کتب خانہGranth 22 (Shahmukhi)

۹ کتّک شہنشاہی سمت ۶ ماسٹر سوہن سِنگھ دے گھر پِنڈ رام پُر ضِلع امرتسر

کلجُگ کہے پربھوُ میَں دوُر دُراڈا دؤڑا، پاندھی ہو کے اپنا پندھ مُکائیا۔ تیرا کھیل کوئے نہ جانے لما چؤڑا، انتشکرن وِچ انت کہن کوئے نہ پائیا۔ چؤداں طبقاں ویکھاں لا کے پؤڑا، اِمام اِماما تیرا دھیان لگائیا۔ نِگاہ ماری ویکھ براہمن گؤڑا، گوبِند شبد دھار شنوائیا۔ پھیر ویکھیا سسّے اُپر ہوڑا، ہاہا ٹِپی سنگ رکھائیا۔ تیری کِرپا نال در دوار تیرے بہُڑا، گھر ٹھانڈے سیِس نِوائیا۔ اُٹھ ویکھ تیرا جگت جہان کیِتا کؤڑا، مِٹھا رس نہ کوئے بھرائیا۔ میَں نؤجوان تیرا بانکا چھوہرا، شہنشاہ تیری اوٹ تکائیا۔ سب دا جنم کرم دا لیکھا کر کے کورا، مِہربان دیاں دِکھائیا۔ تیرے پیار دا پڑھے کوئے نہ دوہرا، دوہری اپنی کل ورتائیا۔ اوتار پَیغمبر گُر چلے کوئے نہ زورا، جوروُ زر نال ٹکرائیا۔ جِدھر تکے اندھیر گھورا، تیرا نوُری چند نہ کوئے چمکائیا۔ صدی چؤدھویں انت کنت بھگوَنت پروردِگار تیری لوڑا، لوڑیِندے ساجن ویکھ وکھائیا۔ آتم پرماتم رہے کوئے نہ جوڑا، پاربرہم برہم سنگ نہ کوئے رکھائیا۔ جھگڑا پیا تورا مورا، ہؤمے ہنگتا گڑھ نہ کوئے تُڑائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در ٹھانڈے سیِس نِوائیا۔ کلجُگ کہے میَنوُں بخش دے میرے صاحِب سُلطانا، پرم پُرکھ تیری سرنائیا۔ دیِن دَیال اپنا دے دے دانا، جھولی رحمت نال بھرائیا۔ صدی چؤدھویں سب نوُں بنّھ دیواں کوُڑ دا گانا، تن وجوُد سگن منائیا۔ تیرا پیار رہے نہ وِچ جہانا، جہالت اپنی دیاں وکھائیا۔ ہِردے اندر بھر ابِھمانا، مان گرِہ گرِہ دیاں پرگٹائیا۔ دھرم دی دھار رہے نہ کوئے نِشانہ، چاروں کُنٹ کوُڑ ہلکائیا۔ چؤویویں اوتار پھیر پہننا جامہ، ضامن ہونا تھاؤں تھائنیا۔ تیری آشا رکھے رام دا راما، کاہنا بَیٹھا دھیان لگائیا۔ پَیغمبر تکّن راہ دُھر اِماما، محبوُب تیرا نوُر نوُر رُشنائیا۔ نانک گوبِند دسّیا اِک نِشانہ، نِروَیر گئے جنائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در ٹھانڈے منگ منگائیا۔ کلجُگ کہے میرے مالک دیِناں بندھپ، مِہربان سرنائیا۔ میرے تِلک للاٹی لا دے چندن، سوُریہ چند ویکھن چائیں چائنیا۔ تُوں آد جُگادی الکھ نِرنجن، نر نرائن بےپرواہیِا۔ داتا دانی درد دُکھ بھےَ بھنجن، پاربرہم بےانت بےانت اکھوائیا۔ صدی چؤدھویں کل دھار نہ دیویں لنگھن، منسا منسا وِچوں بدلائیا۔ پِچھلی کیِتی کرنی کھنڈن، کھنڈا کھڑگ نام چمکائیا۔ اگلا حُکم ورتاؤنا وِچ وربھنڈن، برہمنڈ دینا سمجھائیا۔ تیرا در ٹھانڈا سارے منگن، مانگت ہو کے الکھ جگائیا۔ جوتی

جوت سروُپ ہرِ، آپ اپنی کِرپا کر، ایکا دینا ساچا ور، صاحِب سچ تیری وڈیائیا۔ پُرکھ اکال کہے سُن کلجُگ کاتی، کلمیاں توں باہر دیاں دِرڑائیا۔ چاروں کُنٹ کرنا اندھیرا راتی، دھرم دا چند نہ کوئے چمکائیا۔ تیری خواہشاں والی ہووے پربھاتی، ویلا وقت نال وکھائیا۔ ساچی منزل چڑھے کوئے نہ گھاٹی، پڑدا سکے نہ کوئے اُٹھائیا۔ بھاگ لگّے نہ کایا ماٹی، پنج تت نہ کوئے رُشنائیا۔ گُر اوتار پَیغمبراں پوُری کرنی آسی، خواہش تمنّا واسنا نال سمائیا۔ پھیر میرا کھیل تکنا پرِتھمی آکاشی، گگن گگننتر دیاں جنائیا۔ پرگٹ کر جوت پرکاشی، نِروَیر ہو کے کھیل کھِلائیا۔ کوُڑی کِریا میٹ کے سَتجُگ سَت دھرم بناوے اُتم ذاتی، ذات اذاتی ڈیرہ ڈھاہیِا۔ تُوں حُکم منّنا آکھی، آخر دیاں سمجھائیا۔ پُرکھ اکالا دیِن دَیالا سب دا لہنا دینا میٹے باقی، حِساب انت نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، لیکھ جانے جُگ چؤکڑی جُگادی، جُگ جُگ جگ کرتا اپنا حُکم اِک ورتائیا۔

۱۳ کتّک شہنشاہی سمت ۶ ہرِ بھگت دوار جیٹھوُوال دیوالی والے دِن

دیوالی کہے میرا سچ پرکاش، پربھ جوت نال وڈیائیا۔ جُگ جُگ بھگتاں اندر میرا کھیل تماش، نِت نوِت ساچی سیو کمائیا۔ حُکم منّ صاحِب گُنتاس، سچ سوامی سیِس نِوائیا۔ جِنہاں دے اندروں اندھ اندھیر جائے وِناس، ابناشی کرتا کرے رُشنائیا۔ تِس منڈل ہووے میری رہراس، سچ سمگری اِک پرگٹائیا۔ سچ دوارے کر کے واس، اپنا نوُر دیاں چمکائیا۔ اوتار پَیغمبر گُروُ جِس دے داس، تِس دا روُپ انوُپ پرگٹائیا۔ کھیل تکّ پرِتھمی آکاش، گگن گگننتر پندھ مُکائیا۔ لکھّ چؤراسی اندر کر کے واس، سرِشٹی درِشٹی اندر پھول پھولائیا۔ کوَن وسیا پربھ دے پاس، بھگت سُہیلا کوَن اکھوائیا۔ جِس دا صاحِب اُتے وِشواس، وِشیاں توں باہر راہ تکائیا۔ اُس دی پوُری ہووے آس، سِدھا رستہ دیوے دُھردرگاہیِا۔ دیوالی کہے میَں بھگتاں دیواں شاباش، گُرمُکھاں نال وڈیائیا۔ جِنہاں دا لیکھا ہووے خلاص، چؤراسی وِچ نہ کوئے بھوائیا۔ تن وجوُد پہننا پئے نہ کوئے لباس، اوڈھن تن نہ کوئے ہنڈھائیا۔ پوَن سواسی رہے نہ کوئے سواس، رجو طمو ستو نہ کوئے رنگ رنگائیا۔ شنکر تکنا پئے نہ اُتے کَیلاش، برہما برہم نہ

دھیان لگائیا۔ جِنہاں نِرنتر پربھ میرا کیِتا پرکاش، دیِپک دیا آتم پرماتم دِتا جگائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا بھیوَ آپ کُھلائیا۔ دیوالی کہے میَں کوئی دھار نہیں اگّ دی، دیِوا بتّی نہ کوئے وڈیائیا۔ میَں دھار سوُرے سربگ دی، جُگ چؤکڑی ویس وٹائیا۔ پرکاش وِچوں پرکاش ہو کے جگدی، جاگرت جوت کر رُشنائیا۔ میری کھیل اُپر شاہ رگ دی، نؤ دوارے ڈیرہ ڈھاہیِا۔ میَں ساتھن نہیں جیو الپگ دی، کوُڑ کِریا نہ کوئے وڈیائیا۔ میری آشا بھگتاں پریم وِچ سدّ دی، سدّا دیوے تھاؤں تھائنیا۔ اوہناں گھڑی سُلکھّنی ہووے اجّ دی، جِنہاں مِلیا دُھردرگاہیِا۔ جو سرِشٹی جگت مایا پیار وِچ بلدی، ممتا موہ وِچ ہلکائیا۔ صاحِب سَتگُر دا ساتھ چھڈدی، ناتا کوُڑ نال بندھائیا۔ کوُڑی آسا ہووے کگّ دی، ترِسنا ترِپت نہ کوئے رکھائیا۔ دیوالی کہے میَں پرکاش ہو کے پرکاش دُھر دا لبھدی، بھگت سُہیلے ویکھ وکھائیا۔ میری آسا نہیں کوئی مد دی، ترِسنا ترِکھا نہ کوئے ودھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ دیوالی کہے میَنوُں برہما کیِتا پیار، دیِپک دیِا اگمّ جلائیا۔ وِشنوُں میری بدھّی دھار، جوتی جوت نال رُشنائیا۔ شنکر میری کیِتی وِچار، کَیلاش اُپر کر رُشنائیا۔ اِندر میرا کیِتا دیِدار، جوت ویکھ اگمّ اتھاہیِا۔ پڑدا چُکدے رہے پَیغمبر گُر اوتار، اندھ اندھیرا دوُر کرائیا۔ میری جگ مگ جوت اپار، اپرمپر سوامی دِتی پرگٹائیا۔ اشٹبُھج میَنوُں لیاندا وِچ سنسار، دیِپک نؤ نؤ جگائیا۔ پھیر جگی بَل دوار، باوَن رنگ ویکھیا چائیں چائنیا۔ رام دِتا آدھار، مِلی مان وڈیائیا۔ کرِشن نے ارجن دِتا وکھال، پربھ جوتی جوت رُشنائیا۔ میَں جُگ جُگ چلدی رہی سال بسال، سمت سمتی پندھ مُکائیا۔ دیِن دُنی دا ویکھدی رہی حال، جُگ چؤکڑی دھیان لگائیا۔ بِنا بھگتاں گھر دیِپک سکیا کوئے نہ بال، اندھ اندھیر نہ کوئے مِٹائیا۔ جگت دیوالی سب نوُں کیِتا کنگال، جگت واسنا وِچ سرِشٹ ہلکائیا۔ میَں سدا جگدی رہی سچ سچّی دھرمسال، کایا مندر اندر اپنی آپ کر رُشنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، جِس اندر اپنا دیِپک دیوے بال، دیوالی کہے میَں سدا اُس دے نال، جگت رنگ دا پندھ مُکائیا۔

۱۵ کتّک شہنشاہی سمت ۶ ہرِ بھگت دوار جیٹھوُوال

پندراں کتّک کہے میری نکّ نال لکیِرا، لائن عین دِتی بنائیا۔ میَنوُں یاد آ گیا رَوداس دا کسیِرا، جو کؤڈی براہمن ہتّھ پھڑائیا۔ گنگا دھار تکی نیِرا، جو وہِندے وہن بھجےّ واہو داہیِا۔ کھیل جانیا بےنظیِرا، نظر توں پرے کی کرے نوُر الاہیِا۔ جِس وِچوں نظر آئی تیری دھار شمشیِرا، سمش تبریز دئے دُہائیا۔ پھیر ویکھیا لیکھا شاہ حقیِرا، شہنشاہ دِتا دِرڑائیا۔ پھیر چوٹی تکی اَخیِرا، جِتھے منزل بےپرواہیِا۔ اِکو روُپ نظر آیا پیِرن پیِرا، پاربرہم دُھردرگاہیِا۔ چرنی ڈھٹّھا دِسے کبیِرا، نیتر نیَناں نیِر وہائیا۔ پربھوُ کدوں توڑیں شرع دیِاں زنجِیراں، ذرا ذرا دے سمجھائیا۔ کی تیریِاں وڈ تدبیِراں، پڑدا اوہلا دے اُٹھائیا۔ کلجُگ کوُڑیاں دِسن ضمیرِاں، شرع شرع نال ٹکرائیا۔ سچ دا رہیا نہ کوئے وتیِرہ، وِتکرے وِچ جگت لوکائیا۔ سُہاگن ہتّھی بنّھے نہ کوئے کلیرا، کؤڈی کسیِرے ملِے نہ کوئے وڈیائیا۔ میرا انتر ہویا دِلگیِرا، دِلدار دیاں جنائیا۔ پُرکھ اکال کِہا لےَ امرت رس سیِرا، تیرے مُکھ پوائیا۔ اؤہ تکّ کلجُگ دا انت اَخیِرا، تَینوُں دیاں وکھائیا۔ جِس وِچ اوتار پَیغمبر گُروُآں گھتنیِاں وہیِراں، مات لوک تِھر رہن کوئے نہ پائیا۔ دیِن دُنی دی بدل جانی تقدیِرا، طریقہ ڈھنگ دیاں سمجھائیا۔ اُس ویلے رَوداس ہونا میرا ہیِرا، ہرِ جوُ اپنے رنگ رنگائیا۔ جِس دے سیِس تے نِیلے رنگ دا ہووے چیِرا، نیِلی دھار دئے گواہیِا۔ اُتے بدھّی ہووے شرع دی زنجِیرا، شریِعت لِکھ کے الف یے نال سمجھائیا۔ جو سندیسہ دے کے گئی محمد نوُں ہم شیرہ، صُلح کُل ولّ دھیان لگائیا۔ جِس واسطے جوتی دھار دا ستّ رنگ دا آؤنا لیِڑا، اوہ اوڈھن گُرمُکھ سیِس ٹِکائیا۔ پنجاں لِکھاریِاں سانجھا پھڑیا ہووے لکّوں بدھّا کیِڑا، ڈوری ساڈھے تِنّ ہتّھ وڈیائیا۔ پندراں کتّک کہے میَں نِمسکار کیِتی بِنا نکّ توں کڈھیِاں لکیِرا، جگت لائن نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، جن بھگتاں کٹنہارا بھیڑا، بھیِڑی گلی اؤکھی گھاٹی منزل پِچھلی پار کرائیا۔

۱۹ کتّک شہنشاہی سمت ۶ سادھوُ سِنگھ دے گھر پِنڈ بستی تیغا سِنگھ والی ضِلع فِروزپُر

کتّک کہے میَں دوُر دُراڈا تکیا، بِن اکھّاں اکھّ اُٹھا۔ کی کھیل پُرکھ سمرتھیا، کی حُکم رہیا ورتا۔ نؤ کھنڈ پرِتھمی نَٹھیا، ستّ دیِپ بھجّیا واہو داہ۔ جگت جیو جہان مچّیا، کلجُگ اگنی اگّ رہی تپا۔ پِھری دروہی مدیِنہ مکّیا، کعبے نظر نہ آئے خُدا۔ جھگڑا پیا بھائی بھَین سکیا، پِتا پوُت سکے نہ کوئے گود اُٹھا۔ موہ ہنکارے سنسار متیا، گُرمت سارے گئے بُھلا۔ میَں لکھّ چؤراسی تکی ڈالی پتّیا، چارے کھانی پڑدا لاہ۔ پربھ دے نام وِچ کوئے نہ رتّیا، ہؤمے خُدی سکے نہ کوئے گوا۔ کھیل تکّ کے الکھ الکھّیا، نیتر نیَناں نیِر دِتا وہا۔ کتّک کہے میَں پربھ سرنائی ڈھٹّھیا، گل پلّوُ واسطہ پا۔ کیوں کوُڑ کُڑیارا ہر ہِردے اندر نچّیا، پردہ انتر نِرنتر دِتا اُٹھا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، پُرکھ اکالے بے پرواہ۔ کتّک کہے میَں دوُر دُراڈا کھوجیا، کھوجت کھوجت دھیان لگائیا۔ چاروں کُنٹ ہؤمے روگیا، مایا ممتا سرِشٹ ہلکائیا۔ ساڈھے تِنّ ہتّھ چِنتا سوگیا، ہؤمے روگ نہ کوئے مِٹائیا۔ جگت واسنا دیِن دُنی نے بھوگ بھوگیا، بھسمڑ روُپ نہ کوئے بنائیا۔ ساڈھے تِنّ ہتّھ سب دا تکیا چوغیا، دُرمت میَل نہ کوئے دھوائیا۔ چؤداں طبق پِھریا چؤداں لوکیا، چؤدس وِدیا رنگ نہ کوئے رنگائیا۔ صدی چؤدھویں انتم سمبھلے کوئے نہ مؤقیا، جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ حُکم اِک ورتائیا۔ کتّک کہے میَں تکّ کے ہویا حَیران، حَیرت وِچ دُہائیا۔ کی کھیل جگت جہان، کی کرتا کار کمائیا۔ چاروں کُنٹ شرع شیَطان، شریِعت کرے لڑائیا۔ ساچا دِسے نہ دھرم نِشان، دُھر دی دھار نہ کوئے پرگٹائیا۔ سچ سُنے نہ کوئے دُھنکان، شبد ناد نہ کوئے شنوائیا۔ مانَو مانَو جھگڑا وِچ جہان، جہالت دوُر نہ کوئے کرائیا۔ اِک پربھوُ نوُں سارے گان، اکھّراں والی صِفت صالاحیِا۔ دیِناں مذہباں ونڈ ونڈان، نام کلمے نال ٹکرائیا۔ من منسا کر ابِھمان، ہؤمے گڑھ پرگٹائیا۔ صاحِب سوامی ملِے کوئے نہ آن، نِج نیتر پربھ درس کوئے نہ پائیا۔ میَں چار کُنٹ تکّ کے کِہا سِری بھگوان، پاربرہم پربھ تیری بےپرواہیِا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در تیرے منگ منگائیا۔ کتّک کہے میَں دوُر دُراڈے جن بھگت سُہیلے تکے تھوڑے، بہُہ گِنت نہ کوئے وڈیائیا۔ جِنہاں دے انتر پریم دی لوڑے، لوڑیِندا سجّن ویکھ خوشی منائیا۔ آتم پرماتم بنا کے جوڑے، سُرتی شبد وِچ سمائیا۔ دیِن دُنی دے رس سمجھ کے کؤڑے، کوُڑی کِریا گئے تجائیا۔ اِکو تکّ کے سسّے

اُپر ہوڑے، ہنگ ٹِپی نال چتُرائیا۔ تُوں میرا میَں تیرا گا کے دوہرے، ناتا دوہرا لیا جُڑائیا۔ جنم کرم دے لیکھے کر کے کوارے، کوُڑ کُکرم دا پَینڈا دِتا مُکائیا۔ نؤجوان بانکے بن کے چھوہرے، گُرمُکھ ساچے رنگ رنگائیا۔ جِس دا لہنا دینا لیکھا نال اجیِت جُجھار سِنگھ فتح نال جورے، چؤتھے جُگ گنڈھ گنڈھائیا۔ سو صاحِب سَتگُر شبد اگمّے چڑھ کے گھوڑے، واگاں اپنے ہتّھ رکھائیا۔ مالک خالق ہو کے بہُڑے، پوہ چھّبی سوبھا پائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ کتّک کہے چھّبی پوہ سُہاؤنا، سوہنی رُت رمنیک۔ جوتی شبدی کھیل کھِلاؤنا، پُرکھ ابناشی بخش حق تؤفیِق۔ کلغی تاج جوڑ جُڑاؤنا، توڑا جوڑ جگت جگدیِش۔ ساڈھے تِنّ اِنچ دا چکّر بناؤنا، جِس وِچ ہِندسا ہووے بیِس۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، پِچھلی پِچھے دی میٹے لیِک۔

۲۱ کتّک شہنشاہی سمت ۶ کرنَیل سِنگھ راجوکے والے دے نوِت ہرِ بھگت دوار جیٹھوُوال

سَتگُر صاحِب سدا اتُل، جگت ترازو تول نہ کوئے تُلائیا۔ جن بھگتاں دیوے نام انمُل، قیِمت کرتا نہ کوئے رکھائیا۔ آد جُگادی بن کے صُلح کُل، کُل مالک ہوئے سہائیا۔ پِچھلی کیِتی بخش کے بُھل، مارگ اپنے آپ رکھائیا۔ مانَس جنم نہ جائے رُل، مِہربان ہوئے سہائیا۔ بچن کیِتا جِس نال زبان بُل، بتّی دند نال شنوائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سِر اپنا ہتّھ رکھائیا۔ کِرپا کر اُپر سِنگھ کرنَیل، پوُرب لیکھا دِتا چُکائیا۔ جنم کرم دی دھو کے میَل، پتت پُنیِت آپ بنائیا۔ جیِون دا مارگ کر سہل، رستہ اِکو اِک وکھائیا۔ سدا رچّھیا ہُندی رہے اُپر گاں مّجھ بَیل، بچّیاں دیوے مان وڈیائیا۔ گھر وِچ ہووے چہل پہل، دُکھاں درداں ڈیرہ ڈھاہیِا۔ مِہربان مِہربان مِہربان مِہر کرے سِنگھ سوُربیِر چھَیل، جوبن ونتا دُھردرگاہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سد اپنے رنگ رنگائیا۔ کِرپا کرے دیِن دَیالا دین، دَیانِدھ دَیا کمائیا۔ تڑپھن دیوے نہ مچّھی مین، امرت بوُند سوانتی جام پیائیا۔ ناتا توڑ کے ترےَگُن تیِن، ترےَبھوَن دھنی ہوئے سہائیا۔ اپنا مارگ دسّ مہیِن،

راہ اِکو دِتا وکھائیا۔ سَتگُر حُکم تے سدا کرو یقیِن، بُھل وِچ بُھل کدے نہ جائیا۔ اِس توں وڈّی نہیں کوئی ہور تعلیِم، جگت سِکھیا کمّ کِسے نہ آئیا۔ ہِردے رکھو ذہن ذہیِن، ظاہر ظہوُر دئے سمجھائیا۔ پھیر کدے نہ ہووو غم گین، چِنتا چِکھا نہ کوئے تپائیا۔ پیار مُحبّت وِچ رہنا لیِن، لِو انتر انتر لگائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، لیکھا پوُرا کرے سب نر مدیِن، مُدّعا اپنے ہتّھ رکھائیا۔

۲۲ کتّک شہنشاہی سمت ۶ اجیِت سِنگھ بٹالے والے دے نوِت ہرِ بھگت دوار جیٹھوُوال

اجیِت سِنگھ پِتا پوُت دا ناتا، ناتا دُھر دا آپ رکھائیا۔ پوُرب جنم دی میٹ کے واٹا، اگلا جنم جنم بدلائیا۔ بھگتی بھاوَ دا پوُرا کرکے گھاٹا، تول کنڈے نام ترازو آپ تُلائیا۔ تیری بِسترے مرگ دی کھاٹا، سَتگُر اپنے سنگ ہنڈھائیا۔ جو آد انت دا داتا، دَیاوان اِک اکھوائیا۔ ایتھے اوتھے ہووے راکھا، دو جہاناں سنگ مِلائیا۔ پوُرا کرے بھوِکھت واکا، محمد شہادت دئے بُھگتائیا۔ تن جلے نہ اگنی آنچا، امرت میگھ میگھ برسائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سِر اپنا ہتّھ رکھائیا۔ گُرمُکھ جگت مرے کدے نہ مرنی، مر جیِوت روُپ وٹائیا۔ پاربرہم پت پرمیشور بخشے اپنی سرنی، سرنگت اِک وکھائیا۔ منزل دُھر دی اِک چڑھنی، اگمّ اتھاہ آپ چڑھائیا۔ ناتا رہے نہ بھےَ ڈرنی، رائے دھرم نہ دئے سزائیا۔ جِس نے نوَیِں گھاڑت گھڑنی، گھڑن بھنّنہار بےپرواہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ میلا لئے مِلائیا۔ اجیِت سِنگھ محمد یار کرے اِشارہ، سیَنت نال رہیا سمجھائیا۔ میرے بےعیب پروردِگارا، تیری بےپرواہیِا۔ تیرا نوُر نوُر اُجیارا، جوت جوت رُشنائیا۔ اپنے نال میل دوبارہ، دوہری میری بنت بنائیا۔ میَں دست بدست کراں نِمسکارا، سجدے وِچ سیِس جھُکائیا۔ تُوں احباب میرا مِتر پیارا، محبوُب نوُر اِلاہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ ہرِجن ہرِ صاحِب سدا سہائک، آد جُگاد دَیا کمائیا۔ ایتھے اوتھے دو جہاناں نائک، نِرگُن نِروَیر بےپرواہیِا۔ تیری لیکھے

لاوے الف یے والی پڑھی آیت، حضرت سنگ نِبھائیا۔ اَگے وِچھوڑا نہ ہووے شاید، وِچھڑ کدے نہ جائیا۔ جنم کرم دا کیِتا عہد، وعدہ اپنا ویکھ وکھائیا۔ مِہربان ہوئے سہائی سہج سہج، سہج اپنا رنگ رنگائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ اپنا رنگ رنگائیا۔ اجیِت سِنگھ ویکھ کھیل پِسر پِدر، برادر رہیا مِلائیا۔ وِشوامتر تیرا مِتر، نوُر الاہی دئے گواہیِا۔ جِس دے ہِردے اندر اِک دا ذِکر، زکریئے توں پرے دھیان لگائیا۔ انت رکھیا محبوُب دا فِکر، فِقرہ اِک سُنائیا۔ میرا میِت جائے نہ وِچھڑ، وِچھوڑا نظر نہ کوئے وکھائیا۔ لہنا دینا پروردِگار تیرے دربار جائے نِبڑ، باقی اوَر رہے نہ رائیا۔ فراق ہووے حضرتے ہِجر، حضوُر تیری اوٹ تکائیا۔ جِس دا لیکھا مُکنا سی تیئی کتّک ویلے فضر، فضل اپنا آپ کمائیا۔ نیڑ نہ آوے لاڑی مؤت قضل، اجل توں لئے بچائیا۔ پریمی نال پریمی میل نال سجّن، پِچھلا لیکھا پوُر کرائیا۔ کرے کھیل موُرت گوپال مدن، کاہن کاہنا شہنشاہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی کرنی کار کمائیا۔ اجیِت سِنگھ ایہہ تیرا پِچھلا چچا ذات بھائی، صدی چؤدھویں دئے گواہیِا۔ وِچھوڑا سہہ نہ سکے جُدائی، انتر انتر دھیان لگائیا۔ بھجّا آیا چائیں چائیں، دوُر دُراڈا پندھ مُکائیا۔ بِستر سیج لیایا اُٹھائی، تیرا کفّن دِتا بدلائیا۔ سچ پریِتی در ساچے سچ کمائی، سچ مِلی وڈیائیا۔ تیرے جنم دی جنم وِچوں جنم لیَن دی چُک کے لیایا مِٹھائی، پربھ اَگے بھیٹ کرائیا۔ ہرِجن ہرِ سنگت گُرمُکھ گُرسِکھ کھان چائیں چائیں، چاؤ گھنیرا اِک درسائیا۔ تیریِاں بُھجاں باہواں ویکھے تھاؤں تھائیں، تھان تھننتر پھول پھولائیا۔ مِہربان محبوُب کِرپا کرے دُھر دا مالک سب تھائیں، مِہربان مِہربان مِہربان اپنا رنگ رنگائیا۔ دھرم رائے دی منزل دا گُرمُکھ بنے کدے نہ راہی، چِترگُپت لیکھ نہ کوئے جنائیا۔ سَتگُر شبد شبد سَتگُر نِرگُن نِرگُن ہوئے سہائی، آتم پرماتم پرماتم آتم اپنا جوڑ جُڑائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، آد جُگاد جُگ چؤکڑی نِت نوِت نوُر نوُرانہ مرد مردانہ شاہو بھوُپ دُھر دا رام اِک گوسائیں، کاہن کاہنا لکھّ چؤراسی نظری آئیا۔

۲۳ کتّک شہنشاہی سمت ۶ مِلکھا سِنگھ دی دیہہ چُھٹن دے نوِت چھتّی بی بی گنگا نگر

ملکھا سِنگھ لوک مات پوُرے ہوئے سواس، ساہ ساہ پربھ دا نام دِھیائیا۔ چؤراسی وِچوں مانَس جنم دی پوُری ہوئی آس، ترِسنا جگت رہی نہ رائیا۔ مات پِت بھائی بھَین ساک سجّن سارے دھرو دھرواس، دھیِرج دھیِر سَت سنتوکھ رکھائیا۔ ایہہ کھیل پُرکھ ابناش، ہرِ کرتا آپ کرائیا۔ رائے دھرم دئے نہ پھاس، چِترگُپت نہ لیکھ وکھائیا۔ جم کا ڈنڈ کرے نہ ناس، بھےَ بھؤ نہ کوئے ڈرائیا۔ جنم جنم چوں ہوئے بند خلاص، بندھن بندھ دِتا تُڑائیا۔ جِس دی وست اوسے دے پاس، آتم پرماتم وِچ سمائیا۔ جوتی جوت ہویا پرکاش، اندھ اندھیرا دِتا گوائیا۔ گُرمُکھ سچکھنڈ دوارے سچ نِواس، درگاہ ساچی سوبھا پائیا۔ جِس دے وِشن برہما شِو داسی داس، کروڑ تیتیسا سیِس نِوائیا۔ اوتار پَیغمبر گُروُ جوت دی دھار ویکھن کھیل تماش، جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا رنگ اِک رنگائیا۔ گُرسِکھ لوک مات کدے نہ مریا، شبد گوبِند گُروُ گُردیو دئے وڈیائیا۔ جو پُرکھ اکال دی سرنی پرِیا، پاربرہم پت پرمیشور اپنے وِچ سمائیا۔ مِلکھا سِنگھ منزل اگمّی چڑھیا، جگت جہان پندھ مُکائیا۔ سچ دوارے جا کے کھڑیا، سچکھنڈ ساچے وجےّ ودھائیا۔ جن بھگتاں وِچ جا کے رلیا، کبیِر رَوداس خوشی منائیا۔ لکھّ چؤراسی وِچوں ہویا بریا، جنم مرن دا پندھ مُکائیا۔ کِرپا کیِتی نرائن نریا، نر ہرِ اپنا رنگ رنگائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ در ساچے سوبھا پائیا۔ مِلکھا سِنگھ چھڈی جگت جاگیِر، ناتا دیِن دُنی تُڑائیا۔ ور پا کے گہر گمبھیِر، در ساچا اِک سُہائیا۔ جِتھے لیکھا نہیں کوئی تقدیِر، تدبیِر جگت نہ کوئے جنائیا۔ جھگڑا مُک جائے شاہ فقیِر، حقیِر حقیِراں ڈیرہ ڈھاہیِا۔ مِل کے شاہ پاتشاہ شہنشاہ مالک دُھر دے پیِر، پرا پسنتی مدھم بَیکھری توں اُپر ڈیرہ لائیا۔ جگت جہان دی کوُڑی کِریا میٹ لکیِر، لائین عین وِچ سمائیا۔ لیکھا چُکیا بھوُشن تن بستر سریِر، آتم پرماتم پرماتم آتم اِکو روُپ درسائیا۔ پاربرہم پربھ میلا کیِتا اَخیِر، ایِش جیِو اپنا رنگ وکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ مِلکھا سِنگھ مِلیا پرم پُرکھ پربھ ٹھاکر، ہرِ کرتا رنگ رنگائیا۔ چھڈ کے دیِن دُنی دا ساگر، گہر گمبھیِر وِچ سمائیا۔ جِس دوارے بھگتاں مِلدا آدر، ناما جےَ دیؤ سوبھا پائیا۔ سُداما سدھنا کہے آیا سوُربیِر بہادر، یودھا اِک اکھوائیا۔ جھگڑا مُکیا مقتُول قاتل، شرع

زنجِیر زنجِیر تُڑائیا۔ جِسدا بھیوَ کُھلیا باطن، بے پرواہ ویکھ وکھائیا۔ سچکھنڈ دوار ملّ کے وطن، بے وطن اپنے گھر سوبھا پائیا۔ جگت پیار مُحبّت موہ من کلپنا یتن، یتھارتھ پربھ دی دھار پربھ دے وِچ سمائیا۔ جِس دا سچکھنڈ دوار اِکو پتن، درگاہ ساچی سوبھا پائیا۔ گُرسِکھ سَتگُر دا پوُرا رتن، امولک امُل نظری آئیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سد اپنے گھر وسائیا۔ مِلکھا سِنگھ کہے میَتھوں چُھٹیا ساک سجّن، ناتا کوُڑ رہیا نہ رائیا۔ جو گھڑیا سو انت بھانڈے بھجّن، تِھر رہن کوئے نہ پائیا۔ میَں وسیا اوس پربھوُ دے وطن، جِتھے بھگت سُہیلے صوُفی فقیِر اوتار پَیغمبر گُر جوتی جوت وِچ سمائیا۔ میرے دیِن دَیالے پُرکھ اکالے میَنوُں اپنے لایا انگن، انگیکار آپ کرائیا۔ گوبِند دی دھار شبد کنگن، تن وجوُد دِتا پہنائیا۔ میرا بھاگ نہ ہویا مندن، جگت وِچوں چلیا چائیں چائنیا۔ میری انت اَخیِر صاحِب سُلطان اَگے اِکو بندن، ڈنڈاوت کر کے سیِس جھُکائیا۔ چار جُگ تیرے نام دی صِفتی چڑھی رہے رنگن، کُسمبھڑا رنگ نہ کوئے وکھائیا۔ گوبِند دی مریادا کرے نہ کوئے بھنگن، بھانے وِچ سارے سیِس نِوائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، دُھر دا مالک اِک اکھوائیا۔ مِلکھا سِنگھ آتم کہے میَں سچ دوار سُتی، سچکھنڈ وِچ مِلی مان وڈیائیا۔ جِتھے اِکو جیہی رُتی، رُتڑی سچ دِتی مہکائیا۔ ناتا چُھٹیا کایا بُتی، بُتخانیاں ڈیرہ ڈھاہیِا۔ مِلیا پاربرہم پت پرمیشور اچُتی، چیتن اپنے وِچوں آپ کرائیا۔ میری آون جاون گنڈھ ٹُٹی، اَگے پندھ رہیا نہ رائیا۔ میرے صاحِب سَتگُر دیِن دَیال منزل دِتی اُچی، اُچ اگمّ اتھاہ در ٹھانڈے اِک ٹِکائیا۔ من کلپنا توں باہر میری آتما پرماتما دی لگّی رہے رُچی، اوَر واسنا نہ کوئے رکھائیا۔ میرا اُجل ہویا مُکھی، دُرمت میَل رہے نہ رائیا۔ میری ماتا دی سُپھل ہووے کُکھی، جِس بھگت جنم کے پربھ دی جھولی دِتا پائیا۔ میرے پِچھوں میرا پروار ہوئے کوئے نہ دُکھی، بھَین بھائی کیرنا وَین کوئے نہ پائیا۔ میری جگت نالوں ٹُٹی، کوُڑ سنسار نالوں ہوئی چُھٹی، پُرکھ اکال میرے گانا بدھّا گُٹی، آد نِرنجن اپنے وِچ سمائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا کھیل اِک وکھائیا۔ مِلکھا سِنگھ دا تن وجوُد کہے سریِر، سَت سَت سُنائیا۔ سُنو میرے ساک سجّن سیَن سانجھے ویِر، سبناں دیاں سُنائیا۔ میرے اُتے ڈھائی گز دا لال کپّڑا دینا چیِر، گوبِند دی نِشانی جُجھار والی سوبھا پائیا۔ کوئے نہ ہویؤ دِلگیِر، نیتر نیَناں نیر نہ کوئے وہائیا۔ میَں پی کے امرت رس سیِر، سِر دھڑ دا لیکھا

دِتا مُکائیا۔ میَنوُں سچکھنڈ دی سچ دوار دی سچ دھرم دی مِلی اوہ جاگیِر، جو آد جُگاد جُگ چؤکڑی اِکو روُپ درسائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، جنم کرم کرم جنم پوُرب لیکھے لہنے تے مار لکیِر، اگلی اکسیِر، عقل بُدھی توں باہر اپنے ہتّھ رکھائیا۔

۲۳ کتّک شہنشاہی سمت ۶ مِلکھا سِنگھ دے ارتھی چُکن سمیں چھتّی بی بی گنگا نگر

ملکھا سِنگھ پُرکھ اکال دے سُت دُلارے، دوُلحے دُھر دے تیری وڈیائیا۔ تُوں منزل چڑھنا اوس چُبارے، جِتھے گوبِند بَیٹھا تیرا ماہیِا۔ تَینوُں اُڈیِکدے سِنگھ اجیِت جُجھارے، بالے نیہاں والے راہ تکائیا۔ خوشی وِچ ہسّن کہن اسیں وی رہے کوارے، کوارا گُرمُکھ ساڈے وِچ ملِے چائیں چائنیا۔ پِھر جنم لیَنا نہ پئے دوبارے، مات گربھ نہ اگن تپائیا۔ سُہانا بھگتاں دے دوارے، بھگتاں مِل کے وجےّ ودھائیا۔ اوتار پَیغمبر گُر پریم دے دین ہُلارے، ہُلارا دُھر دا نام جنائیا۔ اَخیِری سِکھیا دے مات پِت بھائی بھَین ساک سجّن سارے بھائی چارے، وڈّیاں چھوٹیاں دے سمجھائیا۔ میری کرے نہ کوئے گِریہ زارے، نیتر نیَناں نہ نیِر وہائیا۔ کوئی نہ کہے وسدا گھر گیا اُجاڑے، اُجڑیا کھیڑا جُگ چؤکڑی وسے چائیں چائنیا۔ جِس گوبِند نے گُرمُکھ گُرسِکھ پریم پریِتی پیار وِچ تارے، تارنہار دَیا کمائیا۔ گڑھی چمکؤر دے تیرے پوُرے کرے لارے، پوُرب لیکھا جھولی پائیا۔ تَینوُں نِمسکار کرن چند سِتارے، سوُریہ نِیوں نِیوں لاگے پائیا۔ کروڑ تیتیسا سُرپت اِند برکھا کرے نال اِشارے، وِشن برہما شِو تیرا جس گائیا۔ تُوں پُرکھ اکال دیِن دَیال صاحِب سوامی انترجامی، گھٹ نِواسی دے وسنا اوس محل چُبارے، جِس نوُں سچکھنڈ کہہ کے سارے رہے گائیا۔ اپنی انت دی سب نوُں کردے نِمسکارے، اَگے سیِس جگدیِش دینا جھُکائیا۔ جو تیرا ایتھے اوتھے بنے سہارے، دو جہاناں اپنا رنگ رنگائیا۔ بھَیناں تکن ساڈا ویِر چڑھیا کھارے، لاڑی مؤت والی پرنائیا۔ پھیر اُس نوُں چرناں وِچ لتاڑے، پلّوُ چُھڈا کے بھجّیا واہو داہیِا۔ میرا صاحِب سَتگُر اِکو مِتر یارے، جو یارڑا ستھر گیا ہنڈھائیا۔ میَں اُس دے گرِہ وسنا تے رہنا سدا نالے، وِچھوڑا اَگے نظر کوئے

نہ آئیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، آد جُگادی جُگ چؤکڑی نِت نوِت نِرگُن سرگُن جن بھگتاں شبد سَتگُر ہو کے آپ سمبھالے، سمبل دا مالک کلجُگ انتم دَیا کمائیا۔

۲۳ کتّک شہنشاہی سمت ۶ رتن سِنگھ دے گرِہ پچّی بی ۰ بی ۰ گنگا نگر

کلجُگ کہے صدی چؤدھویں لگّی ہسّن، ہسّ ہسّ رہی جنائیا۔ اپنا بھیوَ لگّی دسّن، پردہ پردیاں وِچوں اُٹھائیا۔ دیِن دُنی ہوئی دِسے بے وطن، گرِہ مندر چلے نہ کوئے چتُرائیا۔ میرا انت کنارہ پتن، پاتی گوبِند دئے گواہیِا۔ کرنا کھیل الکھنا الکھن، الکھ اگوچر اپنا حُکم ورتائیا۔ جِس میری گودی کرنی سکھّن، اُمت نبیاں پندھ مُکائیا۔ جِس دا پردہ پُرکھ اکال آوے ڈھکن، پروردِگار نوُر الاہیِا۔ سانجھی پت آوے رکھن، رکھک ہو کے ہوئے سہائیا۔ میَں سب کُجھ تکاں اکھّن، بِن نیتر لوچن نیَن اکھّ کُھلائیا۔ کوٹاں وِچوں میَنوُں تھوڑے دِسدے رتن، گُرمُکھ سنت سُہیلے سوبھا پائیا۔ کلجُگ جیِواں چلے کوئے نہ یتن، یتھارتھ پڑدا نہ کوئے اُٹھائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، ہرِ کرتا وڈ وڈیائیا۔ کلجُگ کہے صدی چؤدھویں دسےّ نال اِشارے، سیَنت اگمّ رہی لگائیا۔ میرے ویکھ انت کنارے، نئیا نؤکا ڈولے تھاؤں تھائنیا۔ محمد تکے نال سنگ چار یارے، یارانہ پوُرب پھول پھولائیا۔ گوبِند ویکھے پنج پیارے، پنچم دھار دھار شنوائیا۔ میرا لہنا دینا لیکھا مُکنا وِچ سنسارے، سنساری بھنڈاری سنگھاری رہے جنائیا۔ میرا لہنا دینا پوُرا کرے کل کلکی اوتارے، اِمام اِماما شہنشاہیِا۔ نؤ کھنڈ پرِتھمی ستّ دیِپ ساڈھے تِنّ ہتّھ وسدے گھر اُجاڑے، رُتڑی رُت نہ کوئے مہکائیا۔ دیِن مذہب دے لا اَکھاڑے، کلمہ کلمے نال ٹکرائیا۔ سرِشٹ درِشٹ چبا اپنی داڑھے، لکھّ چؤراسی لہنا دئے مُکائیا۔ میری اُس پربھوُ نِمسکارے، نِیوں نِیوں سیِس جھُکائیا۔ جِس دی چار جُگ صِفتاں وِچ لِکھدے گئے وارے، وارتا اکھّراں نال سمجھائیا۔ صِفتاں کرن شاستر سِمرت وید پُران سارے، اِنجیِل قرآن ڈھولے راگ الائیا۔ سو دھرنی دھرت دھوَل دھؤل ہو اُجیارے، لوک مات اپنا حُکم ورتائیا۔ میَں تکدی کل کلکی اوتارے، نِہکلنک اگمّ اتھاہیِا۔ جِس دا کھیل بُدھی توں باہرے، عقل وِدیا چلے نہ کوئے چتُرائیا۔ جو جن بھگتاں بخشے نام ادھارے، اُدر وِچ ہوئے سہائیا۔

سو میرا لیکھا لہنا دینا صدی چؤدھویں انت وِچارے، بچیا رہن کوئے نہ پائیا۔ میرا صاحِب سُلطان پروردِگارے، محبوُب جلوہ گر اِک اکھوائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان نِرگُن دھار نر اوتارے، اوتری اپنا حُکم ورتائیا۔

۲۶ کتّک شہنشاہی سمت ۶ امیِر چند گُلاٹی دے نوِت ہرِ بھگت دوار جیٹھوُوال

سَتگُر شبد کہے میری جُگ جُگ نوَیِں تاثیر، چؤکڑی سمجھ کِسے نہ آئیا۔ میَں نِت نوِت کراں تعمیِر، روُپ انوُپ اپنا اِک پرگٹائیا۔ اوٹ لےَ کے گہر گمبھیِر، بے نظیِر آس رکھائیا۔ لکھّ چؤراسی بنا اپنی جاگیِر، مالک ہو کے کھیل کھِلائیا۔ جِس دھار وِچ یاد کیِتا کبیِر، ہِردے انتر دھیان رکھائیا۔ کھنڈا دھار سمجھ شمشیِر، پیار دُھر دا گیا نِبھائیا۔ ایسے کارن پوہ نہ سکیا نیِر، گنگا لہر نہ کوئے ڈُبائیا۔ ساچی سِکھیا سِکھ لےَ چند امیِر، بِنا پربھ توں دوُجا نظر کوئے نہ آئیا۔ جو آئے سو گھت کے جائے وہیِر، پاندھی بنکے اپنا پندھ مُکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک سُنائیا۔ سَتگُر شبد کہے جو آ گیا پربھ دی سرن، سرن اِک تکائیا۔ مِل گیا نال دھرنی دھرن، سمرتھ سنگ نِبھائیا۔ اُس دے لیکھے لگّے جیِون مرن، اپنی رکھے نہ کوئے وڈیائیا۔ صاحِب سَتگُر سد آئے بھگتاں پلّوُ پھڑن، نیرن نیرا ہو کے دَیا کمائیا۔ اگنی تت نہ دیوے سڑن، امرت میگھ نام برسائیا۔ تُوں میرا میَں تیرا جو دُھر دا ڈھولا پڑھن، تِنہاں لیکھا اپنے وِچ رکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک سُنائیا۔ سَتگُر شبد کہے آد جُگادی سَتگُر دیِن دَیالا، دَیا دھار دَیا کمائیا۔ جن بھگت بنا کے اپنا بالا، بچپن اپنے نال رکھائیا۔ لہنا دیوے جنم جنم دی گھالا، کرم کرم دا پندھ مُکائیا۔ جیِون زِندگی مارگ دے سُکھالا، دُکھ دلِدر ڈیرہ ڈھاہیِا۔ کِسے دا دینا پئے نہ ہالہ، جگت جہان نہ کوئے چتُرائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ہرِ سچ اپنا رنگ رنگائیا۔ سَتگُر شبد کہے امیِر چند دے تھاں ہو گیا سِنگھ امیِر، امیِر سِنگھ نام بدلائیا۔ سَتگُر کِرپا کرکے اپنے سیِس دا بخش کے بستر چیِر، جگدیِش اپنے رنگ رنگائیا۔ جنم جنم دی کٹ کے پیِڑ، پیِڑھی اگلی دئے بدلائیا۔ رائے دھرم

دوارے نہ ہووے بھیِڑ، چِترگُپت لیکھا منگ سکے نہ رائیا۔ منزل انتم چڑھے اَخیِر، جِتھے ملِے بےپرواہیِا۔ پِچھلی بدل دِتی تقدیِر، تقصیِر اپنے نال رلائیا۔ ساڈھے تِنّ ہتّھ دی بخش جاگیِر، وست انمُلی جھولی پائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، ہون نہ دیوے کِسے دِلگیِر، جگت دلِدر دوُر کرائیا۔