کتب خانہGranth 22 (Shahmukhi)

۱۷ ماگھ شہنشاہی سمت ۶ پیارا سِنگھ دے گرِہ ماڈل ٹاؤن جالندھر

دھرنی کہے پربھ کلجُگ جیِواں کھول دے جاگ، جاگرت جوت بِن ورن گوت کر رُشنائیا۔ ہنس بُدھی بنا دے کاگ، کاگوں ہنس روُپ دے وکھائیا۔ ہر ہِردے انتر نِرنتر اُپجے تیرا ویراگ، وَیری اندروں باہر دینے کڈھائیا۔ من کلپنا سرِشٹی درِشٹی اندر دے

تیاگ، ترےَگُن اتیِتے اپنی دَیا کمائیا۔ نِجھر جھِرنا امرت رس دے سواد، بوُند سوانتی اگمّ ٹپکائیا۔ دُھن آتمک سُنا اگمّی ناد، بِن رسنا جِہوا ڈھولا گائیا۔ نِرگُن نوُر جوت کر پرکاش، گرِہ مندر ہووے رُشنائیا۔ آتم پرماتم پرماتم آتم نِرگُن نِرگُن بن ساتھ، سرگُن میلا میل سہج سُبھائیا۔ تُوں مالک خالق پرِتپالک پُرکھ سمراتھ، الکھ اگوچر اگمّ اتھاہ تیری وڈ وڈیائیا۔ میَں نِمانی جوڑاں دوویں ہاتھ، مُحبّت مُحبّت نال مِلائیا۔ کلجُگ وِچ سَتجُگ سچ دھرم چلا دے راتھ، رتھواہی اپنا حُکم ورتائیا۔ اوتار پَیغمبراں گُروُآں پوُرا کر دے بھوِکھت واک، واقف کار ہونا خلق خُدائیا۔ چار ورن اٹھاراں برن دھرم دی دھار کر اِتفاق، دیِن مذہب اپنا رنگ رنگائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، سچکھنڈ نِواسی پُرکھ ابناشی در تیرے جھولی ڈاہیِا۔ دھرنی کہے پربھ میری جھولی دینی بھر، نام بھنڈارا اتُٹ ورتائیا۔ درشن کراں نرائن نر، نر ہرِ اِکو نظری آئیا۔ میرا کھولنا بند کِواڑی در، بجر کپاٹی پڑدا دینا اُٹھائیا۔ نہاؤنا اگمّے سر، سر سروور اِکو دینا جنائیا۔ جِس وِچوں لکھّ چؤراسی جاواں تر، آون جاون گیڑا رہے نہ رائیا۔ تیری دھار جاواں رل، جوتی جوت جوت سمائیا۔ سچکھنڈ وساں محل اٹل، درگاہ ساچی سوبھا پائیا۔ کلجُگ کوُڑی کِریا میٹ دے کل، کل کاتی رہن کوئے نہ پائیا۔ پنج وِکارا دینا دل، شبدی دھار اِک پرگٹائیا۔ سرِشٹی درِشٹی وِچوں کڈھ دے کپٹ چھل، ہنکار وِکار لیکھا دینا مُکائیا۔ میَں تیرے چرن سرن جاواں بل بل، بلکاری اپنا آپ تیری بھیٹ چڑھائیا۔ تُوں مالک جل تھل، مہیئل تیرا روُپ نظری آئیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، ہرِ سجّن سہج سُکھدائیا۔ دھرنی کہے پربھ دے دے سچ بھنڈارا، سَت ستوادی دَیا کمائیا۔ تیری وست ملِے سَت تھارا، تِھر گھر واسی اِکو تیرا روُپ نظری آئیا۔ بھگت سُہیلا بن میِت مُرارا، بھگوَن اپنا رنگ رنگائیا۔ بھاگ لگا دے کایا ماٹی ساڈھے تِنّ ہتّھ منارا، گھر وِچ گھر میلا میل سہج سُبھائیا۔ تیرا جوتی جوت ہووے چمتکارا، نوُر نوُرانہ نظری آئیا۔ جِتھے نظر نہ آئے سوُریہ چند سِتارا، منڈل منڈپ نہ ڈیرہ لائیا۔ میری عرض بیننتی ایکا ایک ایکنکارا، اکل کل دھاری دیاں جنائیا۔ صدی چؤدھویں چار کُنٹ ویکھ اندھ اندھیارا، چؤداں طبق رہے کُرلائیا۔ محمد انت اَخیِر مارے اپنا نعرہ، حقیِقت حق رہیا سُنائیا۔ موُسیٰ رووے زارو زارا، عیسیٰ نیتر نیَناں نیِر وہائیا۔ دس گُر کرے پُکارا، جوتی شبد دھار دُہائیا۔ پُرکھ ابناشی گھٹ نِواسی نِراکار نِرنکار ہو ظاہرا، ظاہر ظہوُر اپنا ویس وٹائیا۔ کوُڑی

کِریا چاروں کُنٹ کر پار کنارہ، دیِن دُنی وِچ رہن کوئے نہ پائیا۔ تیرا راہ تکدے سارے کل کلکی اوتارا، نِہکلنک تیری اوٹ تکائیا۔ دھرنی کہے میَں تیری چرن دھوُڑ مستک لاواں چھارا، مِٹّی خاک خاک رمائیا۔ تُوں اِمام اِماما مِہربان بن سِکدارا، محبوُب تیرا راہ تکائیا۔ میری نمو نمو ڈنڈاوت بندنا نِمسکارا، سجدیاں وِچ قدم بوسی کر کے اپنی خوشی بنائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، میلا میلنا سہج سُبھائیا۔ دھرنی کہے پربھ اوہ ویکھ تیرے آؤندے بھگت، بھگوَن تَینوُں دیاں دِرڑائیا۔ تُوں بَیٹھا اُتے عرش، عرشی پریِتم بےپرواہیِا۔ نِگاہ مار اُتے فرش، زِمیں زماں کھوج کھوجائیا۔ غریِب نِمانیاں اُتے کر ترس، رحمت اپنی حق کمائیا۔ امرت میگھ اگمّا برس، بوُند سوانتی مُکھ چوائیا۔ نِج نیتر گیان نیتر دِب نیتر دے درس، دوئے لوچن لوڑ رہے نہ رائیا۔ تُوں جودھا سوُربیِر مردانہ مرد، بے پرواہ تیری وڈیائیا۔ میری منظور کر عرض، بیننتی تیرے اَگے رکھائیا۔ شرع چُھری میٹ دے کرد، قتل گاہ دا لیکھا دے مُکائیا۔ پریمی پیاریاں صوُفیاں سنتاں ونڈ درد، دردی ہو کے دَیا کمائیا۔ تیرا کھیل تکاں اسچرج، اچرج لیِلا دینی جنائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دے مالک ہونا آپ سہائیا۔ دھرنی کہے میرے اُتے روون تیرے سنت، سجّن تیرا دھیان لگائیا۔ راہ تکّن دُھر دے منت، منتر تیری اوٹ رکھائیا۔ گڑھ توڑ کے ہؤمے ہنگت، ہنگ برہم دے سمجھائیا۔ تُوں بودھ اگادھا پنڈت، چار جُگ دے شاستر تیری صِفت صالاحیِا۔ تُوں کل دھاری اننت، اننت کل دھاری تیری سمجھ کِسے نہ آئیا۔ اوہ ویکھ کلجُگ اپنا جیِو جنت، چار کُنٹ سرب کُرلائیا۔ آتم پرماتم بنے کِسے نہ بنت، پاربرہم برہم میل نہ کوئے مِلائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، دُھر دے مالک ہونا آپ سہائیا۔ دھرنی کہے پربھ تیرا راہ تکدے گُرمُکھ، مُکھوں تیرا نام دِھیائیا۔ اپنے وِچھوڑے دا میٹ دے دُکھ، سنمُکھ ہو کے نظری آئیا۔ لیکھا مُکا دے جننی کُکھ، پھیر جنم دی لوڑ رہے نہ رائیا۔ کوُڑی کِریا اندروں جڑ دے پُٹ، کام کرودھ لوبھ موہ ہنکار رہن نہ پائیا۔ تیرا پیار انتم نہ جائے ٹُٹ، ٹُٹیاں لیَنا جُڑائیا۔ جیہڑی لِو گئی چُھٹ، سو سُرت شبد میلا میلنا سہج سُبھائیا۔ کِرپا کرنی ابناشی اچُت، پاربرہم تیری اوٹ تکائیا۔ اوہناں اُجل کرنا مُکھ، جیہڑے تیرا بَیٹھے راہ تکائیا۔ بھیوَ رہے نہ اوہلا لُک، انتر نِرنتر میلا میلنا سہج سُبھائیا۔ تُوں آتم پرماتم پرماتم آتم دسّنی تُک، شبد اناد انادی دُھن کر شنوائیا۔ لیکھے لا دے مانَس دیہی

منُکھ، مانَو اپنے رنگ رنگائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در ٹھانڈے منگ منگائیا۔ دھرنی کہے میرے نِرنکار، نِروَیر دیاں سُنائیا۔ آتم برہم بخش پیار، پریِتم ہو کے ویکھ وکھائیا۔ تُوں شاہ پاتشاہ شہنشاہ سچّی سرکار، اوتار پَیغمبر گُر وِشن برہما شِو دیوت سُر سب تَینوُں سیِس نِوائیا۔ سجدے کردے وارو وار، خادم ہو کے دھوُڑی خاک رمائیا۔ خالی جھولیِاں رہے وکھال، مانگت ہو کے منگن تھاؤں تھائنیا۔ تُوں صاحِب سُلطانا پُرکھ اکال، پرم پُرکھ بےپرواہیِا۔ سب دے اُتے ہو دَیال، دیِن دَیال اپنی دَیا کمائیا۔ لیکھے لا لےَ شاہ کنگال، غریِب نِمانیاں پڑدا دینا چُکائیا۔ جیہڑے گُرمُکھ تیرے پیار وِچ ہوئے بےحال، بِہبل ہو کے روون مارن دھائیا۔ اوہناں دے انتر نِرنتر چلنا نال نال، کایا مندر اندر میلا میلنا سہج سُبھائیا۔ تُوں پُرکھ بِدھاتا ساڈھے تِنّ ہتّھ تیری دھرمسال، دوارا اِکو دینا سُہائیا۔ دھرنی کہے میَں منگاں منگ وِچ سنسار، سنساری بھنڈاری سنگھاری سنگ نہ کوئے رکھائیا۔ کلجُگ کوُڑی کِریا پربھوُ دے نِوار، نِروَیر ہو کے اپنا رنگ رنگائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، آد جُگاد جُگ چؤکڑی نِت نوِت شاہ پاتشاہ شہنشاہ سچّی سرکار، صاحِب سُلطان نؤجوان مرد مردان سِری بھگوان تیری آس رکھائیا۔

۱۷ ماگھ شہنشاہی سمت ۶ نگیِنہ سِنگھ دے گرِہ ماڈل ہاؤس جالندھر

دھرنی کہے پربھ میَنوُں بخش دے دات، داتے دانی دَیا کمائیا۔ کلجُگ کوُڑی کِریا میٹ اندھیری رات، نِرگُن نوُر جوت کر رُشنائیا۔ آتم پرماتم اگمّی دسّ دے گاتھ، گہر گمبھیِر بے نظیِر پڑدا دینا اُٹھائیا۔ میری بیننتی دوئے جوڑ کے ہاتھ، ہست دست نال مِلائیا۔ تُوں سرب کلا سمراتھ، سمرتھ اِک اکھوائیا۔ تیری صِفت صلاح اکتھ، کتھنی کتھ نہ سکے رائیا۔ نِرگُن دھار کھیل کر پرگٹ، پرگنے دیِن مذہب ویکھ چائیں چائنیا۔ نؤ کھنڈ پرِتھمی اُبلے رتّ، ستّ دیِپ رہے کُرلائیا۔ کلجُگ جھگڑا پایا من مت، گُرمت سارے گئے بُھلائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، ہرِ سچ تیری سرنائیا۔ دھرنی کہے پربھ میری سُہنجنی کر دے رُت، رُتڑی اپنے نال مہکائیا۔ تُوں ابناشی اچُت، پاربرہم نوُر الاہیِا۔ کلجُگ جیو بنا لےَ اپنے سُت،

دُلارے رنگ رنگائیا۔ بھاگ لگا دے کایا بُت، بُتخانیاں کر رُشنائیا۔ پنج وِکارا کڈھ کُٹ، ہؤمے روگ دے گوائیا۔ جیہڑی لِو تیرے نالوں گئی چُھٹ، چُھٹی لِو تیرے نال جُڑائیا۔ دے نام بھنڈارا اتُٹ، اتوٹ دے ورتائیا۔ میرا صاحِب سَتگُر میٹ دے دُکھ، دُکھی ہو کے دیاں سُنائیا۔ سُپھل کر دے کُکھ، در تیرے نِیوں نِیوں لاگاں پائیا۔ میرا اُجل ہووے مُکھ، دُرمت میَل رہے نہ رائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، نِہکلنک نرائن نر، مہاراج شیرسِنگھ وِشنوُں بھگوان، تیرے ہتّھ سب کُچھ، تُدھ بِن دوُجا نظر کوئے نہ آئیا۔

۱۷ ماگھ شہنشاہی سمت ۶ گُردَیال سِنگھ دے گرِہ جالندھر شہر

دھرنی کہے پربھ میرا گھر بنا دے سُہنجنا، رُتڑی اپنے نال مہکائیا۔ تُوں داتا دانی درد دُکھ بھےَ بھنجنا، پاربرہم پت پرمیشور نوُر الاہیِا۔ سچ پریِتی دھوُڑی اِشنان کرا دے مجنا، دُرمت میَل دینی دھوائیا۔ آد جُگادی بننا ساچا سجّنا، ساجن میِت تیری اوٹ رکھائیا۔ کلجُگ کوُڑ کُڑیارا میرے اُتوں کڈھنا، شبدی حُکم کر شنوائیا۔ سَتجُگ ساچا چاہیئے لگّنا، لگ ماتر دا لیکھا دینا مُکائیا۔ تیرا نام دمامہ اِکو اِک وجّنا، دو جہاناں ڈنک سُنائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، دُھر دا لیکھ دینا بنائیا۔ دھرنی کہے پربھوُ میرا گرِہ بنا دے چنگا، چرن کوَل تیری سرنائیا۔ تیرے شبد دا وجےّ اگمّ مردنگا، جگت تال تلواڑا نظر کوئے نہ آئیا۔ آتم برہم بخش سب نوُں انندا، انند انند وِچوں پرگٹائیا۔ صدی چؤدھویں نِشان میٹ دے تارا چندا، چند نوُر تیرا ڈگمگائیا۔ بندگی توں خالی رہے کوئے نہ بندہ، بندنا اپنی دینی سمجھائیا۔ نیترہیِن رہے کوئے نہ اندھا، لوچن اِکو اِک کُھلائیا۔ امرت دھار وہا دے گنگا، سِندھ ساگر روُپ درسائیا۔ در تیرے سوالن ہو کے منگاں، بِھکھارن ہو کے جھولی ڈاہیِا۔ تُوں صاحِب سوُرا سربنگا، شہنشاہ اِک اکھوائیا۔ کلجُگ ویکھ لےَ انتم کنڈھا، کنڈھی بَیٹھی روواں ماراں دھائیا۔ اگلا سفر کریں نہ لمبا، تیرے ہتّھ وڈیائیا۔ لیکھا ویکھ گوبِند سندھا، جو ماچھوُواڑے دِتا دِرڑائیا۔ شبد دی شبد دھار ہونی پابندا، پابندی دیِن مذہب والی چُکائیا۔ میَں تیرا کھیل تکنا چاہُندی اچنبھا، عجب نِرالے دینا وکھائیا۔ تیری دھار میرے اُتے کھڑکے کھڑگ نال نہ کھنڈا،

جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در ٹھانڈے منگ منگائیا۔ دھرنی کہے پربھوُ میرے لیکھ بنا دے آپے، اپنی دَیا کمائیا۔ تُدھ بِن دوُجا کوئی نہ جاپے، نیتر نیَن نہ کوئے رُشنائیا۔ تیرے حُکم سندیسے ساچے، اوتار پَیغمبر گُروُ گئے دِرڑائیا۔ کلجُگ کوُڑی کِریا میٹ دے پاپے، پتت پُنیِت سارے دے وکھائیا۔ چِنتا روگ رہے نہ سنتاپے، ممتا موہ دینا مِٹائیا۔ میرا ہِردا تھر تھر کانپے، بہُڑی تیرا نام دُہائیا۔ سب نوُں بُھلیا تیرا جاپے، جگ جیِون داتے تَینوُں ہِردے سکے نہ کوئے وسائیا۔ میَں سب دے تکے پوُجا پاٹھے، سِمرن جوگ ابھیاساں وِچ دھیان رکھائیا۔ روُح بُت ہویا کِسے نہ پاکے، سَت سروُپ نہ کوئے سمائیا۔ صدی چؤدھویں سب نوُں آئے گھاٹے، گھاٹا پوُر نہ کوئے کرائیا۔ آتم پرماتم تُٹے ناتے، پاربرہم برہم میل نہ کوئے مِلائیا۔ تیرے اُتوں اُڈیا سب وِشواسے، وِشیاں بھری کوُڑ لوکائیا۔ کِرپا کر پُرکھ ابناشے، مِہربان در تیرے الکھ جگائیا۔ اِکو تیرا نوُر ہووے پرکاشے، نؤ کھنڈ اندھ اندھیرا دینا گوائیا۔ تیرا کھیل ہووے حقیِقی حق محرابے، محبوُب تیری وجےّ ودھائیا۔ لہنا دینا لیکھا پوُرا کر دے جو نانک دسّ کے آیا وِچ بغدادے، بغلگیِر اپنا کھیل دینا کھِلائیا۔ جو آواز دِتی سَت دی دھار سِتار ربابے، ربیؤل ثانی وِچ دِرڑائیا۔ جِتھے عِشق رہے نہ حقیِقی مجازے، دوہاں دی منزل دینی چُکائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچکھنڈ نِواسی تیرے اَگے منگ منگائیا۔ دھرنی کہے پربھ میرے انتر پا دے ٹھنڈ، اگنی تت رہے نہ رائیا۔ سب دی سُرتی شبدی شبد نال گنڈھ، سویا رہن کوئے نہ پائیا۔ انتر آتم دے انند، انند انند وِچوں پرگٹائیا۔ گُرمُکھ سنت سُہیلے ویکھ اپنے چند، بھگت بھگوَنت جوڑ جُڑائیا۔ سب دا خوشی کر دے بند بند، بندنا اپنی اِک سمجھائیا۔ تُوں دیِن دَیال صاحِب بخشند، سِر اپنا ہتّھ ٹِکائیا۔ نام نِدھان سِری بھگوان ہر ہِردے اندر دینا ونڈ، باہر منگن دی لوڑ رہے نہ رائیا۔ کوُڑی کِریا کر دے کھنڈ کھنڈ، کھنڈا کھڑگ نام کھڑکائیا۔ میری آسا منسا پوُری کر دے منگ، مانگت ہو کے سیِس نِوائیا۔ سچ سوامی انترجامی تیرے سچ دا وجےّ مردنگ، مرد مردانے سِری بھگوانے کرنی اِک شنوائیا۔ جُگ چؤکڑی نؤ سؤ چُرانوے پِچھے گئے لنگھ، جُگ جُگ اپنا پندھ مُکائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، نِہکلنک نرائن نر، مہاراج شیرسِنگھ وِشنوُں بھگوان، تیرا کھیل تکاں برہمنڈ کھنڈ وِچ وربھنڈ، اپنی دَیا دینی کمائیا۔

۱۸ ماگھ شہنشاہی سمت ۶ پیارا سِنگھ دے گرِہ جالندھر

دھرنی کہے پربھ ساچا رہیا کوئی نہ ہاٹا، وست تیرا نام نہ کوئے ورتائیا۔ امرت رہیا کِسے نہ باٹا، خالی برتن دین دُہائیا۔ اُٹھ ویکھ چاروں کُنٹ اندھیری راتا، سچ رہیا کِسے نہ تھائنیا۔ میرا کوجھی کملی دا کُھلا جھاٹا، مینڈھی سیِس نہ کوئے گُندائیا۔ میرا چیِتھڑ پُرانا پاٹا، اوڈھن نظر کوئے نہ آئیا۔ تیریاں دیِناں مذہباں پایا میَنوُں گھاٹا، گھاٹے وِچ میری دُہائیا۔ میَں دُکھی ہو گئی وِچ ذاتا پاتا، حِصّیاں والی ونڈ ویکھ وکھائیا۔ میَں بچن دسّاں اِکو ساچا، سچ دیاں سُنائیا۔ تیرا جیؤ پِنڈ پنج تت کایا کاچا، کنچن گڑھ دے وڈیائیا۔ آتم پرماتم اپنا دسّ ناتا، ناتواں پوُرب لیکھا ویکھ وکھائیا۔ میرے اُتے بخش پریم دیِاں سچ سوغاتاں، وست اگمّڑی آپ ورتائیا۔ میَں تھک گئی سُن سُن کے تیریاں صِفتاں والیِاں گاتھاں، جُگ چؤکڑی اوتار پَیغمبر گُروُآں دِتی دُہائیا۔ سہائک بنیا نہ کوئے ناتھ اناتھاں، دیناں گلے نہ کوئے لگائیا۔ دیِن دُنی دا مالک بنیا نہ کوئے سوُربیِر بانکا، بلدھاری نظر کوئے نہ آئیا۔ تن وجوُد دا سارے بدلدے رہے خاکہ، جو مِٹّی خاک وِچ سمائیا۔ تیرا جلوہ نوُر نوُر نہ کدے پرکاشا، دو جہان نہ کوئے رُشنائیا۔ کی ہویا جے گوپی کاہناں پوائیاں راساں، رام سیِتا بناں وِچ بھوائیا۔ کی ہویا جے پَیغمبراں کلاماں وِچ تَینوُں جاتا، صِفت سندیسہ ڈھولا گائیا۔ کی ہویا جے گُروُآں منّیا تیرا آکھا، بھانے وِچ بہہ کے سیِس نِوائیا۔ میَں چاہُندی تُوں پرگٹ ہو ساکھیاتا، سوَچّھ سروُپ اِکو نظری آئیا۔ میرا انتر کر دے پوِتر پاکا، پتت پُنیِت دے بنائیا۔ تُوں سب دا جوتی جاتا، پت پرمیشور تیری وڈیائیا۔ سوَچّھ سُہنجنی سیج بنا دے کھاٹا، کھٹیِا اپنا آپ تیرے اَگے ٹِکائیا۔ بہُڑی اَگے ہون نہ لمیِاں واٹاں، لیکھا تیرے ہتّھ پھڑائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دے مالک دَیا کمائیا۔ دھرنی کہے پربھ میرا انتر ہووے اِک، ایکنکار دینا کرائیا۔ میرا لیکھا دینا لِکھ، لیکھ لیکھ وِچوں بدلائیا۔ میَں بِھکھارن منگاں بِھکھ، خالی جھولی دینی بھرائیا۔ میَں چاہُندی میرے اُتے ساری مانَو ذاتی تیرا روُپ ہووے سِکھ، سِکھیا صاحِب سُلطان دینی دِرڑائیا۔ سرِشٹی سارے جانن مِتھ، مِتھیا دِسے سرب لوکائیا۔ اِکو وار اپنی سُہنجنی کر دے تِھت، رُتڑی اپنے نال مہکائیا۔ پرماتم ہو کے وس چِت، من چِت ٹھگؤری رہے نہ رائیا۔ کوُڑی کِریا لَواں جِتّ، سِر اپنا ہتّھ ٹِکائیا۔ میَں تیرا درشن چاہُندی نِت، نوِت اپنا رنگ رنگائیا۔ ویکھیں کدے بند نہ کریں بِھت، بھیِتر دا پڑدا دینا

چُکائیا۔ چاروں کُنٹ آویں دِس، دہ دِشا تیری رُشنائیا۔ میری پوُری کرنی اِچھ، منسا تیرے وِچ چُھپائیا۔ میَں ہور نہ منگاں کِچھ، نِیوں نِیوں لاگاں پائیا۔ تُوں سب دا پریِتم پیارا ایک ایکنکارا ہوویں اِک، اِک اِکلّے تیری وجےّ ودھائیا۔ کلجُگ انتم سب دا لہنا دینا لےَ نجِٹھ، لیکھا اوَر رہے نہ رائیا۔ ویکھیِں میَنوُں دیویِں نہ پِٹھ، کروٹ اپنی نہ موُل بدلائیا۔ بہُڑی میرے اُتوں پوُجا ہٹا دئیں پتّھر اِٹّ، پاہن سیِس نہ کوئے نِوائیا۔ سب دی سُرتی تیرے اُتے جائے ٹِک، ٹِکاّ اِکو مستک نام دینا لگائیا۔ تُوں سب دے وسیں وِچ، وِچلا بھیوَ دینا کُھلائیا۔ میَں چاہُندی تیرا درشن ہووے نِت، جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، میرے اُتے دیِن مذہب دا ہووے کوئی نہ حِص، حِصّیداری پِچھلی دینی چُکائیا۔

۱۸ ماگھ شہنشاہی سمت ۶ گُرنام سِنگھ دے گرِہ پِنڈ سوُرا نسّی ضِلع جالندھر

دھرنی کہے پربھ سب دا وعدہ پوُرا کریں قؤل اِقرار پکاّ، مِہربان دَیا کمائیا۔ پِھرے دروہی وِچ مدیِنہ مکّہ، کعبیاں پئے دُہائیا۔ نؤ کھنڈ پرِتھمی دینا انتم دھکاّ، دُھر دا حُکم نال مِلائیا۔ جھگڑا چِھڑنا وِچ بوُرا ککاّ، مسیح بَیٹھا وسیع دھیان لگائیا۔ جِس کارن گوبِند ستھر لتّھا، میرے اُتے سیج گیا ہنڈھائیا۔ میَں اُس دا لہنا دینا لیکھا ویکھاں نال اکھّاں، لوچن دھرم دینا کُھلائیا۔ چاروں کُنٹ اُٹھ اُٹھ نسّاں، بھجّاں واہو داہیِا۔ صدی چؤدھویں موُل نہ تھکاں، تھکاوٹ وِچ کدے نہ آئیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ تیری سرنائیا۔ دھرنی کہے میرے صاحِب سوامی یک، واحد سیِس نِوائیا۔ میرا میَنوُں دے دے حق، حقیِقت دے مالک دَیا کمائیا۔ پِچھلا لیکھا سب کردے فَک، فِقرہ اَگے اپنا دے دِرڑائیا۔ تُوں سرب کلا سمرتھ، سو پُرکھ نِرنجن تیری وڈ وڈیائیا۔ ہرِ پُرکھ نِرنجن تیرے اَگے جوڑاں ہتّھ، ایکنکارا نِیوں نِیوں لاگاں پائیا۔ آد نِرنجن تیرا نوُر نوُرانہ تکاں سچ، ابناشی کرتے دینی مان وڈیائیا۔ سِری بھگوان تیری سرن سرنائی رہی ڈھٹّھ، پاربرہم تیرے نِیوں نِیوں لاگاں پائیا۔ کلجُگ کوُڑی کِریا میرے وِچوں دینی کڈھ، کام کرودھ لوبھ موہ ہنکار تن وجوُد رہن نہ پائیا۔ اِکو تیرا نام نِدھانا سِری بھگوانا گاواں سدّ،

چھند دُھر دا دیاں جنائیا۔ دیِن مذہب دی میٹنی حد، حدوُد اپنی دینی وکھائیا۔ جِتھے دیِپک جوت رہیا جگ، نِرگُن نوُر نوُر رُشنائیا۔ ملِے میل سوُرے سربگ، جو شاہ پاتشاہ سچّا شہنشاہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، مِہربان مِہربان مِہربان اپنی کِرپا کر دے جھٹ، دوُر دُراڈا پندھ رہن نہ پائیا۔

۱۸ ماگھ شہنشاہی سمت ۶ جرنَیل سِنگھ دے گرِہ پِنڈ سگوال ضِلع جالندھر

دھرنی کہے پربھوُ تُوں میرا پِت مات، پُرکھ اکال دیِن دَیال تیری سرنائیا۔ مِہربان محبوُب میٹ دے اندھیری رات، نِرگُن نِروَیر نوُری چند کر رُشنائیا۔ جھگڑا رہے نہ ذات پات، دیِن دُنی اِکو رنگ دینا رنگائیا۔ تُوں صاحِب سُلطانا سِری بھگوانا پُرکھ سمراتھ، بےانت بے پرواہ اکھوائیا۔ مِنّتاں کراں دوئے جوڑ کے ہاتھ، جھُک جھُک لاگاں پائیا۔ میری آسا منسا پوُری کر دے خواہش، خالص اپنا بھیوَ کُھلائیا۔ نِرگُن نِروَیر میَں تیری داسی داس، سیوک ہو کے سیو کمائیا۔ نِگاہ مار اُتوں آکاش، پرِتھوی رو رو دئے دُہائیا۔ میرے سوامی آ جا میرے پاس، کلجُگ اپنی کروٹ لےَ بدلائیا۔ اوتار پَیغمبر گُروُ جو شبد سندیسے وِچ گئے آکھ، قؤل سب دا پوُر کرائیا۔ تُدھ بِن کرے نہ کوئے اِمداد، مالک نظر کوئے نہ آئیا۔ میَں چاہُندی سب دی اندروں کُھلے جاگ، سویا رہن کوئے نہ پائیا۔ ترےَگُن اگن بُجھا دے آگ، امرت میگھ اِک برسائیا۔ اپنا مجن کرا دے دھرم دھار دے ماگھ، امیوں رس اِک چوائیا۔ ہر ہِردے اندروں میٹ دے کوُڑا داغ، دُرمت میَل دے دھوائیا۔ میرے کردے وڈ وڈ بھاگ، بھاگ ہیِن نہ رہے لوکائیا۔ کایا مندر اندر تیرا نوُری جگے چراغ، جلوہ گر تیری ہووے رُشنائیا۔ تُوں مالک خالق آد انت دا کنت سُہاگ، جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در تیرے الکھ جگائیا۔ دھرنی کہے پربھوُ میَنوُں اِکو تیری اوٹ، اوڑک دیاں جنائیا۔ پرکاش کردے اپنی جوت، جوتی جاتے ہونا آپ سہائیا۔ کِسے دی چلے کوئے نہ سوچ، سمجھ وِچ نہ کوئے چتُرائیا۔ اپنی نام خُماری نال کر مدہوش، مدُھر دُھن راگ سُنائیا۔ من کلپنا تیرے پیار وِچ ہو جائے خاموش، اُچی کوُک نہ کوئے جنائیا۔ بھاگ لگا دے کایا ماٹی

پوش، پنج تت تن دے وڈیائیا۔ مانَو ذاتی کایا مندر اندر تَینوُں سارے لیَن کھوج، باہر کھوجن دا جھگڑا دے مُکائیا۔ بُدھی توں پرے اپنے شبد دا دے بودھ، نام نِدھانا سِری بھگوانا اِک دِرڑائیا۔ تیری چرن پریِتی ہووے سب دا جوگ، تن بھوُشن اِکو نام دینے رنگائیا۔ دھرنی کہے میرے اُتے کوُڑ کُڑیاراں دا رہے کوئے نہ بوجھ، پتت پُنیِت سارے دینے بنائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در ٹھانڈے منگ منگائیا۔ دھرنی کہے پربھوُ میری آسا منسا آپے بُجھ، انترجامی دَیا کمائیا۔ ساری سرِشٹی دی درِشٹی کر دے سُدھ، کوُڑی کِریا باہر کڈھائیا۔ پنچ وِکار کرے نہ یُدھ، دھرم دا کھنڈا دے چمکائیا۔ میرے وِچوں باہر کڈھ دے کلجُگ، سَتجُگ سچ دے پرگٹائیا۔ سب نوُں تیرے نام دی آوے سُدھ، سمجھ سمجھ وِچوں دینی بدلائیا۔ مایا ممتا دی اؤدھ جائے پُگ، ہنکار وِکار نہ کوئے ہلکائیا۔ تیرا بھانا کدے نہ جاوے رُک، نہ کوئی میٹے میٹ مِٹائیا۔ میرے صاحِب سُلطان تیرے قدماں جاواں جھُک، ڈنڈاوت بندنا سجدے وِچ سیِس جھُکائیا۔ تُوں میرا میَں تیرا آتم پرماتم سارے تیری گاون اِکو تُک، تُخم تاثیِر دیِن دُنی دینا بدلائیا۔ تیرے کول سب کُچھ، بے پرواہ سچ بھنڈارا دینا ورتائیا۔ پڑدا اوہلا رہے نہ لُک، جوتی جوت سروُپ ہرِ، آپ اپنی کِرپا کر، ایکا دینا دُھر دا ور، دیونہار دَیا کمائیا۔ دھرنی کہے پربھوُ میَں تیرے چرن ڈھٹّھی، ڈھیَہہ ڈھیَہہ سیِس نِوائیا۔ ساری سرِشٹی اپنے نام نال کر لےَ اِکٹّھی، وِچھڑیا رہن کوئے نہ پائیا۔ کلجُگ کوُڑی کِریا کر دے مٹھی، امرت میگھ نام برسائیا۔ سچ نام دی سچ پڑھا دے پٹّی، پٹنے والا نال مِلائیا۔ جِس نے تیرے پِچھے ماچھوُواڑے دی سیج کٹی، سوُلاں ستھر گیا ہنڈھائیا۔ اُس دی دھار پرگٹا دے نام بخش دے گُرمُکھاں اندر رتی، رتن امولک ہیِرے دینے بنائیا۔ تُوں سب دا مالک پرم پُرکھ کملاپتی، پت پرمیشور ہونا آپ سہائیا۔ دھرنی کہے پربھوُ میری انتم لجّیا رکھیں، رکھنہار تیری سرنائیا۔ میَں تیرا نِرگُن کھیل ویکھاں اکھّیں، آخر اپنا پڑدا دینا چُکائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، نِہکلنک نرائن نر، مہاراج شیرسِنگھ وِشنوُں بھگوان، آد جُگاد جُگ چؤکڑی نِت نوِت نِرگُن سرگُن تیری شبد کہانی سچّی، سَتگُر شبد شبد سَتگُر گُروُ گُردیو وڈ وڈیائیا۔

۲۱ ماگھ شہنشاہی سمت ۶ بیِبی جُگِندر کؤر دے نوِت ہرِ بھگت دوار جیٹھوُوال

دھرنی کہے پربھ میَنوُں وِشن برہما شِو کرن اِشارے، اِشارہ دُھر دا اِک لگائیا۔ اوتار پَیغمبر گُر رہے للکارے، زور زور سُنائیا۔ اُٹھ ویکھ کل کلکی اوتارے، نِہکلنک بےپرواہیِا۔ جِس نوُں جھُکدے زِمیں اسمان چند سِتارے، سطح بُلندی اُپر دھیان لگائیا۔ کوٹن کوٹ برہمنڈ کھنڈ دھوُڑی لاون چھارے، مستک ٹِکّے دُھر رنگائیا۔ جِس نوُں کاغذ قلم شاہی لِکھ لِکھ ہارے، انت کہن کوئے نہ پائیا۔ اوہ کھیل کرے نر نِرنکارے، نرائن اگمّ اتھاہیِا۔ جِس دے بھوِکھت سب نے اُچارے، صِفتاں والے ڈھولے گائیا۔ اوہ نِرگُن نوُر کرے اُجیارے، جوتی جاتا ڈگمگائیا۔ شبد سندیسہ دیوے اپنی دھارے، دھرنی کہے میرے اُتے سُنائیا۔ لیکھ لِکھائے اگمّ اپارے، الکھ اگوچر اپنی کار بُھگتائیا۔ جِس دا حُکم سچّی سرکارے، نہ کوئی میٹے میٹ مِٹائیا۔ میَں نِیوں نِیوں کراں نِمسکارے، ڈھیَہہ ڈھیَہہ لاگاں پائیا۔ جِس نے اپنی لِکھت لِکھاؤنی شُروُع کیِتی دوبارے، دوہری جگت دھار بدلائیا۔ سرِشٹی درِشٹی آپ اُگھاڑے، نوک قلم نال ہِلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ دھرنی کہے جِس دی لِکھت شُروُع ہوئی دوبارہ، دُھر دی دھار وڈیائیا۔ بال اوستھا بال کنّیا نانک دے کے گیا اِشارہ، سندیسہ اگمّ جنائیا۔ تیرا لہنا دینا نال کل کلکی اوتارا، اوتری اپنا حُکم ورتائیا۔ شبدی دھار دا دئے اِشارہ، شبد شبد نال شنوائیا۔ سیوا وِچ سیوا دیوے بَل اپارا، اپرمپر بےپرواہیِا۔ جِس دا لیکھ سدا رہے جُگ چارا، چؤکڑی اپنی کھیل کھِلائیا۔ جوتی جوت سروُپ ہرِ، آپ اپنی کِرپا کر کرے کھیل ساچا ہرِ، سچ دا حُکم اِک ورتائیا۔ دھرنی کہے پربھوُ میرے انتر آ گئی حَیرانی، میَں کی دیاں سُنائیا۔ تیرا بھگت بڑا بلوانی سوُربیِر دھیان لگائیا۔ گُردَیال سِنگھ کہے میری بناؤنی دھرم نِشانی، نِشانہ جگت وِچ پرگٹائیا۔ میرے دوار دا بننا بانی، بان انیالا تیِر چلائیا۔ تُوں داتا دُھر دا دانی، دَیاوان اکھوائیا۔ میرے گرِہ کریں مِہربانی، مِہر نظر اُٹھائیا۔ سمت شہنشاہی نؤ وِچ میری آشا ہون نہ دیویں پُرانی، پُنہ پُنہ سیِس نِوائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، پندراں اٹھاراں دی میری منگ سہج نال دیاں سُنائیا۔ گُردَیال سِنگھ کہے میَں تیرا بل دیونہارا بلیدان، باوَن دھیان لگائیا۔ میری بیننتی سِری بھگوان، در ٹھانڈے دیاں جنائیا۔ میرے پیار دا ہُندا سی اِک دربان، جو منزونا نام بنائیا۔ روز میَنوُں کراؤندا

ہُندا سی اِشنان، نڑِنوے سال سیو کمائیا۔ جِس ویلے باوَن آیا منگن دان، اپنا روُپ بدلائیا۔ میرے نال اُس نے کیِتی پرنام، سیِس دِتا جھُکائیا۔ باوَن نے تھاپی دِتی آن، ہتّھ پُشت پناہ ٹِکائیا۔ رو کے کِہا میَنوُں مِلا دے میرا بھگوان، تیرے ہتّھ وڈیائیا۔ بل کہے میَں آکھیا تُوں مِہربان، مِہر نال ترائیا۔ باوَن کِہا اؤہ کلجُگ تکّ مار دھیان، نیتر نیَن اُٹھائیا۔ ایس دا جنم پھیر ہووے وِچ جہان، تیرے گرِہ گرِہ ملِے وڈیائیا۔ تیرے سُت دا سُت ہووے نِدھان، سَت ستوادی روُپ سمجھائیا۔ درگاہ سچ ہووے پروان، پرم پُرکھ دیوے وڈیائیا۔ دوہاں نے سیِس جھُکایا خوشی وِچ گایا گان، تیری بےپرواہیِا۔ باوَن دا لیکھا ہویا پروان، پرم پُرکھ دِتی وڈیائیا۔ جِس دربان دا روُپ جگجیِت سِنگھ جنمیا وِچ جہان، گرِہ گرِہ وِچوں مِلی وڈیائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا حُکم اِک منائیا۔ گُردَیال سِنگھ کہے میرا گرِہ ہووے اٹھاراں پندرا، دوُجی ونڈ نہ کوئے ونڈائیا۔ چار در ہوئے دھرم دے مندرا، در دوار سوہنا نظری آئیا۔ میری پیار دی ہوئے بند بندنا، ڈنڈاوت اِک سمجھائیا۔ جِتھے تیری دھوُڑ دا ملِے چندنا، دُھر دا تِلک رکھائیا۔ اِس توں پرے ہور کُچھ نہیں منگنا، منگن دی لوڑ رہے نہ رائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، نِہکلنک نرائن نر، مہاراج شیرسِنگھ وِشنوُں بھگوان، تیرا کھیل سوُرے سربنگنا، سَت سچ تیری سرنائیا۔

۲۷ ماگھ شہنشاہی سمت ۶ رنجیِت سِنگھ دے گرِہ گوال ٹولی ضِلع فِروزپُر چھاؤنی

شنکر کہے پربھوُ میری آد انت دی تیری شرطی، شرع سکے نہ کوئے بدلائیا۔ تُوں مالک خالق پریِتم عرشی، شاہ پاتشاہ سچّا شہنشاہیِا۔ میری تیرے اَگے بیننتی عرضی، آرزو دیاں سُنائیا۔ تُوں کیوں کیِتی اپنی مرضی، مِہربان دینا سمجھائیا۔ میری کھیل چوٹی جڑ دی، استھوُل ویکھ وکھائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در تیرے آس رکھائیا۔ شنکر کہے پربھوُ میَں تیری شکتی، شخص نظر کوئے نہ آئیا۔ تیرا پیار میری بھگتی، بھگوَن اوَر نہ کوئے وڈیائیا۔ تیری کھیل نرائن نر دی، نر ہرِ تیری سرنائیا۔ کی دھار تکی میَں کلجُگ کل دی، کل کلکی دیاں سُنائیا۔ تُوں کھیل کھِلائی اچھل اچھلّ دی،

ولچھل دھاری اپنا حُکم ورتائیا۔ تیری کیِتی آد انت کدے نہ ٹلدی، نہ کوئی میٹے میٹ مِٹائیا۔ دھار رہی نہ جل تھل دی، مہیئل سارے رہے کُرلائیا۔ تیری کیِتی کرنی کدے نہ ٹلدی، نہ کوئی میٹے میٹے مِٹائیا۔ کتھا کہانی رہی کوئے نہ میرے حل دی، صاحِب تُوں حالت دِتی بدلائیا۔ تیری کھیل تکاں نِہچل دھام اٹل دی، سچکھنڈ نِواسی تیری بےپرواہیِا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، دیونہار دَیا کمائیا۔ شنکر کہے میرے سوُرے سربنگ، صاحِب تیری سرنائیا۔ میَنوُں تیرا اِکو رنگ، رنگت اگمّ اتھاہیِا۔ میَں مانگت ہو کے منگاں منگ، در ٹھانڈے سیِس نِوائیا۔ کیوں اپنی مریادا کیِتی بھنگ، اصوُل اصل وِچوں بدلائیا۔ میرے تن اوڈھن کوئی نہ دِسے ویکھاں وجوُد ننگ، تشکا گل سُہائیا۔ میَں ویکھ کے ہویا دنگ، حَیرانی وِچ کُرلائیا۔ کی کھیل کیِتا وِچ وربھنڈ، میرے مالک دُھردرگاہیِا۔ میَں بھولا ناتھ ہو کے پاواں ڈنڈ، اُچی کوُک کوُک سُنائیا۔ میری ننگی ہو گئی کنڈ، پُشت پناہ ہتّھ نہ کوئے رکھائیا۔ کوٹن کوٹ تیرے جُگ چؤکڑی گئے لنگھ، لوک مات اوتار پَیغمبر گُروُ سیو کمائیا۔ جنم وِچوں جنم دی کِسے نہ دِتی دات ونڈ، ونڈنہارا نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، میرے صاحِب تیری سرنائیا۔ شنکر کہے پربھوُ میَں پاؤن لگّا شور، اُچی کوُک کوُک سُنائیا۔ کیوں تُوں ورتیا اپنا زور، بل دِتا پرگٹائیا۔ اوہ ویکھ اندھیرا گھور، چاروں کُنٹ نظری آئیا۔ تیرے سادھ سنت بنے ٹھگ چور، شرع کوُڑ وِچ لڑائیا۔ سُرتی شبد سکے کوئے نہ جوڑ، آتم پرماتم میل نہ کوئے مِلائیا۔ من واسنا سارے رہے دؤڑ، کام کامنی نال ہلکائیا۔ تیری منزل چڑھے کوئے نہ پؤڑ، سچکھنڈ نِواسی نظر کوئے نہ آئیا۔ بہُڑی ساڈی رہی کوئے نہ لوڑ، لوڑیِندے سجّن تیرے اَگے دُہائیا۔ تَینوُں اوتار پَیغمبر گُروُآں کِہا بندی چھوڑ، بندھن سب دے دے کٹائیا۔ بہُڑی تیرا حُکم میَں موُل نہ سکاں موڑ، اَگے ہو نہ کدے اٹکائیا۔ جو اُپجیا اوتار پَیغمبر گُروُ میَں سارے چھڈے تور، بچّیا رہن کوئے نہ پائیا۔ کِس بِدھ تُوں بھگتاں بھاگ کیتے متھور، مِہربان دینا سُنائیا۔ کی میَں تیرا ہو گیا کمزور، بلہیِن نظری آئیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دے مالک منگ منگائیا۔ شنکر کہے پربھوُ میَں ویکھاں کیہڑی تیری حد، حدوُد نظر کوئے نہ آئیا۔ کیوں میری کرنی کیِتی ردّ، اپنا حُکم حُکم ورتائیا۔ کیوں نہ میَنوُں دسّیا سدّ، سندیسہ آپ سُنائیا۔ ایہہ بھگت میری جدّ، بنس اِکو اِک وڈیائیا۔ بِنا میرے حُکم توں سریِر کوئے نہ سکے چھڈ، ناتا تن

نہ کوئے تُڑائیا۔ میَں چھیتی آؤندا بھجّ، در تیرے سیِس نِوائیا۔ تُوں صاحِب پُرکھ سمرتھ، وڈ داتا بےپرواہیِا۔ میری دُہائی میَں چاہُندا گھر گھر جگاواں الکھ، اگمّ اگمّڑے دیاں سُنائیا۔ میَں اوتار پَیغمبراں گُروُآں وِشن شِو نے کرنا اِکٹّھ، برہما لیَنا نال مِلائیا۔ اوہ ویکھو کھیل جھٹ، جھٹکا حُکم دا دینا جنائیا۔ ویکھو روُپ پاربرہم پت پرمیشور جو ساکھیات نظری آوے جٹّ، ظاہر ظہوُر اپنی کل ورتائیا۔ جِس نوُں چاہے میرے توں بِنا لئے رکھ، سِر اپنا ہتّھ ٹِکائیا۔ جنم وِچوں جنم دے کے دُھر دی اگمّی وتھ، وست امولک آپ ورتائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دے مالک دَیا کمائیا۔ شنکر کہے میَں آواز ماراں اپنے سجّناں، زور نال سُنائیا۔ وِشن برہمے اُٹھ کے بھجّنا، آؤنا چائیں چائنیا۔ تیئی اوتاراں استھان تجّنا، بِنا قدم قدم لیَنا اُٹھائیا۔ پَیغمبراں اپنی منزل لنگھنا، اَگے ہو نہ کوئے اٹکائیا۔ گُروُآں کھیل تکنا سوُرے سربنگنا، سَت سچ سَت سمجھائیا۔ او جِس نوُں سارے کردے رہے بندنا، سجدیاں وِچ سیِس جھُکائیا۔ اوہ اپنی کرنی دی کرے آپ اُلنگھنا، اپنا حُکم رہیا بدلائیا۔ جِس نے ساڈا بھانڈا انتم بھنّنا، تِھر رہن کوئے نہ پائیا۔ جِس دا اِکو شبدی دھار گوبِند چندنا، دو جہان کرے رُشنائیا۔ اُس کھیل کیِتا وِچ وربھنڈنا، برہمنڈ دئے وکھائیا۔ شنکر کہے جن بھگتاں دا بن کے سجّنا، گُرمُکھ لئے ترائیا۔ جِس نوُں مڑھی گور سی دبّنا، مِٹّی اگنی خاک رلائیا۔ اوہناں نوُں نام دا دے کے سگنا، سوہنا رنگ چڑھائیا۔ پرکاش ہو کے دیِپک جگنا، اندھ اندھیر مِٹائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ہرِ سچ صاحِب سُکھدائیا۔ شنکر کہے برہمے ہائے میری بہُڑی، دروہی وِچ دُہائیا۔ وِشنوُں اُٹھ کے ویکھیں دؤڑیں، پِچھلا پندھ مُکائیا۔ اوتار دو جہاناں لاؤ پؤڑی، ڈنڈا اِکو اِک جنائیا۔ پَیغمبراں منزل نہ رکھنی سؤڑی، دوُر دُراڈا ڈیرہ ڈھاہیِا۔ گُروُآں تکنا دُھر دا جؤہری، ہرِ کرتا بےپرواہیِا۔ جِس کیِتی کھیل اوَر کی اؤری، بھیوَ کوئے نہ پائیا۔ دھار بدل دے ایکا دوُآ دوہری، نِرگُن سرگُن کھیل کھِلائیا۔ بھگتاں اپنے نال بنا کے جوڑی، جوڑا دُھر دا دئے سمجھائیا۔ سارے تکو جِنہاں دی آیوُ رہ گئی سی تھوڑی، دِوس لوک مات سمجھائیا۔ اوہناں نوُں بخش دِتا شنکر کہے ساڈے ساریاں کولوں چوری، بہُڑی سانوُں سمجھ کوئے نہ آئیا۔ ساڈے شاستر سِمرت وید پُران بن سکے کوئے نہ گھوری، پڑدا اگمّ نہ کوئے کُھلائیا۔ سارے اُٹھو ہتّھ بِنا ہتّھاں توں لؤ جوڑی، نمو نمستے وِچ سیِس جھُکائیا۔ ویکھیں پربھوُ اَگے واسطے ایہہ رستہ نہ دیویں

توری، تُرت اپنا حُکم منائیا۔ بے شک تیری آتما بجھّی نال پریم دی ڈوری، دوُسر نظر کِسے نہ آئیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ برہما کہے پربھوُ میرا برہم ویکھ سَت، سَت ستوادی دیاں جنائیا۔ وِشنوُں کہے تیری مِت گت، پربھ تیرے وِچ نظری آئیا۔ تیئی اوتار مارن ہتّھاں اُتے ہتّھ، ہتھیلی ہتھیلی نال ٹکرائیا۔ پَیغمبر چؤداں طبق رہے نَٹھ، بھجّن واہو داہیِا۔ نانک گوبِند شبدی دھار رہے دسّ، سندیسہ دُھردرگاہیِا۔ او شنکر ایہدے کول نہیں کِسے دا وس، واسطے پا کے پُرکھ اکال اِکو سیِس دیؤ جھُکائیا۔ اسیں چار جُگ دے گاون والے جس، صِفتاں وِچ صالاحیِا۔ جِتھے جِتھے سانوُں دِتا رکھ، اوتھے اوتھے بہہ کے اپنا جھٹ لئیے لنگھائیا۔ ایہدی مرضی جے بھاوے تے بھگتاں نوُں کدے ہون نہ دیوے اڈّ، وکھّری ونڈ نہ کوئی ونڈائیا۔ جِس ویلے چاہے اوسے ویلے لئے رکھ، رکھنہار آپ اکھوائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی کرنی کار کمائیا۔ شنکر کہے اوہ ویکھو چِترگُپت ٹیکدا متھا، بِن خاک خاک رمائیا۔ نالے کردا آوے کتھا، سندیسہ دُھردرگاہیِا۔ میَں خبر دیواں یتھارتھ یتھا، یدی دیاں دِرڑائیا۔ دوُر دُراڈا آیا نسّا، بھجّیا واہو داہیِا۔ تیرے دوارے پُجیا مساں، اپنا پندھ مُکائیا۔ نیتر نیِر وہایا اکھّاں، رو کے دِتا وکھائیا۔ شنکر میَں کی دسّاں، تیرا نام دُہائیا۔ پھیر دوہتّھڑ ماری اُتے پٹّاں، پٹنے والا نظری آئیا۔ اِشارہ کر کے کِہا روُپ دھاریا وانگ جٹّاں، جگ نیتر نظر کوئے نہ پائیا۔ جِس دے نال پُرکھ سمرتھا، سمرتھ بےپرواہیِا۔ میَں سُنیہڑا دسّاں سچّا، سچ سچ نال جنائیا۔ میرے لیکھے وِچ چِترگُپت کہے رنجیِت سِنگھ دا مکان رہنا نہیں سی ساڈھے تِنّ ہتّھ دا کچّا، پنج تت نہ کوئے چتُرائیا۔ بہُڑی دُھر دے مالک نے اُس نوُں بنا کے اپنا بچّہ، بچپن وِچوں بچپن دِتا بدلائیا۔ ساریاں نوُں چھڈ کے گوبِند دا بن گیا سکا، پِچھلا لیکھا لیکھے وِچ رکھائیا۔ پھیر کڈھ لیا اوہ دُھر دا حُکم ویکھ جِس دے اُتے پٹنے والے دا پٹا، بِنا پٹّی توں دِتا لِکھائیا۔ جھٹ رائے دھرم آ گیا نَٹھا، اُچی کوُک کوُک سُنائیا۔ شنکر اپنیاں ویکھ لمیاں لٹاں، کی باسک گل لٹکائیا۔ میَں سارا لیکھا تیرے اَگے سٹّاں، اپنے خالی ہتّھ وکھائیا۔ میَں ویکھے سارے تیرے مٹھا، شِودوالے کھوج کھوجائیا۔ دُہائی دروہی او پُرکھ اکال نے اُلٹی گیڑ دِتی لٹّھا، میَنوُں سمجھ کوئے نہ آئیا۔ جیہڑا ساڈھے تِنّ ہتّھ سریِر اجّ چُکیا ہونا سی اُتے پھٹّا، خاکی خاک وِچ مِلائیا۔ اُس نوُں آتما پرماتما پرماتما آتما دا دسّ کے اِکو ٹپّا، چؤراسی دے ٹاپوُآں وِچوں باہر کڈھائیا۔ اَگے

اپنے نام دا لا کے ٹھپّا، مُہر سچ دی دِتی وکھائیا۔ نوَیں جُگ دا تے نوَیں پیار دا بخش کے گپھّا، زِندگی زِندگی وِچوں بدلائیا۔ رائے دھرم کہے میرا اکھّراں والا رہ نہیں گیا کوئی صفحہ، لِکھن والی نہ کوئے قلم شاہیِا۔ میرا حُکم ہو گیا رفع، اوہ ویکھ دوُت سارے روون مارن دھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ رائے دھرم کہے شنکر میرے اندر آ گیا شنکا، سہج نال جنائیا۔ چؤراسی وِچوں میرا کوئی سہہ نہ سکے تنکا، بھجّا آوے واہو داہیِا۔ میَں ذِمیوار دیونہار ڈنّ کا، لکھّ چؤراسی کھیل کھِلائیا۔ پتہ نہیں کیوں پربھوُ نوُں پیار آ گیا اُس گوبِند چنّ کا، جو چند چاندنا جوت نوُر رُشنائیا۔ مالک بن گیا ساچے سنگ کا، سگلا سنگ وکھائیا۔ لہنا دینا پوُرا کر دے چمکؤر والی جنگ دا، جنگجوُ اپنا لیکھا دے مُکائیا۔ جِس رس مانیا سی نِیلے والے تنگ دا، تنگدستی وِچوں آپے باہر کڈھائیا۔ ساتھی بن کے پُرکھ اکال سوُرے سربنگ دا، صاحِب اپنی کل ورتائیا۔ جیہڑا کِسے دوارے نہیں کدی منگدا، مانگت ہو کے جھولی کدے نہ ڈاہیِا۔ اوہ کھیل کرے سوُرے سربنگ دا، سوُربیِر وڈ وڈیائیا۔ میَنوُں اَیں دِسدا رائے دھرم کہے جِویں رنجیِت سِنگھ پِھر رام سِنگھ دے گھر جمّدا، جنم جنم وِچوں بدلائیا۔ جِس کِرپال ہو کے دَیال ہو کے ناتا تُٹن نہیں دِتا کایا ماٹی چمّ دا، چمّ دا دم اپنے رنگ رنگائیا۔ جیہڑا نیتر نیِر وگنا سی چھمّ چھمّ دا، اوہ شمع دا دیِپک گُرمُکھ دِتا جگائیا۔ جیہڑا گرِہ بننا سی دُکھڑا غم دا، غم خوار ہو کے دِلدار ہو کے دُھر دا یار ہو کے نِراکار ہو کے نِرنکار ہو کے سچّی سرکار ہو کے سِر اپنا ہتّھ ٹِکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا پڑدا آپ چُکائیا۔ چِترگُپت کہے رائے دھرم آہ ویکھ لےَ میری پُستک، جو لیکھے سب دے رہی لِکھائیا۔ جاں تکیا کُکرم دے تھاں تے بھگت دی اُستت، کیہڑے ویلے لِکھ کے میرا لیکھا گیا بدلائیا۔ او ویکھ جِس نوُں پَیغمبر کہندے مُرشد، اوہ مُرشد بےپرواہیِا۔ پتہ نہیں اُس نوُں سچکھنڈ وِچوں کیہڑے ویلے مِل گئی فُرصت، وِہلا ہو کے گُرمُکھاں جنم گیا بدلائیا۔ اُس دی مہما کی تے وڈیائی کی اُلفت، صِفتاں وِچ کی صالاحیِا۔ جِس دا آد دا دھرم بغیچہ تے بھگت گُلشن، گُل پریم والے مہکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا میلا دئے مِلائیا۔ چِترگُپت کہے اوتار پَیغمبر گُروُ صاحِبانو، برہما وِشن جی شنکر دیاں سُنائیا۔ میرے لیکھے وِچوں کوئی اپنے سِکھ مُریِد پہچانو، جِس نوُں پھڑ کے باہر لؤ کڈھائیا۔ کھنڈے کھڑگ کھچن والے

کِرپانو، تیِر ترکش کندھیاں اُتے اُٹھائیا۔ تتاں والیو جوانو، اپنی لؤ انگڑائیا۔ او دھرتی دے مہمانَو، چار دِن کٹ کے پِھر بھجےّ واہو داہیِا۔ ویکھو کھیل سِری بھگوانو، کی کرتا کل ورتائیا۔ سارے اِک دا کرو دھیانو، بِن نیَن نیَن اُٹھائیا۔ مشہوُری وِچ دیؤ بیانو، اِکو اِک وار دِرڑائیا۔ اپنا اپنا نام دسّو پَیغامو، صِفتاں وِچ صالاحیِا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، دُھر دا حُکم اِک سُنائیا۔ اوتار پَیغمبر گُر کہن کریئے کی دھیان، چِترگُپت ویکھ کی وکھائیا۔ اسیں تے بردے سِری بھگوان، جُگ جُگ سیو کمائیا۔ اسیں آپ ویکھ کے ہوئے حَیران، حَیرانی وِچ دئیے جنائیا۔ جِس نے نؤ سؤ چُرانوے چؤکڑی جُگ دی پِچھلی اپنی کیِتی بدلی آپ آن، اپنی دَیا کمائیا۔ جن بھگتاں زِندگی وِچوں زِندگی دا بخش دان، داتا دانی ہویا آپ سہائیا۔ کاہن کہے میَں ارجن کول کیِتا سی اِک بیان، بِنا لِکھن توں دِتا سُنائیا۔ جِس ویلے میرا مالک آیا سِری بھگوان، بے پہچان نوُر اِلاہیِا۔ اوہ جِس ویلے چاہے اپنیاں بھگتاں نوُں دیوے مان، وڈیائی اپنے ہتّھ وکھائیا۔ جیِوندیاں دی جیِوندیاں کر دیوے کلیان، جیِون وِچ مرن دی لوڑ رہے نہ رائیا۔ جِس دا چاہے اُس دا کھڑا کر دیوے نِشان، نِشانے پِچھلے دئے مُکائیا۔ آد دا آد انت دا انت سَتگُر شبد شبد سَتگُر سدا مِہربان، مِہربان دَیا کمائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، دُھر دا لیکھ آپ بدلائیا۔ سارے کہن شنکر انت ویکھ لےَ کھیل مُکی، مُکمل سارے دئیے دِرڑائیا۔ اوہ جِس دی شبد دھار دو تُکی، دو جہان بیڑا پار کرائیا۔ سارے منظور کر لئیے جِس دے بھگت سچکھنڈ وِچ وسدے سُکھی، مات لوک اوہناں دا ہوئے سہائیا۔ جنم دے کے بِنا مات دی کُکھی، جنم جنم وِچوں بدلائیا۔ لٹکن نہیں دِتا دس ماس اُلٹا رُخی، مات گربھ اگنی تت نہ کوئے تپائیا۔ بھاگ لگایا پِتا پُتیں، پِتا پوُت اپنا رنگ رنگائیا۔ جِس دی مِٹّی خاک اِس گرِہ وِچوں اجّ جانی سی چُکی، چار کاہنی کندھیاں اُتے اُٹھائیا۔ اُس پریوار نوُں بے پرواہ کرکے سُکھی، سُکھ سَتگُر شبد وِچ رکھائیا۔ سرِشٹی جگت وِہار دی بُھکھی، اگلا سنگ نہ کوئے بنائیا۔ جِس ماتا دی اجّ کُکھ جانی سی لُٹی، لُٹیرا رائے دھرم نظر کِسے نہ آئیا۔ اُس دا مالک اُس دا اُجل کرے مُکھی، مُکھ مُکھڑے نال وڈیائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، ہرِ کرتا اپنی کرنی کار کمائیا۔ اوتار پَیغمبر گُر کہن سارے کہہ دئیے واہ وا، سَتگُروُ تیری بےپرواہیِا۔ وِشن برہما شِو کہن سیِس دئیے نِوا، نِو نِو سیِس جھُکائیا۔ چِترگُپت کہے رائے

دھرم ایہہ داتا بے پرواہ، بے پرواہ اَگے چلے نہ کوئے چتُرائیا۔ سارے رل کے ستائی ماگھ نوُں بن جائیے گواہ، شہادت سَتگُر شبد والی بُھگتائیا۔ رام سِنگھ تے رام ہویا سہا، سہائک اِکو نظری آئیا۔ تیرا بچّہ بچا کے تیری جھولی دِتا پا، اپنے خالی ہتّھ رکھائیا۔ تیرے پریوار توں تیرا لیکھا دِتا لِکھا، دوُجا لِکھاری نہ کوئے وکھائیا۔ اِنہاں دی قلم دے لیکھ نے تیرا گھر دِتا وسا، جے ایہہ لِکھن والے نہ ہُندے تیرا ہُندا نہ کوئے سہائیا۔ ایہہ چار جُگ دے بچّے پربھوُ دے بھگت بل دا لیکھا تے باوَن بنیا گواہ، جِس نوُں چار جُگ دے شاستر سکن نہ موُل سمجھائیا۔ جن بھگتاں دا بھگتاں والا راہ، مارگ پنتھ پنتھ مارگ سَتگُر نظری آئیا۔ جیہڑی سِکھیا گوبِند گیا سمجھا، سو گوبِند پوُر دئے کرائیا۔ جِس نوُں محمد کِہا خُدا، عیسیٰ موُسیٰ جِس نوُں سیِس جھُکائیا۔ جِس نوُں رادھا کرِشن لیا اپنا، آپ اپنا موُل چُکائیا۔ اوہ داتا آد جُگاد جُگ چؤکڑی جن بھگتاں لہنا دینا دیوے تھاؤں تھاں، تھان تھننتر کھوج کھوجائیا۔ جِس نے بخشش کیِتی رنجیِت سِنگھ دے اُتے پِتا تے ماں، مات پِتا دا پِتا روُپ آپ بدلائیا۔ سدا سدا سد ہووے سہا، سِر اپنا ہتّھ ٹِکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، بدھک دی پھڑ کے بانہہ، رام سِنگھ دا لیکھے لا کے ناں، ناؤں نِرنکار اپنا اِک درسائیا۔

۲۸ ماگھ شہنشاہی سمت ۶ رام سِنگھ دے گرِہ فِروزپُر چھاؤنی

جو گُرمُکھ سَتگُروُ دوار کھلوتے، تٹ کنارہ اِک دھیان لگائیا۔ اوہ جگت جہان شؤہ دریا کھاوَن نہ غوطے، کوُڑی کِریا ڈوُنگھے وہن نہ کوئے وہائیا۔ سُرتی اندر رہن موُل نہ سوتے، آلس نِندرا غفلت نہ کوئے وکھائیا۔ سَتگُر پوُرا اُٹھاوے نال شبد سوٹے، بھےَ بھؤ اِک جنائیا۔ تُوں میرا میَں تیرا دسےّ سچ سلوکے، سوہلا ایکنکار اگمّ اتھاہیِا۔ مایا ممتا کوُڑی کِریا کڈھے وِچوں دھوکھے، ہؤمے روگ دئے مِٹائیا۔ بھاگ لگاوے کایا ماٹی کوٹھے، ساڈھے تِنّ ہتّھ وجےّ ودھائیا۔ پرکاش بخش کے نِرمل جوتے، اندھ اندھیر دئے گوائیا۔ انادی دُھن لگا کے چوٹے، چوٹی چڑھ کے ویکھ وکھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سِر اپنا ہتّھ ٹِکائیا۔ جو گُرمُکھ آئے سَتگُروُ دوار، سَت سچ سرنائیا۔ سَتگُر بخشے نام ادھار، اُدر دا لیکھا دئے مُکائیا۔ کِرپا

کرے آپ نِرنکار، نِروَیر دَیا کمائیا۔ کلجُگ اندر پاوے سار، مہاسارتھی ہو کے ویکھ وکھائیا۔ کوُڑ کلپنا میٹے اندھ اندھیار، ہؤمے ہنگتا گڑھ تُڑائیا۔ امرت بخش کے ٹھنڈا ٹھار، اگنی تت دئے بُجھائیا۔ شبد انادی دئے دُھنکار، دُھن آتمک راگ سُنائیا۔ نِرمل دیِپک جوتی دیِا دئے بال، اگمّ اتھاہ بے پرواہ کرے رُشنائیا۔ ساڈھے تِنّ ہتّھ بنا کے سچّی دھرمسال، دھرم دوارا اِک پرگٹائیا۔ درشن دیوے دیِن دَیال، دَیانِدھ ٹھاکر اپنا پڑدا دئے اُٹھائیا۔ سُرتی شبد مُریِد مُرشد ہو کے پُچھے مُریِداں حال، گرِہ مندر ویکھ وکھائیا۔ جھگڑا مُکا کے کال مہاکال، مِہربان ہوئے سہائیا۔ ترےَگُن مایا توڑ جنجال، جاگرت جوت بِن ورن گوت کرے رُشنائیا۔ سَتگُر شبد ہو کے کرے آپ سنبھال، جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک سُنائیا۔ جو گُرمُکھ سَتگُر دوار پُجا، پوُرب پِچھلا پندھ مُکائیا۔ سَتگُر کِرپا کرے اُپر بسُدھا، دھرنی دھرت دھوَل دھؤل ویکھ وکھائیا۔ انتر نِرنتر بھیوَ کُھلاوے گُجھا، پردہ بجر کپاٹ تُڑائیا۔ گھر پرکاش کرے اُدا، جِس نوُں سوُریہ چند سیِس نِوائیا۔ پرماتم آتم دھار دسّ کے مُدّعا، مُدّت دے وِچھڑے لئے مِلائیا۔ بھاگ لگا کے کایا ساڈھے تِنّ ہتّھ دا جھُگا، جھُگی ویکھے چائیں چائنیا۔ جِس دا ویلا انت کرم کانڈ دا ہووے پُجا، پوُجا اپنی دئے دِرڑائیا۔ نِرمل کرا کے بُدھا، بُدھی بِبیک دئے بنائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، دُھر دا حُکم اِک ورتائیا۔ جو گُرمُکھ سَتگُروُ دوارے جائے آ، در ٹھانڈے سیِس نِوائیا۔ سَتگُر شبد شبدی پکڑے بانہہ، بازو اپنے نال بندھائیا۔ پرماتم آتم بنے ملاح، کھیوٹ کھیٹ اگمّ اتھاہیِا۔ سچ سروور لئے نُہا، دُرمت میَل آپ دھوائیا۔ ہنس بُدھی بنائے پھڑ کے کاں، کاگوں ہنس اُڈائیا۔ اِک دِرڑا کے اپنا ناں، ناؤں نِرنکارا دئے سمجھائیا۔ جِتھے شرع نہیں سوُر تے گاں، دیِن مذہب ونڈ نہ کوئے ونڈائیا۔ اِکو سَت ستوادی اگمّا تھاں، تھان تھننتر سوبھا پائیا۔ سو بھگتاں جنائے اپنا گراں، گرِہ مندر اِک وڈیائیا۔ جِتھے نِرمل نوُر جوت ہوئے رُشنا، اندھ اندھیر نظر نہ آئیا۔ سارے کرن واہ واہ، واہ واہ تیری بےپرواہیِا۔ اوتار پَیغمبر گُروُ نوُر وِچ نوُر رہے سما، وکھّری ونڈ نہ کوئے ونڈائیا۔ سو پُرکھ اکال دیِن دَیال سمرتھ سَتگُر جن بھگتاں بن کے پِتا ماں، گُرمُکھ اپنی گود اُٹھائیا۔ درگاہ ساچی سچکھنڈ دوار نِتھاویاں دیوے تھاں، دھرم دوار اِک وسائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا مالک نوُر اِلاہیِا۔ سَتگُروُ دوارے جو جن آیا، ہؤمے ہنگتا روگ گوائیا۔ ترےَگُن کوُڑی

میٹے مایا، ممتا موہ دئے چُکائیا۔ نِرگُن سرگُن سِر رکھے اپنا چھایا، اگنی تت نہ لاگے رائیا۔ سَتگُر شبد شبد سَتگُر کنڈھے بَیٹھے سارے پار لنگھایا، پھڑ باہوں آپ ترائیا۔ گوبِند دا بیڑا گوبِند کندھ ٹِکایا، گوبِند گوبِند ہویا سہائیا۔ سَتگُر شبد شبد شبد دا جہاز چلایا، نام شبد اِک وڈیائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، جِس جن اُپر اپنی دَیا آپ کمایا، سو گُرمُکھ گُرسِکھ ہرِجن ہرِ بھگت ہرِ سَتگُر وِچ سمائیا۔