کتب خانہGranth 22 (Shahmukhi)

۲۳ چیت شہنشاہی سمت ۷ ہربنس سِنگھ دے گرِہ گُڑگاؤں شہر

دیپک کہن پربھ میٹ اندھیرا اندھ، جن بھگتاں انتر کر رُشنائیا۔ جوتی نوُر چمکا چند، بِن سوُریہ چند کر رُشنائیا۔ آتم پرماتم دے انند، انند انند وِچوں پرگٹائیا۔ بھیوَ کُھلا دے برہم ہنگ، پردہ اوہلا رہے نہ رائیا۔ ہرکھ سوگ مِٹا دے غم، چِنتا چِکھا نہ کوئے جلائیا۔ بھاگ لگا دے کایا ماٹی چمّ، چمّ درِشٹی دے بدلائیا۔ ممتا موہ کوُڑ مِٹا طم، ترِسنا ترِکھا دینی گوائیا۔ نام نِدھان سُناؤنا بِن کنّ، شبد انادی ناد پرگٹائیا۔ مانَس جنم بیڑا دینا بنّھ، بنھنہار دَیا کمائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، گرِہ تیرے سیِس نِوائیا۔ دیِپک کہن پربھ میٹ اندھیری رَین، ان دِن اپنی دَیا کمائیا۔ جن بھگتاں بخش اپنا نِج نیَن، دِب نیتر کر رُشنائیا۔ نِرگُن بن ساک سیَن، سرگُن سجّن اِک اکھوائیا۔ سنت سُہیلا رہے نہ کوئے طرفَین، ترےَگُن مایا ڈیرہ ڈھائیا۔ سارے تیرا نام نِدھانا لیَن، تُوں میرا میَں تیرا ڈھولا گائیا۔ صِفت وڈیائی تیری کہن، ساہ ساہ تیرے وِچ سمائیا۔ جوتی جوت

سروُپ ہرِ، آپ اپنی کِرپا کر، ایکا دینا ساچا، ور، سچ دے مالک ہونا سہائیا۔ دیِپک کہن پربھ انتر کردے اپنی کِرپا، کِرپال دَیال دَیا کمائیا۔ جن بھگتاں کلجُگ پوہ نہ سکے بِپتا، وِپریِت دا لیکھا دینا مُکائیا۔ سب نوُں اِشٹ جنا دے اِک دا، ایکنکار ہو سہائیا۔ چار ورن روُپ بنا سِکھ دا، کھتری براہمن شوُدر وَیش ونڈ نہ کوئے ونڈائیا۔ سَتگُر شبد شبدی دھار تیری مہما ہووے لِکھدا، لیکھ کاتب تیرے ہتّھ وڈیائیا۔ لہنا دینا پوُرا کردے اوتار پَیغمبر گُروُ بھوِکھ دا، پشینگوئیاں جو پیشتر تیریِاں گئے سُنائیا۔ تیرا کھیل آد جُگاد نِت دا، جُگ جُگ اپنا ویس وٹائیا۔ انت لیکھا ویکھ مِت دا، مِتر پیارے اپنی دَیا کمائیا۔ تیرا روُپ انوُپ دُھردرگاہی پِت دا، پت پرمیشور اِک اکھوائیا۔ دو جہان نؤجوان نِرگُن دھار سرگُن تیرا روُپ دِسدا، دوُسر نظر کوئے نہ آئیا۔ من وِکار پوِتر کر دے بھریا وِس دا، امرت رس بِن رسنا دے چکھائیا۔ اِکو جَیکارا ہووے نؤ کھنڈ تیرے جس دا، صِفتاں وِچ گائے خلق خُدائیا۔ تیرا میل ہووے اگمّی اکھّ دا، لوچن اِکو اِک وڈیائیا۔ درشن دینا روُپ دھار سَتگُر پرتکھ دا، ساکھیات ہو کے نظری آئیا۔ جن بھگتاں وِچھوڑا رہن نہیں دینا وکھّ دا، آتم پرماتم پرماتم آتم میلنا سہج سُبھائیا۔ تیری سرن سرنائی جگت جہان ہووے ڈھٹّھدا، ٹِکاّ دھوُڑی خاک رمائیا۔ تُوں مالک گھٹ گھٹ دا، لکھّ چؤراسی رہیا سمائیا۔ اِکو کھیل کھِلا دے برہم مت دا، من مت دوُر کرائیا۔ دیِن مذہب پیاسا رہے نہ مانَس رتّ دا، شرع دی چُھری قاتل مقتُول دا روُپ نہ کوئے جنائیا۔ تیرا نام دو جہان آتم پرماتم ہووے رٹدا، رٹّا اوَر نہ کوئے وکھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، تیرا جوتی نوُر پرکاش ہووے لٹ لٹ دا، جگت جہان اندھ اندھیر دینا مِٹائیا۔

۲۵ چیت شہنشاہی سمت ۷ اوتار سِنگھ، گُردِت سِنگھ، کِرپا سِنگھ، محل سِنگھ، گُربچن سِنگھ، ستونت کؤر، بسنت کؤر سُکھدیو سِنگھ، موہن سِنگھ کادیِاں، امرت کؤر لکھنؤ، جُگِندر کؤر لکھنؤ، کان پُر شہر

دیپک کہن پربھ جن بھگتاں بُدھی کر بِبیک، دُرمت میَل انتر نِرنتر رہن کوئے نہ پائیا۔ پُرکھ اکالے دیِن دَیالے بخش اپنی ٹیک، پروردِگار سانجھے یار تیری اِک سرنائیا۔ ترےَگُن مایا پنج تت لگّے نہ سیک، اگنی اگّ نہ کوئے تپائیا۔ جنم کرم دی نِہکرمی بدل دے

ریکھ، رِکھی کیش گوردھن دھار تیرا رنگ رنگائیا۔ کِرپا نِدھان نؤجوان شبد اگمّی دے سندیس، سَت ستوادی برہم برہمادی اپنا نام دِرڑائیا۔ نوُر نوُرانے شاہ سُلطانے نِرگُن دسّ اپنا بھیکھ، مرد مردانے پڑدا دے چُکائیا۔ تُوں آد انت دا مالک ایک، ایکنکار تیرے ہتّھ وڈیائیا۔ شاہو بھوُپ شہنشاہ نر نریش، نر نرائن تیری اوٹ تکائیا۔ صدی چؤدھویں انت اَخیِر بے نظیِر لاشریِک کر ہیت، ہِتکاری ہو کے اپنا میل مِلائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ سوامی انترجامی گھٹ نِواسی پُرکھ ابناشی پردہ پردے وِچوں چُکائیا۔ دیِپک کہن پربھ جن بھگتاں کھول اگمّی اکھّ، بِن اکھّراں کر پڑھائیا۔ تیرا سَت سروُپ تکن پرتکھ، پاربرہم برہم میلا لیَنا مِلائیا۔ ناڑ بہتّر نہ اُبلے رتّ، رتّی رتّ اپنے لیکھے لائیا۔ تُوں سرب کلا سمرتھ، سمرتھ تیرے ہتّھ وڈیائیا۔ جو سرن سرنائی تیری جائے ڈھٹّھ، دھوُڑی مستک خاک رمائیا۔ اُس دے بھاگ لگاؤنا تت اٹّھ، اپ تیج وائے پرِتھمی آکاش من مت بُدھ اپنے رنگ رنگائیا۔ گھر مندر لیکھا وکھاؤنا تیِرتھ اٹھسٹھ، گنگا گوداوری جمنا سُرستی سچ سروور دینا نُہائیا۔ حق حقیِقی کعبہ محبوُب مُحبّت والا تیرا ہووے مٹھ، مِہربان مِہربان مِہربان مِہر نظر اُٹھائیا۔ سچ دوارا ایکنکارا اگمّا اِکو وکھاؤنا ہٹّ، جِتھے بِنا بھگتاں ونجارا نظر کوئے نہ آئیا۔ شبد اگمّی سُرت سوانی مار سٹّ، سوئی آتم پرماتم اپنے نال مِلائیا۔ کوُڑ کُکرم دا لیکھا دینا کٹ، کٹاکش وِچ اِکو تیِر انیالا دینا چلائیا۔ اؤہ ویکھ کلجُگ نوَ نؤ چار رہیا نَٹھ، دِوس رَین بھجےّ واہو داہیِا۔ بِن ہتّھاں تیرے اَگے جوڑے ہتّھ، نِیوں نِیوں لاگے پائنیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دوار ایکنکار در تیرے منگ منگائیا۔ دیِپک کہن پربھوُ تیرا کلجُگ سوُربیِر سُلطانا، ... ... ... ... ... ... ... بےپرواہیِا۔ جِس نے بدل دِتا زمانہ، زِمیں زماں رہے کُرلائیا۔ پِھری دروہی اُتے اسماناں، پَیغمبر ویکھن نیَن اُٹھائیا۔ جہالت ہوئی وِچ جہانا، جاگرت جوت نہ کوئے رُشنائیا۔ شبد سُنے نہ کوئے ترانہ، تُریا پد نہ کوئے سمائیا۔ من منوُآ ہویا شیَطانا، شرع شرع نال ٹکرائیا۔ سنت سُہیلا سوُربیِر رہیا نہ کوئے وِچ جہاناں، بھگت بھگوان مِلن کوئے نہ پائیا۔ چار کُنٹ دہ دِشا ہوئی حَیرانا، حَیرت وِچ سارے دین دُہائیا۔ پُرکھ اکالے دیِن دَیالے تیرا نظر نہ آئے سَت دھرم دا نِشانہ، کوُڑ ڈنک راؤ رنک سب دے اُتے رہیا وجائیا۔ آتم پرماتم پاربرہم برہم بُھلیا سب نوُں گانا، گاوت گا گا شُکر نہ کوئے منائیا۔ دیِپک کہن اسیں ویکھ ہوئے پریشانا، پشچاتاپ وِچ دئیے جنائیا۔ جوتی جوت سروُپ ہرِ،

آپ اپنی کِرپا کر، ایکا دینا ساچا ور، در ٹھانڈے منگ منگائیا۔ پُرکھ اکال کہے ویکھو کھیل دیِپک جوتی جاتے، ہرِ کرتا آپ کرائیا۔ جِس نے کلجُگ ویکھنے کھیل تماشے، نِرگُن سرگُن اپنا حُکم ورتائیا۔ منڈل منڈپ تکنی راسے، گوپی کاہن پڑدا آپ اُٹھائیا۔ کلجُگ ویکھے اندھیری راتے، صدی چؤدھویں دھیان رکھائیا۔ جو کُجھ ورتنا وِچ لوک ماتے، ماتر بھوُمی سب دی دئے گواہیِا۔ انتم چیِتھڑ سب دے ہونے پاٹے، اوڈھن سیِس نہ کوئے ٹِکائیا۔ کرم دھرم دے سب نوُں آؤنے گھاٹے، جنم وِچوں جنم نہ کوئے بدلائیا۔ سب دی مُکنی انتم واٹے، پاندھیِاں پندھ وِچ بھوائیا۔ بِستر سُکھ سیج ملِے کِسے نہ کھاٹے، کھٹیِا سنگ نہ کوئے رکھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا مالک اِک اکھوائیا۔ دیِپک کہن پربھوُ تیرا کھیل ہونا انڈِٹھ، جگ نیتر نظر کِسے نہ آئیا۔ تُوں مالک صاحِب سب دا پِت، پت پرمیشور دُھردرگاہیِا۔ کِرپا کر ایکنکار اِک، اِک اِکلّے واحد نوُر اِلاہیِا۔ جن بھگت سُہیلے سچ دوار بنا اپنے سِکھ، سِکھیا سچ نام دِرڑائیا۔ سب دا بدل دے بھوِکھ، بھوِش اپنے نال مِلائیا۔ آتم پرماتم کر ہِت، ہِتکاری ہو کے کھوج کھوجائیا۔ تیرا کھیل نِت نوِت، نِرگُن سرگُن ویس وٹائیا۔ کلجُگ انت لہنا دینا آپ نجِٹھ، دوُسر ہتّھ نہ کوئے پھڑائیا۔ جھگڑا مُکا دے پتّھر اِٹّ، ایکا اِشٹ دے سمجھائیا۔ منزل رہے نہ سَوا گِٹھ، میروُڈنڈ دا ڈیرہ ڈھاہیِا۔ پِھرنا پئے نہ ترےَکُٹی وِچ، اِیڑا پِنگل سُکھمن پندھ نہ کوئے جنائیا۔ من کلپنا دے جت، شبدی شبد شبد کر شنوائیا۔ تیریاں بھگتاں تیرا درشن ہووے نِت، نِج لوچن نیَن کر رُشنائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، دیونہار تیرے ہتّھ وڈیائیا۔ پُرکھ اکال کہے میَں دَیا کماواں گا۔ نِرگُن نوُر جوت رُشناواں گا۔ شبدی شبد ڈنک وجاواں گا۔ پُریاں لوآں کھوج کُھجاواں گا۔ برہمنڈاں کھنڈاں پڑدا لاہواں گا۔ جیرج انڈاں ویکھ وکھاواں گا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا میلا میل مِلاواں گا۔ سچ میل مِلاواں گا۔ دیِن دَیال ہو کے دَیا کماواں گا۔ لکھّ چؤراسی کھوج کُھجاواں گا۔ بھگت سُہیلے آپ اُٹھاواں گا۔ گُر چیلے جوڑ جُڑاواں گا۔ مُریِد مُرشد انگ لگاواں گا۔ نام مردنگ شبد سُناواں گا۔ برہمنڈ کھنڈ دا ڈیرہ ڈھاہواں گا۔ جیرج انڈ دا پندھ مُکاواں گا۔ سُرت شبد وِچ سماواں گا۔ نِجانند نند دِساواں گا۔ جوتی نوُر چند چمکاواں گا۔ کایا مندر اندر لنگھ، سَت سروُپی درس دِکھاواں گا۔ سب دی آسا منسا پوُری کرکے منگ، جگت ترِسنا بُھکھ مِٹاواں گا۔ آتم ہون نہ دیواں

رنڈ، پربھ کنت سُہاگی ہو کے آپ پرناواں گا۔ تُوں میرا میَں تیرا نِرگُن نِرگُن دسّ کے چھند، پرمانند وِچ ٹِکاواں گا۔ جنم جنم دی کرم کرم دی ٹُٹی گنڈھ، گنڈھنہار گوپال سوامی اِک اکھواواں گا۔ بِن سوُریہ چند چاڑھ کے چند، گرِہ مندر اِک رُشناواں گا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دوار اِک سُہاواں گا۔ سچ دوار اِک سُہائیگا۔ سچکھنڈ پڑدا آپ اُٹھائیگا۔ نِرگُن دیِا جوتی جاتا آپ جگائیگا۔ جن بھگتاں اپنے مِلن دا دسّ کے ہیِا، منزل پَینڈا پندھ مُکائیگا۔ لیکھے لا کے ساڈھے تِنّ ہتّھ سیِنیا، سمبل اپنا گھر دِرڑائیگا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، آد جُگاد جُگ چؤکڑی نِت نوِت آپے جانے اپنا کیِا، کرنہار سمرتھ اکتھ کتھنی وِچ کدے نہ آئیگا۔

۲۷ چیت شہنشاہی سمت ۷ دیودت دے نوِت پٹنے شہر

دیپک کہن پربھ ساڈی نمو نمو نِمسکار، ڈنڈاوت بندنا وِچ سیِس نِوائیا۔ اسیں جگدے رہے سدا جُگ چار، سَتجُگ تریتا دواپرکلجُگ سیو کمائیا۔ ساڈا کھیل تکدے رہے تیئی اوتار، پَیغمبر گُروُ دھیان لگائیا۔ اسیں جگدے رہے مندر شِودوالے مٹھ گُروُدوار، تیِرتھ تٹاں سوبھا پائیا۔ گھر گھر کردے رہے اُجیار، سرگُن سرگُن نال سنگ نِبھائیا۔ آسا رکھدے رہے وِچ سنسار، سنساری بھنڈاری سنگھاری وِشن برہما شِو اَگے دھیان رکھائیا۔ کوَن ویلا پُرکھ ابناشی ساڈی پاوے سار، مہاسارتھی اپنی دَیا کمائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ صاحِب تیری وڈیائیا۔ دیِپک کہن تیرا دیِپک نوُر اُجیارا، آد جُگاد رُشنائیا۔ جگدا رہے نِرگُن دھارا، سرگُن وِچ سمائیا۔ پرکاش ہُندا رہیا پَیغمبر گُر اوتارا، بھگت سنت نال رُشنائیا۔ کھیل تکدے رہے اگمّ اپارا، الکھ اگوچر تیری وڈ وڈیائیا۔ کلجُگ انتم در تیرے نِمسکارا، نمو نمو سرنائیا۔ بھیوَ کھول پردہ رہے نہ تیرے دوارا، دوارکاواسی بَیٹھا دھیان لگائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ سچ تیری سرنائیا۔ دیِپک کہن کایا انتر تیری نِرگُن جوتی، آتم دھارا تیری وڈیائیا۔ تیرا کھیل سدا لوک پرلوکی، دو جہان تیری

بےپرواہیِا۔ تیرا روُپ انوُپ ناتھ تریَلوکی، ترےَگُن اتیِتے تیرے ہتّھ وڈیائیا۔ جن بھگت سُہیلے رکھن اِکو اوٹی، اوڑک تیرا دھیان لگائیا۔ سچکھنڈ نِواسی پُرکھ ابناشی جن بھگت سُہیلے چاڑھ اپنی چوٹی، اَگے ہو نہ کوئے اٹکائیا۔ تُوں پاربرہم پت پرمیشور برہم دھار تیرا گوتی، پرماتم آتم اِکو روُپ سمائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در ٹھانڈے آس رکھائیا۔ دیِپک کہن تیرا بھگت سُہیلا میِت، مِتر پیارا اِک اکھوائیا۔ جُگ چؤکڑی تیری ریِت، جن بھگتاں دیویں مان وڈیائیا۔ تُوں ٹھاکر ترےَگُن اتیِت، ترےَبھوَن دھنی تیری سرنائیا۔ تُوں ہر گھٹ وسیں چیِت، گرِہ مندر کایا ڈیرہ لائیا۔ سچ پریم دی کر بخشیِش، رحمت اپنا نام ورتائیا۔ کلجُگ وِچ سَتجُگ بدل دے ریِت، ریِتیوان اپنا پڑدا دے اُٹھائیا۔ تُوں میرا میَں تیرا آتم پرماتم دسّ دے گیِت، چار ورن اٹھاراں برن کھتری براہمن شوُدر وَیش اِکو کرن پڑھائیا۔ دیِن مذہب ذات پات انت مار دے لیِک، لائن اِکو دے وکھائیا۔ اوتار پَیغمبر گُروُ کرن تصدیِق، شہادت شبد گُروُ بُھگتائیا۔ نِرگُن تیری سارے کرن اُڈیِک، سرگُن میلا لیَنا مِلائیا۔ صدی چؤدھویں رہی بیِت، بیِس بیِسے اکھّ کُھلائیا۔ جھگڑا میٹ دے مندر مسیِت، کعبیاں اِکو رنگ رنگائیا۔ سَت دھرم دی ساچی دسّ ریِت، ریِتیوان تیری سرنائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچکھنڈ نِواسی پُرکھ ابناشی در تیرے آس رکھائیا۔ دیِپک کہن پربھ جن بھگتاں چاڑھ دے رنگ، رنگت اِکو نام رنگائیا۔ آتم پرماتم بخش دے سنگ، پاربرہم برہم میلا میلنا سہج سُبھائیا۔ نِج گرِہ نِج آتم دے انند، پرمانند وِچ سمائیا۔ کوُڑی کِریا کر دے کھنڈ، کھنڈا کھڑگ نام چمکائیا۔ جھگڑا میٹ دے جیرج انڈ، اُتبُھج سیتج پندھ رہے نہ رائیا۔ خوشی کرا دے بند بند، بندنا اِکو اِک درسائیا۔ جگت جہان دی منزل جان لنگھ، راج سماج نہ کوئے اٹکائیا۔ تیرا سچ سِنگھاسن ویکھن سچکھنڈ، جِتھے اِکو نوُر جوت رُشنائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، دیونہار داتار تُدھ بِن دوُجا نظر کوئے نہ آئیا۔ دیِپک کہن جن بھگتاں دے اِک دوارا، کاہن کاہنا تیری سرنائیا۔ تُوں رام رام دُھر دا رام پیارا، سیِتا سُرت لےَ پرنائیا۔ جگت وِچھوڑا میٹ وِچ سنسارا، سنساری بھنڈاری سنگھاری نال مِلائیا۔ بھگت سُہیلا اِک اَکیلا ویکھے تیرا سچّا گھر بارا، گرِہ مندر اِکو ڈیرہ لائیا۔ جِتھے دیِپک جوت جگے نیارا، تیل باتی سنگ نہ کوئے وکھائیا۔ آد جُگاد جُگ چؤکڑی کدے نہ ہوئے دُھندوُکارا، اندھ اندھیر نہ کوئے رکھائیا۔ سو

سوامی انترجامی سچ بخشے اپنا پیارا، پریِتم ہو کے جوڑ جُڑائیا۔ کلجُگ انتم سِری بھگوان اپنا بن جی ادھارا، جیِو ایِش اپنا کھیل کھِلائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در ٹھانڈے منگ منگائیا۔ دیِپک کہن پربھ تیرا بھگت سُہیلا اِک، ایکنکار اِک وِچ سمائیا۔ اُس دا لیکھا شبدی دھار دینا لِکھ، جِس نوُں چار جُگ سکے نہ کوئے مِٹائیا۔ تُوں آد انت دا پِت، پت پرمیشور بےپرواہیِا۔ پرماتم دھار کر ہِت، آتم اپنے گھر وسائیا۔ جِتھے ٹھگؤری رہے کوئے نہ چِت، من منسا نہ کوئے ہلکائیا۔ اِکو تیرا نوُر نوُرانہ پئے دِس، جوتی جاتے ڈگمگائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، سچکھنڈ نِواسی سچ دوار تیرے ہتّھ وڈیائیا۔ دیِپک کہن ویکھ بھگت بھگوان سچ دوار، سچکھنڈ نِواسی دھیان لگائیا۔ کِرپا کر اگمّ اپار، اگمّ اگمّڑے تیرے ہتّھ وڈیائیا۔ آتم پرماتم پرماتم آتم پا سار، مہاسارتھی اپنا سنگ رکھائیا۔ سچ دوار کھول کِواڑ، بند تاکی رہن نہ پائیا۔ سنت سُہیلا گھر اگمّڑے واڑ، جِتھے منزل تیری بےپرواہیِا۔ اگنی پوہ نہ سکے تتی ہاڑ، راجس تامس چھوہ سکے نہ رائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دے مالک خلق دے خالق سد اپنا رنگ وکھائیا۔ دیِپک کہن ویکھیئے تیری جوت اکالی، اکل کل دھاری تیری بےپرواہیِا۔ سچکھنڈ دوار تیری دھرمسالی، دوارا دُھر دا نظری آئیا۔ جِتھے پوہ نہ سکے ترےَگُن مایا جگت جنجالی، جاگرت جوت ڈگمگائیا۔ اوتھے تیرے بھگت تیرے در تے ہون سوالی، دوُجا نظر کوئے نہ آئیا۔ تُوں نِرگُن داتا سدا کریں رکھوالی، رکھک ہو کے ویکھ وکھائیا۔ اؤہ تکّ تیرے بھگت سُہیلے تیرے سچکھنڈ دوار بِن ہتّھاں ماردے تالی، تلواڑا تیرے پریم والا بنائیا۔ جیہڑے مات لوک وِچوں کر گئے چالی، ناتا تن سریِر گئے تُڑائیا۔ اوہناں منزل مِلی سُکھالی، سُکھ آسن تیرے بہہ کے خوشی بنائیا۔ راج نرائن ویکھیا سماں حالی، حالانکہ جگت آس نہ کوئے تکائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ تیرے ہتّھ وڈیائیا۔ دیِپک کہن در تیرے ارداس، بیننتی اِک سُنائیا۔ تیرا بھگت پُجیا تیرے پاس، پاسا دیِن دُنی بدلائیا۔ منزل چڑھ گیا اُپر آکاش، آکاشاں توں پرے تیری جوت وِچ سمائیا۔ جِتھے نِرگُن نِرگُن پیَندی راس، بھگت بھگوان گوپی کاہن روُپ وٹائیا۔ سدا سچ دا رہے ساتھ، سگلا سنگ نِبھائیا۔ راج نرائن سب نوُں رہیا آکھ، سندیسہ دیوے چائیں چائنیا۔ میری آتم پُنّی آس، پرماتم مِلیا بےپرواہیِا۔ جِس دے اُتے میرا وِشواس، وِشیاں توں

باہر لیکھا دِتا چُکائیا۔ اَگے کرنی نہ پئی تلاش، کھوجن دی لوڑ رہی نہ رائیا۔ میَنوُں شنکر مِلیا اُتے کَیلاش، ترِسوُل ہتّھ وِچ اُٹھائیا۔ برہمے کِہا شاباش، خوشیاں نال سُنائیا۔ وِشنوُں دِتا آکھ، تیرا وِشوَ روُپ روُپ بےپرواہیِا۔ پُرکھ اکال مِل گیا دُھر دا باپ، مالک نوُر اِلاہیِا۔ جِس نے سچکھنڈ دا کھولیا تاک، پردہ پردیاں وِچوں چُکائیا۔ جن بھگتاں دی مِل گیا وِچ جماعت، جِتھے سنت سہیلے بَیٹھے ڈیرہ لائیا۔ اِکو سب دا سانجھا واک، اوتار پَیغمبر گُر صِفت صالاحیِا۔ سچکھنڈ سچ گرِہ دا سچ مِل گیا راج، ناتا کوُڑ کوُڑ تُڑائیا۔ میَں سدا لئی سچ وِچ گیا جاگ، آلس نِندرا دِتی مُکائیا۔ جِتھے بھگتاں دا کھیڑا آباد، درگاہ ساچی سوبھا پائیا۔ اوتھے وجےّ نہ کوئے رباب، تار سِتار نہ کوئے ہِلائیا۔ نام شبد دی نہیں آواز، دُھناں وِچ نہ کوئے شنوائیا۔ دیِن مذہب نہیں کوئی سماج، حداں ونڈ نہ کوئے وکھائیا۔ اِکو میلا ہویا ہرِ پربھ کنت سُہاگ، جو سُہاگی سد اپنے انگ لگائیا۔ جِس دی کِرپا نال میرے گرِہ وِچ جگدا چراغ، چراگاہاں کرے رُشنائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سد سد اپنی دَیا کمائیا۔ راج نریَن کہے میَنوُں سندیسہ دیوے اُننجا پؤن، پؤن پانی صِفت صالاحیِا۔ جِس کھیل کھِلایا رام راؤن، رام راما دُھردرگاہیِا۔ جو کاہن بن کے آیا کنس مُکاؤن، کؤرو پانڈو پندھ مُکائیا۔ سو کِرپا کرے صاحِب سُلطان جِس سُکھ آسن دِتا سؤن، دُکھ درد دا ڈیرہ ڈھاہیِا۔ میری عرض بیننتی چھوٹے پّپوُ دا نام رکھ دیوے جگموہن، موہنی موہن روُپ بدلائیا۔ جِس دا لیکھا جانے کؤن، کوَن گت کہن کوئے نہ پائیا۔ بال اَنجانیاں شبدی دھار آئے سمجھاؤن، سمجھ سمجھ نال بدلائیا۔ جگت روگ آئے گواؤن، دُکھیاں دُکھ درد مِٹائیا۔ اُجڑیا گھر آئے وساؤن، سِر اپنا ہتّھ رکھائیا۔ دیودت سِر سیِس دھر دستار آئے بنّاؤن، بندھن اپنا نام پائیا۔ سُرستی سُرت شبد آئے جُڑاؤن، سُرت شبد وِچ مِلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، وقت سُہنجنا آئے سُہاؤن، سُہنجنی رُتڑی پربھ دے نال مہکائیا۔

۳۰ چیت شہنشاہی سمت ۷ گُرمیز سِنگھ، صوُرت سِنگھ، کرتار دے گرِہ شکوُر بستی دِلّی

چیت کہے جن بھگتاں سوہے رُت بسنت، خِزاں نظر کوئے نہ آئیا۔ پرم پُرکھ پرماتم آتم ملِے کنت، ہرِ کرتا دُھردرگاہیِا۔ دیوے وڈیائی وِچوں جیِو جنت، جاگرت جوت کر رُشنائیا۔ دھرم دی دھار بنائے گُرمُکھ سنت، بھگوَن اپنے رنگ رنگائیا۔ دُھر دا نام دے کے منت، تُوں میرا میَں تیرا کرے پڑھائیا۔ گڑھ توڑ کے ہؤمے ہنگت، ہنگ برہم اِک سمجھائیا۔ جنم کرم دی رہن نہ دیوے چِنت، سُکھ ساگر وِچ رکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا رنگ اِک رنگائیا۔ چیت کہے میری رُتڑی مؤلے پھل پُھل، پتّ ٹہنی نال وڈیائیا۔ پربھ بھاگ لگائے بھگتاں کُل، کُل مالک ہوئے سہائیا۔ کلجُگ وِچ نہ جاون رُل، کوُڑ کِریا وِچوں باہر کڈھائیا۔ کنڈے نام دے تولے تُل، اتول اپنے رنگ رنگائیا۔ مانَس دیہی پائے مُل، قیِمت کرتا آپ چُکائیا۔ میل مِلائے صُلح کُل، کُل مالک خلق خُدائیا۔ چرن پریِتی بخش کے دُھل، دھوُل مستک خاک رمائیا۔ مانَس جنم نہ جائے ہُل، جوتی جوت سروُپ ہرِ، آپ اپنی کِرپا کر، دیونہارا ساچا ور، سِر اپنا ہتّھ ٹِکائیا۔ چیت کہے میرے انتر بھگتاں سوہے رُت، پربھ دیوے مان وڈیائیا۔ کِرپا کرے ابناشی اچُت، چیتن سُرتی دئے کرائیا۔ شبدی دھار بنا کے سُت ، اپرادھی اپنے انگ لگائیا۔ بھاگ لگا کے کایا بُت، بُتخانیاں کرے صفائیا۔ امرت نام دے کے گھُٹ، جام اگمّی دئے پیائیا۔ کوُڑی واسنا جائے چُھٹ، چُھٹی لِو آپ لگائیا۔ کوُڑ وِکارا کڈھے کُٹ، ممتا موہ نہ کوئے ہلکائیا۔ جنم کرم دا میٹے دُکھ، دُکھیاں درد گوائیا۔ آتم برہم دا دیوے سُکھ، سُکھ ساگر وِچ سمائیا۔ مات گربھ پھیر اُلٹا ہون نہ دیوے رُخ، چؤراسی پھاسی دئے کٹائیا۔ اُجل کرکے مات مُکھ، جُگ چؤکڑی صِفت صالاحیِا۔ لیکھے لا کے جننی کُکھ، سِر سِر اپنا ہتّھ ٹِکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دوار اِک سُہائیا۔ چیت کہے جن بھگتاں ہوئے وقت سُہنجنا، پربھ ساچی بنت بنائیا۔ کِرپا کرے آد نِرنجنا، ابناشی کرتا دُھردرگاہیِا۔ مِہربان درد دُکھ بھےَ بھنجنا، کلجُگ کوُڑا ساگر پار کرائیا۔ گُن نِدھان پا کے نیتر انجنا، اندھ اندھیرا دئے مِٹائیا۔ آتم پرماتم بنا کے سجّنا، گھر گھر وِچ جوڑ جُڑائیا۔ امرت آتم سروور نُہا کے مجنا، دُرمت میَل دئے دھوائیا۔ سچ پریم دی چاڑھے رنگنا، رنگت اِکو اِک وکھائیا۔ دوُجا در پئے نہ منگنا، در در الکھ نہ کوئے سُنائیا۔ پُرکھ اکالا دیِن دَیالا اِکو دسےّ ساچی بندنا، بندہ بندگی

وِچ سمجھائیا۔ پاربرہم برہم دا لیَنا انندنا، آتم پرماتم وِچ ٹِکائیا۔ سَتگُر شبد بنے بخشندنا، بخشش رحمت آپ کمائیا۔ دیوے وڈیائی سوُرا سربنگنا، جن بھگتاں سیِس دستار آپ سُہائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، آد جُگادی جن بھگت لگائے اپنے انگنا، انگیکار ایکنکار اکل کل دھاری آپ اکھوائیا۔

۳۰ چیت شہنشاہی سمت ۷ بھان سِنگھ، سوہن سِنگھ، جگتار سِنگھ بیڑ آمیِن، نِرنجن سِنگھ فارم گُروُ کُل تھانیسر گُرمیز سِنگھ تھانیسر، بچن سِنگھ چِبا، مان سِنگھ بوڈھی، سنتا سِنگھ شریِف گڑھ، بنتا سِنگھ مُغل ماجرہ کالا سِنگھ کِرسانا،

سرَین سِنگھ کِرسانی، آسا سِنگھ کِرسانی، اِندر پال سِنگھ ببَین وریام سِنگھ ٹھیِکری چھنّاں ہزارا سِنگھ روہتک،
پِنڈ نانک پُرا ضِلع کرنال

چیت کہے میرا سماں رہیا بیِت، دِوس رَین بھجّیا واہو داہیِا۔ میَں بھگتاں سنگ کیِتی پریِت، پربھوُ پریِتم دِتی مان وڈیائیا۔ سچ جنائی جگت ریِت، ریِتیوان دِتا درسائیا۔ آتم پرماتم گایا گیِت، تُوں میرا میَں تیرا مِل کے وجّی ودھائیا۔ کایا کعبہ دسّ کے حق مسیِت، گرِہ مندر اندر اِک وکھائیا۔ رنگ رنگا کے ہست کیِٹ، اوُچاں نیِچاں جوڑ جُڑائیا۔ دُھر دا کلمہ دے حدیِث، حضرتاں باہر کری پڑھائیا۔ کِرپا کری جگت جگدیِش، جگدیِشر مِہر نظر اُٹھائیا۔ گُرمُکھاں دستار بندھا کے سیِس، سیِس سَتگُر لیکھے پائیا۔ لہنا دینا پوُرا کر بیِس، اِکیسے گُرداس منسا وِچ سمائیا۔ جھگڑا رہیا نہ اوُچ نیِچ، ذات پات دا پندھ مُکائیا۔ دیِن مذہب دی ٹپّ کے لیِک، لائن اِکو دِتی وکھائیا۔ امرت رس دے کے میِٹھ، نام نِدھانا اِک سمجھائیا۔ کؤڑا رہے کوئے نہ ریِٹھ، وِکھ اندروں باہر کڈھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سِر میرے ہتّھ ٹِکائیا۔ چیت کہے میرا سماں رہیا لنگھ، دِوس رَین بھجّیا واہو داہیِا۔ میری آسا منسا پوُری کیِتی منگ، بِھکھک بھکھیا جھولی پائیا۔ سَتگُر شبد نے دِتا انند، انند انند وِچوں پرگٹائیا۔ جن بھگت سُہیلے بنا کے اپنے چند، چند نوُر رُشنائیا۔ تُوں میرا میَں تیرا دسّ کے چھند، سنسا اندروں دِتا کڈھائیا۔ امرت دھار وہا کے گنگ، گنگا گوداوری جمنا سُرستی لیکھا دِتا مُکائیا۔ گرِہ مندر اندر نِرگُن روُپ ہو کے لنگھ، پردہ پردیاں وِچوں

چُکائیا۔ آتم سیج سُہا پلنگ، سچ سِنگھاسن سوبھا پائیا۔ دُھر دی وست اگمّی ونڈ، الکھ اگوچر جھولی دِتی بھرائیا۔ ترےَگُن اگنی میٹ کے پائی ٹھنڈ، تتو تت دِتا بدلائیا۔ آون جاون رہیا نہ پندھ، چؤراسی پھاسی دِتی کٹائیا۔ بھیوَ کُھلا کے برہم ہنگ، ہنگ برہم آپ سمجھائیا۔ جوتی جوت سروُپ ہرِ، آپ اپنی کِرپا کر، ایکا دے کے ساچا ور، سِر میرے ہتّھ رکھائیا۔ چیت کہے میرا سماں بنیا میرا سنگی، سگلا سنگ بنائیا۔ پُرکھ اکالا دیِن دَیالا مِہر کرے سوُرا سربنگی، شاہ پاتشاہ شہنشاہ بےپرواہیِا۔ سرِشٹی درِشٹی ویکھے نوَ ستّ اندھی، انتر نِرنتر کھوج کھوجائیا۔ دیِن مذہب دی تکے پابندی، اوتار پَیغمبر گُروُ لئے اُٹھائیا۔ شرع شریِعت دی ویکھے ڈنڈی، ڈنڈاوت بندنا سجدہ تکے تھاؤں تھائنیا۔ کلمے نام دا روُپ ویکھے جنگی، جنگجوُ بہادر پڑدا آپ چُکائیا۔ پِھرنی دروہی وِچ وربھنڈی، برہمنڈ دین گواہیِا۔ چیت کہے پربھ شبد کٹار کرنی ننگی، جگت جہان دئے چمکائیا۔ کلجُگ دی آیوُ رہن نہ دیوے لمبی، سماں سمیں وِچوں بدلائیا۔ دھرنی دھرت دھوَل دھؤل صدی چؤدھویں انتر کمبی، محمد لیکھا نال بنائیا۔ جگت جہان لیکھا رہن نہیں دینا ڈمبی، سَت سَت دینا پرگٹائیا۔ جیہڑا دھرم اُڈیا لا کے کھمبھی، سَت نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا مالک ہوئے سہائیا۔ چیت کہے میرا وقت بیِتیا مات، ماتر بھوُمی دئے گواہیِا۔ میری انت سُہنجنی رات، سَت وِچ سمائیا۔ بھگتاں تکاں جماعت، گُرمُکھ گُر گُر سوبھا پائیا۔ جِنہاں دے انتر اِکو گاتھ، تُوں میرا میَں تیرا ڈھولا رہے گائیا۔ مِلی وست سوغات، دُھر دی دھار پربھوُ ورتائیا۔ جھگڑا چُکیا کوُڑ سماج، راج شاہی نہ کوئے ڈرائیا۔ سَت سچ دی سُنی آواز، راز اندروں دِتا کُھلائیا۔ سوئی سُرتی گئی جاگ، آلس نِندرا دِتی مِٹائیا۔ ہرِجن ہنس بنا کے کاگ، کاگوں ہنس اُڈائیا۔ گرِہ اندر نِرگُن جوت جگا چراغ، اندھ اندھیرا دِتا مِٹائیا۔ کوُڑ دھرم دا میٹ کے داغ، دُرمت میَل کیِتی صفائیا۔ چیت کہے بھگتاں وڈ وڈبھاگ، بھاگ سَتگُر شبد سِر سِر اپنا ہتّھ ٹِکائیا۔ آتم پرماتم پکڑی واگ، ڈوری شبدی تند جُڑائیا۔ جِتھے رہیا نہ کوئے سوال جواب، جواب طلبی وِچ منگ نہ کوئے منگائیا۔ جوتی جوت سروُپ ہرِ، آپ اپنی کِرپا کر، ایکا دیوے ساچا ور، سچ سوامی انترجامی انتر آتم ویکھ وکھائیا۔ چیت کہے میرا اِکو اِک سجدہ، در ساچے سیِس نِوائیا۔ بھگت بھگوان تیرا ہووے بردا، بندنا اِکو دینی دِرڑائیا۔ بھیوَ کُھلاؤنا اپنے گھر دا، گرِہ پڑدا دینا چُکائیا۔ اِشنان کراؤنا ساچے سر دا، سروور اِکو

اِک نُہائیا۔ جِتھے نہ جنمے نہ کوئے مردا، چؤراسی وِچ نہ کوئے بھوائیا۔ تیری منزل تیرا سنت سُہیلا ہووے چڑھدا اَگے ہو نہ کوئے اٹکائیا۔ تیرا برہم تیرا آتم تیرا ڈھولا ہووے پڑھدا، دوُسر اوَر نہ کوئے پڑھائیا۔ تُوں مالک خالق چوٹی جڑ دا، چیتن سب نوُں دینا کرائیا۔ جھگڑا میٹنا کپٹ چھل دا، اچھل چھلدھاری اپنی دَیا کمائیا۔ مان بخشنا جن بھگتاں نِہچل دھام اٹل دا، سچکھنڈ دوار ایکنکار پروردِگار سانجھے یار دینا ٹِکائیا۔ چیت کہے سب دا لیکھا پوُرا کرنا کلجُگ کل دا، کل کلکی تیرے ہتّھ وڈیائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، نِہکلنک نرائن نر، مہاراج شیرسِنگھ وِشنوُں بھگوان، مان بخشنا نِہچل دھام اٹل دا، درگاہ ساچی سچکھنڈ دوار سَت سچ اپنا میل مِلائیا۔

۳۱ چیت شہنشاہی سمت ۷ ہربنس سِنگھ، سمپوُرن سِنگھ، سؤداگر سِنگھ بھٹھ ماجرہ، رندھیِر سِنگھ ہرنایا، ارجن سِنگھ بلوچ پُر، جرنَیل سِنگھ ستؤڑا، عجَیب سِنگھ بھیوَا، جُگِندر کؤر بھیوَا، موہن سِنگھ گڑھی لانگری، مہِندر سِنگھ گڑھی لانگری، کرتار سِنگھ قؤمی فارم، چانن سِنگھ ہرنؤلا رن سِنگھ جیِت نگر،

سُرجیِت کؤر جیِت نگر، لکھبیر سِنگھ جیِت نگر، راج کؤر کھارے، پِنڈ ٹھیِکری چھنّا ضِلع کرنال

چیت کہے میرا پروِشٹا اَخیِری اِکّتی، اکل کل دھاری دھیان لگائیا۔ پربھوُ بھگتاں تیریاں واء لگّے نہ تتی، تتو تت نہ کوئے جلائیا۔ آتم پرماتم دھار فرق پَوے نہ رتی، رتن امولک ہیِرے لینےَ پرگٹائیا۔ سب دا لیکھے لاؤنا نام جپیا دند بتّی، بتّی دھار مات والی بخشائیا۔ شبدی دھار لیکھا پوُرا کرنا راگ چھتّی، چھتیِسا ونڈ نہ کوئے ونڈائیا۔ نِرگُن نوُر جوت پرکاش کرنا اگمّی بتّی، باطن پڑدا دینا کُھلائیا۔ ابناشی کرتے بننا کملاپتی، پت پرمیشور ہو کے ویکھ وکھائیا۔ سَت سنتوکھ دھیِرج بخشنا جتی، یتھارتھ اپنا رنگ رنگائیا۔ لیکھا مُکاؤنا لکھّ چار اسی، آس سب دی پوُر کرائیا۔ تیری مُحبّت ہر ہِردے انتر ہووے وسی، واسطہ تیرے نال جُڑائیا۔ کرنا پرکاش بِن روَ سسی، سوُریہ چند دی لوڑ رہے نہ رائیا۔ مِہربان محبوُب ہو کے جن بھگتاں اندر وسیں، واسطہ اپنے نال رکھائیا۔ ایتھے اوتھے دو جہاناں پت رکھیں، رکھک ہو کے ویکھ وکھائیا۔ سَت سروُپ سچ دوار بناؤنی سکھی، سخاوت اپنا نام

جھولی پائیا۔ تیرا درشن کرن نِج نیتر اکھّی، آخر پڑدا اوہلا دینا اُٹھائیا۔ مالک خالق بننا حقی، حقیِقت لیکھا دینا مُکائیا۔ صدی چؤدھویں رہے کوئی نہ شکّی، شِکوا سب دا دینا مِٹائیا۔ پروردِگار نوُر اِلاہی بننا یکی، واحد اپنا میل مِلائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دی کرنی کار کمائیا۔ چیت کہے میرا دِوس اِک تیِسا، چار جُگ سمجھ کِسے نہ آئیا۔ دُھر دا حُکم جگت جگدیِشا، دیونہار بےپرواہیِا۔ جو لہنا دینا ویکھے بیِس بیِسا، بیِس اِکیِسا ونڈ ونڈائیا۔ جِس دا شبدی دھار سوہے چھتر سیِسا، سیِس جگدیِش سوبھا پائیا۔ سو دُھر سندیسہ دیوے حدیِثا، حضرتاں توں باہر کرے پڑھائیا۔ جِس نے لکھّ چؤراسی انتر آتم سب دا جیِتا، ہار وِچ کدے نہ آئیا۔ سو پُرکھ اکال دیِن دَیال بھگتاں بن کے میِتا، مِتر پیارا ہو کے ویکھ وکھائیا۔ جِس نے لیکھ لِکھایا بھیوَ کُھلایا اٹھاراں دھیائے گیِتا، کاہن کاہنا نام وڈیائیا۔ جو ویس وٹائے رام سیِتا، بنواسی ہو کے بن کھنڈ اپنا ڈیرہ لائیا۔ نِرگُن دھار رہے اتیِتا، ترےَگُن وِچ کدے نہ آئیا۔ سو کلجُگ انتم لکھ چؤراسی پرکھے نیِتا، چارے کھانی کھوج کھوجائیا۔ دین مذہب دی پوُرب میٹے لیِکا، حُکم حاکم اِک دِرڑائیا۔ جِس دے وِچ حق تؤفیِقا، مِہربان محبوُب نوُر اِلاہیِا۔ سب دیِاں آسا منسا پوُریاں کرے اُمیِداں، ترِسنا ترِکھا دئے گوائیا۔ سَتجُگ تریتا دواپرکلجُگ جِس دیِاں کردے اُڈیِکاں، بِن نیَناں نیَن اُٹھائیا۔ اوہ گُر اوتار پغمبراں لیکھے لائے وصیّتا، لہنا ویکھے تھاؤں تھائنیا۔ صدی چؤدھویں دیِن دُنی بدل دئے طبیِعتا، طبیب بنے دُھر دا ماہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ چیت کہے میرا انت اَخیِری آیا وقت، وقت نال جنائیا۔ پربھ دا کھیل ہونا وِچ جگت، جاگرت جوت کرے رُشنائیا۔ سنت سُہیلے اُٹھائے بھگت، بھگوَن اپنا میل مِلائیا۔ جو جوتی جاتا ہو کے آیا پرت، پت پرمیشور پھیرا پائیا۔ نوُر اُجالا کرے اُپر دھرت، دھرنی دھوَل کھوج کھوجائیا۔ آسا منسا پوُری کرے شرط، شرع دا لیکھا دئے دِرڑائیا۔ والی بن کے مالک عرش، عرشی پریِتم ویکھ وکھائیا۔ جن بھگتاں اُتے کرے ترس، رحمت اپنی آپ کمائیا۔ امرت میگھ دیوے برس، بوُند سوانتی اِک ٹپکائیا۔ اپنا کھیل دِکھائے اسچرج، اچرج لیِلا آپ جنائیا۔ غریِب نِمانیاں ونڈے درد، دُکھیاں ہوئے سہائیا۔ صوُفیاں سنتاں منظور کرے عرض، آرزو اپنے وِچ ٹِکائیا۔ جنم جنم دا لہنا دیوے قرض، مقروُض لیکھا دئے مُکائیا۔ اپنی آشا آپے جانے غرض، غرض بھگتاں نال رکھائیا۔ جوتی جوت سروُپ ہرِ، آپ اپنی کِرپا

کر، کرے کھیل ساچا ہرِ، سچ دا حُکم اِک ورتائیا۔ چیت کہے میَں دِوس رَین بھجّا نَٹھا، خوشیاں پندھ مُکائیا۔ سیوا کیِتی یتھارتھ یتھا، یدی پربھ نوُں سیِس جھُکائیا۔ پُرکھ اکالے دیِن دَیالے اِکو تیری آتم پرماتم ہووے کتھا، دوُسر کتھنی کتھے کوئے نہ رائیا۔ اِکو دوار سب دا منظور ہووے متھا، مستک ٹِکّے دھوُڑی خاک رمائیا۔ جِس دی یاد وِچ گوبِند ستھر لتّھا، یارڑا سیج گیا ہنڈھائیا۔ اُس دا درشن ہووے جوتی دھار اکھّاں، نیتر لوچن نیَناں نظری آئیا۔ سَت سروُپ ہووے سچّا، شاہو بھوُپ نوُر اِلاہیِا۔ جن بھگتاں بھاگ لگائے کایا ماٹی گڑھ کچّا، کنچن روُپ دئے بدلائیا۔ گُرمُکھ گُرسِکھ بنائے دُھر دا بچّہ، بچپن اپنی جھولی پائیا۔ لوُں لوُں اندر ہووے رچا، رچنا اپنی دئے وکھائیا۔ سَت دھرم دی بخشے ستا، سَت ستوادی دَیا کمائیا۔ سچکھنڈ دوار دا دسےّ پتہ، پت پرمیشور بےپرواہیِا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دیوے مان وڈیائیا۔ چیت کہے جن بھگتو میری انت پرنام، پرم پُرکھ سیِس نِوائیا۔ تُہاڈا پوُرا ہووے کام، جنم جنم دی ہوَس مِٹائیا۔ تُہاڈا وسے نگر کھیڑا گرام، ساڈھے تِنّ ہتّھ سوبھا پائیا۔ گھر ٹھاکر ملِے رام، کاہن کاہنا نوُر اِلاہیِا۔ جِس رَین میٹنی اندھیری شام، شمع نوُر جوت کرے رُشنائیا۔ آتم پرماتم دسّ کلام، کلمہ کائنات دینا بدلائیا۔ سندیسہ دینا وِچ عوام، عام اپنا حُکم ورتائیا۔ دیِن مذہب دا رہے نہ کوئے غُلام، شرع زنجِیر دینی کٹائیا۔ مذہب دا مذہب کرے نہ کوئے قتلِ عام، قاتل مقتُول دا لہنا دینا مُکائیا۔ کلجُگ میٹے اندھیری شام، اندھ اندھیرا دئے گوائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان سچ پیار دا حقیِقی دیوے جام، جماں دا لیکھا دئے مُکائیا۔