ میرے نال کرن پیارے، جے پربھوُ نوُں مِلیوں تے سانوُں دے مِلائیا۔ میَں وی دسّدا رہیا اِشارے، صِفت مہما والی گائیا۔ جوتی جوت سروُپ ہرِ، آپ اپنی کِرپا کر، بھیوَ ابھیدا دئے کُھلائیا۔ راوی کہے جِس ویلے بل نئیا گیا اُتر، اُتّر پوُرب پچھّم دکھّن دھیان لگائیا۔ جیہڑی پربھ دی گولی ایہہ اُس دا نِکا جِہا سی پُتر، آیوُ چھوٹی سوبھا پائیا۔ نال پروہت سی سوہنا شُکر، شُکریہ کہہ کے سیِس نِوائیا۔ بُھکھ لگّی تے کھان نوُں منگے ٹُکر، روٹی ہتّھ کوئے نہ آئیا۔ جنگل وِچ بیلے وِچ چار پائے سارے لُکن، اپنا آپ چُھپائیا۔ اُس ویلے بل نے مُکھ لیا وِچ بُکل، پربھ چرن دھیان لگائیا۔ پھیر بچّہ لگّا رُسن، رو کے رہیا کُرلائیا۔ میری آندر لگّی ٹُٹن، بُھکھا دئے دُہائیا۔ سِر دے وال لگّا پُٹن، نیَناں نیِر وہائیا۔ جِس ویلے بل لگّا چُکن، پِچھا لیا بدلائیا۔ پِھر لگّا پُچھن، میَنوُں کُچھ دے کھوائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ بل کِہا واہ میرے بھگوان، تیری بےپرواہیِا۔ میَں راجا اجّ کول نہیں کُجھ پیِن کھان، چرن تیری سرنائیا۔ حُکم ہویا بل اسمیدھ یّگ کر پروان، پروانہ اِک دِرڑائیا۔ میَں تھوڑی دچھّنا تے تھوڑا منگنا دان،
باقی سب کُجھ تیری جھولی پائیا۔ ایہہ بچّہ اِک اَنجان، ایہہ رو کے وی میَنوُں رہیا سُنائیا۔ میَں جلدی پہنچیا آن، بھجّیا واہو داہیِا۔ اونے چِر نوُں حلوائی آ گیا راہی آ گیا ویاہ والے گھر دا پکا کے پکوان، اپنا پندھ مُکائیا۔ اوہدے نال سی ہور جوان، دوُجا ساتھی سوبھا پائیا۔ جوتی جوت سروُپ ہرِ، آپ اپنی کِرپا کر، سد اپنا حُکم ورتائیا۔ بل دے نال سی اِک دھرم دھار دی داسی، سیوک سیوا سچ کمائیا۔ اون بیننتی اِک آکھی، نِیوں کے سیِس نِوائیا۔ میَں بچّے دی کراں راکھی، گلّاں نال پرچائیا۔ بل کِہا ایہہ کوئی کھیل پُرکھ ابناشی، تیری چلے نہ کوئے چتُرائیا۔ ایتھے نہیں کوئی سؤن نوُں کھاٹی، کھٹیا نظر کوئے نہ آئیا۔ میَں دوُر دُراڈا مار کے آیا واٹی، پَینڈا پندھ مُکائیا۔ جوتی جوت سروُپ ہرِ، آپ اپنی کِرپا کر، دُھر دا میلا آپ مِلائیا۔ داسی اوسے ویلے کر لئی لِکھت، جو بچن بل جنائیا۔ اندرے اندر کیِتی مِنّت، پربھ تیری بےپرواہیِا۔ جے اپنی مہما دی دیویں ہِمّت، تیری سیوا لَواں کمائیا۔ پُرکھ ابناشی دِتا پیار دا خِلعت، مِہر نظر اُٹھائیا۔ جِس ویلے آپ آواں دَیا کماواں تیرا نام ہووے ترِپت، ترِسنا ترِپت کرائیا۔ کول سُن دا سی اٹّھے پہر دا چوبدار جِس دا نام نشِشٹ، بھاگاں وِچ کتھا پڑھائیا۔ اندر وِچار آئی کی کرنا سوَرگ بہِشت، سُکھ دی لوڑ رہی نہ رائیا۔ جے پربھوُ اپنی سیوا وِچ میَنوُں بخشے لِکھت، میَں خوشیاں نال کمائیا۔ میَنوُں ایہو شؤق تے ایہو عِشق، پریم ایہو درسائیا۔ باقی رہے نہ کوئے چِنت، جھگڑا نہ کوئے وکھائیا۔ پُرکھ اکال دیِن دَیال اِشارہ کیِتا ایسے دھرنی ایسے دھرت، دھؤل دِتا وکھائیا۔ جِس ویلے مُڑ کے آواں پرت، نِرگُن نوُر کراں رُشنائیا۔ تیری پوُری کراں شرط، مِہر نظر اُٹھائیا۔ جاگیِر سِنگھ دی پوُری ہوئی پِچھلی عرض، لیکھا سب دا ویکھ وکھائیا۔ جوتی جوت سروُپ ہرِ، آپ اپنی کِرپا کر، ساچا میلا لئے مِلائیا۔ جِس ویلے حلوائی آئے نزدیِک، بچّے ہور دِتی دُہائیا۔ اُچی مار کے چیِک، کوُک دِتی سُنائیا۔ میَنوُں کُچھ کھان نوُں ملِے تے پھیر کہواں پربھوُ دی چنگی پریِت، بِنا کھان توں کوئی نہ وڈیائیا۔ حلوائیاں وِچوں اِک بچن سِنگھ سی ٹھیِک، جو اَگے آیا چائیں چائنیا۔ اسیں تے منگن والے بھیِکھ، پربھ دے اَگے جھولی ڈاہیِا۔ میرے ساتھی دے کول کُھرپا جِس نوُں کہندے کھؤنچا چؤڑی کیِتی لوہے دی سیِخ، ہتّھا لکّڑ والا لگائیا۔ دوہاں مِل کے گایا پربھوُ تُوں میرا میَں تیرا گیِت، انتر انتر آواز جنائیا۔ اسیں روز پکوان پکائیے مِٹھائیاں بنائیے اجّ ساڈے کول نہیں کوئی چیز، بچّہ سکے نہ کوئے رجائیا۔ آسا سِنگھ جِس دا پِچھلا نہ سی جنیِت، موڈھے اُتے رکھ کے مُکھ اُتے دِتا کرائیا۔ اوہ کھؤنچا جے ساڈے کول نہیں کُچھ تُوں پربھ دے
کولوں کوئی بِھکھیا منگ لےَ بھیکھ، شاید تیرے اُتے ترس دئے کمائیا۔ بچن سِنگھ جِہدا ناں سی پِچھلا مجیِد، مِشرانی ماں خوشیاں نال لےَ کے گائیا۔ کرن لگّا تاکید، آ مِل کے پھیر پربھ دے اَگے دئیے دُہائیا۔ دوہاں اِکٹّھیاں ماری چیِک، کوُک کوُک کے رؤلا دِتا پائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ کھؤنچے کِہا پربھوُ او دُنیا دے بھگوان تَینوُں میرا دُکھ، میرا نہ کوئی رام نہ کوئی کاہن، میَں سیِس نہ کِسے جھُکائیا۔ جِس دا جِویں دِل چاہُندا میَنوُں اوویں بنا لیَندے لوہے نوُں اگّ وِچ تاء کے لیَن کُٹ، کُٹ کُٹ کے میری شکل دین بدلائیا۔ تیرا پکوان پکّے، تیرا یّگ لگّے تیرا اسمیدھ ہووے میَنوُں نائی براہمن حلوائی موڈھیاں تے کندھے چُک، ججماناں گھر راجاناں گھر دیواناں گھر جاون چائیں چائنیا۔ تتی دھار وِچ میَنوُں دین سُٹ، چھتّی پدارتھ میرے نال بنائیا۔ پربھوُ میَں سُگند کھا کے کہاں میَں اجے تک کُچھ پایا نہیں کدے اپنے مُکھ، سب نوُں رِنھ بنا کے رسنا نال کھوائیا۔ لوکی تے تھلّے نوُں جاندے جھُک، میَں اُتے نوُں پیا اُٹھ، دھیان تیرے ول لگائیا۔ جے تُوں پرماتما تے میَں نہ بولن والی تیری آتما میرے تے جاہ تُٹھ، مِہر نظر اِک اُٹھائیا۔ اوسے ویلے پُرکھ اکال نے ستّ وستُو ٹِکائی کھؤنچے دی اُتے مُٹھ، انِگنت بھنڈارا دِتا سمجھائیا۔ شبد ہویا جا کے بل دے اَگے سُٹ، سہج نال دے جنائیا۔ جے اسمیدھ یّگ کرنا آہ لےَ چُک، اتوٹ اتُٹ نظری آئیا۔ ستّاں رنگاں وِچ بنّھ کے رکھنا کدے نہ جائے نِکُھٹ، سہج دِتا سمجھائیا۔ کھؤنچے اپنے اُتے پیاں نوُں لیا گھُٹ، اپنا بل ودھائیا۔ بل دے کول آ کے لیا پُچھ، کی تُوں بل راجا، چھتردھاری نؤ کھنڈ پرِتھمی دا مالک، دیِن دُنی دا داتا، مہا رِشی مہا مُنی مہا عودھوُت مہا پنڈت مہا جوگی مہا جُگیِشر مہا تپیِشر مہا رکھیِشر کہ مہا کوَیِشر کہ دھرتی ماتا دا ایِشر، جو سب نوُں روزی رہیا کھوائیا۔ بچّہ پھیر لگّا چیِکن، بل سوچن لگّا ودھیِکن، ہُن شانت تَینوُں کراواں کیِکن، وجہ نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، سد اپنی دَیا کمائیا۔ کھؤنچے نے کِہا جِس ویلے میَں بل دے اَگے رکھی سمگری، دُھر دی وست ٹِکائیا۔ میَں نِرمل جوت تکّی دو جہان اکگّری، اکانت نظری آئیا۔ پھیر ویکھیا سَتجُگ تریتا دواپر ہُندی بدلی، بدلا سب دا رہیا چُکائیا۔ پِھر تکّیا پُرکھ اکال نظری آیا عدلی، اِنصاف اِک کمائیا۔ پھیر ویکھیا میرے چُکن والیاں آسا سدّ لئی، انتر انتر میل مِلائیا۔ کی تُساں سیوا کرنی اجّ لئی، کہ ہور وی آس ودھائیا۔ دوہاں کِہا پربھوُ جِس ویلے تُوں مات آویں سانوُں ضرور صدّ لئیں، اپنا میل مِلائیا۔ اِنہاں کانیاں کاہیِاں وِچوں کڈھ لئیں، ایہو تیری وڈیائیا۔ ویکھیں کِتے
سنسار دی مایا وِچ نہ چھڈ لئیں، ابُھل نہ کدے بُھلائیا۔ تُوں آد انت رہویں سدا جگ لئی، جاگرت جوت کر رُشنائیا۔ اسیں منگ اِکو منگ لئی، مانگت ہو کے جھولی ڈاہیِا۔ کِرپا کر کے اپنے نام رنگ لئیں، رنگت اِک رنگائیا۔ جے اسیں بُھل جائیے تُوں سُتیاں نوُں سانوُں سدّ لئیں، سدّا اپنا نام سُنائیا۔ کھؤنچے والے کِہا، مِترا تُوں تے خالی ہتّھ تُوں بھاویں بھجّ جائیں، میَنوُں بھجّن دی لوڑ رہے نہ رائیا۔ دوہاں دی ضِد ودھ گئی، اِک دوُجے نوُں بولن چائیں چائنیا۔ جے میَں بھجّاں تے تُوں وی ایسے کھؤنچے نوُں چھڈ جائیں، تیرا مان رہے نہ رائیا۔ جے وِہار بُھگتے پھیر اوس پربھوُ نوُں منّ لئیں، جیہڑا وعدے پوُر کرائیا۔ کھؤنچے والے کِہا تُوں وی بھاویں گھر نوُں جاویں کمّ لئی، جگت موہ ودھائیا۔ جے تیری منسا اوس نے بنّھ لئی، پھیر منّیں بےپرواہیِا۔ جے دوہاں دی جوڑی بنا کے اپنے دوارے سدّ لئی، حُکمے حُکم سُنائیا۔ پِھر وِچھڑیئے نہ کدے جگ لئی، جگت ترِسنا نہ کوئے ودھائیا۔ جے جیؤنا ایسے سواساں دے دم لئی، جیہڑے سواس توڑ نہ کوئے نِبھائیا۔ جے جیؤنا دھی پُتر مات پِت بھائی بھَین ساک سجّن دے چمّ لئی، چمّ درِشٹی ہور ودھائیا۔ جے جیؤنا گھر دیاں روگ سوگ چِنتا دُکھ غم لئی، غم خوار نہ ملِے دُھر دا ماہیِا۔ اجّ توں پکّی گنڈھ کنّی بنّھ لئیں، اَگے سکے نہ کوئے کُھلائیا۔ جے جیؤنا تے اوس سِری بھگوَن لئی، جو بھاگ حِصّہ پِچھلا جھولی پائیا۔ بچن سِنہاں کوئی سدّیا نہیں تَینوُں ڈنّ لئی، پَینڈا دوُر دُراڈا پوائیا۔ آسا سِنہاں جوڑ جوڑیا کِسے گلّ لئی، اَگے کھیل کی ورتائیا۔ وِہار ہونا راوی دے جل لئی، بوُند بوُند ترسائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ راوی کہے میرا جل ہونا پوِتر، ملِے مان وڈیائیا۔ امرت دھار آوے نِتر، دُرمت مَیل دھوائیا۔ میرا اگلا مِٹے فِکر، چِنتا رہے نہ رائیا۔ جن بھگتاں جوڑ جُڑا کے چوٹی چڑھ کے سِخر، ویکھنا اِکو ماہیِا۔ جیہڑا گل لگاوے بھریاں چِکڑ، پاپاں کرے صفائیا۔ کدے نہ ہووے بِھٹڑ، کوجھیاں کملیاں گود اُٹھائیا۔ سو سوامی بنے مِتر، پیارا اِک اکھوائیا۔ سب دی پوُری کرے اِچھت، نِراِچھت ہو کے ویکھ وکھائیا۔ جیہڑی چار جُگ دی پوُرب لِکھت، لہنا سب دا دئے بُھگتائیا۔ پربھ دی نِندیا کیا کوئی کرے نِندک، نِندن وِچ کدے نہ آئیا۔ جوتی جوت سروُپ ہرِ، آپ اپنی کِرپا کر، سد اپنی کار کمائیا۔ راوی کہے جِس دِن آوے پھگّن چَوی، سچ دیاں سُنائیا۔ پربھ نے لِکھت لِکھاؤنی نوَیِں، نوَیِں دھار جنائیا۔ بچن سِنہاں اودن پھیر نہ چھنّا وِچ سوَیِں، آسا سِنگھ نال بُلائیا۔ جِس ویلے لنگر لئی تپن لگّے توی، تُساں دال سبزی وِچ کھؤنچا دینا ٹِکائیا۔ لیکھا لِکھن ڈہِ پئے رَوی، وقت
ساڈھے پنج سوبھا پائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، مِہربان مِہربان مِہربان مِہر نظر اِک اُٹھائیا۔
کماد دا رس سارے آئیے چوُپ، رسنا نال رس پھیر کُچھ نظر نہ آئیا۔ اوس ویلے سواد نال مِٹھا کر کے سارے رہے سی سوُٹ، رس اندرے اندر لنگھائیا۔ خوشی نال پَیروں کِسے گُرگابی لاہی جُتی لاہی کِسے لاہے بوُٹ، چپلاں لاہ کے مُنہ ہِلاوَن چائیں چائنیا۔ مستی وِچ خوشی وِچ ہُلارے رہے جھوُٹ، زبان سوہنی سیو کمائیا۔ اوس خوشی وِچ رسنا سواد وِچ ساریاں دے پِچھلے فِکر گئے سی چھوُٹ، آلس نِندرا نیڑ کِسے نہ آئیا۔ کایا دے اندر بڑی وڈّی ٹوُپ، جِس نوُں بھر کے ترِپت نہ کوئے کرائیا۔ باہروں سواد لیَندے تے اندروں باہر سواساں دی ماردے پھوُک، ساہ زور زور باہر کڈھائیا۔ جے اِنہاں رساں نال مانَس جنم دا کمّ آ جاوے سوُت، پھیر سَتگُر دی لوڑ رہے نہ رائیا۔ تُہانوُں پتہ نہیں چوُپو گنّے نال پہرہ ہووے بندوُک، ہسدے گئے تے ہسدے آئے کر کے کوُچ، رمز والی رمز نہ کِسے سمجھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، مِہر نظر اِک اُٹھائیا۔ گُرمُکھو جِتنے سواد اُتنا ڈر، بھےَ رائے دھرم رہیا وکھائیا۔ جے مِٹھا رس کھا کے، سُکھ پا کے، دھن لگا کے، سچکھنڈ ہو جان جیو آباد، پِھر پربھ دے یاد کرن دی لوڑ رہے نہ رائیا۔ ایسے رس توں ڈر کے جنگلاں وِچ چلے جاندے سنت سادھ، گھر بار کر برباد، بُھکھ پیاس وِچ اپنا جھٹ لنگھائیا۔ جِس ویلے اوہناں نوُں وی اِنہاں رساں دی آؤندی یاد، پِھر اوہ نہ جگیاَسوُ رہندے تے نہ سادھ، جیِون کمّ کِسے نہ آئیا۔ گنّا کہے بھگتو جائیوجاگ، میَں سب نوُں رہیا جگائیا۔ میرا حِصّہ تے تُہاڈا بھاگ، لہنا دوہاں دا، لیکھا دوہاں دا، تھاؤں تھائنیا۔ تُہاڈا سواد تے میرا کھاج، تُسیں میَنوُں کھا کے اپنی خوشی منائیا۔ جے تُہانوُں کوئی کھاوے تے پھیر اُسدا کی دیوگے جواب، میَنوُں دیؤ دِرڑائیا۔ ویکھو میَنوُں مِٹی وِچ دبّدے، اُتے بھار نال مارن سُہاگ، جے کوئی سِرا باہر رہ جائے پھیر دین دبائیا۔ گُرمُکھو جِناں چِر مِٹی وِچ مِٹی نہ ہوواں اونا چِر کدے نہ ملِے پربھوُ مہاراج، جو آد جُگاد جُگ چؤکڑی دا پِتا مائیا۔ تُسیں سارے بن جاؤ اِک سماج، جِس
طرح ساڈا ساریاں دا اِک دھرتی دے اُتے رہن والیاں دا رس مِٹھا نظری آئیا۔ پریم پیار دی سِکھ لؤ جاچ، دُھر دا حُکم لؤ واچ، منوُآ کرے نہ کوئی ناچ، جگت واسنا نہ کوئے ہلکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی سِکھیا اِک سِکھائیا۔
۲۰ پھگّن شہنشاہی سمت ۴ مہِندر سِنگھ دے گرِہ پِنڈ فتح ننگل ضِلع گُرداس پُر
راوی کہے میرا سوہیا تٹ کنارہ، در دوار وجّی ودھائیا۔ مِلیا میل ایکنکارا، اکل کل دھاری اپنی دَیا کمائیا۔ جُگ چؤکڑی پوُرب لاہیا اُدھارا، جو گُر اوتار پَیغمبر گئے جنائیا۔ میَنوُں چرن دھوُڑی مستک دے کے چھارا، دُرمت مَیل دھوائیا۔ سَت دھرم دا بھر بھنڈارا، کوُڑی کِریا دِتی گوائیا۔ تُوں میرا میَں تیرا دسّ جَیکارا، آتم پرماتم دِتا درسائیا۔ نِج نیتر نیَن اُگھاڑا، دیِن دُنی ویکھاں چائیں چائنیا۔ جاں تکّیا چار کُنٹ کلجُگ دِسے کوُڑ کُڑیارا، سَت دھرم نہ کوئے وکھائیا۔ جھگڑا پیا مندر مسجد شِودوالا مٹھ گُردوارا، گنگا گوداوری جمنا سُرستی تٹ رہے کُرلائیا۔ چار ورن اٹھاراں برن ملِے نہ کوئے سہارا، کھتری براہمن شوُدر وَیش روون مارن دھائینا۔ شاستر سِمرت وید پُران کھانی بانی پائے کوئی نہ سارا، بودھ اگادھ شبد اناد دُھن آتمک راگ نہ کوئے سُنائیا۔ مُلّا شیخ مسائک پنڈت کردے ہاہاکارا، انتر آتم نِرنتر پردہ نہ کوئے چُکائیا۔ جِدھر تکاّں اودھر ہاہاکارا، دھرم دوار نہ کوئے سہائیا۔ گُر ارجن دے کے گیا اِشارہ، شبد اگمّی راگ سُنائیا۔ جِس ویلے کل کلکی آوے اوتارا، نِہکلنکا ویس وٹائیا۔ اِمام اِماما بن سِکدارا، دو جہاناں کھوج کھوجائیا۔ سرِشٹی درِشٹی اندر پاوے سارا، کایا کعبہ پھول پُھلائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، درگاہ ساچی وجےّ سچ ودھائیا۔ راوی کہے میری آسا منسا پوُری، پوُرن برہم دِرڑائیا۔ شاہ پاتشاہ شہنشاہ مِلیا حاضر حضوُری، ہرِ کرتا دُھردرگاہیِا۔ جِس دی مستک لا کے دھوُڑی، دُرمت مَیل لئی دھوائیا۔ میری چولی رنگ چڑھیا گوُڑھی، ایتھے اوتھے دو جہاناں اُتر کدے نہ جائیا۔ جِدھر تکاّں حاضر حضوُری، چار کُنٹ دہ دِشا سوبھا پائیا۔ جِس نے کلجُگ کوُڑی کِریا گڑھ توڑیا غروُری، ہؤمے
ہنگتا دئے مِٹائیا۔ چتُر سُگھڑ بنائے موُرکھ موُڑھی، مایا ممتا موہ وِکار گوائیا۔ پندھ مُکائے نیڑا دوُری، کایا مندر اندر میلا لئے مِلائیا۔ سرب کلا بھرپوُری، آد انتا اِک اکھوائیا۔ جِس دی گُر اوتار پَیغمبر آسا رکھ کے گئے ضروری، صدی چؤدھویں دھیان لگائیا۔ سو برہمنڈاں کھنڈاں پُریاں لوآں آکاش پاتالاں پندھ کرے عبوُری، اَگے ہو نہ کوئے اٹکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ سوامی انترجامی گھٹ نِواسی پُرکھ ابناشی پاربرہم پت پرمیشور پروردِگار اپنی کل ورتائیا۔ راوی کہے میرے انتر آیا سُکھ، سُکھ ساگر وِچ سمائیا۔ میری کلپنا میٹی دُکھ، درداں ڈیرہ ڈھاہیِا۔ تٹ کنارے اُتے پُج، پوُجنیِک دِتی وڈیائیا۔ میرا بھاگ کیِتا سُدھ، ودی سُدی ونڈ نہ کوئے ونڈائیا۔ میَں چار جُگ دی تھکی ماندی پئی اُٹھ، نِرگُن دھار لئی انگڑائیا۔ بیننتی کیِتی پُرکھ اکال دیِن دَیال میَنوُں اپنا وکھا گوبِند دُلارا سُت، جو بچّے نیِنہاں ہیٹھاں گیا دبائیا۔ میَں پُکاری اُچ، کوُک کوُک کوُک سُنائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در ٹھانڈے سیِس نِوائیا۔ راوی کہے میَں درس اگمّا کیِتا، نوُری جلوہ نوُر رُشنائیا۔ میرا تن من ٹھانڈا سیِتا، ترےَگُن اگنی تت گیا بُجھائیا۔ میری پوِتر ہو گئی نیِتا، دُرمت مَیل رہی نہ رائیا۔ میَنوُں اِشٹ بُھل گیا رام سیِتا، رادھا کرِشن نہ کوئے جنائیا۔ پُرکھ اکالا دیِن دَیالا مِلیا اِکو میِتا، مِتر پیارا سوبھا پائیا۔ گنگا گوداوری جمنا سُرستی کہے سانوُں بُھل گئے شاستر سِمرت وید پُران اٹھاراں دھیائے گیِتا، گہر گمبھیِر بے نظیِر ساڈا پڑدا دِتا اُٹھائیا۔ آس رہی نہ کِسے کلمے کِسے نام حدیِثا، حضرتاں توں پرے کیِتی پڑھائیا۔ کریا کھیل آپ جگدیِشا، جگدیِشر ہو کے ویکھ وکھائیا۔ جِس دا راہ تکّن حضرت محمد عیسیٰ، موُسیٰ مُسلسل اپنی اکھّ اُٹھائیا۔ نانک گوبِند رکھ کے حق عقیِدہ، دُھردرگاہی راہ تکائیا۔ جِس دا راز سدا پوشیِدہ، اکھّراں وِچ سکے نہ کوئے سمجھائیا۔ راوی کہے میَں درشن کیِتا دانِستہ دیدہ، سنمُکھ ہوئے سوبھا پائیا۔ اگلا بھیوَ صدی چؤدھویں انت اَخیِر جگت جہان دِسے پوشیدہ، پاربرہم بھیوَ کوئے نہ پائیا۔ لِکھتاں وِچ بھوِکھتاں وِچ اِشٹاں وِچ درِشٹاں وِچ گُر اوتار پَیغمبر پیشیِن گوئیاں دسّ کے رکھ کے گئے اُمیِدا، آسا منسا آساوند ہو کے مات رکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دوارا ایکنکارا اِک اِکلّا اپنی کار کمائیا۔ راوی کہے میرے انتر چاؤ گھنیرا، بِن تت وجوُد وجّی ودھائیا۔ گھر سوامی ٹھاکر مِلیا میرا، میَں ممتا رہی نہ رائیا۔ جِس نے کرنا حق نبیڑا، دو جہاناں حق خُدائیا۔ لکھّ چؤراسی تارنہارا بیڑا، نئیا نؤکا اپنا نام چلائیا۔ ساڈھے تِنّ ہتّھ
وساؤن والا کھیڑا، اپ وائے تیج پرِتھمی آکاش سوبھا پائیا۔ مِہربان محبوُب مُحبّت وِچ کرے مِہرا، مِہر نظر اِک اُٹھائیا۔ جِس صدی چؤدھویں انت اَخیِر بے نظیِر نِرگُن دھار ماریا پھیرا، نِروَیر اپنی کل پرگٹائیا۔ دھرنی دھرت دھوَل دھؤل دھرم دھار دا ویکھے ویہڑا، اُتّر پوُرب پچھّم دکھّن پھول پُھلائیا۔ جوتی جوت سروُپ ہرِ، آپ اپنی کِرپا کر، ایکا دیوے دُھر دا ور، سچ سوامی انترجامی پاربرہم بھیوَ ابھیدا اپنا بھید چُکائیا۔ راوی کہے میرا سُہنجنا ہویا گھاٹ، وجّی حق ودھائیا۔ میرا بجر گیا پاٹ، نِج نیَن ہوئی رُشنائیا۔ نِجھر جھِرنا امرت لیا چاٹ، رس اِکو سوبھا پائیا۔ درشن کر پُرکھ ابناش، اپنی ترِسن بُجھائیا۔ میرا لیکھے لگّا سواس، جو ساہ ساہ دِھیائیا۔ منڈل منڈپ ویکھی راس، ہرِ کرتا کھیل رچائیا۔ اُتم تکّی ذات، جِس دی دیِن مذہب ونڈ نہ کوئے وکھائیا۔ آتم سُنائی گاتھ، تُوں میرا میَں تیرا راگ الاہیِا۔ جاں تکاّں چار کُنٹ دہ دِشا میرے پاس، وِچھوڑا نظر کوئے نہ آئیا۔ جو لکھّ چؤراسی جیِو جنت سادھ سنت گُر اوتار پَیغمبر دیِن دُنی دیونہارا ساتھ، وِشن برہما شِو دیوت سُر گن گندھرو اپنے نال چلائیا۔ سو سچ سندیسہ نر نریشا ایکنکارا اِک اِکلّا گیا آکھ، آخر اپنا حُکم چلائیا۔ صدی چؤدھویں دیِن دُنی دے بدل جانے حالات، دھیِرج دھیِر نہ کوئے دھرائیا۔ چار ورناں اٹھاراں برناں ہونا نِفاق، سگلا سنگ نہ کوئے رکھائیا۔ دیِناں مذہباں ذاتاں پاتاں گُر اوتار پَیغمبراں دینا جواب، اَگے جوڑ نہ کوئے جُڑائیا۔ جھگڑا مُکنا پنج تت ماٹی خاک، خالص اپنا رنگ رنگائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ سندیسہ نر نریشا، نر نرائن اِک سُنائیا۔ راوی کہے میَں درس کیِتا انوکھا، جگ نیتر نظر کِسے نہ آئیا۔ جِس دے وِچ نہیں کوئی دھوکھا، دھوُاں دھار نہ کوئے وکھائیا۔ مِہربان اپنے مِلن دا دے کے مؤقع، مُکمل اپنا رنگ رنگائیا۔ ساچا مارگ دسّ کے سؤکھا، رستہ اِکو دِتا دِرڑائیا۔ جِتھے براہمن بنے نہ کوئے پروہتا، مستک سیِس نہ کوئے ٹِکائیا۔ گنگا گوداوری جمنا سُرستی تٹاں اُتے مارنا پئے نہ غوطہ، مالا منکا نہ کوئے پِھرائیا۔ اِکو رنگ رنگایا تُوں میرا میَں تیرا دُرمت مَیل پاپ کلیور جائے دھوتا، پتت پُنیِت دئے کرائیا۔ جنم مرن لکھّ چؤراسی آون جاون پوُرا کرے سوچا، رائے دھرم نہ دئے سزائیا۔ پُرکھ اکال صاحِب سوامی نِرگُن دھار اِکو بخش کے اوٹا، اوڑک اپنے وِچ سمائیا۔ شبد اگمّی لا کے چوٹا، سوئی سُرتی لئی اُٹھائیا۔ راوی کہے میَنوُں جُگاں پِچھوں مِل گیا مؤقع، صاحِب سَتگُر دِتی مان وڈیائیا۔ جوتی جوت
سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، لہنا دینا جانے لوک پرلوکا، برہمنڈ کھنڈ پُری لوء آکاش پاتال گگن گگننتر زِمیں اسماناں دو جہاناں اپنا حُکم ورتائیا۔
۲۰ پھگّن شہنشاہی سمت ۴ مہِنگا سِنگھ دے گھر پِنڈ سدّا ضِلع گُرداس پُر
راوی کہے میَں درس اگمّا تکّیا، صاحِب سَتگُر دَیا کمائیا۔ جیہڑا صِدق بھروسہ رکھیا، جُگ چؤکڑی راہ تکائیا۔ کلجُگ ویکھدی رہی رَین اندھیری مسّیا، ساچا چند نہ کوئے چمکائیا۔ پُرکھ اکال دیِن دَیال آیا نسّیا، پاندھی ہو اپنا پندھ مُکائیا۔ جمنا کہے میَں حَیران ہوئی کرِشن چاردا سی گئوُاں وچھّیاں، بنسری دھُن سُنائیا۔ پُرکھ اکالا جن بھگت اُدھارے اپنے بچّیاں، بچپن سب دا ویکھ وکھائیا۔ دھکاّ دیوے جگت پریِتی کچّیاں، کنچن گڑھ نہ کوئے وکھائیا۔ گلے لگاوے دُھر دیاں سچّیاں، سچ سوامی اپنی دَیا کمائیا۔ میرے لوُں لوُں اندر رچیا، پربھ میرا دُھردرگاہیِا۔ میرا بِرہوں وِچھوڑا نَٹھیا، گیا مُکھ بدلائیا۔ جوتی جوت سروُپ ہرِ، آپ اپنی کِرپا کر، سد اپنی کار کمائیا۔ راوی کہے میَں پربھ دا درشن کیِتا، کرم کانڈ دا ڈیرہ ڈھاہیِا۔ ٹھاکر لبھاں اِکو میِتا، مِتر پیارا سوبھا پائیا۔ جِس دے چھتر جھُلے سیِسا، جگدیِش نوُر الاہیِا۔ جھگڑا مِٹائے اوُچاں نیِچاں، راؤ رنکاں اپنا رنگ رنگائیا۔ گھر وکھائے اِک انڈیٹِھا، جِس گرِہ بَیٹھا سوبھا پائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سد اپنا رنگ رنگائیا۔ راوی کہے میرے ہوئے بھاگ متھن، متھرا واسی نال آیا چائیں چائنیا۔ صاحِب سَتگُر بیڑا بنّھ، ایُدھیا والا رام سنگ نِبھائیا۔ درشن پا کے گُجری چنّ، میرے لوُں لوُں لئی انگڑائیا۔ کلپنا مِٹی من، ممتا دِتی گوائیا۔ جِس ویلے جن بھگتاں کِہا دھنّ دھنّ دھنّ، اُچی کوُک الائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، دُھر دا حُکم اِک ورتائیا۔ راوی کہے درس کرن دا موہے ہویا انند، انند انند وِچ سمائیا۔ خوشی ہویا بند بند، بندگی وِچ وڈیائیا۔ جِس ویلے گُرمُکھ اِک دوُجے دے اُتوں گئے لنگھ، میَں رو رو نیتر نیَناں نیِر دِتا وہائیا۔ جیہڑا سؤن والا سی اُتے پلنگ، اوہ میرے کنڈھے خاک اُتے لیٹ کے خوشی منائیا۔ میَں اندرے اندر رو کے پائی ڈنڈ،
ڈنڈاوت کر کے سیِس نِوائیا۔ گُر اوتار پَیغمبر ہو گئے دنگ، حَیرانی سب دے اندر چھائیا۔ گنگا گوداوری جمنا سُرستی بدل کے کنڈ، اپنی لئی انگڑائیا۔ جن بھگتاں مِلیا ساچا سنگ، دُھر دا ساتھ بنائیا۔ جِس نے رس چکھاؤنا گھیو کھنڈ، کھنڈا نام والا پِھرائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کمائیا۔ راوی کہے جِس ویلے جن بھگت اِک دوُجے اُپر ٹپّے، ٹپّا سوہنگ نام دِھیائیا۔ گُر اوتار پَیغمبر سارے ہو گئے ہکےّ بکےّ، حَیرانی وِچ دھیان لگائیا۔ نالے کہن اسیں وی ناتے کریئے پکّے، اِک دوُجے نال گنڈھ پوائیا۔ مِتر بنیئے سکے، دیِن مذہب دا جھگڑا رہے نہ رائیا۔ سارے ہوئیے اچھےّ، بُریاں والی کرے نہ کوئے لڑائیا۔ جِس طرح بھگت پربھوُ دے بچّے، مان تان نہ کوئے رکھائیا۔ لِٹدے اُتے مِٹی گھٹّے، وڈّے چھوٹے نہ کوئے وڈیائیا۔ نال ننےّ ننےّ بچّے، شیِرخوار سوبھا پائیا۔ سب نے کِہا اسیں پِچھلے کھہڑے چھڈے، اَگے اِکو راہ تکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کمائیا۔ راوی کہے میَں سوئی اُٹھی جاگی، جگت ویکھ وکھائیا۔ بھگت تکّیا وَیراگی، گُرمُکھ پربھوُ دھیان لگائیا۔ رَوی تکّیا تیاگی، ممتا موہ مِٹائیا۔ نِیوں کے سرنی لاگی، چرن کوَل سیِس جھُکائیا۔ پربھوُ منُمکھاں دی ودھ گئی آبادی، گُرمُکھ وِرلا نظری آئیا۔ تُوں جُگ جُگ دا رہبر دھرم دھار دا گاڈی، گائیڈ ہو کے ویکھ وکھائیا۔ ایس سمیں تیری لوڑ ڈاڈھی، میَں ڈاڈاں مار کے دِتی دُہائیا۔ پت رہے نہ ساڈی، سِر ہتّھ نہ کوئے ٹِکائیا۔ کِسے کمّ نہیں آؤندی کِسے دی لگّی سمادھی، اندر وڑ کے تیرا درس کوئے نہ پائیا۔ منوُآ سب دا ہویا باغی، آپ اپنا بَل ودھائیا۔ رسنا جِہوا دی دُنیا بنی راگی، انتر آتم راگ نہ کوئے سُنائیا۔ صاحِب تُوں بھگت اُدھاریں آدی، جُگ جُگ تیری بےپرواہیِا۔ کِرپا کر صاحِب وِسمادی، مِہر نظر اُٹھائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، نِہکلنک نرائن نر، مہاراج شیرسِنگھ وِشنوُں بھگوان، سرن سرنائی تیری لاگی، دوُجی اوٹ نہ کوئے تکائیا۔
۲۰ پھگّن شہنشاہی سمت ۴ کرم سِنگھ دے گھر کاکا جاگیِر سِنگھ دے نوِت )سریِر چھڈن سمیں( پِنڈ سدّا
راوی کہے میَں پریم ویکھیا اندر میِاں میِر، جو میِاں اِکو اِک منائیا۔ جِس دے انتر سچ تصویِر، بِنا نقش توں اپنا نقش بنائیا۔ جِس نوُں خبر دِندا ہُندا سی کبیِر، درگاہ ساچی دی سچ جنائیا۔ جِس نے تت بنایا وجوُد کیِتا تعمیِر، دِتی مان وڈیائیا۔ بدلدا آیا تقدیِر، جُگ جُگ حُکم ورتائیا۔ ویکھے سرب تاثیر، تسبیح مالا کھوج کھوجائیا۔ جانے شاہ حقیِر، نِمانیاں پھول پُھلائیا۔ سدا اوس نوُں کہو آمیِن، آمیِن کہہ کے سیِس نِوائیا۔ جے مِہربان ہو کے اِک وار سجدہ کر لئے تسلیِم، اپنی دَیا کمائیا۔ پھیر جھگڑا مُک جائے قدیِم، قُدرت دا مالک ہوئے سہائیا۔ اوہ دیونہارا گوئی پیشیِن، پیشتر دئے دِرڑائیا۔ جِس دا مارگ بڑا مہیِن، جگ نیتر نظر کوئے نہ پائیا۔ جُگ جُگ وکھری تعلیِم، سِکھیا اگمّ اتھاہیِا۔ میِاں میِر کِہا میَنوُں سدا اوسے دا یقیِن، دوُجی اوٹ نہ کوئے رکھائیا۔ نہ اوہ نر نہ مدیِن، نر نرائن نظری آئیا۔ بُدھی ہون نہ دیوے ملیِن، پتت پُنیِت آپ کرائیا۔ میَں اوسے نوُں مِلن دا شؤقین، سد اِکو راہ تکائیا۔ اوسے ویلے جوتی چمک وجّی نوُری نویِن، صِحن ہوئی رُشنائیا۔ میِاں میِر دا اِک مُریِد سی جِس دا نام نسیم، نؤجوان نظری آئیا۔ اون دنداں ہیٹھاں دے زبیِن، زباں نال لیا دِھیائیا۔ جوتی جوت سروُپ ہرِ، آپ اپنی کِرپا کر، سد اپنی کار کمائیا۔ میِاں میِر تکّیا حق نظارہ، رحمت رحیِم کمائیا۔ نسیم کِہا میرے مُرشد پیارا، در تیرے سیِس نِوائیا۔ اوہ کیہڑا گھر بارا، جِتھے بِنا چند سوُرج توں ہوئی رُشنائیا۔ مُرشد کِہا اوہ دُھر دا سچّا دربارا، جِتھے وسے نوُر الاہیِا۔ اوہو پروردِگارا، اِک اِکلّا سوبھا پائیا۔ جِس نے نوُر دِتا چمتکارا، چمک دِتی چمکائیا۔ روشن ہویا صِحن سارا، وجی گھر ودھائیا۔ نسیم کِہا اے مُرشد، میَں جانا چاہُندا اوسے دے چرن دوارا، اوسے وِچ سمائیا۔ جگت جیِون دی رہے نہ کوئے وِچارا، جیِون کمّ کِسے نہ آئیا۔ جے ملِے ملِے میِت مُرارا، جو مِتر پیارا اِک اکھوائیا۔ اوسے ویلے دُھر دے شبد دا میِاں میِر نوُں ہویا اِشارہ، اندرے اندر دِتا دِرڑائیا۔ جِس ویلے نِرگُن روُپ جوتی جامہ دھار آواں دوبارہ، سرگُن توں نِرگُن ویس وٹائیا۔ اِمام اِماماں دا سِکدارا، صاحِب سُلطان نوُر الاہیِا۔ تیرے مُریِد نوُں درشن دیواں جنم دوا کے وِچ سنسارا، مِہر نظر اِک اُٹھائیا۔ جوبن اوستھا وِچ لےَ کے جاواں اوس دھرم دوارا، جِتھے میرا نوُر جوت رُشنائیا۔ وعدہ ہویا قؤل کیِتا اِقرارا، راوی کہے میَں شہادت دیاں بُھگتائیا۔ ایسے کارن جاگیِر سِنگھ رہیا نہیں وِچ سنسارا، جنم مرن دا لیکھا گیا چُکائیا۔ جِناں چِر راوی گواہ نہ بن
دی اوناں چِر پربھوُ بن سکدا نہیں سی لِکھارا، ایسے کر کے اِتنا چِر دِتا لنگھائیا۔ گھر والے بتھیریاں مِنّتاں کردے رہے، عرضاں کردے رہے، غُصّے وِچ کڈھدے رہے گالاں، لفظ لفظ بدلائیا۔ میِاں میِر کہہ کے گیا منزل چڑھنا نہیں سُکھالا، سِخر چوٹی چڑھن کوئے نہ پائیا۔ ارجن نوُں تتی توی تے بَیٹھیاں ویکھ کے میَں وی پےَ گیا کاہلا، میرے اندر آئی انگڑائیا۔ ارجن نے ہسّ کے کِہا میِاں میِر جی باہر دی چھڈ دیؤ تے اندروں پھیرو اپنے من دی مالا، تسبیح دی جگہ اپنی طبع لؤ بدلائیا۔ صاحِب سَتگُر دا سدا کھیل نِرالا، نِروَیر ہو کے اپنی کار کمائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، سب دا حل کرے سوالا، سوالی ویکھے چائیں چائنیا۔
۲۰ پھگّن شہنشاہی سمت ۴ گُربخش سِنگھ دے گھر پِنڈ نوشہرا
گوداوری کہے گوبِند میرے وِچ چرن گیا دھر، ندیڑ دکھّن دِشا مِلی وڈیائیا۔ سندیسہ دِتا جو گُرمُکھ جیِوت جائے مر، مر جیِوت روُپ وٹائیا۔ میرا بھےَ چُکیا ڈر، سنسا روگ رہیا نہ رائیا۔ کِرپا سَتگُر دِتی کر، میرے انتر وجّی ودھائیا۔ پُرکھ اکالا دیِن دَیالا نظری آیا ہرِجوُ ہرِ، ہِردے رہیا سمائیا۔ جو لکھّ چؤراسی جیِو جنت سادھ سنت رہیا پھڑ، گُر اوتار پَیغمبر بچیا رہن کوئے نہ پائیا۔ آتم پرماتم پرماتم آتم پاربرہم برہم سچ پھڑائے لڑ، پلّوُ دھرم نہ کوئے چُھڈائیا۔ قِلعہ توڑے ہنکاری گڑھ، ہنگ برہم اِک سمجھائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ گوداوری کہے گوبِند چرن مِلیا بھرواسا، میری ترِسنا رہی نہ رائیا۔ میرا لیکھے لگّا سواسا، جیِون جیِون وڈیائیا۔ میَں تکّیا پرِتھمی آکاشا، گگن گگننتر اکھّ کُھلائیا۔ منڈل منڈپ ویکھیِاں راسا، گوپی کاہن پردہ لاہیِا۔ چار کُنٹ تکّیا تماشا، دیِن دُنی کرے لڑائیا۔ کلجُگ دِسے اندھیری راتا، ساچا چند نہ کوئے چمکائیا۔ آتم پرماتم جُڑے کِسے نہ ناتا، سُرتی شبد نہ کوئے مِلائیا۔ چار ورن اٹھاراں برن دِسے گھاٹا، وست امولک جھولی کوئے نہ پائیا۔ گوبِند توں امرت رس ملِے کِسے نہ باٹا، نِجھر جھِرنا نہ کوئے جھِرائیا۔ جھگڑا پیا ذاتا پاتا، ہِندوُ مُسلم کرن لڑائیا۔ جوتی جوت سروُپ ہرِ، آپ اپنی کِرپا کر، مِہر نظر اِک
اُٹھائیا۔ گوداوری کہے میَں بیننتی کیِتی سَتگُر پاس، آرزو دِتی جنائیا۔ میرے صاحِب سَتگُر میری پوُری کر آس، ترِکھا رہے نہ رائیا۔ سَت دھرم کیوں دھرتی اُتوں ہویا ناس، چار کُنٹ نظر کوئے نہ آئیا۔ دُھر دے نام دی گائے کوئی نہ گاتھ، نِراکھّر نہ کوئے پڑھائیا۔ اوتار پَیغمبراں اُتوں ہٹیا وِشواس، وِشیاں وِچ دیِن دُنی ہلکائیا۔ ساچا کھولے کوئی نہ راز، پڑدا اندروں نہ کوئے چُکائیا۔ کیوں سیِتا رام نوُں چھڈ کے پڑھن لگّے نماز، سجدیاں وِچ سیِس جھُکائیا۔ کیوں االلہ چھڈ کے منتر دِرڑایا ستنام، کیوں واہِگُروُ جاپ جپائیا۔ کی لہنا دینا حِساب، گُر گوبِند دینا جنائیا۔ جوتی جوت سروُپ ہرِ، آپ اپنی کِرپا کر، بھیوَ ابھیدا دینا کُھلائیا۔ گوبِند کِہا سُن وہناں وِچ وہن والی، تَینوُں دیاں جنائیا۔ صدی چؤدھویں کلجُگ رَین اندھیری ہونی کالی، ساچا چند نہ کوئے چمکائیا۔ سَت وست لبھے کِتوں نہ بھالی، چار کُنٹ دہ دِشا خالی نظری آئیا۔ پھل رہے کِسے نہ ڈالی، سِنمل رُکھ جگت لہرائیا۔ جِدھر تکاّں ترےَگُن مایا پئے جنجالی، پنچ وِکار ہوئے ہلکائیا۔ ساچی دِسے نہ کوئے دھرمسالی، مندر مسجد شِودوالے مٹھ سارے دین دُہائیا۔ جوتی جوت سروُپ ہرِ، آپ اپنی کِرپا کر، ساچی کھیل آپ ورتائیا۔ گوبِند کِہا گوداوری جِتنے نام، جُگ جُگ پربھوُ دِتے جنائیا۔ دیِن مذہب بنا غُلام، حِصّے ونڈ گیا ونڈائیا۔ حقیِقی ملِے کِسے نہ جام، امرت رس نہ کوئے چکھائیا۔ دیِن دُنی پُرکھ اکال نوُں کرے بدنام، بدیِاں وِچ اپنا جھٹ لنگھائیا۔ آتم پرماتم کرے نہ کوئے پہچان، بھیوَ نہ کوئے کُھلائیا۔ نِش اکھّر ہوئے نہ کِسے گیان، صدی چؤدھویں لیکھا مُکنا تمام، محمد رو کے دئے دُہائیا۔ حضرت عیسیٰ دسّ کے گیا اپنے وِچ کلام، کائنات جگت سمجھائیا۔ موُسیٰ کہہ کے حق سلام، سجدیاں وِچ سیِس نِوائیا۔ نانک دِتا پَیغام، نؤ کھنڈ پرِتھمی آپ وڈیائیا۔ گوبِند کہے ایہو سندیسہ میرا دو جہان، برہمنڈ کھنڈ پُری لوء آکاش پاتال گگن گگننتر دیاں جنائیا۔ انت کنت بھگوَنت پرگٹ ہووے سِری بھگوان، کل کلکی ویس وٹائیا۔ جودھا سوُربیِر نؤجوان، مرد مردان اِک اکھوائیا۔ جِس توں گُر اوتار پَیغمبر منگدے دان، وِشن برہما شِو بَیٹھے جھولیِاں ڈاہیِا۔ اوہ کلجُگ کوُڑی کِریا میٹے آن، مایا ممتا موہ چُکائیا۔ سَت دھرم دا دسّ نِشان، چار ورناں بخشے اِک دھیان، تُوں میرا میَں تیرا آتم پرماتم سب دا سانجھا ہووے گیان، ہِندوُ مُسلم سِکھ عیِسائی ونڈ نہ کوئے ونڈائیا۔ اِکو مندر گُروُدوارا ہوئے مقام، کایا کعبہ اِک رُشنائیا۔ اِکو شبد ناد دُھن گان، ناد آد دئے سُنائیا۔ اِکو امرت رس پیِن کھان، نِجھر جھِرنا دئے جھِرائیا۔ اِکو سرِشٹی درِشٹی اندر سِری بھگوان، دوُسر سیِس نہ کوئے نِوائیا۔ کلجُگ وِچ سَتجُگ کرے پردھان،
پاربرہم اپنی دَیا کمائیا۔ گوداوری کہے میَں نمو نمو نمو گوبِند کیِتی پرنام، چرن چُمّ کے اپنی خوشی بنائیا۔ کُچھ میَنوُں اُس دا دسّ نِشان، نِشانے نال جنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، ایتھے اوتھے لیکھا جانے جیو جہان، جاگرت جوت بِن ورن گوت، نر نِرنکار ایکنکار، پروردِگار سانجھا یار، لاشریِک حق تؤفیِق، مِہربان محبوُب اپنی کار کمائیا۔