۲۳ چیت شہنشاہی سمت ۵ بھگت سِنگھ دے گرِہ اِٹارسی
نارد کہے میَں پُٹھی پَیریں آیا اِٹارسی، ٹلّیاں ہتّھاں نال کھڑکائیا۔ کھیل ویکھدا آیا مدھ بھارتی، بھؤ بھوَن پھول پُھلائیا۔ نغمے سُن دا آیا اُردوُ فارسی، ہِندی بِندی وِچ وڈیائیا۔ لیکھ تکدا آیا عبارتی، پتّھراں نِگاہ ٹِکائیا۔ پربھ دے نام کھوجدا آیا سفارشی، پوُرب پِچھلے ویکھ وکھائیا۔ مقبریاں دی تکدا آیا زیارتی، سجدیاں والی دُہائیا۔ رُچی ویکھدا آیا نر نار دی، اندر وڑ کے دھیان لگائیا۔ مُحبّت ہتّھ نہ آئی سچّی سرکار دی، سچ میل نہ کوئے مِلائیا۔ صوُرت دِسی نہ حقیِقی یار دی، نظرے ناز نہ کوئے وڈیائیا۔ میَنوُں خبر مِلی اِک اگمّی اخبار دی، پُرکھ اکال دِتی سُنائیا۔ ویکھ کھیل اِستغُفار دی، جو اِسم اعظم نوُر الاہیِا۔ گھڑی پُج گئی قؤل اِقرار دی، اِقرارنامے دین صفائیا۔ صدی آ گئی جھگڑے تکرار دی، ہؤمے ہنگتا کرے لڑائیا۔ دُنیا روُپ دِسے شِکار دی، شِکاری اِکو دُھردرگاہیِا۔ میَں حَیران ہو گیا کی کھیل ہونی کرتار دی، قُدرت دا قادر کی کی کار کمائیا۔ کی دُردشا ہونی غدار دی، جو پربھ نوُں بَیٹھے بُھلائیا۔ کی گھڑی ہونی اِنتظار دی، گُر اوتار پَیغمبر بَیٹھے اکھّ اُٹھائیا۔ کی کھیل ورتنی دیِن مذہب گرِفتار دی، بندھن اِکو دیوے پائیا۔ کی صِفت ہونی اِظہار دی، مہما نوُر الاہیِا۔ کی حالت ہونی چار یار دی، محمد دئے دُہائیا۔ کی لاڑی مؤت ونگار دی، بَل اپنا
آپ پرگٹائیا۔ کی کھیل کرے ترےَگُن مایا شِنگار دی، روُپ انوُپ بدلائیا۔ کی رُت بدلنی دیِن دُنی گُلشن بہار دی، لکھّ چؤراسی ویکھ وکھائیا۔ کی دھار اُٹھنی خبردار دی، بےخبراں خبر سُنائیا۔ میَں حَیران ہویا اَگے گھڑی نہیں رہنی اُدھار دی، لیکھا ہتّھو ہتّھ مُکائیا۔ دھرنی کی کی رو رو پُکار دی، پُنہ پُنہ سیِس نِوائیا۔ نیڑے آ آ نربدا دھاہاں ماردی، ہاہاکار کر کُرلائیا۔ کِتے خبر ملِے میرے سِرجنہار دی، جو جل تھل مہیئل رہیا سمائیا۔ گھڑی رہی نہ کلجُگ کِسے اِعتبار دی، سادھ سنت نہ کوئے وڈیائیا۔ شاستر سِمرت وید پُران اِنجیِل قرآن کھانی بانی پڑھ پڑھ ہاردی، ہِردے ہرِ نہ کوئے وسائیا۔ میرا وہن پانی والا میَں جیِو جنتاں ٹھاردی، اگنی تت نہ کوئے بُجھائیا۔ چار کُنٹ دہ دِشا ویکھ دوہتّھڑ چھاتی اُتے ماردی، چھتردھاری نہ کوئے سہائیا۔ میَں کھیل ویکھنی اوس کل کلکی اوتار دی، جو کلیش دئے مِٹائیا۔ سبھا ویکھنی اوس سچّے دربار دی، جِتھے دیِن مذہب ونڈ نہ کوئے ونڈائیا۔ میَں وست تکّنی اوس بھنڈار دی، جِتھے پُرکھ اکالا بھوگ لگائیا۔ میَں بِن اکھّاں نیَن اُگھاڑ دی، اُتّر پوُرب پچھّم دکھّن ویکھ وکھائیا۔ ناردا ویکھ میَں تھکی ٹُٹی میری منزل آئی ہار دی، ہؤکیاں وِچ دُہائیا۔ کُجھ خبر دسّ اوس نِرنکار دی، جو نِردھناں دئے وڈیائیا۔ نارد کِہا تُوں کیوں نہیں میَنوُں نِمسکار دی، مُنی جی، پنڈت جی، کہہ کے سیِس نِوائیا۔ کیوں نہیں اپنی مینڈھی گُت کھلار دی، حال بےحال بنائیا۔ کیوں نہیں اِک ٹنگی ہو کے اُچار دی، بِرہوں وِچ کُرلائیا۔ کیوں نہیں سِر خاک پاؤندی چھار دی، جگت ویس نہ کوئے وکھائیا۔ کیوں نہیں آپ آپا واردی، وارث اِکو اِک بنائیا۔ نی کملیئے ہُن کوئی کھیل نہیں کھنڈے کھڑگ تلوار دی، تیِر ترکش کمان ہتّھ نہ کوئے اُٹھائیا۔ اِکو کھیل شبد شبدی دھار دی، دھرنی دھرت دھوَل دھؤل ویکھ وکھائیا۔ اؤہ ویکھ گُر اوتار پَیغمبراں آسا واجاں ماردی، مرتبہ تکّن اِک الاہیِا۔ جو سب دی پَیج سوار دی، سِر اپنا ہتّھ ٹِکائیا۔ جِس نے رُت سُہاؤنی اپنے سمیں وِچاردی، جِس نوُں وِچر کے دسےّ نہ کوئے سمجھائیا۔ جوتی جوت سروُپ ہرِ، آپ اپنی کِرپا کر، سد اپنا حُکم ورتائیا۔ نارد کہے میَنوُں راہ وِچ مُلّا شیخ مِل گئے مُسلّمیِن، نِو نِو سیِس جھُکائیا۔ میَں جھٹ پُچھیا کیہڑی تُہاڈی تعلیِم، طُلبیاں دیؤ جنائیا۔ کؤن گھر وسو عظیِم، عالیشان نظری آئیا۔ کؤن مالک آد قدیِم، قُدرت قادر نظری آئیا۔ تُسیں کِس دے اُتے کرو یقیِن، بھروسہ کوَن رکھائیا۔ سچ دسّو تُسیں نر کہ مدیِن، مُدّعا اپنا دیؤ دِرڑائیا۔ نِگاہ مارو لوک تیِن، چؤداں طبقاں اکھّ کُھلائیا۔ نِرگُن دھار ویکھو یا تتاں والا سیِن، لوچن نیَن اکھّ اُٹھائیا۔ کیہڑا مذہب کیہڑا سچّا دیِن، اِسلام اِسم
کوَن وڈیائیا۔ کِس دے رہندے حُکم وِچ ادھیِن، کلمہ کوَن دِرڑائیا۔ کِس نوُں کردے تسلیِم، تسبیح مالا کِس دی گل لٹکائیا۔ کِس دے ہُندے مسکیِن، نِیوں نِیوں سجدہ سیِس جھُکائیا۔ سچ دسِّؤ کِس نے پَیغمبراں کولوں کرائی تقسیِم، مانَس مانَس ونڈ ونڈائیا۔ جوتی جوت سروُپ ہرِ، آپ اپنی کِرپا کر، سد اپنا کھیل وکھائیا۔ نارد کہے میَنوُں راہ وِچ ملِے ہِندوُ، ہِند دھرم ویکھ وکھائیا۔ میَں ہسّ کے کِہا تُسیں کِس دی بِندوُ، بِندرابن دے واسیِو دیؤ جنائیا۔ تُسیں کِس دے مناؤندے پِنڈوُ، پِنڈی وِچ پِنڈ بھرائیا۔ تُسیں کِس دی آتما کِس دی جِندوُ، زِندگی دا مالک کوَن اکھوائیا۔ تُہاڈی کوَن شانت کوَن چِندوُ، چِنتا چِکھا کوَن درسائیا۔ تُسیں رام منّو کرِشن منّو بھگوان منّو تے پوُجا شنکر لِنگوُ، سہج نال دیواں سمجھائیا۔ بودی رکھو دھوتی بنّھو کہ چھیانویں چّپے گل لٹکاؤ جنجوُ، یادو بنس کوَن اکھوائیا۔ تُہانوُں ورن برن ذات پات دیِن مذہب کی سمجھا کے گیا منوُ، منتوَ منتراں توں پرے دیؤ سمجھائیا۔ تُسیں شبد ادھاری تُسیں جوت ادھاری کہ سُنن والے کنّوُ، کہ منسا ممتا وِچ وڈیائیا۔ تُسیں نیترہیِن کہ چکشوُ والے جگت انحّوُ، پردہ اوہلا دینا اُٹھائیا۔ تُسیں عادت دھرواسی کہ شبد سواسی کہ مایادھاری دھنوُ، دھناڈھو دینا دِرڑائیا۔ سچ دسِّؤ کلجُگ انت سب نوُں کیہڑا ڈنّوُ، ڈنکا دُھر دا اِک وجائیا۔ سرِشٹی درِشٹی اندر بیڑا کیہڑا بنّحوُ، کھیوٹ کھیٹا روُپ کوَن وٹائیا۔ نارد کِہا تُسیں نہاؤندے تیِرتھ تٹ گنگا گوداوری جمنا سُرستی ڈوُنگھے وہن جلوُ، جلدھارا سیِس اُتے پوائیا۔ سچ دسّو تُہاڈے وِچوں سچکھنڈ دوارے کیہڑا پھلوُ، پھلی بھوُت کوَن ہو جائیا۔ کِس بِدھ تُہاڈے کایا مندر اندر نِرگُن دیِپک جوت جلوُ، جاہل روُپ نظر کوئے نہ آئیا۔ کیہڑا لکھّ چؤراسی جیِو جنت سادھ سنت گُر اوتار پَیغمبراں چھلوُ، ول چھل اپنا ویکھ وکھائیا۔ کوَن انت سِری بھگوَنت سچ دوار ملّوُ، گرِہ مندر اندر اِک دئے وڈیائیا۔ کوَن آتم پرماتم نِرگُن دھار ہو کے رلوُ، بھگت سُہیلے اپنا جوڑ جُڑائیا۔ کوَن کوُڑی کِریا میٹے کلوُ، کلکاتی کوَن کھپائیا۔ کوَن شبد سندیسہ دو جہاناں گھلوُ، برہمنڈ کھنڈ پُری لوء آکاش پاتال کرے پڑھائیا۔ کوَل نِہچل دھام سُہائے اِک اٹلو، اٹل پدوی ہرِجن ساچے آپ ٹِکائیا۔ سچ دسّنا کلجُگ انت کوُڑا وہن کوَن ٹھلّوُ، نام بندھ اِک ٹِکائیا۔ نارد کِہا کملیو میَں تے پھیرن آیا پلّوُ، چار کُنٹ دینا پِھرائیا۔ میَنوُں ایَں جاپدا بِنا پربھ دی کِرپا میرے سنگ کوئی نہ چلوُ، چرن کوَل سیِس نہ کوئے نِوائیا۔ جوتی جوت سروُپ ہرِ، آپ اپنی کِرپا کر، سد اپنا کھیل وکھائیا۔ نارد کہے میَں راہ وِچ ویکھے پنڈت پاندھے، تِلک مستک اُتے لگائیا۔ ہری اوم تت سَت
گاؤندے، رادھے کرِشن جےَ سیِتا رام رام رام ڈھولے گائیا۔ میَنوُں ایَں جاپیا ایہہ انت اَخیِر تھکے ماندے، ہِمّت نظر کوئے نہ آئیا۔ ایہہ ججماناں کولوں منساؤندے رہے ڈھانڈے، منسا وِچ گئوُاں بھیٹ کرائیا۔ گھراں وِچ جا کے پروہت بن کے رہے کھاندے، اُچی کُل وِچ وڈیائیا۔ گنگا جل نال سُچے ہو کے رہے نہاندے، پانی سوُرج دیوتے ولّ چڑھائیا۔ جنجوُ کنّاں اُتے رہے لٹکاندے، اکھّاں میِٹ دھیان لگائیا۔ اندر من کاگ وانگ رہے کُرلاندے، بُدھ بِبیک نہ کوئے بنائیا۔ مایا کارن تٹاں تیِرتھاں اُتے جاندے، مندر مٹھاں وِچ ٹلّ کھڑکائیا۔ اندروں صاف کیتے نہ کِسے بھانڈے، ساڈھے تِنّ ہتّھ نہ کوئے وڈیائیا۔ نارد کہے انتم سارے جانے پھاندے، بچیا رہن کوئے نہ پائیا۔ میَں اجّ رات نوُں سب دی سُرتی ویکھنی کدے سِراندے دے کدے ہو پواندے، سِر پَیراں ول دھیان لگائیا۔ نالے تکنے انت اَخیِر اوتار گُروُ والے کیہڑی دِشا نوُں جاندے، کی دھرم رائے دئے سزائیا۔ جوتی جوت سروُپ ہرِ، آپ اپنی کِرپا کر، سد اپنی کار کمائیا۔ نارد کہے میَں راہ وِچ تکّیا وکھرا وکھرا لباس، کُلّے تہمت نظری آئیا۔ کِسے ہتّھ گڑوی کِسے پانی دا بھریا گلاس، مُکھ تے مار کے چھٹے اکھّیں میِٹ دھیان لگائیا۔ میَں کیِتا ہاس بِلاس، تالی ہتّھاں نال وجائیا۔ بودی ٹِکّے دھوتی تہمت کِس دا کرے مِلاپ، پردہ دینا اُٹھائیا۔ کوَن سوامی انترجامی جِس دا کردے جاپ، کِس نوُں سجدیاں وِچ سیِس جھُکائیا۔ اپنے اندر کایا مندر ویکھو کیہڑی تُہاڈے کول گٹھڑی پاپ، پُنّاں والی کی وڈیائیا۔ کی تسبیِاں والیاں تُہانوُں کیِتا پاک، کی ٹکیاں والیو دُرمت مَیل تُساں لئی دھوائیا۔ دسّو کیہڑا تُہاڈی آتما دا سچّا ساتھ، جو داتا سَت سَت بنائیا۔ جِس نوُں باہروں تُسیں دیِن مذہب منّدے ایہہ تے مِٹی ہون والی خاک، مڑھی گور وِچ کمّ کوئے نہ آئیا۔ میَنوُں سارے دسّو تُہاڈا آگمن پرگٹ ہویا کیہڑی وِچوں ذات، دین کوَن کوَن اکھوائیا۔ میَں حَیران ہو گیا تُہاڈیاں پَیغمبراں اوتاراں پربھ دے نام دا جھگڑا پایا کاغذات، کاغذاں اُتے اکھّراں والا نام لِکھ کے ہِندوُ مُسلم بنا کے دِتے لڑائیا۔ سچ دسّو کِس نوُں مِلیا آبِ حیات، کوَن امرت رس چکھ کے اپنی ترِسنا رہیا بُجھائیا۔ نارد کہے ایہہ ویکھو فرد سب نے ہونا انتم خاک، بچیا رہن کوئے نہ پائیا۔ موُرکھو مُگدھو اَنجانوں جے اِکو منّو دُھر دا راٹھ، جو کرتا نوُر الاہیِا۔ سد وسے تُہاڈے پاس، کایا مندر اندر سوبھا پائیا۔ کیوں مندراں مٹھاں وِچوں کرو تلاش، کایا کعبہ کھوج کھوجائیا۔ جِتھے جلوہ نوُر پرکاش، جوتی جاتا ڈگمگائیا۔ نِجھر امرت سِنچ بُجھائے پیاس، بوُند سوانتی اِک چوائیا۔ نارد کہے میَں سب نوُں سندیسیاں وِچ آیا آکھ، آخر دِتا دِرڑائیا۔ بھاویں میَنوُں سارے کہو گُستاخ،
غُصّے وِچ اکھّاں لؤ بدلائیا۔ جِناں چِر پُرکھ اکال پروردِگار دُھر دا مِلیا نہیں کِسے باپ، پِتا پوُت نہ گود اُٹھائیا۔ مذہباں والیو اوتاراں پَیغمبراں تُوں میرا میَں تیرا سوہنگ سب نوُں دسّیا جاپ، االلہہوُ کہہ کے پَیغمبر سارے سیِس گئے نِوائیا۔ میرے کول چار جُگ دی ڈائری بِن اکھّراں والی کِتاب، کُتب خانیاں وِچ نہ کوئے چھپوائیا۔ میَں ہوکا دیواں میرے پربھوُ دا ودھنا پرتاپ، پرتکش اپنا روُپ درسائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، سب دا لہنا دینا ویکھے انت حِساب، نِرگُن دھار سرگُن کھاتے پھولے تھاؤں تھائنیا۔
۲۳ چیت شہنشاہی سمت ۵ ٹوپن رام دے گرِہ اِٹارسی
نارد کِہا میَں پِھراں پَیر دبےّ، آہٹ سُنن کوئے نہ پائیا۔ دیِن مذہب ویکھاں سبے، ذات ذاتی پھول پُھلائیا۔ بھگت سُہیلا کِتھوں لبھے، کوَن پربھ رہیا دِھیائیا۔ اُپجے کیہڑی ساچی جدّے، ملِے کوَن مات وڈیائیا۔ جگت مات دی لنگھے حدے، گھر اِکو دئے سُہائیا۔ تُوں میرا میَں تیرا نام جپے، جگ جیِون داتے اوٹ رکھائیا۔ سچ پریِتی وِچ ہووے رتےّ، رتن امولک اپنا روُپ وٹائیا۔ ملِے میل پُرکھ سمرتھے، دوُجی اوٹ نہ کوئے تکائیا۔ ساچی سُنے کہانی کتھے، اکتھ دے دِرڑائیا۔ دھوُڑی لا کے اِکو متھے، مستک خاک رمائیا۔ جگت جہان دوارا ٹپّے، ٹپّا سوہنگ ڈھولا گائیا۔ لیکھا مُکا مدیِنے مکّے، کعبیاں دئے وڈیائیا۔ نوُر الاہی اِکو تکّے، جوتی جاتا نظری آئیا۔ جوتی جوت سروُپ ہرِ، آپ اپنی کِرپا کر، ایکا دیوے دُھر دا ور، سد اپنا میل مِلائیا۔ نارد کہے میَں ویکھاں اُپر تھلّے، جل تھل ویکھ وکھائیا۔ گُرمُکھ کیہڑی کوُٹ پلے، جو پلک نہ جھلے جُدائیا۔ پریم پریِتی وِچ اپنا ہِردا سلّے، بان انیالا تیِر چلائیا۔ کایا وسے سچ محلے، گرِہ مندر ڈیرہ لائیا۔ اپنے دیِپک نال بلے، جوتی نوُر ہووے رُشنائیا۔ سچ سندیسہ صاحِب سُلطان جِس نوُں گھلے، انراگی اپنا راگ سُنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دیوے مان وڈیائیا۔ نارد کہے میَں ویکھاں زِمیں اسمان، پوَن ہوا کھوج کھوجائیا۔ چار کُنٹ تکاّں اِنسان، تن وجوُد پھول پُھلائیا۔ کِس انتر ہووے گیان، بُدھی کرے پڑھائیا۔ میرے سِری بھگوان، ناتا کوُڑ تُڑائیا۔ شبد سُنے دُھنکان، اگمّی ناد شنوائیا۔ امرت ملِے پیِن کھان، رسنا رس نہ کوئے چکھائیا۔ جوت نوُر
جگے مہان، اندھ اندھیر مِٹائیا۔ سچکھنڈ دوارے بہے جِتھے جھُلے دھرم نِشان، نِشانہ اوَر نہ کوئے دِرڑائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سد اپنا میل مِلائیا۔ نارد کہے دیِن دُنی ویکھی سوتی، سُتیاں نہ کوئے جگائیا۔ بِنا بھگتاں جگے کوئی نہ جوتی، جاگرت جوت نہ کوئے رُشنائیا۔ ساچی منزل چڑھے کوئی نہ چوٹی، چوٹی چڑھ درس کوئے نہ پائیا۔ پندھ مُکیا نہ لوک پرلوکی، چؤراسی گیڑ نہ کوئے کٹائیا۔ سُنے حق نہ کوئے سلوکی، سوہلا دُھردرگاہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، جن بھگتاں دِتی سچّی سوجھی، سمجھ سمجھ وِچوں بدلائیا۔ نارد کہے میَں ویکھے بھگت سجّن، سوہنے نظری آئیا۔ کردے اِکو مجن، دھوُڑی خاک رمائیا۔ ممتا موہ تجّن، ہؤمے گڑھ تُڑائیا۔ پُرکھ اکالا اِکو لبھن، نِرگُن نوُر جوت رُشنائیا۔ سچ سرنائی لگّن، ناتا توڑ کوُڑ لوکائیا۔ پریم پریِتی وِچ ہو کے مگن، سُرتی شبد وِچ سمائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، کرے کھیل سوُرا سربنگن، صاحِب سُلطان نؤجوان مرد مردان اپنی کار کمائیا۔
۲۴ چیت شہنشاہی سمت ۵ ہردت سِنگھ دے گرِہ اِٹارسی
نارد کہے میَنوُں راہ وِچ ملِے گانئے سوُر، دوئے رو رو دین دُہائیا۔ سچ دسّ کِتھے ساڈا پربھوُ حضوُر، ہرِ کرتا دُھردرگاہیِا۔ ساڈی بیننتی کرے منظور، آرزو آسا اِک رکھائیا۔ ویلا نیڑے آ گیا جِس نوُں پندھ سمجھے دوُر، چؤکڑی اپنا آپ بدلائیا۔ ممتا میٹے سنساری کوُڑ، کِریا جھوُٹھ کرے صفائیا۔ ساچی دیوے مستک دھوُڑ، ٹِکّے اگمّ رمائیا۔ سانوُں سمجھ نہیں آئی کی اساں کیِتا قصوُر، ہِندوُ مُسلم سِکھ عیِسائی بن قصائی سانوُں رہے کھائیا۔ اسیں ہوئے بڑے مجبوُر، دُکھی ہو کے دئیے دُہائیا۔ ساڈی آسا کرے پوُری ضرور، ضرورت ویکھے تھاؤں تھائنیا۔ کیوں پُرکھ اکال سرب کلا بھرپوُر، سمرتھ سوامی اِک اکھوائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا رنگ اِک وکھائیا۔ نارد کہے میَں قصائیاں ہتّھ ویکھی چُھری، جو شرع روُپ وٹائیا۔ میَنوُں لگّی بُری، دُکھیارا ویکھ دِتی میَں دُہائیا۔ میَں زور نال کِہا اے میرے پرماتما تیری دُنیا ہو گئی نِگُری، تیرا بھےَ نہ کوئے رکھائیا۔ کوُڑی شرع
وِچ رُڑھی، وہناں وِچوں باہر نہ کوئے کڈھائیا۔ تیری کیِتی کدے نہ مُڑی، اَگے ہو نہ کوئے اٹکائیا۔ اُٹھ ویکھ آتم پرماتم پریِتی کِسے نہ جُڑی، چار کُنٹ رہی کُرلائیا۔ نام خُماری دِسے کوئی نہ گوُڑھی، انتشکرن سکیا نہ کوئے بدلائیا۔ تیرے چرن مستک لائے کوئی نہ دھوُڑی، دیِناں مذہباں سار کِسے نہ پائیا۔ پُرکھ اکال دیِن دَیال لوک مات اپنی سرِشٹی ویکھ ضروری، ظاہر ظہوُر ہو کے اپنا پھیرا پائیا۔ چار جُگ دے گُر اوتار پَیغمبر تیری کردے گئے مشہوُری، کاغذاں وِچ عاجز ہو کے صِفتی ڈھولے گائیا۔ جوتی جوت سروُپ ہرِ، آپ اپنی کِرپا کر، ایکا دے دے دُھر دا ور، تُدھ بِن دوُجا نظر کوئے نہ آئیا۔ سوُر گاں دوویں مارن دھاہ، بہُڑی بہُڑی کُرلائیا۔ ایہہ کی کیِتا خُدا، سِری بھگوان کی تیری بےپرواہیِا۔ ساڈے اُتے مذہباں دی رکھ بِدھا، بِنا ساڈی شکتی توں جگت وِچ وڈیائیا۔ سچ دسّ کی اساں کیِتا تیرا گُناہ، سارے سانوُں ذِبح کر کے تیرا شُکر منائیا۔ تُوں کیوں بنیا بے پرواہ، ذرا اپنیاں پَیغمبراں اوتاراں گُروُآں نوُں لےَ بُلا، جِنہاں نے شرع شریِعت دِتی چلا، چُھری مُریِداں ہتّھ دِتی پھڑا، قتل گاہ وِچ مقتُول سانوُں دِتا بنائیا۔ تیرے اَگے اِک دُعا، کِرپا کر ساڈے مِہرواں، محبوُب تیری اِک سرنائیا۔ جوتی جوت سروُپ ہرِ، آپ اپنی کِرپا کر، سد اپنا حُکم ورتائیا۔ نارد کہے میَنوُں ویکھ کے آ گیا ترس، میَں دُہتّھڑ مار کے دِتی دُہائیا۔ پُکار کے کِہا پُرکھ اکال پروردِگار پاربرہم پت پرمیشور ذرا آپ آ پرت، پاربرہم اپنا روُپ بدلائیا۔ دیِن دُنی سرِشٹی درِشٹی مانَو ذاتی ویکھ اُتے دھرت، گُر اوتار پَیغمبراں ویکھ شرط، جِنہاں شرع وِچ تیرے نام وِچ کلمے وِچ کائنات اِنسان اِنساناں نال دِتے لڑائیا۔ حق دی رہی نہ کوئی جماعت، قدماں جھُکے نہ کوئے قدمات، رہبر ہو کے سچ راہ نہ کوئے وکھائیا۔ تیری رحمت بِنا ملِے نہ کِسے نِجات، دیوے نہ کوئے آبِ حیات، امرت بوُند سوانت مُکھ نہ کوئے چوائیا۔ تیرا جھگڑا ویکھیا کاغذات، االلہ واہِگُروُ رام کرِشن اوم سارے کرن والے فسادات، مُحبّت والا میل نہ کوئے مِلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سد اپنا کھیل وکھائیا۔ نارد کہے میَں ہور ویکھے راہ وِچ روندے جیِو جنت، کوُک کوُک سُنائیا۔ اُچی کہن پنڈت جی دسّو کوئی کلجُگ وِچ سنت، سِمت چارے پھول پُھلائیا۔ بہُڑی سانوُں مِلاوے نہ کوئی نال اگمّی کنت، جو آتم میلا لئے مِلائیا۔ رسنا جِہوا والے انیک ویکھے گاؤندے سِری بھگوَنت، بھگوَن رنگ نہ کوئے رنگائیا۔ اسیں دُکھی ہوئے اننت، پنکھی ہو کے ویکھ وکھائیا۔ ساڈی میٹے کوئی نہ چِنت، چِنتا چِکھا غم وِچوں باہر نہ کوئے کڈھائیا۔ جوتی جوت سروُپ ہرِ، آپ اپنی
کِرپا کر، سد اپنا حُکم ورتائیا۔ پنکھیروُ کہن ساڈی ارداس، نارد دُھردرگاہ دینی سُنائیا۔ بہُڑی مانَس ہو کے ساڈا کھاندے ماس، نِردوِشیاں اُتے دوش لگائیا۔ ساڈا کِس بِدھ مکُے سواس، سواس سمجھ کِسے نہ آئیا۔ کی تیرا کھیل پُرکھ ابناش، پردہ اوہلا دینا اُٹھائیا۔ تیرے اُپجے اِک دوُجے دا کرن گھات، گھاؤ اپنی آس بنائیا۔ کِرپا کر پُرکھ سمراتھ، صاحِب سوامی تیری اوٹ تکائیا۔ کلجُگ ویکھ اندھیری رات، چاروں کُنٹ اندھیرا چھائیا۔ بِنا تیری کِرپا سکے کوئے نہ جاگ، نِج نیتر نیَن اکھّ نہ کوئے کُھلائیا۔ ساچا ملِے نہ کِسے وَیراگ، وَیراگی تیاگی بَیراگی سارے روون مارن دھائیا۔ نارد کہے میَنوُں چھوٹی جِہی آ گئی یاد، یاد یاد وِچوں جنائیا۔ جِس ویلے رام پِھردا پِھردا آیا سی بنواس، پارس والیاں کول اپنا کھیل کھِلائیا۔ سیِتا سوانی سی ساتھ، جنک سپُتری اپنا سنگ بنائیا۔ ایتھے اِک رہندا سی بھاٹ، بِردھ اوستھا رام دے گیِت سنگیِت نال گائیا۔ اوہدا تھوڑا کٹیا ہُندا سی ہاتھ، ڈیڈھ اُنگلی اَدھا حِصّہ نال نظر نہ آئیا۔ پریم وِچ بڑی سُریلی کڈھدا سی آواز، مستی وِچ رام نوُں مِلن دا رکھدا سی ناز، ہِردے اندر دھیان لگائیا۔ سُرتی وِچ کردا سی تلاش، اندرے اندر کھوج کھوجائیا۔ سنگیِت کرن لگّیاں کول پانی دا رکھدا سی گلاس، جل بھر کے نِگاہ اُس دے وِچ ٹِکائیا۔ کِتھے میرا رام ایہدے وِچوں دیوے اپنا پرکاش، سَت سروُپی نظری آئیا۔ کدے تکدا سی اُپر آکاش، نیَن نیَناں وِچوں بدلائیا۔ کدے جوڑدا سی دوویں ہاتھ، کدے ڈنڈاوت کر کے سیِس نِوائیا۔ کدے تکدا سی اُپر کَیلاش، شِو جی دھوُڑ خاک رمائیا۔ کدے اندر اپنے کر لیَندا سی واس، اکھّاں میِٹ اپنا آپ بند وکھائیا۔ کدی اپنی پُتری نوُں ماردا سی آواز، جیہڑی نؤ سال گیاراں مہینےِ سدا اپنے کول بہائیا۔ کدی سؤں جاوے مستی وِچ کدے پَوے جاگ، اپنے رنگ وِچ اپنا کھیل وکھائیا۔ کدی گا لَوے میرے رام میَنوُں ہنس بنا دے کاگ، کاگ تیری سرنائیا۔ میرا کرم دھو دے داغ، جنم وِچ سرنائیا۔ سرِشٹی دا ہووے تیاگ، درِشٹی وجےّ ودھائیا۔ جھگڑا نہ رہے سماج، دیِن دُنی گوائیا۔ کِتے درشن دے جا میرے رام آج، تیرا راہ تکائیا۔ میَں دھوُڑی مستک لا کے اپنا جگاواں چراغ، لوئن اندروں لَواں کُھلائیا۔ مستی وِچ ہستی وِچ انتر رہیا ارادھ، کلپنا اندر نہ کوئے وکھائیا۔ اونے چِر نوُں سُبھاوک رام آ گیا پَیراں دی سُنی آہٹ، دھرنی دِتا جنائیا۔ جوتی جوت سروُپ ہرِ، آپ اپنی کِرپا کر، سد اپنا حُکم ورتائیا۔ ستار کہے، میری تندی کہے، رام اوہ میرا رام، رام رام وڈیائیا۔ امرت رس سچ پریم پریِتی پیالہ دیوے جام، مدُھر دُھن انتر انتشکرن کرے جنائیا۔ میری میٹ اندھیری
شام، شمع نوُر چند کر رُشنائیا۔ میری منزل ہووے آسان، اَگے اوَر نہ کوئے اٹکائیا۔ گرِہ ملِے میرا بھگوان، نِرنتر مِل کے خوشی بنائیا۔ جوتی جوت سروُپ ہرِ، آپ اپنی کِرپا کر، سد اپنی کار کمائیا۔ رام کِہا ہؤلی جیہی سُن سیِتا جنک دُلاری، تَینوُں دیاں وکھائیا۔ ویکھ بھگت میرے دی یاری، انتر میرا دھیان لگائیا۔ باہروں چھڈ کے سرِشٹی ساری، دیِن دُنی آسا نہ کوئے رکھائیا۔ لےَ کے مست خُماری، محو اپنے رنگ وِچ سمائیا۔ میَں درس دینا نِرگُن نوُر جوت کر اُجیاری، انت اندھیرا دینا مِٹائیا۔ سیِتا کہے پربھوُ تیرے تے تیرے بھگتاں توں بلہاری، بل بل اپنا آپ کرائیا۔ میَنوُں پُچھ لیَن دے اِک واری، تُوں کِس دا راہ تکائیا۔ رام بِن بولیاں کیِتا اِشاری، سیَنت نال دِرڑائیا۔ سیِتا نیڑے آئی نِرمانتا وِچ کہے تُسیں کِس دے پُجاری، پوُجنیوگ کوَن اکھوائیا۔ اوس نے کِہا میَں رام دی رام میرا، اوہ کنت میَں ناری، تُوں کؤن وِچاری، جِس رام وِچ رام دے کے اپنا روُپ نہ لیا بدلائیا۔ سیِتا ہسّ کے کِہا ذرا ویکھ لےَ نیَن اُگھاڑی، لوچن لےَ اُٹھائیا۔ اُس کِہا میَنوُں تکّ لیَن دے جوت نِرنکاری، جو میرے انتر کرے رُشنائیا۔ سیِتا کِہا میَں آکھاں دوباری، اکھّاں لےَ اُٹھائیا۔ اُس نے کِہا میری پریِتی انتر بھاری، باہرلی یاد نہ کوئے رکھائیا۔ سیِتا پھیر کِہا مُکھوں تیِجی واری، تیرا رام دیاں مِلائیا۔ جیہڑا آیا چل دواری، اپنا پندھ مُکائیا۔ اودھروں رام نے اندروں دِتی پریم خُماری، رس دِتا چکھائیا۔ جاں اپنی اکھّ اُگھاڑی، پرتکھ ویکھیا صاحِب گوسائنیا۔ اُچی کوُک کے آواز ماری، ننھی بچّی لئی اُٹھائیا۔ جا چُک لیا اپنی پٹاری، جیہڑی پنج ستّ چّپے لمی چؤڑی نظری آئیا۔ اوہدے وِچ پرساد رکھیا اپاری، سوہنا روُپ بنائیا۔ جوتی جوت سروُپ ہرِ، آپ اپنی کِرپا کر، سد اپنی کھیل وکھائیا۔ ننھی بچّی لےَ کے آئی بھجّ، اَگے دِتا رکھائیا۔ اُس نے وِچوں بادام گِریاں کڈھ کے پنج ستّ، رام دی بھیٹا دِتیاں کرائیا۔ رام نے پھڑ کے نال ہتّھ، دنداں ہیٹھاں لئیاں دبائیا۔ بول کے جَیکارا الکھّ، حُکم دِتا دِرڑائیا۔ اِک وار میرے ولّ تکّ، نیتر نیَن اُٹھائیا۔ اوہ ویکھ کے پیا ہسّ، ہتّھ اَگے دِتے ڈاہیِا۔ رام نے کِہا تیرے بادام تے میرے مِٹھے رس چکھّ، سوہنا رس بنائیا۔ اسیں کدی نہ ہوئیے وکھّ، میَں رام تے تَینوُں رَوداس پھیر دیاں بنائیا۔ پِھر آواں وتّ، بے وطن ہو کے ویس وٹائیا۔ گُرمُکھ وڈیائی دیواں سچ، سچ کرنی کار کمائیا۔ اونے چِر نوُں ننھی بچّی پئی ہسّ، ہسّ ہسّ کے دِتا جنائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ رام کِہا ننھی تُوں کیوں ہسّی، میَنوُں دے سمجھائیا۔ اوہ خوشی وِچ اُٹھ کے ایدھر اودھر نچّی، نسّی بھجیّ چائیں چائنیا۔ پِھر
کِہا دھنّ بھاگ جے تُوں آ گِیوں ساڈی بسّی، بستی نِکی وِچ پھیرا پائیا۔ میَں تاں جاناں، جے ساڈا گیڑا چُکاویں لکھّ چار اسّی، آشا آپ ودھائیا۔ جے مُڑ کے بن کے آویں کملاپتی، پت پرمیشور روُپ وٹائیا۔ میرے پِتا نوُں سدا ساتھ رکھیِں، وِچھوڑا رہن کوئے نہ پائیا۔ میَں وی تیرا درشن کراں اکھّیں، لوچن نیَن اکھّ کُھلائیا۔ رام نے گھُٹ کے پائی جپھّی، گود وِچ لیا بَیٹھائیا۔ اگمّی کتھا کہانی دسّی، سہج نال سمجھائیا۔ جوتی جوت سروُپ ہرِ، آپ اپنی کِرپا کر، سد اپنا کھیل کھِلائیا۔ سیِتا کِہا لاڈ نال آ میرے پُتر، گودی لَواں ٹِکائیا۔ ننھی بچّی ہسّ کے کِہا جے تُوں میری امی پہلوں ساڈے گھر دا کھا لےَ ٹُکر، تیرے اَگے دیاں ٹِکائیا۔ سیِتا بچن نہ سکی مُکر، ہاں وِچ ہاں دِتی مِلائیا۔ جوتی جوت سروُپ ہرِ، آپ اپنی کِرپا کر، سد اپنی کار کمائیا۔ ننھی بچّی لےَ کے آئی گھر دی رُکھی سُکی چپاتی، اَگے دِتی ٹِکائیا۔ سیِتا کِہا تُسیں بھوگ لگاؤ کملاپتی، مِہر نظر اُٹھائیا۔ رام کِہا کی کتھا کہانی آکھی، رسنا نال جنائیا۔ جے سیِتا تُوں میرا سچّا ساتھی، سگلا سنگ بنائیا۔ اُٹھ منّ لےَ میری آکھی، اپنا بَل دھرائیا۔ نال لےَ لےَ ننھی کاکی، بچّی اُنگلی لائیا۔ چل اوہناں نوُں دئیے ایہہ چپاتی، جِس وَیراگی تیاگی اپنی زِندگی جگ لیکھے جانی لائیا۔ ایہہ کِرپا ہونی ساڈی، بِنا پرساد توں سواس لیکھے کوئے نہ لائیا۔ ایہہ کھیل پربھوُ دی ڈاڈھی، جِس دا بھیوَ کِسے نہ آئیا۔ جوتی جوت سروُپ ہرِ، آپ اپنی کِرپا کر، سد اپنا حُکم ورتائیا۔ سیِتا رام آئے چل، قدم قدم پندھ مُکائیا۔ نال لیاندا ٹھنڈا جل، امرت روُپ بنائیا۔ تِنّاں دا دُکھ ویکھیا گھاؤ تن لگّا سلّ، تن وجوُد دُہائیا۔ رام کِہا میرا چرن دوارا لؤ ملّ، سیِس سیِس سیِس جھُکائیا۔ تُہانوُں سچ دوارے دیواں گھل، جنم جنم وِچوں بدلائیا۔ تُہاڈا لیکھے لگّے گھڑی پّل، جو درشن لیا پائیا۔ تِنّاں رو کے کِہا ساڈی اِک منّ گلّ، بیننتی سچ سُنائیا۔ جوتی جوت سروُپ ہرِ، آپ اپنی کِرپا کر، سد اپنا کھیل وکھائیا۔ رام کِہا تُسیں کھاؤ پیِیو انّ پانی، انت دیواں چھکائیا۔ پھیر پڑھیو اِکو بانی، باوَن اکھّراں باہر سُنائیا۔ تُسیں پہنچنا اُس نِشانی، جِتھے نِشانہ اِکو سوبھا پائیا۔ جھگڑا مکُے جگت جہانی، آون جاون رہے نہ رائیا۔ تِنّاں کِہا ساڈے اُتے کریں مِہربانی، مِہر نظر اُٹھائیا۔ پِھر کد مِلیئے تے درس ہووے جِسمانی، جوت نوُر نال وڈیائیا۔ رام کِہا جِس ویلے کلجُگ انت دیِن دُنی ودھی بے اِیمانی، شرع شیَطان کرے لڑائیا۔ پرگٹ ہووے شاہ پاتشاہ شہنشاہ اسمانی، جوتی نوُر جوت اکھوائیا۔ اوہ میل مِلائے جو مالک دو جہانی، سِر اپنا ہتّھ ٹِکائیا۔ جوتی جوت سروُپ ہرِ، آپ اپنی کِرپا کر، سد لیکھا لیکھے وِچ رکھائیا۔ سیِتا کِہا رام اِنہاں
تتاں ہویا چُھٹکارا، رام رام وِچ سمائیا۔ تیرا کھیل اپارا، اپرمپر سوامی تیری بےپرواہیِا۔ میَں اِس نِکی بچّی دا شُکر گُزارا، جو بھوجن ساڈی جھولی پائیا۔ جِس بھوجن نال اِنہاں دا ہویا اُدھارا، جیِون جگت جُگت مکُت وڈیائیا۔ کُچھ ایہنوُں دے آدھارا، سِر اپنا ہتّھ ٹِکائیا۔ رام کِہا جِس ویلے میرا رام آئے وِچ سنسارا، سنساری بھنڈاری سنگھاری سیو لگائیا۔ جِس نوُں گُر اوتار پَیغمبراں کہنا چؤویواں اوتارا، اوتر اپنی دھار پرگٹائیا۔ اوہ لہنا دینا چُکائے اپنی وارا، واہ واہ وجدی رہے ودھائیا۔ سیِتا سیِتا سیِتا ایہہ تے دو اسیں پنجاں نے کیِتا بھنڈارا، کھا کھا شُکر منائیا۔ اگلا لیکھا دسّاں اپارا، اپرمپر ہو کے دیاں جنائیا۔ جِس ویلے ایس دھرتی اُتے میَں کھیل کراں نیارا، نِرگُن ہو کے اپنی کار کمائیا۔ ایس بچّی دا لہنا دینا قؤل قرض اُتاراں، لیکھا اوَر رہے نہ رائیا۔ نال ہووے رَوداس چمارا، گُرمُکھ اپنا سنگ بنائیا۔ جِس سُکے پرسادے نال اِنہاں دا ہویا اُدھارا، اِس دے بدلے بھاگ وان دیاں بنائیا۔ ایسے کارن ترِپت نوُں پہلوں کیِتا اِشارہ، پریم سندیسے وِچ جنائیا۔ اِٹارسی پنج دِن تُوں رہنا سیوادارا، پِچھلا لیکھا بُھل کدے نہ جائیا۔ جوتی جوت سروُپ ہرِ، آپ اپنی کِرپا کر، سد اپنے رنگ رنگائیا۔ رام کِہا پنج دِن ہووے پرشادا پرت پرت پرت، پنچم پنچم پنچم لیکھ بنائیا۔ سَتجُگ بھاگ لگّنا ایس سُہنجنی دھرت، دھؤل دھوَل دھرن ملِے وڈیائیا۔ جِس ویلے شرع قصائی رہی کوئی نہ کرد، دیِن مذہب نہ ونڈ ونڈائیا۔ اِکو پُرکھ اکالا جودھا سوُربیِر مردانہ مرد، مِہربان ہوئے سہائیا۔ کھیل ہونا اسچرج، جِس نوُں سمجھے نہ کوئے لوکائیا۔ جوتی جوت سروُپ ہرِ، آپ اپنی کِرپا کر، سد اپنا کھیل کھِلائیا۔ پرشادا کہے میَں جگت نہیں وِوہار، تتاں والی نہ کوئے وڈیائیا۔ میری سیوا اپر اپار، پوُرب لیکھا رہی چُکائیا۔ جِس کارن رَوداس چمار دا پِچھلے جنم دا ہونا سی اِظہار، جِس دا چار جُگ لیکھ نہ کوئے سمجھائیا۔ ایسے کارن ننھی بچّی ترِپت نوُں لیاندا نال، لیکھا پوُرب پوُر کرائیا۔ جِس دی کھیل اوہ سب دی کرے سنبھال، دوُجے سمجھ کِسے نہ آئیا۔ کوٹن کوٹ مرے کوٹن کوٹ جمےّ کوٹن کوٹ کھاوے کال، بِنا بھگتاں توں بھگوَن دیوے نہ کِسے وڈیائیا۔ جوتی جوت سروُپ ہرِ، آپ اپنی کِرپا کر، سد اپنا رنگ رنگائیا۔ نارد کہے واہ پربھوُ تُوں تے جُگاں جُگاں دا ڈاکوُ، وَیراگیِاں تیاگیِاں سنیاسیِاں پارس لُٹ کے اوہناں دِتا لڑائیا۔ ہُن تے بدل دے کلجُگ مات آ گیا کاکوُ، کال اپنا ویس وٹائیا۔ سَت دھرم دا رہیا کوئی نہ سادھوُ، سچ وِچ نہ کوئے سمائیا۔ بِنا تیری کِرپا تیرے چرن کوئی نہ لاگوُ، تیرا درس کوئے نہ پائیا۔ میَنوُں ایَں جاپدا تُوں کوٹاں وِچوں تھوڑیاں جن بھگتاں دا بننا
باپوُ، دوُجا تیرا درس کوئے نہ پائیا۔ جوتی جوت سروُپ ہرِ، آپ اپنی کِرپا کر، سد اپنا کھیل وکھائیا۔ نارد کہے جن بھگتو سُنیو نال دھیان، دھرم دوارے دیاں جنائیا۔ کرِیو اپنا کان، انسُنت رہن کوئے نہ پائیا۔ اندروں توڑیو گُمان، ہنکار دینا مِٹائیا۔ کلپنا کڈھنی شیَطان، من چنچل نہ کوئے وڈیائیا۔ پربھوُ چرن دھرنا دھیان، دھیانی ہو کے سیِس نِوائیا۔ پرسوں ڈھائی وجے ساریاں اِکٹّھیاں ہونا آن، کُچھ اگلا حُکم دینا دِرڑائیا۔ نارد کہے میری بولنوں رہندی نہیں زبان، کوُک کوُک سُنائیا۔ میَں ڈنک وجاؤنا شبد سُناؤنا دُھر فرمان، فُرنیاں توں باہر دینا دِرڑائیا۔ میَں پِھر کے آؤنے زِمیں اسمان، چؤداں لوک چؤداں طبق ویکھ کے آؤنا چائیں چائنیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، سرب دی کرنہارا کلیان، کائنات دا مالک خالق پرِتپالک پاربرہم پت پرمیشور آد انتا سِری بھگوَنتا اِکو نظری آئیا۔
۲۵ چیت شہنشاہی سمت ۵ سوامی امرتا نند جی دے نال نربدا گھاٹ
کی کتھا دسےّ پُران سکند، بھیوَ دینا کُھلائیا۔ کِس جگہ ملِے آتم انند، پرمانند سمجھائیا۔ نِرگُن نوُر چمکے چند، اندھ اندھیر رہے نہ رائیا۔ رسنا نال بولنا نہ پئے کوئی چھند، انحد نادی کرے شنوائیا۔ بھرماں رہے نہ کوئی کندھ، دوَیتی لیکھا دئے مُکائیا۔ پردہ اوہلا چُکے پرمانند، برہم برہم نظری آئیا۔ مایا ممتا مِٹے ترِسنا تم، ترِکھا دوُر دئے کرائیا۔ سو کوَن گرِہ کوَن ٹِکانا جِتھے مِٹے ہرکھ سوگ غم، چِنتا چِکھا نہ کوئے جلائیا۔ تتو تت بھیوَ کُھلے کایا ماٹی چمّ، چمّ درِشٹی دئے بدلائیا۔ جوتی جوت سروُپ ہرِ، آپ اپنی جوت دھر، نوُر نوُر نوُر کرے رُشنائیا۔ سکند پُران دی کوَن کتھا، مانَو مانُکھ مانَس دئے وڈیائیا۔ جیو اُدھار دے یتھارتھ یتھا، بھرم دئے مِٹائیا۔ ملِے منزل سچ اوستھا، جِتھے اِکو نوُر جوت رُشنائیا۔ پرکاش ہووے اوس مستک متھا، جِتھے ترسوُل معقوُل سوبھا پائیا۔ پنچ وِکار جائے نَٹھا، ہنکار وِبھچار رہن کوئے نہ پائیا۔ پڑھنا پئے نہ کِسے جگت والے اکھّاں، نِراکھّر ملِے وڈیائیا۔ جِتھے لِکھیا نہیں کوئی صفحہ، انک انک نہ کوئے بدلائیا۔ اوہ دھام اوہ جگہ اوہ بھوُمکا کیہڑی جِتھے آتما پرماتما پرماتما آتما ہو کے وسا، دوُجا نظر کوئے نہ آئیا۔ بِنا رسنا توں ملِے رسا،
انرس اپنا رس چکھائیا۔ سکند پُران دا بھیوَ کھول کے تھوڑا جِہا دسّو جِتھے رَین اندھیری مِٹے مسّا، اِکو نوُر جوت ہوئے رُشنائیا۔ جوتی جوت سروُپ ہرِ، آپ اپنی جوت دھر، کایا مندر اندر ساچا رنگ اِک وکھائیا۔ سکند پُران دا بھیوَ دسّو تُسیں بڑے وِدوان، وِدیا وِچ وِدیا دیؤ دِرڑائیا۔ جِتھے بِنا اکھّراں توں گیان، اوہ مندر کیہڑا کِس بِدھ رمز سمجھ وِچ ٹِکائیا۔ بِنا اکھّیاں توں برہمنڈ کھنڈ ویکھیا جائے زِمیں اسمان، پُری لوء برہمنڈ کھنڈ زِمیں اسمان گگن گگننتر پردہ رہے نہ رائیا۔ سَت سروُپ ساکھیات جوتی نوُر دِسے بھگوان، تن وجوُد نہ کوئے وڈیائیا۔ آتما آتما آتما آپ پہچان، بے پہچان رہن کوئے نہ پائیا۔ جِتھے کمّ نہ آوے رسنا جِہوا زبان، صِفتاں والی صِفت نہ کوئے صالاحیِا۔ اوہ کتھا دسّو یتھارتھ جِتھے اٹھاراں پُران چار لکھّ ہزار ستاراں سلوکاں دا لیکھا مکُے، نؤ ہزار سلوک بھوِکھت پُران دا دیوے کی گواہیِا۔ جوتی جوت سروُپ ہرِ، آپ اپنی کِرپا کر، سد اپنا رنگ رنگائیا۔ سکند کہے کی دسےّ وِشنوُں پُران، وِشوَ بھیوَ کُھلائیا۔ کی گرڑ نے کیِتا گیان، سماں سمیں نال ٹکرائیا۔ کی اَگے ہُن دشا ہونی جہان، کلجُگ کل کی ورتائیا۔ کی اوتار دے کے گئے گیان، بھیوَ ابھید کُھلائیا۔ کی رام کرِشن کیِتا فرمان، اگمّ اتھاہ دِرڑائیا۔ ذرا تھوڑا جِہا سمجھا دیؤ کِس بِدھ جگت ریِتی نیِتی سُدھرے سرِشٹی درِشٹی اندر آوے برہم گیان، برہم وِدیا پرگٹ ہوئے تھاؤں تھائنیا۔ چار ورن اٹھاراں برن ہِندوُ مُسلم سِکھ عیِسائی پارسی بودھی جَینی ویکھن اِک نِشان، دوُجا نِشانہ نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا لیکھا ویکھ وکھائیا۔
۲۵ چیت شہنشاہی سمت ۵ سُرنِدر سِنگھ دے گرِہ اِٹارسی
نارد کہے میَں بُھکھا ننگا بنّھ کے تیڑ لنگوٹی، کوجھا کملا ہو کے چاروں کُنٹ دھیان لگائیا۔ جنگل جوُہ اُجاڑ پہاڑ ٹِلّے پربت چڑھ کے اُچی چوٹی، سمُند ساگر ڈوُنگھے وہن پھیریِاں پائیا۔ ورن برن ذات پات ویکھے گوتی، نؤ کھنڈ پرِتھمی ستّ دیِپ اپنا پندھ مُکائیا۔ گھٹ گھٹ انتر نِرنتر نِرگُن نوُر جگدی ویکھی جوتی، جاگرت جوت کرے رُشنائیا۔ سرِشٹی دی درِشٹی ویکھی سوتی، نِج نیتر نیَن اکھّ
نہ کوئے کُھلائیا۔ غریِب نِمانے کوجھے کملے ویکھے کوٹن کوٹی، انِگنت روون مارن دھائینا۔ پِھری دُہائی ہائے پانی ہائے روٹی، خالی پیٹ رہے وجائیا۔ میَں نِگاہ ماری لوک پرلوکی، برہمنڈ کھنڈ دھیان لگائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در تیرے آس رکھائیا۔ نارد کہے میَں بھجّا نَٹھا چار چُپھیر، دوُر دُراڈے پندھ مُکائیا۔ جِدھر ویکھاں اُدھر اندھیر، ساچا چند نہ کوئے چمکائیا۔ کوُڑی کِریا لیکھا سکے نہ کوئے نبیڑ، سچ سُچ نہ کوئے وڈیائیا۔ جد پہنچیا وِچ ندیڑ، گوداوری کنڈھا ویکھ وکھائیا۔ دیِن دُنی دا گِڑدا ویکھیا گیڑ، شبدی گوبِند دھار جنائیا۔ پُرکھ اکالا کرے مِہر، مِہربان محبوُب اپنا رنگ رنگائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کمائیا۔ نارد کہے میَں اُتّر پوُرب پچھّم دکھّن ویکھیا بھارت، گرِہ گرِہ مندر ویکھ وکھائیا۔ پنڈت پاندھے مُلّا شیخ گرنتھی پنتھی پربھ دے نام دی لیَندے آڑھت، دھڑت وٹےّ کوُڑ کوُڑ اُٹھائیا۔ من نیَن مِل کے کرن شرارت، بُدھ بِبیک نہ کوئے وکھائیا۔ اکھّراں والی پڑھ عبارت، دیِناں مذہباں رہے بھڑکائیا۔ ساچی کرے نہ کوئے زیارت، جلوہ تکّے نہ کوئے نوُر الاہیِا۔ ساچا نام نہ ملِے نیامت، نِجھر رس نہ کوئے جھِرائیا۔ جِدھر ویکھاں اِک دوُجے دی کرن مزاہمت، مُحبّت وِچ نہ کوئے سمائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در اِکو اِک وکھائیا۔ نارد کہے میَں ویکھی دھرنی خاک، دھوُل کھوج کھوجائیا۔ روُح بُت دِسیا کوئے نہ پاک، پتت پُنیِت نہ کوئے کرائیا۔ میَں دھیان ماریا گُر اوتار پَیغمبراں کی لِکھیا بھوِکھت واک، لیکھا لیکھ کی دِرڑائیا۔ کی کھیل ہونا پُرکھ ابناش، ابناشی کرتا کی کار کمائیا۔ کی منڈل منڈپ بِن گوپی کاہن پَینی راس، برہمنڈ کھنڈ اپنا بھیوَ کُھلائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، دھرم دی دھار اِک جنائیا۔ نارد کہے میَں تکّی دیِن دُنی انتر، انتشکرن ویکھ وکھائیا۔ پربھوُ پریم نہ ملِے نِرنتر، نِراکار نِروَیر نِرنکار نظر کوئے نہ آئیا۔ رسنا جِہوا بتّی دند سارے پڑھدے منتر، ہِردے ہرِ نہ کوئے وسائیا۔ پِھری دروہی گگن گگننتر، زِمیں اسمان رہے کُرلائیا۔ سچ بنائے کوئی نہ بنتر، جوُٹھ جھوُٹھ کرے لڑائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در ٹھانڈے آسن لائیا۔ نارد کہے میرے صاحِب سِری بھگوانا، بھگوَن تیری سرنائیا۔ تُوں مالک دو جہاناں، دیِن دُنی ویکھ وکھائیا۔ لکھّ چؤراسی آتم کاہنا، سیِتا سُرت رام پرنائیا۔ جوتی دھار دُھر اِماما، جلوہ گر نوُر الاہیِا۔ سَت سروُپ شاہ سُلطانا، بھوُپ اِک اکھوائیا۔ کلجُگ کوُڑی کِریا میٹ نِشانہ، سَت دھرم اِک
پرگٹائیا۔ چار ورن اٹھاراں برن دیویں برہم گیانا، وِدیا برہم پڑھائیا۔ جوتی جوت سروُپ ہرِ، آپ اپنی کِرپا کر، سد اپنا میل مِلائیا۔ نارد کہے میرے صاحِب سوامی ٹھاکر، ہتّھ تیرے وڈیائیا۔ امرت دھار بخش اگمّا ساگر، لہر لہر وِچوں اُپجائیا۔ دیِن دُنی دے نِرمل کرم کر اُجاگر، دُرمت مَیل دھوائیا۔ سُرتی انتر ہووے اِکاگر، من کلپنا نہ کوئے ہلکائیا۔ درگاہ ساچی سچکھنڈ دوارے دینا آدر، آدرش اپنا اِک جنائیا۔ جوتی جوت سروُپ ہرِ، آپ اپنی کِرپا کر، در میلا لیَنا مِلائیا۔ نارد کہے پربھ کلجُگ انتم کر ترس، رحمت حق کمائیا۔ امرت میگھ اگمّا برس، اگنی تت دے بُجھائیا۔ جھگڑا مُکا مندر مسجد شِودوالے مٹھ چرچ، گُروُدوارا اِکو ویس نظری آئیا۔ یودھا سوُربیِر بن مردانہ مرد، مِہربان اپنا حُکم سُنائیا۔ غریِب نِمانیاں کوجھیاں کملیاں دیِناں اناتھاں ونڈ درد، دیِن دُنی کھوج کھوجائیا۔ سچ بیننتی منّ عرض، آرزو تیرے اَگے ٹِکائیا۔ سَت دھرم لہنا دینا ویکھ فرد، کوُڑی کِریا رہے نہ رائیا۔ شرع قصائی رہے نہ کرد، قتل گاہ دینی مِٹائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، نِہکلنک نرائن نر، مہاراج شیرسِنگھ وِشنوُں بھگوان، آد جُگاد جُگ چؤکڑی نِت نوِت نِرگُن سرگُن سب دی تیرے کول فرد، لکھّ چؤراسی جیِو جنت چارے کھانی سب دا لہنا دینا دے چُکائیا۔
۲۶ چیت شہنشاہی سمت ۵ سُرنِدر سِنگھ دے گرِہ اِٹارسی
جگت کلاک وقت ڈھائی، ڈھئیا گوبِند وجےّ ودھائیا۔ پُرکھ اکال ویکھیا ہِندسہ اِکائی، زیِرو صِفر نہ اکھّ مِلائیا۔ خالق تکّی خلق خُدائی، خود اپنا نیَن اُٹھائیا۔ شبدی دھار بن کے راہی، دو جہاناں پندھ مُکائیا۔ نِرگُن سرگُن ویکھے تھاؤں تھائیں، دیِن دُنی پھول پُھلائیا۔ اوتار پَیغمبر گُر جگائی، آلس نِندرا رہیا مِٹائیا۔ برہمنڈ کھنڈ پُری لوء آکاش پاتال رہیا ہِلائی، ہلّا اپنا نام کرائیا۔ وِشن برہما شِو رہیا اُٹھائی، نیتر لوچن نیَن اکھّ کُھلائیا۔ آپ ہو کے بے پرواہی، بے پرواہی وِچ سمائیا۔ چار جُگ دا لیکھا دیؤ دِرڑائی، سنمُکھ ہو کے دیؤ وکھائیا۔ جوتی جوت سروُپ ہرِ، آپ اپنی کِرپا کر، سد اپنا بھیوَ کُھلائیا۔ وقت ڈھائی دا گوبِند مُکیا ڈھئیا، ڈھاباں تالاباں وِچ پئے دُہائیا۔ اپنا لیکھا سارے کڈھو وہئیا، وعدہ دُھر دا پوُر کرائیا۔ حُکم دیوے صاحِب سُلطان دُھر دا سئیا، سَتگُر نوُر
الاہیِا۔ کِس وہن وِچ وہِندی جگت نئیا، نؤکا روُپ کوَن بدلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سد اپنا حُکم ورتائیا۔ ڈھائی کہے ڈھئیا گیا بیِت، بیِتی سمجھ کِسے نہ آئیا۔ سارے ویکھو اپنی اپنی ریِت، کی پوُرب کار کمائیا۔ کلمہ جانو گیِت، آتم پرماتم صِفت صالاحیِا۔ مندر ویکھو مسیِت، مٹھاں اکھّ کُھلائیا۔ ذاتی ویکھو اوُچ نیِچ، راؤ رنک بھیوَ نہ رائیا۔ کِس نال لگّی پریِت، سچ دیؤ سمجھائیا۔ کی ہویا بخشیِش، رحمت کی کمائیا۔ جوتی جوت سروُپ ہرِ، آپ اپنی کِرپا کر، سد اپنا حُکم ورتائیا۔ ڈھئیا کہے میَں رہیا لنگھ، اپنا وقت لنگھائیا۔ گوبِند کِسے نہ لایا انگ، انگیکار نہ کوئے بنائیا۔ نِج پایا کِسے نہ انند، پرمانند نہ کوئے وڈیائیا۔ میَں کر کے گیا جنگ، کھنڈا کھڑگ کھڑکائیا۔ چھڈ کے پُر انند، ندیڑ دِتا وسائیا۔ گا کے انتم چھند، تُوں میرا میَں تیرا راگ الاہیِا۔ آپا کر کے بند، پربھ دے وِچ ٹِکائیا۔ جوتی جوت سروُپ ہرِ، آپ اپنی کِرپا کر، سد اپنا کھیل وکھائیا۔ گوبِند کہے میرا ڈھئیا چنگا، چار جُگ دا لیکھ جنائیا۔ پہلوں لیکھا مُکا کے جمنا سُرستی گوداوری گنگا، گہر گمبھیِر نال مِلائیا۔ ارجن نوُری چڑھا کے چندا، راوی رَوداس والی دُہائیا۔ شبد سِنگھاسن ویکھ پلنگا، ککھّاں سیج سُہائیا۔ دیِن دُنی جان کے دنگا، دغیبازی کھوج کھوجائیا۔ ڈنکا اگمّ وجا مردنگا، مرد مردان دِتا کرائیا۔ بھرم بُھلا کے بندہ، بندھنا وِچ پھسائیا۔ جوتی جوت سروُپ ہرِ، آپ اپنی کِرپا کر، سد اپنا حُکم ورتائیا۔ ڈھئیا کہے میَنوُں کیوں نہیں کہندے دو تے اَدھا، ادھیاتم بھیوَ کوئے نہ پائیا۔ میَں سب نوُں دیواں سدّا، ہوکا حق جنائیا۔ جیہڑا پُرکھ اکال کدے نہ لبھا، نیتر درس کوئے نہ پائیا۔ جِس نے شستر دھار دُرگا بنائی ہتّھ وِچ پھڑا کے گدا، گداگر جنگلاں وِچ کرائیا۔ جِس نے اوتاراں وکھا کے اپنی حدا، حدوُد وِچ پھسائیا۔ جِس نے پَیغمبراں سُنا کے ندّا، نؤبت نام حق دِرڑائیا۔ جِس نے گُروُآں دسّ کے اپنی وجہ، بھیوَ ابھید دِتا کُھلائیا۔ جِس نے گوبِند مان دِتا ہتّھ سجّا، سجّن ہو کے ویکھ وکھائیا۔ چلا کے اپنی وِچ رضا، مِہر نظر اُٹھائیا۔ انت سندیسہ دِتا اُپر لباں، زبان سکیا نہ کوئے ہِلائیا۔ جوتی دھار وڑیا مدھا، نیتر نظر کِسے نہ آئیا۔ دیِپک جوت ہو کے جگا، نِرگُن نوُر جوت رُشنائیا۔ گوبِند تیرا جگت والا نہیں اَگا، دُنی والی نہیں وڈیائیا۔ سچ دیواں انوکھا پدا، پدوی اِکو اِک جنائیا۔ جد اُپجیں تے اُپجیں میری جدّا، دوُجا روُپ نہ کوئے پرگٹائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ سندیسہ اِک سُنائیا۔ ڈھئیا کہے گوبِند نہیں تن وجوُد، ماٹی خاک نہ کوئے وڈیائیا۔ گوبِند حق اِک محبوُب، مُحبّت وِچ
سمائیا۔ گوبِند اوہ منزل مقصوُد، جِس نوُں چڑھن کوئے نہ پائیا۔ گوبِند اوہ عرش عروُج، عالیشان اِک اکھوائیا۔ گوبِند اوہ اگمّ حدوُد، جِس دا آر پار نہ کوئے جنائیا۔ گوبِند اوہ سدا مؤجوُد، جو ہر گھٹ رہیا سمائیا۔ گوبِند اوہ جو بھگتاں کرے محفوُظ، سِر اپنا ہتّھ ٹِکائیا۔ گوبِند اوہ جیہڑا آد انت نہ ہووے نیست و نابوُد، کرنی دا کرتا نوُر الاہیِا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، پریم پیارا پریِتم اِکو سوبھا پائیا۔ ڈھئیا کہے جن بھگتو میَں دسّن آیا دھرم دھار دا دھرما، دھامی انامی انتریامی اپنا حُکم ورتائیا۔ جِس دا حُکم منّدے وِشن شِو شِو وِشن وِشن شِو برہما، برہم برہم برہم برہم وِچ سمائیا۔ جِس دا آد جُگاد جُگ چؤکڑی نہ کوئی کرما، نِہکرمی نِہکرمی نِہکرمی اپنی کار ورتائیا۔ جِس دوارے نہ جمّنا نہ مرنا، جمّن مرن کھیل نہ کوئے کھِلائیا۔ نہ سیِس جگدیِش نہ ڈھہنا کوئی سرنا، چرن چرنودک رس نہ کوئے بنائیا۔ نہ لِکھنا نہ پڑھنا، کھیل اگمّ اگمّڑی کار کمائیا۔ ڈھئیا کہے میَں سچ دسّاں جو صاحِب میرے کھیل کرنا، کرنی دا کرتا اپنا حُکم ورتائیا۔ جوتی جوت سروُپ ہرِ، آپ اپنی کِرپا کر، مِہربان اپنا کھیل وکھائیا۔ ڈھئیا کہے گُرمُکھو کوئی دھار نہیں ایہہ دوُجی، گوبِند کوُک کوُک دئے دُہائیا۔ جیہڑی گُر اوتار پَیغمبر چار جُگ نہیں سوُجھی، اکھّراں وِچ نہ کوئے لِکھائیا۔ وِچار آئی نہ کِسے وِچ بُدھی، جگت راہ نہ کوئے بدلائیا۔ پرکاش نوُر نہ ہوئی اُدی، اُدے است نہ کوئے وڈیائیا۔ اوہ کھیل دسّاں گوُجھی، رمز ہمز نمز وِچ پرگٹائیا۔ جِس دی اُڈیِک کردے اوتار پَیغمبر جُگی، جگت دھیان لگائیا۔ جوتی جوت سروُپ ہرِ، آپ اپنی کِرپا کر، سد اپنا بھیوَ چُکائیا۔ ڈھئیا کہے جن بھگتو پربھ نے بدل جانا روئیا، سمجھ سمجھ نہ کوئے سمجھائیا۔ آتم برہم دا بن کے سئیا، سّیاہ ہو کے دو جہاناں ویکھ وکھائیا۔ دیِن دُنی دی پکڑے کوئی نہ بہیا، انگی انگ نہ کوئے لگائیا۔ میرے اُتے گوبِند پا کے گیا سہیا، صاحِب سَتگُر اپنی دَیا کمائیا۔ تیئی اوتاراں اِک آواز کہیا، بِن رسنا جِہوا الائیا۔ پَیغمبر کہن حق خُدا بدل دینا روئیا، رحیِم رحمت وِچ اپنا رحم کمائیا۔ جوتی جوت سروُپ ہرِ، آپ اپنی کِرپا کر، سد اپنا حُکم ورتائیا۔ ڈھئیا کہے میَں گوبِند تکّیا، تکّیا نوُر االلہ۔ جِس نے پنچم جیٹھ کھیل کرنا مدیِنے مکّیا، منبر مینارے ویکھے نال چاء۔ نوُر االلہ اِک شبد سُنائے اکّتھیا، دُھر دا نغمہ آئے گا۔ جیہڑا اِمام کِسے نہیں لبھیا، پنجاں نوُں اپنا درس آوے دِکھا۔ اوہ ویکھن لہندے توں چڑھدی حدیا، سجدے وِچ کرن دُعا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، دھر دھرنی ہوئے سہائیا۔ ڈھئیا کہے سندیسہ دینا نازاکوُمی پوپ،
پُشت پناہ ہتّھ ٹِکائیا۔ جیہڑا مسیح ہویا الوپ، لوچن نظر کِسے نہ آئیا۔ لبھدے کوٹی کوٹ، کھوجن دھیان لگائیا۔ اوہ پرکاش کر کے نِرمل جوت، نوُر آئے چمکائیا۔ تُوں میرا میَں تیرا دسّ سلوک، سُتیاں لئے اُٹھائیا۔ حق خُدا دی جِس ماننی مؤج، بھارت وجےّ ودھائیا۔ جِس دے حُکمے اندر سارے ہوئے فؤت، مقبریاں وِچ ڈیرہ لائیا۔ سو سب دی میٹن آیا ادؤت، عدل اِنصاف اِک کمائیا۔ چھیتی جانا پہنچ، مارگ سِدھا دئے دِرڑائیا۔ جوتی جوت سروُپ ہرِ، آپ اپنی کِرپا کر، دُھر دا کھیل آپ کھِلائیا۔ ڈھئیا کہے میَں ویکھی تلونڈی والی ڈھابا، بِن اکھّاں اکھّ اُٹھائیا۔ میَنوُں مِلیا نانک پہلوں بالا تے انتم بُڈھا بابا، باہر دا لیکھا نال رکھائیا۔ جِس اِشارہ کیِتا اُنگل نال ولّ کعبہ، قِبلِ از جنائیا۔ محبوُب تکاّں کوَن محرابا، محرم نوُر الاہیِا۔ جھٹ بغل وِچوں کڈّھیا کی لیکھا لِکھیا وِچ بغدادا، بغلگیِر کوَن اکھوائیا۔ جِس دے پِچھے گُزاری نمازا، سیِنے ہتّھ ٹِکائیا۔ روزیاں وِچ دِتیاں بانگاں، اذان نوُر الاہیِا۔ اوس دا لیکھ نہ پُنّ نہ صوابا، بھیوَ ابھیدا نہ کوئے کُھلائیا۔ ڈھئیا کہے میَں نانک دے چرن تکّیا جاں نِگاہ پئی تے میَنوُں نظری آیا والا بازاں، گوبِند سوہنا سوبھا پائیا۔ جاں پھیر ویکھیا اُس دا بھگتاں نال وعدہ، وعدے سب دے پوُر کرائیا۔ میَں ہسّ کے کِہا میَنوُں دُکھڑا کاہدا، درد رہیا نہ رائیا۔ ہتّھ جوڑ کے کری بیننتی دیِن دُنی دے مالک اپنا سمبل اِک وسا جا، بستی اِک وڈیائیا۔ خبر سندیسے دے دے پرگٹ ہو جا دیس ماجھا، اوہلا اَگے رہن نہ پائیا۔ ہُن بھرم بُھلیکھا کاہدا، قدیِم دے مالک کر رُشنائیا۔ جوتی جوت سروُپ ہرِ، آپ اپنی کِرپا کر، سد اپنا حُکم جنائیا۔ ڈھئیا کہے میرے گوبِند ہُن کر دیویں اعلان، اعلانیاں اپنا حُکم جنائیا۔ جے تیرا روُپ سِری بھگوان، کیوں بَیٹھا مُکھ چُھپائیا۔ میَنوُں ایَں دِسدا ستاراں ہاڑ دِوس مہان، پنچم سمت شہنشاہی وڈیائیا۔ خبر دے دینی جو دُنیا دے پردھان، نِشانہ سَت اُٹھائیا۔ پرگٹ ہو کے آؤنا وِچ مَیدان، سوُربیِر اپنا بَل پرگٹائیا۔ اِک ویراں میَنوُں سب نے کہنا شیَطان، جو سب دی شرع رہیا ٹُھکرائیا۔ ڈھئیا کہے میَں نِیوں نِیوں تیرے چرن جاواں قُربان، وِٹہو اپنا آپ کرائیا۔ میَں چاہُندا تیرے نام دا چار کُنٹ چڑھے طوفان، اندھیرا کوُڑ دینا مِٹائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، دھرنی دا مستک دینا بدلائیا۔ ڈھئیا کہے تیرا حُکم ہووے ضروری، ظاہر ظہوُر تیری رُشنائیا۔ جے تُوں جِسم نظری آ سب دا اِسم جلوہ گر نوُری، نوُر نوُرانہ نوُر چمکائیا۔ منزل مُکا نیڑ دوُری، دو جہاناں اپنا پھیرا پائیا۔ جِتھے تیرے سنت بھگت صوُفیِاں دے چرن دھوُڑی، راتیں سُتیاں دِنے جاگدیاں لےَ اُٹھائیا۔
پربھوُ تُوں کیہڑی بُھکھے نے کھانی کڑاہ پوُڑی، حلویاں وِچ نہ من دھرائیا۔ اپنے نام دی مستی پریم دا سروُری، شبد شبد وِچ وڈیائیا۔ جوتی جوت سروُپ ہرِ، آپ اپنی کِرپا کر، سد اپنی کار کمائیا۔ ڈھئیا کہے میَں لیکھا دسّاں آپ، پِچھلا دھیان لگائیا۔ گوبِند نظر آیا ساکھیات، سَت سروُپ سوبھا پائیا۔ گوبِند کِہا پِچھے جھاک، پوُرب ویکھ وکھائیا۔ جاں ویکھیا ڈھائی دِن رام نے ایتھے کیِتا سی جاپ، گھُٹنے دھرتی اُتے ٹِکائیا۔ کنّاں تے لا کے ہاتھ، نیَن لئے دبائیا۔ جِس ویلے آوے پربھوُ آپ، میرے رام رام ہوویں سہائیا۔ لےَ کے دھوُڑی راکھ، مستک نال چُھہائیا۔ کڈھکے مُکھ وِچوں واک، اُنگل نال دِتا لِکھائیا۔ جِس نے پَیغمبراں دا بننا باپ، گوبِند دا پِتا مائیا۔ سب دا لیکھا لیَنا حِساب، بچیا رہن کوئے نہ پائیا۔ رام نے اپنا ناخُن لیا کاٹ، کھبّا انگوُٹھا دنداں ہیٹھ چبائیا۔ مُکھوں کِہا کوئی دھرم دا رہنا نہیں ہاٹ، پیشانی تلی اُتے رکھائیا۔ لاگیؤں سیِتا گئی کانپ، میرے رام دُہائیا۔ کوئی نہیں دِسدا ساتھ، سنگی سنگ تجائیا۔ رہیا نہ کوئی وِشواس، وِشیاں وِچ دینے ہلکائیا۔ سَت ہونا پاش پاش، ٹُکڑے ٹُکڑے لوکائیا۔ رام نے تکّیا اُپر آکاش، آسن ایسے تھاں وِچھائیا۔ میرے رام تیرا کیہڑا پتّن کیہڑا گھاٹ، میَنوُں دے وکھائیا۔ کوَن پوُجا کوَن پاٹھ، کوَن ملِے وڈیائیا۔ شبد اگمّی آواز آئی میرا غریِباں نال ساتھ، چمیاراں رنگ رنگائیا۔ بل دوارے لیا جھاک، بل دا ننھا بیٹا دھرم دھار دی گولی جُگِندر دِتا سمجھائیا۔ بھگتاں دی آتم سیجا میری کھاٹ، دوُجا سُکھاسن نہ کوئے وڈیائیا۔ ہِردے اندر میری بات، باطن بھیوَ کُھلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کمائیا۔ ڈھئیا کہے کُچھ آؤندا جاندا سماں، سمجھ دیاں جنائیا۔ پربھ نے کھیل کرنا نَواں، نَواں روُپ بدلائیا۔ مان گوا کے ماٹی چمّاں، چمّ درِشٹی دینی بدلائیا۔ جن بھگتاں دا لیکھا رکھکے اپنے کول دماں، دامنگیِر آپ ہو جائیا۔ پتہ نہیں کیہڑے ویلے اپنے لِکھاریِاں نال لےَ کے کِدھر نوُں ہو جائے رواں، ماتا پِتا ہتّھ کِسے نہ آئیا۔ رام کہے نہ کوئی ہرکھ سوگ غما، چِنتا نہ کوئے جنائیا۔ جوتی جوت سروُپ ہرِ، آپ اپنی کِرپا کر، سچ کرنی کار کمائیا۔ دھرنی کہے میَں پَیر چمُّنے، بِن رسنا رس لگائیا۔ جِس دے بھگت میرے اُتے گھُنمنے، نؤ کھنڈ پرِتھمی اپنے ہیٹھ دبائیا۔ میَں شبد سندیسے سُننے، ڈھولے اگمّ اتھاہیِا۔ جگت جگیاَسوُ جگت واسنا وِچ رُلنے، سکے نہ کوئے بچائیا۔ اوتار پَیغمبراں سیِس جھُکنے، منّن اِک خُدائیا۔ دُھر دے حُکم کدی نہ رُکنے، گوبِند رہیا دِرڑائیا۔ جگت وِکاری موُل نہ مُکنے، ویکھے تھاؤں تھائنیا۔ جن بھگتو تُہاتھوں لیکھے اَگے کِسے نہیں پُچھنے، سب دے لیکھے ایتھے دینے مُکائیا۔ رام نے
گھُٹنے اُپر رکھکے گھُٹنے، آسن لیا وٹائیا۔ جِس ویلے پَیغمبر پَیغبراں نال جُٹنے، دیِن دُنی دئے ہِلائیا۔ عرشا ں دے تارے ٹُٹنے، ٹُٹی نوُں سکے نہ کوئے جُڑائیا۔ گُرمُکھاں دے پھڑنے گُٹنے، گل اپنے لینےَ لگائیا۔ ایہہ ناتے پِتا پُت نے، اَگے سکے نہ کوئے تُڑائیا۔ جوتی جوت سروُپ ہرِ، آپ اپنی کِرپا کر، ساچا کھیل رہیا وکھائیا۔ ڈھئیا کہے میَں اجےّ تکّ رہیا ڈاواں ڈول، میری دھیِر نہ کوئے دھرائیا۔ میَں دوُروں دوُروں سُن دا رہیا بول، شبدی آواز دھیان لگائیا۔ چار کُنٹ رہیا ٹٹول، ویکھیا تھاؤں تھائنیا۔ اجّ پتہ لگّا رام ایسے زِمیں اُتے اپنے رام دا لا کے گیا پول، نِشانہ اِک بنائیا۔ جِس دھرتی نوُں کہندے گول، اُس گول دی چپٹی چپّا چپّا ویکھے تھاؤں تھائنیا۔ دربواسی رول، گربھ واسی دئے سزائیا۔ جن بھگت وِچوں کڈھے نِرول، آپ اپنی دَیا کمائیا۔ اپنے جنم کرم دا لیکھا کوئی نہ سکے پھول، بُدھی وِچ نہ کوئے چتُرائیا۔ سچ دا تولے کوئی نہ تول، نام کنڈا ہتّھ اُٹھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا مالک اِکو نظری آئیا۔ ڈھئیا کہے بھگتو کِسے دی نہ کرِیو غُلامی، در منگن کدے نہ جائیا۔ تُہاڈی ریِتی نہ رہی پُرانی، پران ادھاری دِتی بدلائیا۔ بُڈھیاں نڈھیاں دی اِکو جوانی، اِکو رنگن نام رنگائیا۔ تُہاڈا مالک شاہ سُلطانی، شہنشاہ نوُر الاہیِا۔ جِس دا کھیل دو جہانی، نِرگُن سرگُن سرگُن نِرگُن اپنی کار کمائیا۔ جِتھے رام نے کھادھی مہمانی، اوسے دی ایہہ نِشانی، جِس نے نِگاہ رکھی اُپر اسمانی، اِسم اعظم اِک تکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ سچ نال وڈیائیا۔ ڈھئیا کہے جن بھگتو بِن جگایاں جاگو، جگت آلس نِندرا غفلت دینی تجائیا۔ اِک دی سرنی لاگو، لگ ماتر دا ڈیرہ ڈھاہیِا۔ ہنس بن جاؤ کاگوں، سوہنگ ہنسا جاپ ملِے دُھردرگاہیِا۔ من کلپنا سادھو، سادھ دُھر دے دیاں بنائیا۔ بِنا رسنا توں ارادھو، اندر وڑ کے مِلاں چائیں چائنیا۔ سُنو اگمّی آوازو، دُھن دیاں اُپجائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، بے شک سب نوُں کہہ دینا سانوُں پربھوُ پیارا لادھو، جیہڑا لبھیاں ہتّھ کِسے نہ آئیا۔