۷ بھادروں شہنشاہی سمت ۵ ہزارا سِنگھ دے گرِہ امرتسر
بھادروں کہے میرے بھگوَنت، ہرِ کرتے دُھردرگاہیِا۔ کِرپا کر صاحِب گُنونت، پاربرہم تیری سرنائیا۔ لہنا دینا چُکا جُگا جُگنت، جُگ چؤکڑی تیری اوٹ تکائیا۔ کلجُگ کوُڑی مایا ویکھ بےانت، چار کُنٹ دہ دِشا اندھیرا چھائیا۔ سَت وِچ رہیا کوئی نہ سنت، دھرم دی دھار نہ کوئی پرگٹائیا۔ چار ورناں گڑھ بنیا ہؤمے ہنگت، ہؤمے گڑھ نہ کوئے تُڑائیا۔ بودھ اگادھا دِسے کوئی نہ پنڈت، بھیوَ ابھیدا تیرا سکے نہ کوئے کُھلائیا۔ لہنا دینا مُکا دے جیرج انڈج، اُتبُھج سیتج لیکھا رہے نہ رائیا۔ سچکھنڈ دوار ایکنکار در
تیرے منگت، مانگت ہو کے جھولی ڈاہیِا۔ انتر نِرنتر نِروَیر چاڑھ دے رنگت، انڈِٹھ اپنا رنگ رنگائیا۔ سَت دھرم دی سچ بنا سنگت، سگلا سنگ وکھائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در تیرے سیِس نِوائیا۔ بھادروں کہے میرے صاحِب سَتگُر میِت، مِتر پیارے دے دِرڑائیا۔ سچ دھرم دی سچ کر بخشیِش، رحمت رحیِم رحمان آپ کمائیا۔ تُوں میرا میَں تیرا دُھر دا کلمہ ہووے گیِت، کائنات دیِن دُنی درِشٹی اِشٹی اِکو نظری آئیا۔ جھگڑا رہے نہ مندر مسیِت، کایا کعبہ اِکو نوُر کر رُشنائیا۔ سچ دا کلمہ نام اگمّا دے حدیِث، حضرتاں توں پرے کر پڑھائیا۔ لیکھا مُکا دے ہست کیِٹ، اوُچاں نیِچاں ڈیرہ ڈھاہیِا۔ چرن کوَل اُپر دھوَل دھرم دی دھار ہووے پریِت، پریِتم پاربرہم پربھ اِکو نظری آئیا۔ سَتگُر شبد انت کرے تصدیِق، شہادت شہنشاہ بُھگتائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در ٹھانڈے منگ منگائیا۔ بھادروں کہے میرے صاحِب سوامی، انتر انتر سیِس نِوائیا۔ نِرگُن دھار انترجامی، انتشکرن ویکھ خلق خُدائیا۔ چار جُگ دی پِچھلی کٹ غُلامی، گہر گمبھیِر ویکھ وکھائیا۔ تَینوُں مالک منّدے انعامی، سچکھنڈ توں پرے سچ تیری رُشنائیا۔ صدی چؤدھویں تیرے کلمیاں ہوئی بدنامی، بدی دا بدلہ دے چُکائیا۔ چار کُنٹ ویکھ بداِنتظامی، نِگاہ نیَن آپ اُٹھائیا۔ منوُآ من وِکار کرے کلامی، کلمہ حق نہ کوئے سُنائیا۔ جلوہ نوُر نہ کوئے عرشانی، اگمّی اگّ نہ کوئے بُجھائیا۔ نبی رسوُلاں ہوئی پریشانی، پرا پسنتی مدھم بَیکھری رووے مارے دھائینا۔ جھگڑا پیا چارے کھانی، انڈج جیرج اُتبُھج سیتج کرے نہ کوئے صفائیا۔ امرت رس دیوے نہ کوئی اگمّا پانی، نِجھر جھِرنا بوُند سوانت نہ کوئے ٹپکائیا۔ آتم پرماتم پاربرہم برہم ملِے نہ ساچا ہانی، سگلا سنگ نہ کوئے وکھائیا۔ تیری صِفت سُنی وید پُرانی، شاستر سِمرت اِنجیِل قرآن گیِتا گیان ڈھولا گائیا۔ تُوں لیکھا ویکھ دو جہانی، تیرا کھیل سدا عالمے جاویدانی، ظاہر ظہوُر تیری سرنائیا۔ تُوں آد انت پَیغمبر اِک اِمامی، تیرا نام سچ سلامی، صحیح سلامت نظری آئیا۔ تیری اَلھڑ ترل جوانی، تیرا نوُر جوت مہانی، دیِپک سکے نہ کوئے بُجھائیا۔ اوتار پَیغمبر گُر تیرے ننےّ بال نادانی، جُگ جُگ نِرگُن سرگُن سیو کمائیا۔ انت کنت بھگوَنت صاحِب سَتگُر کر مِہربانی، محبوُب مُحبّت وِچ منگ منگائیا۔ جوتی جوت سروُپ ہرِ، آپ اپنی کِرپا کر، ایکا دے دُھر دا ور، در تیرے آس رکھائیا۔ در تیرا اِک سُہنجنا، میرے صاحِب سچ سُلطان۔ کلجُگ انتم داتے منگنا، نِردھن بن کے بال اَنجان۔ تُوں خالق مالک چاڑھیں رنگنا، مُحبّت وِچ
ہو مِہربان۔ میری ڈنڈاوت میری بندنا، ہؤں وِٹہو قُربان۔ تیرا حُکم بھانا سب نے منّنا، سیِس جگدیِش سرب جھُکان۔ شبد سُنا بِن کنّنا، انحد نادی دے گان۔ گڑھ ہنکار کوُڑ بھنّنا، کلجُگ شرع نہ رہے شیَطان، نِرگُن نوُر جوت چاڑھدے چندنا، اندھ اندھیر مِٹے جہان۔ تیرا ناؤں سوُرا سربنگنا، آد جُگادی دو جہان۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، تُدھ بِن دوُجا نظر کوئے نہ آوے وِچ زِمیں اسمان۔ بھادروں کہے میرے صاحِب کنت سُہیلے، سچ تیری وڈیائیا۔ ایکا رنگ رنگ دے گُروُ گُر چیلے، چیلا گُر اِکو روُپ نظری آئیا۔ آتم پرماتم کر دے میلے، پاربرہم برہم مِل کے وجےّ ودھائیا۔ سَتجُگ تریتا دواپرکلجُگ تُوں کھیل اگمّی کھیلے، خالق خلق تیری وڈیائیا۔ ہُن لبھنا نہ پئے تَینوُں وِچ جنگل بیلے، جوُہاں کھوج نہ کوئے کُھجائیا۔ دیِن دُنی نالوں ہو کے وِہلے، ویلا وقت لئے پرگٹائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، سِر اپنا ہتّھ رکھائیا۔ بھادروں سُن اگمّی فرمان، ہرِ کرتا آپ دِرڑائیا۔ کھیلاں کھیل وِچ جہان، نِرگُن سرگُن کار کمائیا۔ کوُڑی کِریا میٹ شیَطان، شرع شریِعت کراں صفائیا۔ سرِشٹی درِشٹی دے کے اِک گیان، من کا منکا دیاں بھوائیا۔ مایا ممتا موہ نہ رہے حرام، کلپنا کوُڑ نہ کوئے ہلکائیا۔ سچ ناد دے دُھنکان، انادی ناد اِک سُنائیا۔ امرت رس دے کے پیِن کھان، ترِسنا کوُڑی دیاں بُجھائیا۔ شبد سُنا کے بِنا کان، گرِہ مندر پردہ آپ اُٹھائیا۔ کر پرکاش بِنا سوُریہ بھان، نِرگُن نوُر ڈگمگائیا۔ سچ سِنگھاسن دے آرام، آتم سیجا اِک سُہائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، دھرم دی دھار اِک سمجھائیا۔ سچ دھرم اِک دِرڑاواں گا۔ لکھّ چؤراسی ویکھ وکھاواں گا۔ بھگت سُہیلے جگت اُٹھاواں گا۔ ساچی کھیل اپنی کھیلے، خالق خلق روُپ پرگٹاواں گا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، مارگ اِکو اِک وکھاواں گا۔ مارگ اِکو اِک وکھائیگا۔ دیِن دَیال دَیا کمائیگا۔ پاربرہم پربھ پردہ لاہیگا۔ صاحِب سَتگُر ویس وٹائیگا۔ ورن برن کھوج کُھجائیگا۔ ذات پات دا لیکھ چُکائیگا۔ کلجُگ میٹ اندھیری رات، سَتجُگ سچ چند چمکائیگا۔ تُوں میرا میَں تیرا دسّ کے آتم گاتھ، پاربرہم پربھ ڈھولا راگ الائیگا۔ کایا مندر اندر کر کے واس، واسطہ اپنے نال جُڑائیگا۔ گُر اوتار پَیغمبراں دے شاباش، سِر اپنا ہتّھ رکھائیگا۔ صدی چؤدھویں انت اَخیِر سب دی پوُری ہوئی خواہش، پَیغمبر نبیِاں رسوُلاں رحم کمائیگا۔ صدی بیِسویں سیِس رہے کوئی نہ تاج، تختہ دیِن دُنی اُلٹائیگا۔ جو نانک گوبِند لِکھیا بودھ اگادھ، بُدھی توں پرے بھیوَ کُھلائیگا۔
جِس نے نؤ کھنڈ پرِتھمی چار ورن بناؤنا اِک سماج، سمیں دا مالک اپنی کار بُھگتائیگا۔ جِس نوُں االلہ رام واہِگُروُ کہندے گاڈ، گائیڈ اِکو نظری آئیگا۔ جِس نوُں جھُکدے سنت سادھ، سجّن بے پرواہ آپ اکھوائیگا۔ جوتی جوت سروُپ ہرِ، آپ اپنی کِرپا کر، دُھر دا کلمہ دے کے واحد، لاشریِک شرع دیِن دُنی بدلائیگا۔ بھادروں کہے میَں جھُک جھُک کراں پرنام، نمستے سیِس نِوائیا۔ کلجُگ انت پہنچیا آن، ویلا وقت دئے گواہیِا۔ کِرپا کرے سِری بھگوان، ہرِ کرتا دُھردرگاہیِا۔ اٹّھ بھادروں حُکم دینا فرمان، فرمان سندیسہ اگمّ اتھاہیِا۔ نؤ رکھنے نال بادام، نوَ کھنڈ دا پردہ لاہیِا۔ سرب جیِاں دا بن کے جانی جان، کی کھیل ہونا اُتے اسمان، جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ حُکم اِک سُنائیا۔ سچ دا حُکم اگمّ اِک، ایکنکار دِرڑائیا۔ جِس دا لیکھا کوئی نہ سکے لِکھ، قلم سیاہی نہ کوئے چتُرائیا۔ جِس توں سارے سِکھیا رہے سِکھ، گُر اوتار پَیغمبر مُریِد مُرشد روُپ وٹائیا۔ در درویش منگن بِھکھ، مانگت ہو کے جھولی ڈاہیِا۔ سو سب دا لہنا دینا آد انت دا لئے نجِٹھ، چار جُگ دا لیکھا دئے مُکائیا۔ اٹّھ بھادروں نوُں گوبِند والی کڈھ کے چِٹّ، چِٹی دھار دینی دِرڑائیا۔ کیوں رَوداس نے گوڈے تھلّے رکھی اِٹّ، رمبی اُتے دِتی گھسائیا۔ کیوں دیِن دُنیا کوُڑ وِکارے گئی وِک، قیِمت کرنی والی پائیا۔ کیوں صاحِب سوامی پئے نہ دِس، دہ دِشا نہ کوئے رُشنائیا۔ کیوں سرِشٹی بھری وِس، وِشیاں وِچ دُہائیا۔ جوتی جوت سروُپ ہرِ، آپ اپنی کِرپا کر، سد اپنا حُکم ورتائیا۔ بھادروں کہے حُکم اپارا، ہرِ کرتا آپ دِرڑائیا۔ جِس نوُں کہندے چؤویِاں اوتارا، کل کلکی ویس وٹائیا۔ جوتی جوت نوُر اُجیارا، نوُر نوُرانہ ڈگمگائیا۔ جِس نے کلجُگ انتم دا دِتا سرب اِشارہ، سیَنت نال دِرڑائیا۔ اوہ ویکھے کھیل پروردِگارا، سانجھا یارا نوُر الاہیِا۔ جِس نوُں جھُکدے گُروُ اوتارا، پَیغمبر سیِس نِوائیا۔ اوہ سرگُن توں نِرگُن دھار آیا دوبارہ، دو جہاناں پھول پُھلائیا۔ دیوے حُکم سچّی سرکارا، نہ کوئی میٹے میٹ مِٹائیا۔ جوتی جوت سروُپ ہرِ، آپ اپنی کِرپا کر، سد اپنا کھیل کرائیا۔ بھادروں کہے پربھ دا کھیل اپارا، اپرمپر سوامی آپ دِرڑائیا۔ جُگ چؤکڑی جِس دا وِہارا، سَتجُگ تریتا دواپرکلجُگ کار کمائیا۔ نِرگُن دھار ہو اُجیارا، جوتی جاتا ڈگمگائیا۔ جِس دا عالم کُل اِشارہ، عِلم نہ کوئے وڈیائیا۔ اوہ لیکھا جانے دیِن دُنی دی دھارا، دھرم اِیمان ویکھ وکھائیا۔ جوتی جوت سروُپ ہرِ، آپ اپنی کِرپا کر، سد اپنا پردہ لاہیِا۔ بھادروں کہے میَں ویکھنی پربھ دی ریِت، ریِتیوان دَیا کمائیا۔ کِس بِدھ بخشے سچ پریِت، پریِتم ہو کے ہوئے سہائیا۔ ساچا دیوے
نام گیِت، ڈھولا سوہلا اگمّ اتھاہیِا۔ ہر ہِردے وسے چیت، چِت وِت ٹھگؤری رہے نہ رائیا۔ جھگڑا میٹے اوُچ نیِچ، راؤ رنک کرے صفائیا۔ کایا کر کے ٹھانڈی سیِت، اگنی تت بُجھائیا۔ تُوں میرا میَں تیرا آتم پرماتم دھرم دھار دا گیِت، گہر گمبھیِر کرے پڑھائیا۔ جو سچکھنڈ دا سچ وسنیِک، وصل دیوے نوُر الاہیِا۔ صدی چؤدھویں دسےّ حق تؤفیِق، طرف دوطرف نہ ونڈ ونڈائیا۔ سَت سچ دی کر بخشیِش، رحمت آپ کمائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا پردہ آپ اُٹھائیا۔ سچ کہے میَں آد انت دا ساچا، سچ وِچ سمائیا۔ میرا لہنا جیِؤ پِنڈ کاچا، تن ماٹی وجےّ ودھائیا۔ میَں منوُآ ہو کے ناچا، نوَ در بھجّا واہو داہیِا۔ میَں نوُر نوُر پرکاشا، نوُر میرا پِتا مائیا۔ میَں صاحِب سَتگُر دا داسا، سیوک سیوا وِچ سمائیا۔ میَں ویکھاں پرِتھمی آکاشا، گگن گگننتر پھول پُھلائیا۔ میَں منڈل پاواں راسا، گوپیاں کاہن کھیل کھِلائیا۔ میَں دھرم دھار دیِاں تکاّں شاخاں، شخصیّت توں پرے ویکھ وکھائیا۔ میَں صاحِب سَتگُر نوُں آکھاں، نِیوں نِیوں سیِس نِوائیا۔ کلجُگ اندر سَتجُگ کھول کے ہاٹا، وست امولک اگمّ ورتائیا۔ کیہڑا تَینوُں آؤندا گھاٹا، اتوٹ اتُٹ تیری سرنائیا۔ دوُر دُراڈا نیڑے کر دے واٹا، اگلا پندھ مُکائیا۔ گوبِند دا لیکھے لا دے امرت باٹا، جو چار ورناں رس پیائیا۔ نؤ سؤ چُرانوے چؤکڑی جُگ دا ویکھ کھاتہ، پوُرب پِچھلا پھول پُھلائیا۔ کِس گرِہ مندر اندر تیرا واسا، استھان بھوُمکا دے دِرڑائیا۔ تُوں صاحِب سرب کلا سمراتھا، جوتی جوت سروُپ ہرِ، آپ اپنی کِرپا کر، دیونہارا دُھر دا ور، وست وستُو آپ ورتائیا۔ وستُو کہے میَں دسّاں نال پیار، پیار وِچ جنائیا۔ نؤ چھٹانک دا لِیانا اِک انار، جیہڑا رادھا کرِشن بھیٹ چڑھائیا۔ حُکم دِتا شبد دی دھار، سندیسہ اگمّ اتھاہیِا۔ جِس ویلے کل کلکی لئے اوتار، وید ویاسا دئے گواہیِا۔ نِرگُن نوُر کر اُجیار، جوتی جوت ڈگمگائیا۔ لیکھا جانے سرب سنسار، سرِشٹی درِشٹی پھول پُھلائیا۔ اودھروں نارد آ گیا کہے اُچی پُکار، واہ واہ تیری بےپرواہیِا۔ ایہہ انار میری کرمنڈلی وِچ دے ڈار، میرے توں وڈّا بھگوان نظر کوئے نہ آئیا۔ میَں اوسے دا روُپ سدا رہاں جُگ چار، جُگ چؤکڑی بھجّاں واہو داہیِا۔ نہ مراں نہ جمّاں نہ ہوواں خوار، ہاہاکار نہ کوئے دُہائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کمائیا۔ انار کہے میَں چمڑی اندر بند، دانہ دانہ نظری آئیا۔ میَں کِس دی آؤنا ونڈ، کوَن حِصّے رہیا وکھائیا۔ کِس دا میلنا سنگ، کوَن اپنے نال چلائیا۔ کرِشن نے کِہا تَینوُں اُس نے لاؤنا انگ، جو مالک دُھردرگاہیِا۔ نارد کِہا
میَں کاہن اُس کاہن توں پہلے میَں لیا منگ، میری کرمنڈلی دے بھرائیا۔ اونے چِر نوُں اِک سکھی آئی اُس نے چپیڑ ماری وِچ کنڈ، بودی پھڑ کے دِتا ہِلائیا۔ نارد اُچی اُچی پائی ڈنڈ، ہاہاکار کر سُنائیا۔ نی کاہن دیِئے سکھیئے ویکھ لےَ اکھّیِں اے جِس ویلے اوہ کاہن آیا میرے حُکم نال تُوں وی پَینا جمّ، میَں وی سندیسہ دِتا سُنائیا۔ اوس ویلے آوینگے پِھر وی ہم، اپنا پھیرا پائیا۔ دھرم دھار لنگوٹی بنّھ، بھجّاں چائیں چائنیا۔ تُوں سُن لےَ لا کے کنّ، سہج نال دِرڑائیا۔ اُس ویلے ایہہ تَینوُں مِلنا ڈنّ، تیرے پّلیوں قیِمت دینی خرچائیا۔ میری کرمنڈلی دا تَینوُں لیکھا دینا پَینا ہنُے جا منّ، نہیں تے پربھوُ توں لَواں منوائیا۔ جوتی جوت سروُپ ہرِ، آپ اپنی کِرپا کر، سچ اپنا حُکم منائیا۔ سکھی کہے او نارد شیَطان، کی رہیا سُنائیا۔ کرِشن توں وڈّا کیہڑا کاہن، بنسریاں دُھن الائیا۔ میَں کِس توں منگاں دان، جھولی کِس دے اَگے رکھائیا۔ نارد اپنا کنّ مروڑیا اُچی رو کے لگّا کُرلاؤن، کوُک کوُک سُنائیا۔ میرا اوہ سِری بھگوان، جِس نوُں نند یشودا جمےّ کوئے نہ پِتا مائیا۔ میرا اوہ مِہربان، جیہڑا زِمیں اسماناں نظر کِسے نہ آئیا۔ میرا اوہ شہنشاہ سُلطان، جِس دے حُکم اندر گوپیِاں کاہن بھجّن تھاؤں تھائنیا۔ جِس ویلے کلجُگ انتم اُس کِرپا کیِتی مہان، مِہر نظر اُٹھائیا۔ نِرگُن روُپ دھر کے آوے وِچ جہان، جگت نیتر درس کوئے نہ پائیا۔ تیرا لہنا دینا ویکھے آن، آپ اپنا رنگ رنگائیا۔ اُس دا شبد سندیسہ وڈ بلوان، جُگ جُگ دے سُتیاں لئے جگائیا۔ اوس سمیں اُس سکھی دے نال اوہدی بھَین سی اُنی سال دی نؤجوان، جوبن ونتی سوبھا پائیا۔ اُس ہسّ کے کِہا پنڈت جی کی دیؤ فرمان، کی رہے جنائیا۔ نارد کِہا تُوں اجے اَنجان، تَینوُں سُتی نوُں سُتیاں لئے اُٹھائیا۔ جوتی جوت سروُپ ہرِ، آپ اپنی کِرپا کر، سد اپنی کار کمائیا۔ نارد کہے وقت آ گیا قریب، سماں سمیں وِچوں بدلائیا۔ پربھ دا کھیل عجیِب، عجب نِرالا رہیا وکھائیا۔ جِس نے سَتجُگ تریتا دواپرکلجُگ دِتی ترتیب، یکے بعد دیگرے اپنا حُکم سُنائیا۔ اوسے دے وِچ حق تؤفیِق، شاہ پاتشاہ شہنشاہ دُھردرگاہیِا۔ اٹّھ بھادروں اوسے دی کراں اُڈیِک، جِس دا لیکھا کاہن گھنئیا گیا دِرڑائیا۔ ایسے کارن شبدی حُکم اندر سدّیا دلجیِت، پوُرب لہنا جھولی پائیا۔ وِچولا رکھیا نہیں کوئی بیِچ، قلم سیاہی ونڈ نہ کوئے ونڈائیا۔ سب دی آسا منسا پوُری کرے اُمیِد، نِراسا رہن کوئے نہ پائیا۔ جُگ چؤکڑی جِس صاحِب سَتگُر دی نِرگُن دھار سارے ویکھدے رہے تواریخ، تریک نظر کِسے نہ آئیا۔ اوہ صاحِب سوامی انترجامی نِرگُن دھار اپنی کرے بخشیِش، رحمت دُھر دی جھولی پائیا۔ جوتی جوت سروُپ ہرِ، آپ اپنی کِرپا کر، کرے کھیل
ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، آد انت جُگا جُگنت جن بھگتاں چاڑھے رنگ مجیِٹھ، ایتھے اوتھے دو جہاناں اُتر کدے نہ جائیا۔
۸ بھادروں شہنشاہی سمت ۵ مہِندر سِنگھ دے نوِت امرتسر شہر
تیرا کلمہ آلو زینہ زینہ، کائنات نظری آئیا۔ تیرا کھیل یامُبیِنا، ملجوُمبی مسررے بہزان سوبھا پائیا۔ کنزوی کوزم تانیسا دوزکودی بہِشت وزی پَیغمبرے نزی نوُرے نزاہ ظہوُرے ظاہر بےپرواہیِا۔ قدیِمے کدس عالمینے نوس شاہے سُلطان منیزی سوزیوی طاؤس تمنّا، طمع تامس نہ کوئے رکھائیا۔ زوالے عرض مِمزالے غرض شَیہ زوالے سُلطانا بوُ نکو سوئد آدمے آدم دمے دم خواہش خاص خالص وڈ وڈیائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، دھرم دوارا اِکو سوبھا پائیا۔ پَیغمبرے پزست نوُرے نظرے نازینے زودے اِشٹ زختلوُ آفتاب سلّوُ مُعاجزے ازو عاجزے تاجر تختے تہران تہزیبؤل اِنسان فِطرے فاتحہ فرشے خاکہ زمیؤل زاکا آقا اِک اکھوائیا۔ بہِشتے بؤزو ہاوستے ہروُ کانستے مؤجوُدہ مؤجوُ مُفلِسے مُفاد شاہانہ زواد شہنشاہ افراد جِس دی آفر وِچ مُسافر گُر اوتار پَیغمبر راہ تکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، جگت جگیاَسوُ جوت دا پرکاشوُ، شبد دا سنیاَسوُ، آد انت دا واَسوُ، وِشوَ واسو دیوَ آتما درب دیناں دین ناتھا دَیاوان داتار اِک اکھوائیا۔
۸ بھادروں شہنشاہی سمت ۵ لال سِنگھ دے گرِہ امرتسر چھاؤنی
گُر اوتار پَیغمبر اپنا دھارو بل، بلدھاری ہو کے لوک مات ویکھ وکھائیا۔ کیوں دیِناں مذہباں وِچ ہویا چھل، کوُڑی کِریا لوبھ موہ ہنکار ہلکائیا۔ امرت سروور رہیا کوئے نہ جل، تیِرتھ تٹ رہے کُرلائیا۔ جیِون زِندگی مسلہ ہوئے کِسے نہ حل، لکھّ چؤراسی پھند نہ
کوئے کٹائیا۔ نِرگُن نوُر جوت پرکاش ہووے نہ کِسے پل، پلکاں دے پِچھے ملِے نہ نوُر الاہیِا۔ سچ مقام ویکھے نہ کوئے اٹل، شاشتر سِمرت وید پُران اِنجیِل قرآن پڑھ پڑھ تھکی لوکائیا۔ تُوں میرا میَں تیرا پاربرہم برہم جائے کوئے نہ رل، نِرگُن نِرگُن وِچ نہ کوئے سمائیا۔ نؤ کھنڈ پرِتھمی ستّ دیِپ جھگڑا پیا کایا ماٹی کھلّ، بھیوَ ابھیدا انتر نِرنتر نہ کوئے کُھلائیا۔ کیوں دیِن دُنی جگت حِصّے آئے ملّ، مالک ہو کے اپنی ونڈ ونڈائیا۔ صدی چؤدھویں انت اَخیِر کی گرِہ گرِہ دیوو پھل، وست امولک اگمّ کی ورتائیا۔ جوتی جوت سروُپ ہرِ، آپ اپنی کِرپا کر، ایکا دیوے دُھر دا ور، دُھر فرمانا اِک دِرڑائیا۔ گُر اوتار پَیغمبر اُٹھو نؤجوان، بلدھاری بَل پرگٹائیا۔ کیوں تُہاڈیاں مذہباں وِچ کلجُگ وڑیا کوُڑ شیَطان، شرع شرع نال ٹکرائیا۔ آتم برہم دِسے نہ کوئے گیان، بُدھی بِبیک نہ کوئے کرائیا۔ مندر مسجد شِودوالے مٹھ گُروُدوار ہوئے حرام، ہِردے ہرِ نہ کوئے وسائیا۔ گنگا گوداوری جمنا سُرستی اٹھسٹھ تیِرتھ کر کر تھکے اِشنان، دُرمت مَیل پاپاں کرے نہ کوئے صفائیا۔ سُرتی شبدی میل ہوئے نہ ساچے شام، نام دُھن اگمّی بنسری ناد نہ کوئے سُنائیا۔ نِج نیتر لوچن نیَن درس ملِے نہ کِسے اِمام، عملاں کوُڑ کرے نہ کوئے صفائیا۔ گُر اوتار پَیغمبرو تُہاڈے ہُندیاں تُہاڈے سِکھ مُریِد مایا ممتا کیتے غُلام، موہ زنجِیر نہ کوئے تُڑائیا۔ صدی چؤدھویں سارے ہووو سوادھان، سچکھنڈ دوارے درگاہ ساچی مقامے حق لؤ انگڑائیا۔ جو نام سندیسہ کلمہ دیندے آئے وِچ جہان، اکھّراں وِچ صِفتاں والی کر پڑھائیا۔ تِس اُتے مانَو ذاتی ہِندوُ مُسلم سِکھ عیِسائی اِک دوُجے دا کرن قتلِ عام، قتل گاہ بنی خلق خُدائیا۔ دُھر سندیسہ سُنو اگمّ فرمان، جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، ہرِ داتا بےپرواہیِا۔ گُر اوتار پَیغمبرو کلجُگ انت لؤ انگڑائی، آلس نِندرا رہن نہ پائیا۔ کیوں تُہاڈا اِشٹ منّن والیاں پربھ نالوں ہوئی جُدائی، آتم پرماتم میل نہ کوئے کرائیا۔ کیوں چار کُنٹ دہ دِشا رَین اندھیری چھائی، ساچا نوُر نہ کوئے چمکائیا۔ کیوں ذاتاں پاتاں پئی دُہائی، دیِن مذہب کرے لڑائیا۔ جے سب نے دسّیا االلہ واہِگُروُ رام اِکو نوُر الاہی، دوُجا نظر کوئے نہ آئیا۔ اکھّراں وِچ لیکھا لِکھ کے کاغذ اُتے شاہی، شہنشاہ دا جھگڑا آئے پائیا۔ دھرم جنایا کِسے نے سوُر کِسے نے گانئی، پشوُآں اُتے دیِن دُنی ونڈ ونڈائیا۔ سچ دسّو لوک مات کؤن قصائی، شرع دی چُھری کِس اُٹھائیا۔ سب توں لیکھا منگے ہرِ کرتا انت گوسائیں، گہر گمبھیِر ویکھ وکھائیا۔ نِرگُن سرگُن سرگُن نِرگُن جِس نے جُگ چؤکڑی کھیل کھِلائی، خالق خلق اگمّ اتھاہیِا۔ سو سوامی انترجامی ویکھنہارا تھاؤں تھائیں، تھان تھننتر نِرنتر پردہ پھول پُھلائیا۔
جوتی جوت سروُپ ہرِ، آپ اپنی کِرپا کر، دیونہارا دُھر دا ور، سچ سندیسہ اِک جنائیا۔ گُر اوتار پَیغمبرو کیوں نام دا پایا رؤلا، دیِن دُنی لڑائیا۔ نام دسّ کے االلہ مؤلا، واہِگُروُ رام رام جنائیا۔ پِھری دروہی اُپر دھؤلا، دھرنی دھرت دھوَل رہی کُرلائیا۔ سَتجُگ تریتا دواپر کلجُگ کیوں پربھ نے رکھیا اوہلا، پردہ اپنا نہ حق کُھلائیا۔ سارے ویکھو اپنا کیِتا اِقرار قؤلا، ماضی پوُرب دا پردہ لؤ اُٹھائیا۔ کلجُگ انت کوَن کرے بھار ہؤلا، لکھّ چؤراسی جم کی پھاسی دئے تُڑائیا۔ سَت دھرم دا نؤ کھنڈ پرِتھمی ستّ دیِپ مانَو ذاتی لاوے اِکو دھرم دا پؤڑا، پاربرہم میلا میلے سہج سُبھائیا۔ سچ دسّو تُہاڈا وقت کِنّا بہُتا تے کِنّا تھوڑا، پیشیِن گوئیاں وِچ کی دِرڑائیا۔ کی تُہاڈا دیِن مذہب مایا ممتا وِچ ہویا کؤڑا، نِجھر رس انرس نہ کوئے چکھائیا۔ صدی چؤدھویں پَیغمبرو کیوں دُھر اِمام دی پئے لوڑا، محمد محبوُب منگ کیوں منگائیا۔ تیئی اوتار دسّو اپنا دوہرا، بھیوَ ابھیدا اگمّ کُھلائیا۔ دس گُروُ نِرگُن سرگُن دھار تکّو جوڑا، جو جُگ چؤکڑی کھیل کھِلائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، در ٹھانڈا اِک درسائیا۔ گُر اوتار پَیغمبرو کِتھے گیا تُہاڈا بودھ، بُدھی توں پرے پڑھائیا۔ ہر ہِردا کیوں نہ سکے سودھ، سُدی ودی کی چتُرائیا۔ بھیوَ کھول نہ سکے گوجھ، رمز نام نہ کوئے لگائیا۔ کیوں دیِن دُنیا مایا ممتا کرے چوج، چوجی پریِتم مِلن کوئے نہ پائیا۔ کیوں من واسنا بھوگے بھوگ، بھانڈا بھرم نہ کوئے بھنّائیا۔ کیوں ہؤمے لگّا روگ، ہنگتا گڑھ نہ کوئے تُڑائیا۔ کیوں جھگڑا پیا چؤداں لوک، چؤداں طبق دین دُہائیا۔ کیوں سُنایا نام نہ اِک سلوک، سوہلا دُھردرگاہیِا۔ سارے بَیٹھے اپنی اپنی وِچ مؤج، مجلس مذہباں والی لگائیا۔ صدی چؤدھویں ساچی منزل سکیا کوئے نہ پہنچ، مُریِد سِکھ دین دُہائیا۔ انت اَخیِر سوامی ملِے کوئے نہ کھؤنت، خطرہ سب دے اندر چھائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ہرِ، دُھر درباری دَیا کمائیا۔ گُر اوتار پَیغمبرو جو تُہاڈا نام کلمہ پڑھدے، سِمرن جوگ پاٹھ وِچ سمائیا۔ کیوں نہیں منزل دُھر دی چڑھدے، گھر گھر وِچ میلا ملِے سہج سُبھائیا۔ کیوں نہیں لکھّ چؤراسی تردے، چارے کھانی پندھ مُکائیا۔ کیوں نہیں درس پربھوُ دا کردے، نِرگُن نوُر جوت رُشنائیا۔ کیوں نہیں کنت سُہاگی وردے، نہ جمےّ نہ مر جائیا۔ ویکھو کھیل کلکی کل دے، کلکاتی بنے سرب لوکائیا۔ جھگڑے پےَ گئے ماٹی کھلّ دے، ہِندوُ مُسلم سِکھ عیِسائی کرن لڑائیا۔ پیاسے رہے نہ امرت جل دے، پنچ وِکار ہویا ہلکائیا۔ تُسیں کیوں نہیں اوہناں دے اندر آسن ملّدے، ملک اُلمؤت نہ دئے سزائیا۔ گُر اوتار پَیغمبر ہو
کے کیوں اپنیاں رہے چھل دے، ساچا سنگ نہ کوئے نِبھائیا۔ آواز سُناؤندے رہے ٹلّ دے، بانگاں وِچ دُہائیا۔ سنکھاں وِچ سُنیہڑے رہے گھلدے، حُکم االلہ الاہیِا۔ آتم پرماتم ہو کے کیوں نہیں رہے رلدے، رلمل اپنا سنگ نِبھائیا۔ ذرا کھیل ویکھو اپنے اپنے بَل دے، کلجُگ بلی سب نوُں رہیا ڈھاہیِا۔ کھاتے ویکھو ڈوُنگھی اندھیری ڈل دے، چار کُنٹ پار نہ کوئے لنگھائیا۔ گُر اوتار پَیغمبر سارے ہتّھ بنّھدے، نِیوں نِیوں سیِس جھُکائیا۔ پربھوُ ساڈے شُکُرانے تیرے دھنّ دھنّ دے، دھنّ تیری سرنائیا۔ اسیں ونجارے بنے رہے نام مذہب تیرے انّ دے، انڈِٹھڑی کار کمائیا۔ جگت سروتیاں نام سُنایا نال کنّ دے، انتر کری نہ کوئے پڑھائیا۔ جھگڑے پا کے کایا ماٹی تن دے، حِصّیاں وِچ آئے ونڈائیا۔ انتم سب دے بھرے بھنڈارے غم دے، خوشی نظر کوئے نہ آئیا۔ جِؤں بھاوے تِؤں انتم سب نوُں ڈنّ دے، اَگے ہو نہ کوئے اٹکائیا۔ اسیں تیری دھاروں جمّدے، انتم تیرے وِچ سمائیا۔ تیرے کھیل پاربرہم برہم دے، آتم تیرا نوُر الاہیِا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، نِہکلنک نرائن نر، مہاراج شیرسِنگھ وِشنوُں بھگوان، جلَوے تکنے تیرے اگمّی نوُر چنّ دے، جِس نوُں سوُریہ چند سمجھ سکے نہ رائیا۔
۸ بھادروں شہنشاہی سمت ۵ بھاگ سِنگھ دے گرِہ پِنڈ ماہلاں ضِلع امرتسر
گُر اوتار پَیغمبرو کیوں ہویا کلجُگ گھور، ہرِ کرتا شبدی دھار رہیا جنائیا۔ کیوں سرِشٹی درِشٹی ہوئی چور، چار کُنٹ دہ دِشا دھرم دی دھار نہ کوئے وکھائیا۔ کیوں مایا ممتا موہ وِکار پایا زور، کیوں شرع چُھری بنی قصائیا۔ کیوں من کلپنا جھگڑا پیا تور مور، بُدھ بِبیکی نظر کوئے نہ آئیا۔ کیوں دیِناں مذہباں پایا شور، ذات پات کرے لڑائیا۔ کیوں آتم پرماتم بنّھے کوئے نہ ڈور، سُرتی شبد نہ کوئے مِلائیا۔ کیوں صدی چؤدھویں چاروں کُنٹ جگت جگیاَسوُ رہے دؤڑ، کوُڑ تمنّا بھجےّ واہو داہیِا۔ کیوں سچ دوارے لگّے کِسے نہ پؤڑ، اندر مندر چڑھ کے پربھوُ دا درس کوئے نہ پائیا۔ کیوں امرت رس مِٹھا ہویا کؤڑ، اٹھسٹھ تیِرتھ گنگا گوداوری جمنا سُرستی رہی کُرلائیا۔ کیوں بھوِکھتاں وِچ لِکھتاں وِچ اِشٹاں وِچ تُساں آسا رکھی پُرکھ اکالا دیِن دَیالا کلجُگ انتم جاوے بہُڑ، کل کلکی اپنا ویس وٹائیا۔ کیوں شاستر گاؤندے پاربرہم پت پرمیشور براہمن گؤڑ، گہر گمبھیِر بے نظیِر نظر کِسے نہ آئیا۔ کیوں پَیغمبراں کِہا اِمام اِماما بدل دیوے سب
دے طؤر، طؤر طریقہ نیِکن نیِکا اپنے ہتّھ رکھائیا۔ صدی چؤدھویں نؤ کھنڈ پرِتھمی تیئی اوتار حضرت عیسیٰ موُسیٰ محمد نانک کرو غؤر، گہر گمبھیِر رہیا جنائیا۔ منبر مناریاں اُتے تکّو مجؤر، شِودوالے مٹھ کھوجو تھاؤں تھائنیا۔ کیوں جھگڑا پایا سوُر گاں اُتے ڈھور، پشوُآں اُتے اپنی ونڈ ونڈائیا۔ کیوں کام کرودھ لوبھ موہ ہنکار دا چلیا زور، در دوارا ایکنکارا سکے نہ کوئے کُھلائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، دُھر سندیسہ اِک سُنائیا۔ گُر اوتار پَیغمبرو ویکھو اپنی دیِن دُنی دی حالت حالانکہ سارے شاستر سِمرت وید پُران کھانی بانی صِفتی صِفت صالاحیِا۔ آتم انتر نِرنتر کوئے نہ جاوے بہُڑ، بہُڑی بہُڑی کرے لوکائیا۔ من منوُآ جگت کلپنا وِچوں سکے نہ کوئے موڑ، مُردا مُریِد مُرشد مِلن کوئے نہ پائیا۔ ساچا منتر فُرنا پُھرے کوئے نہ پھور، نِج نیتر لوچن نیَن اکھّ نہ کوئے کُھلائیا۔ نؤ کھنڈ پرِتھمی ستّ دیِپ ورناں برناں ویکھو اندھیرا اندھ گھور، کیوں سب دا سگلا ساتھ گئے چھوڑ، ٹُٹی گنڈھ نہ کوئے پوائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، دُھر دا حُکم اِک جنائیا۔ گُر اوتار پَیغمبرو دیِن مذہب ویکھو اپنے مات قبیِلے، کایا کعبے پھول پُھلائیا۔ نام کلمے جو دسّ کے آئے وسِیلے، پربھ دے مِلن دا راہ سمجھائیا۔ بستر پہن کے تن وجوُد نِیلے، نیِلی دھاروں پار دِرڑائیا۔ انتم سب دے کِدھر گئے حِیلے، حالت وِگڑی جگت لوکائیا۔ تُسیں یودھے نؤجوان چَھیل چھبیِلے، شبد گُروُ دے بانکے چھوہرے نظری آئیا۔ بلہیِن کیوں کلجُگ انتم ہوئے ڈِھیلے، جوروُ زر نہ کوئے دبائیا۔ کیوں لیکھا لِکھ کے آئے کاغذ قلم شاہی نال تِیلے، تریَلوکی سلوک اِک سُنائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، دھرم دی دھار اِک جنائیا۔ گُر اوتار پَیغمبرو کیوں دُنیا ونڈی ونڈ، سَت سچ دینا دِرڑائیا۔ کیوں میرے نام دا وکھرا وکھرا گایا چھند، رام کرِشن واہِگُروُ االلہ کہہ کے آئے سُنائیا۔ کیوں اکھّراں وِچ اکھّر کیتے بند، بندگی کلمہ ڈنڈاوت سجدہ جگت دِرڑائیا۔ کیوں رسنا جِہوا گیِت سُنائے بتّی دند، ڈھولے راگاں وِچ سُنائیا۔ کیوں ہر گھٹ اندر ملِے نہ پرمانند، نِجانند نہ کوئے رُشنائیا۔ کیوں ذات پات پائی کندھ، بھانڈا بھرم نہ کوئے بھنّائیا۔ کیوں شستراں نال تیِر ترکشاں نال کیِتا جنگ، مانَو مانَو نال لڑائیا۔ جے سمجھیا پروردِگار سانجھا یار دیِن دَیال پُرکھ اکال آد جُگاد سدا بخشند، رحمت رحیِم رحمان آپ کمائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، در پردہ آپ چُکائیا۔ گُر اوتار پَیغمبرو کیوں نام دا کیِتا اِعتراض، کلمہ کلمے نال ٹکرائیا۔ کیوں رام کرِشن توں پڑھی نماز، سیِس سجدیاں وِچ جھُکائیا۔
کیوں االلہ توں ستنام دا کیِتا آغاز، سَت سَت سمجھائیا۔ کیوں سَت دا چھڈ کے ساز، واہِگُروُ ڈنک دِتا سُنائیا۔ کیہڑا بیڑا کیہڑا جہاز، کِس اُتے دیِن دُنی آئے چڑھائیا۔ سب نے وکھ وکھ بنایا سماج، میرا اِکو رنگ نہ کوئے رنگائیا۔ شبدی کلمے دی دسّ آواز، صِفت صِفت والی الائیا۔ اگمّ اگمّڑا مار کے آواز، کوُک کوُک سُنائیا۔ انت اَخیِر کلجُگ کوئے نہ رکھے کِسے دی لاج، سِر ہتّھ نہ کوئے رکھائیا۔ گُر اوتار پَیغمبرو کیوں نِہکلنک کل کلکی دے ہوئے مُحتاج، اِمام اِماما راہ تکائیا۔ جِس نے بدل دینا سرب سماج، سمگری دیِن دُنی اِک ورتائیا۔ سب دی نیتر کھولے جاگ، جاگرت جوت کرے رُشنائیا۔ کھتری براہمن شوُدر وَیش چار ورن اٹھاراں برن ہنس بنائے کاگ، دُرمت مَیل دھوائیا۔ آتم دیِپ جگائے چراغ، جوتی جاتا ڈگمگائیا۔ جنم جنم دا کرم کرم دا چُکائے حِساب، لیکھا دئے گوائیا۔ سَتجُگ ساچا دے کے نام سواد، بِن رسنا رس چکھائیا۔ سندیسہ دے کے بودھ اگادھ، من مت بُدھ توں پرے کرے پڑھائیا۔ بھگت سُہیلے کر بِسماد، بِسمِل اپنے وِچ کرائیا۔ جھگڑا میٹ کے سنت سادھ، صوُفی فقیِراں فِقرہ اِک سُنائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، دُھر دا مالک دَیا کمائیا۔ گُر اوتار پَیغمبرو کیوں ہوئے ہکےّ بکےّ، حَیرانی چاروں کُنٹ چھائیا۔ دیِن دُنی وجدے دھکّے، دھرم دی گنڈھ نہ کوئے رکھائیا۔ مذہباں وِچ جگت جگیاَسوُ رہے موُل نہ پکّے، حُکمے اندر حُکم نہ کوئے دِرڑائیا۔ ڈوری تند ہو گئے کچّے، کنچن گڑھ نہ کوئے سُہائیا۔ نِگاہ مارو مدیِنے مکّے، کعبیاں پئے دُہائیا۔ حُجرے رنگ کوئے نہ رتےّ، دُھر دا راز نہ کوئے کُھلائیا۔ تیِرتھ ویکھو اٹھسٹھے، چاروں کُنٹ بھجّو واہو داہیِا۔ لکھّ چؤراسی پھانسی کوئی نہ کٹے، آون جاون نہ کوئے کٹائیا۔ نِگاہ مارو مندر مٹھے، کام کرودھ لوبھ موہ ہنکار ہویا ہلکائیا۔ دیِپک نوُری جوت کوئے نہ جگے لٹ لٹے، گُروُدوارے گُروُ دا درس کوئے نہ پائیا۔ سچ دوارے دے دسےّ کوئے نہ پتے، پت پرمیشور مِلن کوئے نہ آئیا۔ جِس واہِگُروُ دی گوبِند بُلائی فتح، اُس دا ڈنک سُنن کوئے نہ پائیا۔ خبردار ہو جاؤ کُچھ ہلوُنا لگّنا گُر اوتار پَیغمبرو ایسے کتّے، کتّک کاتک راہ تکائیا۔ اپنے اپنے جنم دے کڈھ لؤ پتّری پتّے، پترکا اگلی دئے دِرڑائیا۔ جیہڑے چار جُگ دے لاہ کھٹّے، نام کلمے ڈھولے گائیا۔ اوہناں دا لہنا دینا لیکھا دیوے سَت سچ دے وٹےّ، کوُڑ کُڑیارا تول تُلائیا۔ نِگاہ مارو تُہاڈے نام دی قیِمت پےَ گئی کلجُگ ٹکے، ٹکیاں وِچ ہٹّو ہٹّ پِھرائیا۔ صدی چؤدھویں سارے ویکھو اپنے کھاتے کھتّے، پڑدا اوہلا رہے نہ رائیا۔ پاربرہم پت پرمیشور دو جہان ویکھنا کیوں لکھّ چؤراسی جیِو جنت مایا ممتا وِچ متے، پاربرہم دا
درس کوئے نہ پائیا۔ پھیر تُہانوُں وکھاؤنا تُہاڈے نِج اکھےّ، لوچن جگت نہ کوئے وڈیائیا۔ دیِن دُنی دی دعوے نال پت کوئے نہ رکھے، صاحِب سوامی ہو کے سِر ہتّھ نہ کوئے ٹِکائیا۔ چار جُگ شاستر سِمرت وید پُران اِنجیِل قرآن کھانی بانی پڑھ پڑھ سارے اکےّ، عقل بُدھی دی چلے نہ کوئے چتُرائیا۔ نِرگن نوُر نِراکار نِرنکار جو ہر گھٹ انتر وسے، سچ سوامی درس کوئے نہ پائیا۔ کوٹن وِچوں کوئی بھگت سُہیلا جِس مِلیا پاربرہم سمرتھے، دُھر دا مالک نوُر الاہیِا۔ سرون سُن دے مہما والی کتھا کہانی کتھے، اکھّراں وِچ سطراں وِچ راگاں ناداں وِچ وڈیائیا۔ تُسیں سارے آد انت جُگا جُگنت اِک پربھوُ دے بچّے، بچپن سب دا پھول پُھلائیا۔ کیوں وکھرے وکھرے نام جپے، جگ جیِون داتے کیِتی مات وڈیائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، آد جُگاد برہم برہماد پاربرہم پت پرمیشور سچکھنڈ نِواسی لکھّ چؤراسی ہر گھٹ انتر وسے، نِرنتر ہو کے تھاؤں تھائنیا۔
۸ بھادروں شہنشاہی سمت ۵ ہربنس سِنگھ دے گرِہ پِنڈ ماہلاں
گُر اوتار پَیغمبرو ویکھو پربھ دے بھگت، ہرِ بھگوَن آپ وکھائیا۔ جِنہاں تُہاڈے نام دا رکھیا ورت، ڈھولا دُھر دا اِکو گائیا۔ جنم دی پوُری کر کے شرط، شرع دا لیکھا دِتا مُکائیا۔ وڈیائی لےَ کے اُپر دھرت، دھوَل دا بھار ونڈائیا۔ انتم منزل چڑھ کے اُپر عرش، عرشی پریِتم مِل کے خوشی بنائیا۔ جِس مارگ نوُں منزل نوُں تُہاڈے مُریِد رہے ترس، میَں سہجے دِتی وکھائیا۔ پِچھے کوٹن کوٹ جنم بیِتے اَنک کال لنگھے برس، رُت رُتڑی اپنا روُپ بدلائیا۔ بِنا پربھوُ توں بھگتاں اُتے کِسے کدے کیِتا نہ ترس، رحمت وِچ رحم نہ کوئے کمائیا۔ سچ دوارے کرے کوئے نہ جڑت، نگیِنہ گُرمُکھ نہ کوئے اُٹھائیا۔ جِس دی آد توں انت تک لِکھت پڑھت، بِن اکھّراں اکھّر سمجھائیا۔ سو کھیلے کھیل مردانہ مرد، مدد اوَر نہ کوئے جنائیا۔ غریِب نِمانیاں ونڈے درد، دیِناں اناتھاں ہوئے سہائیا۔ پوُرب جنم دی منّ کے عرض، آرزو پِچھلی لیکھے پائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا مالک اِک اکھوائیا۔ گُر اوتار پَیغمبرو ویکھو بھگتاں راہ، بھگوَن رہیا دِرڑائیا۔ جِنہاں دا آد انت اِک ملاح، جُگ جُگ ناؤں نہ کوئے بدلائیا۔ چار جُگ دیاں بھگتاں
اِکو سوہنگ نام دِتا جپا، دوُجی کیِتی نہ کوئے پڑھائیا۔ آتما پرماتما وِچ مِلا، نوُر نوُر وِچ سمائیا۔ سب دی قبوُل کر دُعا، دو عالم مالک ہویا سہائیا۔ جِس نوُں صوُفیاں کِہا خُدا، خالق خلق نوُر الاہیِا۔ سو بھگتاں نالوں کدے نہ ہووے جُدا، جُز وکھرا ونڈ نہ کوئے ونڈائیا۔ بے شک پنج تت سریِر دُکھ سُکھ ویکھے وبا، تن وجوُد ماٹی خاک رنگ رنگائیا۔ نِرگُن نوُر نِراکار اپنے لیکھے لا، پِچھلا لہنا دئے چُکائیا۔ بھگت وچھل آپ اکھوا، جُگ جُگ اپنا پھیرا پائیا۔ ایسے طرح کلجُگ انت ہربنس سِنگھ دِتا ترا، تارنہار اپنی دَیا کمائیا۔ آون جاون لکھّ چؤراسی پَینڈا دِتا مُکا، مُکمل درگاہ ساچی سچکھنڈ ٹِکائیا۔ جِتھے نہ کوئے پوَن نہ ہوا، جل تھل نہ کوئے وڈیائیا۔ اِکو نوُر جوت رُشنا، جِس وِچ اوتار پَیغمبر گُر بھگت بَیٹھے آسن لائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان سدا مِہرواں، مِہربان مِہربان مِہربان مِہر نظر اُٹھائیا۔
۸ بھادروں شہنشاہی سمت ۵ اوتار سِنگھ دے گرِہ پِنڈ کاؤنکے ضِلع امرتسر
گُر اوتار پَیغمبر پربھ تیرے داسی داس، داستان پِچھلی سب دی ویکھ وکھائیا۔ سَتجُگ تریتا دواپرکلجُگ تیری رکھ کے گئے آس، آہستہ آہستہ نِت نوِت تیرا راہ تکائیا۔ تیرا نام سندیسہ کلمہ دے کے گئے خاص، خالص تیرا روُپ انوُپ سچ سمجھائیا۔ سرِشٹی درِشٹی دسّیا دُھر دا مائی باپ، پِتا پُرکھ اکال اِک اکھوائیا۔ تیرے حُکم نال تیرا بدلدا رہیا جاپ، جگ جیِون داتے تیری صِفت صالاحیِا۔ تیری منزل تیرا دسدے رہے گھاٹ، پتن دوارا تیرا اِک دِرڑائیا۔ بھیوَ ابھیدا کھول کے سُناؤندے رہے گاتھ، اکھّراں والی کر پڑھائیا۔ صاحِب سوامی انترجامی گھٹ نِواسی پُرکھ سمراتھ، گہر گمبھیِر بے نظیِر تیرا رنگ رنگائیا۔ تیرا نام پٹّی لیکھ لِکھیا نال قلم دوات، شاہی شہنشاہ تیری سیو کمائیا۔ جُگ چؤکڑی جگت دھار بنا سماج، سمگری تیرا حُکم ورتائیا۔ حُکمے اندر رعیت ہو کے تیرا ویکھدے رہے راج، راج راجانے شاہ سُلطانے تیری اِک سرنائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، تُدھ بِن دوُجا نظر کوئے نہ آئیا۔ گُر اوتار پَیغمبر کہن تیرے نام دے گائے گیِت، ہرِ وڈّے وڈ وڈیائیا۔ جُگ چؤکڑی بدلی ریِت، دھرم دی دھار دھار نال ٹکرائیا۔ تیرا کھیل سدا انڈیٹِھ، جگ نیتر نظر کوئے نہ پائیا۔ جِس دی ٹھوک دیویں پیِٹھ، سِر اپنا ہتّھ ٹِکائیا۔ نام
کلمہ کر بخشیِش، مِہر نظر ٹِکائیا۔ دے کے اگمّ حدیِث، کریں اتھاہ پڑھائیا۔ اوہ آوے لوک مات بیِچ، دھرنی دھرت دھوَل دھؤل ڈیرہ لائیا۔ تَینوُں سجدہ ڈنڈاوت بندنا کر جھُکا سیِس، جگدیِش تیری اوٹ تکائیا۔ سرگُن ہو کے کرکے گئے پریِت، نِرگُن تیرا پریم بنائیا۔ تیری شرع دی دسّ کے لیِک، لائن عین اِک لگائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در تیرے منگ منگائیا۔ گُر اوتار پَیغمبر کہن تیرے نام دی دسّی نِشانی، نِشانہ اِکو اِک دِرڑائیا۔ پتہ نہیں کیوں جوُہ ہوئی بیگانی، بیوہ دِسے جگت لوکائیا۔ آتم برہم دا رہیا نہ کوئے گیانی، صوُفیاں سَت نہ کوئے سمائیا۔ منزل چڑھے نہ کوئے روُحانی، شاستر پڑھ کے اپنا جھٹ لنگھائیا۔ دیِناں مذہباں وِچ وڑی بے اِیمانی، انتر نِرنتر کرے نہ کوئے صفائیا۔ جِس دے پِچھے گوبِند بچّیاں دی دے کے گیا قُربانی، کربلے والے رہے کُرلائیا۔ اوہناں مِلیا نہ صاحِب سُلطانی، شہنشاہ تیرا درس کوئے نہ پائیا۔ شبد ناد سُنے کوئے نہ بانی، بان انیالا تیِر نہ کوئے چلائیا۔ جِدھر تکّی چاروں کُنٹ پریشانی، پشچاتاپ وِچ لوکائیا۔ پُرکھ اکال دیِن دَیال پروردِگار سانجھے یار کر مِہربانی، محبوُب تیری اوٹ رکھائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، دُھر مالک دَیا کمائیا۔ گُر اوتار پَیغمبر کہن اسیں سارے کریئے سجدہ، سیِس جگدیِش جھُکائیا۔ تُوں مالک گھر گھر دا، گرِہ مندر پھول پُھلائیا۔ وِشن برہما شِو تَیتھوں ڈردا، دیوت سُر بھجےّ واہو داہیِا۔ اوتار پَیغمبر گُر تَیتھوں پڑھدا، تُوں شبد گُروُ کریں شنوائیا۔ تُوں مالک چوٹی جڑ دا، چیتن تیرا راہ تکائیا۔ تُوں لکھّ چؤراسی گھاڑت گھڑدا، وِشن برہما شِو سیوک رکھائیا۔ تُوں بھیتی دو جہاناں گھر دا، گرِہ اِکو اِک وکھائیا۔ تیرا نوُر ظہوُر نرائن نر دا، نار کنت تیری وڈیائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در تیرے آس رکھائیا۔ گُر اوتار پَیغمبر کہن میرے صاحِب عظیِم، عالیشان تیری سرنائیا۔ سب دی سانجھی کر تعلیِم، سِکھیا اِکو اِک دِرڑائیا۔ جھگڑا مُکا دے چار جُگ قدیِم، قُدرت دے مالک کُتب خانے اپنے دے سمجھائیا۔ گُر اوتار پَیغمبر تیرے منیِم، سَتجُگ تریتا دواپر کلجُگ لیکھ گئے جنائیا۔ حُکمے اندر سدا اَدھیِن، سِر سکے نہ کوئے اُٹھائیا۔ الف یے در تیرے مسکیِن، اکھّراں چلے نہ کوئے چتُرائیا۔ اگلا مارگ دسّ مہیِن، رہبر ہو کے پندھ مُکائیا۔ تَینوُں االلہ پاک کہن یامُبیِن، مِہربان تیری آس رکھائیا۔ جوتی جوت سروُپ ہرِ، آپ اپنی کِرپا کر، سد دینی مان وڈیائیا۔ گُر اوتار پَیغمبر کہن ساڈی نِمسکار، نمو نمو سیِس نِوائیا۔ پوُرب لہنا قرض اُتار، مقروُض جھولیِاں دے
بھرائیا۔ جُگ جُگ تیرے خِدمتگار، خادم ہو کے سیو کمائیا۔ تیرا کردے رہے اِنتظار ، نت نوِت تیرا راہ تکائیا۔ کوَن ویلا کل کلکی لئے اوتار، اِمام اِماما ویس وٹائیا۔ چار جُگ دے کلمے نام تیرا جَیکار، صِفتی ڈھولے گیِت الائیا۔ اِس توں پرے تیرا دربار، جِتھے ناد دُھن نہیں دُھنکار، راگاں وِچ نہ کوئے وڈیائیا۔ نہ کوئی حِصّہ ونڈ گُروُ اوتار، پَیغمبر نظر کوئے نہ آئیا۔ اِکو جوت نوُر اُجیار، جوتی جاتے تیرا کھیل بےپرواہیِا۔ کلجُگ انت سِری بھگوَنت جیِو جنت پا سار، مہاسارتھی اپنا پھیرا پائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در تیرے منگ منگائیا۔ گُر اوتار پَیغمبر کہن کلجُگ انتم ویکھ مؤقع، مُکمل دئیے دِرڑائیا۔ اسیں جُگ جُگ دِتا ہوکا، حُکم تیرا نام سُنائیا۔ کِسے دا ویس وٹایا جنجوُ بودا، لوٹا کِسے ہتّھ پھڑائیا۔ کِسے دا رنگ رنگایا تیری دھار تیرا روُپ انوُپ جِس دی اوَر نہ کوئے سوچا، سمجھ نہ کوئے چتُرائیا۔ سب دے اُتے دیِن مذہب دا بھار ٹِکایا بوجھا، وزن دِتا وکھائیا۔ کِسے دا پردہ لاہیا چؤداں لوکا، چؤداں طبقاں کِسے شنوائیا۔ کِسے سُنا کے اگمّ سلوکا، بےانت بےانت بےانت دِتا اکھوائیا۔ چار جُگ دے شاستر سِمرت وید پُران اِنجیِل قرآن کھانی بانی بنا کے پوتھا، اکھّراں نال اکھّر دِتے مِلائیا۔ ساڈھے تِنّ ہتّھ جنا کے کایا کوٹھا، زِمیں اسمان گگن گگننتر ایسے وِچ سمائیا۔ سب دی آسا منسا پوُری کردا رہیا لوچا، نِج لوچن نیَن اکھّ کُھلائیا۔ اِک سندیسہ دے کے گیا مہاتم بودھا، بُدھی توں پرے جگت جنائیا۔ کلجُگ انت جِس ویلے گُروُ گُر چیلے چیلے گُروُآں نال کرن دھوکھا، ثابت نظر کوئے نہ آئیا۔ منوُآ من ہر گھٹ انتر ہووے کھوٹا، کھرا رہن کوئے نہ پائیا۔ سادھ سنت دُکھی ہووے بےدوشا، دوِشیاں دیوے نہ کوئے سزائیا۔ جگت وِکار وِچ ہووے مدہوشا، نام خُماری نہ کوئے چڑھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا لیکھا ویکھ وکھائیا۔ گُر اوتار پَیغمبر کہن پربھ تیرے اَگے اِک اپیِل، اپرمپر سوامی دئیے جنائیا۔ کلجُگ کوُڑی کِریا سب دی بدل دے دلیِل، دیِن دُنی دے مالک اپنا رنگ رنگائیا۔ سَت سنتوکھ دھرم دی دھار کر شیِل، اگنی تت نہ کوئے تپائیا۔ کپٹ وِکاری رہے نہ کوئے کُچیِل، کنچن گڑھ دے وڈیائیا۔ تیری دھار ویکھنی جِس کارن گوبِند بستر پہنے نیِل، بسن بنواری اپنا پردہ لاہیِا۔ کُچھ سندیسہ دے کے گیا کرِشن بھیِل، تریَلوکی ناتھ اناتھاں آپ جنائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ ساچی کار کمائیا۔ گُر اوتار پَیغمبر کہن تیرے اَگے اِکو عرض، عزیز ہو کے دئیے جنائیا۔ ساڈی سب دی سانجھی غرض، غرضے کہ ہور لوڑ نہ کوئے
ودھائیا۔ اپنا پوُرا کر دے فرض، صدی چؤدھویں ویکھ وکھائیا۔ شرع چُھری میٹ دے کرد، قتل گاہ نہ بنے لوکائیا۔ غریِب نِمانیاں ونڈ درد، دُکھیِاں ہو سہائیا۔ پُٹھی سِدھی کر دے نرد، نر نرائن تیری اوٹ تکائیا۔ کوُڑا میٹ اندھیرا گرد، ساچا چنّ ہووے رُشنائیا۔ چار جُگ دی پوُری کر شرط، شرع دے مالک شہنشاہیِا۔ نِرگُن دھار آ پرت، پت پرمیشور ویس وٹائیا۔ تیرے کول سب دی فرد، پوُرب لیکھا رہے نہ رائیا۔ تیرا حُکم ہووے اسچرج، اچرج اپنی کار کمائیا۔ یودھے سوُربیِر مردانے مرد، در تیرے آس رکھائیا۔ کِسے دا ہون نہ دیویں حرج، حرجانے سب دے پوُر کرائیا۔ تیرے نام دا کھنڈا اگمّی اِکو کھڑگ، دو جہان کرے صفائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در تیرا اِک سُہائیا۔ در تیرا ہوئے سُہنجنا، سوبھاوَنت رمنیِک۔ سچ سوامی درد دُکھ بھےَ بھنجنا، کِرپا کر پروردِگار لاشریِک۔ دیِن دُنی پا اگمّا انجنا، تیرے وِچ حق تؤفیِق۔ گُر اوتار پَیغمبراں تیرا در منگنا، صدی چؤدھویں سارے کرن اُڈیِک۔ لکھّ چؤراسی چاڑھ دے رنگنا، نِرگُن سرگُن دھار بدل دے نیِت۔ تیرا حُکم پِھرے وِچ برہمنڈنا، وربھنڈی اندھیرا میٹے تاریِک۔ تُدھ بِن ساچا نام کِسے نہ ونڈنا، مِہر مُحبّت کرے نہ کوئے بخشیِش۔ بِنا سیِس بِنا ہتّھ کردے بندنا، بِنا تت وجوُد تیرا ویکھن کھیل اتیِت۔ تُوں سچ دوارا لنگھنا، دیِناں مذہباں میٹنی لیِک۔ تیرا ڈنکا اِکو وجّنا، سِر جھُکے راؤ رنکاں اوُچ نیِچ۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، جِس وِچ تیرے نام دی ہووے سچ تمہیِد۔ گُر اوتار پَیغمبر کہن دھرنی دھؤل ویکھے دھرت، دھوَل دھیان لگائیا۔ عرشا ں دے مالک آ پرت، پت پرمیشور پھیرا پائیا۔ تَینوُں اُڈیِکدیاں جُگ چؤکڑی بیِتے برس، سمیں کال گئے وقت لنگھائیا۔ کِرپا کر مردانے مرد، مدد اوَر نہ کوئے رکھائیا۔ پوُرب پوُرب ویکھ فرد، پردہ پردیاں وِچوں اُٹھائیا۔ اوتار کہن ساڈی عرض، پَیغمبراں آرزو تیرے اَگے ٹِکائیا۔ جوتی جوت سروُپ ہرِ، آپ اپنی کِرپا کر، سد اپنا حُکم ورتائیا۔ بھادروں کہے میَں وی دسّاں بات، باطن دیاں دِرڑائیا۔ اوتارو مارو پِچھے جھات، پردہ دیاں اُٹھائیا۔ دھرنی ویکھو مِٹّی خاک، خاکی خاک سمائیا۔ جِتھے بالمیک رہ کے گیا اِک رات، تھاں سِنگھاسن ایہو نظری آئیا۔ شبد سندیسہ گیا آکھ، رمائن بھوِکھت دئے گواہیِا۔ ایتھے کھیل کرنا پُرکھ ابناش، کل کلکی نوُر الاہیِا۔ جِس دی سمجھے نہ کوئے ذات، پردہ سکے نہ کوئے اُٹھائیا۔ لیکھا لِکھے نہ قلم دوات، شاہی چلے نہ کوئے چتُرائیا۔ جِس نے سب دی پُچھنی وات، واتاوَرن ویکھے خلق خُدائیا۔ دیِن دُنی کرے پاک، پتت پُنیِت آپ
بنائیا۔ امرت رس دیوے آبِ حیات، جیِون جیِون وِچوں پرگٹائیا۔ دُھر سوامی بن کے ساتھ، سگلا سنگ رکھائیا۔ سب دی پوُری کرے آس، نِراسا رہن کوئے نہ پائیا۔ اوس دا میرے رام نے کرنا جاپ، رام رام رام سرنائیا۔ اِک مُٹھی لےَ کے خاک، دھوُڑی مستک نال چُھہائیا۔ دوئے جوڑ کر ارداس، بیننتی وِچ سیِس نِوائیا۔ سُنیا حُکم اگمّا گاتھ، کری اگمّ پڑھائیا۔ جوتی جوت سروُپ ہرِ، آپ اپنی کِرپا کر، سچ کرنی کار کمائیا۔ بھادروں کہے ویکھو دھام اُتے دھرنی مِٹّی، خاکی خاک سمائیا۔ جِس دی دھار بالمیک رکھی چِٹی، اکھّر اکھّر نہ ونڈ ونڈائیا۔ سمادھی وِچ آدی دی لائی ٹِک ٹِکی، نِج نیتر لوچن نیَن اکھّ کُھلائیا۔ اوہنوُں کلجُگ انتم دھار دِسی، دہ دِشا ہوئی رُشنائیا۔ جِس ویلے سَت دھرم دی رہے کوئی نہ سِکھی، گُر چیلے کرن لڑائیا۔ اوہ بھادروں مہیِنہ شہنشاہی سمت اٹّھ پروِشٹا دِسی مِتی، مِتر پیارے دِتی جنائیا۔ پِھر ہتّھ رکھیا اُتے گِچی، دھؤن زور نال دبائیا۔ پھیر نظر آئی ہاہے اُتے ٹِپی، آتم ہوئی رُشنائیا۔ پھیر اگلی پٹّی لِکھی، لِکھیا لیکھ اتھاہیِا۔ جوتی جوت سروُپ ہرِ، آپ اپنی کِرپا کر، سد اپنی کھیل کھِلائیا۔ بھادروں کہے بالمیِک نے تکّیا اگمّا رام، رام رام وِچ سمائیا۔ اودھروں آ گیا بال اَنجان، چؤداں سال دی اوستھا سوبھا پائیا۔ اوس سچ کیِتی پرنام، نِیوں کے سیِس جھُکائیا۔ کڈھکے نؤ بادام، رِشی دی بھیٹا دِتے کرائیا۔ بالمیِک نے سُنیا حُکم فرمان، سندیسہ دُھردرگاہیِا۔ اگلا کھیل ویکھ مہان، ہرِ کرتا رہیا جنائیا۔ ایہہ بالا نڈھا جِس کری پرنام، نِو نِو سیِس جھُکائیا۔ اِس دا لیکھا ہور جہان، جنم جنم وِچوں بدلائیا۔ تریتا دواپر کرے نہ کوئے دھیان، دھیانی دھیان نہ کوئے لگائیا۔ جِس ویلے ہووے کلجُگ اندھیرا شام، شمع نوُر نہ کوئے رُشنائیا۔ نِرگُن جوت نوُر پرکاش کرے سِری بھگوان، جوتی جاتا دُھردرگاہیِا۔ اِس دا لہنا دینا دیوے پھیر آن، آپ اپنا پھیرا پائیا۔ ایسے کارن کھیلیا کھیل مہان، مہما اگمّ اتھاہیِا۔ جوتی جوت سروُپ ہرِ، آپ اپنی کِرپا کر، سچ کرنی کار کمائیا۔ بھادروں کہے بالے انتر آئی وِچار، وِچر کے دِتا سُنائیا۔ بالمیِک کِہا نال پیار، پریِتی وِچ سمجھائیا۔ تیرا لہنا دینا نال نِرنکار، نِرگُن شبدی حُکم دِرڑائیا۔ جِس ویلے کل کلکی لئے اوتار، جوتی جاتا پھیرا پائیا۔ تُوں وی جنم لیَنا سنسار، پنج تت سوبھا پائیا۔ اوسے دا روُپ سِنگھ اوتار، جِس دا لہنا دِتا مُکائیا۔ پوُرب باداماں دا اُدھار، ساکھیات نؤ نؤ وکھائیا۔ دوُسر منگے نہ کِسے دوار، جھولی ڈاہ نہ کوئے بھرائیا۔ جوتی جوت سروُپ ہرِ، آپ اپنی کِرپا کر، ذرا ذرا اپنی کار کمائیا۔ بھادروں کہے ویکھو جُگ دُآپر، دوہری دھار جنائیا۔ ساچا کھیل رہیا واپر، واپس سکے نہ
کوئے کرائیا۔ جنم کرم دا جِس دا ناتن، ناتا بِدھاتا آپ جُڑائیا۔ آتم پرماتم بنا کے ساتھن، سگلا سنگ وکھائیا۔ نارد جی اپنا لیکھا لگّا واچن، پردیاں وِچوں پردہ آپ اُٹھائیا۔ کِس بِدھ پربھ پوُرا کرے واکن، بھوِکھت بھوِکھتاں نال مِلائیا۔ جوتی جوت سروُپ ہرِ، آپ اپنی کِرپا کر، سد اپنی کار کمائیا۔ بھادروں کہے اؤہ آ گیا نارد مُنی، مُنیِشر پھیرا پائیا۔ جِس نوُں کہندے چار جُگ دا گُنی، گُنونتا ملِے وڈیائیا۔ جِس دی پُکار پربھوُ نے سُنی، انسُنت کر لوکائیا۔ لیکھا ویکھ کے دیِن دُنی، دوہری دھار دئے وڈیائیا۔ جوتی جوت سروُپ ہرِ، آپ اپنی کِرپا کر، سچ کرنی کار کمائیا۔ نارد کہے سُن دواپر دے کرِشن کاہن، مُکند منوہر لکھمی نرائن دھیان لگائیا۔ اپنی سکھی دا ویکھ لےَ دان، دیدہ دانِستہ دیاں جنائیا۔ جِس دا وِچولا بنیا سِری بھگوان، دوُجا نظر کوئے نہ آئیا۔ حُکم سندیسہ دِتا فرمان، فُرنیاں توں باہر کری پڑھائیا۔ جِس ویلے کلجُگ انت لوک مات ہووے وِچ جہان، چاروں کُنٹ اندھیرا چھائیا۔ اوس ویلے پرگٹ ہووے نؤجوان، نر نِرنکار نوُر الاہیِا۔ جو لیکھا مُکائے زِمیں اسمان، منڈل منڈپ ویکھ وکھائیا۔ لہنا دینا ویکھے سب دا آن، آناً فاناً اپنا پھیرا پائیا۔ سو ویلا وقت پہنچیا آن، سچ سچ دِرڑائیا۔ بِن اکھّاں توں کرے دھیان، بِن نیَناں نیَن اُٹھائیا۔ جوتی جوت سروُپ ہرِ، آپ اپنی کِرپا کر، سچ کرنی کار کمائیا۔ نارد کہے میَں دسّاں نال پیار، پریِتی وِچ جنائیا۔ جیہڑی وست منگی اپار، کاہن سکھی میرے ہتّھ پھڑائیا۔ میَں اوس دا کیِتا وِچار، وِچر کے دیاں سُنائیا۔ جِس کرمنڈل کیِتا تیار، اوہ ایتھوں دا ٹھٹھیار رہن والا دواپر جُگ دا نظری آئیا۔ اوس دا لہنا دینا اُتار، ایہہ کھیل سچّی سرکار، جُگ جُگ ریِتی چلی آئیا۔ جِس نوُں سمجھے نہ کوئے گیان وِچار، اکھّراں پردہ نہ کوئے اُٹھائیا۔ جوتی جوت سروُپ ہرِ، آپ اپنی کِرپا کر، سچ کرنی کار کمائیا۔ نارد کہے میَں دیواں سچ شہادت، گواہ اِکو نظری آئیا۔ جِس ویلے کؤرو پانڈو کری بغاوت، جھگڑا جوروُ زر وکھائیا۔ نِرگُن سرگُن کری نہ کوئے ممانت، کاہن سکھی نہ کوئے سمجھائیا۔ سب دے انتر لگّی علامت، وبا سکے نہ کوئے مِٹائیا۔ دواپرانتم آئی شامت، شمع نوُر نہ کوئے رُشنائیا۔ دُنیا کوُڑی کوُڑ دِسے بناوٹ، سجاوٹ تن وجوُد سُہائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کمائیا۔ نارد کہے میَں ویکھیا کھیل انوکھا، بِن اکھّاں اکھّ جنائیا۔ جِس دے وِچ نہیں کوئی دھوکھا، دھرم دی دھار نال وڈیائیا۔ یُدِھشٹر سمجھ کے اپنا مؤقع، کرِشن ڈنڈاوت سیِس نِوائیا۔ چرناں نال چُھہا کے اگلا پوٹا، پنجہ پنجے نال رگڑائیا۔ نیتر میٹ کے پےَ گیا سوچا، سمجھ سمجھ نال
ٹکرائیا۔ کی آسا منسا لوچا، لوچن نیَن کی شنوائیا۔ جوتی جوت سروُپ ہرِ، آپ اپنی کِرپا کر، دُھر دا حُکم اِک سُنائیا۔ یُدھشٹر انتر آیا اُدار، ہرِ کرتے دِتا جنائیا۔ جے یُدھ کرنا اپار، اپرمپر سوامی آپ سُنائیا۔ کرِشن دی بھیٹا کرنا اِک اَنار، جِس دا دانہ گنت نہ کوئے گِنائیا۔ نؤ وار کرنی نِمسکار، نؤ نؤ دا ٹنک بنائیا۔ نؤ کھنڈ پرِتھمی پَینی مار، نؤ دوارے ہاہاکار کرے لوکائیا۔ نؤ رسنا رسن وِچار، رس رس نہ کوئے چکھائیا۔ پھیر دِتا ہور ہُلار، پردہ پردیوں پرے چُکائیا۔ کرِشن بول کے کِہا شبد دی دھار، رسنا جِہوا نہ کوئے ہِلائیا۔ یُدِھشٹر میرا اوس کاہن نال اُدھار، جو کاہن لکھّ چؤراسی گوپیاں سدا ہنڈھائیا۔ جِس نے کل کلکی لیَنا اوتار، اِمام اِماما ہوئے سِکدار، سخی سُلطانا دُھردرگاہیِا۔ میریِاں سکھیِاں اوس نوُں کرن نِمسکار، جِس دا آد انت نہ پاراوار، جُگ چؤکڑی اپنا حُکم ورتائیا۔ ایہہ بھیٹا ہونا اوس دی دھار، جِس نوُں جھُکن گُروُ اوتار، پَیغمبر نِیوں نِیوں لاگن پائنیا۔ سوہنی بھوُمکا سوہنا ہووے دوار، دوارکا واسی گیا جنائیا۔ جِس پھل بوُٹا لگایا کھِڑی مات گُلزار، گُلشن اِک مہکائیا۔ اوہ مالی اِتھوں دا رہن والا سی پُراتن زِمیندار، زمانے وِچ اپنا آپ بدلائیا۔ سب دا لیکھا لیکھے دیوے ڈار، لہنا لہنے وِچ رکھائیا۔ اگلا پھیر ہون لگّا وِہار، کلجُگ کاتی دئے گواہیِا۔ گوبِند سوُرا ہو تیار، ترےَگُن اتیِتا رہیا جنائیا۔ صدی چؤدھویں کرنا سرب خوار، چاروں کُنٹ دھیِرج دھیِر نہ کوئے دھرائیا۔ کلجُگ کوُڑی کِریا پَینی مار، اَگے ہو نہ کوئے بچائیا۔ شاہ سُلطاناں ہونا خوار، راج راجان بھجّن واہو داہیِا۔ بھادروں اٹّھ کہے میرا آ گیا دِوس اپار، پربھ دِتی مان وڈیائیا۔ میَں نِت کراں چرن نِمسکار، دھوُڑی دھوُل خاک رمائیا۔ جِس کارن کھیل کھِلایا آن، اپنا وقت سُہائیا۔ دلجیت دا لیکھا پِچھلا پوُرا کر جہان، دواپر دا کھہڑا دِتا چُھڈائیا۔ دھرت سُہنجنا وقت سُہاوا دھرم دی ہووے کلیان، کرم کانڈ رہے نہ رائیا۔ گُر اوتار پَیغمبر کرو دھیان، سچکھنڈ بَیٹھے سچ نیَن اُٹھائیا۔ کلجُگ کوُڑا میٹنا جِس نِشان، سَتجُگ سَت سَت پرگٹائیا۔ اوُچاں نیِچاں دیوے اِکو مان، راؤ رنکاں اِکو گھر وکھائیا۔ تُوں میرا میَں تیرا آتم پرماتم جِس نے دسّنا گان، سوہنگ ڈھولا اگمّ اتھاہیِا۔ سو مالک خالق والی دو جہان، نِروَیر نِراکار نِرنکار اِک اکھوائیا۔ جِس نوُں جھُک جھُک سارے سجدے کرن سلام، ڈنڈاوت بندنا نمو نمو نمستے کہہ سُنائیا۔ اوہ حُکم سندیسہ دیوے فرمان، پاربرہم پت پرمیشور بےپرواہیِا۔ جوتی جوت سروُپ ہرِ،
آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، بھگوَن ہو کے لیکھا سب دا دئے چُکائیا۔