۳۱ ساوَن شہنشاہی سمت ۵ ہرِ بھگت دوار جیٹھوُوال رات دے سمیں
ساوَن کہے میری رُت سُہنجنی، ہرِ سوبھاوَنت سُہائیا۔ دھرم دی دھار بخش کے مجنی، دھوُڑی دھوُڑ دا لہنا دِتا مُکائیا۔ اِشٹ دیوَ آد نِرنجنی، نر نِرنکارا نظری آئیا۔ ٹھاکر میِتا درد دُکھ بھےَ بھنجنی، پاربرہم بےپرواہیِا۔ لیکھا جانے باہمی تمّدنی، نِرگُن سرگُن بھیوَ چُکائیا۔ جھگڑا میٹے کایا بدنی، تن وجوُد نہ کوئے لڑائیا۔ رنگ رنگائے اعلے ادنی، ورن برن نہ کوئے رکھائیا۔ جوتی جوت سروُپ ہرِ، آپ اپنی کِرپا کر، سد اپنا میل مِلائیا۔ ساوَن کہے میری سُہنجنی بوُندا باندی، امرت میگھ برسائیا۔ چار جُگ ویکھے پاندھی، سَتجُگ تریتا دواپرکلجُگ چلن واہو داہیِا۔ گُر اوتار پَیغمبر آشا ڈھولا گاندی، گہر گمبھیِر وڈیائیا۔ سَت سروور سرِشٹی درِشٹی نہاندی، دُرمت مَیل کر صفائیا۔ جد تکّیا دیِن دُنی تھکی ماندی، بلہیِن ہوئی لوکائیا۔ چاروں کُنٹ کوُڑ کلپنا آندھی، ساچا چند نہ کوئے چمکائیا۔ رسنا جِہوا رس وِکار کھاندی، ترِسنا ترِپت نہ کوئے کرائیا۔ سرِشٹی ونجارن سوُر گاں دی، دھرم دی دھار نہ کوئے دِرڑائیا۔ وڈیائی کرن صِفتاں والے ناں دی، جو جُگ چؤکڑی پربھ بدلائیا۔ پوُجا کردے دھرتی ماں دی، جِس دی مِٹی خاک سَتگُر چرن سیو کمائیا۔ جوتی جوت سروُپ ہرِ، آپ اپنی کِرپا کر، سد اپنا کھیل وکھائیا۔ ساوَن کہے میرا دِوس سچ دِہاڑا، تیوہار ملِے وڈیائیا۔ جگت جہان ویکھ اَکھاڑا، اکھّیں میِٹ نیَن کُھلائیا۔ جگت دُنی دِسے اندھیارا، سَتگُر نیَن نوُر نہ کوئے درسائیا۔ سرِشٹی بھری چِکڑ گارا، کام کامنا نہ کوئے مِٹائیا۔ جھگڑا ویکھیا جگت دوارا، درب کارن کرے لڑائیا۔ کھیل کرے آپ نِرنکارا، نِروَیر بےپرواہیِا۔ ساوَن کہے میَں نِیوں کے کراں نِمسکارا، سیِس جگدیِش دِتا جھُکائیا۔ اُس شبد دِتی دُھنکارا، آتمک ناد سُنائیا۔ اُٹھ ویکھ اپر اپارا، اپرمپر ہو کے دیاں دِرڑائیا۔ پرگٹ ہو چؤویواں اوتارا، دو چار جوڑ جُڑائیا۔ اکھّر ہِندسیِاں دے اُدھارا، ٹِپیِاں بِندیِاں لیَنا پائیا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ رکھائیا۔ ساوَن کہے میَں خوشی نال گیا لنگھ، اپنا اَگے قدم ٹِکائیا۔ صاحِب ویکھ سچ سِنگھاسن پلنگ، جِس دا پاوا چوُل باڈھی بنت نہ کوئے بنائیا۔ بِنا ناد توں نام وجےّ مردنگ، ناد ناد دھنّ شنوائیا۔ بِنا شستر توں بِنا شرع شریِعت توں پرے ہووے جنگ، جگہ بجگہ ویکھ وکھائیا۔ بِنا اَسو توں گھوڑے کسیا تنگ، راساں ہتّھ نہ کوئے اُٹھائیا۔ میَں ویکھ کے ہو گیا دنگ، حَیرانی میرے اندر آئیا۔ کی کھیل سوُرے سربنگ، کی تیری بےپرواہیِا۔ پُرکھ اکال شبدی دھار مار کے چنڈ، میری سُرتی
دِتی بدلائیا۔ اُٹھ ویکھ نؤ کھنڈ، ستّ دیِپ رہے کُرلائیا۔ آتم ملِے نہ کِسے انند، امرت رس نہ کوئے چکھائیا۔ بھیوَ کُھلے نہ ہنگ برہم، پاربرہم نہ کوئے مِلائیا۔ چاروں کُنٹ ترِسنا طم، تامس رہی ستائیا۔ گھر گھر اندر ہرکھ سوگ غم، چِنتا چِکھا رہی جلائیا۔ سرِشٹی دا اِشٹ ہو گیا کایا ماٹی چمّ، چمّ درِشٹی نہ کوئے بدلائیا۔ رسنا گاؤندے نام دم، سواساں نال وڈیائیا۔ بِن پربھ کِرپا کِسے نہیں کِچھ کمّ، جوتی جوت سروُپ ہرِ، آپ اپنی کِرپا کر، دیونہارا دُھر دا ور، ور داتا اِک اکھوائیا۔ ساوَن کہے میرا وقت گیا بیِت، بیِتی کہانی دیاں جنائیا۔ میرا صاحِب سچ انڈیٹِھ، جگت نیتر نظر کوئے نہ آئیا۔ سد وسے بھگتاں چیت، چیتن سُرتی دئے کرائیا۔ تُوں میرا میَں تیرا دِرڑا اگمّ گیِت، گہر گمبھیِر پردہ آپ اُٹھائیا۔ لہنا رہے نہ اوُچ نیِچ، ذات پات نہ ونڈ ونڈائیا۔ سدا سد کرے بخشیِش، رحمت اپنی آپ ورتائیا۔ جِس جن ساچا کلمہ دئے حدیِث، حضرتاں توں پار کرے پڑھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا مالک اِک اکھوائیا۔ ساوَن کہے میری انت انت نمستے، نمو نمو سرنائیا۔ میَں کھیل ویکھاں اگمّی اکھّ دے، بِن نیَناں نیتر رُشنائیا۔ ڈھولے سُناں اوسے جس دے، جِس دی صِفت نہ کوئے صالاحیِا۔ لہنے ویکھاں حقیِقت حق دے، گرِہ مندر پردہ آپ اُٹھائیا۔ جِس دا راہ چار جُگ رہے تکدے، گُر اوتار پَیغمبر نال رلائیا۔ اِشارے نال رہے دسدے، سیَنتاں نال سمجھائیا۔ انت کھیل ہونے سوُرے سربگ دے، صاحِب سُلطان پھیرا پائیا۔ کوٹن کوٹ سنت سادھ صوُفی جِس نوُں لبھدے، کھوجیاں ہتّھ کِسے نہ آئیا۔ جِس لہنے دینے مُکاؤنے دیِن دُنی دی حد دے، حد حدوُد اپنی اِک دِرڑائیا۔ ناتے توڑ رہن الگّ دے، عالماں عِلم دینا جنائیا۔ بھیوَ کھول وِشوَ جدّ دے، وِشواس گھاتی دینے مِٹائیا۔ امرت جام پیالے دینے مد دے، مدُھر دُھن اِک سُنائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ سوامی ہوئے سہائیا۔ ساوَن کہے میرا لیکھ ہویا سگلا، سگل سرِشٹ ویکھ وکھائیا۔ کی کھیل کرے پربھ اگلا، آگمن وِچ گُر اوتار پَیغمبر راہ تکائیا۔ جِس لہنا دینا پوُرا کرنا سگلا، سگن اجّ دا دئے گواہیِا۔ جِس دا تیج پرکاش ہو کے ودھنا، نوُر جوت رُشنائیا۔ جِس نوُں جھُکن اعلیٰ ادنیٰ، شاہ سُلطان سیِس نِوائیا۔ اوہ کلجُگ وِچ سَتجُگ دیوے بدلا، بدلی آپ کرائیا۔ چؤراسی کرے عدلا، اِنصاف اِک دِرڑائیا۔ چھّبی پوہ نوُں سفَید پھڑ کے لِیانا اِک بغلا، مل سِنگھ سیوا دِتی سمجھائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، دھرم دی دھار اِک وڈیائیا۔ ساوَن کہے میرا انتر ہویا انند، وجّی سچ
ودھائیا۔ خوشی ہویا بند بند، بندگی اِک دِرڑائیا۔ جنم دا مِٹیا پندھ، کرم رہیا نہ رائیا۔ آتم گایا چھند، پرماتم رنگ رنگائیا۔ ہِلنو رہ گئے دند، جِہوا نہ کوئے چتُرائیا۔ وِکار کھنڈ کھنڈ، نام کھنڈا چمکائیا۔ سُرتی شبدی ڈوری گنڈھ، پلّوُ اپنا اِک پھڑائیا۔ بھاگ ہیِن رہے نہ مند، کرم کانڈ دا ڈیرہ ڈھاہیِا۔ جھگڑا رہے نہ جیرج انڈ، اُتبُھج سیتج کرے صفائیا۔ کوٹن کوٹ مکُتی دے دوارے جن بھگت جاون لنگھ، اَگے ہو نہ کوئے اٹکائیا۔ جِتھے نہ کوئی ڈھولا نہ مردنگ، راگی گیِت نہ کوئے الائیا۔ نہ کوئی گاون والا چھند، ڈھولا گیِت نہ کوئے سُنائیا۔ جِس اُپر کِرپا کرے صاحِب بخشند، مِہر نظر نال پار کرائیا۔ ساوَن کہے میری آد توں اِکو منگ، مانگت ہو کے جھولی ڈاہیِا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در تیرے آس رکھائیا۔ ساوَن کہے میرا دِوس اِکّتی، اِک تیس نال وڈیائیا۔ گُرمُکھ گُن گاون بتّی، دند بتّی بتیِسا وجےّ ودھائیا۔ راگ حَیران ہوئے چھتّی، چھتّی جُگ دین دُہائیا۔ سب دا مالک اِکو کملاپتی، پت پرمیشور بےپرواہیِا۔ جِس دی گُر اوتار پَیغمبر نِرگُن دھار جوت بتّی، جگت جُگت کیِتی رُشنائیا۔ کھیل وکھا کے لکھّ چار اسّی، چؤراسی گنڈھ پوائیا۔ دیِن مذہب دی بنّھ کے رسّی، حداں اُتے دِتا ٹِکائیا۔ نام نِدھانا دے کے رتی، رتن امولک ہیِرے لئے پرگٹائیا۔ صِفتاں والی دسّ کے پٹّی، اکھّراں والی کری پڑھائیا۔ انت اَخیِر سب دی ویکھے ہٹّی، لیکھا منگے تھاؤں تھائنیا۔ ستاراں ساوَن کہے چھّبی پوہ نوُں دھرم شِنگار کرنا گُرچرن کؤر جٹّی، دوآبے وِچوں دوہری دھار پرگٹائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نال لیاوے ڈھائی سیر لسّی کھٹّی، کھٹکا اگلا رہے نہ رائیا۔ ساوَن کہے میَں گیا بیِت، بیِتی کتھا نہ کوئے وڈیائیا۔ جن بھگتو پربھ دے نال کرِیو پریِت، پریِتم اِک لہنا منائیا۔ کایا ماٹی کرے سیِت، اگنی تت گوائیا۔ سچ دھرم دی دسّ کے لیِک، راہ اِکو اِک سمجھائیا۔ تُسیں اوس دوارے دے بننا وسنیِک، جِتھے وصل ملِے یار خُدائیا۔ گُرمُکھ کدے نہ ہووے شہیِد، شہادت دی لوڑ رہے نہ رائیا۔ جن بھگتاں پربھ مِلن دی سدا اُمیِد، آمد وِچ خوشامد والا راہ تکائیا۔ جد منگنا چرن پریِت بھیِکھ، بِھکھکاں جھولی دئے بھرائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا مالک اِک اکھوائیا۔ ساوَن کہے میَں صدقے واری گھولی، اپنا آپ گھول گھُمائیا۔ میرے پربھ دی گُرمُکھ وِرلا سمجھے بولی، انبولت راگ سُنائیا۔ جِس کھیل کرنا اُپر دھؤلی، دھرنی دھوَل پردہ دئے اُٹھائیا۔ چھّبی پوہ نوُں پنج گُرمُکھاں کنّی بنّھ کے آؤنا اِک اِک پاؤلی، چوّنی چار کُنٹ ویکھ وکھائیا۔
جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سِر ہتّھ رکھائے نؤجوان کنّیا سولاں سال دی ہووے ساؤلی، وڈّی چھوٹی نہ کوئے وڈیائیا۔ ساوَن کہے میَں نہیں سنگدا، سنگ دِل ہو کے ویکھ وکھائیا۔ میَں وی حِصّہ اوس پربھوُ دے انگ دا، جو انگیکار سب نوُں رہیا کرائیا۔ میرا لیکھا نہیں کِسے منزل پندھ دا، پاندھی ہو نہ کدے اُٹھائیا۔ میَں سدا پیاسا بُھکھا اُس نوُری چند دا، جو چند نوُر دو جہان کرے رُشنائیا۔ اوہ لیکھا مُکاوے بھاگ ہیِن مند دا، مِہر نظر اِک اُٹھائیا۔ سدا سدا سد بھنڈار رہے ونڈدا، ونڈنہار اِک اکھوائیا۔ کل نوُں وِہار ہونا ساوَن کہے کُچھ ویلا سَوا پنج دا، پنجھی گُرمُکھ اِک لائن بہائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، امرت ویلا سب دی چولی رنگ دا، رنگت وِچ رنگ اپنا نام چڑھائیا۔
پہلی بھادروں شہنشاہی سمت ۵ ہرِ بھگت دوار جیٹھوُوال امرت ویلے سَوا پنج وجے
سَوا پنج کہے ماس چڑھیا دھرم دا بھادوں، بھدّر کالی سیِس نِوائیا۔ کرِشن سندیسہ دِتا یادو، یادو بنسی گیا دِرڑائیا۔ گوبِند تیِر مُکھی نال وکھایا بَیراگی بندہ مادھو، مادھوَ پاربرہم بے پرواہ جنائیا۔ کبیِر سندیسہ دِتا جگت جگیاَسوُ سنت سادھو، شُبھ لکشن اِک جنائیا۔ پُرکھ اکالا دیِن دَیالا اِک ارادھو، ارادھنا وِچ سادھنا اپنی دئے دِرڑائیا۔ جگت جگیاَسوُ دیِن جاگو، نیتر لوچن اکھّ کُھلائیا۔ انتر اُپجے اِک وَیراگو، وَیری اندروں دینے کڈھائیا۔ لجّیا رہے نہ سَتگُر باجھوں، سچ دا مالک اِک اکھوائیا۔ جیو اُٹھ ہنس بن کاگو، کاگوں ہنس بنائیا۔ گوبِند کھیل کرنا شبدی دھار بازو، بازاں والا ویس وٹائیا۔ سرن سرنائی صاحِب سوامی بھاگو، بھگوَن اپنا رنگ چڑھائیا۔ ترےَگُن مایا ڈسنی ڈسے نہ ناگو، سانتک سَت دئے کرائیا۔ لیکھا دسّیا مہا سِنگھ نوُں ڈھائی چُلیاں پانی دے کے ڈھابوں، جل دھارا نال سمائیا۔ آشا پوُری کیِتی رام سیِتا وکھائی خوابو، بھوِکھ بھوِش وِچوں پرگٹائیا۔ محمد نظارہ تکّیا محرابو، محبوُب مُحبّت والا پرگٹائیا۔ بِنا اُس توں کائنات چُھٹنی نہیں عزابو، سزا دا مزہ سکے نہ کوئے بدلائیا۔ عیسیٰ کر کے حق آدابو، ادب نال سیِس نِوائیا۔ موُسیٰ مُجاہد ہو کے مجلساں دئے جوابو، حُکم اگمّ اِک دِرڑائیا۔ مالک خالق لاشریِک ایکا واعدو، واحد اپنی کار کمائیا۔ جِس دیِن دُنی
ہٹاؤنی مذہب والے فسادو، فَیصلہ اپنا حق سُنائیا۔ جن بھگت اُٹھاؤنے سچ شہزادو، شہنشاہ اپنی کار کمائیا۔ نیتر کھول کے نِرگُن دھار تکّیا بغدادو، ہتّھ بغلاں وِچ ٹِکائیا۔ جِس نے کِسے دی لیَنی نہیں اِمدادو، سنگی ساتھی نہ کوئے وڈیائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ سَوا پنج کہے بھادروں مہیِنہ چڑھیا، چڑھدی دِشا ویکھ وکھائیا۔ لہِندی دِشا محمد دھار الف یے اکھّر پڑھیا، عبارت سفارش والی نہ کوئے رکھائیا۔ شرکن شرع زنجِیر کوئے نہ جڑیا، بندھن بندھ نہ کوئے وکھائیا۔ پہاڑ دکھّن سَت سوامی ہو کے کھڑیا، کھنڈا کھڑگ نہ ہتّھ اُٹھائیا۔ بھےَ وِچ بھاؤ وِچ بھرم بھیانک ڈریا، سِر سکے نہ کوئے اُٹھائیا۔ دو جہان ویکھے نرائن نریا، برہمنڈ اکھّ کُھلائیا۔ جیہڑا سَتگُر آد جُگاد کدے نہ مریا، جنم مرن وِچ کدے نہ آئیا۔ جُگ چؤکڑی سرنائی کِسے نہ پڑیا، سرنگت نہ اوٹ رکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا مالک نظری آئیا۔ سَوا پنج کہے کیوں گُرمُکھ ویکھے پنجھی، پنچ پنج دھیان لگائیا۔ جِس ویلے ارجن ہرمندر ڈاہی سی منجی، گُروُ گرنتھ گرنتھ اُپر ٹِکائیا۔ اوس ویلے منگ دُھر توں منگی، پُرکھ اکال دَیا دینی کمائیا۔ جگت سروور اٹھسٹھ جمنا سُرستی گوداوری دھار گنگی، گہر گمبھیِر لیکھا دینا چُکائیا۔ اوس ویلے ارجن پُرکھ اکال نِمسکار کیِتی سی وار پنجھی، بِن سیِس جگدیِش جھُکائیا۔ میری دھار تیری سنگی، سگلا سنگ رکھائیا۔ شبد سندیسہ دِتا حَیران ہو نہ دنگی، پردہ دیاں اُٹھائیا۔ انت اَخیِر تیرے سریِر آؤنی تنگی، تنگدست ہوئے لوکائیا۔ راوی دھار تَینوُں کرے ٹھنڈی، اگنی اگّ بُجھائیا۔ پھیر میَں آواں اُس دی کنڈھی، نِرگُن اپنا پھیرا پائیا۔ گوبِند کھڑگ چمکا کے چنڈی، چنڈ پرچنڈ ویکھ وکھائیا۔ دو تُکی دھار دسّاں چھندی، شاہ پاتشاہ اپنا کھیل کھِلائیا۔ بھگتاں دی پِچھلی وکھاواں سندھی، سند اپنے وِچوں کڈھائیا۔ سَوا پنج کہے پہلی بھادروں ایہو ویلا ایہو وقت گُر ارجن اپنی آسا کیِتی ننگی، خواہش خالق دِتی دِرڑائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا مالک بےپرواہیِا۔ سَوا پنج کہے میرا وقت سُہاؤنا، سوہنا دیاں دِرڑائیا۔ پہلی بھادروں بنسری وِچ کرِشن نے پہلا گایا سی گانا، تِھت وار ایسے مِلی وڈیائیا۔ پہلی بھادروں رام نے وشِشٹ نوُں پہلی وار کھوایا سی کھانا، سیوک ہو کے سَتگُر سیو کمائیا۔ پہلی بھادروں سیِتا نے دھنُش نال ہتّھ چُھہایا پہلی وار کمانا، ترکش اپنے نال رکھائیا۔ پہلی بھادروں محمد دِتا اِک بیانا، لیکھا لیکھ بِن قلم شاہیِا۔ تیرا نوُر تکّیا چؤداں طبق زِمیں اسماناں،
اصل کی تیری بےپرواہیِا۔ جو ویکھاں سو دِسے بیگانہ، بیگم میری میرے سنگ کوئے نہ جائیا۔ عیسیٰ چاروں کُنٹ ویکھیا طوفانا، تحفہ نظر کوئے نہ آئیا۔ پروردِگار تیرے کول کی کرے کوئی بہانہ، دھوکھا نظر کوئے نہ آئیا۔ موُسیٰ ناد سُنیا بِن کانا، اگمّ وجّی ودھائیا۔ اُٹھ ویکھ تیرا خُدا جگت ہونا بیگانہ، بیوہ ہوئے خلق خُدائیا۔ نانک دسّیا شبد دھار مردانہ، مرد مرداں دِتا دِرڑائیا۔ جِس نے آؤنا بن کے نؤجوانا، نؤبت اپنا نام وجائیا۔ گوبِند نے پہلی بھادروں نوُں کھنڈے دا دوُجا نام رکھیا سی کِرپانا، کِرپا کر کے اپنا بچن الائیا۔ جو کرے سو کرے سِری بھگوانا، سِری صاحِب صاحِب سِری اپنا حُکم ورتائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا میلا لئے مِلائیا۔ پہلی بھادروں کہے گوبِند وِرُدھ متا ہویا پہاڑی، بائی دھار ونڈ ونڈائیا۔ مشورہ کیِتا کیوں ایس رکھائی داڑھی، مذہب مذہب وِچوں پرگٹائیا۔ ایہہ کھیل صاحِب پربھوُ نیاری، نِراکار نِرنکار آپ دِتی ورتائیا۔ کُچھ لیکھا پِچھلا جِس ویلے دروپت دی دروپتی کنّیا کواری، دواپرسوبھا پائیا۔ اُس دے اندر فُرنا پُھریا جے سریِر پنج تتاں دا میَں پنجاں دی ہوواں ناری، نر نرائن وڈ وڈیائیا۔ لیکھا یاد آیا جِس ویلے سیِتا پِھردی سی اُجاڑی، بناں وِچ پھیرا پائیا۔ اوہدا اوڈھن پاٹ گئی ساڑھی، بستر لیِرو لیِر وکھائیا۔ رام نے ہسّ کے کِہا رام دے نال بڑی اؤکھی لاؤنی یاری، یارانہ توڑ نہ کوئے نِبھائیا۔ پہلی بھادروں دِن اودوں سی شنچرواری، شہنشاہ اپنی کار بُھگتائیا۔ سیِتا کِہا میرے رام میَں تیرے چرن بلہاری، دوُجا اِشٹ نہ کوئے وکھائیا۔ رام کِہا جِس رام دا میَں ادھاری، اوہ تیرا پِتا مائیا۔ سیِتا کِہا اوہ کِتھے وسے کیہڑا دھام نیاری، کِس بِدھ ویکھاں چائیں چائنیا۔ رام نے کِہا ذرا نیتر اکھّ اُگھاڑی، لوچن دیاں کُھلائیا۔ جِس ویلے کلجُگ انتم آوے واری، وارث ہو کے پھیرا پائیا۔ نِرگُن نوُر جوت کرے اُجیاری، جوتی جاتا ڈگمگائیا۔ آد توں لےَ کے انت تک اوہدی بھگتاں دی پُھلواڑی، گُرمُکھ اپنے رنگ رنگائیا۔ ویکھیِں اجّ دا بچن نہ کدے وِساریِں، وِسریاں وِسریا ہتّھ کدے نہ آئیا۔ سیِتا کرے نِمسکاری، نمو نمو کہہ کے اپنا رنج دِتا گوائیا۔ سَوا پنج کہے میری سوہنی دِسے گھڑی، عیسیٰ گھڑیال دئے گواہیِا۔ ایسے ویلے صاحِبذادیاں دا مُکھ چمُّیاں سی گوبِند نے چمکؤر گڑھی، ویلا سَوا پنج پنج وڈیائیا۔ پہلی بھادروں کہے ایہہ گلّ شہادت توں پہلوں گوبِند نے انندپُر سی کری، سہج نال سُنائیا۔ جیِتو تُوں اپنے بچّیاں دی بنا لےَ وری، ورھا ایہو نظری آئیا۔ نہیں تے جگت جہان توں میَں کر دینے بری، بُریاں توں پلّا دینا چُھڈائیا۔ اپنے چولے دی پھڑ کے زری، ذرا ذرا دِتا ہِلائیا۔ میَں خبر
سُناواں کھری، پھیر کھورے تُوں مِلیں کہ نہ مِلیں بھاویں تُوں ایہناں دی جمّن والی مائیا۔ اُس نے اپنی عادت پِچھے کر دِتی اڑی، سہج نال سمجھائیا۔ تُہانوُں ایہہ کاہلی بڑی، نِکیاں نوُں وڈّے رہیا بنائیا۔ گوبِند اپنی چھاتی توں کڈھ کے اِک ورقے والی اِکو چِٹھی پڑھی، پڑھ کے دِتا سُنائیا۔ اؤہ ویکھ سچ دوار وِچھدی دری، دربارا اِکو سوبھا پائیا۔ جِتھے نہ کوئی شرع نہ شرعی، حِصّہ ونڈ نہ کوئے ونڈائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا در اِک وکھائیا۔ سَوا پنج کہے نانک نے پہلی بھادروں سَوا پنج چُکی سی پنجالی، ہل موڈھے اُتے ٹِکائیا۔ اودن گھٹا سی کالی، گھنگھور رنگ وکھائیا۔ جیہڑا مجھّیِاں دا سی پالی، اپنا پاسا گیا بدلائیا۔ مُکھ تے چڑھ گئی لالی، اندر خوشیاں وجےّ ودھائیا۔ میَں تیری ہتّھاں سیو کما لئی گھال تیرے نام والی گھالی، گھر تیرے وجےّ ودھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سد اپنا رنگ وکھائیا۔ سَوا پنج کہے میرا وقت نہ سمجھنا وادھوُ، وعدے نال جنائیا۔ گوبِند ایسے ویلے ہتّھ چُھہایا سی مستک دادوُ، دعوے نال دِرڑائیا۔ بِنا میرے توں کلجُگ انت کوئے نہ جاگوُ، سادھ سنت اکھّ نہ کوئے کُھلائیا۔ گھر گھر سارے ہوون خان ناڈھوُ، من ہنکار وِچ چتُرائیا۔ شبد گُروُ دا جانے کوئی نہ جادوُ، یاد سب دی دینی بُھلائیا۔ انت میرا صاحِب ہووے سب دا واگوُ، اگلا مارگ آپ وکھائیا۔ پھیر گھُٹ کے دوویں بازو، بازاں والے پربھ اَگے منگ منگائیا۔ تُدھ بِن لجّیا کوئے نہ راکھوُ، رکھک ہوئے نہ کوئے لوکائیا۔ بِن تیری کِرپا سرِشٹی چھڈ نہ سکے تمباکوُ، طمع نشہ نہ کوئے گوائیا۔ میَں تیرا نِکاّ جِہا کاکوُ، بچّہ ہو کے سیِس نِوائیا۔ پُرکھ اکال کِہا میَں اِک دا نہیں آد انت دا سب دا باپوُ، پِتا پُرکھ اکال اکھوائیا۔ جُگ جُگ دا ڈاکوُ، دھاڑے مارنے ایہہ میری بےپرواہیِا۔ جد چاہواں اپنے گُرسِکھ سنت سُہیلے پربھ بھگت پرگٹاواں سادھوُ، سادھنا دی لوڑ رہے نہ رائیا۔ شریِنیِاں وِچ کِسے توں منگ کدے نہ کھاواں کاجوُ، بھیٹا والی لوڑ رہے نہ رائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، مالک جگت جُگ دا آدوُ، انت دا اِکو نظری آئیا۔
پہلی بھادروں شہنشاہی سمت ۵ ہرِ بھگت دوار جیٹھوُوال رات دے سمیں
بھادروں کہے پربھ میٹ دے اپنا بھرم، جو گُر اوتار پَیغمبر تیرے نام دا گئے پائیا۔ سرِشٹی درِشٹی اندر دسّ اگمّی دھرم، جِس دا روُپ رنگ ریکھ جگت نہ کوئے درسائیا۔ دیِن دُنی دا ویکھ کرم، کلجُگ کوُڑی کِریا چاروں کُنٹ پھول پُھلائیا۔ جھگڑا پیا کایا ماٹی چرم، چمّ درِشٹی رہے نہ رائیا۔ پروردِگار سانجھے یار تیری منّن سارے اِکو سرن، دوُجا اِشٹ نہ کوئے منائیا۔ تُوں میرا میَں تیرا ڈھولا سارے پڑھن، دوُسر راگ نہ کوئے الائیا۔ ساچی منزل صاحِب سُلطان تیری چڑھن، گرِہ مندر اندر محبوُب مِل کے اپنا رنگ وکھائیا۔ سچ سوامی انترجامی نیتر کھول دے ہرن پھرن، نِج نیَن کر رُشنائیا۔ جھگڑا رہے نہ ذات پات ورن برن، کھتری براہمن شوُدر وَیش اِکو رنگ رنگائیا۔ جیِون وِچوں سچ دا دسّ دے مرن، مر جیِوت روُپ وٹائیا۔ صدی چؤدھویں اپنا قؤل اِقرار پوُرا کر دے پرن، پرانپت تیری بےپرواہیِا۔ سچ دوار ایکنکار نِمسکار سارے کرن، سجدہ سیِس جگدیِش اِک دِرڑائیا۔ تُوں آد جُگادی برہم برہمادی ترنی ترن، تارنہار اپنی دَیا کمائیا۔ بھادروں کہے چار کُنٹ دہ دِشا نؤ کھنڈ پرِتھمی ستّ دیِپ مانَو ذاتی لگّی لڑن، لڑ تیرا پھڑ نِرگُن درس کوئے نہ پائیا۔ جوتی جوت سروُپ ہرِ، آپ اپنی کِرپا کر، ایکا دے دے دُھر دا ور، مِہر نظر اِک اُٹھائیا۔ بھادروں کہے بھانڈا بھرم دینا بھنّ، بھرانت رہے نہ رائیا۔ دُھر دا شبد سناؤنا بِنا کنّ، انحد نادی ناد جنائیا۔ دیِن دُنی دا بدلنا من، من کا منکا دینا بھوائیا۔ نام پدارتھ دینا دھن، مایا ممتا موہ گوائیا۔ بھگت سُہیلے پرگٹاؤنے جن، جن جنیندی بن مائیا۔ پردہ لاہُنا برہم ہنگ، پاربرہم ہو سہائیا۔ ترِسنا کوُڑی رہے نہ طعم، تامس اندروں دینی کڈھائیا۔ جھگڑا رہے نہ ماٹی چمّ، آتم برہم بھیوَ دینا کُھلائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در تیرے منگ منگائیا۔ بھادروں کہے بھرم میٹ دے دیِن دُنی دے مالک، مِہربان تیری سرنائیا۔ آد جُگادی سرِشٹی دے خالق، صاحِب سُلطان تیری بےپرواہیِا۔ کلجُگ کوُڑی کِریا میٹ دے آلس، نِندرا ممتا دے گوائیا۔ چار ورن بنا دے خالص، خالص اپنا رنگ رنگائیا۔ بِنا شبد گُروُ توں رہے کوئی نہ ثالث، تتو تت دینا بُجھائیا۔ نؤ سؤ چُرانویں چؤکڑی جُگ پِچھوں تیرے آؤن دا مِلدا چانس، چار جُگ اوتار پَیغمبر گُر سیو کمائیا۔ کوُڑی کِریا میٹ جہالت، دیِن دُنی اندروں کر صفائیا۔ من ممتا رہے نہ کوئے علامت، عِلم عالماں اِک جنائیا۔ سب نوُں دسّ دے میَں اِکو مالک صحیح سلامت، جنم مرن وِچ کدے نہ آئیا۔ گُر
اوتار پَیغمبر میرے نام دی دین شہادت، صِفتاں وِچ صالاحیِا۔ مہما والا کلمہ رسنا والی عبادت، جِہوا نال پرگٹائیا۔ انرس دے کے اگمّ نیامت، انڈِٹھ رس چکھائیا۔ بخشش کر سخاوت، رحمت آپ کمائیا۔ باہروں تتاں دی سمجھا کے بناوٹ، دیِناں مذہباں ونڈ ونڈائیا۔ کِسے دی بودی کِسے دی حجامت، کیس کِسے سیِس سُہائیا۔ اپنے نام دی نام نال کر ممانت، اوم رام کرِشن االلہ ستنام واہِگُروُ دِتے جپائیا۔ کِسے نوُں پتہ نہیں کِس ویلے آوے انت قیامت، قیام گاہ سارے بَیٹھے راہ تکائیا۔ جوتی جوت سروُپ ہرِ، آپ اپنی کِرپا کر، ایکا دے دے دُھر دا ور، در تیرے الکھ جگائیا۔ بھادروں کہے میَں آد جُگاد دا تیرا مہیِنہ، جُگ جُگ ویس وٹائیا۔ تیرا کھیل ویکھیا لوک تیِنا، تریَلوکی ناتھ گئے پھیریاں پائیا۔ تیرا نام رام نے چیِنا، سیِتا سُرت سُرت وڈیائیا۔ االلہ کہہ کے عالمیِنا، موُسیٰ عیسیٰ محمد سیِس نِوائیا۔ نانک ستنام دسّ کے مرنا جیِنا، جیِون جُگت دِتی دِرڑائیا۔ گوبِند واہِگُروُ ہو اَدھیِنا، فتح ڈنکا اِک وجائیا۔ بھادروں کہے میَں حَیران ہویا صدی چؤدھویں ٹھانڈا کرے کوئی نہ سیِنہ، اگنی تت نہ کوئے بُجھائیا۔ رسنا جِہوا بتّی دند سرِشٹ سبائی چیِنا، چِری وِچھنے میل نہ کوئے مِلائیا۔ ساچا رنگ چاڑھے کوئے نہ بھیِنا، بِھنڑی رَین نہ کوئے وکھائیا۔ پُرکھ اکال دیِن دَیال میَں کوئی تیرا پُت نہیں کمیِنہ، کوجھا کملا نظری آئیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، جوتی جوت وِچ مِلائیا۔ بھادروں کہے میَں چار کُنٹ بھجّا، بھجن بندگی تیری ویکھ وکھائیا۔ میَں سادھاں سنتاں صوُفیاں اندر کیِتی گجا، گرِہ گرِہ جا کے الکھ جگائیا۔ دسّو کیہڑا نام کیہڑا کلمہ کِس دا آوے مزہ، رس کوَن چکھائیا۔ کِس دے نال مِٹدی قضا، جیِون جیِون وِچ رکھائیا۔ کیوں نام کلمہ پڑھدیاں جیِواں مِلدی سزا، چؤراسی وِچ دُہائیا۔ سچ دسّو پربھ دا پوُرا نام کہ اَدھا، حِصّہ کی کی ونڈائیا۔ کی سب نال پربھ نے چار جُگ کیِتا دغا، اپنا بھیوَ نہ کوئے کُھلائیا۔ کِسے نوُں دسّیا میَں وسیا اُپر شاہ رگا، نؤ دوارے ڈیرہ ڈھاہیِا۔ کِسے نوُں کِہا میَں دسم دواری وساں، گھر ساچے وجےّ ودھائیا۔ کِسے نوُں کِہا میری اِس توں اَگے جگہ، سچ دوارے سوبھا پائیا۔ کِسے نوُں کِہا میری کوئی نہ جانے وجہ، وضاحت وِچ نہ کوئے دِرڑائیا۔ جاں تکّیا سب نوُں دیِن مذہب دا لا کے دھبّا، صاف رہن کوئے نہ پائیا۔ کِسے نے پِتا کِہا کِسے نے باپ کِسے نے کِہا ابّا، ابّا والے امی سنگ نہ کوئے جنائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در ٹھانڈے آس رکھائیا۔ بھادروں کہے پربھوُ بھرم میٹ دے ساچا دسّ بھاؤ، بھےَ وِچ سرنائیا۔ تُوں سَتجُگ تریتا دواپرکلجُگ اوتار پَیغمبراں
لایا داؤ، لنگوٹے دھرم والے بندھائیا۔ مذہباں دا کر پساؤ، پہلوان دِتے وکھائیا۔ کِسے نوُں کِہا رام رام جپاؤ، رام میری سرنائیا۔ کِسے نوُں کِہا کرِشن کرِشن ڈنک وجاؤ، تریَلوکی تیرے چرناں ہیٹھ دبائیا۔ کِسے نوُں کِہا میری کیِتی اُلٹاؤ، االلہ االلہ روُپ وٹائیا۔ کِسے نوُں کِہا میرا ستنام وڈیاؤ، ہرِ وڈّا وڈ وڈیائیا۔ کِسے نوُں کِہا فتح ڈنک سُناؤ، واہِگُروُ واہ واہ تیری بےپرواہیِا۔ سب نوُں جگت مَیدان وِچ کِھچّ کے پہلواناں وانگ اپنا کیِتا کھِچاؤ، کِھچّ وِچ سارے دِتے ہِلائیا۔ کوئی کہے میَں چنگا کوئی کہے میَں وڈّا کوئی کہے میَں بخشندا، کوئی کہے میَں دیواں انندا، انند ہتّھ نہ کِسے پھڑائیا۔ جاں ویکھیا گُر اوتار پَیغمبراں کولوں اپنے نام دا کرا کے دنگا، لوک مات مَیدان دِتا وکھائیا۔ اِک لنگوٹا مذہباں دا کر کے ٹوٹا ٹوٹا، آپے بن کے کھرا تے آپے کھوٹا، قیِمت ہٹّ نہ کِسے پوائیا۔ ایسے کر کے نانک توں ہل دا لوایا جوتا، ننگیں پَیریں ہل چلوائیا۔ ایسے کر کے گوبِند توں بچّیاں دا نیِہاں ہیٹھ دبایا لیکھا کر کے وڈّا چھوٹا، پڑدا بھیوَ نہ کوئے سمجھائیا۔ جوتی جوت سروُپ ہرِ، آپ اپنی کِرپا کر، سچ کرنی کار کمائیا۔ بھادروں کہے پربھوُ میَں ویکھنے تیرے پہلوان، گُر اوتار پَیغمبر لنگوٹے لیَن کسائیا۔ میَں ویکھنے سکھیِاں والے کاہن، بِندرابن دے واسی جمنا تٹ سُہائیا۔ میَں بنباسی تکّنے رام، سیِتا نال بھجّن واہو داہیِا۔ میَں پَیغمبر تکّنے جہان، جو کلمہ کائنات دِرڑائیا۔ میَں گُروُ ویکھنے پردھان، جو ڈنکا تیرا نام سُنائیا۔ میَں چاہُندا سارے اِکو وار آ جان وِچ مَیدان، بچیا رہن کوئے نہ پائیا۔ سارے پھیر تکّن ساڈے بھلواناں دے ہُندیاں ساڈیاں مذہباں وِچ دیناں وِچ اِسلاماں وِچ کلاماں وِچ ساڈے نِظاماں وِچ چار کُنٹ وڑ گیا شیَطان، ساڈی شرع باہر نہ کوئے کڈھائیا۔ اسیں بھجیّئے نَٹھیئے چاروں کُنٹ ویکھیئے جیو جہان، اُتّر پوُرب پچھّم دکھّن پھول پُھلائیا۔ جِدھر تکّیئے ساڈے نام نالوں کام کرودھ لوبھ موہ ہنکار بنیا بلوان، ساڈی چلے نہ کوئے چتُرائیا۔ ساڈے شاستر سِمرت وید پُران اِنجیِل قرآن، کھانی بانی کمّ کِسے نہ آئیا۔ جو پڑھدے منزل موُل نہ چڑھدے گھر گھر ہوئے بے اِیمان، بیوہ ہوئی کوُڑ لوکائیا۔ پھیر سارے ہوئے حَیران، حَیرانی وِچ دُہائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، ہرِ کرتا اِک اکھوائیا۔ بھادروں کہے پربھ کوَن وڈبھاگا، میَنوُں دے سمجھائیا۔ کوَن سویا کوَن جاگا، جاگرت جوت کوَن رُشنائیا۔ کوَن ہنس کوَن بنیا کاگا، دُرمت مَیل کوَن دھوائیا۔ کوَن دیس کوَن پردیس کوَن ماہی کوَن مالک بنیا راجا، رعیت کوَن ویکھ وکھائیا۔ میَں جِدھر تکاّں کوئی ڈنڈاوت کرے کوئی نمستے کرے کوئی جھُک جھُک پڑھے نمازا، گُر اوتار پَیغمبر سارے تیرے چرناں
دھیان لگائیا۔ میَں حَیران ہو گیا ایہہ کی تیرا کھیل لوک مات ورتیا سوانگا، سوانگی کی اپنی کار کمائیا۔ اوہ جِنہاں گُروُ اوتار پَیغمبراں تیریِاں رکھیِاں تانگھاں، اوہناں نوُں جپ کے دیِن دُنی کِس طرح لیَنا جھٹ لنگھائیا۔ اوہ کرکے کی گئے دیِن مذہب دیاں بانٹاں، مانَو مانَو نال لڑائیا۔ کِسے نے کنّ وِچ اُنگلیِاں پا کے دِتیِاں بانگاں، منبراں اُتے دُہائیا۔ کِسے نے دسّیا لیکھا وِچ کرم کانڈاں، نچھتر گرِہ ونڈ ونڈائیا۔ کِسے نے دسّیا مندر مسجد شِودوالے مٹھ گُروُدوارا ٹھانڈا، ملِے مان وڈیائیا۔ کِسے نے کِہا سوُر کھا لؤ کِسے نے کِہا ڈھانڈا، ڈنگراں اُتے دیِن دُنی دِتی لڑائیا۔ جیہڑا آیا تیرے نال تیرے نام دا کر کے گانڈھا، کنّی گنڈھ کے اپنا جھٹ گیا لنگھائیا۔ تُوں کی کیِتا ساڈھے تِنّ تِنّ ہتّھ دا کایا اندروں کھوج کے بھانڈا، نام وستُو دِتی ورتائیا۔ جاہ بچّیا تُوں اوتار بنیا تُوں گُروُ بنیا تُوں پَیغمبر بنیا تُوں ایسے نوُں رہیں کھاندا، ہتّھ وِچ مالا دے منکے دِتے پھڑائیا۔ پہلوں اپنا نام سوَرن بنا کے پھیر اوسے نوُں بنا کر کے تانبہ، کسوٹی اگنی اُتے لگائیا۔ نالے کِہا میرے پریم دا میرے نام دا پیِؤ دوشاندا، جے پیِؤگے تے پِھر اندروں ہوئے صفائیا۔ ایسے کر کے مانَو مانَس پنج تت دا پُتلا گُر اوتار پَیغمبر دے پِچھے لگّ کے وکھّرا وکھّرا نام گاندا، پربھ دا اِک نام سمجھ کِسے نہ آئیا۔ کیوں اوہ بے پرواہ سدا اکھّراں والی صِفت سُناندا، راگاں ناداں وِچ ڈھولے جگت جنائیا۔ جے کوئی اوس دا بھیت پُچھے تے گُر اوتار پَیغمبر دسّیا اوہ مالک سچکھنڈ تھاں دا، جِتھے ویکھن کوئے نہ پائیا۔ پربھوُ تُوں نہ دِسیں تے نہ کِسے آئیں حِصّے، تے کی کیِتا جھگڑا پا کے اپنے ناں دا، نانکے دادکے سب نوُں دِتے بُھلائیا۔ کِسے نوُں کِہا وِشنوُں برہما شِو سب دی بنت بناندا، کِسے نوُں کِہا آدم حوّا تُہاڈی رچن رچاندا، واہ اوئے رچن رچان والیا رچن رچا کے اپنا پلّا نہ کِسے پھڑائیا۔ تَینوُں آد دی عادت تُوں سب توں متھے رِہوں ٹِکاندا، سیِس بِنا چرناں توں چرناں ولّ رکھائیا۔ گُر اوتار بردا بنیا رہیا تیری ہاں وِچ ہاں دا، نانہہ دا لفظ نہ کوئے اُٹھائیا۔ بھادروں کہے میَں وی پُت پُرکھ اکال تیرے ورگی ماں دا، تے پیو تُوں ہی نظری آئیا۔ ہُن تیرا ویلا نہیں جگت والے داء دا، داؤ پیچ نہ کوئے لگائیا۔ جوتی جوت سروُپ ہرِ، آپ اپنی کِرپا کر، اپنا رنگ رنگائیا۔ بھادروں کہے میَں نَٹھا آیا دؤڑا، اپنا پندھ مُکائیا۔ پھل ویکھیا مِٹھا کؤڑا، لکھّ چؤراسی پھول پُھلائیا۔ میَں ورقہ اُلٹیا جِس وِچ لیکھ لِکھیا او ویاسیا بےآسیا کیہڑی تیری دھار وِچ براہمن گؤڑا، گؤڑ گاوڑ سمجھ کِسے نہ آئیا۔ تیئی اوتار چھاتی تے ہتّھ رکھ کے کہن پتہ نہیں اوہ کِڈا لما تے کِڈا چؤڑا، عرض طوُل سکے نہ کوئے سمجھائیا۔ پَیغمبر کہن پتہ نہیں کیہڑے دُلدُل چڑھے گھوڑا، اَسو اَسوار
سوبھا پائیا۔ نانک دی دھار گوبِند کِہا اوہ جد تکو جوت شبد دھار دا جوڑا، دوُجا نظر کوئے نہ آئیا۔ بھادروں کہے پربھوُ اوہ کلجُگ دا انت پا کے موڑا، واگی ہو کے سب دیِاں پِٹھاں دئے بدلائیا۔ دُنیا اِک تیرا گاوے دوہرا، دوُجا راگ نہ کوئے سُنائیا۔ سب نوُں جواب دے دے کورا، حُکم اِکو اِک سُنائیا۔ بِن تیری کِرپا دیِن دُنی مذہب دی کڈھے کوئی نہ کھورا، جھگڑا کوُڑ نہ کوئے مِٹائیا۔ اے میرے مالک تیرے ہتّھ سب دیِاں ڈوراں، آتم پرماتم تیرا نظری آئیا۔ اے میرے مِہربان سد پِھردا رِہوں وانگ چوراں، ہُن چھاتی کڈھ کے اپنا آپ دے وکھائیا۔ ہُن میٹ دے کلجُگ کوُڑ گھنگھورا، نِرگُن نوُر چند کر رُشنائیا۔ تَینوُں پتہ نہیں کیوں گوبِند نے نینہاں تھلّے چِنایا فتح سِنگھ تے جورا، جوروُ زر دوویں دینے مِٹائیا۔ تیرا شبد گُروُ آد دا چھوہرا، نؤجوان سوبھا پائیا۔ جیہڑا تن مندر من اندر دیِن مذہب دا بن گیا پھوڑا، نام دی ٹھوکر نال دے بھنّائیا۔ جوتی جوت سروُپ ہرِ، آپ اپنی کِرپا کر، سد اپنا راہ وکھائیا۔ بھادروں کہے میرے بھگوان، بھگؤڑے دُھردے دے سمجھائیا۔ تَینوُں لبھدے وِچ بیِابان، جنگلاں وِچ پھیرے پائیا۔ تیرے پِچھے دھوُنی تان، اگنی تت جلائیا۔ تیرے پِچھے سویرے اُٹھ کے کرن اِشنان، مُکھوں تیرا نام صِفت صالاحیِا۔ تیرے پِچھے کردے دان، او بُھکھیا ننگیا چار جُگ دا دان لےَ کے صبر اجے نہ آئیا۔ اُٹھ ویکھ سَت دھرم دا رہیا نہ کوئی نِشان، نِشانہ ہتّھ نہ کوئے دِرڑائیا۔ ثابت رہیا نہ کوئے اِیمان، عملاں توں خالی ہوئی لوکائیا۔ تیرے نام دی بن گئی دُکان، ہٹّاں وِچ ٹکیاں والی قیِمت رہے پائیا۔ پھیر میَں ویکھیا تیرے گُروُ اوتار پَیغمبر بڑے بڑے پہلوان، سوُربیِر جودھے نظری آئیا۔ کندھیاں اُتے رومالیاں سرب سُٹان، پھیریاں دیون چائیں چائنیا۔ میَں پُچھیا تُسیں کِدھر پِھردے نؤ کھنڈ پرِتھمی مارو دھیان، نِگاہ اپنی اِک اُٹھائیا۔ سارے کہن اسیں منگنا اِک ججمان، جو داتا دُھردرگاہیِا۔ جِس دا اِکو ہونا فرمان، فُرنے سب دے بند کرائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا میلا لئے مِلائیا۔ بھادروں کہے پربھوُ یاد کر لےَ باوَن دھار، بل دوارے کی دُہائیا۔ جِس ویلے خبر دیندا نہیں سی کوئی اخبار، سندیسہ اوَر نہ کوئے جنائیا۔ چھپدا نہیں سی کوئی اِشتہار، اکھّراں نال نہ کوئے وڈیائیا۔ اوس ویلے کیِتا سی اِقرار، قؤل پِچھلا ویکھ وکھائیا۔ تیراں سؤ اٹھاسی رِکھی آئے پندھ مار، اپنا پھیرا پائیا۔ اوہناں دا لہنا قرضہ دے اُتار، پِچھلی آسا پوُر کرائیا۔ جِنہاں نوُں شبد سندیسے وِچ لیاندا اُٹھال، اُٹھ کے دیؤ وکھائیا۔ ویکھو اوہ نہ تے شاہ نہ ایہہ کنگال، اِکو روُپ دِتا سمجھائیا۔ پُرکھ ابناشی ہو مِہربان، مِہر نظر اِک
ٹِکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، تُہاڈا سَتجُگ دا دِتا ہویا دان، چار جُگ سانبھ کے رکھیا پھیر تُہاڈے ہتّھ پھڑائیا۔ دان کہے میَں سؤگی میَں گِری میَں لاچی، پوُرب دی نظری آئیا۔ ایہہ کتھا کہانی ساچی، میَں شہادت دیاں بُھگتائیا۔ جیہڑی بل دے ویلے بل دی سی داسی، ترِپت کؤر نال لئی رکھائیا۔ ایہہ کھیل پُرکھ ابناشی، جو ہر گھٹ اندر گھٹ گھٹ دا واسی، پاربرہم پت پرمیشور سوبھا پائیا۔ اِس دے نال اِس دی بھَین نؤ سال وڈّی 'راج' ہُندی سی جِس نوُں پِچھلے مہینے شبد دھار وِچ اگمّی گلّ آکھی، آکھ کے دِتا دِرڑائیا۔ اِک دیِپک جگاؤنا جِس دا لیکھا نال کملاپاتی، پت پرمیشور بےپرواہیِا۔ جوتی جوت سروُپ ہرِ، آپ اپنی کِرپا کر، سچ اپنی کار کمائیا۔ بھادروں کہے میَں نہیں بُھلیا، بُھلیکھا بھرم کوئے نہ پائیا۔ میَں خوشیاں وِچ پُھلیا، پردہ دیاں اُٹھائیا۔ باوَن دا تول پوُرے تول تُلیا، کنڈا ترازوُ نام نظری آئیا۔ جن بھگت دا دیِپک کدے ہووے نہ گُلیا، چؤتھے جُگ وِچ چؤمُکھیا دیِوا تیراں سؤ اٹھاسیِاں دا ساتھی لےَ کے آیا چائیں چائنیا۔ ایہہ تن دا دیوا جِس دی اِکو جوت تے اِکو باتی، سوبھا اِکو پائیا۔ جوتی جوت سروُپ ہرِ، آپ اپنی کِرپا کر، سد اپنی کار کمائیا۔ چؤمُکھیِا کہے میَں چار جُگ دا بھیتی، بھیوَ دیاں کُھلائیا۔ نِکی بھَین نے وڈّی بھَین نال کیِتی سی نیکی، اِشارے نال دسّ کے پربھ دا درس دِتا کرائیا۔ آپ دوُروں نِمسکار کر کے چھیتی، اکھّیں میٹ دھیان لگائیا۔ رو کے کِہا میَں اِک پربھوُ دی بناں بیٹی، جِتھے بیٹی بیٹے دا فرق رہے نہ رائیا۔ جوتی جوت سروُپ ہرِ، آپ اپنی کِرپا کر، سد اپنی کار کمائیا۔ دیوا کہے میَں دیِپک جگت چراغ، چراگاہاں کراں رُشنائیا۔ میَں پِچھلا گیا جاگ، نیتر لوچن اکھّ کُھلائیا۔ کِرپا کری پربھوُ مہاراج، مِہر نظر اُٹھائیا۔ جِس دا نؤ اَسوُ نوُں ناتا ٹُٹنا سی جگت والے سماج، دیِن دُنی رہن نہ پائیا۔ ایس ترِپت دی ایس جوتی دی بُجھنی سی لاٹ، ماتا پِتا سنگ نہ کوئے نِبھائیا۔ شبد دے وِہار وِچ سارے اِکٹّھے کِیتے کوئی لیکھا لِکھیا نہیں نال قلم دوات، شہادت سَتگُر والی بُھگتائیا۔ ایہہ پربھوُ دا آد توں رِواج، بھگتاں دا ہووے آپ سہائیا۔ کُچھ لیکھا لہنا چھّبی پوہ دی رات، رُتڑی اپنے نال مہکائیا۔ گُردرشن واسطے پنج وستُو جموں والیو پھیر لِیانی دات، چیلا سِنگھ تیرا شبدی بچن پوُر کرائیا۔ اَگے اَیسا کھیل کرے آپ، آپ اپنا پردہ لاہیِا۔ پھیر دسّاں گا کِس نوُں گود رکھنا مات، کِس دے اندر اپنا نِرگُن نوُر کراں رُشنائیا۔ کِس دے اندر بِن رسنا توں جپنا جاپ، اپنا راگ سُنائیا۔ جن بھگتو مِہر نِگاہ نال سب نوُں کر کے پاک، پتت پُنیِت دیوے وکھائیا۔ راتیں سُتیاں نوُں سنیہُڑا
دیوے آپ، چِٹھی چِٹھی رسیَن ہتّھ نہ کِسے پھڑائیا۔ ضرور مرن توں پہلوں درشن دیواں ساکھیات، کیوں ایہہ گوبِند دا واک نہ کوئی میٹے میٹ مِٹائیا۔ ہُن ساریاں نوُں دُکھ کہ ساڈا کُھلدا نہیں تاک، اَیویں سوہنگ سوہنگ جپ کے جھٹ لنگھائیا۔ خیال رکھیؤ اِک وار سب دا کھولنا بجر کپاٹ، پردہ رہے نہ رائیا۔ میری اِکو منزل اِکو واٹ، در اِکو سوبھا پائیا۔ روُح بُت کر کے پاک، پتت پُنیِت دیواں کرائیا۔ ایسے کر کے نؤ رنگ دی پاؤنی پوشاک، نؤ دوار دا ڈیرہ ڈھاہیِا۔ مُنڈے کُڑیِاں چُک کے اپنی ڈھاک، گُرمُکھ اپنے رنگ رنگائیا۔ اوس دوارے وِچ کر کے واس، جِتھے نِرمل نوُر جوت پرکاش چؤراسی دا گیڑ دیاں چُکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا میلا لئے مِلائیا۔ بھادروں کہے اوئے میرے پربھوُ ٹھاکر، ٹھاکر مندراں وِچ بڑے نظری آئیا۔ کی تیرا وی اے ڈِھڈ کایا گاگر، بُھکھ تیہ والا سوبھا پائیا۔ تن اُتے لےَ کے اوڈھن چادر، اپنا جھٹ لنگھائیا۔ سچ دسّ جے تُوں بندیاں ورگا بندہ تے کِس طرح دو جہان تراویں ساگر، گہر گمبھیِر دینا دِرڑائیا۔ جِس در تے دیویں آدر، پیِا درس تیرا نظری آئیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کمائیا۔ اوئے بھادروں ذرا چھّبی پوہ آؤن دے، اپنا وقت مُکائیا۔ گُر اوتار پَیغمبراں لنگوٹے کساؤن دے، دُھر دا حُکم سُنائیا۔ دیِناں مذہباں نوُں اِک اِک وار لڑاؤن دے، اَگے ہو نہ کوئے اٹکائیا۔ لگّی پربھ دی پریِتی سب نالوں اِک وار تُڑاؤن دے، ٹُٹی نہ کوئے گنڈھائیا۔ اپنیاں اوتاراں پَیغمبراں گُروُآں دی کیِتی ذرا ازماؤن دے، ویلا انت ازمائش والا سُہائیا۔ جوتی جوت سروُپ ہرِ، آپ اپنی کِرپا کر، سد اپنی کار کمائیا۔ گُر اوتار پَیغمبر چھّبی پوہ ویکھنا یُدھ، اپنا اپنا بل پرگٹائیا۔ شبد آواز نِکلے کِسے نہ بُدھ، بُدھی توں پرے دھار دِرڑائیا۔ برہمنڈاں دے اُتے پَینے کُد، زِمیں اسمان چرن نہ کوئے ٹِکائیا۔ ساریاں لڑ لڑ کے کہنا ساڈی دُہائی ہُن بدل جاوے جُگ، کلجُگ کوُڑ رہے نہ رائیا۔ پُرکھ ابناشی سب دے ہِردے کر دے شُدھ، سُدی ودی نہ ونڈ ونڈائیا۔ ساڈا پَینڈا رہیا مُک، منزل اپنی انتم گئی آئیا۔ اسیں سارے نام کلمے دی تھاں تیری ایہہ پڑھیئے تُک، تُوں میرا میَں تیرا راگ الائیا۔ اِکٹّھے بِن ڈنڈاوت بندنا سجدے تَینوُں جائیے جھُک، نِو نِو سیِس نِوائیا۔ کیوں اسیں سارے پرگٹے تیری شبد دھار دی کُکھ، سانوُں جمّن والی کوئی نہ مائیا۔ چار جُگ تیرے وکھّرے وکھّرے بنے رہے پُت، شریکا جگت والا بنائیا۔ پربھوُ تیری دُنیا تے لڑدی اُتوں ٹُک، اسیں تیرے نام دے ٹُکڑے دِتے کرائیا۔ ساڈے شاستر سِمرت وید پُران گیِتا گیان اِنجیِل قرآن
بائیبل تُریَت گُروُ گرنتھ سب دی بانی اِکٹّھی کر نہ سکی اِک مُٹھ، پنجاں تتاں اُتے پنجہ ہتّھ نہ کوئے ٹِکائیا۔ کِسے نے نام کِسے نے کلمہ جنایا جپایا وکھری وکھری گُٹھ، حِصّے چھوٹے چھوٹے پائیا۔ ایسے وِچ اسیں ہُندے رہے خوش، خوشیاں وِچ اپنا راہ چلائیا۔ جاں انت لیکھا منگیا کیوں ہویا کلجُگ اندھیرا گھُپ، نوُری چند نہ کوئے چمکائیا۔ اسیں سارے بَیٹھے چُپ، سیِس سکے نہ کوئے اُٹھائیا۔ ایہہ وی لگّا دُکھ، دیِن دُنی دُکھی رہی کُرلائیا۔ سب نوُں تیرے مِلن دی بُھکھ، نِرگُن تیرا راہ تکائیا۔ ساڈے مذہباں والے ساڈے لِکھیاں اکھّراں دا کر کے رُخ، پندھ اوتھے گئے مُکائیا۔ اَگے تُریا کوئی نہ اُٹھ، دُھر دا بنیا نہ پاندھی راہیِا۔ ایسے کر کے سب دے خالی ٹُھٹھ، وست نام نہ کوئے ورتائیا۔ پُرکھ اکالے دیِن دَیالے اسیں سارے تیرے سُت، سنتان تیری نظری آئیا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ رکھائیا۔ بھادروں کہے سُن جگت میریا بھراوا، بھائی دیاں سُنائیا۔ کیوں بنھیا جھوُٹھا دعوا، دعویدار نہ کوئی اکھوائیا۔ میرے اندروں نِکلے ہاوا، ہائے ہائے کر سُنائیا۔ کیوں نہیں سِکھیا دِتی پُتراں ماواں، بِنا پربھوُ توں دوُسر اوٹ نہ کوئے رکھائیا۔ کیوں ہنس بُدھی ہوئی وانگ کانواں، کاگ وانگ کُرلائیا۔ کیوں بھاگ لگّا نہیں ساڈھے تِنّ ہتّھ گراواں، گرِہ گرِہ نہ وجّی ودھائیا۔ کیوں سچکھنڈ دوارے لگّا نہیں نانواں، دھرم دی دھار نہ کوئے سُنائیا۔ کیوں بل نہیں آیا اندر باہواں، کلجُگ کوُڑی کِریا لئے ڈھاہیِا۔ کیوں مِلیِاں نہیں ٹھنڈیاں چھاواں، تپیاں سیِس ہتّھ نہ کوئے رکھائیا۔ کیوں بِنا پربھوُ توں ہویا نِتھاواں، گرِہ نظر کوئے نہ آئیا۔ اے پربھوُ میَں چاہُندا تُوں بھگتاں نوُں مِل سدا سد چاواں، چاؤ گھنیرا آپ جنائیا۔ تیرے چرناں بل بل جاواں، نِیوں نِیوں لاگاں پائنیا۔ جوتی جوت سروُپ ہرِ، آپ اپنی کِرپا کر، سد اپنا رنگ رنگائیا۔ بھادروں کہے بھرم بُھلیکھا کر دے دوُر، دوُر دُراڈے دَیا کمائیا۔ دیِن دُنی دا بخش قصوُر، مِہر نظر اِک اُٹھائیا۔ کِرپا کر صاحِب حضوُر، ہرِ تیری وڈیائیا۔ چھّبی پوہ نوُں مالوے والیاں بچّہ لِیانا اِک سوُر، ننّھا نِکاّ نظری آئیا۔ اِکّی قدم رکھنا دوُر، ودّھ گھٹّ نہ کوئے جنائیا۔ جل دا گِلاس لِیانا انگد در کھڈوُر، امرداس دئے گواہیِا۔ سروور رس کر بھرپوُر، رام داس سمجھائیا۔ جوتی جوت سروُپ ہرِ، آپ اپنی کِرپا کر، دُھر دا حُکم اِک سُنائیا۔ بھادروں کہے پنجاں گُرمُکھاں تیڑ پاؤنا کچّھا، تہمت نظر کوئے نہ آئیا۔ نِکاّ جِہا نال لِیانا وچھّا، ماجھے والیاں ونڈ ونڈائیا۔ پنجاں وِچ اِک نؤ سال دا ہووے بچّہ، ذات پات نہ کوئے وکھائیا۔ نال بھانڈا لِیانا کچّا، ماٹی برتن سوبھا پائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، ہرِ
وڈّا وڈ وڈیائیا۔ بھادروں کہے میرا بھرم بھؤ ناسا، نسّیا کوُڑ وِچار۔ پربھ مِلیا شاہو شاباشا، شاہو بھوُپ سچّی سرکار۔ جِس دا آد جُگادی کھیل تماشا، لیکھا جانے سدا جُگ چار۔ سب دی پوُری کرے آسا، ویکھنہار آپ سنسار۔ کھیلے کھیل پرِتھمی آکاشا، گگن منڈل دئے ادھار۔ نِرگُن جوت کر پرکاشا، کلجُگ میٹے دھوُاں دھار۔ جن بھگتاں پوُرا کرے گھاٹا، دیوے نام بھنڈار۔ چؤراسی پندھ میٹ کے واٹا، آون جاون دئے نِوار۔ سروور اِک نُہائے تاٹا، تیِرتھ تٹ چھڈ کِنار۔ امرت جام پیائے باٹا، نِجھر جھِرنا جھِرے اپار۔ سیج سُہنجنی سُہائے کھاٹا، آتم انتر اِک وِشال۔ سوبھاوَنت سُہائے پُرکھ ابناشا، دیِناں بندھپ دیِن دَیال۔ جھگڑا میٹ کے ذات پاتا، دیِناں مذہباں وِچوں کرے بحال۔ تُوں میرا میَں تیرا دسّ کے گاتھا، ساچا مارگ دسےّ سُکھال۔ سچ دوار کرکے واسا، وِشوَ دا جھگڑا دئے نِوار۔ اِکو بنکے پِتا ماتا، ہرِجن گودی لئے اُٹھال۔ ساچے نام دی دے کے داتا، دیِناں بندھپ دیِن دَیال۔ سِمرن دسّ کے پوُجا پاٹھا، جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، ہرِ وڈّا وڈ مِہربان۔ بھادروں کہے میَں سُنیا اگمّی بھجن، بھجّ بھجّ پندھ مُکائیا۔ جِس دا چار جُگ تولیا کِسے نہ وزن، محسوُس سکیا نہ کوئے کرائیا۔ گُر اوتار پَیغمبر چاچا آیا کزن، انکل بن کے جھٹ لنگھائیا۔ آپ گاؤندے رہے چھندن، سِکھیا جگت وِچ سمجھائیا۔ دیِناں مذہباں بنّھ کے بندھن، ونڈن ونڈ ونڈائیا۔ سدا نال موُل نہ ہنڈھن، جمّن تے مر جائیا۔ جُگ چؤکڑی رکھے کوئی نہ انگن، پتّھر بُت نہ کوئے سہائیا۔ کاغذ اکھّر منزل موُل کدے نہ لنگھن، صِفتاں وِچ صِفت صالاحیِا۔ بِن پربھوُ توں سچّا دیوے نہ کوئی انندن، پرمانند نہ کوئے سمائیا۔ بھگت سُہیلے جُگ جُگ جگن، نِرگُن نوُر جوت نوُر رُشنائیا۔ کلجُگ انتم میٹ پربھوُ پربھ اگن، امرت میگھ اِک برسائیا۔ نِمسکار تیرے بندن، سجدہ سیِس جھُکائیا۔ جوتی جوت سروُپ ہرِ، آپ اپنی کِرپا کر، سد اپنی کار کمائیا۔ بھادروں کہے پربھ سچ دا دسّنا دھرما، پریمیِاں دھرم جنائیا۔ دوآبے والیاں وِچوں اِک بن کے آؤنا برہما، مُکھ چار چار سُہائیا۔ جموں والیاں شِو پاربتی روُپ دھرنا، پربھ اپنا حُکم سُنائیا۔ لکچھمی وِشنوُں پربھ اپنا میل آپ کرنا، کرنی دا کرتا دئے وڈیائیا۔ ساچا سگن اوس ویلے ہتّھ پھڑنا، سانبھ کے مل سِنگھ رکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا میلا لئے مِلائیا۔ بھادروں کہے حُکم دُھر نِرنکاری، نِراکار رہیا دِرڑائیا۔ جن بھگتو سب نے چڑھنا دھرم دی کھاری، خالص اپنا حُکم ورتائیا۔ مان مِلنا پُرکھ ناری، نر نرائن دَیا کمائیا۔ بِنا پربھوُ توں سب دی آتما رہندی
کواری، جگت ویاہ کمّ کِسے نہ آئیا۔ چار دِن بھوگ رس ہؤمے والی بیماری، کام وِچ کُرلائیا۔ بِنا صاحِب سَتگُر توں دھرم دی گنڈھ پَوے نہ وِچ سنساری، سگلا سنگ نہ کوئے نِبھائیا۔ جگت جہان سدا خواری، بھَین بھائی مات پِت نار کنت سنگ نہ کوئے نِبھائیا۔ بِنا بھگتاں توں لاج رہے نہ کِسے مُچھ داڑھی، چوُنڈی سیِس نہ کوئے وڈیائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ بخشے اِک سرنائیا۔ بھادروں کہے کیوں گوبِند وڈیائی بھگؤتی، کی بھگتن دِتا سمجھائیا۔ کیوں اوس دی ہوئی منؤتی، کی من مت بُدھ چتُرائیا۔ اوہ داتی سدا بھؤ دی، دیِن دُنی وکھائیا۔ کیوں اوس ویلے شرع چُھری بنی سی کاؤں دی، گئوُ غریِب پئی دُہائیا۔ وڈیائی رہی نہیں سی رنک راؤ دی، رعیت ہاہاکار کر کُرلائیا۔ شان رہی نہیں سی کِسے شاہو دی، وسَت سچ نہ کوئے ورتائیا۔ دروہی پِھری سی االلہ دے دباؤ دی، دبدبا سب دے اُتے پائیا۔ جِس ویلے گوبِند چنڈی پرگٹائی پربھ دے ناؤں دی، ناؤں نِرنکار اِک جنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، سدا دھار رکھے بےپرواہو دی، بے پرواہ ہو کے بے پرواہی وِچ سمائیا۔
۳ بھادروں شہنشاہی سمت ۵ ہرِ بھگت دوار جیٹھوُوال
صدی چؤدھویں کہے میَں تکّے ویدی سوڈھی، سؤنڈ سب دی سُنی چائیں چائنیا۔ غُنچہ پُھل کھِڑیا ویکھیا ڈوڈی، مہک محبوُب مُحبّت والی مہکائیا۔ پَیغمبراں ویکھیا جھُکدیاں گوڈیِں، گھُٹنے زِمیں زماں سُہائیا۔ جگت جہان کھیل ویکھ کبّڈی کؤڈی، دیِن دُنی بھجیّ واہو داہیِا۔ پَیغمبراں دھار تکّی اگمّی اوڈھی، جو اوڑک اِک اکھوائیا۔ اوتاراں اُنگلاں رکھ کے اُپر ٹھوڈی، چِّنھ چِّنھ وِچوں بدلائیا۔ ناراں سہارا دے کے موڈھیِں، رادھا سیِتا سنگ رکھائیا۔ جگت دھار اوڈھن اوڈھی، بستر بھوُشن تن چُھہائیا۔ رس رسیَن بن کے دھوبی، جگت ترِسنا رنگ رنگائیا۔ تکدے رہے تپیِشر جوگی، جُگتی جگت ویکھ وکھائیا۔ نِگاہ ماردے رہے پرلوک لوکی، لُقمان لُقمہ کھا کے گیا جنائیا۔ سرگُن دھار بن دے رہے بودھی، جگت دُرمت مَیل دھوائیا۔ شبد ناد سُناؤندے رہے اگادھ
بودھی، بُدھی توں بودھ کرائیا۔ رمز دیندے رہے گوجھی، گوکل بِندرابن دُہائیا۔ دُھر دی دھار کردے رہے اُگھی، اُگن آتھن ڈنک وجائیا۔ انتم سب دی اؤدھ پُگی، پوُجا پاٹھ ویکھے تھاؤں تھائنیا۔ جِس کھیل کھِلایا چؤہ جُگی، جُگ چؤکڑی کار کمائیا۔ اوہ اگمّ اگمّڑا رہیا کُدی، قد صوُرت نظر کِسے نہ آئیا۔ لیکھا جان ودی سُدی، تِھت واراں پھول پُھلائیا۔ منزل رہن نہ دیوے لُکی، پردہ انتر دئے چُکائیا۔ سرِشٹی چار ورناں وِچ گھُکی، لاٹوُ مدھانیِاں دین گواہیِا۔ شبد دھار گائے کوئی نہ دو تُکی، نِرگُن سرگُن میل نہ کوئے مِلائیا۔ بھاگ لگّے کِسے نہ کُکھی، دھن بنے نہ کوئی جنیندی مائیا۔ اَیویں گربھ بھار رہی چُکی، بِن بھگتاں توں منُش جمّیا کمّ کِسے نہ آئیا۔ کرے کھیل پربھ صاحِب دیِن دُنی ویکھ کے دُکھی، دیِن دَیال دَیا کمائیا۔ جِس کھیل کھِلاؤنا پنج مُکھی، پنچم اپنا رنگ رنگائیا۔ سنت سُہیلا کر کے سُکھی، سُکھ ساگر وِچ سمائیا۔ جھگڑا میٹ مانَس منُکھی، ممتا کوُڑ دینی گواہیِا۔ جیہڑی آتما پرماتما درشن بُھکھی، نِج گرِہ میل مِلائیا۔ سب دی بدل دیوے رُچی، رچنا اپنی اِک جنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کمائیا۔ سَت کہے میَں واری وِٹہو، ویٹو اپنا اَدھیکار جمائیا۔ کھہڑا چُھٹن لگّا پتّھر اِٹّو، سِل پاہن نہ سیِس نِوائیا۔ بھگت بھگوان پرگٹ ہووے وِچوں، وِچلا پردہ دئے کُھلائیا۔ جو آد جُگادی جُگ جُگ اِکو، انت دا مالک نوُر الاہیِا۔ ساچی سِکھیا اُس توں سِکھو، جو سِکھیا سِکھ دئے وڈیائیا۔ اوسے دی مہما بودھ اگادھ لِکھو، لیکھا بنے قلم شاہیِا۔ سرب سوامی تکّو متو، مِتر پیارا نظری آئیا۔ جو مُحبّت کرے کرائے باہر وِتوں، وِتکرا رہن کوئے نہ پائیا۔ سچ پریِتی اندر کِھچو، پریم پیار گنڈھ رکھائیا۔ سد بچن بولنا مِٹھو، رس رسنا نال وڈیائیا۔ پربھ وسیا نہیں کدے باہر سَوا گِٹھوں، میروُڈنڈ دئے گواہیِا۔ کلجُگ ویلے انت اپنا آپ نجِٹھو، دوُجے سِکھیا نہ کوئے سمجھائیا۔ پربھ آد انت دا اِکو پِتو، پت پرمیشور بےپرواہیِا۔ جِس نوُں سارے یاد کردے پِچھوں، سنمُکھ ہو کے درس کوئے نہ پائیا۔ جو آد انت پوُری کرن والا اِچھو، آسا سب دی ویکھ وکھائیا۔ اُس دے کولوں موُل نہ چِھپو، چھپّر چھنّ دئے وڈیائیا۔ سچ دوارے اگمّی وِکو، قیِمت کرتا دئے چُکائیا۔ اِشٹ منّنا سدا سِکھو، ایکنکار اِک سرنائیا۔ جوتی جوت سروُپ ہرِ، آپ اپنی کِرپا کر، سد اپنا رنگ رنگائیا۔ رنگ کہے میَں رنگلا، رنگت اگمّ اپار۔ سُہاواں سوہنا بنگلا، سِری سچکھنڈ دوار۔ جِتھے شبدی ہووے چار منگلا، دوُجی اوَر نہ کوئے گُفتار۔ بِن سیِس توں ہووے بندنا، بِن چرن کوَل نِمسکار۔ بِن تیِرتھ ہووے مجنا، بِن
پوُجا ملِے سچ دھار۔ بِن تن لگائے انگنا، بِن من سُنے پُکار۔ بِن انجن پائے نیتر انجنا، نام نِدھانا اگمّ اپار۔ بِن کندھوں ڈاہے کندھنا، دُئی دوَیتی کرے چھار۔ بِن دواریوں جِس دوارے لنگھنا، جھگڑا مُکائے آر پار۔ جِس بِن مانگت دوارا ساچا منگنا، بِھکھک ہو کے بنے بِھکھار۔ جِس سچ دوارے بِنا دواریوں ونجھنا، وَنجھ مُہانا نہ کوئے ادھار۔ جوتی جوت سروُپ ہرِ، آپ اپنی کِرپا کر، بخشے اِک پیار۔ پیار کہے میَں آد پریمی، پرم پُرکھ پرگٹائیا۔ جُگ چؤکڑی دُھر دا نیمی، عملاں وِچ سوبھا پائیا۔ میرا لیکھا کُنٹ ہیمی، ہمساجن دئے دِرڑائیا۔ جِتھے اِکو ساک سیَنی، دوُجا نظر کوئے نہ آئیا۔ کلپنا وِچ نہ ہوئے بےچَینی، اگنی تت نہ کوئے تپائیا۔ ظالم ہو کے کرے نہ کوئی بے رحمی، شرع چُھری نہ کوئے چمکائیا۔ درِشٹی رہے کوئی نہ سہمی، بھے بھؤ نہ کوئے رکھائیا۔ دُھر دا کھیل سدا دائمی، دیِدہ دانِستہ دئے جنائیا۔ سَتجُگ وسے دھام مُقائمی، مُکمل اپنا ڈیرہ لائیا۔ مِتر پیارا ہووے سیَنی، سگلا سنگ رکھائیا۔ کدے ہوون نہ دیوے بےچَینی، چند سوُرج توں پرے کرے رُشنائیا۔ کی سندیسہ دے کے گیا بھگت بینی، بھگت دوار دھرم پرگٹائیا۔ جِس ویلے کلجُگ دُنیا ہوئی وہمی، بھانڈا بھرم نہ کوئے بھنّائیا۔ درس کرے کوئی نہ نیَنی، لوچن نیَن نہ کوئے کُھلائیا۔ سارے سِکھ جان مُکھ کہنی، سہن والا نظر کوئے نہ آئیا۔ وہن دھار ویکھنی ترِبَینی، ترِکُٹی تیِن لوک کھیل کی وکھائیا۔ جوتی جوت سروُپ ہرِ، آپ اپنی کِرپا کر، سد اپنی کار کمائیا۔ کار کہے میَں ویکھاں کُندراں، قدم قدیِم دا پھول پُھلائیا۔ پنجاں گُرمُکھاں کنّی ہوون مُندراں، مچھندر گورکھ ویس وٹائیا۔ پنجے رنگیاں ہوون اُنگلاں، رنگ تِنّ تِن چڑھائیا۔ والاں نوُں پائنیا ہوون گُنجھلاں، سِدھے صاف نہ کوئے رکھائیا۔ جوتی جوت سروُپ ہرِ، آپ اپنی کِرپا کر، سد اپنی کھیل کرائیا۔ کھیل کہے میَں کھیل کھِلاؤنا، خالق خلق جنائیا۔ چھّبی پوہ گُرمُکھ سب توں چھوٹا ویکھنا اِک بؤنا، قد نِکا نظری آئیا۔ اوس نے داہڑی کیس ودھاؤنا، چھّبی چھّبی اِنچ لمبائیا۔ گل بستر اِکو پاؤنا، پاربرہم دئے دِرڑائیا۔ مستک ترِسوُل نِشان بناؤنا، سوہنا رنگ رنگائیا۔ جِس نے سب دے اُتے امرت جل چِھڑکاؤنا، سیوا سچ لگائیا۔ پنجاں گُرمُکھاں ڈنکا اِک وجاؤنا، نؤبت نؤ مِنٹ کھڑکائیا۔ بِنا حُکم توں کِسے نہیں سؤنا، ساوَن دا مہیِنہ دئے گواہیِا۔ وِشن برہما شِو بن کے آؤنا پراہُنا، نِرگُن سرگُن دھار پندھ مُکائیا۔ جوتی جوت سروُپ ہرِ، آپ اپنی کِرپا کر، سچ میلا لئے مِلائیا۔ میلا کہے میَں کراں مِلاپ، مِلنی جگدیِش کرائیا۔ کھیلے کھیل پربھوُ پربھ آپ، اپنی دَیا کمائیا۔ اِک گُرمُکھ جِس نوُں چڑھیا ہووے تاپ، تپدا پِنڈا نال
رکھائیا۔ اِک گُرمُکھ جِس نوُں وجّا ہووے کاٹھ، بندھن بندھن وِچ بندھائیا۔ اِک گُرمُکھ جیہڑا کنّاں وِچ اُنگلاں پا کے کرے پاٹھ، سوہنگ ڈھولا سچ سُنائیا۔ جوتی جوت سروُپ ہرِ، آپ اپنی کِرپا کر، گھر ساچا ویکھ وکھائیا۔ گھر کہے میَں ہوواں سُہنجنا، سوبھاوَنت سُہائے۔ نیتر پاؤنا دُھر دا انجنا، نیَن نیَن مٹکائے۔ پربھ ویکھنا درد دُکھ بھےَ بھنجنا، بھوَ ساگر پار کرائے۔ جِس رنگ رنگاؤنا اعلیٰ ادنیٰ، عدل اِنصاف اِک وڈیائے۔ سب دی سانجھی کرے بندنا، بندیخانے دئے تُڑائے۔ نام نِدھانا اِکو ونڈنا، لکھّ چؤراسی جھولی دئے ٹِکائے۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، در ٹھانڈا اِک درسائے۔ در ٹھانڈا گہر گمبھیِر، دوُسر اوَر نہ کوئے جنائیا۔ جِتھے جھگڑا نہیں تت سریِر، ونڈن ونڈ نہ کوئے ونڈائیا۔ شہادت دیوے رَوداس کبیِر، قبراں توں باہر سُنائیا۔ میرا شہنشاہ شاہ پاتشاہ امیِر، نِمان نِمانا آپ اکھوائیا۔ جِس دی دو جہان برہمنڈ کھنڈ جاگیِر، دھن دؤلت اپنی نام نام پرگٹائیا۔ جِس نے لیکھ جنایا اکھّراں مار لکیِر، شاستراں ونڈ ونڈائیا۔ کھیل کھِلایا چِلّیا تیِر، کمان نال شمشیِر، کھڑگ کھنڈا کھڑگ کھڑگ ٹکرائیا۔ سو جن بھگت ہون نہ دیوے دِلگیِر، انتر انتشکرن پھول پُھلائیا۔ چھّبی پوہ گوبِند بننا اُچ دا پیِر، گُرمُکھ کندھیاں اُتے ٹِکائیا۔ نال امرت رکھنا نیِر، چارے کُنٹاں نال لٹکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، ویکھنہارا سرب ضمیِر، انتر نِرنتر نِرنتر انتر پھول پُھلائیا۔