کتب خانہGranth 22 (Shahmukhi)

۲۶ پوہ شہنشاہی سمت ۵ ہرِ بھگت دوار جیٹھوُوال

سچکھنڈ نِواسی ویکھے کھیل کلجُگ کل دی، کل کلکی ویس وٹائیا۔ گُر اوتار پَیغمبر کرو جلدی، درگاہ ساچی حُکم سُنائیا۔ لوک مات ویکھو اگّ بلدی، چار کُنٹ سکے نہ کوئے بُجھائیا۔ طاقت رہی نہ کِسے ملّ دی، باہوُ بَل نہ کوئے چتُرائیا۔ من کلپنا ہو گئی چھل دی، اچھل اچھلّ گئے بُھلائیا۔ چنگیائی رہی نہ ساڈھے تِنّ ہتّھ تت کھلّ دی، ہڈّ ماس ناڑی دئے دُہائیا۔ آتم پرماتم دھار کوئے نہ رلدی، سُرتی شبد نہ کوئے سمائیا۔ صدی چؤدھویں کدے نہ ٹلدی، پروردِگار رہیا دِرڑائیا۔ گوبِند کھیل سدا اٹل دی، نہ کوئی میٹے میٹ مِٹائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، ہرِ کرتا نوُر الاہیِا۔ سچکھنڈ نِواسی کہے گُر اوتار پَیغمبر جاگو، سچ دوار لؤ انگڑائیا۔ حُکم منّو کنت سُہاگو، دُھر فرمانا اگمّ اتھاہیِا۔ نِرگُن دھار ہو کے بھاگو، لوک مات ویکھ وکھائیا۔ کیوں تُہاڈے سِکھ مُریِد ہنس ہوئے کاگو، من ممتا وِچ ہلکائیا۔ دیِن مذہب دا جھگڑا تیاگو، ایکا دسّو نام خُدائیا۔

سب دے اندر وڑ کے ہِردے سادھو، سادھنا اِکو دینی جنائیا۔ پربھ ٹھاکر آد انت دیِن دُنی دا مادھو، مدُھر دُھن راگ سُنائیا۔ جوتی جوت سروُپ ہرِ، آپ اپنی کِرپا کر، سد اپنا حُکم ورتائیا۔ سچکھنڈ نِواسی کہے میرا فرمانا، نہ کوئی میٹے میٹ مِٹائیا۔ تیئی اوتاراں اُٹھ جانا، جوتی جوت جوت رُشنائیا۔ حضرت عیسیٰ موُسیٰ محمد ویکھنا کھیل دو جہاناں، چؤداں طبق نہ کوئے چتُرائیا۔ دس گُروُ تکو نام وَنجھ مُہانا، نؤ کھنڈ پرِتھمی پھول پھولائیا۔ سَت دا رہیا کوئی نہ بانا، بھانا منّے نہ کوئی بےپرواہیِا۔ ساری سرِشٹی رسنا جِہوا گاؤندی گانا، ہِردے ہرِ نہ کوئے وسائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ہرِ داتا بےپرواہیِا۔ سچکھنڈ نِواسی کہے گُر اوتار پَیغمبر ویکھنا وقت، نوَ دس جنائیا۔ پہنچنا دھرنی اُپر جگت، دھوَل نوُر رُشنائیا۔ حُکم سُننا ایکا فقط، فِکرے پِچھلے دینے بُھلائیا۔ تُہاڈی سب دی پوُری کرنی شرط، شرع زنجِیر دینی کٹائیا۔ جو والی اُپر عرش، سو فرش ہوئے سہائیا۔ بھوِکھتاں لِکھتاں دا لاہُنا قرض، مقروُض لہنا دینا دئے چُکائیا۔ نام کلمے دی بدل دینی طرز، اِکو ڈھولا دینا سمجھائیا۔ آتما پرماتم سانجھی غرض، دوُجا اِشٹ نہ کوئے رکھائیا۔ برہم پاربرہم ونڈے درد، ایش جیِو وجےّ ودھائیا۔ مذہب چُھری رہے نہ کرد، قصائی قضا نہ روُپ جنائیا۔ اِکو وار منّ کے عرض، آرزو سب دی ویکھ وکھائیا۔ آد انت دا جُگا جُگنت دا پاربرہم پت پرمیشور اِکو سوُربیِر مردانہ مرد، دوُجا نظر کوئے نہ آئیا۔ جِس نے گوبِند ہتّھ پھڑائی کھڑگ، اوہ نام کھنڈا رہیا چمکائیا۔ سب دی پوُری کرنی پِچھلی لِکھت پڑھت، لیکھا اوَر رہے نہ رائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، مِہر نظر اِک اُٹھائیا۔ گُر اوتار پَیغمبر اِکو وار مارو چھال، شالا ملِے وڈیائیا۔ تُسیں چار جُگ دے پربھوُ دے لال، بالے نڈھے سوبھا پائیا۔ میرے نام دے جگت دلال، اکھّراں والی کر کے آئے پڑھائیا۔ کایا مندر دسّ کے آئے دھرمسال، ساڈھے تِنّ ہتّھ وجّی ودھائیا۔ جھگڑا پا کے آئے کال مہاکال، نؤ دس وِچ سمجھائیا۔ صدی چؤدھویں کرے نہ کوئے سنبھال، ویکھو دیِن مذہب کرے لڑائیا۔ پھل رہیا نہ کِسے ڈال، ہِندوُ مُسلم سِکھ عیِسائی رہے کُرلائیا۔ ترےَگُن مایا توڑے نہ کوئی جنجال، االلہ واہِگُروُ رام ہری اوم تت سَت ہووے نہ کوئے سہائیا۔ جیہڑی گھالنا آئے گھال، انت لیکھے نہ کوئے لگائیا۔ پھل دِسے نہ دیِن مذہب دے ڈال، سِنمل رُکھ جگت لوکائیا۔ انحد نادی دُھن وجےّ نہ کوئے تال، اگمّی راگ نہ کوئے سُنائیا۔ پہلوں اپنے اپنے سِکھ مُریِد لینےَ بھال، مندر مسجد شِودوالے

مٹھ گُروُدوار کھوج کھوجائیا۔ پھیر سب دا دسّنا حال، پردہ رہے نہ رائیا۔ سب دی اِکو بیننتی اِکو ہووے سوال، دوُجی آواز نہ کوئے اُٹھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک سُنائیا۔ گُر اوتار پَیغمبرو اُٹھ کے ہونا سوادھان، سادھنا اوَر نہ کوئے جنائیا۔ اپنیاں اپنیاں اکھّراں دا ویکھو گیان، جو کاغذاں اُتے آئے لِکھائیا۔ جِس نوُں رسنا نال جِہوا نال بتّی دنداں سارے گان، پڑھ پڑھ سروَناں رہے سُنائیا۔ نِگاہ مارو سچکھنڈ دوارے کوئی نہ مِلیا آن، درگاہ ساچی جوت نہ کوئے رُشنائیا۔ میَں کلجُگ انت ہویا حَیران، حَیرانی وِچ سمجھائیا۔ کِدھر سِکھیا گئی وید پُران، اِنجیِل قرآن کی چتُرائیا۔ بانی انیالا مارے کوئی نہ بان، بنا حد نہ کوئے تُڑائیا۔ اِک گوبِند دے کے گیا فرمان، سندیسہ شہنشاہیِا۔ جِس ویلے ماچھوُواڑے دی سیجے سُتا نؤجوان، ستھر یارڑا اِک ہنڈھائیا۔ چِلّہ کِھچّ کے تیِر کمان، ترکش اپنا لیا ہِلائیا۔ ہسّ کے کِہا دسّ میرے مِہربان، محبوُب بےپرواہیِا۔ کلجُگ انت کِس بِدھ کھیل کریں جہان، جہالت کوُڑی دئیں کڈھائیا۔ اسیں گُروُ اوتار پَیغمبر تیری مذہباں والی چلاؤندے رہے دُکان، پرچوُن تیرا نام ہٹّ وِکائیا۔ میَں نِیوں کے کراں پرنام، بِن چرنا سیِس جھُکائیا۔ تُوں گھنئیا کاہناں دا کاہن، جِس نوُں سیِتا رام رام کہہ کے سیِس جھُکائیا۔ جو نِرگُن سرگُن کھیلے کھیل مہان، مہما اگمّ اتھاہیِا۔ سانوُں دے کے تھوڑا تھوڑا دان، گُر اوتار پَیغمبراں مات لوک دِتا پرچائیا۔ اسیں خوشیاں وِچ لگّے گان، اوم رام کرِشن االلہ ستنام واہِگُروُ کہہ کے تیری صِفت صالاحیِا۔ تیری سچّی اِک دسّی نہ کِسے پہچان، تیرا نوُر اِک نہ کوئے رُشنائیا۔ ساڈے پِچھے جیو تیرا وکھّرا وکھّرا نام گان، تیرے نام دی پئی لڑائیا۔ آہ لےَ میرا چِلّہ آہ لےَ میرا کمان، بھتّھا پھڑ کے دِتا سُٹائیا۔ جے میَں گوبِند تُوں بھگوان، کیوں نہ مِہربان دا روُپ وٹائیا۔ میرے واسطے نہ کوئی ہِندوُ نہ مُسلمان، سِکھ تیری ثابت صوُرت دِتی سمجھائیا۔ اِک تیری منّاں آن، دوُسر سیِس نہ کِسے جھُکائیا۔ اِک تیرا پریم میرا پیِن کھان، دوُجی آس نہ کوئے تکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سد دیوے مان وڈیائیا۔ پُرکھ اکال تاڑی مار کے ہسّا، خوشیاں نال جنائیا۔ گوبِند شبد گُروُ آد انت دا میرا بچّہ، جو تیرے وِچ سمائیا۔ تیری کایا دا بھانڈا کچّا، انت رہن جگ نہ پائیا۔ تَینوُں کھیل وکھاواں بِنا اکھّاں، اِک نوُر کر رُشنائیا۔ تیرا روُپ دھراواں سچّا، سچ وِچ وڈیائیا۔ سُننا میرا پتہ، پتناں دے مالک دیاں جنائیا۔ جِس ویلے سَت دھرم رہیا نہ رتا، چاروں کُنٹ اندھیرا

چھائیا۔ مان رہنا نہیں گُروُ دساں، دس دسمیس رہیا دِرڑائیا۔ اُس دی دھار اوسے وِچ وساں، واسطہ اِکو نال رکھائیا۔ بِنا لتّاں باہواں توں نسّاں، چار کُنٹ بھجّاں واہو داہیِا۔ پِچھلی ڈوری سب دی کٹاں، کٹاکش اپنا نام لگائیا۔ چار جُگ دا ختم کر کے پٹا، پٹنے والا اِکو تیرا حُکم سُنائیا۔ کلجُگ کوُڑی کِریا میٹ کے گھٹّا، سَتجُگ ساچا راہ وکھائیا۔ جھگڑا مُکا کے تت اٹّھا، آتم برہم دیاں دِرڑائیا۔ دیِن دُنی نوُں کڈھ کے وِچوں من متا، دھرم دوارا اِک سمجھائیا۔ کوٹاں وِچوں تیرا بھگت لبھاں جو تیرے وِچ ہووے رتّا، رتن امولک نظری آئیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در تیرے سیِس نِوائیا۔ سچکھنڈ نِواسی کہے گُر اوتار پَیغمبر چاروں کُنٹ لاؤنا چکّر، چکرورتی ویکھنے تھاؤں تھائنیا۔ اپنے نام بانی دا ویکھنا اکھّر، کلمے کھوج کھوجائیا۔ کی مُلّا شیخ پنڈتاں دا ہویا حشر، وِدواناں کی چتُرائیا۔ کی لیکھ لِکھدے وِچ نثر، سہج دینا سمجھائیا۔ صدی چؤدھویں دی پَیغمبرو ویکھنی رچن، پڑدا نِقاب لیَنا اُٹھائیا۔ اوہ گوبِند اِک پُرکھ اکال دا منّنا بچن، جو بچّے نیہاں ہیٹھ دبائیا۔ پھیر ویکھنا سچکھنڈ دوار میرا وطن، جِتھے وسے دُھردرگاہیِا۔ سب دا اِکو دوارا تے اِکو پتن، دیِن مذہب دی ونڈ نہ کوئے ونڈائیا۔ اَگے چلنا نہیں کِسے دا یتن، یتھارتھ دیاں دِرڑائیا۔ کلجُگ انتم نِرگُن جوت اَگے سب نوُں آواں رکھن، رکھیا کراں تھاؤں تھائنیا۔ پِچھلی ڈوری آواں کٹّن، کٹاکش اپنا نام لگائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، ہرِ کرتا وڈ وڈیائیا۔ گُر اوتار پَیغمبر اِک دوُجے نوُں مارن ہلوُنا، جوتی دھار رہے جگائیا۔ رسنا نال کِسے نہیں کوُنا، جِہوا جگت نہ کوئے ہِلائیا۔ نام کلمے دا کرنا نہیں کوئی ٹوُنا، جادوُ مذہب نہ کوئے وکھائیا۔ اکھّراں والا وکھّ وکھّ لِکھنا نہیں مضموُنا، دُھر دا نام ونڈ ونڈائیا۔ پھیر کلجُگ ویکھنا کوَن جیو نام وِہوُنا، ہر اِک دے اندر وڑ کے کایا مندر کھوج کھوجائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، دُھر حُکم اِک جنائیا۔ گُر اوتار پَیغمبر شبدی دھار مارن ہُجاں، ہلوُنے رہے لگائیا۔ ویکھو پربھ دا کھیل گُجھا، چار جُگ دے شاستر نہ سکے سمجھائیا۔ جِس دے وِچ بھیوَ نہیں کوئے دوُجا، ایکا ایکنکار نظری آئیا۔ سب دا مالک تے سب دا ایہو مُدّعا، مُدّت دے وِچھڑے لئے مِلائیا۔ جِس نے مان دوایا جو منُش ذاتی وِچ سب توں بُڈھا، جن بھگتاں ہووے سہائیا۔ کھیلے کھیل اُپر بسُدھا، دھرنی دھرت دھوَل دھؤل ویکھ وکھائیا۔ ایکا اپنا نام کرائے اُگھا، اُگن آتھن سارے سیِس نِوائیا۔ ایکا پربھوُ دا دوارا

ہووے جھُگا، چار ورن اِک شنوائیا۔ ایکا پؤڑا ہووے اُچا، ہِندوُ مُسلم سِکھ عیِسائی اِکو منزل دئے ٹِکائیا۔ ایکا آتم ہووے سُچا، من کلپنا وِچوں باہر کڈھائیا۔ جِس طرح پُرکھ اکال نے گوبِند نوُں کِہا آ میریا پُتا، اُس نوُں اپنی گود اُٹھائیا۔ گوبِند گُرسِکھاں نوُں کِہا او بچّیو تُہانوُں چھاتی نال گھُٹاں، اپنے بچّے نیہاں ہیٹھ دبائیا۔ پھیر شبدی دھار ہو کے اُٹھاں، پُرکھ اکال نال رلائیا۔ کلجُگ کوُڑی کِریا جڑ پُٹاں، پٹنے والا اپنی دئے گواہیِا۔ سوُربیِر مردان ہو کے پُھٹاں، پُھٹ دیِن دُنی وِچوں باہر کڈھائیا۔ جوتی دھار نالوں کدے نہ ٹُٹاں، ٹُٹیاں لَواں مِلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کمائیا۔ گُر اوتار پَیغمبر سچکھنڈ دوارے ہوون تیار، چھّبی پوہ تِھت ویکھ وکھائیا۔ سارے قؤل کرو اِقرار، واحدے وِچ وڈیائیا۔ دیِن مذہب دا چھڈیئے تکرار، جھگڑا تن رہے نہ رائیا۔ مذہباں دی کھائے کوئے نہ خار، خالص روُپ لیَنا پرگٹائیا۔ حُکم توں ہوئے کوئی نہ باہر، نمستے سلام علیکم کہہ کے ڈنڈاوت وِچ سیِس جھُکائیا۔ اِک پربھوُ نوُں کرنی نِمسکار، دوُجا اِشٹ نہ کوئے منائیا۔ سارے ہو کے خبردار، بِن اکھّاں اکھّ اُٹھائیا۔ جِدھر ویکھن اُدھر ہاہاکار، مکّے کعبے پئی دُہائیا۔ ساچا ملِے نہ کِسے میِت مُرار، سجّن سنگ نہ کوئے نِبھائیا۔ اِک دوُجے ولّ تکّن کرن اِشار، سیَنت شبد لگائیا۔ بہُڑی کیوں ساڈے نام کلمے ہُندیاں ساڈھے تِنّ ہتّھ سب دی ہوئی اُجاڑ، پتّ ٹہنی پھل پُھل ہرِ کا نام نظر کوئے نہ آئیا۔ ترےَگُن مایا اگنی سب نوُں رہی ساڑ، ترِسنا ترِکھا نہ کوئے گوائیا۔ جِدھر ویکھیئے کام کرودھ لوبھ موہ ہنکار لگّا اَکھاڑ، سادھ سنت بچیا نظر کوئے نہ آئیا۔ کلجُگ سب نوُں پیِڑی جاندا اپنی داڑھ، بچیا رہن کوئے نہ پائیا۔ گُر اوتار پَیغمبراں کِہا او گوبِند، جِس نے ماجھے والیاں دا لیکھا بے دعوے والا دِتا پاڑ، ایسے طرح دیِن دُنی وِچوں بدی دے کڈھائیا۔ تیرا پُرکھ اکال تیرے نال، دوہاں دا اِکو حُکم تے اِک سوال، دوُجا کھیل نہ کوئے وکھائیا۔ آتم پرماتم دا بن دلال، شبد گُروُ ہوئے سہائیا۔ اکھّراں والی گھالنی نہ پئے کوئے گھال، مالا منکے نہ کوئے چتُرائیا۔ مِہر نِگاہ نال توڑ کے جگت جنجال، شرع شریِعت دے گوائیا۔ جِس طرح آپ کِہا آ کے ویکھ مُریِداں حال، مُرشد دُھردرگاہیِا۔ یارڑے دا ستھر ہنڈھایا سُتا خوشیاں نال، اپنا آسن لائیا۔ اوسے طرح ویکھ تیرے بچےّ سارے کنگال، تیرا راہ تکائیا۔ چار کُنٹ اُتّر پوُرب پچھّم دکھّن کردے پِھردے بھال، بہُڑی کِتوں نہ ملِے گوبِند ماہیِا۔ جِنہاں تے کِرپا کریں اوہناں نوُں سُتیاں لئیں اُٹھال، آلس نِندرا وِچوں باہر کڈھائیا۔ جوتی جوت

سروُپ ہرِ، آپ اپنی کِرپا کر، ایکا دینا دُھر دا ور، مِہربان محبوُب مُحبّت وِچ سمائیا۔ گُر اوتار پَیغمبر کہن ویکھو آؤندا جاندا ویلا، وقت دئے وڈیائیا۔ گوبِند دا بچن پوُرا ہونا اِکو روُپ ہووے گُروُ چیلا، چیلا گُروُ وِچ سمائیا۔ سَتگُروُ ساری دُنیا نالوں وِہلا، گُرمُکھاں نال ناتا سدا رکھائیا۔ کیوں اوہ رہندا ساڈھے تِنّ ہتّھ دے جنگل بیلا، نؤ دواریاں وِچ اندر وڑ کے کرے صفائیا۔ گوبِند دا سِکھ پیار دے اِمتحان وِچ کدے نہ ہووے فیلا، ہِندسہ اِکو نظری آئیا۔ کیوں جِس دا پُرکھ اکال سجّن سُہیلا، مِتر نوُر اِلاہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ اپنی کار کمائیا۔ گُر اوتار پَیغمبر کہن اپنا آپ لئیے سمبھل، سمبل ویکھنا دُھردرگاہیِا۔ اوڈھن نال لیَنا نہیں کوئی کمبل، تکیہ لیف نہ کوئے رکھائیا۔ جِس نوُں کہندے نوُر اِلاہی اوّل، عالمیِن اگمّ اتھاہیِا۔ اوس دا نظارہ تکنا اُپر دھوَل، جو دُھر دا مالک جوتی جاتا ڈگمگائیا۔ جِس دی دھار امرت پاہُل، نِجھر رس چکھائیا۔ جِس نے مان وڈیائی دِتی دُشٹ دمن، دامن اپنا اِک وکھائیا۔ ہُن سب نے ویکھنا اوس دا چمن، بغیچہ پُھل پُھلواڑی گُرمُکھ سوہنے نظری آئیا۔ اُس دا بھیوَ جانے کوَن، بُدھی نہ کوئے چتُرائیا۔ امرت میگھ برسے سوَن، ساول سُندر کاہن کاہنا اِک وڈیائیا۔ جِس نے بھگتاں میٹنا اَون گوَن، چؤراسی پندھ مِٹائیا۔ سب نوُں اپنے وِچ کرکے دمن، دماں دا لیکھا اپنے وِچ ٹِکائیا۔ ایہہ کھیل سوامی پوَن، آد جُگاد ریِتی چلی آئیا۔ گُرمُکھاں نے اِک نِکی جیہی تپاؤنی بھٹّھی تے تُہانوُں اَگے واسطے کرنا پئے نہ ہوَن، اہوُتی دُھر دا نام تُہاڈی کایا مندر وِچ دینی ٹِکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک سُنائیا۔ گُر اوتار پَیغمبر کہن جن بھگتو اسیں آؤن والے مات لوک، لوکو لوکو لوکو دئیے سُنائیا۔ اسیں سُناؤن آؤنا اِک سلوک، سوہلا ڈھولا دُھردرگاہیِا۔ جِس پربھوُ دے بھانے نوُں سکے کوئی نہ روک، گُر اوتار پَیغمبر سارے سیِس نِوائیا۔ اوس دی تکّن اِکو نِرمل جوت، جو آد توں انت تے جُگا جُگنت اپنا نوُر نوُر وِچوں پرگٹائیا۔ جِس نوُں لبھدے کوٹی کوٹ، انِگنت بَیٹھے دھیان لگائیا۔ سوچاں رہے سوچ، سمجھ وِچ نہ کوئے چتُرائیا۔ جو سب نوُں دیوے مؤج، مجلس اپنے نال رکھائیا۔ گُرمُکھو اوس نے تُہاڈی تُہاڈے وِچوں کرنی کھوج، خواجہ خِضر بھجےّ واہو واہیا۔ ہُن اینا لیکھا بہُت، اگلا اَگے دئے سمجھائیا۔ جوتی جوت سروُپ ہرِ، آپ اپنی کِرپا کر،

کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، نام خُماری کرے مدہوش، مدُھر دُھن اگمّی راگ سُنائیا۔