پہلی اَسوُ شہنشاہی سمت ۶ ہرِ بھگت دوار جیٹھوُوال دربار وِچ
پہلی اَسوُ کہے چھ سمت میری آس پُرانی، پوُرن سَتگُر دِتی سُنائیا۔ میَں تکی اِکو جوت نوُرانی، نوُر نوُری نظری آئیا۔ جو آد جُگاد دا بانی، بان انیالا تیِر چلائیا۔ جِس دا سچکھنڈ مکانی، مُقامے حق رُشنائیا۔ جِس دی سدھراں بھری جوانی، اِکو رنگ رکھائیا۔ جِس دی دھار آد شکت بھوانی، اَگے پِچھے بھجےّ واہو داہیِا۔ جِس دی تیئی اوتار نِشانی، نِشانہ دُھر گئے سمجھائیا۔ جِس دی پَیغمبر پڑھن کلامی، کلمہ حق سُنائیا۔ جِس دی گُروُآں گائی بانی، برہم کھیل کھِلائیا۔ جِس دا وِشنوُں روُپ مہانی، وِشوَ نال پرنائیا۔ جِس دی برہم جوت مہانی، برہم برہم وڈیائیا۔ جِس دا شنکر رنگ نِدھانی، ویکھن کوئے نہ پائیا۔ جِس دی شاستر
سِمرت وید پُران گیِتا گیان اِنجیِل قرآن بانی نِکلی زبانی، جگت منسا ذِبح کرائیا۔ اوہ شہنشاہ سُلطانی، سوُربیِر وڈ وڈیائیا۔ اوہ داتا دُھر دا دانی، دَیاوان اکھوائیا۔ جِس دی لکھّ چؤراسی رانی، آتم آپ پرنائیا۔ جِس دا کھیل جیو پرانی، پوُرب آپ سمجھائیا۔ جو وسے زِمیں اسمانی، اِسم اِک درسائیا۔ جو ہر گھٹ جان جانی، جاننہار اکھوائیا۔ جو جُگ چؤکڑی کرے فانی، فنا روُپ درسائیا۔ جِس دا کھیل سدا گُمنامی، کھوجیاں ہتّھ کِسے نہ آئیا۔ اوہ کھیل کرے سچکھنڈ میَدانی، سچ سچ سمجھائیا۔ سارے ویکھو جیو اِنسانی، پردہ اکھّ کُھلائیا۔ تکو امرت پانی، تٹ کِنار کھوج کھوجائیا۔ منزل تکو روُحانی، روُح بُت درسائیا۔ کیوں جگت آئی طُغیانی، کوُڑ لہر وہائیا۔ جوتی جوت سروُپ ہرِ، آپ اپنی کِرپا کر، سد اپنی کار کمائیا۔ کلجُگ کہے پربھوُ میَں آ گیا، آیا تیرے دربار۔ میَں سویا سویا جاگیا، جاگرت ہو اُجیار۔ سرن سرنائی لاگیا، دھوُڑی لاواں چرن چھار۔ میَں سَتجُگ تریتا دواپرماری آوازیا، ویکھو کھیل اپار۔ گُر اوتار پَیغمبر کیِتیا ہاسیا، تیری ہستی کر نِمسکار۔ پِھر اکھّاں پُٹ پُٹ جھاکیا، جھاکی ماری سرب سنسار۔ پِھر کُنڈا کھولیا تاکیا، پردہ اگمّ اُتار۔ پھیر ویکھیا تیرا بھوِکھت واکیا جو جنایا پَیغمبر گُر اوتار۔ پھیر میَں سرِشٹی اندر ناسیا، کیِتی اگمّ وِچار۔ جدھر تکاں اودھر مدرا ماسیا، مانَو ہوئے خوُن خار۔ عجب تیرا تماشیا، طمع دی ماری مار۔ پِھر نانک ولّ کھولیا نیتر نیَناں تاکیا، پلک پلک اُٹھال۔ دِسے کوئے نہ ساچا ہاٹیا، میَں ہسّ کے کِہا نانک تکّ کمال۔ پھیر گوبِند ویکھیا باٹیا، امرت سکیا نہ کوئے سنبھال۔ کلجُگ کہے پِھر میَں خوشیاں دے وِچ ناچیا، سوہنا بنایا تال۔ پِھر تالی مار کے کِہا اوتار پَیغمبر گُروُ جگت دے چاچیا، اُٹھو ویکھو سُرت سنبھال۔ تُہاڈا لیکھا صاحِب نے واچیا، واچک بنیا آپ اکال۔ پِھر نانک اُٹھ کے کِہا داسی داسیا، تیرا کھیل بے مثال۔ پھیر گوبِند ویکھی اپنی پاتیا، جو شبدی دھار رکھی سنبھال۔ پِھر تکیا پانی آٹیا، جو لنگر چلایا وِچ جہان۔ پھیر سندیسہ سُنیا پُرکھ سمراتھیا، سچ سُنایا دیِن دَیال۔ اپنا لیکھا تکو مستک ماتھیا، اگمّ اگمّڑا کھیل کمال۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ہرِ صاحِب سچّی سرکار۔ اَسوُ کہے میری آسا پِچھلی رکھی، رکھک دِتی وڈیائیا۔ میَں کھیل ویکھنا اکھّیں، اکھّراں وِچ دینا سمجھائیا۔ بھیوَ کھولنا الکھّ الکھّی، الکھ اگوچر دَیا کمائیا۔ تیری گوبِند نال پکّی، پکّی گنڈھ نہ کوئے کُھلائیا۔ صدی چؤدھویں جاندی ٹپّی، ٹپّا اپنا دے دِرڑائیا۔ تَینوُں منّیا کملاپتی، پت پرمیشور دُھردرگاہیِا۔ جوتی جوت
سروُپ ہرِ، آپ اپنی کِرپا کر، ایکا دینا دُھر دا ور، در تیرے آس تکائیا۔ اَسوُ کہے گُر اوتار پَیغمبرو نِگاہ مار لؤ خاص، بِن نیَن نیَن اُٹھائیا۔ تکو پُرکھ ابناش، جو مالک دُھردرگاہیِا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در تیرے آس تکائیا۔ گُر اوتار پَیغمبرو جِس نے تُہانوُں دِتا لباس، تتاں والا تن سُہائیا۔ جوت دے پرکاش، نوُر دِتا چمکائیا۔ شبد دے آواز، دُھن دِتی پرگٹائیا۔ اوہ لیکھا منگے حِساب، لہنا دیؤ دِرڑائیا۔ امرت دسّو دسّو حیاتِ آب، کِتھے رکھیا ٹِکائیا۔ جاں ویکھن لگّے سب دے موُدھے ہوئے گِلاس، بھریا نظر کوئے نہ آئیا۔ مُکھوں کہن واہ رے ساڈے باپ، کی تیری بےپرواہیِا۔ پربھوُ کہے جپو اپنا اپنا جاپ، میَنوُں دیؤ سُنائیا۔ اِک دوُجے نال کرو ٹاک، ٹنگ جِہوا نال سُنائیا۔ اِک دوُجے نال کرو واک، واقف کار بن کے دیؤ سمجھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ سندیسہ اِک سُنائیا۔ گُر اوتار پَیغمبر کہن ویکھیئے کیہڑا باٹا، دھرنی دھیان لگائیا۔ کیوں سب نوُں آیا گھاٹا، گھاٹی منزل رہی نہ رائیا۔ کِسے نہ منّیا آکھا، بَیٹھا مُکھ بھوائیا۔ کوَن چھڈیا ساکا، آتم پرماتم گنڈھ تُڑائیا۔ کوَن سؤں گیا کھاٹا، لیف تلائی انگ لگائیا۔ کوَن وڑ گیا ذاتا پاتا، دیِناں مذہباں سنگ نِبھائیا۔ سارے کڈھیئے اپنا اپنا کھاتہ، لیکھا پوُرب ہتّھ اُٹھائیا۔ کیوں سب دے ہُندیاں ہوئی اندھیری راتا، سچ چند نہ کوئے رُشنائیا۔ کیوں پُرکھ اکال نے سب دے اُتے ماریا چھاپا، چھپّا اپنا لیا پائیا۔ کیوں سرِشٹی کٹدی فاقہ، بُھکھی مرے لوکائیا۔ کیوں کوُڑی کِریا لگّی ماتھا، مستک دئے دُہائیا۔ کیوں نہیں کِسے دا پوُرا ہویا جاپا، جپت جپت سہج سُکھدائیا۔ جوتی جوت سروُپ ہرِ، آپ اپنی کِرپا کر، ایکا دیوے دُھر دا ور، دُھر اپنی کھیل کھِلائیا۔ اوتار پَیغمبر گُر کہن امرت رہیا کوئے نہ بھریا، بھرم وِچ دُہائیا۔ ساچا رہیا کوئے نہ سریا، سروور دین گواہیِا۔ تیِرتھ تٹ کوئے نہ تریا، گنگا گوداوری رووے مارے دھائیا۔ منزل سچ کوئے نہ چڑھیا، پڑدا در نہ کوئے کُھلائیا۔ جیِون جی کوئی نہ مریا، مر جیِوت روُپ جنائیا۔ کی کھیل کرے ہرِ ہریا، ہرِ وڈّا وڈ وڈیائیا۔ کی لیکھا نرائن نریا، نر ہرِ کی سمجھائیا۔ گُر اوتار پَیغمبر کہن کی کھیل کیِتا پربھ چھڑیا، اِکلّے اپنی کار کمائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ پُرکھ اکال کہے کیوں میَنوُں کہندے چھڑا، سہج دیؤ جنائیا۔ میَتھوں کیہڑا کنت بڑا، جو سب نوُں لئے پرنائیا۔ ویکھو ساہمنے تُہاڈے کھڑا، نِرگُن نوُر جوت رُشنائیا۔ سارے کہن ہُن کیہڑی
ماریئے تڑا، آکڑ نظر کوئے نہ آئیا۔ پُرکھ اکال کہے میَں تُہاڈا چار جُگ دا لیکھا پڑھا، سب کِچھ ویکھ وکھائیا۔ کیہڑیاں دیِناں مذہباں والیاں لائیاں جڑاں، اوہناں سہجے دیاں اُکھڑائیا۔ جیہڑا دیِن دُنی دا کھودیا گڑھا، اوہ تُہاتھوں دیاں بھرائیا۔ تُساں ساریاں پھڑیا اِک دا لڑا، ناری روُپ نوُر درسائیا۔ بچّوُ ہُن چلا کے دسّیؤ ذرا شرع، اپنا حُکم ورتائیا۔ تُہاڈا حُکم رہنا نہیں ذرا، ذرّے ذرّے وِچوں اِکو نظری آئیا۔ میرا حُکم شبد حق کھرا، کھوٹا رنگ نہ کوئے رنگائیا۔ گُر اوتار پَیغمبرو ہُن رہن نہیں دینا کِسے دا دھڑا، وکھّری ونڈ نہ کوئے کرائیا۔ اِکو پرگٹ ہویا نرائن نرا، نر نرائن اِک اکھوائیا۔ نام کلمہ کوئے جپے نہ طرح طرح، اِکو حُکم دینا سُنائیا۔ بھجّنا پئے نہ در درا، گھر اِکو دینا وکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ پڑدا آپ چُکائیا۔ گُر اوتار پَیغمبر کہن پربھوُ انت اِک ارداس، سیِس جگدیِش جھُکائیا۔ سارے بن گئے تیرے داس، داسی روُپ انوُپ وٹائیا۔ اِکو تیرا روُپ نوُر پرکاش، جوتی جاتے تیری رُشنائیا۔ اسیں تیری نِکی نِکی شاخ، لوک مات مہک مہکائیا۔ اسیں سب نوُں آئے آکھ، انتم آئے دُھر دا ماہیِا۔ جو دو جہاناں پاوے راس، گوپی کاہن روُپ جنائیا۔ ساڈی تیرے نال سُہنجنی ہووے رات، رُتڑی تیرے نال مہکائیا۔ اٹھاراں ہاڑ دے پِچھوں ساڈے نال تُوں کری نہیں کوئی بات، اُڈیِکاں وِچ تیرا راہ تکائیا۔ سانوُں طعنے دیوے تیری سچکھنڈ دی کھاٹ، کھٹیا رہی سُنائیا۔ وے گُر اوتار پَیغمبرو کِتھے تُہاڈا کملاپات، پت پرمیشور انگ نہ کوئے لگائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، اِک تیری اوٹ تکائیا۔ اوتار پَیغمبر گُر کہن اسیں تیرے تیری ناری، صاحِب تیری سرنائیا۔ جے تُوں چھڑا تے جوت تیری کواری، دوہاں دا کھیل بےپرواہیِا۔ کی اگلی کرے تیاری، ترےَگُن اتیِتے دے سُنائیا۔ سانوُں سچ دسّ دے یار چنگا کہ یاری، یارانہ کوَن نِبھائیا۔ پُرکھ اکال کہے پہلوں پوُجا کرو ہماری، اِکو نام دِھیائیا۔ اِکو چرن کرو پیاری، اِکو سیِس جھُکائیا۔ اِکو مستی لؤ خُماری، اِکو رنگ رنگائیا۔ اِکو کرو ہار شِنگاری، اِکو بھوُشن بستر سوبھا پائیا۔ اِکو تکو نیَن داتاری، داتا اِک درسائیا۔ پھیر ویکھو کھیل لوک مات نیاری، نِرنکار دئے دِرڑائیا۔ نؤ سؤ چُرانوے چؤکڑی جُگ پِچھوں ہُن جِس دی آئی واری، وارتا اگلی دئے جنائیا۔ اِک نام نام جَیکاری، شبد شبد اِک پڑھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، مِہر نظر نال ترائیا۔ اوتار پَیغمبر گُر کہن اسیں تیرا نوُر مہانی، تیرے وِچ سمائیا۔ ساڈے اُتے کر مِہربانی،
محبوُب رہے جنائیا۔ کی کلجُگ وِچ تیرا کھیل مہانی، سَتجُگ دھار دِرڑائیا۔ پُرکھ اکال کِہا سارے ویکھو نِگاہ نال نوُرانی، جگت نیتر نہ کوئے رکھائیا۔ میَں بن کے دُھر دا دانی، گوبِند دا لیکھا اگلا پوُر کرائیا۔ پنجاں پیاریاں دے کولوں پُٹھے گِلاس اُتے رکھایا پانی، پُٹھی ریِتی دِتی چلائیا۔ سَوا رتی کیسر تھوڑا تھوڑا مِلانا اِکو کرنی جانی، رنگ رنگ بدلائیا۔ اِک اِک پتاسا وِچ پاؤنا نال اسانی، جو گُرداس گیا لِکھائیا۔ درشن سِنگھ لےَ کے آیا خوشی بہُتی مانی، مان نال جنائیا۔ جوتی جوت سروُپ ہرِ، آپ اپنی کِرپا کر، دُھر دا حُکم اِک درسائیا۔ اوتار پَیغمبر گُر ویکھے عجب نظارہ، نظر توں باہر درسائیا۔ پربھوُ دا بھگت گوبِند دا پیارا، گُرمُکھ دوویں روُپ بنائیا۔ آتم پرماتم دا لا جَیکارا، جاگرت جوت دِتی جگائیا۔ ایہہ پِچھلا پوُرب دا اِشارہ، قلم شاہی توں باہر لِکھائیا۔ پِچھلا سب دا ہویا کنارہ، انت اپنے وِچ ٹِکائیا۔ پنجاں پیاریاں ہونا خبردارا، سندیسہ اِک دِرڑائیا۔ ایہہ تِلک گُرمُکھاں نوُں لاؤنا سارا، وڈّا چھوٹا ونڈ نہ کوئے نہ ونڈائیا۔ ویکھیو تُہاڈا صاحِب ہُندا ہُن ظاہرا، ظاہر ظہوُر کرے رُشنائیا۔ جِس گوبِند لیاندا دوبارہ، دوہری دھار دئے وکھائیا۔ تُہاڈے نال مِل کے دو جہاناں لاؤنا اَکھاڑا، سوُربیِر اپنا بَل پرگٹائیا۔ جیہڑا سب دا ستاراں ہاڑ نوُں بن گیا لاڑا، ناری روُپ سرب جنائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، دیونہارا تیری چتُرائیا۔ گُر اوتار پَیغمبر کہن پُٹھا گِلاس مارے آوازاں، زور زور نال سُنائیا۔ خبردار ہُن پڑھنیِاں پَین نہ کِسے نمازاں، روزیاں وقت چُکائیا۔ ہتّھ لاؤنے پَین نہ سازاں، سِتار نہ کوئے ہِلائیا۔ بندھن رہن نہ کوئے سماجاں، جھگڑے دینے چُکائیا۔ شہنشاہ کرے کوئے نہ راجا، رعیت دینی بدلائیا۔ چار کُنٹ دہ دِشا اِکو پِھرنا والا بازاں، بازی سب دی دئے اُلٹائیا۔ اوہ پرگٹ ہو گیا دیس ماجھا، ماجھے والیو بُھل رہے نہ رائیا۔ کِسے دے سیِس تے رہن نہیں دینا تاجا، تخت تاج دینے اُلٹائیا۔ پھیر سب نوُں کہن او مانَو اِک دی سرنی آ جا، اجامل وانگ سب پار کرائیا۔ پِھر نؤ کھنڈ دے پِھرنا وِچ باغا، ستّ دیِپاں پھیرا پائیا۔ پِھر ہنس بناؤنا کاگا، سوہنگ ہنسا مانک موتی چوگ چُگائیا۔ پھیر شبد دا مارنا دابا، سُتے سارے لینےَ جگائیا۔ پِھر پُٹھے چرن کرنے وِچ کعبہ، مکّے حال دُہائیا۔ پِھر بن کے بُڈھا بابا، دیس پردیساں پِھرنا روُپ وٹائیا۔ پھیر گُرمُکھاں دی بہہ کے اُتے ڈھابا، امرت رس دینا بھرائیا۔ پِھر تخت نِواسی ہو کے دھرم دا کنڈا پھڑ کے تولنا چھابا، چؤراسی اپنے تول تُلائیا۔ پھیر لہنا دینا ویکھنا سب دا پیِتا کھادھا، خادم کھوجے تھاؤں تھائنیا۔
پِھر سب نے کہنا ایہہ کِتھوں آ گیا نِرگُن روُپ ڈاڈھا، اپنا حُکم ورتائیا۔ پھیر سب نے کہنا بچّیاں وانگ لڈاوے لاڈا، اپنی دَیا کمائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کمائیا۔ گُر اوتار پَیغمبر کہن، اوئے سَتجُگ تریتا دواپرکلجُگ نال لؤ مِلائیا۔ سارے کھیل ویکھو اپنے نیَن، اکھّ اکھّ لؤ اُٹھائیا۔ جِس نے تارے سدھنا سیَن، کبیِر جُلاہے دِتی وڈیائیا۔ جِس نے بٹوارے کولوں لِکھائی رمائن، راما روُپ روُپ سمجھائیا۔ جِس نے بھیوَ جنایا عیَن تے غیَن، نُقطہ نوُن نال مِلائیا۔ جِس نے تتاں دِتا چَین، گُروُ گود اُٹھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ گُر اوتار پَیغمبر کہن اسیں ہُن ویکھیئے کیہڑی کلاس، اے ٹوُ زیَڈ دھیان لگائیا۔ حضرت موُسیٰ کہے میرے تے کرو وِشواس، میَں اپنا بھیوَ دیاں کُھلائیا۔ عیسیٰ کہے میرا ویکھو دھرواس، دھرنی اُتے دیاں دِرڑائیا۔ محمد کہے میَنوُں دیؤ شاباش، تاڑی دو ہتّھاں والی لگائیا۔ کلجُگ آکھیا او میَنوُں سارے کہو بدمعاش، بدی دا مالک اِک اکھوائیا۔ میَں چار جُگ دے سارے بنا دِتے پتّے تاش، اِک دا روُپ نہلے دی دھار وِچ نؤ دواریاں وِچ وکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ اپنی کار کمائیا۔ کلجُگ کہے گُر اوتار پَیغمبرو ویکھو پنج درباری، سجّا ہتّھ اُپر رہے اُٹھائیا۔ جِنہاں دی پربھوُ دے نال یاری، یارانہ اِکو نال جنائیا۔ اجّ اوہ کرکے آئے تیاری، ترےَگُن توں باہر ڈیرہ لائیا۔ تُسیں اوہناں دی ویکھنی ہوشیاری، ہوشیاری نال تاش کھیڈن چائیں چائنیا۔ اوہناں نوُں ایہہ کھیڈ بڑی پیاری، کیوں کلجُگ دی ریِتی سوہنی سُچجیّ سوبھا پائیا۔ کلجُگ کہے او بس گُر اوتار پَیغمبرو میَنوُں پہلاں تھلّے پھیر لیَن دیؤ بہاری، جِتھے پتّے تھلّے سُٹنے چائیں چائنیا۔ جوتی جوت سروُپ ہرِ، آپ اپنی کِرپا کر، سد اپنی کار کمائیا۔ کلجُگ کہے درباریو سُٹو پہلوں اِک اِک یکا، اِک دوُجے دے اُتے دیؤ ٹِکائیا۔ پنج پیاریو اپنی اُنگلی نال پُٹھے گِلاس توں پانی دا اِک اِک دیؤ چھٹا، دوُر دوُر سُٹائیا۔ اوئے لِکھاریؤ اِس دے اُتے سُٹو ٹُکڑا چاک دا نِکاّ جِہا چِٹا، سُٹ کے دیؤ وکھائیا۔ پئی گُر اوتار پَیغمبرو ہُن اناں تِنّاں دا کڈھو سٹہ، کی پربھ نے کھیل رچائیا۔ تیئی اوتار کہن تاش دا پتّا اِیوں جاپدا، جِؤں پِچھلا چِٹھا، اِک نوُں اِک رہیا درسائیا۔ پَیغمبر کہن اِیوں جاپدا امرت دا چھٹا، جِؤں آبِ حیات مِٹھا خود خُدا نے دِتا چوائیا۔ گُروُ کہن لِکھاریِاں دے ہتّھ دا چاک چِٹا، چِٹی دھار دا روُپ سَتگُر سوہنا رہیا سمجھائیا۔ اوتار پَیغمبر
گُر کہن، واہ واہ کِڈا سوہنا کڈّھیا سِٹا، لیکھا سہجے دِتا سمجھائیا۔ دُکی کہے میَنوُں پنجے زور نال سٹن تے ویکھن جِویں سرگُن روُپ پربھ دا ٹِکا، اِک توں دو سوبھا پائیا۔ پنج پیارے کہن اوہناں دوہاں دا اِکو ہی پتی تے اِکو پِتا، دوُجا نظر کوئے نہ آئیا۔ پنج لِکھاری کہن جُگ جُگ اوسے دا لیکھ لِکھا، جو مالک اِک گوسائنیا۔ گُر اوتار پَیغمبر کہن کلجُگ واہ اوئے واہ اپنی کرنی دیا سِکھا، تیری بےپرواہیِا۔ پنجاں درباریِاں کڈھ لیا تِکا، پُٹھا دین رکھائیا۔ پنج پیارے کہن ترےَگُن توں باہر گُرمُکھ سَتگُر دے گھر وِکا، ترےَبھوَن دھنی وِچ سمائیا۔ پنج لِکھاری کہن ایہو سب دی کردا رچھا، رچھک ہو کے ہوئے سہائیا۔ گُر اوتار پَیغمبر کہن او چار جُگ پِچھوں ساڈا کیِتا پِچھا، اچنچیت سانوُں لیا اُٹھائیا۔ کلجُگ کہے ایتھے سب دا اِکو جیہا حِصّہ، وکھّری ونڈ نہ کوئے ونڈائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ترےَگُن دا لیکھا دئے مُکائیا۔ پنج درباری کہن اسیں سُٹ دِتا چؤکا، چؤتھا سجےّ کھبےّ سوبھا پائیا۔ پنج پیارے کہن جے سَتگُر مِل جائے تے پڑھنا پئے نہ پوتھا، اکھّراں دی لوڑ رہے نہ رائیا۔ لِکھاری کہن پربھوُ دا پیار بڑا سؤکھا، بِنا قیِمت توں بِنا ٹکیاں توں لوک مات دئے ورتائیا۔ گُر اوتار پَیغمبر کہن ہُن دیِناں مذہباں دا لیکھا بن گیا اؤکھا، ویلا وقت دئے گواہیِا۔ کلجُگ کہے مِہربانو اَگے سُکھ مان لیا چوکھا، چار جُگ گئے وِہائیا۔ اوئے بہُڑی اوئے بہُڑی اوئے میرا اندر ہو گیا کھوکھا، سچ رہن کوئے نہ پائیا۔ ویکھو اوئے ربّ دیؤ بندیو کِسے نے پگڑی ہَیٹ پہن لئی کِسے نے پہن لیا ٹوپا، اوہ ٹوپیاں والیو ٹاپ دا مالک نظر کِسے نہ آئیا۔ جوتی جوت سروُپ ہرِ، آپ اپنی کِرپا کر، سد اپنی کار کمائیا۔ تاش کہے اوہ میَنوُں کہندے کیوں تاش، اجّ تکّ سکیا نہ کوئے سمجھائیا۔ اوہ یاد کرو جِس ویلے شنکر نوُں سِکھیا دِتی سی اُپر کَیلاش، کلا اپنی اِک سمجھائیا۔ اِک توں نؤ تکّ جگت تماش، ایہہ میری بےپرواہیِا۔ پنجاں تتاں دا میرا کھیل تماش، تت تت نال جُڑائیا۔ پنج درباریِو سُٹ دیؤ اُتے پنجے نوُں واچ، اپنا ہتّھ اُٹھائیا۔ پنج پیارے خوشیاں نال پئے ناچ، پنچم پنچم پنچم دِتی وڈیائیا۔ پنج لِکھاری کہن دُھر دا لیکھ ساچ، سچ سچ رہیا دِرڑائیا۔ گُر اوتار پَیغمبر کہن پنجاں توں باہر کیہڑا سماج، لیکھا اوَر رہیا نہ رائیا۔ کلجُگ کہے میرے وی وڈّے بھاگ، بھاگ پربھ نے دِتا لگائیا۔ اَگے تُسیں سوال سمجھدے رہے تے ہُن سب نوُں دینا پیا جواب، نتیجہ اگلے سال وکھائیا۔ چھ کہن ساڈا سب توں وکھّرا حِساب، چِھکی چِھکی اُتے ٹِکائیا۔ پنج پیارے کہن او گُرمُکھو کوئے نہ رِہو کاگ، بُدھی ہنس روُپ
بنائیا۔ لِکھاری کہن پربھوُ دے پیار بِنا کوئی بن نہیں سکدا سادھ، سادھنا وِچ کوئے نہ آئیا۔ گُر اوتار پَیغمبر کہن اَگے سانوُں کوئی نہ لِؤ ارادھ، اِکو ارادھنا دُھردرگاہیِا۔ کلجُگ کہے میَنوُں خوشی ہوئی آج، نِیوں کے سیِس جھُکائیا۔ جوتی جوت سروُپ ہرِ، آپ اپنی کِرپا کر، سد اپنا حُکم ورتائیا۔ تاش کہے جِس ویلے شنکر نوُں دسّیا ساتا، سَت دِتا سمجھائیا۔ اُس ویلے تھلّے پیا اِک داتا، تے سَت سروُپ اُپر دِتا درسائیا۔ دسّیا اِکو پِتا تے اِکو ماتا، اِکو جمّن والی مائیا۔ اِس توں اَگے میری دھار دیِاں شاخاں، شناخت اپنے وِچ رکھائیا۔ پنج درباری اِک دوُجے نال صلاح کر کے ساتے نوُں رکھ کے اُپر مارو ہاتھا، ہتھیلی نال دبائیا۔ پنج پیارے کہن او گُرمُکھو اِکو میِت تے اِکو ساکا، دوُجا سجّن نہ کوئے اکھوائیا۔ پنج لِکھاری کہن اساں لیکھ لِکھ دِتا اَگے رہے کوئے نہ چاچا، پِتا پُرکھ اکال سرب منائیا۔ گُر اوتار پَیغمبر کہن ساڈا کُھس گیا ہاٹا، ونج نہ کوئے وکھائیا۔ کلجُگ خوشیاں دے وِچ ناٹھا، بھجّیا چائیں چائنیا۔ جوتی جوت سروُپ ہرِ، آپ اپنی کِرپا کر، سد اپنا بھیوَ چُکائیا۔ شنکر کہے میَنوُں سمجھ آئی کی کھیل تت اٹّھ، ہرِ سہج دِتا سمجھائیا۔ میَں اپنے اندر بنّھ لئی گٹّھ، جُگ چؤکڑی نہ کدے کُھلائیا۔ دُھر دے حُکم نال رکھی ٹھپّ، مُہر نام والی چُھہائیا۔ ہُن حُکم مِل گیا جھٹ، سندیسہ اگمّ اتھاہیِا۔ شنکرا لوک مات نوُں نٹھ، بھجّنا واہو داہیِا۔ بھگتاں دا تکنا اِکٹّھ، سوہنے سوبھا پائیا۔ پنج درباری تکنے پربھ دے جھیور چھیمبے نائی جٹّ، سوہنا روُپ درسائیا۔ اوہ اٹّھاں تتاں اُتے مارن لگّے سٹّ، اٹّھا کھبےّ ہتّھ نال سُٹائیا۔ پنج پیارے کہن اٹّھاں تتاں دی رہن نہیں دینی وٹّ، جھگڑا دُئی دینا مُکائیا۔ پنج لِکھاری کہن اساں لیکھ لِکھنا سچ، جو پُرکھ اکالا رہیا لِکھائیا۔ اوتار پَیغمبر گُر کہن اِک دوُجے نوُں دئیے دسّ، سہج نال سُنائیا۔ ساڈا رہیا کوئے نہ وس، واسطہ اِکو نال جُڑائیا۔ کلجُگ کہے تُہاڈا پوُرا ہون لگّا حق، پربھ پوُرب لیکھا پوُر کرائیا۔ جوتی جوت سروُپ ہرِ، آپ اپنی کِرپا کر، سد اپنا پڑدا لاہیِا۔ نہلا کہے میَں آ گیا سوُربیِر بہادر، نؤ در دا مالک اِک اکھوائیا۔ میَنوُں مان بخش گیا نؤویں پاتشاہی تیغ بہادر، خوشی نال ہتّھ چُھہائیا۔ او دھرم دَیا نہلیا تُوں ہونا مات اُجاگر، چار کُنٹ کُنٹ رُشنائیا۔ نہلے رو کے کِہا میرا بنے نہ کوئے سؤداگر، میری قیِمت کوئے نہ پائیا۔ میرا نہ کوئے پِسر پِدر نہ کوئے مادر، سِر ہتّھ نہ کوئے ٹِکائیا۔ سَتگُر کِہا او ویکھ کریِم قادر، میرا صاحِب دُھردرگاہیِا۔ جِس کلجُگ انت کھیل کرنا واجب، وجوُہات اپنے وِچ چُھپائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ،
دُھر میلا سہج سُبھائیا۔ نہلا کہے میرا نام بڑا کھوٹا، نؤ دوار پئی دُہائیا۔ میَنوُں کہندے سارے چوٹا، شرارتی ناؤں دھرائیا۔ میَنوُں گِندے اُتے پوٹا، جِہوا نال ہِلائیا۔ میَنوُں ایہو پربھوُ تے روسا، سہج نال سُنائیا۔ میَں تکدا اودھروں تیغ بہادر نے ہتّھ وِچ پھڑیا لوٹا، -------- اودھروں دَیالے دا پانی ہُندا سی کوسا، گُرمُکھ خوشیاں وِچ سمائیا۔ پھیر میَنوُں آیا جوشا، میَں کیِتی حال دُہائیا۔ میرے پُرکھ اکالا کی تیرا کھیل کایا پوشا، تتاں نال وڈیائیا۔ پہنیں ہڈّ ماس ناڑی دا چوغہ، بوُند رَکت نال سُہائیا۔ شبد آواز آئی جِس طرح تیغ بہادر میریِاں مان دا مؤجاں، دھیان میرے وِچ لگائیا۔ پھیر میرے دُلارے دیِاں گُرمُکھ ہونیاں فؤجاں، ہتّھ میرے ولّ رکھائیا۔ پھیر کلجُگ انت میَں اوہناں دے کول پہنچاں، نِرگُن جوت کر رُشنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک دِرڑائیا۔ نہلا کہے میَنوُں اٹّھے اُتے مارو، اپنا بَل رکھائیا۔ پنج درباری پربھوُ نوُں رِدے چِتارو، تُہاڈے نؤ دراں کراں صفائیا۔ پنج پیارے امرتی بوُند اِک اِک ڈارو، پریم نال سُٹائیا۔ پنج لِکھاری چاکوُ نال میرے دوالے اِک اِک لکیِر مارو، زِمیں نال نہ کوئے چُھہائیا۔ نہلا کہے پِھر سارے بولو پنج جَیکارو، پربھ تیری اوٹ تکائیا۔ اِکو وار پُرکھ اکال نوُں کرو نِمسکارو، دوئے جوڑ کے سیِس نِوائیا۔ پھیر خوشیاں نال تالی وجا کے کہو اسیں آؤنا تیرے دربارو، سچکھنڈ ساچے سوبھا پائیا۔ وِچھڑ جائیے نہ تیری قطارو، اِکو ڈوری تند بندھائیا۔ تُوں دُھر دا سچّا پریِتم یارو، مُحبّت تیرے نال بنائیا۔ گُر اوتار پَیغمبر بن گئے تیری نارو، نر نرائن تیری سیو کمائیا۔ تیرے جوگے ہو گئے ستاراں ہاڑو، لیکھا اوَر رہیا نہ رائیا۔ تُوں اِک خصم ہےَ اِک ہیَں لاڑو، ناری سرب پرنائیا۔ سانوُں دیِن مذہب دی باہر کڈھ دے دھاڑو، کنڈا خار لگّن نہ پائیا۔ تَینوُں لبھنا پئے نہ جنگل پہاڑو، ہر گھٹ اندر نظری آئیا۔ او کوجھیاں کملیاں نوُں آ کے تارو، تارنہار تیری سرنائیا۔ سَتجُگ ویکھیئے سچ بہارو، تیرا روُپ پُھل مہکائیا۔ اپنا نام وجا کے نگارو، ڈنکا اِک شنوائیا۔ نؤ کھنڈ پرِتھمی بنا کے اَکھاڑو، کھنڈا کھڑگ دے کھڑکائیا۔ سب نوُں کڈھ لےَ پھڑ کے جھاڑوں، لُکیا رہن کوئے نہ پائیا۔ اپنے چرناں دی دھوُڑ دے دے چھارو، شہنشاہ تیری سرنائیا۔ سارے کہہ دیؤ یاراں نوُں یار مِل گیا یارو، یاری اِک رکھائیا۔ گُرمُکھو ہُن اَگے واسطے کُچھ وِچارو، پِچھلا ویلا ہتّھ نہ آئیا۔ اوہ جِس نوُں کہندے مالک دُھردربارو، تُہاڈے ساہمنے سوبھا پائیا۔ بھاویں اِس نوُں چیِرو بھاوے اِس نوُں پھاڑو، پِھر وی تُہاڈا تُہاڈے وِچ سمائیا۔ جوتی جوت
سروُپ ہرِ، آپ اپنی کِرپا کر، سد اپنے وِچ اپنا رنگ جنائیا۔ کلجُگ کہے پربھوُ میریِاں اکھّاں وِچ آ گئے اتّھروُ اتھرا ہو کے دیاں جنائیا۔ اوہ کیہڑا گوبِند تے کیہڑا یار تے کِس دا ہنڈھایا ستھروُ، ستھراں والے دین سمجھائیا۔ کیہڑیِاں اِٹّاں کیہڑے پوُجے پتّھروُ، پاہن کی وڈیائیا۔ پُرکھ اکال کِہا کلجُگ، میرا آد دا جُگاد دا جُگ جُگ ویکھو گوبِند گبھّروُ، بِردھ بال بُڈھاپا روُپ نہ کوئے وکھائیا۔ جد تکو میرے نام دا عدلوُ، اِنصاف اِک سمجھائیا۔ جِس ویلے چاہے اوہ گُرمُکھ سنت بھگت اپنے وِچوں کڈھ لؤ، پِھر اپنے وِچ سمائیا۔ جِس ویلے چاہے سچکھنڈ دوارے صدّ لؤ، درگاہ ساچی دئے ٹِکائیا۔ جِس ویلے چاہے اپنی دھار نال آپے بجھّ لؤ، جُگ جُگ نال بدلائیا۔ جِس ویلے چاہے پاپیِاں اپرادھیِاں دے پڑدے کجّ لؤ، جو چرن آیا سرنائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ کلجُگ کہے پربھوُ میَنوُں ہُلارا دِتا پوَن اُننجا، چؤتھے جُگ دا نایاں نال رلائیا۔ نالے کِہا وے کلجُگا پِچھے تے سب دا لیکھا اوتار پَیغمبر گُروُ بھگت شبد دھار بونجا، بونجا مایا وِچ سمائیا۔ پربھ دا کِہو جِہا شکنجا، جیہڑا پھسیا اوہنوُں باہر نہ کوئے کڈھائیا۔ سَتگُر شبد کہے میَں اِک ویراں جوت وِچ تیئی سال دی عمُر وِچ حُکم دِتا سی تیجا سِنگھ گنجا، ہتّھ مُکھ اُتے لگائیا۔ پِھر کڈھ کے رومال نیِلا رنگا، ہوا وِچ اُڈا کے پھیر کھلو کے کیساں نوُں واہیا کنگھا، وٹ پُٹھے ہتّھ چڑھائیا۔ پھیر خوشی وِچ کِہا پربھوُ آپے جوت تے آپے بندہ، بندے دی سمجھ کوئے نہ آئیا۔ پھیر ہسّ کے کِہا جِس ویلے میَں گُرمُکھاں دی دھار اپنے شبد سِنگھاسن اُتے کر دِتی بونجا توں سَوا بوَنجا، باوَن دا باوَن کھیل کھِلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک سُنائیا۔ کلجُگ کہے سَوا بوَنجا کیہڑا تیرا کھیل، میَنوُں دے سمجھائیا۔ پُرکھ اکال کِہا شبد گُروُ میرا میلا لئے میل، ایہہ میرے ہتّھ وڈیائیا۔ کیوں اِکو روُپ گُروُ گُر چیل، دوُجا نظر کوئے نہ آئیا۔ جِس ویلے میَں کلجُگ وِچ انت دیِن دُنی دا کرنا کھیل، خالق ہو کے خلق ویکھ وکھائیا۔ جوبن ونتا ہو کے البیل، مستی وِچ اپنا رنگ رنگائیا۔ جوتی جوت سروُپ ہرِ، آپ اپنی کِرپا کر، سد اپنا سنگ وکھائیا۔ سَتگُر شبد کہے کلجُگ اُٹھ ویکھ پربھوُ دی کھیل نِرالی، شبدی دھار پہلی اَسوُ بُھگتائیا۔ جسونت سِنگھ نوُں شبد دِتا رُپئیے لِیانے چالی، سِنگھاسن اُتے ٹِکائیا۔ گُردرشن نوُں حُکم دِتا سُکھالی، ستّ بھیٹا دینے کرائیا۔ ہرِجِندر سِنگھ کاکا دوآبیو لیا اُٹھالی، سَوا پنج نال مِلائیا۔ ایہہ کوئی مایا نہیں باہلی، چوّنی نال جوانی سب دی دِتی بدلائیا۔
جوتی جوت سروُپ ہرِ، آپ اپنی کِرپا کر، دیونہارا ساچا ور، سچ اپنی کار کمائیا۔ اَسوُ کہے پربھوُ چنگی طرح تکیں کِتے ہو نہ جاویں انّھا، نیَن موُند اکھوائیا۔ دیِن مذہب دا چھڈ نہ جاویں بنّا، حد حدوُد ویکھ وکھائیا۔ کِتے کچّا نہ ہو جاویں کنّاں، چُغلی نِندیا سُن کے جھٹ لنگھائیا۔ پُرکھ اکال کِہا میرا سوُربیِر گوبِند چنّا، چند وانگ رُشنائیا۔ جِس دے وساں وِچ تناں، پنج تت ڈیرہ لائیا۔ اپنا حُکم دے کے نواں، نوَجُگ کھیل کھِلائیا۔ دیِن مذہب دی رکھے کوئے نہ طمع، لالچ وِچ کدے نہ آئیا۔ اِکو میرا دیِپک ہووے شمع، اِکو نوُر ہووے رُشنائیا۔ میری دھاروں ہووے جمّا، جننی کُکھ نہ کوئے اُٹھائیا۔ جیہڑا گوبِند نے لایا کنّا، اُس دے پِچھے دیِن دُنی اُلٹائیا۔ جیہڑا اگمّی حُکم دِتا صاحِب دم دما، دمدما صاحِب دُہائیا۔ اُس نے بدل دینا بدیِاں والا سماں، سماپت کرے خلق خُدائیا۔ جوتی جوت سروُپ ہرِ، آپ اپنی کِرپا کر، سد اپنی کار کمائیا۔ پُرکھ اکال کِہا کلجُگ میَں انّھاں نہ ہوواں نِدھان، اکھّ نہ کوئے بدلائیا۔ اؤہ ویکھ میرا کھیل مہان، تَینوُں دیاں وکھائیا۔ دلیِپ سِنگھ جیہڑا سُرما لیاندا بنا کے نؤجوان، اَگے ہو کے ہتّھ لےَ اُٹھائیا۔ اِک اِک سلائی دا کرنا نِشان، سہج سہج نال چُھہائیا۔ جن بھگتو تُہاڈے سُرمے نال تُہاڈے انجن نال تُہاڈی بھگتی دا ہووے گیان، اَنجانت رہن کوئے نہ پائیا۔ جوتی جوت سروُپ ہرِ، آپ اپنی کِرپا کر، سد اپنی کار کمائیا۔ اوئے کلجُگ ویکھ لےَ پَیندی سلائی، گُرمُکھ نیَناں رنگ رنگائیا۔ جیہڑی ستائی سال اکھّ رہی شرمائی، اوہ ساہمنے دینی کُھلائیا۔ میری کھیل بے پرواہی، جگ نیتر نظر کِسے نہ آئیا۔ ہُن پِھرنا ایسے طرح تھاؤں تھائیں، جیہڑا مرضی روُپ بدلائیا۔ ہُن بہنا نہیں پیِڑھا ڈاہی، گھُنگٹ مُکھ ٹِکائیا۔ کھیل کرنا چائیں چائیں، چاؤ گھنیرا اِک درسائیا۔ جوتی جوت سروُپ ہرِ، آپ اپنی کِرپا کر، سد اپنے گھر وسائیا۔ بھگتو سُرما پایا اکھّ، اکھّ نال اکھّ لؤ مِلائیا۔ جد مِلو تے مِلو پرتکھ، باہواں دوویں اَگے اُٹھائیا۔ تُہاڈا ناتا ہویا سچ، سچ مِلی وڈیائیا۔ ہُن تُسیں بھانڈا رہے نہیں کچّ، کنچن گڑھ دِتا جنائیا۔ سارے خوشیاں وِچ اِکو وار پؤ نچّ، پربھوُ تیری بےپرواہیِا۔ تُوں ساڈی رکھنی پت، پت پرمیشور دَیا کمائیا۔ ساڈا دے دے حق، شرم حیا رہے نہ رائیا۔ جیہڑا نلیر رکھیا ڈھک، اوہدی گنڈھ دے کُھلائیا۔ اِس نوُں ساڈے وِچ دے چھڈ، بھجےّ واہو داہیِا۔ کُچھ لاچی دانہ چبّ، دنداں ہیٹھ دبائیا۔ اسیں دوگلے نہ رہیئے تے ساڈے وِچ نہ رہے ڈبّ، اِکو روُپ لیَنا بنائیا۔ اسیں تیرے تیرے ہو گئے سب، جو تیرا نام دِھیائیا۔ او کِرپا کر کے
سانوُں اپنے پیار دی پیا دے مد، خُماری اِکو اِک چڑھائیا۔ او سانوُں چنگا نہیں لگدا تُوں مستی وِچ اِکلّا پِھریں جگ، آکڑ وِچ اپنا آپ بنائیا۔ اسیں چاہُندے اسیں بھگت تیرے نالوں ہوئیے ودّھ، ساڈے وِچ اپنا آپ دے پرگٹائیا۔ اِک دوُجے نوُں کدی نہ جائیے چھڈ، رنڈیپا جگت نہ کوئے ہنڈھائیا۔ بھگت بھگوان ہو کے کدی نہ ہوئیے اڈّ، وکھّرا گھر نہ کوئے سُہائیا۔ جوتی جوت سروُپ ہرِ، آپ اپنی کِرپا کر، سد اپنی کھیل وکھائیا۔ کلجُگ کہے پربھوُ میریِاں ساریِاں پوُریِاں کر دے منگاں، مانگت ہو کے منگ منگائیا۔ میَنوُں وکھا دے اوہ کنگھا، جیہڑا دوآبیوں لیا منگائیا۔ میرے مگر لا دے ستّ رنگ ڈنڈا، گُرمُکھ ہو کے سیِس نہ کوئے مُنڈائیا۔ میَں بندیاں نوُں بنا دیواں بندہ، بندگی اِک جنائیا۔ تیرے ہُندیاں تیرا رہے کوئے نہ گندہ، گندگی وِچ اپنا آپ ڈُبائیا۔ سارے تُوں میرا میَں تیرا گاون چھندا، سوہنا راگ سُنائیا۔ اسیں نہیں چاہُندے تیرا اَگے پَینڈا ہو جائے لمبا، سِسک سِسک کے سارے اپنا آپ ترسائیا۔ جوتی جوت سروُپ ہرِ، آپ اپنی کِرپا کر، سد اپنا میل مِلائیا اَسوُ کہے پنج پیاریو کرِیو مِہربانی، اپنا بَل دھرائیا۔ ساریاں دے مستک میرے پیار دی لائیو نِشانی، میرے صاحِب نوُں دینی وکھائیا۔ پنج درباریو تاش دے پتّے لڑن والے کٹّھے ہو کے اِک توں نؤ تکّ سارے بن گئے اِک دوُجے دے جانی، پیار پیار نال رلائیا۔ پنج لِکھاریِؤ لِکھن وِچ کوئی اکھّر رہ نہ جائے خالی، خالی نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، تاش والیو تاش دی اگلی کھیل ہونی چالی، کِس طرح دَہلے توں پاتشاہ کِنگ تائیں اپنی کار کمائیا۔
ستّاں لانگریاں دے نوِت
سمت چھے کہے سُن اَسوُ میِت، مِترا دیاں جنائیا۔ سرِشٹی بُھلی گوبِند دی ریِت، ذات پات ڈیرہ کوئے نہ ڈھاہیِا۔ مان ملِے نہ کِسے غریِب، اوُچاں نیِچاں رنگ نہ کوئے رنگائیا۔ میَں کھیل تکیا عجیِب، عجب نِرالا ویکھ وکھائیا۔ ساچی رہی نہ کوئے ترتیب، سِلسلہ حق نہ کوئے جنائیا۔ جھگڑا پیا مُرشد مُریِد، گُر سَتگُر سِکھ لڑائیا۔ سرِشٹی سُتی گوُڑھی نیند، سوئی سُرت نہ کوئے اُٹھائیا۔ جوتی جوت سروُپ ہرِ، آپ اپنی کِرپا کر، ساچا دینا دُھر دا ور، ساچا لیکھا دینا بنائیا۔ اَسوُ کہے میَں ویکھاں سوُریہ چندر، چنّ چند دھیان لگائیا۔ ویکھاں مسجد مندر، گُروُدوارے پھول پھولائیا۔ تکاں ڈھور ڈنگر، پشوُ خلق خُدائیا۔ پربھوُ دے نام تے منگن،
گھر گھر پھیرا پائیا۔ دھرم دا چلے کوئے نہ لنگر، سانجھا گھر نہ کوئے وکھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ آسا پوُر کرائیا۔ اَسوُ کہے جو لنگر چلایا جگ، ذات پات نہ کوئے رکھائیا۔ وِچوں کوُڑ دی میٹنی اگّ، ہنگتا دینی گوائیا۔ سب نوُں لیَنا سدّ، شبد کر شنوائیا۔ دو جہاناں لیَنا لبھ، کھوجنا تھاؤں تھائنیا۔ اپنا بنا کے آپ سبب، صاحِب سُلطان لیَنا مِلائیا۔ تیرے بندے دِسن سب، دوُجا نظر کوئے نہ آئیا۔ تیریاں بھگتاں رہے کوئے نہ لبھ، لالچ وِچ نہ کوئے کُرلائیا۔ بھنڈارے وِچوں لئے کوئے نہ کڈھ، چوری ٹھگّی نہ کوئے کمائیا۔ کدے رجھے سوُر گاں نہ ہڈّ، پنکھی پنچھی نہ ویکھ وکھائیا۔ دھرم نِشانہ دینا گڈّ، دھرم دی دھار نظری آئیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ اَسوُ کہے پربھوُ کِرپا کرنی جے، جوبن ونت تیری سرنائیا۔ میری بیننتی ایہہ، احمق موُرکھ لینےَ ترائیا۔ جِنہاں دا تیرے نال لگّا نیہ، نِہکلنک توڑ نِبھائیا۔ امرت برسنا مینہ، میگھلا اِک برسائیا۔ پوِتر کرنی دیہہ، پنج تت رُشنائیا۔ جوتی جوت سروُپ ہرِ، آپ اپنی کِرپا کر، سد اپنا رنگ وکھائیا۔ اَسوُ کہے پربھوُ ستّ لانگری کر تیار، میَں اپنی منگ منگائیا۔ گِردھارا سِنگھ ہووے سردار، بخشیِش سِنگھ نال مِلائیا۔ پال سِنگھ لیَنا ونگار، مسّا سِنگھ جوڑ جُڑائیا۔ کاشی رام دینا پیار، پریِتی پریِتم نال بندھائیا۔ چرنی سُرت لیَنی سنبھال، سمبل میلنا سہج سُبھائیا۔ وریام کؤر رہے نال، جوڑ جوڑنا سہج سُبھائیا۔ ستّاں دا اِکو مالک اِکو کرے پرِتپال، پرِتپالک اِک اکھوائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دوار اِک رکھائیا۔ کلجُگ کہے اِنہاں دا حقیِقی ہووے لباس، تیرے شبد نال جنائیا۔ گُرمُکھاں دے سِر تے پگڑی کالی ہویا کرے خاص، بیِبیِاں کالے لیڑے رنگ رنگائیا۔ جِس ویلے تیرا حُکم ہووے خاص، اُس ویلے لیَن بدلائیا۔ ایہہ میری آسا میرے نِکلے وِچوں سواس، ساہ ساہ سُنائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا حُکم اِک سُنائیا۔
۳ اَسوُ شہنشاہی سمت ۶ گُرمُکھ دوارے نیہہ رکھن سمیں بھلائی پُر ڈوگراں
اَسوُ تِنّ کہے سُن چند سِتاریا، سمت شہنشاہی چھ دھیان لگائیا۔ تکّ محمد والا نظاریا، نظر اپنی اِک اُٹھائیا۔ جِس نے چؤداں طبق ونگاریا، ونگار کے دِتا سُنائیا۔ ایہہ حُکم پروردِگاریا، شاہ سُلطاناں رہیا دِرڑائیا۔ چؤداں صد میرا بلکاریا، بَل اِکو اِک
وکھائیا۔ پِھر ہتّھ مستک اُتے ماریا، اُنگلاں پنج تِنّ چُھہائیا۔ پِھر اُپر نیتر لیَن اُگھاڑیا، نیتر نیَن اکھّ لئی اُٹھائیا۔ جِس ویلے مات لوک آوے دُھر دا لاڑیا، لاڑی سب نوُں لئے بنائیا۔ لیکھا پوُرا کر ستاراں ہاڑیا، ہاڑا سب دا لیکھے لائیا۔ ناؤں دھرا نر اوتاریا، نر نرائن پھیرا پائیا۔ جگت جہان ہووے ظاہریا، ظاہر ظہوُر کرے رُشنائیا۔ کھیل کرے اگمّ اپاریا، نر نرائن اپنی دَیا کمائیا۔ اپنیاں مُریِداں بھگتاں کرے اُجیاریا، سِکھاں سنگ نِبھائیا۔ سَتجُگ ساچا کر ورتاریا، سچ سچ دئے پرگٹائیا۔ پرسِدھ کر گُرمُکھ دواریا، گُرسِکھ اپنے رنگ رنگائیا۔ چار کُنٹ دہ دِشا پِھر آوے ہاریا، سمبھل سکے کوئے نہ رائیا۔ پھیر محمد نے اپنا کالا چولا پاڑیا، ٹُکڑے ستّ دِتے کرائیا۔ پھیر مستک رنگ لاوے گاڑھیا، لال دِتا جنائیا۔ پھیر مہندی لا کے داڑھیا، ہتّھاں نال چُھہائیا۔ پھیر اپنا الفی کفن ساڑیا، آنچ اگّ جلائیا۔ پھیر اُپر کیِتا اِشاریا، اُنگلاں کنّاں وِچ پائیا۔ پھیر رو کے زارو زاریا، کیِتی حال دُہائیا۔ پھیر تکیا سمُند ساگر پانی کھاریا، مِٹھا رس نہ کوئے چکھائیا۔ پھیر اپنا آپ اُبھاریا، بَل لیا پرگٹائیا۔ پھیر اِک اکھّ میِٹ کے کِہا میرے آسماں اسمانی تاریا، تار سِتار ویکھ وکھائیا۔ پھیر کِہا چنّ چنّ میرے پیاریا، چنّ تیری وڈیائیا۔ دوہاں تالی وجا کے کِہا محمدا جِس ویلے تُہاڈا مالک آیا وِچ اَکھاڑیا، اکل کل دھاری اپنا پھیرا پائیا۔ لیکھا جانے ناڑی ناڑیا، تن وجوُد کھوج کھوجائیا۔ میَنوُں اِیوں دِسدا اوہنے تیرا چؤداں طبق خوشی وِچ اُجاڑیا، مالک نظر کوئے نہ آئیا۔ جن بھگتاں ہِردا کرے ٹھنڈا ٹھاریا، اگنی تت بُجھائیا۔ تیرا کیِتا کی ہووے خساریا، گھاٹا کی رکھائیا۔ محمد کیِتا حال پاہریا، دروہی دروہی حال جنائیا۔ کِس بِدھ میری اُمت لگّے چنگیاڑیا، شُعلے اُڈن تھاؤں تھائنیا۔ جگت جُگ دیاں اُجاڑن واڑیِاں، واڑا رہن کوئے نہ پائیا۔ دھوُاں دھار ہونا اُچ پہاڑیِاں، ٹِلّے اسگاہ روون مارن دھائنیا۔ روُپ رہنا نہیں کِسے دھی بھَین کواریاں، دھرم دی دھار کلمہ حق نہ کوئے جنائیا۔ سُہاگ دیِاں سِر تے چُکنیاں نہیں کِسے نے کھاریِاں، خالص رنگ نہ کوئے سمجھائیا۔ جِس ویلے جن بھگتاں گُرمُکھ دوارے واسطے چُکنیاں سِراں تے تگاریاں، تیغاں والے اُٹھن تھاؤں تھائنیا۔ قلماں پرسِدھ ہونیِاں پنجاں لِکھاریِاں، پنجاں درباریِاں سنگ مِلائیا۔ پنجاں پیاریاں خوشیاں مناؤنیاں ساریِاں، غمی رہن کوئے نہ پائیا۔ ہرِ سنگت دے گُرمُکھاں نے مُچھاں ہون چاڑھیِاں، سوُربیِر اپنا بَل پرگٹائیا۔ پُرکھ اکال کھیل کرنا اپنی واریِاں، واحد اپنا حُکم جنائیا۔ گُر اوتار پَیغمبراں اُتوں اُڈ جانیاں اِعتباریِاں، بے اعتباری ہوئے لوکائیا۔ جِس کارن دو دروازے تے چھ لگّیاں
باریاں، چھ گھر دا لیکھا دِتا مُکائیا۔ محمد جِس پربھوُ نے مِہر نال اپنیاں سنگتاں تاریاں، تارنہار دَیا کمائیا۔ اُس دے پِچھے گُر اوتار پَیغمبر پِھرنے وانگ وگاریِاں، دو جہاناں تھاؤں تھائنیا۔ گُرمُکھاں خوشیاں وِچ مارنیاں کُداڑیاں، بھجّن واہو داہیِا۔ ہنکاریاں دیاں بھنّ دینیاں چباڑیاں، ڈنڈا شبد والا اُٹھائیا۔ محمد تکیا کی حال ہونا خاوَند تے لاڑیِاں، زنو مرد سرب کُرلائیا۔ کِسے نے کھانیِاں نہیں مُکھ پان سُپاریِاں، خُن خوار ہوئے لوکائیا۔ کیوں پُرکھ اکال نے چار جُگ دیِاں پیشیِن گوئیاں اُچاریِاں، اکھّر اکھّر پھول پھولائیا۔ گرنتھ رکھے نہیں رہنے وِچ الماریِاں، پرگٹ اپنا ناؤں کرائیا۔ جن بھگتاں بخش کے نام خُماریِاں، خِما وِچ اپنا رنگ رنگائیا۔ دیِن دُنی رووے بےشُماریِاں، شمع نوُر نہ کوئے رُشنائیا۔ ہُن گُرمُکھ دا جنم نہیں گھر چمیاریِاں، گُرسِکھ دا بیٹا گُرمُکھ نظری آئیا۔ جِنھ اپنیِاں آساں شبد گوبِند اُتوں واریِاں، جگت ترِسنا نہ کوئے رکھائیا۔ محمدا تیریِاں دھاراں انتم ہاریِاں، جِتّ نظر کوئے نہ آئیا۔ محمد کہے میری طوبیٰ میَں سُٹ دِتیِاں ہتّھوں چُھری کٹاریِاں، ذِبح کر نہ کوئے وکھائیا۔ اندر رہنیِاں نہیں غداریِاں، گداگر ہوئے جگت لوکائیا۔ مان رہنا نہیں کِسے اٹاریِاں، محل اٹل نہ کوئے جنائیا۔ کیوں گُرمُکھ دوارے نؤاں مِستریاں نے کرنیاں اُساریِاں، نؤ در دا لیکھا رہے نہ رائیا۔ نؤویں مِستری اِک اِک وار ہتّھ لاؤ اِٹّ رکھو لہِندی دِشا ساری سنگت مُکھوں بولو سوہنگ مہاراج شیرسِنگھ وِشنوُں بھگوان پنج پنج جَیکاریِاں، جےَ جَیکار کرے سرب لوکائیا۔ گُرمُکھ دوارے سیوا کرنگیِاں سنگتاں ساریِاں، اِکلّا حق نہ کوئے رکھائیا۔ اَگے مان رہنا نہیں کِسے پُجاریِاں، پوُجا دھان کوئے نہ کھائیا۔ ایتھے آؤنا نہیں کِسے جگت جوُاریِاں، ٹھگّ رہن کوئے نہ پائیا۔ اِس دے پِچھوں پھیر سمادھاں دیاں لگّنیِاں اُساریِاں، حُکم دُھر دا اِک جنائیا۔ ویادھاں دیاں مِٹن بیماریِاں، کوُڑی کِریا روگ گوائیا۔ جِس دی سیوا کرن پُرکھ ناریِاں، نر نرائن رنگ رنگائیا۔ ساری ہرِ سنگت اِک اِک اُنگلی اِٹّ اُتے رکھن وارو واریا، اُنگلی خوشیاں نال چُھہائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کمائیا۔
۳ اَسوُ شہنشاہی سمت ۶ گُرمُکھ سِنگھ دے گھر پِنڈ بھلائی پُر ڈوگراں
تنّ اَسوُ کہے محمد سجدہ کیِتا لہِندیوں چڑھدا، چڑھدی دِشا دھیان لگائیا۔ نظارہ تکیا گُرمُکھ گھر دا، گرِہ مندر ویکھ وکھائیا۔ جِتھے کھیل اگمّی ہرِ دا، پروردِگار رہیا کرائیا۔ بھگت سُہیلا روُپ اگمّا دھردا، دھرنی دھرت دھوَل ہوئے رُشنائیا۔ سب دی آسا منسا پوُری کردا، پوُرب لیکھا ویکھ وکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا میلا آپ مِلائیا۔ محمد کہے میری سچ سچ تکبیر، تقویٰ اِک رکھائیا۔ پروردِگار کی کرے تدبیِر، شاہ پاتشاہ اپنا حُکم ورتائیا۔ بہُڑی میری شرع دے توڑن لگّا زنجِیر، چؤداں طبق کھوج کھوجائیا۔ میری منزل ہوئی اَخیِر، آخر رو کے دیاں سُنائیا۔ شرع دا رہیا نہ کوئی فقیِر، فِقرہ حق نہ کوئے سُنائیا۔ دُہائی طوبیٰ گُرمُکھ دوارا ہویا تعمیِر، تعمیِل سب توں لئی کرائیا۔ میرے نیتر وگے نیر، نیَن چھہبر رہے وکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ محمد کہے میری انت اَخیِر سلام، علیکم اِک جنائیا۔ میرا کلمہ دُھر کلام، کائنات دی کرے بےوفائیا۔ ناتا تُٹن لگّا نالوں عوام، عام دا لیکھا رہے نہ رائیا۔ میرا رہے نہ کوئے غُلام، بندھن بندھ نہ کوئے کُھلائیا۔ کِرپا کرے سِری بھگوان، پروردِگار نوُر اِلاہیِا۔ میرا وِگڑن لگّا نِظام، انتظام نہ کوئے رکھائیا۔ چاروں کُنٹ ہوئی اندھیری شام، تارا چند دئے گواہیِا۔ میرا صدمے وِچ انتر ہویا حَیران، حَیرانی میرے اُتے آئیا۔ اگلا کھیل سِری بھگوان، بھگوَن اپنے وِچ چُھپائیا۔ محمد کہے گُرمُکھ دوارے ولّ میرا سندیسہ اِک پَیغام، پیِر پیِراں دینا جنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، کرے کھیل وڈ اِمام، اِمام اِماما نؤجوانا، مرد مردانہ شاہ سُلطانا، اپنا حُکم حِکمت نال ورتائیا۔
۵ اَسوُ شہنشاہی سمت ۶ دربار وِچ جسبیر سِنگھ جلالا باد دے نوِت جیٹھوُوال
نؤں مہینےِ اٹھاراں دِن گئے بیِت، جسبیر جنم لیا شبدی دھار جگ۔ پُرکھ ابناشی اولّڑی ریِت، کِرپا کری سوُرے سربگ۔ داسی دی سچ ویکھ پریِت، دھار ہون نہیں دِتی الگ۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، لیکھا جانے جنم جنم دے کگّ۔ کگّ کہے میَں کیِتی قُربانی، اپنا آپ تجائیا۔ میرے صاحِب دی ہوئی مِہربانی، مِہر نظر اُٹھائیا۔ میَں داسی دا بھرا میرا ناں جانی، دیوَ کہہ کے سارے بُلائیا۔ میرا کھیل کھیل مہانی، بھیوَ ابھیدا دیاں دِرڑائیا۔ میَں وی ہسّ کے کِہا پربھوُ میری بھَین دی رہے نِشانی، اپنے جیِون دی لوڑ نہ کوئے رکھائیا۔ پر سچ دسّاں انت اَخیِر میرے انتر آئی بے اِیمانی، بیوہ اپنا آپ کرائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک سُنائیا۔ داسی دا بھراتا کہے میَں دسّاں کہانی سچّی، سچ دیاں جنائیا۔ میرا کھیل جانے پُرکھ سمرتھی، جو داتا بےپرواہیِا۔ میَں مندر جانداں ساں وار اٹّھی، اٹھ اٹھ نال درسائیا۔ اِک دِن پرساد چڑھا کے بھوگ لگا کے کھا لیا اپنی ہتھّیں، چوری چوری مُکھ لگائیا۔ پھیر رگڑ کے متھی، بُھل لئی بخشائیا۔ جھٹ حُکم آیا او ویکھ تیرے کرماں دی دھار آؤندی نَٹھی، بھجےّ واہو داہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ بھراتے کِہا میَں رسنا لایا پربھوُ دا بھوگ، اپنے مُکھ چُھہائیا۔ میرے اندروں اُٹھیا روگ، ہؤمے لئی انگڑائیا۔ ہرکھ رہیا نہ سوگ، چِنتا نہ کوئے جنائیا۔ پھیر میَں سُنیا اِک سلوک، سندیسہ اگمّ اتھاہیِا۔ تیری انت نہیں ہونی موکھ، چؤراسی وِچ بھوائیا۔ تیرا لہنا دینا مات لوک، چؤتھے جُگ نال سمجھائیا۔ جنم لیَنا پئے کوٹن کوٹ، تریتا دواپرروُپ بدلائیا۔ گُر اوتار پَیغمبر تیری کرے نہ کوئے چھوٹ، چؤراسی وِچوں باہر نہ کوئے کڈھائیا۔ جِس ویلے پرگٹ ہووے پُرکھ اکال نِرمل جوت، جوتی جاتا پھیرا پائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی کرنی کار کمائیا۔ بھراتا کہے میرے مُکھوں نِکلیا نہ ناں، پربھوُ دھیان نہ کوئے رکھائیا۔ میَنوُں یاد آئی کی لیکھا بھَین بھرا، بھیوَ کوَن کُھلائیا۔ جے داسی سُت مرا، رووے مارے دھائنیا۔ میَں ڈِگ کے وِچ درا، ٹھاکر اَگے سیِس نِوائیا۔ ڈنڈاوت وِچ پڑا، نیَن موُند ویکھ وکھائیا۔ میَنوُں دُکھ بڑا، سہہ سکاں نہ رائیا۔ جاں تکیا نِرگُن دھار نوُر کھڑا، جوتی جاتا سوبھا پائیا۔ اُس حُکم کیِتا اُٹھ ویکھ نرائن نرا، نر
ہرِ اپنا کرم سمجھائیا۔ جِس ویلے سَتجُگ تریتا دواپرپار پرا، پرا پسنتی مدھم بیکھری توں پرے میری پڑھائیا۔ جیہڑا داسی سُت تُوں کدے نہیں مرا، مر جیِوت روُپ وٹائیا۔ اُٹھ نِگاہ مار ذرا، پڑدا دیاں چُکائیا۔ جوتی جوت سروُپ ہرِ، آپ اپنی کِرپا کر، دُھر حُکم اِک جنائیا۔ شبدی دھار کِہا جیہڑا رسنا لایا پرساد، چوری چوری کھائیا۔ اِس دا لیَنا پیا سواد، اپنا من پرچائیا۔ ایسے کُکرم پِچھے تَینوُں جنم لیَنا پَینا کاگ، کاگ روُپ سمجھائیا۔ اُس رو کے ماری آواز، کوُک کوُک سُنائیا۔ کِرپا کر آج، مِہر نظر اُٹھائیا۔ شبدی دھار کِہا جُگ چؤکڑی ویکھ تماش، تریتا دواپرپار کرائیا۔ جِس ویلے نِرگُن نوُر ہویا پرکاش، جوتی جاتا ڈگمگائیا۔ تیری بھَین دا تیرے بھنیوے نال پھیر بناواں ساک، مات پِت پُت مِلائیا۔ دوُجی داسی دا لیکھا ہووے ساتھ، سگلا سنگ بنائیا۔ جنم وِچوں جنم بخش کے پوُری کراں آس، ترِسنا دوُر کرائیا۔ اُس ویلے داسی نے بدل لیَنا لباس، کپڑے اوڈھن سنگ وکھائیا۔ اَگے لیکھے لگّے سواس، ساہ ساہ اپنا رنگ رنگائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ حُکم اِک سُنائیا۔ بھراتے کِہا کلجُگ انتم جے میرا روُپ ہووے کاگ، مانَس سمجھ کوئے نہ پائیا۔ شبدی دھار کِہا میرا کھیل آد جُگاد، جُگ چؤکڑی چلیا آئیا۔ ویکھاں دیِن دُنی سماج، دو جہاناں کھوج کھوجائیا۔ جِس ویلے پُرکھ اکال دا ہویا راج، پنچھی پنکھی سنگ رلائیا۔ جنم کرم دا دھو کے داغ، پتت پُنیِت دئے کرائیا۔ بے شک تُوں اُس ویلے ہونا کاگ، کاگ روُپ درسائیا۔ تیرے جیِون دا بُجھاؤنا چراغ، نوُر نظر کوئے نہ آئیا۔ تیری بھَین دا پھیر ویکھنا بغیچہ باغ، پتّ ٹہنی پھوُل ویکھ وکھائیا۔ سچ نام وجاؤنا ناد، دھنّ اِک شنوائیا۔ اَگے بخش کے داد، سُت دُلارا جھولی پائیا۔ جِس دا پرساد کراؤنا پئے پہلی ماگھ، گُرسِکھ پنج نال رلائیا۔ پھیر اگلا کھیڑا ہونا آباد، تتی وا نہ لاگے رائیا۔ نؤ گنے لِیانے نال کماد، ساڈھے تِنّ ہتّھ لمبائیا۔ اودھم سِنگھ بن کے آؤنا روُپ سادھ، کیس کُھلے پِچھانہ سُٹائیا۔ پھیر اگلی کُل نوُں لگّے بھاگ، بھگوَن اپنی دَیا کمائیا۔ حُکم سندیسہ شبدی دھار دِتا آپ، آپ اپنا پڑدا لاہیِا۔ دوویں کٹّھے آؤن جسبیر سِنگھ تے اُسدا باپ، تِھت وار وار سمجھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، بل دوار دا پوُرا کرے واک، داسی داس داسن داسا ویکھ وکھائیا۔
۱۱ اَسوُ شہنشاہی سمت ۶ سُکھدیو سِنگھ دے گھر پِنڈ کلّا
دسم دوار کہے میری ارداس، عرض بیننتی اِک سُنائیا۔ میرے صاحِب پُرکھ ابناش، ہرِ کرتے تیری بےپرواہیِا۔ کھیل کھِلا کے ہڈّ ناڑی ماس، پنج تت بنت بنائیا۔ ترےَگُن مایا پا کے راس، پرکِرتی رنگ رنگائیا۔ نؤ دوارے دے کے ساتھ، جگت سنگ جنائیا۔ اِیڑا پِنگل سُکھمن بنا کے گھاٹ، منزل منزل وِچ اٹکائیا۔ کوَلی بخش کے بوُند سواند، نابھی نابھ ٹپکائیا۔ شبد اگمّی جنا کے ناد، دُھن دُھن شنوائیا۔ سُرتی سُرت ارادھ، رسنا رس چکھائیا۔ اپنا بھیوَ رکھ کے بودھ اگادھ، اگادھ بودھ بودھ بےپرواہیِا۔ کوَل کوَلا بُجھا کے آگ، ترِسنا ترِکھا گوائیا۔ من منوُئے دے وَیراگ، وَیری انتر نِرنتر مِٹائیا۔ میرے گھر وِچ نِکاّ جیہا اپنا جگا کے چراغ، سوُریہ چنّ توں پرے کیِتی رُشنائیا۔ جگت سادھوُآں واسطے خوشیاں والا باغ، بغیچہ دِتا پرگٹائیا۔ اِس وِچ وڑ کے کہن ایتھے کریئے راج، اَگے قدم نہ کوئے اُٹھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، صاحِب سچ تیری سرنائیا۔ دسم دوار کہے میرا نِکاّ جیہا گھرانہ، گھر گھر وِچ ٹِکائیا۔ جِس نوُں مان جگت جہاناں، جیِو ایِش سمجھائیا۔ جِتھے پنچم پنچ سُن دُھنکانا، شبد شبد وڈیائیا۔ جِتھے مستی مست دیوانہ، خُماری خِماں وِچ رکھائیا۔ دھرم دھرم دا اِیمانا، عملاں توں باہر دِرڑائیا۔ تیری منزل دا پہلا نِشانہ، نِشانے باز تیری سرنائیا۔ ایتھے درس ہُندا تیرا نوُری نوُر دا کاہنا، رام تیری وڈیائیا۔ تیری منزل منزل دا ملِے بہانہ، رہبر تیرا راہ درسائیا۔ کلمہ کلمے وِچ دسےّ کلاما، سندیسہ اگمّ اتھاہیِا۔ ساچا نوُر نوُر نوُرانہ، روَ سس سیِس نِوائیا۔ دوُسر دِسے نہ کوئے بیگانہ، وَیری میِت نہ کوئے وڈیائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ اپنا رنگ رنگائیا۔ دسم دوار کہے میَنوُں اکھّراں وِچ پڑھدے، صِفتاں وِچ وڈیائیا۔ ابھیاساں وِچ لڑدے، نیَن موُند دھیان لگائیا۔ پانی وِچ ٹھردے، جل دھارا سیِس کرائیا۔ اگنی وِچ سڑدے، ہوَن ہوَن سمجھائیا۔ اِشٹ جگت والا دیوَ موُرتی دھردے، دھرم دھار درسائیا۔ ڈھولے گاؤن نرائن نر دے، بِن رسنا رسن ہِلائیا۔ سُرتی شبد نال جڑدے، شبد سُرت ولّ رکھائیا۔ بہُڑی میرے گھر موُل نہ وڑدے، راہ وِچ بَیٹھن پت گوائیا۔ دسم دوار کہے میَں کوٹن کوٹ ویکھے لوبھ موہ ہنکار وِچ لڑدے، دِوس رَین کرن لڑائیا۔ کوئی مُکھ کردے چڑھدے، کوئی لہندے سیِس نِوائیا۔ کوئی دکھّن پہاڑ نَٹھدے، بھجّن واہو داہیِا۔ کوئی راہ تکن نِج نیتر اکھّ دے،
جگت نیَن نیَن شرمائیا۔ کوئی بوُند سوانت امرت رس چکھّدے، کوَلی کوَل کوَل اُلٹائیا۔ دسم دوار کہے پربھوُ میرے دوارے بِنا تیرے بھگتاں توں موُل کوئے نہ وسدے، وِدیا جگت نہ کوئے وڈیائیا۔ کر کِرپا جِس نوُں اپنی مت دے، مت متانتر ڈیرہ ڈھاہیِا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در تیرے الکھ جگائیا۔ دسم دواری کہے میرا گھر چھوٹے توں چھوٹا، صاحِب تیری وڈ وڈیائیا۔ میَنوُں لبھدے کوٹی کوٹا، کوٹن کوٹ بھجّن واہو داہیِا۔ میَں اُچی کوُک سُناواں لوکا، دُھر دا نام اِک جنائیا۔ بِنا سَتگُر کِرپا میرے گھر دا کِسے نوُں نہیں مِلدا مؤقع، در چڑھن کوئے نہ آئیا۔ گوبر نال میرا کدے کِسے صاف کیِتا نہیں چؤنکا، جگت پوچ نہ کوئے لگائیا۔ بستر تن کِسے نہیں دھوتا، انتر کرے نہ کوئے صفائیا۔ چھتّاں والا نہیں کوئی کوٹھا، چھپّر چھنّ نہ کوئے چُھہائیا۔ میرے وِچ میرے پربھوُ نے رکھی نِکی جِہی اپنی جوتا، جوتی جوت نال جگائیا۔ میرا کوئی مان نہیں وڈّا بہُتا، گھر وِچ گھر دِتا بنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ بھیوَ آپ کُھلائیا۔ دسم دوار کہے میرا دروازہ کِسے نہ لبھا، ہائے اُف میری دُہائیا۔ میرے اندر سَت سروُپ اِکو بگّا، جوتی دھار سوبھا پائیا۔ جِتھے ہنس بن گئے کگّا، کاگ ہنس روُپ وکھائیا۔ ترےَگُن لگّے کوئے نہ اگّا، تتو تت نہ کوئے جلائیا۔ میرا کوئی سکیئر نہیں وِچ گزاں، فُٹاں وِچ نہ کوئے لمبائیا۔ میرے گھر دی کِسے اَگے بیان نہیں کیِتی پوُری وزہ، چار جُگ دے شاستر اِشارے دے کے گئے سمجھائیا۔ جوتی جوت سروُپ ہرِ، آپ اپنی کِرپا کر، ایکا دیوے ساچا ور، سچ لیکھا آپ دِرڑائیا۔ دسم دوار کہے میرا محیط مزلے مُزلوُ میزان مذہب نہ کوئے لگائیا۔ جِتھے آفتاب نہ ہووے کوئے طلوُح غروُب گرہیا نہ کوئے سمجھائیا۔ سیَلانے سلّل روُحانے روُح، رحمت یکسوُ اکھوائیا۔ جِتھے بِنا روُپ رنگ ریکھ توں شبد گُروُ، گرِہ مندر سوبھا پائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سد اپنا بھیوَ کُھلائیا۔ دسم دوار کہے میرا قرضہ بوُ اِرد گِرد، کبیِر نانک محمد ظہوُرے ظاہر جیو سمجھائیا۔ کوئی جان نہ سکے بال بِردھ، جوبن ونت نہ کوئے چتُرائیا۔ بھیوَ پا نہ سکے سُرت نِرت، نیَن اکھّ نہ کوئے درسائیا۔ جِتھے منوُآ کرے کوئے نہ کِرت، کِرتگھن نہ کوئے وڈیائیا۔ مِرتُو وِچ ہووے کدے نہ مِرت، مِرتک روُپ نہ کوئے درسائیا۔ ویکھنا پئے نہ دیِپ گھِرت، جوتی جگت نہ کوئے رکھائیا۔ جوتی جوت سروُپ ہرِ، آپ اپنی کِرپا کر، ویکھنہارا ساچا در، در دربارا اِک درسائیا۔ دسم دوار کہے میرا گرِہ نِکے توں نِکاّ، نکاّ سوُئی نہ کوئے
چتُرائیا۔ جِس دا مالک اِکو اِکا، ایکنکار اِک رکھائیا۔ جو میرے انتر منتر نِرنتر ہو کے ٹِکا، گھر گھر دِتی وڈیائیا۔ میَں کدے ہتّھ نہیں آیا وِچوں پتّھر اِٹّاں ، پاہن پوُجس مِلن کوئے نہ پائیا۔ میرا آد توں لےَ کے انت تکّ اِکو گرِہ تے اِکو مندر اِکو جُگ چؤکڑی سِٹا، دوُجا روُپ نہ کوئے درسائیا۔ سچ دوار ایکنکار کِرپا دھار اپر اپار میرا دوار جد وکھایا وکھایا بھگتاں سِکھاں، سہج نال سمجھائیا۔ جِتھے اِکو دُھر دھار دی مِلدی بِھچھا، دوُجی وست نہ کوئے ورتائیا۔ ترِسنا ترِکھا رہے نہ اچھا، نِراِچھت رنگ رنگائیا۔ میرا کوئی لما چؤڑا حرفاں حروُفاں والا نہیں قِصّہ، سطراں والی نہ کوئے لِکھائیا۔ میرا گرِہ مندر ٹکیاں وِچ کدے نہ وِکا، قیِمت ہٹّ نہ کوئے پوائیا۔ میرا اِکو مالک اِکو پِتا، اِکو دیونہار وڈیائیا۔ پُت کہے پِیو نوُں کی تَینوُں پہلے وی کدے دِسا، جے اَگے ویکھنا ای بیننتی وِچ منگ منگائیا۔ جِتھے صاحِب دا درشن ہوئے نِتا، جاگت سووت نوُر دئے چمکائیا۔ کوئی چُکنی پئے نہ چِکا، کُنڈی ہتّھ نہ کوئے کُھلائیا۔ پربھ دی کِرپا نال بھگتاں دا پہلا ایہو حِصّہ، دسم دواری وِچ پہلاں درس دِکھائیا۔ پھیر دسم دواری نوُں دے کے پِچھا، اَگے لئے کڈھائیا۔ اِس توں اَگے منزلاں چار ہور جِتھے صاحِب سَتگُر بَیٹھا انڈِٹھا، اگمّ اتھاہ بےپرواہیِا۔ اوتھے دسم دواری تکے بِٹ بِٹا، دوُر دُراڈی دھیان لگائیا۔ جن بھگتاں کہے میری عرضوئی ہِکا، اِک دیاں سُنائیا۔ جِتھے تُہاڈا صاحِب سوامی وسے پِتا، اوتھے میری منزل موُل رہے نہ رائیا۔ میَں تاں ساڈھے تِنّ ہتّھ وِچ ہاں ٹِکا، نؤ دواریاں اُپر اپنا گھر رہیا بنائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، نِہکلنک نرائن نر، مہاراج شیرسِنگھ وِشنوُں بھگوان، آد جُگاد جُگ چؤکڑی نِت نوِت سب دی پوُری کرے اِچھا، نِراسا رہن کوئے نہ پائیا۔