کتب خانہGranth 22 (Shahmukhi)

۱۸ ہاڑ شہنشاہی سمت ۶ ہرِ بھگت دوار جیٹھوُوال سویرے ویاہاں دے سمیں

اوتار پَیغمبر گُر کہن سُہاگ رات ہوئی سُہنجنی، پربھ دِتی مان وڈیائیا۔ ساڈا نیتر تکّ کے اَنجنی، نیَن نیَن مِلائیا۔ چرن دھوُڑی دے کے مجنی، دیِن مذہب دی میَل دِتی لاہیِا۔ نِرگُن دھار دسّ نِرنجنی، نِراکار لیا مِلائیا۔ سَت دوار دا بن کے سجّنی، سجّن رنگ وکھائیا۔ جھگڑا مُکا کے بدنی، جوتی جوت سروُپ ہرِ، آپ اپنی کِرپا کر، سد اپنی کار بُھگتائیا۔ گُر اوتار پَیغمبر کہن مِلیا پربھ ابناشی کنت، رَین وجدی رہی ودھائیا۔ اسیں مہما کردے رہے اگنت، صِفتاں وِچ صالاحیِا۔ نظارہ تکدے رہے بےانت، بے پرواہ اپنی کار کمائیا۔ جِس مات بنائے بھگت سنت، گُرمُکھ گود اُٹھائیا۔ دیوے نام نِدھانا منت، سوہنگ ڈھولا کرے پڑھائیا۔ جوتی جوت سروُپ ہرِ، آپ اپنی کِرپا کر، مِہر نظر نال ترائیا۔ گُر اوتار پَیغمبر کہن ہاڑ ستاراں رَین ہوئی سُہاوی، سوہنا روُپ درسائیا۔ لیکھے لگّی سب دی لاوی، چؤتھا جُگ پوُر کرائیا۔ ساڈی دھار کوجھی کملی باوی، بوری لئی پرنائیا۔ اپنے نال کرکے ساویں، ساچی سیجے لئی ٹِکائیا۔ حُکم سندیسہ دِتا نار سُہاگن ایکا کنت راویں، دوُسر اکھّ نہ کوئے اُٹھائیا۔ پِھر چُکے اپنی باہویں،

بُھجاں اُتے ٹِکائیا۔ جوتی جوت سروُپ ہرِ، آپ اپنی کِرپا کر، سد اپنا راگ سُنائیا۔ اوتار پَیغمبر گُر کہن ساڈے سگن لگایا بُل، پہلی رَین خوشی منائیا۔ اِکو مالک سمجھنا کُل، کُل مالک اِک اکھوائیا۔ پِچھلی ریِتی جانی بُھل، ابُھل دِتا دِرڑائیا۔ پریم پریِتی سیج تے سُٹے پُھل، پھوُلن سیجا اُتے لِٹائیا۔ پھیر مُحبّت وِچ گیا بُھل، روُپ رنگ نہ کوئے وکھائیا۔ جوتی جوت سروُپ ہرِ، آپ اپنی کِرپا کر، مِہربان مِہر نظر اُٹھائیا۔ گُر اوتار پَیغمبر کہن سیجے سُتا پُرکھ ابناشی، انگیکار آپ کرائیا۔ پریم پیار دی دسّ کے راسی، منڈلاں اُپر کھیل کھِلائیا۔ چار جُگ دی پوُری کر کے آسی، آسا اپنی نال مِلائیا۔ دیِناں مذہباں وِچوں ہوئی بند خلاصی، بندی چھوڑ دَیا کمائیا۔ جھگڑا میٹ کے جگت سواسی، رسنا نالوں کیِتی جُدائیا۔ اِکو نوُر جوت پرکاشی، کنت سُہاگی سوبھا پائیا۔ جوتی جوت سروُپ ہرِ، آپ اپنی کِرپا کر، مِہربان ہویا سہائیا۔ گُر اوتار پَیغمبر کہن تِنّ وار بدلی رات کروٹ، پتی پتونت کار کمائیا۔ اسیں انگڑائی لئی جھٹ پٹ، پٹنے والا دِتا ہِلائیا۔ اُٹھو ویکھو وسیا گھٹ گھٹ، گھر گھر ڈیرہ لائیا۔ جِس دا نام رہے رٹ، رٹّا جگت رہیا مُکائیا۔ دیِن مذہب دی ڈوری دِتی کٹ، کٹاکش اپنا نام وکھائیا۔ مارگ دسّ کے اِک سچ، ساچی منزل اِک چڑھائیا۔ جھگڑا میٹ کے ماٹی کچّ، ساڈی جوت دھار لئی پرنائیا۔ ساڈے اندر گیا رچ، لوُں لوُں وِچ سمائیا۔ اَگے وِچھوڑے وِچ نہ سکیئے بچ، بچپن ایسے دی جھولی پائیا۔ اِکو خاوَند منّنا حق، پابند ہو کے سیِس نِوائیا۔ جوتی جوت سروُپ ہرِ، آپ اپنی کِرپا کر، سد اپنا رنگ وکھائیا۔ اوتار پَیغمبر گُر کہن سانوُں لایا نال چھاتی، چھتردھاری دَیا کمائیا۔ سیِتل ہو گئے مِل کے کملاپاتی، پتِ پرمیشور اپنی گود اُٹھائیا۔ چرن چرنودک دِتا بوُند سواتی، دیِن مذہب دی اگنی دِتی بُجھائیا۔ اپنے گھر بنا کے حیاتی، حیا شرم دِتا مِٹائیا۔ سانوُں سؤنا مِلیا نہیں ساری راتی، گلّاں کر کر جھٹ لنگھائیا۔ بڑے چِراں پِچھوں مُکی واٹی، نوَ نؤ چار پندھ مُکائیا۔ جوتی جوت سروُپ ہرِ، آپ اپنی کِرپا کر، سد اپنا سنگ رکھائیا۔ اوتار پَیغمبر گُر کہن ساڈے تن نہ کوئے لِباس، الف اپنا روُپ درسائیا۔ چرن پریِتی دے وِشواس، وِشیاں وِچوں باہر کڈھائیا۔ کھیل کرے اُپر آکاش، دھرنی دھرت دھوَل دِتا وکھائیا۔ ساڈھے باراں سدّ کے اپنے پاس، پاسا دیِن دُنی بدلائیا۔ اِک پیار وِچ کیِتا واک، حُکم دِتا سُنائیا۔ شبد اگمّی دسّ کے بات، باطن پڑدا دِتا کُھلائیا۔ تُہاڈا لیکھا رہیا نہ ذات پات، پُرکھ اکال نوُر نظری آئیا۔ ماجھا مالوا دوآبہ جموں چؤداں کِلو ونڈا کے پرساد، چؤداں طبق دِتے

ہِلائیا۔ اِکو حُکم منّنا واحد، دوُجا اِشٹ نہ کوئے بنائیا۔ تُہاڈا لیکھا مُکیا اِک دوُجے توں بعد، باوجوُد اپنا حُکم سُنائیا۔ پھیر اساں کیِتی فریاد، نِیوں نِیوں سیِس جھُکائیا۔ تیری سیجے نیند نہ آوے سدا رہیئے جاگ، جاگرت جوت جوت رُشنائیا۔ تیرے پیار دی وجاؤندے رہیئے رباب، نانک نِرگُن دھار سُنائیا۔ سانوُں خوشی ہوئی دیِن مذہب توں ہوئے آزاد، آزادی وِچ تیرا در سُہائیا۔ جے تُوں سچ سوامی جائیں بِراج، تیرے سُتیاں تیری سیو کمائیا۔ چار جُگ توں وکھّری تیری ستاراں ہاڑ دی رات، بِھنڑی اپنا رنگ وکھائیا۔ ساڈی شہادت ہوئی نال قلم دوات، پنج لِکھاری دین گواہیِا۔ بھگت بُھلدے نہیں جیہڑے چڑھ کے آئے برات، جاننجی لاڑے نال وڈیائیا۔ سانوُں اِک خوشی تے اِکو انتر خواہش، خالص دئیے سُنائیا۔ تُوں سدا وسنا ساڈے پاس، وِچھوڑا نظر کوئے نہ آئیا۔ تیری جوت تیرا پرکاش، تیری نظرے نوُر اِلاہیِا۔ جوتی جوت سروُپ ہرِ، آپ اپنی کِرپا کر، ساچا دینا رنگ رنگائیا۔ اوتار پَیغمبر گُر کہن ساڈے رکھیا ہتّھ اُتے پُشت، ہلوُنا دِتا لگائیا۔ ذرا ہو جاوو ہُن چُست، ہوشیاری وِچ دِرڑائیا۔ اَگے لیکھا کرنا درُست، درُستی سب دی آپے ویکھ وکھائیا۔ جیہڑا نام مِلدا رہیا مُفت، مُفتیاں جھولیاں آئے پائیا۔ سُہا کے آئے اُرس، اسماناں راہ تکائیا۔ کھیل کھیلدے آئے ناری پُرش، جگت نار کنت ہنڈھائیا۔ ہُن حُکم سُننا تُرت، تُریا توں پرے آپ جنائیا۔ جِس نوُں کہندے آئے اکال موُرت، اوہ تُہاڈا خصم خصمانہ بےپرواہیِا۔ جوتی جوت سروُپ ہرِ، آپ اپنی کِرپا کر، سد اپنا در سُہائیا۔ اوتار پَیغمبر گُر کہن جِس ویلے شاہ سُلطانا آیا اَگے، اپنا روُپ پرگٹائیا۔ ساڈے سیِنے دھڑکن لگّے، بے بسی وِچ دُہائیا۔ جِس ویلے چرن رکھیا شبد سِنگھاسن اُپر منجے، منزل اپنی پندھ مُکائیا۔ پیار وِچ کِہا تُوں میرا میَں تیرا گا کے چھندے، سوہنا راگ دِرڑائیا۔ اوتار پَیغمبر گُر ہُن تُسیں تتاں والے نہیں بندے، رس لِنگاں نہ کوئے وکھائیا۔ مل موُتر والے نہیں گندے، وِشٹا ونڈ نہ کوئے ونڈائیا۔ شستر پہرے نہیں چنڈ پرچنڈے، کمند کندھ نہ کوئے اُٹھائیا۔ دیِن مذہب کوئے نہ ونڈے، ذات پات نہ کوئے جنائیا۔ اِکو گھر دے قُفل کھول دِتے جِندے، زِندگی زِندگی وِچوں بدلائیا۔ کریا کھیل وِچ ہِندے، ہرِ کرتے بےپرواہیِا۔ جِس نوُں کلجُگ جیِو رہے نِندے، نِندیا وِچ دُہائیا۔ جوتی جوت سروُپ ہرِ، آپ اپنی کِرپا کر، سد اپنا حُکم ورتائیا۔ گُر اوتار پَیغمبر کہن جِس ویلے اسیں صاحِب نوُں ویکھیا اکھّیں، اپنی اکھّ لئی مٹکائیا۔ اُس نے ہتّھ رکھیا ساڈی وکھّی، سُتیاں دِتا ہسائیا۔ پھیر بول جَیکارا الکھّی، الکھ الکھّنے وِچ

دِرڑائیا۔ تُسیں اِک پربھوُ دی سکھی، اِکو سیج لیَنی ہنڈھائیا۔ تُہاڈا فرق رہیا نہ رتی، رت دا جھگڑا دِتا گوائیا۔ پیار کرنا کملاپتی، پت پرمیشور انگ لگائیا۔ جِس دی درگاہ ساچی بسی، سچکھنڈ وجےّ ودھائیا۔ جِس نے لیکھ مُکاؤنا لکھّ چار اسی، اصل اپنا کھیل کھِلائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ اوتار پَیغمبر گُر کہن اسیں ویکھیا نوُر جوت اُجیارا، نظر لئی بدلائیا۔ پربھوُ کیِتا سچ پیارا، کروٹ کروٹ وِچوں بدلائیا۔ دے کے شبد ہُلارا، جھوُلا دِتا جھُلائیا۔ بول کے سچ جَیکارا، میلا لیا مِلائیا۔ اساں کیِتی نِمسکارا، چرناں اُتے سیِس جھُکائیا۔ ابناشی کرتے پھیر کِہا دوبارہ، دوہرا حُکم سُنائیا۔ تُہاڈا مالک اِک نِرنکارا، نِروَیر نوُر خُدائیا۔ جھگڑا چھڈ دیؤ پتّھر اِٹّاں گارا، اکھّراں والی نہ رہے لڑائیا۔ میرا ویکھو سرب پسارا، پسر پساری ہو کے رہیا جنائیا۔ وِشن برہما شِو سیوادارا، سیوک ہو کے سیو کمائیا۔ تُہاڈا سب دا اِکو گھر بارا، در اِکو دِتا وکھائیا۔ تُہاڈا لیکھے لایا اِک شِنگارہ، سوہنا موہنا روُپ ویکھ وکھائیا۔ جوتی جوت سروُپ ہرِ، آپ اپنی کِرپا کر، سچ اپنا سنگ رکھائیا۔ گُر اوتار پَیغمبر کہن ساڈے کول آ گیا سچّیں، سچ دئیے دِرڑائیا۔ اسیں شرم وِچ اکھّ نہ پٹّی، پھیر پٹنے والے دِتا اُٹھائیا۔ ہُن شکّ رہیا نہ رتی، شِکوہ دیؤ گوائیا۔ صاحِب سُلطانا سِری بھگوانا تُہاڈا لہنا دیوے ہتّھو ہتّھی، ہتھیلی لال رنگ رنگائیا۔ ایہہ بچن سُن کے لچھمی کھِڑ کھِڑا کے ہسّی، تالی متھے اُتے لگائیا۔ جوتی جوت سروُپ ہرِ، آپ اپنی کِرپا کر، سد اپنا راہ چلائیا۔ لچھمی ہسّ کے کِہا ویکھو کھیل پُرکھ سمرتھ، وِشوَ دھار دِرڑائیا۔ جِس نے مہندی نال رنگے میرے ہتّھ، جگت روُپ درسائیا۔ مہما جنائے اکتھنا کتھ، جِس نوُں لِکھ سکے کوئے نہ رائیا۔ جو جُگ چؤکڑی چلاوے رتھ، نانک نِرگُن سرگُن آیا سمجھائیا۔ اوہ مالک کملاپت، پت پرمیشور بےپرواہیِا۔ تُہاڈے کول آ گیا وت، وطن اپنا اِک سُہائیا۔ جھگڑا مُکا کے کایا رت، نوُر جوت وِچ سمائیا۔ تُہاڈا رہیا کوئے نہ تت، تتو جھگڑا دِتا چُکائیا۔ جوتی جوت سروُپ ہرِ، آپ اپنی کِرپا کر، سد اپنا بھیکھ وٹائیا۔ لچھمی کہے میرے سنکھ دی آواز، گُر اوتار پَیغمبراں رہی ہِلائیا۔ میرے سنکھ دی آواز، سُخن پربھ دا نظری آئیا۔ میرے سنکھ دی آواز، دُھن دو جہان شنوائیا۔ میرے سنکھ دی آواز، دو جہان رہی اُٹھائیا۔ میرے سنکھ دی آواز، گوبِند شبد باز اُڈائیا۔ میرے سنکھ دی آواز، صاحِب سُلطان سُن کے خوشی بنائیا۔ میرے سنکھ دی آواز، تخت نِواسی سیِس نِوائیا۔ جِس دے سیِس اُتے تاج،

تاجاں والے دئے مِٹائیا۔ جِس دا اِکو ہونا راج، رعیت ہووے جگت لوکائیا۔ سَت دھرم چلاؤنا رِواج، کلجُگ کِریا کوُڑ مِٹائیا۔ مُخاطب ہو کے دینا خطاب، خطا سب دی ویکھ وکھائیا۔ مِتر پیارا بن احباب، مِہربان ہوئے سہائیا۔ سَت دھرم دا بدل دینا سماج، سمگری سَت سَت ورتائیا۔ گُر اوتار پَیغمبرو تُہاڈا پوُرا کرنا کاج، انند اپنے نال رکھائیا۔ میرے سنکھ دی آواز، سُہاگی رَین دئے وڈیائیا۔ جوتی جوت سروُپ ہرِ، آپ اپنی کِرپا کر، سد اپنا پڑدا لاہیِا۔ اوتار پَیغمبر گُر کہن ہرِ پایا کنت سُہاگی، سُہاگی کنت گھر رام جیؤ۔ جِس دے وِشن برہما شِو لاگی، سیوک سیوا کرن گُنوان جیؤ۔ بھگت سنت سماجی، گُرمُکھ گُرسِکھ سنگ نِبھاؤن جیؤ۔ پریم پیارے شبد دھار مارن آوازی، دُھن ناد شنوائی جیؤ۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، وَیراگ جیؤ۔ وَیراگی سَتگُر ڈِٹھڑا، گہر گمبھیِرا میِت۔ جِس دا بولا مِٹھڑا، نام سُنائے گیِت۔ وسے سدا چیِتڑا، چاڑھے رنگ بسیِٹھ۔ جوتی دھارو نِترا، سوامی ٹھانڈا سیِت۔ آد جُگاد کدے نہ وِچھڑا، سچکھنڈ دا وسنیِک۔ جِس سوہنگ شبد سُنا کے فِقرہ، سَتجُگ سچ بنائی ریِت۔ جوتی جوت سروُپ ہرِ، آپ اپنی کِرپا کر، در ساچی دیوے بھیِکھ۔ گھر سوامی سہج سُکھ، پایا کنت بھتارا۔ درشن پایا اگمّ مُکھ، ہویا نوُر دیِدارا۔ لیکھا پِچھلا گیا چُک، ہرِ مِلیا کنت بھتارا۔ کوُڑا ناتا گیا ٹُٹ، سُنیا شبد نگارہ۔ دیِن مذہب دی رہی نہ پُھٹ، سچکھنڈ ویکھ آئے ایکنکارا۔ جِس دا نام اگمّا امرت گھُٹ، دو جہاناں ٹھنڈا ٹھارا۔ جِن بھگت بنائے ساچے سُت، نال رلائے گوبِند شبد دُلارا۔ چار جُگ دیاں وِچھڑیاں لیا پُچھ، ویکھے وِگسے پاوے سارا۔ جوتی جوت سروُپ ہرِ، آپ اپنی کِرپا کر، سد دیونہار سہارا۔ دھنّ بھاگ گُر دیِکھیا، دیکھیا ہوئی اپار۔ جِس پائی ساچی بِھکھیا، بِھچھیا نام وِچار۔ بخشی سچ پریِتیا، پریِتم سِرجنہار۔ ساڈا پِچھلا لیکھ بیِتیا، اَگے مارگ دِتا سُکھال۔ سَتجُگ چلاؤنی ساچی ریِتیا، ایکا رنگ رنگاؤنا شاہ کنگال۔ لکھّ چؤراسی انتر پوِتر کرے نیِتیا، نیتر اپنا کھول کمال۔ جوتی جوت سروُپ ہرِ، آپ اپنی کِرپا کر، سانوُں کیِتا سب بحال۔ گُر اوتار پَیغمبر کہن ہرِ پایا کنت سُہیلا، سوامی سہج سُکھدائی جیؤ۔ جِن جوتی دھار کیِتا میلا، سنجوگی روُپ درسائی جیؤ۔ اِکو گھر بہا گُروُ گُر چیلا، در ساچا اِک وڈیائی جیؤ۔ رنگ نَویلے وسیا، وسنہار گوپال۔ جِس سَتجُگ مارگ دسّیا، دیِناں بندھپ دیِن دَیال۔ کلجُگ میٹے رَین اندھیری مسّیا، سَتجُگ ساچا دیوے نام مشال۔ سنت

سُہیلا آوے نسّیا، کھیلے کھیل مات کمال۔ جو ہر ہِردے اندر وسیا، جوتی جوت سروُپ ہرِ، آپ اپنی کِرپا کر، سب دی سُرت رہیا سنبھال۔ گُر اوتار پَیغمبر کہن آیا دیس سمبل، سمبھل کھیل کھِلائیا۔ جِس نوُں دو جہان لبھن، کھوجن تھاؤں تھائنیا۔ اوہ موُرت گوپال مدن، مدھ سوُدن نوُر اِلاہیِا۔ جِس دے دیِپک جوتی جگن، گُر اوتار پَیغمبر جُگ جُگ کر کے گئے رُشنائیا۔ انت اوسے دی سرنی لگّن، جِس نوُں کنت سُہاگی کہہ کے گائیا۔ ناتا توڑ کے ماٹی بدن، بدلہ دیِن دُنی بدلائیا۔ سچ دوارا لگا کے سگن، سگلا ساتھی اِک پرنائیا۔ خوشیاں نال سارے وسن، سچکھنڈ ساچے سوبھا پائیا۔ دِن دی وارتا پھیر رَین نوُں دسّن، کِس بِدھ پربھ نال ہسّ کے خوشی بنائیا۔ نچّن کُدن ٹپّن، ٹپّے دین سُنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، سچ اپنی کار بُھگتائیا۔

۱۸ ہاڑ شہنشاہی سمت ۶ ہرِ بھگت دوار جیٹھوُوال رات نوُں

اوتار پَیغمبر گُر جوتی نار کہے پُرکھ اکال نال ہُندا رہیا ہاسا، ہسّ ہسّ خوشی بنائیا۔ تیرا کی کھیل لکھّ آکاش آکاشا، بھیوَ ابھیدا دے کُھلائیا۔ جھٹ جوتی دھار دی پا کے راسا، کوٹن کوٹ برہمنڈ کھنڈ دِتے ہِلائیا۔ پھیر شاہو بھوُپ بن شاہی پہن لِباسا، سُلطان مِہربان حُکم سُنائیا۔ سُنو جِس صاحِب دیِاں کردے آئے باتاں، اکھّراں حرفاں وِچ وڈیائیا۔ لوک مات ماردے آئے واٹاں، جُگ جُگ پندھ مُکائیا۔ جگاؤندے آئے ہوَناں وِچ لاٹاں، دیِپک گھِرت درسائیا۔ سُناؤندے آئے صِفت اگمّی گاتھا، گا گا شُکر منائیا۔ اُس دا کھیل ویکھو ہُن ساچا، سچ اپنا حُکم ورتائیا۔ سرِشٹی اُتے سَتجُگ وِچ رہے کوئے نہ چاچا، پِتا پُرکھ اکال اِکو سوبھا پائیا۔ تُہاڈا لہنا دینا پِچھلا واچا، ابُھل بُھل کدے نہ جائیا۔ جوتی جوت سروُپ ہرِ، آپ اپنی کِرپا کر، سد اپنا رنگ وکھائیا۔ اوتار پَیغمبر کہے جوتی ناری میَں ہسّ کے کیِتا مخؤل، واہ پربھوُ تیری بےپرواہیِا۔ اُس جھٹ اِشارہ کیِتا اُتے دھؤل، دھرنی دِتی وکھائیا۔ اؤہ ویکھو سب دا پوُرا کیِتا قؤل، اِقرار اپنے نال نِبھائیا۔ اِکو دسّ اگمّا بول، انبولت راگ سُنائیا۔ نام دے کنڈے دھرم دا تول کے تول، ترازو شبد گُروُ ہتّھ ٹِکائیا۔ جوتی جاتا ہو کے گیا مؤل، مؤلا اپنا حُکم ورتائیا۔ کِسے نظر نہ آوے گورا نہ چِٹا نہ کالا

نہ سؤل، ساول سُندر سمجھ کوئے نہ پائیا۔ تُہاڈے سب دے نال مار کے رؤل، رول اپنا نہ کِسے سمجھائیا۔ ویکھو بھگت دوارا دِتا کھول، کُھلا در اِک درسائیا۔ جِتھے دیِن مذہب ذات پات دا وجےّ کوئے نہ ڈھول، ڈھولا پربھ دا سارے گائیا۔ جوتی جوت سروُپ ہرِ، آپ اپنی کِرپا کر، سد اپنا بھیوَ چُکائیا۔ جوتی نار کہے میَں کھِڑ کھِڑ ہسّی، ہستی تکی شہنشاہیِا۔ پِھر میَں اِرد گِرد چارے کوُٹاں نسّی، بھجیّ واہو داہیِا۔ پِھر ہؤکا بھریا کِس دے پریم وِچ پھسی، جو فیَصلہ، حق سُنائیا۔ جاں نِگاہ بدلی اوسے دے چرناں اُتے جھُکدے لکھّ چار اسی، دو جہان بَیٹھے سیِس نِوائیا۔ پِھر تکیا اُس دے بھگتاں دی بستی بسی، دوُجا کھیڑا سوبھا کوئے نہ پائیا۔ پھیر میَنوُں ویکھ کے پےَ گئی غشی، ہائے اُف دِتا سُنائیا۔ پِھر یاد آ گیا ایہہ تے پِچھلی کتھا کہانی پکّی، جو بھوِکھتاں وِچ آئے دِرڑائیا۔ ضرور ایسے کر کے ڈور گئی کٹی، کٹاکش پربھ نے دِتا لگائیا۔ پھیر ویکھیا گوبِند وکھا دِتی پٹّی، پٹنے والے دِتی وکھائیا۔ پھیر میَنوُں خوشی آئی مٹھی مٹھی، پریم رس رس پرگٹائیا۔ پھیر مُحبّت آئی کٹّھی، میَں اپنا آپ لیا دبائیا۔ پھیر صاحِب سَتگُر ولّ نَٹھی، بھجیّ واہو داہیِا۔ میَں ہسّ کے کِہا وے پربھوُ تُوں پاتشاہ کہ شہنشاہ میَنوُں مات لوک بنا دِتا جٹّی، جٹّاں دے وس پائیا۔ پُرکھ اکال نے کِہا اوہ کملیئے میَں ایسے کر کے تُہاڈا لیکھا پایا نٹی، پؤں اپنے شبد ہتّھ رکھائیا۔ جناں چِر تُساں میَنوُں نہیں بنایا کملاپتی، پت پرمیشور ہو کے تُہانوُں اجے گود نہ کوئے ٹِکائیا۔ تُہاڈی نِکی نِکی لوک مات میَں جگاؤندا رہیا موم بتّی، بُتخانیاں وِچ رکھائیا۔ کیوں محمدا تُوں محمد کہ فتّی، کہ فتوے والا سوبھا پائیا۔ اُس سچّی کہانی دسّی، دسّ کے رہیا جنائیا۔ اونے چِر نوُں عیسیٰ بولیا آہ ویکھ میرے گل وِچ رسّی، بِن تیرے توں رستہ نظر کوئے نہ آئیا۔ موُسیٰ کِہا میری بھجّ گئی کایا مٹّی، مٹک مٹک چلن والی تور رہی نہ رائیا۔ نانک گوبِند کِہا تیری بنیا کوئے نہ سکھی، سکھی سُخن توڑ نہ کوئے نِبھائیا۔ دھنّ بھاگ جے ہُن کھیل وکھایا اکھّیں، آخر اپنی کار کمائیا۔ اَگے بھگتاں نوُں بھگتی کراؤندا رہیا کُلیّ ککھّیں، جنگلاں وِچ بھوائیا۔ تپاؤندا رِہوں اگنی والی بھٹّھی، ایِندھن نال چتُرائیا۔ دسّدا رہیا مالا منکیاں والی رٹّی، دِوس رَین دھیان لگائیا۔ ہُن کھیل انوکھا کتھا کہانی اچھی، اچھی طرح دِتا دِرڑائیا۔ جِس آتما نوُں اِک وار پریم نال کہہ لیا آ میری بچّی، بچّیاں وانگ گود اُٹھائیا۔ اوہ تیرے سچکھنڈ دوارے بسی، واسطہ تیرے نال جُڑائیا۔ جوتی جوت سروُپ ہرِ، آپ اپنی کِرپا کر، سد اپنا حُکم ورتائیا۔ جوتی نار کہے اجّ میرے سوامی ہتّھ لا دِتا

اُتے میری ٹھوڈی، اُنگل سہج نال چُھہائیا۔ میَں سِر دے لیا وِچ گوڈیِں، نیتر نیَن شرمائیا۔ چرن رکھیا اُتے میری موڈھی، سہج نال دبائیا۔ جاں نیتر کھولیا میَں بَیٹھی وِچ گودی، گوداوری دے کنڈھے والا گوبِند دئے گواہیِا۔ پھیر ویکھیا نہ میَں سوانی نہ میرے سیِس تے مینڈھی تے نہ سیِس تے دِسی بودی، موُنڈ مُنڈایا ویس نہ کوئے کرائیا۔ جاں مالک تکیا نِرگُن دھار جوتی، جوتی جاتا نظری آئیا۔ میَں اپنا آپ اوسے دی گوتی، اوسے وِچوں پرگٹ کے تے اوسے وِچ اپنا جھٹ لنگھائیا۔ نہ کوئی پڑھنی پئی پوتھی، پُستک بغل نہ کوئے ٹِکائیا۔ میَں سوچ کیِتی بہُتی، دھیان دھیان وِچ رکھائیا۔ جوتی جوت سروُپ ہرِ، آپ اپنی کِرپا کر، سد اپنی خوشی بنائیا۔ جوتی نار کہے پُرکھ اکال کیِتی نِکی جِہی شرارت، شرع چار جُگ دی دِتی وکھائیا۔ آہ ویکھ اپنی اکھّراں والی عبارت، کی سبق رہی پڑھائیا۔ آہ ویکھ اِٹّاں پتّھراں والی عمارت، روُپ میرا نظر کوئے نہ آئیا۔ آہ ویکھ نام کلمے والی آڑھت، ہٹّ دھرم نہ کوئے چلائیا۔ آہ ویکھ میرا کھیل وِچ بھارت، کھنڈ برہمنڈ دیاں درسائیا۔ تھوڑا جِہا اِشارہ دِتا نارد، بودی ہِلاؤندا آ گیا چائیں چائنیا۔ پربھوُ جے تیری جوتی اِستری اُتے کوئی چاہیدی گارد، تے میَں سوُرما پہریدار بڑا اکھوائیا۔ کیوں تُوں سب توں وڈّا لارڈ، میَں تیرے دو جہان دا لیَنڈ لارڈ نظری آئیا۔ کیوں تیرے پنجاں درباریِاں نے تیری بھیٹا کیتے پنج کارڈ، پنج پنج تیرے ہتّھ پھڑائیا۔ اوہناں اُتے تُوں دسّیا ناردا تُوں وسنا کیہڑی وِچ وارڈ، کوَن گھرانے ڈیرہ لائیا۔ جوتی جوت سروُپ ہرِ، آپ اپنی کِرپا کر، سد اپنا کھیل وکھائیا۔ نارد کہے پربھوُ میَں کوئی نؤکری کرنی اے چنگی، چنگی طرح دیاں سُنائیا۔ بھاویں میَنوُں بہُتی ہووے تنگی، تنگی کٹ کے خوشی بنائیا۔ پر اِک گلّ یاد کر لےَ اپنی جوتی رانی نوُں دسّ دے جے کِتے اچانک ہو جائے رنڈی، بِنا نارد توں ہور نہ کِسے پرنائیا۔ کیوں تُوں داتا جُگ جُگ گُروُآں اوتاراں پَیغمبراں نوُں اِک اِک نار ضرور ونڈی، تے میرا حِصّہ اجے تکّ رکھیا چُھپائیا۔ میرا جی کردا اِس چؤہ جُگاں دی دھار نوُں چُک لَواں اپنی کندھیں، موڈھیاں اُتے لَواں ٹِکائیا۔ پھیر پےَ جاواں تیرے بھگتاں دے بھگت دوارے دی ڈنڈی، ڈنڈاوت کرکے سب نوُں سیِس نِوائیا۔ پر یاد کر لےَ اپنی گھر والی نوُں دسدے جے نارد نال جانا تے گل کدے نہ پاوے انگی، مٹک نال چلے چائیں چائنیا۔ پھیر ویکھیں میری بودی دی ہوا آؤندی ٹھنڈی، تے جدوں ہِلاواں اُننجا پوَن اکھّ شرمائیا۔ پر ہور گلّ اوہنوُں کہہ دیویں سِدھی پُٹھی تے دوویں دھاراں دی واہوے کنگھی، ایَویں سِدھا چیر کڈھ

کے نہ دیوے وکھائیا۔ ہور دسّاں کِتے سُتی نہ رہے اُتے پلنگی، سُکھ آسن ڈیرہ لائیا۔ میَں چاہُندا اوہنوُں اوتھے سواواں جیہڑی کل بھگتاں نے چُکی سی الانی منجی، تے سُکے ٹُکڑے کھوا کے غریِباں وِچ دیواں رلائیا۔ پر جے کِتے گُرسِکھاں دی لگّی ہووے منڈی، اوتھے جا کے دیاں وکھائیا۔ او گُرمُکھو گُرسکھو جے تُہانوُں پسند ہےَ تے قیِمت میَنوُں دیؤ چنگی، میَں رجّ پُج کے براہمن اپنا جھٹ لنگھائیا۔ جوتی جوت سروُپ ہرِ، آپ اپنی کِرپا کر، سد اپنا کھیل وکھائیا۔ جوتی نار کہے او براہمنا نہ کر گُستاخی، جھٹ گؤتم اکھّ کُھلائیا۔ اُس کِہا کملیا منگ لےَ مُعافی، ہتّھ بنّھ سیِس نِوائیا۔ نارد کِہا میرا کھیل دو جہاناں دی ساکھی، سخاوت دیاں دِرڑائیا۔ او میَں تیری منّاں کہ اُس پربھوُ دی آکھی، جو اکھّراں توں باہر کرے پڑھائیا۔ ویکھیں میَنوُں کدی نہ کہیں پاپی، میَں پتت پُنیِت بن کے پربھ دی سیو کمائیا۔ میَں جدوں کراں تے اِکو اِک دا پاٹھی، پاٹھشالا اپنے اندر اِک ٹِکائیا۔ دھنّ بھاگ جے میری مُک گئی واٹی، پَینڈا رہیا نہ راہیا۔ تے میَنوُں اِک امرت بوُند مِلی جِس ویلے گوبِند نے رس بھریا سی وِچ باٹی، جگت وِساکھی سوبھا پائیا۔ جوتی جوت سروُپ ہرِ، آپ اپنی کِرپا کر، سد اپنا رنگ چمکائیا۔ بودی کہے او پربھوُ دیئے رانیئے، دھرم دیئے سوانیئے، سچ سچ سُنائیا۔ اِدھر ویکھ اَگے تُوں روُپ دھردی رہیؤں براہمن کھتری تے بانیئے، عیِسائی مُسلم پارسی ونڈ ونڈائیا۔ نی اِک اکھّ نال ویکھن والیئے اکھّوں کانیئے، دیِناں مذہباں توں اپنا مُکھ چُھپائیا۔ تُوں چڑھ کے بہِندی رہیؤں لہندے چڑھدے دکھّن پہاڑ جگت برِچھ دیئے ٹاہنیئے، پربھ دا نام وکھّرا وکھّرا راگاں وِچ سُنائیا۔ بندی رہی ایں پوَن سواسی مسانیئے، قبراں مڑھیاں رنگ رنگائیا۔ بھردی رہیؤں پانیئے، اٹّھاں سٹّھاں کھیل کھِلائیا۔ جے ہُن کُچھ کریں تاں جانیئے، کی اپنی کل ورتائیا۔ میَنوُں اے دِسدا ایہہ کھیل اگمّ مہانیئے، جِس دی سمجھ کِسے نہ پائیا۔ ساڈی چھوٹی چھوٹی دسدے آئے نِشانیئے، نِشانہ اِک درسائیا۔ جوتی جوت سروُپ ہرِ، آپ اپنی کِرپا کر، سد اپنا بھیوَ چُکائیا۔ جوتی نار کہے ایہہ براہمن پکھنڈی کر جا چُپ، بول کبول نہ کوئے سُنائیا۔ نارد کِہا غُصّے نہ ہو امبڑیئے میَں تیرا پُت، لاڈاں نال میَنوُں گود لےَ ٹِکائیا۔ اُس کِہا ویکھ کلجُگ اندھیرا گھُپ، نوُر نظر کوئے نہ آئیا۔ نارد کِہا بیِبی رانیئے کِتے تُہاڈا پَینڈا تے نہیں گیا مُک، اَگے راہ نہ کوئے وکھائیا۔ اوہنے غُصّے وِچ کِہا موُرکھا پرے ہو کے لُک، کیوں تُہمتاں رہیا لائیا۔ نارد کہندا میَنوُں ایہو دُکھ، میرے پُرکھ اکال توں بِنا نِکے نِکے ناں سارے آئے جپائیا۔ سرِشٹی دے مانَو نوُں کِسے گل نال لایا نہیں

گھُٹ، گلوَکڑی اِکو وار پائیا۔ جوتی رو پئی بِن نیَناں پُھٹ پُھٹ، ایہہ پُھٹکل کیِتی تیرے ماہیِا۔ نارد ڈھلے کرکے بُل تے بُٹ، مُنہ دِتا بدلائیا۔ بیبیئے رانیئے ہُن کھول دے گُت، مینڈھی کیوں مینڈھی اُتے چڑھائیا۔ ایس مینڈھی دیِاں تِنّ دھاراں تے تریَلوکی وِچ آپ بَیٹھا لُک، ایہہ گُت کرنی لچھمی نوُں پہلے دِن آپ سمجھائیا۔ جوتی جوت سروُپ ہرِ، آپ اپنی کِرپا کر، سد اپنا حُکم ورتائیا۔ پُرکھ اکال کہے میَں کیِتا تھوڑا تھوڑا چوہل، چولے سرب بدلائیا۔ ہؤلی جیہی بولیا بول، انبولت راگ سُنائیا۔ جوتی دھاری آ گئی کول، نیڑے ہو کے سیِس نِوائیا۔ میَں سہج نال ماری دھؤل، چرناں اُتے مُنہ دے بھار سُٹائیا۔ نی چار جُگ دے لیکھے دسّ دے بول، جو لِکھ لِکھ جگت جنائیا۔ اوہ کہِندی پربھوُ تیرا کھیل سدا گول، ایسے کرکے گول دھرتی دِتی بنائیا۔ جِدھر ویکھیئے اُدھر روَیا ہووے مؤل، مؤلا ہو کے روُپ درسائیا۔ جوتی جوت سروُپ ہرِ، آپ اپنی کِرپا کر، سد اپنا سنگ وکھائیا۔ جوتی نار کہے میرا سوہنا روُپ سُہاوَنا، سوبھا وِچ وڈیائیا۔ میَں تے اِکو کنت ہنڈھاوَنا، دوُجی سیج نہ ویکھن پائیا۔ اِکو ڈھولا گاوَنا، گا گا خوشی وکھائیا۔ اِکو اِشٹ مناوَنا، جو میرا مالک دُھر دا ماہیِا۔ اِکو چرن دھوُڑی نہاوَن نہاوَنا، دوُسر جل نہ کوئے ورتائیا۔ اِکو پینا اِکو کھاوَنا، ترِسنا اگن بُجھائیا۔ جوتی جوت سروُپ ہرِ، آپ اپنی کِرپا کر، سد اپنی کار کمائیا۔ جھٹ بول پیا نارد، کی کِہا، ہَیں، میَنوُں دے سُنائیا۔ سچ دسّ پربھوُ چنگا کہ میَں، میرے توں چنگی پربھ نے شکل نہ کدے بنائیا۔ نی ہؤلی جیہی کہہ دے مُکھوں تیَں، پِھر مالوے والے سارے دین گواہیِا۔ جوتی نار کِہا نہ کر کَیں کَیں، کاگ وانگ کُرلائیا۔ اُس کِہا میَں پربھوُ نوُں جانا لےَ، مات لوک دا راہ وکھائیا۔ جِتھے سارے منّدے اوہدا بھے، بھاؤ وِچ سیِس نِوائیا۔ اوتھے وکھاؤنا بھگتاں دا گرِہ، جِتھے گُرمُکھ سوہنے سوبھا پائیا۔ جے پربھوُ نہ آیا تے تیرا سچکھنڈ جائے ڈھیَہہ، بِنا صاحِب توں سچکھنڈ کمّ کِسے نہ آئیا۔ ہُن ویکھیئے کِس طرح کلجُگ انتم وہِندی نَیں، ناؤں نِرنکارا ہڑ وگائیا۔ نی جوتی رانیئے چار جُگ نوُں کھانیئے اپنے اندروں کردے کےَ، دیِن مذہب سارے باہر کڈھائیا۔ جوتی جوت سروُپ ہرِ، آپ اپنی کِرپا کر، سچ دا حُکم اِک سُنائیا۔ دُھر دی رانی کِہا او مُنی، جی کی رہیا سُنائیا۔ نارد کِہا اجے تُوں اوہ گلّ نہیں سُنی، جو سُن کے بھجےّ واہو داہیِا۔ اجےّ پربھ نے کھیل کرنا اِک دے نال نؤ جوڑ کے جِس نوُں کہندے اُنی، مُسلم سُنّی ڈیرہ ڈھاہیِا۔ جوتی کہے ویکھ او کملیا کی میرا مالک سب توں وڈّا خوُنی، خوُن خار نظری آئیا۔ نارد کِہا

نہ بیِبا جُگ اُلٹاؤنا اُس دے واسطے معموُلی، مُعاملے سب دے صاف کرائیا۔ اوہ کدے نہیں کردا بےاصوُلی، اصل اپنا حُکم ورتائیا۔ پر یاد رکھ لےَ تُہاڈے نام کملیاں دی کرے وصوُلی، لیکھا پِچھلا سرب کڈھائیا۔ کیوں اوہ جاندا عرض تے طوُلی، طوُل عرض اپنے وِچ چُھپائیا۔ جوتی جوت سروُپ ہرِ، آپ اپنی کِرپا کر، سَت دی سمجھ رہیا سمجھائیا۔ پُرکھ اکال کہے اوئے نارد پاندھے، بودی دے ہِلائیا۔ سچ دسّ کلجُگ جیِو کی کھاندے، بھیوَ ابھید دِرڑائیا۔ نارد کہے پربھوُ میَنوُں اِیوں دِسدا جیہڑے تُوں بنائے پشوُ ڈھانڈے، اوہناں مُکھ وِچ رکھائیا۔ تیرا نام موُل نہیں گاندے، راگ جگت والے سُنائیا۔ جدوں کوئی بھیِڑ پئے پِھر تَینوُں االلہ واہِگُروُ رام ستنام کرِشن دیوا اِشٹ دیوا دُرگا کہہ کے دھیاؤندے، جھولیاں تیرے اَگے ڈاہیِا۔ تے جے اوہناں نوُں خوشی رکھیں تے پھیر اپنے پُٹھے پَیر تَینوُں وکھاؤندے، تیرے چرناں دی لوڑ نہ کوئے رکھائیا۔ جوتی جوت سروُپ ہرِ، آپ اپنی کِرپا کر، سد اپنی کار بُھگتائیا۔ پُرکھ اکال کہے پنڈتا کِتے جھوُٹھ تے نہیں ماریا، سچ دے سُنائیا۔ پربھوُ تُو ہیں دسّ اجّ تکّ تیرے بِنا کِسے گُر اوتار پَیغمبر نے بھگت روُپ نہیں کِسے نے تاریا، سِکھ مُریِد سارے آئے بنائیا۔ بِنا بھگتاں توں تیرا نام نہیں کِسے اُچاریا، اکھّراں وِچ کیِتی نہ کِسے لِکھائیا۔ تیرا لیکھا نہیں کِسے وِچاریا، من بُدھی رہی ہلکائیا۔ میَنوُں اِک یاد آ گئی جِس ویلے تُوں محمد نوُں تاریا، غُصّے نال ڈرائیا۔ اوس ویلے اونے نِگاہ ماری اُتے چند ستاریا، ایسے کرکے تارا چند نِشان دِتے جنائیا۔ پِھر نؤ واری اوہنے اپنا سیِس تیرے چرناں اُتوں واریا، سجدے کر کر کے دھوُڑی خاک رمائیا۔ پِھر کوُک پُکاریا، اُف ہائے دُہائیا۔ تُوں میرا پروردِگاریا، جلوہ گر نوُر اِلاہیِا۔ جِس ویلے آویں وِچ سنساریا، کل کلکی ویس وٹائیا۔ جوتی جوت سروُپ ہرِ، آپ اپنی کِرپا کر، سد اپنا راہ وکھائیا۔ نارد کہے پربھوُ کلجُگ جیِو بڑے چلاک، چلاکی تیرے نالوں ودّھ رکھائیا۔ امرت ویلے اُٹھ کے نہا کے ہُندے پاک، تیری پوُجا کرکے سب نوُں دین سُنائیا۔ کوُک کے دسّن ساڈا اندروں کُھل گیا تاک، پڑدا رہیا نہ رائیا۔ سانوُں دُھر دے شبد دی آؤندی ڈاک، چِٹھی رسیَن ہلکارا تَینوُں کہہ رہے سُنائیا۔ جِس ویلے ہُندی اندھیری رات، پِھر ویکھن چاروں کُنٹ تھاؤں تھائنیا۔ من کلپنا ہو جاندی جِویں نار کمّ ذات، سُرتی شبد نہ کوئے مِلائیا۔ تیرے اَگے ارداسے کردے بیننتیاں کردے پربھوُ کِتوں مایا دی مِل جائے دات، کوئی سُکھ چنگا ساڈی جھولی دے بھرائیا۔ ایسے کرکے پڑھدے رہے رہراس، ارداس سودھ کے جھٹ لنگھائیا۔ پُرکھ اکال کِہا واہ ناردا شاباش،

سچ دِتا دِرڑائیا۔ نارد کِہا پربھوُ جے کِتے میَنوُں بھیجیں ہُن لوک مات، تے دھرتی ماتا ویکھ وکھائیا۔ جیہڑی کوئی چنگی ہووے روُپ شِنگارن تے میَں لےَ کے آواں ساتھ، تیرے سچکھنڈ وِچ سوہنیِاں سوانیِاں دے روُپ دیاں درسائیا۔ میرا جی کردا میَں پِچھلیاں جُگاں دے ونڈے دا اِکو وار بن جاواں کملاپات، پتی ہو کے اپنی خوشی بنائیا۔ پُرکھ اکال نے اِشارہ دِتا بِنا ہاتھ، ہتھیلی نہ کوئے وکھائیا۔ نارد جھٹ ٹیکیا ماتھ، مستک چرناں اُتے چُھہائیا۔ پھیر ویکھیا اِستری مرد سب پربھوُ دی ذات، دوُجا روُپ نہ کوئے درسائیا۔ پھیر ویکھیا جھگڑا کاغذات، جو نام حِصّے رہیا ونڈائیا۔ پھیر نِیوں کے تکیا نال اِتفاق، نظر نظر وِچوں بدلائیا۔ جاں مات لوک ماری جھاک، جھاکی اِک اُٹھائیا۔ ساچے بھگتاں دی نظری آئی جماعت، جو اِکو راگ الائیا۔ جوتی جوت سروُپ ہرِ، آپ اپنی کِرپا کر، سچ اپنی دھار وکھائیا۔ نارد کہے واہ واہ کِڈی سوہنی سوانی، چار جُگ دی جوتی رانی نظری آئیا۔ پر میرے ورگا ایہنوُں ہور کوئی لبھنا نہیں ہانی، دو جہاناں نظر کوئے نہ آئیا۔ میَں پڑھانی تُوں میری میَں تیرا میَں تیرا تُوں میری بانی، بان نِرالا تیِر تیرے ہِردے دیاں لگائیا۔ تیرے بھگوان نے بنائی چارے کھانی، تے آپاں دوویں رل کے چارے کھانی دئیے مِٹائیا۔ پھیر میَں ہوواں تے تُوں ہوویں تے میَنوُں پیاویں ٹھنڈا پانی، تے میَں گٹ گٹ پی کے تیرے ولّ اکھّ اُٹھائیا۔ تے تُوں میَنوُں کہنا ناردا تُوں سب دا جان جانی، جاننہار اکھوائیا۔ میرا جی کردا میَں تیری بن جاواں پنڈتانی، متھے تِلک لگا کے پِھراں چائیں چائنیا۔ جوتی جوت سروُپ ہرِ، آپ اپنی کِرپا کر، سچ اپنا بھیوَ کُھلائیا۔ جھٹ آ گیا پُرکھ اکال، جوتی جوت کر رُشنائیا۔ جوتی نار نے کیِتا سوال، سہج نال دِرڑائیا۔ پربھوُ ایہہ تیرا کِڈا چنگا بال، بڑی سیو کمائیا۔ کدی میَنوُں ماتا کہے کدی کہے اُٹھ کے چل میرے نال، تے دوویں رل کے جھٹ لنگھائیا۔ تُوں میری دین تے میَں تیرا دَیال، دوویں مِل کے وجےّ ودھائیا۔ میرا پریم تے تیرا پیار سچّی دھرمسال، اِس توں چنگا سچکھنڈ نظر کوئے نہ آئیا۔ تُوں میَنوُں نہ ماریں تے میَں تَینوُں نہ ماراں تے نہ کوئی کال رہے نہ مہاکال، بِنا ساتھوں دوُجا نظر کوئے نہ آئیا۔ تے اسیں پربھوُ نوُں کہیئے جاہ کوٹن کوٹ برہمنڈ کھنڈ بھال، لکھّ پاتالاں آکاشاں وِچ اپنا ڈیرہ لائیا۔ پھیر ساڈا کدے وِنگا نہ ہووے وال، مِل کے وجدی رہے ودھائیا۔ جے کِتے ساڈی پوُری ہو جائے دوہاں دی چال، پربھوُ وِچارا کی کرے اپنی چتُرائیا۔ میرے کول سوگند سوگند نال دھن مال، خزانے بودی ہیٹھ دبائیا۔ تے میَں بڑا سوُربیِر بلوان، یودھا اِک اکھوائیا۔ میَں اِک ویراں

اِک سکھی منگن گیا کولوں کاہن، اوہنے ہیں ہیں کر کے دِتا وکھائیا۔ ویکھ وے آہ لیکھا تُوں براہمن تے میَں ججمان، تے میرے اڑِکے آیا تے سارے لیکھے دؤں مُکائیا۔ اجّ اوہو کاہن نہ رہیا اِنسان، تُوں بن گئی جوت نوُر مہان، تے میَں پنڈت تیرا پتی روُپ سوبھا پائیا۔ آ میَنوُں پہلوں کرا اِشنان، امرت جل دے سُٹائیا۔ پھیر میرے چرناں دا دھر دھیان، نیتر اکھّ نہ کوئے کُھلائیا۔ پھیر میری وِدیا دا سُن گیان، میَں تَینوُں دسّاں بِنا نارد توں دوُجا پربھ نظر کوئے نہ آئیا۔ پھیر تیری میری آپے ہو جائے جان پچھان، اِک دوُجے نوُں تکیئے چائیں چائنیا۔ تُوں وی چار جُگ دی کواری تے میَں وی چار جُگ دا بلوان، بِنا شادی توں دوویں روندے پِھردے ماردے دھائنیا۔ دھنّ بھاگ جے وقت پہنچیا آن، پربھ نے میلا دِتا مِلائیا۔ جھٹ شبد گُروُ آ گیا سُنو حُکم فرمان، پروردِگار رہیا سُنائیا۔ جوتی جوت سروُپ ہرِ، آپ اپنی کِرپا کر، سد اپنا نام سمجھائیا۔ نارد کہندا اوئے شبد گُروُ نہ تیرا تن نہ وجوُد، ویکھیاں نظر کِسے نہ آئیا۔ ایَویں چار جُگ کہندا رِہوں سچکھنڈ وسے اُچ عروُج، مُحبّت دا مالک بےپرواہیِا۔ نہ منزل لبھی نہ پایا حق محبوُب، مُکمل گرِہ نہ کوئے وکھائیا۔ جیہڑے گُر اوتار پَیغمبر گئے اوہ وی کر دِتے نیست و نابوُد، جڑ نظر کوئے نہ آئیا۔ میَنوُں اِیوں جاپدا تُوں آد توں لےَ کے انت تے مدھ تکّ اُوت دا اُوت، اُتم سریشٹ روُپ نہ کوئے درسائیا۔ لکھّ چؤراسی بنا کے پنج بھوُت، وِشن برہما شِو سیو دِتی لگائیا۔ پھیر تن وجوُد دسّ کے جھوُٹھ، ناتے دِتے تُڑائیا۔ جو آیا سو کرکے گیا کوُچ، چار جُگ دے گلی کوُچے خالی رہے کُرلائیا۔ اِک بچن میرے کولوں پوُچھ، میَں براہمن دیاں سمجھائیا۔ دسّ براہمنا اپنے وِچوں موُکھ، مُکھ نال سُنائیا۔ براہمن کہے شبد گُروُ اوئے تیریاں اوتاراں پَیغمبراں نوُں مذہب دی لگّی رہی بھوُکھ، اوہ بُھکھے بن کے ساری دُنیا آئے کھائیا۔ ایہو میَنوُں دوُکھ، دِلبر یار نہ کوئے مِلائیا۔ میَں رو کے ماری کوُک، کوُک کوُک دِتا سُنائیا۔ میَں کِہا پُرکھ اکال جے میَں شبد گُروُ ہوواں تے تیرا دو جہان دیواں پھوُک، کیوں جیہڑے تَینوُں گئے بُھلائیا۔ اوئے تیرے ہُندیاں کیوں کلجُگ جیو سُتے گھوُک، آلس نِندرا نہ کوئے مِٹائیا۔ تُوں کیوں پِھردا چارے کوُٹ، بھجیّں واہو داہیِا۔ نام جپن والیاں دے اندروں اجے نہیں گیا جوُٹھ جھوُٹھ، میَں سچ دیاں سُنائیا۔ پربھ دا بنیا نہیں کوئی سپوُت، پُت پوترے سارے رہے ہنڈھائیا۔ جوتی جوت سروُپ ہرِ، آپ اپنی کِرپا کر، سد اپنا رنگ وکھائیا۔ سَتگُر شبد کہے میَں ٹھیِک بڑا بلکاری، سوُربیِر اکھوائیا۔ پر میرے اُتے حُکم اِک نِرنکاری، بِنا حُکم

توں قدم نہ کوئے ٹِکائیا۔ جِس حُکم دے وِچ برہما وِشن شِو وگاری، گُر اوتار پَیغمبر نِیوں نِیوں سیِس جھُکائیا۔ پر سچ دسّاں جدوں پربھوُ کِرپا کرے میَں بھگتاں نوُں ضرور آواں تاری، تارنہارا ہو کے دَیا کمائیا۔ سچ پُچھیں مات لوک وِچوں پریمیاں دی سِر تے چُک کے کھاری، دو جہاناں پار کرائیا۔ جِتھے میرے صاحِب دی جوت ہوئے اُجیاری، اوتھے جاواں چائیں چائنیا۔ بن کے در دا درباری، نِیوں نِیوں سیِس نِوائیا۔ آہ سانبھ اپنے بھگت تیرے چرناں توں بلہاری، تیرے اَگے ٹِکائیا۔ پُرکھ اکال کہے ایہو میرے میِت ایہو میرے سجّن ایہو میرے کرتے ایہو میری ناری، تے نر نرائن اِکو سوبھا پائیا۔ تے سدا سدا سد اِکو نال رکھاں یاری، یرانے کوُڑے سرب تُڑائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا سچ اِک پرگٹائیا۔ شبد گُروُ کہے پنڈتا تُوں بڑا دیوی دیوا، دیوَ آتما تیرا روُپ درسائیا۔ نارد کہندا نہیں اوئے تُوں میَنوُں کہہ تُوں بڑا الکھ ابھیوا، لکھ نہ لکھیا جائیا۔ شبد سَتگُروُ نے چپیڑ ماری جاہ موُرکھا پربھوُ دے بھگتاں دی جا کے کر سیوا، بِنا سیوا توں پھل مِلن کوئے نہ پائیا۔ نارد ہسّ کے کِہا گُروُ جی میری کوئی نہیں رسنا جِہوا، میَں کی دیاں سُنائیا۔ کیہڑا رس تے کیہڑا میوہ، کی چکھّ کے خوشی منائیا۔ میَنوُں اَیں دِسدا جِتھے میرا صاحِب وسے اوہی نِہچل دھام نِہکیوا، دوُجا نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، سد اپنا گھر وکھائیا۔ نارد کِہا شبد گُروُ دسّ شبد وڈّا کہ جوتی، کہ جوت وِچ وڈیائیا۔ شبد کہے ایہہ گلّ کہی انوکھی، کی دیاں سُنائیا۔ نارد کہندا اوئے شبد گُروُ تُوں جدوں پرگٹ ہوویں کدی ننگا تے کدی تیڑ بنّھے دھوتی، کدی بودی رکھ کے مُکٹ سیِس ٹِکائیا۔ کدی مُچھ داہڑی کٹا کے صوُرت بنائیں اپنی کھودی، محمد دئے گواہیِا۔ کدے بن کے پریِتم چوجی، گوبِند روُپ درسائیا۔ تَینوُں کی کہن لوکی، ولیِا چھلیِا سب نوُں دھوکھے وِچ پھسائیا۔ کِسے نوُں پڑھن لایا پڑھائی پوتھی، اپنا بھیوَ نہ کوئے کُھلائیا۔ کِسے نوُں پگڑی کِسے دے سیِس تے رکھائی ٹوپی، کِسے دے بودے دِتے کٹائیا۔ کِسے نوُں خاک وِچ رُلایا کِسے نوُں چاڑھ دِتا چوٹی، چوٹیا کیوں ساری دُنیا دِتی بُھلائیا۔ کِسے دی گُر اوتار پَیغمبراں کولوں کرائی بوٹی بوٹی، دھنُش بان شستر کھنڈے ہتّھ پھڑائیا۔ کِڈی کھیل کیِتی ہوچھی، بچےّ بچّیاں نال دِتے لڑائیا۔ نارد کہے جے کِتے رَوداس چمار میَنوُں آر پھڑا دئے موچی، پربھوُ تیرا نکّ وِنھ کے نِکیل دیواں پائیا۔ پر ایہہ میری گلّ تھوتھی، میَں پیار وِچ سُنائیا۔ جھٹ جوتی رانی نے ہتّھ رکھ لیا اُتے ٹھوڈی، ہائے میرے پتی نوُں رہیا ڈرائیا۔ نارد کِہا

نہیں مئیا ایہہ تے گلّ ساڈی گھروگی، گھر وِچ رل مِل کے ایسے طرح جھٹ لنگھائیا۔ نہیں تے اوہ ویکھ لےَ ناما چھیمبا تے دھوبی، اوہ وی پربھ دی جوت وِچ سمائیا۔ پھیر لیٹ کے چرناں وِچ تے سِر رکھ لیا وِچ گودی، ہسّ کے دِتا وکھائیا۔ نؤ وار سِر مار کے ہلائی بودی، تاڑی دِتی لگائیا۔ پھیر بھجّ کے چڑھ گیا جوت نار دی موڈھیں، ہتّھ سیِس اُتے ٹِکائیا۔ نالے کِہا ممی ہو تے نہیں گئی اؤکھی، میرا بھار ستائیا۔ جوتی جوت سروُپ ہرِ، آپ اپنی کِرپا کر، سد اپنا رنگ وکھائیا۔ پُرکھ اکال کہے سارا دِن سچکھنڈ ہُندی رہی خوشی، ساڈھے تِنّ گھنٹے وجدی رہی ودھائیا۔ پوُرن سِنگھ سُتا نہیں سی تے لگّی سی اُس دوارے رُچی، جِتھے اپنا نوُر نوُر وِچ رلائیا۔ جِس دی کھیل اجے نہیں مُکی، مُکمل اپنی کار بُھگتائیا۔ آواز سُن دی رہی دو تُکی، تُوں میرا میَں تیرا اِکو ناد شنوائیا۔ جوتی جوت سروُپ ہرِ، آپ اپنی کِرپا کر، سد اپنا رنگ وکھائیا۔ نارد کہے پربھوُ میری اِک ارداس نِکی، سنمُکھ ہو کے دیاں سُنائیا۔ گوبِند نے کِہا میری سِکھی اِکّی، اِک اِکیس تیری وڈیائیا۔ پر اوہ وی کتھا کہانی نہیں کوئی لِکھی، تیرے سہارے گیا تجائیا۔ سو ویلا وقت پہنچیا مِتی، مِتر پیارے ویکھ وکھائیا۔ سوہنی سُہاؤنی کردے رُتی، رُتڑی رنگ رنگائیا۔ جیہڑا سریِر ہو جانا سی مِٹّی، اوہنوُں بخش دے وڈیائیا۔ جنم کرم دی ریکھا کردے چِٹی، کالا داغ دھوائیا۔ جوتی جوت سروُپ ہرِ، آپ اپنی کِرپا کر، سد اپنا رنگ رنگائیا۔ نارد کہے پربھوُ تیرے سریِر اُتے ہُندا سی چندن چندوآ، سوہنا نظری آئیا۔ میَنوُں اَیں دِسدا تیرا سریِر نہ رہیا جِہنوُں کہندے سی شیرسِنگھ تے شیرسِنگھ مویا، تے شیرسِنگھ روُپ پرگٹائیا۔ پھیر سچکھنڈ وِچوں لےَ کے آیا ڈھوآ، جن بھگتاں جھولی پائیا۔ اِس دا بھیوَ نہ جانے کوآ، کوُک کوُک نہ کوئے سُنائیا۔ جوتی جوت سروُپ ہرِ، آپ اپنی کِرپا کر، سد اپنا حُکم ورتائیا۔ چندوآ کہے میرا چیِتھڑ پُرانا، لوک مات نظری آئیا۔ شیرسِنگھ تن رہیا نہ، جِس دے اُتے سوبھا پائیا۔ اوئے جن بھگتو جگ کرِیو کوئے نہ مانا، ہنکار وِچ نہ کوئے وڈیائیا۔ ویکھو جیہڑا چھتر کردا سی اُتے سِری بھگوانا، اپنا بل پرگٹائیا۔ اجّ اوہ تُہاڈے در تے ہویا نِمانا، اپنا انگ انگ رہیا وکھائیا۔ جوتی جوت سروُپ ہرِ، آپ اپنی کِرپا کر، سد اپنی کار بُھگتائیا۔ چولا کہے میرے وِچ رہی کوئے نہ طاقت، سارے گُرمُکھ ویکھو ہتّھ لگائیا۔ نہ عقل رہی نہ لیاقت ، بُدھی کمّ کِسے نہ آئیا۔ میَں آیا ساں جِس دی بابت، اوہ مات لوک گیا تجائیا۔ بھگتو میری کرو سفارش، تُہاڈے اَگے سیِس نِوائیا۔ جے اوہ کرے سچ عدالت، اِنصاف اِک وکھائیا۔

میَنوُں بنا دیوے اپنی اَمانت، چرناں وِچ ٹِکائیا۔ پنج پیارے اِس دی دیؤ ضمانت، نِو کے سیِس جھُکائیا۔ جوتی جوت سروُپ ہرِ، آپ اپنی کِرپا کر، سد اپنا حُکم ورتائیا۔ چندوآ کہے میرا وقت چُک گیا اَخیِری، آخر دیاں جنائیا۔ اَگے کِسے دی رہنی نہیں پیِری فقیِری، مان تان نہ کوئے رکھائیا۔ شرع دی ٹُٹ جانی زنجِیری، کڑی کڑی دئے گواہیِا۔ بے شک پربھوُ دے مِلن دی گلی بھیِڑی، اؤکھا راہ دِسے لوکائیا۔ پر یاد کر لؤ بھگت تاریا سی روُپ دھار کے کیِڑی، پِھر نِکیوں وڈّا آپ بنائیا۔ تُہاڈی رہن نہیں دینی دِلگیِری، دِلاں دا مالک ہو کے ویکھ وکھائیا۔ جوتی جوت سروُپ ہرِ، آپ اپنی کِرپا کر، سد اپنا حُکم سُنائیا۔ چولا کہے میَں وِک گیا اُس ہاٹ، جِس در ملِے مُنہوں منگیا توٹ رہی نہ رائیا۔ مِٹ گئی میری واٹ، پَینڈا دِتا چُکائیا۔ مِٹ گئی میری ذات، اپنا آپ گوائیا۔ ویکھو اٹھاراں ہاڑ دی رات، سمت شہنشاہی چھ دئے گواہیِا۔ جن بھگتاں بخشیا ساتھ، سگلا سنگ بنائیا۔ کریا کھیل کملاپات، پت پرمیشور ہویا سہائیا۔ جوتی جوت سروُپ ہرِ، آپ اپنی کِرپا کر، سد اپنا رنگ رنگائیا۔ چولا کہے پربھوُ میرا انت اَخیِری ہویا وِہار، تیرے چرن مِلی سرنائیا۔ میَں چاہُندا اِکّی بھگت جن کر تیار، سِر اپنا ہتّھ ٹِکائیا۔ اوہ اندروں ہون سنگت دے سیوادار، دوَیت والا نظر کوئے نہ آئیا۔ اوہناں دے سیِس بنّھ دستار، ایہہ اِکّی دین گواہیِا۔ آپ بن یاراں دا یار، یارانہ توڑ نِبھائیا۔ پہلوں ماجھے وِچوں کر وِچار، فؤجا سِنگھ ملوُوالوں لیَنا اُٹھائیا۔ پھیر منگل سِنگھ ہووے ہوشیار، سارنگڑے والا سنگ بنائیا۔ نرَین سِنگھ کر خبردار، پُر گُمان وجےّ ودھائیا۔ موتا سِنگھ دے اُدھار، سِر اپنا ہتّھ ٹِکائیا۔ کُندن سِنگھ بخش پیار، مال چکّ جوڑ جُڑائیا۔ جوتی جوت سروُپ ہرِ، آپ اپنی کِرپا کر، سد اپنا کھیل وکھائیا۔ چولا کہے مالوے کر دھیان، مِہر نظر اُٹھائیا۔ جرنَیل سِنگھ کر پروان، رام سِنگھ نال مِلائیا۔ سادھوُ سِنگھ دے گیان، سِر اپنا ہتّھ رکھائیا۔ جاگیِر سِنگھ ہووے بلوان، ہربنس سِنگھ مِل کے وجےّ ودھائیا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ ٹِکائیا۔ چولا کہے دوآبے ویکھ اپنا روُپ، دوہری دھار سمجھائیا۔ تاروُ سِنگھ بنا سپوُت، ارجن سِنگھ سنگ وکھائیا۔ لال سِنگھ بنا سوُچ، ہیراں پِنڈ دینی وڈیائیا۔ پریِتم سِنگھ بھاگ لگا پنج بھوُت، پریِتم سِنگھ جنڈیالے والا نال مِلائیا۔ جوتی جوت سروُپ ہرِ، آپ اپنی کِرپا کر، میرا لیکھا پوُر کرائیا۔ چولا کہے جموں چاڑھ دے رنگ، اپنی دَیا کمائیا۔ تیج بھان دے انند، لچھمن سِنگھ مِل کے وجےّ ودھائیا۔

انگریز سِنگھ چمکا چند، دیوی سِنگھ ہووے رُشنائیا۔ گُردِت سِنگھ تیرے نام دا ہوئے پابند، سِر پنجاں ہتّھ ٹِکائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، سد اپنا رنگ رنگائیا۔ چولا کہے میرا روُپ چندوآ، بِن چندن واس مہکائیا۔ تیرے جوگا ہوآ، دوُجا نظر کوئے نہ پائیا۔ میَں جگت جہان موآ، گُرمُکھ اپنے لینےَ پرگٹائیا۔ پرکاش ہووے ترےَ لوآ، پُریاں لوآں وجےّ ودھائیا۔ جوتی جوت سروُپ ہرِ، آپ اپنی کِرپا کر، سد اپنی کار کمائیا۔ چندوآ کہے میرے صاحِب سَتگُر مہاراج، شہنشاہ تیری سرنائیا۔ اکیویں دستار امرجیِت سِنگھ دے سِر تے رکھ دے تاج، تخت نِواسی دَیا کمائیا۔ تیرا سَتجُگ دا بنے سماج، سمگری اِک ورتائیا۔ جیہڑا جھگڑا پئے کوئی نہ بعد، بعد دا لیکھا دینا گوائیا۔ منگوُپوُروں جو آئی سوغات، منجیِت بھجیّ چائیں چائنیا۔ ایہہ شبد گُروُ وجائے ناد، سندیسہ آیا سُنائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا رنگ اِک وکھائیا۔ چندوآ کہے اِکّی گُرمُکھو سَتگُر بنن دی رکھنی کدے نہیں آس، بھگوَن روُپ نہ کوئے بنائیا۔ اِکو شبد گُردیو سب دے وسے پاس، مالک ہر گھٹ تھائنیا۔ پوُرن وِچ پوُرن جوت پرکاش، بِنا پوُرن توں دوُجا نظر کوئے نہ آئیا۔ کنّاں وِچ سُنیو نہ کِسے دی بات، جھگڑے وِچ کوُڑ لوکائیا۔ میرا ٹھگّا چوراں نال ساتھ، بدمعاشاں وِچ وڑ کے جھٹ لنگھائیا۔ کاہناں گوپیاں اندر وڑ کے پاواں راس، ایہہ میری بےپرواہیِا۔ نمازیِاں وِچ بہہ کے پڑھاں نماز، سجدہ سیِس جھُکائیا۔ شاہ سُلطاناں وِچ سیِس تے رکھاں تاج، شاہ پاتشاہ ہو کے اپنا حُکم سُنائیا۔ جد چاہوگے دِن رات ماراں آ آواز، حُکم حُکم وِچوں پرگٹائیا۔ پِچھے جے سُتے رہے تے ہُن پَینا جاگ، آلس نِندرا لیَنی گوائیا۔ جوتی جوت سروُپ ہرِ، آپ اپنی کِرپا کر، سد اپنا کھیل وکھائیا۔ چندوآ کہے پربھ دا کھیل سدا بہُہ بھانتی، میَں جُگ جُگ سیو کمائیا۔ نِرگُن سرگُن کھیل کرے دِوس راتی، جُگ جُگ پھیرا پائیا۔ جگت ساک سنبندھ بنائے مات پِت بھَین بھائی پِتا پوُت تائی چاچی، پُھپھی ماسی نال وڈیائیا۔ تے اوہناں دی پھیر کرے راکھی، جِنہاں پُت توں ہو کے پِتا روُپ بنائیا۔ ایہو اؤکھی منزل تے اؤکھی گھاٹی، جیہڑی چار جُگ سمجھ کِسے نہ آئیا۔ صاحِب دیِن دَیال جِس نوُں چاہے کوجھے کملے نوُں دیوے داتی، بُھکھے ننگے نوُں داتا دئے بنائیا۔ جوتی جوت سروُپ ہرِ، آپ اپنی کِرپا کر، سد اپنا رنگ رنگائیا۔ اِکّی بھگت جن ہو جاؤ کھڑے، کھڑے دوویں ہتّھ کرائیا۔ مُکھوں کہو پربھوُ اسیں اِکو اکھّر پڑھے، تُوں میرا میَں تیرا دوُجا نظر کوئے نہ آئیا۔ تیرے شبد

بیڑے چڑھے، جگت نئیا نؤکا دِتا تجائیا۔ اِکو جانا تیرے گھرے، دوُجے مندر نہ کوئے وڈیائیا۔ تَینوُں ہون نہیں دینا پرے، پلکاں دے پِچھے لیَنا چُھپائیا۔ جے تُوں ساڈے اوتار پَیغمبر گُروُ ورے، کیوں ساتھوں کریں جُدائیا۔ اسیں اَگے نہیں رہنا چھڑے، آتم تیرے ہتّھ پھڑائیا۔ جوتی جوت سروُپ ہرِ، آپ اپنی کِرپا کر، سد اپنا رنگ رنگائیا۔ چولا کہے پنجے پیارے جوڑو ہتّھ، سیِس جگدیِش نِوائیا۔ پنج لِکھاری لِکھو پُرکھ سمرتھ، ایہو پِتا ایہو مائیا۔ پنجے درباری چرن جاؤ ڈھٹّھ، مستک دھوُڑی خاک رمائیا۔ پنجے پُجاری چرن لؤ چٹّ، رہی نہ مان وڈیائیا۔ کُتے والا شِکاری بھجن سِنگھ آوے نسّ، پِچھلی بُھل رہے نہ رائیا۔ اِکیاں دا ویکھو ستھ، سوہنا دِتا بنائیا۔ چھّبی پوہ پِھر ہور مِلنی وتھ، جو سب دی جھولی پائیا۔ اجّ توں جِس طرح گُرمُکھو تُہانوُں درشن ہوون اوہ لِکھ کے رکھنا تے آ کے دینا دسّ، تے پھیر پربھوُ دے درشناں دا لیکھا لَینا پائیا۔ ویکھیو میَں اِک تے تُہانوُں مِلدا کِس طرح نسّ نسّ، راتیں سُتیاں لَواں اُٹھائیا۔ پر یاد کر لؤ پربھوُ دے وِہار وِچ پیار وِچ ستکار وِچ دربار وِچ اگنی وِچ نہ جائیومچّ، حسد وِچ کوئے نہ آئیا۔ باہر دا کھیل کایا کچّ، کاچی ونگ بھنّ وکھائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، پت پرمیشور اگمّ اتھاہیِا۔ ستاراں ہاڑ کہے پربھوُ چار جُگ تیری چلدی رہی گڈّی، نام دے پئیے دِتے لگائیا۔ اِک گلّ پُچھاں وڈّی، گل پلّوُ واسطہ پائیا۔ اوہ کیہڑی دھار جِس نال سرِشٹی بدھّی، جگ نیتر نظر کِسے نہ آئیا۔ اوہ کیہڑی آواز، جِس نال گُر اوتار پَیغمبراں بخشیں گدّی، لوک مات مان تان ودھائیا۔ پُرکھ اکال کِہا ایہہ ساری کھیل میریاں چرناں ہیٹھ دبّی، بِنا کِرپا توں نظر کِسے نہ آئیا۔ پر ایہہ دات بخشدا کدی کدی، سدا ہتّھ نہ کِسے پھڑائیا۔ جِس دی پریِت پریِتم نال لگّی، سو پریِتم وِچ سمائیا۔ جن بھگتو ہُن اوہو دات تُہاڈیِاں پِٹھاں اُتے بدھّی، کیوں گوبِند دِتا لِکھائیا۔ اَگے گوبِند دا درشن کردے سی اکھّیں، ساہمنے ہو کے خوشی بنائیا۔ جوتی جوت سروُپ ہرِ، آپ اپنی کِرپا کر، سد اپنا رنگ وکھائیا۔ جن بھگتو گوبِند بہہ گیا تُہاڈی اُتے پِٹھ، پِٹھوُ مذہب دے دِتے لاہیِا۔ جیہڑی سادھاں نے منزل دسّی سوا گِٹھّ، اوہ بِنا ناپ توں دِتی مُکائیا۔ تُہاڈے کول اِکو میرے نام دی چِٹ، چِٹی دھار وِچوں پار لنگھائیا۔ کدی نہ پوُجیو پتّھر تے اِٹّ، اِٹّاں پتّھراں والا گُروُ کمّ کِسے نہ آئیا۔ جے چنگا کمّ ایہہ نہ ہُندا تے ضرور ماردا کوئی چِھک، ایہہ جگت دی ریِتی پِچھلی چلی آئیا۔ پر میَنوُں اَیں جاپدا سارے پربھوُ دے دوارے گئے وِک، قیِمت اپنی گئے

مُکائیا۔ جن بھگتو سجّا ہتّھ مارو اُتے ہِکّ، اسیں پربھوُ دے بھگت تے اوہ ساڈا بھگوَن سوبھا پائیا۔ ساڈے اندر مارے سدا کِھچّ، وِچ وڑ کے اپنا میل مِلائیا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ ٹِکائیا۔ جوتی ناری دی پھیر آ گئی واری، چار جُگ دی خوشی بنائیا۔ پربھوُ صاحِب ہُن کریئے اگلی تیاری، ترےَگُن توں باہر کھیل کھِلائیا۔ جِس طرح میَں تَینوُں لگّی پیاری، پریم وِچ اپنا پریم ودھائیا۔ میَں چاہُندی میرے نالوں چنگی تیری تیریاں بھگتاں نال ہووے یاری، بِنا بھگتاں توں یارانہ کمّ کِسے نہ آئیا۔ بِنا صاحِب کنت توں سرِشٹی سرب کواری، آتم سیج نہ کوئے ہنڈھائیا۔ میَں صدقے گھولی واری، اپنا آپ گھول گھُمائیا۔ ویکھیں کِتے وِتکرا نہ پاویں مُچھ کیس تے داڑھی، موُنڈ مُنڈایا حِصّہ نہ کوئے رکھائیا۔ میَں چاہُندی جو تیرے چرن کرے نِمسکاری، نِیوں نِیوں سیِس جھُکائیا۔ اوہو تیرے سچکھنڈ وِچ آ کے پریم دی دئے بہاری، بہار رُت اپنی دئے بدلائیا۔ جوتی جوت سروُپ ہرِ، آپ اپنی کِرپا کر، سد اپنا گھر وسائیا۔ نارد کہے میرا اِکو ہوکا، حُقیاں والیو دیاں سُنائیا۔ پربھوُ دا کھیل جُگ چؤکڑی دھوکھا، اچھل چھل سب دے نال کرائیا۔ ایسے طرح وقت لنگھ گیا بہُتا، نؤ سؤ چُرانوے چؤکڑی جُگ لنگھائیا۔ ہُن گوبِند دا پوُرا کر کے ڈھئیا والا ڈھؤنکا، اپنی لئی انگڑائیا۔ رَوداس دا ساڈھے تِنّ ہتّھ لیکھا پوُرا کیِتا اؤنٹا، مِہربان مِہر نظر اُٹھائیا۔ انت اَخیِر سب دا مالک خصم خاوَند بن کے کھؤنتا، اوتار پَیغمبر گُروُ لئے پرنائیا۔ جوتی جوت سروُپ ہرِ، آپ اپنی کِرپا کر، سد اپنا رنگ وکھائیا۔ نارد کہے جن بھگتو اِکّی پگڑیاں لؤ بنّھ، جُگِندر کؤر دینیاں ورتائیا۔ منجیِت نے نال تُرنا کہنا دھنّ دھنّ، پربھوُ تیری بےپرواہیِا۔ سب نے بولنا ہرِ سنگت دا بیڑا لیَنا بنّھ، سَتگُر اپنے کندھ اُٹھائیا۔ کوئی مندر وسے تے کوئی بھاویں وسے چھنّ، سب نوُں اِکو گھر بہائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا رنگ اِک چڑھائیا۔ پگڑی کہے میَنوُں سارے کہندے پگّ، پگّ کہہ کے میَنوُں پاگل دِتا بنائیا۔ میَں ویکھیا سارا جگ، جُگ جُگ سیو کمائیا۔ میَں جِس دے سِر تے آئی اوہدے اندر ویکھی دیِن مذہب دی اگّ، سانتک سَت نہ کوئے کرائیا۔ میَں بھجّ کے چلی گئی مکّے مدیِنے دا کرن حج، حاجیِاں ویکھ وکھائیا۔ جِنہاں دے سِراں اُتے کُلّے رہے سج، کُل مالک نہ کوئے سیِس نِوائیا۔ اوہناں دے اندر دوَیت سب نالوں ودّھ، آبِ حیات نہ کوئے پیائیا۔ میَں سارے دِتے چھڈ، بھجیّ واہو داہیِا۔ اِک بھگت سُہیلا لیا لبھ، اُس نوُں دِتا سُنائیا۔ میَنوُں

لےَ چل اوتھے جِتھے نہیں کوئی حد، حِصّہ ونڈ نہ کوئے ونڈائیا۔ میَں سب توں وکھّری رہاں الگ، وکھّرا گھر سُہائیا۔ جِتھے سارے بھگت ہون ہووے کوئے نہ کگ، ہنس گُرمُکھ سوبھا پائیا۔ نام خُماری پی کے مدھ، مدُھر دُھن راگ سُنائیا۔ جوتی جوت سروُپ ہرِ، آپ اپنی کِرپا کر، سد دِتی مان وڈیائیا۔ پگّ کہے جن بھگتو پربھ نے کیِتی بڑی مِہربانی، مِہر نظر اُٹھائیا۔ جِس دے بھگت سدا نِشانی، جُگ جُگ سوبھا پائیا۔ آد جُگاد بنیا رہیا بانی، سدا سدا سِر اپنا ہتّھ ٹِکائیا۔ پِچھلی ریِتی چُکی پُرانی، اَگے اپنا حُکم ورتائیا۔ جِس جوتی دھار اوتار پَیغمبر گُروُ بنا لئے مہارانی، راؤ رنک رہیا نہ رائیا۔ سو جن بھگتاں سچ دوارے کھوا مہمانی، ترِسنا بُھکھ گوائیا۔ جوتی جوت سروُپ ہرِ، آپ اپنی کِرپا کر، سد اپنا رنگ وکھائیا۔ نارد کہے پربھوُ جیہڑی کھیل کیِتی آد، میَنوُں دے سُنائیا۔ میَنوُں آ گیا یاد، یادداشت نہ کدے بُھلائیا۔ جُگ چؤکڑی جگت وستُوآں دا ورتاؤندا رہیا پرساد، پرسادے کھوا کے سب دے جھٹ لنگھائیا۔ پر اپنے نام دی پرگٹ ہو کے ساکھیات ہرِ سنگت کر کے ونڈی کدے نہیں دات، اِک اِک نوُں چوری جھولی پائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در تیرے الکھ جگائیا۔ نارد کہے پربھوُ اجّ پرساد دے دے اوہ، جو آد جھولی پائیا۔ جیہڑے گُرمُکھ آؤن چھّبی پوہ، اوہناں دے اندر وجدی رہے ودھائیا۔ سب دے ہتّھ وِچ لِکھ کے پھڑیا ہووے سوہنگ سو، سُنہری اکھّراں وِچ سوبھا پائیا۔ تیرے چرناں دا ہووے موہ، ناتا دیِن دُنی تُڑائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، سچ نام دینا ورتائیا۔ ساچا نام دے دے گپھّا، اپنی گنڈھ کُھلائیا۔ ایَویں نہ ہوویں خفا، غُصّے وِچ سُنائیا۔ ذرا ہُن بدل دے اپنا پِچھلا صفحہ، اَگا دے دِرڑائیا۔ اجے تکّ بھگتاں نوُں محسوُس ہُندا اسیں اجے تکّ کوئی نہیں کیِتا وادھا، وادھا نظر کوئے نہ آئیا۔ ہُن اِنہاں دے اندر وڑ کے اِنہاں دی آتم نوُں مارنا جّپھا، گلوَکڑی وِچوں نِکل کوئے نہ جائیا۔ اِکو تیرا گاون ٹپّا، ٹاپوُآں دا ڈیرہ ڈھاہیِا۔ اِکو پا دے سب دے اُپر چھپّا، سِر سکے نہ کوئے اُٹھائیا۔ جیہڑے تَیتھوں اوہلے ہو کے ماردے گپّاں، گپؤڑیاں رہے سُنائیا۔ اوہناں دے گلّ وِچ پا دے نام دا پٹا، پٹے والا کُتا دئے گواہیِا۔ بِنا تیرے توں دوُجے نال ہووے کدے نہ متا، مت متانتر دا ڈیرہ ڈھاہیِا۔ جے تُوں امرت ورتایا سی نال لپّاں، ہُن بُکڑے دے بھرائیا۔ پیِنا پئے نہ نال کپّاں، رسنا جِہوا نہ مُکھ ہِلائیا۔ جوتی جوت سروُپ ہرِ، آپ اپنی کِرپا کر، سچ وست جھولی پائیا۔ پُرکھ اکال کہے میرا پرساد

سدا پرسادی، پرس پرس پرسایا۔ ترسدے رہے کرِشنا رادھی، راما سیِتا راہ تکایا۔ پَیغمبر جھولیِاں رہے آڈی، نیتر نیَن اُٹھایا۔ گُر گُر گاؤندے رہے بن کے ڈھاڈھی، صِفتاں وِچ صالاہیِا۔ میَں اِک خبر سُنائی ساچی، سہج نال دِرڑائیا۔ جِس ویلے آپ آواں تے دیِناں مذہباں توں دیواں آزادی، جھگڑے سرب مُکایا۔ جوتی جوت سروُپ ہرِ، آپ اپنی کِرپا کر، نِہکلنک نرائن نر، مہاراج شیرسِنگھ وِشنوُں بھگوان، سَت دی دھار بخش کے سانجھی، سانجھیوال بھگت جن بنایا۔