کتب خانہGranth 21 (Shahmukhi)

پہلی چیت شہنشاہی سمت ۵ ہرِ بھگت دوار جیٹھوُوال

سمت شہنشاہی کہے میَں ویکھیا کھیل چؤتھے جُگ، چؤکڑی جگت دھیان لگائیا۔ سَتجُگ تریتا دواپر کلجُگ لیکھا لیا بُجھ، بھیوَ ابھید باطن پردہ رہیا نہ رائیا۔ نِرگُن دھار میَنوُں سب کُجھ گیا سُجھ، پردہ اوہلا دِتا چُکائیا۔ چار ورن اٹھاراں برن سرِشٹی درِشٹی ویکھی بُدھ، من مت کھوج کھوجائیا۔ تن وجوُد رہیا نہ لُک، ماٹی کچّ بھرم نہ کوئے بُھلائیا۔ کوٹاں وِچوں اَنکاں وِچوں بھگت سُہیلے گاؤندے اگمّی تُک، تُوں میرا میَں تیرا راگ الائیا۔ رسنا جِہوا بتّی دند سُہاؤندا مُکھ، آتم پرماتم وجّی ودھائیا۔ میَں نِمسکار سجدہ کیِتا جھُک، ڈنڈاوت وِچ سیِس نِوائیا۔ انت ہسّ کے کہاں میرا سمت گیا مُک، مُکمل اپنی کار کمائیا۔ جوتی جوت سروُپ ہرِ، آپ اپنی کِرپا کر، سد اپنا کھیل وکھائیا۔ سمت شہنشاہی چار کہے میَں ویکھیا جگت جہان، جہالت دیِن دُنی ویکھ وکھائیا۔ سندیسہ دِتا سِری بھگوان، دُھر کرتے دِتا سُنائیا۔ چاروں کُنٹ پِھرے شیَطان، دہ دِشا ہوئی ہلکائیا۔ جھگڑا پیا تت اِنسان، مانَو کرے کوُڑ لڑائیا۔ آتم رہیا نہ کوئے گیان، برہم وِدیا نہ کوئے پڑھائیا۔ چاروں کُنٹ سُنجّ مسان، سَت ستواد سوبھا کوئے نہ پائیا۔ جودھا سوُربیِر دِسے نہ کوئے نؤجوان، مرد مردان اکھّ نہ کوئے کُھلائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در تیرے منگ منگائیا۔ سمت کہے میری انتم وار، وارتا پربھ دی دیاں جنائیا۔ خبردار کیتے گُروُ اوتار، پَیغمبراں رہیا ہِلائیا۔ وِشن برہما شِو دے آدھار، کروڑ تیتیِسا آیا جگائیا۔ دھرنی دھرت دھوَل آلس نِندرا اندروں اُتار، سُستی درُستی وِچ دِرڑائیا۔ حُکم دسّ سچّی سرکار، کیِتی اگمّ پڑھائیا۔ لہنا دینا ویکھو انت سرب سنسار، جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، دُھر دا حُکم اِک ورتائیا۔ چؤتھا جُگ کہے میَں ویکھی چار جُگ دی دھارا، دھرنی دھرت دھوَل کھوج کھوجائیا۔ حُکم سندیسہ دِتا اگمّ اپارا، الکھ اگوچر رہیا جنائیا۔ خبردار ہووو سوادھان جگت سنسارا، سنساری بھنڈاری سنگھاری نال مِلائیا۔ اُٹھو بھجّو نَٹھو تیئی اوتارا، موُسیٰ عیسیٰ محمد نال مِلائیا۔ گُر دس کرو وِچارا، بُدھی توں پرے دھیان لگائیا۔ جِس دا دے کے آئے لارا، نام سندیسیاں وِچ سُنائیا۔ کہہ کے آئے کلکی اوتارا، نِہکلنک ناؤں پرگٹائیا۔ اِماماں دا اِمام سِکدارا، شاہو بھوُپ سچّا شہنشاہیِا۔ نِرگُن روُپ ہویا اُجیارا، دو جہاناں ڈگمگائیا۔ لہنا دینا ویکھ اگمّ اپارا، الکھ اگوچر کھوج کھوجائیا۔ جِس سُہایا اِک دوارا، سچکھنڈ ساچے سوبھا

پائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، صاحِب سوامی نوُر الاہیِا۔ چؤتھا جُگ کہے سارے آؤ دوُر دُراڈے، حُکم سُنایا دُھردرگاہیِا۔ جِس نے دھرم نِشانے گاڈے، گائیڈ گاڈ اِکو نوُر الاہیِا۔ سب دے پوُرے کرے وعدے، واہ واہ وجےّ اِک ودھائیا۔ گُر اوتار پَیغمبر انتم کلجُگ لےَ لؤ نِرگُن دھار کولوں فائدے، مُفاد اپنا نال رلائیا۔ اپنے وکھاؤ پِچھلے قانوُں قاعدے، قاعدے اعظم منگ منگائیا۔ کیوں اِک دوُجے توں ہوئے علیَحدے، دیِن مذہباں ونڈ ونڈائیا۔ کیوں مارگ دسےّ پَینڈے، رہبر راہ جنائیا۔ جوتی جوت سروُپ ہرِ، آپ اپنی کِرپا کر، دُھر دا حُکم اِک ورتائیا۔ سمت چؤتھا کہے میَں سندیسہ دِتا درگاہ ساچی مقامے حق، حقیِقت آیا دِرڑائیا۔ نِرگُن دھار رہے نہ شکّ، گُر اوتار پَیغمبراں بھیوَ کُھلائیا۔ پُرکھ اکالا دیِن دَیالا پرگٹ اِکو سچ، دوُجا نظر کوئے نہ آئیا۔ جِس نے کھیل کھِلاؤنا کایا ماٹی کچّ، پنچم پنچ پھول پُھلائیا۔ حُکم سندیسہ رہیا دسّ، لیکھا بِن قلم شاہیِا۔ تکّو بِن نیتر اکھّ، نِرگُن نوُر اگمّ اتھاہیِا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، دُھر دا حُکم اِک ورتائیا۔ چؤتھا سمت کہے گُر اوتار پَیغمبرو آ گیا تُہاڈا وقت، سُہاؤنا سُہنجنا دیاں جنائیا۔ میَں سب نوُں دسّیا پہلی چیت آؤنا جگت، مات لوک پندھ مُکائیا۔ اپنا لیکھا نال لِیانا فقط، جو فِقرے آئے دِرڑائیا۔ نال عہدنامہ لِیانا جِس دے اُتے لِکھی شرط، شرع دِتی سمجھائیا۔ چھڈ کے اگمّی عرش، عرش توں فرش سوبھا پائیا۔ اپنے نام کلمے دی نال لِیانی فرد، بُھلیکھا رہے کوئے نہ رائیا۔ جو انت اَخیِر کیِتی عرض، اوہ وی یاد آیا کرائیا۔ ویکھیو کِسے دا ہو نہ جاوے حرج، حرجانے سب دے پوُر کرائیا۔ پُرکھ اکالا جودھا مرد، مرد مردانہ نوُر الاہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کمائیا۔ چؤتھا سمت کہے بھگتو میری نِمسکار، میَں انت انت سیِس نِوائیا۔ میَں خبردار کر کے جگت سنسار، سرِشٹی دی درِشٹی آیا ہِلائیا۔ حُکمے اندر کیِتی کار، جو کرنی دے کرتے اپنی کار کمائیا۔ سمت پنج وِچ سارے کر لینےَ گرِفتار، شبدی ڈوری تند بندھائیا۔ میَں سندیسہ دے کے چلیا اوس دربار، جِس نوُں سچکھنڈ کہہ کے سارے گائیا۔ اوتھوں بھجےّ آؤن گُروُ اوتار، پَیغمبر سوبھا پائیا۔ حِساب کِتاب سرب وکھان، کی کرنی کار کمائیا۔ کی نام کلمہ گایا گان، رسنا جِہوا بتّی دند سُنائیا۔ کی جگت پایا گھمسان، کی کیِتی تن لڑائیا۔ کی آسا رکھی اِمام، عملاں توں رہت جنائیا۔ کی کلمہ دسّیا کلام، کائنات پڑھائیا۔ کیوں بردے بنے غُلام، سجدہ سیِس نِوائیا۔ سمت چؤتھا کہے میَں دے کے چلیا اِطلاعے عامَ، کوئی بچیا

رہن نہ پائیا۔ چار کُنٹ ڈنکے نال سُنایا فرمان، فرماں برداری سچ کمائیا۔ میرا محبوُب ہویا مِہربان، مُحبّت وِچ سِر میرے ہتّھ ٹِکائیا۔ ہُن سمت پنجواں حاضر ہویا اَگے سِری بھگوان، بولن دی لوڑ رہی نہ رائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ پہلی چیت کہے میَں سمت پنجواں چڑھیا، چڑھدا لہندا دینا ہِلائیا۔ دُھر دا حُکم اگمّی پڑھیا، پڑدیاں اندر دِتا جنائیا۔ جیہڑا کدی کِسے نال نہیں کوئی لڑیا، کلجُگ دھار وِچ اوہ وی دینا لڑائیا۔ جیہڑا ہنکار وِچ کدے نہیں مریا، اوہ وی مار کے دینا وکھائیا۔ ایہہ کھیل میرے پربھوُ پربھ کریا، کرنی دا کرتا دئے وڈیائیا۔ جوتی جوت سروُپ ہرِ، آپ اپنی کِرپا کر، سد اپنا حُکم ورتائیا۔ سمت پنجواں کہے میَں ویکھاں پنچ پرپنچ، پنج بھوُتک کھوج کھوجائیا۔ جگت سادھنا دا کایا مندر اندر ویکھنا منچ، کِس آسن ڈیرہ لائیا۔ کِسے نوُں ہِلن نہیں دینا اِنچ، قدم قدم نہ کوئے بدلائیا۔ جیہڑا منوُآ بنایا پنچ، دِوس رَین کار کمائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، دُھر دا حُکم اِک دِرڑائیا۔ پنچم سمت کہے میَں شہنشاہی، پنچ ملِے وڈیائیا۔ میرا مالک اِک بے پرواہی، بے پرواہی وِچ سمائیا۔ جِس نوُں کہندے دُھردرگاہی، درگاہ ساچی سوبھا پائیا۔ اُس دی شبد گُروُ کرے اگواہی، دوُجا نظر کوئے نہ آئیا۔ گُر اوتار پَیغمبر جِس دی دے کے گئے گواہی، اُچی کوُک کوُک سُنائیا۔ اوہ مالک میرا ماہی، محبوُب اِک اکھوائیا۔ جِس نے کلجُگ اندر بدل دینی کوُڑی شاہی، سَتجُگ ساچا راہ وکھائیا۔ غریِب نِمانیاں پکڑنیِاں باہیں، کوجھیاں کملیاں گلے لگائیا۔ چار ورن بنا کے بھَیناں بھائی، اوُچ نیِچ دا ڈیرہ دینا ڈھاہیِا۔ ساچی منزل اِک چڑھائی، مالک اِکو دینا وکھائیا۔ جِتھے نِرگُن نوُر جوت رُشنائی، اندھ اندھیر رہے نہ رائیا۔ سو مندر سوبھا پائی، جِتھے چھپّر چھنّ نہ کوئے چُھہائیا۔ سمت پنجواں کہے میرے دِن نوُں دیؤ ودھائی، برہمنڈ کھنڈ سارے راہ تکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، درگاہ ساچی سچ سُہائیا۔ شہنشاہی سمت کہے میَں پنچم آیا جگ، جاگرت جوت کراں رُشنائیا۔ چار کُنٹ دہ دِشا ویکھاں اگّ، اگنی اگّ تت تپائیا۔ ایہہ کھیل سوُرے سربگ، جو لوک مات دِتی ورتائیا۔ جِس دی آر پار سمجھے کوئی نہ حد، حدوُد نظر کوئے نہ آئیا۔ کرے کھیل پُرکھ سمرتھ، مہما اکتھ اکتھ وڈیائیا۔ جوتی جوت سروُپ ہرِ، آپ اپنی کِرپا کر، سد اپنا کھیل ورتائیا۔ سمت کہے چیت آیا چاتر، چاترکو دیاں جنائیا۔ پربھ کھیل کرنا جِس خاطر، کھتری براہمن شوُدر وَیش دیاں دِرڑائیا۔ گُر اوتار پَیغمبر حاضر

ہوئے لےَ کے پاتر، پترکا اپنے ہتّھ رکھائیا۔ جِنہاں نوُں پُرکھ اکال آیا واچن، دوُجا کرے نہ کوئے پڑھائیا۔ سارے کہن پربھوُ تیرا نام تے تیرا پاٹھن، تیرا اِشٹ نوُر الاہیِا۔ اسیں لوک مات سب نوُں آئے آکھن، دیِن دُنی سمجھائیا۔ پاربرہم پت پرمیشور سب دا باپن، ایہو پِتا مائیا۔ جِس نے کلجُگ میٹنی اندھیری راتن، سَتجُگ ساچا چند کرے رُشنائیا۔ ساچی منزل چاڑھے گھاٹن، پَینڈا اگمّ مُکائیا۔ آتم پرماتم جوڑے ناتن، دوُجا سنگ نہ کوئے رکھائیا۔ سچ دوار وکھائے آسن، سِنگھاسن سوبھا پائیا۔ جوتی جوت سروُپ ہرِ، آپ اپنی کِرپا کر، سچ کرنی کار کمائیا۔ سمت کہے گُر اوتار پَیغمبر ہوئے اِکٹّھے، سوہنا سنگ بنائیا۔ سب دے کول اپنے اپنے پٹے، پٹنے والے رہے وکھائیا۔ اُنگلاں نال رہے دسےّ، اِشاریاں وِچ جنائیا۔ رام کِشن نال االلہ نے پائے رٹےّ، مندراں نال مسجد گِرجے دِتے ٹکرائیا۔ االلہ نال ستنام لائی سٹّے، ٹھوکر ٹھوکر نال ہِلائیا۔ آ گیا اپنے وٹے، جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، بھیوَ ابھیدا اِک کُھلائیا۔ سمت کہے گُر اوتار پَیغمبر آئے حضوُر، حاضر سیِس نِوائیا۔ حُکم پربھوُ منظور، تیری بےپرواہیِا۔ اگلا کھیل دسّ ضرور، ضرورت تیری جھولی پائیا۔ ساڈا رہیا نہ مان غروُر، غُربت دِتی گوائیا۔ دیِن مذہب دا جو پا کے گئے فتُور، فتویٰ سب دے اُتے نظری آئیا۔ انتم اسیں ہوئے مجبوُر، مجبوُری دئیے دِرڑائیا۔ اِس وِچ ساڈا نہیں قصوُر، سارے تیری چلے حُکم رضائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در تیرے منگ منگائیا۔ پُرکھ اکال کہے گُر اوتار پَیغمبرو سارے آوو نیڑے، کندھا کندھے نال مِلائیا۔ چاروں کُنٹ دے کے گیڑے، دہ دِشا ویکھ وکھائیا۔ میَنوُں دسّو تُہاڈے کیہڑے کیہڑے، اِشاریاں نال وکھائیا۔ جِنہاں دے اندر دوَیت والے نہیں جھیڑے، اوہ بانہہ لؤ اُٹھائیا۔ جیہڑے چڑھے میرے بیڑے، اوہناں نال لؤ مِلائیا۔ جیہڑے وسے تُہاڈے کھیڑے، اوہناں تھاپی دیؤ لگائیا۔ جیہڑے تُہاڈے نال کردے ہیرے پھیرے، اوہناں نوُں رائے دھرم دا دوارا آپے دیؤ وکھائیا۔ کیوں تُسیں اوہناں دے گُروُ اوہ تُہاڈے چیرے، تُہاڈے کولوں دواؤنی سزائیا۔ تُہاڈے میَں کراں نبیڑے، تُہاڈے مُریِداں دے نبیڑے تُہاڈے ہتّھ پھڑائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، ہرِ کرتا دُھردرگاہیِا۔ گُر اوتار پَیغمبرو تکّو چار کُنٹ، دہ دِشا دھیان لگائیا۔ کیہڑے بَیٹھے وِچ بَیکُنٹھ، کوَن بہِشتاں ڈیرہ لائیا۔ محمدا ویکھ جِنہاں کرائی سُنت، کیوں نہ سَت وِچ سمائیا۔ عیسیٰ کی کیِتی اُنت، میَنوُں دے دِرڑائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور،

دُھر سندیسہ اِک سُنائیا۔ گُر اوتار پَیغمبر کہن پربھوُ تھوڑا دے دے وقت، چِھن ماتر منگ منگائیا۔ سانوُں ویکھ لیَن دے جگت، چاروں کُنٹ دھیان لگائیا۔ کی لیکھا بوُند رَکت، تن وجوُد کی وڈیائیا۔ کی لہنا نار مرد، اِستری پُرش کی کھیل کھِلائیا۔ کِتھے سچ پریم دی درد، بِرہوں وِچھوڑا کِس ستائیا۔ کوَن کرے پریم دی عرض، بیننتی سچ جنائیا۔ کیہڑا پوُرا کرے فرض، حُکم منّ کے سیِس نِوائیا۔ کیہڑی ساچی غرض، کوَن ملِے وڈیائیا۔ جاں تکّیا کھیل دیِن دُنی دا سارے ہوئے اسچرج، حَیرانی وِچ دُہائیا۔ جوتی جوت سروُپ ہرِ، آپ اپنی کِرپا کر، سد اپنا کھیل وکھائیا۔ پُرکھ اکال کہے تُہاڈا وقت ہو گیا پوُرا، پوُری طرح دیؤ جنائیا۔ کوَن موُرکھ کوَن موُڑھا، کوَن تُہانوُں چاڑھ کے رنگ گوُڑھا، میرے وِچ سمائیا۔ کوَن لا کے مستک دھوُڑا، ٹِکّے رہیا رمائیا۔ کِس دے اندر جوتی نوُرا، کوَن کرے رُشنائیا۔ کوَن سُنے انادی تُورا، کوَن تُریا توں پرے میرا درشن پائیا۔ گُر اوتار پَیغمبرو اپنا بچن کرو پوُرا، پاربرہم برہم اِکو حُکم سُنائیا۔ کلجُگ انت پُرکھ اکال ہو گیا مجبوُرا، مجبوُری وِچ سب نوُں رہیا بُلائیا۔ دیِناں مذہباں اندر کلجُگ کوُڑی کِریا نے اَیسا کھِلاریا کوُڑا، ہر ہِردیوں کرے نہ کوئے صفائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، اِکو حُکم سُنائیا۔ گُر اوتار پَیغمبر کہن پربھوُ سانوُں مار لیَن دے اِکو جھاکی، چار کُنٹ دھیان لگائیا۔ پُرکھ اکال کِہا اپنی کھانی بانی دی ویکھو کھول کے تاکی، جھروکھے وِچوں نیَن اُٹھائیا۔ تُہاڈا کیہڑا نام کیہڑا کلمہ بنیا ساقی، ساکھیات دیؤ دِرڑائیا۔ کیوں تُہاڈے ہُندیاں تت وِچ رہن والا منوُآ ہویا عاقی، گُر اوتار پَیغمبرو تُہاڈی کی وڈیائیا۔ تُسیں میرے داس داسی، سیوک سیوا وِچ لگائیا۔ میَں صاحِب پُرکھ ابناشی، آد جُگاد دا کرتا اِک اکھوائیا۔ کیوں کلجُگ ہوئی اندھیری راتی، چاروں کُنٹ اندھیرا چھائیا۔ دیِن دُنیا دی تُسیں بدل نہ سکے حیاتی، جیِون وِچ جیِون نہ کوئے رکھائیا۔ کِدھر تُہاڈا نوُر کِدھر جوت دا دیِا باتی، کیوں نہ کایا مندر اندر ہوئے رُشنائیا۔ کیہڑا کرم کانڈ دا لیکھا باقی، میَنوُں دیؤ سمجھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، سچ دا مالک خلق دا خالق اِکو حُکم سُنائیا۔

گُر اوتار پَیغمبر کہن تکّیئے آپو اپنے مذہب، دیِن دُنی دھیان لگائیا۔ تیرا رہیا کوئی نہ ادب، دُنیا کایا عادت بَیٹھی بدلائیا۔ جِناں چِر تُوں نہ کریں مدد، مُدّعا ہتّھ کِسے کُچھ نہ آئیا۔ جِدھر ویکھیئے چاروں کُنٹ تشّدد، سانتک سَت نہ کوئے رکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، دُھر دا حُکم اِک سُنائیا۔ گُر اوتار پَیغمبر کہن پربھوُ ساتھوں منگیں نہ کوئے حِساب، لہنا دے کوئے نہ پائیا۔ تیرا نام تے تیری کِتاب، تیرے کلمے آئے گائیا۔ ساڈے کول ایہو جواب، جو سانوُں دِتی سوغات، پرتکے تیرے وِچ ٹِکائیا۔ تیری سرِشٹی تیری درِشٹی تیری دُنیا کائنات، لکھّ چؤراسی تیری سوبھا پائیا۔ اسیں تاں دیِناں مذہباں دی نِکی نِکی جماعت، اکھّراں وِچ کر کے آئے پڑھائیا۔ تیری سیوا کیِتی خِدمات، خادم ہو کے اپنا سیِس نِوائیا۔ جوتی جوت سروُپ ہرِ، آپ اپنی کِرپا کر، ایکا دے دے دُھر دا ور، در تیرے منگ منگائیا۔ پُرکھ اکال کہے گُر اوتار پَیغمبرو آ جاؤ سچکھنڈ والے رستے، سچ دوار دیاں جنائیا۔ چار جُگ دے بنّھ کے بستے، درگاہ ساچی دیؤ ٹِکائیا۔ تُسیں سدا میرے گھر وِچ رہنا وسدے، لوک مات دا کھہڑا دِتا چُھڈائیا۔ ڈھولے گاؤنے میرے جس دے، صِفتاں وِچ صالاحیِا۔ اِشارے لینےَ اگمّی اکھّ دے، بِنا تن وجوُد توں دیاں دِرڑائیا۔ جیہڑے کلمے آئے رٹدے، اوہناں دے رٹےّ تُہانوُں دِتے وکھائیا۔ جیہڑے ونجارے بنے نہیں سچّے ہٹّ دے، لوک مات اپنی کار کمائیا۔ اوتھوں ایس ویلے کلجُگ جیو نفع نہیں کھٹدے، آتم پرماتم رنگ نہ کوئے رنگائیا۔ امیوں رس موُل نہ چٹدے، دُرمت مَیل نہ کوئے دھوائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ گُر اوتار پَیغمبر کہن ساڈے مالک دُھر خُدا، تیری اِک سرنائیا۔ ساڈی قبوُل کر دُعا، رحمت وِچ سرنائیا۔ در ٹھانڈے گئے آ، پُجے چائیں چائنیا۔ پِچھلا لیکھا دے مُکا، مُکمل اپنا حُکم ورتائیا۔ اَگے تیرا اِکو جپیئے ناں، دوُجی اوَر نہ کوئے پڑھائیا۔ نہ کوئی سوُر کھائے نہ گاں، چؤہ پایاں اُتے مذہب نہ ونڈ ونڈائیا۔ تُوں سب دا پِتا ماں، سرِشٹی بنا دے بھَین بھائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در تیرے آس رکھائیا۔ گُر اوتار پَیغمبرو تُہاڈی ویکھی بڑی آبادی، عبادت والے کھوج کھوجائیا۔ آتم پرماتم کرے کوئی نہ شادی، پاربرہم برہم میل نہ کوئے مِلائیا۔ تُہاڈا حُکم سُنے نہ کوئے اہلادی، اعلان سارے آئے کرائیا۔ پریم سمجھے نہ کوئے حقیِقی مجازی، مزہ رس رسنا ویکھ وکھائیا۔ چاروں کُنٹ اندھیری راتی، ساچا چند نہ کوئے چمکائیا۔ صدی چؤدھویں اِک ویراں ضرور کرنی پئے بربادی، بابا آدم مائی حوّا

دئے گواہیِا۔ ایہہ کھیل جُگ جُگادی میری سادی، سہج سُبھاؤ دینی ورتائیا۔ تُساں حُکم اندر رہنا راضی، رازق رِزق رحیِم رہیا دِرڑائیا۔ اَگے توں شرع دا رہن دینا نہیں کوئی قاضی، قضا سب دے اُپر رکھائیا۔ نہ کوئی سجدہ کرے نمازی، نمستے اِکو دینی سمجھائیا۔ پِچھلا جھگڑا چھڈنا ماضی، پاسٹ نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، دُھر سندیس اِک سُنائیا۔ پُرکھ اکال کہے میَں سب دا لیکھ مُکاواں گا۔ کلجُگ کوُڑی کِریا بھیکھ مِٹاواں گا۔ شبد اگمّی سندیس، دو جہاناں اِک سُناواں گا۔ مالک بن اگمّ نریش، نوَ نؤ چار کھوج کُھجاواں گا۔ کاغذ قلم شاہی لِکھے ویکھاں لیکھ، الکھ اگوچر ہو کے پردہ آپ اُٹھاواں گا۔ جِس نوُں سارے کہن پردیس، سو دیس آپ سُہاواں گا۔ کلجُگ مِٹے کوُڑ ملیچھ، مسلہ سب دا حل کراواں گا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، ہر کرتا اِکو حُکم ورتاواں گا۔ گُر اوتار پَیغمبرو سُنو اگمّی راز، رحمت وِچ جنائیا۔ بھیوَ کھولانگا آغاز، پردہ دیاں اُٹھائیا۔ جو پِچھے ساجن لیا ساج، سو سچ دیاں بدلائیا۔ چار ورناں دا اِک سماج، برن اٹھاراں رنگ رنگائیا۔ کِسے پڑھنی نہ پئے نماز، روزہ رکھ نہ جھٹ لنگھائیا۔ ٹل کھڑکاؤنا نہ پئے اُچی آواز، مندراں وِچ دُہائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، بھیوَ ابھیدا دئے کُھلائیا۔ بھیوَ ابھیدا کھولاں اِک، ایکا ایک دیاں جنائیا۔ آتم پرماتم لا کے سِک، سِخر چوٹی دیاں چڑھائیا۔ جنم مرن دی میٹ کے ترِکھ، ترِسنا دیاں مِٹائیا۔ سُرتی شبد گُر چیلا بنے سِکھ، ساچا رنگ رنگائیا۔ پوُجنا پئے نہ پتّھر اِٹّ، کاغذاں سیِس نہ کوئے نِوائیا۔ سب دا لہنا دینا لَواں نجِٹھ، دُھر دا حُکم اِک ورتائیا۔ پردہ لاہ کے سَوا گِٹھ، انتر نوُر جوت کراں رُشنائیا۔ دُھر دا حُکم کدے نہ سکے مِٹ، نہ کوئی میٹے میٹ مِٹائیا۔ کِسے نوُں خاک پاؤنی پئے نہ وِچ لِٹ، جٹا جوُٹ نہ راہ چلائیا۔ گنگا گوداوری جمنا سُرستی لیَنی پئے نہ چِھٹ، جلدھارا نہ کوئے وہائیا۔ جوتی جوت سروُپ ہرِ، آپ اپنی کِرپا کر، سد اپنا رنگ رنگائیا۔ ساچا رنگ رنگاں آپ، اپنی دَیا کمائیا۔ سَتجُگ سب دا سانجھا کر کے جاپ، جیِون جُگت دیاں جنائیا۔ ترےَگُن مایا میٹ کے تاپ، اگنی تت بُجھائیا۔ جنم کرم دا رہے کوئی نہ پاپ، دُرمت مَیل آپ دھوائیا۔ پرگٹ ہو کے درشن دیواں ساکھیات، سوَچّھ سروُپی سوبھا پائیا۔ روُح بُت کراں پاک، پتت پُنیِت اپنی کار کمائیا۔ لیکھے لاواں کایا ماٹی خاک، خالص اپنا رنگ رنگائیا۔ بجر کپاٹی کھول کے تاک، اِیڑا پِنگل سُکھمن ڈیرہ ڈھاہیِا۔ تُہاڈا سب دا پوُر کر کے واک، بھوِکھت دی بھاکھیا پوُر کرائیا۔ گُر اوتار

پَیغمبرو تُساں ساریاں رہنا نال اِتفاق، دیِن دُنی دا جھگڑا کوئے نہ پائیا۔ ساریاں دے دینے میَنوُں طلاق، لیکھا لِکھنا بِن قلم شاہیِا۔ تُہاڈا لہنا ہوئے بے باق، باقی رہن کُچھ نہ پائیا۔ جو کُچھ کرے کراوے پربھ آپ، کراونہار آپ اکھوائیا۔ جِس نوُں تُساں ساریاں منّیا باپ، پُرکھ اکال وڈّی وڈیائیا۔ جوتی جوت سروُپ ہرِ، آپ اپنی کِرپا کر، سچ کرنی کار کمائیا۔ پُرکھ اکال کہے میرا حُکم اگمّ اپارا، نہ کوئی میٹے میٹ مِٹائیا۔ کلجُگ میٹ کوُڑ کُڑیارا، چاروں کُنٹ کراں رُشنائیا۔ سَتجُگ سچ کر اُجیارا، نؤ ستّ کراں رُشنائیا۔ ایکا شبد اِک جَیکارا، اِکو ڈھولا گیِت سُنائیا۔ اِکو مندر گُروُدوارا، شِودوالا مٹھ اِک سمجھائیا۔ اِکو پریم پیار اندر ہووے سب دا نعرہ، نر نرائن نظری آئیا۔ اِکو اِشٹ اِکو درِشٹ ہووے نِمسکارا، سجدہ سیِس اِک جھُکائیا۔ تُسیں دسّو تیئی اوتارا، کی آسا ہور ودھائیا۔ بولو عیسیٰ موُسیٰ محمد نال پیارا، پاربرہم پت پرمیشور رہیا دِرڑائیا۔ دس گُروُ تُہاڈی کی وِچارا، نانک گوبِند دیؤ جنائیا۔ سارے نِیوں کے کرن نِمسکارا، سجدہ سیِس جھُکائیا۔ تیرا حُکم سچّی سرکارا، نہ کوئی میٹے میٹ مِٹائیا۔ اسیں لوک مات وِچ آؤنا نہیں چاہُندے دوبارہ، تتاں والا سریِر نہ کوئے ہنڈھائیا۔ اسیں ویکھنا چاہُندے تیرے شبد گُروُ دا نظارہ، جو نظریہ سب دا دئے بدلائیا۔ تُوں آد انت دا اِک اوتارا، پاربرہم پربھ تیری بےپرواہیِا۔ تیرا کھیل سدا جُگ چارا، جُگ چؤکڑی ویکھ وکھائیا۔ تیرا لیکھا کاغذ قلم نہ لِکھنہارا، شاہی شہنشاہ تیری صِفت نہ کوئے صالاحیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ ساچی کار کمائیا۔ پُرکھ اکال کہے گُر اوتار پَیغمبرو تُسیں سارے میری کُل، کُل عالم میرا روُپ نظری آئیا۔ میرا نام سدا انمُل، قیِمت کرتا نہ کوئے رکھائیا۔ دھیان مارو تُہانوُں سرِشٹی گئی بُھل، بُھلیاں راہ نہ کوئے سمجھائیا۔ دھرم نیِتیاں گئیاں رُل، دھیِرج دھیِر نہ کوئے دھرائیا۔ سچ دا دیِوا ہویا گُل، گُلشن حق نہ کوئے مہکائیا۔ غُنچہ کھِڑیا نہ کوئے پُھل، پُھلواڑی مہک نہ کوئے مہکائیا۔ تُہاڈے تُلیا نہ کوئے تُل، کنڈے ترازو اپنے نال لؤ رکھائیا۔ سب دا امرت آتم گیا ڈُلھ، نِجھر جھِرنا رس نہ کوئے جھِرائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کمائیا۔ گُر اوتار پَیغمبر کہن پربھوُ ساڈا پوُرا ہویا وعدہ، وعدے خِلاف نہ کوئے خُدائیا۔ تیرا شبدی دھار مُعاہدہ، نِرگُن نِراکار ویکھ وکھائیا۔ اسیں مات لوک نالوں ہونا چاہُندے علیحدہ، اِکو تیرے وِچ سمائیا۔ سانوُں اجّ حُکم دے دے باقاعدہ، دُھر فرمانا اِک جنائیا۔ اسیں دیِن دُنی دا لےَ کے ویکھیا جائزہ، ساڈی چلے نہ کوئے رضائیا۔ بِنا بھے توں رہن دا نہیں کوئی فائدہ، سچ دئیے

سُنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کمائیا۔ پُرکھ اکال کہے گُر اوتار پَیغمبرو ویکھو جوُہ جنگل، ٹِلّے پربت کھوج کھوجائیا۔ مندر مسجد شِودوالے مٹھ گُروُدوار تکّو منگل، راگ ناد ڈھولے کوَن سُنائیا۔ چار کُنٹ دہ دِشا دیکھو اپنی شرع دے سنگل، سگل سرِشٹ دِتی بندھائیا۔ ساچی منزل موُل نہ لنگھن، درگاہ ساچی مِلن کوئے نہ آئیا۔ تن وجوُد ساچی رنگن، ماٹی خاک نہ کوئے وڈیائیا۔ سب دا مانَس جنم دِسے بھنگن، بھانڈا بھرم نہ کوئے بھنّائیا۔ نِم واسنا مہک دِسے نہ کوئے چندن، کوُڑی کِریا نہ کوئے تجائیا۔ آتم ملِے نہ سچّا انندن، پرمانند نہ کوئے سمائیا۔ کِتھے گئی ڈنڈاوت بندن، سجدیاں وِچ سیِس جھُکائیا۔ پِھری دروہی وِچ وربھنڈن، چار کُنٹ رہی کُرلائیا۔ تُسیں آتم لِو ٹُٹی کیوں نہیں گئے گنڈھن، ناتا میرے نال جُڑائیا۔ کیوں حُکم ادوُلی کیِتی کیوں مریادا کیِتی اُلنگھن، میَنوُں دیؤ سمجھائیا۔ کیوں ڈھولا بُھلیا تُہاڈا چھندن، کیوں کلمے والے کلمے گئے تجائیا۔ جوتی جوت سروُپ ہرِ، آپ اپنی کِرپا کر، ایکا دیوے دُھر دا ور، دُھر دا حُکم اِک ورتائیا۔ گُر اوتار پَیغمبر کہن سُن پُرکھ ابناشی، سچ دئیے دِرڑائیا۔ ساڈی منّے کوئی نہ آکھی، آخر مِلن کوئے نہ پائیا۔ آتم دھار رہیا کوئے نہ ساتھی، پرماتم وجےّ نہ کوئے ودھائیا۔ چاروں کُنٹ اندھیری راتی، نوُری چند نہ کوئے چمکائیا۔ دھرم دا رہیا نہ کوئے جماعتی، حقیِقت والی نہ کوئے پڑھائیا۔ کلجُگ کوُڑی کِریا وِکے ہاٹی، قیِمت اپنی گئے گوائیا۔ جوت جگی نہ کِسے للاٹی، نِرگُن نوُر نہ کوئے رُشنائیا۔ امرت رس رہیا کوئے نہ چاٹی، چیٹک کوُڑ ہویا ہلکائیا۔ بوُند ملِے نہ کوئے سوانتی، اگنی تت نہ کوئے بُجھائیا۔ شبد سُنے نہ کوئے نادی، انحد دُھن نہ کوئے شنوائیا۔ بھیوَ کُھلے نہ کوئے برہمادی، برحمانڈ پردہ نہ کوئے اُٹھائیا۔ کِسے نے سوُر گاں کھادھی ڈھانڈی، سارے تَینوُں گئے بُھلائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در ٹھانڈے آس رکھائیا۔ پُرکھ اکال کہے گُر اوتار پَیغمبرو سب دے پھول کے دسّو اِرادے، اِرد گِرد دھیان لگائیا۔ تُہاڈے مُریِداں تُہاڈے سِکھاں تُہاڈے شِشاں کیوں پشوُ پرِدندے کھادھے، کی تُسیں آئے سمجھائیا۔ تُہاڈے شبد کلمے نال کیوں نہ جاگے، پڑھن والیاں اندر سُرت نہ کوئے کُھلائیا۔ دیِن مذہب جیہڑے تُساں ساجنا ساجے، کیوں نہ سجّن ہو کے توڑ نِبھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، دُھر دا حُکم اِک سُنائیا۔ گُر اوتار پَیغمبرو ہاں کرو جاں نانہہ، اِکو وار جنائیا۔ تُسیں سچ دسّو جِنہاں سوُر کھادھا جاں گاں، ڈنگراں رس بنائیا۔ کی اوہناں نوُں میری درگاہ دیوگے تھاں، میَنوُں دیؤ سمجھائیا۔ جے پشوُ

پنچھی کھانا نہیں گُناہ، گُناہ گوَر منائیا۔ کِتھوں دیوگے پناہ، پُشت ہتّھ ٹِکائیا۔ نیتر کھول کے دیؤ وکھا، اِشارے نال سمجھائیا۔ تُسیں خود کیوں نہیں سی لیا کھا، کھا کے دِتا وکھائیا۔ کیوں میرا کلمہ آئے گا، گاڈ کہہ کے سیِس نِوائیا۔ کردے آئے دُعا، واسطے دُھر دے اَگے پائیا۔ جوتی جوت سروُپ ہرِ، آپ اپنی کِرپا کر، ایکا دیوے دُھر دا ور، دُھر فرمانا اِک سُنائیا۔ گُر اوتار پَیغمبر کہن پربھوُ جے اسیں نہیں تیرا شبد کرے تصدیِق، شہادت اِک بُھگتائیا۔ اسیں کِسے نوُں آکھیا نہیں ایہہ اگمّی ریِت، دُھر مالک دِتی دِرڑائیا۔ صِرف تیرے نام دی دسّی تؤفیِق، صِفتاں وِچ صالاحیِا۔ ہر گھٹ دِسیا نزدیِک، گرِہ گرِہ ڈیرہ لائیا۔ کایا مندر سدا وسنیِک، ساڈھے تِنّ ہتّھ سوبھا پائیا۔ سب دی آسا منسا پوُری کرے اُمیِد، جو ہِردے ہرِ دِھیائیا۔ تیرا راز نہیں رکھیا پوشید، جو سمجھایا سو آئے سمجھائیا۔ تیری دُنیا تیرے حُکمے اندر بدلی اپنی نیِت، ساڈی رہی نہ کوئے وڈیائیا۔ اسیں سارے کہندے ساڈی پہلی اُتے مار دے لیِک، اَگے اپنا حُکم ورتائیا۔ سب نوُں سانجھی دسّ پریِت، پریِتم اپنا میل مِلائیا۔ تیرا مندر تیرا کعبہ تیرا شِودوالا مٹھ مندر مسیِت، گُروُدوار تیرا نظری آئیا۔ اسیں اَگے توں دیِن مذہب دے رہنا نہیں شریک، شریکت دِتی گوائیا۔ اسیں چاہُندے دیِن دُنی دی بدل دے نیِت، نیِتیوان تیری سرنائیا۔ کایا کر دے ٹھانڈی سیِت، اگنی تت بُجھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، صاحِب سوامی بےپرواہیِا۔ پُرکھ اکال کہے گُر اوتار پَیغمبرو خوشی نال پؤ ہسّ، تالی اگمّ لگائیا۔ صدی چؤدھویں سب دی ہونی بس، بستے دینے بندھائیا۔ اِکو وار کراؤنے دستخط، نام لِکھاؤنا بِنا قلم شاہیِا۔ چار جُگ دا چلدا رہیا جو رتھ، رتھواہی ہو کے سیو کمائیا۔ جو نِت نوِت مارگ آئے دسّ، دیِن دُنی جگت سمجھائیا۔ سو پِچھلا لیکھا سدا سدا ہونا بھٹھ، اَگے اپنا حُکم ورتائیا۔ دیِن مذہباں کر اِکٹّھ، آتم برہم دینا دِرڑائیا۔ ہِندوُ مُسلم سِکھ عیِسائی جھگڑا دینا چھڈ، اِکو رنگ وکھائیا۔ ہؤمے ہنگتا کوُڑ کُڑیارا اندروں دینا کڈھ، مایا ممتا موہ گوائیا۔ پُرکھ اکال دی سارے بناؤنے جدّ، اِکو نوُر جوت رُشنائیا۔ پِچھلی رہے کوئی نہ حد، حدوُد اگلی دینی وکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کمائیا۔ گُر اوتار پَیغمبر کہن پربھوُ اسیں جو آکھیں سو لگّے لِکھن، لِکھ کے دئیے وکھائیا۔ پُرکھ اکال کِہا ایہہ سرِشٹی آد جُگادی مِتھن، بِن میرے کمّ کِسے نہ آئیا۔ تُسیں سِکھیا آئے سِکھن، سہج نال دیاں سمجھائیا۔ اپنا اپنا کڈھو چِٹن، پٹیداری پھول پُھلائیا۔ جِس نال کلجُگ انتم لگّا مِٹن،

مِٹے کوُڑ لوکائیا۔ نؤ کھنڈ پرِتھمی دا نِکلے سِٹن، دیِن دُنی دا پردہ دینا اُٹھائیا۔ چار کُنٹ ویکھو لگّی پٹن، دہ دِشا پئے دُہائیا۔ جوتی جوت سروُپ ہرِ، آپ اپنی کِرپا کر، دُھر دا حُکم اِک ورتائیا۔ دُھر دا حُکم سُن کے کہے موُسیٰ، مسلسل دھار جنائیا۔ جھگڑا دِسے نال روُسا، چائنا چَین کوئے نہ آئیا۔ ناتا ٹُٹنا پنج بھوُتا، پنچ پرپنچ کرے لڑائیا۔ سمت پنج وِچ مِلناہوُٹا، ہُلارا پہلا دئے وکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کمائیا۔ عیسیٰ کہے سُن موُسیٰ الہ اُل اسلام، سہج نال جنائیا۔ اوہ سُن دُھر دی اِک کلام، محمد لئے انگڑائیا۔ جِس دی چؤدھویں صدی کہے میَں لےَ کے آؤنا طوفان، تحفہ سب نوُں دینا پھڑائیا۔ چار کُنٹ کرنا وَیران، وَیری گھر گھر نظری آئیا۔ حُکم دینا میرے اِمام، جو عملاں توں رہت نوُر خُدائیا۔ کھیل ویکھنا وِچ جہان، دیِن دُنی پھول پُھلائیا۔ میرا صاحِب ہوئے مِہربان، مِہر نظر اُٹھائیا۔ تِنّ پنج ستّ ہونی قتلِ عام، جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، دُھر فرمانا اِک سُنائیا۔ رام کرِشن دوویں کرن صلاح، بھارت بھَون ویکھ وکھائیا۔ کیہڑا دِسے جگت ملاح، کھیوٹ کھیٹا سوبھا پائیا۔ سیاست سب نوُں کیِتا گُمراہ، کوَن کوُڑی کِریا وِچ وڈیائیا۔ سچّا دِسے کِسے نہ راہ، رستہ حق نہ کوئے رکھائیا۔ رام کِہا اوہ نانک ویکھو گواہ، شہادت دئے بُھگتائیا۔ کرِشن کِہا گوبِند کھنڈا رہیا چمکا، پتہ نہیں کی کھیل بےپرواہیِا۔ محمد کہے میرا وقت پہنچیا آ، سارے دیؤ دُہائیا۔ عیسیٰ کہے میَں وی تکاّں اوہو راہ، جِس ویلے بھجّیاں راہ کھہڑا نظر کوئے نہ آئیا۔ عیسیٰ علیہ اُل اسلام کہے اُچی ماراں دھاہ، تیری تیری تیری اِک دُہائیا۔ سمت پنج کہے میَں پھیر ویکھاں نال چا، چاؤ گھنیرا میرے اندر آئیا۔ دھرنی کہے میری قبوُل ہوئی دُعا، جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ساچا حُکم اِک ورتائیا۔ پُرکھ اکال کہے تُسیں سارے رکھو آس، آساوند دیاں جنائیا۔ میَں گھر گھر کردا پِھراں تلاش، لکھّ چؤراسی کھوج کھوجائیا۔ ویکھاں ہڈّ ناڑی ماس، تن وجوُد پردہ لاہیِا۔ نؤ کھنڈ پرِتھمی ستّ دیِپ پردھاناں نوُں سُلطاناں نوُں خبردار کرنا اجّ دی رات، سویا رہن کوئے نہ پائیا۔ نؤاں کھنڈاں وِچ نؤاں دِناں وِچ ضرور ماریا کرن اِک جھات، بِن قدماں پندھ مُکائیا۔ سب نوُں راتی سُتیاں وکھری وکھری دسّ کے بات، سوئے ہِردے لینےَ اُٹھائیا۔ ایہہ کھیل اگمّی راز، جِس نوُں سمجھ وِچ نہ کوئے سمجھائیا۔ شبدی گُروُ نے کرنا واعظ، کلمہ اپنا اِک سُنائیا۔ اِک دوُجے نوُں مار کے کرو راج، رعیت اپنی لؤ ودھائیا۔ پربھوُ دا کھیل جگت سماج، جواب دین کوئے نہ پائیا۔ سیِس رہے کِسے نہ

تاج، تخت نِواسی دینے خاک مِلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ گُر اوتار پَیغمبر کہن کی سُنے بچن اپار، اپرمپر دِتے جنائیا۔ ہسّ کے کہن تیئی اوتار، ساڈی لوڑ رہی نہ رائیا۔ عیسیٰ موُسیٰ محمد کر گُفتار، گُفت شُنیِد رہے سُنائیا۔ ساڈا وقت پہنچیا آن، ویلا وقت دئے گواہیِا۔ نانک گوبِند کہے ایہہ کھیل ہونا گھمسان، گھُنمن گھیری وِچ دُہائیا۔ جِس نوُں سمجھے نہ کوئے اِنسان، اوہ کھیل دینا کرائیا۔ گڑھ توڑ سرب ابِھمان، دُھر دا حُکم دینا ورتائیا۔ جھگڑا میٹنا راج راجان، شاہ سُلطان کرن لڑائیا۔ ہلوُنا دینا وِچ افغان، اِیران عرب نال دُہائیا۔ اسرائیل ملِے شیَطان، شرع دی دھار اِک بدلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، بھیوَ ابھیدا آپ کُھلائیا۔ پہلی چیت کہے میَں دیواں سچ چیتاوَنی، چاروں کُنٹ جنائیا۔ گُر اوتار پَیغمبراں پوُری کرنی بھاوَنی، پربھ آسا سب دی ویکھ وکھائیا۔ جیہڑی باقی رہ گئی رام راونی، راون لہنا دینا جھولی پائیا۔ جیہڑی کھیل کھِلائی کؤرو پانڈو کاہننی، کرِشنا انتم راہ تکائیا۔ جِس دی موُسیٰ عیسیٰ محمد دِتی ضامنی، بیِسویں چؤدھویں نال مِلائیا۔ جِس دی دھار چمکے دامن دامنی، گوبِند نیَن اُٹھائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، دُھر دا حُکم اِک ورتائیا۔ گُر اوتار پَیغمبر سارے اِکٹّھے بولے، اِکو وار جنائیا۔ پربھوُ تیرا تول کوئی نہ تولے، انتُل تیری وڈیائیا۔ جُگ جُگ تیرے نام بھنڈارے کھولے، آئے مات ورتائیا۔ دِتے کایا چولے، اسیں آئے جگت ہنڈھائیا۔ انتم پےَ کے تیرے شبد دے ڈولے، در تیرے سوبھا پائیا۔ آد جُگادی تیرے گھر دے گولے، چاکر ہو کے سیو کمائیا۔ جوتی جوت سروُپ ہرِ، آپ اپنی کِرپا کر، ایکا دیویں دُھر دا ور، در تیرے آس رکھائیا۔ پُرکھ اکال کہے سُنو حُکم اگمّ اپارا، نِرگُن دھار دیاں جنائیا۔ گُر اوتار پَیغمبر ویکھو نظارہ، نظریہ اپنا لؤ بدلائیا۔ سُنو شبد نام جَیکارا، ناد دُھن اگمّ اتھاہیِا۔ جِس دی چار جُگ پائی کِسے نہ سارا، بےانت کہہ کے شُکر منائیا۔ اوہ نِرگُن نوُر کر اُجیارا، جوتی جاتا ڈگمگائیا۔ سارے کہہ کے آئے چؤویاں اوتارا، کل کلکی ویس وٹائیا۔ جِس نے میٹنا کوُڑ پسارا، سَتجُگ سچ دینا وکھائیا۔ چار ورناں دے ادھارا، اٹھاراں برن رنگ رنگائیا۔ آتم برہم دے نظارہ، نوُرے نظر دینا وکھائیا۔ سَت سچ لا اَکھاڑا، جوتی جوت سروُپ ہرِ، آپ اپنی کِرپا کر، دیونہارا دُھر دا ور، بھیوَ ابھیدا اِک کُھلائیا۔ پُرکھ اکال کہے گُر اوتار پَیغمبرو مار لؤ جھاتی، جھاکی اِکو وار پوائیا۔ کلجُگ ویکھ اندھیری راتی، رُتڑی اپنے نال مہکائیا۔ کر کے کھیل پُرکھ ابناشی،

ابناشی کرتا اپنا پردہ لاہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ چیت کہے میری مہکی رُت، پربھ رُتڑی آپ مہکائیا۔ بھگت دُلارے اُٹھا کے سُت، جننی ہو کے گود ٹِکائیا۔ بھاگ لگا کے پنج تت کایا بُت، تن وجوُد کیِتی صفائیا۔ اُجل کر کے مُکھ، دِتی مان وڈیائیا۔ جنم مرن دا مِٹیا دُکھ، چؤراسی گیڑ نہ کوئے بھوائیا۔ اُلٹا گربھ نہ ہووے رُخ، اگنی تت نہ کوئے تپائیا۔ صاحِب سوامی مالک ہو کے لیا پُچھ، انترجامی ہو کے ویکھ وکھائیا۔ جو جُگ جنم دے گئے رُٹھ، رُٹھیاں لیا منائیا۔ صدی چؤدھویں آپے تُٹھ، مِہر نظر اِک اُٹھائیا۔ امرت نام دے کے گھُٹ، جام اگمّ دِتا پیائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ہرِجن ساچے لئے اُٹھائیا۔ چیت کہے میَں خوشیاں اندر ہسّاں، ہسّ کے دیاں جنائیا۔ سمت شہنشاہی پنجواں آیا مساں، مسّیا رَین اندھیری دئے گوائیا۔ جِس نوُں گُر اوتار پَیغمبراں کہنا اچھا، اچھی تیری بےپرواہیِا۔ جِس وِچ دیِن مذہب دا کٹیا جانا رسّا، رسّی رہن کوئے نہ پائیا۔ جھگڑا پَینا جِنہاں کھادھا گاں وچھّا، سوُر والا بچیا رہن کوئے نہ پائیا۔ گُر اوتار پَیغمبراں نے کِسے نوُں بناؤنا نہیں اپنا بچّہ، سِر اپنا ہتّھ نہ کوئے ٹِکائیا۔ کلجُگ کوُڑا چاروں کُنٹ پِھرے نسّا، بھجےّ واہو داہیِا۔ گُر اوتار پَیغمبر وی کہن اسیں ویکھدے ہوڑا اُپر سسّا، جو نِرگُن سرگُن دھار دوویں رنگ وٹائیا۔ ہاہے اُتے ٹِپی گھر دوہاں دا وسا، آتم پرماتم اِکو گنڈھ پوائیا۔ وِشن برہما شِو پِھرے نسّا، چاروں کُنٹ واہو داہیِا۔ کیوں دیِن مذہب دا تند ہویا کچّا، کنچن گڑھ نہ کوئے سُہائیا۔ ہِردے ہرِ کا نام کِسے نہ رچا، ساڈھے تِنّ کروڑ دُھن نہ کوئے شنوائیا۔ کلجُگ جیو بپڑا بپا، اندروں کرے نہ کوئے صفائیا۔ بِنا بھگتاں توں رہیا کوئی نہ پکاّ، سَت وِچ نہ کوئے سمائیا۔ جوتی جوت سروُپ ہرِ، آپ اپنی کِرپا کر، سد اپنا حُکم ورتائیا۔ چیت کہے میرا سَتگُر شبد آیا سوامی، سبھا دئے بدلائیا۔ بِنا تتاں توں سب دا انترجامی، گھٹ گھٹ ویکھے تھاؤں تھائنیا۔ جِس دی صِفت چار جُگ دی بانی، مہما اکتھ دِرڑائیا۔ اوہ کھیلے کھیل دو جہانی، نؤجوانی ویس وٹائیا۔ سب دے انتر منزل ویکھے روُحانی، سنت فقیِر پھول پُھلائیا۔ پوِتر دھار دِسے نہ کوئے جِسمانی، تن وجوُد نہ کوئے وڈیائیا۔ منزل چڑھیا نہ کوئے پرانی، پرانپتِ مِلن کوئے نہ آئیا۔ ساچا نظر نہ آوے کوئی بانی، جو نؤ کھنڈ پرِتھمی ستّ دیِپ اِکو رنگ رنگائیا۔ جو اُپجیا سو فانی، گُر اوتار پَیغمبر رہن کوئے نہ پائیا۔ سب دی جوُہ ہوئے بیگانی، گھر دا مالک نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سَت ستوادی کار

کمائیا۔ شبد گُروُ کہے میَں گُروُ گُروُ گُردیوا، آد انت اکھوائیا۔ کلجُگ انتم جن بھگتاں کرن آیا سیوا، سیوک ہو کے سیو کمائیا۔ امرت نام رس دا دے کے میوہ، رس اِکو اِک چکھائیا۔ جِس نوُں سمجھ نہ سکے جِہوا، جِہوا توں پرے وڈیائیا۔ مستک لا کے کؤستک تھیوا، منوُآ من دِتا بدلائیا۔ میل مِلا کے الکھ ابھیوا، پردہ اندروں دِتا چُکائیا۔ دھام وکھا کے نِہچل نِہکیوا، درگاہ ساچی اِک سُہائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کمائیا۔ شبد گُروُ کہے جن بھگتو تُہاڈی دین آیا صفائی، سفارش دی لوڑ رہے نہ رائیا۔ سب توں کامل میری گواہی، شہادت اوَر نہ کوئے بُھگتائیا۔ تُہانوُں دیوے نہ کوئے سزائی، رائے دھرم تُہاڈے چرن چُمّ کے جھٹ لنگھائیا۔ تُہاڈی صِفت کرے قلم سیاہی، کاغذ اپنا آپ بھیٹ چڑھائیا۔ تُہاڈے بِنا بھگوان دی ہو نہ سکے وڈیائی، جُگ جُگ ریِتی چلی آئیا۔ کی کرے جوت اکالن آد شکت مائی، پاربرہم پت پرمیشور سوبھا کِس بِدھ پائیا۔ بِن بھگتاں توں پربھ نوُر جوت نہ ہووے رُشنائی، ڈگمگاہٹ نہ کوئے وکھائیا۔ جوتی جوت سروُپ ہرِ، آپ اپنی کِرپا کر، سد اپنا حُکم ورتائیا۔ شبد گُروُ کہے میَں دین آیا شہادت، اپنا بل دھرائیا۔ سارے کہو ساڈی بدل گئی عبادت، بندگی اِکو سیِس نِوائیا۔ ساڈے وِچ پربھوُ دے پیار دی ہوئی مِلاوٹ، دیِن مذہب دی ونڈ رہی نہ رائیا۔ اسیں باہروں فرضی نہیں رہنا بناوٹ، اندروں اِکے رنگ رنگائیا۔ شبد گُروُ تُہاڈے اندر شبد دی کرے سخاوت، رحمت نال ورتائیا۔ تُہاڈی کِسے نام بانی نوُں دینی نہ پئے ضمانت، اِکو وار فَیصلہ دِتا کرائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ شبد گُروُ کہے تُہاڈی آتما جِس دا پرماتما دوہاں دا سچّا ساتھن، ساتھی اِک اکھوائیا۔ جن بھگتو تُساں پِچھلی کیِتی اپنے اندروں کڈھنی امرت ویلے ساریاں نے کر لیَنی داتن، پِچھلا لیکھا رہے نہ رائیا۔ تُہاڈی اَمانت دِتی نہیں گواچن، جو گوبِند پربھ دی جھولی پائیا۔ سمت پنج کہے میَں آیا اوہ اگمّی چِٹھی واچن، جِس نوُں نؤ سؤ چُرانوے چؤکڑی جُگ نہ سکیا کوئے سمجھائیا۔ میَں وِکیا نہیں کِسے ہاٹن، جگت قیِمت نہ کوئے پائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کمائیا۔ شبد گُروُ کہے تُسیں سارے ہو گئے پربھ دی بھیٹا، بچیا رہن کوئے نہ پائیا۔ جِس دا اِکو شبدی گوبِند بیٹا، جنم مرن وِچ نہ آئیا۔ جگت کنارے دا کھیوٹ کھیٹا، دو جہاناں پار کرائیا۔ جِس دا سمجھے کوئی نہ لیکھا، اکھّراں وِچ نہ کوئے وڈیائیا۔ اوہ وسے سچکھنڈ دیسا، درگاہ ساچی سوبھا پائیا۔ کلجُگ انت بدل کے آیا ویسا، نِرگُن اپنا نوُر کرے

رُشنائیا۔ بھگت اُدھارنا میرا پیشہ، پیشیِنگوئی سب دی ویکھ وکھائیا۔ آد جُگاد رہے ہمیشہ، جُگ جُگ اپنا حُکم ورتائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، دُھر دی کار کمائیا۔ شبد گُروُ کہے اِکو سب دا میِت، دوُجا نظر کدے نہ آئیا۔ جِس نے بدل دینی ریِت، ریِتیوان دُھردرگاہیِا۔ کایا کرے ٹھنڈی سیِت، اگنی تت نہ کوئے تپائیا۔ جن بھگتو جیِوندیاں جنم جانا جیِت، مر کے جنم دی لوڑ رہے نہ رائیا۔ آتما پرماتما دی تُہاڈی پکّی ہو گئی پریِت، دُنیادار اَگے سکے نہ کوئے تُڑائیا۔ کیوں تُہاڈے کول پربھوُ نے کیِتی بخشیِش، دوُجے اَگے منگن کدے نہ جائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سِر اپنا ہتّھ ٹِکائیا۔ جن بھگتو کی کِسے کولوں منگو، مانَس سارے نظری آئیا۔ اِکو پربھوُ دے پیار وِچ اپنا آپ رنگو، پھیر رنگن دی لوڑ رہے نہ رائیا۔ منزل اِکو لنگھو، جِس دی پؤڑی دے اُتے پؤڑا ہور نہ کوئے وکھائیا۔ اپنی آتما نوُں اوس دوارے ٹنگو، جِتھوں پھڑ کے باہر نہ کوئے کڈھائیا۔ ویکھو دُنیاداراں کولوں کدے نہ سنگو، دُنیا کمّ کِسے نہ آئیا۔ تُہاڈے کولوں کوئی کراؤنا نہیں جنگو، تُسیں اِک اِک پُھل سُٹو، دُنیا گولیاں نال کرے لڑائیا۔ جوتی جوت سروُپ ہرِ، آپ اپنی کِرپا کر، سد اپنا حُکم ورتائیا۔ ایہہ پُھل نہیں ایہہ جگ دی اگنی اگّ، اگّ سکے نہ کوئے بُجھائیا۔ کعبے والیاں بُھلنے حج، حضرت دین دُہائیا۔ عیسیٰ موُسیٰ محمد سارے اِک دوُجے نوُں رہے سدّ، بہُڑی بہُڑی کر کے رہے سُنائیا۔ ذرا ویکھو سمت پنج وِچ کِس طرح جھگڑا پَیندا اُتے حد، حدوُداں دین دُہائیا۔ بِنا بھگتاں توں کِسے ہونا نہیں گد گد، خوشی ہِردے وِچ نہ کوئے سمائیا۔ ذرا کھیل ویکھیو ساری دُنیا نالوں ہونا الگ، وکھری دھار اِک وکھائیا۔ کیوں ایہہ کھیل سوُرے سربگ، جِس دی سمجھ کِسے نہ آئیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، دُھر دا حُکم اِک ورتائیا۔ پُھل کہن ایہہ برکھا امرت دھار، جن بھگتاں دِتی لگائیا۔ شبد گُروُ کِہا، نہیں اِس دے نال ساری سرِشٹی دا کرنا وِہار، ایہہ میری بےپرواہیِا۔ کیوں شبد دے شبد سدا اِختیار، تے شبد دا شبد سدا مختیار، شبد دا شبد سدا آگیاکار، شبد نِرگُن تے شبد سرگُن، بِنا شبد توں منڈل راس وِچ رنگ جگت نہ کوئے وکھائیا۔ شبد کہے میَں سَتگُروُ میَں گُردیو میَں ساری دیِن دُنی دا بدمعاش، بدی کرن کراؤن والا شبد اِک اکھوائیا۔ پر ایہہ میرا من دے نال کمّ خاص، تے بُدھی نال ٹکرائیا۔ تے جِس ویلے میَں آتما نوُں دیواں پرکاش، اوہ میرا میرا نوُر نوُر نظری آئیا۔ گُر اوتار پَیغمبر، شبد گُروُ کہے، میرے کیتے نوُں نہیں سکے واچ، جو اندر سُنایا،

اوہناں نے رسنا گایا، قلم شاہی نال لِکھایا، لِکھ کے صِفتاں گئے سُنائیا۔ اوہناں اکھّراں اُتے دھرواس رکھایا، جِس نوُں اگّ نال سارے دین جلایا، اوہ پربھوُ ابناشی بُھلایا، جو گھر گھر اندر ڈیرہ لائیا۔ االلہ واہِگُروُ رام کرِشن اوم جےَ جَیکار کرایا، جےَ جَیکار کراؤن والا نظر کوئے نہ آئیا۔ شبد کہے میرا آد انت کِسے نہ پایا، جے کِسے اُتے کِرپا کیِتی، اون بھگوَنت نوُں کنت کہہ سُنایا، ناری ہو کے میَں ساچی سیو کمائیا۔ جے کِسے بُت وِچ نوُر چمکایا، اون اوس دا منت دِرڑایا، اٹّھے پہر دھیان لگایا، ساہ ساہ رسنا گایا، چرن کوَل کوَل چرن بِنا چرناں توں سیِس نِوایا، تے شبد گروُ کہے میَں کِسے دا پھیر وی نہیں مان ودھایا، جو آیا سو پار کرایا، ویکھو گُروُ اوتار پَیغمبر کِسے دے ساہمنے نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کمائیا۔ شبد گُروُ کہے میَں انّھا بولا، سُنن کُچھ نہ پائیا۔ بھیکھادھاری وساں وِچ کایا چولا، تتاں وِچ سوبھا پائیا۔ جِس ویلے چاہواں اوس ویلے اپنی دھار دا بولاں بولا، انبولت ہو کے اپنا راگ سُنائیا۔ جے میَں کہہ دِتا پربھوُ مؤلا، تے ساریاں مؤلا مؤلا کہہ کے رؤلا دِتا پائیا۔ جے میَں کِہا ستنام، تے سَت سَت سارے رہے گائیا۔ جے میَں کِہا واہِگُروُ واہِگُروُ واہِگُروُ، تے واہ واہ گُروُ دی سارے کرن وڈیائیا۔ تے جے میَں کہاں اوس پربھوُ دا کوئی نام نہیں کوئی نِشان نہیں تے تُسیں کِس دا گاؤندے ڈھولا، اوہ پِھر سارے دیاں بُھلائیا۔ جے میَں کہاں اوہ تکّڑ والا تولا، جے میَں کہاں دُھردرگاہ دا دوُلھا، جے میَں کہاں اوہدا حُکم ہووے معقوُلا، جے میَں کہاں اوہ ساریاں اندر پھلیا پھوُلا، پھیر ہتّھ جوڑ کے سارے سیِس نِوائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کمائیا۔ شبد کہے میَں رام بن گیا، سیِتا پِچھے بھجّیا واہو داہیِا۔ شبد کہے میَں کاہن بن گیا، رادھا پِچھے بنسری رہیا وجائیا۔ شبد کہے میَں موُسیٰ بن گیا، مُنہ دے بھار رگڑ کے نکّ دِتا گھسائیا۔ شبد کہے میَں عیسیٰ بن گیا، گل پھاسی لئی لٹکائیا۔ شبد کہے میَں محمد بن گیا، کلمیاں وِچ دِتی دُہائیا۔ شبد کہے میَں نانک بن گیا، غریِبی ویس کر کے دھرتی قدماں نال مِنائیا۔ شبد کہے میَں گوبِند بن گیا، کھنڈا کھڑگ چمکائیا۔ شبد کہے میَں سب نوُں چھڈ گیا، شبد شبد وِچ سمائیا۔ شبد کہے میَں سب کُچھ بن گیا، آپے پِتا تے آپے مائیا۔ شبد کہے میَں تانا تن گیا، لکھّ چؤراسی نظری آئیا۔ شبد کہے میَں وِشن برہما شِو گھاڑت گھڑ گیا، سنساری بھنڈاری سنگھاری ناؤں رکھائیا۔ شبد کہے جے میَنوُں تکّو تے میَں ساریاں وِچ وڑ گیا، بِنا میرے توں جیؤندا نظر کوئے نہ آئیا۔ شبد کہے میَں

اندر کایا مندر تے سب دی چوٹی اُتے چڑھ گیا، سِخر بہہ کے اپنا آسن لائیا۔ شبد کہے میَں موُرکھ موُڑھ بن گیا، عقل وِدیا نہ کوئے چتُرائیا۔ شبد کہے میَں سب کُچھ پڑھ گیا، میرے پڑھایاں توں بِنا گُر اوتار پَیغمبر کِسے نوُں سمجھ کِچھ نہ آئیا۔ سو شبد کہے میَں پہلی چیت جگت جہان دے مَیدان وِچ کھڑ گیا، مدد اوَر نہ منگ منگائیا۔ اپنے وِہار اندر سرِشٹی دی درِشٹی نال لڑ گیا، اپنی کار اندر اِشٹی دا روُپ دھرائیا۔ نہ کدے جمیا تے نہ کدے مر گیا، مڑھی گور نہ کدے دبائیا۔ نہ ہِندوُ نہ سِکھ نہ عیِسائی نہ مُسلم تے میَں نہ کِسے مذہب نوُں چنگا کر کے ورجیا، آؤ تُہانوُں سِنگھاسن اُتے دیاں بَیٹھائیا۔ جدوں دِل کیِتا اوہناں دے ہتّھاں وِچ پھڑا کے نِکیاں نِکیاں پرچیِاں، بچّیاں وانگ دِتا پرچائیا۔ کِسے نوُں رام کِسے نوُں کرِشن کِسے نوُں اوم االلہ ستنام دے کے جگت والا خرچیا، مات لوک دے راہے دِتے پائیا۔ آون آ کے اُتے دھرتیا، دھرنی دھرت دھوَل دِتی وڈیائیا۔ گُن گا کے پریِتم عرشیا، صِفت دِتی سُنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کمائیا۔ شبد گُروُ کہے سارے کہندے منّو شاستر سِمرت وید پُران، اِنجیِل قرآناں دھیان لگائیا۔ میَں ہسدّا پِھراں بِنا میری کِرپا کِسے نوُں آؤنا نہیں گیان، پڑھیاں ہتّھ کُچھ نہ آئیا۔ جِناں چِر میَں اندر نہ وڑیا مندر نہ چڑھیا تے میری کؤن دیوُ پہچان، نِج نیتر نہ کوئے کُھلائیا۔ پڑھنا رسنا دا گان، سُننا کنّاں دا وِدھان، مِلنا جِس ویلے پربھوُ ہووے مِہربان، بِنا مِہر توں مِلن کوئے نہ پائیا۔ تے جے کوئی کہے اسیں سارے اِنسان، ساڈے وِچ بھگوان، اسیں اوسے دا نِشان، برہم برہم برہم سارے نظری آئیا۔ شبد گُروُ کہے پھیر میَں کہاں تُہاڈے برہم دی کیہڑی دُکان، تے جے تُسیں برہم تے تُہاڈی کرے کؤن پہچان، تے بے پہچان کوَن اکھوائیا۔ ایسے کر کے میَں اکھّراں وِچ پوا دِتا گھمسان، اکھّراں نال اکھّر اکھّراں نال اکھّر، ترےَگُن مایا نال اکھّراں والے نام، پربھوُ نے دِتے لڑائیا۔ کی پربھوُ نوُں چنگا کہوگے کہ شیَطان، جِس نے گُر اوتار پَیغمبراں کولوں اپنے رستے بدلا کے سنت سنتاں نال دِتے ٹکرائیا۔ شبد گُروُ کہے میَں آد جُگاد سدا بلوان، بلدھاری اِک اکھوائیا۔ سدا رہے میری کمان، حُکم اِکو اِک ورتائیا۔ جو آیا سو بن کے غُلام، نفراں والی کار کمائیا۔ ایسے کر کے ڈنڈاوت بندنا سجدے کردے رہے سلام، نِیوں نِیوں سیِس جھُکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی کرنی کار کمائیا۔ شبد گُروُ کہے اجّ توں سمجھ لؤ سَتجُگ دی دھارا، سَت دا سَت لیَنا اُپجائیا۔ پرگٹ اِک اِک دا سرب پسارا، ویکھنہارا تھاؤں تھائنیا۔ جِس نوُں کہندے کل

کلکی اوتارا، نِرگُن نوُر جوت رُشنائیا۔ اوس دا شبد گُروُ سِکدارا، حُکمے اندر اپنا حُکم ورتائیا۔ جن بھگتو تُساں جنم نہیں لیَنا دوبارہ، مات گربھ اگن نہ کوئے تپائیا۔ مِلنا میل اوس نِراکارا، جو نِرنکار نِروَیر سچکھنڈ ساچے سوبھا پائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سَت ستوادی اپنا رنگ رنگائیا۔ شبد گُروُ کہے ہُن میری بڑی ہونی پریِکھیا، وِدواناں لیَنی انگڑائیا۔ جِنہاں کدی نیتر نہیں دیکھیا، اوہناں اکھّیں میِٹ کے کہنا مِلیا نوُر الاہیِا۔ کباب کھانا بھُنّ کے اُتے سیِخیا، کہن دھرم دی ریِتی اساں اپنائیا۔ سَتگُر شبد نے ساریاں توں پُچھنا تُہاڈا پِچھلا جنم کِس طرح بیِتیا، اوہ دیؤ سمجھائیا۔ تے کی اگلے سال دی ہونی ریِتیا، پردہ دیؤ کُھلائیا۔ کیہڑی وست تُہاڈے کایا کھیِسیا، باہر دیؤ کڈھائیا۔ ذرا اپنا آتما تکّو بِنا شیِشیا، بِنا شمع توں اپنا نوُر ویکھو رُشنائیا۔ سُنو اگمّا کلمہ انوکھا گیِتیا، جیہڑا چار جُگ دے شاستر نہ سکن سمجھائیا۔ کیہڑا رس میِٹھیا، بِن رسنا جِہوا دینا سمجھائیا۔ جیہڑے تپن والے ترےَگُن پنج تت انگیِٹھیا، سانتک سَت نہ کوئے کرائیا۔ اوہناں نوُں منگیاں ملِے نہ بھیِکھیا، نام بھنڈارا نہ کوئے ورتائیا۔ سب نے پاؤنا اپنا کیِتیا، اَگے ہو نہ کوئے بچائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، ہرِ وڈّا وڈ وڈیائیا۔ شبد گُروُ کہے میرا پَینا اِک دھماکا، سب نوُں دینا ہِلائیا۔ انیِکاں سادھاں سنتاں دھیان لا کے میرا کھِچنا خاکہ، نیتر نظر کُچھ نہ آئیا۔ میَں پُچھ لیَنا جگت دے گُروُاو تُہاڈے پِچھلے نؤ جنم دا کی ساکہ، سچ دیؤ دِرڑائیا۔ جے تُہاڈا تھوڑا تھوڑا تھوڑا کُھلیا تاکا، جِس ویلے ساہمنے ہونا اوسے ویلے بند دینا کرائیا۔ ہُن دسّو کیہڑا کاکا چُکوگے ڈھاکا، تے کِس نوُں باپوُ کہوگے کِس دا منّوگے آکھا، بھید دیؤ کُھلائیا۔ ایہہ کوئی وِدیا والیِاں نہیں باتاں، وڈیائی نہیں جاگ کے کٹنیِاں راتاں، گُن نہیں بہُتیاں گاؤنیاں گاتھاں، اکھّراں وِچ صِفت صالاحیِا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، دُھر دا حُکم اِک ورتائیا۔ شبد گُروُ کہے میَں دیِن دُنی دا بدل دینا یقیِن، یکے بعد دیگرے کھیل کھِلائیا۔ کلجُگ نوُں کہنا آفریِن، واہ وا تیری وڈیائیا۔ جِس نے گُر اوتار پَیغمبراں دی بُھلائی تعلیِم، کلجُگ جیو طُلبے اپنے لئے بنائیا۔ مایا ممتا دا دسّ کے سیِن، کوُڑی کِریا وِچ پھسائیا۔ کام واسنا کر اَدھیِن، کرودھ وِچ ہلکائیا۔ جوتی جوت سروُپ ہرِ، آپ اپنی کِرپا کر، سد اپنا حُکم ورتائیا۔ شبد گُروُ کہے جِس سِر اُتے بدھّی لال پگّ، لیکھا جنم جگت جنائیا۔ ہری تہمت رکھی لکّ، ناتا محمد نال وڈیائیا۔ چِٹا قمیِض پہن کے جھٹ، گوبِند لہنا رہیا وکھائیا۔ صدی چؤدھویں رہی سدّ،

حُکم اِکو اِک الائیا۔ جوتی جوت سروُپ ہرِ، آپ اپنی کِرپا کر، سد اپنی کار کمائیا۔ صدی چؤدھویں کہے میَں وکھاؤنی لال دھار، میری گولی نیڑے آئیا۔ گُر اوتار پَیغمبر ہونا خبردار، سندیسہ اِک الاہیِا۔ دھرنی دھرت دھوَل تُوں وی لےَ ادھار، تَینوُں دیاں جنائیا۔ چاروں کُنٹ ہونا دھوُاں دھار، اندھ اندھیرا چھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کمائیا۔ لال بستر کہن اساں رہن دینا نہیں کوئی سُہاگ، سُہاگوَنت نہ کوئے وڈیائیا۔ چار کُنٹ نہ رہے چراغ، اندھ اندھیرا کوُڑ لوکائیا۔ دُرمت مَیل دھووے کوئی نہ داغ، پتت پُنیِت نہ کوئے کرائیا۔ کلجُگ جیو ہنس ہوئے کاگ، مانک موتی چوگ نہ کوئے چُگائیا۔ بِنا بھگتاں توں انتر رہیا نہ کوئے وَیراگ، وَیری اندروں نہ باہر کڈھائیا۔ جگت سماج دا کرے نہ کوئے تیاگ، ترےَگُن لیکھا نہ کوئے مُکائیا۔ حق خُدا منّے نہ کوئے واحد، لاشریِک سیِس نہ کوئے نِوائیا۔ جِس دا حُکم ہونا عائد، عہدنامے سب دے پوُر کرائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کمائیا۔ لال رنگ کہے میَں لال ویکھنی بھوُمی، بھوُمکا دئے دُہائیا۔ اِشارہ مِلدا وِچ روُمی، رحمان دئے وڈیائیا۔ کھیل ہونی نہ معلوُمی، سیاست چلے نہ کوئے چتُرائیا۔ پردہ کھولے نہ کوئے نِجومی، حِساب ونڈ نہ کوئے ونڈائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، دُھر دا حُکم اِک ورتائیا۔ لال رنگ کہے میَں کپڑ اُتے چڑھیا، تن وجوُد سُہائیا۔ میرا انتر انتر لڑیا، جگت وِچ دُہائیا۔ میَں جیؤندا جگ مریا، جیِوت روُپ نہ کوئے بنائیا۔ میرا پاسا انتم ہریا، جِتّ سنگ نہ کوئے رکھائیا۔ میَنوُں دُرگا اِک وریا، اشٹبُھج گواہیِا۔ میَں کلجُگ انتم سڑیا، میرا سنگ نہ کوئے رکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ سندیسہ اِک سُنائیا۔ لال رنگ کہے میری اگمّی تصویِر، ہرِ تصّور آپ کرائیا۔ میَنوُں سندیسہ دِتا کبیِر، جُلاہا گیا دِرڑائیا۔ جِس ویلے دیِن دُنی دی بدلی ضمیِر، شرع سچ نہ کوئے سمجھائیا۔ جوُٹھ جھوُٹھ بھریا خمیِر، خالی ہوئی لوکائیا۔ بدلے نہ کوئے تقدیِر، تدبیِر نہ کوئے دِرڑائیا۔ اوس ویلے سب دے نیتروں ڈِگنا نیِر، دھیِرج دھیِر نہ کوئے رکھائیا۔ کِسے کمّ نہیں آؤنی شرع شمشیِر، کھڑگ کھنڈا نہ کوئے وڈیائیا۔ جھگڑا پَینا شاہ حقیِر، اوُچ نیِچ کرے لڑائیا۔ جوتی جوت سروُپ ہرِ، آپ اپنی کِرپا کر، دُھر دا حُکم اِک ورتائیا۔ لال رنگ کہے میَں آیا اُتے فرش، خاکی ویکھ وکھائیا۔ میری محمد نال شرط، صدی چؤدھویں دئے گواہیِا۔ جِس ویلے تیرا محبوُب آیا پرت، نِرگُن نوُر نوُر الاہیِا۔ کوُڑی کِریا ہونا غرق، شؤہ دریا دئے ڈُبائیا۔ دیِن دُنی

دی ویکھے مرض، ہر ہِردا پھول پُھلائیا۔ محمد کہے میری اِکو غرض، آسا دیاں جنائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، بھید ابھیدا آپ کُھلائیا۔ محمد کہے سُن کالے رنگ، کلجُگ دیاں جنائیا۔ لال روُپ لال میرے ہووے سنگ، سگلا سنگ بنائیا۔ میرا محبوُب سوہے اگمّ پلنگ، جِس دا پاوا چوُل نہ کوئے وکھائیا۔ کلمہ نام وجےّ مردنگ، دو جہاناں دئے سُنائیا۔ کلجُگ میٹے اندھیرا اندھ، صدی چؤدھویں ڈیرہ ڈھاہیِا۔ ساچا دسےّ اپنا چھند، آتم پرماتم راگ سُنائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، دھرم دوارا اِک وکھائیا۔ محمد کہے صدی چؤدھویں میرا ناتا، انت اَخیِر دِرڑائیا۔ کھیلے کھیل پُرکھ بِدھاتا، پربھ ٹھاکر نوُر الاہیِا۔ جِس نے اپنا رنگ رنگاؤنا ساچا، لال دھرنی دئے کرائیا۔ جھگڑا مُکائے کنچن گڑھ کاچا، پنکج پنج ویکھ وکھائیا۔ میری پوُری ہووے آسا، آہستہ آہستہ ویکھ وکھائیا۔ خالی ہووے بھانڈا کاسہ، وست نظر کوئے نہ آئیا۔ میرا اوس دے اُتے بھرواسا، جو بھرم دئے چُکائیا۔ جِس نے انت اَخیِر کرنا تماشا، پروردِگار ویس وٹائیا۔ اُس نے سب دی بدل دینی بھاشا، حُکم اِکو اِک اُپجائیا۔ گُر اوتار پَیغمبر ہون نہیں دینا نراشا، منسا سب دی ویکھ وکھائیا۔ اِک ظہوُر کرے پرکاشا، نوُر نوُرانہ نوُر رُشنائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، دُھر کرم اِک کمائیا۔ پہلی چیت کہے میرا آیا وقت سُہنجنا، سوبھاوَنت سوبھنیِک۔ کِرپا کرے آد نِرنجنا، جِس دے وِچ حق تؤفیِق۔ دیِناں ناتھ درد دُکھ بھےَ بھنجنا، آسا منسا پوُری کرے اُمیِد۔ نام نیتر پا کے انجنا، نِرگُن سرگُن کھولے دیِد۔ چرن دھوُڑ کرائے مجنا، بھیوَ کُھلائے گُفت شُنیِد۔ سب دی سانجھی کر کے بندنا، دیوے اگمّ ترتیب۔ دھرم دوار اِکو لنگھنا، چار ورن ہون نزدیِک۔ جِس سب دا پردہ کجّنا، رہن دیوے نہ کوئے شریک۔ جوتی جوت سروُپ ہرِ، آپ اپنی کِرپا کر، کلجُگ انت کرے تصدیِق۔ پہلی چیت کہے پربھ مِتر پیارا ایکا، سب نوُں دیاں سمجھائیا۔ دیِن دُنی دی سانجھی ٹیکا، ٹِکّے مستک نام رمائیا۔ سب دی بُدھ کرے بِبیکا، دُرمت مَیل دھوائیا۔ گُر اوتار پَیغمبراں پوُرا کرے لیکھا، بچیا رہن کوئے نہ پائیا۔ اِکو پرگٹ ہووے شبد دُلارا سُت اگمّی بیٹا، جِس نوُں جنمے کوئی نہ مائیا۔ ایتھے اوتھے دو جہاناں کھیوٹ کھیٹا، بیڑا اپنے کندھ اُٹھائیا۔ نِرگُن سرگُن بن کے آوے نیتا، نر نرائن ویس وٹائیا۔ جن بھگتو تُہاڈا بُھلیا پھیر نہیں چیتا، جُگ جنم دے وِچھڑے لئے مِلائیا۔ تُسیں پِھردے بھاویں اپنے وِچ کھیتاں، کِرسانو تُہاڈی کِرس لئی کڈھائیا۔ دینی پئے کوئی نہ بھیٹا، بھجن بندگی ونڈ نہ کوئے ونڈائیا۔

سڑنا پئے نہ اگنی سیکا، سیِس سواہ نہ کوئے سُٹائیا۔ صِرف پنج واری کر لیا کرو چیتا، جَیکارا دُھر دا آپ لگائیا۔ تے درشن ویکھو اپنے نیتا، نِج نیتر کرے رُشنائیا۔ جوتی جامہ دھار کے بھیکھا، نِرگُن اپنا حُکم ورتائیا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، مہاراج شیرسِنگھ وِشنوُں بھگوان، آتم برہم پاربرہم ہو کے کرے اگمّی ہیتا، ہِتکاری ہو کے اپنا میل مِلائیا۔