کتب خانہGranth 22 (Shahmukhi)

۱۶ کتّک شہنشاہی سمت ۵ آسا سِنگھ دے گرِہ پِنڈ بابوُپُر

گُرمُکھ کِہا چھڑیا نال رلا لےَ رنڈا، رَوداس نے دِتی گواہیِا۔ دوہاں دی اِکو منزل اِکو پؤڑی اِکو ڈنڈا، ڈنڈاوت اِکو سیِس نِوائیا۔ اِکو تن وجوُد خاکی بندہ، ماٹی پنج تت وڈیائیا۔ پِچھلا کھیل سوُرا سربنگا، ہرِ کرتا آپ سمجھائیا۔ اِنہاں دوہاں دا روُپ ہُندا سی پنڈا، پنڈت پِچھلے نیَنوُ مانَوُ نام جنائیا۔ بَیٹھدے سی گنگا کنڈھا، اپنا آسن لائیا۔ سب نوُں ماردے سی پھندا، گلے سُٹ کے دین وکھائیا۔ یاتریِؤ کُچھ بھیٹا دے دیؤ نہیں تے تُہاڈا پِتا ہو جاؤ اندھا، نیَن ہیِن اکھوائیا۔ پھیر ہری اوم تت سَت سُناؤندے چھندا، گائتری منتر نال دُہائیا۔ پھیر جنیؤ دا پھڑ کے تندا، چّپیاں نال پِھرائیا۔ پھیر لےَ کے جل چنگا، چُلیاں دین وکھائیا۔ پھیر اکھّاں میٹ کے لیَن انندا، مالا ہتّھاں وِچ بھوائیا۔ پھیر اِک اِک پَیر کرکے ننگا، اُنگلیاں وارو وار ہِلائیا۔ پھیر دھوتی نوُں بنھن دا کرن دھندا، پیچے لّک نال چُھہائیا۔ پھیر ہتّھ وِچ پھڑ کے ڈنڈا، اُٹھ کے ویکھن گنگا مائیا۔ پھیر بودی نوُں واہ کے نال کنگھا، ہتّھاں وِچ لیَن اُڈائیا۔ پھیر لاگے رکھیا اُنگل نوُں لا کے تھندا، ناساں وِچ پھرائیا۔ پھیر دوُجے براہمناں دی کرن نِندا، ایَویں پوتھیاں رہے اُٹھائیا۔ پھیر تُلسی نال وکھاوَن جل چنگا، کچّے تند نال سُہائیا۔ پھیر کرکے مُنہ وِنگا، نکّ مروڑ کے دین وکھائیا۔ ججمانَوں تُسیں دانوُ مانَوُ دیِاں ٹِنگاں، آہ ویکھو ساڈے پتّرے رہے سمجھائیا۔ تُہاڈا پِیو دادا سانوُں دانیاں دیاں چڑھاؤنداں رہیا ٹِنڈا، حِصّہ ساڈی جھولی پائیا۔ پھیر بولن وانگ بِنڈا، ٹِر ٹِر کر سُنائیا۔ پھیر سؤں جان وِچ نِندا، گھُراڑے مار دین ڈرائیا۔ پھیر غُصّے وِچ کہن ساڈے بِنا تُہاڈی نہیں مِٹنی چِندا، چِنتا نہ کوئے گوائیا۔ اِک دوُجے نوُں کہن ایہہ میرے نالوں بخشندا، باراں راسی کُنڈلی وِچ پھسائیا۔ دوُجا کہے ایہہ پروہت بڑا چِھندا، ججمان سارے صِفتاں وِچ صالاحیِا۔ پھیر وکھاوَن ہتّھ وِچ پھڑ کے جِندا، بِنا کُنجی توں اُنگلیاں اُتے بھوائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ پڑدا آپ چُکائیا۔ گُرمُکھ کِہا چھڑیا رنڈا رلا لےَ نال، رَوی پِچھلا دھیان لگائیا۔ مایا والا وکھاوے جال، جنجال وِچ دُہائیا۔ ایہہ پنڈت مستک تِلک لگا کے ترسوُلی رکھن نال، لائیناں تِنّ تِنّ کھِچائیا۔ آسن لا کے سب نوُں کہن اسیں گنگا مائی دے دلال، وِچولے نظری آئیا۔ ریکھ وِچ میخ مارن نوُں کمال، کرم جرم دئیے بدلائیا۔ ساڈے متھے لگّے نہ کوئے چنڈال، راجے رانے سانوُں سیِس نِوائیا۔ جے کِسے کول موتیاں دا تھال، ساڈی جھولی

دیؤ بھرائیا۔ جے کوئی گھروں آیا کنگال، ساتھوں اگلا پروہت لؤ منائیا۔ جِس دی کمائی حلال، اوہ سانوُں دیؤ پھڑائیا۔ جِس دے گھر ہُندا نہیں بال، آو تِلک دئیے لگائیا۔ کُچھ اپنے گھر دا دسّو حال، کی تُہاڈے گھر ہوئی کُڑمائیا۔ کُچھ ساڈی گڑوی وِچ دیؤ ڈال، ایہہ گڑوی گنگا مائی دی سیو کمائیا۔ اوہ ویکھو لہر نے ماری اُچھال، ماتا سانوُں رہی سُنائیا۔ او پنڈیو تُسیں کاہدے دلال، ججماناں کولوں کھِچ کے کُچھ اجے نہ میری جھولی پائیا۔ جے تُسیں ہُن دچھّنا نہ دِتی گھر جاندیاں نوُں ہوؤ بُرا حال، گھروالی ہائے ہائے کر کُرلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک سُنائیا۔ گُرمُکھ کِہا چھڑیا رنڈا سد لےَ نیڑے، پِچھلا لیکھا دیاں جنائیا۔ تُسیں دوویں وسدے سو رَوداس دے کھیڑے، گوانڈھی پِچھلے سوبھا پائیا۔ کدی کدی چکّر ماردے سی وِچ ویہڑے، موڈھا موڈھے نال لگائیا۔ سب نال کردے سی ہیرے پھیرے، اپنی کر چتُرائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کمائیا۔ گُرمُکھ کِہا کُچھ پِچھلا دسّاں لہنا، رَوی راہ جنائیا۔ سولاں کتّک نوُں روی دے پِنڈ دیاں دوویں سکیاں بھَیناں، گنگا گئیاں چائیں چائنیا۔ اِنہاں دوہاں تکیا نال نیَناں، سیَنت نال لیا بُلائیا۔ آ جاؤ تُہانوُں دسّیئے بہنا، اوہ گنگا مائی رَہی جنائیا۔ تُساں سانوُں کی کُچھ دینا، اساں اَگے بھیٹا دینی کرائیا۔ دوُجے کِہا بے شک ایہہ ایہدیاں لگدیاں بھَیناں، سانوُں لاہ کے دے دین اپنا گہنا، ایہو وڈی چتُرائیا۔ پھیر اَگے کی کہنا، کہن دی لوڑ رہے نہ رائیا۔ دوُجے کِہا میری کُنڈلی کہِندی اِنہاں دے تن سریِر دا بُرج ڈھہنا، ساڑ ستی نظری آئیا۔ جِس دِن چندرما نوُں لگّنا گرِہنا، اِنہاں دیِاں اکھّیاں اپنی جوت جان تجائیا۔ دوُجے نے کِہا اِنہاں دے گھر دا کوٹھا ڈھہنا، تھلّے آ کے لتّاں لیَن بھنّائیا۔ دوُجے نے کِہا اِنہاں دے سِر اُتے گھُنم جانا ٹٹہنا، اُس کُلہنے نے اِنہاں دا گھر دینا گوائیا۔ اوہ رو پئیاں ڈردیاں نیِر وہایا نیَناں، ہنجھوُآ ں ہار بنائیا۔ اِنہاں بودی تے ہتّھ مار کے کِہا بیِبیو رانیو ایہہ بھانا پَینا سہنا، سکے نہ کوئے بچائیا۔ جھٹ دوہاں نے کِہا ساڈیاں پّطریاں کہن ایہہ بن گئیاں ڈَیناں، ڈراؤنیاں نظری آئیا۔ اِنہاں دا ساک کِسے نہیں لیَنا، ویاہ دا سگن نہ کوئے منائیا۔ چنگیاں ہوون مندراں وِچ جا کے کھڑکاوَن ڈھولک چَھینا، اپنا جھٹ لنگھائیا۔ پھیر کِہا اوہ جمنا سُرستی گنگا نال کہے تربَینا، تئیا تاپ اِنہاں نوُں دئے ستائیا۔ اِنہاں ایس جگت وِچ نہیں رہنا، بِنا براہمناں توں سکے نہ کوئے بچائیا۔ اِک کہندا جے چنگیاں ہون اِک وار سانوُں تکن اپنیاں نیَناں، اپنا

من لیَن بدلائیا۔ پھیر اِنہاں نوُں ایہہ دُکھ والا بھانا پئے نہ سہنا، ہری اوم تت سَت کر کے لئیے بچائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کمائیا۔ گُرمُکھ کِہا چھڑیا رنڈے نال کر مِلاپ، پِچھلا لیکھ سمجھائیا۔ دوہاں نے کِہا جے ساڈے چرن چھوُہو تُہانوُں کدے نہ چڑھے تاپ، گنگا مائی دی جےَ کر کے دئیے سُنائیا۔ جے ساڈے نال ویاہ کرو تُہاڈا اُتر جائے پاپ، دوُشنا رہن کوئے نہ پائیا۔ جِس طرح اسیں پوِتر تے تُہانوُں کر دئیے صاف، جل گنگا نال نُہائیا۔ ویکھو کِڈا سوہنا گھاٹ، پتن اِک وڈیائیا۔ آہ ویکھو تُہاڈے پوُربلے جنم دا کاٹ، اسیں سانبھ سوُت کے رکھیا تُہانوُں دئیے پڑھائیا۔ پِچھلیاں دی چھڈ دیؤ واٹ، گھر پرت کوئے نہ جائیا۔ جے گھر گئیاں تُہانوُں سپّ ڈسنا رات نوُں اُپر کھاٹ، فنیئر شی شی کر کے اپنا ڈنگ دئے لگائیا۔ تُہاڈی زِندگی اجّ دا دِن تے اجّ دی رات، سویرے چِتا وِچ دین جلائیا۔ اوہ رو پئیاں ہائے ساڈیا باپ، کی ویلا گیا آئیا۔ اِک کہندا ہتّھوں لاہ کے دیؤ چھاپ، تُہاڈا بھےَ دئیے مِٹائیا۔ دوُجے کِہا اِنہاں دا جنم دا لیکھا گیا پاٹ، میری پتری رہی جنائیا۔ دوُجا کہے چھیتی کرو میرے چرن لؤ چاٹ، رسنا مُکھ وِچوں باہر کڈھائیا۔ پھیر جوڑ دیؤ دوویں ہاتھ، نِیوں کے سیِس نِوائیا۔ دوُجے کِہا جھٹ بن جائیوداسی اسیں بن جائیے دوویں داس، سوہنا مِل کے جھٹ لنگھائیا۔ پِھر گوپی کاہن بن کے پائیے راس، پَیر اَگے پِچھے ٹِکائیا۔ ایہہ ساتھ گنگا ماتا دا گھاٹ، سوہنا سُہنجنا سوبھا پائیا۔ اونے چِر نوُں اوتھے رَوداس چمارا آ گیا لےَ کے چمیاراں والی جماعت، ہؤلی ہؤلی پندھ مُکائیا۔ نیڑے آ کے کِہا پنڈت جی اجّ ایتھے کٹنی رات، رَین بسیرا جھٹ لنگھائیا۔ اوہناں بیِبیِاں کِہا ایہہ ساڈی آ گیا وِچوں جات، جُتیاں گنڈھن والا پھیرا پائیا۔ ایہدے کول کریئے بات، جے سانوُں لئے بچائیا۔ پنڈتاں ماریا ہاتھ، اِشارے نال کِہا مُکھ ایدھر لؤ بدلائیا۔ ایہہ اچھوُت اسیں براہمن دوہاں دا ہوئے کدے نہ ساتھ، سنگی سنگ نہ کوئے جنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کمائیا۔ رَوداس نے رکھ دِتی کول رمبی آر، آہ کر کے آسن لیا لگائیا۔ پنڈت جی سانوُں پاپاں دا بڑا لگّا بھار، ہؤلا دیؤ کرائیا۔ براہمن کِہا پہلے گنگا وِچوں نہا واری دو چار، صاف اپنا آپ کرائیا۔ پھیر دوُروں کر نِمسکار، پروہت جی کہہ کے سیِس نِوائیا۔ پنڈتاں نوُں مِلنا منزل بڑی دُشوار، شوُدر مِلن کوئے نہ پائیا۔ تُوں ذات دا چمیار، ڈھوراں کھلّ لُہائیا۔ ہو نہ جائیں ناراض، سَت دئیے سمجھائیا۔ جوتی جوت سروُپ ہرِ، آپ اپنی کِرپا کر، سچ پردہ آپ اُٹھائیا۔

رَوداس سُن کے ہو گیا چُپ، اکھّیں میٹ دھیان لگائیا۔ اودھروں لگّی ڈاڈھی دُھپ، اگن واگ تپائیا۔ اوتھوں براہمن پئے اُٹھ، پنج قدم تے ڈیرہ لائیا۔ اوتھے مندر دی سی گُٹھ، دِشا دکھّن والی وڈیائیا۔ دوہاں نے اپنا بنایا جُٹ، موڈھا موڈھے نال لگائیا۔ اِک دوُجے دے ہتّھ رہے گھُٹ، مُٹھیاں اِک دوُجے نال دبائیا۔ جے ہتّھ آ جاوے اجّ ساڈے ایہہ لُٹ، پھیر سمجھیئے کِرپا کیِتی گنگا مائیا۔ ایہدے چنگے بنیئے پُت، پُت سوہنی سیو کمائیا۔ جے کوئی چنگا شاہوُکار آوے اُس نوُں لئیے لُٹ، کُچھ حِصّہ ماتا دی بھیٹ کرائیا۔ پھیر ہؤلی ہؤلی ہِلاوَن لگّے اپنے بُٹ، جاپ پاپ والا کمائیا۔ پھیر دوہاں نے دوہاں بیِبیِاں دے پھڑ لئے گُٹ، اکھّاں میٹ کے رہے سُنائیا۔ تُہاڈی زِندگی دی ڈوری نہ جائے ٹُٹ، گنڈھ براہمن برہما نال پوائیا۔ تُسیں دوویں جاؤ اُٹھ، پنج وار پردکھّنا لؤ چائیں چائنیا۔ پھیر دوہاں دا بن جائے دو دو دا جُٹ، جوڑی گنگا مئیا دئے بنائیا۔ تُسیں کدے نہ جائیورُٹھ، اِکٹّھے رہ کے جھٹ لنگھائیا۔ جے بچن نہ منّیا اجّ رات نوُں تُہاڈا رہنا نہیں کایا بُت، سریِر جانا تجائیا۔ ہُن کے اسیں براہمن ہوئے خوش، تُہانوُں لئیے بچائیا۔ اوہناں بیِبیِاں کِہا اوہ ساڈے پِنڈ دا ویِر اُس توں لئیے پُچھ، سندیسہ دیوے جا کے ساڈے پِتا مائیا۔ براہمن کہن کر جاؤ چُپ، رسنا جِہوا نہ کوئے ہِلائیا۔ اوہ تے چمیاراں دا پُت، براہمناں گھر وڑن نہ پائیا۔ اِک نے ڈلے تِنے پھیر دِتے سُٹ، اِک تِنّ پنج گِن کے دِتے وکھائیا۔ ویکھو تُہاڈا جامہ بدلیا منُکھ، دھرم رائے توں لیا بچائیا۔ ایس توں لامبھے جائیے لُک، اَگے چلیئے چائیں چائنیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کمائیا۔ پنڈتاں کِہا ساڈی لا لؤ چرن دھوُڑی، نکّ زِمیں اُتے تِنّ وار گھسائیا۔ اسیں چُکیئے گنگا جل تُسیں چکّ لؤ ساڈی پھوُہڑی، ساتھ سوہنا لئیے بنائیا۔ سب دی آسا گنگا ماتا کیِتی پوُری، چلو تُہانوُں پوُریاں دئیے کھلائیا۔ نالے درشن کریئے شِواں دی حضوُری، شِو مندر ڈیرہ لائیا۔ بِنا پنڈتاں توں دُنیا کوُڑی، سچ وِچ نہ کوئے سمائیا۔ کلّ ججمان توں ٹھگی سی مجھّ بوُری، اجّ ماتا نے چوون والیاں سانوُں دِتیاں چائیں چائنیا۔ تُسیں چل کے کُٹیو چوُری، چوُرما لیَنا بنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کمائیا۔ جِس ویلے اُٹھ کے براہمن تُرے، قدم اِک دو تِنّ اُٹھائیا۔ دوہاں دے اندر فُرنے پُھرے، سُرت لئی انگڑائیا۔ نی اسیں ضرور رَوداس نوُں پُچھیئے کُڑے، کی سانوُں دئے جنائیا۔ دوہاں دے اندروں دِل مُڑے، بھجّ کے آئیاں چائیں چائنیا۔ جوتی جوت سروُپ ہرِ، آپ اپنی

کِرپا کر، کرے کھیل ساچا ہرِ، بھیوَ ابھیدا آپ کُھلائیا۔ بیِبیِاں کِہا وے رَوداس، کُچھ سانوُں دے سمجھائیا۔ ساڈے اجّ مُکن والے سواس، بِنا براہمناں توں سکے نہ کوئے بچائیا۔ ایہہ سانوُں لےَ کے چلے ساتھ، کہن اسیں ہوئیے سہائیا۔ ساڈا پوُرا ہُندا واک، بتّی دند دین گواہیِا۔ ساڈے نال جوڑو نات، پتی پتنی روُپ وٹائیا۔ اسیں ڈردیاں کُچھ کہہ نہیں سکیاں واک، ہاں وِچ ہاں دِتی مِلائیا۔ تُوں گھر جا کے دسّیں ساڈے باپ، ماں نوُں دینا جنائیا۔ تُہاڈیاں دھیِاں نوُں اجّ چڑھنا سی تاپ، مؤت اوہناں دی نیڑے آئیا۔ پنڈتاں نے اوہناں دے سِر تے رکھیا ہاتھ، لوک مات لئیاں بچائیا۔ اپنے نال بنا کے ساک، ناتا لیا جُڑائیا۔ ایہہ سُن انوکھی بات، رَوداس لئی انگڑائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ رویداس دے اندر آئی ہاسی، ہسّ کے دِتا وکھائیا۔ اِنہاں بیِبیِاں نوُں پتہ نہیں اِنہاں دی ماں ساڈی ماں دے مامے دی دھی تے ماسی، رِشتہ پِچھلا نظری آئیا۔ رویداس نِکے ہُندیاں اِنہاں دی ماں توں تِنّ وار دُدھ پیِتا سی وِچ گلاسی، چھٹاکاں دو ڈھائی ٹِکائیا۔ اوہ اُٹھ کے بنیا ساتھی، نال تُریا بن کے راہیا۔ براہمناں کول پُج کے اِک گلّ آکھی، آکھ کے دِتا سُنائیا۔ پنڈتو اِنہاں دی زِندگی دی کی ساکھی، میَنوُں دیؤ سمجھائیا۔ پنڈتاں انتر بھےَ آیا مُکھوں نِکلے نہ کوئے باتی، گلّ سکے نہ کوئے سمجھائیا۔ اوہناں دوہاں کِہا چمیارا اسیں بڑے پاپی، ہتیارے روُپ بدلائیا۔ سانوُں دیہو معافی، گُستاخی نہ کوئے رکھائیا۔ سانوُں بُھل گئی چلاکی، تیرا درشن پائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ رویداس کِہا پنڈتو کی تُہاڈا گیان، پڑھ کے دیؤ جنائیا۔ کیوں بدل گیا دھیان، نِگاہ نِگاہ وِچوں اُلٹائیا۔ اندر وڑ گیا شیَطان، شور دِتا مچائیا۔ پنڈت ویکھ ہوئے حَیران، حَیرانی وِچ دُہائیا۔ سانوُں سؤگند اوس کاہن، جو گوپیاں گیا ہنڈھائیا۔ اسیں اُس نوُں وِچولا بنا کے اپنی پتّری وِچوں اِنہاں دوہاں دا منگیا دان، اون ساڈی جھولی دِتیاں پائیا۔ پر تَینوُں ویکھ کے ساڈے نیَن شرمان، ساڈے اندر مچّی دُہائیا۔ جے سچ پُچھیں تُوں وی ساڈا ججمان، ججمان کہہ کے تیری کریئے وڈیائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ رویداس کِہا اپنی نیِتی لؤ بدلا، سیِس دیؤ جھُکائیا۔ آپس وِچ بنو بھَین بھرا، دوُسر اکھّ نہ کوئے اُٹھائیا۔ اوہناں دوہاں کِہا نِکیاں ہُندیاں دی ساڈی مر گئی ماں، ماتا نظر کوئے نہ آئیا۔ پھیر ایہدا ہویا ویاہ، اُس وی کیِتی جگت جُدائیا۔ ہُن گھر وِچ نہ کوئے ناری نہ

کوئے گاں، گؤ ماتا نظر کوئے نہ آئیا۔ اِک چھڑا اِک رنڈا دوہاں نوُں ملِے کوئی نہ تھاں، سُکھ سچ نہ کوئے وکھائیا۔ رویداس کِہا اوس پربھوُ دا جپو ناں، جو سب دا پِتا مائیا۔ براہمناں کِہا ہُن کرنی نہیں ہاں، ساڈا ناتا جگت نالوں دینا تُڑائیا۔ رویداس نے دوہاں دی پھڑ کے بانہہ، ہلوُنا دِتا لگائیا۔ اکھّاں اُٹھاؤ اوتے اسماں، نیتر نیَن کُھلائیا۔ اپنا تِلک دیؤ مِٹا، اُنگلاں نال گھسائیا۔ پھیر منگو منگ کرو دُعا، خالی جھولی دیؤ وکھائیا۔ مُکھوں کہو تُوں داتا بے پرواہ، بے پرواہی وِچ سمائیا۔ سانوُں اپنے وِچ سما، جیِون دی لوڑ رہے نہ رائیا۔ جِس ویلے لوک مات آپ جاوے آ، جوتی جاتا ویس وٹائیا۔ سانوُں پھیر دیویں تھاں، چرن کوَل سرنائیا۔ ہُن اسیں ماں مہٹر پھیر مرے نہ ساڈی ماں، سدا ساڈا سنگ رکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کمائیا۔ رویداس کِہا ایہہ کھیل پربھوُ دا بڑا، وڈے وڈ وڈیائیا۔ میَں دُھر دا لیکھ پڑھا، بِنا اکھّراں دِتا جنائیا۔ تُساں لوک مات جنم لیَنا چیتن جڑا، تن وجوُد رنگ رنگائیا۔ ایسے طرح پھیر اِک ویاہیا ہونا تے اِک چھڑا، جوڑی دوہاں دئے وکھائیا۔ پُرکھ اکال آپ سُہائے درا، گرِہ اِکو اِک جنائیا۔ دیِن دُنی دی بدل کے شرع، براہمن دا برہم دئے پرگٹائیا۔ دھیان دھریو ذرا، ذرا ذرا وِچوں ویکھ وکھائیا۔ ایسے کر کے گُرمُکھ نے بچن سُنایا کھرا، رویداس پِچھلا لیکھا پوُر کرائیا۔ دلیِپ سِنگھ ایہناں نوُں پانی دا بھر کے دیندا سی گھڑا، گنگا وِچوں آپ اُٹھائیا۔ مِٹّی دا کھود کے رکھدا سی گڑھا، جِس وِچ روز نویں تھاں رکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، آد جُگادی اِک اوَترا، اوَتر اپنا پھیرا پائیا۔

سَتگُر لہنا کدے نہ مُکدا، جُگ جُگ کھیل اپار۔ جن بھگتاں گودی چُکدا، مان وڈیائی دیوے وِچ سنسار۔ سچ دیوے جاپ اپنی تُک دا، آتم پرماتم کر پیار۔ جھگڑا مِٹاوے کوُڑے دُکھ دا، دُکھیاں دُکھ نِوار۔ ویلا وقت سُہنجنا کرے سُکھ دا، سُکھ ساگر آپ بنے کرتار۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا مالک ایکنکار۔

۱۷ کتّک شہنشاہی سمت ۵ میلا سِنگھ سرپنچ دے گرِہ پِنڈ بابوُپُر

اک نال اِک دی کیِتی بدلی، صِفرا وِچوں دِتا اُڈائیا۔ پُرکھ اکال بن عدلی، اِنصاف بھگتاں نال کمائیا۔ میلا سِنگھ دی زِندگی سی دِہاڑا اجّ لئی، اجل بھجےّ واہو داہیِا۔ ناں بدل کے لجّیا رکھ لئی، رکھیا کیِتی تھاؤں تھائنیا۔ نانک دی دھار وِچولی سدّ لئی، صدقے واری گھول گھُمائیا۔ کؤڈے نے اِک وار تکیا سی تپی ہوئی اگّ لئی، اگنی ویکھ وکھائیا۔ پھیر بھے آیا پربھ جدوں آوے آوے بھگتاں دی جدّ لئی، یکے بعد دیگرے پھیرا پائیا۔ جنم کرم دی میٹن حد لئی، ہرِ اپنا رنگ رنگائیا۔ نام چوغہ مانَس کگ لئی، ہنس روُپ بدلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کمائیا۔ نام بدلی دا دِتا بدلا، بدلا رہیا چُکائیا۔ لیکھے لا کے جگت ریِتی بھؤں مرلا، مرجیوت روُپ وکھائیا۔ انتشکرن وِچ کڈھن نہ دِتا ترلا، مِنّت وِچ سیِس نہ کوئے نِوائیا۔ اپنا حُکم سُنا کے پرلا، مؤت پرلو توں لیا بچائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کمائیا۔ نام بدلیا بدلیا جنم، جنم دِتی وڈیائیا۔ کرم بدلیا بدلیا کرم، کِرپا کیِتی کرتے کریِم بےپرواہیِا۔ مِٹیا بھرم، بُھلیکھا بھرانت رہیا نہ رائیا۔ سچ بخش کے سرن، صاحِب دیوے سرنائیا۔ دُکھ درد سارے ڈرن، دلِدر ڈیرہ ڈھاہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ حُکم اِک ورتائیا۔ نام بدلیا بدلہ چُکایا آپ، بدی دا بد ویکھ وکھائیا۔ کرم مِٹایا دھرم دا تھاپن تھاپ، دَیا دَیاوان ورتائیا۔ کوُڑ دا کوُڑ رہیا نہ پاپ، جھوُٹھ دا جھوُٹھ ڈیرہ ڈھاہیِا۔ چِنتا روگ نہ رہیا سنتاپ، سَت سَت وِچ مِلائیا۔ کِرپا کرے ساکھیات، صاحِب سوامی ہووے سہائیا۔ جِس نوُں جنم بخشیا کرم بخشیا دھرم بخشیا جا کے وِچ پہلی وار کماد، نانک دا لیکھا لیکھے وِچوں پرگٹائیا۔ اوسے کماد دے رس توں آئی یاد، جو گُرمُکھاں راوی کنڈھے رس چکھائیا۔ اوسے کارن لیا راکھ، رکھیا کیِتی پربھ اپنی دَیا کمائیا۔ رِگ روگ نہ رہے رائگ سنتاپ، سَت سچ وِچ سمائیا۔ لیکھے لائیا تُوں میرا میَں تیرا جپیا جاپ، آتم پرماتم رنگ چڑھائیا۔ نِرگُن سرگُن ہو کے دیوے ساتھ، سرگُن اپنا بھیوَ کُھلائیا۔ سجّن سُہیلا بن کے وسے پاس، پاسہ سکے نہ کوئے بدلائیا۔ دُکھ درد مِٹائے سنتاپ، سنسا دئے چُکائیا۔ واقف ہووے اپنے واقعات، وعدہ سارا پوُرا کرائیا۔ میلا سِنگھ پربھ مِلن دی دے کے دات، مل اندروں دئے کڈھائیا۔ تن سریِر ہووے شانت، اگنی اگّ بُجھائیا۔ جوتی

جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، سد اپنی دَیا کمائیا۔

۱۷ کتّک شہنشاہی سمت ۵ ہزارا سِنگھ دے گرِہ پِنڈ بابوُپُر

دھرنی کہے میَں پِھراں پَیر دبےّ، ہؤلی ہؤلی اپنا قدم اُٹھائیا۔ گُر اوتار پَیغمبر ساتھ چھڈ گئے ہّبے، حُبِ وطن دا لیکھا گئے مُکائیا۔ میرے سنسکار میرے اندر دبےّ، بہُڑی باہر سکے نہ کوئے کڈھائیا۔ چاروں کُنٹ وا تتی وگے، لوُ اگنی رہی تپائیا۔ میرے اُتے دیِن مذہب دی حدے، ایکا رنگ نہ کوئے رنگائیا۔ مانَس پسوُآں دے دھرم اُتے ونڈے، سوُر گاں پئی دُہائیا۔ میری شرم حیا رہی نہ لجےّ، پردہ دُئی نہ کوئے چُکائیا۔ پِھری دروہی کعبے ہجےّ، حقیِقت نظر کِسے نہ آئیا۔ میرا صاحِب سُلطان کِسے نہ لبھے، لباں اُتے سارے زبان رہے پِھرائیا۔ میرے روندی دے بَیٹھ گئے گھّگے، اوُچی کوُک کوُک جنائیا۔ جگت سنت کردے دغے، کلجُگ دھوکھا چاروں کُنٹ نظری آئیا۔ پُرکھ اکال سرن کوئی نہ لگّے، سیِس جگدیِش نہ کوئے جھُکائیا۔ مانَس مانَو بڑے وڈّے وڈّے، ہنکاری گڑھ جنائیا۔ دھرم دا دھرم نِشان کوئی نہ گڈّے، گائیڈ گاڈ نہ کوئے مِلائیا۔ دیِپک جوت کوئی نہ جگے، چاروں کُنٹ اندھیرا چھائیا۔ میرے اُتے وہن وہندے تیِرتھ تٹ کنارے ندے، گنگا گوداوری جمنا سُرستی سار کوئے نہ آئیا۔ مانَس مان رکھدے گھوڑا ٹٹوُ گدھے، پنچھیاں نال چتُرائیا۔ آتم برہم دا لئے کوئی نہ مزے، مذاق کوُڑے وِچ لوکائیا۔ صاحِب سُلطان دی چلے کوئی نہ رزے، رازق رِزق رحیِم اِشٹ نہ کوئے رکھائیا۔ میرے ولّ دوُروں ویکھدی قضے، قضا اپنی اکھّ کُھلائیا۔ دوویں ہتّھ اگمّی بدھےّ، بندنا وِچ سیِس جھُکائیا۔ جُگ چؤکڑی لکھّ چؤراسی کھا میری دھار کدے نہ رجےّ، سانتک سَت نہ کدے سمائیا۔ صدی چؤدھویں پُرکھ اکال حُکم دِتا یدے، یدی اپنی کار کمائیا۔ چار کُنٹ جیِو جنت بہُہ ودھے، ودھیِک دی تاریخ دینی بدلائیا۔ صِرف بھگتاں نوُں مِلنا پدے، پت پرمیشور دئے وڈیائیا۔ جیہڑا لوک مات آؤندا کدے کدے، قدیِم دے وِچھڑے میل مِلائیا۔ دُھر فرمان دے کے سدّے، ہوکا حق حق سُنائیا۔ کرے کھیل سوُرا سربگے، پاربرہم اگمّ اتھاہیِا۔ جوتی جوت سروُپ ہرِ، آپ اپنی کِرپا کر، کرے کھیل

ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، میری آسا منسا میرے انتر وِچوں کڈھے، کاڈھ اپنی اگلی میرے نال مِلائیا۔

۱۷ کتّک شہنشاہی سمت ۵ چرن سِنگھ دے گرِہ پِنڈ ہیم راج پُر

کتّک کہے میَں ویکھے کرم کانڈی، کنڈھا دیِن دُنی دھیان لگائیا۔ دیِن مذہب کھاوے سوُر ڈھانڈی، امرت رس نہ کوئے چکھائیا۔ من کلپنا سُرتی سب دی باندھی، بندنا سیِس جگدیِش نہ کوئے کرائیا۔ وڈیائی رہی نہ کِسے ناں دی، کلمہ کائنات نہ کوئے چتُرائیا۔ عزت رہے نہ پِتا پوُت ماں دی، بھائی بھَین کرے لڑائیا۔ شُہرت رہی نہ پوِتر تھاں دی، مندر مسجد شِودوالے مٹھ رہے کُرلائیا۔ کلجُگ جیو بُدھی ہوئی کاں دی، ہنس روُپ نہ کوئے وکھائیا۔ ستّیا رہی نہ سَتگُر چھاں دی، اگنی اگّ نہ کوئے بُجھائیا۔ طاقت رہی نہ کِسے بانہہ دی، سوُربیِر نہ کوئے چتُرائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کمائیا۔ کتّک کہے میَں ویکھاں چار کُنٹ تکدا، تقدیِر نہ کوئے بدلائیا۔ گرِہ ملِے نہ کوئے حق دا، حقیِقت بھیوَ نہ کوئے کُھلائیا۔ جگت جہان بھریا شکّ دا، شِکوہ سکے نہ کوئے گوائیا۔ مُریِداں پَیج کوئے نہ رکھدا، مُرشد ہوئے نہ کوئے سہائیا۔ پرکاش ملِے نہ کِسے نِج نیتر اکھّ دا، آخر منزل نہ کوئے چڑھائیا۔ بھاگ نکُھٹیا رسنا والے جپ دا، جِہوا چلے نہ کوئے چتُرائیا۔ کوُڑ کُڑیارا جہان ویکھیا تپدا، اگنی اگّ نہ کوئے بُجھائیا۔ مایا زہر بھریا ناگنی سپّ دا، سَت سروُپ نہ کوئے سمائیا۔ نؤ دوارے منزل کوئے نہ ٹپّدا، کوُڑ وِکار نہ کوئے گوائیا۔ آتم پرماتم نام کوئے نہ جپدا، سوہنگ روُپ نہ کوئے سمائیا۔ ستھر یار کوئے نہ گھتدا، چاروں کُنٹ پِھری دُہائیا۔ جھگڑا پیا کایا ماٹی مٹّ دا، تن وجوُد کرے لڑائیا۔ کوئی کھیل مُکائے نہ تیِرتھ اٹھسٹھ دا، گھر سروور اِک نُہائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا حُکم اِک سُنائیا۔ کتّک کہے میَں ویکھیا دیِن دُنی دا اندر، انتشکرن پھول پھولائیا۔ پوِتر ہویا کوئے نہ مندر، منسا من نہ کِسے تجائیا۔ بجر کپاٹی تُٹا نہ جندر، ٹیڈھی بنک پار نہ کوئے کرائیا۔ اندھیر میٹیا نہ کِسے کَندر، اندھ اندھیر نہ کوئے مِٹائیا۔ پرکاش لبھے نہ سوُریہ چندر، نوُری جوت نہ کوئے رُشنائیا۔ آتم کرے کوئی نہ بندن، پرماتم سیِس نہ کوئے جھُکائیا۔

کھیل ویکھیا سوُرے سربنگن، کی کرتا کار کمائیا۔ ہاہاکار کرائے وِچ وربھنڈن، برہمنڈ دین دُہائیا۔ ساچی منزل کلجُگ جیو موُل نہ لنگھن، قدم قدم نہ کوئے بدلائیا۔ کوُڑی کِریا تُٹے بندھن، شبدی ڈور نہ کوئے پوائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در ٹھانڈے سیِس نِوائیا۔ کتّک کہے میَں ویکھیا چار چُپھیرا، چاروں کُنٹ دھیان لگائیا۔ اُتّر پوُرب پچھّم دکھّن دِسے اندھیرا، اندھ آتم نہ کوئے رُشنائیا۔ کلجُگ کوُڑی کِریا پایا گھیرا، جیو سکے نہ کوئے تُڑائیا۔ جھگڑا مکُے نہ میرا تیرا، ممتا موہ نہ کوئے گوائیا۔ بھرماں ڈھائے کوئے نہ ڈیرہ، ہؤمے روگ نہ کوئے جلائیا۔ سوُربیِر دِسے نہ کوئے دلیرا، کلجُگ انت لئے انگڑائیا۔ صدی چؤدھویں لیکھ مُکاوے کیہڑا، سارے بَیٹھے سیِس نِوائیا۔ نؤ ستّ ڈُبدا جائے بیڑا، کھیوٹ کھیٹا پار نہ کوئے کرائیا۔ لکھّ چؤراسی آوے گیڑا، جم کی پھاسی نہ کوئے تُڑائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در تیرے منگ منگائیا۔ کتّک کہے میَں ویکھیا دیِن دُنی روندی، نیَناں نیِر وہائیا۔ ساچی سیج موُل نہ سؤندی، کنڈا خار چُبھے لوکائیا۔ امرت سروور نہ کوئے نہاؤندی، دُرمت میَل نہ کوئے دھوائیا۔ آتم پرماتم گیِت کوئے نہ گاؤندی، دُھر دا ڈھولا اگمّ اتھاہیِا۔ پُرکھ اکالا میِت نہ کوئے مناؤندی، لکھّ چؤراسی جگت یار ہنڈھائیا۔ ساچی رُت نہ کوئے سُہاؤندی، تِھت ملِے نہ کوئے وڈیائیا۔ کلجُگ جیِواں بُدھی ہوئی کاؤں دی، ہنس مانک موتی چوگ نہ کوئے چُگائیا۔ وڈیائی رہی نہ کِسے تھاں دی، تھننتر انتر رہے کُرلائیا۔ ویکھی کھیل اگمّ اتھاہو دی، بے پرواہ آپ کرائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در تیرے آس رکھائیا۔ کتّک کہے میَں ویکھے بھگت پیارے، پریمی پربھ سرنائیا۔ گُرمُکھ ویکھے گوبِند دُلارے، دوُلھے دُھر دے نظری آئیا۔ گُرمُکھ تکے نام ونجارے، اِکو ہٹّ کھوج کھوجائیا۔ سنت تکے لیَن ہُلارے، در ساچے سوبھا پائیا۔ جِنہاں مِلیا میل میِت مُرارے، مِتر پیارے جوڑ جُڑائیا۔ اوہ چڑھ گئے اُس محل مینارے، جِتھے پؤڑی ڈنڈا اگمّ اتھاہیِا۔ امرت رس پیِون جل دھارے، نِجھر جھِرنا اِک جھِرائیا۔ ناد شبد سُنن دُھنکارے، انحد نادی ناد وجائیا۔ جوتی جوت ہوون اُجیارے، جوت جوت سمائیا۔ کِرپا کرے آپ نِرنکارے، نِرنکار دئے وڈیائیا۔ سچکھنڈ ساچے آپ واڑے، واہ واہ اپنے گھر بہائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کمائیا۔ کتّک کہے میَں ویکھیا صاحِب سُہانا، سمیں نال وڈیائیا۔ جِس دا شبد نام ترانہ، تُریا توں پرے پڑھائیا۔ منزل اِک مہانا، جِتھے

وسے نوُر اِلاہیِا۔ جوتی نوُر نوُر نوُرانہ، تن وجوُد نہ کوئے رکھائیا۔ جوتی دھار سِری بھگوانا، شبدی اپنا ڈنک وجائیا۔ کلجُگ انتم پہر کے اپنا بانا، بانی ہو کے ویکھ وکھائیا۔ کوٹاں وِچوں جن بھگت آپ پہچانا، بے پہچان دَیا کمائیا۔ ساچا دے کے نام نِدھانا، گُن نِدھان دئے وڈیائیا۔ مِہربان مِہربان مِہربان ہو مِہربانا، مِہر مُحبّت نال مِلائیا۔ گُرمُکھ ساچے سنت جن دے کے دُھر دا دانا، دانشمند دئے بنائیا۔ دھرم دوار دسّ ٹِکانا، گھر اپنا اِک وکھائیا۔ گُرمُکھو ہویؤ نہ کوئے بیگانہ، وکھّری ونڈ نہ کوئے ونڈائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوانا، شہنشاہ شاہ پاتشاہ پاربرہم پربھ اپنی کار کمائیا۔

سَتگُر شبد شبد شبد نگارہ، ڈنکا شبد وجائیا۔ شبد سَتگُر سَتگُروُ میِت مُرارا، پیار مُحبّت سدا رکھائیا۔ جُگ چؤکڑی دیونہار سہارا، نِت نوِت اپنی کھیل کھِلائیا۔ جن بھگتاں بیڑا پار کردا رہیا کنارہ، نئیا لوک مات نہ کدے ڈُبائیا۔ ایہہ حُکم دینا دوبارہ، دوہری دھار سمجھائیا۔ نؤ مگھّر نوُں کِشن سِنگھ دے نال اجیِت سِنگھ بننا سی دُھر دا لاڑا، لوک مات جانا سی تجائیا۔ ایسے کارن شبدی حُکم دِتا اِشارہ، پندراں کتّک دی تِھت دِتی سمجھائیا۔ اوس ویلے بھیت دسّانگا سارا، صاحِب سَتگُر ہو کے پڑدا آپ اُٹھائیا۔ ایسے کارن اجّ آؤنا پیا ایس دوارا، دوارکا واسی کرِشن پِچھلی دئے گواہیِا۔ ایس دا جنم سی پِچھلا گھر ٹھٹھیارا، ارجن دا میِت پِچھلا سوبھا پائیا۔ اِکّی سال رہیا کوارا، پِھر اپنا آپ گیا تجائیا۔ پھیر اوہو آیوُ آئی وِچ سنسارا، ویلا وقت دئے گواہیِا۔ کِرپا کرے آپ نِرنکارا، نِروَیر ہوئے سہائیا۔ جنم وِچوں جنم بخش کے دوبارہ، سِر اپنا ہتّھ ٹِکائیا۔ ایس خوشی وِچ چھّبی پوہ نوُں تن پہن کے آؤنیاں دو تلواراں، دو مِنٹ اپنا کھیل دینا وکھائیا۔ اَگے لمی عمُر تے اُچیاں بہاراں، اُچ اگمّ اتھاہ دئے سرنائیا۔ پِچھوں بھگتو تُہاڈیاں سب گاؤندے رہن واراں، صِفتاں وِچ صالاحیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، چؤویاں اوتارا، سرگُن دی دھار چؤتھے جُگ لیکھا سب دا پوُر کرائیا۔

۱۸ کتّک شہنشاہی سمت ۵ بیِبی شِندرو دے گرِہ پِنڈ ہیم راج پُر

دھرنی کہے میرے انتر لگّی دھڑکن، دھیِرج دھیِر نہ کوئے رکھائیا۔ میری آسا لگّی بھٹکن، بھانڈا بھرم نہ کوئے بھنّائیا۔ پربھ درشن نوُں لگّی ترسن، ترِکھاوَنت ہو کُرلائیا۔ تکّن لگّی اُپر عرشن، بِنا نیَناں اکھّ کُھلائیا۔ کِرپا کر یودھے مردن، سوُربیِر تیری سرنائیا۔ سب دا پوُرا کردے قرضن، مقروُض لیکھا پوُر کرائیا۔ میری بیننتی سُن عرضن، ارجن گوبِند دئے صالاحیِا۔ تُوں سِرجنہار سرجن، سِر سِر رِزق سبائیا۔ پُٹھی سِدھی کردے نردن، نر نرائن بےپرواہیِا۔ شرع چُھری رہے نہ کردن، قضا دِسے نہ کوئے لوکائیا۔ قاتل مقتُول کھیل نہ ہووے کردن، قتل گاہ دا ڈیرہ ڈھاہیِا۔ غریِب نِمانیاں ونڈ دردن، دُکھیاں ہو سہائیا۔ صدی چؤدھویں پوُری کر شرطن، شرع دے بدلائیا۔ کلجُگ بھانڈے صاف کر برتن، دُرمت میَل دھوائیا۔ تیرے وِچھوڑے وِچ لگّی تڑپھن، رو رو دیاں دُہائیا۔ میَنوُں چال بُھل گئی مٹکن، نِمانی ہو کے سیِس نِوائیا۔ چاروں کُنٹ جوُٹھ جھوُٹھ لگّا کھڑکن، کھنڈا نام نہ کوئے کھڑکائیا۔ تیرے مِلن دی مایا ممتا پائی اٹکن، اَگے ہو نہ کوئے کڈھائیا۔ میَنوُں بِرہوں دُکھ لگّا رڑکن، کنڈا خار رہیا چُبھائیا۔ میرا سواس لگّا لٹکن، راس منڈل نہ کوئے وکھائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در تیرے منگ منگائیا۔ دھرنی کہے ہائے میریا ابّا، میاں جان تیری سرنائیا۔ میرے مستک لگّا دھبّا، کِریا کوُڑ نہ کوئے گوائیا۔ سچ دھرم دی رہی کوئی نہ سبھا، ملیچھ ہوئی لوکائیا۔ تیرے حُکم دا دِسے کوئی نہ بدھّا، بندن سچ نہ کوئے کمائیا۔ اپنا اکھّر ویکھ ددّا، جو دائرے دیِن دُنی بنائیا۔ اَگے ویکھ دھدھا، جو دھرم دا ناتا تُڑائیا۔ اَگے ویکھ ننّا، جو نانک دئے گواہیِا۔ اَگے ویکھ پپا، پوُرن پوُرن برہم بےپرواہیِا۔ اَگے ویکھ پّھپھا، پُھل پُھلواڑی ساچی نظر کوئے نہ آئیا۔ اَگے ویکھ ببّا، باہروں نہاتی دھوتی دیِن دُنی اندروں بنی قصائیا۔ اَگے ویکھ بھبّا، بھرم بُھلیکھا کڈھ انتر نِرنتر نہ کوئے جنائیا۔ اَگے ویکھ مما، مالک خالق پڑدا آپ اُٹھائیا۔ اَگے ویکھ یّیا، یاد تیری گئے بُھلائیا۔ اَگے ویکھ رارا، رام بنواسی دئے گواہیِا۔ اَگے ویکھ للّا، لال رنگ رنگ نہ کوئے رنگائیا۔ اَگے ویکھ واوا، وِشنوُں تیرے نام دی دئے دُہائیا۔ اَگے ویکھ ڑاڑا، ڑاڑ مِٹے نہ سرِشٹ سبائیا۔ اَگے ویکھ ترترا، تریِا روُپ ترےَگُن اگن نہ کوئے بُجھائیا۔ تَینوُں آد جُگاد سارے کہندے اوترا، اوتاری بےپرواہیِا۔ کلجُگ میری سُنجی سیج سُہاوے کوئے نہ بِسترا، آسن سِنگھاسن نہ کوئے لگائیا۔ گوبِند

چھڈ گیا کھنڈا کھڑگ شسترا، شستردھاری تیری اوٹ تکائیا۔ دیِن دُنی میَنوُں کھیل دِسے تیرا مسخرہ، بے پرواہ تیری بےپرواہیِا۔ میَں تیری مہما سُن دی رہی وِچ اکھشرا، اکھّر دین گواہیِا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، صاحِب تیری وڈیائیا۔ دھرنی کہے میرے مالک کِرپا کر جلدی، جل تھل مہیئل دئے دُہائیا۔ چاروں کُنٹ اگّ بلدی، کُکرم پاپ رہیا تپائیا۔ کِسے دھار نہ سُجھے حل دی، حالت وِگڑی جگت لوکائیا۔ میَں کھیل دسّاں کل دی، کلمے والے روون مارن دھائیا۔ کی حالت ہونی مذہباں والے دل دی، دلِدری بَیٹھے ڈیرہ ڈھاہیِا۔ تیرا بھانا تیری دھار جھلدی، جھلک اپنی دے بےپرواہیِا۔ ہُن کھیل چھڈ دے چھل دی، اچھل اچھلّ اپنا رنگ رنگائیا۔ میَں در دوارا تیرا ملّدی، مالک تیری اِک سرنائیا۔ کِسے نوُں خبر نہیں گھڑی پل دی، پلکاں دے پِچھے بہہ کے اپنا نوُر دے چمکائیا۔ میَں بُھکھی پیاسی تیرے پریم والی گلّ دی، دِوس رَین دھیان لگائیا۔ میرے وینہدیاں وینہدیاں صدی چؤدھویں چلدی، انت اَخیِری رنگ وکھائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در ٹھانڈا اِک سُہائیا۔ دھرنی کہے میرے دُھر دے مالک پِتا پُرکھ باپوُ، باپ آپ اکھوائیا۔ شرع چُھری چلے نہ کوئے چاکوُ، چاکر تیری ہوئے لوکائیا۔ حُقہ پیئےِ نہ کوئے تماکوُ، طمع کوُڑ دینی گوائیا۔ آتم پرماتم دسّ دے ساکوُ، سجّن اِکو دینا وکھائیا۔ بِن تیری کِرپا پت کوئے نہ راکھوُ، رکھک نظر کوئے نہ آئیا۔ میَں کوٹن وار نِمسکار کر کے آکھوُں، ڈھیَہہ ڈھیَہہ سیِس نِوائیا۔ جھگڑا میٹ دے ذات پاتُو، وِتکرے والیاں وِتکرے دے گوائیا۔ تُوں سب توں بڑا افلاطوُ، فلاصفر وڈّا نظری آئیا۔ تُوں سب توں وڈّا مُشتاقوُ، خَیرخواہ دُھردرگاہیِا۔ گُر اوتار پَیغمبر تیرے نِکّے جِہے کاکوُ، بچّے بچپن والے نظری آئیا۔ تُوں آد جُگاد نِرگُن دھار سرگُن ڈاکوُ، لُٹیرا اگمّ اتھاہیِا۔ تُدھ بِن میری منزل کوئے نہ کاٹوُ، پیَنڈا پندھ نہ کوئے مُکائیا۔ میَں گھُنمدی وانگ لاٹوُ، دہ دِشا سیو کمائیا۔ میرا بدلن والا ہُن ٹاپوُ، ٹپّا تیرا نام دُہائیا۔ دُھر دا حُکم تُدھ بِن کؤن تھاپوُ، تھاپن دیوے سرب تھائنیا۔ تیرا فرمان کؤن چھاپوُ، چھاپا خانہ نہ کوئے وڈیائیا۔ تُوں مالک دُھر دا آدوُ، انت تیری سرنائیا۔ دھرنی کہے جِس ویلے گوبِند نے چرن رکھیا سی کول دادوُ، دیہرے توں پنج قدم پِچھے ٹِکائیا۔ ہسّ کے کِہا کلجُگ انت بِنا پُرکھ اکال توں ہونا نہیں کوئے آگوُ، جِس دی آگیا گُر اوتار پَیغمبر سیِس نِوائیا۔ جو دیِن مذہب سرب تیاگوُ، ترےَگُن اتیِتا دَیا کمائیا۔ سرِشٹ سبائی وِچوں اِکو جاگوُ، جاگرت جوت کرے رُشنائیا۔ ایکا حُکم کرے

لاگوُ، دُھر فرمانا آپ سمجھائیا۔ جن بھگتاں نال مِلائے بازو، بازاں والا جوڑ جُڑائیا۔ سرِشٹی تولے نام کنڈے ترازو، تریَلوکی ناتھ ویکھ وکھائیا۔ دھرنی کہے میرے پرم پُرکھ میری ایہو آرزو، عرض دیاں جنائیا۔ میرا کارج سوار تُوں، تُدھ بِن اوَر نہ کوئے دسائیا۔ آد انت اِک نِرنکار تُوں، نِروَیر تیری وڈیائیا۔ کوُڑی کِریا جگت شرع نِوار تُوں، تُوں میرا میَں تیرا اِکو رنگ وکھائیا۔ میری پُکار سچ ہوُ، نعرہ حق خُدائیا۔ پوِتر کردے بُت روُح، رہبر نوُر اِلاہیِا۔ تُوں آد انت دا اِکو سَتگُروُ، صاحِب تیری وڈیائیا۔ بِن تیری کِرپا سَتجُگ کدے نہیں ہونا شُروُ، شرع سکے نہ کوئے بدلائیا۔ تیرا منتر اِکو پُھروُ، فُرنے سب دے دے اُلٹائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، نِہکلنک نرائن نر، مہاراج شیرسِنگھ وِشنوُں بھگوان، تیری دھار سچّا سَتگُروُ، گُروُ شبد اِک اکھوائیا۔