نؤواں کارڈ ہرِ سنگت دی گوبِند اَگے ارداس :
نؤواں کارڈ گوبِند تیرے اَگے ارداس، ہرِ سنگت رہی جنائیا۔ تُوں مالک سواس سواس، ساہ ساہ تیرے وِچ ٹِکائیا۔ اپنا نوُر دے پرکاش، اندھ اندھیر رہے نہ رائیا۔ پوُرا کر بھوِکھت واک، کلجُگ کوُڑی کِریا دے کھپائیا۔ پنج درباری اَگے آؤ بن کے ساتھ، ہتّھ ہتّھاں وِچ مِلائیا۔ گُرچرن سِنگھ اَگے آوے جِس نوُں وجّا کاٹھ، گوبِند دا چور سوبھا پائیا۔ کورا بھانڈا پیارو لیاوے تے گُرمُکھ سِنگھ پگّ وِچوں کڈھے چاک، ٹُکڑا کچّ دا باہر کڈھائیا۔ جوتی جوت سروُپ ہرِ، آپ اپنی کِرپا کر، سد اپنی کار کمائیا۔
کورا بھانڈا لِیاؤ ضرور، کپوُر سِنگھ دے ہتّھ پھڑائیا۔ کپوُر سِنگھ اِس دے اُتے لِکھے پُرکھ اکال اِک حضوُر، حضوُریئے گُر اوتار پَیغمبر سوبھا پائیا۔ جِس دا آد انت سچ دستُور، چیلا سِنگھ اکھّر دئے بنائیا۔ کیہر سِنگھ لِکھے جھگڑا میٹ دے کوُڑ، کوُڑ کِریا دے کھپائیا۔ میلا سِنگھ چرناں دی لےَ کے دھوُڑ، اُتے انگوُٹھا دئے لگائیا۔ گُردرشن کؤر لِکھے بھگت بھگوان اِک دوُجے دے مزدوُر، جُگ جُگ سانجھی سیو کمائیا۔ جے بھگت نہ ہوون تے بھگوان دا نہ کوئے بیڑا تے نہ کوئے پوُر، وَنجھ مُہانا نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، سد اپنی کھیل وکھائیا۔ کورا بھانڈا کہے جِنہاں دے ہتّھ وِچ لِکھیا نر نرائن، اِکو رنگ وکھائیا۔ میَں سب نوُں آیا کہن، چاروں کُنٹ دیاں جنائیا۔ جن بھگتو ناتا رکھِیو بھائی بھَین، مات پِتا پُرکھ اکال رکھائیا۔ جو آیا جو جمّیا تِس نوُں کھا گئی لاڑی مؤت ڈَین، بچیا کوئے رہن نہ پائیا۔ چھّبی پوہ سارے جاگو خوشیاں وِچ مناؤ رَین، رَین بِھنڑی نال مِلائیا۔ تُہاڈے وِچ نہ کوئی دوُجی ذاتی تے نہ کوئی طرفَین، تیِجا نظر کوئے نہ آئیا۔ نام کُٹھالی وِچوں تُسیں اِک بنے رسیَن، رستہ سب نوُں دِتا وکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی کرنی کار کمائیا۔ جن بھگتو ویکھو
کچّا بھانڈا، سیِس اُتے سوبھا پائیا۔ میرے وِچ نہ کوئے سوُر کھائیو نہ ڈھانڈا، مچّھی ماس نہ کوئے چتُرائیا۔ میَں ہرِ بھگت ویکھنا اِکو بچّہ جننی ماں دا، چاروں کُنٹ سوبھا پائیا۔ جیہڑا بھروسہ رکھے اِک دے ناں دا، دوُجا اِشٹ نہ کوئے منائیا۔ گُر اوتار پَیغمبر تُہاڈا ڈھولا گاون واہ واہ دا، تیری اِک سرنائیا۔ ستّ رنگا کہے میرا اِک ہور مِتر، گُرمُکھو تُہانوُں دیاں جنائیا۔ میَں کِڈا سوہنا تے اوہ ڈنڈا کِکر، اپنے رنگ وکھائیا۔ ڈلےّ دا ہتھیار جیہڑا بھریا چِکڑ، ترِسوُل شنکر دئے ہِلائیا۔ بِنا سَتگُر شبد ڈنڈے توں شنکر برہما شِو کوئے نہ چڑھے سِخر، ترِسوُل والا کمّ کِسے نہ آئیا۔ ویکھو سارے ایسے وِچوں آئے نِکل، چھاتی اُتے بَیٹھے سوبھا پائیا۔ جوتی جوت سروُپ ہرِ، آپ اپنی کِرپا کر، سد اپنا پڑدا دئے اُٹھائیا۔ کِکر دا کہے ڈنڈا، او ستّ رنگے تیری کی وڈیائیا۔ ستّ رنگا کہے میَں بڑا چنگا، جو صاف سُتھرا سوبھا پائیا۔ میَں نہاؤندا وِچ گنگا، ہری اوم ہری اوم کہہ کے اپنا رام منائیا۔ او تَینوُں تِکھا تِکھا کنڈا، ہتّھ نہ کوئے چُھہائیا۔ تیریِاں جٹّ کِرسان پاؤندے ونڈاں، ہلاں وِچ پھسائیا۔ میَنوُں پھڑدا کوئی چنگا بندہ، جیہڑا پربھ دا نام دِھیائیا۔ جوتی جوت سروُپ ہرِ، آپ اپنی کِرپا کر، سد اپنی کھیل وکھائیا۔ ڈنڈا کہے میَں کِکر دا سوٹا، سوہنا نظری آئیا۔ میَں ویکھنا کھرا کھوٹا، ہِردے سب دے پھول پھولائیا۔ میَں پھولنا کایا کوٹھا، سب دے بجر کپاٹی دے کُنڈے دِتے تُڑائیا۔ میَں چارے کُنٹ ٹھوکاں، زور نال دبائیا۔ ستّ رنگیا باہمناں، تُوں مالا دے منکے پھراؤندا اُتے پوٹا، پوٹیاں وِچ ہِلائیا۔ میَں پِھٹا وانگ ویکھ جھوٹا، آکڑ کے دیاں جنائیا۔ او ہُن کِسے نوُں پِچھلا نام جپن نہیں دینا چوکھا، اکھّیں میٹ نہ دھیان دھرائیا۔ او براہمنا میَں پڑھن نہیں دینا پوتھا، جا سِنگھاسن تے بہہ جا تے مالا دے منکے لےَ ہِلائیا۔ میَں تے بھگتاں نوُں جٹّ بن کے اِک نام دسّنا سؤکھا، تُوں میرا میَں تیرا ڈھولا لیَنا گائیا۔ نہ کوئی غُصّہ نہ کوئی گِلہ تے نہ کوئی روسا، جے کوئی رُسیا بابے نندوُ وانگوُ لَواں ڈھاہیِا۔ کیوں ایہہ چھمب والیاں نے لیاندا جیہڑے دیویاں دیاں جگاؤندے سی جوتاں، پہاڑاں والی کہہ کے سیِس نِوائیا۔ جوتی جوت سروُپ ہرِ، آپ اپنی کِرپا کر، سد اپنی کھیل وکھائیا۔ ستّ رنگا کہے کیوں اوئے موٹیا جٹّا، تَینوُں دیاں سمجھائیا۔ تُوں گھاہ کھوتن والا اُتوں وٹّاں، براہمناں نال کریں چتُرائیا۔ چھیتی کر پہلاں میَنوُں دچھّنا دے پنج ٹکا، میری پتّری رہی سمجھائیا۔ نہیں تے نؤ گرِہ گھر وِچ پا دینگے رٹّا، راہوُ کیتُو بھجےّ آؤن چائیں چائنیا۔ منگل بنیا نہیں کِسے دا سکا، شنچر نے سارے دِتے رُلائیا۔ اوہ ویکھ بھگوان آ گیا چڑھیا
اُتے کچّھا مچّھا، اپنا ڈیرہ لائیا۔ کِکر دا کہے ڈنڈا، جا اوئے پنڈتا، میَنوُں ہتّھ لایا جموں والی مائی مساں، جیہڑی دوُروں آ کے پربھ دا درشن پائیا۔ جوتی جوت سروُپ ہرِ، آپ اپنی کِرپا کر، سد اپنا رنگ رنگائیا۔ کِکر دا سوٹا کہے براہمنا چھڈ دے اڑی، اڑیا اڑی دی لوڑ رہے نہ رائیا۔ ہُن نہ نچھتر رہے نہ گھڑی، گھڑی پل سمجھ کوئے نہ پائیا۔ کلجُگ جیِواں وِدیا بہُتی پڑھی، پڑھ پڑھ تھکی جگت لوکائیا۔ جاں میَں ویکھیا سادھاں سنتاں منزل پؤڑی کوئے نہ چڑھی، پوُجا کرن والیا اَگے پُجن کوئے نہ پائیا۔ جِدھر تکاں کوُڑ کلپنا وِچ سرِشٹی ساری سڑی، سوہنا رنگ نہ کوئے رنگائیا۔ چؤراسی وِچوں کوئی نہ کرے بری، بُریائیاں روُپ نہ کوئے مِٹائیا۔ براہمن کہے اوئے ڈنڈیا ہری ہری ہری، ہرِ ہِردے میَں اپنے لیا وسائیا۔ میَں ویکھ تپسّیا کِنی کری، کالے توں نیِلا نِیلے توں پیِلا پِیلے توں چِٹا چِٹے توں سوُہا سوُہے توں کنچن کنچن توں لال رنگ رنگائیا۔ کِکر دا ڈنڈا کہے جا اوئے ایَویں ستّاں گھراں دا لنگھدا رہیا بوُہا، ہؤلی ہؤلی اپنا پَیر ٹِکائیا۔ میَنوُں اَیں جاپدا تُوں بندگی کرن والا چوُہا، گھر گھر ٹھوکراں کھائیا۔ اوئے اِک منّ لےَ شبد گُروُ سب دا سوُہا، اِکو وار لکھّ چؤراسی کھوج کھوجائیا۔ ڈنڈا کہے جے سچّا سَتگُروُ پاک کر دئے سب دیاں روُحاں، کال مہاکال چتر گُپت دھرم رائے لیکھا گُرمُکھاں سکے نہ کوئے وکھائیا۔ براہمن کہے اوہ میرے بدن نوُں لگّ گیا لوُہا، کلجُگ اگنی دِتی تپائیا۔ اوئے کوئی لِکھاریو تُہاڈے کول ہےَ کوُآ، جِتھوں پانی لےَ کے اپنی تپش لَواں بُجھائیا۔ ہائے میَنوُں اَگوں دِس پیا ہؤآ، کِڈا موٹا نظری آئیا۔ ہائے اؤہ ویکھ مایا رانی آ گئی بہوُآ، براہمن بودی رہیا ہِلائیا۔ اُچی کہے میَں تُہاڈا گُروُ آں، اوئے میَں تُہاڈا گُروُ آں، اوئے جنم کرم دے دُکھڑے دیاں گوائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دیوے مان وڈیائیا۔ ستّ رنگا کہے ہُن بن جائیے بھرا، بھاوی سب تے نظری آئیا۔ وڈّے چھوٹے دا مان دئیے گوا، ذات پات نہ ونڈ ونڈائیا۔ اِک دے اَگے کریئے دُعا، واسطہ لئیے پائیا۔ جیہڑے گُرمُکھ بابا آدم تے بنے مائی حوّا، اوہناں نوُں نال لئیے مِلائیا۔ مردانے تے بالے نوُں بنائیے گواہ، نانک لیکھا سمجھائیا۔ اعلی شاہ نے منّیا اِک خُدا، اوہنوُں لئیے رلائیا۔ جِنہاں پنجاں نے فارسی دا اکھّر لیا گا، پارسی روُپ دھرائیا۔ سب نوُں اِکو تھاں لئیے بہا، وڈّا چھوٹا نہ کوئے اکھوائیا۔ کِکر دا ڈنڈا کہے اوئے براہمنا کِتے لا نہ جائیں داء، میَنوُں بھولا جٹّ سمجھ کے لالچ وِچ پھسائیا۔ ہُن کِکر دا ڈنڈا کہے اؤہ میرے ساتھی نے اِک سانگھا لیاندا اُٹھا، تیریاں دوہاں لتّاں وِچ لئے اڑائیا۔ جوتی جوت سروُپ
ہرِ، آپ اپنی کِرپا کر، کرے کھیل ساچا ہرِ، سد اپنی کار کمائیا۔ جٹّ کہے او براہمنا تیرا میرا ہو جائے مِلاپ، گلوَکڑی لئیے پائیا۔ اِکو پُرکھ اکال منّیئے باپ، دوُجا نظر کوئے نہ آئیا۔ سوہنگ جپیئے جاپ، جو چار جُگ دے گُر اوتار پَیغمبر آئے گائیا۔ دُئی دا رہے نہ وِچ پاپ، دُرمت میَل دھوائیا۔ کھتری براہمن شوُدر وَیش پربھوُ دے بھگت پربھوُ دے ساک، دوُجا روُپ نہ کوئے درسائیا۔ براہمن کہے اوئے بھولیا اجے بھگتاں وِچ تھوڑا تھوڑا سُراکھ، صاف نیِتی نہ کوئے اپنائیا۔ کِکر دا ڈنڈا کہے اوئے سہُریا، میرا صاحِب سب نوُں کر دیوے معاف، جو اِک وار سیِس نِوائیا۔ جوتی جوت سروُپ ہرِ، آپ اپنی کِرپا کر، سد اپنی کار کمائیا۔ ستّ رنگا کہے پربھوُ اچرج کھیل کھِلاؤنا اے۔ مِہربان محبوُب پڑدا لاہُنا اے۔ دھرم دھار دی ایک )پوُج،( ایک دوُج مٹاؤنا اے۔ سچ پیار دی دے کے سوُجھ، سُتیاں آپ اُٹھاؤنا اے۔ سَتگُر شبد بھیج کے دوُت، دیِن دُنی دا راہ وکھاؤنا اے۔ جھگڑا میٹ کے کایا کلبوُت، کایا کعبہ اِک پرگٹاؤنا اے۔ جِدھر تکّن اودھر مؤجوُد، پُرکھ اکالا نظری آؤنا اے۔ پِچھلا کھیل کر مؤقوُف، اگلا حُکم حق آپ چلاؤنا اے۔ گُر اوتار پَیغمبر جِس دا دین آئے ثبوُت، ثابت اُس نے اپنا آپ جناؤنا اے۔ جِس نوُں کردے پِھردے ساڑ پھوُک، سو سَتگُر اِک پرگٹاؤنا اے۔ جِس دی صِفت کر نہ سکن حروُف، اکھّر مات نہ کِسے وڈیاؤنا اے۔ اجّ توں مِٹ گئی جگت کوُڑی چھوُت، چُھری شرع نہ کوئے چلاؤنا اے۔ جوتی جوت سروُپ ہرِ، آپ اپنی کِرپا کر، سد اپنا حُکم ورتاؤنا اے۔ پربھوُ وِشنوُں کہ لکشمی، کہ نرائن روُپ وٹائیا۔ دکھّن وسے کہ پچھّمی، کہ اُتّر پوُرب ڈیرہ لائیا۔ گھیو کھاوے کہ مکھنی، سچ دینا سمجھائیا۔ کی بھگتاں دی پَیج رکھنی، رکھیا کرے تھاؤں تھائنیا۔ کی دُنیا دھار ویکھنی سکھّنی، چاروں کُنٹ پھول پھولائیا۔ پُرکھ اکال کہے گُر اوتار پَیغمبرو میَں سب دا پُرانا وطنی، وطن دا مالک سوبھا پائیا۔ تُسیں آئے وارو واری دیِناں مذہباں دی پتنی، پتن تے بَیٹھے راہ تکائیا۔ کِسے نے شورا کھادھا کِسے نے چٹنی، چیٹک رسنا والا جنائیا۔ سچ دوار توں کھٹّی اُس نے کھٹنی، جو کھٹکا دوُجا دئے مِٹائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا پردہ آپ چُکائیا۔ اوتار پَیغمبر کہن کیوں سوُریہ چند آئے اُتے چھاتی، اپنا پندھ مُکائیا۔ وِشن برہما شِو حُکم منّن کملاپاتی، پت پرمیشور ویکھ وکھائیا۔ کیوں اِندر منگ کے بوُند سوانتی، کلس اپنا رہیا جنائیا۔ کیوں خواجہ خِضر میِر دا پیِر ویکھے آبِ حیاتی، جو بِن نیَناں اکھّ اُٹھائیا۔ کیوں نؤ گرِہ بدلدے پربھاتی، پربھوُ دینا
سمجھائیا۔ کیوں گوبِند سیجے سُتا جنگل وِچ پربھاسی، اپنا آسن لائیا۔ کیوں پوُرن جوت پوُرن وِچ پرکاشی، پردہ دینا کُھلائیا۔ اسیں سارے کٹّھے آئے دوُر دُراڈے کٹ کے واٹی، وٹنا مل کے چلے چائیں چائنیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا اپنا حُکم ورتائیا۔ پُرکھ اکال کہے گُر اوتار پَیغمبرو لیَنا تک، تکیہ پیِٹھ نہ کوئے لگائیا۔ دُھر دا حُکم حُکم وِچوں سَت، نہ کوئے میٹے میٹ مِٹائیا۔ تُہاڈے نال قؤل اِقرار کیِتا یک، لیکھا لِکھیا بِن قلم شاہیِا۔ کلجُگ انت رہے نہ سچ، دھرنی دھار نہ کوئے وڈیائیا۔ کایا ماٹی کچّ، ٹھیِکر صاف نہ کوئے وکھائیا۔ منوُآ من جائے نچّ، نؤ دوار ہوئے ہلکائیا۔ نِج نیتر کُھلے کِسے نہ اکھّ، دِب نیَن نہ نوُر رُشنائیا۔ گُر اوتار پَیغمبرو تُساں اپنے مذہباں دا کرنا پکھّ، سانجھا رنگ نہ کوئے رنگائیا۔ سب مانَو منُش کرنے وکھّ، کلمے میرا نام پڑھائیا۔ تن وجوُد حِصّے لینےَ کٹ، مُچھ داہڑی جوڑ جُڑائیا۔ چھوٹا باؤنا اَگے آوے نَٹھ، چھّبی چھّبی اِنچ پِچھلا رِکھیاں لیکھا دئے جنائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، دھرم دی دھار اِک پرگٹائیا۔ گُر اوتار پَیغمبرو آہ ویکھو بچّہ نِکاّ معصوُم، چھوٹا قد دا نظری آئیا۔ ایہدا لیکھا کِسے نہیں معلوُم، شاستر سِمرت نہ کوئے سمجھائیا۔ آد انت توں پربھ دا قانوُن، آد توں انت تکّ نہ کوئے میٹے میٹ مِٹائیا۔ ایہنوُں پتہ نہیں الف کی تے نوُن، حمزہ کی سمجھائیا۔ ایہہ محمد دے نزدیِک ہٹّی کردا ہُندا سی پرچوُن، نؤ وار محمد نِمک لےَ کے ایہدے کولوں کھائیا۔ پھیر ہتّھ نال کِہا ہلوُن، سیِس دِتا دبائیا۔ جوتی جوت سروُپ ہرِ، آپ اپنی کِرپا کر، سچ دا پردہ دے چُکائیا۔ محمد نے ہتّھ لایا ایس دی ٹھوڈی، خوشی نال وڈیائیا۔ ایس نے ہتّھ لایا اُس دی گوڈیں، سجدہ سیِس جھُکائیا۔ اُس نے پُچھیا تُوں کوئی سادھوُ کہ جوگی، کہ صوُفی فقیِر سوبھا پائیا۔ ایس نے کِہا میَں اُس خُدا دا مؤجی، جو خود مالک اپنیاں بچّیاں گودی وِچ ٹِکائیا۔ جو رازق رِزق رحیِم بن کے دیوے روزی، بِنا روزیاں نمازاں توں پار لنگھائیا۔ اِس دے ساتھی ہُندے سی جِنہاں نے کالے نِشان لگائے گوڈیں، پوُرب وِچھڑے جوڑ جُڑائیا۔ جیہڑے بنے سوڈھی، اوہ وی مِلدے رہے چائیں چائنیا۔ جِنہاں نے کِرپاناں دھریاں موڈھیں، اوہناں لہنا رہیا مِٹائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا مالک اِک اکھوائیا۔ گُر اوتار پَیغمبرو آو بَیٹھیئے اُتے منجے، دھرتی اُتے سوبھا پائیا۔ کلجُگ جیو ویکھیئے کانے گنجے، نیترہیِن کھوج کھوجائیا۔ نالے میَنوُں وکھاؤ اپنے بندے، بندگی والے دیؤ دِرڑائیا۔ محمد کہے
اے خُدا میَنوُں ویکھ لیَن دے سب دے تمبے، کُھلیا پڑدا لَواں اُٹھائیا۔ جِنہاں کھادھے دُنبے، گئوُاں کھلّ لُہائیا۔ پانی بھریا وِچ کُنبھے، گھڑے کچےّ نال وڈیائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ پڑدا دے اُٹھائیا۔ گُر اوتار پَیغمبر کہن پربھوُ تیری منجی ویکھی مؤجوُد، سوہنی نظری آئیا۔ جِس دا مالک اِک محبوُب، مُحبّت وِچ وڈیائیا۔ وسے عالیشان عرش عروُج، تخت نِواسی ڈیرہ لائیا۔ منزل دسّ مقصوُد، پڑدا دئے چُکائیا۔ مِٹاوَن آیا دوُج، دُتیا بھاؤ گوائیا۔ سب نوُں دیوے سوُجھ، آتم پرماتم پڑدا لاہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا میلا لئے مِلائیا۔ گُر اوتار پَیغمبر کھولن اپنا ورقہ، ورقہ ورقہ پھول پھولائیا۔ پربھوُ کی بھیوَ دسّیئے اپنے گھر کا، گھر گھر پئی لڑائیا۔ امرت ملِے نہ ساچے سر دا، سروور میَل نہ کوئے دھوائیا۔ ساڈے کولوں کوئی نہ ڈردا، بھےَ سارے بَیٹھے چُکائیا۔ بے شک جگت جہان وِدیا پڑھدا، پڑھ پڑھ پار نہ کوئے کرائیا۔ سانوُں اِیوں جاپدا جیہڑا جمّیا چؤراسی وِچ مردا، تیرے در نہ کوئے پہُنچائیا۔ تُوں آپے سب دا گھاڑن گھڑدا، وِشن برہما شِو اپنی کھیل کھِلائیا۔ تُوں مالک چوٹی جڑ دا، تیرا روُپ اگمّ اتھاہیِا۔ بِن تیری کِرپا کوئی نہ تردا، گُر اوتار پَیغمبراں تیری آس رکھائیا۔ جوتی جوت سروُپ ہرِ، آپ اپنی کِرپا کر، سد اپنا رنگ رنگائیا۔ گُر اوتار پَیغمبر کہن، او پربھوُ نہ منگ ساتھوں لیکھا، لیکھا نظر کوئے نہ آئیا۔ داتا بن کے پا لیا بھرم بھلیکھا، کی تیری بےپرواہیِا۔ یاد کر لےَ باوَن والا کُنڈل تے پِچھلا چیتا، بل دوارا دئے گواہیِا۔ کرِشن کاہن والا ٹھیکا، کُرکشیتر رہیا کُرلائیا۔ اوہ االلہ والا نیتا، اُنگلی انگ لگائیا۔ گوبِند شبد کِسے نہ ویچا، ماجھے والے دین سُنائیا۔ سوا تِنّ فُٹ دی کِرپان کر دیؤ بھیٹا، دھرم دھار دِرڑائیا۔ اجے ستاراں گز دا ماریا نہیں پیچا، کمر ونڈ نہ کوئے ونڈائیا۔ ستّ رنگ تُہاتھوں رنگایا اُچیچا، اُچ دا پیِر روُپ بدلائیا۔ پنجاں لِکھاریِاں جوڑا لیاندا اپنے میچا، اُنگلاں ونڈ نہ کوئے ونڈائیا۔ سب دی بدل دینی جنم کرم دی ریکھا، رِکھیاں مُنیاں توں پرے آپ دِرڑائیا۔ سَتگُر شبد شبد شبد گُروُ دا بیٹا، دوُجی جنمے کوئے نہ مائیا۔ او جن بھگتو اجّ ہونی جے نیِلامی، مات لوک دا چُکنا جے ٹھیکا، گُر اوتار پَیغمبر بولی دیون آئے چائیں چائنیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک سُنائیا۔ ماجھے والیو دے دیؤ چنڈی، جو چنڈالاں کرے صفائیا۔ ویکھو دُہائی پئی وِچ وربھنڈی، برہمنڈ رہے کُرلائیا۔ اندروں کڈھے نہ کوئے واسنا گندی، سُرت شبد نہ
کوئے مِلائیا۔ سَتگُر شبد نوُں کلجُگ گُروُآں بنایا پکھنڈی، آپ سَتگُروُ بن کے بَیٹھن تھاؤں تھائنیا۔ پُرکھ اکال نوُں بنا کے دُہاگن نار رنڈی، آپ کُل مالک بن کے جگت رہے اکھوائیا۔ جِس ویلے شبد سَتگُر نے سب دے اندر وڑ کے نؤ دوارے دی حد لنگھی، پڑدا دِتا اُٹھائیا۔ اوتھے مایا رانی دی لگّی منڈی، تولے بَیٹھے تکّڑ اُٹھائیا۔ کوئی کہے االلہ رانی چنگی، کوئی کہے دُرگا دُھر دی مائیا۔ کوئی کہے محمد توڑے پھندی، موُسیٰ کرے صفائیا۔ اوم تت سَت دیوے انندی، کوئی کہے سیِتا رام دُہائیا۔ کوئی کہے رادھا کرِشن چاڑھے رنگی، اِکو رنگ رنگائیا۔ کوئی کہے ستنام واہِگُروُ گاؤ چھندی، سنسا روگ مِٹائیا۔ جاں ویکھیا تے اکھّراں والا نام تے صِفتاں والی ڈنڈی، ڈنڈاوت وِچ منؤت آپو اپنی رہے کرائیا۔ پرماتما دے نام توں لوائی پابندی، پابند اپنا آپ کرائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک سُنائیا۔ چنڈی کہے میَں کھیلنی ہولی، ہؤلی ہؤلی سُنائیا۔ اُچی کوُک کے پاواں رؤلی، دو جہان دِرڑائیا۔ اَگے سَتجُگ نام دی ہونی بولی، سارے اِکٹّھے ہووو تھاؤں تھائنیا۔ پِچھوں پائے کوئی نہ رؤلی، جھگڑا نہ کوئے رکھائیا۔ اوتارو پہلوں تُسیں کرائیو بؤہنی، اپنی آواز دیؤ سُنائیا۔ جوتی جوت سروُپ ہرِ، آپ اپنی کِرپا کر، سد اپنا کھیل وکھائیا۔ پُرکھ اکال کہے شبد سَتگُر ہو جا سوادھان، سب نوُں دے جنائیا۔ اِکو حُکم تے اِک فرمان، اِکو اِک سمجھائیا۔ اِکو نام کلمہ ہووے کلام، اِکو گیان ہووے پڑھائیا۔ برہمنڈ کھنڈ پُری لوء ہو جاؤ سوادھان، سویا رہن کوئے نہ پائیا۔ گوبِند دا کھنڈا کدے نہیں پیا وِچ میان، جِناں چِر دُشمناں دی کرے نہ مات صفائیا۔ تُہاڈے دُشمن پنج تتاں وِچ پنج نؤجوان، کام کرودھ لوبھ موہ ہنکار نظری آئیا۔ جِنہاں دا چڑھ گیا طوفان، شاہ سُلطاناں رہیا رُڑھائیا۔ سُنو حُکم اگمّی فرمان، فُرنے سب دے ویکھ وکھائیا۔ گُر اوتار پَیغمبر سارے اِکٹّھے ہووو بولی دیؤ وِچ جہان، اِک دو تیِن، تیِن لوک دا کھیل پرگٹائیا۔ جوتی جوت سروُپ ہرِ، آپ اپنی کِرپا کر، سد اپنا حُکم ورتائیا۔ گُر اوتار پَیغمبر کہن پربھوُ ساڈی بولی زیِرو ، زور نال سُنائیا۔ اَگے سُنو پَیغمبر پیِرو، پرا پسنتی مدھم بَیکھری توں پرے دیاں جنائیا۔ تُسیں چار جُگ دے ہیِرو، سَتجُگ تریتا دواپرکلجُگ مِلی مان وڈیائیا۔ انت ویکھو اَخیِرو، کی کلجُگ کھیل کھِلائیا۔ تُہاڈا مذہب مِلکھ رہے نہ جاگیِرو، اُمت سنگ نہ کوئے نِبھائیا۔ او بدھکا لیا دے کمان نال تیِرو، سجےّ ہتّھ نال پھڑائیا۔ اِک وار کہہ دے گُرمُکھو میرے ویِرو، پُرکھ اکال سب دا پِتا مائیا۔ جوتی جوت سروُپ
ہرِ، آپ اپنی کِرپا کر، کرے کھیل ساچا ہرِ، سد اپنا رنگ رنگائیا۔ تیِر کہے میری چار ماشے تے نؤ رتّی دی مُکھی، کنچن رنگ رنگائیا۔ جِس نے بدھک دھار کرِشن کیِتا سی دُکھی، پدم وِچ چرن کوَل نِشان ٹِکائیا۔ جِس دے پَیر نہیں سی جُتی، چمڑی ماس اپنی آپ رہیا کٹائیا۔ جوتی جوت سروُپ ہرِ، آپ اپنی کِرپا کر، سد اپنی کار کمائیا۔ تیِر کہے میَں جِس ویلے چرن کرِشن دے لگّا، لگن لئی لگائیا۔ اُس نے خوشی نال میَنوُں دبّا، اُنگلاں وِچ دبائیا۔ میرے مُنہ وِچوں نِکلیا ہائے ربّا، جو دوآبے والے چّھبے اُتے آئے لِکھائیا۔ پھیر اُس نے میَنوُں تھوڑا جِہا دبّا، جھٹکے نال ہِلائیا۔ میَنوُں نظری آیا اَگا، دواپرتوں بعد کلجُگ لوک مات لئے انگڑائیا۔ اِک گئوُاں دا پالی تے پھیر منُشاں نے کھانا وچھّا کٹّا ڈّھگا، سچ نام نہ کوئے )کمائیا(۔ ہنس بُدھی ہوئی کگّا، سچ نام نہ کوئے دِھیائیا۔ کرِشن نے کِہا اِس دی خاص کوئی وجہ، تَینوُں دیاں جنائیا۔ میَنوُں بڑا آیا مزہ، رس بِن رسنا دِتا چکھائیا۔ کرِشن نے کِہا تیری ہور ہور چنگی جگہ، شبدی دھار سُنائیا۔ جِس ویلے گوبِند آیا سوُرا سربگا، نانک جوت کرے رُشنائیا۔ تیرے نال اوس نے دُشٹاں نوُں دینی سزا، کمند کِھچّ کے تیِر دئے چلائیا۔ جوتی جوت سروُپ ہرِ، آپ اپنی کِرپا کر، سد اپنا حُکم ورتائیا۔ تیِر کِہا پِھر اَگے کی کار، میَنوُں دے سُنائیا۔ کرِشن کِہا جِس ویلے ہووے اندھ اندھیار، چاروں کُنٹ اندھیرا چھائیا۔ پِھر پرگٹ ہووے کل کلکی اوتار، نِہکلنکا روُپ دھرائیا۔ جِس نوُں سمجھے نہ کوئے سنسار، سنساری بھنڈاری سنگھاری اُس دی چھاتی تے بَیٹھے دین گواہیِا۔ تیِر کہے میَں اوس دا کراں اِنتظار ، اپنی اکھّ کُھلائیا۔ کرِشن نے کِہا تیرا بدھک نال پیار، اوسے ہتّھ پھڑائیا۔ اوہدا قرضہ تے میرا اُدھار، لہنا پُرکھ اکال چُکائیا۔ سو ویلا جگت پہنچیا آن، سمت شہنشاہی پنج اپنا رنگ رنگائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا پڑدا آپ اُٹھائیا۔ تیِر کہے گُرمُکھو اُپر ہتّھ اُٹھا لؤ کھبےّ، ہتّھ ہتّھ وڈیائیا۔ جِس دے وِچوں پرم پُرکھ مِلن دی ریکھا لبھے، ڈھائی چکّراں وِچ نظری آئیا۔ اوہ ہُندی طرف طرف دی گّبھے، شاستر سکیا نہ کوئے سمجھائیا۔ جِنہاں پڑھیا اوہ بَیٹھے راہ وِچ اَدھے، اگلا پندھ نہ کوئے مُکائیا۔ جن بھگتو پربھ مِلن دا مؤقع مِلدا کدے، جُگ چؤکڑی راہ تکائیا۔ پربھوُ نوُں جدوں ویکھو اچھل چھلدھاری سب نال کردا دغے، فریباں وِچ اپنا جھٹ لنگھائیا۔ گُر اوتار پَیغمبر لِکھ کے گئے پٹے، صدیاں وِچ ونڈ ونڈائیا۔ انت سب دا لیکھا ٹھپےّ، مُہر اِکو نام چُھہائیا۔ جن بھگتاں ناتے کر کے پکّے، گُرمُکھ اپنی گود سُہائیا۔
جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سد دیوے مان وڈیائیا۔ گُر اوتار پَیغمبر کہن پربھوُ اسیں پُتلے پنج تت خاکی، انت خاک وِچ سمائیا۔ تیرے نام دی سمجھ نہ سکے چلاکی، چار جُگ اکھّراں وِچ بھرمائیا۔ پریم پیالے دا بن کے ساقی، جام دِتے مُکھ لگائیا۔ اِک نوُں اِک دوُجے نالوں کر کے عاقی، آقا ہو کے اپنا حُکم سُنائیا۔ ونڈ کے نِکی نِکی واٹی، جھگڑے دِتے پوائیا۔ رسنا دے بنا کے پاٹھی، اکھّر دِتے سُنائیا۔ آپ بن کے جودھا سوُربیِر ہاٹھی، سچکھنڈ بَیٹھا ڈیرہ لائیا۔ دھنّ بھاگ جے کلجُگ انت تُوں سب دی منّ کے آکھی، آخر اپنا پھیرا پائیا۔ جن بھگتاں دی کریں راکھی، نام چِلّہ تیِر اِکو ترکش کندھ اُٹھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا میلا لئے مِلائیا۔ گُرمُکھو سجّا ہتّھ نال دیؤ جوڑ، جوڑی آپ بنائیا۔ بھگتاں دی ریِتی ایسے طرح نِبھدی توڑ، جو پربھ راتی سُتیاں شبد وِچ سمجھائیا۔ اِس منزل نوُں کوئی نہ سکیا بہُڑ، جگت ریِتی وِچ جگت ونڈ ونڈائیا۔ گُرمُکھو کلجُگ اندھیرا گھور، ساچا چند نہ کوئے چمکائیا۔ سَتگُر شبد بنّھ کے ڈور، چوری چوری تُہاڈے اندر ڈیرہ لائیا۔ جِنہاں نے چؤداں چؤداں مِنٹ کیِتا چؤر، چؤداں طبقاں نہ رہی مان وڈیائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا میلا لئے مِلائیا۔ دوویں ہتّھ کہن پربھوُ ساڈی بیننتی، بِنے اِک سُنائیا۔ مان کڈھ دے ہؤمے ہنگتی، ہنگ برہم جنائیا۔ تیرے نام دی پڑھیئے اِکو پنگتی، جیہڑی پنچم گُروُ بابے بُڈھے گیا سمجھائیا۔ جِس وِچ ریِتی دسّی کارج انند دی، چؤتھی لانو گیا سمجھائیا۔ اوہ کھیل ہوئی سوُرے سربنگ دی، گُرمُکھ آتما لئی پرنائیا۔ جوت اکالن خوشیاں وِچ پریم پیار پِھرے ونڈدی، سب دی جھولی پائیا۔ جیہڑی اِک اِک وست لیاندی پربھ دے نام گنڈھ دی، اوہ ٹُٹی لئے گنڈھائیا۔ ہُن واری آ گئی جے گُرمُکھو اِکّی جَیکارے لاؤنے دھار اُپجے سوہنگ چھند دی، رسنا جِہوا گائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ سچ وِچوں پرگٹائیا۔ گُرمُکھو ہتّھ کر لؤ تھلّے، آرام نال بَیٹھو چائیں چائنیا۔ تُہاڈی دات تُہاڈے پاواں پّلے، پلّوُ اپنی گنڈھ بندھائیا۔ چار جُگ پِچھوں تُہاڈی ہونی بلّے بلّے، سرِشٹی ڈھولیاں وِچ سُنائیا۔ تُسیں کدے نہ جانیو اسیں اِکلّے، تُہاڈا ساتھی دُھردرگاہیِا۔ تُسیں اوس پربھوُ دے در ملےّ، جِتھے گُر اوتار پَیغمبر بَیٹھے سیِس نِوائیا۔ بھاویں تُہاڈے اُتے کِنے ہون ہلّے، سوُرے ہو کے اپنا بل لیَنا پرگٹائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ،
سچ دا حُکم اِک سُنائیا۔ گُر اوتار پَیغمبر کہن پربھوُ اؤہ آ گیا کلجُگ، کل کاتی روُپ وٹائیا۔ کِدھروں گیا پُج، اپنا پندھ مُکائیا۔ ویکھو موٹے ڈنڈے دا ماردا ہُج، سب نوُں رہیا جگائیا۔ مندر مسجد شِودوالے چڑھیا کُد، بھجےّ چائیں چائنیا۔ میَں دھرم دا رہن نہیں دِتا مُڈھ، سب نوُں رہیا سُنائیا۔ میَں پھڑ کے اِکو وِچ رُگ، کھا پی کے اپنی خوشی بنائیا۔ کلجُگ سرِشٹی کھاوے پیِوے گھیو تے دُدھ، کلجُگ کہے میَں سادھاں سنتاں دی سُرتی کھا پی کے اپنا جھٹ لنگھائیا۔ پھیر مارن ڈہ پیا ڈُھڈ، ہائے ہائے ہائے میری دُہائیا۔ کیوں میرا کُجھ لیکھا لِکھ کے گیا بُدھ، تیئیواں اوتار گیا سُنائیا۔ جِس ویلے وِدواناں وِچ رہی نہ سُدھ، عقل چلے نہ کوئے چتُرائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کمائیا۔ کلجُگ کہے پربھوُ میَں آیا تیرے دربار، سوہنا روُپ بنائیا۔ میَنوُں چنگی لگّے تیری کٹار، تیج دھار چمکائیا۔ میَنوُں بڑا کھیل چنگا لگّے وِچ سنسار، جو اپنی کِرپا نال ورتائیا۔ میَں بڑا ہویا ہوشیار، وِدیا تیری موہے بھائیا۔ میَں جھگڑا پوا کے پُرکھ نار، پِتا پوُت دِتا لڑائیا۔ گُر اوتار پَیغمبراں دا رہن نہیں دِتا پیار، ناتا وِدھاتا نہ کوئے جُڑائیا۔ صدی چؤدھویں میرا سب کُچھ اختیار، مختیارنامے سب دے پھول پھولائیا۔ اے میرے مالک تیرے نام نہیں دو چار، انیک تیرے صِفتاں والے ڈھولے گائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی کرنی کار کمائیا۔ کلجُگ کہے میَں بڑا بڑا اُڈیِکدا، چِری وِچھنا دھیان لگائیا۔ میَں دوُر دُراڈا بہہ بہہ چیِکدا، ہائے ہائے کر سُنائیا۔ اپنے اندر نقشے اُلیکدا، جگت ونڈاں ونڈ ونڈائیا۔ کِس ویلے ویلا آوے اُس تاریخ دا، جِس دا طریقہ گوبِند گیا سمجھائیا۔ پربھ نے جھگڑا مُکاؤنا اوُچ نیِچ دا، اِکو رنگ وکھائیا۔ پیار دسّنا ساچے میِت دا، ناتا جوڑنا دوُر نزدیِک دا، دو جہاناں پندھ مُکائیا۔ وقت سُہنجنا کرنا تصدیِق دا، شہادت شبد گُروُ بُھگتائیا۔ لیکھا پوُرا کرنا اُمیِد دا، جو آسا منسا گُر اوتار پَیغمبر گئے رکھائیا۔ پڑدا پھولنا جگت جگیاَسوُ نیِت دا، نیِتیوان ہو کے کھوج کھوجائیا۔ پھیر مارگ آؤنا سَتجُگ ساچی ریِت دا، رستہ اِک وکھائیا۔ میلا کرنا بھگت بھگوان پریِت دا، پریِتم اِکو دئے وڈیائیا۔ جھگڑا مُکاؤناقرآن حدیِث دا، حضرتاں توں پرے دئے جنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ پڑدا آپ اُٹھائیا۔ سَتگُر دھار دی ہووے سِکھی، سِکھیا جگت گُروُ جنائیا۔ دیِن دُنی جانی مِتھی، بھانڈا بھرم بھنّائیا۔ چھّبی پوہ دی ویکھ کے مِتی، سمت شہنشاہی پنج نال مِلائیا۔ کِسے
دی آسا رہے نہ دو چِتی، اِکو رنگ رنگائیا۔ جِس ویلے کبیِر لُکیا سی وِچ کھِتی، خطا اپنی دِتی دِرڑائیا۔ نِرگُن دھار بنیا ہِتی، دوُجا نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، پڑدا اوہلا دئے چُکائیا۔ پڑدا کہے میَں رہندا اوہلا، نقاب دئے چُکائیا۔ کر پرکاش اُپر دھؤلا، دھرنی سوبھا پائیا۔ نِروَیر ہو کے روُپ مؤلا، مِہربان ویس وٹائیا۔ اپنا پوُرا کرے اِقرار قؤلا، کوَل نیَن کھوج کھوجائیا۔ جن بھگتاں بھار کرے ہؤلا، گٹھڑی گٹھڑی بھار نہ کوئے بنائیا۔ اپنا حُکم ورتے تؤلا، دُھر فرمانا اِک سُنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سد اپنی کھیل وکھائیا۔ کھیل کہے میَں ہونا ضروری، ہرِ کرتا آپ کرائیا۔ سب دی آسا کرنی پوُری، پوُرن برہم رہیا دِرڑائیا۔ کلجُگ کِریا میٹنی کوُڑی، ہؤمے ہنگتا روگ گوائیا۔ جموں والیو حاضر کر دیؤ جو کُٹ کے لیاندی چوُری، چارے گھر سوبھا پائیا۔ جیہڑا تُہاڈا مزدوُر کردا مزدوُری، بُھکھے نوُں دیؤ رجائیا۔ ملِے پرکاش جوت نوُری، اندھ اندھیرا دئے گوائیا۔ اِدھر گُلاٹی دی ویکھو پھوُہڑی، اپنا رنگ رنگائیا۔ ناتھاں دی تکو چوُڑی، جو کنّاں وِچ لٹکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سد اپنا پڑدا لاہیِا۔ پڑدا کہے میَں پردے وِچوں ویکھے گُرمُکھ ہیِرے، رتن امولک نظری آئیا۔ جِنہاں نے ہتھّیں بنّھے کلیرے، سگن دُھر دے مات منائیا۔ ہرِجن سارے اوہناں دے ویرے، نظر اپُٹھی نہ کوئے کرائیا۔ جِنہاں نے لال بدھےّ چیرے، پِیلے پلّوُ آئے رنگائیا۔ جِنہاں دے تُرلے کڈھے اَخیِرے، سَوا ہتّھ لمبائیا۔ جِنہاں ہتّھاں وِچ پھڑے پیِڑھے، تریتا جُگ دیوے گواہیِا۔ جِنہاں دے لال رنگ دے لیِڑے، پربھ سوہنا رنگ چڑھائیا۔ جوتی جوت سروُپ ہرِ، آپ اپنی کِرپا کر، سد دیوے مان وڈیائیا۔ سب دی پوُری کرے آس، آسا رہن کوئے نہ پائیا۔ جِنہاں نوُں پانی مِلیا وِچ گِلاس، گُردرشن ہتّھ پھڑائیا۔ اِنہاں دی باوَن ویلے دی بُجھی پیاس، ترِسنا اَگے رہے نہ رائیا۔ جِنہاں نے مستک لائی راکھ، ترِسوُل نِشان بنائیا۔ اوہ لیکھے لگّے جماعت، شنکر لہنا جھولی پائیا۔ جوتی جوت سروُپ ہرِ، آپ اپنی کِرپا کر، سد اپنا رنگ رنگائیا۔ جیہڑے گُرمُکھ اِکّی نال غریِب، غُربت گئے مِٹائیا۔ اَگے ملِے سب نوُں سچ ترتیب، طریقہ اِک سمجھائیا۔ اندروں صاف کرکے نیِت، جگ دیوے مان وڈیائیا۔ اِکو پرم پُرکھ دی پریِت، دوُجا اِشٹ نہ کوئے دِرڑائیا۔ جِنہاں گوبِند گایا گیِت، رنگ رتّڑا دُھر دا ماہیِا۔ جِس سوہنگ ماری چیِک، لیکھا لیکھے پائیا۔ جِنہاں نؤبت وجائی ٹھیِک، ایہہ گوبِند کھوج
کھوجائیا۔ جیہڑے گھروں کرکے آئے بند بھیِت، اوہ جگت واسنا گئے مُکائیا۔ جیہڑے مُکھ دھو کے بنے عزیز، عاجز ہو کے جھٹ لنگھائیا۔ جوتی جوت سروُپ ہرِ، آپ اپنی کِرپا کر، سد اپنا کھیل وکھائیا۔ جیہڑے بن گئے چار کاہنی، دُھر دا کاہن دئے وڈیائیا۔ دھرم دھار دے بن اِشنانی، اِشنان اِکو اِک وکھائیا۔ منزل چڑھ روُحانی، پربھ مِل کے وجےّ ودھائیا۔ منزل کٹنی نہ پئے جِسمانی، پڑدا اسمانی آپ چُکائیا۔ پربھ دا نوُر وڈ نوُرانی، گیان دھیان دا ڈیرہ ڈھاہیِا۔ جوتی جوت سروُپ ہرِ، آپ اپنی کِرپا کر، سد اپنا رنگ چڑھائیا۔ جِنہاں دا ویس عؤرت مرداں، سانجھا روُپ دھرائیا۔ ایہہ کُھسرے کردے رہے سی عرضاں، ہرِ گوبِند اَگے سیِس نِوائیا۔ نؤ دِن گاؤندے رہے سی نال طرزاں، نچّ کے جگت وکھائیا۔ اُسدے قؤل اِقرار دا دِتا قرضہ، پوُرب جھولی پائیا۔ پربھ کول سب دیاں فرداں، لیکھا ویکھے تھاؤں تھائنیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، ہرِ وڈّا وڈ وڈیائیا۔ گُر اوتار پَیغمبر کہن اسیں آئے بھجےّ دؤڑے، دُھر دا پندھ مُکائیا۔ چلو ویکھیئے براہمن گؤڑے، جِس دی صِفت آئے سُنائیا۔ جو ویکھے مِٹھے کؤڑے، لکھّ چؤراسی پھول پھولائیا۔ جن بھگتاں اندر بہُڑے، بہُڑی کرے لڑائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کمائیا۔ گُر اوتار پَیغمبر کہن سانوُں مِلی اگمّ اِطلاع، مُطلع دِتا کرائیا۔ چھّبی پوہ نوُں جانا آ، آہ سرد نہ کوئے بھرائیا۔ حُکم دیوے حق خُدا، خود مالک آپ دِرڑائیا۔ کلجُگ کوُڑی کِریا میٹنی وبا، ہؤمے روگ دینا گوائیا۔ سب نوُں اِک جپاؤنا ناں، ناؤں نِرنکارا اِک سمجھائیا۔ سب دا بن کے پِتا ماں، گُرمُکھ گُر گُر گود ٹِکائیا۔ جوتی جوت سروُپ ہرِ، آپ اپنی کِرپا کر، سد اپنا رنگ رنگائیا۔ گُر اوتار پَیغمبر کہن ساڈا استعفیٰ، سچ نال جنائیا۔ اپنے پیار دا دے وظیفہ، سچکھنڈ بہہ کے جھٹ لنگھائیا۔ اَگے بتھیریِاں کیِتیاں تیریِاں تعریِفاں، صِفتاں وِچ صالاحیِا۔ لِکھ کے آئے تمہیِداں، ڈھولیاں وِچ گائیا۔ کرکے آئے تعقیِداں، حُکمے وِچ سُنائیا۔ دھنّ بھاگ جے ساڈیاں پوُریِاں کریں اُمیِداں، پِچھلا لیکھا رہے نہ رائیا۔ گُرمُکھاں نے اپنے اَگے ماریاں لیکاں، پِچھلی لائن گئے بدلائیا۔ پنج پنج روڑے پھڑ کے ہست کیِٹا، اوُچا نیِچا ونڈ نہ کوئے ونڈائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در تیرے وجےّ ودھائیا۔ گُر اوتار پَیغمبر کہن اسیں گائیے دُھر دے دوہرے، دُہرا تیرا نام وڈیائیا۔ جیہڑے گُرمُکھاں پنج پنج سُٹے روڑے، روڑی سکھّر دئے گواہیِا۔ جِس ویلے ایمناباد نانک سُتا وچھا کے
دُہرے، بھوُشن نال سُہائیا۔ ایہہ چُبھے سی وِچ مؤرے، تن دِتا رگڑائیا۔ اُس ہسّ کے کِہا جِس ویلے میری دھار گوبِند چڑھے گھوڑے، نِیلے اُتے وڈیائیا۔ گُرمُکھ سرسے وِچ روڑھے، اپنی کھیل کھِلائیا۔ شستر دی تھاں ہتّھ وِچ پھڑ کے روڑے، پانی وِچ ڈُبائیا۔ بچن کیِتا تُسیں رہنا نویں نکوارے، تتی وا نہ لاگے رائیا۔ جِس ویلے پُرکھ اکال نال آواں بن کے بانکا چھوہرے، شہنشاہ نال چُترائیا۔ تُہانوُں میلاں نال زورے، اپنا بَل ودھائیا۔ ساچی پَینی لوڑے، لوہڑا پئے لوکائیا۔ شبدی دھار چڑھ کے گھوڑے، گھُنمے چائیں چائنیا۔ جوتی جوت سروُپ ہرِ، آپ اپنی کِرپا کر، سد اپنی کار کمائیا۔ گُرمُکھاں پنج پنج روڑے دِتے سُٹ، جگت حد دِتی ٹپائیا۔ پنج تت کایا جِس ویلے گئی چُھٹ، دھرنی دی بھیٹ کرائیا۔ آپ گوبِند بِبان وِچ جانا اُڈ، پُریاں لوآں پندھ مُکائیا۔ حق خُدا نوُں کہنا گاڈ گُڈ، واہ واہ تیری وڈ وڈیائیا۔ نالے ہسّ کے کہنا سانوُں کرنا پیا نہیں یُدھ، کری نہ کوئے لڑائیا۔ خوشیاں وِچ خالی ہتّھ سچکھنڈ گئے پُج، اپنا پندھ مُکائیا۔ ہُن پربھوُ کِتھے جائینگا لُک، سانوُں دے سمجھائیا۔ وِشن برہما شِو کول گئے نہیں رُک، دھرم رائے نہ کوئے اٹکائیا۔ ساڈی پِچھلی منزل گئی مُک، پندھ رہیا نہ رائیا۔ سَتجُگ گیا تریتا گیا دواپرگیا ہُن آیا کلجُگ، جُگاں دے وِچھڑے لئے مِلائیا۔ اپنے بنا لئے سُت ، دُلارے گود اُٹھائیا۔ کی ہویا جے بچےّ گئے رُس، پھڑ باہوں لےَ منائیا۔ راتیں سُتیاں گھر گھر جا کے پُچھ، اندر وڑ کے لےَ اُٹھائیا۔ بُھکھیاں نوُں دے ٹُک، دُکھیاں دُکھ گوائیا۔ جوتی جوت سروُپ ہرِ، آپ اپنی کِرپا کر، مِہر نظر اِک ٹِکائیا۔ گُر اوتار پَیغمبر کہن او پربھوُ تیرا وسدا رہے جھُگا، بھگت دوارا نظری آئیا۔ جیہڑی بیِبی پوُجن والی گُگا، سیویِاں تھال دئے وکھائیا۔ جیہڑا گالاں کڈھدا بُڈھا، بھؤں تے سؤں کے جھٹ لنگھائیا۔ اوہ ایہو پُرانا بُڈھا، جو ہر اِک دے اندر وڑ کے بَیٹھا ڈیرہ لائیا۔ بِنا سِنگھاسن توں سُتا، آسن سوبھا پائیا۔ جوتی جوت سروُپ ہرِ، آپ اپنی کِرپا کر، سد اپنی کھیل وکھائیا۔ گُر اوتار پَیغمبر کہن سانوُں تھال دیؤ پروس، پڑوسی سارے اِکٹّھے آئیا۔ ساڈا رہے کوئی نہ روس، اِکو رنگ دینا رنگائیا۔ مذہباں والا مِٹا دے جوش، امرت سیِر دُدھ پیائیا۔ سب دے ہِردے دے سودھ، کوُڑی کِریا باہر کڈھائیا۔ پربھوُ اپنے پیار دا لا دے بھوگ، بھوگیِاں اندر کر صفائیا۔ تیرے نام دا ہووے جوگ، جوگیِاں دا لہنا دے چُکائیا۔ تیرا اِکو قِلعہ سُہائے کوٹ، کُٹیا کایا کر صفائیا۔ کلجُگ جیو آلنیوں ڈِگے بوٹ، پھیر سکے نہ کوئے بچائیا۔ شبد نگارے دی لا دیؤ چوٹ، چوٹی چڑھ
کے دے ہِلائیا۔ جِنہاں بیِبیِاں دی اِکو گوت، اوہ گؤتم دے گوانڈھی سوبھا پائیا۔ جِنہاں دے کول مثعلاں ایہہ کھیلاں کھیڈدے سی روز، گوبِند نال اپنا سنگ بنائیا۔ کھنڈے دھار دھرم دی فؤج، فؤجدار ویکھ وکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا مالک آپ ہو آئیا۔ گُر اوتار پَیغمبر کہن پربھوُ چل جگت دی کریئے تلاشی، چاروں کُنٹ ویکھ وکھائیا۔ اوتار کہن گنگا جمنا گوداوری سُرستی کہ جائیے پہلوں کاشی، مندراں مٹھاں کھوج کھوجائیا۔ پَیغمبر کہن چلو ویکھیئے نمازی، جو روزے رکھ کے جھٹ لنگھائیا۔ سَتگُر کہن چلو ویکھیئے جِنہاں دی اندر لگّی سمادھی، سُنّ سمادھ وِچ سمائیا۔ شبد گُروُ کِہا یاد رکھو کی سندیسہ دے کے گیا نانک وِچ بغدادی، بغلی کندھے اُتے لٹکائیا۔ صدی چؤدھویں کہے کوئی رہنا نہیں کِسے دا گاڈی، حُکم حق نہ کوئے سُنائیا۔ اُس ویلے ٹھگّاں چوراں بدمعاشاں دی ودھنی آبادی، من مت کرے لڑائیا۔ جھگڑا پاؤن گے مُلّا قاضی، گرنتھی پنتھی ونڈ ونڈائیا۔ دھرم دا دِسنا نہیں کوئی ساتھی، سگلا سنگ نہ کوئے رکھائیا۔ سَتگُر دی منّے کوئی نہ آکھی، گوبِند دیوے انت سزائیا۔ سب دا پوُرا کرکے بھوِکھت واکی، واقع اپنا دئے وکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک سُنائیا۔ گُر اوتار پَیغمبر کہن ساڈی کیہڑی مرضی، مریض ہوئی لوکائیا۔ پربھ تُوں سانوُں جِسم دی دِتی وردی، کھان پیِن دِتا سمجھائیا۔ اسیں تیرے نام دے بن کے غرضی، ڈھولے آئے گائیا۔ اے بھگوان اے خُدا تیرے پِچھے تیری دُنیا لڑدی، کی تیرے وِچ وڈیائیا۔ کیوں نہیں کھیل مُکاؤندا چوٹی جڑ دی، جڑ چیتن دے سمجھائیا۔ ویکھ کھیل کلجُگ ہڑ دی، چاروں کُنٹ وہن وہائیا۔ گُر اوتار پَیغمبر بنے کوئے نہ دردی، ہائے اُف بہُڑی کرے لوکائیا۔ انت کھیل نرائن نر دی، نر ہرِ تیری اِک سرنائیا۔ جوتی جوت سروُپ ہرِ، آپ اپنی کِرپا کر، سچ دا میلا لئے مِلائیا۔ گُر اوتار پَیغمبر کہن پربھوُ ساڈا پا دے بھوگ، انت دے کرائیا۔ اپنا کر سنجوگ، آتم پرماتم جوڑ جُڑائیا۔ ہؤمے کڈھ دے روگ، دُکھیِاں دُکھ مِٹائیا۔ چِنتا رہے نہ سوگ، چِکھا نہ کوئے جلائیا۔ اِکو دے دے مؤج، اپنا نام وڈیائیا۔ سچ دوارے جانا پہُنچ، درگاہ ساچی سوبھا پائیا۔ کی کھیل کرنا اَگے پُشکر کرؤچ، لکھّن دیِپ پئے دُہائیا۔ جوتی جوت سروُپ ہرِ، آپ اپنی کِرپا کر، پردہ اوہلا دینا چُکائیا۔ پُرکھ اکال کہے کی پُچھنا، شبد گُروُ گُرواک۔ پردہ اوہلا رہے نہ لُکواں، پوُرا کرنا بھوِکھت واک۔ جیہڑیاں سُکھدے رہے سُکھناں، اوہ لیکھا ویکھنا
آج۔ کوُڑی کِریا ملیچھ اُٹھنا، سندیسہ دے کے گیا بھاردواج۔ پربھ دا بھانا کدے نہ رُکنا، آد جُگاد دا سچ رِواج۔ جن بھگتو مارگ پئے کِسے نہ گھُسنا، جوبن جوانی لگّے نہ داغ۔ جوتی جوت سروُپ ہرِ، آپ اپنی کِرپا کر، کوُڑی کِریا بدل دیوے سماج۔ گُر اوتار پَیغمبر کہن پربھ تیرے نام دا کیِتا بڑا خرچ، کھا خرچ کے جھٹ لنگھائیا۔ مندر مسجد شِودوالے مٹھ بنائے چرچ، مسجداں وِچ ونڈ ونڈائیا۔ گُروُدواریاں وِچ بَیٹھے پرت، پِھر پِھر پھیرا پائیا۔ تیری اِک سانجھی دھرت، اسیں حِصّے آئے ونڈائیا۔ کلجُگ انت کھیل اسچرج، اچرج لیِلا دے ورتائیا۔ کی تَینوُں میری پئی غرض، پردہ دینا اُٹھائیا۔ پُرکھ اکال کِہا میَں آد جُگاد جُگ چؤکڑی نِت نوِت نِرگُن سرگُن بھگتاں دا ونڈاں درد، بھگوَن ہو کے ویکھ وکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ سچ دا حُکم سُنو فرمانا، فرماں بردارو دیاں سُنائیا۔ اگلا کھیل ہونا مہانا، مِہربان ویکھ وکھائیا۔ چھّبی پوہ سماں سُہاؤنا، سوہنی رُتڑی نال مہکائیا۔ انت سب نے اِکو شبد گانا، رسنا جِہوا صِفت صالاحیِا۔ پربھوُ تیرا بھگت سد رہے وِچ تیرے بھانا، سِر سکے نہ کوئے اُٹھائیا۔ دُھر دے در ملِے مانا، ممتا موہ چُکائیا۔ جِنہاں گایا انتم جانا نہ وِچ مسانا، اوہناں بخشے اِک سرنائیا۔ تیرا گُرمُکھ نہ ہوئے پُرانا، جُگ چؤکڑی اوہو چلیا آئیا۔ کیِڑی دا روُپ بنیا مستانہ، لال سِنگھ ہائے گوبِند ہائے گوبِند کہہ کے دئے سُنائیا۔ سچ در ہوئے پروانہ، پاربرہم ویکھ وکھائیا۔ جوتی جوت سروُپ ہرِ، آپ اپنی کِرپا کر، سد پڑدا دئے چُکائیا۔ گُر اوتار پَیغمبر کہن پربھوُ جن بھگتاں دے دے چُھٹی، اپنی دَیا کمائیا۔ اسیں ویکھ لیا تیری پریم دھار نہ ٹُٹی، جُگ چؤکڑی چلی آئیا۔ اِنہاں نوُں لوڑ رہی نہ منزل پار کرنی پئے نؤ دوار ترِکُٹی، سہس دل وِچ نہ کوئے بھوائیا۔ دسم دواری چھوٹی چھوٹی پؤہ پُھٹی، سوُرج چنّ کرن رُشنائیا۔ جِتھے تیری جوت دھار بہُہ رُتی، نِرگُن نوُر نوُر چمکائیا۔ اوتھے اِک پیار تے اِکو خوشی، اِکو وجےّ ودھائیا۔ جن بھگتو سارے تاء دیؤ مُچھیں، پربھ مِلیا بےپرواہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سِر اپنا ہتّھ ٹِکائیا۔ گُر اوتار پَیغمبر کہن کل ویکھنا کھیل اپارا، اپرمپر دئے وکھائیا۔ کرِشن دا اُدھارا، دواپرجُگ گواہیِا۔ کلجُگ دا پسارا، مایا ممتا نال رلائیا۔ چؤدھویں صدی دا جَیکارا، گولی رنگ رنگائیا۔ تیراں سؤ اٹھاسیواں رِشی روُپ نیارا، اپنا آپ آیا بدلائیا۔ دوہاں دا پیار ہونا سنسارا، سنساری بھنڈاری سنگھاری ویکھن چائیں چائنیا۔ جوتی جوت سروُپ ہرِ، آپ اپنی کِرپا
کر، کرے کھیل ساچا ہرِ، سد اپنا حُکم ورتائیا۔ چھّبی پوہ کہے گوبِند دے ہتّھ گوبِند دھار انگوُٹھی، گوبِند رنگ رنگائیا۔ منی سِنگھ کول گِری دی ٹھوُٹھی، االلہہوُ اکبر نعرہ رہیا سُنائیا۔ جھگڑا پَینا چارے کوُٹی، اَگے سکے نہ کوئے مِٹائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، شبد دھار بن کے دوُتی، دو جہاناں کھوج کھوجائیا۔