کتب خانہGranth 22 (Shahmukhi)

۹ بھادروں شہنشاہی سمت ۶ بھاگ سِنگھ دے گرِہ پِنڈ ماہل ضِلع امرتسر

کلجُگ کہے پربھ میرے انترجامی، انتشکرن ویکھ جگت لوکائیا۔ میَں چؤتھا جُگ تیرا سُت اَنامی، مانگت ہو کے جھولی ڈائیا۔ میَں ثابت رہن نہیں دِتا کِسے دا اِیمانی، دھرم دی دھار نہ کوئے سمجھائیا۔ ساری سرِشٹی کیِتی کرودھی کامی، ہنکار وِکار وِچ تڑپھائیا۔ کِسے دے اندر اوتار پَیغمبر گُروُآں دی وسن نہیں دِتی بانی، کوُڑ دا انیالا تیِر چلائیا۔ چاروں کُنٹ تکّ لےَ پربھوُ دِسے اندھیری شامی، شمع نوُر نہ کوئے چمکائیا۔ من مت دی دُنی ہوئی غُلامی، گہر گمبھیِر زنجِیر سکے نہ کوئے تُڑائیا۔ جھگڑا ویکھ اُمت اِسلانی، اِسم اعظم نظر کِسے نہ آئیا۔ سیِتا رام دی بُھلی کہانی، رادھے شام روُپ نہ کوئے درسائیا۔ واہ واہ گُروُ سَتگُروُ تیری کھیل کِسے نہ جانی، جاننہار تیری بےپرواہیِا۔ تیری کِرپا نال میَں گھر گھر اندر کیِتی بے اِیمانی، بیوہ روُپ کیِتی خلق خُدائیا۔ سَت سچ دے نالوں کرکے نہ فرمانی، جوُٹھ جھوُٹھ دِتا اپنائیا۔ سب دی کایا بستی کر بیگانی، سُرت شبد گانا دھاگا دِتا تُڑائیا۔ میَں چار کُنٹ دہ دِشا پِھراں نال شانی، شہنشاہ تیرا حُکم منّاں چائیں چائنیا۔ اٹھسٹھ تیِرتھ پوِتر رہن نہیں دِتا پانی، گنگا گوداوری جمنا سُرستی نیتر رووے مارے دھائنیا۔ گُردر مندر مسجد شِودوالے مٹھ سَت دی نظر نہ آئے نِشانی، نِشانہ کوُڑ دِتا چلائیا۔ جھگڑا پاواں اِنجیِل قرآنی، وید پُرانی سنگ نہ کوئے رکھائیا۔ کِسے منزل چڑھن نہ دیواں روُحانی، روُح بُت پتت پُنیِت نہ کوئے کرائیا۔ تُوں صاحِب سُلطان مرد مردان میرے اُتے کریں مِہربانی، مِہربان محبوُب تیری آس رکھائیا۔ کلجُگ کہے پربھوُ میری کلا دی اِک شیَطانی، شرع نال شرع دینی ٹکرائیا۔ تیری کائنات کرنی دیِوانی، بُدھ بِبیک نہ کوئے وکھائیا۔ جِس سرِشٹی نوُں سب نے دسّیا فانی، فنا کرکے دینا وکھائیا۔ صدی چؤدھویں سب نوُں دینی پَینی قُربانی، محمد بَیٹھا آس رکھائیا۔ جھگڑا پاؤنا وِچ عوامی، جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، تُوں آد انت سب دا جان جانی، جاننہار اِک اکھوائیا۔

۹ بھادروں شہنشاہی سمت ۶ ہزارا سِنگھ دے گرِہ پِنڈ گھنوُک پُر ضِلع امرتسر

کلجُگ کہے پربھ میَں کھیل کھِلاؤنی بجر کپاٹی سلّ دی، سِلسلہ اندر دینا بدلائیا۔ میَں کلپنا ودھاؤنی من نال دِل دی، دلیِل دلیِل وِچوں سمجھائیا۔ کوئی آتما میرے انت تَینوُں نہ ہووے مِلدی، برہم پاربرہم نہ کوئے سمجھائیا۔ میَں کھیل مِٹاؤنی اِللاہ دی، رسوُل رسوُلاں کراں صفائیا۔ میرے حُکم نال میرے صاحِب دھرتی ہووے ہِلدی، پاپاں بھار نال کُرلائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، دیونہار تیری وڈیائیا۔ کلجُگ کہے پربھوُ میَں تیرے حُکم دا پھڑنا خنجر، خنزیر سرِشٹی دینی بنائیا۔ کوُڑ نگارہ وجاؤنا سب دے اندر، سَت سچ نظر کوئے نہ آئیا۔ پرکاش ہون دینا نہیں کایا مندر، کعبہ حق نہ کوئے وکھائیا۔ اندھیرا ہونا صدی چؤدھویں دی کَندر، پردہ سکے نہ کوئے اُٹھائیا۔ کلجُگ جیو نچاؤنے وانگ بندر، مایا ڈوری گل لٹکائیا۔ جھگڑا مُکاؤنا سوُریہ چندر، چند سِتار نِشان گواہیِا۔ تیرے در تے آیا منگن، بِھکھاری ہو کے جھولی ڈاہیِا۔ میرے پیار نام دا چھّبی پوہ بخش دے کنگن، کنگھا اِکیاں دندیاں والا نال رکھائیا۔ میَں ہوکا دیواں وِچ وربھنڈن، کوُک کوُک سُنائیا۔ خبر کراں جیرج انڈن، اُتبُھج سیتج آپ اُٹھائیا۔ اِک سؤ اِک گُرمُکھاں مستک لگّا ہووے چندن، چندن نال نِم واس مہکائیا۔ حُکم دینا سوُرے سربنگن، صاحِب سُلطان تیری اوٹ رکھائیا۔ میرا تِنّ رنگ دا کالا ہووے بدن، لال سوُہا پیِلا رنگ رنگائیا۔ کھڑگ ننگی ہووے کندھن، کٹار دھار چمکائیا۔ پُٹھا ڈٹھا ہووے پلنگن، سوہنی سیج بنائیا۔ نؤ اودھوُت کردے ہون بندن، اپنا سیِس جھُکائیا۔ میَں اگلا ہور بھنڈارا آواں منگن، اپنی آسا نال پرگٹائیا۔ روُپ دھریا ہووے گُرمُکھ دُشٹ دمن، دامنگیِر تیری سرنائیا۔ نؤ رنگ دا غُنچہ بنیا ہووے چمن، باغوان ویکھ وکھائیا۔ پنجاں لِکھاریِاں دے مستک لِکھیا ہووے امن، اکھّر اِکو رنگ وکھائیا۔ چؤداں گُرمُکھ لہِندی دِشا کمبن، دند دنداں نال ٹکرائیا۔ چؤداں چار کُنٹ لبھن، بھجّن واہو داہیِا۔ چؤداں پُٹھی کرن بندن، سوہنا سیِس جھُکائیا۔ چؤداں ڈنگوریِاں پھڑ کے کھنگھن، اُبھے ساہ ساہ دبائیا۔ چؤداں اِک دوُجے توں لنگھن، پِٹھ دھرت اُتے چُھہائیا۔ چؤداں پربھ دی دھاروں جمّن، جنم جنم وِچوں بدلائیا۔ چؤداں دے ہتّھ وِچ پھڑے ہون سمن، پنجابی ہِندی وِچ وکھائیا۔ پنجاں دے مستک لگّے ہون کھمبھن، گرڑ گرڑ نال وڈیائیا۔ چؤداں مستک لا کے رنگن، نیِلی دھار دھار درسائیا۔ جوتی جوت سروُپ ہرِ، آپ اپنی

کِرپا کر، ایکا دینا ساچا ور، سچ میلا آپ مِلائیا۔ کلجُگ کہے پربھوُ میَں کنگن کرنا گوبِند بھیٹا، اپنی خوشی بنائیا۔ جِس نیِہاں ہیٹھ دبا کے بیٹا، میری جڑ دِتی ہِلائیا۔ میَنوُں اجے نہ بُھلیا چیتا، جِس ویلے تیغ بہادر سیِس کٹائیا۔ میَنوُں اجےّ وی آؤندا سیکا، جِس ویلے ارجن تتی لوح آسن لائیا۔ میَں اجے وی دیکھدا تیریا دیسا، جِتھے دس دسمیش سوبھا پائیا۔ میرا پوُرا کرنا لیکھا، لِکھت بھوِکھت نہ کوئے دِرڑائیا۔ اِکو وار چؤراسی دا لَینا تَیتھوں ٹھیکا، ٹھیکیداری اوَر نہ کوئے کمائیا۔ جوتی جوت سروُپ ہرِ، آپ اپنی کِرپا کر، میرا گرِہ بناؤنا بھگت دوارے کول گیٹا، مِہر مِہر نظر اُٹھائیا۔ کلجُگ کہے میرے لئی ہووے کالی کملی، کفن کالا نال رکھائیا۔ نال گُرمُکھ چؤداں ہوون عملی، نام خُماری عمل چڑھائیا۔ اِک دی آشا ہووے یملی، موُرکھ مُگدھ روُپ درسائیا۔ چؤداں تیری سِکھیا ہووے منّ لئی، من منسا وِچ چُھپائیا۔ چؤداں آون جگت دے دھن لئی، خالی جھولی اَگے ڈاہیِا۔ چؤداں آون چُغلی دے کنّ لئی، نِندیا وِچ سُنائیا۔ چؤداں آون پوِتر تن لئی، دُرمت میَل دوُر کرائیا۔ چؤداں آون درشن سِری بھگوَن لئی، نیَن لال رنگ رنگائیا۔ چؤداں آون جنم کرم دے ڈنّ لئی، کوُڑ کُڑیارا نال رکھائیا۔ چؤداں آون شبد دھار دے دم لئی، دامنگیِر سیِس نِوائیا۔ چؤداں آون ترِسنا تم لئی، ہؤمے روگ وکھائیا۔ چؤداں گُرسِکھ آون کلجُگ انتم غم لئی، کالی کفنی گل وِچ پائیا۔ چؤداں آون نوُری چنّ لئی، چند ہتّھ وِچ اُٹھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ تیری آس وکھائیا۔ کلجُگ کہے چؤداں آون گُرمُکھ پکّے، چھّبی پوہ وجےّ ودھائیا۔ چؤداں بھگت سُہیلے ہون سکے، رِشتہ رِشتے وِچوں پرگٹائیا۔ چؤداں لیاوَن چؤداں چؤداں ٹکے، ٹکے ہتّھاں وِچ اُٹھائیا۔ چؤداں نام دی دھار وِچ ہوون رتے، رتن امولک روُپ درسائیا۔ چؤداں جَیکارا بولن فتح، واہِگُروُ تیری بےپرواہیِا۔ چؤداں واسطہ آون گھتے، دوئے جوڑ سیِس نِوائیا۔ چؤداں بازو کیتے ہون اِکٹّھے، گنڈھ اِکو اِک پوائیا۔ چؤداں چھاتی بنّھ کے آون پٹے، پٹنے والا اکھّر وکھائیا۔ چؤداں اپنے کرم دے لےَ کے آون خطے، کھاتہ اپنے ہتّھ اُٹھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، ہرِ سچ تیری وڈیائیا۔ کلجُگ کہے پربھوُ چؤداں گاؤندے آؤن ترانے، طرز طرح طرح سُنائیا۔ چؤداں کھاندے آون کھانے، من بھؤندی خوشی بنائیا۔ چؤداں چُکی آون نیانے، وڈے چھوٹے نہ کوئے وڈیائیا۔ چؤداں چبدے آون دانے، داڑھاں دنداں ہیٹھ دبائیا۔ چؤداں اکھّوں ہوون کانے، اِک اِک اکھّ نہ کوئے کُھلائیا۔ چؤداں بنے

ہون رانے، شاہی لباس نال سجائیا۔ چؤداں بُڈھے ہون پُرانے، بِردھ اوستھا ویکھ وکھائیا۔ چؤداں چلن نال شانے، مُکھوں کہن شہنشاہ تیری بےپرواہیِا۔ چؤداں بَیٹھے ہون گھوڑیاں اُتے الانے، پاکھر زیِن نہ کوئے وکھائیا۔ چؤداں کھڑے ہون سرہانے، چھّبی پوہ رَین وڈیائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در تیرے منگ منگائیا۔ کلجُگ کہے پربھوُ چؤداں طبق در تیرے آون نَٹھے، بھجّن واہو داہیِا۔ چؤداں اَگوں اِکّی سال دے گُرمُکھ مِلن اِکٹّھے، جوبن ونتے سوبھا پائیا۔ چؤداں ہتّھ وِچ بھواؤن لٹھے، ساڈھے تِنّ ہتّھ لمبائیا۔ چؤداں ہتّھ وِچ پھڑے ہون کٹّے، ننھے بچّے سنگ رکھائیا۔ چؤداں چُھری ہتّھ قصائی اُٹھاوَن اِک دوُجے دے بن کے سکے، ساجن میِت میِت اکھوائیا۔ چؤداں بھار ہوون چکّے، سَوا پنج سیر سمجھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، کلجُگ کہے میری انتم پت رکھے، رکھنہار دُھردرگاہیِا۔

۲۰ بھادروں شہنشاہی سمت ۶ جُگِندر سِنگھ دے گرِہ اِٹارسی

کلجُگ کہے نؤ کھنڈ پرِتھمی ستّ دیِپ پاؤنا غدوُر، چاروں کُنٹ دہ دِشا دینا ہِلائیا۔ دیِن دیِن کولوں کراؤنا مقتُول، قتل تکنی خلق خُدائیا۔ سَت دھرم دا رہن نہیں دینا اصوُل، اصل وصل یار نہ کوئے وکھائیا۔ ناؤں نِرنکارا سرِشٹی درِشٹی اندر جائے بھوُل، سُرتی صِفت نہ کوئے صالاحیِا۔ آتم ناری تَینوُں کوئی ورے نہ کنت کنتُوہل، سُہنجنی سیج نہ کوئے وڈیائیا۔ سچ پنگھوُڑا لئے کوئے نہ جھوُل، کوُڑی کِریا وِچ ہلکائیا۔ تیرے نام دا برکھے کوئے نہ پھوُل، سُگندھی سَت نہ کوئے وکھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، ہرِ صاحِب تیری سرنائیا۔ کلجُگ کہے پربھ میری پوُری کر دئیں منگ، در مانگت سیِس جھُکائیا۔ کِسے دے اندر رہن نہیں دینا انند، سانتک سَت نہ کوئے وکھائیا۔ میَں جھگڑا ویکھنا تارا چند، صدی چؤدھویں محمد نال مِلائیا۔ صوُفی سنت فقیِر انتر پئے کِسے نہ ٹھنڈ، اگنی تت جلائیا۔ تیرے حُکم دی چلے چنڈ پرچنڈ، کھنڈا کھڑگ کوُڑ کھڑکائیا۔ صدی چؤدھویں تیرے حُکم دی رہی لنگھ، جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در ٹھانڈے الکھ جگائیا۔ کلجُگ کہے پربھ

میری آسا ہور وڈّی، وڈ داتے دیاں جنائیا۔ میَں چار جُگ دی پُشت رہن نہیں دینی یدی، یتھارتھ صاحِب دیاں دِرڑائیا۔ اوتار پَیغمبر گُروُآں دی انت رہے نہ گدّی، گداگر کراں لوکائیا۔ انت ویکھ لےَ اپنے حُکم والی صدی، صدمہ گرِہ گرِہ سمجھائیا۔ تیری نوُر جوت دیِپک اگمّ ہو کے جگی، بِن تیل باتی رُشنائیا۔ میرے صاحِب سوُرے سُلطان الکھّنا الکھی، تیرا نوُر لکھیا کوئے نہ جائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، مِہربان محبوُب مُحبّت وِچ منگ منگائیا۔ کلجُگ کہے میرا پوُرا ہو لیَن دے چا، چاؤ گھنیرا اِک درسائیا۔ وقت سُہنجنا سُہاوا رہیا آ، آمد وِچ رہی وڈیائیا۔ میَں شاہ سُلطاناں دینی پت گوا، پت پرمیشور تیری اوٹ تکائیا۔ انت کنت بھگوَنت میرا شبد گُروُ گواہ، شہادت اِک بُھگتائیا۔ میَں سب دے مستک لاؤنی سواہ، شہنشاہ تیرا نوُر نظر کِسے نہ آئیا۔ ہنس بُدھی کرنی کاں، سرِشٹی کاگ وانگ کُرلائیا۔ جھگڑا پا کے سوُر گاں، دھرم دی دھرم دھار ٹُھکرائیا۔ پِھر تُوں میَنوُں کہیں واہ واہ، چؤتھے جُگ سُت دُلارے تیری وڈ وڈیائیا۔ میَنوُں منّن توں سارے کر گئے نانہہ، نام نِدھان کوئے نہ گائیا۔ نہ کوئے پِتا رہے نہ ماں، پوُت کپوُت سپوُت نظر کوئے نہ آئیا۔ بھائی بھَین نہ پکڑے بانہہ، سجّن میِت نہ سنگ رکھائیا۔ دیِن مذہب دیوے کوئے نہ تھاں، رہبر نوُر نہ کوئے چمکائیا۔ تُوں مالک خالق واحد اِک خُدا، خود مالک تیری اوٹ تکائیا۔ میَں چاہُندا تیری لکھّ چؤراسی کراں ذِبع، چُھری تیرے نام کلمے والی چلائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، نِیوں نِیوں لاگاں پائیا۔ کلجُگ کہے پربھوُ میرے انتر اُٹھی اگمّی آواز، بِن رسنا جِہوا سُنائیا۔ میَں تیرا چار جُگ دا ویکھاں ساج، سمان تکاں پنج تت خلق خُدائیا۔ دیِن دُنی دا بدل دیواں سماج، سمگری تیری کوُڑ ورتائیا۔ کایا مندر اندر بہہ کے کراں راج، حُکم منوُآ من سُنائیا۔ سُرتی کِسے نہ جائے جاگ، جاگرت جوت نہ کوئے رُشنائیا۔ تن وجوُد ماٹی خاک لاواں داغ، دُرمت میَل سکے نہ کوئے دھوائیا۔ تیرے نام بِنا خالی کراں لنگڑے لوُلھے اپاہج، ثابت رہن کوئے نہ پائیا۔ دھرم دی دھار دِسے کوئے نہ سادھ، سانتک سَت نہ کوئے سمائیا۔ جو تیرے اوتار پَیغمبر گُروُآں دیِناں مذہباں دا لاہیِا پاپ، سب دا لیکھا دیاں مُکائیا۔ تیری جوت دا جگے نہ کوئے چراغ، چراگاہاں کرے نہ کوئے رُشنائیا۔ سچ در تے نہ کوئے سوال نہ کوئے جواب، جواب طلبی نہ کوئے وکھائیا۔ میرے پُرکھ اکالے صاحِب مہاراج، دیِن دَیال سیِس جھُکائیا۔ میَں دِوس رَین تَینوُں رہیا ارادھ، سِمر سِمر سِمر تیرا دھیان لگائیا۔ تُوں میری

جھولی پا دے واد وِواد، وِکھ اپنی آپ ٹِکائیا۔ میَں نام وِہوُنی سرِشٹ کراں برباد، جننی جن بھگت جنمے کوئے نہ مائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، دھرم دوارے آس رکھائیا۔ کلجُگ کہے پربھوُ میری آشا لمی، انت تیرے وِچ رکھائیا۔ میَں جھگڑا پاواں کایا ماٹی چمّی، چمّ درِشٹی سب دی دیاں بدلائیا۔ میَں تیرا نام جپن نہ دیواں دمی، سواس سواس کوئے نہ گائیا۔ گگن پاتالاں رہن نہ دیواں تھمی، تھرتھراہٹ کرے لوکائیا۔ سنت فقیِر بناواں ڈمبھی، نِرگُن نوُر نہ کوئے چتُرائیا۔ گھر گھر اندر وکھاواں غمی، غم خوار تیری سرنائیا۔ تُوں مالک خالق ہو کے میرا بیڑا بنھیِں، مِہربان سِر میرے ہتّھ ٹِکائیا۔ تُوں داتا آد جُگاد دھن دھنی، دھناڈھ اِک اکھوائیا۔ کوُڑ کُکرم نال میری خالی ہون دیویں نہ کنّی، پلّوُ گنڈھ دینی پوائیا۔ میَں تیرے حُکم دی دھار سندیسہ رہی منّی، من منسا پوُر کرائیا۔ انت کوئے رہن نہ دیواں چھپّر چھنّی، شہنشاہ تیری اوٹ تکائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، نِہکلنک نرائن نر، مہاراج شیرسِنگھ وِشنوُں بھگوان، تیرا لیکھا لِکھیا جائے نہ اُپر پنّیں، صفیاں وِچ نہ کوئے جنائیا۔

۲۱ بھادروں شہنشاہی سمت ۶ بھگت سِنگھ دے گرِہ اِٹارسی

کلجُگ کہے پربھوُ میرا کرنا وقت سُہاؤنا، سُہنجنا آپ بنائیا۔ تیری کِرپا میَں اپنا بل پرگٹاؤنا، پرگٹ ہونا تھاؤں تھائنیا۔ دو جہاناں رؤلا پاؤنا، شورو غُل دُہائیا۔ لکھّ چؤراسی جیِو جنت روُاؤنا، سادھ سنت کُرلائیا۔ کوُڑ کُڑیار دا ڈنک وجانا، کُنٹ کوُٹ شنوائیا۔ تیرا سُت دُلارا اِک اکھواؤنا، آخر لَواں انگڑائیا۔ جگت ہنکاری بُرج ڈھاہُنا، ڈھاہ ڈھاہ خاک مِلائیا۔ تیئی اوتار پَیغمبراں گُروُآں آپ ہِلاؤنا، جڑ رہن کوئے نہ پائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، مِہربان تیری سرنائیا۔ کلجُگ کہے اؤہ ویکھ پربھوُ محمد میَنوُں کڈھدا اکھّاں، نیَن نیَن اُٹھائیا۔ میَں تیرے اَگے جوڑدا ہتّھاں، دوویں دست دست بندھائیا۔ عیسیٰ موُسیٰ سنگ ہووے اِکٹّھا، جگت جوڑ بنائیا۔ میَں چاہُندا اِنہاں وِچ پاواں رٹّا، رُٹیِن وِچ اپنا کھیل کھِلائیا۔ سب دی

خاک اُڈاواں گھٹّا، مِٹّی کھیت رسائیا۔ اپنے وعدے والا یاد کر لےَ اِک ٹپّا، جو آد دِتا سُنائیا۔ اِک نوُر ظہوُر پرکاش ویکھاں تیرے پپا، جوتی جوت سروُپ ہرِ، آپ اپنی کِرپا کر، ایکا دینا سچ ور، سچ دے مالک دَیا کمائیا۔ کلجُگ کہے پربھوُ اوہ ویکھ حضرت عیسیٰ ماردا جھاکی، پڑدا پڑدے وِچوں اُٹھائیا۔ ویہویں صدی دا لیکھا ویکھ کے باقی، حِساب انکڑیاں وِچ لگائیا۔ جھگڑا دِسدا تن وجوُد خاکی، بُتخانے رہے کُرلائیا۔ میَں اُس نوُں پِھر شبد کہانی آکھی، کلمہ حق دِرڑائیا۔ میرا سندیسہ نہیں گُستاخی، گلِے وِچ نہ کوئے جنائیا۔ تیرا لہنا رہیا نہ باقی، ویلا وقت وقت دِرڑائیا۔ جِس کارن تَینوُں چڑھایا پھاسی، صلیِب گل لٹکائیا۔ اوہ لیکھا پوُرا کرے پُرکھ ابناشی، جلوہ گر نوُر خُدائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، دُھر مالک ویکھ وکھائیا۔ کلجُگ کہے پربھوُ اوہ ویکھ موُسیٰ تکدا، تقدیِر اپنی نال مِلائیا۔ جِس نظارہ تکیا یک دا، واحد تیری اوٹ رکھائیا۔ بِن قدماں تیری قدم بوسی نوُں بھجّدا، قدیِم دے مالک راہ تکائیا۔ مِہربان محبوُب تیرا بھانا کوئے نہ ڈکدا، نہ کوئے روکے روک رُکائیا۔ اُس دا لیکھا ویکھ لےَ لِکھیا ہتّھ دا، ہتھیلی اکھّراں نال بھرائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ ساجن ویکھ وکھائیا۔ کلجُگ کہے پربھوُ کی موُسیٰ کردا اُجر، آرزو کی جنائیا۔ کیوں میرا وقت گیا گُزر، گُزشتہ حال دئے گواہیِا۔ میَں ویکھاں اگمّا مُظر، مُظاہرے وِچ شنوائیا۔ میرا انت اَخیِر روُپ رہیا نہ سُندر، کوہ طوُر نہ کوئے چتُرائیا۔ اپنیاں نیتراں اُتے پھیر اُنگل، جو بے زبان اسمان ولّ اُٹھائیا۔ پھیر دھرتی دا تکّ لےَ عُذر، انتر نِرنتر ویکھ وکھائیا۔ پھیر زمیِن دا ویکھ لےَ قُطر، نِشانہ کلجُگ کوَن جنائیا۔ پھیر تکدا میَں کِس دھار دا پُتر، کوَن میری جنیندی مائیا۔ پھیر کردا تیرا شُکر، شُکُرانے وِچ سیِس نِوائیا۔ پھیر صدی چؤدھویں ویکھدا پوُرب اُتر، پچھّم دکھّن اکھّ اُٹھائیا۔ اوہ ویکھ میَنوُں اِشارہ کردا کلجُگ تُوں نہ جاویں مُکر، وعدہ دعوے نال سمجھائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، دُھر مستک ویکھ وکھائیا۔ کلجُگ کہے پربھوُ عیسیٰ موُسیٰ محمد تِنے ویکھدے نال غُصّے، میرے ولّ دھیان لگائیا۔ میَں ہسّ کے کِہا پَیغمبرو تُہاڈے رہن نہیں دِتے جُسے، جِسم ضمیِر خاک مِلائیا۔ انتم تُہاڈے پَینڈے مکُے، مُکمل دیاں سُنائیا۔ اُمت ولّ ویکھ کے تُہاڈے ہِردے دُکھے، مُرشد مُریِد ہونی انت جُدائیا۔ سب نوُں کھانے پَینے ٹُکڑے رُکھے، چُھری ذِبح نہ کوئے کرائیا۔ محمدا اُمت نوُں گانا بنّھ دے گُٹے، مؤلی تند ہتّھ اُٹھائیا۔

عیسیٰ ویکھ لےَ لہِندی گُٹھے، موُسیٰ اُنگل اِک ہِلائیا۔ تکّ لؤ پُرانے اپنے جُتے، جو مقبریاں باہر تکائیا۔ میرے پروردِگار دے بھیوَ رہنے نہیں لُکے، لُقمان رو کے گیا سُنائیا۔ سُلیمان نے بُل کر کے سُچے، نؤ وار دِتا دِرڑائیا۔ شاہ علی نے نیتر کر کے پُٹھے، پُشت پُشت ویکھ وکھائیا۔ جِس ویلے اِمام اِماما شاہ شہانہ اُٹھے، کلمہ کلام آپ جنائیا۔ اُس ویلے پِچھلی گنڈھی سب دی ٹُٹے، ٹُٹیاں گنڈھ نہ کوئے پوائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، سب دے لیکھے ویکھے پُٹھے، کاغذ قلم شاہی اکھّر نہ کوئے چتُرائیا۔

۲۲ بھادروں شہنشاہی سمت ۶ ٹوپن رام دے گرِہ اِٹارسی

پُرکھ ابناشی سجّن سُہیلا، پروردِگار ویس وٹائیا۔ دروہی پِھری جنگل جوُہ بیلا، کائنات پئی دُہائیا۔ لیکھا جانے گُروُ چیلا، مُریِد مُرشد پھول پھولائیا۔ پھیر وس کے سب توں نویلا، نِرگُن اپنا حُکم سُنائیا۔ ساڈا کلمہ انتم ہویا فیلا، لُک رہن کوئے نہ پائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، دُھر حُکم اِک پرگٹائیا۔ کلجُگ کہے محمد بس کر یار، مِتر کی سُنائیا۔ میَں وی ہون لگّا تیار، ترےَگُن اپنے نال مِلائیا۔ سرِشٹی درِشٹی کرنی خوار، خالص نظر کوئے نہ آئیا۔ کوٹاں وِچوں ثابت رہن دینے دو چار، جو پربھ دی اوٹ تکائیا۔ میَں حُکم منّاں سچّی سرکار، جو پاتشاہ شاہ رہیا دِرڑائیا۔ میَں اپنی ویکھنی خوُب بہار، چاروں کُنٹ رنگ رنگائیا۔ جھگڑا پا کے مرد نار، اِستری پُرش دینے لڑائیا۔ کھیل کرنا اُس دی دھار، جو دھرنی اُتے آوے چائیں چائنیا۔ تیرا لہنا دینا لیکھا لئے وِچار، پوُرب پڑدا پھول پھولائیا۔ اُٹھ دوویں کریئے اُس نوُں نِمسکار، نمو نمو سیِس جھُکائیا۔ جِس دے کول سرب اختیار، مختیارنامے ساڈے اپنے حُکم وِچ چلائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، نِہکلنک نرائن نر، مہاراج شیرسِنگھ وِشنوُں بھگوان، آد جُگادی اِک اوتار، اوتر اپنی جوت کرے رُشنائیا۔

۲۳ بھادروں شہنشاہی سمت ۶ ہردت سِنگھ دے گرِہ اِٹارسی

شنکر کہے نانک ویکھ لےَ اپنی کالی بھوُری، بھرم رہے نہ رائیا۔ میری ہوئی انت مجبوُری، مجبوُر ہو کے دیاں سُنائیا۔ سب دی ترِسنا کرنی پوُری، ترِکھا کوُڑ ویکھ وکھائیا۔ ساچا چند دِسے نہ نوُری، نوُرانہ نوُر نہ کوئے چمکائیا۔ تیری دِسے نہ کوئے حضوُری، اوہ ویکھ حضرت دین گواہیِا۔ سب دی درِشٹی ہوئی موُڑھی، چتُر سُجان روُپ نہ کوئے درسائیا۔ ملیچھاں دی صفحہ ویکھ لےَ کوُڑی، دھرنی دھرت دھوَل دُہائیا۔ رنگن رہی نام نہ گوُڑھی، کُسمبھڑا رنگ گئی بدلائیا۔ سچیائی سچ دی دھار ہوئی مفروُری، بیلے ممتا وِچ اپنا آپ چُھپائیا۔ چار کُنٹ گڑھ غروُری، کلمہ سکے نہ کوئے تُڑائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ سندیسہ اِک سُنائیا۔ کلجُگ کہے نانک ویکھ لےَ اپنی کھوُنڈی، کھوجت کھوجت دھیان لگائیا۔ ساچی سِکھیا ملِے نہ ڈھوُنڈی، ڈھوُنڈت ڈھوُنڈت خلق خُدائیا۔ سب دی آسا ہوئی موُدھی، کوَلی کوَل نہ کوئے اُلٹائیا۔ ہُن کھیل ویکھنی نبی نوُح دی، جو نِیوں نِیوں سیِس جھُکائیا۔ وڈیائی رہی نہ کِسے گُروُ دی، گُردیو دین دُہائیا۔ کھیل تکنی پروردِگار شُروُع دی، جو شرع دئے بدلائیا۔ جِس بِدھ دیِن دُنیا رُڑھوُگی، وہندے وہن وہائیا۔ جگت دھار کوئے نہ مُڑوُگی، اَگے ہو نہ کوئے اٹکائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ پردہ رہیا چُکائیا۔ کلجُگ کہے نانک موڈھے چُک کے ویکھ لےَ کھیس، خالص نظر کوئے نہ آئیا۔ جو سُنیہڑا دے کے گیا دس دسمیس، گوبِند گوبِند گوبِند دُھر دا ماہیِا۔ میَں اُس دا لیکھا پوُرا کرنا لیکھ، لیکھنی پِچھلی ویکھ وکھائیا۔ جو میرے کارن بچّے کر کے گیا بھیٹ، بالے نیِہاں ہیٹھ دبائیا۔ اپنا خالی کرکے پیٹ، پیٹا تانا ویکھے خلق خُدائیا۔ ماچھوُواڑے دی سیج اُتے ویکھ، نِگاہ نِگاہ وِچوں بدلائیا۔ پُرکھ اکالے دِتا سندیس، ستھر یار اِک سُہائیا۔ میرا کھیل سدا ہمیش، جُگ چؤکڑی چلیا آئیا۔ کلجُگ انتم کراں ویس، میلا میلے سہج سُبھائیا۔ اندر وڑ کے کھولاں بھیت، اوہلا دو جہان چُکائیا۔ نظری آواں نیتن نیت، نِج نیَن نیَن رُشنائیا۔ دھرم دی دھار بن کے کھیوٹ کھیٹ، بیڑا اپنے کندھ اُٹھائیا۔ لہنا دینا پوُرا کرے پِتا پوُت بیٹ، لیکھا پوُرب جھولی پائیا۔ سچ سوامی ہو کے کراں ہیت، انتر انتر جوڑ جُڑائیا۔ جگت نِرالی وکھاواں کھیڈ، جِس دی سمجھ کوئے نہ پائیا۔ پرگٹ ہو کے سمبل دیس، سمبھل اپنا قدم ٹِکائیا۔ کلجُگ کوُڑی بدل دیواں

ریکھ، رکھیا کراں تھاؤں تھائنیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، مِہربان مِہر نظر اُٹھائیا۔ کلجُگ کہے نانک تکّ لےَ اپنی سیلی ٹوپی، سجّن سُہیلا رہیا جنائیا۔ پربھوُ کاہن دی ساچی رہی کوئے نہ گوپی، گوپال بن گئوُاں نہ کوئے چرائیا۔ جِدھر تکاں اودھر ہنکار وِکار کرودھی، ہؤمے ہنگتا روُپ بدلائیا۔ ساچی پڑھے کوئے نہ پوتھی، پُستک بغل سرب چُکائیا۔ دیِن دُنی دی بُدھی ہوئی تھوتھی، مت ہیِن دِسے لوکائیا۔ سچ صاحِب دی نظر نہ آوے جوتی، جوتی جاتا ویس وٹائیا۔ جِس نوُں لبھدے کوٹن کوٹی، اسنکھ اسنکھاں دھیان لگائیا۔ اوہ اپنی کھیل کرے سرِشٹی درِشٹی اندر سوتی، سوئی سُرت نہ کوئے جگائیا۔ جوتی جوت سروُپ ہرِ، آپ اپنی کِرپا کر، دیونہارا سچ ور، دیونہار اِک اکھوائیا۔ کلجُگ کہے نانک اُٹھ ویکھ اپنی رباب، سَت سَت کی سُنائیا۔ کی سندیسہ دیوے مِتر احباب، آداب نال سیِس جھُکائیا۔ جِس نوُں منّیا حق جناب، پَیغمبر دھوُڑی خاک رمائیا۔ اوہدا ویکھ بغیچہ باغ، دیِن دُنی کوُڑ مہکائیا۔ جو انتم سب دا بناؤن والا کباب، کعبیاں پئے دُہائیا۔ امرت رس ملِے کِسے نہ نابھ، آبِ حیات نہ کوئے چوُآئیا۔ جو سندیس دِتا وِچ بغداد، بغلگیِر ہو سُنائیا۔ اُس نے بدل دینا سماج، سماں سمیں نال ٹکرائیا۔ کھیل کرنے آیا اِک اِکلّا واحد، اپنی کار کمائیا۔ جِس نے میری کھولی جاگ، آلس نِندرا دِتی مِٹائیا۔ میَں اُٹھ اُٹھ رہیا بھاگ، بھجّا واہو داہیِا۔ صدی چؤدھویں جِس اُمت بُجھاؤنا چراغ، دیِوا گُل کرائیا۔ اوہ بِن اکھّراں والی ویکھے کِتاب، کُتب خانے نہ پھول پھولائیا۔ اُس دا خوشی وِچ نانک تکیئے مجاز، بِن نیتر اکھّ اُٹھائیا۔ جِس نے کھیل کرنا اوتار پَیغمبر گُروُآں توں بعد، حُکم حُکم وِچوں بدلائیا۔ میَنوُں میری کرنی دا جِس نے دینا اِحجاز، عِزت نال وڈیائیا۔ میَں اپنا منگاں خراج، نِیوں نِیوں سیِس جھُکائیا۔ کھیل ویکھیئے اُس جگت گُروُ مہاراج، جو شہنشاہ شاہ پاتشاہ اکھوائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، نِہکلنک نرائن نر، مہاراج شیرسِنگھ وِشنوُں بھگوان، ساچا ساجن رہیا ساج، ساجن ہو کے دَیا کمائیا۔

۲۴ بھادروں شہنشاہی سمت ۶ سُرنِدر سِنگھ دے گرِہ اِٹارسی

کلجُگ کہے جن بھگتو ویکھ لؤ اپنی بھگتی، بھاگ بھیوَ پھول پھولائیا۔ دھرم دی دھار رہی نہ شکتی، شخصیّت نظر کوئے نہ آئیا۔ نِگاہ مارو اُپر دھرتی، دھرنی دھوَل دھؤل ویکھ وکھائیا۔ وڈیائی رہی نہ کِسے گھر دی، ساڈھے تِنّ ہتّھ کوُڑ دُہائیا۔ من کلپنا سب دی لڑدی، سانتک سَت نہ کوئے ورتائیا۔ سُرتی سُرت کِسے نہ چڑھدی، شبدی شبد نہ کوئے کمائیا۔ تُسیں کھیل ویکھو میری کلجُگ کل دی، کلکاتی کیِتی لوکائیا۔ جوروُ زر دھار کپٹ چھل دی، اچھل چھل اپنا رنگ وکھائیا۔ کِسے نوُں خبر نہیں گھڑی پل دی، پلکاں دے اوہلے بہہ کے دِتا بُھلائیا۔ وڈیائی رہن دِتی نہیں تیِرتھ اٹھسٹھ جل دی، گنگا گوداوری جمنا سُرستی رووے مارے دھائیا۔ میری کھیل تکو کام کرودھ موہ ہنکار وِکار دل دی، دلِدری سارے دِتے بنائیا۔ آواز رہی نہ کِسے مندر ٹلّ دی، اٹل پدوی سمجھ کِسے نہ آئیا۔ جِدھر تکو کوُڑی کِریا اگنی بلدی، امرت میگھ نہ کوئے برسائیا۔ کھیل تکو جل تھل دی، مہیئل پڑدا لؤ اُٹھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سَتجُگ میرا حُکم ورتائیا۔ کلجُگ کہے جن بھگتو ویکھو سب دی نیِتی، نِرنتر دھیان لگائیا۔ چڑھے رنگ نہ کِسے مجیِٹھی، کوُڑ کلپنا نال وڈیائیا۔ کایا ہووے نہ ٹھانڈی سیِتی، جھِرنا نِجھر نہ کوئے جھِرائیا۔ دُھر دی دِسے نہ کوئے باغیچی، پُھل پُھلواڑی نہ کوئے مہکائیا۔ پُرکھ اکال میرے صاحِب میَنوُں کیِتی بخشیِشی، بخشش کوُڑ کِریا جھولی پائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ میرا سنگ نِبھائیا۔ کلجُگ کہے جن بھگتو اکھّاں کھول کے تکو، تکو کھیل اتھاہ۔ اِک دوُجے نوُں دسّو، بولو سہج سُبھا۔ میری کرنی ویکھ کے ہسّو، دو ہتّھاں تالی وجا۔ پھیر پربھ دی چرنی ڈھٹّھو، سیِس جگدیِش جھُکا۔ پھیر ویکھو کھیل سمرتھو، کی کرے بے پرواہ۔ جِس نوُں کہندے مالک یکّو، واحد واحد نوُر خُدا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ہرِ سچّا پاتشاہ۔ کلجُگ کہے جن بھگتو ویکھو میری اکھّ بدلی، نیَن نیَن مٹکائیا۔ میَں مات لوک دا عدلی، اِنصاف رہیا کمائیا۔ میلا رہن نہیں دِتا پت پتنی، پرمیشور سب نوُں دینا بُھلائیا۔ انتم پت کِسے نہیں رکھنی، سِر ہتّھ نہ کوئے ٹِکائیا۔ میَں نوَ ستّ لاؤنی اگنی، گرِہ گرِہ آنچ وکھائیا۔ میری جوت اِکو جگنی، کوُڑ کُڑیارے نال رلائیا۔ نہاوَن دینا نہیں کِسے نوُں پربھ چرن دھوُڑ مجنی، سروور سچ نہ کوئے سُہائیا۔

جھگڑا پا کے پنج تت کایا بدنی، بدلہ لَینا تھاؤں تھائنیا۔ تُسیں سارے ہو جاؤ بے وطنی، وطن حق نہ کوئے وکھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ میرا رنگ رنگائیا۔ بھگت کہن کلجُگ کی کہنا، کی رہیا جنائیا۔ کلجُگ کہے اُٹھ ویکھ لؤ اپنے نیَناں، بِن نیَناں نیَن اُٹھائیا۔ دُھر دے حُکم دا وہن وہنا، نہ کوئے میٹے میٹ مِٹائیا۔ نیتر رو کے اُٹھیا کبیِر جُلاہیِا نائی سیَنا، ناما چھیمبا نال مِلائیا۔ رَوداس کِہا کی کلیش کل پَینا، کلکاتی دے دِرڑائیا۔ کلجُگ نے ہسّ کے کِہا میری کرنی نے روُپ دھرنا ڈَیناں، انوکھا اِک درسائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، میری آسا پوُر کرائیا۔ بھگت کہن کلجُگ اوہ ویکھ نانک آؤندا بھجّا، قدم قدم نال بدلائیا۔ کلجُگ کڈھ کے ہتّھ سجّا، اُنگلاں پنجے رہیا وکھائیا۔ نانک اُچی کوُک سُنایا ٹپّا، نعرہ اگمّ اتھاہیِا۔ میَں سوُربیِر بہادر جُگ چؤکڑی ٹیکاں متھا، جوبن ونت اکھوائیا۔ تُوں اوتار پَیغمبر گُروُآں بھگتاں کریں اِکٹّھا، مخؤل وِچ دُہائیا۔ کِسے نوُں گاں کھوائی کِسے نوُں سوُر کھوایا کِسے نوُں وچھّا کٹّا، پنکھی پنچھیاں تِنّاں کھلّ لُہائیا۔ اوئے تَینوُں پتہ نہیں تُوں وس پَینا اُس شبد دھار دُھردرگاہی جٹّا، جِس نوُں جٹا جوُٹ سارے سیِس نِوائیا۔ جِس دے حُکم اندر کملیا تیری آیوُ ہو جانی بٹا، صِفر صِفر زیِرو زیِرو وِچ سمائیا۔ اُٹھ ویکھ صاحِب سُلطان سمرتھا، پاربرہم اپنا کھیل کھِلائیا۔ کلجُگ نیتر کھول اکھّاں، آخر اکھّر دیاں پڑھائیا۔ جِس نے تیری میٹنی صفحہ، ملیچھاں ڈیرہ ڈھاہیِا۔ سارا چار جُگ دا لہنا کرنا رفع، رفاقت اپنی دے دِرڑائیا۔ اُس دے کولوں بِنا بھگتاں توں کھٹّنا کِسے نہیں نفع، نُقصان وِچ دو جہان نظری آئیا۔ آہ ویکھ ڈھہِندا مدیِنہ مکّہ، کعبے رہے کُرلائیا۔ اوہ ویکھ مُکدا بوُرا ککاّ، موُسیٰ عیسیٰ نیتر نیَناں نیِر وہائیا۔ اوہ ویکھ جِنہاں اِکو تیرا نام جپا، جگ جیِون داتا ویکھ کے خوشی منائیا۔ اوہ ویکھ سَتجُگ چلدا رتھا، رتھواہی ہو کے اپنا حُکم ورتائیا۔ اوہ ویکھ تُوں میرا میَں تیرا ہُندی کتھا، کتھا کہانی پِچھلی دِتی مِٹائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ اپنا حُکم ورتائیا۔ نانک کہے کلجُگ اُٹھ ویکھ ٹپّدا اَخیِری، بِن اکھّراں رہیا سُنائیا۔ جِس نے شرع دی توڑنی زنجِیری، ظاہر ظہوُر کرے رُشنائیا۔ رہن دینی نہیں میِری پیِری، اپرمپر سوامی اپنا حُکم سُنائیا۔ کملیا میَں وی آ گیا اجّ تقدیِری، تدبیِر تَینوُں رہیا سمجھائیا۔ نہ کوئی پاتشاہ نہ کوئی وزیری، وزارت رہن کوئے نہ پائیا۔ نہ کوئی چار جُگ دی پِچھلی چلے پیِڑھی، ریِت سب دی دینی بدلائیا۔ لیکھا مُکا کے شاہ

حقیِری، ایکا رنگ دینا رنگائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا پڑدا آپ اُٹھائیا۔ نانک کہے کلجُگ اپنا پا لےَ زور، جوروُ زر ویکھ وکھائیا۔ جِس نے بدل دینی سب دی تور، تُریا توں پرے اپنا حُکم شنوائیا۔ ذرا نِگاہ مار لےَ نال غؤر، غؤروُ ہو کے ویکھ وکھائیا۔ جیہڑے چار جُگ وِچ کھادھے پشوُ ڈھور، مانَو مانَو مُکھ مُکھ نال بدلائیا۔ اوہ سارے دھرم رائے دے اَگے دینے تور، اَگے ہو نہ کوئے اٹکائیا۔ تُوں اُس دوارے دا چور، جِتھے ٹھگّ چور بَیٹھے ڈیرہ لائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا پردہ آپ اُٹھائیا۔ کلجُگ کہے نانک میَں اَنجانا نہیں بچّہ، سچ دیاں سُنائیا۔ میَں حُکمے اندر سچّا، پربھ ساچے دی سیو کمائیا۔ میرا وعدہ میرا قؤل اِقرار محمد نال اوہ صدی چؤدھویں تیرا ڈھاہُنا مدیِنہ مکّہ، کعبیاں وِچ تیرے نام دی پئے دُہائیا۔ کوئی رہن نہیں دینا سکا، سجّن میِت نہ کوئے اکھوائیا۔ اُس ویلے اِکو پپا تے اِکو کوُڑ دا ہونا ٹپّا، دوُجی کرے نہ کوئے پڑھائیا۔ جِس نے تُوں میرا میَں تیرا جاپ جپا، تِس نوُں ملِے مات لوک وِچ وڈیائیا۔ ایہہ کھیل کرے پُرکھ سمرتھا، دوُجا نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا پڑدا آپ اُٹھائیا۔ کلجُگ کہے نانک میَں اُس صاحِب دا چاکر، چاکری سچ کمائیا۔ جِس نوُں نِرگُن دھار سارے آکھن، روُپ رنگ ریکھ نہ کوئے درسائیا۔ میَں کوئی کیِتا نہیں پاپن، حُکم منّ کے جھٹ لنگھائیا۔ میَں گھر گھر اندر کیِتا واسن، وِشیاں وِچ کیِتی لوکائیا۔ جِدھر تکو اودھر اندھیری راتن، ساچا چند نہ کوئے چمکائیا۔ نہ کوئی پوُجا رہی نہ پاٹھن، ہِردے ہرِ نہ کوئے وسائیا۔ سب نوُں مایا ڈسے ناگن، اگنی اگّ تپائیا۔ اُٹھ ویکھ بِنا بھگتاں نار دِسے نہ کوئے سُہاگن، آتم پرماتم کنت نہ کوئے ہنڈھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا راہ اِک وکھائیا۔ نانک کہے کلجُگ کی اپنا آپ رِہوں چِتار، چِتر اپنیاں ویکھ وکھائیا۔ کی اپنے صِفت دی کریں گُفتار، گُفت شُنیِد پھول پھولائیا۔ کی اپنے جُگ دی تکیں رفتار، رفتہ رفتہ کھوج کھوجائیا۔ کی حُکم دسّیں اپنی سرکار، شہنشاہ کی کار کمائیا۔ اوہ ذرا اُٹھ ویکھ اؤہ گوبِند دے کھنڈے دی دھار، جِس نوُں لوہار ترکھان نہ کوئے گھڑائیا۔ اوہ پرگٹ ہویا وِچ سنسار، سنساری بھنڈاری سنگھاری جِس دے اَگے بَیٹھے سیِس نِوائیا۔ دو جہاناں بن شاہ اَسوار، پُری لوء آکاش پاتال گگن گگننتر زِمیں اسماناں بھجےّ واہو داہیِا۔ اُٹھ ہو تیار، ترےَگُن اتیِتا تیرا لیکھا ویکھ وکھائیا۔ اپنا لہنا کیِتی کرنی دا کرتب

سرب وِچار، وِچر کے دینا سُنائیا۔ بے خبرا ہو جا خبردار، خواب وِچ ویکھ میَں اپنا آپ بُھلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم آپ ورتائیا۔ کلجُگ کہے نارد میَں نہیں کوئی بھولا بھالا، بھرم نہ کوئے رکھائیا۔ میَنوُں حُکم دِتا االلہ تعالا، تابعیا وِچ سیو کمائیا۔ میَں صدی چؤدھویں مارنیِاں چھالاں، چؤداں طبق بھجّاں چائیں چائنیا۔ میَں سب دے کولوں منگنا ہالہ، وصوُلی کراں تھاؤں تھائنیا۔ میری کرنی ویکھیں سب دا مُنہ کرنا کالا، کالکھ ٹِکاّ نہ کوئے دھوائیا۔ میَں دیِن مذہباں دا کڈھنا دِوالا، دیِوالیئے ہو کے سارے دین وکھائیا۔ میَں سب نالوں حُکم منّنا باہلا، سَتجُگ تریتا دواپرمیرے اَگے کر سکے نہ کوئے چتُرائیا۔ میَں پھل رہن نہیں دینا کِسے ڈالا، سِنمل رُکھ دیِن دُنی دینی وکھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، میرا سگلا سنگ نِبھائیا۔ نانک کہے کلجُگ میَں ویکھے جُگ چؤکڑی بیِتدے، پوُرب دھیان لگائیا۔ انتم سارے گئے چیِکدے، نیتر نیَناں نیِر وہائیا۔ او جِس وقت نوُں اوتار پَیغمبر گُروُ اُڈیِکدے، بَیٹھے اکھّ کُھلائیا۔ اوہ اپنیاں دیِناں مذہباں دی گنڈھ پیِچدے، زور زور نال کھِچائیا۔ دھرم نِشانے گئے اُڈیِکدے، صِفتاں وِچ کر کر صِفت صالاحیِا۔ ہُن ویلے وقت آ گئے پربھوُ دی تصدیِق دے، شہادت شبد گُروُ بُھگتائیا۔ تَیتھوں لیکھے منگن تیری کرم کانڈ رسیِد دے، حرف حروُف نال مِلائیا۔ ذرا کھیل ویکھ اُس پریِتم دی پریِت دے، جو پریم وِچ لیکھا سب دا دئے چُکائیا۔ جِس نے جھگڑے مُکاؤنے اوُچ نیِچ دے، نیِچ اوُچ ایکا رنگ رنگائیا۔ اُس کھیل کراؤنے اِکیس بیِس دے، بیِس بیِسا اپنا حُکم ورتائیا۔ جھگڑے مُکاؤنے راگ چھتیِس دے، چھتّی جُگ دا ڈیرہ ڈھاہیِا۔ لیکھے مُکنےقرآن حدیِث دے، حضرتاں توں پرے کرے پڑھائیا۔ چھیتی کر تُوں دوہاں ہتّھاں دیاں مُٹھاں میچ دے، کُھلی نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا بھیوَ آپ کُھلائیا۔ کلجُگ کہے نانک میَں بڑا چنگا سُچجّا، دُلارا دوُلھا نظری آئیا۔ میَں پوِتر رہن نہیں دِتی کوئی جگہ، ہر ہِردا ویکھ وکھائیا۔ جیو جہان بنایا کگّا، ہنس روُپ نہ کوئے سمجھائیا۔ کِسے دا وسن نہیں دینا اَگا، لیکھا اوَر رہے نہ رائیا۔ جِس گوبِند نوُں صِفت والا لایا گگّا، گہر گمبھیِر اپنے وِچ سمائیا۔ ذرا سب دیِاں ویکھ چڑھ کے اُپر شاہ رگاں، شہنشاہ نظر کوئے نہ آئیا۔ دھرم دا رہیا کوئے نہ تگا، شبدی گنڈھ نہ کوئے بنّھائیا۔ کوُڑ کُڑیار گھر گھر میرا اڈّا، نوَ در اپنا حُکم سُنائیا۔ میَں دُھر دا سیوک اپنے آپ دا پیارا تے سچّا، سچ سچ رہیا

سُنائیا۔ میَں وی چاہُندا سب دا بھانڈا بھنّنا کچّا، ساڈھے تِنّ ہتّھ نظری نظر کوئے نہ آئیا۔ جھگڑا مُکاؤنا اوتار پَیغمبراں گُروُآں چچا، اِکو پِتا پُرکھ اکال لیَنا منائیا۔ میَنوُں شبدی حُکم وِچ سارا دیوے پتہ، پت پرمیشور آپ سُنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ سندیسہ اِک ورتائیا۔ نانک کہے کلجُگ نہ دے وڈیاں دلیِلاں، جگت جُگت نہ کوئے چتُرائیا۔ دُھر مالک نے ہُن سُننیاں نہیں اپیِلاں، اپرمپر سوامی اِکو اپنا حُکم ورتائیا۔ لوڑ رہنی نہیں کِسے وکیِلاں، دھارا دیِن دُنی دینی بدلائیا۔ جھگڑا پَینا اُتے زمیِنا، اسماناں اُتے سرب کُرلائیا۔ او موُرکھا تُوں بنیا رِہیوں کمیِنہ، ہوچھی مت وکھائیا۔ تیرے وِچ سچّا صاحِب کِسے نہیں چیِنا، ہِردے ہرِ نہ کوئے وسائیا۔ کلجُگ ہسّ کے کِہا نانکا میَنوُں سلام کر تے کہہ آمیِنا، سجدہ سیِس جھُکائیا۔ اُٹھ ویکھ میرے وِچ پربھوُ دے بھگت اوہ نگیِنہ، جِنہاں ولّ نِگاہ کر نہ کوئے وکھائیا۔ جِنہاں دے وسیا ہرمندر ہرِ چیِنا، ہرِ اپنا ڈیرہ لائیا۔ اوہناں دے ہو کے اَدھیِنا، حُکم وِچ بھجےّ چائیں چائنیا۔ جِنہاں دا لیکھا کِسے توں نہیں جانا چھیِنا، اَگے ہو نہ کوئے اٹکائیا۔ اوہناں دا مالک اوہ پربیِنا، پاربرہم پت پرمیشور بےپرواہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، شبدی دھار شاہ سوار اَسو پاوے پاکھر زینہ، زینہ زینہ ویکھے خلق خُدائیا۔

۲۵ بھادروں شہنشاہی سمت ۶ پاروُ مل دے گرِہ اِٹارسی

کلجُگ کہے میَں بھگتاں سدا داس، نِمرتا وِچ سیِس نِوائیا۔ جِنہاں دے انتر نِرنتر اِک نِواس، نِرگُن نوُر جوت کرے رُشنائیا۔ میَں نِو نِو اوہناں دا منگاں ساتھ، سگلا سنگ بنائیا۔ بندنا کراں جوڑ کے ہاتھ، ڈنڈاوت وِچ رام دُہائیا۔ جو تُوں میرا میَں تیرا سوہنگ گاؤندے گاتھ، رسنا جِہوا صِفت صالاحیِا۔ اوہناں دا پوُرب لہنا مستک ماتھ، جنم جنم دا لیکھ سمجھائیا۔ میَں اوہناں دا داس، سیوک چاکر اِک اکھوائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ہرِ کرتا روُپ درسائیا۔ کلجُگ کہے میَں بھگتاں آد جُگادی سیوادار، در در سیو کمائیا۔ جِنہاں دے اندر پربھوُ پیار، پریِتم مِل کے وجّی ودھائیا۔ میَں ویکھاں اپنی دھار، جگ نیتر نیَن نہ کوئے اُٹھائیا۔ وکھّرا ہو کے سرب سنسار، سرِشٹی درِشٹی توں باہر اپنی کار کمائیا۔ جِنہاں دا

تکاں اِکو حقیِقی یار، حق نوُر خُدائیا۔ اوہناں دا بن کے برخوردار، بدی دے وِچ کدے نہ آئیا۔ لہنا تکّ کے تن منار، ساڈھے تِنّ ہتّھ ویکھ وکھائیا۔ جوتی جوت سروُپ ہرِ، آپ اپنی کِرپا کر، سد اپنا بھیوَ چُکائیا۔ کلجُگ کہے بھگت آد پربھوُ دا میِت، انت اوسے وِچ سمائیا۔ جو ہِردے رکھدا چیِت، چِت وِت ٹھگؤری نظر کوئے نہ آئیا۔ پاربرہم پربھ گائے اگمّڑا گیِت، سُرت شبد شبد سمائیا۔ اندر پوِتر کرکے نیِت، دُرمت پاپاں میَل دھوائیا۔ اوہناں ویکھاں کایا ٹھنڈی سیت، اگنی تت نہ لاگے رائیا۔ جھگڑا چھڈ مندر مسیِت، پت پرمیشور اِکو رہے منائیا۔ لیکھا رہے اوُچ نہ نیِچ، ذات پات نہ کوئے چتُرائیا۔ میری سدا سدا سد اوہناں اسیِس، جو سِر سر پربھ دے اَگے نِوائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، سرِشٹ درِشٹ انتر انتر جائے جیِت، جگ جیِون داتا اپنا حُکم اِک ورتائیا۔

۲۵ بھادروں شہنشاہی سمت ۶ سدن مل کؤڑا مل دے گرِہ اِٹارسی

جن بھگت کہے میری آسا پُنی، پوُرن برہم بھیوَ کُھلائیا۔ شبدی اگمّی آواز سُنی، سُرت سمادھی دِتی کُھلائیا۔ نام نِدھان اگمّی وجّی دُھنی، دُھن آتمک راگ الائیا۔ منزل مِل گئی اُپر رِکھی مُنی، مون رہن دی لوڑ رہے نہ رائیا۔ جھوُٹھی دِسی دیِن دُنی، مذہب ذات دا ڈیرہ ڈھاہیِا۔ پرکاش ہویا کایا کُلیّ، کعبیاں پرے رُشنائیا۔ مالک مِلیا صُلح کُلی، کُل مالک بےپرواہیِا۔ جِس مُحبّت دِتی نام انمُلی، قیِمت ہٹّ نہ کوئے لگائیا۔ میری آشا پھلی پُھلی، پتّ ٹہنی مات مہکائیا۔ میری سُرت رہے نہ بُھلی، ابُھل لئی جگائیا۔ امرت پیِنا پیا نہ چُلی، نِجھر جھِرنا دِتا جھِرائیا۔ میری کلپنا مات لوک موُل نہ رُلی، چؤراسی وِچوں باہر کڈھائیا۔ جوتی جوت سروُپ ہرِ، آپ اپنی کِرپا کر، سد اپنا رنگ وکھائیا۔ جن بھگت کہے میرا پوُرا ہویا بھرواسا، بھرم رہیا نہ رائیا۔ گھر مِلیا پُرکھ ابناشا، ابناشی کرتا دَیا کمائیا۔ جِس مانَس جنم کیِتا رہ راسا، رحمت اپنا نام کمائیا۔ بھاگ لگا کے کایا کاسہ، قِسمت قِسمت وِچوں بدلائیا۔ چرن کوَل کوَل چرن کرکے داسی داسا، سیوک سیوا سچ سمجھائیا۔ آتم پرماتم جوڑ کے ناتا، جُگ جنم دے وِچھڑے آپ مِلائیا۔ ہرِ سنگت بنا کے بھَین بھراتا، پریم مُحبّت اِک سِکھائیا۔ جوتی جوت سروُپ ہرِ، آپ اپنی کِرپا کر، دیونہارا

اِک ور، اِک اِک درسائیا۔ جن بھگت کہے میرا پوُرا ہویا جوگ، جُگتی اوَر رہی نہ رائیا۔ پُرکھ ابناشی کیِتا سچ سنجوگ، وِچھوڑا وِچھوڑے وِچوں کٹائیا۔ آتم پرماتم کرکے بھوگ، بھسمڑ اپنا رنگ رنگائیا۔ لیکھا مُکا کے لوک پرلوک، سچ دوار دِتی سرنائیا۔ تُوں میرا میَں تیرا دسّ سلوک، جگت وِدیا ڈیرہ ڈھاہیِا۔ نِرمل نوُر جگا کے جوت، اندھ اندھیرا دِتا گوائیا۔ ایکنکار اِکو دسّ کے اوٹ، اوڑک اپنے نال مِلائیا۔ لیکھا مُکا کے جنم کوٹی کوٹ، کنچن گڑھ اِک سُہائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، دھرم دوار اِک وکھائیا۔ جن بھگت کہے موہے چاؤ گھنیرا، گھنئیا مِلیا دُھردرگاہیِا۔ جِس نے بھیوَ چُکایا سنجھ سویرا، دِوس رَین نہ کوئے وڈیائیا۔ مایا موہ مِٹایا اندھیرا، نِرگُن نوُر کر رُشنائیا۔ اِکو گھر درسایا گُروُ گُر چیرا، چیلا گُر اِک گھر بنائیا۔ ہؤمے ہنگتا ڈھاہ کے ڈیرہ، ڈنڈاوت اِکو دِتی سمجھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، جن بھگت سُہیلا بھگتاں بنّھے بیڑا، بیڑا شؤہ دریا نہ کوئے رُڑھائیا۔