۲۰ پھگّن شہنشاہی سمت ۴ بوُڑ سِنگھ دے گھر پِنڈ وزیر پُر
گوداوری کہے گوبِند ولّ لائیاں اکھّاں، جو آخر ہوئے سہائیا۔ جِس دا میل نال پُرکھ سمرتھا، سمرتھ پُرکھ دئے گواہیِا۔ جِس دا نام بودھ اگادھ اکتھنا اکتھا، رسنا کتھ نہ سکے رائیا۔ جُگ جُگ کرے کھیل یتھارتھ یتھا، نِت نوِت اپنا ویس وٹائیا۔ جیہڑا تیِر چِلّیا چھڈ کے گیا بھتّھا، کمان ٹنگ جگت سُٹائیا۔ سچکھنڈ دوارے جا کے وسا، جوتی جوت جوت سمائیا۔ انتم نِرگُن دھار ہو کے پرگٹا، پرگٹ ہو کے اپنا کھیل کھِلائیا۔ سَت دھرم دا کھول کے ہٹّا، وست امولک اِک ورتائیا۔ آتم پرماتم جوڑے ناتا پکاّ، پاربرہم برہم میلا سہج سُبھائیا۔ دینا دیوے حقیِقت حقا، حق حقیِقت ویکھ وکھائیا۔ سَتجُگ سچ چلائے رتھا، بن رتھواہی سیو کمائیا۔ یودھا سوُربیِر مردانہ بن گیا ہٹّا، نؤجوانا اپنا میل جنائیا۔ اوتاراں پوُرا کرے پٹا، صدی چؤدھویں ویکھ وکھائیا۔ جھگڑا رہیا نہ تتاں اٹّھاں، اپ وائے تیج پرِتھمی آکاش من مت بُدھ پردہ دئے اُٹھائیا۔ ہِندوُ مُسلم سِکھ عیِسائی میٹے رٹّا، اِکو نام دئے جنائیا۔ نِرگُن نوُر جوت پرکاش کرے لٹ لٹا، اندھ اندھیرا دئے مِٹائیا۔ شبد اگمّی مار کے سٹّا، سوئی سُرتی دئے اُٹھائیا۔ جوتی جوت سروُپ ہرِ، آپ اپنی کِرپا کر، مِہربان اپنی دَیا کمائیا۔ گوداوری کہے گوبِند دِسے اِک سہارا، سَتگُر شبد نام وڈیائیا۔ جِس نے کلجُگ کرنا پار کنارہ، سَتجُگ ساچا راہ وکھائیا۔ چار ورناں دینا ادھارا، کھتری براہمن شوُدر وَیش رنگ رنگائیا۔ ایکا مندر دسّنا گُروُدوارا، کایا کعبہ اِک اُپجائیا۔ ایکا نام شبد دُھنکارا، شبد انادی ناد اِک وجائیا۔ امرت رس ٹھنڈا ٹھارا، نِجھر جھِرنا دئے جھِرائیا۔ ایکا دیِا باتی کملاپاتی کرے اُجیارا، جوتی جوت ڈگمگائیا۔ ایکا میلا ہوئے پروردِگارا، گُر چیلا اِکو گھر سوبھا پائیا۔ کھیلے کھیل اپنی دھارا، دھرنی دھرت دھوَل اُپر ڈیرہ لائیا۔
جِس نوُں کہندے چؤویِاں اوتارا، نِہکلنک ناؤں سمجھائیا۔ جِس دا شاستر سِمرت وید پُران گیِتا گیان اِنجیِل قرآن کھانی بانی لیکھ نہ لِکھنہارا، کاتب چلے نہ کوئے چتُرائیا۔ سو سوامی انترجامی کھیلے کھیل اگمّ اپارا، الکھ اگوچر اپنا ویس وٹائیا۔ اُتّر پوُرب پچھّم دکھّن نؤ کھنڈ پرِتھمی پاوے سارا، بھیوَ ابھیدا دئے کُھلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، درگاہ ساچی اِک سُہائیا۔ گوداوری کہے میَں تکاّں گوبِند چرن کوَل، کوَل چرن دھیان لگائیا۔ جو ہر ہِردے جائے مَول، مؤلا روُپ سوبھا پائیا۔ پرگٹ ہویا اُپر دھوَل، دھرنی دھرت دھؤل دئے وڈیائیا۔ اُلٹا کرے نابھی کوَل، امرت جھِرنا اِک جھِرائیا۔ اُس دا لیکھا جانے کوَن، من مت بُدھ نہ کوئے وڈیائیا۔ اُس دا سندیسہ دے نہ سکے پوَن، اُننجا پوَن رہی کُرلائیا۔ جِس ویس وٹایا دھاری پوَن، بَل اپنا رہیا جنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، لہنا دینا لکھّ چؤراسی ویکھے اَون گوَن، آون جاون پتت پاوَن دیِن دُنی کھوج کھوجائیا۔
۲۰ پھگّن شہنشاہی سمت ۴ میلا سِنگھ دے گھر پِنڈ بابوُپُر
نارد کہے راوی تیرے کنڈھے کنڈھے بھجیّ آوے لاٹاں والی، لِٹاں کُھلیاں نظری آئیا۔ راہ کھہڑا رہی بھالی، چاروں کُنٹ ویکھ وکھائیا۔ اوہدی چمک ویکھ کے میَں وی بھجّ اُٹھا شالی، بھجّدے دی بودی ہُلارے رہی کھائیا۔ میَں کول آ کے اشٹبُھج بڑی سوہنی نوُں ویکھ کے، تھوُ تھوُ کر کے کِہا تُوں بڑی کالی، کوجھی نظری آئیا۔ اوہدے مُکھ اُتے غُصّے نال آئی لالی، شستر اٹّھے رہی ہِلائیا۔ میَں کِہا کِتھوں آئی تُوں رانی خاں دی سالی، ساڈیاں حداں وِچ پھیرا پائیا۔ اوہ جوش وِچ آ گئی کاہلی، اَگے نوُں قدم اُٹھائیا۔ میَں جھٹ چڑھ کے اُتے ٹاہلی، ٹَیں ٹَیں کر کے دِتا سُنائیا۔ جے میَنوُں کھڑنا ایں میَں مُڈھ تھانی چڑھیا تُوں چڑھ جا ولّوں پرالی، جِنہاں نوُں پرمل کہہ کے لوکی سُنائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ نارد کہے میَں غؤر نال تکّیا اوہ اَسوار اُتے شیر، بھےَ رہی جنائیا۔ میَں ہتّھ جوڑ کے کِہا میرے اُتے کر دے مِہر، تیری بےپرواہیِا۔ نی جے تُوں شہنشاہ دی رانی تے میَنوُں براہمن نوُں بنا لےَ اپنا دیر، بھابی کہہ کے اپنی خوشی بنائیا۔ اوہنوُں غُصّے وِچ پھیر آ گئی چیڑ، گدا رہی بھوائیا۔ میَں پھیر دِتا چھیڑ،
اُتوں ہلوُنا دے کے سُکے پتّے اوہدے اُتے سُٹائیا۔ اُس لمی بانہہ کر کے میرے مُنہ تے ماری چپیڑ، میَں ہسّ کے دِتا وکھائیا۔ اَگوں کِہا چپیڑاں مارن نالوں میَنوُں اپنی بُکل وِچ لےَ لپیٹ، بھاویں سارا دِن چُکی پِھریں میَں سی نہ کدے کرائیا۔ اُس نے میَنوُں کِھچّ کے لاہ لیا ہیٹھ، میَں چرن چُمّ کے دُرگا ماتا دی جےَ جےَ جےَ دا نعرہ دِتا سُنائیا۔ پھیر اپنے ہتّھ مار کے اُتے پیٹ، پِٹّ پِٹّ کے دِتی دُہائیا۔ زور نال کِہا جے تُوں اَگے جانا میرے ول ویکھ، تَینوُں رستہ دیاں سمجھائیا۔ جے راوی دی حد ٹپّیِؤ اوتھے محمد چار یاری محمد شیخ، شرع والے تیرے نال کرن لڑائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ میَں کِہا نی اشٹبُھج مَیتھوں پیار نال پُچھ، میری پُشت پناہ ہتّھ ٹِکائیا۔ پھیر ہتّھ میری اُتے مُچھ، وٹ دے چڑھائیا۔ پھیر میَنوُں کھوا کُچھ، جیہڑا امرت پھل دُھر توں لےَ کے آئیا۔ پھیر پیار نال چُک، ہُلارا دے لگائیا۔ پھیر تُوں وی گائیں میَں وی گاواں تُوں میرا میَں تیرا تُک، سوہنگ ڈھولا اگمّ اتھاہیِا۔ پھیر میَنوُں کھوا ٹُک، بُھکھے نوُں دے رجائیا۔ جے تَینوُں بہُتی خوشی آ جاوے میرے چرناں ولّ جاویں جھُک، ایہہ تیری مرضی میَں تَینوُں دِتی جنائیا۔ نارد کہے ایہہ بچن سُن کے میَنوُں خوُب دِتا کُٹ، کُٹ کُٹ کے میرا رنگ بدلائیا۔ میَں بھجّا تھک کے گیا ٹُٹ، اپنا بَل گوائیا۔ اوہ میرے مگرے آئی اُٹھ، چلی چائیں چائنیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ نارد کہے میرے اندر آئی پھیر خوشی، غمی دِتی بُھلائیا۔ چڑھ گیا آ کے دُھسی، رات دے اٹّھ بجے میری رام دُہائیا۔ میَں ویکھیا اڈّیِاں چُکی، اپنا زور لگائیا۔ اوہ شیر وانگوُ شیر اُتے بَیٹھی بُکی، بھبک دِتی لگائیا۔ مَیتھوں بھےَ نال آواز نِکلی دو تُکی، سوہنگ ڈھولا دِتا گائیا۔ اونے چِر نوُں رستے وِچوں بھؤنک پئی کُتی، اپنی آواز پرگٹائیا۔ میری ڈردے دی پَیروں لہہ گئی جُتی، ننگے پَیریں بھجّیا واہو داہیِا۔ جیہڑا راہ وِچ پُچھے اوہنوُں میَں کہاں میَں ننگے پَیریں اوس پربھوُ دی کرن گیا ساں بُتی، جیہڑا بُتخانیاں دی کرے صفائیا۔ جِس نے کالا گانا بدھّا گُٹیں، اپنی ونڈ ونڈائیا۔ جاں میَں پِچھے بھؤں کے ویکھیا دُرگا سنکھ والے ہتّھ دی وٹّی مُکی، میَنوُں رہی وکھائیا۔ نالے اُچی اُچی کوُکی، اپنی آواز پرگٹائیا۔ بیلے وانگوُ سوُکی، ساں ساں دِتی سُنائیا۔ میَں جھٹ گھٹّے دی مل کے بھبوُتی، سادھوُآں والا ویس کرائیا۔ ایہہ گلّ مگروں ہو گئی کسوُتی، اوہنے خنجر لیا اُٹھائیا۔ میَں نالے بھجّا آواں نالے ڈردا جاواں موُجھی، نالے کہاں تیرے اَگے بھےَ نہ کوئے رکھائیا۔ میَں کوئی دُشمن نہیں نہ کوئے دوُتی، دُشٹ دُراچار نہ روُپ وٹائیا۔ میَں پیار کرن والا عاشق دُرگی، جے تُوں بن جائیں
معشوُقی، میرا مسلہ حل کرائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ نارد کہے نالے ڈراں نالے بھجّاں، بھجّ بھجّ کے پَینڈا لیا مُکائیا۔ میرے درد ہون لگّی اُتے گوڈے سجّا، قدم قدم نہ کوئے بدلائیا۔ پھیر اوس نے میرے پِچھے بھوائی گدا، میَنوُں لیا ڈرائیا۔ میرا ساہ رہ گیا اَدھا، ہِمّت رہی نہ رائیا۔ میَنوُں اَگوں مِل گیا گدھا، میَں پلاکی مار کے اُتے بَیٹھا چائیں چائنیا۔ نالے میَں ہوکا دیندا آیا اوتارو پَیغمبرو گُروُاو بھگتو سنتو صوُفی فقیِرو جیہڑا تُہانوُں تُہاڈا نہیں لبھا، آؤ دیاں مِلائیا۔ میرے پِچھے ہونی لگّی آئی قضا، وَیرن اپنا بھےَ رکھائیا۔ جِس ویلے میَں بابوُپُر دے نیڑے آیا اِدھروں بھگتاں دا جَیکارا لگّا، میَں سُن کے کھوتے دے کنّ مروڑے اُتوں اُتر کے پِچھے لتّ دِتی لگائیا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ ٹِکائیا۔ نارد کہے میَں ڈردا آیا دؤڑ، اپنا پندھ مُکائیا۔ پِچھے آواز سُن دا آیا کوئی کھڑکدا نہیں پؤڑ، دھمک زِمیں اُتے پائیا۔ میَں نیڑے آ کے مار کے چھال چڑھ گیا اُتے بوہڑ، ٹیِسی تے بَیٹھا سیٹیاں رہیا وجائیا۔ جاں چڑھدے نِگاہ ماری میرے صاحِب دے سِر تے ہووے چؤر، میرے اندر خوشی آئیا۔ پھیر میَں دُرگا ولّ ویکھیا کر کے غؤر، اپنی نِگاہ اُٹھائیا۔ پھیر میَں پاسا کر کے اودھر نوُں کر لئے مؤر، پِٹھ لئی بدلائیا۔ نی میَں صاحِب زادہ میَں پاتشاہ دا کؤر، جِس نے کؤرو پانڈو کرِشن دے نال مِل کے سارے دِتے کھپائیا۔ میَں اِس جُگ وِچ ماریا پھؤہڑ، جھوُٹھ دِتا سُنائیا۔ جے اَگے آئیؤں ایتھے اِک سروور وڈّا جؤہڑ، پانی ڈوُنگھا ویکھ وکھائیا۔ جے کوئی پیِوے تے بڑا کؤڑ، جے کوئی نہاوے تے نہاؤندیاں ہی مر جائیا۔ جے تَینوُں پیاس دی لگّی اؤڑ، میَنوُں دے جنائیا۔ جوتی جوت سروُپ ہرِ، آپ اپنی کِرپا کر، سد اپنی کھیل کھِلائیا۔ نارد کہے دُرگا نے میری ویکھی نِشانی، نِشانے اُتے چلی آئیا۔ جوُہ چھڈی بیگانی، دوُر دُراڈا پندھ مُکائیا۔ لیکھا مُکایا اسمانی، زِمیں ولّ دھیان لگائیا۔ کِتھے بَیٹھا شاہ سُلطانی، پنڈت جی، میَنوُں دیؤ وکھائیا۔ میَں ہسّ کے کِہا پہلوں میرے کول بوہڑ دی چوٹی تے آ جے تیری وڈّی جوانی، نؤجوانے پھیر تَینوُں دیاں وکھائیا۔ جے تُوں چڑھ نہ سکیں پھیر تُوں میرے سوُرمے دی کدے نہ کریں بدنامی، بدلے دی بھاوَنا نہ کوئے رکھائیا۔ ویکھیں کِتے بُھل کے دھیان دھریں نہ باہرلے تت جِسمانی، پُتلا خاک مِٹی دھیان لگائیا۔ نِگاہ ماریں میرا پاتشاہ تے تیرا شہنشاہ سچکھنڈ دا سُلطانی، درگاہ ساچی سوبھا پائیا۔ اوہ پِچھلی یاد کراؤن آیا کتھا کہانی، سُنبھ نِسُنبھ بھیوَ کُھلائیا۔ اوہ اوس دی کھان آیا مہمانی، جو پانی دا مالک بن کے نانک رہیا ترسائیا۔ جوتی جوت سروُپ
ہرِ، آپ اپنی کِرپا کر، سد اپنا کھیل وکھائیا۔ نارد کہے میَں چھیتی نال بوہڑ توں اُترا، اُتّر پوُرب پچھّم دکھّن دھیان لگائیا۔ سِری بھگوان نے کِہا واہ میریا پُترا، تیری وڈ وڈیائیا۔ میَں بھجّ کے چڑھ گیا کُچھڑا، بُکل وِچ لُک کے جفّی لئی پائیا۔ نالے دسّیا جھگڑا، رو کے دِتی دُہائیا۔ پھیر میرا پوُنجھیا مُکھڑا، صاف دِتا کرائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ میَں کِہا پربھوُ اوہ میرے پِچھے لگّی دُرگا دیوی، دیوَ دیوا میَں کہہ کے پلّوُ آیا چُھڈائیا۔ میَں مندراں وِچ ویکھن گیا کاغذاں دی کھڑی کیِتی نال لیوی، پتّھراں وِچ وڈیائیا۔ سچ دسّ ایہہ کوئی ہےَ وی، کہ اینویں میَنوُں بھےَ وکھائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ پُرکھ اکال نے، نارد کہے، میرا کنّ دِتا کِھچّ، ہلوُنا دِتا لگائیا۔ دھیان دھر جاں ویکھیا گُر اوتار پَیغمبر دیوی دیوت سارے اِس دے وِچ، آپ اپنے وِچ ٹِکائیا۔ پھیر وکھائی اگمّی چِٹ، چِٹھی دِتی پھڑائیا۔ پھیر کِہا میرے چرناں وِچ لِٹ، میَں لیٹ کے اپنے پاسے لئے بدلائیا۔ پِھر کِہا میرے ول ویکھ لا کے ٹِک، میَں ٹِک ٹِکی لئی لگائیا۔ پھیر کِہا اوہ ویکھ رَویداس دی اِٹّ، جو اِٹّاں پتّھراں دا کھہڑا رہی چُھڈائیا۔ میَں تکّن لگّا بِٹ بِٹ، کھیل وکھایا انڈِٹھ، جِس نوُں سمجھے نہ کوئے لوکائیا۔ پھیر ناپ نپایا مَیتھوں سَوا گِٹھ، اپنی دَیا کمائیا۔ پھیر بدلہ کے میری پِٹھ، ٹھوکر اپنے ہتّھ لگائیا۔ جوتی جوت سروُپ ہرِ، آپ اپنی کِرپا کر، مِہر نظر نال ترائیا۔ نارد کہے میَں نِمسکار کیِتی، سیِس جگدیِش جھُکائیا۔ کتھا کہانی دسّی بیِتی، اپنا پردہ لاہیِا۔ پھیر اپنیِاں ناساں وِچ پھیر کے چیِچی، دُھسی دا مِٹی گھٹّا لیا کڈھائیا۔ پھیر بابوُپُر دی وڑ کے وِچ باغیِچی، گُرمُکھ پُھل بوُٹے ویکھے چائیں چائنیا۔ پھیر میَں زور زور دی ماری سیِٹی، دوُر دوُر سُنائیا۔ نالے کِہا اشٹبُھج آہ میَں اوس گاڈی دا ٹیِٹی، جِس اُتے بھگت بھگوان رہیا چڑھائیا۔ میَں کوئی پڑھیا نہیں بی اے بی ٹی، برِسٹ برطانیاں ڈِگری حاصِل نہ کوئے کرائیا۔ ایتھے کوئی جنکشن نہیں بمبے والا وی ٹی، ویِٹو ادھیکار پربھ نے میرے ہتّھ دِتا پھڑائیا۔ میَں کوئی ڈرپوک نہیں گیِدی، رو کے دیاں وکھائیا۔ میرے کول ستّ رنگا جھنڈا اوہ لائن وکھاوے سِدھی، اَگے ہو نہ کوئے اٹکائیا۔ کوئی لوڑ نہیں پَیندی لائن لیِہ دی، بِنا لیَن توں عین دیاں چلائیا۔ کوئی ضرورت نہیں صِفتاں والی تشریح دی، تعریِف کرن والے گُر اوتار پَیغمبر اوسے دا راہ تکائیا۔ آہ ویکھ آسا اوس مسیح دی، جِس نوُں حضرت عیسیٰ کہہ کے سارے سیِس نِوائیا۔ کھیل ویکھ اُس ربّی دی، جو ربےّ عالم محمد سللہّٰ کہہ کے سیِس نِوائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔
نارد کہے میَں پھیر کیِتی شیَطانی، شرع جگت والی دِرڑائیا۔ جے کلجُگ وِچ کریئے بے اِیمانی، مِلدی مات وڈیائیا۔ جے دھوکھا دیئیے مات رُپئیا چوانی دوانی، پَیسیِاں وِچ پاسا اُلٹائیا۔ پھیر سادھوُ سارے مگر لا لؤ جیہڑے کہن چڑھدے منزل روُحانی، ٹّکیاں وِچ خریدو تھاؤں تھائنیا۔ جے پنڈت بن کے سُناواں گرنتھاں والی بانی، وِدیاوان کہے لوکائیا۔ جے مندر مسجد شِودوالے مٹھ گُروُدوارے جا کے مستک رگڑاں پیشانی، پھیر سارے کہن گُرمُکھ چنگا نظری آئیا۔ جے میَں آکھاں میَں سِدھا مِلیا اُس پاتشاہ شہنشاہ پُرکھ اکال جو سب تے کرے مِہربانی، محبوُب میرا نوُر الاہیِا۔ پِھر سارے میَنوُں کڈھن گالی، کہن کِتھوں پربھ دا بھگت آ کے رؤلا رہیا پائیا۔ جن بھگتو ایسے طرح ہی تُہاڈی ہُندی ہانی، میَں تُہانوُں دیاں سمجھائیا۔ جے تُسیں وی اِٹّاں پتّھر کاغذ قلم شاہی تن وجوُد پوُجو جِسمانی، تُہانوُں وی سماج دئے وڈیائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، مِہر نظر نال ترائیا۔ نارد کہے اوہ آ گئی سَتجُگ دی رانی، مہارانی مہارانی مہارانی سوبھا پائیا۔ بھر لیایا ٹھنڈا پانی، امرت جل امرت جل کہہ کے رہیا سُنائیا۔ پڑھی جاوے بانی، ہری اوم تت سَت سُنائیا۔ تکدا جائے نؤجوانی، جوبن ونتی جوبن ونتی جوبن ونتی کہہ کے اپنی اکھّ چُرائیا۔ بولدا جائے بڑی مِہربانی بڑی مِہربانی، پیار دے پیار دے، ستکار دے ستکار دے، اِعتبار دے اِعتبار دے، تیری مِہربانی، جھولی تیرے اَگے ڈاہیِا۔ کہندا جائے میرے دِل دی جان جانی جان جانی، جاننہار وِچ سنسار ایہو نظری آئیا۔ جوتی جوت سروُپ ہرِ، آپ اپنی کِرپا کر، سد اپنا حال سُنائیا۔ اشٹبُھج کہے اُراں آ وے ناردا، ندیِاں دے کنڈھے کیوں بھجّا واہو داہیِا۔ نارد کہے میَں تاں سیوا کردا ساں وانگ گاردا، گنگا گوداوری جمنا سُرستی دی رچّھیا لئی گیا ساں چائیں چائنیا۔ میَنوُں حُکم مِلیا سی باہر دا، سو سیوک ہو کے کار کمائیا۔ بیِبی رانی جے درشن کرنا ای میری سچّی سرکار دا، اِشارے نال اِشارہ دیاں مِلائیا۔ جیہڑا سب دی پَیج سواردا، جُگ چؤکڑی ہوئے سہائیا۔ جیہڑا تیرے ورگے اننت روُپ دھاردا، دُرگا نوُں کر کے مُردا اَگے ہور ویس کر کے تُردا، ایہہ کھیل اگمّا دُھر دا، جِس دی سمجھ کِسے نہ آئیا۔ جد تکّو تے بھگتاں نال ناتا جُڑدا، جد ویکھو تے جگت جہان رُڑھدا، جد جانو گُر اوتار پَیغمبراں توں کمّ لئے اپنی لوڑ دا، ضرورت توں ودّھ کِسے دے ہتّھ نہ کُچھ پھڑائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی ساچی کار کمائیا۔ اشٹبُھج کہے ہو جا میرے اَگے، اَگوں رستہ دے وکھائیا۔ نارد کہے میَنوُں پنج ستّ
اُتوں لاہ لیَن دے جھگّے، تَینوُں ویکھ کے میَنوُں گرمی گئی آئیا۔ کِتے بدو بدی میَنوُں چُک کے نال بہا نہ لئیں اُتے شیر بگّے، ساتھی اپنا لئیں بنائیا۔ کِتے میری سیوا نہ لا دیویں نؤبت اُتے لا ڈگےّ، ڈنکا دے وجائیا۔ میَں پِچھلے ڈؤروُ سارے چھڈے، جھگڑا دِتا مُکائیا۔ میَں اِکو جان دا جیہڑا میرے صاحِب دی چرنی لگّے، پُرکھ اکال دی اوٹ تکائیا۔ اوہدا جھگڑا مُک جائے زِمیں اسماناں مدھے، دو جہاناں پار کرائیا۔ ایہہ کھیل ویکھ لےَ ہُن تے اجےّ، تَینوُں دیاں وکھائیا۔ تخت نِواسی دی جگمگ جوت جگے، جاگرت جوت نوُر رُشنائیا۔ نی دُرگا اوہ تیرے نالوں میرے نالوں گُر اوتار پَیغمبراں نالوں ہُن چڑھ گیا ای بھگتاں غریِباں دے اڈّے، اڈّی چوٹی تائیں زور لا لا، پھیر وی ہتّھ کدے نہ آئیا۔ جے بھگت چاہُن تے پھیر لنگھیئے اُس دی حدے، حد حدوُد پار کرائیا۔ نارد کہے ویکھ میَں اپنے ہتّھ بدھےّ، بندنا کر کے سیِس جھُکائیا۔ جوتی جوت سروُپ ہرِ، آپ اپنی کِرپا کر، گھر ساچا اِک وکھائیا۔ دُرگا کہے میَنوُں منظور، ڈِھل رہے نہ رائیا۔ چل تکّیئے حضوُر، جو ہر ہِردے رہیا سمائیا۔ میَں چار جُگ دا پَینڈا مُکا کے آئی دوُر، سَتجُگ دی چلی کلجُگ انتم پُجی چائیں چائنیا۔ جِس ناتا توڑنا کوُڑ، جوُٹھ جھوُٹھ دینا مِٹائیا۔ اوہدی مستک لائیے دھوُڑ، ٹِکاّ خاک رمائیا۔ تکّیئے اگمّا نوُر، نوُر نوُرانہ ڈگمگائیا۔ درشن کرنا ضرور، ظاہر ظہوُر ہووے رُشنائیا۔ جِس نے سب نوُں کیِتا مجبوُر، بھجےّ آؤن تھاؤں تھائنیا۔ اسیں سارے اوسے دے مزدوُر، سیوا وِچ سیو کمائیا۔ نارد ہسّ کے کہے دُرگا تُوں تے بڑی اُچی لمی وانگ کھجوُر، میرا جی کردا تیرے موڈھیاں تے چڑھ کے دیاں دُہائیا۔ کیوں چاروں کُنٹ کل کاتیِاں پایا فتُور، قتل گاہ بنی لوکائیا۔ دیِن دُنی ہوئی مجبوُر، مُشکل حل نہ کوئے کرائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ نارد کہے دُرگا ویکھ اگمّا سِنگھ آسن، سچکھنڈ ساچے سوبھا پائیا۔ جِتھے بَیٹھے پُرکھ ابناشن، ابناشی کرتا ڈیرہ لائیا۔ جھُکدے پرِتھمی آکاشن، گگن گگننتر سیِس نِوائیا۔ سب دی پوُری ہووے آسن، وِشن برہما شِو دھیان لگائیا۔ جلوہ دیوے باطن، نِرگُن نوُر کرے رُشنائیا۔ ویکھے کھیل تماشن، جُگ چؤکڑی ویس وٹائیا۔ جوتی جوت سروُپ ہرِ، آپ اپنی کِرپا کر،مہر نظر نال ترائیا۔ دُرگا در ٹھانڈے آ کے گئی جھُک، نمستے کہہ کے سیِس نِوائیا۔ میرا لیکھا پِچھلا گیا مُک، اَگے تیرے ہتّھ وڈیائیا۔ شستر اٹّھے دِتے سُٹ، خالی بُھجاں رہی ہِلائیا۔ تُوں میرا میَں تیرا میَں وی گاواں تُک، اِکو وجےّ ودھائیا۔ کِرپا کر ابناشی اچُت، مِہربان مِہر نظر اُٹھائیا۔ سَتجُگ بدل دے رُت، کلجُگ خِزاں دے
مِٹائیا۔ بھگت سُہیلے تیرے پُت، پِتا پوُت گود سُہائیا۔ کِسے نوُں رہے نہ وِچھوڑے دا دُکھ، دُکھیاں درد گوائیا۔ اسیں سارے اُپجے تیری وِچوں کُکھ، انت تیرے وِچ سمائیا۔ اِکو جودھا سوُربیِر بہادر شبدی تیرا پُت، جو آد جُگاد اپنا ویس وٹائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در تیرے منگ منگائیا۔ دُرگا کہے میَں چھڈے سارے شاسن، شستر دھار نظر نہ آئیا۔ تیرے گرِہ کر کے واسن، جگت واسنا دِتی مِٹائیا۔ آون موآ دیس گُروُ جی کا مروُ دیوا چھیا دیوی چھڈیا بھاشن، سنتھا جگت نہ کوئے سُنائیا۔ در تیرے آئی گھاٹن، گھٹّے مِٹی وِچ اپنا پندھ مُکائیا۔ میَنوُں راوی لگّی آکھن، سہج نال سُنائیا۔ جاہ، اجّ نیڑے اوس کٹنی اجّ دی راتن، بہُتا پندھ نہ کوئے مُکائیا۔ میَں کرن لگّ پئی داتن، اپنے ہتّھ اُٹھائیا۔ اپنا ہِردا لگّ گئی واچن، اپنے آپ دی کری پڑھائیا۔ کی میَں اوسے دی ساتھن، جو سب دا پِتا مائیا۔ میَں مستی وِچ اُس دی ہستی وِچ لگّ گئی گواچن، اپنی سُدھ رہی نہ رائیا۔ جاں نِگاہ ماری ویکھیا اپنا جاپن، جپ جپ تھکی جگت لوکائیا۔ سرِشٹی دی درِشٹی ہوئی پاپن، پتت پُنیِت نہ کوئے کرائیا۔ پِھر میَں نِمانی ہو کے پربھ نوُں لگّی آکھن، کہہ کے دِتا سُنائیا۔ میرے سَتگُر صاحِب پُرکھ ابناشن، تیری بےپرواہیِا۔ سَتجُگ سچ لگا دے گُر اوتار پَیغمبر سارے آکھن، میَں وی کہہ کے حِصّہ دِتا پائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، جودھا سوُربیِر سب توں وڈّا راٹھن، ایکو ایک ایکنکارا نظری آئیا۔
۲۱ پھگّن شہنشاہی سمت ۴ سنتا سِنگھ دے گرِہ پِنڈ بابوُپُر ضِلع گُرداس پُر
نارد کہے واہ واہ میرے پربھوُ رنگ، رنگلے دیاں جنائیا۔ امرت ویلا ڈھائی توں پنج، تیرے چرن دوارے اپنی خوشی منائیا۔ پِھر باہر کھلو گیا اُتے اِک ٹنگ، یک ٹنگا دھیان لگائیا۔ پِھر میَں رؤلا سُنیا ڈنڈ، اپنی نِگاہ اُٹھائیا۔ زِمیں ویکھی اسمان ویکھیا کھیل ویکھیا برہمنڈ، آکاشاں اُپر کھوج کھوجائیا۔ جاں نِگاہ ماری بھولا ناتھ چھار مل کے اُتے کنڈ، چلیا آوے چائیں چائنیا۔ ہتّھ ترسوُل کنّی نوُں گھُٹ کے دِتی گنڈھ، پلّوُ مُٹھی راکھ بندھائیا۔ دوُروں پیا کھنگھ، زور دی دِتا سُنائیا۔ میَں ہسّ کے کِہا بھولے ناتھ اجّ کیہڑے
چڑھیوں جنگ، جنگجوُ دے جنائیا۔ تُوں اِکلّا تیرے نال نہیں کوئی سنگ، کِدھروں آیا بن کے پاندھی راہیِا۔ تیری پاربتی کیوں نہیں نال کی اوہدے دودھیِاں دندیِاں والے دند، بالی عمُر ساتھ نہ کوئے نِبھائیا۔ جے مَیتھوں پُچھ لئیں ڈھنگ، اوم ہرے ہرے ہرے تَینوُں دیاں سمجھائیا۔ تُوں اوہ کی رکھی مِٹی دی کندھ، جیہڑی تیرے نال چل کے نہ خوشی منائیا۔ جے چنگا ہوویں، میرے گُردیو، ایہو جِہی پرھاں میَنوُں دے ونڈ، میری جھولی دے پائیا۔ میَں اوہنوُں لےَ کے جاواں گوداوری جمنا سُرستی کنڈھے گنگ، سگلا ساتھ بنائیا۔ نالے اوہناں نوُں جا کے کہاں اوہ ویکھو میَں براہمن نے منگ لیاندی منگ، شِو دی پاربتی میرے پیار وِچ رتّی، مُحبّت وِچ متّی بھجیّ آوے چائیں چائنیا۔ ایہہ میریاں اکھّراں دی پٹّی، جے تُوں کِرپا کر دیویں میری کُھل جائے ہٹّی، گھر ساچے وجےّ ودھائیا۔ ویکھ میَں چار جُگ رنڈیپا لیا کٹی، جُگ چؤکڑی گُر اوتاراں پَیغمبراں کھیل ویکھدا رہیا اکھّیں، میَنوُں کچیچیاں جاندیاں سی جِس ویلے کرِشن سولاں ہزار تِنّ سؤ سٹّھ رکھدا سی سکھی، میرے حِصّے ونڈ نہ کوئے ونڈائیا۔ میَں اِک دِن سوُت دی لےَ کے اٹّی، اوہ اَدھ وِچوں کٹی، پِھر ہتّھاں نال چؤڑی کر کے اوہدی بنائی پٹّی، پٹّی بنا کے پھیر ویکھیا اوہدے اُتے نظری آیا پٹنے والا اِک ماہیِا۔ اون میرے مُنہ تے چپیڑ ماری اگلی گلّ دسّی، کنّوں پھڑ کے ہلوُنیا ایہہ سرِشٹی نیزے اُتے مچّھی، ایہہ ویکھ کے میَنوُں پےَ گئی غشی، دند میِٹ کے میَں اکھّاں لئیاں بدلائیا۔ پھیر میَنوُں ہوش آئی میَں گُر اوتار پَیغمبراں دے اندر جگدی ویکھی موم بتّی، جِنہاں دے کول دیِناں مذہباں دی چھوٹی چھوٹی پتّی، پت پرمیشور سب نوُں بَیٹھا وکھّرا نظری آئیا۔ پھیر میَں وی کِہا گنگا گوداوری جمنا سُرستی کہن ساڈے تٹاں تے ہُندی گتی، دوُجا نام نہ کوئے سُہائیا۔ پِھر میَں کروٹ بدل کے ہو گیا بھار وکھّی، اپنا ہتّھ سِر تے رکھی، اُنگل نال تھوڑی جِہی مِٹی چکھّی، رسنا رس کُچھ نہ آئیا۔ پھیر میَں ویکھیا کی کھیل لکھّ چار اسّی، چؤراسی کی وڈیائیا۔ جاں تکّیا پربھ دے بندھن وِچ سارے پھسی، فَیصلہ سچ نہ کوئے کرائیا۔ پِھر میَں شنکر ولّ تکّیا ایہہ گلّ دسّی، بھولے ناتھ میَنوُں دینا سمجھائیا۔ اوس نے کِہا ایہہ ایتھے رہن دے ٹھپّی، پردہ نہ اَگے کُھلائیا۔ میَں کِہا کیوں، اوس کِہا میری پربھ دے نال گلّ پکّی، فَیصلہ اِکو وار کرائیا۔ جیہڑی تُوں چار کھانیاں وِچو کرنی اُتپتی، برہما سیو لگائیا۔ اُس دا نِشانہ رہن نہیں دینا رتی، ایہہ سیوا میرے حِصّے آئیا۔ اونے چِر نوُں پاربتی آ گئی نسّی، ساہ چڑھیا ہؤکے لےَ کے چرن ڈھٹّھی، مستک دھوُڑی لائیا۔ نارد کِہا تُوں اِس دے نال کیوں نہیں وسی،
تیری کیہڑی وکھّری رہن والی بسی، کیوں وِچھڑ کے اپنا جھٹ لنگھائیا۔ پاربتی کھِڑ کھِڑا کے ہسّی، پنڈتا، لیا تیری سِر وِچ پاواں کچّی لسّی، دُدھ پانی دا میل مِلائیا۔ نارد کہے میَں غُصے وِچ متھے تِیوڑی وٹّی، ویکھیں ہُن اَگے حد نہ ٹپّیں، کُچھ میَنوُں نہ دینا سُنائیا۔ جے کُچھ ہور بچن کڈّھیا میَں چؤتھے جُگ کلجُگ انت تَینوُں ماجھے دی بنا کے جٹّی، پربھوُ دے وس دینا پائیا۔ پھیر بھاویں کنا بھجّیں تے کِنا ٹپّیں، تیرا ٹپّا سُنن والا نظر کوئے نہ آئیا۔ بھاویں کنا شنکر شنکر جپیں، رسنا جِہوا ڈھولے گائیا۔ میَں وی گلّ دسّاں سچّی، ویلے نال سمجھائیا۔ بھاویں میَنوُں سمجھدے ایہہ نارد بڑا گپّی، اپنا راگ الائیا۔ میَں حُکم منّن وِچ بڑا تپی، تپیِشر سوبھا پائیا۔ جوتی جوت سروُپ ہرِ، آپ اپنی کِرپا کر، سد اپنا حُکم ورتائیا۔ نارد کہے بھولے ناتھ جی پربھوُ پربھ شنکر، شُکریہ کر کے سیِس نِوائیا۔ پوُجا تُہاڈی ہونی کہ تُہاڈے پِچھوں پتّھر کنکر، میَنوُں دیؤ جنائیا۔ تُساں دُنیا خوش رکھنی کہ سماں لِیانا بھینکر، میَنوُں دیؤ دِرڑائیا۔ کی وِچار آؤندی انتر، نِرنتر دیؤ سمجھائیا۔ کی تُہاڈا سدا چلیگا شِو شنبھوُ والا منتر، شنکر شنکر سارے گائیا۔ کی تُسیں زِمیں اُتے وسوگے کہ وسو اُتے گگننتر، منڈلاں اُتے ڈیرہ لائیا۔ کیہڑا تُہاڈا ہووےگا جنتر، جنتا نوُں کی دیؤ وڈیائیا۔ کی تُہاڈا ہوئےگا تنتر، طرح طرح دیؤ سمجھائیا۔ کی تُہاڈی ایسے طرح بنی رہیگی بنتر، اَگے ہور نہ کوئے بدلائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ شنکر کہے میَنوُں کر لیَن دے دھیان، اپنی نِگاہ اُٹھائیا۔ تکّیا اُپر اسمان، نیتر نیَن کُھلائیا۔ پُچھیا سِری بھگوان، کی تیری بےپرواہیِا۔ سندیسہ سُنیا مہان، دیِن دَیالے دِتا جنائیا۔ شنکر جی تُسیں میری کِرپا دے مہمان، جِناں چِر چاہواں سیوا دیاں لگائیا۔ پھیر کھیل میرے ہتّھ مہان، جو اُپجے سو رہن کوئے نہ پائیا۔ تُہانوُں بناواں پردھان، پردھانگی تُہاڈے ہتّھ پھڑائیا۔ نؤ سؤ چُرانوے چؤکڑی جُگ پِچھوں خوشیاں مانوُں وِچ جہان، دو جہاناں بھےَ وکھائیا۔ جِس ویلے کلجُگ آوے انت تُہاڈا توڑ مان ابِھمان، اپنا حُکم دیاں ورتائیا۔ بھگت سُہیلے پرگٹ کر نؤجوان، سوُربیِر اپنے آپ پرگٹائیا۔ اوہناں دا مات لوک جیِون لےَ کے بلیدان، جیِوت جی وڈیائیا۔ آپ بن کے صاحِب سُلطان، نِرگُن ویس وٹائیا۔ تُہاڈی جگہ بھوُمکا دے کے اوہناں نوُں استھان، استھاپت دیاں کرائیا۔ نہ اِندر رہے نہ شنکر رہے نہ برہما رہے میری جوتی میرے وِچ مِل جان، میرا روُپ سمائیا۔ ایہہ کھیل آد انت میرا مہان، مہما بےپرواہیِا۔ نارد کہے میَں سُن کے ہو گیا حَیران، پربھ ایہہ کی حُکم جنائیا۔ کِس بِدھ ہووے آپ پردھان، لوک مات
پھیرا پائیا۔ ہُن ویکھیا اکھّیں آن، بِن اکھّاں اکھّ کُھلائیا۔ شنکر جی تُسیں کیوں اینی وار کردے پرنام، میَنوُں دیؤ سمجھائیا۔ نارد کہے تُسیں تے بڑے سوُربیِر بلوان، چؤراسی نوُں مار کھا کے اپنا جھٹ لنگھائیا۔ شنکر کہے نارد جی اجّ دا پروِشٹا بڑا مہان، اِکّی پھگّن ایسے دِن میَنوُں پہلی وار پاربتی مِلی چائیں چائنیا۔ میَں اِکٹّھے ہُندے ویکھے بھگت بھگوان، میَں چھڈ کے ٹِلّے پربت اسمان، بھجّا واہو داہیِا۔ میَنوُں بتھیرا کِہا سب نے رستے وِچ شنکر جی تُسیں تے ساڈے گُردیو، تُسیں کِس نوُں مِلن چلے جہان، لوک مات پھیرا پائیا۔ میَں ہسّ کے کِہا میرا پربھوُ نہ زِمیں نہ اسمان، نہ جیِو نہ جہان نہ دھرم نہ نِشان، جدوں خوشی وِچ آوے اپنی دَیا کماوے، جوت نوُر رُشناوے، سانوُں سِکھیا سمجھاوے، بھگتاں دے اندر وڑ کے اپنا نوُر دئے چمکائیا۔ نارد کہے میَں کچّھاں ماریِاں، بھولے ناتھ جی، پِھر تے بھگت ہو گئے تُہاڈے سانویں، ساریاں دے اِکے گھر نانویں، تُوں جِس نوُں گاؤندا سیَ بہُتا اوہ تے بھگتاں دے ڈھولے گائیا۔ میَں وی روز لُکیا رہندا آں منجی دے ہیٹھاں پاوے، بھار محسوُس نہ کوئے کرائیا۔ بھاویں کوئی رووے بھاویں کُرلاوے، صاحِب میرا بے پرواہ اپنی کرنی کار کمائیا۔ شنکر جی جے میری پِٹھ اُتے اِک وار ہتّھ لاویں، تھاپی دے کے دے وڈیائیا۔ پِھر بھاویں اپنی پاربتی اپنے نال لےَ جاویں، میَنوُں لوڑ رہے نہ رائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، پِچھلے سب دے انت اَخیِر خارج کر دیوے دعوے، اَگے اپنا حُکم ورتائیا۔
۲۱ پھگّن شہنشاہی سمت ۴ رویل کؤر دے گرِہ پِنڈ بابوُپُر
شنکر کہے میَں بھگتاں دین آیا اسیِس، نارد مُنی دینا تُوں وی سیِس نِوائیا۔ جِس نوُں اسیں کہندے آئے جگدیِش، جگدیِشر دُھردرگاہیِا۔ میَں دو جہان تکّیا تاج رہیا کِسے نہ سیِس، تخت نِواسی نظر کوئے نہ آئیا۔ گُر اوتار پَیغمبراں میَں سُنی سچ حدیِث، جو اِکو کلمہ رہے دِھیائیا۔ جِس نے جھگڑا رہن نہیں دینا بیِچ، پردہ دئے اُٹھائیا۔ سانجھا دسّ اگمّا گیِت، جن بھگتاں کرے پڑھائیا۔ جِنہاں سُنیا اوہ چھڈ گئے مندر مسیِت، کعبے ولّ نہ دھیان لگائیا۔ بَیٹھ گئے ہو کے اتیِت، ترےَگُن ڈیرہ ڈھاہیِا۔ درشن کر کے ہوون سیِت، اگنی تت بُجھائیا۔ جِدھر تکاّں چرن کوَل کرن پریِت، دوُجا اِشٹ نہ کوئے منائیا۔ میَں ویکھ ہویا بھےَ بھیِت، بھےَ میرے اندر آئیا۔ کِس
بِدھ پربھ نے اندروں بدل دِتی نیِت، پِچھلا لیکھا گئے مُکائیا۔ نارد نے رو کے ماری چیِک، ہائے، ایہہ کی گلّ سُنائیا۔ شنکر جی، جِس دے وِچ حق تؤفیِق، اوہ جو چاہے سو لئے کرائیا۔ اون کیہڑی منگن جانی کِسے دواریوں بھیِکھ، مانگت ہو کے جھولی ڈاہیِا۔ تُوں ترسوُل بنائی تریَلوکی اُٹھائی، ترےَگُن مایا ڈھاہی بھیت، ترےَبھوَن دھنی کیِتی وڈیائیا۔ اوس دوہاں پاسیِاں توں تِکھی کر کے سیِخ، زِمیں تے رہن والے اسماناں اُتے بہن والے سارے لئے نِوائیا۔ آپ بَیٹھ کے سچ سِنگھاسن اتیِت، تار سِتار اپنی آپ ہِلائیا۔ میَں تے نکّ نال کڈھاں لیِک، لما پےَ کے نارد اِک دو تِنّ چار پنج لیکاں دئے کھِچائیا۔ میَں تے چرن چٹّاں نال جیِبھ، ایہہ ریِتی موہے بھائیا۔ جِس نے سانجھی کیِتی ترتیِب، طریقہ اِک دِرڑائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ شنکر کہے میَں صاحِب سوامی آیا جھُکن، نِو نِو سیِس جھُکائیا۔ اگلا حُکم آیا پُچھن، کی میری سیو لگائیا۔ شنکر کِہا سَتجُگ بلدھاری لگّا اُٹھن، قدم اندروں باہر کڈھائیا۔ اوس ہسّ کے کِہا میرا صاحِب لگّا تُٹھن، دئے مات وڈیائیا۔ کلجُگ ڈورا لگّا ٹُٹن، ٹُٹی گنڈھ نہ کوئے پوائیا۔ کوُڑ کُڑیارا لگّا لُٹن، گھر گھر اپنا پھیرا پائیا۔ بھاگ لگا کے گُرمُکھاں پُتن، پِتا پوُت گود سُہائیا۔ جوتی جوت سروُپ ہرِ، آپ اپنی کِرپا کر، مِہر نظر نال ترائیا۔ شنکر کہے میَں ویکھے بھگت سُہیلے سنگی، سوہنے نظری آئیا۔ جِتھے پِھرن گوداوری جمنا سُرستی گنگی، گوبِند دھیان لگائیا۔ دیِن مذہب دی نہیں پابندی، شرع ونڈ نہ کوئے ونڈائیا۔ نام کلمے دی نہیں ڈنڈی، مارگ اِک چلائیا۔ شستر پھڑیا نہیں کوئی جنگی، تیِر کمان بھتّھا کندھ ٹِکائیا۔ جھگڑا فساد نہیں کوئی دنگی، مِہر نظر اُٹھائیا۔ جِس دوارے جاندا لنگھی، اوہ بیڑا بھگتاں پار کرائیا۔ کِسے در رہن نہ دیوے خانہ بندی، بندھن رہیا تُڑائیا۔ فریب کرے نہ کوئے پکھنڈی، دھوکھے دھار نہ کوئے جنائیا۔ بھرماں ڈھاہ کے اندروں کندھی، کرے پریم صفائیا۔ من واسنا رہے نہ گندی، امرت رس جام پیائیا۔ ایہو کاریا کھیل میرے آئی پسندی، میَں نِیوں کے سیِس نِوائیا۔ جوتی جوت سروُپ ہرِ، آپ اپنی کِرپا کر، مِہر نظر نال ترائیا۔ شنکر کہے میَں شبد سُن دا رہیا اگمّی چوج، راوی کنڈھا دھیان لگائیا۔ کی کھیل کرے روز بروز، رازق رحیِم بےپرواہیِا۔ میَں رؤلا سُنیا لوک پرلوک، برہمنڈ کھنڈ سرب سُنائیا۔ کر پرکاش نِرمل جوت، پُرکھ اکالا سوبھا پائیا۔ جگت جہان وِچوں جن بھگت لُٹی جان مؤج، باقی نظر کِسے نہ آئیا۔ ویکھ عجب نِرالا چوج، میرے انتر لئی انگڑائیا۔ میَں وی درشن کارن ایتھے گیا پہنچ، چلیا چائیں چائنیا۔ میری پِچھلی
ہٹ گئی سوچ، اَگے حُکم رضائیا۔ میَں چاہُندا شنکر کہے مُنی جی تُسیں وی اُٹھو جن بھگت سارے زور نال پنج ویر گاون اوہ سلوک، سوہنگ مہاراج شیرسِنگھ وِشنوُں بھگوان دا نعرہ لائیا۔ نارد کہے میَں نہیں منّیا میَنوُں ایَں جاپیا تُسیں کڑاہ کھاوَن والی فؤج، جَیکارے اُتے زور نہ کوئے لگائیا۔ ایہو تُہاڈی بھگتی ایہو تُہاڈا جوگ، اِس وِچ لوک لجّیا کی رکھائیا۔ جے بھگتو تُسیں گا نہیں سکدے پربھوُ دے نام والا سلوک، پِھر اُچی اُچی گلّاں کر کے اپنا من لَوو پرچائیا۔ نارد کہے میَں روز تکدا جَیکارا بُلاوَن ویلے کِسے دے اندر آؤندا نہیں جوش، جوشیلاپن نہ کوئے رکھائیا۔ میَں تے سچ کہن آیا جیہڑا مُکھوں رہندا خاموش، اوس نوُں پربھ دیوے نہ کوئے وڈیائیا۔ گُرسِکھ نوُں جَیکارا نہ بولن نالوں چنگی مؤت، جیہڑی جنم لئے بدلائیا۔ ایہہ کوئی بناؤٹی نہیں شؤق، ایہہ شُروُع دی رمز اِک رکھائیا۔ جِس دے کول بولن دی نہیں پہنچ، اوہ بیننتی کر کے اپنا پلّا لؤ چُھڈائیا۔ جے کوئی ہو جائے فؤت، پِھر سارے کِس بِدھ رؤلا پائیا۔ جے جھگڑے نال ہو جاوے کِسے نال ادؤت، پِھر دوُر دُراڈیاں دین سُنائیا۔ نارد کہے میَں ایسے کارن آیا جو کِسے نہیں کِہا اوہ میَں کہہ دینا سلوک، کیوں بُرا کہہ کے اَگے سارے میَنوُں گائیا۔ جُگ چؤکڑی میَنوُں سارے رہے ٹوک، غُصّے وِچ اکھّاں لال کڈھ ڈرائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، سب دی آسا منسا پوُری کرے لوچ، لوچا لوچن والی اپنے نال مِلائیا۔
شنکر کہے میری بیننتی پربھوُ دا اِشارہ، بھولا ناتھ ہو کے دسّن آئیا۔ پہلوں کراں دوئے ہتّھ جوڑ نِمسکارا، نِمسکار کرنی سب نوُں دیاں سِکھائیا۔ پھیر نیتر میٹ انتر کراں دیِدارا، صوُرت سَتگُر سوبھا پائیا۔ پِھر اِک گُرمُکھ کھڑا ہو کے اَگے بولے جَیکارا، اوناں چِر دوُجا مُکھوں آواز نہ کوئے سُنائیا۔ پِھر ویکھیو کِس بِدھ ساچے نام دا بھرے بھنڈارا، اُونا رہن کوئے نہ پائیا۔ سب دا اِکو ہووے پیارا، اِکو آواز دئے سُنائیا۔ وکھری وکھری بولی نہ ہووے جِویں لڑدیِاں ہون گٹاراں، اپنا راگ سُنائیا۔ ایہہ غلطی نہیں کرنی بُھل کے دوبارہ، اِکو وار دِتا جنائیا۔ جِس گھر وِچ ہووے ایہہ وِہارا، اوہ اوس ویلے چرن کوَل جھُک کے اپنا سیِس چرناں اُتے ٹِکائیا۔ شنکر کہے میرے
صاحِب نے میَنوُں دِتا ہُلارا، میَں بھجّا آیا وِچ سنسارا، جن بھگتو ادھیِنگی وِچ تُہانوُں دیاں جنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا مالک سچ دی ریِتی سچ نال چلائیا۔
۲۱ پھگّن شہنشاہی سمت ۴ دلیِپ سِنگھ دے گرِہ پِنڈ بابوُپُر
شنکر کہے گُر اوتار پَیغمبر ہسّے، سچکھنڈ ساچے خوشی منائیا۔ کوَن سِکھیا ساچی دسےّ، کرے اگمّ پڑھائیا۔ سوادھان ہو گئے پربھ دے سارے بچّے، جن بھگت وجّی ودھائیا۔ پَیغمبر کہن پِھری دروہی مدیِنے مکّے، کعبے رہے کُرلائیا۔ اوتار کہن ویکھے مندر شِودوالے مٹھے، رام نرائن نہ کوئے وڈیائیا۔ ایہہ کھیل اگمّے انوکھے رسنا جیہڑی جپے، جپ جیِوت راگ الائیا۔ ترےَگُن وِچ نوُر نہ تپے، اگنی اگّ نہ کوئے جلائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ شنکر کہے میَں کر کے آیا عرض، آرزو دیاں جنائیا۔ سمجھ کے اپنا فرض، دھرم جَیکارا دِتا لگائیا۔ بھگوان دی پوُری ہوئی غرض، ترِسنا رہے نہ رائیا۔ گُرمُکھاں جیِون مرن دی مِٹی مرض، چؤراسی وِچ نہ کوئے پِھرائیا۔ شرع چُھری نہ کٹے کرد، قاتل مقتُول روُپ نہ کوئے وکھائیا۔ مایا ممتا مِٹی گرد، دُرمت مَیل رہی نہ رائیا۔ ایہو کھیل سدا اسچرج، جُگ چؤکڑی اپنا حُکم ورتائیا۔ جودھا سوُربیِر مردانہ بن کے مرد، جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، دُھر کرتا وڈ وڈیائیا۔ شنکر کہے میَں دسّ کے آیا ریِت، ریِتیوان دِتی وڈیائیا۔ آتم پرماتم دُھر دا گیِت، پُرکھ اکالے سانوُں دِتا سمجھائیا۔ وِشن برہما شِو اسیں سارے ایسے کارن نِواؤندے سیِس، چرن دھوُڑی خاک رمائیا۔ نِرگُن نِرگُن بنی رہے پریِت، بِپریِت روُپ نہ کوئے وٹائیا۔ صاحِب سوامی رہے میِت، مِتر پیارا نظری آئیا۔ جھگڑا رہے نہ ہست کیِٹ، اوُچ نیِچ نہ کوئے وڈیائیا۔ دیِن مذہب دی میٹے لیِک، آتم برہم اِک سمجھائیا۔ جِس دے وِچ سچ تؤفیِق، مِہربان مِہربان مِہربان سِر اپنا ہتّھ رکھائیا۔ جوتی جوت سروُپ ہرِ، آپ اپنی کِرپا کر، سد اپنا حُکم ورتائیا۔ شنکر کہے میَنوُں پُچھن لگّا برہما، برہمادک دھیان لگائیا۔ کی پربھوُ چلاوے دھرما، دھرم دھار ونڈ ونڈائیا۔ میَں ہسّ کے کِہا لیکھا مُکا کے ورناں برناں، ذاتی پاتی ڈیرہ ڈھاہیِا۔ ایکا اوٹ جناوے پُرکھ اکالا چرناں، چرنودک جام اِک پیائیا۔ جھگڑا مُکا کے جمنا مرنا، لکھ چؤراسی ڈیرہ ڈھاہیِا۔ نیتر کھول کے ہرنا
پھرنا، نِج لوچن کرے رُشنائیا۔ امرت دے کے اگمّا جھِرنا، بوُند سوانتی اِک ٹپکائیا۔ اوُچ نیِچ دی رہے کوئی نہ گھِرنا، کھتری براہمن شوُدر وَیش اِکو در سُہائیا۔ دو جہاناں نؤجوانا مرد مردانہ صدی چؤدھویں کلجُگ انت آپے کرے نِرنا، نر نرائن اپنا ویس وٹائیا۔ تیِرتھ تٹ کنارہ بھگت کِسے پئے نہ پِھرنا، گنگا گوداوری جمنا سُرستی گُرمُکھاں دے چرناں ہیٹھ دبائیا۔ شاستر سِمرت وید پُران اِنجیِل قرآن کھانی بانی چار جُگ دا نام پئے نہ پڑھنا، پُستک بغل نہ کوئے ٹِکائیا۔ تُوں میرا میَں تیرا آتم پرماتم پرماتم آتم دوہاں نے اِکو منزل چڑھنا، موہ مُحبّت وِچ اپنا رنگ رنگائیا۔ پاربرہم برہم پلّوُ آپے پھڑنا، سُرتی شبد نال جُڑائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، اپنے ہتّھ رکھے وڈیائیا۔ شنکر کہے میَں دسّیا نال ادھیِن، ادنیٰ روُپ وٹائیا۔ سب نوُں آیا یقیِن، بھروسہ اِک وکھائیا۔ سب توں وکھری تعلیِم، نِرگُن سرگُن کرے پڑھائیا۔ رہے نہ کوئے غم گین، چِنتا چِکھا جلائیا۔ سارے کہن آمیِن، کامل مُرشد بےپرواہیِا۔ جِس اِکو رنگ رنگاؤنا نر مدیِن، وڈّا چھوٹا نہ کوئے رکھائیا۔ جِس دا کھیل آد قدیِم، قُدرت دا کرتا بےپرواہیِا۔ جوتی جوت سروُپ ہرِ، آپ اپنی کِرپا کر، سد اپنا حُکم ورتائیا۔ شنکر کہے سُنو حُکم اگمّا، اگمّ دیاں جنائیا۔ جھگڑا رکھیو نہ ماٹی چمّا، چمّ درِشٹی دینی بدلائیا۔ پربھ دا مارگ نَواں، نوَ کھنڈ وجےّ ودھائیا۔ میَں سچ سندیسہ کہواں، کہہ کے دیاں سُنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، دُھر دا حُکم کرے رواں، روانگی سب دے ہتّھ پھڑائیا۔
۲۲ پھگّن شہنشاہی سمت ۴ وِرثا سِنگھ دے گرِہ پِنڈ بابوُپُر
نارد کہے میَں کبیِر کولوں آیا، خوشیاں وِچ پندھ مُکائیا۔ اَگے سوہنی نؤجوان ویکھی پنج تت کایا، روُپ انوُپ وٹائیا۔ نیتر کجّل دھار سُہایا، بِندی مستک وِچ لگائیا۔ سوہنا اپنا سیِس گُندایا، مینڈھی پٹّیاں والی وڈیائیا۔ بڑا رسیِلا راگ الایا، کوئی آوے میرا ماہیِا۔ میَں کنت نہ کدے ہنڈھایا، جوبن ونتی سوبھا پائیا۔ چاروں کُنٹ چکّر لگایا، لکھّ چؤراسی ویکھی تھاؤں تھائنیا۔ میَنوُں سوُربیِر نظر کوئے نہ آیا، جودھا اپنا بَل پرگٹائیا۔ نارد کہے پھیر جھٹ اُس نے نیتر نیَناں نیِر وہایا، رو کے دِتا سُنائیا۔ میرا بھائی بھَین مات
پِت سِر تے دیوے کوئی نہ چھایا، سکھا سکھائی نظر کوئے نہ آئیا۔ میرا اَگا پِچھا رہیا کوئی نہ رایا، جنگل کوُکاں دیاں دُہائیا۔ پھیر جھٹ اوس نے اپنا روُپ بدلایا، ہسّ کے دِتا وکھائیا۔ میَں تے سنتاں بھگتاں دی آیا، دھرنی دھرت دھوَل اُتے دیاں کھِلھائیا۔ پھیر اوس نے کُچھ مِٹھا رس کر کے کھایا، میَنوُں وکھا کے اپنے مُنہ وِچ پائیا۔ پھیر گھُنڈ کڈھ کے اپنا نیَن مٹکایا، ٹیڈھی اکھّ ویکھ وکھائیا۔ پھیر تن شِنگار سجایا، اپنی لئی انگڑائیا۔ پھیر کمر ہتّھ ٹِکایا، دوُجا متھے اُتے رکھائیا۔ پھیر بےتالا قدم اُٹھایا، ناچ دِتا وکھائیا۔ اِک گیِت انوکھا گایا، میَنوُں دِتا سُنائیا۔ وے تُوں کیہڑی ماں دا جایا، پِتا کوَن اکھوائیا۔ تَینوُں کِس نے گود ٹِکایا، میَنوُں دے سمجھائیا۔ تَینوُں کِس نے تیرا بھیوَ کُھلایا، پردہ دے اُٹھائیا۔ تَینوُں کِس نے ایس راہے پایا، بھجّا واہو داہیِا۔ تَینوُں کِس نے اؤجھڑ راہ وکھایا، سچ دی دھار نہ کوئے دِرڑائیا۔ نارد کہے جاں مُنہ تکّیا اوس اپنا ہور دا ہور روُپ بدلایا، بِنا بُھجاں توں نظری آئیا۔ جِدھر ویکھاں اودھر اوہدی چھایا، چارے کُنٹ سوبھا پائیا۔ جھٹ اوس نے رنگلا پیِڑھا ڈاہیِا، سورن چاندی نظری آئیا۔ اُس دے اُتے سِنگھاسن وِچھایا، بستر سوہنا دِتا ٹِکائیا۔ پھیر میَنوُں آکھ سُنایا، سُن وے جاندیاں راہیِا۔ تُوں کیوں بنیا پرایا، میَں تیری نظری آئیا۔ نالے ہائے ہائے کر سُنایا، دُہتّھڑ مار کے پٹی نیتر نیَناں نیِر وہائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ اپنی کار کمائیا۔ نارد کہے میَں اَگے تُریا، اپنا قدم اُٹھائیا۔ اون میَنوُں ہسّ کے کِہا وے کِتھے جاندا نِگُریا، اَیویں پندھ مُکائیا۔ کِس وہن جانا رُڑھیا، میَنوُں دے سمجھائیا۔ تیرا ناتا کِسے نال نہیں جُڑیا، اَیویں وقت رہیا گوائیا۔ میرے آکھے پِچھے مُڑیا، مُڑ مُڑ رہی سُنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی دھار اِک سُنائیا۔ نارد کہے میَں اَگے چُکیا قدم، اوس نے اپنا پَیر چُک کے میَنوُں دِتا وکھائیا۔ ویکھ میرے چرناں وِچ پدم، میَں پدما رانی دُھر دی نظری آئیا۔ پِھر قمیِض لاہی اُتوں بدن، سوہنا روُپ دِتا چمکائیا۔ پِھر ہسّ ہسّ کے دندیِاں لگّی کڈھن، مُسکراہٹ وِچ اپنی کروٹ بدلائیا۔ پِھر جھٹ سِر تے مُکٹ پا لیا میَنوُں کہے میَں مُکند منوہر مدن، لکشمی میری دھار سمائیا۔ میَں تَینوُں آئی سدّن، کھوجاں تھاؤں تھائنیا۔ اِکلّی آئی لبھن، ساتھی ہور نہ کوئے مِلائیا۔ ویکھیں میرا بچن نہ کریں اُلنگھن، تَینوُں دیاں جنائیا۔ میَں اِکو وست آئی منگن، میری جھولی دینی پائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ اپنی کار کمائیا۔ نارد کہے میَں حَیران ہو کے پےَ گیا سوچیں، ایہہ کؤن تے کیوں رہی بُلائیا۔
میری واٹ اجے بہُتی، میَں پُجنا چائیں چائنیا۔ ایسے سمیں وِچ اوس نے جھٹ روُپ بنایا اِک کھوتی، ہیِنگ ہیِنگ کے دِتا سُنائیا۔ میَں حَیران ہو گیا پِھر بن گئی بڑی سوہنی بوتی، دھؤن لمی کر ہِلائیا۔ میَں پھیر تکّیا اوہ چڑھ گئی درخت دی چوٹی، اُتے چڑھ کے ویکھ وکھائیا۔ میَں پھیر تکّیا اوہ بن گئی اگمّی کاہن دی گوپی، اپنا روُپ بدلائیا۔ میَں پھیر ویکھیا اوہ ہتّھ وِچ پھڑ کے سوٹی، میَنوُں بھےَ رہی جنائیا۔ میَں پھیر ویکھیا ہتّھ اُتے رکھ کے روٹی، میرے ولّ بُرکیاں رہی پائیا۔ میَں پھیر ویکھیا اوہ میَنوُں کہے تُوں میرا میَں تیری اِکو گوتی، گوتم دا روُپ بَیٹھی بدلائیا۔ میَں پھیر ویکھیا اوہ احلیا بن کے اُنگل رکھی اُتے ٹھوڈی، سہج نال جنائیا۔ میَں تیرے ہتّھ لاواں گوڈیں، مُنی جی دینی وڈیائیا۔ پھیر جھٹپٹ سِر توں بن گئی روڈی، اپنی ٹِنڈ رہی ہِلائیا۔ پھیر اِک دم ویس دھر لیا وانگ جوگی، کپڑے گیروُ تن چُھہائیا۔ پِھر چھیتی نال بن گئی جگت واسنا بھوگی، ویہہ تیہہ بچّے پِچھے رہی وکھائیا۔ میَں پھیر ویکھیا اوس ہتّھ وِچ پھڑ کے پوتھی، اوم اوم اوم دِتا سُنائیا۔ میَں پھیر ویکھیا اوہ بن کے نؤجوان دھوبی، شوُہ شوُہ کر کے کپڑے رہیا دھوائیا۔ نارد کہے میَں پھیر ویکھیا اوس نے میرے نالوں لمی بنا لئی بودی، اِشاریاں نال جنائیا۔ میَں پھیر ویکھیا اوہ میرے نال گلّاں کرے گھروگی، جِویں اِکٹّھیاں رہ کے جھٹ لنگھائیا۔ میَں حَیران ہو گیا چھیتی نال مار کے چھال چڑھ گئی میرے موڈھیِں، اکھّاں اُتے ہتّھ رکھ کے اکھّاں دِتیاں دبائیا۔ میَں ڈر گیا اوس نے میَنوُں اِک ہیِرا وکھایا بن جا لوبھی، تیری جھولی دیاں بھرائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، مِہر نظر اِک اُٹھائیا۔ نارد کہے میَں اکھّاں لئیاں میٹ، زور نال بند کرائیا۔ اوس نے میریِاں لتّاں وِچ وڑ کے ماری چیِک، زور نال سُنائیا۔ نالے گایا وِچھڑ گیاں دا گیِت، وِچھوڑے والا کمّ کِسے نہ آئیا۔ نالے میَنوُں غُصّے وِچ کِہا تُوں بڑا ڈھیِٹھ، کیوں بَیٹھا مُکھ بھوائیا۔ پھیر لتّ ماری پیِٹھ، کمر دِتی ہِلائیا۔ پھیر میَنوُں بودی توں لیا گھسیٹ، ایدھر اودھر دِتا بھوائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، بھیوَ ابھیدا دئے کُھلائیا۔ نارد کہے اِک دم اوہ بن گئی سوہنا نؤجوانا پوپ، گُڈ گائیڈ کہہ کے سُنائیا۔ ہَیٹ پَینٹ پا کے ٹوپ، چلے چائیں چائنیا۔ میرے اُتے ہو کے کروپ، میَنوُں رہی ڈرائیا۔ میرے اندر آیا خؤف، میَں پِچھا لیا بدلائیا۔ اوس نے میرا نؤہاں نال لؤہنا شُروُع کیِتا پوش، کھلڑی دِتی اُلٹائیا۔ میَں ڈر گیا ڈرپوک، تھر تھر کمب کے دِتی دُہائیا۔ پِھر جھٹپٹ اوس نے روُپ دھار لیا خرگوش، زور نال بھجّا اپنا بل ودھائیا۔ اونے چِر نوُں
میَنوُں آ گئی ہوش، میَں اکھّاں لئیاں کُھلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سد اپنا حُکم ورتائیا۔ نارد کہے میَں پھیر ویکھیا سوہنی جوبن ونتی، نؤجوان نظری آئیا۔ تن بستر پہن بسنتی، سوہنا روُپ چمکائیا۔ تُوں میرا میَں تیرا گا کے پنگتی، میَنوُں دِتی سُنائیا۔ کہے میَں وِدیا پڑھی نہیں کِسے کولوں پنڈتی، اکھّراں نال نہ کوئے وڈیائیا۔ میَں آسا نہیں کِسے من دی، خواہش نہ کوئے جنائیا۔ میَں سروتی نہیں کِسے کنّ دی، سروناں نال نہ کوئے وڈیائیا۔ میَں لالچن نہیں کِسے دھن دی، مایا وِچ ہلکائیا۔ میَں ادھارن نہیں کِسے گلّ دی، گلّاں باتاں وِچ نہ کوئے ریجھائیا۔ میَں پیاسی نہیں جل دی، تیِرتھ تٹاں ویکھ وکھائیا۔ میَں ونجارن نہیں تھل دی، کوُک کوُک سُنائیا۔ میَں آسا نہیں بل دی، جو باوَن راہ تکائیا۔ میَں واسن نہیں نِہچل دھام اٹل دی، جو سچکھنڈ ساچے سوبھا پائیا۔ ناردا میَں تے پِھردی کل دی، ایدھر اودھر اپنا وقت لنگھائیا۔ میَں اُڈیِک کردی ساں اوس پل دی، جِس پل وِچ پلک نہ ہووے جُدائیا۔ مُنی جی میَں اوہ ترےَگُن مایا جیہڑی سنتاں تے بھگتاں نوُں چھلدی، سب دے کِیتے کتایاں اُتے پانی دیاں پِھرائیا۔ میَں اِس کر کے تیرے ورگیاں دا راہ ملّدی، جیہڑے دو جہاناں نوُں سِکھیا دے دے رہے سمجھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، جِس دا چرن دوارا آد انت ملّدی، میرے پِچھے ویکھ ملک اُلمؤت چرن چمُّن واسطے آئیا۔
۲۲ پھگّن شہنشاہی سمت ۴ بیِبی کرتار کؤر درشن کؤر دے گھر پِنڈ بابوُپُر
نارد کہے جن بھگتو میَنوُں دیؤ تھاپی، تھپکی دیؤ لگائیا۔ میَں بڑا وڈّا پرتاپی، پرتاپ والیاں ویکھ وکھائیا۔ میَں بڑا وڈّا جاپی، جُگ جُگ نام دِھیائیا۔ کڈھ کے اپنی کاپی، ورقے رہیا اُلٹائیا۔ ہسّ کے کہے میَں منّی نہیں اُس موہنی دی آکھی، جو اَنک روُپ بدلائیا۔ میَں بھجّا آیا پہلاں مِلاں جا کے اپنے ساتھی، جو جن بھگت بَیٹھے سوبھا پائیا۔ جے بھےَ نہ ہُندا پُرکھ سمراتھی، میرا من نہ دھیِر دھرائیا۔ میَں کتھا کہانی دسّاں ساچی، سچ دیاں دِرڑائیا۔ کدی لوبھ نہ کرِیو کایا ماٹی کاچی، تن وجوُد سد رہن نہ پائیا۔ جوتی جوت سروُپ ہرِ، آپ اپنی کِرپا کر، میرا لیکھا دِتا مُکائیا۔ پھیر کہے میَنوُں پِچھوں آواز پئی ناردا تُوں نہیں آیا قابوُ، میَں ہور کھیل دیاں
کھِلائیا۔ میَں ہسّ کے کِہا میَں غریِب پِیو دا پُت نہیں وادھوُ، تیرے ورگیاں دے پِچھے بھجّاں تھاؤں تھائنیاں۔ شاید ڈول جاندا جے میرا صاحِب نہ آیا ہُندا پِنڈ پُر بابوُ، جو بابل دُھردرگاہیِا۔ جاہ تیِرتھ تٹاں اُتے اٹّھاں سٹّھاں اُتے جا کے لبھ لےَ جیہڑے مستک تِلک لگاؤندے سادھوُ، ایہہ سِدھے سادے جٹّ تیرے ہتّھ کدے نہ آئیا۔ تیرا کھیل چار جُگ دا آکڑ خاں تے ناڈھوُ، اپنے بَل وِچ اپنا آپ بچائیا۔ تیرا چلن نہیں دینا اَگے ہُن ممتا والا جادوُ، جادوُگرنیئیں تَینوُں دھکاّ دِتا لائیا۔ یاد کر لا تُوں ویس وٹایا سی جِس ویلے گوبِند گیا سی کول دادوُ، دعوے نال اپنا قدم اُٹھائیا۔ تُوں کھیل کھِلایا سی وَیراگی داس مادھوُ، مادھو داس دِتا بُھلائیا۔ جوتی جوت سروُپ ہرِ، آپ اپنی کِرپا کر، سد اپنا رنگ رنگائیا۔ نارد کہے سُن نی ترےَگُن مایا، موہنیئیں انہونیئیں تَینوُں دیاں جنائیا۔ تیرا کِسے کمّ نہ آوے ایتھے نیَن مٹکایا، جوبن دی قیِمت نہ کوئے رکھائیا۔ جِنہاں دے سِر تے میرے پُرکھ اکال دا چھایا، مِہر نظر اِک اُٹھائیا۔ اوہناں اِکو دے چرن دھیان لگایا، دوُسر اکھّ نہ کوئے مِلائیا۔ تُوں تے چھوٹا ڈھولا گایا، جن بھگت تُوں میرا میَں تیرا گا کے پربھ دا درشن پائیا۔ میَں سچ دا سُخن سُنایا، تَینوُں انبولت دِتا جنائیا۔ ایتھے ویکھ لےَ نہ کوئی اپنا نہ کوئی پرایا، سارے اِکو رنگ رنگائیا۔ جِس دا لہنا اوہو رہیا چُکایا، چُکّنی تَینوُں دیاں کرائیا۔ کنّاں نوُں ہتّھ لا لا جے کدی جن بھگت اپنے جال وِچ پھسایا، تَینوُں ملِے سخت سزائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ سنیہُڑا اِک سُنائیا۔ ترےَگُن کہے نارد جی اَیویں نہ پا رؤلا، بول بول سُنائیا۔ میَنوُں وی اوسے بنایا مؤلا، جو ہر گھٹ رہیا سمائیا۔ اوسے نے چکھائی اپنی پاہُلا، امرت رس چوائیا۔ اوسے نے گھلیا اُپر دھؤلا، دھرنی دِتی ٹِکائیا۔ اوسے نے کیِتا اِقرار قؤلا، وعدہ لیا بنائیا۔ اوسے نے رکھیا میرے اندر اوہلا، پردیاں وِچ چُھپائیا۔ اوسے نے میرا بنا کے ڈولا، چؤہ جُگاں دے کندھیاں اُتے دِتا ٹِکائیا۔ اوسے نے میَنوُں جُگ جُگ کھِلایا ہولا، ہولی جگت والی بنائیا۔ اوسے نے مَیتھوں وڈّیاں وڈّیاں دے سِر وِچ مروایا پؤلا، مان ہنکار دِتا گوائیا۔ اوسے نے سادھاں سنتاں دا خالی کرایا تؤلا، کایا گڑھ کیِتی صفائیا۔ اوسے نے میرے کولوں راون دا فرکایا ڈؤلا، سیِتا نوُں چُک کے بھجّا چائیں چائنیا۔ اوسے نے رُکمنی دے پِچھے کرِشن دے مگر لایا رُکمن دے ساتھیاں دا ٹولا، ہاہاکار دِتی مچائیا۔ اوسے نے میرے کولوں دروپدی چیِر لُہائے بچن دے کے پولا، اپنی کار کمائیا۔ وے ناردا، اوتار جے کوئی وڈّا آیا تے دھار کے کلا سولہ، سولاں کلا والیاں نوُں میَں گوپیاں دے پِچھے دِتا بھوائیا۔ جے کوئی پَیغمبر آیا
پا کے ہرا نیِلا چولا، میَں شاہ علی ورگے نارد دے بھروسے اُتے گھات دِتے کرائیا۔ میرے نال گلّ پھیر کریں پہلاں اپنا مُنہ دھو لا، پِچھلی مَیل لُہائیا۔ اَیویں نہ بھگتاں وِچ وڑ پہلوں اپنے آپ نوُں بنا لا ایس پربھوُ دے در دا گولا، غُلاماں والی سیو کمائیا۔ ایہہ سماں وقت انمولا، انمُلڑا ہتّھ پھیر نہ آئیا۔ دُنیا دے شاستر وید پُران اِنجیِل قرآن گیِتا گیان کھانی بانی بنی وِچولا، بھگتاں دا وِچولا شبد گُروُ گُر گوبِند لیا بنائیا۔ جِس دا مُحبّت والا ہولا، فتح والا بولا، ڈنکا پُرکھ اکال جنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، ساچے کنڈے سب نوُں رہیا تولا، تولنہار اپنی دَیا کمائیا۔