پہلی کتّک شہنشاہی سمت ۵ ہرِ بھگت دوار جیٹھوُوال
شبد گوبِند کِہا پربھ ویکھی تیری سرِشٹی، دیِن دُنی کائنات پھول پھولائیا۔ پاربرہم پت پرمیشور پروردِگار سانجھے یار ساچا رہیا کوئی نہ اِشٹی، اِشٹ دیوَ نظر کوئے نہ آئیا۔ مِہربان محبوُب ثابت رہی نہ کِسے درِشٹی، انتر نِرنتر نِراکار بھیوَ نہ کوئے چُکائیا۔ چار جُگ سَتجُگ تریتا دواپرکلجُگ جو گُر اوتار پَیغمبراں دھار لیکھ رہی لِکھدی، دُھر شبد اگمّ اتھاہ بے پرواہ تیرا حُکم سُنائیا۔ انت دھار رہی نہ ساچے ہِت دی، ہِتکاری جوت نِرنکاری نِرگُن نِروَیر تیرے رنگ نہ کوئے سمائیا۔ ویکھ کھیل پاربرہم پت پرمیشور اپنی
نِت دی، الکھ اگوچر اگمّ اتھاہ پڑدا آپ اُٹھائیا۔ پریِت رہی نہ پریِتم ساچے سِکھ دی، سَت سروُپ شاہو بھوُپ بِن رنگ روُپ تیرے وِچ نہ کوئے سمائیا۔ پوُجا رہی نہ پرِتھمی آکاش اِک دی، اِک اِکلّے تیرا نوُر نہ کوئے رُشنائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در تیرے منگ منگائیا۔ شبد گُروُ کہے گوبِند پُرکھ اکال میَں ویکھی تیری کائنات، کلمہ حق نہ کوئے جنائیا۔ سچ دوارے ملِے کوئے نہ دات، دَیاوان نظر کوئے نہ آئیا۔ نؤ کھنڈ پرِتھمی اندھیری رات، ستّ دیِپ ساچا چند نہ کوئے چمکائیا۔ آتم پرماتم گائے کوئے نہ گاتھ، گہر گمبھیِر تیرے وِچ نہ کوئے سمائیا۔ نِرگُن سرگُن ویکھ حالات، حالت وِگڑی جگت لوکائیا۔ تیرا دیوے کوئے نہ ساتھ، سگلا سنگ نہ کوئے بنائیا۔ کِسے کمّ نہ آوے پوُجا پاٹھ، بِن تیری کِرپا تیرا نوُر نہ کوئے چمکائیا۔ ویکھ کھیل الکھنا الاکھ، الکھ اگوچر پردہ آپ چُکائیا۔ میری انت کنت بھگوَنت سچ در ارداس، بیننتی اِک دِرڑائیا۔ پوُرا کردے بھوِکھت واک، واقع اپنا حُکم ورتائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در گھر ٹھانڈے منگ منگائیا۔ پُرکھ اکال کہے سُن شبد دُلارے میِت، سَت سچ دیاں دِرڑائیا۔ آد جُگادی دُھر دی ریِت، جُگ چؤکڑی ویس وٹائیا۔ جھگڑا میٹاں مندر مسیِت، کایا کعبہ اِک درسائیا۔ جھگڑا رہے نہ اوُچ نیِچ، ذات پات نہ کوئے لڑائیا۔ دُھر دا کلمہ دسّ حدیِث، حضرتاں توں پرے کراں پڑھائیا۔ پندھ مُکا کے بیِس بیِس، اِکیسا اپنا رنگ رنگائیا۔ ایکا چھتر جھُلنا سیِس، دوُجا نظر کوئے نہ آئیا۔ آتم پرماتم ساچی دسّنی پریِت، پیِا پریِتم دینا مِلائیا۔ بھید کھولنا کایا بیِچ، نوَ در ڈیرہ دینا ڈھاہیِا۔ گرِہ وکھا اِک انڈیٹِھ، گھر مندر دینا سُہائیا۔ دھرم دی دھار چاڑھ رنگ مجیِٹھ، دُرمت میَل دینی دھوائیا۔ سب دی آسا منسا پوُری کر اُمیِد، میل میلنا سہج سُبھائیا۔ جِس دی گُر اوتار پَیغمبر کر کے گئے تاکیِد، تقریر تحریر وِچ لِکھائیا۔ جِس دی آشا کرےقرآن مجیِد، صِفتاں وِچ صِفت صالاحیِا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، تُدھ بِن دوُجا نظر کوئے نہ آئیا۔ پُرکھ اکال کہے سُن شبد گوبِند مار اگمّی جھاکی، جھگڑا دیِن دُنی مُکائیا۔ لیکھا ویکھ پنج تت خاکی، خالص اپنا رنگ رنگائیا۔ امرت جام دے کے ساقی، ساکھیات کرے رُشنائیا۔ جھگڑا رہن نہیں دینا کاغذاتی، الف یے ونڈ نہ کوئے ونڈائیا۔ ایکا نام دسّنا صفاتی، ظاہر ظہوُر کر رُشنائیا۔ نِرگُن دھار بن اِمدادی، مِہر نظر اِک اُٹھائیا۔ آتم پرماتم سب دی ہووے شادی، شادیانے پنچ شبد دُھن شنوائیا۔ تُوں میرا میَں تیرا سب نے لیَنا ارادھی، رادھا کرِشن
سیِس نِوائیا۔ سُرت شبد سچ سمادھی، سیِتا رام سیِس جھُکائیا۔ دُھر دا ڈھولا بودھ اگادھی، بُدھی توں پرے کرے پڑھائیا۔ کرے پرکاش تِنّ سؤ سٹّھ ہاڈی، ناڑ بہتّر ہووے رُشنائیا۔ جوتی جوت سروُپ ہرِ، آپ اپنی کِرپا کر، ایکا دیوے دُھر دا ور، دُھر سندیسہ اِک سُنائیا۔ دُھر سندیسہ اِک سُناواں گا۔ بھیوَ ابھیدا آپ کُھلاواں گا۔ پردہ اوہلا شبد چُکاواں گا۔ کلجُگ انتم ویکھ وکھاواں گا۔ گُر اوتار پَیغمبر نال رلاواں گا۔ وِشن برہما شِو اُٹھاواں گا۔ کروڑ تیتیسا سرب ہِلاواں گا۔ سُرپت راجا اِند در بُلاواں گا۔ حُکم سندیسہ اگلا اِک جناواں گا۔ سَتجُگ ساچا سوادھان کراواں گا۔ آتم دے کے برہم گیان، پردہ انتر انتر اُٹھاواں گا۔ جا کے مات لوک ہو پردھان، پُشت پناہ ہتّھ ٹِکاواں گا۔ کلجُگ کوُڑی کِریا میٹ اگیان، اندھ اندھیرا دوُر کراواں گا۔ سَت دھرم جھُلا نِشان، ستّ دیِپ رنگ رنگاواں گا۔ پڑدا کھول زِمیں اسمان، زِمیں زماں آپ ہو جاوانگا۔ سندیسہ جنا بِنا کان، نادی دُھن شبد شنواواں گا۔ امرت دے پیِن کھان، نِجھر جھِرنا اِک جھِراواں گا۔ اگمّ اگمّڑا بن اِمام، عملاں توں رہت کھیل درساواں گا۔ مذہب دا رہن دینا نہیں کوئی غُلام، شرع زنجِیر آپ کٹاواں گا۔ نِرگُن دھار ہو مِہربان، محبوُب اپنی کل پرگٹاواں گا۔ گُر اوتار پَیغمبر جو دے کے آئے بیان، انتم آسا سب دی پوُر کراواں گا۔ صدی چؤدھویں ویکھ مار دھیان، بِن اکھّاں اکھّ اُٹھاواں گا۔ محمد ہون لگّا حَیران، حَیرانی اگلی دوُر کراواں گا۔ کیوں شرع ہوئی شیَطان، دُھردرگاہی پُچھ پُچھاواں گا۔ کیوں کوُڑ ہویا اِسلام، اِسم اعظم اِک جناواں گا۔ کیوں نوُر ہویا بدنام، بدی گھر گھر پھول پھولاواں گا۔ اگمّی کلمہ دے کلام، کائنات آپ پڑھاواں گا۔ سب دا اِکو ہونا اِمام، آمد وِچ خوشامد سرب مِٹاواں گا۔ اِکو در سجدہ ہوئے سلام، سیِس جگدیِش اِک وکھاواں گا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، دُھر پردہ آپ چُکاواں گا۔ دُھر پردہ انتم چُکیگا۔ پُرکھ اکالا اِکو اُٹھیگا۔ دیِن دَیالا کلجُگ تُٹھیگا۔ کوُڑی کِریا ہر ہِردے وِچوں لُٹیگا۔ نام نِدھان نؤجوان مرد مردان ہر گھٹ اندر آپے سُٹیگا۔ ساچا نام دے کے دان، گرِہ ساچے آپے جھُکیگا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دوارے آپے تُٹھیگا۔ شبد گوبِند کِہا میرے سِری بھگوان، بھگوَن دیاں جنائیا۔ اُٹھ ویکھ لےَ وِچ جہان، جہالت بھری لوکائیا۔ سَت رہیا نہ وِچ اِنسان، پنج تت رہیا کُرلائیا۔ تن وجوُد ہویا حرام، حَیرت وِچ دُہائیا۔ تیرا نظر نہ آوے نام، کام پڑدا لیا پائیا۔ تیری بانی نالوں ودّھ شیَطان،
اپنا حُکم رہیا ورتائیا۔ کیوں نہیں ہُندا پربھوُ سوادھان، اپنی لےَ انگڑائیا۔ اکھّراں دا رہیا نہ کوئے گیان، چار جُگ دے شاستر دین گواہیِا۔ ثابت دِسے نہ کوئے اِیمان، پَیغمبر مُکھ چُھپائیا۔ اُٹھ ویکھ نؤجوان، جودھے اپنا پڑدا لاہیِا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در تیرے آس رکھائیا۔ پُرکھ اکال کہے گوبِند اوہ کتّک ویکھ کرم، سچ دیاں دِرڑائیا۔ ثابت رہیا نہ کوئے دھرم، دھرم دی دھار نہ کوئے جنائیا۔ سَتگُروُ دے گھر ہوئے کِسے نہ جرم، جنم نہ کوئے جنائیا۔ جِدھر تکے اودھر بھرم، بھرماں بھری لوکائیا۔ کوُڑ حیا جگت میٹیا شرم، شرع دئے دُہائیا۔ کوٹاں وِچوں بھگت سُہیلا وِرلا میری لگدا سرن، سرنگت ہتّھ کِسے نہ آئیا۔ اوہ ویکھ شاستر سِمرت وید پُران گیِتا گیان اِنجیِل قرآن سارے پڑھن، پُستک ہتّھاں وِچ اُٹھائیا۔ ذرا نِگاہ مار لےَ تیری میری منزل موُل نہ چڑھن، نؤ دوارے پار نہ کوئے کرائیا۔ من ممتا وِچ سڑن، ہؤمے اگنی تت جلن، کام کرودھ وِچ لڑن، سانتک سَت نہ کوئے کرائیا۔ جھگڑا ویکھ ورن برن، ذات پات دُہائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ اپنا حُکم ورتائیا۔ گوبِند کِہا پربھوُ کی تیرا کتّک کہندا، کہہ کے رہیا سُنائیا۔ میَں دھیان ماریا جِدھر نوُں سوُریہ لہندا، دِشا اکھّ اُٹھائیا۔ عیسیٰ موُسیٰ محمد کھہندا، اَگے ہو نہ کوئے بچائیا۔ اُمت اُمتیاں ڈیرہ ڈھہندا، ڈھئیا گوبِند والا دئے گواہیِا۔ سچ دوار کوئے نہ بہندا، منزل تیری مِلن کوئے نہ آئیا۔ اؤہ ویکھ تیرے حُکم دا وہن وہندا، اَگے ہو نہ کوئے اٹکائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، بھیوَ ابھیدا آپ کُھلائیا۔ کتّک کہے گوبِند میَں کی کہنا، کہہ کی دیاں جنائیا۔ اگلے سمت سب کُچھ ویکھنا نیَناں، نیَن ہیِن نہ رہے لوکائیا۔ نبی رسوُلاں جھگڑا پَینا، پوَن پانی دئے گواہیِا۔ پروردِگار نے لیکھا لیَنا، نہ کوئی میٹے میٹ مِٹائیا۔ تخت نِواسی تخت تے بہنا، نِرگُن اپنا نوُر کرے رُشنائیا۔ اُس دا بھانا سب نوُں پَینا سہنا، سِر سکے نہ کوئے اُٹھائیا۔ سب نے نیتر نیِر وہاؤنا نیَنا، دھیِرج دھیِر نہ کوئے دھرائیا۔ کلجُگ جیِواں لیکھا پَینا دینا، جِنہاں کھادھا سوُر گائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ کتّک کہے گوبِند اپنی پھول کے ویکھ کِتاب، جو بِنا کُتب خانے رکھائیا۔ جِس دا لیکھا جانے کوئے نہ باب، حِصّہ سکے نہ کوئے سمجھائیا۔ اُس دے وِچ لہنا اِک مِتر احباب، محبوُب نوُر اِلاہیِا۔ جِس نے سب توں منگنا جواب، جواب طلبی لئے کرائیا۔ جِس گُر اوتار پَیغمبراں دِتا خواب، مُخاطب ہو کے دئے سمجھائیا۔ جِس نوُں سجدے
کردے آداب، نمستے سیِس جھُکائیا۔ اُس نے سب دی اپنے ہتّھ پکڑنی واگ، واہ واہ اپنا حُکم ورتائیا۔ ایہہ لیکھ لِکھاؤنا چھّبی پوہ تے پہلی ماگھ، کی کرے نوُر اِلاہیِا۔ جِس نے کلجُگ کوُڑی کِریا میٹنا داغ، دُرمت میَل کرے صفائیا۔ سَتجُگ نوُری چند جگائے چراغ، چراگاہاں کرے رُشنائیا۔ کوُڑی کِریا میٹ کے آگ، اگنی تت بُجھائیا۔ گھر میل مِلائے کنت سُہاگ، باہر کھوجن کوئے نہ جائیا۔ سَتجُگ سَت کر آداب، ادب اِکو دئے دِرڑائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک سُنائیا۔ کتّک کہے گوبِند میَں کی دسّاں، خوشی وِچ جنائیا۔ پربھوُ دا کھیل ویکھ کے ہسّاں، ہستی تکّ نوُر اِلاہیِا۔ جیہڑا روُپ بدلدا رہیا کچّھ مچّھاں، جل اسگاہاں وِچ سمائیا۔ پھیر لگا کے باہواں لتّاں، پنج تت ڈگمگائیا۔ پھیر کر کے اپنی ہتا، تن وجوُد گیا چُھپائیا۔ اوہلے ہو گیا دیِن دُنی دیاں اکھّاں، نیتر درس کوئے نہ پائیا۔ سو سوامی سب دا سکھا، سگلا سنگ نِبھائیا۔ جِس نے سَتجُگ تریتا دواپرکلجُگ چلایا رتھا، بن رتھواہی کار کمائیا۔ اوہ ویس بدلے پُرکھ سمرتھا، سوامی اگمّ اتھاہیِا۔ جِس نے سب نوُں دینی نام دی وتھا، وست امولک اِک ورتائیا۔ سَتجُگ ساچی سچ دسّ کے کتھا، کتھنی دا جھگڑا دینا مِٹائیا۔ اِکو مارگ دینا یتھارتھ یتھا، جدی اپنی کار کمائیا۔ جِس کارن گوبِند نے پِٹھ اُٹھایا بھتّھا، چِلّیاّ تیِر کمان سنگ رکھائیا۔ ناتا چھڈ کے تت اٹّھا، نؤ دوار دا ڈیرہ ڈھاہیِا۔ جوتی نوُر جگے لٹ لٹا، نِرگُن جوتی جاتا ڈگمگائیا۔ انت لیکھا مُکاؤنا پتّھر اِٹّاں ، سِل پاہن پوُجن کوئے نہ جائیا۔ اِکو مارگ دسّنا سچّا، سَت سچ درسائیا۔ تن وجوُد کعبہ مکّہ، مقبریاں دا جھگڑا دینا مُکائیا۔ سچ سریِر وجوُد دسّنا مندر مٹھا، شِودوالا اِک دِرڑائیا۔ ایہو گُروُدوارا حقا، جِس دی امرداس دئے گواہیِا۔ اَگے فرق رہے نہ رتا، رتن امولک ہیِرے گُرمُکھ لئے پرگٹائیا۔ جِنہاں دے انتر دیوے نام دی ستّا، سَت ستوادی رنگ رنگائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، دیونہار تیری سرنائیا۔ کتّک کہے گوبِند یاد کر پِچھلا وقت، بے وقت دیاں دِرڑائیا۔ کی سندیسہ دِتا جگت، جاگرت جوت کر رُشنائیا۔ گُرمُکھاں توں بناؤنے بھگت، بھگوَن نال مِلائیا۔ آتم پرماتم ناتا جوڑنا میری شرط، شرع دا لیکھا دینا چُکائیا۔ میَں عرش توں آواں اُتے فرش، فَیصلہ حق سُنائیا۔ غریِب نِمانیاں اُتے کر کے ترس، مِہر نظر اِک اُٹھائیا۔ جِس کارن آئیوں پرت، پت پرمیشور نال مِلائیا۔ بھاگ لگا دے اُپر دھرت، دھرنی دھؤل دھوَل راہ تکائیا۔ سب دی پوُری کر دے شرط،
شہنشاہ تیرے ہتّھ وڈیائیا۔ پوُرب رہے کِسے نہ قرض، مقروُض دینا چُکائیا۔ اِکو نام تے اِکو طرز، اِکو ڈھولا دینا سُنائیا۔ تیرے مِلن دی اِکو غرض، دوُجی آس نہ کوئے رکھائیا۔ تیرا کھیل ہووے اسچرج، شاستر سِمرت وید پُران سمجھ کِچھ نہ پائیا۔ غریِب نِمانیاں کوجھیاں کملیاں ونڈ درد، دیناں اناتھاں ہو سہائیا۔ تُوں جودھا سوُربیِر مردانہ مرد، تُدھ بِن دوُجا نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در ٹھانڈے منگ منگائیا۔ کتّک کہے میرا کرم سَتگُر شبد دھار چنگا، سَت سچ دِرڑائیا۔ کُچھ لیکھ لِکھیا جِس ویلے چھڈیا پُری انندا، انند جگت والا تجائیا۔ سندیسہ سُنیا پُرکھ اکال سندا، ویلا سندھیا دئے گواہیِا۔ گوبِند تیرا نام دھار گنگا، گوداوری جمنا سُرستی تیرا چرن چھوُہ کے جھٹ لنگھائیا۔ تیرا پریم پیار بندگی والا بندہ، بندھن رہے نہ رائیا۔ انت پُرکھ اکال لاؤنا انگا، انگیکار اِک اکھوائیا۔ جِس کارن تَینوُں اِکیاں دندیاں والا بخشیا کنگھا، دو اِک دا جوڑ جُڑائیا۔ جِس ویلے کلجُگ انتم آیا کنڈھا، چاروں کُنٹ اندھیرا چھائیا۔ جگت جہان ہویا رنڈا، آتم سیج نہ کوئے سُہائیا۔ تیریاں سِکھاں تیرے دوارے کرنا دنگا، جھگڑے وِچ کُرلائیا۔ ثابت رہنا نہیں دال منڈا، پریم پریِتی رنگ نہ کوئے رنگائیا۔ گُروُدواریاں وِچ کُکرم ہونا گندہ، ناری نر اِک دوُجے ولّ تکائیا۔ تیرا بھےَ نہیں رہنا انتم کھنڈا، کھڑگ کمّ کِسے نہ آئیا۔ گوبِند ہسّ کے کِہا ایہہ وی کھیل پربھوُ تیرے سنگا، تیری بےپرواہیِا۔ اِک منگ اگمّی منگاں، دوئے جوڑ سیِس نِوائیا۔ جے تُوں اپنا سُت بنایا اَگے نوُری بنائیں چندا، دو جہان کراں رُشنائیا۔ اپنے نال پائیں گنڈھا، نِرگُن سرگُن سکے نہ کوئے کُھلائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، وست امولک اِک ورتائیا۔ گوبِند کِہا میرے صاحِب سوامی انتر، انتشکرن دیاں بدلائیا۔ تیرا کھیل ویکھنا نِرنتر، نِرنکار تیری وڈیائیا۔ جِس ویلے گوبِند دھار نام چلیا منتر، منتوَ تیری جھولی پائیا۔ پھیر بناواں اپنی نویِں بنتر، روُپ انوُپ پرگٹائیا۔ ہتّھ اُٹھاؤنا کوئے نہ شستر، چِلیہ تیِر کمان کھڑگ نہ کوئے سُہائیا۔ تن پہناں کوئے نہ بستر، کلغی توڑا نہ کوئے چتُرائیا۔ ویکھاں کھیل گگن گگننتر، برہمنڈ کھنڈ پڑدا لاہیِا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در تیرے جھولی ڈاہیِا۔ گوبِند کِہا جِس ویلے کل ہووے اندھیرا، کل کلکی ویس وٹائیا۔ شبدی سَتگُر ماراں پھیرا، ویکھاں تیری خلق خُدائیا۔ تُوں گُروُ تے میَں چیرا، پُرکھ اکال تیری بےپرواہیِا۔ ناؤں گاؤنا تیرا میرا، مورا تورا بھیوَ رہے نہ رائیا۔ جھگڑا رہے
نہ مندر دِہُرا، مسیِت چرچ نہ کوئے وڈیائیا۔ اِکو سسّے اُپر لاؤنا ہوڑا، نِرگُن سرگُن کار کمائیا۔ ہاہے ٹِپی جوڑ جوڑا، ہنگ برہم تیری وڈیائیا۔ آتم پرماتم دوہاں دی پوُری ہووے لوڑا، لوڑیِندا سجّن مِل کے وجےّ ودھائیا۔ کلجُگ انتم بھگت بھگوان دا رہے جوڑا، گُر چیلے بَیٹھن مُکھ چُھپائیا۔ ایہہ سماں وقت میرے ڈھئیے توں بعد تھوڑا، تھوڑا تھوڑا سمجھائیا۔ چاروں کُنٹ پھیر کے گھوڑا، نِیلے والے نِیلے توں پرے دِتا درسائیا۔ اُس ویلے پربھوُ دیِناں مذہباں نوُں جواب دینا کورا، گُر اوتار پَیغمبراں دینا سُنائیا۔ اَگے تُہاڈی رہے نہ لوڑا، کلجُگ انتم ہوئے صفائیا۔ میَں اِکو سُت دُلارا تیرا بانکا چھوہرا، شہنشاہ تیرا حُکم سُنائیا۔ جِس دے اَگے چلے کِسے نہ زورا، جوروُ زر سیِس جھُکائیا۔ سب دی شبدی دھار آتم پکڑاں ڈورا، ڈؤروُ ڈنک تیرا نام وجائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ ملِے سرنائیا۔ گوبِند کہے پربھوُ میرا اِکو دعوا، دعوے نال جنائیا۔ تیرے نال ترازو کرنا ساواں، سچ سچ تیری سرنائیا۔ کلجُگ جیِواں ہنس بناواں کاواں، کاگوں ہنس اُڈائیا۔ لاڈ لڈاؤنا جِؤں پُتراں ماواں، پِتا پوُت گود اُٹھائیا۔ گُرمُکھ چُکنے اپنیِاں باہواں، بُھجاں لَواں سُہائیا۔ نِرگُن دھار ہو کے آواں، شبدی روُپ بدلائیا۔ انتم سب دے نال لیَنیاں لاواں، آتم پرماتم سنگ رکھائیا۔ گُرمُکھ ویکھنے نال چاواں، چاؤ گھنیرا اِک جنائیا۔ سدا رکھنیِاں ٹھنڈیاں چھاواں، چھہبر اپنا نام لگائیا۔ بِن بھجن بندگیِوں پار کراواں، چؤراسی وِچ نہ کوئے بھوائیا۔ کلجُگ ساگر پار کراواں، منجھدھار نہ کوئے رُڑھائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، ہرِ کرتا اگمّ اتھاہیِا۔ کتّک کِہا گوبِند کوَن وقت سُہنجنا، سچ دے درسا۔ کی کھیل کرے درد دُکھ بھےَ بھنجنا، پربھ داتا بے پرواہ۔ جِس ویلے کلجُگ سماں لنگھنا، کوَن نوُر ہووے رُشنا۔ کوَن بنے ساچا سجّنا، دُرمت میَل دئے دھوا۔ گوبِند کِہا کتّک ایکا شبد گُروُ نے گجّنا، تتاں والا گُروُ رہے کوئے نہ۔ جِتھے پُرکھ اکال دا جوتی دیِپک جگنا، اوہ سمبل سُہاوے تھاں۔ ساڈھے تِنّ ہتّھ نگارہ وجّنا، ڈنکا اِکو دیاں جنا، جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ داتا بے پرواہ۔ گوبِند کہے کتّک اوہ ہونی رُت سُہاؤنی، سوہنی ملِے وڈیائیا۔ پُرکھ اکالے جوت جگاؤنی، نِرمل نوُر نوُر رُشنائیا۔ گُر اوتار پَیغمبراں آس پوُر کراؤنی، پوُرن برہم جنائیا۔ کلجُگ کوُڑی کِریا آپ مِٹاؤنی، میٹنہار ویکھ وکھائیا۔ صدی چؤدھویں لیکھے لاؤنی، محمد آسا دئے دُہائیا۔ صدی ویہویں کھیل کھِلاؤنی، عیسیٰ نیَناں رہیا تکائیا۔ موُسیٰ
دھار آپ جگاؤنی، مُسلسل اپنی کار کمائیا۔ جوتی جوت سروُپ ہرِ، آپ اپنی کِرپا کر، سچ دا مالک اِک اکھوائیا۔ سمت شہنشاہی پنج کہے جگ آیا کتّک مہیِنہ، مہا منت گرنتھ سکے نہ کوئے سمجھائیا۔ جِس ویلے کھیل ویکھنا لوک تیِنا، ترےَگُن اتیِتا دئے جنائیا۔ کُچھ جھگڑا ہونا روُسا چیِنا، چار کُنٹ کُنٹ کُرلائیا۔ کلجُگ ٹھانڈا کرے کوئے نہ سیِنہ، اگنی تت نہ کوئے بُجھائیا۔ ہرِ کا نام رِدے کوئے نہ چیِنا، چِنتا چِکھا دوُر نہ کوئے کرائیا۔ سرِشٹی درِشٹی ہوئے غمگینا، غم خوار نہ ملِے دُھر دا ماہیِا۔ رنگ چاڑھے نہ کوئے نویِنا، نوَ نؤ چار پندھ مُکائیا۔ سچ سندیسہ دِتا گوبِند جِس ویلے ہتّھ رکھیا اُپر زیِنہ، پاکھر پہلی وار نِیلے اُتے ٹِکائیا۔ جگت جیو جہان دھرم دی دھار ہونا کمیِنہ، شاہ شاہکار روُپ نہ کوئے دھرائیا۔ کوٹاں وِچوں گُرمُکھ ملِے نہ کوئے نگیِنہ، جِس اُتے نِگاہ گوبِند لئے ٹِکائیا۔ اُس ویلے میرے صاحِب آؤنا پربیِنا، پاربرہم پت پرمیشور اپنا پھیرا پائیا۔ جِس پرگٹ ہونا اُتے زمیِنا، دھرنی دھرت دھوَل دھؤل کرے رُشنائیا۔ جِس دی اِکو منزل تے اِکو زینہ، اِکو مندر دئے وکھائیا۔ جِتھے جھگڑا نہیں نر مدیِنا، آتم پرماتم مِل کے وجےّ ودھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک سُنائیا۔ سمت پنج کہے میَں آیا مات لوک جگ، جگت دیاں جنائیا۔ بِنا شبد گُروُ توں کِسے نہیں بُجھانی اگّ، اگنی تت نہ کوئے گوائیا۔ منزل مِلنی نہیں اُپر شاہ رگ، شہنشاہ درس کوئے نہ پائیا۔ بِنا مُرشد مُریِداں کرنا حج، کایا کعبے ملِے نہ نوُر اِلاہیِا۔ جِس نے چار جُگ دے اوتار لینےَ سدّ، پَیغمبراں جوڑ جُڑائیا۔ سچ دسّو تُساں مِل کے رہنا کہ اڈّ، وکھّو وکھّرا در سُہائیا۔ اوس ویلے سب نے کہنا پربھوُ اپنا دھرم نِشانہ گڈّ، گائیڈ گؤڈ گُڈ اِکو نظری آئیا۔ ساڈی رہی نہ کوئی حد، دیِن مذہب گئے تجائیا۔ تُوں وِشوَ دھار وِشوَ تیری جدّ، آد انت اِک اکھوائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، دُھر فرمانا اِک سُنائیا۔ کتّک کہے سمت پنج انت مار لےَ جھاکی، مات لوک دھیان لگائیا۔ سمت پنج کِہا آہ ویکھ میرے کول گوبِند والی پاتی، پترکا دیاں وکھائیا۔ جِس دا لیکھ لِکھیا اُپر چھاتی، تُوں میرا میَں تیرا دوُجا نظر کوئے نہ آئیا۔ پربھوُ جِس ویلے کلجُگ انتم بن کے آویں کملاپاتی، پت پرمیشور روُپ وٹائیا۔ میَں شبد گُروُ تیرا ہوواں ساتھی، سگلا سنگ بنائیا۔ دوہاں نے اِک دوُجے دی منّنی آکھی، آخر اِکو رنگ رنگائیا۔ جیہڑا پنتھ سجایا اِک ستّ پنج چھ دی وساکھی، انت میَنوُں ایہہ وی وِسر جائیا۔ میری منزل چڑھے کوئے نہ گھاٹی، در تیرا نہ کوئے سُہائیا۔ پھیر دوہاں نے کھیل
کرنا لوک ماتی، متا شبد جوت پکائیا۔ کلجُگ کوُڑی کِریا میٹ اندھیری راتی، سَتجُگ سچ چند چمکائیا۔ سچ سُنیہڑا دینا آکھی، دُھر سندیسہ نام سُنائیا۔ جن بھگتو پُرکھ اکالا دیِن دَیالا آد جُگاد سب دا ساتھی، سگلا سنگ بنائیا۔ جِس دا اِک دوارا اِک ہاٹی، ونج ونجارا اِک ہو جائیا۔ اِکو نام بھنڈارا دیوے داتی، دَیاوان آپ ورتائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، دُھر دا پردہ آپ اُٹھائیا۔ پاتی کہے کی میرے وِچ لِکھیا، اکھّر دین گواہیِا۔ گوبِند گوبِند دِتی سِکھیا، گوبِند گوبِند جنائیا۔ بِنا گوبِند توں گوبِند کرے کِسے نہ ہِتیا، گوبِند میل نہ کوئے مِلائیا۔ کلجُگ انتم کھیل ابناشی اچُتیا، پاربرہم پربھ اپنی کار کمائیا۔ صدی چؤدھویں پَینڈا جاندا مُکیا، مُکمل پَیغمبر دھیان لگائیا۔ لیکھا رہن نہیں دینا جگت لُکیا، حُکم دُھر دا اِک سُنائیا۔ اِکو جودھا سوُر اُٹھیا، شبد گُروُ بلدھاری نظری آئیا۔ جو پربھ دے حُکم اندر جُٹیا، جٹا جوُٹاں کرے صفائیا۔ لہنا مُکائے عیسیٰ موُسیا، محمد لیکھا جھولی پائیا۔ جوتی جوت سروُپ ہرِ، آپ اپنی کِرپا کر، سد اپنا حُکم ورتائیا۔ سچ حُکم سُنو پربھ سوامی، ہرِ کرتا آپ جنائیا۔ پُرکھ اکالا انترجامی، پردہ رہیا چُکائیا۔ سَتجُگ دی سچّی بانی، بان انیالا تیِر لگائیا۔ جھگڑا مُکنا چارے کھانی، انڈج جیرج اُتبُھج سیتج لیکھا رہے نہ رائیا۔ امرت دینا ٹھنڈا پانی، نِجھر جھِرنا اِک جھِرائیا۔ سَتگُر شبد کہے جن بھگتو ویکھنا کھیل مہانی، ہرِ کرتا آپ دِرڑائیا۔ منزل رہے نہ کِسے روُحانی، روُح بُت دین دُہائیا۔ جوتی جوت سروُپ ہرِ، آپ اپنی کِرپا کر، سد اپنا گھر وسائیا۔ کتّک کہے جن بھگتو دسّاں اِک وِچار، وِچر کے دیاں سُنائیا۔ کھیل کرے ہرِ داتار، دَیاوان وڈیائیا۔ سب نے رہنا ہوشیار، من ممتا موہ گوائیا۔ کرنا اِک پیار، ایکنکار سچّی سرنائیا۔ شبد گُروُ سِکدار، جُگ جُگ حُکم منائیا۔ صدی چؤدھویں کرے خبردار، بےخبراں آپ اُٹھائیا۔ پُرکھ اکال دا لگّنا اِک دربار، درباری سوہنے سوبھا پائیا۔ اوہناں دے گل وِچ تِنّ تِنّ پاؤنے ہار، تِنّاں رنگاں رنگ رنگائیا۔ لال رنگ لگّا ہووے بِندی روُپ دستار، مستک ساہمنے سوبھا پائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا رنگ اِک رنگائیا۔ کتّک کہے درباری پنجے کِسے آئیو وِچ نہ دبےّ، دبدبا نظر کوئے نہ آئیا۔ بھگت سُہیلے بن کے سبے، سبھا اپنی لیَنی بنائیا۔ اِکو نوُر جوت جگے، جاگرت جوت ہووے رُشنائیا۔ ساریاں رہنا اِک دوُجے دے سجےّ کھبےّ، اَگے قدم نہ کوئے ٹِکائیا۔ نام ڈوری وِچ رہنا بدھےّ، پیِا پریِتم دھیان رکھائیا۔ ویکھیو چھّبی
پوہ دی رَین بھگتاں مِلدے مزے، مذاق ہووے جگت لوکائیا۔ ایہہ لیکھا دسّنا تھوڑا جِہا اجےّ، جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ہرِ سچ دا حُکم اِک ورتائیا۔ حُکم کہے میَں حُکم اگمّا، من مت بُدھ نہ کوئے چتُرائیا۔ کِسے جننی کُکھ وِچوں نہ جمّا، تن وجوُد نہ کوئے رکھائیا۔ نہ کوئے لالچ نہ کوئے طمع، تمنّا وِچ نہ کوئے دُہائیا۔ نہ کوئے ہرکھ سوگ غما، چِنتا چِکھا نہ کوئے جلائیا۔ میَں تکدا کوَن ویلا میرے پُرکھ اکال دا آوے سماں، سماپت ہووے کوُڑ لوکائیا۔ جھگڑا میٹے کایا چمّا، چمّ درِشٹی ڈیرہ ڈھائیا۔ اِکو نام پوَن سواس جنائے دمہ، دامنگیِر آپ اکھوائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، دُھر پردہ آپ اُٹھائیا۔ پردہ کہے میَں جانا اُٹھ، لوک مات رہن نہ پائیا۔ صاحِب سَتگُر جانا تُٹھ، مِہربان مِہر نظر اُٹھائیا۔ جِس نے دسّنی آتم پرماتم اِکو تُک، تُوں میرا میَں تیرا سچ پڑھائیا۔ انتم بدل کے اپنا رُخ، رستہ اوَر رہیا جنائیا۔ پُرکھ اکالا جمّیا کِسے نہ کُکھ، جننی گود نہ کوئے ٹِکائیا۔ اُلٹا گربھ نہ ہویا رُخ، دس دس ماس نہ اگن تپائیا۔ پنج بھوُت نہ بنیا منُکھ، ہتّھ پَیر نہ کوئے وڈیائیا۔ پِتا گود نہ بَیٹھا پُت، تن وجوُد نہ کوئے رکھائیا۔ اپنی آپ سُہائی رُت، رُتڑی آپ مہکائیا۔ کر پرکاش ابناشی اچُت، چاروں کُنٹ کرے رُشنائیا۔ کوُڑی کِریا میٹ کے دُکھ، دردیِاں ہوئے سہائیا۔ جن بھگتاں اُجل کر کے مُکھ، دُرمت میَل دھوائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ سمت پنج کہے میَں پِچھا دِتا چھڈ، اَگے دیاں جنائیا۔ جن بھگتو دھرم دی دھار کوُڑی کِریا نالوں ہو جاؤ اڈّ، وکھّرا گھر سُہائیا۔ جِتھے دیِن مذہب دی نہیں کوئی حد، اوہ دوارا اِکو سوبھا پائیا۔ اِک دوُجے نوُں لؤ سدّ، صدقے واری گھولی گھول گھُمائیا۔ خوشیاں وِچ گاؤ سد، تُوں میرا میَں تیرا اِکو دُھر دا راگ الائیا۔ نام خُماری پیِؤ مد، مدُھر دُھن سُنو چائیں چائنیا۔ چھّبی پوہ نوُں ہرِ سنگت آؤنا سج، سجّن ویکھنا دُھردرگاہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ سمت شہنشاہی پنج کہے پنجاں گُرمُکھاں کول ہووے پنچم دھار، پرپنچ نظر کوئے نہ آئیا۔ اوہناں دی چھاتی تے لِکھیا ہووے سنسار، سنساری بھنڈاری سنگھاری ویکھن تھاؤں تھائنیا۔ اوہ چلن وِچ اِک قطار، اَگے پِچھے قدم نہ کوئے اُٹھائیا۔ کھبّا ہتّھ رکھیا ہووے اُپر دستار، نؤ گیاراں قدم چل کے پھیر ہیٹھاں لیَن کرائیا۔ مُکھوں کہن ستھر ویکھیا یار، یارڑا گیا ہنڈھائیا۔ ایہہ کھیل سچّی سرکار، ہرِ کرتا آپ وکھائیا۔ لہنا چُکنا بھگت دوار،
بھگوَن اپنا پڑدا لاہیِا۔ جوتی جوت سروُپ ہرِ، آپ اپنی کِرپا کر، سد اپنی کار کمائیا۔ چھّبی پوہ کہے میَں دینی شاباش، دُھر دا حُکم سُنائیا۔ پنجاں گُرمُکھاں اندر رکھی ہووے آس، پربھ مِلنا دُھردرگاہیِا۔ اوہناں دی اِکو ہووے ذات، دوُجی ونڈ نہ کوئے ونڈائیا۔ ہتّھ وِچ پھڑی ہووے قلم دوات، کاغذ کورے نال سُہائیا۔ ایہدا لیکھا دسّنا چھّبی پوہ دی رات، رَین بِھنڑی دئے گواہیِا۔ کیوں پُرکھ اکال پرگٹ ہویا لوک مات، دھرنی دھرت دھوَل ویس وٹائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک سُنائیا۔ سمت کہے میَنوُں آیا یاد پِچھلا ویلا، وقت نال جنائیا۔ نِرگُن دھار کی کھیل کھیلا، کلجُگ انتم لئے انگڑائیا۔ کی لہنا ہونا گُروُ گُر چیلا، چیلا گُر دھار دینی سمجھائیا۔ صدی چؤدھویں انتم ویکھنا میلا، ویکھنہار نوُر اِلاہیِا۔ مِتر دِسے نہ کوئے سجّن سُہیلا، سنگی سنگ نہ کوئے نِبھائیا۔ پنجاں گُرمُکھاں گل وِچ پائیاں ہون ہمیلاں، گھُنگروُ پھڑ کے دین چھنکائیا۔ مُکھوں کہن کلجُگ انتم جانا دھرم رائے دی جیلا، بِنا شبد گُروُ توں ہوئے نہ کوئے سہائیا۔ ایہہ سنسار کوُڑی کِریا دا بیلا، جنگل جوُہ نظری آئیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک سُنائیا۔ حُکم کہے پربھ حُکم اپارا، اپرمپر رہیا جنائیا۔ جِس نے کھیل کرنا وِچ سنسارا، سنسا اوَر رہے نہ رائیا۔ نِرگُن دھار لئے اوتارا، جوتی جوت ڈگمگائیا۔ کھیلے کھیل اگمّ اپارا، الکھ اگوچر دُھردرگاہیِا۔ جو گوبِند دے کے گیا اِشارہ، اگمّی رمز نال جنائیا۔ ماجھے وِچوں اُنّی گُرسِکھ جِنہاں سجےّ کھبےّ بنّھیاں ہون دستاراں، دست لال رنگ رنگائیا۔ اوہ مارن دُھر دا نعرہ، اُچی کوُک کوُک سُنائیا۔ ایہو نوُر اگمّی چؤویِاں اوتارا، اِمام اِماما سوبھا پائیا۔ جِس نوُں اوتار پَیغمبر گُر کردے نِمسکارا، سجدیاں وِچ سیِس جھُکائیا۔ اوہ کھیل کرے نیارا، نِراکار اپنا پڑدا لاہیِا۔ جِس دا روُپ بدلیا دوبارہ، سرگُن نِرگُن اپنا کھیل وکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا لیکھا دئے دِرڑائیا۔ سمت پنج کہے میَں سچ دِرڑاواں گا۔ جن بھگتو درِڑھ وِشواس، آپ کراواں گا۔ ذرا ویکھیو اُپر پرِتھمی آکاش، اکل کل دھاری نال رلاواں گا۔ تُسیں اوس دے اوہ تُہاڈا رہے داس، داسی داس روُپ جناواں گا۔ آتما پرماتما وسنا اِک دوُجے دے پاس، پاسا دِوس رَین نہ کدے پرتاواں گا۔ جن بھگتو تُہانوُں پربھ دی کرنی نہ پئے تلاش، جنگلاں جوُہاں وِچوں باہر کڈھاواں گا۔ جو مالک تُہاڈا خاص، خالص تُہاڈے گھر وکھاواں گا۔ جِس نوُں جھُکدے پرِتھمی آکاش، گگن گگننتر
لیکھ مُکاواں گا۔ جوتی جوت سروُپ ہرِ، آپ اپنی کِرپا کر، تُہاڈے لیکھےلاوے سواس سواس، ساہ ساہ ساچا رنگ رنگاواں گا۔ چھّبی پوہ کہے کتّک تُوں دسّی نہیں کہانی، کیوں بَیٹھا مُکھ چُھپائیا۔ کی پربھوُ نے نویِں دسّنی بانی، جیہڑی چار جُگ نہ کِسے لِکھائیا۔ سمجھنی نہیں وِچوں کِسے چار کھانی، عقل بُدھی چلے نہ کوئے چتُرائیا۔ جن بھگتو اِکو وار تُہانوُں امرت آتم دینا پانی، نِجھر جھِرنا دینا جھِرائیا۔ آتما پرماتما بنا کے ہانی، سُرتی شبد نال جُڑائیا۔ تُہاڈا جھگڑا رہن نہیں دینا جِسمانی، جِسم ضمیِر دینا بدلائیا۔ منزل دسّ اِک آسانی، اصل وصل دینا کرائیا۔ گُرمُکھو گُروُ پِچھے گُرسِکھ نوُں دینی نہ پئے قُربانی، سَتگُر شبد سدا سدا سِر اپنا ہتّھ ٹِکائیا۔ جد دیوے تے گُرمُکھاں نوُں پریم دی نِشانی، نِشانہ دھرم دا دئے جھُلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی کرنی کار کمائیا۔ چھّبی پوہ کہے کتّک کیوں آلس نِندرا وِچ سویا، سُتیا لےَ انگڑائیا۔ پُرکھ اکال آد انت نواں نروآ، نر نرائن اِکو روُپ سمائیا۔ جِس دا بیِج کِسے نہ بویا، جمّن والی کوئے نہ مائیا۔ اپنے ورگا اوہ آپے ہویا، دوُجا روُپ نہ کوئے درسائیا۔ جِس نے کھیل کرنا پرے تریَلوآ، تریَلوکی ناتھ جھُک جھُک لاگن پائنیا۔ جگت جہان انتر دھیان جانا موہیا، مُحبّت اپنے نال رکھائیا۔ دوُجا دِسے اوَر نہ کوئیا، دوَیتی ونڈ نہ کوئے ونڈائیا۔ ایکا شبد دھاگے جیو جہان جانا پروئیا، پروہتاں دی لوڑ رہے نہ رائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا مالک اِک اکھوائیا۔ چھّبی پوہ کہے کتّک کی کرم کانڈ دا جھگڑا، جُگ جُگ گرنتھاں دِتا سُنائیا۔ کُچھ بھیت دسّ اگلا، کی پربھ جوُ کھیل کھِلائیا۔ ویکھیں بنیں نہ بپڑا بغلا، باہروں روُپ وکھائیا۔ پِھریں نہ جوُہاں جنگلاں، ٹِلّے پربت کھوج کھوجائیا۔ بجھّ نہ جائیں شرع والے سنگلا، ناتا جانا تُڑائیا۔ کیوں نانک نیِتی دسّ کے گیا ہو کے کنگلا، غریِب نِمانا اپنا ویس وٹائیا۔ جگت جہان رہے نہ اندھلا، نیتر لوچن نیَن اکھّ کُھلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ سندیسہ نر نریشا اِکو اِک سُنائیا۔ کتّک کہے میَں ویکھیا دیِن دُنی دا کتا، چاروں کُنٹ دھیان لگائیا۔ ساچا نظر نہ آیا ہِتا، ہِتکاری روُپ نہ کوئے درسائیا۔ مان ہنکار وِچ ویکھیا وڈّا نِکاّ، ہؤمے گڑھ نہ کوئے تُڑائیا۔ امرت رس نہ مِلیا مِٹھا، وِکھ کوُڑ بھری لوکائیا۔ ساچا در کِسے نہ ڈِٹھا، دھرم دوار رہے کُرلائیا۔ پُرکھ اکال نوُں چھڈ کے سرِشٹی منّدی پتّھر اِٹّاں ، پاہناں سیِس نِوائیا۔ انت سب دا کاغذ کورا تے لیکھا چِٹّا، پربھ دے لیکھے وِچ کوئے نہ آئیا۔ صدی
چؤدھویں انت اَخیِر بے نظیِر سب دا کڈھنا سِٹا، سِٹےبازی دا لہنا سب دی جھولی پائیا۔ کیوں چھّبی پوہ نوُں گُر اوتار پغمبراں دے جرم کرم دا لےَ کے آؤنا چِٹّھا، دیِن مذہب دا لیکھا دینا جنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ پڑدا اوہلا دئے اُٹھائیا۔ چھّبی پوہ کہے کتّک کُچھ دسّ دے ہور، اَگے تو اَگے دھیان لگائیا۔ کتّک کہے میَں کی دسّاں جِدھر تکاں سارے دِسن چور، ٹھگّی پربھ دے نال کمائیا۔ رسنا نام جپدے انتر کٹھور، کام کرودھ لوبھ موہ ہنکار وِچ ہلکائیا۔ سُرتی شبد سکے نہ کوئے جوڑ، آتم پرماتم رنگ نہ کوئے رنگائیا۔ من واسنا کام کلپنا اِستری پُرش کی جگت والی لوڑ، لوڑیِندا ساجن ہتّھ کِسے نہ آئیا۔ کتّک کہے صدی چؤدھویں دے منُشاں نالوں چنگے ڈھور، جو کھا پی کے پربھ دا شُکر منائیا۔ چھّبی پوہ کِہا دسّ ہور، ہور دے سمجھائیا۔ کتّک کہے جن بھگتاں پربھوُ جانا بہُڑ، بہُڑ گلے لگائیا۔ اِکو منزل اِکو دوارا اِکو نام لگا کے پؤڑ، پاربرہم پربھ اپنا گھر وکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا میلا لئے مِلائیا۔ پوہ کہے سمت شہنشاہی پنج پنچ، پنچم دے سمجھائیا۔ سرِشٹی ویکھنی کایا کنچ، کنچن گڑھ پھول پھولائیا۔ کی دھرم دا ویکھنا منچ، کی کوُڑی کِریا سِنگھاسن رہی جمائیا۔ جاں تکیا سَت دی دھار رہی کوئی نہ انش، بنس سربنس نہ کوئے وڈیائیا۔ کلجُگ کوُڑ کُڑیارا جِس من ہنکاری کیِتا کنس، جوتی جوت سروُپ ہرِ، آپ اپنی کِرپا کر، دیونہارا دُھر دا ور، ور داتا اِک اکھوائیا۔ کتّک کہے اؤہ کلجُگ آ گیا نَٹھا، اپنا پندھ مُکائیا۔ سب نوُں کردا ٹھٹھا، ٹُھٹھا رہیا وکھائیا۔ بھاویں کوئی اوتار پَیغمبر گُر پربھ دا بن کے آیا پٹّھا، اپنا بل دھرائیا۔ میَں سب دا لیکھا مُکاؤنا اِکٹّھا، اِکٹّھیاں دیاں جنائیا۔ جا کے ویکھو دیِن مذہباں وِچ پایا رٹّا، جھگڑا سکے نہ کوئے چُکائیا۔ دھوُڑی خاک چھار اُڈدی گھٹّا، اندھ اندھیر سکے نہ کوئے مِٹائیا۔ اوہ محمدا ویکھ لےَ تیری صدی چؤدھویں دا پوُرا ہون والا پٹا، پٹنے والا دئے گواہیِا۔ تُہاڈے ساریاں دے بدلے اِکو شبد گُروُ دا وٹّا، تتاں دا لیکھا دینا مُکائیا۔ تُہاڈی قیِمت پےَ گئی ہٹّاں وِچ ٹکا، ٹکیاں اُتے تُہاڈا نام وِک کے تُہاڈا روُپ گیا بدلائیا۔ ذرا ویکھو وڑ کے وِچ تت اٹّھاں، نؤ دوارے کھوج کھوجائیا۔ سب دا چیِتھڑ پُرانا پھٹا، انتر رنگ نہ کوئے رنگائیا۔ نہ کوئی سِکھیا رہی نہ کوئی دھرم دھار دی متا، من مت چارے کُنٹ ہوئی ہلکائیا۔ نہ کوئی دھیِرج رہی نہ کوئی جتا، سَت سنتوکھ نہ کوئے وکھائیا۔ گُر اوتار پَیغمبرو اپنی دُنیا ویکھو رتا، رتن امولک ہیِرا نظر کوئے نہ آئیا۔ کِدھر گئے
تُہاڈے راگ چھتّی چھتا، شہنشاہ میل نہ کوئے مِلائیا۔ کِدھر گئے سپارے تیس بتیِس بتّا، بتّی دند صِفت صالاحیِا۔ کِدھر گئے دھیائے دس اٹّھا، اٹّھ دس نال وڈیائیا۔ کِدھر گئے سلوک چار لکھّ ستاراں ہزار اٹھاراں پُران کیِتیاں اِکٹّھا، اِکٹّھیاں دا روُپ نظر کوئے نہ آئیا۔ کیوں کِدھر گیا تُہاڈا مارگ وکھا، وکھّری وکھّری کار کمائیا۔ انتم ویکھو سارے اپنیِاں اکھّاں، بِن اکھّاں نیَن اُٹھائیا۔ باہروں تُہانوُں سارے ٹیکدے متھا، جھُک جھُک لاگن پائنیا۔ کیوں تُہاڈا نوُر ظہوُر کِسے اندر نہیں وسا، واسطہ اپنے نال جُڑائیا۔ ماجھے والیو چھّبی پوہ نوُں اِکّی ہتّھ دا لےَ کے آؤنا رسّا، رستہ سب دا صاف دئے کرائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا مارگ اِک جنائیا۔ کتّک کہے چھّبی پوہ اؤہ بل باوَن دی ویکھ دھار، رِشیاں نال جنائیا۔ کراں خبردار، سندیسہ دیواں دُھردرگاہیِا۔ کی کرِشن کیِتا وِچار، کاہن ارجن گیا دِرڑائیا۔ کُروکُشیتر کھول کواڑ، پڑدا دِتا اُٹھائیا۔ اُنی اِکّی دے ادھار، بیِس وِچوں گیا چُھپائیا۔ سرگُن توں زیِرو صِفر روُپ سنسار، کرتار صِفرے وِچ سمائیا۔ جِس کھیل کرنا اپار، اپرمپر اپنا ویس وٹائیا۔ کل کلکی لئے اوتار، نِرگُن نوُر کرے رُشنائیا۔ گوبِند شبد ہووے سِکدار، دُھر فرمانا حُکم جنائیا۔ پوُرب لیکھا لئے اُدھار، پِچھلا کھوج کھوجائیا۔ جوتی جوت سروُپ ہرِ، آپ اپنی کِرپا کر، سچ کرنی کار کمائیا۔ کتّک کہے کرِشن ہلائی اپنی اُنگل، چکّر سُدرشن نال گھُمائیا۔ پھیر اپنا انگوُٹھا لگّا چمُّن، چوُس چوُس دِتا وکھائیا۔ پھیر جامے نوُں پا کے گُنجھل، وٹ دِتا چڑھائیا۔ پھیر مستی وِچ لگّا اوُنگھن، نیَن بند کرائیا۔ پھیر ہنجھوُ لگّا پوُنجھن، نیَناں نیر کر صفائیا۔ پھیر بن کے مدُھسوُدن، سِر اپنا دِتا ہِلائیا۔ پھیر بھیوَ کھول کے گوُجھن، ارجن دِتا اُٹھائیا۔ اؤہ ویکھ گوبِند دے بچےّ لگّے جھوُجن، کلجُگ انتم دئے دُہائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی کرنی کار کمائیا۔ کتّک کہے میَں ویکھے رِشی تیراں سؤ ستاسی، بل باوَن دھیان لگائیا۔ جِنہاں دا لیکھا پُرکھ ابناشی، کلجُگ انتم میل مِلائیا۔ اوہ بن کے داس داسی، سیوک سیوا سچ کمائیا۔ اودھروں کرِشن نے اپنے کنّ تے ماریا اپنا ہاتھی، سہج نال ہِلائیا۔ کُنڈل ہِلیا تے بچن دسّیا ساچی، سچ دِتا دِرڑائیا۔ کرِشن اوہ ویکھ جِس ویلے رام بنیا بنواسی، تریتا دئے گواہیِا۔ اوس کُنڈل ولّ ماری جھاکی، جو پِچھلا پوُرب سوبھا پائیا۔ جوتی جوت سروُپ ہرِ، آپ اپنی کِرپا کر، سد اپنا بھیوَ کُھلائیا۔ کُنڈل کِہا کرِشن میَنوُں ہتّھ لایا، لا کے دِتا ہٹائیا۔ میَں ویکھی ترےَگُن مایا، ممتا
رہی وکھائیا۔ میَں ویکھیا اُس دا چھایا، چاروں کُنٹ نظری آئیا۔ میَں ہنجھوُآ ں نیِر وہایا، رو کے دِتا وکھائیا۔ پربھوُ ایہہ کی کھیل رچایا، تیری بےپرواہیِا۔ کرِشن نے ہسّ کے مُکھوں الایا، سہجے دِتا دِرڑائیا۔ ویکھ کُروکُشیتر وِچ تیرا پڑدا پایا، پڑدا سکے نہ کوئے اُٹھائیا۔ کؤرو پانڈو یُدھ کرایا، یُدِھشٹر دُریودھن دئے گواہیِا۔ یاد رکھیں جِس ویلے کلجُگ انتم آیا، کاہن دا کاہن پھیرا پائیا۔ پوُرب رِشیاں لیکھ چُکایا، کُنڈل باوَن والا منگ منگائیا۔ کرِشن کِہا اگلا کھیل بےپرواہیا، بے پرواہی وِچ سمائیا۔ دوُجا کُنڈل اوہدے نال دیاں رلایا، پوُرب جوڑی جوڑ جُڑائیا۔ اوس ویلے ارجن دے ساتھی یُدِھشٹر دے منّن والے آکھی پھیر جنم لیَن پایا، دھرنی ایسے سوبھا پائیا۔ اوسے کارن ہرِ سنگت اِرد گِرد ڈیرہ لایا، دوُر نیڑا ونڈ نہ کوئے ونڈائیا۔ کُنڈل دے نال کُنڈل لیَنا مِلایا، ودّھ گھٹّ نہ کوئے رکھائیا۔ جوتی جوت سروُپ ہرِ، آپ اپنی کِرپا کر، سچ دا اپنا حُکم ورتائیا۔ سچ دا حُکم ورتے ضرور، ضرورت سب دی ویکھ وکھائیا۔ اِکو مالک اِکو شبد گُروُ حضوُر، حضوُریئے گُر اوتار پَیغمبر نظری آئیا۔ جو سرب کلا بھرپوُر، بھرپوُر رہیا سرب ٹھائیا۔ جِس دا آد جُگاد دستُور، جُگ چؤکڑی نیِتی چلی آئیا۔ ناتا توڑنا کوُڑو کوُڑ، سچ سُچ دئے پرگٹائیا۔ جن بھگتو چھّبی پوہ نوُں ساری سنگت نے لاؤنی اِک واری مستک دھوُڑ، دھوُڑی ٹِکّے خاک سب نوُں دئے رمائیا۔ در آیا کوئی گُرمُکھ رہے نہ موُرکھ موُڑھ، چتُر سُگھڑ سُچّجے دئے بنائیا۔ اِکو وار بخش کے انتر آتم دا نوُر، اندھ اندھیرا دینا مِٹائیا۔ جنم جنم دا کرم کرم دا بخش کے قصوُر، کرم کانڈ دا لیکھا دینا ڈھاہیِا۔ کیوں آد توں لےَ کے انت تکّ جُگ چؤکڑی شبد گُروُ سرب کلا بھرپوُر، دوُجے در منگن کدے نہ جائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، سب دی بیننتی کر منظور، منظوری وِچ سب دی منزل دئے وکھائیا۔
۲ کتّک شہنشاہی سمت ۵ سُلکھّن سِنگھ دے گرِہ پِنڈ رُکنا موُنگلا ضِلع فِروز پُر
شبدی گوبِند ویکھ مہیِنہ کتّک، کارتک دھیان لگائیا۔ پنچم وقت سُہیلا آیا جگت، جاگرت جوت جوت رُشنائیا۔ سنت سُہیلے ویکھ بھگت، بھگوَن بھیوَ کُھلائیا۔ پِچھلا لہنا پوُری کر شرط، شرع زنجِیر کٹائیا۔ پِھری دُہائی اُتے فرش، دھرنی دھرت
دھوَل کُرلائیا۔ تُوں مالک والی عرش، عالیشان تیری سرنائیا۔ صدی چؤدھویں کر ترس، رحمت آپ کمائیا۔ اُٹھ ویکھ شہنشاہی برس، سمت پنچم گیا آئیا۔ نِرگُن دھار تیرا کھیل اُپر دھرت، دھوَل دے وڈیائیا۔ شرع چُھری رہے نہ کرد، کلمہ روُپ نہ کوئے قصائیا۔ کوُڑی کِریا میٹ اندھیرا گرد، اندھ اگیان گوائیا۔ غریِب نِمانیاں ونڈ درد، دُکھیاں ہو سہائیا۔ سچ بیننتی عرض، آرزو دِتی جنائیا۔ جُگ چؤکڑی ویکھ فرد، پوُرب پڑدا آپ اُٹھائیا۔ جودھے سوُربیِر مردانے مرد، مدد تیری منگ منگائیا۔ اپنا کھیل دسّ اسچرج، اچرج اپنی کار کمائیا۔ سب دی پوُری ہووے غرض، منسا رہے نہ رائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، مِہر نظر آپ اُٹھائیا۔ گوبِند شبد کہے کتّک دسّ دے بھید، بھیوَ رہے نہ رائیا۔ کی لیکھا چارے وید، وِدیا توں باہر برہم پڑھائیا۔ کی کھیل اچھل اچھید، ول چھل کار کمائیا۔ پڑدا لاہ دے ایکنکار ایک، اِک اِکلّا بھیوَ رہے نہ رائیا۔ جِس دی سب نے رکھنی ٹیک، ٹِکّے دھوُڑی خاک رمائیا۔ بُدھ کرے بِبیک، دُرمت میَل دھوائیا۔ ہر گھٹ لئے ویکھ، لکھّ چؤراسی کھوج کھوجائیا۔ جوتی جاتا دھار کے بھیکھ، بھیکھادھاری روُپ وکھائیا۔ جِس دا مُچھ داہڑی نہ کوئے کیس، موُنڈ مُنڈائے نہ ونڈ ونڈائیا۔ ناتا جوڑے نال دس دسمیش، دہ دِشا کر رُشنائیا۔ شبد سندیسہ دئے وِشیش، وِشیاں توں باہر سمجھائیا۔ اوس دے اَگے ہونا پیش، جو پیشتر گیا جنائیا۔ جِس جھگڑا چُکاؤنا وِشن برہما شِو مہیش، مہخاسُر لیکھا رہے نہ رائیا۔ دو جہان ویکھنا دیس پردیس، برہمنڈ کھنڈ اپنی کل ورتائیا۔ مالک بن کے اِک نریش، نر نرائن حُکم جنائیا۔ جِس نوُں جھُکدے اوتار پَیغمبر انیک، انِگنت سیِس نِوائیا۔ سو بھگتاں کرے ہیت، ہِتکاری ہو کے ویکھ وکھائیا۔ اندر وڑ کے دسےّ بھیت، مندر کُنڈا دئے کُھلائیا۔ سگلا سنگ بنائے ہمیش، ہم ساجن نظری آئیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، ہرِ کرتا دَیا کمائیا۔ سَتگُر شبد وقت سُہیلا سُہنجنا ویکھ مات، کتّک راہ تکائیا۔ چار جُگ دی پِچھلی یاد کر بات، باطن پڑدا اِک کُھلائیا۔ رام وشِشٹ گئے آکھ، دُھر سندیسہ اگمّ اتھاہیِا۔ کرِشن کاہن دسّیا تریَلوکی ناتھ، ناتھ اناتھاں ہوئے سہائیا۔ موُسیٰ کِہا پرگٹ ہوئے ساکھیات، جلوہ گر نوُر اِلاہیِا۔ عیسیٰ کہے میَں اوسے دی ذات، جو صدی بیِسویں پھیرا پائیا۔ محمد کہے میَں اوسے دا منگاں ساتھ، جو صدی چؤدھویں انت کرائیا۔ نانک سرگُن نِرگُن دھار گیا آکھ، نِہکلنک کل اپنا پھیرا پائیا۔ گوبِند بچن سُنایا ساچ، سَت سچ
دِرڑائیا۔ جِس ویلے مالوے دیس کٹی رات، بھوُمی بھوُمکا سوبھا پائیا۔ شبد اگمّی جنائی بات، پردہ آپ چُکائیا۔ ڈلّا ویکھیا ساتھ، گُرمُکھ سنگ نِبھائیا۔ لیکھا لِکھیا بِن قلم دوات، کاغذ شاہی نہ کوئے چتُرائیا۔ میَں کھیل ویکھنا ساکھیات، سنمُکھ ہو کے نظری آئیا۔ جھگڑا رہن نہیں دینا دیِن مذہب ذات پات، پت پرمیشور آپ سمجھائیا۔ شبد اگمّی گیا آکھ، آخر دِتا دِرڑائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، دُھر پردہ آپ چُکائیا۔ گوبِند شبد سندیسہ دِتا سَت، سَت سَت دِرڑائیا۔ کلجُگ انتم کھیل پُرکھ سمرتھ، پاربرہم پربھ اپنی کار کمائیا۔ دھرم دی دھار چلائے رتھ، رتھ رتھواہی اِکو نظری آئیا۔ وست اگمّی اِکو دے کے وتھ، خالی جھولی سرب بھرائیا۔ دُھر حقیِقت دسّ دے حق، پردہ دئے اُٹھائیا۔ گوبِند سجیّ بانہہ اُلاری مُٹھی میٹی ہتّھ، اُنگلی سجیّ لئی دبائیا۔ جِس ویلے آتم پرماتم ہویا جس، پربھ صِفتی صِفت صالاحیِا۔ بھگتاں انتر جاوے وس، واسطہ اپنے نال رکھائیا۔ کھیل کرے ہسّ ہسّ، ہستی اپنی لئے پرگٹائیا۔ اوس ویلے شبدی دھار میَں وی آواں نسّ، جوتی جاتے نہ ہوئے جُدائیا۔ ساچا امرت دیواں رس، نِجھر آپ جھِرائیا۔ نِج نیتر کھول کے اکھّ، پرتکھ گوسائیں دیاں مِلائیا۔ سنت سُہیلا رہے کوئے نہ وکھّ، گُرمُکھ گُر گُر جوڑ جُڑائیا۔ پھیر دھرتی تے ہتّھ ماریا جھٹ، زور نال کھڑکائیا۔ میرے بھگت سُہیلے جانے وس، شبدی دھار ملِے وڈیائیا۔ پِھر کنگن لاہ کے دِتا رکھ، ڈھائی اِنچ مِٹّی ہیٹھ دبائیا۔ پھیر بول جَیکار الکھّ، الکھّ دِتا سمجھائیا۔ جِس ویلے آواں وت، وطن اپنے سوبھا پائیا۔ گُرمُکھاں رکھاں پت، پت پرمیشور نال مِلائیا۔ دھیِرج دینا سَت، سَتجُگ راہ جنائیا۔ سمت شہنشاہی ہووے پنج، پنچ ملِے وڈیائیا۔ ہرکھ سوگ رہے نہ رنج، چِنتا چِکھا نہ کوئے جلائیا۔ چھّبی پوہ مالوے والیاں دھرم دی دھار چڑھنا جّنج، دُلارے لاڑے سوہنے سوبھا پائیا۔ نیتر نیِر کِسے نہ وہاؤنا انّج، ہنجھوُ دھار نہ کوئے وہائیا۔ گوبِند دا کنگن گُرمُکھ لیاوَن پنج، سوا دھار ونڈ ونڈائیا۔ اُپر لیکھ ہووے منّج، بھائی منّج سیِس نِوائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، آد جُگاد ساچا دیوے سنگ، سگلا سنگی بہُہ رنگی نِرگُن نِروَیر نِراکار نِرنکار اپنی کار کمائیا۔
۳ کتّک شہنشاہی سمت ۵ گُرچرن کؤر دے گرِہ فِروزپُر شہر
گوبِند شبد کِہا کلجُگ کیوں پائے اپنے جھیڑے، جھگڑا دیِن دُنی رکھائیا۔ آتم پرماتم آئے کوئی نہ نیڑے، پاربرہم برہم میل نہ کوئے مِلائیا۔ سَت دھرم دے چڑھے کوئی نہ بیڑے، منزل حق نہ کوئے پُچائیا۔ تن وجوُد ماٹی خاک پنج تت اُجڑے کھیڑے، سَت سروُپ شاہو بھوُپ رنگ نہ کوئے رنگائیا۔ چار ورن اٹھاراں برن دیِن مذہباں دِتے گیڑے، ذات پات دئے دُہائیا۔ میِت رہے نہ گُروُ گُر چیرے، مُریِد مُرشد نہ کوئے وڈیائیا۔ نؤ کھنڈ پرِتھمی ستّ دیِپ مانَو ذاتی پِھرے اندھیرے، نِرگُن نوُر چند نہ کوئے چمکائیا۔ سَتجُگ تریتا دواپرکلجُگ گُر اوتار پَیغمبر ہوئے بتھیرے، نِرگُن سرگُن روُپ وٹائیا۔ صدی چؤدھویں شاستر سِمرت وید پُران اِنجیِل قرآن کھانی بانی بھیوَ کھولے نہ تیرے میرے، انتشکرن نہ کوئے بدلائیا۔ دھرنی دھرت دھوَل دھؤل دھوُاں دھار دِسے جگت ویہڑے، اندھ اندھیر نہ کوئے مِٹائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ کرنی کار کمائیا۔ کلجُگ کہے گوبِند میَں دسّاں ہتّھ بدھّی، بندنا سجدہ کر کے سیِس نِوائیا۔ اوہ ویکھ محمد والی چؤدھویں صدی، صدمہ گھر گھر نظری آئیا۔ انت اَخیِر بے نظیِر پنج تت رہن دینی نہیں کوئی گدّی، گداگر کرے لوکائیا۔ چار جُگ دی پِچھلی کرنی کیِتی ردّی، رہبر ہو کے راہ اگلا دئے وکھائیا۔ سادھ سنت جیِو جنت مُلّا شیخ مسائک پنڈت کردے بدی، وِکار ہنکار وِبھچار کُکرم وِچ لوکائیا۔ مایا ممتا کوُڑ کُڑیار وہن وہندا ندی، نئیا نؤکا نام اُپر نہ کوئے چڑھائیا۔ کایا مندر گرِہ ماٹی نِرگُن دھار جوت کِسے نہ جگی، آتم پرماتم میل نہ کوئے مِلائیا۔ شبد ناد دُھن اگمّی آواز کِسے نہ وجّی، بِن کنّاں راگ نہ کوئے سُنائیا۔ امرت رس دھار نِجھر کِسے نہ لبھی، بوُند سوانتی اِک اِکانتی نہ کوئے چوائیا۔ میَں ویکھیا کایا ماٹی تِنّ سؤ سٹّھ ہڈّی، ناڑ بہتّر پھول پھولائیا۔ سچ پریِت پاربرہم پت پرمیشور کلجُگ جیو کِسے نہ لگّی، انتر نِرنتر میل نہ کوئے مِلائیا۔ چار کُنٹ دہ دِشا نؤ ستّ سرگُن تت وجوُد اگّ لگّی، سانتک سَت نہ کوئے ورتائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، ہرِ کرتا اگمّ اتھاہیِا۔ گوبِند کِہا کلجُگ کی کریں کھیل نیارا، نِرنتر دے جنائیا۔ کلجُگ کہے میَں حُکم منّاں سچّی سرکارا، شاہ پاتشاہ سیِس نِوائیا۔ گوبِند کِہا اؤہ ویکھ تیئی اوتارا، نِرگُن نوُر جوت اِلاہیِا۔ کلجُگ کِہا میَں سب دا کرنا پار کنارہ، پُرکھ اکال دیِن دَیال میری پُشت پناہ ہتّھ لگائیا۔ گوبِند کِہا اؤہ ویکھ موُسیٰ عیسیٰ حضرت
محمد نوُر اُجیارا، جلوہ گر نوُر اِلاہیِا۔ کلجُگ کِہا میَں سب دا کرنا پار کنارہ، لوک مات رہن نہ پائیا۔ گوبِند کِہا اؤہ ویکھ نانک گوبِند جوت اُجیارا، جوتی جوت ڈگمگائیا۔ کلجُگ کِہا ایہہ کھیل میرے صاحِب سچّی سرکارا، کرنی دا کرتا آپ کرائیا۔ چار کُنٹ دہ دِشا میَں چلن دینا نہیں کِسے دا چارا، چار کُنٹ کراں ہلکائیا۔ میرے کول انت سِری بھگوَنت دِتا مختیارا، حُکم حاصِل اِکو دِتا سُنائیا۔ ہر گھٹ اندر جوُٹھ جھوُٹھ کراں پسارا، کام کرودھ لوبھ موہ ہنکار دیاں ٹِکائیا۔ مان رہے نہ کِسے پَیغمبر گُروُ اوتارا، ایہہ میری بےپرواہیِا۔ جھگڑا پاواں االلہ واہِگُروُ اوم رام کرِشن جےَ جَیکارا، دیِن مذہب شرع شریِعت وِچ ٹکرائیا۔ جِس دی یاد کردے گئے کل انتم پرگٹ ہوئے کلکی اوتارا، نِہکلنک کل اپنی آپ دھرائیا۔ تِس سوامی انترجامی سچ دی کراں نِمسکارا، نِیوں نِیوں لاگاں پائنیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا مالک اِک اکھوائیا۔ گوبِند کِہا کلجُگ کیوں چار ورن رؤلا، دھیِرج دھیِر نہ کوئے دھرائیا۔ ساچا روُپ دِسے کوئی نہ مؤلا، پاربرہم برہم رنگ نہ کوئے رنگائیا۔ کلجُگ کِہا اوہ ویکھ گوبِند اپنا ماچھوُواڑے دا قؤلا، اِقرارنامہ سوبھا پائیا۔ پُرکھ اکال دیِن دَیال جوتی جامہ پہنے اُپر دھؤلا، دھرنی دھرت دھوَل دئے وڈیائیا۔ انتم سب دا بھار کرے ہؤلا، مِہربان محبوُب مِہر نظر اِک اُٹھائیا۔ تت وجوُد کایا ماٹی کِسے نظر نہ آئے چولا، چوجی پریِتم اپنی کار کمائیا۔ سَتگُر ساچا ساچے نام دا دسےّ بولا، انبولت اپنا راگ الائیا۔ نؤ کھنڈ پرِتھمی ستّ دیِپ ایکا شبد سُنائے ڈھولا، گیِت سنگیِت اِک وڈیائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، دُھر سندیسہ اِک سُنائیا۔ کلجُگ کہے گوبِند میرے سَتگُر مار جھاکی، شبدی دھار دیاں جنائیا۔ صدی چؤدھویں ثابت رہیا نہ کوئی بندہ خاکی، خالص نظر کوئے نہ آئیا۔ من منوُآ سب دے انتر ہویا عاقی، عقل بُدھی دی چلے نہ کوئے چتُرائیا۔ بند کِواڑا کھولے کوئے نہ تاکی، نِرنتر پڑدا نہ کوئے اُٹھائیا۔ چاروں کُنٹ کوُڑی کِریا اندھیری راتی، سَت سچ چند نہ کوئے چمکائیا۔ بِن اکھّراں ویکھ اگمّی پاتی، جو پترکا پربھ نے دِتی پھڑائیا۔ کی وست امولک نِرگُن دھار دِتی داتی، دَیاوان دَیا کمائیا۔ میَں حُکم منّاں دُھر دی آکھی، آخر اپنی کار کمائیا۔ میرے وِچ نہیں کوئی گُستاخی، غُصّہ گِلہ نہ کوئے رکھائیا۔ میَں کوُڑ وِکار مایا ممتا لوک مات کھولی ہاٹی، ونجارا اِکو نظری آئیا۔ تن وجوُد رہن نہیں دِتا کوئی پاکی، پتت پُنیِت نہ کوئے کرائیا۔ جوتی جوت سروُپ ہرِ، آپ اپنی کِرپا کر، ایکا دیوے دُھر دا ور، دُھر دا نام اگمّ اتھاہیِا۔
کلجُگ کہے گوبِند میری پُشت پناہ لگا تھاپی، تھاپنا دینی چائیں چائنیا۔ میَں ثابت رہن نہیں دِتا کوئی جاپی، کلجُگ جیِو جنت سادھ سنت دِتے بُھلائیا۔ شاستر سِمرت وید پُران اِنجیِل قرآن کھانی بانی میٹ سکے نہ اندھیری راتی، میرا پردہ نہ کوئے اُٹھائیا۔ تیِر انیالا ماریا کاتی، قتل گاہ ویکھ لوکائیا۔ گُروُ اوتار پَیغمبراں دے ہُندیاں منزل چڑھے کوئے نہ ساچی، حقیِقت حق ویکھن کوئے نہ پائیا۔ دیِن دُنی پڑھ پڑھ تھکی کِتابی، کایا کعبہ نظر کِسے نہ آئیا۔ ثابت رہن نہیں دِتا عِشق حقیِقی مجازی، مزہ کوُڑ دِتا چکھائیا۔ سجدہ سچ نہ رہیا آدابی، ڈنڈاوت بندنا کمّ کِسے نہ آئیا۔ منزل ملِے نہ کِسے محرابی، محبوُب درس کوئے نہ پائیا۔ ثابت رہیا کوئے نہ حاجی، حُجرہ حق نہ کوئے سُہائیا۔ اِشٹ سَت نہ کرِشنا رادھی، سیِتا رام نہ کوئے چتُرائیا۔ تُہاڈے مُریِد سِکھ تُہاڈے نالوں کیتے باغی، پریم پیار مُحبّت ناتا دِتا تُڑائیا۔ ایہہ لیکھا جو نانک لِکھ کے گیا بغدادی، بغلگیِر رہن کوئے نہ پائیا۔ چار جُگ دا نام صدی چؤدھویں رہے نہ کوئے اِمدادی، سگلا سنگ نہ کوئے رکھائیا۔ ویکھ میری انتم بازی، بازاں والے دھیان لگائیا۔ بُدھی کِسے دی رہے نہ بودھ اگادھی، انُبھوَ درِشٹی سکے نہ کوئے کُھلائیا۔ پُرکھ اکال دین دَیال میَنوُں سب دا بنایا گاڈی، گُر اوتار پَیغمبر چھوٹے چھوٹے حِصّے مذہباں والے رکھائیا۔ میَں پوِتر رہن دِتی نہیں کِسے دی باڈی، مایا ممتا وِچ ہلکائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، دُھر دا حُکم اِک اُپجائیا۔ گوبِند کِہا کلجُگ اَگے ہو جا چُپ، بچن کہن کوئے نہ پائیا۔ تیرا پرکاش جانا چُھپ، کوُڑ اندھ رہے نہ رائیا۔ پُرکھ اکال دیِن دَیال اِک اُٹھاؤنا اپنا سُت ، شبد دُلارا سوبھا پائیا۔ جِس نے جوُٹھ جھوُٹھ کڈھنا کُٹ، کوُڑ کُکرم کرے صفائیا۔ کلجُگ ساچی بدلے رُت، رُتڑی اِکو نام مہکائیا۔ تیرا لہنا دینا جانا مُک، مُکمل رہیا سُنائیا۔ تُوں میرا میَں تیرا سرِشٹی درِشٹی اندر پڑھنی تُک، سوہنگ ڈھولا اگمّ اتھاہیِا۔ چار ورن اٹھاراں برن سب دا اُجل کرنا مُکھ، دُرمت میَل دھوائیا۔ دھرت دھوَل دی سُپھل کرنی کُکھ، بھگت سُہیلے آپ اُٹھائیا۔ کرے کھیل ابناشی اچُت، چیتن سُرتی دئے کرائیا۔ پڑدا اوہلا رہے نہ لُک، بھیوَ ابھیدا دے کُھلائیا۔ سَت سچ جیو جہان بدل جانا رُخ، رُخصت کوُڑ کلپنا دئے کرائیا۔ اِکو روُپ نوَ ستّ دِسے منُکھ، مانَو مانَس مانُکھ ونڈ نہ کوئے ونڈائیا۔ جھگڑا رہے نہ تن وجوُد پنج بھوُت، سریِر بے نظیِر رنگ رنگائیا۔ جوتی جوت سروُپ ہرِ،
آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، امرت جام ہر گھٹ انتر دیوے گھُٹ، رسنا چکھّن دی لوڑ رہے نہ رائیا۔