۱۴ جیٹھ شہنشاہی سمت ۵ ہرِ بھگت دوار جیٹھوُوال
سمت پنج کہے جو پربھ دے سیوادار، سیوا سچ دھرم کمائیا۔ مانَس جنم رہے سوار، سوارتھ اوَر نہ کوئے رکھائیا۔ دِوس رَین پریم دی کار، کرم کانڈ دا ڈیرہ ڈھاہیِا۔ ناتا توڑ کوُڑ سنسار، جگت وِکار پرے ہٹائیا۔ پیار مُحبّت وِچ سدا رہن ہوشیار، خوشی غمی ونڈ نہ کوئے ونڈائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کمائیا۔ سمت پنج کہے میَں
ویکھاں اگمّ کِتاب، ہرِ کرتا آپ جنائیا۔ جِس وِچ بھگتاں دا حِساب، چؤراسی نظر کوئے نہ آئیا۔ مندر محل سُہائے محراب، محبوُب اِکو نظری آئیا۔ سچ پیاریاں دیوے خِطاب، مُخاطب ہو کے آپ جنائیا۔ سَت سچ دسّ آداب، سِکھیا سِکھ اِک اِک نال رکھائیا۔ کِرپا کر گُروُ مہاراج، مِہر نظر اِک اُٹھائیا۔ پریم بھگتی دے کے داج، دؤلت دُھر دی جھولی پائیا۔ چار جُگ دا بدل رِواج، رستہ اپنا اِک سمجھائیا۔ ناتا توڑ کوُڑ سماج، بندھن وِچوں باہر کڈھائیا۔ بِنا پربھوُ توں دوُسر اوَر نہ کوئے ساک، سجّن سنگ نہ کوئے نِبھائیا۔ جو اُپجیا سو انت ہوئے خاک، تِھر رہن کوئے نہ پائیا۔ گُرمُکھاں ہِردا کرے پوِتر پاک، پتت پُنیِت آپ بنائیا۔ جھگڑا میٹ جگت ذات، دیِن دُنی پندھ مُکائیا۔ سَت سچ دے اِخلاق، دھرم دھار اِک وکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کمائیا۔ شہنشاہی سمت کہے میَں پنج ویکھاں پنچائن، پنچ پرپنچ کھوج کھوجائیا۔ کھیل تکاّں پربھوُ نرائن، جو نر نِرنکار رہیا کرائیا۔ جگت وِکار ویکھاں وہن، دیِن دُنی رہیا رُڑھائیا۔ کوٹاں وِچوں گُرمُکھ وِرلا دِسے پربھ دا سیَن، سجّن آپ بنائیا۔ جگت ناتا ویکھ طرفَین، پاسا پُشت گئے بدلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ میلا لئے مِلائیا۔ سمت پنج کہے کی رام رہیا دسّ، تریتا اکھّ کُھلائیا۔ پربھوُ میرا دے دے حق، میرے رام رام دی دُہائیا۔ ویلا وقت پہنچیا سچ، سچ دیاں سمجھائیا۔ میَں ویکھیا اپنی اکھّ، پرتکھ دھیان لگائیا۔ جِس ویلے ایُدھیا وِچوں بنواسی ہو کے ہویا وکھ، بھرت شتروُگن تجائیا۔ کَیکئی پئی ہسّ، کُشلیا سُمترا نیَناں نیِر وہائیا۔ اُس ویلے پیار کرن والے بھگت سُہیلے جِنہاں انتر میرا تت، تت اپنا گئے بدلائیا۔ نیتر رو کے چرنیں ڈِگے جھٹ، بہُڑی بہُڑی کر سُنائیا۔ اسیں کِرسان تیرے پیار والے جٹّ، دوُجا گھر نہ کوئے وکھائیا۔ رسنا نال چرن لئے چٹّ، خُدی خُدی وِچوں پربھ کڈھائیا۔ سانوُں دے دے نام دا ہٹّ، خزانہ دُھر درسائیا۔ رام نے کِہا میرا رام وسے گھٹ گھٹ، ہر گھٹ رہیا سمائیا۔ اُنگل نال دِتا دسّ، اِشارہ زِمیں اسمان کرائیا۔ تریتا دواپر لنگھ جائے جھٹ، کلجُگ اپنا پندھ مُکائیا۔ پُرکھ اکال ہووے پرگٹ، نِرگُن اپنا پھیرا پائیا۔ لیکھا ویکھ پُرکھ سمرتھ، پردہ اوہلا دئے چُکائیا۔ جوت نوُر کرے لٹ لٹ، دو جہان ڈگمگائیا۔ جوتی جوت سروُپ ہرِ، آپ اپنی کِرپا کر، سچ کرنی کار کمائیا۔ کِرساناں کِہا ہے رام ساڈے سوامی، سچ تیری سرنائیا۔ تُوں سب دا انترجامی، بے پرواہ اکھوائیا۔ کیوں ایُدھیا کیِتی بیگانی، اپنا گھر تجائیا۔ جے کَیکئی کیِتی بے اِیمانی، دھرم دی دھار دے جنائیا۔ تیری
جوبن والی جوانی، راج گدّی رہیا تجائیا۔ اسیں تیرے پِچھے کریئے قُربانی، مر جیِوت روُپ وٹائیا۔ رام ہسّ کے کِہا میری نِکی جِہی مِہربانی، مِہر نظر اِک اُٹھائیا۔ سارے ہتّھ رکھو اُتے پیشانی، پِچھا اَگا دیاں سمجھائیا۔ جلوہ تکّو جوت نوُرانی، نوُر نوُرانہ سوبھا پائیا۔ جِس دی مُحبّت نہ ہووے پُرانی، پران ادھاری ویکھ وکھائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، مِہر نظر اِک اُٹھائیا۔ رام کِہا سُنو سَت سچ دی بات، باطن دیاں جنائیا۔ جِس ویلے آوے اندھیری رات، کلجُگ اندھیرا چھائیا۔ پرگٹ ہووے پُرکھ ابناش، مِہر نظر اِک اُٹھائیا۔ سچ سربنس کر واس، بنس اپنا اِک وڈیائیا۔ تُساں سب نے ہونا پاس، سگلا سنگ رکھائیا۔ سیوا کرنی نال وِشواس، وِشوَ دا مالک وِسر کدے نہ جائیا۔ تُہانوُں سدا رکھے یاد، جُگ چؤکڑی ہوئے سہائیا۔ تُہاڈا سب دا ہووے اِک سماج، اِکو گھر ملِے وڈیائیا۔ اِکو بنے دُھر دا باپ، اِکو جمّن والی مائیا۔ سَت سچ دا دئے اِتفاق، ناتا پریم نال بندھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کمائیا۔ کِرساناں کِہا کِس بِدھ ساڈا ہووے میل، سچ دے سمجھائیا۔ رام کِہا ایہہ میرے رام دا کھیل، جو ابُھل بُھل کدے نہ جائیا۔ جِس دا ناتا گُروُ گُر چیل، چیلا گُر ویکھ وکھائیا۔ آد جُگاد سجّن سُہیل، صاحِب سوامی نظری آئیا۔ جوتی جوت سروُپ ہرِ، آپ اپنی کِرپا کر، سچ کرنی کار کمائیا۔ سمت پنج کہے پربھ نے رام دے اندر دِتا ہلوُنا، تِنّ وار ہِلائیا۔ رام نے رام تَینوُں رکھیا اوُنا، بِنا رام توں رام پوُرن نظر کوئے نہ آئیا۔ تیرا رسنا جِہوا نال کوُنا، جگت والی سِکھلائیا۔ میرا کھیل سِل الوُنا، بِنا کِرپا توں چٹّن والا نہ کوئے اکھوائیا۔ جِس ویلے ترنتے توں بعد دواپرکُکرم ہووے دوُنا، کوُڑی کِریا وجےّ ودھائیا۔ دواپرتوں بعد کلجُگ سَت دھرم دا رہے کوئے نہ دھوُنا، سادھوُ سِدھ نہ کوئے وکھائیا۔ سَتگُر دی نِندیا گُرسِکھ کرن مُنہنا، رام دی رام دُہائیا۔ جوتی جوت سروُپ ہرِ، آپ اپنی کِرپا کر، سد میلا لئے مِلائیا۔ رام کہے میرے انتر سُرت سندیسہ رہیا آ، میرا رام رہیا جنائیا۔ میَں ایُدھیا چلیا تجا، بھانے وِچ اپنا جھٹ لنگھائیا۔ تُہاڈی یاد رہی ستا، سَت ستوادی ہو کے ویکھ وکھائیا۔ رام نے پنج ہنجھوُ وہائے کِہا ایہہ میرے تُہاڈے گواہ، شہادت دین بُھگتائیا۔ اجے رام، رام توں کرِشن، کرِشن توں ہونا خُدا، خُدا توں ستنام واہِگُروُ نام پرگٹائیا۔ سب دا مارگ ہونا جُدا جُدا، وکھّ وکھّ راہ تکائیا۔ انت پِھرنی دروہی اُتے بسُدھا، دھرنی دھرت دئے دُہائیا۔ جھوُٹھ دا ہونا یُدھا، سچ سِر نہ سکے اُٹھائیا۔ گُر اوتار پَیغمبر ہونا بُڈھا، صدی سدیوی نال مِلائیا۔ پھیر پربھ نے
بدلنا جُگا، جُگ کلجُگ انتم ویس وٹائیا۔ جِس نوُں یاد کر کے جائے بُدھا، نیتر رو رو دھیان لگائیا۔ جوتی جوت سروُپ ہرِ، آپ اپنی کِرپا کر، سچ میلا لئے مِلائیا۔ سمت پنج کہے میَنوُں نظر آئی اُتے تصویِر، سچ دیاں جنائیا۔ جِس ویلے رام نے گھتیا وہیِر، لچھمن سیِتا نال مِلائیا۔ سب دے نیَناں وگیا نیر، چھہبر اِک لگائیا۔ کِرساناں ہتّھ ماریا مستک جاندے رام ساڈی بدل جاہ تقدیِر، پِھر شاید درس کوئے نہ پائیا۔ رام نے پرتکے سجےّ چرن دے انگوُٹھے نال ماری لکیِر، اُتّر پوُرب دِتی کھِچائیا۔ تُہاڈی منگ کُچھ کلجُگ وِچ منگے کبیِر، غریِب نِمانا ہو کے واسطہ پائیا۔ تُساں بَیٹھنا نال دھیِرج دھیِر، دھرواس لیَنا رکھائیا۔ میری اِکو باد اشیر، اِشارے نال سمجھائیا۔ تُہاڈا واسا ہونا کول کشمیِر، پنج دی دھار وِچ سمائیا۔ جوتی جوت سروُپ ہرِ، آپ اپنی کِرپا کر، ساچا رنگ دئے رنگائیا۔ سمت پنج کہے جن بھگتو میَنوُں آ گیا پِچھلا چیتا، اکھّاں کھول کے ویکھ وکھائیا۔ جیہڑے کمّ کردے وِچ کھیتاں، دِوس رَین سیو کمائیا۔ اِنہاں دا رام والا ہیتا، پوُرب پِچھلا سوبھا پائیا۔ پُرکھ اکال بن کے نیتا، نر نرائن دئے وڈیائیا۔ رام مُحبّت والی بھیٹا، لیکھے اپنی جھولی پائیا۔ جن بھگت بنا کے دُھر دا بیٹا، سِر اپنا ہتّھ ٹِکائیا۔ تریتا دواپرجرم دا بدلیا ٹھیکا، کلجُگ ٹھاکر ہوئے سہائیا۔ جوتی جوت سروُپ ہرِ، آپ اپنی کِرپا کر، سچ میلا لئے مِلائیا۔ سمت پنج کہے رام دے وَیراگی، گُرسِکھ نظری آئیا۔ جِنہاں دی سوئی سُرتی جاگی، انتر ہوئی رُشنائیا۔ جگت ترِسنا تیاگی، ترےَگُن ڈیرہ ڈھاہیِا۔ اوہناں وِچوں پریم سِنگھ ہویا وڈبھاگی، بھاگ اپنا جھولی پائیا۔ ایشر سِنگھ بن کے عادی، حِصّہ رہیا ونڈائیا۔ اِندر سِنگھ وست امولک لادھی، گھر ساچے وجّی ودھائیا۔ ناظر سِنگھ سیوا کیِتی ڈاڈھی، سگلا سنگ وکھائیا۔ سُرجیِت کؤر سیِس دی لا کے بازی، بازاں والا ویکھ وکھائیا۔ گُرمیِت کؤر بچّیاں ہِردا سادھی، بلوِندر اپنا جوڑ جُڑائیا۔ جگجیِت سِنگھ من ممتا مار کے غازی، گُرمیِت سِنگھ اپنا رنگ رنگائیا۔ بھجن سِنگھ چھڈ کے بھائی بھَین ساتھی، ناتا آیا تُڑائیا۔ پرکاش کؤر جاگ کے راتی، انتر انتر رہی دِھیائیا۔ اِکو بچّی جِس نے مرنا سی آؤن والی ایس وساکھی، اُس دی زِندگی رہیا بدلائیا۔ بِندر نوُں دے کے پھیر حیاتی، جیِون جیِون وِچوں وکھائیا۔ جرنَیل سِنگھ چڑھ کے منزل گھاٹی، اپنا پَینڈا لیا مُکائیا۔ سُچا سِنگھ میٹ کے واٹی، لکھّ چؤراسی ڈیرہ ڈھاہیِا۔ مہِندر رکھ کے آسی، اصل اپنا راہ تکائیا۔ ہرنام کؤر چڑھے نہ پھاسی، بُھلی بھٹکی پار لنگھائیا۔ چھوٹی ننھی جیہڑی آیوُ آیوُ وِچوں سادھی، سادھنا آپ کرائیا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ
ٹِکائیا۔ سمت پنج کہے میَں تکدا رہیا راہ، جُگ جُگ دھیان لگائیا۔ رام بناؤندا رہیا گواہ، شہادت دیاں بُھگتائیا۔ ہرجیِت جو ماتا پِتا چھڈ کے گیا آ، دھناڈھ پِچھلا نظری آئیا۔ سُکھونت پِچھلے بخشا کے گُناہ، رام دی نِگاہ رام وِچ ٹِکائیا۔ چھوٹی ننھی جِس دا ہور نہیں کوئی ساتھی، پِچھلے جنم دی مائیا۔ منزل پندھ مُکا کے واٹی، گھر ساچے سوبھا پائیا۔ جوتی جوت سروُپ ہرِ، آپ اپنی کِرپا کر، سچ کرنی کار کمائیا۔ سمت پنج کہے میَں دسّاں حال تمام، بھیوَ ابھید کُھلائیا۔ جیہڑی سیوا کرے کؤر وریام، پریِتم سِنگھ دی پِچھلے جنم دی مائیا۔ ایہنے رام نوُں جان لگّیاں تِنّ ویر کیِتا پرنام، تِنّ جُگاں دا لیکھا دِتا چُکائیا۔ اوس ویلے ایہدے کُچھڑ سی بچّہ نادان، جِہدے مستک زِمیں توں دھوُڑی دِتی لگائیا۔ نالے رو کے کِہا میرے رام، اپنا رام دینا مِلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دیونہار سرنائیا۔ سمت پنج کہے مل سِنگھ ہُندا سی پُجاری، بِشن سِنگھ دھوُپیا نال مِلائیا۔ جُگِندرہندی سی کنّیا کواری، اِشٹ رام دا اپنے اِشٹ وِچ رکھائیا۔ بھان سِنگھ لاؤندا ہُندا سی تاڑی، نؤ مِنٹ اکھّ دبائیا۔ امیِر چند پِھردا ہُندا سی وِچ اُجاڑی، رام رام رام کوُک کوُک سُنائیا۔ سُلکھّن سِنگھ نؤ وار رام دے اَگے پِچھے ہویا پِچھاڑی، پِچھا اَگے اَگے بدلائیا۔ جوتی جوت سروُپ ہرِ، آپ اپنی کِرپا کر، سچ کرنی کار کمائیا۔ سمت پنج کہے دلیِپ سِنگھ ہُندا سی دوہرا موٹا، ویس کِرساناں والا رکھائیا۔ تیڑ رکھدا ہُندا سی لنگوٹا، چیِتھڑ پُرانے سوبھا پائیا۔ انّ کھاندا سی اِک ٹوپا، چؤداں گھنٹے سؤں کے جھٹ لنگھائیا۔ رام وِچھڑن لگّیاں اِس نے بھریا زور دا ہؤکا، ہائے رام کر سُنائیا۔ پھیر کدوں مِلیگا مؤقع، مِہربان دینا جنائیا۔ رام خوشی نال کِہا میرا رام تُہاڈا سب دا سمبھالے مؤقع، مِہر نظر اُٹھائیا۔ جوتی جوت سروُپ ہرِ، آپ اپنی کِرپا کر، ساچا رنگ دئے رنگائیا۔ سمت پنج کہے رتن سِنگھ ہُندا سی سادھوُ رتّا، رتُّو کہہ کے سارے گائیا۔ اندرے اندر پکاؤندا سی متا، رسنا کہہ نہ کُجھ سُنائیا۔ انت اَخیِر رام نوُں ٹیک کے متھا، دھوُڑی چرن خاک رمائیا۔ بھیٹا کر کے اِک ٹکا، نیَناں نیِر وہائیا۔ رام ہسّ کے کِہا اُٹھ کِرسان جٹّا، تَینوُں دیاں دِرڑائیا۔ تیری بھیٹ دا میرا رام دیوے وٹّا، بدلہ تیری جھولی پائیا۔ جنم جنم دا لاہا کھٹا، کرم کرم دا لیکھ مُکائیا۔ کِرپا کرے پُرکھ سمرتھا، مِہر نظر اِک اُٹھائیا۔ جوتی جوت سروُپ ہرِ، آپ اپنی کِرپا کر، ساچا رنگ دئے چڑھائیا۔ سمت پنج کہے کشمیِر سِنگھ ہُندا سی بھولا بھالا، عمُر ستاراں سال وکھائیا۔ کدی ہسّ پئے کدی کڈھے گالاں، چاروں کُنٹ ویکھ وکھائیا۔ پھیر اَگے بھجّ کے سب نوُں
کِہا میرا تُہاڈے نالوں رام باہلا، گھُٹ کے جپھی لئی پائیا۔ پھیر پِچھے آ گیا مار کے چھالا، اپنا پندھ مُکائیا۔ پھیر رو کے کِہا میَں تیرا بالا، تیری اوٹ تکائیا۔ رام نے کِہا تُہاڈا مالک پُرکھ اکالا، سب دا پِتا مائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کمائیا۔ سمت پنج کہے میَں ویکھیا کرتار سِنگھ دا لیکھا، پِچھلا کھوج کھوجائیا۔ جِس ویلے رام چھڈیا دیسا، ایُدھیا رہیا تجائیا۔ اِس بدل کے اپنا ویسا، روُپ رنگ لیا وٹائیا۔ کھول کے اپنیاں کیساں، سِر گھٹّا لیا پائیا۔ مُکھوں کِہا رام ساچے رام دا بنا دے بیٹا، جِتھے اوَر کوئے نہ مائیا۔ رام کِہا تُہاڈا بنس ہووے ایکا، ایکنکار ہووے سہائیا۔ جوتی جوت سروُپ ہرِ، آپ اپنی کِرپا کر، سچ میلا لئے مِلائیا۔ سمت پنج کہے جِس ویلے پہلا قدم چُکیا رام اوتار، نِگاہ سب دے ولّ ٹِکائیا۔ اوس ویلے رام دا سیوک ہُندا سی سِنگھ بلکار، نیتر رو کے نیِر وہائیا۔ نالے گُروُ میرے نالے یار، کیوں یارانہ چلیا تُڑائیا۔ رام نے کِہا میرا رام سب نوُں لئے سنبھال، سمبل اپنا پھیرا پائیا۔ لیکھا ویکھے شاہ کنگال، کوجھے کملے گود اُٹھائیا۔ جوتی جوت سروُپ ہرِ، آپ اپنی کِرپا کر، سچ میلا لئے مِلائیا۔ سمت پنج کہے اوس ویلے برکھا برسی تھوڑی اِندر، اِندراسن دھیان لگائیا۔ خوشی وِچ ہسّ پئی اوس ویلے دی کنّیا ایس ویلے دی چِھندر، خوشی خوشی پرگٹائیا۔ مستک لائی بِندن، دھوُڑی خاک بنائیا۔ سرِشٹی نوُں لگّی نِندن، کوُک کوُک دُہائیا۔ جوتی جوت سروُپ ہرِ، آپ اپنی کِرپا کر، سد اپنی کار کمائیا۔ سمت پنج کہے رام دے تُرن لگّیاں آسا رکھی اِک تیاگی، جو کِرساناں وِچ سوبھا پائیا۔ رام ساڈی سُرت جائیں سادھی، سادھنا اِک رکھائیا۔ میلا میلیں رام آدی، جو آد انت ویکھ وکھائیا۔ جِس دی کھیل سدا جُگادی، جُگ جُگ کار کمائیا۔ جِس طرح تُوں گھر دی کر چلیا بربادی، اپنے رام پِچھے آرام اپنا تجائیا۔ ایہو جِہی ساڈی وی کر دے وادی، موہ مُحبّت کوُڑ رہے نہ رائیا۔ رام نے کِہا اِک وار لگا سمادھی، نیتر نیَن بند کرائیا۔ جِس ویلے کلجُگ آوے اندھیری راتی، چاروں کُنٹ اندھیرا چھائیا۔ اُس ویلے تیری ضرور ہووے شادی، تیاگی کنّیاں روُپ وٹائیا۔ تیری زِندگی دی ویکھ کے بازی، بازاں والا ہوئے سہائیا۔ تیری آتم جائے سادھی، پتت پُنیِت کرائیا۔ تیری لیکھے لگّے اِک اِک ہاڈی، ناڑی ناڑی کھوج کھوجائیا۔ پر یاد رکھیں سرِشٹی چھڈنی بڑی ڈاڈھی، منزل بےپرواہیِا۔ اُس ہسّ کے کِہا جِس ویلے پریِت پربھوُ نال لاگی، لگ ماتر فرق رہے نہ رائیا۔ بنس سربنس دِسے کوئی نہ ساتھی، جگت سنگ نہ کوئے بنائیا۔ رام نے پُشت پناہ دِتی تھاپی، سِر اپنا ہتّھ ٹِکائیا۔ اُنگل نال لِکھی
پاتی، اکھّر اکھّراں اُتے سُہائیا۔ تیرا جیِون بدلے بدلے حیاتی، جنم کرم دا ڈیرہ ڈھاہیِا۔ دُھر دے رام دی سیوا کرنی ہتّھ مار کے چھاتی، شہنشاہ ہو سہائیا۔ ایسے کر کے چرنی دی پوُری کیِتی آسی، آسا پِچھلی نال مِلائیا۔ گُرسِکھ سَتگُر پِچھے بھاویں کوٹن وار چڑھ جائے پھاسی، پھاسی دی مؤت سزا دیوے نہ کوئے سزائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کمائیا۔ سمت پنج کہے جِس ویلے سب نے کیِتا شوک، سوگ وِچ کُرلائیا۔ رام دا ہُندا سی اِک پروہت، جو دچّھنا لےَ کے جھٹ لنگھائیا۔ اوہ ہتّھ وِچ پھڑ کے جگت والی جوت، سب نوُں رہیا وکھائیا۔ ویکھیو رام دی رام کولوں چھڈیو کدے نہ مؤج، مجلس اپنے اندر رکھائیا۔ بے شک چھڈ چلیا لشکر شاہی تخت تاج تے فؤج، جن بھگتاں وِسر کدے نہ جائیا۔ ایس جنم وِچ جِس دا نام اشوک، چھوہر بانکا سوبھا پائیا۔ جوتی جوت سروُپ ہرِ، آپ اپنی کِرپا کر، سچ کرنی کار کمائیا۔ سمت پنج کہے میَں سُناواں ورنو برنو، برہم دھار جنائیا۔ پربھ دی منگو اِکو سرنو، سرنگت سرنائیا۔ جِس ویلے رام وِچھڑیا چرنو ہٹی نہ لڑنوں، کوُک دِتا سُنائیا۔ میَں ڈرنا نہیں مرنوں، اِکو تیری بےپرواہیِا۔ جوتی جوت سروُپ ہرِ، آپ اپنی کِرپا کر، سد اپنا رنگ رنگائیا۔ سمت پنج کہے جِس ویلے رام پُٹیا قدم، بنباس ولّ اُٹھائیا۔ ننگیں پَیریں نظری آیا پدم، سارے سیِس نِوائیا۔ سب دا کمب گیا بدن، اُف ہائے دُہائیا۔ رام چھڈ گیا وطن، بے وطن اپنا پھیرا پائیا۔ چھوٹا بچّہ جوگا جِس نے کِہا اِک واری پھیر کر لؤ یتن، سارے سیِس نِوائیا۔ نیتر رووو اکھّن، نیِر دیؤ وہائیا۔ رام ساڈے آ جا وطن، کنارہ تٹ اِک سُہائیا۔ تیرے دوارے ساچے وسن، ایُدھیا سوبھا پائیا۔ سارے لگّ پئے آکھن، اُچی سوبھا پائیا۔ رام نے کِہا میَں سدا تُہاڈا ساتھن، دُھر دا سنگ بنائیا۔ جوتی جوت سروُپ ہرِ، آپ اپنی کِرپا کر، سچ کرنی کار کمائیا۔ سمت پنج کہے جو گُرمُکھ سیوا کردے، دِوس رَین سیو کمائیا۔ تُوں میرا میَں تیرا ڈھولا پڑھدے، سوہنگ راگ اگمّ اتھاہیِا۔ نِت سویرے درشن کردے، سندھیا وجےّ ودھائیا۔ مالک بن کے ساچے گھر دے، درگاہ ساچی سوبھا پائیا۔ منزل اوس اگمّی چڑھدے، جِتھے جگے جوت الاہیِا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ سمت پنج کہے رام نے پہلا قدم پُٹیا، پٹنے والا نظری آئیا۔ پھیر مُڑیا پُٹھیا، ساڈھے تِنّ قدم پندھ مُکائیا۔ اوس ویلے سچ پریم وِچ ننھی بچّی پھڑیا گُٹیا، جِس نوُں دوِندر کہہ کے نام لیا رکھائیا۔ بلوِندر پھڑ کے ہتّھ دی مُٹھیا، اُنگلاں لئیاں دبائیا۔ سانوُں دے دے کُچھیا، مِہر نظر اُٹھائیا۔ رام کِہا
میرے پُتیا، تُہاڈا رام ہووے سہائیا۔ پھڑ کے گوبِند چُکیا، اپنے انگ لگائیا۔ جوتی جوت سروُپ ہرِ، آپ اپنی کِرپا کر، سچ کرنی کار کمائیا۔ سمت پنج کہے میَں ویکھیا کھیل اپارا، اپرمپر دیاں جنائیا۔ جِس ویلے رام نے پِچھا پرتیا دوبارہ، اپنا مُکھ بھوائیا۔ اوس ویلے جو دھرم دی دھارہندا سی سچّیارا، برہم وِدیا وِچ چتُرائیا۔ اوس کر کے نِمسکارا، سیِس دِتا نِوائیا۔ رام آہ ویکھ روندے زارو زارا، نیتر نیَناں نیِر وہائیا۔ رام نے کیِتا اگمّ اِشارہ، اندرے اندر دِتا جنائیا۔ سب دا مالک ایکنکارا، اِک اِکلّا سوبھا پائیا۔ جو کل کلکی لئے اوتارا، نِہکلنکا ناؤں رکھائیا۔ اوہ تُہاڈا بنے سہارا، سِر اپنا ہتّھ رکھائیا۔ ایسے کارن امرجیِت ہویا دُلارا، گوبِند میلا سہج سُبھائیا۔ اوس ویلے ایہدیِاں ہُندیِاں سی دو ناراں، جاگیِر کؤر منجیِت روُپ وٹائیا۔ ایہناں سمجھیا نہ کوئے اِشارہ، سیِس جگدیِش نہ کوئے نِوائیا۔ جوتی جوت سروُپ ہرِ، آپ اپنی کِرپا کر، سچ کرنی کار کمائیا۔ رام کِہا ساڈا کر شُکر، شُکُرانہ دُھردرگاہیِا۔ جِس نے اپنی دھاروں آؤنا اُتر، اُتّر پوُرب پچھّم دکھّن نظر کِسے نہ آئیا۔ اُس دا گوبِند ہونا پُتر، سوُربیِر وڈیائیا۔ سب نوُں آئے گودی چُکن، اپنا پھیرا پائیا۔ جِس ویلے کلجُگ پَینڈا ہووے مُکن، اپنا پندھ مُکائیا۔ جوتی جوت سروُپ ہرِ، آپ اپنی کِرپا کر، سچ کرنی کار کمائیا۔ جِس ویلے رام نے قدم اَگے لئے نؤں، پَیر پَیر نال بدلائیا۔ پھیر پِچھا ویکھیا بھؤں، نیَن نیَن آپ اُٹھائیا۔ انتر انتر آیا چاؤ، خوشی خوشی وِچوں پرگٹائیا۔ سارے پربھ دے ڈھولے گاؤ، سوہنا راگ الائیا۔ گھراں نوُں جانا نال چاؤ، غمی رہن کوئے نہ پائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کمائیا۔ اوس ویلے ایُدھیا وِچ اِک ہُندا سی اتیِت، ترےَگُن دا ڈیرہ ڈھاہیِا۔ رام نال اوس دی پریِت، تِنّ ویراں روز مِل کے جھٹ لنگھائیا۔ رام ہتّھ رکھ کے سیِس، سِر چھاتی نال ٹِکائیا۔ خوشی نال کِہا میَں کراں بخشیِش، رحمت جھولی پائیا۔ جِس ویلے میرا رام آوے جگدیِش، لوک مات ویس وٹائیا۔ گوبِند دھار بدل کے ریِت، لیکھا جانے تھاؤں تھائنیا۔ تیرا ناؤں ہووے سُرجیِت، سِنگھ صاحِب دیوے سرنائیا۔ کِسے کولوں منگنی نہ پئے بھیِکھ، مِہر نظر اِک اُٹھائیا۔ پھیر رام نے نِگاہ مار کے کِہا میَں کراں تصدیِق، شہادت اِک بُھگتائیا۔ جوتی جوت سروُپ ہرِ، آپ اپنی کِرپا کر، سد اپنا رنگ رنگائیا۔ رام نے کِہا تیرا لہنا میرا اُدھار، سچ دیاں جنائیا۔ تیرا نام ہونا جُجھار، جوُجھ کے دینا وکھائیا۔ پھیر پُرکھ اکال پاوے سار، دیِن دَیال دَیا کمائیا۔ مات لوک کر اُجیار، سِر اپنا ہتّھ ٹِکائیا۔ پِچھلا لیکھا لےَ وِچار، جُگ چؤکڑی کھوج کھوجائیا۔ بل باوَن پاوے سار،
سَتجُگ اپنا رنگ رنگائیا۔ جِس کنّیا کیِتا پیار، بھوجن بھاوَ وِچ وڈیائیا۔ اُس دا لیکھا تیرے نال سنسار، ناتا میلے سہج سُبھائیا۔ ایسے کارن گُردرشن بنی دھرم دی نار، جوتی جوت سروُپ ہرِ، آپ اپنی کِرپا کر، دیونہارا ساچا ور، سد اپنا رنگ رنگائیا۔ سمت پنج کہے جِس ویلے رام نے انت کیِتی سب نوُں پرنام، ہتّھ جوڑ کے سیِس نِوائیا۔ جاؤ اپنے گھر کرو آرام، سُکھ ساگر وِچ سمائیا۔ چھوٹے بچّے ہُندے بڑے شیَطان، اوہناں رؤلا دِتا پائیا۔ واہ ساڈے بھگوان، نِکیاں نالوں کر کے چلیا جُدائیا۔ سانوُں کُچھ دے دے پیِن کھان، رسنا رس چکھائیا۔ نہیں تے تیرا گاواں گے گان، رام رام ساڈا پِتا مائیا۔ اوہناں وِچوں چھ ہوئے پردھان، بھجّ کے اَگے گئے آئیا۔ رام نے خوشی نال پھڑ کے کان، چاروں کُنٹ دِتے بھوائیا۔ اوہ رو کے لگّے شور مچان، اُچی کوُک کوُک سُنائیا۔ اسیں تاں تیرے کولوں لیَنا پیِن کھان، دوُجے در منگن نہ جائیا۔ جوتی جوت سروُپ ہرِ، آپ اپنی کِرپا کر، سچ کرنی کار کمائیا۔ سمت پنج کہے کُچھ سانوُں دے دے جھوُنگے، اپنے کولوں آپ ورتائیا۔ اسیں چار کُڑیاں تے دو مُنڈے، بُہتے نظر کوئے نہ آئیا۔ تیرا نام گاؤندے، ڈھولا صِفت صالاحیِا۔ اُچی اُچی شور مچاؤندے، کرن حال دُہائیا۔ جوتی جوت سروُپ ہرِ، آپ اپنی کِرپا کر، سد اپنا رنگ رنگائیا۔ رام نے کِہا آو تُہانوُں دیاں کھوا، سوہنا رس چکھائیا۔ بچّیاں کِہا سانوُں پہلوں وکھا، اپنے ہتّھ اُٹھائیا۔ رام کِہا تُسیں نیَن بند لؤ کرا، اکھّیں ویکھن کوئے نہ پائیا۔ بچّے کہن کِتے دیویں نہ کوئے دوا، مُکھ کؤڑا دئیں کرائیا۔ رام کِہا نہیں میَں مُردیاں دیاں جگا، جاگرت جوت رُشنائیا۔ سِر تُہاڈے ہتّھ ٹِکا، مِہر نظر اُٹھائیا۔ جِس ویلے آوے بے پرواہ، بے پرواہی وِچ سمائیا۔ اُس دی جھولی دیواں پا، جو لیکھا ویکھے تھاؤں تھائنیا۔ سچ بھوجن نام ادھار تُہاڈے رسنا دیوے لگا، جنم توں پہلوں نام پربھ دا جپے تُہاڈی مائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کمائیا۔ ایسے کر کے اجّ دے لیکھے وِچ بچّے اوہ چھ، چھ در سوبھا پائیا۔ پرمجیِت ستبیر پُرانا نینہ، نر نرائن ہوئے سہائیا۔ جِندر بلجیِت وَیراگ بِرینہ، بِرہوں وَیراگی دئے مِلائیا۔ گُلزار لیکھا گُلزار سِہہ، پوُرب کرِشن رنگ چڑھائیا۔ بھولی بھولی بھالا جِس دا اُس سمیں اِکو دیؤ، دوُجا نظر کوئے نہ آئیا۔ رام کِہا رام پیاریو تُہاڈا میرا رام اگمّ پِیو، پِتا اِکو نظری آئیا۔ اِکو دوار سارے رِہو، وڈّا چھوٹا نہ کوئے رکھائیا۔ سمت پنج کہے ایہہ کھیل الکھ ابِھاو، پربھ ساچا آپ جنائیا۔ اپنا لہنا
سارے لیو، دیونہار اِک اکھوائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، سرن سرن سرنگت سدا رِہو، رہبر آد انت دا نظری آئیا۔
پرسادِ کہے میَنوُں آ گئی گلّ چیتے، چِتونی سب دی دیاں مِٹائیا۔ رام وِچھڑیاں سب نوُں بُھل گئے سؤہرے پیکے، سئیاں نظر کوئے نہ آئیا۔ اِک دوُجے ولّ سارے رہے ویکھے، اکھّاں اکھّاں نیِر وہائیا۔ ایُدھیا دا ٹھیکے دار جیہڑا وڈّے چھوٹے لیَندا سی ٹھیکے، ٹھیِکیداری وِچ اپنا جھٹ لنگھائیا۔ اوہ لےَ کے پنج مُہراں بھیٹے، راہ اَگے دِتیاں ٹِکائیا۔ رام نے اپنی کمر وِچ لئیاں لپیٹے، ول بستر والا پائیا۔ جوتی جوت سروُپ ہرِ، آپ اپنی کِرپا کر، سد اپنی کار کمائیا۔ رام کِہا ٹھیکے دار تیرا میلا ٹھاکر، جگت ٹھاکراں دی پوُجا رہے نہ رائیا۔ جیہڑا ساڈا سب دا ساگر، گہر گمبھیِر اکھوائیا۔ جنم کرم کرے اُجاگر، دُرمت مَیل دھوائیا۔ جُگ جُگ نام دا بنے سؤداگر، ونج ونجارا دُھر درگاہیِا۔ سوُربیِر ہوئے بہادر، تیج اپنا پرگٹائیا۔ اوسے نوُں کہن کریِم قادر، کرتا نوُر الاہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، گھر ساچا ویکھ وکھائیا۔ رام کہے میَں کیِتی مِہر، مِہر نظر اُٹھائیا۔ جِس ویلے میرا رام بن کے آیا دُھر دا شیر، بھبک دو جہان سُنائیا۔ گُر اوتار پَیغمبر لئے گھیر، چاروں کُنٹ ویکھ وکھائیا۔ تیرا لہنا دینا دئے نِبیڑ، باقی اوَر رہے نہ رائیا۔ ایسے لہنے وِچ سیوا کردا سِنگھ کیہر، کیہر سِنگھ اپنا رنگ چڑھائیا۔ جُگ بدلنا پربھ دا ہیر پھیر، بھیوَ ابھید سمجھ کوئے نہ آئیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ساچا میلا رہیا مِلائیا۔
پریم سِنگھ کہے گُرسکھو میَں آیا ہسدّا، ہسدّا ہسدّا سیِس نِوائیا۔ میَں شبد سُنیا بھگتاں دے جس دا، جِس نوُں سمجھ نہ سکن وید پُران رائیا۔ وِشن برہما شِو میَنوُں سہجے سہجے دسّدا، کی کرتا کار کمائیا۔ میَں کِہا کھیل ویکھو اُس سمرتھ دا، جِس تُہاڈی بنت بنائیا۔ روُپ دھار کے جٹّ دا، جٹا جوُٹاں ڈیرہ ڈھاہیِا۔ جھگڑا رہن نہیں دینا دیِن مذہب وٹّ دا، لیکھا سب دا صاف کرائیا۔ جوتی جوت سروُپ ہرِ، آپ اپنی کِرپا کر، سچ کرنی کار کمائیا۔ پریم سِنگھ کہے گُرمُکھو کریو نہ کوئے اُداسی، چِنتا نہ کوئے بنائیا۔ میَنوُں
جن بھگت سارے مِل گئے ساتھی، سچکھنڈ بَیٹھے ڈیرہ لائیا۔ اِکیاں وِچوں میَنوُں پہلوں مِلی تھاپی، سیوا میری اپنے لیکھے پائیا۔ اَگے گُرمُکھ ویہہ رہندے باقی، جے ناں دسّاں شاید ڈر کے سارے بیننتی دین سُنائیا۔ میَں چاہُندا اوہ چھڈ جگت والی حیاتی، سچکھنڈ آون چائیں چائنیا۔ جِتھے اِکو جوت نوُر پرکاشی، اندھ اندھیر رہیا نہ رائیا۔ گرِہ مندر بہہ کے اپنے کھاٹی، سیج سُہنجنی ڈیرہ لائیا۔ میَں سندیسہ دیواں سچ سندیس پاتی، پترکا اِک سُنائیا۔ جن بھگتو صاحِب سَتگُر دی سدا منّو آکھی، اِس توں وڈّی بھگتی نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، ایکا دِتا دُھر دا ور، میرا لہنا دینا لیکھا سب توں پہلاں میری جھولی پائیا۔
۱۶ جیٹھ شہنشاہی سمت ۵ گُرمُکھ سِنگھ دے گرِہ پِنڈ بھلائی پُر ڈوگراں ضِلع امرتسر
سمت پنج کہے میرا مِہربان خُدا، جُگ چؤکڑی ویس وٹا، کرنی کرتا کار کمائیا۔ دُھر سندیسہ دئے سُنا، حق حقیِقت سمجھائیا۔ جِس دا میَں تکدا رہیا راہ، نِت نوِت دھیان لگائیا۔ سو ویکھنہارا تھاؤں تھاں، تھان تھننتر کھوج کھوجائیا۔ جُگ جنم دے وِچھڑیاں پکڑے بانہہ، سِر اپنا ہتّھ ٹِکائیا۔ کوٹ جنم دے بخش گُناہ، پتت پُنیِت دئے کرائیا۔ جِس نوُں کہندے حق الاہ، آد جُگاد نوُر خُدائیا۔ سو حُکم سندیسہ رہیا سُنا، دُھر دی دھار اِک جنائیا۔ تیج بھان بنیا ہووے بہادر شاہ، لیکھا گوبِند والا دِرڑائیا۔ چوبدار تِنّ رلا، جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ میلا لئے مِلائیا۔ سمت پنج کہے بہادر شاہ چُکاؤنا لیکھ، بھوِکھت دئے گواہیِا۔ ہرِ گوبِند لئے ویکھ، گوبِند سَتگُر پردہ لاہیِا۔ پوُرب جانے بھیت، اگلا آپ کُھلائیا۔ ساچا کر کے ہیت، لہنا جھولی پائیا۔ دیوے نام سندیس، کلمہ سچ جنائیا۔ رام دوارے ہونا پیش، پیشتر اپنی کار کمائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ کرنی کار کمائیا۔ سمت پنج کہے میَں ویکھ ہویا ممنوُن، کی کرتا کار کمائیا۔ جِس دا جُگ چؤکڑی قانوُں، قاعدہ باقاعدہ اِک سمجھائیا۔ سندیسہ دیوے نہ معلوُم، جِس نوُں سمجھے کوئے نہ رائیا۔ دیِن دُنی ہوئی معصوُم، مسلہ حل نہ کوئے کرائیا۔ بھیوَ ابھیدا جنائے مضموُن، جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ میلا لئے مِلائیا۔ سمت کہے جِس ویلے بہادر شاہ کیِتی پُکار، گوبِند سیِس نِوائیا۔ اُس ویلے کیِتا اگمّ اِقرار، اپنا لیکھ نہ کوئے بنائیا۔ جگت شہنشاہ رہنا خبردار،
نیتر بند نہ ویکھ وکھائیا۔ سوہنا حُکم اُس پروردِگار، جِس نوُں محمد سجدہ سیِس جھُکائیا۔ بُھل نہ جانا وِچ سنسار، سنسا رہے نہ رائیا۔ جوتی جوت سروُپ ہرِ، آپ اپنی کِرپا کر، ویکھنہارا تھاؤں تھائنیا۔ گوبِند کِہا شاہ بہادر، شہنشاہ دئے وڈیائیا۔ انت رہے کوئی نہ ثابت، صبوُری ہتّھ کِسے نہ آئیا۔ جِس نوُں لِکھے کوئی نہ کاتب، اوہ لیکھا اپنے وِچ چُھپائیا۔ کلجُگ انتم کرے مُخاطب، سچ سوامی پردہ لاہیِا۔ جِس ویلے اوتار پَیغمبراں گُروُآں رہیا نہ کوئے تعاقب، پُشت پناہ ہتّھ نہ کوئے ٹِکائیا۔ من افغانی کرے بغاوت، مرد جوان کمّ کِسے نہ آئیا۔ فیِل چلاوے نہ کوئے مہاوت، گج قدم نہ کوئے اُٹھائیا۔ سچ کرے نہ کوئے سخاوت، رحمت حق نہ کوئے کمائیا۔ دیِن دُنی رہے نہ سچ بناوٹ، کوُڑی دِسے شہنشاہیِا۔ کرم کرم کرے عداوت، دھرم دھرم نال لڑائیا۔ اُس ویلے تیری بُھگتاؤنی اِک شہادت، گوبِند شبد نال جنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ میلا لئے مِلائیا۔ گوبِند کِہا سُن شاہ بہادر بندھوُ، بِن بندگی دیاں جنائیا۔ پربھ دا لہنا دینا دھار سِندھوُ، سِندھ ساگر سیِس نِوائیا۔ لہنا پوُرا کرنا چندوُ، تیرا لیکھا انت گنائیا۔ جو درویش بنیا چندوُ، چند چاندنا نوُر چمکائیا۔ نِمک حرام ویکھنا گنگوُ، چارے کُنٹ ویکھ وکھائیا۔ پردہ لاہُنا جو نانک چاریِاں مجھّوُ، پالی بن کے سیو کمائیا۔ سُن حُکم انوکھا چھندوُ، جگت شاہ رہیا دِرڑائیا۔ جِس ویلے صدی چؤدھویں لنگھوُ، انت اَخیِر وکھائیا۔ بِنا خُدا توں رہے کوئی نہ دینا بندھوُ، بندھن سکے نہ کوئے تُڑائیا۔ دُھر دا کلمہ کوئے نہ ونڈوُ، ونڈاں حِصّے سب دے دئے کرائیا۔ ساچی منزل کوئے نہ لنگھوُ، دھرم دا قدم نہ کوئے اُٹھائیا۔ پُرکھ اکالا گُر اوتار پَیغمبراں لیکھا منگوُ، بچیا رہن کوئے نہ پائیا۔ لیکھا چُکائے عیسائی سِکھ مُسلم ہِندوُ، ہِندوائن پردہ لاہیِا۔ جگت وسیرا کر کے پِنڈوُ، پِنڈ اِنڈ برہمنڈ کھوج کھوجائیا۔ جگت جہان شاہ سُلطان ویکھ کے ٹِنگوُ، ٹِنگاں والیاں ڈیرہ ڈھاہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کمائیا۔ سمت پنج کہے پنج بنے ہوون مُغل، مُغلیِا خاندان وڈیائیا۔ جِنہاں دے مستک انتم گوبِند لائی اُنگل، اِشارہ گیا کرائیا۔ جِس ویلے کلجُگ آیا مُکن، انتم پندھ مُکائیا۔ پُرکھ اکالا بھگتاں آوے گودی چُکن، پھڑ باہوں گود اُٹھائیا۔ جگت جہان آوے لُکن، نیتر نظر کوئے نہ آئیا۔ بہادر شاہ تیری کُھلاوے بُکل، پردہ دئے لاہیِا۔ گوبِند سوُرا نال ہووے پُتر، پِتا پوُت رنگ سمائیا۔ درگاہوں ساچی آوے اُتر، اُتّر پوُرب پچھّم دکھّن سمجھ کِسے نہ پائیا۔ تُساں سب نے کرنا شُکر، شُکُرانے وِچ وڈیائیا۔ نال پھڑ کے لِیانا کُکڑ، رنگ چِٹا سوبھا پائیا۔ اِک
قصائی ہووے نال بُچڑ، ڈراؤنی اپنی شکل وکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ساچی کھیل وکھائیا۔ سمت پنج کہے ہاڑ ستاراں آؤندا، آوت آوت خوشی منائیا۔ پربھوُ کرے کھیل جگ بھاؤندا، جُگ کرتا کار کمائیا۔ جو کلمہ حق سُناؤندا، دُھر دی کرے پڑھائیا۔ سو وِچھڑیاں میل مِلاؤندا، پھڑ باہوں گود ٹِکائیا۔ ساچا سماں وقت سُہاؤندا، سُہنجنی رَین نال مِلائیا۔ بھگت سُہیلے نال رلاؤندا، ہرِجن دُھر دا جوڑ جُڑائیا۔ کرے کراوے جو ہرِ بھاؤندا، من منسا نہ کوئے وکھائیا۔ پتت پاپیِاں پُنیِت آپ کراؤندا، مِہر نظر اِک اُٹھائیا۔ دھرنی دھرت دھوَل ہِلاؤندا، برہمنڈ رہیا جگائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ پردہ آپ اُٹھائیا۔ ہاڑ ستاراں کہے بہادر شاہ گوبِند اَگے جھُکنا، جھُک جھُک سیِس نِوائیا۔ تیرے کولوں بچن اوہ پُچھنا، جو انتم دِتا سُنائیا۔ سَت دواریوں کدے نہ رُٹھنا، گوبِند گیا دِرڑائیا۔ مِہربان کولوں نہ لُکنا، جو نِگاہ مِہر نال ترائیا۔ جھگڑا میٹے کایا بُتنا، بُتُخانے ویکھ وکھائیا۔ انت اَخیِر اُس نے پُجنا لیکھا سب دے کولوں پُچھنا، بچیا نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ میلا آپ مِلائیا۔ ستاراں ہاڑ کہے گوبِند حُکم ہویا قلم بند، باہر سکے نہ کوئے سمجھائیا۔ بہادر شاہ تیرے پِچھے کر کے جنگ، جگہ بجگہ کیِتی صفائیا۔ میرے نِیلے دا ویکھ تنگ، جو شہادت رہیا بُھگتائیا۔ کُچھ اندرے اندر منگ، مانگت ہو کے جھولی ڈاہیِا۔ اُس رو کے منگیا انتم سنگ، دُھر دا سنگ بنائیا۔ تکّیا ولّ چند، تاریاں اکھّ اُٹھائیا۔ گوبِند کِہا ایس توں پرے لنگھ، اِنہاں کی چتُرائیا۔ حَیران نہ ہوئیں دنگ، پریشانی نہ کوئے وکھائیا۔ کھیل صاحِب سوُرا سربنگ، سَتگُروُ نوُر الاہیِا۔ کوئی جگت شاہ دا چند، جو جمےّ انت مر جائیا۔ میَں دھرم دھار پابند، نِت نِت ویکھ وکھائیا۔ میرا کھیل وِچ برہمنڈ، وربھنڈ کار کمائیا۔ جِس ویلے صدی چؤدھویں جائے لنگھ، مُحبّت آسا محمد ویکھ وکھائیا۔ نام سندیسہ دیوے برنگ، مُہر مہر نہ کوئے لگائیا۔ سندیسہ دینا شاہی دھار پلنگ، تِلکدھاری نہ کلمہ دِرڑائیا۔ جوتی جوت سروُپ ہرِ، آپ اپنی کِرپا کر، سد اپنا پردہ لاہیِا۔ سمت پنج کہے بہادر شاہ اُدھار، گوبِند دئے چُکائیا۔ پھیر نیِتی بدلے وِچ سنسار، حُکم اگمّ اتھاہیِا۔ پوُرب قرض اُتار، طرز کرے صفائیا۔ سوہنا لگّا دربار، دروازہ اِک جنائیا۔ گُر اوتار پَیغمبراں کر کے خبردار، ہوشیاری وِچ دئے جنائیا۔ تُہاڈے اُتے رہیا نہ کِسے اِعتبار، بے اِعتباری ہوئی لوکائیا۔ اَگے سب کُچھ اُس دے اختیار، جو مختیارنامے تُہاڈے ہتّھ پھڑائیا۔ آو
کر لؤ دیِدار، دیِدہ دیِد خوشی منائیا۔ جاؤ چرن کوَل بلہار، بلہاری سیِس نِوائیا۔ خوشیاں نال ویکھنا ستاراں ہاڑ، ہر ہِردے دے جنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، دھرم دی دھار لا دربار، جگت شاہی دا لیکھا پوُرا کرے سنسار، سمیں سار ویکھنہارا تھاؤں تھائنیا۔
۱۸ جیٹھ شہنشاہی سمت ۵ دلیِپ سِنگھ دے گھر پِنڈ بابوُپُر ضِلع گُرداس پُر
سمت پنج کہے بہادر شاہ دے نال اِک چُغل ہووے خاندانی، خالص اپنا روُپ بنائیا۔ چُغلی مارنی اُس دی منزل ہووے روُحانی، جگت کار کمائیا۔ مذہب شرع دی انتر ہووے بے اِیمانی، مُتعصّب وِچ کُرلائیا۔ جگت دُنی دِسے بیگانی، سنگی سچ نہ کوئے جنائیا۔ پِھردا ہووے وِچ مَیدانی، چاروں کُنٹ ویکھ وکھائیا۔ اُس دا لہنا دسّنا گوبِند نال آسانی، اصل اپنا بھیوَ کُھلائیا۔ ایہہ کتھا کہانی پُرانی، پُران وید نہ کوئے جنائیا۔ پُرکھ اکال سب دا جان جانی، جاننہار نوُر الاہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کمائیا۔ سمت پنج کہے میَں ویکھنے پنج دھرم شہزادے، جِس نوُں شہنشاہ دئے وڈیائیا۔ اوہ ہوون اِکو ناں دے، نام نام وِچ وڈیائیا۔ بلدھاری ہوون اپنی بانہہ دے، بھاؤ وِچ نہ بھےَ رکھائیا۔ سُکھ لیَندے ہون اپنی ماں دے، ماں مِہٹر نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ میلا لئے مِلائیا۔ سمت پنج کہے میَں ویکھنے پنج پربھ مِیتے، مِتر مِتراں ویکھ وکھائیا۔ جِنہاں دے ویس اِکو جِہے ہون کیتے، کرنی پربھ دے نال رکھائیا۔ تیہہ سال دی آیوُ سب دی ہووے بیِتے، چھوٹا نظر کوئے نہ آئیا۔ سَت دھرم دا گاون گِیتے، گوبِند تیری بےپرواہیِا۔ ہتّھ رکھن وِچ کِھیسے، سجّا سہج نال ٹِکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ میلا لئے مِلائیا۔ سمت پنج کہے میَں ہونا تاں راضی، رازق رِزق رحیِم دے وڈیائیا۔ چار ورن دے گُرمُکھ چلاوَن آتشبازی، اگنی اگّ نال وڈیائیا۔ ساری سنگت ہووے جاگی، سویا رہن کوئے نہ پائیا۔ اِک گُرمُکھ بنیا ہووے ڈھاڈی، سوہنا اپنا راگ جنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ میلا لئے مِلائیا۔ سمت پنج کہے میَں ہُندا جاندا خوشحال، خوشی دیاں دِرڑائیا۔ صاحِب ویکھے مُریِداں حال، گوبِند گُر گُر
کھوج کھوجائیا۔ دیِن دَیال ہو پرِتپال، پرِتپالک ہو کے دَیا کمائیا۔ سب دی سُرتی لئے سنبھال، سمبل اپنا ڈیرہ لائیا۔ بھگت دوارے اُتے دیِپک دیا دیوالی لیَنی بال، گھِرت جوت نال وڈیائیا۔ ایہہ کھیل سچّی دھرمسال، دھرم دوارا اِک سُہائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ میلا لئے مِلائیا۔ سمت پنج کہے میَنوُں پربھ نے دِتا اِشارہ، اگمّ اپنا حُکم سُنائیا۔ اُٹھ ویکھ جگت سنسارا، دیِن دَیال کھوج کھوجائیا۔ چاروں کُنٹ دھوُاں دھارا، دھرم دی دھار نہ کوئے اُپجائیا۔ اِشٹ بُھلیا گُروُ اوتارا، پَیغمبر سیِس نہ کوئے نِوائیا۔ من کلپنا ہاہاکارا، ہِردے ہرِ نہ کوئے دِھیائیا۔ ملِے میل نہ ایکنکارا، اکل کل دھاری نظر کِسے نہ آئیا۔ صاحِب سوامی انترجامی گھٹ نِواسی پُرکھ ابناشی پاوے کِسے نہ سارا، سِر ہتّھ نہ کوئے ٹِکائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ پنچم جیٹھ کہے میَں پِچھلا کراں یاد، سب نوُں دیاں جنائیا۔ کلجُگ انتم خوشیاں والا سُہاگ، پربھ ایکا ایک سوبھا پائیا۔ جِس سرِشٹی درِشٹی پکڑی واگ، ڈوری اپنے نال بندھائیا۔ نِرگُن دھار پیا جاگ، سرگُن دیوے مان وڈیائیا۔ گُرمُکھ ہنس بنا کے کاگ، مانک موتی چوگ دئے چُگائیا۔ پِچھلا لیکھا سب دا کر بے باق، اَگے اپنا حُکم ورتائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ میلا لئے مِلائیا۔ سمت شہنشاہی پنج کہے میَں آیا جیٹھ اٹھاراں، دس اٹّھ ویکھ وکھائیا۔ شبد سندیسہ دے اپارا، اپرمپر دیاں دِرڑائیا۔ سوادھان ہونا پُرکھ نارا، بال بِردھ لئے انگڑائیا۔ جیہڑا نِرگُن دھار آیا دوباراہ، جوتی جوت ڈگمگائیا۔ شبدی گُر دے اِشارہ، عالیشان پردہ رہیا اُٹھائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، دھرم دی دھار اِک سمجھائیا۔ دھرم دی دھار کہے میَں ہوئی بھگتاں دی داسی، داسی داس سیو کمائیا۔ جِتھے نِرگُن نوُر جوت پرکاشی، اندھ اندھیر رہیا نہ رائیا۔ پربھ مِلیا سچکھنڈ نِواسی، درگاہ ساچی سوبھا پائیا۔ میری پُنی آسی، ترِسنا رہی نہ رائیا۔ لیکھا رہیا نہ پوَن سواسی، ساہ ساہ نہ کوئے گِنائیا۔ جھگڑا مُکیا لوک ماتی، موہ دِتا گوائیا۔ پُرکھ اکالا بن کے ساتھی، سگلا سنگ رکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ میلا لئے مِلائیا۔ شہنشاہی سمت کہے میَں دسّاں پُراتن دھار، دھرم دھرم دھرم دِرڑائیا۔ بل باوَن کھیل اپار، سَتجُگ سچ دئے وڈیائیا۔ لہنا دینا اپر اپار، اپرمپر آپ سمجھائیا۔ جِس ویلے سمگری ہوئی تیار، بل راجا ویکھے چائیں چائنیا۔ رِشی مُنیاں دیواں کھوال، غریِب نِمانیاں ترِسن مِٹائیا۔ جوتی جوت سروُپ ہرِ، آپ اپنی کِرپا کر،
سچ کرنی کار کمائیا۔ سمت پنج کہے بل نے انتر کیِتا دھیان، انتشکرن بدلائیا۔ کِرپا کر میرے بھگوان، تیرے ہتّھ وڈیائیا۔ میری سیوا تیرا دان، دیوت سُر وجےّ ودھائیا۔ میَنوُں بخش نِمانیاں مان، ہنکار وِکار ڈیرہ ڈھاہیِا۔ تیرا بھنڈارا پیِن کھان، تیری جھولی دِتا رکھائیا۔ تُوں سرب کلا مِہربان، مِہربان تیری سرنائیا۔ بِن ڈِٹھیاں کر پروان، سیِس دِتا جھُکائیا۔ حُکم کیِتا فرمان، سب نوُں دیؤ کھوائیا۔ جیہڑے پہلی پنگت بَیٹھے آن، ہِردے ہرِ دِھیائیا۔ رسنا رس رس چکھان، کھا کھا شُکر منائیا۔ باوَن بَیٹھا بن نادان، در درویش ڈیرہ لائیا۔ جِس ویلے کنّیاں دے نال چھوٹا کاکا لےَ کے آیا پکوان، خوشیاں بھیٹ چڑھائیا۔ بل دوارے باوَن کیِتا پروان، حُکم اِک جنائیا۔ جِس ویلے آواں وِچ جہان، نِرگُن نوُر جوت کر رُشنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ساچا رنگ آپ رنگائیا۔ بچّے کِہا میرے نال کر لےَ وعدہ، وعدہ اِک جنائیا۔ جِنہاں پکوان پہلوں کھادھا، اپنا رنگ دینا چڑھائیا۔ تُوں گُروُ پُرکھ اکال میلنا دادا، اَگے وِچھوڑا رہے نہ رائیا۔ پھیر میل ہووے ساڈا، سہجے دینا مِلائیا۔ باوَن کِہا پکاّ میرا اِرادہ، سچ دیاں سمجھائیا۔ حُکم بودھ اگادھا، بُدھی توں پرے سُنائیا۔ ہُن پکوان دیوے بل راجا، اپنی سیو کمائیا۔ پھیر بدل دیواں سماجا، کل اپنی کار کمائیا۔ اِنہاں وِچ پریم دا کر کے وادھا، امرت رس بھرائیا۔ ساچا دے سوادا، پردہ دیاں اُٹھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کمائیا۔ کاکے کِہا میری چھوٹی اِک ارداس، ہسّ کے دیاں جنائیا۔ کی تُوں بِردھ میرا دیویں ساتھ، سگلا سنگ بنائیا۔ باوَن پھڑ کے ہاتھ، ہتّھ ہتّھاں نال چُھہائیا۔ سب توں پُچھیا جِس نوُں بھگوان اُتے وِشواس، اُنگلاں لؤ اُٹھائیا۔ اوہناں وِچوں اِک سؤ تیراں جیہڑے پریمی خاص، پیار وِچ سمائیا۔ جگت نالوں ہو اُداس، اوہناں لئی انگڑائیا۔ اسیں اوس پربھوُ نوُں منّیا باپ، جیہڑا آد جُگاد جمّن والا پِتا مائیا۔ سدا سُہیلا رہے پوِتر پاک، پُنیِت سب نوُں دئے کرائیا۔ لیکھےلاوے ماٹی خاک، تن وجوُد رنگ چڑھائیا۔ باوَن خوشی نال دِتا آکھ، شبد راگ الائیا۔ پُرکھ اکالا دیِن دَیالا درشن دیوے پرگٹ ہو کے ساکھیات، سنمُکھ ساچا سوبھا پائیا۔ جِس دے کول نہ کوئی مذہب نہ کوئی ذات، دیِن مذہب ونڈ نہ کوئے ونڈائیا۔ سب دا لہنا دینا ویکھے حِساب، پوُرب لہنا ویکھ وکھائیا۔ تُوں میرا میَں تیرا دسّ کے راگ، ساچا ڈھولا دئے جنائیا۔ دیِن دُنی دا کر تیاگ، وَیراگ اندر اِک اُپجائیا۔ ناتا توڑ کے کوُڑ ساک، مایا ممتا موہ مِٹائیا۔ سچ پریِتی بخش کے پُرکھ سمراتھ، سِر اپنا ہتّھ رکھائیا۔ پوُرا کرے بھوِکھت
واک، نہ کوئی میٹے میٹ مِٹائیا۔ بابوُپُر والیو ایسے کر کے تُہانوُں دِتی پِچھلی رات، پوُرب لیکھا بُھل نہ جائیا۔ دوِندر نے اندرے اندر یاد رکھی اوہ بات، بُھل وِچ بُھل نہ کوئے بُھلائیا۔ زور نال مار آواز، سب نوُں دِتا سمجھائیا۔ تُہاڈے کول ضرور آؤنا ایہو میری آس، آسا تُہاڈے نال رکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کمائیا۔ دوِندر کہے میَں تُہاڈا اوہ پِچھلا ویر، جِس وارتا دِتی دُہرائیا۔ آیا پندھ چیِر، پَینڈا جنم کرم مُکائیا۔ میَں منگ منگی پربھ اِنہاں دی بدل جاویں تقدیِر، تدبیِر دی لوڑ رہے نہ رائیا۔ لیکھے لاؤنے شاہ حقیِر، غریِب نِمانے گود اُٹھائیا۔ پِچھلے کرماں اُتے مار لکیِر، اَگے اپنا سنگ بنائیا۔ انتر انتر رہے دھیِر، من ممتا نہ کوئے دُہائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، سچ میلا لیا مِلائیا۔ دوِندر کہے میریِاں گلّاں نوُں کردے رہے ہاسا، ہسّ ہسّ آپ سُنائیا۔ میَنوُں پِچھلا لہنا یاد خاصہ، اندرے اندر پربھوُ دِتا دِرڑائیا۔ کِسے دا رہن نہیں دینا گھاٹا، پوُرب جھولی پائیا۔ منزل پوُری ہووے واٹا، اَدھواٹے نہ کوئے دُہائیا۔ خوشیاں والی راتا، مِل کے وجےّ ودھائیا۔ ایسے کر کے گھر گھر پِھر کے سب دا پریم پچھاتا، پچھّم دکھّن اُتّر پوُرب اپنا رنگ رنگائیا۔ ساڈا سب دا اِکو پِتا تے اِکو ماتا، دوُجی اوَر نہ کوئے مائیا۔ سارے بن گئے بھَین بھراتا، وڈّا چھوٹا نہ کوئے اکھوائیا۔ میری پوُری ہوئی آسا، اصل دیاں سمجھائیا۔ جوتی جوت سروُپ ہرِ، آپ اپنی کِرپا کر، سچ اپنا کھیل وکھائیا۔ دوِندر کہے اوہ بُڈھا بُڈھا براہمن باوَن، اپنا روُپ بدلائیا۔ جیہڑا میرا ہویا ضامن، ذِمہ واری آپ اُٹھائیا۔ پربھ پرگٹ کر کے ساہمن، سنمُکھ دِتا وکھائیا۔ گُرمُکھو تُہاڈے اندر کر کے چانن، اندھ اندھیر رہیا گوائیا۔ سُن لؤ شبد سندیسہ کانن، کنّیا رہی دِرڑائیا۔ صاحِب سَتگُر دا چھڈیو کدے نہ دامن، دامنگیِر اِک اکھوائیا۔ جِس ہنکاری ماریا راون، لنکا گڑھ تُڑائیا۔ کلجُگ مِٹے اندھیری شامن، سَتجُگ سچّا چند چمکائیا۔ تُہاڈے گرِہ دا کھا کے طامن، ترِسنا دِتی مُکائیا۔ بِن پربھ کِرپا توں کوئی نہ آئے پہچانن، سمجھ کِسے نہ آئیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، بھاگ لگائے تُہاڈے دُھر دے گرامن، گاؤں گرام پِنڈ جوُہ آپ اپنا رنگ رنگائیا۔