۶ کتّک شہنشاہی سمت ۵ کرنَیل سِنگھ، جرنَیل سِنگھ دے گرِہ پِنڈ راجو کے
سَتگُر شبد پُرکھ اکال کیِتا سجدہ، درگاہ ساچی سچکھنڈ دوارے سیِس نِوائیا۔ پاربرہم پت پرمیشور میَں تیرا بردا، پروردِگار سانجھے یار تیری سرنائیا۔ میَں صدی چؤدھویں کھیل ویکھیا گھر گھر دا، لکھّ چؤراسی جیِو جنت سادھ سنت پھول پھولائیا۔ رسنا جِہوا بتّی دند مانَو تَینوُں یاد کردا، ہِردے وِچ نہ کوئے وسائیا۔ ساچی منزل کوئے نہ چڑھدا، ادھواٹے بَیٹھی کوُڑ لوکائیا۔ اِشنان کرے نہ کوئی تیرے سروور سر دا، دُرمت میَل نہ کوئے دھوائیا۔ سرن چرن کوئے نہ پڑدا، دھوُڑی خاک نہ کوئے رمائیا۔ میَں حَیران ہو گیا کی کھیل نرائن نر دا، کی کل رہیا ورتائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در تیرے رہیا سُنائیا۔ سَتگُر شبد کہے پربھوُ میَں سب دے اندر ماری جھاکی، نِرنتر ویکھ وکھائیا۔ ساچا ملِے کوئی نہ ساتھی، سگلا سنگ نہ کوئے بنائیا۔ چاروں کُنٹ اندھیری راتی، نِرگُن نوُر نہ کوئے رُشنائیا۔ منوُآ منّے کِسے نہ آکھی، کلپنا کوُڑ رہی کُرلائیا۔ پَیغمبر کرے کوئی نہ راکھی، اوتار سیِس ہتّھ نہ کوئے ٹِکائیا۔ جیِون وِچوں بدلے نہ کِسے حیاتی، آبِ حیات نہ کوئے پیائیا۔ دیِن مذہب دا جھگڑا مُکیا نہ کاغذاتی، چار جُگ دے شاستر رہے لڑائیا۔ میرے انتر اگمّی دھار بھاکھی، پاربرہم دیاں جنائیا۔ جیہڑی گوبِند سِکھی بنائی اِک ستّ پنج چھ اُتے وساکھی، شبدی دھار نال پرگٹائیا۔ اوہدی رہے نہ سچ جماعتی، ناتا پریم رہے تُڑائیا۔ ساچی منزل تیری چڑھے کوئی نہ گھاٹی، سچ دوارے مِلن کوئے نہ آئیا۔ اُٹھ ویکھ پُرکھ اکال پُرکھ ابناشی، مِہربان مِہربان مِہربان محبوُب اپنی دَیا کمائیا۔ ساچے منڈل گوپی کاہن پائے کوئی نہ راسی، دھرم دھار نہ کوئے جنائیا۔ میَں سب دی واسنا اندر وڑ کے واچی، واچک ویکھی جگت لوکائیا۔ میَنوُں تیرے در تے آوے ہاسی، ہسّ کے دیاں سُنائیا۔ ثابت رہیا نہ کوئی پنڈت کاشی، کلجُگ کلا دِتی ورتائیا۔ مُلّا شیخ پُچھے کوئے نہ واتی، واتاوَرن بدلیا جگت لوکائیا۔ روُح بُت ہوئے کوئے نہ پاکی، پتت پُنیِت نہ کوئے کرائیا۔ جوتی
جوت سروُپ ہرِ، آپ اپنی کِرپا کر، ایکا دینا دُھر دا ور، در تیرے منگ منگائیا۔ سَتگُر شبد کہے میَں ویکھیا مدیِنہ مکّیا، کعبے حُجرے پھول پھولائیا۔ بھجّیا مندر مٹھیا، شِوالے پڑدا لاہیِا۔ تیرے پریم کوئی نہ رتّیا، رتن امولک ہیِرا روُپ نہ کوئے بدلائیا۔ میَں ہو گیا ہکاّ بکّیا، حَیرانی میرے اندر آئیا۔ واہ واہ تیرا کھیل پُرکھ سمرتھیا، وڈ داتے تیری بےپرواہیِا۔ صدی چؤدھویں گھر گھر پایا رٹّیا، سانتک سَت نہ کوئے جنائیا۔ اپنا نام بازاراں وِچ ویچیا نال ٹکیاں، قیِمت گرنتھاں والی پائیا۔ پَیغمبراں پوُرا ہون لگّا ٹھیِکیا، پٹنے والا دئے گواہیِا۔ تیرا کھیل الکھ الکھّیا، لکھ سکے کوئے نہ رائیا۔ تُوں اپنا بھیوَ کِسے نہ دسّیا، چارے جُگ بےانت بےانت بےانت کہہ کے تَینوُں گئے گائیا۔ چاروں کُنٹ ویکھ جگت جہان جائے مچّیا، ترےَگُن اگنی تت تپائیا۔ نام بیِج کوئی نہ وتیا، تن وجوُد ہرا سِنچ نہ کوئے کرائیا۔ کلجُگ کھیل بازی گر نٹیا، سوانگی اپنا سوانگ جنائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دوار ایکنکار در تیرے الکھ جگائیا۔ سَتگُر شبد کہے میرے محبوُب، مُحبّت وِچ دیاں جنائیا۔ تیرا دھام عالیشان عروُج، عرش فرش تیری وڈیائیا۔ اپنی منزل ویکھ مقصوُد، محبان بیِدو بی خَیر یا االلہ تیری سرنائیا۔ میَں در تیرے مؤجوُد، حاضر ہو کے رہیا جنائیا۔ دروہی کلجُگ کوُڑی کِریا صدی چؤدھویں کر نیست و نابوُد، جڑ دھرنی دھرت دھوَل دے اُکھڑائیا۔ مایا ممتا کرے کوُچ، کوُچا گلی کر صفائیا۔ جِس کارن گوبِند بچّے گئے جھوُج، اجیِت جُجھار دین گواہیِا۔ دیِن دُنی وِچوں کڈھ دے دوُج، اِکو اپنا رنگ رنگائیا۔ پُرکھ اکالے تیری ہووے پوُج، سِل پاہن پاتھر سیِس نہ کوئے نِوائیا۔ کوُڑ وِکار ہنکار کایا مندر اندر ہوُنجھ، شبدی دھار کر صفائیا۔ سب دی نِرمل کر بُدھ، سریشٹ اپنا رنگ رنگائیا۔ تُدھ بِن اوَر لئے کوئی نہ سُدھ، بسُدھا دئے دُہائیا۔ سرِشٹی کرنہاری یُدھ، جھگڑے وِچ دِسے مات ہلکائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در تیرے منگ منگائیا۔ سَتگُر شبد کہے میرے پُرکھ اکالے، صاحِب تیری وڈیائیا۔ پھل رہیا کِسے نہ ڈالے، پت ٹہنی سِنمل روُپ لہرائیا۔ ویکھ کھیل اپنا حالے، حالت وِگڑی جگت لوکائیا۔ دیِن دُنی دے بدل گئے چالے، چاروں کُنٹ رہی کُرلائیا۔ تیرے نام دی گھال کوئی نہ گھالے، کام کرودھ لوبھ موہ ہنکار گھر گھر ڈیرہ لائیا۔ سب دا انتم حل کر سوالے، مِہربان پربھ اپنی دَیا کمائیا۔ جو شبد سندیسہ دے کے گیا نانک سَتگُر بالے، اگمّ اتھاہ آپ دِرڑائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، تیری
وجےّ نام ودھائیا۔ سَتگُر شبد کہے پربھ میَں ویکھی تیری بھجن بندگی، ہر گھٹ انتر پھول پھولائیا۔ وست ملِے نہ کِسے انند دی، نِجانند پرمانند وِچ نہ کوئے سمائیا۔ لِو چُھٹے نہ کوُڑ کُڑیارے گند دی، امرت رس نہ کوئے چکھائیا۔ سمجھ آئے نہ کِسے برہم ہنگ دی، آتم پرماتم جوڑ نہ کوئے جُڑائیا۔ جوت نظر نہ آئے تیرے گوبِند چنّ دی، چاروں کُنٹ اندھیرا چھائیا۔ میری آسا صاحِب سُلطان اِکو منگ منگدی، مانگت ہو جھولی ڈاہیِا۔ دیِن دُنی کھیل ویکھ بُھکھ ننگ دی، دُکھیاں درد نہ کوئے گوائیا۔ سُت شبد دھار کوئی نہ گنڈھدی، انتر نِرنتر رنگ نہ کوئے چڑھائیا۔ چاروں کُنٹ تیاری جنگ دی، جھگڑے وِچ سرب دُہائیا۔ ویکھ کھیل اپنی وربھنڈ دی، برہمنڈ کھوج کھوجائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در آسا پوُر کرائیا۔ پُرکھ اکال کہے سُن شبد میرے دُلارے، دوُلھے دُھر دے دیاں دِرڑائیا۔ اؤہ ویکھ تیئی اوتارے، در بَیٹھے سیِس نِوائیا۔ تکّ حضرت عیسیٰ موُسیٰ محمد بنے بِھکھارے، خالی جھولیاں اَگے ڈاہیِا۔ گُروُ دھار ویکھ ونجارے، ونج اِکو اِک سمجھائیا۔ سب دے لہنے دینے پوُرے کرنے وِچ سنسارے، سنساری بھنڈاری سنگھاری نال مِلائیا۔ کرنی کھیل آپ نِرنکارے، نِرگُن نِروَیر حُکم ورتائیا۔ جِس نے پندھ مُکاؤنے جُگ چارے، سَتجُگ تریتا دواپرکلجُگ لیکھا دئے چُکائیا۔ سَتجُگ ساچے دئے ہُلارے، سَت ستوادی آپ اُٹھائیا۔ حُکم دیوے سچّی سرکارے، شاہ پاتشاہ سچّا شہنشاہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ ساچی کار کمائیا۔ پُرکھ اکال کِہا سُن اگمّی شبد سُت ، سَت دیاں سمجھائیا۔ ایہہ کھیل ابناشی اچُت، چارے کُنٹ کھوج کھوجائیا۔ کلجُگ وِچ سَتجُگ سُہاؤنی رُت، رُتڑی اپنے نال مہکائیا۔ پوِتر کرنے کایا بُت، بُتخانیاں کرے صفائیا۔ تُوں وی میری دھاروں جانا اُٹھ، نِرگُن دھار لےَ انگڑائیا۔ کلجُگ کوُڑی کِریا جڑ دینی پُٹ، دھرنی دھرت دھوَل رہن نہ پائیا۔ پھیر سوادھان ہو کے لئیں پُچھ، نِیوں نِیوں سیِس نِوائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، درگاہ سچ دیاں جنائیا۔ شبد سُت دَیا دھار، دَیا کماواں گا۔ کھیل کر سنسار، کوُڑی کِریا میٹ مِٹاواں گا۔ شبد جوت اگمّ اپار، نوُر ظہوُر چمکاواں گا۔ کوُڑی کِریا کر گرِفتار، شبدی ڈوری تند بندھاواں گا۔ حُکمے اندر رکھ پَیغمبر اوتار، گُروُ گُردیو اِک جناواں گا۔ کالی رَین میٹ کے دھوُاں دھار، نوُری جوت چند چمکاواں گا۔ سَت سچ دا کر جَیکار، کلمہ اِکو نام پڑھاواں گا۔ دھرم دی دھار تیرا پیار، پِتا پوُت گود سُہاواں گا۔ ایکا
رنگ رنگا کے پُرکھ نار، نر نرائن ڈنک وجاواں گا۔ سَتجُگ سچ ہوئے ادھار، اُدر اپنے وِچوں پرگٹاواں گا۔ ایہہ کھیل الکھ اگوچر کرے اگمّ اپار، اپرمپر اپنی کار کماواں گا۔ جو کہہ کے گئے پَیغمبر گُروُ اوتار، بھوِکھت سب دے ویکھ وکھاواں گا۔ پیشیِن گوئیاں رکھاں اپنے نال، نِت نوِت اپنا کھیل کھِلاواں گا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ مارگ آپ وکھاواں گا۔ سَتگُر شبد کہے پربھ ساچا مارگ لا دے جگ، جاگرت جوت کر رُشنائیا۔ ترےَگُن مایا بُجھا دے اگّ اگنی تت نہ کوئے تپائیا۔ نوُری درس دے اُپر شاہ رگ، نؤ دوارے ڈیرہ ڈھاہیِا۔ تیرا کھیل سوُرے سربگ، کایا مندر اندر ویکھ وکھائیا۔ بِن کعبیوں کرا دے حج، حُجرہ اِکو اِک سُہائیا۔ دیِن مذہب دی میٹ دے حد، مانَو مانَس مانُکھ اِکو رنگ رنگائیا۔ سارے پُرکھ اکال تیری جدّ، تُوں اِکو جمّن والی پِتا مائیا۔ کیوں تیری آتما تَینوُں گئی چھڈ، لوک مات ہوئی پرائیا۔ دھرم نِشانہ اِکو گڈّ، چار کُنٹ دئے ہِلائیا۔ سنت سُہیلے اپنے صدّ، بھرم سب دا میٹ مِٹائیا۔ تیرا نوُر تَیتھوں رہے نہ کدے الگّ، وکھّرا در نہ کدے سمجھائیا۔ پُرکھ اکالے دیِن دَیالے اؤہ ویکھ کلجُگ جیو بنے کگّ، ہنس روُپ نہ کوئے پرگٹائیا۔ جگت پیالے پی کے مد، نام خُماری نہ کوئے رکھائیا۔ باہروں بنے بگڑے بپ، جوتی جوت سروُپ ہرِ، آپ اپنی کِرپا کر، ایکا دے دے دُھر دا ور، سچ ساچی کھیل کھِلائیا۔ پُرکھ اکال کہے شبد سُت اؤہ ویکھ نظارہ، نظریہ دیاں بدلائیا۔ کلجُگ انتم کراں کنارہ، لوک مات رہن نہ پائیا۔ سَتجُگ سچ ہوئے ورتارا، وِشیش وِدیا اِک پڑھائیا۔ جِس نوُں منّن گُروُ اوتارا، پَیغمبر سیِس نِوائیا۔ وِشن برہما شِو نہ کوئے اُجردارا، سارے نِیوں نِیوں لاگن پائیا۔ تُوں بنیا میرا برخوردارا، بدی کلجُگ دینی گوائیا۔ سَتگُر روُپ ہونا ظاہرا، ظاہر ظہوُر کرنی رُشنائیا۔ اؤہ ویکھ کُچھ جھگڑا پَینا وِچ قاہرہ، محمد اِشارے نال سمجھائیا۔ نؤ سؤ ورگ میل دا ہونا دائرہ، قایم مُقام رہیا دِرڑائیا۔ ایہہ کھیل پربھوُ دا گہرا، شاستر سِمرت نہ کوئے سمجھائیا۔ کلجُگ وکھائے اپنی لہرا، لہر لہر وِچوں درسائیا۔ جِس دی صِفت کوئی کر نہ سکے عقل بُدھی وِچ شاعرہ، شہنشاہ رہیا جنائیا۔ کوئی ہووے نہ دار پہرہ، اَگے ہو نہ کوئے بچائیا۔ کلجُگ کوُڑ کُکرم ہویا بہرہ، ہرِ کا نام سُنن نہ پائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کمائیا۔ سَتگُر شبد کہے میری بندنا، پربھ ڈنڈاوت سیِس نِوائیا۔ کِس بِدھ کوُڑی کِریا کرے کھنڈنا، بِن کھڑگ کھنڈا چمکائیا۔ سچ دیوے انندنا، انندپُری والا نال مِلائیا۔
کِس بِدھ کلجُگ کوُڑا ونجھنا، صاحِب سوامی دینا سمجھائیا۔ صدی چؤدھویں انتم لنگھنا، لوک مات رہن نہ پائیا۔ کوَن سیج سُہائے پلنگنا، آسن سِنگھاسن کوَن رکھائیا۔ کوَن چاڑھیں اپنی رنگنا، رنگت اِک رنگائیا۔ کِس بِدھ تیرا نگارہ وجّنا، ڈنکا شبد کرے شنوائیا۔ کلجُگ گڑھ ہنکاری بھجّنا، بھانڈا بھرم بھؤ بھنّائیا۔ سَتجُگ ساچا کِس بِدھ لگّنا، لوک مات لئے انگڑائیا۔ کی کھیل ہونا کایا ماٹی بدنا، ساڈھے تِنّ ہتّھ دینا جنائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در تیرے منگ منگائیا۔ پُرکھ اکال کہے میرے سُت دُلارے ایہہ میرا اِقبال، اِقبالی گُر اوتار پَیغمبر لینےَ کرائیا۔ ویکھو لوک مات اپنی دھرمسال، سچ دوارے پھول پھولائیا۔ جلوہ رہیا نہ کوئے جلال، نوُری نوُر نہ کوئے چمکائیا۔ جھگڑا تکو شاہ کنگال، ذات پات پئی دُہائیا۔ آتم پرماتم ملِے کِسے نہ نال، پاربرہم برہم جوڑ نہ کوئے جُڑائیا۔ سچ دسّو تُسیں کِس دی کیِتی سنبھال، سمبل بہہ کے منگ منگائیا۔ پُرکھ اکالا بن دلال، دلالی دھرم دھار جنائیا۔ کلجُگ بدل کے اپنی چال، چال نِرالی اِک وکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کمائیا۔ سَتگُر شبد کلجُگ انت بدلاواں گا۔ بن کے دُھر دا کنت، سیج سُہنجنی اِک سُہاواں گا۔ سَتجُگ چاڑھ کے اگمّا رنگ بسنت، بسن بنواری ہو کے ویکھ وکھاواں گا۔ ساچے نام دا دے کے منت، منتر اِکو اِک جناواں گا۔ بودھ اگادھا بن کے پنڈت، بُدھی توں پرے آپ سمجھاواں گا۔ ہؤمے گڑھ توڑ کے ہنگت، ہنگ برہم آپ وکھاواں گا۔ چار ورن بنا کے سنگت، سگلا سنگ وکھاواں گا۔ گُرمُکھ کِسے در نہ ہووے منگت، بھگت بھگوان جوڑ جُڑاواں گا۔ جو سندیسہ دے کے گیا شبدی دھار انگد، انگیکار اِک اکھواواں گا۔ سب دا لہنا دینا چُکاواں نقد، اُدھار اَگے نہ کوئے جناواں گا۔ شبد سندیسہ دیواں سخت، دُھر فرمانا آپ جناواں گا۔ دھرنی کر کے سُہیلا وقت، سُہنجنا آپ بدلاواں گا۔ اِکو تیری شبد گُروُ دی شکت، شکتی سب دی کِھچ وکھاواں گا۔ کلجُگ وِچ سَتجُگ ایہو ہووے فرق، فِقرہ اِکو نام دِرڑاواں گا۔ پِچھلا لہنا سب نے کرنا ترک، تُرت اگلا راہ درساواں گا۔ پِھرے دروہی فرش عرش، زِمیں اسماناں رنگ چڑھاواں گا۔ غریِب نِمانیاں اُتے کر کے ترس، رحمت حق حقیِقت آپ کماواں گا۔ کھیل ویکھنا ایسے برس، سمت سمتی پڑدا لاہوانگا۔ چھّبی پوہ کھیل اسچرج، اچرج لیِلا آپ ورتاواں گا۔ گُر اوتار پَیغمبراں لےَ کے آؤنا دھرم دی فرد، فَیصلے حقو حق سُناواں گا۔ اِک جَیکارا دو جہاناں بولنا گرج،
غرض سب دی ویکھ وکھاواں گا۔ یودھا سوُربیِر بن مردانہ مرد، مُدّعا اِکو اِک درساواں گا۔ شرع چُھری قصائی بنے کوئی نہ کرد، قاتل مقتُول پندھ مُکاواں گا۔ پُٹھی سِدھی کر کے نرد، نر نرائن بھیوَ کُھلاواں گا۔ جھگڑا میٹنا مسیِت چرچ، چراگاہاں جوت پرگٹاواں گا۔ غریِب نِمانیاں ونڈ کے درد، دُکھیاں اپنی گود اُٹھاواں گا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، دھرم دوارا اِک درساواں گا۔ دھرم دوار اِک درسائیگا۔ دیِن دَیال دَیا کمائیگا۔ پُرکھ اکالا ویس وٹائیگا۔ جوت جوالا اگن بُجھائیگا۔ پوُجا مالا منکا پھول پُھلائیگا۔ ساچی دھرمسالہ ویکھ وکھائیگا۔ کؤن شاہ کوَن کنگالا، انتر اپنا بھیوَ چُکائیگا۔ کلجُگ توڑ ترےَگُن جنجالا، کوُڑی کِریا ڈیرہ ڈھاہیگا۔ جِس دا اوتار پَیغمبر گُر بھوِکھتاں وِچ دے کے گئے احوالا، سو سوامی کھیل کھِلائیگا۔ لیکھا جان کال مہاکالا، مِہربان اپنی کل ورتائیگا۔ پھل رہے کِسے نہ ڈالا، سِنمل رُکھ جگت لہرائےگا۔ جن بھگتاں کرے آپ سمبھالا، سمبل بہہ کے ویکھ وکھائیگا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، سچکھنڈ سچ اِک وڈیائیگا۔ سَتگُر شبد کہے میری اِک عرضوئی، پربھ عرض دیاں سُنائیا۔ تیرا بھگت سُہیلا سنت وِرلا کوئی کوئی، کوٹاں وِچوں نظری آئیا۔ باقی ملِے کِسے نہ ڈھوئی، ڈھولک چَھینے رہے کھڑکائیا۔ دیِن دُنی دی سُرتی سوئی، شبد ہلوُنا نہ کوئے لگائیا۔ بہُڑی تیرا نام دروہی، ہائے ہائے کر سُنائیا۔ امرت رس دینا چوئی، نِجھر جھِرنا اِک جھِرائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، دھرم دوار تیری سرنائیا۔ دھرم دوار دا بن کے منگتا، مانگت جھولی ڈاہیِا۔ پُرکھ اکال میٹ دے ممتا، موہ وِکار کر صفائیا۔ گڑھ رہے نہ ہؤمے ہنگتا، نِون سو اکھّر دھار اِک جنائیا۔ سَت سروُپ بنا لےَ اپنی جنتا، جیِو جنت رہے کُرلائیا۔ اِکو اِشٹ دیوَ سوامی منا لےَ اپنی منّتا، دوُسر سیِس نہ کوئے جھُکائیا۔ پوُرب کرم دی رہے کوئی نہ چِنتا، ہرکھ سوگ غم دینا گوائیا۔ میَں در تیرے ٹھانڈے کردا مِنّتا، نِیوں نِیوں لاگاں پائیا۔ اِک تیرے وِچ شبدی دھار ہِمّتا، حوصلہ اَگے دینا ودھائیا۔ لیکھا مُکاؤنا محمد والی سُنّتا، صاحِب سَتگُر تیری بےپرواہیِا۔ سَتجُگ وِچ سیِس کوئی نہ ہووے مُن دا، مُچھ داہڑی نہ کوئے کٹائیا۔ ایہو بھنڈارا تیرے گُن دا، جو گوبِند گیا ورتائیا۔ جھگڑا مِٹاؤنا پاپ پُنّ دا، پُنہ پُنہ اپنا بھیوَ دینا درسائیا۔ تُوں مالک خالق کُل دا، کُل عالم تیرا نظری آئیا۔ آد جُگاد جُگ چؤکڑی تیرا جیو جہان بُھلدا، ابُھل تیرے اَگے واسطہ پائیا۔ تیرا نام اِکو مُل دا، انمُلڑی دات
دینی ورتائیا۔ تیرا امرت کدے نہ ڈُلھدا، شیِرخوار بچّے پی کے خوشی منائیا۔ تیرا بھگت بھگوان بوُٹا کدے نہ ہُلدا، پتّ ٹہنی پھوُل پھل دینا وکھائیا۔ تیرا دھرم نِشانہ جھُلدا، سچکھنڈ ساچے سوبھا پائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، تیری وجےّ سچ ودھائیا۔ پُرکھ اکال کہے میرے بچّے ننّھے، شبدی شبد جنائیا۔ سچ فرمان میرا منّے، من منسا دوُر کرائیا۔ کرنا پرکاش پنج تت تنّے، وجوُد محبوُب دینا درسائیا۔ لیکھا مُکاؤنا گوبِند والے کنّے، کائنات پڑدا دینا چُکائیا۔ لہنا دینا پوُرا کرنا دھنےّ، جو جگت گیا سمجھائیا۔ لوک مات جیو رہن نہیں دینے انّھے، نِج نیتر لوچن نیَن اکھّ کُھلائیا۔ شبد سُناؤنا بِنا راگ کنّے، انحد نادی ناد وجائیا۔ بھیوَ کُھلاؤنا چؤداں سؤ تیہہ انک نانک شبد دھار صِفتاں والے پنےّ، پرم پُرکھ پڑدا لاہیِا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در تیرے وجدی رہے ودھائیا۔ شبد کہے میرے صاحِب میٹ دے دُکھ، دُکھاں بھری لوکائیا۔ دھرنی سفل کردے کُکھ، روگ رہے نہ رائیا۔ بھگتاں اُجل کر مُکھ، دُرمت میَل دھوائیا۔ بیر بیِتالیاں جڑ پُٹ، پوَن مساناں ڈیرہ ڈھاہیِا۔ موّکل جان اُٹھ، بھےَ نہ کوئے رکھائیا۔ تیرے نام دی اِکو سُنی ہووے تُک، تُخم تاثیر دینی بدلائیا۔ دیِن دُنی دا بدل دے رُخ، مارگ سچ سچ جنائیا۔ پڑدا اوہلا رہے نہ لُک، بھیوَ ابھید دینا کُھلائیا۔ جن بھگت سُہیلے اُٹھا لےَ سُت، دُلارے اپنی گود ٹِکائیا۔ کوُڑی کِریا کلپنا پَینڈا جائے مُک، اَگے اوَر نہ کوئے ودھائیا۔ سب دے اندر دے دے سُچ، سنجم اِک جنائیا۔ تیری دھار مانَس مانُکھ، آتم پرماتم ویکھ وکھائیا۔ جوتی جوت سروُپ ہرِ، آپ اپنی کِرپا کر، ساچا پڑدا دینا اُٹھائیا۔ ساچا پڑدا دے لاہ، لہنا سب دی جھولی پائیا۔ کھیوٹ کھیٹا بن ملاح، نام نئیا نؤکا اِک وکھائیا۔ گُر اوتار پَیغمبر بنا گواہ، شہادت اِکو وار دینی بُھگتائیا۔ سَتجُگ سچ لےَ پرگٹا، پرگنا اپنا اِک جنائیا۔ کلجُگ کوُڑی کِریا دے مِٹا، مِٹّی خاک نہ کوئے اُڈائیا۔ اوہ ویکھ پَیغمبر کرن دُعا، واسطہ تیرے اَگے پائیا۔ تُوں محبوُب حقیِقت والا خُدا، خُدی تکّبری دینی گوائیا۔ اِمام اِماما تیری اِک سرنا، سرنگت اِک جنائیا۔ واحد کلمہ کائنات پڑھا، سندیسہ اِکو اِک جنائیا۔ میرے مِہربان مِہرواں، مِہر نظر اُٹھائیا۔ جہاں تہاں ہو سہا، غریِب نِمانے گلے لگائیا۔ دُکھیاں دُکھ دے گوا، دردیِاں درد ونڈائیا۔ تُوں داتا بے پرواہ، بےانت تیری سرنائیا۔ تُوں شہنشاہ پاتشاہ، دو جہان سوبھا پائیا۔ جوتی جوت سروُپ ہرِ، آپ اپنی کِرپا کر، سد دینی مان وڈیائیا۔ سَتگُر شبد کہے میری انت
اپیِل، اپرمپر دیاں جنائیا۔ منسا من نہ کوئے دلیِل، کلپنا کل نہ کوئے جنائیا۔ سب دا لیکھا پوُرا کر جو کرِشن نال بھیِل، بھیِلنی نال رام دئے گواہیِا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ رنگت رنگ چڑھائیا۔ سَتگُر شبد کہے تیرے نام دی ہووے جےَ، جَیکار کر سُنائیا۔ بھگتاں انتر دُکھ کوئی نہ رہے، رہبر ہو کے دینا مِٹائیا۔ جو تیرا بھانا سہے، سہج سُکھ ساگر وِچ سمائیا۔ امرت دھار انتر وہے، کوُڑی کِریا دئے رُڑھائیا۔ ساچا نام وہائے نےَ، ناؤں نِرنکارا اِک پرگٹائیا۔ سچ سِنگھاسن جانا بہہ، آتم سیجا ڈیرہ لائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، نِہکلنک نرائن نر، مہاراج شیرسِنگھ وِشنوُں بھگوان، آد انت تیری شکتی شوَےَ، شِو برہما وِشن سارے بَیٹھے سیِس نِوائیا۔
۷ کتّک شہنشاہی سمت ۵ بیِبی دیِپو دے گرِہ پِنڈ باسر کے
سچکھنڈ نِواسی دُھر اِمام، پَیغمبر سیِس نِوائیا۔ تیرا حُکم اگمّ کلام، الف یے ہوئے پڑھائیا۔ مُقامے حق حق سلام، سرن سرن تیری سرنائیا۔ صدی چؤدھویں ویکھ عوام، مایا ممتا وِچ ہلکائیا۔ جھگڑا دِسے تمام، طمع تمنّا نہ کوئے گوائیا۔ ہُجریاں وِچ ہُندا حرام، مسجد رہی کُرلائیا۔ شرع نے کیِتا غُلام، زنجِیر سکے نہ کوئے تُڑائیا۔ تیرا نام ہویا بدنام، بدی وِچ بدی ویکھ خلق خُدائیا۔ ساچی منزل ملِے نہ کوئے آسان، مِہربان محبوُب تیرا درس نہ کوئے کرائیا۔ حقیِقی پیئےِ کوئی نہ جام، کوُڑی کِریا مات ہلکائیا۔ جِدھر تکیئے اُدھر شام، نوُری چند نہ کوئے چمکائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در تیرے آس رکھائیا۔ پَیغمبر کہن اسیں نِیوں نِیوں کردے سجدہ، پروردِگار تیری سرنائیا۔ ساچا رہیا کوئی نہ بردا، بدی ویکھی تھاؤں تھائنیا۔ مالک رہیا نہ کوئی گھر دا، بے وطن ہوئی لوکائیا۔ تیری منزل کوئی نہ چڑھدا، درگاہ ساچی درس کوئے نہ پائیا۔ بے شک رسنا جِہوا کلمہ کائنات مانَو پڑھدا، رسنا جِہوا بتّی دند ہِلائیا۔ عمل صِفت وِچ کوئی نہ کردا، گرِفت کوُڑ ہوئی لوکائیا۔ وہن وہے ہنکار ہڑ دا، مایا ممتا رہی کُرلائیا۔ اِشنان ملِے نہ سروور سر دا، دُرمت میَل نہ کوئے دھوائیا۔ جوتی جوت سروُپ ہرِ، آپ اپنی کِرپا
کر، ایکا دینا دُھر دا ور، در تیرے آس رکھائیا۔ پَیغمبر کہن اوہ ویکھ تیئی اوتار جھُکدے، نِیوں نِیوں سیِس نِوائیا۔ چار کُنٹ دہ دِشا کلجُگ کوُڑ کُڑیارے بُکدے، سَت دھرم نہ کوئے جنائیا۔ انت اَخیِر بے نظیِر کوُڑی کِریا جڑ پُٹ دے، پٹنے والا نال رلائیا۔ نام نِدھانا آبِ حیات گھُٹ دے، نِجھر جھِرنا اِک جھِرائیا۔ دُھر فرمانا شبد سندیسہ اپنے سُت دے، سُت دُلارا اِک اُٹھائیا۔ بھیوَ چُکا دے کایا مندر مانَو مانُکھ دے، مانَس اپنے رنگ رنگائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، سچکھنڈ ساچے اِکو آس رکھائیا۔ پَیغمبر کہن حقیِقت دے دے حق، لاشریِک تیری سرنائیا۔ اوتار کہن ٹیکدے مستک متھ، دھوُڑی خاک رمائیا۔ کِرپا کر پُرکھ سمرتھ، صاحِب تیری وڈیائیا۔ پڑھ پڑھ سرِشٹی گئی تھک، تیری منزل چڑھن کوئی نہ پائیا۔ تیرے چار جُگ دے شاستر ٹکیاں اُتوں وِکدے ہٹّ، کرتا قیِمت نہ کوئے پائیا۔ صدی چؤدھویں سب دا کھیڑا دِسے بھٹھ، اگنی اگّ نہ کوئے بُجھائیا۔ تیرا کھیل بازی گر نٹ، سوانگی اپنا سوانگ رہیا ورتائیا۔ پروردِگار محبوُب مُحبّت وِچ دیِن دُنی دی میَل کٹ، کٹاکش اپنا نام لگائیا۔ ... ... ... ... ... گُر اوتار پَیغمبر دین گواہیِا۔ ساچا مارگ ایکنکار اِکو دسّ، اِک اِکلّے دَیا کمائیا۔ آتم پرماتم ہووے تیرے وس، پاربرہم برہم پڑدا دینا چُکائیا۔ پِچھلا لہنا دینا لیکھا سارے دئیے چھڈ، جھگڑا اَگے نہ کوئے رکھائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در تیرے منگ منگائیا۔ پَیغمبر کہن پربھ سچ جھُلا نِشانہ، نِشانہ اوَر نہ کوئے جنائیا۔ اوتار کہن سِری بھگوانا، بھگوَن تیری بےپرواہیِا۔ گُروُ سَتگُر کہن میرے مِہربانا، مِہر نظر اِک اُٹھائیا۔ کلجُگ لوک مات بدل دے زمانہ، ضامن اپنا آپ جنائیا۔ سب دا اِکو جیہا ہووے مانا، کھتری براہمن شوُدر وَیش ونڈ نہ کوئے ونڈائیا۔ ایکا گرِہ مندر ہووے در سُہانا، سچ دوارا وجےّ ودھائیا۔ اِکو سب دا ہووے پیِنا کھانا، خالص اپنا رنگ رنگائیا۔ اِکو نام دُھن شبد ناد کلمہ کائنات ہووے گانا، سجدہ سیِس جگدیِش جھُکائیا۔ اِکو حُکم سندیس ہووے فرمانا، جوتی جوت سروُپ ہرِ، آپ اپنی کِرپا کر، ایکا دینا دُھر دا ور، تُدھ بِن دوُجا اوَر نہ کوئے اکھوائیا۔ پَیغمبر کہن ساڈی منظور کر دُعا، دوئے جوڑ سیِس نِوائیا۔ نوُری جلوہ گر خُدا، خُدی تکّبری دے مِٹائیا۔ مایا ممتا نہ رہے وبا، اصل وصل دینا یار خُدائیا۔ تیئی اوتار بَیٹھے سیِس جھُکا، نِیوں نِیوں لاگن پائیا۔ تیرا اِکو نام لئیے دھیا، دھیان گیان اِک سمجھائیا۔ چار ورناں امرت جام پیا، رس اِکو اِک وکھائیا۔ اوُچ نیِچ ذات پات جھگڑا
دے مِٹا، کایا ماٹی مِٹّی خاک ملِے وڈیائیا۔ دس گُر کہن تیرا دو جہان وجےّ ڈنکا، ناؤں نِرنکارا اِکو اِک سُنائیا۔ راؤ رنک شاہ سُلطان اِکو گھر بہا، دوُجا گھر نہ کوئے وکھائیا۔ پُرکھ اکالے دیِن دَیالے اپنا اِشٹ دے دِرڑا، درِشٹ سب دی دے کُھلائیا۔ اوہ ویکھ کی رام وشِشٹ کلجُگ انتم سندیسہ گئے جنا، جاننہار تیری سرنائیا۔ کل کلکی ویس وٹا، نِہکلنکا روُپ انوُپ درسائیا۔ اِمام اِماما آپ اکھوا، دُھر دا کلمہ اِک سمجھائیا۔ جوتی جاتے پُرکھ بِدھاتے پروردِگار سانجھے یار بے پرواہ، پردہ نشیِں پردہ دے اُٹھائیا۔ اوتار پَیغمبر گُروُ تیرے گواہ، شہادت شبد نام بُھگتائیا۔ کلجُگ وِچ سَتجُگ پربھوُ ضرور دینا لا، مِہربان مِہربان مِہربان مِہر نظر اُٹھائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، نِہکلنک نرائن نر، مہاراج شیرسِنگھ وِشنوُں بھگوان، آد انت جُگا جُگنت نِرگُن سرگُن دو جہاناں ہونا سہا، سہائک نائک اِکو اِک تیری اوٹ رکھائیا۔
۷ کتّک شہنشاہی سمت ۵ بیِبی جیِتو دے گرِہ پِنڈ باسر کے
شبد سَتگُر سَتگُر شبد، سَتگُر آپ نِرنکار اکھوائیا۔ جِس دا نہ کوئی دیِن نہ کوئی مذہب، ذاتی ونڈ نہ کوئے ونڈائیا۔ اپنے آپ دا آپے کرے ادب، سیِس جگدیِش آپ جھُکائیا۔ جُگ چؤکڑی اپنا چُکے آپے قدم، قُدرت قدیِم اپنا حُکم ورتائیا۔ کھیل ویکھے تن وجوُد ماٹی خاک بدن، سریِر بے نظیِر پھول پھولائیا۔ جن بھگتاں چاڑھے ساچی رنگن، رنگت اپنا نام وکھائیا۔ گُرمُکھ دوُجے در نہ جائے منگن، سب دی جھولی دئے بھرائیا۔ سدا سُہیلا رکھے اپنے انگن، انگیکار آپ اکھوائیا۔ سنت سُہیلے ساچی منزل لنگھن، جگت پاندھی پندھ مُکائیا۔ بھگت بھگوان اِکو در وسن، در گھر ساچا سوبھا پائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک منائیا۔ شبد سَتگُر سَتگُر شبد دیِن، دُنی ویکھ وکھائیا۔ جِس نوُں سارے رہے چیِن، رسنا گا گا شُکر منائیا۔ سو صاحِب سدا پربیِنت، پاربرہم دِرڑائیا۔ ہوئے نہ کِسے اَدھیِن، سیِس نہ کدے جھُکائیا۔ جھگڑا سمجھے نہ کوئے نر مدیِن، اِستری پُرش ونڈ نہ کوئے ونڈائیا۔ سدا اپنے نام دی کرے تلقیِن، دُھر سندیسہ اِک سُنائیا۔ جِس نوُں سجدیاں وِچ
کرن آمیِن، محبوُب نوُر خُدائیا۔ اوہدی سب توں وکھّری تعلیِم، جُگ جُگ گُر اوتار پَیغمبراں کرے پڑھائیا۔ سو لیکھا جانے دھرنی دھوَل زمیِن، ظاہر ظہوُر اپنی کل دھرائیا۔ بھگت سُہیلا رہے نہ کوئے غم گین، غمی خوشی وِچ بدلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا مارگ اِک پرگٹائیا۔ شبد گُروُ گُر شبد سوامی، صاحِب اِک اکھوائیا۔ جِس دی صِفتاں والی بانی، جو ہر گھٹ انترجامی لکھّ چؤراسی ویکھ وکھائیا۔ امرت نِجھر جھِرنا دیوے ٹھنڈا پانی، بوُند سوانتی اِک ٹپکائیا۔ آتم پرماتم مِلائے ہانی، جوڑی دُھر دی جوڑ جُڑائیا۔ لیکھا ویکھے چارے کھانی، انڈج جیرج اُتبُھج سیتج پھول پھولائیا۔ پُرکھ اکال دیِن دَیال کرے مِہربانی، مِہر نظر اِک اُٹھائیا۔ بھگتاں منزل دسّ آسانی، آپ اپنا میل کرائیا۔ دینی پئے نہ کِسے قُربانی، کربلیاں وِچ نہ کوئے بھوائیا۔ ساچا نام دے کے دانی، دَیاوان ہوئے سہائیا۔ گُرمُکھ رہے نہ کوئے ابِھمانی، مایا ممتا گڑھ تُڑائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سرب جیِاں دا جان جانی، جاننہار اِک اکھوائیا۔
۷ کتّک شہنشاہی سمت ۵ ہربنس کؤر دے گرِہ پِنڈ نارلا
سَتگُر شبد کہے سُہنجنی ہوئیں مِتی، سمت شہنشاہی پنج پنچ وڈیائیا۔ پربھ دا کھیل نِت نوِتی، سَتجُگ تریتا دواپرکلجُگ اپنا ویس وٹائیا۔ جُگ جُگ گُر اوتار پَیغمبراں کھیل دسےّ نِکی نِکی، حِصیاں وِچ دیِن دُنی ونڈ ونڈائیا۔ سَت سچ بھگت بھگوان سنت گُرمُکھ بنا سِکھی، دُھر دا مارگ اِک سمجھائیا۔ دھرم دی دھار رکھ تِکھی، دو دھاری اپنا حُکم ورتائیا۔ امرت دھار دے مِٹھی، رس اگمّی اِک چوائیا۔ صدی چؤدھویں حضرت دے ہتّھ پھڑائے چِٹھی، محمد توں مُہر دِتی لگائیا۔ تیری اُمت کامل مُرشد دھرتی روے ٹِکّی، ٹِکاّ مستک خاک رمائیا۔ جِس ویلے پروردِگار کھیل کرے دو اِک دا اِکّی، اِکیسا جگدیِشا اپنی کار کمائیا۔ شرع کوُڑ کُڑیار وِچ تیری جائے وِکی، قیِمت اُمت نہ کوئے رکھائیا۔ کلمے والی رسنا ہونی پِھکی، وعظ جائز نہ کوئے جنائیا۔ اوس ویلے پروردِگار سانجھے یار کھیل کرنی انڈِٹھی، جِس نوُں جگ نیتر ویکھن کوئے نہ پائیا۔ جھگڑا مِٹاؤنا پتّھر اِٹی، اِشٹ دیوَ سوامی اِکو
نظری آئیا۔ مان رہن نہیں دینا جٹا جوُٹ لِٹی، تن بھبوُت نہ کوئے رمائیا۔ اوس ویلے جن بھگتاں ڈھائی مُٹھاں لِیانی مِٹّی، حد گھوِنڈ والی نظری آئیا۔ جِس دے نال ہاہے اُتے پاؤنی ٹِپی، ہوڑا سسّے اُتے ٹِکائیا۔ چھوٹی جِہی پکاؤنی ٹِکّی، نؤ مِنٹ اگّ وِچ تپائیا۔ جِس دی دھار جانی لِکھی، پِچھلا پڑدا دئے اُٹھائیا۔ جگت ویکھن مُنی رِکھی، رکھیشر دھیان لگائیا۔ چھّبی پوہ ہونی سُہنجنی تِھتی، وار وارتا دئے بدلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک سُنائیا۔ مِٹّی کہے میرا لیکھا محمد نال تعلق، تابعداری دیاں جنائیا۔ میَں ویکھاں کھیل اُپر فلک، عرش ازاں دھیان لگائیا۔ کی کھیل ہونا وِچ خلق، خالق مخلوُق کی حُکم سُنائیا۔ کِسے نوُں پتہ نہیں جگت جہان وِچ پلک، کی پُرکھ اکالا دیِن دَیالا اپنا حُکم ورتائیا۔ اِندر امرت جل لیاوے وِچ کلس، اپنا پندھ مُکائیا۔ وِشن برہما شِو سارے آون رسک، دوُر دُراڈا رہن کوئے نہ پائیا۔ اوتار پَیغمبر گُر ہوون مست، خُماری اگمّ اتھاہ چڑھائیا۔ دیِن دُنی دی جِس میٹنی حسد، دوَیت دُئی ڈیرہ ڈھاہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ سمت کہے شہنشاہی شاہو بھوُپ، شہنشاہ وڈیائیا۔ جِس دا حُکم چارے کوُٹ، دو جہان نہ کوئے اُلٹائیا۔ کلجُگ میٹنہارا جوُٹھ جھوُٹھ، کوُڑی کِریا پندھ مُکائیا۔ سَتجُگ سچ اُپجائے پوُت، پِتا پُرکھ اکال دَیا کمائیا۔ شبد شہانہ اُٹھائے دوُت، دُتیا بھاؤ دئے مُکائیا۔ سرِشٹی درِشٹی ایکا تانا پیٹا بنائے سوُت، سوُتردھاری ہوئے سہائیا۔ کوُڑ کلپنا لوک مات کرائے کوُچ، کوُچا گلی کرے صفائیا۔ پِچھلا حُکم چار جُگ دا کر منسوُخ، شبد سندیسہ اِک دِرڑائیا۔ کر پرکاش چارے کوُٹ، اُتّر پوُرب پچھّم دکھّن کرے رُشنائیا۔ بھیوَ رہے نہ کایا پنج بھوُت، انتر نِرنتر ناد شبد دُھن شنوائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ سچ نال وڈیائیا۔ سمت کہے میَں ویکھنا جنگل جوُہاں کُندرا، ٹِلّے پربت پھول پھولائیا۔ پُرکھ اکالا جوت سروُپی اتی سُندرا، جِس دا روُپ رنگ ریکھ نہ کوئے دِرڑائیا۔ جِس دا لہنا دینا لیکھا لِکھ سکے کوئی نہ اُنگلا، قلم شاہی نہ کوئے وڈیائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کمائیا۔ سمت پنج کہے مِٹّی ہووے ڈھائی مُٹھی، ودّھ گھٹّ نہ کوئے رکھائیا۔ گُرمُکھ دھار ہووے نہ رُٹھی، پریم پریِتی وِچ سمائیا۔ سچ پریِت ہووے نہ ٹُٹی، مُحبّت اِک وڈیائیا۔ سُرتی ہووے نہ سُتی، شبد ناد شنوائیا۔ منزل ہووے اُچی، پردہ پردیاں وِچوں چُکائیا۔ کھیل رہے نہ لُکی،
اُگن آتھن وجےّ ودھائیا۔ اُمت اُمتی لیکھا جائے مُکی، مُکمل اپنی کار کمائیا۔ ہرِ سنگت رہے نہ دُکھی، دُکھیاں درد گوائیا۔ بھگت سُہیلے اُجل کر مُکھی، دُرمت میَل دھوائیا۔ جوتی جوت سروُپ ہرِ، آپ اپنی کِرپا کر، سچ ساچی کار کمائیا۔ مِٹّی کہے میرے ساتھ ہووے کھوپرے والی ٹھوُٹھی، اَدھا حِصّہ ونڈ ونڈائیا۔ منی سِنگھ نال لیاوے چار چار دی انگوُٹھی، پِچھلا لیکھا محمد والا دیاں دِرڑائیا۔ پترکا لِکھی ہووے جِس دا لیکھ ہووے سرِشٹ سبائی جھوُٹھی، بِن سَتگُر ساچا نظر کوئے نہ آئیا۔ نِگاہ مار چار کوُٹی، اُتّر پوُرب پچھّم دکھّن ویکھ وکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا لیکھا دئے دِرڑائیا۔ انگوُٹھی دا لیکھ ہووے االلہ، اکھّر وڈ وڈیائیا۔ سیوا کرے اِک اِکلّا، محمد دا میِزوُ سوبھا پائیا۔ نال پھڑاؤنا اِٹارسی والا مُصلّا، جو بھگت سِنگھ پِچھے لےَ کے آئیا۔ لوٹا بھریا ہووے جلا، سجےّ ہتّھ وِچ ٹِکائیا۔ پِٹھ تے بدھّی ہووے کھلّا، روُپ انوُپ درسائیا۔ نعرہ لاؤندا آوے االلہ االلہ، مُکھوں اکبر کہہ کے گائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک سُنائیا۔ سمت پنج کہے جن بھگتو دسّنی سچ پریِت، پریِتم اِک منائیا۔ چھّبی پوہ نوُں پریِتم سِنگھ دی آتما ہرِ بھگت دوارے پہنچے ٹھیِک، ٹھاکر اپنا رنگ رنگائیا۔ جِس نے تُوں میرا میَں تیرا گاؤنا گیِت، سوہنگ ڈھولا اگمّ اتھاہیِا۔ درگاہ ساچی سچکھنڈ ہو وسنیِک، گرِہ مندر لیَنا سُہائیا۔ سدا سدا سد سَت وِچ رہے اتیِت، ترےَگُن پندھ مُکائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، ہرِ کرتا بےپرواہیِا۔ سمت کہے میَں دیواں سَت سندیسہ، سندھیا سرگھی نہ کوئے وڈیائیا۔ جن بھگتو سب دا جنم جنم دا لیکھا، پُرکھ اکالا ویکھ وکھائیا۔ کرم کانڈ دا رہے نہ کوئے بُھلیکھا، بھانڈا بھرم بھؤ بھنّائیا۔ سَت سچ کرائے ہیتا، ہِتکاری دَیا کمائیا۔ سب دا سَت پُرکھ نِرنجن ہووے نیتا، نِراکار نِرنکار اپنا حُکم سمجھائیا۔ صدی چؤدھویں پَیغمبراں پوُرا ہووے ٹھیکا، اَگے حُکم نہ کوئے سُنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، جوتی جامہ دھار کے بھیسا، بھیکھ اولّڑا اِک اِکلّڑا اپنا آپ رکھائیا۔
۱۵ کتّک شہنشاہی سمت ۵ جمعدار کِشن سِنگھ دے نوِت رستے وِچ پِنڈ اَلھڑپِنڈی
نانک پیار جائے نہ بِرتھا، بِرتھی سرب لوکائیا۔ لیکھا موُل جائے نہ سِرسا، گوبِند دھار دئے گواہیِا۔ لیکھے لگّے شبد دھار وِرسا، وارث ہو کے ویکھ وکھائیا۔ رام دی پوُری کرے حِرصا، ہوَس پِچھلی نال مِلائیا۔ کرِشن دا کرِشن دھار درسا، کاہن کاہن رنگ رنگائیا۔ موُسیٰ لیکھ ویکھ دِھر دا، کوہ طوُر راہ تکائیا۔ عیسیٰ نوُر ویکھ مِہر دا، واسطہ کرے خلق خُدائیا۔ محمد درس پایا شیر دا، شہنشاہ اِکو بےپرواہیِا۔ جو آد جُگاد جُگ چؤکڑی سب دا لیکھ نبیڑدا، سَتجُگ تریتا دواپرکلجُگ ویکھ وکھائیا۔ نِرگُن سرگُن لکھّ چؤراسی گیڑا گیڑدا، آتم پرماتم اپنا حُکم سمجھائیا۔ مالک خالق بنیا رہیا دیر دا، دوُر دُراڈا دُھردرگاہیِا۔ کُچھ لیکھا باقی انت سمیں ندیڑ دا، دسم دھار دس دس وِچ جنائیا۔ جِس دے حُکم نوُں حُکم وِچ کوئی نہ چھیڑدا، شرع شرع نہ کوئے بدلائیا۔ اوہ لیکھا جانے تت وجوُد اندھیر دا، اوہ آتم کھوج کھوجائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کمائیا۔ نانک لیکھا موُل نہ وِسرے، وِسرے سرِشٹ سبا۔ پُرکھ اکالا دُھر دا مِترے، وڈ داتا بے پرواہ۔ جوتی دھاروں آپے نِکلے، جِس نوُں جنمے کوئی نہ ماں۔ اپنی سِکھیا آپے سِکھ لئے، نِراکھّر وِچوں اکھّر آپ پرگٹا۔ حُکم سندیسہ دُھر دا لِکھ لئے، اوتار پَیغمبر گُروُ کر رُشنا۔ سب دے انتر نِرنتر وِچ رہے، شبدی جوتی روُپ وٹا۔ لیکھ بھوِکھ سچ کہے، سندیسہ دئے اگمّ اتھاہ۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ہرِ قادر نوُر الاہ۔ نانک لیکھا چار کُنٹ، سرِشٹ درِشٹ جنائیا۔ نِگاہ مار کے وِچ بَیکُنٹھ، پُرکھ اکال لیا منائیا۔ کھیل ویکھ کے کاگ بھسُنڈ، بھیوَ ابھیدا دئے کُھلائیا۔ جگت جہان ویکھ کے جگیاَسوُ جھُنڈ، من مت بُدھ پڑدا لاہیِا۔ نِگاہ مار کے نیَن مُند، نیَن مدھاری انگ لگائیا۔ پریم پریِتی بِنا ناسکا سُنگھ، دو جہاناں خوشی بنائیا۔ اپنے بستر سارے ٹنگ، چولا پِٹھو اُتے اُلٹائیا۔ پھیر بَیٹھ کے اُتے کھُنڈ، نِگاہ اِک وِچ ٹِکائیا۔ پھیر ویکھے ساگر سمُند، آکاش پاتال کھوج کھوجائیا۔ پھیر ویکھے مُکھ گُنگ، جو کُچھ کہہ سکن نہ رائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کمائیا۔ نانک کِہا موُل رہے نہ باقی، باقاعدہ اپنا حُکم ورتائیا۔ ویکھنہارا لکھّ چؤراسی جِسم ضمیِر خاکی، خالق خلق نوُر اِلاہیِا۔ جِس دا کھیل سدا جُگ چار آدی، آدم حوّا جِس دی سیو کمائیا۔ وِشن برہما جِس دی آبادی، دیوت سُر
اپنا رنگ رنگائیا۔ کُچھ آسا رکھ کے گئی اجیِت جُجھار دی دادی، گُجری گُذرا سماں رہی جنائیا۔ کُچھ لیکھا نانک وِچ بغدادی، بغلگیِر ہو کے گیا دِرڑائیا۔ جِس ویلے کلجُگ وِچ کِسے سادھ سنت دی تِھر نہ رہی سمادھی، سادھنا وِچ نہ کوئے وڈیائیا۔ گُر اوتار پَیغمبر رہیا کوئے نہ گاڈی، سِر ہتّھ نہ کوئے ٹِکائیا۔ نام بانی دا راگ بدل دین ڈھاڈی، سُر بےسُر تال وجائیا۔ پھیر کھیل ویکھنی جو کرِشن کِہا یادو یادی، یادداشت اِک دِرڑائیا۔ پھیر پڑدا لاہُنا جِس بھیوَ کُھلایا آدی، انت انتم اِک جنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا مالک اِک اکھوائیا۔ نانک دا لیکھا لالو دے دوار، لہنا سمجھ کُچھ نہ آئیا۔ انتر انتر دے خُمار، خوشی غمی اِکو رنگ وکھائیا۔ سندیسہ دے کے وارو وار، نؤ وار پڑدا دِتا چُکائیا۔ میرا قرضہ تیرا اُدھار، لہنا دوہاں دا سانجھا اِکو گھر وکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا مالک نوُر اِلاہیِا۔ پندراں کتّک کہے میَں تکدا کد دا، قدیِم دا ویکھ وکھائیا۔ چار کُنٹ دہ دِشا رہیا لبھدا، نؤ کھنڈ پرِتھمی ستّ دیِپ اکھّ اُٹھائیا۔ سماں سمیں نال گیا لنگھدا، گھڑی گھڑی نال بدلائیا۔ میَں آسا منگاں رہیا منگدا، مانگت ہو کے جھولی ڈاہیِا۔ میَنوُں لیکھا یاد آ گیا سرسے والے جنگ دا، پوہ پُنہ پُنہ سیِس نِوائیا۔ گوبِند تِنّ وار نِیلے توں اُتر کے تنگ اپنی ہتھّیں کسدا، تِنّ وار کمرکسا کِھچ کے اپنے تن بندھائیا۔ نال پُرکھ اکال ولّ ویکھ کے ہسدّا، واہ واہ تیری بےپرواہیِا۔ نیِلا چار کُنٹ نٹھدا، پردکھّنا لےَ کے اپنی خوشی بنائیا۔ شبدی حُکم ہویا گوبِند جِس ویلے کلجُگ ویلا ہویا بھٹھ دا، بھٹھیالا کوُڑ کُکرم اگنی ڈاہیِا۔ ساچی کوئے نہ حد ہویا ٹپّدا، درگاہ ساچی مِلن کوئے نہ پائیا۔ پرکاش رہے نہ نِج نیتر اکھّ دا، جگت سنت نہ کوئے چتُرائیا۔ کلجُگ اگنی وانگ ہویا مگھدا، دیِن مذہب کرے لڑائیا۔ مان رہنا نہیں پِیو پُت والی پگّ دا، چاروں کُنٹ پِھرے دُہائیا۔ کایا مندر اندر دِسے کوئے نہ سَتگُر شبد سدّدا، رسنا پڑھ پڑھ سارے ڈھولے جگت سُنائیا۔ اوس ویلے کھیل ہونا سوُرے سربگ دا، شاہ پاتشاہ شہنشاہ اپنا حُکم ورتائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک سُنائیا۔ پندراں کتّک کہے گوبِند اپنی لےَ انگڑائی، نِگاہ زِمیں اسمان اُٹھائیا۔ پُرکھ اکال تیری بے پرواہی، تیری تیرے وِچ وڈیائیا۔ تُوں میرا میَں تیرا میری شہادت دینی بُھگتائی، گواہ تَینوُں لَواں بُھگتائیا۔ میرا لیکھا نہ مِٹے رائی، فرق رہن کوئے نہ پائیا۔ میَں نہیں چاہُندا کہ مات لوک وِچ کوئی رہے قصائی، جیِواں اُتے
چُھری نہ کوئے اُٹھائیا۔ چار ورن اٹھاراں برن ہِندوُ مُسلم ویکھاں عیِسائی، ذات پات ونڈ نہ کوئے ونڈائیا۔ کیوں تُوں سب دا مالک اِک دُھردرگاہی، درگاہ ساچی دے مالک لوک مات ایہو ریِتی دینی چلائیا۔ پُرکھ اکال ایہہ سندیسہ دِتا شہادت اِک پائی، پاربرہم اپنی دَیا کمائیا۔ عیسیٰ اُٹھ کے دِتی دُہائی، بہُڑی بہُڑی کر سُنائیا۔ محمد نیَناں نیِر وہائی، صدی چؤدھویں راہ تکائیا۔ پُرکھ اکال کِہا سُنو حُکم اگمّ اتھاہی، الکھ اگوچر ہو کے دیاں دِرڑائیا۔ جِس ویلے کلمے نام والے ہوئے شؤدائی، شرع دی کرن لڑائیا۔ اوس ویلے لوک مات آواں چائیں چائیں، چاؤ گھنیرا سب نوُں دیاں سُنائیا۔ عیسیٰ گوبِند دھار تیرا لیکھا دئے مُکائی، لہنا اپنا جھولی پائیا۔ اوس ویلے گوبِند دے کول ویہہ گُرسِکھ جِنہاں نے دھوُڑی مستک لائی شاہی، چرنی ڈھیَہہ کے اپنا آپ مِٹائیا۔ گوبِند تھاپی پُشت پناہ ٹِکائی، ٹِکّے اپنے لئے بنائیا۔ خوشی وِچ کِہا جِس ویلے میَں آواں تے نال میرا ماہی، محبوُب ہو کے پھیرا پائیا۔ پھیر لہنا ویکھنا جو نانک لالو دِتی وڈیائی، واہ واہ اپنی کار کمائیا۔ او گُرسِکھو تُساں اوس ویلے میرے پہریدار ہونا تھاؤں تھائیں، کِرپاناں تلواراں کندھیاں اُتے ٹِکائیا۔ پھیر ویکھی دھرنی دھرت دھوَل جو میری دھاروں جائی، تے جگت دی مائی رہی اکھوائیا۔ گُرمُکھاں ہسّ کے کِہا گوبِند ویکھیں کِتے کر نہ جائیں جُدائی، تُوں سَتگُروُ اسیں چیلے وڈّا چھوٹا نہ کوئے رکھائیا۔ گوبِند دوویں کر کے باہیں، اپنے ہتّھاں دی گلوَکڑی پائی، گُرسِکھو تُسیں میرے صاحِب تے میَں تُہاڈا راہی، پاندھی بن کے راہ تکائیا۔ اوہناں نے پھیر کِہا سَتگُروُ کؤن بھرے گواہی، لیکھا کوَن جنائیا۔ گوبِند نے پنج اُنگلیاں اِکے وار اُٹھائی، پھیر چھاتی نال لگائیا۔ پنج پیارے تُہاڈے سیوادار جیہڑے جٹّ جھیور تے چھیمبے نائی، ذات پات نہ کوئے رکھائیا۔ پنج لِکھاری تُہاڈا لیکھ ویکھن چائیں چائیں، مستک بِندیاں لال رنگ رنگائیا۔ پھیر گوبِند نے سجےّ چرن نال پُٹی کھائی، نِشان ڈوُنگھا دِتا لگائیا۔ جِس ویلے میرے سَتگُر نے ریِت سَتجُگ چلائی، سچ سچ وڈیائیا۔ پھیر لوک مات دی بدل دینی شاہی، شہنشاہ اپنا حُکم سُنائیا۔ اَگے پِیو مرے توں پُت نوُں پگّ سیِس بنّھدے تے مان مِلدا دھی جوائی، گھر دی ریِتی ریِتی وِچ بدلائیا۔ پھیر کھیل کرنا پُت مرے تے پِیو نوُں ملِے وڈیائی، ایسے کر کے پہلوں لِکھت دِتی کرائیا۔ اگلا لیکھا رات نوُں سُننا چائیں چائیں، جیہڑا نانک دبّ کے اپنی بغل وِچ گیا رکھائیا۔ جوتی جوت سروُپ ہرِ، آپ اپنی
کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، ویکھنہارا تھاؤں تھائیں، تھان تھننتر گگن گگننتر کھوج کھوجائیا۔
۱۵ کتّک شہنشاہی سمت ۵ جمعدار کِشن سِنگھ دے گرِہ
ارجن ویکھ لےَ جو سندیس دِتا بُڈھے بابے، بابے بُڈھے دِتا جنائیا۔ کھیل وکھایا کِس بِدھ پربھ پرگٹ ہووے دیس ماجھے، مہاراج اپنی کھیل کھِلائیا۔ گُرسِکھ میلے وِچوں دوآبے، دُہری اپنی کار کمائیا۔ کِس بِدھ مالوے والے رکھے لاگے، دوُر دُراڈے جوڑ جُڑائیا۔ کِس بِدھ جموں والے ہون سانجھے، سگلا سنگ بنائیا۔ کِس بِدھ کھیل کرے وِچ کعبے، اپنا حُکم ورتائیا۔ کِس بِدھ وجائے اپنے اگمّی واجے، شبدی ناد سُنائیا۔ کِس بِدھ سوُرا سَتگُر گاجے، گرض اپنا نام رکھائیا۔ کِس بِدھ کھیل کراؤنا اُتے واگھے، پُری گھنک گھنک وڈیائیا۔ ارجن پھیر ہتّھ جوڑ کِہا ایہہ کھیل اوس پربھوُ ڈاڈھے، جِس نوُں ڈنڈاوت کر کے سیِس نِوائیا۔ جو دھرم نِشانے گاڈے، حُکم اپنا اِک سُنائیا۔ جو مِہر کرے تے دھووے دُرمت میَل داغے، پاپاں کرے صفائیا۔ گُر ارجن دوویں ہتّھ جوڑ جھُک گیا آگے، آگمن وِچ سیِس نِوائیا۔ پر پہلوں کھیل ویکھنا گوبِند والے بازے، بازاں والا پھیرا پائیا۔ بُڈھے کِہا کُچھ اِس توں دسّ آگے، اُنگلاں کنّاں وِچ پائیا۔ ارجن کِہا جِس ویلے سادھ سنت نہیں جانے سادھے، سادھنا رہن کوئے نہ پائیا۔ پھل رہنا نہیں دھرم دے باغے، پھل پُھل نہ کوئے مہکائیا۔ کلجُگ نیند وِچوں کوئی نہ جاگے، غفلت پڑدا نہ کوئے اُٹھائیا۔ ارجن پھیر چُپ ہو گیا دھیان دھریا گوبِند دا سروُپ تے کنڈھا نظر آیا ڈھابے، جِس دی مہا سِنگھ دئے گواہیِا۔ پھیر بُڈھے نے کِہا ارجن نوُں مار کے دابے، گُروُا کُچھ ہور دے سمجھائیا۔ اوس کِہا بابا اوس نے ساری سرِشٹی تولنی نام دے چھابے، شہنشاہ ترازو اِک اُٹھائیا۔ گُر اوتار پَیغمبر جِس نوُں ارادھے، ارادھنا وِچ لوکائیا۔ جِس دے بھوِکھتاں وِچ لیَندے آئے خوابے، پیشیِن گوئیاں وِچ پیشتر رہے جنائیا۔ جِس دے نام دی نانک وجائی ربابے، سارنگا کندھے اُتے ٹِکائیا۔ اوس ویکھنے ڈوُنگھے کھاڈے، دیِن مذہب دے گڑھے پھول پھولائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک سُنائیا۔ بابے کِہا ارجن سَتگُروُ
کی لالو دے اندر نانک ماری پھوُک، فُرنا دِتا بدلائیا۔ اوہ وی پنج بھوُت، تن وجوُد نظری آئیا۔ اوہ وی کایا کلبوُت، ہڈّ ماس ناڑی سوبھا پائیا۔ اوہ وی تانا پیٹا سوُت، دوُجا روُپ نہ کوئے درسائیا۔ گُر ارجن کِہا بابا جِس ویلے سَتگُر ساچا ہوئے مؤجوُد، جو چاہے دئے کرائیا۔ مِہر دی نِگاہ نال کر کے محفوُظ، گود اپنی لئے بٹھائیا۔ بابے کِہا کی بھگتی دا اصل دیوے کہ سوُد، کہ کُل دا کُل لیکھا دئے مُکائیا۔ ارجن نے نِگاہ ماری تکیا او بابا اجے تے گوبِند دے بچّے جانے جھوُج، اجیِت جُجھار نظری آئیا۔ بابے کِہا سَتگُروُ کیوں سَتگُر وِچ ہُندی نہ کوئی دوُج، دوُآ دے سمجھائیا۔ گُر ارجن کِہا بابا جِس ویلے نِرگُن توں سرگُن دی ہُندی ویکھی پوُج، اوناں چِر دوَیت نہ کوئے مِٹائیا۔ بابے کِہا ارجن سَتگُر ایہہ کوُڑا کوَن دیوے ہوُنجھ، کرے سرب صفائیا۔ گُر ارجن کِہا میرا پُرکھ اکال دیِن دَیال غریِب نِمانیاں دے ہنجھوُ دیوے پوُنجھ، اپنے گلے لگائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا اپنا کھیل وکھائیا۔ بابے بُڈھے کِہا سَتگُر کی سَتگُر اُتے وی آوے بُڑھاپا، میَنوُں دے سمجھائیا۔ کی سَتگُر وی جوڑے ناتا، جگت وِچ لوکائیا۔ کی سَتگُر دا وی کوئی کھاتہ، کرماں کانڈاں وِچ اپنا جھٹ لنگھائیا۔ کی سَتگُر دا وی کوئی احاطہ، چار دیواری ونڈ کے اپنا حِصّہ لئے بنائیا۔ گُر ارجن کِہا بابا نہیں اوہ پُرکھ پُرکھ سمراتھا، جو آد انت اکھوائیا۔ بابے کِہا کی اوہ مالا پھیرے کہ کرے پوُجا پاٹھا، کہ اکھّیں میٹ دھیان لگائیا۔ گُر ارجن کِہا اوہ آد توں انت تکّ سرب دا راکھا، تے سب دا پِتا مائیا۔ بابے کِہا پھیر تُوں کیوں چؤنکڑا مار کے ماریں آوازا، مُٹھی بند رکھائیا۔ گُر ارجن کِہا بابا میَں ڈردا منّدا اوس دا آکھا، حُکمے وِچ نہ ہوئے کوتاہیِا۔ میَں تے اوہدا نِکاّ جیہا کاکا، جِس نوُں نام کھِلؤنیاں نال رہیا کھِلائیا۔ اِک اُس دا بھوِکھت دسّاں واکا، پر یاد رکھیں جیِوت جی رسنا جِہوا نہ باہر سُنائیا۔ کیوں اوس پربھوُ نے کلجُگ انت اپنیاں بھگتاں دیِاں پوُریاں کرنیاں آسا، نِراسا رہن کوئے نہ پائیا۔ اوہناں دا سب دے اُتوں اُڈ جانا بھرواسا، بھروسہ اِکے اُتے رکھائیا۔ جِس دیِاں گُر اوتار پَیغمبر نِکیاں نِکیاں شاخاں، شاہ پاتشاہ میرا ماہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا بھیوَ آپ کُھلائیا۔ گُر ارجن کِہا بابا ویکھ میرا مستک، بُڈھے دھیان لیا لگائیا۔ جاں تکیا سمت شہنشاہی پنج تے مہیِنہ کتّک، تِھت وار پندراں نظری آئیا۔ نظارہ تکیا تے ویکھیا سُہنجنا وقت، گھڑی گھڑی دئے گواہیِا۔ پیشیِن گوئیاں ویکھیاں اوس نے پوُری کرنی شرط، جو شرع دئے بدلائیا۔
پھیر یاد آ گیا رام نے وِچھڑن لگّیاں کی سندیسہ دِتا سی بھرت، پُٹھی پَیریں چل کے بھراتے نوُں دِتا سُنائیا۔ تیرے رام دا رام جِس نے کلجُگ آؤنا پرت، پترکا لِکھنی نہیں نال کِسے قلم شاہیِا۔ کھیل کرنا اسچرج، اچرج لیِلا اپنی دئے دِرڑائیا۔ جن بھگتاں پُٹھی سِدھی کرکے نرد، نر نرائن اپنا رنگ چڑھائیا۔ پر میَنوُں یاد آ گیا نانک نے پھیر لالو توں لیَنی اوہ کرد، جِس نے قاتل مقتُول دینے مُکائیا۔ گُرمُکھو اِک وار کھڑکا دیؤ کھنڈے نال کھڑگ، ٹک ٹک آواز سُنائیا۔ تُہاڈا ایتھے اوتھے ہون نہیں دینا حرج، جِس طرح تُسیں میرے پہریدار ایسے طرح میَں ہوواں سہائیا۔ کدی بیڑا ہون نہیں دینا غرق، ملاح بن کے بے پرواہ بن کے بیڑا اپنے کندھ اُٹھائیا۔ کیوں آد توں لےَ کے انت تکّ پَیغمبراں نال میری شرط، جِس دی شرع نہ کوئے بدلائیا۔ جد ویکھو عرش تے فرش، ترس بھگتاں اُتے کمائیا۔ جوتی جوت سروُپ ہرِ، آپ اپنی کِرپا کر، سد اپنی کھیل وکھائیا۔ بابے کِہا ارجن میرے اندر وجدی چوبھ، چُبھکاں رہی لگائیا۔ کی کوئی نام سوُآ رہیا ایں کھوبھ، میَنوُں دے جنائیا۔ سَتگُر ارجن کِہا بابا ایتھے پا دے بھوگ، اَگے شبد نہ کوئے سُنائیا۔ بابے کِہا میَنوُں سَتگُر نال بچن کرن دا روگ، ایہہ سکے نہ کوئے مِٹائیا۔ میَں پربھ دی بھگتی تے تیرا کیِتا جوگ، جُگتی نہ منگ منگائیا۔ ارجن اِک میَں جیہڑا نِمسکار نؤ وار کردا روز، نؤ دوارے تیری جھولی پائیا۔ میرے جِسم دی تَینوُں ہووے سوچ، بابا بُڈھا پِھرے چائیں چائنیا۔ گُر ارجن کِہا بابا صدی چؤدھویں گُر اوتار پَیغمبراں دا مُریِداں سِکھاں نالوں ہونا وِیوگ، وِیوگی ہو کے مارن دھاہیِا۔ جِدھر ویکھنا گھر گھر دِسدا سوگ، خوشی وِچ خوشی نہ کوئے پرگٹائیا۔ صِرف پربھوُ نے اپنے بھگتاں نوُں دینی مؤج، مؤجوُد ہو کے رنگ رنگائیا۔ گُرمُکھو تُسیں گوبِند دی فؤج، فؤجدار تُہاڈا شہنشاہیِا۔ ویکھنا کھیل لوک پرلوک، دو جہان دھیان لگائیا۔ اجّ توں اوتار پَیغمبراں گُروُآں نوُں پےَ جانی سوچ، سوچ وِچ نیَن لیَن اُٹھائیا۔ کی کھیل ہونا پُشکر کرؤچ، کل کلکی کی کل ورتائیا۔ جِتھے کِسے نہیں سکنا پہُنچ، پنجے لا کے سارے بیَٹھے پندھ مُکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کمائیا۔ گُر ارجن کِہا بابا سمت شہنشاہی پنج دا آؤنا کتّک پندراں، اِک پنج رنگ رنگائیا۔ مان رہنا نہیں مسیِتاں مندراں، گُروُدوار مٹھ نہ کوئے چتُرائیا۔ جوگ رہنا نہیں جوُہاں کَندراں، ٹِلّے پربت پِھرے دُہائیا۔ پرکاش رہنا نہیں کِسے دے اندراں، نوُری جوت نہ کوئے چمکائیا۔ انتر کُھلے کِسے نہ جِندرا، کُنجی ہتّھ نہ کوئے رکھائیا۔ کُچھ لہنا کرِشن دا بن بِندرا،
بِندی والیاں دئے سمجھائیا۔ کُچھ لہنا سُرپت اِندرا، اِند اِندراسن دھیان لگائیا۔ کُچھ دینا لہنے دا جو نانک وکھایا وِچ نِندرا، انگد انگ لگائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ لیکھا پوُر کرائیا۔ بابے کِہا گُر ارجن اوہ سِکھ کیہڑے ہونے سماجی، سچ دے جنائیا۔ گُر ارجن کِہا اوہناں دیِن مذہب توں ہونا باغی، ذات پات نہ کوئے رکھائیا۔ اِک پُرکھ اکال نوُں منّنا اِمدادی، دوُجی اوٹ نہ کوئے تکائیا۔ اوہناں دی دھار ہونی سادی، سادھاں توں اگلا گھر دینا وکھائیا۔ صدی چؤدھویں سُرتی ہونی جاگی، آلس نِندرا دین مِٹائیا۔ تے پُرکھ اکال اوہناں دا بن کے حاجی، لوک مات حج کرن آوے چائیں چائنیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کمائیا۔ جن بھگتو گوبِند گُروُ تے گوبِند گُروُ چیلا، تے لیکھا پوُر کرائیا۔ آپس وِچ کِرپان دا کِرپان نال کر دیؤ میلا، سَتگُر تُہاڈی اوٹ رکھائیا۔ ایہہ جُگ جنم دا میلا، وِچھڑیاں میلا رہیا کرائیا۔ تُسیں میرے تے میَں تُہاڈا سجّن سُہیلا، ناتا اِکو لیا رکھائیا۔ راوی دا کنڈھا تے کلجُگ دا بیلا، تے جگت دا سُہیلا تُہاڈا دِسے ماہیِا۔ جے سچ پُچھو آد توں انت تکّ تے جُگ چؤکڑی اَکیلا، اِک اِک نال سدا کردا آیا کُڑمائیا۔ ہُن ساریاں توں ہو کے وِہلا، چؤہ جُگاں دے وِچھڑے لئے مِلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا میلا لئے مِلائیا۔ سَتگُر کہے میَں شبد گُر شبد گُردیوا، آتما گُر شبد شبد گُر آتما پرماتما گُر شبد شبد گُر پرماتما، پرم پُرکھ شبد شبد گُر آتما دھرم دھرماتما، دھرم دی دھار ایکنکار اِکو نظری آئیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کمائیا۔ گُرمُکھو اِک یاد رکھِیو بولی، سچ نال دیاں جنائیا۔ رات نوُں سنگل لک نال بنّھے صدی چؤدھویں دی گولی، نال پنج پیاریاں دی ہووے ٹولی، دوہاں ہتّھاں نال تالی دینی وجائیا۔ سب نے داڑھے لینے کھولی، کُھلا کھیل وکھائیا۔ اِک گُرسِکھ جِس نے پاؤنی رؤلی، اوُچی کوُک کوُک دئے دُہائیا۔ بولنا نہیں ہؤلی ہؤلی، حُکم دِتا سُنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کمائیا۔ گُرمُکھو کِتے تھکے تے نہیں، سچ دینا سُنائیا۔ کِسے دی پِچھے چون والی تے نہیں مہیں، دھیان پِچھے نہ کوئے رکھائیا۔ کِسے دی پانی وِچ دھری تے نہیں کہی، سُرتی اپنی رہیا اُلٹائیا۔ کِسے دی کوئی چیز گواچ تے نہیں گئی، سوچاں وِچ اپنا آپ ڈرائیا۔ کِسے دا لیکھا دین والا تے نہیں رہ گیا اُتے بہی، اندر لیکھا رہیا بنائیا۔ کِسے دی وست
کِسے کول تے نہیں پئی، جو اَمانت آئے ٹِکائیا۔ ویکھیو اجّ دی رات سَتگُر دے لیکھے پاؤنی صحیح، صحیح سلامت اپنا آپ کرائیا۔ جِس دے بچّے دی سیِڑی اجے ہوئی نہیں بہی، اوہ تُہاڈی خوشی رہیا منائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، تُہاڈے پریم دا سدا نشئی، مستی وِچ ہستی وِچ عرشی ہو کے فرشی ہو کے پریم پیار دا غرضی ہو کے ملِے چائیں چائنیا۔