کتب خانہGranth 22 (Shahmukhi)

پہلی وِساکھ شہنشاہی سمت ۷ ہرِ بھگت دوار جیٹھوُوال وِچ رات نوُں

چؤداں لوک کہن بدل گئی وِساکھی، جگت بُدھی سمجھ کِسے نہ آئیا۔ تیئی اوتارو ہُن منّنی پَینی آکھی، سماں پِچھلا رہے نہ رائیا۔ تُہاتھوں ہو نہ سکی راکھی، رکھک ہو نہ سیو کمائیا۔ آہ ویکھو پربھوُ دی پاتی، پترکا رہیا جنائیا۔ جِس دی کھیل نہ کِسے پچھاتی، پہچان سکے نہ کوئے کرائیا۔ لیکھا لِکھیا نہیں نال قلم دواتی، کاغذ ونڈ نہ کوئے ونڈائیا۔ اِک خبر اگمّی آکھی، رام کرِشن نوُں دِتی

سُنائیا۔ جِس ویلے بھگت رہنا نہیں جِس دی نظر آوے وِچوں چھاتی، چھتردھاری سچ نہ کوئے کمائیا۔ چاروں کُنٹ کوُڑ دی ہونی ہاٹی، ہرِ کا نام نہ کوئے وِکائیا۔ تُہاڈے سِنگھاسن نہیں رہنے جگت والی کھاٹی، موُرتیاں پتّھر دین گواہیِا۔ تُہاڈے اَگے بھوگ لگا کے پاندھے کھا جان چپاتی، تُہاڈا بھےَ نہ کوئے رکھائیا۔ تُہانوُں مندراں وِچوں چُک کے لےَ جان راتیں، اَگے ہو نہ کوئے اٹکائیا۔ منزل چڑھے کوئے نہ گھاٹی، گھاٹا ویکھن تھاؤں تھائنیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ چؤداں طبق کہن پَیغمبرو تکو حدیِثا، حُکم کی اِلاہیِا۔ نِگاہ مار عیسیٰ، صدی بیِسویِں نیَن اُٹھائیا۔ محمدی صدی چؤدھویِں تکّ شیِشہ، شہنشاہ نیتر اکھّ کُھلائیا۔ ویلا یاد کرنا بیِتا، پِچھلا رہیا سمجھائیا۔ جیہڑا قؤل اِقرار کیتا، بِنا قَیدیاں کیِتی پڑھائیا۔ جِس ویلے سماں انت دا بیِتا، سماج دی پئے دُہائیا۔ جھگڑا پَینا چرچ مسیِتا، مسلہ حل نہ کوئے کرائیا۔ اُس ویلے بدلنی سب دی ریِتا، چؤداں طبقاں والیو چؤداں اپریل دی وِساکھی دئے گواہیِا۔ رس رہنا نہیں کوئی میِٹھا، پھل پُھل نہ کوئے مہکائیا۔ چؤداں طبق تپنا انگیِٹھا، صدی چؤدھویں نال مِلائیا۔ جِس پربھوُ دے کلمے دا کر سکیا نہ کوئے ٹیِکا، بھیوَ سکیا نہ کوئے کُھلائیا۔ اوہ لیکھا جانے جیِو جی کا، بھیوَ ابھیدا اپنے ہتّھ رکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کمائیا۔ چؤداں ویکھو سَتگُر رائے، بِن نیَناں نیَن اُٹھائیا۔ کیوں وِساکھ اپنا دِوس بدلائے، بدلہ سمجھ کوئے نہ پائیا۔ جیہڑے گوبِند نے پُٹھے اکھّر لِکھائے، توڑے کلغی اُتے چُھہائیا۔ کنّاں وِچ اُنگلاں پائے، اپنی کار کمائیا۔ کھیل تکیا اِک ہررائے، ہرِ کرتا کرنی کی کمائیا۔ جو سَت دی دھار سمائے، سَت سَت وِچ سمائیا۔ سمت ستّ شہنشاہ پرگٹائے، پرگٹ اپنی کل وکھائیا۔ پِچھلے کیتے چار جُگ بیِتے لہنے دئے مُکائے، مُکمل اپنا حُکم ورتائیا۔ جگت مینارے دیوے ڈھاہے، ڈھئیا گوبِند دئے گواہیِا۔ چاروں کُنٹ ہوئے ہائے ہائے، ہؤکا بھرے لوکائیا۔ نیتر روئے بِن اکھّاں توں دھرنی مائی، دھوَل دئے دُہائیا۔ آکاش آکاشوں نیِر وہائے، بِن نیَناں چھہبر لائیا۔ پوَن پانی بھجےّ واہو داہے، اپنا بَل پرگٹائیا۔ اگنی اپنا کھیل کھِلائے، تتو تت جلائیا۔ جوتی جوت سروُپ ہرِ، آپ اپنی کِرپا کر، سچ اپنا حُکم ورتائیا۔ سَتگُر شبد کہے گُر اوتار پَیغمبرو میرا تکّ لؤ نُقطہ، جِس اُتے نُقطہ چیِنی کرے کوئی نہ رائے۔ آہ تکو ہُن سب دا پیَنڈا مُکدا، مُکمل کھیل کھِلائے۔ پربھ دا بھانا کدے نہ رُکدا، نہ کوئی میٹے میٹ مِٹائے۔ جاپ ہونا بھگت بھگوان دی تُک دا، آتم پرماتم ڈھولا سہج

سُبھائے۔ سنسار واسطے جگت رَین وِساکھی دِہاڑا دُکھ دا، دُکھاں بھری دِسے لوکائے۔ جن بھگتاں ویلا آؤنا سُکھ دا، سُکھ ساگر وِچ سمائے۔ کھیل ویکھنا شہنشاہ دُلارے گوبِند سُت دا، جِس پنج پیارے لئے نُہائے۔ بھیوَ انوکھا اپنا کیِتا اگمّی منُکھ دا، مانَس وِچوں نظر پھیر نہ آئے۔ جھگڑا میٹ کے جننی کُکھ دا، جوتی جوت کرے رُشنائے۔ اوتار پَیغمبرو ایہہ اوہو ویلا ڈُھکدا، جو سماں سب دا دئے بدلائے۔ ہُن ویلا رہنا نہیں پُچھ دا، اِنکیوائری وِچ کوئے نہ آئے اپنا سماں ویکھو اندھیرے گھُپ دا، سچ چند نہ کوئے چمکائے۔ اِکو سَتگُر شبد سوُر بہادر اُٹھدا، جو وِساکھی وساہ کے دئے بدلائے۔ پڑدا رہے نہ اوہلا لُک دا، نِرگُن نوُر کرے رُشنائے۔ دُھر دا چانن کدے نہ چُھپدا، پڑدا سکے کوئے نہ پائے۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائے۔ اوتار پَیغمبر گُر ویکھن نیَن اُٹھائی، بِن اکھّاں اکھّ کُھلائیا۔ ہِندسا تکّن اِک اِکائی، دہائی سنگ نہ کوئے بنائیا۔ جاں پاتی ویکھی فرق رہیا نہ رائی، کملاپاتی کھیل کھِلائیا۔ جِس نوُں بھوِکھتاں وِچ آئے گائی، پیشیِنگوئی وِچ سُنائیا۔ بہُڑی اوہ کھیل کرے بن کے دُھر دا ماہی، محبوُب نوُر اِلاہیِا۔ کلجُگ کوُڑی میٹے شاہی، شہنشاہ اپنا حُکم ورتائیا۔ چار کُنٹ پئے دُہائی، طوبیٰ طوبیٰ کرے خُدائیا۔ جِس نے اگمّی کار کمائی، کلمہ کائنات بدلائیا۔ پنج لِکھاریِاں دئے وڈیائی، سچ سِنگھاسن اُتے ٹِکائیا۔ گُر اوتار پَیغمبر کہن پِچھے کِسے ایہہ کار نہیں کمائی، کرنی کر نہ کوئے وکھائیا۔ جوتی جوت سروُپ ہرِ، آپ اپنی کِرپا کر، سد اپنا کھیل وکھائیا۔ وِساکھی کہے پربھوُ کر لیَن دے نِمسکار، پہلوں تَینوُں سیِس نِوائیا۔ میَں چھڈ دِتے پِچھلے یار، یارانے لئے تُڑائیا۔ میَں بن گئی سیوادار، سیوا تیری سچ کمائیا۔ میَں اوہ خادم چھڈے جیہڑے تیرے خِدمتگار، جُگ جُگ تَینوُں سیِس نِوائیا۔ میَں ہُن آ گئی اُس پربھوُ دے دوار، جِس دی منزل بےپرواہیِا۔ میَں چاہُندی اِکو روُپ کر دے سنسار، دوُجا نظر کوئے نہ آئیا۔ جِس دی گوبِند نیِہہ گیا اُسار، اُس دا انت دے وکھائیا۔ کھتری براہمن شوُدر وَیش اِکو جِہا بخش پیار، ذات پات دا ڈیرہ ڈھاہیِا۔ کِرپا کر کے نؤ کھنڈ پرِتھمی ستّ دیِپ پنجاں تتاں اندر اپنا امرت دے پیال، جو پنج درباری سِر تے آئے اُٹھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در تیرے سیِس نِوائیا۔ وِساکھی کہے میَں سُتی سُتی اُٹھی، پربھوُ تیرے نال لئی انگڑائیا۔ ہُن میرے اُتے تُٹھیں، بہُڑی واسطہ پائیا۔ سرِشٹی درِشٹی اندر وڑ کے پُچھیں، گھر گھر اندر کھوج کھوجائیا۔ جِس دی تیرے نال لگّی ہووے رُچی، اُس

دا میلا لیَنا مِلائیا۔ بھیوَ رکھنا نہیں پنج تت بُتیں، چمّ درِشٹی دینی بدلائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ کرنی کار کمائیا۔ وِساکھی کہے لِکھاری لِکھن والے چنگے، سَتگُر شبد شبد وڈیائیا۔ پنج درباری سوُرے سربنگے، سوُر بیر سوبھا پائیا۔ جِنہاں کول امرت دھار اگمّی گنگے، گنگا گوداوری جمنا سُرستی جِس دا راہ تکائیا۔ پنج پیارے گُرمُکھ ٹھنڈے، سانتک سَت سروُپ سمائیا۔ وِساکھی کہے جن بھگتو تُہاڈے ناتے گئے گنڈھے، گنڈھا کھوان والیو گنڈھ تُہاڈے نال پوائیا۔ تُہاڈے سُکے کھا کے منڈے، منڈلاں توں پرے دینا وسائیا۔ تُہاڈا پریِتم تُہاڈے نال ہنڈھے، جنم مرن وِچ کدے نہ آئیا۔ تُہانوُں پار لنگھاوے اپنے کنڈھے، منجھدھار نہ کوئے رُڑھائیا۔ تُسیں اوہ منزل لنگھے، جِتھے ملِے دُھر دا ماہیِا۔ پنجاں لِکھاریِاں بہایا اُتے منجے، جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک سُنائیا۔ وِساکھی کہے جِس ویلے گوبِند نے پیار کیِتا کوَی نال بوَنجا، باوَن اکھّر دھار دِرڑائیا۔ پھیر سجےّ ہتّھ دا وکھایا پنجہ، پنج پنج وار اُٹھائیا۔ پھیر سندیسہ دِتا کول پُری انندا، انند انند وِچوں سمجھائیا۔ جِس ویلے میرے پربھوُ نے نِشان میٹنا تارا چندا، چند سِتار دا لیکھ مُکائیا۔ محمد لہنا پوُرا کرنا مذہب دا لئے کوئے نہ چندہ، شرع شریِعت دینی بدلائیا۔ اُس ویلے پنجاں لِکھاریِاں بہاؤنا اُپر منجا، منجھ دا وِچلا جھگڑا دینا مُکائیا۔ کول ستّ رنگ دا ہونا ٹمبا، ٹاپوُآں دا ڈیرہ دینا ڈھاہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ وِساکھی کہے میرا صاحِب اِک اَنامی، اِنعام بھگتاں دئے ورتائیا۔ میرا مالک اِک پَیغامی، پَیغام دئے سُنائیا۔ میرا صاحِب اِک سُلطانی، شہنشاہ شاہ دات ورتائیا۔ میرا احباب اِک کلامی، کلمہ اپنا دئے دِرڑائیا۔ میرا شہنشاہ سب توں انتم لئے سلامی، اوتار پَیغمبر گُروُ سیِس دیؤ جھُکائیا۔ پِچھلا لیکھا مکُے تمامی، اَگے طمع نہ کوئے پرگٹائیا۔ ہُن رہنی نہیں اندھیری شامی، شمع نوُر کرے رُشنائیا۔ پُرکھ اکال دی اِکو ہووے بانی، بان انیالا تیِر چلائیا۔ جن بھگتاں انتر آتم بخشے اگمّا پانی، پانی دے مٹکے دین گواہیِا۔ جو آد انت دا جان جانی، جاننہار اِک اکھوائیا۔ سو ریِتی میٹے پرا پُرانی، پرم پُرکھ بےپرواہیِا۔ سَتجُگ مارگ دئے آسانی، اصل اصل وِچوں سُنائیا۔ وِساکھی کہے پربھوُ تیریاں بھگتاں دینی نہ پئے کوئے قُربانی، تتاں والی نہ کوئے لڑائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سِر اپنا ہتّھ ٹِکائیا۔ وِساکھی کہے جن بھگتو میَں کیِتی جگ بدلی، بدل کے بدلا دیاں چُکائیا۔ پُرکھ

اکال بنا کے عدلی، عدل اِنصاف دیاں جنائیا۔ میرا سماں پہنچیا مزلو مزلی، منزل پِچھلا پندھ مُکائیا۔ میَں اِکو نام سندیسہ دینا غزلی، نغمہ حق دِرڑائیا۔ میَنوُں ساریاں کہنا کوجھی کملی، موُرکھ مُگدھاں نال مِلائیا۔ مت دی ہوچھی کہنا یملی، موُرکھاں نال سمجھائیا۔ پر یاد رکھو میَں سمیں نال اپنا آپ سمبھلی، سمبل دا مالک ویکھیا چائیں چائنیا۔ میَں تکیا نوُر الاہی اولی، جو عالمیِن اِک اکھوائیا۔ جِس دے پیار وِچ ہو گئی بَولی، بُدھ مت نہ کوئے رکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی کرنی کار کمائیا۔ وِساکھی کہے میرا لیکھا پُرانا دِسے تمام، طمع نہ کوئے رکھائیا۔ جِس ویلے رام جَیکارا لایا سی سیِتا رام، رام رام رام دِھیائیا۔ جِس ویلے رادھا کرِشن کیِتا بیان، کرِشن رادھا رنگ رنگائیا۔ جِس ویلے حضرت عیسیٰ موُسیٰ پڑھی کلام، سُنیا فرمان دُھردرگاہیِا۔ جِس ویلے محمد ہویا الہام، عِلم توں باہر کیِتی شنوائیا۔ جِس ویلے نانک بخشیا ستنام، سَت سَت دی دھار سمجھائیا۔ جِس ویلے )گوبِند( واہِگُروُ فتح دا گایا گان، ڈھولا ڈھولیاں نال جنائیا۔ اُس ویلے پُرکھ اکال نے سب دا کرایا دھیان، شبد اِشارے نال دِرڑائیا۔ اوہ تکو ویکھو میرا کلجُگ انتم کھیل مہان، جگت نیتر نظر کِسے نہ آئیا۔ جِس ویلے میَں تُہاڈا سب دا بدلنا وِدھان، حُکم حُکم وِچوں جنائیا۔ چؤداں لوک چؤداں طبق چؤداں وِدیا سارے کرن بیان، بِن صِفتاں صِفت صالاحیِا۔ اُس ویلے جگت ریِتی دا دِوس ہونا مہان، وِساکھی وِساکھ والی وڈیائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک سُنائیا۔ وِساکھی کہے پنج پیارے نہاتے ساڈھے دس، دس دس وقت سُہائیا۔ میَں خوشیاں وِچ پئی ہسّ، ہسّ کے خوشی بنائیا۔ پُرکھ اکال ولّ لیا تک، تکیا چائیں چائنیا۔ سب دا پوُرا کریں حق، حقیِقت ویکھیں تھاؤں تھائنیا۔ میری لیکھے لاؤنی رتّ، رتی رتّ تیری جھولی پائیا۔ میرا پوُرا کریں تپ، تپیِشر ہو کے سیِس نِوائیا۔ میرا ویکھ لیَنا جپ، جگ جیِون داتے دھیان لگائیا۔ جِس ویلے اِک پروِشٹا گیا ٹپّ، ٹاپوُآں دا جھگڑا دینا مُکائیا۔ پِچھلا لیکھا کریں ٹھپ، اپنا نام مُہر لگائیا۔ بھگت بھگوان دا ناتا جوڑنا پکّ، آتم پرماتم میل مِلاؤنا سہج سُبھائیا۔ دُھر دا پریِتم بننا سچ، سچ سوامی دَیا کمائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دے مالک ہونا سہائیا۔ وِساکھی کہے میری دھار کریں نیاری، نِروَیر تیری سرنائیا۔ لیکھا لِکھن پنج لِکھاری، پلنگیں بَیٹھے سوبھا پائیا۔ جلدھار وکھاوَن پنج درباری، در دربارے سوبھا پائیا۔ اِس آب دی آہ

حسن حُسیَن سی ماری، رو کے دِتا سُنائیا۔ جِس ویلے پیاس بُجھا نہ سکی محمد دی چار یاری، یارانہ توڑ نہ کوئے نِبھائیا۔ اُس ویلے فرمان دِتا خود شہنشاہ سرکاری، پَیغام اِک سُنائیا۔ جِس ویلے پَیغمبراں توں بعد اوہناں دے اِمام دی آئی واری، وارث ہو کے پھیرا پائیا۔ پھیر تُہاڈی پیاس بُجھاواں ساری، مِہر نظر اُٹھائیا۔ روُح بُت دی کراں داری، دردی ہو کے درد ونڈائیا۔ یُدھاں وِچ ہون نہ دیواں خواری، کربلا روُپ نہ کوئے بنائیا۔ صِرف آتما پرماتما بنا کے پُجاری، پوُجا اِکو اِک سمجھائیا۔ امرت بخشاں ٹھنڈا ٹھاری، دیِن مذہب دی ونڈ نہ کوئے ونڈائیا۔ کِسے نال نہ کراں غداری، سانجھا پیِر اِکو نظری آئیا۔ مذہب دھار نہ رکھاں دو دھاری، اِسم اعظم اِک سمجھائیا۔ سَت سچ دی کراں اُساری، نینہہ نام والی رکھائیا۔ دھرم دی دھار پھڑ تگاری، جگت دا چِکڑ لَواں اُٹھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک سُنائیا۔ وِساکھی کہے میرا پُرانا رِشتہ، رِشتے داراں دیاں جنائیا۔ اؤہ ویکھو پَیغام دیندا جبرائیل فرِشتہ، فرش زِمیں اُتے سمجھائیا۔ سندیسہ سُنو آہستہ آہستہ، بِن کنّاں رہیا جنائیا۔ جِس نے سب نوُں دینی شکستا، شخصاں دی شخصیّت دینی بدلائیا۔ بھگتاں دا کامل کرے نِسچا، مُرشد بےپرواہیِا۔ اِکو نام اپنا دسےّ وِرسہ، جو جُگ چؤکڑی جگت وِچ ورتائیا۔ جِس دی صدی چؤدھویں بدل دینا فِرقہ، فِرقہ پرستی دئے مِٹائیا۔ اوہ مالک آدی چِر کا، چِری وِچھُننے لئے جُڑائیا۔ جِس دا روُپ نِرالا نِر دا، نِروَیر اِک اکھوائیا۔ بھگتاں مان دیوے گھر تِھر دا، تِھر گھر ساچے آپ ٹِکائیا۔ ناتا رکھے پیِا پِر دا، پریِتم اگمّ اتھاہیِا۔ سرِشٹی درِشٹی بدل دیوے ہِردا، ہرِ ہِردا پھول پھولائیا۔ جِس دا گیڑا حُکمے اندر گِڑدا، نہ کوئی روکے روک رُکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ وِساکھی کہے اوہ ویکھو جل دے مٹکے، مٹک نال بَیٹھے ڈیرہ لائیا۔ جیہڑے گوبِند پٹنے وِچ سی پٹکے، پاٹل ہو کے کھیل کھِلائیا۔ اوہ مُحبّت وِچ پِچھے نہ اٹکے، اپنی آسا رہے جنائیا۔ ساڈا وعدہ جِس ویلے گوبِند دیِن مذہب وَیری ہوئے رتّ دے، رتّ رتّ نال رنگائیا۔ مان رہنے نہیں پنج تت دے، تتو تت سرب کُرلائیا۔ لنگوٹ رہنے نہیں دھیِرج یت دے، کام کرودھ لوبھ موہ ہلکائیا۔ وِچار رہنے نہیں گُرمت دے، من مت ہوئے ہلکائیا۔ سہارے رہنے نہیں پرمیشور پت دے، پتی ورت نہ کوئے اکھوائیا۔ سب دے اندر ہونے تپدے، سانتک سَت نہ کوئے کرائیا۔ رسنا جِہوا سارے ہونے نام جپدے، ہِردے سکے نہ کوئے وسائیا۔ دیِن دُنیا

بھوگ کرنے نیتر اکھّ دے، نیَن جگت نہ کوئے شرمائیا۔ کِسے نوُں درشن نہیں ہونے پرتکھّ دے، ساکھیات ویکھن کوئے نہ پائیا۔ اِشٹ بننے پتّھر اِٹّ دے، پُجارن ہووے کوُڑ لوکائیا۔ مُلّا شیخ مسائک ہونے پِٹدے، گرنتھی روون مارن دھاہیِا۔ بہُڑی اُس ویلے منوُئے ہونے نہیں کِسے دے ٹِکدے، سُرتی شبد نہ کوئے مِلائیا۔ پھیر لہنے دینے دینے پَینے اِکو پُرکھ اکال دی چِٹ دے، جو چیتے سب نوُں دئے کرائیا۔ ایَں جاپدا سب دے حُکم ہونے مِٹ دے، اَگے ہو نہ کوئے چُھڈائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی کرنی کار کمائیا۔ مٹکے کہن ساڈے انتر پانی جل، سَت سچ سُنائیا۔ سانوُں یاد آؤندا کربلے والا تھل، بہُڑی دروہی تیرا نام خُدائیا۔ تیرے نوُر خاک وِچ گئے رل، بِن آبِ حیاتی سکے نہ کوئے بچائیا۔ وِچھوڑا سہہ نہ سکے پل، پلک وِچ اپنا آپ مِٹائیا۔ اوہ اِکو کہہ کے گئے گلّ، سندیسہ دِتا نوُر اِلاہیِا۔ ساڈی دروہی ساڈی طوبیٰ پروردِگار سانجھے یار ویکھیں اپنیاں بھگتاں صوُفیاں نال کریں نہ چھل، کپٹی روُپ نہ کوئے بنائیا۔ جِس ویلے لوک مات دھرنی دھوَل دھؤل اُتے آویں چل، نِہچل اپنا دھام سُہائیا۔ کِتے نِگاہ نہ بدلیں پیارا نہ بنیں ماٹی کھلّ، مذہباں وِچ نہ ونڈ ونڈائیا۔ ساڈا سب دا مسلہ کرنا حل، مسائل تیرے ہتّھ پھڑائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در ٹھانڈے منگ منگائیا۔ پانی کہے میرا مالک اِک ابناشا، ہرِ کرتا وڈ وڈیائیا۔ میَں جِس دا داسی داسا، جُگ جُگ سیو کمائیا۔ میَں چار جُگ دا جاناں خلاصا، سَتجُگ تریتا دواپرکلجُگ ویکھ وکھائیا۔ میَنوُں اوتار پَیغمبر گُروُآں ویکھ کے آؤندا ہاسا، تالی دیاں وجائیا۔ کی کھیل پربھوُ تماشا، جُگ جُگ اپنا دِتا وکھائیا۔ کوئی میَدانے جنگ وِچ اپنیاں مُریِداں سِکھاں نوُں میَنوُں بھر کے دے نہ سکیا وِچ گِلاسا، پیاس پیاسیِاں نہ سکیا بُجھائیا۔ سارے دیندے گئے دِلاسا، صبر صبر دِرڑائیا۔ میَنوُں اِک گلّ یاد جِس ویلے گوبِند نے جُجھار نوُں کِہا اؤہ تکّ پُرکھ اکال تیرا راکھا، تیغ بہادر دادا دھیان لگائیا۔ میَں وی اُس پربھوُ دا کاکا، ننّے کاکے تَینوُں اُس پربھوُ دی گود ٹِکائیا۔ پھیر پریم دی رکھیں آسا، گوبِند گوبِند گوبِند دھیان لگائیا۔ میرے صاحِب صاحِب ابناشا، وڈ تیری بےپرواہیِا۔ میَں اِکو بچن اگمّا آکھاں، آکھ کے دیاں سُنائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، سچ تیری سرنائیا۔ گوبِند کِہا میری بندنا اِک ارداس، بیننتی سچ سُنائیا۔ آد جُگاد تیرا کھیل تماش، جُگ چؤکڑی ویکھ وکھائیا۔ کی ہویا جے رام بھیجیا وِچ بنواس، راون رام کھیل

کھِلائیا۔ کی ہویا جے گوپیِاں پوائی راس، کاہن گھنئیا کرِشن وڈ وڈیائیا۔ کی ہویا جے پَیغمبراں نوُر کیِتا پرکاش، االلہ الاہی نوُر پرگٹائیا۔ کی ہویا جے گُروُآں بخشی دات، اپنے نام دی ساتھوں صِفت لئی کرائیا۔ کی ہویا جے دیِناں مذہباں ونڈ کرائی جماعت، شرع شرع وِچوں بدلائیا۔ کی ہویا جے تُوں سب دا مائی باپ، پِتا پُرکھ اکال نوُر اِلاہیِا۔ پر میری اِک بیننتی میرے صاحِب تُوں اجے اِک نہیں کرایا اپنا جاپ، جگ جیِون داتے تَینوُں دِتی وڈیائیا۔ میَں تَینوُں سچ دیاں آکھ، صاف صاف دیاں سُنائیا۔ کِسے نوُں دِتا مگھ حیاتے آب، کِسے نوُں امرت چُلیاں نال پیائیا۔ میرے مالک میری بیننتی تیرے چرناں پاس، کوَل کوَل سرنائیا۔ گوبِند کِہا اوہ تکّ اندھیری رات، کلجُگ رہی ڈرائیا۔ جھگڑا ویکھ لےَ اپنیاں گرنتھاں کاغذات، چار جُگ دے شاستر کرن لڑائیا۔ کوئی بھگت دِسے نہ پارجات، پاربرہم تیرے وِچ نہ کوئے سمائیا۔ کِسے دا رہنا نہیں اِتفاق، مُحبّت وِچ نہ کوئے سمائیا۔ تیرے در دا دِسے کوئے نہ چاک، چاکری حق نہ کوئے کمائیا۔ پربھوُ اوہ ویکھ کی کہے موُسے دا کلاک، ٹک ٹک رہیا سُنائیا۔ صدی بیِسویں دئے نہ کوئے نِجات، مِہر نظر نہ کوئے تکائیا۔ صدی چؤدھویں محمد پھولے کھات، کھاتہ اپنا رہیا دِرڑائیا۔ پربھوُ تیرے نام بِنا تیرے پیار بِنا ساری دُنیا ہونی وفات، کائنات ساچا کعبہ نظر کِسے نہ آئیا۔ اُس ویلے کِرپا کریں آپ، آپ اپنا سنگ نِبھائیا۔ جن بھگتاں اندر کھول کے اپنا تاک، پڑدا دینا اُٹھائیا۔ سچ سَت دا لےَ کے گِلاس، امرت جام دینا پیائیا۔ انت تکّ اوہناں نوُں پھیر نہ لگّے پیاس، ترِسنا ترِکھا ترِپت دینی کرائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک سُنائیا۔ وِساکھی کہے پنجے منجے رہے آکھ، کوُک کوُک سُنائیا۔ ویکھیا دیِن دُنی اِخلاق، سرِشٹی درِشٹی پھول پھولائیا۔ رہیا کوئے نہ پاک، پوِتر روُپ نہ کوئی درسائیا۔ پوُرا ہویا بھوِکھت واک، واقع وقت نال دئے گواہیِا۔ تکی اندھیری رات، سَت سچ چند نہ کوئے چمکائیا۔ بخشے کوئے نہ نام دات، خالی جھولی نہ کوئے بھرائیا۔ پُرکھ اکالے حُکم دِتا آپ، شبدی شبد شبد شنوائیا۔ پنج لِکھاری پھڑو قلم دوات، کاغذ شاہی نال مِلائیا۔ حُکم لِکھو صاف صاف، سندیسہ دُھردرگاہیِا۔ کلجُگ کوُڑی کِریا کرنی ناس، سَتجُگ سچ سچ پرگٹائیا۔ پِچھلی پِچھے رہ گئی واٹ، اَگے اپنا پندھ سمجھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ سندیسہ اِک سُنائیا۔ وِساکھی کہے میرا اِک وِشواس، وِشوَ دے مالک دھیان لگائیا۔ سب دی پوُری کریں آس، نِراسا رہن کوئے نہ پائیا۔ لیکھے لاؤنا

بھگتاں سواس سواس، ساہ ساہ اپنے وِچ مِلائیا۔ ساچے منڈل وکھاؤنی راس، سُرتی شبد گوپی کاہن بنائیا۔ جو اوتار پَیغمبر گُر گئے آکھ، آخر پوُرا دینا کرائیا۔ خوشیاں والا ہوئے وِساکھ، وصل ملِے نوُر اِلاہیِا۔ ساچے بھگتاں دینی شاباش، سِر اپنا ہتّھ ٹِکائیا۔ جھگڑا میٹنا ذات پات، دیِن مذہب نہ ونڈ ونڈائیا۔ اِکو مان بخشنا مات، اِکو گرِہ دینا وکھائیا۔ دُھر دا سجّن بن کے دینا ساتھ، سگلا سنگ نِبھائیا۔ جنم جنم دی میٹنی واٹ، کرم کرم دا پندھ چُکائیا۔ پِچھلا پوُرا کرنا گھاٹ، گھاٹا اوَر رہے نہ رہے رائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، دیونہار تیری وڈیائیا۔ وِساکھ کہے میرا پروِشٹا سُدھ، جن بھگتاں پرکِرتی دئے بدلائیا۔ سریشٹ کرے بُدھ، مت متانتر ڈیرہ ڈھاہیِا۔ امرت رس دیوے دُدھ، سَت ستوادی دَیا کمائیا۔ کلجُگ انتم لیکھا رہیا پُج، پوُجا اوَر رہے نہ رائیا۔ پُرکھ اکال بھیوَ کھولے گُجھ، پردہ پردیاں وِچوں چُکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، سب دی سار پاوے سُدھ، سار شبد اپنا حُکم ورتائیا۔

۲ وِساکھ شہنشاہی سمت ۷ روُڑ سِنگھ دُھن ڈھایا اوَلا، جگت سِنگھ گھنی ایکی بانگر، سردوُل سِنگھ، بال چِندر، ہربھجن کؤر بھگوان پُرا، ہرِ بھگت دوار جیٹھوُوال

سَتگُر شبد دھار جگ میِتا، مِتر پیارا اگمّ اتھاہیِا۔ جِس کلجُگ وِچ سَتجُگ بدلی ریِتا، سَت دھرم دی کار کمائیا۔ میل مِلائے نال ترےَگُن اتیِتا، ترےَبھوَن دھنی نال جُڑائیا۔ تن کرے ٹھانڈا سیِتا، من منسا پوُر وکھائیا۔ سَتگُر ہو کے وسے چیِتا، گرِہ مندر ڈیرہ لائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سِر سِر اپنا ہتّھ ٹِکائیا۔ سَتگُر شبد گہر گمبھیِرا، بے پرواہ وڈ وڈیائیا۔ جن بھگتاں لیکھے لائے تن سریِرا، من منسا اپنے نال مِلائیا۔ سیِس بندھائے دھرم دھار دا چیِرا، چیِرا گُرمُکھ ویکھ وکھائیا۔ سچکھنڈ دوار جنائے ڈیرہ، تِھر گھر اپنا رنگ رنگائیا۔ نام جپا کے تیرا میرا، آتم برہم اِک درسائیا۔ اِکو رنگ رنگا کے سنجھ سویرا، گھڑی پل ونڈ نہ کوئے ونڈائیا۔ کلجُگ انتم بنّھ کے بیڑا، نئیا نؤکا پار لنگھائیا۔ بھاگ لگا کے کایا کھیڑا، گھر مندر دئے

وڈیائیا۔ آون جاون چُکائے گیڑا، چؤراسی وِچ نہ کوئے بھوائیا۔ جن بھگتاں اُتے کرے مِہرا، مِہربان ہوئے سہائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، انت کنت بھگوَنت کرے حق نبیڑا، لیکھا جنم کرم رہن کوئے نہ پائیا۔

۲۰ وِساکھ شہنشاہی سمت ۷ ہرِ بھگت دوار جیٹھوُوال ماجھا گُرداس پُر سنگت دے واڈھی کر کے جان سمیں

گڑھی چمکؤر دئے بیانا، بیننتی رہی جنائیا۔ شبد سندیسہ دِتا سِری بھگوانا، ہرِ کرتے بےپرواہیِا۔ گوبِند تیرا ویکھیا کھنڈا کھڑگ کِرپانا، تیِر ترکش نال وڈیائیا۔ اؤہ ویکھ کلجُگ بدلدا زمانہ، زِمیں اسماناں نیَن اُٹھائیا۔ پُرکھ اکالا ہونا پردھانا، شبد پردھانگی تیرا روُپ درسائیا۔ جوتی جوت پہرنا جامہ، نوُر نوُر وِچوں پرگٹائیا۔ کھیل کھِلاؤنا دو جہاناں، زِمیں اسماناں پڑدا لاہیِا۔ دیوے حُکم اگمّی فرمانا، فُرنا فُرنیاں وِچوں بدلائیا۔ لکھّ چؤراسی مذہبی دھار ویکھے اِنسانا، نوَ ستّ کھوج کھوجائیا۔ کھیلے کھیل مرد مردانہ، پروردِگار نوُر اِلاہیِا۔ صدی چؤدھویں محمد تکے نِشانہ، عیسیٰ اپنی اکھّ اُٹھائیا۔ جھگڑا پَینا اِنجیِل قرانا، کُرہ کائنات دئے دُہائیا۔ پِھرے دروہی وید پُرانا، پُریاں لوآں سمجھ کوئے نہ آئیا۔ تیرا لیکھا ویکھن سوُربیِر بلوانا، لکھّ چؤراسی دھیان لگائیا۔ تیرا پیار شستر میرا نام کھنڈا دھرم دی دھار روُپ دھرے کِرسانا، کِرسی گُرمُکھ نال مِلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ گڑھی چمکؤر کہے گوبِند دِتا اُتّر، اُتّر پوُرب پچھّم دکھّن دھیان لگائیا۔ پُرکھ اکالے میَں شبدی دھار تیرا پُتر، پوُت سپوُتے گُرمُکھ اپنے لَواں پرگٹائیا۔ بھیوَ چُکاواں دوُآ دُتر، دُتیا بھاؤ رہن کوئے نہ پائیا۔ قؤل اِقرار کیِتا کدے نہ جاواں مُقر، مُکرر تیرا حُکم ویکھ وکھائیا۔ لیکھے لاواں رَوداس والے ٹُکر، ٹُکڑے بھگتاں لیکھے پائیا۔ لالو دا لہنا چُکاواں نانک والا کُکڑ، جو کوُک کوُک سُنائیا۔ عیسیٰ موُسیٰ نیڑے ہو کے میَنوُں پُچھن، محمد نیَن اکھّ اُٹھائیا۔ صدی چؤدھویں جِس ویلے ویلا آیا ڈُھکن، بیِس بیِسا نال مِلائیا۔ سب دی اؤدھ انتم ہووے پُجن، پوُجا نظر کوئے نہ آئیا۔ کلجُگ دا دیِپک آوے بُجھن، نؤ کھنڈ پرِتھمی اندھیرا چھائیا۔ اُس ویلے بیاسوں پار ماجھے والے کرن یُدھن، امرتسر گُرداس پُر نال مِلائیا۔ پھیر چاروں

کُنٹ پنکھیروُ اُڈن، پنچھی پنکھی دین دُہائیا۔ پُرکھ اکال بدلی کرن والا آئے جُگن، جُگ دا مالک ویس وٹائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ گوبِند کِہا جِس ویلے سماں گیا پُج، سَتگُر شبدی کھیل کھِلائیا۔ امرتسر گُرداس پُر کرے پریم پیار دا یُدھ، داتی کِرساناں والی ہتّھ اُٹھائیا۔ دھرنی دھرت دھوَل اُتے جِس ویلے خوشیاں وِچ بھرے رُگ، مُٹھی مُٹھی نال مِلائیا۔ محمد کِہا میَنوُں ایہہ رہیا سُجھ، سہج نال سُنائیا۔ میرا اُمتی پِھٹ جانا دُدھ، آبِ حیات مُکھ نہ کوئے چوائیا۔ عیسیٰ کِہا حضرتاں دے حضرت سب دی اُلٹی ہووے بُدھ، بِبیک نظر کوئے نہ آئیا۔ موُسیٰ کِہا میَں کی دسّاں کُچھ، کہن دی لوڑ رہے نہ رائیا۔ اِیوں جاپدا جِویں سب دا بیڑا جانا ڈُب، ڈُبیاں پار نہ کوئے لگائیا۔ کیوں جن بھگتاں واڈھی کردیاں بکرے بُلاونے نالے مارنی گُبھ، اُچی کوُک کوُک سُنائیا۔ امرتسر گُرداس پُر جگت لڑائی دا بنّھ دین مُڈھ، جڑ جگت والی ہِلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا رنگ آپ رنگائیا۔ گوبِند شبد کہے میَں ویکھیا بِن نیَناں اگمّا سیِن، دِوس رَین دھیان لگائیا۔ بھگتاں منّی بھگوَن دی ایِن، سِر سکیا نہ کوئے اُٹھائیا۔ تریَلوکی دا جھگڑا کھیل کیِتا دِن تیِن، ترےَگُن دی کھیل دِتی کھِلائیا۔ کُچھ لیکھا جن بھگتو تُہاڈے نال چیِن، چِنتا سب نوُں دئے جنائیا۔ تُہاڈا لیکھے لگّا رُکھا سُکھا کھان پیِن، پیار مُحبّت تُہاڈی درگاہ سچ ٹِکائیا۔ تُہاڈا واسا اُس تھاں جِتھے دھرنی نہ زمیِن، اِکو واحد االلہ یامُبیِن، مُفلِس نظر کوئے نہ آئیا۔ گڑھی چمکؤر نوُں پوُرا دواؤنا سی یقیِن، بھروسہ دِتا بنائیا۔ گوبِند دی شبد والی ترمیِم، تختہ زِمیں اسمان اُلٹائیا۔ ویکھیو کوئی اندروں نہ رِہو غم گیِن، چِنتا کمّ کِسے نہ آئیا۔ تُہاڈا پربھوُ دے نال پربھوُ دا دیِن، مذہباں ونڈ نہ کوئے وکھائیا۔ ایہہ لیکھا گوبِند دا پراچیِن، پرم پُرکھ سہجے پوُر کرائیا۔ خوشیاں نال سب نے جانا بن کے نوَیں نویِن، جنم جنم وِچوں بدلائیا۔ تُہانوُں گڑھی چمکؤر کہے آفریِن، گوبِند پُشت پناہ ہتّھ رکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، آد انت جُگا جُگنت جن بھگتاں مُحبّت وِچ سدا اَدھیِن، اعلیٰ ادنیٰ ادنیٰ اعلیٰ اپنا روُپ بنائیا۔

۳۰ وِساکھ شہنشاہی سمت ۷ گُربخش سِنگھ دے انتم سمیں پگڑی دا وِہار ہرِ بھگت دوار جیٹھوُوال

تیہہ وِساکھ کہے گوبِند لیکھ اگمّی لِکھا، شبدی دھار دھار وِچوں پرگٹائیا۔ خوشی وِچ کِہا واہ دُھر دے سِکھا، گُرمُکھ تیری وڈ وڈیائیا۔ جِس دا کالا لیکھ ہووے چِٹا، دُرمت میَل رہے نہ رائیا۔ راہ تکے سِنگھ پال پال پِتا، سچکھنڈ سچ دھیان لگائیا۔ دھرم دی دھار میرا دُلارا آوے نِکاّ، نِکیوں وڈّی ملِے وڈیائیا۔ جگت جگیاَسوُآں چھڈے ہِتا، ممتا موہ نہ کوئے رکھائیا۔ درگاہ ساچی پائے حِصّہ، سچکھنڈ ساچے وجےّ ودھائیا۔ جگت جہان سمجھنا مِتھا، مِتھیا دِسے کوُڑ لوکائیا۔ ہرِجن انتر آتم پوُری ہووے اِچھا، پرماتم میل سہج سُبھائیا۔ سچ دی سَت پئی بِھچھا، وست امولک اِک ورتائیا۔ پوُرب لہنے دا لیکھا دِتا، رام راما دئے گواہیِا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ سَتگُر شبد کہے ویکھو کھیل پُرکھ ابناشی، ہرِ کرتا آپ کرائیا۔ جو آد جُگاد ویکھے کھیل تماشی، سَتجُگ تریتا دواپرکلجُگ اپنا ویس وٹائیا۔ کلجُگ انت سِری بھگوَنت جن بھگتاں کرے بند خلاصی، خلاصا دھرم دھار سمجھائیا۔ پوُرب جنم دی پوُری کرے آسی، آشا من وِچوں بدلائیا۔ جِس دی شہادت دیوے گوبِند دی بدلی ہوئی وِساکھی، پردہ پردیاں وِچوں چُکائیا۔ جن بھگتاں ملِے اگمّی داتی، داتا دانی آپ ورتائیا۔ جگت ترِسنا پنج تت تُٹے ناتی، اپ تیج وائے پرِتھمی آکاش سنگ نہ کوئے وکھائیا۔ آتما پرماتما پرماتما آتما بنے ساتھی، شبد مِلاواں سہج سُبھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا میل لئے مِلائیا۔ سَتگُر شبد کہے گُربخش سِنگھ گُر شبد دھار دا پھاہ، پھاسی جگت نہ کوئے لٹکائیا۔ سَت دھرم دا ساچا راہ، سَت سوامی انترجامی دِتا دِرڑائیا۔ جِس آتما نوُں ڈوبے نہ کوئے جل تھل اسگاہ، سمُند ساگر نہ وہن وہائیا۔ چؤراسی وِچ سکے نہ کوئے بھوا، رائے دھرم نہ دئے سزائیا۔ چِترگُپت لیکھا نہ سکے وکھا، پردہ پردیاں وِچوں اُٹھائیا۔ پُرکھ اکالا دیِن دَیالا دَیا رہیا کما، مِہربان محبوُب مِہر نظر اُٹھائیا۔ جِس وِساکھی بدل کے مارگ دِتا لا، وِساکھ دا انت انت وِساکھ وِچ سمائیا۔ گُرمُکھ ساچا سیوا لا، سیوک سیوا اپنے وِچ ٹِکائیا۔ ہرِ بھگت دوارے دئے ٹِکا، ٹِکاّ مستک دھوُڑی خاک رمائیا۔ تیئی اوتار بنے گواہ، شہادت شبد شبد بُھگتائیا۔ حضرت عیسیٰ موُسیٰ محمد کرو دُعا، بِن کلمہ کلمہ گائیا۔ نانک گوبِند جوتی دھار کرو واہ واہ، واہ واہ واحد تیری بےپرواہیِا۔ جِس مارگ بھگت بھگوان دِتا لا، دیِن دُنی دی ریِتی دِتی بدلائیا۔

جن بھگتاں لکھّ چؤراسی وِچوں اُٹھا، نِرنتر انتر اپنا میل مِلائیا۔ سچ دی ریِتی اِک چلا، چار ورن اٹھاراں برن دِتی وڈیائیا۔ دیِن مذہب دا جھگڑا دِتا مُکا، ذات پات رہے نہ رائیا۔ سپتس رِکھیاں لیکھا پوُرا دئے کرا، جو اپنا پوُرب آئے تکائیا۔ رَوداس چمارے لہنا دینا جھولی پا، چولی تن دئے بدلائیا۔ ہرِجن ہربھگت گُرمُکھ گُرسِکھ سیِس دستار دئے بندھا، بندھن آون جان کٹائیا۔ گُربخش سِنگھ دے سِر تے دیؤ ٹِکا، لیکھا اَگے رہے نہ رائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا پردہ آپ چُکائیا۔ سَتگُر شبد کہے گُر اوتار پَیغمبر نِرگُن دھار مارو جھاتی، بِن نیَناں نیَن اُٹھائیا۔ سچکھنڈ دوارے درگاہ ساچی کھول لؤ تاکی، پردہ پردہ رہے نہ رائیا۔ دھرم دی دھار کھیل تکو جو کرے پُرکھ ابناشی، ابناشی کرتا بےپرواہیِا۔ جِس دی منڈل برہمنڈ کھنڈ پاؤندے راسی، پُری لوء گوپی کاہن ناچ نچائیا۔ اوہ سب دی پوُری کرے آسی، آشا ترِسنا رہے نہ رائیا۔ جن بھگتاں کرے بند خلاصی، بندھن توڑے دُھردرگاہیِا۔ منزل چاڑھ اپنی گھاٹی، در دوارا اِک سُہائیا۔ بھگتاں نال بھگت مِلاوے سچکھنڈ دوار ساچے ساتھی، جِتھے جمّن والی کوئے نہ مائیا۔ جِتھے اِکو نوُر جوت پرکاشی، نوُر نوُرانہ ڈگمگائیا۔ اوتار پَیغمبر گُروُ تیِہہ وِساکھ خوشیاں وِچ سارے کرن ہاسی، تالی بِن ہتّھاں رہے وجائیا۔ تیری جوت پربھوُ تُونہے جاتی، جاگرت جوت تُونہے نظری آئیا۔ جِس آون جاون پندھ مُکایا رہی کوئے نہ واٹی، وٹنا ملیا چائیں چائنیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا حُکم اِک سُنائیا۔ آتما کہے میَں گُربخش سِنگھ دا چھڈیا سریِر، تن ماٹی آئی تجائیا۔ میَنوُں پہلوں مِلیا کبیِر، جو قبراں توں باہر بَیٹھا سوبھا پائیا۔ پھیر مِلیا شہنشاہ پیِراں دا پیِر، پاتشاہ نوُر اِلاہیِا۔ وِشن برہما شِو جِس دی تصویِر، جِس نوُں تصّور کر سکے نہ کوئے وِچ لوکائیا۔ آپ بَیٹھا گہر گمبھیِر، گوَر اپنا آسن لائیا۔ جوتی پرکاش بے نظیِر، جگ نیتر ویکھن کوئے نہ پائیا۔ میری دھار نہ ہوئی دِلگیِر، انتر انتر وجّی ودھائیا۔ میَنوُں اِیوں جاپیا جِؤں میَں پربھ دا بچّہ خوارشیر، ننھا نوُر نوُر اِلاہیِا۔ میَنوُں کوئی نہ کہے ماڑی ایہدی تقدیِر، مانَس جنم گیا گوائیا۔ میری جگت جہان وِچوں بدل گئی ضمیِر، زِمیں زماں اسمان دئے گواہیِا۔ میَں مالک خالق پرِتپالک تکیا جِس دا لیکھا شاہ حقیِر، شہنشاہ اِکو اگمّ اتھاہیِا۔ جِس دے در اُتے دوَیتی والی نہیں لکیِر، ونڈن ونڈ نہ کوئے ونڈائیا۔ اوتھے خوشی وِچ صوُفی سنت فقیِراں نِردھار بنی رہے بھیِڑ، جوتی جوت جوت وِچ سمائیا۔ گھرانہ اچھا مِہربانا اچھا سِری بھگوانا

اچھا جِتھے نہ کوئی شاہ نہ کوئی امیِر، غریِب نظر کوئے نہ آئیا۔ میَں گوبِند دی ریِتی جگت والی پیلے بستر پہنے چیِر، روُپ شہیِداں والا بنائیا۔ لال رنگ دا بستر میرے اُتے پایا اَخیِر، جو چمکؤر گڑھی وِچ گوبِند ور دِتا چائیں چائنیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا مالک اِک اکھوائیا۔ سَتگُر شبد کہے گوبِند دی دھار لال رنگ دا پڑدا، پنج تت لئے لُکائیا۔ جن بھگتاں آتما میلا پرماتم گھر دا، دوُجے گھر نہ کوئے چتُرائیا۔ سَتگُروُ کِرپا نال جائے چڑھدا، اَگے ہو نہ کوئے اٹکائیا۔ تُوں میرا میَں تیرا نِرگُن نِرگُن ڈھولا پڑھدا، اکھّراں والی نہ کوئے پڑھائیا۔ پِچھلا لیکھا جگت جہان چھڈدا، ناتا کوُڑ رہے نہ رائیا۔ جن بھگت جننی دی کُکھ جنمیا کدے نہ مردا، مرن وِچ کدے نہ آئیا۔ اوہ مالک اُس در دا، جِتھے در درباری بےپرواہیِا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا پڑدا؛ آپ کُھلائیا۔ گُربخش سِنگھ کہے میرا تن سریِر جھوُٹھا، سچ پیار نہ کوئے کمائیا۔ کایا ماٹی ٹھوُٹھا، ہڈّ ماس ناڑی نال سُہائیا۔ جیہڑا مات گربھ لٹکیا پُٹھا، دس دس ماس تپائیا۔ میَنوُں خوشی میرا پُرکھ اکال دیِن دَیال میرے اُتے تُٹھا، مِہربان مِہربان مِہربان مِہر نظر اُٹھائیا۔ میرے بنّھ کے رومال نال گُٹا، تِنّ گنڈھاں دِتیاں پوائیا۔ میَں درگاہ ساچی سچ دوارے جا کے سُتا، سُکھ آسن سوبھا پائیا۔ جِتھے اِکو پرم پُرکھ دی رُتا، دوُجی رُت نظر کوئے نہ آئیا۔ میری پیار دی نمستے کدے نہ میریئے ماتا روئیں کہہ کے ہائے میریا پُتا، دُکھ وِچ ہؤکا نہ کدے بھرائیا۔ میرا جگت جہان لیکھا چُکا، چھڈی کوُڑ لوکائیا۔ میَنوُں شبدی حُکم ہویا تُوں نؤں وار پڑھ دو تُکا، تُوں میرا میَں تیرا اِکو نام وڈیائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا میلا دئے مِلائیا۔ گُربخش سِنگھ دی آتما کہے میری ویکھو خوشحالی، خوشیاں وِچ جنائیا۔ میری سَتگُر شبد بھری دلالی، وِچولا بنیا گوبِند ماہیِا۔ ناتا جُڑیا نال جوت اکالی، جو اکل کل دھاری اِک اکھوائیا۔ جِس دے در تے اوتار پَیغمبر گُر سوالی، وِشن برہما شِو بَیٹھے جھولیاں ڈاہیِا۔ جن بھگت سُہیلے دھرم دی دھار وجاوَن تالی، بِن ہتّھاں تال بنائیا۔ دھنّ بھاگ جے پھل لگّ گیا پال سِنگھ دی ڈالی، ماتا بِشن کؤر وڈیائیا۔ جِس دے مستک چڑھ جائے لالی، نوُری چند چمکائیا۔ ہرِ سنگت نوُں مارگ دسےّ سُکھالی، سہجے دئے بتلائیا۔ سنسار دا ناتا جھوُٹھا جنجالی، مُحبّت موہ کمّ کِسے نہ آئیا۔ جِس دی آتما اُس سمبھالی، جو سمبل بَیٹھا ڈیرہ لائیا۔ جِس دا دوارا بِنا بھگتاں کدے نہ ہووے خالی، جن بھگت بَیٹھے سوبھا پائیا۔ جوتی جوت

سروُپ ہرِ، آپ اپنی کِرپا کر، ایکا دینا ساچا ور، سچ سچ وِچ سمائیا۔ سریِر کہے میرا پنج تت دا ناتا، ناتا جگت والا جنائیا۔ میری آتما دا مالک پُرکھ بِدھاتا، جِس نوُں پُرکھ اکال کہہ کے سارے گئے گائیا۔ جو جُگ جُگ بھگتاں پُچھے واتا، نِرگُن سرگُن ویس وٹائیا۔ ایتھے اوتھے بن کے پِتا ماتا، پت پرمیشور گود اُٹھائیا۔ جگت ناتا توڑیا بھَین بھراتا، بھگت سُہیلے لئے مِلائیا۔ جِتھے اِکو جوت تے اِکو جاتا، دوُجی ونڈ نہ کوئے ونڈائیا۔ اِکو سیج اِکو کھاٹا، اِکو آسن سوبھا پائیا۔ اِکو منزل اِکو واٹا، اِکو پندھ رہیا جنائیا۔ اِکو نوُر پرکاش اگمّی لاٹا، ظہوُر ظہوُر وِچ سمائیا۔ بن کے صاحِب الکھنا الاکھا، الکھ اگوچر رہیا دِرڑائیا۔ جن بھگتو بھگتاں دی ریِتی بدل کے آیا وِساکھا، وِشوَ دا لیکھا دئے سمجھائیا۔ سب نے منّنا اِک پربھوُ دا آکھا، جو مالک دُھردرگاہیِا۔ جِس نوُں جھُکدے تریَلوکی ناتھا، رام راما سیِس جھُکائیا۔ پَیغمبر گُر گاؤندے گاتھا، صِفتی صِفت صالاحیِا۔ سو صاحِب پُرکھ سمراتھا، ہرِ کرتا وڈ وڈیائیا۔ جو بھگتاں ہووے راکھا، رکھک ہو کے ویکھ وکھائیا۔ خوشی نال خوشی وِچ مِلایا پال سِنگھ دا پالیا ہویا نِکاّ جیہا کاکا، نِکاّ نِکیاں وِچوں اُٹھائیا۔ جوتی جوت سروُپ ہرِ، آپ اپنی کِرپا کر، ایکا دیوے ساچا ور، دیونہار بےپرواہیِا۔ گُربخش سِنگھ آتما کہے میری سب نوُں نمستے، نمو نمو سیِس نِوائیا۔ جن بھگتاں کھیڑے رہنے وسدے، لوک مات اُجڑ کدے نہ جائیا۔ سب نے دِن لنگھاؤنے خوشی وِچ ہسدے، غمی اندر نہ کوئے ٹِکائیا۔ اُس پربھوُ دے درشن کرنے جِس دے میلے نِج نیتر اکھّ دے، لوئن انتر دئے کُھلائیا۔ وِچھوڑے رہے نہ وکھّرے وکھّ دے، میلا مِلیا سہج سُبھائیا۔ جِس دی مہما اوتار پَیغمبر گُروُ رہے دسدے، اکھّر اکھّراں نال جُڑائیا۔ نام کلمے رہے رٹدے، ڈھولے گیِت گوبِند دے گائیا۔ اوہ کھیل پرمیشور پت دے، پاربرہم پربھ اپنا حُکم ورتائیا۔ جن بھگتو پیارے بنِیو نہ کدے رتّ دے، رَکت بوُند دا سریِر کمّ کِسے نہ آئیا۔ ونجارے بنیو برہم مت دے، برہم وِدیا لیَنی اپنائیا۔ جو آیا سو گیا نسّ کے، لوک مات رہن کوئے نہ پائیا۔ جگت رَین وسیرا کٹ کے، بھجّیا واہو داہیِا۔ جُگ جُگ کوٹاں وِچوں جن بھگت سُہیلا برہمنڈ کھنڈ پُری لوء آکاش ٹپّ کے، گگن گگننتر پندھ مُکائیا۔ ملِے جوت پرکاش وِچ لٹ لٹ دے، جو پُٹھے لٹکنو لئے بچائیا۔ ناتے رہن نہ کایا مٹ دے، گگریا کاچی کمّ کِسے نہ آئیا۔ لہنے مُک گئے ان بٹ دے، اگنی تت نہ کوئے تپائیا۔ لیکھے پوُرے ہو گئے حقیِقت حق دے، لاشریِک دَیا کمائیا۔ صدی چؤدھویں پَیغمبر سارے ہسدے، ہسّ کے رہے سُنائیا۔ بِن نِشانیوں تیِر نِشانے

تکدے، تدبیِر تقدیِر نال ٹکرائیا۔ اوہناں حُکم منّنے یک دے، جو واحد نوُر اِلاہیِا۔ جن بھگتاں لیکھے مُکنے جنم کرم لہنے پوُرے ہونے فَک دے، فَیصلہ اِکو حق سُنائیا۔ جیہڑے تن مِٹّی خاک وِچ دبّ دے، اگنی نال جلائیا۔ ونجارے بن گئے االلہ ربّ دے، واہِگُروُ نال رام اوٹ رکھائیا۔ اَگے لیکھے ہونے سبب دے، سب دا بھیوَ جانے بےپرواہیِا۔ جن بھگتو شبد اکھّر یاد رکھنے اجّ دے، وِساکھ تیِہہ دئے گواہیِا۔ بھاگ اُچے ہون اُس جدّ دے، جِس جدّ وِچ ملِے مان وڈیائیا۔ بھگت بھگتاں نوُں سدا رہندے سدّ دے، سچکھنڈ بَیٹھے راہ تکائیا۔ تُہاڈے نالوں وِچھوڑے ہوئے الگ دے، تن وجوُد سنگ نہ کوئے نِبھائیا۔ جھگڑے مُک گئے شاہ رگ دے، شاہ رگ دے اُتے مِلیا شہنشاہ بےپرواہیِا۔ جِس نوُں کوٹن کوٹ کوٹی رہے لبھدے، کھوجیاں ہتّھ کِسے نہ آئیا۔ اوہ بھنڈارے دیوے خوشی والی گد گد دے، گداگر توں جِس نے گھر والے دِتے بنائیا۔ کدے بنے نہ رِہو پیارے ماس ناڑی ہڈّ دے، پِنجر کمّ کِسے نہ آئیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، دُھر دا مالک اِک اِلاہیِا۔ سَتگُر شبد کہے شبد شبد پیارا، پریمی پریِتم ہو کے دیاں جنائیا۔ گُربخش سِنگھ دی ماتا خوشیاں نال گل وِچ پا دے ہارا، بِشن کؤر وِشن برہما شِو ویکھن دھیان لگائیا۔ بِنا اکھّاں توں تکن تیئی اوتارا، کی اوتر اپنی کار کمائیا۔ پَیغمبر سجدیاں وِچ سارے کہن واہ واہ پروردِگارا، بے پرواہ تیری بےپرواہیِا۔ گُر دس کہن کی گوبِند گوبِند گوبِند کمائے کارا، کرنی کرتا اپنا حُکم ورتائیا۔ بھگت دوار وِچ بھگتاں دی سدا رہے جَیکارا، جےَ جےَ کار خلق خُدائیا۔ گُربخش سِنگھ دا خوشیاں وِچ کرِیو سسکارا، سِسکی وِچ ہؤکا لیَن کوئے نہ پائیا۔ جِس دا لیکھا سدا رہے جُگ چارا، جُگ چؤکڑی راہ تکے چائیں چائنیا۔ پنج گُرمُکھ اُٹھ کے پنج لگا دیؤ جَیکارا، سوہنگ مہاراج شیرسِنگھ وِشنوُں بھگوان تیری بےپرواہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، آد جُگاد جُگا جُگنت نِت نوِت جن بھگتاں کرے نِرگُن نِرگُن ہِت، سرگُن سریِر بے نظیِر نظر توں اوہلے سب دے دئے کرائیا۔