کتب خانہGranth 21 (Shahmukhi)

۲۲ پھگّن شہنشاہی سمت ۴ مُنشا سِنگھ دے گھر پِنڈ بابوُپُر ضِلع گُرداس پُر

نارد کہے جِس ویلے دروپدی دا ہُندا سی ویاہ، گھر دروپد وجّی ودھائیا۔ میَں مل کے پِنڈے اُتے سواہ، لنگوٹی تیڑ لئی رکھائیا۔ سچ دوارے پہنچیا آ، آہ زور دی لگائیا۔ کُچھ میَنوُں دیؤ کھوا، بُھکھا ننگا دیؤ رجائیا۔ ساریاں ہسّ کے کِہا ایہنوُں ہویا شُدا، بےعقل کِدھروں گیا آئیا۔ اِک حکیِم اُٹھیا اوہ کہندا میَں دیاں دوا، پُڑی بغل وِچوں کڈھائیا۔ نارد کہے میَں تُوں ہی تُوں ہی کہواں، کہہ کہہ دِتا سُنائیا۔ نالے دسّیا ہُن جُگ بدل جانا نَواں، اُس جُگ دی ہونی میَنوُں دروپدی نظری آئیا۔ اوہناں پھڑ کے بنّھ دِتیاں میریاں باہواں، پُٹھا دِتا لٹکائیا۔ میَں بتھیرا شور پاواں، اوُچی کوُک کوُک سُنائیا۔ بہُڑی میَں پردیسی نِتھاواں، منگن آیاں کیوں گل وِچ پےَ گئی پھاہیِا۔ ہُن میَں کِدھر نوُں جاواں، رو رو دِتا سُنائیا۔ پھیر میَنوُں غُصّہ چڑھیا میَں کِہا او کرِشنا، اوہ کاہنا، تُوں تاں پنجاں نوُں اِک نال دواؤن آئیوں لاواں، تے میریِاں اِک دیِاں لاواں کیوں پنجاں نالوں تُڑائیا۔ میرا ہؤکے وِچ نِکلیا ہاوا، ہائے ہائے کیِتی دُہائیا۔ کرِشن کول آیا نال چاواں، ہسّ کے دِتا وکھائیا۔ اوہ ناردا پکھنڈیا دسّ ہُن تَینوُں کِس بِدھ بچاواں، میَنوُں دے سمجھائیا۔ میَں کِہا تریَلوکی ناتھ جِس طرح پُتر اُٹھاندیاں گود ماواں، اُس طرح میَنوُں لےَ اُٹھائیا۔ سِر دے ٹھنڈیاں چھاواں، اگنی اگّ رہے نہ رائیا۔ کرِشن کِہا اوہ نفر، اوہ نیَن، چھیتی آ تیرے کولوں اِس نوُں کُھلاواں، بندھن دینا تُڑائیا۔ نؤکر کِہا میرا جی کردا اِک سیِخ تتی تاواں، ایس

پکھنڈی دی اکھّ وِچ دیواں چُبھائیا۔ نارد کہندا نہ اوئے بھراوا میَں تے سواہ مل کے بنیا ایِں باوا، اصل میَں سنت بھگوَنت دا نظری آئیا۔ اوس نے کِہا رؤلا نہ پا وانگ کاواں، تَینوُں پِھرن نہیں دینا وِچ گراواں، گھر گھر وِچوں باہر کڈھائیا۔ جوتی جوت سروُپ ہرِ، آپ اپنی کِرپا کر، سد اپنا کھیل کھِلائیا۔ نارد کہے جِس ویلے نیَنوُ نے میَنوُں کھولیا، غُصّے وِچ آ کے اُس اُنگل مار کے میری اکھّ نوُں چبھو لیا، پانی دِتا وگائیا۔ میَں وی غُصّے وِچ بولیا، سراپ دِتا سُنائیا۔ میَں کِہا بچن سُن لےَ میرا ڈھولیا، گیِت دیاں دِرڑائیا۔ ہُن تاں کرِشن ساتھی تیرا کلا سولحیا، سولاں شِنگار وجےّ ودھائیا۔ جِس ویلے میرا صاحِب آیا انمولیا، انڈِٹھ روُپ بدلائیا۔ اُس بھگتاں دا دوارا کھولیا، وجےّ سچ ودھائیا۔ تیرا میرے وانگ گھر بار نہ ہووے ایہہ پڑدا نہیں کوئی اوہلیا، تَینوُں دیاں جنائیا۔ جوتی جوت سروُپ ہرِ، آپ اپنی کِرپا کر، دُھر دا حُکم ویکھ وکھائیا۔ نارد کہے میَں بول کے دِتا دسّ، سچ دیاں سُنائیا۔ جِس ویلے آوے میرا پُرکھ سمرتھ، کلجُگ انتم ویس وٹائیا۔ لہنا دینا دیوے ہتّھو ہتّھ، پوُرب سب دا جھولی پائیا۔ میرا رِشی دا قؤل تیرے نال پکّ، تَینوُں دیاں سُنائیا۔ تُوں جنم لیَنا رہے کوئی نہ شکّ، سنسا دیاں مِٹائیا۔ نارد کہے ایسے کر کے اُس نیَنوُ مُنشے دی اِک ہےَ نہیں اکھّ، چوبھ دے بدلے میَں ساری دِتی کڈھائیا۔ جن بھگتو ویکھو پربھوُ دا کھیل جِس دے تُسیں پےَ گئے وس، جُگ جُگ دا لیکھا نہ کدے بُھلائیا۔ کِتے ایہہ نہ سمجھیو اِس توں اوہلے جو مرضی کریئے ساڈے تے کیہڑا پَینا شکّ، سنسا نہ کوئے ودھائیا۔ نارد کہے میَں ایسے کر کے آیا بھجّ، لا کے اج پج پَینڈا لیا مُکائیا۔ جن بھگتو تُسیں اندروں ایہدے وس، تُہاڈا من چوری کِدھر جائیگا نسّ، بھجّیاں راہ نظر کوئے نہ آئیا۔ جے کوئی غلطی ہو جائے بیننتی وِچ اِکلّے نوُں دیؤ دسّ، بُھل اپنی لؤ بخشائیا۔ میَں نارد نہیں، میَں مایا نہیں میَں ڈسنی نہیں سپّ، زہر قہر والا نہ کوئے ورتائیا۔ میَں تے جن بھگتو تُہاڈے چرناں دی دھوُڑ تے خاک، نارد کہے میَں تُہاڈا سجّن تے تُسیں میرے ساک، سبناں دا وِچولا گولا بن کے پھیرا پائیا۔ ایہہ تے میرا نِکاّ جِہا پارٹ، جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، دیونہارا دُھر دا ساتھ، ساتھی سمراتھی اِک اکھوائیا۔

۲۲ پھگّن شہنشاہی سمت ۴ ہزارا سِنگھ دلیِپ سِنگھ دے گھر پِنڈ بابوُپُر ضِلع گُرداس پُر

نارد کہے میَں تکّیا کال، کلکاتی بَل دھرائیا۔ اپنی گھالنا رہیا گھال، گھائل ہو کے سیو کمائیا۔ دیِن دُنی دا لیکھا ویکھ حال، حالت پھول پُھلائیا۔ سچ دھرم رہیا کِسے نہ نال، خالی بھانڈے نظری آئیا۔ ہویا وِچھوڑا سَتگُروُ دلال، نام ناما میل نہ کوئے مِلائیا۔ من کلپنا سب دی بدلی چال، بُدھ بِبیک نہ کوئے رکھائیا۔ اگنی لگّی ترےَگُن ماٹی کھال، تتو تت رہی جلائیا۔ کوُڑا توڑے نہ کوئے جنجال، جاگرت جوت نہ کوئے رُشنائیا۔ گھر دیِپک دیوے کوئی نہ بال، اندھ اندھیر نہ کوئے مِٹائیا۔ نِجھر جھِرنا امرت رس دیوے نہ کوئے پیال، بوُند سوانتی نہ کوئے ٹپکائیا۔ جوتی جوت سروُپ ہرِ، آپ اپنی کِرپا کر، دُھر فرمانا اِک سُنائیا۔ نارد کہے میَں کال تکّیا، چار کُنٹ دُہائیا۔ میَں ہسّ کے کِہا آ بھائی میرے سکیا، کِدھروں آیا پندھ مُکائیا۔ اوہ کھِڑ کھِڑا کے ہسّیا، تالی دو ہتّھاں دِتی لگائیا۔ میَں ویکھ کے آیا مدیِنہ مکّیا، کعبے رہے کُرلائیا۔ ساچا نوُر کِتے نہ تکّیا، جلوہ جوت نہ کوئے رُشنائیا۔ میَں ٹِلّے پربت جنگل جوُہ اُجاڑ پہاڑ ویکھیا وٹّیا، پتّھراں پھول پُھلائیا۔ میَں سمُند ساگر آیا ٹپّیا، زِمیں اسماناں پندھ مُکائیا۔ میَنوُں سب دے اُتے پیا شکّیا، سنسا سکے نہ کوئے گوائیا۔ گُر اوتار پَیغمبر سِر تے ہتّھ کِسے نہ رکھیا، اوڈھن سیِس نہ کوئے ٹِکائیا۔ صدی چؤدھویں کِسے دی قیِمت پئے کؤڈی نہ ٹکیا، دھرم دے ہٹّ نہ کوئے وِکائیا۔ ساچا لاہا کِسے نہ کھٹّیا، دیِن دُنی ہوئی ہلکائیا۔ محمد دا پوُرا ہونا پٹیا، پٹنے والا دئے سمجھائیا۔ سب دی چوگ جائے نکُھٹیا، بھنڈارا اَگے نہ جائے بھرائیا۔ کوٹاں وِچوں بھگت سُہیلا پربھ پریِتی وِچ رتّیا، رتن امولک نظری آئیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، دھرم دوارا اِک سُہائیا۔ نارد کہے میَں کال نوُں پُچھیا، پریم نال بچن دِتا سُنائیا۔ اوہ ہویا میَنوُں غُصیا، متھے تِیؤڑی رہیا پائیا۔ اُٹھ ویکھ، سادھ سنت کلجُگ انت پربھ نام کوئے نہ متّیا، متوالہ نظر کوئے نہ آئیا۔ کرودھ ہنکار وِچ متیا، دیِناں مذہباں گنڈھ پوائیا۔ ساچی منزل کوئی نہ ٹپّیا، ٹپّے حرفاں والے گائیا۔ پُرکھ اکال دیِن دَیال درس کِسے نہ تکّیا، نِج نیتر لوچن نیَن نہ کوئے رُشنائیا۔ ساچا کرے کوئی نہ یگّیا، دھرم دی دھار نہ کوئے وکھائیا۔ کلجُگ انتم قہر جھکھڑ وگیا، وہناں وِچ دُہائیا۔ پُرکھ اکال میَنوُں کِہا اُٹھ کال دُلارے بچّیا، مہاکال تیرے نال مِلائیا۔ اوہناں ویکھ جِنہاں میرا نام نہیں جپیا، مانَس ہو کے بُھلے اپنا نام بُھلائیا۔ دھرم رائے نوُں کِہا تُوں اگنی تپایا بھٹّھیا، جوتی لنبوُ لائیا۔ گُر اوتار پَیغمبراں کر اِکٹّھیا، پُرکھ اکال رہیا دِرڑائیا۔ تُسیں

سارے دسّو کِس نوُں تُسیں رکھیا، مُہر نام والی لگائیا۔ جیہڑا تُہاڈے پریم وِچ رتّیا، اوہ میَنوُں دیؤ مِلائیا۔ میرا نام پربھ کہے اکھّراں وِچ کدے نہ چھپیا، نِراکھّر سوبھا پائیا۔ چار جُگ کِسے نہ دسّیا، صِفتاں والی دسّی پڑھائیا۔ کلجُگ ویکھو رَین اندھیری مسّیا، ساچا چند نہ کوئے چمکائیا۔ نارد کہے میَں چار کُنٹ نسّیا، بھجّیا واہو داہیِا۔ جوتی جوت سروُپ ہرِ، آپ اپنی کِرپا کر، دُھر فرمانا اِک سُنائیا۔ نارد کہے کال پھڑ کے ڈؤروُ ڈنکا، اپنی چوٹ لگائیا۔ لیکھا مُکاؤنا راؤ رنکا، بچیا رہن کوئے نہ پائیا۔ جیہڑا لیکھا پوُرا نہیں ہویا راجے جنکا، سو پوُرا دینا کرائیا۔ جھگڑا میٹنا ماٹی وجوُد تن کا، تتو دینا سمجھائیا۔ جِنہاں پھیریا نہیں من کا منکا، ممتا موہ لوبھ وِچ ہلکائیا۔ ٹُٹا نہیں گڑھ ہؤمے ہنگتا، ہنگ برہم نہ کوئے سمجھائیا۔ جوتی جوت سروُپ ہرِ، آپ اپنی کِرپا کر، دُھر فرمانا اِک دِرڑائیا۔ نارد کہے کال بن کے زوراوَر، اپنی لئے انگڑائیا۔ سِمر کے اِکو ور، سیِس جگدیِش نِوائیا۔ اُچی بولے کھڑ، کوُک کوُک سُنائیا۔ میَں جھگڑا میٹاں چوٹی جڑ، تن وجوُد پھول پُھلائیا۔ اپنی کرنی دیواں کر، جو کرتا پُرکھ سمجھائیا۔ دو جہاناں لَواں پھڑ، لکھّ چؤراسی ڈیرہ ڈھاہیِا۔ کلجُگ وہن رُڑھاوے ہڑ، حُکم اِک ورتائیا۔ پلّوُ جُڑیا رہے نہ لڑ، کنّی کنّی نہ کوئے گنڈھائیا۔ جو جنمے سو جائے مر، مر جیِوت نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، سد اپنا حُکم ورتائیا۔ نارد کہے سُن کال، کال دیاں جنائیا۔ کال کہے میَں بلوان، بلدھاری نظری آئیا۔ کِرپا کری سِری بھگوان، بھگوَن مِہر نظر اُٹھائیا۔ میَنوُں دے کے اپنا دان، داتے دانی دِتا سمجھائیا۔ کلجُگ کوُڑی کِریا میٹنا نِشان، نِشانے سارے دینے بدلائیا۔ اِکو حُکم کرنا پروان، پرم پُرکھ دئے دِرڑائیا۔ ساچے مندر بہنا مکان، گھر اِکو اِک وکھائیا۔ سُننا اگلا حُکم فرمان، پہلی چیتر ونڈ ونڈائیا۔ کِس بِدھ جگت یُدھ ہووے گھمسان، گھر گھر دا لیکھا دئے سمجھائیا۔ جِس نوُں سمجھے نہ کوئے اِنسان، بُدھی توں پرے پربھ دی دِسے پڑھائیا۔ جِس نے چُھپاؤنے سوُریئے چند بھان، نوُر ظہوُر نہ کوئے رُشنائیا۔ لہنے مُکاؤنے سیِتا رام، رادھے کرِشن لیکھا دئے چُکائیا۔ عیسیٰ موُسیٰ محمد کھیل ویکھنے آن، آناً فاناً اپنا ویس وٹائیا۔ نانک گوبِند پوُرا کرے بیان، جو رسنا جِہوا ڈھولا گائیا۔ کال کہے میَں حُکم منّنا اُس سُلطان، جو صاحِب سَتگُر اِک اکھوائیا۔ جِس نے کلجُگ کوُڑی کِریا میٹنی وِچ جہان، جہالت ممتا موہ دینی گوائیا۔ سَتجُگ ساچا کر پردھان، لوک مات دیوے وڈیائیا۔ کوُڑی کِریا نہ رہے اندھ اگیان، نِرگُن نوُر جوت کرے رُشنائیا۔ کال کہے میَں اوس دے چرن کوَل کر پرنام، ہِندسے دس سیِس نِوائیا۔

آد جُگاد دا بردا بن غُلام، سیوک ہو کے سیو کمائیا۔ نارد کہے اوہ صاحِب بڑا مِہربان، محبوُب نوُر خُدائیا۔ جُگ چؤکڑی لہنا دینا چُکاوے آن، نِت نوِت اپنا ویس وٹائیا۔ میَں وی اُس دے چرن کراں دھیان، نِیوں نِیوں لاگاں پائیا۔ جِس دا کھیل دو جہان، برہمنڈ کھنڈ ویکھ وکھائیا۔ سو پُرکھ صاحِب سُلطان، پاتشاہ نوُر الاہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، آد جُگادی دیونہارا دان، داتا دانی مِہربان مِہربان مِہربان، مِہربانی آپ کمائیا۔

۲۳ پھگّن شہنشاہی سمت ۴ پیارا سِنگھ تے ہزارا سِنگھ دے گھر پِنڈ بابوُپُر

نارد کہے دسّو حضرت عیسیٰ، عیسؤل اِسلام نظرے کرم اُٹھائیا۔ کِہو جِہا ہونا تیرا بیِسا، بِسوےداری دی ونڈ کی ونڈائیا۔ جانو اپنا کیِتا، کی کرنی کار کمائیا۔ چھڈ کے سِکھیا گیِتا، اِنجیِل دِتی پڑھائیا۔ ناتا توڑ کے رادھا سیِتا، گاڈ گُڈ دِتا دِرڑائیا۔ ہُن کِتھے تُہاڈا میِتا، میَنوُں دیؤ جنائیا۔ نالے نارد کہے میَں رو کے ماریِاں چیِکاں، اُچی کوُک کوُک سُنائیا۔ عیسیٰ اوسے ویلے اپنیِاں لائیاں نیجھاں، ہستی ہستی وِچوں پرگٹائیا۔ ساڈیِاں پوُریِاں ہون والیِاں تاریِخاں، تُرائتاں دین گواہیِا۔ جِس نے میٹنا دیِناں مذہباں دا شریِکا، لاشریِک نوُر خُدائیا۔ اوسے اُتے لا کے بَیٹھے اُمیِداں، آسا ہور ودھائیا۔ جِس دا مارگ ہونا سیِدھا، پگڈنڈی نہ کوئے بھوائیا۔ پِچھلی کیِتی اُتے مار کے لیِکاں، رستہ اِکو دینا وکھائیا۔ سب دیاں بدل دینیاں نیِتاں، اندروں کرے صفائیا۔ آتم دا ہووے میِتا، مِتر پیارا آپ ہو آئیا۔ سد رہے جگجیِتا، جگ جیِون داتا نوُر خُدائیا۔ حُکم دیوے انڈیٹِھا، اگمّ آپ سُنائیا۔ سانوُں بھانا لگّے میِٹھا، نِیوں نِیوں سیِس جھُکائیا۔ سُنیئے حق حدیِثا، جو کرے حق پڑھائیا۔ اُمت دی پوُری ہوئی ریِجھا، ویلا وقت دئے گواہیِا۔ نارد کِہا واہ واہ حضرت جی پِچھلا ویلا ویکھو بیِتا، اَگے دھیان لگائیا۔ تُہاڈے مُریِد باہروں ضرور وینہدے شیِشہ، اندروں کرے نہ کوئے صفائیا۔ سب دا خالی ہویا کھیِسا، کلمہ پاکٹ جیب نہ کوئے ٹِکائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ نارد کہے عیسیٰ جی جو کِہا سو رائیٹ، رِٹن دی لوڑ رہی نہ رائیا۔ یوُرپ وِچ باہروں چمڑی سب دی وائیٹ، بلیَک بلائنڈ اندروں ویکھ

وکھائیا۔ اُچی لمی ویکھی ہائیٹ، ہَیٹ ٹوپ سیِس ٹِکائیا۔ اِک دوُجے نوُں سارے کہندے وائیٹ، دُرمت مَیل نہ کِسے دھوائیا۔ سچ نال سارے کردے فائیٹ، جھوُٹھ نال چتُرائیا۔ نارد کہے عیسیٰ جی میَنوُں دسّو کِتنیاں پوپاں دے اندر آئی لائیٹ، شمع کؤن رُشنائیا۔ کیہڑی پکڑی سائیڈ، میَنوُں دیؤ درسائیا۔ کِس اَسو گھوڑے ہارس اُتے ہُندے رائیڈ، بھجّن چائیں چائنیا۔ کِس بِدھ انتم سارے ہونے ڈائیڈ، سِر سکے نہ کوئے اُٹھائیا۔ لیکھا رہے نہ کوئے بیہائینڈ، سنمُکھ ہو کے نظری آئیا۔ لہنا دینا کِس بِدھ مکُے صدی بیِسویں گائیڈ، بھیوَ ابھیدا دینا کُھلائیا۔ چاروں کُنٹ تکّو تُہاڈے ہُندیاں کیوں ہوئی اندھیری نائیٹ، جلوہ نوُر نہ کوئے رُشنائیا۔ جوتی جوت سروُپ ہرِ، آپ اپنی کِرپا کر، سد اپنی کار کمائیا۔ عیسیٰ کہے نارد بڑی گلّ دسّی اچھی، سوہنی موہے بھائیا۔ نارد کِہا ہور دسّاں کلمے والے سارے کھاندے مچّھی، مچھلیِاں کُنڈیِاں وِچ پھسائیا۔ یسوُہ جی تُہانوُں یسوُہ دی جگہ کہن ڈہِ پئے یسّی، مسیح کہہ کے مسلہ حل نہ کوئے کرائیا۔ اُٹھ ویکھ تیری اُمت موُسیٰ والیاں نال رہی پھسی، فَیصلہ حق نہ کوئے سُنائیا۔ محمد تُوں دسّ آمیِن کہن والیاں نوُں پَین والی غشی، آبِ حیات مُکھ نہ کوئے چوائیا۔ آہ ویکھ لؤ اپنے دیِن مذہب دی رسّی، جو رستے سب دے رہی کُھلائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، دُھر دا حُکم اِک جنائیا۔ نارد کہے عیسیٰ جی میَں بڑی تکّی ایجَوُکیشن، تعلیِم یافتہ نظری آئیا۔ پر تُسیں دسّو کیہڑی دسّی ڈِکٹیشن، حرف حروُف لفظ تلفظ آئے سمجھائیا۔ میَں جِدھر تکّیا میَنوُں اُلٹا دِسیا فَیشن، فِش کھان والے فاحش روُپ وٹائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سد اپنی کار کمائیا۔ عیسیٰ کہے میَں دسّاں حق تشریح، اِک خُدا جنائیا۔ اوس دا پَیغمبر بن مسیح، مسلہ اِکو اِک دِرڑائیا۔ جِس دا کھیل سدا وسیع، پَیمانیاں وِچ نہ ناپ کرائیا۔ اوہ جلوہ گر نوُر ربّی، بے پرواہ نوُر الاہیِا۔ اوسے نوُں منّنا سبھی، سمجھ آیا سمجھائیا۔ سچ خُدا نہ بُھلنا کدی، جو قدیِم دا مالک دُھردرگاہیِا۔ انت اَخیِر سندیسہ دِتا بیِسویں صدی، صدمے وِچ دُہائیا۔ کوُڑ کُڑیاراں دی وہِندی ندی، کنارہ پار نہ کوئے کرائیا۔ اِک وکھا کے آیا گدھی، جِس نوُں ڈنکی کہے لوکائیا۔ جوتی جوت سروُپ ہرِ، آپ اپنی کِرپا کر، میرا لیکھا ویکھ وکھائیا۔ نارد کہے میَں ذِبح ہُندی ویکھی گاں، گئوُ غریِب دُہائیا۔ جِس نوُں کہندے ماں، تُہاڈے مُریِد کیوں بنے قصائیا۔ کی ایہو کلمہ سچّا ناں، پروردِگار دِتا پڑھائیا۔ پشوُ کھانے نال چا، اپنا من پرچائیا۔ عیسیٰ سِر پھڑ کے کہے نانہہ، نیِویِں نظر ٹِکائیا۔ میَں لیکھا لِکھیا کِسے نہیں

تھاں، میرا لیکھا دئے گواہیِا۔ میَں رو کے ماری دھاہ، اُچی کوُک سُنائیا۔ بِنا خُدا توں میرا ہور نہیں کوئی گواہ، شہادت کلمہ اِک بُھگتائیا۔ میَں کر کے آیا دُعا، نِیوں نِیوں سیِس نِوائیا۔ میرے مالک مِہرواں، محبوُب تیری سرنائیا۔ تیرے قدماں بل بل جاں، نوازِش وِچ سیِس جھُکائیا۔ تُوں سب دا پِتا ماں، تُدھ بِن اوَر نہ کوئے سہائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، سد اپنا حُکم ورتائیا۔ نارد کہے میَں ویکھیا یوُرپین، یہوُدی کھوج کھوجائیا۔ جِنہاں عیسیٰ موُسیٰ لئی تعلیِم، طُلبا اپنا آپ بنائیا۔ اوہ چھڈ کے دھرت زمیِن، اُڈن چائیں چائنیا۔ کھیل جگت نویِن، تن رہے وکھائیا۔ حضرت عیسیٰ سچ دسّ کدوں اوہناں ہونا غم گین، کوَن ویلا وڈیائیا۔ کی لیکھا روُسا چیِن، چَین لیَن کوئے نہ پائیا۔ ایہہ مارگ بڑا مہیِن، بِن پَیغمبراں سمجھ کِسے نہ آئیا۔ جوتی جوت سروُپ ہرِ، آپ اپنی کِرپا کر، سد اپنی کھیل وکھائیا۔ نارد کہے میَں چھیتی کیِتی پُھرتی، چلاکی وِچ وڈیائیا۔ پھڑ کے ڈاہواں کُرسی، حضرت عیسیٰ تَینوُں دیاں سمجھائیا۔ تُوں پھیر خبر دسّیں کوئی دُھر دی، تیری کراں وڈیائیا۔ تُوں دھار سیَں سچّے سَتگُر دی، جو نِرگُن نوُر جوت رُشنائیا۔ جِس دی کیِتی کدے نہ مُڑدی، نہ کوئی میٹے میٹ مِٹائیا۔ اوس دی خواہش سدا لوڑ دی، لوڑیِندا سجّن نوُر الاہیِا۔ جو وِچھڑیاں سدا جوڑدی، جوڑی آتم پرماتم دئے بنائیا۔ کُچھ خبر دسّ دے ایس سمیں اندھ گھور دی، صدی چؤدھویں دھیان لگائیا۔ کی حالت ہونی ٹھگ چور دی، نِندیا نِندک ملِے کی سزائیا۔ کی دُہائی دِسے پَیغمبراں والی گور دی، نبی کی جنائیا۔ نوُح ندی انتم کِویں روڑھدی، وہناں وِچ وہائیا۔ کی حالت ہونی جگت شؤہر دی، شؤہر کی کی کھیل کھِلائیا۔ کی دشا وِگڑی کمزور دی، مجلس حق نہ کوئے بنائیا۔ ایہہ کھیل بڑی حضرت جی غؤر دی، پردہ دینا اُٹھائیا۔ جے تُہانوُں نہیں کُچھ اؤڑدی، پِھر میَں تُہاڈا پروردِگار دیاں مِلائیا۔ ایہہ گلی بڑی بھیِڑی دِسے سؤڑ دی، اگلا پندھ نہ کوئے چُکائیا۔ جِنہاں نے مچّھی کھادھی سمُند ساگر تلاباں والے جؤہڑ دی، جوروُ زر دین گواہیِا۔ میری گلّ نہ سمجھیو کؤڑ دی، جو ویکھیا دِتا سُنائیا۔ تُسیں آواز سُننی شبدی گھوڑے گوبِند والے پؤڑھ دی، پؤڑھی ڈنڈے سب دے دئے ہِلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ سوامی ویکھ وکھائیا۔ عیسیٰ کہے تُوں کؤن ہوویں مُشٹنڈا، میَنوُں رہیا دبائیا۔ ہتّھ وِچ پھڑ کے چالوُ بن دا ڈنڈا، سجےّ کھبےّ ہتّھ ہِلائیا۔ تُوں کؤن بودھی والا بندہ، ہِندوُ ذاتی نظری آئیا۔ میرا خُدا میرا باپ نوُری چندا، نوُر جوت رُشنائیا۔ نارد ہسّ کے کہندا،

حضرت عیسیٰ جی، اوہ بڑا چنگا، جِس نے تُہانوُں دِتا بُھلائیا۔ ہُن انت اَخیِری تُہاڈا ویکھے کنڈھا، گھاٹاں تے بَیٹھے سارے راہ تکائیا۔ تُہاڈے وِچ تُہاڈے کولوں پواؤنا دنگا، جھگڑا جھگڑے وِچ وکھائیا۔ اوم ہری، اوم تت ست، جِس نے مان رہن نہیں دِتا گنگا، گوداوری جمنا سُرستی سِر کیِتا ننگا، راوی روایت نہ کوئے کرائیا۔ جِس نے گوبِند دا اپنے وِچ چُھپا کے کھنڈا، تن وجوُد دِتا مِٹائیا۔ جِس نے لہنا دینا اپنے ہتّھ رکھ برہمنڈا، وِشن برہما شِو سیوا وِچ بھوائیا۔ جِس نے آدم حوّا دے کے اپنا انندا، رس دِتا چکھائیا۔ اوہ تیرا خُدا دُھر دا نوُر میرا پِتا صدی بیِسویں شبد اگمّی نِرگُن دھار لےَ کے اپنا ڈنڈا، ڈنڈاوت تُہاڈی ساریاں دی دئے بدلائیا۔ تُسیں دیِناں مذہباں دا لیَندے آئے پنگا، گلّ کہنی نہیں سی پر میَں کہہ کے دِتی سُنائیا۔ ہُن اوہ نام دا لےَ کے رندا، تُہاڈی ساریاں دی کرے صفائیا۔ تُسیں سارے جو پربھ دے نام دا اُگراہیا چندہ، لےَ کے آؤنا تھاؤں تھائنیا۔ کوئی پَینٹ سمبھالے کوئی تمبا، کوئی دھوتی جنجوُ سانبھ سوُت کے بھجےّ واہو داہیِا۔ نارد کہے پَیغمبرو رسوُلو نبیو تُہانوُں نہیں پتہ میَں ایسے کر کے چار جُگ دا رنڈا، نہ کوئی دھی آ نہ کوئی پُت نہ کوئی بھَین نہ کوئی بھرا، نہ کوئی دھی نہ کوئی جوائی، نہ کوئی جمےّ نہ کوئی مرے، نارد مُنی اپنی کھیل وِچ جُگ چؤکڑی بھنےّ، نِت نوِت اپنا ویس وٹائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، بھیوَ ابھیدا اچھل اچھیدا اپنا دئے کُھلائیا۔ عیسیٰ کہے ایہہ کؤن، کیہڑا کری جاندے فون، ڈائیری کیہڑی ہتّھ پھڑائیا۔ کیہڑا سبق کیہڑی سِکھیا کیہڑا مضموُن، کیہڑا کرے پڑھائیا۔ نارد کہے پَیغمبرو تُہانوُں نہیں معلوم، تُسیں بچّے معصوُم، کلجُگ دے جمےّ کلجُگ وِچ اپنا انت کرائیا۔ میَں اُس دا ممنوُن، جیہڑا کدے نہ ہووے محروُم، سارے عِلماں دا عالم علوُم، عالیشان نظری آئیا۔ جِس دے جھُکدے تُسیں قدوُم، کلمے دی مستی وِچ رہے جھوُم، جِس نے نبی پَیغمبراں دے بنا دِتے ہجوُم، ہُجریاں وِچ دِتے سُہائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا مالک اِک اکھوائیا۔ نارد کہے ویکھ لؤ اپنی تختی، ایَں ٹوُ زیَڈ پھول پُھلائیا۔ تُہاڈے اُتے آؤن والی سختی، پربھ دا سخت حُکم دِتا جنائیا۔ جے تُساں نہیں کیِتی، تُہاڈی اُمت نے کیِتی غلطی، غلطی دے ذِمہ وار تُہانوُں دِتا ٹھہرائیا۔ کیوں تُسیں اپنیاں مذہباں دے نِدھ پرتی، پرتیندھ ہو کے اپنا حُکم دِتا جنائیا۔ تُسیں کُچھ مشورہ کیِتا سی اُس خُدا نال عرشی، جو عرشی پریِتم بے پرواہ اکھوائیا۔ نارد جھٹ چھاتی اُتے ہتّھ ماریا جیب وِچوں کڈھی پرچی، آہ لؤ تُہانوُں دیاں وکھائیا۔ پرماتما کِہا تُسیں چھڈنے مندر تے وڑنا

وِچ چرچیِں، چوری چوری تُہانوُں گلّ دِتی سمجھائیا۔ اوہ میرا مالک پریِتم عرشی، عرشا ں دا مالک اِک اکھوائیا۔ سوادھان ہو جاؤ آیا اُتے دھرتی، دھرنی دھرت دھوَل ویکھ وکھائیا۔ تُہاڈی رہن نہیں دینی اندھیر گردی، ظُلم ظالم نہ کوئے کمائیا۔ تُہاڈی چلنی نہیں اَگے مرضی، پربھوُ تُہاڈا طبیب آیا دُھردرگاہیِا۔ نارد کہے ایہہ گلّ سُن کے حضرت نوُں لگّن لگّی سردی، جِس نے سِر پَیر دِتے کمبائیا۔ پِھر یاد آ گیا، میَں اِک دِتی سی اپنی اگمّی عرضی، آرزو وِچ جنائیا۔ ایَں میرے مالک ایہہ میرا مذہب فرضی، انت سنگ نہ کوئے رکھائیا۔ میَں ویہویں صدی تک اِنہاں دا دردی، پھیر ساتھ نہ کوئے نِبھائیا۔ نارد کِہا حضرت جی ذرا لہِندیوں ویکھو کھاں دِشا چڑھدی، اپنا نیَن اُٹھائیا۔ جِتھے راوی اپنے وہنے وِچ ہڑھدی، اپنے وہن جنائیا۔ اوتھے جوت پرکاش نرائن نر دی، نِروَیر سوبھا پائیا۔ سرب دی آتما پرماتما ڈھولا پڑھدی، دوُجی اوَر نہ کوئے پڑھائیا۔ عیسیٰ کہے، واہ نارد جی تُوں تے خبر سُنائی اوسے دے گھر دی، جِس نوُں میَں پِتا کر کے آیا گائیا۔ جوتی جوت سروُپ ہرِ، آپ اپنی کِرپا کر، ساچا لیکھا ویکھ وکھائیا۔ نارد کہے عیسیٰ جی، تُسیں کہندے ہوووگے بڑا شرارتی، نفرت شرع نال کرائیا۔ میَں کوئی آؤندا نہیں سفارشی، پربھ دے حُکمے اندر کار کمائیا۔ میَں چار جُگ سب دی کتھا ویکھدا رہیا عبارتی، جو اکھّراں نال جوڑ جُڑائیا۔ بُہتے اوتار گُروُ ویکھے وِچ بھارتی، بھارت ورش دئے گواہیِا۔ پھیر پڑھی اُردوُ فارسی، انگریزی تیزی نال تیرے وِچ ٹِکائیا۔ ایہہ کھیل اوس نِرنکار دی، جیہڑا نِرگُن نوُر الاہیِا۔ جِس نوُں تُہاڈی آشا واجاں ماردی، کوُک کوُک سُنائیا۔ ایہہ کھیل اوسے سرکار دی، جو سِر سِر لہنا رہیا مُکائیا۔ تُسیں ویکھی نہیں کھیل کھنڈے دی دھار دی، جو گوبِند گیا چمکائیا۔ جو سب دی پَیج سواردی، لیکھا دیوے تھاؤں تھائنیا۔ اوہ انت کلجُگ کوُڑی کِریا نوُں ونگاردی، ہوکے دئے جنائیا۔ جِس نے آشا پوُری کرنی گُروُ اوتار دی، پَیغمبراں موُل چُکائیا۔ قیِمت پاؤنی تُہاڈی گُفتار دی، جو گُفت شُنیِد آئے سُنائیا۔ پر تُساں دھار سمجھی نہیں اوس دی رفتار دی، لمے پَینڈے کِس بِدھ چھیتی نال مُکائیا۔ اپنیاں گنڈھاں کھولو جِس وِچ چِٹھی اِس اِقرار دی، جو اِقرارنامے پھول پُھلائیا۔ ہُن کوئی گھڑی نہیں تکرار دی، جھگڑا اَگے نہ کوئے وکھائیا۔ میری سیوا لگّی نارد کہے، برخوردار دی، بےخبرو تُہانوُں رہیا جگائیا۔ تُسیں سوادھان ہو جاؤ تُہاڈی گھڑی آئی اِستقبال دی، محبوُب نوُں مِل کے اپنا سیِس دینا جھُکائیا۔ تُسیں کھیل ویکھنی اوس جلوہ گر جلال دی، جو ظاہر ظہوُر کرے رُشنائیا۔ تُہاڈے کول گُنجائش نہیں رہنی کوئی سوال دی، بیننتی

اوَر نہ کوئے جنائیا۔ اَگے پربھ نوُں مِلن واسطے لوڑ رہنی نہیں کِسے دلال دی، آتما پرماتما دا سِدھا ناتا دینا بنائیا۔ جیہڑی جُگ چؤکڑی گھالنا رہی گھالدی، گھائل ہو کے اپنا آپ مِٹائیا۔ حضرت جی میَں تے خبر دسّن آیا پرَیزَینٹ حال دی، حالت سچّی دیاں جنائیا۔ ہُن میری واری آؤنی مغرب دے پِچھوں شُمال دی، رشیا دا ریشا ویکھ وکھائیا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، مہاراج شیرسِنگھ وِشنوُں بھگوان، سدا دھار رکھے اپنی چال دی، نِرالی اپنی کار کمائیا۔

۲۳ پھگّن شہنشاہی سمت ۴ بھاگ سِنگھ دے گھر پِنڈ بابوُپُر

نارد کہے بھگتو تُسیں اوتھوں ایتھے آئے تے میَں پہنچ گیا وِچ روُس، رُستم ہو کے پھیرا پائیا۔ میَں جا کے بن گیا منحوُس، غریِباں والا ویس وٹائیا۔ سؤں گیا جا کے روُف، اپنیِاں اکھّاں بند وکھائیا۔ زور زور دی پیا سوُک، لمے لمے ساہ لےَ کے اپنا ساہ چلائیا۔ کِسے نوُں پتہ نہ لگّا ایہہ کِس دا دوُت، کِس کارن ایتھے آئیا۔ سارے کہن ایہہ کوئی بھوُت، بےتالا ڈیرہ لائیا۔ میَں گھیسل مار کے بن گیا جسوُس، اپنا آپ بدلائیا۔ اوہ گلّاں کرن لگّے میَں وِچوں ہسّ کے کِہا، تُسیں مالک کے مؤروُث، میَنوُں دیؤ سمجھائیا۔ اوہناں نوُں ہویا شکوُک، اوہناں میَنوُں پھڑ کے لیا بندھائیا۔ میرے کنّ پھڑے بھوایا چارے کوُٹ، میَں وی ڈردے چھیتی چھیتی پاسا لیا بدلائیا۔ پِھر میَں ماریا جھوُٹھ، سب نوُں دِتا سُنائیا۔ اوہناں میرا بند کر دِتا مُنہ ماؤتھ، مُکھ ساہ لیَن کوئے نہ پائیا۔ جوتی جوت سروُپ ہرِ، آپ اپنی کِرپا کر، اپنا کھیل وکھائیا۔ نارد کہے میَں جاَسوُسی وِچ بڑا چاتر، اوہناں وِچ مِل کے اوہو روُپ بنائیا۔ میَں کرن لگّا اوہناں دی خاطر، سیوا سچ کمائیا۔ پھیر میَں جیب وِچوں پُرانی کڈھ کے دِتی پاتر، چِٹھی دِتی پھڑائیا۔ جِس دے اُتے نِشان سی سِٹا داتر، داتے دِتا دِرڑائیا۔ اوہ لگّے واچن، سمجھ کِسے نہ آئیا۔ میَں چھیتی نال مُنہ وِچ پا کے داتن، اپنا پاسا لیا بدلائیا۔ اوہ میَنوُں لگّے آکھن، سانوُں دے سمجھائیا۔ میَں اَیویں لگّا واچن، اکھّاں اُپر نیِچے کرائیا۔ جوتی جوت سروُپ ہرِ، آپ اپنی کِرپا کر، سد اپنا حُکم سُنائیا۔ نارد کہے، بھراوو، میَں لےَ کے آیا پَیغام، تُہانوُں دیاں سُنائیا۔ تُہاڈا کیہڑا مذہب کیہڑا اِسلام، میَنوُں دیؤ دِرڑائیا۔ کی تُسیں موُسیٰ نوُں

کرو سلام، کہ عیسیٰ نوُں سیِس نِوائیا۔ کی محمد نوُں کرو پرنام، سجدیاں سیِس جھُکائیا۔ کی رادھا کرِشن دا گاؤ گان، بنسریاں دُھن شنوائیا۔ کی سیِتا رام دا دھرو دھیان، انتر انتر لِو لائیا۔ کی ہنونت منّو بلوان، بجرنگ اپنا رنگ رنگائیا۔ کی کہو ستنام، نانک جوڑ جُڑائیا۔ کی گوبِند منّو جہان، واہِگُروُ صِفت صالاحیِا۔ کی تُہاڈا دھرم کی اِیمان، میَنوُں دیؤ جنائیا۔ کی االلہ واہِگُروُ اوم رسنا جِہوا گاؤ گان، گا گا کی جنائیا۔ سارے ہو گئے حَیران، میرے ولّ اکھّاں رہے اُٹھائیا۔ ایہہ کوئی آ گیا شیطان، سانوُں اُلٹی کرے پڑھائیا۔ جیہڑا دِسدا نہیں بھگوان، اُس کیہڑی کرنی کمائیا۔ جیہڑے گُر اوتار پَیغمبر چھڈ گئے جہان، پرتکے پھیر کوئے نہ آئیا۔ جیہڑے دیِن مذہباں جنا گئے نام، اوہ نام کرن لڑائیا۔ جیہڑے دھرم جھُلا گئے نِشان، اوہ منُشی ونڈ ونڈائیا۔ جیہڑے ذاتیِاں وِچ ونڈ گئے اِنسان، اوہ پیِن کھان جھگڑا رہے وکھائیا۔ پھڑو ایہنوُں مارو کُٹو ایہہ بڑا بے اِیمان، کی سانوُں رہیا سُنائیا۔ نارد کہے، میَں لگّا پچھتان، اَگے پِچھے ویکھ وکھائیا۔ میَنوُں دِسے نہ کوئے بِبان، جِس اُتے چڑھ کے اُڈ جاواں چائیں چائنیا۔ اونے چِر نوُں اِک آ گیا کِرسان، اُن اِکٹّھیاں پھڑ میریِاں دوویں باہیں میَنوُں لگّا زور زور دی ہِلان، براہمنا کِتھوں کھا کے جھٹ لنگھائیا۔ ساڈا اِجازت نہیں دیندا وِدھان، وِہلیاں انّ نہ کوئے کھوائیا۔ میَں ہری اوم، ہری اوم، ہری اوم، کہہ کے یاد کیِتا بھگوان، اوہناں گِچیؤں پھڑ کے میرا متھا زمیِن اُتے دِتا گھسائیا۔ میَں نیتر نیَناں نیر لگّا وہان، اُچی اُچی دِتی دُہائیا۔ میَں ہسّ کے کِہا، تالی ماری، تُسیں سارے ای وڈّے میرے نالوں بھگوان، ساریاں نوُں نمو نمو کر کے سیِس نِوائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا لیکھا ویکھ وکھائیا۔ نارد کہے، پھیر اوہ میَنوُں کہن لگے کوئی آ گیا فرِشتہ، فریبی روُپ وٹائیا۔ میَں کِہا، میرا تے تُہاڈے نال پُرانا رِشتہ، رِشتیدارو تُہانوُں مِلن آیا چائیں چائنیا۔ حال دسّاں گُزشتہ، گُزریا دیاں دِرڑائیا۔ تُسیں تے ہُن چار ورن سانجھے بنے آہستہ آہستہ، نانک پنج سؤ سال پہلوں سب نوُں گیا سمجھائیا۔ تُہاڈا اجے اپنے اُتے پوُرا ہویا نہیں نِسچا، نِہچل نظر کوئے نہ آئیا۔ اجے وی حُکمرانوں تُسیں بادام گِریاں کھاندے پِستا، رشیِا وِچ رہن والے اَدھیاں نالوں بُہتے بُھکھے رہ کے جھٹ لنگھائیا۔ ایسے کر کے تُہانوُں آؤن والی شکستا، ہار ہووے تھاؤں تھائنیا۔ تُسیں اِک تے اپنا اِک نہیں منّیا اِشٹا، اپنے اُتے وِشواس نہ کوئے رکھائیا۔ اجے وی تُہاڈے وِچ اِک دوُجے دا سُٹدے وِشٹا، پردھاناں دے گھر غریِب سیو کمائیا۔ جِس ویلے میرے مالک نے تُہاڈیاں سب دیِاں پھولیِاں لِسٹاں، اِکلّا اِکلّا ویکھ وکھائیا۔

پھیر تُہانوُں پتہ لگّنا کِہدی کُھلی درِشٹا، کؤن سچ وِچ سمائیا۔ میرا مالک ٹانک تُسیں سرگُن روُپ اِسدی جِستا، جِس نے آتم نال جِسم ضمیِر تُہاڈی دِتی بنائیا۔ اوہ آد جُگاد جُگ چؤکڑی سب دے لیکھ لِکھدا، بچیا رہن کوئے نہ پائیا۔ اوہ جِنساں وانگوُ ہٹّاں وِچ نہیں وِکدا، کِتاباں وانگوُ کُتب خانیاں وِچ نہ کوئے چھپوائیا۔ جگ نیتراں نال عینکاں والیو نہیں دِسدا، نیتر نظر کِسے نہ آئیا۔ صاف سُتھریاں نہاتیاں دھوتیاں پڑھیاں لِکھیاں اُتے کدی نہیں وِسدا، سوہنیاں منموہنیاں اُتے دھرواس نہ کوئے وکھائیا۔ جیہڑا اُس دی سرن سرنائی ڈگدا، اوہدا جھگڑا مُک جائے جگت والی بِدھ دا، طریقہ اپنا اِک دئے سمجھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ نارد کہے میَں تُہاڈا ہوون آیا بھیتی، تُہاڈے وِچ وڑ کے تُہانوُں ویکھ وکھائیا۔ جِس طرح تُسیں ترقّی کردے چھیتی چھیتی، اپنا کاروبار ودھائیا۔ ایسے طرح تُسیں اُس میرے پربھوُ دی کھیتی، چھیتی وڈّھ کے سانبھ سوُت کے اپنے گھر ٹِکائیا۔ یاد رکھ لؤ شمال والیو میری نیکی، نِکیاں وڈّیاں دیاں جنائیا۔ انت سب نوُں اُس دی رکھنی پئے ٹیکی، بِنا ٹیک توں ٹکا قیِمت کوئے نہ پائیا۔ ہُن تُسیں سارے کہندے منُش منُشاں وِچوں پَیدا ہُندے بیٹا بیٹی، قُدرت قُدرت نال وڈیائیا۔ ایہہ کھیل تھوڑے دِن ہور جانی کھیڈی، پھیر کھڈاوَن والا نظر کوئے نہ آئیا۔ ہُن تُہاڈی قیِمت سب نالوں بہُتی تے دوُجیاں نالوں ڈِیوڈی، اپنا گُناں رہی ودھائیا۔ پھیر تُساں ایَں پِھرنا جِویں جنگلاں وِچ بھیڈی، مالک نظر کوئے نہ آئیا۔ ایہہ لِکھ کے گیا نانک ویدی تے گوبِند سوڈھی، سوڈھیِاں دا مالک خالق پرِتپالک پرم پُرکھ اکھوائیا۔ اوہ آؤن والا سب دے کول نال تیزی، رفتار اپنی رہیا بدلائیا۔ نارد کہے ایہو خبر میَں دسّن آیا پردیسی، دیس والیو دیاں جنائیا۔ انت سب نوُں بُھگتنی پَینی اُس دے کول پیشی، پیشتر دیاں دِرڑائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، نارد کہے نؤ کھنڈ پرِتھمی والیو تُسیں اُس دے در اُتے کدی نہیں بدیشی، دیشاں دا مالک اِکو نظری آئیا۔

۲۳ پھگّن شہنشاہی سمت ۴ ورکھا سِنگھ دے گرِہ پِنڈ بابوُپُر

نارد کہے میَں گیا وِچ نارتھ، نارتھ پول ویکھ وکھائیا۔ اوتھے سارے بَیٹھے جِنہاں دا جگت دا سوارتھ، آسا من ودھائیا۔ پریمی مِلیا نہ کوئے پرمارتھ، پرمانند نہ کوئے جنائیا۔ جِدھر جاواں میرے اُتے لگّی گارد، پہرہ دِتا جنائیا۔ کِسے اندر وسیا نہ کوئے پُرشارتھ، پُرشارتھی نظر کوئے نہ آئیا۔ میَں بچن دسّیا یتھارتھ، یدی دِتا سمجھائیا۔ بھاویں کِنے کھائیو پدارتھ، پدوی ملِے نہ دُھردرگاہیِا۔ میَں زور نال کِہا جے نہیں لبھیا تے ہُن ویکھنا پیوُ وِچ بھارت، بھارت کھنڈ وجےّ ودھائیا۔ کھوجنی نہیں کوئی سفارش، وِچولا کوئی نظر نہ آئیا۔ راتیں سُتیاں تُہاڈے پردھاناں نوُں ہووے زیارت، چشم دیِد رُشنائیا۔ پھیر تُساں سمجھنا کوئی دیِن دُنی دا آیا وارث، ذِمہ وار اکھوائیا۔ جِس دے کول دیِناں مذہباں دی نہیں آڑھت، نام اپنے ہٹّ وِکائیا۔ جِس نوُں سمجھائے نہ کوئی عبارت، لیکھنی لیکھ نہ کوئے درسائیا۔ اُس نے دیِن دُنی دی بدل دینی وزارت، وُزرا رہن کوئے نہ پائیا۔ چاروں کُنٹ پَینی کُرلاہٹ، کوُک کوُک سارے دین گواہیِا۔ اُس دے آؤن دی سارے سُن لؤ آہٹ، آواز دیاں جنائیا۔ جِس نے اُلٹے کرنے گھاٹ، پانی وہن بدلائیا۔ رہن نہیں دینے تیِرتھ تاٹ، اٹھسٹھ پندھ مُکائیا۔ چڑھن دینے نہیں تُہاڈے بِبان راکٹ، راکٹ اپنا نام چڑھائیا۔ بھاویں کوٹ پتلوُن پہنو بھاویں جاکٹ، جگہ سب نوُں دئے سمجھائیا۔ ہُن تے رشیِا والیو تُسیں دِسدے ناستک، پربھ دا نام نہ کوئے دِھیائیا۔ میَں دسّن آیا واستک، واک دیاں سُنائیا۔ تُہاڈا چمڑا کوُلا پلاسٹک، بناؤٹی نظری آئیا۔ جِس ویلے پربھ دے نام دا لگّا کاسٹک، اندروں باہروں کرے صفائیا۔ کِسے کمّ نہیں آؤنی جگت والی سیاست، سیاہ جھنڈیِاں سب نوُں دئے وکھائیا۔ دھنّ دؤلت دی خالی ہووے پاکٹ، گِرہا گِریبان نہ کوئے وکھائیا۔ چار کُنٹ دہ دِشا لگّنی آتش، اگنی اگّ نہ کوئے بُجھائیا۔ عیسیٰ موُسیٰ محمد کرنی سازش، جھگڑا تُہاڈے گل وِچ پائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، مِہر نظر اِک اُٹھائیا۔ نارد کہے میَں گیا نال چلاکی، اپنا ویس وٹائیا۔ لنگھ گیا وِچوں دی نِکی تاکی، جِس دی سمجھ کِسے نہ آئیا۔ تکّے بندے خاکی، تن وجوُد سُہائیا۔ من ہویا عاکی، اِنکار وِچ دُہائیا۔ جگت جام پیالے پین بن کے ساقی، آبِ حیات نہ کوئے پیائیا۔ کلپنا وِچ ہوئے عاکی، ہنکار گڑھ نہ کوئے تُڑائیا۔ میَں کِہا پہلوں اپنی پچھانو ذاتی، کؤن تُہاڈی بنت بنائیا۔ ویلا آؤنا تُسیں کر نہ سکو اپنی راکھی، رکھک ہوئے نہ کوئے سہائیا۔ میرا کہنا سمجھو نہ کوئے گُستاخی، سہج سُبھاؤ اپنے آپ

جنائیا۔ گِلّا گوہا دُھکھدا ویکھیو ایندھن پاتھی، پتّھراں دے آر پار دُہائیا۔ انتم نیڑے آ گئی واٹی، پَینڈا رہیا نہ رائیا۔ سب دی کرے چھانٹی، ویکھے جگت لوکائیا۔ ناتا تُٹے چاچی تائی پھوُپھی آنٹی، انکل نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ نارد کہے میَں گیا نارتھ والی سِمت، اپنا پندھ مُکائیا۔ جِدھر تکاّں سارے پربھ دے نِندک، نام والا نظر کوئے نہ آئیا۔ میرے انتر آئی چِنتک، چِنتا وِچ اپنا آپ وٹائیا۔ کیوں دُنیا ہوئی ہِنسک، اہِنسا نہ کوئے رکھائیا۔ میَں سہج نال کیِتی مِنّت، نِیوں کے منگ منگائیا۔ کُچھ اپنی کرو ہِمّت، حوصلہ لؤ ودھائیا۔ جوتی جوت سروُپ ہرِ، آپ اپنی کِرپا کر، سد اپنی کھیل کھِلائیا۔ نارد کہے میَں کی دسّاں عجب کتھا کہانی، کہہ کے دیاں جنائیا۔ جِس نوُں ویکھاں اوہ کہے میَں مہارانی، دوُجا وڈّا نظر کوئے نہ آئیا۔ جِدھر تکاّں پنج تت شیَطانی، کام کرودھ لوبھ موہ ہنکار ہلکائیا۔ جِدھر تکاّں منسا دی مہمانی، ممتا گھر گھر رہی کھوائیا۔ جِدھر ویکھاں کِریا کوُڑ جوانی، جوبن ہؤمے رہی پرگٹائیا۔ جِدھر ویکھاں نیتر نیَن مارن کانی، اکھّ اکھّ بدلائیا۔ جِدھر تکاّں ہُندی جائے حَیرانی، پریشانی وِچ دُہائیا۔ میَں ہتّھ رکھیا اپنی اُتے پیشانی، دوُر دُراڈا دھیان لگائیا۔ جاں دوُر ویکھیا میَنوُں اوہ دِسیا جیہڑا بچّیاں دی دے گیا قُربانی، سوُربیِر اکھوائیا۔ اون اِشارہ دِتا میَنوُں منزل ہور دسّی روُحانی، روُح بُت توں پرے کر وکھائیا۔ جِتھے جلوہ گر لاثانی، نِرگُن بَیٹھا سوبھا پائیا۔ جگے جوت نوُر نوُرانی، نِرگُن کرے اِک رُشنائیا۔ جو شاہ پاتشاہ شہنشاہ سُلطانی، سُرتی سب دی دئے بدلائیا۔ رہن دیوے نہ کِسے دی پہلوانی، جوروُ زر دا ڈیرہ ڈھاہیِا۔ میٹ دیوے جگت وِدوانی، وِدیاہیِن کرے لوکائیا۔ جِس نے دُنیا دسّی فانی، فنا فی االلہ اوہو دئے کرائیا۔ میَنوُں ایَں دِسدا ایہہ کھیل چار ڈنگی مہمانی، مہمانخانہ لوک مات رہیا وکھائیا۔ انتم سب دی جوُہ ہوئی بیگانی، گھر دا مالک نظر کوئے نہ آئیا۔ سب نے چوٹی چھڈنی جیہڑی ٹھنڈی دِسے برفانی، سیِتل سَت نہ کوئے کرائیا۔ سب نے سروور تجنے سمُند ساگر جو چھلاں والے پانی، لہراں وِچوں لہر بدلائیا۔ سب نے مان چھڈنے زِمیں اسمانی، مان رکھے نہ کوئے لوکائیا۔ نارد کہے میَنوُں دُنیا دِسے بیگانی، بیوہ روُپ جنائیا۔ بھاویں میَنوُں سارے کہن ایہہ کردا پِھرے شیَطانی، پَیغمبراں دے گھراں وِچ اگنی لائیا۔ بھاویں میری سارے کرن بدنامی، بدی دا چولا میرے گل وِچ پائیا۔ میَں تے حُکم منّنا اِکو انترجامی، جو جُگ جُگ سندیشے دئے پہنچائیا۔ میَں کِسے دا سُن دا نہیں کلمہ کلامی، کائنات بھےَ نہ کوئے رکھائیا۔ جِتھے نہیں کوئی پُجدا اوتھے جا کے میَں اپنی گڈّاں نِشانی،

میری نِشانی میرا بول بالا نظری آئیا۔ میَں سب نوُں دسّن آیا ویکھو تکّو پَیغمبراں دا پَیغمبر اِماماں دا اِمام سُلطانی، شہنشاہ شاہ اسمانی دو جہانی اِکو نظری آئیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، نارد کہے میرا وارث میرا جیو پرانی، پرانپتِ میرا اوہو نظری آئیا۔

۲۳ پھگّن شہنشاہی سمت ۴ آسا سِنگھ بلاکا سِنگھ دے گھر پِنڈ بابوُپُر

نارد کہے میَں بھجّاں دیِن دُنی، نؤ ستّ پھیرا پائیا۔ مِلیا کوئی نہ رِکھی مُنی، مُنی مُنیِشر نظر کوئے نہ آئیا۔ انتر آتما وجّدی دِسے نہ کوئی دُھنی، دُھن آتمک راگ نہ کوئے الائیا۔ بودھ اگادھ لبھے کوئی نہ گُنی، گُنونت سوبھا کوئی نہ پائیا۔ میَں سرِشٹی دی درِشٹی چھانی پُنی، کائنات دھیان لگائیا۔ جاں تکّیا عیسیٰ دی صدی چلے اُنی، اُنیسا بیِسا راہ تکائیا۔ ساچا نام جگت رسنا ملِے نہ چُلی، ہِردے ہرِ نہ کوئے وسائیا۔ بھاگ لگّے نہ کایا ساڈھے تِنّ ہتّھ کُلیّ، کلمے والے دین دُہائیا۔ امرت دھار ملِے نہ بوُند سوانتی ڈُلھی، اگمّا رس نہ کوئے چکھائیا۔ ترےَگُن مایا پنج تت تپائی چُلھی، اگنی اگّ تپائیا۔ جیِون زِندگی سب دی ہُلی، سِنمل رُکھ وانگ لہرائیا۔ آتم پرماتم دھار سب نوُں بُھلی، برہم پاربرہم نہ کوئے مِلائیا۔ جھگڑا پیا روٹی جُلی، سانتک سَت نہ کوئے کرائیا۔ وست ملِے نہ انمُلی، نام نِدھان نہ کوئے ورتائیا۔ جوُٹھ جھوُٹھ تے دُنیا تُلی، کام کرودھ لوبھ موہ ہنکار کرے لڑائیا۔ مایا ممتا وِچ پھلی پُھلی، ہؤمے ہنگتا گڑھ نہ کوئے تُڑائیا۔ ساچے کنڈے نام کوئے نہ تُلی، ترازو ہتّھ کِسے نہ آئیا۔ چار ورناں وِچ رُلی، کھتری براہمن شوُدر وَیش پتت پُنیِت نہ کوئے کرائیا۔ جوتی جوت سروُپ ہرِ، آپ اپنی کِرپا کر، ایکا دینا دھر دا ور، در تیرے الکھ جگائیا۔ نارد کہے میَں دیِن دُنی دا تکّیا ڈوُنگھا کایا مندر، گرِہ گرِہ کھوج کھوجائیا۔ گھر گھر اندر وجّا جِندر، پردہ سکے نہ کوئے اُٹھائیا۔ پرکاش دِسے نہ اندھیری کَندر، نوُری جوت نہ کوئے چمکائیا۔ منوُآ دہ دِشا اُٹھ دھاوے بندر، سُرتی شبد نہ کوئے بندھائیا۔ ساچی وست پربھ دوارے جائے کوئی نہ منگن، دھرم دی جھولی نہ کوئے بھرائیا۔ تن وجوُد چڑھے کِسے نہ رنگن، دُرمت مَیل نہ کوئے دھوائیا۔ پُرکھ اکالے دیِن دَیالے پت پرمیشور پروردِگار کرے کوئی نہ بندن، سجدہ سیِس جگدیِش نہ کوئے جھُکائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، سچ سوامی انترجامی

گھٹ نِواسی پُرکھ ابناشی پت پرمیشور در تیرے منگ منگائیا۔ نارد کہے میَں دیِن دُنی دا تکّیا انتشکرن، انتر انتر ویکھ وکھائیا۔ نیتر کُھلیا نہ کِسے ہرن پھرن، نِج لوچن نیَن نہ کوئے رُشنائیا۔ ساچی منزل موُل نہ چڑھن، نؤ دوارے پندھ نہ کوئے مُکائیا۔ اجپا جاپ بِن رسنا جِہوا موُل نہ کرن، ہِردے ہرِ نہ کوئے وسائیا۔ بھوَجل پار بھوَساگر موُل نہ ترن، آپ اپنا پندھ مُکائیا۔ صاحِب سوامی ملِے کِسے نہ سرن، سرنگت نہ کوئے رکھائیا۔ مایا ممتا وہن ہڑھن، کام کرودھ لوبھ موہ رہیا رُڑھائیا۔ جوتی جوت سروُپ ہرِ، آپ اپنی کِرپا کر، سد اپنا حُکم ورتائیا۔ نارد کہے میَں دیِن دُنی دی ویکھی عادت، عدلی نظر کوئے نہ آئیا۔ دیِناں مذہباں پئی بغاوت، جھگڑا سکے نہ کوئے مِٹائیا۔ نام کلمے ہوئی عداوت، االلہ واہِگُروُ کرے لڑائیا۔ ساچی بخشش ملِے نہ کوئے سخاوت، رحمت رحیِم رحمان جھولی کوئے نہ پائیا۔ ناؤں نِرنکار ہتّھ نہ آئے نیامت، امرت جام نہ کوئے پیائیا۔ جوُٹھی جھوُٹھی باہروں دِسے بناوٹ، انتر کرے نہ کوئے صفائیا۔ صدی چؤدھویں سب نوُں آئی تھکاوٹ، بلہیِن دین دُہائیا۔ گُر اوتار پَیغمبر جگت ترِسنا میٹ نہ سکے علامت، عالم عِلم عُلما نہ کوئے وڈیائیا۔ جھگڑا پایا بودی جنجوُ حجامت، مُچھ داہڑی کیس دسمیس رنگ رنگائیا۔ جوتی جوت سروُپ ہرِ، آپ اپنی کِرپا کر، سد اپنا کھیل وکھائیا۔ نارد کہے میَں تٹ کنارے تکّے، گنگا گوداوری جمنا سُرستی ویکھ وکھائیا۔ میَں گیا مدیِنے مکّے، محراباں حُجریاں وِچ دُہائیا۔ چرچاں وِچ ہُندے سٹّے، سٹّیبازی کوُڑ لوکائیا۔ مندر مسجد شِودوالے رہے تپے، گُروُدوار دین دُہائیا۔ ساچی دھار دِسے کِسے نہ اکھےّ، آخر میل نہ کوئے مِلائیا۔ شاستر سِمرت وید پُران اِنجیِل قرآن گیِتا گیان کھانی بانی ہوئی ہکےّ بکےّ، حقیِقت سمجھ کِسے نہ آئیا۔ انت اَخیِر پت کوئے نہ رکھے، بے نظیِر سارے رہے کُرلائیا۔ لکھّ چؤراسی جیِو جنت سادھ سنت جھگڑا پیا تت اٹّھے، اپ تیج وائے پرِتھمی آکاش من مت بُدھ سرب کرے لڑائیا۔ لہنا دینا چُکایا موُل کوئی نہ یتھے، سنمُکھ ہو کے سوبھا کوئی نہ پائیا۔ کِرپا کر پُرکھ سمرتھے، پاربرہم تیری سرنائیا۔ شبد گُروُ گُردیو سوامی پرگٹ ہویا تت گُروُ دے وٹےّ، بدلہ مکُے جگت لوکائیا۔ تیرا نام وِکدا دُنیاداری دے ٹکے، قیِمت ہٹّاں وِچ رکھائیا۔ جوتی جوت سروُپ ہرِ، آپ اپنی کِرپا کر، درگاہ ساچی سچ تیری اوٹ تکائیا۔ نارد کہے میرے اندر آئی حَیرانی، حَیرت وِچ جنائیا۔ شاہ سُلطاناں اندر دِسے بےاِمانی، بیوہ ہوئی خلق خُدائیا۔ منزل چڑھے نہ کوئے روُحانی، روُح بُت پاک نہ کوئے کرائیا۔ منزل ملِے کِسے نہ آسانی، اسماناں اُتے دھیان نہ کوئے لگائیا۔ سارے پربھ دے نام دی کرن بدنامی، بدی دا ڈیرہ کوئے نہ ڈھاہیِا۔ شرع دی پھسے وِچ

غُلامی، زنجِیر سکے نہ کوئے تُڑائیا۔ اکھّراں والی دسّ کہانی، راگاں ناداں وِچ جنائیا۔ کِس بِدھ مِٹے کلجُگ رَین اندھیری کالی، کلکاتی ہوئے قصائیا۔ دیِن دُنی دی دُنیاداری وِچوں ہوئے بحالی، بہُڑ اپنے رنگ رنگائیا۔ بھاگ لگائے سچّی دھرمسالی، در دوارا اِکو نظری آئیا۔ نارد کہے میَں دسّدا حال حالی، اکھّیں ویکھیا دیاں دِرڑائیا۔ دیِن دُنی دے باغ دا میَنوُں نظر نہ آوے کوئی مالی، والی بَیٹھا مُکھ چُھپائیا۔ جدھر تکاّں چارے کُنٹ دِسن خالی، خالق خلق نہ کوئے سہائیا۔ چاروں کُنٹ کِدھرے جھٹکا تے کِدھرے حلالی، سَت دھرم نہ کوئے کمائیا۔ مایا ممتا کرے دلالی، کوُڑی کِریا نال رلائیا۔ پھل دِسے کِسے نہ ڈالی، پتّ ٹہنی نہ کوئے مہکائیا۔ ترےَگُن توڑے نہ کوئے جنجالی، جاگرت جوت نہ کوئے رُشنائیا۔ پاربرہم پت پرمیشور آپ اپنی کر مِہربانی، مِہر نظر اُٹھائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، نِہکلنک نرائن نر، مہاراج شیرسِنگھ وِشنوُں بھگوان، آد انت جُگا جُگنت نِرگُن دھار سدا بنے رہے تیرے سوالی، در ٹھانڈے بِھکھک ہو کے اپنی منگ منگائیا۔

۲۴ پھگّن شہنشاہی سمت ۴ مکھّن سِنگھ دے گھر پِنڈ بابوُپُر

نارد کہے میَں راتیں راوی کنڈے گیا اوہ گھوُک سُتی، مستی وِچ نِسلّ ہو کے اپنا آسن لائیا۔ میَں الکھ جگائی اُچی، کوُک کوُک کے دِتا سُنائیا۔ جے کوئی نہاتی دھوتی سُچی، سنجم والی ہووے بَیٹھی مائیا۔ میَنوُں بِھچھیا پا دیوے اِک مُٹھی، اپنی دھرم گنڈھ کُھلائیا۔ میری آواز سُن کے موُل نہ اُٹھی، پاسا نہ لیا بدلائیا۔ میَں جھٹ پٹ پَیروں لاہ کے جُتی، دبےّ پَیریں اَگے گیا چائیں چائنیا۔ پھیر الکھ جگائی تُہاڈے بھاگ لگّے پُتیں، کوئی جھولی دیؤ بھرائیا۔ اوہ پھیر ہو گئی بھار وکھّی، دوُجی کروٹ لئی بدلائیا۔ میَنوُں غُصّہ چڑھیا میَں اوہدے لکّ وِچ ماری مُکی، کمر دِتی ہِلائیا۔ کُچھ ہور مار کیِتی گُجھی، اپنا زور ودھائیا۔ اُس میرا کنّ پھڑ لیا تے میَنوُں کہے وے ناردا میَں تے پُرانی بُڈھی، بِردھ اوستھا نظری آئیا۔ نارد جھٹ پاؤن ڈہِ پیا لُڈی، نچّے ٹپّے اپنی خوشی منائیا۔ نی راویئے تُوں بُڈھی تُوں بن جا گُڈی، نؤجوان روُپ وٹائیا۔ ہُن چھڈ دے پِچھلی ودی سُدی، آیوُ گنت نہ کوئے گنائیا۔ جے کہیں تے سیر آ جائے تیرے دُدھیں، اپنا رس ٹپکائیا۔ راوی سوادھان ہو کے، نارد کہے، میرے پَیر گھُٹن لگّی رُگیں، سیوا سہج سہج کمائیا۔ اُنے چِر اوہ مری

ہوئی آ گئی گھُگی، جِس دا لیکھا پِچھے دِتا مُکائیا۔ اوس کِہا نی راویئے اُٹھ کملیئے تیرے بھاگ لگّا کنڈھی اُتے جھُگی، جھُگے رہیا وسائیا۔ جِس دی یاد وِچ پڑھدی رہی جُگیں، جُگ جُگ دھیان لگائیا۔ اوہ آ گیا میَنوُں ایہو رمز سُجھی، بھیوَ دیاں کُھلائیا۔ راوی کہے میَں سُتی نہیں ساں میَں اوسے دے پیار وِچ رُجھی، اندرے اندر اوسے دا دھیان لگائیا۔ جِس دے وِچھوڑے وِچ دُکھی، درداں وِچ کُرلائیا۔ اجّ اُس دا نیتر میِٹ کے میَں تکدی ساں سوہنا مُکھی، جِس وِچوں سوہنا نوُر میَنوُں نظری آئیا۔ میَں مست ہوئی خوشی وِچ اپنے آسن سُتی، سُتیاں وی اوسے دا درشن پائیا۔ نارد جی تُسیں دسّو کِس کارن کٹی بُتی، اپنا پندھ مُکائیا۔ نارد کِہا پہلوں میریاں موڈھیاں نوُں گھُٹیں، پِھر ساہ لےَ کے دیاں جنائیا۔ نالے ہسّن ڈہِ پیا نی راوی تُوں اجّ کیوں گھُسی ٹُٹی، ہار شِنگار نہ کوئے لگائیا۔ میَنوُں پتہ نہیں سی پنڈت جی آؤندے تاء دِتا بِنا مُچھیں، آکڑ وِچ چلیا آوے چائیں چائنیا۔ تُوں کیہڑی گلّوں میرے نال رُسی، میَنوُں دے سمجھائیا۔ کی تیری وی میرے وانگ ہےَ نہیں ماسی پُھپھی، اِکلّی رہ کے جھٹ لنگھائیا۔ کی تُوں وی راہوں تے نہیں گھُسی، میَنوُں دے دِرڑائیا۔ کِتے تیرا جی تے نہیں کردا میَں بانا پہننا روُسی، اپنا روُپ بدلائیا۔ کِتے وِچار تے نہیں آیا میَں محمد والیاں دی پہننی سوُسی، کالا رنگ رنگائیا۔ کِتے دِل تے نہیں کیِتا میَں عیسیٰ والیاں دی پنگھوُڑنی جھوُٹی، ہُلارا لیَنا چائیں چائنیا۔ کِتے من تے نہیں منّ گیا میَں سِر تے پاواں ٹھوُٹھی، اُچی ہو کے چلاں چائیں چائنیا۔ راوی کہے ناردا سنبھال لےَ اپنی بوُتھی، کیوں گلّاں رہیا کڈھائیا۔ میَں تے تکدی چارے کوُٹی، دہ دِشا دھیان لگائیا۔ میَں چھڈ دِتا پوُجا پاٹھ دین والی اہوُتی، گھِرت دیِپ جوت نہ کوئے جگائیا۔ میَں لاہ دِتی تن ملن والی بھبوُتی، سواہ چھار نہ کوئے سیِس پوائیا۔ میرے اُتے کیوں اَیویں لاویں لوُتی، گلّاں رہیا سُنائیا۔ پِھر نارد کہے، بیِبا، غُصّہ نہ کریِں میَں تے چلن پِھرن والا دوُتی، دُتیا بھاؤ نہ کوئے رکھائیا۔ جے آہ میرے کولوں اِک پی لئیں بوُٹی، تَینوُں نشہ دئے چڑھائیا۔ راوی کِہا ناردا تُوں بڑا شیَطان دی ٹوُٹی، گلّ نوَیِں توں نوَیِں سُنائیا۔ نارد کِہا میَں ہنُے حجامت کرا کے آیا مُکھ تے پھرا کے صابن والی کوُچی، سوہنا سیِس مُنڈائیا۔ راوی تُوں تے کل دی نِکی جِہی چوُچی، کیوں چوُچیاں وانگ رؤلا پائیا۔ راوی کِہا ناردا سچ پُچھیں میری اُس پربھوُ دے نال اِکو رُچی، جِس دی رچنا ساری نظری آئیا۔ نارد کہے میَں نہیں منّدا جیہڑی بِنا وِچولے توں پربھوُ نال یاری لاوے میَنوُں دِسدا اوہ لُچی، بدمعاش نظری آئیا۔ راوی نے دنداں ہیٹھاں لےَ کے زبان ٹُکی، غُصّے وِچ دندیِاں رہی دبائیا۔

نارد کِہا کِتے ہِردا تے نہیں ہو گیا دُکھی، میَنوُں دے سُنائیا۔ راوی رو پئی اُچی اُچی، نیتر نیَناں نیِر وہائیا۔ نارد نے تاء دِتا مُچھیِں، آکڑ کے کہے میَں بھےَ وِچ لیا ڈرائیا۔ اونے چِر نوُں اِک نائی آ گیا گل وِچ پائی گُچھی، نہیرنے اُسطرے رہیا وکھائیا۔ اونے چِر نوُں اِک جٹّ آ گیا سانگھا موڈھیاں اُتے چُکی، سِنگڑ تکھے نظری آئیا۔ نارد ویکھ کے کہے ایہہ کوئی کھیل ہونی گُجھی، میَنوُں سمجھ نہ کوئے سمجھائیا۔ نارد دی ڈرن لگی بُدھی، اندرے اندر بلہیِن اکھوائیا۔ جوتی جوت سروُپ ہرِ، آپ اپنی کِرپا کر، سد اپنا کھیل کھِلائیا۔ نارد راوی نال کرے گلّاں، سہج سہج اپنا آپ مٹکائیا۔ اودھروں زور دیاں آئیاں چھلّاں، لہر لہر وِچوں پرگٹائیا۔ اِک دم پُرکھ اکال وِچوں نِکلیا اِکلّا، سَت سروُپ سوبھا پائیا۔ نارد موُرکھ بن گیا جھلّا، جھلّیاں وانگ رؤلا پائیا۔ ہتّھ وِچ پھڑ کے ٹلّا، ٹلّیاں جائے کھڑکائیا۔ پرم پُرکھ نے کر کے ول چھلا، سِر اُتے ہتّھ ٹِکائیا۔ جاں ویکھیا سمرتھ سوامی اَگے کھلا، صاحِب سُلطان نظری آئیا۔ جھٹ پٹ راوی دا پھڑیا پلّا، نِیوں نِیوں سیِس نِوائیا۔ راویئے تُوں دھنّ جِس دے دوارے پُرکھ ابناشی کھلا، اپنا پندھ مُکائیا۔ راوی کہے ایتھوں جا چلا، چلاکی نہ کوئے جنائیا۔ تُوں تے میَنوُں لُچی کہندا سیَ ہُن کیوں کریں ول چھلا، سچ دے دِرڑائیا۔ جوتی جوت سروُپ ہرِ، آپ اپنی کِرپا کر، سد اپنا رنگ رنگائیا۔ نارد کہے راوی ایہہ کلجُگ ای کلجُگ میَں تَینوُں سوادھان دِتا کرائیا۔ جِس گھر وِچ میرا پُرکھ اکال جائے وسے، اوہناں ساریاں نوُں دُنیا ایسے طرح گلّاں کر کے رہی سُنائیا۔ میَں اچھّا چل کے ایتھے گیا پُج، در تیرے ڈیرہ لائیا۔ جیہڑی گلّ تَینوُں نہیں رہی سی سُجھ، اوہ تَینوُں دِتی سمجھائیا۔ بھاویں کِنے طعنے میہنے دین لوک، سماج والے ناتا جان چُھڈائیا۔ پر یاد رکھیں تُوں گاؤنوں نہیں ہٹنا پربھ دا سلوک، تُوں میرا میَں تیرا ڈھولا گائیا۔ کوئی اِک دِن دی گلّ نہیں ہُن تے مِلنا پَینا روز، کِنا چِر لُک کے جھٹ لنگھائیا۔ میَنوُں ایَں دِسدا بھاویں تُوں بُڈھی بھاویں تُوں نڈھّی بھاویں جوبن ونتی میرے صاحِب سَتگُر نے سب دے ساہمنے تَینوُں رکھنا اپنی وِچ گود، کیوں گوداوری دا ساتھی اوہدے نال نظری آئیا۔ کیوں آد توں انت تک جُگا جُگنت تک بھگتاں نال بنیا رہیا ایہدا سنجوگ، بھاویں کوئی رووے بھاویں کوئی کُرلاوے بھاویں کوئی مذہباں والے بنّھے دعوے، بھاویں کوئی ماتا پِتا ہو کے بھرے ہاوے، پر ایہہ ایسے کر کے شیَطان میَنوُں کہندے، بھگوان دے بچّے جن بھگت بنا کے اپنی جھولی پائیا۔ ایہہ بچن سُن کے گوداوری زور زور دی روئی، میَں کیوں ایتھے اپنے آسن سوئی، میری اوسے دے نام دروہی، جو دو جہاناں مالک نظری آئیا۔

نارد کہے میَں سب کُجھ ویکھیا راوی سچّیں پربھ توں بِنا ملِے کِتے نہ ڈھوئی، ڈھولک چَھینے بستر گہنے کجّل نیَنے مندر بہنے وہن وہنے، ناتے ساک سجّن بھائی بھَینے، بیبیئے رانیئے، ایہہ سارے کمّ کِسے نہ آئیا۔ راوی کہے نارد جی اِک گلّ ہور سمجھا، اپنی دَیا کمائیا۔ نارد کِہا پہلوں منگ دُعا، اپنا سیِس نِوائیا۔ جے اوہ کِرپا کرے تے پھیر دیواں سُنا، سچ سندیس الائیا۔ راوی کہے نارد جی میَنوُں مِلن دا بڑا چاء، چاؤ میرے اندر آئیا۔ نارد کہے پہلوں چھڈ خاں پِیو تے ماں، پانی دیئے رانیئے میرے ہتّھاں اُتے پنج چوُلیاں دے ٹِکا، پھیر کنّاں نوُں ہتّھ لا آکھ میَں چھڈے بھَین بھرا، ماں پِیو دیاں جمّیاں سنگ نہ کوئے بنائیا۔ پھیر کہہ میَں جگت کھؤنت نہ لَواں ہنڈھا، خصم کنت نہ کوئے بنائیا۔ پھیر کہہ میَں نانکے دادکے چھڈے انک سہیلیاں دِتیاں تجا، ساتھی سنگ نہ کوئے بنائیا۔ پھیر کہہ شرم حیا دِتا گوا، لوک لجّیا دِتی تجائیا۔ سماج راج دا رہیا نہ کوئی بھا، بھاؤ سِر نہ کوئے رکھائیا۔ پھیر کہو میَنوُں قسم رہی نہ سوُر گاں، دیِناں مذہباں وِچوں کڈھ لا اپنا ناں، نبیاں نالوں ناتا لےَ تُڑائیا۔ پھیر اُچی کڈھ کے بانہہ کوُک کے دے سُنا، نہ کوئی میرا میَں کِسے دی نہ، میَنوُں مِلن کوئے نہ آئیا۔ پھیر کہہ میَں ہار شِنگار دِتے تجا، نیَن کجلا نہ لَواں لگا، سُرخی بِندی رنگ نہ کوئے چڑھائیا۔ پھیر کہہ میَں دوُتی دُشمن دِتے بھجا، سَتگُر دی صوُرت اندر لئی وسا، اوہو میرا پریِتم اوہو میرا ماہی اوہو میرا پِتا ماں، دوُجا نظر کوئے نہ آئیا۔ نارد جی کہے تُوں میرے نال ملا دے ہاں، تَینوُں وکھاواں اوہ تھاں، جِتھے بَیٹھا بے پرواہ، بے پرواہی وِچ سمائیا۔ ایہہ بچن کردیاں دُنی راتیں سُتی پُرکھ اکالا راوی کنڈھے پہنچیا آ، اپنا رنگ رنگائیا۔ ویلا سویرے پؤنے چھ دا وقت لِکھا، لیکھے وِچ اپنا پردہ لاہیِا۔ راوی نوُں سندیسہ دِتا تُوں آؤنا نال چاء، چاؤ گھنیرا اِک بنائیا۔ نؤ توں ساڈھے نؤ تک ایتھے ہُندی رہی صلاح، مشورہ پریم نال بنائیا۔ راوی کہہ کے گئی میرے وِچوں اجّ پانی دا جگ ضرور لیَنا بھرا، میَں کِشن سِنگھ دے گھر جانا چائیں چائنیا۔ میَں ایسے کر کے آپ آئی بیننتی کراں چرن سیِس نِوا، نِیوں نِیوں لاگاں پائیا۔ جوتی جوت سروُپ ہرِ، آپ اپنی کِرپا کر، سد اپنا حُکم ورتائیا۔ راوی کہے میرا جل لیَن آوے اوہ اجّ، اجّ دا راہ تکائیا۔ جیہڑا میرے کنڈھے توں گیا سی بھجّ، پار کنڈھا نہ ویکھ وکھائیا۔ پار کنڈھے توں اُس لِیانا بھر کے جگ، جگ جیِون داتا ویکھ وکھائیا۔ جِس ویلے لوح تھلّے ڈاہُنی اگّ، اگنی بھیٹ کرائیا۔ اُس ویلے صاحِب سَتگُر دے کول ضرور دینا رکھ، بُھل رہے نہ رائیا۔ سَوا رُپئیا بھیٹ کرنا، راوی کہے، میَں پھیر دسّاں کیوں سَوا نوُں کِہا سَوا لکھّ، لکھّ لکھّ ودھائیا۔ کُچھ سُکے کول

رکھنے ککھّ، پنج ستّ نظری آئیا۔ اِک بوتل دا کاک رکھنا گٹ، نال دینا چُھہائیا۔ کِشن سِنگھ نے اپنا ننگا کرنا سجّا پٹّ، آسن اِس طرح لیَنا ٹِکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، کوُڑ کلپنا میٹے پھٹّ، پٹ اپنا نام بندھائیا۔