۸ اَسوُ شہنشاہی سمت ۵ ہرِ بھگت دوار جیٹھوُوال
وِشنوُں وِشوَ دھار ہو جا حاضر، حاضری اپنی لےَ لگائیا۔ تُوں نؤ سؤ چُرانوے چؤکڑی جُگ دا بنیو رِہوں تاجر، ونج وپار اپنا نفع دے دِرڑائیا۔ دھرم دی دھار رِہوں سؤداگر، بھجیّا واہو داہیِا۔ حُکم سُناؤندا رِہوں کریِم قادر، کی کرتا کھیل کھِلائیا۔ کیوں نہیں سچ کیِتا عادل، اِنصاف نہ کوئے وکھائیا۔ غریِب نِمانیاں مِلیا کِسے نہ آدر، بُھکھیاں بُھکھ نہ کوئے مِٹائیا۔ یاد کرنا کی پُکار کیِتی تیغ بہادر، سیِس دھڑ نالوں وّکھ کرائیا۔ جگت مذہب بنیا قاتل، چُھری اِسلام روُپ قصائیا۔ اُس نے بھید کھولیا باطن، پردہ دِتا چُکائیا۔ جِس ویلے کلجُگ اندھیرا ہووے راتن، ساچا چند نہ کوئے چمکائیا۔ اُس ویلے آوے پُرکھ ابناشن، نِرگُن نِروَیر بےپرواہیِا۔ گوبِند سوُرا ہووے ساتھن، سگلا سنگ نِبھائیا۔ جِس نوُں کہندے غریِب نوازن، نوازش کرے تھاؤں تھائنیا۔ سچ دی تھاپن آئے تھاپن، دُھر فرمانا اِک اُپجائیا۔ دیِن دُنی دا میٹ کے پاپن، دُرمت میَل کرے صفائیا۔ جُگ چؤکڑی بدل کے جاپن، سِکھیا اِکو دئے سمجھائیا۔ سچ دوارے کرکے واسن، وصل اپنا اِک وکھائیا۔ نِرگُن نوُر کر پرکاشن، جوتی جوت ڈگمگائیا۔ کھیل کھیلے پرِتھمی آکاشن، گگن منڈل پڑدا لاہیِا۔ دو جہاناں پا راسن، نِرگُن سرگُن ناچ نچائیا۔ لیکھا جان بھوگ بلاسن، لکھّ چؤراسی کھوج کھوجائیا۔ جِس دا حُکم سارے واچن، پڑھ پڑھ رہے سُنائیا۔ اوہ کرے اپنا وڈ پرتاپن، بے پرواہ اپنا ویس وٹائیا۔ کوُڑی کِریا کرے ناسن، ناستک رہن کوئے نہ پائیا۔ جوتی جوت سروُپ ہرِ، آپ اپنی کِرپا کر، سد اپنا کھیل وکھائیا۔ وِشنوُں چھیتی آ گیا اَگے، قدم چُمّ کے سیِس نِوائیا۔ پربھ ویکھ لےَ میرے لیکھ بگّے، کالی دھار نہ کوئے جنائیا۔ تیرا نوُر نوُرانہ جگے، اِکو اِک ڈگمگائیا۔ تیرے اَگے کوئی نہ ودھے، وادھا نظر کوئے نہ آئیا۔ میرے دوویں ہتّھ بدھےّ، نِیوں نِیوں سیِس جھُکائیا۔ تیرے حُکم اندر پِھریئے بھجےّ، جُگ چؤکڑی واہو داہیِا۔ وِسر نہ جائیے کدے، قدیِم دے مالک تیری اوٹ تکائیا۔ تیری سمجھ نہ سکے آر پار حدے، اگمّ پڑدا نہ
کوئے چُکائیا۔ تیری سرن اِکو لگّے، لگ ماتر ڈیرہ ڈھاہیِا۔ پُرکھ اکال پِٹھ اُتے مار کے دّھپھے، سہج نال سُنائیا۔ اوہ وِشنوُں میَتھوں لےَ کے بھنڈار دے گپھے، اپنی جھولی لئی بھرائیا۔ نِرگُن دی دھار اُتے ویکھ تیِسرے صفحے، جِس دا انک نہ کوئے جنائیا۔ اوتھے سب نوُں مِلدے نفعے، نُقصان ونڈ نہ کوئے ونڈائیا۔ ایہہ کھیل الکھنا الکھے، لکھّ کروڑ کہن کوئے نہ پائیا۔ سچ سچ دے دسےّ، دہ دِشا دھیان لگائیا۔ لوک مات ویکھ میرے بُھکھے رہندے بُہتے بچّے، پیٹ بھر نہ کوئے رجائیا۔ چار جُگ دے مارگ ہو گئے کچّے، کچّی دھار تند وکھائیا۔ مایا ممتا موہ نسّے، بھجےّ واہو داہیِا۔ میرا نوُر کِتے نہ وسے، سچ جوت نہ کوئے رُشنائیا۔ تُوں دسّ میرے بھنڈارے کِتھے رکھے، جیہڑے اتوٹ اتُٹ جنائیا۔ جوتی جوت سروُپ ہرِ، آپ اپنی کِرپا کر، سچ کرنی کار کمائیا۔ وِشنوُں مار کے اُپر ہتّھ اپنی چھاتی، شہنشاہ دِتا وکھائیا۔ ایہہ ویکھ لیکھ کملاپاتی، پت پرمیشور تیرا نظری آئیا۔ میَنوُں دے کے بھنڈارا داتی، داتے دَیا کمائیا۔ اِک گلّ انوکھی آکھی، سہج نال سمجھائیا۔ میَں سب دی کراں راکھی، ویکھاں تھاؤں تھائنیا۔ تُوں تھوڑی تھوڑی مات لوک ونڈنی چپاتی، چارے کھانی جھولی پائیا۔ کِسے نوُں آؤن نہ دیویں شانتی، سَت وِچ نہ کوئے سمائیا۔ اندر بھرم رہے بھرانتی، بھانڈا نہ کوئے بھنّائیا۔ میَں اوتار پَیغمبر گُروُ بھیجاں شبد دے بنا جماعتی، اکھّراں والی کر پڑھائیا۔ اپنی منزل دسّ کے گھاٹی، تھلّے سب نوُں دیاں بھوائیا۔ سریِر تن دی دے دے کھاٹی، سیج سِنگھاسن اُتے ٹکائیا۔ نام دی دے کے پاتی، اکھّراں وِچ وکھائیا۔ انت حُکم دی دے کے پھاسی، فَیصلے دیاں کرائیا۔ بھیوَ رکھ پُرکھ ابناشی، پردہ پردیاں وِچ ٹکائیا۔ جوتی جوت سروُپ ہرِ، آپ اپنی کِرپا کر، سچ کرنی کار کمائیا۔ وِشنوُں کہے آہ میرا مستک لےَ تک، پربھ اپنی دَیا کمائیا۔ جِس وِچ لیکھ لِکھیا اپنے اگمّے ہتّھ، شاہی قلم نہ کوئے وڈیائیا۔ جُگ چؤکڑی کھیل ہونا وّکھ وّکھ، دُھر دا راہ نہ کوئے دِرڑائیا۔ اوتار پَیغمبر آؤنے نَٹھ، گُروُآں گود جنائیا۔ کلمے نام جانے جپ، صِفتاں وِچ صالاحیِا۔ جوگ ابھیاس کرنے تپ، پوُجا پاٹھ وِچ وڈیائیا۔ سریِر اُتے جھلنے کشٹ جھٹ، سِر سکے نہ کوئے اُٹھائیا۔ انتم سارے پاسا جان وٹ، اپنا پندھ مُکائیا۔ تیرے بھانے اندر وس، سیِس جگدیِش جھُکائیا۔ تیرے کولوں منگدے رہن کرکے ہتّھ، جھولی اپنی خالی ڈاہیِا۔ تُوں کِرپا نال دینی وتھ، ایہہ تیری بےپرواہیِا۔ ساری سرِشٹی دا بھار سکنا نہیں کِسے چکّ، حِصّہ تھوڑا تھوڑا رکھائیا۔ انتم ساریاں جانا اکّ، واسطہ تیرے اَگے پائیا۔ دیِن دُنی دا پوُرا دیوے کوئے نہ حق، منزل حق نہ
کوئے پہنچائیا۔ سب نے تیرا مارگ جانا دسّ، اوُچی کوُک کوُک سُنائیا۔ کلجُگ انتم ہووے پرگٹ، پُرکھ اکالا دُھر دا ماہیِا۔ جِس نے سب دا میٹنا پھٹّ، دُکھڑا دئے گوائیا۔ اُسنے دُھر دا کھولنا ہٹّ، ہٹوانا آپ ہو جائیا۔ اوتار پَیغمبر گُروُآں نؤ نؤ وار دسّیا شبدی دھار تے شبد سَتگُروُ تے شبد سریِر ہونا جٹّ، جٹا جوُٹ رہن کوئے نہ پائیا۔ نؤ سؤ چُرانوے چؤکڑی جُگ دی غریِب نِمانیاں کوجھیاں کلمیاں دی بُھکھ آپے لئے کٹ، وِشنوُں دوُسر چلے نہ کوئے چتُرائیا۔ چھتّی جُگ نانک دسّیا نال ہٹّھ، چؤتھے جُگ چار ورن ونڈ ونڈائیا۔ چالی دِن ایسے کارن کھیل کیِتا الگ، وکھّری اپنی کار کمائیا۔ نہ زِمیں رہیا نہ اسمان رہیا نہ جگت رہیا نہ جگ، جیون داتا ہو کے گُرمُکھاں ہِردے اندر ڈیرہ لائیا۔ جِتنا سریِر نوُں چڑھدا سی تپ، اُتنا گُرمُکھ اندر نام لیَندے سی جپ، پیار پیار وِچوں پرگٹائیا۔ ہائے جے سَتگُر ساتھ گیا چھڈ، جاواں گے کیہڑی تھائنیا۔ وِشنوُں کہے میَں پربھوُ تیرے چرناں دے وِچکارے تیرا نِشانہ رکھدا ساں گڈّ، جگت جہان دی اگّ تیرے چرناں وِچ تپائیا۔ پِچھے ہو کے چھڈدا ساں ہسّ، باہواں کچّھاں وِچ رکھائیا۔ ویکھو کِس بِدھ اپنی کھیل کرے سمرتھ، داتا بےپرواہیِا۔ جِس نے سَتجُگ سب نوُں دینی وتھ، وست امولک اِک ورتائیا۔ جوتی جوت سروُپ ہرِ، آپ اپنی کِرپا کر، سچ کرنی کار کمائیا۔ وِشنوُں کہے میَں اِک دِن اکھّاں لئیاں میِٹ، اپنا دھیان بدلائیا۔ جاں تکّیا گُر اوتار پَیغمبر سارے کرن اُڈیِک، اکھّاں چُک چُک ویکھن تھاؤں تھائنیا۔ ہائے اُف بہُڑی تے کِتے آ تے نہیں گئی تریک، جِس وِچ تواریخ دینی بدلائیا۔ وِشنوُں کہے میَں وی ڈر گیا اُس دِن میَنوُں کنّوں پھڑ کے کِہا غریِب نِمانیاں دی جھولی پا دے بھیکھ، بُھکھا رہن کوئے نہ پائیا۔ گوبِند دی بُھکھ دو جہاناں دی کرے تصدیِق، شہادت اپنے اُتے بُھگتائیا۔ گُرمُکھو ہُن تُہانوُں وٹنی نہیں پَیندی کسیِس، تُہاڈا خصم ہو کے سد اپنا سنگ رکھائیا۔ گُر اوتار پَیغمبر کہن پربھوُ سانوُں وی دے بخشیِش، بہُڑی ساڈی جھولی دے بھرائیا۔ پُرکھ اکال کہے نانک تُوں کیوں کِہا میَں نیِچاں دا نیِچ، نیِچاں وِچ سمائیا۔ بھگت اُدھارنا غریِباں نوُں تارنا میری سدا دی ریِت، شاہ سُلطاناں ونڈ نہ کوئے ونڈائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کمائیا۔ وِشنوُں کہے آپ بن کے رحیِم رِزق، رازق میَنوُں دِتی وڈیائیا۔ جو جُگ چؤکڑی رہیا جھِجک، کُھلا گپھّا نہ کدے ورتائیا۔ جے تُوں کِرپا کریں اَگے سَتجُگ وِچ سب نوُں دے دیاں صِدق، صبوُری سب دے اندر وسائیا۔ تیرا رہے کوئے نہ نِندک، نِندیا کوُڑ
نہ کوئے سُنائیا۔ میری تیرے اَگے مِنّت، واسطہ رہیا پائیا۔ تیری رحمت تے میری ہووے ہِمّت، بخشش دُھر دی نال رکھائیا۔ پر اُٹھ کے ویکھ لےَ ذرا لہِندی سِمت، سماں تیرا گیا آئیا۔ کنجوُساں وانگ سچکھنڈ نہ جاویں چِنمٹ، لوک مات لےَ انگڑائیا۔ کیوں تیرے بھگت وِچھوڑا سہہ نہ سکن مِنٹ، انتر جھلن نہ کدے جُدائیا۔ جوتی جوت سروُپ ہرِ، آپ اپنی کِرپا کر، سد اپنا حُکم ورتائیا۔ وِشنوُں کہے میَنوُں دے دے بھنڈارا ہور، ہور دا ہور جھولی پائیا۔ نال سَتگُر شبد دے تور، تُرت اپنا حُکم سمجھائیا۔ جیہڑا مِٹاوے کلجُگ اندھیرا گھور، کوُڑی کِریا کرے صفائیا۔ سب دی انتر پکڑ ڈور، شبدی نام تند جُڑائیا۔ من کلپنا میٹ کے شور، شرع وِچوں باہر رکھائیا۔ سب دا کارج جائے سؤر، سؤہرے پیئیے وجےّ ودھائیا۔ جے پربھوُ تُوں تکّ لئیں واری اِک غؤر، گہر گمبھیِر دَیا کمائیا۔ پھیر میَں گھر گھر جاواں بہُڑ، در در پندھ مُکائیا۔ سب دی آسا منسا پوُری کراں لوڑ، لُڑیِندے سجّن ہونا سہائیا۔ تیرا ناتا تیرے نال جوڑ، جوڑی دُھر دی آپ بنائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، سچ کرنی کار کمائیا۔ وِشنوُں کہے جن بھگتو ویکھیا کھیل تمام، اکھّیں سب نوُں دِتا وکھائیا۔ گوبِند کیِتا نہیں آرام، آسن سِنگھاسن نہ کوئے وڈیائیا۔ اَگے توں بنے نہ کدے تُہاڈا نِمک حرام، جِس گھر دا کھادھا اُسدا پِیو دادا سچکھنڈ پہنچائیا۔ ایہہ کھیل باقاعدہ سی جُگ جُگاں دا، جُگ چؤکڑی لیکھا نہ کوئے مُکائیا۔ سو وقت سُہنجنا آندا، ویلا وقت نال مِلائیا۔ جِسنوُں سمجھے نہ کوئے پنڈت پاندھا، وِدیا وِچ نہ کوئے چتُرائیا۔ سب دیاں آسا منسا پوُر کراندا، پوُرن ہو کے پوُرن کار کمائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا مالک اِک اکھوائیا۔ جن بھگتو تُہاڈا ساتھی ہو گیا سچّا، سچ دیاں دِرڑائیا۔ بھاویں تُسیں اپنا ناتا سمجھو کچّا، ایہہ کنچن گڑھ دئے وڈیائیا۔ جیہڑا اِک وار بنا لیا بچّہ، گودی وِچوں باہر نہ کوئے کڈھائیا۔ جیہڑے میرے بھگت اوہو میرے روُپ دا سچّا، تے نوُر اِکو نظری آئیا۔ تُسیں اِک دوُجے نوُں کہنا اچھّا، نِندن والا گُرسِکھ اِک دوُجے نوُں ساہمنے کدے نہ آئیا۔ تُسیں کوئی مُسافر نہیں چڑھن والے اُتے بسّا، آئے تے اُٹھ جائیا۔ تُہاڈا صاحِب اِک سمرتھا، جو سب دا پِتا مائیا۔ تُہاڈا ایتھے اِک تے اَگے تھاں اِکٹّھا، وِچھوڑے والا راہ نہ کوئے وکھائیا۔ جے سچ پُچھو تے گوبِند دے سیِنے وِچ تُہاڈا لِکھیا پٹا، چار صاحِبذادیاں دا خوُن اکھّر رہیا بنائیا۔ ویکھیو سَتگُروُ دوارے کوئے نہ بنیو نام کٹا، جگت جیون کمّ کِسے نہ آئیا۔ تُساں تے
صِرف اِکو گاؤنا سوہنگ ٹپّا، باقی دو جہان دے ٹاپوُآں توں آپے پار کرائیا۔ کیوں تُہاڈا پوُرن پرمیشور تے پرمیشور نوُں پہلاں پپا، پپے دا پاربرہم برہم تُہاڈے وِچ رلائیا۔ آپ بُھکھا رہیا تے تُہانوُں دین آ گیا گپھّا، دُکھیاں دُکھ درد گوائیا۔ ایس دا ایہو تُہانوُں نفع، اَگے بِنا سَتگُر توں لوک مات پھیرا کوئے نہ پائیا۔ پِچھے غُصّے وِچ تُہانوُں ہو گیا خفا، اجّ توں اوہ وی لیکھا دِتا گوائیا۔ جوتی جوت سروُپ ہرِ، آپ اپنی کِرپا کر، سد اپنا حُکم ورتائیا۔ جن بھگتو اجّ توں تُہانوُں کدے کہنا نہیں بچن سخت، سد پریم نال بُلائیا۔ یاد رکھِیو ایہہ وقت، جُگ چؤکڑی پھیر ہتّھ کِسے نہ آئیا۔ بِنا پربھوُ توں کِسے نہیں کہنا بھگت، کوجھے کملیاں گلے نہ کوئے لگائیا۔ تُسیں اُتے فرش میَں مالک اُتے عرش، انتر امرت میگھ برس تُہاڈی میَل دھوائیا۔ کیوں، گُر اوتار پَیغمبراں نوُں ویکھ کے میَنوُں تُہاڈے اُتے آ گیا ترس، چار جُگ تُہاڈا لیکھ نہ کوئے مُکائیا۔ جیہڑا آیا اوہ کرکے گیا میرے اَگے عرض، تیرے تیری جھولی پائیا۔ جِس دے تُسیں تے اوسے نوُں آیا درد، دردیِاں دُکھ ونڈائیا۔ کِشن سِنہاں یاد رکھیں پندراں کتّک نوُں سَتگُر دی بغل وِچ دینی کرد، کھبےّ ہتّھ نال کھبّی بغل ٹِکائیا۔ ایسے کرکے تَینوُں اجّ آؤنا پیا پرت، ہور دُکھ نہ کوئے ستائیا۔ جن بھگتو کھیل ہونا اسچرج، چھّبی پوہ وڈیائیا۔ اِکّی بیِبیِاں تے اِکّی ہونے مرد، بستر سوہنے تن سجائیا۔ گُٹنے ٹیکے ہون اُتے فرش، آہمو ساہمنے سوبھا پائیا۔ نیَن سَتگُر چرن کردے ہون درس، زِمیں اُتے ٹکائیا۔ ہتھّیں پھڑے ہون تیِر ترکش، اسمان ولّ کمند کھِچائیا۔ پنجے لِکھاری اپنے ہِردے اندر کرن سرچ، دھیان دھیان وِچ ٹِکائیا۔ پنج پیارے جَیکارا بولن گرج، ساری سنگت سنگ رکھائیا۔ جوتی جوت سروُپ ہرِ، آپ اپنی کِرپا کر، سچ کرنی کار کمائیا۔ پنجاں لِکھاریِاں اپنی جوبن والی بناؤنی حیاتی، اپنا بل دھرائیا۔ واری واری اپنا رجسٹر لاؤنا پربھ دی اُتے چھاتی، لائیناں پنج پنج اکھّراں وِچ رکھائیا۔ پنجاں نے لِکھ کے پٹّاں اُتے مارنی تھاپی، صاحِب سَتگُر سانوُں دِتی وڈیائیا۔ ساڈی نِندیا کرے کوئی نہ پاپی، اسیں ہرِ سنگت دے بھَین بھائیا۔ جیہڑا ساڈے صاحِب دی منّے نہ آکھی، اوہدا درس کوئے نہ پائیا۔ پھیر ساری سنگت نے کہنا ساڈی اِکو ذاتی، دوُجی ونڈ نہ کوئے ونڈائیا۔ تالی مارنی ساڈا روُح بُت ہویا پاکی، دُکھ درد دِتا گوائیا۔ پھیر خوشی وِچ کرنی ہاسی، واہ واہ تیری بےپرواہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کمائیا۔ پنجاں لِکھاریِاں پنجاں اُنگلاں دے لاؤنے پنجے، ہرِ سنگت دینا وکھائیا۔ چھّبی پوہ توں بعد اِکّی دِن اسیں
سؤنا نہیں اُتے منجے، سیج سُہنجنی دھرن دھرت سُہائیا۔ ایہہ لیکھا دواپروِچ دسّیا سی سنجے، دو جہاناں اکھّ کُھلائیا۔ جِس ویلے جگت نام مُہانے رہے نہ ونجھے، کھیٹا پار نہ کوئے لنگھائیا۔ سَتگُر شبد دھار کوئی نہ جمے، دُھر دا حُکم نہ کوئے سُنائیا۔ چار جُگ دے شاستر ہونے نِکمے، بھار سکے نہ کوئے اُٹھائیا۔ موہ رہنا نہیں کِسے پمے، پاربرہم اپنی کار کمائیا۔ ایہہ کھیل ہونا پربھوُ دی دھار پربھوُ دے سمیں، جِس نوُں سکے نہ کوئے بدلائیا۔ گُرمُکھو بڑے کھیل ہونے نوَیں، نوَیں جُگ دی نویں ریِت دینی چلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کمائیا۔ وِشنوُں کہے واہ واہ دین والے لارے، تیری وڈی وڈیائیا۔ اسیں وی کڈھدے رہے ہاڑے، تُوں اِشاریاں نال پرچائیا۔ کدی آہ لنگھ جان دیؤ جُگ چارے، اَگے جُگاں وِچ ہور دیاں وڈیائیا۔ اسیں دِنو دِن ہُندے گئے نکارے، اپنا بل نہ کوئے رکھائیا۔ بُھکھیاں بُھکھ نہ کوئے نِوارے، دُکھیاں دُکھ نہ کوئے مِٹائیا۔ انت ہو گئے تیرے سہارے، ساڈی چلے نہ کوئے چتُرائیا۔ جِس دِن گوبِند دے پیٹ ہویا سی اپھارے، اُس دِن وِشن برہما شِو سارے رہے کُرلائیا۔ کہن ویکھو کھیل نِرنکارے، نِرگُن سرگُن بھرم بُھلائیا۔ پھیر اساں حؤصلے چھڈ دِتے سارے، سب کُچھ تیری جھولی پائیا۔ تُوں بڑا بے دردی جو اپنا آپ ساڑ پھوُک کے پھیر آ گیا دوبارے، دوہری اپنی کار کمائیا۔ تیرے کھیل سدا سد نیارے، نِراکار تیری وڈیائیا۔ وِشنوُں کہے پربھوُ تیرے چرن نِمسکارے، نمو نمو نمو سیِس جھُکائیا۔ پر یاد رکھِیو سویرے پنج گُرمُکھ پرسادا کرنا تیارے، نہا دھو کے اپنی سیو کمائیا۔ پھیر بھوگ لگاوے آ کے وِچ دربارے، سَتگُر بَیٹھے آسن لائیا۔ ایہہ سارا سویرے ساڈھے اٹّھ وجے ہووے وِوہارے، وِوہاری اپنی کار کمائیا۔ پھیر تُسیں خوشیاں وِچ رہو سارے، ساری عمُر تُہاڈا ساتھ نہ کوئے تُڑائیا۔ سَتگُر دے گھر وِچ اِکو جِہے ویاہے کوارے، دوُجی ونڈ نہ کوئے ونڈائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، تیرا حُکم سدا جُگ چارے، جُگ چؤکڑی چلے تیری رضائیا۔
۹ اَسوُ شہنشاہی سمت ۵ سویرے ساڈھے اٹّھ وجے ہرِ بھگت دوار جیٹھوُوال
وِشنوُں کہے دیِن دُنی دی بدل پرکِرتی، پرم پُرکھ دَیا کمائیا۔ انتر دھار بدل دے بِرتی، جیہڑی بِپر سُدامے منگ منگائیا۔ یکسوُئی کر دے سُرتی نِرتی، نِراکار ہو سہائیا۔ تیریاں بھگتاں تیری سیوا جائے نہ بِرتھی، جو پریم پیار وِچ کمائیا۔ لہنا دینا پوُرا کر پرِتھمی پرِتھی، پرِتھم اپنا رنگ رنگائیا۔ دُکھ بُھکھ کٹ سرِشٹی، سریشٹ اپنا نام وڈیائیا۔ نِرگُن نوُر نظر آ اِشٹی، اِشٹ دیوَ آتما پرماتما سوبھا پائیا۔ آتم دھار بن گرِہستھی، گرِہ مندر سیج سِنگھاسن سوبھا پائیا۔ تیریاں بھگتاں لوڑ رہے نہ سوَرگ بہِشتی، چرن کوَل دے سرنائیا۔ سَت دھار جنا چار ورن سِکھ دی، سِکھیا سِکھ اِک اُپجائیا۔ جیہڑی قلم چار جُگ دے شاستر رہی لِکھدی، سو کلمہ لیکھا سب دا پوُر کرائیا۔ تیری پوُجا رہ جائے اِک دی، ایکنکار تیری وڈیائیا۔ سدا بازی ہووے جِتّ دی، ہار ہر ہِردیوں دینی کڈھائیا۔ دھوُڑ ملِے پرم پُرکھ پُرکھوتم پِت دی، پت پرمیشور تیری اِک سرنائیا۔ چار کُنٹ دہ دِشا تیری نوُر جوت ہووے دِسدی، اندھ اندھیر رہے نہ رائیا۔ ممتا کوُڑ رہے نہ وِسدی، وِشے وِکاراں ڈیرہ ڈھائیا۔ پربھوُ آسا پوُری کر دے گُرمُکھ جِس جِس دی، جِس طرح پِتا پوُت گود سُہائیا۔ تیری یاد سدا رہے نِت دی، نوِت اپنی کار کمائیا۔ گُنجھل رہے نہ کایا وِچ دی، وِچلا پڑدا دینا اُٹھائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در تیرے منگ منگائیا۔ وِشنوُں کہے تیرا آد جُگاد بھنڈارا، وربھنڈ تیری چتُرائیا۔ میَں سیوک سیوادارا، سیو سوامی سچ کمائیا۔ جُگ چؤکڑی کھیل ویکھیا سارا، سَتجُگ تریتا دواپرکلجُگ پندھ مُکائیا۔ میَں بھرپوُر کر نہ سکیا سنسارا، سنساری میری دئے گواہیِا۔ شنکر اُنگلاں نال بن لِکھارا، لیکھا میَنوُں رہیا سمجھائیا۔ جِس ویلے نِرگُن دھار پُرکھ اکال آیا دوبارا، دوہری اپنی کار کمائیا۔ سچ دا مارگ دسےّ اپارا، اپار اگمّ اتھاہیا۔ سَتجُگ سچ سچ کرے پسارا، پسر پساری ویکھ وکھائیا۔ سب نوُں اِکو جِہا دئے ادھارا، آدم اِکو رنگ رنگائیا۔ چاکر سیوک بن پنہارا، پاربرہم اپنی سیو کمائیا۔ دیِن دُنی وِچ ویکھے وِگسے ویکھنہارا، پردہ پردیاں وِچوں چُکائیا۔ سب دا سانجھا کر پیارا، پریم پریِتی نال جُڑائیا۔ غریِب نِمانیاں لیکھے لا آہارا، بھکھّ بھوج لہج پھہج اِکو رنگ رنگائیا۔ سَتجُگ سَت چلدی رہے دھارا، دھرم دی دھار اِک وکھائیا۔ جِس ویلے چھّبی پوہ ستاراں ہاڑ دا آئے تِیوہارا، سال بسالا اِکو حُکم ورتائیا۔ پنج گُرمُکھ سدا
تیار کرن بھنڈارا، سیوا سَت سچ کمائیا۔ اندر کرے نہ کوئے ہنکارا، ہؤمے وِچ نہ کوئے رکھائیا۔ لنگر پکاؤن توں پہلاں پنج ویر ضرور لاؤنا جَیکارا، بِن جَیکاریوں چپاتی ہتّھ نہ کوئے سُہائیا۔ ختم ہون توں بعد پھیر ایہو حُکم دوبارا، جےَ جَیکار دینا سُنائیا۔ اجّ توں ایہہ بُھلنا نہیں وِوہارا، دُھر دا حُکم اِک سُنائیا۔ اُس ویلے ضرور حاضر ہووے نِرنکارا، نِرگُن اپنی دَیا کمائیا۔ جن بھگتو تُہاڈا نِکُھٹ نہ جائے بھنڈارا، بھرپوُر گھر گھر دئے وکھائیا۔ ہرِ بھگتاں ویکھے سچّا دوارا، سچ سِنگھاسن سوبھا پائیا۔ جِتھے نِرگُن دھار بَیٹھا اوہ چؤویواں اوتارا، جِس نوُں گُر اوتار پَیغمبر سیِس نِوائیا۔ اُس دا شبد شبدی شبد اِشارہ، بِنا شبد توں دوُجا راگ نہ کوئے سُنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کمائیا۔ وِشنوُں کہے صاحِب سَتگُر دا جِتھے چلدا ہووے لنگر، لانگری سیوا پریم کمائیا۔ ہِردے اندروں گاون چار منگل، خوشی خوشی وِچوں پرگٹائیا۔ کوئی گندی رکھے نہ اُنگل، صاف سُتھرے سوبھا پائیا۔ سَتگُر دے لنگر دا کوئی مارے کدے نہ چُغلی چُغل، ماڑا کہہ نہ کوئے سُنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کمائیا۔ جو لنگر وِچ ہوون سیوادار، سیوا پریم نال کمائیا۔ مُکھوں کُبچن سکے نہ کوئے اُچار، رسنا پِھک نہ کوئے رکھائیا۔ ایہہ سب توں وڈّا وِوہار، جِس نوُں گُر اوتار پَیغمبر تھوڑا تھوڑا تھوڑا کرکے گئے چلائیا۔ وِشنوُں جوڑ کے ہتّھ کرے نِمسکار، سیِس بندنا وِچ نِوائیا۔ ایہہ کھیل سچّی سرکار، ہرِ نِرنکار آپ وکھائیا۔ سَتجُگ وِچ سَت دھرم دا سَت ہونا وِہار، وِوہاری اپنا حُکم دِرڑائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کمائیا۔ وِشنوُں کہے ویکھو میرے صاحِب دا لگدا بھوگ، بھوجن بِنا بھجن بندگی توں پار کرائیا۔ سب توں وڈّا ایہہ یوگ، جِس دی جُگیِشر بَیٹھے اوٹ رکھائیا۔ ایس دی سب توں وکھّری مؤج، جو مؤجوُد ہو کے دئے پرگٹائیا۔ جِس نوُں لبھن چؤداں لوک، لبھیاں ہتّھ کِسے نہ آئیا۔ جن بھگتو سب نوُں ملِے اوہ موکھ، جِہنوُں اٹل پدوی کہہ کے سارے گائیا۔ جِس گرِہ وِچوں اِک وار چھکیا اوہناں دے دیوے سنتوکھ، سَت دھیِر نال مِلائیا۔ بھاویں بھگتی کرو جنم کوٹی کوٹ، بِنا پربھ کِرپا منزل چڑھن کوئے نہ پائیا۔ تُہاڈا پریم سَتگُر دا پیار اتوٹ، شبد دی دھار کھیل کھِلائیا۔ جوتی جوت سروُپ ہرِ، آپ اپنی کِرپا کر، سد اپنی دھار پرگٹائیا۔ وِشنوُں کہے ویکھو صاحِب دا سچ پکوان، پکّی سب نوُں دیاں کرائیا۔ جِس گرِہ وِچوں چھک لیا اِک وار وِچ جہان،
شکّ سنسا اَگے رہے نہ رائیا۔ جن بھگتو متھے ٹیکن نالوں لنگر دی سیوا مہان، مہما اکتھ کتھ نہ کوئے دِرڑائیا۔ ایہہ ریِتی سب توں وکھّری دسّی سِری بھگوان، بھاگ حِصّہ اپنا تُہاڈے وِچ پائیا۔ تھوڑا جِہا اِشارہ دِتا کرِشن کاہن، سُدامے کنّ وِچ سُنائیا۔ دلِدریا جِس ویلے آیا میرا مِہربان، مِہربان مِہربان پھیرا پائیا۔ غریِب نِمانے کوجھے کملے پار لنگھائے وِچ جہان، جہالت وِچ عدالت اپنی اِک لگائیا۔ اُس نے سُدامیاں نام دسّنا ''سوہنگ مہاراج شیرسِنگھ وِشنوُں بھگوان،'' جِس نوُں سُن کے گُروُ اوتار پَیغمبر سارے سیِس نِوان، بُہتے تریَلوکی ناتھاں نوُں ایہہ مِلیا نہیں دان، رام دی رام نے جھولی نہ کدے بھرائیا۔ پَیغمبراں نوُں دسّ کے شرع والا اِیمان، عمل وِچ دِتا پھسائیا۔ گُروُآں نوُں دے کے گدّی دا دان، شبداں دی صِفت وِچ لگائیا۔ پھیر سندیسہ دے کے اِک جوان، گوبِند گوبِند آپ پرگٹائیا۔ جِس ویلے آواں آپ ہو کے سوادھان، سو سوامی اپنا ویس وٹائیا۔ سَتجُگ دا مارگ پھیر دسّاں مہان، مہما اکتھ اکتھ دِرڑائیا۔ چار ورن اٹھاراں برن کھتری براہمن شوُدر وَیش دیِن مذہب ذات پات اوُچ نیِچ راؤ رنک شاہ حقیِر سَتگُر فقیِر سب دا اِکو کر پکوان، پکاّ ناتا سب دے نال جُڑائیا۔ جن بھگتو گُرمُکھو گُرسکھو ویکھو کِس بِدھ دے نال تُہاڈا بنایا وِدھان، وِدیا سمجھ سکے نہ رائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کمائیا۔ وِشنوُں کہے جن بھگتو جموں نوُں نؤ چھٹانک نال لےَ کے جانی مِشری، مِسل گوبِند دئے دُہرائیا۔ کیوں کلجُگ دی دھار چڑھی سِخری، سِخر دی چوٹ ویکھ وکھائیا۔ گُر اوتار پَیغمبراں دی لاہُنی بے فِکری، فِقرہ اپنا نام سُنائیا۔ جیہڑی کاہن کھیل کیِتی غریِباں نال مِتری، مِتر پیارا سب دا نظری آئیا۔ جیہڑی پوُجا ہُندی رہی جل دھارا وِچ پِتری، سو پُرکھ اکال پِچھلی ریِتی ساری دئے مِٹائیا۔ تُہاڈی آتما تُہاڈے وِچوں نِتری، صاف سُتھری سوبھا پائیا۔ ویکھیو پربھ دا پیار نہ سمجھیو جگت ہٹّ والی وِکری، پَیسے والی قیِمت نہ کوئے رکھائیا۔ جن بھگتو کلجُگ دی دھار انت لہنا دینا مُکنا جگت مندر چِھترو چِھتری، چھتّی جُگ دا مالک نانک دئے گواہیِا۔ کِسے واچ نہیں سکنی پتّری، پترکا سکے نہ کوئے سمجھائیا۔ کِسے سمجھ نہیں آؤنی ناڑ بہتّری، بِنا بہتّر بھگت جِناں ملِے نہ کوئے وڈیائیا۔ مُکھ وِچوں دھاہ لےَ سپت رِکھیاں وِچوں واسطہ پایا اتری، اتیِت اپنا دھیان لگائیا۔ بِنا پربھوُ توں کِسے جھگڑا نہیں میٹنا شوُدر وَیش براہمن کھتری، جھگڑا کوُڑ نہ کوئے مِٹائیا۔ جن بھگتو وِشنوُں کہے چھّبی پوہ نوُں سجےّ ہتّھ نال سب نے بنھنی رکھڑی، ساریاں دا ناتا
اِکو وار اِکو گھر دئے بنائیا۔ امیِر چند نے پِتل دی لِیانی تکڑی، پاسکوُ تھوڑا جِہا رکھائیا۔ نال وِچھاؤن والی لِیانی ٹاٹ دی تپڑی، سوا گز لمبائی چؤڑائیا۔ اِک لِکھن واسطے لِیانی پھٹڑی، قیِمت پچونجا پَیسے سمجھائیا۔ اِک کول نِکی جِہی بناؤنی ٹپّری، سِنگھاسن لاگے سوبھا پائیا۔ اِک سوُت دی رکھنی اٹّڑی، تیج کؤر دوآبے وِچوں دئے پہنچائیا۔ ایہہ کھیل پربھوُ نے دسّنی اچھڑی، اچھّی طرح وکھائیا۔ کوئی شرینی ذات صاحِب سَتگُر دے چرن توں رہے نہ پچھڑی، جو آ کے سیِس نِوائیا۔ اوہ آتما کہے میَں اُس پرماتما کول اپڑی، جِتھے ان پڑھاں ملِے وڈیائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، لیکھا جانے گرِہ نچھتری، پردہ اوہلا آپ اُٹھائیا۔
۱۲ اَسوُ شہنشاہی سمت ۵ ٹھیِکے دار ٹھاکر سِنگھ دے گرِہ پِنڈ جیٹھوُوال
صاحِب سَتگُر شبد بہادر، سوُربیِر اکھوائیا۔ آد جُگادی کرنی دا کرتا قادر، قدیِم دا لہنا ویکھ وکھائیا۔ جُگ چؤکڑی نِرمل کرم کرے اُجاگر، جگت جیون جُگت دئے وڈیائیا۔ پار کرائے جنم کرم دا ڈوُنگھا ساگر، صاحِب سوامی اپنی دَیا کمائیا۔ دو جہان سِری بھگوان درگاہ ساچی دیوے آدر، آدرش اپنا اِک رکھائیا۔ ٹھاکر سِنگھ نال مِلا کے سِنگھ ٹھاکر، ٹھاکر سِنگھ تِنّاں اِکا در وڈیائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک سُنائیا۔ تِنّے ٹھاکر سِنگھ تِنّے رنگ دے پاؤن بستر، چِٹا سوُہا پیِلا ویس وٹائیا۔ پِٹھ اُتے بدھّا ہووے اِک اِک شستر، شرع دی دھار نہ کوئے رکھائیا۔ سچ پریم دی انتر ہووے حسرت، حاصِل ضرب نہ کوئے وکھائیا۔ جیِون زِندگی پربھ دے چرن ہووے بسرت، وِچھڑے میل مِلائیا۔ جوتی جوت سروُپ ہرِ، آپ اپنی کِرپا کر، سد اپنی کار کمائیا۔ تِنّے ٹھاکر سِنگھ چھّبی پوہ نوُں سیوا کرنی خاص، خالص اپنا آپ بنائیا۔ نؤ رنگ دا صاحِب سَتگُر دا بناؤنا لِباس، پریم پریِتی نال رکھائیا۔ جِس دا رنگ ہووے وانگ آکاش، نؤ سِتارے وکھّ وکھّ وکھّ ونڈ ونڈائیا۔ چند دی پوُری کرنی آس، سوُریہ اپنی چھڈے چھوائیا۔ منڈل دی منڈپ والی ہووے راس، رستہ رہبر اِک وکھائیا۔ صدی چؤدھویں ملِے شاباش، شرع دا بندھن پوُر کرائیا۔ وکھّری نِرالی ہووے پوشاک، پُشت نؤ رنگ نال لِکھائیا۔ سوہنگ
مہاراج شیرسِنگھ وِشنوُں بھگوان، لِکھیا ہووے خاص، خالص سب نوُں دئے جنائیا۔ شنکر دی موُرتی نظری آوے نال وانگ کَیلاش، پربت دا روُپ سوبھا پائیا۔ برہما چارے مُکھ کھول چاروں کُنٹ رکھے آس، آسا اپنی اِک ودھائیا۔ وِشنوُں وست بھنڈار اُٹھائے ساتھ، تھال تلی اُتے ٹِکائیا۔ اِندر جل دا لےَ کے گلاس، خواجے نال مِل کے سیِس نِوائیا۔ سب دے اُتے پوُرن دا پوُرن ہوئے پرکاش، جوتی جوت ڈگمگائیا۔ ٹھاکراں دا ٹھاکر اُتے ہوئے وِشواس، وِشیاں دا وِشا گوائیا۔ جوتی جوت سروُپ ہرِ، آپ اپنی کِرپا کر، سچ اپنا حُکم ورتائیا۔ چھّبی پوہ کہے نؤ رنگ دے نؤ ہون پتّھر، پنج چار سوبھا پائیا۔ نال گوبِند دا ہووے ستھر، یارڑا سیج ہنڈھائیا۔ سوہنگ لِکھیا ہووے اکھّر، ہاہا سسّے وِچ چُھپائیا۔ باہر بنیا ہووے چکّر، سُدرشن سوہنا روُپ دِرڑائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا لیکھا دئے بنائیا۔ چھّبی پوہ کہے ٹھاکر سِنگھ تِنّاں ٹھاکراں ہونا مِلاپ، پوُرب لیکھا لیکھ جنائیا۔ جِنہاں دا دُرباشے نال ساتھ، رِکھیاں دی ریکھ پھول پھولائیا۔ اوہ سارے اِکٹّھے کرنے آپ، آپ اپنی دَیا کمائیا۔ تِنّاں کولوں کرا کے اِک جاپ، جگ جیِون داتا دئے وڈیائیا۔ تریَلوکی توں باہر جِنہاں دا ساتھ، تِنہاں دا ترےَگُن ڈیرہ ڈھاہیِا۔ دُرباشے دی منگ کرِشن دا واک، کاہناں دا کاہن پوُر کرائیا۔ لہنا دینا چُکائے ساکھیات، سِر اپنا ہتّھ ٹِکائیا۔ جوتی جوت سروُپ ہرِ، آپ اپنی کِرپا کر، سچ کرنی کار کمائیا۔
۱۳ اَسوُ شہنشاہی سمت ۵ سنگت دے نوِت گُرداس پُر
جن بھگتو تُہاڈی لیکھے لائی جنم دی فقیِری، فِقرہ اِکو نام سُنائیا۔ جیون مرن دی کٹ دِلگیِری، منزل اِکو گھر وکھائیا۔ تُہاڈی غریِبی وِچوں بدل گئی امیِری، شہنشاہ دے سُت ہو کے گھر شہنشاہ سوبھا پائیا۔ پربھ دا کھیل بےنظیِری، جگ نیتر نظر کِسے نہ آئیا۔ جو یاد کیِتا بھگت دھار دھار کبیِری، کعبے توں پرے اکھّ اُٹھائیا۔ نِگاہ ماری لالو دے کول آؤنا نانک دا پاتشاہ اَخیِری، آخر اپنی کھیل کھِلائیا۔ جِس دا میل اوس دی کِرپا نال ہونا تقدیِری، تقدیِر سب دی دئے بدلائیا۔ چھّبی پوہ نوُں بھگت بھگوان
اِکو رنگ رنگ دینا شہنشاہ حقیِری، پاتشاہ وزیری مان وڈیائیا۔ سرب سنگت ستائی اِنچ دی لِیانی اوہ زنجِیری، جیہڑی گوبِند نے اِکّی سال دی آیوُ وِچ اپنے گل چُھہائیا۔ جِس دی دھار ہرگوبِند نے دسّی میِری پیِری، پیِر پیِراں سوبھا پائیا۔ نال دستار ہووے کشمیِری، جموں والے ونڈ ونڈائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا لیکھا دئے مُکائیا۔ جن بھگتو تُسیں آئے بھجےّ دؤڑے، پریم پیار وِچ وڈیائیا۔ منزل اوس بہُڑے، جِتھے ملِے دُھردرگاہیِا۔ تُہانوُں چڑھا کے جائے اپنے پؤڑے، اَدھ وِچ نہ کوئے اٹکائیا۔ میرے نال تُہاڈے بنائے جوڑے، جوڑی دُھردرگاہیِا۔ تُہاڈی کایا پھل نہ ہوون کؤڑے، مِٹھا رس سب نوُں دِتا چکھائیا۔ جِس نوُں چار جُگ دے شاستر کہندے براہمن گؤڑے، ایہو تُہاڈا پالک تُہاڈا پِتا مائیا۔ جیہڑا آد انت جیِوت مرن انتم بہُڑے، اپنے گلے لگائیا۔ ویکھیو اپنے من نہ کرِیو کؤڑے، اندر وجدی رہے ودھائیا۔ تُہاڈے جنم جُگ چؤکڑی صاحِب سَتگُر نال سدا نویں نکورے، چؤراسی وِچ نہ کوئے بھوائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا مالک اِک اکھوائیا۔ جن بھگتو تُہاڈا آؤنا ہویا منظور، لیکھا سب دا لیکھے پائیا۔ درس کرکے اِک حضوُر، حاضری اپنی لیَنی لگائیا۔ تُہاڈا صاحِب بڑا مشکوُر، خوشی وِچ اپنا رنگ رنگائیا۔ تُسیں سمجھیو نہ کدے دوُر، ہر ہِردے بَیٹھا ڈیرہ لائیا۔ چؤراسی وِچوں نِترے وانگ کپوُر، سوگندھی دُھر دا نام بھرائیا۔ تُہاڈی پریم مُحبّت والی دھار بھرپوُر، بھانڈا بھرم بھؤ بھنّائیا۔ تُسیں ہُن خوشی نال گھراں نوُں جانا ضرور، یاد پربھ دی نال رکھائیا۔ سب دے تن ماٹی وجوُد مستک لا کے جاواں اوہ دھوُڑ، جِس دے نال دُرمت میَل رہے نہ رائیا۔ سب دی آسا منسا کرکے پوُر، دیوے مان وڈیائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، بھگت اُدھارنا جِس دا دستُور، درس دے کے درس کر کے درس دا درس ترس وِچ رکھائیا۔
۱۳ اَسوُ شہنشاہی سمت ۵ تیج بھان دے گھر سئی کَیمپ جموں
تیراں سؤ ستاسی رِشیو آہ لؤ سگن چھٹانک نؤ، باوَن دی آسا نال مِلائیا۔ سَتجُگ تریتا دواپرکلجُگ لیا بھؤں، بھاوَنا سب دی کھوج کھوجائیا۔ سب نے تِنّ جُگ لیا سؤں، آلس نِندرا انت لیَنا چُکائیا۔ لیکھا رہیا نہ میَں ہؤں، ہنگ ہنگتا دئے تُڑائیا۔ جُگ جنم دے وِچھڑے پکڑے باہوں، پاربرہم اپنی دَیا کمائیا۔ کلجُگ انتم کرے نِیا، نیانکار اِک اکھوائیا۔ ہرِجن کدے نہ بُھلے راہوں، رستہ وابستا اپنے نال رکھائیا۔ پُرکھ اکالا بنکے پِتا ماؤں، پوُت سپوُتا گود ٹِکائیا۔ وقت سُہنجنا ویکھو نال چاؤ، چاؤ گھنیرا اِک سمجھائیا۔ ساچا ڈھولا دُھر دا گاؤ، گہر گمبھیِر ہوئے سہائیا۔ وِچھوڑا ہوئے نہ دُھردرگاہوں، درگاہ ساچی میل مِلائیا۔ پھڑ کے ہنس بنائے کاؤں، سوہنگ ہنسا مانک موتی چوگ چُگائیا۔ سچ صاحِب دے لاگے پاؤں، پاربرہم سِر اپنا ہتّھ ٹِکائیا۔ جو شاہو بھوُپ وڈ شاہو، شہنشاہ شاہ اِک اکھوائیا۔ تِس سوامی بل بل جاؤ، جو دو جہاناں لئے ترائیا۔ نِتھاویاں دیونہارا تھاؤں، تھان تھننتر اِک وکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کمائیا۔ مِشری کہے میَں لیکھا جانا پنڈت مِسر، میَنوُں وِدیا وِچ بھٹکائیا۔ باوَن دا لہنا گیا نہ وِسر، یاد اِکو اِک ستائیا۔ جِس سندیسہ دِتا ویکھ کے چوٹی سِخر، سِخر چڑھ کے کھوج کھوجائیا۔ جِس ویلے کلجُگ چیلا گُروُ رہیا نہ مِتر، سجّن مِتر نہ کوئے اکھوائیا۔ سرِشٹی درِشٹی بھرے چِکڑ، کیِچڑ بھری ہووے لوکائیا۔ چؤراسی وِچوں سکے کوئی نہ نِکل، آون جاون پھند نہ کوئے کٹائیا۔ سرِشٹی دھار ہووے پِتل، پت پرمیشور سیِس نہ کوئے نِوائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ہرِ کرنی کار کمائیا۔ مشری کہے میَں دیواں اپنی مِثال، مِسرا سکے نہ کوئے سمجھائیا۔ جِس ویلے باوَن اَگے چھوٹی کنّیا رکھیا تھال، وست وست وِچ رکھائیا۔ نیَن رو کے کِہا بال، بالی بُدھ وِچ جنائیا۔ کُچھ دسّ اگلا حال، حالت اگلی دے جنائیا۔ باوَن ہسّ کے کِہا کلجُگ کھیل انت مہان، مہما صِفت نہ کوئے صالاحیِا۔ سکھیاں دا دِسے کوئی نہ کاہن، سیِتا سُرت رام نہ کوئے پرنائیا۔ پَیغمبر دِسے نہ کوئے نِشان، سویمبر سچ نہ کوئے جنائیا۔ گُروُ دیوے نہ کوئے گیان، سَتگُر سَت نہ کوئے مِلائیا۔ اوس ویلے پرگٹ ہووے سِری بھگوان، ہرِ کرتا دُھردرگاہیِا۔ جیہڑا تیراں سؤ ستاسی رِکھیاں کھادھا پکوان، کچّا پکاّ پیٹ ٹِکائیا۔ سارے کھا کے خوشی منان، چلن چائیں چائنیا۔ جوتی جوت سروُپ ہرِ، آپ
اپنی کِرپا کر، کرے کھیل ساچا ہرِ، سچ کرنی کار کمائیا۔ مشری کہے جِس ویلے رِشی آئے کول، باوَن ولّ دھیان لگائیا۔ باوَن پیا بول، کی مِلیا بےپرواہیِا۔ سارے ڈِھڈ وجان وانگ ڈھول، ہتّھ ہتّھ نال مِلائیا۔ بل بھنڈارا دِتا کھول، تے رِشی مُنی دِتے رجائیا۔ بِردھا تُوں کی کریں مخؤل، میَنوُں سمجھ کوئے نہ آئیا۔ اوس ہسّ کے کِہا آہ ویکھو اپنا تول، ماشہ رتی نہ کوئے چڑھائیا۔ اندر نِگاہ مارو سب دے اندر پول، پربھ دا درس کوئے نہ پائیا۔ تُہاڈا بنیا نہ کوئے وِچول، وِچلا بھیوَ نہ کوئے کُھلائیا۔ جنگلاں وِچ تُہاڈے نال وجّدا رول، رام مِلن کوئے نہ پائیا۔ تُسیں سرب اجے انبھول، بھانڈا بھرم نہ کوئے بھنّائیا۔ کی تُہاڈی وست کوئی ایس ویلے پئی کول، میَنوُں دیؤ وکھائیا۔ جوتی جوت سروُپ ہرِ، آپ اپنی کِرپا کر، سچ کرنی کار کمائیا۔ باوَن کِہا کی بل دواریوں مِلیا سگن، سگلا دیؤ جنائیا۔ کِس پیار وِچ ہووے مگن، مستی نام چڑھائیا۔ کِس بِدھ مِٹاؤ اگن، اگنی تت جلائیا۔ کِس سوامی مِلو سجّن، میلا سہج سُبھائیا۔ کِس لیکھے لاؤ بدن، اپنا آپ گوائیا۔ کِس پیار دی چاڑھو رنگن، دُرمت میَل دھوائیا۔ کیوں پِنڈیوں ہوئے نگن، کیوں دھوُڑی خاک رمائیا۔ کیوں نہیں دیِپک لگّے جگن، اندھ اندھیر نہ کوئے مِٹائیا۔ کیوں میرے کولوں لگّے سنگن، میَنوُں دیؤ سمجھائیا۔ سارے بولن لگّے بچن، ساڈے نیتر نیَن نیَن شرمائیا۔ ساڈے اندر ناد نہ وجّن، دُھنی ناد نہ کوئے الائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کمائیا۔ سارے کہن ساڈے خالی ہتّھ، ہتھیلی اُتے نہ کُجھ ٹِکائیا۔ نہ مِلیا پُرکھ سمرتھ، نیتر درس کوئے نہ پائیا۔ نِج نیتر کُھلی نہ اکھّ، لوچن ملِے نہ کوئے وڈیائیا۔ رسنا نال نہ ہووے جس، صِفتاں وِچ صالاحیِا۔ جنگلاں وِچ کرکے ہٹھ، بَیٹھے ڈیرہ لائیا۔ بل سندیسے اُتے آئے نَٹھ، بھجےّ واہو داہیِا۔ اسمیدھ یگ دا ویکھ اِکٹّھ، اپنی لئی انگڑائیا۔ کھادھا پیِتا جھٹ، دچھنا ہتّھ نہ کِسے پھڑائیا۔ ہُن پِچھے چلے ہٹ، اپنا مُکھ بھوائیا۔ باوَن نے روُپ بدلیا جھٹ، سروُپ انوُپ درسائیا۔ ساریاں دے ہِردے لایا پھٹّ، تیِر انیالا اِک لگائیا۔ جاں تکّیاں تے سب دے وسے گھٹ گھٹ، بُڈھا بَیٹھا ڈیرہ لائیا۔ جاں اِشارہ کرکے جھٹ، جوت جگے لٹ لٹ، نوُر نوُرانہ ڈگمگائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کمائیا۔ رِشی ویکھ ہوئے حَیران، حَیرانی اندر اپنا آپ پرگٹائیا۔ براہمن بڑا شیَطان، سانوُں رہیا بھرمائیا۔ کُچھ بولے نہ نال زبان، اِشارے سِر نال دِرڑائیا۔ ساڈے ولّ نہ کرے دھیان، اُنگلاں زِمیں اُتے گھسائیا۔ ساڈے آواز دِتی وِچ کان،
دُھن دِتی اُپجائیا۔ جھٹ تیِر ماریا بان، سوئی سُرت اُٹھائیا۔ جھٹ دے کے نوُر مہان، اندر کیِتی رُشنائیا۔ مُکھوں لگّے گان، تیری بےپرواہیِا۔ باوَن نے اپنی گودڑی وِچوں کڈھ کے دان، داتا ہو کے دِتا ورتائیا۔ آہ لؤ نؤ کوُجے تُہاڈا نؤ کھنڈ پرِتھمی دا پیِن کھان، ترِسنا جگت والی گوائیا۔ اِک حُکم دِتا فرمان، فُرنے وِچ دِرڑائیا۔ تریتا دواپرپربھوُ دے گھر رہنا مہمان، سچکھنڈ ساچے ڈیرہ لائیا۔ کلجُگ انت پھیر بننا اِنسان، پنجاں تتاں والا ویس وٹائیا۔ پرگٹ ہووے سِری بھگوان، پاربرہم اپنا پھیرا پائیا۔ تُہاڈی چؤراسی وِچوں کرے پہچان، بے پہچان آپ جگائیا۔ مِٹھا رس دے کے پیِن کھان، تُہاڈی ترِسنا دئے بُجھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کمائیا۔ رِشیاں کِہا ایہہ کی سانوُں دِتی دات، سچ دے سمجھائیا۔ باوَن کِہا ایہہ میری سوغات، جیہڑی جُگ جُگ بھگتاں آپ ورتائیا۔ جِس ویلے کلجُگ ہوئی اندھیری رات، ایسے نال تُہاڈا ناتا لئے جُڑائیا۔ تُسیں اوس دے ہوئے اوہ تُہاڈا بنیا ساک، سگن اپنا آپ پوائیا۔ تُہاڈی اِکو کرکے ذات، جنم جنم دا گیڑ کٹائیا۔ ایہہ میرا مُکھ واک، نہ کوئی میٹے میٹ مِٹائیا۔ پوُرا ہووے پرِتھمی آکاش، شہادت گگن دئے بُھگتائیا۔ تُساں اِک تے رکھنا وِشواس، جو وِشوَ دا لہنا دئے چُکائیا۔ تُہاڈا نوُر کر پرکاش، جوت اپنی ڈگمگائیا۔ چھوٹی ننّی بچّی دا ہووے ساتھ، جنم کرم دا لیکھا نال رکھائیا۔ دوِندر سنہری رنگ دی پہن پوشاک، چھّبی پوہ نوُں تُہاڈا ساتھ بنائیا۔ جوتی جوت سروُپ ہرِ، آپ اپنی کِرپا کر، سچ کرنی کار کمائیا۔ مِشری کہے رِشیو چھّبی پوہ وقت سُہاؤنا، سوہنی خوشی بنائیا۔ اِک اِک کوُجا سب نے نال لِیانا، خالی وِچوں نہ کوئے جنائیا۔ دوُجا دھار دا دھرم رکھاؤنا، در در ملِے وڈیائیا۔ صاحِب سَتگُر بھیٹ چڑھاؤنا، وقت نؤ دس سُہائیا۔ اِک اِک دا رنگ رنگاؤنا، مایا ممتا موہ چُکائیا۔ اگلا لیکھا پھیر سمجھاؤنا، پاربرہم پڑدا دئے اُٹھائیا۔ ہُن سب نوُں ایہہ پرساد کرکے ورتاؤنا، چھوٹا موٹا حِصّہ سب دی جھولی پائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان دا نگر ساچا اِک سُہاؤنا، سوہنا اپنا حُکم ورتائیا۔
۱۴ اَسوُ شہنشاہی سمت ۵ چیلا سِنگھ دے گھر سئی کَیمپ
رِشیو چھّبی پوہ نوُں لےَ کے آؤنی نِشانی، نِشانہ پِچھلا نال مِلائیا۔ تُہاڈی لیکھے لگّے بھگتی دی قُربانی، بھگوَن اپنی دَیا کمائیا۔ باوَن دھار لِکھی ہووے پیشانی، مستک سوبھا پائیا۔ سب دی ہووے ترل جوانی، بِردھ بال اِکو رنگ سمائیا۔ صاحِب سَتگُر جان جانی، جاننہار ویکھ وکھائیا۔ اِک قلم لِیانی نال کانی، کائنات ویکھے تھاؤں تھائنیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کمائیا۔ رِشیو مستک لِکھے ہون تِنّ اکھّر، باوَن سوبھا پائیا۔ اِک یارڑے دا ہووے ستھر، سیج ساڈھے تِنّ ہتّھ وڈیائیا۔ اِک ہووے نال گوبِند پتر، تابعداری جِس دے وِچ دئے سمجھائیا۔ ڈھائی رتیاں لِیانا عطر، جیہڑا بل باوَن بھیٹ کرائیا۔ انتر پڑھنا سوہنگ منتر، رسنا جِہوا نہ کوئے ہِلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کمائیا۔ رِشیو اِک لِیانا کُنڈل، کُنڈلیاں پِچھلیاں ویکھ وکھائیا۔ جِس وِچ ڈھائی وار پئے گُنجھل، ڈھائی قدم دا لیکھ چُکائیا۔ سوہنا روُپ ہووے سُندر، نیَن بل اکھّ اُٹھائیا۔ نال سار ہووے کُندن، کنچن وڈ وڈیائیا۔ لیکھا جانے نیَن موُدھن، پاربرہم پربھ بےپرواہیِا۔ جوتی جوت سروُپ ہرِ، آپ اپنی کِرپا کر، سد اپنا گھر وسائیا۔ رِشیو باوَن دھار مستک بدھّی ہووے پٹّی، رنگ چِٹا سوبھا پائیا۔ دوہاں سِریاں توں تِکھی ہووے کٹی، نوکدار وکھائیا۔ سب نے اِکو جِہی کرکے آؤنا متی، کوُڑی کِریا باہر کڈھائیا۔ کیسر کول رکھنا اِک اِک رتی، جو پربھ دے اَگے بھیٹا دینی کرائیا۔ اِک کچی روُئی دی رکھنی وٹّی، نؤ اِنچ وِچ لمبائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، بخشنہار اِک سرنائیا۔ رِشیو نؤاں نے مستک لا کے آؤنا دھوُڑی، لائیناں تِنّ تِن بنائیا۔ پِچھے گِچی وِچ کیِتی ہووے جوُڑی، سیِس پگّ نہ کوئے رکھائیا۔ مت اندر ہووے نہ موُڑھی، موُرکھاں کولوں پلّا چُھڈائیا۔ سوا سیر کُٹ کے لِیانی چوُری، چار گھر مِل کے لیَن بنائیا۔ میری رکھنی وِچ حضوُری، حاضر ہو کے سیِس نِوائیا۔ مُکھوں کہنا بُھکھیاں دی بُھکھ کرو دوُری، دردیِاں درد مِٹائیا۔ غریِباں مان دینا ضروری، ایہہ تیری بےپرواہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کمائیا۔ رِشیو نؤ لِیانے منکے اوہ، جیہڑے باوَن تُہانوُں دِتے وکھائیا۔ جِنہاں دے آر پار ہووے لو، لوئن اِک نال تکائیا۔ ایہہ لیکھا چھّبی پوہ، پاربرہم پربھ دئے وڈیائیا۔ تُہاڈے اندر
روُپ وساؤنا سو، ہنگ برہم اپنا گھر بنائیا۔ جگت ناتا توڑ کے موہ، مُحبّت اِکو نال رکھائیا۔ چار جُگ دے وِچھڑیاں اپنے نام وِچ لئے پرو، پروہتاں دا جھگڑا دئے چُھڈائیا۔ اِک دے اِک روُپ جانا ہو، اِک دا اِکو گھر سوبھا پائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا میلا لئے مِلائیا۔ رِشیو اِک اِک جیب وِچ پا کے لِیانی رسّی، نؤ نؤ اِنچ لمبائیا۔ جیہڑی باوَن تُہانوُں دھار دسّی، دہ دِشا دھیان کرائیا۔ اوس کہنا بِنا پربھوُ توں کوئی کٹے نہ چؤراسی چار لکھ اسّی، گُر اوتار پَیغمبر اوسے نوُں سیِس نِوائیا۔ سو پُرکھ اکالا کلجُگ انت آئے سمرتھی، صاحِب سَتگُر پھیرا پائیا۔ تُہاڈا لیکھا مُکاوے ہتّھو ہتّھی، اوہی نِکی رسّی دئے گواہیِا۔ اَگے پریم پریِتی دھار ہووے پکّی، پکوان کھا کے بھگوان تُہاڈا شُکر منائیا۔ نال آٹا لِیانا سوا وٹّی، وکھّرا اِکو تھاں بندھائیا۔ وِچ رکھکے سوُت دی اٹّی، تند مؤلی نال جُڑائیا۔ پھیر ہِندسے لِکھ کے چھتّی، تِنّ چھ سوبھا پائیا۔ ایہہ کھیل کملاپتی، پت پرمیشور دئے جنائیا۔ لہنا دینا سب دا وکھاوے اکھّیں، آخر اپنا رنگ رنگائیا۔ اِک گُرمُکھ پریم پیار مُحبّت والی بنی ہووے سکھی، ہار شِنگار جوبن ونتا آپ پرگٹائیا۔ ستائی پوہ نوُں ایہہ کھیل کرنی اچھی، اچھی طرح دئے جنائیا۔ دھرم دھار دی گولی سَت سروُپ وِچ پِھرے نسّی، نر نرائن اپنا پڑدا لاہیِا۔ چیلا سِنگھ نے پھڑی ہووے ہتّھ وِچ لِکھی پٹّی، جِس دا لیکھ ہووے پٹنے والا دُھر دا ماہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی کرنی کار کمائیا۔ رِشیو ویکھیو اپنا راہ، رستہ اِک وکھائیا۔ تُہاڈا سگن بنے گواہ، شہادت اِک بُھگتائیا۔ تِنّاں گُرمُکھاں مستک لا کے آؤنی سواہ، چھّبی پوہ رَین سوبھا پائیا۔ مُکھوں کہنا تُوں ہی پِتا تُوں ہی ماں، دوُجا نظر کوئے نہ آئیا۔ اوم لِکھیا ہووے اُتے سجیّ بانہہ، کپّڑ تن نہ کوئے چُھہائیا۔ تِنّاں گُرمُکھاں ہتّھ وِچ موُرتی پھڑی ہووے گاں، اُچی کڈھ کے سب نوُں دین وکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، لہنا دینا سب دا ویکھے تھاؤں تھاں، تھان تھننتر ہر گھٹ پھول پھولائیا۔
۱۴ اَسوُ شہنشاہی سمت ۵ نندوُ شاہ دے گرِہ سئی کَیمپ
رِکھیو بِنا رِشوَت توں پربھ سدّا، لالچ جگت نہ کدے وکھائیا۔ لال رنگ دا گانا سب نے ہووے بدھّا، بندھن اَگے نہ کوئے رکھائیا۔ انتم کہنا پرم پُرکھ پرماتم لدھا، ہرِ داتا دُھردرگاہیِا۔ جو سچ سرنائی لگّا، لگ ماتر گیا گائیا۔ پِچھلا اَگے سواریا اَگا، اگلا پندھ مُکائیا۔ باوَن دا قؤل کلجُگ انتم کیِتا نہیں دغا، لہنا سب دا ویکھ وکھائیا۔ نام خُماری دے کے مدھا، مدُھر دُھن اپنا راگ سُنائیا۔ ایہہ اوہ سُہنجنی جگہ، جِتھے سپت رِکھی بہہ کے اپنا آسن گئے لائیا۔ مُکھوں نؤ وار کِہا ساتھوں ہوئیں نہ کدے الگّا، وکھّ رہن کدے نہ پائیا۔ اپنے پیار دا دیویں مزہ، مذاق وِچ نہ کوئے رکھائیا۔ سیِس آوے کدے نہ قضا، قتل کرے نہ کوئے لوکائیا۔ سد چلیئے تیری وِچ رضا، رحمت اپنی دینی کمائیا۔ جِس دی سمجھے نہ کوئے وجہ، وضاحت نال دئے دِرڑائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کمائیا۔ سپتس رِکھیاں کیِتی عرضوئی، عرض اِک سُنائیا۔ تیرے در بِن تیری کِرپا ملِے نہ ڈھوئی، سِر ہتّھ نہ کوئے ٹِکائیا۔ تیرا نام دروہی دروہی، چؤہ یاراں گئی سُنائیا۔ جِس ویلے کلجُگ انتم پت سب دی کھوئی، خالص نظر کوئے نہ آئیا۔ اوس ویلے مُحبّت وِچ آتما جائے نہ موہی، میلا میل نہ کوئے کرائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا مالک اِک اکھوائیا۔ سپتس رِکھیاں مُٹھی لےَ کے راکھ، نوَ تن بدن سُہائیا۔ مُکھوں دِتا آکھ، آخر دھیان لگائیا۔ جِس ویلے سَت دھرم دی رہے کوئی نہ شاخ، شناخت پربھوُ نہ کوئے کرائیا۔ اوس ویلے صاحِب سَتگُر آؤنا آپ، آپ اپنا پھیرا پائیا۔ تُوں میرا میَں تیرا دسّنا جاپ، آتم پرماتم وجےّ ودھائیا۔ سچ سِنگھاسن بَیٹھا ساکھیات، سَت سوامی سوبھا پائیا۔ سپتس رِکھیاں لیکھ دسّیا تے لِکھیا بِن قلم دوات، اکھّر اگلا نال وکھائیا۔ سمت شہنشاہی پنج چھّبی پوہ دی ہونی رات، راتی رُتڑی آپ سُہائیا۔ جِس ویلے نؤ رنگ دی پہنی پوشاک، نوَ جوبن روُپ بدلائیا۔ جن بھگتوں سب نے منگنی دات، پربھ اَگے جھولی ڈھاہیِا۔ اِک دا اِک بھیٹا کرنا آپ، مایا ممتا مایا سنگ رکھائیا۔ اسیں اوس ویلے حاضر ہو کے ویکھانگے ساکھیات، تُہاڈے پِچھے کھلو کے اپنی اکھّ اُٹھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کمائیا۔ سچ پوشاک دی سَت سچ بھیٹا، اِک اِک سیِس نِوائیا۔ سَتجُگ وِچ اِک دا اِک ہووے کِسے نہ بیٹا، اِک دا اِک دئے وڈیائیا۔ گُر اوتار
پَیغمبراں دا رکھے چیتا، چیتن سب نوُں دئے کرائیا۔ ایہہ گوبِند دا انتم پُری انند دا لیکھا، گُرمُکھاں گیا جنائیا۔ تُسیں میَنوُں کہندے دس دسمیشا، دہ دِشا دا مالک دُھردرگاہیِا۔ میرا پُرکھ اکال میرا نر نریشا، نر نرائن اِک اکھوائیا۔ جِس نے کھیل کرنا دیش بدیشا، دو جہاناں پڑدا لاہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، آد جُگاد جُگ چؤکڑی رہے ہمیشہ، جُگ جُگ نِت نوِت اپنا کھیل وکھائیا۔
۱۴ اَسوُ شہنشاہی سمت ۵ گوُڑا رام دے گرِہ سئی کَیمپ جموں
رِشیو تُہاڈی جنم کرم دی اِکو راسی، پِچھلی اِکو جھولی پائیا۔ اِکو دوار دے بننا واسی، اِکو گھر ملِے وڈیائیا۔ اِکو پوُری کرے سب دی آسی، اِکو ترِسنا دئے گوائیا۔ اِکو پرمیشور ہووے ساتھی، دوُجا سنگ نہ کوئے نِبھائیا۔ جیہڑی باوَن پُشت پناہ دِتی تھاپی، مِہر نِگاہ اُٹھائیا۔ سندیسہ دِتا جِس ویلے آوے کملاپاتی، پت پرمیشور پھیرا پائیا۔ جنم کرم دے تار دیوے پاپی، پتتاں کرے صفائیا۔ سو پوُرا کرنا بھوِکھت واکی، واقف کار ہو کے کھوج کھوجائیا۔ تُہاڈا لہنا دینا باقی، باقاعدہ اپنا کھیل وکھائیا۔ وقت سُہاؤنا سُہنجنی راتی، چھّبی پوہ رنگ رنگائیا۔ کتھا کہانی لئے واچی، واچک ہو کے پھول پھولائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، اپنی دھار دا بن پرتاپی، پرت کے اپنا حُکم ورتائیا۔
۱۴ اَسوُ شہنشاہی سمت ۵ شِو سِنگھ دے گرِہ سئی کَیمپ جموں
رِشیو تِنّاں پَیریں پا کے آؤنا کھڑاواں، دوُسر جوڑا چرن نہ کوئے چُھہائیا۔ سچ دوارے پُجنا نال چاواں، چاؤ گھنیرا اِک وکھائیا۔ پُتراں نال پیار کردیاں آؤن ماواں، رسنا بُرا کہہ نہ کوئے سُنائیا۔ ہؤکے وِچ بھرے کوئی نہ ہاوا، ہائے کر نہ کوئے سُنائیا۔ سب دا بھار کرنا ساواں، اِستری مرد اِکو رنگ رنگائیا۔ جنم کرم دا خارج ہونا دعوا، لیکھا پوُرب دئے لِکھائیا۔ جوتی جوت سروُپ ہرِ، آپ اپنی
کِرپا کر، کرے کھیل دُھر دا ہرِ، ہرِ کرتا آپ اکھوائیا۔ رِشیو سچ پریم دا جوڑنا رِشتہ، بھگت بھگت نال وڈیائیا۔ کلجُگ بدل دینا آہستہ آہستہ، سَتجُگ سچّا راہ درسائیا۔ نیتر نیِر وہاوے اجبرائیل فرِشتہ، نیتر نیَن اکھّ اُٹھائیا۔ سچ تِیوہار لیکھے لگّنا پروِشٹا، پاربرہم پربھ دئے مان وڈیائیا۔ دیِن دُنی دا اِک درساؤنا اِشٹا، اِشٹ گُردیو سوامی سوبھا پائیا۔ من رہے نہ کوئے بھرِشٹا، دُرمت میَل کرے صفائیا۔ سب دا پکاّ ہووے نِسچا، چِنتا چِکھا نہ کوئے جلائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، سِر اپنا ہتّھ ٹِکائیا۔ رِشیو ہر ہِردے دینا اِشارہ، شبدی سَتگُر آپ جگائیا۔ ماہی ویکھنا بھگت دوارا، دوارکا واسی سوبھا پائیا۔ نِرگُن دھار دئے نظارہ، نِروَیر نظریہ آپ بدلائیا۔ کلجُگ کوُڑ دسےّ کنارہ، کوُڑی نئیا میٹے تھاؤں تھائنیا۔ سَت دا سچ ہووے جَیکارا، جےَ جَیکار کرے لوکائیا۔ پُرکھ اکال دیِن دَیال جوتی نوُر کرے چمتکارا، چمک اپنی اِک پرگٹائیا۔ نؤ کھنڈ پرِتھمی ستّ دیِپ وکھائے سچ گھر بارا، گرِہ مندر اِکو اِک وڈیائیا۔ کرے کھیل چؤویِاں اوتارا، جِس نوُں جنمے کوئی نہ مائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، سچ مارگ اِک پرگٹائیا۔ سچ دا مارگ دسےّ راہ، رہبر اِکو نظری آئیا۔ جِس نوُں پَیغمبراں لاشریِک کِہا خُدا، خُدی تکّبر ڈیرہ ڈھائیا۔ جلوہ گر نوُر رُشنا، عالمیِن بےپرواہیِا۔ جِس نے کوُڑی صفا دینی اُٹھا، موہ وِکارا ڈیرہ ڈھائیا۔ ایکا کلمہ دئے دِرڑا، کائنات کُن کرے پڑھائیا۔ ایکا سیِس جگدیِش سجدہ دئے سمجھا، صاحِب سُلطان پڑدا لاہیِا۔ اِکو در ہوئے ادا، آداب اِکو اِک جنائیا۔ واحد نوُر آپ چمکا، وعدہ پِچھلا پوُر جنائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، سچ دوارے سوبھا پائیا۔ سچ دوارا اِک سُہنجنا، ہرِ سوبھاوَنت سُہائے۔ کرے کھیل درد دُکھ بھےَ بھنجنا، پاربرہم بےپرواہے۔ جو آد جُگادی اِک نِرنجنا، جوتی جاتا ڈگمگائے۔ چار ورناں بنے سجّنا، سگلا سنگ رکھائے۔ چرن دھوُڑی دیوے مجنا، دُرمت میَل دھوائے۔ دیِناں مذہباں دسےّ اگمّی بندنا، ڈنڈاوت سجدہ اِک درسائے۔ دوُجا در پئے نہ منگنا، گرِہ گرِہ الکھ نہ کوئے جگائے۔ سچکھنڈ دوارا سب نے منگنا، جِتھے نِرگُن نوُر جوت رُشنائے۔ شبد انادی ناد وجّنا، دُھن اگمّی راگ الاہے۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا پڑدا آپ اُٹھائے۔ سچ دا پڑدا کھولے آپ، ہرِ وڈّا وڈ وڈیائیا۔ تُوں میرا میَں تیرا کرنا جاپ، آتم پرماتم رنگ رنگائیا۔ ترےَگُن مایا کوُڑ کلپنا میٹے پاپ، اگنی اگّ بُجھائیا۔ نِرگُن سرگُن
دیوے ساتھ، سگلا سنگ رکھائیا۔ جِس دا راہ تکدے گئے تریَلوکی ناتھ، لوآں پُریاں باہر اکھّ اُٹھائیا۔ سو سرِشٹی درِشٹی میٹے سنتاپ، سنسا روگ دئے گوائیا۔ نِرگُن دھار پرگٹ ہووے لوک مات، دھرنی دھرت دھوَل کرے رُشنائیا۔ بھگت سُہیلے کھول جاگ، جاگرت جوت کرے رُشنائیا۔ دیِن دُنی دا بدل سماج، سمّگری اِکو اِک ورتائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، پتت پاپیاں کرکے پاک، پُنیِت اپنے وِچ رکھائیا۔
۱۴ اَسوُ شہنشاہی سمت ۵ کِرپال سِنگھ دے گرِہ سئی کَیمپ
وِشنوُں کہے میَں تکیا کھیل وِشیش، وِشوَ دا پڑدا دِتا اُٹھائیا۔ سِنگھاسن تکیا اُپر شیش، آسن ابناشن دِتا ٹِکائیا۔ دھارا تکّی گنیش، شنکر رنگ چڑھائیا۔ سیوا ویکھی ہمیش، جُگ جُگ جوگ کمائیا۔ سچ در دا بن درویش، در ٹھانڈے الکھ جگائیا۔ تُوں مالک اِک نریش، نر نرائن تیری سرنائیا۔ کلجُگ انتم تیرا ویس، اولّڑا سوبھا پائیا۔ بھاگ لگّا ماجھے دیس، دِسنتر وجےّ ودھائیا۔ سچ دھار دا لِکھا لیکھ، لیکھا پِچھلا رہیا مِٹائیا۔ گُر اوتار پَیغمبر تیرے اُتوں ہوئے کھیت، سِر سکیا نہ کوئے اُٹھائیا۔ تیرا سمجھ نہ سکیا کوئے بھیت، بھوُت بھوِکھت کال دئے گواہیِا۔ میری نمو نمو آدیس، سیِس جگدیِش جھُکائیا۔ لہنا تکّ دس دسمیش، تیرے چرن دھیان رکھائیا۔ جھگڑا مُکنا مُلّا شیخ، پَیغمبر دین گواہیِا۔ تیرا اگمّ اِک سندیس، دو جہان وجےّ ودھائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، نِہکلنک نرائن نر، مہاراج شیرسِنگھ وِشنوُں بھگوان، تیرا حُکم شبد بدیش، جِس دا نانک ویدی دھیان لگائیا۔
۱۴ اَسوُ شہنشاہی سمت ۵ بیِبی ویِرو دے گرِہ سئی کَیمپ
وِشنوُں کہے میری وِشال اچھا، نِراِچھک تَینوُں دیاں جنائیا۔ تیرے پیار دی ملِے بِھکھا، بِھکھک جھولی دینی بھرائیا۔ جیہڑا پِچھلا سماں مِتھا، انت مِتھن دِسے لوکائیا۔ باقی رہیا کوئی نہ حِصّہ، حصیداری نہ ونڈ کرائیا۔ تیرا اگلا دِسدا اگمّی وِشا، جِس دا
پڑدا نہ کوئے اُٹھائیا۔ کی کھیل ورتنا دہ دِشا، دو جہاناں دئے دِرڑائیا۔ کی لیکھ انوکھا لِکھا، پَیغام اِک پرگٹائیا۔ کِس بِدھ کلجُگ لاہُنی وِکھّا، وِکھّ امرت روُپ بنائیا۔ جھگڑا مُکاؤنا وڈّا نِکاّ، نر نِرنکار ہو سہائیا۔ دیِن دُنی دا بن کے پِتا، پت پرمیشور سوبھا پائیا۔ دھرم دی دھار کیہڑی رِتا، رت رتُوبت کرے کوَن صفائیا۔ میرے صاحِب تیرا ہِتا، ہِتکاری نظری آئیا۔ جگت جیو نہ رہے دوچِتا، چیتن سب نوُں دینا کرائیا۔ کلجُگ آئیوں کارن جِس نوِتا، سدھارن اپنا راہ وکھائیا۔ جن بھگتاں ہتّھ رکھنا پِٹھا، پُشت پناہ ٹِکائیا۔ نام رس دے کے مِٹھا، اگنی اگّ بُجھائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، نِہکلنک نرائن نر، مہاراج شیرسِنگھ وِشنوُں بھگوان، انت اَخیِری سب دا کڈھنا سِٹا، سِٹےبازی جگت رہے نہ رائیا۔