کتب خانہGranth 22 (Shahmukhi)

۳ کتّک شہنشاہی سمت ۵ صوُبیدار رام سِنگھ دے گرِہ فِروزپُر چھاؤنی

تِنّ کتّک کہے واہ آ گیا رام، سیِتا سَت نال وڈیائیا۔ اوہ پرگٹیا کاہن، رادھا اپنے رنگ رنگائیا۔ موُسیٰ پہنچیا آن، سجدہ سیِس اِک جھُکائیا۔ عیسیٰ آ کے کرے سلام، صاحِب تیری بےپرواہیِا۔ پَیغمبر محمد دئے پَیغام، سندیسہ اگمّ اتھاہیِا۔ نانک نِرگُن سرگُن کھیل مہان، مہما کتھ کتھ دِرڑائیا۔ گوبِند چِلّیا لےَ کمان، تیِر ترکش کندھ ٹِکائیا۔ مُکھوں ہسّ کے کِہا کھیل سِری بھگوان، ہرِ کرتا آپ کرائیا۔ جوتی جاتا ہو مِہربان، مِہر نظر اِک اُٹھائیا۔ شبد سندیسہ دِتا بھیوَ کُھلایا دو جہان، جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کمائیا۔ گوبِند کہے میَں پھڑیا کمان تیر، ترکش ویکھ وکھائیا۔ سندیسہ دِتا بے نظیِر، نظر نظریہ دِتا بدلائیا۔ اوہ ویکھ کلجُگ اَخیِر، آخر دیاں دِرڑائیا۔ چاروں کُنٹ شرع زنجِیر، بندھن سکے نہ کوئے تُڑائیا۔ بدل سکے نہ کوئے تقدیِر، تدبیِر وِچ کدے نہ آئیا۔ پھیر ہوکا دِتا کبیِر، کوُک کوُک دِتا سُنائیا۔ رَوداس پاٹے چیِتھڑ وکھا کے لیِر، نیَن اکھّ اُٹھائیا۔ نامے نیتر وہایا نیر، ہنجھوُاں ہار بنائیا۔ شمس تبریز منّ کے اِکو پیِر، کھلّ کھلڑی دِتی گوائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ فرمانا اِک دِرڑائیا۔ کتّک کہے میَں ویکھیا اِکو کرتا، وارتا دُھردرگاہیِا۔ نہ جیِوت نہ مردا، جیِون مرن نہ روُپ وکھائیا۔ آد جُگادی مالک ساچے گھر دا، گرِہ مندر ڈیرہ لائیا۔ جُگ چؤکڑی نِرگُن سرگُن روُپ دھردا، دھرنی دھرت دھوَل ویکھ وکھائیا۔ آد جُگاد شبد کھنڈا دھار ہو کے لڑدا، جھگڑا کرے تھاؤں تھائنیا۔ نِروَیر نِراکھّر دھار ہو کے اکھّر پڑھدا، سندیسہ نام کلمہ جنائیا۔ نِت نوِت اپنا بھانا جردا، سیِس جگدیِش نِرگُن سرگُن آپ جھُکائیا۔ جِس کھیل کرنا کلجُگ کل دا، کل کاتی ویکھ وکھائیا۔ جو سَت سروُپ ویس وٹائے اچھل اچھلّ دا، ول چھل اپنی کار کمائیا۔ لہنا دینا جانے جل تھل دا، مہیئل ویکھے تھاؤں تھائنیا۔ جِس دا دیِپک جوت اگمّی بلدا، چار کُنٹ بَیکُنٹھ کرے رُشنائیا۔ جو گُر اوتار پَیغمبر

گھلدا، حلقیاں وِچ ونڈ ونڈائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کمائیا۔ کتّک کہے رام آیا نَٹھا، کرِشن پندھ مُکائیا۔ پَیغمبر ہو اِکٹّھا، گُروُ گُر سیِس نِوائیا۔ لیکھا کوئی جان نہ سکے ایضاً تتھا، یتھارتھ سمجھ کوئے نہ آئیا۔ لوچن ویکھ نہ سکے اکھّا، نیَن نہ کوئے اُٹھائیا۔ پربھوُ بھیوَ نہ دِتا رتا، رتن امولک ہیِرے مان وڈیائیا۔ انتم اپنے نال پکاوے متا، مشورہ اوَر نہ کوئے رکھائیا۔ جِس نے چار جُگ چلایا رتھا، نِرگُن سرگُن بن رتھواہیا۔ شاستر سِمرت وید پُران چلائی کتھا، اِنجیِل قرآن راہ وکھائیا۔ سو پُرکھ اکالا پِھرے نَٹھا، دیِن دَیالا بھجےّ واہو داہیِا۔ صدی چؤدھویں سب دا ویکھے پٹا، پاربرہم پربھ پڑدا لاہیِا۔ جِس وِچ دیِن مذہب دا رٹّا، چاروں کُنٹ نظری آئیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، ہرِ کرتا وڈ وڈیائیا۔ گوبِند کہے میَں تیِر دی ویکھی مُکھی، مُکھ برہما دھیان لگائیا۔ سرِشٹی وِچ کوئی نہ سُکھی، وِشنوُں وِشوَ دِتا دِرڑائیا۔ کوُڑ کُڑیار دھار اجےّ نہ مُکی، شنکر پھڑ کے دِتا سمجھائیا۔ ممتا جڑ گئی نہ پُٹی، اوتار پَیغمبر گئے پھیریاں پائیا۔ نِرگُن دھار موُل نہ اُٹھی، شاستر سِمرت وید پُران کر پڑھائیا۔ امرت رس مِلیا نہ گھُٹی، اٹھسٹھ تیِرتھ پندھ چُکائیا۔ اُٹھ سکی نہ سُرتی سُتی، ہلوُنا حق نہ کوئے لگائیا۔ سُہنجنی ہوئے کوئے نہ رُتی، رُتڑی رُت نہ کوئے مہکائیا۔ جھگڑا پیا پنج تت بُتیں، بُتخانے دین دُہائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ پردہ آپ چُکائیا۔ گوبِند کہے میَں تیِر دا ویکھیا نِشانہ، نِشانہ اپنا اِک رکھائیا۔ میَنوُں نظری آیا کرِشنا کاہنا، گھنئیا اپنا روُپ درسائیا۔ جِس نے کیِتا کھیل مہانا، تریَلوکی ناتھ وڈ وڈیائیا۔ اُس نے حُکم سندیسہ دِتا ارجن جانی جانا، بھیوَ ابھیدا اِک کُھلائیا۔ پھیر پربھاس تکیا جِتھے سنجّ مسانا، نگر کھیڑا نظر کوئے نہ آئیا۔ جِتھے بدھک ماریا نِشانہ، چرن کوَل کوَل ٹِکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ اپنا رنگ رنگائیا۔ گوبِند کہے بدھک دا تیِر اپارا، تُریا سمجھ کوئے نہ پائیا۔ اوہنوُں گھڑیا نؤ نؤ واراں، اگنی بھٹّھی وِچ تپائیا۔ اوہدی مُکھی بنائی پیندوُ نام سُنیارا، پِنجر تن وجوُد ہنڈھائیا۔ جِس دی انترہندی اِک وِچارا، وِچر کے سکے نہ کِسے سُنائیا۔ جے کِرپا کرے آپ نِرنکارا، نِرگُن ہوئے سہائیا۔ میری سیوا لئے وِچ دربارا، گھر ساچے سوبھا پائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، در ساچا اِک وکھائیا۔ سُنیار کہے میَں مُکھی گھڑیا گھاڑ، گھاڑت دئے جنائیا۔ اوہ دِن سی ستاراں ہاڑ، جِس ویلے کُٹھالی

رنگ رنگائیا۔ نؤ وار سُہاگا اُتے پھیریا پریم دی دھار، نیتر نیَن نیَن چمکائیا۔ جے منظور کرے نِرنکار، کرتار بےپرواہیِا۔ اوس دا بدھک نال سی پیار، گوانڈھی ناویں گھر دا نظری آئیا۔ اوہ پہنچیا اوس بازار، خوشیاں وِچ پندھ مُکائیا۔ اَگوں ہسّ کے کِہا سُنیار آ یار، میرے پاس آسن لےَ لگائیا۔ آہ ویکھ میرا ہتھیار، تیرے تیِر دی مُکھی دیاں بنائیا۔ اونے چِر نوُں کرِشن نے اندر دِتا ہُلار، موُرتی اپنی دِتی وکھائیا۔ ایہدی مُکھی تیِر اُتے چاڑھ، نؤ وار دینی دبائیا۔ ایس آؤنا وِچ اُجاڑ، جوُہ پھیرا پائیا۔ میَں سؤنا چرن پسار، آپ اپنی لےَ انگڑائیا۔ ایہہ کھیل ہونا وِچ سنسار، سنساری سمجھ کوئے نہ آئیا۔ تیرا لہنا دینا پوُرا کرے کرتار، قُدرت دا مالک پڑدا لاہیِا۔ جوتی جوت سروُپ ہرِ، آپ اپنی کِرپا کر، سد اپنی کار کمائیا۔ بدھک کِہا تَینوُں تیِر پھڑاواں ہتھّیں، ہتّھ دِتا ٹِکائیا۔ سُنیار کِہا میَں مُکھی لاواں چار ماسے نؤ رتّی ایہہ میری ونڈ ونڈائیا۔ اگلی کتھا کہانی سچّی، سچ دیاں سمجھائیا۔ تیرا میل ہونا نال اوس سبھاپتی، جِس نوُں سارے سیِس نِوائیا۔ تُوں کھیل ویکھنا اکھّیں، اکھّراں توں باہر میری پڑھائیا۔ جِس نے پیار کیِتا نال سکھی، سکھیاں دا کاہن سوبھا پائیا۔ اوہ تیرا راہ رہیا تکی، نیتر لوچن نیَن اکھّ اُٹھائیا۔ سجّنا میَں تَینوُں کردا پکّی، سچ وِچ جنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا پڑدا آپ اُٹھائیا۔ تیِر کہے میرے اُتے چڑھ گیا کنچن روُپ اپارا، اپرمپر سوامی دِتی وڈیائیا۔ میرے اندر آیا اِشارہ، سیَنت رہیا لگائیا۔ تیرا کھیل ہونا نیارا، نِرنکار آپ کرائیا۔ کی بدھک کرے بےچارا، وِچر کے سکے نہ کوئے سمجھائیا۔ ایہہ کھیل سچّی سرکارا، کرنی دا کرتا اپنے ہتّھ رکھائیا۔ جاں وقت سُہنجنا آئے وِچ سنسارا، لہنا دینا دئے مُکائیا۔ بدھک چلیا وِچ اُجاڑا، ساتھی اپنے نال لیائیا۔ کرِشن سُتا چرن پسارا، آپ اپنی سوبھا پائیا۔ اوس ماریا تیِر کرارا، پدم قدم وِچ جنائیا۔ جوتی جوت سروُپ ہرِ، آپ اپنی کِرپا کر، سد اپنی کار کمائیا۔ تیِر ماریا بدھک، مِرگ نیَن جگ جان۔ کھیل پربھوُ دا ادھک، کرائے آپ بھگوان۔ حُکم دیوے سخت، میٹ سکے نہ کوئی وِچ جہان۔ سُہنجنا ہویا وقت، کھیل ہویا مہان۔ پوُری ہوئی شرط، رام نِگاہبان۔ لیکھا مُکیا فرش، خوشی زِمیں اسمان۔ نیڑے آیا نِدھڑک، بل سوُربیِر بلوان۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ حُکم اِک سُنائیا۔ تِنّ کتّک کہے بدھک آ گیا کول، دبےّ دبےّ پَیر ٹِکائیا۔ سُرتی ہوئی انبھول، بھیوَ سکیا نہ کوئے کُھلائیا۔ جاں ویکھیا آ کے اُپر دھؤل، لوچن دوئے دوئے راہ تکائیا۔ کرِشن

ہسّ کے پیا بول، فرمانا اِک جنائیا۔ آ تولاں تیرا تول، ترازو اپنا آپ بنائیا۔ جوتی جوت سروُپ ہرِ، آپ اپنی کِرپا کر، سد اپنا رنگ رنگائیا۔ بدھک ویکھ ہویا حَیران، حَیرانی انتر آئیا۔ ایہہ کاہن سِری بھگوان، کرِشن کرِشن سوبھا پائیا۔ میَں موُرکھ بڑا نادان، تیِر نِشانہ دِتا لگائیا۔ نیتر ہنجھوُ لگّا وہان، چھہبر اِک لگائیا۔ کرِشن نے پکڑ کے کان، ہلوُنا دے کے زور نال ہِلائیا۔ آہ ویکھ تیرا لیکھا وِچ جہان، تَینوُں دیاں دِرڑائیا۔ تیِر دی مُکھی اوہدے مستک چُھہائی نالے دِتا دان، دَیا آپ کمائیا۔ ایس تیِر دے نال گوبِند نے غریِباں دی رکھیا کرنی مہان، مِہر نظر اِک اُٹھائیا۔ ایس تیِر دا لیکھا نال ہووے وِشنوُں بھگوان، بھگوَن اپنا سنگ بنائیا۔ شبد گُروُ جودھا سوُر ہووے بلوان، بلدھاری اِک وڈیائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا میلا لئے مِلائیا۔ کرِشن کِہا بدھک اُٹھ ویکھ مار جھاکی، پڑدا دیاں اُٹھائیا۔ آہ ویکھ گوبِند ساقی، سچ پیالہ امرت جام رہیا پیائیا۔ اؤہ ویکھ اندھیری راتی، ساچا چند رہیا چمکائیا۔ ویس وٹا کے کملاپاتی، پت پرمیشور سوبھا پائیا۔ اپنی کھیل دیواں داتی، داتا ہو کے دَیا کمائیا۔ کلجُگ انت تیرا جنم ہووے ساکھیاتی، سِر اپنا ہتّھ ٹِکائیا۔ ایہہ جیہڑے تیرے نال ساتھی، اوہناں مانَس دیہی ملِے وڈیائیا۔ تُوں منّنی میری آکھی، نِمرتا وِچ سیِس جھُکائیا۔ میل مِلاوے کملاپاتی، پت پرمیشور بےپرواہیِا۔ پوُرا کرے میرا واکی، واقف کار دُھردرگاہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ کرِشن کِہا بدھک انتر نہ کر رنج، رنجش دی لوڑ رہی نہ رائیا۔ کرِشن نے نیتر دبا کے کِہا اَگے ویکھ سمت شہنشاہی پنج، پنج دھار توں پرے دِرڑائیا۔ جِس ویلے کوئی مُہانا رہیا نہ ونجھ، پتن پار نہ کوئے کرائیا۔ دیِن دُنی ہونی اندھ، ساچا چند نہ کوئے چمکائیا۔ دیِن دَیال ہونا بخشند، پاربرہم پربھ بےپرواہیِا۔ تیرے ساتھیاں نوُں پاؤنا تند، جوڑی اپنے نال جُڑائیا۔ صاحِب سُلطان ہو بخشند، سچ سِنگھاسن سوبھا پائیا۔ اوس ویلے اوہدیاں سنتاں بھگتاں دی چھّبی پوہ نوُں چڑھ کے آؤنی جنجّ، لاڑے سارے نظری آئیا۔ گوبِند نے گوبِند دی دھار ویکھنا رنگ، رنگت اِکو دئے وکھائیا۔ تخت نِواسی تخت دے اُتے بَیٹھ کے ایہو تیِر تَیتھوں لیَنا منگ، سجےّ ہتّھ نال سجےّ ہتّھ دینا پھڑائیا۔ پھیر ضرور کلجُگ انت سرِشٹی وِچ ہووے جنگ، جگہ جگہ ہووے لڑائیا۔ اگلا لیکھا چھّبی پوہ نوُں دئے ونڈ، بھیوَ سارا دئے کُھلائیا۔ جِس نے کھیل کھیلیا پُری انند، انند انند وِچوں پرگٹائیا۔ تُوں میرا میَں تیرا دسّ کے چھند، آتم

پرماتم جوڑ جُڑائیا۔ سو سوامی لوآں پُریاں برہمنڈاں کھنڈاں آوے لنگھ، سچ دوارا اِک سُہائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، لیکھا جانے وِچ وربھنڈ، وربھنڈی اپنا حُکم ورتائیا۔

۴ کتّک شہنشاہی سمت ۵ سوبھا سِنگھ دے گرِہ پِنڈ ولوُر ضِلع فِروزپُر

دھرنی کہے میرا سُہاوا دیس، دِشا ملِے وڈیائیا۔ گھر سوامی ملِے نریش، نر نِرنکار دَیا کمائیا۔ جِس سندیسہ شبد دِتا دشمیش، گُر گوبِند گیا دِرڑائیا۔ اُٹھ ویکھ اپنے کھیت، چاروں کُنٹ ہریاول چھائیا۔ ایہہ پربھوُ دا ساچا ہیت، پرم پُرکھ آپ جنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا پردہ آپ اُٹھائیا۔ گوبِند کہے میَنوُں آئی اگمّی خبر، پُرکھ اکال دِتا جنائیا۔ تھوڑا سماں کر صبر، صِدق اپنا ویکھ وکھائیا۔ پھیر بنا کے بھیجاں شیر ببّر، نِرگُن ہو کے اپنا سنگ رکھائیا۔ جھگڑا مُکاویں مڑھی گور قبر، مقبریاں ڈیرہ ڈھاہیِا۔ میرا نام سُناویں دُھن مدُھر، مدھ سوُدھن پڑدا آپ چُکائیا۔ کلجُگ کوُڑی کِریا دیویں بدل، سَتجُگ سچ سچ سمجھائیا۔ دیِناں مذہباں دا تیرے ہتّھ ہووے عدل، اِنصاف اِک کرائیا۔ شرع کرے کوئی نہ قتل، مقتُول روُپ نہ کوئے وٹائیا۔ سچ وکھاؤنا میرا وطن، بےوطناں دَیا کمائیا۔ بِن تیرے لیکھے لگّے کِسے نہ یتن، یتھارتھ میرا گرِہ نہ کوئے وکھائیا۔ تُوں سب نوُں دسّنا اِکو پتن، پِتا پُرکھ اکال اِک جنائیا۔ بھگت سُہیلے اُپجاؤنے رتن، امولک ہیِرے مات پرگٹائیا۔ جِنہاں دی لجیا آؤنی رکھن، سِر اپنا ہتّھ ٹِکائیا۔ سچ دوارے دُھر دے وسن، درگاہ سچ ملِے وڈیائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کمائیا۔ دھرنی کہے میرا ہویا بھاگ اُگھا، اُدے است ملِے وڈیائیا۔ پربھ کِرپا کیِتی اُتے بسُدھا، میری سُدھ دِتی بدلائیا۔ جِس پار کرنا کلجُگا، چؤتھے جُگ ڈیرہ ڈھاہیِا۔ مانَو ذاتی اِکو دسّنا مُدّعا، جو مُدّت دا مالک سوبھا پائیا۔ اگلا بھیوَ رہے نہ لُکا، اوہلا اندروں دینا چُکائیا۔ تن وجوُد صاف کر کے جُسا، ضمیِر دینی بدلائیا۔ کوُڑی کِریا میٹ کے غُصّہ، امرت میگھ دینا برسائیا۔ بھگت سُہیلا سنت رہے کوئی نہ رُسا، پھڑ باہوں گلے لگائیا۔ بسُدھا کہے میرا پِچھلا

پَینڈا مُکا، مُکمل دیاں جنائیا۔ میَں گوبِند دھار تکیا پُرکھ اکال دا سُتا، دِلدار اِکو نظری آئیا۔ جِس نے مارگ جیِون جُگ جگت دسّنا اُچا، اُچ اگمّ اتھاہ دَیا کمائیا۔ پریم پیار دسّنا سُچا، سنجم اِک سمجھائیا۔ اُجل کراؤنا گُرمُکھ مُکھا، دُرمت میَل دھوائیا۔ بھاگ لگائے جننی کُکھا، مِہر نظر اِک ٹِکائیا۔ جنم کرم دا میٹ دئے دُکھا، دردیِاں درد رہے نہ رائیا۔ گھر اُپجاوے ساچا سُکھا، سانتک سَت سَت ورتائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، نِرگُن دھار کدے نہ ہووے جُدا، ہر گھٹ انتر اپنا میل مِلائیا۔

۴ کتّک شہنشاہی سمت ۵ کُلونت کؤر دے گرِہ بستی خلیِل

دھرنی کہے میَں دِوس رَین گھُنماں، بھجّاں واہو داہیِا۔ جن بھگتاں پَیر چمُّاں، جُگ جُگ اپنی سیو کمائیا۔ پنڈت پاندھے چھڈاں شیخ مُلّا، مسائکاں سنگ نہ کوئے رکھائیا۔ میَں چرنی دھوُڑ لاواں بُلاں، جو پربھ دا نام دِھیائیا۔ گرِہ ویکھاں اوس کُلا، جو کُل بھگت بھگوان روُپ وٹائیا۔ اوتھے ملِے سوامی صُلح کُلا، سہج دا مالک دَیا کمائیا۔ جِس دی یاد وِچ تڑپھدا رہیا بُلھا، فِکرے شہنشاہی گائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ دھرنی کہے میَں آد جُگاد نَٹھی، بھجیّ واہو داہیِا۔ چار جُگ دی ویکھی کھٹّی، سَتجُگ تریتا دواپرکلجُگ پھول پھولائیا۔ اوتار پَیغمبراں گُروُآں دی ویکھی پٹّی، جو اکھّراں وِچ سطراں گئے سمجھائیا۔ نام کلمے دی ویکھی ہٹّی، گرنتھ شاستر دین گواہیِا۔ دھار تکی اٹھسٹھی، تیِرتھ تٹ کنارے پڑدا لاہیِا۔ ساچی وست کِتوں نہ ملِے رتی، نام بھنڈارا دات نہ کوئے ورتائیا۔ چاروں کُنٹ وِچھوڑا ہویا کملاپتی، پت پرمیشور میل نہ کوئے مِلائیا۔ بے شک مانَو گاؤندے دند بتّی، رسنا جِہوا ہِلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ دھرنی کہے میَں جُگ جُگ رہی بھجّدی، بھجن بندگی والے ویکھ وکھائیا۔ پُرکھ اکال رہی لبھدی، گُر اوتار پیِر پَیغمبراں بھار اُٹھائیا۔ بِرہوں وَیراگن ہو کے رہی سدّ دی، ہوکا حق حق جنائیا۔ تیری کھیل نہیں چنگی لگدی، سچ سوامی لیَنا مِلائیا۔ کیوں میَنوُں ونجارن کیِتا سارے جگ دی، چؤراسی لکھّ جوُنی میرے اُتے ٹِکائیا۔ کیوں

کھیل کرائی اگّ دی، چار کُنٹ رہی تپائیا۔ کیوں ونڈ ونڈائی دیِن مذہب حد دی، مندر مسیِت رہے کُرلائیا۔ سچ کھیل دسّ اپنی جدّ دی، وِشوَ پردہ دے چُکائیا۔ نام خُماری دے کے مد دی، دُھن اگمّی راگ سُنائیا۔ میَں کھوجدی تَینوُں کد دی، جُگ چؤکڑی گئے وِہائیا۔ گھڑی سُلکھّنی کر اجّ دی، آپ اپنا رنگ رنگائیا۔ پُرکھ اکال دیِن دَیال بِن تیرے چرن کوَل کِتے نہ سجدی، سوبھاوَنت سوبھا پائے کوئے نہ تھائنیا۔ میَں ماری شرم حیا لّج دی، نیَن سکاں نہ کوئے اُٹھائیا۔ میرے اُتے جھگڑا پیا کھیل ہوئی ماس ناڑی ہڈّ دی، مانَو مانَو پھول پھولائیا۔ میَں تیرے پیار مُحبّت وِچ تیرا اِکو دھرم نِشانہ گڈّدی، میرے گاڈ ہونا سہائیا۔ ہنس بُدھی نہ رہے کلجُگ جیو کگّ دی، گُرمُکھ گُر گُر لےَ اُپجائیا۔ اوہ ویکھ تیری صدی چؤدھویں لنگھدی، منزل منزل پندھ مُکائیا۔ ہُن کھیل دسّ اپنے انند دی، انندپُری والا نال مِلائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، نِہکلنک نرائن نر، مہاراج شیرسِنگھ وِشنوُں بھگوان، کھیل وکھا اپنے نوُری چند دی، چند چاندنا اِک چمکائیا۔

۴ کتّک شہنشاہی سمت ۵ ہری سِنگھ دے گرِہ بستی خلیل

کرپا کرے جوت ربّی، رابطہ اوَر نہ کوئے رکھائیا۔ میری منسا پوُری ہوئے سبھی، در گھر سچ ملِے وڈیائیا۔ سچ وست امولک لبھی، کھوجن دی لوڑ رہی نہ رائیا۔ پُرکھ اکال جوت جگی، اندھ اندھیرا رہیا گوائیا۔ جِس لیکھے لاؤنی پَیغمبراں والی صدی، صدمے سب دے دینے گوائیا۔ کلجُگ کوُڑی کِریا میٹنی بدی، بدلا چُکائے تھاؤں تھائنیا۔ میَں بھگتاں دے چرناں ہیٹھ دبّی، بھار اپنے سیِنے ٹِکائیا۔ کیوں اوہناں دی پریِت اوس نال لگّی، جِتھوں سکے نہ کوئے تُڑائیا۔ سَتجُگ سَت پُرکھ نِرنجن دی چلنی گدّی، باقی نظر کوئے نہ آئیا۔ دُھر دے نام دی لئے کوئے نہ وڈّھی، رِشوت حِصّہ ونڈ نہ کوئے ونڈائیا۔ نہ کوئی کھائے مچّھی ڈڈّی، ڈنڈاوت اِکو دینی جنائیا۔ نہ کوئی جھگڑا ماس ہڈّی، تن وجوُد نہ کوئے لڑائیا۔ اِکو دھار دسّنی بگّی، بگ بپڑے لینےَ ترائیا۔ اِکو منزل دسّنی پدی، پت پرمیشور اِک سمجھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ میلا لئے مِلائیا۔ دھرنی کہے میرا ہؤلا ہونا بھار، بھاردواج گیا جنائیا۔ کل کلکی لئے اوتار، کلیش دئے مِٹائیا۔ پَیغمبراں پاوے سار، اِمام نوُر اِلاہیِا۔ سب نوُں

کرے دستبردار، حُکم دُھر دا اِک سُنائیا۔ سَت سچ بنا سرکار، دُھر فرمانا اِک دِرڑائیا۔ شبدی گُروُ بنا مختیار، حُکم اِکو اِک سُنائیا۔ سرِشٹی درِشٹی پَیج دئے سوار سوارتھ اپنا نہ کوئے رکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، سب نوُں دئے آدھار، عدل اِنصاف اِک کمائیا۔

۴ کتّک شہنشاہی سمت ۵ سمپوُرن سِنگھ دے گرِہ فِروزشاہ

دھرنی کہے میری آسا پُنّی، پربھ دِتی مان وڈیائیا۔ کلجُگ انت پُکار سُنی، مِہر نظر اِک اُٹھائیا۔ وڈ داتا بن کے گُنی، وست امولک آپ ورتائیا۔ نام شبد دی دے کے دُھنی، سوئی سُرتی لئی اُٹھائیا۔ بھگت سُہیلے مات چُنی، ہرِجن اپنے رنگ رنگائیا۔ بھاگ لگا کے ساچی کُلّی، کایا بنک دوار ویکھ وکھائیا۔ پریم پریِتی وست دئے انمُلی، انمُلڑی دؤلت جھولی پائیا۔ لیکھا مُکایا جاپ رسنا بُلیِں، ہِردے وس کے انتر آتم رنگ رنگائیا۔ گُرمُکھ آتم رہے نہ بُھلی، پھڑ باہوں آپ اُٹھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا رنگ اِک رنگائیا۔ دھرنی کہے میرے اُتے بھگت سوہندے، سچ دھیان لگائیا۔ تُوں میرا میَں تیرا سوہنگ گاؤندے چھندے، شہنشاہ مِل کے اپنی خوشی بنائیا۔ باہروں دِسدے تتاں والے بندے، اندر نِرگُن جوت رُشنائیا۔ چھڈ کے رسن وِکار گندے، ہرِ سِمرن وِچ دھیان رکھائیا۔ نیتر نیَن ہیِن ہوئے نہ اندھے، سچ نیتر لیا کُھلائیا۔ پُرکھ اکال دیِن دَیال بخشندے، مِہر نظر اِک اُٹھائیا۔ چؤراسی وِچوں کرکے چنگے، چار ورناں وِچوں باہر کڈھائیا۔ سدا سُہیلا وس کے سنگے، سگلا سنگ بنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا مالک دَیا کمائیا۔ دھرنی کہے میَں ویکھے بھگت پیارے میِت، پُرکھ اکال دِتا جنائیا۔ جِنہاں دی سب توں وکھّری پیاری ریِت، سَتجُگ ساچا راہ تکائیا۔ کھہڑا چھڈ گئے مندر مسیِت، کایا کعبہ دھیان لگائیا۔ جِتھے صاحِب وسے انڈیٹِھ، ہرِ کرتا ڈیرہ لائیا۔ آتم پرماتم بنائے پریِت، پریِتم ہو کے میل مِلائیا۔ کایا کرے ٹھانڈی سیِت، اگنی تت بُجھائیا۔ تُوں میرا میَں تیرا سوہنگ گا کے گیِت، پاربرہم برہم اپنا رنگ رنگائیا۔ اٹّھے پہر وسے چیِت، من چِت ٹھگؤری رہے نہ رائیا۔ جھگڑا مُکا کے ہست کیِٹ، اوُچ نیِچ اِکو گھر وسائیا۔ ساچے نام

دی دے کے بھیِکھ، بُھکھیاں جھولی دئے بھرائیا۔ ایکا چھتر جھُلے سیِس، دو جہان وجےّ ودھائیا۔ کرے کھیل آپ جگدیِش، جگدیِشر داتا دُھردرگاہیِا۔ لکھّ چؤراسی پرکھے نیِت، ورن برن کھوج کھوجائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، آد جُگاد جُگ چؤکڑی بھگت سُہیلا ساچا میِت، مِتر پیارا ایکنکارا اِکو نظری آئیا۔

۴ کتّک شہنشاہی سمت ۵ کپوُر سِنگھ دے گرِہ سرب مالوا سنگت نوِت موگا

نانک بابر دِتی دات، دانی ہو کے دَیا کمائیا۔ لیکھا لِکھیا بِن قلم دوات، کاغذ شاہی نہ کوئے وڈیائیا۔ سندیسہ دِتا ویکھ پربھوُ کھیل تماش، پروردِگار رہیا جنائیا۔ میَں دیِن نہ تکاں ذات، مذہب نہ ونڈ ونڈائیا۔ جو پروردِگار رہیا آکھ، سو سندیسہ دیاں جنائیا۔ بِن اکھّراں والا واک، بِن حرف حروُف پڑھائیا۔ سِکھیا ملِے بِنا اُستاد، جوتی جوت سروُپ ہرِ، آپ اپنی کِرپا کر، سچ کرنی کار کمائیا۔ نانک کِہا سُن بابر، تیری بابت گیا جنائیا۔ شبد سندیسہ دیوے کرتا قادر، قُدرت دا مالک بےپرواہیِا۔ تیرا کرم ہووے اُجاگر، مِہر نظر اُٹھائیا۔ تُوں دھرم دا بن سؤداگر، ونج وپارا اِک دِرڑائیا۔ سچ دوارے ملِے آدر، آدرش اِک وکھائیا۔ کوُڑی کِریا وِچ نہ ہوویں پاگل، مایا ممتا موہ ہلکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کمائیا۔ سَتگُر نانک ہتّھ ماریا اپنی اُتے پیشانی، اُنگلی ترےَ ترےَ جنائیا۔ پِھر منزل دسّی روُحانی، باہر اندر کیِتی رُشنائیا۔ بھیوَ کھول جِسمانی، ضمیِر دِتی بدلائیا۔ جوت دسّی نوُرانی، اندھ دِتا مِٹائیا۔ تیِر ماریا کانی، سوئی سُرت جگائیا۔ چھڈ دے بے اِیمانی، کِریا کوُڑ تجائیا۔ ویکھ آبِ حیات پانی، نِجھر دِتا جھِرائیا۔ سُن کلمہ دُھنکانی، واحد لاشریِک دِرڑائیا۔ ویکھ اوس دی مِہربانی، جو مِہربان اکھوائیا۔ تیری شاہی انتم ہونی فانی، فنا فِلا دِسے لوکائیا۔ یاد کر کربلے والی قُربانی، حسن حُسین نیِر وہائیا۔ ویکھ محمد والی جوانی، کی سندیسہ رہی دِرڑائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کمائیا۔ بابر انتر کُھلی اکھّ، چِھن بھنگر دَیا کمائیا۔ نوُر ویکھ پرتکھ، نانک نِرگُن سرگُن وِچ سمائیا۔ حقیِقت لبھی حق، ہؤمے

دِتی مِٹائیا۔ دھیان ہویا یک، واحد ویکھ وکھائیا۔ چرنی گیا ڈھٹّھ، دھوُڑی خاک رمائیا۔ کلمہ رہیا رٹ، یامُبیِن تیری وڈیائیا۔ نوُر نوُرانہ تیرا سچ، جلوہ گر رُشنائیا۔ نانک پُشت پناہ رکھ کے ہتّھ، ہلوُنا دِتا لگائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کمائیا۔ نانک نِرگُن دِتی دات، سرگُن نانک سنگ مِلائیا۔ باہر دھوُڑی لائی خاک، مستک آپ چُھہائیا۔ میَں بردا تیرا چاک، نِیوں نِیوں لاگاں پائیا۔ نانک ہسّ کے کِہا ایہہ میل تیرا اِتفاق، اِتفاقیا میل مِلائیا۔ تیرا لہنا دینا حِساب، دُھر درگاہوں جھولی پائیا۔ ویکھیں بُھل نہ کھائیں کباب، اِکّی دِن دِتا سمجھائیا۔ نؤ وار روز کریا کریں آداب، روزہ رکھ کے جھٹ لنگھائیا۔ پاک پوِتر رکھنا مِزاج، ہؤمے گڑھ نہ کوئے بنائیا۔ اِک خُدا دی رکھنی یاد، جو واحد نوُر اِلاہیِا۔ کُچھ لیکھا دسّنا وِچ بغداد، بغلگیِر سرب کرائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، پڑدا اوہلا آپ چُکائیا۔ نانک ہتّھ رکھیا پُشت پناہ، مِہر نظر اُٹھائیا۔ بابر بخش تیرے گُناہ، کوُڑی کِریا وِچوں باہر کڈھائیا۔ مارگ اِک رہیا وکھا، نیتر لوچن نیَن اکھّ کُھلائیا۔ وست امولک جھولی پا، سَت سَت ونڈ ونڈائیا۔ انتم انت دِتا جنا، سندیسہ سُننا دُھردرگاہیِا۔ تیرا لہنا دینا چُکے وِچ جہاں، لوک مات رہن نہ پائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ کرنی کار کمائیا۔ بابر قدم بوسی کرکے گیا جھُک، قدماں سیِس نِوائیا۔ انتر اپنا دسّیا دُکھ، دُکھڑا دِتا دِرڑائیا۔ نانک پڑدا رہے نہ لُک، سچ دینا سمجھائیا۔ کِس بِدھ میرا پَینڈا جاوے مُک، ہووے انت تباہیا۔ کوَن جودھا سوُر پَوے اُٹھ، بلدھاری لئے انگڑائیا۔ جیہڑی دات دِتی ستّ مُٹھ، مُٹھی کھول کے دے وکھائیا۔ بابر خوشی نال پھڑ لیا گُٹ، ہتھیلی نال دبائیا۔ سَتگُر نانک ہو کے چُپ، اکھّاں میٹ دھیان دھرائیا۔ پُرکھ اکال کولوں لیا پُچھ، سچ سندیسہ دے دِرڑائیا۔ سِری بھگوان سُنائی اگمّی تُک، دُھر فرمانا اِک جنائیا۔ جِس ویلے نانک تیری دھار میرا شبدی سَتگُر آوے سُت ، گوبِند ناؤں دھرائیا۔ اِس دی جڑ اَخیِری دیوے پُٹ، بچّے نیہاں ہیٹھ دبائیا۔ محمد دھار جانی ٹُٹ، ٹُٹیاں نہ کوئے گنڈھائیا۔ اُمتی اُمت ہونا دُکھ، دردیِاں درد نہ کوئے ونڈائیا۔ میرا بھانا نہ جاوے رُک، نہ کوئی میٹے میٹ مِٹائیا۔ پھیر گوبِند تت سریِر چھڈ کے جانا اُٹھ، لیکھا تتاں والا چُکائیا۔ جھگڑا رہے نہ ماٹی بُت، بُتخانے جائے تجائیا۔ جوتی جوت سروُپ ہرِ، آپ اپنی کِرپا کر، سچ سندیسہ اِک سُنائیا۔ پُرکھ اکال کِہا نانک سُن سندیس اتھاہ، الکھّ اگوچر ہو کے دیاں

دِرڑائیا۔ بابر دے سمجھا، کی بابل کار کمائیا۔ جِس ویلے سرِشٹی درِشٹی بھری گُناہ، پوِت پاک نہ کوئے کرائیا۔ کائنات بُھلے نام خُدا، خودغرضی گھر گھر ڈیرہ لائیا۔ ساچا کلمہ رہے نہ کوئے ادا، ادب مذہب نہ کوئے جنائیا۔ اوس ویلے کھیلے کھیل بے پرواہ، بے پرواہی وِچ سمائیا۔ گوبِند دُلارا لئے اُٹھا، جودھا سوُربیِر پرگٹائیا۔ انتم لہنا دینا دیوے پوُر کرا، کرنی دا کرتا ویکھ وکھائیا۔ اوس دے اَگے کرے اِک دُعا، دوئے جوڑ منگ منگائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، بھیوَ ابھیدا اِک کُھلائیا۔ پُرکھ اکال کِہا نانک نانک نانک تیری جوتی انتم دھار دس، دسمیس ملِے وڈیائیا۔ کِسے دا رہے کِچھ نہ وس، واسطہ پربھ دے اَگے پائیا۔ نؤجوانا آوے نسّ، لوک مات لئے انگڑائیا۔ تیِر انیالا مارے کس، شاہ سُلطانا بل پرگٹائیا۔ انتم ایس دا کھیڑا کرے بھٹّھ، لوک مات رہن نہ پائیا۔ پھیر اپنا سریِر جاوے چھڈ، ناتا جگت تت ہنڈھائیا۔ میری جوت دھار جائے وس، سچکھنڈ ساچے سوبھا پائیا۔ پِھر صدی چؤدھویں ہووے پرگٹ، نِرگُن نِرگُن اپنی کار کمائیا۔ سَت دھرم دا کھول کے ہٹّ، دیِناں مذہباں جھگڑا دئے مُکائیا۔ ایہہ کھیل کراؤنا پُرکھ سمرتھ، دیِن دَیال پڑدا رہیا چُکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی کرنی کار کمائیا۔ پُرکھ اکال کِہا نانک سُن سندیسہ اگمّ اتھاہ، ہرِ کرتا آپ دِرڑائیا۔ چاروں کُنٹ نِگاہ اُٹھا، اُتّر پوُرب پچھّم دکھّن ویکھ وکھائیا۔ تیری میری اِک صلاح، مشورہ اوَر نہ کوئے جنائیا۔ شبدی شہادت دیواں بُھگتا، گواہی گُروُ گُر دِرڑائیا۔ میَنوُں کہندے جلوہ گر خُدا، پَیغمبر کلمیاں وِچ صِفتاں وِچ آیتاں وِچ شریِعتاں وِچ گائیا۔ میَں کھیلاں کھیل دو جہاں، جہالت ویکھاں تھاؤں تھائنیا۔ تُوں بابر دے سمجھا، حُکم سندیسہ نوُر اِلاہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ سَتگُر نانک بابر کیِتا اِشارہ، سیَنت نال دِرڑائیا۔ سُن سندیسہ پروردِگارا، خود خُدا کی جنائیا۔ تیرا لیکھا مُکنا وِچ سنسارا، لوک مات رہن نہ پائیا۔ گوبِند آوے پربھ دا سُت دُلارا، جودھا سوُربیِر اکھوائیا۔ جِس دا کھنڈا ہووے دو دھارا، کوُڑی کِریا کرے صفائیا۔ غریِب نِمانیاں دئے سہارا، کوجھے کملیاں گلے لگائیا۔ بابر خوشی وِچ کیِتی نِمسکارا، سیِس دِتا نِوائیا۔ جوتی جوت سروُپ ہرِ، آپ اپنی کِرپا کر، بھیوَ ابھیدا دئے کُھلائیا۔ بابر نانک چرن کیِتی نِمسکار، نِیوں نِیوں لاگا پائیا۔ اوہدے نال سی راجپوُت سردار، جودھا سوُربیِر اکھوائیا۔ اوس نانک دی دھوُڑی لائی چھار، رسنا چرن چُمّ کے

خوشی منائیا۔ نیتر رو کیِتی پُکار، واہ واہ تیری بےپرواہیِا۔ جے بابر دِتا تار، سِر میرے ہتّھ ٹِکائیا۔ میَں وی منگتا تیرے دربار، در تیرے الکھ جگائیا۔ میَں درشن کرنا چاہُندا گوبِند سُت دُلار، جو سوُربیِر اکھوائیا۔ بھاویں آؤنا پئے دوُجی وار، لوک مات پھیرا پائیا۔ کِرپا کر نانک ڈھیَہہ پیا تیرے دوار، در تیرے سیِس نِوائیا۔ جوتی جوت سروُپ ہرِ، آپ اپنی کِرپا کر، سچ کرنی کار کمائیا۔ نانک بابر کیِتا سجدہ، سیِس سیِس نِوائیا۔ میَں تیرا نفر بردا، سیوک سیو کمائیا۔ بِھکھاری تیرے در دا، بِھکھک جھولی ڈاہیِا۔ آسا اِک رکھدا، منسا دیاں جنائیا۔ میرے انتر کوئی دسّدا، نانک سیوا لےَ کمائیا۔ سچ سچ کھیل تیرے جس دا، صِفتاں وِچ وڈیائیا۔ تُوں لہنا دینا دینا حق دا، حقیِقت تیرے در سوبھا پائیا۔ تیرے کول بھنڈارا بُدھ مت دا، وست اگمّ ورتائیا۔ میَں پُتلا پنج تت دا، گُناہاں بھریا نظری آئیا۔ بابر پھیر چرن ڈھٹّھدا، نِیوں نِیوں سیِس جھُکائیا۔ جوتی جوت سروُپ ہرِ، آپ اپنی کِرپا کر، سد اپنا حُکم ورتائیا۔ نانک سَتگُر کیِتی مِہربانی، ہتّھ سیِس دِتا ٹِکائیا۔ تیری آشا نہ رہے نادانی، دِتی مان وڈیائیا۔ اِکو شبد تُک گانی، بابر دیاں سمجھائیا۔ جِس در تے کلمہ منگے پانی، رہبر پیاس بُجھائیا۔ پَیغمبر نہ کوئے نِشانی، تت نہ کوئے وکھائیا۔ دینی نہ پئے قُربانی، سیِس دھڑ نہ کوئے کٹائیا۔ اوہ کھیل شاہ سُلطانی، ہرِ سچ سچ سمجھائیا۔ جوتی جوت سروُپ ہرِ، آپ اپنی کِرپا کر، سچ کرنی کار کمائیا۔ بابر پھیر کیِتا ادب، نانک سیِس نِوائیا۔ سد میری کرنی مدد، سَتگُر تیری اوٹ تکائیا۔ جگت میٹنا تشّدد، جھگڑا رہے نہ رائیا۔ جھگڑا چُکاؤنا ایکا دوُآ عدد، عدالت حق کمائیا۔ نانک اپنے چرناں دا وکھایا پدم، باہر نیَن درسائیا۔ اُس لما پےَ کے چُمّ لئے قدم، قدیِم دا لیکھا دئے مُکائیا۔ ہلوُنا آیا بدن، سُرت رہی نہ رائیا۔ دیِپک لگّا جگن، اندھ اندھیر گوائیا۔ نانک نِرگُن دھار ہو کے مگن، سچ سندیسہ اِک سُنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کمائیا۔ بابر انتر آیا پیار، پریم پریِتی وِچ سیِس نِوائیا۔ گلوں لاہ کے جڑاؤ ہار، ساڈھے تِنّ دا نانک چرناں بھیٹ کرائیا۔ پھیر دھوُڑی لا کے چھار، اُنگلاں کنّاں وِچ پائیا۔ اُچی کوُک کِہا پُکار، یا االلہ تیری وڈیائیا۔ میرے پَیغمبراں دے سِکدار، صاحِب تیری سرنائیا۔ مُکھوں ہسّ کے کِہا میَں تیرا برخوردار، سِر میرے ہتّھ ٹِکائیا۔ آہ مُحبّت دا اُدھار، تیرے چرناں بھیٹ چڑھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ نانک ہار پھڑایا ہتّھ، بابر دِتا جنائیا۔

ایہہ میَں کی کرنی وتھ، تیری توہے بھائیا۔ بابر جھُک گیا جھٹ، سیِس قدماں وِچ ٹِکائیا۔ ایہہ اپنے کول رکھ، میَں اجّ سیوا کی کمائیا۔ تُوں شہنشاہ الکھ، دو جہان سوبھا پائیا۔ میَں بِھکھاری منگن والا بِھکھ، در درویش نظری آئیا۔ جوتی جوت سروُپ ہرِ، آپ اپنی کِرپا کر، سچ کرنی کار کمائیا۔ نانک کِہا میَں کی کرنا تیرا ہار، ہِردا اپنا ویکھ وکھائیا۔ میَں چھڈیا تن شِنگار، بستر تن نہ کوئے چُھہائیا۔ میَں پِھراں جنگل جوُہ اُجاڑ پہاڑ، چکّی تیرے در چلائیا۔ میَں آسا چھڈی پُرکھ نار، پُرکھ اکال اِک منائیا۔ میَں چھڈ دِتا گھر بار، گرِہ مندر کوُڑ تجائیا۔ میَں حُکم منّاں سچّی سرکار، جو دیوے دُھردرگاہیِا۔ لےَ اپنی وست سنبھال، میرے کمّ کِسے نہ آئیا۔ بابر پِھر کِہا تُوں پاتشاہ میَں کنگال، نانک تیرا بردا نظری آئیا۔ تیرا جوتی نوُر جلال، جلوہ گر رُشنائیا۔ میَں تیرے قدماں دِتا سنبھال، میَنوُں لوڑ رہی نہ رائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک سُنائیا۔ بابر پھیر ٹیکیا متھا، سیِس ستّ ویراں رگڑائیا۔ اوس دے اندروں آواز آئی سُن اگمّی کتھا، کلمہ حق جنائیا۔ گوبِند دھار آؤنا یتھارتھ یتھا، سرگُن اپنا ویس وٹائیا۔ جِس کلغی توڑا سُہاؤنا سوہنا اچھا، اچھی طرح سمجھائیا۔ جِس نے تیڑ سُہاؤنا کچّھا، کچھہرا دئے وڈیائیا۔ جوتی جوت سروُپ ہرِ، آپ اپنی کِرپا کر، پُرکھ اکال بناؤنا اپنا بچّہ، پوُت سپوُتا اِک پرگٹائیا۔ بابر انتر آئی وِچار، نِرنتر ویکھ وکھائیا۔ گوبِند سوُربیِر سِکدار، جودھا اِک اگمّ اتھاہیِا۔ جِس دا تن وجوُد شِنگار، ماٹی خاک خاک وڈیائیا۔ تکیا نال پیار، نیَن اکھّ کُھلائیا۔ پِھر نانک اَگے کیِتی پُکار، پُنہ پُنہ سیِس نِوائیا۔ ایہہ گوبِند دے گل دینا ڈار، اَمانت تیری جھولی پائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ نانک کِہا باہر ہور ویکھ نظارہ، نظر نیَن اُٹھائیا۔ کی کھیل کرے پروردِگارا، بے پرواہ اگمّ اتھاہیِا۔ کی محمد دیوے سہارا، لوک مات دَیا کمائیا۔ اؤہ تکّ صدی چؤدھویں انت کنارہ، نئیا نؤکا پار نہ کوئے کرائیا۔ پھیر ویکھ گوبِند دھار آؤنا دوبارہ، نِرگُن اپنا روُپ وٹائیا۔ سمبل نگر کرے مظاہرا، حُکم سندیسہ اِک سُنائیا۔ تیرا اوس دے نال ادھارا، دیِن دَیال رہیا جنائیا۔ میرا ویکھ اگمّ اِشارہ، تَینوُں دیاں دِرڑائیا۔ تیرے نال جو راجپوُت تیرا سردارا، حؤلدار سوبھا پائیا۔ ہُن اِس دے کر حوالہ، سانبھ کے رکھے چائیں چائنیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، سچ دی کرنی کار کمائیا۔ بابر نے ہار اوس نوُں دِتا پھڑا، سہج نال اُٹھائیا۔ مُکھوں کِہا

تیرا شُکر بڑا، بڑے دی بڑی وڈیائیا۔ نانک کِہا گوبِند دی نِشانی ہونی کڑا، بابر تیرا بابل رہیا جنائیا۔ جِس نے پھیر کلجُگ انتم دیِن دُنی دا میٹنا دھڑا، مذہب رہن کوئے نہ پائیا۔ سچ دوارے ہووے کھڑا، درگاہ ساچی آپ سُہائیا۔ سب نوُں پھڑایا ہووے لڑا، پلّوُ اپنا گنڈھ پوائیا۔ جِس ویلے کھیل کرے نرائن نرا، کلجُگ انتم ویس وٹائیا۔ جگت جُگ میٹے شریِعت شرع، شاہ پاتشاہ اپنی کار کمائیا۔ سب دا پھولے مندر گرِہ گھرا، ساڈھے تِنّ ہتّھ پڑدا آپ چُکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ بابر کِہا میَں نانک اَنجان، سمجھ کِچھ نہ آئیا۔ تُوں میری سیوا کیِتی پروان، مِہر نظر ٹِکائیا۔ ہتّھ پھڑائی نؤجوان، جو تَینوُں سیِس نِوائیا۔ اگلا کھیل جانے تُوں آپے آپ مہان، موہے سمجھ ذرا نہ آئیا۔ نانک ہسّ کے کِہا ایہہ حُکم میرے مِہربان، محبوُب رہیا سمجھائیا۔ جِس ویلے پُرکھ اکالا پرگٹ ہووے وِچ جہان، گوبِند جودھا سوُر نال رلائیا۔ اوس ویلے اُس نوُں جنم ضرور ملِے اِنسان، گُرمُکھ سوہنا نظری آئیا۔ لہنا دینا پوُرا ہووے )جہان(، جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ پردہ آپ چُکائیا۔ نانک کِہا بابر کی تَینوُں سمجھاؤنا، سمجھ دی لوڑ رہے نہ رائیا۔ گوبِند تیرا انت کراؤنا، گدّی توں گداگر دئے بنائیا۔ اپنا تن وجوُد سچ روُپ بھیٹ چڑھاؤنا، گُر ارجن نام دھرائیا۔ تیغ بہادر سیِس کٹاؤنا، دِلّی دوار وجےّ ودھائیا۔ گوبِند پُر انند تجاؤنا، ایہہ میرا کھیل اگمّ اتھاہیِا۔ مات پِت بنس سربنس وار وکھاؤنا، وارتا اپنی آپ جنائیا۔ ماچھوُواڑا سیج سہاؤنا، ستھر یارڑا اِک ہنڈھائیا۔ پُرکھ اکال اِک مناؤنا، دوُسر سیِس نہ کِسے جھُکائیا۔ پِھر اپنا آپ تجاؤنا، ساڈھے تِنّ ہتّھ ڈیرہ ڈھاہیِا۔ سچکھنڈ ساچا اِک وساؤنا، جوتی جوت جوت مِل جائیا۔ پھیر پُرکھ اکال مناؤنا، ابناشی کرتا سنگ رکھائیا۔ کل کلکی ویس وٹاؤنا، اِمام اِماما ناؤں دھرائیا۔ شبدی دھار سنگ رکھاؤنا، گوبِند گوبِند جوڑ جُڑائیا۔ سمبل نگر اِک وساؤنا، ساڈھے تِنّ ہتّھ وجےّ ودھائیا۔ بابر لہنا پوُر کراؤنا، نانک نِرگُن دئے گواہیِا۔ سمت شہنشاہی پنج وقت سُہاؤنا، ودی سُدی نہ کوئے رکھائیا۔ راجپوُت سپوُت پھیر اُٹھاؤنا، لوک مات جنم دوائیا۔ اوس دا ویلا وقت وڈیاؤنا، مِہر نظر نال ترائیا۔ پوُرب قرضہ آپے لاہُنا، مقروُض لیکھا دئے چُکائیا۔ جوتی جوت سروُپ ہرِ، آپ اپنی کِرپا کر، سد اپنی کار کمائیا۔ بابر کِہا میرے حضوُر، حضوُریئے نانک سیِس نِوائیا۔ میرے بخش لئیں قصوُر، قسم کھا کے سیِس جھُکائیا۔ میَنوُں شرع نہ کرے مجبوُر، کلمے

والی دُہائیا۔ میرا پار اُتارنا پوُر، بیڑا منّجھ نہ کوئے رُڑھائیا۔ میَں نِیوں نِیوں لاواں چرناں دھوُڑ، خاکی خاک رمائیا۔ جے میرا کِہا پوُرا کرنا گوبِند ضرور، اوسے دی جھولی پائیا۔ جیہڑا تیرا ہونا نوُر، نوُر نوُر رُشنائیا۔ سچ جنائے دستُور، دست اپنا دست اُٹھائیا۔ شرع میٹے کوُڑ، کِریا دئے گوائیا۔ اوس دا سنگ ایس نوُں دینا ضرور، جِس نوُں ہار دِتا پھڑائیا۔ ایسے کارن لہنا دینا ہویا سِنگھ کپوُر، کپوُر دا نوُر دِتا چمکائیا۔ جوتی جوت سروُپ ہرِ، آپ اپنی کِرپا کر، سد اپنا حُکم ورتائیا۔ نانک کِہا کھیل ہونا نال پھیر کپوُر، سِنگھ ملِے وڈیائیا۔ لیکھا مُکاوے سرب گُناں بھرپوُر، بے پرواہ اگمّ اتھاہیِا۔ جِس در سارے منگن دھوُڑ، گُر اوتار پَیغمبر دھیان لگائیا۔ جو چتُر سُگھڑ بنائے موُرکھ موُڑھ، دُرمت میَل کر صفائیا۔ ایکا بخش کے اپنا نوُر، نوُر نوُرانہ چند چمکائیا۔ جوتی جوت سروُپ ہرِ، آپ اپنی کِرپا کر، سد اپنا حُکم ورتائیا۔ نانک کہے گوبِند لہنا، سچ سچ سچ سمجھائیا۔ شہنشاہی سمت پنج انتم انتم پئے دینا، لیکھا لیکھے وِچ جنائیا۔ بھگت بھگوان وکھائے اپنے نیَنا، نیتر لوچن نیَن اکھّ کُھلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، پوہ چھّبی تِھت سمجھائیا۔ چھّبی پوہ نوُں کھیل کھِلاؤنا، ہرِ خالق دَیا کمائیا۔ مالوے والیو سوہنگ متھے وِچ لٹکاؤنا، مٹک نال آؤنا چائیں چائنیا۔ پربھ دے گھر سب نے بن کے جانا پراہُنا، پوُرن آسا نال رکھائیا۔ تُوں میرا میَں تیرا ڈھولا گاؤنا، آتم پرماتم وجےّ ودھائیا۔ اِکّی گُرمُکھاں سوا ہتّھ پلّوُ پگّ پِیلے رنگ رنگاؤنا، گوبِند رنگ دینا چمکائیا۔ اِکّی بیِبیِاں پیِلا مستک تِلک لگاؤنا، نال گوبِند لِکھنا چائیں چائنیا۔ اِکّی گُرمُکھاں سجّا ہتّھ سیِس ٹِکاؤنا، کھبّا کنّ اُتے رکھائیا۔ اِکّی بیِبیِاں ہتّھ وِچ سوہنگ مہاراج شیرسِنگھ وِشنوُں بھگوان دی جےَ لِکھ کے اُٹھاؤنا، ساڈھے تِنّ ہتّھ لمبائی وِچ سمجھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کمائیا۔ چھّبی پوہ کہے میَنوُں پربھ نے دینی شاباش، جن بھگتاں نال وڈیائیا۔ سب دی پوُری کرنی آس، نِراسا نظر کوئے نہ آئیا۔ اِکّی گُرمُکھاں ہتّھ وِچ پھڑیا ہووے نِیلے رنگ دا بنا آکاش، سِتارے ستّ ستّ چمکائیا۔ اِکّی بیِبیِاں ہوون اِکو ذات، ڈھولا اِکو گاون دُھر دا ماہیِا۔ اِکّی گُرمُکھاں کردے آؤنا آداب، دوویں ہتّھ مستک اُتے ٹِکائیا۔ اِکّی بیِبیِاں ڈھولے گاون پُرکھ اکال تُوں ہی مائی باپ، ناتا کوُڑ دِتا چُھڈائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، بھیوَ ابھیدا آپ کُھلائیا۔ چھّبی پوہ کہے اِکّی گُرمُکھ ماردے آون تالی، زور زور لگائیا۔ اِکّی بیِبیِاں

سِر چُنی لےَ کے کالی، کلجُگ کوُڑی کِریا دین دبائیا۔ اِکّی گُرمُکھ دِنے مثعلاں آون بالی، سجےّ ہتّھاں وِچ ٹِکائیا۔ اِکّی بیِبیِاں ہتّھ وِچ پھڑ کے تھالی، زور زور نال کھڑکائیا۔ اِکّی گُرمُکھ جگت جگیاَسوُ بنے ہون ہالی، آپ اپنا ویس بدلائیا۔ اِکّی بیِبیِاں سِر تے چُکیا ہووے پانی، برتن وڈّا چھوٹا نہ کوئے سمجھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا مالک بےپرواہیِا۔ چھّبی پوہ کہے میرا دِوس ہونا اُگھا، اُگن آتھن ملِے وڈیائیا۔ مالوے والیو اِک لِیانا بُڈھا، جیہڑا روز پربھ نوُں گالاں کڈھ کے اپنا جھٹ لنگھائیا۔ سؤندا ہووے اُتے بسُدھا، کھٹیا کھاٹ نہ کوئے رکھائیا۔ نال لیاوے کورا کُجا، ماٹی برتن سوبھا پائیا۔ اِک بیِبی آوے جیہڑی پوُجدی رہی گُگا، سیویاں تھال بھرائیا۔ نال کٹورا ہووے دُدھا، مجھّ گاں نہ کوئے چتُرائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی دی کار کمائیا۔ چھّبی پوہ کہے مالوے والیو نؤ بنے ہون ملاح، کھیوٹ کھیٹا روُپ بنائیا۔ جیہڑی گوبِند کپوُرے نوُں دے کے گیا صلاح، اُس دا پردہ دینا کُھلائیا۔ کاغذ دی بیڑی کانے دا چّپوُ لیَنا اُٹھا، کلجُگ دی نئیا دینی وکھائیا۔ وِچ پنج پنج تِنکے رکھنا گھاہ، سُکا گِلہ نہ کوئے وڈیائیا۔ وِچلی چوٹی تے لِکھ کے رکھنا خُدا، خود مالک تیری بےپرواہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ چھّبی پوہ کہے اِکّی بیِبیِاں دے ہتّھ وِچ ہووے اِک اِک مومبتّی، جو شمع روُپ بدلائیا۔ اوہناں وِچوں کِسے دا مریا ہووے نہ پتی، سُہاگناں مِل کے خوشی منائیا۔ کِسے دے اندر وا نہ ہووے تتی، ہؤمے روگ نہ کوئے ستائیا۔ جنم دیِاں ہوون جتی، بِنا پتی توں اکھّ نہ کدے مِلائیا۔ مستک لِکھی ہووے پٹّی، پٹنے والا دُھر دا ماہیِا۔ اوہناں دی ذات ہووے جٹّی، دوُسر سنگ نہ کوئے رکھائیا۔ سب دی کنّی توں قمیِض ہووے پھٹی، ثابت نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ سندیسہ اِک سُنائیا۔ چھّبی پوہ کہے پنج گُرمُکھ بنے ہوون پارسی، پارس لوہا سونا کنچن روُپ بدلائیا۔ اِک اِک تُک پڑھدے ہوون فارسی، عالماں فاضلاں توں پرے پڑھائیا۔ کرِشن دی کردے ہوون آرتی، دیِپک تھال وِچ ٹِکائیا۔ مُحبّت رکھدے ہون اِک یار دی، ایکنکار اِشٹ منائیا۔ اوہناں دی آیوُ ہووے اِک دھار دی، وڈّا چھوٹا نہ کوئے سمجھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دی کرنی کار کمائیا۔ چھّبی پوہ کہے میَں یاد کراؤندا پِچھلی بیِتی، کتھا کہانی رہیا دِرڑائیا۔ نؤاں گُرمُکھاں

صاف کر کے آؤنا نیِتی، پگڑی پُٹھی سِدھی سیِس بندھائیا۔ لال نِشان لاؤنا کھبےّ ہتّھ دی اُنگلی چیچی، اَگے واسطے بھگتاں وِچ چیچک دا روگ رہے نہ رائیا۔ اندروں بدل کے آؤنا نیِتی، کوُڑی کِریا باہر کڈھائیا۔ آتما پرماتما لگّی ہووے پریِتی، پریِتم مِل کے وجےّ ودھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کمائیا۔ چھّبی پوہ کہے پربھ دی جوت جگی، جگت ہوئی رُشنائیا۔ پنجاں بیِبیِاں سیِس تے پا کے آؤنی سگّی، پراندا لال رنگ رنگائیا۔ لہنا مُکنا چؤدھویں صدی، صدمہ محمد دینا وکھائیا۔ پِچھلی رہنی نہیں کوئی گدّی، گداگر ہووے لوکائیا۔ پربھ دے نال بھگتاں پریِت ہووے لگّی، اَگے سکے نہ کوئے تُڑائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کمائیا۔ چھّبی پوہ کہے میرا رہے کوئی نہ روسا، رُسیِاں لَواں منائیا۔ پنجاں گُرمُکھاں بنّھ کے آؤنا بھوتھا، ایہہ ریِتی پِچھلی دینی وکھائیا۔ پنجاں بدھّا ہوئے لنگوٹا، تیڑ کچھہرا نہ کوئے سُہائیا۔ پنجاں بیِبیِاں لایا ہووے لال رنگ دا گوٹا، سیِس دُپٹّا دئے وڈیائیا۔ سجےّ ہتّھ دا رنگیا ہووے پیِلا پوٹا، انگوُٹھا لال رنگ سُہائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ میلا لئے مِلائیا۔ چھّبی پوہ کہے میرا وقت سُہانا، سوہنیو دیاں جنائیا۔ گُرمُکھ گُرسِکھ ہرِجن بھگت سُہیلے بن کے آؤنا آپ پراہُنا، اپنا پندھ مُکائیا۔ من ہنکار نہ کِسے رکھانا، ہؤمے وِچ نہ کوئے وڈیائیا۔ در اوس پربھوُ دے جانا، جِتھے ساچی جگہ ملِے وڈیائیا۔ درگاہ ساچی جِس پُچانا، سچکھنڈ دوار ٹِکائیا۔ آد انت دا لیکھ مُکاؤنا، مُکمل لیکھا دئے مُکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، لہنا دینا آد جُگاد نِت نوِت چُکائے وِچ دو جہاناں، اوتار پَیغمبر گُر وِشن برہما شِو دیوت سُر نر مُن جن بچیا رہن کوئے نہ پائیا۔