کتب خانہGranth 22 (Shahmukhi)

۱۹ اَسوُ شہنشاہی سمت ۵ تیجا سِنگھ دے گرِہ جنڈیالا گُروُ

وِشنوُں کہے میَں تکیا ماجھا، مزہ پربھ نے دِتا چکھائیا۔ جِس نے آد جُگادی سازن سازا، سجّن داتا دُھردرگاہیِا۔ نِرگُن نِروَیر غریِب نوازا، نر نِرنکار نوُر اِلاہیِا۔ شاہو بھوُپ ویکھیا راجا، شہنشاہ اِکو نظری آئیا۔ جو جُگ چؤکڑی بنیا رہیا مہاراجا،

محبوُب اگمّ اتھاہیِا۔ جِس نے سنگ رکھایا نال والا بازاں، گوبِند گوبِند گوبِند سنگ وکھائیا۔ جو لہنا دینا ویکھے دیِن مذہب سماجا، چار جُگ دا کھوج کھوجائیا۔ بھیوَ ابھیدا جانے جُگ آدی آدا، انتم پڑدا لاہیِا۔ دُھن آواز سُنائے شبد انادا، راگ اگمّا کر سنوائیا۔ جِس دا کھیل سب توں سادہ، جگت جُگت نہ کوئے جنائیا۔ لہنا دینا ویکھے سیِتا رام کرِشنا رادھا، رہبر کھوجے تھاؤں تھائنیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کمائیا۔ وِشنوُں کہے میَں ویکھیا ماجھے اگمّا رنگ، ہرِ کرتے دِتا وکھائیا۔ میری منسا پوُری ہوئی منگ، مانگت جھولی دینی بھرائیا۔ میَنوُں آیا سچ انند، ترِسنا کوُڑ دِتی گوائیا۔ جاں تکیا سوُرا سربنگ، شاہ پاتشاہ سچّا شہنشاہیِا۔ جوتی دھار بَیٹھ پلنگ، سیج سُہنجنی اِک وڈیائیا۔ کلجُگ میٹن آیا پندھ، پاندھی ہو کے پھیرا پائیا۔ دو جہاناں آیا لنگھ، اَگے ہو نہ کوئے اٹکائیا۔ جن بھگت سُہیلے رکھے سنگ، سگلا سنگ آپ نِبھائیا۔ نِرگُن دھار شبد ترنگ، نِروَیر آپ دؤڑائیا۔ کوٹن کوٹ پار کر برہمنڈ، کھنڈ چرناں ہیٹھ دبائیا۔ لہنا ویکھن آیا جیرج انڈ، اُتبُھج سیتج پھول پھولائیا۔ سنت سُہیلے چمکاوَن آیا چند، گُرمُکھ نوُر جوت رُشنائیا۔ بھگت سُہیلا رہن نہ دیوے کوئے بھاگاں مند، جنم کرم دا لیکھ چُکائیا۔ چؤراسی توڑے آپ پھند، بندھن اوَر کوئے نہ پائیا۔ دیِن دَیال بن بخشند، رحمت سچ کمائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ ساچی کار جنائیا۔ وِشنوُں کہے میَں ویکھیا اپنا پریِتم میِت، مِتر پیارا نظری آئیا۔ کایا ہوئی ٹھانڈی سیِت، اگنی تت نہ کوئے جلائیا۔ جِس نے چار جُگ دی بدلنی ریِت، ریِتیوان اِک اکھوائیا۔ جھگڑا مُکا کے مندر مسیِت، آتم اتیِت دینا دِرڑائیا۔ لیکھا رہے نہ اوُچ نیِچ، دیِن مذہب نہ ونڈ ونڈائیا۔ اِکو نام کرے بخشیِش، رحمت سب دی جھولی پائیا۔ اِکو کلمہ دئے حدیِث، حضرتاں توں پرے کرے پڑھائیا۔ صاحِب سوامی ہو کے وسے چیِت، من چِت ٹھگؤری رہن کوئے نہ پائیا۔ تُوں میرا میَں تیرا دسےّ گیِت، آتم پرماتم وجےّ ودھائیا۔ جھگڑا رہے نہ ہست کیِٹ، راؤ رنک اِکو رنگ رنگائیا۔ ایہہ کھیل ہونا انڈیٹِھ، انڈِٹھڑی کار کمائیا۔ ماجھے والیو سوہنگ سب دی لِکھیا ہووے اُتے پیِٹھ، خالی رہن کوئے نہ پائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کمائیا۔ وِشنوُں کہے میَں تکیا صاحِب سوامی اِک، ایکنکارا نظری آئیا۔ میری نِگاہ گئی ٹِک، ٹِک ٹِکی اِکو وِچ رکھائیا۔ جِس نے حُکم کیِتا وِشن برہما شِو دھار میرا سِکھ، سِکھیا

سِکھ سہج سُکھدائیا۔ جِس نے لیکھا دِتا لِکھ، اکھّر اکھّراں نال جُڑائیا۔ اوس پرگٹ کرنا اپنا بھوِکھ، بھیوَ ابھید کُھلائیا۔ سب دے نِرنتر ہو کے وِچ، پردہ انتر دینا چُکائیا۔ جِس نوُں لبھدے کیتے کِت، نیتر درس کوئے نہ پائیا۔ جن بھگتاں کرے ہِت، ماجھے بَیٹھا ڈیرہ لائیا۔ جِس نے پوُجا ہٹاؤنی پتّھر اِٹّ، سِل پاہن سیِس نہ کوئے نِوائیا۔ چار جُگ دے ناماں دی گُر اوتار پَیغمبراں کولوں انت اَخیِر کراؤنی رِٹ، اَگے رٹّا دینا مُکائیا۔ سب دا لہنا دینا پُرکھ اکالا دیِن دَیالا آپے لئے نجِٹھ، دوُجا نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کمائیا۔ وِشنوُں کہے پربھ مُشکل کیِتی آسانی، احسان میرے سِر چڑھائیا۔ حُکم دِتا شاہ سُلطانی، اگمّ اتھاہ دِرڑائیا۔ ذرا نِگاہ مارنی پرانی، پراناں توں پرے دھیان لگائیا۔ جِتھے شرع نہیں بیگانی، شریِعت ونڈ نہ کوئے رکھائیا۔ لِکھن والی نہیں کوئے کانی، اکھّراں نال نہ صِفت صالاحیِا۔ اِکو نوُر جوت نوُرانی، نوُر نوُرانہ سوبھا پائیا۔ سو کھیلے کھیل دو جہانی، نِرگُن اپنا حُکم ورتائیا۔ وِشنوُں کہے میرا پڑدا چُکنا پربھ کیِتی مِہربانی، میرا میرے وِچوں پرگٹائیا۔ میَنوُں یاد آ گیا میَں گوبِند تکیا جِس دا کھیل مہانی، مہماں اکتھ اکتھ دِرڑائیا۔ میَنوُں نظر آئی اوہدی اِکیاں منکیاں والی گانی، جِس نال اِکّی حِصّے سنگت دِتی بنائیا۔ جوتی جوت سروُپ ہرِ، آپ اپنی کِرپا کر، سچ کرنی کار کمائیا۔ وِشنوُں کہے گوبِند دی گانی اِکّی دھار منکا، من کا منکا دئے بدلائیا۔ جھگڑا مِٹاوے وجوُد تن کا، ماٹی خاک ڈیرہ ڈھاہیِا۔ لہنا رہے نہ راگ کنّ کا، رسنا والی نہ کوئے شنوائیا۔ پرکاش مِٹے سوُریہ چنّ کا، نِج جوت نوُر چمکائیا۔ ایہہ لیکھا صاحِب سَتگُر دھنّ کا، دھنّ دھنّ وڈیائیا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ ٹِکائیا۔ وِشنوُں کہے گوبِند کِہا دو توں بنا کے اِک، سرگُن توں نِرگُن اِکّی دینی وکھائیا۔ اِکو پِتا تے اِکو پِت، اِکو جمّن والی مائیا۔ اِکو ورن ہونا سِکھ، چار ورن ونڈ نہ کوئے رکھائیا۔ اپنی اُنگلی نال لیکھا اپنے مستک وِچ دِتا لِکھ، کاغذ قلم شاہی ہتّھ نہ کوئے اُٹھائیا۔ ایہہ میرا دھرم دھار دا بھوِکھ، بھوِکھتاں توں پرے پڑھائیا۔ بِنا پربھوُ توں کِسے دی لاہے کوئی نہ وِکھ، وِشا وِکار نہ کوئے مِٹائیا۔ جوتی جوت سروُپ ہرِ، آپ اپنی کِرپا کر، سچ کرنی کار کمائیا۔ وِشنوُں کہے گوبِند نے دو اِک سِکھی دا دسّنا روُپ، پوہ چھّبی وڈیائیا۔ جیہڑی پھَیلنی چارے کوُٹ، نؤ کھنڈ کھنڈ وڈیائیا۔ اِکو دھاگا ہونا سوُت، اِکو رنگ رنگائیا۔ اِکو مان دینا پنج بھوُت، تن وجوُد اِک صالاحیِا۔ انتر نِرنتر کوُڑی کِریا کراؤنا کوُچ، کوُچا گلی کر صفائیا۔ جن بھگت سُہیلے

بناؤنے سپوُت، پِتا پوُت گود ٹِکائیا۔ جنم کرم دا میٹنا دوُکھ، درد رہے نہ رائیا۔ اِکو دینا دُھر دا سوُکھ، سچ سنجم وِچ سمائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، در ٹھانڈے سیِش نِوائیا۔ وِشنوُں کہے اِکّی منکے آؤنے وِچوں ماجھے دیس، برہما شِو ویکھن چائیں چائنیا۔ ایہہ لہنا گوبِند دس دسمیش، جو شبدی دھار سمجھائیا۔ اِکیاں سِکھاں نے کرنے پیش، بستر سوہنے تن سجائیا۔ اِکیاں دے سِر تے سوہندا ہووے ناگ شیش، پگڑی اُتے ستّ اِنچ سوبھا پائیا۔ پِچھے کُھلے ہون کیس، پِٹھ اُتے ٹِکائیا۔ ہتّھ وِچ لِکھیا ہووے دس دسمیش، سنہری اکھّراں رنگ رنگائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، آد انت جُگا جُگنت رہے ہمیش، ہم ساجن نظری آئیا۔

۲۰ اَسوُ شہنشاہی سمت ۵ دلیِپ سِنگھ دے گرِہ گُروُ کا جنڈیالا

وِشنوُں کہے پربھ گوبِند دِتا بھنڈارا، گوبِند جھولی گوبِند بھرائیا۔ جوتی نوُر دے چمتکارا، پردہ اپنا دِتا اُٹھائیا۔ شبد ناد دے دُھنکارا، اگمّی راگ سُنائیا۔ میرے وینہدیاں بخش کے بھنڈارا، دو دھارا تھاپی پُشت پناہ لگائیا۔ ہسّ کے کِہا تیرا کھیل وِچ سنسارا، چنڈ پرچنڈ درسائیا۔ بنس سربنس وارنا سارا، انس پربھ دی اِک اکھوائیا۔ تن سریِر وجوُد ہووے وڈ شِنگارا، کلغی توڑا سیِس سُہائیا۔ نیِلی دھار ہونا سوارا، نیِلا اپنا رنگ رنگائیا۔ چار ورن کرنا پیارا، برن اٹھاراں جوڑ جُڑائیا۔ ہِندوُ مُسلم دینا سہارا، سِر اپنا ہتّھ ٹِکائیا۔ میرا کھیل دسّنا نیارا، پنج تت رنگ رنگائیا۔ مُچھ داہڑی کیس تیرا حِصّہ اپر اپارا، جھولی لوک مات بھرائیا۔ دامنگیِر ہو کے نر نِرنکارا، پلّوُ اپنا نال گنڈھائیا۔ کھیل دسّیا نِرگُن دھارا، جوتی جوت جوت رُشنائیا۔ نیَن بند کرا دِتا اِشارہ، اگمّی اپنا کھیل وکھائیا۔ گوبِند پھیر آؤنا پئے دوبارا، سرگُن نِرگُن روُپ وٹائیا۔ میرا ہووے اِک پیارا، دوُسر میِت نہ کوئے جنائیا۔ دوہاں دا اِک ہووے وِوہارا، وِوہاری دئے سمجھائیا۔ جوت شبد دھار دھرنی ہووے اُجیارا، اُجل اِکو اِک کرائیا۔ گُرسِکھ بھگت بناؤنے اِشٹ جناؤنا اِک میرا ایکنکارا، اِک اِکلّا بھیوَ کُھلائیا۔ اِکو نام ہووے جَیکارا، پُرکھ اکال اوٹ اِک درسائیا۔ لہنا مُکاؤنا تیئی اوتارا، پَیغمبراں لیکھا جھولی پائیا۔ گُروُآں قایم کر منارا، دھرم دی دھار اِک سمجھائیا۔ سب دا پالک بن پروردِگارا،

پروِرش کرے تھاؤں تھائنیا۔ سیِس نواوَن برہمنڈ کھنڈ پُری لوء آکاش پاتال گگن گگننتر زِمیں اسمان سوُریہ چند سِتارا، گرِہ نِو نِو لاگن پائیا۔ تیرا نوُر میرا ظہوُر شبدی تُور جوتی جوت ہوئے اُجیارا، اندھ اندھیرا دئے گوائیا۔ تخت نِواسی بن سِکدارا، سِدھ مارگ اِک پرگٹائیا۔ نوَ ستّ بن ونجارا، وست امولک اِک ورتائیا۔ حُکم شبد اِک اِشارہ، شرع توں باہر دِتا سمجھائیا۔ گوبِند کر نِمسکارا، سیِس جگدیِش دِتا جھُکائیا۔ جھٹ نانک روُپ کر پسارا، سنمُکھ ہو کے سوبھا پائیا۔ دوئے جوڑ کِہا میرے پت پرمیشور یارا، یارڑا ستھر گوبِند دینا ہنڈھائیا۔ جِس نے ستلُج بیاسا پار نہیں کرنا کنارہ، نانک دی شاہی دئے گواہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ حُکم اِک ورتائیا۔ وِشنوُں کہے نانک مالا دے منکے پھیرے اِکاسی، پُٹھے ہتّھ چلائیا۔ پھیر پربھ نوُں کِہا میَں تیری داسی، داسی ہو کے سیو کمائیا۔ پھیر اُنگل کیِتی اؤہ ویکھ تُوں عیسیٰ چڑھایا پھاسی، صلیِب گل لٹکائیا۔ جھٹ گوبِند کیِتی ہاسی، تالی دِتی وجائیا۔ ایہہ کیہڑی کھیل تماشی، جو پربھوُ رہیا کرائیا۔ نانک کِہا اَگے مار جھاکی، گوبِند لےَ انگڑائیا۔ تَینوُں امرت جام دا بناؤنا ساقی، دُھر پیالہ ہتّھ پھڑائیا۔ پھیر بنس سربنس کوئی رہن نہیں دینا ساتھی، پِتا پوُت نہ گود سُہائیا۔ اَسو رہے نہ جِس دی چال بانکی، ننگی پَیریں بھجّنا واہو داہیِا۔ گوبِند ہتّھ ماریا اُتے چھاتی، خوشی نال لئی انگڑائیا۔ نانک ایہہ نانک تیری گھاٹی، تے نانک دا نوُر گوبِند نوُر اِلاہیِا۔ نانک کِہا تیرے حِصّے اِک پیالہ باٹی، جِس وِچ امرت لہنا بنائیا۔ باقی وستُو دی کرنی پئے کوئی نہ راکھی، گھر بار سارا دینا تجائیا۔ گوبِند نے ساڈھے تِنّ ہتّھ دی لےَ کے لاٹھی، زِمیں تے ٹُھکرائیا۔ پِھر ہتّھ پا کے زیِنا کاٹھی، کھبّا زور زور ہِلائیا۔ پھیر دو جہاناں منزل ویکھ کے واٹی، نِگاہ اسماناں اُپر ٹِکائیا۔ جھٹ نانک کِہا گوبِند ذرا آہ ویکھ پاتی، پترکا دیاں درسائیا۔ جیہڑی میَں شبد کہانی آکھی، ماجھے تیرا چرن ٹِکے نہ رائیا۔ پِچھلا پاسا تکّ انت ماجھے دا رہنا نہیں کوئی ساتھی، نانک دئے گواہیِا۔ پُرکھ اکال کیِتی ہاسی، اِشارے دوہاں نوُں رہیا وکھائیا۔ نانک گوبِند ایہہ میرا حِصّہ باقی، تے تُہاڈا حِصّہ اپنے وِچ چُھپائیا۔ جِس ویلے سرِشٹی دی درِشٹی ہوئی بےاخلاقی، خلق خُدا گئی بُھلائیا۔ گوبِند تیریاں سِکھاں وِچ پَینی بے اِتفاقی، سِکھ سِکھ نال کرے لڑائیا۔ نانک تیری بانی نال میَل جائے نہ کاٹی، پڑھن والے دین دُہائیا۔ نانک نیتر میِٹ کے گوبِند باہوں پھڑ کے کِہا اَگے ویکھیئے کلجُگ اندھیری راتی، کی سماں رہی بدلائیا۔ گوبِند کِہا ایہہ کھیل صاحِب

سمراتھی، جو سب دا پِتا مائیا۔ نانک کِہا میَں وی اوسے دی داسی، سیوا آد دی سچ کمائیا۔ وِشنوُں کِہا میَں سُنیا بچن اپارا، اُنگلاں کنّاں وِچ پائیا۔ حَیران، ہو گیا کِس طرح گوبِند آئے دوبارا، چار جُگ وِچ اَگے گیا مُڑ کے پھیرا کوئے نہ پائیا۔ اونے چِر نوُں پُرکھ اکال میَنوُں کنّوں پھڑ کے دِتا اِشارہ، ہلوُنا دِتا لگائیا۔ ایہہ یودھا سوُربیِر سِکدارا، سُت دُلارا میرا سوبھا پائیا۔ جِس ویلے میَں کل کلکی لَواں اوتاراں، ایہہ میرا سنگ رکھائیا۔ ایہہ شبد گُروُ سنسارا، -------------------۔ میَں نوُر جوت اُجیارا، گھر گھر کراں رُشنائیا۔ دوہاں دا پریم کھنڈا ہوئے ہوئے دو دھارا، دوُجا شستر ہتّھ نہ کوئے اُٹھائیا۔ گُرمُکھاں سچ کراں پیار اگمّ اپارا، جِس نوُں سمجھے کوئے نہ رائیا۔ سچ دا کھول کے سچ دوارا، بھگت بھگوان روُپ درسائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کمائیا۔ وِشنوُں کہے میَں ویکھیا گوبِند دھار روُپ اتی سُندری، نیَن نیَن سوبھا پائیا۔ گوبِند ہتّھوں لاہ کے مُندری، اُنگلی وِچ بھوائیا۔ کلجُگ انت میَں بھگتاں سنتاں دی بدل دینی کُنڈلی، راشی اپنے نال مِلائیا۔ چار ورن بنا کے جُنڈلی، رنگ اِکو دینا چڑھائیا۔ ایہہ دسّنی اوہ مُڈھلی، جیہڑی آتم پرماتم دی ریِتی چلی آئیا۔ ایہہ دھار چار جُگ کِسے نہ بُجھ لئی، بُجھارتاں وِچ گُر اوتار پَیغمبر پھیریاں گئے پائیا۔ انت اَخیِر پربھ کِرپا نال میَنوُں سُجھ گئی، سمجھ دِتی سمجھائیا۔ نانک کِہا گوبِند اؤہ ویکھ ماجھے والیاں دی بُدھ گئی، ناتا تیرے نالوں تُڑائیا۔ گوبِند دی مُندری اُنگلی اُتوں اُڈ گئی، وینہدیاں نظر کِسے نہ آئیا۔ اوہ ماجھے دیس دی دھرتی پُج گئی، جِتھے پوُجا کرے لوکائیا۔ گوبِند دی آشا ایتھے رُجھ گئی، دھیان دھیان وِچوں پرگٹائیا۔ جھٹ اوہ مُندری لُک گئی، نظر کوئے نہ آئیا۔ نانک اوسے ویلے اپنی بھوُری چُک لئی، کنّی لئی اُٹھائیا۔ خوشی وِچ کِہا گوبِند تُوں آیا دردیِاں دے دُکھ لئی، غریِباں ہونا سہائیا۔ اؤہ ویکھ کلجُگ اؤدھ پُگ گئی، ویلا وقت دئے گواہیِا۔ تیری آشا نہیں کِسے جگت دھار دُدھ لئی، واسنا اوَر نہ کوئے بنائیا۔ تیرا کھیل ہونا مانَو مانُکھ لئی، ممتا کوُڑ مِٹائیا۔ سہارا ہونا مات کُکھ لئی، سِر اپنا ہتّھ ٹِکائیا۔ جوتی جوت سروُپ ہرِ، آپ اپنی کِرپا کر، سچ اپنی کار کمائیا۔ گوبِند کِہا میری مُندری ہو گئی الوپ، سچ دوارے مُکھ چُھپائیا۔ میَں ویکھیا چؤداں لوک، چؤداں طبق نظر نہ آئیا۔ برہمنڈ کھنڈ دِتے روک، پڑدا سب دا دِتا اُٹھائیا۔ ویکھے قِلعے کوٹ، محل اٹل پھول پھولائیا۔ کِتوں نظر نہ آئی کِس اُتے لاواں دوش، کِس نوُں دیاں سزائیا۔ پِھر تھوڑے سمیں لئی ہو گیا خاموش، مُکھ زبان نہ کوئے

ہِلائیا۔ پھیر ہتّھ ماریا اُپر بدن پوش، سِر پَیر تائیں پِھرائیا۔ جھٹ ویکھیا اِک خرگوش، جو بھجّیا آوے چائیں چائنیا۔ چرناں وِچ سُٹی اپنی لوتھ، ڈیرہ دِتا جمائیا۔ گوبِند نے اوہدے اندروں ویکھیا اِک کوش، جِس اُتے لِکھیا تُوں میرا میَں تیرا دوُجا نظر کوئے نہ آئیا۔ میَنوُں اِکو اِک دی سوچ، دوُسر آس نہ کوئے ودھائیا۔ میری منسا پوُری کر دے لوچ، لوچا تیرے نال بنائیا۔ نام خُماری دے مدہوش، مدُھر راگ دُھن شنوائیا۔ گوبِند پیار وِچ کِہا تَینوُں اَگے دِتا بہُت، سچ مِلی سرنائیا۔ خرگوش کِہا گوبِند میری اِک بیننتی تیرا ماجھا جائے نہ اؤنت، تیرا در تیرے سوبھا پائیا۔ ویلا دسّ ڈھئیا کہ اؤنٹ، وقت وقت نال مِلائیا۔ جوتی جوت سروُپ ہرِ، آپ اپنی کِرپا کر، سچ کرنی کار کمائیا۔ گوبِند کِہا واہ میرے مِہربان، کی اپنا روُپ بدلائیا۔ کیوں بھجّیا وِچ میَدان، چؤپایاں والی چھلانگ لگائیا۔ میَں ویکھ ہویا حَیران، کی تیری بےپرواہیِا۔ جھٹ اوہ بن کے نؤجوان، اپنی لئے انگڑائیا۔ پھیر روُپ دھر سِری بھگوان، جوتی جاتا ڈگمگائیا۔ پھیر شبد ناد دُھنکان، اگمّ دِتی سُنائیا۔ پھیر پِٹھ تے ماریا ہتّھ ماجھا دیس اوہ ستھان، جِتھے بھگت دوارا سوبھا پائیا۔ ذرا ویکھ شہنشاہ سُلطان، نوُر نوُرانہ نظری آئیا۔ تیریاں گُرمُکھاں توں اوہ تیرا پھیر لےَ کے دیواں اوہ دان، وِچولا اپنا آپ بنائیا۔ تُوں اُنگلی اُتے پاؤنا اوہ پھیر نِشان، جِس نِشانے نوُں وِشن برہما شِو ویکھن چائیں چائنیا۔ اُتے گوبِند لِکھیا ہووے ایہہ گوبِند دا اِیمان، گوبِند گوبِند رنگ رنگائیا۔ گوبِند تیرے ماجھے والے پہلوں کراں سوادھان، پِچھلا لیکھا پوُر کرائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ لہنا دئے چُکائیا۔ گوبِند جھٹ دوویں ہتّھ رکھے اُتے متھے، ساہمنے دِتے وکھائیا۔ میَں چھڈ دِتے تیرے تیِر بھتّھے، کمان کندھے نہ کوئے ٹِکائیا۔ تیرا کھیل ویکھنا اپنی اگمّی اکھےّ، جگت نیتر بند کرائیا۔ تُوں میرے اندر وسیں، میَں تیرے وِچ سمائیا۔ تُوں میرے پتے دسّیں، میَں تیرا پڑدا لاہیِا۔ تُوں میرے ولّ نسّیں، میَں تیرا راہ تکائیا۔ تُوں روُپ دھرنا سسّے، میَں ہوڑا رنگ رنگائیا۔ ہنگ برہم ساری ساڈے دوہاں دے وِچ وسے، سوہنگ روُپ سرِشٹ سبائیا۔ جیہڑے گُرمُکھ ہونے بچّے، سِر اوہناں ہتّھ ٹِکائیا۔ جِنہاں تے کِرپا کرنی اوہناں نوُں مرن وِچوں مرن پہلوں دسےّ، سندیسہ سچ سچ سُنائیا۔ پھیر کِرپا کر کے رکھے، مِہر نظر اِک اُٹھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، لیکھا جان حقیِقت حقّے، حق دا مالک اِک اکھوائیا۔

۲۰ اَسوُ شہنشاہی سمت ۵ سوَرن سِنگھ دے گرِہ جنڈیالا گُروُ

وِشنوُں کہے میَں شبد دھار تکیا گوبِند سپوُت، سپُتر اُتّر پوُرب پچھّم دکھّن اِکو نظری آئیا۔ جِس دا نوُر نظارہ چارے کوُٹ، دہ دِشا پڑدا اوہلا رہیا اُٹھائیا۔ سَتجُگ تریتا دواپرکلجُگ اوتار پَیغمبر گُر روُپ بدلدا رہیا پنج بھوُت، تن وجوُد ماٹی خاک سوبھا پائیا۔ انت کردا رہیا کوُچ، کوُچا گلی دھرنی دھرت دھوَل ہوکا حق نام سُنائیا۔ ونڈاں ونڈدا رہیا دیِن مذہب ذات پات نیِچ اوُچ، کھتری براہمن شوُدر وَیش ہِندوُ مُسلم سِکھ عیِسائی ناؤں پرگٹائیا۔ بھیوَ کھولدا رہیا آتما پرماتما تانا پیٹا اِکو سوُت، سوُتردھاری صاحِب سوامی انترجامی اِکو اِک اکھوائیا۔ سو کلجُگ انت لیکھا مُکاوے لہنا دینا جوُٹھ جھوُٹھ، مایا ممتا موہ وِکار ہنکار ڈیرہ ڈھاہیِا۔ کِرپا نِدھان صاحِب سُلطان ہو کے جائے تُوٹھ، مِہربان محبوُب اپنا رنگ رنگائیا۔ بھگت سُہیلے جُگ جنم جو پیار مُحبّت وِچ گئے روُٹھ، مِتر پیارا ہو کے اپنا میل مِلائیا۔ پاوے سار نؤ کھنڈ پرِتھمی ستّ دیِپ چار کوُٹ، چار گُٹھ لُکیا نظر کوئے نہ آئیا۔ شبدی دھار ہو تیار نام نِدھانا گانا بنّھے دھرم دے گُٹ، گُر گُر دھار اپنی اِک پرگٹائیا۔ گُرمُکھاں جن بھگتاں اُجل کرے لوک مات مُکھ، مُکھیا ہو کے دُکھیاں دُکھ دئے گوائیا۔ سنت سُہیلا ہو کے لئے پُچھ، شاہ فقیِراں میل مِلائیا۔ ساڈا لہنا دینا جانے جِس کارن کٹائی داہڑی مُچھ، بودی سیِس جگدیِش ٹِکاّ گِردا کھوج کھوجائیا۔ ساچی وست نام امولک دے کے کُچھ، کچّھ مچّھ دی آسا ویکھ وکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک سمجھائیا۔ وِشنوُں کہے میَں ویکھیا شبدی سُت دُلارا، دوُلھا دُھر دا نظری آئیا۔ جِس دا روُپ تیئی اوتارا، پَیغمبر نوُرے چشم نوُر رُشنائیا۔ گُروُ گُردیو وِچ سنسارا، اِشٹ سرِشٹ درِشٹ وِچ وڈیائیا۔ جِس دی مہما شاستر سِمرت وید پُران اِنجیِل قرآن کھانی بانی جُگ چارا، گیِتا گیان دھیان اِکو اِک سمجھائیا۔ سو شاہو بھوُپ بن سِکدارا، سچ سُلطانا سوبھا پائیا۔ جِس دا نوُرے نظر کل کلکی اوتارا، کل کلیش دس دسمیش سنگ مِٹائیا۔ چار کُنٹ ویکھے وِگسے پاوے سارا، پاربرہم پت پرمیشور اپنا بھیوَ کُھلائیا۔ صدی چؤدھویں جِس نے کرنا انت کنارہ، محمد آشا دئے وڈیائیا۔ عیسیٰ لیکھا جانے ویہویں صدی تکرارا، پردہ پردیاں وِچوں چُکائیا۔ نانک گوبِند گوبِند دھار پرگٹ ہو سنسارا، سنساری بھنڈاری سنگھاری بھیوَ چُکائیا۔ جِس دا بھیوَ کاغذ قلم نہ لِکھنہارا، آد انت کہن کوئے نہ پائیا۔ سو

صاحِب سَتگُر دیِن دَیال پُرکھ اکال پروردِگار سانجھا یارا، ویکھنہارا تھاؤں تھائنیا۔ لہنا دینا کلجُگ انتم میٹے اگمّ اپارا، الکھ اگوچر اپنی کار کمائیا۔ گوبِند گوبِند دھار کھیل کرے وِچ سنسارا، نِرگُن نِرگُن سرگُن سرگُن سرگُن نِرگُن اپنی کار کمائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، ستّ رنگ دی بنّھ سیِس دستارا، ماجھے والیاں مجلس اپنی دئے وکھائیا۔

۲۰ اَسوُ شہنشاہی سمت ۵ سُریَن سِنگھ دے گرِہ جنڈیالا گُروُ

وِشنوُں کہے میَں کلجُگ انتم ویکھیا کوُڑن، کوُڑ کُٹمب دِسی لوکائیا۔ سب دی درِشٹی ہوئی موُڑھن، موُرکھ مُگدھ روُپ درسائیا۔ پربھ دی منگے کوئے نہ چرن دھوُڑن، گُروُ اوتار پَیغمبراں اِشٹ سرب منائیا۔ پھیر صاحِب تکیا حاضر حضوُرن، ہرِ کرتا دُھردرگاہیِا۔ جودھا اگمّی بیر سوُرن، سَت ستوادی اِک اکھوائیا۔ جِس دا روُپ انوُپ پوُرن، پرم پُرکھ پربھ ویس وٹائیا۔ کلجُگ پندھ مِٹائے نیڑ دوُرن، دوُر دُراڈا ویکھ وکھائیا۔ جن بھگتاں جنم جنم دا بخش قصوُرن، مِہر نظر نال ترائیا۔ وِشنوُں کہے انتم کھیل ویکھ ہویا مجبوُرن، مجبوُری وِچ دُہائیا۔ چار جُگ دا لیکھا دِسیا ادھوُرن، انت سکیا نہ کوئے کرائیا۔ چار جُگ دے شاستر دِسے مزدوُرن، مزدوُری جگت والی کمائیا۔ پربھ دا نام کرن مشہوُرن، صِفتاں وِچ صِفت صالاحیِا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، ہرِ کرتا اِک اکھوائیا۔ وِشنوُں کہے میَں کلجُگ انت ویکھ ہویا اُداس، اُداسی میرے اندر آئیا۔ میَنوُں حُکم دِتا پُرکھ ابناش، ابناشی کرتے دِتا دِرڑائیا۔ میرا کھیل ویکھ سرب گُن تاس، گُنونتا آپ جنائیا۔ آد انت سب کِچھ میرے پاس، دیونہار اگمّ اتھاہیا۔ پربھ پوُرن پوُرن وِچ پرکاش، پوُرن پوُر رہیا سرب ٹھائنیا۔ پنجاں تتاں دے شاباش، شاہ سُلطان اِک سمجھائیا۔ پھیر تھلیوں وکھایا آکاش، آکاش دے نیِچے دھرنی دھرت دھوَل وڈیائیا۔ جِدھر تکاں اودھر ساتھ، سگلا سنگ نِبھائیا۔ حُکمی حُکم رہیا آکھ، بِن اکھّراں کر پڑھائیا۔ سب دا پوُرا کرنا بھوِکھت واک، لِکھت شہادت دئے بُھگتائیا۔ حُکم ورتاؤنا اِک ساچ، سچ سچ وڈیائیا۔ دھرم دی دھار وکھا تماش، کھیل اگمّ دینا سمجھائیا۔ وِشنوُں کہے میرا اِک تے ہویا وِشواس، وِشا اوَر نہ کوئے

جنائیا۔ اوس ویلے میرا بھگوَن میرے ساتھ، پاسا سکیا نہ کوئے بدلائیا۔ میَنوُں وکھائی منڈل راس، گوپی کاہن نچائیا۔ پھیر سہج دِتا آکھ، شبدی شبد حُکم دِرڑائیا۔ وِشنوُں کریں نہ پشچاتاپ، چِنتا غم نہ کوئے رکھائیا۔ کلجُگ انت پرگٹ ہوواں آپ، آپ اپنا پھیرا پائیا۔ جن بھگتاں بناں مائی باپ، پِتا پوُت گود سُہائیا۔ تُوں میرا میَں تیرا دسّ کے جاپ، مارگ اِکو اِک رکھائیا۔ سَتگُر شبد دھار دی دے کے دات، وست امولک جھولی آپ ٹِکائیا۔ چار جُگ دا لیکھا لِکھیا نال قلم دوات، نِرگُن ہو کے کھوج کھوجائیا۔ نویں جُگ دا لہنا دینا دیواں ساکھیات، سچ سوامی ہو کے پھیرا پائیا۔ پنجاں تتاں دی پنجاں لِکھاریِاں کولوں کراواں یاچ، یجُر وید دئے گواہیِا۔ چرن کوَل بنا داسی داس، سیوک سیوا سچ کمائیا۔ بِنا پُرکھ اکال توں اوہناں دا دوُجا رہے کوئی نہ مائی باپ، بھَین بھائی دا ناتا دئے تُڑائیا۔ اِک آتما اِک پرماتما اِک بنا کے ساک، سجّن اِک اکھوائیا۔ کلجُگ ہووے اندھیری رات، ساچا چند کراں رُشنائیا۔ رَوداس چمارا پریم دھار دی رکھے پربھات، اٹّھے پہر اِکو رنگ رنگائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا میلا لئے مِلائیا۔ وِشنوُں کہے میَں ویکھیا کلجُگ انتم وقت وقت تھوڑا، تھوڑا دھیان لگائیا۔ پُرکھ اکال دا تکیا نِرگُن دھار گھوڑا، دو جہاناں بھجےّ واہو داہیِا۔ شاہ پاتشاہ تکیا بانکا چھوہرا، شہنشاہ سچ سِنگھاسن سوبھا پائیا۔ وِشنوُں کہے میَں حُکم سُناواں کورا، جو دُھر فرمانا سِری بھگوانا رہیا دِرڑائیا۔ پنجاں لِکھاریِاں پربھ دا نواں بناؤنا جوڑا، چرن کوَل واری واری پائیا۔ اَگے کرنا بھاگ متھورا، مِتھیا دسّنی سرب لوکائیا۔ جِس کارن سسّے اُپر لایا ہوڑا، ہاہے ٹِپی دِتی وڈیائیا۔ جگت جہان نالوں کر وِچھوڑا، وِچھڑے اپنے نال مِلائیا۔ ہرِ سنگت پربھ لئی کُچھ دان لِیانا تھوڑا تھوڑا، اِک اِک دانہ اپنے ہتّھ ٹِکائیا۔ وِشنوُں کہے سچکھنڈ واسطے سَتجُگ دھار میَنوُں پئی لوڑا، بِنا بھگتاں توں پوُر نہ کوئے کرائیا۔ پنجاں پیاریاں نؤ ہتّھ دا لِیانا ڈورا، ڈوری سوُتر دھار وکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، جن بھگتاں لیکھا مُکائے پنج وِکار چورا، چوری چوری سب تے دَیا کمائیا۔

۲۰ اَسوُ شہنشاہی سمت ۵ دیِدار سِنگھ دے گرِہ شفی پُر ضِلع امرتسر

وِشنوُں کہے برہما ویکھ گوبِند دا پوُرن پرگنا، پرگٹ نِرگُن دھار کرائیا۔ جِس دی آسا رکھ کے گیا تتی لوح اُتے گُر ارجنا، عرض بیننتی آرزو وِچ سمجھائیا۔ شبدی دھار اگمّی سَتگُروُ اگمّی گرجنا، بھےَ دو جہان رکھائیا۔ جِس نوُں اَگے ہو کِسے نہ ورجنا، سارے بَیٹھے سیِس نِوائیا۔ اُس دا حُکم کدے نہ پرتنا، پرتکھ اپنی کار کمائیا۔ کلجُگ انتم بھانا ورتنا، نہ کوئی میٹے میٹ مِٹائیا۔ اوتار پَیغمبراں گُروُآں دی پوُری کرنی شرطنا، شرع دا لیکھا دینا چُکائیا۔ جن بھگتاں چِنتا روگ مِٹائے حرصنا، حِرص ہوَس اپنی اِک جنائیا۔ کوٹاں وِچوں سنت سُہیلے درشن پرسنا، پارس کنچن لوہا دئے وکھائیا۔ امرت میگھ اگمّا برسنا، نِرگُن بوُند سوانت ٹپکائیا۔ جِس نے چار جُگ دا لیکھا ناں کسوٹی اُتے پرکھنا، پارکھوُ ہو کے پھیرا پائیا۔ اُس دے اَگے کِسے نہ اٹکنا، اٹک توں پار پئے دُہائیا۔ جِس نے دو جہان نؤ کھنڈ پرِتھمی جھٹکنا، جھٹکا دیوے تھاؤں تھائنیا۔ شبدی دھار کھنڈا کھڑکنا، پوُرن گوبِند سچ دِرڑائیا۔ دیِن مذہب دا روڑا اٹکنا، دُنی رووے تھاؤں تھائنیا۔ دُھر دا حُکم چڑھنا کٹکنا، چاروں کُنٹ ویکھ وکھائیا۔ من کلپنا وِچ سب نے بھٹکنا، سانتک سَت نہ کوئے کرائیا۔ جم کی پھاسی منمُکھ جیِواں لٹکنا، چؤراسی گیڑ نہ کوئے کٹائیا۔ دُکھیاں ونڈے کوئی درد نہ، دیناں دیوے نہ کوئے وڈیائیا۔ ایہہ کھیل کرنا مرد مردانے مردنا، مدد اپنی نال رکھائیا۔ شرع قصائی رہے کرد نہ، قُدرت دا قادر کرنی دا کرتا لیکھ مُکائیا۔ سب دی کڈھ کے چار جُگ دی فردنا، لہنا ویکھے تھاؤں تھائنیا۔ کلجُگ پُٹھی کرے نردنا، نارد مُنی دئے دُہائیا۔ ایہہ کھیل کرنا اسچرجنا، اچرج لیِلا آپ وکھائیا۔ اِکو سمبل سُہاؤنا پرگنا، پٹنے والا ڈیرہ لائیا۔ گُرمُکھاں ہون نہ دیوے حرجنا، حرج اپنے گھر ٹِکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ساچا حُکم اِک سُنائیا۔ وِشنوُں کہے گوبِند دا برہما پوُرن ویکھ گرِہ، گھر اِکو سوبھا پائیا۔ جِتھے پرم پُرکھ پرماتما رہے، رہبر بن کے نوُر اِلاہیِا۔ جِس نوُں یاد کردے کوٹن کوٹ لکھّ کروڑی سےَ، گنتی گنت نہ کوئے گنائیا۔ جِس دے حُکم اندر جُگ چؤکڑی وہن وہے، سَتجُگ تریتا دواپرکلجُگ دھار وہائیا۔ سو پُرکھ اکالا دیِن دَیالا سچ سِنگھاسن آپ بہے، تخت نِواسی ڈیرہ لائیا۔ جِس نے دیِن دُنی کرنی لےَ، لہنا سب دا جھولی پائیا۔ اِک دو جہان سوہنگ مہاراج شیرسِنگھ وِشنوُں بھگوان دی ہووے جےَ، جےَ جَیکار آپ کرائیا۔ جُگ چؤکڑی پُرکھ اکال اپنا نام

کِسے نہیں کیِتا بےَ، حق فک نہ کوئے کرائیا۔ سارے رسنا نال گئے کہہ، کہہ کہہ جگت سُنائیا۔ انت پربھ دی سرنی پئے، سِر سکے نہ کوئے اُٹھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، آد جُگادی ایکا ہےَ، دوُجا نظر کوئے نہ آئیا۔

۲۰ اَسوُ شہنشاہی سمت ۵ سوہن سِنگھ دے گرِہ ترنتارن

وِشنوُں کہے میَں تکیا عجب نظارہ، نِرگُن نِراکار نِرنکار دِتا وکھائیا۔ کلجُگ چاروں کُنٹ اندھ اندھیارا، ساچا چند نہ کوئے رُشنائیا۔ سرِشٹی درِشٹی اندر ہویا دھوُاں دھارا، دُھندھوُکار نہ کوئے مِٹائیا۔ بُھلیا مارگ گُر اوتارا، پَیغمبراں بھےَ نہ کوئے رکھائیا۔ چار برن اٹھاراں برن، کرن ہاہاکارا، سانتک سَت نہ کوئے ورتائیا۔ نیتر روون زارو زارا، دھیِرج دھیِر نہ کوئے رکھائیا۔ پُرکھ اکالا دیِن دَیالا ویکھنہار سرب سنسارا، سنساری بھنڈاری سنگھاری رہیا اُٹھائیا۔ ویکھو کھیل جگت دی دھارا، دھرنی دھرت دھوَل دھؤل بِن نیتر راہ تکائیا۔ نال رلائے تیئی اوتارا، ترےَگُن اتیِتا حُکم سُنائیا۔ حضرت عیسیٰ موُسیٰ محمد ہونا خبردارا، صدی چؤدھویں لئے انگڑائیا۔ نانک گوبِند دو جہاناں پردہ لاہُنا سارا، سار شبد اِک پرگٹائیا۔ کِس بِدھ کلجُگ کوُڑی کِریا ہووے پار کنارہ، در گھر ساچے ملِے وڈیائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، دُھر سندیسہ اِک سُنائیا۔ وِشنوُں کہے میرے انتر آئی حَیرانی، حَیرت وِچ جنائیا۔ سَت دھرم دی دِسے نہ کوئے نِشانی، نِشانہ دھرم نہ کوئے اُٹھائیا۔ پنڈت پاندھے مُلّا شیخ جگت گرنتھی کرن بے اِیمانی، بیوہ روُپ ہوئی لوکائیا۔ سچ دھار دِسے نہ کوئی برہم گیانی، برہم وِدیا نہ کوئے پڑھائیا۔ نؤ کھنڈ پرِتھمی ستّ دیِپ جھگڑا پیا اِنجیِل قرآنی، شرع سکے نہ کوئے گوائیا۔ نام نِدھانا مارے نہ کوئے کانی، انیالا تیِر نہ کوئے چلائیا۔ کلجُگ انت چار کُنٹ مایا ممتا کوُڑ چڑھی طُغیانی، اَگے ہو نہ کوئے اٹکائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، حُکم سندیسہ اِک سُنائیا۔ وِشنوُں کہے پربھ وکھایا کلجُگ انتم کھیل، خالق خلق دِتا دِرڑائیا۔ جھگڑا پیا گُروُ گُر چیل، چیلا گُر نہ کوئے وڈیائیا۔ سچ دوارے کرے کوئی نہ میل، آتم پرماتم رنگ نہ کوئے رنگائیا۔ دھرم رائے دی کٹے کوئی نہ جیل، چؤراسی پھاسی نہ کوئے کٹائیا۔ میَں حَیران ہویا ایہہ پربھ دا اچرج کھیل، ہرِ کرتا آپ کھِلائیا۔ آپے وس سرب نویل، در گھر بَیٹھا ڈیرہ لائیا۔ جوتی جوت

سروُپ ہرِ، آپ اپنی کِرپا کر، دیونہارا دُھر دا ور، سچ دوارا اِک درسائیا۔ وِشنوُں کہے میَنوُں شبد اگمّی اگمّی آئی آواز، اگمّ اگمّ جنائیا۔ تیرا بھیوَ کھولاں راز، پردہ دیاں اُٹھائیا۔ تکّ راہ غریِب نواز، بِن نیتر نیَن نیَن تکائیا۔ جِس نے کلجُگ کوُڑی کِریا بدل دینا سماج، سچ سمگری سَتجُگ اِک ورتائیا۔ کوُڑی کِریا دھو کے داغ، دُرمت میَل کرے صفائیا۔ انتر نِرنتر اُپجاوے اِک وَیراگ، وَیری اندروں باہر کڈھائیا۔ امرت رس نِجھر جھِرنا بوُند سوانتی دئے سواد، اٹھسٹھ لیکھا دئے چُکائیا۔ مِہر نِگاہ نال ہنس بنائے کاگ، کاگ ہنس روُپ بدلائیا۔ جوتی دیِپ جلائے چراغ، اندھ اندھیر دئے مِٹائیا۔ گھر سوامی ملِے کنت سُہاگ، رنڈیپا نظر کوئے نہ آئیا۔ کلجُگ جیِواں آلس نِندرا وِچوں کھول کے جاگ، جاگرت جوت کرے رُشنائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، دھرم دی دھار اِک دِرڑائیا۔ وِشنوُں کہے پربھ دِتا اِک سندیس، سَت سچ جنائیا۔ نِگاہ مار ماجھے دیس، دیس دیسانتر پھول پھولائیا۔ نِرگُن جوت نر نریش، نوُر نوُرانہ سوبھا پائیا۔ جو آد انت رہے ہمیش، جنم کرم نہ کوئے رکھائیا۔ جِس نوُں جھُکن وِشن برہما شِو گنیش، سُرپت بَیٹھا سیِس نِوائیا۔ گُر اوتار پَیغمبر کرن آدیس، نِیوں نِیوں لاگن پائیا۔ جِس دا مُچھ داہڑی نہ کوئے کیس، موُنڈ مُنڈایا روُپ نہ کوئے درسائیا۔ سو کلجُگ بدلن لگّا ریکھ، رِکھی مُنی سمجھ کِسے نہ آئیا۔ جن بھگت سُہیلے بناوے نیک، بدی اندروں دئے گوائیا۔ جِنہاں کلجُگ جیِواں پربھ دا نام کھادھا ویچ، تِنہاں دیوے آپ سزائیا۔ شبد سَتگُروُ دیِن دُنی نوُں مارے پیچ، پیچیدہ اپنی کار کمائیا۔ اَگے چلے کِسے نہ پیش، پیشیِن گوئیاں دین گواہیِا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، دُھر دا حُکم اِک سُنائیا۔ وِشنوُں کہے پربھ دا حُکم اپارا، اپرمپر آپ دِرڑائیا۔ جگت ویکھو تیئی اوتارا، پَیغمبر نیتر لوچن نیَن اکھّ کُھلائیا۔ گُر گُر ویکھو سچ دی دھارا، دھرنی دھرت دھوَل دھیان رکھائیا۔ ساچا دِسے نہ کوئے میِت مُرارا، سجّن سنگ نہ کوئے نِبھائیا۔ چاروں کُنٹ دُھندھوُکارا، اندھ اندھیر نہ کوئے گوائیا۔ دھرم رہیا نہ مندر مسجد شِودوالے مٹھ گُروُدوارا، وِبھچار کرم کرے لوکائیا۔ شاستر سِمرت وید پُران گیِتا گیان اِنجیِل قرآن کھانی بانی پڑھ کے من مِٹے نہ کِسے وِکارا، ہنگتا گڑھ نہ کوئے تُڑائیا۔ کلجُگ جیو وِبھچار ہوئے چار کُنٹ دہ دِشا کُلکھنی نارا، سُہاگی کنت نہ کوئے ہنڈھائیا۔ شبدی حُکم دیوے سچّی سرکارا، صاحِب سوامی آپ دِرڑائیا۔ گوبِند انتم اُٹھ یودھے سوُربیِر مار للکارا، نام ڈنکا اِک وجائیا۔ سرگُن کر خبردارا، صدی چؤدھویں

سویا رہن کوئے نہ پائیا۔ پَیغمبراں دے اِک ہُلارا، چؤداں طبق کر شنوائیا۔ چؤداں لوکاں تیرا اِشارہ، عیشو عِشرت ویکھن تھاؤں تھائنیا۔ سب نوُں دسّن کلجُگ ہونا انت کنارہ، ویلا وقت دئے گواہیِا۔ حُکم سندیسہ دیوے کل کلکی چؤویاں اوتارا، جِس نوُں جنمے کوئی نہ مائیا۔ جِس دا شبد سُت گوبِند اِک دُلارا، دوُلھا دُھر دا نظری آئیا۔ اوہ ویکھنہار سرب سنسارا، سرِشٹی درِشٹی اندر کھوج کھوجائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، ہرِ داتا بےپرواہیِا۔ وِشنوُں کہے میَں شبد اگمّی گوبِند تکیا، تکیا ظاہر ظہوُر۔ جِس پِھرنا مدیِنہ مکّیا، کعبہ حضرتاں ویکھے ضرور۔ جِس دا حُکم سندیسہ پکّیا، کلجُگ توڑے انت غروُر۔ لیکھا جانے کایا مٹّیا، پنج تت من پائے نہ کوئے فتُور۔ نؤ کھنڈ پرِتھمی پِھرے نَٹھیا، پندھ مُکائے نیڑے دوُر۔ سو سوامی ہر گھٹ وسیا، جوتی جاتا چمکے نوُر۔ جِس میٹنی رَین اندھیری مسّیا، ناتا توڑنا کوُڑو کوُڑ۔ دیِن مذہب دا رہن نہ دیوے رٹّیا، مانَس مانَو مانُکھ ایکا دسےّ دستُور۔ تُوں میرا میَں تیرا آتم پرماتم جنائے ٹپّیا، کِرپا کرے آپ ضرور۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، جوتی جاتا ظاہر ظہوُر۔ وِشنوُں کہے میرے انتر دِتی اگمّ وِچار، وِچر کے دیاں جنائیا۔ کِرپا کرے آپ نِرنکار، نِروَیر دُھردرگاہیِا۔ جوتی جاتا ہو اُجیار، پروردِگار ویس وٹائیا۔ جِس نوُں کہندے سانجھا یار، جلوہ گر نوُر اِلاہیِا۔ کلجُگ میٹے کوُڑ کُڑیار، مایا ممتا موہ مِٹائیا۔ من کلپنا کرے گرِفتار، شبدی ڈوری تند بندھائیا۔ آسا ترِسنا دئے نِوار، امرت بوُند اِک پیائیا۔ دُھر دا حُکم سچّی سرکار، سچ سندیسہ اِک سُنائیا۔ صدی چؤدھویں انت کنت بھگوَنت لہنا دینا دئے نِوار، لیکھا اوَر رہے نہ رائیا۔ محمد سجدہ سیِس جھُکائے نال چار یار، کلمہ کائنات وِچ جنائیا۔ دروہی خُدا خُدا دے نبی میرا رہیا نہ کوئے اختیار، مختیارنامہ اپنی مُہلت گیا پُگائیا۔ میرا مالک خالق پرِتپالک پرگٹ ہویا اِمام اِماما سِکدار، سِکداری اپنے ہتّھ رکھائیا۔ اسیں اوس دے برخوردار، چؤداں صدیاں سیو کمائیا۔ کردے رہے اِنتظار ، بِن نیَناں نیَن تکائیا۔ سو آیا اپنی دھار، جوتی جاتا ڈگمگائیا۔ جِس نے بدل دینا سنسار، دیِن دُنی نہ کوئے چتُرائیا۔ سَتگُر شبد اِک ہونا اُجیار، چار کُنٹ کرے رُشنائیا۔ جِس دا کھنڈا ہونا دو دھار، نِرگُن سرگُن رنگ رنگائیا۔ سو ویلا وقت پہنچیا آن، آناً فاناً اپنی کار کمائیا۔ جِس نوُں جھُکدے سرب گُروُ اوتار، پَیغمبر سجدیاں وِچ سیِس نِوائیا۔ تِس صاحِب نوُں میری نمو نمو نمو نمسکار، نمستے کہہ کے سیِس جھُکائیا۔

جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، آد جُگاد جُگ چؤکڑی کھیلے کھیل اگمّ اپار، الکھ اگوچر اگمّ اتھاہ بے پرواہ اپنا حُکم ورتائیا۔

۲۱ اَسوُ شہنشاہی سمت ۵ ہرنام سِنگھ دے گرِہ پنڈوری

وِشنوُں کہے شبد گوبِند کرے کھیل اُپر بسُدھا، دھرنی دھرت دھوَل دھؤل ویکھ وکھائیا۔ جِس نے کوُڑی کِریا میٹنی کلجُگا، جُگ چؤکڑی پَینڈا پندھ مُکائیا۔ جو سندیس دے کے گیا بُدھا، بُدھی توں پرے دھیان لگائیا۔ پُرکھ اکالا دیِن دَیالا ہونا اُگھا، نِرگُن نوُر جوت کرے رُشنائیا۔ جن بھگتاں دیوے اپنی سُدھا، انتر نِرنتر پڑدا دئے اُٹھائیا۔ اگلا بھیوَ کھول کے گُجھا، مایا ممتا موہ مِٹائیا۔ نِرگُن دھار رہے نہ لُکا، لوک پرلوک کرے رُشنائیا۔ جِس دا تیِر نِشانہ کدے نہ اُکا، دو جہاناں آپ وکھائیا۔ صدی چؤدھویں محمد اپنا کڈھ کے وکھاوے رُکا، جِس اُتے الف یے ونڈ نہ کوئے ونڈائیا۔ تیرا پروردِگار سمجھ نہ آیا مُدّعا، مُدّت توں بَیٹھا دھیان لگائیا۔ چار یاری سنگ رُجھا، آمیِن یامُبیِن تیرا راہ تکائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، ہرِ کرتا اگمّ اتھاہیِا۔ وِشنوُں کہے میَں شبد گوبِند تکیا نوُر نوُرانہ، جلوہ گر نظری آئیا۔ جِس دا کلمہ حق پَیغاما، چؤداں طبق باہر پڑھائیا۔ جِس دا کھیل اگمّ اِماما، اِمام اِماماں پڑدا لاہیِا۔ چارے کُنٹ دہ دِشا وجّنا دمامہ، نِرگُن اپنا ڈنک سُنائیا۔ جِس نے کلمہ بدل دینا کلاما، کائنات دئے وڈیائیا۔ رحمت رحیِم کرے رحمانا، رہبر اِکو سوبھا پائیا۔ کھیلے کھیل دو جہاناں، پُریاں لوآں پھول پھولائیا۔ کل کلکی پہر کے جامہ، جوتی جاتا ڈگمگائیا۔ جِس نوُں جھُک جھُک سجدیاں وِچ کردے رہے سلاماں، نیتر لوچن نیَن اکھّ شرمائیا۔ اوہ انتم آوے وِچ میَدانا، پڑدا اوہلا رہے نہ رائیا۔ جِس نے نؤ کھنڈ پرِتھمی دیکھنے مانَو ہووے غُلاما، شرع زنجِیر کٹائیا۔ جودھا سوُربیِر مرد مردانہ، بلدھاری پھیرا پائیا۔ جِس نے سَتجُگ مارگ دسّنا آسانا، اِنساناں اندر بھیوَ کُھلائیا۔ مانُکھ رہے نہ کوئے بیگانہ، دُتیا بھاؤ نہ کوئے جنائیا۔ سب دا اِکو ہونا گانا، تُوں میرا میَں تیرا ڈھولا راگ الائیا۔ اِکو منّنا صاحِب سُلطانا، شاہ پاتشاہ اِکو نظری آئیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، ہرِ کرتا بےپرواہیِا۔

وِشنوُں کہے شبد گُروُ دا حُکم سندیسہ ایک، ایکنکار رہیا دِرڑائیا۔ جِس دی سب نے رکھنی ٹیک، مستک دھوُڑی خاک رمائیا۔ سب دی بُدھ کرے بِبیک، دُرمت میَل دھوائیا۔ ہرِ درساوے نیتن نیت، نِج نیَن کر رُشنائیا۔ دُھردرگاہی بن کے کھیوٹ کھیٹ، نئیا نؤکا آپ چلائیا۔ آتم پرماتم ناتا دسّ کے بیٹی بیٹ، پِتا پوُت گود اُٹھائیا۔ سچ سِنگھاسن پُرکھ ابناشن جائے لیٹ، در دوارا اِک وڈیائیا۔ سو سُہنجنا کرے دیس، جِس در اپنا پھیرا پائیا۔ راہ تکن برہما شِو مہیش، گنپت گنیش، سُرپت نیتر نیَن نیَن شرمائیا۔ جِس نِرگُن دھار بدلیا بھیکھ، بھیکھادھاری روُپ نہ کوئے سمجھائیا۔ تِس صاحِب سوامی انترجامی گھٹ نِواسی انت کنت آدیس، بِنا سیِس سیِس جھُکائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، سچ دا مالک اِک اکھوائیا۔ وِشنوُں کہے گوبِند شبد آد انت دا مالک، جُگ جُگ کھیل کھِلائیا۔ جو نِت نوِت بدلے عادت، عدل اِنصاف اِک کمائیا۔ سَت دھرم دی لاوے عدالت، در گھر ساچا اِک وڈیائیا۔ آتم پرماتم دسّ عبادت، نوُر نوُر وِچ چمکائیا۔ کوُڑی کِریا میٹ علامت، عملاں توں رہت کرے نوُر خُدائیا۔ جد تکو صحیح سلامت، ہرِ سجّن سوبھا پائیا۔ جِس نے صدی چؤدھویں کوُڑی کِریا کراؤنی بغاوت، بغلگیِر رہن کوئے نہ پائیا۔ گُر اوتار پَیغمبر دیوے نہ کوئے ضمانت، بریِخانہ نہ کوئے جنائیا۔ سچ نام دی ملِے نہ کِسے نیامت، انرس رس نہ کِسے چکھائیا۔ جِس نے صدی چؤدھویں انت اَخیِر بے نظیِر لِیانی قیامت، قایم مُقام رہن کوئے نہ پائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، ہرِ کرتا اگمّ اتھاہیِا۔ وِشنوُں کہے شبد گوبِند گوبِند اِک الکھّ، الکھ الکھّنا کھیل کھِلائیا۔ نِرگُن نوُر جوت پرتکھ، پاربرہم پربھ گوسائنیا۔ جِس دا کھیل آد جُگاد سچ، سَت سچ وڈیائیا۔ سو صاحِب سوامی پُرکھ سمرتھ، ہرِ کرتا پھیرا پائیا۔ جِس نے جُگ چؤکڑی دیِن مذہب کرائے وکھّ، وکھّرا وکھّرا در سُہائیا۔ سو کلجُگ انتم کرے آپ اِکٹّھ، گُر اوتار پَیغمبر دیون نال صفائیا۔ ساریاں اِکو نام اِکو کلمہ کایا مندر اندر لیَنا رٹ، رٹّا جگت رہے نہ رائیا۔ سچ دوارا اِکو ہٹّ، اِکو مندر گرِہ سُہائیا۔ اِکو وست امولک رکھ، رکھک ہو کے آپ ورتائیا۔ جو گُر اوتار پَیغمبراں بھوِکھت دِتا دسّ، دہ دِشا کھوج کھوجائیا۔ صدی چؤدھویں پندھ مُکایا لوک مات نسّ نسّ، بن پاندھی راہیا۔ محمد نیِر وِرولے اپنی اکھّ، اُمت اُمتی ویکھ وکھائیا۔ چار یاری پئی غش، حواس ہوش نہ کوئے وڈیائیا۔ جِس پروردِگار دا کردے رہے جس، صِفتاں وِچ ڈھولے گائیا۔

اوہ انت کنت پروردِگار ہو پرگٹ، ساڈے پرگنے پھول پھولائیا۔ اُدھروں عیسیٰ دا کلاک کرے ٹک ٹک، گھڑی گھڑیال رہیا کھڑکائیا۔ میرا گاڈ گُڈ گائڈ ہو کے آوے نَٹھ، جوتی جاتا پندھ مُکائیا۔ جِس دا کلمہ سب نے لیَنا رٹ، رُٹین رِٹن اِک سمجھائیا۔ دھرم دی دھار کھولنا ہٹّ، دوارا اِکو اِک وڈیائیا۔ دیِن مذہب دا میٹ کے پھٹّ، پٹّی دیوے نام بندھائیا۔ پِچھلی کرنی سب دی شبدی گوبِند دیوے ٹھپ، مُہر اپنا نام لگائیا۔ پوُرب لیکھا پوُرا کر پکّ، پاربرہم پربھ اپنا بھیوَ کُھلائیا۔ کلجُگ دیوے اپنا حق، حقیِقت وِچوں جھولی پائیا۔ سَتجُگ ساچا جائے لگّ، صدی چؤدھویں لیکھا انت چُکائیا۔ کلجُگ جیو نہ رہے کوئی الپگ، سربگ دیوے مان وڈیائیا۔ دیِن مذہب رہے نہ کوئے الگ، آتم پرماتم میلا میلے سہج سُبھائیا۔ انت اَخیِر بے نظیِر لاشریِک پروردِگار سانجھا یار سب دی میٹے حد، حدوُد اپنی دئے سمجھائیا۔ سارے اِکو نام لہنا جپ، اِکو کلمہ لیَنا گائیا۔ اِکو پُرکھ اکالا دیِن دَیالا مالک ہوئے سب، دوُجا نظر کوئے نہ آئیا۔ جِس دی گُر اوتار پَیغمبر بنے جدّ، یدی لیکھا دئے مُکائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، ہرِ اپنا پڑدا لاہیِا۔ وِشنوُں کہے شبد گُروُ دی دھار، گوبِند گوبِند گوبِند نال پرگٹائیا۔ جِس دا کھیل سدا جُگ چار، سَتجُگ تریتا دواپرکلجُگ ویس وٹائیا۔ سو کل کلکی لئے اوتار، جوتی جاتا کرے رُشنائیا۔ سمبل بَیٹھ دھام نیار، نِرگُن آسن اِک سُہائیا۔ شبدی ناد دُھن جَیکار، اگمّ اتھاہ سُنائیا۔ امرت دے کے ٹھنڈا ٹھار، نِجھر بوُند سوانت آپ ٹپکائیا۔ چاروں کُنٹ ویکھ کے ہاہاکار، مانَو مانُکھ مانَس پھول پھولائیا۔ کِرپا کرے آپ کرتار، قُدرت دا کرتا ویکھ وکھائیا۔ حُکم سندیسہ دیوے اپنی دھار، دھرنی دھرت دھوَل دھؤل جنائیا۔ سارے ہو جاؤ خبردار، سویا رہن کوئے نہ پائیا۔ گوبِند کھنڈا کھڑکے اگمّ اپار، اپرمپر سوامی آپ کھڑکائیا۔ لہنا دینا سب دا دئے نِوار، باقی رہن کِچھ نہ پائیا۔ جن بھگتاں پڑدا لاہے اپنی دھار، دھرنی دھرت سُہائیا۔ گوبِند سوُرا سوُربیِر بلکار، بلدھاری آپ جنائیا۔ ماجھے والیو چھّبی پوہ نوُں لےَ کے آؤنی اِک تلوار، تِنّ تِنّ نال لمبائیا۔ لیکھا اگلا دسےّ آپ نِرنکار، کی گوبِند کھیل کھِلائیا۔ کِس بِدھ میٹنا دھوُاں دھار، کِریا کوُڑ چُکائیا۔ سَت سچ ہوئے جَیکار، دھرم دھرم نال صالاحیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، آد جُگاد جُگ چؤکڑی اِک اِکلّا پاوے سب دی سار، مہاسارتھی اپنی کھیل کھِلائیا۔