۲۵ پھگّن شہنشاہی سمت ۶ اوگرا سنگت نوِت پِنڈ اوگرا ضِلع گُرداس پُر
نارد کہے جن بھگتو میری تکو اگمّی چِپی، جو چُپ چاپ بَیٹھی دھیان لگائیا۔ جِس نے جگت جہان دی وِدیا والی بدل دینی لِپی، دُھر دا نام شبد کر شنوائیا۔ جِس بھید کھولنا ہاہے اُتے ٹِپی، ہنگ برہم دئے دِرڑائیا۔ جِس کھہڑا چُھڈاؤنا پتّھر اِٹی، ایکا ایکنکار مِلائیا۔ دُھر دی دھار دسّنی مِٹھی، رس اگمّا اِک چکھائیا۔ کوُڑی کِریا مار مارنی پِٹھی، اپنا بَل پرگٹائیا۔ دُھر دے نام دی دسّنی چِٹھی، سندیسہ اِک سُنائیا۔ پربھوُ دا لیکھا نہیں سَوا گِٹھی، میروُڈنڈ نہ کوئے چتُرائیا۔ اِیڑا پِنگل سُکھمن دھار نہیں کوئی نِکی، نیِکن نیِک دئے جنائیا۔ سرگُن دھار وکھائے نِرگُن اِکّی، پردہ لوک مات چُکائیا۔ شبدی دھار گوبِند دی سِکھی، سِکھ سَتگُر وِچ سمائیا۔ جِس دی مہما آد انت نہ جائے لِکھی، اُس دا بھیوَ دئے سمجھائیا۔ سرِشٹی دسےّ انتم مِتھی، متھن کرے لوکائیا۔ دھرم دی دھار جنائے متی، مِتر پیارا اِک مِلائیا۔ ابناشی کرتا دسائے ہِتی، ہِتکاری جوڑ جُڑائیا۔ جِس دا کھیل نِت نوِتی، نر نرائن بےپرواہیِا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، دُھر دا حُکم اِک ورتائیا۔ نارد کہے میری چِپی دا تکو مُنہ، مُکھ اُجل رہی کرائیا۔ جِس حُکم دسّنا شبد گُروُ، گُردیو سوامی کی دِرڑائیا۔ جِس نال پوِتر ہونے بُت روُح، روُح بُت کرے صفائیا۔ خوشی جنائے لوُں لوُں، ساڈھے تِنّ ہتّھ وجےّ ودھائیا۔ بھگت بھگوان میل مِلائےہوُبہوُ، سنمُکھ دوویں سوبھا پائیا۔ جھگڑا مُکائے نماز وُضوُ، وضاحت نال سمجھائیا۔ سب دی اِک کرائے رجوُع، رضا اِک وِچ چلائیا۔ کوُڑی کِریا کرے ممنوُع، اَگے قدم نہ کوئے ٹِکائیا۔ دیِن مذہب دی رہن نہ دیوے جوُہ، جنگل پہاڑاں ویکھ وکھائیا۔ ذات پات دی چّھت رہن نہ دیوے چھوُہ، اِکو نام رنگ رنگائیا۔ سچکھنڈ دوار دی دیوے سوُہ، سوئی سُرت آپ اُٹھائیا۔ بھیوَ کُھلائے دھرم دھار دی دھروُ، دھروہ کِسے نال نہ کمائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک سُنائیا۔ نارد کہے میری چِپی اُتے لگّا چپّا، چارے جُگ دین گواہیِا۔ جو سندیسہ دے کے گیا نانک تپا، تپیِشراں توں باہر سمجھائیا۔ مان ملِے اِکو پپا، پاربرہم پربھ بھید کُھلائیا۔ آتم پرماتم دھار سب دا ہووے ٹپّا، ناؤں نِرنکارا اِک دِرڑائیا۔ پیار مُحبّت دی ہووے صفحہ، صفحہ کوُڑی دئے گوائیا۔ سَتگُر پیار دا ملِے نفع، ونج اِکو اِک کرائیا۔ کلجُگ کوُڑی کِریا میٹے دفعہ، سَتجُگ سَت سچ پرگٹائیا۔ اِکو سَتگُر شبد کِسے رہن نہ
دیوے بے وفا، وفاداری دئے دِرڑائیا۔ دھرم دی دھار ہووے نہ خفا، غُصّہ گِلہ نہ کوئے پرگٹائیا۔ پِچھلی کرنی کرے رفع، رفاقت اپنے نال بنائیا۔ دُھر دے نام دا بخش کے نفع، بھنڈارا اگمّ دئے بھرائیا۔ صِفت وڈیائی کر کے جسا، مہما اکتھ کتھ سُنائیا۔ کلجُگ میٹے رَین اندھیری مسّا، نوُری چند چند چمکائیا۔ ہوڑا سُہاوے اُپر سسّا، نِرگُن سرگُن کھیل کھِلائیا۔ بھگتاں لوُں لوُں ہووے رچا، رچنا اپنی دئے جنائیا۔ گُرمُکھ بنا کے دھرم دا بچّہ، بچپن اپنے وِچ ٹِکائیا۔ شبد سندیسہ دے کے سچّا، سچ سمگری اِک ورتائیا۔ کنچن گڑھ بنائے پنج تت تن کچّا، اپنی دَیا کمائیا۔ لیکھا پوُرا کرے مدیِنہ مکّہ، کعبہ اپنی جھولی پائیا۔ جن بھگتاں قؤل اِقرار کرے پکاّ، وعدہ اپنے نال رکھائیا۔ صدی چؤدھویں انت لیکھا رہے نہ چوُنکہ چُنانچہ البتّہ، الف یے دا لیکھا ویکھے چائیں چائنیا۔ دو جہان اِکو ڈنکا وجےّ فتح، فاتحہ سب دا دئے پڑھائیا۔ بھگت بھگوان دا اِکو آتم پرماتم ہووے متا، مت متانتر رہن نہ پائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، سَت دھرم دی سچ جنائے ستا، سَت ستوادی برہم برہمادی اپنا کھیل وکھائیا۔
۲۶ پھگّن شہنشاہی سمت ۶ گُربخش سِنگھ دے گرِہ پِنڈ نؤشہرہ ضِلع ہوشیار پُر
نارد کہے میَنوُں آ گئی یاد پُرانی، پُنہ پُنہ سیِس نِوائیا۔ جِس ویلے پربھ نے سمُند ساگر رِڑکیا پانی، رتن چؤداں باہر کڈھائیا۔ تکّی دھرم دی دھار سوانی، سوہنا روُپ درسائیا۔ اُس سمیں ایراپت ہاتھی نے بولی اِک بانی، اگمّی دِتی سُنائیا۔ کلجُگ انتم جھگڑا پَینا چارے کھانی، خالص روُپ نہ کوئے وکھائیا۔ آتم پرماتم میل مِلنا نہیں ہانی ہانی، برہم پاربرہم نہ کوئے مِلائیا۔ کِسے کمّ نہیں آؤنی وِدیا والی وِدوانی، وِدت روُپ نہ کوئے درسائیا۔ میَں حَیران ہو گیا سُن کے بولیا نیتر چُک کے ویکھیا ایہہ کی کھیل اگمّ مہانی، حُکم کی سُنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی کرنی کار کمائیا۔ ایراپت ہاتھی پھیر ماری چیِک، دکھّن دِشا دھیان لگائیا۔ کلجُگ ویلا وقت پھیر آوے ٹھیِک، ٹھاکر اپنا حُکم سُنائیا۔ میرا شبد کرے تصدیِق، شہادت اِک بُھگتائیا۔ اوہ سمبل دا ہووے وسنیِک، در دوارا اِک سُہائیا۔ اُس دی دھار ہووے باریِک، جگت نیتر نظر کوئے نہ پائیا۔ اوہ
بھگتاں نال کرے پریِت، پریِتم ہو کے میل مِلائیا۔ چار جُگ دی پِچھلی میٹے لیِک، لائن اگلی دئے سمجھائیا۔ سرِشٹی درِشٹی لئے جیِت، جاگرت جوت کرے رُشنائیا۔ بَیٹھا رہے آپ اتیِت، ترےَگُن دا مالک بےپرواہیِا۔ سوہنگ ڈھولا دسےّ گیِت، آتم پرماتم راگ جنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی کرنی کار کمائیا۔ نارد کہے میَں ہسّ کے کِہا اوئے بِنا ماں توں جمّن والے ہاتھی، میَنوُں دے سمجھائیا۔ ایہہ تَینوُں خبر سندیسے والی کِس دسّی پاتی، بِن اکھّراں دِتی پڑھائیا۔ سَت سچ جنا ساکھی، سُخن اِکو اِک دِرڑائیا۔ اُس ویلے کیہڑا نچھتر کیہڑا گرِہ کیہڑی ہووے راسی، کیہڑی دِشا ونڈ ونڈائیا۔ اُس ہسّ کے کِہا او براہمنا اوہ آپ پُرکھ ابناشی، ناشوان نہ روُپ دھرائیا۔ کلجُگ انت صدی چؤدھویں اِک آسی، آسا سب دی ویکھ وکھائیا۔ شنکر بَیٹھا نہ رہے اُتے کَیلاشی، برہما بھجےّ واہو داہیِا۔ وِشنوُں بنے داس داسی، سیوک ہو کے سیو کمائیا۔ اُس ویلے سرِشٹی دی درِشٹی اندر ہوئے اُداسی، سانتک سَت نہ کوئے کرائیا۔ اِک پُکار کرنی حضرت عیسیٰ جِس چڑھنا پھاسی، مسیِح مسلہ اِک وکھائیا۔ بیِس بیِسے کلجُگ میٹنی اندھیری راتی، رُتڑی اپنے نال مہکائیا۔ ایہہ میری خبر دُھر دی پاتی، بِنا اکھّراں توں پترکا دِتی جنائیا۔ نارد کِہا ایہہ کیہڑی لمی واٹی، اِک دو تِنّ چار چؤتھا جُگ آؤندیاں دیر لگّے نہ رائیا۔ نالے تالی ماری اکھّاں میٹیاں نارد کہے میَنوُں اَیں دِسدا جِویں صاحِب دے تھلّے اُس ویلے اُلٹی ہونی کھاٹی، اُلٹی مت دیِن دُنی کرائیا۔ میَں وی ضرور پُجاں پندھ مُکا کے واٹی، وٹنا مل کے جاواں چائیں چائنیا۔ ننگی رکھاں چھاتی، چھاتی ٹھوک کے کہاں چھتردھاری دینے رُلائیا۔ ایہہ میری خوشی دی کہانی کوئی کیِتی نہیں گُستاخی، سچ دی سچ دِتی سُنائیا۔ پر یاد رکھیِں سمت شہنشاہی ستّ دی سدھراں بھری آؤنی وِساکھی، چؤداں چؤدس چؤداں ونڈ ونڈائیا۔ پنجاں پیاریاں اِشنان کرنا ساڈھے دس وجےّ راتیں، اُنگلاں دس دس سِر اُتے ٹِکائیا۔ پنجاں لِکھاریِاں لیکھ لِکھنا بہہ کے اُتے کھاٹی، ہرِ بھگت دوار سوبھا پائیا۔ پنجاں درباریاں سیِس اُتے پنج پنج سیر دی سِر تے چُکی ہووے جل والی چاٹی، بھانڈا کچّا مِٹّی سوبھا پائیا۔ اوہ امرت جل پُرکھ اکال دیِن دَیال سب نوُں بخشنا نال پریم والی گلاسی، رس جام روُپ بدلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، کھیل کرے ان پچھاتی، بے پہچان اپنا حُکم ورتائیا۔
۲۶ پھگّن شہنشاہی سمت ۶ بوُڑ سِنگھ دے گرِہ پِنڈ وزیِر پُر ضِلع گُرداس پُر
نارد کہے پربھوُ میَنوُں پَیغمبر ماردے دابے، مُقامے حق حق اکھوائیا۔ کُچھ لیکھا دسّ دے جو بغداد جنایا نانک بابے، بابل تیرا بھیوَ رہے دِرڑائیا۔ واحد خُدا خود جھگڑا پاؤنا کعبے، محراباں روون مارن دھائیا۔ اُمت اُمتی آؤنا عذابے، رسوُل نبی ویکھ وکھائیا۔ جو لیکھا لِکھیا حضرت محمد دی کِتابے، کُتب خانیاں توں باہر رہیا سمجھائیا۔ صدی چؤدھویں انت سب نے ہونا لاجوابے، لاشریِک لیکھا منگے تھاؤں تھائنیا۔ دروہی پروردِگار نے بدل لئے اِرادے، دلیِل دلیِل وِچوں بدلائیا۔ لہنا ویکھے پنّ صوابے، حضرتاں دا حضرت بےپرواہیِا۔ چار کُنٹ دہ دِشا شور و غُل دا ڈنکا واجے، وضاحت نال سکے نہ کوئے سمجھائیا۔ لیکھا ویکھنا جیہڑے پشوُ ڈھور کھاندے، پنچھیِاں کھلّ لُہائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ نارد کہے پَیغمبر ویکھن اگمّا حرف، جِس نوُں الف یے نہ سکے سمجھائیا۔ جِس نال سب نوُں دیندا رہیا شرف، مُشرّف نال وڈیائیا۔ اُس نال کرن لگّا بےطرف، طرفداری نہ کوئے جنائیا۔ جھگڑا پائے غربن شرق، شرطیہ اپنا حُکم ورتائیا۔ اپنا حُکم نہ کرے ترک، تُرکی والے تُرت لئے اُٹھائیا۔ صدی چؤدھویں انت پَین نہ دیوے فرق، فِرقےدار کرے خلق خُدائیا۔ محمد دا وعدہ پوُرا کرے شرط، شرع دی شریِعت دے بدلائیا۔ لیکھا تکے اُپر عرش، عرشا ں دا مالک نوُر اِلاہیِا۔ نِگاہ مار اُپر فرش، زِمیں زماں کھوج کھوجائیا۔ صوُفیاں اُتے مُحبّت دا کرے ترس، رحمت حقیِقت حق رکھائیا۔ نوُر الاہی جوتی دھار نر نرائن ہو کے دیوے درس، پردہ پردہ نشیِں آپ اُٹھائیا۔ محمد دی محبوُب مُحبّت وِچ میٹے حرص، ہوَس اگلی دئے مُکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، دُھر دا حُکم حاکم ہو کے لئے ورت، ورتمان اپنی کھیل کھِلائیا۔
۲۶ پھگّن شہنشاہی سمت ۶ دلیِپ سِنگھ دے گرِہ پِنڈ بابوُپُر ضِلع گُرداس پُر
نارد کہے میَں نِرگُن دھار نَٹھا، دِوس دِہاڑے بھجّا واہو داہیِا۔ حضرت عیسیٰ موُسیٰ محمد ویکھیا اِکٹّھا، بہہ کے متا پکائیا۔ اِشارہ کرن لہِندی دِشا اُڈدا گھٹّا، خاکی خاک دُہائیا۔ نالے کڈھ کے صدی چؤدھویں ویہویں دا ویکھن پٹا، جو دُھردرگاہی دِتا پھڑائیا۔ پھیر اُمت دا چیِتھڑ ویکھن پھٹا، اگمّ لوئن اکھّ کُھلائیا۔ پھیر تکّن مانَو مانَو دِسدا رٹّا، االلہ رام نال دُہائیا۔ نِگاہ ماری دُھر دے نام دا لگّا ٹھپّا، نہ کوئی میٹے میٹ مِٹائیا۔ چؤداں لوک رہنا نہیں ہٹّا، چؤداں طبق طبق دُہائیا۔ حِصّہ رہے کوئے نہ کھّتا، سانجھی گنڈھ نہ کوئے رکھائیا۔ جُسا جِسم ضمیِر سب دا ہونا تتا، تتو تت نہ کوئے بُجھائیا۔ دُھر دے حُکم وِچ فرق پَینا نہیں رتا، خالق مالک رہیا جنائیا۔ لیکھا جانے یتھارتھ یتھا، یدی اپنا حُکم ورتائیا۔ جھگڑا ویکھن کایا مٹّا، ساڈھے تِنّ ہتّھ کُرلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک سُنائیا۔ نارد کہے میَں ویکھیا پِچھا پرت، پربھ پریِتم ولّ دھیان لگائیا۔ نِگاہ ماری پھیر اُپر دھرت، دھوَل دھؤل ویکھ وکھائیا۔ حضرت عیسیٰ موُسیٰ محمد اپنی شرع دی ویکھن شرط، پردہ پردیاں وِچوں اُٹھائیا۔ ساڈی منظور ہوئی عرض، آرزو اوَر رہی نہ رائیا۔ پروردِگار سانجھا یار کھیل کرے اسچرج، اچرج لیِلا آپ بنائیا۔ جِس دے کول چار جُگ دی پِچھلی فرد، سَتجُگ تریتا دواپرکلجُگ لُکیا رہن کوئے نہ پائیا۔ سو کھیل کرے یودھا سوُربیِر مردانہ مرد، مدد منگ نہ کوئے منگائیا۔ اُمت اُلٹی کرے نرد، پُٹھی سِدھی سکے نہ کوئے بنائیا۔ شرع چُھری مذہب دی میٹے کرد، قاتل مقتُول قتل گاہ دا لیکھ مُکائیا۔ غریِب نِمانیاں ونڈے درد، دُکھیاں دیِن دَیال ہوئے سہائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا بھیوَ آپ کُھلائیا۔ نارد کہے میَں وی کول جا کے گیا جھُک، سجدہ سیِس جھُکائیا۔ سُبھاوک لیا پُچھ، پَیغمبرو میَنوُں دیؤ دِرڑائیا۔ تُہاڈی اُمت دے کول کی کُچھ، کی کلمہ آئے ورتائیا۔ حضرت محمد کیوں کٹائی مُچھ، لباں دین دُہائیا۔ صدی چؤدھویں کیوں نہیں ہُندے خوش، خوشحالی وِچ وجےّ ودھائیا۔ تُسیں کیوں ڈردے پُرکھ اکال دا اِکو شبدی اُٹھیا سُت، سُت دُلارا لئے انگڑائیا۔ جِس نے دیِن دُنی ذات پات مذہب شرع دی بدلنی رُت، رُتڑی پربھ دے نال مہکائیا۔ جِس نے تُہاڈے خالی کیتے کایا والے بُت، بُتخانے روون مارن دھائیا۔ اُس نے سب دی بدل دینی رُت، رُتڑی اِکو اِک مہکائیا۔ موُسے کِہا نارد اؤہ ویکھ پئی
لُٹ، چاروں کُنٹ دھیان لگائیا۔ حضرت عیسیٰ کہے ساتھوں سب کُچھ جانا چُھٹ، ناتا سکے نہ کوئے جُڑائیا۔ نارد پھڑ کے اپنا آپے گُٹ، ہلوُنا دِتا لگائیا۔ بہُڑی تُہاڈے کولوں سب کُچھ جانا کھُس، وست اُمت اُمتی رہن کوئے نہ پائیا۔ میَنوُں اَیں جاپدا سب نے اِکو اگمّی گاؤنی تُک، تُوں میرا میَں تیرا ڈھولا دُھردرگاہیِا۔ جِس دا پرکاش ہونا اگمّی جوت، جوتی جاتا پُرکھ بِدھاتا ڈگمگائیا۔ نارد کہے پَیغمبرو رسوُلو نبیؤ اجّ دی ایہو تقریر بہُت، جو تحریر روُپ بدلائیا۔ صُبح پھیر مِلانگا نال شؤق، شک رہن کوئے نہ پائیا۔ ہُن میَنوُں پربھ دے چرناں وِچ جان دیؤ پہنچ، پنجے دوہاں ہتّھاں رہیا وکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، سَت دھرم دی سچ چلائے رؤنس، رسم وِچ اِسم سب دا دئے بدلائیا۔
۲۷ پھگّن شہنشاہی سمت ۶ پیارا سِنگھ دے گرِہ پِنڈ بابوُپُر ضِلع گُرداس پُر
نارد کہے پَیغمبراں میَنوُں وٹّی گھوُری، تیوُڑی متھے اُتے پائیا۔ پنڈتا گلّ سُن ضروری، براہمنا تَینوُں دئیے جنائیا۔ ساڈے کلمے دی کر مشہوُری، مشورہ تیرے نال پکائیا۔ ساڈی رہ وِچ حضوُری، حاضر ہو کے سیِس نِوائیا۔ نارد کہے میَں پُٹھے ہتّھ جوڑ کے کِہا کلجُگ دے جمّیوں میَتھوں ہُندی نہیں ---------------------------۔ میَنوُں اَیں دِسدا تُہاڈی اُمت کوُڑی، انت کہن کوئے نہ پائیا۔ تُہاڈے کول پُرانی صفا رہنی تے پھوُہڑی، دوُجی وست نظر کوئے نہ آئیا۔ محمد نے بودی پھڑ کے کِہا تیری پُٹ دیواں جوُڑی، پھڑ کے دِتا ہِلائیا۔ نارد کہے میَں پا دینی بھسوُڑی، پربھ نوُں کہہ کے کلا اُلٹی دینی بھوائیا۔ انت رہن نہیں دینی کِسے دی غروُری، غُربت سب دی باہر کڈھائیا۔ میرا مالک تُہاڈا خُدا سدا دا دستُوری، دستُور اپنا نہ کدے بدلائیا۔ کِسے دی وجّن نہیں دینی اَگے تنبوُری، تار سِتار سب دی دینی ہِلائیا۔ جنبوُ دیش کھیل ویکھو جمہوُری، ظاہر ظہوُر رہیا جنائیا۔ موُسیٰ ہسّ پیا ناردا تکّ پرکاش کوہ طوُری، تُریا توں باہر درسائیا۔ حضرت عیسیٰ کہے واٹ نہیں دوُری، دوُر دُراڈا پندھ نہ کوئے رکھائیا۔ نارد کِہا تُسیں چوُرما کھانا کہ چوُری، میَنوُں دیؤ سُنائیا۔ گاں کھانی کہ سوُری، سوُرمیؤ چھاتی تے ہتّھ مار کے دیؤ دِرڑائیا۔ محمد ہسّ کے کِہا
براہمنا تیری کڈھ دئیے کڑاہ پوُڑی، دبدبے نال جنائیا۔ نارد کِہا میرا متھا تکو پیشانی تکو جِتھے پربھ دے چرناں دی لگّی دھوُڑی، دھوُڑاں تُہاڈیِاں دیاں اُڈائیا۔ پُرکھ اکالا دیِن دَیالا سب نوُں اِکٹّھے کر کے رہیا نوُڑی، نرڑ کے بندھن دیوے پائیا۔ شرع دی زنجِیر ہتّھوں چوُڑی، بندھن بندھ نہ کوئے بندھائیا۔ جِس نے دیِن دُنی کیِتی موُڑھی، موُرکھ موُرکھاں نال ٹکرائیا۔ اوہ تکو جیہڑی نانک کھیل کیِتی سی کھڈوُری، خود اپنا آپ پڑدا لاہیِا۔ اپنی کایا ویکھو کعبے والی خالی دِسے چٹوُری، وست وِچ نہ کوئے وکھائیا۔ رباب سِتار تکو تنبوُری، ناڑی ناڑی کھوج کھوجائیا۔ تُہاڈی اُمت تُہاڈے اِمام اَگے بھرے نہ کوئے حضوُری، حاضر حضوُر نظر کوئے نہ آئیا۔ تُسیں سارے پَیغمبر میرے ہووو مشکوُری، مُشکل تُہاڈی دیاں جنائیا۔ کِسے دی رہنی نہیں صبر صبوُری، ثابت نظر کوئے نہ آئیا۔ ساریاں دی منزل کر دینی --------------- ، عزت آبروُ لیکھا دئے مُکائیا۔ شاہ پاتشاہ شہنشاہ شاہ سُلطانا الاہی روُپ نوُری، نوُر نوُرانہ کھیل کھِلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، اپنے حُکم دی اپنے حُکم وِچوں دئے منظوری، مُہر دُھر دے نام والی لگائیا۔
۲۷ پھگّن شہنشاہی سمت ۶ رویل کؤر دے گرِہ پِنڈ بابوُپُر ضِلع گُرداس پُر
نارد کہے پَیغمبرو میَں تکیا تُہاڈا خُدا، خُدی تُہاڈے نال رکھائیا۔ جیہڑا تُہاڈی اُمت کرن لگّا جُدا، ناتا رہیا تُڑائیا۔ تُسیں کیوں کہندے اُس نوُں خُدا، ایہو جیہے االلہ دا نام ---------------۔ تُسیں سارے کہہ دیؤ الوداع، اپنا چہرا لؤ بدلائیا۔ تُہاڈے اُتے کی اوہدا دبدبا، میَنوُں دیؤ سُنائیا۔ اُس دے نالوں میَں چنگا ربّ ربّا، ربّی نوُر میرا ویکھو چائیں چائنیا۔ میرے کول پیار مُحبّت لب لبا، لبریز پَیمانہ دیاں وکھائیا۔ سنمُکھ ویکھو اپنا ابّا، آبِ حیات دیاں پیائیا۔ میری بودی نوُں سلام کرو تُہانوُں آوے بڑا مزہ، رس انوکھا دیاں وکھائیا۔ پھیر تُہاڈے اُتوں ٹل جائے صدی چؤدھویں دی قضا، قاضیِاں مُلّا دیؤ سمجھائیا۔ چلنا میری اِک وِچ رضا، رازق رِزق رحیِم دیاں وکھائیا۔ نہیں تے تکّ لؤ سب نوُں مِلنی ضرور سزا، سزا یافت ہوئے جگت لوکائیا۔ میَں پِھر کے آیا سب دے اندر کیِتی گجا، بُتخانے کھوج کھوجائیا۔ پر یاد کرو اِدھر ویکھو مخؤل نہ منیوں سمبل وِچ تُہاڈے سنبھالن والے دی جگہ، جو جگدیِش
میرا دُھردرگاہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، جِس شرع دھار میٹنی حدا، حدوُد حضرتاں پار کرائیا۔
۲۷ پھگّن شہنشاہی سمت ۶ دیِدار سِنگھ گرِہ پِنڈ بابوُپُر ضِلع گُرداس پُر
نارد کہے ماجھے والیو میَں تُہانوُں کہاں بھاوُ، بھا میرے نال لیَنا کرائیا۔ میرے نال سودا کرو اگاوُ، دُھر دے حُکم نال جنائیا۔ میَں تُہاڈے کول ویچنے کےتُو تے راہوُ، براہمن ہو کے نچھتر تُہاڈے ہتّھ پھڑائیا۔ میَنوُں شاہوُکار دسّیو کوئی ساوُ، جیہڑا ٹھگّی نہ کدے کمائیا۔ نال میَں وی آواں جیہڑا چار جُگ پربھ دا پُت کماؤ، دِوس رَین بھجّاں واہو داہیِا۔ میَں کِسے دا کُچھ نہ کھاوُ، ساریاں دا کھادھا پیِتا کڈھ کے اپنا جھٹ لنگھائیا۔ میَں دھرم دا پہریدار کلجُگ انت سُتیاں نوُں جگاوُ، ہلوُنا دیواں تھاؤں تھائنیا۔ جیہڑے نہ اُٹھن اوہناں نوُں پھڑوُں بانہوُ، باہاں نوُں پھڑ کے دیاں اُٹھائیا۔ میَنوُں کھیل ویکھن دا بڑا چاؤ، چوکنّا ہو کے بھجّاں واہو داہیِا۔ پُرکھ اکال سب دا دسّاں ملاہوُ، کھیوٹ کھیٹا اِک وکھائیا۔ جو کلجُگ انت بنے بےپرواہوُ، بے پرواہی وِچ سمائیا۔ پَیغمبراں توں لیکھا منگے بن کے دُھر درگاہوُ، سچ دا مالک اِک اکھوائیا۔ پِچھلی چار جُگ دی کیِتی ڈھاہوُ، ڈھاہ کے خاک دئے مِلائیا۔ پِھر میَں بنت بناوُ، گھڑن بھنّنہار دَیا کمائیا۔ نارد کہے اوس ویلے میری سیوا ضرور لگاوُ، لگن اِکو اِک بنائیا۔ دھرم دی کیِتی پھیر دوہراوُ، دوہرا اپنا کھیل کھِلائیا۔ میَنوُں اَیں جاپدا نام بھنڈارا اِک ورتاؤ، وارث ہو کے آپ وکھائیا۔ کلجُگ کوُڑی کِریا انت مُکاوُ، مُکمل اپنا حُکم سمجھائیا۔ اوتاراں پَیغمبراں ضرور دباوُ، سِر سکے نہ کوئے اُٹھائیا۔ ترےَگُن اگنی اگّ لگاوُ، دو جہان سکے نہ کوئے بُجھائیا۔ بھگت بھگوان دا سِکہ ضرور چلاوُ، سوہنگ مُہر اِک لگائیا۔ برہمنڈ کھنڈ پُری لوء دو جہان آپ نِواوُ، سِر سکے نہ کوئے اُٹھائیا۔ ہرِجن کوجھے کملے ضرور تراوُ، بھگت سُہیلے پار لنگھائیا۔ سَتجُگ ساچا دھرنی دھرت دھوَل دھؤل اُتے ضرور وکھاوُ، گھرانہ اِکو اِک وکھائیا۔ دیِن دُنی کوُڑ کُڑیار ضرور رواوُ، دھیِرج دھیِر نہ کوئے رکھائیا۔ سچ دوارا سَت پُرکھ آپ پرگٹاوُ، پرگنا اِکو اِک وکھائیا۔ سَت دھرم سچ نِشان ضرور جھُلاوُ، جگت جہان نظری آئیا۔ نارد کہے جن بھگتاں منسا ضرور پوُر کراوُ، کروٹ بدلے دُھردرگاہیِا۔ شاہ
پاتشاہ شہنشاہ اِک اکھواوُ، آخر اپنا حُکم ورتائیا۔ آتم درسی درس درساوُ، دہ دِشا نظری آئیا۔ کلجُگ انتم چِکھا بُجھاوُ، اگنی تت نہ کوئے تپائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، نارد کہے گرِہ نچھتر حُکمے اندر حُکم وِچ بدلاوُ، بدلی برہما وِشن شِو آپ کرائیا۔
۲۷ پھگّن شہنشاہی سمت ۶ ہزارا سِنگھ دے گرِہ پِنڈ بابوُپُر ضِلع گُرداس پُر
نارد کہے میَں پَیغمبراں کِہا تُہاڈا پَینڈا مُکا، صدی چؤدھویں مُکمل رہیا دِرڑائیا۔ حضرت محمد آہ لےَ اگمّی رُقہ، جو بِنا حرف حروُف لِکھائیا۔ اَگے کلمہ ہونا شبد دو تکاّ، تُخم تاثیِر سب دی دئے بدلائیا۔ پانی رہنا نہیں کِسے حُقہ، چِلم سب دی دئے بُجھائیا۔ اگلا بھیوَ رہے نہ چُھپا، پردہ دیاں اُٹھائیا۔ پُرکھ اکال اِکو شبد اُٹھاؤنا دُلارا سُتا، پوُت سپوُت آپ پرگٹائیا۔ جِس لہنا تکنا پنج تت کایا بُتا، بُتخانیاں ویکھ وکھائیا۔ جھگڑا پاؤنا دیِپ کُشا، کرؤچ پُشکر نال رلائیا۔ ویکھو اگمّی دھار ہو کے اُٹھا، نِرگُن نِروَیر لئے انگڑائیا۔ میرے غریِب اُتے تُٹھا، سِر میرے ہتّھ ٹِکائیا۔ شبدی دھار پھڑ کے گُٹا، ہلوُنا دِتا لگائیا۔ اؤہ تکّ محمد دا تارا نِشان جاندا ٹُٹا، چند سنگ نہ کوئے وکھائیا۔ عیسیٰ موُسیٰ پاؤنی پُھٹا، پُھٹکل کرے لوکائیا۔ کوُڑ کُڑیار پاؤنی لُٹا، لُٹیرا کلجُگ نال مِلائیا۔ سب دا بھاگ دِسے نِکُھٹا، سِر ہتّھ نہ کوئے ٹِکائیا۔ مان رہنا نہیں لباں مُچھاں، مُشکل حل کرے لوکائیا۔ محمد میری گلّ دا کریں نہ غُصّہ، گِلہ نہ کوئے رکھائیا۔ مقبرے وِچ تیرا کُرلاوے جُسا، تن وجوُد دئے دُہائیا۔ دروہی خُدا محبوُب تیرا ویلا پُجا، پوُجا اوَر رہے نہ راہیا۔ لیکھا پوُرا ہونا کلجُگا، کلکاتی دئے کھپائیا۔ اِکو نوُر اِلاہی ہونا اُگھا، اُگن آتھن کرے رُشنائیا۔ شبدی دھار کھیل ورتے اُتے بسُدھا، لیکھا پوُرا کرے جو ارجن گُر سندیسہ دِتا بابا بُڈھا، شبدی شبد سُرت نال جنائیا۔ جو آسا پوُری رکھی مہاتما بُدھا، بُدھی توں پرے اکھّ اُٹھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ساچا حُکم اِک ورتائیا۔ نارد کہے میَں محمد کِہا تکّ نوُر اسمانی، اِسم اعظم اِک جنائیا۔ جِس دا جلوہ باہر جِسم جِسمانی، جلوہ گر اگمّ اتھاہیِا۔ جِس دی منزل
روُحے رواں روُحانی، رضی ازی نزی اعظم اِک اکھوائیا۔ اوہ ویکھے تیری تکبیر والی تحریر والی تقریر والی کلامی، کلمہ کلمیاں وِچوں کھوج کھوجائیا۔ جو محو مالک مِہربان محبوُب دو جہانی، سانجھا یار دو جہان اکھوائیا۔ اِمام اِماما شہنشاہ سُلطانی، نوُر ظہوُر اِک وکھائیا۔ تُہاڈی شرع دی کٹے غُلامی، شاہ حقیِر ویکھے تھاؤں تھائنیا۔ دُھر دے حُکم دا حُکم ہووے اِک دائمی، کامل مُرشد دئے دِرڑائیا۔ سب دا ناتا جوڑنا باہمی، مذہبی ونڈ نہ کوئے ونڈائیا۔ سب دا لہنا تکے پیشانی، دُھر مستک کھوج کھوجائیا۔ جھگڑا میٹے اِنجیِل قرآنی، کایا کُرہ ویکھ وکھائیا۔ دیِن دُنی تکے جگت بے اِیمان، بے پرواہ اپنا پڑدا آپ اُٹھائیا۔ تیری انت اَخیِر بے نظیِر منظور کرے سلامی، سلام علیکم علیکم سلام صُلح کُل اپنے وِچ چُھپائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، لیکھا جانے آد جُگاد جُگ چؤکڑی نِرگُن سرگُن ایتھے اوتھے دو جہانی، دو جہان سِری بھگوان بھگوَن اپنا حُکم ورتائیا۔
۲۸ پھگّن شہنشاہی سمت ۶ آسا سِنگھ بلاکا سِنگھ دے گھر پِنڈ بابوُپُر ضِلع گُرداس پُر
نارد کہے محمد نے کھولیا اگمّی بستہ، بِنا شرع توں شریِعت توں باہر کڈھائیا۔ تکیا اُس دا لیکھ انتم سب دا اِکو ہونا رستہ، رہبر اِک ہو آئیا۔ پروردِگار ساچا مارگ ہووے دسّدا، حقیِقت دا پڑدا آپ اُٹھائیا۔ لوآں پُریاں برہمنڈاں کھنڈاں چؤداں طبقاں توں باہر ہووے نسدّا، دہ دِشا بھجےّ واہو داہیِا۔ مارگ لاؤندا جائے سچ دا، سچ کرنی کار کمائیا۔ بھیوَ کھولدا جائے کایا ماٹی کچّ دا، کنچن گڑھ آپ سُہائیا۔ لیکھا رہن نہ دیوے من مت دا، گُرمت اِک دِرڑائیا۔ انتم اِکو پیار پاؤنا پنج تت دا، تتو تت اپنے رنگ رنگائیا۔ ہور لیکھا لیکھ ہونا برہم مت دا، مت متانتر ڈیرہ ڈھاہیِا۔ جیہڑا پُرکھ اکال ہر ہِردے وِچ وسدا، لکھّ چؤراسی رہیا سمائیا۔ اُس سندیسہ دینا اپنے جس دا، صِفتاں والی صِفت پڑھائیا۔ اُس ویلے محمد اسماناں ولّ تکدا، طاقت بِن نیَناں نیَن اُٹھائیا۔ چارا رہنا نہیں کِسے دے وس دا، طاقت سکے نہ کوئے ازمائیا۔ پھیر حُکم سُنیا اگمّی الکھّ دا، الکھ اگوچر رہیا دِرڑائیا۔ دُھر
اِمام کھیل کرنا پرتکھّ دا، عملاں توں رہت دِسے لوکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک سُنائیا۔ نارد کرے محمد تکی غؤر نال کِتاب، بِنا کُتب خانیوں ہتّھ اُٹھائیا۔ جِس وِچ مضموُن خود خُدا ہووے دُھر دا احباب، مِتر پیارا دُھردرگاہیِا۔ کلمہ کلمے دی مارے آواز، سوئی کائنات آپ اُٹھائیا۔ مُحبّت مِہر دی وجائے رباب، ربّی نوُر اپنی دَیا کمائیا۔ انتر نِرنتر کھولے راز، پردہ پردیاں وِچوں اُٹھائیا۔ شرع چُھری وِچوں سب نوُں کرے آزاد، قاتل مقتُول دا لیکھا دئے مُکائیا۔ اِکو ناد سُنائے انادی ناد، انراگی اپنا آپ دِرڑائیا۔ جِتھے پَیغمبراں دا ختم ہو جائے جواب، سوال دی جُرت نہ کوئے رکھائیا۔ بِنا سیِس توں ہوئے آداب، سجدیاں وِچ نِیوں نِیوں لاگن پائنیا۔ جیہڑے چؤداں مسلے زمیِن اُتے نانک لِکھے بغداد، بغلی کندھیاں اُتے ٹِکائیا۔ اوہ نوُرے چشم چشمے شباب، زوے زہی سوبھا پائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ سندیسہ اِک دِرڑائیا۔ نارد کہے محمد نے بدلیا اِک ورقہ، واقع تکیا بےپرواہیِا۔ جِس وِچ لیکھا پروردِگار گھر کا، گرِہ اِکو نظری آئیا۔ اوتھے جھگڑا نہیں درویش در کا، در بِھکھاری ونڈ نہ کوئے وڈائیا۔ مِہربان محبوُب مِہر آپے کردا، کردار دوُجا نظر کوئے نہ آئیا۔ سَتجُگ تریتا دواپرکلجُگ ویس آپے دھردا، نِرگُن سرگُن روُپ بدلائیا۔ کلمہ کائنات نبی رسوُل ہو کے آپے پڑھدا، سجدیاں وِچ نِیوں نِیوں سیِس جھُکائیا۔ مڑھی مسانی آپے رہیا سڑدا، گور وِچ اپنا ڈیرہ لائیا۔ اوہ لیکھا جانے چوٹی جڑ دا، دو جہاناں کھوج کھوجائیا۔ اِشارہ کردا محمدا جو جمّدا سو انت ضرور مردا، ایسے طرح دین مذہب انت رہن نہ پائیا۔ ایہہ کھیل ہونا نرائن نر دا، نر ہرِ اپنی کار بُھگتائیا۔ آد جُگاد جُگ چؤکڑی نِت نوِت جو چاہے سو کردا، کرنی دا کرتا داتا دُھردرگاہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، ساچی منزل اگمّی آپے چڑھدا، درگاہ ساچی مُقامے حق حق وِچ درسائیا۔
۲۸ پھگّن شہنشاہی سمت ۶ بھاگ سِنگھ دے گرِہ پِنڈ بابوُ پُر ضِلع گُرداس پُر
نارد کہے میَں نعرہ لایا حق میرے مؤلا، تیری بےپرواہیِا۔ اوس سندیسہ دِتا جا چؤداں طبقاں پا رؤلا، ہوکا دے دُھردرگاہیِا۔ خبردار ہو جاؤ محمد دا پوُرا ہون لگّا قؤلا، اِقرارنامہ دئے دِرڑائیا۔ نالے نِگاہ ماری اُپر دھؤلا، دھرتی ویکھ وکھائیا۔ پھیر اپنا سجّا کھبّا پھرکا کے ڈؤلا، بِن باہواں لئی انگڑائیا۔ پروردِگار سب دا بھار کرنا ہؤلا، بوجھل نظر کوئے نہ آئیا۔ اوہ کھیل کرے جلدی جلدی تؤلا، طالب طلب سب دی ویکھ وکھائیا۔ نال ہسّ کے کری مخؤلا، دوویں ہتّھ کنّاں اُتے لگائیا۔ خُدا بخشن والا تُہانوُں نیازاں والیِاں چؤلاں، چاء اِکو وار کرائیا۔ تُہاڈا لیکھے لگّنا پیکا سؤہرا، دو جہان دین دُہائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، سب دا دوہری ہو کے ویکھے دوہرا، ظاہر ظہوُر اپنی کرنی آپ کرائیا۔
۲۸ پھگّن شہنشاہی سمت ۶ میلا سِنگھ دے گرِہ پِنڈ بابوُ پُر ضِلع گُرداس پُر
نارد کہے محمدا میَنوُں نِرگُن دھار دی پئی لِشک، چمک چمک وِچوں نظری آئیا۔ اوس نوُں تکّ کے میرا اندر رہیا سِسک، ہؤکیاں وِچ رہیا جنائیا۔ پَیغمبرا جے اپنی االلہ رانی نال میرا لگا دئیں عِشق، پریم پریم وِچ بندھائیا۔ میَں پھیر لتّاں ماروُں سوَرگ بہِشت، جنّت دی لوڑ رہے نہ رائیا۔ میَں کیہڑا بھوگی گرِہست، جگت واشنا نہ کوئے رکھائیا۔ ایہو آشا میَں کیِتی رام دے گُروُ کول وشِشٹ، وِشیاں توں باہر دِتا دِرڑائیا۔ اوہ وی گیا سی کولوں کھِسک، پلّوُ گیا چُھڈائیا۔ میرے ہتّھ نہ ٹانک رہی نہ جِست، نِرگُن سرگُن دوویں کمّ کِسے نہ آئیا۔ میری بڑی پُرانی حِرص، ہوَس دیاں دِرڑائیا۔ میرے انتر پریم دی دھار رہی رِسک، بوُندا باندی میگھ برسائیا۔ میَں تکنا چاہُندا اپنی وِچ درِشٹ، درِشٹی کون نظر کوئے نہ آئیا۔ اوہ تکّ لےَ میرے محبوُب والی لِکھت، جو لیکھا دُھر دا رہی جنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک سُنائیا۔ نارد کہے
محمد سُن لےَ میَتھوں اگمّی بانی، دُھر کلمے نال جنائیا۔ تیری االلہ رانی دا میَں ہانی، جوڑ سوہنا سوبھا پائیا۔ ساڈے پریم پیار مُحبّت دا بنے آبِ حیات پانی، جگت آب دی لوڑ رہے نہ رائیا۔ جگت نمازاں توں پرے دی سُن کہانی، کتھا اکتھ دیاں جنائیا۔ جے میَنوُں ایہو جیہی مِل جائے سوانی، سوہنا گھر دیاں سُہائیا۔ چؤداں طبقاں وِچ کھیل کراں مہانی، خالق خلق روُپ بدلائیا۔ تَینوُں پِھر خوشی نال دیواں پَیغامی، سندیسہ دُھردرگاہیِا۔ میَں سب دا انترجامی، انتریامتا دیاں دِرڑائیا۔ نالے کہاں میَں تے میری رانی دے حُکم نال گلوں لاہ دے غُلامی، شرع زنجِیر دے تُڑائیا۔ اوہ تکّ جلوہ عوامی، عوام وِچ میرا نوُر اِلاہیِا۔ ہُن میَتھوں جھلی نہیں جاندی بدنامی، بدی دا لیکھا دینا مُکائیا۔ کیوں میَں شہنشاہ سُلطانی، پاتشاہ اِک اکھوائیا۔ جِس نے کلمے اندر بھیجے کرِشنا رامی، رادھے سیِتا میرے ڈھولے گائیا۔ میَں بڑا گُن نِدھانی، گہر گمبھیِر اکھوائیا۔ میَں سب دی میٹنی بے اِیمانی، انتر انتر ویکھاں چائیں چائنیا۔ تُوں میرا حُکم مانی، میرے توں دوُر ہور خُدا نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، مالک دُھر دا اَنامی، اَنعام وِچ پَیغام اگلا دیاں سُنائیا۔
۲۸ پھگّن شہنشاہی سمت ۶ سنتا سِنگھ دے گرِہ پِنڈ بابوُ پُر ضِلع گُرداس پُر
نارد کہے انت ہونا پئے خانہ بدوش، گھرانہ نظر کوئے نہ آئیا۔ مان رہے نہ کایا ماٹی پوش، پُشت پناہ ہتّھ نہ کوئے رکھائیا۔ سب نے ہو جانا خاموش، خواہ مخواہ اپنا حُکم نہ کوئے ورتائیا۔ کِسے دا اندر کوتّ رہنا نہیں جوش، جوَاں مرد نہ کوئے اکھوائیا۔ سب دی ٹِکانے لاؤنی ہوش، ہوشیاریِاں نال پربھ اپنا حُکم ورتائیا۔ اندر پَیغمبرو ہونا پئے کلمہ فروش، فروخت کرو تھاؤں تھائنیا۔ نظری آئے روُ پوش، غِلاف اِنصاف وِچ دئے دُہائیا۔ پِچھلی رہے کوئی نہ سوچ، سمجھ اَگے دئے جنائیا۔ میری آشا کہِندی لوچ، ترِسنا دئے دُہائیا۔ کھیل ورتے دُھر دا کھؤنت، خصم نوُر اِلاہیِا۔ جِتھے کِسے دی نہیں کوئی پہنچ، اپنا بَل نہ کوئے وکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، جگت دی دھار میٹے ادؤت، عدالت عدل وِچ رہن موُل نہ پائیا۔
۲۸ پھگّن شہنشاہی سمت ۶ کرتار کؤر دے گرِہ پِنڈ بابوُ پُر ضِلع گُرداس پُر
نارد کہے میَں چؤداں طبق ویکھی اگمّی پؤن، پؤن پانی توں باہر نظری آئیا۔ میَں خوشی نال لگّا سؤن، آسن سِنگھاسن اِک وِچھائیا۔ میَنوُں جھٹ محمد لگّا ہِلاؤن، ہلوُنا اِک لگائیا۔ تُوں آیا ایتھے کؤن، کافر ڈیرہ لائیا۔ اُچی اُچی لگّا سناؤن، زور زور نال سُنائیا۔ میَں نیِویِں کر لئی دھؤن، اُچی اکھّ نہ موُل اُٹھائیا۔ ہتّھ مروڑ کے لگّا پچھتاؤن، پشچاتاپ وِچ سُنائیا۔ پِھر سہج نال کِہا محمدا جیہڑا دیِن دُنی لگّا بدلاؤن، دو جہان ویکھ وکھائیا۔ میَں اوس دا گاؤن والا گاؤن، ڈھولے صِفتاں والے سُنائیا۔ جِس نے رام روُپ ہو کے ماریا راؤن، راون دہسر دِتا ڈھاہیِا۔ کنس سِنگھاسن دِتا نہ سؤن، کاہن ہو کے لیکھا دِتا مُکائیا۔ اوہ میرا مالک کلجُگ وِچ سَتجُگ آیا لگاؤن، دھرم دا راہ اِک چلائیا۔ کوُڑی کِریا آیا ہٹاؤن، مایا ممتا موہ گوائیا۔ چار ورن اٹھاراں برن ہِندوُ مُسلم سِکھ عیِسائی اِکٹّھے آیا کراؤن، وڈّے چھوٹے امیِر غریِب اعلیٰ ادنیٰ اِکو گھر بہائیا۔ سچ پیار دی بھگتی آیا سمجھاؤن، بھگوَن اپنی دَیا کمائیا۔ جُگ جنم دے وِچھڑیاں آیا مِلاؤن، میلا ہرِ جگدیِش کرائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، جُگ جنم دے اُجڑیاں سچکھنڈ دوار آیا وساؤن، درگاہ ساچی سچ گھر بہائیا۔
۲۸ پھگّن شہنشاہی سمت ۶ ہزارا سِنگھ دلیِپ سِنگھ دے گرِہ پِنڈ بابوُپُر ضِلع گُرداس پُر
نارد کہے محمد حُکم سُنّ اگمّ رحیما، رحمان رہیا دِرڑائیا۔ سندیسہ دیوے اوہ خُداوَند کریِما، پَیغام نوُر الاہیِا۔ سب دا حق حقوق جانا چھیِنا، شہنشاہ نظر کوئے نہ آئیا۔ جِس کھیل کرنا اُتے زمیِنا، ضامنی سب دی دئے مُکائیا۔ اُمت اُمتی ہونی غمگینا، غم خوار غمی نہ کوئے گوائیا۔ دُلدُلاں اُتے رہے کوئے نہ زیِنہ، زیب و زینت نظر کوئے نہ آئیا۔ انت سب نوُں کہنا پئے آمیِنا، بِن سجدیاں توں سیِس جھُکائیا۔ جِس نے تُہاڈی بدل دینی تعلیما، تابعداری وِچ نظر کوئے نہ آئیا۔ اوہ مالک عالیشان عظیِما، عالی جاہ بےپرواہیِا۔
اوہ جِس نے لیکھا مُکاؤنا مکّہ مدیِنہ، کعبیاں توں باہر اپنا حُکم ورتائیا۔ دھرتی دا صاف کرنا سیِنہ، سیِنہ بسیِنہ اپنا حُکم چلائیا۔ چؤداں طبق ہونے اَدھیِنا، سِر سکے نہ کوئے اُٹھائیا۔ اوہ تکّ صدی چؤدھویں دا انت سماں ہوئے غنیِما، غنیِمت وِچ اپنا کھیل کھِلائیا۔ جو مالک آد دا آد قدیِمہ، قُدرت دا قادر نوُر الاہیِا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، درگاہ ساچی درمزوشے مُزیئز از اپنا حُکم ورتائیا۔ نارد کہے میَں سُنیا پَیغام پیچیدہ، بےزباں دِتا دِرڑائیا۔ راز ویکھیا پوشیدہ، باطن پڑدا دِتا کُھلائیا۔ اِشارہ کیِتا آہ ویکھ محمد دیِاں اُمیِداں، آمد وِچ بَیٹھا راہ تکائیا۔ راہ تکے نال اگمّی دیدہ، دیدہ دانِستہ دھیان لگائیا۔ جِس حُکم دے نال کلمہ جنایا -------------مجلس حرف حروُف والی بنائیا۔ شرع دی کیِتی تمہیِدا، بےخبراں خبر دِرڑائیا۔ پیار بخشیا عزیزا، رحمت وِچ سمائیا۔ حق دی دے تمیِزا، طمع دِتی مِٹائیا۔ ذرا اُس نوُں تکّ لا کے نیجھا، محمد بِن اکھّاں توں اکھّ اُٹھائیا۔ کِسے دے کول درگاہ والا نہیں ویِزا، وُضوُ کیتےِ کمّ کِسے نہ آئیا۔ حقیِقت دی جانے کوئے نہ عیِدا، عیداُلفِطر دئے گواہیِا۔ سب نوُں غفلت وِچ آئی نیِندا، بے داری وِچ لئے نہ کوئے انگڑائیا۔ اوہ ویکھ شہادت دیندے حسن حُسیَن جو ہوئے شہیدا، کربلے والے روون مارن دھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا پردہ آپ چُکائیا۔ نارد کہے میَنوُں آؤندی دُھر دی ہدایت، حدوُداں توں باہر جنائیا۔ حضرت ویکھ شرع والی شرائط، شریِعت کی سمجھائیا۔ اوہ تکّ جو کلمہ ہویا عنایت، بخشش رحمت تیری جھولی پائیا۔ اُس نے کِس دی کیِتی سمائت، سمیں نال دے دِرڑائیا۔ کِس دے وِچ اِشاعت، اِشارہ کر دُھردرگاہیِا۔ صدی چؤدھویں کِس بِدھ ہوئے رِعیت، رحمت تیرے اُتے کمائیا۔ محمد کِہا ایہہ حُکم اِکو واحد، خالق خلق رہیا دِرڑائیا۔ جِس دا فرمانا میرے اُتے ہویا عائد، آد دا مالک اِک اکھوائیا۔ اوہ بخشش کرے شاید، مِہربان مِہر نظر اُٹھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، سَت دی دھار کھیل مُشاہد، مشورہ مُشاعریاں وِچ کدے نہ لیائیا۔
۲۹ پھگّن شہنشاہی سمت ۶ کِشن سِنگھ دے گرِہ پِنڈ اَلھڑ پِنڈی ضِلع گُرداس پُر
نارد کہے بھگتو ویکھو میرا گُن، گُنی نِدھان بن کے گیا آئیا۔ میرا شبد لؤ سُن، انسُنت دیاں جنائیا۔ سُنو انادی دُھن، انراگی راگ اُپجائیا۔ کُچھ میَنوُں دان کرو پُنّ، پوُرن برہم دیاں سمجھائیا۔ میَنوُں اِیوں جاپدا تُہانوُں پربھ نے لیا چُن، چونوے گُرمُکھ ڈیرہ لائیا۔ میَں وی بڑا پُرانا مُن، مُنیِشر بےپرواہیِا۔ تُسیِں سارے دسّو ربّ نیڑے کہ گھسُن، ویروا سب نے دینا سُنائیا۔ او تُسیں اُس پرماتما نوُں منّدے جیہڑا بھواوے وِچ لکھّ چؤراسی جوُن، چارے کھانیِاں وِچ بھوائیا۔ میرے کول پریم پیار دی پؤن، ہُلارا سب نوُں دیاں وکھائیا۔ میَں پیار وِچ سب نوُں دینا سؤن، سُکھ آسن اُتے ٹِکائیا۔ تُسیں میرے ساتھی بنے میَں تُہانوُں آیا جگاؤن، ہمساجن اپنے نال رلائیا۔ دسّو تُہاڈے وِچوں پربھوُ نوُں چھڈیگا کؤن، جِس چھڈ دینا اوہ باہواں دیؤ اُٹھائیا۔ پھیر آکڑ نال پِھرو اُچی کرکے دھؤن، تُہانوُں وِکار وِچوں روکن والا نظر کوئے نہ آئیا۔ گاں سوُر نوُں پریم نال چھکو تے تیار ہووو واسطے چھکؤن، شکوہ اندر رہے نہ رائیا۔ تُہانوُں کی لوڑ پئی اے اُس پربھوُ دے گاؤ گاؤن، جیہڑا جگ نیتراں نال ویکھن کوئے نہ پائیا۔ میرے ولّ تکو میَں تُہانوُں اپنے کولوں سب کُچھ آیا دواؤن، دیونہارا بن کے چائیں چائنیا۔ جگت بھےَ وِچوں آیا کڈھاؤن، اوتار پَیغمبر گُروُ دا ڈر رہے نہ رائیا۔ میَں اِکو سِکھیا آیا پڑھاؤن، پُستک ہتّھ نہ کوئے اُٹھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ نارد کہے اوہ تکو جُلاہا آوے نسّیا، کبیِر واہو داہیِا۔ میَں اوہنوُں ویکھ کے کھِڑ کھِڑا کے ہسّیا، تالی ہتّھاں والی وجائیا۔ اِشارہ کیِتا جا ویکھ اپنی اندھیری مسّیا، تیرے رام دا چنّ نظر کوئے نہ آئیا۔ اکھّراں والے ویکھ جسیا، صِفتاں والی صِفت وڈیائیا۔ تیرا پربھوُ کِسے دے نہیں اندر وسیا، جِس دے اَگے واسطے پا پا کے اپنا جنم گیا گوائیا۔ اوہ تکّ اِک ہور کھیل ہوڑا اُپر سسّیا، سمجھ توں پرے سمجھ جنائیا۔ ہاہے دی ٹِپی دا لیکھ کِسے نہ لِکھیا، لیکھک کاتب چلے نہ کوئے چتُرائیا۔ کلجُگ چار کُنٹ پِھرے نَٹھیا، بھجےّ واہو داہیِا۔ جھٹ بودی تے ہتّھ مار کہے آہ ویکھ کلجُگ انت سب دا انت اَخیِری پٹیا، جو پٹنے والا اپنے ہتّھ رکھائیا۔ جِنہاں دیِن دُنی نوُں زیِرو کرنا زیِرو نال بٹیا، زیِرو دا زیِرو روُپ سمائیا۔ اوہ ویکھ مات لوک وِچوں سب دا نام کٹیا، اَگے داخلہ ہتّھ نہ کِسے پھڑائیا۔ جیہڑا کھادھا سوُر گاں تے وچھّا کٹیا، کٹ کٹ کے سب دے
حِصّے دھرم رائے ہتّھ پھڑائیا۔ کِسے دی قیِمت نہیں پَینی پَیسا دھیلا ٹکیا، امُل مُل نہ کوئے رکھائیا۔ کبیِرا اوہ تکّ لےَ سب دا چیِتھڑ پُرانا پھٹیا، پھٹّیاں اُتے لیٹی دِسے لوکائیا۔ میَں جگت جہان دی حد ٹپّیا، ٹاپوُآں توں باہر ڈیرہ لائیا۔ میَں اِدھر تکیا اُدھر تکیا جگت جہان وِچوں بھگتاں نے کھہڑا چھڈ دِتا پتّھر وٹّیا، جیہڑے پِچھلے بھگت آسا رکھ کے گئے اوہ آسا دِتی بدلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ نارد کہے جن بھگتو میرا نام جپو ساہ ساہ، صاحِب میَں اِکو نظری آئیا۔ جے چاہوگے گنگا گوداوری جمنا سُرستی نال دیاں پرنا، جو پرنام کرکے میَنوُں جھٹ لنگھائیا۔ میَں سمرتھ پِچھلے بخش دیاں گا گُناہ، گُناہ گار نہ کوئے اکھوائیا۔ میَں سرِشٹی کر دیاں فنا، فناہ فی االلہ ہوئے لوکائیا۔ چؤراسی لکھّ کراں سواہ، دھوُڑی سب دی دیاں اُڈائیا۔ میرا اِکو اِک گواہ، جو شہادت دئے بُھگتائیا۔ کھیل کرے تھاؤں تھاں، تھان تھننتر اپنا حُکم ورتائیا۔ میری کرائے واہ واہ، واہ واہ ہووے وڈ وڈیائیا۔ میَں پِھراں جل اسگاہ، تھلاں وِچ ڈیرہ لائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا پڑدا آپ چُکائیا۔ کبیِر کہے سُن مُنی ناردا، نرد پُٹھی سِدھی ویکھ وکھائیا۔ اؤہ تکّ کھیل شبد سار دا، جِس دی سار کِسے نہ آئیا۔ جو مالک آر پار دا، پاربرہم نوُر الاہیِا۔ جن بھگتاں پِھرے تاردا، تارنہار اپنے ہتّھ رکھے وڈیائیا۔ جِس بھےَ چُکایا پَیغمبر گُر اوتار دا، بھؤ رہن کوئے نہ پائیا۔ اوہ بھگت جن تَینوُں کلجُگ انت کدے نہیں نِمسکار دا، بھاویں کِتنی دے مان وڈیائیا۔ اوہناں ستھر ہنڈھایا اِکو اگمّی یار دا، یارانہ یرانے نال رکھائیا۔ ایہہ کھیل اگمّ اتھاہ اُس سچّی سرکار دا، جو شاہ پاتشاہ شہنشاہ اِک اکھوائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا میلا لئے مِلائیا۔ نارد کہے جن بھگتو تُسیں کیوں نہیں کیِتی ہاں، میری ہاں وِچ ہاں مِلائیا۔ کیوں نہیں اُٹھائی بانہہ، ناتا پربھ دے نالوں تُڑائیا۔ میَں تُہاڈے گُن گاں، تُسیں کیوں نہیں گا کے اپنی خوشی بنائیا۔ میرا جی کردا میَں پربھ نالوں سب نوُں دیاں بُھلا، مِلیا نظر کوئے نہ آئیا۔ جے تُسیں میَنوُں ہسّ کے اِک وار لؤ بُلا، بُلھے توں پرے کی منزل دیاں سمجھائیا۔ ویکھیو اپنا جنم ایَویں نہ لِؤ رُلا، کھانا پیِنا چھڈ کے پُرکھ اکال وِچ سمائیا۔ تُسیں میرے نال کر لؤ صُلح، صُلح کُل میَں اِکو نوُر اِلاہیِا۔ تُسیں یاد رکھو میَں فتُور پا دینا وِچ قاضی مُلّا، مُلّانے دینے رُلائیا۔ میَں بھوَر نہیں رہن دینے اُتے پُھلاں، سُگندھی نظر کوئے نہ آئیا۔ میَں کِسے گھر اگّ نہیں بلن دینی
چُلھا، چاروں کُنٹ اگنی دینی لگائیا۔ نام دا کِسے کول رہن نہیں دینا تُلہا، وَنجھ مُہانا ساتھ نہ کوئے وکھائیا۔ اِکو دوار وکھاؤنا کُھلا، جِتھے خلق بَیٹھی سوبھا پائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ سوامی بےپرواہیِا۔ کبیِر کہے ناردا نہ دے جھانسے، اپنا آپ بدلائیا۔ ایہہ اُس پربھ دے پیار وِچ پھانسے، جیہڑا جم کی پھاسی دئے کٹائیا۔ ایہناں دے اندر نِرگُن دھار رکھے واسے، واسطہ اپنے نال رکھائیا۔ تُوں نہیں جان دا اِنہاں دے جیِون دے خلاصے، کتھنی توں باہر اِنہاں دی صِفت صالاحیِا۔ ایہہ بِنا پُرکھ اکال توں تیرے ورگے پنڈتاں نوُں کدے نہیں ٹیکدے ماتھے، سیِس نہ کدے نِوائیا۔ وِکدے نہیں لالچ لوبھ والے ہاٹے، گنگا گوداوری جمنا سُرستی دی لوڑ نہ کوئے رکھائیا۔ اِنہاں بنایا نال پربھوُ دے ساتھے، جو ہر ہِردے وِچ سمائیا۔ تیرے مکر وِچ کوئے نہ پھانسے، بندھن تیرا کمّ کِسے نہ آئیا۔ نارد بِنا تالی توں کیتے ہاسے، ہسّ کے دِتا جنائیا۔ میَں وی دیواں ایہناں نوُں شاباشے، جیہڑے اِکو اوٹ رکھ کے پربھ ساچے نوُں سیِس نِوائیا۔ کبیِر نے مستک رکھیا اپنے ہاتھے، اُنگلاں تِنّ نال چُھہائیا۔ نِمسکار کیِتی پُرکھ ابناشے، سیِس جگدیِش دِتا نِوائیا۔ پھیر کھیل دسّیا آکاشے، کی کرتا کار کمائیا۔ ناردا جِنہاں دے اندر انتر دِتا وِشواسے، وِشوَ دا میلا میلیا سہج سُبھائیا۔ سو پُرکھ اکالا دیِن دَیالا نِرگُن دھار جوتی جاتا ہو پرکاشے، پرکاَشوان اِک اکھوائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، دیونہارا کھیل تماشے، تماشبیِن بےپرواہیِا۔
۲۹ پھگّن شہنشاہی سمت ۶ بیِبی دھیانو دے گرِہ پِنڈ اَلھڑ پِنڈی ضِلع گُرداس پُر
نارد کہے میَنوُں پَیغمبراں کِہا کھودا، خود مُکھ داہڑی نہ کوئے رکھائیا۔ میَں ہِلا کے اپنا بودا، ہوا سب نوُں دِتی لگائیا۔ نالے کہے ویکھو میَں کِڈا یودھا، چار جُگ دا نظری آئیا۔ جِس نے اپنا آپ سودھا، سودھ سادھ کے پربھ دے نال رکھائیا۔ میرے کول اِک اگمّی بوجھا، جِس نوُں جیب کہے لوکائیا۔ پَیغمبرو میَں تُہاڈا بند کیِتا اوہدے وِچ روزہ، نماز بغل وِچ ٹِکائیا۔ میرا ویکھیو ہور اگمّی معجزا، معجز ہو کے دیاں وکھائیا۔ کلجُگ انت پُرکھ اکال اِکو بھگتاں نوُں دینی سوبھا، صحبت اپنے نال رکھائیا۔ باقی سب
نوُں دیِن مذہب دا دے کے لوبھا، لالچ وِچ دینا پھسائیا۔ اِکو وار چؤدس چند دا چؤدھویِں صدی لاؤنا گوڈا، گھُٹنے سب دے دئے نِوائیا۔ میرا مُکھ نہ جانیو روڈا، مذہباں دی روڈ تے چلن والیو تُہانوُں دیاں جنائیا۔ شرع دی موری تکو کھوڈا، خود اپنا دھیان اُٹھائیا۔ جِس کھیل کھِلایا ویدی سوڈھا، سوڈھ بنس رنگ رنگائیا۔ اُس اگمّی اپنا اوڈھن اوڈھا، جِس دی سمجھ کوئے نہ پائیا۔ اُس نے سب دا بدل دینا موڈھا، مذہباں بھار نہ کوئے اُٹھائیا۔ اِکو ہونا بھگتاں جوگا، جُگیِشراں پندھ مُکائیا۔ ساڈھے تِنّ ہتّھ دا پہن کے چوغہ، سمبل اپنا دیس وڈیائیا۔ کلجُگ کوُڑی کِریا میٹے روگا، روگیِاں روگ گوائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، ہرِجن پار کرائے کملا کوجھا، مِہر نظر اِک اُٹھائیا۔
۲۹ پھگّن شہنشاہی سمت ۶ بیِبی چرنو دے گرِہ پِنڈ اَلھڑ پِنڈی ضِلع گُرداس پُر
نارد کہے میَنوُں پَیغمبراں ماریِاں ہاکاں، زور زور نال سُنائیا۔ میَں ہسّ کے کِہا کی کہندے ہو کاکا، کاکیو دیؤ سُنائیا۔ میَنوُں سچ دسّو کیوں تُہاڈی اُمت منایا جھاٹا، سیِس پت گوائیا۔ کیوں مِٹّی دی کنالی وِچ گُنیا آٹا، پڑدا دیؤ اُٹھائیا۔ کیوں کلمہ گایا نال صفاتا، صِفتاں وِچ وڈیائیا۔ کیوں الف یے بنایا خلاصہ، خود دیؤ سُنائیا۔ کیوں نہ چنگیِاں لگّیِاں پیَندیِاں راساں، گوپی کاہن ویکھ وکھائیا۔ تُہاڈیِاں کیہڑیِاں لمیاں آساں، میَنوُں دیؤ سمجھائیا۔ اوہ ویکھو تُہاڈیِاں پوُریِاں ہو گئیاں خواہشاں، تمنّا رہی نہ رائیا۔ دیِناں مذہباں دیِاں کٹیِاں جانیاں شاخاں، شناخت کرے دُھردرگاہیِا۔ میَں اِکو بچن سندیسہ آکھاں، آکھ کے دیاں دِرڑائیا۔ سارے کھول کے ویکھو تاکا، پڑدا اوہلا رہے نہ رائیا۔ انتم کھیل کرے پُرکھ ابناشا، ابناشی اپنی کار کمائیا۔ صدی چؤدھویں سب دا ہووے بند خلاصا، بندیخانے دئے تُڑائیا۔ میَنوُں میرے صاحِب اُتے بھرواسا، بھرم بھیوَ نہ کوئے رکھائیا۔ جِس دا بنیا داسی داسا، سیوک ہو کے سیو کمائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، دیِن دُنی دا بدل دیوے پاسا، پیشیِنگوئی چِہ میگوئی سب دی ویکھ وکھائیا۔
۲۹ پھگّن شہنشاہی سمت ۶ بیِبی جیِتو گرِہ پِنڈ اَلھڑ پِنڈی ضِلع گُرداس پُر
نارد کہے چؤداں طبقاں توں باہر میَنوُں مِل گئی الف یے، دوویں بھجّن واہو داہیِا۔ اِک دو سِمتاں تکیاں پھیر کہن سے، تیجی اکھّ کُھلائیا۔ چؤتھا پد کہن کیہڑا وِچ دیہہ، تن وجوُد سوبھا پائیا۔ کِس پَیغمبر نال نینہ، مُحبّت کوَن رکھائیا۔ نارد کہے میَں اوہناں نوُں ہسّ کے کِہا کملیا ایہہ کھیل ساری ہون والی کھیہہ، خاک پنج تت نظر کوئے نہ آئیا۔ اوہ ویکھو اَگے بے، بے بے تُہاڈی دُھر دی مائیا۔ اوہ تکو اَگے کھیل پے، پِتا پُرکھ اکال دُھر دا ماہیِا۔ اوہ جانو اَگے تے، تختہ زِمیں اسمان اُلٹائیا۔ اوہ سمجھو اَگے ٹے، ٹال مٹول کرن والا اَگے رہن کوئے نہ پائیا۔ اوہ ویکھو کھے دی ثے، ثابت صبر صبوُری والا دِس کوئے نہ آئیا۔ نارد کہے میَنوُں دوہاں کِہا براہمنا وے، ایہہ کی رہیا سُنائیا۔ اوہ تکّ لےَ ساڈی جے، جگت بندھنا وِچ بندھائیا۔ جیم دے نال تکّ لےَ چے، چاروں کُنٹ پئے دُہائیا۔ اوہ ویکھ اگمّی خے، خالق خلق رہیا درسائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا پردہ آپ چُکائیا۔ نارد کہے میَں کِہا نی تکّ لؤ اپنا دال، دلِدر ویکھو جگت لوکائیا۔ ویکھو اپنا ڈال، پتّ ٹہنی سوبھا کوئے نہ پائیا۔ ویکھو اپنا ذال، ذرّہ ذرّہ رہیا کُرلائیا۔ رے تکو کی کہہ رہی کمال، کوُک کوُک سُنائیا۔ ڑے کہے ڑاڑ مِٹے نہ جگت جہان، دیِن دُنی رووے مارے دھائیا۔ زے کہے سب دا آؤنا زوال، ظاہر ظہوُر حُکم ورتائیا۔ جے کہے جبر ظُلم دے زیز عِزتے چؤداں طبقاں توں باہر، سبق عِلم عالم نہ کوئے جنائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، ہرِ کرتا اگمّ اتھاہیِا۔ نارد کہے میَں تکیا روُپ سین، ترےَ تریَلوکی مُکھ اُٹھائیا۔ کھیل ویکھیا شیِن، شمع نوُر چشم رُشنائیا۔ نِگاہ ماری تکیا سواد، صبر روُپ نہ کوئے درسائیا۔ پڑدا لاہیِا ضواد، ضابطے وِچ نہ کوئے لوکائیا۔ طوئے یکطرف ہویا نِقاب، پردہ دِتا اُٹھائیا۔ ظوئے ظالم کوُڑ توں دِتا زوال، اعظم عالیشان دِتا دِرڑائیا۔ عین اکھّ کُھلی پڑھی اگمّی کِتاب، جِس دا حرف حروُف نظر کوئے نہ آئیا۔ غیَن غضب دا ویکھیا محراب، جِتھے کھیل بےپرواہیِا۔ فے دا فِکر ہویا انت سب نوُں مِلنا عذاب، بچیا رہن کوئے نہ پائیا۔ قاف قاتل مقتُول دا پوُرا ہونا حِساب، دو جہان لیکھا چُکے تھاؤں تھائنیا۔ کیف کرم دا ویکھنا بھاگ، پردہ پردیاں وِچوں اُٹھائیا۔ گاف گداگر ہونے سرب جو شہنشاہ عالی جاہ جناب، آبروُ مان جگت گوائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا
ہرِ، سچ دا حُکم اِک ورتائیا۔ نارد کہے میَں اَگے ہویا میَنوُں مِل گئی لام، لما چؤڑا روُپ بنائیا۔ میَں ہسّ کے کِہا میِم دا مضموُن نہیں رہنا کلام، کائنات نہ کوئے چتُرائیا۔ نوُن دا نُقطہ نہیں رہنا نِشان، نِشانے سب دے دئے بدلائیا۔ وا واسطے پاوے پیِر پَیغمبر درگاہ ساچی بن غُلام، سجدیاں وِچ سیِس جھُکائیا۔ ہے ہتّھ جوڑ کرن پرنام، نِیوں نِیوں سیِس جھُکائیا۔ حمزے دا کِسے اُتے ہونا نہیں اِحسان، آشا سب دی ویکھ وکھائیا۔ یے یاد کر لےَ یک دا حُکم ہونا واحد دا کلمہ ہونا سُننا عوام، عام دا جھگڑا دئے مُکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا مارگ اِک سمجھائیا۔ نارد کہے چؤداں طبقاں توں باہر وِدیا پڑھی انوکھی، الف یے نہ کوئے سمجھائیا۔ جِس دا لیکھ لِکھیا نہیں وِچ کِسے پوتھی، پُستک گرنتھ نہ کوئے دِرڑائیا۔ جِس دی منزل جانے کوئے نہ چوٹی، جڑ ویکھن کوئے نہ پائیا۔ اُس میری آسا اُٹھائی سوتی، ہلوُنا دِتا لگائیا۔ چپیڑ مار کے کِہا ناردا جا ویکھ اگمّی جوتی، جوتی جاتا دُھردرگاہیِا۔ سمبل بَیٹھا اپنی کوٹھی، سچ دوارے نظری آئیا۔ نارد کہے میَں اُنگل رکھ لئی اپنی اُپر ٹھوڈی، سوچاں وِچ اپنا آپ ڈُبائیا۔ پھیر ہو گیا بھار گوڈیِں، چاروں کُنٹ ویکھ وکھائیا۔ پھیر میَں کُل تکاں ویدی تے سوڈھی، جِتھے نانک گوبِند روُپ گیا بدلائیا۔ جھٹ دُھر دے شبد نے میَنوُں دِتی سوجھی، سمجھ دِتی دِرڑائیا۔ براہمنا پہلوں ہتّھ پھیر اپنی بودی، اُنگلاں اکھّاں نال چُھہائیا۔ نِگاہ مار تکّ لےَ ٹھاکر مؤجی، جو مجلس بھگتاں نال رکھائیا۔ اوہ آد انت دا بودھی، بُدھی توں پرے کرے پڑھائیا۔ اوہ آتم برہم دا دھوبی، دُرمت میَل دئے دھوائیا۔ ہؤمے کٹے روگی، ممتا موہ چُکائیا۔ آتما پرماتما دا بنے سنجوگی، سچ دا میلا لئے مِلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، جُگ چؤکڑی نِرگُن سرگُن سرگُن نِرگُن اپنی سرِشٹی درِشٹی وِچوں آپے جائے سودھی، سُدھ شُدھ شُدھی وِچ آپ کرائیا۔
۳۰ پّھگُن شہنشاہی سمت ۶ بیِبی دیِپو دے گرِہ پِنڈ دوست پُر ضِلع گُرداس پُر
نارد کہے پَیغمبر ویکھو خُدا بڑا قانوُنی، قاعدہ باقاعدہ اپنا حُکم ورتائیا۔ تُہانوُں دسّ کے حرفاں والی مضموُنی، مجموُا اپنا دِتا جنائیا۔ کھیل کھِلا کے اِک توں دوُنی، ایکا دوُآ ونڈ ونڈائیا۔ رسنا زبان دی بدل کے کوُنی، حد حدوُد دِتی ونڈائیا۔ سنسار لالچ بخشیا بیروُنی، برہم دا پڑدا رکھیا چُھپائیا۔ بھیوَ دسےّ نہ کِسے اندروُنی، انتشکرن نہ کوئے چتُرائیا۔ اوہ تکو جِس کؤرو پانڈو اٹھاراں بھرائے اکشوُنی، اِک کشوُنی اٹھائی لکھّ جنائیا۔ اُس دی کھیل اگمّی ہونی، ہونی اپنے حُکم اندر بھوائیا۔ سُکھ دی نیند کِسے نہ سؤنی، سُکھ آسن جگت دیوے تجائیا۔ شانت آوے نہ کِسے پاؤنی، پوَن پانی اگّ نہ کوئے بُجھائیا۔ جِس نے سب دی پت گواؤنی، پت پرمیشور دُھردرگاہیِا۔ جن بھگتاں سوئی سُرت جگاؤنی، سُتیاں لئے اُٹھائیا۔ دیِن دُنی کوُڑ کلپنا وِچ رواؤنی، روُح بُت کرے نہ کوئے صفائیا۔ صدی چؤدھویں کھیل ورتاؤنی، چاروں کُنٹ پئے دُہائیا۔ اگمّی کھیل آپ کھِلاؤنی، خالق خلق دَیا کمائیا۔ سچ دسّاں جوتی دھار اِک پرگٹاؤنی، پرگٹ ہووے دُھر دا ماہیِا۔ پِچھلی کیِتی ساری ڈھاہُنی، اَگے اپنا حُکم ورتائیا۔ مایا ممتا وِچ سرِشٹی سرب ترساؤنی، دھیِرج دھیِر نہ کوئے دھرائیا۔ شبد ہلوُنے نال کائنات کلمیاں والی آپ اُٹھاؤنی، کعبیاں دئے ہِلائیا۔ شرع دی شرع نال پائے اڑاؤنی، اَگے کرے نہ کوئے صفائیا۔ االلہ رام رام االلہ نال لڑاؤنی، لڑ سکے نہ کوئے بندھائیا۔ خُدا گاڈ ونڈ ونڈاؤنی، گائیڈ نظر کوئے نہ آئیا۔ شبد راڈ اِک اُٹھاؤنی، چاروں کُنٹ دئے وکھائیا۔ تُہاڈی کیِتی پَیغمبرو اپنے لیکھے پاؤنی، پروردِگار اپنے وِچ سمائیا۔ سَتجُگ دی دھار سچ چلاؤنی، چال نِرالی اِک جنائیا۔ آتم پرماتم دھار درساؤنی، درس دیِد دئے کرائیا۔ سچ نوُر جوت چمکاؤنی، چمک احمقاں وِچ چمکائیا۔ حُکم دی حُکم نال بدلی کراؤنی، بدلا چُکے تھاؤں تھائنیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، ساچی سِکھیا اِک سمجھاؤنی، ساکھیات ہو کے کرے اگمّ پڑھائیا۔