کتب خانہGranth 21 (Shahmukhi)

۵ جیٹھ شہنشاہی سمت ۵ لال سِنگھ دے گرِہ پِنڈ ہیر

پنج جیٹھ کہے سُن شہنشاہی پنج سمت، سمیں دی دھار سمیں وِچوں دِرڑائیا۔ ہرِجن ہربھگت گُرمُکھ بنے نہ کوئے حرام نِمک، شبد سندیسہ دُھردرگاہیِا۔ ایہہ آسا رکھی جِس ویلے کھلّ لتّھی تبریز شمس، شمع نوُر جوت چمکائیا۔ پروردِگار ماری رمز، الاہی کلمے نال دِرڑائیا۔ بُدھی توں پرے دے کے سمجھ، پردہ پردہ نشیں دتا اُٹھائیا۔ تیری منظور کراں عرض، آرزو اپنے لیکھے لائیا۔ پوُرا

نِبھاواں فرض، فرضی دھار نہ کوئے وکھائیا۔ جن بھگتاں مِلن دی میَنوُں ہووے غرض، غرض اپنی اِک اُپجائیا۔ جیہڑی تیرے اندر سچ پریم دی دِتی طرز، سو سوہنی دیاں دِرڑائیا۔ کراں کھیل جگت اسچرج، اچرج اپنی کار کمائیا۔ جودھا سوُربیِر مردانہ بن کے مرد، مددگیر نہ کوئے رکھائیا۔ کلجُگ کوُڑی کِریا میٹاں تشّدد، چاروں کُنٹ کھوج کھوجائیا۔ لیکھا رہے نہ کِسے مؤلوی سعید، شرع شریِعت پھول پُھلائیا۔ سب دا لیکھا لہنا دینا دیواں نقد، جگت اُدھار نہ کوئے وڈیائیا۔ میَں پرگٹ ہوواں بھگتاں کارن فقط، فِقرہ اِکو دینا سمجھائیا۔ پنج جیٹھ سُہنجنا ہووے وقت، تِھت پل گھڑی ملِے وڈیائیا۔ کراں کھیل دھرنی اُتے جگت، جاگرت جوت ڈگمگائیا۔ پھیر نِرگُن دھار آواں پرت، پت پرمیشور روُپ وٹائیا۔ سب دی پوُری کراں شرط، گُر اوتار پَیغمبراں لیکھا دیاں چُکائیا۔ لہنا دینا جاناں اُتے عرش، عرشی ہو کے پردہ لاہیِا۔ جن بھگتاں دیواں اپنا درس، درس دیِدار اِک کرائیا۔ غریِب نِمانیاں اُتے کراں ترس، رحمت نام سچ کمائیا۔ جنم جنم دی میٹاں حرص، ہوَس کوُڑی دیاں گوائیا۔ گوبِند دی پوُری کراں شرط، شہنشاہ ہو کے پھیرا پائیا۔ پُٹھی سِدھی کر کے نرد، نر نرائن ہو کے ویکھ وکھائیا۔ چاروں کُنٹ میٹ اندھیرا گرد، سَت سچ کراں رُشنائیا۔ کوجھیاں کملیاں ونڈاں درد، دردی ہو کے ویکھ وکھائیا۔ پوُرب جنم دی ویکھاں فرد، پِچھلا لیکھا آپ کڈھائیا۔ چلے دھار اِک اسچرج، اچرج لیِلا آپ بنائیا۔ جن بھگتاں لہنا مکُے بہِشت سوَرگ، سچکھنڈ ساچے ملِے وڈیائیا۔ جوتی جوت سروُپ ہرِ، آپ اپنی کِرپا کر، سچ کرنی کار کمائیا۔ پنچم جیٹھ کہے پنچم شہنشاہی سمت دی دھار، دھرنی دھرت دھوَل دِرڑائیا۔ پربھ دا کھیل اگمّ اپار، الکھ اگوچر کہن کوئے نہ پائیا۔ سب دی پَیج رہیا سوار، جُگ جُگ ویکھے چائیں چائنیا۔ کرنی دا کرتا قُدرت دا آدھار، اندر اُدر ویکھ وکھائیا۔ جُگ چؤکڑی لےَ اوتار، نِرگُن سرگُن ویس وٹائیا۔ شبد اگمّی کرے گُفتار، بِن اکھّراں راگ الائیا۔ تخت نِواسی ہو اُجیار، نوُرو نوُر کرے رُشنائیا۔ سو صاحِب سوامی ہویا خبردار، بےخبراں خبر سُنائیا۔ سنت سُہیلے میِت مُرار، بھگت بھگوَنت لئے جُڑائیا۔ اِکٹّھے ہو اِک دربار، در دروازہ کُنڈا لاہیِا۔ کر درس اگمّ اپار، نِرگُن جوت ڈگمگائیا۔ جِس دے وِشن برہما شِو خِدمتگار، خادم ہو کے سیو کمائیا۔ سو پُرکھ اکالا ہوون لگّا ظاہر، ظاہر ظہوُر کرے رُشنائیا۔ سنت سُہیلے کر تیار، ترےَبھوَن دھنی دئے وڈیائیا۔ اپنے رکھ سرب اختیار، مُفت اپنا نام ورتائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کمائیا۔ پنچم جیٹھ کہے شمس نے رکھی

اگمّی آسا، آشا اِک اُپجائیا۔ تیرا کھیل پُرکھ ابناشا، جُگ چؤکڑی سمجھ کوئے نہ پائیا۔ تُوں آد جُگادی دَیاوان داتا، دیِن دَیال تیری وڈیائیا۔ تیرا موُل نہ کِسے پچھاتا، پردہ سکیا نہ کوئے اُٹھائیا۔ صِفتاں والی گا گا گاتھا، شاستر سِمرت وید پُران اِنجیِل قرآن گیِتا گیان کھانی بانی دِتی اُپجائیا۔ چار کُنٹ دہ دِشا کلجُگ کوُڑی کِریا مارے ہاکاں، اُچی کوُک کوُک سُنائیا۔ بند کِواڑی کُھلے کِسے نہ تاکا، بجر کپاٹی پردہ نہ کوئے چُکائیا۔ پربھوُ پریِتی جُڑے کوئی نہ ناتا، سگلا سنگ نہ کوئے بنائیا۔ رائے دھرم دا پھولے کوئی نہ کھاتہ، جنم کرم دا لہنا نہ کوئے چُکائیا۔ پروردِگار منّ آیا آکھا، آخر اپنی کھیل کھِلائیا۔ جوتی جوت سروُپ ہرِ، آپ اپنی کِرپا کر، سچ کرنی کار کمائیا۔ پنج جیٹھ کہے پنجواں شہنشاہی سمت بول اگمّا راگ، انراگی دے جنائیا۔ کوُڑی کِریا دے تیاگ، ترےَگُن ممتا ڈیرہ ڈھاہیِا۔ سچ دوارے بن سجّن ساک، مِتر اِکو ویکھ وکھائیا۔ کلجُگ مِٹے اندھیری رات، سَتجُگ سچّا چند چمکائیا۔ نِرگُن نوُر ہووے پرکاش، جوتی جوت ڈگمگائیا۔ شمس کہے میری آشا تیرا لیکھا لِکھن جن بھگت نال قلم دوات، دُعا خود خُدا اَگے کرائیا۔ صِفتی دھار چلے کاغذات، کاغذ قلم ملِے وڈیائیا۔ تیرا تیرے نالوں رہے نہ کوئے ناراض، غمی غم خوار دینی گوائیا۔ اندروں پردہ کھول کے راز، اوہلا دینا چُکائیا۔ تیرے چرناں ہووے حقیِقی نماز، سجدہ سیِس جگدیِش نِوائیا۔ کھیل ویکھے منڈل آکاش، دھرنی دھرت دھوَل دھیان لگائیا۔ حَیرانی وِچ جن بھگت دسے اُنگلاں مُکھ وِچ پا کے روک اپنا سواس، ساہ ساہ تیری سرنائیا۔ باہر کڈھ کے چرناں اُپر مارن جھاک، جھلک تیری نظری آئیا۔ ایہہ بدن ماٹی خاک، تن سریِر کوُڑ لوکائیا۔ چاروں کُنٹ لگّی آگ، ترےَگُن سکے نہ کوئے بُجھائیا۔ پروردِگار پوُرا کرنا واک، واقع تیرے ہتّھ وڈیائیا۔ ساچے بھگتاں بناؤنی اِک جماعت، ہِندوُ مُسلم سِکھ عیِسائی ونڈ نہ کوئے ونڈائیا۔ جِدھر تکاّں تیرا ہووے پرکاش، اندھ اندھیرا دینا گوائیا۔ صاحِب سَتگُر وسنا ساتھ، وِچھوڑا نظر کوئے نہ آئیا۔ گُرمُکھاں پِٹھ دے کے دینا جواب، رسنا جِہوا نال ہِلائیا۔ ایہہ گوبِند لِکھ کے گیا حِساب، بِن اکھّراں اکھّر لِکھائیا۔ درج کر گوبِند پُرکھ اکال والی کِتاب، کُتب خانے نہ کوئے جنائیا۔ اوس دا لیکھا ہووے بے باق، بچیا رہن کوئے نہ پائیا۔ جن بھگتاں گنڈھ پوائی دھرم دا دھرم بنایا ساک، کرم دا کرم دِتا بدلائیا۔ بھگتاں کولوں بھگتاں لیا پرساد، لاچی لاچی نال بدلائیا۔ مِٹھا مُکھ کر سواد، سوہنا رس لیا چکھائیا۔ سجدہ سیِس کر آداب، نمستے ڈنڈاوت اِک سمجھائیا۔ روُح بُت کر کے پاک، پتت پُنیِت دئے سرنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ،

سچ کرنی کار کمائیا۔ پنج جیٹھ کہے سمت شہنشاہی پنج دا ویکھو رُتبہ، رُستم دیوے مان وڈیائیا۔ لیکھا رہے نہ کِسے قُطبہ، قُدرت قادر دَیا کمائیا۔ جِس نوُں اُڈیِکدیاں لنگھ گئیاں مُدتاں، جُگ چؤکڑی راہ تکائیا۔ جِس دا لیکھا گوبِند نال انندپُر دا، پُریاں لوآں کھوج کھوجائیا۔ اوہ مالک خالق دُھر دا، درگاہ ساچی سوبھا پائیا۔ کھیل دسےّ سچّے سَتگُر دا، جو سَتگُر جنم مرن وِچ کدے نہ آئیا۔ شؤہ دریا کدے نہیں رُڑھدا، مڑھی گور نہ کوئے ٹِکائیا۔ جِس دا منتر اِکو فُرنا پُھردا، من کلپنا دئے گوائیا۔ جوتی جوت سروُپ ہرِ، آپ اپنی کِرپا کر، سچ ساچی کار کمائیا۔ شمس کہے لال سِنگھ نے سیِس رکھیا ننگا، اوڈھن اُپر نہ کوئے ٹِکائیا۔ مالَوے والیاں دِتا کنگھا، گوبِند گنڈھ پوائیا۔ کھلو کے اِک ٹنگا، پِچھلا لہنا یاد کرائیا۔ کِتھے تیرا کھڑگ کھنڈا، ترکش تیِر کمان نظر کوئے نہ آئیا۔ کی کھیل کریں سوُرے سربنگا، سگلی اپنی کار کمائیا۔ کِس کوُٹے پاویں دنگا، چاروں کُنٹ اندھیرا چھائیا۔ جوتی جوت سروُپ ہرِ، آپ اپنی کِرپا کر، سد اپنا حُکم ورتائیا۔ سمت پنج کہے پنچم جیٹھ ویکھ اگمّ مِلاوا، مِلنی ہرِ جگدیِش کرائیا۔ سب دا اِکو جِہا دعویٰ، بِردھ بال نہ ونڈ ونڈائیا۔ سچ دوارے اِکو ناواں، اوُچ نیِچ نہ کوئے رکھائیا۔ سب دا ترازو کر کے ساواں، شاہ کنگالاں اِکو در ٹِکائیا۔ ساچا میلا کر کے بھگت بھراواں، دُھر دا سنگ دِتا جنائیا۔ اگلا کھیل ویکھنا نال چاواں، چاؤ گھنیرا دِتا دِرڑائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کمائیا۔ پنچم جیٹھ کہے سُن شہنشاہی سمت میِت، مِترا دیاں جنائیا۔ پربھ چلاؤنی اِک ریِت، ریِتی پِچھلی دینی تجائیا۔ سرِشٹی رسنا جِہوا گاؤنا گیِت، ڈھولے گوبِند والے دِرڑائیا۔ کِسے دی آسا پوُری نہ ہووے اُمیِد، منسا من ہی وِچ رکھائیا۔ بِنا شبد توں کرے نہ کوئے تاکید، دُھر دا حُکم نہ کوئے دِرڑائیا۔ جِس دی صِفت کرے قرآن مجیِد، کوُک کوُک سُنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ لیکھا ویکھ وکھائیا۔ پنچم جیٹھ کہے میرے سمت شہنشاہی در ٹھانڈے ساچے آ جا، اجّ کل ویکھ وکھائیا۔ کی کھیل کرے پربھوُ مہاراجا، راجن راج نوُر الاہیِا۔ جِس نے لکھّ چؤراسی ساجن ساجا، گھٹ گھٹ انتر پھول پُھلائیا۔ سو مالک غریِب نوازا، نِرگُن اپنی کار کمائیا۔ پرگٹ ہو کے دیس ماجھا، مجلس دوآبے وِچ وکھائیا۔ پھیر جانا مدیِنہ مکّہ کعبہ، مقبریاں پھول پُھلائیا۔ لیکھا مُکا کے پُنن صوابا، اگلا جھگڑا دینا گوائیا۔ سب دا اِکو سجدہ ہووے آدابا، ڈنڈاوت اِکو اِک درسائیا۔ جوتی جوت سروُپ ہرِ، آپ اپنی کِرپا کر، سچ کرنی کار کمائیا۔ سمت پنج کہے میَں حُکم

منّاں سرکار، سروکار نہ کوئے جنائیا۔ نِیوں نِیوں کراں نِمسکار، نمستے وِچ دُہائیا۔ جِتھوں سانجھا ملِے پیار، ناتا گُرمُکھاں نال جُڑائیا۔ اِکو دوارا دسّ دربار، درگاہ ساچی اِک درسائیا۔ نیتر لوچن نیَن ویکھو اُگھاڑ، نیَن موُند موُند مِلائیا۔ جوتی جوت سروُپ ہرِ، آپ اپنی کِرپا کر، سچ کرنی کار کمائیا۔ پنچم جیٹھ کہے مالَوے والیاں دِتا کنگھا، سوہنا سیِس سُہائیا۔ میَں منگ اگمّی منگاں، مانگت ہو کے جھولی ڈاہیِا۔ دوآبہ مالوا ہوون والا سی کُچھ دنگا، جنگ آپو وِچ رکھائیا۔ لال سِنگھ کھلو کے اِک ٹنگا، پربھ دے کولوں منگ منگائیا۔ پربھوُ گُرمُکھ تیرا سب توں چنگا، چنگی تیری وڈیائیا۔ جِس دے چرن چُمّے گنگا، گوداوری جمنا سُرستی چھوُہ کے خوشی بنائیا۔ اینہاں انتر اِک انندا، جو پُری انند والا گیا ٹِکائیا۔ ہرِجن چاڑھ کے ساچے چندا، اپنا نوُر کر رُشنائیا۔ مان رہے نہ کِسے پنڈا، مُلّا شیخاں پندھ مُکائیا۔ ایکا شبد گُروُ دا ڈنڈا، برہمنڈاں دئے چمکائیا۔ مان توڑ ہنکاری گنڈھا، دُئی دوَیتی ڈیرہ ڈھاہیِا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ کرنی کار کمائیا۔ پنچم جیٹھ کہے جن بھگتو سارے کرو صلاح، مشورہ اپنے نال بنائیا۔ پنج لِکھاری ہوون گواہ، شہادت پنچم وِچ بُھگتائیا۔ اِکو پربھوُ لیَنا منا، دوُجی اوٹ نہ کوئے جنائیا۔ ملنی پَوے نہ کدے سواہ، تیڑ لنگوٹ نہ کوئے رکھائیا۔ سب دا لیکھا پوُرا دئے کرا، کرنی دا کرتا نوُر خُدائیا۔ صوُفیاں ہووے نہ کدے جُدا، وکھری ونڈ نہ کوئے ونڈائیا۔ سچ پریم دا لؤ مزہ، مذاق پِچھلا دینا چُکائیا۔ سب دے سِر تے کوُکدی قضا، چاروں کُنٹ پندھ مُکائیا۔ ویکھیو چؤراسی والی رہے کِسے نہ سزا، آون جاون لیَنا کٹائیا۔ جوتی جوت سروُپ ہرِ، آپ اپنی کِرپا کر، سچ میلا لئے مِلائیا۔ پنچم جیٹھ کہے ایہہ لہنا گوبِند والی کیِڑی، کرم کانڈ جھولی پائیا۔ پربھ نوُں مِلنا مارگ گلی بھیِڑی، جگ نیتر نظر کِسے نہ آئیا۔ سَتگُر کِرپا چڑھو سیِڑھی، منزل منزل دئے سمجھائیا۔ گلوں کٹ شرع زنجِیری، نوُرے نظر کر رُشنائیا۔ لےَ کے جائے گھر اَخیِری، آخر اپنے گرِہ ٹِکائیا۔ جِتھوں مِلدی میِری پیِری، پاتشاہاں وڈیائیا۔ جھگڑا پَیندا حقیِر حقیِری، غریِب غریِباں ہوئے نہ کوئے سہائیا۔ جوتی جوت سروُپ ہرِ، آپ اپنی کِرپا کر، سچ میلا لئے مِلائیا۔ سمت پنج کہے جن بھگتو پربھ دیوے کدے نہ پِچھا، پیشیِنگوئی وِچ سمجھائیا۔ کلجُگ کوُڑی کِریا ویکھ کے اِچھا، تُہاڈا مُکھ دِتا بدلائیا۔ پھیر مان دے کے پوُرے سِکھا، سِکھ سَتگُر وِچ سمائیا۔ جِس دا نام سندیسہ لِکھا، نہ کوئی میٹے میٹ مِٹائیا۔ مان ملِے وڈّا نِکاّ، بِردھ بالاں رنگ رنگائیا۔ جوتی جوت سروُپ ہرِ، آپ اپنی کِرپا کر، سد اپنی کار کمائیا۔

سمت شہنشاہی پنج کہے میرا پنچ ہووے پربندھ، پربندھکاں دیاں دِرڑائیا۔ جوُٹھ جھوُٹھ چھڈنا گند، سچ سُچ اِک اُپجائیا۔ بھاگ ہیِن رہے کوئی نہ مند، مندبھاگ نہ کوئے چتُرائیا۔ جوتی جوت سروُپ ہرِ، آپ اپنی کِرپا کر، سچ کرنی کار کمائیا۔ پنچم جیٹھ کہے دوآبے والیو دیؤ دستار، دست دینی پھڑائیا۔ تُہاڈا پِچھلا قرض دیواں اُتار، لہنا سب دا جھولی پائیا۔ تُسیں اپنے تن دے سارے سردار، آتم مالک اِک اُپجائیا۔ خالق منّنا اِک ایکنکار، دوُجی اوٹ نہ کوئے رکھائیا۔ تُہاڈے وِچوں تُہاڈا ویر بنا کے سیوادار، سیوا سچ سچ لگائیا۔ جوتی جوت سروُپ ہرِ، آپ اپنی کِرپا کر، سچ میلا لئے مِلائیا۔ لال سِنگھ سِر بنھنی پگّ، اپنے ہتّھ اُٹھائیا۔ گُرمُکھاں پِچھے بھاویں چھڈنا پئے جگ، ناتا دیِن دُنی تُڑائیا۔ دیِن مذہب دی توڑنی حد، شرع ونڈ نہ کوئے ونڈائیا۔ اُچی کوُک کہنا وجّ، وجہ دُھر دی دینی سمجھائیا۔ جن بھگت پربھ توں رہے نہ کوئی الگّ، وکھرا گرِہ نہ کوئے سُہائیا۔ ہنس بنے کوئی نہ کگ، وِشٹا کوُڑ نہ کوئے پُھلائیا۔ ترےَگُن سڑے کوئی نہ اگّ، امرت میگھ اِک برسائیا۔ سب دا سانجھا اِکو پد، پدوی دیوے دُھردرگاہیِا۔ جن بھگت پربھوُ دی جدّ، یادداشت نہ کدے بُھلائیا۔ سارے وعدہ کر لؤ اجّ، پنچم جیٹھ رہیا سُنائیا۔ اِک پاسے پھاسی دا حُکم دیوے جج، دوُجے پاسے سَتگُر نالوں کنّی نہ کوئے چُھڈائیا۔ جوتی جوت سروُپ ہرِ، آپ اپنی کِرپا کر، سچ کرنی کار کمائیا۔ پنچم جیٹھ کہے سب نے کرنا اِک اِقرار، پِچھلا دیاں جنائیا۔ پنجے لِکھن والے لِکھار، لیکھا لِکھن چائیں چائنیا۔ جِس دا سب دے نال پیار، پریِتم اِکو بےپرواہیِا۔ بِنا پُرکھ اکال توں بھگتاں کرنی نہیں کوئی نِمسکار، نمو نمو نہ سیِس نِوائیا۔ تُہاڈا سوہنا لگّنا دربار، چار جُگ دے درباری ویکھن چائیں چائنیا۔ ہؤلی ہؤلی دھرم دا دے دینا اِختیار، مختیار گُرمُکھ لینےَ اُپجائیا۔ ہرِجن رہے نہ کوئے غدار، کوُڑ کُڑیارا دینا گوائیا۔ جوتی جوت سروُپ ہرِ، آپ اپنی کِرپا کر، سچ میلا لئے مِلائیا۔ پنچم جیٹھ کہے کیوں وقت رکھیا پنج، امرت ویلا رنگ رنگائیا۔ جِس ویلے نانک دی جگت ریِتی چڑھنی سی جنج، امرت ویلے اُٹھ کے پربھ نوُں لیا دِھیائیا۔ اوس ویلے پُرکھ اکال دیِن دَیال شبدی دھار لِکھاری جنائے پنج، پنچم وڈ وڈیائیا۔ جِنہاں دی دھار وِچ ہووے کارج انند، انند انند وِچوں پرگٹائیا۔ اگمّ سُنایا چھند، سوہنگ ڈھولا اِک الاہیِا۔ چار ورناں ڈھاہ کے کندھ، بھانڈا بھرم بھنّائیا۔ خوشی کرنا بند بند، بندگی اِک سمجھائیا۔ سوہرے پیئیے ہوئے کدے نہ رنج، سنگی ساتھی اپنا سنگ بنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کمائیا۔ پنج جیٹھ کہے گوبِند پنج

ویر کیتے ارداسے، ویلا پنج پنج سُہائیا۔ پنج واری بدل کے اپنے پاسے، کروٹ کروٹ وِچ رکھائیا۔ پنج واری پانی پیِتا وِچ گلاسے، ویلا پنج پنج سُہائیا۔ پنج وجے پانی وِچ گھولے سی پتاسے، باٹے دِتی مان وڈیائیا۔ پنج وجے تن چُھہا کے گاتے، کھنڈا کھڑگ وڈیائیا۔ پنج واری گوبِند پھڑ اُٹھایا پُرکھ اکال داتے، اپنی گود ٹِکائیا۔ پنج وجے پنجاں پیاریاں حُکم دِتا خوشیاں نال نہاتے، جگت مَیل دھوائیا۔ پنج وار گوبِند پِچھلے ویکھ کے کھاتے، پوُرب لہنا دِتا مُکائیا۔ پنج وار گوبِند گُرمُکھاں ولّ جھاکے، مستی وِچ نیَن اُٹھائیا۔ پنج وار مِٹھی مِٹھی کر کے باتے، سوہنا رس بنائیا۔ پنج وار واہِگُروُ واہِگُروُ واہِگُروُ واہِگُروُ واہِگُروُ آکھے، گوبِند رسنا جِہوا الائیا۔ پنج وار سب دے پڑھ کے فاتحے، فتویٰ انتم دِتا لگائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کمائیا۔ پنج جیٹھ کہے پنج وجے گُجری کُکھ سی گوبِند نِنمیا، تن وجوُد مِلی وڈیائیا۔ امرت سوما دُھر دا سِنمیا، سر سروور سوبھا پائیا۔ دُشٹ دمن پنج وجے یاد کیِتا سی کُنٹ ہیمیا، کُنڈ دھیان لگائیا۔ پنج ویراں اپنے جیِون وِچ گُجری نے گوبِند دا مُکھ چمُّیا، پیار نال وڈیائیا۔ پنج ویراں گوبِند نے اپنیِاں پنجاں اُنگلیِاں والا کڈھیا خوُنیا، تِلک گُرمُکھاں والا بنائیا۔ جوتی جوت سروُپ ہرِ، آپ اپنی کِرپا کر، سد اپنا رنگ رنگائیا۔ پنج جیٹھ کہے پنج وجے گوبِند پنج وار گوداوری وِچ نہاتا، پنجاں پیاریاں نال رکھائیا۔ پنج وار تک اُپر آکاشا، پُرکھ اکال ویکھ وکھائیا۔ پنج وار گوبِند کھیلیا سار پاشا، چؤپٹ بازی اِک جنائیا۔ پنج وار مُکھ تِنکا پایا گھاسا، ککھّاں رنگ رنگائیا۔ پنج وار بِنا زبان توں گائی گاتھا، تُوں میرا میَں تیرا دوُجا نظر کوئے نہ آئیا۔ پنج وار گوبِند پنجاں پیاریاں ڈاٹا، باہوں پھڑ کے چرناں پرے کرائیا۔ پنج وار بےدعوا لِکھ کے پنجویں وار پاِٹا، پنچم ملِے مان وڈیائیا۔ پنج وار گوبِند امرت ویلا پنج وجے اپنے لنگر وِچ پنج مُٹھاں پائیاں سی آٹا، لوح لنگر دِتا چلائیا۔ پنج ویراں گوبِند نے ڈھائی سال اندر اپنا انگوُٹھا چاٹا، سجّا ہتّھ مُکھ چُھہائیا۔ پنج ویراں بال اوستھا رویا سی مار کے ڈاڈاں، اُچی کوُک کوُک سُنائیا۔ پنج ویراں گُر تیغ بہادر دی کنڈ تے چڑھیا سی نال لاڈا، آپ اپنا بَل وکھائیا۔ جوتی جوت سروُپ ہرِ، آپ اپنی کِرپا کر، سد دیوے مان وڈیائیا۔ پنچم جیٹھ کہے میری سب دے اَگے دُعا، دوآبے والیو دیاں جنائیا۔ تُہاڈی آتما پربھ دے نالوں ہووے نہ کدے جُدا، وکھرا گھر نہ کوئے سُہائیا۔ سب دی اِکو ہوئے ادا، آداب اِکو سیِس نِوائیا۔ سب دی منگن والی صدا، صداقت وِچ راگ الائیا۔ سَتگُر مِلنا چھڈنی جگت شرم حیا، حیاتی اپنی لیَنی

بدلائیا۔ جو مالک خالق پرِتپالک دِلرُبا، رحمت حق کمائیا۔ جوتی جوت سروُپ ہرِ، آپ اپنی کِرپا کر، سچ کرنی کار کمائیا۔ پنج جیٹھ کہے جن بھگتو میَں تُہانوُں کرن آیا مضبوُط، حؤصلے دیاں ودھائیا۔ ویکھیو ڈر نہ جائیووِچ کایا کلبوُت، من منسا نہ کوئے چتُرائیا۔ تُہاڈا اوس دے کول ثبوُت، جو سب دا پِتا مائیا۔ جِدھر تکّو اودھر مؤجوُد، ہر گھٹ نظری آئیا۔ ایتھے اوتھے دو جہاناں کرے محفوُظ، سِر اپنا ہتّھ رکھائیا۔ ایہہ شبد اِشارہ اگمّی رمز جانا بوُجھ، بُجھارت جگت نہ کوئے جنائیا۔ اندروں کڈھ دینی دوُج، دوَیتی ڈیرہ ڈھاہیِا۔ جیہڑا پنج پنج قدم پِچھے نوُں کیِتا کوُچ، پنچم کوُڑ دا ناتا دِتا تُڑائیا۔ پِچھلا جنم کرم کر منسوُخ، اگلا لیکھا سَتگُر گھر بنائیا۔ تُسیں اوس پربھوُ دے پوُت، جِس نوُں جنمے کوئے نہ مائیا۔ جوتی جوت سروُپ ہرِ، آپ اپنی کِرپا کر، سد اپنا کھیل کھِلائیا۔ پنچم جیٹھ کہے میَں دسّاں اکتھ کہانی، کتھنی کتھ کوئے نہ پائیا۔ جِس دی سارے گاؤندے بانی، صِفتاں وِچ صالاحیِا۔ اوہ شہنشاہ سُلطانی، نِرگُن نوُر الاہیِا۔ کلجُگ انت کر مِہربانی، محبوُب مِہر نظر اُٹھائیا۔ امرت رس دے کے پانی، نِجھر جھِرنا اِک جھِرائیا۔ جھگڑا مُکا کے چارے کھانی، کھہڑا اگلا دئے چُھڈائیا۔ منزل دسّ اِک روُحانی، آتم پرماتم جوڑ جُڑائیا۔ سب دا اِکو گھر اِکو گرِہ مہمانی، دوُجا در نہ کوئے وکھائیا۔ شرع وِچ دینی پئے نہ کوئے قُربانی، مذہباں ونڈ نہ کوئے ونڈائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کمائیا۔ پنج جیٹھ کہے میری انت اَخیِری ارداس، بینتی دیاں جنائیا۔ تُہاڈا پربھ دے لیکھے سواس، ساہ ساہ وِچ سمائیا۔ سد وسو اوس دے پاس، جو پرمیشور دُھردرگاہیِا۔ جنم وِچ ہونا نہ پئے نِراس، نِراستا کوُڑ نہ کوئے جنائیا۔ سب دا اِکو جِہا کرے وِشواس، دھیِرج دھیِر آپ دھرائیا۔ سچ نوُر دا کر پرکاش، اندھ اندھیرا دئے مِٹائیا۔ جِس کارن اِکٹّھے کیتے آج، میلا سہج سُبھائیا۔ جن بھگتو تُہاڈی دھار دھرم دا ہووے کاج، کرنی دا کرتا آپ کمائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سَت ستوادی ویکھ وکھائیا۔ پنچم جیٹھ کہے میَں آیا کیوں دُآبے، اپنا پھیرا پائیا۔ سندیسہ دِتا نانک نِرگُن بابے، سرگُن تت جنائیا۔ جِس ویلے کل کلکی آیا ماجھے، سمبل اپنا ڈیرہ لائیا۔ نوَیں ساجنا ساجے، پردہ اگمّ کُھلائیا۔ جن بھگتاں مار کے آوازے، سُتیاں لئے اُٹھائیا۔ گُرمُکھو تُسیں جنم جنم دے سِدھے کرم کرم دے سادے، سِدھی اِک وکھائیا۔ جو تُوں میرا میَں تیرا سوہنگ مہاراج شیرسِنگھ وِشنوُں بھگوان ارادھے، آون جاون رہے نہ رائیا۔ گوبِند پِتا تے نال مِلو پُرکھ اکال دادے، جو دعوے نال اپنے گرِہ

ٹِکائیا۔ کوٹاں وِچوں پربھ کِرپا نال تھوڑے جِہے جاگے، جاگرت جوت کری رُشنائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، جن بھگت کرے وڈبھاگے، وڈبھاگی اپنی دَیا کمائیا۔ وڈبھاگی ہرِ بھگتن جوڑ، میلا سہج سُبھائیا۔ سچ پریِتی نِبھے توڑ، اَدھ وِچکار نہ کوئے تُڑائیا۔ کلجُگ ویکھ اندھیرا گھور، نِرگُن نوُر کرے رُشنائیا۔ گُرمُکھو سَتگُر گھر دے بنِیو کدے نہ چور، چوری سَتگُر نال نہ کوئے کمائیا۔ سچ پریم دی بنھنی ڈور، ناتا دُھر دا لیَنا رکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، آد جُگاد جُگ چؤکڑی نِت نوِت جن بھگتاں سدا کول، وِچھوڑے وِچ وِچھڑ کدے نہ جائیا۔

۵ جیٹھ شہنشاہی سمت ۵ سرون سِنگھ دے گرِہ پِنڈ ہیر

پنچم جیٹھ کہے پربھ سدا دَیالوُ، دیِن دَیال دَیا کمائیا۔ پوُرب لہنا جانے کی آشا رکھی نانک پِتا کالوُ، انت سواسا جگت تجائیا۔ بِن نیَناں نظر آئی ریت بالوُ، اگنی تت وانگ تپائیا۔ حُکم سندیسہ سُنیا تیری بِند دھار ہونی چالوُ، چار ورن ورن وڈیائیا۔ دھرنی دھرت دھوَل دھؤل اپنے کرم کانڈ دا بدل لیَنا سالوُ، سال گرِہ سمجھ کِسے نہ آئیا۔ جِس ویلے سَت دھرم دا مارگ ہونا چالوُ، چاروں کُنٹ اندھیرا چھائیا۔ گُر اوتار پَیغمبر اپنی سُرت نہ کوئے سمبھالوُ، سمبل وسے بےپرواہیِا۔ نام بھنڈارا اگمّ اُچھالوُ، چھہبر اپنا پریم لگائیا۔ بھگت سنت ہوئے کِرپالوُ، کِرپانِدھ دَیا کمائیا۔ جُگ چؤکڑی لہنا دینا جانے حالوُ، حالت ویکھے کوُڑ لوکائیا۔ ساچی کرنی کر کے نوَیں دیوے مثالوُ، مِسل پِچھلی دئے بدلائیا۔ اصل وصل دا بنے وصالوُ، وِشا وِشیش وِشوَ سمجھائیا۔ جن بھگتاں گھال آپے گھالوُ، گھائل ہووے کوُڑ لوکائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ کرنی کار کمائیا۔ پنج جیٹھ کہے کالوُ نوُں انتم نظری آیا چُھرا، تِکھی دھار سوبھا پائیا۔ گھر نانک ہُندیاں تُوں کیوں چلیوں نِگُرا، سَتگُر سمجھ نہ سیِس نِوائیا۔ نِگاہ وکھائی انند پُرا، گوبِند نوُر ظہوُر جنائیا۔ سچ پریم کِسے نہ جُڑا، جوڑی جگت نہ کوئے وڈیائیا۔ مُحبّت پیار دِسی تُھڑا، گھاٹا پوُر نہ کوئے وکھائیا۔ سب دا بیڑا جاندا رُڑھا، کھیوٹ کھیٹا نظر کوئے نہ آئیا۔ بِن سَتگُر شبد دیوے کوئی نہ ہُڑا، چّپوُ وَنجھ مُہانا کمّ کِسے نہ آئیا۔ جوتی جوت سروُپ

ہرِ، آپ اپنی کِرپا کر، کرے کھیل ساچا ہرِ، سچ لیکھا اِک وکھائیا۔ پنچم جیٹھ کہے کالوُ نوُں وجّا اگمّی دھکاّ، انتر سُدھ رہی نہ رائیا۔ سریِر دی قیِمت دِسے کوئی نہ ٹکا، تن خاکی دئے دُہائیا۔ نانک گُر نہ منّیا پکاّ، بچّہ سمجھ کے جھٹ لنگھائیا۔ پھیر نظر آیا مکّہ، مدیِنے پِھری دُہائیا۔ پھیر نظر آیا نوُر الاہی حقا، حقیِقت وِچ وڈیائیا۔ پھیر نِرگُن دھار ویکھیا سکا، سرگُن سنگ نہ کوئے بنائیا۔ پھیر نام سندیسہ سُنیا پتہ، پت پرمیشور دِتا دِرڑائیا۔ گوبِند انت جَیکارا بولنا فتحا، فتح اِک وڈیائیا۔ دھرم دی دھار بناؤنا جتھا، گُرمُکھ پنج ملِے وڈیائیا۔ پربھ دے نام دِرڑاؤنی کتھا، کہانی اپنی نہ کوئے سُنائیا۔ لیکھا جناؤنا ایضا تتھا، مِہربان مِہر نظر اُٹھائیا۔ تیِر کمان اُٹھا کے بھتّھا، بھانڈا بھرم بھؤ بھنّائیا۔ گھوڑا چاڑھ کے اُپر بھٹّھا، اگنی اگّ دینی بُجھائیا۔ چار ورن کر اِکٹّھا، جھیور چھیمبے نائی جٹّ میل مِلائیا۔ دیِن مذہب دا پا کے رٹّا، رٹّا ویکھے تھاؤں تھائنیا۔ جھگڑا مُکاوے جو کھاوے وچھّا کٹّا، کٹاکش اپنا اِک لگائیا۔ ساچے نام دا دسّ کے ٹپّا، ٹِپی بِندی سوبھا پائیا۔ ذات پات میٹ کے وٹّا، راہ اِکو دئے وکھائیا۔ انت سریِر چھڈ کے دِسے نَٹھا، لوک مات رہن نہ پائیا۔ پُرکھ اکال نال کر کے متا، مت متانتر دئے گوائیا۔ سچ پریِتی وِچ رتّا، رنگ اِکو اِک رنگائیا۔ سچ دوارے سچ وسا، گھر اِکو اِک سُہائیا۔ صدی چؤدھویں پھیر آوے نسّا، نِرگُن سرگُن ویس وٹائیا۔ میٹے رَین اندھیری مسّا، سَتجُگ سچ چند چمکائیا۔ جن بھگتاں کرے جسا، صِفتاں وِچ صِفت صالاحیِا۔ غریِب نِمانیاں کرے رچّھا، سِر اپنا ہتّھ ٹِکائیا۔ سَت دھار چڑھا کے رتھا، رتھ رتھواہی کار کمائیا۔ سب دے لیکھےلاوے مستک متھا، دھوُڑی چرن خاک رمائیا۔ ہر ہِردے اندر ہووے وسا، واسطہ اپنے نال جُڑائیا۔ کالوُ ویکھ کے ہو گیا ہکاّ بکاّ، حَیرانی اندر آئیا۔ میَں سمجھیا نانک پنج تتاں بندہ، بندیاں ورگا سوبھا پائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ میلا لئے مِلائیا۔ پنج جیٹھ کہے کالوُ نوُں انتم آئی سوجھی، اَخیِری سواس دِتا تجائیا۔ کھہڑا چُھٹیا ڈھائی مہینےِ دا روگی، دُکھ درد رہیا نہ رائیا۔ بھرم رہیا نہ جنجوُ بودی، مستک تِلک نہ کوئے وڈیائیا۔ نظارہ تکّیا ویدی سوڈھی، کُل کُل وِچوں بدلائیا۔ نیتر تکّی اگمّی ڈوڈی، جِتھوں وِشن برہما شِو اُپجائیا۔ گُر اوتار پَیغمبر آؤندے جوگی، بھگت سنت ملِے وڈیائیا۔ شبد اناد سُنیا بودھی، اگمّ کیِتی پڑھائیا۔ اِشارہ دِتا چؤداں لوکی، چؤداں طبق بھیوَ کُھلائیا۔ سُرتی رہے کوئی نہ سوتی، ہرِ سُتیاں آپ اُٹھائیا۔ ساتھی مِلیا کوئی نہ گوتی، سنگی سنگ نہ کوئے نِبھائیا۔ نال چلی نہ جنجوُ دھوتی، اگلا رنگ نہ کوئے رنگائیا۔ کھان

پین مُکی روزی، وست ہتّھ کوئے نہ آئیا۔ موُرکھ مت رہی نہ ہوچھی، ممتا موہ مِٹائیا۔ بُدھی عقل سوچ نہ سوچی، چلے نہ کوئے چتُرائیا۔ جاں نِگاہ پئی نظری آیا رَویداس چمارا موچی، رمبی آر ہتّھ اُٹھائیا۔ انتر آسا اِکو لوچی، لوچن نیَن نِج کُھلائیا۔ جوتی جوت سروُپ ہرِ، آپ اپنی کِرپا کر، سچ کرنی کار کمائیا۔ پنج جیٹھ کہے کالوُ دا انتم چُھٹیا سریِر، کلا کل دِتی ورتائیا۔ اَخیِری سواس تے نانک نے بدل دِتی تقدیِر، ناتا پِتا پوُت تُڑائیا۔ مِہر نِگاہ کر تاثیر، نیتر نیَن اِک کُھلائیا۔ پِچھلے کیتے اُتے مار لکیِر، اگلے مارگ اِکو پائیا۔ جِتھے جھگڑا نہیں غریِب امیِر، اوُچ نیِچ نہ کوئے رکھائیا۔ ساچی آسا ویکھ اُمیِد، عمل دِتا دِرڑائیا۔ میَں تیرا تتاں والا عزیز، جگت وِچ سُہائیا۔ میَنوُں پُرکھ اکال نال مِلاؤن دی ریِجھ، تیرا ناتا دیاں جُڑائیا۔ جوتی جوت سروُپ ہرِ، آپ اپنی کِرپا کر، سچ کرنی کار کمائیا۔ پنچم جیٹھ کہے کالوُ انتر کیِتا دھیان، دھرنی دھرت دھوَل سُہائیا۔ شبدی مِلیا گیان، تُوں میرا میَں تیرا راگ الاہیِا۔ ویکھیا حق مکان، سمبل اِک وڈیائیا۔ جِتھے جگے جوت مہان، نِرگُن نوُر جوت رُشنائیا۔ گُر اوتار پَیغمبر سیِس جھُکان، نِیوں نِیوں لاگن پائنیا۔ سجدہ کرے زِمیں اسمان، برہمنڈ کھنڈ دھوُڑی خاک رمائیا۔ دو جہان توں وکھرا وِدھان، حُکم اِکو اِک الاہیِا۔ ساچی کرنی کرے وِچ جہان، کرتا بےپرواہیِا۔ بھگت سُہیلے آپ پہچان، در ٹھانڈے میل مِلائیا۔ سَت سچ دا دے کے دان، وست اگمّ آپ ورتائیا۔ جھگڑا مُکا زِمیں اسمان، ضامن ہو کے ہوئے سہائیا۔ کلجُگ کوُڑ میٹ طوفان، تُحفہ نام نِدھانا جھولی پائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ میلا آپ مِلائیا۔ پنچم جیٹھ کہے کالوُ نوُں مِلی انتم تھاپی، ہرِ پُشت پناہ لگائیا۔ تُوں اِکو نام جاپی، جپت جپت وڈیائیا۔ پربھ کھیل کرے پرتاپی، ہرِ وڈّا وڈ وڈیائیا۔ جِس ویلے کلجُگ انتم گُر اوتار پَیغمبراں دی اُمت سِکھی ہوئی پاپی، پتت پُنیِت نہ کوئے کرائیا۔ شاستر سِمرت وید پُران اِنجیِل قرآن گیِتا گیان کھانی بانی ویکھن سچ نام دی کاپی، اصل ہتّھ کِچھ نہ آئیا۔ رسنا جِہوا بتّی دند صِفتاں والے بنن بھاٹی، بھاوَ بھیوَ نہ کوئے دِرڑائیا۔ سچ سِنگھاسن سوہے کوئی نہ کھاٹی، کھٹکا ہووے کوُڑ لوکائیا۔ منزل چڑھے کوئی نہ گھاٹی، درگاہ سچ نہ کوئے سُہائیا۔ چاروں کُنٹ ہوئے اندھیری راتی، نِرگُن نوُر نہ کوئے چمکائیا۔ ساچا دِسے کوئی نہ ساتھی، سگلا سنگ نہ کوئے بنائیا۔ اوس ویلے کِرپا کرے پُرکھ ابناشی، ہرِ کرتا دَیا کمائیا۔ جِس نوُں سب نے کہنا گھنک پُر واسی، پنچم جیٹھ مات لوک ملِے وڈیائیا۔ جن بھگتاں میٹے اُداسی، سنسا اندروں دئے کڈھائیا۔ سچ گھر دا ہووے واسی، در اِکو

ڈیرہ لائیا۔ کالوُ کِہا میَں نانک دا پِتا میری کٹی جائے جم پھاسی، آون جاون رہے نہ رائیا۔ پِچھلی بُھل دی منگ معافی، نیتر نیَناں نیِر وہائیا۔ نانک نوُں ماریا کُٹیا کیِتی جگت گُستاخی، غُصّہ گِلہ دینا گوائیا۔ میرے صاحِب سَتگُر پُرکھ اکال میری سدا کرنی راکھی، سِر اپنا ہتّھ ٹِکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، جِس دی کتھا کِسے نہ واچی، واچک ہو کے کہن کوئے نہ پائیا۔

۷ جیٹھ شہنشاہی سمت ۵ گیانی گُرمُکھ سِنگھ دے گرِہ بھلائی پُر ڈوگراں

سوُریہ کہے سُنو چند ستار، سَت ستوادی دیاں جنائیا۔ ویکھو کھیل اگمّ اپار، ہرِ کرتا آپ کرائیا۔ جِس دی آسا رکھ کے گئے گُر اوتار، پَیغمبر دھیان لگائیا۔ سو صاحِب سوامی پاوے سار، ہرِ سجّن ویکھ وکھائیا۔ جُگ چؤکڑی لہنا دینا دئے اُدھار، لیکھا سب دا پوُر کرائیا۔ دھرنی دھرت دھوَل سُن پُکار، پاربرہم پربھ مِہر نظر اُٹھائیا۔ چار کُنٹ بنے سہار، صاحِب سُلطان ہو سہائیا۔ سب کُچھ اپنے رکھنا اختیار، مختیارنامہ ہتّھ نہ کِسے پھڑائیا۔ کلجُگ بدل دیوے دھار، سَتجُگ سچ رنگ رنگائیا۔ سمت پنج کھیلے کھیل سچّا شاہکار، شہنشاہ اپنی کار کمائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ لیکھا ویکھ وکھائیا۔ سوُریہ کہے ویکھو چند سِتار میِت، مِترو دیاں جنائیا۔ چار کُنٹ رہیا چیِک، دھیِرج دھیِر نہ کوئے رکھائیا۔ کایا ہوئے نہ ٹھانڈی سیِت، اگنی تت نہ کوئے بُجھائیا۔ آتم پرماتم بنے نہ کوئی پریِت، پریِتم حق نہ کوئے مِلائیا۔ رسنا رس لئے کوئے نہ میِٹھ، نِجھر جھِرنا نہ کوئے جھِرائیا۔ ترےَگُن ہوئے نہ کوئے اتیِت، ترےَبھوَن لئے نہ کوئے مِلائیا۔ جِس صاحِب دی کرن اُڈیِک، اوتار پَیغمبر گُر اکھّ کُھلائیا۔ سو سب دی کرے تصدیِق، کلجُگ انتم ویس وٹائیا۔ اندھ اندھیر مِٹے تاریِک، نِرگُن نوُر جوت کر رُشنائیا۔ ساچا نام دسّ حدیِث، حضوُر حاضر ہو کرے پڑھائیا۔ جوتی جوت سروُپ ہرِ، آپ اپنی کِرپا کر، ساچا میلا لئے مِلائیا۔ سوُریہ کہے ویکھو چند سِتار میرے سجّن، کی کرتا کار کمائیا۔ نام نگارے دو جہان کی وجّن، برہمنڈ کھنڈ کرن کی شنوائیا۔ سرِشٹی دا اِکو کرنا بھجن، بندگی اِک سمجھائیا۔ لکھّ چؤراسی تولے سب دا وزن، کنڈا نام ترازو ہتّھ اُٹھائیا۔ سَتجُگ ساچی کرے رچن، رچنا اپنی آپ سمجھائیا۔ گُر

اوتار پَیغمبراں پوُرا کر کے بچن، بچّیاں وانگ گود اُٹھائیا۔ سچ دوار سُہا کے وطن، گرِہ مندر دئے وڈیائیا۔ چار ورن دا سانجھا کر کے پتن، دوارا اِکو اِک وکھائیا۔ جِتھے دوُسر چلے نہ کوئے یتن، یتھارتھ اپنا رنگ رنگائیا۔ بھگت سُہیلے ساچے وسن، درگاہ ساچی سوبھا پائیا۔ لکھّ چؤراسی کایا کٹن، کٹاکش اپنا نام لگائیا۔ کلجُگ کوُڑی کِریا جڑ آیا پٹّن، پٹنے والا شبدی دھار کھیل کھِلائیا۔ نوَ ستّ کھول کے ہٹّن، وست امولک اِک ورتائیا۔ سچ دوار کر کے جشن، خوشیاں رنگ دئے رنگائیا۔ بھگت بھگوان دا سانجھا ہووے مِشن، مسلہ اوَر نہ کوئے چتُرائیا۔ جِس نوُں سِر جھُکاوَن برہما رام کرِشن، شنکر لاگے پائیا۔ جوتی جوت سروُپ ہرِ، آپ اپنی کِرپا کر، سچ اپنی کار کمائیا۔ سوُریہ کہے چند سِتار ویکھو نیَن اُگھاڑ، اُگن آتھن دھیان لگائیا۔ دِشا ویکھو اِک پہاڑ، پردہ اندر رہے نہ رائیا۔ چاروں کُنٹ دِسے اُجاڑ، کھیڑا گرِہ نہ کوئے وڈیائیا۔ من ہنکاری دِسے دھاڑ، دھاڑوی کلجُگ نال رلائیا۔ ساچی منزل سکے کوئی نہ چاڑھ، چڑھدا لہندا رہیا کُرلائیا۔ سوہنا کھیل کھِلاؤنا ستاراں ہاڑ، ہڑھدی ویکھے کوُڑ لوکائیا۔ سرِشٹی چبائے اپنی داڑھ، دوُسر سمجھ کِسے نہ آئیا۔ گُرمُکھ دُلارے اُٹھاؤنے چار، چارے ورناں وِچوں جگائیا۔ چارے پانی برسن دھار، امرت کِیوڑا نال سُہائیا۔ چار سِکھ بن کے روُپ نار، سوہنا تن شِنگار بنائیا۔ ہتّھ کِھچّ ننگی کٹار، کندھیاں اُتے لیَن اُٹھائیا۔ نؤ چکّر لاؤن وِچ دربار، آر پار اپنا پندھ مُکائیا۔ نؤ وار بولن جَیکار، جےَ جَیکار تیری سرنائیا۔ پھیر گُرمُکھ سِنگھ اُٹھ کے اوہناں دے سِر دئے پیار، سِر اپنا ہتّھ رکھائیا۔ پِھر کر پربھوُ نِمسکار، لِکھاریاں دے پِچھے بَیٹھن چائیں چائنیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کمائیا۔ سوُریہ کہے چند سِتار مار لؤ جھاکی، اگلا جھاکا رہے نہ رائیا۔ چار اِکٹّھے ہوون چارے ذاتی، کھتری براہمن شوُدر وَیش سوبھا پائیا۔ چؤنہاں دے ہتّھ وِچ ہووے اِک اِک لاٹھی، جھنڈیِاں کالیِاں نال سُہائیا۔ نال لِکھی ہووے پاتی، سب دا اِکو پِتا مائیا۔ اوہناں دے بستر ہوون خاکی، تن پوشاک اِک سُہائیا۔ کھیل ہونا ستاراں ہاڑ دی راتی، رُت اپنی اِک مہکائیا۔ جوتی جوت سروُپ ہرِ، آپ اپنی کِرپا کر، سچ میلا لئے مِلائیا۔ سوُریہ کہے چند سِتار کھول کے ویکھو اپنیاں اکھّاں، نیتر نیَن اُٹھائیا۔ اِک گُرمُکھ سوُرا پربھ بناؤنا اپنا بچّہ، بچن گوبِند پوُر کرائیا۔ اوہدے گل تند ہووے کچّا، قمیِض نال نہ کوئے چُھہائیا۔ مُکھوں بچن کہے سچّا، تُدھ بِن دوُجا نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ میلا لئے مِلائیا۔ سوُریہ کہے چند

سِتار ویلا وقت جاگو، اپنی لؤ انگڑائیا۔ اِکو پُرکھ اکال ارادھو، دوُجا راگ نہ کوئے سُنائیا۔ منڈل اُتے اپنا آپ سادھو، سادھنا سچ رہیا جنائیا۔ جِس نوُں کہندے رہن مادھوَ مادھو، مدُھر دُھن راگ دِرڑائیا۔ جِس نے لیکھا پوُر کرایا کرِشن یادو، سو بنسری حق سچ سُنائیا۔ سچ سرنائی اُس دی لاگو، جو لگ ماتر ڈیرہ ڈھاہیِا۔ جوتی جوت سروُپ ہرِ، آپ اپنی کِرپا کر، سچ کرنی کار کمائیا۔ سوُریہ کہے چند سِتار ویکھو گوبِند والا پتر، پترکا دیاں اُلٹائیا۔ پنجاں گُرمکھاں دے ہتّھ وِچ ہونا چھتر، چھتردھاری دئے وڈیائیا۔ پنجاں دا نام لِکھیا ہووے وِچ اِکو سطر، لائن اِکو اِک جنائیا۔ اوہناں وِچوں بنے کوئی نہ چتُر، موُرکھ موُڑھ نہ کِسے سُنائیا۔ لال رنگ دی بنّھی ہووے گل وِچ کتر، نوک تِکھی سوبھا پائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کمائیا۔ سوُریہ کہے چند ستار ویکھو کھیل سِری بھگوانا، ہرِ کرتا آپ دِرڑائیا۔ اِکّی بیِبیِاں ویس کرنا مردانہ، مرداں وانگ اپنا بَل پرگٹائیا۔ ہتّھ وِچ اُٹھاؤنا دھرم نِشانہ، نِشانہ دُھر دا اِک وکھائیا۔ صاحِب سُلطان دا گاؤنا گانا، تُوں داتا بےپرواہیِا۔ موڈھیاں اُتے اُٹھاؤن تیِر کمانا، رنگ اِکو اِک بنائیا۔ سب دا چِٹا ہووے بانا، بانی دُھر دی دھار سمجھائیا۔ کِسے دا بستر نہ ہووے پُرانا، پاربرہم بھیوَ کُھلائیا۔ ہِردے اندر نہ ہووے مانا، نِرمانتا وِچ سُہائیا۔ جوتی جوت سروُپ ہرِ، آپ اپنی کِرپا کر، سچ میلا لئے مِلائیا۔ سوُریہ کہے چند سِتار نِگاہ مارو جگ، جگ جیِون داتا دئے وڈیائیا۔ سچ دوارا ویکھو رہیا سج، ہرِ سجّن آپ سُہائیا۔ سب دا لہنا الگ الگ، وکھ وکھری سیو لگائیا۔ پنجاں گُرمُکھاں پگّ نوُں پائے ہون ڈبّ، رنگ اِک نہ کوئے جنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ میلا لئے مِلائیا۔ سوُریہ کہے تارا چند ویکھنا پربھ دا کھیل اپارا، ہرِ کرتا آپ کرائیا۔ سوہنا سُہنجنا سُہائے دربارا، درگاہ ساچی سچ بنائیا۔ اِک گُرمُکھ دیندا ہووے اِشارہ، اِشارے جھنڈے نال جنائیا۔ اِک بَیٹھا ہووے دوُر کنارہ، بھگت دوارے چوٹی چڑھ کے راگ الائیا۔ اِک دروازے اُتے مارے للکارا، خبردار ہووے لوکائیا۔ اِک گُرمُکھ پِیلے بستر پا کے چڑھے کھارا، جو اپنا آپ بھیٹ کرائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، بھیوَ ابھیدا آپ کُھلائیا۔ سوُریہ کہے تارا چند پربھ نے پوُری کرنی شرط، شرع دینی چُکائیا۔ جو نِرگُن آیا پرت، پت پرمیشور ویس وٹائیا۔ بھاگ لگاوے دھرنی دھرت، دھوَل ہوئے سہائیا۔ پنجاں پیاریاں دے کندھے اُتے سُنہری رنگ دا لگّا ہووے ورق، سجّا پاسا ملِے وڈیائیا۔ کھبّی

ننگی رکھنی یرک، پردہ اُپر نہ کوئے کرائیا۔ کمرکسے وِچ چُھپا کے رکھنی اِک اِک کرد، خنجر گوبِند نال وڈیائیا۔ اِک کول رکھنا چرچ، گِرجا سوہنا روُپ بنائیا۔ ٹِکاؤنا آ کے اُتے عرش، پربھ چرناں بھیٹ چڑھائیا۔ جَیکارا بولنا گرج، ڈھولا اگمّ اتھاہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کمائیا۔ سوُریہ کہے چند سِتار ایہہ کھیل ہونا بھارتی، ہرِ کرتا آپ کرائیا۔ نؤاں بیِبیِاں کرنی آرتی، پنج پنج شمعدان تھالیِاں وِچ ٹِکائیا۔ دھار گاؤنی اِک ایکنکار دی، اگمّ اتھاہ پڑھائیا۔ اَگے ریِتی بدلنی سنسار دی، سنساری بھنڈاری سنگھاری سیِس نِوائیا۔ منزل مُکنی چار یار دی، محمد نِیوں نِیوں لاگے پائنیا۔ کھیل ویکھنی اِک داتار دی، دَیاوان دئے دِرڑائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کمائیا۔ سوُریہ کہے پنج گُرمُکھ اِکٹّھے ہوون گاؤندے، گا گا شُکر منائیا۔ بانہہ کڈھ کے ہون سُناؤندے، پربھ تیری بےپرواہیِا۔ گوبِند راہ ہوون تکاؤندے، نیتر لوچن اکھّ اُٹھائیا۔ کھبّا ہتّھ کنّاں اُتے ہون رکھاؤندے، گردن ٹیڈھی کر ٹِکائیا۔ گیِت گاؤن اپنے من بھاؤندے، جگت والی نہ کوئے چتُرائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کمائیا۔ سوُریہ کہے چند سِتار اِکّی بیِبیِاں گیِت گاؤنا سُہاگ، سوہنا راگ الائیا۔ پریم وِچ آوے وَیراگ، وَیری اندروں باہر کڈھائیا۔ سوادھانی وِچ جانا جاگ، آلس نِندرا نہ کوئے رکھائیا۔ ماجھا مالوا دوآبہ جموں اپنی اپنی کڈھنی آواز، ڈھولے سوہنے صِفت صالاحیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کمائیا۔ سوُریہ کہے چند سِتار پنج گُرمُکھ پِھردے ہون جوان، جوبن ونتے نظری آئیا۔ ہتّھاں وِچ پھڑے ہون ودان، موڈھے سجےّ اُتے چُھہائیا۔ مُکھوں کہن یُدھ کرنا گھمسان، چاروں کُنٹ جگت لڑائیا۔ سوُرما رہے کوئے نہ وِچ مَیدان، سِر سکے نہ کوئے اُٹھائیا۔ چار کُنٹ ہونی حَیران، حَیرانی سکے نہ کوئے مِٹائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کمائیا۔ سوُریہ کہے چند سِتار پنج بُڈھڑیِاں مائیاں کپڑے پاؤنے سوُہے، اِکو رنگ رنگائیا۔ ہتّھ وِچ پھڑے ہون مرے ہوئے چوُہے، رسّی لمی اُنگل نال ٹِکائیا۔ اوہناں وِچوں اِک اِک واری واری کہئیے، بہُڑی بہُڑی تیری دُہائیا۔ بِن تیری کِرپا جگت جہان سارا رُڑھے، جیِون ہتّھ کِسے نہ آئیا۔ اسیں انت سمیں پربھوُ سب آئیاں تیری جوُہے، گھر بار تجائیا۔ سب دی لیکھے لا لےَ روُحے، آپ اپنا میل مِلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کمائیا۔

سوُریہ کہے چند سِتار اِک دوُجے دے پھڑ لؤ موڈھے، مُڈھلا حال سُنائیا۔ پنجاں گُرمُکھاں بَیٹھنا بھار گوڈے، کمر سِدھی سچ رکھائیا۔ اوہناں دے کول ہوون پنج پنج ڈوڈے، پوست والے اُٹھائیا۔ سِر تے رکھے ہوون بودے، جنجوُ کیس نہ بودی چتُرائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کمائیا۔ سوُریہ کہے چند سِتار پنجاں بیِبیِاں اپنی مرضی دے پاؤنے بستر، حِصّہ رنگ نہ کوئے وڈیائیا۔ اپنی خوشی دے اُٹھاؤنے شستر، تن ہتّھاں نال سُہائیا۔ شاہی فؤج دا بن کے لشکر، اپنا بل پرگٹائیا۔ جو سندیسہ دے کے گیا گوبِند پُشکر، سو پوُرا دینا کرائیا۔ انتر سب دا ہووے خوشی دِل، غمی نیڑ کوئے نہ آئیا۔ اوہناں وِچوں ہووے کوئی نہ بُزدِل، لوک لجّیا وِچ جو شرمائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ساچا حُکم اِک سُنائیا۔ سوُریہ کہے چند سِتار پنجاں گُرمُکھاں ہووے اِک جماعت، عمُر اِکو نظری آئیا۔ اِکو ہووے ذات، اِکو کُل وڈیائیا۔ اِکو ہووے گھاٹ، منزل اِکو راہ تکائیا۔ اِکو ہووے نات، ناتا بھَین بھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کمائیا۔ سوُریہ کہے سُن چند سِتار، چنّاں دیاں جنائیا۔ اگلا لیکھا اگمّ اپار، سہج سہج سمجھائیا۔ کی کھیل کرے سچّی سرکار، ہرِ کرتا دُھردرگاہیِا۔ جِتنا حُکم سندیسہ دیوے اپنی دھار، دھرنی دھرت دھوَل دیاں دِرڑائیا۔ انت کر کے نِمسکار، چرن کوَل سیِس جھُکائیا۔ سَت دھرم دا بول جَیکار، ڈھولا اِک سُنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، پنجاں گُرمُکھاں تیڑ پوا سلّوار، چلائے نال تِکھی رفتار، قدم قدم نال بدلائیا۔