۲۵ پھگّن شہنشاہی سمت ۴ وکیِل سِنگھ دے گرِہ پِنڈ اَلھڑپِنڈی
نارد کہے میرا ڈبّا کہندا صاحِب نوُں کرو نِمسکار، نِیوں نِیوں سیِس نِوائیا۔ جن بھگتو رہنا نال پیار، دُتیا روُپ نہ کوئے وکھائیا۔ تُہاڈا ساریاں دا سانجھا اِک دربار، مندر مسجد شِودوالے مٹھاں توں کھہڑا دِتا چُھڈائیا۔ تُسیں اجے چؤراسی وِچوں دو چار، بُہتے نظر کوئے نہ آئیا۔ میَں ویکھدا تکدا جاندا بُجھدا پاواں سب دی سار، انتشکرن ویکھ وکھائیا۔ جِس طرح تُہاڈی باہروں مِٹھی گُفتار، ایسے
طرح اندروں من لؤ بنائیا۔ لڑنا رُسنا جھگڑنا نہیں چنگی کار، موُرکھاں والی مت گوائیا۔ جے تُہاڈا مالک شاہ پاتشاہ سچّی سرکار، تُسیں سچّی رعیت بن کے دیؤ وکھائیا۔ ویکھو گنگا گوداوری جمنا سُرستی اوتار پَیغمبر گُر چار جُگ دے پنہار، حُکمے اندر اجّ وی آئے چائیں چائنیا۔ جُگ چؤکڑی کردے رہے اِنتظار ، بِن نیَناں نیَن اُٹھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ سندیسہ اِک سُنائیا۔ نارد کہے جن بھگتو بیِت گئیاں کئی صدیاں، صدمیاں وِچ جھٹ لنگھائیا۔ ویکھو بھجّیِاں آئیاں وہن وِچ وہن والیاں ندیِاں، اپنا روُپ بدلائیا۔ پریم دے اندر بدھّیاں، مُحبّت وِچ وڈیائیا۔ ایسے طرح تُہاڈیاں پریِتاں اوس دے نال لگّیِاں، جیہڑا کدے نہ کرے جُدائیا۔ بھاویں تُسیں ماڑیِاں بھاویں تُسیں چنگیِاں، چِکڑ بھریِاں لئے گل لائیا۔ ویکھیو ڈُل نہ جائیوجے غریِبی وِچ آون تنگیاں، بُھکھ نال بُھکھا نہ کوئے مر جائیا۔ اِس دے درشن نوُں جمنا سُرستی گوداوری روندیِاں رہیِاں گنگیِاں، راوی راہ تک تک کے سیَکڑے سال دِتے بِتائیا۔ تُسیں تے پَیریں پائے جوڑے اوہ وِچاریِاں ویکھو پَیریں ننگیِاں، بھجّن تھاؤں تھائنیا۔ جیہڑیاں بستر پہندیِاں سی رنگ برنگیاں، اوہناں دے اُتے ڈھائی گز دا کھّدر وکیِل سِنگھ نے دِتا پائیا۔ ایہو جہِیاں اوہ لگّیِاں ویکھ پابندیاں، حَیرانی وِچ نارد کہے، میَنوُں رہیِاں سُنائیا۔ میَں ہسّ کے کِہا نی کملیو ایہو جِہا ویس کرن ویسوا تے رنڈیِاں، کنت سُہاگناں چلن اپنے پربھ دی رجائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ نارد کہے جن بھگتو میرا نہ کرِیو غُصّہ، غُصّے والی نہ گلّ سُنائیا۔ اَیویں تاء نہ دیؤ مُچھاں، باہروں گنڈھ پوائیا۔ پہلوں اپنا اندروں پوِتر کرو جُسا، ضمیِر لؤ بدلائیا۔ سَتگُر نال رہے کوئی نہ رُسا، من ممتا نہ دئے دُہائیا۔ جِناں چِر گودی چُکے نہ بنا کے پُتا، سُت اپنے رنگ رنگائیا۔ اوناں چِر اُس دا بھیوَ گُجھا، باہروں ہسّ ہسّ کے سب نوُں دئے ٹرکائیا۔ جِنہاں دے اندر وڑ جائے اوہناں دا وسا دیوے جھُگا، جھُگی اندر ڈیرہ لائیا۔ تُسیں نہیں جان دے ایہہ ولیا آد جُگادی کھیل کرے وِچ جُگاں، گُر اوتار پَیغمبراں نوُں بُھنبل بھوُسیِاں وِچ بھوائیا۔ میَں وی نہیں سمجھ سکیا ایہدا مُدّعا، مُدّت توں ایہدے پِچھے لگّ کے اپنا گھر بار تجائیا۔ کِتے مان نہ کرِیو اسیں ایہنوُں پیاؤندے تازا چو کے دُدھا، دُدھادھاری نظری آئیا۔ ایہہ ہتّھ نہ آیا کدی کِسے اُتے بسُدھا، بُدھ ورگے کر کر دھیان بَیٹھے تاڑیِاں لائیا۔ جے ایہہ اپنے آپ چاہوے تے چمار جُلاہیاں دا بنا دیوے گُڈا، اسماناں دے اُتے دئے چڑھائیا۔ ایہہ نہیں جاندا بھاویں کوئی امروُ نِتھاویں ورگا ہووے بُڈھا، ستّرے بہتّرے نوُں پیار کرائیا۔ کِتے خوش نہ ہو
جائیواسیں مُٹھیاں بھردے تے چھکاؤندے رُگا، بڑی سیو کمائیا۔ جِناں چِر اپنا من اندروں کروگے نہ شُدھا، ایہہ سادھوُآں وانگوُ بھرم وِچ کدے نہ آئیا۔ ایہہ چنگا کھان پیِن نہیں گِجھا، دھنےّ ورگے دے رُکھے سُکھے ٹُکڑے کھا کے سیو کمائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سد اپنا میل مِلائیا۔ نارد کہے میَنوُں سارے کہندے شیَطان، شیَطانی دیاں کرائیا۔ جن بھگتو سچ دسّاں میَں جدوں کراں تے کراں پربھوُ دا گیان، گیان بِنا نِشان نہ کوئے جنائیا۔ ایہہ ضرور میرا مسخریاں والا بیان، ہیرا پھیری کر کے سِدھا راہ دیواں وکھائیا۔ کدے میَں براہمن بن کے ججماناں دی کراں کلیان، کدے میَں بھگت سنت بن کے جگیاَسوُآں نوُں کراں پروان، کدی میَں کنت بن کے ناریِاں دی کراں پہچان، کدے میَں جیِو جنت بن کے موُرکھ ہوواں اَنجان، کدے میَں بلونت بن کے سب نوُں دیواں دان، کدے میَں اننت بن کے اپنا کھیل کراں مہان، سچ پُچھو میَں نِراکار نِرنکار جننی وِچوں اپنا آپ جن کے جنیندی سُچجیّ اوہو اِکو مائیا۔ جوتی جوت سروُپ ہرِ، آپ اپنی کِرپا کر، سد اپنے گھر وسائیا۔ نارد کہے میری بیننتی میری عرضوئی، عرض دیاں سُنائیا۔ بھگت بنے جے کوئی، میَں ضرور اُس دا درشن پائیا۔ جِس نوُں درگاہ ساچی ملِے ڈھوئی، میَں ڈھولک چَھینیاں دے تھاں اوہدے اَگے اپنا پیِپا دیاں کھڑکائیا۔ سُرتی رہے کِسے نہ سوئی، سُتیاں نوُں دیاں جگائیا۔ میَں اِک دِن جُتی چُک لئی سی کبیِر دی لوئی، اُس دیِاں اکھّاں وِچ گھٹّا پا کے اپنا آپ چُھپائیا۔ پِھر میَں اُچی اُچی رؤلا پایا ہائے میری چوری ہوئی، میَنوُں کبیِر جُلاہا لُٹ کے لےَ گیا میری دروہی، دروہی دروہی کر کے دِتا سُنائیا۔ جوتی جوت سروُپ ہرِ، آپ اپنی کِرپا کر، سد اپنا کھیل وکھائیا۔ نارد کہے لوئی کہے کبیِرا میری چُک لئی کِسے جُتی، کوَن ایتھے پھیرا پائیا۔ میَں کڈھ کے زِمیں وِچ کُھتی، ٹوئے وِچ دِتی دبائیا۔ متھے تِلک لگا کے بودی ہلا کے ساہمنے آ کے، منکے بھوا کے کِہا، کُچھ مَیتھوں لؤ پُچھی، میَں جنم جنم دے لیکھے دیاں سمجھائیا۔ میَں ردّی کاغذاں دی بغل وِچوں کڈھ کے گُچُھی، جیہڑی بدھّی سی نال رسّی، گنڈھاں گھُٹ گھُٹ کے پائیا۔ جاں میَں نِگاہ ماری لوئی میَنوُں دِسی جِس طرح کبیِر نالوں رُسی، مُنہ بھَیڑا جِہا بنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سد اپنا کھیل وکھائیا۔ لوئی کہے کبیِر جی اوہ ویکھو آیا جوتشی، اوہ جوتش دئے لگائیا۔ میَں جھٹ کِہا لوئی تُوں کی سوچدی، لوئن میرے لوئناں نال مِلائیا۔ ایس جُلاہے نال کی سُکھ بھوگدی، جیہڑا تیری جُتی نہ سکیا لبھائیا۔ ایہنوُں سار کی اوس پربھوُ دی مؤج دی، بِنا
پنڈتاں توں ہتّھ کِسے نہ آئیا۔ نِکیاں نِکیاں گلّاں دسّنیاں میری کھیل روز دی، سہجے دیاں سمجھائیا۔ میَنوُں اِک پتہ لگدا تُہاڈی ایہہ دھرتی ماں روُپ بن گئی چور دی، تیری جُتی چوری کر کے اپنے وِچ دبائیا۔ آسا بدل گئی لوئی کمزور دی، وِشواس پنڈت اُتے کرائیا۔ کبیِر کِہا تُوں کی ایتھوں لوڑدی، ایہہ تے کوئی شیَطان روُپ بدلائیا۔ نارد کِہا جے لوئی تُوں میرے آکھے لگّ کے اُتوں دھرتی گوڈ دئیں، گِٹھ سَوا گِٹھ ہلائیا۔ جاں لوئی نے تیلا ماریا نارد نے تالی لائی زور دی، ہتّھ ہتّھاں اُتے کھڑکائیا۔ ویکھی اوُ شیَطانی اِس دھرتی حرام خور دی، جیہڑی بھگتاں نال دغے رہی کمائیا۔ جے میَں پنڈت نہ آؤندا تے تیرا جُتی نال جوڑ کوَن جوڑدی، سانجھا رنگ رنگائیا۔ لوئی کِہا ایہہ تیری کِرپا مِہربانی موہر دی، مُہر دھرتی اُتے لگائیا۔ نارد کہے جے جُتی ہُندی کِسے ہور دی، میَں بِنا سَوا رُپئیے دِتیاں توں اِشارہ نہ کدے کرائیا۔ اونے چِر نوُں کبیِر ٹاہنی بھنّ لیاندی بوہڑ دی، نارد دے سِر وِچ دِتی لگائیا۔ نارد کِہا کھؤرے کوئی سوانی ایہہ میرا مِٹی دا بھانڈا ٹھکوردی، دُدھ رِڑکن واسطے پسند کرن آئیا۔ پھیر کبیِر نے چپیڑ ماری زور دی، مُنہ دِتا بھوائیا۔ نارد کِہا کِڈی اندروں آواز آئی شبد اگمّی گھنگھور دی، کنّاں وِچوں ساں ساں ساں دِتا کرائیا۔ پھیر کبیِر نے اوہدے گل وِچ رسّی پائی ڈور دی، زور نال کھِچائیا۔ نارد کہے کھؤرے ایہہ کوئی بڑی چنگی سوانی جیہڑی میَنوُں لوڑدی، ور پراپت کرن واسطے بھجّی تھاؤں تھائنیا۔ پھیر کبیِر نے صفحہ وِچھا لئی اپنی دوہر دی، تھلّے دِتی وِچھائیا۔ نارد کِہا میری وی منسا سی ایہو لوڑ دی، کوئی میَنوُں آرام نال دیوے سوائیا۔ ایہہ بچن سُن کے لوئی سہجے نال پِٹھ ٹھکوردی، پُٹھی مُکی دِتی لگائیا۔ نارد کِہا او بے بے ایہہ کوئی کھلّ نہیں ڈھور دی، ایہہ براہمن نہاؤن دھون والا سوہنا ملوُک ڈیرہ لائیا۔ تُوں دسّ کِس نوُں ٹٹولدی، جے کوئی اجے تکّ نہیں لبھا میرے نالوں چنگا ہور نظر کوئے نہ آئیا۔ لوئی غُصّے وِچ بولدی، تُوں کِدھروں آیا شؤدائیا۔ نارد کِہا ایہہ آواز خالی ڈھور دی، میَنوُں اجے نہ بھائیا۔ جے تُوں اپنے پتی دے برابر ہو جائیں تول دی، وزن اِکو جِہا کرائیا۔ اوہنے اپنے کنّ پھڑ کے کھِچے، نارد کہے، پِھر کِسے دی جُرئت نہیں مخؤل دی، اکھّ لئے اُٹھائیا۔ اوہو مردی اوہو پھسدی جیہڑی ہِردیوں ڈولدی، جیہڑی پریم وِچ رتّی تے ہنڈھاوے کملاپتی، پت پرمیشور سیِس نِوائیا۔ اوہدی کدے نہ بدلے اکھّی دوُسرے دی ہووے کدے نہ سکھی، بھاویں کِنے آ جان مُنی رِکھی، مُنیِشراں ولّ نِگاہ نہ کدے اُٹھائیا۔ نارد کہے جن بھگتو تُساں کل کیہڑی گلّ سِکھی، تے کیہڑی اپنے ہِردے وِچ لِکھی، میَنوُں دیؤ جنائیا۔ کیہڑی
تُہاڈے کول چِٹھی، جیہڑی سدا رہے انڈِٹھی، نیتر ویکھن کوئے نہ پائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، دُھر سندیسے رہیا سُنائیا۔ جن بھگتو سُنو میریو بھئیا، بھَینو دیاں جنائیا۔ پربھوُ جے اِکو سئیا، ساجن اِک اکھوائیا۔ سچ دسّو راوی اُتے جِس ملاح دی چڑھے سو نئیا، اوہ ملاح تُہاڈے کول نظر کوئے نہ آئیا۔ جو پربھ سرنائی ڈھئیاں، اوہناں دی پھڑ لئیاں بہیاں، بازو اپنے ہتّھ رکھائیا۔ باقی دا حِساب سارے لِکھدے رکھدے نِیوندرے پاؤندے اُتے وہیاں، پُت پوترے تائیں لیکھا چلیا آئیا۔ تُہانوُں سمجھ نہیں آئی کیوں بچن سِنگھ نے ارداسا کیِتا سَوا رُپئیا، سُکیاں ککھّاں اُتے ٹِکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا مالک بےپرواہیِا۔ نارد کہے سَوا رُپئیا تُہاڈی ارداس، ارداسے پِچھلے دِتے تجائیا۔ تُسیں پربھ دے تے پربھوُ تُہاڈے پاس، راوی دا آر پار کنارہ دئے گواہیِا۔ نارد کہے میَنوُں ضرور دینی پئی شاباش، شابا کہہ کے سب نوُں دیاں سُنائیا۔ تُہاڈا اوس دے چرناں وِچ واس، جِس دے اَگے واسطہ پا پا سارے سیِس نِوائیا۔ تُہانوُں کٹنا پئے نہ کوئے بنباس، جنگلاں وِچ نہ کوئے بھوائیا۔ پربتاں اُتے ہونا نہ پئے اُداس، گھر بار تجائیا۔ پڑھنا پئے نہ وِچ کِسے کلاس، اکھّراں والی نہ کوئے پڑھائیا۔ اِک نال جُڑ گیا نات، رِشتہ لیا بنائیا۔ میری اِک منّو بات، باطن دیاں سمجھائیا۔ بابوُپُر والیو تُہاڈی اِکیاں دی نال ضرور ہووے جماعت، ضامن اپنا آپ کرائیا۔ باقی سب دا لہنا دینا پوُرا کرے جو سب دا مائی باپ، پِتا پُرکھ اکال وڈ وڈیائیا۔ اسیں خوشی نال بھورا بھورا کھا کے جانا کھاج، گنگا گوداوری جمنا سُرستی راوی نال مِلائیا۔ پِھر حاضر ہووانگے جِس دِن پہلی چیت نوُں پہننا تاج، تخت نِواسی بھگت دوارے ڈیرہ لائیا۔ نارد کہے تُہاڈا سوہنا لگّا سماج، میَں سمجھ کے خوشی منائیا۔ ایتھے نہ کوئی سوال نہ کوئی جواب، بِنا سیِس جھُکاؤن توں چارا نظر کوئے نہ آئیا۔ میَں جاندا جاندا نمستے نمو نمو نِمسکار بھگتو سب نوُں کراں آداب، بھگتو کیِتی بے ادبی میری معاف دینی کرائیا۔ میَں پنج ستّ دِن پِھر کے آؤنا بغداد، میری سیوا دِتی لگائیا۔ عرب واسیِاں دا لہنا دینا تے لیکھا آن کے دینا جواب، حُکم دُھر دا دِتا سُنائیا۔ میری غریِب دی کی مجال، گھڑی پل اٹک نہ سکاں رائیا۔ تُسیں جِتھے گایا کروگے گاتھ، سوہنگ مہاراج شیرسِنگھ وِشنوُں بھگوان دی جےَ دا نعرہ لائیا۔ میَں اوتھے دوُر دُراڈا جھُک کے کریا کراں گا آداب، نِیوں نِیوں سیِس نِوائیا۔ میری انت اَخیِر سب دے اَگے ارداس، پریم پیار مُحبّت منگ منگائیا۔ اپنے رکھِیو پاس دھیِرج دھار لیَنا وِشواس، وِشیاں وِچ صاحِب
سَتگُر بُھل کدے نہ جائیا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، مہاراج شیرسِنگھ وِشنوُں بھگوان، تُہاڈے ساہمنے ساکھیات، ساکھی پرمان دی لوڑ رہے نہ رائیا۔
نارد کہے جِس ویلے وکیِل سِنگھ دے گل وِچ سوہنگ پھسیا، اَدھ وِچ آ کے اپنی خوشی منائیا۔ میَں کھِڑ کھِڑا کے ہسّیا، اپنی لئی انگڑائیا۔ شاید اجّ ایس تھوڑا پرساد ہووے چھکیا، زور نہ سکے لگائیا۔ جاں رات دا ہووے تھکیا، نیندرے وِچ انگھلائیا۔ میرا جی کردا ایہنوُں لےَ جاواں نال مدیِنہ مکّیا، مقبریاں دے اُتے دیاں پِھرائیا۔ جِتھے وڈّی وڈّی ریت بالوُ دِسے اُڈدا گھٹّیا، دھوُڑو دھوُڑ نظری آئیا۔ جے کوئی ویکھن آوے اوہدے کولوں نہ جاوے لنگھیا، میَں اِشاریاں نال جنائیا۔ پھیر پُچھیا زور نال سوہنگ مہاراج شیرسِنگھ وِشنوُں بھگوان کیوں نہیں جپیا، اوہ جپنا سؤکھا جاں میرے نال پِھرنا سؤکھا میَنوُں دے سمجھائیا۔ پھیر لےَ جاواں جِدھر گھٹّا ہووے تپیا، اگنی روُپ وٹائیا۔ پھیر لےَ جاواں جِتھے پھوُڑی صفحہ ہووے وِچھیا، کہاں نالے روزے رکھ نالے نمازاں رکھ نالے ہتّھ رکھ کنّاں توں لےَ کے گِٹیاں، مُنہ دے بھار اپنا آپ سُٹائیا۔ پھیر کی کہیں مَیتھوں نہیں جاندا جھُکیا، کمر نیویِں نہ کوئے کرائیا۔ پھیر میَں کہاں اوتھے چلیا جاہ جِتھوں آیاں بِنا اوس توں پَینڈا کدے نہ مُکیا، مکّہ مدیِنہ نہ کوئے سہائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ سچ دی کار کمائیا۔
۲۵ پھگّن شہنشاہی سمت ۴ بھجن سِنگھ دے گرِہ پِنڈ دوست پُرا
راوی کہے میَنوُں امرت رس مِلیا ٹھنڈا پانی، میرا اگنی تت بُجھائیا۔ میَں دِوس رَین جپدی رہی اگمّی بانی، تُوں میرا میَں تیرا دوُجا نظر کوئے نہ آئیا۔ آساں تکدی رہی چارے کُنٹ چارے کھانی، چار ورناں ویکھ وکھائیا۔ کوَن ویلے آئے میرا پُرکھ سُلطانی، شاہ پاتشاہ دُھردرگاہیِا۔ جو آتم پرماتم پرماتم آتم آد جُگادی ساچا ہانی، بِردھ بال نہ روُپ وٹائیا۔ ساچی منزل دسےّ اِک روُحانی، روُح بُت کرے صفائیا۔ شبد انیالا تیِر مارے کانی، کلمہ حق حق دِرڑائیا۔ جھگڑا رہے نہ کوئے جِسمانی، جِسم ضمیِر دئے بدلائیا۔ شرع دِسے نہ کوئے بیگانی، بیوہ روُپ نہ کوئے وکھائیا۔ جلوہ نوُر دیوے اسمانی، گھر گھر اندر کرے رُشنائیا۔ دیِن دُنی دے اندروں کلجُگ کوُڑی کِریا کڈھے بے اِیمانی، جوُٹھ جھوُٹھ ڈیرہ ڈھاہیِا۔ جوتی جوت سروُپ ہرِ، آپ اپنی کِرپا کر، ایکا دیوے دُھر دا ور، سچکھنڈ نِواسی دَیا کمائیا۔ راوی کہے میَنوُں مِلیا امرت رس، جھِرنا رِسک رِسک جھِرائیا۔ میرا آپا ہویا وسّ، کلپنا اوَر رہی نہ رائیا۔ میَں چرناں اُتے گئی ڈھٹّھ، نِمرتا وِچ سیِس نِوائیا۔ کِرپا کر صاحِب سمرتھ، در تیرے الکھ جگائیا۔ کلجُگ کوُڑ کلپنا کِس بِدھ جاوے نسّ، ہر ہِردے ہوئے صفائیا۔ ساچی منزل ملِے اگمّی گھاٹ، تٹ کنارے وجےّ ودھائیا۔ چار ورن اٹھاراں برن نؤ کھنڈ پرِتھمی ستّ دیِپ رہے نہ اندھیری رات، نِرگُن نوُر چند چمکائیا۔ آتم پرماتم پاربرہم برہم سد وسے تیرے پاس، وِچھوڑا نظر کوئے نہ آئیا۔ پُرکھ اکالا دیِن دَیالا دَیانِدھ ٹھاکر سوامی بھیوَ ابھیدا کھولے آپ، آپ اپنی دَیا کمائیا۔ تُوں میرا میَں تیرا کرنا جاپ، جگ جیِون داتا آپے ہوئے سہائیا۔ ترےَگُن اتیِتا ٹھانڈا سیِتا میٹ مِٹائے ترےَگُن مایا آگ، اگنی تت نہ کوئے تپائیا۔ انت کنت بھگوَنت تیری آپے پُچھے وات، داتا دانی ویکھے جگت لوکائیا۔ جِؤں بھاوے تِؤں لَوے راکھ، ہرِ کرتا دُھردرگاہیِا۔ نِرگُن نوُر جوت کر پرکاش، ظہوُر اپنا دئے دِرڑائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، درگاہ ساچی سچ دوارا ایکنکارا اِک اِکلّا آپ جنائیا۔ راوی کہے میَنوُں امرت مِلیا جل، جل تھل مہیئل وجّی ودھائیا۔ میرا وِچھوڑا ہووے نہ پل، آد جُگادی سنگ نِبھائیا۔ اندھیرا رہے نہ ڈوُنگھی ڈل، نِرگُن نوُر جوت رُشنائیا۔ جھگڑا مکُے کلجُگ کلّ، کل کاتی رہے نہ کوئے قصائیا۔ گُر اوتار پَیغمبراں مسلہ ہووے حل، بھوِکھتاں وِچ لیکھا گئے جنائیا۔ دھام ویکھاں اوہ اٹل، سچ دوار لَواں ملّ، چرن کوَل اِک سرنائیا۔ نِرگُن دھار جاوے رل، جوتی جوت وِچ سمائیا۔ جوتی
جوت سروُپ ہرِ، آپ اپنی کِرپا کر، کرے کھیل دُھر دا ہرِ، حُکم دُھر دا اِک سُنائیا۔ راوی کہے میری ترِسنا مِٹی پیاس، حرص رہی نہ رائیا۔ آیا سچ وِشواس، بھروسہ لیا بندھائیا۔ کوَن ویلا ملِے پُرکھ ابناش، ہرِ کرتا دُھردرگاہیِا۔ انتر دیوے ساتھ، نِرنتر ناتا لئے جُڑائیا۔ میری اِکو ہو جائے ذات، اذاتی روُپ نہ کوئے وٹائیا۔ کوُڑ کلپنا کرے وفات، سَت دھرم لئے اُپجائیا۔ ساچے منڈل پاوے راس، سُرتی شبدی گوپی کاہن نچائیا۔ جوتی جوت سروُپ ہرِ، آپ اپنی کِرپا کر، بھیوَ ابھیدا دئے کُھلائیا۔ راوی کہے امرت وِچوں مِلی اگمّی شکت، میری شخصیّت دِتی بدلائیا۔ حُکم سندیسہ دِتا جگت، دیِن دُنی دِرڑائیا۔ پرگٹ کرے پربھوُ پربھ بھگت، بھگوَن اپنا رنگ رنگائیا۔ اوہ ویلا سُہنجنا ہووے وقت، ملِے مان وڈیائیا۔ گُرمُکھاں اُپر کرے ترس، رحمت آپ کمائیا۔ امرت میگھ دیوے برس، امیوں رس آپ چکھائیا۔ جنم مرن دی میٹے حرص، چؤراسی پھند کٹائیا۔ کایا مندر اندر دے کے درس، نِج لوچن نیَن کرے رُشنائیا۔ ایہہ کھیل ہووے اسچرج، جِس نوُں سمجھے نہ کوئے لوکائیا۔ پرگٹ ہو مردانہ مرد، محبوُب مُحبّت والا ویکھ وکھائیا۔ دیِن دَیال دَیانِدھ ٹھاکر دیِناں اناتھاں ونڈے درد، دو جہاناں ویکھ وکھائیا۔ راوی کہے میری بیننتی منظور کرے عرض، آرزو اپنے لیکھے لائیا۔ پُرکھ اکالا دیِن دَیالا پروردِگار سانجھا یار انت اَخیِر بے نظیِر لاشریِک پوُرا کرے فرض، غرض سب دی ویکھ وکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، لیکھا جانے فرش عرش، عرش فرش اپنی کار کمائیا۔
۲۵ پھگّن شہنشاہی سمت ۴ دِھرتا سِنگھ دے گرِہ پِنڈ کلانؤر
راوی کہے میری سُہنجنی ہووے رُت، رُتڑی پربھ مہکائیا۔ کِرپا کر ابناشی اچُت، مِہربان مِہر نظر اِک اُٹھائیا۔ میرا کرم کرم دا میٹ کے دُکھ، دُکھڑا دِتا گوائیا۔ انت اُپجائے اِکو سُکھ، نِرنتر اپنا رنگ رنگائیا۔ دھرم دی دھار دسّ کے تُک، تُخم تاثیر دِتا بدلائیا۔ کلجُگ کوُڑی کِریا بدل کے رُخ، سَتجُگ ساچا راہ جنائیا۔ شبدی گوبِند سوُرا اُٹھا کے سُت، سُت دُلارے رنگ رنگائیا۔ جِس نوُں برہمنڈ کھنڈ رہے جھُک، پُری لوء سیِس نِوائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، ہرِ داتا
بےپرواہیِا۔ راوی کہے میَنوُں گُر اوتار پَیغمبر سارے دین دلاسا، سندیس اگمّ سُنائیا۔ مِہربان محبوُب دا رکھ بھرواسا، بھانڈا بھرم دینا بھنّائیا۔ جِس نے کھیل کرنا پرِتھمی آکاشا، گگن گگننتر ویکھ وکھائیا۔ منڈل منڈپ پاوے راسا، گوپی کاہن کاہن نچائیا۔ سد جوتی دا بن کے جاتا، جاگرت جوت کرے رُشنائیا۔ آتم برہم دا ہو گیاتا، بھیوَ ابھیدا دئے کُھلائیا۔ کلجُگ کوُڑی کِریا جھگڑا میٹے ذات پاتا، سَتجُگ ساچا رنگ رنگائیا۔ ہوئے سہائی ناتھ اناتھا، جوتی جوت سروُپ ہرِ، آپ اپنی کِرپا کر، دیونہارا ساچا ور، دھرم دوارا اِک سُہائیا۔ راوی کہے گُر اوتار پَیغمبر میَنوُں سارے دیون تھاپی، ہتّھ پُشت پناہ ٹِکائیا۔ ویکھنا کھیل پربھوُ پرتاپی، پابرہم پربھ اپنا ویس وٹائیا۔ جِس نے میٹنے کوُڑے پاپی، دُشٹ دُراچاراں دئے کھپائیا۔ آتم برہم دے ویکھے جاپی، جو ہِردے ہرِ رہے وسائیا۔ تھر تھر سرِشٹی رہی کانپی، دھیِرج دھیِر نہ کوئے دھرائیا۔ جِس نے لہنا دینا چُکاؤنا باقی، باقاعدہ اپنا حُکم ورتائیا۔ لیکھا چُکے تن وجوُد ماٹی خاکی، خالق خلق ویس وٹائیا۔ کرے کھیل آپ اِتفاقی، اِتفاقیا اپنا حُکم ورتائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، دُھر دا حُکم اِک ورتائیا۔ راوی کہے گُر اوتار پَیغمبر میرا دیون ساتھ، سگلا سنگ بنائیا۔ تیرا مالک پُرکھ سمراتھ، مِہربان محبوُب نوُر الاہیِا۔ اوہ پرگٹ ہووے ساکھیات، جوتی جاتا ڈگمگائیا۔ جو گُر ارجن گیا آکھ، آخر پوُرا دئے کرائیا۔ کلجُگ میٹے اندھیری رات، سَتجُگ سچ کرے رُشنائیا۔ دیِن دُنی دی اِک جماعت، جمُلہ اکھّر اِک پڑھائیا۔ نظری آئے نر نِرنکارا واحد، واہ واہ گُروُ اِک وڈیائیا۔ ساچا حُکم کرے عائد، عادت عبادت وِچ بدلائیا۔ دیِن دُنی دا اِکو ہووے قواعد، کرنی کرتا آپ سمجھائیا۔ جوتی جوت سروُپ ہرِ، آپ اپنی کِرپا کر، سد اپنا حُکم ورتائیا۔ گُر اوتار پَیغمبر کہن راوی ویکھ منزلے حق مقصوُد، درگاہ سچ دھیان لگائیا۔ جِس نے ساڈا لیکھا کرنا آپ منسوُخ، حُکم اِک جنائیا۔ سانوُں کرنا پئے رسوُخ، دیِن مذہب نہ کوئے لڑائیا۔ تُوں اپنا ہِردا رکھ مضبوُط، کلجُگ ویکھ نہ جانا گھبرائیا۔ چار دِن دا جھگڑا پنج بھوُت، انتم انتر انتشکرن کرے صفائیا۔ اِس نے کلجُگ روُپ بدلا کے کر جانا کوُچ، کوُچا گلی ہووے صفائیا۔ چارے کُنٹاں اُپجے سوُچ، سنجم اِکو دئے درسائیا۔ جِدھر تکّنا پُرکھ اکال اودھر مؤجوُد، چاروں کُنٹ سوبھا پائیا۔ پَیغمبراں لیکھا مُکنا ہزارا دروُد، کلمہ اگمّ اگمّ پڑھائیا۔ مِہربان سب نوُں رکھے محفوُظ، سِر اپنا ہتّھ ٹِکائیا۔ جِس دا گرِہ اِک عروُج، عالیشان سوبھا پائیا۔ جوتی جوت سروُپ ہرِ، آپ اپنی کِرپا کر، سد اپنا کھیل وکھائیا۔ گُر اوتار پَیغمبر کہن
اگلا ویکھ اِشارہ، شبدی شبد دھار جنائیا۔ کی ورتے کھیل سنسارا، سنساری بھنڈاری سنگھاری سمجھ کِچھ نہ آئیا۔ دیوے حُکم اگمّ اپارا، الکھ اگوچر آپ دِرڑائیا۔ جِس نوُں کہندے کل کلکی اوتارا، کل کلیش دئے مِٹائیا۔ دیِن دُنی دا درِشٹی وِچ سرِشٹی وِچ اِشٹی وِچ اِکو ہووے اونکارا، اکل کل دھاری اپنی کل ورتائیا۔ سب نے کرنی اوس نوُں نِمسکارا، نِیوں نِیوں سیِس جھُکائیا۔ جِس دا نام اگمّا نِراکھّر دھار پرگٹے اوہ جَیکارا، جےَ جَیکار دئے کرائیا۔ جِس دا لیکھا کوئی لیکھ نہ لِکھنہارا، کاغذ قلم شاہی نہ کوئے وڈیائیا۔ جِس نوُں کہندے آد انت اوتارا، اوتر روُپ دھرائیا۔ اوہ سُہائے تیرا تٹ کنارہ، گھاٹ اِکو دئے وڈیائیا۔ جوتی جوت سروُپ ہرِ، آپ اپنی کِرپا کر، دُھر دا کھیل اِک وکھائیا۔ گُر اوتار پَیغمبر کہن راوی سب دے پَینڈے مُکدے، مُکمل دئیے جنائیا۔ پربھ دے حُکم کدے نہ رُکدے، نہ کوئی میٹے میٹ مِٹائیا۔ جُگ چؤکڑی اسیں ڈردے کدی نہ کُچھ پُچھدے، سد چلیئے حُکم رضائیا۔ جے سندیسے مِل گئے اِک تُک دے، ساریاں ڈھولے لینےَ گائیا۔ ڈنکے وجنے گوبِند سُت دے، دو جہان کرے رُشنائیا۔ سنت سُہیلے ساجن اُٹھدے، دیِن دُنی وِچوں لیَن انگڑائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سَت ستوادی ویکھ وکھائیا۔ گُر اوتار پَیغمبر کہن راوی رہنا ٹھنڈی، ٹھنڈک اِک ورتائیا۔ جِس نے آؤنا تیری کنڈی، کائنات ویکھے تھاؤں تھائنیا۔ کلجُگ کوُڑی کِریا رہن نہ دیوے پکھنڈی، مایا ممتا موہ مِٹائیا۔ پھڑ کے نام اگمّی چنڈی، چنڈالاں کرے صفائیا۔ سیوا لیکھے لائے گوبِند پُر انند دی، انند انند وِچوں پرگٹائیا۔ قیِمت پائے لِکھے چھند دی، سنسا دیِن دُنی گوائیا۔ ساڈی انتر آشا اِکو منگدی، مانگت ہو کے جھولی ڈاہیِا۔ تیری دھار ویکھیئے سوُرے سربنگ دی، صاحِب تیری بےپرواہیِا۔ نِشانی رہنی نہیں تارا چند دی، محمد کوُک کوُک سُنائیا۔ نِشانی رہنی نہیں مذہباں والی ونڈ دی، عیسیٰ آسا اپنی اِک سمجھائیا۔ دوَیت رہنی نہیں غریِباں والی کندھ دی، نانک نِرگُن دئے گواہیِا۔ لڑی رہنی نہیں پاکھنڈ دی، گوبِند گُر گُر سمجھائیا۔ راوی جِس وہناں وِچ تُوں لنگھدی، اپنا پندھ مُکائیا۔ انتم کھیل ویکھنی جگت وِچ وربھنڈ دی، برہمنڈی اکھّ اُٹھائیا۔ جوتی جوت سروُپ ہرِ، آپ اپنی کِرپا کر، نِہکلنک نرائن نر، مہاراج شیرسِنگھ وِشنوُں بھگوان، کھیل کرے اپنے انند دی، دوُجا سنگ نہ کوئے رکھائیا۔
۲۶ پھگّن شہنشاہی سمت ۴ منگل سِنگھ جُگِندر سِنگھ دے گرِہ پِنڈ ڈیڈھ گواڑ
تُوں ہےَ پنجاں تتاں والا منُکھ، اپ تیج وائے پرِتھمی آکاش بنت بنائیا۔ ترےَگُن مایا نال کیِتا جُٹ، رجو طمو ستو رنگ رنگائیا۔ پرماتما آتما تیرے وِچ دِتی سُٹ، نِرگُن نوُر جوت رُشنائیا۔ شبدی ناد انادی اُپجائے تُک، انراگی راگ سُنائیا۔ بوُند سوانتی امرت لہنا گھُٹ، کوَل نابھی وِچ ٹِکائیا۔ اِیڑا پِنگل سُکھمن تِنّاں دا اِکو رُخ، رستہ اِک جنائیا۔ پنجھی پرکِرتیاں پنچ پرپنچ کام کرودھ لوبھ موہ ہنکار دا لایا دُکھ، مایا ممتا آسا ترِسنا نال مِلائیا۔ سچکھنڈ دوار وِچوں چُک، دھرنی دھرت دھوَل اُتے ٹِکائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ تُوں ہیَں پنج تت سریِر، تانی خاک نظری آئیا۔ جِس دے انتر کھیل بے نظیِر، نؤ دوارے سمجھ کِسے نہ پائیا۔ آتما دھار پرماتما سرکار کھیل شہنشاہ وزیر، وزارت نِرگُن دھار چلائیا۔ کلپنا وِچ بُدھی من وِچ تاشیر، مت وِچ بے نظیِر اپنی کار کمائیا۔ دُھر دا حُکم شبدی دھار کرم کانڈ دی تقریر، تیرے نال پرنائیا۔ سؤنا جاگنا کھانا پیِنا چلنا پِھرنا غریِبی نال امیِر، سارے کھیل کھِلائیا۔ جگت ترِسنا دی پا کے زنجِیر، دیِن دُنی نال لڑائیا۔ کدے کنّ کدے نکّ کدے ہتّھ کدے لّک کدے ڈِھڈ پیِڑ، کدے تاپ کدے سنتاپ کدے روگ کدے سوگ کدے چِنتا کدے ہرکھ وِچ بھوائیا۔ اٹّھے پہر دِوس رَین بنی رہی بھیِڑ، سانتک سَت نہ کوئے کرائیا۔ جوتی جوت سروُپ ہرِ، آپ اپنی کِرپا کر، بھیوَ ابھیدا دئے کُھلائیا۔ تُوں ہیَں پنج تت دا وجوُد، ماٹی خاک نظری آئیا۔ میرے وِچ دِسے محبوُب، دوئے نیتر ویکھن کوئے نہ پائیا۔ تیرے کول اپنے آپ دا کیوں نہیں ثبوُت، بِنا بندگی توں مانَس جامہ کِسے کمّ نہ آئیا۔ کیوں اِک سؤ پّچی پؤنڈ دا چُکی پِھریں کلبوُت، اپنا بھار اُٹھائیا۔ بِبیکی وِچ نہیں کوئی سوُجھ، بھیکھی وِچ بھیکھ نہ کوئے دِرڑائیا۔ کھا پی کے وِشٹا کرنا پھیر چھڈنا موُت، ایہہ مانَو دی نہیں چتُرائیا۔ وسّ نہ آیا من کلپنا والا کلبوُت، دہ دِشا اُٹھ اُٹھ دھاہیِا۔ جِناں چِر اپنے وِچوں کوُڑی کِریا نہ کرو منسوُخ، مُحبّت پریم اِک ودھائیا۔ اوناں چِر کدے نہ آوے سوُجھ، بِنا سَتگُر سَت رنگ نہ کوئے سمائیا۔ جوتی جوت سروُپ ہرِ، آپ اپنی کِرپا کر، سد اپنا بھیوَ کُھلائیا۔ تُوں ہےَ تن خاکی ہون والا ناس، جگ رہن نہ پائیا۔ اندر باہر ویکھی نہیں کوئی راس، بھرم وِچ اپنا بھرم ودھائیا۔ اندر ہویا نوُر نہیں پرکاش، جوتی جوت نہ کوئے رُشنائیا۔ شبد سُنیا نہیں دُھن ناد، انراگی راگ نہ کوئے الائیا۔ امرت جل دا چکھّیا نہیں سواد، سوانگی ہو نہ کوئے ٹپکائیا۔ کُچھ ویلا
یاد کر لےَ جِس ویلے رویا سیَ وِچ کماد، نیتر نیَناں نیِر وہائیا۔ کی حالت ہوئی جدوں سُتا سیَں وِچ باغ، مُنہ دے بھار سُٹائیا۔ پر اجے تک اوہ جوتی دا جگیا نہیں چراغ، جِس نال ہوئے رُشنائیا۔ ایہہ تیرا سریِر ایہہ وی تیرا نہ دیوے ساتھ، ساتھی کیہڑا نظری آئیا۔ آؤنا جانا خالی ہاتھ، ایہہ وی پتہ نہیں کِہڑیاں بھراواں نے چُک کے مساناں وِچ دینا پہنچائیا۔ جے سریِر مِلیا، تن مِلیا، من مِلیا سرون کنّ مِلیا تے پھیر مِلو اوس بھگوان جو انتر دی انتر نِرنتر دی نِرنتر دیوے سادھ، رسنا جِہوا بتّی دند پُچھن دی لوڑ رہے نہ رائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا مالک، خلق دا خالق سرب دا پرِتپالک، لکھّ چؤراسی جیِو جنت سادھ سنت پاربرہم برہم سب دا لیکھا ویکھ وکھائیا۔ تُہاڈے اندر اِک خیال، جِس نوُں من بُدھی رہی ٹُھکرائیا۔ اوس دی شبد گُروُ کرے سنبھال، جو آد جُگادی بےپرواہیِا۔ جے نہیں ویکھیا تُہاڈیِاں اکھّاں نال دئے وکھال، جیہڑا جگ نیتر نظر کِسے نہ آئیا۔ جیہڑا ساڈھے تِنّ ہتّھ کایا مندر جِس وِچ سچّی دھرمسال، گھر وِچ گھر دِتا بنائیا۔ کِرپا کر کے مِہربان دیِپک جوتی دیوے بال، نوُر ظہوُر کرے رُشنائیا۔ جیہڑا لبھن والا دھن مال، اوس دی سوچ وِچ تُسیں اپنا جیِون رہے بِتائیا۔ کِس بِدھ جھگڑا مُک جائے کال، رائے دھرم نہ دئے سزائیا۔ چِتر گُپت لیکھا نہ سکے وکھال، لاڑی مؤت نہ انت پرنائیا۔ اوس دے کولوں صاحِب سَتگُر آپے کرے بحال، لیکھا اوَر رہے نہ رائیا۔ جگت تت توڑ جنجال، جاگرت جوت کرے رُشنائیا۔ جو پُچھنہارا مُریِداں حال، مُرشد ہو کے ویکھ وکھائیا۔ بھاویں تُسیں کُچھ نہیں کیِتا سوال، تُہاڈے انتر اِک آواز، جِس دے وِچ گُجھا راز، جِس نوُں رسنا جِہوا بتّی دند باہر سکے نہ کوئے کڈھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ پریم دی پریِتی والی دھار، دھرم دواریوں دئے پرگٹائیا۔
راوی کہے میَں سچ پریم رنگی، پربھ رنگت اِک رنگائیا۔ آد جُگاد دا بن کے سنگی، جُگ جُگ اپنا ساتھ نِبھائیا۔ آسا منسا پوُری کرے جو چرن کوَل در منگی، مانگت ہو کے جھولی ڈاہیِا۔ جن بھگتاں صاحِب کدے نہ دیوے تنگی، تنگدستی دئے کڈھائیا۔ پِٹھ کدے نہ ہووے ننگی، پُشت پناہ ہتّھ رکھائیا۔ اندر واسنا آؤن نہ دیوے مندی، سُگندھی اپنا نام بھرائیا۔ تیرا دوارا جاون لنگھی،
اَگے ہو نہ کوئے اٹکائیا۔ نِجانند دیوے انندی، پرمانند وِچ سمائیا۔ تُوں میرا میَں تیرا گاون چھندی، دوُجی اوَر نہ کوئے پڑھائیا۔ شرع دی رہے نہ کوئے پابندی، شریِعت اِکو دینی سمجھائیا۔ جوتی جوت سروُپ ہرِ، آپ اپنی کِرپا کر، سد اپنے گھر وسائیا۔ راوی کہے میرے صاحِب سُلطان، تیرے ہتّھ وڈیائیا۔ سرِشٹ سبائی دے گیان، انتر نِرنتر اِک پڑھائیا۔ کوُڑی کِریا میٹ نِشان، سَت سچ اِک پرگٹائیا۔ ساچا مارگ دسّ نؤجوان، مرد مردانے ہو سہائیا۔ چار کُنٹ دہ دِشا نؤ کھنڈ پرِتھمی ستّ دیِپ ہویا حَیران، حَیرانی سب دے اندر آئیا۔ کوُڑی کلپنا پِھرے شیَطان، گھر گھر ڈیرہ لائیا۔ پِتا پوُت نہ رہیا مان، بھائی بھائیاں کرن لڑائیا۔ نیتر اکھّ نہ کوئے شرمان، تیِرتھ تٹ دین دُہائیا۔ پِھری دروہی وِچ جہان، جہالت وِچ لوکائیا۔ امرت رس ملِے نہ پیِن کھان، ترِسنا بُھکھ نہ کوئے بُجھائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، دُھر دا ہُلارا لیَنا لائیا۔ راوی کہے پربھ چار ورناں کر مِلاپ، مِلنی ہرِ جگدیِش کرائیا۔ آتم پرماتم سب دا ہووے جاپ، جگ جیِون داتے دینا بنائیا۔ کوُڑی کِریا میٹ سنتاپ، سنسا روگ دے گوائیا۔ روُح بُت کر پاک، پروردِگار تیری سرنائیا۔ چرن دھوُڑی سب دے مستک لا خاک، ٹِکّے نام اگمّ رمائیا۔ بجر کپاٹی کھول تاک، اوہلا رہن کوئے نہ پائیا۔ درس وکھا ساکھیات، سوَچّھ سروُپی روُپ وٹائیا۔ جھگڑا مِٹا کاغذات، اِکو برہم دینا دِرڑائیا۔ اِکو سب دا مائی باپ، پِتا پُرکھ اکال اکھوائیا۔ کلجُگ رہے نہ اندھیری رات، اماوس ڈیرہ دینا ڈھاہیِا۔ تیری تکّن سارے واٹ، پَینڈا لیَنا مُکائیا۔ راوی کہے میَں نِمرتا وِچ رہی آکھ، نمستے کہہ کے سیِس نِوائیا۔ کِرپا کر میرے ابناش، ابناشی کرتے تیری وڈیائیا۔ ساچے منڈل پا راس، سُرتی شبدی گوپی کاہن ناچ نچائیا۔ دیِن دُنی دا بدل سماج، سمگری اِک ورتائیا۔ دُرمت مَیل دھو داغ، پتت پُنیِت آپ کرائیا۔ تیری مُحبّت وِچ اپنا آپ سارے لیَن سادھ، دُتیا بھاؤ رہے نہ رائیا۔ نِرگُن دھار دے وَیراگ، سرگُن اپنا بھیوَ کُھلائیا۔ تُوں سب دا کرتا سرب سوامی انترجامی بدل دے مِزاج، مزہ اپنا نام چکھائیا۔ جِتھے نہ کوئی سوال نہ جواب، گرِہ اِکو دے وکھائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، نِہکلنک نرائن نر، مہاراج شیرسِنگھ وِشنوُں بھگوان، تیرا حُکم بودھ اگادھ، بُدھی توں پرے تیری وڈیائیا۔
۲۶ پھگّن شہنشاہی سمت ۴ گُلزار سِنگھ دے گرِہ پِنڈ ڈیڈھ گواڑ
راوی کہے میرا انتر اِک سندیسہ، جاگت سووت دیاں دِرڑائیا۔ پُرکھ اکال منّنا اِک نریشا، نر نرائن سچّا دُھردرگاہیِا۔ جو آد جُگاد رہے ہمیشہ، نِرگُن سرگُن کھیل کھِلائیا۔ دو جہاناں بنے نیتا، نر نِرنکار دئے وڈیائیا۔ بھگت اُدھارنا جِس دا پیشہ، پیشیِن گوئیاں گُر اوتار پَیغمبراں دئے جنائیا۔ وسنہارا سچکھنڈ ساچے دیسا، دو جہاناں کھوج کھوجائیا۔ سو پُرکھ اکالا دیِن دَیالا کلجُگ انتم ویکھے لیکھا، صدی چؤدھویں پھول پُھلائیا۔ مانَو رہے نہ کوئے بُھلیکھا، بھانڈا بھرم بھؤ بھنّائیا۔ جوتی جامہ دھارے ویسا، نِرگُن نوُر جوت رُشنائیا۔ جِس دی یاد کر کے گیا گوبِند دس دسمیسا، کیس گڑھ اپنا حُکم جنائیا۔ شبد گُروُ آد انت جِس دا بیٹا، پوُت سپوُتا سوبھا پائیا۔ لکھّ چؤراسی جیِو جنت بنے کھیوٹ کھیٹا، مِہربان مِہر نظر اُٹھائیا۔ کلجُگ اگنی تت میٹے جیٹھا، امرت میگھ اِک برسائیا۔ جوتی جوت سروُپ ہرِ، آپ اپنی کِرپا کر، سد اپنا رنگ رنگائیا۔ راوی کہے منّنا اِکو پُرکھ سمرتھ، جو سوامی دُھر دا نظری آئیا۔ جو درگاہ ساچی رہیا وس، سچکھنڈ ساچے سوبھا پائیا۔ گُر اوتار پَیغمبراں مارگ دئے دسّ، وِشن برہما شِو کرے پڑھائیا۔ جُگ جُگ لہنا دینا ویکھے حقیِقت حق، لکھّ چؤراسی کھوج کھوجائیا۔ سَتجُگ تریتا دواپرکلجُگ چلائے رتھ، بن رتھواہی کار کمائیا۔ لہنا دینا چُکاوے ہتّھو ہتّھ، بے پرواہ اپنی بے پرواہی وِچ سمائیا۔ جِس دا چار جُگ دے شاستر گاؤندے جس، ڈھولے صِفتاں والے سُنائیا۔ جِس دی سرن سرنائی سرگُن دھار سارے رہے ڈھٹّھ، نِرگُن نوُر جوت رُشنائیا۔ جو وسنہارا گھٹ گھٹ، ہر گھٹ بَیٹھا ڈیرہ لائیا۔ سو صاحِب سَتگُر سب دی بدل دیوے مت، من ممتا دوُر کرائیا۔ نام اگمّے رنگے رتّ، رتن امولک لئے بنائیا۔ نِج نیتر کھول کے اکھّ، پرتکھ درس دِکھائیا۔ دیِن دُنی توں کر کے وکھ، بھگت سُہیلا لئے اُٹھائیا۔ جھگڑا مُکائے تت اٹّھ، اپ تیج وائے پرِتھمی آکاش من مت بُدھ نہ کوئے وڈیائیا۔ دھیِرج سنتوکھ دیوے ہٹّھ، سنتوکھ اِکو اِک دِرڑائیا۔ نؤ دوارے پَینڈا کٹ، دسم دواری پردہ لاہیِا۔ جِتھے جوت اگمّی لٹ لٹ، نِرگُن نوُر کرے رُشنائیا۔ شبد سُت مارے سٹّ، سوئی سُرت رہن کوئے نہ پائیا۔ امرت اگمّا دیوے جھٹ، بوُند سوانتی آپ ٹپکائیا۔ سو صاحِب سَتگُر آد جُگاد سمرتھ، جِس نوُں جنمے کوئے نہ مائیا۔ کلجُگ انت ہو پرگٹ، پاربرہم پربھ اپنی دَیا کمائیا۔ چار ورناں کھول کے ہٹّ، کھتری براہمن شوُدر وَیش بھنڈارا دئے ورتائیا۔ پِچھلی کیِتی کرنی کر کے بھٹھ، بھانڈا بھرم بھؤ
بھنّائیا۔ ذات پات رہن نہ دیوے وٹّ، جوتی جوت سروُپ ہرِ، آپ اپنی کِرپا کر، سد اپنا بھیوَ کُھلائیا۔ راوی کہے دُھر دا منّو اِک سوامی، جو سدا سماں دئے بدلائیا۔ آد جُگادی انترجامی، گھٹ نِواسی ویکھ وکھائیا۔ جِس دی صِفتاں والی چار جُگ دی بانی، پرا پسنتی مدھم بَیکھری ڈھولا گائیا۔ جو دیونہارا امرت رس ٹھنڈا پانی، سر سروور اِک نُہائیا۔ جو جھگڑا مُکاوے چارے کھانی، انڈج جیرج اُتبُھج سیتج ڈیرہ ڈھاہیِا۔ جو بخشنہارا پد نِربانی، گھر ساچے لئے مِلائیا۔ جو کرے پرکاش نِرگُن نوُر جوت نوُرانی، اندھ اندھیرا دئے گوائیا۔ جِس دا بھیوَ نہ پائے کوئی وِدوان گیانی، پڑھیاں ہتّھ کِسے نہ آئیا۔ جِس کلجُگ انت میٹنی شرع شیَطانی، شریِعت اِکو اِک سمجھائیا۔ آتما رہے نہ کوئے بیگانی، پرماتم اپنا پردہ لاہیِا۔ چار جُگ دا لیکھا مکُے دیِوانی، شہادت گُر اوتار پَیغمبر گئے بُھگتائیا۔ منزل دسّ اِک روُحانی، رہبر ہو کے آپ سمجھائیا۔ پُرکھ اکال صاحِب سَتگُر پاربرہم پت پرمیشور کلجُگ انتم کرے مِہربانی، مِہربان محبوُب مُحبّت وِچ اپنی کار کمائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، شبد دھار دی شبدی دئے نِشانی، جِس دا نِشانہ دو جہاناں سکے نہ کوئے مِٹائیا۔
۲۶ پھگّن شہنشاہی سمت ۴ سماں سِنگھ دے گرِہ پِنڈ ڈیڈھ
راوی کہے جن بھگتو میَں ویکھیا تُہاڈا رام، جو رام رام دا مالک نظری آئیا۔ تکّیا تُہاڈا کاہن، جو کاہن کاہناں حُکم منائیا۔ تکّیا تُہاڈا شام، جو شمع نوُر جوت کرے رُشنائیا۔ تکّیا تُہاڈا اِمام، جو کلمے رہیا دِرڑائیا۔ تکّیا تُہاڈا بھگوان، جو بھاوَنا سب دی ویکھ وکھائیا۔ تکّیا تُہاڈا مِہربان، جو مِہر نظر نال ترائیا۔ تکّیا تُہاڈا نِشان، جو دو جہاناں رہیا جھُلائیا۔ جوتی جوت سروُپ ہرِ، آپ اپنی کِرپا کر، سد اپنا میل مِلائیا۔ راوی کہے میَں ویکھیا تُہاڈا پربھوُ، پربھوُ دُھر دا نظری آئیا۔ جِس نے بھاگ لگایا دیِپ جنبوُ، جمنا سُرستی گوداوری گنگا دِتی وڈیائیا۔ جِس دے کولوں برہمنڈ کھنڈ کنبوُ، سِر سکے نہ کوئے اُٹھائیا۔ گُرمُکھاں بیڑا بنوُ، گُرسکھاں لئے ترائیا۔ دُھر دا راگ سُنائے کنّوُ، کائنات دئے دِرڑائیا۔ ذات پات دا جھگڑا چُکاؤ جیہڑا جگت چلایا منوُ، مایا ممتا موہ میٹ مِٹائیا۔ کھیل رہن نہیں دینا جگت جہان گبھےّ سّنوُ، سانجھا راہ اِک بنائیا۔ ہنکاری رہے نہ کوئے دھناڈھ دَھنوُ، دھرم دی دھار اِک پرگٹائیا۔
جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، لیکھا جانے لکھّ چؤراسی تنوُ، تن وجوُد ماٹی خاک ویکھ وکھائیا۔
۲۶ پھگّن شہنشاہی سمت ۴ دَیال سِنگھ دے گرِہ پِنڈ گواڑ
راوی کہے میَں سَتجُگ ساچا تکاّں، سَت پُرکھ نِرنجن دئے وکھائیا۔ جھگڑا رہے نہ مدیِنہ مکّہ، کعبیاں والی نہ کوئے لڑائیا۔ نؤ کھنڈ پرِتھمی جگت جہان بنے سکا، دیِن مذہب ونڈ نہ کوئے ونڈائیا۔ اِکو پُرکھ اکال دیِن دَیال سچ سوامی ٹیکے متھا، اِشٹ جگدیِش نظری آئیا۔ چرن دھوُڑی نام دا لگّے ٹِکاّ، وجےّ سچ ودھائیا۔ نام سَت دا چلے سِکہ، دھرم دی دھار اِکو نظری آئیا۔ کلجُگ کوُڑی کِریا اُترے وِکھا، وِس رہن کوئے نہ پائیا۔ چار ورن اٹھاراں برن نظری آئے سَت سروُپ سِکھا، جو سِکھیا گوبِند گیا سمجھائیا۔ جِس دا نام انیالا تیِر تِکھا، بجر کپاٹی توڑ تُڑائیا۔ نظری آئے پاربرہم پت پرمیشور اگمّی پِتا، بے نظیِر پردہ دئے اُٹھائیا۔ صدی چؤدھویں نِکلن والا سِٹا، محمد آشا دئے پرگٹائیا۔ حضرت عیسیٰ پِھرے نَٹھا، ویہویں صدی راہ تکائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، سچکھنڈ نِواسی دَیا کمائیا۔ راوی کہے میَں سَتجُگ ویکھاں اکھّیں، ہرِ کرتا دئے وکھائیا۔ گُر اوتار پَیغمبراں بھوِکھت بانی کرے سچّی، سِر اپنا ہتّھ ٹِکائیا۔ آتم پرماتم بنائے اپنی سکھی، دُھر دا کاہن نؤجوان اپنی دَیا کمائیا۔ دیِناں مذہباں دی رہن نہ دیوے پتّی، پت پرمیشور اِکو اپنا حُکم چلائیا۔ سَت دھرم دی کھول کے ہٹّی، کلجُگ کوُڑی کِریا دئے مُکائیا۔ تُوں میرا میَں تیرا دسّ کے پٹّی، پٹنے والے دئے مِلائیا۔ کھیل کرے پُرکھ سمرتھی، ہرِ کرتا وڈ وڈیائیا۔ جو چار جُگ چلائے رتھی، سَتجُگ تریتا دواپر کلجُگ بن رتھواہیِا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، ہرِ کرتا نوُر الاہیِا۔ راوی کہے میَں سَتجُگ ویکھنا لگدا، صاحِب سَتگُر آپ وکھائیا۔ پیار ویکھنا دیِن دُنی جگ دا، چار ورن اِکو رنگ رنگائیا۔ جھگڑا مُکنا کعبے والے حج دا، صدی چؤدھویں حضرت دین گواہیِا۔ کھیل ہونا دیِن دَیال پُرکھ سمرتھ دا، جو سب دا پِتا مائیا۔ نِت نوِت جو نِرگُن سرگُن مارگ رہیا دسّدا، بودھ اگادھ کر پڑھائیا۔ سو پرگٹ ہوئے جِس دا نِشانہ آد جُگادی سچ دا، سچ دا مالک سوبھا پائیا۔ لہنا مُکاوے کایا ماٹی کچّ
دا، تن وجوُد ویکھ وکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سد اپنا حُکم ورتائیا۔ راوی کہے میَں تکّنا سَتجُگ سَت نظارہ، پرم پُرکھ پربھ نظریہ دئے بدلائیا۔ دیِن دُنی دا اِکو ہووے دوارا، گُردر مندر مسجد شِودوالے مٹھ دھرم دی دھار اِکو نظری آئیا۔ اِکو نام شبد ہووے جَیکارا، رسنا جِہوا بتّی دند صِفت صالاحیِا۔ اِکو اِشٹ ہووے سچّی سرکارا، اِکو درِشٹ دئے کُھلائیا۔ اِکو شبد ناد دُھن دُھنکارا، انحد نادی ناد سُنائیا۔ اِکو امرت رس ملِے ٹھنڈا ٹھارا، نِجھر جھِرنا آپ جھِرائیا۔ اِکو نِرگُن نوُر جوت کرے اُجیارا، جوتی جاتا ڈگمگائیا۔ اِکو پرگٹ ہووے کل کلکی اوتارا، وڈ اِماما نوُر الاہیِا۔ جِس دا گُر اوتار پَیغمبر رکھدے گئے سہارا، اوڑک اوٹ تکائیا۔ اوہ نِرگُن نوُر جوت کرے اُجیارا، شبدی شبد ڈنک وجائیا۔ دو جہاناں پاوے سارا، برہمنڈ کھنڈ ویکھ وکھائیا۔ کلجُگ کوُڑی کِریا کرے پار کنارہ، مایا ممتا موہ مِٹائیا۔ سَتجُگ ساچا دے سہارا، مہاسارتھی اپنی کار کمائیا۔ جن بھگتاں کرے حق پیارا، محبوُب مُحبّت وِچ میل مِلائیا۔ راوی کہے میَں جھُک جھُک اوس نوُں کراں نِمسکارا، سجدیاں وِچ سیِس جھُکائیا۔ جِس دا سَتگُر ارجن دے کے گیا اِشارہ، چرن میرے وِچ چُھہائیا۔ اُس نے گوبِند نال لیانا شبدی دھار دوبارہ، کایا ماٹی نہ کوئے وڈیائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، آد جُگاد جُگ چؤکڑی جانے اپنا سچ وِہارا، نِت نوِت اپنا حُکم ورتائیا۔
۲۶ پھگّن شہنشاہی سمت ۴ جُگِندر سِنگھ دے گرِہ پِنڈ گواڑ
راوی کہے جن بھگتو تُسیں دو اِک دی دھار اِکّی، سرگُن نِرگُن نظری آئیا۔ جیہڑی کھیل کِسے نہیں دِسی، اوہ تُہانوُں دِتی وکھائیا۔ گُر ارجن گوبِند دی چِٹھی، بِن اکھّراں سوبھا پائیا۔ راوی کہے اَلھڑپِنڈی میری پوُری ہوئی مِتی، مِترو تُہاڈے نال مِل کے وجّی ودھائیا۔ سب نے پوِتر رکھنی نیِتی، من وِکار نہ کوئے ودھائیا۔ اِکو منّنی حق حدیِثی، جو حضوُر حضرتاں کرے پڑھائیا۔ سَت دھرم دی تُرنا اُتے ریِتی، ریِتیوان دَیا کمائیا۔ تُہاڈی من کلپنا ہووے پتت پُنیِتی، بُدھ بِبیک سوبھا پائیا۔ جوتی جوت سروُپ ہرِ، آپ اپنی
کِرپا کر، سد اپنا حُکم ورتائیا۔ راوی کہے اِکیاں دا مالک آد جُگادی اِک، جو نِرگُن سرگُن دَیا کمائیا۔ اوسے دی دھار جُگ چؤکڑی سِکھ، جو سِکھیا سچ دی رہے کمائیا۔ سو آد جُگادی بن کے پِت، پت پرمیشور ویکھ وکھائیا۔ جن بھگتاں کرے ہِت، آتم پرماتم جوڑ جُڑائیا۔ پُرکھ اکال وساؤنا چِت، من ٹھگؤری رہے نہ رائیا۔ سو سَتگُر سہارا رکھے سب دی پِٹھ، پُشت پناہ اپنی دَیا کمائیا۔ جیِوندیاں جگ جانا جِت، مرن توں بعد جیِون اپنا جانا بدلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، دُھر دا لیکھا ویکھ وکھائیا۔ راوی کہے تُہاڈی اِکّی اپار، اپرمپر دئے وڈیائیا۔ تُہاڈا مالک ایکنکار، اِک اِکلّا نظری آئیا۔ تُساں اوس دے رہنا خِدمتگار، خادم ہو کے سیو کمائیا۔ جِس نوُں جھُکدے گُروُ اوتار، پَیغمبر سجدیاں وِچ سیِس نِوائیا۔ جِس دی سارے کردے اِنتظار ، بِن اکھّاں اکھّ اُٹھائیا۔ اوہ کل کلکی اوتار، نِہکلنکا اپنی کل ورتائیا۔ لیکھا جانے سرب سنسار، سنساری بھنڈاری سنگھاری لئے اُٹھائیا۔ حضرت عیسیٰ موُسیٰ محمد کر کے خبردار، بےخبراں خبر پُچائیا۔ سوئے رہن نہ دیوے تیئی اوتار، راما کرِشنا لئے جگائیا۔ لہنا دینا چُکاوے اپنی دھار، دھرنی دھرت دھوَل اپنا پھیرا پائیا۔ تُساں آتم پرماتم پرماتم آتم لاؤندے رہنا جَیکار، جےَ جےَ کار برہمنڈ کھنڈ کرن تھاؤں تھائنیا۔ راوی کہے پربھ رستے تے چلن والیاں میری سدا نِمسکار، میَں نِیوں نِیوں سیِس نِوائیا۔ تُہاڈے کارن میرا پوُرا ہویا وِہار، وِوہاری دِتا کرائیا۔ تُساں جانا خوشیاں نال، خوشی اپنے اندر ٹِکائیا۔ تُسیں اوس سَتگُروُ دے لال، جیہڑا گوبِند نہ جنمے نہ مرے، مات گربھ وِچ کدے نہ آئیا۔ سدا سدا سد کردا رہے پرِتپال، پرِتپالک ہو کے ویکھ وکھائیا۔ جِدھر تکّو اودھر تُہاڈے نال، چار کُنٹ دہ دِشا اپنا سنگ نِبھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، سب دا حل کرے سوال، سوالی خالی رہن کوئے نہ پائیا۔
۲۶ پھگّن شہنشاہی سمت ۴ کاشی رام دے گرِہ پِنڈ سُنّییِا
راوی کہے میرے اندر چاؤ گھنیرا، گھر ٹھاکر سوامی دِتی وڈیائیا۔ میرے انتر مِٹیا اندھیرا، نِرگُن نوُر کیِتا رُشنائیا۔ کوُڑی کِریا چھڈیا جھیڑا، سَت دھرم اِک اپنائیا۔ مایا ممتا ڈوبیا بیڑا، سَت سنتوکھ لیا اپنائیا۔ شبد گا کے تُوں میرا میَں تیرا، پوُرب لیکھا لیا چُکائیا۔ پُرکھ اکال دیِن دَیال کرے مِہرا، مِہر نظر اِک اُٹھائیا۔ جِس نے سرِشٹی درِشٹی دینا گیڑا، نوَ ستّ آپ بھوائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، ہرِ داتا بےپرواہیِا۔ راوی کہے گُر اوتار پَیغمبر ویکھو اگمّ نظارہ، ہرِ کرتا آپ جنائیا۔ شبدی دھار ویکھو اِشارہ، نِرگُن نوُر رہیا جنائیا۔ صدی چؤدھویں انت کنارہ، محمد دیوے کوَن صفائیا۔ حضرت عیسیٰ ہون والا اُجیارا، جگدیِشا اپنی کار کمائیا۔ موُسیٰ ہونا آپ ہوشیارا، نِرگُن دھار لئے انگڑائیا۔ تیئی اوتار رہنا خبردارا، بےخبراں خبر سُنائیا۔ کرے کھیل اگمّ اپارا، الکھ اگوچر اپنا حُکم سُنائیا۔ دیِن دُنی دا سانجھا یارا، پروردِگار نوُر الاہیِا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ گُر اوتار پَیغمبر کہن اسیں اوس دے بردے، در ٹھانڈے سیِس نِوائیا۔ اسیں مالک ساچے گھر دے، درگاہ ساچی سوبھا پائیا۔ جِتھے ہِندوُ مُسلم سِکھ عیِسائی موُل نہ لڑدے، تتاں ونڈ نہ کوئے ونڈائیا۔ کلمہ وکھ وکھ نہ پڑھدے، اِکو ڈھولا اگمّ اتھاہیِا۔ مندر مسجد شِودوالے مٹھ موُل نہ وڑدے، اِکو اِشٹ رہے منائیا۔ تیِرتھ تٹاں کوئی نہ وڑدے، پانی وہن نہ کوئے وہائیا۔ سچ سرنائی دُھردرگاہی پڑدے، جو بے پرواہی نوُر خُدائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، دھرم دی دھار اِک وکھائیا۔ گُر اوتار پَیغمبر کہن راوی کر دھیان، سچ سندیسہ دئیے جنائیا۔ سچکھنڈ ساچے اسیں سارے ہوئے پروان، پروانہ پربھ نے دِتا پھڑائیا۔ جا کے ویکھو اپنا جہان، زِمیں اسمان پھول پُھلائیا۔ جو کلمہ دے کے آئے دان، نام امولک جھولی پائیا۔ خالی دِسے کایا مکان، پنج تت نہ کوئے وڈیائیا۔ رسنا جِہوا بتّی دند صِفتاں وِچ گان، آتم پرماتم جوڑ نہ کوئے جُڑائیا۔ دھرم دا رہیا نہ کوئے نِشان، سَت سچ نہ کوئے جنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ سندیسہ اِک سُنائیا۔ گُر اوتار پَیغمبر کہن تیرا کھیل پربھ محبوُب، مِہربان تیری وڈیائیا۔ سرِشٹی دی بدل گئی سوُجھ، درِشٹی اندروں نہ کوئے کُھلائیا۔ مایا ممتا وڑی پنج بھوُت، کام کرودھ لوبھ موہ ہنکار ہلکائیا۔ جھگڑا دِسے چارے کوُٹ، دہ دِشا کرے لڑائیا۔ ساڈھے تِنّ ہتّھ وسیرا جوُٹھ
جھوُٹھ، آسا ترِسنا نال مِلائیا۔ تیرے نام دا ملِے نہ کوئے ثبوُت، ساجن سنگ نہ کوئے نِبھائیا۔ دُرمت مَیل دھووے نہ کوئے کلبوُت، پتت پُنیِت نہ کوئے کرائیا۔ محل اٹل نظر نہ آئے عرش عروُج، اعظم تیرا درس کوئے نہ پائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در تیرے منگ منگائیا۔ گُر اوتار پَیغمبر کہن ہؤں در تیرے دے منگتے، مانگت ہو کے جھولی ڈاہیِا۔ گڑھ توڑ دے ہؤمے ہنگتے، ہنگ برہم دے سمجھائیا۔ بودھ اگادھے دُھر دے پنڈتے، پردہ اوہلا دینا اُٹھائیا۔ چار ورن بنا اِک سنگتے، سنجم اِکو دینا سمجھائیا۔ جھگڑے مُک جان کایا ماٹی چمّ دے، تتو تت دینا دِرڑائیا۔ پردے لاہ دے نِج نیتر اکھّ دے، لوئن اِکو کر رُشنائیا۔ جھگڑے مُک جان دہ دِشا دھاوَن والے من دے، نؤ دوار نہ ہوئے ہلکائیا۔ رس مُک جان سُنن والے کنّ دے، انتر انحد نادی شبد کر شنوائیا۔ پرکاش دے دے اپنے نوُری چنّ دے، سوُریہ چند نہ کوئے وڈیائیا۔ کوُڑ کُڑیاراں پرم پُرکھ پرماتم انتم ڈنّ دے، گُر اوتار پَیغمبر بھرے نہ کوئے گواہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، حُکم سندیسے دے اگمّی اگمّ دے، الکھ اگوچر اپنا حُکم ورتائیا۔
۲۷ پھگّن شہنشاہی سمت ۴ بیِبی بھجنو دے گرِہ
پُرکھ اکال کہے کھیل وکھرا، انڈِٹھڑی دھار چلائیا۔ میرا نام اگمّا بِن اکھّرا، وِدیا وِچ نہ کوئے وڈیائیا۔ میرا اِشٹ بِنا پتّھرا، پاہن نظر کوئے نہ آئیا۔ میرا دوارا بِنا ستھرا، سیج جگت نہ کوئے سُہائیا۔ سو مارگ بھگتاں دسّنا، سَتجُگ ساچی کر پڑھائیا۔ ہِردے اندر وسنا، نِرگُن نوُر کر رُشنائیا۔ جگت وِکار کٹنا، دُرمت مَیل دھوائیا۔ نام انوکھے پھٹّنا، گھاؤ اِک چلائیا۔ دیوے رس بِنا رسنا، امیوں رس آپ ورسائیا۔ من منوُآ کرے وسنا، دہ دِشا نہ اُٹھ اُٹھ دھائیا۔ آتم پرماتم مِل کے ہسّنا، گھر ساچے وجےّ ودھائیا۔ کلجُگ میٹے اندھیری مسّنا، نِرگُن نوُر ڈگمگائیا۔ جوتی جوت سروُپ ہرِ، آپ اپنی کِرپا کر، سد اپنا حُکم ورتائیا۔ پُرکھ اکال کہے میرا آد جُگادی اِشٹ انوکھا، جگ نیتر نظر کدے نہ آئیا۔ بھگتاں مارگ دسےّ سؤکھا، انبھوَ اپنا پردہ لاہیِا۔ پڑھنا پئے کوئی نہ پوتھا، شاستر بغل نہ کوئے
ٹِکائیا۔ کر پرکاش نِرمل جوتا، اندھ اندھیرا دینا گوائیا۔ کلپنا رہن نہ دیواں سوچا، اندروں سمجھ دیاں سمجھائیا۔ اپنے مِلن دا دے کے مؤقع، مِہر نظر اِک ٹِکائیا۔ بھاگ لگا کے کایا کوٹھا، ساڈھے تِنّ ہتّھ سوبھا پائیا۔ منّنا پئے نہ کوئے پروہتا، بندنا سیِس نہ کوئے جھُکائیا۔ جھگڑا مُکا کے لوک پرلوکا، گرِہ مندر دیاں وکھائیا۔ جِتھے آتم پرماتم پرماتم آتم اِک سلوکا، دوُجی اوَر نہ کوئے پڑھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، جُگ چؤکڑی نئیا نام چلاؤندا رہیا نؤکا، نؤ کھنڈ پرِتھمی ستّ دیِپ اپنا حُکم ورتائیا۔
۲۷ پھگّن شہنشاہی سمت ۴ اجیِت سِنگھ دے گرِہ بٹالا
پربھ دا نام ملِے بِن قیِمت، کرتا قیِمت نہ کوئے لگائیا۔ جن بھگتو پوُجا کرنی نہیں کِسے تریِمت، تریِا سیِس نہ کوئے نِوائیا۔ سَتگُر شبد سمجھو غنیمت، جِس نوُں مِلیا تِس نوُں پار کرائیا۔ اِس نوُں سمجھ نہ سکے کوئی جیو ذہیِنت، ذِہن وِچ ظاہر نہ کوئے کرائیا۔ جوتی جوت سروُپ ہرِ، آپ اپنی کِرپا کر، سد اپنا کھیل وکھائیا۔ پربھ کا نام سدا انمُلّا، قیِمت کرتا نہ کوئے لگائیا۔ آد جُگاد بھنڈارا کُھلا، توٹ رہے نہ رائیا۔ سب نوُں دیوے صُلح کُلا، غَیر ونڈ نہ کوئے ونڈائیا۔ جپیا نہیں جاندا نال بُلّاں، انتر انتر دئے وسائیا۔ بھاگ لگاوے کایا کُلّا، کُل مالک ویکھ وکھائیا۔ جُگ چؤکڑی کدے نہ بُھلا، ابُھل آپ ہو جائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سد اپنا بھیوَ چُکائیا۔ ہرِ کا نام کدے نہ وِکے ہٹّ، ہٹّو ہٹّ نہ کوئے وِکائیا۔ کِسے نہ ملِے تٹ، تیِرتھ روون دین دُہائیا۔ جِس اُپر کِرپا کرے پُرکھ سمرتھ، مِہر نظر اُٹھائیا۔ تِس آپے دئے دسّ، دہ دِشا اُٹھ نہ کوئے دھاہیِا۔ کایا اندر دے کے رس، رستہ اندروں دئے کُھلائیا۔ من کلپنا کر کے وسّ، واسطہ اپنے نال جُڑائیا۔ میٹ رَین اندھیری مس، نِرگُن نوُر جوت کرے رُشنائیا۔ جو وسنہارا گھٹ گھٹ، ہر گھٹ انتر اپنا پردہ دئے اُٹھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، نام انیالا تیِر مارے کس، آر پار اپنی دھار کرائیا۔