کتب خانہGranth 22 (Shahmukhi)

۱۱ جیٹھ شہنشاہی سمت ۶ ڈاکٹر پال سِنگھ دے گرِہ پِنڈ داؤد پُر ضِلع کپوُرتھلا

شنکر کہے میَں آواں کیہڑے راہ، رہبر ہو کے دینا سمجھائیا۔ چار جُگ دے اوتار پَیغمبر گُروُ لیاواں گواہ، شہادت تیرے نام والی بُھگتائیا۔ تن تے راکھ ملاں کہ سواہ، صاحِب سُلطان دینا سمجھائیا۔ کیہڑا جپدا آواں ناں، او انگ ہری انگ تت سَت رام کرِشن االلہ ستنام واہِگُروُ کی چتُرائیا۔ کوَن سُہنجنا ویکھاں تھاں، تھان تھننتر زِمیں اسمان برہمنڈ کھنڈ پھول پھولائیا۔ کِس بِدھ اُچی کوُکاں کر کے بانہہ، دو جہاناں کراں شنوائیا۔ پُرکھ اکالا دیِن دَیالا تُوں ہی پِتا تُوں ہی ماں، تُدھ بِن دوُجا نظر کوئے نہ آئیا۔ وِشن برہما نال لیاواں چاء، خوشی خوشی وِچوں پرگٹائیا۔ نگر کھیڑا ویکھاں گراں، دھام سمبل پھول پھولائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در ٹھانڈے منگ منگائیا۔ پُرکھ اکال کِہا سُن شبد اگمّی بھولے ناتھ، جٹا جوُٹ دیاں جنائیا۔ نِرگُن دھار تیرا ہووے ساتھ، گُر اوتار پَیغمبر برہما وِشن نال مِلائیا۔ سیِس جھُکاؤنا پُرکھ سمراتھ، دھوُڑی خاک خاک رمائیا۔ تُوں میرا میَں تیرا سب نے گاؤندے آؤنا گاتھ، جو آد انت دی اِک پڑھائیا۔ پِچھا پرت نہ ویکھنا اُپر کَیلاش، کیشو اپنا حُکم

ورتائیا۔ پھیر لکھّ چؤراسی جیِو جنت سادھ سنت دی ویکھنی لاش، تن ماٹی پھول پھولائیا۔ برہمنڈ کھنڈ پُری لوء آکاش پاتال دی تکنی راس، منڈل پڑدا اِک اُٹھائیا۔ دیِن دُنی دا جھگڑا ویکھنا ذات پات، کی مذہب مذہب نال لڑائیا۔ پھیر کلجُگ تکنی اندھیری رات، نؤ کھنڈ پرِتھمی ستّ دیِپ نوُری چند نہ کوئے چمکائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، دُھر فرمانا اِک سُنائیا۔ شنکر کہے میرے سوامی، پُرکھ اکال پروردِگار تیری سرنائیا۔ آد انت دے انترجامی، جُگا جُگنتر تیرا کھیل ویکھ وکھائیا۔ چار جُگ دے شاستر تیری صِفتاں والی بانی، وید پُران اِنجیِل قرآن گیِتا گیان اکھّراں نال اکھّر میلا میلیا سہج سُبھائیا۔ تیرا فرمانا کلمہ کائنات شاہ سُلطانی، شہنشاہ حُکم حُکم وِچوں پرگٹائیا۔ چار جُگ دے اوتار پَیغمبر گُر میرے نال کرن دھیانی، نِگاہ نِگاہ وِچوں اُٹھائیا۔ کلجُگ انت سِری بھگوَنت صدی چؤدھویں ویکھیں اپنی دھرم نِشانی، سرِشٹی درِشٹی اندر پھول پھولائیا۔ پِھر حَیرت وِچ سب دے اندر آوے حَیرانی، پریشانی وِچ سارے دین دُہائیا۔ جِنہاں سِکھاں مُریِداں دے پِچھے دے کے گئے قُربانی، تن وجوُد ماٹی خاک مِلائیا۔ نام نِدھانا دے کے گئے بن کے دانی، شبد اگمّی دات ورتائیا۔ آبِ حیات امرت رس بخش کے گئے پانی، پت پرمیشور تیرا جام پیائیا۔ اوہ دیِن دُنی چاروں کُنٹ دہ دِشا کرے بے اِیمانی، بیوہ روُپ ہوئی لوکائیا۔ کلجُگ انت نوَ نؤ چار دِسے فانی، انت رہن کوئے نہ پائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، بھیوَ ابھیدا اِک اکھوائیا۔ پُرکھ اکال کہے سُن شنکر حُکم میرا اگمّ، اگمّڑی کار کمائیا۔ دیِن دُنی دا جھگڑا ویکھنا کایا ماٹی چمّ، چمّ درِشٹی وِچ دُہائیا۔ چار کُنٹ ہرکھ سوگ چِنتا غم، غم خوار ملِے کِسے نہ ماہیِا۔ مایا ممتا ہؤمے ہنگتا ودھی تم، چِت ترِسنا ترِکھا نہ کوئے بُجھائیا۔ صدی چؤدھویں بیڑا سکے کوئے نہ بنّھ، پَیغمبر بَیٹھے مُکھ بھوائیا۔ کلمہ کائنات آوے نہ کمّ، ہوُہوُ نعرہ سارے رہے لائیا۔ دھرنی دھرت دھوَل دھؤل بِن نیتر رووے چھمّ چھمّ، شمع دیِپک جوت نہ کوئے رُشنائیا۔ نِرگُن نوُر پرکاش چڑھے جوت کوئے نہ چنّ، سوُریہ چند دئے دُہائیا۔ بھگت سُہیلا جننی دئے کوئے نہ جن، لوک مات ملِے نہ کوئے جنیندی مائیا۔ انتر نِرنتر کوُڑ کلپنا ودھی سب دی من، بُدھ بِبیک نہ کوئے وکھائیا۔ ترےَگُن مایا اگنی لگّی تن، امرت میگھ نہ کوئے برسائیا۔ بھانڈا بھرم بھیوَ جگت وِدیا سکے کوئے نہ بھنّ، بھرانت دوُر نہ کوئے کرائیا۔ کرے کھیل سِری بھگوّن، ہرِ کرتا اپنا حُکم ورتائیا۔ جوتی جوت سروُپ ہرِ، آپ اپنی کِرپا کر، کرے کھیل

دُھر دا ہرِ، ہرِ وڈّا وڈ وڈیائیا۔ شنکر ساریاں مِل کے آؤنا بن کے سنگ، سچکھنڈ نِواسی پُرکھ ابناشی آپ جنائیا۔ پِھر اوتاراں کہنا جِس کارن گوبِند چھڈیا پُری انند، انند انند وِچوں وکھائیا۔ پِھر کھیل جناؤنا کیوں محمد بخشیا نِشان تارا چند، چند ستار مِلی وڈیائیا۔ پھیر پڑدا لاہُنا کِس بِدھ صدی چؤدھویں جاوے لنگھ، انت لوک مات رہن نہ پائیا۔ پھیر ویکھنا کِس بِدھ پَیغمبر صوُفی نچّدے وانگ ملنگ، مُتہرا کندھیاں اُتے ٹِکائیا۔ پھیر ویکھنا نؤ کھنڈ پرِتھمی ستّ دیِپ دیِن دُنی دا جنگ، مذہب مذہب وِچ ٹکرائیا۔ ایہہ کھیل سوُرا سربنگ، سنمُکھ سب دے دئے ورتائیا۔ شنکر کہے میرا خوشی ہووے بند بند، روم روم وجےّ ودھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، لیکھا جانے لکھّ چؤراسی پوَن سواسی دم، دامنگیِر ہو کے اپنا کھیل کھِلائیا۔

۱۱ جیٹھ شہنشاہی سمت ۶ جُگِندر سِنگھ دے گھر پِنڈ فتح گڑھ ضِلع کپوُرتھلا

پُرکھ اکال کہے شنکر کھیل ویکھنا اُپر دھرت، دھرنی دھرت دھوَل کھوج کھوجائیا۔ نِگاہ مارنی اُپر عرش، عالیشان رہیا سمجھائیا۔ برہما وِشن تیرے نال ونڈن درد، دردی ہو کے ویکھ وکھائیا۔ اوتار پَیغمبر گُروُ گُردیو ویکھنی فرد، چار جُگ دا لیکھا پھول پھولائیا۔ صاحِب سُلطان نؤجوان مرد مردان سب دی آسا منسا پوُری کرنی پوُرب ویکھنی غرض، گرِہ مندر کھوج کھوجائیا۔ سَتجُگ تریتا دواپرکلجُگ ہون دیوے کوئے نہ حرج، ہرِ جوُ اپنا پڑدا لاہیِا۔ جوتی جوت سروُپ ہرِ، آپ اپنی کِرپا کر، ایکا دیوے دُھر دا ور، ہرِ کرتا نوُر اِلاہیِا۔ شنکر کہے پربھوُ میرے میرا کوَن ہووے لِباس، بِن تت تت وڈیائیا۔ کی کھیل ویکھاں پرِتھمی آکاش، گگن گگننتر کھوج کھوجائیا۔ کِس دوارے ہووے راس، کِس منڈل سوبھا پائیا۔ کوَن دوار ہووے جوت پرکاش، نِرگُن نوُر نوُر چمکائیا۔ وِشن برہما پوُری کرنی آس، بھیوَ ابھید اِک کُھلائیا۔ اوتار پَیغمبر گُروُ ہوون ساتھ، سگلا سنگ بنائیا۔ درگاہ ساچی سچ دوار نِرگُن دھار سرب کرن ارداس، بیننتی بِنَے اِک جنائیا۔ تُوں کرنی دا کرتا قُدرت دا مالک پرگٹ ہوویں آپ، آپ اپنا بھیوَ چُکائیا۔ سارے تیرا گاون جاپ، تُوں میرا میَں تیرا دوُجا راگ نہ کوئے الائیا۔ پُرکھ اکال کہے میَں کھیل وکھاواں بھیوَ کُھلاواں کلجُگ اندھیری رات، رَین بِھنڑی اِک سمجھائیا۔ جھگڑا رہے نہ شنکر تے کَیلاش، کلا کل اپنی اِک ورتائیا۔ میرا لیکھ لِکھیا نہیں قلم

دوات، شاستر سکے نہ کوئے جنائیا۔ اُس دا بھیوَ کھولاں بہُہ بھانت، باطن بھرم رہے نہ رائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، ہرِ کرتا وڈ وڈیائیا۔ پُرکھ اکال کہے شنکر گل ہووے باسک تشکا، تشک ملِے وڈیائیا۔ بِنا اکھّاں توں ویکھنا رستہ، رہبر اِکو دئے وکھائیا۔ مُکھ صِفت صالاحی آوے ہسدّا، ہستی تکّ بےپرواہیِا۔ ڈھولا گاؤن اِکو جس دا، دوُسر اوَر نہ کوئے پڑھائیا۔ نوُر تکنا اگمّی اکھّ دا، دوئے لوچن ڈیرہ ڈھاہیِا۔ سچ دوارا ویکھن وسدا، جِتھے نِرگُن نوُر جوت رُشنائیا۔ راگ سُننا شبد اگمّی ند دا، انحد نادی آپ وجائیا۔ جِتھے اِکو دیِپک ہووے جگدا، جاگرت جوت ڈگمگائیا۔ اوتھے لیکھا نہیں دھوُنیاں والی اگّ دا، خاک تن نہ کوئے رمائیا۔ میرا راہ تکنا سوُرے سربگ دا، شہنشاہ پڑدا دئے اُٹھائیا۔ تَینوُں کھیل وکھاؤنا لکھّ چؤراسی کلجُگ جگ دا، جگ جیِون داتا پڑدا لاہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، بھیوَ ابھیدا آپ کُھلائیا۔ شنکر پریم پریِتی وِچ جھُکایا سیِس، نمو نمو سرنائیا۔ میرے صاحِب صاحِب جگدیِش، جگدیِشر تیری بےپرواہیِا۔ تیرا کھیل بیِس اِکیس، ایکنکار تیری وڈیائیا۔ میرا جھگڑا مُکایا راگ چھتّیس، نؤ سؤ چُرانوے چؤکڑی جُگ دا ڈیرہ ڈھاہیِا۔ میرا انتم رہیا بیِت، تِھر رہن کوئے نہ پائیا۔ تُوں شاہ سُلطانا اِک اتیِت، ترےَگُن توں باہر سوبھا پائیا۔ اُچی کوُک ماری چیِک، نیتر نیَن نیِر وہائیا۔ کلجُگ انت سِری بھگوَنت تُدھ بِن کرے کوئے نہ حق تصدیِق، شہادت حق نہ کوئے بُھگتائیا۔ اوتار پَیغمبر گُر سارے کرن تیری اُڈیِک، سچکھنڈ بَیٹھے درگاہ ساچی سارے راہ تکائیا۔ مِہربان محبوُب لکھّ چؤراسی پرکھ نیِت، گھٹ گھٹ اندر پھول پھولائیا۔ جھگڑا پیا مندر مسیِت، کعبے رو رو مارن دھائیا۔ اٹھسٹھ پانی کرے کوئے نہ ٹھانڈا سیِت، گنگا گوداوری جمنا سُرستی اگنی اگّ نہ کوئے بُجھائیا۔ صدی چؤدھویں رہی بیِت، محمد ویکھے نیَن اُٹھائیا۔ حضرت عیسیٰ اپنی ویکھے لیِک، صدی بیِسویں نال گواہیِا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، سِر میرے ہتّھ رکھائیا۔ شنکر کِہا میرے شاہ پاتشاہ شہنشاہ، شاہ سُلطان تیری وڈیائیا۔ نمستے وِچ سیِس جھُکا، جُگ جُگ تیری سیو کمائیا۔ نؤ سؤ چُرانوے چؤکڑی جُگ پندھ مُکا، مُکمل اپنی کار کمائیا۔ ویلا وقت پہنچیا آ، آمد وِچ وجےّ ودھائیا۔ اوتار پَیغمبر گُروُ نیتر نیَن رہے اُٹھا، بِنا اکھّاں اکھّ کُھلائیا۔ کی کھیل کرے ہرِ کرتا آپ خُدا، خود مالک نوُر اِلاہیِا۔ جِس دے اُتوں سارے ہوئے فِدا، فَیصلہ حق دئے سُنائیا۔

سب دی قبوُل کرے دُعا، دو جہاناں ویکھ وکھائیا۔ کلجُگ وِچ سَتجُگ دیوے لا، مارگ اپنا اِک درسائیا۔ تُوں میرا میَں تیرا دسّ ناں، نِرگُن دھار اِک سمجھائیا۔ سرگُن پڑدا دیوے اُٹھا، بھانڈا بھرم بھؤ بھنّائیا۔ گُر اوتار پَیغمبر سارے منّن اِک رضا، سِر سکے نہ کوئے اُٹھائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، مِہربان مِہر نظر اُٹھائیا۔ پُرکھ اکال کہے شنکر انت رکھنا چاؤ گھنیرا، گھڑی پل نال وڈیائیا۔ کلجُگ چار کُنٹ تکنا اندھیرا، سچ نوُر نہ کوئے رُشنائیا۔ مانَو بنّھے کوئے نہ بیڑا، نئیِا شؤہ دریا پار نہ کوئے کرائیا۔ ورناں برناں پیا جھیڑا، شرع زنجِیر نہ کوئے کٹائیا۔ بھاگ لگّے کِسے نہ کھیڑا، کایا محل نہ کوئے رُشنائیا۔ سچ دھرم دا دِسے نہ کوئے ویہڑا، کوُڑی کِریا ہوئی ہلکائیا۔ پُرکھ اکال پروردِگار سانجھے یار نِرگُن دھار تیرا اگمّی پھیرا، پِھرت ویکھی جگت لوکائیا۔ ثابت رہیا کوئے نہ چیرا، مُریِد گئے مُکھ بھوائیا۔ اِکو اِک سُہا دے ویلا، وقت اپنے رنگ رنگائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، سچ سندیسہ اِک سُنائیا۔ شنکر آؤنا پَیر دبےّ، اپنی پِٹھ بدلائیا۔ حُکم سندیسے سُننے ہّبھے، ہمساجن دئے جنائیا۔ ایہہ وقت مِلدا کدے کدے، قدیِم دا مالک آپ سُنائیا۔ کلجُگ کوُڑی کِریا رہن نہیں دینے دغے، جگت فریب نہ کوئے وکھائیا۔ تیرے دوویں ہتّھ ہوون بدھےّ، ڈنڈاوت کرکے سیِس نِوائیا۔ تن موُل پاؤنے نہیں جھگّے، کپڑا ڈھائی گز وکھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ سندیسہ اِک سمجھائیا۔ شنکر آؤنا لوک مات، متا وِشن برہما پکائیا۔ ستاراں ہاڑ سُہنجنی رات، سمت شہنشاہی چھ وڈیائیا۔ پِٹھ اُتے بدھّی ہووے قلم دوات، جِس دا روُپ نہ کوئے درسائیا۔ نِمسکار کرنی نِیوں نِیوں اُس اگمّے ناتھ، جو تریَلوکی ناتھ دئے وڈیائیا۔ نام نِدھانا گاؤنا بن کے بھاٹ، تُوں میرا میَں تیرا راگ الائیا۔ پِچھلی پِچھے چھڈنی واٹ، اگلا حُکم سُننا چائیں چائنیا۔ کھیل کھیلے پُرکھ ابناش، ہرِ کرتا دُھردرگاہیِا۔ سب دی پُچھنہارا وات، واتاوَرن ویکھے خلق خُدائیا۔ جِس نے جھگڑا میٹنا ذات پات، دیِن دُنی دا پڑدا لاہیِا۔ پرگٹ ہونا ساکھیات، صاحِب سوامی بھیوَ نہ رائیا۔ تیرا لہنا دینا پوُرا کرنا بند خلاص، بندی توڑ ہوئے سہائیا۔ اَگے بدل دیوے سماج، سمگری اِکو اِک ورتائیا۔ دیِن دُنی دا بدل دیوے راج، رعیت ویکھے چائیں چائنیا۔ جِس دے چار جُگ مُحتاج، دوُر دُراڈے بَیٹھے اکھّ اُٹھائیا۔ اوہ صاحِب سُلطان مرد مردان نؤجوان شبد اگمّی مار آواز، سوئی سُرتی سب دی دئے اُٹھائیا۔ انتر نِرنتر رہے کوئے نہ ناراض، پردہ پردیاں وِچوں

چُکائیا۔ جھگڑا میٹے شرع نماز، وُضوُ رنگ نہ کوئے وکھائیا۔ شنکر دوئے جوڑ کے ہاتھ، واسطہ دینا پائیا۔ جوتی جوت سروُپ ہرِ، آپ اپنی کِرپا کر، سد اپنا حُکم ورتائیا۔ سچ اپنا حُکم ورتاواں گا۔ نِرگُن نوُر جوت چمکاواں گا۔ شبد اگمّی ناد وجاواں گا۔ سو پُرکھ نِرنجن کھیل وکھاواں گا۔ ہرِ پُرکھ نِرنجن پڑدا لاہوانگا۔ ایکنکار ویس وٹاواں گا۔ آد نِرنجن جوت چمکاواں گا۔ ابناشی کرتا ہو کے ویکھ وکھاواں گا۔ سِری بھگوان ڈنک وجاواں گا۔ پاربرہم پربھ اپنی دھار وکھاواں گا۔ وِشن برہما شِو سرب اُٹھاواں گا۔ اِند اِندراسن کروڑ تیتیسا نال ہِلاواں گا۔ گن گندھرب کِنر یشپ راگ سُناواں گا۔ اوتار تیئی بھیوَ کُھلاواں گا۔ حضرت عیسیٰ موُسیٰ محمد نال مِلاواں گا۔ نانک گوبِند جوت چمکاواں گا۔ کوٹن کوٹ برہمنڈ کھنڈ پھول پھولاواں گا۔ شبد شبد دی لا کے چوٹ، چوٹی چڑھ کے ویکھ وکھاواں گا۔ اِکو پُرکھ اکال دی دسّ کے اوٹ، اوڑک اِکو وِچ مِلاواں گا۔ کلجُگ کوُڑی کِریا رہے نہ کھوٹ، کھوٹے کھرے ویکھ وکھاواں گا۔ جنگل جوُہاں وِچ ویکھاں لنگوٹ، رِشیاں مُنیاں پھول پھولاواں گا۔ تیاگی وَیراگی سب دی ویکھاں سوچ، سماجی پڑدے آپ چُکاواں گا۔ جیہڑے بھگت سُہیلے پربھ نوُں رہے لوچ، تِنہاں نِج نیتر لوچن نیَن اکھّ کُھلاواں گا۔ جِس پربھوُ دی ماندے مؤج، مجلس تِنہاں وِچ رکھاواں گا۔ لکھّ چؤراسی وِچوں گُرمُکھ سنت سُہیلے چنگے تھوڑے بہُت، بہُہ گِنت نہ کوئے چِتراواں گا۔ جیہڑے ملِے پربھ دی جوت، جوت جوت وِچ سماواں گا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، نِہکلنک نرائن نر، مہاراج شیرسِنگھ وِشنوُں بھگوان، لیکھا جانے لوک پرلوک، دو جہان سِری بھگوان پروردِگار سانجھا یار ایکنکار کل اپنی اِک پرگٹاواں گا۔

۱۷ جیٹھ شہنشاہی سمت ۶ گیانی گُرمُکھ سِنگھ دے گرِہ پِنڈ بھلائی پُر ضِلع امرتسر

وشن برہما شِو کہن نِرگُن دھار جوت نِرنکاری، نِراکار نِروَیر تیری سرنائیا۔ جُگ چؤکڑی آد پُرکھ اپرمپر سوامی ویکھی تیری کھیل نیاری، شاہ پاتشاہ شہنشاہ تیری بےپرواہیِا۔ سرگُن سرگُن بنیا رہیا پُجاری، پوُجا تن وجوُد اِشٹ جنائیا۔ کھیل ہُندا رہیا پَیغمبر گُر اوتاری، سَتجُگ تریتا دواپرکلجُگ اپنی کھیل کھِلائیا۔ صاحِب سُلطان نؤجوان مرد مردان تیری کوئے نہ پاوے

ساری، صاحِب سُلطان پردہ پردے وِچوں نہ کوئے اُٹھائیا۔ اکھّر دھار تیرے صِفتاں والے بنے رہے پُجاری، شاستر سِمرت وید پُران گیِتا گیان اِنجیِل قرآن راگاں ناداں وِچ ڈھولے گائیا۔ نِرگُن جوت بِن ورن گوت، تیری سرن چرن کرے نہ کوئے نِمسکاری، پاہن پاتھر سِل پوُجس ویکھی جگت لوکائیا۔ پڑھ پڑھ رسنا جِہوا سارے رہے اُچاری، اُستت تیرا نام جنائیا۔ صاحِب سوامی انترجامی گھٹ نِواسی تیری منزل مِلی نہ اِک واری، ایکنکار تیری اوٹ نہ کوئے تکائیا۔ کلجُگ انت دو جہان سرِشٹ درِشٹ ہوئی دُکھیاری، سَت ستوادی برہم برہمادی سانتک سَت نہ کوئے کرائیا۔ چار کُنٹ دہ دِشا مانَو مانَو ہوئی خواری، خالص تیرا روُپ نہ کوئے درسائیا۔ من کلپنا وِچ دیِن دُنی ہنکاری، ذات پات دیِن مذہب کرے لڑائیا۔ تیرے نام دی جھگڑیاں والی لگّی اَکھاڑی، االلہ واہِگُروُ رام اوم ہری اوم تت سَت کرے لڑائیا۔ وِشن برہما شِو کہن ساڈی آشا کلجُگ انتم ویکھ ہاری، ہرِ ہرِجوُ سیِس نِوائیا۔ آتم برہم پاربرہم بِن تیرے کرے کوئے نہ داری، انتر نِرنتر میل نہ کوئے مِلائیا۔ تیرے پیار اندر آئی اِک وِچاری، وِچر کے دئیے سُنائیا۔ پُرکھ اکالے دیِن دَیالے نِرگُن نوُر جوت کر اُجیاری، پاربرہم پربھ اپنا کھیل کھِلائیا۔ جِس دی گُر اوتار پَیغمبر بھوِکھتاں وِچ کر کے گئے اِظہاری، راگاں ناداں وِچ دِرڑائیا۔ جِس دی سارے منّن تابعداری، سیِس جگدیِش نہ کوئے اُٹھائیا۔ سب دا لہنا دینا ویکھ پا ساری، مہاسارتھی اپنی کار کمائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، مِہر نظر اِک اُٹھائیا۔ پُرکھ اکال کہے وِشن شِو سُن برہم، برہماد دیاں جنائیا۔ آد جُگاد میرا اِکو دھرم، سَت سچ دی بان سمجھائیا۔ لکھّ چؤراسی میری دھار توں لئے جرم، آتم میرا نوُر اِلاہیِا۔ جگت کرنی بنا کے کرم، کانڈاں وِچ کھیل کھِلائیا۔ دیِن مذہب بنایا بھرم، ذاتاں وِچ کیِتی لڑائیا۔ جھگڑا پا کے ماٹی چرم، سرِشٹی درِشٹی دِتی بدلائیا۔ جو آئے میری سرن، سِر اپنا ہتّھ رکھائیا۔ ناتا توڑ کے جنم مرن، مر جیِوت روُپ سمجھائیا۔ مالک بن کے ترنی ترن، نِرگُن جوت وِچ سمائیا۔ اوہ منزل ساچی چڑھن، درگاہ ساچی سوبھا پائیا۔ جوتی جوت سروُپ ہرِ، آپ اپنی کِرپا کر، ایکا دیوے دُھر دا ور، سچ سندیسہ اِک سُنائیا۔ وِشن برہما شِو بِن سیِس جگدیِش جھُکے، سچکھنڈ سیِس نِوائیا۔ پُرکھ اکالے سب دے پَینڈے مکُے، انتم ویکھ تھاؤں تھائنیا۔ تیرا بھانا کدے نہ رُکے، نہ کوئے میٹے میٹ مِٹائیا۔ سرِشٹ سبائی کلجُگ انتم دُکھے، دردیِاں درد نہ کوئے ونڈائیا۔ جیو جہان ویکھ بُھکھے، آتم رس نہ کوئے چکھائیا۔ بھاگ لگّا کِسے نہ کُکھے،

بھگت جنمے کوئے نہ مائیا۔ مانَو ذاتی اُلٹ رُکھے، گیڑا گیڑا نہ کوئے پوائیا۔ بھاگ لگّے نہ کایا پنج تت بُتے، بُتخانے پئی دُہائیا۔ سانوُں اِیوں جاپدا گُروُ اوتار پَیغمبر پُرکھ اکال تیری جوت وِچ سُتے، دھرنی دھرت دھوَل دھؤل اُتے لَوے نہ کوئے انگڑائیا۔ اپنیاں مُریِداں سِکھاں شبد گودی کوئے نہ چُکے، پھڑ باہوں گلے نہ کوئے لگائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در ٹھانڈے منگ منگائیا۔ پُرکھ اکال کہے وِشن برہما شِو تُہاڈی سچ سُناں ارداس، بیننتی اپنی جھولی پائیا۔ میرا کھیل اگمّ تماش، جُگ چؤکڑی سمجھ کِسے نہ آئیا۔ کلجُگ انتم پاواں راس، نِرگُن نِرگُن گوپی کاہن نچائیا۔ ویلا وقت دسّنا خاص، تِھت وار دیاں دِرڑائیا۔ ستاراں ہاڑ سب نے بناؤنا ساتھ، سنگ اِکو اِک جنائیا۔ تُوں میرا میَں تیرا گاؤنی گاتھ، ڈھولا اگمّ اتھاہیِا۔ سوہنی سُہنجنی سُہاؤنی رات، رُتڑی اپنی اِک مہکائیا۔ شنکر پِٹھ تے بنّھ کے لِیانی قلم دوات، جو جگت نیتر نظر کِسے نہ آئیا۔ تَینوُں کھیل وکھاواں ساکھیات، بھیوَ ابھید آپ کُھلائیا۔ چار جُگ صِرف میرے نام دی ہُندی رہی ارداس، میرا درس کوئے نہ پائیا۔ اوتار پَیغمبر گُروُ گا کے گئے گاتھ، صِفتاں والے ڈھولے جگت سُنائیا۔ میَنوُں منّ کے گئے پُرکھ سمراتھ، سچکھنڈ دا واسی دُھردرگاہیِا۔ دیِن مذہب وِچوں میَں کِسے نہ آیا ہاتھ، سنمُکھ ہو نہ میل مِلائیا۔ جُگ جُگ جد کِرپا کیِتی جن بھگتاں دِتی دات، ذات پات نہ کوئے وڈیائیا۔ سَتجُگ تریتا دواپرکلجُگ میری چلدی آئی شاخ، شناخت اپنے ہتّھ رکھائیا۔ میرا کھیل پرِتھمی آکاش، گگن گگننتر اپنی کار کمائیا۔ تُساں تِنّاں بِنا ہتّھاں توں جوڑے ہاتھ، نمو نمو سیِس جھُکائیا۔ برہما تیری وِدیا ہووے پاس، چارے وید نہ کوئے چتُرائیا۔ وِشنوُں تیرا دھرم دی دھار بھنڈارا ہووے خاص، خالص اپنی کار کمائیا۔ تِنّاں نے میرا نام گاؤنا بن کے بھاٹ، بِن راگاں راگ الائیا۔ منزل مار کے آؤنا واٹ، بھگت دوار پہنچنا چائیں چائنیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، سِر اپنا ہتّھ رکھائیا۔ شنکر کہے میرے پربھوُ پربھ ناتھ، اناتھاں ہوئیں سہائیا۔ جے شبد اگمّی دِتا آکھ، آخر سیِس جھُکائیا۔ تیرے چرن کوَل نِرگُن دھار جوڑیئے نات، ناتا اِکو نال جُڑائیا۔ ساڈی سب دی پُچھیں وات، واسطہ تیرے اَگے پائیا۔ تُوں صاحِب سوامی کملاپات، پت پرمیشور تیری بےپرواہیِا۔ اساں بھگت دوار آ کے جن بھگتاں لئی منگنی دات، خالی جھولی اپنی ڈاہیِا۔ غریِب نِمانیاں پُچھے وات، مِہربان مِہر نظر اُٹھائیا۔ دھرم دی دھار چلا ساچ، سچ دی کرنی کار کمائیا۔ پرکاش کر کایا ماٹی کاچ، کنچن

گڑھ دے وڈیائیا۔ تیرا کھیل الکھّنا الاکھ، الکھ اگوچر تیری بےپرواہیِا۔ اساں تِنّاں سچکھنڈ دواریوں تیری چرن دھوُڑ دا لےَ کے آؤنا پرساد، تیری کِرپا کِرپا نال رکھائیا۔ تُوں مالک خالق آد دا آد، انت تیری وڈ وڈیائیا۔ اسیں چاہُندے تُوں جن بھگتاں بنا یاد، اپنا رنگ رنگائیا۔ تیریاں گُرمُکھاں کھیڑا رہے آباد، لوک مات اُجڑ نہ جائیا۔ اندر وڑ کے کھول جاگ، جاگرت جوت جوت رُشنائیا۔ چار جُگ تَینوُں لبھدے رہے سنت سادھ، ہُن بھگتاں پرگٹ ہو کے اپنا درس دِکھائیا۔ سَتجُگ تیرا ویکھنا چاہُندے بغیچہ باغ، پُھل پُھلواڑی اگمّ مہکائیا۔ جِدھر جائیے اودھر تیرے نام دا وجےّ ناد، دوُجی اوَر نہ کوئے پڑھائیا۔ کلجُگ کوُڑی کِریا کر برباد، بے پرواہ حُکم سُنائیا۔ سَتجُگ ساچا کر آباد، گُرمُکھ ساچے وِچ ٹِکائیا۔ ہر ہِردے اندر ہو وِسماد، بِسمِل اپنی کار کمائیا۔ جھگڑا مُکا دے عِشق حقیِقی تے مِجاز، مِسل اپنی اِک سمجھائیا۔ جِس نوُں سمجھے بُدھی عقل نہ کوئے دِماغ، انبھو اپنی کار کمائیا۔ گرِہ گرِہ دیِپک جوت جگا چراغ، کایا چراگاہاں اندر ہوئے رُشنائیا۔ ہرِجن ہنس بنا کاگ، دُرمت میَل دھوائیا۔ کِسے دا رہے نہ سوال جواب، دُھر فرمانا اِک سُنائیا۔ تیرے دواریوں سب نوُں ہووے لابھ، گُر اوتار پَیغمبر بَیٹھن سیِس نِوائیا۔ جیہڑا امرت جھِرنا جھِردا دسّ کے آئے کَول نابھ، سو بوُند سوانتی مِہر نظر نال پیائیا۔ جیہڑا نوُر دسدے آئے سوُریہ چاند، کایا انتر کرے رُشنائیا۔ سو پڑدا لاہ دے جن بھگتاں بندھناں توں کر آزاد، سَت سروُپ اپنا درس دکھائیا۔ راتی سُتیاں دِنے جاگدیاں سَتگُر شبد ہو کے مار آواز، تتاں والے گُروُ دا جھگڑا دے مُکائیا۔ پُرکھ اکالے نوَیں ساجنا ساج، اوتار پَیغمبر گُروُ جِس دی بھوِکھتاں وِچ دے کے گئے گواہیِا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، دُھر فرمانا اِک سُنائیا۔ وِشن برہما شِو سُنو شبد ترےَگُن اتیِت، ترےَبھوَن آپ جنائیا۔ آد جُگادی دُھر دی ریِت، نِت نوِت کھیل وکھائیا۔ جُگ چؤکڑی کھیل کھیلیا ٹھاکر دوارا مندر مسیِت، شِودوالے مٹھ گُردواریاں ونڈ ونڈائیا۔ انت لیکھا سب دا تُساں کرنا تصدیِق، شہادت وکھّ وکھّ بُھگتائیا۔ سچ دوارے کوَن ہویا وسنیِک، وسنہار کوَن ہو جائیا۔ گُر اوتار پَیغمبر کی رکھن اُمیِد، آسا کی جنائیا۔ کِس دی صِفت کیِتی توحیِد، بھیوَ ابھید کُھلائیا۔ وِشن برہما شِو کہن پربھوُ اسیں سارے تیرے عزیز، نِیوں نِیوں سیِس جھُکائیا۔ بِنا تیرے نام کلمے توں کِسے نہ آئی تمیِز، سَت سچ نہ کوئے بنائیا۔ پر سانوُں جُگ چؤکڑی پِچھوں ایہو آئی ریِجھ، جو نِیوں کے دئیے دِرڑائیا۔ اؤہ ویکھ بھوِکھتاں تیری صدی

چؤدھویں رہی بیِت، بیِسویں اپنا پندھ مُکائیا۔ دو جہان تیرے نام دا اِکو گاوے گیِت، دوُجا نام نہ صِفت صالاحیِا۔ اِکو کلمہ ہووے حدیِث، اِکو تیری حق پڑھائیا۔ تِنّاں رو کے ماری چیِک، کوُک کوُک دِتا سُنائیا۔ بہُڑی تیری سارے کرن اُڈیِک، چار جُگ دے شاستر دین گواہیِا۔ کلجُگ اندھیرا بدل دے تاریِک، تریِک اپنی دے سمجھائیا۔ لکھّ چؤراسی بدل دے نیِت، نیِتیوان پھیرا پائیا۔ تیرے در تے منگدے بھیِکھ، بِھکھک ہو کے جھولی ڈھاہیِا۔ چرن کوَل تیرے سیِس، جگدیِش اِک ٹِکائیا۔ لیکھا ویکھ بیِس اِکیِس، گوبِند دھار دھار درسائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، سِر اپنا ہتّھ رکھائیا۔ پُرکھ اکال کہے وِشن برہما شِو رکھنا یاد، نؤ سؤ چُرانوے چؤکڑی جُگ پِچھوں سمجھائیا۔ سچ دا مارگ کراں آباد، دھرنی دھرت دھوَل دھؤل دیاں وڈیائیا۔ گُرمُکھاں دی گُرمُکھ سِنگھ نال بناواں مُنیاد، مُنیادی اپنا نام کرائیا۔ تِنّ اَسوُ نوَیں سازنا ساز، سچ سچ دا کھیل وکھائیا۔ نؤ گُرمُکھ لگا کے راج، راجن راج حُکم ورتائیا۔ پندراں پندراں اپنی دھار لادھ، پردہ پردیاں وِچوں چُکائیا۔ نِرگُن دھار ہو وِسماد، ویکھاں چاروں کُنٹ تھاؤں تھائنیا۔ پھیر حُکم سُناواں جِس نے بدل دینا سماج، سماں سمیں وِچوں پرگٹائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، سد اپنا حُکم سُنائیا۔ گُرمُکھ دوارا پندراں پندراں وند، اِک پنج سمجھائیا۔ ہرِ سنگت تُوں میرا میَں تیرا گا کے چھند، خوشی خوشی لیَنی منائیا۔ آتم دھار پریم پیار سوہے پلنگ، سیج سُہنجنی اِک چتُرائیا۔ اندر نِشان بناؤنا تارا چند، لہِندی دِشا ویکھ وکھائیا۔ اگلا کھیل سوُرا سربنگ، سماں سمیں نال دِرڑائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، دُھر فرمانا اِک سُنائیا۔ وِشن برہما شِو جن بھگتاں بھگت دوار سُہاؤنا، دیوے مان وڈیائیا۔ رَوداس چمارا گُرمُکھ رنگ رنگاؤنا، سِنگھ سِنگھ وجےّ ودھائیا۔ دوُجا حُکم حُکم پھیر سمجھاؤنا، سمجھ سمجھ وِچوں بدلائیا۔ سچ دا مارگ سَتجُگ اِک رکھاؤنا، سَت سَت نال کُڑمائیا۔ برہم برہم دا پڑدا لاہُنا، برہم مت اِک اُپجائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ اپنی کار کمائیا۔ گُرمُکھ سِنگھ نوُں دے کے داد، شبد شبد نال وڈیائیا۔ پھیر بناؤنی بھگت دوارے سچ سمادھ، جوگِندر ترِپت جِس وِچ جان سمائیا۔ پُرکھ اکال دیِن دَیال نِرگُن دھار رکھنی لاج، سرگُن اپنی کار کمائیا۔ جِتھے لیکھا مُکنا کلجُگ لوُلھے لنگڑے اپاج، بلہیِن ویکھ وکھائیا۔ جوتی جوت سروُپ ہرِ، آپ اپنی کِرپا کر،

دیونہارا دُھر دا ور، دُھر دی کرنی کار کمائیا۔ شنکر کہے میَں قلم دوات لِیانی، تِھت ستاراں ہاڑ سمجھائیا۔ کی صاحِب کھیل کھِلاؤنی، نِرگُن نِروَیر دے دِرڑائیا۔ پُرکھ اکال کِہا میَں نَویِں لِکھت لِکھاؤنی، جِس نوُں گُر اوتار پَیغمبر سمجھ سکیا کوئے نہ رائیا۔ نَویِں نَویِں دھار پرگٹاؤنی، وِشن برہما شِو سب نے نِیوں نِیوں لگّنا پائنیا۔ اِکّی دھاماں ونڈ ونڈاؤنی، جِنہاں سَتجُگ سچ سچ کرنی رُشنائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، دُھر فرمانا اِک سُنائیا۔ شنکر تیری قلم دوات بھری ہووے نال سیاہی، سیاہ روُپ نہ کوئے درسائیا۔ قلم بناؤنی جیہڑا گوبِند بوُٹا پُٹیا کاہی، کائنات نات وِچوں پرگٹائیا۔ لہنا دینا پوُرا کرنا جو ماچھوُواڑے صِفت صلاحی، مہما کتھ کتھ سُنائیا۔ جو سندیسہ دِتا پاندھی راہی، رہبر ہو کے آپ دِرڑائیا۔ پُرکھ اکالا بن کے دُھر دا ماہی، محبوُب ہو کے مُحبّت وِچ اپنی کار کمائیا۔ جن بھگتاں لکھّ چؤراسی جم دی پھاسی کٹے پھاہی، رائے دھرم نہ دئے سزائیا۔ لیکھا لِکھنا اِکو وار دوُجی لوڑ رہے نہ رائی، رحمت اپنی آپ کمائیا۔ جن بھگت سُہیلے پار اُتارے پھڑ کے بانہیں، بَل اپنا اِک وکھائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، دُھر سندیسہ اِک سمجھائیا۔ شنکر کِہا میری قلم دوات کی ہووے وڈّی نِکی، صاحِب دے سمجھائیا۔ پُرکھ اکال کِہا سرگُن دھار نِرگُن دوُآ ایکا بن کے ہووے اِکّی، اِکو وار جنائیا۔ جِہدی دھار نوک ہووے تِکھی، اَگے ہو نہ کوئے اٹکائیا۔ پُرکھ اکال سَتجُگ سچ دھرم دی تیرے نال لِکھ کے بناؤنی سِکھی، سِکھ سَتگُر روُپ سمائیا۔ نال لِیانی گوبِند والی اوہ چِٹھی، جِس دا اکھّر نظر کوئے نہ آئیا۔ جِس وِچ لکھّ چؤراسی اِکو روُپ دسّیا ہاہے اُتے ٹِپی، دوُجا نظر کوئے نہ آئیا۔ جِس نوُں ویکھ کے کلجُگ دی دھار آسا پِٹی، رو رو رو کُرلائیا۔ اَگے نوُں کھہڑا چُھٹنا دیِن دُنی دا پتّھر اِٹیں، کاغذاں سیِس نہ کوئے نِوائیا۔ سَتجُگ دی دھار ستاراں ہاڑ دی ہونی مِتی، مِتر پیارا دئے سمجھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا مالک دَیا کمائیا۔ شنکر کہے دوات آونی ہووے کہ بھری، میرا بھرم دینا چُکائیا۔ پُرکھ اکال کِہا اِس گلّ توں موُل نہ ڈریں، ڈر تیرا دیاں چُکائیا۔ تُوں چرن کوَل نِگاہ کریں، نیتر نیَن نیِر وہائیا۔ امرت دھار وہے سری، سرووراں لیکھا دے مُکائیا۔ ایہہ کھیل نرائن نر ہری، ہرِ کرتا آپ کرائیا۔ جِس دی دھار کدے نہ مری، نِرگُن نوُر جوت رُشنائیا۔ اُس دی سرنی سچ دوار پریِں، دھوُڑی چرن خاک رمائیا۔ دیِن دَیالا اِکو وریں، ور داتا اگمّ اتھاہیِا۔ تیری کھیل ہووے کھری،

خَیرخواہی وِچ سمجھائیا۔ شنکرا تَینوُں کرکے بری، تیرا لیکھا دئے مُکائیا۔ اَگے سَتجُگ دھار نوَیں اُٹھاوے کھڑی، کھڑگ کھنڈے دی لوڑ رہے نہ رائیا۔ میری اِکو تُک لیَنی پڑھی، تُوں میرا میَں تیرا سوہنگ ڈھولا اگمّ اتھاہیِا۔ پھیر انت اَخیِری منزل چڑھیں، چڑھ کے مِلنا نوُر اِلاہیِا۔ تیری پِچھلی سیوا بڑی، اَگے توں لیکھا دے بدلائیا۔ خوشیاں وِچ نِمسکار کریں، کرتے اَگے سیِس جھُکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، دیِن دُنی دا لیکھا کلجُگ انتم رہن نہ دیوے شریعی، دیِن مذہب ذات پات اوُچ نیِچ دا جھگڑا دئے چُکائیا۔

۱۸ جیٹھ شہنشاہی سمت ۶ اودھم سِنگھ دے گرِہ پِنڈ جلالاباد

وِشنوُں کہے وِشوَ دھار دا ہووے میرا بانا، بانی کھانی توں باہر دیاں دِرڑائیا۔ درشن کراں پُرکھ اکال دُھر دے رانا، دو جہاناں رعیت ویکھاں تھائیں تھائنیا۔ نام نِدھان اگمّ بِن رسنا گاواں گانا، نِرگُن نِرگُن صِفت صالاحیِا۔ سچ سندیسہ دیواں دھرم دھار مہانا، مہما اکتھ کتھ سُنائیا۔ جُگ چؤکڑی توں وکھّرا پُرکھ اکال پہریا بانا، نِرگُن نوُر جوت رُشنائیا۔ جِس بھگتاں دا لیکھے لاؤنا اِک اِک دانہ، داتا دانی دَیا کمائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک سُنائیا۔ وِشنوُں کہے میرا ہووے دھرم دی دھار لِباس، جگ نیتر نظر نہ آئیا۔ پُرکھ اکال دئے شاباش، سِر میرے ہتّھ ٹِکائیا۔ میَں سچ سندیسہ دیواں آکھ، بِن اکھّراں اکھّر دِرڑائیا۔ ویکھو کھیل پربھوُ تماش، شِو برہما دھیان لگائیا۔ نِرگُن نوُر نوُر پرکاش، جوتی جاتا ڈگمگائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی کرنی کار کمائیا۔ وِشنوُں کہے میرا کھیل ہونا الکھّنی، الکھ اگوچر دئے وڈیائیا۔ میری دھار چلنی دکھّن پچھّمی، پسچاتاپ وِچ دُہائیا۔ کلجُگ کوُڑی کِریا کرنی سکھّنی، سخاوت پربھ دا نام درسائیا۔ دیِن دُنی دھار مچّنی، اگنی اگّ اگّ لگائیا۔ اوتار پَیغمبر گُروُ پت رکھنی، ویکھنہار تھاؤں تھائنیا۔ لیکھا جان یتھارتھ یتھنی، یدی اپنا کھیل کھِلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک سُنائیا۔ وِشنوُں کہے میرا ہووے سَت سروُپ، سَت سَت وِچ سمائیا۔ مہما پربھ دسّاں انوُپ، بھیوَ ابھید کُھلائیا۔ پِھر کے چارے کوُٹ، دہ

دِشا ویکھ وکھائیا۔ پربھ چرن چرن دوار بن اودھوُت، دوُتی ہو کے کار کمائیا۔ سَت سچ دا سمجھ سَت سپوُت، پِتا پوُت کھیل کھِلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی کرنی کار کمائیا۔ وِشنوُں کہے لکھّ چؤراسی دھار میری چولی، چیلا پربھ دا رنگ رنگائیا۔ اگمّ اگمّڑی بول بولی، انبولت راگ سُنائیا۔ نِرگُن دھار رُتڑی ہووے مؤلی، سرگُن سرگُن وجےّ ودھائیا۔ کھیل ویکھنا اُپر دھؤلی، دھرنی دھرت دھوَل چتُرائیا۔ نوَ ستّ پاوے رؤلی، نوَ نؤ چار دئے دُہائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ اپنا حُکم ورتائیا۔ وِشنوُں کہے وِشوَ دھار ہووے پرکاش، وِشیش وِشن دئے جنائیا۔ پار کر کر آکاش، دھوَل دھؤل دھرم دھار بنائیا۔ جُگ جُگ دی پوُری کر آس، آس آسا وِچ سمائیا۔ سیوک سیوادار بن داس، داسی داس روُپ سمجھائیا۔ اِک اِک دی پرگٹ کر ذات، ذات اذاتی ڈیرہ ڈھاہیِا۔ منزل منزل دسّ گھاٹ، گھاٹی پِچھلی رہے نہ رائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا میلا لئے مِلائیا۔ وِشنوُں کہے شنکر ستاراں ہاڑ آؤنا، ہسّ ہسّ دیاں جنائیا۔ پوُرب لیکھ سرب چُکاؤنا، چوکنّا ہو کے دھیان لگائیا۔ دیِن دَیال حُکم سُناؤنا، نہ کوئے میٹے میٹ مِٹائیا۔ شاہو بھوُپ کھیل کھِلاؤنا، شہنشاہ اپنی کار کمائیا۔ پَیغمبراں سنگ رکھاؤنا، موُسیٰ عیسیٰ محمد نال وڈیائیا۔ صدی چؤدھویں واسطہ پاؤنا، نِیوں نِیوں سیِس نِوائیا۔ پُرکھ اکال جے میرا وقت مُکاؤنا، انتم انت دینا کرائیا۔ دھرم دھار دی گولی لچھمی روُپ درساؤنا، جگت بستراں نال سُہائیا۔ نکّ کالا نِشان لگاؤنا، کلجُگ دی ریِتی دینی مِٹائیا۔ ہتّھ سنکھ اِک پھڑاؤنا، وڈّی چھوٹی نہ کوئے لمبائیا۔ مستک لال رنگ رنگاؤنا، دوُجا رنگ نہ کوئے چڑھائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، دھرم دی دھار اِک درسائیا۔ وِشنوُں کہے اُٹھ برہما کھول مُکھڑے چار، کال انت لئے انگڑائیا۔ ویکھ پَیغمبر گُر اوتار، نیتر اکھّ کُھلائیا۔ شاستر سِمرت وید کر وِچار، جو چارے آیا الائیا۔ سچ دِسے نہ کوئے دیِوار، چاروں کُنٹ اندھیرا چھائیا۔ نِگاہ مار وِچ سنسار، پردہ پردے وِچوں اُٹھائیا۔ جِدھر تکے دھوُاں دھار، نِرگُن نوُر نہ کوئے رُشنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک سُنائیا۔ برہما کہے وِشنوُں میَں برہمویتا، برہم برہم میرا روُپ درسائیا۔ میرا اِک دا اِک نیتا، بِن نیتر نوُر رُشنائیا۔ جِس دے نال جُگ چؤکڑی ہیتا، جوتی جوت مِل مِل وجےّ ودھائیا۔ اوہ وسے سچکھنڈ

ساچے دیسا، درگاہ ساچی سوبھا پائیا۔ جھٹ شنکر اُٹھ کے بولیا برہما تیرا میرا پوُرا ہو گیا ٹھیکا، لیکھا انت رہیا نہ رائیا۔ اَگے پاربرہم پت پرمیشور اپنا شبدی دھار بنا کے بیٹا، دُھر سندیسہ اِک سُنائیا۔ بھگت سُہیلا جو دُھر سِنگھاسن لیٹا، سُتیاں لئے اُٹھائیا۔ کُچھ یاد کر لےَ نوَ نؤ چار دا چیتا، چیتن ہو کے ویکھ وکھائیا۔ جُگ چؤکڑی بدلی کرنا جِس دا پیشہ، پیشتر سب نوُں رہیا دِرڑائیا۔ جو آد انت رہے ہمیشہ، جیِون مرن وِچ نہ آئیا۔ اُس نے ساڈا سب دا پوُرا کرنا لیکھا، لِکھیا لیکھ نہ کوئے مِٹائیا۔ اُٹھ ویکھ اوہ گوبِند دھار دھاری کیسا، کیسوَ اپنا کھیل کھِلائیا۔ جِس نوُں کہندے دس دسمیشا، اوہ دسم دی دھار نوُر درسائیا۔ کلجُگ انتم کر کے ویسا، ویسوا ویکھے جگت لوکائیا۔ کھیلے کھیل دو جہان دیس بدیسا، برہمنڈ کھنڈ پُری لوء آکاش پاتال گگن گگننتر اپنی کار کمائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، آد انت دا مالک ایکا، ایکنکار اِک اکھوائیا۔

۲۳ جیٹھ شہنشاہی سمت ۶ ہرِ بھگت دوار جیٹھوُوال

وِشنوُں کہے میرے نِرنکارا، نر نِرنکار تیری سرنائیا۔ سچکھنڈ نِواسی ایکنکارا، اکل کل دھاری تیری بےپرواہیِا۔ جوتی دھار کراں نِمسکارا، بِن سیِس سیِس جھُکائیا۔ کل کلکی تیرا اوتارا، جُگ چؤتھے وجےّ ودھائیا۔ تیرا سوہے اِکو اِک بنک دوارا، دوار بنک وجےّ ودھائیا۔ تیری چرن دھوُڑ میرا بھنڈارا، پت پرمیشور تیری اِک سرنائیا۔ کلجُگ انت بن ورتارا، سِری بھگوَنت دیاں ورتائیا۔ تیرے بھگتاں کر پیارا، پریِتم پریمی ویکھ وکھائیا۔ جیہڑے دِوس رَین کردے کارا، کرنی کرتے کار کمائیا۔ نِیوں نِیوں نمو نمو کراں نِمسکارا، نیتر ویکھاں چائیں چائنیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در تیرے منگ منگائیا۔ وِشنوُں کہے پربھوُ سَت پریم دی چاڑھ دے رنگت، رنگن اِک رنگائیا۔ در بِھکھاری بَیٹھا منگت، درویش سیِس نِوائیا۔ نِگاہ ماری جیرج انڈج، اُتبُھج سیتج پھول پھولائیا۔ مانَو ذاتی مِلیا کوئے نہ پنڈت، بُدھی توں پرے کرے نہ کوئے پڑھائیا۔ نوَ نوَ چار گڑھ توڑ ہؤمے ہنگت، ہنگ برہم نہ کوئے درسائیا۔ در تیرے میری مِنّت، دھوُڑی خاک خاک رمائیا۔ تیرے بھگتاں جنم جنم دی

رہے کوئے نہ چِنت، کرم کرم دا لیکھا دینا مُکائیا۔ سَت سچ دی دینی ہِمّت، حوصلہ اِکو اِک ودھائیا۔ من کرے کوئے نہ عِلّت، سُرتی شبد وِچ سمائیا۔ صدی چؤدھویں خواری ہووے کوئے نہ ذِلّت، سِر اپنا ہتّھ ٹِکائیا۔ جِس دواریوں بھگت بھگوان کھاوے نِمک، دُھر دی گنڈھ پوائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، تُدھ بِن دوُجا نظر کوئے نہ آئیا۔ پُرکھ اکال کہے سُن وِشنوُں وِشوَ دھار، وِشن دیاں جنائیا۔ میرا نوُر ظہوُر اپار، اپرمپر سوامی آپ دِرڑائیا۔ جوتی دھار چؤویاں اوتار، شبدی دھار ڈنک شنوائیا۔ جِس دی مہما کاغذ قلم نہ لِکھنہار، صِفتاں وِچ نہ صِفت صالاحیِا۔ سو کھیل کرے اگمّ اپار، الکھ اگوچر اپنی کار کمائیا۔ جن بھگت سُہیلے لئے اُٹھال، نِرگُن نوُر جوت کر رُشنائیا۔ سمبل بہہ کے پاوے سار، سِر اپنا ہتّھ ٹِکائیا۔ اُٹھ ویکھ کر وِچار، پردہ پردے وِچوں ہٹائیا۔ بھگت سُہیلے سیوادار، جو سچ دوارے سیو کمائیا۔ دِوس رَین کردے کار، کِرتی کِرت کمائیا۔ خادم ہو کے خِدمتگار، خالص اپنا روُپ درسائیا۔ تِنہاں لیکھا لِکھاں اپنی دھار، دوُسر اوَر نہ کوئے جنائیا۔ نام پیالہ دیواں پیال، نِجھر جھِرنا اِک جھِرائیا۔ گُرمُکھ بنا کے دُھر دے لال، لالن اپنے گرِہ وسائیا۔ انت پوہ نہ سکے کال، مہاکال نہ کوئے چتُرائیا۔ چِترگُپت لیکھ نہ سکے وکھال، رائے دھرم نہ دئے سزائیا۔ کِرپا کراں ہو کے دیِن دَیال، ناتھ اناتھاں ویکھ وکھائیا۔ کلجُگ انت اولّڑی چال، نِرالی اِک وکھائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، دُھر سندیسہ اِک سُنائیا۔ پُرکھ اکال کہے وِشنوُں سُن لےَ حُکم یّکا، یک دیاں دِرڑائیا۔ میرا بھگتاں نال ناتا پکاّ، جو جگت پکوان سیو کمائیا۔ انت کنت نہ دیوے دھکاّ، درگاہ سچ ملِے وڈیائیا۔ نام بھنڈارا دے کے رتا، رتن امولک ہیِرے لئے اُپجائیا۔ چرن دھوُڑی دا جھولی پا کے پھکاّ، پھک کلجُگ کوُڑی کِریا دئے وکھائیا۔ جنم کرم دا لہنا دینا کرکے رفع، رفاقت اپنے نال رلائیا۔ سچ دوارے سَت دھار دی شفا، صاحِب سُلطان وکھائیا۔ پریم پیار دا دے کے دو جہاناں نالوں نفع، نُقصان جیِون رہے نہ رائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، ہرِ وڈّا وڈ وڈیائیا۔ وِشنوُں کہے میَں بھگت سُہیلے ویکھاں اکھّیں، بِن نیتر لوچن نیَن نیَن نیَن اُٹھائیا۔ جِنہاں دی صاحِب سُلطان پہلوں پت رکھی، رکھک ہووے تھاؤں تھائنیا۔ انتر دے پریم دی رتی، رتّ کوُڑی دِتی سُکائیا۔ سَت دھرم بنا کے سکھی، کاہن بنسری نام جنائیا۔ وست امولک دے انچکھّی، بِن رسنا رس سمجھائیا۔ نِرگُن جوت جگا کے بتّی، اندھ اندھیر

کرے رُشنائیا۔ آتم پرماتم میل مِلا کے کملاپتی، پت رکھے تھاؤں تھائنیا۔ جِنہاں سیو کمائی پریم پریِتی وِچ ہتھّیں، اوہناں ہتھیلی اُتے ٹِکائیا۔ منزل جگت جہان دی ٹپّی، ٹاپوُآں وِچوں باہر کڈھائیا۔ منزل ملِے حقیِقت حقی، ہرِ کرتا آپ دوائیا۔ جن بھگت سُہیلا رہے کوئے نہ شکّی، شہنشاہ اپنا رنگ رنگائیا۔ کلجُگ انتم سرِشٹی جائے متھی، گُرمُکھ گُر گُر لئے ترائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، نِہکلنک نرائن نر، مہاراج شیرسِنگھ وِشنوُں بھگوان، جوت شبد دی دھار کھیل سچّی، سَت سچ وِچ سمجھائیا۔